ဝိမုတ္တိ

Friday, December 7, 2012

ဒေါ်အောင်ဆန်းစုကြည်ရဲ့ လက်ပန်းတောင်းတောင်အရေး သတင်းစာရှင်းလင်းပွဲ

2012-12-06

လက်ပံတောင်းတောင်အရေး စုံစမ်းစစ်ဆေးရေး ကော်မရှင်အနေနဲ့ အမှန်တရားကို ဖော်ထုတ်ပြီး အမှန်ကို အမှန်အတိုင်း၊ အရှိကို အရှိတိုင်းသာ တွေ့ရှိချက်တွေကို ရဲရဲဝံ့ဝံ့နဲ့ အမှန်အတိုင်း တင်ပြသွားမယ်လို့ စုံစမ်းစစ်ဆေးရေးကော်မရှင် ဥက္ကဌ ဒေါ်အောင်ဆန်း စုကြည်က ဒီကနေ့မှာ ပြောကြားလိုက်ပါတယ်။

"အမှန်တရားကိုဖော်ထုတ်မယ် ကျွန်မတို့ရဲ့ တင်ပြချက်တွေမှာ နိုင်ငံရဲ့ရည်ရှည်အကျိုးစီးပွား၊ ပြည်သူတွေရဲ့ ရည်ရှည်အကျိုးစီးပွားနဲ့ ဒီမိုကရေစီခိုင်မာရေးရဲ့ အကျိုးစီးပွားတွေကို ကျွန်မတို့ကြည့်ရမယ် "

သပိတ်စခန်းဖြိုခွဲမှုကို စုံစမ်းဖေါ်ထုတ်မယ် လို့ ဒေါ်အောင်ဆန်းစုကြည် ပြောကြား

2012-12-06

လက်ပန်းတောင်းတောင် အရေးအခင်း မှာ အစိုးရလုံခြုံရေးတပ်ဖွဲ့တွေက မီးလောင်ဗုံးသုံးခဲ့ခြင်း ရှိ မရှိ ကို မိမိတို့စုံစမ်းရေး ကော်မရှင်က စုံစမ်းဖေါ်ထုတ်မှာဖြစ်တယ်လို့ အမျိုးသားဒီမိုကရေစီ အဖွဲ့ချုပ် ခေါင်းဆောင်နဲ့ မုံရွာကြေးနီတောင် စုံစမ်း စစ်ဆေး ရေးကော်မရှင် ဥက္ကဌ ဒေါ်အောင်ဆန်းစုကြည် က ပြောဆိုလိုက်ပါတယ်။

"ပထမရေနဲ့ဖျန်းပြီးမှ ဒီလိုမျက်ရည်ယိုဗုံးသုံးတယ် ပြီးမှမီးတောက်တယ် ဘာတယ်ဆိုတော့ နည်းပညာအရဆိုရင် မဖြစ်နိုင်တဲ့ ကိစ္စတော့ မဟုတ်ပါဘူး၊ ဒီဟာကတော့ကော်မရှင်က စုံစမ်းပြီးမှ အဖြေပေးမှာပါ၊ တရားဥပဒေ သဘောတရားအရပေါ့နော် အပြစ်ရှိတယ်ဆိုတဲ့ အထောက်အထား မလုံလောက်မချင်း ဘယ်သူမှာမှအပြစ်မရှိဘူးလို့ ကျမတို့ဒီ လိုယူဆပါတယ်"

သံဃာတွေ ထိုင်သပိတ်စတင်ဆင်နွှဲမည်

2012-12-06

လက်ပန်းတောင်းတောင် သပိတ်စခန်း အကြမ်းဖက်ဖြိုခွဲခဲ့တဲ့ ကိစ္စနဲ့ပတ်သက်ပြီး အစိုးရက တာဝန်ယူဖြေရှင်းပေးဖို့အတွက် သံဃာတွေဟာ မနက်ဖြန် ဒီဇင်ဘာလ ၆ ရက်နေ့မှာ မြို့အတော်များများမှာ ထိုင်သပိတ်မှောက်ဆန္ဒပြဖို့ စီစဉ်ထားတယ်လို့ သိရပါတယ်။

ဒီတစ်ကြိမ်ပြုလုပ်မယ့် သံဃာ့သပိတ်ဟာ ပြီးခဲ့တဲ့သပိတ်တွေနဲ့မတူဘဲ၊ သံဃာတွေ တောင်းဆိုတဲ့အချက် ၅ ချက်ကို အစိုးရက ချက်ချင်းအကောင်အထည်ဖော်ပေးရမယ်လို့ တောင်းဆိုမှာဖြစ်ပါတယ်။

ကုလသမဂ္ဂ အကြီးအကဲတစ်ဦးရဲ့ ရခိုင်ပြည်က ပြောဆိုချက်

2012-12-06

ရခိုင်ပြည်နယ် ဒုက္ခသည်စခန်းတွေ မှာ နေထိုင်နေကြတဲ့ မူဆလင် ရိုဟင်ဂျာ မိသားစုတွေရဲ့ အခြေအနေဟာ အလွန်ဆိုးဝါး နေသလို၊ မွတ်ဆလင်နဲ့ ဗုဒ္ဓဘာသာ နှစ်ဖက်စလုံးဟာ အကြောက်တရားနဲ့ နေ့စဉ်ရင်ဆိုင်နေထိုင်ကြရတယ်လို့ ကုလသမဂ္ဂ လူသားချင်းစာနာမှု အကူညီပေးရေး ဆိုင်ရာ အကြီးအကဲ Valerie Amos က ဒီကနေ့ ပြောကြားလိုက်ပါတယ်။

မီးရှို့အကြမ်းဖက် ပဋိပက္ခတွေဖြစ်ပွားခဲ့တဲ့ ရခိုင်ပြည်နယ်ကို မနေ့က ကိုယ်တိုင်သွားရောက်အပြီး ဒီကနေ့ ဒီဇင်ဘာလ ၆ ရက်နေ့ ပြောဆိုရာမှာ သူ့အနေနဲ့ လက်ရှိ ရခိုင်ပြည်နယ်က အခြေအနေကို အထူးစိုးရိမ်မိကြောင်းလည်း ထည့်သွင်းပြောခဲ့ပါတယ်။

ဇွန်လနဲ့ အောက်တိုဘာလတွေကဖြစ်ပွားခဲ့တဲ့ လူမျိုးရေး၊ ဘာသာရေး အကြမ်းဖက်မှုတွေကြောင့် လူပေါင်းတစ်သိန်း တစ်သောင်း ကျော် အိုးအိမ်မဲ့ ဒုက္ခသည်တွေဖြစ်ခဲ့ရပြီး ဒုက္ခသည်စခန်းတွေရဲ့ အနေအထားဟာလည်း ရေသန့်စနစ်မရှိ၊ စာသင်ကျောင်းမရှိ၊ အပြင်ထွက်အလုပ်လုပ်ခွင့်မရှိတဲ့ဘဝတွေ ဖြစ်နေတယ်လို့ပြောပါတယ်။ မြေပုံမြို့နယ်မှာဆို ထောင်ပေါင်းများစွာရှိတဲ့ ဒုက္ခသည် တွေဟာ တနေရာတည်းမှာ ကြပ်ကြပ်သိပ်သိပ် နေထိုင်နေကြရတယ်လို့ ဆိုပါတယ်။

ဒုက္ခသည်တွေကို အကူအညီပေးနေတဲ့ ကယ်ဆယ်ရေးဆောင်ရွက်နေသူတွေကို ဒေသဆိုင်ရာ အာဏာပိုင်တွေက လုံခြုံရေးအရ ခြိမ်းခြောက်ဟန့်တားတာတွေဟာ ကယ်ဆယ်ရေး လုပ်ငန်းတွေအတွက် ကြီးမားတဲ့ စိန်ခေါ်မှုတွေဖြစ်ပါတယ်လို့လည်း ထောက်ပြ ဝေဖန်လိုက်ပါတယ်။

မြန်မာနိုင်ငံကို ခရီးတထောက်ရောက်နေတဲ့ ကုလသမဂ္ဂ လူသားချင်းစာနာမှု အကူညီပေးရေးဆိုင်ရာ လက်ထောက်ကုလ သမဂ္ဂအတွင်းရေးမှူးချုပ် Ms. Amos ဟာ အခုခရီးစဉ်အတွင်း ဘင်္ဂလားဒေ့ရှ် နိုင်ငံကိုလည်း သွားရောက်ဖို့ရှိပါတယ်။

Ref: အာရ်အဖ်အေ

Master Card ကို ပထမဆုံး မြန်မာနိုင်ငံမှာ စတင်သုံးနေပြီ

2012-12-06

နိုင်ငံတကာ ငွေပေးချေရေးကဒ်ဖြစ်တဲ့ Master Card ကို မြန်မာနိုင်ငံမှာ ပထမဆုံးအဖြစ် CB Bank ရဲ့ ATM စက်တွေမှာ အသုံးပြုနိုင်ဖို့အတွက် အာရှပစိဖိတ်ဒေသဆိုင်ရာဥက္ကဌနဲ့ CB Bank ဒါရိုက်တာအဖွဲ့ဝင်တွေဟာ ဒီကနေ့ ရန်ကုန်မြို့ ကန်တော်ကြီး ပတ်လမ်းမှာရှိတဲ့ ချက်ထရီယမ်ဟိုတယ်မှာ တွေ့ဆုံပွဲ ကျင်းပခဲ့ပါတယ်။

မြန်မာနိုင်ငံရဲ့ ပထမဆုံး ကိုယ်စားလှယ်အဖြစ် CB ဘဏ်က ဆောင်ရွက်နေတာဖြစ်ပြီး လာမယ့် ၂၀၁၃ ခုနှစ်မှာတော့ CB Bank တံဆိပ်နဲ့ နိုင်ငံတကာမှာပါ အသုံးပြုလို့ရမယ့် Master Card ကို ထုတ်ပေးနိုင်အောင် စီစဉ်နေတယ်လို့ CB Bank ရဲ့ မန်နေဂျင်းဒါရိုက်တာ ဦးဖေမြင့်က RFA ကို ပြောပါတယ်။

လူ့အဖွဲ့အစည်းနှစ်ခု သင့်မြတ်အောင် ကြိုးပမ်းရေး ကုလသမဂ္ဂ တိုက်တွန်းပြောဆို

2012-12-06

ရခိုင်ပြည်နယ်အတွင်းမှာ ဖြစ်ပွားခဲ့တဲ့ ပဋိပက္ခတွေလိုမျိုး နောက်ထပ် မဖြစ်ပွားဖို့အတွက် လူ့အဖွဲ့အစည်း ၂ ခုအကြား သင့်မြတ် အောင် လုပ်ဆောင် မယ်ဆိုရင် မြန်မာအစိုးရကို ကုလသမဂ္ဂ အဖွဲ့အစည်း အနေနဲ့ ကူညီပေးသွားမှာ ဖြစ်ကြောင်း ထိုင်းနိုင်ငံ အခြေစိုက် အာရှနဲ့ ပစိဖိတ်ဒေသ ကုလသမဂ္ဂဒုက္ခသည်များ ဆိုင်ရာ အရေးပေါ် ကူညီကယ်ဆယ်ရေး အဖွဲ့ ပြန်ကြားရေးတာဝန်ခံ Ms. Kirsten Mildren က သတင်းထောက်တွေကို ပြောပါတယ်။

ကုလသမဂ္ဂလူသားချင်းစာနာမှုနဲ့ အရေးပေါ်ကူညီကယ်ဆယ်ရေးအဖွဲ့ အကြီးအကဲ ဒုတိယအတွင်းရေးမှူးချုပ် Ms. Valerie Amos ပါဝင်တဲ့ အဖွဲ့ဟာ မနေ့က ရခိုင်ပြည်နယ်ကိုရောက်ရှိလာပြီး မကြာသေးခင်က ပဋိပက္ခတွေဖြစ်ပွားခဲ့တဲ့ စစ်တွေ၊ မောင် တော၊ ပေါက်တော၊ မြေပုံမြို့တွေက ဒုက္ခသည်တွေနဲ့ တွေ့ဆုံခဲ့ပါတယ်။ အဲဒီနေ့ ည ၇ နာရီခွဲအချိန်မှာ စစ်တွေဟိုတယ်မှာ သတင်းထောက်တွေနဲ့ တွေ့ဆုံပြီး အခုလို ပြောခဲ့ပါတယ်။

“ ဒီလူ့အဖွဲ့အစည်း ၂ ခု ဘယ်လိုမျိုးသင့်မြတ်အောင်နေကြမလဲဆိုတာ အရေးကြီးတဲ့ စိန်ခေါ်မှုတစ်ခုဖြစ်တယ်။ အစိုးရအနေနဲ့ ဒီလူ့အဖွဲ့အစည်း ၂ ခု သင့်မြတ်အောင် လုပ်ဆောင်မယ်ဆိုရင် ကုလသမဂ္ဂအနေနဲ့ ကူညီဆောင်ရွက်ပေးသွားဖို့ အသင့်ရှိပါတယ်”

ဒါ့အပြင် မြန်မာနိုင်ငံအစိုးရက မြန်မာနိုင်ငံမှာ လုံးဝမရှိးဘူးလို့ တရားဝင်ကြေငြာထားတဲ့ ရိုဟင်ဂျာဆိုတဲ့ အသုံးအနှုန်းကို ကုလသ မဂ္ဂအနေနဲ့ သုံးနှုန်းခေါ်ဝေါ်နေရတာနဲ့ ပတ်သက်ပြီး သတင်းထောက်တွေက မေးမြန်းခဲ့ရာမှာ Ms. Valerie Amos က သူတို့ အနေနဲ့ မည်သည့်အကြောင်းတရားမျှမပါဘဲ သူတို့ကိုယ်တိုင်က ရိုဟင်ဂျာလူမျိုးဆိုပြီး ပြောဆိုသုံးနှုန်းနေတဲ့အတွက် ဒီစကားလုံးကို ပြောဆိုသုံးနှုန်းရတာ ဖြစ်တယ်လို့ ပြန်လည် ပြောဆိုခဲ့ပါတယ်။

ကုလအရေးပေါ် ကူညီကယ်ဆယ်ရေးအဖွဲ့ အကြီးအကဲ ဒုတိယအတွင်းရေးမှူးချုပ် Ms. Valerie Amos ဟာ ရခိုင်ပြည်နယ် အစိုးရ အဖွဲ့အပါအဝင် နယ်စပ်ရေးရာဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး သိန်းဌေးနဲ့ ဒုက္ခသည်အရေးကိစ္စနဲ့ ပတ်သက်ပြီး သီးသန့် တံခါးပိတ်ဆွေးနွေးခဲ့ပြီး ဒီကနေ့ ဒီဇင်ဘာလ ၆ ရက် နေ့မှာတော့ ကချင်ပြည်နယ်ကို ဆက်လက်သွား ရောက်မှာဖြစ်တယ်လို့ သိရပါတယ်။

Ref: အာရ်အဖ်အေ

လက်ပံတောင်းတောင်ကိစ္စ ဂျာနယ်များ သတိထား ရေးသားဖော်ပြ

မေစစ်ပိုင်
December 6, 2012

လက်ပံတောင်းတောင် သပိတ်စခန်းကို အာဏာပိုင်များက အကြမ်းဖက် ဖြိုခွဲခဲ့မှုနှင့် ပတ်သက်၍ ပြည်တွင်းဂျာနယ် အများစုတွင် သုံးသပ်ဝေဖန်မှုများထက် သတင်းသက်သက်ကိုသာ သတိထား၍ ရေးသားဖော်ပြမှု များပြားကြောင်း သိရသည်။

ပြည်တွင်းထုတ် ဂျာနယ်အများစုတွင် လက်ပံတောင်းတောင် ကြေးနီစီမံကိန်းနှင့် ပတ်သက်သည့် သတင်းများကို ဖော်ပြ နေသော် လည်း အများစုမှာ အဖွဲ့အစည်းများ၏ ကြေညာချက်၊ ဒေါ်အောင်ဆန်းစုကြည်၏ သတင်းစာရှင်းလင်းပွဲ၊ ပြောကြားချက်များနှင့် ဖြစ် စဉ်သတင်း တချို့ကိုသာ ဦးစားပေးဖော်ပြနေပြီး ဌာနဆိုင်ရာ မေးမြန်းချက်များနှင့် သုံးသပ်ချက်၊ ဝေဖန်ချက်၊ အာဘော်၊ ဆောင်း ပါး များအပြင် ရန်ကုန်မြို့၌ ကြေးနီစီမံကိန်း ပြဿနာနှင့် ပတ်သက်၍ ဆန္ဒပြမှုတွင် ဖြစ်ပွားခဲ့သည့် ဖမ်းဆီးထိန်းမှုအကြောင်း ရေးသားဖော်ပြခဲ့ခြင်း မရှိသလောက် နည်းပါးသည်။

ချင်း လက်နက်ကိုင်အဖွဲ့နှင့် အစိုးရ ရန်ကုန်တွင် ဆွေးနွေးမည်

နန်းဆိုင်နွမ်
December 6, 2012

ချင်းအမျိုးသား တပ်ဦး (CNF) ကိုယ်စားလှယ် အဖွဲ့နှင့် အစိုးရ ကိုယ်စားလှယ်များ ဒုတိယအကြိမ် ပြည်ထောင်စု အဆင့် ငြိမ်းချမ်း ရေး ဆွေးနွေးပွဲကို ရန်ကုန်မြို့ရှိ Peace Center တွင် ပြုလုပ်မည် ဖြစ်ကြောင်း သိရသည်။

ဒီဇင်ဘာ ၇ ရက်နှင့် ၈ ရက်နေ့များတွင် ပြုလုပ်မည့် အဆိုပါ ဆွေးနွေးပွဲသည် ရန်ကုန်မြို့၌ ပထမဆုံးအကြိမ် ပြုလုပ်သည့် ဖြစ်ကြောင်း၊ အစိုးရနှင့် ယုံကြည်မှု တည်ဆောက်ရေး အတွက် လာရောက်ခြင်း ဖြစ်ကြောင်း CNF တွဲဖက် အတွင်းရေးမှူး ၂ ဒေါက်တာ ရွှေခါး က ဧရာဝတီသို့ ပြောသည်။

“ဒီကိုလာရောက်ဖို့က အစိုးရဘက်က လှမ်းဖိတ်လို့ပါ။ ပြည်တွင်းမှာ ဆွေးနွေးခွင့်ရတဲ့ အတွက် ၀မ်းသာပါတယ်။ တဘက်နဲ့ တဘက် ယုံကြည်မှု တည်ဆောက်ပြီး ရင်းနှီးမှုနဲ့ လွတ်လွတ်လပ်လပ် ဆွေးနွေးနိုင်မယ်လို့ ထင်ပါတယ်”ဟု ၎င်းက ဆိုသည်။

ယင်းတွေ့ဆုံပွဲတွင် အမျိုးသားရေး၊ ဖွံ့ဖြိုးရေး ကိစ္စ၊ လူမှုရေး၊ ယဉ်ကျေးမှုနှင့် စစ်ဘက်ဆိုင်ရာ ကိစ္စများ ဆွေးနွေး သွားမည် ဖြစ်ကြောင်း၊ CNF မှ ၂၁ ဦး တက်ရောက်မည်ဖြစ်ပြီး အစိုးရဘက်မှ ၁၂ ဦး တက်ရောက်မည် ဖြစ်ကြောင်း၊ CNF သည် ရန်ကုန်မြို့ရှိ လူ ထု အခြေပြု အဖွဲ့အစည်းများ၊ နိုင်ငံရေး ပါတီများ၊ ကျောင်းသား လူငယ်များ၊ ချင်းအဖွဲ့ အစည်းများနှင့် လည်း တွေ့ဆုံသွားမည်ဟု သိရသည်။

“၂၄ နှစ် ကြာမှ မြန်မာပြည်ကို ရောက်လာပြီး မိသားစုနဲ့ ပြန်တွေ့ရတဲ့အတွက် အရမ်းဝမ်းသာရပါတယ်။ ပြီးတော့ ပြည်ထောင်စု စစ်စစ် မူ ပြဌာန်းခွင့်နဲ့ ဒီမိုကရေစီရရှိရေး အတွက် ဆက်လက် လုပ်ရဦးမှာပါ။ ဒီမိုကရေစီ မရမချင်း ကျနော်တို့ မိသားစုနဲ့ ကွဲနေ ရဦးမယ်။ ဒါတွေ အားလုံးဟာလည်း မိဘပြည်သူတွေ အားလုံးလက်တွဲလုပ်မှ ရရှိမှာပါ”ဟု CNF အလုပ်အမှုဆောင် သောမတ်စ် က ဧရာဝတီ ကို ပြောသည်။

CNF သည် အိန္ဒိယ-မြန်မာ နယ်စပ် အခြေစိုက် လက်နက်ကိုင်အဖွဲ့တဖွဲ့ဖြစ်ပြီး ယခုနှစ် ဇန်န၀ါရီလ ၁၆ ရက်တွင် ချင်းပြည်နယ် ဟားခါးမြို့ ၌ အစိုးရ ငြိမ်းချမ်းရေး ကိုယ်စားလှယ်အဖွဲ့နှင့် ပဏာမသဘောတူညီချက် ၉ ချက်ကို လည်းကောင်း၊ မေလ ၇ ရက်က ပြည်ထောင်စု အဆင့် ငြိမ်းချမ်းရေး ဆွေးနွေးရေးအဖွဲ့နှင့် ဟားခါးမြို့၌ တွေ့ဆုံကာ အပစ်အခတ်ရပ်စဲရေး ပဏာမ သဘောတူညီချက် ၁၅ ချက်ကို လည်းကောင်း သဘောတူ လက်မှတ် ရေးထိုးနိုင်ခဲ့သည်။

“အရင် ဆွေးနွေးပွဲတွေတုန်းက နယ်စပ်မှာ ကျင်းပခဲ့တယ်။ အခုလို ပြည်တွင်း ရန်ကုန်မှာ လာလုပ်ရတဲ့ အတွက် အရမ်း ၀မ်း သာ တယ်။ နှစ် ၂၀ကျော် မတွေ့ရတဲ့ သူတွေကို အခုလိုတွေ့ပြီး ချင်းတိုင်းရင်းသားတွေနဲ့ စုံစုံလင်လင် ပြန်တွေ့ရတော့ အတိုင်း မသိ ၀မ်းသာပါတယ်”ဟု ရန်ကုန်အခြေစိုက် ချင်းပြည်နယ် အရပ်ဘက် အဖွဲ့အစည်းမှ David That Bik ကလည်း ဧရာဝ တီသို့ပြော သည်။

ယမန်နေ့က အိန္ဒိယနယ်စပ်မှ ရောက်လာသော အထွေထွေ အတွင်းရေးမှူး ပူကျင်ကျုံး (Pu Zing Cung)ဦးဆောင်သည့် CNF ကိုယ်စားလှယ် အဖွဲ့ဝင်များကို ရန်ကုန်မြို့ မှ လူမှုအဖွဲ့အစည်းများ၊ မိသားစုဝင်များ၊ ချင်း နိုင်ငံရေးပါတီများက ရန်ကုန် လေဆိပ်သို့ လာရောက်ကြိုဆိုခဲ့ကြ သည်။

CNF သည် ယခင် စစ်အစိုးရနှင့် ၁၉၉၇ ခုနှစ်တွင် တကြိမ် ဆွေးနွေးခဲ့ကြောင်း သိရသည်။

၁၉၈၈ ခုနှစ်တွင် စတင် ဖွဲ့စည်းခဲ့သော CNF အဖွဲ့သည် မြန်မာနိုင်ငံ၏ အင်အား အနည်းဆုံးသော လက်နက်ကိုင်အဖွဲ့ များတွင် ပါဝင်သည်။ လက်ရှိအချိန်တွင် လက်နက်ကိုင်အင်အား မည်မျှရှိသည်ကို မသိရသေးပေ။

Ref: ဧရာဝတီ

လက်ပံတောင်းတောင်ကိစ္စ အစိုးရ အဓိက တာဝန်ယူရမည်ဟု ဒေါ်အောင်ဆန်းစုကြည်ဆို

စနေလင်း
December 6, 2012

တရုတ်ကုမ္ပဏီများသည် မြန်မာ အစိုးရနှင့် စာချုပ်စာတမ်းများအရ သဘောတူညီချက်ကာ လာရောက် ရင်းနှီးမြှုပ်နှံနေခြင်း ဖြစ် သောကြောင့် အစိုးရကသာ အဓိက တာဝန်ယူရမည် ဖြစ်ကြောင်း လက်ပံတောင်းတောင် ကြေးနီစီမံကိန်း စုံစမ်း စစ်ဆေးရေး ကော်မတီ ဥက္ကဋ္ဌ ဒေါ်အောင်ဆန်းစုကြည်က ယနေ့ ရန်ကုန်တိုင်းဒေသကြီး အစိုးရအဖွဲ့ရုံးတွင် ကျင်းပသော သတင်းစာရှင်းလင်း ပွဲ၌ ပြောကြားသွားသည်။

လက်ပံတောင်း ဒိုင်ယာရီ

လဖိုင်
December 6, 2012

ဒေါ်အောင်ဆန်းစုကြည် လက်ပံတောင်းတောင်ကို နိုဝင်ဘာ ၂၉ ရက်နေ့ သွားမယ်ဆိုတဲ့ သတင်းကြောင့် ရန်ကုန်ကနေ နိုဝင်ဘာ ၂၈ ရက်နေ့ညကတည်းက ဟိုင်းဝေးကားနဲ့ ထွက်သွားခဲ့တယ်။ ည ၈ နာရီထွက်တဲ့ ကားက နောက်တနေ့ မနက် ၆ နာရီခွဲလောက် မုံရွာကားဂိတ်ကို ရောက်ပါတယ်။ ရောက်ပြီး မကြာခင်မှာ ရန်ကုန်က သတင်းလှမ်းပို့တယ်၊ နိုဝင်ဘာ ၂၉ ရက် မနက် ၃ နာရီမှာ သပိတ်စခန်းတွေ အပြောင် ရှင်းလိုက်ပြီတဲ့။

မုံရွာ အမျိုးသားဒီမိုကရေစီ အဖွဲ့ချုပ် (NLD) ကို ဆက်သွယ်တော့ လူတွေ မအားပါဘူး၊ လူနာသယ်နေရတယ်လို့ ဆိုပါတယ်။ မနက် ၆ နာရီခွဲမှာပဲ ဆေးရုံမှာ ဒဏ်ရာရ သံဃာ အပါး ၂၀ ရောက်နေပြီလို့ ပြောပါတယ်။ ဒါနဲ့ပဲ မီးလောင်ခဲ့တဲ့ နေရာမှာ အကြွင်းအကျန်လေးများ ဓာတ်ပုံရိုက်လို့ရမလားဆိုပြီး လက်ပံတောင်းတောင်ကို ဆိုက်ကယ်နဲ့ သွားလိုက်ပါတယ်။

အစကတော့ ဆေးရုံကို သွားရင်း မြို့ကနာရေးကူညီမူကား နောက်ကနေပဲ ကပ်လိုက်သွားပါတယ်။ လမ်းတဘက်တချက်က တမာပင်တွေကြောင့် မုံရွာက တော်တော်လေး သာယာအေးဆေးတာ တွေ့ရတယ်။ ၀မ်ပေါင် ကုမ္ပဏီနားက လမ်းဆုံမှာတော့ ရဲတွေက သံဆူးကြိုးကာပြီး သွားလာခွင့်ကို ပိတ်လိုက်ပြီ။ မနက်စောစောပိုင်းမှာ ကိုနေမျိုးဇင်တို့ အဖွဲ့၊ AFP သတင်းဌာနက ဓာတ်ပုံဆရာနဲ့၊ တခြားမီဒီယာတွေ ရောက်နှင့်နေပြီး အထဲကိုဝင်ဖို့ လုပ်တာကို ရဲတွေက တားဆီးနေကြပါတယ်။ ဗိုလ်ကြီးဟောင်း ကိုနေမျိုးဇင်က ပြည်သူ့ဝန်ထမ်းတွေရှိသင့်တဲ့ စိတ်သဘောထားမျိုး ရဲဝန်ထမ်းတွေကို ပြောပြနေတော့ ဒုရဲအုပ် တယောက်က “စစ်ဗိုလ်ဟောင်းလည်း *** ခံလေ” ဆိုပြီး ရိုင်းရိုင်းစိုင်းစိုင်း ပြောလို့ ပွဲဆူကုန်ပါတယ်။

နောက်တော့ မုံရွာခရိုင် ဒုတိယ ရဲမှူးကြီးတင်ဝင်းက “ကျနော်တို့က လုံခြုံရေးအတွက်လုပ်တာပါ၊ မီးလောင်ဗုံး မသုံးရပါဘူး၊ သစ္စာ ဆိုရဲပါတယ်” လို့ ငြင်းချက် ထုတ်ပါတယ်။ သူပြောနေတုန်းပဲ မီးလောင်ခံရတဲ့ သပိတ်စခန်း ခေါင်းဆောင်က ထပြီး မီးရှို့တာတွေ၊ ရဲဝင်ရိုက်တာတွေကို အစအဆုံး သူမြင်တဲ့အတိုင်း ပြောပြလို့ လူတွေ အုံသွားပါတယ်။ ခဏနေတော့ NLD လွှတ်တော်အမတ် ဒေါ်ခင်စန်းလှိုင် ရောက်လာပြီး အထဲက အခြေအနေတွေကို ကြည့်ဖို့ ၀င်ခွင့်တောင်းခဲ့ပေမယ့် သူလည်း ၀င်ခွင့်မရပါဘူး။

မကြာဘူး မုံရွာဘက်က နာရေးကားတွေ တစီးပြီးတစီး ခေါက်တုန့် ခေါက်ပြန် လူနာ သယ်ကြပါတော့တယ်။ အကျော်၊ ဖောင်းကား စတဲ့ ရွာတွေထဲမှာ ပုန်းနေတဲ့ သံဃာတွေလည်း အဲဒီအချိန်ကျမှ ဆေးရုံရောက်ပါတယ်။

ဘုန်းကြီးကျောင်းတွေမှာ ပုံထားတဲ့ သင်္ကန်းတွေလည်း မီးလောင်ရာတွေနဲ့ ပြည့်နေတယ်။ ဖောင်းကားတောင်ဘက်က ဘုန်းကြီးကျောင်းထဲ ၀င်ပြေးသူတွေကို ရဲတွေက လိုက်ဖမ်းပေမယ့် ရွာသူရွာသားတွေက ရွံ့တွေ၊ အမှိုက်တွေနဲ့ ပြန်လည် ပစ်ခတ်လို့ ရဲတွေ လိုက်မလာတော့ဘူးလို့ ဖောင်းကား အလယ်က ဘုန်းကြီးကျောင်း တကျောင်းမှာ ပုန်းနေတဲ့ ၀က်မှေးရွာသားတွေက ပြောပြတယ်။

ဝမ်ပေါင်ဂိတ်ရှေ့ သပိတ်စခန်းက ကိုဝင့်ကျော့မှူးကိုလည်း ဖမ်းဆီးဖို့ ကြိုးစားခဲ့ပြီး ရိုက်နှက်တာတွေခံခဲ့ရတယ်လို့ သိရတယ်။

“သူတို့က လုံခြုံရေးစည်းကို ၄ ယောက်လောက် ကျော်လာပြီးဖမ်းတာ။ ရိုက်လည်းရိုက်၊ ဆွဲလည်းဆွဲပေါ့။ ကျနော်က အော်ပြီး ရုန်းရင်း ပြေးတော့ လွတ်လာပါတယ်။ ၅ ချက်လောက်တော့ အရိုက်ခံလိုက်ရတယ်။ အရိုက်ထက် ဖမ်းဖို့ကို စိတ်သာနေလို့ နည်းနည်း သက်သာရတယ်” လို့ ကိုဝင့်ကျော့မှူးက ရှင်းပြတယ်။

မနက်ပိုင်းမှာ ရုန်းရင်းဆန်ခတ် ဖြစ်ပျက်ခဲ့ပြီး အဲဒီနေ့ ညပိုင်း ဒေါ်အောင်ဆန်းစုကြည် အလာမှာ ဘာဆုံးဖြတ်မယ် ဆိုတာကို စောင့်နေကြတာကြောင့် သပိတ်လှန်၊ မလှန် ဆုံးဖြတ်ချက်မချနိုင်ဘဲ တကွဲတပြား ဖြစ်နေကြတာ တွေ့ရတယ်။

ဒေါ်အောင်ဆန်းစုကြည်က နေ့လယ် ၁ နာရီ ကံကုန်းရွာထိပ်မှာ ဟောပြောမယ် ဆိုတာကြောင့် NLD ပါတီဝင်တွေ နေရာ ထိုင်ခင်း ပြင်ဆင်နေကြတယ်။ လူနာသယ်တဲ့သူက သယ်၊ သတင်းထောက်တွေလည်း ဟိုလျှောက်၊ သည်လျှောက်နဲ့ ၀မ်ပေါင် ကုမ္ပဏီရှေ့က မုံရွာ – ပုသိမ် – ကလေးဝ လမ်းဟာ စည်ကားနေပါတယ်။

ဒေါ်အောင်ဆန်းစုကြည်ကို မမြင်ဖူးကြတဲ့ လမ်းတလျှောက်က ရွာသားတွေကလည်း အလံကိုင်တဲ့ သူကိုင်၊ လမ်းလျှောက်ပြီး ဟောပြောပွဲ နေရာ သွားတဲ့သူသွားနဲ့ တဖြည်းဖြည်း လမ်းပေါ်မှာ လူတွေပြည့်လာပါတယ်။

“ဒေါ်အောင်ဆန်းစုကြည် ၁ နာရီမှာ ဟောမယ်ဆိုလို့ မနက် ၁၀ နာရီ လောက်ကတည်းက ထွက်လာတာ” လို့ ကံကုန်းရွာသူ တယောက်က ပြောပါတယ်။

ထော်လာဂျီ၊ ဆိုင်ကယ် ရရာယဉ်တွေနဲ့ ဟောပြောမယ့် နေရာဆီကို လူတွေ တဖွဲဖွဲ လာနေကြပါပြီ။ မုံရွာ၊ ယင်းမာပင်၊ ဆားလင်းကြီး၊ ဒီပဲယင်း၊ ပုခုက္ကူ၊ မြင်းခြံ မြို့နယ်တွေက NLD ပါတီ ၀င်တွေကတော့ ကားကြီး ကားငယ်တွေနဲ့ ရောက်လာ နေကြပါတယ်။ မုံရွာဘက်မှာလည်း လူတွေက အုတ်အုတ်ကျက်ကျက်၊ ဟောပြောမယ့် နေရာမှာလည်း လူတွေစုစုနဲ့ပါ။

ဟောပြောမယ့် စင်ကတော့ လက်ပံတောင်းတောင်ကို မျက်နှာမူထားပြီး ကြေးစင်တောင်ကို နောက်ခံပြုလို့ ဆောက်ထား ပါတယ်။ မွန်းတည့် ၁၂ နာရီလောက်မှာတော့ ကွင်းထဲမှာ လူတွေနဲ့အပြည့် ဖြစ်နေပါပြီ။

နေရာပျောက်မှာစိုးလို့ ရေအိမ်တောင် မသွားရဲသူတွေ၊ ဗိုက်ဆာပေမယ့် ကြိတ်ခံသူတွေရဲ့ အသံတွေကို အဆိုတော် လားရှိုး သိန်းအောင်ရဲ့ “အမေစု နောက်က လိုက်ကြစို့” ဆိုတဲ့ သီချင်းသံက ဖုံးလွှမ်းနေပါတယ်။ ၁ နာရီလာမယ်ဆိုပေမယ့် တ ကယ်တမ်း ဒေါ်အောင်ဆန်းစုကြည် ရောက်တော့ ညနေ ၆ နာရီ ထိုးပါတော့မယ်။ ပရိသတ်ကို ဟောပြောတာ မလုပ်ခင် ၀မ်ပေါင်က တာဝန်ရှိသူတွေနဲ့ သွားစကားပြောလာတယ်လို့ သိရတယ်။

ဒေါ်အောင်ဆန်းစုကြည်က ပရိသတ်ကို မိနစ် ၂၀ လောက် စကားပြောရာမှာ သူဟာ ပြည်သူအကြိုက်လိုက်တဲ့ နိုင်ငံရေးသမား မဟုတ်ကြောင်း၊ ရေရှည်အကျိုးကို ကြည့်ပြီး ဆောင်ရွက်မယ့် သူ့လုပ်ရပ်တွေအပေါ် မကြိုက်ရင် မကြိုက်တဲ့အကြောင်း ပြောနိုင် ကြောင်း၊ တနိုင်ငံလုံး တိုးတက်အောင် အားလုံး တက်ညီလက်ညီလုပ်ဖို့လိုကြောင်း၊ အများအကျိုးအတွက် တခါတရံ ကိုယ့်အကျိုး ကို နောက်ပို့ထားရမှာဖြစ်ကြောင်း၊ လက်ရှိ ပြဿနာကို သိက္ခာရှိရှိ ဖြေရှင်းချင်ကြောင်း၊ အဲဒီလိုဖြေရှင်းဖို့ ပြည်သူတွေက ထောက် ခံဖို့ လိုကြောင်းတွေကို ပြောသွားပါတယ်။

သူ့ ဟောပြောပွဲ အပြီးမှာတော့ လာနားထောင်တဲ့ ကံကုန်းရွာသူတွေကို ဒေါ်အောင်ဆန်းစုကြည်က တရုတ်တွေကို စီမံကိန်း ဆက်လုပ်ခွင့် ပေးမယ်ဆိုရင်ရောလို့ မေးတော့ “အမေစု ကောင်းမယ်ထင်လို့ ဆုံးဖြတ်တာမို့ လက်ခံမှာပါ” လို့ ပြန်ဖြေကြတယ်။

နောက်တော့ ဒေါ်အောင်ဆန်းစုကြည် တည်းခိုတဲ့ ၀င်းယူနတီဟိုတယ်မှာ မီးလောင်ခံရတဲ့ ရွာသူတွေ၊ သပိတ်စခန်းက လူတွေနဲ့ စကားပြောပါတယ်။

“ဒီဖြစ်စဉ်တွေကို အမေစုကပဲ အကောင်းဆုံး လုပ်ပေးနိုင်မယ်လို့ ယုံကြည်ထားတယ်။ အမေစုပါလာတော့ အားရှိတာပေါ့။ ဒီလိုစီမံကိန်းမျိုး မရှိသင့်ဘူး၊ ဖျက်သိမ်းသင့်တယ်။ ကျမတို့ သပိတ်ကတော့ ဘယ်တော့မှမလှန်ဘူး စီမံကိန်းကြီး ဖျက်သိမ်းပြီးမှ သပိတ်လှန်ပါမယ်။ အားလုံးညှိနှိုင်းပြီးမှ သိပိတ်ပြန်စမှာပါ။ လယ်တီဆရာတော်က ဒီပနီကျမ်းကို အဲဒီ စီမံကိန်း နေရာမှာ ရေးသွားတာ၊ အခိုင်အမာ သက်သေရှိပါတယ်။ ဒီလို မတရားတာကြီးကို ကျမတို့သာ ငုံ့ခံခဲ့မယ်ဆိုရင် သားစဉ်မြေးဆက် သွားရော” လို့ သပိတ်ကို ခေါင်းဆောင်သူ တဦးဖြစ်တဲ့ မသွဲ့သွဲ့ဝင်းက ပြောပါတယ်။ မသွဲ့သွဲ့ဝင်းရဲ့ ညီမ မဖြူဖြူဝင်းလည်း မျက်နှာနဲ့ လက်မောင်းတွေမှာ မီးလောင်ဒဏ်ရာ ရနေပြီး တနေ့လုံး ပုန်းနေရတယ်လို့ သိရတယ်။

သပိတ်စခန်းက လူတွေနဲ့တွေ့ပြီးချိန်မှာ ဒေါ်အောင်ဆန်းစုကြည်က မီးလောင်ထားတဲ့ သံဃာတွေကို သွားဖူးတွေ့ပါတယ်။ နောက်တနေ့ နိုဝင်ဘာ ၃၀ မနက် ၈ နာရီမှာ မုံရွာ အောက်ဇက်ဆိပ် သောင်ပြင်မှာ ဟောပြောပွဲလုပ်ဖို့ စီစဉ်ထားပါတယ်။

အစီအစဉ် အသေအချာမသိရဘဲ အချိန် အနားကပ်မှ သိရတော့ လူတွေ အပြေးအလွှား သွားကြည့်ကြပါတယ်။ သောင်ပြင် အပြည့် လူတွေပါပဲ။ သောင်ပြင်ကနေ ကြည့်ရင်တော့ လက်ပံတောင်းတောင်ကို မြင်နေရပါတယ်။ အဲဒီမှာတော့ ဒေါ်အောင် ဆန်းစုကြည်စုက မီးလောင်ခံခဲ့ရတဲ့ ကိုယ်တော်တွေ အကြောင်း အပါအ၀င် မြန်မာနိုင်ငံဟာ အိမ်နီးချင်း နိုင်ငံတွေနဲ့ အဆင် ပြေအောင် နေရမယ့်အကြောင်း၊ ကမ္ဘာတည်သရွေ့ အိမ်နီးချင်းတွေနဲ့ နေသွားရမှာ ဖြစ်တဲ့အကြောင်း၊ အိမ်နီးချင်းနဲ့ မတည့်လို့ လင်မယားများ ကွဲကြသလို ကွဲလို့မရကြောင်း၊ အာဏာရှင်လက်ထက်က ပြည်သူ့ဆန္ဒမပါဘဲ ပေးထားတဲ့ ကတိတွေ ဆိုပေမယ့် သိက္ခာရှိတဲ့ နိုင်ငံသားများ ဖြစ်ရေးအတွက် နှစ်နိုင်ငံ သဘောတူညီချက်တွေကိုတော့ လေးစားရမှာ ဖြစ်ကြောင်း ပြောသွားပါတယ်။

မိန့်ခွန်း အပြီးမှာ အောက်ကပရိသတ်က “သတ္ထုတွင်း ၀န်ကြီးရိုရှိသားနဲ့ ဘာလို့ ဦးပိုင်က ဒီလုပ်ငန်းတွေကို ၀င်ကိုင်နေရသလဲ” လို့ မေးခွန်းထုတ်တော့ ဒေါ်အောင်ဆန်းစုကြည်က “ဒီကိစ္စနဲ့ ပတ်သက်လို့ ကျမ ရှင်းရှင်းလင်းလင်း ပြောပါမယ်” လို့ ဆိုပါတယ်။

ဦးပိုင်ကုမ္ပဏီ ဆိုတာက စစ်တပ်နဲ့ ဆက်စပ်နေတယ်ဆိုတာ အများအသိဖြစ်ကြောင်း၊ တပ်မတော်ဟာ မြန်မာနိုင်ငံနဲ့ ဆက်စပ် နေကြောင်း သူက ရှင်းပြပါတယ်။

“တချို့က ကျမ အနေနဲ့ တပ်မတော်အပေါ်မှာ မေတ္တာထားတယ် ဆိုရင် မကြိုက်ကြပါဘူး။ မတတ်နိုင်ဘူး။ ထားတာက ထားတာပဲ။ ဒါကတော့ ကျမ အမှန်အတိုင်း ပြောတာပဲ။ ဘာဖြစ်လို့လဲ ဆိုတော့ ကျမက ငယ်ငယ်ကတည်းက ဖေဖေ့သမီး အနေနဲ့ ကြီးလာတာကိုး။ တပ်မတော်အပေါ်မှာ မေတ္တာမထားဘဲနဲ့ကို မနေတတ်ဘူး။ ငယ်ငယ်ကတည်းက၊ မွေးကတည်းက တပ်မတော်အပေါ်မှာ မေတ္တာထားဖို့ သင်ခဲ့ရတော့ မေတ္တာကတော့ ဘယ်လိုမှ မပျောက်ကွယ် သွားနိုင်ဘူး။ လုပ်တဲ့ ကိစ္စတွေ ကိုတော့ ကျမ မကြိုက်ဘူးပေါ့။ အထူးသဖြင့် ကျမအပေါ်မှာလုပ်တာလည်း မကြိုက်ဘူး။ ပြည်သူအပေါ်မှာ လုပ်တာလည်း မကြိုက်ဘူး။ မကြိုက်သော်လည်း မေတ္တာတော့ မပျက်ပါဘူး” လို့ ဒေါ်အောင်ဆန်းစုကြည်က ဆက်ပြောတယ်။

ဦးပိုင် လီမိတက် ဆိုတာ တပ်မတော်နဲ့ ဆက်စပ်နေတာ ဖြစ်တဲ့အတွက် ဒီကိစ္စတွေကို ချဉ်းကပ်တဲ့အခါမှာ သဘောထား ကြီးကြီးနဲ့၊ အမျိုးသား ရင်ကြားစေ့ရေးကို ဦးတည်ပြီးတော့ ချဉ်းကပ်မှာ ဖြစ်တဲ့အကြောင်းလည်း သူက ဆိုပါတယ်။

“မသိချင်ယောင်တော့ ဆောင်မနေပါဘူး။ မေးသင့်တာတွေတော့ ကျမ မေးမှာပါ။ ဒါပေမယ့် မေးတယ် ဆိုတာဟာ ကောင်းတဲ့ အဖြေတခုကို လိုချင်လို့ မေးခွန်းမေးတာပါ။ ဖြေလိုက်တဲ့ အဖြေကို ပြောတာမဟုတ်ဘူး။ ဖြေလိုက်တဲ့ အဖြေအပေါ်မှာ အခြေခံပြီး ဘယ်လို အကောင်းဆုံး ဖြစ်နိုင်မလဲ ဆိုတာကို လုပ်ဖို့ ကျမတို့ ရည်ရွယ်တာပါ။ ဥိးပိုင်က တာဝန်ခံတွေနဲ့လည်း တွေ့ဆုံဖို့ ရှိပါ တယ်။ ကျမ ပွင့်ပွင့်လင်းလင်းပဲ မေးလိုက်မယ်၊ ပြည်သူကတော့ ဒီလိုမေးနေတယ်၊ ကျမ ဘယ်လို ဖြေရမလဲလို့” ဆိုပြီး လူထုရဲ့ အမေးကို ဒေါ်အောင်ဆန်းစုကြည်က ဖြေပါတယ်။

သူ အဲဒီလိုဖြေလိုက်တာကို တချို့က သိပ်မကျေနပ်ချင်ပေမယ့် တချို့ကတော့ လက်ဝါးတွေ နီရဲလာတဲ့အထိ လက်ခုပ်တီးကြပါတယ်။

နောက်တော့ ၀င်းယူနတီ ဟိုတယ်မှာပဲ ရွာသားတွေနဲ့ ဒေါ်အောင်ဆန်းစုကြည် တခါပြန်တွေ့ပါတယ်။ ဒီတခါတော့ ရွာသား ၂၀ လောက်ပါပြီး ကံကုန်း၊ ဇီးတော၊ ဆည်တည်း၊ ၀က်မှေး စတဲ့ စီမံကိန်းနဲ့ ပတ်သက်တဲ့ ရွာတွေက လူတွေနဲ့ တွေ့တာပါ။ လူရွေး တာကို NLD က လုပ်ပါတယ်။ မနေ့ညက တွေ့ခွင့်ရတဲ့ မီးလောင်ဒဏ်ရာနဲ့ မဖြူဖြူဝင်းက စာရင်းမှာ မပါလို့ မတွေ့ရပါဘူး။ ဟိုတယ် အပြင်မှာလည်း ပရိတ်သတ်တွေ ၀ိုင်းအုံနေပါတယ်။ ဒေါ်အောင်ဆန်းစုကြည်ကို တွေ့ချင်လို့ လာကြည့်တဲ့ မုံရွာမြို့ခံတွေ လည်း ပါပါတယ်။ သပိတ်နှိမ်နင်းတဲ့ ဖြစ်စဉ်ကို ကောင်းကောင်း မသိတဲ့ မြို့သားတွေလည်း အများကြီးပါပါတယ်။

မီးက ဘယ်လိုလောင်တာ၊ ဘယ်လိုဖြစ်တာ စသည်ဖြင့် အထဲမ၀င်ရတဲ့ မဖြူဖြူဝင်းက အစအဆုံး ရှင်းပြနေတယ်။ အဲဒီအချိန်ကျမှ မုံရွာ မြို့သားတွေလည်း ဇာတ်ရည်လည်ပြီး အံ့သြနေတာ တွေ့ရတယ်။

မုံရွာမြို့သားတယောက်ကတော့ “သပိတ်မှောက်တဲ့ သံဃာတွေဟာ ဆန္ဒစောတယ်” လို့ ပြောနေတယ်။

ရွာသားတွေနဲ့ ဒေါ်အောင်ဆန်းစုကြည် တွေ့နေချိန်မှာ မီဒီယာတွေက ဟိုတယ်ပြင်က စောင့်ရပါတယ်။ ဒါပေမယ့် BBC, AP, New York Times စတဲ့ နိုင်ငံခြားသတင်းထောက်တွေက အထဲရောက်နေလို့ အပြင်မှာ ဆူကြရာကနေ မီဒီယာအားလုံးကို ပေးဝင်လိုက်ပါတယ်။ အဲဒီနောက်မှာတော့ ထွက်လာတဲ့ရွာသားတွေကို စောင့်ပြီး သတင်းသမားတွေ ဝိုင်းမေးကြပါတော့တယ်။ အားလုံးကတော့ “အမေစု” (ဒေါ်အောင်ဆန်းစုကြည်) ဆုံးဖြတ်တာကို လက်ခံမယ်လို့ပဲ ပြောကြပါတယ်။

မသွဲ့သွဲ့ဝင်းကလည်း “အမေစု ဆုံးဖြတ်တဲ့အတိုင်း လိုက်နာမှာပါလို့ ပြောပါတယ်။ သပိတ်ကိုလည်း ခဏဆိုင်းထားပါမယ်” ဆိုပြီး မီဒီယာများကို ဟိုတယ်မှာ ပြောပါတယ်။

နောက်တော့ ဒေါ်အောင်းဆန်းစုကြည်က သတင်းစာရှင်းလင်းပွဲ လုပ်ပြီး စုံစမ်းရေး ကော်မရှင် ဖွဲ့မယ့်အကြောင်း၊ ရှေ့ဆက်လုပ်မယ့် အကြောင်းအရာတွေကို ပြောသွားပြီး ရန်ကုန်ပြန်ဆင်း သွားပါတယ်။

ဒီဇင်ဘာ ၁ ရက်နေ့ မနက် ၁၁ နာရီ လောက်မှာ ၈၈ မျိုးဆက် ကျောင်းသားတွေ မုံရွာကို ရောက်လာပါတယ်။ နေ့လယ် မှာတော့ စစ်ကိုင်းတိုင်း ရဲမှူးကြီးက မုံရွာမြို့ပေါ် ကျောင်းတိုက်အသီးသီးက ဆရာတော်အပါး ၂၀ ကို ဖိတ်ကြားပြီး လှူဖွယ် ပစ္စည်းကပ်၊ သြ၀ါဒ ခံယူဖို့ စီစဉ်ထားတယ်လို့ သိရပါတယ်။ နေ့လယ် ၁ နာရီ ပွဲစမယ်ဆိုပြီး ကြေညာထားပါတယ်။ မုံရွာလူထု ကလည်း အဲဒီပွဲကို တန်ပြန်ရှုတ်ချပွဲ လုပ်ဖို့ စီစဉ်ထားတယ်ဆိုပြီးလည်း သတင်း ကြားနေရပါတယ်။

နေ့လယ် ၁ နာရီကတည်းက ရဲတပ်ဖွဲ့ဝင်တွေ တဖွဲဖွဲ ရောက်လာပါတယ်။ သတင်းသမားတွေလည်း အမြောက်အများပါပဲ။ ၁ နာရီဆိုလို့ စောင့်နေပေမယ့် ဆရာတော်တွေက နေ့လယ် ၂ နာရီအထိ ကြွမလာပါဘူး။ ၂ နာရီ ကျော်မှ သံဃာတော် ၁၀ ပါးပဲကြွလို့ ကြွလာတဲ့ ကိုယ်တော်တွေနဲ့ပဲ ပွဲစပါတယ်။ ပွဲမစခင် အထွေထွေအုပ်ချုပ်ရေးဌာနမှ အရာကြီးတဦးက “SkyNet ရော၊ SkyNet ရောက်ပြီလား” ဆိုပြီး အပူတပြင်းရှာဖွေတာ တွေ့ရတယ်။ ခဏနေတော့ SkyNet ရုပ်သံက ကင်မရာ သမား တွေကို တွေ့သွားပြီး သံဃာတော်တွေ ကြွလာတာက စလို့ အမိအရ ရိုက်ကူးစေပါတယ်။ ပြီးတော့မှ စစ်ကိုင်းတိုင်း ရဲမှူးကြီး ဦးစန်းယုက အသင့်ယူလာတဲ့ စာကိုဖတ်ပြပြီး ဆရာတော်တွေကို အကျိုးအကြောင်း လျှောက်ထားပါတယ်။

မီးခိုးဗုံး၊ မီးသတ်ပိုက်တွေသာ သုံးပြီး တတ်နိုင်သမျှ အင်အားအနည်းဆုံးနဲ့ ထိခိုက်မှု မရှိရအောင် ဆောင်ရွက် ပါတယ်လို့ ပြောတော့ သြ၀ါဒ ခံယူပွဲ လာဝင်ကြည့်တဲ့ ပရိသတ်တွေက “လူလိမ်တွေဟေ့ … ညာနေတာတွေ” လို့ ကြိုကြား ကြိုကြား အော်ကြပါတယ်။ မဟာဇောတိက ကျောင်းတိုက်က ဆရာတော်ကို သြ၀ါဒ ချီးမြှင့်ပေးဖို့ စာရင်းထဲထည့် ထားပေမယ့် ဆရာ တော်ကြီး ကြွမလာတာကြောင့် အုတ်ကန်တွင်း ကျောင်းတိုက်က ဆရာတော်က သြ၀ါဒပေးပါတယ်။ ဆရာ၊ ဒကာ လက်တွဲပြီး ငြိမ်းငြိမ်းချမ်းချမ်းနဲ့ တောင်းပန်ရင် လက်ခံသင့်တယ်လို့ ဆရာတော်က သြ၀ါဒ ပေးသွားပါတယ်။

ဆရာတော် သြ၀ါဒပေးပြီးလို့ ဆေးရုံက ကိုယ်တော်များအတွက် လှူဖွယ်တွေ ကပ်မယ်လည်း ဆိုရော ပရိသတ်က “၀ူး …” လို့ သံရှည်အော်ပြီး အားလုံး အပြင်ကိုထွက်သွားကြတာနဲ့ ရုတ်ရုတ်သဲသဲ ဖြစ်ကုန်ပါတယ်။ ရဲတွေလည်း ကြောင်အမ်းအမ်း ဖြစ်ပြီး နောက်ပိုင်း အစီအစဉ်တွေကို ကသုတ်ကရက်နဲ့ လုပ်လိုက်ရပါတယ်။ ပွဲပြီးတော့ သံဃာတော်တွေကို မီဒီယာတွေက မေးတာကို ဘယ်ကိုယ်တော်မှ စကားမပြန်ပါဘူး။ ရဲမှူးကြီး ဦးစန်းယုကတော့ “ဖြေဖို့ကို မရှိတာ” လို့ အရှင်းပြောပြီး သူ့ဖုန်းနဲ့ အလုပ်ရှုပ်နေပုံ မြင်ရပါတယ်။ ခဏနေတော့ ကားပေါ် အမြန်တက်ပြီး သြ၀ါဒခံယူပွဲ လုပ်တဲ့ ရွှေစည်းခုံဘုရား သာသနာ့ ဗိမာန်ကနေ အမြန်ထွက် သွားပါတယ်။ အပြုအမှုတွေ မာန်မချဘူးလို့ မုံရွာသားတွေက ပြောပြီး ရဲတွေကို ဒေါသထွက်ကြပြန်ပါတယ်။

ဘုရားပရ၀ုဏ် အပြင်ဘက်က မုံရွာမြို့ခံတွေကတော့ “ဒီသံဃာတွေက သပိတ်နဲ့မဆိုင်တဲ့ သံဃာတွေ၊ လာကန်တော့တဲ့ ရဲတွေကလည်း စီမံကိန်းမှာ တာဝန်ကျတဲ့ ရဲတွေမဟုတ်ဘူး” လို့ ဝေဖန်နေကြပါတယ်။ ဒီလို ဆင်ခြေပေးတာတွေကလည်း အဓိပ္ပာယ်မရှိဘူးလို့ ပြောတဲ့သူတွေက ပြောနေပါတယ်။

နောက်ပိုင်း မုံရွာမြို့ခံတွေနဲ့ စကားဝိုင်းဖွဲ့ကြည့်တော့ သူတို့ သပိတ်မှောက်ရတဲ့ ရည်ရွယ်ရင်းက စီမံကိန်းကြီး ရပ်ဆိုင်းရေး ဆိုပေမယ့် ဒေါ်အောင်ဆန်းစုကြည်က ခွင့်ပြုရင်တော့ လက်ခံမယ်ဆိုပြီး မုံရွာမြို့ခံ NLD ပါတီဝင် တဦးက ဆိုပါတယ်။ စီမံကိန်းကို ဒေါ်အောင်ဆန်းစုကြည်က ခွင့်ပြုမယ်ဆိုရင် သပိတ်မှောက်တဲ့ ရည်ရွယ်ချက် ပျောက်သွားမလားလို့ မေးကြည့်တော့ သူတို့ဆီက အဖြေမရပါဘူး။

“ဒါတော့ စောင့်ကြည့်ရမှာပေါ့” ဆိုတာလောက်ပဲ မြို့ခံက ပြန်ပြောပါတယ်။

နောက်တနေ့ ဒီဇင်ဘာ ၂ ရက်နေ့ မနက်မှာတော့ ၀က်မှေးရွာကို ၈၈ မျိုးဆက် ကျောင်းသားတွေ ဆင်းသွားပါတယ်။ ၀က်မှေးရွာက သစ်ပင်တွေနဲ့ စိမ်းလန်းစိုပြေပြီး သာယာတဲ့ရွာကလေးဖြစ်ပါတယ်။ ၈၈ မျိုးဆက် ကျောင်းသားတွေနဲ့ ရွာသားတွေ တွေ့တဲ့ ရွာထိပ်က ကွက်လပ်လေးဟာ ရွာဦးစေတီလေးရှေ့မှာ ဖြစ်ပြီးတော့ သစ်ပင်တွေပိတ်နေပြီး နေပြောက်မထိုးတဲ့ နေရာ ဖြစ်ပါတယ်။

သပိတ်ကို ဦးဆောင်ခဲ့သူတွေဖြစ်တဲ့ မအေးနက်နဲ့ မသွဲ့သွဲ့ဝင်းတို့က အိမ်နီးချင်းတွေဖြစ်ပြီး မအေးနက်အိမ်မှာ ကုန်စုံဆိုင် ဖွင့် ထားပါတယ်။ ရွာသားတွေ အားလုံး နွားပိုင်ကြပါတယ်။ နွားတွေက ၀ဖီးပြီး နွားချောနွားလှကြီးတွေပါ။ ရွာက အိမ်တွေကလည်း ပျဉ်တွေ၊ သွပ်တွေနဲ့ အခိုင်အမာဆောက်ထားပြီး အသီးအနှံလည်း သိပ်ကောင်းတာပဲလို့ ရွာသား ဦးသိန်းလှိုင်က ပြောပြပါတယ်။ ရွာအနောက်ဘက်ကို ထွက်တာနဲ့ စမ်းချောင်းလေးတခုရှိပြီး လက်ပန်းတောင်း တောင်ကိုလည်း မလှမ်းမကမ်းမှာ မြင်နေရပါတယ်။ စိမ်းလန်းတဲ့ စိုက်ခင်းတွေကြားက လက်ပံတောင်းတောင်၊ ကောင်းကင်ပြာ၊ စမ်းချောင်းလေးနဲ့ လှပတဲ့ရှုခင်းပါ။

ဂျုံခင်း၊ ကုလားပဲခင်းတွေ၊ ထန်းပင်တွေနဲ့ သာယာတဲ့၊ အသက်မွေးဝမ်းကြောင်း လုပ်ငန်း အဆင်ပြေနေတဲ့ အတွက် စီမံကိန်းက ရလာမယ့် အကျိုးစီးပွားဆိုတာ ၀က်မှေးရွာသားတွေ အတွက်တော့ အပိုသက်သက်ပါလို့ ဒေသခံတွေက ပြောကြပါတယ်။ ရွာသားတွေက သူတို့ရွာကို အဓမ္မ ပြောင်းခိုင်းတဲ့အကြောင်း၊ ကျောင်းတွေ ဖျက်ပစ်တဲ့ အကြောင်းကို ပြောပြနေပါတယ်။

“သူများအလှူကို အဓမ္မ လာဖျက်တာလေ၊ ကျောင်းဆောက်တုန်းက သဲတဆုပ်၊ ရေတမုတ် မကူဘဲနဲ့ အခုမှ အဓမ္မ လာဖျက် တာ” လို့ ရွာခံ ဦသိန်းဆိုင်က ဆိုပါတယ်။

အမျိုးသမီးကြီးတွေက ကျောင်းလာဖျက်သူတွေကို ၀ါးလုံးတွေနဲ့ ထိုးချ ရိုက်နှက်တာတွေ လုပ်မှ ကျောင်းဖျက်သူတွေ ထွက် ပြေးသွားတာလို့ သူက ဆက်ပြောပါတယ်။

ဝက်မှေး ရွာဟောင်းက မူလတန်းပြ ဆရာမတွေကို ရွာသစ်ဆီကို ပြောင်းလိုက်လို့ ၀က်မှေးက မူလတန်း ကျောင်းသားလေးတွေ တက်စရာကျောင်းမရှိ ဖြစ်သွားရတယ်လို့ သိရတယ်။ စိုက်ခင်းတွေထဲကို မြေစာတွေ လာပုံတာကတော့ မျက်မြင်ပါပဲ။ မြေစာ ပုံကြီးက ပေ ၅၀ လောက် မြင့်ပါတယ်။

“ကျနော်တို့က တောင်သူတွေလေ၊ သူတို့ အဲဒီလို လုပ်ရင် ဘာနဲ့ လုပ်စားရမှာလဲ” လို့ ဦးသိန်းဆိုင်က ပြောပါတယ်။

ဦးသိန်းဆိုင်က အကျော်ရွာ သပိတ်စခန်းမှာ နေ့ရောညပါ အားပေးခဲ့သူ ဖြစ်ပါတယ်။ ဦးသိန်းဆိုင်တို့ တမိသားစုလုံး သပိတ်စခန်း စကတည်းက ပါဝင်ကြတာပါ။ အနယ်နယ် အရပ်ရပ်က ထောက်ပံ့ကြလို့ ရွာသားတွေက ဘာမှ ထပ်ပံ့ပိုးစရာ မလိုဘူး၊ သပိတ် စခန်းမှာ ထိုင်နေရုံပဲလို့ ဦးသိန်းဆိုင်က ဆိုပါတယ်။ ဒီက အက်စစ်တွေသာ မြစ်ထဲချောင်းထဲ ရောက်သွားမယ် ဆိုရင် အညာတခွင် လုံး ဒုက္ခရောက်ရမှာလို့လည်း သူက ပြောပါတယ်။

ဝက်မှေးမြေတွေလည်း သိမ်းယူမယ့်အထဲမှာပါတယ်၊ တဧကကို ၃ နှစ်စာ သီးစားလျော်ကြေး ကျပ် ၅ သိန်းပေးပေမယ့် အဲဒီမြေတွေက တနှစ် ၇ သိန်းလောက် တန်ကြေးရှိတဲ့ သီးနှံတွေ ထွက်တာမို့ ပေးတဲ့လျော်ကြေးဟာ သိပ်ကို နည်းလွန်းပါ တယ်လို့ ရွာခံတွေရဲ့ အဆိုအရ သိရတယ်။

“ထန်းပင်တပင်အတွက် ကျပ် ၅ ထောင်ပေးတယ်။ အုတ်စက်ကို ပြောလိုက်ရင် အမြစ်ကို ၂၅၀၀ ပေးပြီး ကိုယ့်ဖာသာ လာ တူးယူတာ၊ ဈေးသည်များဆီမှာ ဈေးဆစ်သလို သူတို့က တဖြည်းဖြည်းနဲ့ ဈေးဆစ်ပြီး အဓမ္မဈေးနဲ့ ဖြတ်တာ” လို့ ဦးသိန်းဆိုင် က ဆိုတယ်။

ဝက်မှေးမှာတော့ အိမ်ထောင်စု ၄၈ စုလောက်ပဲ ကျန်တော့တယ်လို့ သိရတယ်။ ၀က်မှေးရွာသစ်က ရွာဟောင်းနဲ့ ၁၅ မိနစ် လောက် ဆိုင်ကယ်စီးရတဲ့ နေရာမှာရှိပါတယ်။ အိမ်အသစ်တွေကို ကွင်းပြင်ထဲမှာ တန်းစီပြီး ဆောက်ထားပါတယ်။ ရွေဘော် မထိုးဘဲ ဆောက်ထားတဲ့အတွက် ကြမ်းခင်းတွေက ရှတယ်လို့ ရွာခံတွေက ပြောတယ်။ အင်သား နုနုနဲ့ ကာထားတာဖြစ်လို့ ကျုံ့သွားတာ၊ ရွဲသွားတာတွေ အများကြီးရှိတယ်လို့လည်း သူတို့က ဆိုတယ်။

ဝမ်ပေါင် ကုမ္ပဏီမှာ လုံခြုံရေးဝင်လုပ်နေတဲ့ ကိုထွန်းထွန်းဝင်းရဲ့ အိမ်တိုင်က အလယ်ကနေ အက်ကြောင်းက လက်မလောက် ကြီးလာတာ တွေ့ရပါတယ်။

“မျက်နှာကျက်က ကျနော်တို့ တောင်းဆိုထားလို့ တပ်ထားပေးတာ။ မဟုတ်ရင် နွေမှာ မတရားပူတာ၊ နေစရာတောင်မရှိဘူး” လို့ ကိုထွန်းထွန်းဝင်းက ပြောပါတယ်။

လွန်ခဲ့တဲ့တနှစ်က ပြောင်းလာပြီးတော့ ပေ ၄၀၊ ၆၀ မြေကွက် နေရာပေါ်မှာ ပျဉ်ထောင်အိမ်နဲ့ နေရတဲ့ အကြောင်း၊ အိမ်တန်း တွေ ဆောက်တာကို ထူးကုမ္ပဏီက တာဝန်ယူတဲ့ အကြောင်း၊ အိမ်သာကျင်းက ၃ ပေပဲ တူးထားပေးလို့ ထပ်တူးရတဲ့ အ ကြောင်း၊ မပြောင်းခင်တုန်းက ၃ နှစ်အထိ ရေ၊ မီး အခမဲ့ရမယ်၊ ရွာဖွင့်ပွဲကို ဖိုးချစ် ဒါမှမဟုတ် စွမ်းဇာနည် ဇာတ်ပွဲ သွင်း ပေးမယ်လို့ ပြောခဲ့ပေမယ့် အခုတော့ ရေခ၊ မီးခ ကောက်တဲ့အပြင် ဇာတ်ပွဲတွေလည်း ဘယ်ဆီနေမှန်းမသိဘူး ဆိုတဲ့ အကြောင်း ထွန်းထွန်းဝင်းက ရှင်းပြတယ်။

ရွာသစ်နဲ့ ရွာဟောင်း အကြားက ဆက်ဆံရေးကလည်း အလွန်ပဲ တင်းမာနေတယ်လို့ သိရပါတယ်။ တလောက ရွာသစ်က လူတယောက်သေတော့ သင်္ချိုင်းမှာ ချခွင့်မပေးလို့ အနူးအညွတ် တောင်းပန်ပြီးမှ ဈာပန မြေချခွင့်ရခဲ့တဲ့အကြောင်း ဒေသခံတွေက ပြောတယ်။

“နောက် အလောင်းတွေအတွက် ဆိုရင်တော့ မပြောတတ်ဘူး” လို့ ကိုထွန်းထွန်းဝင်းက ဆိုပါတယ်။

ရွာသစ်က လူတွေက ၀မ်ပေါင်မှာ အလုပ်ဝင်ကြလို့ ရွာဟောင်းမှာ ကျန်ခဲ့တဲ့ လူတွေက “တရုတ်အားပေးတွေ” ဆိုပြီး ကျဉ်ကြတာ ဖြစ်ပါတယ်။

“ကျနော်တို့ကိုဆို သတ်တောင် သတ်ချင်ကြမလား မသိဘူး၊ လုံခြုံရေးဆို လူတွေက သိပ်မုန်းနေတယ်” လို့ ၀မ်ပေါင် ကုမ္ပဏီမှာ တလ ကျပ် ၈၀၀၀၀ ကျော်နဲ့ လုံခြုံရေး ဝင်လုပ်နေသူ ကိုထွန်းထွန်းဝင်းက ပြောပါတယ်။

စီမံကိန်းကြီး ဖြစ်မြောက်ပါစေ၊ ရွာပျက်ပါစေဆိုတဲ့ စေတနာမရှိဘဲ ဆင်းရဲလို့၊ ထွန်ယက်စရာမရှိလို့ ရွာသစ်ကို ပြောင်းလာတာလို့ ကိုထွန်းထွန်းဝင်းက ရှင်းပြတယ်။ ရွာသစ်ပြောင်းလာသူ အများစုဟာ ရွာဟောင်းမှာ မြေပိုင်မရှိဘဲ မိဘအိမ်မှာ ကပ်ပြီးနေသူ အများစု ဖြစ်တယ်လို့ သိရတယ်။

စာသင်ကျောင်းနဲ့ ဘုန်းကြီးကျောင်း ဆောက်ထားပေးတာတော့ ကျေနပ်ပါတယ်လို့ ကိုထွန်းထွန်းဝင်းက ပြောပါတယ်။ ရွာသစ်က လူတွေမှာ ယောက်ျားက လုံခြုံရေး၊ မိန်းမက ထမင်းချက်၊ သန့်ရှင်းရေး အစရှိသဖြင့် ၀မ်ပေါင်မှာ ၀န်ထမ်းဝင်လုပ်ပြီး ၀မ်းရေး ဖြေရှင်းကြပါတယ်။

ဘာပဲပြောပြော ဒီဒေသခံ ဖြစ်တာမို့ လက်ပံတောင်းတောင်ကို သံယောဇဉ်ရှိပြီး ရွာဟောင်းသားတွေကို ထိခိုက်မယ် ဆိုရင်တော့ ရွာသားတွေနဲ့ ပူးပေါင်းမယ်လို့ ရွာသစ်သားတွေက ပြောပါတယ်။ စီမံကိန်း ရပ်သွားရင်လည်း အလုပ်ပြုတ်မှာ မကြောက်ဘူး၊ မုံရွာမှာ ကုန်ထမ်းမယ်လို့ ကိုထွန်းထွန်းဝင်းက ဆိုပါတယ်။ ရွာသစ်က မြေတွေကလည်း ပိုင်ဆိုင်ကြောင်း အထောက်အထား ပေးထားပေမယ့် လက်လွှဲရောင်းချခွင့် မရှိပါဘူး။

ဝက်မှေး မတိုင်ခင် စီမံကိန်းဒဏ်ကို ခါးစည်းခံရတဲ့ ကံကုန်းရွာသားတွေကတော့ စာနာစိတ်နဲ့ ၀က်မှေးကို ကူညီကြတာ တွေ့ရ တယ်။ ၀က်မှေး လှုပ်ရှားမှုတွေကလည်း ကံကုန်းရွာကို နမူနာယူပြီး လှုပ်ရှားကြတာလို့ သိရတယ်။

“ဟိုတခါ (သမ္မတရုံး ဝန်ကြီး) ဦးအောင်မင်းလာတော့ မေးတယ်လေ၊ စီမံကိန်းက ဘာတွေ ဆိုးကျိုးဖြစ်စေမှာလဲ၊ သက်သေပြ ဆိုတော့ သွဲ့သွဲ့ဝင်းက ကံကုန်းရွာကလူတွေ စီမံကိန်းကြောင့် မွဲတေပြီး ကလေက၀ ဘ၀ ရောက်ရတဲ့ အကြောင်းကို ပြန်ပြော ပြလိုက်တယ်” လို့ လက်ပံတောင်းတောင် စီမံကိန်းစုံစမ်းရေး ကော်မရှင်မှာပါတဲ့ ကံကုန်းရွာသား ဦးဗိုလ်သန်းက ပြောပါတယ်။

ကံကုန်းရွာကတော့ မပွင့်လင်းသေးတဲ့ ခေတ်မှာ မြေယာ ဧက ၅၄၄၈ အသိမ်း ခံလိုက်ရပြီး လျော်ကြေးငွေ တပြားတချပ်မှ မရ ဘဲ ဒုက္ခတွေကို စည်းခံခဲ့ရတဲ့ ရွာဖြစ်ပါတယ်။ အခုအချိန်မှာလည်း စီမံကိန်းမှာ အသုံးပြုဖို့ ဆိုပြီး ရွာထိပ်မှာ တည်ထားတဲ့ အက်စစ် စက်ရုံကြောင့် ရွာသားတွေ မူးဝေ၊ အော့အန်၊ သားပျက်၊ ဦးနှောက် အမှေးရောင် စတဲ့ ရောဂါတွေ ခံစားနေရတယ်လို့ ဒေသခံတွေက ဆိုပါတယ်။

စက်ရုံက ထုတ်လိုက်တဲ့ အငွေ့တွေကြောင့် မျက်လုံးကွယ်သွားရတယ်ဆိုတဲ့ ကလေးမလေးရဲ့ မိခင်ဖြစ်သူ မရွှေက “ကျမကတော့ ဘယ်သူလာလာ ကျမသမီး အခုလို ဘ၀ရောက်ရတာ၊ ဒုက္ခိတဖြစ်တာက စက်ရုံက အငွေ့တွေကြောင့်လို့ အမြဲပြောတယ်။ သမီး လေးက မွေးလာတုန်းက အကောင်းလေးပါ၊ ၁၁ နှစ် အရွယ်မှာ ခေါင်းကိုက်တယ်ဆိုလို့ ဆေးရုံပြရတယ်၊ ဦးနှောက်ခွဲရတယ်၊ ဒီစက်ရုံကြောင့်လို့ မသိပါဘူး။ နောက်ပိုင်းတော့ ကလေးက စက်ရုံလည်တဲ့ အခါများဆို မျက်စိမမြင်ရဘဲ စက်ရုံမလည်တော့တဲ့ အချိန် ပြန်လင်းလာတယ်။ ဒီနှစ် စက်တင်ဘာ ၁၃ ရက်မှာ စက်ရုံကထုတ်တဲ့ အငွေ့ကြောင့် ကျမသမီး မျက်လုံးကွယ်သွားပြီ” လို့ ပြောပါတယ်။

မရွှေရဲ့ သမီးလိုပဲ ရောဂါတူ ကလေး ၂ ဦး ရွာထဲမှာ ရှိနေပြီး စက်ရုံနားမှာနေတဲ့ ကလေး ၂ ဦးကတော့ သေဆုံးသွားပြီလို့ သိရတယ်။

“ကျမတို့ မျိုးရိုးမှာလည်း မရှိဘူး၊ အရင်တုန်းကလည်း မကြားဖူးဘူး၊ ဒီစက်ရုံတည်မှ ဒီလိုတွေ ဖြစ်နေတာ” လို့ ကလေးမိခင် တဦးဖြစ်တဲ့ မနီလာက ပြောပါတယ်။ မနီလာရဲ့သား အသက် ၈ နှစ်အရွယ် ကလေးက ဦးနှောက်အမှေးယောင်ပြီး ခြေလက်တွေ မသန်စွမ်း ဖြစ်နေပါတယ်။

အဲဒီရောဂါ လက္ခဏာတွေက စက်ရုံနား ရွာအရှေ့ပိုင်းက အိမ်တွေမှာ ပိုအဖြစ်များတာ တွေ့ရပါတယ်။ အဲဒီစက်ရုံက စီမံကိန်းမှာ အက်စစ်လိုတဲ့အချိန် လည်ပြီး ညဘက်လည်း မနားပါဘူး။ အခုတလောမှာ မီဒီယာတွေက မေးတာမြန်းတာ များလာလို့ စက်ရုံ ရပ်ထားပါတယ်။ စက်ရုံလည်တဲ့အချိန် ထွက်လာတဲ့ အနံ့က စိမ်းရွှေစူးရှပြီး အငွေ့တွေ ထွက်လာရင် သစ်ရွက်တွေ ညှိုးခြောက် ကုန်တယ်လို့ ရွာသားတွေက ရှင်းပြပါတယ်။ ဒီလို ဖြစ်ရပ်တွေ ခံစားခဲ့တဲ့ ကံကုန်းရွာကတော့ စီမံကိန်းကို လုံးဝ ရပ်စေချင်နေ ပါတယ်။

စံပယ်တောင် ပျောက်သွားပေမယ့် လက်တွေ့အကျိုးထူးတာ ဘာမှ မရှိဘဲ ဒုက္ခတွေချည်း ခါးစည်းခံခဲ့ရတဲ့ အကြောင်း၊ မြေယာ လက်မဲ့ ဖြစ်သွားတဲ့ တောင်သူတွေက တာမခန်၊ အုန်းချော၊ ဖားကန် အရပ်ရပ်မှာ ပြန့်နှံ့နေပြီး တ၀မ်းတခါး အတွက် ပင်ပင် ပန်းပန်း ရှာစား နေရတဲ့အကြောင်း၊ ကျောက်ထု စခန်းတွေမှာ ရဲဘက်ထောင်ကျတွေလို လုပ်စားရပြီး သေတဲ့သူတွေလည်း သေ၊ တချို့ မိသားစုတွေ ကစဉ့်ကလျားဖြစ် အခြေပျက်တာတွေ အများကြီးဖြစ်ခဲ့တဲ့ အကြောင်း ဦးဗိုလ်သန်းက ပြောပါတယ်။

“နိုင်ငံ့အကျိုး၊ ပြည်သူ့အကျိုးဆိုရင် ဒီ ၂၆ ရွာရယ်၊ ၄ ရွာရယ်က သန်း ၆၀ ကို ကိုယ်စားပြုမယ် ဆိုရင် ဒီလူတွေကို ဘယ်လို အကူအညီတွေ ပေးမှာလဲ။ မြေနေရာ အစားထိုး ဘယ်မှာပေးမှာလဲ။ ရွာသားတွေကလည်း ဒီမြေက မခွာချင်ဘူး၊ အစားထိုပေးတဲ့ ယာမြေက မိုင် ၁၀၀ လောက် အဝေးမှာ ပြန်ပေးမယ်ဆိုရင် ဘယ်လိုလုပ်မလဲ။ ဒီလိုမျိုး အဆက်ဆက်က ဆိုးမွေတွေကို လက်ခံ မယ်ဆိုရင် အစိုးရဟာ ပြည်သူပြည်သားအပေါ်မှာ ဘယ်တော့မှ ငဲ့ညှာတာမျိုး မရှိဘူးလို့ ပြောရမယ်။ ငဲ့ညှာရင်တော့ စီမံကိန်းကို မလုပ်သင့်ပါဘူး။ သန်း ၆၀ အတွက် ဒီအနီးအနားက လူပေါင်း လေး၊ ငါး၊ ရှစ်သောင်းက ခါးစည်း ခံရမှာလား၊ ဓားစာခံ ဖြစ်ရ တော့မှာလား၊ တိုင်းပြည်ကကော ဘယ်လောက် အကျိုးရှိမှာလဲ၊ တိုင်းပြည် အကျိုးအတွက် ဘာမှ မရှိဘဲနဲ့ ဒီလူတွေဘ၀ကို စ တေးတော့မှာလားလို့ မေးရတော့မယ်။ နိုင်ငံခြားကလာတဲ့ ကုမ္ပဏီဆိုတော့ နိုင်ငံတကာ စံချိန်စံညွှန်းနဲ့ ညီရင် ရွာက လက်ခံရင် လက်ခံလိမ့်မယ်၊ လူတွေ အမှီသဟဲ ပြုနေတဲ့ ရေမြေတောတောင်တွေ ပျောက်ပျက် မွဲတေတဲ့ ကလေက၀ အဆင့်ကိုတော့ မ ရောက်စေချင်ဘူး” လို့ သူက ဆိုတယ်။

အာဏာရှင် လက်အောက်မှာ နေခဲ့ရလို့ အပေးအယူ လုပ်ရာမှာ အားနည်းတယ်လို့ မုံရွာသောင် ဆိပ်ကမ်းမှာ ဒေါ်အောင်ဆန်းစု ကြည် က ပြောခဲ့ပါတယ်။ သူဦးဆောင်ပြီး ကျင့်ကြံမယ့် အပေးအယူနည်းနဲ့ ဖြေရှင်းရေးက ဒီ လက်ပံတောင်းတောင် ကိစ္စမှာ ဈေးဦးပေါက်ပဲ၊ ရွာသားတွေ ဆန္ဒရှိတဲ့ စီမံကိန်း ရပ်ဆိုင်းဖို့ကိုတော့ သူ့အနေနဲ့ လုပ်ပေးနိုင်တဲ့ အနေအထားမှာ ရှိမနေဘူးလို့ ဒေါ်အောင်ဆန်းစုကြည်က ရှင်းရှင်းလင်းလင်း ပြောထားခဲ့တာပါ။

စုံစမ်းရေး ကော်မရှင်ကနေ ဒီဇင်ဘာ ၃၁ ရက်နေ့မှာ ထွက်လာမယ့် အစီအရင်ခံစာကတော့ နှစ်သစ်ကူးမှာ လက်ပံတောင်း ဒေသခံတွေအတွက် ပျော်စရာဖြစ်မလား၊ မျက်ရည်တွေပဲ ဖြစ်လာမလား ဆိုတာကို အဆုံးအဖြတ်ပေးမှာ ဖြစ်ပါတယ်။

Ref: ဧရာဝတီ

လက်ပံတောင်းဖြိုခွင်းမှု သမ္မတကိုယ်တိုင် တောင်းပန်ရန် သံဃာများ သတိပေး

ကျော်ခ
December 6, 2012

လက်ပံတောင်းတောင် အကြမ်းဖက် ဖြိုခွင်းမှုနှင့် ပတ်သက်၍ ထိခိုက်ဒဏ်ရာရရှိခဲ့သော သံဃာတော်များကို သမ္မတ ဦးသိန်းစိန်နှင့် အစိုးရအဖွဲ့ကိုယ်တိုင် အမြန်ဆုံး တောင်းပန်ရန် မန္တလေးမြို့မှ သံဃာတော်များက ယနေ့ နေ့လည်တွင် ထိုင်သပိတ်ဖြင့် ဆန္ဒထုတ် ဖော်၍ တောင်းဆိုခဲ့ကြသည်။

မန္တလေးမြို့ ချမ်းအေးသာစံမြို့နယ်ရှိ အိမ်တော်ရာ ဘုရားတွင် ရာနှင့်ချီသော သံဃာတော်များက လက်ရှိ အရပ်သား အစိုးရသစ် လက်ထက် ယင်းသို့ ဖြိုခွင်းမှုနှင့် ပတ်သက်ပြီး သမ္မတ ဦးသိန်းစ်ိန်နှင့် အစိုးရအဖွဲ့တွင် တာဝန် အရှိဆုံးဖြစ်သဖြင့် ၎င်းတို့ကိုယ်တိုင် တာဝန်သိသိဖြင့် အမြန်ဆုံးတောင်းပန်းသင့်ကြောင်း မိန့်ကြားသည်။

“ဒဏ်ရာရ သံဃာတွေကို တာဝန်အရှိဆုံးဖြစ်တဲ့ ဦးသိန်းစိန်နဲ့ အစိုးရ ပုဂ္ဂိုလ်တွေက အမြန်ဆုံး လာတောင်းပန်ဖို့လိုတယ်ဗျ။ ဒါ ပထမဆုံး လုပ်ရမယ့်အလုပ်။ ဒါပြီးမှ အကြမ်းဖက်တဲ့ ပုဂ္ဂိုလ်တွေကို မြန်မြန်ဆန်ဆန် ပွင့်လင်းမြင်သာမှုရှိရှိ အရေးယူပေးဖို့ လို တယ်။ အခု ဒေါ်စု ဦးဆောင်တဲ့ ကော်မတီက ဒီအကြမ်းဖက်မှုကို ဖော်ထုတ်ဖို့ မပါဘူးလို့ ဦးပဉ္စင်းတို့ သိရတယ်၊ ဒါ အစိုးရက မတရားဘူး။ ဒါကြောင့် ဦးပဉ္ဇင်းတို့ ဆန္ဒထုတ်ဖော်နေရခြင်း ဖြစ်တယ်” ဟု ဆန္ဒထုတ်ဖော်ရာတွင် ဦးဆောင်ပါဝင်သော သံဃာ တော်တပါးက ဧရာဝတီသို့ မိန့်ကြားသည်။

အဆိုပါ သံဃာတော်များက အိမ်တော်ရာစေတီကို မျက်နှာမူကာ မေတ္တာသုတ် ရွတ်ဆိုခဲ့ကြပြီး နိုင်ငံတော် သမ္မတနှင့် အစိုးရအဖွဲ့က ထိခိုက်ဒဏ်ရာရ သံဃာများကို အမြန်ဆုံး လာရောက်ဝန်ချ တောင်းပန်ရန်၊ အကြမ်းဖက်နှိမ်နင်းမှုတွင် တာဝန်ရှိသူများအား ထိရောက်စွာ အရေးယူပေးရန်၊ ကြေးနီစီမံကိန်းနှင့် ပတ်သက်ပြီး ဖမ်းဆီးထားသူများကို အမြန်ဆုံး ပြန်လွှတ်ပေးရန် တောင်းဆိုခဲ့ကြသည်။

ထို့အပြင် ကြေးနီစီမံကိန်းကို ဒေသခံများနှင့် ပြည်သူများ ကျေနပ်လက်ခံနိုင်အောင် ဆောင်ရွက်ပေးရန်နှင့် ဒီမိုကရေစီ အစိုးရ စစ်စစ်တရပ် ပေါ်ပေါက်လာရန်၊ နောက်နောင်တွင် ယခုကဲ့သို့ အကြမ်းဖက်မှုမျိုးမပေါ်ပေါက်စေရန်၊ လွှတ်တော်များနှင့် အစိုးရအဖွဲ့တွင် ပါဝင်လျက်ရှိသော တပ်မတော်သားများ အမြန်ဆုံးနှုတ်ထွက်ပေးရန် တို့ကိုပါ တောင်းဆိုခဲ့ကြသည်။

သံဃာတော်များက ၎င်းတို့၏ တောင်းဆိုချက်များကို အစိုးရဘက်မှ လုပ်ဆောင်ပေးမှု မရှိမချင်း သပိတ် ဆင်နွှဲသွားရန် ရှိပြီး ယခုလ ၈ ရက်နေ့နှင့် ၁၂ ရက်နေ့များတွင်လည်း ဆန္ဒထုတ်ဖော်မှုများ ပြုလုပ်သွားရန်ရှိကြောင်း အကယ်၍ အဆိုပါရက်များ မတိုင်မီ အစိုးရက ပွင့်လင်းမြင်သာမှုရှိစွာ လုပ်ဆောင်မှုရှိပါက သပိတ် ရပ်တန့်မည်ဟု သိရသည်။

ယနေ့တွင်ပင် ရန်ကုန်မြို့တွင်လည်း ဆူးလေစေတီတော် ဝန်းကျင်တွင် သံဃာတချို့က လမ်းလျှောက်ပြီး လက်ပံတောင်း အကြမ်းဖက်မှု ဖော်ထုတ်အရေးယူပေးရေး၊ ဒဏ်ရာရ သံဃာတော်များကို အစိုးရက အမြန်ဆုံး တောင်းပန်ရေးနှင့် ဒဏ်ရာရ သံဃာတော်များကို လိုအပ်ချက်မရှိ ဆေးကုသပေးရန် ဆန္ဒထုတ်ဖော်ခဲ့ကြသည်။

ရန်ကုန်မြို့ခံတချို့ကလည်း မီးလောင်ဒဏ်ရာ ရထားသော သံဃာတော်များ၏ ပိုစတာများကို ကိုင်ဆောင်ကာ သံဃာတော်များ အကြမ်းဖက်ခံရမှု ကာကွယ်ပေးရေး စာတမ်းပါ ပုံများကိုင်ဆောင်ကာ တာမွေဈေးမှ ယုဇနပလာဇာသို့ ချီတက် ဆန္ဒပြခဲ့ကြကြောင်း သိရသည်။

အလားတူ ရှမ်းပြည်နယ် တောင်ကြီးမြို့နှင့် ဧရာဝတီတိုင်း ဝါးခယ်မမြို့များတွင်လည်း မြို့ခံ သံဃာတော်များနှင့် လူပုဂ္ဂိုလ်များ စုပေါင်းကာ ယင်းသို့ပင် ဆန္ဒထုတ်ဖော် တောင်းဆိုခဲ့ကြပြီး အစိုးရအနေဖြင့် အကြမ်းဖက်မှုကို တောင်းပန်ခြင်း၊ ပွင့်လင်းမြင် သာမှုရှိစွာ ဖော်ထုတ် အရေးယူခြင်း မရှိပါက ဆက်လက် ဆန္ဒဖော်ထုတ်ကြမည်ဟု ကြေညာလိုက်သည်။

မနက်ဖြန်တွင် မကွေးတိုင်း ချောက်မြို့ပေါ်ရှိ စာသင်တိုက်များမှ သံဃာတော်များ၊ မြို့ခံလူပုဂ္ဂိုလ်များက မြို့ပေါ်ရှိ အေးစေတီ ဘုရားဝန်းထဲတွင် လက်ပံတောင်း အကြမ်းဖက်မှုနှင့် ပတ်သက်ပြီး အစိုးရကို ထပ်မံ ဆန္ဒဖော်ထုတ်သွားမည် ဖြစ်ကြောင်းနှင့် တခြား ပြည်နယ်နှင့် တိုင်းအချို့က မြို့ခံသံဃာများကလည်း ဆန္ဒထုတ်ဖော်မှု ပြုလုပ်သွားမည်ဖြစ်သည်ဟု ဦးဆောင် ဆရာတော် များက ဧရာဝတီသို့ မိန့်ကြားသည်။

၂၀၀၇ ရွှေဝါရောင်လှုပ်ရှားမှု စတင်ခဲ့သည့် ပခုက္ကူမြို့မှ သံဃာတော်များနှင့် လက်ပံတောင်းတောင် စီမံကိန်းဒေသ မုံရွာမြို့ခံ သံဃာတော်များက ဒေါ်အောင်ဆန်းစုကြည် ဦးဆောင်သည့် ကော်မတီအဖွဲ့နှင့် အစိုးရ တာဝန်ရှိသူတို့၏ ကိုင်တွယ်ဆောင်ရွက်မှုကို စောင့်ကြည်လိုကြောင်း အကယ်၍ ထူးခြားမှုမရှိခဲ့လျှင် နိုင်ငံလုံးဆိုင်ရာ သံဃာ့သပိတ် ဆင်နွှဲမည်ဟု တညီတညွှတ်တည်း ပြော ဆိုကြသည်။

စစ်တပ်ကျောထောက်နောက်ခံ ဦးပိုင်ကုမ္ပဏီနှင့် တရုတ် ဝမ်ပေါင် ကုမ္ပဏီတို့ ပူးပေါင်းလုပ်ဆောင်နေသော လက်ပံတောင်းတောင် ကြေးနီစီမံကိန်းကို ဖျက်သိမ်းရန် ဒေသခံများက သပိတ်စခန်းများဖွင့်၍ ဆန္ဒထုတ်ဖော်မှုကို ဝန်းရံပေးခဲ့သည့် သံဃာတော်များကို ယခင်လ ၂၉ ရက်နေ့ မနက် ၃ နာရီခန့်က အစိုးရ အာဏာပိုင်များက အကြမ်းဖက်ဖြိုခွင်းခဲ့သဖြင့် သံဃာနှင့် လူပုဂ္ဂိုလ် ၁၀၀ ခန့် မီးလောင်ဒဏ်ရာရခဲ့ပြီး တချို့မှာ ဆေးကုသမှု ခံယူနေရဆဲဖြစ်သည်။

ယင်းအကြမ်းဖက်မှုနှင့် ပတ်သက်ပြီး ဆန္ဒထုတ်ဖော်ရာ၌ ဦးဆောင်ခဲ့ကြသူများကိုလည်း အစိုးရက ဆက်တိုက် ဖမ်းဆီးမှုများရှိသည်။

Ref: ဧရာဝတီ

အိန္ဒိယ- မြန်မာ ကုန်သွယ်ရေးရုံး ဖွင့်လှစ်မည်

နေမျိုး
ဒီဇင်ဘာလ ၀၆ ရက် ၂၀၁၂ ခုနှစ်

အိန္ဒိယအရှေ့မြောက်ပြည်နယ်များနှင့် မြန်မာတို့အကြား နှစ်နိုင်ငံ ကုန်သွယ်ရေး ကိစ္စရပ်များ ဆောင်ရွက်ရန် တရားဝင်ကိုယ်စား လှယ် ရုံးတရုံး ဖွင့်လှစ်သွားမည်ဟု အိန္ဒိယ နိုင်ငံထုတ် The Economic Time သတင်းစာတွင် ရေးသားဖော်ပြထားသည်။

အိန္ဒိယ၏ သွင်းကုန်၊ ထုတ်ကုန်လုပ်ငန်း ဘဏ်တခု ဖြစ်သည့် Export-Import Bank of India မှ မန်နေဂျင်း ဒါရိုက် တာလည်းဖြစ်၊ ဘဏ်ဥက္ကဋ္ဌ လည်းဖြစ်သူ T.C.A Ranganathan က မြန်မာနှင့် ကုန်သွယ်ရေး အဆက်အသွယ် များ ဖွင့် လှစ်ချိတ်ဆက်ထားခြင်းနှင့် ဘင်္ဂလာဒေရှ့်တွင် ခရီးတထောက် နားခိုသည့် ကြားစခန်းများထားရှိခြင်းသည် အိန္ဒိယ အရှေ့မြောက် ဒေသ၏ သဘာဝမြေသြဇာသုံးသည့် စိုက်ပျိုးရေး ထွက်ကုန်များအတွက် အခွင့်အလမ်းသစ် တခုဖြစ်လာနေကြောင်း ဗုဒ္ဓဟူးနေ့ က ဘဏ်ဥက္ကဌ က ပြောဆိုသည်ဟု သတင်းစာက ရေးသားသည်။

နာဂ ရုပ်ရှင်ကားကြီး ကြည်ဖြူသျှင် ရိုက်ကူးမည်

နေမျိုး
ဒီဇင်ဘာလ ၀၅ ရက် ၂၀၁၂ ခုနှစ်

မြန်မာနှင့် အိန္ဒိယနိုင်ငံတို့တွင် ပျံ့နှံ့နေထိုင်လျက်ရှိကြသော နာဂ တိုင်းရင်းသားများအကြောင်း ရုပ်ရှင်ကား ရိုက်ကူးမည်ဟု ဒါရိုက်တာ ကြည်ဖြူသျှင် က ပြောသည်။

လက်ရှိ အာရုံစိုက်လျက်ရှိသော ဗိုလ်ချုပ်အောင်ဆန်း ရုပ်ရှင် ပြီးနောက် ကိုယ်တိုင် ဦးစီးကာ နာဂဇာတ်ကားကို ရိုက်ကူးရန် စီစဉ်ထားပြီး အိန္ဒိယဘက်ခြမ်းရှိ Nagaland ပြည်နယ်သို့ ၂ဝ၁၃ ခုနှစ်၊ မတ်လတွင် သွားရောက်လေ့လာ မည်ဟု ဆိုသည်။

“အဓိက ကတော့ နာဂ ရုပ်ရှင်ကားရိုက်ဖို့ ရှိလို့။ နာဂနဲ့ ပါတ်သက်ပြီးတော့ Nagaland ရော၊ မြန်မာပြည်က Naga Hill (နာဂတောင်တန်း)ရော နာဂလူမျိုးတွေအကြောင်း ရုပ်ရှင်ကားကြီး ရိုက်ဖို့၊ နာဂ အဖွဲ့အစည်းနဲ့ ဆက်သွယ်မိပြီး သူတို့ဘက်က ရုပ်ရှင် ရိုက်ဖို့ ကမ်းလှမ်းတယ်။ ဇာတ်ကားရိုက်ဖို့ သွားလေ့လာမယ်” ဟု မဇ္ဈိမကို ပြောသည်။

နာဂတိုင်းရင်းသားများ၏ လက်မှုအနုပညာ ရှေးရိုးရာ အသုံးအဆောင်များ ဖြစ်သည့် ပုတီးဆွဲကြိုး၊ ရိုးရာစောင်များနှင့် ၎င်းတို့၏ အနုပညာ ဖန်တီးမှုသည် စိတ်ဝင်စားဖွယ်ကောင်း၍ ရုပ်ရှင်ကား ရိုက်ကူးရန် ဆန္ဒပြင်းပြခဲ့သည် ကြည်ဖြူသျှင် က ဆိုသည်။

“နိုင်ငံခြားသားတွေ ကြိုက်တဲ့ နာဂ ဓါတ်ပုံတွေ၊ နိုင်ငံခြားသားတွေ ထုတ်တဲ့စာအုပ်တွေကို ကြည့်ရတယ်။ အနုပညာ သမား တယောက်အနေနဲ့ သူတို့ရဲ့အိမ်တွေ၊ အနုပညာ ပစ္စည်းတွေ၊ အကုန်လုံးက အရမ်းစိတ်ဝင်စားစရာ ကောင်းတယ်။ အရမ်း ဆွဲ ဆောင်တယ်။ ဒါကြောင့် နာဂ အကြောင်းရိုက်မယ်လို့ စဉ်းစားတယ်” ဟု ပြောသည်။

ထိုရုပ်ရှင်ကားကြီး ရိုက်ကူးရာတွင် ဝတ္တုဆန်ဆန်ရိုက်မှာ မဟုတ်ဘဲ ဇာတ်လမ်း ရေးသားရာတွင် နာဂ တိုင်းရင်းသား ပညာရှင်များ ကိုယ်တိုင်ပါဝင်မှာဖြစ်ပြီး ဝေးလံခေါင်ဖျားသည့် နေရာမှ ရိုးသားကြိုးစားသည့် နာဂ ခေတ်လူငယ်များ အကြောင်းလည်း ပါဝင် မည်ဟု သိရသည်။

မြန်မာဘက်ခြမ်းရှိ နာဂတိုင်းရင်းသားများမှာ လမ်းပန်းဆက်သွယ်ရေး အခက်အခဲနှင့် ဆင်းရဲနွမ်းပါးမှုများ ရင်ဆိုင် ကြုံတွေ့နေရပြီး အိန္ဒိယဘက်ခြမ်းရှိ နာဂတိုင်းရင်းသားများမှာမူ တိုးတက်ခေတ်မီကြောင်း သူက နှိုင်းယှဉ်ပြောပြသည်။

“နာဂမှာ အရမ်းပြည့်ဝတဲ့ ပညာတတ်တဲ့သူတွေ ရှိတယ်။ ကျမ တို့နိုင်ငံမှာရှိတဲ့ နာဂ လူမျိုးတွေက အရမ်းဆင်းရဲတယ်။ တဘက် နိုင်ငံမှာရှိတဲ့ နာဂလူမျိုးတွေက အရမ်း တိုးတက်ပြီး အရမ်းခေတ်မီတယ် ဆိုတာကိုလည်း သိစေချင်တယ်။ ကျမတို့ နာဂ တောင် တန်းက ကြိုးစားတဲ့သူတွေက တဘက်နိုင်ငံမှာ စာသွားသင်တာတွေ ရှိတယ်။ တောင်တန်းတွေ ကို ကျော်ပြီးသွားသင်တယ်။ ကမ္ဘာပါတ်နေတဲ့ နာဂတွေ ရှိတယ်ဆိုတာ သိစေချင်တယ်။ လူဆိုတာ တကယ်ကြိုးစားလို့ ရှိရင် ဘယ်နေရာမှာပဲ ဖြစ်ဖြစ် အောင် မြင် နိုင်တယ်။ ခေါင်တဲ့ နေရာမှာရှိတဲ့ အရမ်းကြိုးစားတဲ့သူတွေ အကြောင်း ကျမက သိရတယ်” ဟု ကြည်ဖြူသျှင် က ဆိုသည်။

ထိုဇာတ်ကားကြီးကို နိုင်ငံတကာအဆင့် ပြသနိုင်ရန်အတွက် အချိန်ယူ ရိုက်ကူးမည်ဟု သိရသည်။

အမျိုးသမီး ဒါရိုက်တာ ကြည်ဖြူသျှင်၏ မှတ်တမ်းတင် ရုပ်ရှင်ကားတကားမှာ အမေရိကန် အခြေစိုက် အဖွဲ့တခု၏ ၂ဝဝ၈ ခုနှစ် အတွက် အကောင်းဆုံး မှတ်တမ်းတင် ရိုက်ကူးချက် "2008 Best Short Award "ဆု ရရှိခဲ့ဖူးသည်။ ထို့အပြင် အမေ ရိကန် ပြည်ထောင်စု၊ ဝါရှင်တန်ဒီစီ အခြေစိုက် National Geo-graphic အဖွဲ့မှ ဦးစီး ကျင်းပခဲ့သော ၅ ကြိမ်မြောက် ရုပ်ရှင်ပွဲတော်၌ ဒါရိုက်တာ ကြည်ဖြူသျှင် ရိုက်ကူးသော A Sketch of Wathone သည် ဆုရရှိခဲ့သည်။

Ref: မဇ္ဈိမ

အိန္ဒိယ - မြန်မာ အစိုးရအရာရှိများ နယ်စပ်ရေးရာဆွေးနွေး

နေမျိုး
ဒီဇင်ဘာလ ၀၆ ရက် ၂၀၁၂ ခုနှစ်

အိန္ဒိယ မြန်မာ စစ်ဘက်နှင့် အရပ်ဘက် အရာရှိကြီးများ ပါဝင်သည့် အိန္ဒိယ-မြန်မာ နယ်စပ်ရေးရာ ကော်မတီ အစည်းအဝေးကို ဒီဇင်ဘာလ ၅ ရက်နေ့တွင် စတင်ခဲ့ပြီး ဆွေးနွေးမှုကို ဒီဇင်ဘာ ၇ ရက်နေ့အထိ ပြုလုပ်သွားရန်ရှိ သည်ဟု အိန္ဒိယ မဏိပူ ပြည်နယ်ထုတ် Imphal Free Press သတင်းစာတွင် ဖေါ်ပြထားသည်။

နိုင်ငံရေး တွေ့ဆုံဆွေးနွေးရန် အဆင်သင့်ရှိဟု KIO က ပြော

ဖနိဒါ
ဒီဇင်ဘာလ ၀၆ ရက် ၂၀၁၂ ခုနှစ်

အစိုးရတပ်နှင့် ကချင်လွတ်လပ်ရေးအဖွဲ့တို့ တိုက်ပွဲများဖြစ်ပွားနေစဉ် ဝန်ကြီး ဦးအောင်မင်း ဦးဆောင်သည့် ပြည်ထောင်စု ငြိမ်း ချမ်းရေး လုပ်ငန်းဖော်ဆောင်ရေး ကော်မတီနှင့် နိုင်ငံရေးတွေ့ဆုံ ဆွေးနွေးရန် အဆင်သင့်ရှိသည်ဟု KIO ၏ ပြောရေးဆိုခွင့်ရှိသူ ဦးလနန်က ပြောသည်။

Monday, December 3, 2012

ဘင်္ဂလားဒေ့ခ်ျနိုင်ငံသား ၁၂ ဦးကို မြန်မာမှ တရားဝင်လွှဲပြောင်း

December 3, 2012

ဖမ်းဆီးခံထားရသော ဘင်္ဂလာဒေ့ခ်ျနိုင်ငံသား ၁၂ ဦးကို မြန်မာက ဘင်္ဂလာဒေခ်ျ့သို့ ယမန်နေ့က တရားဝင် လွှဲပြောင်းပေးအပ် လိုက်သည်ဟု သိရသည်။

မောင်တောမြို့ ဒေ၀ါနဒီ ခန်းမတွင်ပြု လုပ်ခဲ့သည့် နှစ်ဘက် နယ်ခြားစောင့် တပ်ဖွဲ့၏ ဆွေးနွေးပွဲ အပြီးတွင် ထိုသူများကို ဘင်္ဂလာဘက်သို့ လွဲပြောင်းပေး လိုက်သည်ဟု ဆိုသည်။

စစ်တွေမြို့မှ အမျိုးသမီး တစ်ဦး လက်ပံတောင်းတောင် အကြမ်းဖက် နှိ်မ်နင်းမူကို မကျေနပ်၍ တကိုယ်တော် ဆန္ဒပြ

December 2, 2012
မောင်အေး

စစ်ကိုင်းတိုင်း ဆားလင်းကြီးမြို့နယ် လက်ပံတောင်းတောင် ကြေးနီစီမံကိန်း ရပ်တန့်ရေး အတွက် ငြိမ်းချမ်းစွာ ဆန္ဒထုတ်ဖော် နေသည့် သံဃာတော်များနှင့် ဒေသခံများကို အာဏာပိုင်များက အကြမ်းဖက် ဖြိုခွင်းခဲ့သည့် အပေါ် ရှုတ်ချ ကန့်ကွက်သည့် အနေဖြင့် စစ်တွေမြို့တွင် အမျိုးသမီး တစ်ဦးက တစ်ကိုယ်တော် ဆန္ဒပြသည်။

နောက်ခံသမိုင်းသိသူများ မပါဝင်ဟု ဝေဖန်ခံနေရသည့် လက်ပံတောင်းတောင်စစ်ဆေးရေးအဖွဲ့

မောင်ယဉ်ကျော်-မန္တလေး(မြစ်မခ)
3 Dec, 2012

လက်ပံတောင်းတောင်ကြေးနီစီမံကိန်းစုံစမ်းစစ်ဆေးရေးကော်မရှင်အား၂၀၁၂ခုနှစ် ၊ဒီဇင်ဘာလ တစ်ရက်နေ့တွင် အမျိုးသား ဒီမို ကရေစီအဖွဲ့ချုပ် ဥက္ကဋ္ဌဒေါ်အောင်ဆန်းဆုကြည်အပါအ၀င်အဖွဲ့ဝင် (၂၈)ဦးဖြင့် ဖွဲ့စည်းခဲ့ကြောင်း သတင်းထုတ်ပြန်ချက်များအရ သိရသည်။

အဆိုပါစုံစမ်းစစ်ဆေးရေးကော်မရှင်ဖွဲ့စည်းမှုတွင် လက်ပံတောင်းတောင်ကြေးနီစီမံကိန်း နောက်ခံသမိုင်းကြောင်းသိသူ တစ်ဦး တစ်ယောက်မှမှ ပါဝင်မှုမရှိကြောင်း လက်ပန်တောင်းတောင်ကြေးနီစီမံကိန်း၏ သဘာဝပတ်ဝန်းကျင်ပြဿနာ အကြောင်း အစအဆုံးပြုလုပ်နေသည့် မြန်မာ့အစိမ်းရောင် ကွန်ယက် ဥက္ကဋ္ဌဒေါ်ဒေ၀ီသန့်စင်ပြောသည်။

ပင်လယ်ထဲမှ ရေကူးလာသည့် ဘင်္ဂလီ ၂ ဦးကို မာန်အောင် ရဲကျွန်းတွင် ဖမ်းဆီးမိ

December 2, 2012

ရခိုင်ပြည်နယ် မာန်အောင်မြို့နယ် ရဲကျွန်းတွင် ပင်လယ်ထဲမှ ရေကူးလာသော ဘင်္ဂလာဒေခ်ျ့ နိုင်ငံသား ၂ ဦးကို ယမန်နေ့ ဖမ်းဆီး မိသည်ဟု သတင်း ရရှိသည်။

“ သူတို့ကို ပင်လယ်ထဲက ရေကူးလာပြီး လယ်တဲ တစ်ခုမှာ နားနေစဉ် ရွာသားတွေက ဖမ်းဆီးမိတာ ဖြစ်ပါတယ်။ သူတို့က ရခိုင်စကားလည်း မပြောတတ်ဘူး။ ကုလားစကား တတ်တဲ့ သူတစ်ယောက်က မေးကြည့်တော့ ဘင်္ဂလာနိုင်ငံ တက်ကနက်လို့ ပြောပါတယ်”ဟု ဒေသခံ တစ်ဦးက ပြောသည်။

အကြမ်းဖက်ရဲဝန်ထမ်းများ တက်ရောက်ခြင်းမရှိသော ရွှေစည်းခုံသြ၀ါဒခံယူပွဲ

မောင်ယဉ်ကျော်-မန္တလေး(မြစ်မခ)
3 Dec, 2012

လက်ပံတောင်းတောင် သပိတ်ဖြိုခွဲမှုနှင့် ပတ်သက်၍ မုံရွာမြို့ရွှေစည်းခုံ ဘုရားဝင်းအတွင်းရှိ တင်ဝင်းထွန်း ဓမ္မာရုံ၌ စစ်ကိုင်း တိုင်းဒေသကြီး ရဲတပ်ဖွဲ့မှူးမှ ဦးဆောင်ပြုလုပ်သည့် မုံရွာမြို့ စာသင်တိုက်ဆရာတော်ကြီး များထံတွင် သြ၀ါဒခံယူပွဲအား တစ်ဖက်သက် ပြုလုပ်သည့် သြ၀ါဒခံယူပွဲဟု ထင်မြင်ကြောင်း ဒေသခံပြည်သူများက ဆိုသည်။

အဆိုပါသြ၀ါဒခံယူပွဲသို့ လက်ပံတောင်းတောင်သပိတ်တွင် အကြမ်းဖက်ခဲ့သော ရဲဝန်ထမ်း(လုံထိန်း)များ ပါဝင်မှု မရှိကြောင်းနှင့် မုံရွာအမှတ်(၁)ရဲစခန်းမှ ရဲဝန်ထမ်းများနှင့် ကလေးမြို့နယ်မှ ရဲဝန်ထမ်းများ(၁၀၀)ကျော် သာ ပါဝင် ကြောင်း သိရသည်။

ရွှေစည်းခုံသြ၀ါဒခံယူပွဲသို့ မန္တလေးတိုင်းမှသံဃာတော်များ တက်ရောက်မည်မဟုတ်

1 Dec, 2012

စစ်ကိုင်းတိုင်းဒေသကြီး မုံရွာမြို့ ရွှေစည်းခုံစေတီ၌ သက်ဆိုင်ရာအာဏာပိုင်များက ပြုလုပ်သည့် သြ၀ါဒခံယူပွဲအား ဒီဇင်ဘာလ (၁)ရက်နေ့လည် (၂)နာရီတွင် ကျင်းပပြုလုပ်မည်ဖြစ်သည်။

အဆိုပါ သြ၀ါဒခံယူပွဲသို့ တာဝန်ရှိသူများက သံဃာ့နာယကအဖွဲ့ဆရာတော်များအား ဖိတ်ကြားခဲ့သော်လည်း မန္တလေးမှ ဆရာ တော်သံဃာတော်များ၊ မုံရွာနှင့် ပခုက္ကူမှ ဆရာတော်သံဃာတော်များက ကန့်ကွက်၍ တက်ရာက်မည်မဟုတ်ကြောင်းကိုလည်း မုံရွာမြို့သို့ရောက်ရှိနေသည့် မြစ်မခသတင်းထောက်က သတင်းပေးပို့သည်။

အဆိုပါသြ၀ါဒခံယူပွဲသို့ (၈၈)မျိုးဆက်ကျောင်းသားခေါင်းဆောင် ကိုမင်းကိုနိုင်အပါအ၀င် (၈၈)မျိုးဆက် ကျောင်းသား(၂၀) ကလည်း တတ်ရောက်မည်ဖြစ်ကြောင်း ဒေသခံများထံက သိရသည်။

လက်ပံတောင်းတောင်အရေးအတွက် မုံရွာမြို့သို့ရောက်ရှိနေသည့် ဒီချုပ်ပါတီဥက္ကဋ္ဌ ဒေါ်အောင်ဆန်းစုကြည်မှာ နိုဝင်ဘာ(၃၀) ရက်နေ့ ညနေပိုင်းက ရန်ကုန်မြို့သို့ ပြန်လည်ထွက်ခွာသွားပြီဖြစ်သည်။

Ref: မြစ်မခ

ရန်ကုန်ဆန္ဒထုတ်ဖော်မှုအား ဆက်လက်ပြုလုပ်သွားမည်ဟု သံဃာတော်များဆို

ထွန်းနေအောင် (မြစ်မခ)
1 Dec, 2012

ကြေးနီတောင် စီမံကိန်းအား အစိုးရ မှတာဝန်ယူ ဖြေရှင်းပေးခြင်းမရှိလျှင် ရန်ကုန်ဆန္ဒထုတ်ဖော်မှုအား ဆက်လက်ပြုလုပ် မည်ဖြစ် ကြောင်း ဆူးလေဆန္ဒထုတ်ဖော်မှု တွင်ပါဝင်သည့် ရဟန်းသံဃာများထံမှ သိရှိရသည်။

ယနေ့ ဒီဇင်ဘာလ(၁)ရက်နေ့ ညနေပိုင်း၌ မြေနီကုန်းမှ ဆူးလေဘုရားသို့ သံဃာတော်များဦးဆောင်ကာ ဆန္ဒထုတ်ဖော်ရန် စီစဉ်ထားသည်ဟု သိရသည်။

အီဂျစ်လူထုဆန္ဒခံယူပွဲ ထိပ်တန်းတရားသူကြီးတွေ သပိတ်မှောက်မည်

02.12.2012

အီဂျစ်နိုင်ငံမှာ အခြေခံဥပဒေသစ်တရပ် အသက်သွင်းနိုင်ဖို့ လာမယ့် ဒီဇင်ဘာ ၁၅ ရက်နေ့မှာ လူထုဆန္ဒခံယူပွဲ ကျင်းပတဲ့အခါမှာ ခါတိုင်း ဦးဆောင် ကြီးကြပ်နေတဲ့ အီဂျစ်ရဲ့ သြဇာလွှမ်းမိုးမှု အရှိဆုံး တရားသူကြီးတွေ အဖွဲ့က သပိတ်မှောက်မယ်လို့ ဆိုလိုက် ပါတယ်။ တနင်္ဂနွေနေ့က အစိုးရပိုင်သတင်း မီနာ ရဲ့ ကြေညာချက်အရ အီရန်ထိပ်တန်း တရားသူကြီး အဖွဲ့က ဆန္ဒခံယူပွဲကို သပိတ်မှောက်ဖို့ တညီတညွတ်တည်း ဆုံးဖြတ်ပြီးပြီလို့ ကြေညာလိုက်တာ ဖြစ်ပါတယ်။

တရုတ်အစိုးရ ပြုပြင်ပြောင်းလဲဖို့ မျက်မမြင်တက်ကြွသူ တိုက်တွန်း

ကိုအောင်လွင်ဦး
02.12.2012

တရုတ်အစိုးရရဲ့ ခေါင်းဆောင်တွေ အထူးသဖြင့် နောက်တက်မယ့် ခေါင်းဆောင်သစ် အနေနဲ့ တိုင်းပြည်မှာ လူ့အခွင့်အရေး အခြေအနေတွေ တိုးတက်လာစေဖို့နဲ့ တရားဥပဒေ စိုးမိုးမှုရှိစေရေး ဆောင်ရွက်ဖို့ ပြည်ပရောက် တရုတ် မျက်မမြင် တက်ကြွ လှုပ်ရှားသူ ချန်ဂွမ်ချမ်း (Chen Guangchen) ကတိုက်တွန်း လိုက်ပါတယ်။ အိမ်နီးချင်း မြန်မာနိုင်ငံ အပါအ၀င် ကမ္ဘာတ၀ှမ်း နိုင်ငံရေး အပြောင်းအလဲတွေ ပေါ်ပေါက်နေချိန်မှာ တရုတ်နိုင်ငံလည်း ပြောင်းလဲဖို့ အချိန်တန်နေပြီလို့ သူက ပြောလိုက်တာပါ။ အပြည့်အစုံကိုတော့ ကိုအောင်လွင်ဦး တင်ပြထားပါတယ်။

မြောက်ကိုရီယားဒုံးကျည် အစီအစဉ် ဒေသတည်ငြိမ်မှုကို ထိခိုက်

02.12.2012

မြောက်ကိုရီယားဘက်က တာဝေးပစ်ဒုံးကျည် လွှတ်တင်မယ်ဆိုတဲ့ ကြေညာချက်အတိုင်း လုပ်မယ်ဆိုရင် ဒါဟာ တမင်တကာ ရန်စတဲ့သဘောဖြစ်ပြီး၊ ဒါဟာ ဒေသတွင်း ငြိမ်းချမ်းရေးနဲ့ တည်ငြိမ်မှုကိုပါ ခြိမ်းခြောက်မှုဖြစ်တယ်လို့ အမေရိကန်ပြည်ထောင်စုက တုံ့ပြန်ပြောလိုက်ပါတယ်။ မြောက်ကိုရီယား အနေနဲ့ ဘယ်လိုမျိုး ပဲ့ထိန်းဒုံးကျည်ကိုမဆို ပစ်လွှတ်မယ်ဆိုရင် ဒါဟာ အခု နှစ်ဆန်း ပိုင်းက ချမှတ်ထားတဲ့ ကုလသမဂ္ဂ လုံခြုံရေးကောင်စီ ဆုံးဖြတ်ချက်ကို တိုက်ရိုက် ချိုးဖောက်တာ ဖြစ်တယ်လို့လည်း အမေရိကန် ပြည်ထောင်စုက ပြောပါတယ်။

လက်ပံတောင်းအရေး စုံစမ်းရေးကော်မရှင် ဖွဲ့စည်း

မနန္ဒာချမ်း
01.12.2012

စစ်ကိုင်းတိုင်း ဆားလင်းကြီးမြို့နယ်တွင်းက လက်ပံတောင်းတောင် ကြေးနီစီမံကိန်းကို ကန့်ကွက်ဆန္ဒပြသူတွေအပေါ် အာဏာပိုင် တွေက နှိမ်နင်းခဲ့ပြီးတဲ့နောက် စုံစမ်းစစ်ဆေးရေး ကော်မရှင်တရပ် ဖွဲ့စည်းကြောင်း အစိုးရက ကြေညာလိုက်ပါတယ်။ ဒါပေမဲ့လည်း ကော်မတီ အနေနဲ့ လွတ်လွတ်လပ်လပ် ဆောင်ရွက်ခွင့် ရှိမှသာ ပြဿနာကို ဖြေရှင်းနိုင်လိမ့်မယ်လို့ အကဲခတ်တွေက ထောက်ပြ နေကြတာပါ။ အပြည့်အစုံကိုတော့ မနန္ဒာချမ်းက တင်ပြထားပါတယ်။

ကြေးနီတောင်စီမံကိန်းနဲ့ ပတ်သက်လို့ ဖြစ်ပျက်နေတဲ့ အခြေအနေတွေနဲ့ ကန့်ကွက်မှုတွေ အကြီးအကျယ် ကြုံနေရတဲ့ စီမံကိန်းကို ရှေ့ဆက် လုပ်ဆောင်သင့် - မသင့် စဉ်းစားဖို့အတွက် ကော်မရှင်တရပ်ကို အမျိုးသားဒီမိုကရေစီအဖွဲ့ချုပ် (NLD) ပါတီ ဥက္ကဋ္ဌ ဒေါ်အောင်ဆန်းစုကြည် ဦးဆောင်ပြီး ဖွဲ့စည်းကြောင်း စနေနေ့မှာပဲ သမ္မတရုံးက ကြေညာလိုက်ပါတယ်။ ဒီကော်မီတီကပဲ ဆန္ဒပြ ပွဲတွေ ဖြစ်ပွားခဲ့တဲ့ အခြေအနေနဲ့ ကြမ်းကြမ်းတမ်းတမ်း နှိမ်နင်းခဲ့တဲ့ ဖြစ်စဉ်ကိုလည်း စုံစမ်းစစ်ဆေးသွားမှာ ဖြစ်ပါတယ်။

စုံစမ်းစစ်ဆေးရေး ကော်မရှင် အဖွဲ့ဝင် တဦးဖြစ်တဲ့ အမျိုးသား ဒီမိုကရေစီ အင်အားစု (NDF) ပါတီ ဥက္ကဋ္ဌ ဦးခင်မောင်ဆွေ ကတော့ ဒီကော်မရှင်ကနေ လွတ်လွတ်လပ်လပ် နဲ့ အဖြစ်မှန်ကို စုံစမ်းခွင့်ရဖို့ မျှော်လင့်တဲ့အကြောင်းနဲ့ အာဏာပိုင်တွေအနေနဲ့ အပြည့်အ၀ ပူးပေါင်းဆောင်ရွက်သင့်တယ်လို့ အခုလို ပြောဆိုခဲ့ပါတယ်။

“ဒါကတော့ ရခိုင်ကော်မရှင်လိုပေါ့။ ကျနော်တို့ နယ်ပယ်ပေါင်းစုံက ၀န်ထမ်းမဟုတ်တဲ့သူတွေ ပေါ့ဗျာ အများစုကတော့။ အဲဒါတွေ ပါနေတဲ့အခါကျတော့ ဒါကတော့ လွတ်လပ်တဲ့ ကော်မရှင်ပဲ ဖြစ်ရမှာပေါ့။ ဒါ အကြံပေးရမယ်ဆိုရင် အကြံပေးရမယ်။ စုံစမ်းရမယ် ဆိုတော့ လွတ်လွတ်လပ်လပ် မဟုတ်ဘူး ဆိုရင်တော့ ဒါ ဘယ်လုပ်လို့ ရမလဲ။ လွတ်လပ်တဲ့ ကော်မရှင် ဖြစ်ရမှာပေါ့ဗျာ။ ကော်မရှင်က သမ္မတက ခန့်တဲ့ ကော်မရှင်ပဲလေ။ အခြေအနေကို ထိန်းသိမ်းတဲ့ ကိစ္စတွေမှာ ပါတဲ့ သက်ဆိုင်ရာ ပုဂ္ဂိုလ်တွေ တော့ ပူးပေါင်း ဆောင်ရွက်ရမှာပေါ့ဗျာ။ နောက်ပြီးတော့ ဒေါ်အောင်ဆန်းစုကြည်လည်း ပါတယ်။ ဆိုတော့ တရားဥပဒေ စိုးမိုးရေး ကော်မတီ ဥက္ကဋ္ဌ အနေနဲ့လည်း ပါနေတယ်၊ လွှတ်တော်ထဲမှာလည်း ပါနေတော့ ဒါ ကျနော်တို့ လက်ခံရမှာပါပဲ။”

မြန်မာစစ်တပ်ပိုင် မြန်မာ့စီးပွားရေး ဦးပိုင်ကုမ္ပဏီ လိမီတက်နဲ့ တရုတ်နိုင်ငံက ၀မ်ဘောင် ကုမ္ပဏီတို့ ပူးတွဲ လုပ်ကိုင်နေတဲ့ ဒီစီမံကိန်းကြောင့် ဒေသခံပြည်သူတွေအနေနဲ့ လယ်မြေတွေဆုံးရှုံးရသလို၊ ပတ်ဝန်းကျင် ထိခိုက် ပျက်စီးမှုတွေ ဖြစ်ရတယ်ဆိုပြီး၊ ဒေသခံတွေ သာမက တက်ကြွလှုပ်ရှားသူတွေ သံဃာတော်တွေပါ ဆန္ဒပြခဲ့ကြတာပါ။ ဒါပေမဲ့လည်း ဆန္ဒပြသူတွေကို နှိမ်နင်း မှုအတွင်း သံဃာတော်တွေ အပါအ၀င် လူအများအပြား ထိခိုက်ဒဏ်ရာတွေ ရတဲ့အထိ ဖြစ်ခဲ့တဲ့အတွက် ဒီအခြေအနေတွေကို ဖော်ထုတ်ဖို့ သမ္မတဦးသိန်းစိန် အစိုးရအနေနဲ့ မလွဲမသွေ လုပ်ရမယ့် တာဝန်တရပ် လို့လည်း ဦးခင်မောင်ဆွေက မြင်ပါတယ်။

“သူ့မှာ တခြားနည်းလမ်း မရှိပါဘူး။ လွှတ်တော်ကနေပြီးတော့ ဖွဲ့ပါလို့ အဆိုပြုတဲ့ဟာကို လက်ခံလိုက်ပြီ ဆိုကတည်းကိုက သမ္မတမှာ လုပ်ပေးရမယ့်တာဝန်ကလည်း ရှိတယ်။ လွှတ်တော်က ဖွဲ့မပေးတောင်မှ သူ့အနေနဲ့ အမြန်ဆုံး လုပ်ပေးဖို့ တာဝန် ရှိတာပေါ့ဗျာ။ ပြည်သူလူထု ထိခိုက်နစ်နာတဲ့ဟာတွေကို ရှင်းပေးဖို့ တကယ်ပဲ လိုတာပေါ့ဗျာ။”

လက်ပံတောင်းတောင် ကြေးနီစီမံကိန်းကိစ္စ စုံစမ်းစစ်ဆေးရေးကော်မရှင်မှာ အဖွဲ့ဝင်တဦးဖြစ်တဲ့ ဦးခင်မောင်ဆွေ ဖြစ်ပါတယ်။ ဒီစီမံကိန်းကို အကောင်အထည် ဖော်ရာမှာ ပတ်ဝန်းကျင် မထိခိုက်အောင် စနစ်တကျ လေ့လာမှုတွေရှိ - မရှိ၊ ပတ်ဝန်းကျင်ကို ထိခိုက်မှု ရှိ - မရှိ၊ တိုင်းပြည်အတွက် အကျိုးရှိ - မရှိနဲ့ ဆန္ဒပြမှုတွေ ပေါ်ပေါက်ရတဲ့ အကြောင်းရင်း ဆန္ဒပြပွဲတွေကို နှိမ်နင်း ရာမှာ သံဃာတော်တွေ ထိခိုက် ဒဏ်ရာတွေရခဲ့တဲ့ ဖြစ်စဉ်နဲ့ စီမံကိန်းကို ဆက်လက် ဆောင်ရွက်သင့် - မသင့် စတာတွေကို စစ်ဆေးဖို့ ကော်မရှင်ကို တာဝန်ပေးထားတာပါ။ စုံစမ်းစစ်ဆေးရာမှာ ကော်မရှင်အနေနဲ့ ဥပဒေနဲ့အညီ သက်ဆိုင်သူတွေကို ဆင့်ခေါ်ခွင့် မေးမြန်းခွင့် အချက်အလက် တောင်းခံခွင့် စတဲ့ လုပ်ပိုင်ခွင့်တွေကိုလည်း ရရှိမှာ ဖြစ်တယ်လို့ သမ္မတရုံး ကြေညာ ချက်က ဖော်ပြထားပါတယ်။ စစ်ဆေးတွေ့ ရှိချက်တွေကိုတော့ ဒီဇင်ဘာလ ၃၁ ရက် နောက်ဆုံးထားပြီး သမ္မတထံ တင်ပြ ရမှာလည်း ဖြစ်ပါတယ်။

Ref: ဗွီအိုအေ

လက်ပံတောင်းအရေး ဆန္ဒပြမှု အဖမ်းအဆီးတချို့ရှိ

မသိင်္ဂီထိုက်
02.12.2012

လက်ပံတောင်းတောင် ကြေးနီစီမံကိန်း ငြိမ်းချမ်းစွာ ဆန္ဒပြမှုကို အာဏာပိုင်တွေက အကြမ်းဖက် နှိမ်နင်းခဲ့တဲ့အပေါ်မှာ ရှုတ်ချတဲ့ အနေနဲ့ မန္တလေး၊ ရန်ကုန်နဲ့ မြင်းခြံမြို့တွေမှာ သံဃာတော်နဲ့ပြည်သူတချို့ ဒီကနေ့ ချီတက် ဆန္ဒပြခဲ့ကြသလို ရန်ကုန်မြို့မှာတော့ ဒီကနေ့ ဆန္ဒပြ ခေါင်းဆောင်တချို့ ဖမ်းဆီးခံခဲ့ရပါတယ်။ တချိန်တည်းမှာလည်း လက်ပံတောင်းတောင် ကြေးနီ စီမံကိန်း သပိတ် စခန်းတွေကို အကြမ်းဖက် နှိမ်နင်းမှုကြောင့် မီးလောင်ဒဏ်ရာ ရကြတဲ့ သူတွေလည်း မန္တလေး ဆေးရုံကြီးကို ထပ်ပြီး ရောက်ရှိ လာကြပါတယ်။ ဒီ အခြေအနေတွေနဲ့ ပတ်က်လို့တော့ ဆက်သွယ်စုံစမ်းထားတဲ့ မသိင်္ဂီထိုက်က တင်ပြထားပါတယ်။

Subscribe to: Posts (Atom)

အပေါ်သို့