Burma Update - DASSK Met With British Foreign Secretary - 6 January 2012
2 hours ago
Saturday, January 7, 2012
Friday, January 6, 2012
CNF နှင့် ချင်းပြည်နယ်အစိုးရ ငြိမ်းချမ်းရေး ဆွေးနွေးပြီ
January 5th, 2012
ချင်းအမျိူးသားတပ်ဦး CNF နှင့် ချင်းပြည်နယ်အစိုးရ ကိုယ်စားလှယ်အဖွဲ့တို့သည် ယနေ့နံနက်ပိုင်း ၁၀ နာရီက ပြည်နယ်မြို့တော် ဟားခါးမြို့ အစိုးရဧည့်ဂေဟာ ဆောက်လုပ်ရေး ရိပ်သာမှာ ငြိမ်းချမ်းရေးအတွက် စတင်ဆွေး နွေးနေကြပြီဖြစ်သည်။
တွေ့ဆုံပွဲတွင် CNF ဘက်က ဒေါက်တာရွှေခါး၊ ပူးရားလ်နှင်း၊ ဒေါက်တာ ဆလိုင်းအင်ဒရူး ငွန်ကျုံးလျန်၊ ပူးဆော လမွန်၊ ဆလိုင်း ပီတာလျန်၊ ကိုလှထွန်း၊ ကိုထက်နီ၊ ပူးရိုခေါမာ၊ ကိုခင်မောင်လေးနှင့် ပူးငိုင်ကြာထန်း တို့ပါဝင်ပြီး၊ ချင်းပြည်နယ်အစိုးရဘက်မှ နယ်စပ်ဒေသ လုံခြုံရေးဝန်ကြီး ဗိုလ်မှူးကြီး ဇော်မင်းဦး၊ ပြည်နယ် အစိုးရ အတွင်းရေး မှူး၊ ပြည်နယ်ဥပဒေချူပ် နှင့် ဗျူဟာမှူး တို့ပါဝင် ကြောင်းသိရသည်။
ဆွေးနွေးသည့်အကြောင်းအရာများနှင့်ပတ်သက်ပြီး မသိရှိနိုင်သေးသော်လည်း ငြိမ်းချမ်းရေးအတွက် အလား အလာကောင်းမည် ဟု မျှော်လင့်ကြောင်း ချင်းပြည်နယ် သစ်တောဝန်ကြီး ဦးကျော်ငြိမ်းကပြောသည်။
“ အခြေအနေက မသိသေးဘူး ဆွေးနွေးတာ မပြီးသေးလို့ ပြန်မလာကြသေးဘူး၊ အလားအလားတော့ကောင်း မယ် လို့ကျနော် မှန်း ထားပါတယ်” ဟု သူကပြောသည်။
ပြည်နယ်အဆင့်ငြိမ်းချမ်းရေးဆွေးနွေးပွဲကို မနက်ဖြန်တွင် အဆုံးသတ်မှာဖြစ်ပြီး ဟားခါးမြို့မိမြို့ဖများ နှင့် ဘာသာရေး ခေါင်းဆောင် များက CNF ကိုယ်စားလှယ်အဖွဲ့ နဲ့ ပြည်နယ် အာဏာပိုင် အဖွဲ့ကို ညစာစားပွဲ တည်ခင်းဧည့်ခံပြီး ဆုတောင်းပွဲတရပ်ပြုလုပ်သွား မည်ဟုလည်းသိရပါတယ်။
၂၀၁၀ ရွေးကောက်ပွဲတွင် ပါဝင်သော ချင်းအမျိူးသားပါတီ (CNP) က ယခုလို ငြိမ်းချမ်းရေးအတွက် တွေ့ဆုံကြ သည့်အပေါ် ကြိုဆိုလိုက်ပြီး ထာဝရငြိမ်းချမ်းရေးအတွက် စိတ်ရှည်ရှည်နဲ့ကြိုးစားဖို့လိုကြောင်း ပါတီဥက္ကဌ ဦးဇိုးဇမ်ကပြောပါတယ်။
“ ကျနော်တို့ကတော့ ကြိုဆိုပါတယ်၊ တခုတော့ရှိတာပေါ့ဗျာ ငြိမ်းချမ်းရေးဆွေးနွေးတယ်ဆိုတာ နေ့ချင်းည ချင်းတော့ ကျနော်တို့ လိုချင်တဲ့ ပုံစံတော့ ချက်ချင်းတော့ဝင်ချင်မှဝင်မည်။
Ref: ခေါ်နုသုမ်
ကျောက်ဖြူ လူထု စည်းဝေးပွဲ မျှော်မှန်းထားသည်ထက် ပိုအောင်မြင်
1/5/2012
၂၀၁၂ ခုနှစ် နှစ်ဆန်းတစ်ရက် (၁) ရက်နေ့က ရခိုင်တိုင်းရင်းသားများ တိုးတက်ရေးပါတီမှ ကျောက်ဖြူတွင် ကျင်းပပြုလုပ် ခဲ့သော လူထု စည်းဝေးပွဲမှာ မျှော်မှန်းထားသည်ထက် ပိုအောင်မြင်ကြောင်း ပါတီ ခေါင်းဆောင်များက ပြောသည်။
" ပြည်နယ် ရွှေးကောက်ပွဲ ကော်မရှင်က တက်ရောက်နားထောင် ခွင့်ပြုတာက လူ ၅၀၀ ဖြစ်ပါတယ်။ ဒါပေမယ့် လူတွေက ကွင်းလုံးအပြည့် လာရောက် အားပေးကြပါတယ်။ ခန့်မှန်းချေ ဆိုရင် တစ်ထောင် ကျော်ကျော်လောက် ရှိမယ် ထင်ပါတယ်" ဟု ပါတီ ဒုဥက္ကဌ ဦးတင်ဖေက ပြောသည်။
ဦးတင်ဖေသည် ကျောက်ဖြူမြို့နယ် ရခိုင်တိုင်းရင်းသားများ တိုးတက်ရေး ပါတီ၏ ဥက္ကဌလည်း ဖြစ်ပြီး ကျောက်ဖြူမြို့နယ် ပြည် နယ် လွှတ်တော် ကိုယ်စားလှယ်လည်း ဖြစ်သည်။ သူသည် ကျောက်ဖြူ လူထု အစည်းအဝေးတွင် သဘာပတိ အဖြစ် ဆောင် ရွက်ခဲ့သည်။
" ကျွန်တော်က သဘာပတိဆိုတော့ စကားပြောခွင့်တော့ မရခဲ့ပါဘူး။ ဒါပေမယ့် ဒေါက်တာ အေးမောင်တို့၊ ဦးဘရှင်တို့ကတော့ လွှတ်တော်မှာ သူတို့ ဆောင်ရွက်ခဲ့တဲ့ ကိစ္စတွေကို တင်ပြပြောဆိုကြပါတယ်။ ကျေနပ်မူ မရခဲ့တဲ့ အပိုင်းတွေကိုလည်း သူတို့ ပြောတာကြားရတယ်။ အဓိကတော့ ရခိုင်ပြည်သူတွေ သိလိုနေတဲ့ ရွှေသဘာဝ ဓါတ်ငွေ့ စီမံကိန်းက ထွက်တဲ့ ဂတ်စ်ကို ရခိုင်ပြည်နယ်မှာ သုံးစွဲခွင့် ရမရ ကိစ္စကိုတော့ သူတို့အနေနဲ့ ပြောကြဆိုကြတယ် ပါတယ်" ဟု သူက ဆက်ပြောသည်။
" ဒေါက်တာ အေးမောင်ကတော့ ရွှေသဘာာဝ ဓါတ်ငွေ့စီမံကိန်းက ထွက်တဲ့ သဘာဝ ဓါတ်ငွေ့ကို ရခိုင် လွှတ်တော် အမတ် တွေက လွှတ်တော်မှာမေးတဲ့ အခါ ပထမ အကြိမ် အောင်မြင်မူ မရခဲ့ဘူး။ ရခိုင်ပြည်က ထွက်တဲ့ သဘာဝ ဓါတ်ငွေ့ကို ရခိုင် ပြည်နယ်မှာ သုံးစွဲမှာ မဟုတ်ဘူးလို့ သူတို့က အကြောင်းပြန်ခဲ့တယ်။ ဒါပေမယ့် ဒုတိယ အကြိမ် တင်ပြတဲ့ အခါမှာတော့ ရလာတဲ့ အကျိုးအမြတ်ထဲက တချို့ကို ပြည်နယ် ဖွံ့ဖြိုးတိုးတက်ရေး အတွက် ပြည်နယ် ဘတ်ဂျက်မှာ ထည့်ပေးမယ်ဆိုပြီး သက်ဆိုင်ရာ ၀န်ကြီးက နုတ်ကတိ ပေးခဲ့တယ်လို့ ပြောတယ်။ ဒါပေမယ့် ဆက်လက်ပြီး ရသင့်ရထိုက်တဲ့ အခွင့်အရေးကို ပြည် နယ် ဖွံ့ဖြိုးတိုးတက်ရေး အတွက် သုံးစွဲခွင့်ရအောင် ပြည်သူလူထုရဲ့ အားနဲ့ ဆက်လက် တောင်းဆိုသွားမယ်ဆိုပြီး ပြောဆို သွား ပါတယ်။ တက်ရောက်လာတဲ့ လူတွေကတော့ လက်ခုပ် လက်ဝါးတီးပြီး သောင်းသောင်းဖျဖျ ထောက်ခံ အားပေးကြပါတယ်" ဟု ဦးတင်ဖေက ပြောသည်။
ရခိုင်ပြည်နယ်သည် မြန်မာနိုင်ငံတွင် ဖွံ့ဖြိုးတိုးတက်မူ အနိမ့်ကျဆုံး ပြည်နယ် တစ်ခုဖြစ်ပြီး ယခုအချိန်ထိ လျှပ်စစ် ဓါတ်အားကို ပင်မ ဓါတ်အားလိုင်းများမှ သုံးစွဲနိုင်ခြင်း မရှိသေးကြောင်း သိရသည်။
ဒေါက်တာ အေးမောင်ကလည်း ကျောက်ဖြူ လူထု အစည်းအဝေး မတိုင်မှီ အဆိုပါ လူထု အစည်းအဝေးနှင့် ပတ်သက်ပြီး နိရဉ္စရာသို့ ပြောကြားစဉ် ရခိုင်တွင် လျှပ်စစ်မီး ရရှိရေးနှင့် ပတ်သက်ပြီး ယခုလို ပြောသည်။
" အခု ရခိုင် ကမ်းလွန် ပင်လယ်ပြင်က ထွက်ရှိတဲ့ သဘာဝဓါတ်ငွေ့ ၉၀ ရာခိုင်နုန်းကို တရုတ်ကို တင်ပို့မယ်။ ပိုတဲ့ ၁၀ ရာခိုင် နုန်းကိုလည်း မြန်မာနိုင်ငံက ရန်ကုန်၊ မန္တလေး၊ နေပြည်တော်က စက်မူဇုန်တွေမှာ အသုံးပြုသွားမယ်ဆိုပြီး ပြောထားတယ်။ ကျွန်တော်တို့ ရခိုင်ပြည်နယ်က လျှပ်စစ်ဓါတ်အား အနိမ့်ဆုံး သုံးနေရတဲ့ ပြည်နယ် ဖြစ်တော့ သဘာဝဓါတ်ငွေ့နဲ့ လျှပ်စစ်မီး ရရှိရေးအတွက် ဆောင်ရွက်ပေးဖို့ တောင်းဆိုတော့ စိုင်းတင်တို့၊ လေးမြို့မြစ် ရေအားလျှပ်စစ် စီမံကိန်းတွေက တဆင့် စီစဉ် ပေးမယ်လို့ သူတို့ ပြောတာတွေ ရှိတယ်။ စိုင်တင်နဲ့ လေးမြို့မြစ် ရေအားလျှပ်စစ် စီမံကိန်းတွေကို ကြည့်တဲ့အခါမှာလည်း PRE PLAN အဆင့်မှာဘဲ ရှိနေသေးတယ် ဆိုတော့ ရခိုင်ပြည်နယ်မှာ လျှပ်စစ်မီးရရှိဖို့ နောက်ထက် (၈) နှစ်လောက်ထိ စောင့်ရ အုံးမယ်။ ဒီအချိန်လောက်ထိ ရခိုင်ပြည်သူတွေက အောင့်အီး သည်းခံပြီး စောင့်ရမလား။ ကျွန်တော်တို့ပါတီ မူဝါဒက တန်းတူရေး၊ ဖွံဖြိုးတိုးတက်ရေးနဲ့ ခေတ်မှီတဲ့ ပြည်ထောင်စု ဆီကို သွားမယ်ဆိုတော့ တန်းတူ ညီမျှမူ ရှိဖို့အတွက် ပါတီရဲ့ ပေါ်လစီနဲ့ အညီ ကြိုးပမ်းဆောင်ရွက်သွားမယ်" ဟု ပြောသည်။
ကျောက်ဖြူတွင် ပြုလုပ်သော လူထု စည်းဝေးပွဲတွင် အာဏာပိုင်များက တစ်စုံတစ်ရာ နှောင့်ယှက် မူများ မရှိခဲ့သော်လည်း ဟောပြောရန် ပျက်ကွက်သူများ နေရာတွင် အစားထိုး ဟောပြောခွင့်ကို ပိတ်ပင်ခဲ့သည်ဟု သိရသည်။
" ဟောပြောမယ့် စာရင်းသွင်းထားတဲ့ လူတစ်ချို့က မရောက်တော့ သူတို့နေရာမှာ တခြား ပါတီ ခေါင်းဆောင်တွေ အစားထိုး ဟောပြောမယ်ဆိုတော့ ရွှေးကောက်ပွဲ ကော်မရှင်က ခွင့်မပြုဘူး။ အဲဒါကြောင့် ဒေါက်တာ အေးမောင်ရယ်၊ ပြည်သူ့ လွှတ်တော် အမတ် ဦးဘရှင်ရယ်၊ ဦးတင်ဌေးနဲ့ ဦးကျော်သာတို့ဘဲ ဟောပြောခဲ့ရတယ်။ ကျွန်တော် သဘာပတိကိုတောင် ခွင့်မပြုတဲ့ အတွက် ကျွန်တော်လည်း ဟောပြောခွင့်မရခဲ့ပါဘူး" ဟု ဦးတင်ဖေက ပြောသည်။
၎င်းပြင် ၁ မျဉ်းစောင်း ၂၀၁၀ ကို ရွှေးကောက်ပွဲ ကော်မရှင်က ဖတ်ပြီး ဦးတင်ဖေအား လိုက်နာရန် လက်မှတ် ရေးထိုးခိုင်းခဲ့ သည်ဟုလည်း သိရသည်။
အစည်းအဝေးအား ညနေ ၅ နာရီမှ ၁၁ နာရီထိ ပြုလုပ်ရန် ပြည်နယ် ရွှေးကောက်ပွဲကော်မရှင်က ခွင့်ပြုခဲ့သော်လည်း ညနေ ၆ နာရီမှ စတင်နိုင်ခဲ့ပြီး ၁၀ နာရီ ကျော်တွင် အောင်မြင်စွာ ပြီးဆုံးခဲ့သည်ဟု သိရသည်။
Ref: နိရဉ္စရာ
တောင်ငူဒေသခံများကို အစိုးရတပ်မှ နေ့စဉ် အဓမ္မလုပ်အားခိုင်းစေ
5 January 2012
စောသိန်းမြင့်၊ စောဖိုးမူး
ကရင်ပြည်နယ်၊ တောင်ငူခရိုင်၊ ထန်းတပင်မြို့နယ်အတွင်း လှုပ်ရှားနေသည့် အစိုးရစစ်တပ်များသည် တပ်ရိက္ခာအတွက် ဒေသခံ ရွာသားများအား နေ့စဉ် အလှည့်ကျစနစ်ဖြင့် အတင်းအဓမ္မ လုပ်အားခိုင်းစေလျှက်ရှိသည် ဟု ဒေသခံများက ပြောသည်။
ထန်းတပင်မြို့နယ်၊ ရေသိုးကြီးဒေသတွင် လှုပ်ရှားနေသည့် အစိုးရတပ် စစ်ကွပ်ကဲရေးဋ္ဌာနချုပ်-စကခ(၉) လက်အောက်ခံ ခမရ တပ်ရင်းများဖြစ်သည့် (၃၇၆)၊ (၅၄၁)၊ (၅၄၀)နှင့် (၃၈၀)တို့သည် ယမန်နှစ် နိုဝင်ဘာလမှစ၍ ယခုအချိန်ထိ ဒေသခံရွာ သားများအား နေ့စဉ် တပ်ပစ္စည်းများကို သယ်ဆောင်ရန် ခိုင်းစေလျှက်ရှိသည်ဟု ဒေသခံရွာသားတစ်ဦးက ယခုလို ပြောသည်။
၎င်းက “တစ်ရက်ကို ဆိုင်ကယ် ၁၀စီး ရေသိုးကြီး ကျေးရွာကနေ မောင်းတိုင်ကြီးစခန်းအထိ အနည်းဆုံး သွားနေရတယ်။ မြေထိုး တဲ့ကားတွေနောက် လိုက်တာ။ လုံခြုံရေးယူပေးတဲ့ စစ်သားတွေရဲ့ရိက္ခာ ဆန်၊ ငါးပိ၊ ပဲ၊ သကြား၊ နို့ဆီတွေနဲ့ တပ်အသုံး အဆောင် တွေကို သယ်ပေးရတာ။”ဟု ပြောသည်။
ထိုသို့ခိုင်းစေရာတွင် များသောအားဖြင့် ဆိုင်ကယ်ရှိ သူများကို ခေါ်ယူခိုင်းစေခြင်းဖြစ်သော်လည်း ဆိုင်ကယ်မရှိသည့် အချို့ဒေ သခံများမှာ လူကိုယ်တိုင် သွားပေးရသည်ဟု သိရသည်။
ယင်းသို့ ခိုင်းစေမှုကို မသွားပါက ရွာသားများ၏ စားဝတ်နေရေးအတွက် အဓိကကျသည့် ရေသိုးကြီး၊ ဘောဂလိ တောင်ငူသို့ သွားသည့် ကားလမ်းမကြီးကို ပိတ်ပစ်မည်ဟု ၎င်းအစိုးရစစ်တပ်များက ခြိမ်းခြောက်မှုများ လုပ်ဆောင်ခြင်းကြောင့် ရွာသားများ မှာ ဆန္ဒမရှိသော်လည်း သွားနေရခြင်းဖြစ်သည်ဟု သူက ဆက်ပြောသည်။
ဒေသခံရွာသားများသည် အစိုးရစစ်တပ်အတွက် ယင်းသို့ နေ့စဉ် လုပ်ဆောင်ပေးနေရသဖြင့် မိမိတို့၏လုပ်ငန်းများကို မလုပ် ကိုင်အားသလို သွားရသည့်ခရီးလမ်းက ကြမ်းတမ်းသောကြောင့် ဆိုင်ကယ်တိမ်းမှောက်နိုင်သဖြင့် အသက်အန္တရာယ်လည်း စိုး ရိမ်ရကြောင်း ပြောဆိုနေကြသည်။
မြန်မာအစိုးရမှ ကရင်အမျိုးသားအစည်းအရုံး(KNU)အား ငြိမ်းချမ်းရေးစကားပြောရန် ဖိတ်ခေါ်မှုများ ပြုလုပ်နေချိန်တွင် တစ် ဖက်က လူ့အခွင့်အရေးချိုးဖောက်မှုများ ကျူးလွန်နေသည့်အပေါ် ကရင်လူ့အခွင့်အရေးအဖွဲ့(KHRG) ပြောရေးဆိုခွင့်ရှိသူ စော အဲလ်ဘတ်က ယခုလို သုံးသပ်သည်။
“အစိုးရနဲ့ ကေအဲန်ယူ တွေ့ဆုံမှုမှာ ခိုင်မာတဲ့ နှစ်ဖက်သဘောတူညီချက်ရယူပြီး လက်မှတ်ရေးထိုးမှသာလျှင် လက်ရှိ ဖြစ်ပျက် နေတဲ့ လူ့အခွင့်အရေးချိုးဖောက်မှုတွေ ရပ်တန့်နိုင်မှာ ဖြစ်တယ်။ အရင်ကလို တွေ့ဆုံမှုသာ လုပ်ပြီး သဘောတူညီချက် တစုံ တရာ မလုပ်ဘူးဆိုလို့ရှိရင် လူ့အခွင့်အရေးချိုးဖောက်မှုကတော့ ဆက်ဖြစ်နေအုံးမှာပဲ။”ဟု စောအဲလ်ဘတ်က ပြောသည်။
အစိုးရစစ်တပ်၏ လုပ်အားခိုင်းစေခြင်းခံရသည့် ရွာများမှာ ရေသိုးကြီး၊ ဘောဂလိ၊ သစ်စေးတောင် စသည့်ကျေးရွာများ အပါအ ၀င် ရွာပေါင်း ၁၂ရွာကျော်ရှိပြီး လူဦးရေမှာ ၅,၀၀၀ကျော်ရှိသည်ဟု နယ်မြေခံ ကေအဲန်ယူ၏ ပြောပြချက်အရ သိရသည်။
ထို့အပြင် ယခင်လ ၂၄ရက်နေ့ကလည်း ခမရ(၅၄၀)တပ်ရင်းသည် ရေသိုးကြီးဒေသရှိ ခူလောင်ရွာသား စောကိုမြ ၃၁နှစ်အား အကြောင်းမဲ့ ပစ်သတ်ခဲ့သေးသည်။
Ref: ကေအိုင်စီ
မြန်မာနိုင်ငံမှာ ဥရောပသမဂ္ဂရုံးဖွင့်မည်
05 ဇန်နဝါရီ 2012
ကိုကျော်ကျော်သိန်း
ဥရောပသမဂ္ဂ EU က မြန်မာနိုင်ငံမှာ ကိုယ်စားလှယ်ရုံးခွဲတခု ဖွင့်တော့မယ်လို့ ပြောလိုက်ပါတယ်။ ရုံးခွဲဖွင့်ရေး ကိစ္စနဲ့ ပတ်သက် ပြီး EU နဲ့ မြန်မာအစိုးရကြားမှာ အချိန်အတော်ကြာကြာ ဆွေးနွေးနေခဲ့ကြပြီးတဲ့နောက် အခုလို သဘောတူ လိုက်ကြတာလည်း ဖြစ်ပါတယ်။ EU ရုံးခွဲဖွင့်တော့မယ်လို့ ပြောလိုက်တဲ့အချိန်ဟာ ဗြိတိန်နိုင်ငံခြားရေးဝန်ကြီး ၀ီလီယမ်မ် ဟိတ်ဂ် (William Hague) မြန်မာနိုင်ငံမှာ ရောက်နေချိန်နဲ့လည်း တိုက်ဆိုင်နေပါတယ်။ ဒီအခြေအနေအပြည့်အစုံကို ကိုကျော်ကျော်သိန်းက တင်ပြပေးထားပါတယ်။
မြန်မာနိုင်ငံကိုပေးနေတဲ့ အကူအညီဆိုင်ရာ အစီအစဉ်တွေနဲ့ နိုင်ငံရေးအရ တွေ့ဆုံဆွေးနွေးတာကို ပိုပြီးတိုးမြှင့် လုပ်ဆောင်ရေး တွန်းအားပေးဖို့အတွက် အခုလို ကိုယ်စားလှယ်ရုံးခွဲတခု ဖွင့်လှစ်ဖို့ စီစဉ်တာဖြစ်တယ်လို့ EU ဘက်က ပြောပါတယ်။ ဒီ ကိုယ် စားလှယ်ရုံးဟာ ကိုယ်စားလှယ်အဖွဲ့ကြီးတခုရဲ့ အဆင့်အတန်းလောက်ထိ ရှိမှာမဟုတ်ဘဲ ထိုင်းနိုင်ငံ၊ ဘန်ကောက်မြို့မှာ ရုံးထိုင်တဲ့ EU သံအမတ်ကို အစီရင်ခံရမှာဖြစ်ပါတယ်။
EU ရဲ့ နိုင်ငံခြားရေးမူဝါဒဆိုင်ရာအကြီးအကဲ ကက်သရင်း အက်ရ်ှတွန် (Catherine Ashton) ရဲ့ ပြောရေးဆိုခွင့်ရှိသူ မိုက် ကယ်လ် မန်းန် (Michael Mann) က ရုံးခွဲဖွင့်မယ့်ကိစ္စနဲ့ပတ်သက်ပြီး အသေးစိတ်တွေကို မပြောဘဲ ရုံးဖွင့်မယ့် သဘော တူညီချက် ရထားပြီးပြီဆိုတာကိုပဲ ဗွီအိုအေကို အတည်ပြုပြောခဲ့ပါတယ်။
“ရန်ကုန်မြို့မှာ ကျနော်တို့ ရုံးခွဲဖွင့်မယ် ဆိုတာကို သဘောတူထားပြီးပါပြီ။ အဲဒါဟာ EU ရဲ့ ကိုယ်စားလှယ်အဖွဲ့ ရုံးထိုင်တဲ့ ရုံးမျိုး တော့မဟုတ်ပါဘူး။ အကူအညီပေး အစီအစဉ်တွေနဲ့ တခြားကိစ္စတွေကို စီမံခန့်ခွဲတဲ့ရုံးမျိုးလောက်ပါပဲ။ ဘယ်တော့ ဖွင့်မယ်ဆို တာကတော့ ရုံးလုပ်ငန်းပိုင်းဆိုင်ရာ လုပ်နည်း အဆင့်ဆင့်တွေ ဘယ်လိုဖြစ်လာမယ်ဆိုတဲ့အပေါ် မူတည်ပါ လိမ့်မယ်။”
မြန်မာနိုင်ငံမှာ အစိုးရအဖွဲ့ အပြောင်းအလဲဖြစ်ခဲ့ပြီးတဲ့နောက်ပိုင်း ဖြစ်လာခဲ့တဲ့ အခြေအနေတွေအပေါ် မြန်မာ့အရေး စိတ်ဝင်စား တဲ့ ကမ္ဘာ့နိုင်ငံအသီးသီးက ဂရုတစိုက်စောင့်ကြည့်နေခဲ့ကြတာဖြစ်ပြီး EU နိုင်ငံတွေကတော့ ပိုပြီး အလေးထားခဲ့ကြတယ်လို့ ဆိုရမှာပါ။ EU ဟာ တဖွဲ့လုံးအနေနဲ့ နှစ်စဉ်ဧပြီလမှာ လုပ်တဲ့ မူဝါဒရေးရာသုံးသပ်ဆွေးနွေးပွဲမှာ မြန်မာနိုင်ငံဆိုင်ရာ မူဝါဒကို ချမှတ်ပြီး အဖွဲ့ဝင်နိုင်ငံတွေက အဲဒီဘုံမူဝါဒအတိုင်း လိုက်နာကျင့်သုံးကြတယ်ဆိုပေမဲ့ အဖွဲ့ဝင်တနိုင်ငံချင်းအလိုက်၊ EU ရဲ့ မူဝါဒ တွေကို အကောင်အထည်ဖော် လုပ်ဆောင်ရတဲ့ အဖွဲ့အစည်းတခုချင်းအလိုက်မှာ ကွဲပြားခြားနားချက်တွေရှိနေပါတယ်။
EU ရဲ့ အဲဒီလိုအခြေအနေတွေပေါ်မှာ ထောက်ပြ ဝေဖန်လေ့ရှိတဲ့ ဗြိတိန်နိုင်ငံအခြေစိုက် မြန်မာ့အရေး ပူးပေါင်းဆောင်ရွက်မှု အဖွဲ့ (BCUK) ရဲ့ အမှုဆောင်ညွှန်ကြားရေးမှူး မာ့ခ် ဖားမနား (Mark Farmaner) က အဲဒီအချက်ကို ထောက်ပြပြီး စိုးရိမ်စရာ ဖြစ်နေတယ်လို့ ဆိုပါတယ်။
“မြန်မာအစိုးရဟာ EU အဖွဲ့ကနေ ပိုပြီးတော့တောင်မှ အရောရောအထွေးထွေး သတင်းစကားတွေ ရနေပါပြီ။ မြန်မာနိုင်ငံ ဆိုင်ရာ မူဝါဒနဲ့ပတ်သက်ပြီး ကွဲပြားချက်ရှိနေတယ်ဆိုတဲ့ ယျေဘုယျပြဿနာတခု EU မှာရှိနေပါတယ်။ တရားဝင် သဘောတူ ကြေညာ ထားတဲ့ မူဝါဒရှိနေချိန်မှာပဲ EU တာဝန်ရှိသူတွေက အဲဒီတရားဝင် သဘောတူညီချက်ထက် သူတို့သဘောနဲ့သူတို့ ပြောဆိုတာတွေ မကြာခဏရှိနေပါတယ်။”
EU ဘက်ကနေ အခုလိုရုံးဖွင့်မယ်ဆိုတဲ့ တရားဝင်ပြောဆိုချက် ထွက်လာတဲ့အချိန်ဟာ EU ရဲ့ အဓိက အဖွဲ့ဝင်နိုင်ငံတခုဖြစ်တဲ့ ဗြိတိန်နိုင်ငံရဲ့ နိုင်ငံခြားရေးဝန်ကြီး ၀ီလီယမ်မ် ဟိတ်ဂ် မြန်မာနိုင်ငံ ရောက်နေချိန်လည်း ဖြစ်ပါတယ်။ မြန်မာအစိုးရအနေနဲ့ ဒဏ်ခတ်အရေးယူမှု ရုပ်သိမ်းတာလို နိုင်ငံတကာ အသိုက်အ၀န်းနဲ့ ဆက်ဆံရေးကို ဒီ့ထက်ပိုပြီး တိုးတက်စေချင်တယ်ဆိုရင် ပြုပြင်ပြောင်းလဲရေးတွေကို ဒီ့ထက်ပိုပြီး ရှေ့ရောက်အောင်လုပ်ရမယ်၊ ကျန်နေသေးတဲ့ နိုင်ငံရေးအကျဉ်းသားတွေကို လွှတ်ပေး ရမယ် စသည်အားဖြင့် ၀ီလီယမ် ဟိတ်ဂ်က ခပ်ပြင်းပြင်း ပြောနေချိန်မှာ EU ဘက်က ရုံးခန်းဖွင့်တော့မယ်ဆိုတဲ့သတင်း ထွက်လာတဲ့အချိန် တိုက်ဆိုင်နေတာက စိတ်ဝင်စားဖွယ်ကောင်းတယ်လို့ မာ့ခ် ဖားမနားကပြောပါတယ်။
EU ထဲမှာက မြန်မာနိုင်ငံအပေါ် ဒဏ်ခတ်အရေးယူမှုကို ဒီအတိုင်း ဆက်ထားချင်သေးသူတွေရှိသလို ခပ်မြန်မြန် ရုပ်သိမ်းချင် နေသူတွေလည်း ရှိတာမှာ ဗြိတိန်အစိုးရက ဆက်ထားချင်သူ၊ ကက်သရင်း အက်ရ်ှတွန်လို ပုဂ္ဂိုလ်မျိုးတွေက စောစောရုပ်သိမ်း ချင်သူတွေဖြစ်တာမို့ အခုကိစ္စဟာ EU အဖွဲ့ထဲက နိုင်ငံရေးပယောဂတွေပါတယ်လို့ ဖားမနားကမြင်ပါတယ်။
အစိုးရအဖွဲ့အပြောင်းအလဲဖြစ်ခဲ့ပြီးတဲ့နောက်ပိုင်း ပြုပြင်ပြောင်းလဲတာတချို့ ဆက်တိုက်လို ဖြစ်ခဲ့ပြီးတဲ့နောက် တခါ ပြန်ပြီး တုန့်နှေးသလို ဖြစ်နေတဲ့အပေါ် နိုင်ငံတကာအသိုက်အ၀န်းဘက်မှာ အားမလိုအားမရနဲ့ စိုးရိမ်ပူပန်တာတွေ စပြီး ဖြစ်လာနေချိန် ဗြိတိန်နိုင်ငံခြားရေးဝန်ကြီး မြန်မာနိုင်ငံ သွားတာကို မာ့ခ် ဖားမနားတို့ရဲ့ Burma Campaign UK က ကြိုဆိုပါတယ်။
“ဒါကြောင့် ၀ီလီယမ်မ် ဟိတ်ဂ် အခုသွားတာဟာ ပြောဆိုစရာတွေကို ပြောဆိုဖို့ အရေးကြီးတဲ့အချိန်ပါပဲ။ ဒဏ်ခတ် အရေးယူမှု ကို ရုပ်သိမ်းစေချင်တယ်ဆိုရင်၊ ခင်ဗျားတို့အစိုးရသစ်အပေါ် နိုင်ငံတကာရဲ့ ယုံကြည်ကိုးစားမှုကို ရချင်တယ်ဆိုရင် တကယ် စစ်မှန်တဲ့ ပြုပြင်ပြောင်းလဲရေးတွေ လုပ်ရပါမယ်၊ ခုချိန်ထိ လုပ်ထားပြီးသား အပြောင်းအလဲ အသေးလေးတွေနဲ့တော့ မလုံ လောက်သေးပါဘူး၊ နိုင်ငံရေးအကျဉ်းသားအားလုံးကို လွှတ်ပေးဖို့ လိုအပ်ပါတယ်၊ လူမျိုးစုတိုင်းရင်းသားတွေနဲ့ဖြစ်နေတဲ့ ပဋိပက္ခ တွေကို အဆုံးသတ်ရပါမယ်၊ လူ့အခွင့်အရေးချိုးဖောက်မှုတွေကို အဆုံးသတ်ရပါမယ်၊ ပြီးတော့ ရေရှည်ခံမယ့် နိုင်ငံရေး အဖြေ ကိုရှာရပါလိမ့်မယ်ဆိုတာမျိုး ၀ီလီယမ်မ် ဟိတ်ဂ်က ပြောနေတာပါ။”
မြန်မာအစိုးရဘက်ကသာ အပြုသဘောဆောင်တဲ့ ခြေလှမ်းတွေကို လုပ်လာမယ်ဆိုရင် နိုင်ငံတကာ အသိုက်အ၀န်းဘက်က အပြုသဘော တုံ့ပြန်မယ်ဆိုတဲ့ အပေါင်းလက္ခဏာဆောင် သတင်း စကားကိုလည်း ၀ီလီယမ် ဟိတ်ဂ်က ပြောပါတယ်လို့ ဖားမနားကဆိုပါတယ်။
အမေရိကန်နိုင်ငံခြားရေးဝန်ကြီးရဲ့ သမိုင်းဝင် မြန်မာနိုင်ငံခရီးစဉ်ပြီးတဲ့နောက်ပိုင်းမှာ တခြား နိုင်ငံ့ ခေါင်းဆောင်တွေ၊ ထိပ်တန်း တာဝန်ရှိသူတွေ မြန်မာနိုင်ငံဆီ ဆက်တိုက်လို သွားရောက်ခဲ့ကြပြီး အခု ဗြိတိန်နိုင်ငံခြားရေးဝန်ကြီးရဲ့ ခရီးစဉ်ဖြစ်လာတာပါ။ မြန်မာ အစိုးရ တာဝန်ရှိသူတွေနဲ့ တွေ့ဆုံခဲ့တဲ့ နိုင်ငံတကာက အစိုးရ ထိပ်တန်းတာဝန်ရှိသူအများအပြား ပြောကြတာတွေက ထပ်တူ နီးပါးလို တူကြပေမဲ့ မြန်မာနိုင်ငံမှာ ပြုပြင်ပြောင်းလဲရေးတွေ မြန်မြန်နဲ့သိသိသာသာဖြစ်လာရေးမှာ အဓိကရှိနေတဲ့ ပြဿနာတခု ကတော့ ကုလသမဂ္ဂအပါအ၀င် နိုင်ငံတကာအသိုက်အ၀န်းကနေ ဘုံတူညီတဲ့သဘောထား မပေးနိုင်တာပဲ ဖြစ်တယ်လို့ Burma Campaign UK ရဲ့ အမှုဆောင်ညွှန်ကြားရေးမှူး မာ့ခ် ဖားမနားက ပြောပါတယ်ခင်ဗျား။
Ref: ဗွီအိုအေ
ပြုပြင်ရေးအတွက် စစ်တပ်ထောက်ခံမှုအရေးကြီး
05 ဇန်နဝါရီ 2012
မြန်မာနိုင်ငံမှာ အပြောင်းအလဲတွေ ဖြစ်ပေါ်နေပေမဲ့ အဟန့်အတားတွေ ကြုံရမှာကိုလည်း စိုးရိမ်မိတဲ့အကြောင်း ဒီမိုကရေစီရေး လှုပ်ရှားမှုမှာ ဦးဆောင်နေတဲ့ ဒေါ်အောင်ဆန်းစုကြည် က ပြောလိုက်ပါတယ်။
မြန်မာနိုင်ငံမှာ အကောင်းဘက်ကို ဦးတည်တဲ့ တိုးတက်မှုတွေ ထွက်ပေါ်လာနေပေမဲ့ ဒီမိုကရေစီကို ဦးတည်တဲ့လုပ်ငန်းတွေဟာ နှေးကွေးနေဆဲဖြစ်သလို ဒီလမ်းကြောင်းကို အဟန့်အတားမရှိ ဆက်လက်လျှောက်လှမ်းနိုင်လိမ့်မယ်လို့ အတိအကျ မဆိုနိုင်သေး တဲ့အကြောင်း အေပီသတင်းဌာနနဲ့ မေးမြန်းခန်းမှာ ပြောဆိုသွားတာပါ။
တိုင်းပြည်မှာ တွေ့မြင်နေရတဲ့ အပြောင်းအလဲတွေကို စစ်တပ်ထဲက ဘယ်လောက်အထိ ထောက်ခံမှု ရှိသလဲဆိုတဲ့အပေါ်မှာ စိတ်ပူ မိတယ်လို့လည်း ဒေါ်အောင်ဆန်းစုကြည်က ပြောပါတယ်။ ဒီမိုကရေစီကို ဦးတည်တဲ့လမ်းပေါ်က အန္တာရာယ်တွေကို သတိထားရမှာ ဖြစ်ပေမဲ့ မျှော်လင့်ချက်တွေကိုလည်း မစွန့်လွှတ်ကြဖို့ ဒေါ်အောင်ဆန်းစုကြည်ကသူ့ကို ထောက်ခံသူတွေကို တိုက်တွန်းခဲ့တာပါ။ ဒီနှစ်ဟာဆိုရင် မြန်မာနိုင်ငံမှာ ဒီမိုကရေစီကို ဦးတည်စေတဲ့ စစ်မှန်တဲ့ အပြောင်းအလဲတွေ ဘယ်လောက်အထိ တွေ့ရမလဲဆို တာကို အတိအကျ သိနိုင်မယ့် နှစ်တနှစ်အဖြစ်နဲ့လည်း ရည်ညွှန်း ပြောဆိုသွားပါတယ်။
နိုင်ငံရေးအပြောင်းအလဲတွေ လုပ်ဆောင်ပါ့မယ်လို့ ကတိပြုထားတဲ့ မြန်မာအစိုးရအနေနဲ့ နိုင်ငံတဝန်း အကျဉ်းထောင်တွေထဲ ဖမ်းဆီးထားတဲ့ နိုင်ငံရေးအကျဉ်းသားတွေကို လွှတ်ပေးဖို့လည်း လိုတယ်လို့ ပြည်တွင်းပြည်ပက တိုက်တွန်းနေကြတာပါ။
ဒါပေမဲ့လည်း ဒီတပတ်ထဲ သမ္မတရဲ့အမိန့်နဲ့ လွတ်ငြိမ်းချမ်းသာခွင့် ပေးတဲ့အထဲမှာတော့ နိုင်ငံရေး အကျဉ်းသား မဆိုသ လောက်သာ ပါဝင်ခဲ့တာမို့ အများက စိတ်ပျက်ခဲ့ကြတာလည်း ဖြစ်ပါတယ်။
Ref: ဗွီအိုအေ
အာရှ-ပစိဖိတ်မှာ အမေရိကန်စစ်တပ်ပိုထားမည်
05 ဇန်နဝါရီ 2012
ဒေါ်လာသန်းပေါင်း ထောင်ချီ ဖြတ်တောက်မယ့် ကာကွယ်ရေး အသုံးစရိတ် အစီအစဉ်သစ်ကို အမေရိကန်သမ္မတ ဘရက်ခ် အိုဘား မားက ချပြလိုက်ပြီး ဆယ်စုနှစ်တခုကြာ စစ်ပွဲတွေအပြီး အသွင်ကူးပြောင်းရေးကာလအတွက် ဆောင်ရွက်ချက်အဖြစ်နဲ့လည်း ရည် ညွှန်း ပြောဆိုလိုက်ပါတယ်။
မဟာဗျူဟာမြောက် အစီအစဉ်ကိုတော့ သမ္မတက ပင်တဂွန် စစ်ဌာနချုပ်မှာ ကြာသပတေးနေ့ကပဲ ရှင်းပြလိုက်တာပါ။ ကာကွယ်ရေး ၀န်ကြီး Leon Panetta ပူးတွဲစစ်ဦးစီးချုပ်များရဲ့ဥက္ကဋ္ဌ Martin Dempsey တို့နဲ့အတူ စစ်ဌာနချုပ်မှာ ကာကွယ်ရေး အစီအစဉ် တွေကို ရှင်းပြရာမှာတော့ မူဝါဒသစ်မှာ အာရှနဲ့ အရှေ့အလယ်ပိုင်းဒေသတွေကို အာရုံစိုက်သွားမှာ ဖြစ်တဲ့အကြောင်း သမ္မတက ပြောခဲ့တာ ဖြစ်ပါတယ်။
သြစတြေးလျနိုင်ငံကို ရောက်စဉ်တုန်းက ပြောခဲ့သလို အာရှနဲ့ပစိဖိတ်ဒေသမှာ ရှိနေတဲ့ အမေရိကန်ရဲ့ အင်အားကို ပိုမိုအားကောင်း အောင် ဆောင်ရွက်မှာဖြစ်ပြီး ဘဏ္ဍာရေး အသုံးစရိတ် ဖြတ်တောက် မှုတွေရှိမှာဖြစ်ပေမယ့် ဒီလို အရေးကြီးတဲ့ဒေသကိုတော့ ထိ ခိုက်လို့ မဖြစ်နိုင်ဘူးလို့လည်း ပြောလိုက်တာပါ။ ဒီအစီအစဉ်ဟာ ဒေသတွင်းမှာ အဓိက မြေပြင်စစ်ပွဲကြီး ၂ ခုအတွက် ပြင်ဆင် ထားရမယ့် ပင်တဂွန် စစ်ဌာနချုပ်ရဲ့ ဆယ်စုနှစ်ချီ ကြာမြင့်နေပြီဖြစ်တဲ့ မဟာဗျူဟာကနေ အနည်းငယ် ပြောင်းလဲလိုက်တာ လည်း ဖြစ်ပါတယ်။
တချိန်တည်းမှာပဲ အမေရိကန်အနေနဲ့ တခြား ရန်သူအများအပြားနဲ့ ရင်ဆိုင်နိုင်ဖို့အတွက်လည်း ပြင်ဆင်ထားမှာ ဖြစ်တဲ့အကြောင်း ကာကွယ်ရေးဝန်ကြီး Panetta ကပြောသွားပါတယ်။
Ref: ဗွီအိုအေ
ဆန္ဒပြလို့ဖမ်းထားတဲ့ လူ ၅၀၀ ကျော် ဆီးရီးယားလွှတ်
05 ဇန်နဝါရီ 2012
အစိုးရ ဆန့်ကျင်ဆန္ဒပြမူနဲ့ ဖမ်းဆီးထားတဲ့ ၅၀၀ ကျော်ကို ပြန်ပြီးလွှတ်ပေးခဲ့တယ်လို့ ဆီးရီးယား အစိုးရက ပြောကြားလိုက် ပေမယ့် အာဏာရှင်အစိုးရဟာ နှိပ်စက်ညှင်းပမ်းတာနဲ့ သတ်ဖြတ်မှုတွေကို လုပ်နေသလို လူထုအုံကြွမှု စခဲ့တဲ့ မတ်လကစပြီး အဖမ်းခံခဲ့ရသူ အရေအတွက်ဟာ ပိုပြီး များလာတယ်လို့ အတိုက်အခံအဖွဲ့ကပြောပါတယ်။
အခုပြန်လွှတ်ပေးလိုက်သူတွေဟာ “ဆီးရီးယားပြည်သူတွေကို သတ်ဖြတ်တယ်” လို့ သမ္မတ Bashar al-Assad အစိုးရ သတ်မှတ်ထားတဲ့ အစိုးရဆန့်ကျင်ဆန္ဒပြပွဲတွေမှာ ပါဝင်သူတွေ မဟုတ်ဘူးလို့ ဆီးရီးယား အစိုးရရုပ်သံက ကြာသပတေးနေ့က ကြေညာပါတယ်။
ဒါပေမယ့် တချိန်တည်းမှာပဲ တက်ကြွလှုပ်ရှားတဲ့ Avaaz အဗက်ဇ် အဖွဲ့ကတော့ အာဆတ်ဒ် အစိုးရဟာ သတ်ဖြတ်မှု နည်းဗျူဟာတွေသုံးပြီး နှိပ်စက်ညှင်းပမ်းမှုတွေ လုပ်ဆောင်နေတယ်လို့ စွပ်စွဲလိုက်ပါတယ်။
အထူးသဖြင့် လူတွေကြပ်ညပ်နေတဲ့ အကျဉ်းထောင်တွေ၊ တရားမ၀င်ဖွင့်ထားတဲ့ ထိန်းသိမ်းရေး စခန်းတွေမှာဆိုရင် ဆီးရီးယား အစိုးရ ဆန့်ကျင်မှုတွေ စတင်ဖြိုခွင်းခဲ့ချိန်ကစပြီး သေဆုံးရသူ စုစုပေါင်း ၆၁၇ ဦး ရှိနေတယ်လို့ ဆိုပါတယ်။ ဆီးရီးယားနိုင်ငံမှာ ဖြစ်ပွားတဲ့ လူထုအုံကြွမှုကြောင့် သေဆုံးရသူ အရေအတွက်ဟာ ၇ ထောင်လောက်ရှိနေပြီလို့ Avaaz အဗက်ဇ် အဖွဲ့က ပြောပါတယ်။ ကုလသမဂ္ဂကတော့ သေဆုံးသူအရေအတွက် ၅ထောင်ရှိပြီလို့ ဆိုပါတယ်။
ဆီးရီးယား အာဏာရှင်အစိုးရရဲ့ ညှင်းပမ်းနှိပ်စက်တဲ့ နေရာတွေကို ရှာဖွေဖော်ထုတ်နိုင်ဖို့ ကိစ္စဟာ အာရပ်အဖွဲ့ချုပ်က စေလွှတ် ထားတဲ့ စုံစမ်းစစ်ဆေးရေးမှုးတွေအတွက် စိန်ခေါ်နေတဲ့ ပြဿနာ ဖြစ်နေသလို ဆန့်ကျင်ဆန္ဒပြသူတွေ ကို ပြင်းထန်တဲ့ ပြစ် ဒဏ်ပေးမှုတွေ အဆုံးသတ်သွားစေမှာလည်း ဖြစ်ပါတယ်။
Ref: ဗွီအိုအေ
ဗြိတိန်နိုင်ငံခြားရေးဝန်ကြီး မြန်မာ့အရေး တွန်းအားပေး
05 ဇန်နဝါရီ 2012
မစုမြတ်မွန်
နှစ်ပေါင်း ၅၀ ကျော်အတွင်း ပထမဆုံး မြန်မာနိုင်ငံကိုသွားတဲ့ ဗြိတိန်နိုင်ငံခြားရေးဝန်ကြီး အဖြစ်နဲ့ နိုင်ငံခြားရေးဝန်ကြီး William Hague မြန်မာနိုင်ငံမှာ ရောက်ရှိနေပါတယ်။ မြန်မာအစိုးရ ပြုပြင်ပြောင်း လဲမှုတွေ ဆက်လုပ်သွားဖို့ တွန်းအား ပေးတဲ့အနေနဲ့ သွားတယ်ဆိုတဲ့ သူ့ရဲ့ ခရီးစဉ်မှာ သမ္မတ၊ နိုင်ငံခြားရေးဝန်ကြီးနဲ့ ပြည်သူ့လွှတ်တော် ဥက္ကဋ္ဌတို့နဲ့ နေပြည်တော်မှာ တွေ့ဆုံခဲ့ပါတယ်။ Mr. Hague ရဲ့ ခရီးစဉ်နဲ့ ပတ်သက်လို့ စောင့်ကြည့်နေတဲ့ ဘန်ကောက်ရုံးက မစုမြတ်မွန်က အပြည့်အစုံ တင်ပြပေးထားပါတယ်။
ပြုပြင်ရေးလမ်းကြောင်းပေါ်သွားနေတဲ့ မြန်မာအစိုးရ ဆက်ပြီး ပြောင်းလဲမှုတွေလုပ်သွားဖို့ အားပေးတဲ့ အနေနဲ့ မြန်မာနိုင်ငံကို သွား ရတာဖြစ်တယ်၊ ပြုပြင်ပြောင်းလဲရေးလုပ်ငန်းစဉ်မှာ ဗြိတိန်အနေနဲ့ နောက်ထပ် ဘာတွေလုပ်ပေးနိုင်မလဲဆိုတာကို အကဲဖြတ်ဖို့ မြန်မာနိုင်ငံကို သွားရတာ ဖြစ်ပါတယ်လို့ ဗြိတိန်နိုင်ငံခြားရေးဝန်ကြီး William Hague က သူ့ ခရီးစဉ်ရဲ့ ရည်ရွယ်ချက်ကို ပြောထားပါတယ်။
မြန်မာအစိုးရ လတ်တလောဆောင်ရွက်ခဲ့တဲ့ အားတက်စရာ ခြေလှမ်းတွေကြောင့် နှစ်ပေါင်း ၅၀ ကျော် အတွင်း ပထမဆုံး ဗြိတိန်နိုင်ငံခြားရေးဝန်ကြီးတယောက်အနေနဲ့ မြန်မာနိုင်ငံကို သွားရတာဖြစ်တယ် လို့လည်း ပြောပါတယ်။
ဒီနေ့ မနက်ပိုင်း နေပြည်တော်ကို ရောက်လာတဲ့ ဝန်ကြီး William Hague ဟာ သမ္မတဦးသိန်းစိန်၊ နိုင်ငံခြားရေးဝန်ကြီး ဦးဝဏ္ဏမောင်လွင်၊ ပြည်သူ့လွှတ်တော်ဥက္ကဋ္ဌ ဦးရွှေမန်းတို့နဲ့ တွေ့ဆုံခဲ့ပါတယ်။ ဗြိတိန်အစိုးရအနေနဲ့ နောက်ထပ်မြင်ချင်တဲ့ ပြောင်းလဲမှုတွေကို လုပ်ခဲ့တယ်လို့ ဗြိတိန်သံရုံးက နိုင်ငံရေးရာ ဒုတိယ အတွင်းဝန် Joe Fisher က ခုလိုပြောပြပါတယ်။
မြန်မာနိုင်ငံခြားရေးဝန်ကြီးနဲ့ တွေ့ဆုံတဲ့အခါမှာ တိုးတက်မှုတွေရှိခဲ့တဲ့အပေါ် ကြိုဆိုတယ်လို့ ပြောခဲ့တာပါ။ ပြုပြင်ပြောင်းလဲမှုတွေ လုပ်နေတဲ့ နေရာမှာ နောက်ထပ် ဗြိတိန်က မြင်ချင်တဲ့ အပြောင်းအလဲတွေကို နိုင်ငံခြားရေးဝန်ကြီးကိုပြောခဲ့ပါတယ်။ နောက်သမ္မတ၊ ပြည်သူ့လွှတ်တော် ဥက္ကဋ္ဌတို့နဲ့ တွေ့ဆုံတဲ့ အခါမှာလည်း အလားတူ ပြောတာဖြစ်တယ်လို့ သံရုံး ဒုတိယအတွင်းဝန် Joe Fisher ကပြောပြတာပါ။
မြန်မာနိုင်ငံမှာ လူ့အခွင့်အရေးနဲ့ နိုင်ငံရေးလွတ်လပ်မှု ရေရှည်ရရှိနိုင်ဖို့ နောက်ထပ် လုပ်စရာတွေ ရှိသေးတယ်ဆိုတာကို ဗြိတိန် နိုင်ငံခြားရေးဝန်ကြီး William Hague က ခရီးစဉ်နဲ့ ပတ်သက်တဲ့ ကြေညာချက်ထဲမှာ ဖေါ်ပြထားပါတယ်။
အထူးသဖြင့် ထောင်တွေထဲမှာ ရှိနေသေးတဲ့ နိုင်ငံရေးအကျဉ်းသားတွေအားလုံးကို ပြန်လွှတ်ပေးဖို့၊ ကြားဖြတ်ရေးကောက်ပွဲကို လွတ်လပ် မျှတစွာ ကျင်းပပေးဖို့၊ ပဋိပက္ခဖြစ်နေတဲ့နေရာတွေဆီကို လူသားချင်းစာနာမှု ဆိုင်ရာ အကူအညီပေးသူတွေ သွားရောက်နိုင်ဖို့နဲ့ အမျိုးသားပြန်လည် သင့်မြတ်ရေးအတွက် လက်ခံယုံကြည်နိုင်လောက်တဲ့ ဆောင်ရွက်မှုတွေ မြန်မာအစိုးရဘက်က လုပ်ဖို့ လိုအပ်တယ်ဆိုတာကို မြန်မာနိုင်ငံခြားရေးဝန်ကြီးကို အခိုင်အမာပြောခဲ့တယ်လို့ ဗြိတိန် နိုင်ငံခြားရေး ဝန်ကြီးက တွေ့ဆုံအပြီးမှာ သတင်းထောက်တွေကို ပြောခဲ့ပါတယ်။
နိုင်ငံခြားရေးဝန်ကြီး ဝဏ္ဏမောင်လွင်ကလည်း နိုင်ငံရေးအကျဉ်းသားတွေကို ဆက်လွှတ်သွားမယ်လို့ အာမခံချက် ပေးခဲ့တယ်လို့ Mr. Hague က ပြောပြပါတယ်။ လုပ်နေတဲ့ ပြုပြင်ပြောင်းလဲမှုတွေကို နောက်ပြန်လှည့်မှာ မဟုတ်ဘူးလို့ ဝန်ကြီး ဝဏ္ဏမောင် လွင် က ဆိုပါတယ်။ ဗြိတိန်၊ အမေရိကန် အပါအဝင် အင်အားကြီးနိုင်ငံတချို့က မြန်မာနိုင်ငံမှာ တိုးတက်မှုတွေရှိနေ ပါတယ်လို့ ပြောနေတဲ့ တချိန်တည်းမှာပဲ တိုင်းရင်းသား လက်နက်ကိုင်အဖွဲ့တချို့နဲ့ တိုက်ပွဲတွေဖြစ်နေတဲ့အပေါ် မြန်မာ့အရေး စောင့်ကြည့်သူ တွေက ဝေဖန်မှုတွေရှိပါတယ်။ ဒီကိစ္စကိုရော ဗြိတိန်နိုင်ငံခြားရေးဝန်ကြီး ဆွေးနွေးဖို့ ရှိသလားလို့ သံရုံး ဒုတိယအတွင်းဝန် Joe Fisher ကိုမေးပါတယ်။
ဒီကိစ္စကို ဗြိတိန် နိုင်ငံခြားရေးဝန်ကြီးက သူ့ ခရီးစဉ် တလျှောက်လုံးမှာ ပြောသွားမှာပါ၊ အထူးသဖြင့် ကချင်ပြည်နယ်မှာ ဖြစ်နေ တဲ့ အခြေအနေတွေအပေါ် သူ့ရဲ့ စိုးရိမ်မှုကို နေပြည်တော်မှာရော ရန်ကုန်မှာပါ ပြောသွားမှာဖြစ်ပါတယ်။ ရန်ကုန်မှာ အခုညနေ ကချင်တိုင်းရင်းသား ကိုယ်စားလှယ်တွေ အပါအဝင် တခြားတိုင်းရင်းသား ခေါင်းဆောင်တွေနဲ့သာမကဘဲ ဒေါ်အောင်ဆန်းစုကြည် နဲ့ တွေ့ဆုံတဲ့ အခါမှာလည်း သူတို့ဘက်က စိုးရိမ်မှုတွေကို ဆွေးနွေးသွားမှာဖြစ်ပါတယ်လို့ ပြောသွားတာပါ။
ဗြိတိန်နိုင်ငံခြားရေးဝန်ကြီးဟာ ဒီနေ့ ညပိုင်းကျရင် ဒေါ်အောင်ဆန်းစုကြည်နဲ့ ပထမဆုံးတွေ့ဆုံပြီး ညစာစားမှာဖြစ်ပါတယ်။ မနက်ဖြန် မနက်ပိုင်းကျရင်တော့ ဗြိတိန် နိုင်ငံခြားရေးဝန်ကြီး William Hague ဟာ ဒေါ်အောင်ဆန်းစုကြည်နဲ့ ထပ်မံ တွေ့ဆုံ ဆွေးနွေးမှာဖြစ်သလို၊ NLD အမျိုးသား ဒီမိုကရေစီ အဖွဲ့ချုပ် ဗဟိုအလုပ်အမှုဆောင်အဖွဲ့ဝင်တွေနဲ့လည်း တွေ့ဆုံမှာဖြစ် ပါတယ်။ ဒေါ်အောင်ဆန်းစုကြည်နဲ့ တွေ့ဆုံတဲ့အခါ ပြောမယ်လို့ မျှော်လင့်ရတဲ့အကြောင်းတွေနဲ့ ပတ်သက်လို့ သံရုံး ဒုတိယအတွင်းဝန် Joe Fisher က
ဒေါ်အောင်ဆန်းစုကြည်ရဲ့ ကြံ့ကြံ့ခံ ရုန်းကန်မှုတွေအပေါ်မှာ အားကျတယ်ဆိုတဲ့အကြောင်းကို ဝန်ကြီး Hague က ပြောမှာ သေချာ ပါတယ်တဲ့။ နောက် အစိုးရနဲ့ ဆွေးနွေးမှုတွေလုပ်နေတာကို ကြိုဆိုတယ် ဆိုတာ အသိပေးပါလိမ့်မယ်၊ နောက် လက်ရှိမြန်မာနိုင်ငံ ရဲ့ နိုင်ငံရေး လုပ်ငန်းစဉ်တွေ၊ ပြုပြင်ပြောင်းလဲ မှုတွေအပေါ် ဒေါ်အောင်ဆန်းစုကြည်ရဲ့အမြင်တွေကို မေးမှာဖြစ်တယ်လို့ ပြောသွား တာပါ။
မြန်မာအစိုးရက နိုင်ငံရေးအကျဉ်းသားတချို့ကို ပြန်လွှတ်ပေးခဲ့ တာ၊ ဒေါ်အောင်ဆန်းစုကြည်နဲ့ ဆွေနွေးမှုတွေ လုပ်တာ၊ သတင်း မီဒီယာ လွတ်လပ်မှုပိုင်း တိုးတက်လာခဲ့တာ၊ ဒီနှစ်ထဲကျင်းပဖို့ရှိတဲ့ ကြားဖြတ်ရွေးကောက်ပွဲမှာ NLD ပါဝင်နိုင်အောင် ဥပဒေ ပြဌာန်း ချက်ကို ပြင်ဆင်ပေးခဲ့တာတွေဟာ ဗြိတိန်က ကြိုဆိုတဲ့ ပြုပြင်ပြောင်းလဲမှုတွေဖြစ်တယ်ဆိုတာကို အသိပေးထားပြီးတော့ ဆက်ပြီး ပြောင်းလဲမှုတွေ လုပ်သွားဖို့ ဗြိတိန်အစိုးရက တိုက်တွန်းထားချိန်မှာ ဗြိတိန် နိုင်ငံခြားရေးဝန်ကြီး ဝီလီယံ၊ ဟိတ်ဂ် မြန်မာ နိုင်ငံမှာ ရောက်ရှိနေတာဖြစ်ပါတယ်။
Ref: ဗွီအိုအေ
NLD ပါတီမှတ်ပုံတင် ခွင့်ပြုချက်ရရှိ
05 ဇန်နဝါရီ 2012
မသင်းသီရိ
NLD အမျိုးသားဒီမိုကရေစီအဖွဲ့ချုပ်ရဲ့ နိုင်ငံရေးပါတီမှတ်ပုံတင်ကို ပြည်ထောင်စုရွေးကောက်ပွဲ ကော်မရှင်က ဇန်နဝါရီ ၅ ရက် နေ့၊ နေ့စွဲနဲ့ ခွင့်ပြုလိုက်ပါပြီ။ ဒါ့ကြောင့် နိုင်ငံရေးပါတီတခုအဖြစ် တရားဝင်ရပ်တည်ခွင့် ရပြီဖြစ်တဲ့ NLD ပါတီရဲ့ ရှေ့လုပ်ငန်းစဉ် တွေနဲ့ ကြားဖြတ်ရွေးကောက်ပွဲတွေမှာ ဝင်ရောက်ယှဉ်ပြိုင်ဖို့ အခြေအနေတွေကိုတော့ NLD ပါတီကို ဆက်သွယ်မေးမြန်းထားတဲ့ မသင်းသီရိက တင်ပြပေးထားပါတယ်။
NLD အမျိုးသားဒီမိုကရေစီအဖွဲ့ချုပ်ရဲ့ နိုင်ငံရေးပါတီမှတ်ပုံတင်ခွင့်ပြုချက်နဲ့ ပါတီမှတ်ပုံတင် နံပါတ်ကို နေပြည်တော်မှာရှိတဲ့ ပြည် ထောင်စုရွေးကောက်ပွဲကော်မရှင်က ဒီကနေ့ ဇန်နဝါရီ ၅ရက် ကြာသာပတေးနေ့ နေ့စွဲနဲ့ ထုတ်ပြန်လိုက်ပါပြီ။ ပြည်တော်စု ကော် မရှင် ရဲ့ ခွင့်ပြုချက်ကို ရန်ကုန်တိုင်း ရွေးကောက်ပွဲကော်မရှင်က NLD ပါတီကို အကြောင်းကြားခဲ့တာဖြစ်တယ်လို့ NLD ပါတီ ပြောခွင့်ရသူ ဦးဉာဏ်ဝင်းကပြောပါတယ်။
“ကျနော်တို့ ဒီနေ့မှာ ရန်ကုန်တိုင်း ရွေးကောက်ပွဲကော်မရှင်က လှမ်းအကြောင်းကြားပါတယ်။ နေပြည်တော်က အမိန့်ထွက်ပါပြီ၊ စာရွက်လာယူပါဆိုလို့ ကျနော်သွားယူပါတယ်။ ဒီနေ့ရက်စွဲနဲ့ပါ။ နောက်ပြီးတော့ ကျနော်တို့ပါတီရဲ့ မှတ်ပုံတင် နံပါတ်က ၄၇ ပါ။ အလံ၊ တံဆိပ်၊ အားလုံးအတည်ဖြစ်ပါပြီ”
နို်င်ငံရေးပါတီအဖြစ် တရားဝင်ရပ်တည်ခွင့်ရသွားပြီဖြစ်တဲ့ NLD ပါတီအနေနဲ့ ရှေ့လုပ်ငန်းစဉ်တွေအဖြစ် ပါတီဝင် လက်ခံရေးကို အမြန်ဆောင်ရွက်မှာ ဖြစ်သလို ဧပြီလ ၁ ရက်နေ့မှာ ကျင်းပမယ့် ကြားဖြတ် ရွေးကောက်ပွဲအတွက်လည်း NLD ပါတီကနေ ယှဉ်ပြိုင်ကြမယ့် ကိုယ်စားလှယ်လောင်း ကိစ္စတွေကို စတင်လုပ်ဆောင်မှာ ဖြစ်ပါတယ်။
“အမြန်လုပ်ရမယ့်အလုပ်ကတော့ NLD ပါတီဝင်လျှောက်လွှာပုံစံတွေ ကျနော်တို့ထုတ်ပေးမယ်။ လာမယ့်တနင်္လာနေ့က စပြီးတော့ ကျနော်တို့ထုတ်ပေးမယ်။ နောက် ဒုတိယ တဆက်တည်းလုပ်ရမှာက ၁၁ ရက်နေ့ နောက်ဆုံးထားပြီးတော့ တိုင်း၊ ခရိုင်၊ မြို့နယ် က လစ်လပ်နေရာတွေအတွက် လွှတ်တော်ကိုယ်စားလှယ်တဦးစီ ကျနော်တို့ဆီကို အမည်စာရင်း ပေးပို့နိုင်တယ်လို့ ကျနော်တို့ အကြောင်းကြားထားတယ်။ အဲဒါ သူတို့ပေးပို့လာပြီးရင် ၁၁ ရက်ကျော်တာနဲ့ ရွေးကောက်ပွဲ နယ်မြေ၊ နောက် မဲဆန္ဒနယ်၊ ဝင်ရောက်မယ့်ပုဂ္ဂိုလ်- ဒါတွေကို ကျနော်တို့ ဗဟိုအောင်နိုင်ရေးကော်မတီက ဆုံးဖြတ်ပေးပါလိမ့်မယ်”
ကြားဖြတ်ရွေးကော်ပွဲက နိုုင်ငံတဝန်းလစ်လပ်နေရာ ၄၈ နေရာစလုံး အတွက် NLD က ယှဉ်ပြိုင်မှာ ဖြစ်သလို ဒေါ်အောင်ဆန်း စုကြည်ကိုယ်တိုင် ဝင်ပြိုင်ဖို့လည်း စီစဉ်ထားပါတယ်။
“လစ်လပ်နေရာမြို့နယ်တွေရဲ့ အောင်နိုင်ရေးအဖွဲ့တွေကို ကျနော်တို့အမြန်ဆုံးဖွဲ့ဖို့ ကြိုးစားနေတယ်။ ဖွဲ့ပြီးရင်သူတို့ ရွေးကောက်ပွဲ အောင်နိုင်ရေးလှုပ်ရှားမှုတွေ၊ သူတို့အောက်ခြေက၊ သက်ဆိုင်ရာမြို့နယ်တွေကစပြီးတော့ လှုပ်ရှားမှာပါ”
ဒါ့အပြင် NLD ပါတီဝင်အဖြစ်လျှောက်ကြရာမှာ ပါတီဝင်သစ်လျှောက်တဲ့သူတွေအတွက် အထွေအထူးမရှိပေမယ့် အရင် ပါတီဝင် ဟောင်းတွေကတော့ ပါတီရဲ့ စည်းကမ်းနဲ့ ငြိစွန်းခြင်းရှိမရှိ စီစစ်လက်ခံမှာ ဖြစ်တယ်လို့လည်း ဦးဉာဏ်ဝင်းက ပြောပါတယ်။ NLD ပါတီဝင်အဖြစ် ပြည်တွင်းထဲသာမက ပြည်ပကိုရောက်နေကြတဲ့ မြန်မာနိုင်ငံသားတွေ NLD ပါတီဝင်အဖြစ် လျှောက်လိုသူများ အတွက် NLD ပါတီရဲ့ အင်တာနက် အွန်လိုင်းစာမျက်နှာကနေတဆင့် လျှောက်လွှာ ပုံစံတွေနဲ့အတူ ကြေညာချက်တွေကို လာ မယ့် ရက်သတ္တပါတ်ထဲ စတင်တော့မယ်လို့လည်း ပြောပါတယ်။
“အဲဒီစည်းမျဉ်း စည်းကမ်းတွေက အပြောင်းအလဲမရှိဘူး။ နဂိုရ်ကကျနော်တို့ NLD ရဲ့ စည်းမျဉ်းစည်းကမ်းတွေပဲ။ အဲဒီစည်းမျဉ်း စည်းကမ်းတွေနဲ့ စိစစ်ရေးအဖွဲ့တဖွဲ့ ကျနော်တို့ ဖွဲ့ထားပါတယ်။ ကျနော်တို့ ဒု ဥက္ကဋ္ဌဦးတင်ဦးအပါအဝင် ၅ ယောက်၊ ၆ ယောက် လောက်ပါတယ်။ အဲဒီစိစစ်ရေးအဖွဲ့က အဲဒီကိစ္စတွေကို ကိုင်တွယ်မယ်။ သာမန် ဘာမှ ပြဿနာမရှိဘူး၊ စည်းကမ်းနဲ့ညှိစရာ မလို တာတွေကတော့ အမြန်ဆုံး ပါတီဝင်အသိအမှတ်ပြုလွှာတွေ ထုတ်ပေးပါမယ်”
NLD ပါတီပြောခွင့်ရသူ ဦးဉာဏ်ဝင်းပါ၊ တခါ NLD ပါတီက အသုံးပြုထားတဲ့ ခွပ်ဒေါင်းတံဆိပ်ကို ၈၈ မျိုးဆက် ကျောင်းသား လူငယ်များ (ပြည်ထောင်စုမြန်မာနိုင်ငံ) ပါတီက သူတူို့ ပါတီတံဆိပ်နဲ့ ဆင်တူနေတဲ့အတွက် ကော်မရှင်မှာ ကန့်ကွက်ထားတယ်လို့ သတင်းတွေထွက်နေပေမယ့် NLD ပါတီကို ဒီကိစ္စအတွက် ကော်မရှင်က ဘာမှ အကြောင်းကြားတာ မရှိဘူးလို့လည်းဦးဉာဏ်ဝင်း ကပြောပါတယ်။
NLD အမျိုးသားဒီမိုကရေစီအဖွဲ့ချုပ်ဟာ ပြီးခဲ့တဲ့ ၂၀၁၁ ဒီဇင်ဘာ ၁၂ ရက်နေ့မှာ နိုင်ငံရေးပါတီအဖြစ် ထူထောင်ခွင့် ကျခဲ့ပြီးနောက် ဒီဇင်ဘာ ၂၃ ရက်နေ့က နေပြည်တော်မှာရှိတဲ့ ပြည်ထောင်စု၊ ရွေးကောက်ပွဲကော်မရှင်မှာ ပါတီ မှတ်ပုံတင်တင်ခဲ့ကြတာဖြစ်ပါတယ်။
Ref: ဗွီအိုအေ
ဦးခွန်ထွန်းဦး ကျန်းမာရေးချို့တဲ့
05 ဇန်နဝါရီ 2012
မသင်းသီရိ
နှစ်ရှည်နိုင်ငံရေးအကျဉ်းသား တဦးဖြစ်တဲ့ ရှမ်းတိုင်းရင်းသားခေါင်းဆောင် ခွန်ထွန်းဦးဟာ တောင်ငူထောင်မှာ ကျန်းမာရေးချို့တဲ့ နေတယ်လို့ သူရဲ့ ရှမ်းအမျိုးသားဒီမိုကရေစီအဖွဲ့ချုပ် SNLD ပါတီက ပြောပါတယ်။
ဒီကနေ့ ဇန်န၀ါရီ ၅ ရက်နေ့မှာ ဦးခွန်ထွန်းဦးရဲ့ မိသားစုဝင်တွေ ထောင်ဝင်စာသွားတွေ့တဲ့အခါ အခုလို ကျန်းမာရေး ချို့တဲ့နေမှု အခြေအနေတွေကို သိခဲ့ရတာ ဖြစ်ပါတယ်။ ဒီအခြေအနေအပြည့်အစုံကိုတော့ မသင်းသီရိက ပြောပြပေးမှာပါ။
တောင်ငူထောင်မှာ နှစ်ရှည်ထောင်ဒဏ်နဲ့ ချုပ်နှောင်ခံထားရတဲ့ ရှမ်းတိုင်းရင်းသားခေါင်းဆောင် ခွန်ထွန်းဦးဟာ နေမကောင်းဖြစ်နေပြီး ကျန်မားရေးဆိုးဝါးနေလို့ ဒီကနေ့ ဇန်န၀ါရီ ၅ ရက်၊ ကြာသာပတေးနေ့မှာ ထောင်ဝင်စာ သွားတွေ့ကြတဲ့ သူ့မိသားစုဝင်တွေဆီကတဆင့် သိရတဲ့အကြောင်း ခွန်ထွန်းဦးရဲ့ SNLD ပါတီ တာဝန်ရှိသူက ပြောပါတယ်။
ဦးခွန်ထွန်းဦးဟာ ကျန်းမာရေးချို့တဲ့နေမှုကြောင့် ဆေးသွင်းထားရတယ်ဆိုတဲ့အခြေအနေကို လတ်တလောသိထားရပြီး ဘာရောဂါကြောင့်လဲဆိုတာတော့ အခုညပိုင်းထိ မိသားစုနဲ့ ထပ်ပြီးအဆက်အသွယ်မရသေးတဲ့အတွက် အတိအကျ ထပ်မသိရသေးဘူးလို့ SNLD ပါတီပြောခွင့်ရသူ ဦးစိုင်းလိတ်က ပြောပါတယ်။
“လောလောဆယ် ကျနော်တို့သိရသလောက်ကတော့ မိသားစုက မနက်အစောကြီးကတည်းကထွက်သွားတယ်။ ခါတိုင်းဆိုရင်တော့ ၈ နာရီလောက်ကစပြီး တွေ့ခွင့်ရတာပေါ့နော်။ ဒီနေ့တော့ ညနေ ၃ နာရီလောက်ကျမှ ထောင်ထဲကို ဝင်ခွင့်ရတယ်။ နောက်ပြီးတော့ ထောင်ထဲက ဦးခွန်ထွန်းဦးက ဆေးသွင်းနေရလို့ လို့ ပြောတယ်။ ၃ နာရီလောက်မှာကျ မိသားစုနဲ့အတူ အပြင်ကဆရာဝန်တဦးလည်း ပါသွားတာပေါ့နော်၊ ဆေးကုပေးတာကတော့ ထောင်ကနေစီစဉ်ပေးတဲ့ ဆရာဝန်ပဲဖြစ်ဖို့များပါတယ်။ အပြင်ဆရာဝန်ဆိုရင်တော့ ဝင်ခွင့်မပေးဘူးလေ။ ရောဂါတွေကတော အစာအိမ်နာရောဂါ၊ အကြိတ်ရောင်ရောဂါ စတာတွေ ခံစားရတာပေါ့”
ဦးခွန်ထွန်းဦးကို ပြီးခဲ့တဲ့ နိုဝင်ဘာ ၁၆ ရက်နေ့က ပူတာအိုထောင်ကနေ တောင်ငူထောင်ကို ရွှေ့ပြောင်းလိုက်တာလည်း ဖြစ်ပါတယ်။
“ပူတာအိုထောင်ကနေ တောင်ငူထောင်ကို ပြောင်းတော့ ကျနော်တို့ ဦးခွန်ထွန်းဦးဆီကနေ message လေးတခု ရပါတယ်။ မြစ်ကြီးနားမှာ ခဏထားနေတုန်းမှာ လူကြီးတွေလာတွေ့တာပေါ့နော်။ အခြေအနေကောင်းလို့၊ လွှတ် ပေးကာနီးလို့ သူ့ကိုကောင်း ကောင်းမွန်မွန် ဆက်ဆံတဲ့အနေအထားလေးကို သုံးသပ်ပြီး ပြောပြတယ်။ မကြာမတင်မှာ လွှတ်လိမ့်မယ်လို့ သူက မျှော်လင့်တာ ပေါ့။ ဒါပေမယ့် ယုံတော့ မယုံနဲ့ပေါ့။ မျှော်လင့်ချက်တော့ ထားပါ။ ၄ ရက်နေ့ကို လွှတ်ရင် လွှတ်မယ်၊ အဲဒီမှာ မပါခဲ့ဘူးဆိုရင် လည်းပဲ ၆ ရက်နေ့လောက်မှာမှ အေးအေးဆေးဆေးလာတွေ့ပါ-ဆိုပြီး မိသားစုကို မှာလိုက်တာမျိုး ကျနော်တို့ ကြားသိရတယ်။ ဒါပေမယ့် ၅ ရက်နေ့ကျတော့ ကမန်းကတန်းပဲ ဆေးတွေ လာပို့ပါဆို လှမ်းပြီး မှာလိုက်တယ်။ ဆိုတော့ မျှော်လင့်ထားတဲ့ကိစ္စတွေ ဖြစ်မလာတဲ့အတွက်ကြောင့်မို့လို့ သွေးများ တိုးသလားလို့ ကျနော်တို့က နည်းနည်းစိုးရိမ်တာပေါ့နော်”
ဒါကတော့ ရှမ်းအမျိုးသား ဒီမိုကရေစီအဖွဲ့ချုပ်ရဲ့ ပြောခွင့်ရသူ ဦိးစိုင်းလိတ်က ဦးခွန်ထွန်းဦးရဲ့ ကျန်းမာရေးအခြေအနေ ပြောပြ ခဲ့တာပါရှင်။ မြန်မာနိုင်ငံမှာ နှစ်ဆန်းပိုင်း လွတ်လပ်ရေးနေ့မှာ လွတ်ငြိမ်းချမ်းသာခွင့်တွေရှိမယ်၊ အဲဒီအခါ နိုင်ငံရေး အကျဉ်းသား တွေ လွတ်လာလိမ့်မယ်လို့ မျှော်လင့်ထားကြပေမယ့် ဇန်န၀ါရီ ၂ ရက်နေ့က သမ္မတထုတ်ပြန်ခဲ့တဲ့ လွတ်ငြိမ်း ချမ်းသာခွင့်အမိန့်က မျှော်လင့်ချက်အားလုံး မှေးမိန်သွားခဲ့ကြတာပါ။
ဇန်န၀ါရီ ၄ ရက် လွတ်လပ်ရေးနေ့က ဖားအံထောင်မှာ အကျဉ်းချခံထားရတဲ့ နိုင်ငံရေးအကျဉ်းသား ဘလော့ဂါ ကိုနေဘုန်းလတ် ကို မိခင်ဖြစ်တဲ့ ဒေါ်အေးအေးသန်းက ထောင်ဝင်စာသွားတွေ့တဲ့အခါ ဖားအံထောင်ကနေ ဘယ် နိုင်ငံရေးအကျဉ်းသားမှ မလွတ် ဘူးဆိုတာ ကိုနေဘုန်းလတ်က ပြောပြခဲ့တယ်လို့ ဒေါ်အေးအေးသန်းက ပြောပါတယ်။
“သူ့ကို ပြုံးပြုံးရွှင်ရွှင်နဲ့ ကျန်းကျန်းမာမာပဲ တွေ့ခဲ့ရပါတယ်။ ဖားအံထောင်က နိုင်ငံရေးအကျဉ်းသား ၇ ယောက် ရှိတဲ့ အထဲမှာ တယောက်မှ လွတ်မလာတဲ့အတွက် သူတို့လည်း ဝမ်းနည်းဖို့တောင် အချိန်မရဘူးပေါ့။ အံ့သြနေကြတာ။ ဒီမိုကရေစီအစိုးရမှန်ရင် ပေးထားတဲ့ကတိကဝတ်တွေကို ပြောထားတဲ့နှုတ်ထွက်စကားတွေကို ပစ္စလက္ခတ် လုပ်မပစ်လောက်ဘူးလို့ ထင်ပါတယ်တဲ့။ ဖေဖော်ဝါရီ ၁၂ ကို စောင့်ကြည့်ရမှာပေါ့တဲ့။ အဲဒါလေးတော့ သူမှာလိုက်တယ်။”
လွတ်ငြိမ်းချမ်သာခွင့်မကြေညာခင် ရက်ပိုင်းတွေက ထောင်ထဲမှာ ခေါ်ယူမေးမြန်းတာတွေ ရှိခဲ့တာမို့ သူတို့အားလုံး မျှော်လင့်ချက် တွေ ရှိခဲ့ကြတယ်လုိ့လည်း ပြောပါတယ်။ ဒါပေမယ့် အခုကြေညာချက်ထွက်တဲ့အခါ သူတို့အတွက် အခွင့်အလမ်းမရှိပေမယ့် စိတ် ပျက်အားငယ်ခြင်းမရှိသလို လူကြုံနဲ့ စကားပါးလိုက်တဲ့ ၈၈ ကျောင်းသားခေါင်းဆောင် ကိုမင်းကိုနိုင်ရဲ့ စကားနဲ့ ခွန်အားတွေ ထပ် ဖြည့် ထားတယ်ဆိုတာကိုလည်း ကိုနေဘုန်းလတ်က သူ့မိခင်ကိုပြောပြခဲ့ပါတယ်။
“ကိုမင်းကိုနိုင် ပြောပြတဲ့စကားလုံးလေးကတော့- ရောက်တဲ့နေရာက အရေးမကြီးဘူး-တဲ့၊ ကျင့်နေတဲ့တရားက အရေးကြီး တယ် -တဲ့။ ဖိအားဒဏ်ကို ကြာရှည်ခံနိုင်မှ ကာဗွန်တွေသက်တမ်းရင့်၊ စိန်ပွင့်ဖြစ်နိုင်တယ်တဲ့။ အဲဒီအမှာစကားလေးကြောင့် သူတို့လည်း အားတင်းလို့ ရတယ်-တဲ့”
နိုင်ငံရေးအကျဉ်းသား ဘလော့ဂါနေဘုန်းလတ် မိခင် ဒေါ်အေးအေးသန်းပြောပြခဲ့တာပါ။ ဒါ့အပြင် ဒီကနေ့ ဇန်န၀ါရီ ၅ ရက် ကြာသာပတေးနေ့ မနက်မှာလည်း မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ နိုင်ငံရေးအကျဉ်းသား မိသားစု ၀င်တချို့ကို NLD ရုံးချုပ်မှာ တွေ့ဆုံပြီး အားပေးစကားပြောခဲ့ပါတယ်။
Ref: ဗွီအိုအေ
မူဘာရက်ကို သေဒဏ်ပေးဖို့ အစိုးရရှေ့နေ တောင်းဆို
05 ဇန်နဝါရီ 2012
အီဂျစ်နိုင်ငံမှာ သမ္မတဟောင်း ဟော်စနီမူဘာရက်ခ်နဲ့ သူ့ရဲ့ သား ၂ ဦးကို သေဒဏ်ချမှတ်ဖို့ သူ့ကိုတရားရုံးတင်စစ်ဆေးနေတဲ့ တရားခွင်ရဲ့ အစိုးရရှေ့နေက ပြောပါတယ်။
ကိုင်ရိုမြို့တော်မှာ ကြာသာပတေးနေ့မှာ ပြုလုပ်တဲ့ တရားရုံးကြားနာမှုအတွင်းမှာ ရှေ့နေ မွတ်စတာဖာ ဆူလေမန်က အခုလို တောင်းဆိုသွားတာပါ။
မစ္စတာ မူဘာရက်ခ်ကို အဂတိလိုက်စားမှု၊ မနှစ်က သူ့ကို အာဏာကဖြုတ်ချဖို့ လူထုအုံကြွမှုမှာ အစိုးရဆန့်ကျင်သူ ရာပေါင်းများစွာ သေဆုံးရမှုတွေနဲ့ တရားစွဲထားတာဖြစ်ပါတယ်။ မစ္စတာမူဘာရက်ခ်ကတော့ သူ့မှာ အပြစ်မရှိကြောင်း ငြင်းဆိုထားပါတယ်။
Ref: ဗွီအိုအေ
အီရတ်ဗုံးကွဲမှု လူ ၁၀၀ နီးပါး သေဆုံး
05 ဇန်နဝါရီ 2012
အီရတ်နိုင်ငံ ဘဂ္ဂဒက်မြို့တော်နဲ့ နိုင်ငံ့တောင်ပိုင်းက ဗုံးခွဲတိုက်ခိုက်မှုတွေကြောင့် လူ ၇၅ ဦး ထက်မနည်း သေဆုံးပြီးတော့ လူ ၁၃၀ ကျော်ဒဏ်ရာရသွားတယ်လို့ အီရတ်အရာရှိတွေက ပြောပါတယ်။
အပြင်းထန်ဆုံး တိုက်ခိုက်မှုကတော့ နိုင်ငံတောင်ပိုင်း နာဆီရီရာမြို့မှာ လူ ၃၀ သေဆုံးတဲ့ ဘုရားဖူးတွေကို ပစ်မှတ်ထားတိုက် ခိုက်မှု ဖြစ်ပါတယ်။ အစောပိုင်းကလည်း ဆာဒ်အားမြို့ရဲ့ မြောက်ပိုင်းမှာ ပေါက်ကွဲမှုတွေ ဖြစ်ပါတယ်။ အလုပ်ရဖို့ စုဝေးစောင့် စားနေတဲ့ အလုပ်သမားတွေအနား မော်တော်ဆိုက်ကယ်မှာ တပ်ထားတဲ့ ဗုံး ကွဲပြီးတော့ မကြာခင်မှာလည်း လမ်းဘေးထောင် ဗုံးတလုံး ထပ် ပေါက်ကွဲပါတယ်။ ဒီပေါက်ကွဲမှုကြောင့် လူ ၁၂ ဦး သေဆုံးသွားရပါတယ်။
ဘဂ္ဂဒက်မြို့တော် မြောက်ပိုင်းက ရှိအာ မွတ်ဆလင်တွေ နေထိုင်တဲ့ ကာဆီမီယာအရပ်မှာလည်း ကားဗုံးနှစ်လုံးပေါက်ကွဲပြီးတော့ လူ ၁၅ ဦး သေဆုံးခဲ့ရပါတယ်။ ဘဂ္ဂဒက်မြို့တော်တလွှားမှာ ဗုံးကွဲမှုတွေ ဆက်တိုက်ဖြစ်ပြီးတော့ လူ ၆၉ ဦး သေဆုံးခဲ့ရပြီးတဲ့ နောက် သတင်းနှစ်ပတ်အကြာမှာ ဒီကနေ့ ထပ်ပြီး ပေါက်ကွဲမှုတွေဖြစ်တာပါ။
အီရတ်နိုင်ငံမှာ နိုင်ငံရေးတင်းမာမှုတွေ ပိုများပြားလာတဲ့ကြားက အမေရိကန်တပ်တွေ အကုန် ရုပ်သိမ်းသွားပြီးတဲ့နောက် အခုလို တိုက်ခိုက်ခံရမှုတွေ ဖြစ်ပွားနေတာပါ။
Ref: ဗွီအိုအေ
နိုင်ငံရေး အကျဉ်းသားတွေ ပြန်လွှတ်ပေးဖို့ ဗြိတိန်ဝန်ကြီး တိုက်တွန်း
2012-01-05
နိုင်ငံရေးအကျဉ်းသားတွေ အားလုံး လွှတ်ပေးဖို့ မြန်မာနိုင်ငံ သမိုင်းဝင် ခရီးစဉ်အစမှာပဲ ဗြိတိန် နိုင်ငံခြားရေး ၀န်ကြီး William Hague က မြန်မာ ခေါင်းဆောင်တွေကို တိုက်တွန်းလိုက်ပါတယ်။
Mr. Hague ရဲ့ နှစ်ရက်ကြာ ခရီးစဉ်မှာ သမ္မတ ဦးသိန်းစိန်၊ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် တို့နဲ့ တွေ့ ဆုံ ပါတယ်။ ဒါဟာ နှစ် ၅၀ ကျော်အတွင်း ဗြိတိန် နိုင်ငံခြားရေး ၀န်ကြီးတစ်ဦး မြန်မာနိုင်ငံကို ပထမဆုံး လာရောက်တဲ့ ခရီးပါ။ ပြည်သူ့လွှတ်တော် ဥက္ကဋ္ဌ သူရ ဦးရွှေမန်းနဲ့ နေပြည်တော်မှာ တွေ့ဆုံချိန်တဲ့ အခါ မြန်မာနိုင်ငံမှာ လုပ်ဆောင်နေတာတွေ ကို ဦးရွှေမန်း က ရှင်းပြတဲ့ အကြောင်း စာနယ်ဇင်းသမား တစ်ဦးက ပြောပါတယ်။ 
“သူရ ဦးရွှေမန်းရယ်၊ ပြည်သူ့ လွှတ်တော် ရေးရာ ကော်မတီ အတွင်းရေးမှူးတွေ ဥက္ကဋ္ဌတွေ၊ အားလုံး ခုနစ်ယောက်ပေါ့။ အဲဒီ ခုနစ်ယောက်နဲ့ တွေ့တယ်။ သူတို့ ဒီမှာ ဘာတွေ လုပ်ပေးနေကြောင်း၊ ဘာတွေ ပြောင်းလဲအောင် ကြိုးစားတဲ့ အကြောင်း၊ ဗြိတိန် ရဲ့ ပါလီမန်ဟာ ဒီမိုကရေစီ မိခင်ကြီး ဖြစ်တဲ့ အတွက် ပြန်ပြီးတော့ သူတို့ကို ကူညီဖို့ အကြောင်း၊ သွားပြီး လေ့လာခွင့်ရ မယ် ဆိုရင်လည်း ဖိတ်မယ် ဆိုရင်လည်း ဝမ်းသာစွာ ကြိုဆိုတဲ့ အကြောင်း။ အဲဒီလောက်ပါပဲ”
Mr. Hague ရဲ့ မြန်မာနိုင်ငံ ခရီးစဉ်ဟာ လက်ရှိ မြန်မာနိုင်ငံ အခြေအနေကို အကဲခတ်နိုင်မှာ ဖြစ်တဲ့အကြောင်း ဒေါ်အောင်ဆန်း စုကြည်က ပေးပို့တဲ့ အမှာစာမှာ ပါရှိပါတယ်။
လွန်ခဲ့တဲ့ ၂၃ နှစ်အတွင်း ဗြိတိန် နိုင်ငံနဲ့ ဗြိတိသျှ နိုင်ငံရေးသမားတွေဟာ မြန်မာ့အရေးကို အဖိုးမဖြတ်နိုင်အောင် ပံ့ပိုးခဲ့တဲ့ အကြောင်း၊ မြန်မာနိုင်ငံ ခရီးစဉ်မှာ နိုင်ငံ အတွက် မိတ်ဆွေကောင်း တစ်ဦးအဖြစ် မိမိ နှစ်ရှည်လများ အသိအမှတ်ပြုထားသူ Mr. Hague ကို သိရှိဖို့ အခွင့်အရေး ရရှိမယ့်အကြောင်းလည်း ဒေါ်အောင်ဆန်းစုကြည်က ဖော်ပြထားပါတယ်။
မြန်မာအစိုးရရဲ့ ပြုပြင် ပြောင်းလဲရေး လမ်းကြောင်းကို ဆက်လက် အကောင်အထည်ဖော်နိုင်အောင် အားပေးဖို့နဲ့ အဲဒီအတွက် ဗြိတိန်နိုင်ငံအနေနဲ့ ဘာတွေ ပိုထောက်ပံ့နိုင်သလဲ ဆိုတာ အကဲခတ်ဖို့ မြန်မာနိုင်ငံကို သွားရောက်မှာ ဖြစ်တဲ့ အကြောင်း ဗြိတိန် နိုင်ငံက မထွက်ခွာခင် Mr. Hague က ပြောခဲ့ပါတယ်။
Ref: အာရ်အဖ်အေ
အမေရိကန် လုပ်ငန်းရှင်ကြီး မြန်မာ့လူမှုရေး လုပ်ငန်းများ တရားဝင် ဆောင်ရွက်မည်
2012-01-05
မြန်မာနိုင်ငံကို လာရောက်လည်ပတ်ခဲ့တဲ့ ကမ္ဘာ့ အချမ်းသာဆုံး ပုဂ္ဂိုလ် စာရင်းဝင် အမေရိကန် လုပ်ငန်းရှင်ကြီး မစ္စတာ ဂျော့ ဆိုးရော့စ်က မြန်မာနိုင်ငံမှာ ကူညီထောက်ပံ့ရေး လုပ်ငန်းတွေ တရားဝင် အခြေစိုက် ထူထောင်ဆောင်ရွက်ဖို့ သဘောတူလိုက်ပြီ ဖြစ်ကြောင်း ပြောဆိုပါတယ်။
သမ္မတ ဦးသိန်းစိန်၊ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်တို့နဲ့ တွေ့ဆုံအပြီး အခုလို ပြောလိုက်တာပါ။
မြန်မာ့ဒီမိုကရေစီရေး အတွက် လှူဒါန်း ကူညီနေတဲ့ မစ္စတာ ဆိုးရော့စ်ဟာ အလှူရှင် တစ်ယောက် အနေနဲ့ ဘာတွေ ဆောင် ရွက် နိုင်မလဲ ဆိုတာ ကြည့်ရှုလေ့လာဖို့ မြန်မာနိုင်ငံကို သွားရောက်ခဲ့တာ ဖြစ်ကြောင်း ဒီကနေ့ ထုတ်ပြန်တဲ့ ကြေညာချက်မှာ ဖေါ်ပြထားပါတယ်။
မြန်မာနိုင်ငံကို ပိတ်လှောင်ထားတဲ့ လူ့အဖွဲ့အစည်း အဖြစ်ကနေ ပွင့်လင်းတဲ့ လူ့အဖွဲ့အစည်း အဖြစ် အသွင် ကူးပြောင်းရေးမှာ ကူညီဖို့ မြန်မာပြည်တွင်းမှာ တရားဝင် လုပ်ငန်းဌာနတစ်ရပ် ထူထောင်ဖို့ စီစဉ်ထားကြောင်း၊ ဒေါ်အောင်ဆန်းစုကြည်နဲ့လည်း ပြုပြင် ပြောင်းလဲရေး လုပ်ငန်းစဉ်နဲ့ ပတ်သက်ပြီး ကျယ်ကျယ်ပြန့်ပြန့် ဆွေးနွေးခဲ့ကြောင်း မစ္စတာ ဆိုးရော့စ်က ပြောဆိုပါတယ်။
မစ္စတာ ဆိုးရော့စ်က မြန်မာ့ဒီမိုကရေစီရေး အတွက် နှစ်ပေါင်း ၂၀ လောက် ကူညီ ထောက်ပံ့ခဲ့ပေမယ့် ဒေါ်အောင်ဆန်းစုကြည်နဲ့ အခုမှ ပထမဆုံးအကြိမ် တွေ့ဆုံရတာ ဖြစ်ကြောင်း၊ မြန်မာ့အရေးကိစ္စနဲ့ ပတ်သက်ပြီး ဒေါ်အောင်ဆန်းစုကြည်ရဲ့ သဘောထား အမြင်တွေကို လမ်းညွှန်အဖြစ် ဆက်လက် ခံယူနေမှာ ဖြစ်ကြောင်းလည်း ပြောပါတယ်။ မစ္စတာ ဂျော့ ဆိုးရော့စ်ဟာ မြန်မာ နိုင်ငံမှာ ဒီဇင်ဘာ ၁၆ ရက်က ဇန်န၀ါရီ ၃ ရက်အထိ နေထိုင်ခဲ့ပါတယ်။
Ref: အာရ်အဖ်အေ
ဗြိတိန်နိုင်ငံခြားရေးဝန်ကြီးကို မိတ်ဆွေကောင်းအဖြစ် ဒေါ်စုမျှော်လင့်
ကိုဝိုင်း
ဇန်နဝါရီလ ၀၅ ရက် ၂၀၁၂ ခုနှစ်
ဗြိတိန်နိုင်ငံခြားရေးဝန်ကြီး မစ္စတာ ဝီလျံဟိတ် William Hague ၏ ခရီးစဉ်ကြောင့် မြန်မာ့ မိတ်ဆွေကောင်းတဦး ရရှိလာနိုင် လိမ့်မည်ဟု ဒေါ်အောင်အောင်ဆန်းစုကြည်က သတင်းစကား ရေးသားပေးပို့ လိုက်သည်။
မြန်မာနိုင်ငံ၌ နှစ်ရက်ကြာခရီးအဖြစ် ရောက်ရှိနေသည့် မစ္စတာဟိတ်နှင့် သောကြာနေ့နံနက်တွင် တွေ့ဆုံရန်ရှိသည့် ဒေါ်အောင် ဆန်းစုကြည်က ရေးသားပေးပို့လိုက်သော သတင်းစကားကို မစ္စတာဟိတ်က ၎င်း၏ ဖေ့စ်ဘွတ် စာမျက်နှာ တွင် ကောက်နှုတ် ဖော်ပြထားခြင်းဖြစ်သည်။
“ဗြိတိန်နိုင်ငံနဲ့ ဗြိတိသျှနိုင်ငံရေးသမားတွေဟာ ကျမတို့နိုင်ငံကို တန်ဖိုးမဖြတ်နိုင်တဲ့ ထောက်ခံမှုတွေ ၂၃ နှစ်လုံးလုံး ပေးခဲ့ပါ တယ်။ နိုင်ငံခြားရေးဝန်ကြီး ဝီလျံဟိတ်ရဲ့ခရီးစဉ်ဟာ သူ့အနေနဲ့ မြန်မာပြည်လက်ရှိအခြေအနေတွေ ကြည့်မြင်နိုင်ပါလိမ့်မယ်။ ကျမအနေနဲ့ကတော့ အရှည်သဖြင့် လေးစားခဲ့ရတဲ့ပုဂ္ဂိုလ်တယောက်ကို ကျမနိုင်ငံရဲ့ မိတ်ဆွေကောင်းတယောက်အဖြစ် သိရှိ ခွင့်ကြုံရမှာပဲဖြစ်ပါတယ်” ဟု ဒေါ်အောင်ဆန်းစုကြည်က ရေးသားထားသည်။
ဗြိတိန်နိုင်ငံခြားရေးဝန်ကြီးသည် ကြာသပတေးနေ့က ရောက်ရှိလာပြီး နေပြည်တော်၌ သမ္မတဦးသိန်းစိန်၊ နိုင်ငံခြားရေး ဝန်ကြီး ဦးဝဏ္ဏမောင်လွင်၊ အောက်လွှတ်တော်ဥက္ကဌ သူရဦးရွှေမန်းတို့နှင့်တွေ့ဆုံခဲ့ကြောင်း ရန်ကုန်မြို့ ဗြိတိန်သံရုံးမှ အရာရှိတဦးက မဇ္ဈိမ ကို ပြောသည်။
ရာစုနှစ်တဝက်ကျော်အတွင်း မြန်မာနိုင်ငံသို့ ပထမဆုံး ရောက်ရှိသည့် ဗြိတိန်နိုင်ငံခြားရေးဝန်ကြီးသည် ညနေပိုင်း တွင် တိုင်းရင်း သားခေါင်းဆောင်များနှင့် မြန်မာနိုင်ငံဆိုင်ရာ ဗြိတိန်သံအမတ်၏ နေအိမ်ဝင်းအတွင်း၌ တွေ့ဆုံခဲ့ သည်။
“နိုင်ငံရေးအနေအထားတွေသိအောင်၊ ကချင်ပြည်နယ်မှာ ဖြစ်နေတဲ့စစ်ပွဲတွေ၊ ပြည်တွင်းစစ် ရပ်စဲဖို့တွေကိုပြောဖို့ အဓိကထားတဲ့ အကြောင်း။ လူသားချင်းစာနာ ထောက်ထားတဲ့ အနေအထားတွေ ဆက်ဆောင်ရွက်မယ်။ Sanction နဲ့ပတ်သက်လို့ကတော့ ဗမာပြည်မှာ ပြုပြင်ပြောင်းလဲမှုတွေ လုပ်လာရင် တဖြေးဖြေး ပြောင်းလဲသွားမယ် ဆိုတဲ့ အကြောင်း ပြောပါတယ်” ဟု မစ္စတာ ဟိတ်၏ ပြောဆိုချက်ကို တွေ့ဆုံခဲ့သူ ရခိုင်ဒီမိုကရေစီအဖွဲ့ချုပ်မှ ဦးအေးသာအောင်က ဆိုသည်။
တွေ့ဆုံရာတွင် ၂ဝ၁ဝ ခု ရွေးကောက်ပွဲဝင် ပါတီခေါင်းဆောင်များနှင့် ၁၉၉ဝ ခု ရွေးကောက်ပွဲဝင် ပါတီခေါင်းဆောင် များ အတူ တကွ ပါဝင်သည်။ ကရင်ပြည်သူ့ပါတီမှ ဒေါက်တာဆိုင်မွန်သာ၊ ရှမ်အမျိုးသား ဒီမိုကရေစီပါတီမှ စောသန်းမြင့်၊ ရခိုင်တိုင်းရင်းသား ဖွံ့ဖြိုးတိုးတက်ရေးပါတီ မှ ဦးဦးလှစော၊ မွန်အမျိုးသား ဒီမိုကရေစီအဖွဲ့မှ ဒေါက်တာမင်းစိုးလင်း၊ မွန်ဒေသလုံးဆိုင်ရာ ဒီမိုကရေစီ ပါတီမှ နိုင်ငွေသိန်း၊ ချင်းတိုးတက်ရေးပါတီဥက္ကဋ္ဌ၊ ကယားအမျိုးသားခေါင်းဆောင်တဦး၊ ကချင်နှစ်ခြင်း ခရစ်ယာန် သိက္ခာတော်ရ ဆရာကြီး ဒေါက်တာ ဆဘွဲဂျွမ် တို့လည်း တက်ရောက်ကြသည်။
ဒေါက်တာ ဆဘွဲဂျွမ်က ကချင်ပြည်နယ်တိုက်ပွဲများနှင့် ဒုက္ခသည်များအရေးကို အဓိကထားပြောဆိုခဲ့ပြီး၊ ဦးအေးသာအောင်က တိုင်းရင်းသားများက ပင်လုံသဘောတူညီချက်ကို အခြေခံသည့် ဖက်ဒရယ်ပြည်ထောင်စုကို လိုလားကြောင်း တင်ပြခဲ့သည်ဟု ဆိုသည်။
“ပြည်တွင်းစစ် ရပ်ဖို့လိုတဲ့အကြောင်း၊ ပြည်ပက အဖွဲ့အစည်းအသီးသီးက ပြည်တွင်းကို ရောက်ဖို့လိုတယ်။ အာဏာရ အစိုးရ အဆက်ဆက်က တိုင်းရင်းသားတွေတင်ပြတာကို လစ်လျူရှုခဲ့တယ်။ အခုလည်း သူတို့က အပစ်ရပ်မယ်။ ဆွေးနွေးမယ်။ တချို့ကို စီးပွားရေးအခွင့်အလမ်းပေးမယ်၊ တချို့ကိုပါတီထောင် လွှတ်တော်ထဲဝင်ပြောမယ်။ ဒီလိုနဲ့တော့ စစ်မှန်တဲ့ ငြိမ်းချမ်းရေးမရနိုင်ဘူး။ ညောင်နှစ်ပင်ညီလာခံလို အခုလည်း ပင်လုံညီလာခံမျိုး နေပြည်တော်မှာ ကျင်းပဖို့ပြောနေတယ်။ ဒါလည်း မယုံကြည် လောက်ဘူး လို့ အန်ကယ်က ပြောပါတယ်” ဟု သူက ပြောသည်။
ဗြိတိန်ဝန်ကြီးကမူ တိုင်းရင်းသားခေါင်းဆောင်များနှင့် တွေ့ဆုံခွင့်ရသဖြင့် တိုင်းရင်းသားအရေး၊ ပြည်တွင်းစစ်အရေး များကို ကျယ် ကျယ်ပြန့်ပြန့်သိရသဖြင့် ကောင်းမွန်ကြောင်း ပြောဆိုခဲ့သည်ဟု ဆိုသည်။
အမျိုးသားဒီမိုကရေစီအဖွဲ့ချုပ် NLD ပါတီပြောခွင့်ရ ဦးဥာဏ်ဝင်းက “မြန်မာနိုင်ငံကိစ္စ၊ မြန်မာနိုင်ငံဟာ နိုင်ငံတကာ ထဲမှာ အထီး ကျန် မဟုတ်ဘူး။ ဝင်ဆံ့နေပြီဆိုတဲ့ အဓိပ္ပါယ်မျိုး ရတယ်” ဟု ခရီးစဉ်နှင့်ပတ်သက်၍ မှတ်ချက်ပြု ပြောဆိုသည်။
သောကြာနေ့တွင် ကျောင်းသားခေါင်းဆောင်များနှင့် နိုင်ငံရေးအကျဉ်းသားဟောင်းများဖြစ်သည့် ကိုလှမျိုးနောင်၊ ကိုမြတ်သူ၊ ကိုဇာ ဂနာတို့နှင့်လည်း မွန်းလွဲပိုင်းတွင် ဗြိတိန် သံအမတ်ကြီး၏ အိမ်ဝန်းအတွင်း တွေ့မည်ဖြစ်သည်။
ခရီးစဉ်အတွင်း တွေ့ဆုံဆွေးနွေးမှုများနှင့် ပတ်သက်၍ သောကြာနေ့ ညနေပိုင်းတွင် ဗြိတိသျှ ကောင်စီ၌ သတင်းစာ ရှင်းပွဲ တရပ်ပြုလုပ်မည်ဖြစ်သည်။
Ref: မဇ္ဈိမ
ဒီမိုကရေစီ ပီသဖို့ နိုင်/ကျဉ်းများကို လွှတ်ရန်လို
ကျော်ခ
ဇန်နဝါရီလ ၀၅ ရက် ၂၀၁၂ ခုနှစ်
ယခင်စစ်အစိုးရနှင့် မတူဘဲ ဒီမိုကရေစီနိုင်ငံ ထူထောင်နေကြောင်း သက်သေပြလိုလျှင် သမ္မတ ဦးသိန်းစိန် အစိုးရအနေဖြင့် နိုင်ငံရေး အကျဉ်းသားများကို ခြွင်းချက်မရှိ အမြန်ဆုံး လွှတ်ပေးဖို့ လိုအပ်
ကြောင်း သတင်းစာဆရာများက ပြောဆိုလိုက်သည်။
“အစိုးရက ဒီမိုကရေစီဆိုပြီးတော့ ကြွေးကြော်နေတယ်ဆိုရင် ဒီမိုကရေစီ တောင်းဆိုခြင်းကြောင့် ဖမ်းဆီးထားတဲ့ နိုင်ငံရေး အကျဉ်းသားတွေကို ထောင်ထဲမှာ မထားသင့်တော့ဘူး” အမျိုးသားဒီမိုကရေစီ အဖွဲ့ချုပ် ခေါင်းဆောင် သတင်းစာဆရာကြီး ဦးဝင်းတင် က မဇ္ဈိမကို ပြောသည်။
အစိုးရအနေဖြင့် ဒီမိုကရေစီနိုင်ငံတော် တည်ဆောက်ရာတွင် အမျိုးသားပြန်လည် သင့်မြတ်ရေးနှင့် ဒီမိုကရေစီ အသွင်ကူးပြောင်း ရေးကို အမှန်တကယ်ပင် လိုလားမှု ရှိသည်ဆိုလျင် နိုင်ငံရေး အကျဉ်းသားများ တယောက်မျှ မရှိသင့်တော့ဟု ပြည်သူ့ခေတ် ဂျာနယ် အယ်ဒီတာချုပ် ဦးဖေမြင့်ကလည်း ပြောသည်။
“အမျိုးသား ပြန်လည် သင့်မြတ်ရေးနဲ့ ဒီမိုကရေစီ အသွင်ကူးပြောင်းရေးဆိုရင်တော့ နိုင်ငံရေးကြောင့် အကျဉ်းကျနေ တဲ့ သူတွေဆိုတာ မရှိသင့်တော့ဘူးပေါ့ဗျာ၊ အမြန်ဆုံး လွှတ်ပေးဖို့ လိုအပ်တာပေါ့” ဟု ဦးဖေမြင့်က မဇ္ဈိမကို ပြောသည်။
အစိုးရသစ်အနေဖြင့် ယခင်စစ်အစိုးရနှင့် မတူဘဲ ဒီမိုကရေစီ အစိုးရတရပ်အဖြစ် ပြသနိုင်ဘို့အတွက် ယခင်အစိုးရ လက်ထက်က ဖမ်းစီးထားသော အကျဉ်းသားများကို လွှတ်ပေးဖို့ ရန်ကုန် မီဒီယာ အဖွဲ့ ဥက္ကဌ ဦးကိုကို က တိုက်တွန်း ပြောဆိုသည်။
“အကုန်လုံး လွှတ်ပေးပါလို့လည်း အစိုးရကို ကျနော့်အနေနဲ့ မေတ္တာရပ်ခံပါတယ်။ လွှတ်ပေးမှလည်းပဲ ရှေ့ဆက် သွားမယ့် ပြုပြင် ပြောင်းလဲမယ့် နိုင်ငံတကာရဲ့ ထောက်ခံမှုအတွက်ပေါ့လေ။ ဒီလိုမျိုး လွှတ်ပေးခြင်းအားဖြင့် အခက်အခဲ မရှိဘူး။ အကုန်လုံးက တိုင်းပြည်ချစ်တဲ့လူတွေ ဖြစ်တဲ့အတွက် တိုင်းပြည် ဆူပူအောင် မလုပ်ကြပါဘူး။ ဒေါ်အောင်ဆန်းစုကြည် ကိုယ်တိုင်လည်း လွှတ် တော် နိုင်ငံရေးမှာ ပါဝင်လာတဲ့ အတွက်ကြောင့် စိတ်ပူပန်မှုတွေ အားလုံးက အလိုလို ထိန်းကျောင်းသွားနိုင်လိမ့်မယ်လို့ ထင်ပါ တယ်” ဟု ဦးကိုကို က မဇ္ဈိမကို ပြောသည်။
မြန်မာအစိုးရအနေဖြင့် ဒီမိုကရေစီအစိုးရအဖြစ် ကြွေးကြော်နေသော်လည်း ၎င်းတို့သည် မူလက စစ်ဗိုလ်ချုပ်ဟောင်းများ ဖြစ်ကာ ယင်းအချိန်က ဖမ်းဆီးထားသော နိုင်ငံရေးအကျဉ်းသားများကို ရန်သူအဖြစ် သတ်မှတ်နေဆဲဖြစ်သဖြင့် လွှတ်မပေးဘဲ ထိန်းချုပ် ထား ခြင်းမျိုးဟု ယူဆကြောင်း ဦးဝင်းတင်က ပြောသည်။
“ဦးသိန်းစိန်တို့ ပျော့ပြောင်းတာကို အသုံးကျတယ်လို့ယူဆတဲ့ သူတွေနဲ့ ပျော့ကို ပျော့ပြောင်းချင်စိတ် မရှိဘူး ဆိုတဲ့ လူတွေ၊ ခေါင်းမာ ဂိုဏ်းတွေနဲ့ သူတို့ထဲမှာ လွန်ဆွဲနေတယ်လို့ ထင်တယ်။ အဲဒီလို လွန်ဆွဲနေခြင်းကြောင့် ဦးသိန်းစိန်တို့က လွှတ်ပေး ချင်တယ် ဆိုရင်တောင်မှ၊ သူရရွှေမန်းတို့ ဦးခင်အောင်မြင့်တို့က လွှတ်ပေးချင်တဲ့ဆန္ဒ ရှိရင်တောင်မှ သူတို့ထက်ခေါင်းမာတဲ့ လူတွေရှိနိုင်တာပေါ့။ အဲဒီလူတွေက သူတို့ထဲမှာ မလွှတ်ဖို့ တွန်းနေတယ်လို့ ကျနော်ထင်တယ်” ဟု သူက ပြောသည်။
ဇန်နဝါရီ ၂ ရက်နေ့ နိုင်ငံပိုင် ရုပ်မြင်သံကြားမှ သမ္မတ အမိန့်ဖြင့် ထုတ်ပြန်ခဲ့သော ပြစ်ဒဏ်လျှော့ပေါ့ခြင်းထဲတွင် ယုံကြည်ချက် ကြောင့် အကျဉ်းကျနေသည့် ၁၅၇၁ ဦးအနက်မှ လွတ်ရက်စေ့နှင့် လွတ်ရက်နီး နိုင်ငံရေး အကျဉ်းသား ၃၄ ဦးသာ လွတ်မြောက် ခဲ့ပြီး ထောင်ဒဏ် ၆၅ နှစ်စီ ကျခံနေရသော ၈၈ မျိုးဆက် ကျောင်းသားခေါင်းဆောင်များနှင့် ထောင်ဒဏ် ၉၃ နှစ် ကျခံနေရ သော ရှမ်းတိုင်းရင်းသား ခေါင်းဆောင် ဦးခွန်ထွန်းဦးတို့ လွတ်မြောက်လာခြင်း မရှိပေ။
နိုဝင်ဘာလတွင်းက မြန်မာနိုင်ငံသို့ ရောက်ရှိခဲ့သည့် အမေရိကန် နိုင်ငံခြားရေးဝန်ကြီး မစ္စကလင်တန်အား နိုင်ငံရေး အကျဉ်း သားများ လွှတ်ပေးပါမည်ဟု အောက်လွှတ်တော် ဥက္ကဋ္ဌ သူရဦးရွှေမန်းက ကတိပေးခဲ့သေးသည်။ သို့သော် ယခု ထောင်ဒဏ် လျှော့ပေးခဲ့သည့် လွတ်ငြိမ်းချမ်းသာခွင့်ကိုမူ စိတ်ပျက်ကြောင်း အမေရိကန် နိုင်ငံခြားရေး ဝန်ကြီးဌာန ပြောခွင့်ရအမျိုးသမီး Victoria Nuland က အင်္ဂါနေ့က ဝါရှင်တန်တွင် ပြုလုပ်သည့် ပုံမှန် သတင်းစာ ရှင်းလင်းပွဲတွင် ပြောဆိုသည်။
Ref: မဇ္ဈိမ
တိုက်ပွဲများကြောင့် မိုးကောင်း-ဖားကန့်လမ်း ပိတ်ထားရ
ဖနိဒါ
ဇန်နဝါရီလ ၀၅ ရက် ၂၀၁၂ ခုနှစ်
ကချင်ပြည်နယ်တွင် တိုက်ပွဲများ ဆက်လက်ဖြစ်ပွားနေခြင်းကြောင့် မိုးကောင်း-ဖားကန့် လမ်းအား ဗုဒ္ဓဟူးနေ့မှစ၍ ပိတ်လိုက် ကြောင်း ကချင်လွတ်မြောက်ရေးတပ် KIA မှ အရာရှိတဦးက ပြောသည်။
ဖားကန့်မြို့နယ်အတွင်း မြောက်ပိုင်းတိုင်း စစ်ဌာနချုပ် လက်အောက်ခံ တပ်ရင်းနှင့် စစ်ကိုင်း၊ ပြည် (အင်းမ)၊ မကွေးမြို့များတွင် အခြေစိုက်သည့် တပ်မ ၃၃၊ ၆၆၊ ၈၈ တို့မှ အင်အား ၃ဝဝ ခန့်နှင့် KIA တပ်မဟာ ၂ လက်အောက်ခံ တပ်ရင်း ၆ တပ်ဖွဲ့တို့ တိုက်ပွဲများ ဖြစ်ပွားနေသဖြင့် မိုးကောင်း-ဖားကန့် ကားလမ်းမကို ရက်အကန့်အသတ်မရှိ ပိတ်လိုက်ခြင်း ဖြစ်သည်။
“ကျနော်တို့ KIA ရင်း ၆ နယ်မြေဘက် အစိုးရတပ်တွေ ထိုးစစ်တင်လာလို့ လမ်းပိတ်လိုက်တာ။ တိုက်ပွဲဖြစ်လာရင် ပြည်သူ တွေ မထိအောင်၊ ပြည်သူတွေကို အရင်ကာကွယ်တဲ့ ရည်ရွယ်ချက်နဲ့ ပိတ်လိုက်တာပါ” ဟု တပ်မဟာ ၂ ဌာနချုပ်မှ KIA အရာရှိ တဦးက မဇ္ဈိမကို ပြောသည်။
ဖားကန့်မြို့နယ် နမ်ရာနှင့် ကားမိုင်းကြားတွင် ဇန်နဝါရီလ ၃ ရက်နေ့က တိုက်ပွဲဖြစ်ပွားခဲ့သလို၊ ဗုဒ္ဓဟူးနေ့မှစ၍ ကြာသပတေး နေ့ထိ တံတားညီနောင်တွင် တိုက်ပွဲများ ဆက်လက် ဖြစ်ပွားနေခြင်း ဖြစ်သည်။
“ကားတွေကိုတော့ မသွားခိုင်းတော့ဘူး။ အစိုးရဘက်က ထိုးစစ်ဆင်မှု၊ လှုပ်ရှားတဲ့အခြေအနေကို ကြည့်ပြီး ပြန်ဖွင့် သင့်ရင် ဖွင့် မယ်။ အစိုးရ စစ်ကြောင်းတွေက ကားလမ်းအတိုင်းမသွားဘဲ တောလမ်းလို ထိုးဝင်လာတာ ရှိတယ်ဆိုတော့ သူတို့ လှုပ်ရှားမှု ပေါ်မူတည်မယ်”ဟု အဆိုပါအရာရှိက ပြောသည်။
သမ္မတ ဦးသိန်းစိန်က ပြီးခဲ့သည့်နှစ် ဒီဇင်ဘာလ ၁ဝ ရက်နေ့က ထိုးစစ်မဆင်ရန် ကာကွယ်ရေးဦးစီးချုပ်ရုံးသို့ ညွန်ကြားထား ပြီးနောက် တိုက်ပွဲပေါင်း ၁၀၀ ကျော် ဖြစ်ပွားခဲ့သလို KIO ဘက်မှ တပ်ဆုတ်လိုက်ရမှုများလည်း ဆက်လက် ရှိနေသည်။
ဗုဒ္ဓဟူးနေ့ကလည်း KIO ၏ တပ်မဟာ ၃ နယ်မြေ ရှေ့တန်း စခန်းတခုဖြစ်သော ယောရုံစခန်းအား အစိုးရဘက်မှ ၁၀၅ မမ၊ ၁၂၀ မမ စသည့် လက်နက်ကြီးများနှင့် ပစ်ခတ် တိုက်ခိုက်ခြင်းကြောင့် ပြန်လည် ဆုတ်ခွာပေးလိုက်ရ သည်ဟု ပြောရေးဆို ခွင့်ရှိသူ ဦးလနန်က မဇ္ဈိမကို ပြောသည်။
“၁၀ ရက်လောက်ရှိပြီ အစိုးရဘက်က ထိုးစစ်ဆင်နေတာ။ အစိုးရတပ်ဘက်က လက်နက်ကြီးတွေနဲ့ အရမ်းပစ်လာ လို့ မခံနိုင် တော့လို့ ဆုတ်လိုက်တာ။ ကျနော်တို့ ရဲဘော်တွေရဲ့ အသက်ကို အလကား အဆုံးရှုံးမခံနိုင်ဘူး။ အသက် အန္တရာယ် ရှိလာလို့ ဆုတ်ပေးလိုက်တာပဲ” ဟု ပြောသည်။
ယော်ရုံစခန်းမှာ အစိုးရ၏ ဇင်လွမ်တပ်စခန်းနှင့် လွယ်ဂျယ်စခန်းကို ဆက်သွယ်ရန် အဓိကကျသည့် စခန်းဖြစ်ပြီး ၂ဝ၁၁ ဇူလိုင် လပိုင်းက KIO ဘက်မှ သိမ်းယူထားခဲ့ခြင်း ဖြစ်သည်။
အလားတူ ယခုရက်ပိုင်းလည်း မြစ်ကြီးနား-ဗန်မော်ကားလမ်းပေါ်ရှိ ဂျာပူတပ်စခန်းတခုကိုလည်း KIO က ဆုတ်ခွာ ပေးလိုက်ရ သည်ဟု ဦးလနန်က ပြောသည်။
ပြည်ထောင်စုအဆင့် ငြိမ်းချမ်းရေးအဖွဲ့နှင့် ပြန်လည်တွေ့ဆုံရန် KIO ဘက်မှ ကိုယ်စားလှယ် ၆ ဦးပါ အဖွဲ့ကို ရွေးချယ်ထား ပြီး ဖြစ်ကြောင်းနှင့် ယခုလလယ်တွင် နှစ်ဘက် ပြန်လည် တွေ့ဆုံဖွယ်ရှိသည်ဟု KIO သတင်း ရပ်ကွက်မှ သိရသည်။
Ref: မဇ္ဈိမ
မှားယွင်းတဲ့ စနစ်ကို ပြည်သူ လက်မခံဘူးဆိုတာ ပြလိုက်တာ
မျိုးသန့်
ဇန်နဝါရီလ ၀၅ ရက် ၂၀၁၂ ခုနှစ်
‘အဲ့ဒီအခန်းဖြတ်’ ရုပ်ရှင် ဇာတ်လမ်းတို ပရိတ်သတ် အကြိုက်ဆုံး ဆုရရှိခြင်းသည် မြန်မာ နိုင်ငံ ဝန်ကြီးဌာနများမှ ဝန်ထမ်း အချို့၏ လုပ်ရပ်များကို အများပြည်သူမှ လက်မခံကြောင်း ပြသသည့် ပြယုဂ် ဖြစ်သည်ဟု ဒါရိုက်တာဝိုင်း က ပြောသည်။
"ကျနော်တို့ ရုပ်ရှင်လောကမှာ ဖြစ်နေတာတွေ မှားယွင်းတဲ့ စနစ်တခုကို ပြည်သူထု ပရိသတ်က လက်မခံတဲ့ ပြယုဂ် တခုပါ။ ကျနော်တို့နိုင်ငံရဲ့ မှားယွင်းတဲ့ စနစ်တွေရယ် ဝန်ကြီးဌာနတိုင်း ဝန်ကြီးဌာနတိုင်းက ကိုယ့်ဘာသာ ကိုယ် ကာကွယ်နေတာတွေကို ပြည်သူလူထုက လက်မခံဘူးဆိုတာကို ပြသတဲ့ ပြယုဂ်တခုလို့ ကျနော်ထင်ပါတယ်။" ဟု ဝိုင်း က မဇ္ဈိမကို ပြောသည်။
ဇန်နဝါရီ ၁ ရက်နေ့မှ ၃ ရက်နေ့အထိ ရန်ကုန်မြို့ ပြည်လမ်းရှိ တော်ဝင်စင်တာတွင် ပြုလုပ်သည့် ရုပ်ရှင်ပွဲတော် တွင် ပရိသတ် အကြိုက်ဆုံး ရုပ်ရှင်ဇာတ်လမ်းကို ရွေးချယ်ရာတွင် မဲပေးသူ တသောင်းကျော် အနက် ၇,ဝဝဝ ကျော် က အကြိုက်ဆုံးကား အဖြစ် ‘အဲ့ဒီအခန်းဖြတ်’ ဇာတ်ကားကို ရွေးချယ် မဲပေးခဲ့ခြင်းဖြစ်သည်။
‘အဲ့ဒီအခန်းဖြတ်’သည် ပြန်ကြားရေး၊ ပြည်ထဲရေး၊ ကျန်းမာရေး၊ ယဉ်ကျေးမှု၊ သာသနာရေးစသည့် ဝန်ကြီးဌာနများမှ ဝန်ထမ်း များနှင့် ဖွဲ့စည်းထားသည့် ရုပ်ရှင်ဆင်ဆာဘုတ်အဖွဲ့မှ ယင်းတို့ကိုယ်စားပြုသည့် ဝန်ကြီးဌာနကို ထိခိုက်စေမည့် ပြကွက်များ စိစစ် ဖြတ်တောက်ပုံကို သရုပ်ဖေါ် ရိုက်ကူးထားခြင်းဖြစ်ရာ ပရိသတ် အကြိုက်တွေ့ခဲ့ခြင်းဖြစ်သည်။
The art of freedom film festival ဟုအမည်ပေးထားသော လွတ်လပ်ခြင်းအနုပညာ ရုပ်ရှင်ပွဲတော်သည် လွတ်လပ်ခြင်း၏ အနှစ်သာရနှင့် “လွတ်လပ်ခြင်း” ဟူသည့် အဓိပ္ပါယ်ကို ထင်ဟပ်စေသည့် ရုပ်ရှင်ဇာတ်လမ်းများ ကို ရိုက်ကူးတင်ဆက်စေခြင်းဖြစ်သည်။
ရုပ်ရှင်ပွဲတော်တွင် အကောင်းဆုံး ရုပ်ရှင်ဇာတ်လမ်းတိုဆုကို ဒါရိုက်တာမင်းသိုက် ၏ ‘ကြိုး’၊ အကောင်းဆုံး Animation ဆုကို ဒါရိုက်တာ ဇော်ဘိုဘိုဟိန်း ၏ ‘Freedom and unity’၊ အသက်အငယ်ဆုံး ဒါရိုက်တာဆုကို
‘Still in the dark’ ဇာတ်ကားဖြင့် ၁၉ နှစ်အရွယ် ဒါရိုက်တာ အောင်ဇော်မိုး၊ အကောင်းဆုံး မှတ်တမ်းရုပ်ရှင် (Documentary film) ဆုကို ဒါရိုက်တာ စိုင်းကျော်ခိုင် ၏ ‘Click In Fear’ နှင့် ပရိသတ် အကြိုက်ဆုံး ရုပ်ရှင် ကားကို ဒါရိုက်တာ ဝိုင်း ‘အဲ့ဒီအခန်းဖြတ်’ ရုပ်ရှင်ကားတို့ ရရှိခဲ့ကြသည်။
ဒါရိုက်တာများက ပေးပို့လာသည့် ၁၈၈ ကားမှ ဆန်ကာတင် ၅၄ ကားရွေးချယ်ကာ အထက်ပါ ရုပ်ရှင် ၅ ကားကို ရွေးချယ် ဆုပေးခဲ့ခြင်းဖြစ်သည်။
"ကျနော်တို့ ရွေးချယ်တဲ့ ၅ ကားလုံးက အဲဒီ Freedom ဆိုတဲ့ အဓိပ္ပါယ်ကို သူတို့အနုပညာ၊ သူတို့ အတတ်ပညာနဲ့
ဖေါ်ဆောင် နိုင်တယ်လို့ ကျနော်ယုံကြည်ပါတယ်" ဟုလည်း ဆုရွေးချယ်ရေး ကော်မတီဝင် ဒါရိုက်တာ မင်းထင်ကိုကိုကြီးက ပြောသည်။
ပွဲတော်မတိုင်ခင် ရုပ်ရှင်ကားအချို့ အင်တာနက်ပေါ်တွင် ပြန့်နှံ့လာခဲ့ရာ ပြိုင်ပွဲစည်းကမ်းနှင့် မညီခြင်းကြောင့် ပယ်ဖျက်ရန် စဉ်းစား ခဲ့သော်လည်း ကာယကံရှင်များ၏ ဖြေရှင်းစာ ရေးသားပေးပို့မှုကြောင့် ပြန်လည် လက်ခံခဲ့ခြင်း ဟုလည်း မင်းထင်ကိုကိုကြီးက ပြောသည်။
"နောက်နှစ်တွေမှာတော့ ကျနော်တို့ စည်းကမ်းချက်တွေကို ပိုပြီးတော့ တင်းတင်းကျပ်ကျပ် လုပ်သွားမှာ ဖြစ်ပါ တယ်။ ဒီဟာ ကတော့ ကျနော်တို့ ပထမဆုံး ရုပ်ရှင်ပွဲတော်ဖြစ်လို့ လျှော့ပေးထားပါတယ်" ဟုလည်း သူက ပြောသည်။
ဆုရရုပ်ရှင်ကားများကို အတိုက်အခံခေါင်းဆောင် ဒေါ်ဆောင်ဆန်းစုကြည် ကိုယ်တိုင် ဆုချီးမြှင့်ခဲ့ပြီး ဆုကြေးငွေမှာ တကားချင်း စီအတွက် ကျပ်ငွေ ၁ဝ သိန်း ဖြစ်သည်ဟုလည်း သိရသည်။ ပြိုင်ပွဲတွင် ဆုရရှိသည့် ရုပ်ရှင်ဒါရိုက်တာ သုံးဦးကို အခြား ရုပ်ရှင် ကားများ ထုတ်လုပ်နိုင်ရန် ဂျာမဏီနိုင်ငံမှ ရုပ်ရှင်ဒါရိုက်တာများနှင့် ရုပ်ရှင်ပညာရှင်များက အမေရိကန်ဒေါ်လာ ၅,၀၀၀ စီ ပံ့ပိုး ပေးမည် ဖြစ်ပြီး ထိုမှ ထုတ်လုပ်လိုက်သည့် ရုပ်ရှင်ကားများကို နိုင်ငံတကာ ရုပ်ရှင်ပွဲတော်များသို့ ပေးပို့ ယှဉ်ပြိုင်စေမည် ဖြစ်သည်။
ဆန်ကာတင် ရွေးချယ်ခံခဲ့ရသည့် ရုပ်ရှင်ကား ၅၄ ကားမှ ဒါရိုက်တာများထဲမှ ၂၀ ဦးကို ရွေးချယ်ကာ ယခုလ ၁၅ ရက်နေ့မှ ၂၉ ရက်နေ့အထိ ရန်ကုန်မြို့ အမေရိကန် စင်တာတွင် အလုပ်ရုံ ဆွေးနွေးပွဲတခု ပြုလုပ်မည်ဟုလည်း သိရသည်။
‘လွတ်လပ်ခြင်းအနုပညာ ရုပ်ရှင်ပွဲတော်’ တွင် ပရိသတ်အကြိုက်ဆုံး ရုပ်ရှင်ဇာတ်ကားဆု ရရှိခဲ့သည့် ဒါရိုက်တာဝိုင်း က "ကျနော် ကတော့ လောလောဆယ်မှာ ပီတိဖြစ်နေတယ်။ ဝမ်းသာနေတယ်။ Youtube ပေါ်မှာကြည့်တဲ့ ပရိသတ်တွေကော ကျနော့်ရဲ့ ပရိသတ်အားလုံးကို Special Thanks ပါ။" ဟု မဇ္ဈိမကို ပြောဆိုသွားခဲ့သည်။
Ref: မဇ္ဈိမ
ကားအရှုပ်တော်ပုံ သတင်း အခွန်ဌာန ဂယက်ရိုက်
January 5, 2012
ဘဏ္ဍာရေးနှင့် အခွန် ၀န်ကြီးဌာန လက်အောက်ရှိ အကောက်ခွန်ဦးစီးဌာန ၀န်ထမ်းများသည် ခွင့်ပြုချက်မရဘဲ ပြည်တွင်းပြည်ပ သတင်းမီဒီယာများနှင့် ဆက်သွယ်သတင်းပေးဖြေကြားမှု ပြုလုပ်ပါက ထိရောက်စွာ အရေးယူခံရမည်ဟု ညွှန်ကြားထားကြောင်း သတင်းရရှိသည်။
လာဘ်ပေး လာဘ်ယူမှု ဆိုင်ရာ သတင်းများ၊ မသမာမှုများ ဖော်ထုတ်စုံစမ်း စစ်ဆေးသည့် သတင်းများနှင့် ဌာနတွင်း သတင်း အချက် အလက်များ ပေါက်ကြားပါက အစိုးရ လျှို့ဝှက် အက်ဥပဒေအရ အရေးယူမည်ဟု ထုတ်ပြန်ထားကြောင်း အကောက်ခွန် ဦးစီးဌာန ၀န်ထမ်းတဦးက ပြောသည်။
အကောက်ခွန်ဦးစီးဌာနတွင် ၀န်ကြီးမှအစ ညွှန်ကြားရေးမှူးချုပ်၊ ညွှန်ကြားရေးမှူး အပါအ၀င် အငယ်တန်း အရာရှိများအထိ သိန်း ရာထောင်ချီ လာဘ်ငွေယူပြီး တရားမ၀င် ကားတင်သွင်းမှုများတွင် ပါဝင်ပတ်သက်ကြောင်း အဂတိ လိုက်စားမှုများကို ပြီးခဲ့သည့် ၂၀၁၁ ခုနှစ် ဒီဇင်ဘာ လဆန်းနှင့် အောက်တိုဘာလ များအတွင်း ဧရာဝတီက ထုတ်ဖော် ရေးသားခဲ့သည်။
အဆိုပါသတင်း ပေါက်ကြားမှုသည် ဌာနတွင်း ဂယက်ရိုက်ခတ်မှုများစွာ ဖြစ်ပေါ်ခဲ့ကြောင်း၊ လက်ထောက် ညွှန်ကြားရေးမှူး ဦးအောင်ရဲထွဋ် ထွက်ပြေးတိမ်းရှောင်သည်အထိ ဖြစ်ပေါ်ခဲ့ပြီး ညွှန်ကြားရေးမှူးချုပ် ဦးထွန်းသိန်းက ဌာနတွင်း သတင်းများကိုပြင်ပ သို့ ထုတ်လျှင် အစိုးရ၏ လျှို့ဝှက် အက်ဥပဒေ အရ အရေးယူမည်ဟု ပြောဆိုမှုများ ထွက်ပေါ်လာခြင်းဖြစ်ကြောင်း သိရှိရသည်။
“ဌာနတွင်းက သတင်းတွေ အပြင်ကို ထုတ်တာက အစိုးရလျှို့ဝှက် အက်ဥပဒေ ချိုးဖောက်တာပဲ၊ အဲဒီ ဥပဒေနဲ့ အရေးယူမယ် ပေါ့၊ အစည်းအဝေးခေါ် သတိပေးတာမျိုးမဟုတ်ဘဲနဲ့ နှုတ်မိန့်နဲ့ တဦးချင်းစီကို ညွှန်ကြားတာမျိုး၊ အဲဒီလို သတိပေးတယ်ဆိုတဲ့ သတင်း ကို ထပ်ပြီး သတင်းမီဒီယာတွေ ရောက်သွားမှာလည်း ကြောက်ပုံရတယ်”ဟု ရန်ကုန် အကောက်ခွန် ညွှန်ကြားရေး မှူးချုပ် ရုံးမှ အရာရှိ တဦးက ပြောဆိုသည်။
ရန်ကုန်ဆိပ်ကမ်းမှ တရားမ၀င်ကားတင်သွင်းမှုများကို အကောက်ခွန်ဦးစီးဌာနမှ အရာရှိကြီးများ အပါအ၀င် ၀န်ထမ်း ၆၀ ကျော် ပါဝင်ပတ်သက်ခဲ့သော်လည်း အရေးယူမှုမရှိဟူသော သတင်းအား ဧရာဝတီက ဒီဇင်ဘာ လဆန်းက ဖော်ပြခဲ့ရာ နိုင်ငံတော် သမ္မတ ရုံး အထိ ဂယက်ရိုက်ခဲ့ကြောင်းလည်း သိရှိရသည်။
“စသုံးလုံးက အကောက်ခွန်ဦးစီးဌာနမှာ ဒုတိယအကြိမ် လာစစ်တာတွေ လုပ်နေတယ်၊ လာဘ်စားမှုပါတဲ့ အရာရှိတွေကို ခေါ်ထုတ် စစ်ဆေးတာမျိုး ရှိတယ်၊ ဒါပေမယ့် အရေးယူတာမျိုးတော့ မရှိသေးဘူး၊ အစစ်ခံရတဲ့ အရာရှိတွေကလည်း အလုပ်ဖြုတ်မခံရဘူး၊ နဂိုရှိရင်းစွဲရာထူးမှာပဲ ဆက်ပြီး လုပ်လို့ရတယ်၊ အရေးယူမှုက ရာထူးမတိုး၊ ရာထူးချ ၊ ဌာနရွှေ့ ပြစ်ဒဏ်မျိုးလောက်ပဲ ပေးမယ့်ပုံ ရှိတယ်၊ ရာထူးဖြုတ် ထောင်ချတာမျိုးလုပ်မယ်ဆိုရင် ၀န်ကြီးကအစ လွတ်မှာမဟုတ်ဘူး”ဟု အကောက်ခွန် ရှင်းလင်းရေး ၀န် ဆောင် မှု များအသင်းမှ တာဝန်ရှိသူတဦးက ပြောပြသည်။
အထူး စုံစမ်းစစ်ဆေးရေး ဦးစီးဌာန(စသုံးလုံး) က လာဘ်ပေးလာဘ်ယူမှုနှင့် စပ်လျဉ်းသော စုံစမ်းစစ်ဆေးမှုများကို ပြုလုပ် နေသော် လည်း အကောက်ခွန်ဦးစီးဌာနတွင် လာဘ်ပေးလာဘ်ယူမှုများ ဆက်လက်ဖြစ်ပွားနေဆဲဖြစ်သည်ဟုလည်း သိရှိရသည်။
“အစစ်ခံနေရတဲ့ သူတွေကလည်း အစစ်ခံနေရတယ်၊ အခြားတဖက်မှာလည်း လာဘ်စားတဲ့ သူက ဆက်စားတယ်၊ တကယ်လို့ အပြစ် ရှိကြောင်းတွေ့လို့ ထောင်ကျသွားခဲ့ရင်တောင် မိသားစုတွေ ချမ်းချမ်းသာသာနဲ့ နေနိုင်တဲ့ အခြေအနေမျိုးအထိ ရောက်အောင်
အရာရှိတွေက စီးပွားရှာနေကြတယ်၊ အဲဒါကြောင့်လည်း မကြောက်ကြတာဖြစ်နိုင်တယ်”ဟု အကောက်ခွန်ဦးစီးဌာနနှင့် ဆက်သွယ် လုပ်ကိုင် နေသော ပို့ကုန် သွင်းကုန် ကုမ္ပဏီပိုင်ရှင် တဦးက ပြောဆိုသည်။
၂၀၀၆ ခုနှစ်ကလည်း လာဘ်ပေးလာဘ်ယူမှုဖြင့် အကောက်ခွန် ညွှန်ကြားရေးမှူးချုပ် ဦးခင်မောင်လေး အပါအ၀င် အကောက်ခွန် ၀န်ထမ်း ၆၀၀ ကျော်ကို ဖမ်းဆီးထောင်ချမှု ဖြစ်ပွားခဲ့သည်။
Ref: ဧရာဝတီ
SSA တောင်ပိုင်း နေပြည်တော်သွားမည်
သန်းထိုက်ဦး
January 5, 2012
ပြည်ထောင်စု အဆင့် ငြိမ်းချမ်းရေး ထပ်မံ ဆွေးနွေးရန် ရှမ်းပြည် တပ်မတော် တောင်ပိုင်း (SSA-S) နှင့် အစိုးရ ကိုယ်စား လှယ် များ ယခုလ တတိယ အပတ်၌ နေပြည်တော်တွင်တွေ့ဆုံကြမည် ဖြစ်သည်။
တွေ့ဆုံပွဲတွင် အစိုးရ ကိုယ်စားလှယ် အဖွဲ့ကို မီးရထားဝန်ကြီး ဦးအောင်မင်း ဦးဆောင်မည် ဖြစ်ပြီး SSA-S ဘက်က ကိုယ်စား လှယ် ၁၀ ဦးခန့် ပါဝင်မည် ဖြစ်ကြောင်း သိရသည်။
ယင်းဆွေးနွေးပွဲသို့ တက်ရောက်ရန် အစိုးရက ဒု ဗိုလ်ချုပ်ကြီး ရွက်ဆစ်ကို ဖိတ်ကြားထားသော်လည်း မဆုံဖြတ်ရသေးကြောင်း SSA -S ပြောခွင့်ရ ပုဂ္ဂိုလ် စိုင်းလောင်ဆိုင်းက ဧရာဝတီသို့ ပြောသည်။
အပစ်အခတ် ရပ်စဲရေး၊ နိုင်ငံရေး ပြဿနာများကို နိုင်ငံရေးနည်းလမ်းအရ လွတ်လပ်စွာဖြေရှင်းရေး၊ ဗဟို နယ်မြေဒေသ သတ် မှတ် ပေးရေးနှင့် ဖွံ့ဖြိုးတိုးတက်မှု လုပ်ငန်းများ လုပ်ဆောင်နိုင်ရေး၊ ပြည်ထောင်စု မြန်မာနိုင်ငံတော် အစိုးရနှင့်အတူ ပူးပေါင်း၍ မူးယစ်ဆေးဝါး တိုက်ဖျက်ရေး စသည့် အချက်များကို အဓိက ဆွေးနွေးမည် ဖြစ်ကြောင်း ၎င်းက ဆိုသည်။
“ကျနော်တို့ နေရာ ပြန်လည်ချထားရေးအတွက် ဗဟိုနယ်မြေဒေသကို သတ်မှတ်ပေးစေလိုတဲ့ ဆန္ဒနဲ့ ခေါင်းစဉ်ထားပါတယ်”ဟု စိုင်းလောင်ဆိုင်း က ဆက်ပြောသည်။
ရှမ်းပြည်နယ် တောင်ကြီး၊ ခိုလန်၊ ကျိုင်းတုံ၊ တာချီလိတ်၊ မိုင်းဆတ်မြို့နယ်များကို SSA-S ၏ နယ်မြေဒေသ အဖြစ် သတ်မှတ် ပေးရေး အတွက် ဆွေးနွေးမည်ဖြစ်ကြောင်းလည်း ၎င်းက ဆိုသည်။
ဇန်န၀ါရီလ ၁ ရက်နေ့က တောင်ကြီးမြို့တွင် အမှတ်(၂) လျှပ်စစ်စွမ်းအားဝန်ကြီးဌာန ၀န်ကြီး ဦးခင်မောင်စိုး ပါဝင်သည့် ကိုယ် စားလှယ် အဖွဲ့များနှင့် နောက်ဆုံး တွေ့ဆုံခဲ့ပြီး ပြည်ထောင်စု အဆင့် ငြိမ်းချမ်းရေး ဆွေးနွေးရန် သဘောတူခဲ့ခြင်း ဖြစ်သည်။
၂၀၁၀ ပြည့်နှစ် ဒီဇင်ဘာ၂ ရက်နေ့က အစိုးရနှင့် SSA-S အဖွဲ့ ကိုယ်စားလှယ်များ တောင်ကြီးမြို့တွင် တွေ့ဆုံဆွေးနွေးခဲ့ပြီး သဘောတူ လက်မှတ်ရေးထိုးခဲ့ကြသည်။
ရထားဝန်ကြီး ဦးအောင်မင်းနှင့် အမှတ်(၂) လျှပ်စစ်စွမ်းအားဝန်ကြီးဌာန ၀န်ကြီးဦး ခင်မောင်စိုးတို့က သက်သေခံ အနေနှင့် လက်မှတ်ရေးထိုးပေးခဲ့ကြောင်း သိရသည်။
ယခုလအတွင်း၌ပင် ကရင်အမျိုးသား အစည်းအရုံး (KNU)၊ ကချင်လွတ်လပ်ရေး အဖွဲ့ (KIO)၊ ချင်းအမျိုးသား တပ်ဦး(CNF) တပ်ဖွဲ့မှ ကိုယ်စားလှယ် တချို့တို့ကို အစိုးရက တွေ့ဆုံရန် ပြင်ဆင်ထားကြောင်း သိရသည်။
SSA-S တပ်က ယခင် မြန်မာ စစ်အစိုးရနှင့် အပစ်အခတ် ရပ်စဲရေး သဘောတူညီချက် မယူရသေးသည့် တိုင်းရင်းသားတပ်ဖွဲ့ အနည်းစုတွင် ပါဝင်သည့် လက်နက်ကိုင်အဖွဲ့ တခုဖြစ်သည်။
SSA-S သည် ရှမ်းပြည် ညီညွတ်ရေးနှင့် တော်လှန်ရေးတပ်(SURA)မှ ဒု ဗိုလ်ချုပ်ကြီး ရွက်ဆစ်က ပြောင်းလဲ ဖွဲ့စည်းခဲ့ခြင်း ဖြစ် သည်။ SURA သည် ၁၉၉၆ ခုနှစ်တွင် မြန်မာ စစ်အစိုးရထံ လက်နက်ချခဲ့သော ခွန်ဆာဦးဆောင်သည့် မော်ထိုင်း တပ်မတော် (MTA)မှ ခွဲထွက် အဖွဲ့ဖြစ်သည်။
Ref: ဧရာဝတီ
မီးဘေးဒုက္ခသည်များ နေရာရွှေ့ရမည်
ခင်ဦးသာ
January 5, 2012
မကြာမီ ပြန်လည် ဖွင့်လှစ်တော့မည့် ရန်ကုန်မြို့၊ မင်္ဂလာတောင်ညွန့် စာသင်ကျောင်း တချို့တွင် ခိုလှုံနေသော မီးဘေးဒုက္ခ သည်များ နေအိမ်သို့ ပြန်ကြရန် ဒေသခံ အာဏာပိုင်တို့က အင်္ဂါနေ့ မှစ၍ ဖိအားပေးနေကြောင်း သိရသည်။
“နေအိမ်တွေ (ပြင်ဆင်ရှင်းလင်းတာ) မပြီးစီးသေးဘဲ ပြန်ခိုင်းနေတော့ စိတ်ညစ်နေကြရတယ်၊ မီးလောင်တဲ့နေရာက မီးငြိမ်း သွားပေမယ့် တချို့နေရာတွေက အခုထိ မီးခိုတွေ ထွက်နေတုန်း၊ စနစ်တကျ ရှင်းလင်းမှု မရှိသေးပါဘူး” ဟု ဒုက္ခသည် တဦးက ဧရာဝတီကို ပြောသည်။
ဒီဇင်ဘာ ၂၉ ရက်နေ့က မီးလောင်ပေါက်ကွဲမှု ဖြစ်ပွားအပြီး အိုးမဲ့အိမ်မဲ့ ဖြစ်သွားသူများ၊ နေအိမ် ပျက်စီးသွားသူများသည် မင်္ဂလာတောင်ညွန့်ရှိ မဟာဝိဇယရာမ ဘုန်းကြီးကျောင်း၊ အထက (၇)၊ အမက (၂၄) တို့တွင် ဖွင့်လှစ်ထားသော ယာယီ ကယ်ဆယ်ရေး စခန်းများတွင် သွားရောက် ခိုလှုံခဲ့ကြသည်။
ဒုက္ခသည် တချို့အား နေအိမ် ပြန်ခိုင်းသည်မှာ မှန်ကန်သော်လည်း နေစရာ လုံးဝမရှိသူများအား ကယ်ဆယ်ရေး စခန်းများတွင် စောင့်ရှောက်ပေးထားကြောင်း မဟာဝိဇယရာမ ဆရာတော်ထံမှ သိရသည်။
“အတင်းအကျပ် ပြန်ခိုင်းတာတော့ မဟုတ်ပါဘူး၊ တချို့ကလည်း အိမ်ရောက်သွားရင် ပစ္စည်း မရမှာ စိုးရိမ်တဲ့ အတွက် မပြန် ချင်ဘဲ စခန်းမှာ နေချင်ကြတယ်” ဟု ဆရာတော်က ဧရာဝတီသတင်းဌာနကို မိန့်သည်။
စာသင်ကျောင်းများ ဖွင့်လှစ်တော့မည် ဖြစ်၍ စာသင်ကျောင်းမှ ဒုက္ခသည် တချို့ကို ဘုန်းကြီးတွင် နေထိုင်ရန် စီစဉ်ပေးထား ကြောင်း၊ အာဏာပိုင်များကလည်း တတ်အားသရွေ့ ကူညီပေးကြောင်း ဆရာတော်က မိန့်သည်။
ယာယီ ကယ်ဆယ်ရေး စခန်းများတွင် စီမံခန့်ခွဲမှု အားနည်းနေကြောင်း ဒုက္ခသည်များက ပြောသည်။
“ကွန်တိန်နာတွေနဲ့ လာလှူထားကြတဲ့ ပစ္စည်းတွေ အခန်းထဲမှာပဲ လှောင်ထားတယ်၊ တခုမှ မပေးဘူး၊ သူတို့ ပြောတာက နေအိမ် တွေ ပြန်ကြပါ၊ ပြီးရင် စာရင်းနဲ့ အတိအကျ ပေးမယ်လို့ အကြောင်းပြတယ်” ဟု ဒုက္ခသည် အမျိုးသမီး တဦးက ဆိုသည်။
လှုဒါန်းထားသည့် သောက်ရေသန့်ဘူးများကို သိမ်းဆည်း သိုလှောင်ထားသဖြင့် ဘုံဘိုင်မှ ရေကိုသာ သောက်နေကြရသည်ဟု ဒုက္ခသည်တချို့က ပြောသည်။
အလှူခံပစ္စည်းများကို အာဏာပိုင်တို့က ကောင်းမွန်စွာ သိမ်းဆည်းထားသည်ဟု ဆိုသည်။
“ပစ္စည်းတွေ မပေးတာလည်း စနစ်တကျ ပြန်လည် ဝေငှပေးနိုင်ဖို့ စီစဉ်ထားတယ်လို့ အာဏာပိုင်တွေက ပြောပါတယ်” ဟု မဟာဝိဇယရာမ ဆရာတော်က မိန့်ကြားသည်။
မင်္ဂလာတောင်ညွန့်မြို့နယ်၊ ကူးတို့ဆိပ်ရပ်ကွက်၊ မေတ္တာမွန် ဂိုဒေါင်အုပ်စုတွင် ဒီဇင်ဘာ ၂၉ ရက်နေ့ နံနက်က မီးလောင် ပေါက်ကွဲမှု ဖြစ်ပွားခဲ့သဖြင့် ၁၇ ဦး သေဆုံးခဲ့ကာ ၈၀ ကျော် ဒဏ်ရာရသွားကြောင်း အစိုးရက ထုတ်ပြန် ကြေညာခဲ့သည်။ အိမ်ထောင်စုပေါင်း ၂၂၆ စု အိုးမဲ့အိမ်မဲ့ ဖြစ်သွားသည်ဟု ဆိုသည်။
ပေါက်ကွဲမှုများမှာ ဂိုဒေါင်တခုအတွင်း ဗမာယမ်းစိမ်း အပါအ၀င် ပရဆေးအိတ် မျိုးစုံ မီးလောင်ရာမှ ဓာတ်ပြုသွားခြင်းကြောင့် ဖြစ်ကြောင်း၊ ပေါက်ကွဲမှု ပြင်းထန်သဖြင့် ရန်ကုန်တိုင်းဒေသကြီး အတွင်းရှိ မြို့နယ်အများအပြားမှ နေအိမ်တိုက်တာများ တုန်ခါ သွားပြီး ပုဇွန်တောင်ချောင်းအတွင်း ရေယာဉ်များလည်း ထိခိုက်မှု ရှိခဲ့ကြောင်း အစိုးရက ကြေညာခဲ့သည်။
ဒုက္ခသည်များအတွက် ဒုသမ္မတ စိုင်းမောက်ခမ်း၊ နာရေး ကူညီမှုအသင်း (ရန်ကုန်)၊ ဒေါ်အောင်ဆန်းစုကြည်၊ အနုပညာရှင်များ အပါအ၀င် တသီးပုဂ္ဂလိက အလှုရှင်များကလည်း သွားရောက် လှုဒါန်း အားပေးခဲ့ကြသည်။
Ref: http://burma.irrawaddy.org/archives/4511
လွတ်လပ်ခြင်း အငွေ့အသက်တွေနဲ့ ရုပ်ရှင်ပွဲတော်
အေးချမ်းမြေ့
January 5, 2012
ညနေ ၆ နာရီ မထိုးသေးပေမယ့် ရန်ကုန်မြို့ ပြည်လမ်းပေါ်ရှိ တော်ဝင်စင်တာရဲ့ ရှေ့မှာ လူတွေ အုံခဲနေပါတယ်။
၅ နာရီ မထိုးခင်ကတည်းက ခန်းမထဲမှာ လူတွေ နေရာယူနေပြီလို့သိထားပေမယ့် ဖိတ်စာနဲ့ ဝင်ရတဲ့ပွဲမို့ ဝင်ရတာ လွယ်လောက် တယ်လို့ ထင်မိတာ မှားသွားပါတယ်။ လူအုပ်ကြီးက မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် လာမယ်ဆိုတာ သိ ထားလို့ စောင့်နေကြပါတယ်။ လူကြားထဲ အတင်းတိုးဝင်မှပဲ တော်ဝင်ပလာဇာ အဝကို ရောက်ပါတယ်။ လုံခြုံရေးယူထားသူကို မေးကြည့်တော့ ခန်းမထဲကို အနောက်ပေါက်က ဝင်ရမယ်လို့ ဆိုပါတယ်။
လွတ်လပ်ရေးနေ့မှာ ကျင်းပတဲ့ လွတ်လပ်ခြင်းအနုပညာ ရုပ်ရှင်ပွဲတော် ဆုပေးပွဲနဲ့ အတူ သီးလေးသီးအငြိမ့်နဲ့ ဖျော်ဖြေမယ့်ပွဲဖြစ် လို့ လူတွေက တော်တော်လေး စိတ်ဝင်စားနေကြပါတယ်။
“လူတိုင်း ဝင်လို့မရဘူးလား” ဆိုတဲ့ အသံတွေ ဟိုက ဒီက ကြားနေရပါတယ်။
ဒီပွဲကို စီစဉ်သူတဦးဖြစ်တဲ့ ကိုဇာဂနာက “အစကတော့ ဖရီးရှိုးလုပ်မလို့ပဲ။ ဒါပေမယ့် လုံခြုံရေးကြောင့် အခုလို ဖိတ်စာနဲ့ စီစဉ်ရ တာပါ” လို့ ဖိတ်စာပေးရင်း ပြောခဲ့ပါတယ်။ သူ့အပြောအရ ဖိတ်စာတစောင်ကို လူဘယ်လောက်ဝင်ဝင်လို့ သိထားပေမယ့် တကယ့်တကယ် ဝင်မယ်လုပ်တော့ ဖိတ်စာတစောင်ကို ၂ ယောက်ပဲ ခွင့်ပြုတော့တယ်ဆိုတဲ့ ကြေညာသံကို ကြားလိုက်ရပါတယ်။
ဖိတ်စာလေးတွေ ကိုယ်စီကိုင်ထားသူတွေ တန်းစီ ရပ်နေချိန်မှာ မိုးလေဝသနဲ့ ဇလဗေဒ ညွှန်ကြားရေးမှူးဟောင်း ဒေါက်တာ ဦးထွန်းလွင်ကို ငွေရောင်အထူးဖိတ်စာလေး ကိုင်လျက်သား တန်းစီနေတာ တွေ့ရပါတယ်။ လုံခြုံရေးယူထား သူတွေက အိတ် တွေဖွင့်စစ်နေချိန်မှာ ဖိတ်စာမရှိသူ တချို့က သူတို့ဝင်ရလို ဝင်ရငြား ဇွဲကောင်းကောင်းနဲ့ မေးနေသံ ကြားရပါတယ်။ လုံခြုံရေး ဝန်ထမ်းတွေက ဖိတ်စာပါလာပြီး တယောက်ထဲ လာသူတွေနဲ့ အဲဒီလို လူတွေကို တွဲပေးပြီး အထဲကို ပေးဝင်ပါတယ်။ ဒါပေ မယ့်လည်း အဲဒါက တော်တော်လေး ရှားပါတယ်။ လာတဲ့သူတွေက အနည်းဆုံး ၂ ယောက်စီ လာကြတာပါ။
ဓာတ်လှေခါး ပေါက်ထဲကို လူ ၈ ယောက်လောက်စီ ခွဲထည့်ပေးပြီး လုံခြုံရေးဝန်ထမ်းတဦးပါ ဓာတ်လှေခါးနဲ့ လိုက်တက်လာ ပါတယ်။ ၇ ထပ်ကိုအရောက် ဓာတ်လှေခါး ပွင့်လာတာနဲ့ ခန်းမကြီးကို ဘွားခနဲ တွေလိုက်ရပါ တော့တယ်။
“ဟိန်းရာဇာ” ဆိုတဲ့ ဆိုင်းဝိုင်းကြီးကို စင်မြင့်ပေါ်မှာ ပြင်ဆင်ထားတာ တွေ့လိုက်ရတယ်။ ခန်းမမှာချထားတဲ့ ထိုင်ခုံတွေကတော့ အကုန်ပြည့်နေပါပြီ။ မတ်တပ်ရပ်ပြီးပဲ အရှေ့ကို မျှော်ကြည့်နိုင်ပါတော့တယ်။
၆ နာရီ အတိမှာ ပွဲစပါပြီ။ ဒီရုပ်ရှင်ပွဲတော်ရဲ့ နာယက ဒေါ်အောင်ဆန်းစုကြည်က အဖွင့်မိန့်ခွန်းကို ခပ်တိုတိုပဲ ပြောပါတယ်။ လွတ်လပ်ခြင်းရဲ့ အဓိပ္ပာယ်နဲ့ ဒီပွဲ ဘာကြောင့်ကျင်းပရတယ် ဆိုတာပါပဲ။ လူရွှင်တော် ကိုဇာဂနာကတော့ ၆၄ နှစ်မြောက် လွတ်လပ်ရေးနေမှာ သူ့သူငယ်ချင်းတွေ လွတ်မြောက်လာမယ်လို့ သူမျှော်လင့်ထားခဲ့ပေမယ့် ဖြစ်မလာခဲ့ဘူးလို့ ကြေကြေကွဲကွဲ ဆိုပါတယ်။
ဆုရသူတွေကို ကြေညာဖို့အတွက် အနုပညာသမားတွေကို သူပဲ ခေါ်ယူပါတယ်။ ပထမဆုံး အန်နီမေးရှင်း ကာတွန်းရုပ်ရှင်ဆုကို ကြေညာဖို့အတွက် သရုပ်ဆောင် လူမင်းကို ဖိတ်ခေါ်လိုက်ပါတယ်။ ကာတွန်းရုပ်ရှင် ဆုကို ဒါရိုက်တာ ဇော်ဘိုဘိုဟိန်း ရရှိပါတယ်။ ကြေညာအပြီးမှာ ဒါရိုက်တာရဲ့ ကာတွန်းရုပ်ရှင် Unity and Freedom ကို ပြသပါတယ်။ အနုပညာရှင်တွေအတွက် ရည်ရွယ် ထားတဲ့ ကာတွန်းရုပ်ရှင်၊ လူတွေကို လွတ်လပ်စွာ ဖန်တီးခွင့် ရစေချင်တဲ့ စေတနာနဲ့ ဖန်တီးထားတဲ့ ကာတွန်း ရုပ်ရှင် လေးကို ပရိသတ်က လက်ခုပ်သြဘာ ပေးကြပါတယ်။
ဒုတိယ တဆုကတော့ မျက်နှာသစ်ထူးချွန်ဆုလို့ နာမည်ပေးထားပါတယ်။ ဒီဆုကိုတော့ အသက် ၁၉ နှစ်အရွယ်သာ ရှိသေးတဲ့ အောင်ဇော်မိုးက ရရှိပါတယ်။ ဆုကြေညာသူက ဒါရိုက်တာ ကြည်ဖြူသျှင်ပါ။ သူ့ဇာတ်ကားနာမည်က “Still in dark” ဖြစ်ပါတယ်။ အဖြူအမည်းနဲ့ ရိုက်ထားပြီး လူတယောက် တိုက်ခန်း တခန်းထဲမှာ နိုးထ၊ မျက်နှာသစ် သွားတိုက်၊ သော့အထပ် ထပ်ဖွင့်ပြီး မှောင်မည်းနေတဲ့ လမ်းပေါ်ကနေ စတိုးဆိုင် တဆိုင်ထဲကို သွား၊ စားစရာဝယ်၊ ပြန်လာ၊ ပြီးတော့
ကွန်ပျူတာ ဖွင့်၊ ကွန်ပျူတာက ဖွင့်မရ၊ ဘေးက ဖျာပေါ်မှာ ပြန်အိပ်၊ ပြန်နိုးထ ဒါကိုပဲ ထပ်တလဲလဲ ပြန်ပြတာပါ။
ညဘက်မှာနိုးထပြီး အပြင်ထွက်တယ်လို့ ထင်ရပေမယ့် စာတန်းထိုးပြတာက မနက် ၈ နာရီ ဖြစ်နေပါတယ်။ မနက် ၈ နာရီက ညလိုပဲ မှောင်မည်း နေတာကို ပြထားပါတယ်။ အမှောင်ထဲမှာ နေထိုင်သူတယောက်အကြောင်းကို သရုပ်ဖော်ထားပေမယ့် မြန်မာပြည်သား အားလုံးကို ရည်ရွယ်တယ်လို့ ယူဆမိပါတယ်။ အင်တာနက် ကွန်နက်ရှင်ကို စိတ်တိုပြီး မောက်စ်ကို လွှင့်ပစ် လိုက်တဲ့ ဒီလူရဲ့ ဘဝက လူငယ်ထုကို ကိုယ်စားပြု ချင်ပုံရပါတယ်။ ဒီဇာတ်ကားကိုလည်း ပရိသတ်က အားပေးပါတယ်။
နောက်တဆုကတော့ ဒါရိုက်တာ ဝိုင်း ရိုက်ကူးတင်ပြထားတဲ့ “အဲ့ဒီအခန်းဖြတ်” ဆိုတဲ့ ဇာတ်ကားဖြစ်ပါတယ်။ ပရိသတ် အကြိုက်ဆုံး ဆုကို ဒါရိုက်တာဝိုင်းက ရရှိတာပါ။ ဆုကြေညာသူက ဒါရိုက်တာ မောင်မျိုးမင်း (ရင်တွင်းဖြစ်) ဖြစ်ပါတယ်။ ဒါရိုက်တာ ဝိုင်းကို သူ့ မိတ်ဆွေ ရုပ်ရှင်လောကသားတွေက လက်ဆွဲနှုတ်ဆက်နေတာ တွေ့လိုက်ရပါတယ်။
ကိုဇာဂနာက ရုပ်ရှင်ပွဲတော် ကျင်းပနေချိန် ချထားတဲ့ မဲပုံးတွေထဲမှာ ရခဲ့တဲ့ ၁၀၀၅၄ မဲအနက် ၇၀၁၁ မဲနဲ့ ပရိသတ်အကြိုက်ဆုံး ဆုကို ရခဲ့တာလို့ ဆိုပါတယ်။ ဒီဇာတ်ကားကတော့ အားလုံး သိထားပြီးတဲ့ ဇာတ်ကားပါ။ ရုပ်ရှင်ပွဲတော် ဖွင့်ပွဲမတိုင်ခင် အင်တာ နက်ပေါ်မှာ ပြန့်နှံ့ခဲ့တဲ့ ဒီဇာတ်ကားက ရုပ်ရှင် ဆင်ဆာအဖွဲ့ကို သရော်ထားတာပါ။ ဒီဇာတ်ကားကို ပြသနေတဲ့အချိန်မှာ ပရိသတ် လက်ခုပ်သံ တဖြောင်းဖြောင်း ကြားနေရပါတယ်။ ပြသအပြီးမှာတော့ ဒီဇာတ်ကားထဲမှာ စွန့်စွန့်စားစားနဲ့ မကြောက်မရွံ့ ပါဝင် သရုပ်ဆောင်ပေးတဲ့ အနုပညာရှင်တွေကို ကျေးဇူးတင်ကြောင်း စာတန်းထိုးပြထားပါတယ်။
စတုတ္ထမြောက် ပေးတဲ့ဆုက အကောင်းဆုံး ဇာတ်လမ်းတို ဆု ဖြစ်ပါတယ်။ ဒီဇာတ်ကားအတွက် ဆုကို ကြေညာသူက သရုပ်ဆောင် အကယ်ဒမီ မင်းမော်ကွန်းပါ။ “ကြိုး” ဆိုတဲ့ ဇာတ်လမ်းတိုနဲ့ ဒါရိုက်တာ မင်းသိုက်က ဒီဆုကို ဆွတ်ခူးရ ရှိခဲ့ပါတယ်။
ရန်ကုန်မြို့နေ လူလတ်တန်းစား အများစု ကြုံတွေ့နေကျ အဖြစ်အပျက်ကလေးကို ရိုက်ပြထားတာပါ။ အဖွင့်မှာ ကြာနီကန် ဆရာတော် ရဲ့ မောရသုတ်တရားတော်နဲ့ စထားပါတယ်။ တိုက်ပေါ်က တန်းလန်းကျနေတဲ့ ကြိုးလေးတွေ အကြောင်းပါ။ ဒီကြိုး လေးတွေနဲ့ တိုက်ခန်းမြင့်နေလူတွေ ပစ္စည်းအပေးအယူလုပ်ရပုံက ရိုးရှင်းပေမယ့် အဓိပ္ပာယ် ပေါ်လွင်ပါတယ်။ ကြိုးကလေးကို လှုပ်လိုက်လို့ ခေါင်းလောင်းလေး မြည်သွားချိန် သရုပ်ဆောင်သူက ငုံ့ကြည့်လိုက်တော့ ကြိုးမှာ လက်ဖက်ရည်နဲ့ အီကြာကွေး လာချိတ်ပေးလိုက်တာကို မြင်လိုက်ရတော့ ခုံမှာ ထိုင်ကြည့်နေတဲ့ ပရိသတ်ထဲက ၁၀ နှစ်အရွယ် ကလေးတယောက်က နောက်က သူ့ဖခင်ဖြစ်သူကို လှည့်ကြည့်ပြီး ရယ်ပါတယ်။ ဖခင်ဖြစ်သူက “အဲဒီအဖြစ်က သူ နေ့တိုင်း ကြုံနေကျလေ” လို့ မေးဆတ် ပြုံးပြပြီး ပြောလိုက်ပါတယ်။
နောက်ဆုံးဆုကတော့ အကောင်းဆုံး မှတ်တမ်း ရုပ်ရှင်ဆုဖြစ်ပါတယ်။ ဆုကြေညာသူက ဘကြီးအောင်လို့ အများခေါ်ကြတဲ့ သရုပ်ဆောင် ဒါရိုက်တာအောင်လွင်ပါ။ ဆုရရှိသူကတော့ စိုင်းကျော်ခိုင်ဖြစ်ပါတယ်။ ရွှေဝါရောင် တော်လှန်ရေးကာလက ခက်ခက်ခဲခဲ သတင်းဓာတ်ပုံတွေ ရိုက်ယူခဲ့ပြီး သူ့ဓာတ်ပုံတွေက ကမ္ဘာအရပ်ရပ်မှာ အခုထိ အသုံးပြု ဖော်ပြနေရဆဲဖြစ်တဲ့ ဓာတ်ပုံသတင်းထောက် လောအယ်စိုး အကြောင်းကို ရိုက်ကူးထားတဲ့ မှတ်တမ်းရုပ်ရှင်ပါ။
ရွှေဝါရောင်တော်လှန်ရေး ကာလက စွန့်စားပြီး ဓာတ်ပုံတွေ ရိုက်ကူးခဲ့သူ လောအယ်စိုးဟာ ကရင်တိုင်းရင်းသား ခရစ်ယာန် ဘာသာဝင် တဦးဖြစ်ပြီး မအေးချမ်းတဲ့ နယ်စပ် ဒေသမှာ ကြီးပြင်းခဲ့ရသူ ဖြစ်ပါတယ်။ ရွှေဝါရောင် ရုပ်ပုံတွေက ရန်ကုန်လူထု အတွက် မဆန်းပေမယ့် လောအယ်စိုးကြီးပြင်းခဲ့တဲ့ ဒေသမှာ တိုက်ပွဲတွေဖြစ်နေတာတွေ၊ ပြေးလွှားနေတဲ့ တိုင်းရင်းသားတွေ၊ ဒဏ်ရာရသူတွေကတော့ ရန်ကုန်မြို့နေ ပရိသတ်အတွက် အဆန်းတကြယ်ဖြစ်နေပုံ ရပါတယ်။
လောအယ်စိုးရဲ့ အင်တာဗျူးတွေနဲ့အတူ ပြသနေတဲ့ ပုံရိပ်တွေဟာ ပရိတ်သတ်ကို ငြိမ်ကျသွားအောင် စွမ်းဆောင်နိုင်ပါတယ်။ အင်တာဗျူးဖြေရင်း မျက်ရည်ကျနေတဲ့ လောအယ်စိုးကို မြင်ရချိန်မှာ ပရိသတ်အသံ လုံးဝကို မကြားရတော့ပါဘူး။ ကျနော် ကတော့ လွတ်လပ်ရာဒေသကို ရောက်နေပြီ၊ ဒါပေမယ့် ကျနော့်ဓာတ်ပုံတွေထဲမှာ ပါခဲ့ကြသူတွေကတော့ အခုအထိ မလွတ် မြောက်နိုင်သေးဘူး ဆိုတဲ့ အဓိပ္ပာယ် သက်ရောက်တဲ့ စကားကို ပြောရင်း လောအယ်စိုး မျက်ရည်ကျတာပါ။ ဇာတ်ကားပြီးသွားပြီ ဆိုတော့မှ အားလုံးရဲ့ အားပေးလက်ခုပ်သံ ခန်းမထဲမှာ ဟိန်းထွက်လာပါတယ်။
ဒေါ်အောင်ဆန်းစုကြည် ကိုယ်တိုင် ဆုချီးမြှင့်တဲ့အတွက် ဆုရသူတွေ တော်တော်လေး ကျေနပ် ဝမ်းမြောက်နေတာ တွေ့ရပါ တယ်။ နှစ်စဉ်ကျင်းပတဲ့ အကယ်ဒမီပေးပွဲနဲ့ မတူတဲ့ အချက်ကတော့ စိန်ရောင်ရွှေရောင်တွေ ပြိုးပြက်နေတာ မတွေ့ရတာပါပဲ။ ဒါပေမယ့် စိန်ရွှေထက် သာတဲ့ အလင်းရောင်တွေကိုတော့ ပရိသတ်အားလုံးရဲ့ မျက်လုံးတွေထဲမှာ မြင်နေရပါတယ်။
ဆုချီးမြှင့်ပြီးချိန်မှာ ဆုရသူတွေအသီးသီး ကျေးဇူးတင်စကား ပြောကြပါတယ်။ ကာတွန်းရုပ်ရှင်ဆု ရတဲ့ ဇော်ဘိုဘိုဟိန်းက ကျေးဇူး တင်စကားနဲ့အတူ သူ့ဇာတ်ကားလေးအကြောင်း ရှင်းပြရာမှာ အနုပညာရှင် အားလုံးကို ရည်ရွယ် တင်ဆက်တဲ့အကြောင်း၊ မြန်မာ ပြည်က အနုပညာရှင်တွေဟာ မလွတ်လပ်ကြတဲ့အတွက် ဖန်တီးကြရာမှာ လိုရင်းကို မရောက်နိုင်တဲ့အကြောင်း ပြောချင်တာပါလို့ ဆိုပါတယ်။ သူ့ရဲ့ ကာတွန်းရုပ်ရှင်လေးကို လူအများ စုပေါင်းဖန်တီးကြတာ၊ အကြံဉာဏ်တွေ ယူရတာလို့လည်း ပြောပါတယ်။
ဒါရိုက်တာ ဝိုင်းကတော့ သူ့ဇာတ်ကားမှာ သရုပ်ဆောင်တဲ့ သူတွေကို ကျေးဇူး ထပ်တင်ကြောင်း ပြောပါတယ်။ ဖန်သားဆုလေးကို မြှောက်ပြပြီး “ဒါ ပရိသတ်ပေးတဲ့ ဆုစစ်စစ်။ ရိုးရိုးလေးပဲနော်၊ ရွှေကြယ်လည်း မပါဘူး” လို့ ပြောလိုက်တဲ့အတွက် ပရိသတ်က ရယ်မောရင်းလက်ခုပ် သြဘာပေးပါတယ်။
ဒါရိုက်တာ မင်းသိုက်ကလည်း သူ့ရဲ့ “ကြိုး” ဇာတ်ကားအကြောင်း ရှင်းပြပါတယ်။ လူတယောက်နဲ့ ရိုက်ထားပေမယ့် ဒီလူဟာ မြန်မာပြည်သား အားလုံးကို ကိုယ်စားပြုတယ်၊ လက်ဖက်ရည်နဲ့ အီကြာကွေးထုပ်ကလေး လက်ထဲရောက်ဖို့ ကြိုးစားရပုံ က မြန်မာပြည်သူပြည်သားတွေ နေ့စဉ် စားဝတ်နေမှု အတွက် ရုန်းကန်နေရတာကို ဆိုလိုတယ်၊ နောက်ဆုံး ဒီ စားသောက်စရာ အထုပ်ကလေးက လူရဲ့လက်ထဲကို ရောက်သွားတယ်။ ဒီနေ့အတွက်ပဲ၊ နောက်နေ့တွေမှာ ထပ်ရုန်းကန်ရဦးမယ်လို့ ဆိုလိုတယ် ဆိုတဲ့အကြောင်း ပြောလိုက်တော့ ပရိသတ်က လက်ခုပ်တီးအားပေးပါတယ်။ စားဝတ်နေရေးအတွက် မလွတ်လပ်တဲ့ လူထု အမှန်တကယ် လွတ်လပ်ပါစေလို့လည်း သူက ဆုတောင်းပါသေးတယ်။
စိုင်းကျော်ခိုင်ကတော့ သူ့ဆုကို ကိုယ်တိုင် တက်မယူနိုင်ခဲ့ပါဘူး။ ကိုယ်စား ယူပေးသူက ဒါရိုက်တာ မင်းထင်ကိုကိုကြီးပါ။
ဆုချီးမြှင့်အပြီးမှာ ဒေါ်အောင်ဆန်းစုကြည်က ဘုန်းတော်ကြီးသင် ပညာရေးကျောင်းတချို့ကို ငွေလှူဒါန်းသလို၊ တော်ဝင်ပလာဇာ မိသားစုကလည်း လူမှုကူညီရေးအဖွဲ့တွေ၊ လူမှု ပညာရေးအဖွဲ့တွေကို ငွေလှူပါတယ်။ တဖွဲ့ကို ကျပ်သိန်း ၅၀ လှူတာပါ။
ငွေလှူဒါန်းပွဲ အပြီးမှာတော့ တော်ဝင်ပလာဇာ မိသားစုရဲ့ ဥက္ကဋ္ဌ ဦးကိုကိုထွေးနဲ့ အဖွဲ့က ဂုဏ်ပြုတေး သီဆိုပါတယ်။
“ဗမာ့လွတ်လပ်ရေးအတွက် တပ်မတော်ဖွဲ့ဖို့ ဂျပန်ပြည်မှာကွယ်” ဆိုပြီး သီချင်းအစချီလိုက်တာနဲ့ ပရိသတ်က တခဲနက် အားပေး ပါတယ်။ သံပြိုင်ပိုဒ်ဖြစ်တဲ့ “ရာဇဝင်၊ အထ္ထုပ္ပတ္တိလည်း ရှိရမယ်” ဆိုတဲ့ နေရာမှာတော့ ပရိသတ် အားလုံး လက်ခုပ်တီးပြီး သံပြိုင် ဝင်ဆိုကြပါတယ်။
ရုပ်ရှင် ဆုပေးပွဲအဆုံးသတ် အနေနဲ့ ကိုဇာဂနာက စကားပြောရာမှာ နောက်ထပ် ရုပ်ရှင်ပွဲတော် ကျင်းပဦးမယ်လို့ ပြောလိုက်ပါ တယ်။
“နောက်တခါ ကျင်းပမယ့် ရုပ်ရှင်ပွဲတော်ရဲ့ နာမည်ကတော့ မင်္ဂလာဒီမိုကရေစီပါ” ဆိုတဲ့စကားနဲ့ အခမ်းအနား ပထမပိုင်းကို အဆုံးသတ်လိုက်တာပါ။
Ref: ဧရာဝတီ
ကြားဖြတ်ရွေးကောက်ပွဲ အောင်နိုင်ရေး ကြံ့ဖွံ့ပြင်ဆင်
ရန်ပိုင်
January 5, 2012
ကြားဖြတ်ရွေးကောက်ပွဲတွင် ပြည်ထောင်စု ကြံ့ခိုင်ရေးနှင့် ဖွံဖြိုးရေးပါတီ (ကြံ့ဖွံ့ပါတီ) အောင်နိုင်ရေးနှင့် ဒေါ်အောင်ဆန်းစုကြည်၏ စည်းရုံးရေးအခြေအနေကို တန်ပြန်ရန်အတွက် ပြည်သူ့လွှတ်တော် ဥက္ကဋ္ဌ သူရ ဦးရွှေမန်း ဦးဆောင်ပြီး ပြည်နယ်နှင့်တိုင်းဒေသ ကြီး ၀န်ကြီးချုပ်များ ပါဝင်သော အစည်းအဝေးတရပ်ကို ပြီးခဲ့သည့်ရက်ပိုင်းက နေပြည်တော်တွင် ပြုလုပ်ကြောင်း သတင်းရသည်။
ဒီဇင်ဘာ၂၈ ရက်နေ့ကပြုလုပ်သည့် အဆိုပါအစည်းအဝေးကို သူရဦးရွှေမန်းက ကြံ့ဖွံ့ပါတီ ဒု ဥက္ကဌ အနေဖြင့်ဦးဆောင်ကျင်းပခြင်း ဖြစ်ပြီး ရန်ကုန်တိုင်းဒေသကြီး ၀န်ကြီးချုပ် ဦးမြင့်ဆွေအပါအ၀င် ပြည်နယ်နှင့်တိုင်းဒေသကြီး ၀န်ကြီးချုပ်များ၊ ကြံ့ဖွံ့ပါတီ မှ ထိပ် ပိုင်း ခေါင်းဆောင်များ တက်ရောက်ကြောင်း နေပြည်တော်ရှိ အစိုးရ အသိုင်းအ၀န်းနှင့် နီးစပ်သူတဦး က ပြောသည်။
“ဒေါ်အောင်ဆန်းစုကြည် ထင်ရှားလာတာကို တန်ပြန်စည်းရုံးရေး လုပ်ဖို့ရယ်၊ လာမယ့် ကြားဖြတ်ရွေးကောက်ပွဲမှာ ဘယ်လိုနည်းနဲ့ ဖြစ်ဖြစ် ကြံ့ဖွံ့ပါတီ အနိုင်ရဖို့ ဆောင်ရွက်ဖို့ လိုတယ် ဆိုတာကို အစည်းအဝေးမှာ ဆွေးနွေးတယ်”ဟု ၎င်းက ဆိုသည်။
ကြားဖြတ်ရွေးကောက်ပွဲကို လာမည့် ဧပြီလ ၁ရက်နေ့တွင် ကျင်းပမည်ဖြစ်ပြီး ပြည်သူ့ လွှတ်တော်အတွက် လစ်လပ်မဲဆန္ဒနယ် ၄၀၊ အမျိုးသား လွှတ်တော်အတွက် လစ်လပ်မဲဆန္ဒနယ် ၆ နယ်၊ တိုင်းဒေသကြီးနှင့် ပြည်နယ်လွှတ်တော်အတွက်၂ နေရာ စုစုပေါင်း လစ်လပ် မဲဆန္ဒနယ် ၄၈ နေရာရှိကြောင်း ပြည်ထောင်စု ရွေးကောက်ပွဲ ကော်မရှင်က ထုတ်ပြန်ထားသည်။
ဒေါ်အောင်ဆန်းစုကြည် ဦးဆောင်သည့် အမျိုးသား ဒီမိုကရေစီ အဖွဲ့ချုပ် သည် ပါတီမှတ်ပုံတင်ကာ လာမည့် ကြားဖြတ် ရွေးကောက်ပွဲတွင် ၀င်ရောက်ပြိုင်ရန် ပြီးခဲ့သည့် ဒီဇင်ဘာလ က ဆုံးဖြတ်ခဲ့သည်။
ပြည်ထောင်စု ရွေးကောက်ပွဲကော်မရှင် ဥက္ကဋ္ဌ ဦးတင်အေးက ပြီးခဲ့သည့်လအတွင်း နေပြည်တော်၌ ဒေါ်အောင်ဆန်းစုကြည်နှင့် တွေ့ဆုံရာတွင် လာမည့် ကြားဖြတ်ရွေးကောက်ပွဲတွင် အတတ်နိုင်ဆုံး သမာသမတ်ကျကျ ပြုလုပ်ပေးမည်ဟု ကတိပေး ပြောကြား ထားသည်။
ပြီးခဲ့သည့် ၂၀၁၀ ရွေး ကောက်ပွဲ၌ လက်ရှိသမ္မတ ဦးသိန်းစိန် ဦးဆောင်သည့် အာဏရ ကြံ့ဖွံ့ပါတီသည် ကြိုတင်မဲများဖြင့် ပြိုင် ဘက် ပါတီများကို အနိုင်ရရှိခဲ့သည်ဟု စွပ်စွဲချက်များထွက်ပေါ်လာကာ ရွေးကောက်ပွဲကော်မရှင်၌ တရားစွဲဆိုမှုများ နိုင်ငံအနှံ့တွင် ဖြစ်ပွားခဲ့သည်။
ကြံ့ဖွံ့ပါတီသည် ဧပြီလတွင် ပြုလုပ်မည့် ကြားဖြတ်ရွေးကောက်ပွဲအတွက် တရားမ၀င်စည်းရုံးမှုများကို မကြာသေးခင်က စတင်ပြု လုပ်လာရာ ရန်ကုန်တိုင်း မရမ်းကုန်းမြို့နယ်အတွင်းရှိ မြေဂရန်မရှိသော အိမ်ထောင်စုများကို ဂရန်ချပေးမည်ဟု ရပ်ကွက် အာဏာ ပိုင်များမှ တဆင့် ပြောဆို စည်းရုံးမှုများ ပြုလုပ်ခဲ့သည်။
ထို့အပြင် ယခင်မြို့တော်ဝန်ဟောင်း တောင်ဥက္ကလာပ မြို့နယ် ပြည်သူ့ လွှတ်တော်ကိုယ်စားလှယ် ဦးအောင်သိန်းလင်း ကလည်း ကြားဖြတ် ရွေးကောက်ပွဲတွင် ရန်ကုန်တိုင်းအတွင်း၌ ကြံ့ဖွံ့ပါတီမှ လစ်လပ်နေရာအပြည့်နိုင်ရမည်ဟု ပြောဆိုကြောင်း ပြည်တွင်း ထုတ် Hot News ဂျာနယ်တွင် ရေးသားထားသည်။
Ref: ဧရာဝတီ
NLD တရားဝင် နိုင်ငံရေးပါတီ ဖြစ်ပြီ
January 5, 2012
ဒေါ်အောင်ဆန်းစုကြည် ဦးဆောင်သော အမျိုးသား ဒီမိုကရေစီိ အဖွဲ့ချုပ် (NLD) ကို ပြည်ထောင်စု ရွေးကောက်ပွဲကော်မရှင်က တရားဝင်နိုင်ငံရေး ပါတီ အဖြစ် ယနေ့မှတ်ပုံတင် ချပေးလိုက်သည်။
ထို့ကြောင့် လာမည့် တနလာင်္နေ့မှ စတင်ကာ ပါတီရုံးများဖွင့်လှစ်ခြင်း၊ ပါတီဝင်များ လက်ခံခြင်းများကို ဆောင်ရွက်သွားမည်ဖြစ် ကြောင်း NLD ပြောရေးဆိုခွင့်ရှိသူ ဦးဉာဏ်ဝင်းက ပြောသည်။
“ဒီနေ့ ရန်ကုန်တိုင်း ကော်မရှင်က ခေါ်တွေ့တယ်၊ ပါတီမှတ်ပုံတင် ကျတဲ့အကြောင်း ပြောတယ်၊ ပါတီမှတ်ပုံတင် အမှတ်က ၄၇/ ၂၀၁၂ ပါ၊ ပါတီက တင်ပြထားတဲ့ အလံ၊ တံဆိပ် အားလုံးကို ခွင့်ပြုပါတယ်”ဟု ၎င်းက ဆိုသည်။
ကြားဖြတ်ရွေးကောက်ပွဲအတွက် လွှတ်တော် ကိုယ်စားလှယ်လောင်းများ စာရင်းကို ဇန်န၀ါရီ ၁၁ ရက် နောက်ဆုံးထား ၍ ဗဟို အောင်နိုင်ရေးအဖွဲ့သို့ တင်ပြရန် ကြေညာချက် ထုတ်ပြန်ထားပြီး ရွေးကောက်ပွဲ ၀င်ရောက်ယှဉ်ပြိုင်မည့် လွှတ်တော် ကိုယ်စား လှယ် လောင်း ရွေးချယ်ခြင်းကို ဗဟိုအောင်နိုင်ရေးကော်မတီက မြို့နယ်၊ ခရိုင်ပါတီဝင်များနှင့် ညှိနှိုင်းဆုံးဖြတ်မည်ဟုလည်း ဦးဉာဏ်ဝင်း ပြောပြသည်။
“လွှတ်တော် ကိုယ်စားလှယ်လောင်းအဖြစ် အမည်စာရင်း တင်သွင်းချင်တဲ့သူတွေကို မြို့နယ်ပါတီစည်းတွေရဲ့ထောက်ခံချက်နဲ့တင်ပြ ခိုင်းထားတယ်၊ ဘယ်သူက လွှတ်တော်ကိုယ်စားလှယ်လောင်းအဖြစ် ယှဉ်ပြိုင်သင့်တယ်ဆိုတာကိုတော့ မြို့နယ်၊ ခရိုင်နဲ့ ဗဟို ကော်မတီတွေ ညှိုပြီးဆုံးဖြတ်မယ်”ဟု ၎င်းက ပြောသည်။
ဒေါ်အောင်ဆန်းစုကြည်သည် ရန်ကုန်တိုင်း ကော့မှူးမဲဆန္ဒနယ်မှ ရွေးကောက်ပွဲဝင်မည်ဖြစ်ပြီး ဇန်န၀ါရီ ၁၆ ရက်နောက်ပိုင်း စည်းရုံးရေး ခရီးစဉ်များ စတင်မည် ဖြစ်ကြောင်းလည်း သိရှိရသည်။
NLDအနေဖြင့် ကြားဖြတ်ရွေးကောက်ပွဲတွင် လစ်လပ်မဲဆန္ဒနယ် ၄၈ နေရာလုံးတွင် ၀င်ရောက်ယှဉ်ပြိုင်မည် ဖြစ်သည်ဟု ဆိုသည်။
ပြီးခဲ့သည့် နိုဝင်ဘာ ၁၈ ရက်နေ့တွင် NLD က ပါတီ ပြန်လည်မှတ်တင်ပြီး ရွေးကောက်ပွဲ ၀င်ရန် ဆုံးဖြတ်နောက် ရွေးကောက် ပွဲ ကော် မရှင်သို့ မှတ်ပုံတင်ခဲ့သည်။ ဒီဇင်ဘာ ၁၂ ရက် နေ့စွဲဖြင့် ပြည်ထောင်စု ရွေးကောက်ပွဲ ကော်မရှင်က NLD ကို နိုင်ငံ ရေးပါတီ အဖြစ် တည်ထောင်ခွင့်ပြုလိုက်ပြီး ယနေ့တွင် တရားဝင် နိုင်ငံရေးပါတီ မှတ်ပုံတင် ချပေးလိုက်ခြင်း ဖြစ်သည်။
ကြားဖြတ်ရွေးကောက်ပွဲများကို ၂၀၁၂ ခုနှစ် ဧပြီ ၁ ရက်နေ့တွင် ကျင်းပမည် ဖြစ်ကြောင်း ပြည်ထောင်စု ရွေးကောက်ပွဲ ကော်မရှင် က ကြေညာ ထားသည်။
Ref: ဧရာဝတီ
ဆုရ ဇာတ်ကားများကို ဒေါ်အောင်ဆန်းစုကြည် ဆုချီးမြှင့်
သဲသဲ
January 4, 2012
ယနေ့ ၆၄ ကြိမ်မြောက် လွတ်လပ်ရေးနေ့မှာ ကျင်းပတဲ့ လွတ်လပ်ခြင်း အနုပညာ ရုပ်ရှင်ပွဲတော် အတွက် ဆန်ကာတင် ဇာတ် ကား ၅၄ ကားထဲကနေ ဇာတ်ကား ၅ ကားကိုဒေါ်အောင်ဆန်းစုကြည် တက်ရောက် ဆုချီးမြှင့်လိုက်ပါပြီ။
အကောင်းဆုံး မှတ်တမ်းရုပ်ရှင် (Documentary film) ဆုကို ဒါရိုက်တာ စိုင်းကျော်ခိုင်ရဲ့ “Click In Fear” ဆိုတဲ့ ဇာတ် ကားက ရရှိပါတယ်။ အဲဒီဇာတ်ကားမှာ သတင်းထောက် တယောက်ရဲ့ အကြောက်တရားနဲ့ အမှန်တရားကို ထုတ်ဖော် ချင်စိတ်၊ ခရစ် ယာန်ဘာသာဝင်တယောက်က ဗုဒ္ဓဘာသာရဟန်းများရဲ့ သတ္တိနဲ့ ရဲရင့်မှုအပေါ် ထားတဲ့တန်ဖိုး၊ ဓာတ်ပုံသတင်း သမားတယောက်ရဲ့ အတ္တနဲ့ လူသားချင်း စာနာစိတ်အကြား လွန်ဆွဲမှုတို့ကို ၁၅ မိနစ်စာ ရိုက်ကူးထားတာ ဖြစ်ပါတယ်။
အကောင်းဆုံး မှတ်တမ်းတို ရုပ်ရှင် (Short film) ဆုကို ဒါရိုက်တာမင်းသိုက်ရဲ့ “ကြိုး”၊ အကောင်းဆုံး Animation ဆုကို ဒါရိုက်တာ ဇော်ဘိုဘိုဟိန်းရဲ့ “Unity and Freedom”၊ အကောင်းဆုံး လူငယ် မျက်နှာသစ်ဆုကို အသက် ၁၉ နှစ် အရွယ် ဒါရိုက်တာ အောင်ဇော်မိုးရဲ့ “Still in the dark” တို့က ရရှိသွားပြီး ပရိသတ် အကြိုက်နှစ်သက်ဆုံး ဆုကို တော့ ဖေ့စ်ဘုတ်ပရိသတ်တွေအကြား အလွန်ရေပန်းစားခဲ့တဲ့ ဒါရိုက်တာ ၀ိုင်းရဲ့ “အဲ့ဒီအခန်းဖြတ်” ဇာတ်ကားက ရရှိသွားပါတယ်။
အက်တာနက်ပေါ်မှာ ကြိုတင်ပြန့်နှံ့မှုကြောင့် ပြိုင်ပွဲဝင်ခွင့် မပြုတော့ဘူးဆိုပြီး သတင်းထွက်ပေါ်ခဲ့တဲ့ “အဲ့ဒီအခန်းဖြတ်” ဇာတ်ကား ဟာ ပရိသတ်များက ပေးတဲ့ မဲအရေအတွက်နဲ့ ဆုပေးအပ်တာ ဖြစ်ပါတယ်။
“ပရိသတ်တွေ မဲပေးတာကို ရွေးချယ်ပြီးတော့မှ ဆုပေးတာပါ။ မဲပေးတဲ့ အရေအတွက်က ၁၂၀၅၄ မဲရှိတဲ့ အထဲမှာ ၀ိုင်းရဲ့ အဲ့ဒီ အခန်းဖြတ် ဇာတ်ကားကို မဲပေးခဲ့တာက ၇၀၁၁ မဲ ရှိပါတယ်” လို့ ပွဲစီစဉ်သူတဦးဖြစ်တဲ့ ကိုဇာဂနာက ဧရာဝတီ ကိုပြော ပါတယ်။
လွတ်လပ်ခြင်း အနုပညာရုပ်ရှင်ပွဲတော်မှာ ပြိုင်ပွဲဝင်ကားပေါင်း ၁၈၈ ကား ၀င်ရောက် ယှဉ်ပြိုင်ခဲ့ခြင်းနဲ့ ပတ်သက်ပြီး “ဒီလူတွေ လွတ်လပ်တဲ့ရုပ်ရှင် ဘယ်တုန်းကတည်းကများ ရိုက်ချင်နေပါလိမ့်လို့ တွေးမိပါတယ်။ အားလည်း တက်မိပါတယ်” လို့ ကိုဇာဂနာ က သူရဲ့ ဖေ့ဘုတ်စာမျက်နှာမှာ ရေးသားထားပါတယ်။
ကိုဇာဂနာက လွတ်လပ်ခြင်းအနုပညာရုပ်ရှင်ပွဲတော်ရဲ့ ဆုပေးပွဲအခမ်းအနားမှာ အကျဉ်းကျခံနေရတဲ့ နိုင်ငံရေးအကျဉ်းသားတွေကို သီးလေးသီးအဖွဲ့နဲ့အတူ စင်ပေါ်ကနေ အငြိမ့်နဲ့ ဂုဏ်ပြုချင်ပေမယ့် အခု သူငယ်ချင်းတွေ လွတ်မလာလို့ စိတ်မကောင်းဖြစ်မိ ကြောင်းလည်း ပြောပါတယ်။
“တကယ်က ခေါင်းစဉ်တောင်ပြောင်းချင်တယ်။ လွတ်မလာခြင်း အနုပညာရုပ်ရှင်ပွဲတော်လို့တောင် ပြောင်းချင် တယ်။ ကျနော့် သူငယ်ချင်းတွေ တယောက်မှမလွတ်လာဘူး။ အမှန်ကတော့ လွတ်လာတဲ့ ကျနော့် သူငယ်ချင်းတွေကို စင်ပေါ်ကနေ အငြိမ့် ကပြီးတော့ ဂုဏ်ပြုချင်တာဗျ။ အခုတော့ မကပြနိုင်တော့ဘူးပေ့ါဗျာ” လို့ ကိုဇာဂနာက ပြောပါတယ်။
လွတ်လပ်ခြင်း အနုပညာရုပ်ရှင်ပွဲတော် ဆုပေးပွဲအခမ်းအနားကို ရန်ကုန်မြို့ တော်ဝင်စင်တာမှာ ကျင်းပပြီး ဆုရဇာတ်ကားတွေကို ဒေါ်အောင်ဆန်းစုကြည်ကိုယ်တိုင် ချီးမြှင့်ပါတယ်။ ဆုပေးပွဲအပြီးမှာ ကိုဇာဂနာ၊ အရိုင်း၊ ကင်းကောင်၊ ငှက်ပျောကြော်၊ ဂေါ်ဇီလာ တို့နဲ့အတူ သီးလေးသီးအဖွဲ့သားများဖြစ်တဲ့ စိန်သီး၊ ကြယ်သီး၊ ပန်းသီး၊ ဇီးသီးနဲ့ မင်းသမီး ချောစုမျိုး၊ မြစံပယ်ငုံ၊ သစ်သစ်လွင် တို့ က အငြိမ့်နဲ့ ဖျော်ဖြေတင်ဆက်ပါတယ်။
Ref: ဧရာဝတီ
အန်အယ်လ်ဒီပါတီ တရားဝင် မှတ်ပုံတင်ခွင့်ပြုချက်ရပြီ
January 5, 2012
ပီတာအောင်
အမျိုးသား ဒီမိုကရေစီအဖွဲ့ချုပ် (အန်အယ်လ်ဒီ) ပါတီကို ရွေးကောက်ပွဲကော်မရှင်က မှတ်ပုံတင် ခွင့်ပြုချက် ချပေးလိုက်ပြီလို့ အန်အယ်လ်ဒီက ပြောပါတယ်။
အန်အယ်လ်ဒီပါတီ ပြောခွင့်ရ ဦးဉာဏ်ဝင်းက “ကျနော်တို့ဒီကနေ့ခွင့်ပြုချက်ရပါပြီ။ ဒီကနေ့ လက်မှတ်ထိုးပြီး ရန်ကုန်တိုင်း ကော်မရှင် ရုံးမှာ ကျနော်သွားယူပါတယ်။ မှတ်ပုံတင်အမှတ် ၄၇ ပါ။ ကျနော်တို့က ဒါကို စောင့်မျှော်နေတာပါ”လို့ ပြောပါတယ်။ပါတီအနေနဲ့ လာမယ့် ဇန်နဝါရီ ၉ ရက်ကစလို့ တပြည်လုံးမှာ ဝင်ခွင့်လျှောက်လွှာ ပုံစံတွေပေးပြီး ပါတီဝင်အသစ်တွေ လက်ခံ မယ်လို့ဆိုပါတယ်။
NLD ပါတီဟာ လာမယ့် ဧပြီလ ၁ ရက်နေ့ ကျင်းပမယ့် ကြားဖြတ်ရွေးကောက်ပွဲမှာ အာဏာရ ကြံ့ခိုင်ရေးနဲ့ဖွံ့ဖြိုးရေးပါတီရဲ့အမာခံ နယ်မြေ ဖြစ်တဲ့ နေပြည်တော် ၄နေရာ အပါအဝင် လစ်လပ် ၄၈ နေရာလုံးမှာ ပါဝင်ယှဉ်ပြိုင်မယ်လို့ကြေညာထားပါတယ်။
ပြည်နယ်နဲ့ တိုင်းတွေမှာတော့ အမျိုးသားဒီမိုကရေစီအဖွဲ့ချုပ် ပါတီဝင်တွေက ကြားဖြတ် ရွေးကောက်ပွဲမှာ ပါဝင်ယှဉ်ပြိုင်မယ့် လွှတ်တော် ကိုယ်စားလှယ်လောင်းတွေကိုလည်း ရွေးချယ်ဖို့ ကြိုတင်ပြင်ဆင်နေကြပါတယ်။
အန်အယ်လ်ဒီပါတီဟာ ရွေးကောက်ပွဲ ဥပဒေတွေကို လက်မခံနိုင်လို့ ၂၀၁၀ ရွေးကောက်ပွဲ မဝင်ပြိုင်ခဲ့ပေမယ့် အစိုးရက ရွေးကောက်ပွဲဥပဒေတချို့ပြင်ဆင်လိုက်ပြီးနောက်မှာ ပါတီတည်ထောင်ခွင့်နဲ့ပါတီမှတ်ပုံတင်ခွင့်တွေ ပြန်လည် လျှောက်ထားခဲ့ပြီး ရွေးကောက်ပွဲတွေမှာ ဝင်ပြိုင်ဖို့ပြင်ဆင်နေတာပါ။
ရွေးကောက်ပွဲ စည်းရုံးမဲဆွယ်ရာမှာ အနီရောင်အောက်ခံမှာ ခွပ်ဒေါင်းနဲ့ ကြယ်ပုံပါပြီး အောက်မှာ အမျိုးသားဒီမိုကရေစီ အဖွဲ့ချုပ်ဆိုတဲ့ စာတန်းပါတဲ့ အလံနဲ့ အမှတ်တံဆိပ် သင်္ကေတကို အသုံးပြုသွားမယ်လို့ ကြေညာထားပါတယ်။
ပါတီ စာစောင်နဲ့ လက်ကမ်းစာစောင်တွေ ထုတ်ဝေခွင့်ရဖို့တော့ စာပေစိစစ်ရေးမှာ လျှောက်ထားဆဲ ဖြစ်တယ်လို့သိရပါတယ်။
Ref: ဒီဗွီဘီ
ဆန်တန်ချိန် ၁၅,၀၀၀ အနောက်အာဖရိကကို ရောင်းမည်
January 5, 2012
မင်းလွင်
မြန်မာနိုင်ငံ ဆန်စပါးလုပ်ငန်း အသင်းကနေပြီးတော့ ဆန်တန်ချိန် ၁၅,၀၀၀ ကို ရောင်းချမယ်လို့ သိရပါတယ်။
ဇန်နဝါရီလ ၇ ရက်နေ့မှာ ဧည့်မထ ၂၅ မတ်တန်အမျိုးအစားကို ဆန်စပါးလုပ်ငန်း အသင်းကနေ အနောက် အာဖရိကကို ရောင်းချမှာဖြစ်ပါတယ်။
ဆန် တတန်ကို အမေရိကန်ဒေါ်လာ ၃၅၅ နဲ့ ရောင်းချတာလို့ မြန်မာနိုင်ငံ ဆန်စပါးလုပ်ငန်းအသင်းကနေ သိရပါတယ်။
ဒါဟာ မြန်မာနိုင်ငံ ဆန်စပါးလုပ်ငန်း အသင်းဝင် ကုမ္ပဏီများကနေ ပထမဦးဆုံး စုပေါင်း ရောင်းချတာလည်း ဖြစ်ပါတယ်။
ပြည်ပကို ဆန်တင်ပို့ရောင်းချတာဟာ ပြည်တွင်းက ဆန်စပါးဈေးကွက်ကို ထိခိုက်မှာ မဟုတ်ဘူးလို့လည်း ဆန်စပါးလုပ်ငန်းအသင်းက ပြောပါတယ်။
ဆန်စပါး ထုတ်လုပ်မှုဟာ ပြည်တွင်းစားသုံးမှုထက် ပိုလျှံတယ်လို့ ဆန်စပါး ဈေးကွက်နဲ့ ထုတ်လုပ်မှုအပိုင်းကို လေ့လာသူ ဒေါက်တာမျိုးအောင်ကျော်က ပြောပါတယ်။
“ကျနော်တို့ တိုင်းပြည်က တကယ်တမ်းတော့ ပိုတယ်။ နောက်တခုက စပါးဆိုတာမျိုးက ၄၊ ၅လကို တသီးလောက်ထွက်နေပြီဆိုတော့ ဈေးကွက်တခုမှာ ဈေးနှုန်းတခု မရှိရင် လယ်သမားဘက်က ထုတ်လုပ်မှု စရိတ်ထက် အောက်လျော့သွားရင်သာ နောက်အ ကျိုး ဆက်က နောက်နှစ်ဆိုရင် အထွက်နှုန်းက ကျကျသွားတယ်။ ထုတ်လုပ်မှု ကျကျသွားတယ်။ အဲဒီလိုဟာကို ထိန်းဖို့ဆိုတာ export က တောက်လျှောက်လုပ်မှ ရတော့မယ်။ အခုက စပါးပေါ်တဲ့ ရာသီလည်းဖြစ်တယ်။ အခုဆိုရင် ဈေးတွေကျ လာတယ်။ ဈေးကျတာ ကျနော်တို့ ထုတ်လုပ်မှု စရိတ်ထက်ကို နည်းသွားပြီ။ လယ်သမား တဧက မြှုပ်နှံမှုထက်ကို နည်းသွားပြီ။ နည်းသွားတဲ့အခါကျတော့ သူတို့အနေနဲ့ နစ်နာတာပေါ့ဗျာ။ နစ်နာတော့ အခု export drive လေးရှိရင် ဈေးလေးက အတိုင်းအတာတခု ပြန်ရလာမယ့် ဆိုတဲ့သဘောပေါ့နော်။”
၂၀၁၁ ခုနှစ် နှစ်ကုန်ပိုင်းမှာ မြန်မာနိုင်ငံမှာ ဆန်စပါးဈေး ကျဆင်းနေပြီးတော့ စပါးစိုက်တောင်သူတွေအတွက်လည်း စိုက်ပျိုးစရိတ် ကာမိအောင် အခုလို ဈေးကွက်ရှာပြီး ရောင်းချတာဖြစ်တယ်လို့လည်း ဆန်စပါးလုပ်ငန်းရှင် အသင်းကနေ ပြောပါတယ်။
မြန်မာနိုင်ငံမှာ အစိုးရ ကိန်းဂဏန်းများအရ နှစ်စဉ် စပါးတန်ချိန် သန်း ၃၀ ထွက်ရှိပြီးတော့ တန်ချိန် ၁ သန်းနီးပါးက နယ်စပ်ကနေ ပြည်ပနိုင်ငံများကို တင်ပို့ရောင်းချနေပါတယ်။
Ref: ဒီဗွီဘီ
ချင်းအမျိုးသားတပ်ဦးနှင့် ပြည်နယ်အစိုးရ ငြိမ်းချမ်းရေးဆွေးနွေးပွဲ စတင်
January 5, 2012
နန်းမြနဒီ
ချင်း ပြည်နယ်အစိုးရနဲ့ ချင်းအမျိုးသားတပ်ဦး (စီအန်အက်ဖ်)ရဲ့ ကိုယ်စားလှယ်အဖွဲ့တို့ ငြိမ်းချမ်းရေးဆွေးနွေးပွဲကို ချင်းပြည်နယ် ဟားခါးမြို့မှာ ဒီကနေ့စတင်တယ်လို့ ဟားခါးမြို့နေ စောင့်ကြည့်အကဲခတ်တဦးက ပြောပါတယ်။
ဒီဆွေးနွေး ပွဲဟာ ဒီကနေ့နဲ့ မနက်ဖြန် နှစ်ရက် ဆွေးနွေးမယ်လို့ သိရပြီး ဘာတွေ ဆွေးနွေးတယ်ဆိုတာတော့ အသေးစိတ်မသိရသေးပါဘူး။
အခုလ ၄ ရက်နေ့က ဟားခါးမြို့ကိုရောက်ရှိလာကြတဲ့ ချင်းအမျိုးသားတပ်ဦး ကိုယ်စားလှယ်အဖွဲ့ကို ဒေသခံချင်းပြည်သူ ထောင်ချီ ပြီး ကြိုဆိုခဲ့ကြပါတယ်။
၁၉၈၈ လူထုအုံကြွမှုအပြီး တည်ထောင်ပြီး စစ်အစိုးရကို လက်နက်ကိုင် တိုက်ပွဲဝင်ခဲ့တဲ့ ချင်းအမျိုးသားတပ်ဦးဟာ ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီရဲ့ အဖွဲ့ဝင်လည်းဖြစ်ပြီး အမျိုးသားတန်းတူရေးနဲ့ ကိုယ်ပိုင်ပြဋ္ဌာန်းခွင့်အတွက် လက် နက်ကိုင် တိုက်ပွဲဝင်နေတာဖြစ်ပါတယ်။
Ref: ဒီဗွီဘီ
ဗြိတိန်နိုင်ငံခြားရေးဝန်ကြီး သမ္မတ ဦးသိန်းစိန်နှင့် တွေ့ဆုံ
January 5, 2012
ကိုထွေး
ရာစုနှစ်တဝက်ကျော်ကာလအတွင်း မြန်မာနိုင်ငံကို ပထမဆုံးလာရောက်တဲ့ အဆင့်မြင့်သံတမန်တဦးအဖြစ် ဗြိတိန် နိုင်ငံခြားရေးဝန်ကြီး ဝီလျံဟိတ် ဒီကနေ့မြန်မာနိုင်ငံကို ရောက်ရှိလာပါတယ်။
ဒီကနေ့ မနက် နေပြည်တော်မှာ သမ္မတ ဦးသိန်းစိန်၊ နိုင်ငံခြားရေး ဝန်ကြီး ဝဏ်ဏမောင်လွင်၊ ပြည်သူ့လွှတ်တော် ဥက္ကဋ္ဌ ဦးရွှေမန်းတို့နဲ့ တွေ့ဆုံခဲ့တဲ့ အကြောင်းနဲ့ ဆွေးနွေးပွဲအကြောင်းအရာ အသေးစိတ်ကိုတော့ မသိရှိရသေးဘူးလို့ ရန်ကုန်အခြေစိုက် ဗြိတိန် သံရုံးကပြောပါတယ်။
“လက်ရှိ သူတို့တွေ့ဆုံနေတဲ့ အချိန်ဖြစ်လို့ တခြား အသေးစိတ် မှတ်ချက်တွေကို မပေးနိုင်ပေမယ့် သူက သမ္မတ၊ နိုင်ငံခြားရေးဝန်ကြီးနဲ့ သူရရွှေမန်းတို့နဲ့ တွေ့ဆုံခဲ့ပါတယ်” လို့ ပြောပါတယ်။
ဗြိတိန်နိုင်ငံက မြန်မာနိုင်ငံဖွံ့ဖြိုးတိုးတက်ရေးအတွက် ရှေ့လာမယ့် ၃ နှစ်အတွင်းမှာ အမေရိကန် ဒေါ်လာ ၂၈၉ သန်းနဲ့ ညီမျှတဲ့ စတာလင်ပေါင် ၁၈၅ သန်း ပေးသွားမယ်လို့ အရင်ကတည်းက ကြေညာထားခဲ့ပါတယ်။
ဝီလီယံဟိတ်ဟာ ညနေပိုင်းမှာတော့ ရန်ကုန်ကို ပြန်လာပြီးတော့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ ညစာ စားမှာဖြစ်သလို သောကြာနေ့ မနက် ၁၀ နာရီလောက်မှာ ထပ်မံတွေ့ဆုံ ဆွေးနွေးမယ်လို့လည်း ပြောပါတယ်။
ဗြိတိန်ဝန်ကြီး ဟာ သူ့ရဲ့ ၂ ရက်တာခရီးစဉ်အတွင်း ရန်ကုန်မှာ တိုင်းရင်းသားခေါင်းဆောင်တွေ ကိုဇာဂနာအပါအဝင် လူမှုရေးအဖွဲ့တွေနဲ့ ၈၈ ကျောင်းသား ခေါင်းဆောင်တွေနဲ့လည်း တွေ့ဆုံမှာဖြစ်ပါတယ်။
မနက်ဖြန် မြန်မာပြည်က မထွက်ခွာခင်မှာတော့ တွေ့ဆုံမှုတွေအတွက် သတင်းစာရှင်းလင်းပွဲ ပြုလုပ်ပြီးတော့ ပြောသွားဖို့ရှိတယ်လို့ ဗြိတိန်သံရုံးက ပြောပါတယ်။
ဒီခရီးစဉ်နဲ့ ပတ်သက်ပြီး ထုတ်ပြန်ထားတဲ့ ဝီလျံဟိတ်ရဲ့ ကြေညာချက်မှာတော့ လက်ရှိမြန်မာအစိုးရ ဆောင်ရွက်နေတဲ့ ပြုပြင်ပြောင်းလဲရေး ခြေလှမ်းတွေကို အားပေးတဲ့နေနဲ့ သွားရောက်တာလို့ရေးသားထားပါတယ်။
ဒါ့အပြင် ကျန်ရှိတဲ့ နိုင်ငံရေးအကျဉ်းသားများ ဆက်လွှတ်ပေးဖို့၊ လွတ်လပ်ပြီး တရားမျှတတဲ့ ကြားဖြတ်ရွေးကောက်ပွဲ ကျင်းပဖို့ ပဋိပက္ခဖြစ်ပွားရာ နေရာကို လူသားချင်းစာနာမှု အကူအညီတွေပေးခွင့်ပေးဖို့နဲ့ အမျိုးသားပြန်လည်သင့်မြတ်ရေးဆီ ယုံကြည်ရအောင်လုပ်ဆောင်ဖို့ ကိစ္စတွေ မြန်မာအစိုးရကို တောင်းဆိုမယ်လို့ဆိုပါတယ်။
ဗြိတိန်နိုင်ငံဟာ အမေရိကန်နဲ့ အတူ မြန်မာနိုင်ငံအပေါ် ပိတ်ဆို့ဒဏ်ခတ်မှုတွေနဲ့ အထီးကျန်ဖြစ်အောင် သံတမန်ရေး အဆက် အသွယ် သိပ်မလုပ်ဘဲ ထားတဲ့နိုင်ငံဖြစ်ပါတယ်။ ပြီးခဲ့တဲ့ နိုဝင်ဘာလကုန်ကတော့ အမေရိကန် နိုင်ငံခြားရေး ဝန်ကြီး ဟီလာရီ ကလင် တန်ဟာ မြန်မာနိုင်ငံကို နှစ်ပေါင်း ၅ဝကျော်အတွင်း ပထမဆုံးသွားရောက်တဲ့ အမေရိကန် အဆင့်မြင့် သံတမန်တဦးအဖြစ် ရောက်ရှိလာခဲ့ပါတယ်။
၁၉၅၅ခုနှစ်က ဗြိတိန် နိုင်ငံခြားရေးဝန်ကြီး အန်သိုနီအီဒန်ဟာ မြန်မာနိုင်ငံကို နောက်ဆုံး သွားရောက်ခဲ့တဲ့ ဗြိတိန် နိုင်ငံခြားရေးဝန်ကြီး ဖြစ်ပါတယ်။
Ref: ဒီဗွီဘီ
ကေအန်ယူနှင့် အစိုးရ ငြိမ်းချမ်းရေးဆွေးနွေးပွဲ ရိုးသားမှုရှိရန် ဒီကေဘီအေ တိုက်တွန်း
January 5, 2012
မန်းစိုင်းမွန်
ကရင်အမျိုး သားအစည်းအရုံး (ကေအန်ယူ) နဲ့ မြန်မာအစိုးရ လုပ်နေတဲ့ ငြိမ်းချမ်းရေးကိစ္စဟာ တဖက်နဲ့ တဖက် ရိုးသားပွင့်လင်းမှုအပေါ် အခြေခံပြီး သဘောထားမှန်ကန်ဖို့လိုကြောင်း ဒီကေဘီအေက ဇန်နဝါရီ ၂ ရက်နေ့ နေ့စွဲနဲ့ ထုတ်ပြန် ပြောဆိုလိုက်ပါ တယ်။
ကေအန်ယူက မြန်မာအစိုးရနဲ့ငြိမ်းချမ်းရေးဆွေးနွေးဖို့ကိစ္စကို ပြည်တွင်းပြည်ပ လူထုတရပ်လုံးရဲ့အကြံဉာဏ်ကို တောင်းခံထားတာကြောင့် ဒီကေဘီအေအနေနဲ့ဝင်ရောက်ပါဝင် အကြံပေးတာလို့ဆိုပါတယ်။
ဒီထုတ်ပြန်ချက်ဟာ ငြိမ်းချမ်းရေးဆွေးနွေးဖို့ပြင်ဆင်နေကြချိန်မှာ ကေအန်ယူတပ်နဲ့ အစိုးရတပ်တွေ တိုက်ခိုက်မှုတွေ ဆက်ဖြစ်နေတဲ့အပေါ် ရည်ညွှန်းပြီး နှစ်ဘက်စလုံး သဘောထားမှန်ဖို့ တိုးတက်သော ဗုဒ္ဓဘာသာကရင်အမျိုးသားတပ်မတော် (ဒီကေဘီအေ) က ထုတ်ပြန်တာလို့ ဆိုပါတယ်။
ဒီကေဘီအေရဲ့ အကြံပေးချက် ထုတ်ပြန်စာမှာ အစိုးရရဲ့ လုပ်ဟန် မရိုးသားဘူးလို့ပြောနေပေမယ့် ကေအန်ယူအနေနဲ့ မိမိလုပ်ဟန်ကရော ရိုးသားမှုရှိရဲ့လား ဆိုတာကိုလည်း မှန်မှန်ကန်ကန် ရှုမြင်သုံးသပ်ဖို့လိုမယ်လို့လည်း ထောက်ပြထားပါတယ်။
ဒီကေဘီအေရဲ့ သဘောထားကြေညာချက်အပေါ် ကေအန်ယူ ဒုဥက္ကဋ္ဌ ပဒိုဒေးဗစ်သာကပေါက ခုလို တုံ့ပြန်ပြောကြားပါတယ်။
“ကျနော်ကြည့် ရတာတော့ ရေးတဲ့ အရေးအသားတွေဟာ ရန်သူဘက်ကရေးတဲ့ အရေးအသားတွေပါ။ ဒီကေဘီအေဆိုတာ ရိုးရိုးသားသားပဲ။ ဒီအတွေးအခေါ်မျိုးမရှိပါဘူး။ ကျနော်တို့ကလည်း သူ့ကို မိတ်ဆွေလိုပဲထားပါတယ်။ ရန်သူဘက်က ရိုးရိုးသားသားလုပ်နေတယ်လို့ဒါ ရေးတဲ့လူပေါ့ဗျာ။ သူတို့က ထင်နေတယ်။ ဒီကေဘီအေလို့ကျနော်မမြင်ဘူး။”
ကေအန်ယူနဲ့ မြန်မာအစိုးရဟာ ငြိမ်းချမ်းရေးကိစ္စတွေကို ဆွေးနွေးကြဖို့ပဏာမ တွေ့ဆုံဆွေးနွေးမှုတွေရှိခဲ့ပြီး အပစ်အခတ်ရပ်စဲရေး မလုပ်ကြရသေးတဲ့အတွက် ခုလို အပြန်အလှန် ပစ်ခတ်မှုတွေ ဖြစ်ပွားနေတာလို့လည်း ပဒိုဒေးဗစ်သာကပေါက ပြောပါတယ်။
“ကျနော်တို့ ကိုယ့်နယ်ထဲမှာကျူးကျော်နေတဲ့ ရန်သူကိုတိုက်တာပဲ။ သူက ငြိမ်းချမ်းရေး အသံပစ်ပြီးတော့ ကျနော်တို့ဘက်မှာ လုပ် ချင်တာတွေ လုပ်နေလို့မရဘူးလေ အဲ့ဒါပါ။”
ကေအန်ယူနဲ့ မြန်မာအစိုးရ ငြိမ်းချမ်းရေး ကိုယ်စားလှယ် အဖွဲ့တွေဟာ ပြီးခဲ့တဲ့ နှစ် နိုဝင်ဘာလ ၁၉ရက်နေ့က ထိုင်းနိုင်ငံ မယ်ဆိုင် မှာတကြိမ်၊ ဒီဇင်ဘာလ ၂၁ ရက်နေ့က မဲဆောက်မြို့မှာ တကြိမ် တွေ့ဆုံ ဆွေးနွေးခဲ့ကြပြီး လာမယ့် ဇန်နဝါရီ ၁၂ ရက်နေ့မှာ ပြည်ထောင်စုအဆင့် အစိုးရကိုယ်စားလှယ်နဲ့ ကရင်ပြည်နယ် ဘားအံမြို့မှာ ငြိမ်းချမ်းရေးကိစ္စ တွေ့ဆုံဆွေးနွေးကြဖို့ရှိပါတယ်။
နယ်ခြား စောင့်တပ်အဖြစ် မခံယူခဲ့တဲ့ ဗိုလ်နှုတ်ခမ်းမွေး ခေါ် ဗိုလ်မှူးချုပ်စောလားဘွယ် ဦးစီးတဲ့ ဒီကေဘီအေ ကလိုထူးဘောအဖွဲ့က ပြီးခဲ့တဲ့နှစ် ဒီဇင်ဘာလ ၁၁ ရက်နေ့ကတည်းက မြန်မာအစိုးရနဲ့ငြိမ်းချမ်းရေး သဘောတူညီချက် စာချုပ်ချုပ်ခဲ့ပြီးဖြစ်ပါတယ်။
Ref: ဒီဗွီဘီ
Subscribe to:
Posts (Atom)
Posts
BBC News
VOA News
DVB News
RFA News
မဇ္ဈိမ
ဧရာဝတီ
နေ့သစ်
သျှမ်းသံတော်ဆင့်
ကရင်သတင်းစဉ်
ကောင်းဝါ
ကချင်သတင်းစဉ်
ယနေ့မြန်မာ
ကန္တာရဝတီ တိုင်းမ်
ငုရင်ပြင်
ရိုးမ (၃)
မိုးမခ
ဟစ်တိုင်
ဟံသာဝတီ
နိရဉ္စရာ
ခေတ်လူငယ်
မြို့တော်ပုသိမ်သတင်းစဉ်
မြန်မာသတင်းရပ်ဝန်း
ရိုးရာလေး
Mandalay Gazette
People Media Voice
KIC News
BNI News
Burma Daily
Burma Digest
Burma Net
Kaladan
Network Media Group Rebound 88