Wednesday, April 11, 2012

ဗမာပြည်ကို သိမ်းပိုက်ကြ

ဗမာပြည်ကို သိမ်းပိုက်ကြ

Read More...

ပဲခူးတိုင်းဒေသကြီး အစိုးရနဲ့ KNU တွေ့ဆုံဆွေးနွေး

2012-04-10

မြန်မာအစိုးရနဲ့ သဘောတူညီချက် ရရှိထားတဲ့ အပစ်အခတ်ရပ်စဲရေးနဲ့ ပတ်သက်ပြီး အကောင်အထည်ဖော်ဖို့ ပဲခူးတိုင်း ဒေသကြီး အစိုးရနဲ့ KNU တို့ ဒီကနေ့ တွေ့ဆုံဆွေးနွေး ကြတယ်လို့ သိရပါတယ်။

အစည်းအဝေးကို ပဲခူးမြို့မှာ ဒီကနေ့မနက်ပိုင်းက စတင်တာဖြစ်တယ်လို့ KNU ငြိမ်းချမ်းရေး ဖော်ဆောင်ရေးအဖွဲ့က ပြောခွင့်ရှိသူ နော်မေဦး က ပြောပါတယ်။

အစည်းအဝေးမှာ ပဲခူးတိုင်းဒေသကြီး အစိုးရအဖွဲ့ကို ၀န်ကြီးချုပ် ဦးဥာဏ်ဝင်း ဦးဆောင်တာဖြစ်ပြီး၊ တောင်ပိုင်းတိုင်း တိုင်းမှူး ဗိုလ်ချုပ် စောညိုလည်း တက်ရောက်ပါတယ်။

အစည်းအဝေးမှာ အပစ်အခတ် ရပ်စဲရေးနဲ့ ပတ်သက်ပြီး နှစ်ဘက်လိုက်နာဆောင်ရွက်ရမဲ့ ကျင့်ဝတ်များ၊ စည်းကမ်းများကို အသေးစိတ် ဆွေးနွေး သဘောတူတယ်လို့ သိရပါတယ်။

Ref: အာရ်အဖ်အေ

Read More...

ဒေါ်ခင်ကြည်ပြောတဲ့ လူငါးယောက်အကြောင်း

သခင်လှကွန့်

Daw Khin Kyi

Read More...

ဗြိတိသျှ ၀န်ကြီးချုပ် မြန်မာနိုင်ငံကို လာမည်

2012-04-10

ဗြိတိသျှ ၀န်ကြီးချုပ် David Cameron ဟာလာမယ့် သောကြာနေ့မှာ မြန်မာနိုင်ငံကို ရောက်ရှိမှာဖြစ်ပြီး အဲဒီနေ့မှာပဲ နေပြည်တော်မှာ သမ္မတ ဦးသိန်းစိန်နဲ့ တွေ့ဆုံဆွေးနွေးမှာဖြစ်သလို ရန်ကုန်မြို့မှာ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံ ဆွေး နွေးဖို့ ရှိတယ်လို့ သိရပါတယ်။

ဝန်ကြီးချုပ် Mr. Cameron ရဲ့ ခရီးစဉ် ရည်ရွယ်ချက်ဟာ မြန်မာနိုင်ငံက ပြုပြင်ပြောင်းလဲမှုတွေ အရှိန်အဟုန်နဲ့ ဆက်သွားနိုင်အောင် တွန်းအားပေးတဲ့အနေနဲ့ သွားရောက်တာ ဖြစ်တယ်လို့ ဗြိတိသျှအစိုးရ အသိုင်းအ၀ိုင်းက ပြောပါတယ်။


ဗြိတိန်အစိုးရ တာဝန်ရှိသူတွေကတော့ ၀န်ကြီးချုပ်ရဲ့ ခရီးစဉ်နဲ့ ပတ်သက်ပြီး ကြိုတင် ထုတ်ပြန်ပြောဆိုလေ့ မရှိတဲ့အတွက် ဘာမှ မှတ်ချက်မပေးပါဘူး။ ဒါပေမယ့် ဗြိတိန်အစိုးရ၊ မြန်မာအစိုးရနဲ့ အမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ရဲ့ အနီးကပ် တာဝန်ရှိသူတွေကတော့ လာမယ့် သောကြာနေ့မှာ ရောက်ရှိမှာဖြစ်ကြောင်း အတည်ပြုပြောဆိုတယ်လို့ အေအက်ဖ်ပီနဲ့ ရိုက်တာသတင်းဌာနတွေက ဖော်ပြပါတယ်။

ဝန်ကြီးချုပ် David Cameron ရဲ့ ခရီးစဉ်ဟာ အနောက်နိုင်ငံကြီးတွေက အဆင့်မြင့်ဆုံး ခေါင်းဆောင်တစ်ဦး ပထမဆုံးအကြိမ် သွား ရောက်ဆွေးနွေးတာဖြစ်ပါတယ်။ မြန်မာနိုင်ငံအပေါ် ချမှတ်ထားတဲ့ ပိတ်ဆို့အရေးယူမှုတွေနဲ့ ပတ်သက်ပြီး ဗြိတိန် အပါအ၀င် ဥရောပ သမဂ္ဂ၊ အမေရိကန်နိုင်ငံတို့က တဖြည်းဖြည်းချင်း လျော့ချသွားမယ်လို့ ပြောထားပါတယ်။

Mr. Cameron ဟာ အာရှခရီးစဉ်အဖြစ် မနက်ဖြန်မှာ အင်ဒိုနီးရှား၊ မလေးရှားနဲ့ ဂျပန်နိုင်ငံတို့ကို စတင်ထွက်ခွာ သွားမှာဖြစ်ပြီး သောကြာနေ့ မှာ မြန်မာနိုင်ငံကို ဆိုက်ရောက်မှာ ဖြစ်ပါတယ်။

Ref: အာရ်အဖ်အေ

Read More...

မြန်မာ့ဒုက္ခသည်များအား နယ်စပ်ဖြတ်ကျော် ကူညီထောက်ပံ့မှုများ ဆက်လက်ထားရှိသင့်ဟု လူထုအခြေပြုအဖွဲ့များဆို

10 April 2012
နန်းသူးလေ

အစိုးရနှင့် တိုင်းရင်းလက်နက်ကိုင်အဖွဲ့များအကြား ငြိမ်းချမ်းရေးစေ့စပ်ညှိနှိုင်းမှုများရှိသော်လည်း တိုက်ပွဲဖြစ် ပွားနေသည့် နေရာများနှင့် နယ်စပ်ဒေ သရှိ ဒုက္ခသည်မျာအား နယ်စပ်-ဖြတ်ကျော် ကူညီထောက်ပံ့မှုများကို နိုင်ငံတကာ မှ ဆက်လက် ထောက်ပံ့ပေးသွားရန် လိုအပ် နေသေးကြောင်း မြန်မာနိုင်ငံ လူထုအခြေပြုအဖွဲ့အစည်းများက ဆိုသည်။

မြန်မာနိုင်ငံရှိ လူထုအခြေပြုအဖွဲ့အစည်းပေါင်း (၃၆) ဖွဲ့သည် ယခုနှစ် ဧပြီလ ၆ရက်မှ ၇ ရက်နေ့အထိ ထိုင်း-မြန်မာနယ်စပ် တစ်နေရာ တွင် တွေ့ဆုံဆွေးနွေးမှုတခု ပြုလုပ်ခဲ့ပြီး လက်ရှိ မြန်မာနိုင်ငံအတွင်း ငြိမ်းချမ်းရေးနှင့် ဖွံ့ဖြိုးတိုးတက်ရေးအပေါ် အကြံပြုတင်ပြထားသည့် အချက် ၁၀ ချက်ပါ ထုတ်ပြန်ကြေညာ ချက် တစ်စောင် ယနေ့ ထုတ်ပြန်လိုက်သည်။

မြန်မာနိုင်ငံ ငြိမ်းချမ်းရေးကို တိုးမြှင့်လုပ်ဆောင်နိုင်ရန် နိုင်ငံတကာအလှူရှင်များသည် လူသားချင်းစာနာ ထောက်ထားမှုအကူအညီနှင့် ဖွံ့ဖြိုးတိုး တက်ရေးအကူအညီများ အရေးတကြီးတိုးမြှင့် ပြင်ဆင်လာသည်နှင့်အမျှ နယ်စွန်နယ်ဖျားတွင် လစ်လျူရှုခံရသူများနှင့် အားအင်ချိနဲ့သူများအတွက် ပံ့ပိုးကူညီနေသည့် နယ်စပ်- ဖြတ်ကျော်အကူအညီထောက်ပံ့များ ကန့်သတ်လျှော့ချလာခြင်း(သို့မဟုတ်) ဖြတ်တောက်လာခြင်းအပေါ် များစွာ စိုးရိမ် ပူပန်မိကြောင်း ယနေ့ ထုတ်ပြန်ချက်တွင် ဖော်ပြထားသည်။

ထိုလူထုအခြေပြု အဖွဲ့များအနက် ကချင်လူမှု ဖွံ့ဖြိုးရေးကွန်ယတ်အဖွဲ့မှ မဆိုင်းမိုင်က “အစိုးရက တခြား တိုင်းရင်းသားတွေနဲ့ ငြိမ်းချမ်း ရေးလုပ် ဆောင်နေတယ်။ ဒါပေမယ့် ကချင်ပြည်နယ်မှာကျတော့ စစ်ပွဲတွေ ဆက်လက်ဖြစ်နေဆဲပဲ။ ဒီလိုအခြေအနေမှာ ပြည်တွင်းမှာ ရှောင်ပုန်းနေရတဲ့ သူတွေ၊ စစ်ပြေးဒုက္ခ သည်အများအပြားရှိနေသေးတယ်။ ဒီလိုနေရာတွေမှာ အကူအညီတွေကို ဆက်လက်ထားရှိ သင့်တယ်လို့ ကျမတို့ဆို လိုချင်တာပါ” ဟု ပြောသည်။

ကချင်ပြည်နယ်ရှိ စစ်ပြေးဒုက္ခသည်များသာမကပဲ ပဋိပက္ခဖြစ်ပွားနေသည့်နေရာများရှိ ဒုက္ခသည်များ၊ ကရင်ပြည်နယ်၊ အိန္ဒိယနယ်စပ်ရှိ ဒုက္ခသည် များအား နယ်စပ်-ဖြတ်ကျော် ကူညီထောက်ပံ့မှုများ ဆက်လက်ထားရှိသင့်သည် ဟု ၎င်း ကဆက်ပြောသည်။

လက်ရှိ စစ်တပ် ကျောထောက်နောက်ခံပြုသည့် ဦးသိန်းစိန်အစိုးရ၏ လက်ထဲတွင် လယ်ယာမြေသိမ်းဆည်းမှု၊ အဓမ္မပြောင်းရွှေ့မှုနှင့် ခိုင်းစေမှု၊ သွား လာရေးချုပ်ချယ်ကန့်သတ်မှု၊ မဒိန်းပြုကျင့်မှုနှင့် ခြိမ်းခြောက်မှု စသည့် လူ့အခွင့်အရေးချိုးဖောက်မှုများ တိုင်းရင်းသား နယ်မြေများအတွင်းတွင် ဆက်လက်ဖြစ်ပေါ်နေဆဲဖြစ်သည်ဟုလည်း လူထုအခြေပြုအဖွဲ့အစည်းများက ထောက်ပြထားသည်။

ထို့အပြင် လူထုအခြေပြုအဖွဲ့အစည်းများက နိုင်ငံတကာ အလှူရှင်များအနေဖြင့် တိုင်းရင်းသားပြည်သူများအား လူသားချင်းစာနာ ထောက်ထားမှုအ ကူအညီပေး ရာတွင် ထိခိုက်နစ်နာမှု မလုပ်မိစေ ရေးအတွက် သေသေချာချာလုပ်ဆောင်ရန်လိုအပ်သည့်အပြင် ထိုအကူအညီများကို တိုင်းရင်းသား များ အပစ်အခတ် ရပ်စဲရေးလုပ်ငန်းစဉ်အတွင်း အသုံးချ၊ ဖိအားပေးခြင်းမပြုလုပ်ရန်နှင့် စစ်မှန်သော နိုင်ငံရေးဖြေရှင်းချက်ကို အခြေခံသည့် ငြိမ်းချမ်းရေး မတည်ဆောက်နိုင်သေးသရွေ့ စီးပွားရေးပိတ်ဆို့မှုများ မရုပ်သိမ်းသင့်ကြောင်း အကြံပြုထား သည်။

ယင်းထုတ်ပြန်ကြေညာချက်တွင် ပါဝင်သည့် အကြံပြုချက်များကို အစိုးရနှင့် နိုင်ငံတကာမှ အလှူရှင်များအနေဖြင့် အလေးအနက်ထားပြီး အပြုသဘော ဆောင်ရွက်ပေးစေလိုကြောင်း ထိုအဖွဲ့ဝင်များက ပြောသည်။

Ref: ကေအိုင်စီ

Read More...

ကေအဲန်ယူ ငြိမ်းချမ်းရေး ကိုယ်စားလှယ်များနှင့် အစိုးရတို့ ပဲခူးတိုင်းတွင် တိုင်းအဆင့် တွေ့ဆုံဆွေးနွေးခဲ့

10 April 2012
နန်းဖော့ဂေ

ကေအဲန်ယူ အထွေထွေအတွင်းရေးမှူး နော်စီဖိုးရာစိန် ဦးဆောင်သော ငြိမ်းချမ်းရေး ကိုယ်စားလှယ်အဖွဲ့ သည် ယနေ့မနက် ၉နာရီမှ ၁၁နာရီကျော်အထိ ပဲခူးမြို့ရှိ ရွှေဝါထွန်းဟိုတယ်တွင် ပဲခူးတိုင်းဒေသကြီး အစိုးရအဖွဲ့၊ ပြည်ထောင်စု ဝန်ကြီးအချို့နှင့် တိုင်းအဆင့် တွေ့ဆုံဆွေးနွေးခဲ့ကြသည်။

ယခုတွေ့ဆုံဆွေးနွေးမှုတွင် အစိုးရဘက်မှ ရထားပို့ဆောင်ရေးဝန်ကြီး ဦးအောင်မင်း၊ လူဝင်မှုကြီးကြပ်ရေး ဝန်ကြီး ဦးခင်ရီ၊ စက်မှုဝန်ကြီး ဦးစိုးသိန်း၊ ပဲခူးတိုင်းဒေသကြီး ဝန်ကြီးချုပ် ဦးဥာဏ်ဝင်း၊ ပဲခူးတိုင်းဒေသကြီး နယ်စပ်ရေးရာ လုံခြုံရေးဝန်ကြီး ဗိုလ်မှူးကြီး သက်ထွန်း အပါအဝင် တောင်ပိုင်းတိုင်း တိုင်းမှူး၊ တရားဥပဒေချုပ်နှင့် အခြားအကျိုးတော်ဆောင်ပုဂ္ဂိုလ်များ တက်ရောက်ခဲ့သည်။


ကေအဲန်ယူဘက်မှ အတွင်းရေးမှူးချုပ် နော်စီဖိုးရာစိန်၊ စစ်ဦးစီးချုပ် ဗိုလ်ချုပ်ကြီး မူတူးစေးဖိုး၊ ဗိုလ်မှူးကြီး မိုးဖြူ၊ ဗိုလ်မှူးချုပ် အယ်ကလူသိန်း၊ ဗိုလ်မှူး ထူးထူးလေး၊ နော်မေဦး၊ ပဒိုစောအားတိုး၊ ပဒိုစောသောသီဘွဲ၊ နော်ဘလူးမေးနိုက်ဇံ၊ ပဒိုစောတာဒိုမူးနှင့် စောအောင်ဝင်းရွှေတို့ တက်ရောက်ခဲ့သည်။

ထိုဆွေးနွေးပွဲတွင် အဓိကအားဖြင့် အပစ်အခတ်ရပ်စဲရေး လုပ်ငန်းစဉ်များအတွက် ဆက်လက် လုပ်ဆောင်ရ မည့် အချက်များကို ဆွေး နွေးခဲ့ကြသလို နှစ်ဖက်တပ်များ၏ နေရာများကို အတိအကျ သတ်မှတ်ဖို့ နှင့် ယမန်နေ့က ဖွင့်လှစ်လိုက်သည့် ပဲခူးတိုင်း ဆက်ဆံရေး ရုံးတွင် တာဝန်ယူ အလုပ်လုပ်မည့် ကိုယ်စားလှယ်များ ရွေးချယ်ရာတွင် သြဇာအာဏာရှိပြီး အရည်အချင်းပြည့်ဝသည့် ကိုယ်စားလှယ် များကို ရွေးချယ်ထားရန်အတွက် နှစ်ဦးနှစ်ဖက် အပြန်အလှန် ဆွေးနွေးခဲ့ကြသည်။

ပဲခူးမြို့ရှိ ရွှေဝါထွန်းဟိုတယ်တွင် ပြုလုပ်သည့် ယနေ့ဆွေးနွေးပွဲတွင် ရန်ကုန်မြို့မှ အမေရိကန် အထက်လွတ်တော်အမတ်နှင့်အဖွဲ့ အစည်းအဝေးပြုလုပ်စဉ် လာရောက်လေ့လာခဲ့သလို ထိုအစည်း အဝေးပြီး ၁၁နာရီခွဲခန့်တွင် အဆိုပါ အမေရိကန် အထက်လွှတ်တော် အမတ်အဖွဲ့သည် ကေအဲန်ယူ ငြိမ်းချမ်း ရေးကိုယ်စားလှယ်များနှင့် ၁၅မိနှစ်ကြာ တွေ့ဆုံ ဆွေးနွေးခဲ့ကြောင်း သိရသည်။

ယင်းတွေ့ဆုံဆွေးနွေးရာတွင် အမေရိကန် လွှတ်တော်အမတ်အဖွဲ့ဘက်မှ ယခုအစိုးရနှင့် တွေ့ဆုံမှုတွင် ဘယ်လောက်အထိ အားရကျေနပ် မှုရှိကြောင်းကို မေးမြန်းခဲ့သလို ကေအဲန်ယူဘက်မှလည်း ယခုလက်ရှိအ ချိန်တွင် အားရကျေနပ်ကြောင်းနှင့် ပဋိပက္ခဖြစ်ပွား သည့်ဒေသ များ အတွင်းရှိ လူထုများ၊ ဌာနေမဲ့ ပြည် သူများ၏ အခြေအနေများကို ပြန်လည် ဆွေးနွေးတင်ပြခဲ့သည်။

Ref: ကေအိုင်စီ

Read More...

ဒေါ်အောင်ဆန်းစုကြည် Elie Wiesel ဆုရ

10 ဧပြီ 2012
ခင်ဖြူထွေး

အမေရိကန် ပြည်ထောင်စု ၀ါရှင်တန်ဒီစီ မြို့တော်မှာရှိတဲ့ Holocaust Memorial ပြတိုက်က မြန်မာ့ ဒီမို ကရေစီ ခေါင်းဆောင် ဒေါ် အောင် ဆန်းစုကြည်ကို နောက် သီတင်းပတ် ဗုဒ္ဓဟူး ဧပြီလ ၁၈ ရက်နေ့မှာ အဲလိ ဗီဇယ်လ် (Elie Wiesel) ဆုချီးမြှင့်ဖို့ရှိပါတယ်။ မြန်မာနိုင်ငံ ဒီမိုကရေစီရေး အတွက် ဒေါ်အောင်ဆန်းစုကြည်ရဲ့ မဆုတ်မနစ် စွန့်လွှတ် အနစ်နာခံ ဆောင်ရွက်မှုတွေအတွက် အခုလို ဆုချီးမြှင့်တာဖြစ်တယ်လို့ ဆိုပါတယ်။ အပြည့်စုံကို မခင်ဖြူထွေးက ပြောပြပေးပါမယ်ရှင်။

Elie Wiesel ဆုဟာ အမုန်းတရားတွေကို ဆန့်ကျင်ပြီး လူသား မျိုးနွယ်တွေ အစုလိုက် အပြုံလိုက် သတ်ဖြတ်မှုတွေ မဖြစ်ရလေအောင် ဟန့်တားကာကွယ်ရင်း လူသားတို့ရဲ့ ဂုဏ် သိက္ခာ တိုးတက်အောင် ဆောင်ရွက် ကြိုးပမ်းနေသူတွေကို ပေးအပ်တဲ့ Holocaust ပြတိုက်ရဲ့ အမြင့်ဆုံး ဂုဏ်ထူးဆောင်ဆု ဖြစ်ပါတယ်။ ကမ္ဘာတ၀ှမ်းက ဒီလို လူမျိုးတွေကို နှစ်စဉ် ချီးမြှင့်လာတာမှာ ဒီနှစ်တော့ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို ပေးအပ်မှာဖြစ်ပါတယ်။

စစ်အာဏာရှင်ကို တွန်းလှန်တဲ့ ဒေါ်အောင်ဆန်းစုကြည်ရဲ့ စိတ်ဓာတ်နဲ့သတ္တိဟာ အတုယူစရာ ဖြစ်တယ်လို့ Holocaust Memorial ပြတိုက်ကို ထူထောင်သူတစ်ဦးဖြစ်တဲ့ Elie Wiesel က ပြောပါတယ်။

“သူဟာ အကောင်းဆုံး စံနမူနာ၊ အတွေးအခေါ်တွေရှိတဲ့ ထူးခြားတဲ့ လူသားတစ်ယောက်ပါ။ ဒီလို စံထားစရာတွေ အတွေးအခေါ်တွေ ဟာလည်း သူ့တကိုယ်ရည်အကျိုးအတွက် မဟုတ်ဘဲ သူ့ရဲ့ တိုင်းပြည်အတွက် ဖြစ်ပါတယ်။ ဒါ့အပြင်ကို ကမ္ဘာပေါ်က အမျိုးသား အမျိုး သမီး လူသားတိုင်း ခံစားကြရတာတွေကို တွေ့ရတဲ့အခါတိုင်း ကျနော့် စိတ်ထဲမှာ ဒေါ်အောင်ဆန်းစုကြည်ကို အမြဲလိုလို တွေးမြင်မိ ပါတယ်။ ကူညီဆောင်ရွက်ဖို့ တာဝန်ရှိတယ်လို့ ခံစားရပါတယ်။ ဒါကြောင့် ဒေါ်အောင်ဆန်းစုကြည်နဲ့အတူ အားလုံးက ရပ်တည်နေတယ် ဆိုတာကို သိစေချင်ပါတယ်။”

ဒေါ်အောင်ဆန်းစုကြည်ဟာ မြန်မာနိုင်ငံမှာ လွတ်လပ်ခွင့်နဲ့ တရားမျှတမှုတွေ ရှိလာဖို့အရေး မဆုတ်မနစ် စွန့်လွှတ်အနစ်နာခံ လှုပ်ရှား ဆောင်ရွက်နေသူ ဖြစ်တယ်လို့လည်း ဒီ Holocaust Memorial ပြတိုက်ရဲ့ ထုတ်ပြန်ကြေညာချက်မှာ ဖော်ပြထား ပါတယ်။ ဒုတိယ ကမ္ဘာစစ် ကာလအတွင်း နာဇီဂျာမဏီတို့ရဲ့ လက်ချက်နဲ့ ဂျူးလူမျိုး သန်းနဲ့ချီ သတ်ဖြတ်ခံခဲ့ရတဲ့ သမိုင်းဝင် အဖြစ်အပျက်တွေကို အများ ပြည်သူ လေ့လာ ကြည့်ရှုနိုင်ဖို့ Holocaust Memorial ပြတိုက်ကို ၁၉၉၃ ခုနှစ်မှာ စတင်ဖွင့်လှစ် ခဲ့တာဖြစ်ပါတယ်။ ဒီလို ဂျူးလူမျိုးတွေ အစုလိုက်အပြုံလိုက် သတ်ဖြတ်ခံရတဲ့ အောက်မေ့ဘွယ် အထိန်းအမှတ်နေ့အဖြစ် ဧပြီလ ၁၉ ရက်နေ့ကို သတ်မှတ်ပြီး နှစ်စဉ် အောက်မေ့ ဘွယ် အခမ်း အနားတွေ ကို ပြုလုပ်လေ့ရှိတာ ဖြစ်ပါတယ်။

ဒေါ်အောင်ဆန်းစုကြည်ကို ဂုဏ်ပြုချီးမြင့်မယ့် အခမ်းအနားကိုတော့ ဒီ အောက်မေ့ဘွယ်နေ့ မတိုင်ခင် အကြိုအချိန်ကာလ ဧပြီလ ၁၈ ရက် နေ့မှာ ပြုလုပ်မှာ ဖြစ်ပါတယ်။ ဒီအခမ်းအနားကို မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် ကိုယ်တိုင် တက်ရောက် နိုင် ဖွယ်မရှိပေမဲ့ ဗွီဒီယိုကနေ နှုတ်ခွန်းစကား ပို့လာဖို့ မျှော်လင့်ရပါတယ်။

ဒေါ်အောင်ဆန်းစုကြည်ဟာ သူ့ရဲ့ ဒီမိုကရေစီရေး စွန့်လွှတ် ဆောင်ရွက်မှုတွေအတွက် နိုင်ငံ တကာက ပေးအပ်တဲ့ ဂုဏ်ပြုဆု ပေါင်း များစွာ ချီးမြှင့်ခံထားရသူဖြစ်ပါတယ်။ အမေရိကန်သမ္မတရဲ့ အရပ်သားတွေကို ပေးအပ်တဲ့ အမြင်ဆုံး လွတ်မြောက်ရေးဆု Presidential Madel of Freedom Award ကို ၂၀၀၀ ခုနှစ်က ရရှိခဲ့သလို ပြီးခဲ့တဲ့ ၂၀၁၁ ခုနှစ်ထဲမှာတင်ပဲ အမေရိကန်ပြည်ထောင်စု Oxi Day Foundation က ချီးမြှင့်တဲ့ အမျိုးသမီး သတ္တိရှင်ဆု Battle of Crete နဲ့ အမျိုးသမီး အခွင့်အရေး လှုပ်ရှားမှုအဖွဲ့ Feminist Majority Foundation က ပေးအပ်တဲ့ Eleanor Roosevelt ဆုတွေ အပါအ၀င် အမေရိကန်ပြည်ထောင်စု က ပေးအပ်တဲ့ ဆုပေါင်းများစွာကို လက်ခံ ရရှိထားသူ ဖြစ်ပါတယ်။

Ref: ဗွီအိုအေ

Read More...

၉/၁၁ တိုက်ခိုက်မှု စီစဉ်ညွှန်ကြားသူတွေကို ရုံးတင် စစ်ဆေးတော့မည်

0 ဧပြီ 2012

၂၀၀၁ ခုနှစ် စက်တင်ဘာလ ၁၁ ရက်နေ့က အမေရိကန်ပြည်ထောင်စုမှာ အကြမ်းဖက် တိုက်ခိုက်လို့ လူပေါင်း သုံးထောင်ကျော် အသက် ဆုံးရှုံးရတဲ့ လုပ်ကြံမှုကြီးကို စီစဉ်ညွှန်ကြားခဲ့တယ်လို့ စွပ်စွဲခံရသူ ၅ ဦးကို အမေရိကန် ပိုင် Guantanamo ပင်လယ်အော် အခြေစိုက် စခန်းမှာ စစ်ခုံရုံးတရားသူကြီး က စတင်စစ်ဆေးဖို့ မေလ ၅ ရက်နေ့ကို သတ်မှတ်လိုက်ပါတယ်။

စစ်တရားသူကြီး James Pohl က စက်တင်ဘာ ၁၁ အကြမ်းဖက်မှု လုပ်ကြံမှုကို အကွက်ချ စီစဉ်ညွန်ကြားတယ်လို့ ယူဆရသူ Al-Qaida စစ်သွေးကြွအဖွဲ့ဝင် ၅ ဦးကို ထူးထူးခြားခြား စနေနေ့မှာ စတင် စစ်ဆေးဖို့ စီစဉ်ခဲ့တယ်လို့ အမေရိကန် စစ်ဌာနချုပ် ပဉ္စဂံဌာနက အင်္ဂါနေ့ က ပြောကြားခဲ့ပါတယ်။

ဒီ ၅ ဦးမှာ စက်တင်ဘာ ၁၁ အကြမ်းဖက်မှုကို ကိုယ်တိုင် ကြံစည်လုပ်ဆောင်ခဲ့တယ်လို့ ကိုယ်တိုင် ထုတ်ဖော် ကြေညာသူ Khalid Sheikh Mohammed နဲ့ ကြံရာပါ ၄ ဦးတို့ ပါဝင်ပါတယ်။ သူတို့ကို အကြမ်းဖက်၊ လေယာဉ်အပိုင်စီး မှု၊ ပူးပေါင်းကြံစည်မှု၊ လူသတ်မှု တွေနဲ့ တရားစွဲဆိုမှာ ဖြစ်ပါတယ်။ အပြစ်ရှိတယ်လို့ တွေ့ရှိရရင် သေဒဏ် ကျခံကြရမှာဖြစ်ပါတယ်။

Ref: ဗွီအိုအေ

Read More...

တရုတ်ထိပ်တန်းခေါင်းဆောင် Bo Xilai ကို ပါတီကထုတ်ပယ်

10 ဧပြီ 2012

နောက်ဆုံးဖြစ်ပွားခဲ့တဲ့ တရုတ်ပြည်ရဲ့ နိုင်ငံရေး အရှုပ်တော်ပုံမှာ သူ့ရဲ့ မိသားစုနဲ့အတူ ပါဝင်ပတ်သက် နေတယ်ဆိုပြီး တရုတ်ပြည် ကွန်မြူနစ် ပါတီရဲ့ အလွန် လူကြိုက်များခဲ့တဲ့ နိုင်ငံရေး ထိပ်တန်း ခေါင်းဆောင် Bo Xilai ကို ကွန်မြူနစ် ပါတီက ထုတ်ပယ်လိုက်ပါတယ်။

“အလွန်အရေးကြီးတဲ့ စည်းကမ်းချိုးဖောက်မှုများကြောင့်” Bo Xilai ကို ၂၅ ဦး ပါဝင်တဲ့ ပေါလစ်ဗျူရိုက လည်းကောင်း၊ အဖွဲ့ဝင် ၃၀၀ ရှိတဲ့ ဗဟို ကော်မတီက လည်းကောင်း ဖယ်ရှားလိုက်တာဖြစ်တယ်လို့ တရုတ် အစိုးရ သတင်းစာမှာ အင်္ဂါနေ့က ဖော်ပြပါရှိပါတယ်။

၂၀၀၇ ခုနှစ်ကစပြီး အခုလို ပေါလစ်ဗျူရို အဖွဲ့ဝင်တယောက် ထုတ်ပယ်ခံရတာဟာ ပထမဆုံးအကြိမ် ဖြစ်ပါတယ်။ ဘိုရဲ့မိသားစုနဲ့ နီးစပ် တဲ့ ဗြိတိသျှ လုပ်ငန်းရှင် Neil Heywood အသတ်ခံရမှုနဲ့ ပတ်သက်ပြီး ဘိုရဲ့ဇနီး Bo Kailai ကိုလည်း စစ်ဆေး မေးမြန်းနေတယ်လို့ ဆင်ဟွာသတင်းက ဆိုပါတယ်။

Bo ရဲ့ နှစ်ရှည်ရဲမှူးကြီး Wang Lijun က အမေရိကန် ကောင်စစ်ဝန်ရုံးမှာ ပြေးဝင်ပြီး ခိုလုံခွင့်တောင်းပြီးတဲ့ နောက် ပြီးခဲ့တဲ့လက Bo Xilai ကို တရုတ်ပြည် အနောက်တောင်ဒေသရဲ့ မြို့တော်ချုံကင်းရဲ့ ကွန်မြူနစ် ပါတီ ခေါင်းဆောင်အဖြစ်က ထုတ်ပယ်ခဲ့ပါတယ်။ အာဏာ ကုန် ပိုင်ဆိုင်တဲ့ တရုတ် ကွန်မြူနစ်ပါတီရဲ့ ပေါလစ်ဗျူရို ခေါင်းဆောင် ဖြစ်လာမယ်လို့ Bo ကို တချိန်က ယူဆခဲ့ကြပါတယ်။

Ref: ဗွီအိုအေ

Read More...

သမ္မတဦးသိန်းစိန်နဲ့ ဒေါ်အောင်ဆန်းစုကြည် တွေ့ဆုံမည်

10 ဧပြီ 2012
သားညွန့်ဦး

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် ဟာ သမ္မတဦးသိန်းစိန် နဲ့ မနက်ဖြန် နေပြည်တော် မှာ တွေ့ဆုံဖို့ ရှိပါတယ်။ ပြီးခဲ့တဲ့ ကြားဖြတ်ရွေးကောက်ပွဲမှာ အမျိုးသားဒီမိုကရေစီ အဖွဲ့ချုပ် က နေရာ အများစု အနိုင်ရပြီးတဲ့နောက်ပိုင်း၊ သမ္မတ ဦးသိန်းစိန်နဲ့ ဒေါ်အောင် ဆန်းစုကြည်တို့ ပထမဆုံးအကြိမ် တွေ့ဆုံမှာ ဖြစ်ပါတယ်။ ဒီအကြောင်း ကိုသားညွန့်ဦးက တင်ပြပေးပါ့မယ်။

သမ္မတဦးသိန်းစိန်နဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်တို့နှစ်ဦး တွေ့ဆုံမယ့်ကိစ္စကို လွန်ခဲ့တဲ့ ရက်အနည်းငယ် က တည်း က စီစဉ်ထားတာဖြစ်ပါတယ်။ ဒေါ်အောင်ဆန်းစုကြည်နဲ့ သမ္မတ ဦးသိန်းစိန်တို့ နှစ်ဦး နေပြည်တော်မှာ သီးသန့် တွေ့ဆုံမှာဖြစ် တယ် လို့ ဒေါ်အောင်ဆန်းစုကြည်ရဲ့ လုံခြုံရေးအရာရှိ ဦးခွန်သာမြင့် က ပြောပါတယ်။

ဦးခွန်သာမြင့် ၊ ၊ ဟုတ်ပါတယ်။

မေး ၊ ဘယ်အချိန်လဲ ခင်ဗျ။

ဦးခွန်သာမြင့် ၊ ၊ နေ့လယ် ၁၁ နာရီပါ။

မေး၊ ဒေါ်အောင်ဆန်းစုကြည် နဲ့အတူ ဘယ်သူတွေပါ ပါသွားမလဲ ခင်ဗျ။

ဦးခွန်သာမြင့် ၊ ၊ ဒေါ်အောင်ဆန်းစုကြည် နဲ့အတူ ကျနော် ပါမှာပါ။ နောက် ဒေါက်တာ တင်မာအောင် ပါပါလိမ့်မယ်။

မေး၊ ဟိုဘက်က သမ္မတ ဦးသိန်းစိန် တဦးတည်းပဲလားခင်ဗျ။ ဘယ်သူတွေနဲ့ တွေ့ဦးမလဲ။

ဦးခွန်သာမြင့် ၊ ၊ ကျနော်တို့က ဒေါ်အောင်ဆန်းစုကြည် နဲ့ ပါသွားတာပဲ ရှိပါတယ်။ တွေ့တဲ့အချိန်မှာတော့ သမ္မတကြီးနဲ့ ဒေါ်အောင်ဆန်း စုကြည်တို့ နှစ်ယောက်တည်းပဲ တွေ့မယ်လို့ ကျနော် နားလည်ထားပါတယ်။

မေး၊ ဒီနေ့မှာ ဖိတ်တာလား၊ အစီစဉ်ဖြစ်တာ ဒီနေ့မှလား ခင်ဗျ။

ဦးခွန်သာမြင့် ၊ ၊ မဟုတ်ပါဘူး၊ ကျနော်တို့ စီစဉ်နေတာ ကြာပါပြီ၊ လွန်ခဲ့တဲ့ တရက် နှစ်ရက်ကတော့ အစီစဉ်ဖြစ်သွားပါတယ်။

လက်ရှိ အစိုးရသစ် တက်လာပြီးနောက်ပိုင်း သမ္မတဦးသိန်းစိန်နဲ့ ဒေါ်အောင်ဆန်းစုကြည်တို့ သီးသန့်တွေ့ဆုံကြတာ ဒါ ဒုတိယ အကြိမ် မြောက် ဖြစ်ပါတယ်။ အရင်တခေါက်တွေ့ဆုံမှု နောက်ဆက်တွဲအားဖြင့်တော့ အစိုးရဘက်က ရွေးကောက်ပွဲဥပဒေ ပြင်ဆင်ချက် ထုတ် ပြန်တာ၊ နောက် လွတ်လပ်ခွင့် အချို့ ပေးလာတာ ရှိသလို၊ အမျိုးသားဒီမိုကရေစီ အဖွဲ့ချုပ်ဟာလည်း တရားဝင်ပါတီအဖြစ် ပြန်လည် မှတ်ပုံတင်ပြီး ကြားဖြတ် ရွေးကောက်ပွဲကို ၀င်ခဲ့ပါတယ်။ အခု တခေါက် တွေ့ဆုံမှုကတော့ ကြားဖြတ်ရွေးကောက်ပွဲမှာ အမျိုးသားဒီမိုက ရေစီ အဖွဲ့ချုပ်က နေရာ အများစု နဲ့အနိုင်ရပြီးတဲ့ နောက်ပိုင်း ပထမဆုံးအကြိမ် ဖြစ်ပါတယ်။ ဒါကြောင့် အမျိုးသားဒီမိုကရေစီအဖွဲ့ချုပ် ကိုယ်စားလှယ်တွေ လွှတ်တော် တက်နိုင်ရေး ကိစ္စနဲ့ အခြားနိုင်ငံရေး ကိစ္စရပ်တွေ ပါဝင်မယ် ယူဆရပါတယ်။ အမျိုးသားဒီမိုကရေစီ အဖွဲ့ချုပ်ရဲ့ ကြားဖြတ် ရွေးကောက်ပွဲ ကာလ အတွင်း မဲဆွယ် စည်းရုံးမှု တွေထဲမှာ လက်ရှိ ဖွဲ့စည်းပုံအခြေခံဥပဒေကို ပြင်ဆင်သွားဖို့ ကြိုးပမ်းသွားမယ်လို့ အဖွဲ့ချုပ်က လူထုကို ကတိပြုခဲ့တာရှိပါတယ်။ ဒါကြောင့် အဲဒီ ဖွဲ့စည်းပုံဆိုင်ရာ အချက်အလက်အချို့ ဆွေးနွေး နိုင်ခြေ ရှိတယ်လို့ ယူဆရပါတယ်။

အနောက်နိုင်ငံတွေရဲ့ မြန်မာနိုင်ငံအပေါ် အရေးယူပိတ်ဆို့မှုထားတဲ့ ကိစ္စရပ်ကိုလည်း ဆွေးနွေးကြဖွယ် ရှိတယ်လို့ သုံးသပ်မှုတွေ ရှိပါ တယ်။ မကြာသေးခင်ကပဲ အမေရိကန်ပြည်ထောင်စုရဲ့ မြန်မာနိုင်ငံအပေါ် အရေးယူဒဏ်ခတ်မှုအချို့ကို စတင် ရုပ်သိမ်းမယ့်အကြောင်း အမေရိကန် နိုင်ငံခြားရေးဝန်ကြီး ကလင်တန်က ကြေညာခဲ့ပါတယ်။ ဒါပေမဲ့လည်း အရေးယူမှုအချို့ကိုတော့ ဆက်လက်ထားရှိမှာဖြစ်ပြီး၊ လုပ်ရပ်တခုချင်း အပေါ်မှာ တချက်ခြင်း တုံ့ပြန်သွားမယ်လို့ ဆိုခဲ့ပါတယ်။ ဒါကြောင့် အမေရိကန်ပြည်ထောင်စု ရဲ့ အရေးယူမှုတွေ က တော့ ဆက်ရှိနေဦးမှာပါ။ တဘက်မှာတော့ ဥရောပ သမဂ္ဂထဲမှာ မြန်မာအပေါ် အရေးယူမှုဖယ်ရှားရေးကိစ္စတွေကို အဆိုပြုတဲ့နိုင်ငံတွေ အတော်များလာတယ်လို့ သိရပါ တယ်။ ဒါကြောင့်လည်း လာမယ့် ဧပြီ ၂၃ ရက်နေ့မှာ ဥရောပနိုင်ငံခြားရေးဝန်ကြီး ဟာ မြန်မာနိုင်ငံ အပေါ် အရေးယူမှုကိစ္စတွေကို ပြန်လည် သုံးသပ်မှာဖြစ်ပါတယ်။ ဒါကြောင့်လည်း ဒီလို အခြေအနေ မတိုင်ခင်မှာ နှစ်ဦးနှစ်ဖက် အမြင် သဘောထားတွေ ဆွေးနွေးဖွယ်ရှိမယ်လို့ ယူဆရ ပါတယ်။

ဒေါ်အောင်ဆန်းစုကြည်ဟာ မနက်ဖြန် မနက်ပိုင်းမှာ လေယဉ်နဲ့ ရန်ကုန်ကနေ နေပြည်တော်ကို ထွက်ခွာ မှာဖြစ်ပြီး၊ နေပြည်တော်မှာပဲ အစိုးရအာဏာပိုင် အချို့နဲ့ နေလယ်စာ စားသုံးမှာပါ။ မနက်ဖြန် ညနေပိုင်း မှာပဲ လေယဉ်နဲ့ ရန်ကုန်ကို ပြန်လာဖို့ စီစဉ်ထားပါတယ်။

Ref: ဗွီအိုအေ

Read More...

ဒေါ်စု ရုန်းကန်ကြိုးပမ်းမှု ၀န်ကြီးကလင်တန် ချီးကျူး

10 ဧပြီ 2012
နန္ဒာချမ်း

မြန်မာနိုင်ငံမှာ ကြားဖြတ်ရွေးကောက်ပွဲတွေ ကျင်းပပြီးနောက်ပိုင်း အရင်က မြန်မာ့ ဒီမိုကရေစီခေါင်းဆောင် ဆိုတဲ့ သင်္ကေတတခုကနေ အခုအခါ လွှတ်တော်ထဲဝင်ပြီး နိုင်ငံရေးသမားတယောက်ဖြစ် လာတော့ မယ့် ဒေါ်အောင်ဆန်းစုကြည် ကို အမေရိကန် နိုင်ငံခြားရေး ၀န်ကြီး Hillary Clinton က ကြိုဆိုဂုဏ်ပြု အားပေးလိုက်ပါတယ်။ တနင်္လာနေ့ ဧပြီလ ၉ ရက်နေ့ က ၀ါရှင်တန်ဒီစီက အမေရိကန် ရုပ်ရှင် အသင်းမှာ ကျင်းပခဲ့တဲ့ “The Lady” ရုပ်ရှင်ပြပွဲကို တက်ရောက်ရင်း နဲ့ ၀န်ကြီး ကလင်တန် က အားပေးစကား ပြောကြားခဲ့တာပါ။ အပြည့်အစုံကို မနန္ဒာချမ်း က ဆက်ပြောပြပါမယ်ရှင်။

မနေ့က မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်အကြောင်း ရိုက်ကူးထားတဲ့ “The Lady” ရုပ်ရှင်ပြပွဲကို အမေရိကန် ရုပ်ရှင်အသင်း MPAA မှာ ပြပွဲ ကျင်းပခဲ့တာပါ။ ဒီပွဲကို ဒါရိုက်တာ Luc Besson နဲ့ မင်းသမီး Michelle Yeoh တို့အပြင် အမေရိကန် နိုင်ငံခြားရေး ၀န်ကြီး ဟေလာရီ ကလင်တန်၊ အမေရိကန်ရဲ့ မြန်မာနိုင်ငံဆိုင်ရာ မူဝါဒရေးရာ ညှိနှိုင်းရေးမှူး Derrek Mitchell တို့လည်း တက်ရောက်ခဲ့ ကြပါ တယ်။

ဒီ ရုပ်ရှင်ပြပွဲကို တက်ရောက်လာတဲ့ ၀န်ကြီးကလင်တန်ကတော့ ၅၆ နှစ်ကြာကာလအတွင်း ပထမဆုံး အကြိမ် အမေရိကန် နိုင်ငံခြား ရေး ၀န်ကြီး တဦးအနေနဲ့ မြန်မာနိုင်ငံကို သွားရောက်ခဲ့တဲ့ ခရီးစဉ်အတွင်းမှာ နိုဘဲလ်ငြိမ်းချမ်းရေးဆုရှင် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် အကြောင်း ရိုက်ကူး ထားတဲ့ “The Lady” ဇာတ်ကားကို သူ ကြည့်ဖြစ်ခဲ့တဲ့အကြောင်း၊ အခုလို ဒီရုပ်ရှင်ပြပွဲ ကျင်းပတဲ့အတွက် “ပြည်သူတွေ ဒီမိုကရေစီ ရရှိအောင် ရုန်းကန်ကြိုးစားခဲ့တဲ့ ဒီလို ထူးခြားတဲ့ အမျိုးသမီးတယောက်” ကို ဂုဏ်ပြုဖို့ အခွင့်အလမ်း တရပ်ပဲလို့လည်း ဆိုခဲ့ပါတယ်။

- ဒေါ်အောင်ဆန်းစုကြည်အကြောင်း ဒီနေ့ည ကြည့်ရှုရမယ့် ရုပ်ရှင်ကတော့ သိပ်ကို စိတ်လှုပ်ရှားစရာ ရင်နင့်စရာပါ၊ သူ့နိုင်ငံ လွတ် မြောက်ရေးနဲ့ ဒီမိုကရေစီ ရရှိရေးမျှော်လင့်ချက်နဲ့ သူ့ရဲ့ စွန့်လွှတ်အနစ်နာခံမှု ခက်ခဲ တဲ့ ဆုံးဖြတ်ချက်တွေ၊ ချမှတ်မှုတွေအကြောင်း ရိုက်ကူးထားတာ ဖြစ်ပါတယ်။

နှစ်ပေါင်း ၂၀ ကျော် ကာလအတွင်းမှာ ပထမဆုံးအကြိမ် ကြားဖြတ် ရွေးကောက်ပွဲကို ၀င်ရောက် ယှဉ်ပြိုင်အနိုင်ရခဲ့ပြီး လွှတ်တော် တက်ရောက်မယ့် ဒေါ်အောင်ဆန်းစုကြည် နဲ့ မကြာသေးခင်ကလည်း တယ်လီဖုန်းပြောကြားခဲ့တာနဲ့ ပတ်သက်ပြီး ဒီအခမ်းအနားမှာ ၀န်ကြီး ကလင်တန် က

- လွန်ခဲ့တဲ့ ရက်အနည်းငယ်ကပဲ ဒေါ်အောင်ဆန်းစုကြည် ရွေးကောက်ခံရတာကို ကျမတို့ ကြိုဆို ခဲ့ကြ ပါတယ်။ မကြာသေးခင်က တယ်လီဖုန်းကနေ စကားပြောခဲ့စဉ်က သူ့ကို ကျမ ပြောခဲ့ပါတယ်။ သူဟာ အခုဆို နာမည်ကြီးတဲ့ ပုဂ္ဂိုလ်တဦးကနေပြီးတော့ နိုင်ငံရေး သမားတဦး ဖြစ်လာပြီဆိုတဲ့အချက်ကို ကျမ သူ့ကို ထောက်ပြခဲ့ပါတယ်။ ကျမလည်း ဒီလို လမ်းမျိုး လျှောက်လှမ်းခဲ့ရတာမို့ ဒါဟာ မ လွယ်ဘူး ဆိုတာကို ကျမ သိပါတယ်။ အခုလည်း လွှတ်တော်ကို သူ သွားရတော့မှာ ဖြစ်ပါတယ်။ အဲ့ဒီမှာ အပေးအယူတွေ လုပ်ရ တော့ မယ်။ ဒါပေမဲ့လည်း ဒါဟာ တကယ်တော့ ဒီမိုကရေစီ ဖော်ဆောင်မှုပါပဲ။

ဒါ့အပြင် ၀န်ကြီး ကလင်တန်ရဲ့ မြန်မာနိုင်ငံ ခရီးစဉ်အတွင်း သမ္မတ ဦးသိန်းစိန် အပါအ၀င် အစိုးရ တာဝန် ရှိသူတွေနဲ့ တွေ့ဆုံတဲ့ အချိန်မှာ မြန်မာနိုင်ငံ ပြုပြင်ပြောင်းလဲမှုတွေနဲ့ ပတ်သက်ပြီး အမေရိကန် က စောင့်ကြည့်နေတဲ့ အကြောင်းနဲ့ အမေရိကန်အစိုးရက ချမှတ်ထားတဲ့ အရေးယူဒဏ်ခတ်မှုတွေနဲ့ ပတ်သက်ပြီး တော့လည်း ဖြည်းဖြည်းချင်း လျှော့ပေါ့ပေးသွားမှာဖြစ်တဲ့အကြောင်းတွေကို ပြောကြားခဲ့တယ်လို့ ဒီရုပ်ရှင်ပြပွဲမှာ ၀န်ကြီး ကလင်တန်က အခုလို ဆက်ပြောခဲ့ပါတယ်။

- “မြန်မာအစိုးရကို ကျမတို့ ပြောခဲ့ပြီးပါပြီ။ ခြေလှမ်းတခုချင်းဆီအပေါ် တုံ့ပြန်သွားမယ်ဆိုတဲ့အချက်ပါ။ ပြီးခဲ့တဲ့ သီတင်းပတ်ကပဲ အမေရိကန် ပြည်ထောင်စုက ယူခဲ့တဲ့ ခြေလှမ်းတွေကို ကျမ ကြေညာခဲ့ပါတယ်။ အမေရိကန် သံအမတ်ကြီးတဦး ခန့်အပ်မှုကနေအစ USAID လုပ်ငန်းတွေ ပြန်လည်လုပ်ဆောင်ဖို့၊ အများအကျိုးဆောင်ဖို့အတွက် တသီးပုဂ္ဂလအဖွဲ့တွေကို မြန်မာပြည်တွင်း လုပ်ဆောင်ခွင့် ပြုဖို့၊ အမေရိကန် ငွေကြေးဝန်ဆောင်မှုလုပ်ငန်းတွေ တင်ပို့မှုအပေါ် ပိတ်ပင်မှု၊ ရင်းနှီးမြှုပ်နှံမှုနဲ့ ခရီးသွားလာ ခွင့်တွေ အပေါ် ကန့်သတ် ချက်တွေကို လျှော့ချပေးဖို့တွေ ပါဝင်ပါတယ်။ ဒါဟာ ကျမတို့ သေသေချာချာ စဉ်းစားပြီး နှလုံးသားထဲက မျှော်လင့်ချက်ထားပြီး လုပ်ခဲ့ တာပါ။ တခြား မိတ်ဆွေနိုင်ငံတွေ အပြင် ဒေါ်အောင်ဆန်းစုကြည် နဲ့ ဒီမိုကရေစီ အင်အားစုတွေနဲ့လည်း ကျမတို့ နီးနီးကပ်ကပ် ဆွေးနွေး တိုင်ပင်ခဲ့ကြတာလည်း ဖြစ်ပါတယ်။”

မြန်မာနိုင်ငံဆိုင်ရာ အမေရိကန်သံအမတ် ဖြစ်လာလိမ့်မယ်လို့ အများက ထင်ကြေးပေးခံနေရတဲ့ အမေရိကန်ရဲ့ မြန်မာနိုင်ငံမှာဆိုင်ရာ အထူး အကြံပေးပုဂ္ဂိုလ် ဒဲရက်ခ်မစ်ချဲ ကတော့ ပြီးခဲ့တဲ့နှစ် စက်တင်ဘာ လက စပြီး သူ့ကို ဒီတာဝန်ပေးအပ်ကတည်းက မြန်မာနိုင်ငံမှာ အပြောင်းအလဲတွေကို မြင်တွေ့ လာရပေမဲ့ လုပ်ဆောင်စရာတွေ အများကြီး ကျန်သေးတယ်လို့ အခုလို ပြောဆိုခဲ့ပါတယ်။

- “ကျနော်တို့အနေနဲ့ နေ့စဉ် အပတ်စဉ် ဆိုသလိုပဲ အပြောင်းအလဲတွေ မြန်မာနိုင်ငံမှာ ဖြစ်လာနေ တာကို တွေ့နေကြရပါတယ်။ မ ပြောင်းလဲတဲ့ အချက်တချို့ကိုလည်း တွေ့ကြရပါတယ်။ လူ့အခွင့်အရေး ချိုးဖောက်မှုတွေနဲ့ ရက်စက်တဲ့လုပ်ရပ်တွေကို တိုင်းရင်းသား ဒေသတွေမှာ တွေ့နေရပါသေးတယ်။ ဒါပေမဲ့ အခုဆိုရင် ဒေါ်အောင်ဆန်းစုကြည်ဟာ လွှတ်တော်အမတ်အဖြစ် ရွေးကောက် တင်မြှောက် ခံခဲ့ရပါတယ်။ ဒါဟာ လွန်ခဲ့တဲ့ ၉ လက ဒီလို ဖြစ်လိမ့်မယ်လို့ ဘယ်သူကမှ စိတ်ကူးထဲ ထည့်နိုင်မှာ မဟုတ်ပါဘူး။”

ဒါ့အပြင် ၀န်ကြီးကလင်တန် က ဒီရုပ်ရှင်ဖြစ်မြောက်အောင် အခက်အခဲတွေကြားထဲကနေ ရိုက်ကူး ခဲ့တဲ့ ပြင်သစ်ဒါရိုက်တာ လု ဘန်စန် ကိုလည်း ကျေးဇူးတင်စကား ပြောဆိုခဲ့ပါတယ်။ ဒီ “The Lady” ရုပ်ရှင်မှာ ဒေါ်အောင်ဆန်းစုကြည်ရဲ့နိုင်ငံရေးဘ၀ ဆိုတာထက် သူ့ရဲ့ ပုဂ္ဂိုလ်ရေး ဘ၀အကြောင်းကို ဦးစားပေးထားပြီးတော့ မင်းသမီး မစ်ရှဲယို က ဒေါ်အောင်ဆန်းစုကြည်ရဲ့ နေရာမှာ သရုပ်ဆောင် ထား တာပါ။ ဒီရုပ်ရှင်ကို ကြည့်ခဲ့ကြသူတွေကတော့ ဒေါ်အောင်ဆန်းစုကြည်ရဲ့ ဘ၀ကို စာနာပြီး မျက်ရည်ဝဲခဲ့ရတယ်လို့ ဆိုကြပါတယ်ရှင်။

Ref: ဗွီအိုအေ

Read More...

အထက်လွှတ်တော်အမတ် ဂျင်ဝက်နဲ့ NLD မတွေ့ဆုံဖြစ်

10 ဧပြီ 2012
သားညွန့်ဦး

မြန်မာနိုင်ငံကို ရောက်ရှိနေတဲ့ အမေရိကန်အထက်လွှတ်တော်အမတ် ဂျင်ဝက်ဟာ အခြား နိုင်ငံရေး ပါတီ အတော်များများနဲ့ တွေ့ဆုံ ဖို့ရှိပေမဲ့ ၊အဓိက အတိုက်အခံပါတီကြီးဖြစ်တဲ့ အမျိုးသား ဒီမိုကရေစီ အဖွဲ့ချုပ်နဲ့ တွေ့ဆုံဖို့ အစီအစဉ် ပျက်သွားပြီးတော့ အဖွဲ့ချုပ် ခေါင်း ဆောင် ဒေါ် အောင်ဆန်းစုကြည် နဲ့လည်း တွေ့ဆုံနိုင်မယ့် အလားအလာ မရှိပါဘူး။ ဒီအကြောင်းကို ကိုသားညွန့်ဦးက စုံစမ်းမေးမြန်း ထားပါတယ်။

အထက်လွှတ်တော်အမတ် ဂျင်ဝက်ကို ဒေါ်အောင်ဆန်းစုကြည်အနေနဲ့ သူ့ရဲ့ ခရီးစဉ်အတွင်းမှာ တွေ့ဆုံဖို့ အစီအစဉ် မရှိဘူးလို့ အဖွဲ့ချုပ်နဲ့ နီးစပ်သူတွေက ပြောကြပါတယ်။ ဘာကြောင့်လဲဆိုတဲ့ အသေးစိတ် အခြေအနေကိုတော့ မသိရပါဘူး။ ဒါပေမယ့် အဖွဲ့ချုပ်ခေါင်းဆောင် တဦးဖြစ်တဲ့ ဦးတင်ဦးက အဖွဲ့ချုပ်ကိုယ်စား တွေ့ဆုံဖို့ ဒီကနေ့မှာ စီစဉ်ထားပေမဲ့ မစ္စတာဂျင်ဝက် ဘက်က တွေ့ဆုံဖို့ အချိန် ပြောင်းလဲ တာကြောင့် မစ္စတာဂျင်ဝက်နဲ့ အဖွဲ့ချုပ်တို့ တွေ့ဖို့ အစီအစဉ် ပျက်သွားတယ်လို့ အဖွဲ့ချုပ် ပြောခွင့်ရသူ ဦးဥာဏ်ဝင်း က ပြောပါတယ်။

- မတွေ့ဖြစ်ပါဘူး၊ ဒီနေ့ အစီအစဉ်ဖျက်ပါတယ်။ သူ့ဘက်က မအားတာ။

မေး၊ သူ့ကို ချိန်းပြီးမှ ဘာကြောင့် ဖျက်လိုက်တာလဲ ခင်ဗျ။

- ဖျက်တယ်ဆိုတာက မနက်ဖြန်ကို ပြန်ရွှေ့ခိုင်းတယ်၊ ကျနော်တို့က ရွှေ့မပေးနိုင်ဘူး၊ ဒီမှာက တရားဝင်ရုံးပိတ်ရက် လူတွေလည်း မရှိဘူးလို့။

မစ္စတာ ဂျင်ဝက်နဲ့အဖွဲ့ဟာ မနေ့ကတော့ နေပြည်တော်မှာ ရှိနေပြီး၊ မြန်မာသမ္မတ ဦးသိန်းစိန် အပါအ၀င် အစိုးရအဖွဲ့ဝင်တွေကို တွေ့ဆုံ သလို၊ လွှတ်တော်ဘက်ကတော့ အမျိုးသားလွှတ်တော် ဥက္ကဌ ဦးခင်အောင်မြင့်နဲ့ တွေ့ဆုံခဲ့ပါတယ်။ နှစ်နိုင်ငံ ဆက်ဆံရေး ကောင်းမွန်ဖို့ ကိစ္စရပ်တွေအပြင်၊ စီးပွားရေးနဲ့ ကုန်သွယ်ရေးဆိုင်ရာ ကိစ္စရပ်တွေကိုလည်း ဆွေးနွေးခဲ့တယ်လို့ သိရပါတယ်။ မနက်ဖြန် မနက်ပိုင်းမှာ တော့ ကျန်နိုင်ငံရေးပါတီတွေနဲ့ တွေ့ဆုံဖို့ရှိတယ်လို့ အမျိုးသားဒီမိုကရေစီ အင်အားစုပါတီ ခေါင်းဆောင် ဦးခင်မောင်ဆွေ က ပြောပါ တယ်။

ဦးခင်မောင်ဆွေ ၊ ၊ ခုန ကျနော်တို့ကို သံရုံးက လှမ်းအကြောင်းကြားပါတယ်။ မနက်ဖြန်မနက် ၉ နာရီ အမေရိကန် သံရုံးမှာ ကျနော်တို့ NDF ပါတီကို တွေ့မယ် ပြောပါတယ်။ မိနစ် ၂၀လောက် အချိန်ရမယ် ထင်ပါတယ်။ ကျနော်တို့ဘက်ကတော့ ကျနော်နဲ့ ဦးသန်းငြိမ်း နဲ့ကို ဖိတ်ထားပါတယ်။ နက်ဖြန် မနက် ၉နာရီမှာ အရောက်သွားပြီးတော့ တွေ့ဖို့ အကြောင်းရှိပါတယ်။

မေး၊ တပါတီချင်း တွေ့မှာလား၊ တခြားနိုင်ငံရေးပါတီတွေနဲ့ ပေါင်းတွေ့မှာလား၊

ဦးခင်မောင်ဆွေ ၊ ၊ ကျနော်တို့ကို ပြောတာတော့ ကျနော်တို့ ပါတီနဲ့ပဲ မိနစ် ၂၀လောက်ရမယ်၊ နှစ်ယောက်တည်းပဲ တွေ့မယ်လို့ ပြောပါတယ်။

မစ္စတာဂျင်ဝက်ဟာ မြန်မာအာဏာပိုင်တွေနဲ့ ပထမဆုံး ထိစပ်ဆက်ဆံရေးမူဝါဒ ကျင့်သုံးသွားဖို့ အမေရိကန် အာဏာပိုင်တွေကို တိုက် တွန်းခဲ့သူဖြစ်သလို၊ သူကိုယ်တိုင်ဟာလည်း မြန်မာအစိုးရနဲ့ စပြီး ထိစပ် ဆက်ဆံရေးမူ ကျင့်သုံးခဲ့သူဖြစ်ပါတယ်။ အရင် စစ်အစိုးရ အကြီးအကဲ ဗိုလ်ချုပ်မှုးသန်းရွှေ ကိုယ်တိုင်က လက်ခံ တွေ့ဆုံခဲ့ပါတယ်။ သူဟာ မြန်မာနိုင်ငံအပေါ် အမေရိကန်ပြည်ထောင်စုရဲ့ ပိတ်ဆို့ အရေးယူရေး မူဝါဒတွေကို ရုပ်သိမ်းရေးကို လိုလားသူလည်း ဖြစ်ပါတယ်။ မနက်ဖြန် သွားရောက် တွေ့ဆုံဖို့ရှိတဲ့ အမျိုးသား ဒီမိုကရေစီ အင်အားစုပါတီခေါင်းဆောင် ဦးခင်မောင်ဆွေ ကတော့ ပိတ်ဆို့မှုတွေ ရုပ်သိမ်းတာ လိုလားပေမဲ့၊ ဒဏ်ခတ်ပိတ်ဆို့မှုအချို့ကိုတော့ ဆက် ထားသင့် တယ် လို့ မြင်ပါတယ်။

ဦးခင်မောင်ဆွေ ၊ ၊ ကျနော်တို့က Sanction ကို အဆင့်လိုက် Lift လုပ်သွားစေချင်တာပေါ့၊ ပထမဆုံး တော့ ရင်းနှီးမြှုပ်နှံမှုတွေ၊ Freeze လုပ်ထားတဲ့ ငွေကြေး ရင်းမြစ်တွေ၊ ဘဏ်တွေမှာ ထားတဲ့ ဟာတွေ၊ ဒါတွေကို အရင်ဆုံး ရုပ်သိမ်းစေချင်တယ်။ ပြီးတော့ စီးပွားရေးအခွင့် အလမ်းတွေ ပေးဖို့အတွက် ကုမ္ပဏီတွေ လာဖို့ကိုလည်း ခွင့်ပြုစေချင်တယ်၊ နောက်ဆုံးမှာကျတော့ Targeted Sanction ကို လည်း ကြိုက်သလို ရွှေ့ပေါ့၊ အချိန် ဆွဲချင်လည်း ဆွဲပေါ့၊ စီးပွားရေး ဖွံ့ဖြိုးတိုးတက်မှုကို အနှောက် အယှက် ပေးမယ့် Sanction တွေကိုတော့ အသုတ်လိုက် ရွှေ့သွားဖို့ ကျနော်တို့က လိုလားပါတယ်။

ရန်ကုန်ရောက်နေပြီဖြစ်တဲ့မစ္စတာဂျင်ဝက်ဟာ မနက်ဖြန် မနက်ပိုင်း နိုင်ငံရေးပါတီတွေနဲ့ တွေ့အပြီး မှာတော့ ရန်ကုန်မှာ သတင်းစာရှင်း လင်းပွဲ တရပ်လုပ်ဖို့ စီစဉ်ထားပါတယ်။ အခု ခရီးစဉ်အတွင်းမှာ တော့ မြန်မာအာဏာပိုင်တွေ အခြားနိုင်ငံရေးပါတီတွေနဲ့ တွေ့ဆုံခဲ့ပေမဲ့၊ ဒေါ်အောင်ဆန်းစုကြည်နဲ့ ဖြစ်စေ အဖွဲ့ချုပ်နဲ့ဖြစ်စေ မတွေ့ဖြစ်တဲ့ အကြောင်းရင်းကိုတော့ သတင်းထောက်တွေ ပိုပြီး စိတ်ဝင် တစား မေး ကြမယ့် အနေအထားမှာ ကြုံရနိုင်ပါတယ်။ မစ္စတာဝက်ဟာ အရင်မြန်မာနိုင်ငံ ခရီးစဉ်တွေ အတွင်း ၊ နေအိမ်အကျယ်ချုပ်ကျခံနေရ တဲ့ ဒေါ်အောင်ဆန်းစုကြည်ကို တကြိမ်မှာတော့ သွားရောက် တွေ့ဆုံခွင့် ရခဲ့ဖူးပါတယ်။

Ref: ဗွီအိုအေ

Read More...

မြောက်ကိုရီးယား ဒုံးပျံလွှတ်တင်မှု အဆင်သင့်ဖြစ်

10 ဧပြီ 2012
ဒေါ်ခင်စိုးဝင်း

နိုင်ငံတကာအသိုင်းအ၀ိုင်းက ၀ိုင်းဝန်းပြစ်တင် ရှုတ်ချ နေတဲ့ ကြားကပဲ မြောက်ကိုရီးယားက ဒုံပျံးတစီး အာကာသထဲ လွှတ်တင်ရေး ပြင် ဆင်မှုတွေ ပြီးပြည့်စုံပြီလို့ ဒီကနေ့ တနင်္လာနေ့မှာ ကြေညာလိုက် ပါတယ်။ အဲဒီ ဒုံးပျံကို ကြာသပတေးနေ့ အစောဆုံး ထားပြီး လွှတ်တင် နိုင်ဖို့ အဆင်သင့်ဖြစ်နေပြီလို့ မြောက် ကိုရီးယား အာကာသ ရေးရာ တာဝန်ရှိသူတွေက ပြော ဆို လိုက်တာပါ။

အမေရိကန်နဲ့ တောင်ကိုရီးယားနိုင်ငံကတော့ ဒီ ဒုံးပျံ လွှတ်တင်မယ့် အစီအစဉ်ဟာ အကြီးအကျယ် ရန်စ မှု ဖြစ်တာကြောင့် တောင်ကို ရီး ယားကို ကာကွယ်ဖို့ အတွက် အမေရိကန်နဲ့ တောင်ကိုရီးယားအနေနဲ့ အခိုင်အမာ စိတ်ပိုင်းဖြတ် ထားတဲ့အကြောင်း အမေရိကန်နိုင်ငံ ခြားရေး ၀န်ကြီးဌာနပြောခွင့်ရသူ Victoria Nuland က ပြောပါတယ်။

ဒေသတွင်းလုံခြုံရေးကို အန္တရာယ်ပြုခြိမ်းခြောက်နိုင် တာကြောင့် တာဝေးပစ် ဒုံးလက်နက် စမ်းသပ်တာတွေ မလုပ်ပါဘူးလို့ မကြာသေး ခင်က တာဝန်ခံခဲ့တာနဲ့ အညီ ဆောင်ရွက်ရမှာဖြစ်ကြောင်း၊ ဒါဟာ လုံခြုံရေးကောင်စီ ဆုံးဖြတ်ချက်အမှတ် ၁၇၁၈ နဲ့ ၁၈၇၄ ကိုချိုး ဖေါက်တာလို့ အမေရိကန်အနေနဲ့ သဘော ထားကြောင်း၊ ဒါ့ကြောင့် ဒီအစီအစဉ် မသင့်တော်ဘူး ဆိုတာကို ဆက်လက် ထောက်ပြသွား မှာ ဖြစ်ကြောင်း Victoria Nuland က ပြောပါတယ်။

ကုလသမဂ္ဂဆိုင်ရာ အမေရိကန် အမြဲတမ်း ကိုယ်စားလှယ် သံအမတ်ကြီး Susan Rice က လည်း မြောက်ကိုရီးယားရဲ့ ဒီ ဒုံးပျံ လွှတ် တင်မယ့် အစီအစဉ်ဟာ လုံခြုံကောင်စီ ဆုံးဖြတ်ချက်တွေကို ချိုးဖောက်သလိုဖြစ်နေတာကြောင့် ဘယ်လို ပဲ့ထိန်းတပ် ဒုံးလက်နက်စမ်း သပ်တာမျိုးကိုမဆို တားမြစ်ရလိမ့်မယ် လို့ပြောပါတယ်။

Ref: ဗွီအိုအေ

Read More...

တောင်ဥက္ကလာပ ဟေမ၀န်ဈေးမီး ကျပ် သိန်း ၆၀၀ ကျော်ဖိုး ဆုံးရှုံး

10 ဧပြီ 2012
Nyein Khet

ရန်ကုန်တိုင်း၊ တောင်ဥက္ကလာပမြို့နယ်ထဲက ဟေမ၀န်ဈေးမှာ မီးလောင်ကျွမ်းတဲ့အတွက် ကျပ် သိန်း ၆၀၀ ကျော်ဖိုး ဆုံးရှုံးသွားတယ်လို့ ရန်ကုန်တိုင်း မီးသတ်ကွပ်ကဲမှုရုံးက ဗွီအိုအေကို ပြောပါတယ်။ မနက် လင်းအားကြီး လူတွေ အိပ်မောကျနေချိန်မှာ လောင်ကျွမ်းခဲ့တာမို့ ဆိုင်ခန်းပိုင်ရှင်တွေအနေနဲ့ ဘာမှ သယ်ထုတ်ခွင့်မရဘဲ ဆုံးရှုံးခဲ့ကြရတာလည်း ဖြစ်ပါတယ်။ ဒီ မီးလောင်ကျွမ်းမှုနဲ့ပတ်သက်ပြီး မီးသတ် ကွပ်ကဲမှုရုံးနဲ့ ဆုံးရှုံးသွားတဲ့ ဆိုင်ခန်းပိုင်ရှင်တဦးတို့ကို ဘန်ကောက် ကနေ ဆက်သွယ်မေးမြန်းထားတဲ့ ကိုကျော်ကျော်သိန်းက သတင်း ပေးပို့ထားပါတယ်။

ရန်ကုန်တိုင်း၊ တောင်ဥက္ကလာပမြို့နယ်၊ ပဒေသာရပ်ကွက်၊ ဟေမ၀န်ဈေးမှာ အင်္ဂါနေ့မနက် လင်းအားကြီး အချိန် ၁ နာရီ မိနစ် ၂၀မှာ မီး စလောင်ခဲ့တာပါ။ မနက် ၂ နာရီ ၃၈ မိနစ်မှာ မီးကိုထိန်းနိုင်ခဲ့ပြီး ၂ နာရီ ၅၅ မိနစ်မှာ ငြိမ်းသတ်နိုင်ခဲ့တယ်လို့ ရန်ကုန်တ်ိုင်း၊ မီးသတ် ကွပ်ကဲမှု ရုံးက ဗွီအိုအေကို ပြောပါတယ်။

ဆက်သွယ်မေးမြန်းချိန်မှာ ဆုံးရှုံးပစ္စည်းတန်ဘိုး စုစုပေါင်းနဲ့ အခြေအနေအရပ်ရပ်ကို တာဝန်ရှိသူတဦးက ရှင်းပြခဲ့ပါတယ်။

- လောင်ကျွမ်းမှုတန်ဖိုးက ၆၁၃ သိန်းပါ။

မေး။ ဈေးရဲ့ အစိတ်အပိုင်း ဘယ်လောက်လောက်ထိ ပါသွားပါသလဲ။

- ရုံးခန်းပေါင်း ၂၂ ရုံ ရှိတာ၊ ဆိုင်ခန်းပေါင်းက ၁၉၅၀ ရှိတယ်။ အဲဒီထဲမှာ ဈေးရုံ ၃ရုံ နဲ့ ဆိုင်ခန်းက ၅ပေအကျယ် ဆိုင်ခန်း ၁၃၈ ခန်း၊ ၃ပေအကျယ်ရှိ ဆိုင်ခန်းက ၇၅၅ ခန်း၊ စုစုပေါင်း ၈၉၃ ခန်း မီးလောင် ဆုံးရှုံးပါတယ်။

မေး ။ ဘာကြောင့် လောင်တယ်ဆိုတာကိုရော သိရပါပြီလား။

- ရုံ ၂ နဲ့ ရုံ ၃ ကြားမှာ ညစောင့်ဝန်ထမ်း ကျော်ဆွေဦး အသက် ၃၀ ခြင်ဆေးခွေ ထွန်းအိပ်ရာကနေ စလောင်တာပါ။

မေး ။ လူတွေ ထိခိုက်ဒဏ်ရာရတာမျိုးရော ရှိသလားခဗျာ။

- မရှိပါဘူးခဗျာ။

ရန်ကုန်တိုင်း၊ မီးသတ်ကွပ်ကဲမှုရုံးက တာဝန်ရှိသူတဦးပါ။ မီးဟာ လင်းအားကြီးအချိန်မှာ စပြီး လောင်တာကြောင့် ဆိုင်ခန်း ပိုင်ရှင်တွေ အနေနဲ့ ပစ္စည်းတွေ သယ်ထုတ်ယူဖို့ အချိန်မရလိုက်ဘဲ အကုန်လုံးလိုလို ဆုံးရှုံးခဲ့ကြရတာပါ။ တဆိုင်လုံး မီးထဲ ပါသွားတာကြောင့် ကျပ် သိန်း ၇၀ ဖိုးလောက် ဆုံးရှုံးသွားရတဲ့ ပါတိတ်ထဘီဆိုင် ပိုင်ရှင်တဦးကို ဗွီအိုအေက ဆက်သွယ် မေးမြန်းခဲ့တာမှာ သူက အခုလို စပြော ပါတယ်။

- ဘာမှ မသိဘဲနဲ့ လောင်ချက်က မြန်တာပဲ ကျနော် သိလိုက်တယ်။ သ်ိတဲ့ အချိန်မှာ မီးက တနေရာ တည်းတင် မဟုတ်ဘူးဗျ၊ လောင်တဲ့ နေရာက ကျနော်ထင်တယ်၊ ၃နေရာလောက် ကွက်လောင်တဲ့ သဘော ရှိတယ်။ ၀ိုက်လောင်သွားတာပေါ့နော်။ အရင် ၉၅ မှာတုန်းက တကြိမ်၊ ၂၀၀၀ မှာတုန်းက တကြိမ်၊ လောင်တုန်း က ပစ္စည်း ပိုင်ရှင်တွေ ဝင်ထွက် သွားလာလို့ သယ်လို့ ရတယ်။ တခြမ်းပဲ လောင်ပြီး ဆက်တိုက်လောင်သွားတဲ့ သဘော။ ခုဟာက ကွက်လောင်တဲ့သဘောဖြစ်နေတယ်၊ မီးလောင်တာ တော်တော် မြန်တယ်။

မေး ။ ဆိုတော့ အကို့ဆိုင်က ဘာမှ မရလိုက်ဘူးပေါ့။

- ဟုတ်ပါတယ်။ ဘာမှမရလိုက်ပါဘူး။ ကျနော်တို့ ကျောက်ပြား ၃ ကျောက်ပြား ၂ ကတော့ ပစ္စည်း ပစ္စယတွေ တခုမှ မရကြပါဘူး။

မေး ။ ဆုံးရှုံးမှုတန်ဖိုး ဘယ်လောက်လောက် ရှိမယ်လို့ ခန့်မှန်းပါသလဲ။

- ကျနော်ကတော့ သိန်း ၇၀ လောက် ရှိပါမယ်။ ကျန်တဲ့သူတွေကတော့ သိန်း ၄၀၀ တို့ ၃၀၀ တို့၊ များကြပါတယ်။ ကျနော်ကတော့ အလတ်တန်းစားလောက်အဆင့်ပဲ ရှိပါတယ်။

မေး ။ ခု မီးလောင်ပြီးသွားပြီဆိုရင် နောက်ပိုင်းမှာ ဘာတွေဖြစ်လာမလဲ၊ ဈေးပြန်ဆောက်တာတို့၊ ဆုံးရှုံးသွားတဲ့ ပစ္စည်းတွေ ကိစ္စတို့ ဘာတွေ ဖြစ်လာနိုင်မယ်လို့ ထင်ထားလဲ။

- ဦးအောင်သိန်းလင်းကတော့ နက်ဖန် ၁နာရီမှာ အထက ၅ ကိုလာဖို့ မီးလောင်သွားတဲ့ ဈေးသူဈေးသားတွေအားလုံးကို ခေါ်ထား ပါတယ်။ သူက သင်္ကြန်ပြီးတာနဲ့ ဈေးပြန်ဆောက်ပေးမယ်။ ဆိုင်ခန်းပိုင်ရှင်တွေက သူ့နေရာ သူ ပြန်ရမယ်၊ ငွေချေးမယ်၊ အဲလို ပြော သွားပါတယ်။

မေး ။ ဆုံးရှုံးတဲ့ ပစ္စည်းတွေအတွက်တော့ ပြန်ရနိုင်စရာလမ်း ဘာမှ မရှိတော့ဘူးလားခဗျာ။

- ရစရာ မရှိတော့ဘူး၊ ကြည့်ပြီးပြီ ၊ အကုန်လုံးနီးပါးကို မရတာပါ။

ရန်ကုန်တိုင်း၊ တောင်ဥက္ကလာပမြို့နယ်၊ ဟေမ၀န်ဈေး မီးလောင်မှုမှာ ဆိုင်ခန်းဆုံးရှုံးခဲ့ရသူ တဦးပါ။

မြန်မာနိုင်ငံမှာ အခုအချိန်ဟာ ခြောက်သွေ့ရာသီဖြစ်ပြီး မတော်တဆ မီးလောင်ကျွမ်းတာတွေ အဖြစ်များတဲ့ ရာသီပါ။ မီးလောင် ကျွမ်း တဲ့အခါမှာ လူအသေအပျောက်ဖြစ်တာမျိုး ရှားပါးပေမဲ့ ၂၀၁၁ ခုနှစ် ကုန်ခါ နီးလေးမှာ မင်္ဂလာတောင်ညွန့်က ဂိုဒေါင်တွေမှာ မီးလောင် ကျွမ်းခဲ့တာမှာတော့ လူ ၁၇ ယောက် သေဆုံးပြီး ၈၃ ယောက် ထိခိုက်ဒဏ်ရာရခဲ့တယ်လို့ တာဝန်ရှိသူတွေက သတင်း ထုတ်ပြန်ပါတယ်။

၂၀၁၁ ခုနှစ်အတွင်း မြန်မာတနိုင်ငံလုံးမှာ မီးလောင်မှုပေါင်း ၉၂၃ ကြိမ် ဖြစ်ပွားတာမှာ စုစုပေါင်း လူ ၆၁ ယောက်သေဆုံး၊ ၁၅၇ ယောက် ထိခိုက်ဒဏ်ရာရခဲ့ပြီးတော့ ကျပ်ငွေ သန်းပေါင်း ၁,၉၀၀ ဖိုး ဆုံးရှုံး ခဲ့ရပါတယ်။ ၂၀၁၂ ခုနှစ် ဇန်န၀ါရီလအတွင်းမှာတော့ မြန်မာတစ်နိုင်ငံ လုံးမှာ မီးလောင်မှုပေါင်း ၁၂၃ ကြိမ် ဖြစ်ပွားခဲ့တယ်လို့ လူမှုဝန်ထမ်း၊ ကယ်ဆယ်ရေး နဲ့ ပြန်လည် နေရာချထားရေး ၀န်ကြီးဌာန၊ မီးသတ် ဦးစီးဌာနက သတင်းထုတ်ပြန်ထားပါတယ်။

Ref: ဗွီအိုအေ

Read More...

အစိုးရနှင့်ဆွေးနွေးမှု အရေးကြီးအဆင့် ရောက်နေကြောင်း KNU ပြော

ကိုပေါက်
ဧပြီလ ၁၁ ရက် ၂၀၁၂ ခုနှစ်

စစ်မှန်သည့် ငြိမ်းချမ်းရေးအား အကောင်အထည် ဖော်နိုင်ရန်အတွက် အစိုးရနှင့် ကရင် အမျိုးသား အစည်းအရုံး KNU တို့အကြား တွေ့ဆုံ ဆွေးနွေးမှုများ ပြုလုပ်လာခဲ့ရာတွင် အရေးကြီးသော အဆင့်တွင် ရောက်ရှိနေကြောင်း KNU က ဆိုသည်။

“နောက်တဆင့် တက်နိုင်ဖို့ဆိုတာ ကျမတို့ အပစ်အခတ် ရပ်စဲရေး ဘယ်လောက်အထိ အကောင်အထည် ဖော်နိုင်မလဲဆိုတာ အပေါ်မှာ မူတည်ပါတယ်။ ခိုင်မာတဲ့ အပစ်အခတ် ရပ်စဲရေး ဆိုတဲ့ကဏ္ဍက အင်မတန်မှ အရေးကြီးပါတယ်။ ဒါမှသာ ကရင်ပြည်သူလူထုကို အစစ် အမှန် ကိုယ်စားပြုတဲ့ နိုင်ငံရေးဆွေးနွေးမှုတွေ လုပ်နိုင်မှာဖြစ်ပါတယ်” ဟု KNU ငြိမ်းချမ်းရေး ကိုယ်စားလှယ်အဖွဲ့၏ ပြောရေးဆိုခွင့်ရှိသူ နော်မေဦးမူတြော် က မဇ္ဈိမကို ပြောသည်။

အစိုးရနှင့် အပစ်အခတ် ရပ်စဲရေး ပဏာမ သဘောတူညီချက် ရရှိထားပြီးဖြစ်သည့် KNU အနေနှင့် စစ်မှန်သည့် ငြိမ်းချမ်းရေး ရရှိအတွက် အဆင့် လေးဆင့် ချမှတ် ဆောင်ရွက်လျက်ရှိရာ ဒုတိယအဆင့်သို့ တက်လှမ်းနိုင်ရန် ဆွေးနွေးလျက်ရှိကြောင်းလည်း “အခုအဆင့်ဟာ ခိုင်မာတဲ့အပစ်အခတ်ရပ်စဲရေး ရရှိဖို့၊ စနစ်တကျ အကောင်အထည် ဖော်နိုင်ဖို့အတွက် ကျမတို့ ဆွေးနွေးနေတာ ဖြစ်ပါတယ်” ဟု နော်မေဦးမူတြော် က ဆက်လက်ပြောဆိုသည်။

အင်္ဂါနေ့က ပဲခူးမြို့ ရွှေဝါထွန်း ဟိုတယ်တွင် မီးရထားဝန်ကြီး ဦးအောင်မင်း ခေါင်းဆောင်သည့် အစိုးရ ပြည်ထောင်စုအဆင့် ငြိမ်းချမ်း ရေးဆွေးနွေးရေးအဖွဲ့နှင့် အထွေထွေအတွင်းရေးမှူး နော်စီဖိုးရာစိန် ခေါင်းဆောင်သည့် KNU ငြိမ်းချမ်းရေးကိုယ်စားလှယ်အဖွဲ့တို့ ပြည် နယ်/တိုင်းအဆင့် ငြိမ်းချမ်းရေး ဆွေးနွေးခဲ့ကြသည်။

“နှစ်ဘက် လက်နက်ကိုင်အဖွဲ့တွေအားလုံး လိုက်နာရမယ့် ကျင့်ဝတ်တွေကို ဆွေးနွေးဖြစ်ကြပါတယ်။ ဒီကျင့်ဝတ်တွေ လိုက်နာမှပဲ ပြည်သူလူထုဘဝ လုံခြုံမှုကို အာမခံနိုင်မယ့်၊ အနှစ်သာရရှိတဲ့ အပစ်အခတ်ရပ်စဲရေးကို အကောင်အထည်ဖော်နိုင်မယ်” ဟု KNU ကိုယ်စားလှယ်က ပြောသည်။

ဆွေးနွေးပွဲတွင် ပဏာမ သဘောတူညီချက်ပါ အချက် ငါးချက်အနက် နှစ်ဖက်ပစ်ခတ်မှုများ ရပ်စဲရေး၊ သတ်မှတ်နေရာများမှအပ အခြားနေရာများသို့ လက်နက်ကိုင်ဆောင်င မသွားရန်၊ နှစ်ဖက်သဘောတူထားသည့် သတ်မှတ်နေရာများတွင်သာ နေထိုင်ရန်နှင့် ဆက်ဆံရေးရုံးများ နှစ်ဖက်သဘောတူ သတ်မှတ်ဖွင့်လှစ်ရေးတို့ကို ဆွေးနွေးခဲ့ကြကြောင်း KNU ထုတ်ပြန်ကြေညာချက်တွင် ဖော်ပြ ထားသည်။

ဧပြီလ ၄ ရက်နေ့ကလည်း ရထားဝန်ကြီးဦးအောင်မင်း ခေါင်းဆောင်သော အစိုးရ ကိုယ်စားလှယ်အဖွဲ့နှင့် ပြည်နယ်/တိုင်းအဆင့် ဆွေးနွေးပွဲတကြိမ်ကို ဘားအံမြို့တွင် ပြုလုပ်ခဲ့ပြီး ဧပြီလ ၆ ရက်နေ့ကလည်း ပြည်ထောင်စုအဆင့် ဆွေးနွေးပွဲတခုကို ရန်ကုန်မြို့၌ ပြုလုပ်ခဲ့ကြသေးသည်။

“ပြည်ထောင်စု အဆင့်မှာပဲဖြစ်ဖြစ်၊ ပြည်နယ်အဆင့်မှာပဲဖြစ်ဖြစ် ဆွေးနွေးတဲ့အခါမှာ သမ္မတ က ခန့်ထားတဲ့ ဝန်ကြီး ဦးအောင်မင်း ခေါင်းဆောင်တဲ့အဖွဲ့ကတော့ အမြဲတမ်း ပါနေမှာပဲ။ ပြည်နယ်အဆင့် ဆွေးနွေးတယ်ဆိုတာက လက်တွေ့အကောင်အထည်ဖော်ဖို့၊ လက်တွေ့ အလုပ်လုပ်ဖို့၊ စနစ်တကျရှိဖို့အတွက် တိုင်းမှူးတွေ၊ ပြည်နယ်/တိုင်းအဆင့် အုပ်ချုပ်ရေးမှူးတွေရဲ့တာဝန်ကလည်း အများ ကြီးရှိတယ်။ သူတို့ကနေ ချမှတ်ပြီး ကြီးမှူးလုပ်ဆောင်သွားရမယ့်အလုပ်တွေ အများကြီးရှိတာကို။ ဒါပေမယ့် ဦးဆောင်မှု ပေးတာကတော့ ပြည်ထောင်စုအဆင့်အဖွဲ့က ပေးတယ်လို့ နားလည်ရပါတယ်” ဟု KNU ပြောခွင့်ရ နော်မေဦးမူတြော် က မဇ္ဈိမကို ပြောသည်။

ခိုင်မာသည့် အပစ်အခတ်ရပ်စဲရေး ဖော်ဆောင်နိုင်ရန်အတွက် ပြည်နယ်အဆင့် ဆွေးနွေးပွဲများတွင် အပစ်ရပ်ကာလအတွင်း နှစ်ဘက် တပ်များ လိုက်နာရမည့် ကျင့်ဝတ်များကို နှစ်ဖက်ညှိနှိုင်းရေးဆွဲရန် သဘောတူခဲ့ကြသည်ဟု သိရသည်။

KNU မှ ချမှတ်ထားသည့် ငြိမ်းချမ်းရေးအတွက် အဆင့်များမှာ “ပထမအဆင့်က မဏာမ အပစ်အခတ်ရပ်စဲရေး၊ ဒုတိယအဆင့်က ခိုင်မာတဲ့ အပစ်အခတ် ရပ်စဲရေး၊ တတိအဆင့်က နိုင်ငံရေးဆွေးနွေးရေးနဲ့ စတုတ္ထအဆင့်က နိုင်ငံရေးမှာ ပါဝင်လာဖို့ပဲ ဖြစ်ပါတယ်” ဟု KNU ကိုယ်စားလှယ်က ပြောသည်။

သမ္မတ ဦးသိန်းစိန် အစိုးရအနေဖြင့် ထာဝရငြိမ်းချမ်းရေး ရရှိရန်အတွက် တိုင်းရင်းသား လက်နက်ကိုင် အင်အားစုများအနေဖြင့် ဦးစွာအားဖြင့် အပစ်အခတ်ရပ်စဲပြီး နိုင်ငံရေးပါတီများ ထူထောင်ကာ လွှတ်တော်တွင်း နိုင်ငံရေးဆွေးနွေးရန် တင်ပြထားသည်။

KNU အနေဖြင့် မြန်မာအစိုးရနှင့် တွေ့ဆုံဆွေးနွေးရေးများကို တဆင့်ပြီးတဆင့် ဆက်လက်ပြုလုပ်သွားမည်ဖြစ်ကြောင်း အင်္ဂါနေ့ထုတ် ကြေညာချက်တွင် ဖော်ပြပါရှိသည်။

ရာစုနှစ် တဝက်ကျော်ကြာ ဗဟိုအစိုးရအား လက်နက်ကိုင် တော်လှန်ခဲ့သည့် KNU သည် ဦးသိန်းစိန် အစိုးရ လက်ထက်တွင် ရထား ပို့ဆောင်ရေးဝန်ကြီး ဦးအောင်မင်း ခေါင်းဆောင်သည့် ငြိမ်းချမ်းရေးအဖွဲ့ နှင့် ကရင်ပြည်နယ် ဘားအံမြို့တွင် ဇန်နဝါရီလ ၁၂ ရက်နေ့က ပထမဆုံး ပြည်နယ်အဆင့် တရားဝင်တွေ့ဆုံပြီး အပစ်အခတ် ရပ်စဲရေးအတွက် ပဏာမ သဘောတူညီမှု စတင်ရရှိခဲ့သည်။

ဒုတိယအကြိမ် ပြည်ထောင်စုအဆင့် ဆွေးနွေးပွဲတွင် နိုင်ငံတော်သမ္မတနှင့် တွေ့ဆုံခဲ့ရာ ဦးသိန်းစိန်သည် စစ်မှန်သည့် ငြိမ်းချမ်းရေး ဖော်ဆောင်ရန် ဆန္ဒရှိပြီး ငြိမ်းချမ်းရေးအတွက် ကြိုးစားလုပ်ဆောင်နေသည်ကို မြင်ခဲ့ရကြောင်း KNU ကိုယ်စားလှယ်အဖွဲ့ခေါင်းဆောင် နော်ဇီဖိုးရာစိန် က ပြောဆိုသွားခဲ့သည်။

တနင်္ဂနွေနေ့က ဒေါ်အောင်ဆန်းစုကြည်နှင့် တွေ့ဆုံဆွေးနွေးရာတွင် KNU ၏ ငြိမ်းချမ်းရေး လုပ်ငန်းစဉ်များ အကြောင်းနှင့် ဆက်လက် ဆောင်ရွက်မည့် ငြိမ်းချမ်းရေး လုပ်ငန်းစဉ်များအကြောင်း အသိပေး ဆွေးနွေးခဲ့သည်ဟု နော်ဇီဖိုးရာစိန် က ပြောသည်။

Ref: မဇ္ဈိမ

Read More...

နိုင်ငံခြားငွေလဲ ဈေးကွက် ကမောက်ကမ ဖြစ်နေဆဲ

အောင်ကြည်
ဧပြီလ ၁၀ ရက် ၂၀၁၂ ခုနှစ်

နိုင်ငံခြားငွေလဲ ဈေးကွက်ကို ဧပြီလ ၁ ရက်နေ့မှ စတင်ကာ ဗဟိုဘဏ်မှ နှုန်းရှင် သတ်မှတ် ပေးပြီး ဝယ်ယူခြင်းဖြင့် ဈေးကွက်ကို ဝင် ရောက် ထိန်းညှိပေးနေသော်လည်း ဈေးကွက်အတွင်း အားနည်းမှုများ ရှိနေဆဲဖြစ်ပြီး ပြန်လည် ရောင်းချရာတွင် အခက်အခဲ ရှိနေဆဲ ဖြစ်ကြောင်း ရန်ကုန်မြို့ရှိ စီပွားရေး လုပ်ငန်းရှင်များနှင့် နိုင်ငံခြားငွေဖြင့် ဝင်ငွေ ရရှိသူ ဝန်ထမ်းများက ဆိုသည်။

ရန်ကုန်မြို့၊ သိမ်ဖြူလမ်းရှိ နိုင်ငံခြား ငွေလဲ ဈေးကွက်တွင်သာမက ဘဏ်တချို့ရှိ ငွေလဲ ကောင်တာများတွင်ပါ အမေရိကန်ဒေါ်လာကို လိုသလောက် လဲ၍ မရသေးဘဲ ကန့်သတ်မှုများကြောင့် အခက်အခဲများ ရှိဆဲဖြစ်သည်ဟု နိုင်ငံခြားသင်္ဘောတစီးတွင် အလုပ်လုပ်ကိုင်ပြီး ပြန်ရောက်လာသော သင်္ဘောသား ဦးမျိုးနိုင်က ဆိုသည်။

“ကျနော် သိမ်ဖြူ ငွေလဲကောင်တာမှာ အမေရိကန်ဒေါ်လာ သွားလဲတာ ငွေလဲကောင်တာတွေက တဦးကို ဒေါ်လာ တရာ၊ နှစ်ရာလောက် ပဲ လဲပေးပါတယ်။ ဒေါ်လာ တထောင်ကျော် လဲဖို့ ကောင်တာ ငါးခု ခြောက်ခုလောက် ပတ်ပြီး တန်းစီ လဲခဲ့ရပါတယ်” ဟု ဦးမျိုးနိုင်က မဇ္ဈိမကို ပြောသည်။

သိမ်ဖြူလမ်းရှိ နိုင်ငံခြား ငွေလဲဈေးကွက်တွင် မြန်မာ့ အရှေ့တိုင်းဘဏ်၊ အင်းဝဘဏ်၊ မြဝတီဘဏ်၊ သမဝါယမ CB ဘဏ်၊ ကမ္ဘောဇ ဘဏ်နှင့် မြန့်မာ့ စက်မှုလက်မှု ဖွံ့ဖြိုးတိုးတက်ရေး ဘဏ်တို့မှ ငွေလဲကောင်တာများ ဖွင့်လှစ်ထားသော် လည်း ဧပြီလ ၁ဝ ရက်နေ့တွင် အင်းဝဘဏ်နှင့် မြန်မာ့ အရှေ့တိုင်းဘဏ်တို့၏ ငွေလဲကောင်တာများကသာ FEC ကို ဝယ်ယူပေးပြီး အခြားဘဏ်များမှ ကောင်တာများ က ဝယ်ယူခြင်း မရှိဟု ပြည်တွင်း အန်ဂျီအို ဝန်ထမ်းတဦးဖြစ်သူ ဦးစိုးမြင့်ကလည်း ဆိုသည်။

“ကျနော် အင်းဝဘဏ် ကောင်တာမှာ FEC ၇ဝဝ ကျော် လဲပြီး နေ့လည် နှစ်နာရီထိုးခါနီး နောက်တခေါက် ထပ်လဲဖို့ အသွားမှာ FEC ကို အဝယ် ပိတ်လိုက်ပါပြီလို့ ပြောပါတယ်။ ကောင်တာ ပိတ်ချိန်က ၃ နာရီ သတ်မှတ်ထားပေမယ့် တခြားကောင်တာတွေမှာလည်း လဲလို့ မရတော့ပါဘူး” ဟု ဦးစိုးမြင့် က ဆိုသည်။

ဧပြီလ ၂ ရက်နေ့မှ စတင်ကာ ဗဟိုဘဏ်က အမေရိကန်ဒေါ်လာကို ၈၁၈ ကျပ် သတ်မှတ်ပေးပြီး နိုင်ငံခြားငွေ ရောင်း ဝယ်ခွင့် ပေး ထားသော ပြည်တွင်း ဘဏ် ၁၁ ခုတို့မှ ဝယ်ယူပေးသဖြင့် ထို့နေ့တွင်ပင် နိုင်ငံခြား ငွေလဲကောင်တာများ၌ FEC နှင့် အမေရိကန် ဒေါ်လာကို ၈၁၁ ကျပ် ဝယ်ယူပြီး၊ ၈၂၅ ကျပ်ဖြင့် ရောင်းချခဲ့သည်။

“ဗဟိုဘဏ်က နိုင်ငံခြားငွေတွေကို တရားဝင် ရောင်းဝယ်ခွင့် ပေးထားတဲ့ ဘဏ် ၁၁ ခု ဆီကပဲ ဝယ်နေတာပါ။ တခြား လုပ်ငန်းရှင် တွေကိုလည်း ဗဟိုဘဏ်နဲ့ တိုက်ရိုက် ရောင်းဝယ်ခွင့် ပေးရင် ပိုကောင်းမယ် ထင်ပါတယ်။ အခုဘဏ်တွေ ကတဆင့် ဝယ်ရောင်း လုပ်နေရပြီး ဘဏ်တွေကလည်း ဈေးကွက်ကို မထိန်းနိုင်တော့ အရောင်းအဝယ် လုပ်ရ ခက်ပါတယ်” ဟု သွင်းကုန် ထုတ်ကုန် ကုမ္ပဏီ တခုမှ လုပ်ငန်းရှင် တဦးဖြစ်သူ ဦးဝင်းကျော် က ဆိုသည်။

ဧပြီလ ၁ဝ ရက်နေ့ ဗဟိုဘဏ် သတ်မှတ်နှုန်းမှာ အမေရိကန် တဒေါ်လာ ၈၂၂ ကျပ်ဖြစ်ပြီး ငွေလဲကောင်တာများတွင် ၈၁၅ ကျပ်ဖြင့် ဝယ်ယူပြီး ၈၂၉ ကျပ်ဖြင့် ပြန်လည်ရောင်းချနေသော်လည်း ငွေလဲကောင်တာတွင် လာရောက် ရောင်းချ သူများ များပြားလျက် ရှိပြီး ဝယ်ယူသူ နည်းပါးလျက် ရှိသဖြင့် ဒေါ်လာကို အကန့်အသတ်ဖြင့် လဲလှယ်ပေးလျက် ရှိသည်ကို တွေ့ရှိရသည်။

“ကျမတို့ ကောင်တာမှာ FEC ဒီနေ့ မဝယ်ပါဘူး။ အမေရိကန် ဒေါ်လာကိုလည်း ၁ နာရီခွဲကတည်းက အဝယ် ပိတ်လိုက် ပါပြီ။ ကျမတို့ ဆီက ဝယ်မယ်ဆိုရင်တော့ ၃ နာရီအထိ ရောင်းပေးပါတယ်” ဟု သမဝါယမ CB ဘဏ်မှငွေလဲကောင်တာ ဝန်ထမ်းက ဆိုသည်။

ကမ္ဘောဇဘဏ်မှ ငွေလဲကောင်တာ ဝန်ထမ်းကလည်း “ကျမတို့ ဒီနေ့ FEC မဝယ်ပါဘူး။ အမေရိကန် ဒေါ်လာကိုတော့ တဦးကို တရာစီ ဝယ်ပေးပါတယ်” ဟု ဆိုသည်။

ဗဟိုဘဏ်က အမေရိကန် ဒေါ်လာနှင့် FEC အပြင် စင်္ကာပူဒေါ်လာနှင့် ယူရိုငွေကို နှုန်းရှင် သတ်မှတ်ပေးကာ ဝယ်ယူ ရောင်းချပေး လျက်ရှိပြီး ဧပြီလ ၁ဝ ရက်နေ့တွင် စင်္ကာပူဒေါ်လာ တဒေါ်လာကို ဝယ်ဈေး ၆၄၇ ကျပ်၊ ရောင်းဈေး ၆၅၇ ကျပ်နှင့်  ယူရိုငွေကို ဝယ်ဈေး ၁,ဝ၇ဝ၊ ရောင်းဈေး ၁,ဝ၈၈ ကျပ် သတ်မှတ်ထားသော်လည်း အမေရိကန်ဒေါ်လာနှင့် FEC ကိုသာ လာရောက် ရောင်းချသူ ဝယ်ယူသူ များပြားလျက် ရှိသည်။

အမေရိကန်ဒေါ်လာနှင့် FEC ဝယ်ဈေးနှင့် ရောင်းဈေးမှာ ၁၄ ကျပ် ကွာသည့်အပြင် ငွေလဲကောင်တာများက အကန့်အသတ်ဖြင့်သာ ဝယ်ယူနေသဖြင့် တချို့ အမေရိကန် ဒေါ်လာ လာရောက် ဝယ်ယူသူများသည် ငွေလဲ ကောင်တာများ အနီးတွင် စောင့်ဆိုင်းကာ လာ ရောက်ရောင်းချသူများထံမှ တိုက်ရိုက် ဝယ်ယူမှုများကိုလည်း တွေ့ရှိရ သည်။

“ကျနော် ကောင်တာမှာ ဒေါ်လာ သွားရောင်းတာ မဝယ်တော့ဘူးလို့ ပြောပါတယ်။ ဒါနဲ့ လူတယောက်က ကျနော့်နား ကပ်လာပြီး သူ ဝယ်မယ် ၈၁၅ ကျပ်ပေးမယ်လို့ ပြောတော့ ကျနော် သူ့ဆီမှာပဲ ရောင်းလိုက်ပါတယ်” ဟု ဧပြီလ ၁ဝ ရက်နေ့က ငွေလဲကောင်တာတွင် ဒေါ်လာ ရောင်းချရန်လာသော သင်္ဘောသားတဦးက ဆိုသည်။

အမေရိကန် ဒေါ်လာနှင့် FEC ကို ငွေလဲကောင်တာများက အကန့်အသတ်ဖြင့် ဝယ်ယူနေသည့်အပြင် ဝယ်ယူရာတွင် လည်း ငွေစက္ကူ အသစ်များကိုသာ ရွေးချယ် ဝယ်ယူနေပြီး ခေါက်ရာပါသော၊ သာမန် မြင်တွေ့ရန်ပင် ခက်ခဲသည့် အစွန်းအထင်း အနည်းငယ်ပါသော ငွေစက္ကူများကို ဝယ်ယူမှု မရှိပေ။ ထို့ကြောင့် ရောင်းချသူ အများအပြားမှာ မှောင်ခို များဆီသို့သာ သွားရောက် လဲလှယ်နေရဆဲဖြစ်သည်။ အထူးသဖြင့် နိုင်ငံခြား ရင်းနှီးမြှုပ်နှံမှုဘဏ်ရှိရာ မဟာဗန္ဓုလ လမ်း တဝိုက်တွင် မှောင်ခို ဝယ်ရောင်းများက ငွေလာရောက် လဲလှယ်သူ များကို နည်းအမျိုးမျိုးဖြင့် လိမ်လည်မှုများ မကြာခဏ ကြားနေရသည်။

“ကျနော် မဟာဗန္ဓုလမ်းထောင့် မှာ FEC လဲဖူးပါတယ်။ ကျနော်ပေးတဲ့ FEC အရေအတွက်ကိုလည်း ဘယ်လို လုပ်လိုက်မှန်း မသိလိုက် ရဘူး။ သူတို့ လက်ထဲမှာတင် ၂ဝ တန် လေးငါးရွက်လောက် လျော့သွားတယ်။ သူတို့ပေးတဲ့ မြန်မာငွေကိုလည်း နောက်မှ သေချာ ပြန် တွက်ကြည့်လိုက်တော့ သောင်းနဲ့ချီ လျော့နေပါတယ်။ ငွေစက္ကူတွေကို ခေါက်ပြီး အမျိုးမျိုး လက်လှည့် လိမ်နေတာပါ။ ရဲတွေကို သွား တိုင်မယ် လုပ်တော့လည်း သူတို့က အုပ်စုလိုက် ကိုယ်ယောင် ဖျောက်သွားပါတယ်” ဟု အင်ဂျီအို ဝန်ထမ်းတဦးဖြစ်သူ ဦးဝင်းအောင်က ဆိုသည်။

ထိုသို့ကဲ့ မှောင်ခိုသမားများအား သက်ဆိုင်ရာမှ အရေးယူမှုများ ကြားသိရခြင်း မရှိပေ။

Ref: မဇ္ဈိမ

Read More...

ရွေးကောက်ပွဲ နောက်ဆက်တွဲ ဒက္ခိဏသီရိ ရေခက်ခဲ

မျိုးသန့် | အင်္ဂါနေ့၊ ဧပြီလ ၁၀ ရက် ၂၀၁၂ ခုနှစ်

အမျိုးသားဒီမိုရေစီအဖွဲ့ချုပ် NLD ကိုယ်စားလှယ် ဦးနိုင်ငံလင်း ကြားဖြတ်ရွေးကောက်ပွဲတွင် အနိုင်ရရှိပြီးနောက် ဒက္ခိဏသီရိမြို့နယ် ကူနှစ်လုံး ဆည်စု ကျေးရွာ အုပ်ချုပ်ရေးမှူးက ရွာသားများကို သူပိုင်ဆိုင် သည့် ရေတွင်းမှ ရေကို ခပ်ယူသုံးစွဲခွင့် မပြုတော့၍ ရွာသားတို့ သောက်သုံးရေ အခက်ကြုံနေရကြောင်း ဦးနိုင်ငံလင်း က မဇ္ဈိမကို ပြောသည်။

“အုပ်ချုပ်ရေးမှူးအိမ်က အရင်တုန်းက တရွာလုံးကို ပေးတယ်။ အခုတော့ ကျနော်တို့ကို မဲပေးလိုက်လို့ဆိုပြီးတော့ ရေပေးမခပ်တော့ ဘူး။ အခုက ရေ အရမ်း နည်းနေတယ်။ နွေရောက်လာလေလေ ရေက ပိုပြီးတော့ နည်းလာလေလေ ဖြစ်နေတယ်။ ဘုန်းကြီးကျောင်းတွင်းက ရေကလည်း အဝါရောင်တွေ ဖြစ်နေတယ်။ အခုကတော့ အဲဒီရေနဲ့ပဲ လောလောဆယ် သုံးနေရတယ်” ဟု ဦးနိုင်ငံလင်းက ပြောသည်။

ကူနှစ်လုံးဆည်စုကျေးရွာ အုပ်ချုပ်ရေးမှူး ဦးဝင်းတင်မှာ ကြံ့ခိုင်ရေးပါတီဝင်တဦး ဖြစ်ကာ ရွာသားများက ကြံ့ခိုင်ရေး ပါတီကို မဲမပေးကြ၍ အဝိစီတွင်းတွင် တပ်ဆင်ထားသည့် ပိုက်များကို ဖြုတ်ပစ်လိုက်သည်ဟု အဆိုပါရွာခံ ဦးဌေးတင် က ပြောသည်။

“သူ့ရေတွင်းက ပိုက်တွေကိုလည်း ဖြုတ်ပစ်တယ်။ ပြည်ခိုင်ဖြိုးကို မဲမပေးလို့ ဖြုတ်တာ။ မဲပေးပြီးတဲ့နေ့ နောက်တရက် ဆို ဖြုတ်ပစ်တာပဲ” ဟု မဇ္ဈိမကို ပြောသည်။

ဦးဝင်းတင်၏ ခြံဝင်းအတွင်း သူပိုင်ဆိုင်သည့် ရေတွင်း နှစ်တွင်းရှိနေပြီး တတွင်းတွင် ကြံ့ခိုင်ရေးပါတီသို့ မဲပေးသည်ဟု ယူဆရသူများကို အိမ်ခြေ ၇ဝ ခန့်ကို သောက်သုံးရေး ခပ်ယူသုံးစွဲခွင့်ပြုထားပြီး NLD သို့ မဲပေးခဲ့သူ အိမ်ခြေ ၁ဝဝ ခန့်ကိုမူ ရေခပ်ခွင့် မပေးတော့ကြောင်း ဦးနိုင်ငံလင်းက မဇ္ဈိမကို ပြောသည်။

အဆိုပါရွာတွင် အုတ်ဖြင့်လုပ်သည့် ရေတွင်း ၂ဝ ခန့် ရှိနေပြီး နွေရာသီဖြစ်သဖြင့် ရေတွင်းများ ရေခမ်းခြင်း၊ ရေဝါခြင်း များ ဖြစ်ပေါ် နေ ကာ အုပ်ချုပ်ရေးမှူးက သူပိုင် အဝီစိတွင်းမှ ရေကို ခပ်ယူသောက်သုံးခွင့် မပြုခြင်းကြောင့် အခက်အခဲ များ ဖြစ်ပေါ်နေရခြင်းဟုလည်း ဦးနိုင်ငံလင်းက ပြောသည်။

ထိုဖြစ်ရပ်များကြောင့် ရန်ကုန် နာရေးကူညီမှုအသင်းသို့ အကူအညီတောင်းခံ၍ ထိုကျေးရွာတွင် အဝီစိရေတွင်း တူးပေးနိုင်ရန် ပြင်ဆင် လျက်ရှိနေသည်ဟုလည်း ဦးနိုင်ငံလင်း က ပြောသည်။ နာရေးကူညီမှုအသင်း ဥက္ကဋ္ဌ ဦးကျော်သူကလည်း ရေတွင်းတူးနိုင်ရေး ကူညီ သွားမည်ဟု မဇ္ဈိမကို ပြောသည်။

အထက်ပါ ဖြစ်ရပ်အပြင် ဒက္ခိဏသီရိမြို့နယ် ချိုင်ရွာ၏ ကျေးရွာအုပ်ချုပ်ရေးမှူး ဦးမြင့်မိုးကလည်း သူ၏ ခြံဝင်းအတွင်းရှိ ရေတွင်းကို ရွေးကောက်ပွဲအပြီး ဧပြီ ၂ ရက်နေ့တွင် ပိတ်ပစ်ခဲ့ပြီး အိမ်ထောင်စု ၆ စု ရေခပ်ယူ သုံးစွဲခွင့် မရတော့ဟု ချိုင်ရွာသား ကိုအောင်ဇော်ဦးက ပြောသည်။

“သူ့အိမ်ဘေးနားမှာ ဝိုင်းတဝိုင်းရှိတယ်။ အဲဒီဝိုင်းမှာ အများပြည်သူက သွားသုံးခွင့် ရှိတယ်။ ရွေးကောက်ပွဲပြီး နောက်တနေ့ မှာပဲ တွင်းခြံခတ်ပါတယ်။ အကြောင်းပြချက်ကတော့ ဘာမှ မပေးပါဘူး။ ဘယ်သူမှလည်း မပြောရဲကြဘူး လေ။ မသွားရဲကြတော့ဘူးပေါ့။ ခြံစည်းရိုးကို အပြီးပိတ်လိုက်တဲ့အခါကျတော့လေ” ဟု မဇ္ဈိမကို ပြောသည်။

ချိုင်ရွာ ကြံ့ခိုင်ရေးပါတီ အမျိုးသမီးခေါင်းဆောင်တဦးဖြစ်သည့် ဒေါ်နန်းကျင် ကလည်း ယခင်က သူပိုင် ရေတွင်းမှ ရေများကို အနီး ပတ်ဝန်းကျင်ရှိ ရွာသားများအား ရေခပ်ယူသုံးစွဲခွင့် ပြုခဲ့သော်လည်း ရွေးကောက်ပွဲရလဒ် ထွက်လာ အပြီးတွင် ရေခပ်ခွင့် ပိတ်ပင် လိုက်ကြောင်း ထိုရေတွင်းတွင် ရေခပ်ယူ သုံးစွဲနေသူ ဦးစိုးအောင်က မဇ္ဈိမကို ပြောသည်။

“အရင်တုန်းကတော့ ဒီတွင်းက ကြိုက်တဲ့လူ လာခပ်ပေါ့ဗျာ။ အများသုံးနေကြတဲ့ တွင်းပဲပေါ့။ အဲဒီတွင်းကို ရွေးကောက်ပွဲပြီး မဲအောင် နိုင်ပြီးတော့ နောက်တနေ့မှာ ‘ဘယ်ကောင်ဖြစ်ဖြစ်၊ ဘယ်ကောင်မ ဖြစ်ဖြစ် လာမခပ်နဲ့’လို့ ပြောပါတယ်။ ‘ဝိုင်းထဲဝင်လာတာနဲ့ ပိုင်နက် ကျူးလွန်မှုနဲ့ တရားစွဲမယ်’ဆိုပြီးတော့ လုပ်ပါတယ်ခင်ဗျာ့။ ခြံစည်းရိုးတွေ လည်း ပြန်ကာလိုက်ပါတယ်” ဟု ဦးအောင်စိုးက ပြောသည်။

အဆိုပါ ဖြစ်ရပ်များ ဧပြီ ၂ ရက်နေ့တွင်ဖြစ်ပေါ်ခဲ့၍ ဦးနိုင်ငံလင်းက ရန်ကုန် နာရေးကူညီမှုအသင်းသို့ အကူအညီ တောင်းခံကာ အဝီစိရေတွင်း တူးပေးခဲ့ရသေးသည်။

NLD သည် ကြားဖြတ်ရွေးကောက်ပွဲအတွင်း အစိုးရဝန်ထမ်း အများစုနေထိုင်သည့် နေပြည်တော်ခရိုင်မြို့နယ် လေးမြို့နယ်ရှိ၊ ဒက္ခိ ဏသီရိ၊ ဇမ္ဗူသီရိ၊ ဇေယျာသီရိ၊ ပုပ္ဗသီရိ လေးမြို့လုံးတွင်း အနိုင်ရရှိခဲ့သည်။

ရန်ကုန်တိုင်းရှိ ကြံ့ခိုင်ရေးပါတီ နိုင်ငံရေးမှူး ဦးအောင်သိန်းလင်း ကမူ သောက်သုံးရေ ရှိရေး အပါအဝင် လမ်းပြင်ခြင်း၊ ကျန်းမာရေး စောင့်ရှောက်မှု၊ ပညာရေးကူညီမှု၊ လူမှုဘဝနှင့် စီးပွားရေး အစီအစဉ်များကို ပါတီအနေဖြင့် ဆက်လက် လုပ်သွားမည်ဟု ဧပြီလ ၆ ရက်နေ့က ကျင်းပသည့် ရန်ကုန်တိုင်း သတင်းစာရှင်းလင်းပွဲတွင် ထည့်သွင်း ပြောဆိုသွား ခဲ့သည်။

Ref: မဇ္ဈိမ

Read More...

နိုင်/ကျဉ်း လွတ်မြောက်ရေး အမတ်သစ်များ မဆိုင်းမတွ ဆက်လုပ်မည်

ဖနိဒါ
ဧပြီလ ၁၀ ရက် ၂၀၁၂ ခုနှစ်

မြန်မာနိုင်ငံ အကျဉ်းထောင် အသီးသီးတွင် ကျန်ရှိနေသေးသော နိုင်ငံရေး အကျဉ်းသား အားလုံး လွတ်မြောက်ရေးအတွက် ကြားဖြတ် ရွေးကောက်ပွဲ အနိုင်ရ ကိုယ်စားလှယ်များက လွှတ်တော်တွင်း ဆက်လက် ကြိုးပမ်းသွားကြမည်ဟု ပြောသည်။

နိုင်ငံရေး အကျဉ်းသားများ လွတ်မြောက်ရေးကို ယခင်က တောင်းဆိုခဲ့သလို၊ လွှတ်တော်အတွင်းမှာလည်း မဆိုင်းမတွ ဆက်လက် တင်ပြသွားမည် ဖြစ်ကြောင်း အမျိုးသားဒီမိုကရေစီအဖွဲ့ချုပ် NLD မှ ကျောက်ပန်းတောင်းမြို့နယ် ပြည်သူ့ လွှတ်တော် ကိုယ်စားလှယ် ဒေါက်တာ ဇော်မြင့်မောင် က ပြောသည်။


“ထောင်ထဲမှာ နိုင်ငံရေးအကျဉ်းသား ဘယ်သူမှ မထားသင့်တော့ပါဘူး။ မန္တလေးထောင်မှာ နိုင်ငံရေးအကျဉ်းသားတွေ အများကြီးကျန် သေးတယ်။ ဒီ နိုင်ငံရေး အကျဉ်းသား လွတ်ရေးက တစိုက်မတ်မတ် တောင်းဆိုခဲ့တာပဲ။ လွှတ်တော်ထဲ ရောက်ရင်လည်း အခွင့်သင့် အခါသင့်တာနဲ့ တပြိုင်နက် တောင်းဆိုမှာပဲ။ ဦးတို့ဘက်က လွှတ်တော်ထဲမှာ မဆိုင်းမတွ တောင်းဆိုရမှာပါ”ဟု နိုင်ငံရေးအကျဉ်း သား ဟောင်း ဒေါက်တာဇော်မြင့်မောင် က မဇ္ဈိမကို ပြောသည်။

NLD အနေဖြင့် ကြားဖြတ် ရွေးကောက်ပွဲ ဝင်ရောက်ရသည့် အဓိက ရည်ရွယ်ချက်ထဲမှ တရားဥပဒေစိုးမိုးရေး အောက်တွင် အဆိုပါ နိုင်ငံရေးအကျဉ်းသား လွတ်မြောက်ရေး ပါဝင်နေသဖြင့် လွှတ်တော်အတွင်း အတိုင်းအတာ တခုထိ ပြောဆိုလာနိုင်မည်ဟု မျှော်လင့် နေသည်ဟု ဆိုသည်။

ပုဗ္ဗသီရိမြို့နယ်မှ NLD ကိုယ်စားလှယ်အဖြစ် လွှတ်တော်သို့ မတက်ရောက်မီ ဥပဒေဆိုင်ရာ စာအုပ်များကို လေ့လာ နေသော နိုင်ငံရေး အကျဉ်းသားဟောင်း ဦးဖြိုးဇေယျာသော် ကလည်း “ရှေ့မှာလုပ်တဲ့ အလုပ်တွေနဲ့ နောက်မှာ ရှိနေသေးတဲ့ ဥပဒေတွေကို နားလည်ချင်လို့ ဥပဒေတွေကို လိုက်လေ့လာနေတယ်။ ထောင်ထဲမှာ ရှိနေတဲ့ ကျနော်တို့ အကိုတွေ၊ အမတွေ အကုန်လုံးကို အကျဉ်းထောင်ထဲကနေ အမြန်ဆုံး ပြန်လွတ်စေချင်တယ်။ ဒါပေမယ့် အရင်တုန်းက နိုင်ငံရေး တက်ကြွလှုပ်ရှားသူအနေနဲ့၊ အခု ပါတီတရပ်ရဲ့ ကိုယ်စားလှယ် တယောက်အနေနဲ့ လုပ်ဆောင်ပုံကတော့ ကွာသွားမှာပါ”ဟု မဇ္စျိမကို ပြောသည်။

မြန်မာနိုင်ငံအတွင်း ကျင့်သုံးနေသော အချို့ဥပဒေများသည် ခေတ်နှင့်မညီသည့် ဥပဒေများ ရှိနေကြောင်းလည်း ဦးဖြိုးဇေယျာသော်က ပြောသည်။

မိထ္ထိလာမြို့နယ်မှ NLD ပြည်သူ့လွှတ်တော်ကိုယ်စားလှယ်ဖြစ်သည့် နိုင်ငံရေးအကျဉ်းသားဟောင်း ဦးဝင်းထိန် ကလည်း ပါတီဥက္ကဋ္ဌ၏ လမ်းညွှန်မှုဖြင့် လွှတ်တော်တွင်း လုပ်ဆောင်သွားမည်ဟု ပြောသည်။

“နိုင်ငံရေးအကျဉ်းသားနဲ့ ပတ်သက်လို့ မလွဲမသွေ ပြောဆိုရမှာပါ။ သို့သော် လွှတ်တော်အတွင်း ဘာတွေ ပြောမယ် ဆိုတာက ဒေါ်အောင်ဆန်းစုကြည်ရဲ့ လမ်းညွန်ချက်ကို ယူပြီးတော့မှ လွှတ်တော်မှာ အလုပ်လုပ်ကြမှာပါ”ဟု သူက မဇ္စျိမကို ပြောသည်။

ဧပြီလ ၁၉ ရက်နှင့် ၂ဝ ရက်များတွင် ကြားဖြတ်ရွေးကောက်ပွဲ အနိုင်ရ NLD ကိုယ်စားလှယ်များ ရန်ကုန်မြို့ ရုံးချုပ်သို့ စုဝေး၍ လွှတ်တော်အတွင်း တင်ပြမည့် အချက်အလက်များ အသေးစိတ်ကို ပြန်လည် ဆွေးဆွေးကြမည် ဖြစ်ကြောင်း သိရသည်။

NlD ပါတီမှ ကြားဖြတ်ရွေးကောက်ပွဲ အနိုင်ရ ကိုယ်စားလှယ် ၄၃ ဦးထဲမှ ၃ဝ ခန့်သည် ယုံကြည်ချက်ကြောင့်
ထောင်ဒဏ် အပြစ်ပေးကျခံခဲ့ရဖူးသော နိုင်ငံရေး အကျဉ်းသားဟောင်းများ ဖြစ်ကြသည်။

မြန်မာနိုင်ငံ အကျဉ်းထောင်အသီးသီးတွင် နိုင်ငံရေးအကျဉ်းသားပေါင်း ၉၅၉ ဦး ကျန်ရှိနေဆဲဖြစ်ကြောင်း ထိုင်းနိုင်ငံ အခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေးအသင်း AAPP မှတ်တမ်းများက ဆိုသည်။

နိုင်ငံရေးအကျဉ်းသား ၄၉၄ ဦးသည် အမှုတွဲများဖြင့် အခိုင်အမှာ စာရင်းပြုစုထားပြီး ကျန် ၄၆၅ ဦးကို အတည်ပြုရန် စစ်ဆေးနေဆဲ ဖြစ်၍ စုစုပေါင်း နိုင်ငံရေးအကျဉ်းသားပေါင်း ၉၅၉ ဦးရှိနေသေးသည်ဟု AAPP အတွင်းရေးမှူး ကိုတိတ်နိုင် က မဇ္ဈိမကို ပြောသည်။

ကျန်ရှိနေသေးသော နိုင်ငံရေးအကျဉ်းသား အရေအတွက် ကွဲလွဲမှုများ ရှိနေရာ NLD ပါတီ၏ ဇန်နဝါရီ စာရင်းအရ
နိုင်ငံရေးအကျဉ်းသား ၃ဝဝ ကျော် ကျန်နေသေးသည်ဟု သိရသည်။

NLD အနေဖြင့် မတရားသင်းဥပဒေ အပါအဝင် ဖောက်ခွဲရေးမှုများဖြင့် စွပ်စွဲခံရပြီး ပြစ်ဒဏ်ကျခံနေရသူများလည်း
နိုင်ငံရေး အကျဉ်းသားအဖြစ် ထည့်သွင်း သတ်မှတ်ကြောင်း ဦးအုန်းကြိုင်က ပြောသည်။

“ဖောက်ခွဲတယ်လို့ စွပ်စွဲခံရသူတွေ၊ ဘုန်းကြီးအရေးအခင်းတုန်းက ပါဝင်ခဲ့တဲ့သူတွေ ၁၇ (၁)၊ ၁၇ (၂) တောင်ငူ ဘက်မှာ ဖမ်းခံရသူတွေ၊ နောက်ကျနော်တို့ ၅ (ည) ဘာညာနဲ့ အစွဲခံရတဲ့ အရေးပေါ် အက်ဥပဒေပုဒ်မ၊ နောက် ၅ဝ၅ နိုင်ငံတော် ကို အကြည်အညိုပျက်အောင် လုပ်တာ၊ အဲဒါတွေ အကုန်လုံးကို ကျနော်တို့က ထည့်ပါတယ်။ နောက် အားပေးကူညီတယ်ဆိုပြီး ဖမ်းတာတွေ ရှိတယ်။ အဲဒါတွေ အကုန်လုံးကို ကျနော်တို့က နိုင်ငံရေးအကျဉ်းသားထဲ ထည့်ပါတယ်” ဟုဆိုသည်။

နိုင်ငံရေးအကျဉ်းသား လွတ်မြောက်ရေးအတွက် လွှတ်တော်တွင်း အရေးဆိုမှုများလည်း ယခင်က ရှိခဲ့ဖူးသည်။

၂ဝ၁၁ ခုနှစ် သြဂုတ်လ ၂၆ ရက်နေ့က ကျင်းပခဲ့သည့် ပြည်သူ့လွှတ်တော် အစည်းအဝေးတွင် အမျိုးသားဒီမိုကရေစီ ပါတီသစ်မှ သင်္ကန်း ကျွန်းမြို့နယ် ကိုယ်စားလှယ် ဦးသိန်းညွန့် တင်သွင်းသော “ယုံကြည်ချက်ကြောင့် အကျဉ်းကျခံ နေရသူများ အတွက် အထွေထွေ လွတ်ငြိမ်းချမ်းသာခွင့် သမ္မတမှ ထုတ်ပြန်ပေးရေး” အဆိုအား တိုင်းရင်းသား စည်းလုံးညီညွတ်ရေး ပါတီ၊ ရှမ်းတိုင်းရင်းသားများ တိုးတက်ရေးပါတီ၊ ရခိုင်တိုင်းရင်းသားများ တိုးတက်ရေး ပါတီ၊ ဖလုံစဝေါ် ပါတီ၊ မွန်ဒေသလုံးဆိုင်ရာ ဒီမိုကရေစီ ပါတီ၊ ချင်းတိုး တက်ရေး ပါတီများမှ ထောက်ခံ ဆွေးနွေးခဲ့ကြသည်။

နိုင်ငံရေးလှုပ်ရှားတက်ကြွသူများအား အစိုးရအဆက်ဆက်က ဖမ်းဆီးထောင်ချခဲ့လေ့ရှိသော ဥပဒေ၊ အမိန့်များအား ပြင်ဆင်၊ ပယ် ဖျက်ရေးအတွက်လည်း ကြားဖြတ်ရွေးကောက်ပွဲအနိုင်ရ NLD ပါတီက ကြိုးပမ်းဆောင်ရွက်သွားမည်ဟု ဆိုထားသည်။

“တစ် ၁၉၅ဝ ခုနှစ်က အရေးပေါ်စီမံချက် ဥပဒေ၊ (၅) ည တို့ဘာတို့ပေါ့ဗျာ၊ အဲဒါကို ဖျက်သိမ်းမယ်။ ပထမဆုံးလုပ်မယ့် အလုပ်က အဲဒီ ဥပဒေကို ပယ်ဖျက်ဖို့။ နောက်ဒုတိယက သိပ်ပြီးတော့ ဆိုးဝါးတဲ့ တရားရုံးမတင်ဘဲ စစ်ဆေးပြီးတော့ ၅ နှစ်ကြာ ချုပ်ထားတဲ့ဟာပေါ့။ နိုင်ငံတော် နှောက်ယှက်သူများ ဘေးအန္တရာယ်မှ ကာကွယ်တဲ့ ဥပဒေပေါ့။ အဲဒါတွေကို ဖျက်ပစ်မယ်ဆိုတဲ့ သဘောထား ဒီနေ့အထိရှိ တယ်။ ပြည်သူလူထုနဲ့ အများအကျိုး ထိခိုက်တဲ့ ဥပဒေတွေ အားလုံးကို ဖျက်မယ်။ ပြင်မယ်” NLD ၏ ဥပဒေရေးရာကော်မတီ ခေါင်း ဆောင် ဦးတင်ဦး က ပြောသည်။

၂ဝ၁၁ စက်တင်္ဘာလအတွင်းက ကျင်းပခဲ့သည့် ပြည်ထောင်စုလွှတ်တော် ဒုတိယအကြိမ် အစည်းအဝေးတွင် အဆိုပါ ဥပဒေပြင်ဆင်မှုနှင့် ပတ်သက်၍ အဆိုတင်သွင်းခဲ့ဖူးကြောင်း ပြည်သူ့လွှတ်တော်ကိုယ်စားလှယ် ဦးသိန်းညွန့်က မဇ္ဈိမကို ပြောသည်။

“ကျနော့်အနေနဲ့တော့ ၁၉၅ဝ ပြည့်အရေးပေါ် စီမံချက် ဥပဒေ ရုတ်ပေးဖို့ တင်ခဲ့တယ်။ အကျဉ်းသား လွှတ်ပေးဖို့ တင်ခဲ့တယ်။ လွှတ်ငြိမ်း ချမ်းသာခွင့် တင်ခဲ့တယ်။ ကျနော် အဲတုန်းက ၈ မဲပဲ ရတယ်” ဟု ၎င်း၏ အတွေ့အကြုံအား ပြန်ပြောင်း ပြောပြသည်။

NLD ဥက္ကဋ္ဌ ဒေါ်အောင်ဆန်းစုကြည်ကလည်း မြန်မာနိုင်ငံတွင် မတရားသင်းဟူ၍ မရှိသင့်ကြောင်း တနင်္လာနေ့က သတင်းထောက်များ အား ပြောကြားခဲ့သည်။

ဧပြီလ ၂၃ ရက်နေ့တွင် ပြန်လည်ကျင်းပမည့် နေပြည်တော် ပြည်ထောင်စု လွှတ်တော်တွင် အာဏာရ ကြံ့ခိုင်ရေးပါတီမှ ကိုယ်စားလှယ် ၃၄၃ ဦးဖြင့် ၅၂.၃ ရာခိုင်နှုန်း ရှိနေဦးမည်ဖြစ်ကာ တပ်မတော်သားကိုယ်စားလှယ် ၁၁၆ ဦးဖြင့် ၂၅ ရာခိုင်နှုန်း ရရှိထားမည် ဖြစ်သည်။ NLD မှ ၆.၄ ရာခိုင်နှုန်းအဖြစ် ၄၂ ဦး ရှိကာ ကျန်ပါတီများနှင့် တသီးပုဂ္ဂလ ကိုယ်စားလှယ်များက ၁၆.၃ ရာခိုင်နှုန်းအဖြစ် ၁ဝ၅ ဦး ရှိနေ မည် ဖြစ်သည်။

Ref: မဇ္ဈိမ

Read More...

Tuesday, April 10, 2012

လက်ရှိကရင့်ငြိမ်းချမ်းရေး ဆွေးနွေးမှု လမ်းစဉ်အပေါ်ပြည်တွင်း ကရင်ခေါင်းဆောင်များ အားရကျေနပ်

9 April 2012
နန်းသူးလေ

ကရင်အမျိုးသားအစည်းအရုံး(KNU) နှင့် အစိုးရ ငြိမ်းချမ်းရေး ကိုယ်စားလှယ်များ လက်ရှိတွေ့ဆုံဆွေးနွေးနေကြသည့် ပြည်တွင်း ငြိမ်း ချမ်းရေးလမ်းစဉ်အပေါ် အားရကျေနပ်မှု ရှိကြောင့် မြန်မာပြည်တွင်းရှိ ကရင်ခေါင်းဆောင်များက ပြောသည်။

ကေအဲန်ယူနှင့် အစိုးရ နှစ်ဖက်စလုံးမှ သတ်မှတ်ထားသည့် ငြိမ်းချမ်းရေးလုပ်ငန်းစဉ်၏ တာဝန်နှင့် အချက်အလက် များကို အမှန်တကယ် လိုက်နာ မှုရှိမရှိကို စောင့်ကြည့်ရဦးမည်ဖြစ်ပြီး ယခင်ပြည်နယ်အဆင့် တွေ့ဆုံဆွေးနွေးမှုနှင့် စာလျှင် ယခုတစ်ကြိမ်တွေ့ဆုံဆွေးနွေး မှု ကိုကြိုဆိုကြောင်း ဘားအံမြို့နယ် ပြည်သူ့လွှတ်တော် နန့်စေအွာက ပြော သည်။


နန့်စေအွာက “ပထမအကြိမ်တုန်းကဆိုရင် ကရင်ပြည်သူလူထုက တွေ့ခွင့်မရလိုက်ဘူး။ ဒီတစ်ခေါက်ကတော့ ကရင်ငြိမ်းချမ်းရေး ကိုယ်စားလှယ်တွေကို တွေ့ခွင့်ရတဲ့အတွက် ကျေနပ်တယ်။ ကရင်လူထုတွေ အဖွဲ့အစည်းတွေနဲ့ ကလဲ ပွင့်ပွင့်လင်းလင်းဆွေး နွေးခွင့်ရ တယ်။ မေးချင်တာတွေမေးခွင့်ရတဲ့ အတွက် အားရတယ်”

ထို့နည်းတူ ရန်ကုန်အခြေစိုက် ကရင့်အမျိုးသမီးများလှုပ်ရှားမှုအဖွဲ့(KWAG)၏ စီမံခန့်ခွဲရေး ဒါရိုက်တာ တစ်ဦးဖြစ်သူ နော်စူစဲနာလှလှစိုး ကလည်း ယခုပြုလုပ်သည့် ငြိမ်းချမ်းရေး ဆွေးနွေးပွဲမှာ ကေအဲန်ယူကိုယ်စားလှယ်များအနေဖြင့် သမ္မတ ဦးသိန်းစိန်နှင့်လည်း တွေ့ဆုံ ဆွေးနွေးခဲ့သလို ဒေါ်အောင်ဆန်းစုကြည့်နှင့်လည်း တွေ့ဆုံဆွေးနွေးခဲ့သည်အ တွက် ကရင့် ငြိမ်းချမ်းရေးကို အကောင်းအထည် ဖော်ရန် လွယ်ကူသွားပြီဟု ယူဆကြောင်းနှင့် ဖွံ့ဖြိုးတိုးတက်ရေး လုပ်ငန်းများကိုလည်း လျှင်မြန်စွာ လုပ်ဆောင်နိုင်လိမ့်မည်ဟု မှတ်ယူသည်ဟု ကေအိုင်စီကို ပြောသည်။

၎င်းက “အစည်းဝေးတွေမှာလည်း ကရင်လူထုခေါင်းဆောင်များအပါအ၀င် တခြားတိုင်းရင်းသားခေါင်းဆောင်များကို ဖိတ်ကြားပြီး တက်ခွင့်ပေးတဲ့အပြင် သူတို့ဆီမှလည်း တုန့်ပြန်မှုတွေကိုလည်း ယူတယ်။ ဒေါ်အောင်ဆန်းစုကြည်နဲ့ လည်း တွေ့တဲ့အခါမှာ ဒေါ်စုက လည်း ဒေသတွင်း ငြိမ်းချမ်းရေးအတွက်အပြင် နိုင်ငံရေးမှာလည်း တက်တက်ကြွကြွပြန် လည်ပြီးတော့ ပါဝင်တော့မှာဖြစ်တဲ့အတွက် အင်မတန်မှ အားရ ကျေနပ်ဖွယ်ကောင်းတယ်” ဟုပြောသည်။

အမျိုးသမီးအရေးကို အခြေခံကာ ဖွဲ့စည်းထားသည့် KWAG လူမှု့အဖွဲ့အစည်းအနေဖြင့် အမျိုးသမီး ကဏ္ဍများကို ကေအဲန်ယူ လက် အောက်မှ ကရင် အမျိုးသမီးအဖွဲ့အစည်း(KWO)နှင့်လည်း မြန်မာပြည် ပွင်းလင်းလာသည့် အချိန်တွင် ပူးပေါင်းလုပ်ဆောင် သွား မည့် အပြင် ပြည်တွင်းငြိမ်းချမ်းရေးအတွက် ပြည်တွင်းပြည်ပရှိ ကရင်လူငယ်အဖွဲ့ အစည်းများ၊ ကရင်အဖွဲ့အစည်းများနှင့်လည်း ပူးပေါင်း လုပ်ဆောင်သွားမည်ဟု နော်စူစဲနာလှလှစိုး က ပြောသည်။

ကရင်လက်နက်ကိုင်အဖွဲ့အစည်းသာမကပဲ ချင်း၊ ကချင်၊ ရှမ်း စသည့် တခြားတိုင်းရင်းသား လက်နက်ကိုင် အဖွဲ့များ အနေဖြင့်လည်း တွေ့ဆုံဆွေးနွေးသည့်နည်းဖြင့် နိုင်ငံရေးပြဿနာကို အဖြေရှာလျှင် အကောင်းဆုံးဟု အမျိုး သားဒီမို ကရေစီအဖွဲ့ချုပ်(NLD) မှ ရန်ကုန် တိုင်း ဗဟိုဦးစီးအဖွဲ့ဝင် ကရင်အမျိုးသား ဦးစောနိုင်းနိုင်း က ပြောသည်။

သူက “အဲ့ဒီပြဿနာကို လက်နက်နဲ့ဖြေရှင်းတယ်ဆိုတာက အခြေအနေတစ်ရပ်အတွက်ကြောင့် ရှိချင်ရှိမှာပေါ့။ ဒါပေ မယ့် ရလဒ်ကောင်း ရဖို့ ဆိုရင်တော့ အပြီးသတ် တွေ့ဆုံဆွေးနွေးရေးလုပ်တယ်လေ။ အခုလိုလုပ်တာကလဲ ကောင်းတဲ့လက္ခာဖြစ်တဲ့အတွက် ကြိုဆိုပါတယ်။ ဆွေးနွေးသွား တာကို ၀မ်းလည်းဝမ်းသာပါတယ်။ကျေနပ်ပါတယ်” ဟု ပြောသည်။

၎င်းတို့အနေဖြင့်လည်း နိုင်ငံရေးလှုပ်ရှားမှုတွင် ရည်ရွက်ချက်နှင့် လုပ်ဆောင်မှုများ တူညီပါက ညှိုနှိုင်းဆောင်ရွက်နိုင် သည့်အရာများ ဖြစ်စေ၊ ပူးပေါင်း လုပ်ဆောင်နိုင်သည့် အခြေအနေမျိုးရှိ ပါက ကရင်အဖွဲ့အစည်းများနှင့် ပူးပေါင်းလုပ် ဆောင်သွားမည် ဟုလည်း ဦးစောနိုင်းနိုင်းက ဆက်ပြောသည်။

ကေအဲန်ယူမှ အထွေထွေအတွင်းရေးမှူး နော်စီဖိုးရာစိန်ဦးဆောင်သည့် ငြိမ်းချမ်းရေးကိုယ်စားလှယ်အဖွဲ့တို့သည် ဧပြီလ ၄ရက်နေ့မှ စပြီး ယနေ့အထိ ပြည်တွင်းငြိမ်းချမ်းရေးအတွက် မြန်မာအစိုးရ ကိုယ်စားလှယ်တို့နှင့် ပြည်နယ်အ ဆင့်ဖြစ်စေ ပြည်ထောင်စုအဆင့်ဖြစ်စေ တွေ့ဆုံဆွေးနွေးခဲ့သလို အမျိုးသားဒီမိုကရေစီခေါင်းဆောင် ဒေါ်အောင်ဆန်း စုကြည်နှင့် သမ္မတ ဦးသိန်းစိန်ကိုယ်တိုင်နှင့်လည်း အပြု သဘော တွေ့ဆုံဆွေးနွေးခဲ့ကြသည်။

ထို့အပြင် ထိုရက်များအတွင်း ကရင်လူထုများ၊ ကရင်ပါတီပါများ၊ ကရင်လူမှုအဖွဲ့အစည်းများမှ ခေါင်းဆောင်များ၊ ဒီမိုကရေစီ နိုင်ငံရေး ပါတီများနှင့် အခြားတိုင်းရင်းသားပါတီများမှ ခေါင်းဆောင်များနှင့် တွေ့ဆုံခဲ့ကာ ပြည်တွင်းငြိမ်းချမ်း ရေးဖြစ်စဉ်အတွက် အပြန်အလှန် အကြံပြုချက်များ ရယူကြသည်ဟု သိရသည်။

ဧပြီလ ၄ရက်နေ့မှစပြီး ငြိမ်းချမ်းရေး ဆွေးနွေးရေးအတွက် မြန်မာအစိုးရနှင့် သွားရောက်တွေ့ဆုံသည့် ကေအဲန်ယူ ငြိမ်းချမ်းရေး ကိုယ်စားလှယ်များသည် ဧပြီလ ၁၁ရက်နေ့တွင် နယ်စပ်ဒေသသို့ ပြန်လည် ရောက်ရှိလာမည်ဖြစ် သည်ဟု သိရသည်။

Ref: ကေအိုင်စီ

Read More...

ကိုလိုနီခေတ် အဆောင်အအုံတွေ မွမ်းမံမည်

09 ဧပြီ 2012
ကျော်သိင်္ခ

ရန်ကုန်မြို့မှာ ကိုလိုနီခေတ် ကတည်းက တည်ရှိခဲ့တဲ့ အဆောက်အဦး တစ်ချို့ကို ပြုပြင်မွမ်းမံ ပြီးတော့ ဆက်လက် ထိန်းသိမ်းသွားတော့ စီစဉ်နေပါတယ်။ ၁၉ ရာစု နှစ် အတွင်း ဗြိတိသျှ ကိုလိုနီ ဘဝ ကျရောက် ခဲ့တဲ့ မြန်မာ နိုင်ငံမှာ ထိုစဉ်တုန်းက ဆောက်လုပ်ခဲ့တဲ့ ဘာသာ ရေး၊ စီးပွားရေး၊ လူမှုရေး အဆောက်အဦး တွေ သာမက လူနေအိမ်တွေ ပါ အမြောက်အမြား ကျန်ရှိနေပေမဲ့လည်း ဒါတွေကို တခုတ် တရ ပြုပြင်မွမ်းမံတာကတော့ မရှိခဲ့ဖူးပါဘူး။

မြန်မာနိုင်ငံရဲ့ မြို့တော်ဟောင်း ရန်ကုန်မြို့မှာ ၁၈၈၀ ခုနှစ် ၀န်းကျင် ကတည်း က တည်ဆောက် ခဲ့တဲ့ ကိုလိုနီ ခေတ် ရှေးဟောင်း အဆောက်အဦးဟောင်း ၂၀၀ နီးပါးလောက်ရှိ ပါတယ်။ အခုအခါမှာ ဒီ အဆောက်အဦး တွေကို ပြန်ပြီးပြုပြင် မွမ်းမံတော့မယ်လို့ သိ ရပါတယ်။ အဲဒီ ရှေးဟောင်း အဆောက်အဦး ၂၀၀ ထဲက တချို့ဟာ လက်တလော အခြေအနေမှာ ပြန်ပြီးပြုပြင်ဖို့ လိုအပ်နေချိန်မှာပဲ၊ အဆောက်အဦး တော်တော် များများ ကိုတော့ အစိုးရရုံးတွေ၊ နိုင်ငံခြား သံရုံးတွေ၊ ကျောင်းတွေ နဲ့ ဘုရားကျောင်းတွေအဖြစ် အသုံးပြု နေကြဆဲဖြစ်ပါတယ်။


အာရှ နဲ့ ဥရောပ နိုင်ငံတွေက ရင်းနှီးမြှုပ်နှံသူတွေကို ကိုလိုနီခေတ် အဆောက်အဦး ဟောင်းတွေ ၀ယ်ယူ၊ ပြုပြင်ရေးမှာ ၀န်ဆောင်မှု ပေးနေတဲ့ Barton Hill ကုမ္ပဏီရဲ့ ကိုယ် စားလှယ် Jon Park ကတော့ အခုလို ပြောပါတယ်။

“ကျနော့်စိတ်ကူးအရတော့ ဒီအဆောက်အဦးတွေက ဟိုတယ်အရောင်းဆိုင်ခန်းတွေ၊ သီးသန့် နားနေခန်း တွေ၊ ဒါမှမဟုတ်၊ အဆင့်မြင့် လူနေအိမ်ခန်းတွေ လုပ်ဖို့ သင့်လျော်မယ်လို့ ထင်တယ်။ အများကြီးသုံး လို့ ရပါသေးတယ်။”

ဒီ ကိုလိုနီခေတ်အဆောက်အဦးတချို့ဟာ ဖျက်စီး ပစ်ခံရမယ့် အခြေအနေတွေ နဲ့ ကြုံခဲ့ရပါတယ်။ ဒါပေမယ့် အများက ၀ိုင်းပြီး ကန့် ကွက်ကြတဲ့အတွက် ဖြိုချပစ်တဲ့အဆင့် အထိ မရောက်ခဲ့ဘူးလို့ အစိုးရမဟုတ်တဲ့ အဖွဲ့အစည်း တခုဖြစ်တဲ့ Yangon Heritage Trust က ပြောပါတယ်။

ဒီကိုလိုနီခေတ် အဆောက်အဦးတွေကို ဆက်ပြီးထိန်းသိမ်းထားဖို့ ရန်ကုန်မြို့တော်က သက်ဆိုင်ရာ လူကြီးတွေ နဲ့ ညှိနှိုင်း ဆောင် ရွက်နေတယ်လို့ Yangon Heritage Trust အဖွဲ့ရဲ့ ညွှန်ကြားရေးမှူး ဦးဆန်နီညွန့်သိန်း က ပြောပါတယ်။

“အင်္ဂလန်က ဗိသုကာ ပညာရှင်တယောက်ကို ဖိတ်ပြီး ကျနော်တို့ ဒီအဆောက်အဦးတွေကို တိုင်းတာ တာတွေ လုပ်ခဲ့ပါတယ်။ သူ ဒီမှာ နှစ်ပတ်နေပြီးတော့ အဆောက် အဦး တွေကို လျှောက်ကြည့်ခဲ့ ပါသေးတယ်။ လတ်တလောအထိ ရှေးဟောင်း အဆောက်အဦး ၁၈၇ လုံးကို ပြုပြင်နေပါတယ်။ အဲဒီအထဲမှာ ဗလီကျောင်းတွေ၊ တရုတ်ဘုံ ကျောင်းတွေ၊ စာသင်ကျောင်းတွေ၊ လူနေအိမ်တွေ နဲ့ အစိုးရ အဆောက်အဦးတွေ ပါပါတယ်။”

ဒီအဆောက်အဦး တွေပြုပြင်ဖို့ ဘဏ္ဍာငွေ ရှာဖွေရေးကိစ္စကို သမ္မတ ဦးသိန်းစိန်က သဘောတူပြီး သားဖြစ်တယ်လို့ ဦးညွှန့်သိန်းက ပြောပါတယ်။

“အဆောက်အဦးအများစု ပြုပြင်ဖို့ကတော့ အဆင်ပြေပါတယ်။ ဖျက်စီးပစ်စရာမလိုပါဘူး”

အခုအခါမှာတော့ အမေရိကန်နိုင်ငံ နဲ့ တခြား ဥရောပနိုင်ငံ တွေက မြန်မာနိုင်ငံအပေါ် ပိတ်ဆို့ ဒဏ်ခတ်မှု တချို့ ရုပ်သိမ်းပေးဖို့ စဉ်းစား လာ တာတွေ နဲ့အတူ မြန်မာနိုင်ငံမှာ လာပြီး ရင်းနှီးမြှုပ်နှံလိုသူ တွေကလည်း အခုလို သမိုင်းဝင် ရှေးဟောင်း အဆောက်အဦး တွေ ပေါ် မှာ ရင်းနှီးမြှုပ်နှံဖို့ မျက်စိကျ နေကြတာပါ။ လတ်တလော အခြေအနေမှာ တော့ ဖျက်စီးပစ်ရမယ့် အဆောက်အဦး နဲ့ ပြန်ပြီး မွမ်းမံရမယ့် အဆောက်အဦး အရေအတွက်ကို အတိအကျ မသိရသေးပေမယ့် ဒီအဆောက်အဦး တော်တော်များများ ပြန်ပြီး မွမ်းမံဖို့ဆိုရင်တော့ အမေရိကန် ဒေါ်လာ ဘီလီယံ နဲ့ ချီပြီး ကုန်ကျမှာဖြစ်ကြောင်း သိရပါတယ်။

Ref: ဗွီအိုအေ

Read More...

ဆီယာချမ်း ရေခဲမြစ် စစ်မဲ့ဇုန်သတ်မှတ် ဖို့ အိန္ဒိယ ပါကစ္စတန် စဉ်းစား

09 ဧပြီ 2012

အိန္ဒိယ နဲ့ ပါကစ္စတန် နယ်စပ်၊ ပါကစ္စတန် မြောက်ပိုင်း ကက်စ်ရှမီးရား ဒေသမှာ ကြီးမား တဲ့ ရေခဲ ပြိုကျမှု ဖြစ်ပွားပြီး တော့ ပါကစ္စတန် စစ်သား နဲ့ အရပ်သား ၁၀၀ ကျော် နှင်း နဲ့ ရေခဲ ပြင်အောက် မှာ နစ်မြုပ် သေဆုံး ခဲ့ရပြီးတော့ အဲဒီ ဒေသ ကို စစ်မဲ့ဇုန် အဖြစ် ပြုလုပ်ဖို့ တောင်းဆိုမှု တွေ ပြန်လည် ထွက်ပေါ်လာပါတယ်။

အမြင့် မီတာ ၂၀ ရှိတဲ့ နှင်းထု နံရံကြီးဟာ ဆီယာချမ်း ရေခဲမြစ် ဒေသရဲ့ အမြင့်ပိုင်းမှာ ရှိတဲ့ စစ်တပ် စခန်း အတွင်းကို စနေနေ့ က ပြိုကျခဲ့ တာဖြစ်ပါတယ်။ အဲဒီ ဒေသမှာ အိန္ဒိယရော ပါကစ္စတန် ရှေ့တန်း စခန်းတွေ တည်ရှိပြီးတော့ ကမ္ဘာအမြင့် ဆုံး စစ်မြေပြင်လို့ အသိအမှတ် ပြုထားတဲ့ နေရာ ဖြစ်ပါတယ်။


ဒီတောအတွင်း အမေရိကန် ကျွမ်းကျင်သူ အဖွဲ့ တစ်ဖွဲ့ဟာ ကယ်ဆယ်ရေး လုပ်ငန်းတွေ မှာ ပါဝင် အကူအညီ ပေးဖို့ အတွက် တနင်္လာ နေ့မှာ ပါကစ္စတန် နိုင်ငံကို ရောက်ရှိလာပါတယ်။

ပါကစ္စတန် ကြည်းတပ် ဦးစီးချုပ် ဗိုလ်ချုပ် အာရှဖက် ပါဘက် ကရာနီ (Ashfaq Parvez Kayani) ဟာ အခင်းဖြစ်ပွားရာကို တနင်္ဂနွေ နေ့ က သွားခဲ့ပြီးတော့ ကယ်ဆယ်ရေး လုပ်ငန်းတွေကို ကြီးကြပ်ခဲ့ပါတယ်။ ကယ်ဆယ်ရေး လုပ်ငန်းတွေ မှာ ရဟတ်ယာဉ်တွေ၊ တပ်ဖွဲ့ဝင် တွေ သာမက အနံခံခွေးတွေ၊ ဆရာဝန်တွေ၊ ကျန်းမာရေး အမှုထမ်းတွေ ပါဝင်ပါတယ်။

အသက်ရှင် ကျန်ရစ်သူ ရှိတဲ့ လက္ခဏာ မတွေ့ရ သလို သေဆုံးသူတွေ ရဲ့ ရုပ်အလောင်းတွေ တလောင်းမှ မတွေ့ရဘူး လို့ စစ်ဖက် ဆိုင် ရာ အရာရှိတွေ က ပြောပါတယ်။ တပ်သား ၁၂၄ ယောက် နဲ့ အရပ်သား ၁၁ ယောက် တို့ ဟာ နှင်းရေခဲ အောက်မှာ နှစ်မြုပ်နေတယ် လို့ ပါကစ္စတန် စစ်တပ်က ပြောပါတယ်။

Ref: ဗွီအိုအေ

Read More...

ထိန်းချုပ်မှု မကျေနပ်သူတွေ တရုတ်အစိုးရ အင်တာနက် ကို တိုက်ခိုက်မည်

09 ဧပြီ 2012

ပြီးခဲ့တဲ့ သတင်းပါတ် တရုတ်နိုင်ငံမှာ ဖြစ်ပွားခဲ့တဲ့ ကွန်ပျုတာ ဆိုက်ဘာ (Cyber) တိုက်ခိုက်မှု မှာ သူတို့ကြောင့် ဖြစ်တယ် လို့ ပြော ဆိုခဲ့တဲ့ အမည်မသိ Anonymous ဆိုတဲ့ ကွန်ပျုတာ စနစ် နှောင့်ယှက် ဖျက်ဆီးတဲ့ အဖွဲ့ တခုက လူ့အခွင့်အရေး ချိုးဖောက်မှု နဲ့ အင်တာနက် ထိန်းချုပ် စီစစ်မှုတွေ လုပ်တဲ့ အစိုးရ အင်တာနက် စာမျက်နှာတွေကို ဆက်ပြီး ပစ်မှတ်ထား တိုက်ခိုက်သွားမယ် လို့ ပြောလိုက်ပါတယ်။

ဒီလထဲမှာ အစိုးရ ရဲ့ စီးပွားရေး လုပ်ငန်းသုံး အင်တာနက် စာမျက်နှာ ရာ နဲ့ ချီပြီး ဖျက်ဆီး ခဲ့တာဟာ သူတို့ လုပ်တာ ဖြစ်တယ် လို့ တရုတ် နိုင်ငံ Anonymous အဖွဲ့က ပြောဆိုပါတယ်။ တနင်္လာနေ့မှာတော့ ချန်ဒူး (Chengdu) စီးပွားရေး ဒေသအတွက် ပင်မ စာမျက်နှာ အပါအယင် တခြား အင်တာနက် စာမျက်နှာတွေ ဟာ ပြန်ပြီး ပုံမှန် အလုပ်လုပ်ခဲ့ ပုံရတယ် လို့ ဆိုပါတယ်။


တိုက်ခိုက်ခံခဲ့ရတဲ့ စာမျက်နှာတွေ ပေါ်မှာ တင်ထားတဲ့ သတင်းစကားထဲမှာ

“တရုတ်အစိုးရ ခင်ဗျား။ ခင်ဗျားတို့ ဟာ ဖျက်ဆီးလို့ မရတဲ့ အရာ မဟုတ်ပါဘူး။ ဒီနေ့ ခင်ဗျားတို့ အင်တာနက် စာမျက်နှာကို ဝင်ရောက် ဖျက်ခဲ့ပြီးပါပြီ။ မနက်ဖြန်မှာတော့ စက်ဆုပ်ရွံ့ ရှာ စရာ ကောင်းတဲ့ ခင်ဗျားတို့ ရဲ့ အစိုးရ အလှည့်ပါဘဲ။ ခင်ဗျားတို့ အစိုးရ ကျဆုံးရမယ့် အလှည့်ပါလို့”

ရေးသားထားပါတယ် လို့ ဆိုပါတယ်။

Anonymous China အဖွဲ့မှာ အဖွဲ့ဝင် ၁၀ ယောက် ကနေ ၁၂ ယောက် အထိ ပါပြီး အများစုက တရုတ်နိုင်ငံ အပြင်ဖက်မှာ အခြေစိုက် တယ် လို့ အဖွဲ့ဝင် တစ်ယောက်ကို ကိုးကားပြီး ရိုက်တာ Reuters သတင်း က ဆိုပါတယ်။ သူတို့ အုပ်စုထဲမှာ တရုတ် အင်တာနက် စာမျက်နှာတွေကို ဖျက်ဆီးဖို့ စကားပြန် လုပ်သူ ရာနဲ့ ချီပြီး ရှိတယ် လို့လဲ ကွန်ပျုတာ ဖျက်ဆီးသူ အုပ်စုက ပြောဆိုပါတယ်။

Ref: ဗွီအိုအေ

Read More...

ကေအန်ယူ ပထမဦးဆုံး ဆက်ဆံရေးရုံး ကျောက်ကြီးမှာ ဖွင့်

09 ဧပြီ 2012
သိဂီ င်္ထိုက်

ကရင့်အမျိုးသား အစည်းအရုံး ကေအန်ယူက ဒီကနေ့ဘဲ ပဲခူးတိုင်း ကျောက်ကြီးမြို့နယ်မှာ ဆက်ဆံရေးရုံး ဖွင့်လှစ်လိုက်ပါတယ်။ မြန်မာအစိုးရနဲ့ အပစ်အခတ် ရပ်ဆဲရေး သဘောတူညီမှု ရပြီး နောက်ပိုင်း ပထမဆုံး ဖွင့်တဲ့ ဆက်ဆံရေးရုံး ဖြစ်ပါတယ်။ ဒီရုံးကနေ စစ်ရေး ပဋိပက္ခတွေ ဖြေရှင်းဖို့ နောက် အိုးအိမ်စွန့်ခွာ ထွက်ပြေး နေရတဲ့ ရွာပုန်းရွာရှောင် ကရင်ပြည်သူတွေကို ပြန်လည်ထူထောင်ရေး လုပ်ငန်းတွေ လုပ်ဆောင် မယ်လို့လည်း ကေအန်ယူက ဆိုပါတယ်။

မြန်မာ အစိုးရနဲ့ ပြည်ထောင်စု အဆင့် ဆွေးနွေးပွဲတွေ လုပ်ဆောင်ဖို့ ရန်ကုန်ကို ရောက်ရှိလာတဲ့ ကရင့်အမျိုးသား အစည်းအရုံး ကေအန်ယူက ပဲခူးတိုင်း ညောင်လေးပင် ခရိုင် အတွင်းက ကျောက်ကြီး မြို့နယ်မှာ ပထမဆုံး ဆက်ဆံရေးရုံးကို တနလာင်္နေ့မှာ ဖွင့်လှစ်လိုက်ပါတယ်။ ကေအန်ယူရဲ့ အထွေထွေ အတွင်းရေးမှူး နော်စီဖိုးရာစိန် သွားရောက်ဖွင့်လှစ်ခဲ့တာလည်း ဖြစ်ပါတယ်။ ဒီဆက်ဆံရေးရုံးကို ကေအန်ယူ တပ်မဟာ ၃ က တာဝန်ယူသွားမှာ ဖြစ်တယ်လို့ ကေအန်ယူ ကိုယ်စားလှယ် အဖွဲ့ရဲ့ ပြန်ကြားရေး တာဝန်ခံ နော်မေဦး ကပြောပါတယ်။


“ပဲခူးတိုင်း ကျောက်ကြီးမြို့ မှာ ဆက်ဆံရေး ရုံးပေါ့နော်။ ကေအန်ယူ နဲ့ မြန်မာ အစိုးရ ဆက်ဆံရေး ရုံးကို ကျမတို့ သွားပြီး ဖွင့်လှစ်တာ ဖြစ်ပါတယ်။ နောက် ခရီးစဉ် တစ်ခုကတော့ ပြည်တွင်း ဌာနေမဲ့ ပြည်သူ လူထုများ နေရပ်ဒေသ ကို သွားဖို့ပေါ့လေ။ ဒီကျောက်ကြီး သုံးနာရီ အကွာအဝေး မူပယ် ဆိုတဲ့ နေရာ ကို သွားဖို့ ကျမတို့ အစီအစဉ် ရှိပါတယ်။ ပြည်တွင်း ဌာနေမဲ့ ပြည်သူ လူထုတွေ ရဲ့ အခြေ အနေနဲ့ အဲဒီမှာ လူမှုရေး ရုံးတစ်ရုံး ဖွင့်ဖို့ အတွက် ဖြစ်ပါတယ်။”

ဧပြီလ ၇ရက်နေ့က မြန်မာ အစိုးရနဲ့ အပစ်အခတ် ရပ်ဆဲရေး သဘောတူညီမှု နောက်ပိုင်း ဖွင့်လှစ်တဲ့ ဒီဆက်ဆံရေးရုံး တွေကနေ ကနေ ပဲခူးတိုင်းအတွင်း စစ်ရှောင်နေရတဲ့ ရွာပုန်းရွာရှောင် ကရင် ပြည်သူတွေ ထဲက လူဦးရေ ၂ ထောင်လောက်ကို အစဦး လုပ်ငန်းအနေနဲ့ ပြန်လည်ထူထောင်ရေး လုပ်ဆောင်သွားဖို့ ရှိပါတယ်။ မြန်မာ အစိုးရနဲ့ ကေအန်ယူ တပ်စခန်းတွေ ရှိနေတဲ့ ပဲခူးတိုင်း အတွင်းက ဒေသခံတွေ လူမှုဘ၀ လုံခြုံရေး အတွက် မိုင်းတွေ ရှင်းဖို့ ၊ စားနပ်ရိက္ခာလုံလောက်ဖို့ စတာတွေကို စမ်းသပ် လုပ်ဆောင် သွားမယ် လို့လည်း ဆိုပါတယ်။

“စစ်ရေးရာ နဲ့ ပတ်သက်ပြီးတော့ ပဋိပက္ခတွေ တတ်နိုင်သမျှ မရှိအောင်လို့လေ မဖြစ်အောင်လို့ ပေါ့လေ၊ မဖြစ်အောင်လို့၊ စစ်ရေးရာ ဖက်မှာ အဲဒီ ကိစ္စတွေကို ကိုင်တွယ်ဖို့ အောက်ခြေ တပ်သားတွေ အထိ နားလည်မှု ပေးနိုင်အောင် လို့ ဆက်သွယ်ရေးတွေ ကောင်းမွန် လာအောင်လို့ ကျမတို့ လုပ်ဖို့ ရှိတယ်။ နောက်တစ်ခုက ကျတော့ ညောင်လေးပင် ခရိုင်၊ ကျောက်ကြီး ဒေသဘက်မှာ ကျတော့ ပြည်တွင်း ဌာနေမဲ့ ပြည်သူလူထု တွေ အများကြီးဘဲ ရှိတယ်။ အဲဒီ အနီးနား ပတ်ဝန်းကျင်တွေမှာ။ အဲဒီ လူထုတွေ အတွက်ကို လူထု၊ လူမှု ရေး အကူအညီတွေ ပေးနိုင်တဲ့ လုပ်ငန်းမျိုး တွေ လုပ်နိုင်ဖို့ အတွက်၊ ဒါ စစ်ဘေး စစ်ဒဏ် ခံနေရတဲ့ ပြည်သူလူထု တွေ ဖြစ်တယ်။ သူတို့ တွေကို ပြန်ပြီးတော့ သူတို့ ဘဝ ပြန်လည် ထူထောင် နိုင်ဖို့ လုပ်ငန်းတွေ ကို လုပ်နိုင်ဖို့ အတွက် ကို ဒီ ဆက်ဆံရေး ရုံးက နေပြီးတော့ ပူးတွဲ တာဝန် ယူသွားမှာ ဖြစ်ပါတယ်။”

မြန်မာ အစိုးရနဲ့ အပစ်အခတ် ရပ်ဆဲရေး သဘောတူညီချက် အရ ကေအန်ယူက ဆက်ဆံရေးရုံးတွေ ဆက်ပြီး ဖွင့်လှစ်သွားဖို့လည်း ရှိ နေတာပါ။ ဒီလုပ်ငန်းစဉ်တွေက အပစ်အခတ် ရပ်ဆဲရေးသဘောတူညီချက် ဘယ်လောက် ထိရောက် အောင်မြင်သလဲ ဆိုတာကိုလည်း စမ်းသပ်လုပ်ဆောင်ကြည့်တာ ဖြစ်တယ်လို့လည်း နော်မေဦးက ပြောပါတယ်။

“အပစ်အခတ် ရပ်စဲရေး ကာလမှာ အပစ်အခတ် ရပ်စဲရေး ဘယ်လောက် အထိ အနှစ်သာရ ဟာ ဘယ်လောက် အထိ ဘယ်လောက် အထိ အကောင်အထည် ဖော်နိုင်သလဲ။ ပြည်သူအတွက် ဘယ်လောက် အထိ အနှစ်သာရ ရှိတဲ့ အပစ်အခတ် ရပ်စဲရေးမျိုး ဘယ်လောက် အထိ ဖြစ်သလဲ ဆိုတာကို ကျမတို့ စမ်းသပ်တဲ့ လုပ်ငန်း တစ်ခု ဘဲ ဖြစ်ပါတယ်။ ဒီလုပ်ငန်းမှာ ကျမ တို့ လုပ်စရာတွေ အများကြီး ရှိနေ တာက မိုင်းရှင်း ဖို့ အတွက်၊ ပြည်သူလူထု ရဲ့ ဘဝ လုံခြုံမှု ရှိဖို့ အတွက်၊ စားနပ်ရိက္ခာ လုံခြုံမှု ရှိဖို့ အတွက် ဆိုတာက ဒီ အပစ်အခတ် ရပ်စဲရေးဟာ အပစ်အခတ် ရပ်စဲရေး ဟာ ဘယ်လောက် အထိ အာမခံ သလဲ ဆိုတာ စမ်းသပ်ဖို့ အတွက် လုပ်တဲ့ လုပ်ငန်းမျိုး ဖြစ်ပါ တယ်။ လူဦးရေး နှစ်ထောင်လောက် ကိုဘဲ လောလောဆယ် မှာ ပထမဦး ဆုံး ပရောဂျက် (Project) အနေနဲ့ လုပ်ငန်း တစ်ခု အနေနဲ့ ကျမတို့ လျာထားတာ ဖြစ်ပါတယ်။”

မနက်ဖြန် အင်္ဂါနေ့မှာတော့ ကေအန်ယူ ကိုယ်စားလှယ် အဖွဲ့ဟာ ပဲခူးတိုင်းဒေသကြီး အစိုးရနဲ့ ဆက်ဆံရေး ရုံးတွေ ကိစ္စ ဆွေးနွေးဖို့ လည်း ရှိနေပါတယ်။

ကရင့်အမျိုးသား အစည်းအရုံး ကေအန်ယူရဲ့ အထွေထွေ အတွင်းရေးမှူး နော်စီဖိုးရာစိန် ဦးဆောင်တဲ့ ကိုယ်စားလှယ် အဖွဲ့ဟာ မြန်မာ အစိုးရရဲ့ ပြည်ထောင်စု အဆင့် ငြိမ်းချမ်းရေး ကိုယ်စားလှယ်တွေဖြစ်တဲ့ ပြည်ထောင်စု ၀န်ကြီး ဦးအောင်မင်း၊ ဦးစိုးသိန်းတို့နဲ့ အပစ် အခတ် ရပ်ဆဲရေး သဘောတူညီချက်ကို ဧပြီလ ၇ ရက်နေ့က ရန်ကုန်မှာ ဆွေးနွေးခဲ့ကြပါတယ်။ သမ္မတ ဦးသိန်းစိန်နဲ့လည်း တွေ့ဆုံပြီး ကေအန်ယူကို မတရား အသင်းကြေညာထားတာကို ပြန်ရုပ်သိမ်းဖို့ ကေအန်ယူဘက်က တိုက်တွန်းခဲ့ပါတယ်။ ကေအန်ယူ ကိုယ်စား လှယ် အဖွဲ့က အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်နဲ့လည်း တနင်္ဂနွေနေ့က တွေ့ဆုံခဲ့ပါတယ်။

Ref: ဗွီအိုအေ

Read More...

မြန်မာ ကျန်းမာရေး ဝန်ကြီးအဖွဲ့ အမေရိကန် ခရီးစတင်

09 ဧပြီ 2012
ဝင်းမင်း

အမေရိကန် နဲ့ မြန်မာ တို့ ဆက်ဆံရေး ပုံမှန် ဖြစ်အောင် ကြိုးစားမှု တစ်ခု အနေနဲ့ အမေရိကန်ဘက် က ပထမဦးဆုံး ဖိတ်ကြားတာ ကို ခံရတဲ့ မြန်မာ ကျန်းမာရေး ဝန်ကြီးဟာ ကျန်းမာရေး နဲ့ ပညာရေး ကိစ္စတွေ အဓိက ဆွေးနွေးဖို့ ဆိုပြီးတော့ အမေရိကန် ပြည်ထောင်စု ကို ရောက်ရှိနေပါတယ်။ မြန်မာ နိုင်ငံ ကျန်းမာရေး နဲ့ ပညာရေး ကဏ္ဍတွေမှာ ကြုံနေရတဲ့ အခက်အခဲတွေ နဲ့ ဒီ ခရီးစဉ် အတွင်း မျှော်လင့် ချက် တွေကို တော့ ကိုဝင်းမင်းက အဖွဲ့ဝင် တစ်ဦးနဲ့ မေးမြန်း တင်ပြထားပါတယ်။

မြန်မာနိုင်ငံ ကျန်းမာရေး ဝန်ကြီး ဒေါက်တာ ဖေသက်ခင်ဟာ တနင်္ဂနွေ နေ့က စရောက်လာတဲ့ သူ့ရဲ့ ၁၀ ရက်ကြာ အမေရိကန် ခရီးစဉ် ထဲမှာ ကျန်းမာရေး နဲ့ ပညာရေး အဆင်မြင့် အရာရှိတွေ အပါအဝင် အဖွဲ့ဝင် ၁၁ ပါတဲ့ အဖွဲ့ကို ဦးဆောင် လာခဲ့ ပြီး ဒီကနေ့ တနင်္လာနေ့မှာ အမေရိကန် အဆင်မြင့် တက္ကသိုလ် တစ်ခုမှာ စကား ပြောဖို့ ရှိနေပါတယ်။


မြန်မာ သမ္မတရဲ့ နိုင်ငံရေး အကြံပေးတစ်ဦးနဲ့ အစိုးရ မဟုတ်တဲ့ NGO တစ်ခုလည်း ပါတဲ့ ဒီ ခရီးစဉ်ရဲ့ ထူးခြားမှု ကို လိုက်ပါလာတဲ့ မင်္ဂလာ မြန်မာ အဖွဲ့က ဒေါက်တာ ဖုန်းဝင်း က အခုလို ရှင်းပြပါတယ်။

“ထူးခြားတာက တော့ နှစ်ပေါင်း ဆယ်စုနှစ် များစွာ အတွင်းမှာ မြန်မာနိုင်ငံ ကနေ ပြီးတော့ လူကြီး တစ်ယောက် အနေနဲ့ အမေရိကန် နိုင်ငံ ကို လာရောက်တဲ့ ခရီးစဉ် ဖြစ်တယ်ပေ့ါလေ။ ပြီးတော့လည်း ဒီကျန်းမာရေး နဲ့ ပညာရေး ကို ဦးစားပေးပြီး တော့ ပထမဦးဆုံး အနေနဲ့ မြန်မာ နိုင်ငံ အစိုးရ က နေလည်း လွှတ်လိုက်တယ်။ ပြီးတော့ အမေရိကန် နိုင်ငံဘက် ကလည်း စောင့်ကြို ပြီးတော့ ဒီကိစ္စမှာ စထင် ပူးပေါင်းဆောင်ရွက် ဖို့ စီစဉ်ကြတယ် ဆိုတာ အင်မတန် ကို မှ ကောင်းတဲ့ ကိစ္စဖြစ်ပါတယ်။ အရင်တုန်းက တော့ ကျန်းမာရေး၊ ပညာရေး ဆိုတဲ့ ကဏ္ဍက သိပ်ပြီးတော့ ဦးစားပေး၊ နှစ်ပေါင်းများစွာ ပေါ့လေ၊ မြန်မာပြည်မှာ ဦးစားပေး မခံ ရတဲ့ ကိစ္စဖြစ်သော်လည်း ဘဲ အခုကျတော့ ပထမ ဦးစားပေး ကိစ္စ အဖြစ် အမေရိကန် နိုင်ငံ နဲ့ မြန်မာ နိုင်ငံ အကြားမှာ ပူးပေါင်း ဆောင်ရွက် ဖို့ ဆောင်ရွက်တာ ကောင်းလည်း ကောင်းတယ်။ ထူးလည်း ထူးခြားတဲ့ ကိစ္စဖြစ်ပါတယ်။”

အမေရိကန်နိုင်ငံ ဂျွန်ဟော့ကင်း (John Hopkins) တက္ကသိုလ် ရဲ့ ဆေးကျောင်းမှာ စကားပြောမယ့် ဒေါက်တာ ဖေသက်ခင် ရဲ့ အဖွဲ့ အနေနဲ့ ဒီ ခရီးစဉ်ထဲမှာ ကျန်းမာရေး ပညာရေး နဲ့ ပတ်သက်ပြီး ဘယ်လို ကိစ္စတွေကို အဓိက ထား ဆွေးနွေးမလဲ ဆိုတာ မေးရာမှာတော့ ဒေါက်တာ ဖုန်းဝင်းက မြန်မာ နိုင်ငံမှာ ဘယ်ဟာတွေ ကို ဦးစားပေး အဆင့် သတ်မှတ် ပြီး လုပ်ကိုင်နိုင်ဖို့ တိုင်ပင် ဆွေးနွေးမှာ ဖြစ်တယ် လို့ ဆိုပါတယ်။

“ပူးပေါင်း ဆောင်ရွက်တဲ့ နေရာမှာ လိုအပ်ချက်တွေ က အများကြီး ဖြစ်နေတဲ့ အခါကျတော့ မြန်မာ ပြည်ရဲ့ လိုအပ်ချက်တွေ ထဲမှာ အရေးကြီးတဲ့ လိုအပ်ချက်တွေ ကို ဦးစားပေး အစီအစဉ် အဖြစ် ချမှတ်နိုင်ပြီးတော့ အဲဒီ ဦးစားပေး အစီအစဉ် အတိုင်း တစ်ဆင့်ပြီး တစ်ဆင့် ဆောင်ရွက် သွားဖို့ အတွက် အသေးစိတ် လာပြီးတော့ လေ့လာတာ ပေါ့နော်။ တမင်လာလုပ်၊ လေ့လာတဲ့ နေရာမှာ အဲဒီမှာ သွားတွေ့တဲ့ အခါမှာ ဦးစားပေး လုပ်နိုင်တဲ့ ဟာကို သတ်မှတ် လိုက်ပြီးတော့ အမြန်ဆုံး စလုပ်ဖို့ အတွက် စီစဉ်မယ်လေ။ ”

ဒါ့အပြင် သမ္မတ ဦးသိန်းစိန် ပြောခဲ့ သလိုဘဲ မြန်မာနိုင်ငံ ကို ပညာရေး အဆင့် မြှင့်တင်နိုင်ဖို့ အမေရိကန် နိုင်ငံက ထိပ်တန်း တက္ကသိုလ် တွေ နဲ့ ပူးပေါင်းဆောင်ရွက် နိုင်မယ့် ကိစ္စတွေကို လည်း ရန်ကုန် တက္ကသိုလ် ပါမောက္ခချုပ် နဲ့ ရန်ကုန် နည်းပညာ တက္ကသိုလ် ပါမော က္ခချုပ်တွေ ကိုယ်တိုင်ပါတဲ့ ဒီခရီးမှာ အသေးစိတ် ဆွေးနွေးဖို့ ရှိတယ် လို့ ဒေါက်တာ ဖုန်းဝင်းက ဆက်ပြောပါတယ်။

ဒီနေ့ မြန်မာနိုင်ငံ ရဲ့ ကျန်းမာရေး နဲ့ ပညာရေး စိမ်ခေါ်မှု တွေကို ဖြေရှင်းရာမှာ မြန်မာ နိုင်ငံ အနေနဲ့ ဘယ်လို အခက် အခဲတွေ ကြုံလာခဲ့ ရပါလဲ လို့ ဒေါက်တာ ဖုန်းဝင်းကို မေးရာမှာတော့

“ရှိတဲ့ အခက်အခဲက လွန်ခဲ့တဲ့ အနှစ် ၂၀ လုံးမှာ ဆန်ရှင် လုပ်ထားတဲ့ ကိစ္စရယ်၊ ကျနော်တို့ ဒီ ကိုယ်ဘာသာ ကိုယ် သီးသီးသန့်သန့် နေတဲ့ ကိစ္စ ရယ်ကြောင့် မို့လို့ရယ် အခက်အခဲတွေ အများကြီးရှိတာပေါ့။ ဆိုလိုတာက ကမ္ဘာမှာ လက်တွေ့သုံးနေတဲ့ နည်းပညာတွေ ကို ကျနော်တို့ မရရှိတဲ့ အခက်အခဲမျိုးတွေ လိုအပ်တဲ့ အထောက်အပံ့တွေ ငွေရေး ကြေးရေး ဆိုင်ရာ အထောက်အပံ့တွေ မရနိုင်တဲ့ အခက်အခဲ က ရှိနေတုန်းဘဲလေ။”

မြန်မာ သမ္မတ ဦးသိန်းစိန် အနေနဲ့ အမေရိကန် နိုင်ငံခြားရေး ဝန်ကြီး ဟီလာရီ ကလင်တန် နဲ့ ပြီးခဲ့တဲ့ ဒီဇင်ဘာလ ဆန်းက တွေ့တုန်းက မြန်မာနိုင်ငံ အတွက် အမေရိကန် ထိပ်တန်း တက္ကသိုလ်တွေ ရဲ့ အကူအညီ လိုတယ် လို့ ပြောခဲ့ အပြီးမှာ မကြာခင်ကြားဖြတ်ရွေးကောက် ပွဲ တိုးတက်မှုတွေ ကြောင့် ဝန်ကြီး ကလင်တန် ဘက်ကလည်း ပိတ်ဆို့ မှု တွေ လျှော့ပေးရာမှာ အခုလို ပညာရေး နဲ့ ကျန်းမာရေး ဖွံ့ဖြိုး ရေး ကိစ္စတွေကို US Aid အမေရိကန် ဖွံ့ဖြိုးရေး အကူအညီ ပေးတဲ့ အဖွဲ့က ကူညီပေးတာတွေကို စ ခွင့်ပြု လိုက်ပါပြီ။

ဒီတစ်ခေါက် ခရီးစဉ်ထဲမှာ မြန်မာနိုင်ငံက ပြဿနာတွေကို ဖြေရှင်းရာမှာ အမေရိကန်ဘက် က ပို အကူအညီပေးလာ ဖို့ မျှော်လင့် ချက်ရှိတာကိုလည်း ဒေါက်တာ ဖုန်းဝင်း က ဆက်ပြောပါတယ်။ တကယ်တော့ ဂျွန်ဟော့ကင်း တက္ကသိုလ်ကနေ မြန်မာ ကျောင်းသား တွေကို နှစ်ပေါင်းမှာစွာ ပညာသင် ဆုတွေ ပေးလာရာ ကနေ ဒီကျောင်းသားတွေ နဲ့ တက္ကသိုလ် တို့ ပူးပေါင်းပြီး မြန်မာ အစိုးရ နဲ့ တွေ့ဆုံ ဆွေးနွေးလာရာ ကနေ နောက်ဆုံးမှာ တက္ကသိုလ် ပါမောက္ခချုပ် နဲ့ သမ္မတ ဦးသိန်းစိန် တို့ ကိုယ်တိုင် ဖေဖော်ဝါရီလ မှာ တွေ့အပြီး ဆက် ဆံရေး တိုးတက် လာခဲ့ အပြီး အမေရိကန် ဘက်က လည်း ပထမ ဦးစားပေး အဖြစ် ကျန်းမာရေး ဝန်ကြီးကို စတင် ဖိတ်ခေါ်လာခဲ့ တာ ဖြစ်ပြီး နောက်ပိုင်းမှာလည်း အခုလို ခရီးစဉ်တွေ ထပ်ဖြစ်လာဖို့ ရှိတယ် လို့ ဒေါက်တာ ဖုန်းဝင်းက ဆိုပါတယ်။

Ref: ဗွီအိုအေ

Read More...

ဧပြီလ ၂၃ ရက် လွှတ်တော် ဒေါ်စု တက်မည်

09 ဧပြီ 2012
ကျော်ကျော်သိန်း

ဧပြီလ ၁ ရက်နေ့ ကြားဖြတ်ရွေးကောက်ပွဲမှာ အနိုင်ရ ပြည်သူ့လွှတ်တော် ကိုယ်စားလှယ်တွေဟာ ဧပြီလ ၂၃ ရက်နေ့မှာ ပြန်ကျင်းပမယ့် လွှတ်တော်အစည်းအဝေးကို တက်ရောက်မှာ ဖြစ်ပါ တယ်။ အဲဒီထဲမှာ အမျိုးသား ဒီမိုကရေစီအဖွဲ့ချုပ် NLD ဥက္ကဋ္ဌ ဒေါ်အောင်ဆန်းစု ကြည်လည်း အပါအ၀င်ပါ။ လွှတ်တော်ကိုယ်စား လှယ်တဦးချင်း စီရဲ့ လွှတ်တော်တွင်း စွမ်းဆောင်ချက်တွေပေါ်မူတည်ပြီး တိုင်းပြည်က သူတို့ကို အကဲဖြတ် သွားမှာဖြစ်တယ်ဆိုတဲ့ သုံးသပ်ချက်မျိုးလည်း ရှိပါတယ်။

လွှတ်တော်အသီးသီးအတွက် ကြားဖြတ်ရွေးကောက်ပွဲတွေကို ဧပြီလ ၁ ရက်နေ့က ကျင်းပပြီးစီးခဲ့ပြီး လွှတ်တော် ကိုယ်စား လှယ် နေရာ အားလုံးနီးပါးကို NLD ပါတီက အနိုင်ရခဲ့တာပါ။ အခုတော့ အဲဒီလွှတ်တော် ကိုယ်စားလှယ်တွေထဲက ပြည်သူ့ လွှတ်တော်အတွက် ကိုယ် စားလှယ်တွေဟာ ဧပြီလ ၂၃ ရက်နေ့မှာ လွှတ်တော် အစည်းအဝေးတွေ တက်ရောက်ကြရတော့မှာ ဖြစ်ပါတယ်။


အဲဒီအတွက် အကြောင်းကြားစာတွေ ရထားပြီးပြီလို့ NLD ပါတီရဲ့ ရွေးကောက်ပွဲအောင်နိုင်ရေး တာဝန်ခံ တဦးဖြစ်သူ ဦးဉာဏ်ဝင်း က ဗွီအိုအေကိုပြောပါတယ်။

“ဟုတ်ပါတယ်။ အားလုံးတော့ မဟုတ်ဘူးနော်။ ပြည်သူ့လွှတ်တော်ဘဲ အမျိုးသားလွှတ်တော်က အကြောင်းကြား စာ မရသေးဘူး။”

လွှတ်တော်အသီးသီးရဲ့ တတိယအကြိမ်မြောက် အစည်းအဝေးတွေက အပြီးသတ်သေးတာမဟုတ်ဘဲ လောလောဆယ် မှာ ယာယီ ရပ်ဆိုင်းထားတာပါ။ လွှတ်တော်ကိုယ်စားလှယ်တွေအားလုံးဟာ ဧပြီလ ၂၂ ရက်နေ့၊ နေ့လည် ၁၂ နာရီအရောက် သတင်းပို့ကြရမှာ ဖြစ်ပြီး ဧပြီလ ၂၄ ရက်နေ့၊ နေ့လည် ၁ နာရီမှာ အစည်းအဝေး ကျင်းပမယ်လို့ လွှတ်တော်ရုံးက အကြောင်းကြား ထားကြောင်း သင်္ဃန်းကျွန်းမြို့နယ် ပြည်သူ့ လွှတ်တော်ကိုယ်စားလှယ် ဦးသိန်းညွန့်က ပြောပါတယ်။

၂၀၁၀ ပြည့်နှစ်မှာ ရွေးကောက်ပွဲတွေကျင်းပခဲ့ပြီးတဲ့နောက် အနိုင်ရ လွှတ်တော်ကိုယ်စားလှယ်တွေ၊ ရွေးကောက် တင်မြှောက်ခံရ တာမဟုတ်ဘဲ ကာကွယ်ရေးဦးစီးချုပ်က တိုက်ရိုက်ခန့်ထားတဲ့ တပ်မတော်သား ကိုယ်စားလှယ် တွေနဲ့ လွှတ်တော်အစည်းအဝေး တွေကို ကျင်းပနေခဲ့တာပါ။ အခု ကြားဖြတ်ရွေးကောက်ပွဲ တွေ အပြီးမှာတော့ ဒေါ်အောင်ဆန်းစုကြည် ကိုယ်တိုင် ရွေးကောက် တင်မြှောက်ခံ လွှတ်တော် ကိုယ်စားလှယ် တဦး အဖြစ်နဲ့ လွှတ်တော် အစည်းအဝေးတွေကို တက်ရောက်တော့မှာဖြစ်ပါတယ်။

လွှတ်တော်ထဲမှာ ကိုယ်စားလှယ်တဦးချင်းစီရဲ့ စွမ်းဆောင်ချက်ပေါ် မူတည်ပြီးတော့သာ အကဲဖြတ် ကျရမှာဖြစ်ပါတယ်လို့ အမျိုးသား ဒီမိုကရေစီသစ်ပါတီ ခေါင်းဆောင်တဦးလည်းဖြစ်တဲ့ ဦးသိန်းညွှန့်က ပြောပါတယ်။

“လွှတ်တော်တွင်းရောက်လာပြီးတော့ လွှတ်တော်ကိုယ်စားလှယ် တဦးချင်းစီရဲ့ လက်တွေ့ လုပ်ဆောင်မှုပေါ်မှာ ကြည့်ပြီးမှဘဲ ကျနော် အကဲဖြတ်တဲ့ သဘောထား ပေးနိုင်မယ်။ နောက်တခါ တိုင်းပြည်ကလည်း လွှတ်တော် ကိုယ်စားလှယ်အားလုံး တဦးချင်းရဲ့ ဆောင် ရွက်မှုကို အကဲဖြတ်မှာပါ။”

၁၉၉၀ ပြည့်နှစ်မှာ ပါတီစုံ ဒီမိုကရေစီအထွေထွေရွေးကောက်ပွဲတွေ ကျင်းပခဲ့ချိန်တုန်းက ဒေါ်အောင်ဆန်း စုကြည် ဟာ နေအိမ် အကျယ်ချုပ် ချခံထားရပြီး ရွေးကောက်ပွဲဝင်ခွင့် မရခဲ့ပါဘူး။ NLD ပါတီက တနိုင်ငံလုံး မှာ အနိုင်ရခဲ့ပေမဲ့လည်း အဲဒီအချိန် စစ် ကောင်စီက အာဏာလွှဲ ပေးဖို့မလုပ်ခဲ့ဘဲ အခြေခံဥပဒေ ရေးဆွဲရေး ကိုသာ လုပ်ခဲ့ပါတယ်။

၂၀၀၈ ခုနှစ်မှာ အခြေခံဥပဒေ အတည်ဖြစ်သွားပြီး ၂၀၁၀ ပြည့်နှစ် ရွေးကောက်ပွဲတွေ လုပ်တဲ့အခါမှာလည်း ဒေါ်အောင်ဆန်း စု ကြည်ဟာ နေအိမ်အကျယ်ချုပ် ဘ၀မှာပဲ ရှိနေခဲ့သေးသလို NLD ပါတီဟာလည်း နိုင်ငံရေး ပါတီအဖြစ် မှတ်ပုံမတင်၊ ရွေးကောက်ပွဲ မ၀င်ခဲ့ပါဘူး။ ဒေါ်အောင်ဆန်းစုကြည် ပြန်လည် လွတ်မြောက်လာ ပြီးတဲ့နောက် သမ္မတဦးသိန်းစိန်နဲ့ တွေ့ဆုံခဲ့ကြပြီးတဲ့ နောက်ပိုင်းမှာမှ NLD ပါတီ မှတ်ပုံတင်ရေးကိစ္စ၊ ရွေးကောက်ပွဲ ၀င်ရေးကိစ္စတွေ ဖြစ်ခဲ့တာပါ။

မြန်မာ့ဒီမိုကရေစီခေါင်းဆောင် အဖြစ် ပြည်တွင်း ပြည်ပရဲ့ အသိအမှတ်ပြုမှုကို ရထားတဲ့ ဒေါ်အောင်ဆန်း စုကြည် ကိုယ်တိုင် ပါဝင် မယ့် လွှတ်တော်တွေကို အားလုံးက စိတ်ဝင်တစား စောင့်ကြည့် နေကြတာ ဖြစ်ပါတယ်။ အခု ဧပြီလ ၂၃ ရက် လွှတ်တော်အစည်း အဝေး တွေမှာ ဆွေးနွေးနိုင်ဖွယ်ရှိတဲ့ ကိစ္စရပ်တွေကို တော့ ဦးသိန်းညွန့်က အခုလို ရှင်းပြပါတယ်။

“သမ္မတကနေ ပြင်ဆင်ချက် ပေးတာနဲ့ ကျနော်တို့ ပြည်ထောင်စု လွှတ်တော်က အတည်ပြုပြီးသား ဥပဒေတွေ ရှိတယ်။ ပြောရရင် ပြည်သူ့လွှတ်တော် ဥပဒေ၊ အမျိုးသား လွှတ်တော် ဥပဒေ၊ တိုင်းနဲ့ ပြည်နယ် လွှတ်တော် ဥပဒေ အဲဒီ ဥပဒေတွေနဲ့ ပတ်သက်ပြီးတော့ ပြင်ဆင်ချက် အဲဒီ ပြင်ဆင်ချက် ပေါ်မှာ ပြည်ထောင်စု လွှတ်တော် က ပြန်စိစစ်ရမှာပေါ့။ ပြည်သူ့လွှတ်တော် မှာတော့ ကျနော်တို့ ပြီးခဲ့တဲ့ အပတ်က တတိယ အခေါက် မပြီးသေးဘူးလေ အဲဒီမှာ ကျနော်တို့ မေးရမယ့် မေးခွန်းတွေ အဆိုတွေ ကျန်ပါသေးတယ်။ သို့သော် ဒီတခေါက်က ဘတ်ဂျက် လွှတ်တော် ဆိုတော့ သူ ကျန်နေတဲ့ မေးခွန်းတွေကို အခု နားထား ရာကနေ ပြန်ခေါ်တဲ့ ပြည်သူ့လွှတ်တော် အစည်းအဝေးမှာ ဘယ်လောက်ပြန်ပြီးတော့ ကျန်နေတဲ့ ကိစ္စတွေ လုပ်ပေးမလဲ ဆိုတာတော့ ကျနော်တို့လည်း အစည်းအဝေး ရောက် မှဘဲ သိရမှာ။”

သင်္ဃန်းကျွန်းမြို့နယ် ပြည်သူ့လွှတ်တော်ကိုယ်စားလှယ် ဦးသိန်းညွန့်ပါ။

မြန်မာနိုင်ငံက လွှတ်တော်တွေမှာ လူထုက ရွေးကောက်တင်မြှောက်တာ မဟုတ်ဘဲ စစ်တပ်ဦးစီးချုပ်ကနေ တိုက်ရိုက် ရွေးချယ် ခန့် ထားတဲ့ စစ်တပ်အရာရှိတွေ ၂၅% စီပါနေတဲ့ကိစ္စဟာ အဓိက ထောက်ပြ ဝေဖန်ကြတဲ့ ကိစ္စတခုဖြစ်ပါတယ်။ ဒါ့အပြင် စစ်တပ် ကျော ထောက်နောက်ခံနဲ့ လူမှုရေးအသင်းဆိုပြီး ဖွဲ့စည်းခဲ့ပြီးတဲ့နောက် နိုင်ငံရေးပါတီအဖြစ် အသွင်ပြောင်းခဲ့တဲ့ ပြည်ခိုင်ဖြိုးပါတီက လည်း ၂၀၁၀ ပြည့် ရွေးကောက်ပွဲ မှာ ကိုယ်စားလှယ်နေရာအများစုကို အနိုင်ရထားတာပါ။ အခု ဒေါ်အောင်ဆန်း စုကြည် ဦးဆောင်တဲ့ NLD ပါတီက လွှတ်တော်ကိုယ်စားလှယ်တွေနဲ့ တခြား နိုင်ငံရေးပါတီတွေက ကိုယ်စားလှယ်တွေ အားလုံး ပေါင်းရင် တောင်မှ လူနည်းစု ဖြစ်နေဆဲပါပဲ။

အဲဒါကြောင့်လည်း တိုင်းပြည်အတွက် အရေးတကြီး လုပ်ဆောင်ဖို့လိုအပ်နေတဲ့ ဒီမိုကရေစီ ပြုပြင် ပြောင်းလဲရေး၊ ငြိမ်းချမ်းရေးနဲ့ ဖွံ့ဖြိုးတိုးတက်ရေးဆိုင်ရာ ကိစ္စရပ်တွေကို ဒီလွှတ်တော်တွေကနေ ဘယ်လောက် ထိ လုပ်ဆောင်နိုင်မယ်ဆိုတာကို အများက စိတ်ဝင်တစား စောင့်ကြည့် နေကြပါတယ်။

Ref: ဗွီအိုအေ

Read More...

ဗြိတိန် ဝန်ကြီးချုပ် မြန်မာနိုင်ငံသွားမည်

09 ဧပြီ 2012
မေငြိမ်း

ဗြိတိန် ၀န်ကြီးချုပ်ဟာ ဒီသတင်းပတ် အတွင်းမှာ မြန်မာနိုင်ငံကို တရက်ကြာ ခရီးသွားဖို့ ရှိပါတယ်။ ဧပြီလ ၁၃ ရက်နေ့ သောကြာနေ့မှာ မြန်မာ သမ္မတ ဦးသိန်းစိန်နဲ့ နေပြည်တော်မှာ တွေ့ဆုံဖို့ ရှိပါတယ်။ ညနေပိုင်းမှာတော့ အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင် ဆန်းစုကြည်နဲ့ သူရဲ့ နေအိမ်မှာ တွေ့ဆုံဖို့ ရှိတယ်လို့ ဒေါ်အောင်ဆန်းစုကြည်ရဲ့ ရုံးအဖွဲ့ဝင် ဦးခွန်သာမြင့်က ပြောပါတယ်။

“ဟုတ်ပါတယ်။ ၁၃ ရက် နေ့ လို့ ပြောပါတယ်။ ညနေ ၄ နာရီ လောက် လာပါလိမ့်မယ်။ အဲဒါတွေ့ ပြီးရင် ည ၇ နာရီ၊ British residence မှာ ဒင်နာ (dinner) ရှိပါတယ်။ ၄ နာရီ တွေ့ပြီးရင်တော့ Press ရှိမှာပါ။”


မစ္စတာ ကင်မရွန်းဟာ ဒေါ်အောင်ဆန်းစုကြည် အပါအ၀င် NLD ကိုယ်စားလှယ်တွေ အများစု အနိုင်ရရှိခဲ့တဲ့ ဧပြီလ ကြားဖြတ်ရွေး ကောက်ပွဲ အပြီး အနောက်နိုင်ငံတွေ က မြန်မာနိုင်ငံအပေါ် ချမှတ်ထားတဲ့ ဒဏ်ခတ် ပိတ်ဆို့ မှုတွေ ရုတ်သိမ်း ဖို့ စဉ်းစား နေချိန်မှာဘဲ မြန်မာနိုင်ငံကို ပထမဆုံး လာရောက်တဲ့ ၀န်ကြီးချုပ် တဦးလည်း ဖြစ်ပါတယ်။ ဒီနှစ်ဆန်းပိုင်း ဇန်န၀ါရီလကလည်း ဗြိတိန် နိုင်ငံခြားရေး ၀န်ကြီး Willian Hague ဟာ ၅၆ နှစ် အတွင်း ပထမဦးဆုံး အဖြစ် မြန်မာနိုင်ငံကို သွားရောက်ခဲ့ပါတယ်။ အလားတူဘဲ ဥရောပ နိုင်ငံ ခြားရေးနဲ့ လုံခြုံရေး ပေါ်လစီ ဆိုင်ရာ ဥရောပ သမဂ္ဂ မဟာမင်းကြီး ကက်သရင်း အက်ရ်ှတွန် ဟာလည်း မြန်မာနိုင်ငံကို မကြာမီ သွား ရောက်ဖို့ ရှိနေပါတယ်။

Ref: ဗွီအိုအေ

Read More...

အထက်လွှတ်တော်အမတ် ဂျင်ဝက်ဘ် (Jim Webb) မြန်မာနိုင်ငံရောက်

09 ဧပြီ 2012
ဇော်ဝင်းလှိုင်

အမေရိကန်ကဗားဂျီးနီးယား (Virginia) ပြည်နယ်ရဲ့ ရီပတ်ဘလီကန်ပါတီ အထက်လွှတ်တော်အမတ်၊ ဂျင်ဝက်ဘ် (Jim Webb) ဟာ မြန်မာနိုင်ငံမှာ ရောက်ရှိနေပါတယ်။ မစ္စတာ ဝက်ဘ် ဟာ ဒီကနေ့ညနေက သမ္မတ ဦးသိန်းစိန်နဲ့ တွေ့ဆုံတယ်လို့ သိရပါတယ်။ အထက် လွှတ်တော် အမတ် ဝက်ဘ် ဟာ အရှေ့အာရှ နှင့် ပစီဖိတ်ရေးရာ၊ အထက်လွှတ်တော် နိုင်ငံခြား ဆက်ဆံရေး ဆပ်ကော်မတီ ဥက္ကဋ္ဌ အပြင် အထက်လွှတ်တော် စစ်မှုထမ်းရေးရာ ကော်မတီ အဖွဲ့ဝင် လည်းဖြစ်ပါတယ်။

မနက်ဖြန်မှာတော့ အထက်လွှတ်တော်အမတ် ဂျင်ဝက်ဘ် (Jim Webb) ဟာ NLD အမျိုးသားဒီမိုကရေစီ အဖွဲ့ချုပ် ခေါင်းဆောင် ဦးတင်ဦးနဲ့ မနက်ဖြန်မှာတွေ့ဆုံဖို့ ရှိတဲ့အကြောင်း NLD ပြောခွင့်ရပုဂ္ဂိုလ် ဦးဉာဏ်ဝင်း က ဗွီအိုအေကို ပြောပါတယ်။


“မနက်ဖြန် ညနေတွေ့ မယ် လို့ သူတို့ အကြောင်းကြားထားတယ်။ နေရာမသိသေးဘူး။ ထပ်မံ ပြီးတော့ အတည်ပြုပေးမယ် ပြောမယ် ပြောထားတယ်။ ဦးတင်ဦး နဲ့ တွေ့ဖို့နော်။ ဒေါ်အောင်ဆန်း စုကြည် နဲ့ တော့ ကျနော် မသိဘူး။”

အန်အယ်လ်ဒီ (NLD) ပြောခွင့်ရပုဂ္ဂိုလ် ဦးဉာဏ်ဝင်း ပြောသွားတာပါ။

အထက်လွှတ်တော်အမတ် ဂျင်ဝက်ဘ် (Jim Webb) အနေနဲ့ မြန်မာနိုင်ငံကို ဒုတိယအကြိမ်မြောက် ရောက်လာတာ ဖြစ်ပြီးတော့ သူဟာ အမေရိကန်အစိုးရက မြန်မာနိုင်ငံနဲ့ ထိတွေ့ဆက်ဆံရေး မူဝါကို အစောပိုင်း ကတည်းက ဦးဆောင် ပြောဆိုနေခဲ့သူတဦးလည်း ဖြစ်ပါ တယ်။

၂၀၀၉ ခုနှစ်က မြန်မာနိုင်ငံကို သွားရောက်စဉ် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်အပြင် အဲဒီအချိန်က စစ်အစိုးရ အကြီးအကဲ ဗိုလ်ချုပ်မှူးကြီးသန်းရွှေနဲ့လည်း တွေ့ဆုံခဲ့သလို ဗိုလ်ချုပ်မှူးကြီး သန်းရွှေ နဲ့ ပထမဆုံး တွေ့ဆုံခွင့်ရတဲ့ အမေရိကန် လွှတ် တော်အမတ် တဦးလည်း ဖြစ်ပါတယ်။

Jim Webb ဟာ ဧပြီလ ၁၁ ရက်နေ့ ဗုဒ္ဓဟူးနေ့မှာတော့ အမေရိကန်သံရုံးမှာ သတင်းစာရှင်းလင်းပွဲ ပြုလုပ်မယ်လို့ သိရပါတယ်။ အခု ဒီခရီးစဉ်က ဂျပန်၊ ထိုင်း၊ မြန်မာနိုင်ငံ စတဲ့ သုံးနိုင်ငံကို လာရောက်တဲ့ ခရီးစဉ်လည်း ဖြစ်ပါတယ်။

Ref: ဗွီအိုအေ

Read More...

မြောက်ကိုးရီးယား ဒုံးပျံ နိုင်ငံခြား မီဒီယာ ကြည့်ရှု့ခွင့်ရ

09 ဧပြီ 2012

အမေရိကန်နဲ့ တောင်ကိုရီးယားက ကန့်ကွက်နေတဲ့ ကြားကဘဲ မြောက်ကိုရီးယား အာကာသရေးရာ တာဝန်ခံ တွေက ရော့ကတ် (Rocket) ဒုံးပျံ တင်လွှတ်ဖို့ ပြင်ဆင်နေတဲ့နေရာကို မနေ့က တနင်္ဂနွေနေ့က နိုင်ငံခြား သတင်းထောက် တွေကို ကြုံတောင့်ကြုံခဲ သတင်းယူခွင့်ပြု လိုက်ပါတယ်။ ဗွီအိုအေ (VOA) ကလက်ခံရရှိတဲ့ တောင်ကိုရီးယားထောက်လှမ်းရေး ဓါတ်ပုံတွေအရ၊ မြောက်ကို ရီးယားက တတိယအကြိမ်မြောက် နူးကလီးယား (Nuclear) လက်နက် စမ်းသပ်ဖို့ ပြင်ဆင်နေပုံရပါတယ်။


ပြုံယမ်းမြောက်ပိုင်းပြည်နယ် အနောက်ဖက်ကမ်းခြေရှိ တုန်ချမ်းရီး (Tongchang-ri) အာကာသစခန်းအသစ်မှာ အွန်ဟာ-သုံး (Unha-3 Rocket) ဒုံးပျံလွှတ်တင်မယ့် အဆင့် သုံးခုစလုံးကို ဒုံးပျံစင်မှာ အသင့် ပြင်ဆင်ထား တာတွေ့ရတယ်လို့ သတင်းထောက်တွေက ပြော ပါတယ်။ ထိန်းချုပ် ကွန်ပြူတာခန်းမမှာ အဖြူရောင် ယူနီဖေါင်း ၀တ်ထားတဲ့ ကျွမ်းကျင်သူပညာရှင်တွေ အလုပ် လုပ်နေကြတာတွေကို လည်း သတင်းထောက်တွေ ကိုပြသခဲ့ ပါတယ်။ အဲဒီ ဒုံးပျံကို ဧပြီလ ၁၂ ရက်နဲ့ ၁၆ ရက်ကြားမှာ လွှတ်တင်မှာဖြစ်ပြီး မိုးလေ၀သ ဂြိုလ် တု တလုံးသာ ပါဝင်မှာ ဖြစ်တယ်လို့ မြောက်ကိုရီးယား က ပြောနေဆဲ ဖြစ်ပေမဲ့ အမေရိကန်နဲ့ တောင်ကိုရီးယားကတော့ ပဲ့ထိန်းတပ် ဒုံးလက်နက် စမ်းသပ်တာဖြစ်တယ်လို့ပြောပါတယ်။

တုန်ချမ်းရီး (Tongchang-ri) အာကာသစခန်းရဲ့ အထွေထွေမန်နေဂျာ ဂျန်မြောင်ဂျင်း (Jang Myong Jin) က နိုင်ငံတကာ အာကာသ သဘောတူ စာချုပ်အရ ဘယ်နိုင်ငံမဆို အရပ်သုံးအတွက် အာကာသနည်းပညာကို တီထွင် ထုတ်လုပ်ခွင့် ရှိတယ်လို့ သတင်းထောက် တွေကို ပြောဆိုလိုက်ပါတယ်။

Ref: ဗွီအိုအေ

Read More...

အမေရိကန် သံအမတ်သစ် အနောက်စာနယ်ဇင်းများ တစ်ပေး

ကိုပေါက်
ဧပြီလ ၀၉ ရက် ၂၀၁၂ ခုနှစ်

မြန်မာနိုင်ငံဆိုင်ရာ အမေရိကန် သံအမတ်သစ်အဖြစ် ခန့်အပ်ရန် Derek J. Mitchell ဒဲရစ်မစ်ချယ်အား ရွေးချယ်တော့မည်မှာ သေချာ ကြောင်း အနောက်တိုင်း စာနယ်ဇင်းကြီးများက တထစ်ချ ရေးသား နေကြသည်။

ဧပြီလ ၄ ရက်နေ့က အမေရိကန်အစိုးရ အရာရှိကြီးများက “ဒီကိစ္စနဲ့ပတ်သက်ပြီး အမေရိကန်လွှတ်တော်မှာရှိတဲ့ လုပ်ဖော်ကိုင်ဖက်တွေ၊ မိတ်ဆွေတွေနဲ့ ညှိနှိုင်းတိုင်ပင်ပြီး မကြာခင် တရားဝင် ထုတ်ပြန်ကြေညာမှာ ဖြစ်ပါတယ်” ဟူ၍ ပြောကြားခဲ့ပြီးနောက် အမေရိကန် သံအမတ်သစ်ရာထူးအတွက် အဖြစ်နိုင်ဆုံးမှာ အသက် ၄၇ နှစ်အရွယ် ဒဲရစ်မစ်ချယ် ကိုသာ ထင်ကြေးပေးလာကြခြင်း ဖြစ်သည်။

“၁၉၉ဝ မှစ၍ မြန်မာနိုင်ငံဆိုင်ရာ ပထမဆုံး အမေရိကန်သံအမတ်ကြီးအဖြစ် ဒဲရစ်မစ်ချယ်အား ရွေးချယ်ခန့်အပ် လိုက်သည်” ဟု ဧပြီ ၅ ရက်နေ့ထုတ် Foreign Policy မဂ္ဂဇင်းတွင် အတည့်အလင်း ရေးသားဖော်ပြလာသည်။


ထို့ပြင် ဧပြီ ၆ ရက်နေ့ထုတ် Financial Times သတင်းစာကြီးတွင်လည်း “နှစ်ပေါင်း ၂၂ နှစ်အကြာတွင် မြန်မာနိုင်ငံ အတွက် ပထမဆုံး အမေရိကန်သံအမတ်ကြီးအဖြစ် ရွေးချယ်လိုက်ပြီ”ဟု ခေါင်းစဉ်တပ် ရေးသားလာသည်။

လက်ရှိတွင် မစ္စတာမစ်ချယ်မှာ မြန်မာနိုင်ငံဆိုင်ရာ အထူးကိုယ်စားလှယ်နှင့် မူဝါဒရေးရာ ညှိနှိုင်းဆောင်ရွက်သူအဖြစ် ၂ဝ၁၁ ခုနှစ် စက်တင်္ဘာလကတည်းက အမေရိကန် အစိုးရအတွက် တာဝန်ထမ်းဆောင်လျက်ရှိသူ ဖြစ်သည်။

မြန်မာနိုင်ငံနှင့်ပတ်သက်သည့် အမေရိကန်သဘောထားများ လှုပ်ရှားပြောင်းလဲလာသည့် အမေရိကန် နိုင်ငံခြားရေး ဌာန၏ ၂ဝ၁၁ စက်တင်္ဘာလဆန်း ထုတ်ပြန်ချက်တွင် “စစ်မှန်သော ပြုပြင်ပြောင်းလဲရေး၊ အမျိုးသား ပြန်လည် သင့်မြတ်ရေးနှင့် မြန်မာလူထု၏ တိုးတက်ဖွံ့ဖြိုးမှု ဟူသော တူမျှစွာ လက်ခံထားသည့် ပန်းတိုင်များသို့ ရောက်စေရန် တွေ့ဆုံဆွေးနွေးမှုနှင့် ထိတွေ့မှုများ ဆောင်ရွက် သွား မည်”ဟု ဖော်ပြထားသည်။

ထို့နောက် အာရှနှင့် တရုတ်နိုင်ငံ အတွေ့အကြုံများ ရှိခဲ့သူ ဒဲရစ်မစ်ချယ်ကို မြန်မာနိုင်ငံဆိုင်ရာ အထူးကိုယ်စားလှယ်နှင့် မူဝါဒ ညှိနှိုင်းရေးမှူးအဖြစ် ခန့်ထားရန် သမ္မတ ဘားရက်အိုဘားမား က အဆိုပြုခဲ့ပြီး အမေရိကန် အထက်လွှတ်တော်မှ သြဂုတ်လ ၁၅ ရက်နေ့တွင် အတည်ပြုခဲ့ခြင်း ဖြစ်သည်။

ထိုသို့ မစ္စတာမစ်ချယ်အား အမေရိကန် လွှတ်တော်၌ စာရင်းသွင်းစဉ်က ဒေါ်အောင်ဆန်းစုကြည်က ကြိုဆိုခဲ့ပြီး မြန်မာ့ဒီမိုကရေစီ ရေးအတွက် စစ်မှန်သည့် ကူညီမှုမျိုးရနိုင်ရန် မျှော်လင့်ကြောင်း ပြောဆိုခဲ့ဖူးသည်။

မြန်မာနိုင်ငံအပေါ် ချမှတ်ထားသည့် ပိတ်ဆို့တားမြစ်မှုများ ရုတ်သိမ်းရန် အချိန် မကျသေးကြောင်း ဒေါ်အောင်ဆန်းစုကြည် က Wall Street Journal အား ၂ဝ၁၁ ခုနှစ် အောက်တိုဘာလ ၂၄ ရက်နေ့ ပြောကြားလိုက် ပြီး နောက်နေ့တွင် မစ္စတာမစ်ချယ် မြန်မာနိုင်ငံသို့ ဒုတိယအကြိမ်အဖြစ် တိုက်ဆိုင်စွာ ရောက်ရှိလာခဲ့ကာ ဒေါ်အောင်ဆန်းစုကြည်နှင့် မိနစ် ၉ဝ ကြာ ဆွေးနွေးခဲ့သော်လည်း ဆွေးနွေး
သည့် အကြောင်းအရာများကိုမူ သတင်းထုတ်ပြန်ခဲ့ခြင်း မရှိပေ။

မြန်မာနိုင်ငံသို့ ၂ဝ၁၁ ခုနှစ် စက်တင်္ဘာလတွင် ပထမဆုံးအကြိမ် လာရောက်ခဲ့စဉ်မှစ၍ အမေရိကန်-မြန်မာ ဆက်ဆံရေး သမိုင်းဝင် ခရီးစဉ်တခုဖြစ်သည့် ဒီဇင်္ဘာလဆန်းပိုင်းက အမေရိကန် နိုင်ငံခြားရေးဝန်ကြီး မစ္စက်ဟီလာရီ ကလင်တန်၏ ခရီးစဉ်အတွက် အောက် ခြေသိမ်း လုပ်စရာရှိသည်တို့ကို စီစဉ်ပြင်ဆင်ပေးနိုင်ခဲ့သူ အဖြစ်လည်း မစ္စတာမစ်ချယ်မှာ အောင်မြင်လာခဲ့သည်။

စစ်အေးခေတ် နောက်ပိုင်းတွင် အရှေ့အလယ်ပိုင်း၊ အရှေ့ဥရောပနှင့် အရှေ့အာရှ ဒေသများတွင်သာ အချိန်ကုန်ခဲ့သော အမေရိကန် အနေနှင့် အာရှပစိဖိတ်ဒေသတွင်း အင်အားချိန်ခွင်လျှာ ထိန်းညှိရန် လိုအပ်ကြောင်း သမ္မတ အိုဘားမား က ၂ဝ၁၂ ခုနှစ် ဇန်နဝါရီလ ဆန်းတွင် ထုတ်ဖော်ပြောကြားလာခဲ့သည်။

“အမေရိကန်ရဲ့ သူ့ရဲ့သြဇာ အရှေ့တောင်အာရှိရော အာရှပိစိဖိတ်မှာရော ကျလာတဲ့အတွက် အင်နဲ့အားနဲ့ပြန်လာဖို့ သူစဉ်းစားတာကိုး။ မြန်မာပြည်ရဲ့ ပထဝီနိုင်ငံရေးအရ တရုတ်ရဲ့ အင်အားကို ချိန်ခွင်လျှာ ညှိချင်ရင် မြန်မာပြည်ဟာ မုချစည်းရုံးရမယ့် Target (ပစ်မှတ်) ဖြစ်နေတာ” ဟု ဗမာပြည် ကွန်မြူနစ် ပါတီမှ ဒေါက်တာ လှကျော်ဇော က မဇ္ဈိမကို ပြောဆိုခဲ့ဖူးသည်။

ဝါရှင့်နိုင်ငံရေးသမားကြီး တရုတ်နိုင်ငံဆိုင်ရာ မြန်မာသံအမတ်ဟောင်း သခင်ချန်ထွန်း ကလည်း အမေရိကန် အနေဖြင့် မြန်မာနိုင်ငံ ကို ပြိုင်ဘက် တရုတ်နိုင်ငံ၏ နောက်လိုက် မဖြစ်စေလိုသဖြင့် ရွေးကောက်ပွဲကို ဖြတ်သန်းပြီး ပေါ်ပေါက်လာ သည့် အစိုးရအသစ် လက် ထက်တွင် ဆက်ဆံရေးကောင်းစေရန် ပြန်လည်ကြိုးစားလာသည်ဟု သုံးသပ် ပြောဆိုသည်။

၁၉၉ဝ ခုနှစ်က ကျင်းပပြီးစီးခဲ့သည့် ရွေးကောက်ပွဲရလဒ်အား ထိုစဉ်က နဝတ စစ်အစိုးက အကောင်အထည် မဖော်ခဲ့သည့်အတွက် ရန်ကုန်ရှိ အမေရိကန်သံအမတ်ကြီး Burton Levin အား ဝါရှင်တန်မှ ပြန်လည်ရုတ်သိမ်း ခေါ်ဆောင်လိုက်ကာ ထိုမှစ၍ သံရုံးယာယီ တာဝန်ခံအဆင့်ဖြင့်သာ မြန်မာနိုင်ငံတွင် ထားရှိခဲ့လာခဲ့ခြင်းဖြစ်သည်။

ယခုကဲ့သို့ သံအမတ်ကြီးအဆင့်အဖြစ် ပြန်လည်ခန့်အပ် တာဝန်ပေးတော့မည်ဟု ဆုံးဖြတ်ခြင်းမှာ အမေရိကန် အစိုးရ အနေဖြင့် မြန်မာနိုင်ငံအပေါ်ထားရှိသည့် လတ်တလော ပြောင်းလဲလာသည့် နိုင်ငံရေးနှင့် စီးပွားရေး ဆက်ဆံမှုများ၏ တစိတ်တဒေသလည်း ဖြစ်သည်။

လွတ်လပ်၍ တရားမျှတသည်ဟု ဆိုနိုင်သော ဧပြီလ ၁ ရက်နေ့က ကျင်းပခဲ့သည့် ကြားဖြတ်ရွေးကောက်ပွဲပြီးနောက် သုံးရက်အကြာတွင် အမေရိကန်အစိုးရက အမေရိကန်ကုမ္ပဏီများအား အချို့ကဏ္ဍများတွင် မြန်မာနိုင်ငံတွင်း ရင်းနှီးမြှုပ်နှံရန် ခွင့်ပြုတော့မည်ဖြစ်ကြောင်း ပြောဆိုလာခဲ့သည်။

ထိုအထဲတွင် ဆက်သွယ်ရေး၊ စိုက်ပျိုးရေး၊ ခရီးသွားလုပ်ငန်းနှင့် ဘဏ်လုပ်ငန်းများ ပါဝင်နိုင်သော်လည်း တိတိပပ မပြောနိုင်သေး ကြောင်း အမေရိကန်အစိုးရ အရာရှိကြီးများက သတင်းထောက်များအား ပြောဆိုသည်။

ထိုသို့ ပိတ်ဆို့မှုများ တဖြည်းဖြည်းရုတ်သိမ်းလာမှုအပေါ် မြန်မာအစိုးရ ဘက်မှလည်း အားမလိုအားမရဖြစ်ကာ ပိုမိုတောင်းဆိုမှုများလည်း ရှိနေသည်။

“ကျနော်တို့ လုပ်ရမယ့်အလုပ်တွေ ခရီးမြန်မြန်တွင်စေချင်ရင် သူတို့ဘက်ကလည်း ပိုလုပ်ပြသင့်တယ်လေ” ဟု သမ္မတ၏ နိုင်ငံရေး အကြံပေး ဒေါက်တာနေဇင်လတ် က Bloomberg စီးပွားရေးသတင်းဌာနကြီးမှတဆင့် တုန့်ပြန်လိုက်သည်။

“အစိုးရကတော့ အမျိုးသားပြန်လည်သင့်မြတ်ရေးနဲ့ ဒီမိုကရေစီလူ့အဖွဲ့အစည်းဖြစ်ရေး သူလုပ်စရာရှိတာ လုပ်နေ တယ်။ ဒီအချိန်ဟာ မုန့်များများပေးပြီး ဆုချရမယ့်အချိန်ပါ” ဟု ဒေါက်တာနေဇင်လတ်၏ အီးမေးလ် ပေးပို့စာကို Bloomberg တွင် ကောက်နုတ် ဖော်ပြ ထားသည်။

အမေရိကန် နိုင်ငံခြားရေးဝန်ကြီး၏ အဆိုအရ မြန်မာနိုင်ငံသို့ သံအမတ်ကြီးတဦး ခန့်အပ်မည့်အပြင် အကူအညီများ၊ NGO များလည်း စေလွှတ်ကာ အချို့အစိုးရအရာရှိများ လာရောက်လည်ပတ်ခွင့်ကိုပါ ခွင့်ပြုမည်ဖြစ်ပြီး “အမေရိကန် ငွေကြေးလုပ်ငန်းနဲ့ ရင်းနှီးမြှုပ်နှံ မှုတွေ တင်ပို့ခြင်း ပိတ်ပင်ထားရှိမှုကို ရွေးချယ်လျှော့ချမှု” လည်း စတင်တော့မည်ဟု ဆိုသည်။

သံအမတ်သစ်ကြီးအဖြစ် ရွေးချယ်ခန့်အပ်ဖွယ်ရှိသည့် မစ္စတာမစ်ချယ်မှာ တရုတ်နိုင်ငံ နန်ကျင်းတက္ကသိုလ်တွင် တရုတ်ဘာသာစကား တခုဖြစ်သည့် မန်ဒရင် ဘာသာစကားကို လေ့လာတတ်ကျွမ်းခဲ့ပြီး Tufts University မှ ဥပဒေနှင့် သံခင်းတမန်ခင်း ဘာသာရပ်တွင် မဟာဝိဇ္ဇာဘွဲ့ ရရှိခဲ့သူဖြစ်သည်။

မစ္စတာ မစ်ချယ်သည် အာရှနှင့် ပစိဖိတ်ဒေသ လုံခြုံရေးရာ ကာကွယ်ရေး ဝန်ကြီးဌာန၏ ဒု-လက်ထောက် ကာကွယ်ရေး ဝန်ကြီး တာဝန်ကို ၂ဝဝ၉ ခုနှစ် ဧပြီလ မှ ၂ဝ၁၁ ခုနှစ် သြဂုတ်လအထိ ထမ်းဆောင်ခဲ့သည်။

အာရှလုံခြုံရေးဆိုင်ရာ စာအုပ်များ၊ ဆောင်းပါးများလည်း အမြောက်အများ ရေးသားခဲ့ကာ China’s Rise: Challenges and Opportunities လည်း မစ္စတာမစ်ချယ်၏ ထင်ရှားသော စာအုပ်တအုပ်ဖြစ်သည်။

Ref: မဇ္ဈိမ

Read More...

အပေါ်သို့