ဝင့်သင်ဇာကျော် (မြစ်မခ)
9 Oct, 2012
ကချင်ပြည်နယ် ငြိမ်းချမ်းရေးကိုမဖြစ်မနေဖော်ဆောင်သွားမည် ဟုပြည်ထောင်စုငြိမ်းချမ်းရေး ဖော်ဆောင်ရေး လုပ်ငန်း ကော်မတီ ဒုဥက္ကဌတစ်ဦး ဖြစ်သည့် ဦးသိန်းဇော်က ပြောကြားလိုက်သည်။
အောက်တိုဘာ(၆)ရက် မြစ်ကြီးနားမြို့ရှိ မြို့တော်ခန်းမတွင် ပြုလုပ်ခဲ့သောလွှတ်တော် အတွေ့အကြုံရှင်းလင်းပွဲနှင့် လူထုတွေ့ဆုံပွဲ တွင် ၄င်းက ပြောကြားခဲ့ခြင်းဖြစ်သည်။
ဦးသိန်းဇော်က ယခုလိုပြောကြားခဲ့သော်လည်း ကချင်ပြည်နယ်ငြိမ်းရေးကိစ္စနှင့်ပတ်သက်၍ အစိုးရနှင့် ကေအိုင်အို အကြား မီဒီယာ များမှတဆင့် တစ်ဖက်နှင့်တစ်ဖက်ပြစ်တင်ပြောဆိုနေဆဲ ဖြစ်သည်။
ကချင်ပြည်နယ်လွှတ်တော်အတွေ့အကြုံနှင့် လူထုတွေ့ဆုံပွဲတွင် ကချင်ပြည်နယ်ရှိပါတီစုံနှင့် အလွှာအသီးသီးမှ လူထု များ တက်ရောက် ခဲ့ကာ လူထု၏ မေးမြန်းချက်များကိုလည်း ဦးသိန်းဇော်မှ ပြန်လည်ဖြေကြားခဲ့သည်ဟု ဒေါ်ဘောက် ဂျာထံက သိရသည်။
“မည်သူမဆို စိတ်ဝင်စားသူတိုင်း ဒီတွေ့ဆုံပွဲကို လာတက်လို့ ရတယ်။လူထုကလည်း သူတို့သိချင်တာလေးတွေကို မေးမြန်းခဲ့တယ်။ ကချင်ပြည်နယ် အစိုးရကလည်း လူထုတွေ့ဆုံပွဲကို တစ်လတစ်ခါလုပ်ပါတယ်”ဟု ဒေါ်ဘောက်ဂျာက ပြောသည်။
ပြည်သူ့လွှတ်တော် ကိုယ်စားလှယ်တစ်ဦးလည်း ဖြစ်သည့် ဦးသိန်းဇော်ကနယ်မြေလုံခြုံရေးအရ ခေတ္တပြောင်းရွှေ့ လာသော ကချင် ပြည်သူများအတွက်ဆန်အိတ်(၁၀၀) လှူဒါန်းသည်ကိုလည်း လက်ခံခဲ့သည်ဟု ဒေါ်ဘောက်ဂျာက ဆိုသည်။
ယနေ့ အောက်တိုဘာလ(၉)ရက်နေ့ နံနက်ပိုင်းကလည်း ဖားကန့်မြို့နယ် လုံခင်းကျေးရွာအနီးတွင် နှစ်ဘက်တိုက်ပွဲများ ပြင်းထန် ခဲ့ကြောင်း ဒေသခံတို့က ဆိုသည်။
လက်ရှိတွင် ကချင်ပြည်နယ် အတွင်း၌ အစိုးရစစ်တပ်နှင့် ကေအိုင်အေ လက်နက်ကိုင်အဖွဲ့များ အကြား စစ်ပွဲများ ဆက်လက်ဖြစ် ပွားလျက်ရှိပြီး ယခုနှစ်အစောပိုင်းကရွှေလီတွင်ငြိမ်းချမ်းရေး ဆွေးနွေးပွဲပြုလုပ်ပြီးနောက်ပိုင်း၌ ထပ်မံ ဆွေးနွေးမှုများမရှိတော့ပေ။
Ref: မြစ်မခ
တောင်ငူမြို့မှာရှိတဲ့ စစ်ကောင်စီတပ်ရဲ့ တောင်ပိုင်းတိုင်း စစ်ဌာနချုပ် (တပခ)
ကို တော်လှန်ရေးပူးပေါင်းတပ်ဖွဲ့က ရှော့တိုက်ဒုံးနဲ့
ပစ်ခတ်တိုက်ခိုက်လိုက်ပါတယ်။
1 hour ago
Posts
0 comments:
Post a Comment