Saturday, May 22, 2010

ဒေါ်အောင်ဆန်းစုကြည်သာ ပင်လုံကတိပြန်ဖေါ်နိုင်မည်ဟု သျှမ်း တော်လှန်ရေး နေ့၌ ဒုဗိုလ်ချုပ်ကြီး ယွက်စစ် ပြော

Friday, 21 May 2010 21:07

မေ ၂၁ ရက်၌ ကျရောက်သော ၅၂ နှစ်မြောက် သျှမ်းတော်လှန်ရေးနေ့ အခမ်းအနားတွင် ဒေါ်အောင်ဆန်းစုကြည်သာ ပင်လုံကတိ ပြန်ဖေါ်နိုင်သူ ဟု SSA ခေါင်းဆောင် ဒုတိယဗိုလ်ချုပ်ကြီး ယွက်စစ်က ပြောကြားခဲ့ပါသည်။

“ပင်လုံစာချုပ်ကို ကျောခိုင်းလို့ တိုင်းပြည်အခြေအနေ အခုလိုမျိုးဖြစ်ရတာ။ ရှေ့ဆက် ဥပက္ခာပြု မေ့ချင်သယောင် လုပ်မယ်ဆိုရင် ကျနော်တို့ တိုင်းပြည်ပြဿနာ ဘယ်တော့မှ အဆုံးသတ်နိုင်မှာ မဟုတ်ဘူး။ တန်းတူ အခွင့်အရေး အတွက် ပင်လုံကတိကို ပြန်ဖေါ်ရမယ်၊ ပင်လုံကို ပြန်ဖေါ်နိုင်ဖို့ ဒေါ်အောင်ဆန်းစုကြည် ဟာ အဓိက အခန်း ကဏ္ဍ ဖြစ်တယ်၊ သူမကို ဆက်လက် ထောက်ခံ အားပေးရမယ်”- ဟု ဒုတိယ ဗိုလ်ချုပ်ကြီး ယွက်စစ်ကပြော၏။

မေ ၂၁ ရက် သျှမ်းပြည်တော်လှန်ရေးနေ့ အခမ်းအနားကို လွယ်တိုင်းလျဲန်း ဌာနချုပ်၌ ကျင်းပရာ စစ်သည် အင်အား ၁၅၀၀ ကျော် တက်ရောက် စစ်ရေးပြပြီး လူထုပရိသတ် အပါဝင် စုစုပေါင်း အင်အား ၂၀၀၀ ကျော် တက်ရောက်ခဲ့၏။

မနက်ပိုင်း တော်လှန်ရေးအခမ်းအနားကျင်းပပြီး မွန်းလွဲပိုင်း ၁၃း၃၀ နာရီတွင် တော်လှန်ရေးနေ့နှင့် ပတ်သက်၍ သတင်းစာ ရှင်းလင်းပွဲတရပ် ပြုလုပ်ခဲ့ရာ သတင်းထောက်များ၏ မေးမြန်းချက်အပေါ် ဒုတိယ ဗိုလ်ချုပ်ကြီး ယွက်စစ်က ပင်လုံနှင့် ဒေါ်အောင်ဆန်းစုကြည် အကြောင်း ဒွန်တွဲ ပြောဆိုခြင်း ဖြစ်ပါသည်။

“ဒေါ်အောင်ဆန်းစုကြည်ဟာ ဗိုလ်ချုပ်အောင်ဆန်းရဲ့သမီးလဲဖြစ်တယ်။ အာဆီယံအပါအ၀င် ကမ္ဘာ့နိုင်ငံအသီးသီး ကလဲ သူမကို လက်ခံတယ်။ ပင်လုံ အကြောင်းသူမ ပြန်ပြောင်း ပြောလာမယ်ဆိုရင် ပိုထိရောက်မယ်၊ စစ်မှန်တဲ့ ပြည်ထောင်စု တည်ဆောက် လာနိုင်အောင် အဲဒီအခွင့်အလှမ်း ကနေ တိုင်းရင်းသားတွေရဲ့ စည်းလုံးညီညွတ်မှုကို သူမဖေါ်ဆောင်နိုင်မယ်။ UN ပြောသလိုပါဘဲ တိုင်းရင်းသား မပါရင် မြန်မာ့နိုင်ငံရေး ပြဿနာ ဖြေရှင်းဖို့ လွယ်ကူမှာ မဟုတ်ဘူး” - ဟု သတင်းထောက်များအား ဆက်လက်ပြောပြ၏။

လွယ်တိုင်းလျဲန်းဌာနချုပ် သတင်းစာရှင်းလင်းပွဲတွင် ပချားထိုင်းကဲ့သို့ ထိုင်းသတင်းဌာနများ အပြင်၊ ဒီဗွီဘီ သတင်းဌာန နှင့် အတူ သျှမ်းသံတော်ဆင့် သတင်းဌာနတို့လည်း ပါဝင်တက်ရောက် သတင်းယူ မေးမြန်းခဲ့ပါသည်။

၁၉၅၂ ခုနှစ် တွင် တရုပ်ဖြူကျူးကျော်မှုကို အကြောင်းပြု၍ ဗမာ့တပ်မတော်က သျှမ်းပြည်၏ ကိုယ်ပိုင်ပြဌာန်းခွင့် ကို သိမ်းပိုက် ထိပါး လာမှုကြောင့် လွတ်လပ်ရေး၊ တန်းတူရေး မြတ်နိုး တန်ဖိုးထားသည့် စောနွဲ့ဆောယန္တ ဦးဆောင် သျှမ်းလူငယ် ၃၁ ယောက်က ၁၉၅၈ ခုနှစ် မေ ၂၁ ရက်တွင် တောခိုပြီး လက်နက်ကိုင် တော်လှန်ရေး စတင်ကာ သျှမ်းပြည်တော်လှန်ရေး သမိုင်းစာမျက်နှာ စဖွင့်ခဲ့ခြင်း ဖြစ်ပါသည်။

Ref: သျှမ်းသံတော်ဆင့်

Read More...

နေ့စဉ်သတင်းများ (၂၁ - ၅ - ၁၀)

ဒေါ်အောင်ဆန်းစုကြည်ကို အထက်လွှတ်တော်အမတ် McCain ချီးကျူး သတင်း
ဒေါ်အောင်ဆန်းစုကြည်သာ ပင်လုံကတိ ပြန်ဖော်နိုင်မည်ဟု သျှမ်းတော်လှန်ရေးနေ့၌ ဒု-ဗိုလ်ချုပ်ကြီး ယွက်စစ်ပြော သတင်း
မြန်မာ့အရေး စုံစမ်းရေးကော်မရှင်ဖွဲ့ဖို့ ဥရောပပါလီမန် ထောက်ခံ သတင်း
သမိုင်းဝင် သျှမ်းပြည်တော်လှန်ရေးနေ့ ကျင်းပ သတင်း
၂၀၁၀ ရွေးကောက်ပွဲကို သပိတ်မှောက်ကြရန် အက်စ်အက်စ်အေ (တောင်) က ပြော သတင်း
တာချီလိတ်မြို့နယ်အတွင်း တိုက်ပွဲဖြစ် သတင်း
ဝ ကိုယ်ပိုင်အုပ်ချုပ်ခွင့်ရ တိုင်းဒေသအတွင်း နယ်ခြားစောင့်တပ် ဖွဲ့စည်း သတင်း
ကျောင်းသားခေါင်းဆောင် ကျော်ကိုကို ထောင်ဒဏ် (၅) နှစ် ထပ်တိုး သတင်း
ဝါရင့်နိုင်ငံရေးသမားကြီး သခင်သိန်းဖေ၏ (၉၄) နှစ်မြောက်မွေးနေ့ ကျင်းပ သတင်း
ဝါရင့်နိုင်ငံရေးသမားကြီး နောက်တဦး ကွယ်လွန်ပြန် သတင်း
ဗုံးလက်သည်ဟု စွပ်စွဲခံရသူ ရှေ့နေငှားခွင့်မရ သတင်း
မြဝတီမြို့ စီးပွားရေးစက်မှုဇုန်တွင် ဗုံးပေါက်ကွဲမှုဖြစ် သတင်း
ရွေးကောက်ပွဲကျင်းပရန် အကြိုလေ့ကျင့်မှု ပြုလုပ် သတင်း
မဲပေးရမည့် နည်းစနစ်များကို ကော့သောင်းမြို့မှာ ရှင်းလင်းလေ့ကျင့် သတင်း
တောင်ကိုရီးယားရှိ မြန်မာသံရုံးက ရွေးကောက်ပွဲအတွက် မဲစာရင်းပေးရန် စာပို့ သတင်း
မင်းကိုနိုင်နှင့် နိုင်ငံရေးအကျဉ်းသားလွတ်မြောက်ရေး ဂျပန်က နအဖသံရုံးရှေ့ ဆန္ဒပြ သတင်း
တည်ထောင်ခွင့်/ဆက်လက်တည်ထောင်ခွင့်/ မှတ်ပုံတင်ခွင့် - နောက်ဆက်တွဲ သတင်း
ကွမ်းခြံကုန်းမြို့နယ် ဒရယ်လူးကျေးရွာက ဓားပြတိုက်မှုတွင် ပါဝင်သူတဦး ဖမ်းမိ သတင်း
လုပ်ငန်းတွေ လျှပ်စစ်မီးပြတ်နေ သတင်း
ထက်ထက်မိုးဦးနှင့် သတင်းသမား ပဋိပက္ခဖြစ် သတင်း
လျှပ်စစ်မီး (၂၄) နာရီ ရရှိရေး ဗိုလ်ချုပ်မှူးကြီးထံ မန္တလေးလူထု တောင်းဆို သတင်း
ရွေးကောက်ပွဲကော်မရှင်ကို ဖျက်သိမ်းရန် ဘီအယ်လ်စီ တောင်းဆို သတင်း
သခင်သိန်းဖေမွေးနေ့တွင် လူရွေးဖိတ်ကြား သတင်း
မျက်စိဝေဒနာ ခံစားနေရသော နိုင်ငံရေးအကျဉ်းသားများ သတင်း
DKBA အရာရှိပိုင် ပွဲရုံ ဗုံးကွဲ သတင်း
ရွေးကောက်ပွဲဥပဒေအရ ကရင်နီနှင့် ကရင်ကြား လူမျိုးရေးပြဿနာ စိုးရိမ်ရဟု KNPP ဖွင့်ဟပြောဆို သတင်း
သောက်သုံးရေ ရှားပါးမှု စာပေအနုပညာရှင်များ ကူညီ သတင်း
လွတ်လပ်ရေးအတွက် သျှမ်းပြည်တော်လှန်ရေးနေ့ (ဆောင်းပါး)
စေတနာနဲ့ လုပ်တာဆိုတော့ ထိရောက်တယ်၊ အောင်မြင်တယ် (အင်တာဗျူး)

Read More...

Friday, May 21, 2010

ကြက်ဆူပင်တွေချည်းပဲ လျှောက်စိုက်နေလို့မရဘူး

Thursday, May 20, 2010

ရုပ်ရှင် သရုပ်ဆောင် ဦးကျော်သူသည် ၂၀၀၁ ခုနှစ် ဇန်န၀ါရီလတွင် နာရေးကူညီမှု အသင်းကို စာရေးဆရာ၊ ဒါရိုက်တာကြီး ဦးသုခ၏ လမ်းညွှန်မှုဖြင့် ဦးစီး တည်ထောင်ခဲ့ပြီး ၂၀၀၇ ခုနှစ် မတ်လတွင် သုခကုသိုလ်ဖြစ် ဆေးခန်း တိုးချဲ့ဖွင့်လှစ်ခဲ့သည်။ ၂၀၀၈ ခုနှစ်မေလက တိုက်ခတ်ခဲ့သော နာဂစ်ဆိုင်ကလုန်း မုန်တိုင်း နောက်ပိုင်းတွင် မုန်တိုင်းဒဏ်ခံခဲ့ရသည့် ဒုက္ခသည်များကို ပြည်တွင်း၊ ပြည်ပမှ လှူဒါန်း ထောက်ပံ့မှုများယူ၍ ကူညီခဲ့သည်။ ဦးကျော်သူ သည် ယခုနှစ် ဧပြီလ အတွင်းက မြန်မာ ပြည်အတွင်း လူမှုရေးလုပ်ငန်းများ လုပ်ကိုင်နေသူတို့ကို ပြည်ပရောက် မြန်မာများက ချီးမြှင့်သည့် ပထမအကြိမ် “ပြည်သူ့ ဂုဏ်ရည်” ဆု ရရှိခဲ့သူ ဖြစ်သည်။ ယခုနှစ်တွင် မြန်မာပြည်၌ အပူချိန် မြင့်တက်လာသောကြောင့် ရေတွင်းရေကန်များ ခန်းခြောက်ခဲ့ရာ ရေဒုက္ခ ရင်ဆိုင်နေရသည့် ပြည်သူများကိုလည်း ဦးကျော်သူ ဦးဆောင်သည့် ၎င်း အသင်းက ပြည်တွင်းပြည်ပ အလှူရှင်များ၏ လှူဒါန်းငွေများဖြင့် ရေကုသိုလ် ပြုလျှက်ရှိသည်။ ထို့ကြောင့် ဦးကျော်သူ ဦးဆောင်သည့် နာရေး ကူညီမှု အသင်း လက်ရှိကြုံတွေ့နေရသော အခြေအနေနှင့် အခက်အခဲများကို ဧရာဝတီ သတင်းထောက် အေးချမ်းမြေ့က မေးမြန်း၍ ဖော်ပြလိုက်ပါသည်။

မေး။ ။ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေး ပါတီက ရေလှူတဲ့ ရေကား တွေမှာ သူတို့ အလံတွေ ထူခိုင်း တယ်လို့ ကြားတယ်၊ ကိုကျော်သူ တို့ကော အဲဒီလို အဖြစ် မျိုးတွေ ကြုံရလား။

ဖြေ။ ။ ကျနော် တို့တော့ မသိသေးဘူး။ ဒလဘက် သွားကြတယ်။ အဲဒါ ဘာကြား မလဲတော့ မသိသေးဘူး။ ပဲခူးဘက် သွားတုန်း ကတော့ အဲဒီလို မလုပ်သေးဘူး။ ကျနော်တို့က နာရေး ကူညီမှု အသင်း (ရန်ကုန်) ဆိုတဲ့ ဗီနိုင်းချပ် ကြီးတွေ ချိတ်သွားတာ။ ကြံ့ဖွံ့အလံ ထောင်လို့လည်း မရဘူး။ ထောင်ခွင့်လည်း မပေးနိုင်ဘူး။

မေး။ ။ အခု ရန်ကုန်မှာ မိုးလည်း စရွာနေပြီဆိုတော့ ရေလှူတဲ့အလုပ် ဆက်လုပ်နေရတုန်းပဲလား။ ရေလှူတဲ့နေရာမှာ ဘယ်လို အခက်အခဲတွေ တွေ့ရလဲ။

ဖြေ။ ။ ရန်ကုန်တိုင်းထဲမှာ အကုန် သူ့ဟာနဲ့ သူတော့ ဆိုးနေကြတာပဲ။ ဟိုနေ့က ပဲခူးဘက်သွားတယ်။ နောက် ဝေါဘက် ၊ သက္ကလ ရွာတွေဘက် သွားတယ်။ မိုးရွာပေမယ့် ကြာကြာ ရွာတာမှ မဟုတ်တာ။ ရေလှူတဲ့ နေရာမှာလည်း အခက်အခဲတွေ ရှိတယ်။ ရေဒုက္ခသည်တွေက ကျနော်တို့ ရေသွားလှူရင်တောင်မှ သူတို့မှာ ထည့်စရာ ပုံးတို့၊ ခွက်တို့တောင် သိပ်မရှိကြဘူး။ ကျနော်ကတော့ ရေအုတ်ကန်လုပ်ဖို့ စဉ်းစားထားတယ်။ ရွာတရွာမှာ လမ်းဘယ်နှလမ်းရှိလဲ ကြည့်မယ်။ အုတ်ကန်လေး သွားပြီး လုပ်ပေးမယ်။ အဲဒီလမ်းက လူတွေ ရေကိုမျှပြီး သုံးကြပေါ့။ မိုးရွာတယ်ဆိုလည်း ဒီအုတ်ကန်က ရေခံထားပြီးသား ဖြစ်သွား တာပေါ့။ အဲဒီလို ကျနော်က စဉ်းစားနေတာ။ တချို့ နယ်တွေက အ၀ီစိတွင်း တူးလို့မရတာတွေ ရှိတယ်။ တချို့ဆို ရေတွင်း တူးတာတောင်မှ ရေချိုမထွက်ဘူး။ ရေငန်ထွက်တဲ့ အပိုင်းတွေဖြစ်နေတယ်။ အဲဒီလိုဆိုတော့ နည်းနည်းတော့ အခက်အခဲ ဖြစ်တယ်။

မေး။ ။ ရေအခက်အခဲ ဖြစ်တဲ့ရွာတွေမှာ အဆိုးရွားဆုံး အနေအထား ဘယ်လောက်ထိ ရှိနေလဲ။

ဖြေ။ ။ အဲဒါကျနော် မလိုက်သွားတော့ မသိဘူး။ နာရေး အသင်းကလည်း တော်တော်သင်္ဂြိုဟ်ပေး ရတာတွေ များနေတော့ ဒီဘက်ကလည်း လက်လွှတ်လို့ မရဘူး။ ဟိုဘက်ကို ကျနော့် အမျိုးသမီး လိုက်သွားတယ်။ နောက်တခုက ကျနော်ပါရင် ပုံစံက တမျိုး ဖြစ်လိမ့်မယ်လေ။ ရေဘေး ဒုက္ခသည်တွေဆီ ရောက်သွားရင် ဌာနဆိုင်ရာက ကျော်သူ ပါလာတယ်ဆိုရင် တမျိုးဖြစ်သွား နိုင်တယ်။ ဒါနဲ့ ကျနော် မလိုက်တော့တာ။

ကျနော်တို့က ဝေါမြို့နယ်တို့၊ ပဲခူးဘက်တို့မှာ သွားလှူတဲ့အခါ ပဲခူးမြို့ပေါ်က ရေအလှူရှင် ရှိတယ်။ သူ့အိမ်မှာသွားပြီး ကျနော်တို့က ပိုက်ကိုတပ်၊ စက်နဲ့စုပ်ပြီး ရေပုံးတွေထဲ ထည့်တယ်။ ဂါလန် ၂၅၀၀ ထည့်ပြီး တခေါက်သွား၊ တနေ့ကို ၂ ခေါက်၊ ဂါလန် ၅၀၀၀ အနည်းဆုံး လုပ်ပေးနေတယ်။ ဒီ ရေ အလှူရှင်ကလည်း သူ့အိမ်က ရေတွင်း၊ ရေကန် လျော့တဲ့အထိတော့ ဘယ်လှူနိုင်မလဲ။ အတိုင်း အတာက ပြဿနာ တက်တယ်။ ရန်ကုန်မှာတောင် ကျနော်တို့ အိမ်တွေဘက်ရေက မလာတော့ဘူး။ ဂျိုးဖြူရေက မလာတော့ဘူး။ ကျနော်တို့ အားလုံး ဒုက္ခရောက်သလို၊ ပြည်သူ အားလုံးလည်း ဒုက္ခ ရောက်နေကြတယ်။

အဝီစိတွင်းတူးဖို့တော့ စ စုံစမ်းခိုင်းထားတယ်။ ပဲခူးဘက်မှာတော့ တနေရာရပြီ။ အဲဒီနေရာမှာ ဘာမှမရှိဘူး ဆိုတော့ အဲဒီနေရာမှာပဲ အဝီစိတွင်း တူးပေးဖို့ရှိတယ်။ နောက် ကျနော်တို့ ဒလဘက်ကို ရေဝေဖို့ သွားရင်းနဲ့ စုံစမ်းဖို့ ပြောထားတယ်။ ဒလဘက်မှာ ဘယ်သူ သြဇာအာဏာ ညောင်းလဲ။ ဆရာတော်ကြီးတွေဆီ ချဉ်းကပ်ပြီး၊ ဆရာတော်ကြီးတွေ ကနေ ဦးစီးပြီး ဘယ်အရပ် ဘယ်လမ်းမှာ ဘာလုပ်ပေးပါဆိုတဲ့ ဆရာတော်ကြီးတွေ သြ၀ါဒ ခံပြီးပဲ လုပ်တော့မယ်။ ဒီ့ပြင် ဘယ်အဖွဲ့အစည်း ကိုမှ သွားပြီး သြ၀ါဒလည်း မခံနိုင်ဘူး။ အလှူရှင်တွေက ကျနော်တို့ကို ယုံကြည်ပြီး လှူထားတဲ့ဟာ၊ ဒုက္ခသည်တွေ လက်ထဲကို ရောက်အောင်တော့ လုပ်ပေးရမှာပဲ။

မေး။ ။ အခုလို ရေအခက်အခဲက ခါတိုင်းနှစ်တွေလည်းဖြစ်တယ်လို့ သိရတယ်။ ဒီနှစ်နဲ့ ဘယ်လို ကွာပါသလဲ။

ဖြေ။ ။ ခါတိုင်းနှစ်က ဒီလောက်မဖြစ်ဘူး။ ၇ မိုင်ဆိုလည်း ၇ မိုင်မှာရေပြတ်သွားတာမျိုး၊ မလာတော့တာ ဒါတွေက ရှိတယ်။ ရေရှည်တော့ မဟုတ်ဘူး ခဏတဖြုတ်ဖြစ်တာ။ ဒီနှစ်က ပိုလည်းပူတော့ ပိုပြီး ဆိုးကုန်တာပေါ့။ ရေကန်တွေလည်းခန်း၊ ရေတွင်းတွေလည်း ကုန် အဲဒီလိုဖြစ်ကုန်တာ။

မေး။ ။ ရေပြဿနာဖြစ်ရတဲ့ အဓိကနေရာတွေက ရေကန်နဲ့ ရေတွင်းတွေကို ပိုပြီး အားပြု သုံးနေရတဲ့ နေရာတွေက ဖြစ်တာလား။

ဖြေ။ ။ တချို့နယ်တွေက အ၀ီစိတွင်းတွေမရှိဘူး။ သောက်ရေကန်ဆို သောက်ရေကန် အဲဒီက ခပ်ကြ။ ကန်ကရေ ကုန်တော့ သွားရော။ တချို့နေရာတွေဆို ကျနော် ကြားတာ ဘယ်အဖွဲ့အစည်းက ငါးမွေးမယ်ဆိုပြီး ကန်ကို သိမ်းလိုက်တယ်။ ဒီလို သိမ်းလိုက်တဲ့အတွက် ရာသီဥတု ပူတဲ့အခါကျတော့ ငါးမမွေးဖြစ်ဘူး။ အဲဒီတော့ သောက်ရေလည်း မရတော့ဘူး။ အဲဒီလိုတွေဖြစ်ကုန်တာ။

မေး။ ။ ရေ အခက်အခဲကြောင့် ရောဂါဖြစ်တာတို့၊ သေကြေပျက်စီးတာတို့ ဘယ်လောက် အထိ ဆိုးဆိုးရွားရွား ဖြစ်လဲ။

ဖြေ။ ။ နယ်တွေတော့မသိဘူး။ ကျွန်တော်တို့ နာရေးကူညီမှုအသင်းဆို အပူဒဏ်ကြောင့်ဆုံးတာ တနေ့တနေ့ကို ၇၈ လောင်းလောက် အတွက်ကို လိုက်လုပ် ပေးနေရတယ်။ အရင်နှစ်တွေ တုန်းကဆို တနေ့ကို ၄၀ ကျော် ၄၅ လောင်း လောက်ပဲရှိတယ်။ အခုဆို ၇၀ ကျော် ၈၀ နီးပါး ကပ်နေပြီ။ ပိုလာတဲ့ အရေအတွက်က ရာသီဥတုကြောင့်လို့ ကျနော်တို့ တွက်လို့ရတယ်။ အရွယ်အားဖြင့် ကတော့ မျှတယ်။ အထူးသဖြင့် လူကြီးပိုင်း ပိုသေကြတယ်။ ကိုဗလ (မင်းသားသုမောင်) ဆိုလည်း အသည်းရောဂါ ရှိတာက ရှိတာပဲ၊ အပူဒဏ်ကြောင့် ဆိုးသွားပြီး မခံနိုင်ဘဲဆုံးတာ။ ပန်းချီ သန်းမြင့်အောင်ဆိုလည်း အပူကြောင့် ဆုံးတာပဲ။

မေး။ ။ အခြေခံ လူတန်းစားတွေကတော့ ပိုသေကြမယ်ထင်တယ်။

ဖြေ။ ။ လောလောဆယ် ဒီမှာဖြစ်တာ ကြုံရ တာကတော့ ဦးနှောက် သွေးကြော ပြတ်ပြီး ဆုံးကြတာ ကြားတယ်။ အငှားယာဉ် မောင်းတဲ့ သူတွေ၊ ဆိုက်ကား သမားတွေ ဖြစ်ကြတယ်။ ခရီးသည်တင် ယာဉ်မောင်း တယောက် ဆိုရင် ကားဂိတ် ရောက်တဲ့ အချိန်မှာ သူ ရေခဲရေ သောက်တယ်။ နောက်ကား ရှိလို့ စပယ်ရာက သွားဖို့ ပြောတဲ့ အခါ ကျတော့ ကားက မသွားဘူး။ အဲဒါနဲ့ သွားကြည့်တော့ ကားပေါ် မှာတင် အသက် ပျောက်နေတယ်။ နောက် ဆိုက်ကား ဆရာတို့ ဘာတို့ဆို ပူတော့ မျက်နှာသုတ် ပုဝါကို ရေစွတ်ပြီး ပခုံးပေါ် တင်ထားတယ်။ အဲဒါနဲ့ ဦးနှောက်ကြော ပြတ်ပြီး ဆုံးတာ။

မေး။ ။ အခုလို ကူညီတဲ့ အလုပ်တွေ လုပ်နေတဲ့ အထဲမှာ အခက်ခဲဆုံးက ဘာဖြစ်မလဲ။

ဖြေ။ ။ အခက်အခဲကတော့ နာရေးနဲ့ ပတ်သက်ရင် သင်္ဂြိုဟ်ပေးဖို့ အအေးခန်း အခက်အခဲပဲ။ အအေးခန်း ငှားမယ် ဆိုလည်း အအေးခန်းမှာ အလောင်းတွေက ပြည့်လျှံနေပြီ။ နေ့လယ် ၁၂ နာရီကျော်လောက်မှ အအေးခန်းမှာ ထားခွင့်ရှိတယ်။ အားရင်တောင်မှ အလောင်းတွေက တော်တော်လေးများလို့ အနံ့အသက်လည်း မကောင်းတော့ဘူး။ ဆေးရုံ အအေးခန်းတွေ ဆိုလည်း အနံ့အသက်တွေက မကောင်းဘူး။ ကျန်းမာရေးအရ ပတ်ဝန်းကျင် အတွက်လည်း မကောင်းဘူး။

ရေလှူတဲ့ အပိုင်းကတော့ အခုလောလောဆယ် အခက်အခဲ မရှိသေးဘူး။ ကျနော်တို့ ဂါလန် ၂၅၀၀ ဆန့်တဲ့ ရေပုံးတွေ ၀ယ်တယ်။ ဒလဘက်က ရွာတွေကို သွားမယ်ဆို ဒလ မြို့ပေါ်က ရေအလှူရှင်ရှိတယ်။ ဒီအတိုင်း ကားနဲ့ သွားပြီး ရေအလှူရှင်အိမ်မှာ ရေထည့်ပြီး ရွာတွေကို ဝေတာပေါ့။ ဒလဘက်က ရေအလှူရှင်မရှိဘူးဆို ရန်ကုန်ကနေ သယ်ရမယ်၊ အဲဒါဆိုရင်တော့ သွားရေးလာရေး နည်းနည်း ကြန့်ကြာမယ်၊ နည်းနည်းလည်း ပင်ပန်းမယ်။ အဲဒါတွေတော့ ရှိတယ်။

ပဲခူးဘက်ဆိုလည်း ပဲခူးဒေသခံက ကျနော်တို့ ကို အကူအညီပေးတယ်။ လူမှုရေး သမားတွေနဲ့ လူမှုရေး စိတ်ဓာတ် ရှိတဲ့သူတွေ ကျနော်တို့နဲ့ ပူးပေါင်းပြီးတော့ သူတို့ပဲ လုပ်ပေးကြပါတယ်။

မေး။ ။ နာဂစ်တုန်းက တဦးချင်းအလှူရှင်တွေ၊ လူမှုရေး လုပ်ချင်တဲ့ စေတနာ့ ဝန်ထမ်းတွေ အများကြီးပဲ ရှိခဲ့တယ်လေ။ အခု ရေလှူတဲ့ အခုအချိန်မှာကော တဦးချင်း အလှူရှင်တွေ၊ စေတနာ့ ဝန်ထမ်းတွေ အများကြီး ရှိလာလား။

ဖြေ။ ။ များပါတယ်။ ဒါပေမယ့် ဒီတခါ တော်တော် တင်းတင်းကျပ်ကျပ် လုပ်ရတယ်။ နာဂစ်ကနေ ကျနော်တို့ အတွေ့အကြုံ တွေ အများကြီး ရခဲ့တယ်။ စေတနာ့ ဝန်ထမ်းပဲဖြစ်ဖြစ်၊ ရိုးရိုး သာမန်လူပဲ ဖြစ်ဖြစ် အရေးကြီးတာ သူတို့ စိတ်ဓာတ်ပဲလေ။ နာဂစ်တုန်းကဆို နယ်တွေသွားတယ်၊ ကျနော်တို့ မလိုက်နိုင်တဲ့ နယ်တွေဆို ဒီတိုင်း လွှဲပြီး လွှတ်လိုက်ရတယ်။ အဲဒီမှာ အလှူရှင်ရဲ့အလှူငွေတွေ၊ နောက် မမြင်ဘူးတဲ့ အစားအစာ၊ မမြင်ဘူးတဲ့ အ၀တ်အထည်၊ မသုံးဘူးတဲ့ ပိုက်ဆံတွေ သုံးရတော့ စာရိတ္တ ပျက်ပြားတာတွေ မြင်ခဲ့တယ်၊ တွေ့ခဲ့တယ်။ အဲဒါကြောင့် အဲဒီလို မဖြစ်အောင် တင်းတင်းကျပ်ကျပ် ကျနော်တို့ လုပ်ထားတယ်။

မေး။ ။ ရေရှည်အတွက် ကန်တွေဆောက်မယ် လို့လည်းပြောတယ်၊ အ၀ီစိတွင်းတွေ တူးမယ်လို့လည်း ပြောတယ်။ နောက်နှစ်တွေလည်း ဒီထက် ပူချင် ပူလာနိုင်မယ့် အလားအလာတွေ ရှိနေတယ်ဆိုတော့ ကိုကျော်သူတို့ ဘယ်လောက်ထိ စီမံကိန်း ချထားတာ ရှိလဲ။

ဖြေ။ ။ စီမံကိန်းက ကျနော်တို့ ချလို့မရဘူး၊ အစိုးရက လုပ်ရမှာ။ ကျနော်တို့လည်း ရေရှည် ဒီဟာကြီးကို လိုက်လုပ် မပေးနိုင်ဘူး။ နာရေးကိစ္စတို့၊ ဆေးခန်းကိစ္စတို့ ကျနော်တို့ လုပ်နေရတယ်။ နိုင်ငံတော် အနေနဲ့ တတ်သိ ပညာရှင်တွေနဲ့ ပူးပေါင်းပြီး အမြန်ဆုံး ကွင်းဆင်း အကောင်အထည် ဖော်ဖို့ လိုတယ်လို့ ကျနော်မြင်တယ်။ အပင် စိုက်သင့်ရင်စိုက်၊ တလမ်းကို ရေတွင်း ဘယ်နှတွင်းတူး ဆိုတာမျိုး လုပ်ရမယ်။ ကြက်ဆူပင်တွေချည်းပဲ လျှောက်စိုက်နေလို့ မရဘူး။

ကျနော်တို့ကတော့ ကြုံရင်ကြုံသလို လုပ်ပေးနေတာပဲ။ လှိုင် မီးဘေးတုန်းက ၀ါးတရာ မီးဘေး စခန်းကိုသွားပြီး အ၀ီစိတွင်းတွေ တူးပေးရတယ်၊ အိုးခွက်တွေ၊ အ၀တ်အစားတွေ သွားလှူရတယ်။ နဂစ်ဆိုလည်း နာဂစ်အလျောက် လုပ်နေရတာပဲ။ သဘာဝ ဘေးဒဏ်ပေါ် မူတည်ပြီး ကျနော်တို့ လုပ်ပေး နိုင်သလောက်ပဲ လုပ်ပေး ကြတာပါ။

Ref: ဧရာဝတီ်

Read More...

နေ့စဉ်သတင်းများ (၂၀ - ၅ - ၁၀)

မြန်မာနဲ့ပတ်သက်ပြီး အမေရိကန်အစိုးရ အထူးစိတ်အနှောင့်အယှက်ဖြစ်ရ သတင်း
စစ်အစိုးရလုပ်ပုံတွေ အမေရိကန် စိတ်ပျက် သတင်း
အန်အယ်လ်ဒီ ဗဟိုအလုပ်အမှုဆောင် ဦးစိုးမြင့် ကွယ်လွန် သတင်း
NLD ခေါင်းဆောင် သခင်စိုးမြင့် အသက် (၈၈) နှစ်အရွယ်တွင် ကွယ်လွန် သတင်း
လူ့အခွင့်အရေး လှုပ်ရှားသူ ထောင်တွင်း ကွယ်လွန် သတင်း
လိုင်လာ ဆိုင်ကလုံးမုန်တိုင်း စစ်တွေသို့ ဝင်ရောက်ဖွယ်ရှိ သတင်း
သုမောင် နောက်ဆုံးခရီး စည်ကားသိုက်မြိုက် သတင်း
ဒေါပုံတွင် သစ်လုံးပိ၍ လူ (၃) ဦးသေဆုံး သတင်း
အပူဒဏ်လွန်ကဲမှုကြောင့် မန္တလေးတွင် သေဆုံးမှုများပြား သတင်း
တာချီလိတ်မြို့ နယ်ခြားစောင့်တပ်အသွင်ပြောင်းပွဲ မိုင်းလားတပ်ဖွဲ့ မပါ သတင်း
ကချင်ပါတီများ ပါတီတည်ထောင်ခွင့်ပင် မရသေး သတင်း
အခြေခံဥပဒေအရ ကြံ့ဖွံ့ပါတီ တရားမဝင် သတင်း
နအဖစစ်ဆေးရေးဂိတ်မှ ရဲမေကိုယ်တိုင် ငွေညှစ် သတင်း
လက်ဖက်အထွက်နည်း၍ ပလောင်လူငယ်များ တရုတ်ပြည်ကူး၍ အလုပ်လုပ်ကိုင် သတင်း
စည်ပင်ရေ မရသည့်အတွက် ရန်ကုန်မြို့ခံများ စိတ်ပျက် သတင်း
ရန်ကုန်-စစ်တွေ ကားလမ်းတလျှောက် အစစ်အဆေး အလွန်များ သတင်း
ဦးပိုင်နှင့် ကြံ့ဖွံ့ ဓာတ်ဆီဆိုင်များ ရမည် သတင်း
စစ်တပ်နဲ့ နီးစပ်သူ ပုဂ္ဂလိက လေကြောင်းတခု ထူထောင်ခွင့်ရ သတင်း
ပြန်ကြားရေးဝန်ကြီး စာကြည့်တိုက်စီမံကိန်း သိန်းထောင်ချီ “လှူငွေ” ရ သတင်း
ဖရိုဖရဲနဲ့ ပြိုလဲနေတဲ့ ဘန်ကောက် သတင်း
ကြက်ဆူပင်တွေချည်းပဲ လျှောက်စိုက်နေလို့မရဘူး (အင်တာဗျူး)
သုံးနားညီတြိဂံနှင့် အချစ် (ဆောင်းပါး)
ဆည်မြောင်းနိုင်ငံတော်ကြီး (ဆောင်းပါး)
အမျိုးသားကောင်းစားရေးဝါဒနှင့် ရုပ်သေးဖြစ်မည့်သူများ (ဆောင်းပါး)

Read More...

Thursday, May 20, 2010

၆၅ နှစ်မြောက် ဒေါ်အောင်ဆန်းစုကြည်မွေးနေ့ နိုင်ငံတကာက မြန်မာများ ကျင်းပကြမည်

ဒေါ်အောင်ဆန်းစုကြည် ဦးဆောင်သော အင်န်အယ်ဒီပါတီအား ထောက်ခံမှု ပြသည့် သဘောဟု ဆို

မိုးမခအထောက်တော် ၀၀၂
မေ ၂၀၊ ၂၀၁၀

လာမည့် ဇွန်လ ၁၉၊ ၂၀၁၀ သည် မြန်မာပြည်၏ အတိုက်အခံခေါင်းဆောင် ဒေါ်အောင်ဆန်းစုကြည်၏ ၆၅ နှစ်မြောက် မွေးနေ့ဖြစ်သည်။ လွန်ခဲ့သည့် နှစ် ၁၉၈၉မှ စ၍ ယခု ၂၀၁၀ အထိ၊ အနှစ် ၂၁ နှစ် တိုင်တိုင် စစ်အစိုးရ၏ ဖမ်းဆီးချုပ်နှောင်ခြင်း၊ ဖိနှိပ်ခြင်း၊ လုပ်ကြံ သတ်ဖြတ်ရန် ကြိုးပမ်းခြင်းများကို ကြံ့ကြံ့ခံပြီး သူမကဲ့သို့ စစ်အာဏာရှင် စနစ်၏ ချုပ်နှောင်မှုအောက် ကျရောက်နေသော မြန်မာပြည်ကြီးနှင့် မြန်မာပြည်သားများကို ဒီမိုကရေစီရေးနှင့် ငြိမ်းချမ်းရေးသို့ ရဲရဲရင့်ရင့် ဦးဆောင်မှုပေးနေသော အမျိုးသား ခေါင်းဆောင် တဦးလည်း ဖြစ်သည်။

ဒေါ်အောင်ဆန်းစုကြည်၏ မွေးနေ့ ၆၅ နှစ်ပြည့် အထိမ်းအမှတ်အဖြစ် ကမ္ဘာတ၀ှမ်းရှိ မြန်မာများနှင့် မြန်မာပြည်ချစ်သူများက အခမ်းအနားများ ကျင်းပကြရန် စီစဉ်လျက်ရှိသည်ဟု ကြားသိရသည်။ ဒေါ်အောင်ဆန်းစုကြည်၏ ဦးဆောင်မှုနှင့်အတူ အနှစ် ၂၀ ကျော် ချီတက်လျက်ရှိသော အမျိုးသားဒီမိုကရေစီ အဖွဲ့ချုပ် - အင်န်အယ်ဒီ ပါတီကိုလည်း အများပြည်သူတို့က ဆက်လက် ထောက်ခံ ၀န်းရံလျက် ရှိကြောင်း ထုတ်ဖော်ပြသသည့် သဘောပင်ဖြစ်သည်ဟု အခမ်းအနားကျင်းပရန် စီစဉ်နေသူတို့က မိုးမခသို့ ပြောကြားသည်။

လက်ရှိ အတည်ပြုထုတ်ပြန်သော မွေးနေ့အခမ်းအနားတခုမှာ - အယ်လ်အေမြို့ အခြေစိုက် - အယ်အေ သြဂနိုက်ဇာ ဖော် ဘားမား အဖွဲ့၏ အခမ်းအနား ဖြစ်သည်။ ဇွန်လ ၂၀ ရက် မနက် ၁၀ နာရီ ခွဲက စတင်ပြီး “မြန်မာဗုဒ္ဓဘာသာ ဘုန်းတော်ကြီးကျောင်း”၊ လာပွန်းတေး အရပ်တွင် ကျင်းပမည်ဟု ဆိုသည်။ နိုင်ငံရေးအကျဉ်းသား ၂ ထောင်ကျော် အတွင်းရှိ် အမျိုးသမီး နိုင်ငံရေး အကျဉ်းသား ၂၀၀ ခန့်အနက် ယခုပွဲတော်က တဆင့် ဦးရေ ၂၀ ကို လူမှုရေး၊ ကျန်းမာရေး ထောက်ပံ့မှုများ ပြုလုပ်ရန် စီစဉ်မည်ဟု ဖော်ပြထားသည်။ ဒေါ်အောင်ဆန်းစုကြည် မွေးနေ့ကို မြန်မာနိုင်ငံ၏ အမျိုးသမီးများနေ့အဖြစ် သတ်မှတ်ထားခြင်းကို ထုတ်ဖော်သည့် သဘောဟု ဆိုသည်။

အဆိုပါ မွေးနေ့အခမ်းအနားကဲ့သို့ အခြား မြို့ရွာများကလည်း ကျင်းပကြမည် ဖြစ်ရာ ဆန်ဖရန်စစ္စကို၊ နယူးယောက်နှင့် ၀ါရှင်တန်ဒီစီ ဧရိယာတို့ရှိ မြန်မာမိသားစုများ၊ မြန်မာ့အရေး စိတ်ဝင်စားသူများ၊ မြန်မာပြည် ချစ်သူများက စီစဉ်နေကြပြီဟု သတင်းများ ကြားနေရပြီ ဖြစ်သည်။

မိုးမခသို့ ဒင်းဗားအရပ်နေ မြန်မာတဦးက သဘောထားကို ထုတ်ဖော်ပြောကြားရာတွင် -
၂၀၁၀ မေလ ၂၇ ရက်နေ့သည် ၁၉၉၀ ရွေးကောက်ပွဲ ကျင်းပခဲ့သည့် အနှစ် ၂၀ မြောက် နေ့ ဖြစ်ကြောင်း၊ ယခု အနှစ် ၂၀ ကြာသည်အထိ စစ်အစိုးရက ရွေးကောက်ပွဲ ရလဒ်ဖြစ်သည့် အနိုင်ရ အင်န်အယ်ဒီပါတီနှင့် အခြားတိုင်းရင်း သားပါတီများကို ငြင်းပယ်နေဆဲ ဖြစ်ကြောင်း၊ သို့သော်လည်း ယခု ၂၀၁၀ ရွေးကောက်ပွဲကို စစ်အစိုးရက အဓမ္မ ဆောင်ရွက်ရန် ကြိုးစားနေချိန်တွင် မြန်မာပြည်သူ အားလုံးက ဒေါ်အောင်ဆန်းစုကြည်နှင့် ဒေါ်အောင်ဆန်းစုကြည် ဦးဆောင်သော အင်န်အယ်ဒီ ပါတီကို ထောက်ခံ ယုံကြည်ဆဲပင် ဖြစ်ကြောင်း၊ ယခုနှစ်တွင် လွတ်လွတ်လပ်လပ် လှုပ်ရှားခွင့်ရှိနေသာ ပြည်ပရောက် မြန်မာတို့က ပြည်တွင်းက အချုပ်နှောင်ခံ၊ အဖိနှိပ်ခံ၊ ဆင်းရဲဒုက္ခမျိုးစုံ ရောက်နေသော မြန်မာပြည်သူတို့ကိုယ်စား အခမ်းအနားများ၊ လှုပ်ရှားမှုများ၊ အားပေး ထောက်ခံမှုများ ပြုလုပ်ကြရမည် ဖြစ်ကြောင်း ပြောကြားသည်။

Ref: မိုးမခ

Read More...

နေ့စဉ်သတင်းများ (၁၉ - ၅ - ၁၀)

ဘန်ကောက်ဆန္ဒပြပွဲ အကြမ်းဖက်ဖြိုခွင်း၊ ရှပ်နီခေါင်းဆောင်တို့ အဖမ်းခံ သတင်း
ဘန်ကောက်နေရာအနှံ့ မီးလောင် သတင်း
ဘန်ကောက်တွင် ညမထွက်ရအမိန့် ထုတ်ပြန်၊ ရွှေ့ပြောင်းအလုပ်သမားများ သတိထားရန်လို သတင်း
ရှပ်နီဆန္ဒပြမှု ချင်းမိုင်ကို ကူးစက် သတင်း
ဆန္ဒပြပွဲကာလအတွင်း ရွှေ့ပြောင်းအလုပ်သမားများ အခက်အခဲဖြစ်ကြရ သတင်း
သမ္မတအိုဘားမား လက်မှတ်ထိုးသည့်အပေါ် မြန်မာသတင်းသမားများ၏ အမြင် သတင်း
ဒေါ်အောင်ဆန်းစုကြည် နေအိမ်ပြင်သည့်ကိစ္စ ဦးအောင်ဆန်းဦး အယူခံဆက်တက် သတင်း
နိုင်ငံရေးအကျဉ်းသား ကိုကျော်စိုး မြင်းခြံထောင်တွင်း၌ ကွယ်လွန် သတင်း
မန္တလေးတွင် အပူကြောင့် အနည်းဆုံး (၂၃၀) သေဆုံး သတင်း
ရေလှူသူများကို ကြံ့ဖွံ့အလံနှင့် တံဆိပ်များ တပ်ဆင်ခိုင်း သတင်း
အပူရှိန်ကြောင့် ကျွဲ၊ နွားများ သေဆုံး သတင်း
ကွမ်းခြံကုန်း ကျေးလက်ဒေသများ သောက်သုံးရေပြတ်လပ်မှု ဆိုးဝါးဆဲ သတင်း
နအဖစစ်သားတချို့ အရာရှိကို ပစ်သတ်ပြီး ရခိုင်ပြည်လွတ်မြောက်ရေးတပ်ဖွဲ့သို့ ဘက်ပြောင်းလာ သတင်း
နိုင်အောင်နိုင်အဖွဲ့မှ အခြေခံစစ်သင်တန်း ပေးနေပြီ သတင်း
နယ်ခြားစောင့် တပ်ရင်းအသစ် ဖွင့် သတင်း
မြစ်ဆုံရေကာတာစီမံကိန်းဒေသ ပြည်သူများကို အင်အားသုံး ရွှေ့ပြောင်းနေ သတင်း
မွန်ဒေသလုံးဆိုင်ရာ ဒီမိုကရေစီပါတီ ကိုယ်စားလှယ်လောင်း (၅၃) ဦး လျာထား သတင်း
ကျောက်မဲမြို့နယ်တွင် အမည်မသိ သတ္တု လျှို့ဝှက်တူးဖော် သတင်း
ဦးတေဇတို့ ဘဏ်လုပ်ငန်းရှင် ဖြစ်ဖွယ်ရှိ သတင်း
မိုးခေါင်ရေရှားမှုကြောင့် တောင်သူများ မိုးစပါးအတွက် ပူပန်နေရှာ သတင်း
ပြည်ထောင်စု ရွေးကောက်ပွဲကော်မရှင် ဥပဒေ (နအဖ ဥပဒေ အမှတ် - ၁/ ၂၀၁၀) ကို ဝေဖန်သုံးသပ်ခြင်း (သုံးသပ်ချက်ဆောင်းပါး)
ပြိုင်တူတွန်းလျှင် ရွေ့နိုင်ပါသည် (ဆောင်းပါး)
ကျနော်နှင့် ယွားဟေလူ သို့မဟုတ် ပွိုင့် ၄၉၁ အပိုင်း (၃) (ဆောင်းပါး)
တတိယနိုင်ငံသွား တောလား (သို့မဟုတ်) တာကျိုး (ဆောင်းပါး)

Read More...

Wednesday, May 19, 2010

အီးမေးသုံးသူများသတိထား

၁၉ မေ ၂၀၁၀

Google Company ကြီးက Free Gmail Account တွေကို လုံခြုံရေး မပေးနိုင်တော့ပါ။ ဒါကြောင့် Password မကြာမကြာ ပြောင်းဖို့လိုပါတယ်။ Password ပြောင်းပြီး မကြာခင်မှာပဲ ဟက်ကာ (Hacker) ဖောက်ထွင်းရေး သမားတွေက ကိုယ့်ဂျီမေးကို ထပ်ဖောက်။ ထပ်ဝင်ကြည့်လို့ ရနိုင်ပါသေးတယ်။ ဒါကြောင့် ကိုယ့် Password ပြောင်းတာကို နောက်ထပ် မလိုက်နိုင်အောင် ကာဖို့အတွက် ကိုယ်သုံးတဲ့ စက်တွေမှာ Firefox Add-ons တွေက အခမဲ့ ပေးထားတဲ့ KeyScrambler 2.6.0 ရှိပါတယ်။ KeyScrambler 2.6.0 ကို ဒေါင်းလုပ်လုပ်ပြီး မိမိ Password အတော်အသင့် ကာကွယ်နိုင်ပါတယ်။

ဒီပရိုဂရမ်က ကီးဘုတ်မှ ရိုက်နေတာတွေကို အမှန် လိုက်မှတ်လို့ မရအောင် (Fake data အဖြစ် ပြောင်းပေးတယ်) ကာပေးထားပါတယ်။ ဒီတော့ Password တွေကို အလွယ် လိုက်မရတော့ဘူးလို့ ယူဆလို့ ရပါတယ်။

ဒါပေမဲ့ ၀ယ်သုံးတဲ့ ဆော့ဖ်ဝဲ လောက်တော့ မကာနိုင်ဘူးပေါ့။ သင့် Data တွေ အရေးကြီးတယ် ဆိုရင်တော့ အကာအကွယ် ဆော့ဖ်ဝဲတွေ ၀ယ်သုံးနိုင်ရင် ကောင်းပါတယ်။

လျှို့ဝှက်ရေးလုပ်ငန်းတွေ လုပ်နေသူများအတွက်ကတော့ အီးမေးတွေ မသုံးတာ ကောင်းပါတယ်။ သုံးရင်တောင် အရင် စစ်မြေပြင်တွေမှာလိုပဲ။ ကိုယ်ပိုင် အတိုဝှက်တွေ ဆိုက်ဖာတွေ ကိုင်ပြီး သုံးကြဖို့ တိုက်တွန်း နှိုးဆော် လိုက်ရပါတယ်။ ဒီလို လုပ်ဖို့ မလိုပါဘူး။ ရပါတယ်လို့ ဆိုရင်ဖြင့် နအဖ အင်တာနက် ထောက်လှမ်းရေးက သနားတယ်လို့ ပြောနေမှာ ဧကန် မလွဲပါခင်ဗျား။

အလကား ပေးနေတဲ့ Hotmail တို့ Yahoo mail တို့ကတော့ သူတို့မေးလ်တွေနဲ့ ပတ်သက်ပြီး လုံခြုံရေး တာဝန် မယူတာတော့ ကြာလှပါပြီ။ အခုတော့ လုံခြုံရေးမှာ စိတ်ချရပါတယ်ဆိုတဲ့ အလကားရနေတဲ့ အကောင့်တွေထဲက Google Company ကြီးရဲ့ ဂျီမေး အကောင့်တွေ မလုံခြုံတော့တဲ့ အခြေ ဆိုက်လာပါပြီ။

ဒါကြောင့် ဒီကနေ့ အရေးကြီးဆုံးက ဘာလဲ လို့ သင့်ကိုယ်သင် ပြန်မေးကြည့်လိုက်မယ် ဆိုရင် ???????????????

ဝိမုတ္တိဝိုင်းတော်သားတဦး

Read More...

နအဖ စစ်သား ၆ ဦး လက်နက်ခဲယမ်းမီးကျောက် အများအပြားနှင့်အတူ ရခိုင်ပြည် လွှတ်မြောက်ရေး တပ်မတော်ထံ လက်နက်ချ

5/18/2010

နအဖ စစ်တပ် ခလရ ၂၃၂ တပ်ရင်းမှ တပ်ကြပ် တဦး အပါဝင် ရဲဘော် ၆ ဦးသည် စခန်းမှူး ဖြစ်သူ ဗိုလ်ကြီး တဦးအား သတ်ဖြတ်ပြီး လက်နက် ခဲယမ်း မီးကျောက် အများအပြားနှင့် အတူ ရခိုင်ပြည် လွှတ်မြောက်ရေး တပ်မတော် - ALA နှင့် မေလ ၁၆ ရက်နေ့က လာရောက် ပူးပေါင်းခဲ့သည်ဟု ရခိုင်ပြည် လွှတ်မြောက်ရေး ပါတီ သတင်းနှင် ပြန်ကြားရေးဌာန သတင်း ထုတ်ပြန်ချက်အရ သိရသည်။

ပူးပေါင်းလာသူ နအဖ စစ်သားများမှာ ကိုယ်ပိုင်အမှတ် တ/ ၇၅၁၈၄ တပ်ကြပ် သန်းအေး၊ ကိုယ်ပိုင်အမှတ် တ/ ၁၁၆၅၇၄ ဒုတပ်ကြပ် မိုးအောင်၊ ကိုယ်ပိုင်အမှတ် တ/ ၁၂၁၇၈၅ ဒုတပ်ကြပ် ဇော်ဇော်ဟန်၊ ကိုယ်ပိုင်အမှတ် တ/ ၁၂၁၇၄၃ ဒုတပ်ကြပ် မောင်မောင်နိုင်၊ ကိုယ်ပိုင်အမှတ် တ/ ၄၀၁၃၃၆ တပ်သား ဇော်မင်းဦးနှင့် ကိုယ်ပိုင်အမှတ် တ/ ၄၂၃၁၄၈ တပ်သား စန်းဝင်းတို့ ဖြစ်ကြသည်။

သူတို့ ယူဆောင်လာသော လက်နက်များမှာ အမ်အေ (၁၁) အမျိုးအစား လက်နက် ၅ လက်၊ အမ်အေ (၁၂) ၁ လက်နက်၊ အမ်အေ (၃) လက်နက် ၂ လက်၊ အမ်အေ ၇၉ မော်တာ ၁ လက်နှင့် မော်တာ အသီး ၁၉လုံး၊ ဘီ ၁၀၀ ကွန်မဒို စိန်ပြောင်း ၁လက်နှင့် အသီး ၁၂ လုံး၊ ၉ မမ ပစ္စတို တလက်နှင့် ဘောက် ၂ချပ် ကျည်ဆံ ၁၄ တောင့်၊ လက်ပစ်ဗုံး ၆ လုံး၊ နှင်းမိုင်း (အမ် ၁၆) ၆လုံး၊ အီကွေမင်း ၁၀ စုံ၊ ကျော့ပိုးအိတ် ၆ လုံး၊ ဆက်သွယ်ရေး စက်ကြီး ၁ လုံးနှင့် ကျည်အမျိုးအစား ၁၃၀၈ တောင့်တို့ ဖြစ်သည်။

အဆိုပါ စစ်သားများမှာ စစ်တွေမြို့ ပါဒလိတ် အခြေစိုက် ခလရ ၂၃၂ မှ ဖြစ်ပြီး စစ်ကြောင်း (၁) အရံတပ်စု အဖြစ် ပလက်ဝမြို့နယ် မြိတ်ဝ စခန်းတွင် တာဝန် ကျနေစဉ် စခန်းမှူး ဗိုလ်ကြီး ထက်အောင်ထွန်း၏ နိုင်ထက်စီးနှင်း လုပ်မူများကို မခံနိုင်သဖြင့် သူ့အား သတ်ဖြတ်ပြီး ရခိုင်ပြည် လွှတ်မြောက်ရေး တပ်မတော် ကုလားတန်မြစ် အခြေစိုက် စခန်းသို့ အဆိုပါ လက်နက်များနှင့် ပူးပေါင်း လာခဲ့ခြင်း ဖြစ်သည်။

ခမရ ၂၃၂ သည် အိန္ဒိယ- ရခိုင်နယ်စပ် ပလက်ဝမြို့နယ် ငွေလက်ဝ စခန်းတွင် တပ်စွဲထားပြီး အဆိုပါ တပ်ရင်း၏ တပ်ရင်းမှူးမှာ ဗိုလ်မှူး ကျော်မိုးဟိန်း ဖြစ်ကြောင်း အဆိုပါ သတင်း ထုတ်ပြန်ချက်တွင် ဖေါ်ပြသည်။

နအဖ စစ်တပ်အတွင်း အထက်အောက် မညီညွှတ်ခြင်း၊ စားနပ်ရိက္ခာ မလုံလောက်ခြင်း၊ အလုပ်ဒဏ်ပိခြင်း အပြင် တပ်မတော်မှာ တပ်မတော် တရပ်အသွင်မျိုး မဟုတ်ဘဲ ကြေးစား တပ်မတော်ကဲ့သို့ ဖြစ်လာသဖြင့် တိုင်းပြည်ချစ်သူ စစ်သားများမှာ မကြာခဏ ထွက်ပြေး တိမ်းရှောင်မူများ ရှိနေကြောင်း သတင်း ရရှိသည်။

Ref: နိရဉ္စရာ

Read More...

နေ့စဉ်သတင်းများ ( ၁၈ - ၅ - ၁၀ )

ဒေါ်အောင်ဆန်းစုကြည် ဝေဖန်ချက်ကို NDF တုံ့ပြန် သတင်း
အမျိုးသားဒီမိုကရေစီအင်အားစု မကြာမီ မှတ်ပုံတင်မည် သတင်း
အမျိုးသားဒီမိုကရေစီအဖွဲ့ချုပ်လူငယ်များ ရေကန်တူးဖော်ရေး လုပ်အားပေး သတင်း
ကွမ်းခြံကုန်း ဓားပြမှု လူ (၂) ဦးသေ၊ (၁၃) ဦး ဒဏ်ရာရ သတင်း
ရေအလှူရှင်ကို အန်အယ်လ်ဒီ ဟုတ်မဟုတ် ကြံ့ဖွံ့စစ်ဆေး သတင်း
အပူကြောင့် သေဆုံးသူ သိသိသာသာ များပြား သတင်း
ရေရှားပါးမှု ရေရှည်ဖြေရှင်းနိုင်ရန် ရေတွင်းများ တူးဖော် သတင်း
မေယု သစ်တောကြိုးဝိုင်းမှ ကျွန်းသစ်များကို ဦးတေဇပိုင် ထူးကုမ္ပဏီမှ ထုတ်ယူနေ သတင်း
ခေါ်ဇာမြို့ ဥက္ကဌမှ ပြည်သူ့စစ်အတွက် ငွေတောင်းခံ သတင်း
စက်မှုဇုန်နှင့် စက်မှုလုပ်ငန်းများကို မီးဖြတ်၊ ကုန်ဈေးနှုန်း မြင့်တက်လာဖွယ်ရှိ သတင်း
ရွှေဈေးတက်သော်လည်း နယ်စပ်တွင် အရောင်းသွက် သတင်း
အပူကြောင့် ဆန်ထွက်နှုန်း ထိခိုက် သတင်း
ရေမလောင်းနိုင်၍ တောင်ပိုင်းခရိုင် ကွမ်းခြံများ ပျက်စီး သတင်း
ကွမ်းရွက်အထွက်နည်း၍ မကြုံစဖူး ဈေးတက် သတင်း
ဓာတ်ဆား လိုသလောက် ဝယ်မရ သတင်း
မြန်မာကျောင်းသားများ ဂျာမဏီပညာသင်ဆု ရမည် သတင်း
ထိုင်းအမျိုးသမီးတဦးကို ဘန်ကောက်တွင် အကြမ်းဖက်ဆန္ဒပြသူများက ယာယီထိန်းသိမ်း သတင်း
သုမောင်ရဲ့ ကဗျာ၊ မာမာအေးထံက ပေးစာ သတင်း
သေသူ စုစုပေါင်း (၃၅) ယောက် သတင်း
စခန်းနီသို့ အလည်တခေါက် သတင်း
ပဲခူးမြို့ ရွှေအောင်ရွေးစေတီမှာ ရိုးရာအရ မိုးခေါင်လို့ လွန်ဆွဲကြ (ရုပ်သံသတင်း)
အနုပညာနယ်ထဲက ကောင်းသောလူကလေး … သို့ (ဆောင်းပါး)

Read More...

Tuesday, May 18, 2010

ဒိုင်ယာလော့၏ နိဂုံး၊ ပြည်သူ့အစိုးရ၏ နိဒါန်း

ဂါမဏိ
၁၄ မေလ ၂၀၁၀

အာဏာသိမ်း နအဖစစ်အုပ်စုရဲ့ အမိန့်ဥပဒေအရ အမျိုးသားဒီမိုကရေစီ အဖွဲ့ချုပ်ဟာ မေလ (၆) ရက်နေ့မှာ နိုင်ငံရေးပါတီ အဖြစ်ကနေ နိဂုံး ချုပ်သွားပြီလို့ ဖက်ဆစ် အလံရှူးတွေက သခင်အားရ ကျွန်ပါးဝ မြူးတူး အော်မြည်နေတာကို ရုပ်ပျက်ဆင်းပျက် တွေ့နေရပါတယ်။ တကယ်တော့ ၂၀၁၀ မေ (၆) ရက်ဟာ အဖွဲ့ချုပ်ရဲ့ နိဂုံးမဟုတ်ဘဲ ဒိုင်ယာလော့ရဲ့နိဂုံးသာ ဖြစ်ပါတယ်။ ဒီထက်ပို တိတိကျကျ ပြောရရင်တော့ နိဂုံးချုပ် အသက် ထွက်သွားတာ ကြာပြီဖြစ်တဲ့ ဒိုင်ယာလော့ အလောင်းကောင်ထည့် ခေါင်းတလား အဖုံးကို ပိတ်တဲ့ နောက်ဆုံး သံချက်ပဲ ဖြစ်ပါတယ်။

အမျိုးသားဒီမိုကရေစီအဖွဲ့ချုပ်ကို ၁၉၈၈ ခု စက်တင်ဘာ (၂၇) ရက်မှာ စတင်ဖွဲ့စည်းခဲ့စဉ်က ဒီမိုကရေစီ နိုင်ငံသစ် ထူထောင်ရေး၊ ဒီမိုကရေစီ အစိုးရ ပေါ်ထွန်းရေးကို ကြွေးကြော်ခဲ့ပါတယ်။ အဲဒီ ရည်မှန်းချက်မြောက်ဖို့ “မတရားတဲ့ အမိန့်အာဏာမှန်သမျှ တာဝန်အရ ဖီဆန်ကြ” ဆိုတဲ့ နည်းဗျူဟာ လမ်းကြောင်းအတိုင်း လျှောက်လှမ်းခဲ့ပါတယ်။ မတရားတဲ့ အမိန့်အာဏာ ဖျက်သိမ်းရေး လမ်းကြောင်း ပေါ်ကနေ ဒိုင်ယာလော့ လုပ်ဖို့ ရပ်တည်ခဲ့ပါတယ်။

၁၉၈၉ ခု ဇူလိုင် (၂၀) ရက်မှာ ဒေါ်အောင်ဆန်းစုကြည် ထိန်းသိမ်းခံရပြီးနောက်မှာ အာဏာ ဖီဆန်ရေး နည်းဗျူဟာ မှေးမှိန်သွားခဲ့ပြီး ၁၉၈၉ စက်တင်ဘာလက စလို့ ရွေးကောက်ပွဲ အောင်နိုင်ရေး အတွက် လူထု စည်းရုံးရေး နည်းဗျူဟာကို အဓိက ထားလာခဲ့ပါတယ်။ ရွေးကောက်ပွဲ အနိုင်ရပြီးတဲ့ အခါ ပြည်သူ့လွှတ်တော် ခေါ်ယူရေးနဲ့ ပြည်သူ့ အစိုးရဖွဲ့စည်းရေး လုံးပမ်း ခဲ့ရာမှာ နဝတ စစ်အုပ်စုက ၁၉၉၀ ဇူလိုင် (၂၇) ရက် ၁/၉၀ ကြေညာချက်နဲ့ ပြည်သူ့ လွှတ်တော် ခေါ်ယူခွင့်၊ ပြည်သူ့အစိုးရ ဖွဲ့စည်းခွင့်တို့ကို ပိတ်ပင်ခဲ့တဲ့ အတွက် ဇူလိုင် (၂၉) ရက် ဂန္ဓီ ခန်းမ ကြေညာစာတမ်း ထုတ်ပြီး လွှတ်တော် ခေါ်ပေးဖို့ ခပ်ပျော့ပျော့ တောင်းတာပဲ လုပ်ခဲ့ပါတော့တယ်။

အဲဒီနောက်မှာ လွှတ်တော်ခေါ်ပေးဖို့ တကျီကျီတောင်းရင်းနဲ့ အထွေထွေအတွင်းရေးမှူး ဒေါ်အောင်ဆန်းစုကြည်ကို ၁၉၉၁ ဒီဇင်ဘာ (၁၁) ရက်မှာ၊ အတွင်းရေးမှူး ဦးဝင်းတင်ကို ၁၉၉၂ ခု ဇန်နဝါရီ (၉) ရက်မှာ၊ ဥက္ကဋ္ဌ သူရ ဦးတင်ဦးနဲ့ ဦးကြည်မောင်ကို ၁၉၉၂ ခု ဇန်နဝါရီ (၂၄) ရက်မှာ ပါတီက ထုတ်ပစ် ပေးခဲ့ပါတယ်။ ဒါပေမယ့် လွှတ်တော် ခေါ်မယ့် ဒိုင်ယာလော့ ကတော့ ပေါ်မလာဘဲ ၁၉၉၃ ခု ဇန်နဝါရီ (၉) ရက်မှာ အမျိုးသား ညီလာခံ ဆိုတာကို နဝတ က ကျင်းပတဲ့ အခါ လိုက်ပါ တက်ရောက် ခဲ့ရပါတယ်။

၁၉၉၅ ခု ဇူလိုင် (၁၀) ရက်မှာ ဒေါ်အောင်ဆန်းစုကြည် ပထမအကြိမ် အကျယ်ချုပ်က လွတ်လာတဲ့အခါ ဒေါ်စု၊ ဦးတင်ဦး၊ ဦးကြည်မောင် တို့ကို အဖွဲ့ချုပ်ထဲ ပြန်ထည့်ပြီးနောက် နိုဝင်ဘာ (၂၂) ရက်မှာ အမျိုးသား ညီလာခံကို ပြန်လည်သုံးသပ် တောင်းဆိုချက် ထုတ်ပြန်ပြီး ညီလာခံအစား စစ်မှန်တဲ့ ဒိုင်ယာလော့ နည်းနဲ့ အမျိုးသား ပြန်လည် သင့်မြတ်ရေး၊ ဒီမိုကရေစီ ပေါ်ထွန်းရေး၊ အများ လက်ခံနိုင်တဲ့ အခြေခံဥပဒေ ပေါ်ထွန်းရေးတွေ ဖြစ်မြောက်ဖို့ ကြိုးပမ်း ခဲ့ပြန်ပါတယ်။ ဒါကြောင့် နိုဝင်ဘာ (၂၉) ရက်မှာ နအဖက အဖွဲ့ချုပ်ကို ညီလာခံက ထုတ်ပစ် လိုက်ပါတယ်။ အဖွဲ့ချုပ်က ပြည်သူ့လွှတ်တော် ခေါ်ပေးဖို့ ၁၉၉၆ မတ် (၂၅) ရက်မှာ လူသိရှင်ကြား တောင်းဆို လိုက်ပြီးနောက် မတ် (၃၁) ရက်ကစပြီး အမျိုးသား ညီလာခံဆိုတဲ့ ဒိုင်ယာလော့ အတုလည်း တိုးလို့တန်းလန်းနဲ့ ဆန့်ငင်ဆန့်ငင် သွက်ချာပါဒ လိုက်သွားခဲ့ပါတယ်။ ညီလာခံကို ‘နှောင့်ယှက်’ ရင် အရေးယူမယ် ဆိုတဲ့ အမိန့်ဥပဒေ ၅/၉၆ ကိုတော့ နဝတ က အရှက်ပြေ ထုတ်ခဲ့ပါသေးတယ်။

အတုအယောင် အမျိုးသားညီလာခံရဲ့ အပြင်ဘက်မှာတော့ စစ်မှန်တဲ့ ဒိုင်ယာလော့ အတွက် ကြိုးပမ်းချက် အဖြစ် ဒေါ်အောင်ဆန်း စုကြည်ဟာ ပထမအကြိမ် အကျယ်ချုပ် ကာလအတွင်း ၁၉၉၄ စက်တင်ဘာ (၂၀) ရက်မှာ ဗိုလ်ချုပ်သန်းရွှေနဲ့ တခါ၊ ၁၉၉၄ အောက်တိုဘာ (၂၈) ရက်မှာ ဗိုလ်ချုပ်ခင်ညွန့်နဲ့ တခါ တွေ့ဆုံ ဆွေးနွေးခဲ့ပါတယ်။ ၁၉၉၇ ခု ဇူလိုင် (၁၇) ရက်မှာတော့ ဗိုလ်ချုပ်ခင်ညွန့်က ဦးအောင်ရွှေ၊ ဦးသန်းထွန်းနဲ့ ဦးလှဖေတို့နဲ့ တွေ့ဆုံဆွေးနွေးခဲ့ပါတယ်။ ဒေါ်စုနဲ့ တွေ့ဆုံဆွေးနွေးဖို့ ဦးအောင်ရွှေက တိုက်တွန်းပေမယ့် ဗိုလ်ချုပ်ခင်ညွန့်က ပယ်ချခဲ့ပါတယ်။ ၁၉၉၇ စက်တင်ဘာလ ထဲမှာပဲ ဗိုလ်ချုပ်ခင်ညွန့်က ဦးအောင်ရွှေနဲ့ ထပ်တွေ့ဖို့ ခေါ်ခဲ့ပေမယ့် ဒေါ်စုကို ဖယ်ထားလို့ ဒီဒိုင်ယာလော့ ပျက်သွားခဲ့ပါတယ်။

အဲဒါနဲ့ အမျိုးသားဒီမိုကရေစီအဖွဲ့ချုပ်ဟာ ဒိုင်ယာလော့ကို ဘေးဖယ်ပစ်လိုက်ပြီး ၁၉၉၈ ခု ဇွန် (၂၃) ရက်မှာ နအဖကို ရက်ပေါင်း (၆၀) အတွင်း လွှတ်တော် ခေါ်ပေးဖို့ ရာဇသံ ပေးခဲ့ပါတယ်။ ရက် (၆၀) ပြည့်သွားပေမယ့် နအဖက လွှတ်တော် မခေါ်ပေးတဲ့ အတွက် ကိုယ့်ဘာသာ လွှတ်တော် ခေါ်မယ်လို့ သြဂုတ် (၂၁) ရက်မှာ ကြေညာခဲ့ပါတယ်။ ဒါပေမယ့် နအဖ စစ်အုပ်စုဟာ ကောက်ကျစ် ယုတ်မာစွာနဲ့ စက်တင်ဘာ (၆) ရက်နေ့ကစပြီး ပြည်သူ့ လွှတ်တော် ကိုယ်စားလှယ်တွေကို ဥပဒေမဲ့ ဖမ်းဆီး ချုပ်နှောင်ခဲ့တဲ့ အတွက် ဒေါ်အောင်ဆန်းစုကြည်နဲ့ အဖွဲ့ချုပ် ခေါင်းဆောင်များဟာ တာဝန်သိ တာဝန်ရှိစွာနဲ့ စက်တင်ဘာ (၁၆) ရက်မှာ ပြည်သူ့ လွှတ်တော် ကိုယ်စားပြု ကော်မတီ (စီအာပီပီ) ကို ဖွဲ့စည်း ထူထောင်လိုက်ပါတယ်။

စီအာပီပီဟာ ပြည်သူ့လွှတ်တော်နဲ့ ပြည်သူ့အစိုးရပေါ်ပေါက်ရေးအတွက် လှုပ်ရှားခဲ့ရာမှာ ၂၀၀၀ ပြည့်နှစ် စက်တင်ဘာ (၁) ရက်နေ့မှာ နအဖ က ဒေါ်စု၊ ဦးတင်ဦး အပါအဝင် အဖွဲ့ချုပ်ဗဟို အလုပ်အမှုဆောင်အားလုံးကို အကျယ်ချုပ်ချခဲ့ပြီး (၁၄) ရက်နေ့မှာ ပြန်လွှတ် ပေးခဲ့ပါတယ်။ စက်တင်ဘာ (၁၆) ရက်နေ့မှာတော့ စီအာပီပီက အခြေခံဥပဒေကို ကိုယ့်ဘာသာ ရေးဆွဲမယ်လို့ ကြေညာခဲ့ပါတယ်။ ဒါကြောင့် နအဖက စက်တင်ဘာ (၂၂) ရက်နေ့ကစပြီး ဒေါ်စုနဲ့ ဗဟို အလုပ်အမှုဆောင် အားလုံးကို အကျယ်ချုပ် ချခဲ့ပြန်ပါတယ်။ ဒေါ်စုကို ၂၀၀၂ မေလ (၆) ရက်ကျမှ လွှတ်ပေးခဲ့ပါတယ်။

ဒီဒုတိယအကျယ်ချုပ်ကာလအတွင်း ၂၀၀၀ ပြည့်နှစ် အောက်တိုဘာနဲ့ နိုဝင်ဘာလထဲမှာ ဒေါ်စုဟာ ဗိုလ်ချုပ်သန်းရွှေနဲ့ (၂) ခါ တွေ့ဆုံ ဆွေးနွေးခဲ့ပါတယ်။ ဒီနောက် နအဖ ပြည်ထဲရေးဝန်ကြီး ဗိုလ်မှူးကြီးတင်လှိုင်၊ တခါတရံ နိုင်ငံခြားရေးဝန်ကြီး ဦးဝင်းအောင်တို့ ဦးစီးတဲ့ နအဖ စေ့စပ်ညှိနှိုင်းရေးအဖွဲ့နဲ့ (၁၀) ခါ ဆွေးနွေးခဲ့ပါတယ်။ လွတ်ခါနီး ၂၀၀၂ ခု ဇန်နဝါရီလမှာ ဗိုလ်ချုပ်သန်းရွှေနဲ့ (၂) ခါ ဆွေးနွေး ခဲ့ပါသေးတယ်။ မေလမှာ လွတ်ပြီးနောက် ပြည်ထဲရေး ဝန်ကြီး ဗိုလ်မှူးကြီးတင်လှိုင် ခေါင်းဆောင်တဲ့ စေ့စပ်ရေးအဖွဲ့နဲ့ (၃) ခါ ထပ်ဆွေးနွေး ခဲ့ပါတယ်။

ဒါပေမယ့် အားလုံးသိကြတဲ့အတိုင်း ဒေါ်စုအပေါ် လူထုထောက်ခံမှုကို အကြီးအကျယ် စိုးရိမ်ကြောက်လန့်လာတဲ့ ဗိုလ်ချုပ် သန်းရွှေဟာ ၂၀၀၃ ခု မေ (၃၀) ရက်မှာ ဒီပဲယင်း လုပ်ကြံသတ်ဖြတ်မှုကြီးကို ကျူးလွန်ခဲ့ပြီးနောက် မသေလို့ ကျန်ခဲ့တဲ့ ဒေါ်စုနဲ့ ဦးတင်ဦးကို အကျယ်ချုပ် ထပ်ချခဲ့ ပြန်ပါတယ်။ ဒါပေမယ့် လုပ်ကြံမှုကို စိတ်မပါတဲ့ ဗိုလ်ချုပ်ခင်ညွန့်နဲ့ သဘောထားကြီး အမြင်ကျယ်တဲ့ ဒေါ်စုတို့ဟာ အကျယ်ချုပ်ကျပြီး မကြာမီအတွင်း တွေ့ဆုံ ဆွေးနွေးပွဲတွေ လုပ်ခဲ့ပါတယ်။

ဗိုလ်ချုပ်ခင်ညွန့် ကြီးကြပ်စီစဉ်မှုအောက်မှာ ဗိုလ်ချုပ်ကျော်ဝင်း၊ ဗိုလ်ချုပ်သန်းထွန်း၊ ဗိုလ်မှူးကြီးတင်လှိုင်တို့ ပါတဲ့ စေ့စပ်ရေး အဖွဲ့ဟာ ဒေါ်စုနဲ့ (၅) ခါ ဆွေးနွေးခဲ့ရာမှာ ဒေါ်စုနဲ့ အဖွဲ့ချုပ်ဘက်က ဒီပဲယင်းကိစ္စကို သင်ပုန်းချေဖို့၊ အမျိုးသား ညီလာခံတက်ဖို့၊ တပ်မတော် အခန်းကဏ္ဍကို ကာလတခု အထိ ပါဝင်ခွင့်ပေးဖို့ သဘောတူခဲ့ပြီး နအဖဘက်ကလည်း နိုင်ငံရေး အကျဉ်းသားတွေ လွှတ်ပေးဖို့၊ ၉၀ ရွေးကောက်ပွဲ ရလာဒ်ကို တနည်းနည်းနဲ့ အသိအမှတ်ပြုဖို့၊ အမျိုးသား ညီလာခံက ချမှတ်ထားတဲ့ အခြေခံမူ (၁၀၄) ချက်ကို ပြန်ဆွေးနွေးဖို့ သဘော တူခဲ့ကြပါတယ်။ တနည်းအားဖြင့် ပြောရရင် အမျိုးသား ပြန်လည် သင့်မြတ်ရေး အောင်မြင်ဖို့ (၉၅) ရာခိုင်နှုန်း သေချာ နေခဲ့ပါတယ်။ ဒီဒိုင်ယာလော့ ကာလအတွင်းမှာပဲ ဗိုလ်ချုပ်ခင်ညွန့်ဟာ ဒေါ်စုတို့နဲ့ ပူးတွဲပြီး တိုင်းပြည်အနာဂတ်ကို ပုံဖော်ဖို့ ရည်ရွယ်တဲ့ လမ်းပြမြေပုံကို ၂၀၀၃ ခု သြဂုတ် (၃၀) ရက်မှာ ထုတ်ပြန်ခဲ့ပါတယ်။

ဒါပေမယ့် ၂၀၀၄ ခု ညောင်နှစ်ပင်ညီလာခံ မကျင်းပမီ တရက်အလို မေ (၁၆) ရက်မှာ ဗိုလ်ချုပ်သန်းရွှေက သဘောတူညီချက် အားလုံးကို သူ့တယောက်တည်း သဘောနဲ့ ဖျက်သိမ်း ပစ်လိုက်ပြီး ဒေါ်စုနဲ့ အဖွဲ့ချုပ်တို့ အနေနဲ့ ညီလာခံကို ခြွင်းချက်မရှိ တက်ရမယ်၊ ညီလာခံအတွင်း အနေအထိုင်ပေါ် မူတည်ပြီးတော့မှ ဒေါ်စုတို့ တောင်းတဲ့ ကိစ္စတွေ စဉ်းစားပေးမယ်လို့ တချက်လွှတ် အမိန့်ချခဲ့ပါတယ်။ တိုင်းပြည်ရဲ့လက်တွေ့ အခြေအနေနဲ့ ကမ္ဘာကြီးရဲ့ ဦးတည်လမ်းကြောင်းကို အတိုင်းအတာ တခုအထိ သဘောပေါက်လာတဲ့ ဗိုလ်ချုပ်ခင်ညွန့်လည်း ၂၀၀၄ အောက်တိုဘာ (၁၉) ရက်မှာ ရာထူး ပြုတ်သွားခဲ့ပါတယ်။

ဒါကြောင့် မြန်မာနိုင်ငံ ဒီမိုကရေစီအရေးတော်ပုံမှာ ဒိုင်ယာလော့ရဲ့ အခန်းကဏ္ဍဟာ ၂၀၀၄ မေလမှာ ဂိမ်းဘောဆိုက် သွားခဲ့ပါပြီ။ တနည်းပြောရရင် ဒိုင်ယာလော့ သေဆုံး သွားခဲ့ပြီဖြစ်ပါတယ်။

၂၀၀၃-၂၀၀၄ ဒိုင်ယာလော့မှာ ဒေါ်စုအပြင် တခြားအဖွဲ့ချုပ် ခေါင်းဆောင်တွေလည်း ပါဝင်ခဲ့ပါတယ်။ ဒါပေမယ့် ဒီ ခေါင်းဆောင်ကြီးတွေဟာ ဒိုင်ယာလော့ နိဂုံး ချုပ်သွားခဲ့ပေမယ့်လည်း ဒိုင်ယာလော့ကိုပဲ တစာစာ ဆက်အော်နေခဲ့ကြပါတယ်။ ဒီတော့ ဒိုင်ယာလော့ အသက်ထွက်သွားတာ မသိကြတဲ့ တခြား ပြည်တွင်းပြည်ပ အတိုက်အခံတွေကလည်း ဒိုင်ယာလော့တို့၊ အမျိုးသား ပြန်လည်သင့်မြတ်ရေး တို့ကိုပဲ နားမလည် ပါးမလည်နဲ့ လိုက်ယောင် နေခဲ့ကြပါတယ်။

ဒါပေမယ့် အဖွဲ့ချုပ်ခေါင်းဆောင်တွေဟာ ဒိုင်ယာလော့အလောင်းကောင်ကြီး အသက်ပြန်ရှင်နိုး မျှော်လင့်ပြီး ၂၀၀၆ ဖေဖော်ဝါရီ (၁၂) ရက်မှာ လွှတ်တော် ခေါ်ပေးရင် နအဖကို ဒီဂျူရီ (ဥပဒေကြောင်းညီ တရားဝင်) အစိုးရဖြစ်အောင် လုပ်ပေးမယ်၊ ဒီနောက် တရားဝင်သွားတဲ့ နအဖအစိုးရနဲ့ လွှတ်တော်လက်တွဲပြီး အခြေခံဥပဒေဆွဲတာ၊ ရွေးကောက်ပွဲ ကျင်းပတာ၊ တိုင်းပြည်ပြဿနာတွေ ဖြေရှင်းတာ လုပ်ကြမယ်လို့ ကမ်းလှမ်းခဲ့ပါသေးတယ်။

၂၀၀၇ သြဂုတ် (၁) ရက်မှာလည်း တာဝန်သိ တာဝန်ရှိ ပြည်သူ့လွှတ်တော်ကိုယ်စားလှယ်တွေနဲ့ စီအာပီပီ အဖွဲ့ဝင်တွေ စုစုပေါင်း (၉၂) ယောက် (နောက်ပိုင်းမှာ ၉၇ ယောက်ဖြစ်လာ) ပူးပေါင်းပြီး နအဖ ညောင်နှစ်ပင်ညီလာခံနဲ့ နအဖ အခြေခံဥပဒေ (၁၀၄) ချက်တွေကို ထည့်သွင်းစဉ်းစားပေးထားတဲ့ အစားထိုး ပြည်သူ့ လမ်းပြမြေပုံတခုကို အဆိုပြုခဲ့ပါသေးတယ်။ ဒါပေမယ့် သေပြီးတဲ့ ဒိုင်ယာလော့ အလောင်းကောင်ကြီး ကတော့ ဘယ်လိုမှ မလှုပ်နိုင်တော့ပါဘူး။ အခုလို အသက်ပြန်ရှူအောင် အဆုတ်ထဲ ပါးစပ်ချင်းတေ့ လေမှုတ်သွင်း၊ နှလုံးပြန်ခုန်အောင် ပြင်ပကနေ လက်နဲ့ဖိနှိပ်ပေးပြီး အရေးပေါ် အသက်ကယ်နည်းတွေနဲ့ ကြိုးစားခဲ့ကြပေမယ့် ဒိုင်ယာလော့ အလောင်းကောင်ကြီး အသက် ပြန်ရှင်မလာပါဘူး။

၂၀၀၇ စက်တင်ဘာ ရွှေဝါရောင်တော်လှန်ရေးဖြစ်တဲ့အခါမှာတော့ ပြည်တွင်းနဲ့ နိုင်ငံတကာ လူထုကို လှည့်စားဖို့ ဗိုလ်ချုပ်သန်းရွှေက ဒိုင်ယာလော့ အလောင်းကောင်ကြီးကို သနပ်ခါးလိမ်း ပန်းပန်ပေးပြီး ပွဲထုတ်ပြခဲ့ပါတယ်။ ဒီလိုနဲ့ ဆက်ဆံရေး ဝန်ကြီးဆိုတဲ့ ဗိုလ်ချုပ်အောင်ကြည်ကို ဒေါ်စုနဲ့ ဆွေးနွေးပြစေခဲ့ရာမှာ ၂၀၀၇ အောက်တိုဘာနဲ့ နိုဝင်ဘာမှာ (၃) ခါ၊ ၂၀၀၈ ဇန်နဝါရီမှာ (၂) ခါ၊ ၂၀၀၉ အောက်တိုဘာ၊ ဒီဇင်ဘာနဲ့ ဇန်နဝါရီမှာ (၄) ခါ ပုံဆွဲပြခဲ့ပါတယ်။ တကယ်တော့ ဝိညာဉ် ချုပ်ပြီးသား ဖြစ်တဲ့အတွက် ဒိုင်ယာလော့ မသာကောင်ကြီးဟာ ပုပ်စော်နံလာတာပဲ အဖတ်တင်ပါတယ်။

အင်မတန် ထက်မြက်လှတဲ့ ဒေါ်အောင်ဆန်းစုကြည်ဟာ ဒိုင်ယာလော့ အသက်မရှိတော့တဲ့ အကြောင်း ပြည်တွင်းပြည်ပ သိစေဖို့အတွက် ၂၀၀၉ စက်တင်ဘာ (၂၅) ရက်မှာ စီးပွားရေး ပိတ်ဆို့မှု ရုပ်သိမ်းရေး ကိစ္စဆွေးနွေးဖို့ ခေါင်းစဉ်တပ် ကမ်းလှမ်းပြခဲ့ပါတယ်။ ဒီကိစ္စကို နောက်ဆုံးမှာ ဘယ်လိုမှ ရှေ့ဆက်မရအောင် ဗိုလ်ချုပ်သန်းရွှေ လုပ်ခဲ့တာဟာ ဒိုင်ယာလော့ အလောင်းထည့်ထားတဲ့ ခေါင်းတလားအဖုံးကို သံချက် နှက်ခဲ့တာဖြစ်ပါတယ်။

ဒီနောက် ၂၀၀၉ ခု ဧပြီ (၂၉) ရက်က ချမှတ်ခဲ့တဲ့ ရွှေဂုံတိုင်ကြေညာစာတမ်းမှာ ၂၀၁၀ ရွေးကောက်ပွဲနဲ့ ပတ်သက်လို့ အနိမ့်ဆုံး သတ်မှတ်ချက်တွေ ထုတ်ပြန်ခဲ့တာကို နအဖရဲ့ မတ်လ (၈) ရက်ရွေးကောက်ပွဲ ဥပဒေတွေက အပြီးအပြတ် ပယ်ချပစ်လိုက်တာ၊ ဒါနဲ့ တဆက်တစပ်တည်း မေ (၆) ရက်မှာ အဖွဲ့ချုပ် မှတ်ပုံပြန်မတင်လို့ တရားမဝင် ဖြစ်ပြီဆိုတဲ့ နအဖရဲ့ အာဏာပါဝါတွေဟာ ဒိုင်ယာလော့အလောင်း ခေါင်းတလားဖုံးကို ပိတ်တဲ့ နောက်ဆုံး သံချက်တွေ ဖြစ်သွားပါတော့တယ်။

ဒေါ်အောင်ဆန်းစုကြည်ကိုယ်တိုင်ကလည်း မိမိရဲ့အခြေခံရပ်တည်ချက်ဟာ (အရည်မရ အဖတ်မရ ဒိုင်ယာလော့ မဟုတ်ဘဲ) ၂၀၀၃ မတ် (၉) ရက်၊ ၁၉၉၇ ဖေဖော်ဝါရီ (၄) ရက်၊ (၁၉၉၃ နေရူးဆုအတွက်) ၁၉၉၅ နိုဝင်ဘာ (၁၆) ရက်တို့မှာ ပြောခဲ့တဲ့ မိန့်ခွန်း/ဆောင်းပါး (၃) ခုအတိုင်း ဖြစ်တယ်လို့ ၂၀၀၉ အောက်တိုဘာလမှာ မက်ဆေ့ခ်ျပေးခဲ့သလို ၂၀၁၀ မတ်လ (၂၃) ရက်မှာလည်း အန်အယ်လ်ဒီ ဗဟိုဌာနချုပ်ကို ဘူးသီးတလုံး ပေးလိုက်ပြီး ဘူးတိုက်ပွဲ ဆင်နွှဲဖို့ မက်ဆေ့ခ်ျ ပေးခဲ့ပါတယ်။

ဒါကြောင့် ကွယ်လွန်အနိစ္စရောက်သွားတဲ့ ဒိုင်ယာလော့တို့၊ (နအဖနဲ့) အမျိုးသားပြန်လည် သင့်မြတ်ရေး တို့ကို လက်ရှိ စစ်အုပ်စု အသက်နဲ့ကိုယ် အိုးစားမကွဲသရွေ့ (နအဖအသက်နဲ့ တပ်မတော်ကိုယ်) ဘာမှမျှော်လင့် စိတ်ကူး ယဉ်နေစရာ မရှိတော့ဘဲ တာဝန်သိ တာဝန်ရှိ (အဖွဲ့ချုပ်+တိုင်းရင်းသား) ပြည်သူ့လွှတ်တော် ကိုယ်စားလှယ်တွေ အနေနဲ့ မိမိတို့ရဲ့ mandate ကို ရဲရဲဝံ့ဝံ့ ပါးပါးနပ်နပ်နဲ့ အပြည့်အဝ အသုံးချပြီး ပြည်သူ့လွှတ်တော်၊ ပြည်သူ့အစိုးရတို့ကို ပြည်တွင်းမှာ ကိုယ့်ဘာသာ ဖွဲ့စည်းထူထောင်ဖို့၊ မြန်မာ့ ဒီမိုကရေစီ တိုက်ပွဲ နောက်ဆုံးအောင်ပွဲ ရတဲ့အထိ ပြည်သူလူထုနဲ့ တပ်မတော်သားတွေကို ခေါင်းဆောင်သွားဖို့ လမ်းကြောင်းပဲ ရှိပါတော့တယ်။

ဒီနည်းနဲ့ ၂၀၁၀ မေ (၆) ရက် ဒိုင်ယာလော့ရဲ့ အပြီးသတ် နိဂုံးကနေ ပြည်သူ့အစိုးရရဲ့ နိဒါန်း ဖြစ်လာအောင် ဝိုင်းဝန်း လုံးပန်းကြပါစို့။ ။

Ref: ခေတ်ပြိုင်

Read More...

နေ့စဉ်သတင်းများ ( ၁၇ - ၅ - ၁၀ )

ဗုံးခွဲမှုခင်း သံသယဖြင့် ဖမ်းဆီးခံရသူကို ရုံးထုတ် သတင်း
ဓားပြများ၏ လက်ပစ်ဗုံးကြောင့် (၂) ဦးသေ၊ (၁၃) ဦး ဒဏ်ရာရ သတင်း
အပူချိန်ကြောင့် ရန်ကုန်တွင် လူသေဆုံးမှုများ သတင်း
မြန်မာပြည် အလယ်ပိုင်းတွင် အပူရှိန် ပြင်းထန် သတင်း
မိုးရရှိရန် ပဲခူးတွင် ပရိတ်ရွတ်၊ လွန်ဆွဲ သတင်း
သောက်သုံးရေကြောင့် နာဂစ်အိမ်ရာများကို စွန့်ခွာ သတင်း
စစ်တွေတွင် ရေဖြန့်မည်ဟု လော်စပီကာဖြင့် ကြေညာပြီး စည်ပင်က ရေရောင်းစား သတင်း
ပြည်ပရောက် မြန်မာနိုင်ငံသားများက ရေအလှူငွေ ထည့်ဝင် သတင်း
ရာသီဥတုပူပြင်းမှုကြောင့် နာရေးကြော်ငြာ များပြား သတင်း
အပူချိန်ပြင်းထန်မှု မြန်မာ့လယ်ယာ စိုက်ပျိုးရေးထိခိုက်နိုင် သတင်း
ပူပြင်းရာသီဥတုနဲ့ မြန်မာ့ငါးဖမ်းလုပ်ငန်း သတင်း
မုံရွာတွင် မိုးသက်လေပြင်း ကျရောက် သတင်း
ရန်ကုန်မိုး ရွာသွန်းပြီလေ သတင်း
ဘန်ကောက်တွင် ရွှေ့ပြောင်းအလုပ်သမားများအား သတိပေး သတင်း
မြစ်ဆုံဒေသအနီးရှိ ကျေးရွာများ ပြောင်းရွှေ့ရန် လုပ်အားပေးခေါ် သတင်း
မူစယ်တွင် ယာဉ်ထိန်းရဲများ ငွေညှစ် အနိုင်ကျင့်စော်ကား သတင်း
ရန်ကုန် စီးပွားရေးလုပ်ငန်းများ မီးမရတော့ သတင်း
ကော့သောင်းမြို့ မီးလောင်မှုကြောင့် လူဦးရေ (၆၀) အိုးမဲ့အိမ်မဲ့ဖြစ် သတင်း
အပစ်ရပ် SSA တပ်မဟာ (၁) စရာဖ အရာရှိချုပ်ထံ အိတ်ဖွင့်ပေးစာပို့ သတင်း
အန်အယ်ဒီကို ထောက်ခံကြောင်း အစ္စရေးလ်ရှိ မြန်မာများ ဆန္ဒပြ သတင်း
မွန်ဒေသလုံးဆိုင်ရာ ဒီမိုကရေစီပါတီနှင့် ကရင်ပြည်သူ့ပါတီ ဘဏ္ဍာရေးအခက်အခဲကြုံ သတင်း
အရှေ့တောင်တိုင်းမှ မွန်ပြည်သစ်ပါတီအား တရားမဝင်အသင်းဟု ကြံ့ဖွံ့ကိုပြော သတင်း
ရွေးကောက်ပွဲဝင်မယ့် မှတ်ပုံတင် ရခိုင်နိုင်ငံရေးပါတီတွေအပေါ် ပြည်ပရောက် ရခိုင်နိုင်ငံရေးခေါင်းဆောင် တဦး၏ အမြင်သဘောထား သတင်း
မန္တလေးမြို့တွင် ရခိုင်သားကြီး လှမြင့်ကို ရက္ခိတဆု ချီးမြှင့် သတင်း
မေလ တတိယပတ် နာရေးကူညီမှုအသင်း (ရန်ကုန်)၏ လှုပ်ရှားမှုများ သတင်း
နစက ဗိုလ်ကြီးတဦး အရက်မူး၍ ရေနစ်သေဆုံး သတင်း
ဗိုလ်ချုပ်မှူးကြီး သန်းရွှေရဲ့ အတ္ထုပတ္တိရေးသားသူ Benedict Rogers နဲ့ တွေ့ဆုံမေးမြန်းခန်း သတင်း
ဘလော်ဂါနိုင်းနိုင်းစနေ၏ စာအုပ် မြန်မာပြည်တွင် ထုတ်ပြီ သတင်း
အင်္ကျီနီဆန္ဒပြခေါင်းဆောင် ထိုင်းအစိုးရကို ငြိမ်းချမ်းရေးကမ်းလှမ်း သတင်း
နိုင်ငံတကာ သတင်းလွတ်လပ်ခွင့် ဥပဒေ သမ္မတအိုဘားမား လက်မှတ်ရေးထိုး သတင်း
ရဲချုပ်ခင်ရီရဲ့ ထွက်ပေါက်ရှာဖန်တီးဇာတ်မှာ သားကောင်ဖြစ်ရရှာသူ ကိုဖြိုးဝေအောင် (ဆောင်းပါး)
ရွှေထက်ရှားတဲ့ ရေ (ဆောင်းပါး)
‘ချစ်မိုးကြီး’ သီချင်းရှင် ကွယ်လွန်ပြီ (ဆောင်းပါး)
တည်ထောင်ခွင့်/ဆက်လက်တည်ထောင်ခွင့်/မှတ်ပုံတင်ခွင့် (ဆောင်းပါး)

Read More...

Sunday, May 16, 2010

နေ့စဉ်သတင်းများ ( ၁၅ - ၅ - ၁၀ )

စစ်အစိုးရလုပ်ရပ်တွေ အမေရိကန် မျက်ခြေမပြတ် စောင့်ကြည့် သတင်း
ပိတ်ဆို့မှုသက်တမ်းတိုးတာ စစ်အစိုးရအပြစ်လို့ သုံးသပ်ပြောဆို သတင်း
သမ္မတ အိုဘားမား မြန်မာနိုင်ငံအပေါ် ပိတ်ဆို့မှု သတင်း
ဒေါ်အောင်ဆန်းစုကြည်အမှုကိစ္စ ရှေ့နေနှစ်ဦးနှင့် ဆွေးနွေးခွင့်ရ သတင်း
ဒေါ်အောင်ဆန်းစုကြည် အယူခံအတွက် မျှော်လင့်ချက်နည်း သတင်း
ဒေါ်အောင်ဆန်းစုကြည်က အဖွဲ့ချုပ်ဝင်များကို စည်းကမ်းရှိရှိ နေထိုင်ရန် မှာကြား သတင်း
မြန်မာပြည် ရေဒုက္ခ ဒုတိယနာဂစ်လိုမျိုး မမြင်လိုပါဟု အတိုက်အခံခေါင်းဆောင် ဦးဝင်းတင် ပြောကြား၊ အန် အယ်လ်ဒီခေါင်းစဉ်ဖြင့်သာ ရပ်တည်ကြမည်၊ မိမိတဦးတည်း သီးခြားလှုပ်ရှားမည်မဟုတ်ဟု ဆို သတင်း
ကြံ့ခိုင်ဖွံ့ဖြိုးရေးအဖွဲ့ ပါတီထောင်ခြင်းကို သံဃာတော်များ ကန့်ကွက် သတင်း
ရေအလှူရှင်များကို ရေတိုရေရှည်စီမံကိန်းပြုလုပ်ရန် ဒေါ်အောင်ဆန်းစုကြည် ပြောဆို သတင်း
ရေအလှူရှင်များကို အာဏာပိုင်များက တားဆီးနှောင့်ယှက်နေ သတင်း
အပူဒဏ်ကြောင့် သေဆုံးသူများပြားနေ၊ အစိုးရ၏ သတိပေးချက် မလုံလောက် သတင်း
ဘုရားသုံးဆူ၌ ပေါက်ကွဲခဲ့သည့်ဗုံး ကေအန်ယူလက်ချက်မဟုတ်ပါ သတင်း
နိုင်ငံရေးပါတီ ဥပဒေ သတင်း
ကန့်ကွက်မှုတွေပေါ်ပြီးနောက်ပိုင်း အလံပုံစံပြောင်း သတင်း
မတရား အတိုးယူတဲ့ ငွေရှင်ကြောင့် လယ်သမားတချို့ လယ်တွေဆုံး သတင်း
မြို့ပတ်ရထားစီး ၀န်ထမ်းများ ရထားအချိန်မမှန်၍ အခက်တွေ့နေ သတင်း
ရန်ကုန်မှ စီးပွားရေးလုပ်ငန်းများ ပါဝါမီတာ သုံးစွဲခွင့် ယာယီပိတ် သတင်း
ရေအလှူရှင်ကားများကို ကြံ့ခိုင်ဖွံ့ဖြိုးရေးအဖွဲ့ အနိုင်ကျင့် သတင်း
ဒလဘက်တွင်လည်း သောက်သုံးရေ ပြတ်လပ် သတင်း
“ဂရုဏာလက်” မှ ရေသန့်ဘူးများ ဖြန့်ဖြူး သတင်း
ရေနဲ့ မီး မလာလို့ ရေနဲ့ မီးအကြောင်းပဲပါတဲ့ ဒီနေ့ ရန်ကုန်ဒိုင်ယာရီ သတင်း
ခန္တီးထောင်မှ နိုင်ငံရေးအကျဉ်းသား ဆေးကုသခွင့်မရ သတင်း
၂၀၁၀ ရွေးကောက်ပွဲကို ဖိလစ်ပိုင်ဝန်ကြီးက ဝေဖန်၊ ဦးဝင်းနိုင်က အကြံပြု သတင်း
ကေအင်န်ယူ ပိတ်ဆို့ပစ်ခတ်မှုကြောင့် နအဖစစ်ကြောင်း ထိခိုက်ကျဆုံးမှုရှိ သတင်း
မော်လမြိုင်တွက် ဗုံးလန့်၊ လုံခြုံရေးတင်းကျပ် သတင်း
အိုင်အယ်လ်အိုအရာရှိ လမ်းပြကြယ်ခေါင်းဆောင် ဦးအေးမြင့်နှင့် တွေ့ဆုံ သတင်း
ရန်ကုန်က စီးပွားရေးလုပ်ငန်း၊ ပုဂ္ဂလိကဆေးရုံ အပါအ၀င် လုပ်ငန်းများကို မီး ဖြတ်တောက်တော့မယ် သတင်း
နွေလယ်နေကြောင့် ကြွေလွင့်ရသူ နှစ်ဦး (ဆောင်းပါး)
မြို့မငြိမ်း၏ အလှပြိုင်ပွဲ (ဆောင်းပါး)
ဘန်ကောက် ပဋိပက္ခ သေဆုံးသူ (၂၂) ဦး ရှိပြီ သတင်း

Read More...

မြန်မာပြည် ရေဒုက္ခ - ဒုတိယနာဂစ်လိုမျိုး မမြင်လိုပါ - အတိုက်အခံ ခေါင်းဆောင် ဦးဝင်းတင် ပြောကြား

အင်န်အယ်ဒီ ခေါင်းစဉ်ဖြင့်သာ ရပ်တည်ကြမည်၊ မိမိတဦးတည်း သီးခြားလှုပ်ရှားမည် မဟုတ်ဟု ဆို

မိုးမခ
မေ ၁၅၊ ၂၀၁၀
ယမန်နေ့ အင်န်အယ်ဒီပါတီ၏ အတိုက်အခံခေါင်းဆောင် ဦးဝင်းတင်နှင့် တွေ့ဆုံခဲ့ရာတွင် အမေရိကန်အစိုးရ၏ နိုင်ငံခြားရေး ဌာန လက်ထောက်အတွင်းဝန် ကင်းဘဲခရီးစဉ်အပြီး လက်ရှိ အခြေအနေများကို မေးမြန်းခဲ့ပါတယ်။

ဆရာဦးဝင်းတင်က ပြောကြားရာတွင် - မိမိတို့အနေဖြင့် ၂၀၁၀ ရွေးကောက်ပွဲဥပဒေကို ကန့်ကွက်သောအားဖြင့် ပါတီကို ထပ်မံ မှတ်ပုံ မတင်ခြင်းဖြစ်ကြောင်း၊ နိုင်ငံရေး အင်အားစုတရပ် အနေဖြင့် တိုင်းပြည်၏ နိုင်ငံရေး၊ လူမှုရေးနှင့် လူထုကို မျက်နှာမူသော အရေးကိစ္စများကို ဆောင်ရွက်သွားမည် အကြောင်းကို အမေရိကန် ကိုယ်စားလှယ်များကို ရှင်းလင်း ပြောပြခဲ့ကြောင်း၊ အမေရိကန် ကိုယ်စားလှယ် ကင်းဘဲကလည်း ရွေးကောက်ပွဲ ၀င်သည်ဖြစ်စေ၊ မ၀င်သည် ဖြစ်စေ အင်န်အယ်ဒီ၏ ရပ်တည်ချက်ကို ၎င်းတို့က လေးစားကြောင်း၊ အသိ အမှတ်ပြုကြောင်း၊ နိုင်ငံရေးအင်အားစု (Political Entity) တခုအဖြစ် ဆက်လက် ဆက်ဆံသွားမည် ဖြစ်ကြောင်း ပြောကြားခဲ့သည်တို့ကို ပြန်လည် ပြောပြခဲ့ပါတယ်။

မိုးမခက အမေရိကန်ကိုယ်စားလှယ်များ၏ ခရီးစဉ်အပြီး ပြည်တွင်းနှင့် အင်န်အယ်ဒီ ပတ်ဝန်းကျင်၊ နိုင်ငံတကာ မိသားစုများ ပတ်ဝန်းကျင်၏ တုန့်ပြန်မှုများ၊ အသံများကို ဘယ်သို့ ထင်မြင်ကြောင်း မေးမြန်းခဲ့ပါတယ်။

“အင်န်အယ်ဒီရုံးချုပ်နားမှာတော့ ပုံမှန်ပဲ လူတွေက သွားလာ လည်ပတ်နေသေးတယ်။ တနေ့ချင်းကတော့ အနှောက်အယှက်မတွေ့ရပါဘူး။ သို့သော် ဒါက ဘာမှ သေချာ ပြောလို့ရတယ် အခြေအနေ မဟုတ်ဘူး။
ကျနော်တို့ကို ပြောကြတဲ့အထဲမှာ ကင်းဘဲက မြန်မာစစ်အစိုးရရဲ့ သဘောထားကို စိတ်ပျက်မိတယ်လို့ ဆိုတယ်။

ဒေါ်အောင်ဆန်းစုကြည်ကိုယ်တိုင်ကလည်း မြန်မာပြည်ရဲ့ လက်ရှိနိုင်ငံရေးအခြေအနေကို Well Informed ဖြစ်တယ်လို့ သူတို့တွေက ပြောကြတယ်။ အကျယ်ချုပ် ကျခံနေရပေမယ့် တိုင်းပြည် အခြေအနေကို ရှင်းရှင်း သဘောပေါက် နားလည်ထားတယ် လို့ ပြောချင်တယ်နဲ့ တူပါတယ်။ နောက်ပြီးတော့ အင်န်အယ်ဒီကနေ ခွဲထွက်ပြီး သွားကြတဲ့သူတွေ အပေါ်မှာ ဒေါ်အောင်ဆန်းစုကြည်က ဘယ်လိုဖြစ်သလဲ ဆိုတော့ - UNHAPPY ဖြစ်တယ်။ စိတ်မချမ်းသာ ဖြစ်ရတယ်လို့ ဆိုတယ်။ ဒီလူတွေက Betray လုပ်သွားတယ် (သစ္စာဖောက်သွားတယ်) လို့ သဘောထားတယ်လို့ ပြောတယ်လို့ ဆိုပါတယ်။”

အဲသည်မှာ မိုးမခမေးတဲ့ အချက်တခုကတော့ - အင်န်အယ်ဒီက ထွက်ခွာသွားပြီး ၂၀၁၀ ရွေးကောက်ပွဲကို သွားရောက် မှတ်ပုံတင်ကြတဲ့ ပါတီရဲ့ အပဲ့အစင် အုပ်စုတွေကို ပြည်တွင်းနဲ့ ပြည်ပက အင်အားတချို့၊ ပုဂ္ဂိုလ်အချို့ ကနေပြီး အကြံဉာဏ်များ ပေးခြင်း၊ ငွေကြေး ထောက်ပံ့မှုများ ပေးခြင်းတို့တွေ လုပ်နေကြတယ်၊ ဒါ့အပြင် ဒီမိုကရေစီ အရေး အားပေးတဲ့ နိုင်ငံကြီးများရဲ့ စစ်အစိုးရအပေါ် အရေးယူ ပိတ်ဆို့မှုတွေကို ဖယ်ရှားနိုင်စေဖို့၊ ကန့်ကွက်နိုင်စေဖို့ ဖြစ်လာနိုင်တဲ့ အင်န်အယ်ဒီလွန် ပါတီတရပ် ဖြစ်လာအောင် ပြင်ဆင်နေတယ် ဆိုတဲ့ အချက်ကို မေးပါတယ်။

“ အဲဒါမျိုးကိုတော့ ကျနော်တို့ အတိအကျ မသိပါဘူး။” လို့ ဆရာက တိုတိုပဲ ဖြေကြားပါတယ်။

ဆရာက ယခု မြန်မာပြည်တ၀ှမ်းမှာ ရင်ဆိုင်နေရာတဲ့ ရေဒုက္ခ အရေးကိစ္စများအပေါ်မှာ ဖြေကြားရာမှာ -
“ အခုလိုမျိုး မတိုင်ခင်က နာဂစ်ဒေသတွေမှာ ရေရှိရှိဖို့အတွက် ဦးအုန်းကြိုင် ဦးဆောင်တဲ့ အင်န်အယ်ဒီ အလုပ်အဖွဲ့တွေက ဆောင်ရွက် နေကြတာတွေ ရှိပါတယ်။ အခုလို ဖြစ်လာတော့လည်း အဲသည် နေရာ ဒေသတွေကို အင်န်အယ်ဒီ ပါတီက အမျိုးသမီးအဖွဲ့၊ လူငယ်အဖွဲ့တွေ အဆင့်ဆင့် သွားကြတယ်။ ကူကြတယ်။ ဦးအုန်းကြိုင်လည်း အခု အဲဒီကို ဆင်းသွားပြီ ဖြစ်ပါတယ်။ နောက် ကျော်သူတို့ နာရေးကူညီမှု အသင်းကလည်း သွားရောက် ကူညီနေပြီလို့ သိရပါတယ်။

ဒါပေမယ့် - အခုလိုမျိုး လူမှုရေးအကူအညီတွေ ပေးကြတဲ့နေရာမှာ၊ အင်န်အယ်ဒီက သွားတယ်၊ ၀င်တယ် ကြားတာနဲ့ ရိုးရိုး ဒေသခံတွေ၊ လုပ်ငန်းရှင်တွေ၊ လူအများ ကူညီနေကြတာကို အာဏာပိုင်တွေက စစ်ဆေးတယ်၊ အနှောက်အယှက် ပေးကြတယ်လို့ ကြားရတာတော့ မကောင်းဘူးပေါ့။ သို့သော် အားလုံးက လူမှုရေး ကူညီရေး လုပ်ကြတဲ့နေရာမှာ ခြိမ်းခြောက်မှုတွေ ကြားက မကြောက်မရွံ့နဲ့ ဆက်လက် လုပ်ဆောင်နေကြတယ် ကြားရတော့ ၀မ်းသာပါတယ်။

အရင်တုံးကဆိုရင် နာဂစ်ကာလတုန်းမှာ အင်န်အယ်ဒီက ဦးအုန်းကြိုင်တို့ အလုပ်အဖွဲ့က သွားပြီး ကယ်ဆယ်ရေး စောင့်ရှောက်ရေးတွေ လုပ်ခဲ့ကြတော့ အဖမ်းအဆီး ခံကြရတယ်။ အဲသလို အဖမ်းခံရသူတွေ အများကြီး ရှိခဲ့တယ်။ ခုချိန်မှာ လူတွေ ရေဘေးဒုက္ခတွေ့ကြချိန်မှာ ကူညီနိုင်တဲ့ စေတနာရှင်တွေက ၀ိုင်းကူကြတဲ့ဆီမှာ အဲသလို ဒုတိယ နာဂစ်လိုမျိုး မမြင်လိုပါဘူး။

ဦးအုံးကြိုင်တို့ ပြန်မရောက်လာသေးတော့ ကျနော်က အသေးစိတ် မပြောနိုင်သေးပါဘူး။ ဒါပေမယ့် အင်န်အယ်ဒီက လူမှုရေး လုပ်ငန်းတွေ ၀င်ရောက် လုပ်ကိုင်ကြတဲ့နေရာမှာ ရှေ့ကနေပြီး လုပ်ရမှ မဟုတ်ပါဘူး။ အားလုံးနဲ့ အတူတူ၊ ဒေသခံတွေနဲ့ အတူတူ နောက်က လိုက်လုပ်မယ်။ လက်တွဲပြီး လိုက်လုပ်ကြမယ်။ အဲလိုမျိုး ပြောချင်ပါတယ်”

နောက်ဆုံးတခုအနေနဲ့ မိုးမခက မေးတဲ့ ကိစ္စကတော့ လွန်ခဲ့တဲ့ တပတ်ခန့်က ဦးဝင်းတင် ပါဝင်တဲ့ လက်မှတ်ထိုး လှုပ်ရှားမှု (Signature Campaign) တခုနဲ့ တောင်းဆိုချက်တွေ ထုတ်ပြန်တယ် ဆိုတဲ့ အကြောင်းဖြစ်ပါတယ်။ ပါတီရဲ့ ရပ်တည်ချက်တွေကို သွေဖီပြီး ဦးခင်မောင်ဆွေနဲ့ အပေါင်းအပါများက ၂၀၁၀ ရွေးကောက်ပွဲဝင်ဖို့ ပါတီ ထောင်ကြချိန်မှာ၊ ဒေါ်အောင်ဆန်းစုကြည်ကိုယ်တိုင်က အဲသည်လို ဆောင်ရွက်ချက်ကို ရှုတ်ချတဲ့သဘောထား ပြတဲ့အချိန်မှာ ဦးဝင်းတင်က ပါတီခေါင်းစဉ်နဲ့ အတူမဟုတ်ဘဲ သီးခြား လှုပ်ရှားမှုတွေ လုပ်ဆောင်သည့် သဘောထား ရှိသလားလို့ မေးမြန်းခဲ့ပါတယ်။

“ ကျနော်ကတော့ မြန်မာပြည်နဲ့ ပြည်သူလူထုရဲ့ အရေးကိစ္စမှန်သမျှမှာ၊ တိုင်းပြည်အကျိုးရှိတဲ့ ကိစ္စမှန်သမျှကို ကျနော့်အနေနဲ့ ရပ်တည်ပေးမယ်။ ကူညီမယ်။ ၀ိုင်းဝန်းဆောင်ရွက်မှာ ဖြစ်ပါတယ်။ ကျနော်အခုဆိုရင် သာရေး နာရေးတွေ ဖိတ်ကြားရင် သွားတယ်။ ရဲဘော်တွေ မိသားစုတွေကို အိမ်တိုင်ရာရောက် သတင်းမေးတယ်။ သို့သော် အင်န်အယ်ဒီပါတီခေါင်းစဉ် အောက်မှာပဲ ကျနော်တို့ အင်န်အယ်ဒီပါတီဝင်တွေအားလုံးက အတူတူ ရပ်တည်ကြမှာ ဖြစ်တယ်။ နိုင်ငံရေးကိစ္စ၊ လူထုနိုင်ငံရေးကို မျက်နှာမူတဲ့ လူမှုရေးကိစ္စတွေ အားလုံးကိုတော့ ကျနော် တဦးတည်း သီးခြား မလုပ်ပါဘူး။ ပါတီနဲ့ လက်တွဲပြီး လုပ်သွားမှာ ဖြစ်ပါတယ်။ ကျနော်ကို လာပြောကြရင်၊ တိုင်ပင်ကြရင်လည်း ကျနော်က ရိုးရိုးသားသား အမှန်အတိုင်း ပြောဆို တင်ပြသွားမှာ ဖြစ်ပါတယ်။ ကျနော်က ပါတီနဲ့ အတူ ရှေ့မှာဆောင်ရွက်ခဲ့တဲ့ အစဉ်အလာ အတိုင်း မသွေဖီဘဲနဲ့ ဆောင်ရွက်မှာ ဖြစ်တယ်လို့ ပြောချင်ပါတယ်။ အခုမေးတဲ့ကိစ္စက ကျနော့်ကို လာရောက် အသိပေး တိုင်ပင်ပြီး လုပ်တာ မဟုတ်ပါဘူး။ အဲသလောက် ပြောချင်ပါတယ်။”လို့ ဆရာဦးဝင်းတင်က ဖြေကြားသွားပါတယ်။

Ref: မိုးမခ

Read More...

အပေါ်သို့