Friday, January 30, 2009

ရွေးကောက်ပွဲကို မွန်နိုင်ငံရေးပါတီကြီးများ မထောက်ခံ၊ မွန်ပြည်သစ်ကို လက်နက်မချခိုင်းရန် တိုင်းမှူး အာမခံ

၃၀ ဇန်န၀ါရီ ၂၀၀၉


ပြီးခဲ့သည့် ၂၀၀၈ ခုနှစ်က စစ်အစိုးရ အတည်ပြုခဲ့သော ဖွဲ့စည်းပုံအခြေခံဥပဒေမူကြမ်းကို ထပ်မံပြင်ဆင် ဖြည့်စွက်ခြင်းများ မလုပ်ဆောင်ပါလျှင် ၎င်းတို့ကြီးမှူးကျင်းပမည့် ၂၀၁၀ ရွေးကောက်ပွဲကို လက်နက်ကိုင် အပစ်ရပ်အဖွဲ့အစည်းကြီးတဖွဲ့ဖြစ်သည့် မွန်ပြည်သစ်ပါတီ အပါအဝင် မွန်တိုင်းရင်းသားကိုယ်စားပြု နိုင်ငံရေး ပါတီတို့က ပူးပေါင်းပါဝင်မည်မဟုတ်ကြောင်း သိရသည်။

ယခုလ (၁၇) ရက်နေ့က ကျင်းပပြီးစီးခဲ့သော မွန်ပြည်သစ်ပါတီ၏ သတ္တမအကြိမ်မြောက် ပါတီညီလာခံ၌ ၂၀၁၀ ရွေးကောက်ပွဲနှင့် ပတ်သက်၍ ဆုံးဖြတ်ခဲ့ရာတွင် မွန်ပြည်သူတို့အတွက် အကျိုးရှိသည့် ရွေးကောက်ပွဲ မဟုတ်သောကြောင့် မိမိပါတီအနေဖြင့် ဝင်ရောက်အရွေးခံမည် မဟုတ်ကြောင်း ပါတီပြောခွင့်ရပုဂ္ဂိုလ် နိုင်ငံခြားမဟာမိတ်ဆက်ဆံရေးရုံးတာဝန်ခံ နိုင်အောင်မငေးက ပြောသည်။

၎င်းက “ကျနော်တို့ပါတီက ဒီအခြေခံဥပဒေမူကြမ်းကို ဖြည့်စွက်တာတွေ၊ ပြင်ဆင်တာတွေ အဆိုပြုတာလည်း နအဖတို့က လျစ်လျူရှုခဲ့တယ်၊ ပယ်ချခဲ့တယ်။ ပြီးတော့ ဒီဥပဒေမူကြမ်းဟာ မွန်ပြည်သူတွေအတွက် အကျိုး မရှိဘူးလို့ ကျနော်တို့ သုံးသပ်ဆွေးနွေးကြပြီး ပါတီရဲ့ညီလာခံမှာ ရွေးကောက်ပွဲမဝင်ရေး ဆုံးဖြတ်ချက်ကို ချခဲ့ တာ ဖြစ်တယ်။ နအဖအနေနဲ့ အခြေခံဥပဒေမူကြမ်းကို ပြင်ဆင်သင့်တာတွေ ပြင်ဆင်ပေးမယ်ဆိုရင် ကျနော် တို့ ပါတီက ဒါကို ပြန်စဉ်းစားပေးမယ်” ဖြစ်ကြောင်း ပြောကြားသည်။


မွန်ပြည်သစ်ပါတီသည် တိုင်းရင်းသားအခွင့်အရေးအတွက် မြန်မာနိုင်ငံ စစ်အစိုးရအဆက်ဆက်နှင့် (၃၆) နှစ် ကြာ စစ်ခင်းတော်လှန်ခဲ့ပြီး နိုင်ငံရေးပြဿနာများကို နိုင်ငံရေးနည်းအရဖြေရှင်းရန် လွန်ခဲ့သော (၁၄) နှစ် ခန့်က အပစ်အခတ်ရပ်စဲထားသည့် အင်အားကြီး တိုင်းရင်းသားလက်နက်ကိုင်အဖွဲ့အစည်းဖြစ်ပြီး ၎င်းတို့၏ လက်အောက်ခံ မွန်အမျိုးသားလွတ်မြောက်ရေးတပ်မတော်ကိုလည်း စစ်အစိုးရလက်အောက်ခံတပ်အဖြစ် ဝင်ရောက်ခိုင်းသည်ဖြစ်စေ၊ လက်နက်ချခိုင်းသည်ဖြစ်စေ လက်ခံလိမ့်မည်မဟုတ်ကြောင်း ၎င်းတို့၏ ညီလာခံ မှ ဆုံးဖြတ်ခဲ့သည်။

၁၉၉၀ ပြည့်နှစ် ရွေးကောက်ပွဲတွင် အမတ် (၅) နေရာ အနိုင်ရရှိခဲ့သည့် မွန်အမျိုးသားဒီမိုကရေစီအဖွဲ့က လည်း မွန်ပြည်သစ်ပါတီ၏ ယင်းဆုံးဖြတ်ချက်ကို ထောက်ခံအားပေးပြီး အကယ်၍ နအဖအနေဖြင့် ၂၀၁၀ ရွေးကောက်ပွဲမတိုင်မီ သုံးပွင့်ဆိုင် တွေ့ဆုံဆွေးနွေးပြီး ဥပဒေမူကြမ်း အသစ်တစ်ရပ် ပြန်လည်ရေးဆွဲမည် ဆိုပါက ပူးပေါင်းပါဝင်မည်ဟု အဖွဲ့၏ ဒု-ဥက္ကဋ္ဌ ဖြစ်သူ နိုင်ငွေသိမ်းက ခေတ်ပြိုင်သို့ ပြောကြားသည်။

“မွန်ပြည်သစ်ပါတီရဲ့ ယခုလို ရွေးကောက်ပွဲမဝင်ရေး ရပ်တည်ချက်ကို ကြိုဆိုတယ်။ ဒီ ၂၀၀၈ အခြေခံ ဥပဒေ မူကြမ်းကို မသုံးဘဲ ဥပဒေမူကြမ်းအသစ်တရပ်အတွက် တိုင်းရင်းသားတွေနဲ့၊ ဒီမိုကရေစီအင်အားစုတွေနဲ့ နအဖတို့က ဆွေးနွေးပြီး ပြန်လည်ရေးဆွဲကြရင် ကျနော်တို့အဖွဲ့ကလည်း ဝင်ရောက်ပူးပေါင်းမယ်။ ဒီ ၂၀၀၈ ဥပဒေမူကြမ်းကို မပြင်ဆင်သရွေ့တော့ ကျနော်တို့လည်း ၂၀၁၀ မှာ ဝင်ရောက်အရွေးခံမှာ မဟုတ်ဘူး” ဟု ပြောကြားသည်။

ထို့အတူ မွန်အမျိုးသားဒီမိုကရေစီအဖွဲ့ (လွတ်မြောက်နယ်မြေ) နှင့် မွန်သံဃာတော်အရှင်သူမြတ်တို့က လည်း မွန်ပြည်သစ်ပါတီ၏ ရပ်တည်ချက်ကို ကြိုဆိုထောက်ခံကြသော်လည်း ယင်းရပ်တည်ချက်သည် မွ န်ပြည်သစ်ပါတီနှင့် စစ်အစိုးရအကြား အပစ်အခတ်ရပ်စဲရေး သဘောတူညီမှု ပျက်ပြယ်သွားနိုင်သောကြောင့် စိုးရိမ်ကြောင့်ကြနေသည့် ပြည်သူအများစုလည်း ရှိကြကြောင်း သိရသည်။

မွန်ပြည်သူတို့၏ လေးစားကြည်ညိုခြင်းခံရသော မွန်ပြည်နယ်မှ ဆရာတော်တပါးကမူ “မွန်ပြည်သစ်ပါတီရဲ့ ယခုလိုရပ်တည်ချက်ကို ထောက်ခံတယ်။ ဒါပေမယ့် အပစ်အခတ်ရပ်စဲရေး ပျက်သွားတဲ့အထိ ဖြစ်သွားရင် တော့ ပြည်သူလူထုရဲ့ အကျိုးစီးပွား၊ ဖွံ့ဖြိုးရေးလုပ်ငန်းတွေနဲ့ အခြေခံပညာရေးဆိုင်ရာ အခွင့်အရေးတွေကို တော့ ပြန်လည်ဆုံးရှုံးမှာ သေချာတယ်” ဟု မိန့်ကြားသည်။

သို့သော် မွန်ပြည်သစ်ပါတီကမူ အပစ်အခတ်ရပ်စဲရေးကို မိမိတို့ပါတီဘက်မှ အရင် ဖျက်ဆီးရန် အစီအစဉ်မရှိ ကြောင်းနှင့် အပစ်အခတ်ရပ်စဲရေးကို ဆက်လက်ထိန်းသိမ်းသွားရန် နှစ်ဖက်စလုံးတွင် တာဝန်ရှိကြောင်း နိုင်အောင်မငေးက ပြောကြားသည်။

၎င်းက ဆက်လက်၍ “ကျနော်တို့ပေါ်လစီ(မူဝါဒ)က မွန်လူမျိုးတွေအတွက် အာမခံချက် တခုခု မရမချင်း လက်နက်မဖျက်သိမ်းဘူး၊ လက်နက်မချဘူး၊ ပါတီကို အဖျက်သိမ်းမခံဘူး။ စစ်အစိုးရဘက်က လက်နက် ဖျက်သိမ်းခိုင်းတာပဲဖြစ်ဖြစ်၊ လက်နက်ချခိုင်းတာပဲဖြစ်ဖြစ် ဖိအားပေးလာရင် အခြားမွန်အဖွဲ့အစည်းတွေနဲ့ မွန် သံဃာတော်တွေ၊ မွန်ပြည်သူလူထုတွေဆီက အကြံဥာဏ်တွေကို တောင်းခံပြီး အဲ့ဒီအပေါ်မှာ အခြေခံပြီး ကျနော်တို့ပါတီက ဆုံးဖြတ်ချက်ချမယ်” ဟု ပြောကြားသည်။

မွန်ပြည်သစ်ပါတီအား လက်နက်ချရန်၊ လက်နက်အပ်ရန် ဖိအားပေးမည်မဟုတ်ကြောင်း အရှေ့တောင်တိုင်း စစ်ဌာနချုပ် တိုင်းမှူး ဗိုလ်ချုပ်သက်နိုင်ဝင်းက ၂၀၀၈ ခုနှစ် အောက်တိုဘာလတွင်းက ယင်းပါတီနှင့် နောက်ဆုံးတွေ့ဆုံခဲ့စဉ်က ကတိပေးခဲ့ကြောင်း ကြားသိရသည်။

အပစ်ရပ်တိုင်းရင်းသားပါတီအသိုင်းအဝန်းများမှ လာသောသတင်းအရ ၎င်းတို့တောင်းဆိုနေသော အခွင့် အရေးတို့ကို နောက်တက်လာမည့် အစိုးရတွင်သာ တင်ပြကြရန် လက်ရှိစစ်အစိုးရက ပြန်လည် အကြောင်း ပြန်ခဲ့သည်ကို ထောက်ရှုခြင်းဖြင့် စစ်အစိုးရအနေဖြင့် အပစ်ရပ်အဖွဲ့အစည်းများကို ဤအတိုင်း ဆက်လက် ထိန်းသိမ်းသွားရန် ဆန္ဒရှိကြောင်းနှင့် အပစ်အခတ်ရပ်စဲရေး သဘောတူညီချက်ကို မဖျက်ဆီးလိုကြောင်း ဆိုကြသည်။

မွန်ပြည်သစ်ပါတီသည် စစ်အစိုးရ ကြီးမှူးကျင်းပသော အမျိုးသားညီလာခံသို့ ဗဟိုကော်မတီဝင်အဆင့် တက် ရောက်ခဲ့ရာမှ ၂၀၀၅ ခုနှစ်ကစ၍ လေ့လာသူအဆင့်သာ ဆက်လက်စေလွှတ်ခဲ့သည်။



ဝီရ
REF: ခေတ်ပြိုင်

Read More...

ဗမာစစ်အစိုးရသည် လေကြောင်းကာကွယ်ရေးစနစ်အတွက် လက်နက်အသစ် ဝယ်ယူအသုံးပြုနေ

သောကြာနေ့၊ 30 ဇန်န၀ါရီ 2009

ဗမာစစ်အစိုးရသည် ရုရှားနိုင်ငံထုတ် အိုင်ဂျီအယ်လ်အေ ခေါ် လေယာဉ်ပစ်အမြောက်စနစ်(လူအားဖြင့် သယ်ယူပို့ဆောင်နိုင်သောလက်နက်) တရပ်ကို နေပြည်တော်တွင် သင်တန်းပေးလေ့ကျင့်နေကြောင်း ၀ါရင့် နယ်ခြားစောင့်ကြည့်သူများက ပြောသည်။

ထိုသင်တန်းကို ကြီးကြပ်လေ့ကျင့်ပေးသူမှာ လေကြောင်းကာကွယ်ရေးဌာနချုပ်မှ ဒုတိယဗိုလ်ချုပ်ကြီး မြင့်လှိုင် ယခင် လားရှိုးအခြေစိုက် အရှေ့မြောက်ပိုင်း ဒေသကွပ်ကဲရေးဌာနချုပ်၏ တိုင်းမှူးဟောင်းကြီးဖြစ် ကြောင်း သိရသည်။ “ဒီဥစ္စာက နောက်ဆုံးပေါ်စနစ်အသစ်လား စနစ်အဟောင်းလားဆိုတာ ကျနော်တို့ စုံစမ်းထောက်လှမ်းနေပါတယ်” ဟု အသက် ၅၈ နှစ်အရွယ် အရာရှိတဦးက ပြောသည်။

၎င်းအိုင်ဂျီအယ်လ်အေလက်နက်ကို ၁၉၇၁ ခုနှစ်တွင် စတင်တီထွင်ခဲ့ပြီး ၁၉၈၁ ခုနှစ်တွင် စတင်အသုံးပြု လာခဲ့သည်။ နောက်ဆုံးပေါ်စနစ်ဖြစ်သည့် အိုင်ဂျီအယ်လ်အေ-အက်စ်သည် ယူအက်စ် (US) ထုတ် လူဖြင့် သယ်ယူပြောင်းရွှေ့နိုင်သော စတင်းဂျားစနစ်ထက် ပိုမိုယုံကြည်စိတ်ချရကြောင်း ၀ီကီပီးဒီးယား (wikipedia) မှလေ့လာသိရှိရသည်။ ထိုစနစ်ကို ဝယ်ယူ အသုံးပြုသည့်နိုင်ငံများထဲတွင် အိန္ဒိယ၊ မလေးရှား၊ စင်ကာပူ၊ တောင်ကိုးရီးယားနှင့် ဗီယက်နမ် စသည့်နိုင်ငံများလည်းပါဝင်သည်။

ဇယားကွက်မီတာများမှတဆင့် ရန်သူတပ်များ၏ တည်ရှိရာနေရာများကို အလွန်တိကျမှန်ကန်စွာ ဖေါ်ထုတ် နိုင်စွမ်းရှိသော ယူတီအမ်မ် UTM ခေါ် မြေပုံအညွန်းပြ စနစ်တရပ်ကိုလည်း နအဖက စတင်သုံးစွဲနေပြီ ဖြစ်ကြောင်း ဇန်နဝါရီလ ၂၃ ရက်နေ့တွင် ရှမ်းသံတော်ဆင့်သတင်းစဉ်မှ ဖေါ်ပြခဲ့ပြီးဖြစ်သည်။

REF: သျှမ်းသံတော်ဆင့်

Read More...

ကျပ်ငွေ တန်ဖိုးတက်တာ ကောင်းလား၊ ဆိုးလား - ရဲနည်

Wednesday, 28 January 2009

သုံးနှစ်ကာလ အတွင်း မြန်မာကျပ်ငွေ တန်ဖိုးအမြင့်ဆုံးသို့ ထိုးတက်သွားပြီး ယခုအခါ ငွေကြေး အရောင်း အဝယ် ဈေးကွက်တွင် အမေရိကန် တဒေါ်လာကို ကျပ် ၁၀၀၀ နီးပါးသာ ရှိတော့သည်ကို တွေ့ရသည်။ ၂၀၀၅ ခုနှစ်တွင် တဒေါ်လာကို ၈၈၀ ကျပ်မှ လွန်ခဲ့သည့်အပတ် ၁၁၉၀ ကျပ်အထိ ကျပ်ငွေတန်ဖိုး မှန်မှန် ကျဆင်းခဲ့သော်လည်း မကြာခင် ရက်အနည်းငယ်အတွင်း ငွေကြေးဈေးကွက်အခြေအနေ ပြောင်းပြန်ဖြစ် သွားခဲ့သည်။

ငွေကြေးဈေးကွက် လေ့လာသူတို့က ဘယ်ပုံဘယ်နည်း ဖြစ်ကြသနည်းဟု စောကြောကြ၏။ အရိုးဆုံးပြောရ လျှင် ဈေးကွက်အတွင်း နိုင်ငံခြားငွေ ပိုများနေသောကြောင့် ဖြစ်သည်။ သို့ရာတွင် ကျပ်ငွေတန်ဖိုး ထိုးတက် လာရခြင်း၏ အကြောင်းရင်းမှာ တခုထက်မကကြောင်း ငွေကြေးရောင်းဝယ်သူများက ပြောဆိုကြသည်။

ထိုအကြောင်းရင်းများထဲမှ တခုမှာ သာမန်မြန်မာပြည်သူများ၏ သုံးစွဲနိုင်အားထက် သွင်းကုန်ပစ္စည်းများ၏ တန်ဘိုးက သိသိသာသာကျော်လွန်နေရာ ၀ယ်လိုအားကျဆင်းမှု ဖြစ်ပွားခဲ့သည်။ ထို့ကြောင့် တရုတ်နှင့် ထိုင်းနယ်စပ် ကုန်သွယ်ရေးကျဆင်းခဲ့သည်။ သွင်းကုန်များအားလုံးကို နိုင်ငံခြားငွေဖြင့် ၀ယ်ယူသုံးစွဲကြရပြီး သွင်းကုန်ပစ္စည်းများကို ဝယ်ယူရန် မတတ်နိုင်တော့သော အရာများဖြစ်သည်ဟု ယူဆလာကြသည့် မြန်မာ လူမျိုးများ ပို၍များလာသောအခါ နိုင်ငံခြားငွေကြေးများဖြစ်သည့် အမေရိကန်ဒေါ်လာ၊ တရုတ်ယွမ်ငွေနှင့် ထိုင်းဘတ်ငွေ အရောင်းလည်း ထိုင်းသွားခဲ့တော့သည်။

နောက်ထပ် အကြောင်းရင်းတခုက မြန်မာနိုင်ငံဗဟိုဘဏ်တွင် နိုင်ငံခြားအရံငွေကြေး စုဆောင်းထားရှိမှု မြင့် တက်လာခြင်း ဖြစ်သည်။

စစ်အစိုးရထိပ်ပိုင်းခေါင်းဆောင်များနှင့် ရင်းနှီးသော မြန်မာစီးပွားရေးပညာရှင်တဦးက အစိုးရလက်ထဲတွင် နိုင်ငံခြားအရံငွေကြေး အမေရိကန်ဒေါ်လာ ၃ ဘီလျံအထက် စုဆောင်းထားနိုင်ခဲ့သည်ဟု ခန့်မှန်းသည်။ ထို သို့ နိုင်ငံခြားအရံငွေကြေး မြင့်တက်လာရခြင်းမှာ ကုန်သွယ်ရေး ပိုငွေပြမှုကြောင့်ဖြစ်ပြီး အထူးသဖြင့် အိမ်နီး ချင်း ထိုင်းနိုင်ငံသို့ သဘာဝဓာတ်ငွေ့ အဓိက တင်ပို့နေခြင်းကြောင့် ဖြစ်သည်။

ထို့အပြင် မြန်မာနိုင်ငံသည် တရုတ်နှင့် တခြား နိုင်ငံခြားရင်းနှီးမြုပ်နှံသူများဆီကလည်း ငွေကြေးရရှိနေသည်။ အစိုးရ၏ စာရင်းအင်းများအရ ၂၀၀၈ ခုနှစ် ပထမ ၉ လအတွင်း မြန်မာနိုင်ငံ၏ နိုင်ငံခြားရင်းနှီးမြုပ်နှံမှုသည် ယခင်နှစ်နှင့် နှိုင်းယှဉ်လျင် ၂ ဆတိုးခဲ့သည်။ စစ်အစိုးရ၏ အမျိုးသားစီမံကိန်းနှင့် ဖွံ့ဖြိုးတိုးတက်ရေးဝန်ကြီး ဌာနက ပြုလုပ်သောစစ်တမ်းအရ ၂၀၀၈ခုနှစ် ဇန်န၀ါရီလမှ စက်တင်ဘာလအထိ နိုင်ငံခြားရင်းနှီးမြုပ်နှံမှု သည် အမေရိကန်ဒေါ်လာ ၉၇၄.၉ သန်း ရှိခဲ့သည်ဟု ဆိုသည်။ ၂၀၀၇ ခုနှစ် ထိုကာလက ရင်းနှီးမြုပ်နှံမှုမှာ ၅၀၂.၅ သန်း သာရှိခဲ့သည်။

နိုင်ငံတကာမှ ကူညီထောက်ပံ့ငွေများ ဝင်ရောက်လာခြင်းကလည်း နောက်ထပ်အကြောင်းရင်းတခု ဖြစ်သည်။ ကုလသမဂ္ဂ၏ လူသားချင်းစာနာ ထောက်ထားမှု ညှိနှိုင်းရေးရုံး၏ အဆိုအရ ဆိုင်ကလုန်းနာဂစ် တိုက်ခတ်မှု ဒဏ် ခံရသောဒေသများတွင် ကယ်ဆယ်ရေးလုပ်ငန်း အစီအစဉ်များအတွက် ဒေါ်လာ သန်း ၅၀၀ နီးပါးကို မြန်မာနိုင်ငံသို့ လွှဲပြောင်းပေးခဲ့ပြီး ဖြစ်သည်။ (စစ်အစိုးရ၏ ရှုပ်ထွေးလှသည့် နိုင်ငံခြားငွေကြေး ဖလှယ်မှု အဆင့်ဆင့်သည် အသေအချာ တွက်ချက်ရန် ခက်သည့်ကိစ္စဖြစ်ပြီး မုန်တိုင်းကယ်ဆယ်ရေး ထောက်ပံ့ငွေ ဘယ်လောက်များများ အစိုးရ အိတ်ကပ်ထဲ ရောက်သွားသလဲ မသိပါ)

ယခုနှစ်အတွက် မြန်မာနိုင်ငံသို့ လူသားချင်းစာနာထောက်ထားသောအကူအညီ အမေရိကန်ဒေါ်လာ ၅၂. ၄ သန်း နှင့်ညီမျှသော ဥရောပသုံးငွေ ယူရို ၄၀. ၅ သန်း ထောက်ပံ့မည်ဟု ဥရောပကော်မရှင်က မကြာသေး ခင်ကမှ ကြေညာခဲ့ပါသည်။

ထို့အပြင် အာဆီယံ၏ အထွေထွေအတွင်းရေးမှူးချုပ် ဆူရင်ပစ်စူဝမ်က ဆိုင်ကလုန်း ဖျက်ဆီးမှုဒဏ် ခံခဲ့ရ သော ဧရာဝတီ မြစ်ဝကျွန်းပေါ်ဒေသကို ၃ နှစ်ကာလအတွင်း ပြန်လည်ထူထောင်ရေး လုပ်ငန်းများအတွက် နောက်ထပ် ဒေါ်လာ သန်း ၇၀၀ လိုအပ်ကြောင်း ပြောဆိုခဲ့သေးသည်။

မည်သို့သော အကြောင်းကြောင့်ဖြစ်စေ ကျပ်ငွေတန်ဖိုးမြင့်တက်လာခြင်းသည် မြန်မာ့စီးပွားရေးအပေါ် သိသိ သာသာ ရိုက်ခက်မှုရှိသည်ဆိုသည့်အချက်က သံသယရှိစရာမလိုပါ။

မြန်မာငွေတန်ဖိုး မြင့်တက်သွားသဖြင့် နိုင်ငံခြားသို့ပို့သည့် ပြည်တွင်းထုတ်ကုန်များ ဈေးတက်သွားရာ အပြည် ပြည်ဆိုင်ရာ ဈေးကွက်အတွင်း ဈေးများထိုးကျနေသော အချိန်၌ ပို့ကုန်လုပ်ငန်းရှင်များ လက်တွန့်သွားကြပါ လိမ့်မည်။ ကမ္ဘာ့စီးပွားရေး နှေးကွေးမှုကြောင့် မြန်မာနိုင်ငံ၏ အဓိက ကုန်သွယ်ဖက် နိုင်ငံများဖြစ်ကြသည့် တရုတ်၊ ထိုင်း၊ စင်္ကာပူ၊ အိန္ဒိယနှင့် မလေးရှားနိုင်ငံတို့မှ ဖောက်သည်များ၏ အမှာကျဆင်းနေသည်ကိုလည်း ထည့်စဉ်းစားရန် လိုပါသည်။

မြန်မာနိုင်ငံ၏ တန်ဖိုးအများဆုံး ပြည်ပပို့ကုန်ဖြစ်သည့် သဘာဝဓာတ်ငွေ့ဈေးနှုန်းများ ကျဆင်းခဲ့ခြင်းသည် စစ်အစိုးရ၏ ဝင်ငွေကို အကြီးအကျယ်ထိခိုက်လိမ့်မည်ဟုလည်း လေ့လာဆန်းစစ်သူများက ပြောပါသည်။ ပြည်ပပို့ကုန်ဝင်ငွေ၏ ၄၀ ရာ ခိုင်နှုန်းခန့်ရှိသော သဘာဝဓာတ်ငွေ့တင်ပို့မှုတန်ဖိုးသည် လွန်ခဲ့သောနှစ် ဧပြီလနှင့် ဒီဇင်ဘာလအတွင်း ၂၈.၅ ရာခိုင်နှုန်း ကျဆင်းခဲ့ပြီး ထိုကာလမတိုင်မီ တနှစ်ကနှင့် နှိုင်းယှဉ်လျင် တန်ဖိုးအားဖြင့် ဒေါ်လာ သန်းပေါင်း ၆၇၀ ကျဆင်းသွားသည်ဟု မြန်မာ့ စီးပွားရေးကို အထူးပြုစောင့်ကြည့် လေ့လာနေသော သြစတေးလျနိုင်ငံ Macquarie University မှ တွဲဖက်ပါမောက္ခ Mr. Sean Turnell က ပြောဆိုပါသည်။ ယခုနှစ်တွင် ဝင်ငွေပိုမို ကျဆင်းနိုင်သည်ဟုလည်း သူက ဆိုသေးသည်။

တရုတ်နှင့် အိန္ဒိယဈေးကွက်မှ နှစ်စဉ် ဒေါ်လာ သန်းပေါင်း ၆၀၀ ၀င်ငွေရရှိနေသည့် တိုင်းပြည်၏ ဒုတိယ အကြီးဆုံး ပြည်ပ ပို့ကုန်ဖြစ်သည့် စိုက်ပျိုးရေးထွက်ကုန် တင်ပို့မှုသည်လည်း ကျဆင်းခဲ့ပြီဖြစ်သည်။ ဥပမာ အိန္ဒိယနိုင်ငံသို့ ပဲတင်ပို့မှုသည် ၀ယ်ယူသူများ ဈေးမကိုက်သောကြောင့် ဈေးပိုသက်သာသည့် ဗီယက်နမ်မှ ပဲ ကို ဝယ်ယူခဲ့သဖြင့် မြန်မာ့ပဲတင်ပို့မှု ကျဆင်းခဲ့သည်။

ကမ္ဘာ့ဈေးကွက်တွင် ဈေးနှုန်းကျဆင်းနေမှုနှင့် ၀ယ်လိုအား နည်းလာခြင်းက လယ်သမားများကို အထိနာစေ ခဲ့ပါသည်။ ဆိုင်ကလုန်းနာဂစ်၏ အကျိုးဆက်များကြောင့် ရုန်းကန်လှုပ်ရှားနေကြရသော မြန်မာလယ်သမား အများအပြားက သူတို့ လယ်ယာစိုက်ပျိုးရေးမှာ အရှုံးနှင့်ရင်ဆိုင်နေရသည်ဟု ပြောပြကြသည်။ လယ်တဧက မှ ထွက်ရှိသော စပါးကို ရောင်းလျင် ၇၀၀၀၀ ကျပ်သာ ရသော်လည်း စိုက်ပျိုးစရိတ်က တဧကကို ၉၀၀၀၀ ကျပ် ကုန်ကျကြောင်း လယ်သမားတဦးက ပြောပြသည်။

ကမ္ဘာ့ငွေကြေး အကြပ်အတည်းကြုံတွေ့နေရချိန် အာရှကဘဏ်အများစု အခြေအနေ ကောင်းနေသေးပုံရ သော်လည်း မြန်မာနိုင်ငံက ရှုပ်ထွေးလှသည့် လယ်ယာစိုက်ပျိုးရေး ချေးငွေစနစ်ကား ပြဿနာပေါ်နေပြီဖြစ် သည်။

“ကျနော်တို့ ငွေပြန်မပေါ်တဲ့ ပြဿနာနဲ့ရင်ဆိုင်နေရတယ်” ဟု ရန်ကုန်မြို့တွင် နေထိုင်သော စီးပွားရေး ပညာရှင် စာရေးဆရာ ခင်မောင်ညို (ဘောဂဗေဒ) က ပြောပါသည်။ ပုံမှန်အားဖြင့် လယ်သမားများကို ငွေကြေးအရင်းအနှီး ထုတ်ပေးနေကြသည့် စီးပွားရေးလုပ်ငန်းရှင်များက စပါးဈေးကွက်မှ ဆုတ်ခွာနေသော ကြောင့်ဟု သူက ရှင်းပြသည်။

အဆိုပါအချက်များ အားလုံးကိုကြည့်လျှင် စစ်အစိုးရ ၀န်ကြီးချုပ် ဗိုလ်ချုပ်ကြီး စိုးဝင်း၏ အာမခံချက်များနှင့် ကွဲလွဲနေသည်။ မြန်မာနိုင်ငံသည် ကမ္ဘာ့ငွေကြေး ပြိုလဲမှု ဂယက်မှ လွတ်ကင်းခြင်းမရှိပါ။ ၀မ်းနည်းဖွယ် ကောင်းသည်မှာ အဆိုးရွားဆုံး ကျဆင်းနေပြီဖြစ်သော တိုင်းပြည်၏ စီးပွားရေးသည် ယခုထက်ပို၍ ဆိုးရွား သွားဦးမည် ဖြစ်သော်လည်း လူထု သက်သာချောင်ချိရေးနှင့် တိုင်းပြည်စီးပွားရေး ဦးမော့လာစေရန် စစ် အစိုးရတွင် မည်သည့် အမျှော်အမြင်မျှ မရှိသေးသောကြောင့်ပင်။ ။



ရဲနည်
REF: ဧရာဝတီ

Read More...

COIN (အပိုင်း -၁) - ခင်မမမျိုး

ညနေက အာဖဂန်စစ်မျက်နှာကနေ ပြန်လာတဲ့ သူငယ်ချင်း မတ်ခ်နဲ့ စားသောက်ဆိုင်တခုမှာ dinner အတူ စားဖြစ်ခဲ့ပါတယ်။ မတွေ့ရတာကြာပြီဖြစ်တဲ့အတွက် စကားတွေလဲ တော်တော်များများ ပြောဖြစ်ခဲ့ကြပါတယ်။ စစ်ရေး၊ နိုင်ငံရေး၊ စီးပွားရေး အစုံအလင်ပါပဲ။ စစ်ပွဲက ပြန်လာသူတယောက်နဲ့ ဆုံတွေ့ရင် စစ်ပွဲစကားတွေ ဟာ ပြောဖြစ်ကြစမြဲမို့ မတ်ခ်တို့ရင်ဆိုင်တိုက်ပွဲဝင်နေရတဲ့ အာဖဂန်တောင်ပိုင်း အခြေစိုက် တာလီဘန်တွေ အကြောင်း ပြောဖြစ်ကြပါတယ်။

အာဖဂန်တောင်ပိုင်းမှာ လှုပ်ရှားနေတဲ့ တာလီဘန်တွေဟာ ဒေသခံ ဘိန်းစိုက် တောင်သူလယ်သမားတွေနဲ့ သဘောတူညီမှုယူပြီး လှုပ်ရှားနေတာကြောင့် အာဖဂန်သမ္မတ Karsai ဦးဆောင်တဲ့ အစိုးရအဖွဲ့နဲ့ နိုင်ငံ တကာ တပ်ပေါင်းစုတွေအတွက် ချေမှုန်းဖို့ ခက်ခဲတဲ့အကြောင်းတွေ မတ်ခ်က ပြောပြပါတယ်။ သူတို့ကို ချေမှုန်းရေးက တနည်းပဲရှိတယ်။ တာလီဘန်အုပ်စုနဲ့ ဒီတောင်သူလယ်သမားတွေကို ခွဲထုတ်ပစ်ရမယ်။ ဒီ နေရာမှာ ခက်နေတာက ဘိန်းစိုက်တောင်သူတွေဟာ ဘိန်းစိုက်ပြီး အသက်မွေးဝမ်းကျောင်း ပြုနေတာဖြစ်တဲ့ အတွက်၊ သူတို့အတွက် တခြား livelihood မလုပ်ပေးနိုင်မချင်း၊ အောင်မြင်နိုင်တဲ့ ဘိန်းအစားထိုး သီးနှံ စိုက်ပျိုးမှုအပေါ် ဒေသခံတွေ စိတ်ပါဝင်စားလာအောင် မဆွဲဆောင်နိုင်မချင်း၊ လူထုနဲ့ ခွဲထုတ်ချေမှုန်းရမယ် ဆိုတဲ့ နည်းဗျူဟာကို သုံးလို့မရသေးကြောင်း ဆွေးနွေးပြောဆိုဖြစ်ကြတယ်။ ဒီလိုပြောကြရင်း စစ်မဟာ ဗျူဟာလေ့လာရေးဘွဲ့ကြို၊ ဘွဲ့လွန်သင်တန်းတွေမှာပဲဖြစ်ဖြစ်၊ စစ်ဦးစီးတက္ကသိုလ်သင်တန်းတွေမှာပဲဖြစ်ဖြစ်၊ အရေးကြီး သင်ရိုးညွှန်းတမ်းအဖြစ် ပြဌာန်းလေ့ရှိတဲ့ စစ်သုံးစကားအနေနဲ့ဆိုရင် COIN လို့ခေါ်တဲ့ အကြောင်းအရာအကြောင်း ဆက်ပြောဖြစ်ကြပါတယ်။

COIN ဆိုတာက Counterinsurgency ကို အတိုကောက်ခေါ်တဲ့ စကားဖြစ်ပါတယ်။ counterinsurgency ဆိုတာက insurgency ဆိုတဲ့ ပုန်ကန်ခြားနားမှုကို တုန့်ပြန်မှုဖြစ်ပါတယ်။ ၂၀ ရာစု ကာလတလျှောက် ကမ္ဘာတ၀ှမ်းမှာ အတွေးအခေါ်၊ အယူအဆအပေါ် အခြေခံလို့ပဲဖြစ်ဖြစ်၊ ပြည်ပကျူးကျော်မှုကို တွန်းလှန်မှု အပေါ် အခြေခံလို့ပဲဖြစ်ဖြစ်၊ မတရားဖိနှိပ်ချုပ်ချယ်မှုကို တွန်းလှန်ဖို့ပဲဖြစ်ဖြစ် ပုန်ကန်မှုတွေ အများအပြား ပေါ်ပေါက်ခဲ့ပါတယ်။ မြန်မာစကားမှာ အဓိပ္ပာယ်မှားယွင်းနေတဲ့ စကားတခုရှိပါတယ်။ “သူခိုးကြီးရင် ဓားပြ၊ ဓားပြကြီးရင်သူပုန်” ဆိုတဲ့စကားပါ။ ဒါက ပုန်ကန်ခြားနားသူတွေဖြစ်တဲ့ သူပုန်တွေရဲ့ သိက္ခာကို စော်ကား ပြောဆိုခြင်း ဖြစ်ပါတယ်။

တကယ်တမ်းကျတော့ ပုန်ကန်ခြားနားမှုဆိုတာက လက်ရှိအစိုးရ (သို့) အာဏာသိမ်းအစိုးရ (သို့) ပြည်ပ ကျူးကျော်အုပ်ချုပ်မှု စတာတွေကို ဆန့်ကျင်ဖို့ စနစ်တကျစုဖွဲ့ထားတဲ့ နိုင်ငံရေး၊ စစ်ရေးလှုပ်ရှားမှုကို ခေါ်ဆိုတာ ဖြစ်ပါတယ်။ ဘယ်လိုပဲဖြစ်ဖြစ် ပုန်ကန်ခြားနားမှု ဖြစ်လာတဲ့အခါကျရင်တော့ တရားဝင်အစိုးရပဲ ဖြစ်ဖြစ်၊ တရားမ၀င်အစိုးရပဲဖြစ်ဖြစ်၊ ပြည်ပအစိုးရပဲဖြစ်ဖြစ် Counterinsurgency (COIN) ကို ပြုလုပ်ဆင်နွှဲ ကြပါတယ်။ ဒီလိုပြုလုပ်ရာမှာ စစ်ရေး၊ နိုင်ငံရေး၊ စီးပွားရေး၊ စိတ်ဓာတ်စစ်ဆင်ရေး စတဲ့ စစ်မျက်နှာပေါင်းစုံကို ဖွင့်လှစ်ဆောင်ရွက်လေ့ရှိပါတယ်။ စစ်မဟာဗျူဟာလေ့လာရေး ပညာရှင်များကလဲ COIN ကင်ပိန်းတွေ အောင်မြင်စွာ ဆင်နွှဲနိုင်ဖို့ လိုအပ်မယ့်အချက်တွေကို ဖော်ထုတ်ရေးသားကြပါတယ်။

ဒီနေရာမှာ strategic theorists များရဲ့ အခန်းကဏ္ဍကို ထည့်သွင်းပြောချင်ပါတယ်။ တချို့က သူတို့တွေကို သီအိုရီသမားတွေ၊ စာအုပ်ထဲက စာတွေဖတ်ပြီး၊ လက်တွေ့နဲ့ ကင်းကွာနေသူတွေလို့ ထင်မြင်လေ့ရှိကြ တယ်။ တကယ်တော့ theorists လို့ သူတို့ကို ခေါ်ဆိုမှုက ဒီအချက်ကို ထောက်ပြနေပြီးသားမို့ ဘာမှ ထပ် ဆောင်း ပြောစရာမလိုအပ်တော့ဘူး။ သူတို့အလုပ်က ဘာလဲဆိုတော့ သမိုင်းကြောင်း အချက်အလက်တွေ၊ သဘောတရားတွေ၊ အတွေးအခေါ်တွေနဲ့ သီအိုရီတွေကို ဖော်ထုတ်ရေးသားကြတာဖြစ်ပါတယ်။ စစ်ပညာ ရှင် ကလော့ဝစ်ဆိုခဲ့သလိုပဲ၊ ဒီလိုပေါ်ထွက်လာတဲ့ သီအိုရီတွေဟာ လေ့လာချင်သူတွေအတွက် guideline တွေ ဖြစ်လာနိုင်တယ်။ ဖတ်ရှုလေ့လာသူတွေကို အတွေးအခေါ်၊ အမြင်သစ်တွေ ပံ့ပိုးပေးလာနိုင်တယ်။ သမိုင်းအဖြစ်အပျက်တွေကို သင်ခန်းစာယူပြီး၊ အမှားအယွင်းတွေကို ရှောင်ရှားနိုင်လာတယ်။ ဒါပေမယ့် သီအိုရီသမားတွေ ပြောသမျှ အားလုံးလုပ်လို့ရမယ်လို့လဲ မဆိုလိုနိုင်ပါဘူး။ သီအိုရီအရ ကြည့်ရင်တော့ သီအိုရီနဲ့ လက်တွေ့ဟာ ကွာခြားမှုမရှိဘူး။ ဒါပေမယ့် လက်တွေ့ကျတော့ ကွာခြားမှုတွေ ရှိလာနိုင်တယ်။ ဒါကြောင့် သီအိုရီနဲ့ လက်တွေ့လုပ်ဆောင်သူတွေအကြား သူတော်တယ်၊ ငါတော်တယ် အငြင်းပွားမှုတွေ ဟာ အဖိုးတန်တဲ့အချိန်တွေကို သက်သက်မဲ့ ဖြုန်းပစ်နေတာဖြစ်တယ်။ ခန္ဓာဗေဒ မသိပဲ ခွဲစိတ်ကုသမှု လုပ် လို့မရသလို၊ ခန္ဓာဗေဒသိပြီးတိုင်းလဲ ခွဲစိတ်ကုသမှု လုပ်လို့မရဘူး။ အဓိကကတော့ common sense ပါပဲ။ မဟာဗျူဟာရေးဆွဲသူ သီအိုရီသမားတွေဘက်ကလဲ ကိုယ့်ရေးသားထားတဲ့အတိုင်း လက်တွေ့မှာ အကောင် အထည်ဖော်ဖို့ ဖြစ်တာလဲရှိမယ်၊ မဖြစ်နိုင်တာလဲ ရှိမယ်ဆိုတာ နားလည်သဘောပေါက်ဖို့ လိုအပ်သလို၊ လက်တွေ့သမားတွေဘက်ကလဲ သီအိုရီသမားတွေ ဖော်ထုတ်ရေးသားတာကို လိုတာယူ၊ မလိုတာပယ်ပြီး ကိုယ့်အတွက် အသုံးဝင်မယ့် အချက်တွေကို ရွေးနုတ်အသုံးချလိုက်မယ်ဆိုရင် တယောက်ကိုတယောက်၊ လက်ညှိုးထိုးနေကြတဲ့ အချိန်တွေ အလဟဿဖြစ်မှု နည်းသွားပါလိမ့်မယ်။ ကားမောင်းနည်း စာအုပ်ဖတ်ပြီး၊ ကားတက်မောင်းလို့မရနိုင်သလို၊ သီအိုရီက လီဘာနင်းရင် ဘယ်လိုဖြစ်မယ်၊ ဘရိတ်နင်းရင် ဘယ်လို ဖြစ်မယ်ဆိုတာ မယုံလို့ဆိုပြီး၊ ချောက်ရှေ့မှာ လီဘာနင်းမယ်ဆိုရင် ဘာဖြစ်သွားနိုင်မလဲ ဆိုတာကိုလဲ စဉ်းစားရပါလိမ့်မယ်။

အခုဆက်လက်ပြီး COIN နဲ့ ပတ်သက်တဲ့ စစ်မဟာဗျူဟာလေ့လာရေး ပညာရှင်ကြီးတွေဖြစ်တဲ့ David Galula, Robert Thompson တို့ရေးသားခဲ့ကြတဲ့ classical literature တွေနဲ့၊ ယနေ့ခေတ် ပညာရှင် Schnaubelt, Daniel Marston, Carter Malkasian တို့ရေးသားခဲ့တဲ့ literature တွေထဲက အရေးကြီးတဲ့ အချက်တချို့ကို ကောက်နှုတ်တင်ပြလိုပါတယ်။ ဘာကြောင့်ဒီအချက်တွေကို တင်ပြရလဲဆိုရင် အခုလက်ရှိ စာရေးသူတို့ ရင်ဆိုင်နေရတဲ့ ရန်သူစစ်အုပ်စုဟာ စစ်ရေးအတွေးအခေါ်နဲ့ပဲ အရာရာကို ရှုမြင်သုံးသပ်နေလို့ ဖြစ်ပါတယ်။ စစ်ရေး၊ နိုင်ငံရေး၊ စီးပွားရေးတွေမှာ တဘက်ရန်သူ၊ တဘက်ပြိုင်ဘက်ရဲ့ intentions, interests, commitment, value စတဲ့ အချက်လေးချက်ကို အရင်လေ့လာပြီးမှ၊ သင့်လျော်တဲ့ မဟာဗျူဟာ တွေ၊ လုပ်ငန်းစဉ်တွေကို ချမှတ်ရပါတယ်။ အဲဒီလိုမဟုတ်ပဲ ကိုယ့်ဘက်က ကိုယ်ဖြစ်စေချင်တာတွေ၊ ကိုယ် လုပ်နိုင်တာတွေ၊ ကိုယ့်အယူအဆတွေကိုပဲ ဇောင်းပေးလုပ်ဆောင်နေမယ်ဆိုရင် ခုတ်ရာတခြား၊ ရှရာတခြား နဲ့ လုပ်လိုက်သမျှ တလွဲတွေဖြစ်နေတတ်ပါတယ်။ ဒါကြောင့် ပုန်ကန်ခြားနားသူတွေကိုပဲ ဖြစ်ဖြစ်၊ တော်လှန် ရေးသမားတွေကိုပဲ ဖြစ်ဖြစ်၊ ချေမှုန်းရေးလုပ်ရာမှာ အသုံးပြုတဲ့ စစ်ရေးနည်းဗျူဟာများကို ရေးသားတင်ပြ ပေးပါမယ်။

(၁) Legitimacy ရရန် ဆောင်ရွက်ခြင်း

ဒေးဗစ်ဂါလုလား အဆိုအရ ဘယ်လိုအသွင်သဏ္ဍာန်ဆောင်တဲ့ တော်လှန်ရေးပဲဖြစ်ဖြစ်၊ ပုန်ကန်မှုပဲဖြစ်ဖြစ်၊ အတိုက်အခံတွေဘက်က သုံးတဲ့စကားလုံးက “ပြည်သူ့အတွက်” ဆိုတဲ့ စကားလုံးပဲ ဖြစ်လေ့ရှိပါတယ်။ ကမ္ဘာတ၀ှမ်းလုံးက တော်လှန်ရေးတိုင်း၊ စစ်ပွဲတိုင်းမှာ ဒီစကားလုံးက ထိပ်ဆုံးမှာ နေရာယူလေ့ရှိပါတယ်။ ဘယ်လိုပဲဖြစ်ဖြစ် လူထုတွေအကြား၊ နိုင်ငံတကာ အစိုးရတွေအကြားမှာ legitimacy ရဖို့က အရေးကြီးပါ တယ်။ ဒီလိုလုပ်နိုင်ဖို့အတွက် legitimacy ဟာ အစိုးရနဲ့သာ ထိုက်တန်တယ်။ ပုန်ကန်သူတွေ၊ တော်လှန် ရေးသမားတွေနဲ့ မထိုက်တန်ဘူးဆိုတဲ့ အချက်ကို လူထုလက်ခံလာအောင် လုပ်ဖို့ လိုအပ်တဲ့အကြောင်း၊ နိုင်ငံတကာက အသိအမှတ်ပြုလာဖို့ လိုအပ်တဲ့အကြောင်း COIN နည်းဗျူဟာက ထောက်ပြထားပါတယ်။
အနှစ်နှစ်ဆယ် နအဖ လုပ်ငန်းဆောင်တာတွေကို ကြည့်လိုက်တော့ နအဖဟာ စစ်အစိုးရပီပီ ဒါကို တိတိ ကျကျ လိုက်နာခဲ့ကြောင်း သိသာပါတယ်။ ကြံ့ဖွတ်၊ စွမ်းအားရှင်တို့လို သူတို့ နောက်လိုက်နောက်ပါ အင်အားစုတွေ မွေးယူတာတွေ၊ သတင်းစာ၊ တီဗွီတွေကနေ ၀ါဒဖြန့်ချိရေးလုပ်တာတွေ၊ ၀န်ထမ်းတွေကို မတက်မနေရ ပြည်သူ့ဝန်ထမ်းသင်တန်းတွေ ခေါ်ပေးတာတွေဟာ ဒီနည်းဗျူဟာနဲ့ ဖြစ်ပါတယ်။ ရှစ်လေးလုံး အရေးတော်ပုံမှာ ချက်ချင်းအာဏာပြန်မသိမ်းပဲ၊ လူထုထဲကို သူတို့လူတွေလွှတ်ပြီး၊ ခေါင်းဖြတ်သတ်ပွဲတွေ ဖန်တီးတာတွေ၊ လုယက်မှုတွေ၊ ဖရိုဖရဲတွေဖြစ်အောင် လုပ်တာဟာလဲ ဒီဗျူဟာ အခင်းအကျင်းပုံစံပါပဲ။ သမိုင်းဝင် လူထုတော်လှန်ရေးတရပ်ကို အရေးအခင်းပုံစံအသွင်ဖြစ်အောင် ပြောင်းလဲယူပြီး၊ နိုင်ငံတော်မှာ သူတို့အုပ်ချုပ်ဖို့ လိုအပ်တယ်ဆိုတဲ့ အတွေးအခေါ်ကို လူထုထဲ ရိုက်သွင်းတာ ဖြစ်ပါတယ်။

ဒါပေမယ့် အနှစ်နှစ်ဆယ် သမိုင်းကို ကြည့်ခြင်းအားဖြင့် နအဖဟာ ဒီဗျူဟာကို နိုင်နင်းစွာ မကနိုင်ပါဘူး။ ခင်ညွန့်နဲ့ စစ်ထောက်လှမ်းရေးတွေကို အချင်းချင်း ဖြုတ်ထုတ်သတ်လုပ်ပြီး နောက်ပိုင်းမှာ ဒါတွေက ပို ထင်ရှား မြင်သာလာပါတယ်။ အခုလဲ ၂၀၁၀ ရွေးကောက်ပွဲနဲ့ political legitimacy ရယူဖို့ ပြင်ဆင် ဆောင် ရွက်နေပါတယ်။ အဓိကကတော့ နိုင်ငံတကာ စစ်မျက်နှာအတွက် ဖြစ်ပါတယ်။ လူထုကြားထဲမှာ legitimacy မရနိုင်တော့ဘူးဆိုတာ စစ်တင်ဘာတော်လှန်ရေးမှာ ကွက်ကွက်ကွင်းကွင်း ထင်သာမြင်သာသွားပါတယ်။ ဒါကြောင့်လဲ ၂၀၁၀ ကို အတင်းတွန်းလုပ်ခဲ့ကြတာပါ။

ဒါကိုတော့ ကျွန်မတို့အတိုက်အခံတွေ ဂရုတချက်စိုက်ရပါလိမ့်မယ်။ ၂၁ ရာစုရဲ့ နိုင်ငံတကာ အခင်းအကျင်း ပုံစံတွေကို နားလည်ရပါလိမ့်မယ်။ ကျွန်မတို့ မြန်မာနိုင်ငံက တတိယဒီမိုကရေစီ လှိုင်းလုံးကြီးမှာ ပါမသွားပဲ ကျန်ခဲ့တဲ့ နိုင်ငံတနိုင်ငံပါ။ ၂၁ ရာစုသစ်မှာ ဒီလှိုင်းလုံးကြီးက ၂၀ ရာစု နှောင်းပိုင်းကလို အင်အားသိပ်မကြီး တော့ပါဘူး။ အီရတ်နဲ့ အာဖဂန်နစ်စတန် ကိစ္စရပ်တွေ နောက်ပိုင်းမှာ Military Intervention ဆိုတဲ့ သဘော တရားအပေါ်မှာ ဝေဖန်မှုတွေ အများကြီး ဖြစ်နေကြပါတယ်။ နိုင်ငံတကာဆက်ဆံရေးမှာ economic sanctions ဆိုတဲ့ သဘောတရားနဲ့ ပတ်သက်ပြီး၊ အပြန်အလှန်ငြင်းခုံမှုတွေ၊ ထင်မြင်ချက်တွေက အမျိုးမျိုး ဖြစ်နေကြပါတယ်။ တဘက်က ဒီမိုကရေစီကို ဇောင်းပေးပြောဆိုကြသလို၊ ဒီမိုကရေစီဟာ နိုင်ငံတော်လုံခြုံ ရေးကို အားနည်းစေတယ်ဆိုတဲ့ စွဲချက်တွေကလဲ ဖြစ်နေကြပါတယ်။ နိုင်ငံတကာ ဇာတ်ခုံကြီးဟာ အတွေး အခေါ်ပေါင်းစုံ၊ အယူအဆပေါင်းစုံ၊ လုပ်နည်းဆောင်တာမျိုးစုံနဲ့ သပွတ်အူကြီးလို ရှုပ်ထွေးနေပါတယ်။

ဒီလိုရှုပ်ထွေးနေတဲ့ နိုင်ငံတကာဇာတ်ခုံကြီးပေါ်မှာ အာရှတိုက်ထဲက နိုင်ငံငယ်လေးတခုဖြစ်တဲ့ (ဖြစ်နေတဲ့ ပကတိတရားကို အမှန်အတိုင်း လက်ခံဖို့လိုပါတယ်) မြန်မာပြည်အရေးလောက်ကို ရေးကြီးခွင်ကျယ် ကိစ္စ ကြီးတခုအနေနဲ့ နိုင်ငံတကာ အစိုးရများက အသိအမှတ်မပြုပါဘူး။ ကုလသမဂ္ဂလုံခြုံရေးကောင်စီမှာ ဆွေးနွေးကြတဲ့ ပြဿနာတိုင်းသာ အဖြေထွက်လာနိုင်ခဲ့ရင် အခုကမ္ဘာမှာ ဖြစ်ပျက်နေတဲ့ သတင်းဆိုးတွေရဲ့ လေးပုံသုံးပုံလောက်ကို ကြားရမှာတောင် မဟုတ်ပါဘူး။ အီရတ်ကို အမေရိကန်နဲ့ မဟာမိတ်တပ်တွေ ၀င်နိုင် ဖို့ ဆယ်စုနှစ်တွေ ဘယ်လောက်ကြာခဲ့သလဲဆိုတာ ပြန်တွက်ချက်ကြည့်စေလိုပါတယ်။ သေချာတာတခုက တော့ မြန်မာနိုင်ငံဟာ ဒုတိယ အီရတ် လုံးဝဖြစ်လာမှာ မဟုတ်ပါဘူး။ နိုင်ငံရေးပထ၀ီဝင် အနေအထားအရ ဒုတိယတောင်အာဖရိကလဲ ဘယ်တော့မှ ဖြစ်လာမှာ မဟုတ်ပါဘူး။ ဒါဟာ ပကတိအခြေအနေမှန်ပါ။

ပြီးတော့ ကမ္ဘာပေါ်မှာ မြန်မာ့အရေးထက် ပိုအရေးကြီးတဲ့ ကိစ္စရပ်များစွာကလဲ ရှိနေပါသေးတယ်။ ဒါတွေကို မမြင်လို့ပဲဖြစ်ဖြစ်၊ တမင်တကာ မျက်စိပိတ်ပြီးပဲဖြစ်ဖြစ်၊ မြန်မာပြည်က စစ်အုပ်စုကို နိုင်ငံတကာ ဖိအားတွေ ပေးပြီး၊ ဒိုင်ယာလော့ခ်လမ်းကြောင်းပေါ် တက်လာအောင်လုပ်မယ်ဆိုတဲ့ မဟာဗျူဟာကြီးတွေ ချမှတ် အကောင်အထည်ဖော်နေတာကတော့ တလွဲဆံပင်ကောင်း လုပ်နေတာနဲ့ အတူတူပါပဲ။ နိုင်ငံတကာဇာတ်ခုံ မှာ legitimacy နဲ့ ပတ်သက်ပြီး state actors နဲ့ non-state actors ပြိုင်ပွဲတွေ ဖြစ်တဲ့အခါ ဘယ်သူက နိုင်ပြီး၊ ဘယ်သူတွေက ရှုံးတတ်တယ်ဆိုတာ ကမ္ဘာ့နိုင်ငံရေး သမိုင်းစာမျက်နှာတွေမှာ အတိအလင်း လေ့လာ တွေ့ရှိနိုင်ပါတယ်။ ဒီမဟာဗျူဟာကြီးနဲ့ပဲ ဆက်လက်တိုက်ပွဲဝင်နေရင်တော့ အဲဒီအတိုင်းတွေပဲ ဖြစ်သွားပါ လိမ့်မယ်။ ပြောမထွက်ရက်လို့ ကျွန်မ မပြောချင်ပါဘူး။ အချိန်က စကားပြောလာပါလိမ့်မယ်။ နိုင်ငံတကာ အစိုးရတွေရဲ့ ခြေလှမ်းတွေကို နောက်နှစ်နှစ်အတွင်းမှာ စောင့်ကြည့်လိုက်ပါ။

အဲဒီလိုအဖြစ်မခံပဲ မြန်မာ့နိုင်ငံရေးတိုးတက်မှုကို တကယ်ဖြစ်စေချင်တယ်ဆိုရင်တော့ legitimacy နည်းနဲ့ တိုက်ခိုက်နေတဲ့ စစ်အစိုးရကို အနိုင်ယူအောင်ပွဲခံနိုင်စေတဲ့ အင်အားကြီးတခုကတော့ ရှိနေပါတယ်။ ဒါက တော့ ပြည်သူလူထုပါ။ ပြည်သူလူထုဟာ စစ်အာဏာရှင်စနစ် ချုပ်ငြိမ်းရေးကိုပဲ လိုလားကြပါတယ်။ စစ်အုပ်စု ရဲ့ မတရားမှုတွေကိုလဲ နေ့စဉ်နဲ့အမျှ ခံစားနေကြရတာမို့ ခံပြင်းစိတ်တွေ လူတိုင်းရဲ့ရင်ထဲမှာ ရှိနေပါတယ်။ စစ်အုပ်စုရှိနေသရွေ့၊ နောက်ကွယ်က ကြိုးကိုင်နေသရွေ့ မြန်မာပြည်ကြီး တိုးတက်မှာမဟုတ်ဘူး ဆိုတာကို လဲ အများစုက နားလည်ကြပါတယ်။ ပြည်သူလူထုရဲ့အားကို ယူခြင်းကသာ အောင်ပွဲဆီကို ဦးတည်နိုင်ပါစေ လိမ့်မယ်။ စစ်အုပ်စုဟာ COIN နည်းဗျူဟာအတိုင်း Legitimacy ရဖို့အရေးကို အသည်းအသန် ကြိုးစားနေ ဆဲ ဖြစ်ပေမယ့် ပြည်သူလူထုကြားမှာတော့ အခုအချိန်ထိ legitimacy မရသေးပါဘူး။ ဒီအချက်ကို ဇောင်း ပေးပြီး လုပ်သင့်တာလုပ်ကြဖို့ လိုပါတယ်။ ပြင်ဆင်သင့်တာကို တညီတညွတ်တည်း ပြင်ဆင်ကြဖို့ လိုပါလိမ့် မယ်။ စစ်ပွဲဆိုတာ စစ်မြေပြင်မှာပဲ တိုက်ရတာ ဖြစ်ပါတယ်။ အမြောက်ပစ်ကူတချက် ပေးဖို့အရေး၊ အမြောက် လုပ်ဖို့ သံတုံးထိုင်သွေးနေသူတွေရဲ့ လက်ထဲကို စစ်ပွဲတခုလုံးရဲ့ ကံကြမ္မာကို မထည့်လိုက်မိပါစေနဲ့။ စခန်း ကုန်းလေးတခု သိမ်းပိုက်နိုင်တာနဲ့ပဲ အောင်ပွဲရပြီ။ ဒါလေးကိုပဲ မပျောက်မပျက်အောင် ထိန်းထားမယ်ဆိုသူ တွေရဲ့ လက်ထဲကိုလဲ command power မထည့်လိုက်မိပါစေနဲ့။

အဲဒီလို ဖြစ်လာရင် လူထုဟာ သူတို့ လက်မခံနိုင်တဲ့ အစိုးရတရပ်ရဲ့ legitimacy ကို အသိအမှတ်မပြုပေ မယ့်၊ ပုန်ကန်ခြားနားသူတွေ၊ တော်လှန်ရေးသမားတွေနဲ့လဲ ကင်းကွာ သွားနိုင်ပါတယ်။ လူထုနဲ့ တသား တည်းမရှိတဲ့ တော်လှန်ရေးဟာ အောင်ပွဲနဲ့ လွဲနေမှာ အသေအချာပါပဲ။ အခုဆက်လက်ပြီး COIN နည်းဗျူ ဟာ တရပ်ဖြစ်တဲ့ လူထုနဲ့ တော်လှန်ရေးကင်းကွာအောင် ပြုလုပ်ခြင်းအချက်ကို ဆက်လက်တင်ပြပါမယ်။ ဒီ နည်းဗျူဟာကိုလဲ စစ်အုပ်စုက ကျင့်သုံးနေပါတယ်။

(ရှေ့ဆက်ဖော်ပြပါမည်)



REF: ခင်မမမျိုး

Read More...

ရှမ်းခေါင်းဆောင် ဦးရွှေအုံး ပါတီဖွဲ့မည်

Thursday, 29 January 2009

“ပြည်ထောင်စု ဒီမိုကရေစီ မဟာမိတ်” အမည်ဖြင့် နိုင်ငံရေးပါတီတခု ဖွဲ့စည်းထူထောင်ရန် အဆင်သင့် ဖြစ်နေပြီဟု ဝါရင့် တိုင်းရင်းသား နိုင်ငံရေးသမားကြီး ဦးရွှေအုံးက ယနေ့ ပြောကြားလိုက်သည်။

စစ်အစိုးရ၏ ၂ဝ၁ဝ ပြည့်နှစ် ရွေးကောက်ပွဲ ကာလအတွက် နိုင်ငံရေးပါတီ ဖွဲ့စည်းမည်ဟူသော အသံတချို့ ထွက်နေချိန်တွင် ဤသို့ ပြောကြားလိုက်ခြင်း ဖြစ်သည်။

“ရှမ်းအဖွဲ့၊ ဗမာအဖွဲ့ အဲဒီလို မဟုတ်ဘူး။ ပြည်ထောင်စုထဲမှာရှိတဲ့ တိုင်းရင်းသားအားလုံး စုပေါင်းပြီးတော့ ဖွဲ့မယ့် အဖွဲ့။ အဓိက ရည်ရွယ်ချက်ကတော့ ပြည်ထောင်စုတခု တည်ဆောက်မယ်။ ဒီမိုကရေစီ နိုင်ငံ တည် ဆောက်မယ်” ဟု ဦးရွှေအုံးက ဧရာဝတီသို့ ပြောပြသည်။

ပါတီဖွဲ့စည်းရေးအတွက် ဖြစ်မြောက်ရေးကော်မတီ ဖွဲ့စည်းထားပြီး ဖြစ်ကြောင်း၊ ၎င်းတို့၏ ပါတီ ဖွဲ့စည်းပုံ ဥပဒေ ထွက်လာသည့်အခါ စည်းရုံးရေး စတင်မည်ဖြစ်ကြောင်း ပြောပြသည်။


ဦးရွှေအုံး

“ပါတီဖွဲ့မယ့် အကြောင်းကိုလည်း ကျနော်တို့ နိုင်ငံတော်အကြီးအကဲဆီ စာတင်ထားပြီးပြီ။ အကြောင်းကြား ထားပြီးပြီ။ ကျနော်တို့ လုပ်တော့မယ်” ဟု ဦးရွှေအုံးက ဆိုသည်။ လူမျိုးစုအားလုံး ပါဝင်နိုင်ရန် ဖွဲ့မည်ဟု သိရ သည်။

ဖြစ်မြောက်ရေး ကော်မတီတွင် အဖွဲ့ဝင် ၆ ဦးခန့် ရှိပြီး ဦးရွှေအုံး၊ ဦးဌေး (ယခင် ဒီမိုကရေစီ နှင့် ငြိမ်းချမ်းရေး အဖွဲ့)၊ ဦးတင်အုံး (ယခင် မြောင်းမြမြို့နယ် ဖဆပလ)၊ စိုင်းထွန်းမြင့် စသူတို့ ပါဝင်သည်ဟု သိရသည်။

ဦးရွှေအုံးသည် အသက် ၈၆ နှစ် ရှိပြီဖြစ်သည်။ ဦးရွှေအုံးသည် လွန်ခဲ့သည့် အနှစ် ၂ဝ က တိုင်းရင်းသား နိုင်ငံရေးအဖွဲ့များဖြင့် စုစည်းထားသည့် ပြည်ထောင်စု တိုင်းရင်းသားများ ဒီမိုကရေစီအဖွဲ့ချုပ်၏ ခေါင်းဆောင် တဦးဖြစ်သည်။ နောက်ပိုင်းတွင် စစ်အစိုးရက ထိုအဖွဲ့ကို ဖျက်သိမ်းလိုက်သည်။

၂ဝဝ၇ ခုနှစ်တွင် ဒေါ်အောင်ဆန်းစုကြည်က စစ်အစိုးရနှင့် တွေ့ဆုံဆွေးနွေးရေးအတွက် ကုလသမဂ္ဂ ကိုယ်စားလှယ်မှ တဆင့် ကြေညာချက်တစောင် ထုတ်ပြန်ခဲ့ဖူးသည်။ ထိုစဉ်က ဦးရွှေအုံးသည် ဒေါ်စု၏ ကြေညာချက်ကို ထောက်ခံခဲ့သော ပထမဆုံး မြန်မာပြည်တွင်းမှ တိုင်းရင်းသား နိုင်ငံသမားဖြစ်သည်။

အပစ်အခတ် ရပ်ထားသည့် တိုင်းရင်းသား လက်နက်ကိုင်အဖွဲ့များက အဆိုပါ ကြေညာချက်ကို ကန့်ကွက် ကြောင်း စစ်အစိုးရ သတင်းစာများတွင် ဖော်ပြခဲ့သည်။



REF: ဧရာဝတီ

Read More...

ဝနှင့် စစ်အစိုးရ တင်းမာမှု တိုးလာနေ

Thursday, 29 January 2009

ဝ ပြည် သွေးစည်းညီညွတ်ရေး တပ်မတော် (UWSA) နှင့် မြန်မာ စစ်အစိုးရ စစ်တပ်များအကြား မပြေမလည် တင်းမာမှုများ တိုးလာနေကြောင်း သိရသည်။

ယခုလ ၁၉ ရက်က စစ်ဖက်ရေးရာ လုံခြုံရေး အကြီးအကဲ ဒုဗိုလ်ချုပ်ကြီး ရဲမြင့် ဦးဆောင်သည့် အဖွဲ့ဝင် ၃၀ ခန့် ပါဝင်သော အဖွဲ့သည် ၀ ခေါင်းဆောင်များနှင့် တွေ့ဆုံရန် သွားရောက်ခဲ့ရာ ၀ ဒေသအ၀င်တွင် ၎င်းတို့၏ လက်နက်များကို ၀တပ်ဖွဲ့က သိမ်းဆည်းခဲ့သည်။ သိမ်းဆည်းခဲ့သည့် လက်နက်များအား ၂ ဖက် တွေ့ဆုံ ဆွေးနွေးမှုပြီးချိန်တွင်မှ ပြန်လည်ပေးအပ်ခဲ့သည်။ ယင်း ခရီးစဉ် နောက်ပိုင်းမှ စတင်၍ ထိုကဲ့သို့ တင်းမာမှုများ တိုးလာခဲ့ခြင်းဖြစ်သည်ဟု ၀ အဖွဲ့နှင့် နီးစပ်သူများက ပြောသည်။

တရုတ်-မြန်မာ နယ်စပ် အခြေစိုက် မြန်မာ့အရေး လေ့လာသူ ဦးအောင်ကျော်ဇောကလည်း ဒုဗိုလ်ချုပ်ကြီး ရဲမြင့်နှင့် အဖွဲ့သည် ရှမ်းပြည်နယ် ပန်ဆန်းဒေသရှိ UWSA ဌာနချုပ်သို့ သွားရောက်၍ လက်နက်စွန့်ရေး ဆွေးနွေးခဲ့ကြောင်း ပြောဆိုသည်။

ဝ အဖွဲ့ကို လေ့လာနေသော မန်းအိုက်ဖုန်းကမူ ဒု ဗိုလ်ချုပ်ကြီး ရဲမြင့်သည် ၀ ခေါင်းဆောင်များနှင့် တွေ့ဆုံ၍ ၀ ဒေသ ဖွံ့ဖြိုးရေးနှင့် စီးပွားရေးရာများကို ဆွေးနွေးခြင်းဖြစ်ကြောင်း၊ လာမည့် ၂၀၁၀ ရွေးကောက်ပွဲနှင့် ပတ်သက်ပြီး UWSA ၏ အခြေအနေကို လေ့လာခြင်းဖြစ်ကြောင်း ပြောသည်။

စစ်အစိုးရက ၎င်းတို့၏ အခြေခံဥပဒေကို ယမန်နှစ် မေလအတွင်း၌ အတည်ပြုခဲ့ပြီးနောက် ယင်းအခြေခံ ဥပဒေမှ ထွက်ပေါ်လာသည့် ရွေးကောက်ပွဲအသစ်အား လာမည့် ၂၀၁၀ ခုနှစ်တွင် ကျင်းပရန် ကြေညာခဲ့ သည်။ ထို ၂၀၁၀ ရွေးကောက်ပွဲကို ထောက်ခံမှုရရှိရန် ဆန့်ကျင်ဘက် အဖွဲ့အစည်းများသို့လည်း ကိုယ်စား လှယ်လွှတ်၍ စည်းရုံးလှုပ်ရှားမှုများကို ပြုလုပ်သည်။

၂၀၁၀ ရွေးကောက်ပွဲနောက်ပိုင်း၌ UWSA အပါအ၀င် လက်နက်ကိုင် ငြိမ်းချမ်းရေးအဖွဲ့များ လက်နက်စွန့်ရေး အတွက် စစ်အစိုးရက ဖိအားပေးရန် အစီစဉ်ရှိကြောင်းလည်း သိရသည်။

ပြီးခဲ့သည့် ဒီဇင်ဘာ ၅ ရက်တွင် တြိဂံတိုင်းမှူး ဗိုလ်မှူးချုပ်ကျော်ဖြိုး က UWSA တပ်မဟာ ၄၈၆ မှ ဗိုလ်မှူး ကြီး စိုင်းဆမ်နှင့် ပန်ဆိုင်းမြို့တောင်ဘက်ရှိ မုန်းပေါက်နယ်မြေတွင်တွေ့ဆုံ၍ လက်နက်နှင့် ငြိမ်ချမ်းရေး လဲလှယ်ရန် ဖိအားပေးမှုကို ၀ ဘက်က ငြင်းဆိုခဲ့ကြောင်း သျှမ်းသံတော်ဆင့် သတင်းစဉ်မှ အယ်ဒီတာ ဦးခွန်ဆိုင်းက ပြောသည်။

ယခုလဆန်းပိုင်းကလည်း UWSA အဖွဲ့က ၎င်းတို့၏ ဒေသအား ကိုယ်ပိုင်အုပ်ချုပ်ခွင့်ရ အထူးဒေသအဖြစ် သတ်မှတ်ပေးရန် တင်ပြချက်ကို မြန်မာစစ်အစိုးရဘက်က တုံ့ပြန်ခြင်းမရှိကြောင်း၊ သို့သော် ၀ အဖွဲ့က “မြန်မာနိုင်ငံတော် ၀ ပြည်နယ် အစိုးရ အထူးအုပ်ချုပ်ရေးဒေသ”ဟူသော အသုံးကို ကျယ်ကျယ်ပြန့်ပြန့် သုံးစွဲ နေကြောင်း သိရသည်။

UWSA ငြိမ်းချမ်းရေးယူခဲ့သည့် ၁၉၈၉ ခုနှစ်က စတင်၍ မြန်မာစစ်အစိုးရက ၀ ဒေသကို “ရှမ်းပြည်နယ် အထူး ဒေသ ၂ ”အဖြစ် သတ်မှတ် သုံးစွဲခဲ့သည်။

ဝ ပြည်သွေးစည်းညီညွတ်ရေးပါတီ (UWSP) ကလည်း စစ်အစိုးရ ကျင်းပသည့် အမျိုးသားညီလာခံသို့ ၂၀၀၃ ခုနှစ် အတွင်းက တက်ရောက်၍ ယင်း ၀ ပြည်နယ် ကိုယ်ပိုင်အုပ်ချုပ်ခွင့်အတွက် တောင်းဆိုခဲ့ကြောင်းသိရ သည်။

ယခုအခါ UWSA တပ်ဖွဲ့ဝင် ၂၀၀၀၀ ခန့်ကို ထိုင်း-တရုတ်-မြန်မာ နယ်စပ်တလျှောက်တွင် တပ်ဖြန့်ချထား ကြောင်း၊ ရှမ်းပြည်နယ် အောက်ဘက်တွင်လည်း ၆၀၀၀၀ မှ ၁၂၀၀၀၀ ခန့်ရှိသော ၀ ရွာသားများ အခြေချနေ ထိုင်လျှက်ရှိကြောင်း လေ့လာသူများက ပြောသည်။



ကိုစိုး
REF: ဧရာဝတီ

Read More...

တနေ့တည်း ဂျာနယ်အသစ် (၄) စောင်ထွက်

၂၉ ဇန်န၀ါရီ ၂၀၀၉

ဇန်နဝါရီ (၂၉) တနေ့တည်း ဂျာနယ်အသစ် (၄) စောင်ထွက်ပေါ်လာပြီး အချို့ဂျာနယ်များ ထူးခြားမှုရှိ ကြောင်း ဂျာနယ်လောကသားများက ပြောပြကြသည်။

အဆိုပါ ဂျာနယ်များမှာ Northern Star, Popular News, Phoenix နှင့် ဘုန်းရောင် ဂမ္ဘီရ ရသဂျာနယ်တို့ ဖြစ်ကြပြီး Northern Star ဂျာနယ်မှာမူ နိုင်ငံရေးအသားပေး ဂျာနယ်ဖြစ်ကြောင်း သိရသည်။

သတင်းဂျာနယ် အယ်ဒီတာတဦးက “အစိုးရ ပြန်ကြားရေးဝန်ကြီးဌာနကို ဂျာနယ်ထုတ်ဖို့ လျှောက်ထားသူ တွေ အများကြီးပဲ။ ချမပေးဘူး။ အထူးသဖြင့် သတင်းဂျာနယ်ဆိုရင် ချမပေးဘူး။ ဒါပေမယ့် ပြန်ကြားရေး ဝန်ကြီးက သဘောကျရင်၊ ထိပ်ပိုင်း စစ်အာဏာပိုင် အသိုင်းအဝန်းနဲ့ နီးစပ်ရင်၊ ကျနော်တို့အခေါ် ပိုင်ရင်တော့ ချပေးတယ်။ ဒီလောကမှာ သတင်းဂျာနယ်အသစ် ချပေးဖို့ နေနေသာသာ ထုတ်ဝေနေတဲ့ ဂျာနယ်ကို စာမျက် နှာတိုးပြီး ထုတ်ချင်ပါတယ်လို့ တင်ပြတာတောင် ခွင့်ပြုချက် မပေးဘူး” ဟု ပြောသည်။

လက်ရှိ ထုတ်ဝေသည့် ဂျာနယ်များအနက် Northern Star ဂျာနယ်သည် နိုင်ငံရေးအသားပေး ဂျာနယ် ဖြစ် ကြောင်း ကြေညာထားချက်နှင့်အညီ နိုင်ငံရေးအကြောင်းအရာများကို အဓိကထား ဖော်ပြထားသည်ကို တွေ့ ရသည်။

နိုင်ငံရေးအကြောင်းအရာများကို ဖော်ပြထားသည်ဆိုသော်လည်း စစ်အစိုးရနှင့် စစ်အစိုးရ၏ လမ်းပြမြေပုံ (၇) ချက်ကို ထောက်ခံသည့် သတင်း၊ ဆောင်းပါးများ၊ အန်အယ်လ်ဒီနှင့် အတိုက်အခံ နိုင်ငံရေးပါတီအုပ်စုများကို ရှုတ်ချ၊ အပုတ်ချသည့် သတင်းနှင့် ဆောင်းပါးများကိုသာ ထည့်သွင်းထားကြောင်း သိရသည်။

အဆိုပါ ဂျာနယ်ကို ပြန်ကြားရေးဝန်ကြီးဌာန၏ တာဝန်ပေးချက်အရ လာမည့် ၂ဝ၁ဝ ရွေးကောက်ပွဲ မတိုင်မီ ကာလများတွင် ကြံ့ဖွံ့အသင်းအတွက် ရည်ရွယ်၍ အယ်ဒီတာချုပ်အဖြစ် ဦးသီဟအောင်က ဆောင်ရွက်ပြီး အငြိမ်းစားဗိုလ်မှူးဝင်းတင်က ထုတ်ဝေခြင်းဖြစ်ကြောင်း သိရသည်။

အဆိုပါ ဂျာနယ်နှင့် ပတ်သက်၍ ဝါရင့်သတင်းစာဆရာကြီးတဦးက ၁၉၈၈ စစ်အစိုးရအာဏာသိမ်းပြီး နောက် ပိုင်း စစ်ထောက်လှမ်းရေး၊ ကြံ့ဖွံ့နှင့် နိုင်ငံရေးဇာတ်ပျက်များ ထုတ်ဝေခဲ့ကြသည့် ဂျာနယ်၊ မဂ္ဂဇင်း များစွာရှိခဲ့ ကြောင်း၊ စစ်အစိုးရကောင်းကြောင်း၊ အတိုက်အခံနှင့် ဒီမိုကရေစီ အင်အားစုအပါအဝင် ပြည်သူများ ဆိုး ကြောင်း တဖက်သတ် ဝါဒဖြန့် ရေးသားခဲ့ကြသည့်အတွက် စာဖတ်သူများ၏ အားပေးမှုမရဘဲ အချိန်တို အတွင်း ရပ်ဆိုင်းသွားကြကြောင်း၊ ယခုလည်း ယခင်ပုံစံဟောင်း နိုင်ငံရေးဂျာနယ်ဖြစ်ခြင်းကြောင့် ပြည်သူများ ၏ အားပေးမှုမရဘဲ မကြာမီ ရပ်ဆိုင်းသွားနိုင်ကြောင်း ဝေဖန်ပြောကြားသည်။

Popular News ဂျာနယ်မှာမူ ယခင် Popular ဂျာနယ်တိုက်ကပင် ထုတ်ဝေပြီး ပိုင်ရှင်က သေဆုံးသွားပြီဖြစ် သည့် ယခင် နအဖ အတွင်းရေးမှူး (၃) ဒု-ဗိုလ်ချုပ်ကြီးဝင်းမြင့်၏ သမီး ဖြစ်သည်။

အဆိုပါ ဂျာနယ်နှင့်ပတ်သက်၍ သတင်းဂျာနယ် အယ်ဒီတာတဦးက စစ်အစိုးရ ပြန်ကြားရေး ဝန်ကြီးဌာနက Popular News ဂျာနယ်ကိုလည်း လာမည့် ၂ဝ၁ဝ ရွေးကောက်ပွဲမတိုင်မီ စစ်အစိုးရကို ထောက်ခံသည့် ဂျာနယ်တစောင်အဖြစ် ရပ်တည်နိုင်အောင် ထုတ်ဝေခွင့်ပေးခဲ့ခြင်းဖြစ်ကြောင်း ပြောသည်။

၎င်းက ဆက်လက်၍ အဆိုပါဂျာနယ်ကို ဒု-ဗိုလ်မှူးကြီးဟောင်း ကိုကိုလှိုင်၊ မြသန်းစံ စသည့် စစ်အစိုးရကို ထောက်ခံ ဝါဒဖြန့်နေကြသည့် စစ်အရာရှိဟောင်းများနှင့် နေ့စဉ် သတင်းစာလုပ်ခဲ့သူများ ပါဝင်လုပ်ကိုင်နေ ကြပြီး စာပေစိစစ်ရေးကိုလည်း အလွန်သြဇာရှိကြောင်း၊ ၎င်းတို့ ဂျာနယ်တွင် ဖော်ပြထားသည့် ဆရာ မောင်ဝံသ၏ နိုင်ငံရေးသမားကောင်း ဖြစ်မြောက်ရေးဆိုသည့် ဆောင်းပါးသည် မိမိတို့ ဂျာနယ်၌ ဖော်ပြရန် တင်ပြခဲ့သော်လည်း ခွင့်ပြုချက်မရသည့် ဆောင်းပါးဖြစ်ကြောင်း၊ မိမိတို့ ဂျာနယ်က စာပေစိစစ်ရေးကို တယ်လီဖုန်းဖြင့် အကြောင်းကြားပြီး ခွင့်ပြုချက်တောင်းခံနိုင်သည့် တခုတည်းသော အခွင့်ထူးရ မီဒီယာဖြစ် ကြောင်း၊ Popular မှာမူ စာပေစိစစ်ရေးကို မိမိတို့ထက်ပင် ပိုသြဇာရှိသည့်ကို တွေ့ရကြောင်း ပြောသည်။

ကျန်ဂျာနယ်နှစ်စောင်အနက် Phoenix ဂျာနယ်သည် ရုပ်ရှင်၊ တေးဂီတအသားပေး ပေါ့ပ်ဂျာနယ်ဖြစ်ပြီး ဘုန်းရောင်ဂျာနယ်မှာမူ ဂမ္ဘီရလိုင်း ဂျာနယ်ဖြစ်သည်။

စစ်အစိုးရ ပြန်ကြားရေးဝန်ကြီးဌာနက ၂ဝဝ၈ ခုနှစ် ဒီဇင်ဘာလအတွင်း ဂျာနယ်အသစ် (၆) စောင်နှင့် မဂ္ဂဇင်း အသစ် (၆) စောင် ထုတ်ဝေခွင့်ပြုထားကြောင်း အဆိုပါဌာန၏ ထုတ်ပြန်ချက်အရ သိရသည်။



REF: ခေတ်ပြိုင်

Read More...

အေရှားဝေါလ်ဆိပ်ကမ်းတွင် ဘိန်းဖြူ (၃၈) ကီလို ဖမ်းမိ

၂၉ ဇန်န၀ါရီ ၂၀၀၉

ဘိန်းဘုရင်ဟောင်း လော်စစ်ဟန်၏သား ဦးထွန်းမြင့်နိုင်ပိုင် အေးရှားဝေါလ်ဆိပ်ကမ်းမှ ထွက်ခွာပြီးဖြစ်သည့် နိုင်ငံခြားကုန်သေတ္တာတင် သင်္ဘောတစ်စီးပေါ်၌ ဘိန်းဖြူ (၃၈) ကီလို ဖမ်းဆီးရမိကြောင်း ရန်ကုန်တိုင်း မူးယစ်အထူးတပ်ဖွဲ့မှ အမည်မဖော်လိုသူ အရာရှိတဦးက ပြောသည်။

၎င်းက “ပြီးခဲ့တဲ့ တနင်္ဂနွေနေ့က ဖမ်းတာ၊ သင်္ဘောက ကမ်းကနေ ထွက်ပြီ။ ပြန်ကပ်ခိုင်းပြီး ဖမ်းလိုက်တာ။ နဂိုကတော့ ဒီလိုပဲ ဆိပ်ကမ်းရဲ၊ ကျနော်တို့ မူးယစ်အထူးအဖွဲ့က လူကြီးတွေနဲ့ အပေးအယူလုပ်ပြီး ထွက်နေ ကြလို့ ပြောကြတယ်။ ကျနော်တို့ကတော့ အထက်က ဖမ်းဆို ဝင်ဖမ်းတာပဲ၊ အသေးစိတ်တော့ မသိဘူး” ဟု ပြောသည်။

ဖမ်းဆီးခံရသည့် သင်္ဘောမှာ KOTA TEGET ဟု အမည်ရသည့် သင်္ဘောဖြစ်ပြီး ACL သင်္ဘောလိုင်းမှ ဖြစ် ကြောင်း၊ ပါဝင်ပတ်သက်သည်ဟု ယူဆရသည့် သင်္ဘောသားအချို့နှင့် သင်္ဘောတာဝန်ရှိသူများကို ဆိပ်ကမ်း ရဲစခန်းတွင် ယနေ့အထိ ဖမ်းဆီးထိန်းသိမ်းထားဆဲဖြစ်ကြောင်း သိရသည်။

အဆိုပါကိစ္စ မူးယစ်အထူးတပ်ဖွဲ့မှ အမည်မဖော်လိုသူ အခြားအရာရှိတဦးကို မေးမြန်းကြည့်ရာ ၎င်းက ယခင် က မြန်မာနိုင်ငံကထွက်သည့် ဘိန်းဖြူများမှာ ထိုင်းနယ်စပ်မှတဆင့် ကမ္ဘာ့ဈေးကွက်ဆီသို့ ရောက်ကြောင်း၊ ထိုင်းနိုင်ငံတွင် တပ်ဆင်အစိုးရ တက်လာပြီးနောက်ပိုင်း မူးဆေးဝါးကိစ္စ ပြင်းပြင်းထန်ထန် နှိမ်နင်းခြင်း၊ မြန်မာ နိုင်ငံ နယ်စပ်များကို တင်းကြပ်ခြင်းတို့ လုပ်လာသည့်အတွက် ရေလမ်းကြောင်း အသုံးပြုကာ ရန်ကုန်မှ စင်ကာပူဘက်ထွက်ပြီး နိုင်ငံတကာ ရေပိုင်နက်အရောက်၌ နိုင်ငံခြားသင်္ဘောပေါ် ပြောင်းတင်ပေးသည့်နည်း ကို ကျင့်သုံးခဲ့ကြကြောင်း၊ အဆိုပါ လမ်းကြောင်းဖြင့် နိုင်ငံတကာသို့ ဘိန်းဖြူမြောက်မြားစွာ၊ အခေါက်ပေါင်း များစွာ တင်ပို့ခဲ့သော်လည်း မည်သည့်ပြဿနာမှ မပေါ်ခဲ့ကြောင်း ပြောသည်။

သို့သော် ပြီးခဲ့သည့်ကာလက စက်လှေတစ်စီးအတွင်း လူသတ်မှုဖြစ်ရာမှ မြန်မာ့မူးယစ်ဆေးဝါး ကုန်ကူးမှု သမိုင်း၌ ပမာဏအများဆုံး ဘိန်းဖြူဖမ်းဆီးမှုကြီး ပေါ်ပေါက်ခဲ့ပြီး အဆိုပါအမှုသည်လည်း မူးယစ်အဖွဲ့များက စုံစမ်း၍့ ရခြင်းမဟုတ်ဘဲ လူသတ်မှုကြောင့် မီးခိုးကြွက်လျှောက် ပေါ်သွားသည့် အမှုဖြစ်သည်ဟုလည်း အဆို ပါ အရာရှိက ပြောသည်။

၎င်းက “မိမိတို့ မူးယစ်အထူးအဖွဲ့တွေဆိုတာ အောက်ခြေ မူးယစ်ဆေးဝါး သုံးစွဲသူတွေလောက်ကိုသာ ဖမ်းဆီးနိုင်ပြီး ကျန်တာတွေကတော့ အထက်က အမိန့်မပေးရင် ဘာမှ လုပ်ပိုင်ခွင့်မရှိကြောင်းလည်း” ဆက် ပြောသည်။

ယခုပြဿနာမှာ လာဘ်ပေးလာဘ်ယူ မတည့်မှုပြဿနာက စပြီး ဖမ်းဆီးရသည်အထိ ဖြစ်သွာခြင်း ဖြစ်နိုင် ကြောင်း၊ ယခင် အေးရှားဝေါလ် ဆိပ်ကမ်းကနေ ဘိန်းဖြူပမာဏ မည်မျှ ထွက်သွားသည်ကို မည်သူမျှ မသိနိုင်ကြောင်း စသဖြင့် ရှင်းပြသည်။ ၂ဝဝ၈ ခုနှစ်အတွင်း မြန်မာပြည်တွင်း၌ ဖမ်းဆီးရမိသည့် မူးယစ် ဆေးဝါးပမာဏသည် ပြီးခဲ့သည့်နှစ်များနှင့် နှိုင်းယှဉ်ပါက နည်းပါးကြောင်း အစိုးရ၏ သတင်းထုတ်ပြန်ချက် များအရ သိရသည်။



REF: ခေတ်ပြိုင်

Read More...

Thursday, January 29, 2009

အမေရိကန် ဘဏ္ဍာရေးဝန်ကြီးသစ် တရုတ်ငွေလဲနှုန်းကိစ္စအပေါ် တင်းမာ

၂၈ ဇန်န၀ါရီ ၂၀၀၉

အိုဘားမားအစိုးရက မစ္စတာ တီမော်သီ ဂိုက်တ်နာကို ဘဏ္ဍာရေးဝန်ကြီးအဖြစ် ခန့်လိုက်ပြီ ဖြစ်သည်။

အမေရိကန် ဘဏ္ဍာရေးဝန်ကြီးသစ် တီမော်သီ ဂိုက်တ်နာသည် အသက် (၄၇) နှစ်သာရှိသေးသည့်အတွက် သမ္မတ အိုဘားမားနှင့် သက်တူရွယ်တူ ဖြစ်သည်။ သို့သော် တရုတ်အစိုးရသည် တရုတ်ယွမ်ငွေလဲလှယ်နှုန်း မသမာသည့်နည်း (Currency Manipulation) ကို အသုံးပြုထားသည့်အတွက် အမေရိကန်အစိုးရသစ်က ဖိအားပြင်းပြင်းထန်ထန်ပေးသွားမည်ဟု ရာဇသံပေးလိုက်သည့်အတွက် ငွေကြေးဈေးကွက်များ တုန်လှုပ် သွားသည်။

တရုတ်ကလည်း စွပ်စွဲချက်မမှန်ကြောင်း ချက်ချင်းချေပပြောဆိုခဲ့သည်။ သို့သော် ဂိုက်တ်နာ၏ စကားကြောင့် တရုတ်အပေါ်ဆက်ဆံသည့် အမေရိကန်နည်းဗျူဟာ ပြောင်းတော့မည်ဟု ကမ္ဘာက နားလည်သွားသည်။ တရုတ်ယွမ်ငွေကို တန်ဖိုးတက်လာအောင် မြန်မြန်လုပ်ရန် အမေရိကန်ပေါ်လစီ ဆုံးဖြတ်သူများက အစော ပိုင်းကတည်းက ဖိအားပေးခဲ့သည်။ တရုတ်ယွမ်ငွေကို ခိုင်မာအောင် မလုပ်သည့်အတွက် တရုတ်စီးပွားရေး သာမက ကမ္ဘာ့စီးပွားရေးပါ ဟန်ချက်ပျက်နေသည်ဟု ယူဆကြသည်။

ငွေလဲနှုန်းမသမာသည့် ကုန်သွယ်ဘက် တိုင်းပြည်များစာရင်းကို အမေရိကန် ဘဏ္ဍာရေးဝန်ကြီးဌာနက (၆) လတကြိမ် ထုတ်ပြန်ပေးရသည်။ ငွေလဲနှုန်းမသမာကြောင်းတွေ့လျှင် အမေရိကန်ဥပဒေအရ အဆိုပါ တိုင်းပြည်ကို ဒဏ်ခတ်ခွင့်ရှိသည်။

တိုင်းပြည်အတော်များများက အမေရိကန်ဒေါ်လာကို မြှင့်ထားပြီး မိမိငွေတန်ဖိုးကို နည်းနိုင်သမျှ ချပေးလေ့ရှိ သည်။ တရုတ်အပါအ၀င် နိုင်ငံအချို့က ယင်းသို့ မိမိငွေတန်ဖိုးကို ရှိသင့်သည်ထက် ပိုချပြီး အမေရိကန် တင် ပို့သည့် ကုန်စည်များအတွက် ငွေပံ့ပိုးပေးပြီး အခွန်သက်သာအောင် ရှောင်ခြင်းကို ငွေလဲနှုန်း မသမာသည့် နည်း (Currency Manipulation) ကျင့်သုံးသည်ဟု သတ်မှတ်သည်။ ထိုအချက်သည် အမေရိကန်ဥပဒေနှင့် လည်း ငြိစွန်းသည်။

တရုတ်က (အခြားငွေကြေးများနှင့်) ယွမ်ငွေလဲနှုန်း ချထားသည့်အတွက် တရုတ် အမေရိကန် ကုန်သွယ်ရေး မှာ အမေရိကန်ဘက်က လိုငွေအများအပြားပြသည့်အဖြစ်ကို ရောက်သည်။ တရုတ်နှင့် ကုန်သွယ်ရာတွင် ဒေါ်လာသန်း (၂၀၀) ကျော် အမေရိကန်က လိုငွေပြနေသည့်အပြင် တရုတ်ဗဟိုဘဏ်တွင် အရန်ဒေါ်လာ ဘီလီယံ (၁,၀၀၀) ပိုက်မိထားသည်။ ယွမ်လဲနှုန်းနိမ့်နေသည့်အတွက် နိုင်ငံခြားရင်းနှီးမြှုပ်နှံမှုကို ဆွဲဆောင် သော်လည်း အမေရိကန်ထုတ်လုပ်သူများ တရုတ်နိုင်ငံ မ၀င်နိုင်ဖြစ်နေသည်။ ကမ္ဘာ့ကုန်သွယ်ရေးလည်း ကမောက်ကမဖြစ်လာသည်ဟု ထောက်ပြကြသည်။

သမ္မတ ဘွတ်ရ်ှလက်ထက်တွင် အမေရိကန်က တရုတ်ကို ငွေလဲနှုန်းကိစ္စအတွက် တင်းတင်းမာမာ မဆက် ဆံဘဲ ပျော့ပျောင်းသည့်နည်းဖြင့် ဖျောင်းဖျရန် ကြိုးပမ်းခဲ့သော်လည်း မအောင်မြင်။ သို့သော် အမေရိကန် ဘဏ္ဍာရေးဝန်ကြီးသစ် စကားကြောင့် အိုဘားမား အစိုးရသစ်သည် တရုတ်အပေါ် ခပ်တင်းတင်းကိုင်တော့ မည်ဟု ကမ္ဘာက နားလည်သွားသည်။

တရုတ်နှင့်ဆက်ဆံရာတွင် စီးပွားရေးနည်းဗျူဟာကို မည်သူက ဦးဆောင်မလဲဆိုသည်မှာ မသေချာသေး သလို အိုဘားမားက တရုတ်ကို မည်သို့ အရေးယူမလဲဆိုမှာလည်း ရှင်းရှင်းလင်းလင်း မရှိသေးပေ။ သို့သော် ကောလာဟလ သတင်းများအရ နိုင်ငံခြားရေးဝန်ကြီးဌာနကို ဟီလာရီက ဦးဆောင်စေချင်သည်ဆို၏။ အိုဘားမားကိုယ်တိုင်ကလည်း အထက်လွှတ်တော်မှာကတည်းက တရုတ်ကို ဥပဒေကြောင်းအရ ခပ်တင်း တင်း ကိုင်စေလိုသူဖြစ်သည့်အတွက် တရုတ်-အမေရိကန် စကားစစ်ထိုးပွဲ တကျော့ပြန်ဦးမည်ဟု မျှော်လင့်ရ သည်။



သတင်းထောက် ဟန်တင်အောင်
REF: ခေတ်ပြိုင်

Read More...

၂၀၁၀ ရွေးကောက်ပွဲ ပျက်ပြားနိုင်ဟု နအဖ စစ်ဗျူဟာမှူးပြော

ကြာသပတေးနေ့၊ 29 ဇန်န၀ါရီ 2009

ယခုလဆန်းပိုင်း၌ ကွန်ဟိန်းအခြေစိုက် နအဖ စစ်ဗျူဟာမှူး ကြီးမှူး၍ ဌာနပေါင်းစုံဝန်ထမ်းများ အစည်း အဝေး ဆင့်ခေါ်ကျင်းပရာ “အကြောင်းအမျိုးမျိုးကြောင့် ၂၀၁၀ ရွေးကောက်ပွဲ ပျက်ပြား/ ရက်ပြောင်းနိုင်ဖွယ် ရှိကြောင်း" ထည့်သွင်း ပြောကြားသွားသည်ဟု ထိုအစည်းအဝေးတက်ရောက်သူ ၀န်ထမ်းတဦးကဆိုသည်။

ယခုလ ၂ ရက်နေ့က သျှမ်းပြည်တောင်ပိုင်း ကွန်ဟိန်းအခြေစိုက် နအဖ စစ်ဗျူဟာမှူး ဒုဗိုလ်မှူးကြီး တင်မောင်ရွှေမှ ကွန်ဟိန်းမြို့ပေါ်ရှိ လူဝင်မှုကြီးကြပ်ရေး၊ မြေတိုင်း၊ ရဲ၊ မီးသတ်၊ ကျန်းမာရေး၊ ပညာရေး၊ မိခင် ကလေးများအသင်းမှအစ မော်တော်ယာဉ်လိုင်းပါမကျန် ၀န်ထမ်းများစုံညီအစည်းဝေး ဆင့်ခေါ်ကျင်းပခဲ့ ကြောင်း၊ ထိုအစည်းအဝေး၌ - “၂၀၁၀ ရွေးကောက်ပွဲ ဖြစ်ချင်မှဖြစ်တော့မယ်၊ အစီ အစဉ်ပြောင်းရွှေ့ရင် ပြောင်းမယ်” ဟု ထည့်သွင်းပြောဆိုသွားခဲ့သည်ဟု ဆိုသည်။

အသက် ၄၀ ကျော် ၀န်ထမ်းတဦးက - “၂၀၁၀ ရွေးကောက်ပွဲ ဖြစ်ချင်မှဖြစ်မယ်ဆိုတာက အကြောင်းရပ် ၄ ခု ရှိတယ်လို့ ပြောတယ်။ (၁) ပြည်တွင်းပြည်ပ အဖျက်အမှောင့်/သောင်းကျန်းသူတွေ စီမံကိန်းနဲ့ ၀င်ရောက် နှောင့်ယှက်မယ်လို့ သတင်းရထားလို့၊ (၂) ရခိုင်ဘက်က ဂက်စ်ကြောင့်ဖြစ်တဲ့ ဘင်္ဂလားဒေ့ခ်ျနဲ့ နယ်ခြား ပြဿနာ၊ (၃) တိကျတဲ့ လူဝင်ထွက်/ သန်းခေါင်စာရင်း မှတ်ပုံတင် မပြီးပြတ်နိုင်သေးတာရယ် (၄) မူးယစ် ဆေးဝါး တိုက်ဖျက်ရေးစီမံချက် မပြီးပြတ်သေးတဲ့ပြဿနာကြောင့် ဆိုဘဲ”- ဟု ပြန်လည်ပြောပြ၏။

ယခုလ ၂၀ ရက်နေ့တွင်လည်း ဗျူဟာမှူးကြီး ဒုဗိုလ်မှူးကြီးတင်မောင်ရွှေက ကွန်ဟိန်းမြို့ တာကော်အုပ်စု ဟန်နားရွာနှင့် ဖန်လန်းရွာမှ ပြည်သူ့စစ်ခေါင်းဆောင်များကို ဆင့်ခေါ်၍ သျှမ်းသူပုန်ချေမှုန်းရန်အတွက် နအဖ စစ်ကြောင်းနှင့်အတူ ရှေ့တန်းတက်ဖို့ ပြည်သူ့စစ်များအား စစ်ရေးလေ့ကျင့်ခိုင်းပြီး အော်တိုသေနတ်လည်း ထုတ်ပေးမည်ဟုဆို၏။

ကာလိကျေးရွာအုပ်စုမှ အသက် ၂၀ ကျော် မော်တော်ဆိုင်ကယ်ရောင်းဝယ်သူတဦးက - “ကျနော်တို့က တော့ ရွေးကောက်ပွဲဖြစ်ဖြစ် မဖြစ်ဖြစ် စိတ်မ၀င်စားဘူး။ အဲ ဗျူဟာမှူးလည်းသိပ်မခေပါဘူး - သူရောက်လာ ကတဲ့က အိမ်အလုပ်ကို ကောင်းကောင် မလုပ်ရဘူး၊ ပြည်သူ့စစ်ဆို တကဲ့စစ်သားအတိုင်း စစ်ရေး အဆက် မပြတ် လေ့ကျင့်ခိုင်းတယ်။ နောက်ပြီး ရွှေတိဂုံ ပုံတူ စေတီပြုပြင်မွမ်းမံဖို့ ကျနော်တို့အုပ်စုကို ၀ါးလုံး အလုံးရေ ၁၀၀၀ ဆင့်ခေါ်ထားသေးတယ်” - ဟုဆို၏။

REF: သျှမ်းသံတော်ဆင့်

Read More...

ဘာကြောင့် အာဏာမလွှဲပေးရသလဲ - ခိုင်လင်း(မေဃ၀တီ)

ဗုဒ္ဓဟူးနေ့၊ 21 ဇန်န၀ါရီ 2009

၁၉၉၀ ပြည့် အထွေထွေရွေးကောက်ပွဲရလာဒ်ကို အနိုင်ရပါတီအား အဘယ်ကြောင့် အာဏာမလွှဲပေးဘဲ နေရသနည်း။ စစ်အုပ်စုအနေဖြင့် အာဏာကို ဆက်လက်ဆုပ်ကိုင်လိုခြင်း တစ်ခုတည်းတော့ မဖြစ်နိုင် ချေ။ အာဏာလွှဲပြောင်း မပေးနိုင်ခြင်း အကြောင်းအရာများစွာထဲက အဓိက ကျောရိုးတခု (သို့မဟုတ်) အချက်တခုရှိသည်။ ယင်းအချက်သည် နအဖ (န၀တ) စစ်အုပ်စုအတွက် သေရေးရှင်ရေးတမျှ အရေးကြီး သည်။ (ဤနေရာ၌ တပ်မတော်သားများကို မဆိုလိုပါ။ တပ်မတော်သားများအနေနှင့်လည်း တပ်မတော်နှင့် နအဖ (န၀တ) သည် သီးခြားဆိုသည်ကို သဘောပေါက်ရန် အရေးကြီးသည်။ စစ်တပ်ကို ခုတုံးလုပ်၍ လူ တစုက သူတို့ဆန္ဒအတိုင်း လုပ်ချင်သလိုလုပ်၍ တဖက်မှာ နအဖ (န၀တ) နှင့် တဘောတည်းပုံစံမျိုး လုပ် ဆောင်နေသည်ကို သတိချပ်သင့်သည်။ စကားချပ်)

နအဖ (န၀တ) သည် အာဏာသိမ်းပြီးကတည်းက ပြည်သူ့အာဏာကို ပြည်သူ့လက်ထဲ ပြန်အပ်၍ ၄င်းတို့ အနေဖြင့် စစ်တန်းလျားကို ပြန်မည်ဟု ကတိပေးခဲ့ပါသည်။ အမှန်ကလည်း သူတို့ပြန်မည်ဟု ပြောဆိုခြင်း သည် သူတို့မျှော်လင့်ထားသော (တစည) သေချာပေါက်နိုင်မည်ဟု တွက်ထားသောကြောင့်ဖြစ်သည်။ အကယ်၍ ၁၉၉၀ ခုနှစ် ရွေးကောက်ပွဲသည် (တစည) သာ နိုင်ခဲ့ပါက (တစည) အာဏာလွှဲ၍ စစ်တပ်သည် စစ်တန်းလျားကို ပြန်မှာသေချာသည်။ ဤကဲ့သို့ ကောက်ချက်ချရခြင်းသည် နှစ်နှစ်ဆယ်ကာလ၏ အခင်း အကျင်းအရ ကောက်ချက်ချခြင်းဖြစ်သည်။ လက်ရှိအခြေအနေအရလည်း နအဖ(န၀တ) အနေဖြင့် (တစည) ကို ကျားကန်ပေးနေသည်ကို သတင်းအချက်အလက်များအရ သိရသည်။ သို့သော် နအဖ(န၀တ) မျှော်လင့် ထားသလို ဖြစ်မလာဘဲ အမျိုးသားဒီမိုကရေစီအဖွဲ့ချုပ်က အပြတ်အသတ်အနိုင်ရခဲ့သည့်အခါ နအဖ (န၀တ) အနေဖြင့် ဗြောင်ပေးထားသည့်ကတိကို ဗြောင်ဖျက်ခဲ့ရသည် ။ ဘာကြောင့် အမျိုးသားဒီမိုကရေစီအဖွဲ့ချုပ်ကို အာဏာမလွှဲပေးချင်ရသနည်း။ အာဏာအပေါ်မှာသာယာ၍ သို့မဟုတ် အာဏာကို ဆက်လက်ဆုပ်ကိုင်လို ခြင်းကြောင့်ဖြစ်သည်ဆိုလျှင် ယင်းတခုတည်းကြောင့်တော့မဖြစ်နိုင်။ ယင်း၏ နောက်ကွယ်မှာ ဘာတွေရှိသ နည်း။ လက်ကုန်နှိုက်ကြည့်ရန်လိုလာသည်။ အချို့က ချပြသည် ။ မရဲတရဲ ။ ကျနော်လည်း မရဲတရဲ ၂၀၀၂ တုန်းက မဂ္ဂဇင်းတစ်စောင်မှာ ပါးပါးလေးချပြဖူးသည် ။ ကျနော်က ယင်းဆောင်းပါး တွင် “မြန်မာနိုင်ငံ၏ ပကတိတည်ရှိနေသော ပြဿနာသည် အမျိုးသားရေးပြဿနာဖြစ်သည် ။ ယင်းအမျိုးသားရေးပြဿနာအား နိုင်ငံရေးအရဖြေရှင်းမှသာလျှင် ပြေလည်သွားမည် ဖြစ်၏ ။ (၁၉၉၀)ပြည့်နှစ် အထွေထွေရွေးကောက်ပွဲသည် ပြည်သူ့အာဏာအား ပြည်သူ့ထံအပ်နှင်းရုံသက်သက် မဟုတ်ဘဲ အမျိုးသားရေးပြဿနာအား နိုင်ငံရေးအရ မဖြေရှင်းလိုသောကြောင့် ပြည်သူ့အာဏာအား မအပ်နှင်းဘဲ ငြင်းဆန်နေခြင်းဖြစ်၏။ စစ်အုပ်စုသည် အမျိုး သားအသီးသီးတို့၏ တန်းတူရေးနှင့် ကိုယ်ပိုင်ပြဋ္ဌာန်းခွင့်ရှိရေးကို မလိုလားသည်မှာ သမိုင်းက သက်သေပြ လျက်ရှိသည်။ အကယ်၍ အမျိုးသားရေးပြဿနာအား မဖြေရှင်းဘဲ အာဏာပိုင်ဆိုင်ရေးတခုတည်းဆိုလျှင် အောင်နိုင်ရေးပါတီဖြစ်သော (NLD) လက်ထဲသို့ အာဏာလွှဲပြောင်းလိုက်မည်ဖြစ်၏။ ယခု (၁၉၉၀) ပြည့်နှစ် အထွေထွေရွေးကောက်ပွဲ၏ အဖြေသည် အာဏာရရှိရေးသက်သက်မဟုတ်သည်မှာ ထင်ရှားသည်။ အမျိုး သားဒီမိုကရေစီအဖွဲ့ချုပ်သည် အမျိုးသားရေးပြဿနာကို နိုင်ငံရေးအရအဖြေရှာမည်မှာ သေချာသောကြောင့် စစ်အုပ်စုအနေဖြင့် ငြင်းဆန်နေရခြင်းဖြစ်၏” ဟူ၍ အခြားအကြောင်းအရာရေးရင်း ကျနော် ကောက်ချက်ချ ရေးပြခဲ့ဖူးသည်။ တချိန်ချိန် ယင်းအကြောင်းအရာလေးကို သီးသန့်ဆောင်းပါးတပုဒ်ရေးမည်ဟု စိတ်ကူးခဲ့ သော်လည်း ပြန်လည်အမှတ်မရသဖြင့် ကျနော်မရေးဖြစ်ခဲ့ပါ။

တိုက်ဆိုင်စွာဖြင့် နာမည်ကျော်စာရေးဆရာတဦး၏ ဆောင်းပါးကို ဖတ်ဖြစ်မှ ယင်းအကြောင်းအရာကို ပြန် လည်သတိရ၍ ရေးဖြစ်ခြင်းဖြစ်သည်။ ဆရာ၏ ဆောင်းပါးအနှစ်ချုပ်မှာ အမျိုးသားဒီမိုကရေစီအဖွဲ့ချုပ် အနေ ဖြင့် တစ်ထစ်လျှော့ရမည်ဖြစ်ကြောင်း၊ ဆရာလေသံအရ ပြောရရင် ပညာရှိလေးများကဆိုသည့်အကြောင်း၊ အမျိုးသားဒီမိုကရေစီအဖွဲ့ချုပ်အနေဖြင့် တစ်ထစ်မက လျှော့လာလိုက်သည်မှာ နောက်ဆုံးလျှော့စရာမရှိ၍ ဦးလွင်ပုဆိုးသာ ကျန်တော့သည့်အကြောင်း စသည် အားဖြင့် ရေးထားပါသည် ။ ကျနော့်အနေနှင့် ဆရာအား တိုက်ခိုက်လို၍ ဤဆောင်းပါးကို ရေးသည်မဟုတ်ပါ။ ပညာရှိလေးများဆိုသည့် ဆရာ့စကားကိုလည်း ကျနော့်ကို ရည်ရွယ်သည်မဟုတ်ပါ။ မည်သူအား ရည်ရွယ်သည်ကို ကျနော်သိသည်။ သို့သော် ယင်းကိစ္စ အဓိကမဟုတ် ။ အဓိက ဖြစ်နေသည့်အကြောင်းအရာကိုသာ ဆုပ်ကိုင်၍ အထက်မှာ ကျနော် ပြောခဲ့သည့် အတိုင်း တိုက်ဆိုင်၍သာ ဥပမာအဖြစ်ပြရင်း ရေးသားရခြင်းဖြစ်ပါသည်။ ဆရာညွန်းသော ပညာရှိလေးများ ထဲမှ တယောက်ပြောသေ စကားသည် န၀တ (နအဖ) မှ အာဏာမလွှဲပြောင်းပေးရေး၏ အချက်တချက်ဖြစ် သည်။ ယင်းအချက်သည် ကျနော် အထက်မှာတင်ပြခဲ့သည့် ၂၀၀၂ ခုနှစ်က ရေးခဲ့ဖူးသည့် ဆောင်းပါး ကောက်နုတ်ချက်နှင့် အနှစ်သာရအားဖြင့် တူနေသည်။ ယင်းအကြောင်းအရာကို ဆွဲဆန့်၍ ယခုဆောင်းပါး ကို ကျနော်ရေးရခြင်းဖြစ်သည်။ (ဤနေရာ၌ ကျနော် ညွန်းဆိုသောပုဂ္ဂိုလ်များ၏ နာမည်အား မထည့်ရေး သည်ကို နားလည်ပေးစေချင်သည်။ ၄င်းပုဂ္ဂိုလ်များအား နာမည်မထည့်ရေးသော်လည်း စာဖတ်နှံ့စပ်သူများ အနေဖြင့် အဖြေရှိပါသည်။ စကားချပ်။)

ယင်းအချက်ကို အမျိုးသားဒီမိုကရေစီအဖွဲ့ချုပ်အနေဖြင့် လျှော့ပေးလျှင် အာဏာလွှဲပြောင်းပေးခြင်းကို ရရ မည်ဖြစ်သည်။ ယင်းအချက်ကား အမျိုးသားဒီမိုကရေစီအဖွဲ့ချုပ်၏ တိုင်းရင်းသားများ အပေါ်ထားရှိသည့် သဘောထားပင်ဖြစ်သည်။ အဖွဲ့ချုပ်အနေနှင့်လည်း တိုင်းရင်းသားရေးရာနှင့် ပတ်သက်၍ ယခုကဲ့သို့ ခိုင်မာ စွာ ရပ်တည်နေရခြင်းသည် လွတ်လပ်ရေးနှင့်ထပ်တူ ဖြစ်ပွားလာခဲ့သော ပြည်တွင်းစစ်ကို အဆုံးသတ်စေ လို၍ ဖြစ်သည်။ တနည်းအားဖြင့်ပြောရလျှင် လွတ်လပ်ရေးနှင့်ထပ်တူ အစိုင်အခဲအဖြစ်တည်ရှိနေသော အမျိုးသားရေးပြဿနာကို နိုင်ငံရေးအရ ဖြေရှင်းလို၍ဖြစ်သည်။ အဖွဲ့ချုပ်၏ ရပ်တည်ချက်သည် ပင်လုံအပေါ် သစ္စာဖောက်မှုများကို ပြန်လည်ကုစားခြင်းလည်းဖြစ်သည်။ ဦးဝင်းတင် လွတ်လာပြီးနောက် မီဒီယာ (RFA) နှင့် အင်တာဗျူးသည့်အခါ၌လည်း ဗမာအမျိုးသားများနှင့် ထပ်တူ ကျန်အမျိုးသားများသည်လည်း နိုင်ငံရေး အရ တန်းတူအခွင့်အရေး ရှိကိုရှိရမည်ဟု ပြောကြားခဲ့သေးသည်။ “နိုင်ငံရေးအရ တန်းတူရေး” ဆိုသည့် စကားသည် ၁၉၆၂ ခုနှစ်မှသည် ယနေ့ကာလအထိ အာဏာသိမ်း စစ်ခေါင်းဆောင်တစုအနေဖြင့် နာနာ ကျင်ကျင် ခါးခါးသီးသီး အပြင်းအထန်ငြင်းဆန်နေခဲ့ကြသည်။ ၁၉၆၂ ခုနှစ်၏ ဟိုမှာဘက် ပါလီမန်ခေတ်မှာ လည်း နိုင်ငံရေးအရ တန်းတူရေးနှင့် ကိုယ်ပိုင်ပြဋ္ဌာန်းခွင့် ရှိခဲ့သည်မဟုတ်ပါ။ ၁၉၆၂ အလွန် ကာလများနှင့် နှိုင်းယှဉ်၍ ကောင်းနေခြင်းသာဖြစ်သည်။ ပါလီမန်ခေတ်သည် အနူထဲက လူချော။

ဒီမိုကရေစီအင်အားစုကြားမှာလည်း အချို့ပုဂ္ဂိုလ်များသည် တိုင်းရင်းသားများအနေဖြင့်လည်း တစ်ထစ်လျှော့ တိုက်ပွဲဝင်ဖို့လိုအပ်ကြောင်း ဆွေးနွေးချပြသည်ကို နယ်စပ်မှနေစဉ် ကျနော်ကြုံခဲ့ရဖူးသည်။ တိုင်းရင်းသား များ၏ တစ်ထစ်လျှော့ တိုက်ပွဲဝင်ခြင်းနှင့် အမျိုးသားဒီမိုကရေစီအဖွဲ့ချုပ်ကလည်း တစ်ထစ်လျှော့ရန် အကြံ ပေးခြင်းသည် ဒီမိုကရေစီ နိုင်ငံတော်တခု တည်ဆောက်ရေးတခုကိုသာ ကြည့်ခြင်းဖြစ်သည်။ ပါလီမန်ခေတ် သည်လည်း ဒီမိုကရေစီနိုင်ငံဖြစ်ခဲ့ပါသည်။ တိုင်းရင်းသားများ၏ နိုင်ငံရေးအရတန်းတူရေးနှင့် ကိုယ်ပိုင်ပြဋ္ဌာန်း ခွင့် ရှိခဲ့ပါသလား။ ပြည်တွင်းစစ်ရော မရှိဘဲနေခဲ့ဖူးပါသလား။ ခေတ်အဆက်ဆက် အုပ်ချုပ်သူများအနေဖြင့် ပင်လုံကို ကျောခိုင်းသစ္စာဖောက်ခဲ့ခြင်း၏ ရလဒ်သည် တိုင်းပြည် မတည်မငြိမ်ဖြစ်ပြီး ကုန်းကောက်စရာမရှိ သော နိုင်ငံအဖြစ် ကြွင်းကျန်ရစ်ခဲ့ခြင်းသာ အဖတ်တင်သည်။ မည်သို့ပင်ဖြစ်စေ တိုင်းရင်းသားလူမျိုးပေါင်းစုံ နိုင်ငံရေးအရ တန်းတူရေးနှင့် ကိုယ်ပိုင်ပြဋ္ဌာန်းခွင့်ရှိရေးစသဖြင့် အဖွဲ့ချုပ်၏ နိုင်ငံရေး ရပ်တည်ချက် သို့မဟုတ် တိုင်းရင်းသားများအပေါ် အဖွဲ့ချုပ်၏ သဘောထားသည် ယနေ့အချိန်ထိ မပြောင်းလဲသေးပါ။ ထို့အတူ စစ် အုပ်စုသည်လည်း ၁၉၉၀ ပြည့်အထွေထွေရွေးကောက်ပွဲရလဒ်ကို အသိအမှတ်ပြုမည် မဟုတ်ပါ။ အသိ အမှတ်ပြုသည့်တိုင် အမျိုးသားဒီမိုကရေစီအဖွဲ့ချုပ်၏ တိုင်းရင်းသားများနှင့် ပတ်သက်သည့် နိုင်ငံရေးရပ်တည် ချက် တစ်ထစ်မလျှော့သမျှ အဖွဲ့ချုပ်အား အာဏာအပ်နှင်းမည်မဟုတ်ပါ။ ဆိုလျှင် အဖွဲ့ချုပ်အနေဖြင့် ၁၉၉၀ ရွေးကောက်ပွဲ အသိအမှတ်ပြုရေးနှင့် အာဏာရရှိရေးအတွက် တိုင်းရင်းသားလူမျိုးများအပေါ်ထားရှိသည့် သဘောထား သို့မဟုတ် နိုင်ငံရေးရပ်တည်ချက်ကို ပြောင်းလဲပစ်မည်လား။ အဖွဲ့ချုပ်သည် အာဏာရယူရေး တခုတည်းသက်သက်မဟုတ်ဘဲ အမျိုးသားရေးပြဿနာများအား နိုင်ငံရေးအရဖြေရှင်းရန် စိန်ခေါ်မှုများဖြင့် တိုးဝင်လာခဲ့ခြင်းဖြစ်သည်။ ယင်းကြောင့် အမျိုးသားဒီမိုကရေစီအဖွဲ့ချုပ်အနေဖြင့် တိုင်းရင်းသားပြည်နယ်များ တွင်လည်း အောင်ပန်းဆင်နိုင်ခဲ့ခြင်းဖြစ်သည်။ ယင်းကြောင့်ပင် ဗိုလ်အောင်ကျော်လမ်း ထုတ်ပြန်ကြေငြာ ချက်ကို ထုတ်ပြန်နိုင်ခဲ့ပြီး တိုင်းရင်းသားပါတီများနှင့်လက်တွဲ၍ ပြည်သူ့လွှတ်တော် ကိုယ်စားပြုကော်မတီ (CRPP) ကို ဖွဲ့စည်းနိုင်ခဲ့ခြင်းဖြစ်သည်။

နအဖ (န၀တ) အနေဖြင့်လည်း အဖွဲ့ချုပ်၏ တိုင်းရင်းသားများအပေါ် သဘောထားအား ပြောင်းလဲသင့် ကြောင်းကို ဆွေးနွေးကောင်း ဆွေးနွေးပြီးဖြစ်လိမ့်မည်။ သို့သော် အဖွဲ့ချုပ်အနေဖြင့် တိုင်းရင်းသားများအပေါ် ရပ်တည်ချက်ကို မပြောင်းလဲခဲ့သဖြင့် စစ်အုပ်စုသည် တိုင်းရင်းသား လူမျိုးများ၏ နိုင်ငံရေးအရတန်းတူရေးနှင့် ကိုယ်ပိုင်ပြဋ္ဌာန်းခွင့် လုံးဝမပါသော ဖွဲ့စည်းအုပ်ချုပ်ပုံ အခြေခံခံဥပေဒကို တရပ်ကြမ်း ရေးဆွဲခဲ့ပြီး ဖြစ်သည့် နည်းဖြင့် လူထုဆန္ဒခံယူပွဲကျင်းပကာ အားလုံးထောက်ခံပါသည်ဟု လုပ်ဆောင်ခဲ့သည်။ စစ်ခေါင်းဆောင်များ အုပ်ချုပ်ရေးဟုဆိုသော်လည်း အမှန်စင်စစ် တိုင်းရင်းသား လူမျိုးများ၏ နိုင်ငံရေးအရ တန်းတူရေးနှင့် ကိုယ်ပိုင်ပြဋ္ဌာန်းခွင့်ကို လုံးဝပစ်ပယ်လို၍ လုပ်ဆောင်လာခြင်းဖြစ်သည်မှာ ထင်ရှားသည်။ တပ်မတော် ကောင်းစားရေးမဟုတ် ။ ခေါင်းဆောင် လူတစုကောင်းစားရေးနှင့် တိုင်းရင်းသားများအား နှိပ်ကွပ်ရေး။ ဆို လျှင် တပ်မတော်တွင်းရှိ တိုင်းရင်းသားများအနေဖြင့် ဘာလုပ်သင့်သနည်း။ အမျိုးသား ဒီမိုကရေစီအဖွဲ့ချုပ် အား အာဏာမလွှဲပေးခြင်းသည် ၄င်းအဖွဲ့ချုပ်၏ တိုင်းရင်းသားလူမျိုများအပေါ်ထားရှိသည့် နိုင်ငံရေးသဘော ထားကို မကြိုက်သောကြောင့်ဖြစ်သည်ကို မမေ့သင့်ပေ။



REF: သျှမ်းသံတော်ဆင့်

Read More...

စီးပွားရေးကျဆင်းမှုဒဏ် ဗမာစစ်တပ် မရှုမလှခံနေရ - စိုင်းအောင်

တနင်္လာနေ့၊ 05 ဇန်န၀ါရီ 2009

မြန်မာပြည်တွင် ယာဉ်ထိန်းပုလိပ်က ယာဉ်များကိုရပ်ခိုင်း၍ ငွေတောင်းယူခြင်းကို အဆန်းတကျယ်အဖြစ် သဘောမထားကြသော်လည်း စစ်တပ်မှတပ်ထိန်းများက ယာဉ်များကိုတားဆီးကာ ငွေတောင်းယူသည်ကို တော့ ထူးဆန်းမှုတစ်ခုအဖြစ် မြင်တွေ့ကြရမည်ဖြစ်သည်၊၊

ယခုအဖြစ်အပျက်က ကချင်ပြည်နယ် မြစ်ကြီးနားမြို့ အခြေစိုက် မြောက်ပိုင်းတိုင်းစစ်ဌာနချုပ် နယ်မြေ အတွင်းတွင်ဖြစ်သည်။ ယခုရက်ပိုင်းကမှ မြောက်ပိုင်းတိုင်း တပ်နယ်မြေအတွင်း လေယာဉ်ကွင်းရှေ့ဘက်နား ရှိ မြစ်ကြီးနား-မန္တလေးသွားကားလမ်းမပေါ် တွင် တပ်ထိန်းဂိတ် နေရာ(၃) နေရာဖွင့်ကာ ဖြတ်သွားဖြတ်လာ ယာဉ်ကြီးယာဉ်ငယ်မှန်သမျကို တစ်စီးလျှင် ကျပ် (၅၀၀) နူန်း ကောက်ခံနေသည်၊၊

ဂိတ်ဖွင့်ထားသည့်လမ်းက အချက်အခြာကျသည့် မြန်မာပြည်အလယ်ပိုင်း မန္တလေးမြို့သာမက မြောက်ဖျား ပိုင်း တနိုင်းနှင့် မိုးညှင်း၊ မိုးကောင်း၊ ဖားကန့်၊ ရွှေဘိုမြို့များကိုပါ ခရီးပေါက်သဖြင့် တစ်ရက်လျှင် ယာဉ်ကြီး ယာဉ်ငယ် အစီးပေါင်း ရာနှင့်ချီဖြတ်သွားကြောင်း ဒေသခံများကပြောသည်၊၊

တိုင်းစစ်ဌာနချုပ်နယ်မြေအတွင်း ထိုသို့ဂိတ်ဖွင့် ငွေကောက်စားနေသဖြင့် အမိန့်အရ တရားဝင်ကောက်ခံ နေခြင်းဖြစ်ပုံရသည်ဟု ဒေသခံများက ယူဆကြသည်၊၊

ထိုအချင်းအရာကိုကြည့်ပြီး ခြစားယိုယွင်းနေသည့် နအဖအုပ်ချုပ်ရေးယန္တရားကြီးတစ်ခုလုံးအပေါ် ယခု ဖြစ်စဉ်များသည် သာမန်မျှသာဖြစ်သည်ဟု ယူဆမည်ဆိုပါက ယူဆနိုင်ပြီး နအဖအောက်ခြေရှိ တပ်ရင်းတပ်ဖွဲ့ များသည် ကိုယ့်ပြဿနာကို ကိုယ်တာဝန်ယူ ဖြေရှင်းရသည့် အနေအထားက ယခင်ကတည်းကရှိခဲ့သည်ဟု စောဒကတက်စရာရှိသည့်တိုင် ၄င်းအခြေအနေအား စစ်တပ်အတွင်း ငွေကြေးဆိုင်ရာအကြပ်အတည်း ဖြစ် ပေါ်နေသည့် ပြယုဂ်တစ်ခုအဖြစ် ရှုမြင်သူများလည်းရှိသည်။

မကြာသေးမီကမှ နအဖသည် နာဂစ်မုန်တိုင်းဘေးသင့်ဒုက္ခသည်များရံပုံငွေအတွက်ဟု ဆိုကာ နယ်စပ်ဒေသ များမှ တရားမ၀င် ခိုးသွင်းလာသည့် မော်တော်ဆိုင်ကယ်များကို တရားဝင်လိုင်စင်များ ပြုလုပ်ပေးခြင်းနှင့် ဖမ်းဆီးရမိသည့် မော်တော်ကားများအား လေလံတင်ရောင်းချ၍ အခွန်ဘဏ္ဍာကိုဖြည့်တင်းနေခြင်းက ၄င်း တို့၏ ငွေကြေးလိုအပ်ချက်ကို ဖေါ်ထုတ်ပြသလိုက်သည်၊၊

ယခုအခါ ထိုငွေရေးကြေးရေး အကြပ်အတည်းများသည် အောက်ခြေတပ်တွင်းမိသားစုများ၏ စားဝတ်နေရေး ကို ရိုက်ခတ်လာပြီဖြစ်ကာ အခက်အခဲ ပိုမိုကြုံတွေ့လာရသဖြင့် ထုတ်ပြန်ထားသည့် အမိန့် စည်းမျဉ်း စည်းကမ်းနှင့် တာဝန်ဝတ္တရားများကို စိတ်ဝင်စားနိုင်ခြင်း မရှိကြတော့ပဲ ပြင်ပ၀င်ငွေရပေါက်ရလမ်းများကိုသာ ရှာကြံနေရသည်ဟု စစ်အရာရှိများနှင့် စီးပွားရေး အတူလုပ်နေသူတစ်ဦးက ပြောသည်၊၊

တစ်လလျှင် စစ်သားတစ်ဦးအတွက် ထောက်ပံ့ကြေးငွေ ကျပ်တစ်သောင်းနူန်း ထောက်ပံ့နိုင်ရန် အထက်ဌာန များက အတင်းအကြပ် ဖိအားပေးထောက်ပံ့ခိုင်းနေသော်လည်း ၀င်ငွေရသည့် စီးပွားရေးလုပ်ငန်းများက အရင်လောက်မကောင်းတော့သဖြင့် ထောက်ပံ့နိုင်ရန် အခက်အခဲများရှိနေသည်ဟု ဆိုသည်၊၊

တပ်ရင်းရံပုံငွေရရှိစေရန် စစ်သည်တချို့ကို အပြင်စီးပွားရေးလုပ်ငန်း လုပ်ကိုင်ခွင့်ပြုထားရပြီး စီးပွားရေး လုပ်ငန်းလုပ်ကိုင်ခွင့်ရသူက တစ်လလျှင် ကျပ် (၃) သိန်းမှ (၅) သိန်းကြား တပ်ရင်းမှူးအား ပေးသွင်းရပြီး တပ်ရင်းမှလည်း ရင်းရံပုံငွေထည့်ဝင်ရန် အာမခံချက်ပေးနိုင်သူများကို အပြင်စီးပွားရေးလောကတွင် လုပ်ငန်း များ လုပ်ပိုင်ခွင့်ပေးထားရသည်၊၊

တပ်ရင်းတပ်ဖွဲ့များမှ အရာရှိစစ်သည်များသည် ၄င်းတို့လစာငွေထဲမှ လစဉ်ရာခိုင်နူန်း အချိုးကျ ဖြတ်တောက် ခံကြရကာ စစ်တပ်ပိုင် ဦးပိုင်လီမိတက်သို့ ထည့်ဝင်ကြရသော်လည်း တပ်ရင်းရံပုံငွေကိုမူ တပ်ရင်းများ ကိုယ်တိုင် ရှာကြံကြရခြင်းဖြစ်သည် ၊၊ အဓိက ၀င်ငွေရသည့် လုပ်ငန်းများဖြစ်သည့် စိုက်ပျိုးရေး၊ မွေးမြူရေး လုပ်ငန်းများကို မဖြစ်မနေလုပ်ကြရပြီး မီးသွေးဖုတ်၊ ထင်းခုတ်၊ ၀ါးခုတ် စသည့် လုပ်ငန်းများကိုပါ ၀င်ငွေ ရရှိ ရန်အလို့ငှာ လုပ်ကိုင်ကြရသည်။

တပ်မိသားစုများကလည်း အားအားမနေရတော့ပဲ ပြင်ပ၀င်ငွေရသည့်လုပ်ငန်းများဖြစ်သည့် (ပင်မင်း) အ၀တ် လျှော်ခြင်း၊ သန့်ရှင်းရေးလုပ်ခြင်း၊ ဈေးရောင်းခြင်းများ၊ အိမ်ဖေါ်လုပ်ခြင်းများ လုပ်ကိုင်ခိုင်းလာရသည်။ ထိုသို့ ပင်ပန်းဆင်းရဲကြီးစွာ လုပ်နေရသည့်တိုင် ၀မ်းမ၀ ခါးမလှနိုင်ပဲ ဖြစ်နေကြရသည်၊၊

မြစ်ကြီးနား-မန္တလေး မီးရထားလမ်းတစ်လျောက်ရှိ တပ်ရင်းတပ်ဖွဲ့များမှ စစ်သည်မိသားစုများသည် ဒေသခံ များ၏ ကျွဲနွားများကို ခိုးယူသတ်ဖြတ် စားသောက်ကြကာ တချို့က အသားခြောက်များလှမ်း၍ မြစ်ကြီးနား ဈေးကြီးတွင် ဆတ်သားခြောက်ဟု လိမ်လည်ရောင်းချသည်အထိ သောင်းကျန်းလာကြသည်။

ယခုပို၍ သိသာလာသည်က တရားမ၀င်မှောင်ခိုကုန်ပစ္စည်းများ တင်သွင်းမှုတွင် ဗိုလ်မှူးအဆင့်များကိုယ်တိုင် ပါဝင်လုပ်ကိုင်လာကြသည်။ ထော်လာဂျီ၊ ဆိုင်ကယ်၊ ၀စ်သောက်ကား၊ စက်ပစ္စည်းများအပြင် ကျောက်စိမ်း၊ သစ်နှင့် အခြားကုန်ပစ္စည်းမျိုးစုံ ခိုးသွင်းခိုးထုတ်ရာတွင် ယခင်က အရပ်သားကိုယ်စားလှယ်များက လမ်း ကြောတစ်လျောက် ဂိတ်အသီးသီးကို တာဝန်ခံညှိပေးသည့်လုပ်ငန်းနေရာတွင် ယခု စစ်ဘက်အရာရှိများ ကိုယ်တိုင် လုပ်ကိုင်လာကြခြင်းဖြစ်သည်၊၊

ဗိုလ်မှူးများ မှောင်ခိုလောကတွင် နေရာဝင်ယူလာသဖြင့် ယခင်မှောင်ခိုလုပ်ငန်းဖြင့် စားပေါက်ချောင်ခဲ့သည့် အရပ်သား စီးပွားရေးလောကသားများ ဘုံပျောက်ဘ၀ရောက်သွားကြလေပြီ။ မှောင်ခိုစစ်တပ်အရာရှိများက လမ်းကြောရှင်းရာတွင် ၀န်ထမ်းအချင်းချင်း ဖြစ်သည်ကတစ်ကြောင်း စစ်ဘက်ပါဝါရှိသည်ကတစ်ကြောင်း ပို၍ အဆင်ပြေ ချောမွေ့ကြောင်းလည်း သိရသည်၊၊

တရုတ်ထော်လာဂျီတစ်စီး မန္တလေးထိ သွားမည်ဆိုလျှင် မြန်မာကျပ်ငွေ သိန်း (၂၀) ခန့် ပေးကျွေးရကြောင်း လည်း စီးပွားရေးသမားများက ပြောသည်၊၊ ထိုသို့ အပြင်စီးပွားရေးလောကနှင့် ထိစပ်လာသည့် စစ်ဗိုလ် စစ်သားများက တပ်တွင်းတွင်ကျန်ရစ်ခဲ့ကြသည့် ဘ၀တူစစ်သားများနှင့် အစစအရာရာ ကွာခြားသွားကြ သည်။ ဘီယာလေးတမြမြ မိုဘိုင်းဖုန်းတကားကားလုပ်ကာ အလုပ်ကို လက်ကြောတင်းအောင် မလုပ်လိုသူ များဖြစ်လာပြီး ရရှိသည့်ဝင်ငွေဖြင့် ပြင်ပလောကတွင် တိုက်ဆောက်၊ စီးပွားရေးလုပ်ငန်းများ ထူထောင်ထား ကြသည်။

အထက်ဌာနများနှင့် နားလည်မှုယူ၍ စီးပွားရေးလုပ်ကိုင်ခွင့်ရသူများက ပေါ်ပေါ်ထင်ထင်လုပ်ကြသလို လုပ်ပိုင်ခွင့်မရှိသူများကလည်း အောက်လမ်းနည်းဖြင့် ၀င်ငွေရှာကြသည်။ သစ်၊ နွား၊ ဘိန်းမှောင်ခိုသမားများ နှင့် ရွှေကျင်း၊ ကျောက်ကျင်းများတွင် တရားမ၀င်အခွန်များ နည်းမျိုးစုံနှင့် ကောက်ခံကာ စစ်အရာရှိတချို့ သည် ကျိကျိတက်ချမ်းသာနေကာ ရာထူးစည်းစိမ်တွင် အဆီယစ်နေကြတော့သည်။

နယ်စပ်ဒေသများရှိ အောက်ခြေစစ်သည်များကတော့ တရုတ်နယ်စပ်မှလာသည့် ကုန်ကားကြီးများ၊ ထော် လာဂျီများ၊ ဆိုင်ကယ်သမားများနောက်သို့ အုပ်စုဖွဲ့၍ ရှေ့မှတစ်မျိုး၊ နောက်မှတသွယ် လိုက်လံ ငွေ တောင်း ရမ်းကြရသည်။ တပ်တွင်း တချို့မိသားစုများကတော့ ဘော်လုံးပွဲ ၂ လုံး ၃ လုံးဟုခေါ်သော လောင်းကစား များတွင် ဒိုင်ခံခြင်း၊ ကိုယ်စားလှယ်လုပ်ခြင်းဖြင့် ၀င်ငွေရှာကြရသည်။


စစ်တပ် ထိပ်တန်းခေါင်းဆောင်များဖြစ်သည့် ဗိုလ်ချုပ်မှူးကြီးသန်းရွှေအပါအ၀င် နအဖစစ်ကောင်စီဝင် ဆွေမျိုး မိသားစုအသိုင်းအ၀ိုင်းက တစ်နိုင်ငံလုံး၏ စီးပွားရေး လုပ်ငန်းကြီးများကို လက်ဝါးကြီးအုပ် ၀ါးမြိုထား သဖြင့် တိုင်းပြည်နှင့် ပြည်သူလူထု တစ်ရပ်လုံးက မွဲတေဆင်းရဲတွင်းနက်နေသည့်တိုင် ၄င်းတို့က မတရား ရယူထားသည့် ရာထူးစည်းစိမ်တွင် ဇိမ်တွေ့လျက်ရှိနေကြသည်။

စစ်ဗိုလ်ချုပ်များ၏ အာဏာကို အကာအကွယ်ပေးရန် အဓိကထောက်တိုင်အဖြစ် သတ်မှတ်ခြင်းခံထားရသည့် အောက်ခြေတပ်သားထုနှင့် မိသားစုများမှာ စစ်သူတောင်းစားများဘ၀ ရောက်ရှိသွားသည့်တိုင် စစ်ဗိုလ်ချုပ် ကြီးများကတော့ တိုင်းပြည်စီးပွားရေး တိုးတက်နေကြောင်း ဆက်လက်လိမ်ညာဝါဒဖြန့်နေဆဲဖြစ်သည် ၊၊



REF: သျှမ်းသံတော်ဆင့်

Read More...

ကာကွယ်ရေးဝန်ကြီးဌာနအောက် အပစ်ရပ်များ ပြန်လည်ဖွဲ့စည်းမည်

တနင်္လာနေ့၊ 20 အောက်တိုဘာလ 2008 RFA 14/10/08

၂၀၁၀ ရွေးကောက်ပွဲအတွက် ကြိုတင်ပြင်ဆင်တဲ့အနေနဲ့ တရုပ်နယ်စပ်က အပစ်ရပ်အဖွဲ့တွေ ပြန်လည် ပြင်ဆင်ဖွဲ့စည်းပြီး စစ်အစိုးရ ကာကွယ်ရေးဝန်ကြီးဌာန လက်အောက်ထားရှိမယ်လို့ နအဖတာဝန်ရှိ တပ်မှူး တစ်ဦးက စက်တင်ဘာလကုန်ပိုင်းမှာ အသိပေး ပြောကြားလိုက်ပါတယ်။


နယ်စပ်တစ်နေရာမှ အပစ်ရပ် လက်နက်ကိုင် ၀တပ်ဖွဲ့ဝင်အချို့ (ဓါတ်ပုံ AFP)


သျှမ်းပြည်တခုလုံးကို တာဝန်ယူထားတဲ့ ကစထမှူး ဒု-ဗိုလ်ချုပ်ကြီးမင်းအောင်လှိုင်က ကျိုင်းတုံအရှေ့ မုန်းလားအဖွဲ့၊ တောင်ပိုင်း UWSA ၀တပ်ဖွဲ့အရာရှိတွေကို ကျိုင်းတုံခေါ်ယူပြီး တွေ့ဆုံအသိပေးတာလို့ တရုတ် နယ်စပ်က အပစ်ရပ်အဖွဲ့တွေနဲ့ နီးစပ်တဲ့သတင်းရပ်ကွက်က သိရပါတယ်။ အခုလို တွေ့ဆုံရာမှာ အပစ်ရပ် တပ်တွေကို လက်နက်ချခိုင်းတာမဟုတ်ဘဲ ကာကွယ်ရေးဝန်ကြီးဌာန လက်အောက်ရှိ သက်ဆိုင်ရာ တိုင်းအောက်တပ်ဖွဲ့အဖြစ် ပြန်လည်ဖွဲ့စည်းမယ့်အကြောင်း အသိပေးတာလို့ဆိုပါတယ်။ ဒီလိုအသိပေးပေမဲ့ အပစ်ရပ်တပ်တွေကို ဘယ်တော့ပြန်ဖွဲ့စည်းခိုင်းမယ်ဆိုတာကို ပြောတာမဟုတ်ဘဲ ဒီကိစ္စအတွက် ပြင်ဆင် ထားဖို့၊ အချင်းချင်းနားလည်မှုရှိရှိနဲ့ ဆွေးနွေးညှိနှိုင်းထားဖို့ ဒု-ဗိုလ်ချုပ်ကြီး မင်းအောင်လှိုင်က မှာကြားခဲ့တာ ဖြစ်ပါတယ်။ ဒါ့အပြင် တပ်တွေကို ပြန်လည်ဖွဲ့စည်းတဲ့အခါမှာ နိုင်ငံတော်ရဲ့ တပ်မတော်အောက်မှာရှိတဲ့ အတွက် တပ်မတော်ရဲ့ဂုဏ်သိက္ခာနဲ့ညီညွတ်တဲ့၊ အရည်အချင်း အဆင့်အတန်း ပြည့်မှီတဲ့ တပ်ဖွဲ့တွေဖြစ်ဖို့လို တယ်လို့ ဆိုပါတယ်။ ဒီအတွက် အပစ်ရပ်အဖွဲ့တွေကနေပါလာတဲ့ အဆင့်မမှီတဲ့ တပ်ရင်းမှူး၊ တပ်ခွဲမှူး၊ တပ်စုမှူးတွေနေရာမှာ လိုအပ်ရင် ဗမာ့တပ်မတော်ကအရာရှိတွေနဲ့ အစားထိုးပြီး အုပ်ချုပ်သွားမယ်လို့ ပြော ကြားသွားတယ်လို့ သိရပါတယ်။

ဒီကိစ္စနဲ့ပတ်သက်ပြီး အပစ်ရပ် UWSA ၀ ပြည်သွေးစည်းညီ ညွတ်ရေးတပ်မတော် တာဝန်ရှိပုဂ္ဂိုလ်တွေနဲ့ ဆက်သွယ်မေးမြန်းတော့လည်း မရခဲ့ပါဘူး။ အခုလို စစ်အစိုးရရဲ့ ၂၀၁၀ ရွေးကောက်ပွဲနဲ့ ပတ်သက်ပြီး ပြင်ဆင်မှုတွေကို တရုတ်နယ်စပ် လေ့လာစောင့်ကြည့်နေသူတွေကတော့ ကစထမှူး ဒု- ဗိုလ်ချုပ်ကြီး မင်းအောင်လှိုင် အခုလိုပြောခဲ့တယ်ဆိုတာ မှန်တယ်လို့ အဆက်အသွယ်တွေကတဆင့် သိရကြောင်း ပြော ပါတယ်။ အကယ်၍သာ အပစ်ရပ်အဖွဲ့တွေ စစ်အစိုးရတပ်ရဲ့ လက်အောက် ရောက်သွားခဲ့မယ်ဆိုတာနဲ့ ပတ်သက်ပြီး တရုပ်နယ်စပ်က စစ်ရေး၊ နိုင်ငံရေးလေ့လာသူ ဦးအောင်ကျော်ဇောက အခုလိုရှုမြင်ပါတယ်။

“ လက်နက်ချတာထက်ဆိုးတာပေါ့။ လက်နက်ချရင် ကိုယ့်လူတွေ လက်နက်အပ်လိုက်တာနဲ့ ပြီးပြီ။ ကိုယ့်ရပ် ကိုယ့်ရွာပြန်နေလို ရတာဘဲ။ သူပုန်ထချင်တဲ့အခါကျတော့ ကိုယ့်ဘာသာကိုယ် သေနတ်ရှာပြီး သူပုန်ပြန်ထ လို့ရတယ်။ အခုတော့ အဲလိုမဟုတ်ဘဲနဲ့ တပ်တွေကို သူတို့ထဲ ကာကွယ်ရေးဝန်ကြီးဌာနအောက်မှာ၊ သက်ဆိုင်ရာ စစ်တိုင်းတွေအောက်မှာ ပြန်လည်ဖွဲ့စည်းပြီးထားဖို့ပေါ့”။

မေလဆန္ဒခံယူပွဲက ထောက်ခံလိုက်ပြီဆိုတဲ့ စစ်အစိုးရရဲ့ ဖွဲ့စည်းပုံအခြေခံဥပဒေအရ နိုင်ငံမှာ စစ်တပ် တတပ်ဘဲရှိရမယ်လို့ ပါရှိပါတယ်။ ဒါနဲ့ဆက်စပ်ပြီးတော့လဲ “ဖွဲ့စည်းပုံကို လက်ခံတယ်ဆိုကတည်းက အခြေခံ ဥပဒေ စည်းမျဉ်းစည်းကမ်း ပြဌာန်းချက်ကို ကြိုက်ကြိုက် မကြိုက်ကြိုက် လက်ခံရမဲ့သဘောဖြစ်တယ်။ ကိုယ် ထည်ကြီးရှိတဲ့ လက်နက်ကိုင်အဖွဲ့စည်းအားလုံးက ကိုယ့်တပ်နဲ့ကိုယ်နေလို့ မရတော့ဘူး။ နဂိုပုံစံအတိုင်း နေခွင့်မပေးတော့ဘူးလေ။ သူက တပ်တွေကိုမုချ လက်နက်အပ်ရင်အပ် မအပ်ရင် အဲလိုဘဲ အဖျက်ခံရမှာ ပေါ့။ ရှိတဲ့ခေါင်းဆောင်မှုက ဒေသဆိုင်ရာပါတီအတွေအနေနဲ့ ၀င်ရောက်ယှဉ်ပြိုင်ပြီးတော့ တကယ်လို့ ရွေးကောက်တင်မြှောက်ခံရရင် သက်ဆိုင်ရာ ကိုယ်ပိုင် အုပ်ချုပ်ရေးမြို့နယ်၊ ခရိုင်၊ တိုင်းရဲ့အကြီးအကဲတွေ ရှိမှာပေါ့။ ကျန်တဲ့အပိုင်း အပစ်ရပ်လက်နက်ကိုင်တွေကိုတော့ ခွဲရမှာပေါ့” စစ်တိုင်းတွေနဲ့ တိုက်ရိုက်ဆက်ဆံ ထိတွေ့နေရတဲ့ လက်ရှိအပစ်ရပ်အဖွဲ့တွေကို လောလောဆယ်မှာ ပြည်ထဲရေးဝန်ကြီး ဌာနလက်အောက်မှာ အထူးရဲတွေအဖြစ် လခပေးနေရာက တပ်တွေပြန်လည်ဖွဲ့စည်းပြီးရင် ကာကွယ်ရေးဝန်ကြီးဌာန လက်အောက် လုံးဝကျရောက်သွားမယ်လို့လဲဆိုပါတယ်။

“အထူးရဲတပ်ဖွဲ့တွေအဖြစ် လခပေးထားမှာပေါ့။ ဆက်စပ်မှုကျတော့ စရဖတို့နဲ့ ဆက်ဆံရပေမဲ့ ပြည်ထဲရေး ဌာနက လခ ထုတ်ပေးတာပေါ့။ ဟိုကျရင် ရဲမဟုတ်တော့ဘဲနဲ့ ကာကွယ်ရေးဝန်ကြီးဌာနက တိုက်ရိုက် ချုပ်ကိုင်တဲ့ စစ်တပ်အဖြစ် ရောက်သွားမှာပေါ့။ အဲဒီအခါ ကျရင် ပြည်ထဲရေးအခန်းကဏ္ဍ မရှိတော့ဘူးပေါ့။ ဗမာစစ်တပ်က ဒါရိုက်ကိုင်မဲ့ သူ့တပ်နဲ့ သူဖြစ်သွားပြီ။ သက်ဆိုင်ရာတိုင်းမှူး၊ ဗျူဟာမှူး၊ တပ်ရင်းမှူးတွေ အောက်မှာ တပ်တွေဖြစ်ကုန်မှာပေါ့။ ၀ တပ်မတော်ဆိုတာလဲ ရှိတော့မှာမဟုတ်ဘူး။ သျှမ်းအရှေ့မြောက် တပ်ဆိုတာလဲ မရှိတော့ဘူး”

၂၀၁၀ ရွေးကောက်ပွဲမတိုင်ခင် လက်နက်ကိုင် အင်အားစုတွေ မရှိအောင် ကြိုးစားနေတယ်လို့ ဦးအောင် ကျော်ဇော က ပြောပါတယ်။ အပစ်ရပ်အဖွဲ့တွေ ကာကွယ်ရေးဝန်ကြီးဌာန လက်အောက်ရောက်သွားရင် အလားအလာ မကောင်းဘူးလို့ ဆိုပါတယ်။

“၂၀၁၀ မတိုင်ခင်မှာ အတိုက်အခံတွေဖက်က လက်နက်ကိုင် အင်အားစုမရှိအောင် သူကြိုးစားဖို့ပါ။ ဒါကြောင့် ကရင်ကိုလဲ သူအပြီး ဖြတ်နေတာ။ အလားအလာကတော့ ဆိုးမှာပေ့ါ။ ရွေးကောက်ပွဲ မတိုင်ခင်ကို အပစ်ရပ် အဖွဲ့တွေ ကိုယ့်တပ်နဲ့ ကိုယ် မရှိအောင်လုပ်မယ်။ ကိုယ့်ဒေသမှာ ကိုယ်ရွေးကောက်ပွဲတွေလုပ်ခိုင်း တရား မျှတမှုဆိုတာကိုပြဖို့ အားပေးတိုက်တွန်းမှာပေါ့။ သူ့ကို ခြိမ်းခြောက်နိုင်တဲ့ အင်အားစုမရှိအောင် သူလုပ်လိုက် မယ်။ ဒုတိယ ဘာဖြစ်နိုင်လဲဆိုတော့ ဒါကအနာဂတ်အတွက် သူတို့လုပ်နေကျ အမျိုးသားရေးသွေးခွဲမှုကို သူ ဖန်တီးဖို့ လွယ်လွယ်လေးဖြစ်သွားမယ်။ ဥပမာတပ်မှူး ခေါင်းဆောင်တွေက ဗမာစစ်တပ်က လာတဲ့လူတွေ ဖြစ်ပြီး တပ်သားတွေကျတော့ ၀ ရဲဘော်၊ သျှမ်းရဲဘော်တွေဖြစ်ရင် ဒါတွေနဲ့ မြို့ပေါ်မှာ မြို့ခံလူထုလှုပ်ရှားမှုကို ပစ်ဟယ် ခတ်ဟယ်လုပ်လာရင်-ဒါ ၀ တပ်တွေပါ၊ သျှမ်းတပ်တွေပါဆိုပြီး ပြည်တွင်းမှာ တသက်လုံး မကျေ မချမ်းနိုင်တဲ့ အမျိုးသားရေး ရန်ငြိုးတွေ ဖြစ်အောင်ဖန်တီးမှာဘဲ”။



REF: သျှမ်းသံတော်ဆင့်

Read More...

မေ့ဆေးစားကြသူများ - ကျော်သောင်း

သောကြာနေ့၊ 03 အောက်တိုဘာလ 2008

ရှစ်လေးလုံး လူထုအုံကြွမှုကြောင့် အာဏာရှင်ဦးနေ၀င်း ၂၆ နှစ်ကြာ ထင်သလို ချယ်လှယ်အုပ်ချုပ်လာခဲ့ သော မဆလ တစ်ပါတီ အာဏာရှင်စနစ်ကို ဗုန်းဗုန်းလဲစေခဲ့သော်လည်း အတိုက်အခံတို့ဘက်မှ ပြည်သူ့ ကိုယ်စားပြု အစိုးရတစ်ရပ် မဖေါ်ဆောင်နိုင်ခဲ့သဖြင့် စစ်တပ်၏ အာဏာသိမ်းခြင်းကို ခံခဲ့ကြရသည်။ လူထု အုံကြွမှုကြီးအတွင်း ကျောင်းသားပြည်သူ ရဟန်းရှင်လူများစွာ အသက်ပေးခဲ့ကြရသည်။ ဘ၀ပေါင်းများစွာ ပျက်စီးခဲ့ကြရုံမက အချို့မှာ မိသားစုနှင့်ခွဲခွာ၍ လွတ်မြောက်နယ်မြေ အသီးသီးသို့ ရှောင်တိမ်းလာခဲ့ကြသည်။ ရှောင်တိမ်းမရလိုက်သူများနှင့် ပြည်တွင်းမှာ ထောင်ပဲကျကျ၊ အသက်ပဲသေသေ အာဏာရှင်ကို အနီးကပ် တိုက်မည်ဟူသော ရဲရင့်တောက်ပြောင်သောသူရဲကောင်း ရှစ်ဆယ့်ရှစ် သတ္တိရှင်အဖွဲ့ဝင်များး ထောင်ကျခံ၍ ပြည်တွင်းတွင် ကျန်နေခဲ့ကြသည်။

ကျောင်းစိမ်းလုံချည်ဝတ်ပြီး ဗိုလ်ချုပ်အောင်ဆန်းပုံကို ကိုင်ဆောင်ရင်း၊ ကျောင်းသားကြီးများ၏ ရှေ့မှ ချီတက် လာကြသော မူလတန်း၊ အလယ်တန်းကျောင်းသူ၊ ကျောင်းသားငယ်များက သေနတ်ကိုင် စစ်ဗိုလ်စစ်သား များကို“ဗိုလ်ကြီးတို့ရယ် ကိုကိုကျောင်းသားတွေနဲ့ မမကျောင်းသူတွေကို မပစ်ကြပါနဲ့ ကျနော်တို့ကျမတို့ ရှိခိုး တောင်းပန်ပါတယ်” ဆိုပြီး ငိုယိုပြောဆိုနေတဲ့ကြားက ပစ်သတ်လိုက်တဲ့ မြင်ကွင်းတွေဟာ မျက်စိထဲက မထွက်နိုင်၊ အပြစ်မဲ့ ကျောင်းသား ပြည်သူ ရဟန်းရှင်လူများကို ရက်ရက်စက်စက် သတ်ဖြတ်ရဲသော အာဏာ ရှင် လက်ကိုင်တုတ် စစ်တပ်ကို လက်နက်ကိုင်ပြီး တိုက်မှရတော့မယ်လို့ ဆုံးဖြတ်ပြီး ပညာတတ်တွေ အပါ အ၀င် လူငယ်ရွယ်များစွာ တောထဲရောက်လာကြခဲ့ကြသည်။ ရှစ်လေးလုံး နောက်ပိုင်းမှစ၍ စစ်အာဏာရှင် များကို နည်းမျိုးစုံနှင့်တော်လှန်ရင်း နယ်စပ်သို့ အသီးသီး ရောက်ရှိလာခဲ့ကြသည်။ ထိုမျှမက စစ်အစိုးရ၏ မဟာဗျူဟာမြောက် အမြစ်ပြတ်ချေမှုန်းခြင်းကြောင့် နိုင်ငံရေးပါတီမှ နိုင်ငံရေးသမားများ၊ ၉၀ ပြည့် ရွေးကောက်ခံအမတ်များလည်း ရောက်လာခဲ့ကြသည်၊၊

ဒီပဲယင်း လူသတ်ပွဲနှင့် ၂၀၀ရ စက်တင်ဘာ ရွှေဝါရောင်တော်လှန်ရေး နောက်ပိုင်းတွင်လည်း လွတ်မြောက် နယ်မြေသို့ မြန်မာ အတော်များများ ရောက်လာခဲ့ကြရုံမက ပြီးခဲ့သော နာဂစ်ဆိုင်ကလုန်းမုန်တိုင်း နောက်ပိုင်း တွင်လည်း မြန်မာလူမျိုးများ အမြောက်အမြား ထပ်မံရောက်ရှိလာခဲ့ကြသည်။ အလားတူ စီးပွါးရေး ကျပ်တည်းမှုနှင့် စစ်အစိုးရ၏ လူမျိုးတုံးသတ်ဖြတ်မှု ပြည်တွင်းစစ်တို့ကြောင့် အရှေ့အနောက် မြန်မာနယ်စပ် တလျှောက် မြန်မာနိုင်ငံသားများစွာ ရောက်ရှိနေကြပြီးဖြစ်သည်၊၊

ထိုသို့ ရောက်ရှိလာကြသော နိုင်ငံရေး၊ စစ်ရေးကြောင့်၊ အနောက်နိုင်ငံကြီးများက တတိယနိုင်ငံများတွင် အခြေချ နေထိုင်ခွင့်ပြုခြင်းစီမံကိန်းအရ ၂၀၀၅ ခုနှစ်မှစ၍ ဒုက္ခသည်များကို လက်ခံခဲ့သည်မှာ ယခု နောက်ဆုံးစါရင်းအရ မြန်မာနိုင်ငံသားပေါင်း သောင်းဂဏန်းအထိ အခြေချ နေထိုင်နေကြပြီးဖြစ်သည်။ နိုင်ငံ တကာ မိသားစုများ၏ စေတနာ မေတ္တာများမှာ အထူးသာဓုခေါ်စရာ ကောင်းပါသည်။ သို့သော် သာဓု မခေါ်ချင်သူများမှာ “မေ့ဆေးစားကြသူများ” သာဖြစ်သည်။


အမှန်တကယ် နယ်စပ်တွင် လုံခြုံရေးအခြေအနေတို့ကြောင့် တတိယနိုင်ငံများသို့ ထွက်ခွာသွားကြသူများ အနက် စစ်အာဏာရှင်စနစ်ကို တော်လှန်ခဲ့ကြသော ပုဂ္ဂိုလ်များပါဝင်သကဲ့သို့ စစ်အစိုးရ ရက်စက်ယုတ်မာမှု များနှင့် နိုင်ငံတကာ မိသားစုများ၏ သနားကြင်နာမှုများကို အခွင့်ကောင်းယူပြီး တတိယနိုင်ငံများသို့ ဒုက္ခ သည် လှေကြုံစီးသွားကြသူများ၊ လူလိမ်လူညာများ အမြောက်အများ ထွက်ခွာသွားကြပြီးဖြစ်သည်။ မိသားစု တစ်ခုလုံးက တတိယနိုင်ငံများသို့ ခေါ်ယူခဲ့ကြသည်။ ထိုထက်ဆိုးသည့် လိမ်လည်မှုမှာ မျိုးနွယ်နှင့်ချီ၍ ရောက်ရှိနိုင်ရေးအတွက် အပတ်တကုတ် ကြိုးစားနေသည့် အဖွဲအစည်းများရှိနေကြသည်။ ဤသို့ တတိယ နိုင်ငံ ထွက်ခွာရေးအတွက် ထိုင်းနယ်စပ်တွင် ဈေးကွက်ကြီးတစ်ခုဖြစ်နေပါသည်။

စစ်ဗိုလ်များ၊ အစိုးရ၀န်ထမ်းများ အပါအ၀င် ငွေကြေးတတ်နိုင်သူများ၊ နိုင်ငံရေးနှင့် လုံးဝ (လုံးဝ) မပတ်သက် ဖူးသူများ အမြောက်အမြား တတိယနိုင်ငံများသို့ ပျော်ရွှင်စွာထွက်ခွာသွားပြီး၊ ထွက်ခွာ နေကြဆဲဖြစ်သည်။ မိမိတို့ ငွေကြေးတတ်နိုင်၍ သိန်းပေါင်းများစွာ အကုန်အကျခံပြီး ထွက်ခွာသူများနှင့် ဒုက္ခသည်လှေကြုံစီး သွားကြသူများ၊ လူလိမ်လူညာများကို အားပေးကူညီကြသူများမှာ ဒုက္ခသည် စခန်းတာဝန်ခံများနှင့် ဒေသ အခြေစိုက် ယူအန်အရာရှိများနှင့် ပွဲစားများ၊ မျိုးရိုးနှင့်ချီ၍ နိုင်ငံကြီးများသို့ ရောက်ရှိရေး ဆောင်ရွက်နေကြ သော အဖွဲ့အစည်းများ ပေါ်ပေါ်ထင်ထင် လှုပ်ရှားလျက်ရှိနေကြဆဲဖြစ်သည်၊၊

ကျနော်တို့ မျက်စေ့ရှေ့ကပင်၊ ထိုင်းနိုင်ငံ မြန်မာသံရုံးရှေ့တွင် မြန်မာ့အရေး လှုပ်ရှားတက်ကြွသူများနှင့် တစ်ကြိမ်တစ်ခါမှ မပါဖူးကြသူများ၊ ဘန်ကောက်တွင် အလုပ်လုပ်နေရင်း (ဒေါ်အောင်ဆန်းစုကြည် စီးသော ကားကို မောင်းသော ကားမောင်းသမား၏ သားသမီး ဇနီးလုပ်လိုက်ကြသူများ၊ ရခိုင်မှာ ဆင်ဖြူဖမ်းစဉ် ပေါ်တာဆွဲခံရလို့ ဆိုသူကဆို၊ ဒီပဲယင်းမှာ ပါဝင်ခဲ့သည်ဟု ပြောလိုကပြော၊ ထိုင်းကို ရောက်မှ အင်န်အဲလ်ဒီ နှင့် ဆွေမျိုးစပ်သူကစပ်၊ ရွေးကောက်ပွဲအနိုင်ရ အမတ်မင်းများ၏ မိသားစုဖြစ်သူကဖြစ်၊) လိမ်သွားလိုက်ကြ သည်။

အမေရိကန်ကို ရောက်ရှိသွားပြီဖြစ်သော ကျနော့်မိတ်ဆွေတစ်ယောက်က “ကမ္ဘာမှာ အဆင့်မြင့် ပညာတွေ လည်းတတ်၊ အကောင်းဆုံး အဆောက်အဦးကြီးတွေနဲ့ လိမ်လို့ရတာ ယူအင်တစ်ဖွဲ့ပဲရှိတယ်” လို့ ပြောဖူးပါ တယ်။ သူသည် ကြုံရာလုပ်၊ သောက်စားပျော်ပါးပြီးနေသွားသော လူငယ်တစ်ဦးသာဖြစ်သည်။ ၂၀၀၄၊၂၀၀၅ ပတ်ဝန်းကျင်က ယူအင်ခေတ်ကို မီလိုက်သူများ ဘန်ကောက်မှာ အထူးကောင်းစားခဲ့ကြသည်။ ယူအင် အောင်ပြီးသူများနှင့် လက်ထပ်၍လည်း တတိယနိုင်ငံများသို့ ရောက်ရှိသွားကြသည်။

မည်သည့်နည်းနှင့်ရောက်ရောက်၊ တတိယနိုင်ငံသို့ ရောက်ရှိသွားကြသူဟူသမျှ၊ လူ့အခွင့်အရေး ချိုးဖေါက်ခံ နေရသော မြန်မာနိုင်ငံကို လက်ညှိုးထိုးပြီး ရောက်ရှိသွားကြသူများချည်းဖြစ်သည်။ ဤသူများသည် နိုင်ငံရေး ကို ခုတုံးလုပ်၊ အကြောင်းပြပြီး ရောက်ရှိသွားကြသူများဖြစ်ကြသည်။ ဗိုလ်သန်းရွှေတို့ အုပ်ချုပ်နေ၍ ငါတို့အလကားရောက်ကြရသည်ဟု ဆိုသူများပင်ရှိကြသည်၊၊

“တတိယနိုင်ငံသို့ ထွက်ခွာခါနီးသူတို့ ပြောလေ့ပြောထရှိသော စကားများမှာ”

(၁) ငါ ဟိုမှာ နိုင်ငံသားဖြစ်ပြီးရင် ချက်ချင်း ထိုင်းကိုပြန်လာပြီး စစ်အစိုးရကို ပြုတ်အောင်တိုက်မယ်။
(၂) ငါ ဟိုကိုရောက်ရင် ငါတို့အဖွဲ့အတွက် လိုအပ်တာဟူသမျှငါ ထောက်ပံ့မယ်။
(၃) မင်းတို့ တော်လှန်ရေး ဆက်လုပ်နေလိုက်ကြ ငါ ဟိုကိုရောက်ရင် မင်းတို့ကို စပွန်ဆာပေးမယ်။
(၄) ငါ မင်းတို့နဲ့အတူနေခဲ့၊ ငတ်ခဲ့တာတွေ ဘယ်တော့မှမမေ့ဘူး။ ငါ အဆင်ပြေတာနဲ့ မင်းတို့အဆင်ပြေ
စေရမယ် ငါကတိပေးတယ်။

တတိယနိုင်ငံများသို့ ရောက်ရှိကြသူများသည်၊ ရောက်စက တစ်ခါတစ်လေ ဖုန်းဆက်တတ်ကြသော်လည်း လမှသည် နှစ်သို့ပြောင်းလာသောအခါ အချို့မှာ ထိုင်းမှာ ကျန်နေခဲ့သော သူငယ်ချင်းများ၏ အမည်ကို မမှတ်မိတော့ချေ။ အင်တာနက်ပေါ်တွင်တွေ့၍ ဂျီတော့ (ကွန်ပျူတာစာရိုက်ပြောစနစ်) ဖြင့် နှုတ်ဆက်ပါက အလုပ်များကြောင်း စာရေး၍ ပြန်ပြောတတ်ကြသည်။

နိုင်ငံကြီးများက ဖုန်းစရိတ်သက်သာသော်လည်း ဖုန်းမဆက်တော့ပေ။ ထိုင်းမှဆက်သော်၊ ကားဝယ်ထား၍ ကြွေးတင်နေကြောင်း၊ မြန်မာပြည်က မိမိနေရပ်မှာ အိမ်အသစ်ဆောက်နေကြောင်း၊ လုပ်ငန်းတစ်ခု လုပ်နေ ကြောင်း၊ အကြွေးများရှိကြောင်းသာ ပြောတတ်ကြပါသည်။ အချို့က ပြောကြသည်မှာ အဖွဲ့ကို ထိန်းထားပါ။ ကျနော်တို့ နောက်ကူညီပါမည်နှင့် ရှောင်လင်စကားများကို တွင်တွင်ပြောလျက် တော်လှန်နယ်မြေတွင် ကျန် နေခဲ့ကြသော မိခင်အဖွဲ့အစည်း၊ လုပ်ဖေါ်ကိုင်ဘက်များကို တဖြည်းဖြည်း အဆက်အသွယ် ဖြတ်တောက် သွားကြသူကများသည်။

တတိယနိုင်ငံသို့ ရောက်ရှိသွားသော လုပ်ဖေါ်ကိုင်ဖက်များက အမြဲထောက်ပံ့၍ ရပ်တည်နေရသော အဖွဲ့ အစည်း၊ စာအုပ်၊ စာစောင်ဟူ၍ မရှိသလောက်ရှားသည်။

ကျနော်နှင့် အထူးခင်မင်သော ထိုင်းနိုင်ငံတွင် အခြေစိုက်၍ မြန်မာ့ဒီမိုကရေစီရေးနှင့် လူ့အခွင့်အရေးများကို လုပ်နေသော မိတ်ဆွေတစ်ယောက်က၊ ကျနော့်ကိုပြောဖူးသည်။ “တတိယနိုင်ငံကို ဒုက္ခသည်လျှောက်ပြီး ရောက်သွားကြတဲ့လူတွေဟာ၊ သူတို့ တတိယနိုင်ငံကို ထွက်ခွာစဉ်၊ စီးသွားတဲ့လေယာဉ်မှာ အစားအစာတွေ ကျွေးမွေးရာမှာ မေ့ဆေးပါတယ်။ အဲဒီ မေ့ဆေးကတော့၊ ငါဘာကြောင့် ဒီလို တိုးတက်တဲ့နိုင်ငံကို ရောက်လာ သလဲဆိုတာကို မေ့တဲ့မေးဆေးပါ” ဟူ၍ ကျနော့်ကို ပြောပါသည်၊၊

အချို့ဆိုလျှင်၊ ဒုက္ခသည် အဖြစ်ရောက်သွားသည်ဟု မထင်တော့ပဲ မိဘချမ်းသာ၍ တရားဝင်ပတ်စပို့ဖြင့် ရောက်လာသလို၊ မိမိနိုင်ငံရေးကို အကြီးအကျယ်လုပ်လာသဖြင့် ရောက်လာသလို၊ မိမိတော်လွန်း၍ ရောက် လာသလို အပေါက်မျိုး ချိုးကြကုန်သည်။ ထိုင်းမှာ ကျန်နေခဲ့ကြသူများကို ဆက်သွယ်ပါက တစ်ခုခု အကူ အညီပေးရမည်ကို စိုးရိမ်၍ တော်ရုံနှင့် အဆက်အသွယ် မလုပ်လိုကြတော့ပေ။ သြော် ထိုသို့သောသူများကို မေ့ဆေးစားကြသူများဟူ၍ မှတ်ချက်ပြုနေမိတော့သည်။



REF: သျှမ်းသံတော်ဆင့်

Read More...

Wednesday, January 28, 2009

ဒေါ်အောင်ဆန်းစုကြည်နှင့် အန်အယ်လ်ဒီ တွေ့ခွင့်မပေးလျှင် ဂမ်ဘာရီနှင့် အန်အယ်လ်ဒီ တွေ့ဖြစ်ဖို့မလွယ် (ဦးဝင်းတင်)

၂၈ ဇန်န၀ါရီ ၂၀၀၉

မစ္စတာဂမ်ဘာရီမလာမီ အန်အယ်လ်ဒီဗဟိုအလုပ်အမှုဆောင်အဖွဲ့နှင့် ဒေါ်အောင်ဆန်းစုကြည်တို့ အကြို တွေ့ဆုံညှိနှိုင်းခွင့်မရခဲ့ပါက အန်အယ်လ်ဒီအနေဖြင့် မစ္စတာဂမ်ဘာရီနှင့်ပင် တွေ့ဆုံရန်မလိုတော့သည့် သဘောဆောင်နေပြီဖြစ်ကြောင်း ဗဟိုအလုပ်အမှုဆောင်တဦးဖြစ်သူ ဦးဝင်းတင်က ပြောကြားသည်။

အန်အယ်လ်ဒီဗဟိုအလုပ်အမှုဆောင်အဖွဲ့အနေဖြင့် ဒေါ်အောင်ဆန်းစုကြည်နှင့် ကြိုတင်တွေ့ဆုံနိုင်မှာသာ နိုင်ငံရေးလုပ်ငန်းစဉ်သစ်၊ အစီအစဉ်သစ်များ ပေါ်ထွန်းလာမည်ဖြစ်သည့်အတွက် ယင်းတွေ့ဆုံမှုကို လိုလား နေခြင်းဖြစ်ကာ တွေ့ခွင့်မရပါက နိုင်ငံရေးလုပ်ငန်းစဉ်သစ်များ ချမှတ်နိုင်မှုမရှိနိုင်သဖြင့် မစ္စတာဂမ်ဘာရီနှင့် တွေ့ဆုံရန်ပင်မလိုတော့သည့် သဘောရှိနေကြောင်း ခေတ်ပြိုင်နှင့် သီးခြားမေးမြန်းခန်းတွင် ဦးဝင်းတင်က ယခုကဲ့သို့ ပြောခဲ့ခြင်းဖြစ်သည်။



မကြာမီက အန်အယ်လ်ဒီထံသို့ ပေးပို့ခဲ့သော မစ္စတာဂမ်ဘာရီ၏ စာတွင် ၂၀၀၈ ခုနှစ် သြဂုတ်လအတွင်း ၎င်း လာရောက်ခဲ့စဉ် မြန်မာစစ်အစိုးရထံ တင်ပြခဲ့သည့် လုပ်ငန်းစဉ် (၅) ချက် (စစ်အစိုးရက ထိုအချက်အားလုံး ကို ပယ်ချခဲ့) ကို ဆွေးနွေးလိုကြောင်း ရေးသားထားသည်။ မစ္စတာဂမ်ဘာရီအနေဖြင့် အသစ်မရှိဘဲ အဟောင်းကိုသာ ပိုက်လာပါက အလုပ်ဖြစ်လိမ့်မည်မဟုတ်ဟု ဦးဝင်းတင်က ပြောသည်။

အဆိုပါတင်ပြချက် (၅) ရပ်တွင် စီးပွားရေးကိစ္စရပ်လည်းပါဝင်နေရာ စီးပွားရေးမှာ အရေးကြီးသော်လည်း နိုင်ငံရေးကိစ္စရပ်များဆွေးနွေးနေစဉ် ထည့်သွင်းဆွေးနွေးရန်မလိုဟုလည်း ဦးဝင်းတင်က ယူဆသည်။ မစ္စတာ ဂမ်ဘာရီ၏ တင်ပြချက်များသည် နအဖအပေါ် မည်သုို့မျှ အသက်မ၀င်ဘဲ နိုင်ငံရေးသမားများကို ဆက်လက် ဖမ်းဆီးနေမြဲဖြစ်ပြီး နိုင်ငံရေးအကျဉ်းသမားများ၏ မိသားစုများ ဒုက္ခရောက်အောင်လုပ်ဆောင်နေမှုများကို လည်း ထောက်ပြသည်။

၂၀၁၀ ရွေးကောက်ပွဲကိစ္စနှင့် ပတ်သက်၍ စစ်အစိုးရဘက်က အခြေခံဥပဒေကို ပြန်လည်သုံးသပ်ခွင့် မပေးပါ က အန်အယ်လ်ဒီအနေဖြင့် ရွေးကောက်ပွဲဝင်ရန် အကြောင်းမရှိဟုလည်း ဦးဝင်းတင်က ပြောသည်။ စစ် အစိုးရ၏ အခြေခံဥပဒေသည် စစ်တပ်အုပ်ချုပ်ရေးကို တရားဝင်ဖြစ်အောင် ကျားကန်ပေးထားသည့် ဥပဒေ ဖြစ်သည့်အတွက် နောင်နှစ်ပေါင်းများစွာ၊ ခေတ်ပေါင်းများစွာ စစ်ကျွန်ဇာတ်သွင်းမည့် အခြေခံဥပဒေ ဖြစ်သည်ဟုလည်း ဦးဝင်းတင်က ထောက်ပြသည်။

မစ္စတာဂမ်ဘာရီသည် ရန်ကုန်မြို့သို့ စနေနေ့တွင် ရောက်ရှိမည်ဖြစ်ပြီး နောက်တပတ် အင်္ဂါနေ့တွင် ပြန်မည် ဖြစ်ကြောင်း အဘူဒါဘီမြို့ထုတ် The National သတင်းစာတွင် ဖော်ပြထားသည်။

ယခုလာရောက်မည့် မစ္စတာဂမ်ဘာရီ၏ ခရီးစဉ်တွင် ဒေါ်အောင်ဆန်းစုကြည်အပါအ၀င် နိုင်ငံရေး အကျဉ်းသားများ လွှတ်ပေးရေးအတွက် နအဖကို ငွေကြေးအကူအညီပေးရေးကိစ္စလည်းပါဝင်သည်ဟု သတင်းများ ထွက်ပေါ်နေသည်။ ဦးဝင်းတင်ကမူ အဆိုပါအစီအစဉ်မှာ အောင်မြင်မည်ဟု လုံးဝမယူဆ ကြောင်း ပြောသည်။



(မစ္စတာ ဂမ်ဘာရီ၏ ခရီးစဉ်နှင့်ပတ်သက်ပြီး အန်အယ်လ်ဒီ ဗဟိုအလုပ်အမှုဆောင် ဦးဝင်းတင်နှင့် ခေတ်ပြိုင်သတင်းထောက် မင်းနိုင်သူ ဆက်သွယ်မေးမြန်းချက် အပြည့်အစုံ)

REF: ခေတ်ပြိုင်

Read More...

လူထုကို ခေါင်းဆောင်မယ့်သူတွေဟာ လူထုကိုနားလည်ရမယ် - ရဲဘော် ဖိုးသံချောင်း

၂၈ ဇန်န၀ါရီ ၂၀၀၉

တလောက ရေဒီယိုအင်တာဗျူးတခုမှာ အဖွဲ့အစည်းတခုက တာဝန်ရှိသူတဦးကို သူတို့မှာ ဘာ အစီအစဉ် တွေ ရှိသလဲလို့မေးတော့ သူက သူတို့ရဲ့ အစီအစဉ်တွေကို ပြောပါတယ်။ ဒီနောက် မေးတဲ့သူက အဲဒီ အစီ အစဉ်တွေ အောင်မြင်မယ်လို့ ယူဆပါသလားလို့ ထပ်မေးတော့ အဲဒီတာဝန်ရှိသူက ဒါကတော့ လူထုအပေါ် တည်တာပဲ၊ လူထုကိုစောင့်ကြည့်ရမှာပဲလို့ ဖြေတာ ကြားလိုက်ရပါတယ်။

သူပြောပုံက သူ့ဘက်ကတော့ တာဝန်ကျေပြီ။ အဲဒီအတိုင်း လူထုကလိုက်လုပ်ရင် အောင်မြင်မှာပဲ၊ မအောင်မြင်ရင် လူထုရဲ့ တာဝန်ဖြစ်တယ်ဆိုတဲ့ အဓိပ္ပာယ်ပါ။ နားထောင်ရင်း တုန်လှုပ်သွားမိပါတယ်။ လုပ်ငန်းစဉ်တခု၊ လမ်းစဉ်တရပ်ကို လူထုက လိုက်နာအကောင်အထည်ဖော်တာမလုပ်ရင် ဒါဟာ လူထုရဲ့ တာဝန်ပဲလို့ သုံးသပ်တာမျိုးကို အရင် သခင်စိုးပါးစပ်ကပဲ ကြားဖူးပါတယ်။ အခု နှစ်ပေါင်း (၆ဝ) ကျော် ကြာပြီးတဲ့နောက်မှာ သခင်စိုးနဲ့ဘာမှမဆိုင်တဲ့ လူတဦးပါးစပ်ဆီက ကြားရပြန်ပါတယ်။ ပြောတဲ့လေသံချင်း တော့ မတူဘူးလို့ ပြောနိုင်ပါတယ်။ ဒါပေမယ့် အဓိပ္ပာယ်က အတူတူပါပဲ။ တနည်းပြောရရင် ကိုယ်ချမှတ်တဲ့ လုပ်ငန်းစဉ် မှန်မမှန်ဆိုတာ အရေးမကြီး၊ လိုက်လုပ်တဲ့လူမှာ စွမ်းရည်ရှိမရှိက အရေးကြီးတယ်လို့ဆိုတာ ဖြစ် ပါတယ်။

ဒါ့အပြင် ဒီတလောမှာ စက်တင်ဘာသံဃာ့အရေးအခင်းပြီးတဲ့နောက်ပိုင်း အတော်ကြာကြာမကြားရတဲ့ “ဗမာ ပြည်က လူထုတွေဟာ ကြောက်နေကြတယ်” ဆိုတဲ့စကားလည်း အတော်လေး ပြန်ကြားလာရပါတယ်။ တချို့များဆိုရင် အနောက်နိုင်ငံသားတွေပြောတဲ့ လေကိုလိုက်ပြီး ဗမာပြည်က လူထုမို့ပေါ့၊ တခြားနိုင်ငံက လူထုသာဆိုလို့ကတော့ ဒီလိုဖိနှိပ်နေရင် ပေါက်ကွဲထွက်တာ ကြာလှပြီဆိုတဲ့ စကားမျိုးတွေတောင် ပြောကြ ပါတယ်။ ဒီလိုအပြောတွေနဲ့ ပြောင်းပြန်၊ ပြည်တွင်းကအသံတချို့ကတော့ လူတွေဟာ သေမထူး၊ နေမထူး ဖြစ်နေပြီ၊ ဘာမှမကြောက်တော့ဘူး၊ ခေါင်းဆောင်မှုမရှိလို့လို့ ပြောတာ ကြားရပါတယ်။ အရေးတော်ပုံတရပ်၊ တော်လှန်ရေးတရပ် အခက်အခဲနဲ့ ရင်ဆိုင်လာရပြီဆိုရင် ဟိုလူ့အပြစ်တင်၊ ဒီလူ့အပြစ်တင်လုပ်ကြတာ မဆန်း ဘူးလို့တောင် ပြောနိုင်ပါတယ်။ ဘာမှမဝေဖန်လိုပါဘူး။ ဒါပေမယ့် ပြည်သူလူထုကို အပြစ်တင်တာကျတော့ မဝေဖန်လို့မဖြစ်ပါဘူး။ ကိုယ်က ကျည်ဆန်မပြောနဲ့ ဒုံးပျံနဲ့လှမ်းပစ်တောင် မထိနိုင်တဲ့ နေရာမှာနေပြီး ဟိုမှာ သေနတ်ပြောင်းထိပ်နေရသူတွေကို ကြောက်တယ်လို့ ပြောတာဟာ မတရားလွန်းရာကျပါတယ်။ သေစရာရှိ တော့ လူထုက သေရတာပါ။

ခေါင်းဆောင်မှုအတတ်ပညာမှာ အရေးကြီးဆုံးက လူထုအခြေအနေကို နားလည်တာနဲ့ လူထုလက်ခံနိုင်တဲ့၊ လူထု လိုက်အကောင်အထည်ဖော်မယ့် လုပ်ငန်းစဉ်တရပ်ချမှတ်ဖို့ ဖြစ်ပါတယ်။ လူထုက အကောင်အထည် မဖော်ရင် ဘာမှဖြစ်မလာပါဘူး။ အဝေးကနေ ကွန်ပျူတာတခု၊ အသံလွှင့်ချက်တခုနဲ့ လူထုလှုပ်ရှားမှုကြီးကို ထိန်းချုပ်တယ်ဆိုတာ ရုပ်ရှင်ထဲမှာပဲ ဖြစ်နိုင်ပါတယ်။ လူထုထဲမှာဆင်း၊ လူထုနဲ့အတူ တိုက်ပွဲဝင်ရပါမယ်။ ကိုယ်တိုင်မသွားနိုင်ရင် သွားနိုင်တဲ့လူတွေဆင်း၊ အမြုတေအင်အားအဖြစ်မြှုပ်နှံ၊ အချိန်တန်ရင်တိုက်ပွဲဖော် စသဖြင့် လုပ်ရပါတယ်။ မြေအောက်လုပ်ငန်းဆိုတာ ငွေရှိရင်ဖြစ်တာပဲဆိုတာမျိုး သဘောထားလို့မဖြစ်ပါ။ ငွေ လိုအပ်ပါတယ်။ များလေကောင်းလေပါ။ ဒါပေမယ့် ငွေနဲ့ဝယ်ရတဲ့ မြေအောက်ကေဒါနဲ့ တွဲလုပ်ဖို့ဆိုရင်တော့ လူတိုင်းအနည်းဆုံး နှစ်ခါ စဉ်းစားကြမှာပါပဲ။

တချို့သော ခေါင်းဆောင် (လို့ ကိုယ့်ကိုယ်ကိုယ်ထင်နေသူ) တွေဟာ ကိုယ့်ကိုယ်ကိုယ် ကယ်တင်ရှင်လို့ ထင်နေကြပါတယ်။ ဒါဟာ အဆိုးဆုံးပါပဲ။ ကိုယ့်ကိုယ်ကိုယ် လူထုအထက်ကလို့ ထင်တဲ့လူဟာ တကယ်သာ နိုင်ငံ့ခေါင်းဆောင်ဖြစ်လာရင် လူထုရဲ့အထက်မှာနေမှာ၊ လူထုထက်ပိုပြီး အခွင့်ထူးတွေ ခံစားမှာ သေချာပါ တယ်။ ခေါင်းဆောင်ဟာ လူထုထက် စာပိုဖတ်ထားတာ၊ အဆက်အသွယ် ပိုကောင်းတာအမှန်ပါပဲ။ ဒါပေမယ့် ဒီလိုကြောင့်မို့ လူထုကို အနုံအ-အတွေလို့ထင်ရင် မှားပါတယ်။ အရေးအကြီးဆုံးအချက်က အရာကိစ္စတွေ၊ အထူးသဖြင့် အရေးတော်ပုံတွေ၊ တော်လှန်ရေးတွေရဲ့ အနိုင်အရှုံးကို လူထုကြီးက အဆုံးအဖြတ်ပေးတာ ဖြစ်တယ်ဆိုတဲ့ အချက်ကို မမေ့ဖို့ပါပဲ။

လူထုမပါရင် ဘာမှဖြစ်မလာပါဘူး။ အောင်ပွဲဆိုတာကတော့ အိပ်မက်တောင် မမက်နိုင်ပါဘူး။ ဒါကြောင့်မို့ အောင်ပွဲကို ပြည်ပအကူအညီက ယူလာပေးမယ်လို့ ယူဆမျှော်လင့်ပြီး ကိုယ့်နိုင်ငံက လူထုကိုတော့ စမ်းသပ် ခန်းထဲက ယုန်လို၊ ပူးလိုသဘောထား လုပ်ကိုင်နေတာတွေကို ရပ်တန်းကရပ်သင့်ပါတယ်။ နောင်မှာ ရှင်းရ ခက်တဲ့ ပြဿနာတွေ သယ်လာတဲ့လူအဖြစ် ကိုယ်ဟာ သမိုင်းတရားခံတောင် ဖြစ်သွားနိုင်ပါတယ်။

လူထုနဲ့ကေဒါ၊ လူထုနဲ့ခေါင်းဆောင်တို့အကြား မတူတာတွေကိုလည်း သဘောပေါက်ရပါမယ်။ လူထုဟာ နိုင်ငံရေးလုပ်ငန်း တခုတည်းကိုသာ အဓိကလုပ်နေတဲ့ လူတွေမဟုတ်ဘူးဆိုတာ မမေ့သင့်ပါဘူး။ သူတို့အနေ နဲ့ စားဝတ်နေရေးအတွက် လုံးပန်းရသလို ကျောင်းသားဆိုရင်လည်း ပညာရေးအတွက်လုံးပန်းရ စသဖြင့် အဓိကလုပ်နေတဲ့ လုပ်ငန်းတွေ ကိုယ်စီရှိကြပါတယ်။ ကေဒါ၊ နိုင်ငံရေးသမား၊ နိုင်ငံရေးခေါင်းဆောင် ဆိုတာ ကတော့ နိုင်ငံရေးလုပ်ငန်းကို အဓိကထား လုပ်နေသူတွေ ဖြစ်ပါတယ်။ သူတို့ဟာ သူများထက် နိုင်ငံရေး အသိလည်း ပိုမြင့်တယ်လို့ ယူဆထားရတဲ့ လူတွေဖြစ်ပါတယ်။ ဒီတော့ လူထုကို ကေဒါ၊ နိုင်ငံရေးသမား၊ နိုင်ငံရေးခေါင်းဆောင်တို့လို အချိန်မရွေး ထတိုက်နိုင်ရမယ်လို့ မမျှော်လင့်သင့်ပါဘူး။ ခေါင်းဆောင်ရဲ့တာဝန် ဟာ လူထုရဲ့ အခြေအနေကို သိရှိပြီး လူထုလိုက်ပါနိုင်မယ့်အချိန်၊ အဆင့်၊ တိုက်ပွဲသဏ္ဌာန်တို့ကို ရွေးချယ်ဖို့ ဖြစ်ပါတယ်။

ခေါင်းဆောင်ဟာ လူထုကို ဆရာလုပ်ဖို့မဟုတ်ပါ။ ကိုယ်က လူထုထက်ပိုသိတာ၊ ပိုတတ်တာတွေ ရှိနိုင်ပါ တယ်။ ဒါပေမယ့် လူထုမှာလည်း ကိုယ့်ထက်သိတာ၊ တတ်တာတွေ ရှိနိုင်တယ်ဆိုတာ မမေ့သင့်ပါ။ ကိုယ့်ကို သူတို့ကသိဖို့ထက် ကိုယ်က သူတို့ကိုသိဖို့က ပိုအရေးကြီးတယ်၊ ပိုလိုအပ်တယ်ဆိုတာလည်း သတိ ထားသင့် ပါတယ်။ သူတို့ကို ဆရာမလုပ်ခင် သူတို့ဆီမှာ တပည့်ခံသင့်ပါတယ်။ သူတို့ကိုယ့်ကိုယုံဖို့ဟာ အင်မတန်မှ အခရာကျပါတယ်။ ဘယ်သူမှ ကိုယ်မယုံတဲ့ လူရဲ့ ညွှန်ကြားချက်ကို လက်မခံပါဘူး။

နောက်ပြဿနာတခုက ခေါင်းဆောင်မှု (ခေါင်းဆောင်ကိုယ်တိုင်လို့ မဆိုတာ သတိပြုပါ) ဟာ ခေါင်းဆောင်ရ မယ့်အချိန်မှာ ခေါင်းဆောင်ရမယ့်နေရာကို သင့်တော်တဲ့သဏ္ဌာန်နဲ့ ရောက်ရှိနေဖို့ဖြစ်ပါတယ်။ ခေါင်းဆောင်မှု ဟာ နည်းသဏ္ဌာန်မျိုးစုံနဲ့ လူထုဆီကို ရောက်ပါတယ်။ ကိုယ်တိုင်လည်းဖြစ်ချင်ဖြစ်မယ်၊ ကိုယ်ကတာဝန်ပေး ထားသူလည်း ဖြစ်ချင်ဖြစ်မယ်၊ ဒါမှမဟုတ် တခြားနည်းနာတွေနဲ့လည်း ဖြစ်ချင်ဖြစ်မယ်၊ လူထုလိုအပ်နေတဲ့ အချိန်မှာ ဘာတွေကို ဘယ်လိုလုပ်ရမယ်ဆိုတဲ့ ညွှန်ကြားချက်နဲ့ စိတ်ဓာတ် အချိန်မီရောက်သွားဖို့ အရေးကြီး ပါတယ်။

ပြီးခဲ့တဲ့ သံဃာ့အရေးအခင်းကြီးတုန်းက စက်တင်ဘာလ(၂၉) ရက်နေ့မှာ အရေအတွက် ထောင်ပေါင်းများစွာ ရှိတဲ့ လူထုကြီးဟာ ဒီအရင်နေ့တွေတုန်းကလိုပဲ သံဃာတော်တွေ ထွက်လာမယ်ထင်လို့ ဆူးလေဘုရားလမ်း၊ ပန်းဆိုးတန်းလမ်းတို့မှာ စုဝေးရောက်ရှိနေကြပါတယ်။ ဒါပေမယ့် အခြေအနေက အဲဒီအရင်တညကပဲ သံဃာတော်တွေကို ကျောင်းတွေပိတ်ပြီး ရိုက်နှက်ဖမ်းဆီးခဲ့လို့ သူတို့ဟာ ဆန္ဒပြ ထွက်မလာနိုင်တော့ပါဘူး။ နေ့ခင်း (၁) နာရီ၊ (၂) နာရီ လောက်ကျတော့ စောင့်ဆိုင်းနေတဲ့ လူထုကြီးဟာ သောင်းဂဏန်းဖြစ်သွားပါပြီ။ တကယ်လို့သာ အဲဒီတုန်းက ခေါင်းဆောင်မှုပေါ်လာခဲ့ရင်၊ အနည်းဆုံးလူ (၄-၅) ယေက်ကနေ သံဃာတော် တွေတော့ ဘယ်လိုဖြစ်ကုန်ပြီ၊ လူတွေ ဆက်တိုက်ပွဲဝင်ကြစို့ဆိုတာမျိုး လှုံ့ဆော်ဦးဆောင်ခဲ့ရင် လူထုကြီးဟာ မုချနောက်က ပါလာမှာပါပဲ။ ဒါပေမယ့် အခုတော့ ဘယ်ခေါင်းဆောင်မှုမှ ပေါ်မလာလို့ လူထုကြီးဟာ တက် တခေါက်ခေါက်နဲ့ ပြန်သွားခဲ့ကြပါတယ်။

ဒါက ပြနေတာက ခေါင်းဆောင်မှုနဲ့ လူထုဆက်စပ်မှုပြဿနာကို သေချာ လေးလေးနက်နက် လေ့လာဖြေရှင်း ရမယ် ဆိုတာပါပဲ။ ဒီတာဝန်ကို ခေါင်းဆောင်မှုဘက်က ထမ်းဆောင်ရမှာပါ။ စားဝတ်နေရေးနဲ့ လုံးချာလိုက် နေတဲ့ လူထုက ဒါတွေကိုလေ့လာဖို့၊ ဖြေရှင်းဖို့ အချိန်လည်းမရှိ၊ တခြား အချက်အလက်တွေလည်း မရှိပါဘူး။ ဒါတွေကို မဖြေရှင်းဘဲ လူထုကိုပဲ မေးငေါ့အပြစ်တင်နေလို့ကတော့ နီရိုဘုရင်ရဲ့လုပ်ရပ်နဲ့ ကွာလှမှာမဟုတ်ပါ ဘူး။



REF: ခေတ်ပြိုင်

Read More...

နအဖ စစ်ဘက်ရေးရာလုံခြုံရေးအရာရှိနှင့် အဖွဲ့ ၀ ဒေသအတွင်း လက်နက် ဖြုတ်သိမ်းခံရ

အင်္ဂါနေ့၊ 27 ဇန်န၀ါရီ 2009

၂၀၁၀ ရွေးကောက်ပွဲအတွက် ငြိမ်းအဖွဲ့များကို စည်းရုံးသိမ်းသွင်းရန် စစ်ဘက်ရေးရာလုံခြုံရေး ညွှန်ကြားရေး မှူးချုပ် ဒုဗိုလ်ချုပ်ကြီးရဲမြင့်နှင့် အဖွဲ့ ပန်ဆန်းသို့အသွား မိုင်းပေါက်တွင် ၀ နယ်ခြားစောင့်တပ်ဖွဲ့က ၎င်းတို့ ပါ လာသော လက်နက်ကြီးများကို ဖြုတ်သိမ်းထားကြောင်း တရုပ်နယ်စပ်သတင်းရပ်ကွက်က ဆိုသည်။

ယခုလ ၁၇ - ၁၈ ရက် စစ်ဘက်ရေးရာလုံခြုံရေး ညွှန်ကြားရေးမှူးချုပ် ဒုဗိုလ်ချုပ်ကြီးရဲမြင့်နှင့်အဖွဲ့ အင်အား ၃၀ ခန့်သည် ၀ ထိပ်ပိုင်းခေါင်းဆောင်များနှင့် ၂၀၁၀ ရွေးကောက်ပွဲအတွက် ဆွေးနွေးရန် UWSA ပန်ဆန်း ဌာနချုပ်အသွား တပ်မဟာ ၄၆၈ ၀ နယ်ခြားလုံခြုံရေးအဖွဲ့က ၎င်းအဖွဲ့ပါလာသောလက်နက်ကြီးများကို ကျိုင်းတုံမြို့ အရှေ့မြောက်ဘက် ၁၀၂ ကီလိုမီတာအကွာရှိ မိုင်းပေါက်မှ ဖြတ်သန်းသယ်ဆောင်ခွင့်မပြုဟု ဆိုကာ ခေတ္တသိမ်းထားလိုက်သည်ဟုဆို၏။


ဝ ပြည်နယ်မြို့တော် ပန်ဆန်းဌာနချုပ်ရှိ အာဇာနည်ကျောက်တိုင် နှင့် ၀ ရဲဘော်များ

UWSA တပ်မဟာ ၄၆၈ အရာရှိတချို့နှင့် နီးစပ်သူတဦးက - “ယခုလ အစောပိုင်းက သျှမ်းပြည်တိုင်းချုပ် ဗိုလ်ချုပ်မင်းအောင်လှိုင် အထူးဒေသ ၄ တပ်မဟာ ၃၆၉ ဆီလူး နဲ့ အထူးဒေသ ၂ တပ်မဟာ ၄၆၈ ဌာနချုပ် မိုင်းပေါက်ဘက်လာမယ်လို့ သတင်းကြားထားပေမဲ့ မလာဖြစ်ဘူး။ အခုလာသွားတဲ့ ဒုဗိုလ်ချုပ်ကြီးရဲမြင့်နဲ့ အဖွဲ့ ကိုလည်း မိုင်းပေါက်ရှိ ၀ အဖွဲ့က သူတို့ပါလာတဲ့ လက်နက်ကြီးတွေ ပန်ဆန်းကိုပေးမယူသွားဘူးလို့ပြော တယ်။ ပစ္စတိုတချို့ကိုဘဲ ယူသွားခွင့်ပေးတယ်” - ဟုဆို၏။

ပန်ဆန်းသို့ရောက်သွားသော စရဖ လုံခြုံရေးအရာရှိ ဒုဗိုလ်ချုပ်ကြီးရဲမြင့်သည် ၀ ထိပ်ပိုင်းခေါင်းဆောင်များ နှင့် ၂၀၁၀ ရွေးကောက်ပွဲအတွက် ဆွေးနွေးညှိနှိုင်းခြင်းမရသောကြောင့် စရဖ မှူးကြီး အမျက်ဒေါသထွက်ကာ မိုင်းကာ၊ မိုင်းခတ်မှတဆင့် ကျိုင်းတုံဘက်သို့ ပြန်ဆင်းသွားကြောင်း၊ လတ်တလော ၀ နှင့် နအဖ ကြား ဆက်ဆံရေး ပိုမိုတင်းမာလာနေကြောင်း ၎င်းကဆက်ပြောပြ၏။

“၀ တပ်ဖွဲ့ ပြန်လည်ဖွဲ့စည်းပြီး နိုင်ငံတော်ကာကွယ်ရေးဦးစီးချုပ်အောက်မှာနေဖို့ စစ်အစိုးရကိုယ်စားလှယ် တွေက ဆန္ဒရှိတာကို ၀ အဖွဲ့က လက်မခံဘူး။ အခုအခြေအနေက ပိုပြီးတင်းမာလာတယ်။ ၀ ဘက်က ပြင် ဆင်မှုတွေ ပိုလုပ်လာတယ်လို့ပြောရမှာဘဲ” - ဟု ဆို၏။

အရှေ့မြောက်တိုင်းမှူး ဗိုလ်မှူးချုပ်အောင်သန်းထွဋ်ကလည်း သျှမ်းပြည်မြောက်ပိုင်း သံလွင်အရှေ့ခြမ်း ၀ တပ်ဖွဲ့တွေ ကိုပြင်ဆင်ဖွဲ့စည်းဖို့ သွားရောက်တွေ့ဆုံ ဖိအားပေးခဲ့ရာ မအောင်မြင်သောကြောင့် စစ်သည်၂၀၀- ၃၀၀ ခန့် ပို့၍ အင်အားပြ ခြိမ်းခြောက်ခဲ့သေးကြောင်း၊ အတည်မပြုနိုင်သေးသောသတင်းအရ ၀ နှင့် နအဖ ကြား တိုက်ပွဲငယ်များ ဖြစ်ပွားနေကြောင်း ဆိုပါသည်။




REF: သျှမ်းသံတော်ဆင့်

Read More...

သျှမ်းအရှေ့ထွက် ကျောက်မီးသွေး ထိုင်းကုမ္ပဏီတူးခွင့်ရ - ဖြတ်လမ်းမှ သယ်ယူ ရန် ပြဿနာရှိ

ဗုဒ္ဓဟူးနေ့၊ 28 ဇန်န၀ါရီ 2009

သျှမ်းပြည်အရှေ့ပိုင်းထွက် ကျောက်မီးသွေးတွင်းတခုကို နအဖစစ်အစိုးရက ထိုင်းနိုင်ငံ ဆာရာဘူရီ ကျောက် မီးသွေး လုပ်ငန်းတခုအား နှစ်သုံးဆယ် ကန်ထရိုက်ဖြင့် တူးယူခွင့်ပေးလိုက်ကြောင်း၊ ထိုင်းသို့ ဖြတ်လမ်းဖြင့် သယ်ဆောင်လိုသောကြောင့် ပြဿနာများနိုင်ကြောင်း ထိုင်းနယ်စပ်လုံခြုံရေးအရှိတဦးက ဆိုသည်။

သံလွင်အရှေ့ခြမ်း မိုင်းဆတ်မြို့ အရှေ့မြောက်ဘက် မိုင် ၃၀ ကျော်အကွာ မုံးကုတ်(ခေါ်) မိုင်းခုတ် ထွက် ကျောက်မီးသွေးများ တူးယူခွင့်တင်ဒါကို စစ်အစိုးရက ထိုင်းနိုင်ငံ ဆာရာဘူရီ ကျောက်မီးသွေး ကုမ္ပဏီ (Saraburi Coal Mining) ကို နှစ် ၃၀ စာချုပ်ဖြင့် ၂၀၀၈ ဒီဇင်ဘာလ နှောင်းပိုင်းက ပေးလိုက်ကြောင်း၊ ကျောက်မီးသွေးများအား ထိုင်းသို့သယ်ဆောင်ရာတွင် မိုင်းဆတ်၊ မုံးကုတ်၊ မိုင်းလုံ၊ တာချီလိတ် - မယ်ဆိုင် လမ်းကိုအသုံးမပြုလိုဘဲ ဖြတ်လမ်းဖြင့် တောင်ဘက်စူးစူး မုံးကုတ် - မိုင်းတွမ်း - ယောင်ခါ - မယ်ကျုတ် မှတဆင့် ထိုင်းနယ်စပ်ကိုဖြတ်၍ မုံ့ကောဝ်လန် - ဟင်တက် မှ ချင်းရိုင်းသို့ တိုက်ရိုက် သယ်ဆောင်လိုသည် ဟု ဆို၏။

အမည်မဖေါ်လိုသူ ထိုင်းနယ်စပ်လုံခြုံရေးအရာရှိတဦးက- “ယောင်ခါ-မယ်ကျုတ်(သျှမ်းဘက်ခြမ်း) မုံကောဝ် လန်ရွာ(ထိုင်းဘက်ခြမ်း) ဟင်တက်-ပါဆန်းလမ်းကနေ ချင်းရိုင်းကို ကျောက်မီးသွေးသယ်ဖို့ ဆာရာဘူရီ ကုမ္ပဏီက လမ်းဖေါက်မယ်လို့ သက်ဆိုင်ရာအာဏာပိုင်တွေကို စာတင်ထားတယ်။ လမ်းဖေါက်နိုင် မဖေါက် နိုင် အခြေအနေကြည့်ဖို့ ချင်းရိုင်း ခရိုင်အာဏာပိုင်တွေ ဆပ်ကော်မတီဖွဲ့ပြီး ကွင်းဆင်းလေ့လာနေတယ်။ အဲဒီ လမ်းကြောင်းဖွင့်ရင် နယ်စပ်ပြဿနာ ပိုများလာနိုင်တယ်။ ဖြစ်နိုင်ရင် တာချီလိတ် - မယ်ဆိုင် အမှတ် ၂ တံတားက၀င်ရင် အကောင်းဆုံးဘဲ” - ဟုဆို၏။

ဖြတ်လမ်းမှတဆင့် သယ်ဆောင်လျှင် (၁) သဘာဝသစ်တောပြုန်းတီးမှုအန္တရာယ်၊ (၂) လူကုန်ကူးမှုပြဿနာ၊ (၃) မူးယစ်မှောင်ခိုပြဿနာ၊ (၄) သျှမ်းပြည်တပ်မတော်တောင်ပိုင်း လှုပ်ရှားနယ်ဖြစ်သောကြောင့် နယ်စပ် လုံခြုံရေးဆိုင်ရာပြဿနာများ ကြုံတွေ့လာနိုင်ဘွယ်ရှိကြောင်း ၎င်းကပြောပြသည်။

သျှမ်းပြည်တပ်မတော် (တောင်ပိုင်း) ကျိုင်းတုံစစ်နယ်မြေ တပ်မဟာမှူးတဦးကတော့-“ကျောက်မီးသွေး သယ်ဖို့ နအဖဆီပါမစ်ရထားတဲ့ ထိုင်းကုမ္ပဏီက ကျနော်တို့ လှုပ်ရှားနယ်မြေအတွင်းမှာ လမ်းချဲ့/ဖေါက်မယ် တော့ ကြားတယ်။ ဒါပေမဲ့ ကျနော်တို့ကို အခုထိ တိုက်ရိုက်အကြောင်းကြားတာ၊ သယ်ဆောင်ခွင့်လာတောင်း တာ မရှိသေးဘူး။ အဲ့စီမံကိန်း လက်တွေ့အကောင်အထည်ဖေါ်မယ်ဆိုရင် အားလုံးအတွက်လုံခြုံရေးက တော့ထိမှာဘဲ” - ဟုဆို၏။

ထိုင်းနယ်စပ် သျှမ်းပြည်အရေးလေ့လာသူများကလည်း - “အခု နအဖ က ထိုင်းကုမ္ပဏီကို ကျောက်မီးသွေး တူးဖို့ နှစ် ၃၀ ပေးလိုက်တယ်ဆိုတာက SSA လှုပ်ရှားနယ်မြေကျဉ်းသွားအောင် တမင်ဖန်တီးတာဘဲ။ လမ်း ဖေါက်ဖို့တောင် အနည်းဆုံး တနှစ်ခွဲလောက်တော့ အချိန်ယူရမှာ” - ဟုဆို၏။

မုံးကုတ်ကျောက်မီးသွေးတွင်းမှတဆင့် ကျောက်မီးသွေးဆိုင်ရာ အသုံးဝင်သတ္တုများအားလုံး တရက်လျှင် အနည်းဆုံး တန်ချိန် ၅၀၀၀ ထိုင်းသို့ တင်ဆောင်နိုင်မည်ဟု အဆိုပါကုမ္ပဏီမှ ကျွမ်းကျင်ပညာရှင်များက ခန့်မှန်းထားကြသည်။ အလားတူပင် သျှမ်းပြည်အလယ်ပိုင်း ကျေးသီးမြို့နယ်တွင် လွန်ခဲ့သည့် ၆ - ၇ နှစ်က ကျောက်မီးသွေးတွေ့ရှိထားသောကြောင့် တူးဖေါ်ရန် နအဖ စစ်အစိုးရက ဒေသခံလယ်/ယာ/ခြံမြေအများ အပြားသိမ်းယူထားကြောင်း သျှမ်းပြည်တောင်ပိုင်းသတင်းရပ်ကွက်ကလည်း ဆိုသည်။




REF: သျှမ်းသံတော်ဆင့်

Read More...

ညောင်ရွှေဟော်နန်းအား နအဖစစ်အစိုးရက ဗုဒ္ဓပြတိုက်အဖြစ်ပြောင်းလဲ

သောကြာနေ့၊ 23 ဇန်န၀ါရီ 2009

ညောင်ရွှေမြို့ (ယခင်ညောင်ရွှေစော်ဘွားဟော်နန်း) သမိုင်းပြတိုက်ကို ဗမာစစ်အစိုးရက ဗုဒ္ဓပြတိုက်အဖြစ် ပြောင်းလဲလိုက်ကြောင်း ဒေသခံသတင်းရပ်ကွက်က ဆိုသည်။


ညောင်ရွှေဟော်နန်း

လွန်ခဲ့သော မေလ ၂၀၀၈ ခုနစ်က နန်းတော်တွင်း၌ ခင်းကျင်းပြသထားခဲ့သော သျှမ်းစော်ဘွားများ၏ အသုံး အဆောင် လက်ဝတ်တန်ဆာများဖြစ်သည့်ဝတ်ရုံများ၊ ယွန်းထည်ပစ္စည်းများ၊ ရှေဟောင်းလက်နက်ကြီးများ နှင့် စော်ဘွားပလ္လင်များအပါအ၀င် ရှေးဟောင်းပစ္စည်းများ မရှိတော့ဘဲ ဘုရားဆင်းတုတော်များကိုသာ တွေ့ မြင်ရကြောင်း ဒေသခံတစ်ဦးက ပြောသည်။


ညောင်ရွှေဟော် နန်းတွင်းပစ္စည်း

“ပစ္စည်းတွေဘယ်ရောက်ကုန်လဲတော့မသိဘူး။ အခုအဲဒီမှာ သူတို့ယူလာတဲ့ ဘုရားဆင်းတုတော်တွေဘဲရှိ တယ်” ဟု သူက ဆိုသည်။ “အဲဒီဘုရားတွေ အရင်ကမမြင်ဖူးဘူး၊ ဘယ်ကယူလာတာလဲမသိဘူး” ဟု ဆက် ၍ပြောသည်။ ဟော်နန်းအတွင်းရှိ မူလရှေးဟောင်းပစ္စည်းများကို အာဏာပိုင်တို့ နေပြည်တော်သို့ သယ် ဆောင်သွားကြောင်း ဒေသခံများက ပြောသည်။

မူလသျှမ်းဘာသာအဓိပ္ပါယ် ယောင်ဟွေ့ (ချိုင့်ဝှမ်းရှိုစပါးကျီ) မှ ညောင်ရွှေဟု ဗမာမှုပြု အသံဖလှယ်လိုက် သော ၎င်းမြို့သည် သျှမ်းစော်ဘွားများအုပ်ချုပ်သည့် ပြည်နယ်မြို့တော်များအနက် ရှေးအကျဆုံး မြို့တစ်မြို့ ဖြစ်သည်။ ခရစ်နှစ် A.D 1369 ကတည်းက တည်ထောင်ခဲ့သော သျှမ်းစော်ဘွားပြည်နယ်တခု၏ ခေတ် အဆက်ဆက် မိရိုးဖလာအဖိုးတန် ရှေးဟောင်းပစ္စည်း ထားရှိရာ အဆိုပါ ယောင်ဟွေ့ ဟော်နန်းကို မဆလ ခေတ်ကတည်းက သမိုင်းပြတိုက်အဖြစ် ပြောင်းလဲခဲ့သည်။

ယောင်ဟွေ့နယ်ကိုအုပ်စိုးခဲ့သော နောက်ဆုံးမင်းမှာ ပြည်ထောင်စု မြန်မာနိုင်ငံတော်၏ ပထဦးဆုံး သမ္မတ ဖြစ်သူ သတိုးမဟာ သရေစည်သူ စ၀်ရွှေသိုက်ဖြစ်၏။ ၎င်း၏ ကြင်ယာတော်ကား သျှမ်းပြည်တပ်မတော် အက်စ်အက်စ်အေကို ဦးဆောင်တည်ထောင်ခဲ့သူ မဟာဒေ၀ီစ၀်နန်းဟိန်းခမ်း ဖြစ်သည်။

အလားတူပင် သျှမ်းပြည်မြောက်ပိုင်း သီပေါစော်ဘွား စ၀်ကြာဆိုင်၏ ဟော်နန်းကိုလည်း စစ်အာဏာပိုင်များ က မည်သူမှမ၀င်ရ အမိန့်ဖြင့် ချိတ်ပိတ်လိုက်ပြီဖြစ်ကြောင်း ဒေသခံများကပြောသည်။




REF: သျှမ်းသံတော်ဆင့်

Read More...

(၂၀၀၉)၊ ဂမ်ဘာရီနှင့် အနာဂါတ် ဒီမိုကရေစီ - မင်းမင်း (လူထုအသံ)

(၂၀၀၉) ခုနှစ်အတွင်း ချဉ်းနင်းဝင်ရောက်လာသည်မှာ တလပင် ပြည့်လုလုရှိပြီ။ မြန်မာပြည်သူများ အနေနှင့် လောကငရဲကို ကျခံ နေရသည့်ကာလမှာ လည်း (၂၀၀၈) ခုနှစ်မှ နောက်ထပ်တနှစ် တိုးလာခဲ့ပြီ ဖြစ်သည်။
စစ်အာဏာရှင်တို့၏ နိုင်ငံတော် အာဏာကို အာသာငမ်းငမ်း ဆုပ်ကိုင်ရယူထားမှု၊ နိုင်ငံရေး အကျဉ်းသားများ အား ဖမ်းဆီးချုပ်နှောင်ပြီး မတရားထောင်ဒါဏ်များ ချမှတ်နေမှုတို့သည် မမြင်ချင်၊ မကြားချင်မှအဆုံး ဆက်လက် အရှိန်ကောင်းနေဆဲသာ ဖြစ်သည်။

ထိုအချိန်တွင် ကမ္ဘာ့ကုလသမဂ္ဂအဖွဲ့ကြီးက မြန်မာနိုင်ငံဆိုင်ရာ ကိုယ်စားလှယ်တော်ကြီး မစ္စတာ အီဘရာ ဟမ် ဂမ်ဘာရီအား မြန်မာနိုင်ငံသို့ စေလွှတ်ဦးမည်ဟု ဆိုလာပြန်ချေသည်။ ဂမ်ဘာရီသည် မြန်မာနိုင်ငံအရေး အတွက် ခပ်ရှင်းရှင်း ပြောရလျှင် ဘာမှ သုံးမရသည့် ပုဂ္ဂိုလ်တဦးမှန်း ကုလသမဂ္ဂ အထွေထွေ အတွင်းရေးမှူး မစ္စတာဘန်ကီမွန်း ကိုယ်တိုင် သိရှိပြီးဖြစ်သော်လည်း နောက်တကြိမ် မြန်မာနိုင်ငံသို့ စေလွှတ်မှုသည် နှစ်သစ်အတွက် ထားရှိသော မြန်မာတို့၏ နိုင်ငံရေး မျှော်လင့်ချက်သစ်အတွက် ဆိုးရွားသော တုန့်ပြန်မှုတခု သာ ဖြစ်လာပါတော့သည်။



(၂၀၀၉) သည် ကမ္ဘာ့သမိုင်းအတွက် စကတည်းက ယဉ်သကိုဟု မော်ကွန်းရေးထိုးရမည့် ကာလလည်း ဖြစ် လာခဲ့သည်။ နှစ်သစ်ကူးတွင် အရှေ့အလယ်ပိုင်းဒေသ သေနတ်သံ၊ ဗုံးသံများက ကမ္ဘာပေါ်ရှိ နိုင်ငံအသီးသီး မှ ပြည်သူများ ဟစ်ကြွေးခဲ့သော "Happy New Year" ဆိုသည့် ပျော်ရွှင် အော်ဟစ်သံများထက် များစွာ ကျယ်လောင်နေခဲ့သည်။ လူတွေ သောက်သောက်လဲ သေကြေနေသည့် အစ္စရေး-ဟားမတ်အရေးကို မျက်ကွယ်ပြုပြီး ဥရောပဘက် မျက်စပစ်ကြည့်ပြန်တော့ ရေခဲမှတ်အောက် ဒီဂရီများစွာ ကျဆင်းနေသည့် အေးခဲသော ဆောင်းရာသီတွင် လောင်စာမလုံလောက်သဖြင့် ကလေးငယ်များ၏ စာသင်ကျောင်းများကိုပင် ပိတ်ထားရသည့် စိတ်ညစ်ညူးဖွယ် ရုရှား-ယူကရိန်း ဓာတ်ငွေ့အရေးအခင်းကို ကြုံရပြန်သည်။ ထိုအခြေအနေ များကြောင့် မြန်မာနိုင်ငံ၏ ဒီမိုကရေစီ ပြုပြင်ပြောင်းလဲရေး လုပ်ငန်းများအတွက် ကမ္ဘာက မျက်စိဒေါက် ထောက် ကြည့်နေသော အာရုံဝင်စားမှုသည် ကမ္ဘာ့အရေးများသို့ လမ်းကြောင်းပြောင်းသွားခဲ့ရသည်။

ယခုတော့ ကုလသမဂ္ဂအနေနှင့် အရှေ့တောင်အာရှဒေသ၏ အထီးကျန်ဆုံးနိုင်ငံဆီသို့ ပြန်လည် ဦးလှည့် ကာ ပြုပြင်မှုများပြုလုပ်ရန် ပြင်ဆင်လာခဲ့ပြီ ဖြစ်သည်။ (၂၀၀၉) ခုနှစ်အတွင်း အိုဘားမား အမေရိကန် သမတအဖြစ် ကျမ်းကျိန်မှုဆီ စိတ်ဝင်စားခဲ့ကြသည့် ကမ္ဘာ့နိုင်ငံအသီးသီးတို့သည် မစ္စတာဂမ်ဘာရီ၏ ခရီးစဉ် ဆီသို့ သမင်လည်ပြန် ငေးမောလာခဲ့ကြပြန်သည်။ တကယ်တော့ မြန်မာနိုင်ငံသည် ဦးနု၊ ဗိုလ်ချုပ် အောင်ဆန်းနှင့် ဒေါ်အောင်ဆန်းစုကြည်တို့ကဲ့သို့ ကမ္ဘာတလွှားမှ လေးစားကြည်ညိုရသည့် နိုင်ငံရေး ခေါင်းဆောင်များ ပေါ်ထွက်ခဲ့သော အစဉ်အလာကောင်းနှင့် ရပ်တည်နေသော နိုင်ငံတခုဖြစ်သည်။ သို့သော် လည်း ၀မ်းနည်းဖွယ်ကောင်းသည်က လက်ရှိအချိန်တွင်မူ ကမ္ဘာပေါ်တွင် နိုင်ငံရေးသမားများကို အဆိုးရွား ဆုံး နှိပ်ကွပ်နေသည့် အာဏာရှင် အစိုးရလက်အောက် ကျရောက်နေခြင်းပင် ဖြစ်နေတော့သည်။

ယခုတခေါက် လာရောက်မည့် မစ္စတာဂမ်ဘာရီ၏ ခရီးစဉ်သည် မြန်မာ့နိုင်ငံရေး အကျဉ်းသားများကို စစ် အစိုးရက (၁၀၄) နှစ်ထိ သက်တမ်းရှိသော ထောင်ဒါဏ်များ မတရားချမှတ်နေမှုအား စစ်ဆေးရန် လာ ရောက်ခြင်း ဖြစ်ဖွယ်ရှိသည်။ ထိုကိစ္စသည် ကမ္ဘာသိလုပ်ရပ်ကြီးဖြစ်ပြီး မြန်မာစစ်အစိုးရက ပြောင်ပြောင်တင်း တင်း ဆောင်ရွက်ခဲ့သော အဓမ္မစီရင်မှုများ ဖြစ်သည်။ နည်းမှန်လမ်းမှန်ဖြင့် စစ်ဆေးမည်ဆိုလျှင် မြန်မာ စစ် အစိုးရ၏ ရက်စက်ယုတ်မာမှုများ ဘူးပေါ်သလို ဘွားကနဲပေါ်လာမည်မှာ မြေကြီးလက်ခတ်မလွဲပင်ဖြစ် သည်။ သို့သော်လည်း ထိုနေရာတွင် မေးစရာမေးခွန်းတခု ရှိလာခဲ့ပြီ ဖြစ်သည်။ အကယ်၍သာ မြန်မာ စစ် အစိုးရ၏ လုပ်ရပ်များတွင် ပြစ်မှုထင်ရှားကြောင်း သေချာခဲ့မည်ဆိုလျှင် ကုလသမဂ္ဂအနေနှင့် တရားမျှတ သော အရေးယူ ဆောင်ရွက်ချက်မျိုး ပြုလုပ်နိုင်မည်လား ? ဆိုသည်မှာ စဉ်းစားစရာ အခြေအနေတခု အဖြစ် သတ်မှတ်လာရမည် ဖြစ်သည်။

အစ္စရေးနိုင်ငံက ဂါဇာဒေသသို့ ပြင်းပြင်းထန်ထန် ထိုးစစ်ဆင်နေချိန်တွင် ကုလသမဂ္ဂလောက် အသံကျယ် ကျယ် ကန့်ကွက်သည့် အသင်းအဖွဲ့ မရှိခဲ့ပေ။ သို့သော်လည်း အစ္စရေးသည် (၂၂) ရက်ကြာ တိုက်ပွဲကြီးကို စိတ်ကြိုက်ဆင်နွှဲပြီး ပါလက်စတိုင်း (၇၀၀၀) ကျော်ကို သုတ်သင်သွားသည်။ စစ်ပွဲပြီးချိန်အထိ ကုလသမဂ္ဂ အနေနှင့် အစ္စရေးအား ထိုက်တန်သော အရေးယူမှု တစုံတရာ မလုပ်ဆောင်နိုင်ခဲ့ပေ။ ဂါဇာစစ်ပွဲကြောင့် ကုလသမဂ္ဂအနေနှင့် သိက္ခာကျခဲ့သလို ထိုအဖွဲ့အစည်းတခုလုံးသည် အမေရိကန်၊ တရုတ်နှင့် ရုရှားစသော ထိပ်တန်းအင်အားကြီးနိုင်ငံများ၏ ဩဇာလွှမ်းမိုးမှုကို မလွန်ဆန်နိုင်ကြောင်း ပေါ်လွင်လာခဲ့သည်။ ယခုလည်း မြန်မာအစိုးရ၏ လုပ်ရပ်များသည် တရားမဲ့ ယုတ်မာမှုများဖြစ်ကြောင်း ဖော်ထုတ်နိုင်သည့်တိုင် တရုတ်နှင့် ရုရှားတို့က မြန်မာစစ်အစိုးရကို ကျောထောက်နောက်ခံ ပြုလုပ်လာမည်ဆိုလျှင် အဘယ်သို့ ရှိမည်နည်း။ သေချာပါသည်။ ဒုံရင်းက ဒုံရင်းသာ ဖြစ်ပါတော့မည်။

ပြီးခဲ့သော နှစ်အတွင်းက မြန်မာနိုင်ငံသို့ ကုလသမဂ္ဂ အထူးကိုယ်စားလှယ်တော်အဖြစ် မစ္စတာဂမ်ဘာရီ နောက်ဆုံးအကြိမ် လာရောက်ခဲ့စဉ်က မြန်မာစစ်အာဏာရှင် ဗိုလ်ချုပ်မှူးကြီးသန်းရွှေနှင့် တွေ့ဆုံခွင့် မရခဲ့သ လို အတိုက်အခံ NLD ပါတီခေါင်းဆောင် ဒေါ်အောင်ဆန်းစုကြည်ကလည်း လက်ခံတွေ့ဆုံရန် ငြင်းဆန်ခဲ့ သည်။ ထိုဖြစ်ရပ်သည် ဂမ်ဘာရီ၏ အဆင့်ကို ပေါ်လွင်သွားစေခဲ့သလို မြန်မာစစ်အစိုးရရော၊ ဒီမိုကရေစီ လိုလားသူ NLD ပါတီကပါ ကုလသမဂ္ဂ၏ စွမ်းဆောင်မှုကို တန်ဖိုးမထားကြောင်း သိသာစေခဲ့သည်။ အာဏာ ရ အစိုးရတခုအနေနှင့် နိုင်ငံတကာ အဖွဲ့ကြီးဖြစ်သော ကုလသမဂ္ဂကို ပြောင်ပြောင်တင်းတင်း လျစ်လျူရှုခဲ့ ခြင်း ဖြစ်သလို NLD ပါတီကလည်း ဂမ်ဘာရီသည် မြန်မာနိုင်ငံ၏ ဒီမိုကရေစီ ပြောင်းလဲရေး၊ လူ့အခွင့်အရေး ဖော်ဆောင်ရေးတို့အတွက် လူမှန်နေရာမှန်ပုဂ္ဂိုလ်ဟု မယုံကြည်ကြောင်း အတိအလင်း ကြေငြာခဲ့သည်။ ထိုကဲ့သို့ နှစ်ဖက်စလုံးမှ တန်ဖိုးထားလေးစားမှုမရှိသော ကိုယ်စားလှယ်တော်ကြီးသည် မြန်မာနိုင်ငံသို့ နောက်တကြိမ် လာရောက်ပေဦးမည်။

တကယ်တော့ မြန်မာနိုင်ငံသည် တရားမျှတမှုကင်းမဲ့ပြီး လူမွေးလူရောင် မပြောင်တော့အောင် စုတ်ပြတ်နုံချာ သည့် အခြေအနေမျိုးကို စစ်အစိုးရလက်ထက်တွင် ကာလရှည်ကြာစွာ ကြုံတွေ့ခဲ့ရပြီး ဖြစ်သည်။ လူသား တိုင်းသည် လွတ်လပ်မှုကိုမြတ်နိုးသော စိတ်အခံရှိသည့်အတိုင်း မတရား ဖိနှိပ်အုပ်ချုပ်နေသော စစ်အစိုးရကို တော်လှန်လိုသော ခံစားချက်သည် မြန်မာလူမျိုးတိုင်း၏ စိတ်နှလုံးတွင် စွဲမြဲထင်ဟပ်လျှက် ရှိသည်။ သို့သော် လည်း လက်နက်အားကိုးဖြင့် ရက်စက်ရမ်းကားသော စစ်ဘီလူးများ၏ သွေးဆာသော လူသတ်မှုများကြောင့် အားမတန်၍ မာန်လျော့နေခဲ့ရသည်။ နိုင်ငံရေး နယ်ပယ်အတွင်းမှ ကြိုးပမ်းခဲ့ပြန်သော်လည်း ရှေ့နေပင် ငှားရမ်းခွင့်မရှိသော တရားခွင်နှင့် နိုင်လိုမင်းထက် ဥပဒေသများတွင် သေဒါဏ်ထက် ဆိုးသော နှစ်ရှည် ထောင်ဒါဏ်များ ချမှတ်ခံရပြန်သည်။ မြန်မာ့နိုင်ငံရေးသမားများသည် ဆုပ်လဲစူး၊ စားလဲရူး အခြေအနေထဲ တွင် တနှစ်ပြီးတနှစ် အလူးအလိမ့် ဖြတ်သန်းရင်း မျှော်လင့်ချက် အလင်းရောင်ကို မွတ်သိပ်စွာ မျှော်လင့် နေခဲ့ကြရသည်။

ယခုတော့ တနှစ်ပြောင်းခဲ့ ပြန်ချေပြီ။ နှစ်သစ်ကူးပြီး တလပြည့်လု အချိန်ထိ မြန်မာ့အရေးအတွက် ထူးခြား သော ပြောင်းလဲမှုကို အရိပ်အယောင်မျှ မမြင်ရသေး။ လမ်းပျောက်နေဆဲ အခြေအနေအောက်တွင် မြန်မာ အစိုးရသည် ပဒေသရာဇ်ခေတ်ဆီသို့ နောက်ပြန်ဆွဲပြီး အာဏာရှင်စနစ်ကို အသက်သွင်းနေသမျှကိုလည်း မဟန့်တားနိုင်သေး။ တိုးတက်မှုသည် မြန်မာ့နိုင်ငံရေးတွင် မသိသာသော်လည်း မြန်မာနိုင်ငံ၏ အကျဉ်း ထောင်များတွင်မူ သိသာလာခဲ့သည်။ နိုင်ငံရေး အကျဉ်းသား (၂၁၀၀) တိုးလာသည်။ နာဂစ် ဆိုင်ကလုန်း မုန်တိုင်းကြီးနှင့် (၂၀၀၇) ခုနှစ် ရွှေအိုရောင် တော်လှန်ရေးကြီးအတွင်း လှုပ်ရှားခဲ့ကြသူများသည် အဆိုပါ အကျဉ်းသားများ၏ အများစုအဖြစ် ပါဝင်နေခဲ့သည်။ သို့သော်လည်း မြန်မာ စစ်အစိုးရက ၎င်းတို့ နိုင်ငံ အတွင်း နိုင်ငံရေးအကျဉ်းသား မရှိပါဟု လက်ပါးစေ မီဒီယာများမှ တဆင့် အသံကောင်းဟစ်လို့ ကောင်းနေ ဆဲပင်။

မြန်မာ စစ်အစိုးရသည် ခေတ်မီ နိုင်ငံတော်ကြီး တည်ဆောက်သွားမည့် ဥပဒေမူကြမ်းကို (၂၀၁၀) တွင် အတည်ပြုတော့မည် ဖြစ်သည်။ ပြည်သူများ၏ သောင်းသောင်းဖြဖြ ထောက်ခံမှုကြောင့် ဒီမိုကရေစီ ခေတ်သစ်ကြီးဆီသို့ အရောက်လှမ်းနိုင်တော့မည်ဟု အစိုးရက အသံကောင်း ဟစ်နေဆဲပင်။ အခြေအနေ သည် ကောက်ရိုးတမျှင်လောက်မှ မျှော်လင့်ချက်မရှိတော့ဟု သိနေသည့်တိုင် NLD အပါအ၀င် မြန်မာ့နိုင်ငံ ရေး ပါတီများသည် သွေးရူးသွေးတန်းနှင့် ယုံကြည်ချက်ကို ဆုပ်ကိုင်ထားကြဆဲပင်။ မြန်မာအစိုးရသည် NLD ၏ အင်အားကို နည်းလမ်းမျိုးစုံနှင့် ဖြိုခွဲပြီးနောက် ၎င်းတို့ အလိုရှိသည့်အရာကို အရယူဖို့ အပြုံးမပျက် ခရီး ဆက် နေဆဲပင်။

တနှစ်တော့ ကူးခဲ့ပြန်ပါပြီ။ ထို့အတူ မြန်မာနိုင်ငံ၏ ဒီမိုကရေစီ ကူးပြောင်းရေး မျှော်လင့်ချက်သည်လည်း အင်အား ပိုမိုချိနဲ့လာပြီ ဖြစ်ပါသည်။ ဘာပဲဖြစ်ဖြစ် မစ္စတာ ဂမ်ဘာရီကတော့ လာပါဦးမည်။ ပြီးတော့ ပြန် သွားပါဦးမည်။ နိုင်ငံတကာသို့ မြန်မာ့ ဒီမိုကရေစီ ဖော်ဆောင်ရေး လုပ်ငန်းများသည် ထင်သလောက် မလွယ် ကြောင်း အာပေါင် အာရင်းသန်သန် ရှင်းပြဦးမည်။ မြန်မာ စစ်အစိုးရကလည်း ထင်တိုင်း ကြဲဦးမည်။ NLD က လည်း ဂမ်ဘာရီနှင့် ဘာဆိုဘာမျှ ဖြစ်လာမည် မဟုတ်ဘူးဟု အပြစ်တင်ဦးမည်။ အရာအားလုံးသည် ပုံမှန် အတိုင်း လည်ပတ်သွားမည်သာဖြစ်ကြောင်း မြန်မာ့နိုင်ငံရေး အကဲခတ်များက သုံးသပ်ထားသည်။ (၂၀၀၉) ကို ၀င်ရောက်ခဲ့သည်မှာ တလပင် တင်းတင်းပြည့်ပေတော့မည်။ နှစ်သစ်တခုအတွက် ဖြစ်လာရန် ခဲယဉ်း သော မျှော်လင့်ခွင့် အသစ်အတွက် မြန်မာပြည်သူများ သွေးရူးသွေးတန်း မျှော်လင့်နေသော်လည်း ဂမ်ဘာရီ တယောက် ထိုမျှော်လင့်ချက်များအတွက် ဖြည့်ဆည်းပေးနိုင်ဖို့ ဆိုသည်ကတော့ အတော်လေး ဖြစ်နိုင်ချေ နည်းသေးကြောင်း လက်ခံရမည်သာ ဖြစ်ပါတော့သည်။



မင်းမင်း ( လူထုအသံ )
REF: လူထုအသံ

Read More...

အပေါ်သို့