Saturday, November 7, 2009

နေ့စဉ်သတင်းများ ( ၆ - ၁၁ - ၀၉)

ဒေါ်အောင်ဆန်းစုကြည်၏ ဓာတ်ပုံဖော်ပြခြင်းအပေါ် ညွှန်ကြားချက်ထုတ်ပြီး ကန့်သတ် သတင်း
အမေရိကန်အရာရှိများနှင့် ဒေါ်အောင်ဆန်းစုကြည် တွေ့ဆုံသည့်သတင်းဖော်ပြခွင့်အပေါ် စာနယ်ဇင်းသမား များ ကြိုဆို သတင်း
အမေရိကန်အဆင့်မြင့်သံအဖွဲ့ ခရီးစဉ်အပေါ် CRPP အဖွဲ့ သုံးသပ် သတင်း
ကမ်းဘဲလ်ခရီးစဉ်သည် အရေးကြီးသော ခြေလှမ်းဖြစ်ကြောင်း ဂျင်မ်ဝက်ဘ် ပြောကြား သတင်း
၈၈ မျိုးဆက်ကျောင်းသူ မမီးမီးကို အင်းစိန်ထောင်ပြန်ပို့ သတင်း
ဒုတိယအကြိမ် ပဒိုမန်းရှာ လူငယ်ခေါင်းဆောင်ဆု ချီးမြှင့်ရန် စတင်ဆော်သြနေပြီ သတင်း
ဝ ပြည် သွေးစည်းညီညွတ်ရေးအဖွဲ့ပိုင် ကုမ္ပဏီက ဖားကန့်ဒေသလမ်းပိုင်းများ ပြုပြင်ရေး ကန်ထရိုက် ပြန်ရရှိ သတင်း
တရားဝင် အလုပ်သမားမှတ်ပုံတင် အပြီးသတ်ဆောင်ရွက်ရန် ၀န်ကြီးများအစည်းဝေးမှ ဆုံးဖြတ် သတင်း
ဒုက္ခသည်များ စခန်းပြောင်းရွှေ့ရန် ထိုင်းအာဏာပိုင်များက စာရင်းကောက်ယူ သတင်း
မှောင်ခိုတိုက်ဖျက်ရေး ဘင်္ဂလား-မြန်မာ သဘောတူ သတင်း
ကိုညီညီအောင်ကို နောက်ထပ်ပုဒ်မတခုဖြင့် ထပ်မံတရားစွဲ သတင်း
ရေတပ်နှင့် အမြောက်တပ်မှ သစ်လှေတစီးကို ဓားပြတိုက် သတင်း
ကုန်သည်များနှင့် ကားသမားများ စတိတ်ရှိုးလက်မှတ် အတင်းဝယ်နေရ သတင်း
ထိုင်းနှင့် ကမ္ဘောဒီးယားတို့ သံတမန်အဆက်အသွယ် ဖြတ်တောက် သတင်း
ရွှေတိဂုံရှိ ကျောင်းသားသပိတ်ကျောက်တိုင်ကို မ၀င်ရနယ်မြေ သတ်မှတ် သတင်း
မြန်မာ့ရေးရာ မူဝါဒအပြောင်းအလဲကို အမေရိကန်က ရှင်းလင်းပြောပြ သတင်း
မိုင်းလားတပ်ဖွဲ့ ဖိအားပေးခံရမှုအပေါ် အောက်ခြေအဆင့်နှင့် ပြည်သူထံသို့ ရှင်းလင်းဆွေးနွေး သတင်း
နအဖ၏ ဖိအားကို ဝိုင်းဝန်းဆန့်ကျင်သွားရန် မွန်လူငယ်အစည်းအရုံးက ဆုံးဖြတ် သတင်း
စက်မှုနိုင်ငံ ထူထောင်မည်ဟု ဗိုလ်ချုပ်မှူးကြီး သန်းရွှေ ဆို သတင်း
ယူအန်အရာရှိမှ မြန်မာမြို့ပေါ်ဒုက္ခသည်များကို ခေါ်ယူတွေ့ဆုံ သတင်း
ကရင်အမျိုးသမီးများ၏ တော်လှန်ရေးအတွက် စွမ်းဆောင်မှုများ (ဆောင်းပါး)
ဘိန်းစွန့်လွှတ်ကြောင်း ကြေညာထားသော ကိုးကန့်ဒေသတွင် မူးယစ်ဆေးဝါး ဖျက်ဆီးရခြင်း၏ နောက်ကွယ် မှ အကြောင်းအရင်းများ (ဆောင်းပါး)
အမျိုးသားပြန်လည်သင့်မြတ်ရေး အပေးအယူ (ဆောင်းပါး)
အခြေခံအချက်များ မပြောင်းသေး (ဆောင်းပါး)
မာနယ်ပလောကို ပြန်လည်ချောင်းကြည့်ခြင်း (ဆောင်းပါး)

Read More...

Friday, November 6, 2009

ဒေါ်အောင်ဆန်းစုကြည် မပါဝင်က ရွေးကောက်ပွဲ ယုံကြည်မှု မရနိုင်ဟု အမေရိကန်ပြော

ကိုထွေး
Thursday, 05 November 2009 19:49

၂၀၁၀ ရွေးကောက်ပွဲတွင် ဒေါ်အောင်ဆန်း စုကြည်နှင့် အမျိုးသား ဒီမိုကရေစီ အဖွဲ့ချုပ် (NLD) ပါဝင်ခြင်း မရှိပါက ရွေးကောက်ပွဲကို ယုံကြည်မှု ရှိလိမ့်မည် မဟုတ်ကြောင်း မြန်မာနိုင်ငံသို့ ၂ ရက်တာ သွားရောက်ခဲ့သည့် အမေရိကန် အဆင့်မြင့် ကိုယ်စားလှယ်က ပြောလိုက်သည်။

အမေရိကန် နိုင်ငံခြားရေးဝန်ကြီး ဌာန အာဆီယံရေးရာ သံအမတ် မစ္စတာ စကော့ မာရှယ်က ဘန်ကောက်မြို့ ချုလာလောင်ကွန်း တက္ကသိုလ်၌ ယနေ့ နံနက်ပိုင်းက ပြုလုပ်သည့် သတင်းစာ ရှင်းလင်းပွဲတွင် ယင်းသို့ ပြောကြား လိုက်ခြင်း ဖြစ်သည်။

“မြန်မာပြည်ကို ကျနော်တို့ တခေါက် သွားရုံနဲ့ တိုင်းပြည်က ပြဿနာ အားလုံး ဖြေရှင်း နိုင်လိမ့်မယ်လို့ ကျနော်တို့ မထင်ပါဘူး၊ ၂၀၁၀ ရွေးကောက်ပွဲမှာ ဒေါ်အောင်ဆန်းစုကြည်နဲ့ NLD မပါရင် ယုံကြည်မှုရဖို့ ခက်ခဲပါလိမ့်မယ်” ဟု စကော့မာရှယ်က ဆိုသည်။

အမေရိကန်က မြန်မာစစ်အစိုးရအပေါ် အရေးယူ ပိတ်ဆို့ထားမှုများကို ဆက်လက် ထိန်းသိမ်းထားမည် ဖြစ်ကြောင်း သူက ပြောသည်။

စစ်အစိုးရ ခေါင်းဆောင်များက ၎င်းတို့နှင့် တွေ့ဆုံရာတွင် ဒေါ်အောင်ဆန်းစုကြည်၏ နေအိမ် အကျယ်ချုပ် ချထားခြင်းကို လျှော့ပေါ့ပေးဖွယ် ရှိသည်ဟု အရိပ်အမြွက် ပြောခဲ့ကြောင်း ယခုခရီးစဉ်သည် အမေရိကန် အစိုးရ၏ မူဝါဒ အပြောင်းအလဲကို ရှင်းပြရန်နှင့် စစ်အစိုးရ၏ တုံ့ပြန်မှုကို နားထောင်ရန်ဖြစ်ကြောင်း သူက ရှင်းပြသည်။

စစ်အစိုးရက ယခုအချိန်မှ အမေရိကန်နှင့် မည်သည့် အတွက် စေ့စပ် ဆွေးနွေးလိုသည်ကို မသိကြောင်း သူက ဆက်ပြောသည်။

အမေရိကန် ကိုယ်စားလှယ် အဖွဲ့က ဒေါ်အောင်ဆန်းစုကြည်၊ NLD ခေါင်းဆောင်တို့နှင့် သီးခြားစီ တွေ့ဆုံရာ၌ ၂၀၁၀ ရွေးကောက်ပွဲတွင် NLD ပါဝင်ရေးနှင့် ပတ်သက်ပြီး တစုံတရာ ပြောဆိုခြင်း မရှိဟု ဆိုသည်။

“အမေရိကန်က မြန်မာပြည် အလျင်အမြန် ပြောင်းလဲဖို့ မမျှော်လင့်ပါဘူး၊ အချိန် ယူရဦးမှာပါ” ဟု သူက ဆိုသည်။

စစ်အစိုးရက စီစဉ်နေသည့် ရွေးကောက်ပွဲ မတိုင်မီ ဒေါ်အောင်ဆန်းစုကြည် အပါအ၀င် အတိုက်အခံ၊ တိုင်းရင်းသား ကိုယ်စားလှယ် များဖြင့် ဆွေးနွေးခြင်း မရှိလျှင် လည်းကောင်း၊ သတင်း လွတ်လပ်ခွင့် မပေးလျှင် လည်းကောင်း ရွေးကောက်ပွဲသည် ယုံကြည်နိုင်ဖွယ် မရှိကြောင်း သူက အခိုင်အမာ ပြောသည်။

၂၀၀၈ အခြေခံဥပဒေသည် အားနည်းချက်များ ရှိနေပြီး လူအများ ယုံကြည်မှု ကင်းမဲ့သည့် ဆန္ဒခံယူပွဲဖြင့် အတည်ပြု ထားကြောင်း၊ ယခုတလော ရန်ကုန်ရှိ သတင်းထောက်များ၊ လူမှု ကယ်ဆယ်ရေး ၀န်ထမ်းများကို အဖမ်းအဆီး ပြုလုပ်နေသည့် အတွက်လည်း တစုံတရာ တုံ့ပြန်ရန် စီစဉ်ထားကြောင်း ဧရာဝတီကို ပြောသည်။

သို့သော်လည်း NLD တောင်းဆိုနေသော အခြေခံဥပဒေ ပြင်ဆင်ရေးနှင့် ပတ်သက်ပြီး အမေရိကန် ပြည်ထောင်စုက ထောက်ခံပါသလား ဟူသော မေးခွန်းကိုမူ သူက ဖြေကြားခြင်း မရှိပေ။

အမေရိကန်ကိုယ်စားလှယ် အဖွဲ့၏ မြန်မာပြည် ခရီးစဉ်သည် ယမန်နေ့ ညနေက အဆုံးသတ်ခဲ့ခြင်း ဖြစ်သည်။ ရန်ကုန်မြို့ လေဆိပ်တွင် ကိုယ်စားလှယ် အဖွဲ့က ကြေညာချက် တစောင် ထုတ်ပြန်ရာ ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသား အားလုံး လွှတ်ပေးရန် ကြေညာချက်တွင် ဖော်ပြထားသည်။ မြန်မာနိုင်ငံ ဒီမိုကရေစီ ပြုပြင် ပြောင်းလဲရေး ပြုလုပ်ရန် အမေရိကန် အစိုးရက အပြည့်အ၀ ထောက်ခံကြောင်းလည်း ရေးသားထားသည်။

ထို့အပြင် ဒီမိုကရေစီ အတိုက်အခံများ၊ တိုင်းရင်းသား ကိုယ်စားလှယ်များနှင့် စစ်အစိုးရတို့ တွေ့ဆုံ ဆွေးနွေးရန် တိုက်တွန်းထားပြီး၊ ယင်းတွေ့ဆုံ ဆွေးနွေးမှုသည် အမျိုးသား ပြန်လည် ရင်ကြားစေ့ရေးနှင့် မြန်မာ့ နိုင်ငံရေးတွင် အင်အားစု အားလုံး ပါဝင်နိုင်ရေးကို ဦးတည် သင့်သည်ဟုလည်း ပါရှိသည်။

အမေရိကန် ကိုယ်စားလှယ်အဖွဲ့၏ ခရီးစဉ်နှင့် ပတ်သက်၍ အားတက်ဖွယ် မရှိဟု ရခိုင် တိုင်းရင်းသား နိုင်ငံရေး ခေါင်းဆောင် တဦးဖြစ်သူ ဦးအေးသာအောင်က ပြောသည်။

“အခုလို အစိုးရနဲ့လည်း တွေ့မယ် တိုင်းရင်းသား၊ NLD နဲ့တွေ့တယ် ဆွေးနွေးတယ်၊ မြန်မာပြည် အကြောင်း သုံးသပ်မယ် ဆက်ပြီးတော့ ကြိုးပမ်းမယ် ဆိုတာက ယေဘုယျ အနေနဲ့က ကောင်းတယ်လို့ ပြောရပေမယ့် နအဖ အနေနဲ့က သူတို့ သွားနေတဲ့လမ်းကြောင်း ကနေ လိုက်လျောဖို့ ပြုပြင် ပြောင်းလဲဖို့ လက္ခဏာတွေ မမြင်တော့ ကောင်းတယ်လို့ ပြောဖို့က ခက်ပါတယ်” ဟ ဦးအေးသာအောင်က ဧရာဝတီကို ပြောသည်။

အမေရိကန် အဆင်မြင့်အရာရှိများ၏ မြန်မာပြည် ခရီးစဉ်သည် ၁၉၉၅ ခုနှစ် နောက်ပိုင်း ပထမဆုံး ခရီးစဉ် ဖြစ်သည်။

၁၉၉၅ ခုနှစ် စက်တင်ဘာလက နိုင်ငံခြားရေး ၀န်ကြီး မက်ဒလင်း အောဘရိုက် (Madeline Albright) သည် မြန်မာနိုင်ငံသို့ လာရောက်၍ စစ်အစိုးရ ခေါင်းဆောင်တချို့ နှင့် ဒေါ်အောင်ဆန်းစုကြည်ကို တွေဆုံခဲ့သည်။

Ref: ဧရာဝတီ်

Read More...

တွေ့ဆုံဆွေးနွေးမှုများ အချိန်ကာလ အပိုင်းအခြားရှိရန် လိုအပ်ဟု အန်အယ်လ်ဒီ ဗဟို အမှုဆောင်အဖွဲ့ဝင် ဦးဝင်းတင်ပြော

NEJ / ၅ နိုဝင်ဘာ ၂၀၀၉

အမေရိကန်ပြည်ထောင်စုမှ အဆင့်မြင့်သံတမန်အဖွဲ့ မြန်မာနိုင်ငံသို့ လာရောက် တွေ့ဆုံ ဆွေးနွေးမှုများကို အကောင်းမြင် ကြိုဆိုသော်လည်း စစ်အစိုးရနှင့် ပတ်သက်၍ စိုးရိမ်မိကြောင်း အန်အယ်လ်ဒီ ဗဟို အလုပ်အမှုဆောင် အဖွဲ့ဝင် တဦးဖြစ်သူ ဦးဝင်းတင်က ပြောကြား လိုက်သည်။

“ကျနော်ပြောချင်တာကတော့ အခုလို အမေရိကန် ကိုယ်စားလှယ်တွေ လာတာ နိုင်ငံရေး အားဖြင့် တွက်မယ် ဆိုရင်တော့ အကောင်း မြင်ပါတယ်။ အခုလို အမေရိကန် အနေနဲ့ ဗမာပြည်နဲ့ ဆက်ဆံလာတဲ့ ကိစ္စ၊ နောက်တခါ စစ်အစိုးရ ဘက်ကလည်း ဘာပဲပြောပြော ဒီလို လာရောက်တဲ့ အမေရိကန်ရဲ့ လမ်းဖွင့် လာခြင်းကိုလည်း မကြိုဆိုတောင်မှ လက်ခံတဲ့ ဟာမျိုး အတွက်တော့ ကောင်းတဲ့ လက္ခဏာ၊ ကောင်းတဲ့ အလားအလာ ပွင့်လာနိုင်စရာ ရှိတယ်လို့ ကျနော်ကတော့ ပြောချင်ပါတယ်။ တခုပဲရှိတာက စစ်အစိုးရနဲ့ ပတ်သက်လို့ ကျနော်က သိပ်အကောင်း မမြင်လှဘူး။ စစ်အစိုးရက အမြဲတမ်းလိမ်တာ၊ ညာတာ၊ ဖုံးတာ၊ ကာတာ သူတို့ရဲ့အကျိုးစီးပွားကို အမြဲတမ်း ရှေ့တိုး နောက်ငင် လုပ်တာတွေ များတယ်” ဟု ၎င်းက ပြောသည်။

မြန်မာစစ်အစိုးရဘက်က မှန်ကန်သည့်သဘောထားများကို မပြင်ဆင်သည့် အတွက် မြန်မာ စစ်အစိုးရနှင့် အမေရိကန် ပြည်ထောင်စု၏ လုပ်ငန်းစဉ် များသည် မြန်မြန်ဆန်ဆန် ချောချော မွေ့မွေ့နှင့် အကျိုးရလဒ်များ၊ အကျိုး သက်ရောက်မှုများ ရှိပါ့မလားဟု စိုးရိမ် မိကြောင်း ဦးဝင်းတင်က ပြောသည်။

အမေရိကန် နိုင်ငံခြားရေးဝန်ကြီးဌာနမှ အရှေ့အာရှနှင့်ပစိဖိတ် ရေးရာ လက်ထောက် နိုင်ငံခြားရေး ၀န်ကြီး မစ္စတာ ကာ့တ်ကမ်ဘဲလ်နှင့် ဒု-လက်ထောက် နိုင်ငံခြားရေးဝန်ကြီး စကော့မာရှယ်တို့ ပါဝင်သည့် အမေရိကန် ကိုယ်စားလှယ် အဖွဲ့သည် မြန်မာနိုင်ငံသို့ လာရောက်၍ စစ်အစိုးရ ၀န်ကြီးချုပ်၊ ဒေါ်အောင်ဆန်းစုကြည်၊ အန်အယ်လ်ဒီ ဗဟို အလုပ်အမှုဆောင် အဖွဲ့ဝင်များ အပါအ၀င် တိုင်းရင်းသား ခေါင်းဆောင်တို့နှင့် ယမန်နေ့က တွေ့ဆုံ ဆွေးနွေးခဲ့ကြသည်။

ထိုသို့တွေ့ဆုံရာတွင် အမေရိကန် ကိုယ်စားလှယ်အဖွဲ့သည် အန်အယ်လ်ဒီ ဗဟို အလုပ်အမှုဆောင် အဖွဲ့ဝင်များနှင့် ပါတီရုံးချုပ်၌ (၁) နာရီကြာ တွေ့ဆုံ ဆွေးနွေးခဲ့ကြရာ ဗဟို အလုပ်အမှုဆောင် အဖွဲ့ဝင်များ ဖြစ်ကြသော ဦးသန်းထွန်း၊ ဦးဝင်းတင်၊ ဦးစိုးမြင့်၊ ဦးလှဖေ၊ ဦးညွန့်ဝေနှင့် ဦးခင်မောင်ဆွေတို့ တက်ရောက်ကြသည်။

အန်အယ်လ်ဒီ အမှုဆောင်အဖွဲ့ဝင်များက ၂၀၁၀ ရွေးကောက်ပွဲနှင့် ဖွဲ့စည်းပုံ အခြေခံဥပဒေ ပြင်ဆင်ရေး ကိစ္စ၊ လူ့အခွင့်အရေး ပြဿနာများ၊ နိုင်ငံရေး အကျဉ်းသားများ ကိစ္စ၊ လူသားချင်း စာနာမှု အကူအညီ ပေးရေး ကိစ္စများကို တင်ပြ ဆွေးနွေး ခဲ့ကြသည်ဟု သိရသည်။

အခြေခံဥပဒေပြင်ဆင်ရေးနှင့်ပတ်သက်၍ တောင်းဆိုမှုများ မလုပ်ပေးနိုင် သော်ငြားလည်း စစ်အစိုးရကို နားချ စေလိုကြောင်း အမေရိကန် ကိုယ်စားလှယ်များကို ပြောကြားခဲ့သော်လည်း ၎င်းတို့က တွေ့ဆုံ ဆွေးနွေးရေး ဖြစ်မြောက်ရန်သာ ဇောင်းပေး လုပ်ဆောင်နေသည့် အတွက် ကျန်ကိစ္စများကို ခပ်လျော့လျော့သာ ကိုင်တွယ်ကြောင်း ပြန်လည် ပြောကြားခဲ့သည်ဟု ဗဟို အလုပ်အမှုဆောင် အဖွဲ့ဝင် ဦးဝင်းတင်က ပြောသည်။

ထို့အပြင် ကိုယ်စားလှယ်များက “သူတို့ဟာ အမျိုးသားပြန်လည် သင့်မြတ်ရေး ဆွေးနွေးပွဲဖြစ်အောင်၊ အတိုက်အခံ အင်အားစုတွေနဲ့ အစိုးရနဲ့ ဆွေးနွေးပွဲဖြစ်အောင် လုပ်နေပါတယ် ဆိုတာနဲ့၊ နောက်တခုက အစိုးရဘက်က မြင်သာ ထင်သာတဲ့ ကိစ္စတွေ မလုပ်သရွေ့ ကတော့ ဆန်ရှင်လို ကိစ္စမျိုးတွေက လျော့ပေါ့မှုတွေ ဖြစ်မှာ မဟုတ်ဘူးလို့ ပြောသွားတယ်” ဟု ဦးဝင်းတင်က တွေ့ဆုံမှုနှင့် ပတ်သက်၍ ဆက်လက်ရှင်းပြသည်။

စစ်အစိုးရအနေဖြင့် အခြေခံဥပေဒေပြင်ဆင်ရေးကို လိုက်လျောမည့် အနေအထား မရှိသော်လည်း ပြည်သူများ အနေဖြင့် နိုင်ငံရေး စိတ်ဓာတ် ရှိရန် အဓိက လိုအပ် သည်ဟု ဦးဝင်းတင်က ယူဆသည်။

၎င်းက “အပေါ်ယံကြည့်ရင်တော့ စစ်အစိုးရ ဘက်ကလည်း ပြင်ဆင် ပြောင်းလဲရေး ဆိုတာကို လုံးဝ လျှော့မှာ မဟုတ်ဘူး။ ကျနော်တို့ ဘက်ကလည်း ဒီဟာကို မပြင်ရင်တော့ လုံးဝ လက်ခံနိုင်တဲ့ အနေအထား မရှိဘူး။ ကျနော်တို့ ဆိုတာက အန်အယ်လ်ဒီ တခုတည်း မဟုတ်ဘူး။ တိုင်းရင်းသား တွေရော၊ တိုင်းသူပြည်သား တွေရော၊ ပြည်ပမှာ ရောက်နေတဲ့ နိုင်ငံရေး အင်အားစုတွေရော၊ ပြည်တွင်းမှာ ရှိတဲ့ နိုင်ငံရေး အင်အားစုတွေ အားလုံးက ဒီဟာကို လက်မခံနိုင်ဘူး ဆိုရင် နိုင်ငံရေးကတော့ ပိတ်ဆို့နေတဲ့ အနေအထားပဲ ရှိမှာပဲ။ သို့သော် နိုင်ငံရေးဆိုတာ စိတ်ဆန္ဒတွေ ရှိတယ်၊ အခြေအနေတွေ ပေးလာမယ် ဆိုရင်တော့ နိုင်ငံရေး ပြဿနာဆိုတာ အမြဲတမ်း ကျော်သွားလို့ ရတာပဲ” ဟု ပြောသည်။

အမေရိကန်အစိုးရအနေဖြင့် အမျိုးသားပြန်လည်သင့်မြတ်ရေးနှင့် တွေ့ဆုံ ဆွေးနွေးရေးကို ဦးတည် လုပ်ဆောင်ရန် ရည်ရွယ်ကြောင်း ပြောကြား လာသည့် အတွက် အခြေခံ ဥပဒေ ပြင်ဆင်ရေး ကိစ္စကို တွေ့ဆုံ ဆွေးနွေးရေး စားပွဲဝိုင်းတွင် တင်ကာ ဆွေးနွေးနိုင်သည်ဟု ဦးဝင်းတင်က သုံးသပ်သည်။

“ကျနော်တို့ဟာ ဒီအခြေခံဥပဒေကိုသာ ပြင်နိုင်ရင်တော့ လာမယ့် ရွေးကောက်ပွဲ ဟာလည်း တစုံတရာသော အများပြည်သူတွေ ဆန္ဒနဲ့ ကိုက်ညီတဲ့ ဖြစ်ရပ်မျိုး လုပ်ရပ်မျိုး တခုအနေနဲ့ ဖြစ်လာမယ်ဆိုရင် နိုင်ငံရေး ပြဿနာတွေဟာ ဒီရွေးကောက်ပွဲ ကနေ နောက်ထပ် အလွန် လာမယ့် လေးငါးနှစ်၊ နောက်တခါ နောက်ရွေးကောက်ပွဲ ဆိုတာမျိုးတွေပါ အဆင့်ဆင့်နဲ့တော့ ပြောင်းသွား နိုင်တယ်လို့ ကျနော်က ယူဆတယ်” ဟု ၎င်းက ပြောသည်။

ဦးဝင်းတင်က ဆက်လက်၍ “ဒီကိစ္စနဲ့ပတ်သက်လို့ အမေရိကန် အဖွဲ့နဲ့ တွေ့တဲ့ အခါလည်း ပြောပါတယ်။ ခင်ဗျားတို့ တိုက်တွန်းနေတဲ့ အမျိုးသား ပြန်လည် သင့်မြတ်ရေး ကိစ္စတွေ လုပ်ဖို့၊ တွေ့ဆုံ ဆွေးနွေးရေးတွေ လုပ်ဖို့ဟာ အချိန်ကာလ အပိုင်းအခြားတော့ ရှိရလိမ့်မယ်။ ခင်ဗျားတို့ရဲ့ လုပ်ငန်းတွေ၊ စစ်အစိုးရက တံခါးလေး ဟပေးလိုက်တဲ့ ဟာတွေဟာ မြန်မာ့နိုင်ငံရေး ပြဿနာတွေကို ရေရှည် သော်လည်းကောင်း၊ ရေတို သော်လည်းကောင်း ဖြေရှင်းဖို့ ဆိုတာထက် နိုင်ငံရေး ပြဿနာလိုဖြစ်တဲ့ သူတို့ရဲ့ရွေးကောက်ပွဲ ကိစ္စတွေကို ဖြေရှင်းဖို့ အတွက် ရည်ရွယ်ပြီးတော့ လုပ်တဲ့ လုပ်ငန်းမျှသာ ဖြစ်တယ် ဆိုရင်တော့ ဘာမှ ထူးမှာ မဟုတ်ဘူး။ တတ်နိုင်သမျှတော့ ဒီကိစ္စတွေကို အချိန်အပိုင်းအခြား ကန့်သတ်ပြီး လုပ်ဖို့ ကောင်းတယ်လို့ ကျနော်တို့ ပြောပါတယ်” ဟု ပြောသည်။

ထို့ကြောင့် ရွေးကောက်ပွဲမတိုင်မီ တွေ့ဆုံဆွေးနွေးပွဲ ဖြစ်မြောက်ရန် လိုအပ်ပြီး နအဖ အနေဖြင့် အချိန်ဆွဲ နေပါက အကျိုးထူးနိုင်မည် မဟုတ်ဟုလည်း ဦးဝင်းတင်က ပြောသည်။

“ဒါကြောင့် ကျနော်တို့ကတော့ တွေ့ဆုံဆွေးနွေးရေးကို မျှော်လင့်တယ်။ ဖြစ်စေချင်တယ်။ ဖြစ်စေချင်တဲ့ နေရာမှာလည်း အချိန် အပိုင်းအခြားနဲ့ ဖြစ်စေချင်တယ်။ အချိန်အပိုင်းအခြား ဆိုတာလည်း ရွေးကောက်ပွဲ ကာလကို မကျော်လွန်တဲ့ ဒီဘက် ကာလသာ ဖြစ်သင့်တယ်လို့ ကျနော်က ထင်တယ်။ တွေ့ဆုံဆွေးနွေးပွဲ အကျိူး ရလဒ်တွေဟာလည်း ဆွေးနွေးပွဲ သဘောတူချက်တွေက နေပြီး ညွှန်ပြတဲ့ လမ်းတွေဟာလည်း ရွေးကောက်ပွဲ မတိုင်မီမှာသာ ဖြစ်ဖို့ကောင်းတယ်။ ပြဿနာတွေကို တစုံတရာသော ဖြေရှင်းမှုနဲ့ ရွေးကောက်ပွဲ ကာလကို ကျော်ဖြတ် သင့်တယ်လို့ ထင်တယ်” ဟု ၎င်းက ရှင်းလင်းပြောဆိုသည်။

Ref: ခေတ်ပြိုင်

Read More...

နေ့စဉ်သတင်းများ ( ၅ - ၁၁ - ၀၉)

ဗဟိုအလုပ်အမှုဆောင်စုံညီ တွေ့ခွင့်မရ၍ ဒေါ်အောင်ဆန်းစုကြည် မကျေနပ် သတင်း
တိုင်းရင်းသားပါတီများ ဖွဲ့စည်းပုံပြင်ဆင်ရေးသာ လိုလား သတင်း
တိုင်းရင်းသားနှင့် NLD ကိုယ်စားလှယ်များ အမေရိကန်အဖွဲ့နှင့် တွေ့ဆုံ သတင်း
အမေရိကန်အဖွဲ့ ၀န်ကြီးချုပ်၊ ဒေါ်အောင်ဆန်းစုကြည်၊ တိုင်းရင်းသားတွေနဲ့ တွေ့ သတင်း
အဖွဲ့ချုပ်နှင့် အမေရိကန် အဆင့်မြင့်အရာရှိအဖွဲ့ တွေ့ဆုံ သတင်း
ဒေါ်အောင်ဆန်းစုကြည် သတင်းပါဝင်သော ဂျာနယ်များ အရောင်းသွက် သတင်း
အမေရိကန် အစိုးရသဘောထား ဖော်ပြခွင့်ရ သတင်း
နိုင်ငံရေးအကျဉ်းသူ မနီမိုလှိုင် ကျန်းမာရေး ဆိုးရွားနေ သတင်း
တပတ်အတွင်း အင်းစိန်ထောင်တွင် သေဆုံးသူ (၆) ဦးရှိ သတင်း
နအဖဝန်ကြီးဌာနများ (Updated on 4 November 2009) သတင်း
မြဝတီမြို့တွင် လောင်းကစားဖြင့် စီးပွားရှာသူ တနေ့တခြား များပြားလာ သတင်း
ရန်ကုန်-မန္တလေး လမ်းမကြီး အသုံးပြုခ (၂) ဆ တိုးမြှင့်ကောက်ခံ သတင်း
ကန်ပိုက်တီးနယ်စပ်ဂိတ် ဖြတ်ကျော်ခွင့် မြန်မာငွေ မယူဘဲ တရုတ်ငွေဖြင့် ကောက်ခံ သတင်း
မြန်မာထုတ် ကားများ အိန္ဒိယကားပြပွဲတွင် ပြသမည် သတင်း
မန္တလေးဘုရားပွဲကြေး လပေးနဲ့ တောင်းရမ်းနေ သတင်း
တပတ်ရစ် ဆိုင်ကယ်ဈေးကွက် ထိုင်းမှိုင်း သတင်း
လွိုင်ကထုံ (ဆောင်းပါး)
စုတ်ချက်ကြမ်းတဲ့ ဘဝပန်းချီ (ဆောင်းပါး)

Read More...

Thursday, November 5, 2009

မြန်မာစစ်အစိုးရ ခိုင်မာတဲ့ နိုင်ငံရေး ခြေလှမ်းတွေ လှမ်းဖို့ အမေရိကန် ထိပ်တန်း သံတမန် တိုက်တွန်း

05 November 2009

မြန်မာနိုင်ငံအပေါ် မူဝါဒသစ်တွေ ကျင့်သုံးဖို့ ပြင်ဆင်နေတဲ့ အမေရိကန် ပြည်ထောင်စုက အဆင့်မြင့် သံတမန်တွေရဲ့ ခရီးစဉ် မနေ့တုန်းက အဆုံးသတ်ခဲ့တဲ့ နေရာမှာ မြန်မာ့နိုင်ငံရေး အသိုင်းအ၀န်းက သက်ဆိုင်သူ အတော်များများနဲ့ ကျယ်ကျယ်ပြန့်ပြန့် တွေ့ဆုံခွင့် ရခဲ့တယ်လို့ ခရီးစဉ်ကို ဦးဆောင်သူ လက်ထောက် နိုင်ငံခြားရေး ၀န်ကြီးက ပြောပါတယ်။ အဆင့်မြင့် သံတမန် ဆက်ဆံမှုတွေ မရှိခဲ့တာ ဆယ်စုနှစ် တခုနီးပါး ရှိနေရာက အခုလို စတင် ဆက်သွယ်မှုတွေ ရှိလာနေပေမဲ့လည်း ဒီထက်ပို တိုးတက်တဲ့ ဆက်ဆံရေးတွေ ဖြစ်ဖို့ အတွက်ကတော့ စစ်အစိုးရဘက်က နောက်ထပ် ဆောင်ရွက်ဖို့ လိုနေသေးတဲ့ အကြောင်းလည်း သူက ပြောခဲ့ပါတယ်။ အကြောင်းစုံကို ကိုအောင်လွင်ဦးက တင်ပြ ပေးထားပါတယ်။

အမေရိကန် နိုင်ငံခြားရေးဝန်ကြီးဌာန အရှေ့အာရှနဲ့ ပစိဖိတ်ရေးရာ လက်ထောက် နိုင်ငံခြားရေး ၀န်ကြီး ကာ့တ် ကမ်းဘဲလ် (Kurt Campbell) နဲ့ သူ့ရဲ့ လက်ထောက် တဦးဖြစ်တဲ့ စကော့ မာဆီယယ် (Scot Marciel) တို့ ဦးဆောင်ပြီး သွားရောက်ခဲ့တဲ့ ခရီးစဉ် အတွင်းမှာတော့ ဖမ်းဆီးခံနေရတဲ့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် အနေနဲ့ နိုင်ငံရေးအရ ပိုမိုဆောင်ရွက်ခွင့် ရစေဖို့ကိုလည်း တိုက်တွန်းခဲ့တာ ဖြစ်ပါတယ်။ အမျိုးသား ပြန်လည် သင့်မြတ်ရေးကို ရည်ရွယ်တဲ့ ဆွေးနွေးပြောဆိုမှုတွေ ဖြစ်ပေါ်စေဖို့ ဒီလို လုပ်ဆောင်ဖို့ လိုအပ်တဲ့အကြောင်း ခရီးစဉ်အဆုံး ပြုလုပ်တဲ့ သတင်းစာ ရှင်းလင်းပွဲမှာ လက်ထောက် နိုင်ငံခြားရေး ၀န်ကြီးက ပြောခဲ့တာပါ။

“ဒီလို ဆွေးနွေးပြောဆိုမှုမျိုးက အမျိုးသား ပြန်လည် သင့်မြတ်ရေးနဲ့ မြန်မာနိုင်ငံ ထဲက နိုင်ငံရေး လုပ်ငန်းစဉ်မှာ အားလုံး ပါဝင်နိုင်တဲ့ အခြေအနေကို ဖြစ်ပေါ် စေပါလိမ့်မယ်။ ဒီအခြေအနေကို ဦးတည်စေဖို့ အတွက် ဒေါ်အောင်ဆန်းစုကြည် အနေနဲ့ သက်ဆိုင်သူ ပုဂ္ဂိုလ်တွေ၊ အထူးသဖြင့်ကတော့ သူ့ပါတီက ဗဟို အလုပ်အမှုဆောင် တွေနဲ့ မကြာခဏ ထိတွေ့ ဆက်ဆံမှုတွေ လုပ်ဆောင်နိုင်အောင် မြန်မာ စစ်အစိုးရက ခွင့်ပေးဖို့ အတွက်လည်း ကျနော်တို့ တောင်းဆိုခဲ့ပါတယ်။”

လက်ထောက် နိုင်ငံခြားရေးဝန်ကြီးက တောင်းဆိုထားတဲ့ အတိုင်း ဒေါ်အောင်ဆန်းစုကြည်ကို အာဏာပိုင်တွေက သူ့ရဲ့ အမျိုးသား ဒီမိုကရေစီ အဖွဲ့ချုပ် (NLD) ပါတီ ဗဟို အလုပ်အမှုဆောင် အဖွဲ့ဝင်တွေနဲ့ မနေ့တုန်းက တွေ့ဆုံခွင့် ပြုပေမဲ့ ဒီအထဲမှာ ပါတီ ဒု-ဥက္ကဋ္ဌလည်းဖြစ်၊ သူ့လိုပဲ နေအိမ်မှာ အကျယ်ချုပ် ဖမ်းဆီးခံနေရတဲ့ ဦးတင်ဦး မပါဝင်တဲ့ အတွက် ငြင်းဆန်ခဲ့တယ်လို့ စစ်အစိုးရပိုင် သတင်းတွေက ဖော်ပြခဲ့ပါတယ်။ NLD ပါတီ အတွင်းရေးမှူး ဖြစ်တဲ့ ဦးဝင်းတင်ကတော့ ဒေါ်အောင်ဆန်းစုကြည်ရဲ့ ရပ်တည်ချက်ဟာ နည်းလမ်း ကျတယ်လို့ ဆိုပါတယ်။

“ကျနော့်သဘော ပြောရရင် ကျနော်က ဒေါ်စုနဲ့ မတွေ့တာလည်း နှစ်ပေါင်း ၂၀ ကျော်ပြီ။ ကျနော် အကြာဆုံးပေါ့ဗျာ၊ မတွေ့တဲ့ လူထဲမှာ။ ဦးတင်ဦးနဲ့လည်း နှစ်ပေါင်း ၂၀ ကျော်ပြီ၊ မတွေ့ရဘူး။ အဲတော့ ဒီပုဂ္ဂိုလ် ၂ ယောက်နဲ့ ကျနော် မတွေ့ လိုက်ရတဲ့ အတွက်တော့ ကျနော့် အဖို့ကတော့ အများကြီးကို စိတ်မကောင်းဖြစ်စရာ ကိစ္စပဲ။ သို့သော် ဒေါ်စုလုပ်တာ Morally မှန်တယ်ဗျ၊ ဒီလိုလုပ်ရမယ်။

“ဆိုပါတော့ဗျာ၊ NLD မှာ ကျနော်နဲ့ ဦးခင်မောင်ဆွေဆိုရင် စစ်အစိုးရက တရားဝင် CEC မဟုတ်ဘူး ဆိုပြီး အမြဲတမ်း ပယ်ပယ်ချတယ်။ ဂမ်ဘာရီနဲ့ ခေါ်တယ်၊ ကျနော်တို့ မပါဘူး။ မစ္စတာ ဘန်ကီမွန်းနဲ့ တွေ့တယ်၊ ကျနော်တို့ မပါဘူး။ ဂျင်မ်ဝက်ဘ်နဲ့ တွေ့တယ်၊ ကျနော်တို့ မပါဘူး။ ကျနော်တို့ စစ်အစိုးရ လုပ်တိုင်း ခံခဲ့ရတာတွေ အများကြီးရှိတယ်။ နေရာတိုင်းမှာ ကျနော်က ငုံ့မခံနိုင်ဘူး။ သည်းညည်းခံတာက တမျိုးဗျာ၊ ငုံ့မခံနိုင်ဘူး။ ဒေါ်စုလုပ်တာ ကျနော် ထောက်ခံတယ်။ ဒါ နည်းကို ယူရမယ့် ကိစ္စ ဖြစ်တယ်လို့ ကျနော် ပြောချင်တယ်။”

မြန်မာနိုင်ငံမှာ လူ့အခွင့်အရေးရှိဖို့ ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားတွေ အားလုံး ပြန်လွှတ်ပေးဖို့၊ ဒီမိုကရေစီ ပြုပြင် ပြောင်းလဲရေးတွေ ဖြစ်ပေါ်ဖို့ စတာတွေ အတွက် အမေရိကန် ပြည်ထောင်စုက ပြင်းပြင်းထန်ထန် ထောက်ခံကြောင်း ပြသဖို့ ဒီခရီးစဉ်က ရည်ရွယ်ထားကြောင်းလည်း လက်ထောက် နိုင်ငံခြားရေး ၀န်ကြီးက ခရီးစဉ်အဆုံးမှာ ကြေညာချက် တစောင် ထုတ်ြပန် ပြောဆိုခဲ့တာပါ။ ဒါပေမဲ့လည်း ဒီလို အမေရိကန် ပြည်ထောင်စုဘက်က မျှော်လင့်ထားသလို၊ လိုလားသလို စစ်အစိုးရဘက်က လိုက်နာ ဆောင်ရွက်လာပါ့မလား ဆိုတာတွေကိုတော့ သံသယတွေ ရှိနေတာပါ။

အထူးသဖြင့်ကတော့ ထောင်ဂဏန်းချီ ရှိတဲ့ နိုင်ငံရေး အကျဉ်းသားတွေကို ဆက်လက် ဖမ်းဆီးထားဆဲ ဖြစ်သလို အတိုက်အခံ တက်ကြွ လှုပ်ရှားသူတွေကို ဖမ်းဆီးမှုတွေ ကလည်း မရပ်မနား ဖြစ်နေဆဲမို့ အမေရိကန်ရဲ့ အားထုတ်မှုတွေ အရာမရောက် ဖြစ်နိုင်တယ်လို့ နိုင်ငံတကာ လွတ်ငြိမ်း ချမ်းသာခွင့် အဖွဲ့ကြီးဖြစ်တဲ့ Amnesty International အဖွဲ့ရဲ့ မြန်မာနိုင်ငံ ဆိုင်ရာ သုတေသီ ဘန်ဂျမင် ဇာဝက်ကီး (Benjamin Zawacki) က ဆိုပါတယ်။

“ဒါက အခု ကြိုးပမ်းအားထုတ်မှုတွေကို ထိခိုက်နိုင်တဲ့ တကယ့်ကို စိုးရိမ်စရာ ကိစ္စပါ။ အမေရိကန် မူဝါဒ ပြန်လည် သုံးသပ်ချက် ရလဒ်တွေကို ကြေညာလိုက်ချိန်က စလို့ နိုင်ငံရေး အကျဉ်းသား ပြန်လွှတ်ပေး လိုက်တာ ၁၂၈ ယောက် ရှိပါတယ်။ ဒါပေမဲ့လည်း တကယ်တမ်း အဖမ်းခံထားရတဲ့သူ ၂,၁၀၀ ကျော် ရှိနေတဲ့ အခြေအနေမှာတော့ ဒါဟာ ရေပေါက်လေး တပေါက်လောက်သာ ရှိပါတယ်။ ပြီးခဲ့တဲ့ တပတ်တည်းမှာလည်း လူ ၅၀ လောက်ကို လမ်းတွေပေါ်မှာ သိမ်းကျုံး ဖမ်းဆီးပြီး ထောင်ချ လိုက်တာလည်း ရှိပါသေးတယ်။”

လက်ထောက် နိုင်ငံခြားရေးဝန်ကြီး ကမ်းဘဲလ်ကတော့ အမေရိကန် အနေနဲ့ နှစ်နိုင်ငံကြား ဆက်ဆံရေးတွေမှာ တိုးတက်စေဖို့ ခြေလှမ်းတွေ လှမ်းဖို့ ပြင်ဆင်ထားတဲ့ အကြောင်း၊ ဒါပေမဲ့လည်း ဒီကိစ္စတွေကို တဆင့်ချင်း လုပ်သွားမှာ ဖြစ်သလို မြန်မာ စစ်အစိုးရဘက်က အပြန်အလှန် တုံ့ပြန် ဆောင်ရွက်မှုတွေ၊ ခိုင်မာတဲ့ ကြိုးပမ်းမှုတွေ အပေါ်မှာ မူတည်မယ့် အကြောင်းလည်း ပြောခဲ့တာပါ။

လူ့အခွင့်အရေး ချိုးဖောက်မှုတွေကြောင့် မြန်မာစစ်အစိုးရ အပေါ် ပိတ်ဆို့ဒဏ်ခတ် အရေးယူမှုတွေ ချမှတ်ထားတဲ့ အမေရိကန် အစိုးရ အနေနဲ့ မြန်မာ စစ်အစိုးရ ဘက်က နိုင်ငံရေးအရ တိုးတက်မှုတွေ လုပ်ဆောင်လာမယ် ဆိုရင် စီးပွားရေး ရင်းနှီးမြှုပ်နှံမှုတွေ လုပ်ဆောင်တဲ့ အထိ ဆက်ဆံရေးတွေကို တိုးမြှင့်သွားနိုင်တဲ့ အကြောင်း နိုင်ငံခြားရေး ၀န်ကြီး ဟီလာရီ ကလင်တန် (Hillary Clinton) ကလည်း ဒီနှစ်ထဲတုန်းက သူ့ရဲ့ အရှေ့တောင်အာရှ ခရီးစဉ်အတွင်းမှာ ပြောခဲ့တာဖြစ်ပါတယ်။

ဒါပေမဲ့လည်း ဆက်ဆံမှုတွေ ဒီလိုအဆင့်အထိ ရောက်ဖို့ကတော့ မြန်မာ စစ်အစိုးရ ဘက်က သိသာတဲ့ ပြုပြင် ပြောင်းလဲမှုတွေ ရှိဖို့လိုတယ်၊ လတ်တလောမှာတော့ အရေးယူ ဒဏ်ခတ်မှုတွေ ဆက်လက်ထားရှိရင်း အခြေအနေတွေကို စောင့်ကြည့် သွားဦးမှာ ဖြစ်တယ်လို့လည်း အမေရိကန် နိုင်ငံခြားရေး ၀န်ကြီးဌာနက မနေ့တုန်းကပဲ ပြောဆိုခဲ့ပါသေးတယ်။

Ref: VOA News

Read More...

အမေရိကန်ကိုယ်စားလှယ် ၂ဦး (ကာ့တ် ကမ်းဘဲလ် နှင့် စကော့ မာစီယယ်) တွေ့ဆုံမှု မှတ်တမ်း

( ၄ နိုဝင်ဘာ။ ၂၀၀၉)

၁။ နိုဝင်ဘာလ ၄ ရက်၊ နံနက်တွင်၊ နေပြည်တော်၌၊ ၀န်ကြီးချုပ်သိန်းစိန်နှင့် ၁နာရီခွဲကြာ တွေ့ဆုံစကား ပြောကြသည်။

၂။ ၄င်းနောက်၊ အမေရိကန်ကိုယ်စားလှယ်များသည် ရန်ကုန်သို့ လေယာဉ်ဖြင့် ထွက်ခွာလာပြီး၊ ရန်ကုန်မြို့၊ အင်းယားကန် ဟိုတယ်၌၊ ဒေါ်အောင်ဆန်း စုကြည်နှင့် နံနက် ၁၁နာရီ ၄၅ မိနစ်မှ နေ့လည် ၁နာရီ ၄၅ မိနစ်ထိ၊ ၂ နာရီ ကြာ တွေ့ဆုံ စကားပြောခဲ့သည်။

၃။ ထို့နောက် အမေရိကန်ကိုယ်စားလှယ်များသည် အမေရိကန် စင်တာ၌ တိုင်းရင်းသား ခေါင်းဆောင်များနှင့် နေ့လည်စာ စားရင်း ၁နာရီကြာ တွေ့ဆုံ စကားပြောကြသည်။ တိုင်းရင်းသား ခေါင်းဆောင် ၈ ဦး တက်ရောက်ခဲ့သည်။ ၄င်းတို့မှာ---
ညီညွတ်သော တိုင်းရင်းသား လူမျိုးများ မဟာမိတ်အဖွဲ့ (UNA)မှ အဖွဲ့ဝင် ၄ဦး ဖြစ်သည့်
၁။ မွန်အမျိုးသားဒီမိုကရေစီတပ်ဦး ( MNDF) မှ နိုင်ထွန်းသိန်း
၂။ ဇိုမီးအမျိုးသားကွန်ဂရက် (ZNC) မှ ပုကျင့်ရှင်းထန်
၃။ ရခိုင်အမျိုးသားဒီမိုကရေစီအဖွဲ့ချုပ် (ALD) မှ ဦးအေးသာအောင်
၎။ ရှမ်းအမျိုးသားဒီမိုကရေစီအဖွဲ့ချုပ် (SNLD)မှ စိုင်းစိုးအောင် နှင့်
အခြား ၄ ဦးမှာ
၁။ ဦးရွှေအုန်း (၀ါရင့်ရှမ်းနိုင်ငံရေးသမားဟောင်းကြီး၊ ယခု ရွေးကောက်ပွဲတွင် ၀င်ရောက် ယှဉ်ပြိုင်ရန် စီစဉ်နေ)
၂။ ဒေါက်တာ ဆဗွိုင်းဂျွန် (ကချင်ငြိမ်းချမ်းရေး အကျိုးဆောင်)
၃။ ဒေါက်တာ ရီဘက်ကာသာ ( ကရင်ငြိမ်းချမ်းရေး အကျိုးဆောင်၊ ဒေါက်တာ စောဆိုင်မွန်သာ၏ ဇနီး)
၎။ ဦးမျိုးသန့် (ရိုဟင်ဂျာ)
တို့ဖြစ်ကြသည်။

၎။ ၃နာရီ၃၀မီးနစ်တွင် အမေရိကန်ကိုယ်စားလှယ်များသည် အဖွဲ့ချုပ် ရုံးသို့ သွားရောက်ခဲ့ပြီး ဗဟို အလုပ်အမှု ဆောင် ၆ ဦးနှင့် ၁နာရီကြာ တွေ့ဆုံ စကားပြောကြသည်။ တက်ရောက်လာသည့် ဗဟို အလုပ်အမှုဆောင် ၆ ဦးမှာ ၁။ ဦးဝင်းတင် ၂။ ဦးညွန့်ဝေ ၃။ ဦးလှဖေ ၄။ ဦးသန်းထွန်း ၅။ ဦးစိုးမြင့် ၆။ ဦးခင်မောင်ဆွေ တို့ဖြစ်ကြပြီး ဦးဟံသာမြင့်က စကားပြန်အဖြစ် ဆောင်ရွက်သည်။

၅။ ညနေ ၅နာရီတွင် အမေရိကန်ကိုယ်စားလှယ်များသည် တိုင်းရင်းသား စည်းလုံး ညီညွတ်ရေးပါတီ (NUP) မှ ခေါင်းဆောင်များနှင့်လည်း ၄င်းတို့၏ ဌာနချုပ်ရုံး၌ ၁နာရီကြာ တွေ့ဆုံ စကားပြောကြသည်။

၆။ ကာ့တ်ကမ်းဘဲလ်သည် ရန်ကုန်မှ မထွက်ခွာမီ အမေရိကန် သံရုံးမှ တဆင့် ကြေညာချက် ထုတ်ပြန်ခဲ့သည်။

တွေ့ဆုံပွဲနှင့်ပတ်သက်သည့် အဖြစ်အပျက်များ

၁။ နိုဝင်ဘာလ ၂ရက်နေ့က ရဲအထူးသတင်းထပ်ဖွဲ့ (Special Branch) အရာရှိများသည် အဖွဲ့ချုပ် ဥက္ကဋ္ဌ ဦးအောင်ရွှေအိမ်သို့ ရောက်ရှိလာပြီး၊ အမေရိကန် ကိုယ်စားလှယ်များနှင့် တွေ့ဆုံရန် အဖွဲ့ချုပ် ဗဟိုအလုပ်အမှု ဆောင် ၄ဦး ကိုသာ ခွင့်ပြုမည် ဖြစ်ကြောင်း၊ ဦးဝင်းတင်နှင့် ဦးခင်မောင်ဆွေကို တွေ့ဆုံမည့် စာရင်းမှ ဖယ်ပေးရန် တောင်းဆိုခဲ့ရာ၊ ဦးအောင်ရွှေက ဗဟို အလုပ်အမှုဆောင် ၆ ဦးစလုံး တွေ့ခွင့် မပေးလျှင် အဖွဲ့ချုပ် အနေဖြင့် အမေရိကန် ကိုယ်စားလှယ်များနှင့် လုံးဝ တွေ့မည် မဟုတ်ကြောင်း ငြင်းဆန် ပြောဆိုခဲ့သည်။

၂။ အမေရိကန်ကိုယ်စားလှယ်များနှင့် တွေ့ဆုံရန် KIO က ဒေါက်တာ ဆဗွိုင်းဂျွန်အား အဖွဲ့ကိုယ်စား နေပြည်တော်သို့ လွှတ်ခဲ့ကြောင်း ဧရာဝတီ မဂ္ဂဇင်းက ထုတ်ပြန်ခဲ့သည့် သတင်း အချက်အလက်သည် မမှန်ကန်ကြောင်း ကချင်ပြည် လွတ်လပ်ရေး အဖွဲ့ (KIO) မှ အရာရှိများက ငြင်ဆန်လိုက်ပြီး၊ ဒေါက်တာ ဆဗွိုင်ဂျွန်သည် KIO ကို ကိုယ်စား မပြုကြောင်း KIO က အခိုင်အမာ ထပ်လောင်း ပြောဆို လိုက်သည်။

၃။ အမေရိကန်ကိုယ်စားလှယ်အဖွဲ့၏တောင်းဆိုချက် အရ ကာ့တ်ကမ်းဘဲလ် နှင့် မတွေ့မီတွင် ဒေါ်အောင်ဆန်းစု ကြည်နှင့် ဗဟို အလုပ်အမှုဆောင် များအား တွေ့ခွင့်ပေးမည်ဟု စစ်အစိုးရက ကမ်းလှမ်းခဲ့သည်။ သို့သော် စစ်အစိုး ရက နေအိမ် အကျယ်ချုပ် ကျခံနေရသော အဖွဲ့ချုပ် ဒု-ဥက္ကဋ္ဌ ဦးတင်ဦးအား အစည်းအဝေးတွင် တက်ရောက်ခွင့် မပြုသည့် အတွက် ဒေါ်အောင်ဆန်းစုကြည်က ဤကမ်းလှမ်းချက်ကို ပယ်ချခဲ့သည်။

၎။ အဖွဲ့ချုပ် ဗဟိုအလုပ်အမှုဆောင်များနှင့် တွေ့ဆုံစဉ်က ၄င်းအနေဖြင့် မကြာမီ ပြန်လာမည် ဖြစ်ကြောင်း၊ ၄င်းတို့၏ ပြောဆို ဆွေးနွေးချက်များကို သတင်း ဌာနများသို့ သတင်း မထုတ်ပြန်ရန် ဆက်လက် လျှို့ဝှက် ထိန်းသိမ်းထားရန် ကာ့တ်ကမ်းဘဲလ်က ပြောဆိုခဲ့သည်။

၅။ ကာ့တ်ကမ်းဘဲလ်နှင့်တွေ့ဆုံမှုကို ၄င်းတို့အနေဖြင့် ကျေနပ်မိကြောင်း၊ အမေရိကန် အနေနှင့် တိုင်းရင်းသားလူ နည်းစုများ၏ အခြေအနေကို အလေးထား ဂရုစိုက်သည်ဟု ထင်မြင်ကြောင်း UNA ခေါင်းဆောင်များက ပြောဆိုသည်။

၆။ ညနေတွင် အဖွဲ့ချုပ်က သတင်းစာရှင်းလင်းပွဲ ကျင်းပခဲ့ပြီး ကြေညာချက် ထုတ်ပြန်ခဲ့သည်။




Ref: ၀ိမုတ္တိ

Read More...

နိုဝင်ဘာလ ၄ ရက်နေ့က တွေ့မြင်ခဲ့ရသော မြန်မာပြည်သူလူထု ခေါင်းဆောင် ဒေါ်အောင်ဆန်းစုကြည်။

နိုဝင်ဘာလ ၅ ရက် ၂၀၀၉






Read More...

နေ့စဉ်သတင်းများ ( ၄ - ၁၁ - ၀၉)

အမေရိကန်ကိုယ်စားလှယ်များ ဒေါ်အောင်ဆန်းစုကြည်နှင့်တွေ့ သတင်း
ရှားရှားပါးပါး သတင်းစာဆရာများနှင့် တွေ့ခွင့်ရသော ဒေါ်အောင်ဆန်းစုကြည် သတင်း
ဒေါ်အောင်ဆန်းစုကြည်ကို သတင်းထောက်များ ဓာတ်ပုံရိုက်ခွင့်ကြုံ သတင်း
မစ္စတာကင်းဘဲလ် အန်အယ်လ်ဒီနှင့် ဒီကနေ့ တွေ့မည် သတင်း
ဒေါ်အောင်ဆန်းစုကြည်နှင့် ပတ်သက်၍ အာဆီယံ-အမေရိကန် ထိပ်သီးညီလာခံတွင် ဆွေးနွေးမည် သတင်း
ပါတီရုံးခွဲများ ပြန်ဖွင့်နိုင်ရေးကိစ္စ အန်အယ်လ်ဒီနှင့် တိုင်းရွေးကောက်ပွဲကော်မရှင် တွေ့ဆုံ သတင်း
ရွေးကောက်ပွဲကော်မရှင်က အဖွဲ့ချုပ်တာဝန်ရှိသူများကို ခေါ်ယူတွေ့ဆုံ သတင်း
ရွေးကောက်ပွဲ လွတ်လပ်မျှတရေး ဗြိတိန်သံအမတ် ပြော သတင်း
ကိုဌေးကြွယ် ကွယ်လွန်သည်ဆိုခြင်းမှာ မမှန်ကန် သတင်း
ရှမ်းပြည်အရှေ့ပိုင်းဒေသ၌ သံဃာတော်နှင့် သက်ဆိုင်သည့် စာရင်းများ ကောက်ယူ သတင်း
တောင်ပိုင်း ၀ အား ဖဲ့ယူရန် နအဖ ကြိုးပမ်းနေ သတင်း
(၄) လပတ် စည်းဝေးအပြီးတွင် အပြောင်းအလဲများ ဖြစ်နိုင် သတင်း
တာဝန်မထမ်းဆောင်လိုတော့ကြောင်း အရာရှိတဦး ဖွင့်ဆို သတင်း
နိုင်ငံခြားရေးဝန်ကြီးဟောင်း ဦးဝင်းအောင် ကွယ်လွန် သတင်း
ဖမ်းဆီးခံ စာနယ်ဇင်းသမားများ မည်သည့်နေရာ ရောက်နေမှန်း မသိရ သတင်း
အဖွဲ့ချုပ်လူငယ် မောင်ကိုကိုဝင်းအတွက် (၂) နှစ်ပြည့် ဆွမ်းသွတ် သတင်း
အများအကျိုး သယ်ပိုးသူကို ထောင် (၂) လ ချမှတ် သတင်း
အသက်မပြည့်သေးသူ စစ်တပ်ထဲ အဓမ္မ သွတ်သွင်းခံရ သတင်း
တရုတ်ရေနံကုမ္ပဏီ မြန်မာဓာတ်ငွေ့ပိုက်လိုင်း စတင်ဖောက်လုပ် သတင်း
တရုတ်ပြည်နဲ့ သွယ်တန်းနေတဲ့ ဓာတ်ငွေ့နဲ့ ရေနံပိုက်လိုင်း သတင်း
စစ်ပြေးဒုက္ခသည်များ မျက်စိနာရောဂါ ကူးစက်ဖြစ်ပွားနေ သတင်း
ကွတ်ခိုင်တွင် ဘိန်းဖြူစွဲသည့် ရဲတပ်ဖွဲ့ဝင် များပြားလာ သတင်း
ငွေစက္ကူအကြွေ တိုးမလာဘဲ ပိုမိုရှားပါး သတင်း
ငွေစက္ခူအစုတ်များကို ပလတ်စတစ်ထဲထည့်၍ အသုံးပြုနေကြ သတင်း
လိုင်စင်မဲ့ကား သိမ်းဆည်းမှုကြောင့် ပို့ဆောင်ရေးထိခိုက် သတင်း
ထိုင်းနိုင်ငံရောက် မြန်မာများကို ဆိုင်ကယ်စီးနင်းခွင့် ပေးတော့မည် သတင်း
မုံရွာအောင်ရှင်နဲ့ စကားလက်ဆုံ (အင်တာဗျူး)
NDC နဲ့ ခွဲတမ်းပြဿနာ - အပိုင်း (၁) (ဆောင်းပါး)

Read More...

အမေရိကန် ကိုယ်စားလှယ်အဖွဲ့ကို တိုင်းရင်းသား ခေါင်းဆောင်များ ဘာတွေ တင်ပြခဲ့ကြလဲ

ဖနိဒါ
ဗုဒ္ဓဟူးနေ့၊ နိုဝင်ဘာလ 04 ရက် 2009

(ဦးပူကျင့်ရှင်းထန်နှင့် ဦးအေးသာအောင်တို့နှင့် ဆက်သွယ် မေးမြန်းချက်)

မဇ္ဈိမ (ချင်းမိုင်)။ ။ အရှေ့အာရှနဲ့ ပစိဖိတ်ဒေသရေးရာ အမေရိကန် လက်ထောက် နိုင်ငံခြားရေး ဝန်ကြီး ကာ့တ် ကမ်းဘဲလ် Mr. Kurt Campbell နှင့် သူ၏ လက်ထောက် စကော့ မာဆီယယ် (Scot Marciel) တို့သည် ဒေါ်အောင်ဆန်း စုကြည်၊ အန်အယ်ဒီ ဗဟို အလုပ် အမှုဆောင် အဖွဲ့ဝင်များ၊ တိုင်းရင်းသား ခေါင်းဆောင်များ၊ ဝန်ကြီးချုပ် ဗိုလ်ချုပ်ကြီး သိန်းစိန် အပါအဝင် စစ်အစိုးရ အရာရှိ များနှင့်လည်း ၂ ရက်ကြာ ခရီးစဉ်အတွင်း တွေ့ဆုံခဲ့ပြီး ယနေ့ညတွင် ရန်ကုန်မှ ပြန်လည် ထွက်ခွာသွားသည်။

အမေရိကန် သံတမန်ကြီးများနှင့် တွေ့ဆုံခဲ့သူများ အနက်မှ ဇိုမီးနှင့် ရခိုင် တိုင်းရင်းသား ခေါင်းဆောင် ၂ ဦးကို မဇ္ဈိမက ဆက်သွယ် မေးမြန်းထားသည်။

--------------------------------------------------------------

ဦးပူကျင့်ရှင်းထန် (ဇိုမီး အမျိုးသား ကွန်ကရက်)

ဒီနေ့ အမေရိကန် ကိုယ်စားလှယ်တွေနဲ့ အန်ကယ်တို့ ဘယ်လောက် ကြာအောင် တွေ့ဆုံ ဖြစ်ခဲ့ကြလဲရှင်။

ကျနော်တို့ ၁ နာရီမှာ တွေ့ဖို့။ နည်းနည်း နောက်ကျသွားတယ်။ ၂ နာရီခွဲလောက်မှ တွေ့ဖြစ်တယ်။ တနာရီခွဲလောက်ကြာ တွေ့တယ်။

တိုင်းရင်းသား ခေါင်းဆောင်တွေ အားလုံး ဘယ်နှစ်ယောက် တက်ရောက် ခဲ့ကြ ပါသလဲရှင်။

တိုင်းရင်းသားခေါင်းဆောင်တွေ ၈ ယောက်တွေ့တယ်။ အမေရိကန် ကိုယ်စားလှယ် ဘက်က ၄ ယောက်။ သံရုံးက ၂ ယောက် တွေ့ပါတယ်။

ကျနော်ပါတယ်။ ဦးအေးသာအောင် (ရခိုင်အမျိုးသား ဒီမိုကရေစီ အဖွဲ့ချုပ်)၊ နိုင်ထွန်းသိန်း (မွန်အမျိုး သား ဒီမိုကရေစီပါတီ)၊ စိုင်းစောအောင် (အက်စ်အန်အယ်ဒီ)၊ ဦးရွှေအုန်း (ဝါရင့် ရှမ်းနိုင်ငံရေး သမား)၊ ဦးမျိုးသန့် (ရိုဟင်ဂျာအဖွဲ့) ကလို့ သိတယ်။ ကချင် ဦးစဘွဲဂျွမ်နဲ့ ကယန်းအဖွဲ့က ဒေါက်တာ စိုင်းမွန်သာ ရဲ့ဇနီး ဒေါ်ရေဘက္ကာတို့ ပါတယ်။ ဒေါ်ရေဘက္ကာက ဘယ်အဖွဲ့ကမှ မဟုတ်ဘူးလို့တော့ သိတယ်။

အမေရိကန် ကိုယ်စားလှယ်တွေကို ဘယ်လို အကြောင်းအရာတွေ တင်ပြခဲ့ပါသလဲရှင်။

ကျနော်တို့က အခြေခံဥပေဒကို သဘောမကျတဲ့ အကြောင်း။ တိုင်းရင်းသားတွေကို ကိုယ်စားပြုပြီး ပြောနေတဲ့ လူတွေ ဖြစ်တဲ့ အကြောင်း။ ဒီ ဥပဒေစာအုပ်မှာ တိုင်းရင်းသားတွေ အတွက် ကာကွယ်တဲ့ ပုဒ်မတွေ တခုမှ မပါဘူး။ မယုံရင် ကြည့်ပါ ဆိုပြီးတော့ စာအုပ်နဲ့အတူ ပြခဲ့တယ်။ သူတို့က ကျနော် တို့မှာလဲ ရှိပါတယ်လို့ ပြောတယ်။

ဒီနေ့ထိ နိုင်ငံရေး အကျဉ်းသားတွေကို မလွတ်ပေးသေးဘူး။ နိုင်ငံရေး လှုပ်ရှားသူတွေ ဖမ်းခံနေရတယ်။ ဒေါ်စု အပါအဝင် ခွန်းထွန်းဦး၊ ၈၈ ကျောင်းသား ခေါင်းဆောင် ကိုမင်းကိုနိုင်တို့ကို လွတ်ပေးဖို့ တင်ပြတာပါ။

၂၀၀၈ ဖွဲ့စည်းပုံ အခြေခံဥပဒေစာအုပ်ထဲက ဘယ်ပုဒ်မ ဘယ်လို အချက်တွေကို ထောက်ပြ ခဲ့ပါသလဲရှင်။

ပုဒ်မ ၄၄၁ က လွတ်တော်ကိုယ်စားလှယ် ပထမဆုံး အစည်းအဝေး လုပ်တဲ့အခါမှာ ဒီဥပဒေ အတည် ဖြစ်တယ် ဆိုတာကို လိုချင်လို့ ရွေးကောက်ပွဲ လုပ်တယ်ဆိုတာ ပထမဆုံးပြတယ်။ ဒုတိယမှာတော့ အခြေခံမူဆိုတာ ပုဒ်မ ၆ (s) မှာ မြန်မာပြည်နိုင်ငံရေးမှာ စစ်တပ်က ဦးဆောင်ရမယ် ဆိုတာ ပါတယ်။ ပုဒ်မ ၄၄၅ မှာလည်းဘဲ စစ်အစိုးရ လုပ်တဲ့ အရာအားလုံးကို နောက်လာမဲ့ အစိုးရက တရားစွဲလို့ မရအောင် တားမြစ် ထားတာတွေလည်း ရှိတယ်။ နောက်ပြီးတော့ ၅၉ (D)မှာက နိုင်ငံတော် သမတသည် (စစ်ထွက်) လူ ဖြစ်ရမယ် ဆိုတော့ စစ်ထွက် မဟုတ်ရင် သမတ လုပ်လို့ မရဘူးဆိုတာ ပြောထားတယ်။ အဆိုးဆုံးက ၄၁၃ (D) မှာ အဲဒီ သမတကို လိုအပ်ရင် စစ်တပ်က အာဏာ သိမ်းပိုင်ခွင့် ပေးတယ်။ ဒါတွေ တင်ပြတယ်။

တခြား အပစ်ရပ်အဖွဲ့၊ ငြိမ်းချမ်းရေး အဖွဲ့တွေ အကြောင်း အစုံတရာ တင်ပြတာတို့ ရှိပါသလားရှင်။

စစ်အစိုးရက အပစ်အခတ်ရပ် အဖွဲ့တွေ ညီလာခံမှာ တင်ပြတဲ့ အချက်တွေကို လုံးဝ ဂရု မစိုက်ဘူးဆိုတဲ့ အကြောင်း ပြောတယ်။ နောက်ပြီးတော့ ကိုးကန့်မှာ ဖြစ်နေတဲ့ စစ်ပွဲဖြစ်နေတာဟာ လူမျိုးစုတွေကို လက်နက်ချပါ။ မချဘူးဆိုရင် နယ်ခြားစောင့်တပ် လုပ်ခိုင်းတယ် ဆိုတာတွေ တင်ပြတယ်။

အမေရိကန်အစိုးရ ကိုယ်စားလှယ်နဲ့ တွေ့ဆုံမှုအပေါ်မှာ အားရ ကျေနပ်မှု ရှိပါသလားရှင်။

ဒီလိုတွေ့ဆုံမှုအပေါ် အမေရိကန်ဘက်က ဘာမှပြန်ပြောတာ မရှိပေမဲ့ ဒါက အစကလေးပါ။ နောက်ပြန် လာမယ်လို့ ပြောတယ်။ စကားအထူးအဆန်း မပြောပေမဲ့ အရင်တခါမှ မဖြစ်ဖူးတာ အခုလို ဖြစ်နေတယ် ဆိုတော့ ကောင်းမယ်လို့ ထင်တာပါဘဲ။ မျော်လင့်ချက်တော့ ရှိပါတယ်။

ဦးအေးသာအောင် (ရခိုင်အမျိုးသားဒီမိုကရေစီအဖွဲ့ချုပ်)

အမေရိကန် ကိုယ်စားလှယ်တွေနဲ့ ဒီနေ့ တွေ့ဆုံမှုမှာ ဘယ်သူတွေက ဘာတွေ တင်ပြခဲ့ပါသလဲရှင်။

ကျနော်အရင်ပြောတယ်။ အဓိကတော့ အခုလာတဲ့ ခရီးစဉ်ကို ကြိုဆိုတဲ့ အကြောင်း ဒါပေမဲ့ နအဖနဲ့ အမေရိကန် ကိုယ်စားလှယ်တွေ၊ ကျနော်တို့ တိုင်းရင်းသား ခေါင်းဆောင်တွေ၊ အန်အယ်ဒီတွေ တွေ့ဆုံတာနဲ့ မပြီးသေးဘူး။ နိုင်ငံရေး ဖြစ်ပေါ်တိုးတက်ဖို့ ဆိုတာက နအဖနဲ့ အန်အယ်ဒီ အပါအဝင် တိုင်းရင်း သားတွေ ဆွေးနွေး ညှိနိုင်းဆောင်ရွက်နိုင်မှ တိုးတက်မယ် ဆိုတဲ့အကြောင်း။

တခြားတိုင်းရင်းသားခေါင်းဆောင်တွေကရော ဘာတွေ တင်ပြ ခဲ့ပါသလဲရှင်။

ကချင်က ဦးစဘွဲဂျွမ်ကနေ ကချင်ပြည်နယ်က အကြောင်း တင်ပြတာက ကေအိုင်အိုက နအဖနဲ့ ၉ ကြိမ် လောက် ဆွေးနွေးခဲ့တဲ့ အကြောင်းတွေ။ နောက်ဆုံး ဗိုလ်ချုပ်မှူးကြီး သန်းရွှေကို ပင်လုံစာချုပ်နဲ့ ပတ်သက်ပြီး တင်ပြထားတဲ့ အကြောင်းတွေ အခြေခံပြီးတော့ ပြောတယ်။ ငြိမ်းချမ်းရေးနဲ့ ပတ်သက်တဲ့ တချို့ ခေါင်းဆောင်တွေ ကတော့ ငြိမ်းချမ်းရေး ယူခဲ့စဉ်က နအဖနဲ့ သဘောတူခဲ့တဲ့ အချက်အလက်တွေ၊ အခုဖြစ်နေတဲ့ Border Guard ပြောင်းဖို့ လုပ်နေတဲ့ အကြောင်းတွေ ပြောတယ်။

မွန်အမျိုးသားဒီမိုကေရစီအဖွဲ့က နိုင်စောအောင်နဲ့ ဦးရွှေအုန်းတို့ ကတော့ စာတစောင် ထုတ်ပေး လိုက်တယ်။

အန်ကယ်အနေနဲ့ ဒီလို အမေရိကန် ကိုယ်စားလှယ် တွေနဲ့ တွေ့ဆုံမှု အပေါ် အားရ ကျေနပ်မှုရှိလား။

ကျနော်အနေနဲ့ အားရမှုရှိတယ်လို့ မပြောနိုင်ဘူး။ ဘာကြောင့်လဲ ဆိုတော့ တွေ့ဆုံမှုသည် အမေရိကန်က ဘယ်လောက်ဘဲ ကြိုးစားပေမဲ့၊ အန်အယ်ဒီတို့၊ တိုင်းရင်းသားတို့ ဘယ်လောက်ဘဲ လိုက်လျော လိုက်လျော၊ နအဖက ပြောင်းလဲလိုတဲ့ ဆန္ဒမရှိရင် နိုင်ငံရေးအရ တွေ့ဆုံ ဆွေးနွေးရေး အဆင့် ကျော်မှာ မဟုတ်ဘူး။ နအဖ အနေနဲ့ အမေရိကန်နဲ့ ဆက်ဆံရေး ကောင်းဖို့နဲ့ ပိတ်ဆို့မှုကို ရုပ်သိမ်းဖို့ လောက်ဘဲ ရည်ရွယ်တာဘဲ။

ဒေါ်အောင်ဆန်းစုကြည်ကို တွေ့ခဲ့တာနဲ့ ပတ်သက်ပြီးတော့ အမေရိကန်တွေက တစုံတရာ ပြောပြတာများ ရှိလားရှင်။

အမေရိကန် ကိုယ်စားလှယ်က ပြောတယ်။ ကျနော်တို့ တိုင်းရင်းသား ခေါင်းဆောင်တွေနဲ့ ဒီလိုတွေ့တဲ့ အပေါ်မှာ ဝမ်းသာ အားရတဲ့အကြောင်း ဒေါ်စုက သတင်းပါး လိုက်တယ်တဲ့။

Ref: မဇ္ဈိမ

Read More...

Wednesday, November 4, 2009

အမေရိကန်ကိုယ်စားလှယ်များ ဒေါ်အောင်ဆန်းစုကြည်နှင့် တွေ့

ကိုထွေး
Wednesday, 04 November 2009


အမေရိကန် ကိုယ်စားလှယ် အဖွဲ့နှင့် တွေ့ဆုံရန် အင်းလျားလိတ် ဟိုတယ်သို့
ယနေ့ ရောက်ရှိလာသည့် ဒေါ်အောင်ဆန်းစုကြည် (ဓာတ်ပုံ - Reuters)


မြန်မာပြည်တွင် ရောက်နေသော အမေရိကန် ကိုယ်စားလှယ်အဖွဲ့သည် ဒေါ်အောင်ဆန်းစုကြည် နှင့် ရန်ကုန်မြို့ အင်းလျားလိတ် ဟိုတယ်တွင် ယနေ့ ၂ နာရီကြာ တွေ့ဆုံ ခဲ့ကြောင်း အမေရိကန် သံရုံးက ဧရာဝတီသို့ ပြောသည်။

နံနက် ၁၁း၄၀ နာရီမှ နေ့လယ် ၁း၄၀ နာရီ အထိ တွေ့ဆုံ ဆွေးနွေး ခဲ့ကြသည်ဟု အမေရိကန် သံရုံးအရာရှိ တဦးက ပြောသည်။

“အသေးစိတ်ကိုတော့ မစ္စတာ ကာတ့်ကမ်းဘဲလ်က ဒီနေ့ ညနေ ၆ နာရီ ခွဲ ရန်ကုန် လေဆိပ်မှာ သတင်းစာ ရှင်းလင်းပွဲ မှာ ပြောပါလိမ့်မယ်” ဟု အမေရိကန် သံရုံးအရာရှိက ဆိုသည်။

အမေရိကန်ကိုယ်စားလှယ် အဖွဲ့သည် ဒေါ်အောင်ဆန်းစုကြည်နှင့် မတွေ့ဆုံမီ ၀န်ကြီးချုပ် ဗိုလ်ချုပ်ကြီး သိန်းစိန်နှင့် နေပြည်တော်တွင် ယနေ့ နံနက်ပိုင်းက တွေ့ခဲ့ကြောင်းလည်း ၎င်းကဆိုသည်။

အမေရိကန်ကိုယ်စားလှယ်အဖွဲ့နှင့် ဒေါ်အောင်ဆန်းစုကြည် တွေ့ဆုံရာတွင် သတင်းထောက် များကို တက်ရောက်ခွင့် ပြုသည်ဟု သိရသည်။ သို့သော်လည်း ဓာတ်ပုံ ရိုက်ခွင့်သာ ပြုပြီး တစုံတရာ မေးမြန်း ပြောဆိုခြင်း မပြုရန် သတင်းထောက်များကို ကြိုတင် တားမြစ်ထားသည်ဟု ဆိုသည်။

ထိန်းသိမ်းခံနေရသည့် အမျိုးသား ဒီမိုကရေစီ အဖွဲ့ချုပ် (NLD) ခေါင်းဆောင် ဒေါ်အောင်ဆန်းစုကြည်နှင့် အမေရိကန် အရာရှိများ ယခင်က တွေ့ဆုံ ဖူးသော်လည်း သတင်းထောက်များအား ဓာတ်ပုံရိုက်ရန် ခွင့်ပြုခဲ့ခြင်းမှာ ဤအကြိမ်သည် ပထမဆုံး အကြိမ် ဖြစ်ကြောင်း သိရသည်။

ရန်ကုန်တွင် ရောက်နေသော အမေရိကန်အဖွဲ့၏ ခရီးစဉ်နှင့် ပတ်သက်၍ အစိုးရ ချုပ်ကိုင်ထားသည့် သတင်း ဌာနများတွင် တစုံတရာ ဖော်ပြခြင်း မရှိသေးပေ။

အမေရိကန်အဖွဲ့တွင် အရှေ့အာရှနှင့် ပစိဖိတ်ရေးရာ လက်ထောက် နိုင်ငံခြားရေး ၀န်ကြီး မစ္စတာ ကာ့တ် ကမ်းဘဲလ်က ဦးဆောင်ပြီး အာဆီယံရေးရာ သံအမတ် မစ္စတာ စကော့ မာရှယ်တို့အပြင် တခြား အရာရှိ ၂ ဦး ပါဝင်ကြောင်း သိရသည်။

ပြီးခဲ့သည့်လက ပြုလုပ်သည့် အာဆီယံထိပ်သီး ဆွေးနွေးပွဲတွင် ၀န်ကြီးချုပ် သိန်းစိန်က မြန်မာနိုင်ငံ အမျိုးသား ပြန်လည် ရင်ကြားစေ့ရေး လုပ်ငန်းစဉ်တွင် ဒေါ်အောင်ဆန်းစုကြည် အတွက် အခန်းကဏ္ဍ တခု ရှိကြောင်း ပြောဆိုခဲ့သည်။

အမေရိကန်ကိုယ်စားလှယ် အဖွဲ့သည် ညနေ ၂း၃၀နာရီတွင် NLD ဌာနချုပ်သို့ သွားရောက်ပြီး NLD ခေါင်းဆောင်များနှင့် တွေ့ဆုံမည်ဟု သိရသည်။

အမေရိကန်အဖွဲ့နှင့် တွေ့မည့် NLD ခေါင်းဆောင်များမှာ ဦးသန်းထွန်း၊ ဦးတင်ငွေ၊ ဦးလှဖေ၊ ဦးခင်မောင်ဆွေ၊ ဦးဝင်းတင်၊ ဦးစိုးမြင့်တို့ ဖြစ်ကြောင်း ဦးဉာဏ်ဝင်းက ဧရာဝတီသို့ ပြောသည်။

NLD ဥက္ကဋ္ဌ ဦးအောင်ရွှေ၊ ဦးလွင် နှင့် ဦးလွန်းတင်တို့သည် ကျန်းမာရေး ချို့တဲ့ နေသဖြင့် ဆွေးနွေးပွဲ တက်ရောက်မည် မဟုတ်ကြောင်း ဦးဉာဏ်ဝင်းက ဆက်လက် ပြောဆိုသည်။

ဤခရီးစဉ်အတွင်း အမေရိကန် ကိုယ်စားလှယ်များသည် တိုင်းရင်းသား အဖွဲ့ ခေါင်းဆောင်များနှင့်လည်း တွေ့ဆုံမည် ဖြစ်ကြောင်း သိရသည်။

အမေရိကန် အဆင်မြင့်အရာရှိများ၏ မြန်မာပြည် ခရီးစဉ်သည် ပြီးခဲ့သည့် ၁၀ စုနှစ် နောက်ပိုင်း ပထမဆုံး ခရီးစဉ် ဖြစ်သည်။

၁၉၉၅ ခုနှစ် စက်တင်ဘာလက နိုင်ငံခြားရေး ၀န်ကြီး မက်ဒလင်း အောဘရိုက်(Madeline Albright) သည် မြန်မာနိုင်ငံသို့ လာရောက်၍ စစ်အစိုးရ ခေါင်းဆောင်တချို့ နှင့် ဒေါ်အောင်ဆန်းစုကြည်ကို တွေဆုံခဲ့သည်။

Ref: ဧရာဝတီ

Read More...

နေ့စဉ်သတင်းများ ( ၃ - ၁၁ - ၀၉)

အမေရိကန်အဖွဲ့နှင့် ဒေါ်အောင်ဆန်းစုကြည်၊ အခြားအဖွဲ့များ သီးခြားစီတွေ့မည် သတင်း
အမေရိကန် အထူးသံတမန်တွေနဲ့ မြန်မာအာဏာပိုင်တွေ နေပြည်တော်မှာ တွေ့ဆုံ သတင်း
မူးယစ်ဆေးဝါးအတု အစားထိုးဖျက်ဆီး၍ မူးယစ်အဖွဲ့ဝင်များ ဖမ်းဆီးစစ်ဆေးခံရ သတင်း
ရန်ကုန်တိုင်း အန်အယ်လ်ဒီရုံးများ ပြန်ဖွင့်ခွင့် မျှော်လင့် သတင်း
ဒီချုပ်ရန်ကုန်ရုံးခွဲ ဖွင့်ခွင့်ပြန်ရလိမ့်မည်ဟု အကောင်းမြင် မျှော်လင့်နေ သတင်း
ရွှေဝါရောင်တော်လှန်ရေးမှာ သေဆုံးခဲ့သူ၏ ဆွမ်းသွတ်ပွဲ ကြိုတင်နှောင့်ယှက်ခံရ သတင်း
စွမ်းအားရှင်များ ရိုက်နှက်သဖြင့် သေဆုံးခဲ့ရသူအတွက် ဆွမ်းကပ်လှူ သတင်း
မစ္စတာ ကာ့တ်ကမ်ဘဲလ် ဦးဆောင်သည့် အမေရိကန်သံတမန်အဖွဲ့ မြန်မာနိုင်ငံသို့ ရောက်ရှိ သတင်း
အမေရိကန်အဖွဲ့ ဒေါ်အောင်ဆန်းစုကြည်နှင့် အင်းလျားလိတ်တွင် တွေ့မည် သတင်း
သတိထားရမယ့် အမေရိကန်-မြန်မာဆက်ဆံရေး (ဆောင်းပါး)
အင်အားကြီးနိုင်ငံများနှင့် ယှဉ်ပြိုင်ကစားခြင်း (ဆောင်းပါး)
အန်ဒီအေ (ကချင်) အဖွဲ့ ရာထူးအပ်နှင်းပွဲ လုပ်မည် သတင်း
ရွေးကောက်ပွဲဝင်မည့် စစ်အစိုးရအဖွဲ့ဝင်များ၊ စစ်အရာရှိကြီးများ (သုတေသန)
အစိုးရ သတင်းစာတိုက်များ နေပြည်တော် ပြောင်းရွှေ့ သတင်း
ရဲက ဖမ်းသွားသော ကဗျာဆရာ ခန့်မင်းထက် ပျောက်ဆုံးနေ သတင်း
မယ်တော်ဆေးခန်း ရှေ့နှစ်အတွက် ရန်ပုံငွေ (၂) ဆတိုး လိုအပ် သတင်း
မသမာနည်းဖြင့် တတိယနိုင်ငံမသွားနိုင်ရန် ဒုက္ခသည်များကို စိစစ်မည် သတင်း
တောင်ဒဂုံမြို့နယ်မှ ကလေးတဦး စစ်သားအဖြစ် စုဆောင်းခံရ သတင်း
တရုတ်ကြက်သွန်နီကြောင့် ဈေးပြန်အေးလာ သတင်း

Read More...

Tuesday, November 3, 2009

အမေရိကန် ကိုယ်စားလှယ်အဖွဲ့ကို ၂၀၀၈ ဖွဲ့စည်းပုံကိစ္စ ဆွေးနွေးမည်ဟု ဒီချုပ်ပြော

ဖနိဒါ
တနင်္လာနေ့၊ နိုဝင်ဘာလ 02 ရက် 2009

မဇ္ဈိမ (ချင်းမိုင်)။ ။ မကြာမီရောက်လာမည့် အမေရိကန်အစိုးရ အဆင့်မြင့် ကိုယ်စားလှယ် အဖွဲ့နှင့် တွေ့ဆုံလျင် ၂၀၀၈ ခု ဖွဲ့စည်းပုံ ပြင်ဆင်ရေးကို အလေးထား ဆွေးနွေးမည် ဖြစ်ကြောင်း အမျိုးသား ဒီမိုကရေစီ အဖွဲ့ချုပ်က ပြောသည်။

အရှေ့အာရှနှင့် ပစိဖိတ်ရေးရာ လက်ထောက် နိုင်ငံခြားရေးဝန်ကြီး Mr Kurt Campbell နှင့် ဒုတိယ လက်ထောက် နိုင်ငံခြားရေး ဝန်ကြီး Scott Marciel တို့ အပါအဝင် ကိုယ်စားလှယ် ၄ ဦးနှင့် ယခုလ ၄ ရက်နေ့ အမျိုးသား ဒီမိုကရေစီ အဖွဲ့ချုပ်နှင့် တိုင်းရင်းသား ခေါင်းဆောင်များက တွေ့ဆုံရန် စီစဉ်ထားကြသည်။။

“လူမှုရေးကိစ္စ Humanity aid ကိစ္စ၊ Dialogue ကိစ္စ၊ Sanction ကိစ္စ ရှိမယ်။ ၃ ချက်ပေါ့နော်။ ကျနော်တို့နဲ့ အမေရိကန် လာတွေ့သလို ကျနော်တို့နဲ့ အစိုးရ တွေ့ဖြစ်အောင် ဖန်တီးပေးပါ။ Dialogue သာလျှင် နိုင်ငံရေး ဖြေရှင်းနိုင်လိမ့်မယ်။ ဒီအခြေခံ ဥပဒေကို မပြင်ရင်တော့ ရွေးကောက်ပွဲ အတွက် ကျနော်တို့ မစဉ်းစားဘူး” ဟု အန်အယ်ဒီ ဗဟို အလုပ်အမှုဆောင် ဦးဝင်းတင်က မဇ္ဈိမကို ပြောသည်။

တင်ပြဆွေးနွေးမည့် အကြောင်းအရာများနှင့် ပတ်သက်၍ အလုပ် အမှုဆောင် ကော်မတီဝင်များ ယနေ့ ဆွေးနွေးခဲ့ပြီး မနက်ဖြန်တွင်လည်း ဆက်လက် ဆွေးနွေးကြဦးမည် ဖြစ်ကြောင်း သိရသည်။

အောက်တိုဘာလ ၃၀ ရက်နေ့က Mr Kurt Campbell ဦးဆောင်သည့် ကိုယ်စားလှယ် အနေဖြင့် အန်အယ်ဒီ ဗဟို အလုပ် အမှုဆောင် အဖွဲ့ဝင်များနှင့် တွေ့ဆုံမည် ဖြစ်ကြောင်း အမေရိကန် သံရုံးက အကြောင်းကြားလာခြင်း ဖြစ်သည်။

ထိုနေ့မှာပင် Mr Kurt Campbell နှင့် ဒေါ်အောင်ဆန်းစုကြည် နှင့်လည်း တွေ့ဆုံမည် ဖြစ်ပြီး မည်သည့် နေရာတွင် တွေ့ဆုံမည်ကိုမူ မသိရသေး သော်လည်း အလုပ် အမှုဆောင်အဖွဲ့ဝင် ၆ ဦးနှင့်မူ ဌာနချုပ်ရုံး၌ တွေ့မည် ဖြစ်သည်။

“စီအီးစီ အဖွဲ့နဲ့တော့ အဖွဲ့ချုပ်ရုံးမှာ ၄ ရက်နေ့။ အချိန် အခုထိ မသေချာသေးဘူး။ ညနေ ၂ နာရီက နေ ၄ နာရီအတွင်းပေါ့” ဟု အန်အယ်ဒီ ပြောခွင့်ရသူ ဦးဥာဏ်ဝင်းက ပြောသည်။

ဗဟိုအလုပ်အမှုဆောင် ဦးညွန့်ဝေ၊ ဦးသန်းထွန်း၊ ဦးလှဖေ၊ ဦးဝင်းတင်၊ သခင်စိုးမြင့်၊ ဦးခင်မောင်ဆွေ တို့က အမေရိကန် ကိုယ်စားလှယ် များကို လက်ခံ တွေ့ဆုံမည်ဖြစ်သည်။

၂၀၀၈ ခုနှစ် ဖွဲ့စည်းအုပ်ချုပ်ပုံ အခြေခံဥပဒေကို မပြင်ဘဲ ရွေးကောက်ပွဲ လုပ်လျင် နိုင်ငံရေး တည်ငြိမ်မှု ရနိုင်မည် မဟုတ်ကြောင်း တင်ပြမည်ဟု ၁၉၉ဝ ခု ရွေးကောက်ပွဲ အနိုင်ရ ပါတီများနှင့် ဖွဲ့စည်းထားသော ပြည်သူ့လွှတ်တော် ကိုယ်စားပြုကော်မတီ - CRPP အတွင်းရေးမှူး ဦးအေးသာအောင် (အတွင်းရေးမှူး-ရခိုင် အမျိုးသား ဒီမိုကရေစီ အဖွဲ့ချုပ်) က ပြောသည်။

“၂၀၀၈ ဖွဲ့စည်းပုံကို ပြင်ပေးဖို့လိုတယ်။ ဖွဲ့စည်းပုံ မကောင်းရင်လည်း ၂၀၁၀ ရွေးကောက်ပွဲ အပြီးမှာ လည်းဘဲ ပြည်တွင်း ငြိမ်းချမ်းရေး မရနိုင်ဘူး။ ဒါကြောင့်မို့လို့ တိုင်းပြည် တိုးတက်လာမဲ့ အလားအလာ မရှိဘူးဆိုတာတွေ ပြောမယ်လေ” ဟု သူက မဇ္ဈိမကို ပြောသည်။

Mr Kurt Campbell သည် ရခိုင် အမျိုးသား ဒီမိုကရေစီအဖွဲ့ချုပ်၊ ဇိုမီး အမျိုးသားကွန်ဂရက်၊ ရှမ်းအမျိုးသား ဒီမိုကရေစီအဖွဲ့ချုပ် စသည့် အဖျက်သိမ်းခံ အဖွဲ့အစည်း ခေါင်းဆောင်များသာမက တရားဝင် နိုင်ငံ ရေးပါတီ ၁၀ ဖွဲ့နှင့်လည်း တွေ့ဆုံမည် ဖြစ်သည်။

အမေရိကန် သမတအသစ် အိုဘားမားက ပိတ်ဆို့ အရေးယူထားမှုများအား ရုတ်သိမ်းခြင်း မရှိပဲ စစ်အစိုးရနှင့် တိုက်ရိုက် တွေ့ဆုံမည်ဟု မူဝါဒအသစ်ကို ကြေညာခဲ့သည်။

ဒေါ်အောင်ဆန်းစုကြည်ကလည်း စက်တင်ဘာ ၂၅ ရက်စွဲဖြင့် ပိတ်ဆို့မှုများရုတ်သိမ်းရေးအတွက် အဖြေရှာနိုင်ရေးအတွက် ဆွေးနွေးမည်ဟု ဗိုလ်ချုပ်မှူးကြီးထံ စာရေးခဲ့သည်။ ယင်းနောက် ဆက်ဆံ ရေးဝန်ကြီး ဦးအောင်ကြည်နှင့် ဒေါ်အောင်ဆန်းစုကြည် နှစ်ကြိမ်တွေ့ဆုံခဲ့သည်။

Mr Kurt Campbell ၏ ယခု ခရီးစဉ်သည် ၁၉၉၅ ခုနှစ် အမေရိကန် နိုင်ငံခြားရေး ဝန်ကြီးဟောင်း မက်ဒလင်း အောလ်ဘရိုက်-Madeleine Albright ခရီးစဉ် နောက်ပိုင်း ၁၀ နှစ်ကျော်အတွင်း အမေရိကန် အဆင့် အမြင့်ဆုံး တာဝန်ရှိသူ လာရောက်ခြင်း ဖြစ်သည်။ မက်ဒလင်း အောလ်ဘရိုက်သည် သူ၏ ခရီးစဉ်တွင် ဒေါ်အောင်ဆန်း စုကြည်နှင့် တွေ့ဆုံခဲ့သည်။


Ref: မဇ္ဈိမ

Read More...

နေ့စဉ်သတင်းများ ( ၂ - ၁၁ - ၀၉)

မစ္စတာ ကမ်ဘဲလ်နှင့် တွေ့ဆုံပါက ဖွဲ့စည်းပုံပြင်ဆင်ရေး အဓိကထား ဆွေးနွေးမည်ဟု တိုင်းရင်းသားခေါင်း ဆောင်များ ပြော သတင်း
ပင်လုံစာချုပ်အကြောင်း ဆွေးနွေးရန် KIO တောင်းဆို သတင်း
အမေရိကန်က စစ်အစိုးရနှင့် တွေ့ဆုံဆွေးနွေးရန် နီးစပ်လာ သတင်း
လောက်ကိုင်မူးယစ်ဆေးဝါး မီးရှို့ပွဲ အမေရိကန်ကို မျက်နှာလုပ် သတင်း
ရန်ကုန်တွင် ဗုံးသတင်းကြောင့် လုံခြုံရေးများ တိုးချ သတင်း
နာဂစ်သင့် မြစ်ဝကျွန်းပေါ်ဒေသသို့ ဗိုလ်ချုပ်မှူးကြီး သန်းရွှေ လည်ပတ် သတင်း
ထိုင်းဗိုလ်ချုပ်ဟောင်း ချာဗာလစ် မြန်မာပြည်သွားမည် သတင်း
အမေရိကန်လက်ထောက်နိုင်ငံခြားရေးဝန်ကြီးရဲ့ ခရီးစဉ် သတင်း
ရွေးကောက်ပွဲစနစ်နှင့် နိုင်ငံရေးတည်ငြိမ်မှု (ဆောင်းပါး)
တောင်ကုတ်တွင် ပေါက်ကွဲမှုဖြစ်ပွား၊ (၁၁) ဦး ဒဏ်ရာရ သတင်း
ထူထောင်ရေးတာဝန်ကျ နအဖ ဒု-တပ်ရင်းမှူး ၎င်း၏ တပည့်နှစ်ယောက်အား ပစ်ခတ် သတင်း
ထိုင်းနှင့် မြန်မာနယ်စပ် အာဏာပိုင်တို့ကြား တင်းမာမှု ခေတ္တဖြစ်ပွား သတင်း
မောင်တောမြို့တွင် စိတ်ကြွဆေးပြား (၉၀၀၀) နှင့်အတူ မိသားစုတစု ဖမ်းဆီးခံရ သတင်း
မြန်မာ့ ဘိန်းဖြူ နယ်စပ်တွင် ဖမ်းဆီးရမိ သတင်း
ဘုံကထိန်အပြန် ကားမှောက် (၄) ဦး သေဆုံး သတင်း
သတင်းထောက်အဖွဲ့က မြန်မာကို ဝေဖန် သတင်း
ကျော်သူ အသက် (၅၀) ပြည့်မှာ အနုပညာပြပွဲတခု မိတ်ဆွေများကို ပြသမည် သတင်း

Read More...

Monday, November 2, 2009

ခြေနှစ်ချောင်းနဲ့လမ်းလျှောက်ခြင်း (သို့မဟုတ်) ဟားမာ့စ်

ဂါမဏိ

အမေရိကန်အစိုးရနဲ့ အဇ္ဇရေးအစိုးရတို့ဟာ စစ်အေးတိုက်ပွဲ ကာလမှာ၊ ဆိုဗီယက်နဲ့ နီးစပ်ပြီး လက်ဝဲ အယူအဆ ရှိတဲ့ ဖာတာ အဖွဲ့ သြဇာ ကျအောင် ပုခုံးချင်းယှဉ်ဖို့ ဟားမာ့စ် အဖွဲ့ကို မြေတောင် မြှောက်ပေးခဲ့ပါတယ်။ ၁၉၆၇ ခု တတိယ အာရပ်-အဇ္ဇရေး စစ်ပွဲပြီးချိန်က စကြိုးစား ခဲ့ပေမဲ့ ပါလက်စတိုင်း အမျိုးသား လွတ်မြောက်ရေး အတွက် အဲဒီတုံးက ရှေ့တန်းကနေ ရွပ်ရွပ် ချွံချွံ တိုက်ပွဲဝင်နေတဲ့ ဖာတာအဖွဲ့ကို ဘယ်လိုမှ ကျော်လွှားလို့ မရနိုင်ခဲ့ဘဲ ၁၉၈၇ ခုရောက်မှ အောင်အောင် မြင်မြင် ဖွဲ့နိုင် ခဲ့ပါတယ်။ ၁၉၇၅ ခုနဲ့ ၁၉၈၇ ခုကြားကာလဟာ ပါလက်စတိုင်းနယ်မြေအတွင်း ပလီတွေ သုံးဆတိုး၊ ရပ်ကွက်တွေထဲ တက္ကသိုလ် ကျောင်းတွေထဲ ဖာတာအဖွဲ့နဲ့ အဓိကရုဏ်းတွေ ဖန်တီး၊ အစ္စလမ်လူမှုရေး ကွန်ယက်တွေ ထူထောင် အား ကောင်းလာတဲ့ တည်ဆောက်ရေး ကာလ ဖြစ်ခဲ့ပါတယ်။
စစ်အေး တိုက်ပွဲကာလမှာ တန်ဖိုးစံနိုင်ငံရေး idealism ထက် လက်တွေ့နိုင်ငံရေး realism ကိုဦးစားပေးခဲ့လို့ အမေရိကန် နိုင်ငံဟာ ဒီမိုကရေစီတွေ လူ့အခွင့်အရေးတွေ မကြည့်ခဲ့ဘဲ ဆိုးသွမ်းလှတဲ့ အာဏာရှင်တွေကို လက်သပ်မွေးတာ တွေဖြစ်ခဲ့ သလို ကွန်မြူနစ် ဆန့်ကျင်ရေး အတွက် ဟားမာ့စ်၊ တာလီဘန်၊ နောင်တချိန်မှာ အယ်လ်ကိုင်ဒါ ခေါင်းဆောင် ဖြစ်လာမယ့် အိုစာမာ ဘင်လာဒင် တို့လို ဘာသာရေး အစွန်းရောက် တွေကိုလည်း မွေးခဲ့ပါတယ်။ ပါလက်စတိုင်း အမျိုးသားတွေရဲ့ ရပိုင် ခွင့်တွေအတွက် အဇ္ဇရေးနိုင်ငံကို ဆန့်ကျင် တိုက်ခိုက်နေတဲ့ ဟားမာ့စ် အဖွဲ့ကို အခုအခါမှာ အကြမ်းဖက် အဖွဲ့အဖြစ် အမေရိ ကန်၊ ဗြိတိန်၊ ဥရောပသမဂ္ဂ၊ ကနေဒါ၊ ဂျပန်၊ သြစတြေးလျ စတဲ့နိုင်ငံတွေ က သတ်မှတ် ဝါဒဖြန့်နေပါတယ်။ တကယ်လည်း ဟားမာ့စ်ဟာ အပြစ်မဲ့ ကလေးသူငယ်တွေ၊ အမျိုးသမီးတွေ အပါအဝင် အဇ္ဇရေး အရပ်သားတွေကို အသေခံ ဗုံးခွဲတိုက်ခိုက် တာတွေ၊ အဝေးပစ် ဒုံးပျံနဲ့ ပစ်တာတွေ အများကြီး လုပ်ခဲ့ပါတယ်။ တဖက်မှာလည်း စစ်ရေး ပစ်မှတ်တွေကို ပြောက်ကျားစစ် နည်း၊ ကွန်မန်ဒို နည်းတွေနဲ့ ပြင်းပြင်းထန်ထန် သက်စွန့် ကြိုးပမ်း တိုက်ခိုက်တာတွေ အများကြီး ရှိပါတယ်။ တမီးလ်ကျားတွေ လိုဘဲ ဟားမာ့စ်ဟာ အသေခံဗုံးခွဲမှုကို စစ်ရေးနည်း ဗျူဟာတခုအဖြစ် သုံးခဲ့တာဖြစ်ပါတယ်။ ဒါပေမဲ့ ဟားမာ့စ်မှာ အကြမ်း ဖက်နည်းလမ်းမဟုတ်တဲ့ လေးစားအတုယူ လောက်ဖွယ်နည်းနာတွေ ရှိနေတာကို လေ့လာသိရှိနိုင်ဖို့ တင်ပြလိုပါတယ်။

ဟားမာ့စ် ဟာ ၂၀၀၅ မေလ ပါလက်စတိုင်းမြူနီစီပယ်ရွေးကောက်ပွဲမှာ အရေးပါတဲ့နယ်မြေတွေမှာ အနိုင်ရခဲ့ပြီးနောက် ပါ လက်စတိုင်းဒေသရဲ့ ပထမဆုံးလွတ်လပ် တရားမျှတတဲ့ ၂၀၀၆ ပါလက်စတိုင်းလွှတ်တော်ရွေးကောက်ပွဲမှာတော့ သက် တမ်းရင့် ဝါရင့်တော်လှန်ရေးအဖွဲ့ဖြစ်တဲ့ ဖာတာကိုနိုင်ပြီး အမတ်နေရာအများစုရခဲ့ပါတယ်။ ဟားမာ့စ်ကိုယ်စားလှယ် လောင်းတွေဟာ ပါလက်စတိုင်း အနောက်ဖက်ကမ်း ကုန်သည်ကြီးများအသင်း ရွေးကောက်ပွဲမှာတောင် ဝင်ပြိုင်ပြီး အနိုင်ရ ခဲ့ပါသေးတယ်။ နှစ်ဖွဲ့စလုံးဟာ လက်နက်ကိုင်တော်လှန်ရေးအဖွဲ့တွေဖြစ်တဲ့အတွက် လက်နက်အားကိုးနဲ့ ခြိမ်းခြောက် အကြပ်ကိုင် အနိုင်ရတာလို့ ဟားမာ့စ်ကို မပြောနိုင်ပါဘူး။ ဟားမာ့စ်ဟာ သေနတ်အပြင် ပါလက်စတိုင်းလူထုတွေကို စည်း ရုံးဆွဲဆောင်နိုင်တဲ့ အစွမ်းအစတွေ ရှိနေလို့ ပါလက်စတိုင်းအုပ်ချုပ်ရေးဒေသထဲမှာ ရွေးကောက်ပွဲနိုင်တာ ဖြစ်ပါတယ်။

မော့ဆက်ဒ် လို့ခေါ်တဲ့ အဇ္ဇရေးထောက်လှမ်းရေး အဖွဲ့ဟာ ကမ္ဘာမှာ အတော်ဆုံး ထောက်လှမ်းရေး အဖွဲ့လို့ ကျော်ကြားသလို အဇ္ဇရေး စစ်တပ်ဟာလည်း အဆမတန် အင်အားသာလွန်တဲ့ အာရပ် စစ်တပ်တွေကို စစ်ပွဲကြီး (၄)ခါ တိုက်တာ (၄)ခါ စလုံး နိုင်ခဲ့တဲ့ တိုက်စွမ်းရည်မြင့်တဲ့ နာမည်ကြီး တပ်မတော် ဖြစ်ပါတယ်။ ဒါပေမဲ့ အင်အား ၁၀၀၀ လောက်ဘဲရှိတဲ့ ဟားမာ့စ်ကို အမြစ်ပြတ်သွားအောင် မချေမှုန်း နိုင်ခဲ့ပါဘူး။ ဒါတင်မက ပါလက်စတိုင်း နယ်မြေမှာ တရားဝင် ဒီမိုကရေစီ နည်းကျ အာဏာ ရလာတာကိုလည်း မတားဆီး နိုင်ခဲ့ပါဘူး။

ဘာ့ကြောင့်လဲဆိုတော့ ဟားမာ့စ်ဟာ စစ်ရေးနဲ့ လူထု အကျိုးပြုရေး ဆိုတဲ့ ခြေထောက် နှစ်ချောင်းနဲ့ လမ်းလျှောက်နေတာ ဖြစ်တဲ့အ တွက် လဲမကျသွားတာ ဖြစ်ပါတယ်။ လူထု အကျိုးပြုရေးပိုင်းမှာ ဟားမာ့စ်ဟာ ဆော်ဒီအာရေဗျ၊ ကူဝိတ်၊ ယူအေ အီး၊ လစ်ဗျား စတဲ့ ချမ်းသာတဲ့ အာရပ် နိုင်ငံအစိုးရတွေ၊ အာရပ်သူဌေးတွေ၊ အာရပ်အဲန်ဂျီအိုတွေ ထောက်ပံ့တဲ့ ငွေ ၉၀ % လောက်ကို ပါလက်စတိုင်း လူထုအတွက် အခမဲ့ (သို့) သက်သာဆေးခန်းတွေ၊ လူမှု ဖူလုံရေး လုပ်ငန်းတွေ၊ ပလီတွေ၊ စာ သင်ကျောင်းတွေ၊ မူကြိုနဲ့ နေ့ကလေးထိန်း ဌာနတွေ၊ မိဘမဲ့ဂေဟာတွေ၊ စတုဒီသာ ထမင်းရုံတွေ၊ စာကြည့် တိုက်တွေ၊ ယဉ်ကျေးမှု လုပ်ငန်းတွေမှာ သုံးနေပါတယ်။

ထူးချွန်တဲ့ကျောင်းသားတွေကို နိုင်ငံခြားပညာတော်သင် လွှတ်တာတွေလည်း လုပ်တယ်။ ဘောလုံး အသင်းတွေနဲ့ တခြား အားကစား အသင်းတွေကိုတောင် ထောက်ပံ့ပေးပါတယ်။ ဒုက္ခသည် စခန်းတွေ က ပါလက်စတိုင်း မိသားစုတိုင်း အတွက် ဆန်၊ ဆီ၊ ငါးသေတ္တာ စတဲ့ ရိက္ခာတွေလည်း လစဉ်ပေးဝေ နေပါတယ်။ ဒါတွေဟာ UNHCR ကုလသမဂ္ဂ ဒုက္ခသည် ထောက်ပံ့ရေး အစီအစဉ်တွေနဲ့ မဆိုင်ဘဲ သီးခြား အပို ထပ်ဆောင်း ထောက်ပံ့ကူညီတာ ဖြစ်တယ်။

စစ်ရေးနဲ့ဆက်စပ်တဲ့ လူမှုရေးလုပ်ငန်းကတော့ တိုက်ပွဲကျ အာဇာနည်တွေ၊ အသေခံ ဗုံးခွဲသမားတွေ၊ တိုက်ပွဲ ဒဏ်ရာရနဲ့ ဒုက္ခိတ ရဲဘော်တွေရဲ့ မိသားစုတွေကို ဟားမာ့စ်အဖွဲ့ဝင် ဟုတ်သည် ဖြစ်စေ မဟုတ်သည် ဖြစ်စေ လစဉ်ထောက်ပံ့တာ ဖြစ်ပါတယ်။ ဟားမာ့စ် အဖွဲ့ဝင်တွေကတော့ နည်းနည်း ပိုရပါတယ်။ အဇ္ဇရေး စစ်တပ်တွေက ဘူဒိုဇာနဲ့ထိုး ဖျက်ဆီးပစ်လိုက် လို့ ဒါမှမဟုတ် ဗုံးကြဲလို့ အိုးမဲ့ အိမ်မဲ့ဖြစ်ရသူတွေ ဒုက္ခသည် ဖြစ်သွားရသူတွေဟာ ဟားမာ့စ် အဖွဲ့ဆီက ငွေကြေး အကူအညီ အတတ်ပညာ အကူအညီတွေ တောင်းခံ နိုင်ကြပါတယ်။ ဒါတွေ လုပ်ပေးတဲ့ အတွက် ၁၉၈၇ ခုမှ စတည်ထောင်တဲ့ ဟားမာ့စ် အဖွဲ့ဟာ ၁၉၉၅ လောက်ရောက်တော့ ပါလက်စတိုင်း ပြည်သူတွေကြားမှာ ခိုင်ခိုင်မာမာ အမြစ် တွယ်နိုင်ခဲ့ပါတယ်။

ဟားမာ့စ်အဖွဲ့ဟာ မိမိတို့ရတဲ့ နှစ်စဉ် ဒေါ်လာသန်း ၇၀ မှာ စစ်ရေးအတွက် ၁၀% ကျော်ဘဲ သုံးပါတယ်။ ဒီနေရာမှာ ထူး ခြားတာက ဟားမာ့စ် အဖွဲ့ဝင်တွေဟာ ဒီဒေါ်လာ သန်း ၇၀ ကို အကျင့်ပျက်ခြစား အိတ်ထဲထည့် အကြံအဖန်လုပ် ရိုက်စား ဝေစားတာမရှိဘဲ ၈၀% ကနေ ၉၀% အထိကို ပါလက်စတိုင်း လူထုအတွက် ပြန်ကူညီပေးတာ ဖြစ်ပါတယ်။ ဒါဟာ ကွယ် လွန်သူ ယာဆာအာရာဖတ်ဦးဆောင်တဲ့ ဖာတာအဖွဲ့နဲ့ သိသိသာသာကွဲပြားသွားတာဖြစ်ပါတယ်။

ဝါရင့်တော်လှန်ရေးအဖွဲ့ကြီးဖြစ်တဲ့ ဖာတာအဖွဲ့ကိုလည်း အာရပ် သူဌေးနိုင်ငံတွေက အကြီးအကျယ် ပုံအော ထောက်ပံ့ခဲ့ ဖူးပါတယ်။ ဒါပေမဲ့ ပွင့်လင်း မြင်သာမှုမရှိ၊ စာရင်းမရှိ အင်းမရှိနဲ့ ကိုယ့်အိတ်ထဲ ကိုယ်ထည့်၊ ဆွေမျိုးသားချင်း ကောင်းစား ရေးတွေဘဲ လုပ်ကြလို့ (အာရာဖတ်ကတော် အပါအဝင်) ဖာတာ ကေဒါတွေ အချမ်းသာကြီး ချမ်းသာ၊ နိုင်ငံခြားဘဏ်တွေ မှာ လျှို့ဝှက် ငွေစာရင်းတွေဖွင့်၊ ဥရောပတိုက်ကို ထွက်ထွက်ပြီး ဟောလီးဝုဒ် မင်းသားတွေလို သုံးဖြုန်းကြတာကို လက်တွေ့ မြင်နေရတဲ့ ပါလက်စတိုင်း လူထုက နောက်ဆုံးမှာ လွတ်လပ်တဲ့ ရွေးကောက်ပွဲမှာ လက်နက်ကိုင် တော်လှန် ရေးအဖွဲ့ချင်း အတူတူ ဟားမာ့စ်ကို မဲပေး ရွေးကောက်လိုက်တာ ဖြစ်ပါတယ်။ ယာဆာ အာရာဖတ်ဟာ ရိုးရိုးကုပ်ကုပ်ဘဲ တသက်လုံးနေ ထိုင်သွားခဲ့ပေမဲ့ တခြားဖာတာ ကေဒါတွေမှာတော့ အဖွဲ့အစည်းပိုင် စီးပွားရေး ရင်းနှီးမြှုပ်နှံမှုနဲ့ ကိုယ်ပိုင် စီးပွားရေး ရင်းနှီးမြှုပ်နှံမှု ကြားမှာ ရှင်းရှင်းလင်းလင်း စည်းခြားတာ မရှိကြပါဘူး။

ဖာတာအဖွဲ့ဟာ အကျင့်ပျက်ခြစားရုံတင်မက စွမ်းဆောင်ရည် နိမ့်ကျလှတဲ့ အတွက် ပါလက်စတိုင်း အစိုးရ ဖြစ်နေစဉ် ကာလ မှာ အစိုးရရဲ့ တာဝန် ဝတ္တရားတွေကိုလည်း ပီပီပြင်ပြင် မဆောင်ရွက် နိုင်ခဲ့ပါဘူး။ ပညာရေး ကျန်းမာရေး လူမှုဖူလုံရေး မပြောနဲ့၊ မြို့ထဲ ရွာထဲတွေမှာ အမှိုက်တောင် မသိမ်းနိုင်၊ မီး-ရေ စတဲ့ အခြေခံ ဝန်ဆောင်မှုတွေကိုတောင် လုပ်သင့် လုပ်ထိုက်သလောက် မလုပ်ပေး နိုင်ခဲ့ပါဘူး။ အထူးသဖြင့် အစိုးရဖြစ်တဲ့ နောက်ပိုင်းမှာ စစ်တိုက်တာလည်း မလုပ်တော့ဘဲ ကြေ ညာချက် ထုတ်ပြီး အဇ္ဇရေးကို ရှုတ်ချတာဘဲ အဓိက လုပ်လာခဲ့ပါတယ်။

ဖာတာ တင်မက တခြားပါလက်စတိုင်းတော်လှန်ရေး အဖွဲ့တွေဟာလည်း စစ်တိုက်တာ၊ အကြမ်း ဖက်တာတွေဘဲ လုပ်ပြီး 'ကိုယ်က လွတ်မြောက်အောင် လုပ်ပေးနေပါတယ်' ဆိုတဲ့ ပါလက်စတိုင်း လူထုရဲ့ လူမှုရေး လိုအပ်ချက်တွေကို တတ်နိုင် သလောက် ဖြည့်ဆီးဖို့၊ တနည်းအားဖြင့် ပြောရရင် ငြုတ်သီး ကြက်သွန် ကိစ္စတွေ လုပ်ပေးဖို့ စိတ်မဝင်စားကြ နားမလည်ကြ မလုပ်ကြပါဘူး။ ဒါ့ကြောင့် စစ်ရေး ကွန်ယက်တင်မက လူမှုရေး ကွန်ယက်ပါ တည်ဆောက်ထားတဲ့ ဟားမာ့စ်ဟာ နိုင်ငံတော် အစိုးရပုံစံယောင် ဖြစ်နေတဲ့အတွက် ပါလက်စတိုင်း လူထုအနေနဲ့ အရင်းအချာလို သဘောထား လာပါတယ်။ မဲရဖို့တင်မက တပ်သားသစ်ရဖို့လည်း လွယ်သွားပါတယ်။
လူမှုရေး လုပ်ငန်းတွေမှာ အကြံအဖန် မလုပ်ဘဲ လူထု အကျိုးကို လုပ်ပေးသလို နိုင်ငံရေး လုပ်ငန်းပိုင်းမှာလည်း ဟားမာ့စ် အဖွဲ့ဝင်တွေဟာ ရပ်ရွာတွေထဲမှာ တအိမ်တက်ဆင်း door-to-door ပုံစံနဲ့ရော၊ အားကစားပွဲ၊ သောကြာနေ့ ပလီဝတ်ပြု ပွဲပုံစံ တွေနဲ့ပါ လူထုနဲ့ ပုံမှန် ထိတွေ့ဆက်ဆံပြီး လူထုအသံကို နားထောင်၊ လူထုအကျိုးပြု လုပ်ငန်းတွေ ဆောင်ရွက်ခဲ့ကြပါတယ်။

ဟားမာ့စ်ရဲ့ ညာခြေထောက်ဖြစ်တဲ့ စစ်ရေးပိုင်းကို ကြည့်ရင် ၁၉၉၃ ခုဧပြီလမှာ ပထမဆုံး အသေခံ ဗုံးခွဲမှုကို လုပ်ခဲ့ပါတယ်။ အသေခံ ဗုံးခွဲမှုဟာ ပါလက်စတိုင်း အမျိုးသားတွေရဲ့ အက်ဖ်-၁၆ ဖြစ်တယ်လို့ ဝင့်ကြွားခဲ့ပါတယ်။ ပါလက်စတိုင်း နယ်မြေ တွေကို အဇ္ဇရေးရဲ့ အက်ဖ်-၁၆ စစ်လေယာဉ်တွေက ဗုံးကြဲ၊ ဒုံးကျည်နဲ့ပစ်လို့ ပါလက်စတိုင်း အမျိုးသမီးတွေနဲ့ ကလေးငယ် တွေ သေကြရသလို ဟားမာ့စ်ရဲ့ အသေခံ ဗုံးခွဲသမားတွေကြောင့် သာမန် အဇ္ဇရေး အရပ်သားတွေ၊ အိမ်ရှင်မတွေ ကျောင်းသူ ကျောင်းသားတွေ ကလေးငယ်တွေ သေရတာကို ဆိုလိုတာ ဖြစ်ပါတယ်။ ၂၀၀၅ ခုမှာတော့ အသေခံ ဗုံးခွဲမှုတွေကို ရပ်စဲ လိုက်ပြီး ၂၀၀၆ ဧပြီလမှာ အသေခံ ဗုံးခွဲမှုနည်းလမ်းကို တရားဝင် စွန့်လွှတ်လိုက်ပါတယ်။ ဒါပေမဲ့ အဇ္ဇရေးနိုင်ငံထဲ ဒုံးပျံနဲ့ပစ် တာတော့ အခုထိ ဆက်လုပ်နေပါတယ်။ ပစ်မှတ် တိကျမှု မရှိတဲ့ ဒီဒုံးပျံတွေကြောင့်လည်း အပြစ်မဲ့ အဇ္ဇရေး အရပ်သားတွေ သေကြေ ဒဏ်ရာရကြပါတယ်။

ပါလက်စတိုင်းတွေဘက်က ပြောတာကတော့ အဇ္ဇရေးနိုင်ငံမှာ ယောက်ျားတိုင်း အလှည့်ကျ စစ်မှုမထမ်း မနေရ စနစ်ရှိပြီး အရေးပေါ်လာရင် ယောက်ျားအားလုံးကို စစ်ထဲ ဆင့်ခေါ်တာကြောင့် အရပ်သား နဲ့စစ်သား ခွဲလို့ မရနိုင်ဘူး ဆိုပါတယ်။ ဒါပေမဲ့ ဘယ်လိုဘဲ ဖြစ်ဖြစ် ယောက်ျားကြီးတွေ သေတာထက် အမျိုးသမီးတွေ ကလေးသူငယ် တွေသေတာ ပိုများနေပါတယ်။
ဟားမာ့စ်ဟာ ပြောက်ကျားစစ်ကို အဓိက ကျင့်သုံးတဲ့ အဖွဲ့ဖြစ်ပြီး ဂါဇာ ကမ်းမြောင် ဒေသမှာ အဓိက ပိုင်ပိုင်နိုင်နိုင် ပြောက်ကျားစစ် ဆင်နွှဲ နိုင်ပါတယ်။ ဒါကြောင့်လည်း အခုအခါ ဂါဇာ ကမ်းမြောင်ကို လုံးဝ ရာနှုန်းပြည့် ထိန်းချုပ်ထားနိုင်ပြီး အနောက်ဖက် ကမ်းခြေမှာတော့ နေရာတချို့ကို ထိန်းချုပ် ထားပါတယ်။ ဟားမာ့စ်ဟာ ဒုံးပျံတွေအပြင် လက်လုပ်ဗုံး တွေ၊ တင့်ကားဖျက် အာရ်ပီဂျီတွေ၊ လက်လုပ် ဒုံးကျည်တွေကို သုံးပြီး အဇ္ဇရေးတပ်တွေ ရှာမတွေ့နိုင်အောင်လည်း လူထု အကူအညီနဲ့ လက်နက်တွေ သိုဝှက် ထားနိုင်ပါတယ်။

ဟားမာ့စ် အဖွဲ့ရဲ့ တိုက်ပွဲဝင်ကွန်ယက်ကို ကရိယာ လို့ခေါ်တဲ့ ဌာနငါးခု ခွဲ တည်ဆောက် ထားပါတယ်။ ဒါတွေက --

၁) အံတုပွဲ ကရိယာ (အယ်လ်အာဒါးသ်)။ နိုင်ငံရေး အံတုမှု၊ အာဏာဖီဆန်မှု၊ လမ်းပေါ် လူထုလှုပ်ရှားမှုတွေ၊ ဆန္ဒပြပွဲတွေ၊ အာဇာနည် ဈာပနတွေ၊ နေ့ကြီး ရက်ကြီး အခမ်းအနားတွေကို တာဝန်ယူတယ်။ လက်ရှိ အခြေအနေကို အသိပေးတဲ့ သို့မဟုတ် တိုက်ပွဲခေါ် လှုံ့ဆော်တဲ့ လက်ကမ်း စာစောင်တွေ ပိုစတာတွေ ထုတ်တယ်။ လမ်းပေါ် ဆန္ဒပြပွဲတွေမှာ ထိခိုက် ဒဏ်ရာရ သူတွေအတွက် ရှေးဦးသူနာပြုလည်း တာဝန်ယူတယ်။ လမ်းပေါ် လူထုတိုက်ပွဲ အခြေအနေတွေကို ဟားမာ့စ် ခေါင်းဆောင်ပိုင်းဆီ အဆက်မပြတ် သတင်း ပြန်ပို့ပေးပြီး ရှေ့ဆက် လုပ်ရမယ့် နည်းနာတွေကို လမ်းညွှန်ပေးဖို့ လွယ်ကူ စေတယ်။

၂) မီဒီယာကရိယာ (အယ်လ်အီလားမီ)။ ဒီဌာနက အာရပ် လူထုနဲ့ ကမ္ဘာ့လူထု သဘောထား အပေါ် လူထု တိုက်ပွဲတွေ၊ အသေခံ ဗုံးခွဲမှုတွေရဲ့ ဂယက် ရိုက်ခတ်မှုတွေကို တိုင်းတာဖို့ နိုင်ငံတကာ မီဒီယာတွေကို မော်နီတာ လုပ်တယ်။ ဟားမာ့စ် အဖွဲ့ဝင်တွေ အတွက် ပြန်ကြားရေး၊ ပညာပေးရေးနဲ့ ဝါဒဖြန့်ချိရေး စာစောင် စာတမ်းတွေလည်း ထုတ်တယ်။ လူထု တိုက်ပွဲ၊ စစ်ရေး တိုက်ပွဲတွေရဲ့ အစီရင်ခံစာတွေ၊ သင်ခန်းစာထုတ် နိဂုံး ချုပ်ချက်တွေ ပြုစုရတယ်၊ ဟားမာ့စ်ခေါင်း ဆောင်ပိုင်း က လုပ်ခိုင်းတဲ့ အထူး လေ့လာချက် စာတမ်းတွေလည်း တခါတလေ ရေးသား ပြုစုပေးရတယ်။ ဒါ့အပြင် ကမ္ဘာ့ မီဒီယာတွေ အတွက် သတင်း ထုတ်ပြန်ချက်တွေ ပေးရတယ်၊ အထူးသဖြင့် အစ္စရေးရဲ့ မတရား ကျူးလွန်မှုတွေကို ဖွင့်ချရတယ်။ ဟား မာ့စ်အဖွဲ့ရဲ့ သတင်းထောက် တွေကိုလည်း သင်တန်း ပေးရတယ်၊ ဟားမာ့စ်သတင်းစာ ဂျာနယ် ဝက်ဘက်ဆိုက်တွေ အတွက် ဂျာနယ်လစ်တွေကို မွေးရတယ်။ မီဒီယာ ကရိယာဟာ နိုင်ငံတကာ ကွန်ဖရင့်တွေ အဲန်ဂျီအို ကွန်ဖရင့်တွေကိုလည်း မော်နီတာလုပ်ပြီး ဟားမာ့စ်အတွက် အကျိုးရှိမရှိ ကိုယ်စားလှယ်လွှတ်သင့် မလွှတ်သင့် ဆုံးဖြတ်ပေးရတယ်။

၃) လုံခြုံရေးကရိယာ (အယ်လ်အမ်း)။ ဒီဌာနက အဇ္ဇရေး ထောက်လှမ်းရေးတွေ၊ သတင်းပေးတွေ ဒါမှမဟုတ် ဟားမာ့စ်ကို ဆန့်ကျင်တဲ့ တခြား ပါလက်စတိုင်း အဖွဲ့တွေ စိမ့်ဝင် ထိုးဖောက်လာတာကို ကာကွယ် တားဆီးရတယ်။ အသေးစိတ် လုံခြုံရေး စီမံချက်တွေ ရေးဆွဲ ဖော်ထုတ်ထားပြီး အဖွဲ့ဝင်တွေကို စစ်ဆင်ရေး လုံခြုံမှု ဘာသာရပ် သင်တန်း ပေးတယ်၊ ဟားမာ့စ် အဖွဲ့ထဲဝင်ချင်တဲ့ သူတွေ အားလုံးကို နောက်ကြောင်း ရာဇဝင် ရှင်းမရှင်း စုံစမ်း စစ်ဆေးတယ်၊ သစ္စာဖောက်လို့ သံသယရှိသူ တွေ၊ အဇ္ဇရေးတွေနဲ့ ဆက်သွယ် ထိစပ်သူတွေကို စောင့်ကြည့်တယ်။ ပါလက်စတိုင်း အမျိုးသား သစ္စာဖောက်တွေ၊ အဇ္ဇရေး ကို သတင်းပေး သူတွေကို စနစ်တကျ စုံစမ်း ဖော်ထုတ်ပြီး ကွပ်မျက်တယ်။ ဒါ့အပြင် အယ်လ်အမ်း ဟာ အဇ္ဇရေး တပ်တွေ ရဲ့လှုပ်ရှားမှု၊ အင်အားတို့ကိုလည်း ထောက်လှမ်းတယ်၊ ဟားမာ့စ် ဌာနခွဲတွေ ကလပ်စည်းတွေရဲ့ လှုပ်ရှားမှု တိုးတက်မှု ဆုတ်ယုတ်မှု တို့ကိုလည်း မော်နီတာလုပ်တယ်၊ တခြား ပါလက်စတိုင်း တော်လှန်ရေး အဖွဲ့တွေနဲ့ ပတ်သက်တဲ့ ထောက်လှမ်းရေး အချက်အလက် တွေကိုလည်း စုဆောင်းတယ်။ ဟားမာ့စ်ခေါင်းဆောင် တွေရဲ့ လုံခြုံရေးကို တာဝန်ယူပြီး အဇ္ဇရေးဖမ်း မိသွားတဲ့ ဟားမာ့စ် အဖွဲ့ဝင်တွေဆီက ဘာအချက်အလက်တွေ ပေါ်သွားနိုင်တယ် ဆိုတာကိုလည်း အကဲဖြတ် တွက်ချက်ရတယ်။ လုံခြုံရေးပညာကို ယခင် ရုရှားထောက်လှမ်းရေး အဖွဲ့ (ကေဂျီဘီ) ကို လေ့လာပြီး ရယူသလို ရုပ်ရှင်တွေဆီ ကလည်း ရယူတယ်လို့ ဆိုပါတယ်။ လျှို့ဝှက် စာတိုက်ပုံး Dead drop တွေသုံးတာ၊ ကိုရန်ကျမ်းစာ အခြေခံတဲ့ ဝှက်စာ သုံးတာတွေလည်း လုပ်ကြတယ်။

၎) စစ်ရေးကရိယာ (အယ်လ်အက်စ်ကာရီ)။ လမ်းပေါ်လူထု တိုက်ပွဲတွေထက် ကျော်လွန်တဲ့ လက်နက်ကိုင် တိုက်ပွဲ အတွက် ဖြစ်တယ်။ စစချင်းမှာ တပ်ဖွဲ့(ကလပ်စည်း) ၁၂ ဖွဲ့ ဖွဲ့တယ်။ တဖွဲ့မှာ ရဲဘော် ၃ ယောက်ကနေ ၅ ယောက်အထိ ပါတယ်။ ဒီ ၁၂ ဖွဲ့ကို ဂါဇာ ကမ်းမြောင်နဲ့ အနောက်ဘက် ကမ်းမှာ ဖြန့်ချထားတယ်။ ဒီ ၁၂ ဖွဲ့အပြင် အရန် ၅ ဖွဲ့ ထား သေးတယ်။ စစ်သည်တွေကို လက်နက်ငယ် လက်နက်ကြီး ဖောက်ခွဲရေး အရှင်ဖမ်း-ပြန်ပေးဆွဲရေး အသေခံ တိုက်ခိုက်ရေး ဘာသာရပ် တွေ လေ့ကျင့်ပေးထားတယ်။ တဖွဲ့စီက စစ်ဆင်ရေး တခုစီကို တလစီ ဆင်နွှဲရတယ်။ ဒါ့ကြောင့် ဟားမာ့စ်ဟာ တလကို တိုက်ပွဲ တပွဲနှုန်းနဲ့ တနှစ်မှာ ၁၂ ပွဲတိုက်တယ်။ ဒီတော့ ကလပ်စည်း တခုစီဟာ စီမံချက်ဆွဲဖို့၊ ပြင်ဆင်ဖို့၊ သင်တန်းပေးဖို့၊ ဇာတ်တိုက် လေ့ကျင့်ဖို့ နဲ့ တပ်သားသစ် စုဆောင်းဖို့ အလှည့်ကျ တနှစ်စီ အချိန်ရတယ်။ စစ်သင်တန်းတွေကို ဟားမာ့စ်ပိုင် မြေမှာ မြေအောက်ခန်းတွေ စက်ပစ်ကွင်းတွေနဲ့ လေ့ကျင့်တယ်။

ဟားမာ့စ်ရဲ့စစ်ရေးရည်မှန်းချက်တွေက (က) အဇ္ဇရေး နိုင်ငံထဲမှာ အထိနာစေတဲ့ တိုက်ခိုက်မှုတွေ ဆင်နွှဲခြင်း အားဖြင့် အဇ္ဇရေး အစိုးရဟာ ပါလက်စတိုင်း အရပ်သားတွေကို တိုက်ခိုက်ရင် ဘယ်လို အကျိုးဆက်တွေ ဖြစ်မယ် ဆိုတာကို သိစေ ဖို့၊ (ခ) ပါလက်စတိုင်း ပြဿနာ အဖြေရှာဖို့ ကမ္ဘာနဲ့ ကုလသမဂ္ဂကနေ အာရုံစိုက်လာအောင် စစ်ဆင်ရေးတွေနဲ့ ဆွဲဆောင်ဖို့၊ (၈) တိုက်ပွဲ တိုက်ခြင်းအားဖြင့် ပါလက်စတိုင်း ပြည်သူတွေရဲ့ စိတ်ဓာတ်ကို မြှင့်တင်ပြီး မိမိတို့ရပ်ရွာမှာ မိမိတို့ အာဏာပိုင်မှုကို ပြဖို့၊ (ဃ) အဇ္ဇရေးပြည်သူတွေကို စစ်ဆင်တိုက်ခိုက်ခြင်းအားဖြင့် ပါလက်စတိုင်းမြေပေါ်မှာ သူတို့အတွက်နေရာမရှိဘူး၊ သူတို့ လိုလားတဲ့ လုံခြုံအေးချမ်းမှုကို အလွယ်နဲ့ မရနိုင်ဘူး ဆိုတဲ့အမှာစကားပါးဖို့ ဖြစ်တယ်။ ဟားမာ့စ်ဟာ ဒီရည်မှန်းချက်တွေနဲ့ ကိုက်ညီတဲ့ ပစ်မှတ်တွေကိုရွေးပြီး အသေခံဗုံးခွဲမှုတွေ၊ ပြောက်ကျား စစ်ဆင်ရေးတွေနဲ့ အကြမ်းဖက်တိုက်ပွဲတွေကို သင့် တော်သလို ဆင်နွှဲတာဖြစ်တယ်။

၅) စေတနာ့ဝန်ထမ်းကရိယာ (အန်စာ)။ တင်းပြည့်ဟားမာ့စ်အဖွဲ့ဝင် မဖြစ်သေးဘဲ အဖွဲ့ရဲ့လှုပ်ရှားမှုတွေမှာ ပါဝင် ဆောင် ရွက်နိုင် ကူညီနိုင်တဲ့ ပါလက်စတိုင်းတွေဖြစ်တယ်။ ဟားမာ့စ်စေတနာ့ဝန်ထမ်းဖြစ်ဖို့ဆိုရင် ဟားမာ့စ် လမ်းစဉ်နဲ့ ရည်မှန်း ချက်ပန်းတိုင်ကို ထောက်ခံရမယ်၊ အစ္စလမ်ကျင့်ဝတ်နဲ့ စံနှုန်းတွေကိုလိုက်နာရမယ်၊ နောက်ခံဘဝအပါအဝင် လုံခြုံရေးစစ် ဆေးမှုကို ခံရမယ်လို့ သတ်မှတ်ထားတယ်။ စေတနာ့ဝန်ထမ်းတွေကို အထက်တန်း ကျောင်းတွေ၊ တက္ကသိုလ်တွေ၊ သမဂ္ဂ တွေ ကနေရတယ်။ စေတနာ့ဝန်ထမ်းတွေဟာ နောက်ဆုံးမှာ တင်းပြည့်အဖွဲ့ဝင်အဖြစ်ကို ရောက်သွားကြတယ်။ အစပိုင်းမှာ စေတနာ့ဝန်ထမ်းတွေနဲ့ တင်းပြည့်အဖွဲ့ဝင်တွေကြား ပဋိပက္ခတွေရှိခဲ့လို့ နောက်ပိုင်းမှာ တန်းတူအခွင့်အရေးပြဿနာကို ဖြေ ရှင်းပေးခဲ့ရတယ်။

ဟားမာ့စ်တိုက်ပွဲဝင်ကွန်ယက် ကရိယာ ၁-၂ နဲ့ ဟားမာ့စ်လူမှုရေးကွန်ယက်တို့က ဘယ်ခြေထောက် - လူထုအကျိုးပြု လုပ် ငန်းနဲ့ လူထုတိုက်ပွဲတွေ၊ တိုက်ပွဲဝင်ကွန်ယက် ကရိယာ ၃-၄ က ညာခြေထောက် - စစ်ရေးလုပ်ငန်းနဲ့ သစ္စာ ဖောက်ရှင်း လင်းရေးလုပ်ငန်းဖြစ်ပြီး ကရိယာ ၅ ကတော့ ခြေထောက်နှစ်ဖက်စလုံးအတွက် ရှေ့ပြေးအဆင့် ဖြစ်ပါတယ်။ ခြေနှစ်ချောင်း ပေါ်မြဲမြဲရပ်နေတဲ့ ဟားမာ့စ်ကို ဖြုတ်ချအာဏာသိမ်းဖို့ ၂၀၀၇ ခုအစပိုင်းမှာ အမေရိကန်နဲ့ အဇ္ဇရေးတို့က ဖာတာတပ်ဖွဲ့ တွေကို ငွေအား လက်နက်အား ထောက်ပံ့ပေးပြီး ကြိုးပမ်းခဲ့ပေမဲ့ နောက်ဆုံးမှာ ဂါဇာ ကမ်းမြောင်တခုလုံးကို ဟားမာ့စ်က အပိုင်သိမ်းသွားတာဘဲ အဖတ်တင်ခဲ့ပါတယ်။

ဘာသာရေးအစွန်းရောက်အဖွဲ့ အကြမ်းဖက်အဖွဲ့လို့သတ်မှတ်ခံရတဲ့ ဟားမာ့စ်ရဲ့ နိုင်ငံရေးထိုးစစ်ကိုကြည့်ရင် အစောပိုင်း ကာလ ၁၉၈၈ မှာတုံးက အဇ္ဇရေးနိုင်ငံဖျက်သိမ်းရေးနဲ့ ပါလက်စတိုင်း အစ္စလမ်နိုင်ငံ ထူထောင်ရေးကို ကြွေးကြော်ခဲ့ ပါတယ်။ ၂၀၀၄ ခုမှာတော့ အနောက်ဖက်ကမ်းနဲ့ ဂါဇာကမ်းမြောင်မှာ ပါလက်စတိုင်းနိုင်ငံထူထောင်ခွင့်ရရင် လက်နက် ကိုင်တော်လှန်ရေးကို အဆုံးသတ်မယ်လို့ ကမ်းလှမ်းခဲ့ပါတယ်။ ပါလက်စတိုင်းတွေရဲ့ သမိုင်းဆိုင်ရာရပိုင်ခွင့်တွေ အပြည့် အဝပြန်ရဖို့ လာမယ့်မျိုးဆက်တွေ ဆက်တာဝန်ယူရလိမ့်မယ်၊ လက်ရှိကာလမှာ ပါလက်စတိုင်းနယ်မြေအားလုံး လွတ် မြောက်အောင်လုပ်ဖို့ ခက်တယ်၊ ဒါကြောင့် တဆင့်ချင်းလွတ်မြောက်ရေးကို လက်ခံတယ်လို့ ပြောခဲ့ပါတယ်။ အဇ္ဇရေးနဲ့ အမေရိကန်တို့ကတော့ ထုံးစံအတိုင်း ဒီကြေညာချက်တွေကို ပယ်ချခဲ့ပါတယ်။ ဒါ့အပြင် ဟားမာ့စ်အဖွဲ့ဟာ အဇ္ဇရေးကို တိုက်နေတာ ဘာသာရေး-လူမျိုးရေးအခြေခံမဟုတ်၊ နိုင်ငံရေးအကြောင်းခံဖြစ်တယ်လို့လည်း ၂၀၀၆ ခုမှာ ပြောခဲ့ပါတယ်။ ဂျူးလူမျိုးတွေဟာ ဘုရားသခင်ဗျာဒိတ်ပေးခံရတဲ့လူမျိုးဖြစ်လို့ လေးစားရမယ်၊ ကာကွယ်စောင့်ရှောက် ရမယ်လို့တောင် ဟားမာ့စ်ခေါင်းဆောင်က ပြောခဲ့ပါသေးတယ်။

ကမ္ဘာတလွှားမှာ ဒီမိုကရေစီသဘောတရားတွေ၊ အကြမ်းမဖက်တိုက်ပွဲနည်းနာတွေ ဖြန့်ချီပေးနေတဲ့၊ အမေရိကန်နိုင်ငံက ပင်မဒေါက်တိုင် အဖွဲ့ကြီး တခုဖြစ်တဲ့ အိုင်အာရ်အိုင်ဟာ ဟားမာ့စ်အဖွဲ့ကို အင်မတန်မုန်းပေမဲ့ ဟားမာ့စ်ရဲ့ လူထုအကျိုးပြု လုပ်ငန်းတွေ၊ နိုင်ငံရေးအံတုမှု လုပ်ရပ်တွေနဲ့ အကြံအဖန်မလုပ် ခြမစားတာတွေကိုတော့ အသိအမှတ်ပြု လေ့လာနေရ ပါတယ်။

ဂါမဏိ


Read More...

နေ့စဉ်သတင်းများ ( ၁ - ၁၁ - ၀၉)

နာဂစ်သင့် မြစ်ဝကျွန်းပေါ်ဒေသသို့ ဗိုလ်ချုပ်မှူးကြီး သန်းရွှေလည်ပတ် သတင်း
အမေရိကန်အစိုးရကိုယ်စားလှယ်အဖွဲ့ရဲ့ မြန်မာနိုင်ငံခရီးစဉ် သတင်း
ဒေါ်လာ သန်း (၂၀) ဖိုး မူးယစ်ဆေးဝါး စစ်အစိုးရ မီးရှို့ဖျက်ဆီး သတင်း
ကရင်ပြည်နယ်အတွင်း နအဖစစ်တပ်ထိုးစစ်ကြောင့် အိုးအိမ်စွန့်ပြေးသူ ရာချီရှိ သတင်း
မြန်မာ့စီးပွားရေး ပြုပြင်ပြောင်းလဲမှု အခြေအနေ သတင်း
အာဖဂန် အတိုက်အခံခေါင်းဆောင် ရွေးကောက်ပွဲမှ နှုတ်ထွက် သတင်း
ဒေါ်အောင်ဆန်းစုကြည်နဲ့ အန်အယ်လ်ဒီအဖွဲ့ကို အမေရိကန်အရာရှိတွေ တွေ့မည် သတင်း
အမေရိကန်ကိုယ်စားလှယ်မလာမီ မူးယစ်ဆေးဝါးတွေ မီးရှို့ပြ သတင်း
အမေရိကန် လက်ထောက်နိုင်ငံခြားရေးဝန်ကြီး ကာ့ဒ်ကမ်ဘဲလ် မြန်မာနိုင်ငံသွားမယ် သတင်း
အစားအသောက် ဆေးဝါးကွပ်ကွဲသူ (FDA) နေပြည်တော်သို့ရွှေ့ သတင်း
ကျော်သူကို စစ်အုပ်စုက အမှုရှာ ဖမ်းဖို့ ပြင်နေသလား သတင်း
ကဗျာဆရာ၊ ဒီဇိုင်းပညာရှင် ခန့်မင်းထက် ဖမ်းဆီးခြင်းခံထားရ၊ ယခုအချိန်ထိ မိသားစုက စုံစမ်း၍မရ သတင်း
အိမ်နီးချင်းနိုင်ငံတွေကိုတော့ သွားကိုသွားရမယ်လို့ ချာဗာလစ် ပြော သတင်း
ချာဗာလစ်ကို နောက်ထပ် ဒါမျိုးမလုပ်ဖို့ ၀န်ကြီးချုပ် အဘီဆစ်က တောင်းဆို သတင်း
ရန်ကုန်မြို့ တန်ဆောင်တိုင်ပွဲတော် မစည်ကားဟုဆို သတင်း
(၃၉) ဘီအမ်ကား အနှေးယာဉ်တိုက် သတင်း

Read More...

အမေရိကန် မူဝါဒကြောင့် တွေ့ဆုံဆွေးနွေးရေး လမ်းစ ပွင့်မည် ဟု ဦးဝင်းတင် မျှော်လင့်

01 November 2009

အခုလာမယ့် သီတင်းပတ်ထဲ အမေရိကန် နိုင်ငံခြားရေး ဌာနက အရှေ့အာရှနဲ့ ပစိဖိတ်ရေးရာ လက်ထောက် နိုင်ငံခြားရေး ၀န်ကြီး ကာ့တ် ကမ်းဘဲလ် (Kurt Campbell) ဦးဆောင်ပြီး အမေရိကန် အရာရှိတွေ မြန်မာနိုင်ငံကို သွားပြီး စစ်အစိုးရနဲ့ရော အတိုက်အခံနဲ့ပါ တွေ့ဆုံမှာ ဖြစ်ပါတယ်။ အဲဒီလို အခြေအနေကြောင့် မြန်မာ့နိုင်ငံရေးမှာ အပြန်အလှန် တွေ့ဆုံ ဆွေးနွေးမှုတွေ တစုံတရာ လမ်းပွင့် သွားနိုင်တယ်လို့ NLD ခေါင်းဆောင်တဦး ဖြစ်တဲ့ ဦးဝင်းတင်က ယူဆပါတယ်။ အကြောင်းစုံကို ဦးဝင်းတင်နဲ့ ဆက်သွယ် မေးမြန်းထားတဲ့ ကိုသားညွန့်ဦးက တင်ပြ ပေးထားပါတယ်။

အမေရိကန် အရာရှိတွေနဲ့ အမျိုးသား ဒီမိုကရေစီအဖွဲ့ချုပ် ခေါင်းဆောင်တွေ အခုလာမယ့် ဗုဒ္ဓဟူးနေ့ အဖွဲ့ချုပ် ရုံးချုပ်မှာပဲ တွေ့ဆုံဖို့ ရှိသလို အဲဒီနေ့မှာပဲ ဒေါ်အောင်ဆန်းစုကြည်နဲ့လည်း တွေ့မယ်လို့ ယူဆရပါတယ်။ အင်္ဂါနေ့မှာတော့ လက်ထောက် နိုင်ငံခြားရေး ၀န်ကြီး ကာ့တ် ကမ်းဘဲလ်နဲ့ အဖွဲ့ဟာ နေပြည်တော်မှာ အစိုးရ တာဝန်ရှိသူတွေနဲ့ တွေ့ဆုံဖို့ ရှိပါတယ်။

အခုလိုမျိုး အမေရိကန်ဘက်က မူဝါဒ အကောင်အထည်ဖော်ရေး အဓိက တာဝန် ရှိသူတွေက စစ်အစိုးရကိုရော၊ အတိုက်အခံကိုပါ တိုက်ရိုက် တွေ့ဆုံမှုတွေက တဆင့် မြန်မာ့နိုင်ငံရေး အတွက် တစုံတရာ အားဖြစ်စေမယ်လို့ အဖွဲ့ချုပ်ခေါင်းဆောင် ဦးဝင်းတင် ကတော့ ယူဆထားပါတယ်။

“ကျနော်ကတော့ အကောင်းမြင်တယ်ဗျာ။ ဘာဖြစ်လို့လဲ ဆိုတော့ အမှန်အတိုင်း ပြောရရင် ဒီစစ်အစိုးရက ကမ္ဘာကြီးနဲ့ ပိတ်နေတယ်၊ ကမ္ဘာကြီးနဲ့ အဆက်ပြတ်နေတယ်၊ ကမ္ဘာကြီးထဲမှာ ၀င်တိုးလို့ မရဘူး ဖြစ်နေတဲ့ အနေအထား။ သူတို့တင် ဖြစ်တာ မဟုတ်ဘူး၊ ကျနော်တို့ လူတွေလည်း အကုန်လုံး ပိတ်နေတာ။ ကျနော်တို့နဲ့လည်း ဘာမှ အဆက်အဆံမရှိ ဘာမရှိ ဖြစ်နေတာ။

“အဲဒီအနေအထားကနေ အခုလို ကမ္ဘာ့ သြဇာရှိတဲ့ နိုင်ငံကြီး တနိုင်ငံက နေပြီးတော့ အဆင့်မြင့် အရာရှိတွေနဲ့ စပြီးတော့ တိုက်ရိုက် ထိတွေ့ဆက်ဆံတဲ့ လုပ်ငန်းစဉ် အတိုင်း လာပြီးတွေ့တယ် ဆိုတော့ ဘာပဲပြောပြော စစ်အစိုးရ အနေနဲ့လည်း ကမ္ဘာနဲ့ ထိတွေ့ခွင့်၊ ကမ္ဘာနဲ့ တွေ့မြင်ခွင့်ရမယ်၊ သူတို့ရဲ့ သဘောထားတွေ သူတို့ ပြောလို့ရသလို အလားတူပဲ သူတို့နဲ့ ဆက်စပ်ပြီးတော့ ကျနော်တို့လို နိုင်ငံရေး အင်အားစုများ၊ နိုင်ငံရေး အဖွဲ့များလည်း ဒီလိုပဲ ကမ္ဘာနဲ့ ထိတွေ့ ဆက်ဆံခွင့် ရလာတဲ့ အခါကြတော့ ကျနော်တို့အဖို့ အများကြီး ကောင်းတယ်လို့ပဲ ယူဆတယ်။ ဖြစ်တာ မဖြစ်တာကတော့ တပိုင်း၊ အကောင်းမြင်တာက တပိုင်း။”

အခုအနေအထား အရတော့ နိုင်ငံရေးဘက်မှာ စစ်အစိုးရက ရွေးကောက်ပွဲ လုပ်မယ့် ကိစ္စကို ဦးတည်နေပေမဲ့ အဖွဲ့ချုပ်ကတော့ သူတို့ရဲ့ ရွှေဂုံတိုင် ကြေညာချက်ကို ကိုင်စွဲပြီးတော့ ဖွဲ့စည်းပုံထဲမှာ ဒီမိုကရေစီ နည်းမကျတဲ့ အချက်တွေကို ပြင်ရေး ဦးတည်ပြီး တောင်းဆို နေတာပါ။ ဒါဟာ နှစ်ဘက်ရဲ့ ကွဲလွဲချက် ဖြစ်နေပါတယ်။

အမေရိကန် ပြည်ထောင်စု အပါအ၀င် နိုင်ငံတကာ အနေနဲ့တော့ ဒီကိစ္စကို ဖြေရှင်းနိုင်မယ်လို့ ဦးဝင်းတင် ကတော့ မယူဆပါဘူး။ ဒါပေမဲ့ အမေရိကန် ပြည်ထောင်စုရဲ့ အခုလက်ရှိ မူဝါဒ ချပြီး ဆောင်ရွက်မှုကြောင့် အတိုက်အခံနဲ့ အစိုးရကြားမှာ နှစ်ဘက် တွေ့ဆုံ ဆွေးနွေးရေးလမ်းတွေ ပေါ်လာနိုင်တယ်လို့ ဦးဝင်းတင်က မျှော်လင့်ထားပါတယ်။

စစ်အစိုးရဘက်က သူတို့အပေါ် အရေးယူ ဒဏ်ခတ်မှုတွေကို လျှော့ချရေး ကိစ္စ ဆွေးနွေး ချင်သလိုပဲ သူတို့ဘက်ကလည်း နိုင်ငံရေး အပြောင်း အလဲတွေ၊ နိုင်ငံရေးကိစ္စတွေကို တွေ့ဆုံ ဆွေးနွေးချင်တယ်လို့ ဆိုပါတယ်။ ဒီ ၂ ချက်စလုံးကို အမေရိကန်ရဲ့ မြန်မာ့အရေး မူဝါဒမှာ တွေ့ရတယ်လို့ ဦးဝင်းတင်က ပြောပါတယ်။

“လမ်းပေါက်ရှိတာ ဘာလဲဆိုတော့ နှစ်ဘက် တွေ့ဆုံဆွေးနွေးရေး ပေါ့ဗျာ။ အတိုက်အခံ ဒီမိုကရေစီ အင်အားစုများနဲ့ စစ်အစိုးရကြားမှာ တွေ့ဆုံ ဆွေးနွေးရေး ဖြစ်ပေါ်ဖို့ပဲ။ ဒါက အမေရိကန် အစိုးရရဲ့ သဘာထားမှာလည်း၊ မစ္စတာကမ်းဘဲလ် တို့ရဲ့ mission မှာလည်း ပါပြီးသား ဖြစ်နေတယ်။ စစ်အစိုးရနဲ့လည်း အမေရိကန်အစိုးရ ကိုယ်စားလှယ်များနဲ့ တွေ့မယ်၊ အမေရိကန် အစိုးရ ကိုယ်စားလှယ်များနဲ့ အတိုက်အခံ အင်အားစုများလည်း တွေ့မယ်၊ အတိုက်အခံ အင်အားစုများနဲ့ စစ်အစိုးရကြားမှာ တွေ့ဆုံ ဆွေးနွေးရေးကိုလည်း သူတို့ ဖန်တီး ဖော်ဆောင်သွားမယ်လို့ သူတို့ရဲ့ ရည်မှန်းချက်ထဲမှာ ပြောပြီး ဖြစ်တဲ့အတွက် အဲဒီဟာ ပေါ်လာရင်တော့ အကောင်းဆုံး ဖြစ်မယ်လို့ ကျနော် မှန်းတယ်။”

ဦးဝင်းတင်အနေနဲ့ အခုလို အမေရိကန်အစိုးရ တာဝန်ရှိသူတွေ လာရောက်မယ့် အပေါ် အမေရိကန် မူဝါဒအရ တိုက်ရိုက်ဆက်ဆံ ဆောင်ရွက်သွားမယ့် အပေါ်မှာ အပြုသဘော အမြင်ရှိပေမဲ့ တဘက်မှာတော့ တကယ်တမ်း ထင်သလို အပြောင်းအလဲတွေ မြင်ရပါ့ မလားဆိုတဲ့ သံသယတွေကတော့ ရှိတယ်လို့ ပြောရမှာပါ။

“ထုံးစံအတိုင်းပဲ နိုင်ငံရေးမှာ စကားသံနဲ့တင် မပြီးပါဘူး။ လက်တွေ့ လုပ်ကိုင်ခြင်း၊ လက်တွေ့ အကောင်အထည် ဖော်ခြင်း၊ လက်တွေ့ ဆောင်ရွက်ခြင်းက အရေးကြီးပါတယ်။ အဲဒါတွေအတွက် ဖြစ်မှ ဖြစ်ပါ့မလားလို့ ကျနော်တို့ အနေနဲ့ကတော့ ရင်တမမ နဲ့ပေါ့ဗျာ။ စိုးရိမ်ချက်ကတော့ ကျနော်တို့မှာ ရှိတယ်လို့ ပြောချင်ပါတယ်။”

အဖွဲ့ချုပ်ခေါင်းဆောင် ဦးဝင်းတင်ရဲ့အမြင် ဖြစ်ပါတယ်။

အခု လက်ထောက် နိုင်ငံခြားရေးဝန်ကြီး ကာ့တ် ကမ်းဘဲလ်ရဲ့ ခရီးစဉ်ဟာ ၁၀ နှစ်ကျော် အတွင်းမှာ အမေရိကန်ဘက်က အဆင့် အမြင့်ဆုံး တာဝန်ရှိသူ လာရောက်တာ ဖြစ်ပါတယ်။ ၁၉၉၅ ခုနှစ်တုန်းက အမေရိကန် နိုင်ငံခြားရေး ၀န်ကြီးဟောင်း၊ အဲဒီတုန်းက ကုလသမဂ္ဂ ဆိုင်ရာ အမေရိကန် သံအမတ်ကြီး မက်ဒလင်း အောလ်ဘရိုက် (Madeleine Albright) လာရောက်ခဲ့ပြီး အတိုက်အခံ ခေါင်းဆောင် ဒေါ်အောင်ဆန်းစုကြည်နဲ့လည်း တွေ့ဆုံနိုင်ခဲ့ပါတယ်။


Ref: VOA News

Read More...

Sunday, November 1, 2009

နေ့စဉ်သတင်းများ ( ၃၁ - ၁၀ - ၀၉)

အမေရိကန်အဆင့်မြင့်အရာရှိများနှင့် NLD ခေါင်းဆောင်များ တွေ့မည် သတင်း
၂၀၁၀ ရွေးကောက်ပွဲဟာ ထွက်ပေါက်မဟုတ်လို့ ပြော သတင်း
အိန္ဒိယ-မြန်မာနယ်စပ်တွင် မိုင်းပေါက်ကွဲ၍ နအဖစစ်တပ်မှ အရာရှိတဦးသေ၊ နှစ်ဦးခြေပြတ် သတင်း
ကရင်ပြည်နယ်အတွင်း ထိုးစစ်တွေ ပြန်စလာနိုင် သတင်း
သတင်းထောက်များ ဖမ်းဆီးစစ်ဆေးမှုအပေါ် နအဖစစ်အစိုးရကို ပြင်းထန်စွာ ရှုတ်ချ သတင်း
“ဒီနိုင်ငံအပေါ် ထားရှိတဲ့သဘောထားက ပြောင်းမှာမဟုတ်ဘူး” (မြန်မာနိုင်ငံဆိုင်ရာ ဗြိတိန်သံအမတ်အသစ် မစ္စတာ အင်ဒရူးဟင်းန်နှင့် အင်တာဗျူး)
ရွှေ့ပြောင်းနေထိုင်သူတွေအပေါ် ယာဉ်မောင်းလိုင်စင် တရားဝင် ခွင့်ပြုလိုက်သည့်အတွက် ထိုင်းအမျိုးသား လုံခြုံရေးဆိုင်ရာမူဝါဒ တကျော့ပြန်လည်လာခြင်း သတင်း
မြန်မာနယ်စပ်အနီးတွင် ဆင်ဖြူတကောင်ကို တွေ့ရှိ သတင်း
ရုပ်ရှင်သရုပ်ဆောင် ကိုကျော်သူကို တရားရုံးက ဆင့်ခေါ် သတင်း
ဝက်တုပ်ကွေးဖြစ်ပွားသူ (၆၃) ဦးရှိပြီလို့ ကျန်းမာရေးညွှန်ချုပ် အတည်ပြုပြောဆို သတင်း
တချိန်တုန်းက တန်ဆောင်တိုင် (ဆောင်းပါး)
ကေအဲန်အယ်လ်အေ၏ ဆွဲမိုင်းကြောင့် နအဖ (၇) ဦး ထိခိုက်သေဆုံး သတင်း
ကရင်နီဒေသတွင် တိုက်ပွဲဖြစ်ပွား နအဖ စစ်ကြောင်းမှူးတဦးအပါအ၀င် တပ်သား (၉) ဦး ကျဆုံး သတင်း
မြန်မာနိုင်ငံအရှေ့ပိုင်း ဒါဖော နောက်တခုဖြစ်လာ သတင်း
မြန်မာအနုပညာရှင်များ နိုင်ငံတကာအနုပညာဆုအတွက် ပဏာမရွေးချယ်ခံရ သတင်း

Read More...

အပေါ်သို့