Friday, October 12, 2012

မြန်မာရဲ့ နိုင်ငံခြားကြွေးမြီ အချို့ ဂျပန် ယာယီ စိုက်ထုတ် ပေးမည်

မခင်ဖြူထွေး
11.10.2012

လာမယ့် ၂၀၁၃ ခုနှစ်မှာ မြန်မာနိုင်ငံကို ငွေပြန်ချေးနိုင်ဖို့ ဂျပန်နိုင်ငံက ပြင်ဆင်နေတဲ့ အကြောင်း ဂျပန်ဘဏ္ဍာရေးဝန်ကြီး က ပြောပါတယ်။ မြန်မာနိုင်ငံ ဘက်က နိုင်ငံတကာကို ပြန်မဆပ်နိုင်ဘဲ ကျန်နေတဲ့ ကြွေးမြီိကိစ္စနဲ့ ပတ်သက်ပြီးတော့ ဆွေးနွေး ခဲ့ကြတဲ့ တိုကျိုညီလာခံ အတွင်းမှာ ဂျပန်ဘဏ္ဍာရေးဝန်ကြီး Koriki Jojima က ခုလို ပြောသွားတာပါ။ အပြည့်အစုံကို မခင်ဖြူထွေးက ပြောပြပေးထားပါတယ်။

မြန်မာနိုင်ငံရဲ့ အခြေခံ အဆောက်အအုံ ဖွံ့ဖြိုးတိုးတက်ရေး လုပ်ငန်းတွေမှာ ကူညီပေးနိုင်ဖို့ အတွက် မြန်မာနိုင်ငံကို ငွေပြန်ချေးဖို့ ဂျပန်နိုင်ငံက ပြင်ဆင်နေတာပါ။ ဒီလို ငွေပြန်ချေးနိုင်ဖို့မှာ အရင်က ပြန်မဆပ်နိုင်ဘဲ ကျန်နေတဲ့ လက်ကျန်ကြွေးတွေကို အရင် ရှင်းဖို့ လိုအပ်တာ မို့ မြန်မာနိုင်ငံတင်နေတဲ့ အကြွေး ၆၀ ရာခိုင်နှုန်းကို ရှေ့နှစ် ၂၀၁၃ ခုနှစ်ကျရင် လျှော်ပေးပြီးတော့ အဲဒီရှေ့ နှစ် ထဲမှာပဲ မြန်နိုင်သမျှ အမြန်ဆုံး နှုန်း နဲ့ မြန်မာနိုင်ငံကို ငွေပြန်ချေးတာတွေ လုပ်ပေးဖို့ ဂျပန်နိုင်ငံက စီစဉ်နေတဲ့ အကြောင်း ဂျပန်ဘဏ္ဍာရေးဝန်ကြီး Koriki Jojima က ဒီကနေ့ပဲ တိုကျိုညီလာခံ အစမှာ ပြောသွားခဲ့တာပါ။

မြန်မာနိုင်ငံအနေနဲ့ ကမ္ဘာ့ဘဏ်ကို ပြန်ဆပ်ရမယ့် ဒေါ်လာ သန်း ၄၀၀ နီးပါးနဲ့ အာရှဖွံ့ဖြိုးရေးဘဏ်ကို ပေးရမယ့် ဒေါ်လာ သန်း ၅၀၀ နီးပါးကိုလည်း ပြန်ဆပ်နိုင်ဖို့လည်း ဂျပန်အစိုးရနဲ့ ဆက်စပ်နေတဲ့ နိုင်ငံတကာ ပူပေါင်းဆောင်ရွက်ရေး ဂျပန်ဘဏ်က မြန်မာ ကို ယာယီ ငွေထုတ်ချေးပေးမယ့် အကြောင်းလည်း မစ္စတာ ဂျိုဂျီမာက ပြောပါတယ်။

“မြန်မာနိုင်ငံရဲ့ အကြွေးလက်ကျန်တွေကို ရှင်းတဲ့ လုပ်ငန်းစဉ်တရပ်ကို ရှေ့နှစ်ဇန်န၀ါရီလထဲမှာ အကောင်အထည်ဖော်ဖို့ ဂျပန် နိုင်ငံက ဆုံးဖြတ်ထားတယ် ဆိုတာကို ၀မ်းသာစရာ ကျနော် အသိပေးပါတယ်။ ၁၉၈၇ ခုနှစ် ကတည်းက စလို့ မြန်မာနိုင်ငံ ဘက်က အရင်း အတိုးပါ ပြန်ဆပ်ရမယ့် အကြွေးတွေကို ဂျပန်အစိုးရက ပြန်ဆပ်နိုင်အောင် လုပ်ပေးတာ၊ လျှော်ပစ်တာတွေ လုပ်ပေးသွားပါမယ်။”

ပြီးခဲ့တဲ့ ဧပြီလကပဲ မြန်မာနိုင်ငံရဲ့ အကြွေး ဒေါ်လာသန်းပေါင်း ၃ ထောင့် ၇ ရာကို ဂျပန်အစိုးရ က လျှော်ပစ်ပေးခဲ့တာပါ။ ခုတခါ ဒေါ်လာ သန်းပေါင်း ၆ ထောင်ကျော် ဇန်န၀ါရီလထဲမှာ ထပ်ပြီး လျှော်ပေးမှာ ဖြစ်သလို ပြုပြင် ပြောင်းလဲရေးတွေ မြန်မြန်ဆန်ဆန် လုပ်လာနေတဲ့ မြန်မာနိုင်ငံ ကို ရှေ့နှစ်ထဲမှာပဲ ငွေ ပြန်ချေးပေးသွားမှာလို့လည်း ဂျပန်က ဆိုလိုက်တာပါ။ မြန်မာနိုင်ငံတွင်း ဂျပန်ကုမ္ပဏီတွေ ရင်းနှီးမြှုပ်နှံတဲ့နေရာမှာ လွယ်လွယ် ကူကူ ဆောင်ရွက်နိုင်တဲ့ အခြေအနေတွေ ဖန်တီးဖို့နဲ့ အရေးပေါ် လိုအပ်နေတဲ့ အခြေခံ အဆောက်အအုံ တည်ဆောက်ရေး အပိုင်းတွေမှာ ရင်းနှီးမတည်ပေးတဲ့ အနေနဲ့ ခုလို အကြွေး တွေကို ဂျပန်က လျှော်ပေးခဲ့တာပါ။

ခုလို ဂျပန်အစိုးရက အကြွေး အတော် များများကို လျှော် ပေးလိုက်တဲ့ အပေါ်မှာ မြန်မာပြည်သူတွေ ရဲ့ အစား ကျေးဇူးတင်တဲ့ အကြောင်း မြန်မာ ဘဏ္ဍာရေးဝန်ကြီး ဦးဝင်းရှိန်က ပြောခဲ့ပါတယ်။

“မြန်မာနိုင်ငံရဲ့ လက်ကျန်ကြွေးတွေ ရှင်းနိုင်အောင် ဂျပန်အစိုးရက ကူညီဆောင်ရွက်ပေးတဲ့ အတွက် မြန်မာနိုင်ငံသူ နိုင်ငံသား တွေ ရဲ့ကိုယ်စား ဂျပန်အစိုးရကို ထပ်ပြီးတော့ လှိုက်လှိုက်လဲလဲ ကျေးဇူးတင်ပါတယ်။”- လို့ ဦးဝင်းရှိန်က ပြောသွားတာပါ။ မြန်မာ နိုင်ငံ အနေနဲ့ ပြုပြင် ပြောင်းလဲမှုတွေ ဆက်ပြီး လုပ်သွားမယ့်အကြောင်းလည်း ၀န်ကြီး ဦးဝင်းရှိန်က ပြောခဲ့ပါတယ်။

“ဒီမိုကရေစီနည်းကျတဲ့၊ အစုအဖွဲ့အားလုံး ပါဝင်တဲ့၊ ငြိမ်းချမ်းပြီး ရေရှည်ခံတဲ့ စီးပွားရေး ဖွံ့ဖြိုးတိုးတက်တဲ့ မြန်မာနိုင်ငံတော်သစ်ကို တည်ဆောက်ပြီးတော့ ဒေသတွင်းမှာလည်း အင်အားရှိရှိနဲ့ အားလုံး အတူတကွ လက်တွဲ လုပ်ဆောင်နိုင်တဲ့ အာရှဒေသ တည် ဆောက်ရေး ဆိုတဲ့ တပြေးညီ ရည်မှန်းချက်ကို ပေါက်မြောက် အောင်မြင်အောင်ဆောင်ရွက် တဲ့နေရာမှာလည်း တတတ်တအား ပါဝင် ဆောင်ရွက်သွားမှာ ဖြစ်တယ်" လို့ မြန်မာဘဏ္ဍာရေး ၀န်ကြီးက ပြောသွားတာပါ။

ဂျပန်နိုင်ငံဟာ မြန်မာကို အကြွေးအများဆုံး ပေးထားတဲ့ နိုင်ငံတွေထဲက တခုဖြစ်ပါတယ်။ ကမ္ဘာ့ အဆင်းရဲဆုံး နိုင်ငံတခုဖြစ်တဲ့ မြန်မာနိုင်ငံအနေနဲ့ စီးပွားရေးနဲ့ နိုင်ငံရေး ပြုပြင် ပြောင်းလဲမှုတွေ လုပ်လာခဲ့ပြီးတဲ့နောက် အနောက်နိုင်ငံတွေက မြန်မာအပေါ်
ချမှတ်ထားတဲ့ ပိတ်ဆို့ ဒဏ်ခတ် မှုတွေကို ပြန်လည် ရုပ်သိမ်းအောင် ဆောင်ရွက်နိုင်ခဲ့သလို ခုလို ဂျပန်အစိုးရ ဘက်ကလည်း ငွေကြေး ဆိုင်ရာ အထောက်အကူပေးတာတွေလည်း ပြန်ရလာတာ ဖြစ်ပါတယ်။

အခုလို ဂျပန်နိုင်ငံက မြန်မာနိုင်ငံရဲ့ အကြွေးတွေ ပြန်လျှော်ပြီး အကူအညီတွေ ပေးမှာဖြစ်တဲ့အတွက် စွမ်းအင်နဲ့ မိုင်းလုပ်ငန်း ကစလို့ စိုက်ပျိုးမွေးမြူရေး၊ ဘဏ္ဍာရေးနဲ့ ခရီးသွားလာရေး လုပ်ငန်း ပြန်လည် တည်ဆောက်ရေးတွေမှာ ပါဝင်ဆောင်ရွက်နေတဲ့ နိုင်ငံခြား ကုမ္ပဏီတွေ အတွက် အခွင့်အလမ်းကောင်းတွေ ပိုပြီး ရှိလာနိုင်တယ်လို့ လေ့လာ အကဲခတ်သူတွေက သုံးသပ်ပြောဆို နေကြပါတယ်။


Ref: ဗွီအိုအေ

Read More...

ရဲဘော်သုံးကျိပ်ဝင် ဗိုလ်မှူးချုပ်ဟောင်း ကျော် ဇော ဈာပန အကျဉ်းချုံး ပြုလုပ်

မခွာညို
11.10.2012

မြန်မာလွတ်လပ်ရေးလှုပ်ရှားမှု နဲ့ ဖက်ဆစ်ဆန့်ကျင်ရေးမှာ ဦးဆောင်ပါဝင်ခဲ့သူ ရဲဘော်သုံးကျိပ်ဝင် ဗိုလ်မှူးချုပ်ဟောင်းကျော်ဇော ရဲ့ ဈာပနကို ဒီကနေ့မနက်ပိုင်း တရုတ်နိုင်ငံ ယူနန်ပြည်နယ် ကူမင်းမြို့မှာ အကျဉ်းရုံး ကျင်းပခဲ့ပြီးတော့ မီးသဂြိုလ်ခဲ့ပါတယ်။ ကြွင်း ကျန်တဲ့ အရိုးပြာကိုတော့ တစ်ချိန်ချိန်မှာ မြန်မာပြည်ကို ပြန်ပို့ပေးမှာဖြစ်ကြောင်း သားဖြစ်သူ ဦးအောင်ကျော်ဇောက အခုလို ပြောပါတယ်။

"မနက်ပိုင်းမှာပဲ ဒီနေ့ မနက်ပိုင်းလောက် ကျနော်တို့ တခုမှမပါဘဲ မီးသဂြိုလ်တာကတော့။ ဖေဖေ့ရဲ့ စိတ်ဆန္ဒအတိုင်းပဲ အရိုး အရှင်းဆုံးနဲ့ ကျနော်တို့ အရိုးပြာကို ဇာတ်သိမ်းခဲ့တယ်ပေါ့ဗျာ။ အရိုးပြာကတော့ ကျနော်တို့ တစ်ရက်ရက်မှာ ကျနော်တို့ ပြန်နိုင် ရင်ပြန်ပေါ့ မပြန်နိုင်တဲ့အခါမှာတော့ အရိုးပြာကို ဗမာပြည်ကိုရောက်အောင်ပို့မယ်။"

ဗိုလ်မှူးချုပ်ဟောင်း ကျော်ဇောဟာ အောက်တိုဘာလ ၁၀ရက်နေ့ မနက် ၃နာရီခွဲမှာ ကူမင်းမြို့ဆေးရုံကြီးမှာ ကွယ်လွန်သွားခဲ့ တာ ပါ။ အသက် ၉၃နှစ်အရွယ်ရှိပြီဖြစ်တဲ့ ဗိုလ်မှုးချုပ်ဟောင်း ကျော်ဇောဟာ ပြီးခဲ့တဲ့ ၂လလောက်ကတည်းက အဆုတ်ရောင် ရောဂါ ကြောင့် အရေးပေါ်ခန်းမှာ ဆေးကုသမှုခံယူနေခဲ့တာဖြစ်ပါတယ်။ ပြီးခဲ့တဲ့လအတွင်းကတော့ ဗိုလ်မှူးချုပ်ဟောင်း ကျော်ဇောဟာ ဆေးရုံတက်ကုသနေစဉ် သူမသေခင် မှာ ရွှေတိဂုံ စေတီတော် ကို ဖူးချင်ကြောင်း ထုတ်ဖော်ပြောဆိုခဲ့ပါတယ်။ မြန်မာအစိုးရ ဘက် ကလည်း ရဲဘော်သုံးကျိပ် အဖွဲ့ဝင် တစ်ဦးအနေနဲ့ပြန်လာဖို့ ကမ်းလှမ်းထားပြီးတဲ့နောက်မှာ ကွယ်လွန်သွားခဲ့တာပါ။

ဗမာပြည်ကွန်မြူနစ်ပါတီ ကတော့ ဗိုလ်မှူးချုပ်ဟောင်း ကျော်ဇောရဲ့ အရိုးပြာအိုးကို ရန်ကုန်မြို့ ရွှေတိဂုံဘုရား တောင်ဖက်မုဒ်က သခင်ကိုယ်တော်မှိုင်းရဲ့ အုပ်ဂူခြေရင်းမှာ မြှုတ်နှံဖို့ ဆန္ဒရှိတယ်လို့ ဖော်ပြထားပါတယ်။ ဒါပေမယ့်လည်း ကျန်နေတဲ့ အရိုးပြာကို
ဘယ်လိုစီမံမလဲဆိုတာ မိသားစုအပေါ်မှာပဲ မူတည်တယ်လို့လည်းပြောပါတယ်။

ဗိုလ်မှုးချုပ်ဟောင်း ကျော်ဇော ကွယ်လွန်ချိန်မှာတော့ သားသမီးများဖြစ်ကြတဲ့ ဒေါက်တာ ဒေါ်လှကျော်ဇော၊ ဒေါ်စန်းကျော်ဇော နဲ့
ဦးအောင်ကျော်ဇော တို့ ကျန်ရစ်ခဲ့ပါတယ်။ ဒီလကုန်ပိုင်း မှာတော့ ဗိုလ်မှုးချုပ်ဟောင်း ကျော်ဇောရဲ့ ကိုယ်တိုင်ရေး အတ္ထုပတ္တိ ပေါင်းချုပ် ဖြစ်တဲ့ "ဆိုင်းစုမှသည် မန်ဟိုင်းဆီသို့" ဆိုတဲ့ စာအုပ်ကို မြန်မာပြည်တွင်းမှာ ထုတ်ဝေမှာဖြစ်ပါတယ်။


Ref: ဗွီအိုအေ

Read More...

မြန်မာဘက်က မုန်တိုင်းရှောင်သူတွေ ဘင်္ဂလား ထိန်းသိမ်း

11.10.2012

ဘင်္ဂလားပင်လယ်အော်မှာ ဖြစ်ပေါ်နေတဲ့မုန်တိုင်းကြောင့်၊ မုန်တိုင်းလွတ်ရာမှာ ခိုလှုံကြဖို့ ကမ်းကိုကပ်လာကြတဲ့ မြန်မာနိုင်ငံသား ငါးဖမ်း သမား ၂၈၉ ဦးကို ဘင်္ဂလားဒေရ်ှ့ နယ်ခြားစောင့် တပ်ဖွဲ့က ထိန်းသိမ်းထားတယ်လို့၊ ဒါကာမြို့တော်မှာ အခြေစိုက်တဲ့ နေရိဉ္စရာ သတင်း မှာ ဖေါ်ပြထားပါတယ်။ မနေ့က တက်ကနတ်(ဖ်)ချောင်းမှာ ဆိုက်ကပ်ထားတဲ့ စက်လှေတွေဟာ ငါးဖမ်း စက်လှေ ၃၆ စီးနဲ့ အတူ နတ်မြစ်ဝ က (အုန်းကျွန်း)လို့ခေါ်တဲ့ စိန့်မာတင်ကျွန်း အနီးမှာ ကမ်းကပ် လာစဉ်မှာ၊ ဘင်္ဂလာဒေ့ရ်ှ နယ်ခြားစောင့်တပ်ဖွဲ့က ဖမ်းဆီး ထိန်းသိမ်းလိုက်တာပါ။

ငါးဖမ်းသမားအများစုဟာ မောင်တောမြို့နယ် တောင်ပိုင်း အလယ်သံကျော်၊ မြင်းလွှတ်၊ ကျောက်ပန်းတူ၊ သ၀င်ချောင်းဘက်မှ ပင်လယ်ပြင်တွင် ငါးရှာနေကြတဲ့ သူတွေ ဖြစ်တယ်လို့ ဒေသခံတွေကို ကိုးကားပြီး၊ နိရဉ္စရာ သတင်းမှာဖေါ်ပြထား ပါတယ်။ ဖမ်း ဆီးထားတဲ့ သူတွေကို လောလောဆယ်မှာ ဘင်္ဂလားဒေရှ့် အာဏာပိုင်တွေက အစားအစာများနှင့် လိုအပ်သည်များကို ကူညီ ထောက်ပံ့ပေးထားတယ်လို့လည်း သိရပါတယ်။

မနေ့က ဗုဒ္ဓဟူးနေ့ည သန်းခေါင်အလွန် ကြာသပတေးနေ့ မနက်အစောပိုင်းက ဘင်္ဂလားဒေ့ရှ် ရဲ့ တောင်ပိုင်းကမ်းရိုးတန်းက ခရိုင် ပေါင်း(၆)ခုနဲ့ ဘိုလာ(Bhola)၊ ဟတ်တီယာ (Hatiya)နဲ့ ဆန်းဒွစ်ပ် (Sandwip) ကျွန်းတွေဆီကို၊ အပူပိုင်းမုန်တိုင်း တွေ ကျရောက်ခဲ့တာကြောင့်၊ အနည်းဆုံးလူ (၁၉)ဦး၊ သေဆုံးခဲ့ရပြီးတော့ လူပေါင်း (၁၅၀၀)လောက် ပျောက်ဆုံးနေတယ်လို့၊ ဘင်္ဂ လားဒေ့ရှ် ရဲတပ်ဖွဲ့က ပြောပါတယ်။ ဒီမုန်တိုင်းတွေကြောင့်ရွှံ့၊ သံဖြူ၊ ကောက်ရိုး စတာတွေနဲ့ ဆောက်ထားတဲ့ အိမ်အလုံးပေါင်း အနည်းဆုံး (၁၅၀၀)ဟာလည်း ပင်လယ်ရေလှိုင်းတွေနဲ့အတူ ပါသွားခဲ့ပါတယ်။

Ref: ဗွီအိုအေ

Read More...

အမေရိကန် ဒု-နိုင်ငံခြားရေး ၀န်ကြီး မြန်မာပြည် သွားမည်

11.10.2012

အမေရိကန် ဒုတိယ နိုင်ငံခြားရေး ၀န်ကြီး William Burns ဟာ အောက်တိုဘာလ ၁၇ ရက် လာမယ့် ဗုဒ္ဓဟူးနေ့မှာ မြန်မာနိုင်ငံကို သွားရောက်မှာဖြစ်ပါတယ်။ မစ္စတာဘန်း(စ)ဟာ နေပြည်တော်မှာ သမ္မတ ဦးသိန်းစိန်နဲ့ အစိုးရ တာဝန်ရှိသူ တွေကိုရော မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကိုပါတွေ့ဆုံဖို့ ရှိတယ်လို့ ကြာသပတေးနေ့ အမေရိကန် နိုင်ငံခြားရေး ၀န်ကြီးဌာန သတင်းစာ ရှင်းလင်းပွဲမှာ နိုင်ငံခြားရေး ဌာနပြောခွင့်ရ Victoria Nuland ကပြောပါတယ်။

ဒုတိယ နိုင်ငံခြားရေးဝန်ကြီး ဘန်း(စ)ဟာ အောက်တိုဘာလ ၁၃ရက် စနေနေ့မှာ အာရှဒေသ ၅နိုင်ငံ ခရီးကို စတင်မှာဖြစ်ပြီး ပထမဦးဆုံး ဂျပန်နိုင်ငံကို သွားရောက်မှာပါ။ ဂျပန်နိုင်ငံမှာ နိုင်ငံခြားရေး ၀န်ကြီးနဲ့ကာကွယ်ရေး ၀န်ကြီးအပါအ၀င် အကြီးတန်း အရာရှိတွေနဲ့ ဒေသတွင်း ကိစ္စရပ်တွေကို ဆွေးနွေးပြီး တနင်္လာနေ့မှာ တောင်ကိုရီးယားနိုင်ငံ ကိုသွားရောက်ဖို့ ရှိပါတယ်။ မြန်မာ နိုင်ငံကို မလာခင် တရုတ်နိုင်ငံကို သွားရောက်မှာ ဖြစ်သလို မြန်မာနိုင်ငံကအပြန် ကြာသပတေးနေ့မှာတော့ အိန္ဒိယနိုင်ငံ နယူး ဒေလီမြို့ကို သွားရောက်ပြီး နှစ်နိုင်ငံစီးပွါးရေး၊ လုံခြုံရေးနဲ့ ကာကွယ်ရေးဆိုင်ရာ ဆွေးနွေးမှုတွေ ပြုလုပ်ဖို့ ရှိပါတယ်။


Ref: ဗွီအိုအေ

Read More...

ငြိမ်းချမ်းရေး ရံပုံငွေ ကြောင့် နိုင်ငံရေး ဖြေရှင်းမှု ဘေးဖယ် ခံရဖွယ် စိုးရိမ်

11.10.2012

တိုက်ပွဲတွေ ဖြစ်ပွါးနေတဲ့ မြန်မာနိုင်ငံ တိုင်းရင်းသား ဒေသတွေအတွက် နိုင်ငံတကာ ငြိမ်းချမ်းရေးရံပုံငွေ ချထားပေးတာတွေ ဟာ ငြိမ်းချမ်းရေး အတွက် တကယ်လိုအပ်တဲ့ နိုင်ငံရေးအဖြေရှာမှုတွေထက်၊ ဖွံ့ဖြိုးရေးအတွက်ပဲ အဓိက ဆောင်ရွက်တာမို့ ဦးတည်ချက်လွဲမှာ စိုးရိမ်ကြောင်း မြန်မာ့အရေး ဆောင်ရွက်နေသူ တချို့ကပြောပါတယ်။

နော်ဝေ၊ ကမ္ဘာ့ဘဏ်၊ EU ဥရောပသမဂ္ဂ၊ ဗြိတိန်၊ Australia နဲ့ ကုလသမဂ္ဂတို့ ပူးပေါင်းပြီး ဇွန်လထဲမှာ စတင်ဖွဲ့စည်းခဲ့တဲ့ နော်ဝေနိုင်ငံ အခြေစိုက် Peace Donor Support Group လို့ခေါ်တဲ့ ငြိမ်းချမ်းရေးရံပုံငွေအဖွဲ့ဟာ မြန်မာနိုင်ငံမှာ ပြုပြင် ပြောင်းလဲရေး လုပ်နေတဲ့ သမ္မတ ဦးသိန်းစိန်ရဲ့ ပန်ကြားချက်နဲ့ ဖွဲ့စည်းခဲ့တာဖြစ်ပါတယ်။ မြန်မာနိုင်ငံမှာ တိုင်းရင်းသား လက်နက် ကိုင်တပ်ဖွဲ့တွေနဲ့ ငြိမ်းချမ်းရေး လုပ်ဆောင် နေမှုတွေ ကြောင့် ဒီဒေသတွေအတွက် ကနဦး ရံပုံငွေ ဒေါ်လာသန်း ၃၀ ချထား ပေးဖို့ပါ အဖွဲ့က ကတိပေးခဲ့ပါတယ်။

ကမ္ဘာ့ဘဏ်ကလည်း CDDP လို့ခေါ်တဲ့ လူထုဦးဆောင်လှုပ်ရှားတဲ့ ဖွံ့ဖြိုးရေးအစီအစဉ်တွေ အတွက် ဒေါ်လာ ၈၅သန်း ချထား ပေးပြီး စာသင်ကျောင်းတွေ၊ ရေရရှိရေးနဲ့ လမ်းပမ်းဆိုင်ရာ အပြင် တခြား ဒေသခံတွေရဲ့ လိုအပ်ချက်နဲ့ အညီလုပ်ဆောင်မယ့် လုပ်ငန်းတွေကို ပံ့ပိုးပေးမယ်လို့ ဆိုပါတယ်။

ဒါပေမယ့် အစိုးရရဲ့ လုပ်ဆောင်မှုမှာ တိုင်းရင်းသား အဖွဲ့အစည်း အားလုံး မပါဝင်နိုင် သေးသလို သူတို့ရဲ့ လုပ်ဆောင်မှုတွေ ကနေ ပြည်တွင်း ငြိမ်းချမ်းရေးကို ခိုင်ခိုင်မာမာ မတည်ဆောက်နိုင်သေးတဲ့ အတွက် ဖွံ့ဖြိုးရေး ကိစ္စတွေမှာ လုံးပမ်းရင်း၊ ရေရှည် ငြိမ်း ချမ်းရေးအတွက် နိုင်ငံရေး အရဖြေရှင်းမှုတွေနဲ့ အလှမ်းဝေးသွား နိုင်တယ်လို့ တိုင်းရင်းသားအရေး လှုပ်ရှားသူ တွေက ထိုင်းနိုင်ငံ ဘန်ကောက်မှာ ကျင်းပတဲ့ ဆွေးနွေးပွဲမှာပြောကြပါတယ်။

မြန်မာ၊ ထိုင်းနဲ့ ကမ္ဘောဒီးယားနိုင်ငံဆိုင်ရာ နော်ဝေသံအမတ်ကြီးကတော့ သူတို့လုပ်နေတာတွေဟာ ထာဝစဉ်တည်တံ့မယ့် ငြိမ်း ချမ်းရေး အတွက်ဖြစ်ပြီး လက်နက်ကိုင် အဖွဲ့အစည်းတွေနဲ့ပါ နီးနီးကပ်ကပ် ဆွေးနွေးညှိနှိုင်းပြီးမှ လုပ်တာလို့ ဆိုပါတယ်။

ဒါ့အပြင် ငြိမ်းချမ်ရေးရအောင် နိုင်ငံရေး ဆွေးနွေးမှုတွေ လုပ်လာစေဖို့ အတွက်အားပေးတဲ့ အနေနဲ့ ဒီငြိမ်းချမ်းရေး ရံပုံငွေကို ချထားပေးတာလို့လည်း VOA ကိုပြောပါတယ်။

နော်ဝေနိုင်ငံရဲ့ Myanmar Peace Support Initiative လို့ခေါ်တဲ့ မြန်မာနိုင်ငံ ငြိမ်းချမ်းရေးအတွက် ပံ့ပိုးပေးတဲ့ အဖွဲ့ ဟာ မြန်မာအာဏာပိုင်တွေ၊ ဒေသခံတွေနဲ့ အပစ်အခတ်ရပ်စဲထားတဲ့ အဖွဲ့တွေကြား ပူးပေါင်းဆောင်ရွက်မှုတွေ ရှိလာစေဖို့ January လကတည်းက ပါဝင်ဆောင်ရွက်ပေးနေတဲ့ အဖွဲ့ဖြစ်ပါတယ်။


Ref: ဗွီအိုအေ

Read More...

သုံးခွမြို့နယ် အန်အယ်လ်ဒီအဖွဲ့တွင်းကိစ္စတွေအတွက် ပြည်သူတွေကို တောင်းပန်ကြောင်းပြော

2012-10-11

အမျိူးသားဒီမိုကရေစီအဖွဲ့ချုပ် ဥက္ကဌ ၊ ကော့မှူးမြို့နယ် ပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုကြည်ဟာ ဒီကနေ့ မနက်ပိုင်းမှာ ရန်ကုန်တိုင်းဒေသကြီး ၊ သုံးခွမြို့နယ်ကို သွားရောက်ခဲ့ပြီး မြို့နယ်တွင်းက ပါတီဝင်တွေကြား သဘောထား ကွဲလွဲမှု တွေအတွက် သူ့အနေနဲ့ ပြည်သူတွေကို တောင်းပန်ပါတယ်လို့ သုံးခွမြို့နယ် ဒေသခံပြည်သူတွေကို ပြောကြားခဲ့ပါတယ်။

သုံးခွမြို့နယ် အမျိုးသားဒီမိုကရေစီအဖွဲ့ချုပ်ရုံးမှာ စောင့်ဆိုင်းနေကြတဲ့ သုံးခွမြို့နယ် ဒေသခံပြည်သူတွေ ကို မိန့်ခွန်းပြောရာမှာ အဲဒီလို ထည့်သွင်းပြောဆိုခဲ့တာပါ။

"အခု သုံးခွမြို့နယ်က အမျိုးသားဒီမိုကရေစီအဖွဲ့ချုပ်ထဲမှာ ကွိကျိကွိကျိနဲ့ စကားများနေကြတယ်ဆိုတာ ကြားကြလား၊(ကြားပါ တယ်)၊ အဲဒါအတွက် တောင်းပန်ပါတယ်၊ ကျွန်မတို့ရဲ့အဖွဲ့ချုပ်က ဒီလိုပဲ ပြည်သူလူထုတွေ စိတ်မချမ်းသာအောင်လို့ အချင်း ချင်းစကားများတာတွေ၊ အချင်းချင်းမတည့်တာတွေ ဖြစ်တာတွေအတွက်ကို တောင်းပန်ပါတယ်၊ ဒါပေမယ့်လည်း ဒါအတွက်လည်း သိပ်ပြီးတော့ မစိုးရိမ်ပါနဲ့လို့ ကျွန်မပြောချင်ပါတယ်၊ ဒါဟာ ဖြစ်ရိုးဖြစ်စဉ်ပါပဲ၊ ကျွန်မတို့အမျိုးသား ဒီမိုကရေစီအဖွဲ့ချုပ်က အဖွဲ့ အတွင်းမှာတော့ တစ်ယောက်နဲ့တစ်ယောက် စကားများကြတယ် ဘာတယ်ဆိုတာ ပြည်သူတွေက ကြားတယ်ဆိုတော့ ဒါ ကျွန်မ တို့အတွက် အင်မတန်မှ ဝမ်းနည်းစရာဖြစ်တယ်၊ ဒါပေမယ့်လည်း အဲဒီ့ဟာဟာ စိုးရိမ်စရာမဟုတ်ပါဘူးဆိုတာ ကျွန်မပြောချင်ပါ တယ်၊ ထိန်းသွားပါ၊ ကျွန်မတို့အဖွဲ့ချုပ်ကိုရော ဘယ်အဖွဲ့အစည်းကိုရော မဆို ပြည်သူ တွေက ထိန်းသွားရမယ်၊"

သုံးခွမြို့နယ်ဟာ သောက်သုံးရေး ရှားပါးတဲ့ ပြဿနာကို နှစ်စဉ်ကြုံတွေ့ရတဲ့ မြို့နယ်တစ်ခုလည်းဖြစ်ပါတယ်။ ဒေါ်အောင်ဆန်းစုကြည် က ရေကိစ္စကို အရေးကြီးကိစ္စလို့ သတ်မှတ်ပြီး စတင်ဆောင်ရွက်တော့မယ်လို့ ပြောပါတယ်။

"ရေကတော့ ကျွန်မကတော့ အရေးအကြီးဆုံးလို့ သတ်မှတ်ပါတယ်၊ သဘောတူရဲ့လား ၊ (တူပါတယ်)အဲဒီ့တော့ ရေနဲ့ပတ်သတ် လို့တော့ ကျွန်မတို့အဓိကထားပြီးတော့ စပြီးတော့ ကူညီဖို့ကြိုးစားပါမယ်၊ နောက် တတ်နိုင်သမျှ တဖြည်းတဖြည်းပေါ့နော်၊ ကျွန်မ တို့ ဒီဟာတွေကို လုပ်နိုင်ဖို့ ကြိုးစားသွားပါမယ်၊ အခု ခြောက်သွေ့ရာသီလည်းရောက်တော့မယ်ဆိုတော့ ကျွန်မတို့ မြန်မြန်ဆန်ဆန် လုပ်နိုင်မယ်လို့ မျှော်လင့်ပါတယ်"

ဒေါ်အောင်ဆန်းစုကြည်ဟာ သုံးခွမြို့ အမှတ်(၄)ရပ်ကွက်မှာ ရှိတဲ့ အမျိုးသားဒီမိုကရေစီအဖွဲ့ချုပ် ပါတီရုံးခန်းကနေ သုံးခွမြို့ ၊ မြို့နယ်အထွေထွေအုပ်ချုပ်ရေးဦးစီးဌာန အုပ်ချုပ်ရေးမှူးရုံးကို သွားရောက်ခဲ့ပြီး တာဝန်ရှိသူတွေနဲ့ တွေ့ဆုံဆွေးနွေးခဲ့ပါတယ်။

Ref: အာရ်အဖ်အေ

Read More...

ဗိုလ်မှုးချုပ်ဟောင်းကျော်ဇောကို အကျဉ်းရုံး သဂြိုဟ်

2012-10-11

မနေ့က တရုတ်နိုင်ငံ ကူမင်းမြို့မှာ ကွယ်လွန်ခဲ့တဲ့ ရဲဘော်သုံးကျိပ်ဝင် ဗိုလ်မှူးချုပ်ဟောင်းကျော်ဇောရဲ့ ရုပ်ကလပ်ကို အောက်တို ဘာလ ၁၁ ရက် မနက် ၉ နာရီမှာ မိသားစုတွေက အကျဉ်းရုံး မီးသဂြိုလ်လိုက်တယ်လို့ သိရပါတယ်။

ဗိုလ်မှုးချုပ်ဟောင်းကျော်ဇော ရဲ့ ရုပ်ကလပ်ကို ကူမင်းမြို့က မီးသဂြိုလ်စက်မှာ သင်ဂြိုလ်လိုက်တဲ့အကြောင်း သားဖြစ်သူ ဦးအောင်ကျော်ဇောက ပြောပြပါတယ်။

“ဇာပနက သာမန်ပါပဲ ဒီနေ့မနက် ၉ နာရီက ကူမင်းမြို့ပြင်က အန်းနင် မီးသင်ဂြိုဟ်စက်မှာ မီးသင်ဂြိုဟ်လိုက်ပြီးတော့ အဲဒီအနား မှာရှိတဲ့တောင်ပေါ်မှာ အရိုးပြာ အပ်တဲ့နေရာမှာ အပ်ထားခဲ့တယ်။ အကျဥ်းရုံးပြီးတော့ ဖြေရှင်းတဲ့သဘောပါ သူကလဲ ရိုးရိုး သား သားပဲလုပ်စေချင်တယ်လေ ဘာမှလဲ သိပ်ပြီးတော့ ထွေလီကာလီမလုပ်ကြတော့တာ ဖေဖေကိုယ်တိုင်ကလဲ အဲဒါမျိုးကို မလုပ်စေ ချင်ဘူး။ အခြေအနေပေးတဲ့နေ့မှာ ဗမာပြည်ကို မုချပြန်သွားပြီး သူ့အိမ်မှာပဲ သူ့ကိုမြှုပ်မယ်။”

ဗိုလ်မှူးချုပ်ဟောင်းကျော်ဇော ကွယ်လွန်သွားတဲ့ မနေ့ကတော့ ဗုဒ္ဓဘာသာ ထုံးတမ်းစဉ်လာအရ တရုတ်နိုင်ငံကူမင်း၊ ရွှေလီနှဲ့ သူ တောမခိုခင် နေထိုင်သွားခဲ့တဲ့ မြန်မာနိုင်ငံရန်ကုန်မြို့ရှိ နေအိမ်တို့မှာ ဆွေမျိုးတော်စပ်သူတွေက သက်ပျောက်ဆွမ်း ကပ်လှူခဲ့ကြ တယ်လို့ သိရပါတယ်။

ဗိုလ်မှုးချုပ်ဟောင်းကျော်ဇောဟာ ပဲခူးတိုင်း သာယာဝတီခရိုင် ဆိုင်းစုကျေးရွာဇာတိဖြစ်ပြီး သူကွယ်လွန်သွားပြီးနောက်ပိုင်း သား
တစ်ယောက် သမီး၂ယောက်နဲ့ မြေး ၇ ယောက် ကျန်ရှိခဲ့ပါတယ်။

ဗိုလ်မှုးချုပ်ဟောင်းကျော်ဇော ကွယ်လွန်ခဲ့အတွက် အနယ်နယ်အရပ်ရပ်က နိုင်ငံရေးမိတ်ဆွေတွေ၊ သူ့ကိုလေးစားကြည်ညိုသူတွေ ကလည်း စာတွေ၊ ကဗျာတွေရေးဖွဲ့ ဂုဏ်ပြုခဲ့ကြပါတယ် ။

Ref: အာရ်အဖ်အေ

Read More...

ကချင်ပြည်နယ်အစိုးရလုပ်ဆောင်ချက်တွေကို ပီဒီပီ ပါတီက ဖွင့်ချ

2012-10-11

ကချင်ပြည်နယ် အစိုးရအဖွဲ့ရဲ့ ဆောင်ရွက်ချက်တွေနဲ့ ပတ်သက်ပြီး ကချင်ပြည်နယ် အခြေစိုက် ပြည်သူ့ ဒီမိုကရေစီပါတီ (PDP) က ရန်ကုန်မြို့ ရွေဂုံတိုင်ရှိ တော်ဝင်နှင်းဆီ ငြိမ်းချမ်းခန်းမမှာ ဒီကနေ့ မနက်ပိုင်းက သတင်းစာ ရှင်းလင်းပွဲ ပြုလုပ်ခဲ့ပါတယ်။

ပြည်သူ့ ဒီမိုကရေစီ ပါတီခေါင်းဆောင် ဒေါက်တာ သန်းထိုက်ဦးက သတင်းစာရှင်းလင်းပွဲ အပြီးမှာ RFAကို အခုလို ပြောခဲ့ပါတယ်။

"ကျွန်တော်တို့ ပြည်သူ့ ဒီမိုကရေစီ ပါတီက ကချင်ပြည်နယ် အစိုးရအဖွဲ့ဟာ ဖွဲ့စည်းပုံ အခြေခံ ဥပဒေကို ဆန့်ကျင်ပြီး ကချင် ပြည်နယ်သူ ပြည်နယ်သားတွေကို ညှင်းပန်းနှိပ်စက်နေတဲ့ ဖြစ်စဉ်တွေကို ကျွန်တော်တို့ပါတီက နိုင်ငံတော် သမ္မတကြီးနဲ့ ပြည် ထောင်စု အစိုးရအဖွဲ့ကို တင်ပြ တိုင်ကြားခဲ့ပါတယ်။ အဲ့ဒီ တိုင်ကြားချက်တွေကိုတော့ ကနေ့အချိန်ထိ အရေးယူမယ့်သူ၊ စစ်ဆေး မယ့်သူ မရှိသေးဘဲနဲ့ တင်ပြ တိုင်ကြားချက်တွေပေါ်မှာ အကြောင်းပြပြီး ကချင်ပြည်နယ် အစိုးရ အဖွဲ့က ကျွန်တော်တို့ ပြည်သူ့ ဒီမိုကရေစီ ပါတီက ထုတ်ဝေတဲ့ ပြည်သူ့လုပ်သား သတင်းစဉ် အပေါ် တရားစွဲဆိုဖို့ ဆောင်၇ွက်နေတာ ဖြစ်တဲ့ အတွက် ကျွန် တော် အနေနဲ့ ကနေ့ သတင်းစာရှင်းလင်းပွဲ ပြုလုပ်ရတာ ဖြစ်ပါတယ်။ "

ဒီကနေ့ သတင်းစာရှင်းလင်းပွဲမှာ ကချင်ပြည်နယ် အစိုးရအဖွဲ့ကနေ မြစ်ကြီးနားမြို့ပေါ်က ပုဂ္ဂလိက မော်တော်ယဉ်အသင်းတွေကို ဖျက်သိမ်းခဲ့တာတွေ၊ တနိုင်းမြို့က စက်လှေတွေကနေ ငွေကြေးကောက်ခံတာတွေနဲ့ ပက်သက်တဲ့ အကြောင်းတွေကို အဓိကထား ရှင်းလင်းပြောကြားခဲ့တာဖြစ်ပါတယ်။


Ref: အာရ်အဖ်အေ

Read More...

ငြိမ်းချမ်းစွာ ဆန္ဒထုတ်ဖော်ခွင့် ဥပဒေ ပြင်ပေးရန် လွှတ်တော်တင်မည်

ကြယ်ပြာ
October 11, 2012

နိုင်ငံသား အခွင့်အရေး အပြည့်အ၀ ပေးနိုင်ခြင်းမရှိဘဲ ဖွဲ့စည်းပုံ အခြေခံဥပဒေတွင် ထည့်သွင်းထားသည့် ငြိမ်းချမ်းစွာ စုဝေးခွင့် နှင့် စီတန်းလှည့်လည်ခွင့် ဆိုင်ရာ ဥပဒေပုဒ်မ ၃၅၄ အား ပြန်လည် ပြင်ဆင်ပေးရန် အဆိုကို တရားဥပဒေ စိုးမိုးရေးနှင့် တည်ငြိမ် အေးချမ်းရေး ကော်မတီက ဆဋ္ဌမအကြိမ် ကျင်းပမည့် လွှတ်တော်တွင် တင်ပြသွားမည် ဖြစ်ကြောင်း သိရသည်။

ဥပဒေနှင့်အညီ စီတန်းလှည့်လည်ခွင့်၊ ဆန္ဒထုတ်ဖော်ခွင့် ရရှိရန် ပြည်သူများက လျှောက်ထားကြသော်လည်း အာဏာပိုင်များက ခွင့်ပြုသည်ထက် ငြင်းပယ်ခြင်းက ပိုများနေကြောင်း၊ ခွင့်ပြုချက် မရပါက တိုင်းအဆင့် အယူခံလွှာ တင်ခွင့်ရှိသည်ဟု နည်း ဥပဒေတွင် ပြဌာန်းထားသော်လည်း အယူခံတင်ပုံ အဆင့်များ မပါဝင်ဘဲ ခွင့်ပြုမိန့်နှင့် ငြင်းပယ်မိန့်သာ ပါရှိနေကြောင်း၊ ထို့ ကြောင့် နိုင်ငံသားအခွင့်အရေး အပြည့်အဝ မရရှိသည့်အတွက် ယင်းဥပဒေပုဒ်မ ၃၅၄ ကို ပြင်ဆင်ပေးရန် လွှတ်တော်သို့ တင်မည်ဖြစ်ကြောင်း တရားဥပဒေ စိုးမိုးရေးနှင့် တည်ငြိမ်အေးချမ်းရေး ကော်မတီအဖွဲ့ဝင် တဦးဖြစ်သူ ဦးသိန်းညွန့်က ဧရာဝတီသို့ ပြောသည်။

ခွင့်ပြုမိန့်ရသော ဆန္ဒထုတ်ဖော်ပွဲများတွင်လည်း တင်ပြထားသည့် လူဦးရေထက် လျော့နည်းသော လူဦးရေကိုသာ ခွင့်ပြုပြီး လူ သူမရှိသည့် နေရာများ၌သာ ဆန္ဒထုတ်ဖော်ခွင့် ပြုခြင်း၊ ကြွေးကြော်သံများနှင့် ပတ်သက်၍ တင်းကျပ်သော စည်းကမ်းချက် များ ရှိနေခြင်းတို့ကြောင့် မပြည့်စုံသေးသော ဥပဒေအား ပြင်ဆင်လိုခြင်း ဖြစ်ကြောင်း သိရသည်။

“အဂတိ လိုက်စားမှုတွေကြောင့် လွန်ခဲ့တဲ့ နှစ်ပေါင်း ၅၀ ကျော်က ဆန္ဒတွေ ပြန်လည်ထုတ်ဖော် လာမှာကို အာဏာပိုင်တွေက သိပ်ကြောက်နေတယ်။ လူထုဆန္ဒဆိုတာ သူတို့အတွက် နိုင်ငံတော်ကို စိန်ခေါ်တာ၊ တိုက်ခိုက်တာလို့ မြင်နေတုန်းပဲ” ဟု ဦးသိန်း ညွန့်က ဆိုသည်။

လူ အင်အားများစွာနှင့် ဆန္ဒထုတ်ဖော်ခွင့် လျှောက်ခဲ့ကြသည့် သာကေတမြို့နယ် ယုဇန စားအုန်းဆီ စက်ရုံမှ အနံ့ဆိုး ပြဿနာ၊ စက်တင်ဘာ ၂၁ ရက်နေ့ ကမ္ဘာ့ငြိမ်းချမ်းရေးနေ့ လမ်းလျှောက်ပွဲ၊ ညောင်လေးပင် မြို့နယ်မှ အင်းများအား ဖျက်သိမ်းပေးရန် လယ်သမားများ၏ တောင်းဆိုမှုနှင့် ပန်းတနော်မြို့နယ် တိုင်းဒေသကြီး လွှတ်တော် ကိုယ်စားလှယ်ပိုင် အင်းများကြောင့် မြို့သုံးမြို့မှ လယ်သမားများ၏ ဆန္ဒထုတ်ဖော်လိုကြောင်း စာတင်ခြင်းများသည် အယူခံလွှာ အဆင့်အထိ တက်ခဲ့သော်လည်း ငြင်းပယ် ခံခဲ့ ကြရသည်။

ကမ္ဘာ့ငြိမ်းချမ်းရေးနေ့က အာဏာပိုင်များ၏ ခွင့်ပြုချက် မရသော်လည်း လမ်းလျှောက် ဆန္ဒဖော်ထုတ်ဖော်ခဲ့မှုကို ဦးဆောင် ပါဝင် ခဲ့သူ တချို့အား သက်ဆိုင်ရာမြို့နယ် ရဲစခန်းများက ငြိမ်းချမ်းစွာစုဝေးခွင့်နှင့် ငြိမ်းချမ်းစွာ စီတန်းလှည့်လည်ခွင့် ဆိုင်ရာ ဥပဒေ ချိုးဖောက်မှု ပုဒ်မ ၁၈ ဖြင့် တရားစွဲဆိုခဲ့ကြသဖြင့် ယခုအခါမှာ ဦးဆောင်သူ ၆ ဦးမှာ ပထမဆုံးအနေဖြင့် တရားရုံးများတွင် တရားရင်ဆိုင် နေကြရသည်။

“ပြည်သူတွေကို ကာကွယ်ဖို့ ထုတ်ထားတဲ့ ဥပဒေတွေက ပြည်သူတွေကိုပြန်ပြီး ဖိနှိပ်နေသလို ဖြစ်နေပြီ။ ဒီဥပဒေကို ကိုင်ပြီးတော့ အာဏာပိုင်တွေဘက်က စိတ်ကြိုက် ငြင်းပယ်ခွင့်ရနေတယ်။ ဒီဥပဒေက အထူးတလည် ရှိနေဖို့ မလိုအပ်ပါဘူး” ဟု ပုဒ်မ ၁၈ ဖြင့် တရား ရင်ဆိုင်နေရသော ကိုမိုဃ်းသွေးက ပြောသည်။

ဖွဲ့စည်းပုံ အခြေခံဥပဒေနှင့် နည်းဥပဒေသည် ၆ လကြာ ကွာခြားပြီး ထွက်လာခဲ့ခြင်းကြောင့် ပြည်သူများ အနေဖြင့် ဥပဒေပါ အချက်များအား အပြည့်အ၀ နားမလည်နိုင်သေးကြောင်း၊ အခြေခံဥပဒေတွင် ပါသော နိုင်ငံသား အခွင့်အရေးများကို နည်းဥပဒေ တွင် ပြန်လည် ကန့်သတ်ထားခြင်း ကဲ့သို့သော ဥပဒေ၏ အားနည်းချက်များလည်း ရှိနေသေးသောကြောင့် ပုဒ်မ ၁ဂ ဖြင့် ပထမ ဆုံးအကြိမ် တရားစွဲဆို ခံထားရသူများအား ဥပဒေတွင် ပါသော တနှစ်ထက် မပိုသည့် ထောင်ဒဏ် မချမှတ်ဘဲ ကျပ် ၃ သောင်း ထက် မပိုသော ငွေဒဏ်ဖြင့်သာ အမှုပြီးဆုံးသွားသင့်ကြောင်း ဦးသိန်းညွန့်က ဆိုသည်။

လွှတ်တော်တွင် ဦးသိန်းညွန့် တင်သွင်းထားသော ရန်ကုန် သင်္ဃန်းကျွန်းမြို့နယ် အတွင်းရှိ အနှေးယာဉ်များအား လိုင်စင်ချပေးရန် အဆိုသည်လည်း တုန့်ပြန်ချက် မရသေးသည့်အတွက် ၎င်းကဦးဆောင်ပြီး အနှေးယာဉ်သမားများ၊ ရပ်ကွက်သားများဖြင့် ဆန္ဒထုတ် ဖော်ရန် စီစဉ်နေကြောင်း သိရသည်။

အနောက်ပိုင်းခရိုင် ရဲတပ်ဖွဲ့မှူးရုံး ဦးစီး (၁) ဦးမောင်အောင်က “ဆန္ဒပြခွင့် မပေးတာက ကျနော်တို့ ဥပဒေအတိုင်း လုပ်တာပါ။ ဒီပွဲတွေကို ခွင့်ပြုချက်ပေးခြင်း၊ မပေးခြင်းကို နောက်လာမယ့် ပွဲတွေကျရင် စောင့်ကြည့်ကြပေါ့”ဟု ပြောသည်။

လတ်တလောအနေဖြင့် မြန်မာနိုင်ငံ၏ တရားစီရင်ရေး ဥပဒေများကို ပြန်လည် ပြင်ဆင်ရန်အတွက် ရန်ကုန်မြို့ အတွင်းရှိ အချုပ် ခန်းနှင့် တရားရုံးများအား တရားဥပဒေ စိုးမိုးရေးနှင့် တည်ငြိမ်အေးချမ်းရေး ကော်မတီက လိုက်လံ စစ်ဆေး နေသည့် အတွက် တရားရုံးများရှိ တရားခွင်များ၌ တရားသူကြီးများ ရုံးထိုင်ချိန် မှန်လာကြောင်းနှင့် လာဘ်စားမှုကြောင့် နာမည်ထွက်သည့် တရားခွင် စာရေးများအား နေရာအပြောင်းအရွှေ့များ ရှိနေကြောင်း သိရသည်။

ကော်မတီအနေဖြင့် ဆန္ဒထုတ်ဖော်ခွင့် မရခဲ့သည့် လူထု၏ တိုင်ကြားစာများကို စုဆောင်းနေပြီး လွှတ်တော်တွင် ယင်းစာများနှင့် တကွ တင်ပြသွားမည် ဖြစ်ကြောင်း သိရသည်။

Ref: ဧရာဝတီ

Read More...

လယ်သမားသမဂ္ဂတွေ ဖွဲ့နေပြီ

လင်းသန့်
October 12, 2012

မြန်မာနိုင်ငံတွင် လယ်ယာမြေ သိမ်းဆည်းမှုများ ကျယ်ကျယ်ပြန့်ပြန့် ဖြစ်လာမှု အပါအ၀င် လယ်သမားများ၏ အခက် အခဲများကို ကူညီဖြေရှင်းပေးသွားရန် လယ်သမား သမဂ္ဂများ စတင် ပေါ်ပေါက်လာနေကြောင်း သတင်းရရှိသည်။

“တောင်သူလယ်သမား သမဂ္ဂတွေ ဖွဲ့စည်းရေး လုပ်နေတာ အခု တိုင်းအားဖြင့် ရန်ကုန်တိုင်း၊ ဧရာဝတီတိုင်း၊ ပဲခူးတိုင်း၊ အခု စစ်ကိုင်းတိုင်း၊ နောက်မွန်ပြည်နယ်ပေါ့။ ပြည်နယ်တခုနဲ့ တိုင်း ၄ တိုင်းဖွဲ့စည်းပြီးပါပြီ။ ကျေးရွာ အုပ်စုအဆင့် ၁၂ မြို့နယ်မှာ ဖွဲ့စည်းပြီးပါပြီ”ဟု လယ်သမား အရေး၊ လူ့အခွင့်အရေး လှုပ်ရှားသူ မစုစုနွေးက ဧရာဝတီကို ပြောသည်။

ယခုအခါ ရပ်ကွက်၊ ကျေးရွာ အဆင့် လယ်သမား သမဂ္ဂများ ဖွဲ့စည်းနိုင်ခဲ့ပြီး တချို့မြို့နယ်များမှာ မြို့နယ် အဆင့်သို့ ဆက်လက် ဖွဲ့စည်းရန် လုပ်ဆောင်နေပြီဖြစ်ကြောင်း၊ တရားဝင် အသင်းမှတ်ပုံတင်နိုင်သည်ထိ ဥပဒေပညာရှင်များနှင့် လက်တွဲကာ လုပ် ဆောင် နေကြကြောင်း၊ ယခုလည်း မုံရွာဒေသရှိ ကျေးရွာ လယ်သမား သမဂ္ဂများဖွဲ့စည်းနေကြောင်း သူက ဆက်ပြောသည်။

လယ်သမား သမဂ္ဂများ ပေါ်ပေါက်ရေးအတွက် မစုစုနွေးအပြင် အခြားသောသူများကလည်း ဦးဆောင် ကူညီပေး နေ ကြကြောင်း လည်း သိရသည်။

ယခုအခါ လယ်သမားများမှာ လယ်သိမ်းခံနေရသည့် အခက်အခဲများစွာ ကြုံနေရကြောင်း၊ ခေတ်အဆက်ဆက် ဖိနှိပ်ခံ ဘ၀ဖြစ် နေရပြီး ရုန်းမထွက်နိုင်ကြောင်း သို့အတွက် သမဂ္ဂများ ပေါ်ပေါက်ရေး ၀ိုင်းဝန်းကူညီပေးနေခြင်းဖြစ်ကြောင်း လယ်သမား သမဂ္ဂများ ဖွဲ့စည်းရေး အကူအညီပေးသူ တဦးဖြစ်သော မုံရွာမြို့နယ် ပွင့်လင်း လူ့အဖွဲ့အစည်းမှ ကိုသက် ဆွေအေးက ဧရာဝတီကို ပြောသည်။

“တောင်သူ လယ်သမားတွေနဲ့ပတ်သက်တဲ့ ကိစ္စတော်တော်များများမှာ ပွင့်လင်းမြင်သာမှုလည်း မရှိဘူး။ အသိပညာ အရလည်း နည်းပါးကြတဲ့ အခါကြတော့ သူတို့ကို အတတ်နိုင်ဆုံး ပညာပေးလုပ်ငန်းတွေနဲ့ အဆင့်ဆင့် အကူအညီ တွေ ပေးသွားနိုင်ဖို့ သူတို့မှာ ကြုံနေတဲ့ အခက်အခဲတွေကို ကူညီဖြေရှင်းပေးဖို့ သူတို့ဘက်ကနေပြီး မားမားမတ်မတ်ရပ် တည် ကူညီနိုင်ဖို့ ကျနော် တို့က ရည်ရွယ်ပါတယ်” ဟု သူက ဆိုသည်။

ယနေ့ နံနက်က မုံရွာအနောက်ဘက် ချင်းတွင်းမြစ်အနောက်ဖက်၊ နဗူးတော ကျေးရွာမှာ လယ်သမား သမဂ္ဂဖွဲ့စည်း ရေးလုပ်နေ ကြောင်း၊ လူ ၁၀၀ ၀န်းကျင်လောက်တက်ကြောင်း၊ ယမန်နေ့ကလည်း ၀က်မှေးရွာနှင့် ဆည်တဲ ကျေးရွာ မှာဖွဲ့စည်းရာ မသွဲ့သွဲ့ ၀င်းကို ၀က်မှေးရွာ လယ်သမားသမဂ္ဂ ဥက္ကဌ အဖြစ်၎င်း၊ ကိုမြင့်တင်ကို ဆည်တဲကျေးရွာ ဥက္ကဌ အဖြစ်၎င်း၊ တင်မြှောက်ခဲ့ ကြောင်း၊ မနက်ဖြန်မှာ မုံရွာမှာ တောင်သူလယ်သမား ၁၀ ဦး ကော်မတီဖွဲ့ဖြစ်မည်ဖြစ်ကြောင်း သူက ဆက်ပြောသည်။

ဝက်မှေးရွာမှ လယ်သမား သမဂ္ဂ ဥက္ကဌအဖြစ် ကျေးရွာမှ ရွေးချယ် တင်မြောက်ခံရသူ မသွဲ့သွဲ့ဝင်းသည် မကြာသေးမီ က လက်ပံတောင်းတောင် ကြေးနီစီမံကိန်းကြောင့် ၄င်းတို့၏ လယ်ယာမြေများသိမ်းဆည်းခံရသည့်အတွက် ဆန္ဒပြ ဦးဆောင်မှုဖြင့် ဖမ်းဆီးထိမ်းသိမ်းခံခဲ့ရပြီး ပြန်လည် လွတ်မြောက်လာသူလည်း ဖြစ်သည်။

လူ့အခွင့်အရေးလှုပ်ရှားသူ မစုစုနွေးသည် ဒေသဆိုင်ရာ အဖွဲ့အစည်းများ၊ ကွန်ယက်များနှင့် လက်တွဲကာ တိုင်းနှင့် ပြည်နယ် များတွင် လယ်သမားသမဂ္ဂများ ဖွဲ့စည်းနိုင်ရေး ကူညီပေးနေလျှက် လယ်သမားများနှင့်ပတ်သက်သည့် ဥပဒေရေးရာ အကြောင်း ဥပဒေပညာရှင်များဖြင့် သင်တန်းများလည်းပေးနေကြောင်း၊ သမဂ္ဂ ပေါ်ပေါက်ရေး ကူညီပေးရာတွင် လည်း တချို့အခက်အခဲ အနည်းငယ် ရှိကြောင်းလည်း သိရသည်။

“အခုလို ဖွဲ့စည်းရာမှာ တချို့နေရာတွေမှာ အဆင်ပြေပါတယ်။ ဒါပေမယ့် တချို့နေရာတွေမှာ ကျမတို့ကို တိုက်ရိုက် ဖိအားမ ပေးပေမယ့် သွယ်ဝိုက်တဲ့အနေနဲ့ တောင်သူလယ်သမားတွေကို ဒီသမဂ္ဂအဖွဲ့ထဲ မ၀င်ကြဖို့ တဖက်လှည့်နဲ့ ရပ်ကွက်၊ ကျေးရွာ အုပ်ချုပ်ရေးမှူးတွေက ပြောတာဆိုတာမျိုးတော့ ရှိပါတယ်”ဟု မစုစုနွေးက ဆိုသည်။

ထိုကဲ့သို့ ရပ်ကွက်၊ ကျေးရွာ အဆင့် ဒေသအာဏာပိုင်များ၏ အဟန့်အတားများ ရှိလာသည့်အခါ ထမင်းရှင်အတွက် ကျေးဇူး တုံ့ပြန် သည့်အနေဖြင့် လုပ်ဆောင်နေခြင်းဖြစ်ပြီး ၄င်းတို့အားလည်း ပူးပေါင်းကူညီရန် တိုက်တွန်းကြောင်း သူက ဆက်ပြောသည်။

“လယ်သမား အရေးဆိုတာ ထမင်းစားတဲ့ ပြည်သူလူထုတရပ်လုံးနဲ့ ဆိုင်တယ်လို့။ ဒါကြောင့် ကျမ တို့ရဲ့ ထမင်းရှင် တွေကို ကျေးဇူးဆပ်ရမှာ ကျမတို့ရဲ့ တာဝန်လို့၊ အဲဒီတာဝန်နဲ့ ကျမတို့က လယ်သမားသမဂ္ဂတွေဖွဲ့၊ လယ်သမားတွေ အကျိုး လုပ်နေတာ ဘယ်သူကမှ ခိုင်းလို့မှ မဟုတ်ပါဘူးလို့ အဟန့်အတားလုပ်တဲ့ အာဏာပိုင်တချို့ကို ကျမ ဒီလိုပဲ ပြောပြပါတယ်”ဟု သူကဆိုသည်။

သမ္မတ ဦးသိန်းစိန်၏ အတည်ပြုချက်ဖြင့် ပြည်ထောင်စု လွှတ်တော်က လယ်ယာမြေဆိုင်ရာ ဥပဒေ ကို ၂၀၁၂ ခု မတ်လ ၃၀ ရက် နေ့ ရက်စွဲဖြင့် ပြဌာန်းခဲ့သည်။ ယင်း ဥပဒေတွင် လယ်ယာမြေ လုပ်ပိုင်ခွင့်၊ အခွင့်အရေး၊ လိုက်နာရမည့် စည်းကမ်းချက် များ၊ အငြင်းပွားမှု ဖြေရှင်းခြင်းနှင့် အယူခံခြင်း၊ နစ်နာကြေးနှင့် လျော်ကြေးများ၊ ပြစ်မှုနှင့် ပြစ်ဒဏ်များ စသည့် အခန်း ၁၃ ခန်း ပါဝင်ကြောင်း သိရသည်။

၂၀၀၈ ခုနှစ် ဖွဲ့စည်းပုံ အခြေခံ ဥပဒေ ပုဒ်မ ၃၅၄ (ဂ) တွင်“ ပြည်သူ့ အခွင့်အရေး တစ်ရပ်ဖြစ်သည့် အသင်း အဖွဲ့ သို့မဟုတ် အစည်းအရုံးများ လွတ်လပ်စွာ ဖွဲ့စည်း ဆောင်ရွက်ခွင့်”ဆိုသည်ကို ပြဌာန်းထားပြီးဖြစ်သည်နှင့် အညီ ယခုအခါ မြန်မာ နိုင်ငံတွင် လယ်သမား သမဂ္ဂများပေါ်ပေါက်ရေး၊ အလုပ်သမား သမဂ္ဂများ ပေါ်ပေါက်ရေး ကြိုးစားနေ ကြခြင်းဖြစ်သည်။

Ref: ဧရာဝတီ

Read More...

ကွန်တိန်နာထဲ လက်နက်တွေ့မှု ဒိုင်းမွန်းစတားနှင့် ပတ်သက်ခြင်းမရှိ

သာလွန်ဇောင်းထက်
October 12, 2012

ပါကစ္စတန်နိုင်ငံမှ မှာယူထားသော ဂျုံစေ့ကွန်တိန်နာအတွင်း လက်နက်တွေ့ရှိမှုသည် ဒိုင်းမွန်းစတား ကုမ္ပဏီနှင့် သက်ဆိုင်ခြင်း မရှိသဖြင့် စုံစမ်းစစ်ဆေးမှုများကို ပါကစ္စတန်နိုင်ငံ အာဏာပိုင်များနှင့် ချိတ်ဆက် ဆောင်ရွက်သွားမည် ဖြစ်ကြောင်း သတင်းရ ရှိသည်။

စက်တင်ဘာ ၂၄ ရက်နေ့က ဒဂုံမြို့သစ်အရှေ့ပိုင်းမြို့နယ်ရှိ ဒိုင်းမွန်းစတား ဂျုံစက်ရုံတွင် သီလ၀ါဆိပ်ကမ်းမှ သယ်ဆောင်လာသည့် ဂျုံကွန်တိန်နာကို ဖွင့်ဖောက်စဉ် Made in China တံဆိပ်ပါ ရွှေရောင် ပစ္စတိုတလက်နှင့် ကျည်ဆံများ ပါဝင်သော အထုပ် တထုပ်တွေ့ရှိခဲ့ရကြောင်း၊ ထို့ကြောင့် စက်ရုံတာဝန်ရှိသူများက သက်ဆိုင်ရာ အာဏာပိုင်များထံ ဆက်သွယ် အကြောင်းကြားခဲ့ ကြောင်း၊ အာဏာပိုင်များက ဌာနပေါင်းစုံ ပါဝင်သော စုံစစ်ဆေးရေး အဖွဲ့ဖွဲ့စည်းပြီး စုံစမ်းခဲ့ကြောင်း၊ လတ်တလောတွင် ယင်း လက်နက်တွေ့ရှိမှုမှာ ဒိုင်းမွန်းစတား ကုမ္ပဏီနှင့် တစုံတရာ ပတ်သက်မှုမရှိကြောင်း ၎င်းကုမ္ပဏီနှင့် နီးစပ်သည့် အသိုင်းအဝန်းက ဆိုသည်။

“သက်ဆိုင်ရာ တာဝန်ရှိသူတွေက စစ်ဆေးပြီး ဒီလက်နက်တွေ့ရှိမှုက ကုမ္ပဏီနဲ့ ပတ်သက်မှုမရှိဘူး ဆိုတာကို တရားဝင် သိရ တယ်။ ကုမ္ပဏီ ဘက်ကလည်း လက်မှတ်ထိုး ပေးလိုက်တယ်။ သက်ဆိုင်ရာ ဘက်ကတော့ လက်နက်ပါလာတဲ့ ဒေသရင်း နိုင်ငံ အထိ စုံစမ်းမှုတွေ ဆက်လုပ်မယ်လို့ ပြောတယ်။ ပြည်တွင်း လမ်းကြောင်းကနေ ပါလာတာ မဟုတ်ဘူး။ ဂျုံစေ့ ကွန်တိန်နာဆိုတာ က လမ်းမှာ ဖွင့်ဖောက်လို့ ရတာမျိုး မဟုတ်ပါဘူး” ဟု ဒိုင်းမွန်းစတား ကုမ္ပဏီမှ ၀န်ထမ်းတဦးက ပြောသည်။

ရန်ကုန်တိုင်း ဒေသကြီး အစိုးရ၊ နယ်စပ်ရေးရာနှင့် လုံခြုံရေးဝန်ကြီး ဗိုလ်မှူးကြီး တင်ဝင်းကမူ ကွန်တိန်နာ အတွင်း လက်နက်တွေ့ ရှိမှု သတင်းသည် လုံခြုံရေးနှင့် သက်ဆိုင်နေသောကြောင့် စုံစမ်းစစ်ဆေးမှု ရလဒ် အချက်အလက် များကို ထုတ်ဖော် ပြောဆိုရန် ငြင်းဆိုသည်။

“လုံခြုံရေးနဲ့ ပတ်သက်တဲ့ သတင်းတွေမှာ တချို့သတင်းတွေက မထုတ်ပြန်တာတွေရှိတယ်”ဟု ဗိုလ်မှူးကြီးတင်ဝင်းက ပြောသည်။

ရန်ကုန် အကောက်ခွန် ဦးစီးဌာန၊ ပို့ကုန်သွင်းကုန်ဌာနခွဲ (ထုတ်/သွင်း)မှညွှန်ကြားရေးမှူးကမူ သီလ၀ါ ဆိပ်ကမ်းမှ သယ် ဆောင် သွားသော လက်နက်ပါဝင်သည့် ဂျုံစေ့ ကွန်တိန်နာမှာ X-Ray စက် ဖြတ်သန်းခြင်း မပြုနိုင်ခဲ့ကြောင်း ဧရာဝတီသို့ ရှင်းပြသည်။

“လက်နက်ပါတဲ့ ကွန်တိန်နာက X-Ray စက်နဲ့ မစစ်နိုင်ခဲ့ဘူး။ အဲဒီအချိန်က X-Ray စက်ပျက်နေတယ်” ဟု ညွှန်ကြားရေးမှူး က ပြောသည်။

ဒိုင်းမွန်းစတား ကုမ္ပဏီသည် ဒေါက်တာကိုကိုကြီး ပိုင်ဆိုင်သော ကုမ္ပဏီဖြစ်ပြီး ဂျုံစက်ရုံ၊ စားသောက်ကုန် အပါအ၀င် စီးပွားရေး လုပ်ငန်းများစွာ လုပ်ကိုင်နေသော ပြည်တွင်း ထိပ်တန်း စီးပွားရေး ကုမ္ပဏီကြီး တခုဖြစ်သည်။

Ref: ဧရာဝတီ

Read More...

မန္တလေးရှိ ထိုင်း ဘုရင့်ဂူကို စစ်ဆေးမည်

သန်းထိုက်ဦး
October 12, 2012

မန္တလေးမြို့ အမရပူရ တောင်သမန် အင်း အနီး လင်းဇင်းကုန်း သုသာန်ရှိ အုတ်ဂူသည် သဖန်းပွင့် မင်းသားဘွဲ့ခံ ထိုင်းဘုရင် ကျောက်ဘွား ဒေါက်မဒူဝါး(ခေါ်) ဥတွန်ပုံ၏ အုတ်ဂူ ဟုတ်မဟုတ်ကို ထိုင်းအာဏာပိုင်များက သွားရောက် စစ်ဆေးမှု ပြုလုပ် မည်ဟု သိရသည်။

ယင်း အုတ်ဂူကို စစ်ဆေးမှု ပြုလုပ်ရန် မန္တလေးမြို့တော်ဝန်ကလည်း ခွင့်ပြုထားသည်ဟု ထိုင်းယဉ်ကျေးမှု ၀န်ကြီးဌာန အမြဲတမ်း အတွင်းဝန် Mr. Somchai Seanglaiက ပြောကြားကြောင်း ထိုင်းဘာသာနှင့် ရေးသားထားသည့် Matichon အင်တာ နက် စာမျက်နှာတွင် ယမန်နေ့က ဖော်ပြထားသည်။

“မြန်မာ အစိုးရကလည်း အဲဒီနေရာကို ပြုပြင်ဖို့ လုပ်နေတယ်ဆိုပြီး ထိုင်းအစိုးရ နိုင်ငံခြားရေး ၀န်ကြီးဌာနက သတင်းရပြီးတော့ မန္တလေးမြို့တော်ဝန်ကို အကြောင်းကြားတယ်၊ မန္တလေးမြို့တော်ဝန်ကလည်း အမြန်ဆုံး လာရောက်စစ်ဆေးဖို့ အကြောင်း ပြန်ကြား ထားတယ်”ဟု Mr. Somchai က ပြောဆိုသည်။

ကျောက်ဘွား ဒေါက် မဒူဝါး(ခေါ်) ဥတွန်ပုံ(Uhtumphon) ထိုင်း ဘုရင်၏ အုတ်ဂူ ဟုတ်မဟုတ် ထိုင်းနိုင်ငံမှ သမိုင်းပညာရှင် များကို ဖိတ်ခေါ်၍ စုံစမ်းစစ်ဆေးမည့် အဖွဲ့တခု ဖွဲ့ရန် လတ်တလော စီစဉ်ထားပြီး ထိုင်းနိုင်ငံ အနေနှင့် သမိုင်းအရ အရေး ကြီးသည့် ကိစ္စတခု ဖြစ်ကြောင်း ၎င်းက ဆိုသည်။ သို့သော် သွားရောက်မည့် နေ့ရက်ကိုဖော်ပြထားခြင်း မရှိပေ။

လက်ရှိတွင် မန္တလေး အာဏာပိုင်များက အဆိုပါ ထိုင်းဘုရင့် အုတ်ဂူ အပါအ၀င် အဓိက သမိုင်းဝင် ပုဂ္ဂိုလ်များ မြှုပ်နှံထား သည့် လင်းဇင်းကုန်း သုသာန်ကို ဖျက်ဆီး၍ မြေကွက်ရိုက်ရန် စီစဉ်နေကြောင်း သိရသည်။

မန္တလေး ဒေသခံများကမူ မြန်မာပြည်သို့ ရောက်ရှိလာသည့် ထိုင်း ခရီးသွားများအနေနှင့် ယင်းအုတ်ဂူကို ဆီမီး၊ အမွှေးတိုင်များ ဖြင့် လာကန်တော့ကြသည် ဟု ပြောဆိုသည်။

ထိုင်းဘုရင် ကျောက်ဘွားဒေါက် မဒူဝါး (ခေါ်) ဥတွန်ပုံကို ကုန်းဘောင်ခေတ် ဆင်ဖြူရှင်မင်း လက်ထက် ၁၇၆၇ ခုနှစ် အယုဒ္ဓယ သို့ သွားရောက် စစ်ပြုရာမှ သုံ့ပန်းအဖြစ် ဘုန်းကြီးဝတ်နှင့် အင်းဝသို့ ခေါ်ဆောင်လာပြီး ဘိုးတော်ဘုရား လက်ထက်၌ နတ်ရွာစံ သွားခဲ့ ကြောင်း မြန်မာ့သမိုင်း မှတ်တမ်းများတွင် ဖော်ပြပါရှိသည်။

ကုန်းဘောင်ခေတ် မြန်မာ ဘုရင်များ လက်ထက်က အင်းဝ၊ အမရပူရနှင့် မန္တလေးအနီးတွင် နေထိုင်ကြသည့် မွတ်စလင်(ပသီ) ၊ထိုင်း၊ လာအို၊ အာမေးနီးယန်း၊ တရုတ် စသည့် လူမျိုးများ ကွယ်လွန်လျှင် မြှုပ်နှံရန် အတွက် လင်းဇင်း သုသာန်တွင် လူမျိုး၊ ဘာသာအလိုက် နေရာများ သတ်မှတ်ပေးခဲ့ကြောင်း သိရသည်။

မြန်မာ့ သမိုင်း၌ အရေးပါသည့် နိုင်ငံရေး၊ စီးပွားရေး၊ လူမှုရေး၊ အနုပညာနယ်ပယ်မှ ထင်ရှားကျော်ကြားသည့် ပဂ္ဂိုလ်ကြီးများ မြှုပ်နှံရာ ရန်ကုန်မြို့ရှိ သမိုင်းဝင် ကြံတော သင်္ချိုင်းကို ၁၉၉၇ ခုနှစ် စစ်အစိုးရ လက်ထက်ကလည်း ဖြိုဖျက်၍ ကားပွဲစားတန်း ပြုလုပ်ခဲ့သေး သည်။

ရှေးကျသည့် သမိုင်းဝင် လင်းဇင်းကုန်း သုသာန်ကို ဖျက်ဆီးပစ်မည် ဆိုပါက သမိုင်းအမွေ အနှစ်အရ ဆုံးရှုံးပြီး တိုးတက်လာ သည့် ကမ္ဘာလှည့် ခရီးသွားလုပ်ငန်းကို ထိခိုက်နိုင်ကြောင်း မန္တလေးမြို့ရှိ သမိုင်း အမွေအနှစ် ထိန်းသိမ်း စောင့်ရှောက်သူများက ထောက် ပြ ကြသည်။

Ref: ဧရာဝတီ

Read More...

အင်း ရေကြောင့် ဧက ၆၀၀၀ ကျော် စပါး မစိုက်နိုင်

ဆလိုင်း ဟံသာစန်း
October 12, 2012

ဧရာဝတီတိုင်း ကျောင်းကုန်းမြို့နယ်အတွင်းရှိ ဂျုံးဂျုံးကျ အင်း တွင် ကျားပိုက်များချကာ ရေပိတ်ထားခြင်းကြောင့် အင်း ၀န်းကျင် လယ် ဧက ၆၀၀၀ ကျော်မှာ စပါးမစိုက်ပျိုးနိုင် ဖြစ်နေကြောင်း သိရသည်။

ရေကျနောက်စိုက် လယ်ယာများ စိုက်ပျိုးချိန် ရောက်ရှိနေသော်လည်း ဂျုံးဂျံးကျအင်း အနီးရှိ ၀က်ချောင်း၊ ကျောင်းအိုင်နှင့် အစု ကြီး ကျေးရွာ အုပ်စုတို့မှ လယ်သမားများမှာ စပါးများ ရေမြုပ်ဆုံးရှုံးမည်ကို စိုးရိမ်၍ မစိုက်ပျိုးရဲဘဲ ဖြစ်နေကြသည်။

“သူတို့က အင်းထဲမှာ ယိုင်တွေ ထရံတွေ ပိတ်ဆို့ပြီး ရေကယ်တယ်။ ချောင်းထဲကို မြေအိတ်တွေချပြီး ရေကယ်တဲ့အတွက် ရေက တအား များတယ်။ တောင်သူတွေက ရှိတဲ့ မျိုးစပါးတွေကို အင်းဂရန်ကြောင့် မစိုက်ပျိုးရဲဘူး။ ဒီချောင်းကိုပိတ်ပြီး ငါးဖမ်းနေလို့က တော့လုံးဝ မစိုက်ပျိုးဘူး။ ဒီအတိုင်းပဲ ထားမှာ။ စိုက်လည်း ရေမြုပ်ဆုံးရှုံးမှာပဲ ဆိုတော့ မစိုက်တော့ဘူး”ဟု ကျောင်းအိုင် ကျေး ရွာအုပ်စု ပျော်ဘွယ်ကုန်းရွာမှ လယ်သမား ဦးကြည်လွင်က ဧရာဝတီ ကို ပြောသည်။

ဂျုံးဂျုံးကျ အင်းမှာ ကျောင်းကုန်းမြို့နယ် ကော့သလိုင်ရွာနှင့် ရွှေလှေရွာအထိ ၁၁ မိုင် ၆ ဖာလုံ ရှည်လျားသည့် ဂျုံးဂျုံးကျ ချောင်းကို အင်းအဖြစ် သတ်မှတ်၍ မိုးကောင်းဘုရားကြီးပြုပြင်ရေး ရန်ပုံငွေအဖြစ် ၁၉၈၈ ခုနှစ်က စတင်ကာ ငါးဖမ်းခွင့် ချထား ပေးခြင်းဖြစ်ပြီး အင်းသူကြီး ဦးစိုးအောင်က ဆက်တိုက် လုပ်ကိုင်ခဲ့ကြောင်း သိရသည်။

ယင်း အင်းအတွင်း ကျားပိုက် ၂ ခုချကာ ရေစီးကြောင်းပိတ်ဆို့ ငါးဖမ်းနေမှုကြောင့် နှစ်စဉ် လယ်ယာများ ရေနစ်မြုပ် ဆုံးရှုံးခဲ့ရ သည် ဟု လယ်သမားများ က ပြောသည်။

ပြီးခဲ့သည့် ဇူလိုင်နှင့် သြဂုတ်လများအတွင်း ဧရာဝတီတိုင်း၌ ရေကြီးနစ်မြုပ်ခဲ့ပြီးနောက် ရေပြန်ကျချိန်တွင် အင်း ပိတ်ထားသည့် အတွက် ရေပြန်ကျမှုနှေးကွေးကာ လယ်ဧက ၂၀၀၀ ကျော် ပျက်စီးဆုံးရှုံးခဲ့ကြောင်း အစုကြီးကျေးရွာအုပ်စု ကွင်းစုကျေးရွာမှ လယ် သမား ဦးရွှေမောင်က ပြောသည်။

“ရေကျတဲ့အချိန်မှာ ပိတ်ထားတဲ့အတွက် ရေကျမမြန်တော့ စပါးပင်တွေက မသေသင့်ဘဲနဲ့ သေရတယ်။ ကျနော့် လယ်ဧက ၂၀ ဆို စပါး တစိမှကို မရဘူး။ အကုန်ကုန်တာပဲ”ဟု သူက ပြောသည်။

အလားတူပင် ရေကြည်မြို့နယ် ကွင်းကြီး သခွတ်ကုန်း ကျေးရွာအုပ်စုရှိ တာကျင်းကြီး ရေမြောင်းနှင့် မီးရထားလမ်း ခုံးကျော် တံ တား ပေါက်များကို ပိတ်ဆို့ ငါးဖမ်းနေသည့်အတွက် သခွတ်ကုန်း၊ ၀က်ရုပ်၊ ကွင်းသုံးဆင့် စသည့် ကျေးရွာအုပ်စုများမှ လယ် သမား များမှာ စပါးမစိုက်ရဲဘဲ ဖြစ်နေကြကြောင်း သိရသည်။

“စပါးတွေက စိုက်ချိန်တန်နေပြီ။ မိုးပြန်ရွာရင် ရေတက်မြုပ်မှာမို့လို့ မစိုက်ရဲကြဘူး။ မျိုးစပါးထောက်ပံ့တာတွေ ရတယ်။ တဧက ၁ တင်း က မလုံလောက်ဘူး။ တဧကကို အနည်းဆုံး ၂ တင်း လိုတယ်။ အပြင်မှာ ၁ တင်း သပ်သပ် ထပ်ဝယ်ရတယ်။ အဲဒီဟာ ပိတ် ထားတဲ့အတွက် ကျနော်တို့ကို ပေးထားတဲ့ မျိုးစပါးတွေ ပက်ချလိုက်လို့ မိုးရွာလို့ ပြန်မြုပ်ရင် နောက်ထပ် ကျနော်တို့ ၀ယ် စရာ လည်း မရှိတော့ဘူး”ဟု ၀က်ရုပ် ကျေးရွာမှ လယ်သမား ကိုမျိုးမြင့် က ပြောသည်။

ယင်း ကျေးရွာအုပ်စု ၃ စုတွင် လယ်ဧက ၁၀၀၀ ကျော်ရှိသည့်အနက် ကုန်းပေါ်သည့် လယ်ဧက ၄၀၀ ခန့်သာ စိုက်ပျိုးထားပြီး ကျန် ဧက ၆၀၀ ကျော်မှာ လုံးဝစိုက်ပျိုးနိုင်ခြင်း မရှိသေးကြောင်း လယ်သမားများက ပြောသည်။

ရေကျနောက်စိုက် စပါးကို စက်တင်ဘာလကုန် အောက်တိုဘာလဆန်းပိုင်းက စတင် စိုက်ပျိုးကြပြီး ဖေဖော်ဝါရီလကုန် မတ်လ ဆန်း ပိုင်းတွင် ရိတ်သိမ်းလေ့ ရှိသည်။

ယင်းသို့ ရေစီးကြောင်းပိတ်ဆို့၍ ငါးဖမ်းမှုများကြောင့် ရေကျနောက်ကျကာ စိုက်ပျိုးချိန်မမီခြင်း၊ စပါးအထွက်နှုန်း မကောင်းဘဲ အဖျင်း များခြင်း၊ စိုက်ချိန်နောက်ကျသည့်အတွက် နောက်မိုးနှင့် သွားရောက်ထိစပ်၍ စပါးများပျက်စီးဆုံးရှုံးရခြင်းတို့ ကြုံတွေ့နေရ ကြောင်း လယ်သမားများက ပြောသည်။

ထိုသို့ကြုံတွေ့နေမှုများအား လယ်သမားများက တိုင်းဒေသကြီး အထွေထွေ အုပ်ချုပ်ရေးဌာနသို့ ယခုလ ပထမပတ် အတွင်းက လက်မှတ်ရေးထိုး တိုင်ကြားထားပြီး ဂျုံးဂျံးကျအင်း ကို ခရိုင် ငါးလုပ်ငန်း ဦးစီးဌာနက ကွင်းဆင်းစစ်ဆေးမှုများ လုပ်ဆောင်ခဲ့ ကြောင်း သိရသည်။

သို့သော် အင်းနှင့် ပတ်သက်၍ ဖျက်သိမ်းခြင်း၊ ဆက်လက်ဆောင်ရွက်စေခြင်း စသည့် ဆုံးဖြတ်ချက် တစုံတရာချမှတ်ခြင်း မရှိ သေး ကြောင်း သိရသည်။

ဧရာဝတီတိုင်း ဒေသကြီးတွင် အင်းပေါင်း ၁၇၀၀ ကျော်ရှိပြီး တိုင်းဒေသကြီး၏ ၀င်ငွေအများဆုံး ရရှိသည့် လုပ်ငန်းတခုဖြစ်ကာ ပြီး ခဲ့သည့် ၂၀၁၁ – ၂၀၁၂ ဘဏ္ဍာရေးနှစ်တွင် သိန်းပေါင်း ၄၉၀၀၀ ကျော် ရှာဖွေပေးနိုင်ခဲ့ကြောင်း တိုင်းဒေသကြီးအစိုးရအဖွဲ့ ဘဏ္ဍာရေး ၀န်ကြီးဌာန စာရင်းများ၌ ဖော်ပြထားသည်။

Ref: ဧရာဝတီ

Read More...

NLD အသက်မွေးဝမ်းကျောင်း ပညာ ကျောင်းများ ဖွင့်မည်

နန်းဆိုင်နွမ်
October 11, 2012

အမျိုးသား ဒီမိုကရေစီအဖွဲ့ချုပ် (NLD) ပါတီက လူငယ်များအတွက် အသက်မွေး ၀မ်းကျောင်း ပညာ သင်ကြားနိုင်ရန် မြို့နယ်၊ ဒေသများအလိုက် သင်တန်းကျောင်းများ ဖွင့်လှစ်သွားမည်ဟု သိရသည်။

ထိုကျောင်း ဖွင့်ရသည့် အဓိကရည်ရွယ်ချက်သည် မျှော်လင့်ချက်ပျောက်နေသည့် လူငယ်များ၊ အလုပ်လက်မဲ့ ဖြစ်နေသည့် လူငယ် များ မဖြစ်စေရန်၊ အသက်မွေးဝမ်းကျောင်း တခုအဖြစ် ရပ်တည်နိုင်စေရန်အတွက် ဖွင့်လှစ်ခြင်းဖြစ်ကြောင်း NLD ဥက္ကဌ ဒေါ် အောင် ဆန်းစုကြည်က ရန်ကုန်တိုင်း သုံးခွမြို့နယ် ပြည်သူများကို ယနေ့ ပြောကြားသည်။

“အခု လောလောဆယ်တော့ ကော့မှူးမှာ မကြာမီ ဖွင့်လှစ်နိုင်အောင် ကြိုးစားနေပါတယ်။ ကျောင်းမနေတော့တဲ့ လူငယ်တွေရဲ့ ရှေ့ရေး အတွက် စဉ်းစားရပါမယ်။ လူငယ်တွေ မျှော်လင့်ချက်မဲ့နေတာကို စိုးရိမ်လို့ပါ။ စိတ်ဓာတ် မကျပါနဲ့”ဟုလည်း ဒေါ်အောင် ဆန်းစုကြည်က ထည့်သွင်း ပြောဆိုသည်။

ကော့မှူး ဒေသ လူငယ်များအတွက်သာ မဟုတ်ဘဲ ပြည်နယ်နှင့် တိုင်း အလိုက် ဖွင့်နိုင်ရန်လည်း ကြိုးစားသွားမည် ဖြစ်ကြောင်း၊ စီမံကိန်း အရ ဆောင်ရွက်သည့်အတွက် လူဦးရေ အများအပြား လက်ခံနိုင်ဦးမည် မဟုတ်သေးကြောင်း၊ ထို သင်တန်းသို့ တက် ရောက် သူတိုင်းကိုလည်း အလုပ်အကိုင်များ ရသွားသည်အထိ စီစဉ်ပေးသွားရန် ရှိကြောင်း သိရသည်။

ဒေါ်အောင်ဆန်းစုကြည်က ပညာသင်ကြားရေးနှင့် ပတ်သက်၍လည်း“မြန်မာနိုင်ငံ ပညာရေးမြှင့်တင်ဖို့ ကိစ္စ၊ ပညာရေး အကူအညီ ပေးချင်တဲ့ နိုင်ငံက တော်တော် များတယ်။ ကူညီတဲ့ အဖွဲ့အစည်းတွေရဲ့ စေတနာကိုတော့ ကျောင်းသားနဲ့ပြည်သူတွေက လုံ့လ ၀ီရိယ စိုက်ပြီးတော့ ကြိုးစားသင့်တယ်”ဟု ပြောကြားသည်။

သုံးခွ တွင် အဓိကလိုအပ်နေသည့် ရေပြဿနာ၊ ဆည်မြောင်း တာတမံ ပြဿနာများကို အမြန်ဆုံးဖြေရှင်းရေးနှင့် ပတ်သက်၍ လည်း ဆွေးနွေးကြကြောင်း သုံးခွ NLD အဖွဲ့ဝင် တဦးက ပြောပြသည်။

ဒေါ်အောင်ဆန်းစုကြည် သည် သုံးခွမြို့နယ်မှူး အပါအ၀င် တာဝန်ရှိသူများနှင့်လည်း ဒေသခံ ပြည်သူများအတွက် ကျန်းမာရေး၊ ပညာရေး ဆိုင်ရာများကို ဆွေးနွေးသည်ဟု ဆိုသည်။

ယနေ့ သွားရောက်သော သုံးခွမြို့နယ် ခရီးစဉ်တွင် သုံးခွ NLD ရုံးတွင်း ပဋိပက္ခ ပြဿနာများကိုလည်း ဖြေရှင်းပေးခဲ့ရကြောင်း သိရသည်။

“NLD ပါတီအတွင်း ဖြစ်နေတဲ့ ပဋိပက္ခတွေကို ကျမ အနေနဲ့ပြည်သူတွေကို တောင်းပန်ပါတယ်။ ဒီမိုကရေစီ အဖွဲ့အစည်း တိုင်း မှာဒီလိုပြသာနာတွေက ရှိတာပေါ့။ NLDပါတီ အဖွဲ့ချုပ် အနေနဲ့ ပြည်သူလူထုကို ပွင့်လင်းစွာဆက်ဆံဖို့ လိုအပ်ပါတယ်”ဟု ဒေါ်အောင်ဆန်း စုကြည်က သုံးခွ NLD ရုံး၌ ပြောကြားသည့် မိန့်ခွန်းတွင် ထည့်သွင်းပြောဆိုသည်။

ပါတီဝင်များတွင် တချို့က ယခင်ကပင် မည်သည့် အခွင့်အရေး မျှော်မှန်းချက်မှမရှိဘဲ အဖွဲ့ဝင် ဖြစ်လာကြပြီး တချို့မှာမူ အခွင့် အရေး မျှော်မှန်းချက်ဖြင့် ၀င်ရောက်လာကြသူများ ဖြစ်၍ ထိုလူချင်း ပဋိပက္ခ ပြဿနာများ ဖြစ်ပွားရကြောင်း၊ အချိန်ယူ ဖြေရှင်း ရန် လိုအပ်ကြောင်း ဒေါ်အောင်ဆန်းစုကြည်က ပြောဆိုသည်ဟုလည်း သိရသည်။

Ref: ဧရာဝတီ

Read More...

ရခိုင်တွင် ညမထွက်ရအမိန့် အချိန်ကန့်သတ်မှု လျှော့ချ

ခင်ဦးသာ
October 11, 2012

ရခိုင်ပြည်နယ်အတွင်း ထုတ်ပြန်ထားသည့် ညမထွက်ရအမိန့် (ပုဒ်မ ၁၄၄ ) ကို အချိန် ကန့်သတ်မှု လျှော့ချလိုက်ကြောင်း သိရသည်။

ရခိုင်ဒေသတွင်း အကြမ်းဖက်မှု စတင်ခဲ့သည့် မောင်တောမြို့နှင့် ဘူးသီးတောင်၊ စစ်တွေ၊ ကျောက်ဖြူ၊ ရမ်းဗြဲ၊ ကျောက်တော်
တို့တွင် ည ၇ နာရီမှ နံနက် ၅ နာရီ သတ်မှတ်ထားရာမှ ယခုအခါ ည ၁၀ နာရီမှ နံနက် ၄ နာရီအထိ လျှော့ချလိုက်ခြင်း ဖြစ်သည်။

သံတွဲမြို့တွင်လည်း ညမထွက်ရ အမိန့်ထုတ်ထားပြီး တည်ငြိမ်မှု အပြည့်အ၀ ရှိနေပြီဖြစ်သည့်အတွက် လုံးဝရုပ်သိမ်းလိုက်ပြီ ဖြစ် ကြောင်း သိရသည်။ မောင်တော၊ ဘူးသီတောင် မြို့နယ်တို့တွင် အောက်တိုဘာလ ၈ ရက်နေ့တွင် လျှော့ချခဲ့ပြီး စစ်တွေ၊ ကျောက်ဖြူ၊ ရမ်းဗြဲမြို့ စသည့်မြို့များတွင် ယမန်နေ့က လျှော့ချခဲ့သည်။

ညမထွက်ရ အမိန့်သည် ၂ လ ပြည့်လျှင် နိုင်ငံတော်သမ္မတက ဥပဒေတခု ထုတ်ပြန်ကြေညာရသော်လည်း ထုတ်ပြန်မှု မရှိခြင်း၊ တည်ငြိမ်နေခြင်းတို့ကြောင့် အခြေအနေပေါ် မူတည်၍ သက်ဆိုင်ရာ မြို့နယ် အာဏာပိုင်တို့က အချိန်လျှော့ချခြင်းကို လုပ်ပိုင်ခွင့် ရှိကြောင်း ရခိုင်ပြည်နယ် အစိုးရအဖွဲ့၏ ပြန်ကြားရေးအဖွဲ့ တာဝန်ခံ ဦးဝင်းမြိုင်က ဧရာဝတီကို ပြောသည်။

မြောက်ဦး၊ မင်းပြားတို့တွင်လည်း သြဂုတ်လတွင် ထုတ်ပြန်ခဲ့ပြီး ယခုအခါ ရုပ်သိမ်းလိုက်ပြီဟု သိရသည်။

ညမထွက်ရ အချိန်လျှော့ချခြင်းကို ကြိုဆိုကြောင်း၊ အချိန်လျှော့ချလိုက်ခြင်းကြောင့် အလုပ်လုပ်ချိန် ပိုမိုရရှိပြီး လက်လုပ်လက်စား များ အတွက် အဆင်ပြေကြောင်း စစ်တွေမြို့ခံနှင့် ရခိုင်တိုင်းရင်းသားများ တိုးတက်ရေးပါတီ (RNDP)၏ ပြောခွင့်ရပုဂ္ဂိုလ် ဦးခိုင်ပြည်စိုးက ပြောသည်။

ငါးဖမ်းလုပ်ငန်း လုပ်ကိုင်သူများ၊ ဒေသတွင်း ခရီးသွားလာသူများ၊ လယ်သမားများအတွက် အပြင်ချိန် ပိုရသွား၍ ကြိုဆိုကြောင်း ကျောက်ဖြူဒေသခံများက လည်းပြောသည်။

ရခိုင်ဒေသတွင်း အကြမ်းဖက်မှု စတင်ခဲ့သည့် မောင်တော၊ ဘူးသီးတောင် မြို့နယ်များမှ ဒေသခံတိုင်းရင်းသား လူနည်းစုများ အနေဖြင့်မူ ညမထွက်ရ အမိန့် လျှော့ချခြင်းကို ကြိုဆိုသော်လည်း တခြားတဘက်တွင် အကြမ်းဖက်မှု ထပ်မံဖြစ်ပွားလာမည်ကို စိုးရိမ်နေဆဲဖြစ်ကြောင်း မောင်တော ဒေသခံများက ဧရာဝတီသို့ ပြောသည်။

မောင်တော အကြမ်းဖက်မှုကြောင့် ထိုဒေသရှိ ကျေးရွာ ၂၀ ၀န်းကျင်မီး ရှို့ခံရပြီး၊ ၁၀ ရွာခန့်မှာ လုံးဝ မီးလောင်ကျွမ်းသွား ကြောင်း၊ မီးလောင်ကျွမ်းသွားသည့် ကျေးရွာများတွင် ခိုင်ခန့်လုံခြုံသည့် နေအိမ်များ မရှိသေး၍ အခက်အခဲ ဖြစ်နေကြကြောင်း လည်း သရေကုန်ဘောင် ရွာသားတဦးက ပြောသည်။

“မောင်တောမှာ မိုးရွာနေတာ ၂ ရက်ဆက်တိုက်ရှိပါပြီ။ တဲအိမ်တွေဆိုတော့ မိုးက မလုံဘူး၊ ကလေးတွေ၊ အသက်ကြီးသူတွေ အတွက် ကျန်းမာရေး စိုးရိမ်ရတယ်”ဟု ၎င်းက ဆိုသည်။

ဘင်္ဂလားပင်လယ်ပြင်၌ လေဖိအားနည်း ရပ်ဝန်းတခု ဖြစ်ပေါ်နေပြီး မုန်တိုင်းတခု ဖြစ်ပေါ်လာနိုင်ကာ ရခိုင်ကမ်းရိုးတန်းဒေသများသို့ ၀င်ရောက်နိုင်ကြောင်း မိုးလေ၀သနှင့် ဇလဗေဒ ဦးစီးဌာက ယမန်နေ့က ကြေညာထားသည်။ မောင်တော၊ ဘူးသီးတောင်၊ စစ်တွေ၊ ကျောက်ဖြူ အပါအ၀င် ရခိုင်ပြည်နယ်၏ မြို့နယ်အများစု တွင်မိုးများ ရွာသွန်းနေဆဲဟု ရခိုင်ဒေသခံများက ပြောသည်။

ရခိုင်ဒေသတွင်း ဖြစ်ပေါ်ခဲ့သော ပဋိပက္ခများ၊ အကြမ်းဖက်မှုများကြောင့် စစ်တွေ၊ ဘူးသီးတောင်၊ မောင်တော၊ ကျောက်ဖြူ၊ ရမ်းဗြဲ၊ သံတွဲ စသည့် မြို့နယ်များကို ညမထွက်ရ အမိန့် ပုဒ်မ ၁၄၄ ကို သမ္မတ ဦးသိန်းစိန်က ဇွန်လ ၁၀ ရက်နေ့တွင် ကြေညာခဲ့ ခြင်း ဖြစ်သည်။ ရခိုင်ပြည်နယ်ကို ထိုနေ့မှ စ၍ အရေးပေါ် အခြေအနေလည်း ကြေညာခဲ့သည်။

Ref: ဧရာဝတီ

Read More...

ဂျပန်တွေ အလုံးအရင်းနဲ့ ဝင်ဖို့ပြင်

October 11, 2012

မြန်မာပြည်ကို လာမယ့်နှစ်မှာ ဂျပန်အစိုးရအနေနဲ့ အင်မတန် ချိုသာတဲ့ အတိုးနှုန်းနဲ့ ချေးငွေတွေ ပြန်ထုတ်ချေးနိုင်ဖို့ အစီအစဉ် တွေ စလုပ်နေပြီလို့ ဂျပန် ဘဏ္ဍာရေး ဝန်ကြီး ကိုရိကီဂျိုဂျိမက ဒီနေ့တိုကျိုမှာ ပြုလုပ်တဲ့ မြန်မာ့ အကြွေးပြန်ဆပ်ရေး နိုင်ငံတ ကာ ငွေကြေးအေဂျင်စီများ အစည်းအဝေးမှာ ကြေညာလိုက်ပါတယ်။

အိုင်အမ်အက်ဖ်၊ ကမ္ဘာ့ဘဏ်၊ အာရှဖွံ့ဖြိုးရေးဘဏ်နဲ့ ဂျီ ၇ လို့ခေါ်တဲ့ ဖွံ့ဖြိုးပြီး နိုင်ငံကြီးတွေရဲ့ အရာရှိတွေ တက်ရောက်တဲ့ ဒီအ စည်းအဝေးမှာ ဂျပန် ဘဏ္ဍာရေး ဝန်ကြီးက ဘယ်အတိုင်းအတာလောက် ထုတ်ချေးမယ်လို့ မပြောပေမယ့်မြန်မာပြည်က လျှပ်စစ် မီးနဲ့လမ်းတံတားတွေ ပြန်ပြုပြင်ရေး၊ ကျေးလက်ဖွံ့ဖြိုးရေး၊ ဆိပ်ကမ်းတွေ ခေတ်မီစေရေးတွေအတွက် ကူညီမယ်လို့ ပြောပါတယ်။

အစည်းအဝေးကနေ မြန်မာကို ဘယ်လိုဝိုင်းကူမယ်ဆိုတဲ့ ကျယ်ကျယ်ပြန့်ပြန့်သဘောတူညီမှု မရပေမယ့် မြန်မာမှာ တင်ရှိနေတဲ့ အကြွေးတွေ လျှော်ပစ်ဖို့ နဲ့အကြွေးသစ် ထပ်ပေးဖို့ အစီအစဉ်တွေကို ရှေ့နှစ် ဇန်နဝါရီက စဖို့ဂျပန်က ဦးစီးဦးဆောင် လုပ်မယ်လို့ ဝေါစတြိဂျာနယ်သတင်းပေးပို့ချက်အရ သိရပါတယ်။

ဂျပန် ဘဏ္ဍာရေး ဝန်ကြီးဌာနအဆို မြန်မာ ကြွေးမြီယန်း ဘီလီယံ ၅၀၀ (ဒေါ်လာ ၆.၄ ဘီလီယံ) စာရင်းရှိနေတာကို သမ္မတ ဦးသိန်းစိန်ရဲ့ ဂျပန်ခရီးစဉ်အတွင်း ဧပြီလက ၆ဝ% ကျော်ကို ပယ်ဖျက်ပေးခဲ့ပါတယ်။ ကမ္ဘာ့ဘဏ်နဲ့ အာရှဖွံ့ဖြိုးရေး ဘဏ်တို့ကို မြန်မာက ဒေါ်လာ သန်း ၉ဝဝ ပေးဖို့ကျန်နေတာကို ဂျပန်ဘဏ် Bank of Tokyo နဲ့ Mitsubishi UFJ တို့က ပေးသွား မှာဖြစ်ပါတယ်။

တချိန်တည်းမှာ အမေရိကန်သမ္မတ အိုဘားမားက နိုင်ငံတကာ ငွေကြေး အဖွဲ့အစည်းများက မြန်မာနိုင်ငံအပေါ် ငွေချေးငှားမှု တင်းကြပ်ထားတာ ဖယ်ရှားပေးလိုက်ပြီမို့ အာရှဖွဲ့ဖြိုးရေးဘဏ်၊ ကမ္ဘာ့ဘဏ်တို့က ၂၀၁၃ ခုနှစ်မှာ မြန်မာကို ငွေချေးငှားမှု ပြန် လည်စတင်နိုင်တော့မှာပါ။

မြန်မာပြည်နဲ့ပတ်သတ်ပြီး ဂျပန်တွေ အဆင်သင့်ဖြစ်မှု၊ အကူအညီပေးတာ မြန်ဆန်မှုတွေအပေါ် မြန်မာ့အရေး လေ့လာစောင့်ကြည့် သူတွေ အံ့အားသင့်ကြရပါတယ်။ ဆစ်ဒနီ မက်ကွာရီတက္ကသိုလ်က မြန်မာ့စီးပွားရေးကျွမ်းကျင်သူ ရှောင်တာနယ်က မြန်မာဟာ အာရှစီးပွားရေး အင်အားကြီး ၂ နိုင်ငံဖြစ်တဲ့ တရုတ်နဲ့ ဂျပန်ကြား ဗျူဟာကျတဲ့ ခတ်ကွင်းလို ဖြစ်လာနေပြီလို့ နယူးယောက် တိုင်းမ် သတင်းစာကို ဆိုပါတယ်။

တရုတ်က မြန်မာ့သယံဇာတတွေ တူးဖော်ထုတ်လုပ်ရေးကိုပဲ စိတ်ဝင်စားပေမဲ့ ဂျပန်က ဈေးပေါတဲ့ မြန်မာအလုပ်သမားတွေကို အလုပ်အကိုင်ဖန်တီးပေးပြီး ထိုင်းနဲ့ အင်ဒိုချိုင်းနားကျွန်းဆွယ် ကုန်ထုတ်လုပ်ငန်းတွေနဲ့ ကွန်ယက်ဖွဲ့ရေး စိတ်ဝင်စားပုံပါ။

ဂျပန်ရဲ့ အလုံးစုံ မဟာဗျူဟာက ဂျပန်အစိုးရရဲ့ နိုင်ငံတကာကုန်သွယ်ရေးနှင့် စက်မှူလုပ်ငန်းဝန်ကြီးဌာနနဲ့ မစ်ဆူဘီရှီ၊ မာရူဘီနီ၊ ဆူမီတိုမိုတို့လို ဂျပန်မှာ အကြီးဆုံး ပုဂ္ဂလိကလုပ်ငန်းကြီးတွေ ပူးပေါင်းပြီး စွမ်းအားအပြည့် အလုံးအရင်းနဲ့ ဝင်ရောက် လုပ်ကိုင် ရေးဖြစ်ပါတယ်။

ရိုက်တာသတင်းအေဂျင်စီရဲ့ သတင်းပေးပို့ချက်တခုမှာ ဂျပန်အစိုးရနဲ့ ပုဂ္ဂလိကလုပ်ငန်းရှင်တွေရဲ့ ထောက်ပံ့မှုနဲ့ ရင်းနှီးမြှုပ်နှံမှုဟာ ဒေါ်လာ ၁၈ ဘီလီယံရှိမယ်လို့ သိရပါတယ်။ ဂျပန်အစိုးရရဲ့ ချေးငွေအစီအစဉ်အရလည်း ထပ်ချေးမယ့် အကြွေးကို အတိုးနှုန်း ၀.၀၁ ရာခိုင်နှုန်းနဲ့ နှစ် ၅၀ ကြာတဲ့အထိ ချေးထားမှာဖြစ်ပြီး ပထမ ၁၀ နှစ်က အတိုးနှုန်းမဲ့ ဖြစ်ပါတယ်။

ဖွံ့ဖြိုးရေးလုပ်ငန်းတွေအတွက်လည်း ဂျပန်တွေ ကူညီထောက်ပံ့ဖို့ရှိပါတယ်။ ဆင်းရဲမွဲတေလွန်းတဲ့ တိုင်းရင်းသားဒေသတွေကို အ ထောက်အပံ့ပေးနေတဲ့ နိပွန်ဖောင်ဒေးရှင်းရဲ့ ဥက္ကဌ ယိုရှီအိ ဆာဆာကာဝါကို ကိုးကားပြီး နယူးယောက်တိုင်းမ် သတင်းစာက မြန်မာသမ္မတ ဦးသိန်းစိန် အနေနဲ့ဝေးခေါင်လွန်းတဲ့ဒေသတွေမှာ မူလတန်းကျောင်းများ ဆောက်လုပ်ရေး အလျင်အမြန် အလိုရှိ နေကြောင်း ရေးပါတယ်။

ရန်ကုန်ရဲ့ ရေပေးဝေရေးစနစ် ပြန်ပြင်ဖို့လည်း ဂျပန်အင်ဂျင်နီယာတွေ လုပ်နေကြပါတယ်။ ရန်ကုန်ကို ပေးနေတဲ့ ရေ ၄၀ ရာခိုင် နှုန်းက ပိုက်တွေ မကောင်းတဲ့အတွက် စိမ့်ထွက်ပြီး အလဟဿ ဖြစ်နေတာမို့ ဒီကိစ္စ အမြန်ဖြေရှင်းဖို့လိုနေပါတယ်။ ရန်ကုန်လူထု အတွက် သယ်ယူ ပို့ဆောင်ရေးစနစ်၊ ရန်ကုန်ကို မီးပေးနေတဲ့ ဓာတ်အားပေးစက်ရုံ ၄ လုံးကို ပြန်ပြုပြင်ရေး၊ ပဲခူးမြစ်ပေါ် ဒုတိယ မြောက် တံတား တည်ဆောက်ရေး၊ သီလဝါဆိပ်ကမ်းကို အကူပေးမယ့် ဆိပ်ခံ ၆ ခု တည်ဆောက်ရေးတွေအတွက် ဂျပန်တွေ လေ့လာနေကြပါတယ်။

Ref: ဧရာဝတီ

Read More...

မန္တလေးတွင် တရားဥပဒေစိုးမိုးရေးကို အာဏာပိုင်များ စွက်ဖက်ဟုဆို

မန်းသားလေး
October 11, 2012

မန္တလေးမြို့တွင် ပြီးခဲ့သည့် ဆန္ဒပြမှုများအပေါ် တရားစွဲမှု၊ ဖမ်းဆီးမှုများ ဖြစ်ပေါ်လာပြီးနောက် မန္တလေးတိုင်းတွင် တရားဥပဒေစိုးမိုး မှု အားနည်းနေသေးပြီး ဥပဒေပိုင်းတွင် အုပ်ချုပ်သူ အာဏာပိုင်များက ဝင်ရောက်စွက်ဖက်မှုများ ရှိနေသေးကြောင်း ပြည်သူ့ လွှတ်တော် တရားစီရင်ရေးနှင့် ဥပဒေရေးရာ ကော်မတီမှ ဦးသိန်းညွန့်က ပြောဆိုလိုက်သည်။

“တရားဥပဒေစိုးမိုးမှုမှာ အုပ်ချုပ်သူ အာဏာပိုင်တွေက ၀င်ရောက်စွက်ဖက်နေတာကိုတော့ ကျနော်မကြိုက်ဘူးဗျာ။ မန္တလေးပိုင်းမှာ တရားဥပဒေစီရင်မှု အားနည်းနေသေးတယ်ဆိုတာ အသေချာပါပဲ။ အခုထိတော့ မန္တလေးဆင်းပြီး မလေ့လာရသေးပါဘူး။ လေ့ လာမှု အပိုင်းတွေ လုပ်သွားမှာပါ” ဟု ဦးသိန်းညွန့်က ဧရာဝတီကို ပြောသည်။

ယခုနှစ် မေလ တတိယပတ်တွင် မန္တလေးမြို့၌ လျှပ်စစ်မီး ရရှိရေး ဖယောင်းတိုင်ထွန်း စီတန်းလှည့်လည်ဆန္ဒပြသူ တထောင် ကျော်ထဲမှ ၃ ဦးကို ဆွဲထုတ်ပြီး ချမ်းအေးသာစံမြို့နယ် အမှတ် (၈) ရဲစခန်းတွင် ငြိမ်းချမ်းစွာ စုဝေးခွင့်နှင့် ငြိမ်းချမ်းစွာ စီတန်း လှည့်လည်ခွင့်ဆိုင်ရာ ဥပဒေပုဒ်မ ၁၈ ရဲအရေးပိုင်မှုဖြင့် တရားစွဲလိုက်ကြောင်း သိရသည်။

ပြီးခဲ့သည့် မေလ ၂၁ ၇က်နေ့ ဖယောင်းတိုင် ဆန္ဒပြမှုဖြစ်ပွားသည့် နေ့မှာပင် တိုင်းလျှပ်စစ်ဝန်ကြီးက ဆန္ဒပြသူများကို တရားစွဲ ဆိုခြင်း မပြုလုပ်ပါဟု မီဒီယာများကို ပြောဆိုခဲ့သည်။ သို့သော် ၅ လကျော် ကြာပြီးနောက် အောက်တိုဘာလ ပထမပတ်မှ စ တင်ပြီး ဆန္ဒပြသူတချို့ကို အမှတ်(၈) ရဲစခန်းက တရားစွဲဆို စစ်ဆေးမှုများ ပြုလုပ်လျှက် ရှိသည်။

ယင်းကိစ္စနှင့်ပတ်သက်၍ ရှေ့နေတဦးလည်း ဖြစ်သူ ဦးသိန်းညွန့်က“နည်းဥပဒေမထွက်ခင်က ဖြစ်တဲ့ကိစ္စဆိုရင်တော့ နှစ်ဖက် လုံးမှာ တာဝန်ရှိပါတယ်။ နှစ်ဖက်လုံး သေသေချာချာ လုပ်သင့်ပါတယ်။ ကျနော့်အမြင်အရ ပြောရမယ်ဆိုရင် တရားစွဲဆိုလို့ ပြစ်ဒဏ်ချမှတ်မယ် ဆိုရင်လည်း ငွေဒဏ်လောက်သာ ချမှတ်သင့်ပါတယ်” ဟု ပြောသည်။

ဖယောင်းတိုင် ထွန်း၍ လူစုလူဝေးဖြင့် စီတန်းလှည့်လည်မှုတွင် တရားစွဲခံရသူ ၃ ဦးမှာ ဦးမင်းထက်ငြိမ်းချမ်း၊ ဒေါ်အမာနီနှင့် ဒေါ်ခင်သန်းမြင့်တို့ ဖြစ်သည်။ ထို့အပြင် နောက်ထပ် ၁၇ ဦးကိုလည်း တရားစွဲဆိုရန် စာရင်းထုတ်ထားကြောင်း သိရသည်။

‘‘ကျနော် အခုထိတော့ အမှတ် (၈) ရဲစခန်းကို မသွားရသေးပါဘူး။ လူကလည်း ဖျားနေသေးတော့။ ဒီကိစ္စ စီတန်းလှည့် လည် ခွင့် ဥပဒေ မထွက်ရသေးခင်က ဖြစ်ခဲ့တဲ့ကိစ္စပါ။ အခုဖြစ်ပြီးတဲ့ ၅ လကျော်မှ တရားပြန်စွဲတယ်ဆိုတာ မဖြစ်သင့်ပါဘူး” ဟု ဦးမင်းထက်ငြိမ်းချမ်းက ဧရာဝတီသို့ ပြောသည်။

ခေါင်းဆောင်ဟု ယူဆရသည့်အကြောင်းရင်းမှာ ယင်းဆန္ဒပြပွဲတွင် ပါဝင်ခဲ့သည့်သူများကို ရဲမှ ရိုက်ကူးထားသည့် ဓာတ်ပုံများတွင် ပါဝင်ခြင်း၊ ဗီဒီယိုဖိုင်များတွင် ပါဝင်ခြင်းများကြောင့် ခေါင်းဆောင်အဖြစ် တရားလိုပြုလုပ် တရားစွဲခြင်းဖြစ်ကြောင်း ဒေါ်အမာနီက ပြောသည်။

“ကျမဆီကို ရဲနဲ့ ရယကလူကြီးတွေ လာတယ်။ ဆန္ဒပြတဲ့ ခေါင်းဆောင်ဆိုပြီး ပြောတယ်။ ကျမက ဘာကြောင့်လဲလို့ မေးတော့ ဆန္ဒပြတဲ့နေ့က ရိုက်ထားတဲ့ ဓာတ်ပုံတွေ ထုတ်ပြပါတယ်”ဟု ဒေါ်အမာနီက ဆိုသည်။

ပွင့်လင်းမြင်သာသော ခေတ်အခြေနေတွင် ယင်းကဲ့သို့ နိုင်ငံရေးသဘောတရားအရ ဦးဆောင်လှုပ်ရှားသူများကို ဖမ်းဆီးခြင်းများ မရှိသင့်တော့ကြောင်း အပြည်ပြည်ဆိုင်ရာ အလုပ်သမားအဖွဲ့ (ILO)မှ အရာရှိတဦးဖြစ်သူ ဦးချစ်တင်က ပြောသည်။

“မန္တလေးမှာ လူ့အခွင့်ရေး ဆုံးရှုံးမှုတွေ များနေတယ်။ လူ့အခွင့်ရေး လှုပ်ရှားတဲ့လူတွေကို ဒီလို ဥပဒေတွေအကြောင်းပြပြီး ဖမ်းဆီး ထားတယ် ဆိုတာမျိုး မဖြစ်သင့်ပါဘူး” ဟု ၄င်းက ဖုန်းနှင့် ဖြေကြားခဲ့သည်။

ပြီးခဲ့သည့် သြဂုတ်လအတွင်းက ကိုင်းတန်းဈေး မပြောင်းရွှေ့ရေး ဆန္ဒပြမှုတွင် ဈေးသူဈေးသားများဘက်မှ ILO အနေဖြင့် ၀င် ရောက်ကူညီ ဦးဆောင်ခဲ့သူ ကိုအေးသိန်းကိုလည်း ဖမ်းဆီးထားပြီး တရားရုံးတွင် ၅၀၅(ခ) ဖြင့် အမှုဖွင့် စစ်ဆေးလျှက်ရှိသည်။ အာမခံရရှိရန် ကြိုးစားသော်လည်း ရုံးချိန်းရက်များကို အမျိုးမျိုးပြောင်းရွှေ့လျက် ရှိနေကြောင်း၊ ဥပဒေအရာရှိများအပေါ် ဖိအားပေး မှုများ ရှိနေသည်ဟု သိရကြောင်း အာမခံရရှိရေး လိုက်လံဆောင်ရွက်ပေးသူ ကိုစိုးနိုင်က ပြောသည်။

“သူအာမခံအတွက် ဆုံးဖြတ်မယ့် ရုံးချိန်းရက်တွေဆို တရားသူကြီးက ထပ်ပြီး ရုံးချိန်းတွေ ပြောင်းပြောင်းပစ်တယ်။ ကျနော်တို့ အဲဒီလို နေ့တွေဆိုရင် တချိန်လုံး အချိန်ကုန်ခံပြီး စောင့်နေပေမယ့်လည်း နောက်ရက်ပဲ ရက်ပြောင်းပစ်လိုက်တယ်” ဟု ကိုစိုးနိုင်က ပြောသည်။

ကိုင်းတန်းဈေး မပြောင်းရွှေ့ရေး ဆန္ဒပြပွဲတွင် ကိုအေးသိန်းနှင့်အတူ ဦးဆောင်လှုပ်ရှားသူ ၅ ဦးကို ပုဒ်မ(၁၈)ဖြင့် တရားစွဲဆို ထားပြီး ယင်းထဲမှ တဦးကို တရားခံပြေးအဖြစ် ကြေညာထားသည်။

“တရားဥပဒေဆိုတာ အုပ်ချုပ်သူ အာဏာပိုင်တွေ ကိုယ်တိုင်က လိုက်နာဖို့လည်းလိုသလို ပြည်သူတွေကိုလည်း အသိပေးတာတွေ၊ သတိပေးတာတွေ လက်တလောမှာ လုပ်သင့်ပါသေးတယ်။ အခုချိန်က ဥပဒေစိုးမိုးမှုဆိုတာထက် ပြည်သူတွေက ဥပဒေကို မသိ ကြတာ များနေပါသေးတယ်။ စပ်ကူးမတ်ကူးအချိန်ဆိုတော့ အုပ်ချုပ်သူအာဏာပိုင်တွေက ဥပဒေကို အကြောင်းပြုပြီး ပြည်သူကို ဥပဒေနဲ့ ဖမ်းချုပ်လိုက်တာလည်း ဖြစ်နိုင်ပါတယ်။ အုပ်ချုပ်သူ အာဏာပိုင်တွေက တကယ်ပဲ ဥပဒေစိုးမိုးမှု လုပ်တော့မယ်ဆိုရင် အုပ်ချုပ်သူနဲ့ တရားစီရင်ရေးကို သီးခြားစီ ထားသင့်ပါတယ်။ အခုတော့ အားလုံးက ရောနေတော့ တရားစီရင်ရေးမှာ အုပ်ချုပ်သူ အာဏာပိုင်တွေက နောက်ကွယ်ကနေ ကြိုးကိုင်တာတွေ ရှိနေပါသေးတယ်”ဟု ကိုအေးသိန်း အာမခံရရေးအတွက် ရှေ့နေအဖြစ် လိုက်ပါဆောင်ရွက်သူ ဦးမြင့်သွင်က ပြောသည်။

Ref: ဧရာဝတီ

Read More...

ဗိုလ်ကျော်ဇော အမှတ်တရ

တင်ဦး
October 11, 2012

ဗိုလ်ချုပ် ကျော်ဇော က တပ်မတော်မှာ အင်မတန် အစဉ်အလာကြီးမားတဲ့ ခေါင်းဆောင် တယောက်ပါ။

စတွေ့ဖူးတာက ၁၉၄၄ ခုနှစ် ဂျပန်ပေးတဲ့ လွတ်လပ်ရေး တနှစ်ပြည့် အခမ်းအနား ကန်တော်မင် ပန်းခြံမှာပါ၊ အဲဒီပွဲမှာ ကျနော် တို့ ဗိုလ်သင်တန်း တတိယပတ် ကျောင်းသားတွေ စစ်သေနာပတိနဲ့ စစ်ဝန်ကြီး ဗိုလ်ချုပ် အောင်ဆန်းနဲ့ အဓိပတိ ဒေါက်တာ ဘမော် ရယ်ကို အလေးပြုရတယ်၊ အဲဒီမှာ ရဲဘော်သုံးကျိပ်ဝင် စစ်ခေါင်းဆောင်တွေလည်း လာတဲ့အတွက် အဲဒီတုန်းက ဗိုလ်မှူး လေး ကျော်ဇောကို တွေ့ဖူးတယ်၊ မြင်ဖူးရုံပါပဲ။

၁၉၄၅ မတ်လလယ် တော်လှန်ရေးမစခင်၊ ပဲခူးမှာတာဝန်ကျတဲ့ ရဲဘော်သုံးကျိပ်ဝင် ဗိုလ်ဗလ နေရာမှာ ဗိုလ်မှူးလေး ကျော်ဇော ပြောင်းပြီး တာဝန်ယူတယ်၊ အဲဒီမှာ ဗိုလ်ချုပ် အောင်ဆန်းက ထမင်းစားဖိတ်တော့ ကျနော်တို့လို တပ်မှူးငယ်လေးတွေကို ခေါင်း ဆောင်ကြီး တွေနားထိုင်ခိုင်းတော့ ဗိုလ်ချုပ် အောင်ဆန်းရော ဗိုလ်မှူးလေး ကျော်ဇောကို အဲဒီမှာစပြီး အနီးကပ်မြင်ဖူးတာပါ။

ဖက်ဆစ်တော်လှန်ရေးမှာ ကျနော်က ကျောင်းဆင်းခါစ ဗိုလ်လေးအဖြစ်နဲ့ ဗိုလ်မှူးလေး ကျော်ဇော ဦးဆောင်တဲ့ စစ်တိုင်းအမှတ် (၄)မှာ တာဝန်ကျပေမယ့် အရမ်းတော့ မရင်းနှီးလိုက်ဘူး။

လွတ်လပ်ရေးရပြီး နောက်ပိုင်း ကန္ဒီစာချုပ်အရ မြန်မာ့တပ်မတော်မှာ ဗမာ သေနတ်ကိုင် တပ်ရင်းတွေ ပြန်လည်ဖွဲ့စည်းတဲ့အခါ ဗိုလ်မှူး ကျော်ဇောက တပ်ရင်း (၃) ဒု တပ်ရင်းမှူး၊ ဗိုလ်မှူးနေ၀င်းက တပ်ရင်း(၄) ဒု တပ်ရင်းမှူး၊ ဗိုလ်မှူး ဇေယျ(ဗကပ တောတွင်း ကျဆုံး)က တပ်ရင်း ၅ ဒု တပ်ရင်းမှူး အဖြစ် တာဝန်ယူကြရတယ်။

ကျနော်ကလည်း တပ်ရင်း(၃)မှာ ပြန်တမ်းဝင် အရာရှိပေါက်စအဖြစ် ရောက်လာတယ်၊ မေမြို့မှာ အရာရှိ မွမ်းမံသင်တန်း တက် ရ တော့ ကျနော်တို့ အဖွဲ့ခေါင်းဆောင်က ဗိုလ်မှူးကျော်ဇောပေါ့၊ တပ်စိတ် တစိတ်တည်း၊ တပ်စုတစုတည်း အတူတကွ လုပ်ကျ ကိုင်ကျတော့ တော်တော်လေး ရင်းရင်းနှီးနှီး ဖြစ်သွားတယ်။

နောက် ပြည်တွင်းစစ်ကာလမှာ ကွဲသွားပြီး သူက ရန်ကုန် အင်းစိန်တိုက်ပွဲမှာ တောင်ပိုင်း စစ်ဌာနချုပ်တိုင်းမှူးအဖြစ် ဗိုလ်မှူးကြီး ကျော်ဇော ကွပ်ကဲရသလို ကျနော်ကလည်း အထက်မြန်မာပြည် တာဝန်ကျတယ်။

အထက်မြန်မာပြည် မြို့သိမ်း ရွာသိမ်း တိုက်ပွဲတွေမှာ ကျနော် ဒဏ်ရာရတော့ ရန်ကုန်မှာဆင်းပြီး ဆေးကုရပေါ့၊ တလလောက် အကြာ ဒဏ်ရာ သက်သာတော့ အင်းစိန် စစ်မျက်နှာမှာ ပြန်ပြီး တာဝန်ထမ်းရတယ်၊ အဲဒီမှာ ဗိုလ်မှူးကြီး ကျော်ဇောနဲ့ ပြန်တွေ့ ကြ တယ်။

သူ့လုပ်ဆောင်ချက်တွေကတော့ အင်မတန်မှ ထက်ထက်မြက်မြက်နဲ့ ကြိုးကြိုးစားစားနဲ့ အောင်မြင်အောင်လုပ်တဲ့ တပ်မှူးကြီးကောင်း တယောက်ပါ၊ အဲဒီတုန်းကတည်းက သူရဲ့ အစဉ်အလာကို ကျနော်တို့က အင်မတန်မှ ရိုသေတယ်၊ လေးစားတယ်၊ ကြည်ညို တယ်။ အင်မတန်မှ နောက်ပိုင်း တပ်မှူး ညီလာခံတွေမှာလည်း အမြဲတွေ့တာပေါ့။

ကျနော့်ကို တွေ့ရင် သူအမြဲပြောတဲ့ မှတ်ချက်စကားလေးကို သတိရမိတယ်၊ မေမြို့မှာ ဗိုလ်သင်တန်း တက်တော့ ကျနော်က အသက် ၁၉ နှစ်ပဲ ရှိသေးတယ်၊ အဲဒီတော့ ဗိုလ်ချုပ်က ခင်ဗျားကို ကြည့်ရတာ စစ်ဗိုလ်လေးနဲ့ မတူဘူး၊ ကျောင်းသားလေးနဲ့ တူတယ်တဲ့၊ နောက်ပိုင်း တွေ့တိုင်းလည်း အမြဲပြောတယ်။ အမှတ်ရစရာ စကားပေါ့။

နောက်ပိုင်း အတူတူတွဲပြီး အလုပ်လုပ်ရတာက တရုတ်ဖြူ စစ်ဆင်ရေးပါ၊ တရုတ်ဖြူ အန္တရာယ်ကို စစ်ဆင်ရေးလုပ်ပြီး မောင်း ထုတ် ဖို့ ပထမ ဗိုလ်မှူးကြီးကျော်စိုး ကို နဂါးနိုင်စစ်ဆင်ရေးဆိုပြီး လုပ်ဖို့တိုက်ရိုက် တာဝန်ပေးတယ်၊ မအောင်မြင်ဘူး ဒါကြောင့် နောက် ပိုင်း ဗိုလ်မှူးချုပ် ကျော်ဇော ကို တာဝန်ပေးတာပါ။

အဲဒီတုန်းက မြန်မာပြည်မှာ တောင်းပိုင်းတိုင်းနဲ့ မြောက်ပိုင်းတိုင်းဆိုပြီး စစ်တိုင်းနှစ်တိုင်းပဲ ရှိတယ်လေ၊ ဗိုလ်မှူးချုပ် ကျော်ဇောက တောင်ပိုင်းတိုင်းတာဝန်၊ ဗိုလ်မှူးချုပ် ဘလိတ်က မြောက်ပိုင်းတိုင်း တာဝန်ယူပါတယ်။

ဒီတော့ မြောက်ပိုင်းတိုင်းမှာ ဖြစ်နေတဲ့ တရုတ်ဖြူစစ်ဆင်ရေးကို ဆင်နွှဲရအောင် ဗိုလ်မှူးချုပ် ဘလိတ်နဲ့ ဗိုလ်မှူးချုပ်ကျော်ဇောကို နေ ရာ ပြောင်းပြီး တရုတ်ဖြူစစ်ဆင်ရေးကို လုပ်ခိုင်းပါတယ်။

၁၉၅၄- ၁၉၅၅ ခုနှစ်က ဘုရင့်နောင် စစ်ဆင်ရေး၊ ၁၉၅၅-၅၆ ခုနှစ်မှာတော့ ရန်ကြီးအောင်စစ်ဆင်ရေး ဆိုပြီး ဗိုလ်မှူးချုပ် ကျော်ဇော က စစ်ဆင်ရေးမှူးကြီး တာဝန်ယူပြီးတိုက်တယ်။ အဲဒီစစ်ဆင်ရေးနှစ်ခုမှာ အင်မတန်ကိုပဲ ရွပ်ရွပ်ချွံချွံ မဟာဗျူဟာ၊ နည်းဗျူဟာ မြောက် စီမံခန့်ခွဲ နိုင်တဲ့ တပ်မှူးကြီးကောင်း တယောက်ပါ။

ဒါတင်မကသေးဘူး စစ်သည်တဦးချင်း တယောက်ချင်း အခြေအနကိုကြည့်ပြီး သူနဲ့လိုက်မယ့် စစ်သင်တန်းသဘောမျိုးကို လချီပြီး သင်တန်းပေးတယ်၊ ကျနော်ဆိုလည်း ရှေ့တန်းတပ်မှူးတယောက်အနေနဲ့ တိုက်နိုင်အောင် တရုတ်ဖြူကို မတိုက်ခင်မှာ လေ့ကျင့် ပညာ ပေးတယ်။

ဒု ဗိုလ်မှူးကြီး မြ၀င်း ဆိုရင်လည်း ခရီးတိုချီတက်နည်း၊ တရုတ်ဖြူ ထောက်ပံ့ရေးလမ်းကြောင်း၊ စစ်ကူလမ်းကြောင်းတွေကို တိုက် ခိုက်တာတွေ သင်ပေးတယ်၊ ဒု ဗိုလ်မှူးကြီး မောင်လွင် ကိုလည်း တဘက်နဲ့တဘက် တိုက်တဲ့နေရာမှာ ယောင်ပြစစ်ဆင်ရေးတွေ သင်ပေးတယ်။

အဲဒီတုန်းက မြန်မာ၊ ထိုင်း၊ အမေရိကန်၊ တရုတ်ဖြူ လေးနိုင်ငံ စစ်ကော်မရှင် သဘောတူချက်အတိုင်း သံလွင်မြစ် ကို ကျော်ပြီး မတိုက်ဖို့ ဘဘော တူပေမယ့် ကျနော်တို့က ပြည်သူ့ဆန္ဒအတိုင်း တိုက်ရတာဆိုတော့ ဟန်ဆောင်ယောင်ပြလုပ်ရတယ်၊ လက်နက်ကြီး တွေမသယ်နိုင်တဲ့နေရာမှာလည်း ရှိတဲ့ လက်နက်နဲ့ ရန်သူကို တုန်လှုပ်အောင်တိုက်နိုင်တဲ့ စစ်ဆင်ရေးမှူးကြီးပါ။

နယ်ချဲ့တိုက်တာ၊ ဖက်ဆစ်ကို တော်လှန်တာ၊ ပြည်တွင်းစစ် အန္တရာယ်ကို ကာကွယ်တာ၊ တရုတ်ဖြူ ကျူးကျော်တာကို တိုက်တဲ့ အတွေ့အကြုံတွေကို အများကြီး ဖြတ်သန်းခဲ့တဲ့ ပုဂ္ဂိုလ်ကြီးဆိုတော့ အင်မတန်မှ ရိုသေရတယ်၊ အတူလက်တွဲတိုက်ခဲ့တဲ့ စစ်ဆင် ရေး မှူးကြီးဖြစ်ပြီး ကျနော့်ကိုလည်း တပ်မှူးတယောက်အနေနဲ့ ယုံယုံကြည်ကြည် တာဝန်ပေးတယ်၊ ပြီးတော့ အောင်အောင်မြင်မြင် လုပ်ဆောင် နိုင်တာကို ဂုဏ်ယူပါတယ်။

နောက်တခုက တပ်မတော်ဟာ တိုင်းရင်းသားတွေရဲ့ ချစ်ကြည်လေးစားမှုကို ဆောင်ရွက်ရမှာဖြစ်တဲ့အတွက် ကိစ္စကြီးငယ်ဖြစ်ရင် တိုင်းရင်းသားတွေဘက်က အမြဲမှန်တယ်၊ မင်းတို့ စစ်ဒေသ ဘက်က အမြဲမှားတယ်လို့ ငါမှတ်ယူထားမယ်လို့ ဗိုလ်ချုပ်ကျော်ဇော က တပ်မှူးတွေကို အမြဲဆုံးမတာကြောင့်၊ တပ်မှူးကြီးငယ်တွေကလည်း ကိုယ့် လက်အောက်ငယ်သားတွေကို ဒီလိုအမြဲပြန်ဆုံးမနိုင် ခဲ့တယ်။

ဒီလို တရားမျှတမှုကို ပြည်သူလူထုအပိုင်းက ရအောင်လုပ်ကိုင်ပေးသွားတဲ့အတွက် အဲဒီတုန်းက တပ်တွေကလည်း တိုင်းရင်း သား နယ်မြေမှာ စစ်ဆင်ရေးလုပ်ငြားသော်လည်း အင်မတန်ကောင်းတဲ့ အစဉ်အလာကို ထိန်းခဲ့နိုင်တဲ့ ဗိုလ်ချုပ်ကျော်ဇောရဲ့ စွမ်းပကား လို့ ဆိုရမှာပါ။

အဲဒီတုန်းက တပ်မတော်သား အားလုံး ယုံကြည်တာက တပ်မတော်မှာ ကာကွယ်ရေး ဦးစီးချုပ် ဗိုလ်ချုပ်ကြီးနေ၀င်းပြီးရင် လုပ် လာ ခဲ့တဲ အစဉ်အလာကောင်းတွေအရ ဗိုလ်မှူးချုပ်ကျော်ဇောဟာ ဒုကာကွယ်ရေးဦးစီးချုပ် ဖြစ်မယ်လို့ အားလုံးက အားထား
နေကြရ တယ်။

ဒါပေမယ့် မထင်မှတ်ဘဲ စွပ်စွဲပြစ်တင်မှုတွေနဲ့ တပ်မတော်က ထွက်သွားရတဲ့ အခါကျတော့ ကျနော်တို့ အတူတကွလုပ်ကိုင်ခဲ့ ကြ တဲ့ သူတွေအားလုံးက ကြေကွဲဝမ်းနည်းကြရပါတယ်။

ကျနော်တို့တတွေက တပ်ထဲမှာ ဆက်တာဝန်ထမ်းနေပေမယ့် ဗိုလ်ချုပ်ကျော်ဇောက အပြင်မှာ သူတာဝန်ရှိတယ်လို့ ထင်တဲ့ ဗမာပြည် ငြိမ်းချမ်းရေး၊ ကမ္ဘာ့ ငြိမ်းချမ်းရေးကို သခင်ကိုယ်တော်မှိုင်းနဲ့ တွဲပြီး ခေါင်းဆောင်ပိုင်းက ပါခဲ့ပြန်ပါတယ်။

ဗိုလ်ချုပ်ကျော်ဇောကိုတော့ မြန်မာပြည်မှာရှိနေတဲ့ ပြည်သူပြည်သားအားလုံးက အစဉ်အလာကောင်း၊ နိုင်ငံသားကောင်း၊ နိုင်ငံ ခေါင်းဆောင်ကောင်း တယောက်အနေနဲ့ အသိအမှတ်ပြုတဲ့ သမိုင်းကျန်ရစ်ခဲ့မှာ ဖြစ်ပါတယ်။

စိတ်မကောင်းတာက အသက်အရွယ်ရင့်ချိန်မှာ ကိုယ့်နေရင်းဒေသ မိခင်နိုင်ငံကို ပြန်လာချင်တဲ့ဆန္ဒဖြစ်တယ်၊ ကျန်းမာရေးကောင်း ရင် ပြန်လာဖို့ စီစဉ်နေကာမှ အခုလို ကွယ်လွန်သွားတော့ ပိုပြီး စိတ်ထိခိုက်ရပါတယ်။

ပြန်လာရင်လည်း ကျနော်တို့ကိုယ်တိုင် လေးလေးစားစားနဲ့ သွားပြီး ဂရ၀ါပြုမယ်လို့ မှန်းထားတာ၊ အခုလို နှစ်ပေါင်းများစွာ မမြင်မ တွေ့ရ ဘဲ ကွယ်လွန်သွားတော့ အင်မတန်မှ စိတ်မကောင်းပါဘူး။

အခုလို မြန်မာနိုင်ငံကို ပြန်ဖို့ ကြံရွယ်နေရင်းနဲ့ လူကြီးများဖြစ်တတ်တဲ့ ရောဂါနဲ့ အေးအေးချမ်းချမ်း ကွယ်လွန်သွားပေမယ့် မိသားစု နဲ့ အတူ ထပ်တူ ၀မ်းနည်းပါတယ်။

စာရေးသူသည် လက်ရှိ အမျိုးသားဒီမိုကရေစီ အဖွဲ့ချုပ် (NLD)တွင် နာယက တာဝန်ယူနေပြီး မြန်မာ့ တပ်မတော်တွင်လည်း ကာကွယ်ရေး ဦးစီးချုပ် တာဝန်ထမ်းခဲ့ဖူးသူဖြစ်သည်။

Ref: ဧရာဝတီ

Read More...

Thursday, October 11, 2012

မြင်းကပါနာရေးအသင်းရုံးခန်းငယ်ဆောက်လုပ်ခွင့် ရှေးဟောင်းက ပိတ်ပင်တားဆီး

ငြိမ်းချမ်း(မြစ်မခ)
10 Oct, 2012

ပုဂံရှေးဟောင်းယဉ်ကျေးမှုနယ်မြေအတွင်း စီးပွားရေးလုပ်ငန်းဆိုင်ရာ အဆောက် အဦးအသစ်များ တည်ဆောက်မှုအား ခွင့်ပြုထား သော်လည်း မြင်းကပါရွာမှ နာရေးကူညီမှု အသင်းအတွက် အဆောက်အဦးရုံးခန်းငယ် တည်ဆောက်ရာ၌ ရှေးဟောင်းယဉ် ကျေး မှုဝန်ကြီးဋ္ဌာနက လာရောက်ပိတ်ပင်တားဆီးခဲ့ကြောင်း သိရသည်။

“မြို့ဟောင်းမှာ ဟိုတယ်အသစ်တွေ ဆောက်တာတော့ မတားဆီးဘူး၊ ကျွန်တော်တို့ မြင်းကပါရွာမှာ နာရေးကူညီမှုအသင်းရုံး ခန်းလေးဆောက်တာကို ရှေးဟောင်းကလာပြီး ပိတ်ပင်သွား တယ်’’ဟု မြင်းကပါနာရေးကူညီမှုအသင်းဥက္ကဋ္ဌ ကိုဇော်မျိုးလွင် က ပြောသည်။

ရှေးဟောင်းနယ်မြေအတွင်းတွင် ဘုရားပရ၀န်နှင့်ပေ(၉၀)အတွင်းမည်သည့်အဆောက်အဦးမှတည်ဆောက်ခွင့်မပြုကြောင်းကို ပုဂံရှေးဟောင်းအဖွဲ့က ထုတ်ပြန်ထားကြောင်းကိုလည်း သိရသည်။

မြင်းကပါနာရေးကူညီမှုအသင်းအတွက် အဆောက်အဦးတည်ဆောက်ရာ၌ ဘုရားနယ်မြေနှင့် ပေ(၁၀၀)အကွာမှ တည်ဆောက် ခြင်း ဖြစ်ပြီး၊ ညောင်ဦးမြို့နယ်ရှိ ခရိုင်အုပ်ချုပ်ရေးမှူးရုံး၊ မြို့နယ်အုပ်ချုပ်ရေးမှူးရုံးနှင့် မြေစာရင်းရုံးများက တည်ဆောက်ခွင့်ရ၍ တည်ဆောက်ရခြင်း ဖြစ်ကြောင်း သိရှိရသည်။

“ကျွန်တော်တို့ ဆောက်တာကလည်း မြေစာရင်းရုံးနှင့် ခရကတို့က ခွင့်ပြုလို့ ဆောက်တာပါ’’ဟုမြင်းကပါနာရေး အတွင်းရေးမှူး ကိုမြဇော်ကပြောသည်။

ပုဂံရှေးဟောင်းယဉ်ကျေးမှု နယ်မြေတွင် ဟိုတယ်အသစ်များ ၊စားသောက်ဆိုင်များ ယခုလက်ရှိအထိ တည်ဆောက်နေကြောင်း၊ ထိုကဲ့သို့တည်ဆောက်နေခြင်းကြောင့် ပုဂံမြို့သစ်သို့ ပြောင်းရွှေ့ပေးခဲ့ရသော နေအိမ်အများစုမှာ ထိုက်တန်မှုမရှိကြောင်းကိုလည်း ဒေသခံတို့က ဆိုသည်။

ယခုနှစ်စက်တင်ဘာလအတွင်းတွင် ရှေးဟောင်းသုတေသန အမျိုးသားပြတိုက်နှင့်စာကြည့်တိုက်ဦးစီးဌာနမှ ညွှန်ကြားရေးမှုးချုပ် ဦးကျော်ဦးလွင်က ရှေးဟောင်းနယ်မြေအတွင်း အဆောက်အဦးအသစ်များ တည်ဆောက်ခွင့် မပြုကြောင်းကိုလည်း ပြောကြား ထားသည်။

ပုဂံညောင်ဦးရှေးဟောင်းနယ်မြေအတွင်းတွင် အဆောက်အဦးသစ်များတည်ဆောက်နေခြင်းကြောင့် သမ္မတထံစာ တင်ပြီး ဆန္ဒထုတ် ဖော်သွားမည်ဟု ပုဂံရှေးဟောင်း နယ်မြေယဉ်ကျေးမှု ထိန်းသိမ်းစောင့်ရှောက်ရေး နှင့်ဖွံ့ဖြိုးတိုးတက်ရေးအဖွဲ့မှ သိရှိရသည်။

Ref: မြစ်မခ

Read More...

ကချင်ပြည်နယ်၌ ရွှေလုပ်ငန်းရှင်များ အကြွေးတင်၊ ကျောက်လုပ်ငန်းရှင်များ လိုင်စင်မရ ဖြစ်နေ

ဂျာတော့(ပ်)- ကချင်ပြည်နယ် (မြစ်မခ)
10 Oct, 2012

ကချင်ပြည်နယ်တွင်းစစ်ပွဲများကြောင့် စီးပွားရေးလုပ်ငန်းရှင်ကြီးများမှာ လုပ်ငန်းရပ်ဆိုင်းခံရသဖြင့် စီးပွားရေးထိခိုက် မှုများစွာရှိနေကာ အစိုးရထံ အခွန်အကြွေးများတင်ရှိနေကြောင်း သိရသည်။

ပြီးခဲ့သည့်နှစ်မှ စတင်ဖြစ်ပွားခဲ့သည့် မြန်မာနိုင်ငံမြောက်ပိုင်း ပြည်တွင်းစစ်ရှိန်ကြောင့် ရွှေလုပ်ငန်း လုပ်ကွက်များနှင့် ရပ်နားထား ရသည်မှာ၂ နှစ် နီးပါးရှိလာပြီဖြစ်ကာ စီးပွားရေးလုပ်ငန်းရှင်များ ထိခိုက်နစ်နာမှုများစွာရှိနေခြင်းဖြစ်သည်။

ကချင်ပြည်နယ်၏ ရွှေလုပ်ငန်းလုပ်ကွက်များကို ၀ိုင်းမော်မြို့နယ်- နာမ်ဆမ်ယာန်၊ ချီဖွေကားလမ်းမှ တစ်လျှောက်၊ ၅၉ မိုင် မှ မေခမြစ်ကမ်း နှစ်ဘက် တစ်လျှောက်၊ မချမ်းဘော့မ်မြို့နယ်၊ ဗန်မော်မြို့နယ် ရွှေဂူမြို့၊မိုးညှင်းမြို့နယ်- အင်းတော်ကြီးကျေးရွာ များ နှင့် ရွှေလုပ်ကွက် အများဆုံးတည်ရှိသည့် တနိုင်း မြို့နယ်များတွင် စက်ယန္တယားများဖြင့် ရွှေတူးဖော်ကြခြင်းဖြစ်သည်။

`ရွှေလုပ်ကွက် မလုပ်နိုင်တာ (၂) နှစ် နီးပါးရှိနေပြီ။ စစ်ဖြစ်လာလို့ပေ့ါ။ ဒီဇယ်နဲ့ ဆန်ကသယ်လို့ မရတော့ဘူး။ စစ်ဖြစ် လာ တော့ ဘာမှ လုပ်လို့မရတော့ဘူး။ ကြာလာတော့ စာချုပ်ချုပ်ထားတယ် ဆိုတော့အခွန်က တက်လာတယ်။´ဟု မချမ်းဘော့မ်မြို့ နယ်ရှိ ရွှေတူးဖော်သည့် အမေ့ကျေးဇူး ကုမ္ပဏီလုပ်ငန်းရှင် ဦးလအောင်က ပြောသည်။

အစိုးရမှ တရားဝင် ရွှေလုပ်ကွက် ရရှိထားသည့် လုပ်ငန်းရှင်များသည် လုပ်ကွက်တစ်ခုအတွက် တစ်နှစ်လျှင် အခွန် ရွှေစင် ၂၄ ကျပ်သားကို သတ္တုတွင်းဝန်ကြီးဌာနသို့ အခွန်ပေးဆောင်ရခြင်း ဖြစ်သည်။ လုပ်ကွက်တစ်ခုတွင် ဧက(၂၀)ရှိသည်။

လက်တလောတွင် ကချင်ပြည်နယ်ရှိ ရွှေလုပ်ကွက် အများစုရပ်စဲထားရပြီး ကချင်လွတ်မြောက်ရေးအဖွဲ့(ကေအိုင်အို) လက် အောက်ရှိ ရွှေလုပ်ကွက်အချို့သာ လုပ်ငန်းလည်ပတ်နိုင်သည်။

"ကုန်ကျစရိတ်က များနေတယ်။ စစ်ဖြစ်လာလို့ အစိုးရကို အကြွေးတောင် တင်နေတယ်။ ဘာမှ မလုပ်နိုင်သေးဘူး။ စစ်ဖြစ်တော့ လုပ်ငန်းမစနိုင်ဘူးဖြစ်လို့ အစိုးရကြေငြာတဲ့ အကြွေးစာရင်းမှာတောင် ပါလာတယ်။"ဟု ရွှေလုပ်ငန်းရှင် များအသင်း ဒါရိုက်တာ ဒေါ်ဂျာဆိုင်းခေါန်က ပြောသည်။

ဒေါ်ဂျာဆိုင်းခေါန်ပိုင် ကုမ္ပဏီမှလည်း လုပ်ကွက်(၂)ခုကို အစိုးရထံအပ်နှံပြီး လုပ်ကွက်(၁)ခုကို လုပ်ငန်းမစနိုင်ဘဲ ရပ်နားထား ရခြင်းဖြစ်သည်။

အောက်တိုဘာလ လလယ်ကျင်းပမည့် သတ္တုကဏ္ဍ ဖွံ့ဖြိုးတိုးတက်ရေး အငြိမ်းစားတွေ့ဆုံရေးတွင်လည်း ရွှေလုပ်ငန်း များနှင့် ပတ်သက်ပြီး ဒါရိုက်တာ ဒေါ်ဂျာဆိုင်းခေါန်မှ ယခုကဲ့ဆိုသည်။

`အကယ်၍ သွားတက်မယ်ဆိုရင် သဘာဝရင်းမြစ်နဲ့ ပတ်သက်ပြီး အကန့်အသတ်နဲ့ ထုတ်ယူဖို့ ပြောချင်တယ်။ လက်ဝါးကြီး အုပ် ပြီးတော့ လုပ်ချင်တာ မလုပ်ဖို့။ ခုထုတ်ပဲ ထုတ်ယူနေရင် နောင်လာမယ့် လူအတွက်လည်း ဘာမှ ကျန်မှာမဟုတ်ဘူး။´ဟု သူမ ဆွေးနွေး တင်ပြမည့် အချက်များကို ပြောသည်။

ထို့အပြင် ကျောက်မြတ်ရတနာကုန်သည်များအသင်း (မြစ်ကြီးနား) မှလည်း မြန်မာနိုင်ငံကျောက်မျက် ရတနာလုပ်ငန်းရှင်များ အသင်းချုပ်မှ ချပေးသည့် အသင်းဝင်လက်မှတ်ဖြင့် မြစ်ကြီးနားမြို့ သတ္တုတွင်း ၀န်ကြီးဌာန ကျောက်စိမ်းတူဖော်ရေးလုပ်ငန်းရုံးက လုပ်ကိုင်ခွင့်လိုင်စင်အား ထုတ်မပေးသည့် ကိစ္စနှင့် ပတ်သက်၍ တင်ပြဆွေးနွေးမည်ဖြစ်ကြောင်း ၎င်းအသင်းမှ ဒု-အတွင်းရေးမှူး က ဦးသောင်းကြည်က ပြောသည်။

`လိုင်စင်အခုထိ ထုတ်မပေးသေးဘူး အဲ့တော့ အသင်းသားတွေရဲ့ ဆန္ဒကဘာဖြစ်လည်းဆိုတော့ ရန်ကုန်ကျတော့ လုပ်ပေးတယ်၊ နေပြည်တော်ကျတော့ လုပ်ပေးတယ် ၊ မန္တလေး၊ စစ်ကိုင်း၊ မိုးကုတ် ကျတော့လုပ်ပေးတယ်၊ ငါတို့ ကချင်ပြည်နယ် ကကျတော့ ဘာလို့လုပ်မပေးလည်းဆိုတဲ့ မေးခွန်းလေးတွေ မဖြေတက်ဘူး ဖြစ်နေတယ်။´ ဟု ဦးသောင်းကြည်က ဆိုသည်။

ဖားကန့်မြို့နယ်တွင်း စစ်ပွဲများ ဖြစ်ပွားလာခဲ့ပြီးနောက် အစိုးရမှ ကျောက်စိမ်းတူးဖော်ရေးကုမ္ပဏီ များကို လုပ်ကွက် ရပ်ဆိုင်းထား သည်မှာ(၄)လ ကြာပြီဖြစ်သည်။ ယခုတိုင် ဖားကန့်မြို့နယ်တွင် စစ်ပွဲများ ဆက်တိုက်ဖြစ်ပွားနေ သဖြင့် ဒေသခံများနှင့် စီးပွားရေး လုပ်ငန်းရှင်များ လုပ်ငန်းလည်ပတ် နိုင်ရန် အခက်အခဲဖြစ်ပေါ်နေသည်။

ကချင်ပြည်နယ် ဥပေဒေရေးဆွဲရေးဋ္ဌာနမှ အတွင်းရေးမှူး ဦးချန်နန်ခင်က ကချင်ပြည်နယ်အတွက် ကျောက်လုပ်ငန်း လိုင်စင်ချ ထားပေးမှုနှင့် ပတ်သက်၍ ယခုကဲ့သို့ဆိုသည်။

“လက်ရှိကျောက်နဲ့ပတ်သက်ပြီး ဥပဒေမထွက်လာသေးဘူး၊လိုင်စင်က ဘယ်လိုပေးလို့ရဦးမှာလဲ”ဟု အတွင်းရေးမှူး ဦးချန်နန်ခင်က ဆိုသည်။

လက်ရှိတွင် ကျောက်လုပ်ငန်းလိုင်စင်မရှိသဖြင့် ဖားကန့်မှ မြစ်ကြီးနားအထိပင် ကျောက်စိမ်းတရားဝင် သယ်ယူခွင့်မ ရှိကြောင်းကို လည်း လုပ်ငန်းရှင်များထံက သိရသည်။

Ref: မြစ်မခ

Read More...

ဖားကန့်ဒုက္ခသည်စခန်းများ ပိတ်သိမ်းကြပြီ

ငြိမ်းချမ်း(မြစ်မခ)
11 Oct, 2012

ဖားကန့်မြို့နယ်အတွင်းရှိ ဒုက္ခသည်စခန်းများအားလုံးကို အောက်တိုဘာလ(၁၀)ရက်နေ့မှ စတင်ပိတ်လိုက်ပြီ ဖြစ်ကြောင်း ဖားကန့် မြို့နယ်လူမှုကူညီရေးအသင်းများက သိရှိရသည်။

ဖားကန့်မြို့နယ်ရှိ ဒုက္ခသည်စခန်းများတွင်ရှိသော စစ်ဘေးရှောင်ဒုက္ခသည်များအားလုံးကို ပြန်လွှတ်လိုက်ပြီ ဖြစ်ကြောင်း၊ အ၀င်လုံးဝ လက်မခံတော့ကြောင်းနှင့် ဖားကန့်နှစ်ခြင်းအသင်းတော်တွင်သာ ဒုက္ခသည်များ ကျန်ရှိတော့ခြင်းဖြစ်သည်။

ဖားကန့်မြို့နယ်တွင် နယ်မြေပြန်လည်တည်ငြိမ်လာမှုနှင့်အတူ တောင်သူလယ်သမားများအတွက် လုပ်ကိုင် စားသောက်စရာများ ပြန်လည်ရှိလာသောကြောင့် ဒုက္ခသည်စခန်းများ ပိတ်သိမ်းရခြင်းဖြစ်ကြောင်း သိရှိရသည်။

ဆန်းကြွယ်ကယ်ဆယ်ရေးဘုန်းကြီကျောင်းမှ ဒုက္ခသည်(၅)ရာကျော်အား အောက်တိုဘာ(၈)ရက်နေ့တွင် ၄င်းတို့၏နေရပ်များ သို့ ပြန်လည်ခွင့်ပြုခဲ့ပြီး၊ မြို့ဦးစေတီကယ်ဆယ်ရေးကျောင်းမှ ဒုက္ခသည်(၇)ရာကျော်အား အောက်တိုဘာ(၁၀)ရက်နေ့တွင် အပြီးပြန် လွှတ်ခဲ့ကြောင်း NLD ပါတီမှ ကယ်ဆယ်ရေးလုပ်ငန်းလုပ်ဆောင် နေသူတို့က ဆိုသည်။

“နယ်မြေကလည်း ပြန်ငြိမ်သွားပြီ၊ သူတို့ကိုခေါ်ထားတာလည်း တစ်လကျော်သွားပြီ၊၊ နေ့လည်ပိုင်းအပြင်မှာ အလုပ်ထွက်လုပ်၊ ည နေကြတော့စခန်းပြန်လာပြီး ထမင်းလာစားဆိုမဟုတ်သေးဘူးလေ၊ နောက်လုပ်ကိုင် စားစရာတွေလည်း ရှိလာပြီလေ ဒါကြောင့်မို့ သူတို့ကို ပြန်လွှတ်တာပါ”ဟု ဖားကန့်မြို့နယ် NLD ပါတီ ညီလာခံကျင်းပရေး ကော်မရှင်ဥက္ကဌ ကိုမြင့်အောင်က ပြောသည်။

ထိုကဲ့သို့ ပြန်လွှတ်ရာတွင် ဒုက္ခသည်များအား ငွေကျပ်(၅)ထောင်နှင့်ဆန်(၂)ပြည်စီထည့် ပေးလိုက်ပြီိး နယ်ဝေး ဒုက္ခသည်များကို ဒုက္ခသည်စခန်းများ၌ မထားပဲ ဖားကန့်မြို့နယ်ရှိ လူမနေသော အိမ်များတွင် ယာယီထားရှိ ကြောင်း သိရသည်။

“ဒုက္ခသည်တွေကို အကုန်ပြန်လွတ်တာပါ၊ အနီးအနားကသူတွေတော့ ပိုက်ဆံငါးထောင်နဲ့ ဆန်နှစ်ပြည်စီ ထည့်ပေးလိုက်ပါတယ်၊ နယ်ဝေးတွေကတော့ လူမနေတဲ့ အိမ်တွေမှာခဏထားတယ်’’ဟု ဖားကန့်NLDပါတီက ဦးဟန်မြင့်ကပြောသည်။

ဖားကန့်မြို့နယ်တွင် စစ်ဘေးရှောင်ဒုက္ခသည် လူဦးရေ(၄)သောင်းကျော်ရှိသော်လည်း ဒုက္ခသည်စခန်းသို့ လာရောက်သော လူဦး ရေမှာ(၁)သောင်းကျော်သာရောက်ရှိသည်ဟု သိရှိရသည်။

ဒုက္ခသည်စခန်းများကို အများဆုံးလာရောက် ကူညီပေးသောလူမှုရေးအသင်းများမှာ ပါရမီလူမှုကူညီရေး အသင်း၊ ဂရုဏာလူမှုကူညီ ရေးအသင်း၊ မေတ္တာရှင်လူမှုကူညီရေးအသင်းနှင့်တာမခံ၊ဟောင်းပါး၊ ဆယ်ဇင်းရွာများက အဓိက လာရောက်ကူညီပေးကြောင်း ဒေ သခံတို့က ဆိုသည်။

ယခုလက်ရှိ၌ ဖားကန့်မြို့နယ်တွင် ဒုက္ခသည်စခန်း(၃၀)ကျော်ရှိပြီး၊ လူဦးရေ (၁)သောင်းကျော် ရှိသည်။

Ref: မြစ်မခ

Read More...

ဧည့်မျှော်ဇောနှင့် မောရဦးမည့် တိုးရစ်ဂိုက်မလေး

မင်းမင်းလတ် မန္တလေး(မြစ်မခ)
11 Oct, 2012

နိုင်ငံတော် လက်သုံးစကားတစ်ခွန်းကို လူတိုင်းသိကြသည်။ `ပြည်ပအားကိုး ပုဆိန်ရိုး´။ မြန်မာအမျိုး သမီးအချို့သည် မိမိ နိုင်ငံသားထက် နိုင်ငံခြားသားများကိုသာ အထင်ကြီးလေးစားဆက်ဆံလျှက်ရှိသည်။ ပြည်ပနိုင်ငံမှ အလည်လာသည့် တိုင်းတပါး သား များကို ဘုရားသဖွယ် ကြည်ညိုနေသူများလည်း တပုံတပင် ရှိပေသည်။

မန္တလေးတိုင်းဒေသကြီး၏ ရှေးဟောင်းအဆောက်အဦးတစ်ခုရှေ့တွင် မော်တော်ဆိုင်ကယ်များ၊ စက်ဘီးများ ပွဲသဘင်တစ်ခုလို စည်ကားနေသည်။ အချိန်က ညနေခင်းဖြစ်သည်။ ထိုလမ်းဆုံလမ်းခွရှိ ထိုအဆောက်အဦး၏ လှေခါးထစ်များပေါ်၌ ထိုင်ရင်းဆိုင် ကယ်ကယ်ရီသမားများနှင့် လူအချို့စကားလက်ဆုံကျလျှက်ရှိသည်။

ထိုလမ်းထောင့်တွင် အင်တာနက်ဆိုင်များ၊ ဟိုတယ်များရှိပြီး သွားလာလှုပ်ရှားနေသည့် လူအုပ်နှင့် ညနေခင်း နေ၀င်ဆည်းဆာ သည် သက်ဝင်လှုပ်ရှားနေသည်။ ထိုလူအုပ်ထဲမှ အသားဖြူဖြူ အရပ်ခပ်ပြတ်ပြတ်(၅)ပေခန့် မိန်းကလေးတစ်ဦးလည်း ပါဝင်သည်။

ထိုမိန်းကလေးသည် ၁ပေခန့်ရှိ အပြာရောင်ဂျင်းစကတ်အတို ၀တ်ဆင်ထားကာပါးပေါ်တွင် နိုင်ငံခြားမှ လာသည့် မိတ်ကပ်များလိမ်း ထားသည်မှာ သူမ အသားအရည်နှင့် လိုက်ဖက် နုပျိုဝင်းမွတ်နေသည်။ ဒေါင့်မြင့်ဖိနပ် စီးထားတော့ သူမပုံစံမှာ စတိုင်ကျလှ သည်။ သူမ လွတ်လပ်ပေ့ါပါးစွာ အနားရှိဆိုင်ကယ် ကယ်ရီသမားများနှင့် ရင်းရင်းနှီးနှီး ထိုင်စကားပြောနေကြခြင်းဖြစ်သည်။

မကြာခင် သူမအနားသို့ နိုင်ငံခြားသား တစ်ဦး ရောက်လာပြီး သူမကို စကားလာပြောသည်။ နောက် သူတို့နှစ်ဦး အအေးဆိုင်ထဲ ၀င်သွားကြသည်။

အသက်(၂၅) နှစ်ရှိ လူငယ်တစ်ဦးဖြစ်သည့်အလျှောက် သူမ စတိုင်မှာသွက်လက်ဖြတ်လက်နေကာ နိုင်ငံခြားသားများနှင့် အင်္ဂလိပ်စကားကို ပိုင်နိုင်စွာ ပြောဆိုနေသည်။ သူမသည် နိုင်ငံခြား စကားပြန်တစ်ဦး ဖြစ်နေလေသည်။

မိန်းကလေးတစ်ဦးအနေဖြင့်တိုးရစ်ဂိုက်လုပ်ရင်း ဘ၀ကိုရပ်တည်နေကာ မိသားစုကို ထောက်ပံ့နေသည့် သူမတွင် နိုင်ငံခြားသားနှင့် ရရှိခဲ့သော ကလေးနှစ်ယောက်နှင့် တစ်မြို့တည်းနေ အမျိုးသား တစ်ဦးဖြင့် ရရှိခဲ့သေးသော ကလေးတစ်ယောက်ရှိသည်ဟု သူမ က ပြောပြခဲ့သည်။

``တိုးရစ်ဂိုက်အဖြစ် အလုပ်လုပ်တာ လေးနှစ်လောက်ပဲ ရှိဦးမယ်။´´ဟု သူမက ပြောပြရင်း ရီနေသည်။

သူ့တွင် ကလေးသုံးယောက်ရှိကြောင်းသိရပြီး တိုးရစ်ဂိုက် မလုပ်ခင် သူမမှာ သားယောက်ျားလေး တစ်ဦးရှိသည်။ ထိုအချိန်က ဘ၀ကို မသိနားမလည်ခဲ့ပဲ မိုက်ရှုးရဲမှုတစ်ခုကြောင့် ကိုယ်ဝန်ရရှိခဲ့သည်။ မှားယွင်း ခဲ့သည့် ကောင်လေးဘက်က တာဝန်ယူရန် ကို ငြင်းဆို ခဲ့သည့်အတွက် လက်မထပ်ဖြစ်ခဲ့ပေ။

"အမေကတော့ အားပေးတယ်။ အားပေးတယ်ဆိုတာ ကိုယ့်တာဝန်ကို ယူဖို့ပေါ့။ ကျွန်မဒီကလေးကို မွေးခဲ့တယ်။"ဟု ခပ်အေး အေးပင် သူမက ပြောပြသည်။

အမှန်တော့ သူ့အနေဖြင့် တူးရစ်ဂိုက်လုပ်ဖြစ်လာရခြင်းက သူမ အထက်တန်းကျောင်းသူ ဘ၀တွင် နိုင်ငံခြားသားတစ်ယောက် အား ဧရာဝတီမြစ်ဆိပ်သို့လိုက်ပါ ပို့ဆောင်ပေးရင်း အစပြုခဲ့ကြောင်းလဲ သိရသည်။

``အဲဒီတုန်းက အသက် ၄၀ လောက်ရှိတဲ့ နိုင်ငံခြားသားတစ်ယောက်က မြစ်ဆိပ်သွားတဲ့ လမ်းလာမေးတာ မေးတော့ လမ်းညွှန် ရာနေ လိုက်ပို့ပေးဖြစ်ပြီး သူနဲ့ အရမ်းခင်သွားတယ်။ ´´ဟုသူ့ဘ၀အကြောင်းကို ပြန်ပြော ပြခဲ့သည်။

ထိုအချိန်မှစတင်ကာ ကျပ်တည်းနေသော သူမတို့မိသားစုလေးရဲ့ စားဝတ်နေရေးသည် ထိုနိုင်ငံခြားသား၏ ကူညီမှုများဖြင့် အနည်းငယ် အဆင်ပြေခဲ့သည်ဟု သူမ၀န်ခံခဲ့သည်။

နောက်ပိုင်းတွင် ထိုနိုင်ငံခြားသားအမျိုးသားက သူမကို ကူညီမှုများပေးရင်းက ခရီးအတူသွားဖြစ်ခဲ့ကာ သူမနှင့် အကြောင်းပါခဲ့သည်။

`ကျွန်မ ဒီနိုင်ငံခြားသားနဲ့ ကလေးရတော့ ရပ်ကွက်ထဲက ပြောကြတယ်။ ကဲ့ရဲ့တာပေါ့နော်။ နောက်ပိုင်းတော့ ဘာမှ မပြောတော့ ဘူး။ မပြောဘူးဆိုတာက ကျွန်မအမျိုးသား နိုင်ငံခြားသားရဲ့ မျက်နှာကြောင့်ပါတယ်။ ကိုယ်ဝန်ရတော့ သူ့ကိုအသိပေးလိုက်တယ်။ လိုလေသေးမရှိအောင် ထောက်ပံ့ပေးခဲ့တယ်။ ကလေးမွေးတော့လည်း လာတယ် ။´´ဟု သူမက ပြောသည်။

သို့ပေမယ့် သူမအတွက် တကယ့်အခက်အခဲမှာ ထိုအမျိုးသားမှ သူမအား လက်မထပ်ခဲ့ပေ။

လမ်းပေါ်တွင် တူးရစ်ဂိုက်အဖြစ်အလုပ်လုပ်ရင်း ရုန်းကန်နေသော သူမဘ၀တွင် စိတ်ညစ်စရာများ ကြုံတွေ့ရတိုင်း ထွက်ခွာ သွားဖို့စဉ်းစားမိသည်ဟု သူမကပြောသည်။

သို့သော် သူမတွင် ကလေးများနှင့် ထွက်ပေါက်မရခဲ့ခြင်းဖြစ်သည်။ ထို့အတွက် သူ့အတွက် ရွေးချယ်ရန်မှာ သူမကျွမ်းကျင်သည့် တူးရစ်ဂိုက်အလုပ်ကိုသာ ဆက်လက်လုပ်ကိုင်ရန် ဖြစ်ပြီး နိုင်ငံခြားသား အမျိုးသားများနှင့် ထပ်မံ ထိတွေ့ဆက်ဆံခဲ့ရသည်။

``ဂိုက်လိုက်ရင် တစ်သောင်းပဲယူတယ် ခရီးစဉ်အစအဆုံးပေါ့။ အဓိကကတော့ ၀ါသ၀နာပါလို့လုပ်တာ။´ ဟုသူမက ပြောပြသည်။

ထိုကဲ့သို့နေရင်း ၂၀၁၀ ခုနှစ်တွင် နောက်ထပ် ရင်သွေးလေး သူမဘ၀ထဲကို ရောက်ရှိလာပြန်သည်ဟု ရယ်မောပြီး ပြောသည်။

``ဘယ်တစ်ယောက်နဲ့ဆိုတာ မသိလိုက်ဘူး။ ဘီယာတွေလဲ မူးနေတာ။ ကျွန်မ အဖိုးကြီးသိသွားတော့ ကျမကို သစ္စာမရှိဘူး ဆိုပြီး စိတ်ဆိုးတာပေါ့။ ကျွန်မကလဲ မှားခဲ့တဲ့ဟာကို သူ့ကိုဝန်ခံခဲ့တယ်။ မတတ်နိုင်ဘူးလေ ဖြစ်ပြီး ခဲ့ပြီ။´´ဟု ပြောပြသည်။

ကလေးသုံးယောက်မိခင်ဖြစ်လာပြီဖြစ်သော သူမသည် သူ့သမီးလေးနှစ်ယောက်နှင့် သားလေး တစ်ယောက်အတွက် ရုန်းကန် မြဲဖြစ်ပြီး သူများနည်းတူ အဆင့်မြင့်မြင့် မထားနိုင်လျှင်မူ ပညာများ သင်ပေးသွားမည်ဟုလည်း သူ့ရည်ရွယ်ချက်ကို ပြောပြသည်။

``သူများဒါဝယ်ပေးရင် ကိုယ့်ကလေးလဲ ၀ယ်ပေးနိုင်ရမယ်။ ၀ယ်ပေးနိုင်အောင်လဲ ရုန်းကန်တယ်။ ခုသူ တို့လေးတွေ အတွက် ပိုက်ဆံစုနေပြီ။ အနာဂတ်မှာ ပညာကောင်းကောင်းတတ်အောင် လုပ်ပေးချင်တယ်။´´ဟု ပြောပြသည်။

ညနေသည် နုပျိုနေဆဲ ဖြစ်သည်။ ထိုလမ်းဒေါင့်လေးတွင် ယာဉ်ပေါင်းစုံ ရှုပ်နေသည်။ လမ်းဒေါင့်တွင် နိုင်ငံခြားသားများ။

ထိုနိုင်ငံခြားသားများကို မှီပြီး အလုပ်လုပ်နေသော ကားသမား၊ ဆိုင်ကယ်ကယ်ရီသမားများ လမ်းမပေါ်တွင် အပြည့် ဖြစ်သည်။ ထိုထဲတွင် သူမကတော့ လှေခါးထစ်များပေါ်တွင် ထိုင်ရင်း သူမကလာခေါ်မည့် ဧည့်သည်ကို ထပ်မံစောင့်မျှော် နေဆဲဖြစ်သည်။

Ref: မြစ်မခ

Read More...

ပြည်ခိုင်ဖြိုးပါတီညီလာခံကာလ သင်္ကန်းကုန်းစည်းရုံးရေးအဖွဲ့ဝင်(၈)ဦး နှုတ်ထွက်စာတင်

ဧရာဝတီဇော်မိုး(မြစ်မခ)
Oct, 2012

ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီညီလာခံကျင်းပမည့်ကာလ၌ ငပုတောမြို့နယ် သင်္ကန်းကုန်းကျေးရွာမှ ပါတီအခြေခံ စည်းရုံး ရေးအဖွဲ့ဝင်(၈)ဦးမှာ တိုင်းဒေသကြီး ပါတီရုံးချုပ်သို့ နှုတ်ထွက်ခွင့်တင်ထားကြောင်း သိရှိရသည်။

နှုတ်ထွက်ခွင့်တင်ထားသူ(၈)ဦးနှင့် အောက်တိုဘာလ(၁၀) ရက်နေ့ နံနက်(၈း၀၀)ကျော်ခန့်တွင် ပုသိမ်ခရိုင် ပြည်ခိုင်ဖြိုးပါတီ မှ အတွင်းရေးမှူး ဦးကျော်ကျော်နှင့်အဖွဲ့က ငပုတောမြို့နယ် ပြည်ခိုင်ဖြိုး ရုံး၌တွေ့ဆုံမေးမြန်းမှု ပြုလုပ်မည်ဖြစ်သည်။

ဧရာဝတီတိုင်းဒေသကြီး ငပုတောမြို့နယ် သင်္ကန်းကုန်းကျေးရွာအုပ်စု ပြည်ခိုင်ဖြိုးပါတီ၏ အခြေခံ စည်းရုံးရေး အဖွဲ့ဝင်(၈) ဦးမှာ တိုင်းဒေသကြီးပါတီရုံးသို့ နှုတ်ထွက်ခွင့်တင်ခဲ့ခြင်းဖြစ်သည်။

“မြို့နယ်ပြည်ခိုင်ဖြိုးပါတီရဲ့ ကြိုတင်ညှိနှိုင်းမှုမရှိတဲ့ အချို့ကိစ္စရပ်တွေနဲ့၊ ပါတီသက် တစ်နှစ်သာသာရှိသေးတဲ့ မြို့နယ်အရံ အမှု ဆောင် က ပါတီနဲ့သက်ဆိုင်မှုမရှိတဲ့ ဘာသာရေးကိစ္စတွေမှာ ထဲထဲဝင်ဝင်ရောထွေးနေတာတွေက ကြာလာရင် ပါတီကိုရော ကျွန်တော်တို့ပါတီဝင်တွေကိုပါ နာမည်ပျက်လာနိုင်ပါတယ်။”ဟု နှုတ်ထွက် ခွင့်တောင်းဆိုထားသည့် အဖွဲ့ဝင်တစ်ဦးက ပြောသည်။

ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ညီလာခံမှာ အောက်တိုဘာလ(၁၄)ရက်နေ့မှ(၁၇)ရက်နေ့အထိ နေပြည်တော်တွင် ပြုလုပ်ကျင်းပမည်ဖြစ်သည်။

“၁၉၉၃ ခုနှစ်ကစပြီး ဆောင်ရွက်လာခဲ့တဲ့ အသင်းကြီးနဲ့ ပါတီရဲ့လုပ်ငန်းတွေကို ကျောခိုင်းဖို့တော့ ဆန္ဒမရှိခဲ့ပါဘူး။ လက်ရှိဖြစ်ပေါ် နေတဲ့ အခက်အခဲကြုံတွေ့မှုတွေက ပါတီကို စိတ်ပျက်စရာ၊၀မ်းနည်းစရာတွေ ဖြစ်ခဲ့ ရလို့ပါ”ဟု ပါတီမှ ကော်မတီဝင်တစ်ဦးက ပြောပြသည်။

နှုတ်ထွက်ခွင့်တောင်းသူများအနေဖြင့် နှုတ်ထွက်စာကို ဧရာဝတီတိုင်းဒေသကြီး ပြည်ခိုင်ဖြိုးပါတီအတွင်းရေးမှူးထံသို့ လိပ်မူပြီး၊ မိတ္တူကို ဗဟို ပြည်ခိုင်ဖြိုးပါတီအတွင်းရေးမှူး၊ ဧရာဝတီတိုင်းဒေသကြီး တာဝန်ခံ၊ တိုင်းဒေသကြီးဝန်ကြီးချုပ်နှင့် တိုင်းဒေသကြီး လွှတ်တော်ဥက္ကဌထံသို့လည်း အသီးသီးပေးပို့ခဲ့ထားကြောင်းကိုလည်း သိရသည်။

Ref: မြစ်မခ

Read More...

ဘင်္ဂလားဒေ့ရ်ှအစိုးရထံ ရခိုင်အရေး အချက်(၅)ချက်အား စစ်တွေသံဃာထု တောင်းဆို

မိုးဝေ ရခိုင်ပြည်နယ် (မြစ်မခ)
11 Oct, 2012

သံဃာထုက ရခိုင်အရေးနှင့်ပတ်သက်၍ ဘင်္ဂလားဒေ့ရ်ှကောင်စစ်ဝန်ရုံးရှေ့တွင် စစ်တွေမြို့မှ သံဃာတော်များ က အချက် (၅) ချက် တောင်းဆိုဆန္ဒထုတ်ဖော်ခဲ့ကြသည်။

OIC ကိုလက်မခံခြင်း၊ များမကြာမီက ဖြစ်ပွားခဲ့သော ဘင်္ဂလားဒေ့ရ်ှနိုင်ငံရှိ ဗုဒ္ဓဘာသာဝင်များအား ဘင်္ဂလားဒေ့ရ်ှအစိုးရ အနေ ဖြင့် ကာကွယ်စောင့်ရှောက်ပေးရန် စသည့်အချက်များကို ဘင်္ဂလားဒေ့ရ်ှကောင်စစ်ဝန်ရုံးရှေ့၌ ဆန္ဒထုတ်ဖော် ခဲ့ခြင်းဖြစ်သည်။

သံဃာတော်များဆန္ဒထုတ်ဖော်ရာတွင်''မြန်မာနိုင်ငံ၌ OIC လုံးဝအလိုမရှိ၊ ရခိုင်ပြည်၌ OIC လုံးဝအလိုမရှိ၊ နှစ်ဖက်လုံး ငြိမ်း ချမ်းစွာနေနိုင်ရေးအတွက် အင်ဘာလာ(အောင်မင်္ဂလာရပ်ကွက်)ကို မြို့ပြင်သို့ ထုတ်ပေးပါ၊ ငြိမ်းချမ်းစွာအတူ နေထိုင်သည့် လူနည်းစု ဗုဒ္ဓဘာသာဝင်များကို ဘင်္ဂလားဒေ့ရ်ှအစိုးရအနေနှင့် အပြည့်အ၀ တာဝန်ယူ ကာကွယ်ပေးပါ၊ ဘင်္ဂလီများ နှင့်ပတ် သက်၍ ပြတ်ပြတ်သားသား ပြောဆိုခဲ့သော သမ္မတကြီးအား ထောက်ခံပါသည်”စသည့်အချက် ငါးချက်ကို တောင်းဆိုခဲ့ခြင်း ဖြစ်သည်။

အောက်တိုဘာ(၉)ရက်နေ့လည် (၂)နာရီကျော်တွင် သံဃာတော် အပါး(၁၅၀၀)ခန့်က စစ်တွေမြို့ မြင်းပြိုင်ကွင်းလမ်း အ နောက်စံပြရပ်ကွက်ရှိ ဘင်္ဂလားဒေရ်ှကောင်စစ်ဝန်ရုံးရှေ့၌ မိနစ်(၃၀)ကြာ ဆန္ဒထုတ်ဖော်ခဲ့ကြပြီး ဘင်္ဂလားဒေ့ရှ် အစိုးရထံ သံဃာ ထုမှ တောင်းဆိုချက်(၅)ချက်ပါစာကို ပေးအပ်ခဲ့သည်။

ယင်းနောက် သံဃာတော်များသည့် လမ်းမကြီးအတိုင်းစီတန်းလှည့်လည်ခဲ့ရာ လူထုပရိတ်သတ်များလည်း သံဃာတော် များနှင့်အတူ စီတန်းဆန္ဒထုတ်ဖော်ခဲ့ကြသည်။

သံဃာထုနှင့်လူထု ဆန္ဒထုတ်ဖော်ပွဲကိုညနေ ၄နာရီတွင် ဒက္ခေါင်းကျောင်းတိုက်တွင် လူစုခွဲ အဆုံးသတ်ခဲ့သည်။

စီတန်းလှည့်လည်ဆန္ဒထုတ်ဖော်ရာလမ်းတလျှောက်တွင်လည်းပြည်သူများက ကြိုဆိုကြပြီး အချိုရည် နှင့်သောက်ရေသန့် များ လှူဒါန်း ခဲ့ကြသည်။

ယင်းသို့ဆန္ဒထုတ်ဖော်ရာတွင် ရုန်းရင်းဆန်ခတ်မဖြစ်စေရန် သက်ဆိုင်ရာအာဏာပိုင်များက ထိန်းသိမ်းခဲ့ပြီး သံဃာတော် များနှင့် လူထုတို့ကလည်း ငြိမ်းချမ်းစွာဖြင့် ဆန္ဒထုတ်ဖော်ခဲ့ကြသည်။

OIC အနေဖြင့် လူသားချင်းစာနာမှု လုပ်ငန်းများ ဆောင်ရွက်ရန်အတွက် ညှိနှိုင်းဆောင်ရွက်ရန်နှင့် စောင့်ကြည့် လေ့လာရန် ရန်ကုန် စစ်တွေတွင် ရုံးများဖွင့်လှစ်ထားရှိမည့်ကိစ္စကို နယ်စပ်ရေးရာဝန်ကြီးဌာနတို့ စက်တင် ဘာလ (၁၁) ရက်နေ့က နေပြည်တော်တွင် လက်မှတ်ရေးထိုးခဲ့သည်။

စက်တင်ဘာ (၂၅)ရက်နှင့်(၂၆) ရသေ့တောင်၌ ပြုလုပ်ခဲ့သည့် ရခိုင်ဒေသလူထု အစည်းအဝေးတွင်လည်း OIC ရုံး ဖွင့်ထားရှိ မည့် အစီအစဉ်ကို ကန့်ကွက်ခဲ့ကြသည်။

Ref: မြစ်မခ

Read More...

ရခိုင်၌ ညမထွက်ရအမိန့်အား ဒုတိယအကြိမ် ထပ်မံလျှော့ပေါ့သတ်မှတ်

မိုးဝေ ရခိုင်ပြည်နယ်(မြစ်မခ)
11 Oct, 2012

ပဋိပက္ခများကြောင့် ဇွန်လအတွင်းက ထုတ်ပြန်ထားသည့် ညမထွက်ရအမိန့်အား ရခိုင်ပြည်နယ်၌ ဒုတိယ အကြိမ် မြောက်ထပ်မံ လျှော့ချ လိုက်ပြီဖြစ်သည်။

သြဂုတ်လအတွင်းက ထုတ်ပြန်ထားသည့် ညမထွက်ရအမိန့် ညနေ (၇)နာရီမှ နံနက် (၅)နာရီအတွင်း ထုတ်ပြန် ထား ခဲ့ရာမှ ယခုအခါ ညနေ(၁၀)နာရီမှ နံနက်(၄)နာရီအထိ အောက်တိုဘာလ (၁၀)ရက်နေ့မှစ၍ ပြောင်းလဲ သတ်မှတ် လိုက်ခြင်း ဖြစ် သည်။

စစ်တွေ၊ ဘူးသီးတောင်၊ မောင်တော၊ ရမ်းဗြဲ၊ သံတွဲ၊ကျောက်ဖြူ၊ ကျောက်တော်စသည့်မြို့နယ်(၇)မြို့နယ်တွင် ည မထွက်ရ အမိန့် ပုဒ်မ(၁၄၄)အားထုတ်ပြန်ထားရာ သံတွဲမြို့တွင် ညမထွက်ရ အမိန့်အား ရုပ်သိမ်းလိုက်ပြီဖြစ်သည်။

''သံတွဲမြို့ကို ဒုတိယအကြိမ် ရက်ပေါင်း (၆၀)ပြည့်တဲ့ အခါမှာ သက်ဆိုင်ရာ အာဏာပိုင်တွေက ဆက်ပြီးတော့ အမိန့်ကို ထုတ်ပြန်ခြင်း မရှိတော့ဘူးပေါ့၊ ထုတ်ပြန်ခြင်းမရှိတော့တဲ့အတွက်ကြောင့် ကျင့်ထုံးပုဒ်မ ၁၄၄ ထုတ်ပြန်ထားတဲ့ အမိန့်ဟာ ပြန် လည် ရုပ်သိမ်းလိုက်ပြီ''ဟု ညမထွက်ရအမိန့်ထပ်မံလျော့ချလိုက်ခြင်းနှင့် ပတ်သက်၍ ရခိုင်ပြည်နယ် အစိုးရ ဖွဲ့မှတာဝန်ရှိသူ တစ်ဦးက ပြောသည်။

သူကဆက်လက်၍''ကျန်တဲ့မြို့နယ်တွေကတော့ ညနေ(၇)နာရီက နံနက်(၅)နာရီအထိ သတ်မှတ်ထား တာကို ညနေ(၁၀) နာရီ ကနေပြီးတော့ နံနက်(၄)နာရီ အထိ (၄)နာရီလျှော့ပေါ့ သတ်မှတ်လိုက်တယ်''ဟု ၄င်းက ပြောသည်။

ယခုလို (၄)နာရီ လျှော့ပေါ့သတ်မှတ်လိုက်ခြင်းမှာ လက်ရှိအခြေအနေအရ တည်ငြိမ်မှု တိုးတက်ကောင်းမွန် လာခြင်း ကြောင့်နှင့် ကျောင်းသူ၊ကျောင်းသားများ၏ ပညာရေး အကျိုးငှာ သက်ဆိုင်ရာ အာဏာပိုင်များက လျှော့ပေါ့ လိုက်ခြင်းဖြစ်ကြောင်းကိုလည်း သိရသည်။

နောက်ထပ် ရက်ပေါင်း(၆၀)ပြည့်သည့်အခါ ၄င်း အမိန့်ကိုသက်ဆိုင်ရာ အာဏာပိုင်များမှ အခြေအနေကို ကြည့်ပြီး ထပ်မံသုံးသပ် သွားရန် အစီအစဉ်ရှိကြောင်း ပြည်နယ်အစိုးရအဖွဲ့မှ တာဝန်ရှိသူတစ်ဦးက ပြောကြားခဲ့သည်။

ထို့အပြင် ညမထွက်ရအမိန့်ဖြင့် ဖမ်းဆီးခံထားရသူများကိုလည်း စက်တင်ဘာလအတွင်းပြန်လွှတ်ပေး လိုက်ပြီဖြစ်သည်။

Ref: မြစ်မခ

Read More...

နော်ဝေက ထောက်ပံ့နည်းစနစ်မှန်၍ မြောင်မြို့နယ်က အနွမ်းပါးဆုံးပြည်သူများ အဆင်ပြေ

မောင်ယဉ်ကျော်-မန္တလေး(မြစ်မခ)
11 Oct, 2012

စစ်ကိုင်းတိုင်းဒေသကြီးမြောင်မြို့နယ်အတွင်းရှိ ဆင်းရဲနွမ်းပါးသောကျေးရွာများ၌ နော်ဝေပြည်သူများ အလှူရှင်အဖွဲ့က ရွှေညာမြေ ကုမ္ပဏီနှင့်ပူးပေါင်း၍ ထောက်ပံ့ကြေးပေးသလို လုပ်ငန်းပိုင်းဆိုင်ရာ နည်းပေးလမ်းညွန်မှု များကြောင့် ဆင်းရဲနွမ်းပါးသော ရွာသား များအဆင်ပြေလျှက်ရှိကြောင်း သိရှိရသည်။

ထောက်ပံ့ကြေးပေးမှုမှာ မြောင်မြို့နယ်အတွင်းရှိသော ကျည်ကုန်းကျေးရွာ၊ အောင်ချမ်းသာကျေးရွာ၊ မန်ကျည်း ကန် ကျေးရွာ၊ လှေတင်ဦးကျေးရွာစသော ကျေးရွာများတွင်ရှိသော ဆင်းရဲနွမ်းပါးသူများအား ထောက်ပံ့ကူညီ လျှက်ရှိ သည်။

“အဆင်းရဲဆုံး အဆင့်(၄)ရှိတဲ့သူတွေကို ထောက်ပံ့ကြေးပေးတယ်။ ကျွန်တော်တို့က တစ်အိမ်ကို (၁၃၀၀)ကျပ်နှုန်း စုပြီးဆန် ၀ယ်တယ်ပြီးရင် (၁၅)ရက်ဆိုင်း၊ တစ်လဆိုင်း ပေးတယ်။ ပထမကအ ဆင်းရဲဆုံးသူတွေကိုပဲ ပေးတယ်။ အခု တစ်ရွာလုံး ပေးနိုင် နေ ပြီ။” ဟု မြောင်မြို့နယ် လှေတင်ဦး ကျေးရွာ အုပ်ချုပ်ရေးမှူးဦးဋ္ဌေးလွင်က ပြောသည်။

ကျေးရွာများရှိ ဆင်းရဲနွမ်းပါးသူများမှာ ယာမြေများတွင် လူငှားလုပ်ကြပြီး ယခင်ကယာလုပ်ငန်းသုံးပစ္စည်းများ ကိုယ် ပိုင်မရှိ၍ ငှား ရမ်းလုပ်ကိုင်ရကြောင်း သိရသည်။ ယခုအခါတွင် ရွှေညာမြေကုမ္ပဏီမှ ယာလုပ်ငန်းသုံး ပစ္စည်းမရှိ သူများအား ယာလုပ်ငန်းသုံး ပစ္စည်းများအား အခမဲ့ပေးကြောင်း လှေတင်ဦးရွာသားများထံက သိရသည်။

“စားဝတ်နေရေးအတွက် အဆင်ပြေပြီးဘေးကို အကြွေး မရှာရတော့ဘူး။ ရွာကလူကြီးတွေ စုပြီး ဆန်ပေးတာ ကိုမဆပ်နိုင်သေးရင် နားလည်မှုနဲ့ ရက်နောက်ဆုပ်ပေးတယ်။ ကျွန်တော်တို့တွေအတွက် အရမ်း အဆင်ပြေပါ တယ်။ ကျေးဇူးလည်း တင်ပါတယ်။ အရင် ကဆန်တစ်တင်းတစ်သောင်းတန်ကို နှစ်သောင်း လောက်နဲ့လဆိုင်းပေးစားရ တော့အဆင်မပြေဘူး။”ဟု လှေတင်ဦးရွာသား ကိုမင်း နောင်က ဆိုသည်။

နော်ဝေပြည်သူများအလှူရှင်အဖွဲသည် ကျေးရွာများရှိ ဆင်းရဲနွမ်းပါးသူများတင်မက ဆင်းရဲနွမ်းပါးသူများ၏ သားသမီး ကျောင်းသား ကျောင်းသူများအတွက်တစ်ဦးလျှင် စာရေးကရိယာ(၁၁)မျိုး ပေးလှူလျှက်ရှိသည်။

Ref: မြစ်မခ

Read More...

တရားဝင်ခွင့်ပြုချက်ဖြင့် အမျိုးသမီးများစစ်တွေ၌ ငြိမ်းချမ်းစွာစီတန်းလှည့်လည်

မိုးဝေ ရခိုင်ပြည်နယ်-(မြစ်မခ)
10 Oct, 2012

ရခိုင်၌ အမျိုးသမီးသုံးရာဝန်းကျင်ပါဝင်သည့် ငြိမ်းချမ်းစွာစီတန်းလှည့်လည်ဆန္ဒထုတ်ဖော်ပွဲတစ်ရပ်အား အောက်တိုဘာ (၁၀)ရက် နေ့၌ စစ်တွေမြို့တွင် ပြုလုပ်ခဲ့သည်။

ရခိုင်အမျိုးသမီးများ၏ ဘဝလုံခြုံမှုနှင့် ရခိုင်လူမျိုးတို့၏ဘဝလုံခြုံမှုစသည့် ရွယ်ရည်ချက်များဖြင့် ရခိုင် အမျိုးသမီးများက စက်တင် ဘာလ(၃၀)ရက် စစ်တွေမြို့ နေ့လည်ပိုင်းတွင်ပြုလုပ်ရန် စီစဉ်ထားရာမှ ယနေ့ အောက်တိုဘာ (၁၀)ရက်နေ့တွင် သက်ဆိုင်ရာမှ ခွင့်ပြုချက်ဖြင့် ရခိုင်အမျိုးသမီးများ ဆန္ဒထုတ် ဖော်ခဲ့ခြင်း ဖြစ်သည်။

ရခိုင်အမျိုးသမီးများဆန္ဒထုတ်ဖော်ပွဲကို အောက်တိုဘာလ(၁၀)ရက်နေ့ နေ့လည်ပိုင်းတွင် ဧစေတီမှ စတင်ခဲ့ပြီး ဦးဥတ္တမလမ်းအ တိုင်း ချီတက်ခဲ့ရာ ဦးဥတ္တမရုပ်ထုအား ဂါရဝပြုကြပြီး လမ်းမကြီးအတိုင်း ချီတက်ဆန္ဒထုတ် ဖော်ခဲ့ခြင်း ဖြစ်သည်။ အဆိုပါပွဲ၌ လူထု ပရိတ်သတ်များလည်း အဆိုပါအမျိုးသမီးများနှင့်အတူ ဆန္ဒထုတ်ဖော်ခဲ့ကြသည်။

ရခိုင်အမျိုးသမီးတို့ ဆန္ဒထုတ်ဖော်ရာတွင် တောင်းဆိုချက်များမှာ ၁၉၈၂ခုနှစ် မြန်မာနိုင်ငံသား ဥပဒေကို လေးစား လိုက်နာရန်၊ တရားမ၀င် ခိုးဝင်လာသူများကို အလိုမရှိ၊ မြန်မာ့ပြည်တွင်းရေးကို OIC ၀င်မစွက်နှင့်၊ မြန်မာပြည်မှာ ဘယ်အချိန်ကမျှ ရိုဟင်ဂျာ မရှိ၊ မြေမျို၍လူမျိုးမပျောက် လူမျိုမှ လူမျိုးပျောက်မည်၊ မြန်မာ့ အမျိုးသမီးများဘ၀ လှပ လုံခြုံမှုရှိပါစေ၊ မြန်မာတမျိုးသားလုံး စည်းလုံးညီညွှတ်ကြဟု အချက်(၈)ချက်ပါ ရှိသည်။

ယမန့်နေ့ကလည်း စစ်တွေမှ သံဃာတော်များက ဘင်္ဂလားဒေ့ရ်ှကောင်စစ်ဝန်ရုံးရှေ့တွင် ဆန္ဒထုတ်ဖော်ခဲ့ကြ သေး သည်။

ရသေ့တောင်တွင် စက်တင်ဘာလ ၂၅/၂၆ရက်နေ့ကပြုလုပ်ခဲ့သည့် ရခိုင်ဒေသလူထု အစည်းအဝေးကလည်း မကြာ မီတွင် ရခိုင်ပြည်နယ်၌ ဖွင့်လှစ်မည့် OIC ရုံးအားလက်မခံ နိုင်ကြောင်းလည်း ကန့်ကွက်ခဲ့ကြသည်။

Ref: မြစ်မခ

Read More...

ငြိမ်းချမ်းရေး ကိုယ်စားလှယ်အဖွဲ့နဲ့ SSA မြောက်ပိုင်းအဖွဲ့ ဆွေးနွေး

2012-10-10

မြန်မာအစိုးရ နဲ့ SSA မြောက်ပိုင်း တပ်မတော်ကြား ဖြစ်ပွားနေတဲ့ ပဋိပက္ခတွေကို ဖြေရှင်းနိုင်ဖို့ အတွက် အစိုးရ ငြိမ်း ချမ်းရေး ကိုယ်စားလှယ်အဖွဲ့ ခေါင်းဆောင် ၀န်ကြီး ဦးအောင်မင်း ဦးဆောင်တဲ့ အဖွဲ့နဲ့ ရှမ်းပြည်တပ် မတော်(မြောက်ပိုင်း)တပ်ဖွဲ့ ခေါင်း ဆောင်တွေ ဒီကနေ့ လားရှိုးမြို့မှာ တွေ့ဆုံ ဆွေးနွေးကြကြောင်း သိရပါတယ်။

ဒီကနေ့ ဆွေးနွေးပွဲဟာ ၄ နာရီလောက် ကြာမြင့်ပြီး နှစ်ဘက် ဆွေးနွေးမှုတွေဟာ အပြုသဘောဆောင်ပြီး တိုးတက် မှုတွေ ရှိခဲ့ တယ်လို့ ငြိမ်းချမ်းရေး အကျိုးဆောင်အဖွဲ့က ဦးလှမောင်ရွှေက အာရ်အက်ဖ်အေကို ပြောပါတယ်။

မြန်မာအစိုးရဘက်က ၀န်ကြီးဦးအောင်မင်း နဲ့ အတူ လုပ်ငန်းကော်မတီ ဥက္ကဋ္ဌ ဦးသိန်းဇော်၊ ရှမ်းပြည်နယ် ၀န်ကြီးချုပ်၊ အရှေ့ အလယ်ပိုင်း တိုင်းမှူး နဲ့ ပြည်ထောင်စု ဒုဝန်ကြီးတွေ၊ တိုင်းဒေသကြီး ၀န်ကြီးတွေ တက်ရောက်ခဲ့ကြကြောင်း သိရပါတယ်။

ဒီကနေ့ ဆွေးနွေးပွဲမှာ သဘောတူညီမှုတွေ တစ်စုံတစ်ရာ ရခဲ့ပေမယ့် နှစ်ဘက် သဘောတူ လက်မှတ်ရေးထိုးခြင်း မရှိသေး ဘူးလို့ ဆိုပါတယ်။ မနက်ဖြန်မှာလည်း မြန်မာအစိုးရ ငြိမ်းချမ်းရေး အဖွဲ့နဲ့ SSA ရှမ်းပြည်တပ်မ တော်(မြောက်ပိုင်း) ခေါင်း ဆောင်တွေ ဆက်လက်ပြီး ဆွေးနွေးဖို့ ရှိကြောင်း သိရပါတယ်။

Ref: အာရ်အဖ်အေ

Read More...

လူမျိုးစုများ အခွင့်အရေး ကာကွယ်ပေးဖို့ အမေရိကန်တိုက်တွန်း

2012-10-10

မြန်မာနိုင်ငံ ရခိုင်ပြည်နယ် နဲ့ ဘင်္ဂလားဒေ့ရ်ှနိုင်ငံတွေမှာ ရှိနေကြတဲ့ ရိုဟင်ဂျာ ခေါ် မွတ်စလင် ဘာသာဝင် လူမျိုးစုတွေ ရဲ့ ပြဿ နာဟာ ဖြေရှင်းဖို့ ခက်ခဲတယ်ဆိုတာ အသိအမှတ် ပြုထားသော်လည်း၊ သူတို့ရဲ့ အခွင့်အရေးကို ကာကွယ်ပေးကြဖို့ သက်ဆိုင် ရာ အစိုးရတွေကို အမေရိကန် ပြည်ထောင်စုက တိုက်တွန်း လိုက်ပါတယ်။

အမေရိကန်ပြည်ထောင်စု ၀ါရှင်တန် ဒီစီ အခြေစိုက် Open Society Foundation နဲ့ Refugees International တို့ မနေ့က ပူးပေါင်းကျင်းပတဲ့ ဆွေးနွေးပွဲတစ်ခုမှာ အမေရိကန်နိုင်ငံခြားရေးဌာန လူဦးရေ၊ ဒုက္ခသည်နဲ့ ရွှေ့ပြောင်းနေထိုင်သူများ ဆိုင်ရာ ဒု-လက်ထောက် အကြီးအကဲ Mrs. Kelly Clements က ပြောကြားခဲ့တာပါ။

ပြီးခဲ့တဲ့လက Mrs. Kelly Clements အပါအ၀င် အမေရိကန်အစိုးရ အရာရှိ (၄) ဦးပါအဖွဲ့ဟာ မြန်မာနဲ့ ဘင်္ဂလား ဒေ့ရ်ှနိုင်ငံတွေကို သွားရောက်ခဲ့ကြပြီး၊ ရိုဟင်ဂျာ ခေါ် မွတ်စလင်ဘာသာဝင် လူမျိုးစုတွေရဲ့ အခြေအနေတွေကို သိရှိနိုင်ဖို့ ဆိုင်ရာအရာရှိတွေ၊ အရပ်ဘက် အဖွဲ့အစည်းတွေနဲ့ တွေ့ဆုံခဲ့ကြပါတယ်။

မြန်မာအာဏာပိုင်တွေနဲ့ တွေ့ဆုံခဲ့ရာမှာ ရိုဟင်ဂျာ သမိုင်းကြောင်းနဲ့ပတ်သက်ပြီး တစ်ဘက်နဲ့တစ်ဘက် အငြင်းပွားဖွယ်ရာတွေ အများအပြား ရှိနေကြောင်း၊ ရိုဟင်ဂျာတွေကို ခိုင်မာတဲ့ အထောက်အထားတွေရှိတယ် ဆိုရင် နိုင်ငံသားဖြစ်ခွင့်ပေးရေးနဲ့ ပတ်သက်ပြီး နည်းလမ်းတစ်ရပ် အဖြစ် စဉ်းစားဖို့ မိမိတို့ ဆွေးနွေးပြောဆိုခဲ့ ကြောင်း Mrs. Kelly Clements က ပြောပါတယ်။ ဒါ့ပြင် ပြဿနာ ပြေငြိမ်းရေးအတွက် တခြားကိစ္စတွေလည်း အရေးကြီးကြောင်း ပြောဆိုပါတယ်။

ရခိုင်ပြည်နယ် ငြိမ်းချမ်းဖို့အရေးမှာ စီးပွားရေးတိုးတက်ဖွံ့ဖြိုးမှု၊ ဆင်းရဲမှု ပပျောက်ရေး၊ ဒေသခံတွေရဲ့ အခြေခံ အခွင့်အရေးတွေ ခိုင်မာမှု စတာတွေရှိမှသာ ဖြစ်ပေါ်နိုင်မယ်လို့ ပြောဆိုခဲ့ပါတယ်။

ဒါ့ပြင် ဒုက္ခသည်တွေကို ကူညီစောင့်ရှောက်နိုင်ဖို့ အတွက် အမေရိကန် ပြည်ထောင်စုက ဘင်္ဂလားဒေ့ရ်ှကို စွဲစွဲမြဲမြဲ ကူညီ ထောက်ပံ့သွားမှာ ဖြစ်ကြောင်းလည်း Mrs. Kelly Clements က ကတိပြု ပြောဆိုခဲ့ပါတယ်။

ဒါပေမဲ့ ၀မ်းနည်းစရာ ကောင်းတာကတော့ ရိုဟင်ဂျာ ပြဿနာဟာ တစတစ ဖြေရှင်းရခက်လာနေတဲ့ အတွက်ပဲ ဖြစ်ပါတယ်လို့ ရိုဟင်ဂျာအရေး နှစ် (၂၀) လောက် ဆောင်ရွက်ခဲ့သူ Mrs. Kelly Clements က ၀န်ခံပြောဆို ခဲ့ပါတယ်။

Ref: အာရ်အဖ်အေ

Read More...

ဆီးရီးယားလေယာဉ် တူရကီ ကြားဖြတ်စစ်ဆေး

10.10.2012

ရုရှားနိုင်ငံ၊ မော်စကိုမြို့တော်ကနေ ဆီးရီးယားနိုင်ငံ၊ ဒမတ်စကပ်မြို့ဆီ ပျံသန်းသွားတဲ့ ဆီးရီးယား ခရီးသည်တင် လေယာဉ် တူရကီ လေကြောင်းပိုင်နက်ထဲ ဝင်ရောက်လာစဉ်မှာ တူရကီနိုင်ငံက အတင်းအကြပ် ဆင်းခဲ့ပြီး စစ်ဆေးရှာဖွေခဲ့တာမှာ တရားမဝင် ကုန်ပစ္စည်း တွေကို သိမ်းဆည်းရမိတယ် လို့ တူရကီနိုင်ငံက ပြောပါတယ်။

နိုင်ငံတကာ လေကြောင်းပျံသန်းမှုဆိုင်ရာ ဥပဒေကို ချိုးဖောက်တဲ့ပစ္စည်းတွေကို Ankara နိုင်ငံ Esenboga လေဆိပ်မှာ တာဝန် ရှိသူတွေက ဖမ်းဆီးရမိတယ်လို့ တူရကီနိုင်ငံခြားရေးဝန်ကြီး Ahmet Davutoglu ကပြောပါတယ်။

တူရကီ NTV ရုပ်မြင်သံကြားဌာနရဲ့ သတင်းထုတ်ပြန်ချက်အရ ဖမ်းမိတဲ့ပစ္စည်းတွေထဲမှာ Missile ဒုံးလက်နက်ရဲ့ အစိတ်အပိုင်း တွေ ပါဝင်တယ်လို့ ပြောပါတယ်။ ဆီးရီးယားလေကြောင်း Airbus A320 လေယာဉ်ပေါ်မှာ ခရီးသည် ၃၀ ကျော်ပါလာ ပါ တယ်။ လေယာဉ်အမှုထမ်းတွေနဲ့ ခရီးသည်တွေကို ဆီရီးယားမြို့တော်ဆီ ခရီးဆက်ခွင့်ပြုမှာဖြစ်ပေမဲ့ လေယဉ်ပေါ်ပါလာတဲ့ ပစ္စည်း တွေကို တော့ တူရကီမှာ သိမ်းဆည်းထားမှာဖြစ်တယ်လို့ တူရကီနိုင်ငံခြားရေးဝန်ကြီးက ပြောပါတယ်။


Ref: ဗွီအိုအေ

Read More...

စစ်တွေမှာ လူ ၃,၀၀၀ ကျော် ဆန္ဒပြ

ကိုဇော်ဝင်းလှိုင်
09.10.2012

ရခိုင်ပြည်နယ်၊ စစ်တွေမြို့မှာ OIC လို့ခေါ်တဲ့ အစ္စလာမ်ကိုးကွယ်တဲ့ နိုင်ငံများအဖွဲ့ရဲ့ ရုံးခွဲ လာရောက် ဖွင့်လှစ်မယ့် အစီအစဉ်နဲ့ ဘင်္ဂလားဒေ့ရ်ှနိုင်ငံ အတွင်းမှာရှိတဲ့ ဗုဒ္ဓဘာသာဝင်တွေကို အကြမ်းဖက် တိုက်ခိုက်မှုတွေကို ကန့်ကွက်တဲ့အနေနဲ့ ဒီကနေ့ နေ့ လည်က စစ်တွေမြို့မှာရှိတဲ့ ဘင်္ဂလားဒေ့ ရှ် ကောင်စစ်ဝန်ရုံးရှေ့မှာ သံဃာတော်တွေနဲ့ မြို့မိ မြို့ဖတွေပေါင်းပြီး ချီတက် ဆန္ဒပြခဲ့ကြ ပါတယ်။ ဒီဆန္ဒပြပွဲကို စစ်တွေမြို့ စည်းကမ်းထိန်းသိမ်းရေးနဲ့ ကူညီစောင့်ရှောက်ရေး သံဃာတော်များအဖွဲ့က ဦးဆောင် ကျင်းပတာ ဖြစ် ပေမယ့် တခြား မြို့မိ မြို့ဖတွေလည်း ထောင်နဲ့ချီ ပူးပေါင်း ပါဝင်ခဲ့တယ်လို့ ဦးဆောင်ကျင်းပသူ သံဃာတော်တွေက ပြောပါ တယ်။ ဒီအကြောင်း အသေးစိတ်ကိုတော့ ဘန်ကောက်ရုံးကနေ ဆက်သွယ် စုံစမ်းထားတဲ့ ကိုဇော်ဝင်းလှိုင်က တင်ပြပေးထားတယ်။

စစ်တွေမြို့ စည်းကမ်းထိန်းသိမ်းရေးနဲ့ ကူညီစောင့်ရှောက်ရေး သံဃာတော်များအဖွဲ့က ဦးဆောင် ကျင်းပတဲ့ ဒီဆန္ဒပြပွဲကို သံဃာ တော်အပါး ၅၀၀ ကျော်အပါအ၀င် မြို့မိ မြို့ဖတွေ စုစုပေါင်း ၃,၀၀၀ ကျော်တို့ဟာ စစ်တွေမြို့မှာရှိတဲ့ ဘင်္ဂလားဒေ့ရှ် ကောင်စစ် ၀န် ရုံးရှေ့မှာ ချီတက် ဆန္ဒပြခဲ့ကြတာပါ။

“ဦးဇင်းတို့ စည်းကမ်းထိန်းသိမ်းရေးနဲ့ ကူညီစောင့်ရှောက်ရေး သံဃာအဖွဲ့တွေကစုပြီးတော့ ကားနဲ့ စီတန်းလာတာပေါ့နော်။ နောက်ပြီးတော့ ကောင်စစ်ရုံဝန်းထဲ ဝင်ကြတာပေါ့နော်။ အဲဒီမှာ ရဲတွေ ကတော့ ရှိတာပေါ့။ ဒါပေမဲ့ ဦးဇင်းတို့လာတဲ့အခါတော့ ဖွင့်ပေးတာပဲ။ သူတို့က လမ်းကြောင်း ရှင်းပေးတယ်လေ။ အဲဒီနားကို ရောက်တဲ့အခါလည်း သူတို့က အေးအေးဆေးဆေးပဲ တောင်း ဆိုခွင့်ပေးတယ်။ ဦးဇင်းတို့က အချက်လေး ချက်ကို ကိုင်ပြီးတော့ တောင်းဆိုတယ်။”

ဆန္ဒပြပွဲကို ဦးဆောင်ကျင်းပတဲ့ သံဃာတော်များအဖွဲ့က ဦးပညာသာမိ ပြောပြခဲ့တာပါ။

ရခိုင်ပြည်နယ် စစ်တွေမြို့မှာ OIC လို့ခေါ်တဲ့ အစ္စလာမ်ကိုးကွယ်တဲ့နိုင်ငံများအဖွဲ့ရဲ့ ရုံးခွဲ လာရောက်ဖွင့်လှစ်မယ်ဆိုတဲ့ သတင်းတွေ ထွက်ပေါ် နေတာကြောင့် အဲဒီ ရုံးဖွင့်မယ့် အစီအစဉ်ကို ကန့်ကွက်တဲ့အနေနဲ့ရော ဘင်္ဂလားဒေ့ရ်ှနိုင်ငံ Ramu နဲ့ Cox’s Bazaar ဒေသတွေမှာရှိတဲ့ ဗုဒ္ဓဘာသာ ဘုန်းတော်ကြီးကျောင်းနေတွေနဲ့ စေတီပုထိုးတွေကို ဒေသခံတွေက အကြမ်းဖက် တိုက် ခိုက်ခဲ့တာကို ဆန့်ကျင် ကန့်ကွက်တဲ့အနေနဲ့ရော ဒီဆန္ဒပြပွဲကို ပြုလုပ်ခဲ့ကြတာ ဖြစ်ပါတယ်။

ဆန္ဒပြပွဲအတွင်း သူတို့ရဲ့ တောင်းဆိုချက်တွေကို ဘင်္ဂလားဒေ့ရှ် ကောင်စစ်ဝန်ရုံးရှေ့မှာ ကြွေးကြော်ခဲ့ ကြသလိုပဲ အဲဒီ တောင်းဆို ချက်တွေကို အိတ်ဖွင့်ပေးစာအဖြစ်နဲ့ ဘင်္ဂလားဒေ့ရှ် ကောင်စစ်ဝန်ရုံး ကို ပေးအပ်ခဲ့တယ်လို့ ဦးပညာသာမိက ဆက်ပြောပြပါတယ်။

“အဲဒီလေးချက်က ဘာလဲဆိုတော့ မြန်မာနိုင်ငံ၌ OIC လုံးဝ အလိုမရှိ၊ ရခိုင်ပြည်၌ OIC လုံးဝ အလိုမရှိ၊ နှစ်ဘက်လုံး ငြိမ်း ချမ်းစွာ နေနိုင်ရန်အတွက် အောင်မင်္ဂလာ(ရပ်ကွက်)အား မြို့ပြင်သို့ ထုတ်ပေးပါ။ ငြိမ်းချမ်းစွာနေထိုင်သည့် လူနည်းစု ဗုဒ္ဓဘာ သာဝင်များကို ဘင်္ဂလားဒေ့ရှ် အစိုးရအနေနဲ့ အပြည့်အဝ တာဝန်ယူ ကာကွယ်ပေးပါ။ အဲဒါကတော့ တောင်းဆိုချက် လေးချက် ပေါ့။ နောက် တရားမဝင် ဘင်္ဂလီကိစ္စနဲ့ ပတ်သက်ရင် ပြတ်ပြတ် သားသား ရေးပြထားတဲ့ နိုင်ငံတော် သမ္မတကြီးအား ထောက်ခံ တယ်ဆိုတဲ့ ထောက်ခံချက် တချက်နဲ့ ဦးဇင်းတို့ ဆန္ဒပြပြီးတော့ အခု ပြန်ထွက်လာကြပြီ။ အိပ်ဖွင့်ပေးစာ အဲဒီမှာ ပေးထားခဲ့တယ် လေ။”

မနက်ဖြန်မှာလည်း အလားတူ OIC ရုံးဖွင့်မယ့်ကိစ္စကို ဆန့်ကျင်တဲ့အနေနဲ့ စစ်တွေမြို့က အမျိုးသမီးတွေ စုပြီး ဆန္ဒပြကြဖို့ အစိုးရ ထံမှာ ခွင့်ပြုချက် တောင်းထားတယ်လို့ ရခိုင်ပြည်နယ် ထိန်းသိမ်းကွပ်ကဲရေးအဖွဲ့ သတင်းထုတ်ပြန်ရေးကော်မီတီက အတွင်းရေးမှူး ဦးဝင်းမြိုင်က ပြောပါတယ်။

“သူတို့က OIC ကို ဒီမှာ ဖွင့်ခွင့် လက်မခံဘူးဆိုတာ ငြိမ်းချမ်းစွာ ဆန္ဒပြဖို့ သူတို့က ခွင့်တင်တာပါ။ အစိုးရကတော့ ခွင့်ပြုပါ တယ် ခင်ဗျ။ ရပ်မိရပ်ဖတွေက တင်တာပါ။”

ရခိုင်ပြည်နယ် စစ်တွေမြို့မှာ OIC ရုံးဖွင့်မယ့်အစီအစဉ်နဲ့ ဘင်္ဂလားဒေ့ရှ် နိုင်ငံအတွင်းက ဗုဒ္ဓဘာသာ ဘုန်းတော်ကြီးကျောင်း တွေကို အကြမ်းဖက် တိုက်ခိုက်တာတွေကို ဆန့်ကျင်တဲ့အနေနဲ့ မနေ့က တနင်္လာနေ့မှာ ရာနဲ့ချီတဲ့ သံဃာတော်တွေ ဘင်္ဂလား ဒေ့ရ်ှနဲ့ အမေရိကန်သံရုံးရှေ့တွေမှာ ချီတက် ဆန္ဒပြခဲ့ကြပါတယ်ခင်ဗျား။


Ref: ဗွီအိုအေ

Read More...

အပေါ်သို့