နေမျိုး
ဇန်နဝါရီလ ၂၆ ရက် ၂၀၁၂ ခုနှစ်
မြန်မာနိုင်ငံ အကျဉ်းထောင်အသီးသီးတွင် နိုင်ငံရေးအကျဉ်းသား အများအပြား ကျန်ရှိနေသေးပြီး စာရင်းအတိအကျ ရရှိရန် ဆက်လက် ပြုစုဆဲဖြစ်ကြောင်း နိုင်/ကျဉ်း အရေး ဆောင်ရွက်နေသော အဖွဲ့များက ပြောသည်။
ထိုင်းနိုင်ငံ အခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) စာရင်းအရ မလွှတ်မြောက် သေး သည့် နိုင်ငံရေးအကျဉ်းသား ၉၁၈ ဦး ကျန်ရှိနေသေးပြီး အမျိုးသားဒီမိုကရေစီအဖွဲ့ချုပ် NLD စာရင်းအရ ၃၈၈ ဦး ကျန်ရှိ နေသေးသည်ဟု သိရသည်။
“အခုပြန်စစ်ကြည့်လိုက်တဲ့ အခါကျတော့ တချို့ကလည်း လွှတ်လာတာရှိတယ်၊ တချို့ကလည်း ရဲလက် အပ်လိုက်တာ ရှိတယ်။ တချို့ကလည်း စစ်တပ်က ခေါ်ထုတ်သွားတာ ရှိတယ်။ အဲဒီတော့ စာရင်းလုပ်ရတာ တော်တော်ခက်တယ်။ သေချာတဲ့ သတင်း တွေကို ပြန်ကြည့်လိုက်တော့ မလွှတ်မြောက်ဘဲ ကျန်နေတာ ၉၀၀ ကျော် ရှိတယ်” ဟု AAPP အတွင်းရေးမှူး ဦးတိတ်နိုင် က မဇ္ဈိမကို ပြောသည်။
NLD ပြောရေးဆိုခွင့်ရှိသူ ဦးအုန်းကြိုင်၏ အဆိုအရ၊ ယခုချိန်ထိ အတည်ပြုချက်များ ရယူစုဆောင်းနေရဆဲဖြစ်ပြီး အရေအတွက် တိုးလာနိုင်ဖွယ်ရှိကြောင်း သိရသည်။
“ကျနော်တို့ စာရင်းအရတော့ဗျာ ၅၉၁ ယောက်မှာ အခု ဖိုင်နယ်စာရင်းစစ်ပြီးတော့ ၃ဝ၃ ယောက် လွတ်တယ်။ NLD ပါတီဝင် ဘယ်လောက် ပါတယ်ဆိုတာ စစ်ဆေးတုန်း ရှိပါသေးတယ်။ ထောင်ကလွှတ်လာတဲ့ လူတွေကို အခြေခံ ပြီးတော့ သူတို့ရဲ့ပြော ပြချက်တွေ၊ သူတို့ရဲ့ ရီပို့လုပ်ချက်တွေနဲ့ ကျနော်တို့ အသစ်ပြန်ပြီး ပြုစုနေပြီ” ဟု ဦးအုန်းကြိုင် က မဇ္ဈိမကို ပြောသည်။
ဇန်နဝါရီ ၁၃ ရက်နေ့က မြန်မာနိုင်ငံအဝှမ်း အကျဉ်းထောင်များမှ အကျဉ်းသား စုစုပေါင်း ၆၅၁ ဦး လွှတ်ပေးခဲ့သည်။
နေပြည်တော်တွင် ဇန်နဝါရီလ ၁၄ ရက်နေ့က သတင်းစာရှင်းလင်းပွဲတွင် ပြည်ထဲရေးဝန်ကြီး ဒုတိယ ဗိုလ်ချုပ်ကြီးကိုကို က “အကျဉ်းထောင်တွေထဲမှာ ရှိတာတွေကတော့ ပြစ်မှုနဲ့ အရေးယူခံထားရတဲ့သူတွေပဲ ရှိပါတယ်။ အဖမ်းခံရတဲ့ သံဃာတွေ ရှိ တယ်ဆိုရင်တော့ ကျနော်တို့ကို အတိအကျ ပေးပါ” ဟု ပြောဆိုခဲ့သည်။
AAPP ကမူ နိုင်ငံရေးလှုပ်ရှားမှုဖြင့် ဖမ်းဆီးခံရသည့် ပြစ်ဒဏ်ကျ အကျဉ်းသားများအား နိုင်ငံရေး အကျဉ်းသားအဖြစ် သတ်မှတ်ကြောင်း ဦးတိတ်နိုင် က ပြောသည်။
“နိုင်ငံရေးတက်ကြွ လှုပ်ရှားသူတွေကို အခြားပုဒ်မတွေနဲ့ စွဲချက်တင်ပြီး အရေးယူထားတာ တွေရှိတယ်။ ဘိန်းမှုတို့၊ အလွှဲသုံးစား မှုတို့၊ လောင်းကစားမှုတို့ အဲလိုမျိုး အခြားအမှုတွေနဲ့ စွဲချက်တင်ပြီး ထောင်ချထားတာတွေ ရှိတယ်။ နိုင်ငံရေးနဲ့ ပါတ်သက်ပြီး ထောင်ချလို့ဘဲဖြစ်ဖြစ်၊ လှုပ်ရှားလို့ဘဲဖြစ်ဖြစ်၊ အားပေးလို့ဘဲဖြစ်ဖြစ် အဲလိုမျိုးစွပ်စွဲခံရပြီး ဖမ်းဆီးခံရတယ်ဆိုလို့ရှိရင် ကျနော်တို့က နိုင်ငံရေးအကျဉ်းသား အဖြစ် သတ်မှတ်ပါတယ်” ဟု သူက ပြောသည်။
ထို့ပြင် NLD ကလည်း မတရားသင်းဥပဒေ အပါအဝင် ဖောက်ခွဲရေးမှုများဖြင့် စွပ်စွဲခံရပြီး ပြစ်ဒဏ်ကျခံနေရသူများလည်း
နိုင်ငံရေး အကျဉ်းသားအဖြစ် သတ်မှတ်ကြောင်း ဦးအုန်းကြိုင်က ပြောသည်။
“ဖောက်ခွဲတယ်လို့ စွပ်စွဲခံရသူတွေ၊ ဘုန်းကြီးအရေးအခင်းတုန်းက ပါဝင်ခဲ့တဲ့သူတွေ ၁၇ (၁)၊ ၁၇ (၂) တောင်ငူဘက်မှာ ဖမ်းခံရသူတွေ၊ နောက်ကျနော်တို့ ၅ (ည) ဘာညာနဲ့ အစွဲခံရတဲ့ အရေးပေါ် အက်ဥပဒေပုဒ်မ၊ နောက် ၅၀၅ နိုင်ငံတော် ကို အကြည်အညိုပျက်အောင် လုပ်တာ၊ အဲဒါတွေ အကုန်လုံးကို ကျနော်တို့က ထည့်ပါတယ်။ နောက် အားပေး ကူညီတယ် ဆိုပြီး ဖမ်းတာတွေရှိတယ်။ အဲဒါတွေ အကုန်လုံးကို ကျနော်တို့က နိုင်ငံရေးအကျဉ်းသားထဲ ထည့်ပါတယ်” ဟုဆိုသည်။
Ref: မဇ္ဈိမ
Read More...
Collapse...
ကျော်ခ
ဇန်နဝါရီလ ၂၆ ရက် ၂၀၁၂ ခုနှစ်
ကရင်အမျိုးသား အစည်းအရုံး KNU နှင့် မြန်မာအစိုးရ နှစ်ဖက် ငြိမ်းချမ်းရေး ကိုယ်စားလှယ်များ ဒုတိယ အကြိမ် တွေ့ဆုံသည့် အခါတွင် ကရင်ပြည်နယ်နှင့် ပဲခူးတိုင်းအတွင်းရှိ ရွာပုန်း၊ ရွာရှောင် ဒုက္ခသည် IDP များ ပြန်လည် ထူထောင်ရေးကို ထည့်သွင်း ဆွေးနွေး သွားမည်ဖြစ်ကြောင်း သိရသည်။
ကိုယ်ပိုင်ပြဋ္ဌာန်းခွင့်အတွက် လက်နက်စွဲကိုင် တော်လှန်ရာတွင် နှစ်ဖက် တိုက်ပွဲများကြောင့် အိုးအိမ်စွန့်ခွာ ပြေးနေရ သူများကို နေရပ်ရင်း ပြန်ရောက်ရေးနှင့် အိုးအိမ်နှင့် လယ်ယာမြေများ ပြန်လည်နေရာ ချထားပေးရေးတို့ကို ဦးစားပေး အချက်တခုအဖြစ် ထည့်သွင်းဆွေးနွေးသွားမည်ဖြစ်ကြောင်း KNU ငြိမ်းချမ်းရေး ဖော်ဆောင်ရေးကော်မတီ အတွင်းရေးမှူး ပဒိုစောဒေးဗစ်ထော က ပြောသည်။
“ကျနော်တို့က ပြည်တွင်းထဲက IDP တွေကို အရင်ဦးစားပေးအဖြစ် ဆွေးနွေးသွားမှာပါ။ နယ်စပ် ဒုက္ခသည်စခန်းတွေက လူတွေ အတွက်တော့ ဒုတိယအဆင့် ဖေါ်ဆောင်ရေးအဖြစ် တခါတည်း ဆွေးနွေးသွားမယ်။ ဘာလို့လဲဆိုတော့ သူတို့က နေရေးနဲ့ ရိက္ခာ တွေ အထဲကလူတွေလောက် ပူစရာမလိုဘူးလေ” ဟု သူက မဇ္ဈိမကို ပြောသည်။
အဆိုပါ ဒုက္ခသည်များမှာ ပဲခူးတိုင်းနှင့် ကရင်ပြည်နယ်ရှိ တောတောင်များအတွင်း ခြေသလုံးအိမ်တိုင် ဘဝဖြင့် ပုန်းအောင်းနေရပြီး စားဝတ်နေရေးအတွက် ထိုင်း-မြန်မာ နယ်စပ်ရှိ စားနပ်ရိက္ခာအကူညီပေးရေးအဖွဲ့များက လက်လှမ်းမှီသ၍ ကူညီပေးလျက်ရှိကာ ကျန်းမာရေး စောင့်လျှောက်မှုကို နယ်လှည့်ကျောပိုးအိတ်အဖွဲ့ BPHWT နှင့် ကရင်အမျိုးသား အစည်းအရုံး KNU ဆေးတပ်ဖွဲ့တို့မှ ကုသမှုများ ဆောင်ရွက်ပေးထားကြောင်း သိရသည်။
IDP ဒုက္ခသည် စုစုပေါင်း ၁ သိန်းခန့်ရှိပြီး KNU အပေါ် မြန်မာအစိုးရက ထိုးစစ်ဆင်ရာတွင် ရွာလုံးကျွတ် မီးရှို့ခံရသူများ
နှင့် မြေမြှပ်မိုင်းများကြောင့် နေရပ်ရင်းသို့ မပြန်နိုင်သူ အများစုဖြစ်ပြီး ပဲခူးတိုင်း၊ ရွှေကျင်၊ ကျောက်ကြီး အပါအဝင် ကရင် ပြည်နယ်ရှိ မြို့နယ် အားလုံးနီးပါးမှ လာသူများဖြစ်ကြောင်း BPHWT ဒါရိုက်တာ ဦးမန်းမန်းက ပြောသည်။
ထို့အတူ ပဲခူးတိုင်းနှင့် ကရင်ပြည်နယ်တို့၌ ရေကာတာ တည်ဆောက်မှုကြောင့် ရွှေ့ပြောင်းရသော သူများလည်း ပါရှိသည်ဟု ဆိုသည်။
“အဓိကကတော့ ပြည်တွင်းစစ်၊ အစိုးရဲ့ထိုးစစ်တွေကြောင့် နယ်မြေထိန်းချုပ်မှုတွေ၊ ရေကာတာ ဆောက်တာတွေ အကြိုးဆက် တွေကနေ ရွာပုန်းရွာရှောင် အနေအထားနဲ့ အမြဲတမ်း ရွှေ့ပြောင်းနေရတာကတော့ ကရင်ပြည်နယ် မြို့နယ်အားလုံးလိုလိုပါပဲ။ ပဲခူးတိုင်းနဲ့ တနင်္သာရီတိုင်းဘက်ကလည်း ပါတာပဲ” ဟု ဦးမန်းမန်း က မဇ္ဈိမကို ပြောသည်။
KNU ငြိမ်းချမ်းရေး ဖော်ဆောင်ရေး ကော်မတီနှင့် အစိုးရ ငြိမ်းချမ်းရေးအဖွဲ့တို့ ဇန်နဝါရီ ၁၂ ရက်နေ့က ဘားအံမြို့တွင် အပစ်ရပ်ရေး ဆွေးနွေးခဲ့ကြပြီး KNU ဘက်မှ တောင်းဆိုသည့် အချက် ၁၁ ချက်အား မူအားဖြင့် နှစ်ဖက် သဘောတူထားပြီး ယင်းအချက်များကို အကောင်ထည်ဖေါ်ဆောင်ရွက်နိုင်ရန်အတွက် အသေးစိပ် ထပ်မံဆွေးနွေးကြဖို့ ၄၅ ရက်အတွင်း တွေ့ဆုံကြ မည် ဖြစ်သည်။
ထိုတွေ့ဆုံမှုတွင် ရွာပုန်းရွာရှောင်ဒုက္ခသည်များအရေး၊ ထိုင်း-မြန်မာနယ်စပ် ဒုက္ခသည် စခန်းများရှိ ဒုက္ခသည်များ အရေး
နှင့် KNU နှင့် ဆက်နွယ်၍ အကျဉ်းချခံထားရသည့် အကျဉ်းသားများ လွတ်မြောက်ရေးတို့ကို KNU ငြိမ်းချမ်းရေး
ဖော်ဆောင် ရေးကော်မတီက ထည့်သွင်းဆွေးနွေးသွားမှာဖြစ်သည်။ အကျဉ်းသား စာရင်းများကိုလည်း ပြုစုထားပြီး
ဖြစ်ကြောင်း ဒေးဗစ်ထောက ပြောသည်။
ထိုင်း-မြန်မာနယ်စပ် ဒုက္ခသည်စခန်း ၉ ခုတွင် ခိုလှုံနေကြသည့် ဒုက္ခသည်ပေါင်း ၁ သိန်းခွဲဝန်းကျင်ခန့်ရှိပြီး ၎င်းတို့၏ စားဝတ် နေရေးကို ထိုင်း-မြန်မာနယ်စပ် ဒုက္ခသည်များ အကူအညီပေးရေးအဖွဲ့ TBBC က စားနပ်ရိက္ခာ ထောက်ပံ့ပေး နေလျက်ရှိ သည်။ အဆိုပါ ဒုက္ခသည်များထဲတွင် KNU နှင့် အစိုးရတပ်များ တိုက်ပွဲပဋိပက္ခများကြောင့် ရောက်ရှိလာ သည့် ကရင်လူမျိုး အများစု ပါဝင်ပြီး နိုင်ငံရေးအရ ထွက်ပြေးပုန်းခိုလာသူ အခြားတိုင်းရင်းသားများလည်း ရှိကြသည်။
ဒုက္ခသည်များမှာ မူလက ၎င်းတို့နယ်မြေများအတွင်း စပါးနှင့် အခြားသီးနှံများကို စိုက်ပျိုးကြသူများ ဖြစ်သည်။ ယခုအခါ တွင် နယ်မြေအတွင် အိုးအိမ်၊ လယ်မြေများ ပျက်စီးကုန်ပြီး နယ်မြေအတွင်းရှိ မြေမြှပ်မိုင်း အန္တရာယ်ကြောင့် နေရပ်ရင်း ပြန်လည် အခြေချရန် အခက်ခဲများစွာရှိနေကြောင်း ပြောဆိုကြသည်။
၂ဝ၁ဝ ခုနှစ်အစောပိုင်းက အစိုးရတပ်နှင့် DKBA ပူးပေါင်းတပ်များ၏ ထိုးစစ်ဆင်မှုကြောင့် ထိုင်း-မြန်မာနယ်စပ် နို့ဘိုး ဒုက္ခသည် စခန်းတွင် လာရောက် ခိုလှုံနေသူ ပိုင်ကျုံမြို့နယ်သား တဦးက “ကျနော်တို့ရွာတွေက ကွက်လပ်တွေပဲ ရှိတယ်။ တောထဲသွား မျှစ်ချိုး တောင်ယာစိုက်ဖို့ဆိုတာ မိုင်းတွေ ရှိနေတယ်။ ဒီကိစ္စက ဘယ်သူမှ ဖြေရှင်းပေးနေတာ မဟုတ်သေးဘူး။ ပြန်လုပ်ပါမယ်တဲ့ လှည်းလည်းမရှိ၊ နွားလည်းမရှိ။ ဒါတွေ ဘယ်သူတွေက စီစဉ်ပေးမှာလဲ” ဟု သူက မဇ္ဈိမကို ပြောသည်။
မြန်မာအစိုးရတပ်က ပဲခူးတိုင်း၊ ကျောက်ကြီးမြို့နယ်ရှိ ကဒီးမူ ရွာကို ၂ဝ၁ဝ ဖေဖေါ်ဝါရီလပိုင်းက မီးရှို့ခဲ့သဖြင့် မယ်လ ဒုက္ခသည် စခန်းတွင် သုံးနှစ်ခန့် လာရောက်ခိုလှုံနေသူ ကရင်အမျိုးသမီးတဦးကလည်း “ကျမတို့က အခု ဘာမှန်းမသိဘူး ဒီမှာနေရတာ။ တတိယ နိုင်ငံကို ပို့မယ်ဆိုလည်း ကျမတို့ သားသမီးတွေအတွက် ပညာရေး စိတ်ပူစရာ မလိုဘူး။ ရွာပြန်ပို့မယ် ဆိုလည်း အန္တရာယ်ကင်းကင်းနဲ့ လုပ်ကိုင်စားသောက်ဖို့ ရပ်တည်နိုင်ဖို့ အာမခံချက်တွေရှိရင် ကောင်းတာ ပေါ့နော်” ဟု သူက မဇ္ဈိမကို ပြောသည်။
ဒုက္ခသည်များ နေရပ်ရင်းပြန်၍ ဘဝများ ပြန်စနိုင်ကြရန်အတွက် မြန်မာအစိုးရနှင့် KNU တို့မှာ တာဝန်ရှိပြီး စစ်မှန်သည့် အပစ် အခတ် ရပ်စဲမှုပြုလုပ်ပြီး မြေမြှပ်မိုင်းများ ရှင်းလင်းကာ၊ ဒုက္ခသည်များ၏ လယ်ယာမြေ ပိုင်ဆိုင်ခွင့်များ ပြုလုပ်ပေးခြင်း၊ လယ် ယာမြေများကို ပြန်လည် ခွဲဝေပေးခြင်း၊ ကောက်ပဲသီးနှံ မျိုးစေ့များ၊ စိုက်ပျိုးရေး ကိရိယာများနှင့် ဒုက္ခသည်များအား မှတ်ပုံတင် ထုတ်ပေးခြင်းများဖြင့် ထူထောင်ရေး ပြုလုပ်ပေးရန် လိုအပ်ကြောင်း BPHWT မှ ဦးမန်းမန်း က ပြောသည်။
Ref: မဇ္ဈိမ
Read More...
Collapse...
မျိုးသန့်
ဇန်နဝါရီလ ၂၆ ရက် ၂၀၁၂ ခုနှစ်
၂၀၁၂-၂၀၁၃ ခုနှစ်တွင် ပြုလုပ်မည့် ဝန်ကြီးဌာန အသီးသီး၏ စီမံကိန်းများနှင့် ဘဏ္ဍာရေး ဆိုင်ရာ ကိစ္စရပ်များကို ဇန်နဝါရီလ ၃၁ ရက်နေ့တွင် ကျင်းပမည့် ပြည်ထောင်စုလွှတ်တော်တွင် တရက်တည်းနှင့် အပြီးအပြတ် ဆွေးနွေးသွားမည်ဟု လွှတ်တော် အမတ်များက ပြောသည်။
တနှစ်တာ ဘဏ္ဍာရေးနှင့် စီမံကိန်းကိစ္စရပ်များကို ပြည်ထောင်စု လွှတ်တော်နာယက ဦးခင်အောင်မြင့်က တရက်ဖြင့် အပြီးသတ် စေ၍ ထိုနေ့ဆွေးနွေးမှုများကို ညပိုင်းအထိ ဆက်ရမည် ဖြစ်သည်ဟု လွှတ်တော်အမတ်များက ပြောသည်။
“တနေ့တာ အစီအစဉ်တွေကို ပြည်ထောင်စုလွှတ်တော်မှာ ပြီးအောင်ရှင်းမယ်ပေါ့။ သက်ဆိုင်ရာ ဝန်ကြီးတွေနဲ့ တိုင်းနဲ့ ပြည်နယ် ဝန်ကြီးချုပ်တွေလည်း လွှတ်တော်မှာ လာရှင်းကြမယ်။ နယ်ဝေးက လာတဲ့လူတွေလည်း ပါမယ်ဆိုတော့ အစီအစဉ်တွေကို ပြီး အောင် လုပ်မယ်။ ညပိုင်းအထိ ဆက်သွားမယ်၊ ညစာပါကျွေးမယ်ပေါ့။ အစီအစဉ်တွေ ပြီးတဲ့ထိအောင် ထိုင်ရမယ်တဲ့။” ဟု အမျိုးသားလွှတ်တော်အမတ် ဦးဖုန်းမြင့်အောင် က မဇ္ဈိမကို ပြောသည်။
အစိုးရစီမံကိန်းများနှင့် ပတ်သက်၍ လုပ်ဆောင်ရန် သင့်မသင့် စိစစ်ကာ ဘတ်ဂျက် လိုငွေမပြစေရန် စိစစ်သွားမည်ဟု လည်း ရခိုင်တိုင်းရင်းသားများ တိုးတက်ရေးပါတီမှ ဒေါက်တာအေးမောင်က မဇ္ဈိမနှင့် အင်တာဗျူးတခုတွင် ဗုဒ္ဓဟူးနေ့က ပြောဆိုခဲ့သည်။
၂ဝ၁၁ ခုနှစ် စက်တင်ဘာလအတွင်းက နေပြည်တော်တွင် ကျင်းပသည့် ဘဏ္ဍာရေးဆိုင်ရာ ဆွေးနွေးပွဲတွင် အစိုးရ၏ ၂ဝ၁၁- ၂ဝ၁၂ ဘဏ္ဍာရေး လည်ပတ်မှုပုံစံကို အဆင့်မြင့်ပညာ ဦးစီးဌာန ဘဏ္ဍာရေးမှူးချုပ် (ငြိမ်း) ဦးကြည်ယုံမှ လွှတ်တော် အမတ် များသို့ တင်ပြခဲ့ရာ ၂ဝဝ၅ ခုနှစ်တွင် စတင်တည်ဆောက်သည့် နေပြည်တော် အထူးခရိုင် တည်ဆောက်ရေး စီမံကိန်း ကုန်ကျ စရိတ် များ မပါဝင်ခြင်းကြောင့်လည်း ဝေဖန်မှုများ ထွက်ပေါ်ခဲ့ဖူးသည်။
အဆိုပါ လိုငွေပြမှုကို ဒုတိယအကြိမ် လွှတ်တော်အစည်းအဝေးတွင် ပြည်သူ့ငွေစာရင်းကော်မတီမှ တင်ပြအစီရင်ခံခဲ့သေး သော် လည်း ဆွေးနွေးမည့်သူမရှိ၍ လွှတ်တော်မှ မှတ်တမ်းတင်ရုံသာ ပြုလုပ်နိုင်ခဲ့သည်။
ကြာသပတေးနေ့တွင် စတင်သည့် လွှတ်တော်ဆွေးနွေးမှုများတွင် အထက်လွှတ်တော် အမတ်များမှ တောင်သာ- နွားထိုးကြီးလမ်း၊ ညောင်ဦး- တောင်သာ- မြင်းခြံလမ်း၊ မုံရွာ- သာစည်- ရေကြည်ဝ- ဆိပ်ခွန်- ရွှေဘို လမ်းများ ဖေါက်လုပ်ပြုပြင်ပေးရန် ရှိမရှိ မေးမြန်းခဲ့ပြီး၊ နယ်စပ်စည်ပင်ဝန်ကြီး ဗိုလ်ချုပ်သိန်းဌေးမှ ဘဏ္ဍာရေးအခြေအနေအရ တနှစ်ထက်တနှစ် တိုးမြှင့်လုပ်ပေးမည်ဟု ဖြေဆိုခဲ့ကြောင်း လွှတ်တော်တက်အမတ်များကပြောသည်။
ယင်းအပြင် အမျိုးသားလွှတ်တော်အမတ် ဒေါ်ခင်ဝိုင်းကြည်က အနာဂတ် စွမ်းအင်ဖူလုံမှုအတွက် စီစဉ်ထားမှုကို မေးမြန်းရာ စွမ်းအင်ဝန်ကြီး ဦးသန်းဌေးက လက်ရှိတွင် မြန်မာနိုင်ငံတွင် ရေနံစည် တနေ့လျှင် ၆၀,၀၀၀ ခန့် သုံးစွဲနေပြီး မြန်မာနိုင်ငံ၏ ကုန်းတွင်းနဲ့ ကမ်းလွန်မှ ရရှိမှုမှာ စည် ၂၀,၀၀၀ ခန့်သာရရှိနေခြင်းကြောင့် ယခုအခြေအနေတွင်ပင် လုံလောက်မှု မရှိသေး ကြောင်း ဖြေကြားသွားသည်ဟုလည်း သိရသည်။
ယင်းအပြင် အမျိုးသားလွှတ်တော်အမတ် မန္တလေးတိုင်း မဲဆန္ဒနယ် ၆ မှ ဦးမျိုးမြင့်မှ မြန်မာနိုင်ငံတွင် သုံးစွဲနေသည့် တိုင်းထွာ စနစ် "ပေ" မှ "မီတာ" စနစ်သို့ ပြောင်းလဲ အသုံးပြုရန် အဆိုတင်သွင်းခဲ့ပြီး ရန်ကုန်မဲဆန္ဒနယ် ၁ မှ လွှတ်တော်အမတ် ဒေါ်ခင်ဝိုင်းကြည်က အမျိုးသမီးများ မီးဖွားခွင့်ကို ၄၅ ရက်ထက် ကျော်လွန် သတ်မှတ်ပေးရန် အဆိုတင်သွင်းခဲ့ကြသည်။ ယင်း အဆိုများကို လွှတ်တော်က ဆက်လက်ဆွေးနွေးရန် သင့်မသင့် လာမည့် လွှတ်တော်ဆွေးနွေးပွဲများတွင် ဆက်လက်ဆွေးနွေးကြ မည်ဖြစ်သည်။
ယခု တတိယအကြိမ် လွှတ်တော် ဆွေးနွေးပွဲများသည် တလခန့်ကြာမြင့်မည်ဟု လွှတ်တော်အမတ်များက ခန့်မှန်းထားသည်။
Ref: မဇ္ဈိမ
Read More...
Collapse...
ကိုပေါက်၊ ဖနိဒါ
ဇန်နဝါရီလ ၂၆ ရက် ၂၀၁၂ ခုနှစ်
ကြားဖြတ်ရွေးကောက်ပွဲတွင် လစ်လပ်နေရာပြည့် ဝင်ရောက် ယှဉ်ပြိုင်ရန် အတွက် အမျိုးသားဒီမိုကရေစီအဖွဲ့ချုပ် NLD မှ ကိုယ်စားလှယ်လောင်းများ ရွေးချယ်ရာတွင် ယှဉ်ပြိုင်တင်ပြမှုများ ရှိခဲ့၍ ဘဝင်မကျ ဖြစ်ရသည်များ ရှိခဲ့ကြောင်း နာယက ဦးတင်ဦး က ပြောသည်။
မင်္ဂလာတောင်ညွန့်မြို့နယ် ပါတီဆိုင်းဘုတ်တင်ပွဲတွင် မိန့်ခွန်းပြောစဉ်က အဆိုပါကိစ္စများနှင့်ပတ်သက်၍ တခွန်းတစ ထည့်သွင်း ပြောဆိုခဲ့ဖူးပြီး ထိုကိစ္စများကို ရွံမုန်းကြောင်း ပါတီဝင် စိစစ်ရွေးချယ်ရေးအဖွဲ့ခေါင်းဆောင်လည်းဖြစ်သည့် ဦးတင်ဦး က မဇ္ဈိမကို ပြောသည်။
“ပူညံပူညံ ဖြစ်တယ်ဆိုတာ ဒီလိုဗျ။ ကျနော်တို့ ဒုက္ခသုခ ရောက်စဉ်အခါတုန်းကတော့ တခါတည်း ငြိမ်ပြီးတော့ ဘာမှ မပါကြ၊ ကင်းကွာနေကြတယ်။ အခု နေရာလေး ပေါ်လာရော သူကလည်း ငါလုပ်တာ ဘယ်လောက်၊ ဘယ်တုန်းက ဘယ်သူနဲ့တွေ့ပြီး နှုတ်ဆက်ခဲ့တယ်၊ ကျနော် အရင်တုန်းက လူမှုရေးနဲ့ ပတ်သက်ပြီး ဘယ်လောက် လုပ်ခဲ့ဖူးတယ်၊ ကျနော်သာလျှင် အသင့်တော် ဆုံး ဖြစ်တယ်။ အဲဒီနေရာ အရွေးခံပါရစေ။ ဒီလိုဟာတွေက သိပ်လာတယ်ဗျ။ အဲဒါတွေ ကျနော်က ရွံတယ်” ဟု ပြောသည်။
NLD ၏ လွတ်တော်ကိုယ်စားလှယ်လောင်း ရွေးချယ်မှုတွင် အမျိုးသမီး၊ ဒေသခံ၊ ပညာတတ်နှင့် လုပ်ငန်း အတွေ့အကြုံ ရှိမှုပေါ်တွင် မူတည်၍ ရွေးချယ်သွားမည်ဟု ကြေညာထားရာ အချို့နယ်မြေများတွင် ယခုကဲ့သို့ အင်အားစု၍ ယှဉ်ပြိုင် တင် သွင်းမှုများ ဖြစ်ပေါ်လာခြင်း ဖြစ်သည်။
“အသိုင်းအဝိုင်းတွေနဲ့ လော်ဘီလုပ်ပြီး လက်မှတ်တွေဝိုင်းထိုးပြီး ရွေးပါခင်ဗျဆိုပြီး လာနေလို့ ပြောလိုက်တာပါ။ အချင်းချင်း မညီညွတ်လို့ မဟုတ်ပါဘူး။ သိပ်ပြီး ကိုယ်ရည်သွေးလာကြတာတွေ များလွန်းလို့ဗျာ။ ဘဝင်မကျလို့ နည်းနည်း ပြောလိုက်တဲ့ သဘောပါ” ဟု ဦးတင်ဦး က ပြောသည်။
ပြည်နယ်/တိုင်းတို့မှ ရွေးချယ်တင်ပြသည့် ကိုယ်စားလှယ်လောင်းများကို ဗဟိုမှ စိစစ်ချမှတ်ပေးခြင်းဖြစ်ပြီး မကျေလည်မှု အတော် များများကို ဖြေရှင်းပေးနိုင်ပြီ ဖြစ်ကာ ဘဝင်မကျမှုရှိနေသေးသည့် အချို့နေရာများကို ပါတီဥက္ကဋ္ဌ ဒေါ်အောင်ဆန်း စုကြည် ကိုယ် တိုင် ကွင်းဆင်း စည်းရုံးပေးသွားမည်ဟုလည်း ဦးတင်ဦးက ပြောသည်။
ထို့ပြင် NLD က ကြားဖြတ်ရွေးကောက်ပွဲနှင့် ပတ်သက်သည့် အခက်အခဲနှင့် ပြဿနာများ ဖြေရှင်းပေးရန် အတွက် လည်း အတွင်းရေးမှူးအဖွဲ့ဝင် ဦးဉာဏ်ဝင်းအား ကြာသပတေးနေ့က တာဝန်ပေးအပ်လိုက်သည်။ ရွေးကောက်ပွဲ ဗဟိုအောင်နိုင်ရေးအဖွဲ့ အတွင်းရေးမှူးအဖြစ် တာဝန်ပေးလိုက်ခြင်း ဖြစ်သည်။
“ဦးဉာဏ်ဝင်းက ဘယ်မဲဆန္ဒနယ်မှာမှ ပါဝင်အရွေးခံမှာ မဟုတ်ဘူး။ ကျွမ်းကျင်တဲ့ ဥပဒေပညာရှင် တယောက်လည်း ဖြစ် တယ်။ ဒါကြောင့် မဲဆွယ်ကာလမှာ ဥပဒေနဲ့အညီ မှန်မှန်ကန်ကန် မဲဆွယ်နိုင်ဖို့နဲ့ ကြုံတွေ့နိုင်တဲ့ အခဲအခဲတွေကို တရား မျှမျှတတနဲ့ မှန်မှန်ကန်ကန် ကိုင်တွယ်ဖြေရှင်းဖို့ ဆောင်ရွက်နိုင်မယ်လို့ ယုံကြည်လို့ သူ့ကို ဒီတာဝန်ပေးတာ ဖြစ်ပါ တယ်” ဟု သတင်း ပြန်ကြားရေးအဖွဲ့ဝင် ဦးအုန်းကြိုင်က ပြောသည်။
ပြည်နယ်နှင့်တိုင်း၊ ခရိုင်နှင့်မြို့နယ်များရှိ ရွေးကောက်ပွဲ အောင်နိုင်ရေး အဖွဲ့ခွဲများတွင်မူ အတွင်းရေးမှူးများ ထားရှိမည် မဟုတ်ကြောင်းလည်း သိရသည်။
NLD ၏ ကြာသပတေးနေ့ ထုတ်ပြန်ချက်တွင် ဦးဝင်းတင် ခေါင်းဆောင်သည့် သတင်းပြန်ကြားရေးနှင့် စာစောင် ထုတ်ဝေရေး ကော်မတီ၊ မုံရွာအောင်ရှင် ခေါင်းဆောင်သည့် မဲဆွယ်ဟောပြောရေး ကော်မတီ၊ ဦးဟံသာမြင့် ခေါင်းဆောင်သည့် ဘဏ္ဍာငွေ ရှာဖွေရေး ကော်မတီ၊ ဦးတင်ဦး ခေါင်းဆောင်သည့် ဥပဒေရေးရာ ကော်မတီနှင့် ဦးသိန်းဦး ခေါင်းဆောင်သည့် စာရေးစစ် အဖွဲ့တို့၏ အဖွဲ့ဝင် အမည်စာရင်းများကိုလည်း ဖော်ပြထားသည်။
လာမည့် ဖေဖော်ဝါရီလ ၁ဝ ရက်နေ့တွင် ပါတီ၏ မဲဆွယ်စည်းရုံးရေး လုပ်ငန်း စတင်လုပ်ဆောင်မည် ဖြစ်ပြီး ပထမဆုံး မဲဆွယ် စည်းရုံးရေး လုပ်ငန်းစဉ်အဖြစ် မဲဆန္ဒရှင်များကို ဆန္ဒမဲနှင့် ပတ်သက်သည့် အသိပညာပေး လုပ်ငန်းများ ဆောင်ရွက်သွားမည် ဟု လည်း ဆိုသည်။
Ref: မဇ္ဈိမ
Read More...
Collapse...
January 27, 2012
နေသွင်
မ နေ့က ထုတ်ပြန်တဲ့ နိုင်ငံတကာ ငွေကြေးရန်ပုံငွေအဖွဲ့ရဲ့ မြန်မာပြည် စီးပွားရေးစာတမ်းမှာ မြန်မာပြည်ဟာ အာရှမှာ ဖွံ့ဖြိုးတိုးတက်နိုင်ဖို့ အလားအလာကောင်းတွေ ရှိနေတယ်လို့ ဖော်ပြထားပါတယ်။
ဒါပေမယ့် ငွေလဲနှုန်းကနေစလို့ ဘဏ္ဍာရေးစနစ်တခုလုံး ခေတ်မီဖို့ လိုအပ်နေတဲ့အတွက် စီးပွားရေး ပြုပြင်ပြောင်းလဲမှုတွေ ဆက်လုပ်ဖို့ အစိုးရကို တိုက်တွန်းထားပါတယ်။
အိုင်အက်အက်ဖ်ရဲ့ အဲဒီအစီရင်ခံစာအပေါ် အခြေခံပြီး ရန်ကုန်စီးပွားရေးတက္ကသိုလ်က အငြိမ်းစားပါမောက္ခ ဦးမော်သန်းကို ဆက်သွယ် မေးမြန်းထားပါတယ်။
“အားချင်း လုပ်ရမယ့် ဥစ္စာက ပုဂ္ဂလိက ကဏ္ဍမှာတော့ ငွေလဲနှုန်းက အစိုးရသတ်မှတ်ချက် မပြောင်းလဲလည်း ပုဂ္ဂလိက ကဏ္ဍမှာတော့ တကယ် ဈေးကွက် ပေါက်နှုန်းနဲ့ပဲ အရောင်းအဝယ်လုပ်တာ ဖြစ်နေပါတယ်။ နောက်ပြီးတော့ သိမ်ဖြူမှာရှိတဲ့ ငွေလွှဲကောင် တာတွေကလည်းပဲ အပြင်မှာ ရှိတဲ့ဈေးနဲ့ သိပ်မကွာပါဘူး။ တကယ့် Market သဘောမျိုးတွေပါပဲ။ အစိုးရသတ်မှတ်တဲ့နှုန်း ၆ ကျပ် ပတ်ဝန်းကျင် မဟုတ်ပါဘူး။ အစိုးရဌာနနဲ့ ပတ်သက်တာမှာတော့ ငွေလဲနှုန်း ပြောင်းလိုက်လို့ ရှိရင် ဌာတွေရဲ့ တင်ပြထားတဲ့ စာရင်းတွေ ပြောင်းသွားမှာပေါ့လေ။ ပြောင်းသွားတယ်ဆိုတာကလည်းပဲ လွှဲမှားနေရာကနေပြီးတော့ အမှန်အတွက် ပြောင်းတာမျိုး ဖြစ်မှာပါ။ သို့သော်လည်းပဲ ငွေလဲနှုန်း ပြောင်းလဲဖို့ဆိုတာက အစိုးရကဏ္ဍကျတော့ သူက ဘဏ္ဍာနှစ်အလိုက် သွားတာကိုး။ သဏ္ဍာနှစ်အလိုက် သွားတယ်ဆိုတော့ ငွေလဲနှုန်း ပြောင်းတဲ့ဥစ္စာကို အစိုးရ စာရင်းကိစ္စရပ် အတွက်ကတော့ ကျနော်ထင်တယ် ဘဏ္ဍာနှစ်ကို ပိုင်းခြားပြီးတော့မှ အဲဒီလို ပြောင်းလိမ့်မယ်။”
ဗမာပြည်ဘဏ္ဍာနှစ်ကတော့ ဧပြီ ၁ ရက်ကနေ စတယ်ထင်ပါတယ်။
“ဧပြီလ ၁ ရက်နေပြီးတော့ မတ်လ ၃၁ ရက်ပါ။”
လာမယ့်နှစ်ထဲမှာ ငွေလဲနှုန်းတွေ စပြောင်းမယ်ဆိုတာမျိုး ပြည်တွင်းသတင်းတွေမှာ ရေးတာ ကျနော်တို့ တွေ့ပါတယ်။
“အဲဒါဆို ကောင်းတာပေါ့၊ ဒါပေမယ့် အဲဒီသတင်းက ဘာမှ အံ့ဩစရာတော့ မရှိပါဘူး။ ငွေလဲနှုန်းနဲ့ ပတ်သက်လို့က ၆ ကျပ်ဆို တဲ့ ငွေလဲနှုန်းက သဘာဝမကျဘူး။ ငွေလဲနှုန်း ပြောင်းရမယ်ဆိုတာ တော်တော်များများ ငွေကြေးအာဏာပိုင်တွေ အနေနဲ့လည်း အသိအမှတ် ပြုပြီးသား ဖြစ်ပါတယ်။ အသိအမှတ်ပြုပြီးသား ဖြစ်တယ်ဆိုတော့ အစိုးရ ကဏ္ဍဘက်မှာကတော့ ဘဏ္ဍာနှစ်အလိုက် ပြောင်းမှာပေါ့လေ။”
ဒီလိုမျိုး ငွေလဲနှုန်းတွေကို ဘဏ္ဍာနှစ်တခုမှာ စပြောင်းပြီဆိုရင် အပြင်မှာ သာမန်ဘဝတွေ၊ စီးပွားရေးလုပ်ငန်းတွေမှာ ဘယ်လိုမျိုးများ သက်ရောက်မှုတွေ ရှိလာနိုင်လဲ။ အဆိုးနဲ့ အကောင်းပေါ့။
“စီးပွားရေး လုပ်ငန်းတွေအနေနဲ့ သက်ရောက်မှု ဆိုတာကတော့ ပြည်ပနဲ့ အဆက်အသွယ် ဆိုင်ရာစီးပွားရေး လုပ်ငန်းအပေါ်ပဲ သက်ရောက်မှု ရှိမယ်။ ဥပမာ နိုင်ငံခြားကနေပြီးတော့ ဗမာပြည်မှာလာပြီးတော့ မြှုပ်နှံမယ်၊ အဲဒီလို ကိစ္စရပ်မျိုးတွေ အတွက်ကတော့ တော်တော်ကို ထူးခြားသွားမယ်။”
အိုင်အမ်အက်ဖ်က ပြောတဲ့ထဲမှာ မြန်မာပြည်နဲ့ပတ်သက်လို့ စီးပွားရေး သူတို့ တော်တော် အကောင်းမြင်ထားတာ တွေ့ရပါတယ်။ မတ်လအကုန် ဘဏ္ဍာရေးနှစ်မှာတင် ဗမာပြည်ဟာ ၅.၅ လောက် တက်လာနိုင်ပြီးတော့ ရှေ့နှစ် ဘဏ္ဍာရေးနှစ်ကျရင် ၆ ရာခိုင်နှုန်းလောက်အထိ တက်လာနိုင်တယ် ဆိုတာမျိုး သူတို့ သုံးသပ်ထားတာ ရှိပါတယ်။
“၅.၅ ကနေတဆင့် ၆ ရာခိုင်နှုန်းလောက်ဆိုတာ အများကြီး ဒါဖြစ်နိုင်ပါတယ်။ တခုပဲ စိုးရိမ်မှုရှိတာ ကမ္ဘာ့စီးပွားရေးပဲလေ။ အဲဒါကိုက အကြီးအကျယ် မထိခိုက်ဘူး ဆိုရင် ၆ ရာခိုင်နှုန်းဆိုတာ အများကြီး ဖြစ်နိုင်ပါတယ်။”
ဗမာပြည်အနေနဲ့ စီးပွားရေး အလားအလာ ရှိတယ်ဆိုတာမျိုး သူတို့ သုံးသပ်ပါတယ်။
“အလားအလာ ရှိတယ် ဆိုတာက အခုဆိုရင် အတိုးနှုန်းတွေကလည်းပဲ လျှော့ထားတယ်၊ နောက်ပြီးတော့ ပို သိသာမြင်သာအောင် လုပ်လာတယ် ဆိုရင် မြန်မာပြည်အနေနဲ့ကလည်းပဲ အလားအလာ အများကြီး ရှိပါတယ်။ မူဝါဒပိုင်းဆိုင်ရာအရ မဟာ ဗျူဟာအရ ပြောင်းလဲတာတွေ ရှိတယ်။ သို့သော် ဒါဟာ အောင်မြင်ဖို့ရာအတွက် လက်တွေ့ အကောင်အထည် ဖော်မှုပေါ့လေ။ ရုံးတွေမှာ လုပ်ကိုင်ဆောင်ရွက်ရတာတွေ၊ ပြဋ္ဌာန်းထားတဲ့ ပြောင်းလဲချက်တွေအတွက် တကယ့်ကို သွက်သွက်လက်လက် ထိထိရောက်ရောက်ပေါ့လေ။ အဲဒီအပိုင်းကနေပြီးတော့ လိုက်အကောင်အထည် ဖော်နိုင်ဖို့ လိုပါတယ်လို့ ပြောချင်ပါတယ်။”
ဗဟိုဘဏ်ကိုလည်း သီးခြား လွတ်လပ်အောင်လုပ်မယ် ဆိုတာမျိုး ပြီးခဲ့တဲ့ တပတ် နှစ်ပတ်လောက်က ပြောလာပါတယ်။ အဲဒီအပေါ်မှာ ဘယ်လိုရှုမြင်ပါသလဲ။
“ဗဟိုဘဏ်လွတ်လပ် အောင် လုပ်မယ်ဆိုတာလည်းပဲ ဘယ်နိုင်ငံဖြစ်ဖြစ် ဗဟိုဘဏ်က သူ့ဟာသူ လွတ်လွတ်လပ်လပ် ရပ်တည် တာ ပါပဲ။ ဗဟိုဘဏ်ဆိုသည်မှာ အမှန်ကတော့ တိုင်းပြည်တပြည်ရဲ့ စီးပွားရေးရဲ့ စောင့်ရှောက်ကာကွယ်ပေးမယ့် အဖွဲ့လို ဖြစ်တယ်ပေါ့လေ။ ဗဟိုဘဏ်သည် တိုင်းပြည်စီးပွားရေးရဲ့ စောင့်ကြပ်တဲ့ အဖွဲ့အစည်းလို ဖြစ်တယ်။ စောင့်ကြပ်တဲ့ အဖွဲ့အစည်းလို ဖြစ်တော့ သူသည် လွတ်လွတ်လပ်လပ် နိုင်ငံတကာမှာ ဘယ်မှာပဲ ဖြစ်ဖြစ် ဗဟိုဘဏ်က လွတ်လွတ်လပ်လပ်ပဲ ရှိပါတယ်။ အဲဒီတော့ ဗမာ ပြည်အနေနဲ့ ဗဟိုဘဏ်ကိုလည်းပဲ လွတ်လွတ်လပ်လပ် ထားမယ်ဆိုတာ ဒါ အင်မတန်ကောင်းတဲ့ ခြေလှမ်းပါ။ ကောင်းတယ်လို့ မြင်ပါတယ်။”
Ref: ဒီဗွီဘီ
Read More...
Collapse...
January 26, 2012
နန်းမြနဒီ
၁၉၉၀ ရွေးကောက်ပွဲမှာ အနိုင်ရပြီး ၂၀၁၀ ရွေးကောက်ပွဲကို သပိတ်မှောက်ခဲ့ကြတဲ့ တိုင်းရင်းသားပါတီတွေဟာ မကြာခင် မှတ်ပုံ ပြန်တင်ဖို့ စီစဉ်နေကြပါတယ်။
အမျိုးသားဒီမိုကရေစီအဖွဲ့ချုပ် အန်အယ်လ်ဒီပါတီရဲ့ မဟာမိတ် တိုင်းရင်းသား ပါတီတွေဖြစ်တဲ့ ရှမ်းတိုင်းရင်း သားများဒီမိုကရေစီ အဖွဲ့ချုပ်၊ ရခိုင်ဒီမိုကရေစီအဖွဲ့ချုပ်နဲ့ ဇိုမီး အမျိုးသားကွန်ဂရက်တို့ ပါတီမှတ်ပုံ ပြန်တင် ကြတော့မှာပါ။
၁၉၉၀ ရွေးကောက်ပွဲတုန်းက တနိုင်ငံလုံးမှာ ဒုတိယအမတ်နေရာ အများဆုံး အနိုင်ရထားတဲ့ ရှမ်းတိုင်းရင်းသားများ ဒီမိုကရေစီ အဖွဲ့ချုပ်ဟာ နှစ်ရှည် ထောင်ချခံထားရတဲ့ ပါတီခေါင်းဆောင် ဦးခွန်ထွန်းဦးနဲ့ တကွ အဖွဲ့ဝင်တွေ ပြန်လွတ်လာပြီ ဖြစ်တဲ့အတွက် မှတ်ပုံပြန်တင်မယ်လို့ ပါတီပြောခွင့်ရပုဂ္ဂိုလ် ဦးစိုင်းလိတ်က ပြောပါတယ်။
“လောလောဆယ်ကတော့ လက်မှတ်ထိုးတဲ့ အဆင့် ရောက်နေပါပြီ။ ဒီလကုန်ရင်တော့ အားလုံး အဆင်သင့် ဖြစ်မယ်လို့ ကျနော်တို့ ခန့်မှန်းပါတယ်ခင်ဗျ။”
ရခိုင်ဒီမိုကရေစီအဖွဲ့ချုပ်က အတွင်းရေးမှူး ဦးအေးသာအောင်ကလည်း ပါတီမှတ်ပုံပြန်တင်ဖို့ ဆုံးဖြတ်ပြီးပြီလို့ ပြော ပါတယ်။
“ကျနော်တို့ပါတီက ပြည်နယ်ကို အခြေခံတဲ့ ပါတီဆိုတော့ ပြည်နယ်ကလူတွေရဲ့ လက်မှတ်တွေ၊ ကတိခံဝန်ပြုတဲ့ လက်မှတ်တွေ လိုပါသေးတယ်။ ဒါတွေရဖို့ ကြိုးစားနေပါတယ်။ ဒါတွေရပြီးရင် နောက်လလောက်မှာ မှတ်ပုံတင်ဖြစ်မယ်လို့ ကျနော်ထင်ပါတယ်။”
ရခိုင်ဒီမိုကရေစီအဖွဲ့ချုပ်ကို ၁၉၈၈ ခုနှစ် အောက်တိုဘာလ ၁၂ ရက်နေ့မှာ တည်ထောင်ခဲ့ပြီး ၁၉၉၀ ရွေးကောက်ပွဲမှာ လွှတ်တော်အမတ် ၁၁ နေရာ အနိုင်ရခဲ့တဲ့ ပါတီ ဖြစ်ပါတယ်။
ဇိုမီးအမျိုးသား ကွန်ဂရက်ကလည်း မြန်မာနိုင်ငံမှာ နိုင်ငံရေး တိုးတက် ပြောင်းလဲမှု လမ်းစတွေ မြင်လာပြီဖြစ်တဲ့အတွက် မှတ် ပုံပြန်တင်ပြီး နဂိုက ချမှတ်ထားတဲ့ နိုင်ငံရေး ဦးတည်ချက်အတိုင်း ပြန်လည်ဆောင်ရွက်မယ်လို့ ပါတီဥက္ကဋ္ဌ ဦးပူကျင့် ရှင်းထန်က ပြောပါတယ်။
“ပြည်ထောင်စု မြန်မာနိုင်ငံမှာ ဒီမိုကရေစီကို အစပျိုးတဲ့အတွက်ကြောင့် ဟိုးတုန်းကထက် အများကြီး ကွာခြားတယ်။ အဲဒါကြောင့် ကျနော်တို့ ပါတီ ပြန်မှတ်ပုံတင်ဖို့ သဘောတူ ဆုံးဖြတ်ထားတာပါ။ ကြားဖြတ်ရွေးကောက်ပွဲ ဧပြီလမှာ လုပ်မှာဆိုတော့ အဲဒီ နောက်မှာပဲ ကျနော်တို့ မှတ်ပုံတင်မယ်။”
ဇိုမီးအမျိုးသားကွန်ကရက် ပါတီကို ၁၉၈၈ ခုနှစ် အောက်တိုဘာလ ၂၄ ရက်နေ့မှာ စတင်တည်ထောင်ခဲ့ပြီး ၁၉၉၀ ရွေးကောက်ပွဲ တုန်းက ချင်းပြည်နယ်မှာ အမတ်နေရာ ၅၀ ရာခိုင်နှုန်း အနိုင်ရခဲ့ပါတယ်။
တိုင်းရင်းသားပါတီတွေဟာ ၂၀၀၈ ဖွဲ့စည်းပုံအခြေခံဥပဒေနဲ့ ရွေးကောက်ပွဲ ဥပဒေတွေကို လက်မခံတဲ့အတွက် ၂၀၁၀ ရွေးကောက်ပွဲကို အမျိုးသား ဒီမိုကရေစီအဖွဲ့ချုပ်နဲ့အတူ သပိတ်မှောက်ခဲ့ကြပါတယ်။
အမျိုးသားဒီမိုကရေစီအဖွဲ့ချုပ်က ကြားဖြတ်ရွေးကောက်ပွဲဝင်ဖို့ ပါတီ မှတ်ပုံတင်ချိန်မှာတော့ တိုင်းရင်းသားခေါင်းဆောင်တွေ အပါအ၀င် နိုင်ငံရေး အကျဉ်းသားတွေကိုလည်း ပြန်မလွှတ်ပေးခဲ့တဲ့အတွက် ပါတီမှတ်ပုံမတင်ဘဲ နေခဲ့ကြပါတယ်။
ဒါပေမယ့် အခုအခါ တိုင်းရင်းသားခေါင်းဆောင်တွေ ပြန်လွတ်လာပြီ ဖြစ်တဲ့အတွက် ခုလို ပြန်ပြီး မှတ်ပုံတင်ဖို့ ပြင်ဆင်နေတာ ဖြစ်ပါတယ်။
တိုင်းရင်းသား ပါတီတခုဖြစ်တဲ့ မွန်အမျိုးသားဒီမိုကရေစီအဖွဲ့ချုပ်ကတော့ မှတ်ပုံပြန်တင်တော့မှာ မဟုတ်ဘဲ မွန်ပြည်နယ်မှာ မွန်နိုင်ငံရေးပါတီ တခုတည်း ရှိလာဖို့အတွက် အခုလက်ရှိ ၂၀၁၀ ရွေးကောက်ပွဲမှာ အနိုင်ရတဲ့ မွန်ဒေသလုံးဆိုင်ရာ ဒီမိုကရေစီ ပါတီနဲ့ ပေါင်းစည်းဖို့ ကြိုးစားနေပါတယ်။
Ref: ဒီဗွီဘီ
Read More...
Collapse...
January 26, 2012
မင်းလွင်
ရောင်းချတာ ရပ်ဆိုင်းထားတဲ့ အက်ဖ်အီးစီ ၂၀ တန် တခါသုံး ဖုန်းဆင်းမ်ကတ်ကို ဒီကနေ့ ပြန်ရောင်းမယ်လို့ အီလိုက်ကုမ္ပဏီရဲ့ ဦးစိုင်းခင်မောင်အေးက အတည်ပြုပြောပါတယ်။ ၂၀၁၀ ခုနှစ်တုန်းက လက်ကိုင် ဂျီအက်စ်အမ်ဖုန်းတွေ အသုံးပြုတာ များလာ တဲ့ အတွက် အက်ဖ်အီးစီ ၂၀ တန်ဖုန်း ရောင်းချတာကို ရပ်ဆိုင်းလိုက်ပြီး လိုင်းတွေ တိုးချဲ့ပြီးတာနဲ့ ပြန်လည် ရောင်းချတာလို့ ဆိုပါ
တယ်။
“လိုင်းတွေက အလုံအလောက် ဖြစ်လာလို့ ပြန်ထုတ်ပေးတာ မြန်မာ့ဆက်သွယ်ရေးက။ လောလောဆယ်တော့ အပြောင်းအလဲ မရှိသေးဘူး။ အရင်အတိုင်းပဲ။”
အက်ဖ်အီးစီ ၂၀ တန် တခါသုံးဖုန်းဟာ နံပါတ်တခုအတွက် ၂၈ ရက် အသုံးပြုနိုင်မှာဖြစ်ပြီး အထွက်ခေါ်ဆိုခ နှုန်းထားကတော့ အက်ဖ်အီးစီ ပြား ၃၀ နဲ့ အ၀င်ခေါ်ဆိုခက ၅ ပြားဖြစ်ပါတယ်။ အက်ဖ်အီးစီ ၂၀ တန် တခါသုံးဖုန်းကိုတော့ နိုင်ငံသားစိစစ်ရေး ကတ်ပြား မိတ္တူနဲ့ ၀ယ်ရမှာပါ။
အက်ဖ်အီးစီ ၂၀ တန် တခါသုံး ဆင်းမ်ကတ်ကို မြန်မာနိုင်ငံ အလည်အပတ်လာတဲ့ နိုင်ငံခြားသား ဧည့်သည်တွေ အသုံးပြု လွယ်ကူဖို့အတွက် ၂၀၀၈ ခုနှစ် ဒီဇင်ဘာလမှာ ရန်ကုန်နဲ့ အခြား နိုင်ငံခြားသား အလည်အပတ်များတဲ့ မြို့ကြီးတွေရဲ့ ဟိုတယ် တွေမှာ စတင်ရောင်းချခဲ့ပါတယ်။
နော်ဝေနိုင်ငံရဲ့ အကြီးဆုံး မိုဘိုင်းဆက်သွယ်ရေး ၀န်ဆောင်မှုကုမ္ပဏီ Telenor Group အမှုဆောင်စီမံခန့်ခွဲမှု အရာရှိ Sigve Brekke ဟာလည်း နော်ဝေနိုင်ငံခြားရေး ၀န်ကြီးနှင့်အတူ မြန်မာနိုင်ငံသို့ ရောက်ရှိနေပြီး မြန်မာနိုင်ငံရဲ့ မိုဘိုင်း ဆက်သွယ်ရေးကဏ္ဍမှာ ရင်းနှီးမြှုပ်နှံဖို့ ဆွေးနွေးနေပြီလို့ မြန်မာတိုင်းမ် ဂျာနယ်ရဲ့ ဖေ့ဘွတ် စာမျက်နှာမှာ ဒီကနေ့ ဖော်ပြ ထားပါတယ်။
Ref: ဒီဗွီဘီ
Read More...
Collapse...
January 26, 2012
မင်းလွင်
အင်းစိန်ထောင်မှာ အကျဉ်းကျခံနေရတဲ့ ကရင်အမျိုးသားအစည်းအရုံး (ကေအန်ယူ) ဗဟိုကော်မတီဝင် ပဒိုမန်းငြိမ်းမောင်ကို ဒီကနေ့ အင်းစိန်ထောင် အထူး တရားရုံးကနေ ရုံးထုတ်စစ်ဆေးတယ်လို့ သိရပါတယ်။
ပဒိုမန်းငြိမ်းမောင်ကို လူဝင်မှုကြီးကြပ်ရေးအက်ဥပဒေနဲ့ တရားစွဲ ထောင်ဒဏ် ချမှတ်ခံထားရတာ ရက်ပြည့်သွားပြီ ဖြစ်ပေမယ့် ကေအန်ယူရဲ့ ဗဟိုကော်မတီတဦး ဖြစ်တဲ့အတွက် မတရားအသင်းမှာ ပါဝင်မှု ပုဒ်မ ၁၇ (၁)၊ နိုင်ငံတော်ပုန်ကန်မှု ၁၂၂-၁ နဲ့ တရားဆက်လက် စွဲဆိုထားပြီး ဒီကနေ့ အင်းစိန်ထောင် အထူးတရားရုံးမှာ စစ်ဆေးကြားနာတယ်လို့ သူ့ရဲ့ ဥပဒေအကျိုးဆောင် ဦးကြီးမြင့်က ပြောပါတယ်။
အမှု ကြားနာစဉ်မှာ ပဒိုမန်းငြိမ်းမောင်ဟာ မြန်မာအစိုးရနဲ့ ကေအန်ယူအကြား တွေ့ဆုံဆွေးနွေးပြီး ငြိမ်းချမ်းရေး လက်မှတ်ထိုး နိုင်အောင် နည်းလမ်းရှာ ကြိုးပမ်းခဲ့သူ တဦးအဖြစ် တရားရုံးမှာ လျှောက်လွှဲချက် ပေးခဲ့တယ်လို့ ဥပဒေအကျိုးဆောင် ဦးကြီးမြင့် က ပြောပါတယ်။
“သူက ငြိမ်းချမ်းရေးကို ခင်ဗျားတို့ ဘယ်လို လိုချင်လဲ။ ကေအန်ယူကတော့ ဘာတွေ လိုလားတယ်။ အဲဒီ လိုလားချက်တွေ ရအောင် ခင်ဗျားတို့ဘက်က ကောင်းမွန်တဲ့ စေတနာတွေ ဘယ်လိုအချက်တွေ ပြဖို့လိုတယ်။ အဲဒါဆိုရင် ဘယ်သူတွေနဲ့ ဆက် သွယ်ပြီးတော့ ငြိမ်းချမ်းရေး ရအောင် ကြိုးပမ်းဆိုပြီး သူက ဆရာတော် တပါးကို ညွှန်လိုက်တယ်ဗျ။ အဲဒီဆရာတော်ကလည်း သိက္ခာ သမာဓိ ရှိတဲ့သူ ဖြစ်ရမယ်။ နှစ်ဖက်ကလည်း ယုံကြည်ရမယ်။ အဲဒီ သမာဓိရှိတဲ့ အကျိုးဆောင်မျိုး ကြားကလိုတယ်။ အဲဒီ အကျိုးဆောင်ဆိုရင် တောင်ကလေးဆရာတော် ဆိုလားပဲ သူ့အကူအညီနဲ့ ခင်ဗျားတို့ ဆက်လုပ်ကြလို့ ပြောလိုက်တဲ့ အခါ အဲဒီ ဆရာတော်ကိုလည်း ဆက်တယ်တဲ့။ အဲဒီ ဆရာတော်နဲ့ တွဲရိုက်ထားတာ ဓာတ်ပုံတွေ ပဒို ဒေဗစ်ထောရယ်၊ ဦးအောင်မင်းရယ် အဲဒီ ဆရာတော်ရယ် တွဲရိုက် ဓာတ်ပုံတွေလည်း ဂျာနယ်တွေမှာပါနေပြီ။ အဲဒီ ဆရာတော်ကိုလည်း မဟာသတ္တမ ဇော်တိက ဘွဲ့ ပေးလိုက်တယ်။ အကျိုးဆောင်ချင်း အတူတူ သူ့ကျတော့ ဘွဲ့ပေးတယ်။ ကျနော့်ကျတော့ ထောင်ထဲ ဒီပုဒ်မနဲ့ တရားစွဲတယ်ဗျာ တဲ့။ သူက အဲဒီလို ပြောတယ်။”
အမှုကို လာမယ့် ဖေဖော်ဝါရီ ၂ ရက်နေ့မှာ ထပ်မံ ကြားနာစစ်ဆေးဖို့ ရှိနေပါတယ်။ တရားရုံးကနေ ပဒိုမန်းငြိမ်းမောင်ကို အပြစ် ရှိတယ်လို့ ဆုံးဖြတ်ရင် ပုဒ်မ ၁၇ (၁) အတွက် ထောင်ဒဏ် ၂ နှစ်ကနေ ၃ နှစ်အထိ ပြစ်ဒဏ်ကျခံ နိုင်ပြီးတော့ ပုဒ်မ ၁၂၂ -၁ အတွက်လည်း သေဒဏ်တကျွန်း ကျခံနိုင်တယ်လို့ ဥပဒေ ကျွမ်းကျင်သူတွေက ပြောပါတယ်။
Ref: ဒီဗွီဘီ
Read More...
Collapse...
January 26, 2012
ကိုထွေး
ကချင်ပြည်နယ် ဟိုပင်မြို့မှာ တပ်မတော်အရာရှိတဦးနဲ့ အချင်းများပြီး သေနတ်နဲ့ ပစ်ခတ်လို့ လူငယ်တဦး သေဆုံးခဲ့ရမှုကို လွှတ် တော်နဲ့ သက်ဆိုင်ရာကို တိုင်ကြားဖို့ အမျိုးသားဒီမိုကရေစီအင်အားစု (အန်ဒီအက်ဖ်) က ကြိုးပမ်းနေပါတယ်။
ကချင်ပြည်နယ် ဟိုပင်မြို့ ဘူတာရုံလမ်းခွဲနားမှာ ပြီးခဲ့တဲ့သီတင်းပတ်တုန်းက ခလရ ၃၈၈ က အရာရှိ ၃ ဦးနဲ့ ဟိုပင်ဘူတာရုံ ၀န်ထမ်းနှစ်ဦး အချင်းများပြီး သေနတ်ပစ်ခတ်မှု ဖြစ်ပွားရာမှာ ၀န်ထမ်း ကိုဇော်ဇော်နိုင် သေဆုံးခဲ့ပါတယ်။
ဒီအမှုကို လိုက်ပါကူညီတဲ့ မိုးကောင်းမြို့နယ် ပြည်သူ့လွှတ်တော် အမတ်လောင်း ဦးမြတ်မိုးမြင့်က သေဆုံးသူမိသားစု ပြောကြား ချက်ကို ကိုးကား ပြောဆိုရာမှာ ပစ်ခတ်သူဟာ ဗိုလ်ကြီး စိုးထက်အောင် ဖြစ်တယ်လို့ ယူဆရပြီး တပ်က ဘယ်လို ကိုင်တွယ် တယ်ဆိုတာ မသိရဘူးလို့ ပြောပါတယ်။
“အဲဒီလို စကားများတဲ့နေရာမှာ ဗိုလ်ကြီး စိုးထက်အောင်တို့က ဘူတာရုံစာရေးကို လည်ပင်း ညှစ်တဲ့အခါမှာ မောင်ဇော်ဇော်နိုင်က ဒူးထောက် တောင်းပန်တယ်။ ဗိုလ်ကြီး စိုးထက်အောင်က ဒူးထောက်တောင်းပန်တဲ့ မောင်ဇော်ဇော်နိုင်ကို နဖူးမှာ သေနတ်နဲ့ တေ့ပြီး ပစ်သတ်လိုက်တာပါ။ ကာယကံရှင် အဖေနဲ့ အမေက ကျနော့်ဆီ လာတိုင်လို့ပါ။ ဒီကလေးရဲ့ မင်္ဂလာဆောင်မယ့်နေ့မှာ သူတို့က ရက်လည် ဆွမ်းကျွေးမှာ ဖြစ်ပါတယ်။”
အန်ဒီအက်ဖ်ပါတီ အထက်မြန်မာပြည် ဥက္ကဋ္ဌ ဦးမြင့်သွင်က ဒီအမှုကို အမျိုးသား လူ့အခွင့်အရေး ကော်မရှင်နဲ့ တရားရုံးချုပ်နဲ့ လွှတ်တော်ကို တင်ပြဖို့ ကြိုးစားသွားမယ်လို့ ပြောပါတယ်။
မြန်မာပြည်မှာ ကျင့်သုံးတဲ့ ဥပဒေအရ တပ်မတော်သားက ပြစ်မှုကျူးလွန်ရင် ရဲတပ်ဖွဲ့က တပ်မတော်သားကို ဖမ်းဆီး ပိုင်ခွင့် မရှိပါဘူး။ အရပ်ထဲက ထွက်နေတဲ့ သတင်းအရ ဒီစစ်အရာရှိတွေနဲ့ သေဆုံးသူ ကိုဇော်ဇော်နိုင်ရဲ့ သူငယ်ချင်းတို့ အချင်းများပြီး ပစ်ခတ်ခဲ့တာ ဖြစ်တယ်လို့ ပြောဆိုနေကြပါတယ်။
မျက်မြင်သက်သေဖြစ်တဲ့ ကိုဇော်ဇော်နိုင်ရဲ့ သူငယ်ချင်း ကိုရဲဟာလည်း အိမ်ပြန်မလာဘဲ ပျောက်နေတဲ့အတွက် မိသားစုက ဦးမြင့် သွင်က တဆင့် နေပြည်တော် တရားရုံးချုပ်ကို လျှောက်ဖို့ ပြင်ဆင်နေပါတယ်။
Ref: ဒီဗွီဘီ
Read More...
Collapse...
January 26, 2012
အေးနိုင်
သံဃာတပ် ပေါင်းစု ခေါင်းဆောင်ဆရာတော် အရှင်ဂမ္ဘီရ အပါအဝင် မကြာသေးခင် ရက်ပိုင်းက ထောင်ကပြန်လွတ်လာတဲ့ သံဃာ ၅ ပါးကို နိုင်ငံတော် သံဃမဟာနာယက က ဩဝါဒပေးဖို့ ဆင့်ခေါ်လိုက်ပါတယ်။
သော့ ပိတ်ခတ်ထားတဲ့ ဘုန်းတော်ကြီးကျောင်းတွေမှာ ဝင်ရောက်သီတင်းသုံးတဲ့ ကိစ္စနဲ့ စပ်လျဉ်းပြီး သက်ဆိုင်ရာရဲ့ တိုင်ကြားချက်အရ ဇန်နဝါရီ ၂၇ ရက် နေ့စွဲနဲ့ နိုင်ငံတော် သံဃမဟာနာယကရုံးကို လာရောက်ဩဝါဒခံယူဖို့ ဆင့်ခေါ်တာပါ။
ဆင့် ခေါ်ခံရတဲ့ သံဃာတွေကတော့ မဂ္ဂင်ကျောင်းမှာ သီတင်းသုံးတဲ့ အရှင်ဂမ္ဘီရနဲ့ ဦးဣဿရိယ၊ မင်္ဂလာတောင်ညွန့်မြို့နယ် ရွှေတောင်ကျောင်းမှာ သီတင်းသုံးတဲ့ ဆရာတော် ဦးပဏ္ဍဝံသ၊ ခြောက်ထပ်ကြီး သာသနာ့ဂုဏ်ရည်ကျောင်းက ဦးဝိသုဒ္ဓ၊ သံလျင်ဗောဓိကျောင်းဆရာတော် ဦးပညာသီဟတို့ ငါးပါးဖြစ်ပါတယ်။
ဒီကိုယ်တော်တွေဟာ စစ်အစိုးရလက်ထက် ရွှေဝါရောင်တော်လှန်ရေးမှာ ထောင်ကျခဲ့ကြသူတွေဖြစ်ပြီး အစိုးရသစ် သမ္မတ ဦးသိန်းစိန်ရဲ့ လွတ်ငြိမ်းချမ်းသာခွင့်အရ အခုလ ၁၃ ရက်နေ့မှာ ပြန်လွတ်လာကြတာပါ။
ဆင့်ခေါ်စာနဲ့ ပတ်သက်ပြီး ဆရာတော် ဦးပဏ္ဍဝံသက “အကြောင်းအရာ၊ နိုင်ငံတော် သံဃမဟာနာယကရုံးသို့ လာရောက်ရန် ကိစ္စ။ နံပါတ် ၁ အပိုဒ် ခွင့်ပြုချက် မရှိဘဲ ပြစ်မှုကျူးလွန်နေသော ရဟန်းများကိစ္စ တင်ပြခြင်းနှင့် စပ်လျဉ်း၍ ဇန်နဝါရီလ ၂၅ ရက် ၂၀၁၂ ခုနှစ်တွင် ကျင်းပသော ဆဋ္ဌမအကြိမ် နိုင်ငံတော် သံဃမဟာနာယကအဖွဲ့ တတိယအဖွဲ့ခွဲ၏ ဆဋ္ဌမအကြိမ် ပထမ အထူးအစည်းအဝေး အား ဖော်ပြပါအတိုင်း ဆုံးဖြတ်ခဲ့ပါသည်။”
ဆင့် ခေါ်ခံရတဲ့ သံဃာတွေအနေနဲ့ ဒီကနေ့ မွန်းလွဲ ၁၂ နာရီ ၃၀ မှာ ကမ္ဘာအေးကုန်းမြေ ဥတ္တရဂုရုဆောင် အစည်းအဝေးခန်းမသို့ ကြွရောက်သတင်းပို့ဖို့ အကြောင်းကြားတယ်လို့ နိုင်ငံတော်သံဃ မဟာနာယကရဲ့ အကြောင်းကြားစာမှာ ပါရှိပါတယ်။
အခုလို ကိုင်တွယ်ဆောင်ရွက်ပုံနဲ့ ပတ်သက်လို့ အစိုးရဟာ အပေါ်ပိုင်းက ပြောင်းလဲတယ် ဆိုပေမယ့် အောက်ခြေမှာ မပြောင်းလဲသေးဘူးလို့ မိန့်ကြားပြီး ဆရာတော်ကြီးတွေနဲ့ လျှောက်ကြားတဲ့အခါ အခြေနေမှန်ကို ရှင်းပြမယ်လို့ ဦးပဏ္ဍဝံသက မိန့်ပါတယ်။
“တာဝန်ရှိတဲ့ ပုဂ္ဂိုလ်တွေက ဦးဇင်းတို့ ကျောင်းကို တချိန်တုန်းက သော့တွေ ခတ်သွားတဲ့ အခါကြတော့ သော့တွေက ဦးဇင်းတို့ ပြန်လွတ်လာတဲ့ အချိန်မှာ တချို့ကျောင်းက ပွင့်နေတယ်။ ဦးဇင်းတို့ကျောင်းတော့ ကိုယ့်ဘာသာကိုယ်ဖွင့်ပြီး နေလိုက်တာပေါ့။ နိုင်ငံတော်သမ္မတကြီးက လွတ်ငြိမ်းချမ်းသာခွင့် ပေးပြီးတဲ့ အခါကျတော့ ဒီမှာ ပြန်လာတဲ့အခါ ကိုယ့်ကျောင်းမှာ မနေတော့ ဘယ်မှာ သွားအိပ်မှာတုန်း။ သက်ဆိုင်ရာကို အကြောင်းကြားတော့လဲ ဟိုလိုလို ဒီလိုလိုနဲ့ သူတို့မှာ တာဝန်မရှိဘူး။ သက်ဆိုင်ရာ သံဃမဟာ နာယက အကြောင်းကြားတော့လည်း ဒါဟာ လူတွေလုပ်ထားတဲ့ ကိစ္စဆိုပြီး ဝေ့လည်ကြောင်ပတ် ဖြစ်နေတာ။ အဲ့တော့ ဦးဇင်းတို့က ကိုယ့်ကိစ္စကိုယ် တာဝန်ယူတယ်ဆိုပြီး ကိုယ့်ကျောင်းကို တက်နေလိုက်တာပေါ့။ အာဏာပိုင်အဖွဲ့အစည်းကတော့ ဦးဇင်းတို့ကို ဘာမှလာမပြောဘူး။ မပြောဘဲနဲ့ သံဃမဟာနာယကကို လျှောက်ထားတာပေါ့လေ။”
လတ်တလောမှာ အရှင်ဂမ္ဘီရနဲ့ ဆရာတော် ဦးအိန္ဒိယတို့ နှစ်ပါးဟာ မန္တလေးမြို့ကို ကြွရောက် ခရီးလွန်နေတာကြောင့် ပြန်အလာ မမီရင်သုံးပါးပဲ ကြွ မယ်လို့ မိန့်ကြားပါတယ်။
Ref: ဒီဗွီဘီ
Read More...
Collapse...
26 ဇန်နဝါရီ 2012
ဒေါ်ခင်မျိုးသက်
မြန်မာနိုင်ငံမှာ ကြီးမားတဲ့ပြောင်းလဲမှု ဖြစ်လာနိုင်ခြေကို မြင်နေရပြီလို့ ဆွစ်ဇာလန်နိုင်ငံ၊ ဒါးဗို့စ်မှာ ကျင်းပနေတဲ့ ၂၀၁၂ ခုနှစ်၊ ကမ္ဘာ့စီးပွားရေး နှီးနှောဖလှယ်ပွဲမှာ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က ပြောလိုက်ပါတယ်။ ဒါ့အပြင် မြန်မာ နိုင်ငံမှာ စီးပွားရေးဆိုင်ရာ ဖွံ့ဖြိုးတိုးတက်မှု ရှိလာစေဖို့အတွက် တရားရေးနဲ့ ဥပဒေပြဌာန်းမှုတွေမှာ ပြုပြင်ဖို့ လိုအပ်နေတယ် လို့လည်း ဆိုပါတယ်။ အပြည့်အစုံကို ဒေါ်ခင်မျိုးသက်က တင်ပြပေးထားပါတယ်။
ဗုဒ္ဓဟူးနေ့ကစပြီး ၅ ရက်ကြာ ကျင်းပတဲ့ နိုင်ငံတကာ ခေါင်းဆောင်တွေ၊ စီးပွားရေး လုပ်ငန်းရှင်ကြီးတွေနဲ့ ကျွမ်းကျင်ပညာရှင် တွေရဲ့ ၂၀၁၂ ခုနှစ်၊ ကမ္ဘာ့စီးပွားရေး နှီးနှောဖလှယ်ပွဲမှာ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ဗွီဒီယို သဝဏ်လွှာ ပေးပို့ခဲ့ပြီး မြန်မာနိုင်ငံရဲ့ လက်ရှိ အခြေအနေကို အခုလို ပြောကြားခဲ့ပါတယ်။
“မြန်မာနိုင်ငံမှာ ကြီးမားတဲ့ပြောင်းလဲမှု ဖြစ်လာနိုင်ခြေကို မြင်နေရပါပြီ။ အခုအချိန်ဟာ အရေးကြီးတဲ့ အဆင့်ကို ရောက်နေတာပါ။ မြန်မာနိုင်ငံအတွင်း ရွေးကောက် တင်မြှောက်မှုတွေနဲ့ တရားရေး လုပ်ငန်းစဉ်တွေအတွက် သင့်လျော်တဲ့ အင်အားစုတွေ ပါဝင် လာနိုင်တဲ့ စစ်မှန်တဲ့ အပြောင်းအလဲ တရပ် ဖြစ်လာဖို့ တဖြည်းဖြည်း နီးလာတဲ့အဆင့်မှာ အခု ကျမတို့ပါတီရဲ့ ဖွဲ့စည်းပုံကို ပြန်ပြင် ပြီး ဧပြီလ ၁ ရက်နေ့မှာ ကျင်းပမယ့် ရွေးကောက်ပွဲမှာ ပါဝင်ယှဉ်ပြိုင်ဖို့ ပြင်ဆင်နေပါတယ်။
ဒီကနေတဆင့် ကျမတို့ ကြိုးစားနေတဲ့ ငြိမ်းချမ်းရေး၊ အမျိုးသား ပြန်လည်သင့်မြတ်ရေးနဲ့ အထူး အချက် တချက်ဖြစ်တဲ့ တိုင်းရင်းသားတွေနဲ့ တိုက်ပွဲဖြစ်နေတာတွေကို ဖြေရှင်းဖို့ လိုနေတာနဲ့ အမျိုးသားလွှတ်တော်မှာ ဒီမိုကရေစီ စနစ် ထွန်းကားရေး အထိ ဆောင်ရွက်နိုင်မှာ ဖြစ်ပါတယ်”
အမျိုးသား ဒီမိုကရေစီအဖွဲ့ချုပ် ပါတီအနေနဲ့ မြန်မာနိုင်ငံရဲ့ အနာဂတ် ကောင်းမွန်ရေးအတွက် အခု ကြိုးစားနေတာဟာ တချိန်မှာ ကမ္ဘာ့ဝန်းကျင်အတွက်ပါ ဖြစ်လာစေမယ်လို့လည်း အဖွဲ့ချုပ် ခေါင်းဆောင် ဒေါ်အောင်ဆန်းစုကြည်က ပြောပါတယ်။
ဒီနှစ် အစည်းအဝေးရဲ့ဆောင်ပုဒ်က ကြီးမားတဲ့ အပြောင်းအလဲကို ဖြစ်စေဖို့ ပုံစံသစ်တွေ ပုံသွင်းဖို့ပါ။ ဒီဆောင်ပုဒ်ကို ပုံဖော်နေတဲ့ မြန်မာနိုင်ငံမှာ ပြုပြင်ပြောင်းလဲရေးဆိုင်ရာ အရေးကြီးနေတဲ့ အချိန်မှာ ဒီနှီးနှောဖလှယ်ပွဲကို မတက်ရောက်နိုင်ဘူးလို့ ပြောခဲ့သလို မြန်မာနိုင်ငံမှာ တကယ့်ပြောင်းလဲချိန်ကို မရောက်သေးပေမယ့် မြန်မာစက်မှုဝန်ကြီး ဦးစိုးသိမ်း ဒီနှစ် အစည်းအဝေးကို ထူးထူး ခြားခြား တက်ရောက်လာတာဟာ မြန်မာနိုင်ငံက အပြုသဘောဆောင်တဲ့ ပြောင်းလဲမှုတွေ ဖြစ်နေတဲ့ လက္ခဏာကို ပြနေပါတယ် လို့ ဆိုပါတယ်။
ဒီအပြောင်းအလဲတွေထဲမှာ စီးပွားရေးတိုးတက် ပြောင်းလဲလာစေဖို့ ဒေါ်အောင်ဆန်းစုကြည်ရဲ့ အမြင်ကို ကြည့်ရအောင်ပါ။
“စီးပွားရေး ဖွံ့ဖြိုးတိုးတက်ဖို့ဆိုတာ အခု နိုင်ငံတကာ ငွေကြေး အဖွဲ့အစည်းတွေကနေ ပေးအပ်နေတဲ့ ဘဏ္ဍာရေးနဲ့ ငွေကြေး ဆိုင်ရာ မှာတင်ပဲ မူတည်နေတာ မဟုတ်ပါဘူး။ နိုင်ငံမှာ စနစ်ကျတဲ့ ဥပဒေနဲ့ စည်းမျဉ်းစည်းကမ်းတွေကို တရားမျှတစွာနဲ့ ထိ ရောက်စွာ ဆောင်ရွက်နိုင်မယ့် တရားရေးဆိုင်ရာနဲ့ ဥပဒေပြဌာန်းမှုတွေကိုပါ ပြုပြင်ပြောင်းလဲပစ်ဖို့ လိုအပ်နေတာပါ”
တရားဥပဒေ စိုးမိုးရေးအပြင် မြန်မာနိုင်ငံမှာ လူ့ကျင့်ဝတ်နဲ့ ကိုက်ညီတဲ့ ရင်းနှီးမြှုပ်နှံမှုတွေ ရလာစေမယ့် နိုင်ငံရေး၊ လူမှုရေးနဲ့ စီးပွားရေးဝန်းကျင်ကောင်း တရပ်ကိုပါ ဖန်တီးနိုင်မယ်လို့ မျှော်လင့်ထားကြောင်းလည်း ပြောပါတယ်။
ဒါ့အပြင် အနာဂတ် ကမ္ဘာမှာ လိုအပ်တဲ့ စားနပ်ရိက္ခာ၊ ရေနဲ့ စွမ်းအင်ဆိုင်ရာတွေနဲ့ ဆက်နွယ်နေတဲ့ လူမှုဝန်းကျင်ကောင်းတရပ် အတွက် ရေရှည်စံပြ စီးပွားရေစနစ်တခုကို စံနမူနာအဖြစ် မြန်မာနိုင်ငံကနေ ယူနိုင်တာမျိုးအထိပါ ဖြစ်လာစေချင်ပါတယ်လို့လည်း ပြောကြားခဲ့ပါတယ်။
Ref: ဗွီအိုအေ
Read More...
Collapse...
26 ဇန်နဝါရီ 2012
ဆီးရီးယားနိုင်ငံက လပေါင်းများစွာ ကြာနေပြီဖြစ်တဲ့ အုံကြွမှုတွေကို ဖြေရှင်းနိုင်မယ့် အာရပ်နိုင်ငံတွေရဲ့ အစီ အစဉ်တရပ်ကို ကုလ သမဂ္ဂ လုံခြုံရေးကောင်စီမှာ တနင်္လာနေ့ကျရင် ကာတာနိုင်ငံ ဝန်ကြီးချုပ်နဲ့အတူ ပူးတွဲ တင်သွင်းသွားမယ်လို့ အာရပ်အဖွဲ့ချုပ်ရဲ့ အကြီးအကဲ Nabil Elaraby က ပြောလိုက်ပါတယ်။
ဆီးရီးယား သမ္မတ Bashar al-Assad က ဒုသမ္မတ ဖြစ်သူထံ အာဏာလွှဲပြောင်းပေးပြီး အထွေ ထွေရွေးကောက်ပွဲအတွက် ပြင်ဆင်ဖို့ အမျိုးသားညီညွတ်ရေး အစိုးရတရပ် ဖွဲ့စည်းရေး စီစဉ်ထားတဲ့ အဆို ပြုချက်ကို လုံခြုံရေးကောင်စီက အတည်ပြုချက်ရဖို့ သူနဲ့ကာတာနိုင်ငံ ခေါင်းဆောင်တို့က တောင်းခံသွားကြမှာ ဖြစ်တယ်လို့လည်း အီဂျစ်နိုင်ငံ ကိုင်ရိုမြို့မှာ ကြာသပတေးနေ့က ပြော လိုက်တာပါ။
ကုလသမဂ္ဂ ရုံးချုပ်ရှိရာ နယူးယောက်မြို့ကို စနေနေ့မှာ သွားမယ်လို့လည်း အာရပ်အဖွဲ့ချုပ် အကြီးအကဲက ပြောပေမယ့် ကုလ သမဂ္ဂ တာဝန်ရှိသူတွေကတော့ ခရီးစဉ်နဲ့ ပတ်သက်လို့ အတည်ပြုချက် မပေးသေးပါဘူး။ ကာတာဝန်ကြီးချုပ် Sheikh Hamad bin Jassim al-Thani ဟာ ဆီးရီးယား နိုင်ငံက အခြေအနေတွေကို အကဲခတ်ဖို့ စေလွှတ်ခဲ့တဲ့ အာရပ် အဖွဲ့ချုပ်ရဲ့ ကော်မီ တီတရပ်ကို ဦးဆောင်ခဲ့သူ ဖြစ်ပါတယ်။
ဆီးရီးယားသမ္မတကို ထောက်ခံတဲ့ တပ်ဖွဲ့တွေက ငြိမ်းချမ်းတဲ့ ဆန္ဒပြသမားတွေအပေါ် ဆက်လက် တိုက်ခိုက်မှုတွေ၊ စစ်တပ်ထဲက ဘက်ပြောင်းလာသူတွေနဲ့ တိုက်ပွဲတွေ ဖြစ်ပွားနေတာတွေလို အခြေအနေတွေကြောင့် နိုင်ငံတကာက ကြားဝင်ဖြေရှင်းဖို့အတွက် မကြာသေးခင် သီတင်းပတ်တွေကစလို့ ပင်လယ်ကွေ့ အာရပ်နိုင်ငံတွေ ပိုမို ထောက်ခံလာကြတာပါ။
Ref: ဗွီအိုအေ
Read More...
Collapse...
26 ဇန်နဝါရီ 2012
ယီမင်သမ္မတ အလီ၊ အဗ္ဗဒူလာ ဆာလေး-ဟာ အခုထိ ပါရှားပင်လယ်ကွေ့က အိုမန်နိုင်ငံထဲမှာ ရှိနေပြီး သူ့အစီအစဉ်ဖြစ်တဲ့ ဆေး ကုဖို့အတွက် အမေရိကန်ပြည်ထောင်စုကို ဘယ်အချိန်မှာ သွားရောက်မယ်ဆိုတာ အခုထိ ရှင်းရှင်းလင်းလင်း မသိရသေးပါဘူး။
မစ္စတာဆာလေး ဘယ်တော့ ရောက်မယ်ဆိုတာ ဘာသတင်းမှ မရသေးဘူးလို့ ဝါရှင်တန်မှာရှိတဲ့ ယီမင် သံရုံးအရာရှိ မိုဟာမက် အယ်လ်ဘားရှားက ကြာသာပတေးနေ့မှာ ဗွီအိုအေကို ပြောပါတယ်။ သမ္မတ ဆာလေး မိသားစုဟာ နယူးယောက်ကိုလာဖို့ လေယာဉ်ပျံ ရှာနေတယ် ဆိုတဲ့ ဝေါလ်စထရိ ဂျာနယ်ရဲ့ ရေးသားချက်ကိုတော့ သူက မှန်မမှန်ဖြေဖို့ ငြင်းဆိုပါတယ်။
မစ္စတာဆာလေးရဲ့ ဘိုးရင်း ၇၂၇ လေယာဉ်ဟာ သိပ်ဟောင်းနွမ်းနေပြီ ဖြစ်တာမို့ ဆင်းသက်ဖို့အတွက် အမေရိကန်လေဆိပ်တွေက လက်မခံဘူးလို့ သတင်းက ဆိုပါတယ်။ သမ္မတဟာ ယီမင်မြို့တော်၊ ဆာနားကနေ တနင်္ဂနွေနေ့က အိမ်နီးချင်း အိုမန်နိုင်ငံကို ထွက်ခွာခဲ့ပါတယ်။ အိုမဲန်ဟာ နယူးယောက်မသွားခင် သူ ခရီးတထောက် နားမယ့် နေရာပါ။
မစ္စတာဆာလေးဟာ အိုမဲန်မှာ ရာသက်ပန် နိုင်ငံရေးခိုလှုံဖို့ ကြိုးစားနေတယ်ဆိုတဲ့ ဝေါလ်စထရိ ဂျာနယ်ရဲ့ အိုမဲန်သံတမန်တွေနဲ့ မစ္စတာဆာလေးရဲ့ ဝန်ထမ်းတွေကို ကိုးကား ရေးသားချက်ကိုတော့ အယ်လ်ဘာရှားက ပြင်းပြင်းထန်ထန် ငြင်းဆိုပါတယ်။ အမေရိကန်အစိုးရကတော့ မစ္စတာဆာလေး အမေရိကန်နိုင်ငံကို ဆေးကုဖို့ လာရောက်တာကိုသာ ခွင့်ပြုခဲ့တာဖြစ်ပြီး သတ်မှတ်ချိန်အထိပဲ နေခွင့်ရှိတယ်လို့ ဆိုပါတယ်။
မနှစ်က ဂျွန်လထဲ သမ္မတနေအိမ်ဝန်းမှာ ဗုံးခွဲတိုက်ခိုက်ခံရမှုကြောင့် မစ္စတာဆာလေး ပြင်းထန်စွာ ဒဏ်ရာရခဲ့ပြီး ဆော်ဒီအာရေး ဘီးယားနိုင်ငံမှာ လအတော်ကြာ ဆေးဝါးကုသမှုကို ခံယူခဲ့ရပါတယ်။
Ref: ဗွီအိုအေ
Read More...
Collapse...
26 ဇန်နဝါရီ 2012
စုမြတ်မွန်
အမျိုးသားလွှတ်တော်နဲ့ ပြည်သူ့လွှတ်တော်တို့ရဲ့ ပထမအကြိမ် တတိယ ပုံမှန်စည်းဝေးပွဲတွေကို ဒီကနေ့ ဇန်န၀ါရီလ ၂၆ ရက်နေ့ မှာ နေပြည်တော်မှာ စတင်ပါတယ်၊ ဒီတခါလွှတ်တော်စည်းဝေးပွဲတွေမှာ ဘဏ္ဍာငွေ ရသုံးဆိုင်ရာနဲ့ အမျိုးသား စီမံကိန်းဆိုင်ရာ ဥပဒေကြမ်းတွေကို အဓိက ဆွေးနွေးသွားမှာဖြစ်တယ် ဆိုတာကို လွှတ်တော် ၂ ရပ်လုံးက ဥက္ကဌတွေက အသိပေးပြောကြား ခဲ့ကြပါတယ်၊ သမ္မတဦးသိန်းစိန်ကတော့ သူ့အစိုးရ အနေနဲ့ လွှတ်တော်တွေနဲ့ လက်တွဲပြီး ဒီမိုကရေစီစနစ်ပေါ်ပေါက်ရေးနဲ့ ရေရှည် တည်တံ့ရေးကို လုပ်သွားမယ် လို့ သဝဏ်လွှာပေးပို့ခဲ့တဲ့အကြောင်း ဘန်ကောက်ရုံးက မစုမြတ်မွန်ကသတင်းပို့ထာပါတယ်။
အမျိုးသားလွှတ်တော်နဲ့၊ ပြည်သူ့လွှတ်တော် ၂ ရပ်လုံးကို ပြန်လည်စတင်ခဲ့တဲ့ ဒီကနေ့ ကြာသပတေးနေ့မှာပဲ ဒီတခါ လွှတ်တော် စည်းဝေးပွဲတွေမှာ ဘဏ္ဍာငွေခွဲဝေသုံးစွဲရေး Budget ဥပဒေကြမ်းတွေကို အဓိကထား ဆွေးနွေးသွားမှာဖြစ်တယ်ဆိုတာကို လွှတ် တော် ဥက္ကဌတွေက လွှတ်တော်ကိုယ်စားလှယ်တွေကို မိန့်ခွန်းထဲ က နေ အသိပေးခဲ့ကြပါတယ်၊ ပြီးခဲ့တဲ့ ဒုတိယပုံမှန် အစည်းအ ဝေးတွေမှာ အတည်မပြုနိုင်သေးတဲ့ ဥပဒေ တွေ အတည်ပြုနိုင်ရေးဆွေးနွေးကြရမဲ့အပြင် ဘတ်ဂျက်ကိစ္စတွေကို ဆွေးနွေးရ မှာ ဖြစ် တယ်လို့ ပြည်သူ့လွှတ်တော် ဥက္ကဌ သူရဦးရွှေမန်းက ခုလိုပြောခဲ့တာပါ၊
“ပြည်ထောင်စုအစိုးရအဖွဲ့မှ တင်သွင်းမည့် ၂၀၁၁-၂၀၁၂ ခုအတွက် နောက်ထပ် ဘဏ္ဍာငွေခွဲဝေသုံးစွဲရေး ဥပဒေကြမ်း၊ ၂၀၁၂ -၂၀၁၃ ဘဏ္ဍာရေးနှစ်အတွက် ဘဏ္ဍာငွေအရသုံးဆိုင်ရာနှင့် အမျိုးသားစီမံကိန်း ဆိုင်ရာ ဥပဒေကြမ်းတို့ကို ပြည်ထောင်စု လွှတ်တော် ကိုယ်စားလှယ်များအဖြစ် စိစစ်သုံးသပ်ပြီး အတည်ပြုရေးနှင့် လွှတ်တော်ကိုယ်စားလှယ်များကမှ တင်ပြလာသော အဆိုများ၊ မေးခွန်းများနှင့် ဥပဒေကြမ်းများကို ရရှိတဲ့ အချိန်ပေါ်မှာ မူတည်ပြီး၊ ဆောင်ရွက်သွားမှာဖြစ်ပါတယ်။”
ရှေ့လာမည့် ၂၀၁၂-၁၃ ဘဏ္ဍာနှစ် အတွက် ဘတ်ဂျက်မူကြမ်းကို မဆွေးနွေးခင်မှာ မတ်လ ၃၁ ရက်နေ့မှာ ကုန်မဲ့ လက်ရှိ ၂၀၁၁-၁၂ ဘဏ္ဍာနှစ်အတွက် နောက်ထပ် ဖြည့်စွက်ခွင့်ပြုငွေစာရင်းကို ကိုယ်စားလှယ်တွေ ဆွေးနွေးကြရမှာဖြစ်လို့ မူကြမ်းထဲမှာ ဘယ်လို ကဏ္ဍတွေအတွက် ဖြည့်စွက်တောင်းထားပါသလဲ၊ အမျိုးသား လွှတ်တော်ကိုယ်စားလှယ် ဒေါက်တာ မြတ်ဉာဏစိုး က တော့ ပမာဏအားဖြင့်များတာကတော့ ဆောက်လုပ် ရေး လုပ်ငန်းတွေအတွက် ဖြစ်တယ်လို့ ပြောပါတယ်၊
"ဘယ်လိုကဏ္ဍတွေမှာများသလဲဆိုတော့၊ တည်ဆောက်ရေးလုပ်ငန်းတွေမှာရှိနေတဲ့ ကဏ္ဍတွေမှာ ငွေလိုအပ် နေတာကိုတွေ့ ရပါတယ်။ နောက်တခါ ကုန်ထုတ်လုပ်မှုလုပ်ငန်းကဏ္ဍတွေမှာလည်း ဖြည့်စွက်ရမယ်ဆိုပြီး တင်ပြတောင်းခွလာတာကို တွေ့ရပါ တယ်ခင်ဗျ။”
ပညာရေး၊ ကျန်းမာရေးကဏ္ဍတွေမှာလဲ ဖြည့်စွက်ရန်ပုံငွေတောင်းတာရှိပေမဲ့ ပမာဏ မများလှဘူးလို့ ပြောပါ တယ်၊ အခုလို တိုင်းပြည်ဘဏ္ဍာ ခွဲဝေသုံးစွဲရေးကိစ္စ၊ အမျိုးသား စီမံကိန်းကြီးတွေနဲ့ ဆိုင်တဲ့ကိစ္စနဲ့ အခွန် အကောက်ဆိုင်ရာ ကိစ္စတွေက လွှတ်တော် ၂ ရပ်ပေါင်းထားတဲ့ ပြည်ထောင်စုလွှတ်တော်မှာသာ ဆွေးနွေးရ မှာဖြစ်တာမို့ ဇန်န၀ါရီလ ၃၁ ရက် နောက်ပိုင်းမှာ ဒီကိစ္စတွေကို စတင်ဆွေးနွေးကြရမှာ ဖြစ်ပါတယ်။
ဘဏ္ဍာရေးနဲ့ အခွန်ဝန်ကြီးက ဘဏ္ဍာငွေခွဲဝေသုံးစွဲမှုနဲ့ ပတ်သက်တဲ့ တင်ပြချက်ကို ပြည်ထောင်စု လွှတ်တော်မှာ လာရောက် တင်ပြ ပါလိမ့်မယ်၊ အဲဒီနောက်မှာ သက်ဆိုင်ရာ ဝန်ကြီးဌာန ဝန်ကြီးတွေကနေ သူတို့ ဝန်ကြီးဌာနအတွက် ဘယ်လောက် လျာ ထား သုံးစွဲ မယ်ဆိုတာတွေကို တင်ပြကြဖို့ရှိပါတယ်။ ဒီလို တင်ပြချက်တွေအပေါ်မှာ ကဏ္ဍအလိုက်ဆွေးနွေးဖို့အတွက် လွှတ်တော် ကိုယ်စားလှယ် တွေက ၃ ရက်စီ ကြိုစာရင်းပေးရမှာဖြစ်တယ်လို့ အမျိုးသားလွှတ်တော် ကိုယ်စားလှယ်ဒေါက်တာမြတ်ဉာဏစိုးက ပြောပါ တယ်၊ ပြည်ထောင်စုလွှတ်တော်က တင်ပြလာတဲ့ ဆိုင်ရာ ဘတ်ဂျက်တွေကို လွှတ်တော် ကိုယ်စား လှယ်တွေအနေနဲ့ လျှော့ချနိုင်ပေမဲ့ ဘတ်ဂျက်တိုးမြှင့်သုံးဖို့အတွက်ကိုတော့ ပြန်လည် အကြံပြုဆွေးနွေးရ မှာဖြစ်ပါတယ်၊
“ဘတ်ဂျက်ကိုဆွေးနွေးတဲ့အခါမှာ လွှတ်တော်က ဘတ်ဂျက်ကိုတိုးမြှင့်ပေးလို့မရပါဘူး။ ပြည်ထောင်စုအစိုးရ က တင်ပြလာတဲ့ ဥပမာ ကျန်းမာရေးအသုံးစရိတ်ဟာ ဘတ်ဂျက်တခုလုံးရဲ့ ဘယ်လောက်ရာနှုံးရှိတယ်၊ ဘယ်လောက်ရာနှုံးလိုနေတယ် စသဖြင့် တင်ပြလာတဲ့ဟာကို လွှတ်တော်ကနေပြီးတော့ တိုးမြှင့်ပေးလို့ ခွင့်ပြုလို့မရပါဘူး။ သို့သော် လွှတ်တော်ကိုယ်စားလှယ် တွေအနေ နဲ့ဟာ ဘယ်လောက် တော့ ရှိသင့်တယ် ဆိုတာကိုတော့ဆွေးနွေးလို့ရပါတယ်။ ကျန်းမာရေးကဏ္ဍအတွက် ဘယ်လောက်သုံးသင့် တယ်၊ ဘယ်လို နေရာမျိုးတွေမှာ သုံးသင့်တယ်ဆိုတာ အကြံပြုလို့ရပါတယ်။ အဲဒီအခါကျရင် ပြည်ထောင်စုအစိုးရအနေနဲ့ ဘတ်ဂျက်ခွဲဝေမှုကို တိုးမြှင့်ပြင်ဆင်ပြီးတော့ တင်ပြလာလို့ရပါတယ်။”
ပြည်ထောင်စုလွှတ်တော် ပြန်စတာနဲ့ ဒီဘတ်ဂျက်ကိစ္စတွေကို အကြေအလည် ဆွေးနွေးကြရမှာဖြစ်လို့ ပုံမှန် လွှတ်တော်ပြီး ဆုံးချိန်ထက်ကို အချိန်ပိုပေးပြီး ဆွေးနွေးပေးကြဖို့ အမျိုးသား လွှတ်တော်ဥက္ကဌ ဦးခင်အောင်မြင့်က ကိုယ်စားလှယ်တွေကို မေတ္တာရပ်ခံထားပါတယ်။ ဒီကနေ့ အမျိုးသားလွှတ်တော် ပထမနေ့မှာတော့ ကော်မတီတချို့ဖွဲ့စည်းတာနဲ့ ကော်မတီဥက္ကတချို့ အပြောင်းအလဲလုပ်တာတွေကိုဘဲ အဓိကထား လုပ်ခဲ့ပါတယ်၊
လွှတ်တော်တွေဆီ သမ္မတဦးသိန်းစိန် က သဝဏ်လွှာပေးပို့ခဲ့တဲ့ထဲမှာတော့ တရား ဥပဒေ စိုးမိုးရေး၊ အမျိုးသား စည်းလုံး ညီ ညွတ်ရေး၊ ကောင်းမွန်တဲ့ အုပ်ချုပ်ရေးနဲ့ သန့်ရှင်းတဲ့ အစိုးရဖြစ်ရေး၊ ပြည်သူတွေရဲ့ မူလအခွင့်အရေးတွေ ရရှိရေးအတွက် ပြည် ထောင်စုအစိုးရက ပြုပြင်ပြောင်းလဲမှုတွေ လုပ်နေပါတယ်လို့ ဖေါ်ပြထားပါတယ်၊ ဒါ့အပြင် တိုင်းရင်းသား လက်နက်ကိုင် ၁၁ ဖွဲ့ နဲ့ ညှိုနှိုင်းဆွေးနွေးခဲ့ပြီး အဖွဲ့ ၆ ဖွဲ့နဲ့ အခြေခံ သဘောတူ ညီမှုတွေ လက်မှတ်ထိုးနိုင်ခဲ့တဲ့အတွက် ငြိမ်းချမ်းရေးဖော်ဆောင်မှု တွေ အခြေအနေကောင်းတယ်လို့ သမ္မတ ဦးသိန်းစိန်က သဝဏ်လွှာပို့ခဲ့ပါတယ်၊ ဒီတခါလွှတ်တော် စည်းဝေးပွဲတွေမှာ ထူးခြားတာက သတင်းယူတဲ့ သတင်းထောက်တွေ လွှတ်တော်ခန်းမတွေထဲမှာ လွတ်လွတ်လပ်လပ် သတင်းယူနိင်သလို၊ လွှတ်တော် အမတ် တွေကိုလဲ မေးမြန်းခွင့်ရတယ်လို့ ကိုယ်တိုင်သတင်းယူခဲ့တဲ့ သတင်းထောက်တွေက VOA မြန်မာပိုင်းကို ပြောပါတယ်။ သတင်းထောက်တွေရဲ့ လက်ကိုင်ဖုန်းတွေကိုလဲ ခန်းမထဲ ယူဆောင်ခွင့် ပေးခဲ့ပါ တယ်
Ref: ဗွီအိုအေ
Read More...
Collapse...
26 ဇန်နဝါရီ 2012
စုမြတ်မွန်
သမ္မတဦးသိန်းစိန်နဲ့ အစိုးရအဖွဲ့ထဲက ပြုပြင်ပြောင်းလဲရေးသမားတွေက ဧပြီလမှာ ကျင်းပမည့် ရွေးကောက်ပွဲ တွေ လွတ်လပ်မျှတ သင့်တယ်ဆိုတာကို လက်ခံထား တယ်လို့ ယုံကြည်တဲ့အကြောင်း ဒေါ်အောင်ဆန်း စုကြည် ကပြောလိုက်ပါတယ်။
ဒါပေမဲ့လည်း လက်ရှိအာဏာရ ကြံခိုင်ဖွံ့ဖြိုးရေးပါတီနဲ့ တခြားပါတီတွေထဲမှာ NLD ပါတီပါဝင် အရွေးခံမှာကို ဆန့်ကျင်သူ တွေ၊ ရွေးကောက်ပွဲကို မျှမျှတတမဖြစ်စေချင် သူတွေလည်းရှိနိုင်ပါတယ်လို့ နော်ဝေးနိုင်ငံခြား ရေးဝန်ကြီးနဲ့ တွေ့ဆုံအပြီးမှာ သတင်း ထောက်တွေကို ပြောခဲ့တာဖြစ်ပါတယ်။
နော်ဝေးနိုင်ငံဘက်ကတော့ မြန်မာနိင်ငံမှာ ဒီမိုကရေစီနဲ့ ဥပဒေစိုးမိုးမှုရှိရေးတို့ အတွက် တတ်နိုင်သမျှ ကူညီ သွားမယ်လို့ နိုင်ငံခြားရေးဝန်ကြီးက ပြောကြားခဲ့တဲ့အကြောင်း ဘန်ကောက်ရုံးကနေ မစုမြတ်မွန်က သတင်း ပို့ထားပါတယ်။
မြန်မာနိုင်ငံမှာလက်ရှိဖြစ်နေတဲ့ အခြေအနေတွေအပေါ် ဒေါ်အောင်ဆန်းစုကြည်ရဲ့ အမြင် သုံးသပ်ချက်ကို သိရဖို့ နော်ဝေး နိုင်ငံခြားရေးဝန်ကြီး Jonas Gahr Støre ဟာ ဗုဒ္ဓဟူးနေ့ညနေပိုင်းက ဒေါ်အောင်ဆန်း စုကြည်နဲ့ တွေ့ဆုံခဲ့တာ ဖြစ်ပါတယ်၊ တွေ့ဆုံအပြီးသတင်းစာရှင်းလင်းပွဲမှာ ဒေါ်အောင်ဆန်းစုကြည်က ကြားဖြတ်ရွေးကောက်ပွဲတွေဟာ လွတ်လပ်မျှတနိုင်တဲ့ ဖြစ်နိုင်ချေ ခိုင်ခိုင်မာမာ ရှိနေတယ်လို့ ထင်မြင်တဲ့ အကြောင်း ဒါပေမဲ့ ဒီရွေးကောက်ပွဲကို လွတ်လွတ်လပ်လပ် မဖြစ်စေချင်သူတွေ ရှိနိုင်တဲ့အကြောင်း ခုလို ပြောသွားခဲ့ပါတယ်၊
“သမ္မတဦးသိန်းစိန်နဲ့ အစိုးရအဖွဲ့အတွင်းက ပြုပြင်ပြောင်းလဲရေးသူတွေက ရွေးကောက်ပွဲဟာ လွတ်လပ်မျှတ သင့်တယ်လို့ လက်ခံ ထားကြတယ်လို့ ယုံကြည်ပါတယ်၊ ဒါပေမဲ့လည်း ကျွန်မတို့ ရွေးကောက်ပွဲမှာ ဝင်ပြိုင်မှာ ကိုဆန့်ကျင်သူတွေ ဥပမာ အားဖြင့် ကြံ ခိုင်ဖွံ့ဖြိုးရေးပါတီထဲမှာရော တခြားပါတီတွေထဲမှာပါ ရှိနေမယ်ဆိုတဲ့ ဖြစ်နိုင်ချေတွေလည်းရှိပါတယ်။”
သူတို့ အနေနဲ့ လွတ်လပ်မျှတတဲ့ ရွေေးကာက်ပွဲ သိပ်ဖြစ်စေချင်မှာမဟုတ်ပါဘူးလို့ ဒေါ်အောင်ဆန်းစုကြည် က ပြောသွား တာ ဖြစ်ပါတယ်၊ ဒီမိုကရေစီကို ငြိမ်းချမ်းတဲ့နည်းနဲ့ ဖော်ဆောင်ဖို့အတွက် စစ်တပ်နဲ့ ပူးပေါင်း ဆောင်ရွက်ဖို့ လိုအပ်တဲ့ အကြောင်း ကိုလည်း ဒေါ်အောင်ဆန်းစုကြည်က သတင်းထောက်တွေကို ခုလိုပြောခဲ့ ပါတယ်။
“ဒီမိုကရေစီစနစ်ပေါ်ပေါက်ဖို့ ငြိမ်းချမ်းတဲ့နည်းလမ်းနဲ့သွားမယ်ဆိုရင် တပ်မတော်နဲ့ ပူးပေါင်းဆောင်ရွက်ဖို့လို ကို လိုအပ်တယ်ဆို တာကိုကျွန်မ ရှင်းရှင်းလင်းလင်းပြောထားပြီးသားပါ၊ ဒီပူးပေါင်းဆောင်ရွက်မှုကအောင် မြင်လိမ့်မယ်လို့ မျှော်လင့်ပါတယ်၊ ပူးပေါင်း ဆောင်ရွက်လို့ အနှုတ်လက္ခဏာတုန့်ပြန်မှုတွေရှိမယ်ဆိုပြီး ကျွန်မ စိတ်ပူတယ်လို့ ပြောလို့ မရပါဘူး၊ ဒါပေမဲ့ တပ်မတော်ထဲမှာ အပြောင်းအလဲလုပ်ဖို့ သိပ်စိတ်ဆန္ဒ မရှိကြသူ တွေလည်း ရှိနေနိုင်တာကို ကျွန်မတို့ စိုးရိမ်ပါတယ်၊ ပြုပြင်ပြောင်းလဲမှုတွေလုပ်ဖို့ ဘာကြောင့် လိုအပ်တယ်၊ ပြုပြင်ပြောင်းလဲမှုတွေက ဘယ်ကို ဦးတည်တယ်ဆိုတာ အသေအချာသိသွားရင် တပ်မတော်ကလည်း ဒီလုပ်ငန်းစဉ်တွေထဲမှာ သိပ်ကို ပူပေါင်းဆောင်ရွက်ချင်စိတ် တွေရှိလာမယ်ဆိုတာ ကျွန်မယုံကြည်လက်ခံ ထားပါတယ်။”
မြန်မာနိုင်ငံက ဖြစ်နေတဲ့ နိုင်ငံရေး အပြောင်းအလဲတွေအပေါ် ဒေါ်အောင်ဆန်းစုကြည်က အမြင်သဘောထား မှတ်ချက် ပေးတဲ့ အပေါ်မှာ ကျေးဇူးတင်တယ်လို့ Norway နိုင်ငံခြားရေးဝန်ကြီး Jonas Gahr Støre ပြောပြီး နော်ဝေးနိုင်ငံအနေနဲ့ တတ် နိုင်သလောက် ကူညီသွားမယ်လို့ ပြောပါတယ်၊
ဒီမိုကရေစီစနစ်ဆီ အသွင်ကူးပြောင်းရေး၊ ဥပဒေစိုးမိုးမှုရှိရေး၊ အမျိုးသား ပြန်လည်သင့်မြတ်မှု ရှိရေးတွေ အတွက် နော်ဝေး နိုင်ငံက တတ်နိုင်သမျှ အားပေးထောက်ခံသွားမယ်ဆိုတာကို နော်ဝေးနိုင်ငံခြားရေးဝန်ကြီး က ပြောသွားပါတယ်၊ ကမ္ဘာ တဝန်နိုင်ငံတွေမှာ ပြန်လည်သင့်မြတ်ရေး ရရှိဖို့ ဆောင်ရွက်ပေးနေတဲ့ နိုင်ငံတွေ အားလုံးဆီက အထူးသဖြင့် ဒီကိစ္စပိုင်းမှာ အများဆုံး အကူအညီပေးနေတဲ့ နော်ဝေးနိုင်ငံဆီက အတွေ့အကြုံ တွေကို ရယူချင်တဲ့အကြောင်းလဲ ဒေါ်အောင်ဆန်းစုကြည်က သတင်းစာရှင်းလင်းပွဲမှာ ပြောသွားပါတယ်။
ပိတ်ဆို့ ဒဏ်ခတ်မှုနဲ့ ပါတ်သက်လို့တော့ ပိတ်ဆို့မှု အားလုံးဖယ်ရှားသင့် မသင့် ရွေးကောက်ပွဲပြီးတဲ့ အထိ စောင့်ဖို့ EU အဖွဲ့ဝင် နိုင်ငံတွေမှာ ယေဘူယျသဘောထားရှိကြတာနဲ့ ပါတ်သက်လို့ မှန်ကန်သင့်တော်တယ်လို့ အမျိုးသားဒီမိုကရေစီ အဖွဲ့ချုပ်ခေါင်း ဆောင်က ပြောသွားပါတယ်။
ဒါပေမဲ့ မကြာခင်ကမှ မြန်မာနိုင်ငံအပေါ် နော်ဝေးက စီးပွားရေးအရ ပိတ်ဆို့မှုတွေ ဖယ်ရှားပေးခဲ့တာကိုတော့ တစုံတရာမှတ်ချက် ပေး ပြောမသွားခဲ့ပါဘူး၊ မြန်မာနိုင်ငံကို ဗုဒ္ဓဟူးနေ့ထဲက ရောက်လာတဲ့ နော်ဝေးနိုင်ငံခြား ရေးဝန်ကြီးဟာ နေပြည်တော်မှာ သမ္မတ ဦးသိန်းစိန်၊ ပြည်သူ့လွှတ်တော် ဥက္ကဌ ဦးရွှေမန်းတို့နဲ့ တွေ့ဆုံခဲ့ ပါတယ်၊ ဒီနေ့မှာတော့ နော်ဝေးနိုင်ငံခြားရေးဝန်ကြီးစာ စက်မှုဝန်ကြီး ဦးစိုးသိန်း၊ စီးပွားရေးဆိုင်ရာ သမ္မတ အကြံပေးဦးမြင့်အပါအဝင် ပညာရှင်တချို့ စီးပွားရေးလုပ်ငန်းရှင်တချို့နဲ့ တွေ့ ဆုံခဲ့ပါတယ်။
Ref: ဗွီအိုအေ
Read More...
Collapse...
26 ဇန်နဝါရီ 2012
အေးအေးမာ
ရွှေဝါရောင် သံဃာလှုပ်ရှားမှုကာလမှာ အာဏာပိုင်တွေက စီးနင်းသိမ်းယူ ချိတ်ပိတ်ခဲ့တဲ့ ရန်ကုန်တိုင်း အတွင်းက ကျောင်းတိုက် တွေကို၊ နိုင်ငံရေးအရ အကျဉ်းကျပြီး မကြာခင်က ပြန်လွတ်လာတဲ့ သံဃာတော် အချို့က သော့တွေ ရိုက်ချိုးပြီး ကျောင်းတွေ ပြန်ဖွင့်ပေးခဲ့ပါတယ်။ ပိတ်ခံရတဲ့ အချို့ကျောင်းတွေမှာ သက်ဆိုင်ရာ သံဃာတော် တွေ ပြန်လည်သီတင်းသုံးနေပြီး အချို့ကျောင်း တွေမှာကျောင်းဖွင့်ခဲ့ပေမဲ့ သံဃာတော်တွေ သီတင်းသုံးခွင့်မရသေးပါဘူး။ ဒီလို ပိတ်ထားတဲ့ကျောင်းတွေကို ပြန်ဖွင့်တာဟာ ၀ိနည်း နဲ့ မညီညွတ်ဘူးဆိုပြီး နိုင်ငံတော်သံဃာ့မဟာနယက (မဟန) က အဲဒီ ကျောင်းတွေကို ဖွင့်ပေးခဲ့တဲ့ သံဃာ တော်တွေကို သြ၀ါ ဒပေးဖို့ ဆင့်ခေါ်ထား ပါတယ်။ မအေးအေးမာက သတင်းပို့ထားပါတယ်။
နိုင်ငံတော်သံဃာမဟာနာယကအဖွဲ့ဟာ နိုင်ငံရေးကြောင့်အကျဉ်းကျပြီးပြန်လွတ်လာတဲ့ ဦးဂမ္ဘီရ အပါအ၀င် သံဃာတော်ငါးပါးကို အရေးယူဖို့အတွက် စာနဲ့ ဆင့်ခေါ်ခဲ့ကြောင်းမဂ္ဂင်ကျောင်းတိုက်က ဆရာတော် ဦး ကအခုလို မိန့်ပါတယ်။
“ခွင့်ပြုချက်မရှိပဲ ပြစ်မှုကျူးလွန်နေသော ရဟန်းများကိစ္စတင်ပြခြင်းနှင့် စပ်လျဉ်း၍ ၂၅-၁-၂၀၁၂ နေ့တွင် ကျင်းပသော ဆဋ္ဌမ အကြိမ် နိုင်ငံတော်သံဃာ့မဟာနာယကအဖွဲ့ (တတိယအဖွဲ့ခွဲ)၏ ဆဋ္ဌမအကြိမ် ပထမ အထူးအစည်းအဝေးက ဖော်ပြပါအတိုင်း ဆုံးဖြတ်ပါသည်။ ဆုံးဖြတ်ချက် - ပြစ်မှုကျူးလွန်နေသော ဦးဂမ္ဘီရ၊ ဦးဤသရိယ၊ ဦးပဏ္ဍ၀ံသ၊ ဦးဝိသုဒ္ဓ၊ ဦးပညာသီဟတို့အား - သို့ဖြစ်ပါ၍ အထက်အပိုဒ် (၁) ပါဆုံးဖြတ်ချက် အရ ပြစ်မှုကျူးလွန်နေသော ရဟန်းတော်များ သည် ၂၇-၁-၂၀၁၂ သောကြ နေ့ မွန်းလွဲ ၁၂း၃၀ နာရီအချိန် ကမ္ဘာအေးကုန်းမြေ ဥတ္တရကုရု ကျောင်းဆောင် အစည်းအဝေးခန်းမသို့ ကြွရောက်သတင်းပို့ရန် အကြောင်း ကြားပါသည်တဲ့။”
ချိတ်ပိတ်ခံထားရတဲ့ ဘုန်းကြီးကျောင်းတွေဟာ ၂၀၀၇ခုနှစ် ရွေဝါရောင်လှုပ်ရှားမှုဖြစ်တဲ့အချိန်မှာ အဲဒီ ကျောင်းဝင်းတွေထဲကို စစ်တပ်နဲ့ ပြည်ခိုင်ဖြိုး စွမ်းအာရှင်တွေ ၀င်ပြီး ဘုန်းကြီးတွေကို သင်္ကန်းတွေ ဆွဲချွတ် ရိုက်နှက်ပြီး ကျောင်းတိုက်တွေက ပစ္စည်းတွေဖျက်ဆီးခံခဲ့ရတာပါ။ အခုသံဃာတော်တွေ ပြန်လွတ်မြောက် လာချိန်မှာ သူတို့နေထိုင်စရာနေရာအခက်အခဲကြောင့် သူတို့ရဲ့ကျောင်းကို ပြန်ပြီးဝင်ခဲ့ရတယ်လို့ဆိုပါတယ်
“သူတို့ ချိတ်ပိတ်ထားတာတို့ကို စာတွေဘာတွေတင်တာနဲ့ ကြာနေတာပေါ့။ ကြာနေတော့ ကိုယ်တော်တွေမှာ သတင်းသုံးစရာ နေရာ မရှိဘူးလေ။ ဒီပြင်ကျောင်းတွေက လည်း အကျဉ်းထောင်ကပြန်လာတဲ့ ကိုယ်တော် တွေ ဖြစ်နေတော့ လက်မခံရဲကြဘူး ပေါ့နော် ကိုယ်တော်တွေက ညအချိန်ရောက်တဲ့အခါကျတော့ ကျိန်းစရာ မရှိတော့ အဲဒိလိုဘဲ ဖွင့်ပြီးဝင်ရတာပေါ့။”
သံဃာတော်တွေ ချိတ်ပိတ်ထားတဲ့ကျောင်းကို ဖျက်ဝင်တာဟာ သံဃ့ာဝိနည်းနဲ့ ညီခြင်းရှိမရှိကိုတော့ နိုင်ငံရေး အကျဉ်းသား ဟောင်းဖြစ်ခဲ့တဲ့ဆရာတော် ဦးဇ၀နက အခုလိုမိန့်ပါတယ်။
“ချိတ်ပိတ်ပြိးကျောင်းကိုဝင်တဲ့ကိစ္စက ကျောင်းပြသနာတက်လို့ ၀ိနည်းအရ ပိတ်ထားတဲ့ကျောင်းကို ၀င်တယ် ဆိုရင်တော့ ဖျက်ဝင် တဲ့သံဃာတွေမှာ အပြစ်ရှိတာပေါ့။ ဒါမှမဟုတ်ဘဲ ကျောင်းကိုဓါးမြတိုက်သလို သိမ်းထား တဲ့ အချိန်တုန်းကလည်း ၀ိနည်းကြောင်း အရ မဟုတ်ဘဲနဲ့  သူတို့သိမ်းချင်းသလို သိမ်းထားပြီးတော့ သံဃာ တွေက ကိုယ်ပစ္စည်းကိုယ်ဝင်ယူတာ ၀ိနည်းအရ အပြစ် မရှိပါဘူး။ ဒါက သက်ဆိုင်ရာ သံဃာ့အဖွဲ့အစည်းတွေ လည်းသိပါတယ်။ ဒီကိစ္စက သူတိုသိမ်းစဉ်အခါက သူတို့ ဘယ်လို ၀ိနည်းကြောင်းနဲ့မှ သိမ်းခဲ့တာမဟုတ်ဘူး။ နိုင်ငံရေးအရ လုံးဝမကျေနပ်လို့ နိုင်ငံရေးအရ ဘုန်းကြီးတွေကျောင်းတွေကို ကလဲ့စား ချေတဲ့အနေနဲ့ ဒဏ် ခတ်တဲ့အနေနဲ့ အဲဒီလို လုပ်တာကျတော့ ၀ိနည်းကြောင်းအရ လုပ်တာမဟုတ်ဘူး။ အဲဒီအချိန် တုန်း ကတော့ သံဃာအဖွဲ့ အစည်းတွေက အစိုးရလုပ်တာကို တရားသလို မှန်ကန်သလို ငြိမ်နေပြိးတော့ အခုလို အချိန်မှာ လည်း ဆက်ပြိးတော့ ငြိမ်နေမယ်ဆိုလို့ ရှိရင် အစိုးရလုပ်ချင်သလိုလုပ် ကိုယ့်ဝိနည်းကိုတောင်မှ သံဃာတွေ က ကာကွယ်တဲ့ အနေအ ထားမရှိတဲ့ အဖြစ်ကိုရောက်သွားမယ်။”
အခု မဟန ကဆင့်ခေါ်တာကတော့ မြို့နယ်အုပ်ချုပ်ရေးမူတွေကနေ တိုင်ကြားတာကြောင့်လို့ သံဃာတွေက ဆိုပါတယ်။ အခု အခါမှာတော့ မြန်မာအာဏာပိုင်တွေက သံဃာ့ကိစ္စတွေကို ကိုင်တွယ်ရာမှာ နိုင်ငံတော် သံဃာ့မဟာနာယကကို အသုံးပြုပြီး ကိုင်တွယ်လာတယ်လို့ နိုင်ငံရေး အကျဉ်းသားဟောင်း သံဃာတချို့က ဆိုပါတယ်။
ပြီးခဲ့တဲ့ရက်ပိုင်းကပဲ ရွေည၀ါဆရာတော်ကို တရားဟောတဲ့အတွက် ကျောင်းတိုက်ကနေ ဖယ်ရှားပေးဖို့ ဖိအားပေးခဲ့သလို ပြီးးခဲတဲ့ ရက်ပိုင်းကပဲ တရားဟောတဲ့ ဒယ်အိုးဆရာတောဦးသုမင်္ဂလကိုလည်း ပြည်ခိုင်ဖြိုးနဲ့ စွမ်းအားရှင်တို့က နှောက်ယှက်ခဲ့တာပါ။ အခု အခါမှာတော့ မိမ်ိကျောင်းတိုက်ကို ၀င်တာကို ၀ိနည်းအရ မညိ ဘူးဆိုပြီး အရေးယူဖို့ ပြင်ဆင်နေတာဖြစ်ပါတယ်။
Ref: ဗွီအိုအေ
Read More...
Collapse...
2012-01-26
ဧပြီ ၁ ရက်မှာ ကျင်းပမယ့် ကြားဖြတ် ရွေးကောက်ပွဲမှာ သန့်ရှင်းပြီး တရားမျှတဖို့ မြန်မာနိုင်ငံကို ရောက်နေတဲ့ နော်ဝေနိုင်ငံ နိုင်ငံခြားရေး ဝန်ကြီး မစ္စတာ ယိုးနတ်စ် ဂါး စတိုရား (Jonas Gahr Støre) က အစိုးရကို ဒီကနေ့ တိုက်တွန်း လိုက်ပါတယ်။
နော်ဝေ နိုင်ငံခြားရေး ၀န်ကြီးဟာ ရန်ကုန်မြို့ ကုန်သည်ကြီးများ ဟိုတယ်မှာ စက်မှု ဝန်ကြီးဌာန ပြည်ထောင်စု ဝန်ကြီး ဦးစိုးသိမ်း နဲ့ ဒီကနေ့ တွေ့ဆုံ ဆွေးနွေးခဲ့ပြီးနောက် ပြုလုပ်တဲ့ သတင်းစာရှင်းပွဲမှာ အခုလို ပြောဆိုသွားတာပါ။ ၀န်ကြီးက မြန်မာနိုင်ငံရဲ့ အခြေအနေကို နိုင်ငံတကာက စောင့်ကြည့်နေတယ်လို့ ဆိုပါတယ်။
အစိုးရ အနေနဲ့ တရား မျှတတဲ့ ရွေးကောက်ပွဲကို ပြုလုပ်ပေးပါက အပြန်အလှန် အနေနဲ့ ကျန်ရှိနေသေးတဲ့ ပိတ်ဆို့ အရေးယူမှု တွေ ရုပ်သိမ်းပေးနိုင်ပြီး မြန်မာ နိုင်ငံဟာ ကမ္ဘာ့အလယ် ကိုယ့်လမ်းကိုယ် လွတ်လွတ်လပ်လပ် သွားနိုင်မှာ ဖြစ်တယ်လို့ ပြောဆို သွား ပါတယ်။
နော်ဝေ နိုင်ငံခြားရေး ၀န်ကြီးနဲ့ ဦးစိုးသိမ်းနဲ့ တွေ့ဆုံရာမှာ သမ္မတရဲ့ စီးပွားရေး အကြံပေးအဖွဲ့ ခေါင်းဆောင် ဦးမြင့် အပါအဝင် ပညာရှင်တွေ၊ စီးပွားရေး လုပ်ငန်းရှင်တွေလည်း ပါဝင်ပါတယ်။
Ref: အာရ်အဖ်အေ
Read More...
Collapse...
2012-01-26
ဆွစ်ဇာလန်နိုင်ငံ ဒါဗို့စ်မြို့မှာ ကျင်းပနေတဲ့ ကမ္ဘာ့ခေါင်းဆောင်တွေနဲ့ စီးပွားရေး လုပ်ငန်းရှင်ကြီးတွေရဲ့ World Economic Forum ထိပ်သီးညီလာခံမှာ မြန်မာ့ ဒီမိုကရေစီခေါင်းဆောင် ငြိမ်းချမ်းရေး နိုဘယ်လ်ဆုရှင် ဒေါ်အောင်ဆန်းစုကြည်က တိုက်ရိုက် ဗီဒီယို မိန့်ခွန်း ပြောကြားခဲ့ပါတယ်။
အဲဒီမိန့်ခွန်းမှာ မြန်မာနိုင်ငံမှာ အပြောင်းအလဲတွေ စတင်နေပြီ ဖြစ်တဲ့အကြောင်း ထည့်သွင်း ပြောကြားခဲ့ပါတယ်။
"မြန်မာနိုင်ငံမှာ အမျိုးသား ရင်ကြားစေ့ရေး၊ တရားဥပဒေ စိုးမိုးရေးစတဲ့ အခက်အခဲတွေကို ဖြေရှင်းနိုင်ဖို့ အဆင့်တချို့ကို ဖြတ် ကျော်ပြီးကြောင်း နောက်နှစ်လောက်မှာ စတင် ပြောနိုင်ပါလိမ့်မယ်။ ကြီးမားတဲ့ အပြောင်းအလဲ အဆင့်ကိုတော့ မရောက်သေး ပါဘူး။ ဒါပေမယ့် အဲဒီလို အဆင့်ကို ရောက်ဖို့အတွက် အင်မတန် တန်ဖိုးရှိလှတဲ့ အခွင့်အရေးကို မိမိတို့အားလုံး ရထားပါပြီ" လို့ ဒေါ်အောင်ဆန်းစုကြည်က ပြောသွားခဲ့ပါတယ်။
ဒါ့အပြင် ဒီနှစ် ဒါဗို့စ်ညီလာခံမှာ မြန်မာအစိုးရ စက်မှုဝန်ကြီးဌာန ၀န်ကြီး ဦးစိုးသိန်းလည်း တက်ရောက်တဲ့ အချက်ဟာ မြန်မာ နိုင်ငံမှာ ပြောင်းလဲနေပြီ ဆိုတာကို မီးမောင်းထိုးပြ လိုက်တာပါလို့ ပြောဆိုသွားခဲ့ပါတယ်။
ပြီးခဲ့တဲ့နှစ်ကလည်း အလားတူ ဒါဗို့စ် ကမ္ဘာ့စီးပွားရေး ထိပ်သီးညီလာခံကို ဒေါ်အောင်ဆန်းစုကြည်က မိန့်ခွန်းပြောကြားခဲ့ပါတယ်။ ဒီနှစ် ညီလာခံကို နိုင်ငံပေါင်း ၄၀ ၀န်းကျင်က နိုင်ငံခေါင်းဆောင်တွေနဲ့ ကမ္ဘာ့စီးပွားရေး ကုမ္ပဏီကြီးတွေက ကိုယ်စားလှယ်တွေ စုစုပေါင်း ၁၆၀၀ နီးပါး တက်ရောက်ခဲ့ကြပါတယ်။
Ref: အာရ်အဖ်အေ
Read More...
Collapse...
2012-01-26
အကျဉ်းထောင်ကနေ လွတ်မြောက်လာတဲ့ ၂၀၀၇ ရွှေဝါရောင် တော်လှန်ရေး သံဃာ့ ခေါင်းဆောင် ဦးဂမ္ဘီရ အပါအ၀င် မဂ္ဂင် ကျောင်း တိုက်မှာ သီတင်းသုံး နေထိုင်တဲ့ သံဃာတော် ငါးပါးကို ပြစ်မှု ကျူးလွန်နေတဲ့ ရဟန်းတော်များဟု သုံးနှုန်းပြီး ဇန်န၀ါရီ ၂၅ ရက် ရက်စွဲနဲ့ နိုင်ငံတော် သံဃာ့မဟာနာယက အဖွဲ့က စာထုတ် ဆင့်ခေါ်ခဲ့တယ်လို့ သိရှိရပါတယ်။
နိုင်ငံတော် သံဃာ့မဟာနာယက အဖွဲ့ တတိယ အဖွဲ့ခွဲရဲ့ ဇန်န၀ါရီ ၂၅ ရက်က ကျင်းပတဲ့ သတ္ထမအကြိမ် ပထမ အထူး အစည်း ဝေးပွဲကြီးက ဆုံးဖြတ် အပြီး သံဃာတော် ငါးပါးကို ဆင့်ခေါ်ခဲ့တာပါ။ ဒီဆင့်ခေါ်စာကို ဒီကနေ့ ဇန်န၀ါရီ ၂၆ ရက်မှ လက်ဝယ် ရရှိခဲ့တယ်လို့ ဦးဣဿရိယက မိန့်ပါတယ်။
စာမှာ ပြစ်မှုကျူးလွန်တဲ့ ရဟန်းတွေလို့ သုံးနှုန်းထားပြီး သံဃာ့ နာယက အဖွဲ့ တွဲဘက် အကျိုးတော်ဆောင် ဆရာတော် လက်မှတ်ထိုးကာ မနက်ဖြန် လာပြီး ဖြေရှင်းဖို့ ပင့်ထားကြောင်း မိန့်ပါတယ်။
ဦးဂမ္ဘီရ အပါအ၀င် သံဃာငါးပါး သီတင်းသုံး နေထိုင်တဲ့ မဂ္ဂင်ကျောင်းတိုက်ဟာ၂၀၀၇ ရွှေဝါရောင် တော်လှန်ရေး အပြီး ချိတ် ပိတ် ထားခဲ့တဲ့ ဘုန်းကြီးကျောင်း ဖြစ်တဲ့ အတွက် ဘုန်းကြီးကျောင်းကို ဖွင့်ပြီး သီတင်းသုံး နေထိုင်တဲ့ ကိစ္စနဲ့ ပတ်သက်နိုင် ကြောင်း၊ ပြေလည်အောင် ညှိနိုင်းသွားမှာ ဖြစ်ကြောင်း ဦးဣဿရိယက မိန့်ပါတယ်။
နိုင်ငံတော် သံဃာ့မဟာနာယက အဖွဲ့က ဆင့်ခေါ်ခြင်းခံရတဲ့ ဦးဂမ္ဘီရ အပါအ၀င် သံဃာတော် ငါးပါးလုံးဟာ အခုလ ၁၃ ရက်က နိုင်ငံတော်သမ္မတ လွတ်ငြိမ်း ချမ်းသာခွင့်နဲ့ ပြန်လည် လွတ်မြောက်လာတဲ့ နိုင်ငံရေး အကျဉ်းသားဟောင်း သံဃာတော်တွေ ဖြစ်ပါတယ်။
Ref: အာရ်အဖ်အေ
Read More...
Collapse...
January 26, 2012
အေးနိုင်
ကချင်ပြည်နယ်နဲ့ ရှမ်းပြည်နယ်အတွင်းမှာ စစ်ဆင်ရေးလုပ်နေတဲ့ မြန်မာ့တပ်မတော် တပ်မ ၉၉ ကို လွန်ခဲ့တဲ့ရက်ပိုင်းကစပြီး ရုပ်နေတယ်လို့ စစ်ဘက်သတင်း ရပ်ကွက်တွေက ပြောပါတယ်။
မြန်မာ့တပ်မတော်က တိုင်းရင်းသားအဖွဲ့တွေနဲ့ အပစ်အခတ် ရပ်စဲရေး ပျက်ပြီးတဲ့နောက် တပ်မ ၉၉ ကို လွန်ခဲ့တဲ့ သုံးရက်ခန့် ကစပြီး ရုပ်သိမ်းနေတယ်လို့ ကချင်လွတ်လပ်ရေးအဖွဲ့ ပြောခွင့်ရသူ ဦးလနန်းက ပြောပါတယ်။
“တပ်မဟာ ၉၉ ကတော့ ကချင်ပြည်နယ် မန်စီမြို့နယ်ရယ်၊ ရှမ်းပြည်မြောက်ပိုင်း မန်တုံဒေသတွေရယ်မှာ တပ်ရင်းတွေခွဲပြီးတော့ စစ်ဆင်ရေးလုပ်ကြတယ်။ သူတို့ သက်တမ်းကတော့ တနှစ်လောက်ကျော်သွားပြီ။ ဒီဘက်ရောက်တာ။ ပြန်ဖို့အစီအစဉ်ရှိတယ်။ ပြန်ဖို့ သတင်းထွက်နေတာ ကြာပြီ။ ဒီ ၃၊ ၄ ရက်မှာတော့ တချို့ ဆင်းသွားကြပြီ။ တခြား တပ်မဟာတွေကတော့ ရှိတုန်းပါပဲဗျ။ တပ်မ ၈၈ လည်း ကျန်သေးတယ်။ တခြားဒေသက တတ်လာတဲ့ စခခ တွေလည်း ရှိသေးတယ်။”
တပ်ရုပ်သိမ်းမှုနဲ့အတူ မြန်မာ့တပ်မတော်ဘက်က အောက်ခြေတပ်တွေကို အပစ်အခတ်မလုပ်ဖို့ ညွှန်ကြားတယ်ဆိုတာ သိရတယ်လို့ ဆိုပါတယ်။
အစိုးရဘက်က တပ်ရုပ်မှုဟာ တရုတ်နိုင်ငံ ရွှေလီမြို့မှာ အစိုးရငြိမ်းချမ်းရေးကိုယ်စားလှယ်အဖွဲ့နဲ့ ကေအိုင်အိုကိုယ်စားလည်အဖွဲ့ ပဏာမ တွေ့ဆုံခဲ့ပြီးတဲ့နောက် ဖြစ်ထွန်းမှု ဖြစ်ပါတယ်။
ရွှေလီဆွေးနွေးပွဲမှာ နှစ်ဘက်က နိုင်ငံရေးနည်းနဲ့ ဆက်ဆွေးနွေးဖို့နဲ့ စစ်ရေးအရှိန်ကို ထိန်းသိမ်းပြီး ထိတွေ့မှုဖြစ်နိုင်မယ့် နေရာက တပ်တွေအခြေအနေကို ညှိနှိုင်းမယ်လို့ သဘောတူခဲ့ကြပါတယ်။ ဒါ့အပြင် လာမယ့်လအတွင်းမှာလည်း နှစ်ဘက်ထပ်တွေ့ဖို့ စီစဉ်ထားကြပြီး ရက် မသတ်မှတ်ရသေးဘူးလို့ ကေအိုင်အို ပြောခွင့်ရသူက ဆိုပါတယ်။
အလားတူ ရှမ်းပြည်တပ်မတော် မြောက်ပိုင်း၊ ရှမ်းပြည်တိုးတက်ရေးပါတီ (အက်စ်အက်စ်ပီပီ) ၀မ်ဟိုင်းဌာနချုပ် အနီးမှာ အခြေ စိုက်ထားတဲ့ မြန်မာ့တပ်မတော်တပ်ဖွဲ့ တချို့ ပြန်ရုပ်သွားတယ်လို့ ပါတီရဲ့ ပြောခွင့်ရသူ အတွင်းရေးမှူး -၂ ဗိုလ်မှူးကြီး စိုင်းထူးက ပြောပါတယ်။
တပ်ရုပ်သိမ်းဖို့ အက်စ်အက်စ်ပီပီ က အစိုးရ တာဝန်ရှိသူတွေကို နေပြည်တော်မှာ သွားရောက်တွေ့ဆုံတုန်းက တောင်းဆိုခဲ့ ဖူးပါတယ်။
လာမယ့် ၂၈ ရက်နေ့မှာ သူတို့ပါတီက ကိုယ်စားလှယ်တွေနဲ့ ပြည်ထောင်စုအစိုးရ ငြိမ်းချမ်းရေးဖော်ဆောင်ရေး ကိုယ်စားလှယ်တွေ တောင်ကြီးမှာ တွေ့ဆုံဖို့ ချိန်းထားပြီး အပစ်ရပ်ရေး၊ ဆက်ဆံရေးရုံးဖွင့်ရေးနဲ့ အစိုးရတပ်တွေ ပြန်ရုပ်ရေးကိစ္စ ဆွေးနွေးမယ်လို့ ဆိုပါတယ်။
မွန်ပြည်သစ်ပါတီကလည်း ဒီလကုန်ပိုင်းမှာ အစိုးရဘက်က ငြိမ်းချမ်းရေး ကိုယ်စားလှယ်အဖွဲ့နဲ့ တွေ့ဆုံမှာ ဖြစ်ပါတယ်။
ကရင်အမျိုးသားအစည်းအရုံးကတော့ ဘားအံမှာ အပစ်အခတ်ရပ်စဲရေး ပဏာမ သဘောတူညီချက်ရထားပြီး အစိုးရ ကိုယ်စား လှယ်တွေနဲ့ တလခွဲအတွင်း ထပ်တွေ့ဖို့ သဘောတူထားပါတယ်။
Ref: ဒီဗွီဘီ
Read More...
Collapse...
January 26, 2012
ပီတာအောင်
မြန်မာအစိုးရရဲ့ ဒီမိုကရေစီရေး ပြုပြင်ပြောင်းလဲမှုတွေကို ကုလသမဂ္ဂ အတွင်းရေးမှူးချုပ် ဘန်ကီမွန်းက ချီးကျူးလိုက်ပြီး သူ့အနေနဲ့ မြန်မာနိုင်ငံကို မကြာခင် သွားရောက် လည်ပတ်ဖို့ စီစဉ်နေတယ်လို့  ပြောကြားလိုက်ပါတယ်။
နယူးယောက်မြို့ ကုလသမဂ္ဂဌာနချုပ်မှာပြုလုပ်တဲ့ သတင်းစာရှင်းလင်းပွဲမှာ ဘန်ကီမွန်းက သတင်းထောက်တွေကို ပြောကြားလိုက် တာဖြစ်ပြီး မြန်မာပြည်သွားမယ့် ရက်အတိအကျကိုတော့ ပြောဆိုခြင်း မရှိပါဘူး။
အတွင်းရေးမှူးချုပ်က မကြာသေးခင်လတွေက နိုင်ငံရေးအကျဉ်းသားတွေ ပြန်လွှတ်ပေးမှုအပါအ၀င် မြန်မာ အာဏာပိုင်တွေရဲ့ ဆောင်ရွက်ချက်တွေကို အားတက်မိတဲ့အကြောင်း၊ မကြာခင်မှာ မြန်မာပြည် သွားရောက်ပြီး မြန်မာ ခေါင်းဆောင်တွေနဲ့ ဆွေးနွေး မှုတွေ ပြုလုပ်သွားမယ်လို့့ပြောပါတယ်။
ဒါ့အပြင် အိန္ဒိယသံမတ်ကြီးဟောင်း ဗီဂျေးနမ်ဘီယားကို သူ့ရဲ့ မြန်မာနိုင်ငံဆိုင်ရာ အထူးအကြံပေး ပုဂ္ဂိုလ်အဖြစ် တရားဝင် ခန့်အပ်ကြောင်းလည်း အတွင်းရေးမှူးချုပ် ဘန်ကီမွန်းက ကြေညာခဲ့ပါတယ်။
မစ္စတာနမ်ဘီယားဟာ ပါကစ္စတန် တရုတ်နဲ့ အာဖဂန်နစ္စတန်နိုင်ငံဆိုင်ရာ အိန္ဒိယ သံအမတ်အဖြစ် တာဝန် ထမ်းဆောင်ခဲ့ဖူးသူ ဖြစ်ပြီး ကုလသမဂ္ဂမှာ ၂၀၀၇ ခုနှစ်ကတည်းက ကုလသဂ္ဂ ရုံးအဖွဲ့ အရာရှိချုပ်အဖြစ် အမှု ထမ်းနေတာပါ။
အခု ဒီတာဝန်ကနေ အနားယူပြီး မြန်မာပြည်ဆိုင်ရာ အထူးအကြံပေးအဖြစ် စတင်တာဝန်ထမ်းဆောင်မှာ ဖြစ်ပါတယ်။
အတွင်းရေးမှူးချုပ်ကတော့ မစ္စတာနမ်ဘီယားဟာ ကုလသမဂ္ဂ ရင်ဆိုင်ခဲ့ရတဲ့ စိန်ခေါ်မှုတွေကို မပျက်မကွက် အကြံပေး ကိုင်တွယ် ဖြေရှင်းနိုင်ခဲ့သူ ဖြစ်တယ်လို့လည်း ချီးကျူးစကား ပြောကြားခဲ့ပါတယ်။
မစ္စတာ နန်ဘီယားဟာ မြန်မာနိုင်ငံ အမျုိးသားပြန်လည်သင့်မြတ်ရေး ကြားဝင်ဆောင်ရွက်ပေးတဲ့ ရာဇာလီ အစ္စမေးလ်နဲ့ အီဘရာဟင် ဂန်ဘာရီတို့နောက် ကုလသမဂ္ဂ အထူးကိုယ်စားလှယ်အဖြစ် မြန်မာနိုင်ငံကို သွားရောက်ခဲ့ဖူးပြီး ဒေါ်အောင် ဆန်းစုကြည်နဲ့လည်း တွေ့ဆုံခဲ့ဖူးပါတယ်။
ဒေါ်အောင်ဆန်းစုကြည်ကလည်း မစ္စတာ ဘန်ကီမွန်း အနေနဲ့ မြန်မာနိုင်ငံရေးကို လေးလေးနက်နက် စောင့်ကြည့်လေ့လာပြီး အချိန်ပြည့် တာဝန်ယူနိုင်မယ့် သူကို ခန့်အပ်ထားရင် မြန်မာနိုင်ငံရဲ့ အခြေအနေမှန်ကို တိတိကျကျ သိမှာဖြစ်တဲ့အတွက် အကြံပေးပုဂ္ဂိုလ်တဦး အမြန်ဆုံး ခန့်အပ်ဖို့ သတင်း မီဒီယာတွေကနေ တိုက်တွန်းခဲ့ဖူးပါတယ်။
ကုလသမဂ္ဂအနေနဲ့ကတော့ မြန်မာနိုင်ငံ ဒီမိုကရေစီ ပြုပြင်ပြောင်းလဲရေး လုပ်ငန်းစဉ်မှာ အဓိက အခန်းကဏ္ဍက ဆက်လက် ပါဝင်သွားမယ်လို့လည်း ပြောပါတယ်။
အတွင်းရေးမှူးချုပ် မစ္စတာ ဘန်ကီမွန်းဟာ လွန်ခဲ့တဲ့ ၂၀၀၈ ခုနှစ် မေလက မြန်မာနိုင်ငံမှာ နာဂစ်မုန်တိုင်း ဒဏ်ခံရပြီးနောက် ကယ်ဆယ်ရေး လုပ်ငန်းတွေ တွန်းအားပေး လုပ်ဆောင်ဖို့ ရည်ရွယ်ပြီး ပထမဆုံးအကြိမ် သွားရောက်ခဲ့ဖူးပါတယ်။
Ref: ဒီဗွီဘီ
Read More...
Collapse...
January 25, 2012
ရွှေအောင်
ရန်ကုန်မြို့မှာ ကန်ထရိုက်တိုက်ဆောက်ရင် မြေညီထပ်ကို ကားထားဖို့ ကားပါကင် လုပ်ရမယ်ဆိုတာကြောင့် ကန်ထရိုက်တွေနဲ့ အိမ်ပိုင်ရှင်တွေ အခက်တွေ့နေကြပါတယ်။
အခုနှစ်ဆန်း စတင်တဲ့ ရန်ကုန်မြို့တော် စည်ပင်သာယာရေး ကော်မတီ၊ အင်ဂျင်နီယာဌာန အဆောက်အဦရဲ့ ညွှန်ကြားချက်ကြောင့် အခက်ကြုံနေကြတာပါ။
ကန်ထရိုက်တိုက် တလုံးဆောက်ရင် အောက်ဆုံး မြေညီထပ်ကို ကားထားဖို့ ကားပါကင် ဆောက်ရမယ်လို့ တိုက်ဆောက်ဖို့ ခွင့်ပြုချက် သွားတောင်းကြရာမှာ ဌာနက ပြောလိုက်တာ ဖြစ်ပါတယ်။
ရန်ကုန်စည်ပင် သက်ဆိုင်ရာဌာန တာဝန်ကျဝန်ထမ်းတဦးက “သက်ဆိုင်ရာ တရားဝင် စာပို့ဖို့ ရေးပြီးသွားပြီ။ အသေအချာ သိချင်ရင်တော့ ရုံးကအရာရှိတွေကို သေချာလာမေးလိုက်၊ ကျမတို့ဖြေရင် မှားသွားမှာစိုးလို့။”
ရန်ကုန်မှာ ကန်ထရိုက်တိုက်တလုံး ဆောက်ပြီးရင် မြေညီထပ်က ဈေးအများဆုံးရပြီး အိမ်ရှင်နဲ့ ကန်ထရိုက် နှစ်ဦးနှစ်ဖက်အတွက် တိုက်ခန်းခွဲဝေယူဖို့ အဆင်ပြေနေကြတာပါ။
ကားပါကင် လုပ်ရမယ်ဆိုတဲ့အတွက် နှစ်ဦးနှစ်ဖက် အကျိုးမရှိပုံကို ကန်ထရိုက်တဦးက ခုလို ပြောပြပါတယ်။
“သူက မြေညီထပ်ကို ကားပါကင်လုပ်လိုက်တဲ့ အတွက်ကြောင့်မို့လို့ သိန်း ၃၀၀၊ ၄၀၀ ကို တပြားမှလည်း မရတော့ဘူး။ အိမ်တွေလည်း မရတော့ဘူး။ ကားပါကင် ဖြစ်သွားရော။ အကျိုးသက်ရောက်မှုကတော့ နံပါတ်တစ် ကားပါကင် ဖြစ်သွားတော့ အိမ်ရှင် လည်း အကျိုးအမြတ် မရဘူး။ ကန်ထရိုက်ကလည်း အဆင်မပြေတော့ဘူး။”
ရန်ကုန်မြို့ လယ် ၆ မြို့နယ်ကလွဲပြီး ကျန်တဲ့မြို့နယ် အတော်များများမှာ ကန်ထရိုက်တိုက်တွေ ဆောက်လုပ်ပြီး ဖြစ်တာကြောင့် အခုအချိန်မှ ကားပါကင်ထားဖို့ လုပ်လာတာလည်း အကျိုးမရှိဘူးလို့ ဆိုပါတယ်။
“အခု ဒီဘက်မှာဖြစ်နေတဲ့ ကျောက်မြောင်း၊ စမ်းချောင်း၊ တာမွေ၊ ကြည့်မြင်တိုင်တို့ဘက်တွေမှာ လာကြည့်မယ်ဆိုရင် လမ်းတလမ်းမှာ အိမ်ခြေ ၅၀ ရှိတယ်ဆိုရင် ဥပမာ အိမ်ခြေ ၄၅ လုံးက ကန်ထရိုက်တိုက် ဆောက်ပြီးနေပြီ၊ ၅ လုံးလောက်ပဲ ကျန်တော့တယ်။ အဲဒီ ၅ လုံးကို ကားပါကင်လုပ်လိုက်တဲ့အခါမှာ အကျိုးသက်ရောက်မှုက ၅ လုံးထဲနဲ့လည်း ဘာဖြစ်မှာလဲ၊ မထူးတော့တဲ့ပုံစံ ဖြစ်နေတယ်။ ခုချိန်မှ ဒီအမိန့်ကို ထထုတ်လိုက်တဲ့အခါမှာ ဒီကားပါကင်ထဲကို ကျန်တဲ့အိမ်တွေကတော့ အဆင်ပြေတယ်။ လက်ရှိဆောက်မယ့်လူကတော့ အိမ်က ရှိတာမှ လေးငါးလုံး ကျန်တော့တယ်။ ပိုက်ဆံအဆင်မပြေလို့ ဆောက်ကာမှ ကားပါကင်က လုပ် လိုက်တဲ့ အခါကျတော့ နောက်လူခံရတာပေါ့။”
ကန်ထရိုက်တိုက် တလုံးမှာ မြေညီထပ် နှစ်ခန်းပါရှိပြီး ကာလပေါက်ဈေးက အချက်အချာကျတဲ့ လမ်းမတန်း နေရာမှာ တခန်းကို ကျပ်သိန်း ၈၀၀ လောက်၊ အတွင်းလမ်း နေရာမှာတော့ ကျပ်သိန်း ၄၀၀ လောက် ပေါက်ဈေး ရှိပါတယ်။
ကန်ထရိုက်တိုက် ဆောက်ကြရာမှာ့ ၆ ထပ် အမြင့်ဆောက်ကြပြီး အိမ်ရှင်နဲ့ ကန်ထရိုက်တို့ အခန်းတဝက်စီယူဖို့ သဘောတူ ဆောက်ကြတာ များပါတယ်။
ရန်ကုန်မြို့ မှာတော့ စမ်းချောင်းနဲ့ ကျောက်မြောင်းဘက်က ကန်ထရိုက် တိုက်ခန်းတွေကို လူကြိုက်များ လူနေများကြတာလည်း ဖြစ်ပါတယ်။
Ref: ဒီဗွီဘီ
Read More...
Collapse...
January 25, 2012
နန်းမြနဒီ
၂၀၁၀ ရွေးကောက်ပွဲဝင်တဲ့ မွန်ဒေသလုံးဆိုင်ရာ ဒီမိုကရေစီပါတီနဲ့ ၁၉၉၀ ရွေးကောက်ပွဲအနိုင်ရပြီး ဖျက်သိမ်းခံထားရတဲ့ မွန်အမျိုးသားဒီမိုကရေစီ အဖွဲ့ချုပ်တို့ဟာ တပါတီတည်း ပေါင်းစည်းကြဖို့ ဒီလ ၂၃ ရက်နေ့မှာ သဘောတူညီချက် ရရှိခဲ့ကြပါတယ်။
မော်လမြိုင်မြို့မှာ ဒီလ ၂၃ ရက်နေ့မှာ ပါတီနှစ်ခုက ဖွဲ့စည်းထားတဲ့ ပါတီပေါင်းစည်းရေး ကော်မရှင်နှစ်ဖွဲ့လုံးကို ခေါ်ပြီး သံဃာတော်တွေက ဝင်ရောက် ဖြေရှင်းပေးတယ်လို့ မွန်အမျိုးသားဒီမိုကရေစီအဖွဲ့ ပြောခွင့်ရ ဒေါက်တာမင်းစိုးလင်းက ပြောပါတယ်။
“သံဃာတော် တွေက ကြားကနေ ဒိုင်လုပ်ပြီးတော့ ဝင်ရောက် ဖြေရှင်းပေးတယ်။ တပါတီတည်း ပေါင်းရမယ်၊ အချိန်မဆွဲဘဲ အမြန်ဆုံးပေါင်းရမယ်။ ကြားနာမည်တခုပြောင်းပြီး ပေါင်းရမယ်” ဆိုပြီး ဝင်ရောက် ဖြေရှင်းပေးတယ်လို့ ဆိုပါတယ်။
ပူးပေါင်းဖို့ ညှိနှိ်ုးရာမှာ မြင်တွေ့ရတဲ့ အနေအထားကို ဒေါက်တာမင်းစိုးလင်းက ခုလို ပြောပါတယ်။
“အဓိကတော့ ကြားနာမည်တခု ပေါင်းစည်းရေးက သူတို့ဘက်က ဆုံးဖြတ်ပိ်ုင်ခွင့် မရှိဘူး။ ဒါပေမယ့် ဆရာတော်တွေက ဆုံးဖြတ်ပိ်ုင်ခွင့်ရှိတယ်။ ကြားနာမည်ကိုယူတယ်။ သူတို့ဘက်က ကြားနာမည်ကို ဆုံးဖြတ်ပိုင်ခွင့် မရှိတဲ့အတွက်ကြောင့် စီအီးစီ အစည်းအဝေးမှာ ပြန်ပြီးတော့ အဆုံးအဖြတ် ပြန်ယူမယ်။”
မွန်ဒေသလုံး ဆိုင်ရာ ဒီမိုကရေစီပါတီ ဥက္ကဋ္ဌ နိုင်ငွေသိန်းက ပါတီနှစ်ခု ပူးပေါင်းမှာ ဖြစ်တယ်။ ပါတီမပေါင်းသေးခင် ကာလမှာ လည်း ပူးပေါင်းဆောင်ရွက်မှာ ဖြစ်တယ်လို့ ပြောပါတယ်။
“နာမည် အခက်အခဲဆိုတာ နာမည်အသစ် ရွေးကြရအောင်ဆိုတော့ နာမည်ခက်ခဲတာပါ။ ဆွေးနွေးတုန်းပဲ။ တွေ့ဆုံဆွေးနွေးကြ အတူတကွလုပ်ကြ။ ဒါကတော့ နာမည်ကတော့ အရေးမကြီးဘူးလေ။ ပူးပေါင်းဖို့ပဲ အရေးကြီးတယ်။ အကောင်းဆုံးဖြစ်အောင် ဆွေးနွေးနေကြတယ်။”
လွန်ခဲ့တဲ့ ရက်ပိုင်းက မွန်ပြည်သစ်ပါတီ ထိန်းချုပ်နယ်မြေမှာ ကျင်းပတဲ့ မွန်အမျိုးသားရေးရာ အဖွဲ့ချုပ်ညီလာခံမှာ မွန်ပါတီနှစ်ခုကို တပါတီတည်းဖြစ်အောင် ပူးပေါင်းဖို့ တိုက်တွန်းခဲ့ပါတယ်။
ဖျက်သိမ်း ခံထားရတဲ့ မွန်အမျိုးသားဒီမိုကရေစီအဖွဲ့ချုပ်ဟာ ၁၉၉၀ ပြည့် ပါတီစုံ ဒီမိုကရေစီ အထွေထွေရွေးကောက်ပွဲမှာ အမတ်နေရာ ၅ နေရာရပေမယ့် ဖျက်သိမ်းခံခဲ့ရပါတယ်။ မွန်ဒေသလုံးဆိုင်ရာ ဒီမိုကရေစီပါတီကတော့ ၂၀၁၀ ရွေးကောက်ပွဲမှာ ဝင်ရောက် ယှဉ်ပြိုင်ခဲ့ပါတယ်။
ပါတီနှစ်ခု ပူးပေါင်းဖို့ အတွက် သူတို့ပါတီက မနှစ် ဒီဇင်ဘာ ၂၇ ရက် နေ့စွဲနဲ့ မွန်ဒေသလုံးဆိုင်ရာ ဒီမိုကရေစီပါတီကို ကမ်းလှမ်းခဲ့တယ်လို့ ဒေါက်တာမင်းစိုးလင်းက ပြောပါတယ်။
Ref: ဒီဗွီဘီ
Read More...
Collapse...
January 25, 2012
မင်းလွင်
တယ်လီဖုန်းဆင်းမ်ကတ်တခုကို ကျပ် ၅,၀၀၀ နဲ့ အများပြည်သူ အသုံးပြုနိုင်ဖို့ ရွှေပြည်တံခွန် ကုမ္ပဏီက မြန်မာ့ဆက်သွယ်ရေး စာတိ်ုက်၊ ကြေးနန်း ဝန်ကြီးဌာနနဲ့ ပူးပေါင်းဖို့ တရားဝင် လျှောက်လွှာတင်လိုက်ပြီလို့ မန်းနေဂျင်း ဒါရိုက်တာ ဦးလွင်နိုင်ဦးက ပြောပါတယ်။
“ဒီနေ့ပဲ ကျနော် ဆက်သွယ်ရေးကို တင်လိုက်တယ်။ အခုထိ ဘာမှ မသိရသေးဘူး။ တင်တယ်ဆိုတာ ကျနော်တို့ ဒီလုပ်ငန်းအတွက် ပူးပေါင်းဆောင်ရွက်ဖို့ ကိစ္စတွေ၊ စီးပွားရေး အစီအစဉ်တွေပေါ့။ နည်းပညာပိုင်း ဆိုင်ရာတွေပါ နှစ်ခုလုံးပါတယ်။ ပြည်သူတွေ စရိတ် သက်သက်သာသာနဲ့ တယ်လီဖုန်းတွေ ကိုင်နိုင်အောင် ကျနော် ကြိုးစားနေပါတယ်။ ဆက်သွယ်ရေး ဝန်ကြီးဌာန လည်း ပူးပေါင်း ဆောင်ရွက်ပြီး ဘယ်လိုလုပ်လို့ ရနိုင်မလဲ ဆိုတဲ့ နည်းလမ်းတွေပေါ့။ ကျနော်တို့က ဥပဒေအရ၊ မူဘောင်အရ သွားနေတာပါ။”
မြန်မာပြည်မှာ ဆက်သွယ်ရေး နည်းပညာအတွက် ပြဋ္ဌာန်းထားတဲ့ ဥပဒေ မရှိသေးတဲ့အတွက် အစိုးရမဟုတ်တဲ့ ကုမ္ပဏီ အဖွဲ့အစည်းတွေ အတားအဆီးလည်း ဖြစ်နေတယ်လို့ ဦးလွင်နိုင်ဦးက ပြောပါတယ်။
“ကျနော်တို့ ဆီမှာ ဆက်သွယ်ရေးနဲ့ ပတ်သက်လို့ ပြင်သင့်တာတွေ ပြင်ဖို့ နိုင်ငံတော်အကြီးအကဲတွေ၊ သက်ဆိုင်ရာ ဝန်ကြီးဌာနတွေက ကျနော်တို့ကို ပြောထားတယ်။ ပြည်သူတွေအတွက် လိုအပ်လို့ရှိရင် မြစ်ဆုံ ကိစ္စပဲကြည့်၊ ထားဝယ်ကျောက်မီးသွေးကိစ္စပဲ ကြည့်ကြည့်၊ နိုင်ငံတော် သမ္မတကြီးက မှန်ကန်တဲ့ ဆုံးဖြတ်ချက်တွေ ချခဲ့တယ်။ အခုလောလောဆယ် အစိုးရရဲ့ ဆက်သွယ်ရေး ကွန်ရက်ကလည်း လုပ်နိုင်စွမ်း မရှိတာတို့၊ အင်တာနက်တွေက နှေးနေတာ၊ ဆက်သွယ်ရေးကို မြှင့်တင်အောင် လုပ်မှာဆိုတော့ အဲဒီအပိုင်းတွေကိုလည်း စဉ်းစားထားပါတယ်။”
အစိုးရက ခွင့်ပြုချက်ရရင် ၂၀၁၃ ခုမှာ အများပြည်သူလက်ထဲ ထုတ်ရောင်း နိုင်မယ်လို့လည်း ပြောပါတယ်။
ဆင်းမ်ကတ်တခုရဲ့ မူလတန်ဖိုးဟာ မြန်မာကျပ်ငွေ ၃၀၀ ပတ်ဝန်းကျင်သာ ရှိတယ်လို့လည်း သိရပါတယ်။
မြန်မာဆက်သွယ် ရေး၊ စာတိ်ုက်နဲ့ ကြေးနန်းဝန်ကြီးဌာနနဲ့ နီးစပ်တဲ့ ကုမ္ပဏီတွေကတော့ ဂျီအက်စ်အမ် ဟန်းဖုန်း ဆင်းမ်ကတ် တကတ်ကို ကျပ် ငွေ ၃သိန်း နဲ့ ၂၀၁၂ မှာ ရောင်းချမယ်လို့လည်း သိရပါတယ်။
Ref: ဒီဗွီဘီ
Read More...
Collapse...
25 ဇန်နဝါရီ 2012
ကိုအောင်လွင်ဦး
မြန်မာနိုင်ငံမှာ စီးပွားရေး မူဝါဒတွေကို ပြင်ဆင်လာတဲ့အတွက် တိုးတက်မှု လက္ခဏာတွေကို တွေ့မြင်လာနေရပြီလို့ နိုင်ငံတကာ ငွေကြေးရန်ပုံငွေအဖွဲ့ (IMF) က ပြောလိုက်ပါတယ်။ တချိန်တည်းမှာပဲ စိမ်ခေါ်မှုတွေနဲ့ အခြေခံကျတဲ့ ပြုပြင်ပြောင်းလဲမှုတွေ လုပ်ဆောင်ဖို့ အများအပြား ရှိနေသေးတာကိုလည်း IMF ရဲ့ သီတင်း ၃ ပတ်နီးပါးကြာ မြန်မာနိုင်ငံ ခရီးစဉ် အဆုံးသတ်ချိန် မှာပဲ ပြောဆိုလိုက်တာပါ။ အပြည့် အစုံကိုတော့ IMF တာဝန်ရှိသူနဲ့ ဆက်သွယ်မေးမြန်းထားတဲ့ ကိုအောင်လွင်ဦး က တင်ပြ ပေးထားပါတယ်။
မြန်မာနိုင်ငံမှာ အစိုးရ အပြောင်းအလဲနဲ့အတူ မူဝါဒတွေကို ပြောင်းလဲ ကျင့်သုံး လာရာက စီးပွားရေး တိုးတက်မှု လက္ခဏာတွေ၊ ဆက်လက် တိုးတက်ဦးမယ့် အလားအလာတွေ ထွက်ပေါ်လာတဲ့အကြောင်း နိုင်ငံတကာ ငွေကြေးရန်ပုံငွေအဖွဲ့ (IMF) ကိုယ်စား လှယ်တွေရဲ့ ခရီးစဉ် အဆုံးသတ်ချိန်မှာ ပြောလိုက်တာပါ။
ဇန်န၀ါရီလ ၉ ရက်နေ့ကနေ ၂၅ ရက်နေ့ ခရီးစဉ်အတွင်း နေပြည်တော်နဲ့ ရန်ကုန်မြို့တွေမှာ အစိုးရ တာဝန်ရှိသူတွေ အပါအ၀င် သက်ဆိုင်ရာ ပုဂ္ဂိုလ်တွေနဲ့ စီးပွားရေး ဖွံ့ဖြိုးမှု အခြေအနေတွေကို တိုင်ပင် ဆွေးနွေးမှုတွေ လုပ်ခဲ့အပြီး IMF အဖွဲ့ အပိုဒ် ၄ ကိုယ်စားလှယ်အဖွဲ့ ခေါင်းဆောင်က ကြေညာချက် ထုတ်ပြန် ပြောဆိုလိုက်တာလည်း ဖြစ်ပါတယ်။
နေပြည်တော်က ထုတ်ပြန်လိုက်တဲ့ ကြေညာချက်မှာ မြန်မာနိုင်ငံ မူဝါဒ အပြောင်းအလဲတွေဟာ လမ်းကြောင်း မှန်ပေါ် ရောက် နေတယ်လို့ ဖော်ပြထားတာ ဖြစ်တဲ့အကြောင်း ၀ါရှင်တန် IMF ရုံးချုပ်က ပြန်ကြားရေး အရာရှိ ကေကို အူဆူနိုမီယာ (Keiko Utsunomiya) ကပြောပါတယ်။
“မြန်မာနိုင်ငံရဲ့ စီးပွားရေးကို ခေတ်နဲ့အညီ ဖြစ်လာဖို့ကတော့ စီးပွားရေးနဲ့ ရင်းနှီး မြုပ်နှံမှုတွေအတွက် အားကောင်းအောင် လုပ် ဆောင်တာ၊ ဘဏ္ဍာရေး ကဏ္ဍကို ခေတ်မီအောင် လုပ်ဆောင်တာ၊ ကုန်သွယ်ရေးနဲ့ ပြည်ပက တိုက်ရိုက် ရင်းနှီးမြုပ်နှံ မှုတွေကို ပိုပြီး လွတ်လပ်ခွင့်ပေးတာလို အဟန့်အတားတွေကို ဖယ်ရှား သွားရမယ့် လုပ်ငန်းစဉ်ပါ။ အစိုးရရဲ့ မကြာသေးခင်က ကြိုးပမ်းမှု တွေကတော့ လမ်းကြောင်းမှန်ပေါ်မှာ ရှိနေပြီး သက်ဆိုင်သူတွေနဲ့ ကျယ်ကျယ်ပြန့်ပြန့် ဆွေးနွေးတိုင်ပင်မှုတွေ၊ တခြားနိုင်ငံတွေရဲ့ အတွေ့ အကြုံတွေကနေ အကောင်းဆုံး နိုင်ငံတကာ လုပ်ထုံးလုပ်နည်းတွေကို အသုံးချတာတွေ ကနေလည်း အကျိုးကျေးဇူး ခံစားရနိုင်ပါတယ်။”
မြန်မာအစိုးရကတော့ ပြုပြင် ပြောင်းလဲမှုတွေရဲ့ တစိတ်တပိုင်းအဖြစ် စီးပွားရေးမှာ အဓိက အဟန့်အတား တခုအဖြစ် ကျွမ်းကျင် သူတွေ ထောက်ပြနေတဲ့ အမျိုးမျိုးရှိနေတဲ့ ငွေကြေးလဲလှယ်မှု စနစ်ကို ပေါင်းစည်းဖို့လည်း ရည်ရွယ်ထားတာပါ။ ဒီအတွက်လည်း အကူအညီပေးဖို့ တောင်းခံခဲ့တဲ့အတွက် ပြီးခဲ့တဲ့နှစ်မှာပဲ IMF အဖွဲ့ မြန်မာနိုင်ငံကို ပထမဆုံးအကြိမ် သွားရောက်ပြီး အခြေအနေ တွေကို စတင်အကဲခတ်ခဲ့တာ ဖြစ်ပါတယ်။
မရှေးမနှောင်း ဆိုသလိုပဲ မြန်မာအစိုးရက နိုင်ငံခြားငွေကြေးကို အရင်က အစိုးရက ပုံသေသတ်မှတ်ထားတဲ့ နှုန်းအတိုင်း မထား တော့ပဲ ဈေးကွက်ပေါက်ဈေးနဲ့ အနီးစပ်ဆုံး လဲလှယ် သုံးစွဲခွင့် ပြုလာခဲ့တာပါ။ ဒီလိုပဲ ပုဂ္ဂလိက ဘဏ်တွေကို နိုင်ငံခြား ငွေလဲ ကောင်တာတွေကို ဖွင့်လှစ်ခွင့် ပြုခဲ့တာပါ။ ဒါပေမဲ့လည်း ငွေလဲလှယ်နှုန်း ပြင်ဆင်ရာမှာ သတိထားစရာတွေ ရှိနေဆဲ ဖြစ်တာ ကိုလည်း IMF က သတိပေးနေတာ ဖြစ်ပါတယ်။
“နောက်ဆုံး အနေနဲ့ကတော့ ငွေကြေးလဲလှယ်နှုန်း တပေါင်း တစည်းတည်း ဖြစ်စေဖို့ဟာ ပို့ကုန်လုပ်ငန်းသာ ပထမဆိုတဲ့ မူဝါဒ ကို ရှောင်ရှားသွားဖို့ လိုပါလိမ့်မယ်။ ငွေတန်ဘိုး တက်လာတဲ့ အချိန်အခါမျိုးမှာ လဲလှယ်နှုန်း အပေါ် ကန့်သတ်ချက် တချို့ကို ချက်ခြင်း ဖယ်ရှားလိုက်တာမျိုး လုပ်နိုင်ပါတယ်။ ဥပမာအားဖြင့် ကုန်တင်သွင်းမှုတွေမှာ နိုင်ငံခြားငွေအတွက် ဘဏ်စာရင်း ဖွင့်ခွင့် ပြုတာမျိုး၊ ကုန်တင်သွင်းခွင့် လိုင်စင် သတ်မှတ်ချက်တွေ လျှော့ချတာမျိုး၊ အသစ်စက်စက် ဖွင့်လှစ်လိုက်တဲ့ နိုင်ငံခြားငွေလဲ ကောင်တာတွေကို သုံးစွဲတာမျိုး လုပ်နိုင်ပါတယ်။”
မြန်မာနိုင်ငံရဲ့ စီးပွားရေး ဖွံ့ဖြိုးမှုဟာ ၂၀၁၁ -၂၀၁၂ ဘဏ္ဍာရေးကာလမှာ ၅.၅ ရာခိုင်နှုန်း လောက်အထိ ရှိရာကနေ နောက် တနှစ် ၂၀၁၂ -၂၀၁၃ မှာတော့ ၆ ရာခိုင်နှုန်းအထိ တိုးလာမယ်လို့လည်း IMF က ခန့်မှန်းထားပါတယ်။ တိုးတက်မှုတွေဟာ ပြည်ပကုန် တင်ပို့မှုတွေ၊ ရင်းနှီးမြုပ်နှံမှုတွေ တိုးလာတဲ့ အတွက် သာမက၊ စီးပွားရေး လုပ်ငန်းတွေရဲ့ ယုံကြည်မှု တိုးတက် လာတာတွေကြောင့် ဖြစ်မယ်လို့လည်း IMF က ဟောကိန်းထုတ်ပါတယ်။
စိမ်ခေါ်မှုတွေ အဖြစ်နဲ့ကတော့ ၂၀၁၁ -၂၀၁၂ ဘဏ္ဍာရေး ကာလမှာ ငွေကြေးဖောင်းပွမှုနှုန်းဟာ ၄.၂ ရာခိုင်နှုန်း ရှိနေရာကနေ နောက်တနှစ်မှာတော့ ၅.၈ ရာခိုင်နှုန်းအထိ ရှိနိုင်တယ်လို့လည်း သတိပေးထားတာ ဖြစ်ပါတယ်။
Ref: ဗွီအိုအေ
Read More...
Collapse...
25 ဇန်နဝါရီ 2012
ကိုသားညွန့်ဦး
မနေ့ညတုန်းက အမေရိကန်ကွန်ဂရက်မှာ သမ္မတ အိုဘားမားက နှစ်စဉ် နိုင်ငံတော် အခြေပြ မိန့်ခွန်း ပြောဆိုသွားရာမှာ အမေရိ ကန်နိုင်ငံ စီးပွားရေး မြန်မြန်ဆန်ဆန် ကောင်းမွန်လာရေးအတွက် စီမံရေးဆွဲထားတဲ့ အစီအစဉ် တွေကိုရှင်းလင်းပြောဆို သွားပါ တယ်။ နိုင်ငံတကာအရေးကိစ္စတွေ ပြောရာမှာတော့ အာရှပစိဖိတ်ဒေသ အပေါ်အမေရိကန် ပြည်ထောင်စုရဲ့ အလေးပေးစဉ်း စား ချက်ကို ဖော်ပြသွားသလို မြန်မာနိုင်ငံရဲ့ အပြောင်းအလဲတွေ အပေါ်မှာလည်း မျှော်လင့်သစ်တွေ ဖြစ်လာစေတယ်လို့ မြန်မာ့ အရေး ကိစ္စကိုပါ ထည့်သွင်း ပြောဆိုသွားပါတယ်။ ဒီအကြောင်း ကိုသားညွန့်ဦးက ဆက်ပြောပြပေးပါမယ်။
လွှတ်တော်နှစ်ရပ်စလုံးရှေ့ ပြောဆိုတဲ့ သမ္မတအိုဘားမားရဲ့ မနေ့ညက နိုင်ငံတော်အခြေပြ မိန့်ခွန်းထဲ နိုင်ငံခြားရေးရာ မူဝါဒပိုင်း ဆိုင်ရာ တွေနဲ့ပတ်သက်လို့ ရှင်းလင်းရာမှာ မြန်မာပြည်ကိုပါ နာမည်တပ်ပြီး ပြောဆိုသွားပါတယ်။ အဓိကတော့ အမေရိကန် ပြည်ထောင်စုအနေနဲ့ အာရှပစိဖိတ်ဒေသ အပေါ်မှာအရင်ကထက်ပိုမိုအာရုံထားလာတဲ့အချိန်မှာ မြန်မာ အပါအဝင်ဒီဒေသတွင်း ဖြစ်ပျက် နေတာတွေကိုလည်း စောင့်ကြည့် အကဲဖြတ်နေတယ်ဆိုတာကို သမ္မတ အိုဘားမားက သတိပေးပြောသွားတာပါ။
“အမေရိကန်ပြည်ထောင်စုဟာ ပစိဖိတ်ဒေသရဲ့ အင်အားကြီးတခုဖြစ်တယ်ဆိုတာကို ရှင်းရှင်း လင်းလင်း ပြောထားပြီးပါပြီ။ မြန်မာနိုင်ငံတွင်းက စတင်မှု အသစ်တွေဟာ မျှော်လင့်ချက်ရောင်ခြည် အသစ်တွေ သန်းလာ စေပါတယ်။”
အမေရိကန်ပြည်ထောင်စုအနေနဲ့က ပြီးခဲ့တဲ့နှစ်တွေအတွင်းက စပြီး မြန်မာနိုင်ငံနဲ့ဆက်ဆံရေးမှာ အတော်လေး တိုးတက်ကောင်းမွန် လာတယ်လို့ ပြောရမှာပါ။ မြန်မာနိုင်ငံထဲမှာအပြောင်းအလဲတချို့ မြင်ရပြီးတဲ့နောက်ပိုင်းမှာ သမ္မတအိုဘားမားဟာ မြန်မာ့ဒီမိုကရေ စီခေါင်းဆောင် ဒေါ်အောင်ဆန်းစုကြည်နဲ့ ဖုန်းနဲ့ တိုက်ရိုက် စကားပြောခဲ့သလိုပဲ နိုင်ငံခြားရေးဝန်ကြီး ကလင်တန်ကိုလည်း မြန်မာနိုင်ငံကို စေလွှတ်ပြီးတော့ အစိုးရ အာဏာပိုင်တွေနဲ့ တွေ့ဆုံ ဆွေးနွေးစေခဲ့ပါတယ်။
ဒါ့အပြင်နောက်ပိုင်းမှာလည်း အမေရိကန်ထိပ်တန်းအရာရှိကြီးတွေ မြန်မာနိုင်ငံကို သွားရောက်ခဲ့ပြီးတော့ နောက်ပိုင်းမှာ သံအမတ် ကြီးအဆင့် ပြန်ထားရေးကိုလည်း သဘောတူညီခဲ့ကြပြီ ဖြစ်ပါတယ်။
တချိန်တည်းမှာလည်း အမေရိကန်ပြည်ထောင်စုနဲ့ လတ်တလော တင်းမာမှုတွေ ရှိလာနေတဲ့ အီရန်နိုင်ငံ အရေးနဲ့ပတ်သက် လို့လည်း ပြောပါတယ်။ အီရန်နိုင်ငံအနေနဲ့ နျူကလီယားလက်နက် ထုတ်လုပ်ဖို့ ကြိုးပမ်းချက်ကို မဖြစ်ဖြစ်တဲ့နည်းလမ်းတွေနဲ့ ရင်ဆိုင်တားဆီးသွားမယ်ဆိုတာကို ရှင်းရှင်းလင်းလင်း ပြောပါတယ်။ အီရန်နဲ့ အမေရိကန်ပြည်ထောင်စုကြားမှာ လတ်တလော အားဖြင့် ဟောမုဒ်ရေလက်ကြားပြဿနာက စစ်ရေးသဘောအရပါ အတော်လေး တင်းမာနေတာပါ။ ဒါပေမယ့်လည်း လက်ရှိ အားဖြင့် အီရန်ပြဿနာကို ဖြေရှင်းနိုင်ဖို့ ငြိမ်းချမ်းတဲ့နည်းလမ်းတွေ ရှိနေတုန်းပဲ ဆိုတာကို ထောက်ပြပါတယ်။
“အီရန်ကို ကြည့်ပါ။ အမေရိကန်ပြည်ထောင်စုရဲ့ သံတမန်ရေး စွမ်းပကားကြောင့် တချိန်က အီရန်ရဲ့ နျူကလီယားပြဿနာကို ဘယ်လို ကိုင်တွယ်ဖြေရှင်းရမယ်ဆိုတာ သဘောထား ကွဲလွဲခဲ့တဲ့ နိုင်ငံတကာအနေနဲ့ အခုတော့ သွေးစည်းညီညွတ်စွာ ရပ်တည်ပြ နေကြပါပြီ။ အီရန် အစိုးရဟာ ဝိုင်းကျဉ်ခံရနေရသလို ဒဏ်ခတ်ပိတ်ဆို့မှုကိုလည်း ရင်ဆိုင်နေရပါပြီ။ နိုင်ငံတကာလိုလားချက်တွေကို သူတို့ မလိုက်နာသရွေ့တော့ ဖိအားဆက်ပေး ခံနေရမှာပါ။ ကျနော် ပြတ်ပြတ်သားသား ပြောပါရစေ။ အီရန်အနေနဲ့ နျူကလီယား လက်နက် မပိုင်ဆိုင်ရစေဖို့ ဘက်စုံ ပြတ်ပြတ်သားသား ဆောင်ရွက်သွားမှာပါ”
အီရန်အရေးနဲ့ ပတ်သက်လို့ သမ္မတအိုဘားမား ပြောဆိုသွားတာပါ။
ပြီးခဲ့တဲ့နှစ်ကစလို့ အရှိန်ကောင်းလာခဲ့တဲ့ အရှေ့အလယ်ပိုင်းဒေသ လူထုလှုပ်ရှားမှုတွေနဲ့ ပတ်သက်လို့ ပြောရာမှာလည်း အရှေ့ အလယ်ပိုင်း ဒေသက ပြည်သူတွေအနေနဲ့ မိမိတို့ကံကြမ္မာကို မိမိတို့ ဖန်တီး နိုင်ခွင့် ရှိရမှာဖြစ်သလို မိမိတို့အခွင့်အရေးနဲ့ ဂုဏ် သိက္ခာအတွက် ရပ်တည်လှုပ်ရှားသူတွေ အပေါ် အကြမ်းဖက် ခြိမ်းခြောက်တာမျိုးတွေကိုတော့ အမေရိကန်ပြည်ထာင်စုအနေနဲ့ ဆန်ကျင်သွားမယ်လို့ ပြောပါတယ်။ နိုင်ငံတကာမှာ အမေရိကန်ပြည်ထောင်စုရဲ့ ဦးစီးဦးဆောင်မှုတွေ ပြန်ပြီး အားကောင်းလာတာ ကိုလည်း သမတအိုဘားမားက အခြေအနေတွေကို ရှင်းလင်း ပြောဆိုသွားပါတယ်။
“အမေရိကန်ရဲ့ ခေါင်းဆောင်မှု ပြန်လည်အားကောင်းလာတာကို တကမ္ဘာလုံးမှာ မြင်တွေ့နေကြ ရပါပြီ။ ဥရောပနဲ့ အာရှမှာရှိတဲ့ နှစ်ရှည် မဟာမိတ်ဆက်ဆံရေးဟာလည်း အားကောင်းလာနေပါပြီ။ အမေရိကတိုက်မှာရှိတဲ့ နိုင်ငံများနဲ့ ဆက်ဆံရေးဟာလည်း ပိုပြီးလေးနက်မှုရှိလာနေပါပြီ။ အစ္စရေး လုံခြုံရေးနဲ့ ပတ်သက်လို့ အမေရိကန်ရဲ့ သံဓိဌာန်ခိုင်မာမှုကြောင့်လည်း သမိုင်းမှာ နှစ် နိုင်ငံအကြား စစ်ရေးဆက်ဆံမှုဟာ အားအကောင်းဆုံး အချိန်ရောက်နေပါပြီ”
ပြီးခဲ့တဲ့နှစ်အတွင်းမှာ အကြမ်းဖက်ခေါင်းဆောင် အိုစမာဘင်လာဒင်ကို အသေရမိတဲ့ကိစ္စ၊ လစ်ဗျားခေါင်းဆောင်ကဒါဖီ ပြုတ်ကျ သွားတဲ့ကိစ္စ စတာတွေမှာလည်း နိုင်ငံတကာရဲ့ အောင်မြင်မှုဖြစ်တယ်လို့ သမ္မတအိုဘားမားက ပြောပါတယ်။ မနေ့က ရှင်းလင်း ပြောဆိုသွားတဲ့အထဲမှာတော့ အဓိကအားဖြင့် ပြည်တွင်းစီးပွားရေးပိုပြီးတော့ အားကောင်းလာဖို့ကို သမ္မတအိုဘားမားက အဓိက ထား ပြောဆိုသွားပါတယ်။ အမေရိကန်နိုင်ငံစီးပွားရေးဟာ ချမ်းသာသူတွေအတွက် သက်သက်မဟုတ်ဘဲ အမေရိကန်နိုင်ငံ သား တိုင်း အတွက် ဖြစ်စေရမယ်လို့ သမ္မတအိုဘားမားက ရှင်းလင်းသွားပါတယ်။
“အစဉ်သဖြင့် ရေရှည်တည်တံမယ့် စီးပွားရေးတရပ်ဖြစ်လာမယ့် အစီအစဉ်တရပ် ဘယ်လို စီစဉ် ဆောင်ရွက်ထားသလဲဆိုတာကို ဒီ ည ရှင်းရှင်းလင်းလင်းပြောဆိုသွားပါ့မယ်။ အမေရိကန်တွေရဲ့ ကုန်ထုတ်လုပ်မှုပိုင်း၊ စွမ်းအင်ပိုင်း၊ အမေရိကန်လုပ်သားတွေရဲ့ အတတ်ပညာပိုင်း၊ ပြန်လည်ဆန်းသစ်ထားတဲ့ အမေရိကန်စံနှုန်းတန်ဖိုးတွေ.. စတာတွေအပေါ်မှာ အခြေခံပြီး အရှည်တည်တံ့မယ့် စီးပွားရေးတရပ် ဖြစ်လာစေဖို့ပါ”
အခုလို နိုင်ငံတော်အခြေပြမိန့်ခွန်းဆိုတာဟာ အမေရိကန်သမ္မတရဲ့ ပြည်တွင်းပြည်ပ မူဝါဒ သဘောထားတွေကို ထင်ဟပ်စေတဲ့ လွှတ်တော် ၂ ရပ်ရှေ့ လူထုကို ပြောဆိုတဲ့သဘောဖြစ်ပါတယ်။ အမေရိကန်ပြည်ထောင်စုမှာ မကြာခင် သမ္မတရွေးကောက်ပွဲ တွေ လည်း ကျင်းပတော့မှာမို့လို့ အခု နိုင်ငံတော်အခြေပြမိန့်ခွန်းဟာ အတော်လေး အရေးကြီးတဲ့ မိန့်ခွန်းလို့ ပြောရမှာပါ။ လက်ရှိ အား ဖြင့်တော့ အမေရိကန်သမ္မတ အိုဘားမားအပေါ်ထောက်ခံမှုဟာ အခုနှစ်မှာ ၄၄ ရာခိုင်နှုန်းအထိ ရှိတယ်လို့ Gallup စစ်တမ်းတခုမှာ ဖော်ပြထားပါတယ်။
အခု ဒီမိန့်ခွန်းကြောင့်မိုလို့ သမ္မတအိုဘားမားအပေါ်မှာ လူထုထောက်ခံမှု ဘယ်လောက်အထိ ပိုပြီးတော့ ရှိလာမလဲ၊ နည်းသွားမလဲ ဆိုတာကိုတော့ နိုင်ငံရေး အကဲခတ်တွေက စောင့်ကြည့်နေတယ်လို့ ပြောရမှာပါ။
Ref: ဗွီအိုအေ
Read More...
Collapse...
25 ဇန်နဝါရီ 2012
မစုမြတ်မွန်
ဒေါ်အောင်ဆန်းစုကြည်ရဲ့အကြမ်းမဖက် ဒီမိုကရေစီရေး ကြိုးပမ်းမှုတွေဟာ ပါကစ္စတန် ပြည်သူတွေအတွက် အတုယူ အားကျစရာ ဖြစ်တယ်လို့ဆိုပြီး Benazir Bhutto Shaheed ဆုကို ပါကစ္စတန် သမ္မတကိုယ်တိုင်က ချီးမြှင့်ခဲ့ပါတယ်။ လက်ရှိအာဏာရ ပါကစ္စတန်ပြည်သူ့ပါတီက ၂၀၁၀ ခုနှစ်ထဲက ပေးအပ်ထားတဲ့ဆုကို သမ္မတ Asif Ali Zardari မြန်မာနိုင်ငံလာရောက်စဉ် မှာ ဒေါ်အောင်ဆန်းစုကြည်ကို ကိုယ်ကိုင်တွေ့ဆုံ ပေးအပ်ခဲ့တာလည်း ဖြစ်ပါတယ်။ အပြည့်အစုံကို ဘန်ကောက်ရုံးက မစုမြတ် မွန်က ပြောပြပါလိမ့်မယ်။
မြန်မာနိုင်ငံကို အင်္ဂါနဲ့ ဗုဒ္ဓဟူး ၂ ရက်ခရီးလာတဲ့ Pakistan သမ္မတ Asif Ali Zardari ဟာ ဒီကနေ့ နေ့လည်ပိုင်းမှာ ဒေါ်အောင်ဆန်းစုကြည်ရဲ့ နေအိမ်ကို လာရောက်တွေ့ဆုံပြီး Benazir Bhutto Shaheed ဆုကို ချီးမြှင့်ခဲ့တာဖြစ်ပါတယ်။ လုပ်ကြံခံခဲ့ရလို့ ကွယ်လွန်သူ သူ့ရဲ့ဇနီး ဝန်ကြီးချုပ်ဟောင်း Benazir Bhutto အတွက်အမှတ်တရအဖြစ် ပါကစ္စတန်ပြည်သူ့ ပါတီက ဒီမိုကရေစီနဲ့ လူ့အခွင့်အရေး ကြိုးပမ်းသူတွေ၊ အမျိုးသမီးတွေရဲ့ အခြေအနေနဲ့ လူမှုအဆင့်အတန်းတွေကို တိုးတက် အောင် ဆောင်ရွက်တဲ့သူတွေကို ဂုဏ်ပြုတဲ့ ဆုလည်းဖြစ်ပြီးတော့ ဒေါ်အောင်ဆန်းစုကြည်ကို ပထမဆုံး ပေးအပ်ထားတာ ဖြစ် ပါတယ်။ ဒေါ်အောင်ဆန်းစုကြည်ရဲ့ ခြံထဲမှာ ဆုပေးပွဲ အခမ်းအနားကို လုပ်ခဲ့တာမှာ ဘာကြောင့် ဒီဆုကို ဒေါ်အောင်ဆန်းစုကြည် ကို ပေးရသလဲ ဆိုတာကို ပါကစ္စတန် သမ္မတရုံး တာဝန်ရှိသူက ခုလိုပြောကြားပါတယ်။
“ဒေါ်အောင်ဆန်းစုကြည်ရဲ့ ဘဝနဲ့ ဆောင်ရွက်မှုတွေဟာ ပါကစ္စတန်ပြည်သူတွေအတွက် အားကျ အတုယူစရာဖြစ်ပါတယ်။ ကွယ်လွန်သူ Benazir Bhutto Shaheed လိုပဲ ဒေါ်အောင်ဆန်းစုကြည်ရဲ့ ဒီမိုကရေစီနဲ့ လူအခွင့်အရေးကို အကြောက် အရွံ့မရှိ အကြမ်းမဖက်တဲ့နည်းနဲ့ ကြိုးပမ်းမှုတွေကို လူတိုင်းက အသိအမှတ်ပြုပြီး အဆင့်အမြင့်ဆုံး လေးစား ဂုဏ်ပြုပါတယ်လို့ ပြောသွားတာဖြစ်ပါတယ်။ တန်းတူအခွင့်အရေးရရှိရေး၊ လူ့ ဂုဏ်သိက္ခာရရှိရေးတွေအတွက် စံပြ ကိုယ်ကျိုးစွန့် ဆောင်ရွက်သူ တယောက်ဖြစ်တယ်” - လို့လည်း ပြောကြားသွားပါတယ်။ ဒေါ်အောင်ဆန်းစုကြည်ကို လေးစားခဲ့သူတယောက်ဖြစ်တဲ့ ကွယ်လွန် သူ ဝန်ကြီးချုပ်ဟောင်းအတွက်အမှတ်တရ Benazir Bhutto Shaheed ဆုပြားကို သမီးဖြစ်သူ Aseefa Bhutto Zardari က ဒေါ်အောင်ဆန်းစုကြည်ကို ဆွဲပေးခဲ့ပါတယ်။ ပါကစ္စတန်ပြည်သူ့ပါတီရဲ့ ဥက္ကဋ္ဌ လည်းဖြစ်၊ သူ့ရဲ့သားလည်းဖြစ်တဲ့ Bilawal Bhutto Zardari လည်း ဒီပွဲမှာ ရှိနေခဲ့ပါတယ်။ အခုအချိန်မှာ ဇနီးဖြစ်သူကို ရှိနေစေချင်တယ်လို့ သမ္မတ Zardari က ခုလိုပြောသွားခဲ့ပါတယ်။
“အခုအချိန်မှာ သူ့ရဲ့ ဇနီးကိုရှိစေချင်ပေမဲ့ ဇနီးရဲ့ ဝိဉာဉ်ကတော့ ရှိနေပါလိမ့်မယ်လို့ ပြောသွားခဲ့သလို ကမ္ဘာတလွှား ဒီမိုကရေစီကို အားပေးရာရောက်မယ်လို့ မျှော်လင့်ကြောင်းနဲ့ တနေ့မှာ ဒေါ်အောင်ဆန်းစုကြည်ရဲ့ ဒီမိုကရေးကြိုးပမ်းမှု အောင်မြင်မှု ရရှိမှာ ဖြစ်ပါတယ်”- လို့ ပြောသွားခဲ့ပါတယ်။
ဒေါ်အောင်ဆန်းစုကြည်ကတော့ မြန်မာနိုင်ငံနဲ့ သူ့ကိုဂုဏ်ပြုတဲ့အပေါ် ကျေးဇူးတင်ကြောင်းပြောခဲ့ပြီး သူ့မိသားစုနဲ့ ပါကစ္စတန်သမ္မတို့ မိသားစုကြားမှာ တူညီတဲ့ ပေးဆပ်မှုတွေ ရှိတဲ့အကြောင်းကို အသားပေးပြောသွားခဲ့ပါတယ်။
“ကျွန်မတို့ မိသားစုတွေ ကြုံတွေ့ခဲ့ရတဲ့ အခြေအနေတွေဟာ သိပ်ကို ဆင်တူပါတယ်။ ကမ္ဘာ့ ဘယ် အရပ်မှာပဲ ဖြစ်ဖြစ် ကိုယ်ချစ် ခင်တဲ့ မိသားစုဝင်တယောက်ယောက် ခံစားရပြီဆိုရင် ကျန်တဲ့ မိသားစုတွေလည်း ခံစားကြရပါတယ်။ ဘာကြောင့်လဲဆိုတော့ ကျွန်မတို့ နိုင်ငံထဲက မိသားစုဝင်တွေ ခံစားနေကြရတာတွေကို အတတ်နိုင်ဆုံး ရပ်သွားစေဖို့အတွက် ဒီမိုကရေစီရေး လှုပ်ရှားမှု ထဲမှာ ပါဝင်ဆောင်ရွက်နေကြလို့ပါ။
နေရာတိုင်းမှာရှိနေတဲ့ မိသားစုတွေ၊ ပြည်သူတွေရဲ့ အခွင့်အရေးတွေကို ယုံကြည်စိတ်ချစွာနဲ့ အကာအကွယ်ပေးနိုင်ဖို့ ၂ နိုင်ငံ ပူး ပေါင်းဆောင်ရွက်နိုင်မယ့်နေ့ ရောက်လာမယ်လို့လည်း မျှော်လင့်ကြောင်း”- ဒေါ်အောင်ဆန်းစုကြည်က ပြောသွားခဲ့တာဖြစ်ပါတယ်။
ဒီကနေ့ ဒေါ်အောင်ဆန်းစုကြည်နဲ့ တွေ့ဆုံခဲ့တဲ့ ပါကစ္စတန်သမ္မတ Zardari ဟာ မနေ့ကတော့ နေပြည်တော်မှာ သမ္မတဦးသိန်း စိန် နဲ့ တွေ့ဆုံခဲ့ပြီး ၂ နိုင်ငံကြား စီးပွားရေးနဲ့ ကုန်သွယ်ရေးကိစ္စ၊ ရေနံနဲ့ သဘာဝဓာတ်ငွေ့ ရှာဖွေတူးဖော်ရေးကိစ္စတွေမှာ ပူး ပေါင်းဆောင်ရွက်သွားဖို့ ဆွေးနွေးခဲ့ကြပါတယ်ရှင်။
Ref: ဗွီအိုအေ
Read More...
Collapse...
25 ဇန်နဝါရီ 2012
မသင်းသီရ
မြန်မာနိုင်ငံအတွင်းက ပြုပြင်ပြောင်းလဲမှုတွေဟာ မျှော်လင့်ချက် ရောင်ခြည်သန်းလာတယ်လို့ အမေရိကန် သမ္မတ အိုဘားမား က ပြောပေမယ့် လက်ရှိပြောင်းလဲမှုတွေဟာ လုံလောက်တဲ့ အပြောင်းအလဲမဟုတ်သေးဘူလို့ မြန်မာ့အရေး လှုပ်ရှားသူတွေက သုံးသပ်ပါတယ်။ နောက်ထပ်တိုးတက်လာဖို့ ဖိအားပေးရမယ့် မြန်မာ့နိုင်ငံရေးအခြအနေထဲ အမေရိကန်ရဲ့ အခန်းကဏ္ဍက အလွန် အရေးပါတယ်လို့လည်း ဆိုကြပါတယ်။ ဒီသုံးသပ်ချက်တွေကိုတော့ မသင်းသီရိက စုစည်းတင်ဆက်ပေးမှာပါ။
မြန်မာနိုင်ငံအတွင်းမှာ နိုင်ငံရေးအကျဉ်းသား အတော်များများလွတ်လာတာ၊ မြန်မာ့နိုင်ငံရေးထဲ ဒေါ်အောင်ဆန်းစုကြည် ပါဝင်လာ နိုင်တာအပြင် တိုင်းရင်းသားအဖွဲ့တချို့နဲ့လည်း ငြိမ်းချမ်းရေး သဘောတူညီချက်တွေ ဖြစ်လာတာဟာ ပစိဖိတ် ဒေသအတွင်းမှာ အင်အားကြီးနိုင်ငံတခုအဖြစ်နဲ့ ရပ်တည်နေတဲ့ အမေရိကန်တို့အတွက် မျှော်လင့်ချက်သစ်တွေကို ဖြစ်စေတယ်လို့ အမေရိကန် သမ္မတ အိုဘားမားက သူ့ရဲ့ နိုင်ငံတော် အခြေပြမိန့်ခွန်းထဲမှာ ထည့်ပြောသွားပါတယ်။
ဒါပေမယ့် ဒီပြောင်းလဲမှုတွေဟာ မြန်မာ့နိုင်ငံရေးအတွက် မလုံလောက်သေးဘဲ အားနည်းနေသေးတယ်လို့ NLD ပါတီရဲ့ သဘာပတိ အဖွဲ့ဝင်တဦးဖြစ်တဲ့ သတင်းစာဆရာကြီး ဦးဝင်းတင်က သုံးသပ်ပါတယ်။
“ကျနော်တယောက်တည်းအမြင် ပြောရရင်တော့ အပြောင်းအလဲတွေက မလုံလောက်သေးဘူးလို့ပဲ ပြောချင်ပါတယ်။ ဗမာစကားမှာ ပြုပြင်ပြောင်းလဲမှု ဆိုတာ ရှိတယ်။ ပြောင်းလဲမှုဆိုတာ ပြုပြင်မှုရှိမှ- အခု သူတို့လုပ်နေတဲ့ဟာက ပြုပြင်မှုက အတော်အားနည်း တုန်းပဲလို့ ကျနော်က ယူဆတယ်။ အခု ကချင်ပြည်နယ်တို့-ဘာတို့မှာ ထိုးစစ်တွေက မပြတ်သေးဘူး။ သမ္မတကနေပြီးတော့ ထိုးစစ်တွေရပ်ပါလို့ ပြောပေမယ့် မရပ်သေးဘဲနဲ့ ဖြစ်နေတာ။ လူ့အခွင့်အရေး ချိုးဖောက်မှုတွေကလည်း ကျန်ပါသေးတယ်။ ထောင်ထဲမှလည်း လူတွေအများကြီး ကျန်သေးတယ်။ အဲဒါတွေကြောင့် ကျနော့်အမြင်ကတော့ ဒီ ပြုပြင်ပြောင်းလဲမှုတွေဟာ မလုံလောက်သေးဘူးလို့ ပြောချင်ပါတယ်”
မြန်မာနိုင်ငံမှာ နောက်ထပ် တိုးတက်တဲ့ အပြောင်းအလဲတွေထပ် ဖြစ်လာဖို့အတွက် အမေရိကန်တို့ရဲ့ အားပေးကုညီနေမှုတွေနဲ့အတူ ဖိအားပေးမှုတွေကလည်း အလွန်အရေးပါတယ်လို့ ဆိုပါတယ်။
“အမေရိကန်တို့ရဲ့ အရေးပါမှုကလည်း အများကြီးတည်တာပေါ့။ ဥပမာ-ဒေါ်အောင်ဆန်းစုကြည်က ဘယ်လောက်ပဲ အမြင်တွေ ကောင်း နေပေမယ့်လို့ အမေရိကန်ဘက်ကနေပြီးတော့ အခုလို သိပ်ပြီးတော့ အကောင်းမြင်တာမျိုး မရှိဘူးဆိုရင် နှောင့်နှေး နေအုံးမယ်ဆိုရင်လည်း ဒေါ်အောင်ဆန်းစုကြည်ရဲ့ အားထုတ်မှုတွေ၊ ဒေါ်အောင်ဆန်းစုကြည်ရဲ့ အမြင်တွေဟာ ဒီလောက်မြန် မြန်ထက်ထက် အကောင်အထည်ပေါ်ချင်မှ ပေါ်လာမှာပေါ့။ အဲဒီတော့ - အမေရိကန်ရဲ့ သဘောထားဟာလည်း ဗမာပြည် နိုင်ငံရေးအပေါ်မှာ အလွန့်အလွန် အရေးကြီးတယ်လို့ ယူဆပါတယ်”
ဒါကတော့ NLD ပါတီရဲ့ သဘာပတိအဖွဲ့ဝင်တဦးဖြစ်တဲ့ သတင်းစာဆရာကြီး ဦးဝင်းတင်ပြောပြခဲ့တာပါရှင်။ မြန်မာနိုင်ငံအတွင်းမှာ ဖြစ်လာတဲ့အပြောင်းအလဲတချို့ကို အမေရိကန်တို့က ဝမ်းပန်းတသာကြိုဆိုပေမယ့် ကြားဖြတ်ရွေးကောက်ပွဲတွေမှာ တရားမျှတဖို့၊ တခါ နောက်ထပ် ပြုပြင်ပြောင်းလဲမှုတွေပေါ်ကြည့်ပြီးတော့မှ ပိတ်ဆို့အရေးယူမှုတွေကို တဆင့်ချင်းစီလျှော့မယ်လို့လည်း ပြောထား တာပါ။
ဒါပေမယ့် အခု မြန်မာနိုင်ငံမှာ ပြုပြင်ပြောင်းလဲရေး ခြေလှမ်းအစတွေရနေပြီဆိုပေမယ့် အရှိန်တွေရပ်တန့်မသွားဖို့ လိုတယ်လို့ ၈၈ မျိုးဆက် ကျောင်းသားခေါင်းဆောင် ကိုကိုကြီးက ပြောပါတယ်။
“ကျနော်တို့ ထောင်က လွတ်လာကတည်းက လေဆိပ်မှာမြင်ရတဲ့ သတင်းမီဒီယာသမားတွေရဲ့ မြင်ကွင်း အပါအဝင် ကျနော်တို့ ဒီ ရန်ကုန်တိုင်း၊ ဒေသကြီးမှာ သတင်းစာရှင်းလင်းပွဲ လုပ်နိုင်ခဲ့တယ်။ နောက် ပဲခူးတိုင်းဒေသကြီးမှာ လွတ်မြောက်လာသော နိုင်ငံရေးအကျဉ်းသားများ ဂုဏ်ပြုပွဲဆိုတာကို တရားဝင် အခမ်းအနား ပုံစံမျိုးနဲ့လုပ်နိုင်ခဲ့တယ် ဆိုတော့ ဒါတွေကတော့ ထူးခြားတဲ့ အခြေအနေတွေပါ။ ဒါပေမယ့်လို့ အခု ဒီရက်ပိုင်းမှာပဲ နည်းနည်းလေး ထူးခြား လာတာ တခုက ဂျာနယ်တွေမှာ ကျနော်တို့ပြော ဆို တာတွေကို လွတ်ကာစက တော်တော်လေး လွတ်လွတ်လပ်လပ် ရေးနေရာကနေပြီးတော့ အခု နည်းနည်းလေး တင်းကျပ် တာတွေ အဖြုတ်ခံရတာတွေ နည်းနည်းလေး ပြန်ပြီးတော့ တွေ့လာရတယ်။
အဲဒီတော့ ဆိုလိုတာက - ပြုပြင်ပြောင်းလဲရေးဟာ ဒီအရှိန် အဟုန်အတိုင်း ဆက်သွားဖို့ ကျနော်တို့ကတော့ အားပေးသွားမှာပါ။ တွန်းအားပေး ထောက်ခံသွားမှာပါ။ တချိန်တည်းမှာပဲ ကျနော်တို့ စိုးရိမ်နေတာက- ဒီပြုပြင်ပြောင်းလဲရေး အရှိန် အဟုန်ဟာတန့် သွားမှာမျိုးပေါ့လေ- နည်းနည်း အရှိန်လျော့သွားမှာမျိုးကိုတော့ ကျနော်တို့ စိုးရိမ်ပါတယ်။”
၈၈ မျိုးဆက်ကျောင်းသား ခေါင်းဆောင် ကိုကိုကြီးပါရှင်။ အရှေ့တောင်အာရှ နိုင်ငံတွေအတွင်း ပထဝီအနေအထားအရ အရေး ပါတဲ့ မြန်မာနိုင်ငံကို စီးပွာရေးအရရော အိမ်နီးချင်းတရုတ်နိုင်ငံအပါအဝင် တခြား အိမ်နီးချင်း နိုင်ငံတွေနဲ့ပါ ယှဉ်နိုင်ဖို့အတွက် အမေရိကန်တို့က မြန်မာအစိုးရနဲ့ ပိုပြီး ရင်းနှီးလာကြတယ်လို့လည်း သုံးသပ်တာတွေရှိပါတယ်။ ဒါပေမယ့် အမေရိကန်တို့ ဘက် လည်း သတိကြီးကြီးထားပြီးတော့ ဆက်ဆံနေပုံရတယ်လို့ ပြည်သူ့ခေတ်ဂျာနယ် အယ်တီတာချုပ် ဦးဖေမြင့်က သုံးသပ်ပါတယ်။
“အမေရိကန်က စီးပွားရေးပိတ်ဆို့မှုပေါ့နော်- Sanction ရှိတယ်ပေါ့နော်။ အဲဒီဟာနဲ့ပတ်သက်လို့တော့ သဘောထားတွေ၊ အမြင် တွေကတော့ အမျိုးမျိုး ရှိတာပေါ့နော်။ အဲဒီ Sanction သည် တကယ်ထိရောက်တယ်လို့ ယူဆသူတွေ ရှိတယ်။ တချို့ကတော့ သိပ်ပြီးတော့ ဒါလောက်ကြီးမဟုတ်ဘူး။ သာမန်သက်ရောက်မှုတွေထဲက တချက်လောက်ပဲဖြစ်တယ်လို့ ယူဆတာ လည်း ရှိတဲ့အခါကျတော့ အခုအခါမှာ တဘက်ကနေပြီးတော့ အတန်အသင့် လျှော့ပေးတယ်တို့ ဘာတို့ဆိုတော့ ဒါက ဒီဘက်က ဆောင်ရွက်တဲ့အပေါ် မူတည်ပြီး ဟိုဘက်က သင့်လျော်တဲ့တုံ့ပြန်မှုလာတယ်၊ ကျနော်က ဒီလောက်ပဲ မြင်ပါတယ်”
ပြည်သူ့ခေတ်ဂျာနယ်အယ်တီတာချုပ် ဦးဖေမြင့်ပါရှင်။ မြန်မာနိုင်ငံကို အမေရိကန်တို့ဘက်က အဆင့်မြင့်ဆုံးအရာရှိအဖြစ် နိုင်ငံခြား ရေး-ဝန်ကြီး ဟီလာရီ ကလင်တန်သွားခဲ့ပါတယ်။ နောက်ပိုင်းမှာလည်း အမေရိကန်လွှတ်တော်အမတ်တွေ မြန်မာနိုင်ငံကို သွား နေကြတဲ့အပြင် အမေရိကန်ရဲ့ မြန်မာနိုင်ငံဆိုင်ရာအထူးသံတမန်တဦး ခန့်အပ်ပြီးတော့လည်း မြန်မာ့အရေးမှာ ဖိအားပေးနေတာရှိ သလို မကြာခင်မှာ သံအမတ်ကြီးအဆင့် ပြန်ခန့်ဖို့တွေကိုလည်း အမေရိကန်တို့က စီစဉ်နေတာရှိပါတယ်။
Ref: ဗွီအိုအေ
Read More...
Collapse...
2012-01-25
မြန်မာနိုင်ငံမှာ ဒီမိုကရေစီ ပြုပြင်ပြောင်းလဲမှုတွေ စတင်နေပါပြီလို့ အမေရိကန် အောက်လွှတ်တော်မှာ မနေ့က ပြောကြားတဲ့ ၂ဝ၁၂ ခုနှစ် နိုင်ငံတော် အခြေပြ မိန့်ခွန်းမှာ အမေရိကန် သမ္မတ Barack Obama က ထည့်သွင်း ပြောဆိုလိုက်ပါတယ်။
အမေရိကန် ပြည်ထောင်စုရဲ့ ဦးဆောင်မှု အခန်းကဏ္ဍသစ် ပြန်ပြီး ဆန်းသစ်လာနေတာကို ကမ္ဘာတစ်လွှားမှာ မြင်တွေ့နိုင်ကြောင်းနဲ့ ဥရောပတိုက်နဲ့ အာရှတိုက်က အမေရိကန်ရဲ့ မဟာမိတ် နိုင်ငံတွေဟာ ပိုပြီး အင်အားကောင်းလာနေကြောင်း သမ္မတ Obama က ပြောသွားပါတယ်။
အမေရိကန် ပြည်ထောင်စုဟာ အာရှ-ပစိဖိတ်ဒေသရဲ့ အင်အား ဖြစ်တယ် ဆိုတာကို မိမိတို့ ပြသခဲ့ပြီ ဖြစ်ကြောင်း၊ မြန်မာနိုင်ငံမှာ ပြုပြင် ပြောင်းလဲမှုတွေ စတင်နေတာဟာ မျှော်လင့်ချက် ရောင်ခြည် အသစ်တစ်ခုပဲ ဖြစ်ကြောင်း သမ္မတ Obama က ဆိုပါတယ်။
မြန်မာနိုင်ငံမှာ စစ်အစိုးရကနေ အရပ်သား အစိုးရအဖြစ် ပြောင်းလဲသွားပြီးနောက် အမေရိကန် နိုင်ငံခြားရေးဝန်ကြီး မစ္စက် ဟီလာရီ ကလင်တန် မြန်မာနိုင်ငံကို လာရောက်ခဲ့ပြီး သမ္မတ ဦးသိန်းစိန် အစိုးရနဲ့ရော ဒီမိုကရေစီ ခေါင်းဆောင် ဒေါ်အောင် ဆန်းစုကြည်နဲ့ပါ တွေ့ဆုံဆွေးနွေးခဲ့ပါတယ်။
Ref: အာရ်အဖ်အေ
Read More...
Collapse...
2012-01-25
နော်ဝေနိုင်ငံ နိုင်ငံခြားရေးဝန်ကြီး မစ္စတာ ယိုးနတ်စ် ဂါး စတိုရား (Jonas Gahr Støre) ဟာ မြန်မာနိုင်ငံမှာ ရောက်နေပြီး မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ မနေ့က တွေ့ဆုံ ဆွေးနွေးခဲ့ပါတယ်။
မြန်မာအစိုးရ ခေါင်းဆောင်တွေနဲ့လည်း တွေ့ဆုံဆွေးနွေးမယ်လို့ သိရပါတယ်။
အရင်က မြန်မာနိုင်ငံမှာ နော်ဝေး ကုမ္ပဏီတွေ ရင်းနှီးမြှုပ်နှံမှု မလုပ်ဖို့ တားမြစ်ထားချက်တွေကို ဖျက်သိမ်းလိုက်ပြီ ဖြစ်ပြီး နော်ဝေးနိုင်ငံကို ပြည်ဝင်ခွင့်ဗီဇာ ဟန့်တားထားတဲ့ အစိုးရ အကြီးအကဲတွေ စာရင်းကိုလည်း ပြင်ဆင်လိုက်ပြီလို့ ဆိုပါတယ်။
ဒီလို နော်ဝေအစိုးရဘက်က အပြောင်းအလဲတွေ လုပ်ပေးတာဟာ မြန်မာနိုင်ငံက ပြုပြင် ပြောင်းလဲမှုတွေကို အသိအမှတ် ပြု တာပါလို့ နိုင်ငံခြားရေးဝန်ကြီး ယိုးနတ်စ်က ပြောပါတယ်။
လတ်တလော နော်ဝေအစိုးရရဲ့ မြန်မာနိုင်ငံဆိုင်ရာ မူဝါဒ အပြောင်းအလဲတွေ ဆက်လက် တိုးတက်လာဖို့ရာမှာ လာမယ့် ကြား ဖြတ် ရွေးကောက်ပွဲကလည်း အရေးကြီးတဲ့ စဉ်းစားစရာ ဖြစ်တယ်လို့ ဆိုပါတယ်။ ဒါ့အပြင် အမေရိကန် ပြည်ထောင်စုက မြန်မာနိုင်ငံအပေါ် ထားတဲ့ မူဝါဒ သဘောထားကို စံနမူနာ သတ်မှတ်ပြီး နော်ဝေအစိုးရက သံတမန် ဆက်သွယ်မှု ထားဖို့လည်း စဉ်းစားသွားမယ်လို့ ပြောပါတယ်။
Ref: အာရ်အဖ်အေ
Read More...
Collapse...
2012-01-25
မြန်မာနိုင်ငံက ဒီမိုကရေစီ အသွင်ကူးပြောင်းရေးဟာ စနစ်တကျနဲ့ တဖြည်းဖြည်းချင်း အသွင်ပြောင်းမှုသာ ဖြစ်လိမ့်မယ်လို့ မြန်မာ အစိုးရ နိုင်ငံခြားရေး ၀န်ကြီးဌာန ၀န်ကြီး ဦးဝဏ္ဏမောင်လွင်က မနေ့က ပြောကြားလိုက်ပါတယ်။
မိမိတို့ စတင်ခဲ့တဲ့ ဒီမိုကရေစီ အသွင်ကူးပြောင်းရေးဟာ နောက်ကြောင်း ပြန်လှည့်ဖို့ မရှိကြောင်း၊ အနာဂတ်မှာလည်း အဆင့် လိုက် စနစ်တကျ ပြုပြင် ပြောင်းလဲမှုတွေ လုပ်ဆောင်သွားမှာ ဖြစ်ကြောင်း ဦးဝဏ္ဏမောင်လွင်က အိန္ဒိယနိုင်ငံမှာ ရောက်ရှိနေစဉ် ပြောခဲ့ တာပါ။
ဒီမိုကရေစီ အသွင်ကူးပြောင်းရေးဟာ အခက်အခဲတွေနဲ့ ရင်ဆိုင်ရမှာ ဖြစ်ပေမယ့် အဲဒီ အခက်အခဲတွေကို ကျော်လွှားနိုင်ဖို့ကို လည်း မိမိတို့ ပြင်ဆင်ပြီးသား ဖြစ်တယ်လို့ ပြောပါတယ်။ ဘယ်လို အခက်အခဲတွေလည်း ဆိုတာတော့ ထုတ်ဖော်ပြောဆိုခြင်း မရှိပါဘူး။
လာမယ့် ၂၀၁၄ ခုနှစ်မှာ အာဆီယံအဖွဲ့ရဲ့ အလှည့်ကျ ဥက္ကဋ္ဌတာဝန်ကို ရယူမှာဖြစ်တဲ့အတွက် နိုင်ငံတကာ တိုင်းပြည်တွေနဲ့ ထိတွေ့ ဆက်ဆံမှု ပိုမိုအလေးထား ဆောင်ရွက်သွားမယ် လို့လည်း ပြောပါတယ်။
အိန္ဒိယ နိုင်ငံခြားရေးဝန်ကြီး S.M. Krishna နဲ့ ဆွေးနွေးစဉ်မှာ အိန္ဒိယမြန်မာ နယ်စပ်က သူပုန်တွေ နှိမ်နင်းရေး၊ နယ်စပ် ဖြတ်ကျော်ပြီး မူးယစ်ဆေးဝါး ရောင်းဝယ် ဖောက်ကားမှု နှိမ်နင်းရေးနဲ့ လက်နက်ခဲယမ်း ရောင်းဝယ်မှု ပူးတွဲနှိမ်နင်းရေး ကိစ္စ တွေကို ဆွေးနွေးခဲ့ကြပါတယ်။ အိန္ဒိယ နိုင်ငံခြားရေး ၀န်ကြီးကလည်း မြန်မာနိုင်ငံက လမ်းပန်း ဆက်သွယ်ရေး နဲ့ စီးပွားရေး စီမံကိန်းတွေကို အကူအညီ ပေးသွားမယ်လို့ ကတိပေးခဲ့ပါတယ်။
Ref: အာရ်အဖ်အေ
Read More...
Collapse...
Posts
BBC News
VOA News
DVB News
RFA News
မဇ္ဈိမ
ဧရာဝတီ
နေ့သစ်
သျှမ်းသံတော်ဆင့်
ကရင်သတင်းစဉ်
ကောင်းဝါ
ကချင်သတင်းစဉ်
ယနေ့မြန်မာ
ကန္တာရဝတီ တိုင်းမ်
ငုရင်ပြင်
ရိုးမ (၃)
မိုးမခ
ဟစ်တိုင်
ဟံသာဝတီ
နိရဉ္စရာ
ခေတ်လူငယ်
မြို့တော်ပုသိမ်သတင်းစဉ်
မြန်မာသတင်းရပ်ဝန်း
ရိုးရာလေး
Mandalay Gazette
People Media Voice
KIC News
BNI News
Burma Daily
Burma Digest
Burma Net
Kaladan
Network Media Group Rebound 88