မင်းနိုင်သူ /၂၄ ဧပြီ ၂၀၀၉
ဒေါ်အောင်ဆန်းစုကြည်၏ နေအိမ်အကျယ်ချုပ်အမှု အယူခံ ကြားနာပေးရန် ၀န်ကြီးချုပ်ထံ ထပ်မံ မေတ္တာရပ်ခံ ခဲ့သော်လည်း အကြောင်းပြန်ကြားခြင်း မရှိသည့်အတွက် နအဖအကြီးအကဲ ဗိုလ်ချုပ်မှူးကြီး သန်းရွှေထံ တိုက်ရိုက် တင်ပြသွားရန် စဉ်းစားထားကြောင်း ရှေ့နေကြီး ဦးကြည်ဝင်းက ပြောသည်။
“အခု ဒေါ်အောင်ဆန်းစုကြည်ကို နေအိမ်အကျယ်ချုပ် ချထားတဲ့ နိုင်ငံတော်အား နှောင့်ယှက် ဖျက်ဆီးသောသူများ ဘေးအန္တရာယ်မှ ကာကွယ် စောင့်ရှောက်သည့် ဥပဒေ ပုဒ်မ (၁၉) အရကိုက အရေးယူ ခံရသောသူသည် အရေးယူခံ ထားရသော ကာလအတွင်း အယူခံပိုင်ခွင့် ရှိတယ်ဆိုပြီး ပိုင်ခွင့် တရပ်အနေနဲ့ကို ပေးထားတာဗျ။ ဒါကို အစုိုးရအဖွဲ့က မကိုင်သေးဘူးဆိုတာ ချိုးဖောက်ရာ ရောက်မှာလေ။ ဒါကြောင့် ဗိုလ်ချုပ်မှူးကြီးဆီကို ကျနော်တို့ ဆက်တင်ပြမယ်လို့ စဉ်းစားထားတယ်” ဟု ၎င်းက ပြောသည်။
“ကျနော်တို့ကတော့ ဥပဒေစိုးမိုးရေးအတွက် အထောက်အကူ ပေးတဲ့သဘော အနေနဲ့ တင်ပြသင့်တာကို တင်ပြမယ်။ ကျနော်တို့ကို ဒေါ်အောင်ဆန်းစုကြည်က ရှေ့နေ ကိုယ်စားလှယ် ပါဝါ ပေးအပ်ထားတော့ ကျနော်တို့ တာဝန်ကျေ အောင်လုပ်မယ်။ ရေဆုံးရေဖျား လိုက်မယ်” ဟု ရှေ့နေကြီး ဦးကြည်ဝင်းက ရှင်းလင်းပြောဆိုသည်။
အဆိုပါတင်ပြမှုအတွက် ရှေ့နေကြီး ဦးကြည်ဝင်းနှင့် တွဲဖက် ရှေ့နေ ဦးလှမျိုးမြင့်တို့ ဆွေးနွေးမှုများပြုပြီး လကုန်ပိုင်းတွင် တင်ပြ သွားနိုင်မည်ဖြစ်ကြောင်း သိရသည်။
တည်ဆဲဥပဒေတရပ်ဖြစ်သည့် နိုင်ငံသားများအခွင့်အရေး ကာကွယ် စောင့်ရှောက်သည့် ဥပဒေ (ဥပဒေအမှတ်-၂/၇၅)၊ ပုဒ်မ (၁၃) တွင် ဗဟို အာဏာပိုင် မပါသော အဖွဲ့အစည်း တရပ်ရပ်က လုပ်သင့်လုပ်ထိုက်သည့် အလုပ် မလုပ်ဘဲ နိုင်ငံသားတယောက်၏ အခွင့်အရေးကို ကာကွယ် မပေးပါက နိုင်ငံတော်ကောင်စီကို တင်ပြ၊ တိုင်ကြားနိုင်ကြောင်း ဖွင့်ဆိုထားသည်ဟု ဦးကြည်ဝင်းက ရှင်းပြသည်။
“ဆိုတော့ကာ ကျနော်တို့ဆီမှာ ၀န်ကြီးချုပ်ရုံးပါဝင်တဲ့ အစိုးရ အဖွဲ့အထက်မှာ နအဖဆိုတာ ရှိသေးတယ်။ ဒီတော့ ကျနော်တို့ နအဖ အကြီးအကဲဖြစ်တဲ့ တပ်ချုပ်ကြီး ဖြစ်တဲ့ ဗိုလ်ချုပ်မှူးကြီး သန်းရွှေပေါ့ဗျာ။ သူ့ဆီကို ဥပဒေကြောင်း အရ ဆက်တင်မယ်။ တင်လိုက်ရင် ဗိုလ်ချုပ်မှူးကြီးလည်း ဒါကို နားလည်မယ် ထင်ပါတယ်။ တင်ပြဖို့ တာဝန်ကတော့ ကျနော်တို့ တာဝန်ပဲလေ” ဟု ၎င်းက ဆက်လက် ပြောသည်။
ဒေါ်အောင်ဆန်းစုကြည်အား ၂၀၀၃ ခု ဒီပဲယင်းအရေးအခင်း ဖြစ်ပွားပြီးနောက် နိုင်ငံတော်အား နှောင့်ယှက် ဖျက်ဆီးသောသူများ ဘေးအန္တရာယ်မှ ကာကွယ် စောင့်ရှောက်သည့် ဥပဒေအရဆိုကာ နအဖစစ်အစိုးရက နေအိမ်အကျယ်ချုပ် ချထားခဲ့သည်။
ယင်းဥပဒေအရ နေအိမ်အကျယ်ချုပ်ချထားမှုကို အစိုးရအဖွဲ့က (၅) နှစ်ထက် ကျော်လွန်၍ (၁) နှစ်ထပ်တိုးခွင့် ရှိသည်ဆိုကာ တနှစ်ထပ်တိုး လိုက်ပြီးနောက် ဥပဒေကြောင်းအရ ညီညွတ်မှု မရှိသဖြင့် ရှေ့နေကြီး ဦးကြည်ဝင်းက ၂၀၀၈ ခု အောက်တိုဘာ (၉) ရက်တွင် အယူခံလွှာ တင်သွင်းခဲ့သည်။
သို့ရာတွင် နအဖစစ်အစိုးရအဖွဲ့က အယူခံကို ကိုင်တွယ်ကြားနာခြင်း မရှိသဖြင့် ဒေါ်အောင်ဆန်းစုကြည်၏ ရှေ့နေကြီး ဦးကြည်ဝင်းက အစိုးရအဖွဲ့ အကြီးအကဲ ၀န်ကြီးချုပ်ထံ အမှု ကိုင်တွယ်ကြားနာပေးရန် မေတ္တာရပ်ခံစာ များ လေးကြိမ်ထက်မနည်း ပေးပို့ ခဲ့သော်လည်း တစုံတရာ အကြောင်း ပြန်ကြားခဲ့ခြင်း မရှိပေ။
“ဒီလ (၁၀) ရက်နေ့က အယူခံအမှုအတွက် ၀န်ကြီးချုပ်ဆီကို မေတ္တာရပ်ခံစာ ပေါ့ဗျာ။ အဲလိုပဲ သုံးရမှာပေါ့ဗျာ။ တိုက်တွန်းတယ် လို့တော့ မသုံးတော့ပါဘူး။ အဲဒီစာ တင်ပြီးနောက် ၀န်ကြီးချုပ်ဘက်က ဘာမှအကြောင်း မပြန်သေးဘူးဗျ။ သို့သော် ကျနော်တို့က ရှေ့နေတွေ ဖြစ်လေတော့ ကိုယ့်အမှုသည်အတွက် ကိုယ်ဉာဏ်မီ သလောက်၊ ကိုယ်တတ်စွမ်း နိုင်သလောက် စောစောက ပြောသလို လုပ်စရာရှိတာတွေ ဆက်သွားမှာပေါ့ဗျာ။ ကြိုးစားမှာပေါ့” ဟု ရှေ့နေကြီး ဦးကြည်ဝင်းက ပြောသည်။
နအဖဘက်က နေအိမ်အကျယ်ချုပ်အယူခံအမှုကို ယခုအချိန်ထိ ကိုင်တွယ် ကြားနာမှု မပြုသော်လည်း အကျယ်ချုပ် အချခံထားရသည့် ဒေါ်အောင်ဆန်းစုကြည်မှာ လာမည့် မေ (၂၇) တွင် နေအိမ် အကျယ်ချုပ်သက်တမ်း (၆) နှစ် ပြည့်တော့မည် ဖြစ်သည်။
ပြီးခဲ့သည့်လအတွင်းကလည်း ကုလသမဂ္ဂက နအဖစစ်အစိုးရသည် ဒေါ်အောင်ဆန်းစုကြည်ကို ဖမ်းဆီး ထိန်းသိမ်း ထားခြင်းသည် ကိုယ့်ဥပဒေ ကိုယ်ချိုးဖောက်ရာ ရောက်သည်ဟု ပြောဆိုခဲ့သည်။
Ref: ခေတ်ပြိုင်
Read More...
Collapse...
အောင်ထက် /၂၄ ဧပြီ ၂၀၀၉
ကွမ်းခြံကုန်းမြို့ တောင်ဘက်လက်ခုပ်ကုန်းကျေးရွာ အုပ်စုမှ လယ်သမား၊ ပင်လယ်ငါးဖမ်း တံငါတချို့သည် ဒေသတွင်း အလုပ်အကိုင် အခွင့်အလမ်း ရှားပါးလာမှုကြောင့် ရန်ကုန်မြို့သို့ တက်ရောက်ကာ ကြုံရာကျပန်း အလုပ်များ ၀င်ရောက် လုပ်ကိုင်နေကြသည်။
လက်ခုပ်ကုန်းကျေးရွာအုပ်စုတွင် ကညင်ကုန်း၊ ကြခတ်ကုန်းလေး၊ အလယ်ရွာ၊ ဆယ်အိမ်တန်း အပါအ၀င် ကျေးရွာ (၉) ရွာပါဝင်သည်။ ထို ကျေးရွာများသည် ရေသွင်း စိုက်ပျိုးရသည့် နွေစပါး စိုက်လေ့ မရှိဘဲ ဒေသအစဉ်အလာ စပါးကြီးမျိုးဖြစ်သည့် တောင်ပျံ၊ ဘေးကြား၊ ခွံနီ တို့သာ စိုက်ပျိုးကြသည်။ တသီးစား ဖြစ်သော်လည်း စပါးတင်း (၁၀၀) ကျပ် (၅) သိန်းအောက် မကျသည့်အတွက် ယခင်နှစ်များက လွန်စွာအဆင်ပြေကြကြောင်း သိရသည်။
နာဂစ်ဒဏ် အတန်အသင့်ခံရသည့် လယ်မြေများ ရေငန် ထိုးသည်ကြောင့် ယခုနှစ် စပါးပေါ်ချိန် တဧက တင်း (၄၀) မထွက်တော့သည့် အပြင် စပါးဈေး (၄) သိန်းအောက် ကျသွားသည့်အတွက် သမားရိုးကျ လယ်သမားများနှင့် စပါးလှောင်သူတို့ များစွာ အခက်တွေ့ နေကြသည်။
“စပါးသာ မဖြစ်တာ လယ်ဈေးက (၁၀) သိန်းဝန်းကျင် ရှိတယ်။ စပါးလှောင်တဲ့ သူတွေဆို ရင်တထိတ်ထိတ်ပေါ့။ ဒီနယ်က လှောင်လက်တွေ ဆိုတာလည်း ကိုယ့်လယ်ထွက် စပါးများပါတယ်။ ကိုယ့်လယ်ထွက် စပါးကိုတော့ ကြာချင်သလောက်ကြာ စောင့်ရောင်းနေတယ်။ ဒါလည်း လှုပ်လာမယ်တော့ မထင်ဘူး” ဟု ကညင်းကုန်း စပါးကုန်သည် တဦးက ပြောသည်။
ကွမ်ခြံကုန်း၊ ဒေးဒရဲသွား လမ်းတလျှောက်ရှိ တော်ကူး၊ တော်ခရမ်း၊ တောင်ကုန်း ကျေးရွာများသည် မိုးစပါးအပြင် နွေစပါးပါ စိုက်ပျိုးကြကာ သက်နု (၃) လ စပါးဖြစ်သည့် ဇီယာအုပ်စုဝင် အချွန်မျိုးများ စိုက်ပျိုးကြသည်။
ယခင်နှစ်များက တဧက တင်း (၁၀၀) ခန့်ထွက်ရှိသော်လည်း ယခုနှစ် မြစ်ရေ အတက်နည်းခြင်း ကြောင့် ရေသွင်းချိန် စပါးများ ရေငတ်ခဲ့ရကြောင်း၊ စပါးတင်း (၁၀၀) (၂) သိန်းအောက် ၀ယ်သူ မရှိဖြစ်နေချိန် နွေစပါး စိုက်ပျိုးစရိတ် တဧက (၂) သိန်းခန့် ကုန်ကျ နေသည့်အတွက် လုပ်အားရှုံးနေကြောင်း လှိုင်သာယာစက်မှုဇုန် ဆောက်လုပ်ရေး လုပ်ငန်းခွင်၌ နေ့စား ၀င်ရောက်လုပ်ကိုင်နေသူ အထက်ပါ ဒေသခံတဦးက ပြောသည်။
အထက်ပါဒေသမှ တံငါတဦးကလည်း ငါးမတိုးသဖြင့် ကြည့်မြင်တိုင် ငါးဈေး၌ ကုန်တင်ကုန်ချ ၀င်ရောက်လုပ်ကိုင် နေရသည်ဟု ပြောသည်။
၎င်းက “ငါးမတိုးတာလည်းကြာပြီ။ ဒီတော့ ဆီဖိုး၊ အလုပ်သမား စရိတ်နဲ့ တံငါတွေ တွက်ခြေ မကိုက်ကြတော့ဘူး။ (၂-၃) ရက် ပင်လယ်ထွက်လို့ တကောင်မမိချင်ဘူး။ ရွာထဲလည်း ပိုက်ရောင်း၊ လှေရောင်း၊ စက်ရောင်းနေတဲ့ သူတွေ တပုံကြီးပဲ။ အဲလို ငါးမဖြစ်၊ စပါးမဖြစ်တော့ ကျနော်တို့လည်း ဒေသစွန့်ပြီး ရန်ကုန်တက် အလုပ် လုပ်ရတော့တာပေါ့” ဟု ပြောသည်။
ယခုအခါ ပင်လယ်တွင်း ငါးရှားသွားသည့်သဘောဖြစ်နေပြီး ဆိပ်ကြီး၊ ခနောင်တိုဘက်မှ ပုဂ္ဂလိက ငါးဖမ်းပိုက်ကြီး များလည်း တွက်ချေ မကိုက်သဖြင့် မထွက်ကြတော့ကြောင်း သိရသည်။
Ref: ခေတ်ပြိုင်
Read More...
Collapse...
24 April 2009
မြန်မာအစိုးရ ကျူးလွန်ခဲ့သော ရာဇဝတ်မှုများကို ကုလသမဂ္ဂ လုံခြုံရေး ကောင်စီက စုံစမ်း နိုင်ရေးအတွက် တိုက်တွန်းပေးပါဟု အမေရိကန် ပြည်ထောင်စုရောက် ကရင် တိုင်းရင်းသူ တဦးက ကွန်ဂရက် လွှတ်တော် နှင့် အိုဘားမား အစိုးရကို ယနေ့ တိုက်တွန်း လိုက်သည်။
တိုင်းရင်းသား ဒေသများတွင် စစ်အစိုးရ ကျူးလွန်ခဲ့သည်ဟု ဆိုသော လူ့အခွင့်အရေး ချိုးဖောက်မှု တချို့ကို ဒုက္ခသည်တဦး ဖြစ်သူ ကရင်အမျိုးသမီး မိုင်းရာဒါးဂေဖောက လွှတ်တော် ကြားနာပွဲတခုသို့ တက်ရောက်ပြီး အသေးစိတ် ရှင်းပြခဲ့သည်။ ထိုရာဇဝတ်မှုများ အတွက် စစ်အစိုးရတွင် တာဝန်ရှိသည်ဟု သူက ဆိုသည်။ စစ်အစိုးရ၏ အနိုင်ကျင့် နှိပ်စက်မှုများကို ခံရသူများတွင် သူ၏ မိသားစုဝင်များလည်း ပါဝင်ခဲ့သည်ဟု သိရသည်။
မြန်မာနိုင်ငံ လူ့အခွင့်အရေး ချိုးဖောက်မှု အခြေအနေများကို ကြားနာ စစ်ဆေးသော Tom Lantos လူ့အခွင့်အရေး ကော်မရှင် ရှေ့မှောက်တွင် ယင်းသို့ ထွက်ဆိုခဲ့ခြင်း ဖြစ်သည်။ မိုင်းရာဒါးဂေဖောသည် ထိုင်း - မြန်မာ နယ်စပ်တွင် အဓိက လှုပ်ရှားလျက်ရှိသော ကရင် အမျိုးသမီး အစည်းအရုံး ၏ အသင်းဝင် တဦးလည်း ဖြစ်သည်။
“မြန်မာအစိုးရဲ့ လူသားမျိုးနွယ် တခုလုံး အပေါ် ကျူးလွန်တဲ့ ရာဇဝတ်မှုတွေကို ကုလသမဂ္ဂ လုံခြုံရေးကောင်စီက စုံစမ်းနိုင်ဖို့အတွက် တိုက်တွန်းပေးပါလို့ ကွန်ဂရက် အဖွဲ့ဝင်တွေ နဲ့ အစိုးရ အဖွဲ့သစ်ကို ကျမ မေတ္တာ ရပ်ခံပါတယ်” ဟု သူက ဆိုသည်။
စစ်အစိုးရက အရပ်သားများအပေါ် အကြမ်းဖက်မှု ကျူးလွန်နေခြင်းများ ရပ်ဆိုင်းသွားရေးအတွက် နိုင်ငံတကာ အသိုင်းအဝန်းကလည်း ဆက်လက် ဖိအားပေးရန် သူက တိုက်တွန်းလိုက်သည်။
မြန်မာ့တပ်မတော်၏ လက်ချက်ကြောင့် ရွာလုံးကျွတ် ထွက်ပြေးရမှုများ ရှိနေကြောင်း၊ အဝတ်တထည် ကိုယ်တခုဖြင့် ပြေးရခြင်း ဖြစ်ကြောင်း သူက ရှင်းပြသည်။
ရွာသားများ နေရပ်ရင်းသို့ မပြန်နိုင်ရန် တပ်မတော် စစ်ကြောင်းများက ရွာနှင့် အနီးတဝိုက်တွင် မြေမြှုပ်မိုင်းများ ထောင်လေ့ရှိသည်ဟု မိုင်းရာက ပြောသည်။
“ရွာကနေ ထွက်ရပြီ ဆိုရင် တနေရာကနေ တခြား တနေရာကို ပြေးနေရတယ်။ တောထဲမှာ တွေ့တဲ့ဟာကို စား၊ အိပ်တဲ့အခါလည်း ဗိုက်ဆာဆာနဲ့ အိပ်။ ကလေးတွေကို လက်ဆွဲပြီး အမြဲတမ်း ပြေးနေရတယ်။ စစ်တပ်ကို ကြောက်နေရတာပဲ” ဟု သူက ဆိုသည်။
“ကျမတို့ ပြေးရတုန်းကလည်း ကျမတို့ မိသားစု တခုလုံး ဘာဆို ဘာမှ မရှိဘူး။ စားစရာလည်း မရှိ၊ အိပ်စရာ မရှိ၊ အဝတ်အစားလည်း အပိုမရှိ၊ မိုးရာသီ ဆောင်းရာသီဆိုရင် ပိုပြီး ဒုက္ခရောက်ရတယ်၊ စစ်ကြောင်းတွေနဲ့ လွတ်အောင် အမြဲ ရှောင်ရတယ်။ တောထဲမှာ၊ ခြုံထဲမှာ၊ ဂူထဲမှာ ပုန်းရတဲ့အခါ ရှိတယ်။ မိုးရွာထဲမှာ ပလတ်စတစ်ကို ကိုယ်တဝက်ပဲ ခြုံပြီး အိပ်ခဲ့ရတဲ့ ညကို ကျမ ဘယ်တော့မှ မမေ့ဘူး” ဟု မိုင်းရာက အနည်းငယ် ငိုရှိုက်ရင်း ပြောပြသည်။
အကူအညီပေးရေး အဖွဲ့များက ပြေးလွှားနေရသည့် ရွာပုန်းရွာရှောင် ဒုက္ခသည်များထံသို့ သွားရောက်နိုင်ခြင်း မရှိသဖြင့် ဆေးဝါး နှင့် အစားအစာ အတွက် အခက်အခဲများ ကြုံရသည်ဟု ဆိုသည်။
“ကျမ ငှက်ဖျားတက်တယ်၊ တုပ်ကွေးရော တခြားဟာတွေရော ဖြစ်တယ် ခဏခဏပဲ။ ကျမရဲ့ မောင်နှမဝမ်းကွဲတွေလည်း ဖျားနာပြီး ဆုံးသွားကြတယ်” ဟု သူက ပြောသည်။
“ဘာ စားစရာမှ မရှိတာကိုလည်း ခဏခဏ ကြုံရတယ်။ တခါတလေ မိသားစု ၇ ယောက် စားဖို့ ဆန် တဘူးပဲ ရှိတတ်တယ်။ လူကြီးတွေက မစားကြဘူး။ ထမင်းကို ကျမတို့ ညီအစ်မတွေကို ပေးတယ်၊ ကျမတို့က အငယ်တွေ ဆိုတော့။ တောထဲမှာ မျှစ်တွေ လိုက်ရှာပြီး စားရတယ်” ဟု မိုင်းရာက လူ့အခွင့်အရေး ကော်မရှင်ကို ပြောပြသည်။
“မြန်မာပြည်မှာ ကရင်တွေအပြင် တခြား တိုင်းရင်းသားတွေလည်း ရှိတယ်၊ သူတို့လည်း မြန်မာ စစ်အစိုးရက ရန်ပြုတာကို ခံနေရတယ်။ ကိုယ့်ရပ် ကိုယ့်ရွာမှာ နေလို့မရတဲ့အတွက် ပြည်တွင်း ရွှေ့ပြောင်း ဒုက္ခသည်တွေ ဖြစ်သွားကြတယ်၊ တခြား နိုင်ငံကို ပြေးရတယ်” ဟု မိုင်းရာက ပြောသည်။
Ref: ဧရာဝတီ
Read More...
Collapse...
ကိုဝိုင်း
ဧပြီလ 24 2009
ချင်းမိုင် (မဇ္ဈိမ)။ ။ တောင်ကိုရီးယားနိုင်ငံမှ အမြင့်မားဆုံးဆု တခုဖြစ်သည့် ဂွမ်ဂျူး လူ့ အခွင့်အရေးဆုကို ၈၈ မျိုးဆက် ကျောင်းသားခေါင်းဆောင် ကိုမင်းကိုနိုင်အား ချီးမြှင့်လိုက်သည်။
Gwangju Prize for Human Rights ဆုကို တောင်ကိုရီးယားနိုင်ငံ ဂွမ်ဂျူးမြို့ရှိ “May 18 Memorial Foundation” အဖွဲ့မှ ချီးမြှင့်ခြင်းဖြစ်ပြီး ယခုနှစ် ဆုရှင်အတွက် မြန်မာနိုင်ငံမှ ကိုမင်းကိုနိုင်၏ အမည်ကို အမျိုးသား ဒီမိုကရေစီအဖွဲ့ချုပ် (လွတ်မြောက်နယ်မြေ) ကိုရီးယားဌာနခွဲက အဆို တင်သွင်းခဲ့ခြင်း ဖြစ်သည်။
Gwangju Prize for Human Rights ဆုတံဆိပ်
“ဒီနှစ်အတွက် ဆုရတဲ့သူက မင်းကိုနိုင်ပါ။ မင်းကိုနိုင်က ဖိနှိပ်နေတဲ့ အကြားက ဒီမိုကရေစီနဲ့ လူ့ အခွင့်အရေး အတွက် ရဲရဲရင့်ရင့် တိုက်ပွဲဝင်တဲ့သူ ဖြစ်လို့ပါ။ ဒါ့အပြင် ကျနော်တို့ဟာ မြန်မာနိုင်ငံရဲ့ မိတ်ဆွေကောင်းဖြစ်တယ် ဆိုတာကိုလည်း ပြသချင်လို့ပါ။ မြန်မာနိုင်ငံရဲ့ နိုင်ငံရေး အခြေအနေတွေက တိုးတက်လာတာ မရှိပါဘူး။ ထောင်ကျနေတဲ့ နိုင်ငံရေး အကျဉ်းသားတွေလည်း အများကြီး ရှိနေပါသေးတယ်” ဟု ဆုပေးရေး အဖွဲ့မှ ဒါရိုက်တာ တဦးဖြစ်သူ မစ္စတာ ချန်ဟိုကင်းက မဇ္ဈိမကို ပြောသည်။
မေလ ၁၈ ရက်နေ့တွင် ဂွမ်ဂျုံးမြို့ရှိ May 18 Memorial ခန်းမဆောင်တွင် အခမ်းအနားဖြင့် ဆုချီးမြှင့်မည်ဖြစ်ပြီး အမေရိကန် ဒေါ်လာ ၅ သောင်းနှင့်အတူ ဂွမ်ဂျူး လူ့အခွင့်အရေး ဆုတံဆိပ်ပါ ရွှေပြားနှင့် ဂုဏ်ထူးဆောင် လက်မှတ်တို့ကို ပေးအပ်မည် ဖြစ်သည်။
အမျိုးသား ဒီမိုကရေစီအဖွဲ့ချုပ် (လွတ်မြောက်နယ်မြေ) ကိုရီးယားဌာနခွဲမှ ပြန်ကြားရေး တာဝန်ခံ ကိုရန်နိုင်ထွန်းက ဆုလက်ခံမယ့်သူ နာမည်ကို လောလောဆယ်တွင် မသေချာသေးသည့် အတွက် မပြောနိုင် သေးသော်လည်း သူတို့ ပါတီဌာနခွဲက ဆုလက်ခံယူမည် မဟုတ်ကြောင်း ပြောသည်။
သူက ဆက်ပြီး ''ဆုငွေနဲ့ တံဆိပ်တွေကိုတော့ သိမ်းဆည်းထားမှာပါ။ ဘာလို့လဲဆိုတော့ ကာယကံရှင်ရဲ့ သဘော ဆန္ဒနဲ့အညီ ဆောင်ရွက်ပေးမှာ ဖြစ်ပါတယ်။ ဒေါ်အောင်ဆန်းဆုကြည် အတွက် ဆုရတုန်းကလည်းပဲ ဒေါ်စုရဲ့ ပိုက်ဆံကို အခုချိန်အထိ ကိုရီးယားဘဏ်မှာ သိမ်းဆည်းထားပါတယ်။ ဆုတံဆိပ်ကိုလည်း ဘဏ်မှာ အပ်နှံထားပါတယ်။ ကာယကံရှင်တွေနဲ့ ဆက်သွယ်ရမှ သူတို့သဘောအတိုင်း ဆောင်ရွက်ပေးမှာ ဖြစ်ပါတယ်” ဟု မဇ္ဈိမကို ပြောသည်။
ဂွမ်ဂျူးဆုကို ၂ဝဝဝ ခုနှစ်မှ စတင် ပေးအပ်လာခဲ့ပြီး အရှေ့တီမော ခေါင်းဆောင် ဇာနာနာ ဂတ်စ်မားအိုး ရရှိခဲ့သည်။ ပြီးခဲ့သည့် နှစ်က စစ်အုပ်ချုပ်ရေးကို ဆန့်ကျင်ပြီး ဒီမိုကရေစီနှင့် လူ့အခွင့်အရေးအတွက် တိုက်ပွဲဝင်သူ ပါကစ္စတန်မှ မစ္စတာ မူနီးယား မာလစ် ကို ပေးအပ်ခဲ့သည်။ အန်အယ်ဒီပါတီ ခေါင်းဆောင် ဒေါ်အောင်ဆန်းစုကြည် ကိုလည်း ၂ဝဝ၄ ခုနှစ်က ပေးအပ်ခဲ့သည်။
ဆုကြေးအဖြစ် ယခင်က အမေရိကန်ဒေါ်လာ တသောင်းသာ ပေးအပ် ခဲ့သော်လည်း ၂ဝဝ၅ ခုနှစ်မှ စတင်၍ ၅ သောင်းအဖြစ် သတ်မှတ်ခဲ့သည်။
ဆုချီးမြှင့်မည့် ရက်ဖြစ်သော မေလ ၁၈ ရက်နေ့တွင် သမ္မတဟောင်း ချန်ဒူးဝမ်ကို တော်လှန်စဉ်က ကျဆုံးသွားခဲ့သော ကျောင်းသား၊ ပြည်သူများကို ဂုဏ်ပြု အောက်မေ့သည့် အခမ်းအနားနှင့် အလေးပြု အခမ်းအနားများလည်း ပြုလုပ်မည်ဖြစ်ပြီး လက်ရှိသမ္မတ အပါအဝင်၊ လွှတ်တော်အမတ်များ၊ နိုင်ငံတကာမှ ခေါင်းဆောင်များလည်း တက်ရောက်ကြမည် ဖြစ်သည်။
ထိုနေ့တွင်ပင် မြန်မာ့အရေးဆွေးနွေးပွဲတခု သီးသန့် ကျင်းပ သွားရန်ကိုလည်း May 18 Memorial Foundation က စီစဉ်ပေးမည် ဖြစ်ကြောင်း သိရသည်။
“May 18 Memorial Foundation” အဖွဲ့ကို ဝမ်ဂျူးမြို့မှ ကျောင်းသားများက ကိုရီးယားသမ္မတ ချန်ဒူးဝမ်၏ အာဏာရှင်စနစ်ကို ၁၉၈ဝ ခုနှစ် မေလ ၁၈ ရက်နေ့မှ စတင်၍ တော်လှန်ခဲ့သည့် အထိမ်းအမှတ်အဖြစ် ဖွဲ့စည်းခဲ့ခြင်း ဖြစ်ပြီး လက်ရှိ တောင်ကိုရီးယား အစိုးရက အဓိက ထောက်ပံ့ပေးနေသည်။
Ref: မဇ္ဈိမ
Read More...
Collapse...
■ မြန်မာ-ဘင်္ဂလားဒေ့ရှ် နယ်စပ်အခြေအနေ တင်းမာ သတင်း
■ အန်အယ်လ်ဒီပါတီဝင်များ ခရီးသွားခြင်းကို အာဏာပိုင်များ နှောက်ယှက်နေ သတင်း
■ ရန်ကုန်၊ မန္တလေး နေရာတချို့မှာ ၀မ်းရောဂါဖြစ်ပွား သတင်း
■ ဒီကေဘီအေ၏ သက်သတ်လွတ်စားရန်အမိန့်ကို မကျေနပ်သည့် ဗုဒ္ဓဘာသာ ဘုန်းကြီး (၃) ပါး ထိုင်းနယ်စပ် ထွက်လာ သတင်း
■ ၂၀၁၀ ရွေးကောက်ပွဲ မဲဆွယ်ရန် ရှမ်းနှင့် ရခိုင်တွင် အက်ဖ်အမ်ကို အသုံးပြုမည် သတင်း
■ ကမ္ဘာ့စီးပွားရေးဂယက်ကြောင့် ရွှေ့ပြောင်းအလုပ်သမားများ အလုပ်လက်မဲ့ဖြစ် သတင်း
■ ဒေါ်အောင်ဆန်းစုကြည်အတွက် ဆုတောင်းသူများ တရားစွဲခံရ သတင်း
■ မွန်ပြည်သစ်ပါတီ ခရိုင်ကော်မတီလုပ်ကြံသူကို ဖမ်းဆီးရမိ သတင်း
■ ဖောက်ထွက်ရန် ကြိုးစားမည့် အန်အလ်ယ်ဒီ စုံညီအစည်းအဝေးလား (အင်တာဗျူး)
■ အိမ်ခြံမြေ ရောင်း၊ ဝယ်၊ ငှား ဈေးကွက် ရပ်တန့် သတင်း
■ ၂ လောင်းပြိုင်လူသတ်မှု နောက်ဆက်တွဲသတင်း ဖော်ပြခွင့်မပြု သတင်း
■ ခလရ (၁၀၇) ပေါက်ပင်ကွင်းရွာကို မီးရှို့ သတင်း
Read More...
Collapse...
စစ်အစိုးရအာဘော် မြန်မာ့ အလင်းသတင်းစာတွင် ဧပြီလ ၂၁ ရက်နေ့က ဆောင်းပါးရှင် စောဖိုးစီမှ `` ရန်ပြိုခြင်းရဲ့ အဓိပ္ပါယ် ငြိမ်းချမ်းတဲ့ အခါ သိလိမ့်မည် ´´ ခေါင်းစဉ်ဖြင့် KNU အတွင်းရေးကိစ္စများကို ထုတ်ဖော် ရေးသားထားသည်။
ထိုင်းနယ်စပ်ရှိ နိုင်ငံရေး အကဲခတ် သမားများမှ ၄င်း ဆောင်းပါးပါ အချက် အလက်များသည် KNUကို သစ္စာဖောက်သွားသော နေစိုးမြအဖွဲ့မှ စစ်အစိုးရသို့ ပေးသည့် သတင်းများ ဖြစ်နိုင်ကြောင်း KNU ထိပ်ပိုင်း ခေါင်းဆောင်များ၏ အတွင်းရေး ကိစ္စများ၊ နယ်စပ်တွင် ထိုင်း-မြန်မာ ပြဿနာဖြစ်အောင် KNU မှ ပြုလုပ်ခဲ့သည့် ပစ်ခတ်မှုများ၊ KNU အတွင်း မပျော်တော့သည့် အလယ်အလတ်ပိုင်း တပ်ဖွဲ့ ၀င်များ၏ နောက်ဆုံး အခြေအနေများကို စစ်အစိုးရမှ သတင်းများ ရရှိသွားသဖြင့် အမြတ်ထွက်နေကြောင်း၊ နေစိုးမြကိစ္စကို မီဒီယာဖြင့် ပုံကြီးချဲ့ ထုတ်လွှင့်နေသလို တစ်ဘက်မှလည်း စစ်အင်အား အသုံးပြုပြီး KNU စခန်းတွေကို DKBA နဲ့ ပေါင်းပြီး တိုက်ခိုက်နေကြောင်း ဝေဖန် သုံးသပ်လျက်ရှိ သည်။
KNU မှ နေစိုးမြအဖွဲ့ ထိန်မောင် ထံ ရောက်သွားခြင်းသည် ၄င်းတို့အတွက် လုံးဝ မထိခိုက်ကြောင်း၊ နေစိုးမြသည် ကလေး အတွေးအခေါ်သာ ရှိပြီး KNU မှ ထုတ်ပယ်ထားသူ ဖြစ်ကြောင်း ငြင်းချက် ထုတ်တားသည်။
KNU နှင့် စစ်အစိုးရတို့ အကြား ထိုင်းအစိုးရမှ ကြားဝင် စေ့စပ်မှုများ ရှိကြောင်း သတင်းမီဒီယာ များတွင် ပါရှိနေသော်လည်း ထိုင်းအစိုးရ အနေဖြင့် KNU အပေါ် သဘောထား အမှန် မည်ကဲ့သို့ ထားရှိသည်မှာ စိတ်ဝင်စားဖွယ် ကောင်းကြောင်း၊ KNU ၏ တုန့်ပြန်ချက်ကို ထိုင်းနယ်စပ်ရှိ လူ့အခွင့်ရေး လှုပ်ရှားသူများ ကုလသမဂ္ဂ လက်အောက်ခံ လူမှု ကယ်ဆယ်ရေး အဖွဲ့များမှ စိတ်ဝင်တစား စောင့်ကြည့်လျက်ရှိသည်။
KNU အနေဖြင့် နိုင်ငံရေးအရ သုံးပွင့်ဆိုင်ဆွေးနွေး ရေးကို သာလုပ်ဆောင်ရန် အစီအစဉ်ရှိကြောင်း KNU မှ ဗိုလ်မှူးစောလှငွေ က ထုတ်ဖော် ပြောကြားခဲ့သည်။
Read More...
Collapse...
မေကျော်
ဧပြီလ 23 2009
ချင်းမိုင် (မဇ္ဈိမ)။ ။ တရုတ် သတ္တုတူးဖော်ရေး အုပ်စုကြီးတစုက မြန်မာပြည်အထက်ပိုင်း မန္တလေးမြို့ မြောက်ပိုင်း တကောင်းတောင် သတ္တုတွင်း စီမံကိန်းကို အမေရိကန် ဒေါ်လာ သန်း ၈ဝဝ ဖြင့် တူးဖော်ခွင့် ရရှိသွားပြီဖြစ်သည်။
၂ဝဝ၈ ခုနှစ် ဇူလိုင်လ ကတည်းက စတင်ဆွေးနွေးထားသော ယင်းစီမံကိန်းမှာ ယခုလ အတွင်း စစ်အစိုးရ ဝန်ကြီးချုပ် ဗိုလ်ချုပ်ကြီး သိန်းစိန်၏ တရုတ်နိုင်ငံတွင် ကျင်းပသည့် အာရှဒေသဆိုင်ရာ ဘိုအောင်း ဆွေးနွေးပွဲ ခရီးစဉ်တွင် အကောင် အထည်ပေါ် ခဲ့ခြင်းဖြစ်သည်။
China Non-Ferrous Metal Group (CNMC) သည် မြန်မာစစ်အစိုးရနှင့် သဘောတူပြီးပြီဟု တရုတ်ဘာသာဖြင့် ရေးသားသည့် ယခုလ ၂၂ ရက်နေ့ထုတ် တရုတ်သတင်းစာကို ကိုးကား၍ Alibaba.com ၌ ဖော်ပြခြင်းဖြစ်သည်။
မြန်မာနိုင်ငံအတွက် အကြီးမားဆုံး သတ္ထုတွင်း စီမံကိန်းဖြစ်ကြောင်း CNMC ၏ အထွေထွေ မန်နေဂျာ Luo Tao က ပြောဆိုသည်။
ဤသတ္ထုတွင်းမှ ကန်ဒေါ်လာ သန်း ၈ဝဝ တန် ဖာရိုနီကယ် - Ferro nickel (သန့်စင်စတီးလ် ပြုလုပ်ရာ၌ အသုံးပြုသည့် ဓာတ်သတ္ထု တမျိုး) စီမံကိန်းမှာ တန်ချိန် ၈ သောင်း သတ္ထုသိုက်ဖြစ်ပြီး၊ အကောင်အထည် ပေါ်ပါက မြန်မာနိုင်ငံ တမျိုးသားလုံး အသားတင် ထုတ်လုပ်မှု (GDP) မှာ ၂ ရာခိုင်နှုန်း မြင့်တက်လာမည်ဟု CNMC က ဆိုထားသည်။
CNMC၏ ဝက်ဘ်ဆိုက်တွင် မူလက ထုတ်ပြန်ချက်အရ တကောင်းတောင်မှာ သတ္ထုတူးဖော်ရေး လုပ်ကိုင်နိုင်ရန် လပေါင်း ၃ဝ ကြာ တည်ဆောက် ပြင်ဆင်ရမည် ဖြစ်ပြီး ၂ဝ၁၁ ခုနှစ် အစောပိုင်းတွင် သတ္ထုတူး လုပ်ငန်း စမည်ဖြစ်ကာ၊ တနှစ်လျှင် သန့်စင်ပြီး နီကယ် တန်ချိန် ၂၂,ဝဝဝ ထုတ်လုပ်နိုင်မည်ဟု ဆိုထားသည်။
မြန်မာ ဝန်ကြီးချုပ်က စီမံကိန်းအတွက် လိုအပ်သည်များကို ဆောင်ရွက်ပေးမည့် အကြောင်း ကတိပေးခဲ့ သလို၊ CNMC ၏ အလုပ်အမှုဆောင် တဦးက အချိန်စောနိုင်သမျှ စောပြီး လုပ်ငန်းရန် လုပ်ကိုင်သွားမည်ဟု ပြောဆိုခဲ့သည်။
အနောက်နိုင်ငံများ၏ စီးပွားရေး ပိတ်ဆို့မှု ခံထားရသည့် မြန်မာနိုင်ငံတွင် CNMC သည် စီးပွားရေးအရ အရေးပါသည့် လုပ်ငန်း စီမံကိန်းများကို တရုတ် ခေါင်းဆောင်များ၏ အထောက်အပံ့ဖြင့် ဝင်ရောက် လုပ်ကိုင်နေသော သတ္ထုတူးဖော်သည့် အုပ်စုကြီး ဖြစ်သည်။
ယခုလ ၂၁ ရက်နေ့ထုတ် မြန်မာစစ်အစိုးရ၏ မြန်မာ့အလင်း သတင်းစာတွင်မူ ဝန်ကြီးချုပ် ဗိုလ်ချုပ်ကြီး သိန်းစိန်သည် တရုတ်နိုင်ငံတွင် ကျင်းပသည့် အာရှဒေသဆိုင်ရာ ဘိုအောင်း ဆွေးနွေးပွဲသို့ တက်ရောက်ရင်း ဟိုင်နန်ပြည်နယ် ဆန်းရမြို့ရှိ Ritz Carlton ဟိုတယ်၌ ယခုလ ၁၇ ရက်နေ့က ChinaNon Ferous Metal Mining Group of Co., Ltd. မှ တာဝန်ရှိသူများနှင့် တွေ့ဆုံ ခဲ့ကြောင်းသာ ဖော်ပြ ခဲ့ပြီး အသေးစိတ် ဖော်ပြခဲ့ခြင်း မရှိပါ။
ဝန်ကြီးချုပ်က စီမံကိန်းအတွက် လိုအပ်သည်များကို ဆောင်ရွက်ပေးမည့် အကြောင်း ကတိပေးခဲ့သလို၊ CNMC ၏ အလုပ်အမှုဆောင် တဦးက အချိန်စောနိုင်သမျှ စောပြီး လုပ်ကိုင်သွားမည်ဟု ပြောဆိုခဲ့သည်။
သို့သော် CNMC ၏ နောက်ဆုံး အစီရင်ခံစာထဲတွင် မြန်မာစစ်အစိုးရသည် ယင်းသတ္ထုတူးဖော်ရေး လုပ်ငန်းမှာ အစုရှယ်ယာ ရာခိုင်နှုန်း မည်ရွှေ့မည်မျှ ပါဝင်မည်ကို ပြောဆိုထားခြင်း မရှိပါ။
တရုတ်ဝန်ကြီးချုပ် ဝမ်ကြားပေါင်က ၂ဝဝ၈ ခုနှစ် ဇူလိုင်လတွင် လက်မှတ်ထိုးခဲ့သည့် ယခုသတ္ထုမိုင်း တူးဖော်ရေး လုပ်ငန်းကို အကောင်အထည် ပေါ်လာရန် အထူးဂရုပြု လုပ်ဆောင်ခဲ့သည်ဟု တရုတ်သတင်းက ဆိုသည်။
မန္တလေးတိုင်း တကောင်းမြို့နယ်အတွင်းရှိ တကောင်းတောင်သည် သတ္ထု ပေါကြွယ်ဝရာ ဒေသဖြစ်ပြီး၊ မန္တလေးမြို့ မြောက်ဘက် မိုင် ၂ဝဝ အကွာတွင် တည်ရှိသည်။
Ref: မဇ္ဈိမ
Read More...
Collapse...
■ ပြည်ပမြန်မာအသံလွှင့်ဋ္ဌာနများကို နားမထောင်ဖို့ တပ်တွင်းညွှန်ကြားချက်ထုတ် (သတင်း)
■ တောင်အာဖရိကရွေးကောက်ပွဲ အာဏာရ ANC အနိုင်ရဖွယ်ရှိ (သတင်း)
■ မြန်မာ့မူဝါဒ အမေရိကန်ပြန်သုံးသပ်မှု နိုဘယ်ဆုရှင် စိုးရိမ် (သတင်း)
■ ရေအတွက် အခက်ပွေဆဲ (ဆောင်းပါး)
■ တရုတ်ငှက်ဖျားဆေးအတုကြောင့် နယ်စပ်လူထု ဒုက္ခရောက် (သတင်း)
■ ကမ္ဘာ့စီးပွားရေးကျဆင်းမှု ပိုဆိုးနိုင် IMF သတိပေး (သတင်း)
■ လူထုဆန္ဒပြမှုကို စစ်တပ်သုံး ဖြိုခွဲရာမှာ စစ်တပ်က ဘယ်လိုသဘောထားပြီး ဖြေရှင်းသင့်သလဲ (သတင်း)
■ မလေးရှားအခွန်တိုးမြှင့်မှု မြန်မာအလုပ်သမားတွေကို ထိခိုက် (သတင်း)
■ ဆုတောင်းပွဲကျင်းပသူများအား သာသနာညှိုးနွမ်းစေမှုဖြင့် စွဲချက်တင် (သတင်း)
■ ပွင့်လင်းစွာဆွေးနွေးလျှင် ဖွံ့ဖြိုးရေး ပိုမိုထောက်ပံ့နိုင်မည်ဟု EU ပြောကြား (သတင်း)
■ ထိုင်းသံအမတ်ကြီးဟောင်း မြန်မာပြည်အကြောင်း စာအုပ်ထုတ်ဝေ (သတင်း)
■ ဗြိတိန်နိုင်ငံရဲ့ စီးပွားရေး ထင်တာထက် ပိုကျဆင်း (သတင်း)
■ ဝမ်းရောဂါပျံ့ပွားမည်ကို ရန်ကုန်ဒေသခံများ စိုးရိမ် (သတင်း)
■ မူဆယ် ၁၀၅ မိုင်ဂိတ် စည်းကမ်းတင်းကျပ်မှု ကုန်သည်များ မကျေနပ် (သတင်း)
■ မန္တလေးတိုင်းရှိ ဘိလပ်မြေစက်ရုံတချို့ အပိတ်ခံရ (သတင်း)
■ ဝတ်ပြုဆုတောင်းသူနှစ်ဦး သာသနာတော်ညှိုးနွမ်းစေမှုဖြင့် တရားစွဲခံရ (သတင်း)
■ ၁ဝ၅ မိုင် ကုန်သွယ်ရေးဇုန်တွင် နယ်စပ်ကုန်သွယ်မှု ထိခိုက်ကျဆင်း (သတင်း)
■ ခဲဆိပ်ပါဝင်သည့် ဆေးနှင့်ပစ္စည်းများ ဒုက္ခသည်စခန်းတွင် တားမြစ် (သတင်း)
Read More...
Collapse...
NEJ /၂၂ ဧပြီ ၂၀၀၉
စစ်အစိုးရက ထုတ်ပြန်ထားသော တားမြစ်မှုများကို ဖောက်ဖျက် ကျူးလွန်သူများမှာ စစ်ဖက်ဆိုင်ရာ အာဏာပိုင်များသာ ဖြစ်ကြောင်း ငွေဆောင် ဒေသခံများက ပြောသည်။
ဧရာဝတီတိုင်း ဒုတိယတိုင်းမှူးကိုယ်တိုင် ငွေဆောင်ကမ်းခြေတွင် ဆိုင်ကယ် မစီးရဟု တားမြစ်ထားသော်လည်း စစ်ဖက်မှ အရာထမ်းများနှင့် ၎င်းတို့နှင့် ဆွေမျိုး တော်စပ်သူများက တားမြစ်ချက်ကို အလေးမထားဘဲ ဆိုင်ကယ်များ မောင်းနှင် နေကြကြောင်း ဒေသခံများက ပြောသည်။
“ပြီးခဲ့တဲ့ နှစ်ပတ်လောက်က ကမ်းခြေမှာ ဆိုင်ကယ်စီးနေသူ တဦးကို ဆိုင်ကယ် မစီးရဘူးလို့  အမိန့် ထုတ်ထားတယ် ဆိုတာ ပြောတဲ့အခါ သူက ဗိုလ်မှူး ဖြစ်တယ်ဆိုတဲ့ အကြောင်းကို ကတ်တွေဘာတွေ ထုတ်ပြတယ်ဗျ။ ပြောလို့ ဘယ်ရတော့မလဲ” ဟု ငွေဆောင်မှ ဆိုင်ကယ် ကယ်ရီသမား တဦးက ပြောသည်။
ဧည့်သည်များကို အနှောင့်အယှက်ဖြစ်စေသည်ဟူသော အကြောင်းပြချက်ဖြင့် ငွေဆောင် ကမ်းခြေတွင် ပြီးခဲ့သည့် ဇန်န၀ါရီလ အတွင်းက အမိန့် ထုတ်ပြန်ခဲ့ခြင်း ဖြစ်သည်။
ငွေဆောင်ကမ်းခြေရှိ ဟိုတယ်များက ၎င်းတို့ထံ လာရောက် တည်းခိုသည့် ဧည့်သည်များအား ဆိုင်ကယ် မစီးရ တားမြစ်ချက် ထုတ်ပြန်ထားကြောင်း ပြောပြသည့်အတွက် ဆိုင်ကယ် စီးနင်းသည့် ဧည့်သည် လျော့ကျလာကြောင်း ဟိုတယ်တခုမှ တာဝန်ရှိသူ တဦးက ပြောသည်။
“ကျမတို့ ငွေဆောင်ဟိုတယ်တွေမှာ ဧည့်သည် မ၀င်တဲ့ အချိန်မျိုးဖြစ်ပေမယ့် ထုတ်ပြန်ထားတဲ့ တားမြစ်ချက်ကို ပြောပြရတော့ ဟိုတယ်ကို လာတဲ့ ဧည့်သည်တွေကတော့ တားမြစ်ချက်ကို လိုက်နာမှုရှိပါတယ်” ဟု ၎င်းကပြောသည်။
ငွေဆောင်ကမ်းခြေမှာ (၉) မိုင်ကျော်ရှည်ပြီး ဧည့်သည်များက ကမ်းခြေ တလျှောက် သွားလာရေးအတွက် ဆိုင်ကယ်များကို ငှားရမ်း စီးနင်းကြပြီး ဆိုင်ကယ်စီးရေ (၃၀၀) နှင့် (၄၀၀) ကြားရှိသည်ဟု သိရသည်။
“ကျနော်တို့လည်း စီးပွားရေးအရ ဆိုင်ကယ်ကယ်ရီဆွဲတာ ဖြစ်ပေမယ့် နယ်မြေ ရဲတွေကိုရော ဟိုတယ် ၀န်ထမ်းတွေ ကိုရော ကြောက်လန့် နေရတာ၊ ကျနော်တို့က ဒီအလုပ်ကိုပဲ လုပ်လာတာ ငွေဆောင် ကမ်းခြေဟိုတယ်တွေ စဖွင့် ကတည်းကပါဗျာ” ဟု ဆိုင်ကယ် ကယ်ရီသမားက ပြောသည်။
ငွေဆောင်ကမ်းခြေရှိ တေဇပိုင်သော ဟိုတယ်များတွင် လာရောက်တည်းခိုသော စစ်ဖက်ဆိုင်ရာအရာရှိများက ပို၍စည်းကမ်းကို လိုက်နာမှု မရှိကြောင်း ကိုယ်တွေ့ ကြုံရသူ တဦးက ပြောသည်။
“ကျနော်တို့ ကမ်းခြေဟိုတယ် တခုမှာ တည်းပါတယ်။ လွန်ခဲ့တဲ့ (၁) လလောက်က ပါပဲ။ ဆိုင်ကယ်ကို တဗြီးဗြီးနဲ့ လုပ်နေတဲ့ အဖွဲ့ တဖွဲ့တွေ့တယ်။ လူငယ်တွေပါပဲ။ ဒါနဲ့ မေးကြည့်တော့ စစ်ဖက် အကြီးအကဲ တယောက်ရဲ့ သားနဲ့  သူ့ သူငယ်ချင်းတွေ ပါတဲ့ဗျာ” ဟု ပြောသည်။
ငွေဆောင်ကမ်းခြေတွင် ဆိုင်ကယ်စီးပါက စီးနင်းသည့် ဆိုင်ကယ်နံပါတ်အား မှတ်သားကာ ဖမ်းဆီးခြင်း ဖြစ်ကြောင်း သိရသည်။
Ref: ခေတ်ပြိုင်
Read More...
Collapse...
■ KNLA နှင့် DKBA ပဋိပက္ခ အထိအခိုက် အကျအဆုံး များ ( သတင်း)
■ ရောင်စုံထိုင်းနိုင်ငံရေး (သုံးသပ်ချက်)
■ အထူးအစည်းအဝေး မတိုင်မီ စီအာပီပီ၊ တိုင်းရင်းသားပါတီများနှင့် အန်အယ်လ်ဒီ အကြိုညှိနှိုင်း (သတင်း)
■ ဒီကေဘီအေနှင့် ကေအန်ယူ အပစ်အခတ် မရပ်စဲသေး (သတင်း)
■ လယ်ယာသိမ်းပိုက်ခံနေရကြောင်း တိုင်းရင်းသားလူငယ်များ ပြောကြား (သတင်း)
■ အောက်ခြေအဆင့်ဝန်ထမ်းများအား ရှားပါးစရိတ်ပေးမည် (သတင်း)
■ မြင်းခြံထောင်တွင် အကျဉ်းကျနေသူများ ကျန်းမာရေးစောင့်ရှောက်မှုမရ (သတင်း)
■ တိုင်းချစ်ပြည်ချစ်စိတ်ဆိုတာ အဲဒီကလာတာပဲ ( ဆောင်းပါး)
■ ဘိုကလေးတွင် ဝမ်းရောဂါဖြစ်ပွားမှု အဆမတန် များပြားနေ (သတင်း)
■ အိုဘားမားက နေပြည်တော်နဲ့ လက်ဆွဲနှုတ်ဆက်မလား (သတင်း)
■ လွတ်မြောက်ရေး ဆုတောင်းသူ ၂ ဦး ဖမ်းဆီးခံရ (သတင်း)
■ သီရိလင်္ကာစစ်တပ် ရာဇသံ တမီလ်ကျားသူပုန်တွေ လျစ်လျူရှု (သတင်း)
■ ဆိုမာလီ ပင်လယ်ဓားပြ အမေရိကန် တရားရုံးတော်မှာ စွဲချက်တင်ခံရ (သတင်း)
Read More...
Collapse...
မင်းနိုင်သူ /၂၁ ဧပြီ ၂၀၀၉
လာမည့် (၂၈-၂၉) ရက်တို့တွင် ကျင်းပမည့် အန်အယ်လ်ဒီ အထူး အစည်းအဝေးတွင် စာတမ်းသုံးစောင် တင်သွင်း သွားမည်ဖြစ်ကာ အဆိုပါ စာတမ်း သုံးစောင်နှင့် အစည်းအဝေး ကျင်းပမည့် အကြောင်းများကို အန်အယ်လ်ဒီပါတီက ပြည်သူ့လွှတ်တော် ကိုယ်စားပြု ကော်မတီ (စီအာပီပီ) အပါအ၀င် တိုင်းရင်းသားပါတီ ကိုယ်စားလှယ်များနှင့် အကြို ညှိနှိုင်း ဆွေးနွေးခဲ့ကြောင်း စီအာပီပီ အထွေထွေ အတွင်းရေးမှူး ဦးအေးသာအောင်က ပြောသည်။
“စာတမ်းသုံးစောင်တင်သွင်း ဆွေးနွေးသွားကြမယ်လို့ သိရတယ်။ အဲဒီ စာတမ်း သုံးစောင်က (၁) ၂၀၀၈ ဖွဲ့စည်းပုံနှင့် ရွေးကောက်ပွဲ အကြောင်း၊ နံပါတ် (၂) က ပါတီရဲ့ လက်ရှိ နိုင်ငံရေး ပြဿနာနဲ့ စည်းရုံးရေး၊ (၃) ကတော့ ပါတီရဲ့ အနာဂတ် ရပ်တည်ရေး၊ အဲဒါတွေကို တင်ပြ ဆွေးနွေး သွားကြမယ် ဆိုတာကို ပြောပါတယ်” ဟု ဦးအေးသာအောင်က ပြောသည်။
အန်အယ်လ်ဒီပါတီ၊ စီအာပီပီနှင့် တိုင်းရင်းသားပါတီများမှ ကိုယ်စားလှယ်များ အကြို ညှိနှိုင်း ဆွေးနွေးမှုကို ယခုလ ပထမပတ်အတွင်းက ပြုလုပ် ခဲ့ကြခြင်းဖြစ်ကာ ကျန်းမာရေးကြောင့် အနားယူ ထားရသည့် အန်အယ်လ်ဒီပါတီ ဗဟို အလုပ်အမှုဆောင် အချို့မှလွဲ၍ အားလုံး စုံစုံညီညီ တက်ရောက် ဆွေးနွေးခဲ့ကြကြောင်း သိရသည်။
ဦးအေးသာအောင်က “အန်ကယ်လ်တို့ စီအာပီပီနဲ့ တိုင်းရင်းသား ပါတီတွေဘက်က ပြန်ဆွေးနွေး ဖြစ်ခဲ့တာက အခုလို ခေါ်ပြီး စည်းဝေးတာ ကောင်းတယ်။ အရင့်အရင် ကတည်းကလည်း စုံညီ အစည်းအဝေးတွေ လုပ်သင့်တယ်။ ဒီလို လုပ်ခြင်းအားဖြင့် ပါတီမှာ စည်းရုံးရေး၊ ညီညွတ်ရေး အားကောင်းလာမယ့် အကြောင်း၊ ရှေ့မှာဆို ကောင်းသည် ဖြစ်စေ၊ ဆိုးသည်ဖြစ်စေ၊ ရင်ဆိုင်ရမယ့် အခြေအနေတွေ ရှိလာပြီလေ။ အဲလိုကာလမျိုးမှာ အားလုံး ဆွေးနွေးပြီးတော့ ရင်ဆိုင်တာ ကောင်းတဲ့ အကြောင်း အကြံပြုခဲ့ကြပါတယ်။ ဖွဲ့စည်းပုံနဲ့ ပတ်သက်လို့ကတော့ အရင်အတိုင်းပဲ လက်မခံနိုင်တဲ့ အကြောင်း ပြောခဲ့ကြတယ်” ဟု ဆိုသည်။
မွန်တိုင်းရင်းသား နိုင်ငွေသိမ်းကလည်း တိုင်းရင်းသား ပါတီများမှ ရှေ့ဆက် လုပ်ရမည့် လုပ်ငန်းစဉ်များကို ပြတ်ပြတ် သားသား တင်ပြထားတာ ရှိပြီးဖြစ်ကြောင်း၊ ဖွဲ့စည်းပုံ အခြေခံဥပဒေတွင် တိုင်းရင်းသား လူမျိုးစု အခွင့်အရေးများ လျော့နည်းနေသဖြင့် လက်မခံနိုင်ကြောင်းနှင့် ရွေးကောက်ပွဲ ၀င်မည် မဟုတ်ကြောင်း တို့ကို ထုတ်ပြန် ထားပြီးဖြစ်ကြောင်း၊ အန်အယ်လ်ဒီဘက်က စီအာပီပီ၊ တိုင်းရင်းသား ပါတီများနှင့် အကြို ညှိနှိုင်းမှုများ ရှိခဲ့သော်လည်း အထူး အစည်းအဝေး အတွက်မူ တိုင်းရင်းသား ပါတီကိုယ်စားလှယ် များကို ဖိတ်ကြားထားခြင်း မရှိကြောင်း ပြောသည်။
မန္တလေးတိုင်း အန်အယ်လ်ဒီလူငယ် ပါတီဝင်တဦးကမူ “အစည်းအဝေး တက်ရောက်ဖို့ စာမှာ ရေးထားတဲ့ လူငယ် ဖော်ဆောင်ရေးဆိုတာက တိုင်းမှာ မရှိဘူး။ တိုင်းမှာက လူငယ် အကူအညီပေးရေးပဲ ရှိတယ်။ ဗဟိုအဖွဲ့ချုပ်ရုံးမှာပဲ လူငယ်ဖော်ဆောင်ရေး အဖွဲ့ရှိတယ်။ ဒီကနေ လူငယ် ဖော်ဆောင်ရေး အဖွဲ့ထဲမှာ ပါထားတဲ့ သူတွေတော့ သွားမယ်။ ဘယ်သူတွေသွားမယ်၊ ဘာတွေ ဆွေးနွေးဖြစ်မယ် ဆိုတာတော့ မပြောနိုင်သေးဘူး” ဟု ပြောသည်။
အဆိုပါ အထူးအစည်းအဝေးတွင် ဗဟိုအလုပ်အမှုဆောင် အဖွဲ့နှင့် အန်အယ်လ်ဒီ ရွေးကောက်ခံ လွှတ်တော်ကိုယ်စား လှယ်များ၊ လူငယ် ဖော်ဆောင်ရေး တာဝန်ခံများ ပါဝင် ဆွေးနွေးသွားကြမည် ဖြစ်ရာ ပါတီသက်တမ်း အနှစ်နှစ်ဆယ် ကျော်အတွင်း တတိယ အကြိမ်မြောက် အကျယ်ပြန့်ဆုံး အစည်းအဝေး ဖြစ်မည်ဟု မျှော်လင့်ကြသည်။
၁၉၉၀ ရွေးကောက်ပွဲဝင်မည့် အမတ်လောင်းများ၊ ရွေးကောက်ပွဲ အောင်နိုင်ရေး ကော်မတီဝင်များ စည်းဝေး နိုင်ခဲ့ခြင်း၊ ၁၉၉၇ ခုနှစ်တွင် တိုင်းနှင့် ပြည်နယ်များမှ ခေါင်းဆောင် အဆင့်ဆင့်တို့ ပါဝင်သော အစည်းအဝေး ပြုလုပ်နိုင် ခြင်းတို့ နောက်တွင် အန်အယ်လ်ဒီ ပါတီအနေဖြင့် အထူး အစည်းအဝေးများ ပြုလုပ်နိုင်ခြင်း မရှိပေ။
၂၀၀၃ ခုနှစ် ဒီပဲယင်းအရေးအခင်း နောက်ပိုင်းတွင်လည်း အန်အယ်လ်ဒီ ပါတီ နယ်ရုံးခွဲများကို နအဖ စစ်အစိုးရက အကြောင်းပြချက် မရှိဘဲ ပိတ်ခိုင်းခဲ့ရာ ယခုအချိန်ထိ ဖြစ်သည်။
Ref: ခေတ်ပြိုင်
Read More...
Collapse...
ဒယ်နီယယ်ပီဒါဆင်
ဧပြီလ 21 2009
မဲဆောက် (မဇ္ဈိမ)။ ။ ကရင် အမျိုးသား လွတ်မြောက်ရေး တပ်မတော် (KNLA) ၏ ထိုင်းနယ်စပ်နှင့် ကပ်နေသော စခန်းတခုကို မြန်မာစစ်တပ်နှင့် ယင်း၏ မဟာမိတ် လက်နက်ကိုင် တပ်ဖွဲ့ တခုတို့က သိမ်းပိုက် နိုင်ရေးအတွက် တိုက်ခိုက် နေရာ ယခုအခါ ၉ ရက် ရှိသွားပြီဖြစ်ပြီး ယနေ့ မွန်းလွဲပိုင်းတွင် ၂ ဘက်စလုံးတွင် အထိအခိုက် အကျအဆုံးများကြောင်း သိရသည်။
KNLA တပ်မှူးတဦးက အဝိုင်းခံထားရသော ဝါးလေခီး စခန်းမှ ပြောကြားရာတွင် သူတို့ဘက်မှ တပ်သားတဦး ကျဆုံး၍ ၃ ဦး ဒဏ်ရာ ရရှိခဲ့သည်ဟု ဆိုသည်။
သို့သော် ထိုသို့ အထိအခိုက် အကျအဆုံးမှာ မြန်မာစစ်တပ်နှင့် သူတို့၏ မဟာမိတ်ဖြစ်သော ဒီမိုကရက်တစ် ကရင် ဗုဒ္ဓဘာသာ တပ်မတော် (DKBA) တို့ဘက်တွင် ပိုများသည်ဟု ဆိုသည်။
နောက်ဆုံး တိုက်ခိုက်မှုများ စတင်ခဲ့သည့် ဧပြီလ ၁၂ ရက်နေ့က စတင်၍ သေဆုံး ဒဏ်ရာရသူများကို သူ့ တပ်ဖွဲ့ဝင်တို့က ရေတွက်ကြည့်ရာ တနင်္ဂနွေနေ့ မွန်းလွဲပိုင်းအထိ ရန်သူဘက်မှ ၇ ဦး သေ၍ ၃၃ ဦး ဒဏ်ရာ ရရှိခဲ့သည်ဟု အဆိုပါ တပ်မှူးက ပြောသည်။
စခန်း အနီးတဝိုက် ထောင်ထားသော မြေမြှုပ်မိုင်းများနှင့် ထောင်ချောက် မိုင်းများကြောင့် ထိခိုက် သေဆုံးမှုများမှာ အများဆုံး ဖြစ်သည်။
ပူးပေါင်းအင်အား ၂၅ဝ ခန့်ရှိသော မြန်မာစစ်တပ်နှင့် DKBA တပ်တို့သည် ၆ဝ မမ၊ ၈၁ မမ မော်တာ အများအပြားကို အသုံးပြုကာ တိုက်ခိုက်နေကြသည်။
စခန်းတွင်းရှိ တပ်မှူးက အင်္ဂါနေ့မွန်းလွဲ ၃ နာရီခန့်က ပြောကြားရာတွင် နောက်ဆုံး မော်တာဆံများ ကျရောက် ပေါက်ကွဲခဲ့သည်မှာ လွန်ခဲ့သော ၂၅ မိနစ်ခန့်က ဖြစ်ပြီး အခြေအနေမှာ မကောင်းဟု ဆိုသည်။ “သူတို့ ကျနော်တို့ကို နေ့တိုင်း လာတိုက်နေတာ”။
ဤသို့ လာရောက် တိုက်ခိုက်မည်ကို KNLA စစ်သားများက စောစီးစွာ ကတဲကပင် မျှော်လင့် ထားခဲ့ကြပြီး၊ အသင့် ပြင်ဆင်ထားခဲ့သည်ဟု ဆိုသည်။
ထိုဒေသတခုလုံးမှာ မြေမြှုပ်မိုင်းများ၊ ထောင်ချောက် ဗုံးများနှင့် ပြည့်နှက်နေပြီး၊ KNLA အနေဖြင့် သူတို့ ကိုယ်ပိုင် ထုတ်လုပ်ထားသော ရှေ့ထွက် မိုင်းများဖြင့် ခုခံ တိုက်ခိုက်နေကာ ယင်းသည် မီတာ ၂၅ဝ အကွာအဝေးအထိ ထိရောက်စွာ အသုံးပြု တိုက်ခိုက် နိုင်သည်ဟု KNLA ၏ ဒုဥက္ကဌ ဒေးဗစ်သာကပေါ က ပြောသည်။
ဝါးလေခီးစခန်းသည် KNLA တပ်မဟာ ၆၊ တပ်ရင်း ၂ဝ၁ ၏ စခန်းဖြစ်ပြီး၊ ထိုင်းနယ်စပ်နှင့် ခဲတပစ်သာ ဝေးသော်လည်း သီးခြား ဖြစ်နေသော နေရာဖြစ်သည်။ ထိုင်းစစ်သားများက ဤစခန်းသို့ ချဉ်းကပ်လမ်း အဖြစ် အသုံးချနိုင်ဘွယ် လမ်းကြောင်း အားလုံးကို အင်အား အလုံးအရင်းဖြင့် ပိတ်ဆို့ ကာကွယ်ထားသည်။
Ref: မဇ္ဈိမ
Read More...
Collapse...
Tuesday, 21 April 2009
မြန်မာ စစ်အစိုးရက ပုဂ္ဂလိက ဘောလုံး အသင်းကြီးများ ပေါ်ပေါက်လာရန် ပြီးခဲ့သည့် လက စီစဉ် လိုက်ခြင်းမှာ ၂၀၁၀ ရွေးကောက်ပွဲ နှင့် ဆက်နွယ်နေသည်ဟု ရန်ကုန် အခြေစိုက် နိုင်ငံရေး အကဲခတ်များက ပြောသည်။
“လာမယ့် ရွေးကောက်ပွဲမှာ အစိုးရ ထောက်ခံတဲ့ ပါတီတွေကို မဲထည့်ဖို့ စည်းရုံးရေး လုပ်တယ် ဆိုတာ သိသာပါတယ်။ ဒါကြောင့် လူတွေ ကြိုက်တတ်တဲ့ ဘောလုံးပွဲတွေကို လုပ်ပြနေတာပါ” ဟု ရန်ကုန်မှ နိုင်ငံရေး လေ့လာသူ တဦးက ဆိုသည်။
ထို ဘောလုံးအသင်းများ ဖြစ်ပေါ်လာရန် စစ်အစိုးရ ခေါင်းဆောင် ဗိုလ်ချုပ်မှူးကြီး သန်းရွှေက လမ်းညွှန်ခြင်း ဖြစ်ပြီး သူနှင့် နီးစပ်သည့် စီးပွားရေး လုပ်ငန်းရှင်များက ဝိုင်းဝန်း အကောင် အထည် ဖော်ကြခြင်း ဖြစ်ကြောင်းလည်း သိရသည်။
စစ်အစိုးရက စီးပွားရေး လုပ်ငန်းရှင်များ ရွေးကောက်ပွဲ ၀င်နိုင်ရန် မကြာသေးမီက စီစဉ် ပေးခဲ့ ကြောင်းလည်း ရန်ကုန်မှ အကဲခတ်တဦးက ထောက်ပြသည်။
အဆိုပါ အကဲခတ် ထောက်ပြသည့် အချက်မှာ ပြည်ထောင်စု မြန်မာနိုင်ငံ ကုန်သည်များနှင့် စက်မှု လက်မှု လုပ်ငန်းရှင်များ အသင်းချုပ် (UMFCCI)က ပြီးခဲ့သည့် လကုန်ပိုင်းတွင် ပြင်ဆင်မှု ပြုလုပ်ခဲ့သော စည်းမျဉ်း စည်းကမ်းများကို ဆိုလိုခြင်း ဖြစ်သည်။
အသင်း၏ စည်းမျဉ်းတွင် ပါဝင်သော အသင်းဝင်များသည် နိုင်ငံရေး ပါတီ တခုခု၏ အဖွဲ့ဝင် သို့မဟုတ် ထိပ်တန်း ဦးဆောင်သူ မဖြစ်စေရ ဟူသည့် အချက်ကို UMFCCIက ပယ်ဖျက်ခဲ့သည်။
စီးပွားရေးလုပ်ငန်းရှင်များ ပိုင်ဆိုင်သည့် ဘောလုံးအသင်း ၈ သင်းကို ဖွဲ့စည်း ထားကြောင်း မြန်မာ ဘောလုံးအဖွဲ့ချုပ်က ပြီးခဲ့သည့်လဆန်းပိုင်းတွင် ကြေညာခဲ့သည်။ ထိုအသင်းများမှာ ရှမ်းပြည်နယ် (တောင်ပိုင်း) နှင့် ရန်ကုန်၊ မန္တလေး စသည့် တိုင်း ၇ တိုင်းကို ကိုယ်စားပြုသည်ဟု သိရသည်။
ရန်ကုန် အခြေစိုက် အားကစား အယ်ဒီတာ တဦးက “ အခုလို ဒေသအလိုက် ဘောလုံး အသင်းတွေ ခွဲထားခြင်းဟာ ဘောလုံး ပိုင်ရှင်တွေ အတွက် သူ့ ဒေသဆိုင်ရာ ဒေသခံတွေကို လာမယ့် ရွေးကောက်ပွဲ အတွက် မဲဆွယ်နိုင်ဖို့ မျှော်လင့်ထားပုံရတယ်” ဟုလည်း ပြောသည်။
စီးပွားရေးကုမ္ပဏီများက ဖွဲ့စည်းထားသည့် ဘောလုံးအသင်း ၈ သင်းမှာ ရန်ကုန် ယူနိုက်တက် (ထူးကုမ္ပဏီ)၊ ရတနာပုံ (Alpine ကုမ္ပဏီ)၊ ကမ္ဘောဇ (ကမ္ဘောဇဘဏ်ကုမ္ပဏီ)၊ မကွေး ( အေးရှားဝေါလ် ကုမ္ပဏီ)၊ Southern Myanmar ယူနိုက်တက် (ယုဇန ကုမ္ပဏီ)၊ ဥဿာ ယူနိုက်တက် (IBTC ကုမ္ပဏီ)၊ Delta United (ဧဒင်ကုမ္ပဏီ)၊ ဇေယျာရွှေမြေ (ရွှေနဂါးမင်းကုမ္ပဏီ ) တို့ ဖြစ်သည်။
ပြည်ပမှ အားကစား အယ်ဒီတာ တဦးက ဘောလုံး အသင်းများကို အစိုးရ ဝန်ကြီး ဌာနများ လက်အောက်တွင်သာ ထားရှိခဲ့ရာမှ ပုဂ္ဂလိကပိုင်သည့် ကြေးစား အသင်းများ အဖြစ်သို့ ပြောင်းလဲခြင်းသည် ဘောလုံး လောကကို မြှင့်တင်ရာ ရောက်သည် ဟု ပြောသည်။
“ပုဂ္ဂလိက ဘောလုံးအသင်း ထောင်ခိုင်းတာနဲ့ ပတ်သက်လို့ တကယ်တမ်း ဘောလုံးလောက တိုးတက်ဖို့ အတွက် ထောင်ခိုင်းတယ် ဆိုရင် တပိုင်းက ကောင်းတယ်လို့ ပြောလို့ရသလို၊ တပိုင်းကလည်း လုပ်ငန်းရှင်တွေကို အတင်း စီစဉ်၊ ရင်းနှီး မြှုပ်နှံခိုင်းတာနဲ့ ဘောလုံး လောက တိုးတက်မလား ဆိုတာ မေးခွန်း ထုတ်စရာ ရှိပါတယ်။ တဘက်ကလည်း အစိုးရပိုင် မဟုတ်ဘဲ ပုဂ္ဂလိကပိုင် ပြောင်းမှ တိုးတက် မယ်ဆိုတာလည်း ရှိသေးတယ်လေ” ဟု ပြည်ပ အခြေစိုက် ဒီမိုကရက်တစ် မြန်မာ့အသံ (ဒီဗွီဘီ) ၏ အားကစား အယ်ဒီတာ တဦး ဖြစ်သူ ကိုဇင်မောင်က ပြောသည်။
“ခုမှ စတာတောင် နောက်ကျနေပြီ၊ ဘေး အိမ်နီးချင်း နိုင်ငံဖြစ်တဲ့ ထိုင်း၊ ဗီယက်နမ်တို့မှာ စောစော ပြောင်းလဲနိုင်တဲ့ အတွက် အဆင့် တခုကို ရောက်သွားပြီ၊ ပြောင်းလဲနိုင်တဲ့အတွက် အသီးအပွင့်တွေကို ခံစားနေရပြီလေ” ဟုလည်း ကိုဇင်မောင်က ပြောသည်။
Ref: ဧရာဝတီ
Read More...
Collapse...
ဗိုလ်ထက်မင်း
ဧပြီလ(၂၀) ရက်၊ ၂၀၀၉
နအဖဟာ ၁၉၉၆-၉၇ ခုနှစ်များမှာ တပ်မတော် (ကြည်း၊ ရေ၊ လေ) ပူးပေါင်း စစ်ဆင်ရေး လေ့ကျင့်ခန်း ကြီးနဲ့ တပ်မတော် (ကြည်း၊ လေ) (ခြေလျင်၊ တင့်) ပူးပေါင်း စစ်ဆင်ရေး လေ့ကျင့်ခန်း ကြီးတွေကို ထိပ်တန်း လျှို့ဝှက်ချက် အဆင့်နဲ့ ဆင်နွှဲခဲ့ ပြီးတဲ့နောက် တပ်မ (၂၂/ ၄၄/ ၅၅/ ၇၇/ ၈၈) တပ်မ ငါးခုစလုံးအား နောက်တန်း ဌာနချုပ်များသို့ မပြန်ခိုင်းတော့ဘဲ ကရင်ပြည်နယ် စစ်ဆင်ရေးသို့ ထိုးသွင်းကာ တောက်လျှောက် ထိုးစစ်ဆင်ခဲ့ပါတယ်။
အဲဒီနောက် ကြာအင်းဆိပ်ကြီး နယ်မြေတ၀ိုက် စစ်ဆင်ရေး တာဝန်ယူရတဲ့ တပ်မ (၂၂) တပ်မမှူး ဗိုလ်မှူးချုပ် မောင်မောင်သိန်းထံ ကေအန်ယူမှ တိုက်ခိုက်ရေး ထူးချွန်တဲ့ တပ်မဟာ (၆) လက်အောက်ခံ တပ်ရင်း (၁၆) ရင်းမှူး ဒု-ဗိုလ်မှူးကြီး စောသမူဟဲက လက်နက်ချလိုကြောင်း ဆက်သွယ် သတင်းပို့လာပါတယ်။ ဗိုလ်သန်းရွှေက ဒီနေရာမှာ ကေအန်ယူကို စိတ်ဓာတ်ရေးရာ ထိခိုက်ကျဆင်းအောင် လုပ်ရမယ်ဆိုကာ စိတ်ဓာတ်စစ်ဆင်ရေး နည်းဗျူဟာ အပါအ၀င် အောက်လမ်းနည်းကိုပါ ရောမွှေ စီစဉ်ခိုင်းပါတော့တယ်။
ဗိုလ်သန်းရွှေဟာ သဘောထားတင်းမာတဲ့ ဗိုလ်မောင်အေး အပါအ၀င် ဗိုလ်မြင့်အောင်နဲ့ ဝန်ကြီးများအပြင် အတွင်းရေးမှူး (၁) ဗိုလ်ခင်ညွန့်ကိုပါ စောသမူဟဲအား သွားရောက်တွေ့ဆုံ လက်ခံဖို့ ညွှန်ကြားခဲ့ပါတယ်။ ဒါကြောင့် ဗိုလ်မောင်အေးနဲ့ ဗိုလ်ခင်ညွန့်တို့ နှစ်ဦးဟာ စစ်သက်တမ်း တလျှောက်မှာ မတွဲစဖူး အတွဲထူးပြီးတော့ စောသမူဟဲရဲ့ လက်နက်ချ အခမ်းအနားကို လုပ်ခဲ့ကြရပါတယ်။
အဲဒီ လက်နက်ချအခမ်းအနားမှာ ကေအန်ယူအလံကို မြေမှာ ဗိုလ်မောင်အေးရဲ့  ဖိနပ်နဲ့ ချနင်းဖို့ အောက်လမ်း အစီအမံ တွေပါ လုပ်ဆောင်ခဲ့ပါတယ်။ ဆက်လက်ပြီး စိတ်ဓာတ် စစ်ဆင်ရေး အနေနဲ့ လုပ်ခိုင်းရာမှာ နာမည်ကြီး စစ်ဗိုလ် သီချင်းရေး ဆရာ ဗိုလ်မှူးမြသန်းစံ (ကကပြည်) အား ငြိမ်းချမ်းရေး ပန်းခင်း သီချင်းအား အမြန်ရေးသား စပ်ဆိုခိုင်းကာ မြန်မာ့အသံနဲ့ ရုပ်မြင်သံကြားက ထုတ်လွှင့် ခိုင်းခဲ့ပါတယ်။
ဒီနေရာမှာ စစ်အစိုးရဲ့ ပျင်းရိဖွယ်ကောင်းလှပြီး လက်တွေ့ မရှိတဲ့ မူဝါဒတွေ ဦးတည်ချက် တွေကို ပြည်သူတွေ နားဝင်ချိုအောင် ဆွဲဆောင်နိုင်အောင် အနုပညာပီသစွာ စပ်ဆိုပေးနိုင်တဲ့ စစ်သားတပိုင်း၊ အနုပညာရှင် တပိုင်း ပါရမီရှင် ဗိုလ်မှူးမြသန်းစံဟာ တပ်က ထွက်လိုက်ရတာမို့ နှမြောစရာ ကောင်းလှပါတယ်။ တပ်က ထွက်လိုက်ရတဲ့ အကြောင်းရင်းကလည်း သူ့အား အမိန့်အာဏာတွေနဲ့ ဇွတ်တရွတ် လုပ်ခိုင်းနေတာမို့ အနုပညာဟာ အာဏာနဲ့ အမိန့်ပေးပြီး ချက်ချင်းရေးခိုင်းလို့ ရတာမျိုး မဟုတ်ဘဲ ဈာန်ဝင်မှ လုပ်ရတာဖြစ်ကြောင်း တုံ့ပြန်လိုက်တာ ဖြစ်ပါတယ်။ သူ့ကို အချိန်ပေးကာ သံစဉ်နဲ့စာသား ချောမွေ့အောင် ထည့်ပြီးမှ လုပ်ပေးနိုင်မယ်လို့ အာဏာရှင်တွေကို ပြန်ပြောခဲ့တဲ့ အတွက် အချေအတင် ဖြစ်ခဲ့ရာက ပြန်လည် တုံ့ပြန်ခဲ့ကာ တပ်မှ ထွက်ခဲ့ခြင်းဖြစ်ပါတယ်။ စစ်အာဏာ ရှင်တွေဟာ သူတို့ လိုချင်ပြီဆိုရင် ပြည်သူကို မဆိုထားနဲ့ မိမိလက်အောက်ခံ အရာရှိတွေကိုတောင် နိုင်ထက် စီးနင်း အမိန့်နဲ့ အာဏာသုံးကာ နှိပ်ကွပ်တာကို တွေ့ရမှာ ဖြစ်ပါတယ်။
အဲဒီတုန်းက လိုအပ်တာတွေ ဖြည့်ဆည်းပေးဖို့ လွှတ်လိုက်တဲ့ လယ်ဆည်ဝန်ကြီး ဗိုလ်မြင့်အောင်ကလည်း ကြာအင်းဆိပ်ကြီးမြို့က ရှေ့တန်းနယ်မြေ ကျိုက်ဒုံစခန်းမှာ ဖင်ပူအောင် မနေနိုင်ဘဲ ဒေသဖွံ့ဖြိုးရေးကို ပြီးစလွယ် လုပ်ပေးကာ ပြန်ပြေး သွားခဲ့ပါတယ်။ သူဟာ တပ်မ (၄၄) တပ်မမှူး ဘ၀နဲ့ ကရင်ပြည်နယ်ရဲ့  အကျိုးကျေးဇူးကြောင့် ရာထူး တက်သွားခဲ့တာကိုတောင် ဘ၀မေ့သွားကာ ကရင်ဒေသရဲ့  ဖွံ့ဖြိုးရေးကို ဂရု မစိုက်တာကတော့ တရားကျစရာ ကောင်းလှပါတယ်။
နအဖဟာ သမူဟဲလို လက်နက်ချပြီး ၀င်ရောက်လာတာမျိုးကိုလည်း စနစ်တကျ လုံခြုံရေး စီမံမှုနဲ့ ကာကွယ် စောင့်ရှောက်မှု မပေးဘဲ ပစ်ထားတာကြောင့် သူ့ရဲ့မိသားစု ပစ်သတ် ခံရတာမျိုး ဖြစ်ပွားခဲ့တာမို့ တိုင်းရင်းသား တွေအနေနဲ့ အထူး သတိထား သင့်လှပါတယ်။ နအဖအပေါ် အားကိုးတကြီး လက်နက်ချပြီး ၀င်ရောက်လာတဲ့ လက်နက်ကိုင် တိုင်းရင်းသားတွေဟာ လက်နက် မရှိရင် အနိုင်ကျင့် ခံရမယ့်အပြင် လုပ်ကြံ ပစ်သတ်ခံရတဲ့ ဒီလိုဖြစ်စဉ်မျိုးတွေ မလွဲမသွေ တနေ့ ကြုံတွေ့ရမှာကိုတော့ သတိပြုရမှာ ဖြစ်ပါတယ်။
ကေအန်ယူက သစ်တောရေးရာဝန်ကြီး ဖဒိုအောင်ဆန်းကတော့ သစ်ကိစ္စ ပြဿနာ တက်လာလို့ ဘားအံမှာရှိတဲ့ ထောက်လှမ်းရေး တပ် (၂၅) က တပ်မှူး ဗိုလ်မှူးခင်မောင်ကြည်မှ တဆင့် လက်နက်ချဖို့ ဆက်သွယ်ကာ နအဖထံ ၀င်ရောက်သွားခဲ့ခြင်း ဖြစ်ပါတယ်။ ဖဒိုအောင်ဆန်းဟာ နအဖရဲ့ အရိုးအရင်း ချကျွေးထားတဲ့ ပါမစ်တွေကို လောဘဇော တက်ပြီး ဈေးကစားရာ ပွဲစားပေါင်းစုံ ရှုပ်ထွေးလာပြီး ပွဲစားတချို့က မကျေနပ်ဘဲ တိုင်ကြားလာ တာကြောင့် သူကိုယ်တိုင်လာမှ ပစ္စည်းထုတ်ပေးမယ်လို့ သက်ဆိုင်ရာက ခေါ်ပြောရတဲ့ အထိ ရှုပ်ထွေးမှု ဖြစ်ခဲ့ပါတယ်။ ပွဲစားကုလား တဦးဆိုရင် စရန်ငွေ ပေးထားလျက်နဲ့ ဖဒိုအောင်ဆန်းဟာ တခြားမှာ ဒီထက်ဈေးကောင်းရလို့ ကတိဖျက်ပြီး ပါမစ် မပေးတော့တာမို့ သွားရောက် တောင်းဆိုခဲ့ရာ ဖဒိုအောင်ဆန်းက သေနတ်ပြပြီး ခြိမ်းခြောက်ခဲ့ကြောင်း သိရှိရပါတယ်။
ဖဒိုအောင်ဆန်းဟာ အမျိုးသားညီလာခံ တက်နေစဉ်မှာလည်း နိုင်ငံရေးတွင် စိတ်ပါဝင်စားမှု လုံးဝမရှိသူ ဖြစ်ပါတယ်။ ဒါ့အပြင် သွားချင်ရာသွားကာ ညီလာခံမှ ရုတ်တရက် နေအိမ်သို့ ပြန်သွားသလို၊ တည်းခိုဆောင်ကို ထောက်ပံ့ စရ်ိတ်လာပေးတဲ့ လွှတ်တော်ရုံးက မိန်းမပျို နှစ်ဦးအား သူ့အပြော “အားဆေး” ခေါ် တိုင်းရင်းဆေးတွေကို ပါးစပ်ထဲ အတင်းခွံ့ကျွေးလို ကျွေးပြီး ပေါက်တတ်ကရ နေသူဖြစ်ကြောင်း သိရပါတယ်။
နအဖဟာ နိုင်ငံရေးအရ အသုံးချလိုတဲ့အခါမှာတော့ ဖဒိုအောင်ဆန်းကို သတင်းထောက်တွေနဲ့ သတင်းဌာနတွေ ရှေ့မှာ နအဖကောင်းကြောင်း ရှင်းလင်း ပြောဆိုခိုင်းတာမို့ လူတတ်ကြီးလုပ်ပြီး နိုင်ငံရေး ပါရဂူသဖွယ် ကင်မရာရှေ့မှာ နအဖအလိုကျ ကားရားကားရား လုပ်ပြပုံကဖြင့် သနားစရာ ကောင်းလှပါတယ်။ တကယ်တော့ ဖဒိုအောင်ဆန်းဟာ နအဖရဲ့  ကြိုးဆွဲရာကို ကနေရရှာတဲ့ မျောက်ကြီးသဖွယ် အသုံးတော် ခံနေရတဲ့ဘ၀ကို ရောက်မှန်းမသိ ရောက်နေသူသာ ဖြစ်ပါတယ်။ နအဖဟာ သမူဟဲနဲ့ ဖဒိုအောင်ဆန်းကို ကြည့်ပြီး တိုင်းရင်းသားတွေ အပေါ်မှာ အထင်သေး နှိမ့်ချ ဆက်ဆံမှုတွေနဲ့ အကြွင်းမဲ့ လက်နက် ချခိုင်းရေးကိုသာ အားသန်နေပါတယ်။
နအဖဟာ ကေအန်ယူကို အင်အားချည့်နဲ့စေဖို့သာ ကြံရွယ်ပြီး ကေအန်ယူ ဗဟိုနဲ့ တိုက်ရိုက် မဆွေးနွေးသေးဘဲ တပ်မဟာမှူး တွေကို တိုက်ရိုက် Deal လုပ်ကာ ဖဲ့ထုတ်ခဲ့ပါတယ်။ ကေအန်ယူ အင်အားချည့်နဲ့ပြီး ဘေးကျပ် နံကျပ်ဖြစ်အောင် ဖန်တီးပြီးမှ ကေအန်ယူ ဗဟိုကို အထက်စီးနဲ့ ဆွေးနွေးမယ်လို့ နအဖက ကြံစည်ထားခဲ့ပါတယ်။ ကေအန်ယူ တပ်မဟာ မှူးတွေ ဖြစ်ကြတဲ့ ဗိုလ်အော်လီဗါနဲ့ ဗိုလ်ရွှေဆိုင်းတို့က သစ္စာရှိကြလို့ နအဖရဲ့  သွေးခွဲမှုအား ငြင်းဆန်ခဲ့ကြပြီး တပ်မဟာ (၇) မှူး ဗိုလ်ထိန်မောင်ကိုတော့ နအဖ ဗိုလ်မြတ်ထွန်းဦးက ထပ်မံ ဖဲ့ထုတ် စည်းရုံးနိုင်ခဲ့ပါတယ်။ ဗိုလ်ထိန်မောင် နအဖကို အညံ့ခံ ပူးပေါင်းရာမှာ တပ်မဟာတခုလုံး မပါဘဲ အင်အား အနည်းငယ်သာရှိလို့ နအဖက ဘ၀င်မကျကာ ပစ်ထားရာ လိုက်ပါသွားသူ တချို့တောင် နောင်တရပြီး ပြန်ပြေးခဲ့ကြပါတယ်။ ဗိုလ်ထိန်မောင်လည်း မထူးဇာတ်ခင်းပြီး နအဖ အလိုကျ ကနေရပါတယ်။
တကယ်တော့ နအဖဟာ တိုင်းရင်းသားတွေနဲ့ ပတ်သက်တဲ့ တန်းတူ အခွင့်အရေးမျိုး ပေးဖို့ နေနေသာသာ ဘာတခုမှ တင်ပြပိုင်ခွင့် မရှိတဲ့ ညီလာခံ အတုအယောင်က တဖက်သတ် ဥပဒေနဲ့အတူ ဗြောင်ကျကျ အနိုင်ကျင့် ယူထားတဲ့ စစ်ဗိုလ် တမတ်သားရယ်၊ ကြံ့ဖွံ့ရယ်၊ စစ်အစိုးရ လက်ဝေခံ ကုန်သည်စီးပွားရေး လုပ်ငန်းရှင်ရယ်၊ ဌာနဆိုင်ရာ အသွင်ပြောင်း စစ်ဗိုလ်လူထွက်ရယ် စတဲ့ ကိုယ်စားလှယ် အတုတွေနဲ့သာ လူထုကို လိမ်ညာကာ မျက်လှည့်ပွဲကြီးကို ကျင်းပပါတော့မယ်။
ဒါကြောင့် လူနည်းစု ကောင်းစားရေးသာရှိပြီး တတိုင်းပြည်လုံး ကျွန်ဖြစ်တာထက် ဆိုးဝါးအုံးမယ့် နအဖရဲ့  ၂၀၁၀ ရွေးကောက်ပွဲကို ဆန့်ကျင်ကြဖို့ တိုင်းရင်းသားတွေ အားလုံးမှာ လုံးဝ တာဝန်ရှိပါတယ်။ အာဏာ သိမ်းထားတဲ့ ဒီစစ်အာဏာရှင် လက်ထက်မှာတောင် ဒီလောက် နွံနစ်နေရင် ရွေးကောက်ပွဲ ပြီးရင်တော့ ပေးထားတဲ့ မရှိမဲ့ ရှိမဲ့ အခွင့်အရေးလေးကို ပြန်သိမ်းလိုက်မှာ သေချာသလောက် ရှိတယ်ဆိုတာ ယနေ့ အပစ်ရပ် ငြိမ်းချမ်းရေးအဖွဲ့တွေ အားလုံးသိထားဖို့ တင်ပြလိုက်ရပါတယ် ခင်ဗျား။
ဗိုလ်ထက်မင်း
Ref: ခေတ်ပြိုင်
Read More...
Collapse...
ရဲဘော်ဖိုးသံချောင်း
ဧပြီလ(၂၀) ရက်၊ ၂၀၀၉
ဗမာပြည်နိုင်ငံရေးသမိုင်းတလျှောက်မှာ သူများတွေ တွေ့ရှိတဲ့၊ အထူးသဖြင့် အနောက် နိုင်ငံတွေက တွေ့ရှိတဲ့ သဘောတရား တွေကို ဗမာပြည် နိုင်ငံရေးထဲ အတင်း သွတ်သွင်းလာတာတွေ မကြာခဏ တွေ့ရတတ်ပါတယ်။ ဒါကို လုပ်သူတွေကတော့ အင်္ဂလိပ်စာ ဖတ်တတ်တဲ့ ပညာတတ် သူတွေပဲ ဖြစ်ပါတယ်။
ဒီလိုသွတ်သွင်းလာတဲ့ အယူအဆတွေဟာ ကိုယ့်နိုင်ငံက လက်တွေ့ အခြေအနေနဲ့ ကိုက်ညီ တာလည်းရှိ၊ မကိုက်ညီတာလည်း ရှိလို့ ဆိုရမှာပါ။ တချို့များဆိုရင် တခေတ်က မန္တလေးက အငြိမ့်မင်းသမီးတွေ သီဆိုလေ့ ရှိသလို “ဦးသူယူ” ဆိုသလိုမျိုးတောင်၊ သူ့ထက်ငါဦး လုပ်နေကြတာ ဖြစ်ပါတယ်။
ဒီလိုသွတ်သွင်းလာတာတွေအထဲက အခုနောက်ဆုံး သယ်ဆောင် လာကြတဲ့ အယူအဆ တခုကတော့ ဖြစ်တည်မှု အကျပ်အတည်း ဆိုတာပါပဲ။ ဒီလို စကားလုံး ကြီးကြီးနဲ့ တွယ်လိုက်တာနဲ့ တဆက်တည်းမှာ ဒီချုပ်ကို တိုက်ခိုက်ချင် နေပြီး ဘာနဲ့ တိုက်ခိုက်ရမှန်း မသိဖြစ်နေသူတွေ၊ အပြစ် ပုံချလိုသူတွေနဲ့ နအဖကို မျက်နှာလုပ် လိုသူတွေ အများ အပြားဟာ ဒီလေသံအတိုင်း နောက်က လိုက်ပြောကြတာကိုလည်း တွေ့ရပါတယ်။
အဲဒီလိုနိုင်ငံခြားကနေ ကိုယ့်နိုင်ငံနဲ့ဆိုင်မှန်းမသိ၊ မဆိုင်မှန်းမသိ ဆွဲယူလာတဲ့ ဒီ အသုံးအနှုန်း အယူအဆကို ခေါင်းပေါ်ကနေ စွပ်ချပေးတာ ခံလိုက်ရသူကတော့ အမျိုးသား ဒီမိုကရေစီ အဖွဲ့ချုပ်ပဲ ဖြစ်ပါတယ်။ ဒီချုပ်အနေနဲ့ ဘာမှ ပြန်ပြောခွင့် မရှိတဲ့အခြေအနေကို အခွင့် ကောင်းယူပြီး ဒီလို တံဆိပ် တပ်ပေးလိုက်တာ ဖြစ်ပါတယ်။ သူတို့ဟာ ကိုယ့်အသက်ရှင် ရပ်တည်မှု အတွက် (အာဏာတည်မြဲရေး အတွက်) အမျိုးမျိုး ကုတ်ကပ်၊ ညစ်ပတ် ရမ်းကားနေရတဲ့၊ အာဏာ ရနေပါလျက်နဲ့ အခုအချိန်အထိ ရွေးကောက်ပွဲဥပဒေ မကြေညာနိုင်သေးတဲ့ နအဖ စစ်အစိုးရကိုကျတော့ ဖြစ်တည်မှု အကျပ်အတည်း ဆိုက်နေတယ်လို့ မပြောဘဲ ဘာဖြစ်လို့ နအဖရဲ့ ဖိနှိပ်မှုမျိုးစုံကို အနှစ် နှစ်ဆယ်ကျော် အလူးအလှိမ့်ခံရင်း ရပ်တည် နေသူတွေကိုမှ ဒီလိုခြယ်မှုန်း ပြတာလဲ။
အမျိုးသားဒီမိုကရေစီအဖွဲ့ချုပ်ကို နအဖက ချေမှုန်းတော့မှာကို သူတို့က သိနေလို့များလား ရယ်လို့တောင် စဉ်းစားစရာ ဖြစ်နေပါတယ်။
တကယ်ကျတော့ အမျိုးသားဒီမိုကရေစီအဖွဲ့ချုပ်အကြောင်းပဲ ပြောပြော၊ စစ်အစိုးရ အကြောင်းပဲ ပြောပြော၊ ဟိုတုန်းကနဲ့အခု အခြေအနေတွေ မတူတော့တာကို မထည့်သွင်း၊ မစဉ်စားလို့ မဖြစ်ပါဘူး။ ၁၉၈၈-၉ဝ ကာလနဲ့ ဒီနေ့ မတူတာတွေ အများကြီး ရှိနေပါတယ်။ ၁၉၈၈-၉ဝ ကာလတုန်းက လူထုမှာရော ရှေ့တန်းက လှုပ်ရှား သူတွေမှာပါ တက်ကြွမှု အပြည့် ရှိနေကြပါတယ်။ သူတို့ရဲ့ ခေါင်းထဲမှာလို့ ပြောရမလား၊ ရင်ထဲမှာလို့ ပြောရမလား၊ “ထိုးစစ်စိတ်ဓာတ်” နဲ့ “အောင်ပွဲခံစိတ်ဓာတ်” တို့ မြဲမြဲမြံမြံ ကိန်းအောင်း နေပါတယ်။
အာဇာနည်တွေရဲ့မျက်နှာတွေလည်း မျက်စိထဲက မထွက်သေးတဲ့ အချိန်ဖြစ်ပါတယ်။ ဒါကြောင့် မိုးကို တက်ပြီးဒူးနဲ့ တိုက်ရဲတယ်ဆိုတဲ့ သတ္တိမျိုး တွေ့ဖို့ ဝေးနေတဲ့ အချိန်လည်း ဖြစ်ပါတယ်။ တဖက်မှာ ကြည့်လိုက်ပြန်တော့လည်း မဆလဟာ အလဲထိုးခံသွားရပြီး နဝတဟာ ခံစစ်ရောက်နေတယ် ဆိုတာကိုလည်း အရှင်းသား မြင်တွေ့ နေကြရပါတယ်။ ဗိုလ်စောမောင်ကို တင်လိုက်တာကိုက အငှားဗိုက်နဲ့ ဓားထိုး ခံလေသလားလို့ တွေးတောနေကြတဲ့ အချိန် ဖြစ်ပါတယ်။
အဲဒီအချိန်မှာ နဝတတက်လာပုံကိုပဲ ပြန်စဉ်းစားကြည့်ပါ။ နဝတဟာ အလံ တလူလူ၊ အောင်စည် အောင်မောင်းတွေ တီးပြီး ထွက်လာတာ မဟုတ်ပါဘူး။ “အာမခံချက်တွေ” (ကတိတွေ) အမျိုးမျိုးပြောပြီး ထွက်လာတာဖြစ်ပါတယ်။ ပါတီဝင် သန်းဂဏန်း ရှိတယ်ဆိုတဲ့ မဆလပါတီကိုလည်း ဖျက်သိမ်းပေးရ၊ လူဦးရေရဲ့ (၉၄) ရာခိုင်နှုန်းကျော်က အတည်ပြုခဲ့ ပါတယ်ဆိုတဲ့ ၁၉၇၄ ခုနှစ် အခြေခံ ဥပဒေကိုလည်း ဖျက်သိမ်း ပေးခဲ့ရပါတယ်။ ဒါ့အပြင် ဗိုလ်စောမောင်က ရွေးကောက်ပွဲ ပြီးတဲ့အခါမှာ စစ်တပ်ဟာ စစ်တန်းလျား (နေရာမှန်) ကို ပြန်ပါမယ်လို့လည်း ကတိပေးနေရပါတယ်။ အခြေခံ ဥပဒေအသစ်ကို ကျုပ်တို့ စစ်တပ်က မရေးဘူး၊ တရားခံဖြစ်လိမ့်မယ်၊ ခင်ဗျားတို့ပဲ ရေးကြလို့ ပြောနေရတဲ့ အနေအထားလည်း ဖြစ်ပါတယ်။
အဲဒီလို လူထုအရှိန်သိပ်မြင့်နေချိန်မှာ စစ်အုပ်စုကို ကပ်ဖားရပ်ဖား လုပ်လိုတဲ့ လူတွေလည်း ခေါင်း မထောင်ရဲပါဘူး။ အဲဒီလို အနေအထားမှာ ကြံ့ဖွံ့ဖွဲ့လို့ မရပါဘူး။ နောက်ပြီး အခု ပေါ်ပေါက် လှုပ်ရှားနေတဲ့ ပေါက်တတ်ကရ အဖွဲ့အစည်းတွေလည်း ခေါင်းမပြူရဲပါဘူး။ အဲဒီတုန်းကသာ ဖြစ်တည်မှု အကျပ်အတည်း ဆိုတာကို အသံဟလိုက်ရင် နဝတအစိုးရဟာ ဒါငါတို့ကို ပြောတာပဲဆိုပြီး ဆွဲစေ့ လိုက်မှာ သေချာပါတယ်။ ဒါပေမယ့် အခု ၂ဝ၁ဝ ရွေးကောက်ပွဲ လုပ်တော့မယ့်အချိန်မှာ ကျတော့ အနေအထားတွေဟာ အားလုံးလိုလို ပြောင်းပြန်ဖြစ် နေပါတယ်။ သူတို့စိတ်ကြိုက်ရေးပြီး မဲလိမ်မဲခိုးကာ လူထုကို ဓားမိုး အတည်ပြု ခိုင်းထားတဲ့ အခြေခံဥပဒေကို သိဒ္ဓိ တင်ပေးဖို့ လုပ်မယ့် ရွေးကောက်ပွဲ တရပ်အတွက် တာစူ နေချိန်ဖြစ်ပါတယ်။ သူတို့အနေနဲ့ လူထုကို “ငြိမ်ဝပ်ပိပြား” အောင်လည်း လုပ်ပြီးနေပြီ။ အမျိုးသား ဒီမိုကရေစီ အဖွဲ့ချုပ် ကိုလည်း အတောင်အလက် ချိုးပြီးထားပါပြီ။ အိုမင်းမစွမ်း ဖြစ်နေတဲ့ ခေါင်းပိုင်းပဲ ချန်ထားပြီး တက်တက်ကြွကြွ လှုပ်ရှားသူတွေကို ခြေချုပ်၊ အကျယ်ချုပ်၊ ထောင်ချုပ်တွေနဲ့ ချုပ်ချယ် ထားပါတယ်။ (ဒီလိုအခက်အခဲတွေ ကြုံတွေ့နေတာကို ဖြစ်တည်မှု အကျပ်အတည်း ဆိုက်နေတာလို့ ပြောလေသလား မသိပါ)။ မတရားသင်း ကြေညာထားတဲ့ အဖွဲ့တွေလည်း များသထက် များလာနေတာကို အားလုံး သတိပြုမိကြမှာပါ။ ဒါသာမက ၁၉၈၈-၉ဝ တုန်းက တက်ကြွလှုပ်ရှားသူ အများအပြားဟာ အခုအခါမှာ ပြည်ပကို ကြဲကွဲရောက်ရှိနေကြ ပါတယ်။ နောက်ပြီး တစည်း တလုံးထဲလည်း မရှိကြပါဘူး။
ဒီလိုအခြေအနေတွေအောက်မှာ အမျိုးသား ဒီမိုကရေစီအဖွဲ့ချုပ်ကို ဖြစ်တည်မှု အကျပ်အတည်း တွေ့နေတယ်လို့ ပြောနေတဲ့ ပုဂ္ဂိုလ်တွေဟာ အဲဒီ လိုအခက်အခဲကို ထောက်ရုံတင် မကပဲ အဲဒီက ထွက်လမ်း အနေနဲ့ နအဖရဲ့ ရွေးကောက်ပွဲကို ဝင်ဖို့လည်း နတ်လမ်းညွှန် လုပ်နေပါတယ်။ ဒါကိုမှ လက်တွေ့ကျတယ်လို့ ဆိုသူကလည်း ဆိုပါတယ်။ အမှန်ပြောရရင် ဒါဟာ ကျားလှောင်အိမ်ထဲကို ကျားစာအဖြစ်ခံဖို့ “ကိုယ့်ဆန္ဒအရ” အဝင်ခိုင်းနေတာပါ။ မြေခွေးအမြီးပြတ်က သေဖော်ညှိတာလို့လည်း ဆိုနိုင်ပါတယ်။
တကယ်က ၁၉၉ဝ ခုနှစ် ရွေးကောက်ပွဲလုပ်ပြီးခဲ့တာဟာ အနှစ်(၂ဝ) ရှိပါတော့မယ်။ မင်းမှာသစ္စာ၊ လူမှာ ကတိလို့ အဆိုရှိပေမယ့် အာဏာကို လက်မလွှတ်လိုတဲ့ နအဖ ဗိုလ်ချုပ်တွေဟာ သစ္စာလည်း လုံးဝမရှိ၊ ကတိလည်း လုံးဝမတည်တာကို တွေ့ခဲ့ကြရပါပြီ။ သူတို့ဟာ ကလေးတွေ ကစားသလို “ရွှေတံခါးကြီးဖွင့်ပါအုန်း” ဆိုတာမျိုးနဲ့ လူထုကို အမျိုးမျိုး လှည့်စားလို့သာ နေတယ်။ ပြောရရင် သူတို့ ဘာလုပ်နေတယ် ဆိုတာကို ပြည်တွင်းပြည်ပက လူတိုင်းသိပါတယ်။ အခုသူတို့ကို ထောက်ခံနေတဲ့၊ ဆန့်ကျင်လေသံ မဟဝံ့တဲ့၊ ရွေးကောက်ပွဲဝင်ပြီး မိုးခါးရေ သောက်ဖို့ တိုက်တွန်းနေတဲ့ လူတွေတောင် သိပါတယ်။ စစ်အုပ်စုရဲ့ သစ္စာဟာ ဘယ်လိုဟာမျိုးဖြစ်တယ် ဆိုတာ ဒီနိုင်ငံမှာ ကလေးတောင်မှ သိပါတယ်။
မနိုင်ရင်အရှုံးပေးပြီး ဝင်ရောလိုက်ဆိုတဲ့အယူအဆဟာ စံကျတဲ့ အရှုံးပေးရေး အယူအဆ တမျိုး ဖြစ်ပါတယ်။ ဒါဟာအဆင့်နိမ့် သတ္တဝါတွေရဲ့ စဉ်းစားနည်းမျိုးသာ ဖြစ်ပါတယ်။ နိုင်မယ်ထင်ရင် မာန်ဖီပြ၊ ရှုံးမယ်ထင်ရင် သွားဖြီးပြပြီး အမြီးကုတ်သွား တာဟာ သူတို့ရဲ့ အလေ့အကျင့်ပါ။ ရှစ်လေးလုံး အရေးတော်ပုံ အရှိန်မြင့်နေတုန်းက တက်ကြွ၊ လက်သီးလက်မောင်း တန်းခဲ့ပြီး၊ အခု နအဖက ပွဲကြမ်းနေတဲ့ အခါမှာကျတော့ ရွှေပြည်အေးတရားတွေ ဟောနေသူတွေကို “အမြင်မှန်ရသူတွေ” လို့ ခေါ်နိုင်ပါသလား။ နအဖကို ဆက်လက် ဆန့်ကျင်နေတာဟာ “လက်တွေ့မကျဘူး” လို့ ဆိုသူတွေကို လက်တွေ့က သင်ခန်းစာ ပေးပါလိမ့်မယ်။
အမျိုးသားဒီမိုကရေစီအဖွဲ့ချုပ်အနေနဲ့ တချို့လူတွေလို ရွေးကောက်ပွဲမှာ သူဌေးဖြစ် ခွေးဖြစ် ဝင်အောလို့ မဖြစ်ပါဘူး။ ၁၉၉ဝ ခုနှစ်တုန်းက ဦးနုဟာ စစ်တပ်ဟာ သူ့ဆီက အာဏာ လုသွားတယ်လို့ ပြောစရာ ရှိပေမယ့် ရွေးကောက်ပွဲမှာ ဒီငြိမ်းအဖွဲ့ ဝင်လိုက်တော့ အရှက်ကွဲ သွားရတဲ့ သင်ခန်းစာ ရှိပါတယ်။ လူတွေ၊ အဖွဲ့အစည်းတွေ၊ အထူးသဖြင့် နိုင်ငံရေး အဖွဲ့အစည်း တွေမှာ နောက်ကြောင်းသမိုင်း ရှိကြတဲ့ အလျောက် သမိုင်းက ပေးထားတဲ့ တာဝန်တွေ၊ လုပ်ငန်းတွေကို ထမ်းဆောင်ရ ပါသေးတယ်။ ဒီလို ဆိုတဲ့အတွက် အခြေအနေ သစ်တွေက ပြဋ္ဌာန်းတဲ့ လုပ်ငန်းတွေကို မလုပ်ရဘူးလို့ မဆိုလိုပါဘူး။ အဲဒီ နှစ်ရပ်စလုံးကို ပေါင်းစပ်ရမှာ ဖြစ်ပါတယ်။ သမိုင်းရှည်ကြာလေ၊ ထောက်ထားရတာ များလေလို့ ဆိုရင် မမှားပါဘူး။
မှန်ပါတယ်။ သူတို့မှာ အခက်အခဲကြီးပါတယ်။ အခုအခါမှာ သူတို့ရဲ့အခက်အခဲဟာ လူထုရဲ့ အခက်အခဲလို့လည်း ပြောနိုင်ပါတယ်။ ဒီလိုအချိန်မှာ ဒီချုပ်အခက် ငါတို့အချက်ဆိုပြီး ၂ဝ၁ဝ ရွေးကောက်ပွဲဝင်ဖို့ တက်ကြွနေသူတွေ မိုးကျလို့ မှိုထွက်သလို ပေါ်ထွက်နေပါတယ်။ နအဖ ထားရာမှာ ထားသလိုနေမယ်လို့ ဆုံးဖြတ်ထားသူတွေအတွက် တော့ လတ်တလောအားဖြင့် ဖြစ်တည်မှု အခက်အခဲ မရှိသေးတာ သေချာပါတယ်။
ရဲဘော်ဖိုးသံချောင်း
Ref: ခေတ်ပြိုင်
Read More...
Collapse...
20 April 2009
မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် နေအိမ် အကျယ်ချုပ် ဆက်လျှက် ထိမ်းသိမ်း ခံနေရတာကို အမေရိကန် အထက်လွှတ်တော် အမတ်တွေနဲ့ အတူ စိုးရိမ်တဲ့ အကြောင်း ကုလသမဂ္ဂ အတွင်းရေမှုးချုပ် ဘန်ကီမွန်း (Ban-ki Moon) က ပြောဆိုခဲ့ပါတယ်။
မြန်မာ့အရေးနဲ့ ပတ်သက်လို့ အမေရိကန် အထက်လွှတ်တော် အမျိုးသမီး အမတ်တွေက ကုလသမဂ္ဂ အတွင်းရေမှုးချုပ်ဆီ ရေးသား ပေးပို့တဲ့စာကို လက်ခံရရှိခဲ့တဲ့ အကြောင်း ဧပြီလ ၁၅ ရက်နေ့က ကျင်းပတဲ့ သတင်းစာ ရှင်းလင်းပွဲမှာ အတွင်းရေးမှုးချုပ်ရဲ့  လက်ထောက် ပြောဆိုခွင့်ရှိသူ ဖာရန် ဟတ်ခ် () က ပြောဆို သွားခဲ့ပါတယ်။
ဧပြီလ ၉ ရက်နေ့ နေ့စွဲနဲ့ အတွင်းရေးမှုးချုပ် ဘန်ကီမွန်းဆီ ရေးသား ပေးပို့ခဲ့တဲ့ စာကို ကယ်လီဖိုးနီးယား ပြည်နယ် (California) အထက်လွှတ်တော် အမတ် ဒိုင်ယန် ဖိုင်းစတိုင်း (Dianne Feinstein)၊ မယ်ရီလန်ပြည်နယ် (Maryland) အထက်လွှတ်တော် အမတ် ဘာဘရာ မီကူလ်စကီး (Barbara A Mikulski) နဲ့ အာကန်ဆော့ပြည်နယ် (Arkansas) အထက်လွှတ်တော် အမတ် ဘလန်ချီ လင်ကွန်း (Blanche Lincoln) တို့ ပါဝင်ကြပါတယ်။
မြန်မာစစ်အစိုးရက ကျင်းပပြုလုပ်ဖို့ စီစဉ်ထားတဲ့ ၂၀၀၁ ရွေးကောက်ပွဲ အစီအစဉ်ကို ဖျက်သိမ်းဖို့ အတွက် မြန်မာ စစ်အစိုးရကို ဖိအားပေးဖို့လည်း အတွင်းရေးမှုးချုပ် ဘန်ကီမွန်းကို အမေရိကန် အထက် လွှတ်တော်အမတ် တွေက တိုက်တွန်း ထားပါတယ်။
Ref: VOA News
Read More...
Collapse...
ကိုဝိုင်း
ဧပြီလ 20 2009
ချင်းမိုင် (မဇ္ဈိမ)။ ။ မူးယစ်ဆေးဝါး ထုတ်လုပ် ဖြန့်ဖြူးနေသည်ဟု နာမည်ထွက်နေသော ဝ’ ပြည်နယ် သွေးစည်း ညီညွတ်ရေးပါတီ နှင့် လက်တွဲခြင်းကြောင့် နိုင်ငံရေး သိက္ခာကို ထိခိုက်နိုင်မည် မဟုတ်ကြောင်း အမျိုးသား ဒီမိုကရေစီ တပ်ပေါင်းစုက ယနေ့ပြောသည်။
ဝ’ပြည်နယ် သွေးစည်းညီညွတ်ရေးပါတီ - ဝသပ (UWSP) ဖွဲ့စည်း တည်ထောင်ခြင်း အနှစ် ၂ဝ ပြည့် အထိမ်းအမှတ်ပွဲသို့ ပေးပို့သော အမျိုးသား ဒီမိုကရေစီ တပ်ပေါင်းစု - အန်ဒီအက် ၏ သဝဏ်လွှာ၌ “အမျိုးသားတန်းတူရေး၊ ကိုယ်ပိုင်ပြဋ္ဌာန်းခွင့် ရရှိရေးနှင့် စစ်မှန်သော ဖက်ဒရယ် ပြည်ထောင်စုကြီး တည်ဆောင် နိုင်သည်အထိ အန်ဒီအက်နှင့်အတူ ဝသပမှ ဦးဆောင်ပါဝင်ရန်” ဖိတ်ခေါ်ထားခြင်း ဖြစ်သည်။
“ဝလက်နက်ကိုင် တပ်ဖွဲ့က သူ့အနေနဲ့ နောက်ကွယ်မှာ မူးယစ်ဆေးဝါး ပြဿနာ ရှိတာကတော့ တကဏ္ဍ ပေါ့လေ။ ဒါပေမဲ့ အခု ၂၀၀၈ ဆိုရင် ဝ’ နယ်ထဲမှာ မူးယစ်ဆေးဝါး မရှိတော့ဘူး ဆိုပြီး သူတို့ ကြေညာလို့ ရပြီ။ အခု လှုပ်ရှားနေတာက ဝ’ အမျိုးသားအတွက် တကယ် ခိုင်ခိုင်မာမာ ရပ်တည် လှုပ်ရှားနေတာကို ကြည့်ရင် အန်ဒီအက်အနေနဲ့ လက်တွဲပြီးတော့ လုပ်နိုင်တယ်။ UWSP ကလည်း ဝ’ အမျိုးသားကို ကိုယ်စားပြုပြီး အလုပ်လုပ်တဲ့ အဖွဲ့ အစည်းတခု ဖြစ်တယ်ဆိုပြီး အန်ဒီအက်က သုံးသပ်ထားတယ်” ဟု အန်ဒီအက် အထွေထွေ အတွင်းရေးမှူး မိုင်ဘုန်းကျော်က မဇ္ဈိမကို ပြောသည်။
အန်ဒီအက် သဝဏ်လွှာကို ‘ဝသပ’ နိုင်ငံခြားရေးဌာနသို့ ယခုလ ၁၅ ရက်နေ့တွင် ပေးပို့ခဲ့ခြင်း ဖြစ်သော်လည်း လက်တွဲရန် ဖိတ်ခေါ်ချက်နှင့် ပတ်သက်၍မူ တစုံတရာ အကြောင်းပြန်ကြားချက် မရရှိသေးကြောင်းနှင့် ‘ဝသပ’ အနေဖြင့် အန်ဒီအက်နှင့် ပူးပေါင်းပြီး နအဖကို တော်လှန် တိုက်ခိုက်မည် ဆိုပါက တံခါးဖွင့်ထားကြောင်း အန်ဒီအက်က ဆိုသည်။
“သဝဏ်လွှာထဲမှာပါတဲ့ အကြောင်းအရာတွေနဲ့ ပတ်သက်လို့တော့ အကြောင်း မပြန်သေးပါဘူး။ သဝဏ်လွှာကို လက်ခံ ရရှိကြောင်းကိုတော့ အကြောင်းပြန်တယ်။ သူတို့ရဲ့ ခေါင်းဆောင်ကြားထဲမှာ တင်ပြပေးမယ် ဆိုပြီးတော့ သူတို့ နိုင်ငံခြားရေး ဌာနက အကြောင်းပြန်တယ်။ ဝသပ မှာလည်း ဖိအားတွေ အမျိုးမျိုးရှိတော့ နအဖ ကို ပြတ်ပြတ်သားသား ဆန့်ကျင် တိုက်ခိုက်မယ်ဆိုရင် ကျနော်တို့နဲ့အတူ ပူးပေါင်းပြီး တော်လှန် တိုက်ခိုက်ဖို့။ တံခါးဖွင့်ထားတဲ့ သဘောဖြစ်ပါတယ်” ဟု အန်ဒီအက် အထွေထွေ အတွင်းရေးမှူးက ပြောသည်။
‘ဝသပ’ ဥက္ကဋ္ဌ ပေါက်ယူချန်းကမူ နအဖ စစ်အစိုးရနှင့် မတူညီချက်များကို ညှိနှိုင်းခြင်းဖြင့်သာ ဖြေရှင်းသွားမည် ဖြစ်ပြီး တိုးတက်သည့် ဒေသကြီးတခု ဖြစ်လာစေရန် ငြိမ်းချမ်းသောနည်းဖြင့် တည်ဆောက် သွားမည်ဖြစ်ကြောင်း ယခုလ ၁၇ ရက်နေ့တွင် ကျင်းပသည့် ပါတီ ဖွဲ့စည်းခြင်း အနှစ် ၂ဝ ပြည့် ပွဲတွင် ပြောကြားသွားခဲ့သည်။
သို့သော် နအဖနှင့် ‘ဝသပ’ အကြား တဖက်နှင့်တဖက် အယုံအကြည် မရှိကြဘဲ စစ်ရေး ပြင်ဆင်မှုများ ရှိနေပြီး တိုက်ပွဲများ ပြန်ဖြစ်ပါက ‘ဝသပ’ အနေဖြင့် အဆင်သင့် ရှိကြောင်း မိုင်ဘုန်းကျော်က ပြောသည်။
“ဥက္ကဋ္ဌကြီး ပေါက်ယူချန်း ပြောတာကတော့ နိုင်ငံရေးပြဿနာကို ငြိမ်းချမ်းတဲ့ နည်းလမ်းနဲ့ ဖြေရှင်းမယ်။ တွေ့ဆုံဆွေးနွေးရေး နည်းလမ်းနဲ့ ဖြေရှင်းမယ်လို့ ပြောတာပေါ့။ ဒါပေမဲ့ လက်တွေ့ အခြေအနေမှာတော့ အခက်အခဲတွေ အများကြီး ရှိတယ်။ ဥပမာ - နအဖ အနေနဲ့လည်း ဝ’ ကို အယုံအကြည် မရှိဘဲ စစ်ရေးပြင်ဆင်နေတာ။ ဝ’ ဘက်ကလည်း စစ်ရေး ပြင်ဆင်နေတာ ရှိတယ် ဆိုတဲ့ဟာတွေ ကျနော်တို့ သတင်းအတိအကျတွေ ရှိတယ်။ မလွဲသာတဲ့အဆုံး လက်နက်ကိုင် တော်လှန်ရေး လုပ်ရမယ် ဆိုလည်း ဝသပ ဘက်ကလည်း အဆင်သင့် ပြင်ဆင်ထားတဲ့ သဘောရှိပါတယ်” ဟု သူက ပြောသည်။
အန်ဒီအက်၏ သဝဏ်လွှာထဲတွင် ယခုနှစ်ဆန်းပိုင်း၌ ‘ဝသပ’ အဖွဲ့က ဝ’ပြည်နယ်အစိုးရ ဖွဲ့စည်းကြောင်း ကြေညာခဲ့မှုသည် ၂ဝဝ၈ ခုနှစ် ဖွဲ့စည်းပုံဥပဒေကို ပယ်ချခြင်းနှင့် ကိုယ်ပိုင်ပြဋ္ဌာန်းခွင့်ကို ဖော်ပြခြင်းသာ ဖြစ်ပြီး ပြည်ထောင်စုမှ ခွဲထွက်ရန် မဟုတ်သဖြင့် ကြိုဆိုကြောင်း ဖော်ပြသည်။
‘ဝသပ’ အဖွဲ့နှင့် အန်ဒီအက် ကိုယ်စားလှယ်များအကြား တိုင်းရင်းသား တန်းတူညီမျှရေး၊ ကိုယ်ပိုင် ပြဋ္ဌာန်းခွင့်နှင့် စစ်မှန်သည့် ဖက်ဒရယ် ဒီမိုကရက်တစ် ပြည်ထောင်စု တည်ဆောက်ရေးတို့ကို လက်တွဲ ဆောင်ရွက်သွားရန် ၁၉၈၉ ခုနှစ် နိုဝင်ဘာလအတွင်းက ဝသပ ပန်ဆန်းဌာနချုပ်တွင် သဘောတူလက်မှတ် ရေးထိုးခဲ့သည်။
အန်ဒီအက်ကို ၁၉၇၆ ခုနှစ် မေလ ၁ဝ ရက်နေ့တွင် တိုင်းရင်းသားများ၏ တန်းတူညီတူ ကိုယ်ပိုင်ပြဋ္ဌာန်းခွင့် ရရှိရေးအတွက် ရည်ရွယ်၍ လက်နက်ကိုင် တိုင်းရင်းသား အဖွဲ့ပေါင်း ၁ဝ ဖွဲ့ကျော်ဖြင့် စတင် ဖွဲ့စည်းခဲ့သည်။ သို့သော် အဖွဲ့ဝင်အချို့သည် နအဖနှင့် အပစ်အခတ် ရပ်စဲသွားသဖြင့် ယခုအခါ အဖွဲ့ဝင် ၈ ဖွဲ့ဖြင့်သာ ဆက်လက် လှုပ်ရှားနေသည်။
လက်ရှိအဖွဲ့ဝင်များမှာ ကရင်အမျိုးသား အစည်းအရုံး KNU ၊ ချင်းအမျိုးသား တပ်ဦး CNF ၊ ရခိုင်ပြည် လွတ်မြောက်ရေး ပါတီ ALP ၊ လားဟူ ဒီမိုကရက်တစ် ယူနီယံ LDU ၊ ပလောင်ပြည်နယ် လွတ်မြောက်ရေး တပ်ဦး PSLF ၊ ပအို့ဝ် ပြည်သူ့ လွတ်မြောက်ရေး အဖွဲ့ PPLO ၊ ဝအမျိုးသား အဖွဲ့ WNO ၊ မွန်ပြည်သစ် ပါတီ NMSP တို့ ဖြစ်သည်။
Ref: မဇ္ဈိမ
Read More...
Collapse...
မေကျော်
20၊ 2009
ချင်းမိုင် (မဇ္ဈိမ)။ ။ တွံတေးမြို့နယ် အမျိုးသား ဒီမိုကရေစီ အဖွဲ့ချုပ်မှ လူငယ်အဖွဲ့ ရေးရာ ဒု တာဝန်မှူးနှင့် အဖွဲ့ဝင် အမျိုးသမီးတဦးကို ယခုလ ၁၈ ရက်နေ့က ရပ်ကွက် ရာအိမ်မှူးနှင့် အဖွဲ့က ဝိုင်းဝန်း၍ ကိုယ်ထိလက်ရောက် ရန်မူခဲ့ကြောင်း သိရသည်။
လူငယ်အဖွဲ့ရေးရာ ဒုတာဝန်မှူး ကိုဘိုဘို (ကုန်စိမ်းရောင်းချသူ) နှင့် ဇနီးသည်ဖြစ်သူ ပါတီအဖွဲ့ဝင် မအိသဲမွန်ကို တရပ်ကွက်ထဲတွင် နေထိုင်သူ ကွမ်းခြံရပ်ကွက် ရာအိမ်မှူး ကိုပေါက်နှင့် ကိုမျိုးကို အပါအဝင် အခြား ၂ ဦးက ပြုမူခဲ့ခြင်း ဖြစ်သည်။
၁၈ ရက်နေ့ ညနေ ၄ နာရီခန့်က ဇနီးမောင်နှံ နှစ်ဦးသည် နေအိမ်သို့အပြန် ဘုရားသုံးဆူ ဘုန်းကြီးကျောင်း အနီးတွင် ရာအိမ်မှူးနှင့် အဖွဲ့က စတင်၍ ဆဲဆိုကြရာ၊ ဆဲရေးတိုင်းထွာမှု မလုပ်ရန် တားမြစ်သည့် ကိုဘိုဘို ကို ဝိုင်းဝန်း၍ ရင်ဘတ်ကို ဆောင့်တွန်းခဲ့ပြီး၊ အတူပါလာသူ မအိသဲမွန်က တားမြစ်သော်လည်း သူ့ကို လက်ဆွဲပြီး ဆောင့်တွန်းခဲ့ကြောင်း တွံတေးမြို့နယ် NLD ဥက္ကဋ္ဌက ပြောသည်။
အခင်းဖြစ်ပွားသည့် နေ့ကပင် တွံတေးရဲစခန်းသို့ ချက်ချင်း တိုင်ချက်ဖွင့်သည်ကို စခန်းမှူး ဦးမြင့်ကျော်က အမှု ဖွင့်ပေးသော်လည်း ဒုရဲအုပ် သိန်းဇော်ဦးက ပြစ်မှု ကျူးလွန်သူများကို မြို့နယ်ကောင်စီ မယက ဥက္ကဋ္ဌ၏ ခွင့်ပြုချက် မရ၍ ဖမ်းဆီးခြင်း မပြုနိုင်ကြောင်း ပြောခဲ့သည်။
“သူတို့ကလည်း မဖမ်းပေးမချင်း ရဲစခန်းမှာပဲ နေနေတယ်။ ရဲတာဝန်မှူးက ဒီကိစ္စက မယက ဥက္ကဋ္ဌက ဖမ်းခွင့် မပေးလို့ မဖမ်းပေးဘူးလို့ ပြောလိုက်တယ်လေ။ ပြန်လာတော့ ၁၂ နာရီ။ ၁ ချက်လောက်မှ ပြန်လာကြတယ်” ဟု သွားရောက် တိုင်ကြားရာတွင် ပါဝင်ခဲ့သူတဦးက မဇ္ဈိမကို ပြန်ပြောပြသည်။
နောက်တရက်ဖြစ်သည့် ယမန်နေ့ နံနက်ပိုင်းတွင်မူ ကျူးလွန်သူ ၄ ဦးကို ရဲစခန်းက ဖမ်းဆီးခဲ့သော်လည်း၊ ညနေ ၄ နာရီခန့်တွင် အာမခံနှင့် ပြန်လွှတ်ပေးခဲ့သည်။
မည်သည့် အကြောင်းကြောင့် ရာအိမ်မှူးနှင့် အဖွဲ့က ကိုယ်ထိလက်ရောက် ရန်မူခဲ့သည်ကို မသိရ သေးကြောင်း တွံတေးမြို့နယ် ပါတီ ဥက္ကဋ္ဌက ပြောသည်။
Ref: မဇ္ဈိမ
Read More...
Collapse...
Sun 19 Apr 2009,
မြန်မာစစ်အစိုးရနှင့် အပစ်အခတ် ရပ်စဲထားသော မွန်ပြည်သစ်ပါတီ ခရိုင် ကော်မတီဝင် တစ်ဦး ယမန်နေ့တွင် မော်လမြိုင်မြို့နယ် ဖားအောက်ရွာနှင့် ရိုးဂိုးရွာကြား အဝေးပြေးလမ်း ပေါ်တွင် အမည်မသိ လက်နက်ကိုင် အဖွဲ့တစ်ဖွဲ့၏ လုပ်ကြံ သတ်ဖြတ်မှုကို ခံရပြီး ပွဲချင်းပြီးသေ ဆုံးခဲ့သည်။
လုပ်ကြံခံရသူ နိူင်မင်းနောင်သည် မွန်ပြည်သစ်ပါတီ အုပ်ချုပ်မှုဒေသ အောက်ရှိ ကျေးရွာများမှ (စစ်ပြေးဒုက္ခသည်) ပြည်သူများ အတွက် ရိက္ခာဆန် စုဆောင်းဝယ်ယူရန် လုံးပမ်းရင်း မော်လမြိုင်မြို့မှ အပြန် ညနေ ၄ နာရီခန့်တွင် နောက်မှ ထပ်ကြပ်မ ကွာလိုက်လာသော သေနတ် သမားများ၏ လုပ်ကြံမှုကြောင့် သေဆုံးခဲ့ရာမှ ဆေးစစ်အ တည်ပြုမှု ရယူရန်အတွက် မော်လမြိုင် ပြည်သူ့ဆေးရုံသို့ သယ်ဆောင် ခဲ့သည်ဟု ၄င်း၏ အသုဘ အခမ်းအနားအတွက် လုံးပမ်းနေသော ပါတီဝင်တစ်ဦးက ပြောသည်။
သေဆုံးသူမှာ လက်နက်တိုဖြင့် ပစ်ခတ်ခံရပြီး ကျည်ဆံမှာ နောက်ကျောမှ ရင်ဘတ်သို့ ဖောက်ထွင်း ခံထားရကြောင်း ထိုင်းနိုင်ငံမှလာသော လက်နက် တစ်မျိုးဖြင့် ပစ်ခတ်ထား ခြင်းဖြစ်ကြောင်း လုပ်ကြံ ခံရသော နေရာ အနီးတဝိုက်မှ ရှာဖွေ တွေ့ရှိခဲ့သော ကျည်ခွံကို အတည်ပြု၍ ၄င်းကပြောသည်။
“ဒီအမှုအတွက် လက်သည်ကို ကျနော်တို့ အတည် မပြုနိုင်သေးဘူး၊ အသုဘချဖို့ ကျနော်တို့ လုံးပမ်း နေတုံးပဲ၊ ဒါပေမယ့် မကြာခင် အဖြေတွေ့မှာပါ” ဟု ၄င်းက ဆက်ပြောသည်။
နိူင်မင်းနောင်သည် ၂၀၀၈ ခုနှစ် မွန်ပြည်သစ်ပါတီ သတ္တမ အကြိမ်မြောက် ညီလာခံမတိုင်မီ ဘုရားသုံးဆူ မြို့နယ် အတွင်းရေးမှူးအဖြစ် တာဝန် ထမ်းဆောင်ခဲ့ဖူးပြီး မူးယစ်ဆေးဝါး တိုက်ဖျက်ရေး လုပ်ငန်း၌ အားကြိုး မာန်တက် ဆောင်ရွက် ခဲ့ခြင်းကြောင့် မူးယစ်ဆေးဝါးဂိုဏ်း တစ်ခုမှ လုပ်ကြံသည်လည်း ဖြစ်နိုင်ကြောင်း၊ အခင်း ဖြစ်ပွားသည့်နေရာမှာ ရိုးဂိုးရွာဝင်လမ်း ထိပ်ရှိ စစ်ဆေးရေးဂိတ်နှင့် ကိုက် ၆၀၀ ကျော်ခန့်သာ ကွာခြင်းကြောင့် ယခုလုပ်ကြံမှုတွင် ဒေသခံ အာဏာပိုင်များ မျက်ကွယ် ပြုထားခြင်းလည်း ဖြစ်နိုင်ကြောင်း၊ ၄င်းအပြင် ဆန်ရိက္ခာ ဝယ်ယူရန်အတွက် ငွေကျပ်သိန်း (၁၈၀) ကို မော်တော် ဆိုင်ကယ်နှင့် သယ်ဆောင် လာစဉ် လုပ်ကြံခံရသော် လည်း လုပ်ကြံသူများ ၄င်းငွေကို မယူဆောင်သွားခြင်းမှာ နောက်ကြောင်း တစ်ခုခုကြောင့် လုပ်ကြံခြင်းသာ ဖြစ်ကြောင်း ပါတီဝင်များက သုံးသပ်ကြသည်။
“သူဟာ အလုပ်သိပ်ကြိုးစားတဲ့ လူတစ်ယောက်ပဲ၊ လူငယ်တွေရဲ့ တိုးတက်မှုကို အားပေးတဲ့ သူတစ်ယောက်ပဲ၊ နောက်ပြီး တိုင်းရင်းသား အချင်းချင်း စုပေါင်း လုပ်ဆောင်မှု စုပေါင်း အားထုတ်မှုကို သိပ်မြတ်နိုးတဲ့ သူတစ်ယောက်ပဲ” ဟု မဲဆောက်မြို့ အခြေစိုက် မွန်အဖွဲ့အစည်း တစ်ခုမှ နိုင်ဥက္ကာက ၄င်းရင်းနှီးခဲ့သော နိုင်မင်းနောင်အပေါ် သုံးသပ်ခဲ့သည်။
ဆန်ရိက္ခာဝယ်ယူရန်အတွက် ၄င်းနှင့်အတူပါလာသည့် ငွေကျပ်သိန်း (၁၈၀) နှင့် ၄င်း စီးနင်းလာသည့် မော်တော် ဆိုင်ကယ်ကို ယခုအချိန်တွင် မွန်ပြည်နယ် မော်လမြိုင်မြို့ ပြည်သူ့ ရဲစခန်းမှ ထိန်းသိမ်းထားဆဲ ဖြစ်ပြီး ၄င်း၏ရုပ်အလောင်းကို ယနေ့ညနေ ၃ နာရီ ကျော်ခန့်၌ မော်လမြိုင်မြို့ သုဿန်၌ မီးသင်ဂြိုဟ်ခဲ့ပြီး ဖြစ်သည်။
နိူင်မင်းနောင်သည် မွန်ပြည်နယ် မုဒုံမြို့နယ် ကမာဝက်ရွာ ဇာတိဖြစ်ပြီး ၁၉၉၂ ခုနှစ်တွင် ရေဆင်း တိမွေး/ကု ကျောင်းသား ဘဝမှ မွန်ပြည်သစ်ပါတီသို့ ဝင်ရောက်ခဲ့သည်။
မွန်ပြည်သစ်ပါတီတွင် စစ်သည်ဘဝ သတင်းထောက်လှမ်းရေး တပ်၌ ဒုအရာခံဗိုလ် အဆင့် ထားဝယ် ခရိုင်မြို့နယ် ကော်မတီဝင်၊ ဗဟိုဝန်းကျင်ဒေသ ဘုရားသုံးဆူမြို့နယ် အတွင်းရေးမှူး စသည့် ရာထူး တာဝန်အဆင့်ဆင့်ကို ထမ်းဆောင်ခဲ့ပြီး မွန်ပြည်သစ် ပါတီ၏ သတ္တမ အကြိမ်ညီလာခံမှစ၍ ခရိုင်ကော်မတီ အဆင့်ဖြင့် မွန်ပြည်သစ်ပါတီ အုပ်ချုပ်မှုဒေသ အောက်ရှိ ကျေးရွာရွေ့ပြောင်းခံရသော ပြည်သူများအတွက် ဆန်ရိက္ခာ စုဆောင်းရန် ကြိုးပမ်းရင်း လုပ်ကြံခံရခြင်း ဖြစ်သည်။
Ref: လွတ်လပ်သောမွန်သတင်းအေဂျင်စီ
Read More...
Collapse...
Sunday, 19 April 2009
ကိုစိုး
မြန်မာနိုင်ငံ ရခိုင်ပြည်နယ်မြောက်ပိုင်းသို့ ၀င်ရောက်နိုင်ကြောင်း သတိပေး ကြေညာထားသော ဘစ်ဂျလီ ဆိုင် ကလုန်း မုန်တိုင်း အန္တရာယ်မှ ကင်းလွတ်သွားပြီဟု မြန်မာအစိုးရက ယနေ့ ထုတ်ပြန် ကြေညာသည်။
ဘစ်ဂျလီ ဆိုင်ကလုန်း မုန်တိုင်းသည် သောကြာနေ့ညက ဘင်္ဂလားဒေ့ရှ် နိုင်ငံတောင်ပိုင်းသို့ ၀င်ရောက် တိုက်ခတ် သွားပြီးနောက် အစိမ်းရောင် အဆင့်ဖြင့် အန္တရာယ် ကင်းရှင်းသွားပြီဟု သတ်မှတ်ကြောင်း ယနေ့ထုတ် အစိုးရ မြန်မာ့ အလင်း သတင်းစာတွင် ကြေညာ ထားခြင်းဖြစ်သည်။
“ကျနော်တို့ မုန်တိုင်း သတိပေးချက်ကို ရုပ်သိမ်းလိုက်ပါပြီ”ဟုလည်း မြန်မာနိုင်ငံ မိုးလေ၀သနှင့် ဇလဗေဒ ညွှန်ကြားမှု ဦးစီးဌာန(မိုး/ဇလ) ညွှန်ကြားရေးမှူးချုပ် ဦးထွန်းလွင်က အေပီ သတင်းဌာသို့ ပြောဆိုသည်။
သို့သော် မုန်တိုင်းအကြွင်းအကျန် တိမ်တိုက်များသည် မြန်မာနိုင်ငံ မြောက်ပိုင်း ဒေသကို ဖြတ်ကျော်၍ အရှေ့ဘက် သို့ ဆက်လက် ရွေ့လျားလျှက် ရှိရာ စနေနေ့ နံနက်ပိုင်းမှ၂၄ နာရီအတွင်း ကချင်ပြည်နယ်၊ ချင်းပြည်နယ်၊ ရှမ်း ပြည်နယ်၊ ရခိုင်ပြည်နယ်၊ စစ်ကိုင်းတိုင်း၊ မကွေးတိုင်းနှင့် မန္တလေးတိုင်း တို့တွင် နေရာကွက်၍ မိုးသည်းထန်စွာ ရွာသွန်း နိုင်ကြောင်းလည်း သတင်းစာ ကြေညာချက်တွင် ပါရှိသည်။
ယင်း မိုးသည်းထန်မှုကြောင့် ကုန်းမြင့်ဒေသရှိ ချောင်းများ၊ မြစ်ငယ်များတွင် လျှပ်တပြက် ရေကြီးမှုများ၊ မြေပြိုမှုများ ဖြစ်ပေါ်နိုင်သည့် အတွက် ဒေသခံများ သတိပြုရန်လည်း မိုး/ဇလ ညွှန်ကြားမှု ဦးစီးဌာနက သတင်းစာတွင် နှိုးဆော် ထားသည်။
အဆိုပါ ဘစ်ဂျလီ မုန်တိုင်းသည် ပြီးခဲ့သည့်သောကြာနေ့ ညပိုင်းက ဘင်္ဂလားဒေ့ရှ် နိုင်ငံ တောင်ပိုင်း ကမ်းရိုးတန်း ဒေသ စစ်တကောင်း- ကောက်စ်ဘဇား တို့သို့ ၀င်ရောက် တိုက်ခတ်ခဲ့ရာ လူ ၅ ဦး သေဆုံးပြီး ဒါဇင်နှင့်ချီ၍ ဒဏ်ရာ ရရှိ ကြောင်း၊ မုန်တိုင်းဒဏ်သင့် ဒေသများရှိလူပေါင်း ၃ သိန်းကျော်ကို ဘေးလွတ်ရာသို့ အာဏာပိုင်များက ရွှေ့ပြောင်းပေးကြောင်း ဘင်္ဂလားဒေ့ရ်ှမှ လာသော သတင်းများအရ သိရှိရသည်။
ဘင်္ဂလားဒေ့ရ်ှနိုင်ငံသို့ မုန်တိုင်း ၀င်ရောက်တိုက်ခိုက်စဉ် ရခိုင်ပြည်နယ်ရှိ ဘူးသီးတောင်၊ မောင်းတော ဒေသများ ကို မုန်တိုင်း အဖျားခတ်မှု ရှိသည်ဟုလည်း သတင်းများထွက်ပေါ်ခဲ့သေးသည်။
ယနေ့ထုတ် သတင်းစာတွင်မူ မြန်မာနိုင်ငံအတွင်း ထိခိုက်ပျက်စီးမှု တစုံတရာ မရှိကြောင်း ဖော်ပြ ထားသည်။ ယခု ဘစ်ဂျလီ မုန်တိုင်းသည် ယမန်နှစ် မေလက မြန်မာနိုင်ငံ မြစ်ဝကျွန်းပေါ် ဧရာဝတီတိုင်း နှင့် ရန်ကုန်တိုင်းတို့ ၌ တိုက်ခတ်ခဲ့သည့် နာဂစ် ဆိုင်ကလုန်း မုန်တိုင်းတိုက်ခတ်မှု တနှစ်ပြည့်ရန် ၂ ပတ်ခန့် အလိုတွင် ဖြစ်ပေါ်လာခြင်း ဖြစ်သည်။
၂၀၀၈ ခုနှစ်မေလ ၂ ရက် နှင့် ၃ ရက် က တိုက်ခတ်ခဲ့သော ယင်း နာဂစ် ဆိုင်ကလုန်း မုန်တိုင်းကြောင့် လူပေါင်း ၁၄၀၀၀၀ ခန့် သေကြေ ပျောက်ဆုံးခဲ့ပြီး ၂.၄ သန်း ခန့် အိုးမဲ့အိမ်မဲ့ ဖြစ်ခဲ့ရသည်။ မြစ်ဝကျွန်းပေါ် ဒေသသည် မုန်တိုင်း ဒဏ် အဆိုးဝါးဆုံး ခံခဲ့ရသည်။
Ref: ဧရာဝတီ
Read More...
Collapse...
19 April 2009
မနေ့က ဆိုမာလီယာ ပင်လယ်ဓားပြတွေဟာ အာဖရိကတိုက် အရှေ့မြောက်စွန် ကမ်းလွန် တနေရာမှာ နောက်ထပ် သင်္ဘော နှစ်စီးကို ပြန်ပေးဆွဲလိုက် ပြန်ပါပြီ။ နေတိုးအဖွဲ့ကြီးရဲ့ တပ်မှူးတစ်ဦးရဲ့ အဆိုအရ ပင်လယ်ဓားပြတွေဟာ စစ္စလီကျွန်းဘက်ကို ဦးတည်နေတဲ့ ဘယ်လ်ဂျီယံ (Belgian) သင်္ဘောတစ်စီးကို ပြန်ပေးဆွဲခဲ့တာ ဖြစ်ပါတယ်။ အဲဒီသင်္ဘောမှာ စီးနင်းလိုက်ပါလာတဲ့ အမှုထမ်း ၁၀ ဦးထဲက ၂ ဦးဟာ ဘယ်လ်ဂျီယံ နိုင်ငံသားတွေဖြစ်ပြီး ၄ ဦးက ခရိုအေးရှ (Croatia) နိုင်ငံသား၊ နောက် ၃ ဦးက ဖိလစ်ပိုင် နိုင်ငံသားတွေ ဖြစ်ကြတယ်လို့ ဆိုပါတယ်။
နောက်တခါ အေဒင်ပင်လယ်ကွေ့တစ်နေရာမှာလည်း မာရှယ်လ် (Marshall) ကျွန်းစု နိုင်ငံအလံ လွှင့်ထူထားတဲ့ သင်္ဘောတစီး အတိုက်အခိုက် ခံခဲ့ရတယ် ဆိုတဲ့ အချက်ပေး Signal ကို ဖမ်းယူ သိရှိခဲ့ရတယ်လို့ နေတိုးအဖွဲ့ ရဲ့ တပ်မှူးတစ်ဦးက ပြောခဲ့ပါတယ်။ ဒီအချက်ပေး Signal ကိုရလို့ တုံ့ပြန်ခဲ့တဲ့ ဒတ်ခ်ျတပ်ဖွဲ့တွေက အဲဒီ ပင်လယ်ဓားပြတွေနဲ့ ထိပ်တိုက် တွေ့ပြီး နောက်ထပ် သင်္ဘောတစ်စီးမှာ ပြန်ပေးဆွဲ ခံထားရတဲ့ ယေမန် (Yemen) နိုင်ငံသား အယောက်၂၀ကို ကယ်တင်နိုင်ခဲ့ပါတယ်။ အဲဒီ သင်္ဘော မှာ အခြေပြုပြီး ပင်လယ်ဓားပြတွေက လှုပ်ရှားနေတာ ဖြစ်ပါတယ်။
Ref: VOA News
Read More...
Collapse...
ဖနိဒါ
ဧပြီလ 18 2009
ချင်းမိုင်(မဇ္ဈိမ)။ ။ ရန်ကုန်တိုင်း ဒေါပုံမြို့နယ်မှ အမျိုးသား ဒီမိုကရေစီ အဖွဲ့ချုပ် အဖွဲ့ဝင်များနှင့် ရင်းနှီးသူ အသက်၂၅ နှစ်အရွယ် ကိုသီဟထွန်းအား အာဏာပိုင်များက ပြီးခဲ့သည့် သင်္ကြန် အကြိုနေ့ ဧပြီ ၁၃ရက်က ဖမ်းဆီး ခေါ်ဆောင် သွားခဲ့သော်လည်း မည်သည့် အတွက်ကြောင့် ဖမ်းဆီးသည်ကို မသိရှိရကြောင်း မိသားစုဝင် တဦးက အတည်ပြု ပြောကြားသည်။
ကိုသီဟထွန်းအား ဒေါပုံမြို့နယ် မ-ယ-က ဥက္ကဌ ကိုယ်တိုင် ဧပြီလ ၁၃ ရက်နေ့က နေအိမ်တွင် လာရောက် ဖမ်းဆီး ခေါ်ဆောင်သွားခဲ့ခြင်း ဖြစ်သည်။
သူ၏ မိသားစုက အရေးပေါ် စီမံချက် အက်ဥပဒေ ပုဒ်မ ၅ (ည) ဖြင့် ဖမ်းဆီး ခံရသည်ဟု ကြားသိရကြောင်း သို့ရာတွင် အတည် မပြုနိုင်သေးကြောင်း ဆိုသည်။
“ဟုတ်ပါတယ်။ ကြာပြီ ၄၊ ၅ ရက်လောက် ရှိမယ်။ ဘယ်မှာ ထားမှန်းတောင် မသိသေးဘူး။ အိမ်မှာဘဲ ဥက္ကဌ ကိုယ်တိုင် လာခေါ်သွားတာ။ ခုစုံစမ်းလို့ ရတာက ၅ ညနဲ့လို့ နိုင်ငံရေး အမှုလို့ စုံစမ်းရတာဘဲ” ဟု သူ၏ မိသားစုဝင် တဦးက မဇ္ဈိမကို ပြောသည်။
ယခု အဖမ်းခံရသူ ကိုသီဟထွန်းမှာ အမျိုးသားဒီမိုကရေစီ အဖွဲ့ချုပ် အဖွဲ့ဝင်များနှင့် နီးစပ်သူတဦး ဖြစ်သော်လည်း နိုင်ငံရေး လှုပ်ရှားမှုများတွင်မှု လိုက်ပါ ဆောင်ရွက်ဖူးခြင်း မရှိဟု ဒေါပုံမြို့နယ် အမျိုးသား ဒီမိုကရေစီ အဖွဲ့ချုပ်မှ အဖွဲ့ဝင် လူငယ်တဦးက ပြောသည်။
Ref: မဇ္ဈိမ
Read More...
Collapse...
Friday, 17 April 2009
စည်းလုံး ညီညွတ်သည့် ဝတိုင်းရင်းသားတို့၏ ဒေသကြီး ပေါ်ပေါက်ရေး အတွက် ကြိုးပမ်းသွားမည်ဟု ဝပြည် သွေးစည်း ညီညွတ်ရေး တပ်မတော် (UWSA)က ယနေ့ ပြုလုပ်သည့် “ငြိမ်းချမ်းရေး တည်ဆောက်မှု အနှစ် (၂ဝ) ပြည့်” အခမ်းအနားတွင် ပြောကြား လိုက်ကြောင်း တရုတ် မြန်မာနယ်စပ် သတင်းများအရ သိရသည်။
ပရိသတ် နှစ်သောင်းဝန်းကျင် တက်ရောက်သည့် အဆိုပါ အခမ်းအနားတွင် ပြောကြားသည့် UWSA အကြီးအကဲ ဦးပေါက်ယူချန်း၏ မိန့်ခွန်းတွင် မြန်မာအစိုးရနှင့် အမြင်မတူသည့် အချက်များကို ညှိနှိုင်း ဖြေရှင်းသွားမည်ဟုလည်း ပါရှိသည်။
အနှစ် ၂ဝ ပြည့် အထိမ်းအမှတ်ပွဲကို UWSA ဌာနချုပ် တည်ရှိရာ ရှမ်းပြည်နယ်၊ ပန်ဆန်းမြို့တွင် ယနေ့ နံနက်က ပြုလုပ်ခဲ့ခြင်း ဖြစ်သည်။ UWSA တပ်ဖွဲ့ဝင် ၂၄ဝဝ ခန့် ပါဝင်သည့် စစ်ရေးပြ အခမ်းအနား တခုလည်း ပါဝင်သည်ဟု ဆိုသည်။
ဝ တပ်ဖွဲ့များက ဗမာပြည် ကွန်မြူနစ်ပါတီ၏ လက်နက်ကိုင် အင်အားစုအဖြစ်မှ ၁၉၈၉ ခုနှစ်တွင် ခွဲထွက်ခဲ့ ပြီးနောက် UWSA အဖြစ် ဖွဲ့စည်း ရပ်တည်ခဲ့ခြင်း ဖြစ်သည်။ UWSA တွင် စစ်သည်အင်အား နှစ်သောင်း ဝန်းကျင်ရှိမည်ဟု အကဲခတ်များက ယူဆကြသည်။ UWSA ၁ဝ နှစ်ပြည့်ခဲ့စဉ်ကလည်း ကွန်မြူနစ် ပါတီမှ ခွဲထွက်သည့် အထိမ်းအမှတ် အဖြစ် အခမ်းအနား ပြုလုပ်ခဲ့သည်။ ယခု အနှစ် ၂ဝ ပြည့် အခမ်းအနားကိုမူ ဝ ဒေသ ငြိမ်းချမ်းရေး တည်ဆောက်နိုင်မှု ဟူသော ဝေါဟာရကို အသုံးပြုထားသည်။
“၁ဝ နှစ်ပြည့် အခမ်းအနားလုပ်တော့ ကွန်မြူနစ်ပါတီ ဆိုတဲ့ အသုံးအနှုန်း နည်းနည်းပါတယ်။ အခုပွဲမှာတော့ ဒီ အသုံးအနှုန်း မပါပါဘူး” ဟု တရုတ်-မြန်မာ နယ်စပ်မှ စစ်ရေး အကဲခတ် ဦးအောင်ကျော်ဇောက ပြောပြသည်။
ဝဒေသ တည်ဆောက်ရေးအတွက် အကူအညီပေးခဲ့သည့် ညီနောင် ငြိမ်းချမ်းရေး တပ်ဖွဲ့များ၊ တရုတ်နိုင်ငံ၊ မူးယစ်ဆေး တိုက်ဖျက်ရေး လုပ်ငန်းများတွင် ကူညီခဲ့သော ကမ္ဘာ့ ကုလသမဂ္ဂအဖွဲ့တို့ကို ကျေးဇူးတင်ကြောင်း ဦးပေါက်ယူချန်းက ယနေ့ ပြောကြားသွားသည်ဟု သိရသည်။
သို့သော်လည်း မြန်မာပြည် နိုင်ငံရေး လောကတွင် အငြင်းပွားဖွယ် ဖြစ်နေသော ၂ဝ၁ဝ ရွေးကောက်ပွဲ နှင့် ပတ်သက်ပြီး ထည့်သွင်း ပြောဆိုခြင်း မရှိဟု ဆိုသည်။
UWSA သည် ဝန်ကြီးချုပ်ဟောင်း ဗိုလ်ချုပ်ကြီး ခင်ညွန့်နှင့် နီးစပ်သည့်အဖွဲ့ ဖြစ်သည်။ သို့သော်လည်း နှစ် ၂ဝ ပြည့် အခမ်းအနားသို့ တက်ရောက်လာသော စစ်အစိုးရ၏ ကိုယ်စားလှယ်များမှာ ဗိုလ်မှူးကြီးအဆင့် ရှိသူများသာ ဖြစ်သည်ဟု သိရသည်။
UWSA က ဝ ပြည်နယ်အစိုးရ ဟူသော ဝေါဟာရကို မကြာသေးမီလများအတွင်းက စတင် အသုံးပြုခဲ့သည်။ အဆိုပါ ဝေါဟာရကို မြန်မာစစ်အစိုးရ အာဏာပိုင်များက နှစ်သက်ခြင်း မရှိဟု အကဲခတ်များက ယူဆနေကြသည်။
“လူ နှစ်သောင်းလောက် တက်တဲ့ အစည်းအဝေးကြီးမှာ ဗိုလ်မှူးကြီး တယောက်၊ ဒုဗိုလ်မှူးကြီး ၃ ယောက်ပဲ လာတာ။ ဖိတ်စာပေါ်မှာလည်း သိပ် ကျေနပ်စရာ မရှိဘူး၊ ရှမ်းပြည်မြောက်ပိုင်းတွေ ဘာတွေ မထည့်ဘဲနဲ့ မြန်မာပြည် အထူးဒေသ ၂၊ ဝ ပြည်နယ်လို့ တပ်ထားတာ။ အဲဒါတွေက သိပ် အစာကြေစရာ မရှိဘူး” ဟု စစ်ရေး အကဲခတ် ဦးအောင်ကျော်ဇောက ပြောသည်။
အခမ်းအနားကို အပစ် အခတ် ရပ်စဲထားသော တိုင်းရင်းသား လက်နက်ကိုင် အဖွဲ့များမှ ကိုယ်စားလှယ်များ၊ ယခင် ဗကပ တပ်ဖွဲ့ဝင် အရာရှိများ၊ တရုတ်နိုင်ငံ၊ ယူနန်ပြည်နယ်မှ ခရိုင်အဆင့် အစိုးရ အရာရှိများလည်း တက်ရောက်ကြသည်ဟု သိရသည်။
Ref: ဧရာဝတီ
Read More...
Collapse...
Sunday, April 19, 2009
(The Institute of International Studies at Fudan University, Shanghai, China က Asistant professor Jian Junbo ရဲ့ အမေရိကန် - မြန်မာ ဆက်ဆံရေးအပေါ် တရုတ်နိုင်ငံရဲ့ သဘောထားကို သုံးသပ်ထားတဲ့ ဆောင်းပါးကို ပရိတ်သတ် တဦးက ဘာသာ ပြန်ပြီး သူ့ သုံးသပ်ချက်နဲ့ အတူ ပေးပို့လာလို့ တင်ပြပေးလိုက်ပါတယ်။ တချို့ နေရာတွေမှာတော့ စာရေးသူရဲ့ ခွင့်ပြုချက်နဲ့ စာဖတ် ရတာ ပိုချောအောင် ပြင်ထားပါတယ်။)
၂၀၀၉ ဧပြီလ အစောပိုင်းက အမေရိကန်၏ အရှေ့တောင် အာရှဆိုင်ရာရုံး ဒါရိုက်တာ Stephen Blake ကို မြန်မာသို့ သံတမန် အဖြစ် စေလွှတ်ခဲ့ရာ အဲဒီလို စေလွှတ်တာဟာ ပြီးခဲ့တဲ့ ခုနှစ်နှစ် အတွင်းမှာ ပထမဆုံး အကြိမ် ဖြစ်ပါသည်။ ဧပြီလ ထဲမှာပဲ US Deputy Secretary of State James Steinberg က “မြန်မာနိုင်ငံကို အထီးကျန် စေခြင်းကနေ ကင်းလွတ်စေဖို့ အတွက် အာရှဒေသတွင်း အခြား နိုင်ငံများ နှင့်အတူ ဘုံဗျူဟာတခု ချမှတ်နိုင်ဖို့ ၀ါရှင်တန်က မျှော်လင့်ပါတယ်” ဟု ပြောခဲ့သည်။
အခုလို အခြေအနေ မျိုးနဲ့ ပြောင်းလဲမှု တွေဟာ သမ္မတဘုရှ် အုပ်ချုပ်မှု ကာလတုန်းက ဘယ်တုန်းကမှ မရှိခဲ့ဘူးပါ။ ဘုရှ် လက်ထက်က မြန်မာအပေါ် ဒီမိုကရေစီ ပြောင်းလဲရေးကို ဖိအားပေးမှု နှင့် အပြင်းအထန် ဆန့်ကျင် ရှုံ့ချမှု တို့သာ ရှိခဲ့သည်။
လက်ရှိ အခြေအနေတွေ အရ သမ္မတ အိုဘားမားရဲ့ အစိုးရဟာ အရင် သမ္မတ လက်ထက်က မြန်မာ နှင့် "axis of evil" ဟု ဘုရ်ှက ခေါ် ခဲ့သော အီရန်၊ အီရတ် နှင့် မြောက်ကိုရီးယား တို့အပေါ် ထားတဲ့ မူဝါဒနဲ့ လုံးဝ ပြောင်းလဲ ကျင့်သုံးနေသည်။ ။ ဥပမာ အနေနဲ့ - မကြာခင် ကပင် အိမ်ဖြူတော်မှ တီဟီရန် (အီရန်) အပြန်အလှန် ဆွေးနွေးပွဲကို လည်းကောင်း၊ ခိုင်မာတဲ့ အပြန်အလှန် ဆက်သွယ်မှု နှင့်အတူ ပြုံးယမ်း (မြောက်ကိုရီးယား) ၏ ခြောက်နိုင်ငံ ဆွေးနွေးပွဲကို လည်းကောင်း အာရုံစိုက် လာကြောင်းကို ပြသခဲ့ သကဲ့သို့ ကျူးဘား ကိုလည်း အမေရိကန် ကွန်ဂရက် အဖွဲ့ဝင် (ဥပဒေပြု လွှတ်တော်အမတ်) တဦးကို စေလွှတ်ခဲ့သည်။
အပေါ်ယံအားဖြင့် အိုဘားမား၏ နိုင်ငံခြားရေး မူဝါဒဟာ ၎င်းအရင် သမ္မတ၏ မူဝါဒကို လျင်မြန်စွာ လုံလုံးလျားလျား ပြောင်းလဲလိုက်ဟန် ရှိပါသည်၊ သို့သော် ဤပြောင်းလဲမှုတွေ အားလုံးဟာ အုပ်ချုပ်မှုနည်းဗျူဟာ ပုံစံအသစ်၏ အစိတ်အပိုင်း တချို့သာ ဖြစ်ပါသည်။ အိုဘား မား လက်ထက်မှာ နိုင်ငံခြားရေး မူဝါဒဟာ ဖြစ်လာမှ တုံ့ပြန်ခြင်းထက် ဖြစ်အောင် အခြေအနေကို ဖန်တီး ယူမှုကို အခြေခံသော ခိုင်မြဲသော နိုင်ငံတကာဆိုင်ရာ တရားမျှတမှု နှင့် သမ္မတဘုရှ် လက်ထက်မှာ လျော့နည်း ဆုတ်ယုတ် လာခဲ့ရသည် ဟု ဟီလာရီ ကလင်တန် (Secretary of State) က ပြောခဲ့သော “soft power or smart power” ကို ပြန်လည်တည်ဆောက်ရေးကို ဦးတည် လာခဲ့သည်။
အိုဘားမားက သမ္မတဘုရှ် လက်ထက်မှာ များစွာအားနည်း လာခဲ့ရတဲ့ တကမ္ဘာလုံး ဆိုင်ရာ ဦးဆောင်မှု အခန်းကဏ္ဍကို ပိုမိုခိုင်မြဲ တည်တံ့စေဖို့ အတွက် အမေရိကန်၏ နိုင်ငံခြားရေးမူဝါဒ ချိန်ခွင်ကို ယခင်နှင့်မတူ တခြား ဦးတည်ချက်ကို ဦးတည်ပြောင်းလဲနေဟန် ရှိပါသည်။ အထူးသဖြင့် ဘုရ်ှလက်ထက်က ခေါင်းဆောင်မှု အပိုင်း၏ အဓိက အားနည်းချက်မှာ ၂၀၀၃ ခုနှစ် အီရတ်အပေါ် စစ်ရေးအရ ကျူးကျော်မှုပင် ဖြစ်သည်။ လက်ရှိ လက္ခဏာ နှင့် အခြေအနေ တွေအရ ပြောင်းလဲမှု များသည် ယခင် ဘုရှ် လက်ထက်က ဆုံးရှုံးခဲ့သော ညင်သာ ပျော့ပျောင်းသော လွှမ်းမိုးမှုကို ပြန်လည် ရရှိဖို့ အတွက် ဖြစ်ဟန် ရှိသည်။ အထက်ပါ ပြောင်းလဲမှုများကို ကြည့်ခြင်းအားဖြင့် အိုဘားမား ၏ မြန်မာနိုင်ငံဆိုင်ရာ မူဝါဒ အသစ်ဟာ ၁၉၇၀ နှစ်လယ်ပိုင်း ဗီယက်နမ်စစ်ပွဲ ပြီးကတည်းက ဆုံးရှုံးခဲ့သော အမေရိကန်၏ မြန်မာနိုင်ငံအပေါ် လွှမ်းမိုးမှုကို ပြန်လည် ရယူနိုင်ဖို့ ဆိုတာကို မြင်သာ နိုင်ပါသည်။
ပထ၀ီနိုင်ငံရေး အရလဲ အိုဘားမား၏ မူဝါဒဆိုင်ရာ ဦးတည်မှုများဟာ အရှေ့တောင်အာရှ ဒေသတွင်း အင်အားညီမျှမှုကို စိန်ခေါ်မှု တရပ် ဖြစ်လေမလားဟု မေးခွန်း ထုတ်စရာလဲ ဖြစ်နိုင်ပါသည်။ ၎င်းအပြင် အမေရိကန်၏ မူဝါဒဆိုင်ရာ ပြောင်းလဲမှုများဟာ အထူးသဖြင့် မြန်မာ၏ အိမ်နီးချင်း အင်အားကြီး နိုင်ငံများ ဖြစ်သည့် တရုတ်နှင့် အိန္ဒိယ ကဲ့သို့ နိုင်ငံများအတွက် အာရုံစိုက်စရာ ဖြစ်နေပါသည်။ တနည်းအားဖြင့်လဲ အမေရိကန်၏ မြန်မာနိုင်ငံဆိုင်ရာ မူဝါဒအသစ်ဟာ ကမ္ဘာမှာ အမေရိကန်၏ ပုံရိပ်ကို ကြီးမြင့်လာစေရုံသာမက ၀ါရှင်တန်က ညီညွတ်အဆင်ပြေစွာနှင့် အောင်မြင်စွာဆောင်ရွက်နိုင်သော ဒေသတွင်းပထ၀ီနိုင်ငံရေး တည်ဆောက်မှု ပုံစံအတွက် ပြောင်းလဲမှုတရပ်လဲ ဖြစ်ပေသည်။
မကြာသေးခင် နှစ်များအတွင်း အမေရိကန်သည် အာဖဂန်နစ္စတန် အကြမ်းဖက် တိုက်ဖျက်ရေး၊ အီရတ်၊ ပါကစ္စတန်နှင့် အချို့နေရာရှိ စစ်ပွဲတို့ဖြင့် အလုပ်များ နေခဲ့သည်။ ၎င်း အခြေအနေများကပင် မြန်မာနိုင်ငံ အပေါ် အမေရိကန်၏ လူ့အခွင့်အရေး၊ ဒီမိုကရေစီ ဖော် ဆောင်ရေးနှင့် အစိုးရနှင့် သဘောထား ကွဲလွဲသူများကို လွှတ်ပေးရေး စသော တောင်းဆိုမှု များနှင့်အတူ ရန်လို ဖိနှိပ်ပြီး တွန်းအားပေး လိုသော မူဝါဒမျိုးကို ဖြစ်ပေါ်စေခဲ့သည်။ သို့သော် လက်တွေ့မှာ အမေရိကန် အနေနှင့် ဤ ရန်လို ဖိနှိပ်လိုပြီး တပါတီ အာဏာရှင် စနစ်ကို ဆန့်ကျင်ရေး မူဝါဒများဖြင့် အထီးကျန် နိုင်ငံများကို လက်လျော့ လိုက်လျောစေမှု အပါအ၀င် မည်သည့် အကျိုးအမြတ်ကိုမျှ မရ ရှိခဲ့ပေ။ ဘုရှ် အစိုးရသည် မြန်မာအစိုးရ အပေါ် ဖိနှိပ်အုပ်ချုပ်သော အစိုးရ တရပ်ဟု ယူဆခဲ့ချိန်မှ စ၍ ၀ါရှင်တန်ဟာ မြန်မာနိုင်ငံအပေါ် စီပွားရေး ပူးပေါင်းဆောင်ရွက်မှုပိုင်းတွင် ဖယ်ကျဉ်ထားပြီး၊ စီးပွားရေး ဖွံဖြိုးမှုဆိုင်ရာ အကူအညီ ပေးရေးကိုလည်း ငြင်းပယ်ထားခဲ့ပါ သည်။
ဤကဲ့သို့သော အခြေအနေအရပ်ရပ်ကို တရုတ်က ကောင်းစွာ အသုံးချပြီး နိုင်ငံရေးနှင့် မူဝါဒပိုင်းဆိုင်ရာ ကျောထောက် နောက်ခံအ တွက် အရေးပါသော မြန်မာနှင့် စီးပွားရေး အကျိုးတူ ပူးပေါင်း ဆောင်ရွက်မှုကို ပိုမို တိုးတက်အောင် ဆောက်ရွက်ခဲ့သည်။ လက်ရှိ အခြေ အနေအရ ဆိုလျှင်လဲ တရုတ် မြန်မာ အပြန်အလှန် မှီတည် ဆက်နွယ် နေမှုသည် နှစ်နိုင်ငံလုံး အကျိုးအတွက် လက်တွေ့ကျကျ အ ကောင်အထည် ပေါ်နေပြီ ဖြစ်သည်။ အပေါ်ယံ အားဖြင့် ကြည့်လျှင်လည်း အမေရိကန်၏ မြန်မာနိုင်ငံ အပေါ် သြဇာ လွှမ်းမိုးမှုကို ပြန် လည် ရယူနိုင်ရန် ကြိုးစားမှုဟာ တရုတ်နိုင်ငံ၏ လွှမ်းမိုးမှုကို လျော့နည်းစေနိုင်သော သို့တည်းမဟုတ် အဆုံးသတ် စေနိုင်သော စိန်ခေါ်မှု တရပ်လေလားဟု မေးခွန်းထုတ်စရာလည်း ဖြစ်ကောင်း ဖြစ်နိုင်ပေသည်။ အရှေ့တောင်အာရှ နိုင်ငံများအပေါ် အင်းအားကြီး နိုင်ငံကြီးများ ၏ ပထ၀ီနိုင်ငံရေး လွှမ်းမိုးမှုကို ရယူရန် ကြိုးစားမှုသည် ဒေသတွင်း နိုင်ငံတွေအတွက်တော့ ကောင်းမွန်သော အချက်မဟုတ်ပါ။ သို့သော် မည်သို့ပင်ဖြစ်စေ တရုတ် အနေနှင့်ကတော့ မြန်မာနှင့် အလွန်ကြီးမားသော စီးပွားရေးဆိုင်ရာ ပူးပေါင်းဆောင်ရွက်မှုများကို ဆောင်ရွက် နေပြီ ဖြစ်သည့်အတွက် လက်လျှော့ ဆုတ်ခွါမည့် ဟန်မရှိပါ။ တရုတ်အနေဖြင့် မြန်မာမှ ကုန်ကြမ်း ပစ္စည်းများကို ရယူလိုပြီး အထူးသဖြင့် အာဖရိကနှင့် အရှေ့အလယ်ပိုင်းဒေသမှ နိုင်ငံများနှင့် ကုန်သွယ်မှု အတွက် ဆိပ်ကမ်းတခုနှင့် ကြားခံစခန်းတခု ရရှိရန် လိုနေပေသည်။
(စာရေးသူမှတ်ချက်။ ။ တရုတ်က အာဖရိက နှင့် အရှေ့အလယ်ပိုင်းမှ ရေနံနှင့် တွင်းထွက်များကို ရခိုင်ကမ်းရိုးတမ်းမှတဆင့် မြန်မာ ကုန်းတွင်းပိုင်းကို ဖြတ်၍ တရုတ်ပြည်မ အတွင်းသို့ သယ်ယူလိုပြီး ၎င်း လမ်းကြောင်းမှပင် တရုတ် ထွက်ကုန်များကို အဆိုပါ နိုင်ငံများသို့ မြန်မာနိုင်ငံကို ဖြတ်၍ တင်ပို့မည် ဖြစ်သည်။ ယခင် မလေးရှားနှင့် အင်ဒိုနီးရှားကြား မလက်ကာရေလက်ကြားမှဖြတ်ကာ စင်္ကာပူ ဆိပ် ကမ်းမှ ပတ်ပြီး သယ်ယူရေးထက် စီးပွားရေးအရ အလွန်တွက်ခြေကိုက်သော နည်းလမ်း ဖြစ်ပါသည်၊ တနည်းအားဖြင့်လဲ အလွန်လုံခြုံ စိတ်ချရပြီး ပထ၀ီနိုင်ငံရေးကိုလဲ တဘက်တလမ်းက အကျိုးသက်ရောက်နိုင်သည်ဟု တရုတ် အနေနှင့် ယူဆမည်ဟု စာရေးသူ ယုံကြည် မိသည်။ မျက်မှောက်ခေတ်မှာ မြန်မာနိုင်ငံရဲ့ ပထ၀ီနိုင်ငံရေး အရေးသာမှုဟာ ကမ္ဘာ့ထိပ်တန်း နိုင်ငံကြီးများအပေါ် လွှမ်းမိုးမှု အတော်အ တန်ကြီးမားနေသည်ကို မြန်မာတိုင်း ဂရုထားသင့်သည်ဟုလည်း ယူဆမိသည်။)
အပြင်ပန်းအားဖြင့်လဲ ၀ါရှင်တန်၏ မြန်မာနိုင်ငံအပေါ် စိတ်ဝင်စားမှုကို ပြနေသော မူဝါဒ အသစ်ဖြစ်သော ပထ၀ီနိုင်ငံရေး ယှဉ်ပြိုင်မှုဟာ ဒေသတွင်း အငြင်းပွားမှုများကို ဦးတည် စေနိုင်ပါသည်။ ဒါပေမယ့် ဒီအချက်တွေဟာ ဒေသတွင်း နိုင်ငံတကာ မူဝါဒရေးရာမှာ မုချအမှန် ဖြစ်လိမ့်မည်ဟုလဲ သေချာပေါက် မပြောနိုင်သေးပါ။ နိုင်ငံတကာ မူဝါဒ ရေးရာ၏ အစိတ်အပိုင်း တခုမျှသာ ရှိပါသေးသည်။ မြန်မာနိုင်ငံ အပေါ် ထားရှိလာသော အမေရိကန်၏ မူဝါဒ အသစ်နှင့် ပတ်သက်၍ အကျိုးဆက်များကို စမ်းစစ် မလေ့လာမှီ “အမေရိကန် အနေနှင့် မြန်မာနှင့် မည်သို့မည်ပုံ နားလည်သဘောတူညီမှုကို ရယူမလဲ” ဆိုတဲ့ မေးခွန်းကို အရင် မေးသင့်ပေသည်။
ပထမတနည်းနေနှင့် အမေရိကန်ဟာ မြန်မာ ခေါင်းဆောင်ပိုင်းနှင့် တိုက်ရိုက်အပြန်အလှန် တွေ့ဆုံဆွေးနွေးခြင်းဖြင့် ချဉ်းကပ်ပြီး၊ မြန်မာ နိုင်ငံအပေါ် နိုင်ငံတကာ အသိုင်းအ၀ိုင်းအတွင်း မူဝါဒရေးဆိုင်ရာ အကူအညီများ၊ စီးပွားရေးဆိုင်ရာ အကူအညီများ နှင့်အတူ ဒီမိုကရေဆီ ပြောင်းလဲရေးကို ကူညီဆောင်ရွက် ပေးခြင်းဖြင့် နည်းလမ်းရှာကောင်း ရှာနိုင်ပေသည်။ ဒါပေမယ့် ဒီ ချဉ်းကပ်နည်းဟာ ဘောင်တခုအ တွင်း ကန့်သတ်ထိန်းချုပ်မှုကို ဦးတည်တာ ဖြစ်သောကြောင့် လက်တွေ့မှာတော့ တကယ်အကောင်အထည် ဖော်ဖို့ဆိုတာ လွယ်တော့ မလွယ်လှပါ။ မြန်မာ အနေနှင့်လည်းပဲ ၎င်း၏ နိုင်ငံရေးမူဝါဒစနစ်ကို ၀ါရှင်တန်မှ ချပေးသော ပုံစံမျိုးဖြင့် ပြုပြင်ပြောင်းလဲမည် မဟုတ် သကဲ့သို့ ၎င်း၏ ပြည်တွင်းရေး ကိစ္စရပ်များကိုလည်းပဲ အမေရိကန်နှင့် ဆွေးနွေးလိမ့်မည် မဟုတ်ပါ။
ဒုတိယ တနည်း အနေနှင့် အမေရိကန်ဟာ မြန်မာ့ အဓိက အတိုက်အခံ ပါတီ ဖြစ်သော NLD ပါတီ၊ ဒါမှမဟုတ် လက်ရှိ စစ်အုပ်ချုပ်ရေး စနစ်ကို ဖြုတ်ချလိုသော အတိုက်အခံ အုပ်စုများနှင့် တွေ့ဆုံ သဘောတူညီမှုများ ရယူကောင်း ယူနိုင်ပေသည်။ ရှင်းရှင်း ပြောရလျှင်တော့ ဤကဲ့သို့သော နည်းလမ်းကို CIA အပါအ၀င်၊ ယခင် ဘုရှ် အစိုးရတို့က ကြိုးစားကျင့်သုံးပြီးဖြစ်ပြီး အကျိုးရလဒ် ထူးထူးခြားခြား ရလာစရာ အကြောင်း မရှိတော့ပေ။ ထို့ကြောင့် ဤနည်းလမ်းသည် ပထမနည်းလမ်းလောက်ပင် ကောင်းမွန်မှု မရှိဘဲ၊ အကျိုးသက်ရောက်မှု မရှိကြောင်း ကိုလဲ ၀န်ခံ သက်သေပြပြီးဖြစ်သည်။
တတိယတနည်းအနေနှင့် အမေရိကန်ဟာ မြန်မာအပေါ် စီးပွားရေး ဆိုင်ရာ ပူးပေါင်းဆောင်ရွက်မှု နှင့် အတူ ငွေရေးကြေးရေး ဆိုင်ရာ အကူအညီများ ပေးပြီး ခေါင်းဆောင်ပိုင်းကို ချဉ်းကပ်ရေးပင် ဖြစ်သည်။ သို့သော် တဖက်ကလည်း အမေရိကန် အနေနှင့်လဲ ဖွံဖြိုးဆဲ နိုင်ငံများနှင့် ပတ်သက်ပြီး ရင်းနှီးမြှုပ်နှံမှုနှင့် အကူအညီပေးရေး ဆိုင်ရာမှာ မရှိမဖြစ်သော ပြဌာန်းချက်နှင့် စည်းကမ်းချက်များကလဲ ရှိနေသေးပေသည်။ မြန်မာ အနေနှင့် ကလည်းပဲ တခြား ရရှိနေသော စီးပွားရေးဆိုင်ရာ အထောက်အကူများ ကလဲ ရရှိ နေပေသေးသည် ဥပမာ အားဖြင့် တရုတ် ထံမှဖြစ်သည်။ ထို့ကြောင့်ပင် မြန်မာက အခြေအနေအရ ဖြစ်လာသော အမေရိကန်၏ ပြောင်းလဲမှု အကူအညီကို လက်ခံလိမ့်မည် မဟုတ်ပေ။ တဖန် အမေရိကန်အနေနှင့်ကလည်းပဲ မြန်မာအပေါ် နိုင်ငံရေးမပါသော စီးပွားရေးပူးပေါင်း ဆောင်ရွက်မှုမျိုး ဆိုတာကလဲ မဖြစ်နိုင် သကဲ့သို့ ၎င်း၏ မြန်မာနိုင်ငံအပေါ် မူဝါဒရေး ပြောင်းလဲမှု၏ ရည်ရွယ်ချက်နှင့်လဲ ကိုက်ညီမှု မရှိလှပေ။ US Deputy Secretary of State James Steinberg ကလဲပဲ မြန်မာနိုင်ငံအပေါ် အမေရိကန်မူဝါ၏ အဓိက ဦးတည်ချက်က ပြောင်းလဲမည် မဟုတ်ဟု ဖော်ပြခဲ့ပေသည်။ သို့ပေမယ့်လဲ အမေရိကန် အနေနှင့် မြန်မာအပေါ် ပိုမို ပွင့်လင်းမှုနှင့် လူ့အခွင့်အရေးကို လေးစား လိုက်နာပြီး ကမ္ဘာ လုံးဆိုင်ရာ စီးပွားရေးကဏ္ဍမှာ ၎င်းကိုယ်တိုင် ပါဝင် ဆောင်ရွက်မှုကို မျှော်လင့်နေပေသည်။
အမေရိကန်ဟာ မြန်မာနှင့် သဘောတူညီမှုရရန်မှာ ခက်ခဲကြောင်းကို မကြာခင်မှာပဲ သိမြင်လာမှာ ဖြစ်ပါတယ်။ ထို့ကြောင့်ပင် တရုတ် အနေနှင့် အမေရိကန်၏ အရှေ့တောင်အာရှ ဒေသအတွင်းသို့ အမြင်အားဖြင့် လျင်မြန်စွာ ထိုးဖောက်ဝင်ရောက် လာမှုကို စိုးရိမ်မှု မရှိပေ။ ဖြစ်ကောင်း ဖြစ်လာနိုင်ပေမယ့် ပထ၀ီနိုင်ငံရေး ပြိုင်ဆိုင်မှုဟာ ဖြစ်အံ့ဆဲဆဲ အခြေအနေမျိုးတော့ မဟုတ်ပါ။ တရုတ် အနေနှင့် လဲပဲ ၎င်း၏ မဟာဗျူဟာ ပိုင်းဆိုင်ရာ ကိစ္စများအပြင် မြန်မာနိုင်ငံအပေါ် အမေရိကန်၏ နိုင်ငံရေး မူဝါဒပိုင်းဆိုင်ရာ နှုတ်တိုက်ပုံတူကူးချရန် တိုက်တွန်း မှုနှင့် သြဇာလွှမ်းမိုးမှုအတွက် မည်သည့် သဘောတူညီမှုမျိုးကိုမှ လက်ခံမည် မဟုတ်ပေ။ အဘယ်ကြောင့် ဆိုသော် ဤကိစ္စရပ်များသည် မြန်မာနိုင်ငံ၏ ဒေသတွင်း တည်ငြိမ်မှုကို ခြိမ်းခြောက်နိုင်သော နိုင်ငံတွင်း ဆူပူအုံကြွမှုများကို ဖြစ်စေနိုင်သောကြောင့် ဖြစ်ပေသည်။
သို့သော် တရုတ်အနေ နှင့် အမေရိကန်၏ မြန်မာနိုင်ငံ အပေါ် စီးပွားရေးနှင့် ကုန်သွယ်မှု ပိုင်းဆိုင်ရာ သဘောတူညီမှု များကိုတော့ ကြိုဆို သွားမည်ဖြစ်သည်။ လူမှုရေး တည်ငြိမ်မှုရှိပြီး ဥစ္စာဓန ပေါကြွယ်ဝသော မြန်မာနိုင်ငံ ကဲ့သို့သော နိုင်ငံနှင့် အရှေ့တောင်အာရှ နိုင်ငံများ အသင်း (ASEAN) ၀င် နိုင်ငံများဟာ တရုတ်၏ စိတ်ဝင်စားမှုနှင့် ကိုက်ညီလျက် ရှိသည်။ အမေရိကန် အနေနှင့် မြန်မာနိုင်ငံ အပေါ် စီးပွားရေး ဆိုင်ရာ အောင်မြင် ဖြစ်ထွန်းမှုကို အကူအညီပေးမှုဟာ ASEAN အတွင်း စည်းလုံးမှုကို အထောက်အကူ ဖြစ်စေနိုင်ပါသည်။ ASEAN ၏ စည်းလုံးမှုနှင့် အကျိုး သက်ရောက်မှုရှိခြင်းဟာ ဒေသတွင်း တည်ငြိမ်မှုကို ထိန်းသိမ်းနိုင်ပြီး၊ တရုတ် အနေနှင့်လဲ ဤအချက် ကို အမြဲ ကြိုဆိုနေမည် ဖြစ်သည်။
အတုန့်အပြန် အားဖြင့်လဲ အမေရိကန်၏ မြန်မာနိုင်ငံ အပေါ် ပြည်တွင်းရေး စွက်ဖက်မှုပိုင်း ဆိုင်ရာ နည်းဗျူဟာများဟာ အပြုသဘော ဆောင်နေခဲ့လျှင်တောင် ဒေသတွင်း တည်ငြိမ်မှုကို ပျက်ပြားစေနိုင်ပါက တရုတ် အနေနှင့် ပြင်းထန်စွာ ဆန့်ကျင်ကန့်ကွက်သွားမည် ဖြစ် သည်။ ထို့ပြင် အမေရိကန်သည် မြန်မာနှင့် သဘောတူညီမှု ရယူရန် ကြိုးပမ်းမည် ဆိုလျှင်လဲ အရှေ့တောင်အာရှ ဒေသတွင် တရုတ်ဟာ အဓိက အရေးကြီးသော ဇာတ်ဆောင် ဖြစ်သည် ဆိုတာကို အသိအမှတ် ပြုရမည် ဖြစ်ပြီး၊ နိုင်ငံရေးမူဝါဒအသစ်ဖြင့် မြန်မာကို တရုတ် နိုင်ငံနှင့် ဖယ်ကြဉ်စေရန် ဆောင်ရွက်မည် ဆိုပါက အလွန့်အလွန် ကြီးမားသော ခက်ခဲမှုမျိုးနှင့် ရင်ဆိုင်ရပေလိမ့်မည်။
အမေရိကန် အနေနှင့် မြန်မာနိုင်ငံနှင့် သဘောတူညီမှု ရယူရန် ကြိုးပမ်းမှုတွင် မြောက်ကိုရီးယား ကဲ့သို့ ခြောက်နိုင်ငံ ဆွေးနွေးရေး ကိစ္စလိုမျိုး အသွင်ဖြင့် မကြိုးပမ်း သင့်ပေ။ US Deputy Secretary of State James Steinberg က လွန်ခဲ့သော ရက်အနည်းငယ် အတွင်းတွင် ထုတ်ဖော်ပြောကြား ခဲ့သော်လည်း တရုတ်၊ မြန်မာ နှင့် ASEAN တို့က ဤကဲ့သို့သော အကြံပြုချက်မျိုးကို လက်ခံလိမ့်မည် မဟုတ်ပေ။ မြန်မာဟာ မြောက်ကိုရီးယား ကဲ့သို့ အခြားနိုင်ငံများကို ခြိမ်းခြောက်နေသော နိုင်ငံ မဟုတ်ပါ။ မြန်မာ့ အရေးဟာ နိုင်ငံတကာ လုံးဆိုင်ရာ ၀င်ရောက်ဆွေးနွေးရန် အရေးကိစ္စ မဟုတ်ပါ၊ ထို့ကြောင့် မြန်မာ့ အရေးနှင့် ပတ်သက်လာလျှင် ဘက်ပေါင်းစုံ ပါဝင်သော ဆွေးနွေး သုံးသပ်မှု ပုံစံမျိုးဖြင့် ပြုလုပ်ရန် မလိုအပ်ပါ။
မြန်မာနှင့် အောင်မြင်စွာ သဘောတူညီမှုရယူရန် အမေရိကန်၏ ကြိုးပမ်းမှုတွင် ယခင် ဘုရှ် လက်ထက်က အသုံးပြုခဲ့သော အသုံးမ၀င် တော့ဘဲ ခေတ်နောက်ကျနေပြီ ဖြစ်သော ချဉ်းကပ်မှုမျိုးကို နောက်တကြိမ် ထပ်သုံးဦးမည်ဆိုလျှင် အမေရိကန်အတွက် လွယ်ကူလိမ့် မည် မဟုတ်ပေ။ တရုတ် အနေနှင့်လဲ ၎င်းကိစ္စ မျိုးကို ဘယ်တော့မှ လက်ခံမည် မဟုတ်ပေ။ သို့သော် အမေရိကန် အနေနှင့် မြန်မာနိုင်ငံ အပေါ် သန့်ရှင်းသော စီးပွားရေး လုပ်ဖော်ကိုင်ဖက်သဘောမျိုး ရရှိရန်အတွက် ကြိုးပမ်းခဲ့မည် ဆိုလျှင်တော့ ဘေဂျင်း(Beijing) အနေနှင့် ၀မ်းသာစွာ ကြိုဆိုနေမည် ဖြစ်သည်။ အခြေခံအားဖြင့် မြန်မာနိုင်ငံအပေါ် အမေရိကန်၏ ချဉ်းကပ်မှု အောင်မလား ရှုံးမလား ဆိုတာ ကတော့ တခြားနိုင်ငံတွေရဲ့ ၎င်း ချဉ်းကပ်မှု နည်းလမ်းအပေါ် ထင်မြင်ယူဆချက်ထက် အမေရိကန် ကိုယ်တိုင် အသုံးပြုသော နည်းလမ်း က ပို၍ အရေးပါ ပေလိမ့်မည်။
မူရင်း ဆောင်းပါးကို ဖတ်ချင်လျင် http://www.atimes.com/atimes/China/KD17Ad01.html ၌ ဖတ်ရှုနိုင်ပါသည်။
Copyright 2009 Asia Times Online:
စာရေးသူ၏ ဖြည့်စွက် သုံးသပ်ချက်။ ။ လက်ရှိ ဆောင်းပါးဟာ ရှန်ဟိုင်း နိုင်ငံတကာ လေ့လာရေးတက္ကသိုလ် လက်ထောက် ပါမောက္ခ Dr Jian Junbo ၏ အာဘော်ကို တိုက်ရိုက်ဘာသာပြန်ထားခြင်းဖြစ်သည်။ Dr Jian Junbo က အမေရိကန် မြန်မာ ဆက်ဆံရေး ပြန်လည် ကောင်းမွန်လာမှုဟာ တရုတ်၏ ဒေသတွင်းပထ၀ီနိုင်ငံရေး အတွက် အရေးကြီးပုံ၊ ပြောင်းလဲလာသော အမေရိကန်၏ မြန်မာနိုင်ငံဆိုင်ရာ မူဝါဒရေးရာနှင့် ပတ်သက်ပြီး တရုတ်၏ ပတ်သက်ဆက်စပ်နေပုံနှင့် တရုတ်၏ တုန့်ပြန်သုံးသပ်ပုံတို့ကို မျက်မှောက်ခေတ်နှင့်အညီ သုံး သပ်တင်ပြထားသည်။
တရုတ်က အမေရိကန်ဟာ မြန်မာကို ကူညီလျှင်တောင် ကိုယ်ကျိုးမဖက်ဘဲ သီးခြားကူညီဖို့ ခက်တယ်ဆိုတာကို မြန်မာကို ပြောချင်ပုံရ သည်။ ထို့ပြင် တရုတ်သာ မြန်မာ၏ အဓိက မိတ်ဆွေဖြစ်ပြီး အမေရိကန်ဟာ အခြေအနေအရ ဖန်တီးလာသော ညှိနှိုင်း ဆောင်ရွက်မှုသာ ဖြစ်သည်ဟု သတိပေးချင်ဟန် ရှိပေသည်၊ ၎င်းကိုယ်တိုင်ကလဲပဲ အမေရိကန် မြန်မာကြား သဘောတူညီမှု တခုခုကို ဦးတည်သွားမှာ ကိုလည်း စိုးရိမ်နေပုံ ရသည်။ ASEAN အပေါ်တွင်လဲ ၎င်းကပင် သြဇာ လွှမ်းမိုးပြီး အဓိက key player အနေနှင့် ရှိနေချင်ဟန် ရှိသည်။
သို့သော် အမေရိကန်၏ မြန်မာအပေါ် ချဉ်းကပ်မှုပိုင်းဆိုင်ရာကို ဖော်ပြရာ၌ နည်းလမ်းသုံးသွယ်ဖြင့် ဖော်ပြထားပြီး ဒုတိယနည်းလမ်းမှာ နှစ်ပေါင်းများစွာတိုင်အောင် ကျင်သုံးပြီးဖြစ်သော်လည်း မအောင်မြင်သည်မှာ ထင်ရှားပြီးဖြစ်သည်။ သို့သော် ပထမ နှင့် တတိယနည်း တို့မှာမူ အမေရိကန်၏ မြန်မာနိုင်ငံဆိုင်ရာ မူဝါဒအသစ်နှင့် ဆက်စပ်မှု ရှိနေပြီး အကောင်အထည် ပေါ်လာကောင်း ပေါ်လာနိုင်ပေသည်။ သို့သော် Dr Jian Junbo ကမူ ၎င်း ပထမ နှင့် ဒုတိယ အချက်တို့ကိုလည်း သိပ်မဖြစ်နိုင်ဟု ဖော်ပြသွားခဲ့ပေသည်။ တကယ်တမ်းကျ တော့ သိပ်မဖြစ်နိုင် ဆိုတာထက် ၎င်းနည်းလမ်းများအတိုင်း ဖြစ်လာမှာကို တရုတ်က အလွန်စိုးရိမ်လျက်ရှိသည်ဟု စာရေးသူ ယုံကြည်မိသည်။ ဖြစ်လာခဲ့ လျှင်တောင် တရုတ် အနေနှင့် ပထ၀ီ နိုင်ငံရေးနှင့် ပတ်သက်လျှင် မည်သည့် ချဉ်းကပ်မှုမျိုး ကိုမဆို ကန့်ကွက်မည့်ပုံ ရှိပေသည်။ ဤချဉ်းကပ်မှု နည်းလမ်းများဖြင့် ချဉ်းကပ်လာခဲ့လျှင် အမေရိကန် အနေနှင့် အခက်အခဲ များနှင့် ရင်ဆိုင် ရမည်ဟု တရုတ်က ပြောနေသော်လည်း၊ ချဉ်းကပ်မှု နည်းလမ်းများ မအောင်မြင်ခဲ့လျှင်တော့ ဟုတ်သည်ပေါ့၊ သို့သော် အမေရိကန်၏ ချဉ်းကပ်မှုများ အောင်မြင်ခဲ့ လျှင်မူကား တရုတ်ပြောခဲ့သော အခက်အခဲများဟာ အမေရိကန်အတွက် မဟုတ်ဘဲ ၎င်း တရုတ်နိုင်ငံ အတွက်သာ ဖြစ်ပေ လိမ့်မည်ဟု စာရေးသူ ယူဆမိသည်။
ထို့ပြင်လည်းပဲ တရုတ်ဟာ မြန်မာနိုင်ငံ ရခိုင်ကမ်းခြေမှာ အခြေဆိုက် ဆိပ်ကမ်း တခုကို ထားပြီး အာဖရိကနှင့် အရှေ့အလယ်ပိုင်း ဒေသများနှင့် ကုန်သွယ်မှု အတွက် မြန်မာနိုင်ငံ၏ ကုန်းတွင်း လမ်းကြောင်းကို မြန်မာနှင့် အကျိုးတူ အသုံးပြု လိုပေသေးသည်။ ထို့အတွက်လဲ မြန်မာအပေါ် သြဇာ လွှမ်းမိုးမှုကို အမေရိကန် ကိုမှမဟုတ် မည်သူ့ မည်သူကိုမျှ ခွဲဝေပေး လိုလိမ့်မည် မဟုတ်ပေ။ ၎င်းလမ်းကြောင်းသည် တရုတ်အတွက် စီးပွားရေးအရ အလွန် တွက်ခြေကိုက်ပြီး လုံးခြုံ စိတ်ချရသော လမ်းကြောင်း ဖြစ်ပေသည်။ ဤကဲ့သို့သော အရေးကိစ္စများသည် စစ်အေးခေတ် နှောင်းပိုင်း လက်ရှိ မျက်မှောက်ရေးရာ ကမ္ဘာ့ ချိန်ခွင်ကို ပြောင်းလဲနိုင်သော အာရှ အခန်းကဏ္ဍတွင် စာရေးသူတို့ နိုင်ငံ၏ ပထ၀ီ နိုင်ငံရေး အရ လွှမ်းမိုးနိုင်မှုနှင့် အရေးပါမှု တို့ပင် ဖြစ်ပေသည်။
၎င်းအပြင် စာရေးသူ အနေနှင့် မြန်မာဟာ ဒေသတွင်း ASEAN နိုင်ငံများ အပေါ်လဲ လွှမ်းမိုးမှုနှင့် အားသာချက်များ ရှိနေပေကြောင်း ကိုလဲ ပြောချင်သေးသည်။ မြန်မာနိုင်ငံ တည်နေရာအရ မြန်မာဟာ အာဖရိက၊ အရှေ့အလယ်ပိုင်း နိုင်ငံတို့နှင့် ကမ္ဘာ့အရှေ့ပိုင်း နိုင်ငံများ (တရုတ် ကဲ့သို့သော) ၏ ကုန်သွယ်မှု လမ်းကြောင်းပေါ်တွင် တည်ရှိနေသည်။ သို့သော် ပင်လယ်ကူးသင်္ဘောများသည် အိန္ဒိယ သမုဒ္ဒရာ၊ ကပ္ပလီပင်လယ် မှတဆင့် မလက္ကာ ရေလက်ကြားကို ဖြတ်ပြီး စင်္ကာပူမှပတ်ကာ ထိုင်းပယ်လယ်ကွေ့နှင့် အရှေ့ပိုင်း နိုင်ငံများသို့ ဦးတည် လျက် ရှိပေသည်။ အကယ်၍သာ ထိုင်းက ၎င်းနိုင်ငံကို ဖြတ်ပြီး စူးအက်တူးမြောင်းကဲ့သို့ တူးမြောင်းမျိုး ကိုသာ ဖောက်ခဲ့မည် ဆိုလျှင် ၎င်းကို အမှီပြု၍ မြန်မာ၏ ကူးသန်း ရောင်းဝယ်မှုနှင့် စီးပွားရေးအရ အချက်အခြာ ကျမှုတို့ဟာ ပို၍ အရေးပါလာပေလိမ့်မည်၊ သို့သော် ပွဲစား သဘောမျိုးဖြင့် အသက်မွေးနေသော စင်္ကာပူကိုမူကား ထိုင်း၏ တူးမြောင်းက အခက်တွေ့ကောင်း တွေ့စေနိုင်ပေသည်၊ လက်ရှိ မျက်မှောက် အခြေအနေမှာပင် နည်းပညာပိုင်းဆိုင်ရာ မြင့်မားလာမှုကြောင့် အချို့သော ပင်လယ်ကူးသင်္ဘောများနှင့် လေယာဉ်များဟာ စင်္ကာပူမှ တထောက် ရပ်နားခြင်းမျိုး မရှိဘဲ တိုက်ရိုက်ပျံသန်းသွားလာ နေတဲ့အတွက် စင်္ကာပူရဲ့လက်ရှိ ရပ်တည်မှုဟာ စိတ်ချရလောက် တဲ့ အနေအထားမှာ မရှိပေ၊ အချိန်မရွေး ပြောင်းလဲသွား နိုင်ပေသည်။
ထိုင်းကသာ တူးမြောင်း တူးဖော်မှုကို အကောင်အထည်ဖော်ခဲ့လျှင် ပို၍ဆိုးပေဦးမည်။ သို့သော် ထိုင်း၏ တူးမြောင်းသည် ကုန်သွယ်မှု လမ်းကြောင်းကို မြန်မာနှင့် ပို၍ နီးကပ်လာစေမည်ဖြစ်တဲ့အ တွက်ကျယ်ပြန့်သော ကမ်းရိုးတမ်းအရှည်နှင့် သဘာဝသယံဇာတ အပါအ ၀င် မြိတ်ကျွန်းစုကို ပိုင်ဆိုင်သော မြန်မာဟာ ပို၍အရေးပါ လာပေလိမ့်ဦးမယ်။ ထိုင်း အနေနှင့်လဲ စင်္ကာပူ၏ သင်ခန်းစာကိုယူပြီး အ ကောက်အခွန်နှင့် အကျိုးအမြတ်ကို လိုချင်ကောင်း လိုချင်သောကြောင့် ဖြစ်ပေမည်။ ထို့ထက် ပိုအရေးကြီးသော အချက်မှာကား ထိုင်း အနေနှင့် မြန်မာနှင့်သာ စစ်ဖြစ်ခဲ့လျှင် သို့တည်းမဟုတ် အခြားအကြောင်းတခုခုကြောင့်ဖြစ်စေ ၎င်း၏ စစ်သင်္ဘောများကို ဘင်္ဂလားပင် လယ်အော်သို့ ရောက်ဖို့အတွက် မလက္ကာရေလက်ကြားမှတဆင့် စင်္ကာပူကိုပတ်ကာ လာနေရပေသည်။ ဤအချက်သည် ထိုင်းရေတပ် အတွက် အလွန့်အလွန် ကြီးမားပြီး ခရီးဖင့်နေရသော အခက်အခဲ ဖြစ်ပေသည်။ ထိုင်းအနေနှင့် ၎င်းအခက်အခဲကိုလဲ ဖြေရှင်းရင်း စီးပွားရေးအရလဲ တွက်ခြေကိုက်အောင် စီစဉ်လျက် တချက်ခုတ်နှစ်ချက်ပြတ် စီမံကိန်းကို စဉ်းစားဟန် တူပေသည်။ (ဤဖော်ပြချက်ကို ထိုင်းက တူးမြောင်း တူးမည်ဟူသော သတင်းများကြောင့် ထည့်သွင်း ဖော်ပြခြင်း ဖြစ်ပေသည်။ သတင်း အတိအကျနှင့် သတင်း source ကိုတော့ မမှတ်မိတော့ပါ။)
စာရေးသူ အနေနှင့် လက်ရှိ သုံးသပ်ချက်တွင် မြန်မာနိုင်ငံ၏ သယံဇာတ အရင်းအမြစ် ပေါကြွယ်ဝမှု အပြင် ပထ၀ီ နိုင်ငံရေးနှင့် စီးပွားရေး အချက်အခြာ ကျမှုတို့ကို အရင်းခံပြီး မိမိနိုင်ငံ၏ တန်ဖိုးကို ဖော်ထုတ်လိုသောကြောင့်သာ ဤကဲ့သို့သော ဖော်ပြချက်များဖြင့် သုံးသပ် တင်ပြခြင်း ဖြစ်ပေသည်။ လက်ရှိ အစိုးရကို သော်လည်းကောင်း၊ အတိုက်အခံများကို သော်လည်းကောင်း ထည့်သွင်းစဉ်းစားခြင်းမပြု လိုပါ။ မိမိနိုင်ငံ၏ တန်ဖိုးကိုသိပြီး တန်ဖိုးထား ထိန်းသိမ်းသင့်သော၊ သွေးစည်း ညီညွတ်သင့်သော အမြင်၊ အမျိုးသား နိုင်ငံရေး အမြင် ဖြင့် တင်ပြလိုက်ပါသည်။ ထို့ကြောင့် မည်သို့သောအခက်အခဲ မည်သို့သော အခြေအနေ များတွင်ဖြစ်စေ မြန်မာဟာ အမြဲ ရွှေမြန်မာ ပင် ဖြစ်နေရပေမည်၊ တိုင်းရင်းသားအားလုံး သွေးစည်း ညီညွတ်စွာဖြင့် ရင်းရင်းနှီးနှီး အတူတကွ နေထိုင်ရင်း ရွှေမြန်မာ၏ တည်တံ့မှုနှင့် ခန့်ထည် တည်ကြည်မှု၊ မြင့်မြတ်သော ဘာသာရေး ဖြစ်ထွန်းတည်ရှိမှု တို့ကို ကမ္ဘာတည်သရွေ့ မြန်မာအားလုံး (တိုင်းရင်းသား အားလုံး ကို ဆိုလိုသည်) က နိုင်ငံရေးအမြင်၊ စီးပွားရေးအမြင်၊ စစ်ရေးအမြင် တို့ဖြင့် ထိန်းသိမ်းသွားသင့်ပေသည်ဟု တင်ပြလိုက်ရပေသည်။
ထိုင်းတူးမြောင်းသာ အကောင်အထည် ပေါ်လာခဲ့လျှင်
ဖြစ်လာနိုင်သော လမ်းကြောင်းနှင့် မြေပုံ
Read More...
Collapse...
Posts
BBC News
VOA News
DVB News
RFA News
မဇ္ဈိမ
ဧရာဝတီ
နေ့သစ်
သျှမ်းသံတော်ဆင့်
ကရင်သတင်းစဉ်
ကောင်းဝါ
ကချင်သတင်းစဉ်
ယနေ့မြန်မာ
ကန္တာရဝတီ တိုင်းမ်
ငုရင်ပြင်
ရိုးမ (၃)
မိုးမခ
ဟစ်တိုင်
ဟံသာဝတီ
နိရဉ္စရာ
ခေတ်လူငယ်
မြို့တော်ပုသိမ်သတင်းစဉ်
မြန်မာသတင်းရပ်ဝန်း
ရိုးရာလေး
Mandalay Gazette
People Media Voice
KIC News
BNI News
Burma Daily
Burma Digest
Burma Net
Kaladan
Network Media Group Rebound 88