နေပြည်တော် ဗုံးကွဲမှုကြောင့် ဒေသခံများ စိုးရိမ်လာ

မသင်းသီရိ
11 ဇွန် 2011

မြန်မာအစိုးရရုံးစိုက်တဲ့ နေပြည်တော်ကမြို့မဈေးမှာ မနေ့ညက ဗုံးပေါက်ကွဲမှုတွေ ဖြစ်ခဲ့လို့ အနည်းဆုံး လူ ၃ ဦးထက်မနည်း ဒဏ်ရာရသွားသလို နေပြည်တော်မှာလည်း လုံခြုံရေးတွေ ပိုတင်းကြပ်ထားပါတယ်။ ပျဉ်းမနားဒေသကို အစိုးရရုံးစိုက်ရာနေရာအဖြစ် ပြောင်းလိုက်ပြီးတဲ့နောက်ပိုင်း အခုလို ဗုံးပေါက်ကွဲ မှုတွေ ဖြစ်လာတဲ့အပေါ် ဒေသခံ တွေကလည်း စိုးရိမ်မှု ကြီးလာပါတယ်။ ဒီသတင်းအပြည့်အစုံကိုတော့ မသင်းသီရိက တင်ပြပေးထားပါတယ်။

မနေ့ ဇွန်လ ၁၀ ရက် သောကြာနေ့ည ၉ နာရီ နောက်ပိုင်း နေပြည်တော်ကမြို့မဈေးရဲ့ သန့်စင်ခန်းအတွင်း ဗုံးပေါက်ကွဲခဲ့လို့ အနည်းဆုံး ၃ ဦးထက်မနည်း ဒဏ်ရာရသွားတယ်လို့ နေပြည်တော်မြို့ခံက ပြောပါတယ်။

"ည ၉ နာရီခွဲလောက်မှာ အများသုံး သန့်စင်ခန်းမှာ ဗုံးပေါက်တာဗျ။ အိမ်သာရဲ့ အမိုးပွင့်သွားတာ။ အဲဒီနေရာက ချောင်လည်းတော်တော်ကျတယ်ဗျ။ အဲဒီအတွက် လူကတော့သိပ်မထိဘူး။ ထိတဲ့ သူတွေကတော့ ကုတင် ၁ ထောင်မှာ တင်ထားတယ်လို့ သိရတယ်ဗျ။ ထိခိုက်ဒဏ်ရာရတာတော့ ၃ ယောက်ပဲ။ အမျိုးသား ၂ ယောက်၊ အမျိုးသမီး ၁ ယောက်ရယ်ပဲ။ အမျိုးသားတယောက် ကတော့ ခေါင်းမှာ အုတ်ခဲတွေကျတဲ့ ဒဏ်ရာတော့ရှိတယ်။ နောက်တယောက်က ခါးတို့ ခြေထောက်တို့မှာ ရှိတယ်။ အမျိုး သမီးတယောက်ကလည်း ခေါင်းမှာပဲ အုတ်ခဲတွေ ဘာတွေ ကျလာတာရှိတယ်"

အခုဗုံးပေါက်ကွဲတဲ့ မြို့မဈေးဟာ နေပြည်တော်အတွက် အချက်အချာကျတဲ့ ဈေးတခုလည်း ဖြစ်ပြီး ညနေပိုင်းဖွင့်တဲ့ဈေးလည်းဖြစ်ပါတယ်။ အစိုးရရုံးစိုက်ရာမြို့မို့ ရုံးဆင်းချိန် ဈေးအရောင်းဝယ်နဲ့စည်ကားသလို ၀န်ထမ်းအိမ်ရာတွေနဲ့လည်း သိပ်မဝေးပါဘူး။ ဒါပမေယ့် ဗုံးပေါက်ကွဲတာဟာ ည ၉ နာရီကျော်မို့ ဈေးကွဲချိန်ဖြစ်နေတဲ့အတွက် ထိခိုက် ဒဏ်ရာရမှု သိပ်မရှိခဲ့တာဖြစ်တယ်လို့ ပြောပါတယ်။

နေပြည်တော်မှာတော့ ဒီဗုံးပေါက်ကွဲမှု ဖြစ်ပြီးပြီးချင်း မြိုတွင်း ဧည့်စာရင်းစစ်တာ၊ မြို့ဝင်မြို့ထွက် ဂိတ်တွေမှာ စစ်ဆေးမှုပိုတင်းကြပ်တာတွေအပြင် နေပြည်တော်အတွင်းက လမ်းဘေးတွေမှာ ရဲကားတွေ လုံခြုံရေးကားတွေ ရပ်ပြီးစာင့်ကြည့်စစ်ဆေးတာ တွေရှိတယ်လို့ ပြောပါတယ်။

နေပြည်တော်အတွင်းမှာတော့ ကားလမ်းတွေမှာတော့ အတားအဆီးတွေတော့ လုပ်နေ တာတွေ ရှိတယ်။ အဝေးပြေးလမ်းမတွေပေါ်မှာတော့ အစောင့်တွေ ရှိနေတယ်။ ရဲတွေ ချထားတာတွေ ရှိနေတယ်။ လမ်းဆုံတွေမှာ အဓိကထားတာ များတယ်။ ဈေးကိုတော့ ပုံမှန် တော့ ဖွင့်ပေးထားတယ်။ ဒါပေမဲ့ အစောင့် အရှောက်တွေတော့ တော်တော်များရှိ တယ်။ သူတို့ကတော့ နေပြည်တော်မှာရှိတဲ့ဝန်ထမ်းတွေ အဓိကဈေးဝယ်တဲ့နေရာ လို့ပဲ ပြောရမှာပဲ။ အခုနေရာက နေပြည်တော်အတွင်းမှာရှိတဲ့ ရုံးတွေနဲ့လည်း အကုန်လုံး နီးတယ်။ ဒီဈေးက ၈ နာရီလောက်အထိကတော့ တော်တော်ကိုစည်တယ်ဗျ။ အခု ပေါက်တဲ့ အချိန်ကတော့ တော်တော်ကို လူကွဲသွားပီလို့ ပြောရမယ်။

နေပြည်တော်မြို့ခံပါ။ အခုဆိုရင် နေပြည်တော်မှာ ဗုံးပေါက်ကွဲမှုဖြစ်တာ ဒါ ဒုတိယ အကြိမ်ဖြစ်ပါတယ်။ ပြီးခဲ့တဲ့ မေလ ၁၈ ရက်နေ့ကလည်း နေပြည်တော် တပ်ကုန်း အနားက ဆင်သေဘူတာအနီး ရထားပေါ် ဗုံးပေါက်ကွဲလို့ အနည်းဆုံး လူ၂ ဦးသေဆုံးပြီး ၉ ဦးထက်မနည်း ဒဏ်ရာရတာတွေ ဖြစ်ခဲ့ပါတယ်။ အဲဒီကတည်းကစလို့ နေပြည်တော်နဲ့အနီးနားက မြို့တွေအတွင်း လုံခြုံရေးတွေဟာ အရင်ကထက် ပို တင်းကြပ်ထားတာပါ၊ အထူးသဖြင့်ကတော့ အစိုးရရုံးစိုက်ရာနေ ရာဖြစ်လာပြီးကတည်းက ပစ်မှတ် တခု ဖြစ်လာတယ်ဆိုတဲ့ အမြင်တွေနဲ့ အတူ ဒေသခံတွေက စိုးရိမ်မှု တွေကြီးလာတယ်လို့ ပျဉ်းမနားမြို့ခံတဦးက ပြောပါတယ်။

"ကျနော်တို့ဒေသဟာ ပစ်မှတ်ဖြစ်လာတယ်ပေါ့ဗျာ။ အရင်တုန်းက မဖြစ်ဘဲနဲ့ အစိုးရ ရုံးစိုက်တဲ့နေရာဖြစ်တဲ့ အတွက်ကြောင့် ပစ်မှတ်ဖြစ်လာတာ။ အဲဒါကို ကျနော်တို့က စိုးရိမ် တယ်။ နောက်တခုကတော့ ကျနော်တို့ ဒေသက ရှမ်းပြည်နယ်ရော၊ နောက်ပြီးတော့ ပင်လောင်းဘက်က ထွက်လို့ရှိရင် ပအိုဝ်းနယ်ပါ့ဗျာ။ အရှေ့တောင်ပိုင်းရောက် သွားလို့ရှိရင်လည်း ကရင်နီနယ်နဲ့စပ်နေပြန်တယ်ဗျ။ ဟိုဘက်မှာ ကရင်ပေါ့ဗျာ။ အဲဒီ တော့ တိုင်းရင်းသားဒေသတွေနဲ့ အကုန်ဆက်နေတာကို။ ကျနော်တို့နဲ့ တိုင်းရင်းသားတွေနဲ့ ပဲခူးက နယ်ခံတွေနဲ့ တိုင်းရင်းသားတွေနဲ့ဆက်ဆံရေးက အင်မတန် နွေးထွေးခဲ့တာဗျ။ ဒီကနေ့ကာလမှာ အစိုးရဘက်က အကြမ်းပတမ်း လုပ်တာတွေများတော့ တန်ပြန်လိုက်တဲ့ ကိစ္စတွေ ဖြစ်နိုင်တာပေါ့။ အဲဒီလို တန်ပြန်တာက ကျနော်တို့ဆီမှာ လာပြီးတော့ တလျှောက် လုံးနွေးထွေးစွာနဲ့ဆက်ဆံလာခဲ့တဲ့ဆက်ဆံရေးကို ထိခိုက်သွား နိုင်တယ်။ အဲဒီလို မဖြစ်စေချင်တာပေါ့ဗျာ။ အဲဒါမျိုးဖြစ်မှာ စိုးရိမ်တာပေါ့"

ပျဉ်းမနားဒေသခံတဦးရဲ့ အမြင်ပါရှင်။ နေပြည်တော်က ဆင်သေဘူတာအနီးအရောက် ရထားပေါ်မှာ ဗုံးပေါက်ကွဲတာဟာ KNU ကရင်အမျိူးသားအစည်းရုံးအဖွဲ့ရဲ့ လက်ချက် ဖြစ်တယ်လိူ့ မြန်မာ အစိုးရ ထုတ် သတင်းစာတွေမှာ ဖော်ပြရေးသားခဲ့ပေမယ့် ဒီကိစ္စကို KNU အဖွဲ့ကတော့ ငြင်းဆိုထားပါတယ်။

Ref: VOA News

Read More...

Collapse...

ပိတ်ဆို့မှုများ ရုပ်သိမ်းပေးရန် မြန်မာအစိုးရသစ် တောင်းဆို

ခင်ဦးသာ
10 June 2011

မြန်မာနိုင်ငံတွင် လူ့အခွင့်အရေး တိုးတက်ပြောင်းလဲမှုများကို လုပ်ဆောင်နေပြီဖြစ်၍ အနောက်နိုင်ငံများ၏ စီးပွားရေး ပိတ်ဆို့ထားမှုများကို ရုပ်သိမ်းပေးရန် ဆွစ်ဇာလန်နိုင်ငံ ဂျနီဗာမြို့တွင် ကျင်းပနေသော ကမ္ဘာ့ကုသမဂ္ဂ လူ့အခွင့် အရေးကောင်စီ၌ မြန်မာ အစိုးရသစ်က တောင်းဆို လိုက်သည်။

အစိုးရသစ်သည် သက်တမ်းအားဖြင့် ၆၉ ရက်သာ ရှိသေးသော်လည်း လူ့အခွင့် အရေးနှင့် ပတ်သက်၍ စာတွေ့၊ လက် တွေ့ လုပ်ဆောင်နေကြောင်း၊ နိုင်ငံတကာ ကို ကိုယ်စားပြုသည့် ကမ္ဘာ့ ကုလသမဂ္ဂ ကဲ့သို့သော အဖွဲ့ကြီးကလည်း ပူးပေါင်းပါဝင် နေခြင်းကြောင့် ဖွံ့ဖြိုးတိုးတက်မှုများကို ရှေးရှု ၍ အနောက်နိုင်ငံများ၏ စီးပွားရေး ပိတ်ဆို့ ထားမှုများကို ရုပ်သိမ်းသင့်ပြီ ဖြစ်ကြောင်း မြန်မာအစိုးရ ကိုယ်စားလှယ် ရှေ့နေချုပ် ဒေါက်တာ ထွန်းရှင်က တောင်းဆိုခဲ့သည်ဟု အစိုးရ၏ ယနေ့ထုတ် သတင်းစာများတွင် ရေးသားထားသည်။

ကမ္ဘာ့ကုလသမဂ္ဂ လူ့အခွင့်အရေး ကောင်စီ၏ ၁၇ ကြိမ်မြောက် အစည်းအဝေးကို ဂျနီဗာမြို့၌ မေလ ၃၀ ရက်မှ စတင်ကျင်းပလျှက်ရှိရာ ဇွန်လ ၁၇ ရက်နေ့တွင် ပြီး ဆုံးမည်ဖြစ်သည်။ ထိုအစည်းအဝေးသို့ ပြည်ပရောက် အတိုက်အခံ အင်အားစုများလည်း တက်ရောက် ဆွေးနွေးခဲ့ကြသည်။

ထိုအစည်းအဝေးတွင် အဝေးရောက် ညွန့်ပေါင်းအစိုးရအဖွဲ့ (NCGUB) ၏ ကုလသမဂ္ဂ ကိုယ်စားလှယ် ဒေါက်တာ သောင်းထွန်းလည်း တက်ရောက်နေရာ မြန်မာအစိုးရ ပြော ဆိုနေသော နိုင်ငံရေးအကျဉ်းသား မရှိ ဆိုသည်မှာ မဟုတ်မှန်ကြောင်း၊ နိုင်ငံရေး အကျဉ်းသား ၂၀၀၀ ကျော်ရှိနေပြီး မကြာခင်က ပြန်လွတ်လာသူများ၌ နိုင်ငံရေး အကျဉ်း သား စုစုပေါင်း ၅၁ ဦးသာ ပါဝင်ကြောင်း ဆွေးနွေးခဲ့သည်ဟု သိရသည်။

ကမ္ဘာ့ကုလသမဂ္ဂအဖွဲ့က ဦးဆောင်သော နိုင်ငံတကာ စုံစမ်းရေးကော်မရှင် တရပ်ကို အမြန်ဆုံးဖွဲ့စည်းရေးနှင့် မြန်မာစစ်အစိုးရ ကျူးလွန်ထားသော စစ်ရာဇ၀တ်မှုများကို စုံစမ်းစစ်ဆေးပေးရန် လိုအပ်ကြောင်း၊ နိုင်ငံတကာ ကြက်ခြေနီအဖွဲ့ (ICRC) ကိုလည်း အစိုးရ၏ တားဆီး ဟန့်တားမှုတစုံတရာ မရှိစေဘဲ အကျဉ်းထောင် အသီးသီးသို့ ချက် ချင်းဝင်ရောက် စစ်ဆေးခွင့် ပြုရန်အတွက် ဒေါက်တာသောင်းထွန်းက ဆွေးနွေး ခဲ့သည်။

အနောက်နိုင်ငံများအနေဖြင့် မြန်မာနိုင်ငံ၏ လူ့အခွင့်အရေး ချိုးဖောက်မှုများ၊ ဒီမိုကရေစီ ကျင့်စဉ် မရှိမှုများအပေါ် အခြေခံ၍ ဥပဒေအရ စီးပွားရေး ပိတ်ဆို့ထားခြင်း ဖြစ် သောကြောင့် ၎င်းပိတ်ဆို့မှုကို ထောက်ခံကြောင်း ရန်ကုန်မှ ရှေ့နေ တဦးဖြစ်သူ ဦးအောင်သိန်းက ဧရာဝတီကို ပြောသည်။

“လူ့အခွင့်အရေး ချိုးဖောက်မှုတွေ၊ ဒီမိုကရေစီ စံနှုန်းတွေ မရှိတော့ဘူးဆိုရင် စီးပွားရေး ပိတ်ဆို့တာတွေက ပျောက်သွားမှာပါ” ဟု ၎င်းက ဆိုသည်။

အစိုးရသစ်အနေဖြင့် လူ့အခွင့်အရေးကိစ္စ၊ တရားဥပဒေ စိုးမိုးရေးနှင့် လွတ်လပ် ပွင့်လင်းသော တရားစီရင်မှု တစုံတရာမတွေ့ ရသေးကြောင်းလည်း ဦးအောင်သိန်း က ပြောသည်။

“တရားရုံးတွေရဲ့ အခေါ် အဝေါ်တွေ၊ ဆိုင်းဘုတ်တွေ ပြောင်းလဲသွားတာက လွဲရင် တရားစီရင်မှုဆိုင်ရာ ကိစ္စတွေမှာ အပြောင်းအလဲ ဘာတခုမှ ထူးခြားလာတာ မတွေ့ ရသေးဘူး” ဟု လည်း သူက ဆိုသည်။

ဂျနီဗာ၌ ကျင်းပနေသည့် အစည်းအဝေးသည် ၂၀၁၁ ခုနှစ် ဇန်န၀ါရီလအတွင်းက အဆိုပြုထားခဲ့ကြသော မြန်မာနိုင်ငံ၏ လူ့အခွင့်အရေးကိစ္စရပ် များနှင့် ပတ်သက်သော အကြံပြုချက် ၁၉၀ ကို ပြန်လှန်သုံးသပ်သည့် ဆွေးနွေးပွဲဖြစ်သည်။

အကြံပြုချက် ၁၉၀ အနက် အချက် ၇၀ သည်မြန်မာနိုင်ငံ၏ အချုပ်အခြာ အာဏာကို ထိပါးသည်ဟု ဆိုကာ မြန်မာ အစိုးရသစ်က ပယ်ချခဲ့သည်။ ၇၄ ချက်အား ထောက်ခံပြီး ကျန် ၄၆ ချက်ကို စဉ်းစားသုံးသပ်ဦးမည်ဟု မြန်မာအစိုးရက ဆိုထားသည်။

မြန်မာ အစိုးသစ်အနေဖြင့် ၂၀၀၈ ဖွဲ့စည်းပုံ အခြေခံ ဥပဒေပါ အတိုင်း ကျင့်သုံး သွားမည်ဖြစ်ပြီး နိုင်ငံသားတိုင်း၏ အခြေခံ ရပိုင်ခွင့်၊ အခြေခံ အခွင့်အရေးများကို လက်ရှိ ဖွဲ့စည်းပုံပါအတိုင်း ပြန်လည်သုံးသပ် ဆွေးနွေးသွားမည်ဟု မြန်မာကိုယ်စားလှယ် ဒေါက်တာ ထွန်းရှင်က ပြောခဲ့သည်။

မည်သည့်နိုင်ငံမဆို လူ့အခွင့်အရေး ချိုးဖောက်ခံရမှုများနှင့် ပတ်သက်ပြီး စွပ်စွဲခံရမှုများ ရှိကြောင်း၊ ယခုအစည်းအဝေးကို တက်ရောက် လာခြင်းကပင် မြန်မာနိုင်ငံသည် ကုလ သမဂ္ဂ အဖွဲ့ကြီးနှင့် ပူးပေါင်းလိုက်ခြင်းဖြစ်ကြောင်း သူက ဆိုသည်။

မြန်မာအစိုးရ၏ လူသားမျိုးနွယ်တုံး သတ်ဖြတ်မှု၊ စစ်ရာဇ၀တ်မှု၊ လူ့အခွင့်အရေး ချိုးဖောက်မှုများနှင့် ပတ်သက်၍ စုံစမ်း စစ်ဆေးရေး ကော်မရှင်တရပ် ဖွဲ့စည်းရန် တောင်းဆိုထားသော ကုလသမဂ္ဂ၏ မြန်မာနိုင်ငံဆိုင်ရာ လူ့အခွင့်အရေး ကိုယ်စားလှယ် မစ္စတာ သောမတ်စ် အိုဟေး ကင်တာနာ အား မြန်မာအစိုးရက ပြည်ဝင်ခွင့် ဗီဇာ မပေး သေးပေ။

ထိုင်းနိုင်ငံ ဘန်ကောက်မြို့၌ ပြီးခဲ့သည့်လက ကျင်းပခဲ့သော သတင်းစာ ရှင်းလင်းပွဲတွင် မစ္စတာ ကင်တာနာက မြန်မာနိုင်ငံ၏ အကျဉ်းထောင် များအတွင်း ကြမ်းတမ်းသော ညှဉ်းပန်းနှိပ်စက်မှုများ ရှိနေကြောင်း၊ တိုင်းရင်းသား ဒေသများ၌လည်း လူ့အခွင့်အရေး ချိုးဖောက်မှုများကို ကျယ်ကျယ်ပြန့်ပြန့် တွေ့နေရဆဲ ဖြစ်ကြောင်း ပြောဆိုခဲ့သည်။

Ref: ဧရာဝတီ်

Read More...

Collapse...

နေပြည်တော် မြို့မဈေးတွင် ဗုံးကွဲ

စည်သူ
11 June 2011

နေပြည်တော် မြို့မဈေးတွင် ယမန်နေ့ညက ဗုံးပေါက်ကွဲမှု ဖြစ်ပွားခဲ့ရာ ထိခိုက်ဒဏ်ရာ ရရှိမှုများ ရှိခဲ့ကြောင်း သတင်း ရရှိသည်။

“ည ၈ နာရီကျော်ကျော်လောက်မှာ အုံးကနဲ အသံကြားလိုက်တယ်။ အဲဒါနဲ့ပြေးသွား ကြည့်တော့ ဗုံးကွဲတာတဲ့။ ဈေးအတွင်းထဲ က သန့်စင်ခန်းမှာ ဖြစ်တာ။ ဒဏ်ရာရတဲ့ သူတွေက ဗုံးစထိတာ မဟုတ်ပါဘူး။ ဗုံးကွဲတဲ့ အရှိန်ကြောင့် လွင့်လာတဲ့ အုတ်ခဲကျိုးတွေ ထိပြီး ဒဏ်ရာရတာပါ။ သိပ်မပြင်းထန် ပါဘူး” ဟု နေပြည်တော် မြို့မဈေး ပွဲရုံတန်းတွင်နေထိုင်သူတဦးက ဧရာဝတီသို့ ပြောသည်။

“အုတ်ခဲက သန့်စင်ခန်းနားက ဆိုင်မှာ ထိုင်ပြီး စကားပြောနေတဲ့ နှစ်ယောက်ကို ထိတာ။ ကျောနဲ့ ခေါင်းမှာ ဒဏ်ရာရသွားကြတယ်” ဟု ၎င်းက ဆက်လက်ပြောကြားသည်။

ဒဏ်ရာရရှိသူများကို နေပြည်တော်ရှိ ကုတင် ၁၀၀၀ ဆေးရုံသို့ အာဏာပိုင်များက ခေါ်ဆောင်သွားကြောင်း သိရသည်။

ဗုံးကွဲမှုနှင့် ပတ်သက်၍ နေပြည်တော် အမှတ် ၄ ရဲစခန်းသို့ ဧရာဝတီက ဆက်သွယ် မေးမြန်းခဲ့သော်လည်း ဖြေကြားနိုင်ခြင်းမရှိကြောင်း တာဝန်မှုးက ပြောကြားသည်။ နေပြည်တော် မြို့မဈေးမှ တာဝန်ရှိသူများကလည်း ဖြေကြားခြင်း မရှိပေ။

“ဖြစ်ဖြစ်ချင်းပဲ ဈေးအစောင့်ရဲတွေ ရောက်လာတယ်။ မကြာဘူး၊ နေပြည်တော် အမှတ် ၄ ရဲစခန်းက ရဲတွေ၊ ထောက်လှမ်းရေးတွေ ချက်ခြင်းရောက်လာတယ်။ ပြီးတော့ ဓာတ်ပုံရိုက်၊ အပျက်အစီးရှင်း၊ လုံခြုံရေးချထားခဲ့ပြီးပြန်သွားကြတယ်” ဟု မြို့မ ဈေးပွဲရုံးတန်းတွင်နေသူက ပြောသည်။

ထိုသို့ ဗုံးကွဲမှုဖြစ်ပွားအပြီးတွင် လုံခြုံရေးတပ်ဖွဲ့များက လမ်းများကို ပိတ်ဆို့ရှာဖွေခြင်း၊ ရပ်ကွက် အုပ်ချုပ်ရေးမှုးများက ဧည့်စာရင်းများ လိုက်လံစစ်ဆေးခြင်း၊ ဟိုတယ်နှင့် တည်းခိုခန်းများသို့ ၀င်ရောက်စစ်ဆေးခြင်း၊ အနှိပ်ခန်းများကိုလည်းဝင်ရောက်စစ်ဆေးခြင်း များ ပြုလုပ်ခဲ့ကြောင်း သိရသည်။

နေပြည်တော် မြို့မဈေးသည် အစိုးရဝန်ထမ်းများနှင့် စည်ကားလေ့ရှိသော ဈေးကြီး ဖြစ်ကြောင်း၊ ယမန်နေ့ညက ဗုံးကွဲမှုကြောင့် ယနေ့တွင် ဈေးဆိုင်အများစု ပိတ်ထား ကြောင်း နေပြည်တော်မှ ဝန်ထမ်းတဦးက ပြောသည်။

ပြီးခဲ့သည့် မေလ ၁၈ ရက်နေ့တွင် နေပြည်တော်အလွန် ဆင်သေဘူတာ၌ ရန်ကုန်-မန္တလေး အမှတ် ၃ အဆန် ရထားပေါ်တွင် ဗုံးပေါက်ကွဲမှု ဖြစ်ပွားခဲ့ရာ ၂ ဦး ပွဲချင်းပြီး သေဆုံးကာ ၉ ဦး ဒဏ်ရာ ရခဲ့သည်။

ယင်းဖောက်ခွဲမှုနှင့်ပတ်သက်၍ ကရင်ပြည်နယ် သံတောင်မြို့နယ်မှ လူတဦးကို အာဏာပိုင်များက ဖမ်းဆီးခဲ့ပြီး ကရင်အမျိုးသားအစည်းအရုံး (KNU) ၏ လက်ချက်ဖြစ်ကြောင်း ဇွန်လ ၉ ရက်နေ့ထုတ် အစိုးရသတင်းစာများမှ စွပ်စွဲရေးသား ခဲ့သည်။

ယခု အကြိမ်ဗုံးပေါက်ကွဲမှုသည် အစိုးရသစ် တာဝန်ယူပြီးနောက် ဒုတိယအကြိမ်မြောက် ဗုံးကွဲခြင်းဖြစ်ပြီး နေပြည်တော်တွင်မူ တတိယအကြိမ်မြောက် ဗုံးကွဲခြင်းဖြစ်သည်။

Ref: ဧရာဝတီ်

Read More...

Collapse...

ဖွေ့ထိုင်းပါတီ ကိုယ်စားလှယ်လောင်းက စစ်တပ်ပြောရေးဆိုခွင့်ရှိသူကို တိုက်ခိုက် ပြောဆို

June 9, 2011

ကြာသပတေးနေ့က ဖွေ့ထိုင်းပါတီ ကိုယ်စားလှယ်လောင်း ဖိုင်ရော့ခ်ျအီဆာလဆာရီဖုန်က စစ်တပ်ပြောရေး ဆိုခွင့် ရှိသူ ဗိုလ်မှူးကြီး ဆန်ဆားန်ခေါင်ခမ်နော့ဒ် ကို မမှန်သတင်း ဖြန့်ချီတယ် ဆိုပြီး တိုက်ခိုက် ပြောဆိုလိုက်ပါတယ်။ ဖြစ်တာက တော့ဘန်ကောက်၊ နောင်ကျော ခရိုင်မှာ တာဝန်ယူနေတဲ့ စစ်တပ်က အလုပ်တပ်ဖွဲ့ ၃၁၅ ရဲ့ အလုပ်ကို ပိတ်ပင်တား ဆီးဖို့ သူ့သေနတ်ကို ထုတ်ချိန်တယ် ဆိုပြီး သူ့ကို စွပ်စွဲ ပြောဆိုခဲ့တဲ့ ဖြစ်ရပ် ဖြစ်ပါတယ်။

စစ်တပ်က သူ့ကို ၀တ္တရားနှောက်ယှက်မှုနဲ့ ဗုဒ္ဓဟူးနေ့က လက်ဦးမှုယူ စွပ်စွဲ တိုင်တန်းထားချက်ကို ဖိုင်ရော့ခ်ျက တုံ့ ပြန်တဲ့ အနေနဲ့ မဟုတ်မမှတ်လည်ဆယ်လုပ်ကြံမှုနဲ့ ဆန်ဆားန်ကို စွပ်စွဲပြီး ရဲစခန်းမှာ အမှုဖွင့်လိုက်ပါတယ်။ သူ့ခုခံ ချေပချက်မှာ သူဟာ မူးယစ်ဆေးဝါးနှိမ်နှင်းရေးမှာ တာဝန်ရှိတဲ့ တပ်ဖွဲ့ တဖွဲ့နဲ့တွေ့ခဲ့ပြီး သူ့ရဲ့မဲဆွယ်စည်းရုံးတဲ့ စာရွက် တွေ ဝေခဲ့တယ်။ လို့ သူက ပြောပါတယ်။ သူက အဲဒီတပ်ဖွဲ့ရဲ့ အရာရှိတွေနား ကပ်သွားပြီး စာရွက်တွေ ဖတ်ကြည့် မလားလို့ မေးခဲ့တယ်။ လို့ သူက ပြောပါတယ်။ အရာရှိတွေက သူ့တောင်းဆိုမှုကို ငြင်းပယ်လိုက်တော့ သူက သူတို့ အနေနဲ့ အလုပ်တွေကို မလုပ်ခင်မှာ ရွေးကောက်ပွဲကော်မရှင်ဆီကို ကြိုတင် အသိပေးဖို့နဲ့ သူတို့အလုပ်တွေဟာ သူ့ရဲ့ မဲဆွယ် စည်းရုံးရေးနဲ့ တချိန်တည်း ဖြစ်နေတဲ့ အကြောင်း သူတို့ကို အကြံပြု ပြောဆိုခဲ့တာပဲ ဖြစ်တယ်။ လို့ သူက ပြောပါ တယ်။

သူ လက်နက်ကိုင်ထားတယ်ဆိုတာကို ငြင်းလိုက်ပြီး အရာရှိတွေကို ရင်းရင်းနှီးနှီးပဲ ပြောဆိုဆက်ဆံခဲ့တာ ဖြစ်ကြောင်း၊ သူက ပြောပါတယ်။ ဒီအဖြစ်အပျက်က စစ်တပ်အဖွဲ့တဖွဲ့က မူးယစ်ဆေးဝါး နှိမ်နှင်းရေးနဲ့ ဆက်စပ်တဲ့ သတင်းတွေ မေး မြန်းရယူ နေချိန် မေလ ၂၃ ရက်နေ့က ဖြစ်ခဲ့တာ ဖြစ်ကြောင်း၊ ဆန်ဆားန်က ဗုဒ္ဓဟူးနေ့က ပြောပါတယ်။ ဖိုင်ရော့ခ်ျနဲ့ သူ့ ကို ထောက်ခံသူတွေက ခြိမ်းခြောက်တဲ့ စကားတွေ ပြောတယ်ဆိုပြီး ဒီအရာရှိတွေက သူ့အထက်အရာရှိကို အစီရင် ခံခဲ့ တယ်လို့ သူက ပြောပါတယ်။ ဖိုင်ရော့ခ်ျက အရာရှိတွေကို ကြိ်မ်းမောင်းပြီး သူ့ကို ထောက်ခံတဲ့သူတွေထဲက တ ယောက်က ဖွက်ထားတဲ့ သေနတ်ကို မြင်အောင် အင်္ကျီ မ ပြခဲ့တယ်လို့ သူက ပြောပါတယ်။ ဒီအဖြစ်အပျက် အစီရင်ခံ စာကို ပြန်လည် သုံးသပ်ပြီးနောက် ဖိုင်ရော့ခ်ျကို ရဲတိုင်ဖို့ အမှတ် ၁ တပ်မတော်က သူ့အရာရှိတွေကို အင်္ဂါနေ့က မီးစိမ်း ပြလိုက်တာ ဖြစ်တယ်လို့ သူက ပြောပါတယ်။

Ref: နေ့သစ်

Read More...

Collapse...

အရှုံးပေါ် နိုင်ငံပိုင် ရေကြောင်းပို့ဆောင်ရေး အသုံးစရိတ် လျော့ပြီ

မျိုးသိဏ်း
ဇွန်လ ၀၉ ရက် ၂၀၁၁ ခုနှစ်

့အရှုံးပေါ်နေသော နိုင်ငံပိုင် ရေကြောင်း ပို့ဆောင်ရေး လက်အောက်ရှိ ရေကြောင်း ခရီးစဉ်များတွင် ခေါက်ရေ လျော့ချခြင်းနှင့် သင်္ဘောငယ်များ အစားထိုး ပြေးဆွဲမှု ဇွန်လ ၁ ရက် မှ စတင် လျော့ချလိုက်သည်ဟု ပို့ဆောင်ရေး ဝန်ကြီးဌာနမှ အငယ်တန်း အရာရှိ တဦးက ပြောသည်။

“ရန်ကုန်-ပုသိမ် နေ့စဉ်ဆိုရင် အခု တပတ် ၃ ရက်၊ ကျုံမငေးဆိုရင် အရင်က အကြီးနဲ့ တပတ် ၃ ရက် ထွက်တယ် အခု သင်္ဘောအသေးနဲ့ တပတ် ၃ ရက် အဲ့လိုတွေ လျှော့ လိုက်ရတယ်”ဟု အမည်မဖော်လိုသူ အရာရှိက ပြောသည်။

စက်သုံးဆီပမာဏ ထိန်းချုပ်မှုကြောင့် လူစီးနှင့် ကုန်တင်သင်္ဘော ခရီးစဉ်များ သုံးပုံ တပုံကျော် လျှော့ချလိုက်ရသည်ဟု သူက ပြောသည်။

ဧရာဝတီတိုင်း ဒေသအသီးသီးသို့ ရေလမ်းခရီးဖြင့် သွားလာသည့် စရိတ်စကသည် ကုန်းလမ်းခရီးဖြင့် သွားလာခြင်းထက် အနည်းဆုံး ငါးဆမှ ဆယ်ဆနီးပါးအထိ ကွာခြားမှု ရှိသည်။

“ပုသိမ်ကို ရိုးရိုးကားတောင် ကားခ ၄,ဝဝဝ၊ ၄,၅ဝဝ၊ အိတ်စပရက်စ် ဆို ၇,ဝဝဝ ကျော်တယ်။ သင်္ဘောက ၉ဝဝ မပြည့်ဘူးလေ။ အဲ့တာ ခရီးသည် နားနေဆောင်မှာပဲ တရက်အိပ်ပြီး စောင့်နေလိုက်တာ” ဟု ရန်ကုန်-ပုသိမ် သင်္ဘောခရီးစဉ်ဖြင့် လိုက်ပါမည့် သူတဦးက ပြောသည်။

လျော့ဈေးဖြင့် တမင် ပြေးဆွဲပေးနေသော ပို့ဆောင်ရေး ဝန်ကြီးဌာနအောက်ရှိ ပြည်တွင်း ရေကြောင်းပို့ဆောင်ရေး လုပ်ငန်း၏ အသုံးစရိတ် လျှော့ချမှု အစီအစဉ် ဖြစ်ကြောင်း အခြားဝန်ထမ်းတဦးက မဇ္ဈိမကိုပြောသည်။

“ပြီးခဲ့တဲ့ လဆန်းလောက်ကတည်းက ဝန်ကြီးအစည်းအဝေးမှာ ဌာနအသုံးစရိတ်လျှော့ဖို့ သတ်မှတ်တယ်၊ တန်ဆာခ၊ လူစီးခတွေ မြှင့်မလား ညှိနှိုင်းအစည်းအဝေး လုပ်သေးတယ်၊ နောက်မှ အခုလို ဆီကိုတာဖြတ်ဖို့ သတ်မှတ်လိုက်တာ” ဟု အဆိုပါဝန်ထမ်းက ပြောသည်။

ပြည်တွင်းရေကြောင်း ပို့ဆောင်ရေး၏ မူလအစမှာ ၁၈၆၅ ခုနှစ်တွင် တည်ထောင်ခဲ့သည့် IRRAWADDY FLOTILLA Co., Ltd ဖြစ်ပြီး လွတ်လပ်ရေးရပြီး ၁၉၄၈ ခုနှစ် ဇွန်လ ၁ ရက် တွင် “ ပြည်တွင်းရေကြောင်း သယ်ယူပို့ဆောင်ရေး အဖွဲ့” ၁၉၇၂ ခုနှစ် မတ်လ၁ ရက်တွင် “ ရေကြောင်းပို့ဆောင်ရေး ကော်ပိုရေးရှင်း” ၁၉၈၉ ခုနှစ် ဧပြီလ ၁ရက်တွင် “ပြည်တွင်းရေကြောင်း ပို့ဆောင်ရေး” စသဖြင့် အမည်ပြောင်းလဲ ခေါ်ဝေါ်ခဲ့သည်။

Ref: မဇ္ဈိမ

Read More...

Collapse...

ထားဝယ် ရေနက်ဆိပ်ကမ်း စီမံကိန်း ၂၀၁၂ ခုနှစ်စတင်မည်

ဇွန်လ ၀၉ ရက် ၂၀၁၁ ခုနှစ်

အမေရိကန်ဒေါ်လာ ၈ ဘီလီယံ ကုန်မည်ဟု အစောပိုင်းက မှန်းဆထားသော ထားဝယ် ရေနက်ဆိပ်ကမ်းနှင့် အခြေခံ အဆောက်အဦးများ ဆောက်လုပ်မည့် စီမံကိန်းကို ၂၀၁၂ ခုနှစ်တွင် စတင် အကောင်အထည် ဖော်မည်ဖြစ်ပြီး ရင်းနှီးမြှုပ်နှံသူများကို ရှာဖွေ လျက်ရှိသည်။

အီတာလျံ-ထိုင်းကုမ္ပဏီ (ITD) ဥက္ကဋ္ဌ Premchai Karnasuta ကို ကိုးကား၍ ဘန်ကောက်ပို့စ် သတင်းစာကရေးသားထားရာတွင် “ကျနော်တို့အနေနဲ့ ဆောက်လုပ်ရေး လုပ်ငန်း အသုံးစရိတ်တွေကို ဒီနှစ်ကုန်ပိုင်းမှာ အပြီး တွက်ချက်နိုင်မှာဖြစ် ပြီး လာမည့် ၂ဝ၁၂ ခုနှစ်မှ စတင် အကောင်အထည်မှာ ဖြစ်တယ်၊ နောင် ၂ဝ၁၅ ခုနှစ်မှာ အပြီးသတ်မှာ ဖြစ်ပါတယ်” ဟု ပါရှိသည်။

ယခုအချိန်ထိ ရင်းနှီးမြှုပ်နှံသူ ၁ဝ ခုကျော်က စိတ်ဝင်စားနေသည်ဟု Premchai Karnasuta ပြောလိုက်ပြီး ITD က ရာနှုန်းပြည့် ရထားသည့် အနက်မှ ယခု နှစ်ကုန်တွင် ၄၉ ရာခိုင်နှုန်းအထိ ရောင်း ထုတ်နိုင်ရန်မျှော်လင့်ထားကြောင်းလည်း ဘန်ကောက်စ်ပို့တွင် ပါရှိသည်။

ထားဝယ်တွင် ရေနက်ဆိပ်ကမ်း တခုနှင့် ဆက်ဆိုင်နေသော အခြေခံ အဆောက်အဦးများ ဆောက်ရန် ITD က ထားဝယ်ဖွံ့ဖြိုးရေး ကုမ္ပဏီလိမိတက်ဟု ဌာနတခု တည်ထောင် ထားသည်။

ကားလမ်း၊ ရထားလမ်းများနှင့် ဆိပ်ကမ်းတခုအတွက် အမေရိကန် ဒေါ်လာ ၄ ဘီလီလျံနှင့် စက်မှုဇုန်အတွင်း အခြားသော အခြေခံ အဆောက်အဦး တည်ဆောက်ရန် အမေရိကန် ဒေါ်လာ ၄ ဘီလီလျံ အသုံးပြုမည်ဟု ကုမ္ပဏီက ကနဦး မျှော်မှန်းထားသည်။ သို့သော် ကုန်ကျစားရိတ် လျော့နည်းသွားနိုင်သည်ဟု ကုမ္ပဏီက ယခုအခါ ပြောလာသည်။ ဖွံ့ဖြိုးရေးစီမံကိန်း အကျယ်အဝန်းက ၂၅ဝ စတုရန်း ကီလိုမီတာ ရှိသည်။

၁ဝ နှစ်ကြာမည့် စီမံကိန်း အကောင်အထည် ဖော်ရန် သဘောတူညီချက်ကို မြန်မာအစိုးရနှင့် နိုဝင်ဘာ လဆန်းပိုင်းတွင် သဘောတူ စာချုပ်ချုပ် ဆိုထားသည်။

ရေနက်ဆိပ်ကမ်း တည်ဆောက်မှုတွင် သင်္ဘောကျင်းများနှင့် ပြုပြင်ထိန်းသိမ်းရေး အလုပ်ရုံများ၊ သံမဏိ စက်ရုံတခု၊ လျှပ်စစ်ဓာတ်အားပေး စက်ရုံတခု၊ ရေနံဓာတုစက်ရုံများ၊ ရေနံချက် စက်ရုံတခု၊ ကားလမ်းနှင့် ထားဝယ်မှသည် ဘန်ကောက်သို့ ပေါက်သော ရထားလမ်းဆက်ကြောင်းနှင့် လောင်စာဆီ ပိုက်လိုင်းတခု သွယ်တန်းရေးတို့ ပါဝင်သည်။

စီမံကိန်းက ဆင်းရဲသော မြန်မာ့စီးပွားရေးဖွံ့ဖြိုးတိုးတက်မှု ဖြစ်ပေါ်လာနိုင်လိမ့်မည်ဟု ယုံကြည်နေမှုများလည်း ရှိသလို သဘာဝပတ်ဝန်းကျင်ကို ထိခိုက်စေနိုင်သည့် စက်ရုံများ လာရောက်လည်ပတ်မှုကို ရင်ဆိုင်ရနိုင်ပြီး ထောင်နှင့်ချီသော လူအများကို အဓမ္မ ရွှေ့ပြောင်းစေမှုများ ဖြစ်စေနိုင်သည်ဆိုသော စိုးရိမ်မှုများကိုလည်း ပေါ်ပေါက်စေသည်။

ထိုင်းနိုင်ငံအတွက်တွင် အမှန်တကယ်ပင် အကျိုးဖြစ်ထွန်းနိုင်သည်ဟု အေအက်ဖ်ပီ သတင်းတရပ်တွင်ရေးသားထားသည်။

ထိုင်းနိုင်ငံမှ အနောက်နိုင်ငံများသို့ ပို့ဆောင်သော ကုန်စည်များမှ လက်ရှိအချိန်တွင် ထိုင်းပင်လယ်ကွေ့၊ စင်္ကာပူအနီးနှင့် မလက္ကာရေလက်ကြားကို ဖြတ်သန်းသယ်ယူ နေရသည်။ ထားဝယ် စီမံကိန်းအပြီးတွင် ကားလမ်းတလမ်းနှင့် ရထားလမ်းဆက် ကြောင်းမှ ထားဝယ်သို့ ပို့ဆောင်နိုင်သဖြင့် စားရိတ်သက်သာသွားမှာ ဖြစ်သည်ဟု ဆို သည်။

ထို့အပြင် အရှေ့အလယ်ပိုင်းမှ ရေနံစိမ်းများကို အရှေ့တောင်အာရှသို့ သယ်ရာတွင် လမ်းတို သွားနိုင်သည်ဟု အီတာထိုင်းကုမ္ပဏီ၏ တင်ပြချက်ကို ကိုးကား၍ အေအက်ဖ်ပီက ရေးသား ထားသည်။

Ref: မဇ္ဈိမ

Read More...

Collapse...

ကေအိုင်အေနယ်မြေက တိုက်ပွဲသတင်း

Friday, June 10, 2011

(၈-၆-၁၁) နေ့ ညတုန်းက အစိုးရတပ် ခလရ၄၃၇ရဲ့ တပ်သား ၃ ဦး ကေအိုင်အေ တပ်ရင်း ၁၅ ဒေသထဲကို ဝင်ရောက် လာပြီး ကင်းထောက် လာတဲ့အတွက် ကေအိုင်အေက ၂ ယောက် ဖမ်းမိလိုက်တယ်၊ ဒါ့အပြင် ကေအိုင်အေ တပ်မဟာ ၃ နယ်မြေထဲမှာလဲ အလားတူ လာရောက် ထောက်လှမ်းတဲ့ အစိုးရ တပ်သားတွေထဲက တယောက်ကို ဖမ်းမိလိုက်တယ်၊ အဲဒီလူတွေကို လွှတ်ပေးဖို့ ဗျူဟာမှူး က တောင်းတာကို လွှတ်မပေးဘူးလို့ သိရပါတယ်၊

ဒီနေ့မနက်ပိုင်းမှာ တရုတ် ရေအား လျှပ်စစ် လုပ်နေတဲ့ တာပိန်ချောင်း အနီးမှာ ကေအိုင်အေ နဲ့ အစိုးရ တပ်ရင်း (၃၄၇)၊ (၃၉၁) တို့နဲ့ တိုက်ပွဲဖြစ်တယ်။ အစိုးရ ဘက်က ၆ ဦးသေ၊ ၁၁ ဦး ဒဏ်ရာရတယ်လို့ မပြည့်စုံသေးတဲ့ သတင်းတွေအရ သိရတယ်၊ နှစ်ဘက် ပြန်ဆုတ် သွားကြပြီးနောက် လက်နက်ကြီးတွေနဲ့ အပြန်အလှန် ပစ်နေကြတယ်။ အစိုးရဘက်က ခလက ၂၃၇ ကို တပ်ကူ လှမ်းခေါ်ထားတယ် လို့ သိရပါတယ်။

ရည်ညွှန်း။ ။ ဒေသခံ အထောက်တော် တဦးမှ ဝိမုတ္တိသို့ ပေးပို့လာသည့်သတင်း

Read More...

Collapse...

ရခိုင်ပြည်နယ်၏ ယခုနှစ် ဆယ်တန်း အောင်ချက် ရာခိုင်နုန်း နိမ့်ကျ

6/9/2011

ရခိုင်ပြည်နယ်၏ ယခုနှစ် ဆယ်တန်း အောင်ချက် ရာခိုင်နုန်းမှာ ယခင်နှစ်နှင့် နိုင်းစာလျှင် အနည်းငယ် နိမ့်ကျသွားပြီး ဂုဏ်ထူး ရရှိသူ အရေအတွက်မှာမူ ယခင်နှစ်ကနှင့် စာလျှင် များစွာ နည်းပါး သွားကြောင်း သိရသည်။

ယခုနှစ် ရခိုင်ပြည်နယ် တစ်ခုလုံး၏ ဆယ်တန်း အောင်ချက် ရာခိုင်နုန်းမှာ ၂၆ ဒဿမ ၅၆ ရှိပြီး ယခင်နှစ်က ၂၈ ဒဿမ ၂၈ ရှိကြောင်း သိရ သည်။

စစ်တွေမြို့နယ် ပြည်နယ် လွှတ်တော် အမတ် ဦးအောင်မြကျော်က ဆယ်တန်းအောင်ချက် ရာခိုင်နုန်း တိုးတက်မလာဘဲ ဆုတ်ယုတ်သွား ရခြင်း အပေါ် ယခုကဲ့သို့ပြောသည်။

" ဒီနှစ် ရခိုင်ပြည်နယ် အောင်ချက်ရာခိုင်နုန်းက ၂၆ ဒဿမ ၅၆ ဘဲရှိပါတယ်။ သိရသလောက် တိုင်းနဲ့ ပြည်နယ်ထဲမှာ အနိမ့်ကျဆုံး ဖြစ်တယ်လို့သိရပါတယ်။ ဒီနှစ် ဘာသာစုံ ဂုဏ်ထူးရတာလည်း တစ်ယောက် တည်းဘဲ ရှိပါတယ်။ ခုလို ပညာရေး အခန်းကဏ္ဍ တိုးတက်မလာဘဲ နိမ့်ကျသွားရခြင်းဟာ လူတွေ ဆင်းရဲ မွဲတည်ကြောင့် ဖြစ်တယ်လို့ မြင်ပါတယ်" ဟု သူက ပြောသည်။

ယခင်နှစ်က ၆ ဘာသာ ဂုဏ်ထူးရှင် ရခိုင်ပြည်နယ်မှ ၁၈ ဦးပေါ်ထွက်ခဲ့ပြီး ယခုနှစ်တွင် တစ်ဦးတည်းသာ ပေါ်ထွက်ခဲ့သည်။ ၆ ဘာသာ ဂုဏ်ထူးရ ကျောင်းသားမှာ စစ်တွေ အထက (၂) ဖြစ်ကြောင်း သိရသည်။

ယခုနှစ် ရခိုင်တစ်ပြည်နယ် တစ်ခုလုံးမှ ဂုဏ်ထူးရ ကျောင်းသားမှာ ၆ ဘာသာ ဂုဏ်ထူးရှင် (၁) ဦး၊ ၅ ဘာသာ ဂုဏ်ထူးရှင် (၁၅) ဦးနှင့် ၄ ဘာသာ ဂုဏ်ထူးရှင် (၂၆ ဦး) ဖြစ်ကြောင်း သိရသည်။

လွန်ခဲ့သည့်နှစ်က ၆ ဘာသာဂုဏ်ထူးရှင် ၁၈ ဦး ပေါ်ထွက်ခဲ့ပြီး ၊ ၅ဘာသာ ဂုဏ်ထူးရှင် ၂၅ ဦး၊ ၄ ဘာသာ ဂုဏ်ထူးရှင် ၃၇ ဦး၊ ၃ ဘာသာဂုဏ်ထူးရှင် ၅၅ ဦး၊ ၂ ဘာသာဂုဏ်ထူးရှင် ၁၁၆ ဦးနှင့် ၁ဘာသာဂုဏ်ထူးရှင် ၇၃၇ ဦးတို့ပေါ်ထွက်ခဲ့သည်။

" ဒီနှစ်မှာ ဂုဏ်ထူးရ ကျောင်းသားကလည်း အရမ်းနိမ့်ကျသွားပါတယ်။ ဆင်းရဲ မွဲတည်မူက မိဘတွေကိုရော ကျောင်းသားတွေကို ထိခိုက် စေပါတယ်။ ဘာဖြစ်လို့လည်း ဆိုတော့ ဘ၀ ၀မ်းရေးအတွက် ရုန်းကန်ကြရတော့ မိဖ တွေက သားသမီးတွေရဲ့ပညာရေးကို စိတ် မ၀င်စား နိုင်ဘူး။ သားသမီးတွေကလည်း ပညာရေး အတွက် လိုအပ်တဲ့ အထောက် အပံ့တွေကို မရတဲ့ အခါ လေ့လာ ဆည်းပူး ရာမှာ အားနည်းသွားတဲ့ သဘော ဖြစ်ပါတယ်။ ဆရာဆရာမတွေဆိုရင်လည်း ၀မ်းရေး မလုံရင် တပည့်တွေအပေါ်မှာ အာရုံစိုက် ပြသဖို့ဆိုတာက လက်တွေ့ပိုင်းမှာ မလွယ် ကူပါဘူး။ ဒီတော့ ရခိုင်ပြည်နယ် ပညာရေး ကျဆင်းရတာဟာ အဓိက စီးပွားရေးကြောင့် ဖြစ်တယ်လို့မြင်မိပါတယ်" ဟု သူက ပြောသည်။

ယခုနှစ်တွင် ရခိုင်ပြည်နယ်မှ အောင်ချက် အကောင်းဆုံး မြို့နယ်မှာ စစ်တပ် အဓိက အခြေစိုက်ရာ အမ်းမြို့နယ် ဖြစ်သည်။ အမ်းမြို့သည် အနောက်ပိုင်းတိုင်း စစ်ဌာနချုပ် တည်ရှိရာ မြို့လည်း ဖြစ်သည်။

အမ်းမြို့နယ်မှာ အောင်ချက် ရာခိုင်နုန်း ၄၀ ဒဿမ ၁၁ ဖြင့် ပထမ နှင့် မောင်တောမြို့နယ်မှာ အောင်ချက် ရာခိုင်နုန်း ၁၇ ဒဿမ ၀၅ ဖြင့် အနိမ့်ဆုံး ဖြစ်သည်။ တခြားမြို့နယ်များ၏ အောင်ချက် ရာခိုင်နုန်းမှာ သံတွဲ ၃၄ ဒဿမ ၉၄၊ ပေါက်တော ၃၂ ဒဿမ ၈၀၊ စစ်တွေ ၃၀ ဒဿမ ၉၆၊ ရသေ့တောင် ၂၈ ဒဿမ ၈၄၊ ဂွ ၂၈ ဒဿမ ၆၈၊ ကျောက်ဖြူ ၂၆ ဒဿမ ၃၉၊ တောင်ကုတ် ၂၆ ဒဿမ ၁၈၊ ကျောက်တော် ၂၆ ဒဿမ ၀၂၊ မာန်အောင် ၂၅ ဒဿမ ၇၀၊ ပုဏ္ဍားကျွန်း ၂၅ ဒဿမ ၆၈၊ မင်းပြား ၂၅ ဒဿမ ၄၇၊ ရမ်းဗြဲ ၂၀ ဒဿမ ၈၃၊ မြောက်ဦး ၂၀ ဒဿမ ၈၀၊ မြေပုံ ၂၀ ဒဿမ ၅၉၊ ဘူးသီးတောင် ၂၀ ဒဿမ ၄၁ တို့ဖြစ်ကြောင်း ရခိုင်ပြည်နယ် ပညာရေးဌာန စာရင်းအရ သိရသည်။

စစ်တွေ အထက ၂ မှ အငြိမ်းစား ဆရာ တစ်ဦးက " ဒီနှစ် ရခိုင်ကျောင်းသားတွေထဲမှာ ခြောက်ဘာသာ ဂုဏ်ထူးရှင်တွေ နည်းသွားတာက မေးခွန်းက ခက်တာတွေ ပါသလို တချို့ရမှတ်တွေကို စာစစ်အဖွဲ့က ဖြတ်ချ ပစ်တယ်လို့လည်း ကြားရပါတယ်။ ဒါကြောင့် ခြောက်ဘာသာဂုဏ်ထူးရှင် နည်းသွားပြီး တစ်ယောက်ဘဲ ထွက်တာ ဖြစ်ပါတယ်" ဟု ပြောသည်။

မြန်မာနိုင်ငံ စာစစ်ဌာနမှ ၂၀၁၁ ခုနှစ် မတ်လ အတွင်းက ဖြေဆိုခဲ့သော ကျောင်းသားများ၏ ဆယ်တန်း အောင်စာရင်းကို ဇွန်လ ၄ ရက်နေ့က ထုတ်ပြန် ကျေညာခဲ့သည်။

Ref: နိရဉ္စရာ

Read More...

Collapse...

ကြားဖြတ် ရွေးကောက်ပွဲအတွက် မွန်ပါတီ ပြင်ဆင်

ရိုင်မရော့
June 9th, 2011

လာမည့် ကြားဖြတ် ရွေးကောက်ပွဲတွင် ဝင်ရောက် ယှဉ်ပြိုင်ရန်အတွက် မွန်ဒေသလုံးဆိုင်ရာ ဒီမိုကရေစီပါတီက ပြင်ဆင်ထားကြောင်း ပါတီခေါင်းဆောင်က ဖြစ်သည်။

“ကျနော်တို့ စည်းရုံးရေး ဆင်းနေတယ်၊ ပြီးခဲ့တဲ့ ရွေးကောက်ပွဲလို မဖြစ်အောင် ပြင်ဆင်စရာ ရှိ တာ ပြင်ဆင်နေတယ်” ဟု မွန်ဒေသလုံး ဆိုင်ရာ ဒီမိုကရေစီပါတီက ပြောသည်။

ယခင် ရွေးကောက်ပွဲကာလက ကြုံတွေ့ခဲ့ရသည့် ကြိုတင်မဲကိစ္စ၊ မဲမသမာမှုကိစ္စများ မဖြစ်ပေါ် ရန်နှင့် ရွေးကောက်ပွဲ အနိုင်ရရန် ပြင်ဆင် နေခြင်း ဖြစ်သည်။

ရွေးကောက်ပွဲ ကော်မရှင်က ကြားဖြတ် ရွေးကောက်ပွဲ ကျင်းပမည့်ရက်ကို တရားဝင် ကြေငြာခြင်း မရှိသေးသော်လည်း လာမည့် နိုဝင်ဘာလခန့်တွင် ကျင်းပလိမ့်မည်ဟု နိုင်ငံရေးပါတီများက ခန့်မှန်းကြသည်။

“ကျနော်တို့ ပါတီက တနေရာပဲ ဝင်ပြိုင်မယ်၊ အများကြီးတော့ မဝင်နိုင်ဘူး၊ ငွေကြေး မတတ်လို့” ဟု နိုင်ငွေသိန်းက ပြောသည်။

သိပ္ပံနှင့် နည်းပညာ ဝန်ကြီးဌာန ပြည်ထောင်စု ဝန်ကြီးအဖြစ် ရွေးချယ်တာဝန်ပေးခံရသည့် မွန်ပြည်နယ် မော်လမြိုင်မြို့နယ် ပြည်သူ့လွှတ်တော် ကိုယ်စားလှယ် ဦးအေးမြင့် နေရာတွင် ဝင်ရောက်ယှဉ်ပြိုင် အရွေးခံခြင်း ဖြစ်သည်။

၂၀၁၀ပြည့်နှစ် နိုဝင်ဘာ ၇ ရက်က ကျင်းပခဲ့သည့် ရွေးကောက်ပွဲတွင် မော်လမြိုင်မြို့နယ် ပြည်သူ့လွှတ်တော် ကိုယ်စားလှယ်နေရာ၌ ပြည်ခိုင်ဖြိုးပါတီ၊ တစညပါတီနှင့် မွန် ဒေသလုံးဆိုင်ရာ ဒီမိုကရေစီ ပါတီတို့က ဝင်ရောက်ယှဉ်ခဲ့ပြီး ပြည်ခိုင်ဖြိုးပါတီက အနိုင် ရရှိခဲ့သည်။

ကြားဖြတ် ရွေးကောက်ပွဲတွင်လည်း အထက်ပါ ပါတီများအားလုံး ဝင်ရောက် ယှဉ်ပြိုင် လိမ့်မည်ဟု နိုင်ငွေသိန်းက ပြောသည်။

မေလ ၃၀ ရက်နေ့မှ ဇွန်လ ၁ ရက်နေ့ထိ ၃ ရက်ကြာ ကျင်းပသည့် ညီနောင်တိုင်းရင်းသား ၅ ပါတီ အစည်းအဝေးတွင် ကြားဖြတ် ရွေးကောက်ပွဲနှင့် ပတ်သက်၍ အဓိကထား ဆွေးနွေးခဲ့ကြပြီး သဘောထား ထုတ်ပြန်ခဲ့သည်။

သဘောထား ထုတ်ပြန်ချက် ပထမအချက်တွင် “ ကြားဖြတ်ရွေးကောက်ပွဲနှင့် အနာဂတ် ရွေးကောက်ပွဲတွင် မိမိနှင့် သက်ဆိုင်သည့် ဒေသများ၌ အပြည့်အဝ ဝင်ရောက် ယှဉ်ပြိုင် ရန်နှင့် ကျန်ဒေသများတွင် ပါတီတခုက ဝင်ရောက်ယှဉ်ပြိုင်ပါက ကျန်ပါတီ များက ဝင်ရောက်ယှဉ်ပြိုင်ခြင်း မပြုပဲ ပံ့ပိုး ကူညီသွားရန်” ပါရှိသည်။

Ref: Mon news

Read More...

Collapse...

ဘန်ကီမွန်း မြန်မာ့အရေးဆောင်ရွက်မှု ထုတ်ဖော်ပြောဆို

ခင်ဦးသာ
09 June 2011

ကုလသမဂ္ဂ အထွေထွေ အတွင်းရေးမှူးချုပ် မစ္စတာ ဘန်ကီမွန်းသည် ဒုတိယအကြိမ် ရာထူးသက်တမ်း အရွေးခံရန် အမေရိကန်ပြည်ထောင်စု နယူးယောက်မြို့ရှိ ကုလသမဂ္ဂရုံး၌ ဇွန်လ ၆ ရက်နေ့က ကြေညာရာ၌ မြန်မာနိုင်ငံအတွက် ၎င်း၏ လုပ်ဆောင်ပေး ခဲ့မှုများကိုလည်း ထည့်သွင်းပြောဆိုသွားသည်။

မြန်မာနိုင်ငံ၌ ၂၀၀၈ ခုနှစ်က ဖြစ်ပွားခဲ့သော နာဂစ်ဆိုင်ကလုန်း ကိစ္စအပါအ၀င် ဟေတီ၊ ပါကစ္စတန် စသည့် နိုင်ငံများ၌ ဖြစ်ပေါ်ခဲ့သော သဘာဝဘေးအန္တရာယ် ကူညီ ကယ်ဆယ်ရေးကိစ္စများ၊ ကမ္ဘာ့လူထု၏ ဆင်းရဲကျပ်တည်းမှုများအတွက် ဆောင်ရွက် ပေးနိုင်ခဲ့၍ ဒုတိယအကြိမ် ၅ နှစ် ရာထူးသက်တမ်းအတွက် အရွေးချယ်ခံသင့် ကြောင်း မစ္စတာ ဘန်ကီမွန်းက ပြောဆိုခဲ့သည်။

မစ္စတာ ဘန်ကီမွန်းသည် နယူးယောက်မြို့တွင် ယမန်နေ့က ကျင်းပသော မြန်မာ့ မိတ်ဆွေနိုင်ငံများ ညီလာခံ၌ ကြေညာချက် တခုထုတ်ပြန်ရာ ကုလသမဂ္ဂသည် မြန်မာ နိုင်ငံ၏ ဒီမိုကရေစီအရေးနှင့် ငြိမ်းချမ်းရေး လုပ်ဆောင်ချက်များ၌ ဆက်လက် ပူးပေါင်း ဆောင်ရွက်သွားမည်ဟု ပြောဆိုခဲ့သည်။

သို့ရာတွင် အမျိုးသား ဒီမိုကရေစီအဖွဲ့ချုပ် (NLD) ဒု ဥက္ကဋ္ဌ ဦးတင်ဦးက မစ္စတာ ဘန်ကီမွန်းသည် ဒုတိယ ရာထူးသက်တမ်း အရွေးခံရန် တရုတ်နိုင်ငံ၏ ထောက်ခံ မှုရရှိရေးအတွက် မြန်မာ့အရေးကို ထိထိရောက်ရောက် လုပ်ဆောင်ခြင်းမရှိ ခဲ့ကြောင်း ပြောသည်။

ဦးတင်ဦးက “ဘန်ကီမွန်းရဲ့ပထမ သက်တမ်းမှာ နောက်တကြိမ်ပြန်အရွေးခံဖို့ မြန်မာ့ ဒီမိုကရေစီ အရေးနဲ့ ပတ်သက်လို့ ဖိဖိစီးစီးလုပ်ခဲ့တာ မတွေ့ရဘူး။ တရုတ်လို လုံခြုံရေး ကောင်စီ အဖွဲ့ဝင်တွေဆီကနေ ထောက်ခံမှုကို လိုချင်လို့ ဖြစ်မယ် ထင်တယ်။ ဒုတိယ သက်တမ်းမှာတော့ ဒီကိစ္စတွေကို ဖိဖိစီးစီး ကြိုးစားချင်လည်း ကြိုးစားလိမ့်မယ်” ဟု ဆို သည်။

ကုလသမဂ္ဂ အထွေထွေ အတွင်းရေးမှူးချုပ် ဒုတိယအကြိမ် ရာထူးသက်တမ်းအတွက် မစ္စတာ ဘန်ကီမွန်းအား ကမ္ဘာ့ထိပ်တန်း နိုင်ငံကြီးများနှင့် ဗီတိုအာဏာ ရထားသော ကုလသမဂ္ဂ လုံခြုံရေးကောင်စီအဖွဲ့ဝင်များ ဖြစ်သည့် အမေရိကန်၊ ပြင်သစ်၊ ဗြိတိန်၊ ရုရှား၊ တရုတ် စသည့်နိုင်ငံများက ထောက်ခံကြောင်း ကြေညာထားပြီး ဖြစ်သည်။

မြန်မာနိုင်ငံ၌ လူပေါင်း တသိန်းသုံးသောင်းကျော် သေဆုံးခဲ့ပြီး လူဦးရေ သန်းချီကာ အိုးအိမ်မဲ့ဖြစ်စေခဲ့သော နာဂစ်ဆိုင်ကလုန်းမုန်တိုင်းတွင် ဒုက္ခသည်များအတွက် နိုင်ငံ တကာ၏ အကူအညီများ မြန်မာနိုင်ငံတွင်းသို့ ပြန်လည်ဝင်ရောက်နိုင်ရေး ကိစ္စများကို မစ္စတာ ဘန်ကီမွန်းက ဆောင်ရွက်ပေးနိုင်ခဲ့သည်။

၂၀၀၇ ခုနှစ်အတွင်း သံဃာတော်များဦးဆောင်သော လူထုဆန္ဒထုတ်ဖော်မှုအား စစ်အစိုးရမှ အကြမ်းဖက် နှိမ်နင်းပြီးနောက် မစ္စတာ ဘန်ကီမွန်းသည် မြန်မာနိုင်ငံဆိုင်ရာ အထူးကိုယ်စားလှယ် မစ္စတာ အီဗရာဟမ် ဂမ်ဘာရီအား မြန်မာနိုင်ငံသို့ စေလွှတ်၍ အာဏာပိုင်များနှင့် ဆွေးနွေးစေခဲ့သော်လည်း သိသာသော အပြောင်းအလဲများ လုပ်ဆောင်နိုင်မှု မရှိခဲ့ဟု လေ့လာသူများက သုံးသပ်ကြသည်။

၂၀၀၇ ရွှေဝါရောင် တော်လှန်ရေးနှင့် ပတ်သက်၍ မစ္စတာ ဘန်ကီမွန်း အနေဖြင့် မြန်မာနိုင်ငံဆိုင်ရာ ကိုယ်စားလှယ်အား စေလွှတ်မှု နောက်ကျသော်လည်း နာဂစ်ကဲ့သို့သော သဘာဝဘေးအန္တရာယ်အတွက် လုပ်ဆောင်ပေးနိုင်ခဲ့မှုတချို့ ရှိခဲ့ခြင်းကြောင့် သူ၏ မြန်မာပြည်နှင့်ပတ်သက်၍ ကြိုးပမ်းချက်သည် အတန်အသင့်ကောင်းမွန်သည်ဟု မှတ်ချက်ပြုနိုင်ကြောင်း အမေရိကန်ပြည်ထောင်စု ဘာကလေ တက္ကသိုလ်မှ မြန်မာ့ အရေးသုတေသီ ကိုမင်းဇင်က ပြောသည်။

မစ္စတာ ဘန်ကီမွန်းသည် ၂၀၀၈ ခုနှစ် နာဂစ်အလွန်၌ တကြိမ်၊ ၂၀၀၉ ခုနှစ်က ဒေါ်အောင်ဆန်းစုကြည်၏ နေအိမ်အတွင်းသို့ အမေရိကန်နိုင်ငံသား မစ္စတာ ဂျွန်ယက်ထော ၀င်ရောက်ပြီးနောက် တကြိမ် မြန်မာနိုင်ငံသို့ လာရောက်၍ မြန်မာ့နိုင်ငံရေးအတွက် ဗိုလ်ချုပ်မှူးကြီး သန်းရွှေနှင့် တွေ့ဆုံ ဆွေးနွေးခဲ့သည်။

သို့ရာတွင် မစ္စတာ ဘန်ကီမွန်းသည် မြန်မာနိုင်ငံသို့လာရောက်သည့် ခရီးစဉ်များအတွင်း မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နှင့် တွေ့ဆုံခွင့်ရရန် ဗိုလ်ချုပ် မှူးကြီးသန်းရွှေ ထံ တောင်းဆိုခဲ့သော်လည်း မအောင်မြင်ခဲ့ပေ။

ကုလသမဂ္ဂအနေဖြင့် မြန်မာ့အရေး ဆောင်ရွက်ရာတွင် မြန်မာအစိုးရ၏ ပူးပေါင်းပါဝင်မှု၊ လုံခြုံရေးကောင်စီ အဖွဲ့ဝင်နိုင်ငံများနှင့် အိမ်နီးချင်း တရုတ်နိုင်ငံတို့၏ ထောက်ခံမှုမရပါက မစ္စတာ ဘန်ကီမွန်းသည် ထိထိရောက်ရောက် လုပ်ဆောင်နိုင်ရန် မလွယ်ကူဟု ကိုမင်းဇင်က ပြောသည်။

တောင်ကိုးရီးယား နိုင်ငံခြားရေး ၀န်ကြီးဟောင်းဖြစ်သူ အသက် ၆၆ နှစ်အရွယ်ရှိ မစ္စတာ ဘန်ကီမွန်းသည် မြန်မာနိုင်ငံသား ဦးသန့် ပြီးနောက် အာရှတိုက်မှ ဒုတိယမြောက် ကုလသမဂ္ဂ အထွေထွေ အတွင်းရေးမှူးချုပ် ဖြစ်သည်။

မစ္စတာ ဘန်ကီမွန်းသည် ၂၀၀၇ ခုနှစ် ဇန်န၀ါရီလ ၁ ရက်နေ့တွင် အထွေထွေ အတွင်းရေးမှူးတာဝန်ကို စတင်ထမ်းဆောင်ခဲ့ပြီး ၂၀၁၁ ခုနှစ် ဒီဇင်ဘာလ ၃၁ ရက်နေ့တွင် ၅ နှစ် ရာထူးသက်တမ်း ကုန်ဆုံးမည်ဖြစ်သည်။

မစ္စတာ ဘန်ကီမွန်း၏ ဒုတိယအကြိမ် ရာထူးသက်တမ်းနှင့် ပတ်သက်၍ အမေရိကန်သမ္မတ အိမ်ဖြူတော်က ဇွန်လ ၇ ရက်နေ့ ရက်စွဲဖြင့် ကြေညာရာ၌ ကုလသမဂ္ဂ အဖွဲ့ကြီးသည် ပြီးပြည့်စုံသော အဖွဲ့တခု မဟုတ်သော်လည်း ကမ္ဘာကြီးအတွက် အရေးပါသော ဌာန ကြီးတခု ဖြစ်ကြောင်း၊ ၁၀ နှစ်ကျော်အတွင်း ကုလသမဂ္ဂအဖွဲ့ကြီး၏ အသုံးစရိတ် သုံးစွဲ မှု ငွေပမာဏကို မစ္စတာ ဘန်ကီမွန်း လက်ထက်တွင် လျော့ချနိုင်ခဲ့ကြောင်း ဖော်ပြ ထားသည်။

ကုလသမဂ္ဂအဖွဲ့ကြီး၏ ထိပ်တန်းနေရာများတွင် အမျိုးသမီးများ နေရာရရှိရေးအတွက် မစ္စတာ ဘန်ကီမွန်းက ဆောင်ရွက်ပေးနိုင်ခဲ့သည်ဟုလည်း အိမ်ဖြူတော်၏ ထုတ်ပြန်ချက်၌ ပါရှိသည်။

မစ္စတာ ဂမ်ဘာရီသည် ၂၀၀၉ ခုနှစ်တွင် မြန်မာနိုင်ငံဆိုင်ရာ ကိုယ်စားလှယ်အဖြစ်မှ အနားယူပြီးနောက် မစ္စတာ ဘန်ကီမွန်း၏ အကြံပေးအရာရှိ အိန္ဒိယနိုင်ငံသား မစ္စတာ ဘီဂျေ နမ်ဘီးယားအား မြန်မာနိုင်ငံအတွက် ယာယီကိုယ်စားလှယ်အဖြစ် တာဝန်ပေး ခဲ့သည်။

Ref: ဧရာဝတီ်

Read More...

Collapse...

ဦးတေဇပြောတဲ့ ပိတ်ဆို့ ဒဏ်ခတ်မှု၊ စီးပွားရေး လုပ်ငန်းနှင့် မြန်မာနိုင်ငံ

ရိုင်မွန်ဒို ဘူထရီနီ (Raimondo Bultrini)
အင်္ဂါနေ့၊ ဇွန်လ ၀၇ ရက် ၂၀၁၁

(ဦးတေဇနှင့် တွေ့ဆုံမေးမြန်းမှု)

မြန်မာနိုင်ငံ၏ ဒီမိုကရေစီ အတိုက်အခံခေါင်းဆောင် ဒေါ်အောင်ဆန်းစုကြည်၏ အိမ်နှင့် ကိုက် ရာအနည်းငယ် အတွင်း ရှိနေသည့် ဦးတေဇ၏ ကြီးကျယ် ခမ်းနားသည့် ဇိမ်ခံစံရိပ်ငြိမ်အတွင်းသို့ သတင်းထောက်များ ကျော်လွန် ဝင်ရောက်ခွင့် ပြုခဲ့သည်မှာ မရှိခဲ့ဘူးချေ။ ကျနော်က ကံကောင်း ထောက်မ၍ မကြာသေးမီက ဤအခွင့်အရေးကို ရရှိခဲ့သည်။ ဤခြံဝင်း ပိုင်ရှင်က စစ်အစိုးရကို လိုလားသူဟု နာမည်ကျော်စော နေသည်နှင့် အညီ၊ ဝိသမ စီးပွားရေး လုပ်ငန်းများဖြင့် စီးပွားဖြစ်နေသူဟု စွပ်စွဲမှုများ ရှိထားသည်နှင့် အညီ ကျနော် သတိကြီးကြီး ထား၍ ချဉ်းကပ်ခဲ့သည်။

သူစီးပွား တက်လာချိန်မှစ၍ ယခုသန်းကြွယ်သူဌေး ဖြစ်လာချိန်အထိ နိုင်ငံ၏ အာဏာပိုင် စစ်ခေါင်းဆောင် များနှင့် နီးစပ် အဆက်အသွယ် ကောင်းမှုကြောင့် အကျိုး ဖြစ်လာရသူ ဖြစ်သလို၊ မြန်မာ စစ်ဗိုလ်ချုပ်များ ကဲ့သို့ သူက သိုသို သိပ်သိပ် နေထိုင် နေရသူလည်း ဖြစ်သည်။ အာရှတိုက်အတွင်း၊ သို့မဟုတ် ကမ္ဘာ တခုလုံးတွင်လည်း ဖြစ်ချင်ဖြစ်မည်၊ အလွန်အမင်း ထိန်းချုပ် ထားသည့် စီးပွားရေး စနစ် ကျင့်သုံးနေသော နိုင်ငံတခုတွင် သူက အကြီးဆုံး စီးပွားရေး ကွန်ရက်ကို ပိုင်ဆိုင်ထားသူ တဦးလည်း ဖြစ်သည်။

မြန်မာနိုင်ငံအပေါ် ဒဏ်ခတ်ပိတ်ဆို့ အရေးယူထားသည့်အနက် ပစ်ဒဏ် ခတ်ထားသည့် လူပုဂ္ဂိုလ် ၃,ဝဝဝ စရင်းတွင် သူ့နာမည်လည်း အပါအဝင် ဖြစ်သည်။ မကြာသေးမီက အရပ်သား အစိုးရသစ် အသွင် ပြောင်းလဲခဲ့ပြီ ဆိုသည့်အခါ၊ သူကလည်း အမှောင် အရိပ်ကြားမှ ရှေ့တလှမ်းတိုး ခေါင်းပြူ ထွက်လာခဲ့သည်။

ဦးတေဇက ယခုအခါ အသက် ၄၇ နှစ် ရှိပြီ ဖြစ်ပြီး၊ ကလေး ၃ ဦး၏ ဖခင်လည်း ဖြစ်သည်။ သူ့သားတဦးက ရော့ခ် ဝါသနာပါသူ တဦးဖြစ်ပြီး၊ အသက် ၁၄ နှစ်အရွယ် သမီးမှာ မကြာသေးမီက အီတလီနိုင်ငံ၊ မီလန်မြို့ ဆေးရုံတခုတွင် အကြောသေ ရောဂါ (ပိုလီယို) အတွက် ကုသမှု ခံယူခဲ့ရသေးသည်။ ဤသတင်းက လူသိရှင်ကြား ပေါက်ကြား လာခဲ့ပြီးနောက်၊ အီတလီနိုင်ငံတွင် အချို့သော အဖွဲ့အစည်း များက ယခုကဲ့သို့ တားမြစ်ထားသူ တဦး၏ မိသားစုအပေါ် ဆေးကုသခွင့် ဗီဇာ ထုတ်ပေးခဲ့မှုကို ကန့်ကွက် နေကြပြန်သည်။ သေချာသည် ကတော့ လူသားချင်းစာနာမှု အခြေခံပေါ်တွင် နေထိုင်ခွင့် လက်မှတ် ထုတ်ပေးခဲ့ခြင်း ဖြစ်ပေလိမ့်မည်။

ယခုလို ဦးတေဇနှင့် ကိုယ်တိုင်ကိုယ်ကျ တွေ့ဆုံနိုင်ခြင်းက သတင်းဦးဟု ဆိုနိုင်သည်။ သို့သော်လည်း ဤသတင်းမျိုး အပေါ် သတင်းထောက်တဦး အနေဖြင့် အနည်းငယ် ရှက်ရွံ့ စိတ်မသက်မသာ ဖြစ်မိသော်လည်း ကျနော်က သူပြောလိုသည် များကို နားထောင်ရန် အသင့်ပြင်ထား ခဲ့ပါသည်။ အီတလီ နိုင်ငံထုတ် La Repubblica သတင်းစာတွင် ယခု တွေ့ဆုံ မေးမြန်းခန်းကို မကြာသေးမီက ဖော်ပြခဲ့သော်လည်း ယခု ဖော်ပြထားသည်က တွေ့ဆုံ မေးမြန်းခန်း၏ အကျယ်ဖြစ်သည်။ ဤသတင်းကြောင့်လည်း အီတလီနိုင်ငံတွင် မကျေနပ် ဆန္ဒပြမှုအချို့ ရှိခဲ့သေးသည်။

အိမ်အတွင်း ဝင်သွားပြီးနောက် ကျနော့်ကို ဦးတေဇက ကြိုဆို၍ ဥရောပ အလယ်ခေတ် ချပ်ဝပ် တန်ဆာများဖြင့် ချယ်သထားပြီး၊ လိပ်သဲကျောက်ပြားများ ခင်းထားသည့် အခန်းများကို ဖြတ်၍ ခေါ်ဆောင်သွားသည်။ ထူးထူးခြားခြား ကျောက်လုံး တိုင်ကြီးများ အကြားတွင် ဆာမူရိုင်းဝတ်စုံ အရုပ်တခုကိုလည်း မြင်ခဲ့ရ သေးသည်။ ကျနော်တို့က မြွေအရေခွံ ခင်းထားည့် ဆိုဖာတွင် ထိုင်ကြသည်။ အကျယ်အပြန့် ဇိမ်ခံခန်းမကြီးတွင် ယခု ကုလားထိုင်များက သက်တောင့်သက်သာ ပက်လက် ကုလားထိုင်များ သဖွယ် ချခင်းထားခြင်း ဖြစ်သည်။ ကုလားထိုင် လက်တန်းများကို ရွှေရောင် ပွတ်လုံးကြီးများဖြင့် ချယ်သထားပြီး၊ အီတလီမှ ဝယ်ယူ လာသည်ဟုလည်း သိရသည်။

အံ့သြစရာကောင်းလောက်အောင် လန်းဆန်း တက်ကြွနေသည့် သူ့ကိုမြင်ရသည်။ အနက်ရောင် ဘောင်းဘီနှင့် နေကာ မျက်မှန်ကို တပ်ထားသည့် ဦးတေဇက သူ့အနေဖြင့် ယခင် စစ်ခေါင်းဆောင်များ အပါအဝင် ယခု ရွေးချယ်ခံ အရပ်သား အစိုးရနှင့်ပါ “ ဆက်ဆံရေး အထူးကောင်းမွန်” သည်ဟု ချက်ချင်း ဝန်ခံပြောဆိုသည်။

“ ဒါပေမယ့် ကျနော်က ကိုယ့်ဆုံးဖြတ်ချက်နဲ့ပဲ ကိုယ်လုပ်ပါတယ်” ဟု သူက တွေ့ဆုံမေးမြန်းခန်း မစတင်မီ ဆိုသည်။ “ ကျနော်က နိုင်ငံရေးနဲ့ လုံးဝ မပတ်သက်ပါဘူး ကျနော်က မိသားစု စဉ်လာရိုးရာ အရ စီးပွားရေးပဲ လုပ်ပါတယ်။ ကျနော်အခု ခင်ဗျားကို လက်ခံ စကားပြောတယ် ဆိုတာကလည်း ပထမဦးဆုံး အကြိမ် နိုင်ငံခြားသား သတင်းထောက် တဦးနဲ့ ပြောဆိုတာပါပဲ။ တခါတည်း သိသွား စေချင်တာက ကျနော်ဟာ မြန်မာနိုင်ငံမှာ အချမ်းသာဆုံး လူတဦး ဖြစ်တယ်ဆိုတာ သိသွား စေချင်တာလည်း ပါတယ်။ တရုတ် အများစုက (မြန်မာပြည်မှာ) နိုင်ငံသားယူပြီး သူတို့က အချမ်းသာဆုံးလို့ ကြွားနေကြတယ်။ ဒါပေမယ့် သူတို့က မြန်မာလူမျိုး မဟုတ်ပါဘူး” ဟု ပြောသည်။

သည်လိုနှင့် တွေ့ဆုံမေးမြန်းမှု စဖြစ်သည်။

နိုင်ငံရပ်ခြားနဲ့ စီးပွားဆက်ဆံကုန်သွယ်ဖို့ လုံးဝတားမြစ်ထားတဲ့ စီးပွားရေး လုပ်ငန်းရှင်နဲ့ စစ်သား ၃,ဝဝဝ ကျော် စာရင်းမှာ ထိပ်ဆုံးက ရှိနေပါတယ်။ ဒီလိုနဲ့များ တနှစ်ကို ဒေါ်လာသန်း ၅ဝဝ ကျော်လောက် ဝင်ငွေရအောင်၊ ကုမ္ပဏီ တဒါဇင်လောက် ပိုင်ဆိုင်အောင်၊ ရဟတ်ယာဉ်တွေ ကနေ ပတ္တမြားအထိ လုပ်ငန်းပေါင်းစုံကို ဘယ်လိုများ စီမံခန့်ခွဲပါသလဲ။

“ ကျနော့် အခုပိုင်ဆိုင်မှုတွေက အနောက်တိုင်း ဒဏ်ခတ်မှုတွေကြောင့် ကျနော့်မှာ ဘာပြဿနာမှ မဖြစ်ဘူး ဆိုတာ ပြနေတာပဲ။ တကယ်တော့ ကျနော်က အနေသာချည်းပဲ။ အခု နာမည်ပျက် စာရင်းမှာပါတဲ့ စစ်ဗိုလ်ချုပ်တွေတောင်၊ ဘယ်သူမှ ဘာမှ မဖြစ်ကြပါဘူး။ ဒါပေမယ့် ကျနော့်နိုင်ငံ စီးပွားရေးက တရုတ်နဲ့ ကုန်သွယ်ရေး တခုတည်းကိုပဲ မှီနေရတာတော့ မဖြစ်စေချင်ဘူး။ သူတို့မှာ ပိုက်ဆံရှိတယ်။ ဘာဖြစ်ဖြစ် လိုချင်တာ လုပ်နိုင်ကြတယ်။ ကျနော့်မိုင်းက ကျောက်စိမ်းတွေ၊ အဖိုးတန် ကျောက်တွေက အစပေါ့။ တရုတ်က ဒီမှာ အကြီးအကျယ် မျက်စေ့ကျနေတာ လူတိုင်း သိပါတယ်။ တရုတ်က သူတို့ ထွက်ကုန်ပစ္စည်းတွေကို မလက္ကာ ရေလက်ကြားကို မဖြတ်ဘဲ အရှေ့အလယ်ပိုင်း၊ အာဖရိကကို ပို့ဖို့ လုံခြုံတဲ့ ကုန်သွယ်လမ်းကြောင်း လိုချင်နေတယ်။ မလက္ကာ ရေလက်ကြားက အမေရိကန် ချုပ်ကိုင်ထားတာ။ ဒါကြောင့် သူတို့က (မြန်မာနိုင်ငံ) အနောက်ဖက် ကမ်းခြေမှာ ဆိပ်ကမ်း အကြီးအကျယ် ဆောက်နေကြတာ၊ မြန်မာနိုင်ငံကို ဖြတ်ပြီး ရထားလမ်းကိုလည်း နယ်စပ်ကတဆင့် ကူမင်းအထိ ဖောက်ဦးမှာ။ ကျနော်တို့ ဓာတ်ငွေ့တွေလည်း အဲဒီကို မိုင်ရာချီတဲ့ ပိုက်လိုင်းတွေက တဆင့် သွားကြမှာပဲ”

ဗိုလ်ချုပ်တွေကရော တရုတ်တွေ ချယ်လှယ် လွှမ်းမိုးလာမှာကို မစိုးရိမ်ကြဘူးလား။

“ ဒါကတော့ သေချာပါတယ်။ ဒါပေမယ့် ပြည်ပကသူတွေ မသိတာက အခုလို ပိတ်ဆို့ ဒဏ်ခတ်မှု တွေကြောင့် မြန်မာပြည်ကို နောက်ဆုံး တရုတ် လက်ထဲ တွန်းပို့သလို ဖြစ်နေတာ မသိကြဘူး။ ပြီးခဲ့တဲ့ ရက်တွေကပဲ တရုတ်ကဒေါ်လာ ၃ဝ ဘီလီယံ ချေးဖို့ ကမ်းလှမ်း လာတယ်။ အစိုးရက အခု လက်မခံ သေးပေမယ့်၊ သိပ်ကြာမယ်တော့ မထင်ပါဘူး။ လက်ခံမှာပါ။ အပြန်အလှန် အနေနဲ့ သူတို့က လုပ်ပိုင်ခွင့်တွေ ပိုရလာမှာပါ။ အခုလို ဖြစ်နေရတာက အီရတ်နိုင်ငံမှာ လုပ်ခဲ့တာနဲ့ နောက်ဆက်တွဲ ပြဿနာတွေကြောင့် အမေရိကန် နိုင်ငံ သမိုင်းမှာ အဆိုးရွားဆုံး သမ္မတလို့ နာမည်တင် ကျန်ရစ်မယ့် (သမ္မတဟောင်း) ဂျော့ဘုရ်ှရဲ့ “ ကိုယ်ကျင့် တရားအပေါ် အခြေခံတဲ့မူ ” (Moral Principles) ကို လိုက်နာ နေကြလို့ပဲ။ ဒါပေမယ့် ခင်ဗျားတို့ ကျနော်တို့ အပေါ် ချမှတ်တဲ့ ပြစ်ဒဏ်တွေကို တကယ်နစ်နာ ခံစားရ သူတွေကတော့ ဆင်းရဲတဲ့ သူတွေပဲ။ တနေ့လုပ်မှ တနေ့စားရတဲ့ သူတွေပဲ ”

ဒေါ်အောင်ဆန်းစုကြည်ကတော့ အခုလို စီးပွားရေးစနစ်ကို တလွဲတချော် စီမံ ခန့်ခွဲခဲ့မှုတွေ အတွက် စစ်အစိုးရမှာ တာဝန် ရှိတယ်လို့ ဆိုပါတယ်။ IMF (အပြည်ပြည်ဆိုင်ရာ ငွေကြေးရန်ပုံငွေအဖွဲ့) ကလည်း အလားတူပဲ ပြောပါတယ်။ ဒါတွေအပြင် ပိတ်ဆို့ ဒဏ်ခတ်မှုက လူ့အခွင့်အရေး ချိုးဖောက်မှုတွေအတွက် အပြစ်ဒဏ် ခတ်တာက သိသာ ထင်ရှားပါတယ်။

“တရုတ်နိုင်ငံဟာလည်း လူ့အခွင့်အရေး ချိုးဖောက်တယ်လို့ အမြဲ စွပ်စွဲ နေတာပဲ။ ဒါပေမယ့် သူတို့ကို ကျတော့ ဘာဖြစ်လို့ ပြစ်ဒဏ်ခတ် ပိတ်ဆို့တာ မရှိသလဲ။ အခုဦးဆောင်ပြီး ဒဏ်ခတ် အပြစ်ပေးရေး လုပ်နေတဲ့ အမေရိကန်၊ ပြင်သစ်တို့လို နိုင်ငံတွေဆီက ရှယ်ဗရွန်တို့၊ တိုတယ်တို့လို ကုမ္ပဏီတွေကျတော့ ဘယ်လို အတားအဆီးမှ မရှိဘဲနဲ့ ဒီမှာ အလုပ်လုပ် နေကြတယ်။ ဒီလူတွေက အပြောနဲ့အလုပ် မညီတဲ့ သူတွေပဲ။ ကျင့်ဝတ်အတိုင်း ပြောတယ်။ ဒါပေမယ့် အစိုးရရဲ့ အိတ်ထဲကိုတော့ ပိုက်ဆံတွေ ထည့်ပေးနေကြတယ်။ တရုတ်၊ အိန္ဒိယ၊ ထိုင်း၊ စင်္ကာပူ၊ ကိုရီးယားတို့တော့ ဒီလိုမဟုတ်ဘူး”

ပိတ်ဆို့ဒဏ်ခတ်မှုကြောင့် အမှန်တကယ် သက်ရောက်မှုတွေ ဘယ်လို ဖြစ်နေတယ်လို့ ထင်ပါသလဲ။

“ ဥပမာတခုဆိုပါစို့။ နိုင်ငံခြား ခရီးသွားတွေ မလာရင် ဟိုတယ် အလုပ်သမားတွေ၊ စားသောက်ဆိုင်တွေ၊ သားငါးနဲ့ ဟင်းသီးဟင်းရွက် ရောင်းသူတွေ လုပ်ကိုင်စားကြမှာလဲ။ အိန္ဒိယနဲ့ တရုတ်ကိုချည်း ကျနော်တို့က ရောင်းမယ်ဆိုရင် အဲဒါက ပြိုင်ဆိုင်မှု မရှိတဲ့ ဈေးကွက်ပဲ။ ကျနော်တို့ ပစ္စည်းတွေ ဈေးကောင်းရမှာ မဟုတ်ဘူး။ ဆိုလိုတာက လူဦးရေရဲ့ ၇၅% ရှိတဲ့ ကျနော်တို့ လယ်သမားတွေ ငတ်ကုန် ကြလိမ့်မယ်။ ကြည့် ... ကျနော်က ကုန်သည် မိသားစုက ကြီးပြင်းလာတာ၊ ဦးနေဝင်း ဆိုရှယ်လစ် ခေတ်က ပြည်သူပိုင် သိမ်းတော့ ကျနော်တို့ အကုန် ကုန်တာပဲ။ ကျနော့် ယောက္ခမကြီး (စစ်တပ်နှင့် အဆက်အသွယ် ကောင်းသူ ဖြစ်သည်) ကတဆင့်၊ သစ်တောမြေတွေ ဝယ်ခွင့်ရပြီး ငွေအများအပြား ရလာတာ။ ကျွန်းသစ်တွေ ထုတ်ရောင်းရင်းနဲ့ ဆယ်ဒေါ်လာကနေ ထောင်ဂဏန်း ဖြစ်လာတာ။ ကျနော် လိုက်နာရဖို့ ရှိတာက ကျနော့်ကို ချမ်းသာလာအောင် လုပ်ပေးခဲ့တဲ့၊ ဒီနိုင်ငံရဲ့ ဥပဒေတွေကို လေးစား လိုက်နာဖို့ပဲ။ သူတို့တွေ ကောင်းတယ်၊ ဆိုးတယ်ဆိုတာ ကျနော် ဆုံးဖြတ်နေဖို့ မဟုတ်ဘူး။ ကျနော့် အတွက်တော့ သူတို့တွေက ကောင်းတယ် ”

ခုလို ဆင်းရဲမွဲတေမှုတွေ၊ အတိုက်အခံတွေကို ဖမ်းဆီးနေတာတွေ၊ သဘာဝ ရင်းမြစ်တွေကို ထင်တိုင်း ရောင်းစား နေတာတွေကြောင့် ခင်ဗျား စိတ်အနှောက်အယှက် မဖြစ်ရဘူးလား။

“ သေချာတာပေါ့။ ပြဿနာ ရှိတာပေါ့။ ကျနော်တို့က လူသားတွေပဲ၊ ကျနော်တို့လည်း အမှားတွေ လုပ်မိတာပေါ့။ ခင်ဗျားတို့ ဝန်ကြီးချုပ်လည်း (အီတလီ ဝန်ကြီးချုပ် ဆီလ်ဗီယို ဘာလူစ်ကိုနီ) အမြဲတမ်း မိန်းမကိစ္စ ပြဿနာ ရှိနေတာပဲ၊ ဆိုပါစို့။ အခု ကျနော်တို့ တိုင်းပြည် လည်ပတ် လုပ်ကိုင်နေတာ ၈ဝ% လောက်တော့ သဘောတူပါတယ်။ အတိုက်အခံတွေက ဥပဒေ ချိုးဖောက်တဲ့ အတွက် ပေးဆပ်နေရတာ၊ မူအရ ပြောမယ်ဆိုရင်တော့ စင်္ကာပူလည်း ဒီမိုကရေစီ မဟုတ်ပါဘူး။ သူတို့မှာလည်း တပါတီပဲ ရှိတာပဲ။ ကျနော် ထင်တာက မြန်မာနိုင်ငံမှာ အုပ်ချုပ်ရေးပိုင်းနဲ့ တပ်မတော်ကလူ ရာခိုင်နှုန်း အများစုက တိုင်းပြည်ကို ချစ်ကြပါတယ်။ ကြီးပွားတာ မြင်စေချင်ပါတယ်။ အခု အတိတ်ကထက် စာရင်တော့ ကျနော်တို့ ပိုပြီး အင်အား ကောင်းလာပါပြီ။ ဒါ့အပြင် စစ်တပ်ကလည်း အရပ်သားတွေကို တဖြည်းဖြည်း ပိုပြီးလမ်းဖွင့် ပေးလာတယ်။ တိုင်းဒေသတွေမှာ ထိပ်ပိုင်းမှာ စစ်သားတွေ ရှိနေသေးပေမယ့် အရပ်သားတွေ ဦးဆောင် နေကြပါပြီ”

လူအများစုကတော့ အခုအပြောင်းအလဲဟာ အပေါ်ယံပဲလို့ ပြောနေ ကြပါတယ်။

“အခုကိစ္စမှာ အကန့်အသတ်တွေ ဘယ်လောက်များများ ရှိနေသေးတယ်လို့ ခင်ဗျား ထင်ထင်၊ အရာကိစ္စ အားလုံးကို နိုင်ငံတော်ပိုင် လုပ်ထားတဲ့ ဆိုရှယ်လစ်၊ ကွန်မြူနစ်စနစ်တွေ ထက်တော့ ပိုပြီး ဒီမိုကရေစီ ကျပါသေးတယ်။ သူတို့က ဒဏ်ခတ် ပိတ်ဆို့ ထားသည်ဖြစ်စေ၊ ပိတ်ဆို့မှု မရှိဘူးပဲဖြစ်စေ လုပ်ငန်းရှင်တွေ လာပြီး စီးပွား လုပ်နိုင်ကြတယ်။ သူတို့က စင်္ကာပူမှာ ရှိတော့ ကျနော့် ဘဏ်အကောင့်ကို ပိတ်လိုက်တာတောင် ကျနော်ဆက်ပြီး ရှင်သန် နေတုန်းပဲ။ ဒီလိုနဲ့ ကျနော်က တရုတ်နဲ့ အရှေ့အလယ်ပိုင်းက ဘဏ်တွေဆီကို ရွှေ့ရတယ်။ ဒါပေမယ့် ကျနော်က ဒီမှာနေပြီး၊ ဒီမှာပဲ အခွန်ပေးရတယ်။ ကျနော့်အဖေက ဒီလို သင်ကြား ထားတာကိုး။ ပြီးခဲ့တဲ့နှစ်တွေက ကျနော်က စိတ်ပေါက်ပေါက်နဲ့ နိုင်ငံခြားသား အဖြစ် ခံယူချင်တဲ့စိတ် ရှိနေတော့ သူက ကျနော့်ကို စိတ်ဆိုးတယ်။ 'မင်းနိုင်ငံခြား သွားချင်ရင် မင်းအခု ချမ်းသာကြွယ်ဝ မှုတွေကြောင့် တခြား နိုင်ငံတွေက ပိုပြီး ချမ်းသာလာလိမ့်မယ်။ ကိုယ့်နိုင်ငံက ချမ်းသာလာမှာ မဟုတ်ဘူး' လို့ ပြောတယ်”

ကိုယ့်ဘဝတက်လမ်းရှာဖို့ စခဲ့တုန်းက အသက်ငယ်ငယ်ရွယ်ရွယ်မှာ ဘယ်လို အကြောင်း အချက် တွေကြောင့် စစ်အစိုးရနဲ့ သိပ်ပြီး နီးစပ် ခဲ့ရပါသလဲ။

“ကျနော်စတုန်းက လက်ဗလာနဲ့ စခဲ့ရတာ၊ ၁၉၈၈ တုန်းက တစ်နေ့ကို ၁၄ နာရီလောက် အလုပ် လုပ်ခဲ့ရတယ်။ အဲဒီ အချိန်ပဲ ကျောင်းသား အုံကြွမှုတွေ ဖြစ်ခဲ့တာ။ သူတို့ အောင်မြင်တာက ဗိုလ်ချုပ်နေဝင်း ဦးဆောင်တဲ့ ဆိုရှယ်လစ် စနစ်တော့ ကျဆုံး ခဲ့ရတယ်။ ကျနော်က ပွင့်လင်းလာတဲ့ အခြေအနေအပေါ် အခွင့်အလမ်းတွေ ရှာတယ်။ စစ်အစိုးရ အုပ်ချုပ်ရေး အပေါ် ဝေဖန်နေဖို့က ကျနော့်အလုပ် မဟုတ်ဘူး။ ဒီလို စစ်အာဏာနဲ့ အုပ်ချုပ်ရေးက ဟိုအရင် ဘုရင်စနစ်တွေကတည်းက ရှိခဲ့တာ။ ၁၉၉ဝ ခုနှစ်တွေမှာ လူတိုင်းကို လာရောက် ရင်းနှီးမြှုပ်နှံဖို့ ဖိတ်ခေါ်တယ်။ စီးပွားရေးက ပိုပွင့်လင်းလာတော့ ရှယ်ဗရွန်တို့ တိုတယ်တို့ ရောက်လာကြတယ်။ ဒီကိစ္စပဲ ကျနော် ဒဏ်ခတ် ပိတ်ဆို့မှုတွေ အပေါ် ဒေါသ ထွက်နေတာ။ ကျနော့်ကို ဘာလို့ အပြစ် ပြောနေကြတာလဲ။ သန်းကြွယ်သူဌေး ဖြစ်လာလို့လား။ ဒါပေမယ့် ၁၉၉၆ ခုနှစ် တုန်းက ကျနော့် ပထမဦးဆုံး လုပ်ငန်း လုပ်ခွင့်ရဖို့ ကျနော့်အိမ်တွေ၊ ကားတွေ ရောင်းပြီး ရင်းခဲ့ရတယ်။ ကျနော့်မှာရှိတဲ့ ငွေတပြားမကျန် ထည့်ပြီး စွန့်စားခဲ့ရတယ်။ ကျနော်အခု အနားယူလို့ ရပြီ။ နားရင်လည်း နားမယ်။ ဒါကြောင့် ကျနော့် အပေါ် ဘယ်လိုပဲဖြစ်ဖြစ်၊ ကျန်တာတွေ မစဉ်းစားဘဲ အခုလို ပြောပြနေတာ။ ကျနော်က အမေရိကန် တွေကို ပြောတယ်။ မြန်မာနိုင်ငံကို လာကြည့်၊ ဖွင့်ပေးလိုက်တဲ့ အပေါ် (ဖြစ်လာမှာကို) ယုံကြည်စမ်းပါ။ စီအိုင်အေက တီထွင် ဖန်တီးနေတဲ့ အဓိပ္ပါယ် မရှိတာတွေ ယုံမနေနဲ့။ အခုက အပြိုင်အဆိုင် ဖြစ်နေကြပြီ။ ကျနော့်စကား မယုံမရှိနဲ့။ မြန်မာပြည်မှာက ကျန်ကမ္ဘာနဲ့ မတူတဲ့ သဘာဝ ရင်းမြစ်တွေ ရှိတယ်။ ကျနော်တို့မှာ ချို့တဲ့နေတာ တခုက ပညာရေးပဲ။ တချိန်တုန်းက ကျနော်တို့ဆီက အတော်ဆုံး တွေက အမေရိက၊ အင်္ဂလန်မှာသာ စာသွား သင်နိုင်ခဲ့တယ်။ အခုတော့ ကျနော်တို့ဆီမှာ ရုရှား ကျောင်းထွက်တွေပဲ ရှိတယ်”

Raimondo Bultrini ရေးသားသည့် Tay Za talks sanctions, business and Burma ကို ဆီလျော်အောင် ပြန်ဆို ဖော်ပြပါသည်။ ယခု တွေ့ဆုံ မေးမြန်းမှု၏ အကျဉ်းကို အီတလီ သတင်းစာ La Repubblica တွင် ဖော်ပြခဲ့ပြီး ဖြစ်သည်။

Ref: မဇ္ဈိမ

Read More...

Collapse...