2012-12-06
လက်ပံတောင်းတောင်အရေး စုံစမ်းစစ်ဆေးရေး ကော်မရှင်အနေနဲ့ အမှန်တရားကို ဖော်ထုတ်ပြီး အမှန်ကို အမှန်အတိုင်း၊ အရှိကို အရှိတိုင်းသာ တွေ့ရှိချက်တွေကို ရဲရဲဝံ့ဝံ့နဲ့ အမှန်အတိုင်း တင်ပြသွားမယ်လို့ စုံစမ်းစစ်ဆေးရေးကော်မရှင် ဥက္ကဌ ဒေါ်အောင်ဆန်း စုကြည်က ဒီကနေ့မှာ ပြောကြားလိုက်ပါတယ်။
"အမှန်တရားကိုဖော်ထုတ်မယ် ကျွန်မတို့ရဲ့ တင်ပြချက်တွေမှာ နိုင်ငံရဲ့ရည်ရှည်အကျိုးစီးပွား၊ ပြည်သူတွေရဲ့ ရည်ရှည်အကျိုးစီးပွားနဲ့ ဒီမိုကရေစီခိုင်မာရေးရဲ့ အကျိုးစီးပွားတွေကို ကျွန်မတို့ကြည့်ရမယ် "
ရန်ကုန်တိုင်းဒေသကြီး အစိုးရအဖွဲ့ရုံးမှာ ဒီကနေ့ကျင်းပတဲ့ လက်ပံတောင်းတောင်အရေး စုံစမ်းစစ်ဆေးရေးကော်မရှင် သတင်းစာ ရှင်းလင်းပွဲမှာ အခုလို ပြောကြားခဲ့တာပါ။
စုံစမ်းစစ်ဆေးရေး ကော်မရှင်ရဲ့တာဝန်နဲ့ ပြည်သူတွေကို အသိပေးရမယ့် တာဝန်နဲ့ ပတ်သက်ပြီးတော့ ဒေါ်အောင်ဆန်းစုကြည်က အခုလို ဆက်ပြောပါတယ်။
"ကျွန်မတို့ မြင်ရင်မြင်တဲ့အတိုင်းတင်ပြမယ်၊ လူတိုင်းကိုကျေနပ်အောင် ဆိုတာလုပ်လို့မရပါဘူး၊ ကော်မရှင်တစ်ခုအနေနဲ့ လူတိုင်းကို ကျေနပ်အောင်လုပ်ဖို့ဆိုတာ ကော်မရှင်တစ်ခုရဲ့ တာဝန်မဟုတ်ပါဘူး၊ ကော်မရှင်ရဲ့ တာဝန်ဟာ အမှန်တရားကိုဖော်ထုတ်ဖို့၊ ဒီအမှန်တရားကို အခြေခံပြီး နိုင်ငံအတွက်အကောင်းဆုံး၊ တိုင်းသူပြည်သားတွေအတွက် အကောင်းဆုံးဖြစ်မယ်ထင်တာကို ရဲရဲဝံ့ဝံ့နဲ့ တင်ပြဖို့ပါ"
မြန်မာနိုင်ငံမှာ လာရောက်ရင်းနှီး မြှုပ်နှံတဲ့ တရုတ်ကုမ္ပဏီတွေနဲ့ ပတ်သက်ပြီး ပွင့်လင်းမြင်သာမှု မရှိခဲ့တဲ့အတွက် အခုလို ပြဿ နာတွေ ဖြစ်ခဲ့ရကြောင်း၊ ဒါကြောင့် ကော်မရှင်အနေနဲ့ အစိုးရရဲ့ ပွင့်လင်းမြင်သာမှုနဲ့ တာဝန်ယူမှုအတွက် တင်ပြချက် ထဲမှာ ထည့်သွင်းသွားမှာ ဖြစ်ကြောင်း၊ နိုင်ငံနဲ့ ပြည်သူတွေရဲ့ အကျိုးစီးပွားအတွက် အကောင်းဆုံးဖြစ်အောင် တင်ပြသွားမှာ ဖြစ်ကြောင်း ဒေါ်အောင်ဆန်းစုကြည်က ပြောပါတယ်။
လက်ပံတောင်းတောင်အရေး စုံစမ်းစစ်ဆေးရေး ကော်မရှင်အနေနဲ့ သတင်းထုတ်ပြန်ချက်တွေက လွဲပြီး သတင်းထောက်တွေကို သီးသန့်တွေ့ဆုံဖြေကြားမှာ မဟုတ်ဘဲ လိုအပ်တဲ့အခါ သတင်းစာရှင်းလင်းပွဲ ကျင်းပပြီး ထုတ်ပြန်သွားမယ်လို့ ပြောပါတယ်။ သပိတ်စခန်းဖြိုခွဲခံရတာနဲ့ ပတ်သက်လို့ စုံစမ်းစစ်ဆေးပြီး အဖြေပေါ်မှသာ ထုတ်ပြန် အသိပေးသွားမယ်လို့လည်း ပြောခဲ့ပါတယ်။
Ref: အာရ်အဖ်အေ
Read More...
Collapse...
2012-12-06
လက်ပန်းတောင်းတောင် အရေးအခင်း မှာ အစိုးရလုံခြုံရေးတပ်ဖွဲ့တွေက မီးလောင်ဗုံးသုံးခဲ့ခြင်း ရှိ မရှိ ကို မိမိတို့စုံစမ်းရေး ကော်မရှင်က စုံစမ်းဖေါ်ထုတ်မှာဖြစ်တယ်လို့ အမျိုးသားဒီမိုကရေစီ အဖွဲ့ချုပ် ခေါင်းဆောင်နဲ့ မုံရွာကြေးနီတောင် စုံစမ်း စစ်ဆေး ရေးကော်မရှင် ဥက္ကဌ ဒေါ်အောင်ဆန်းစုကြည် က ပြောဆိုလိုက်ပါတယ်။
"ပထမရေနဲ့ဖျန်းပြီးမှ ဒီလိုမျက်ရည်ယိုဗုံးသုံးတယ် ပြီးမှမီးတောက်တယ် ဘာတယ်ဆိုတော့ နည်းပညာအရဆိုရင် မဖြစ်နိုင်တဲ့ ကိစ္စတော့ မဟုတ်ပါဘူး၊ ဒီဟာကတော့ကော်မရှင်က စုံစမ်းပြီးမှ အဖြေပေးမှာပါ၊ တရားဥပဒေ သဘောတရားအရပေါ့နော် အပြစ်ရှိတယ်ဆိုတဲ့ အထောက်အထား မလုံလောက်မချင်း ဘယ်သူမှာမှအပြစ်မရှိဘူးလို့ ကျမတို့ဒီ လိုယူဆပါတယ်"
RFA က ပုံမှန်တင်ဆက်နေတဲ့ ဒီမိုကရေစီခရီးကြမ်းနဲ့ ဒေါ်အောင်ဆန်းစုကြည် အစီအစဉ်အတွက် မနေ့က ဆက်သွယ်မေးမြန်း ခဲ့ရာမှာ ဒေါ်အောင်ဆန်းစုကြည် က ခုလိုဖြေကြားခဲ့တာဖြစ်ပါတယ်။
ဒါ့အပြင် ကြေးနီတောင် စုံစမ်းစစ်ဆေးရေးကော်မရှင်ကို အစိုးရက ဒီဇင်ဘာလ ၃ ရက်နေ့ ပြင်ဆင်ဖွဲ့စည်းခဲ့တဲ့အခါမှာ မူလပထမ ဒီဇင်ဘာလ ၁ ရက်နေ့ ကြေညာချက်မှာ ပါဝင်ခဲ့တဲ့ ဆန္ဒပြပွဲအပေါ် သက်ဆိုင်ရာက အရေးယူဆောင်ရွက်ခဲ့ပုံကို စုံစမ်းစစ်ဆေးရေး ဆိုတဲ့အချက် ပါဝင်ခြင်းမရှိတော့တာနဲ့ ပတ်သက်လို့လည်း RFA က မေးမြန်းခဲ့ရာ ဒေါ်အောင်ဆန်းစုကြည့်က အဲဒီဟာက လွှတ် တော်မှာတင်တဲ့အဆိုနဲ့မကိုက်ညီလို့ပါ၊ ဒါပေမယ့် နောက်ပိုင်းမှာဆိုရင် ဆက်စပ်နေတဲ့ကိစ္စတွေကိုလည်း စုံစမ်းနိုင်တယ်လို့ ထည့်ထားပါတယ် လို့ ဖြေကြားခဲ့ပါတယ်၊
ဒါ့အပြင် ကြေးနီတောင်စီမံကိန်းကို အကြမ်းဖက်ဖြိုခွဲခဲ့မှုကြောင့် မြန်မာပြည် ဒီမိုကရေစီပြောင်းလဲရေး လုပ်ငန်းစဉ်တွေအပေါ် အကျိုးသက်ရောက်မှုတွေ ရှိ မရှိ ဆိုတာကိုလည်း စုံစမ်းရေးကော်မရှင်က လေ့လာသုံးသပ်ပြီး တင်ပြမှာဖြစ်တယ်လို့ ဒေါ်အောင် ဆန်းစုကြည်က RFA ကိုပြောပါတယ်။
Ref: အာရ်အဖ်အေ
Read More...
Collapse...
2012-12-06
လက်ပန်းတောင်းတောင် သပိတ်စခန်း အကြမ်းဖက်ဖြိုခွဲခဲ့တဲ့ ကိစ္စနဲ့ပတ်သက်ပြီး အစိုးရက တာဝန်ယူဖြေရှင်းပေးဖို့အတွက် သံဃာတွေဟာ မနက်ဖြန် ဒီဇင်ဘာလ ၆ ရက်နေ့မှာ မြို့အတော်များများမှာ ထိုင်သပိတ်မှောက်ဆန္ဒပြဖို့ စီစဉ်ထားတယ်လို့ သိရပါတယ်။
ဒီတစ်ကြိမ်ပြုလုပ်မယ့် သံဃာ့သပိတ်ဟာ ပြီးခဲ့တဲ့သပိတ်တွေနဲ့မတူဘဲ၊ သံဃာတွေ တောင်းဆိုတဲ့အချက် ၅ ချက်ကို အစိုးရက ချက်ချင်းအကောင်အထည်ဖော်ပေးရမယ်လို့ တောင်းဆိုမှာဖြစ်ပါတယ်။
တကယ်လို့ အစိုးရက ပျက်ကွက်မယ်ဆိုရင် အဲဒီ သံဃာ့ထိုင်သပိတ်ကိုအရှိန်မြှင့်ပြီး ရက်ရှည်ပြုလုပ်ဖို့ရှိတယ်လို့ အဲဒီ့သပိတ်ရဲ့ ဦးဆောင်သံဃာတော်တစ်ပါးဖြစ်တဲ့ မန္တလေး၊ မဟာဂန္ဓာရုံကျောင်းတိုက် ဘဝအလင်းဆရာတော် ဦးသောဘိတက RFA ကို မိန့်ကြားပါတယ်။
မနက်ဖြန် ဒီဇင်ဘာလ ၆ ရက်နေ့မှာ စတင်မယ့်သံဃာ့သပိတ်ကို ရန်ကုန်၊ မန္တလေး၊ တောင်ကြီး ၊စစ်ကိုင်း၊ ချောက်၊ ပခုက္ကူ၊ မိတ္ထီလာနဲ့ ဝါးခယ်မမြို့တွေမှာ ကျင်းပမှာလို့ဆိုပါတယ်။
မနက်ဖြန်ပြုလုပ်မယ့် သံဃာ့ထိုင်သပိတ်မှာ ကိုင်ဆွဲတောင်းဆိုမယ့် အချက်ငါးချက်အကြောင်းနဲ့ ပတ်သတ်ပြီး ဘဝအလင်း ဆရာတော် ဦးသောဘိတက အခုလို မိန့်ကြားပါတယ်။
"အောက်ပါအချက် ၅ ချက်က (က) နိုင်ငံတော်အစိုးရနဲ့ အစိုးရအဖွဲ့က ထိခိုက်ဒဏ်ရာရသော သံဃာတော်များကို အမြန်ဆုံးလာ ရောက်ဝန်ချတောင်းပန်ရန် (ခ) အကြမ်းဖက်နှိမ်နင်းမှုတွင် တာဝန်ရှိသောသူများအား ထိရောက်စွာအရေးယူပေးရန် (ဂ) ကြေးနီ စီမံကိန်းနဲ့ပတ်သက်ပြီး ဖမ်းဆီးထားသူများကို ချက်ခြင်းပြန်လွှတ်ရန် (ဃ) ကြေးနီစီမံကိန်းကို ဒေသခံများနဲ့ပြည်သူများ လက်ခံနိုင် အောင်ဆောင်ရွက်ပေးရန် (င) ဒီမိုကရေစီအစိုးရစစ်စစ် ပေါ်ပေါက်လာဖို့နဲ့ နောက်နောင်တွင် အခုကဲ့သို့အကြမ်းဖက်မှု မပေါ် ပေါက်စေရန် လွှတ်တော်များနဲ့အစိုးရအဖွဲ့များတွင် ပါဝင်လျက်ရှိသော တပ်မတော်သားများ အမြန်ဆုံးနုတ်ထွက်ပေးရန်၊ အထက် မြန်မာပြည်သံဃာတော်များ"
နိုဝင်ဘာလ ၂၉ ရက်နေ့ မနက် ၃ နာရီဝန်းကျင်လောက်မှာ လက်ပန်းတောင်းတောင် သပိတ်စခန်းတွေကို လုံခြုံရေးတပ်တွေက အင်အားသုံး အကြမ်းဖက်ဖြိုခွဲခံရပြီးနောက် ကန့်ကွက်ရှုံ့ချဆန့်ကျင်ပွဲတွေဟာ မြန်မာနိုင်ငံဒေသအချို့မှာ တစ်ခုပြီးတစ်ခု ပေါ်ပေါက် နေခဲ့တာဖြစ်ပါတယ်။
Ref: အာရ်အဖ်အေ
Read More...
Collapse...
2012-12-06
ရခိုင်ပြည်နယ် ဒုက္ခသည်စခန်းတွေ မှာ နေထိုင်နေကြတဲ့ မူဆလင် ရိုဟင်ဂျာ မိသားစုတွေရဲ့ အခြေအနေဟာ အလွန်ဆိုးဝါး နေသလို၊ မွတ်ဆလင်နဲ့ ဗုဒ္ဓဘာသာ နှစ်ဖက်စလုံးဟာ အကြောက်တရားနဲ့ နေ့စဉ်ရင်ဆိုင်နေထိုင်ကြရတယ်လို့ ကုလသမဂ္ဂ လူသားချင်းစာနာမှု အကူညီပေးရေး ဆိုင်ရာ အကြီးအကဲ Valerie Amos က ဒီကနေ့ ပြောကြားလိုက်ပါတယ်။
မီးရှို့အကြမ်းဖက် ပဋိပက္ခတွေဖြစ်ပွားခဲ့တဲ့ ရခိုင်ပြည်နယ်ကို မနေ့က ကိုယ်တိုင်သွားရောက်အပြီး ဒီကနေ့ ဒီဇင်ဘာလ ၆ ရက်နေ့ ပြောဆိုရာမှာ သူ့အနေနဲ့ လက်ရှိ ရခိုင်ပြည်နယ်က အခြေအနေကို အထူးစိုးရိမ်မိကြောင်းလည်း ထည့်သွင်းပြောခဲ့ပါတယ်။
ဇွန်လနဲ့ အောက်တိုဘာလတွေကဖြစ်ပွားခဲ့တဲ့ လူမျိုးရေး၊ ဘာသာရေး အကြမ်းဖက်မှုတွေကြောင့် လူပေါင်းတစ်သိန်း တစ်သောင်း ကျော် အိုးအိမ်မဲ့ ဒုက္ခသည်တွေဖြစ်ခဲ့ရပြီး ဒုက္ခသည်စခန်းတွေရဲ့ အနေအထားဟာလည်း ရေသန့်စနစ်မရှိ၊ စာသင်ကျောင်းမရှိ၊ အပြင်ထွက်အလုပ်လုပ်ခွင့်မရှိတဲ့ဘဝတွေ ဖြစ်နေတယ်လို့ပြောပါတယ်။ မြေပုံမြို့နယ်မှာဆို ထောင်ပေါင်းများစွာရှိတဲ့ ဒုက္ခသည် တွေဟာ တနေရာတည်းမှာ ကြပ်ကြပ်သိပ်သိပ် နေထိုင်နေကြရတယ်လို့ ဆိုပါတယ်။
ဒုက္ခသည်တွေကို အကူအညီပေးနေတဲ့ ကယ်ဆယ်ရေးဆောင်ရွက်နေသူတွေကို ဒေသဆိုင်ရာ အာဏာပိုင်တွေက လုံခြုံရေးအရ ခြိမ်းခြောက်ဟန့်တားတာတွေဟာ ကယ်ဆယ်ရေး လုပ်ငန်းတွေအတွက် ကြီးမားတဲ့ စိန်ခေါ်မှုတွေဖြစ်ပါတယ်လို့လည်း ထောက်ပြ ဝေဖန်လိုက်ပါတယ်။
မြန်မာနိုင်ငံကို ခရီးတထောက်ရောက်နေတဲ့ ကုလသမဂ္ဂ လူသားချင်းစာနာမှု အကူညီပေးရေးဆိုင်ရာ လက်ထောက်ကုလ သမဂ္ဂအတွင်းရေးမှူးချုပ် Ms. Amos ဟာ အခုခရီးစဉ်အတွင်း ဘင်္ဂလားဒေ့ရှ် နိုင်ငံကိုလည်း သွားရောက်ဖို့ရှိပါတယ်။
Ref: အာရ်အဖ်အေ
Read More...
Collapse...
2012-12-06
နိုင်ငံတကာ ငွေပေးချေရေးကဒ်ဖြစ်တဲ့ Master Card ကို မြန်မာနိုင်ငံမှာ ပထမဆုံးအဖြစ် CB Bank ရဲ့ ATM စက်တွေမှာ အသုံးပြုနိုင်ဖို့အတွက် အာရှပစိဖိတ်ဒေသဆိုင်ရာဥက္ကဌနဲ့ CB Bank ဒါရိုက်တာအဖွဲ့ဝင်တွေဟာ ဒီကနေ့ ရန်ကုန်မြို့ ကန်တော်ကြီး ပတ်လမ်းမှာရှိတဲ့ ချက်ထရီယမ်ဟိုတယ်မှာ တွေ့ဆုံပွဲ ကျင်းပခဲ့ပါတယ်။
မြန်မာနိုင်ငံရဲ့ ပထမဆုံး ကိုယ်စားလှယ်အဖြစ် CB ဘဏ်က ဆောင်ရွက်နေတာဖြစ်ပြီး လာမယ့် ၂၀၁၃ ခုနှစ်မှာတော့ CB Bank တံဆိပ်နဲ့ နိုင်ငံတကာမှာပါ အသုံးပြုလို့ရမယ့် Master Card ကို ထုတ်ပေးနိုင်အောင် စီစဉ်နေတယ်လို့ CB Bank ရဲ့ မန်နေဂျင်းဒါရိုက်တာ ဦးဖေမြင့်က RFA ကို ပြောပါတယ်။
နိုဝင်ဘာလ ၁၅ ရက်နေ့ကစပြီး ဒီဇင်ဘာလ ၃ ရက်နေ့ထိ Master Card နဲ့ မြန်မာငွေထုတ်ယူ သုံးစွဲသူ ၆၁၈ ဦးရှိပြီး ထုတ်ပေးပြီးဖြစ်တဲ့ မြန်မာငွေမှာ သိန်းပေါင်း ၉၆၀ ရှိပြီလို့ သိရပါတယ်။
CB Bank ရဲ့ ATM စက်တွေကို ရန်ကုန်၊ မန္တလေး၊ ပဲခူး၊ တောင်ငူ၊ ပျဉ်းမနား၊ ပြင်ဦးလွင်၊ မော်လမြိုင်နဲ့ ရန်ကုန်လေဆိပ်တို့မှာ တပ်ဆင်ပြီး ဖြစ်သလို နိုင်ငံခြားသားဧည့်သည်တွေ တည်းခိုနေထိုင်တဲ့ ဟိုတယ် တွေမှာလည်း တပ်ဆင်နိုင်အောင် စီစဉ်နေ တယ်လို့ သိရပါတယ်။
ဒီကနေ့ ချက်ထရီယမ်ဟိုတယ်မှာ ကျင်းပခဲ့တဲ့ တွေ့ဆုံဧည့်ခံပွဲမှာ အာရှပစိဖိတ်ဒေသဆိုင်ရာ မာစတာကဒ် ဥက္ကဌ၊ မြန်မာနိုင်ငံ တော်ဗဟိုဘဏ် ဒုတိယညွှန်ကြားရေးမှူးချုပ် ဦးမောင်မောင်နဲ့ ရန်ကုန်တိုင်းဒေသကြီး ဝန်ကြီးချုပ် ဦးမြင့်ဆွေဦးဆောင်တဲ့ အစိုးရ အဖွဲ့ဝင်တချို့လည်း တက်ရောက်ခဲ့ကြပါတယ်။
Ref: အာရ်အဖ်အေ
Read More...
Collapse...
2012-12-06
ရခိုင်ပြည်နယ်အတွင်းမှာ ဖြစ်ပွားခဲ့တဲ့ ပဋိပက္ခတွေလိုမျိုး နောက်ထပ် မဖြစ်ပွားဖို့အတွက် လူ့အဖွဲ့အစည်း ၂ ခုအကြား သင့်မြတ် အောင် လုပ်ဆောင် မယ်ဆိုရင် မြန်မာအစိုးရကို ကုလသမဂ္ဂ အဖွဲ့အစည်း အနေနဲ့ ကူညီပေးသွားမှာ ဖြစ်ကြောင်း ထိုင်းနိုင်ငံ အခြေစိုက် အာရှနဲ့ ပစိဖိတ်ဒေသ ကုလသမဂ္ဂဒုက္ခသည်များ ဆိုင်ရာ အရေးပေါ် ကူညီကယ်ဆယ်ရေး အဖွဲ့ ပြန်ကြားရေးတာဝန်ခံ Ms. Kirsten Mildren က သတင်းထောက်တွေကို ပြောပါတယ်။
ကုလသမဂ္ဂလူသားချင်းစာနာမှုနဲ့ အရေးပေါ်ကူညီကယ်ဆယ်ရေးအဖွဲ့ အကြီးအကဲ ဒုတိယအတွင်းရေးမှူးချုပ် Ms. Valerie Amos ပါဝင်တဲ့ အဖွဲ့ဟာ မနေ့က ရခိုင်ပြည်နယ်ကိုရောက်ရှိလာပြီး မကြာသေးခင်က ပဋိပက္ခတွေဖြစ်ပွားခဲ့တဲ့ စစ်တွေ၊ မောင် တော၊ ပေါက်တော၊ မြေပုံမြို့တွေက ဒုက္ခသည်တွေနဲ့ တွေ့ဆုံခဲ့ပါတယ်။ အဲဒီနေ့ ည ၇ နာရီခွဲအချိန်မှာ စစ်တွေဟိုတယ်မှာ သတင်းထောက်တွေနဲ့ တွေ့ဆုံပြီး အခုလို ပြောခဲ့ပါတယ်။
“ ဒီလူ့အဖွဲ့အစည်း ၂ ခု ဘယ်လိုမျိုးသင့်မြတ်အောင်နေကြမလဲဆိုတာ အရေးကြီးတဲ့ စိန်ခေါ်မှုတစ်ခုဖြစ်တယ်။ အစိုးရအနေနဲ့ ဒီလူ့အဖွဲ့အစည်း ၂ ခု သင့်မြတ်အောင် လုပ်ဆောင်မယ်ဆိုရင် ကုလသမဂ္ဂအနေနဲ့ ကူညီဆောင်ရွက်ပေးသွားဖို့ အသင့်ရှိပါတယ်”
ဒါ့အပြင် မြန်မာနိုင်ငံအစိုးရက မြန်မာနိုင်ငံမှာ လုံးဝမရှိးဘူးလို့ တရားဝင်ကြေငြာထားတဲ့ ရိုဟင်ဂျာဆိုတဲ့ အသုံးအနှုန်းကို ကုလသ မဂ္ဂအနေနဲ့ သုံးနှုန်းခေါ်ဝေါ်နေရတာနဲ့ ပတ်သက်ပြီး သတင်းထောက်တွေက မေးမြန်းခဲ့ရာမှာ Ms. Valerie Amos က သူတို့ အနေနဲ့ မည်သည့်အကြောင်းတရားမျှမပါဘဲ သူတို့ကိုယ်တိုင်က ရိုဟင်ဂျာလူမျိုးဆိုပြီး ပြောဆိုသုံးနှုန်းနေတဲ့အတွက် ဒီစကားလုံးကို ပြောဆိုသုံးနှုန်းရတာ ဖြစ်တယ်လို့ ပြန်လည် ပြောဆိုခဲ့ပါတယ်။
ကုလအရေးပေါ် ကူညီကယ်ဆယ်ရေးအဖွဲ့ အကြီးအကဲ ဒုတိယအတွင်းရေးမှူးချုပ် Ms. Valerie Amos ဟာ ရခိုင်ပြည်နယ် အစိုးရ အဖွဲ့အပါအဝင် နယ်စပ်ရေးရာဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး သိန်းဌေးနဲ့ ဒုက္ခသည်အရေးကိစ္စနဲ့ ပတ်သက်ပြီး သီးသန့် တံခါးပိတ်ဆွေးနွေးခဲ့ပြီး ဒီကနေ့ ဒီဇင်ဘာလ ၆ ရက် နေ့မှာတော့ ကချင်ပြည်နယ်ကို ဆက်လက်သွား ရောက်မှာဖြစ်တယ်လို့ သိရပါတယ်။
Ref: အာရ်အဖ်အေ
Read More...
Collapse...
မေစစ်ပိုင်
December 6, 2012
လက်ပံတောင်းတောင် သပိတ်စခန်းကို အာဏာပိုင်များက အကြမ်းဖက် ဖြိုခွဲခဲ့မှုနှင့် ပတ်သက်၍ ပြည်တွင်းဂျာနယ် အများစုတွင် သုံးသပ်ဝေဖန်မှုများထက် သတင်းသက်သက်ကိုသာ သတိထား၍ ရေးသားဖော်ပြမှု များပြားကြောင်း သိရသည်။
ပြည်တွင်းထုတ် ဂျာနယ်အများစုတွင် လက်ပံတောင်းတောင် ကြေးနီစီမံကိန်းနှင့် ပတ်သက်သည့် သတင်းများကို ဖော်ပြ နေသော် လည်း အများစုမှာ အဖွဲ့အစည်းများ၏ ကြေညာချက်၊ ဒေါ်အောင်ဆန်းစုကြည်၏ သတင်းစာရှင်းလင်းပွဲ၊ ပြောကြားချက်များနှင့် ဖြစ် စဉ်သတင်း တချို့ကိုသာ ဦးစားပေးဖော်ပြနေပြီး ဌာနဆိုင်ရာ မေးမြန်းချက်များနှင့် သုံးသပ်ချက်၊ ဝေဖန်ချက်၊ အာဘော်၊ ဆောင်း ပါး များအပြင် ရန်ကုန်မြို့၌ ကြေးနီစီမံကိန်း ပြဿနာနှင့် ပတ်သက်၍ ဆန္ဒပြမှုတွင် ဖြစ်ပွားခဲ့သည့် ဖမ်းဆီးထိန်းမှုအကြောင်း ရေးသားဖော်ပြခဲ့ခြင်း မရှိသလောက် နည်းပါးသည်။
လူထုအုံကြွမှုကို အားပေးသကဲ့သို့ မဖြစ်စေရန်အတွက် လက်ပံတောင်းတောင် ကိစ္စနှင့် ပတ်သက်၍ သုံးသပ်ဝေဖန်ခြင်း မပြု လုပ်ဘဲ သတင်းသက်သက်ကိုသာ ဦးစားပေး ဖော်ပြနေကြကြောင်း၊ စာပေစိစစ်ရေး၏ ဆင်ဆာ မရှိတော့သော်လည်း ထုတ် ဝေသည့် ဂျာနယ်၏ မူဝါဒနှင့် ကိုက်ညီမှုရှိစေရန်နှင့် ပဋိပက္ခ ဖြစ်စဉ်များအပေါ် မူတည်၍သာ စာမျက်နှာထက်တွင် ဖော်ပြ ကြကြောင်း၊ အမျိုးသားရေး လှုံ့ဆော်မှု ဖြစ်စေနိုင်သဖြင့် ဖြစ်စဉ်အပေါ် သုံးသပ်ခြင်း၊ ထောက်ပြဝေဖန်ခြင်းများ မပြုလုပ်ကြ ကြောင်း၊ ထို့အပြင် ဌာနဆိုင်ရာက သတင်းသမားများ၏ မေးမြန်းချက်ကို ဖြေကြားမှု အားနည်းကြောင်း ပြည်တွင်း ဂျာနယ် ထုတ်ဝေသူ များနှင့် အယ်ဒီတာများက ပြောသည်။
“ဒီကိစ္စက လူထုနဲ့ သံဃာတော်တွေက စိတ်ထိခိုက်မှုများတဲ့ သတင်းဆိုတော့ ဘက်ပေါင်းစုံကနေ တော်တော်လေးကို သတိ ထားပြီး ရေးရတဲ့ အနေအထားပါ။ စိတ်ပူတာက Facebook စာမျက်နှာတွေမှာ ပြင်းထန်တာတွေလည်း ရေးနေကြတော့ ဂျာနယ်တိုက်တွေက တော်တော်လေး သတိထားပြီး ကျင့်ဝတ်အရ လုပ်နေကြတယ်” ဟု 7 Day News ဂျာနယ် အမှုဆောင် အယ်ဒီတာ ကိုအားမာန်က ပြောသည်။
ဒီဇင်ဘာ ၅ ရက်ထုတ် 7 Day News ဂျာနယ်တွင် “နောက်ကြောင်းပြန်မလှည့်ရန် အားလုံးမှာတာဝန်ရှိသည်” ဟု ခေါင်းစဉ် ပေးထားသည့် လက်ပံတောင်းတောင် ကြေးနီစီမံကိန်း ပဋိပက္ခအပေါ် အစိုးရ၏ ကိုင်တွယ်မှုနှင့် ပတ်သက်၍ ရှုထောင့်ပေါင်းစုံမှ သုံးသပ်ထားသည့် ဆောင်းပါးတပုဒ်ကို ဖော်ပြထားသည်။
အစိုးရ လုပ်ဆောင်ချက်အပေါ် ဝေဖန်သုံးသပ်ခဲ့သည့် 7 Day News ဂျာနယ်တွင် ပါရှိသော ဆောင်းပါးရေးသားရန် ကိုအား မာန်က အစိုးရသတင်း ထုတ်ပြန်ရေးနှင့် ပြည်ထဲရေး ဝန်ကြီးဌာနများသို့ ဆက်သွယ်မေးမြန်းသော်လည်း ဖြေကြားခြင်းမရှိ ခဲ့ ကြောင်း၊ ထို့ကြောင့် ဖြစ်ပွားမှု ကြာမြင့်နေပြီး ရှုပ်ထွေးသည့် ကြေးနီစီမံကိန်း ကိစ္စတွင် စာပေစိစစ်ရေး မရှိသော်လည်း အစိုးရ အပေါ် သုံးသပ်မှုများအား သတိထား ရေးသား ဖော်ပြခဲ့ရကြောင်း ရှင်းပြသည်။
ပြည်သူ့ခေတ်ဂျာနယ် အတိုင်ပင်ခံ အယ်ဒီတာ ဦးဖေမြင့်က “လူထုကို အသိပေးဖို့ ဂျာနယ်စာမျက်နှာမှာ ရေးသားဖော်ပြပေမယ့် တချို့ကိစ္စကို ပြင်းပြင်းထန်ထန်တော့ မရေးဘူး၊ တခုခုကို တိုက်ခိုက် ရေးသားတာမျိုးတော့ မလုပ်ဘူး” ဟု ပြောသည်။
ကြေးနီစီမံကိန်း အရေးကို ဂျာနယ်များက လွတ်လပ်စွာ ရေးသားနေသော်လည်း အကျိုးအကြောင်းနှင့် ထိန်းသိမ်း ရေးသားရန် လိုအပ်ကြောင်း၊ နိုင်ငံပိုင် သတင်းစာများကလည်း အစိုးရ လုပ်ဆောင်ချက်များကိုသာ ထုတ်ပြန်နေသည့် အတွက် အစိုးရ ပြန်ကြားရေး သက်သက်သာ ဖြစ်နေသည်ဟု သုံးသပ်မိကြောင်း သူက ဆိုသည်။
နိုင်ငံရေးသတင်းနှင့် ဒေသန္တရ သတင်းများကို အများဆုံး ဖော်ပြလေ့ရှိသည့် The Messenger ဂျာနယ် တာဝန်ခံအယ်ဒီတာ ကိုသူရအောင် ကလည်း ဂျာနယ်စာမျက်နှာများ ထက်၌ လက်ပံတောင်းတောင် ကြေးနီစီမံကိန်း အရေးများကို ဖော်ပြရာတွင် တိုင်းပြည် အကျိုးစီးပွားကို ထိခိုက်စေနိုင်မည့် သတင်းများ ရှောင်၍ လူထုကို ဆူပူအုံကြွမှု မရှိစေရန် အဓိကထား ဖော်ပြနေကြောင်း ပြောသည်။
ယခင် စာပေစိစစ်ရေးရှိစဉ်က ဆင်ဆာ ဖြတ်တောက် ခံရခြင်းကြောင့် ပြည်သူလူထု အနေဖြင့် သတင်း ဖြစ်ရပ်မှန်ကို မသိ ရသဖြင့် ဆုံးဖြတ်ချက်မှန်ကို မချနိုင်ခဲ့သော်လည်း လက်ရှိတွင် လွတ်လပ်စွာ ရေးသားပြောဆိုခွင့်များ ရှိလာသည့်အတွက် သတင်းများ မှန်ကန်မှုရှိရန်နှင့် ဘက်ပေါင်းစုံမှ တင်ပြနိုင်ရန် လိုအပ်လာကြောင်း ၎င်းက သုံးသပ်သည်။
Weekly Eleven ၏ အယ်ဒီတာချုပ် ကိုဝေဖြိုးက “သတင်းကို သတင်းလိုပဲဖော်ပြတယ်။ ဆင်ဆာရှိလည်း ဒီအတိုင်းပဲ၊ ဆင်ဆာမရှိလည်း ဒီအတိုင်းပဲ၊ ပြည်သူတွေ အတွက် လိုအပ်တယ် ထင်ရင် သိသင့်တာကို ဖော်ပြသွားဖို့လိုတယ်” ဟု ပြောသည်။
နေပြည်တော် တိုင်းမ်ဂျာနယ် တာဝန်ခံအယ်ဒီတာ ဦးစောလင်းအောင် ကလည်း စိစစ်ရေး၏ မူဝါဒကို သိနေသောကြောင့် သတင်း ဖော်ပြရာတွင် ပြဿနာမရှိကြောင်း၊ လက်ပံတောင်းတောင် ကိစ္စကိုမူ ဖြစ်စဉ်များအပေါ် မူတည်၍ မည်သို့ ကိုင်တွယ် ဖြေရှင်းမည် ဆိုသည့် အချက်ကိုသာ ဦးစားပေးဖော်ပြသွားမည်ဖြစ်ကြောင်း ဆိုသည်။
လက်တလောတွင် ဂျာနယ်အရောင်းဆိုင်များ၌ လက်ပံတောင်းတောင် ကြေးနီစီမံကိန်း ပြဿနာများနှင့် ဆက်စပ်နေသည့် သတင်းဂျာနယ်များကို လူထု စိတ်ဝင်စားမှု များပြားနေကြောင်း၊ အစိုးရအနေဖြင့် ကြေးနီ စီမံကိန်း ကိစ္စရပ်များ အပေါ် မည်သို့ ကိုင်တွယ်ဆောင်ရွက်လျှက်ရှိကြောင်း ပါရှိသည့် သတင်းဂျာနယ်များကို ပိုမို မေးမြန်းဝယ်ယူလိုကြကြောင်း ဆူးလေ ဘုရား လမ်းပေါ်ရှိ ဂျာနယ်ဆိုင်များမှ သိရသည်။
ရန်ကုန်သို့ ရောက်ရှိနေသော BBC သတင်းဌာန၏ မြန်မာပိုင်း အယ်ဒီတာ ကိုစိုးဝင်းသန်းက “ဒီမှာရှိတဲ့ လူငယ် သတင်း ထောက်တွေက ဆင်ဆာ မရှိတော့ပေမယ့် အသားမကျသေးတော့ ထိန်းပြီး ရေးနေတာမျိုးတွေ ရှိတယ်။ သိပ်မရဲဘူး။ နည်းနည်းလေး လမ်းပွင့် လာပေမယ့် ရေးချင်တာ ရေးနေတာ ရှိသလို၊ စိုးရိမ်တာတွေလည်း ရှိနေတယ်” ဟု ပြည်တွင်း ဂျာနယ်တချို့၏ သတင်းရေးသား ဖော်ပြနေမှုများအပေါ် သုံးသပ်သည်။
လက်ပံတောင်းတောင် ကြေးနီစီမံကိန်းနှင့် ပတ်သက်၍ နိုင်ငံပိုင် သတင်းစာများအနေနှင့် လူထု သိသင့်သည့် အချက်အလက်များကို ပွင့်ပွင့်လင်းလင်းချပြရန် လိုအပ်ကြောင်း ၎င်းက ဆိုသည်။
“ဝေဖန်ဖို့ တွန့်နေတာလား၊ ညွှန်ကြားချက်ကြောင့် လားတော့ မသိဘူး၊ မီဒီယာဆိုရင် အစိုးရဖြစ်ဖြစ်၊ ပုဂ္ဂလိကဖြစ်ဖြစ်၊ အမှန်ကို ရေးဖို့လိုတယ်” ဟု သူက ဆက်ပြောသည်။
လက်ပံတောင်းတောင် သပိတ်စခန်း ဖြိုခွဲသည့် သတင်းများကို နိုင်ငံပိုင်သတင်းဌာနများတွင် ယနေ့အထိ ဖြစ်စဉ်အတိုင်း ဖော်ပြ ခြင်းမရှိဘဲ ဒုဝန်ကြီးများက လူနာများကို သွားရောက် အားပေးသည့် သတင်းနှင့် ဆရာတော်များထံမှ သြဝါဒ ခံယူသည့် သတင်း စသည့် သတင်းတချို့ကိုသာ ဖော်ပြထားကြောင်း တွေ့ရသည်။
နိုဝင်ဘာ ၂၉ ရက်နေ့က လက်ပံတောင်းတောင် သပိတ်စခန်းမှ လူထုနှင့် သံဃာတော်များကို တာဝန်ကျ ရဲတပ်ဖွဲ့က လက်နက် သုံး ဖြိုခွင်းလိုက်ရာမှ သပိတ်မှောက်သူများ မီးလောင်ဒဏ်ရာ ပြင်းထန်စွာ ရရှိခဲ့သည်။
ယခုအခါ အစိုးရက စုံစမ်းရေး ကော်မရှင်ဖွဲ့စည်း၍ ညှိနှိုင်းအစည်းအဝေး ကျင်းပနေပြီ ဖြစ်ကြောင်း ယမန်နေ့ထုတ် နိုင်ငံပိုင် သတင်းစာများတွင် ဖော်ပြထားသည်။
ယနေ့နံနက်တွင် ရန်ကုန်တိုင်းဒေသကြီး လွှတ်တော်၌ ကျင်းပသည့် လက်ပံတောင်းတောင် ကိစ္စ စုံစမ်းရေးကော်မရှင်၏ သတင်း စာရှင်းလင်းပွဲတွင် ယင်းကော်မရှင်ဥက္ကဋ္ဌ ဒေါ်အောင်ဆန်းစုကြည်က သတင်းထောက်များအား ဖြစ်ရပ်မှန်နှင့် နောက်ခံ အခင်း အကျင်းများကို သေချာစွာ စုံစမ်းပြီးမှ မှန်ကန်စွာ ရေးသားကြရန် ပြောကြားခဲ့သည်။
Ref: ဧရာဝတီ
Read More...
Collapse...
နန်းဆိုင်နွမ်
December 6, 2012
ချင်းအမျိုးသား တပ်ဦး (CNF) ကိုယ်စားလှယ် အဖွဲ့နှင့် အစိုးရ ကိုယ်စားလှယ်များ ဒုတိယအကြိမ် ပြည်ထောင်စု အဆင့် ငြိမ်းချမ်း ရေး ဆွေးနွေးပွဲကို ရန်ကုန်မြို့ရှိ Peace Center တွင် ပြုလုပ်မည် ဖြစ်ကြောင်း သိရသည်။
ဒီဇင်ဘာ ၇ ရက်နှင့် ၈ ရက်နေ့များတွင် ပြုလုပ်မည့် အဆိုပါ ဆွေးနွေးပွဲသည် ရန်ကုန်မြို့၌ ပထမဆုံးအကြိမ် ပြုလုပ်သည့် ဖြစ်ကြောင်း၊ အစိုးရနှင့် ယုံကြည်မှု တည်ဆောက်ရေး အတွက် လာရောက်ခြင်း ဖြစ်ကြောင်း CNF တွဲဖက် အတွင်းရေးမှူး ၂ ဒေါက်တာ ရွှေခါး က ဧရာဝတီသို့ ပြောသည်။
“ဒီကိုလာရောက်ဖို့က အစိုးရဘက်က လှမ်းဖိတ်လို့ပါ။ ပြည်တွင်းမှာ ဆွေးနွေးခွင့်ရတဲ့ အတွက် ၀မ်းသာပါတယ်။ တဘက်နဲ့ တဘက် ယုံကြည်မှု တည်ဆောက်ပြီး ရင်းနှီးမှုနဲ့ လွတ်လွတ်လပ်လပ် ဆွေးနွေးနိုင်မယ်လို့ ထင်ပါတယ်”ဟု ၎င်းက ဆိုသည်။
ယင်းတွေ့ဆုံပွဲတွင် အမျိုးသားရေး၊ ဖွံ့ဖြိုးရေး ကိစ္စ၊ လူမှုရေး၊ ယဉ်ကျေးမှုနှင့် စစ်ဘက်ဆိုင်ရာ ကိစ္စများ ဆွေးနွေး သွားမည် ဖြစ်ကြောင်း၊ CNF မှ ၂၁ ဦး တက်ရောက်မည်ဖြစ်ပြီး အစိုးရဘက်မှ ၁၂ ဦး တက်ရောက်မည် ဖြစ်ကြောင်း၊ CNF သည် ရန်ကုန်မြို့ရှိ လူ ထု အခြေပြု အဖွဲ့အစည်းများ၊ နိုင်ငံရေး ပါတီများ၊ ကျောင်းသား လူငယ်များ၊ ချင်းအဖွဲ့ အစည်းများနှင့် လည်း တွေ့ဆုံသွားမည်ဟု သိရသည်။
“၂၄ နှစ် ကြာမှ မြန်မာပြည်ကို ရောက်လာပြီး မိသားစုနဲ့ ပြန်တွေ့ရတဲ့အတွက် အရမ်းဝမ်းသာရပါတယ်။ ပြီးတော့ ပြည်ထောင်စု စစ်စစ် မူ ပြဌာန်းခွင့်နဲ့ ဒီမိုကရေစီရရှိရေး အတွက် ဆက်လက် လုပ်ရဦးမှာပါ။ ဒီမိုကရေစီ မရမချင်း ကျနော်တို့ မိသားစုနဲ့ ကွဲနေ ရဦးမယ်။ ဒါတွေ အားလုံးဟာလည်း မိဘပြည်သူတွေ အားလုံးလက်တွဲလုပ်မှ ရရှိမှာပါ”ဟု CNF အလုပ်အမှုဆောင် သောမတ်စ် က ဧရာဝတီ ကို ပြောသည်။
CNF သည် အိန္ဒိယ-မြန်မာ နယ်စပ် အခြေစိုက် လက်နက်ကိုင်အဖွဲ့တဖွဲ့ဖြစ်ပြီး ယခုနှစ် ဇန်န၀ါရီလ ၁၆ ရက်တွင် ချင်းပြည်နယ် ဟားခါးမြို့ ၌ အစိုးရ ငြိမ်းချမ်းရေး ကိုယ်စားလှယ်အဖွဲ့နှင့် ပဏာမသဘောတူညီချက် ၉ ချက်ကို လည်းကောင်း၊ မေလ ၇ ရက်က ပြည်ထောင်စု အဆင့် ငြိမ်းချမ်းရေး ဆွေးနွေးရေးအဖွဲ့နှင့် ဟားခါးမြို့၌ တွေ့ဆုံကာ အပစ်အခတ်ရပ်စဲရေး ပဏာမ သဘောတူညီချက် ၁၅ ချက်ကို လည်းကောင်း သဘောတူ လက်မှတ် ရေးထိုးနိုင်ခဲ့သည်။
“အရင် ဆွေးနွေးပွဲတွေတုန်းက နယ်စပ်မှာ ကျင်းပခဲ့တယ်။ အခုလို ပြည်တွင်း ရန်ကုန်မှာ လာလုပ်ရတဲ့ အတွက် အရမ်း ၀မ်း သာ တယ်။ နှစ် ၂၀ကျော် မတွေ့ရတဲ့ သူတွေကို အခုလိုတွေ့ပြီး ချင်းတိုင်းရင်းသားတွေနဲ့ စုံစုံလင်လင် ပြန်တွေ့ရတော့ အတိုင်း မသိ ၀မ်းသာပါတယ်”ဟု ရန်ကုန်အခြေစိုက် ချင်းပြည်နယ် အရပ်ဘက် အဖွဲ့အစည်းမှ David That Bik ကလည်း ဧရာဝ တီသို့ပြော သည်။
ယမန်နေ့က အိန္ဒိယနယ်စပ်မှ ရောက်လာသော အထွေထွေ အတွင်းရေးမှူး ပူကျင်ကျုံး (Pu Zing Cung)ဦးဆောင်သည့် CNF ကိုယ်စားလှယ် အဖွဲ့ဝင်များကို ရန်ကုန်မြို့ မှ လူမှုအဖွဲ့အစည်းများ၊ မိသားစုဝင်များ၊ ချင်း နိုင်ငံရေးပါတီများက ရန်ကုန် လေဆိပ်သို့ လာရောက်ကြိုဆိုခဲ့ကြ သည်။
CNF သည် ယခင် စစ်အစိုးရနှင့် ၁၉၉၇ ခုနှစ်တွင် တကြိမ် ဆွေးနွေးခဲ့ကြောင်း သိရသည်။
၁၉၈၈ ခုနှစ်တွင် စတင် ဖွဲ့စည်းခဲ့သော CNF အဖွဲ့သည် မြန်မာနိုင်ငံ၏ အင်အား အနည်းဆုံးသော လက်နက်ကိုင်အဖွဲ့ များတွင် ပါဝင်သည်။ လက်ရှိအချိန်တွင် လက်နက်ကိုင်အင်အား မည်မျှရှိသည်ကို မသိရသေးပေ။
Ref: ဧရာဝတီ
Read More...
Collapse...
စနေလင်း
December 6, 2012
တရုတ်ကုမ္ပဏီများသည် မြန်မာ အစိုးရနှင့် စာချုပ်စာတမ်းများအရ သဘောတူညီချက်ကာ လာရောက် ရင်းနှီးမြှုပ်နှံနေခြင်း ဖြစ် သောကြောင့် အစိုးရကသာ အဓိက တာဝန်ယူရမည် ဖြစ်ကြောင်း လက်ပံတောင်းတောင် ကြေးနီစီမံကိန်း စုံစမ်း စစ်ဆေးရေး ကော်မတီ ဥက္ကဋ္ဌ ဒေါ်အောင်ဆန်းစုကြည်က ယနေ့ ရန်ကုန်တိုင်းဒေသကြီး အစိုးရအဖွဲ့ရုံးတွင် ကျင်းပသော သတင်းစာရှင်းလင်း ပွဲ၌ ပြောကြားသွားသည်။
နောက်ပိုင်းတွင်လည်း တရုတ်ကုမ္ပဏီများနှင့် ပြဿနာ ဖြစ်ပွားမှု မရှိစေရန် မည်သို့လုပ်ဆောင်သင့်သည်ကို ထွက်ပေါ်လာမည့် အစီရင်ခံစာတွင် ထည့်သွင်းသွားမည်ဟု သူက ဆက်ပြောသည်။
“ဒီကိစ္စ ပထမဦးဆုံး စလာတာက ပွင့်လင်းမြင်သာမှုမရှိလို့။ အခု ဒီမိုကရေစီဘက် ဦးတည်မယ် ဆိုရင် ပွင့်လင်းမြင်သာမှု ရှိရ မယ်၊ တာဝန်ယူမှု ရှိရမယ်။ ဒီနှစ်ခုအပေါ်မှာ အခြေခံ လုပ်သွားမယ်ဆိုရင် ဒီပြဿနာတွေက ပေါ်လာမှာ မဟုတ်ပါဘူး။ ကျမတို့ရဲ့ အကြံပြုချက်တွေထဲမှာ ဒီလိုပြဿနာတွေ နောက်မရှိအောင်လို့ ဘယ်လို လုပ်သင့်တယ် ဆိုတာပါရပါလိမ့်မယ်” ဟု ဒေါ်အောင် ဆန်းစုကြည်က ဆိုသည်။
ထို့အပြင် စုံစမ်းစစ်ဆေးရေး ကော်မတီမှ လက်ပံတောင်းတောင် ကြေးနီစီမံကိန်းနှင့် ပက်သက်ပြီး ဒေသခံများ အပါအဝင် စီမံကိန်း တာဝန်ရှိ ကုမ္ပဏီ ဘက်ကပါ ညှိနှိုင်းဆွေးနွေးကာ အပေးအယူ လုပ်ရမည်ဖြစ်ကြောင်း၊ နှစ်ဘက်စလုံးမှ ပျော့ပြောင်းမှု၊ နားလည်မှု ရှိရမည်ဖြစ်ကြောင်း ၎င်းက ပြောသည်။
အပေးအယူ မရှိဘဲ၊ မဆွေးနွေး မတိုင်ပင်ဘဲနှင့် မိမိတို့ လုပ်ချင်သည်ကို လုပ်ဆောင်နေမည် ဆိုလျှင် ဒီမိုကရေစီ စိတ်ဓာတ် မဟုတ်ကြောင်း၊ မိမိတို့နိုင်ငံတွင် ဒီမိုကရေစီ စိတ်ဓာတ်ရှင်သန်စေရန် ကြိုးစား လုပ်ဆောင်သွားမည်ဖြစ်ကြောင်း သူက ဆက် ပြောသည်။
လက်ပံတောင်းတောင် သပိတ်ကို အာဏာပိုင်များက အကြမ်းဖက် ဖြိုခွင်းခဲ့မှုကြောင့် မြန်မာနိုင်ငံ တ၀န်းတွင် ဆန္ဒပြမှုများ ဆက်တိုက် ဖြစ်ပွားနေသကဲ့သို့၊ ဖမ်းဆီးအရေးယူမှုများလည်း ရှိလာကြောင်း၊ ထို့ကြောင့် ၎င်းအနေဖြင့် ထိုသို့ ဆန္ဒ ပြမှုများသည် မည်သည့်အတွက် ပြနေသည်ကို သိလိုကြောင်း မေးခွန်းထုတ်သည်။
မည်သည့်အတွက် ဆန္ဒပြကြသည်ကိုသိလျှင် ၎င်းဆန္ဒပြကြ သူများ၏ လိုအပ်ချက်၊ သဘောထားကို နားလည်မှုရှိလျှင် အဆင် ပြေစေရန် လုပ်ဆောင်နိုင်မည် ဖြစ်ကြောင်း ဒေါ်အောင်ဆန်းစုကြည်က ပြောသည်။
လက်ရှိအချိန်အထိ သပိတ်စခန်းများတွင် ဖမ်းဆီးထားသူများ မရှိသေးကြောင်း၊ ရန်ကုန်ဘက်တွင် ဖမ်းဆီးထားသူများ ရှိနေရာ ယင်းကိစ္စရပ်နှင့် ပက်သက်ပြီး စုံစမ်းထားသည်များ ရှိကြောင်း၊ ရဲတပ်ဖွဲ့နှင့်လည်း ဆက်သွယ်မှုများရှိကြောင်းနှင့် လုပ်သင့်လုပ် ထိုက်သည်ကို ဆက်လက် လုပ်သွားမည် ဖြစ်ကြောင်း သူက ဆိုသည်။
“ကျမတို့အနေနဲ့ကတော့ ဘယ်လိုပဲဖြစ်ဖြစ် တရားဥပဒေ စိုးမိုးရေးကို ဦးထိပ်ထားမယ်။ ဒါပေမယ့်လည်း နားလည်မှုနဲ့ အားလုံး အဆင်ပြေရေးကို ဦးတည်ပြီး လုပ်သွားမှာပါ” ဟု ဆိုသည်။
လက်ရှိ ဒဏ်ရာရနေသော သံဃာတော်များ၏ ဆေးရုံ မှတ်တမ်းစာအုပ်တွင် ရာဇ၀တ်မှုတံဆိပ် အတပ်ခံရမှုနှင့် ပက်သက်ပြီး သပိတ်စခန်းဖွင့်စဉ်က တရုတ်ကုမ္ပဏီဘက်က ၀န်ထမ်းတဦးကို ပြန်ပေးဆွဲသော အမှုဖြစ်ခဲ့ကြောင်း၊ ပစ္စည်းများ ပျက်စီးသည့် ကိစ္စများလည်း ဖြစ်ပေါ်ခဲ့ခြင်းကြောင့် ရဲအမှုဖွင့်ခဲ့သည်ကို သိရှိခဲ့ကြောင်း ဒေါ်အောင်ဆန်းစုကြည်က ပြောသည်။
ဆက်လက်ဖမ်းဆီးမှုများမရှိရန် မုံရွာတွင်သဘောတူညီ ခဲ့သည့်အတိုင်း မုံရွာတွင် ဆက်လက် ဖမ်းဆီးမှုများ မရှိကြောင်း သိရသည်။
လက်ရှိ ကြေးနီစီမံကိန်းသည် ၁၉၈၄ ခုနှစ် မြန်မာ့ဆိုရှယ်လစ် လမ်းစဉ်ပါတီ အစိုးရ လက်ထက်ကတည်းက စီမံကိန်းဖြစ်သော ကြောင့် မိမိ၏အမြင်တွင် နိုင်ငံ၏ ကိစ္စရပ်များကို နိုင်ငံသူ နိုင်ငံသားအားလုံးက သက်ဆိုင်သည့် စိတ်ဓာတ်ထားစေချင် ကြောင်း၊ အခွင့်အရေးတခုတည်းကို ကြည့်၍မရကြောင်း ဒေါ်အောင်ဆန်းစုကြည်က ပြောသည်။
မည်သည့်အစိုးရက လုပ်ခဲ့သည့်အတွက် မိမိနှင့်မသက်ဆိုင် ဆိုသော စိတ်ဓာတ်မထားသင့်ကြောင်း၊ နိုင်ငံသူ နိုင်ငံသားများ၏ အခွင့်အရေးကို လိုချင်လျှင် နိုင်ငံသူ နိုင်ငံသားများ၏ တာဝန်ကို ထမ်းဆောင်ရန် ၀န်မလေးသင့်ကြောင်း ၎င်းက ဆက်ပြော သည်။
လက်ပံတောင်းတောင် ကြေးနီစီမံကိန်း အလုပ်များသည် မည်သည့် ပုံစံမျိုးဖြင့် လုပ်နေသည်၊ အသုံးပြုနေသော နည်းပညာများ သည် အကောင်းဆုံးပုံစံမျိုးဖြင့် လုပ်နေခြင်းရှိမရှိ၊ ပတ်ဝန်းကျင် ထိန်းသိမ်းရေးအမြင်များနှင့် ကိုက်ညီမှုရှိမရှိ၊ သပိတ်စခန်း များကို ဖြိုခွဲမှုများ စသည့်ကိစ္စရပ်များကို အစိုးဘက်နှင့် လုံးဝ ပါဝင်စိစစ်သွားမည် မဟုတ်ဘဲ ပြင်ပ ပညာရှင်များနှင့်သာ စုံစမ်းစစ်ဆေး သွားမည်ဖြစ်ကြောင်း သိရသည်။
သို့ရာတွင် စုံစမ်းစစ်ဆေးရေး ကော်မတီမှ ထွက်ပေါ်လာမည့် အဖြေသည် ပြည်သူအားလုံး ကျေနပ်သော အဖြေ ဖြစ်လာနိုင် မည် မဟုတ်ကြောင်း၊ ကော်မရှင်၏ ရည်ရွယ်ချက်သည် အမှန်တရားကို ဖော်ထုတ်ရန်သာ ဖြစ်ကြောင်း ဒေါ်အောင်ဆန်း စုကြည်က ဆိုသည်။
“အကြံပြုချက်တွေ ပေးတဲ့အခါ နိုင်ငံရဲ့ ရေရှည်အကျိုးစီးပွား၊ ပြည်သူတွေရဲ့ ရေရှည်အကျိုးစီးပွားနဲ့ ဒီမိုကရေစီ ခိုင်မာရေးရဲ့ အကျိုး စီးပွားတွေကို ကြည့်ပြီးတော့ လုပ်ပါ့မယ်။ မြင်ရင်မြင်တဲ့အတိုင်း အဖြေကို တင်ပြပါ့မယ်။ အဖြစ်ကို အဖြစ် အတိုင်း ကျမတို့ တင်ပြမှာပဲ။ အဲဒါကို ကျေနပ်တဲ့လူကလည်း ရှိမယ်၊ မကျေနပ်တဲ့လူကလည်း ရှိမယ်” ဟု သူက ပြောသည်။
ကော်မရှင်၏တာဝန်က အမှန်တရားကိုဖော်ထုတ်ရန်နှင့် အဆိုပါအမှန်တရားကိုအခြေခံပြီး နိုင်ငံအကျိုး၊ တိုင်းသူပြည်သား များအကျိုးအတွက် အကောင်းဆုံးဖြစ်မည့် အကြံပြုချက်များကို မှန်မှန်ကန်ကန် ရဲရဲဝံ့ဝံ့ တင်ပြရန်သာ ဦးတည်သွားမည် ဖြစ်ကြောင်း ဒေါ်အောင်ဆန်းစုကြည်က ရှင်းပြသည်။
သပိတ်စခန်းကို ဖြိုခွဲခဲ့မှုနှင့် ပက်သက်ပြီး ရဲများအနေဖြင့် အထက်မှ အမိန့် ပေးသောကြောင့်ဟု ပြောဆိုမှုများ ရှိနေကြောင်း၊ ယခုအချိန်တွင် မည်သူ့ကိုမျှ အပြစ်မဖို့ လိုကြောင်း၊ စုံစမ်းစစ်ဆေးရေးတွင် တိတိကျကျ အဖြေမပေါ်မခြင်း မည်သူ့တွင် တာဝန် ရှိသည်ကို မပြောချင်သေးကြောင်း ၎င်းက ဆိုသည်။
“ဟိုလူ့ကိုအပြစ်ဖို့သလို၊ ဒီလူ့ကို အပြစ်ဖို့သလို ဖြစ်နေမှာစိုးလို့ပါ။ ဘာပဲဖြစ်ဖြစ် ဒီအချိန်မှာ ဘယ်သူ့မှ အပြစ်မရှိဘူးလို့ တရား ဥပဒေရဲ့ သဘောတရားအရ သတ်မှတ်မယ်။ စုံစမ်းလို့ သက်သေစုံလင် ရင်တော့ ဘယ်သူ့မှာ အပြစ်ရှိတယ် ဆိုတာ မြင်ရင် မြင်သလို ဖော်ပြပါ့မယ်” ဟု ဒေါ်အောင်ဆန်းစုကြည်က ရှင်းလင်းပြောကြားသည်။
ယခုဖြစ်ပျက်ခဲ့သော အခြေအနေများသည် နောက်ကြောင်းပြန်လှည့်နိုင်သည်၊ မလှည့်နိုင်သည်က နိုင်ငံသူနိုင်ငံသားများ အားလုံး၏ လက်ထဲတွင်သာ ရှိကြောင်းလည်း သူက ပြောသည်။
ကော်မရှင်အနေဖြင့် မီးလောင်မှုများနှင့် ပက်သက်ပြီး သက်သေခံ ပစ္စည်းတချို့ကို ရထားကြောင်း၊ နောက်ထပ်ရရှိရန် စုဆောင်း နေဆဲ ဖြစ်ကြောင်းနှင့် တတ်နိုင်သမျှ ထပ်မံရရှိရန် ကြိုးစားနေသကဲ့သို့ ရရှိပြီးဖြစ်သော ပစ္စည်းများကို အခြေပြုကာ ပညာရှင် များနှင့် အဖြေထုတ်သွားမည်ဟု သိရသည်။
ထိုလက်နက်များသည် တရုတ်နိုင်ငံမှ ထုတ်လုပ်ခြင်း ဟုတ်မဟုတ်ကို စုံစမ်းဆဲကာလ ဖြစ်သောကြောင့် အဖြေမပေးနိုင် သေး ကြောင်း ဒေါ်အောင်ဆန်းစုကြည်က ပြောသည်။ ကျွမ်းကျင်သူများသာ မည်သည့်ဒေသက လာသည်၊ မည်သည့် အခြေအနေ ရှိသည်ကို ပြောနိုင်မည် ဖြစ်ပြီး အဖြေထွက်လာလျှင် သိနိုင်မည်ဖြစ်ကြောင်း ဒေါ်အောင်ဆန်းစုကြည်က ရှင်းပြသည်။
လက်ပံတောင်းတောင် ကြေးနီစီမံကိန်းနှင့် ပက်သက်ပြီး ဗိုလ်ချုပ်ဟောင်းများ ပါဝင်သော ဦးပိုင်ကုမ္ပဏီက အဓိက ပါဝင်နေ သောကြောင့် စုံစမ်းစစ်ဆေးမှုများတွင် အခက်အခဲ ဖြစ်နိုင်မည်မဟုတ်ကြောင်း သူက ဆိုသည်။
“ဗိုလ်ချုပ်ဟောင်းတွေရဲ့စီးပွားရေးပါနေလို့ ခက်ခဲတာမျိုး လုံးဝမရှိနိုင်ပါဘူး။ တွေ့ရှိချက်ကို တွေ့ရှိချက် အတိုင်းပဲ ဖော်ထုတ် မှာပါ။ ဘယ်သူ့ကိုမှ ကာကွယ်ဖို့လည်း မဟုတ်ဘူး။ ဘယ်သူ့ကိုမှလည်းမြှောက်စားဖို့ မဟုတ်ဘူး” ဟု ၎င်းက ပြောသွားသည်။
Ref: ဧရာဝတီ
Read More...
Collapse...
လဖိုင်
December 6, 2012
ဒေါ်အောင်ဆန်းစုကြည် လက်ပံတောင်းတောင်ကို နိုဝင်ဘာ ၂၉ ရက်နေ့ သွားမယ်ဆိုတဲ့ သတင်းကြောင့် ရန်ကုန်ကနေ နိုဝင်ဘာ ၂၈ ရက်နေ့ညကတည်းက ဟိုင်းဝေးကားနဲ့ ထွက်သွားခဲ့တယ်။ ည ၈ နာရီထွက်တဲ့ ကားက နောက်တနေ့ မနက် ၆ နာရီခွဲလောက် မုံရွာကားဂိတ်ကို ရောက်ပါတယ်။ ရောက်ပြီး မကြာခင်မှာ ရန်ကုန်က သတင်းလှမ်းပို့တယ်၊ နိုဝင်ဘာ ၂၉ ရက် မနက် ၃ နာရီမှာ သပိတ်စခန်းတွေ အပြောင် ရှင်းလိုက်ပြီတဲ့။
မုံရွာ အမျိုးသားဒီမိုကရေစီ အဖွဲ့ချုပ် (NLD) ကို ဆက်သွယ်တော့ လူတွေ မအားပါဘူး၊ လူနာသယ်နေရတယ်လို့ ဆိုပါတယ်။ မနက် ၆ နာရီခွဲမှာပဲ ဆေးရုံမှာ ဒဏ်ရာရ သံဃာ အပါး ၂၀ ရောက်နေပြီလို့ ပြောပါတယ်။ ဒါနဲ့ပဲ မီးလောင်ခဲ့တဲ့ နေရာမှာ အကြွင်းအကျန်လေးများ ဓာတ်ပုံရိုက်လို့ရမလားဆိုပြီး လက်ပံတောင်းတောင်ကို ဆိုက်ကယ်နဲ့ သွားလိုက်ပါတယ်။
အစကတော့ ဆေးရုံကို သွားရင်း မြို့ကနာရေးကူညီမူကား နောက်ကနေပဲ ကပ်လိုက်သွားပါတယ်။ လမ်းတဘက်တချက်က တမာပင်တွေကြောင့် မုံရွာက တော်တော်လေး သာယာအေးဆေးတာ တွေ့ရတယ်။ ၀မ်ပေါင် ကုမ္ပဏီနားက လမ်းဆုံမှာတော့ ရဲတွေက သံဆူးကြိုးကာပြီး သွားလာခွင့်ကို ပိတ်လိုက်ပြီ။ မနက်စောစောပိုင်းမှာ ကိုနေမျိုးဇင်တို့ အဖွဲ့၊ AFP သတင်းဌာနက ဓာတ်ပုံဆရာနဲ့၊ တခြားမီဒီယာတွေ ရောက်နှင့်နေပြီး အထဲကိုဝင်ဖို့ လုပ်တာကို ရဲတွေက တားဆီးနေကြပါတယ်။ ဗိုလ်ကြီးဟောင်း ကိုနေမျိုးဇင်က ပြည်သူ့ဝန်ထမ်းတွေရှိသင့်တဲ့ စိတ်သဘောထားမျိုး ရဲဝန်ထမ်းတွေကို ပြောပြနေတော့ ဒုရဲအုပ် တယောက်က “စစ်ဗိုလ်ဟောင်းလည်း *** ခံလေ” ဆိုပြီး ရိုင်းရိုင်းစိုင်းစိုင်း ပြောလို့ ပွဲဆူကုန်ပါတယ်။
နောက်တော့ မုံရွာခရိုင် ဒုတိယ ရဲမှူးကြီးတင်ဝင်းက “ကျနော်တို့က လုံခြုံရေးအတွက်လုပ်တာပါ၊ မီးလောင်ဗုံး မသုံးရပါဘူး၊ သစ္စာ ဆိုရဲပါတယ်” လို့ ငြင်းချက် ထုတ်ပါတယ်။ သူပြောနေတုန်းပဲ မီးလောင်ခံရတဲ့ သပိတ်စခန်း ခေါင်းဆောင်က ထပြီး မီးရှို့တာတွေ၊ ရဲဝင်ရိုက်တာတွေကို အစအဆုံး သူမြင်တဲ့အတိုင်း ပြောပြလို့ လူတွေ အုံသွားပါတယ်။ ခဏနေတော့ NLD လွှတ်တော်အမတ် ဒေါ်ခင်စန်းလှိုင် ရောက်လာပြီး အထဲက အခြေအနေတွေကို ကြည့်ဖို့ ၀င်ခွင့်တောင်းခဲ့ပေမယ့် သူလည်း ၀င်ခွင့်မရပါဘူး။
မကြာဘူး မုံရွာဘက်က နာရေးကားတွေ တစီးပြီးတစီး ခေါက်တုန့် ခေါက်ပြန် လူနာ သယ်ကြပါတော့တယ်။ အကျော်၊ ဖောင်းကား စတဲ့ ရွာတွေထဲမှာ ပုန်းနေတဲ့ သံဃာတွေလည်း အဲဒီအချိန်ကျမှ ဆေးရုံရောက်ပါတယ်။
ဘုန်းကြီးကျောင်းတွေမှာ ပုံထားတဲ့ သင်္ကန်းတွေလည်း မီးလောင်ရာတွေနဲ့ ပြည့်နေတယ်။ ဖောင်းကားတောင်ဘက်က ဘုန်းကြီးကျောင်းထဲ ၀င်ပြေးသူတွေကို ရဲတွေက လိုက်ဖမ်းပေမယ့် ရွာသူရွာသားတွေက ရွံ့တွေ၊ အမှိုက်တွေနဲ့ ပြန်လည် ပစ်ခတ်လို့ ရဲတွေ လိုက်မလာတော့ဘူးလို့ ဖောင်းကား အလယ်က ဘုန်းကြီးကျောင်း တကျောင်းမှာ ပုန်းနေတဲ့ ၀က်မှေးရွာသားတွေက ပြောပြတယ်။
ဝမ်ပေါင်ဂိတ်ရှေ့ သပိတ်စခန်းက ကိုဝင့်ကျော့မှူးကိုလည်း ဖမ်းဆီးဖို့ ကြိုးစားခဲ့ပြီး ရိုက်နှက်တာတွေခံခဲ့ရတယ်လို့ သိရတယ်။
“သူတို့က လုံခြုံရေးစည်းကို ၄ ယောက်လောက် ကျော်လာပြီးဖမ်းတာ။ ရိုက်လည်းရိုက်၊ ဆွဲလည်းဆွဲပေါ့။ ကျနော်က အော်ပြီး ရုန်းရင်း ပြေးတော့ လွတ်လာပါတယ်။ ၅ ချက်လောက်တော့ အရိုက်ခံလိုက်ရတယ်။ အရိုက်ထက် ဖမ်းဖို့ကို စိတ်သာနေလို့ နည်းနည်း သက်သာရတယ်” လို့ ကိုဝင့်ကျော့မှူးက ရှင်းပြတယ်။
မနက်ပိုင်းမှာ ရုန်းရင်းဆန်ခတ် ဖြစ်ပျက်ခဲ့ပြီး အဲဒီနေ့ ညပိုင်း ဒေါ်အောင်ဆန်းစုကြည် အလာမှာ ဘာဆုံးဖြတ်မယ် ဆိုတာကို စောင့်နေကြတာကြောင့် သပိတ်လှန်၊ မလှန် ဆုံးဖြတ်ချက်မချနိုင်ဘဲ တကွဲတပြား ဖြစ်နေကြတာ တွေ့ရတယ်။
ဒေါ်အောင်ဆန်းစုကြည်က နေ့လယ် ၁ နာရီ ကံကုန်းရွာထိပ်မှာ ဟောပြောမယ် ဆိုတာကြောင့် NLD ပါတီဝင်တွေ နေရာ ထိုင်ခင်း ပြင်ဆင်နေကြတယ်။ လူနာသယ်တဲ့သူက သယ်၊ သတင်းထောက်တွေလည်း ဟိုလျှောက်၊ သည်လျှောက်နဲ့ ၀မ်ပေါင် ကုမ္ပဏီရှေ့က မုံရွာ – ပုသိမ် – ကလေးဝ လမ်းဟာ စည်ကားနေပါတယ်။
ဒေါ်အောင်ဆန်းစုကြည်ကို မမြင်ဖူးကြတဲ့ လမ်းတလျှောက်က ရွာသားတွေကလည်း အလံကိုင်တဲ့ သူကိုင်၊ လမ်းလျှောက်ပြီး ဟောပြောပွဲ နေရာ သွားတဲ့သူသွားနဲ့ တဖြည်းဖြည်း လမ်းပေါ်မှာ လူတွေပြည့်လာပါတယ်။
“ဒေါ်အောင်ဆန်းစုကြည် ၁ နာရီမှာ ဟောမယ်ဆိုလို့ မနက် ၁၀ နာရီ လောက်ကတည်းက ထွက်လာတာ” လို့ ကံကုန်းရွာသူ တယောက်က ပြောပါတယ်။
ထော်လာဂျီ၊ ဆိုင်ကယ် ရရာယဉ်တွေနဲ့ ဟောပြောမယ့် နေရာဆီကို လူတွေ တဖွဲဖွဲ လာနေကြပါပြီ။ မုံရွာ၊ ယင်းမာပင်၊ ဆားလင်းကြီး၊ ဒီပဲယင်း၊ ပုခုက္ကူ၊ မြင်းခြံ မြို့နယ်တွေက NLD ပါတီ ၀င်တွေကတော့ ကားကြီး ကားငယ်တွေနဲ့ ရောက်လာ နေကြပါတယ်။ မုံရွာဘက်မှာလည်း လူတွေက အုတ်အုတ်ကျက်ကျက်၊ ဟောပြောမယ့် နေရာမှာလည်း လူတွေစုစုနဲ့ပါ။
ဟောပြောမယ့် စင်ကတော့ လက်ပံတောင်းတောင်ကို မျက်နှာမူထားပြီး ကြေးစင်တောင်ကို နောက်ခံပြုလို့ ဆောက်ထား ပါတယ်။ မွန်းတည့် ၁၂ နာရီလောက်မှာတော့ ကွင်းထဲမှာ လူတွေနဲ့အပြည့် ဖြစ်နေပါပြီ။
နေရာပျောက်မှာစိုးလို့ ရေအိမ်တောင် မသွားရဲသူတွေ၊ ဗိုက်ဆာပေမယ့် ကြိတ်ခံသူတွေရဲ့ အသံတွေကို အဆိုတော် လားရှိုး သိန်းအောင်ရဲ့ “အမေစု နောက်က လိုက်ကြစို့” ဆိုတဲ့ သီချင်းသံက ဖုံးလွှမ်းနေပါတယ်။ ၁ နာရီလာမယ်ဆိုပေမယ့် တ ကယ်တမ်း ဒေါ်အောင်ဆန်းစုကြည် ရောက်တော့ ညနေ ၆ နာရီ ထိုးပါတော့မယ်။ ပရိသတ်ကို ဟောပြောတာ မလုပ်ခင် ၀မ်ပေါင်က တာဝန်ရှိသူတွေနဲ့ သွားစကားပြောလာတယ်လို့ သိရတယ်။
ဒေါ်အောင်ဆန်းစုကြည်က ပရိသတ်ကို မိနစ် ၂၀ လောက် စကားပြောရာမှာ သူဟာ ပြည်သူအကြိုက်လိုက်တဲ့ နိုင်ငံရေးသမား မဟုတ်ကြောင်း၊ ရေရှည်အကျိုးကို ကြည့်ပြီး ဆောင်ရွက်မယ့် သူ့လုပ်ရပ်တွေအပေါ် မကြိုက်ရင် မကြိုက်တဲ့အကြောင်း ပြောနိုင် ကြောင်း၊ တနိုင်ငံလုံး တိုးတက်အောင် အားလုံး တက်ညီလက်ညီလုပ်ဖို့လိုကြောင်း၊ အများအကျိုးအတွက် တခါတရံ ကိုယ့်အကျိုး ကို နောက်ပို့ထားရမှာဖြစ်ကြောင်း၊ လက်ရှိ ပြဿနာကို သိက္ခာရှိရှိ ဖြေရှင်းချင်ကြောင်း၊ အဲဒီလိုဖြေရှင်းဖို့ ပြည်သူတွေက ထောက် ခံဖို့ လိုကြောင်းတွေကို ပြောသွားပါတယ်။
သူ့ ဟောပြောပွဲ အပြီးမှာတော့ လာနားထောင်တဲ့ ကံကုန်းရွာသူတွေကို ဒေါ်အောင်ဆန်းစုကြည်က တရုတ်တွေကို စီမံကိန်း ဆက်လုပ်ခွင့် ပေးမယ်ဆိုရင်ရောလို့ မေးတော့ “အမေစု ကောင်းမယ်ထင်လို့ ဆုံးဖြတ်တာမို့ လက်ခံမှာပါ” လို့ ပြန်ဖြေကြတယ်။
နောက်တော့ ဒေါ်အောင်ဆန်းစုကြည် တည်းခိုတဲ့ ၀င်းယူနတီဟိုတယ်မှာ မီးလောင်ခံရတဲ့ ရွာသူတွေ၊ သပိတ်စခန်းက လူတွေနဲ့ စကားပြောပါတယ်။
“ဒီဖြစ်စဉ်တွေကို အမေစုကပဲ အကောင်းဆုံး လုပ်ပေးနိုင်မယ်လို့ ယုံကြည်ထားတယ်။ အမေစုပါလာတော့ အားရှိတာပေါ့။ ဒီလိုစီမံကိန်းမျိုး မရှိသင့်ဘူး၊ ဖျက်သိမ်းသင့်တယ်။ ကျမတို့ သပိတ်ကတော့ ဘယ်တော့မှမလှန်ဘူး စီမံကိန်းကြီး ဖျက်သိမ်းပြီးမှ သပိတ်လှန်ပါမယ်။ အားလုံးညှိနှိုင်းပြီးမှ သိပိတ်ပြန်စမှာပါ။ လယ်တီဆရာတော်က ဒီပနီကျမ်းကို အဲဒီ စီမံကိန်း နေရာမှာ ရေးသွားတာ၊ အခိုင်အမာ သက်သေရှိပါတယ်။ ဒီလို မတရားတာကြီးကို ကျမတို့သာ ငုံ့ခံခဲ့မယ်ဆိုရင် သားစဉ်မြေးဆက် သွားရော” လို့ သပိတ်ကို ခေါင်းဆောင်သူ တဦးဖြစ်တဲ့ မသွဲ့သွဲ့ဝင်းက ပြောပါတယ်။ မသွဲ့သွဲ့ဝင်းရဲ့ ညီမ မဖြူဖြူဝင်းလည်း မျက်နှာနဲ့ လက်မောင်းတွေမှာ မီးလောင်ဒဏ်ရာ ရနေပြီး တနေ့လုံး ပုန်းနေရတယ်လို့ သိရတယ်။
သပိတ်စခန်းက လူတွေနဲ့တွေ့ပြီးချိန်မှာ ဒေါ်အောင်ဆန်းစုကြည်က မီးလောင်ထားတဲ့ သံဃာတွေကို သွားဖူးတွေ့ပါတယ်။ နောက်တနေ့ နိုဝင်ဘာ ၃၀ မနက် ၈ နာရီမှာ မုံရွာ အောက်ဇက်ဆိပ် သောင်ပြင်မှာ ဟောပြောပွဲလုပ်ဖို့ စီစဉ်ထားပါတယ်။
အစီအစဉ် အသေအချာမသိရဘဲ အချိန် အနားကပ်မှ သိရတော့ လူတွေ အပြေးအလွှား သွားကြည့်ကြပါတယ်။ သောင်ပြင် အပြည့် လူတွေပါပဲ။ သောင်ပြင်ကနေ ကြည့်ရင်တော့ လက်ပံတောင်းတောင်ကို မြင်နေရပါတယ်။ အဲဒီမှာတော့ ဒေါ်အောင် ဆန်းစုကြည်စုက မီးလောင်ခံခဲ့ရတဲ့ ကိုယ်တော်တွေ အကြောင်း အပါအ၀င် မြန်မာနိုင်ငံဟာ အိမ်နီးချင်း နိုင်ငံတွေနဲ့ အဆင် ပြေအောင် နေရမယ့်အကြောင်း၊ ကမ္ဘာတည်သရွေ့ အိမ်နီးချင်းတွေနဲ့ နေသွားရမှာ ဖြစ်တဲ့အကြောင်း၊ အိမ်နီးချင်းနဲ့ မတည့်လို့ လင်မယားများ ကွဲကြသလို ကွဲလို့မရကြောင်း၊ အာဏာရှင်လက်ထက်က ပြည်သူ့ဆန္ဒမပါဘဲ ပေးထားတဲ့ ကတိတွေ ဆိုပေမယ့် သိက္ခာရှိတဲ့ နိုင်ငံသားများ ဖြစ်ရေးအတွက် နှစ်နိုင်ငံ သဘောတူညီချက်တွေကိုတော့ လေးစားရမှာ ဖြစ်ကြောင်း ပြောသွားပါတယ်။
မိန့်ခွန်း အပြီးမှာ အောက်ကပရိသတ်က “သတ္ထုတွင်း ၀န်ကြီးရိုရှိသားနဲ့ ဘာလို့ ဦးပိုင်က ဒီလုပ်ငန်းတွေကို ၀င်ကိုင်နေရသလဲ” လို့ မေးခွန်းထုတ်တော့ ဒေါ်အောင်ဆန်းစုကြည်က “ဒီကိစ္စနဲ့ ပတ်သက်လို့ ကျမ ရှင်းရှင်းလင်းလင်း ပြောပါမယ်” လို့ ဆိုပါတယ်။
ဦးပိုင်ကုမ္ပဏီ ဆိုတာက စစ်တပ်နဲ့ ဆက်စပ်နေတယ်ဆိုတာ အများအသိဖြစ်ကြောင်း၊ တပ်မတော်ဟာ မြန်မာနိုင်ငံနဲ့ ဆက်စပ် နေကြောင်း သူက ရှင်းပြပါတယ်။
“တချို့က ကျမ အနေနဲ့ တပ်မတော်အပေါ်မှာ မေတ္တာထားတယ် ဆိုရင် မကြိုက်ကြပါဘူး။ မတတ်နိုင်ဘူး။ ထားတာက ထားတာပဲ။ ဒါကတော့ ကျမ အမှန်အတိုင်း ပြောတာပဲ။ ဘာဖြစ်လို့လဲ ဆိုတော့ ကျမက ငယ်ငယ်ကတည်းက ဖေဖေ့သမီး အနေနဲ့ ကြီးလာတာကိုး။ တပ်မတော်အပေါ်မှာ မေတ္တာမထားဘဲနဲ့ကို မနေတတ်ဘူး။ ငယ်ငယ်ကတည်းက၊ မွေးကတည်းက တပ်မတော်အပေါ်မှာ မေတ္တာထားဖို့ သင်ခဲ့ရတော့ မေတ္တာကတော့ ဘယ်လိုမှ မပျောက်ကွယ် သွားနိုင်ဘူး။ လုပ်တဲ့ ကိစ္စတွေ ကိုတော့ ကျမ မကြိုက်ဘူးပေါ့။ အထူးသဖြင့် ကျမအပေါ်မှာလုပ်တာလည်း မကြိုက်ဘူး။ ပြည်သူအပေါ်မှာ လုပ်တာလည်း မကြိုက်ဘူး။ မကြိုက်သော်လည်း မေတ္တာတော့ မပျက်ပါဘူး” လို့ ဒေါ်အောင်ဆန်းစုကြည်က ဆက်ပြောတယ်။
ဦးပိုင် လီမိတက် ဆိုတာ တပ်မတော်နဲ့ ဆက်စပ်နေတာ ဖြစ်တဲ့အတွက် ဒီကိစ္စတွေကို ချဉ်းကပ်တဲ့အခါမှာ သဘောထား ကြီးကြီးနဲ့၊ အမျိုးသား ရင်ကြားစေ့ရေးကို ဦးတည်ပြီးတော့ ချဉ်းကပ်မှာ ဖြစ်တဲ့အကြောင်းလည်း သူက ဆိုပါတယ်။
“မသိချင်ယောင်တော့ ဆောင်မနေပါဘူး။ မေးသင့်တာတွေတော့ ကျမ မေးမှာပါ။ ဒါပေမယ့် မေးတယ် ဆိုတာဟာ ကောင်းတဲ့ အဖြေတခုကို လိုချင်လို့ မေးခွန်းမေးတာပါ။ ဖြေလိုက်တဲ့ အဖြေကို ပြောတာမဟုတ်ဘူး။ ဖြေလိုက်တဲ့ အဖြေအပေါ်မှာ အခြေခံပြီး ဘယ်လို အကောင်းဆုံး ဖြစ်နိုင်မလဲ ဆိုတာကို လုပ်ဖို့ ကျမတို့ ရည်ရွယ်တာပါ။ ဥိးပိုင်က တာဝန်ခံတွေနဲ့လည်း တွေ့ဆုံဖို့ ရှိပါ တယ်။ ကျမ ပွင့်ပွင့်လင်းလင်းပဲ မေးလိုက်မယ်၊ ပြည်သူကတော့ ဒီလိုမေးနေတယ်၊ ကျမ ဘယ်လို ဖြေရမလဲလို့” ဆိုပြီး လူထုရဲ့ အမေးကို ဒေါ်အောင်ဆန်းစုကြည်က ဖြေပါတယ်။
သူ အဲဒီလိုဖြေလိုက်တာကို တချို့က သိပ်မကျေနပ်ချင်ပေမယ့် တချို့ကတော့ လက်ဝါးတွေ နီရဲလာတဲ့အထိ လက်ခုပ်တီးကြပါတယ်။
နောက်တော့ ၀င်းယူနတီ ဟိုတယ်မှာပဲ ရွာသားတွေနဲ့ ဒေါ်အောင်ဆန်းစုကြည် တခါပြန်တွေ့ပါတယ်။ ဒီတခါတော့ ရွာသား ၂၀ လောက်ပါပြီး ကံကုန်း၊ ဇီးတော၊ ဆည်တည်း၊ ၀က်မှေး စတဲ့ စီမံကိန်းနဲ့ ပတ်သက်တဲ့ ရွာတွေက လူတွေနဲ့ တွေ့တာပါ။ လူရွေး တာကို NLD က လုပ်ပါတယ်။ မနေ့ညက တွေ့ခွင့်ရတဲ့ မီးလောင်ဒဏ်ရာနဲ့ မဖြူဖြူဝင်းက စာရင်းမှာ မပါလို့ မတွေ့ရပါဘူး။ ဟိုတယ် အပြင်မှာလည်း ပရိတ်သတ်တွေ ၀ိုင်းအုံနေပါတယ်။ ဒေါ်အောင်ဆန်းစုကြည်ကို တွေ့ချင်လို့ လာကြည့်တဲ့ မုံရွာမြို့ခံတွေ လည်း ပါပါတယ်။ သပိတ်နှိမ်နင်းတဲ့ ဖြစ်စဉ်ကို ကောင်းကောင်း မသိတဲ့ မြို့သားတွေလည်း အများကြီးပါပါတယ်။
မီးက ဘယ်လိုလောင်တာ၊ ဘယ်လိုဖြစ်တာ စသည်ဖြင့် အထဲမ၀င်ရတဲ့ မဖြူဖြူဝင်းက အစအဆုံး ရှင်းပြနေတယ်။ အဲဒီအချိန်ကျမှ မုံရွာ မြို့သားတွေလည်း ဇာတ်ရည်လည်ပြီး အံ့သြနေတာ တွေ့ရတယ်။
မုံရွာမြို့သားတယောက်ကတော့ “သပိတ်မှောက်တဲ့ သံဃာတွေဟာ ဆန္ဒစောတယ်” လို့ ပြောနေတယ်။
ရွာသားတွေနဲ့ ဒေါ်အောင်ဆန်းစုကြည် တွေ့နေချိန်မှာ မီဒီယာတွေက ဟိုတယ်ပြင်က စောင့်ရပါတယ်။ ဒါပေမယ့် BBC, AP, New York Times စတဲ့ နိုင်ငံခြားသတင်းထောက်တွေက အထဲရောက်နေလို့ အပြင်မှာ ဆူကြရာကနေ မီဒီယာအားလုံးကို ပေးဝင်လိုက်ပါတယ်။ အဲဒီနောက်မှာတော့ ထွက်လာတဲ့ရွာသားတွေကို စောင့်ပြီး သတင်းသမားတွေ ဝိုင်းမေးကြပါတော့တယ်။ အားလုံးကတော့ “အမေစု” (ဒေါ်အောင်ဆန်းစုကြည်) ဆုံးဖြတ်တာကို လက်ခံမယ်လို့ပဲ ပြောကြပါတယ်။
မသွဲ့သွဲ့ဝင်းကလည်း “အမေစု ဆုံးဖြတ်တဲ့အတိုင်း လိုက်နာမှာပါလို့ ပြောပါတယ်။ သပိတ်ကိုလည်း ခဏဆိုင်းထားပါမယ်” ဆိုပြီး မီဒီယာများကို ဟိုတယ်မှာ ပြောပါတယ်။
နောက်တော့ ဒေါ်အောင်းဆန်းစုကြည်က သတင်းစာရှင်းလင်းပွဲ လုပ်ပြီး စုံစမ်းရေး ကော်မရှင် ဖွဲ့မယ့်အကြောင်း၊ ရှေ့ဆက်လုပ်မယ့် အကြောင်းအရာတွေကို ပြောသွားပြီး ရန်ကုန်ပြန်ဆင်း သွားပါတယ်။
ဒီဇင်ဘာ ၁ ရက်နေ့ မနက် ၁၁ နာရီ လောက်မှာ ၈၈ မျိုးဆက် ကျောင်းသားတွေ မုံရွာကို ရောက်လာပါတယ်။ နေ့လယ် မှာတော့ စစ်ကိုင်းတိုင်း ရဲမှူးကြီးက မုံရွာမြို့ပေါ် ကျောင်းတိုက်အသီးသီးက ဆရာတော်အပါး ၂၀ ကို ဖိတ်ကြားပြီး လှူဖွယ် ပစ္စည်းကပ်၊ သြ၀ါဒ ခံယူဖို့ စီစဉ်ထားတယ်လို့ သိရပါတယ်။ နေ့လယ် ၁ နာရီ ပွဲစမယ်ဆိုပြီး ကြေညာထားပါတယ်။ မုံရွာလူထု ကလည်း အဲဒီပွဲကို တန်ပြန်ရှုတ်ချပွဲ လုပ်ဖို့ စီစဉ်ထားတယ်ဆိုပြီးလည်း သတင်း ကြားနေရပါတယ်။
နေ့လယ် ၁ နာရီကတည်းက ရဲတပ်ဖွဲ့ဝင်တွေ တဖွဲဖွဲ ရောက်လာပါတယ်။ သတင်းသမားတွေလည်း အမြောက်အများပါပဲ။ ၁ နာရီဆိုလို့ စောင့်နေပေမယ့် ဆရာတော်တွေက နေ့လယ် ၂ နာရီအထိ ကြွမလာပါဘူး။ ၂ နာရီ ကျော်မှ သံဃာတော် ၁၀ ပါးပဲကြွလို့ ကြွလာတဲ့ ကိုယ်တော်တွေနဲ့ပဲ ပွဲစပါတယ်။ ပွဲမစခင် အထွေထွေအုပ်ချုပ်ရေးဌာနမှ အရာကြီးတဦးက “SkyNet ရော၊ SkyNet ရောက်ပြီလား” ဆိုပြီး အပူတပြင်းရှာဖွေတာ တွေ့ရတယ်။ ခဏနေတော့ SkyNet ရုပ်သံက ကင်မရာ သမား တွေကို တွေ့သွားပြီး သံဃာတော်တွေ ကြွလာတာက စလို့ အမိအရ ရိုက်ကူးစေပါတယ်။ ပြီးတော့မှ စစ်ကိုင်းတိုင်း ရဲမှူးကြီး ဦးစန်းယုက အသင့်ယူလာတဲ့ စာကိုဖတ်ပြပြီး ဆရာတော်တွေကို အကျိုးအကြောင်း လျှောက်ထားပါတယ်။
မီးခိုးဗုံး၊ မီးသတ်ပိုက်တွေသာ သုံးပြီး တတ်နိုင်သမျှ အင်အားအနည်းဆုံးနဲ့ ထိခိုက်မှု မရှိရအောင် ဆောင်ရွက် ပါတယ်လို့ ပြောတော့ သြ၀ါဒ ခံယူပွဲ လာဝင်ကြည့်တဲ့ ပရိသတ်တွေက “လူလိမ်တွေဟေ့ … ညာနေတာတွေ” လို့ ကြိုကြား ကြိုကြား အော်ကြပါတယ်။ မဟာဇောတိက ကျောင်းတိုက်က ဆရာတော်ကို သြ၀ါဒ ချီးမြှင့်ပေးဖို့ စာရင်းထဲထည့် ထားပေမယ့် ဆရာ တော်ကြီး ကြွမလာတာကြောင့် အုတ်ကန်တွင်း ကျောင်းတိုက်က ဆရာတော်က သြ၀ါဒပေးပါတယ်။ ဆရာ၊ ဒကာ လက်တွဲပြီး ငြိမ်းငြိမ်းချမ်းချမ်းနဲ့ တောင်းပန်ရင် လက်ခံသင့်တယ်လို့ ဆရာတော်က သြ၀ါဒ ပေးသွားပါတယ်။
ဆရာတော် သြ၀ါဒပေးပြီးလို့ ဆေးရုံက ကိုယ်တော်များအတွက် လှူဖွယ်တွေ ကပ်မယ်လည်း ဆိုရော ပရိသတ်က “၀ူး …” လို့ သံရှည်အော်ပြီး အားလုံး အပြင်ကိုထွက်သွားကြတာနဲ့ ရုတ်ရုတ်သဲသဲ ဖြစ်ကုန်ပါတယ်။ ရဲတွေလည်း ကြောင်အမ်းအမ်း ဖြစ်ပြီး နောက်ပိုင်း အစီအစဉ်တွေကို ကသုတ်ကရက်နဲ့ လုပ်လိုက်ရပါတယ်။ ပွဲပြီးတော့ သံဃာတော်တွေကို မီဒီယာတွေက မေးတာကို ဘယ်ကိုယ်တော်မှ စကားမပြန်ပါဘူး။ ရဲမှူးကြီး ဦးစန်းယုကတော့ “ဖြေဖို့ကို မရှိတာ” လို့ အရှင်းပြောပြီး သူ့ဖုန်းနဲ့ အလုပ်ရှုပ်နေပုံ မြင်ရပါတယ်။ ခဏနေတော့ ကားပေါ် အမြန်တက်ပြီး သြ၀ါဒခံယူပွဲ လုပ်တဲ့ ရွှေစည်းခုံဘုရား သာသနာ့ ဗိမာန်ကနေ အမြန်ထွက် သွားပါတယ်။ အပြုအမှုတွေ မာန်မချဘူးလို့ မုံရွာသားတွေက ပြောပြီး ရဲတွေကို ဒေါသထွက်ကြပြန်ပါတယ်။
ဘုရားပရ၀ုဏ် အပြင်ဘက်က မုံရွာမြို့ခံတွေကတော့ “ဒီသံဃာတွေက သပိတ်နဲ့မဆိုင်တဲ့ သံဃာတွေ၊ လာကန်တော့တဲ့ ရဲတွေကလည်း စီမံကိန်းမှာ တာဝန်ကျတဲ့ ရဲတွေမဟုတ်ဘူး” လို့ ဝေဖန်နေကြပါတယ်။ ဒီလို ဆင်ခြေပေးတာတွေကလည်း အဓိပ္ပာယ်မရှိဘူးလို့ ပြောတဲ့သူတွေက ပြောနေပါတယ်။
နောက်ပိုင်း မုံရွာမြို့ခံတွေနဲ့ စကားဝိုင်းဖွဲ့ကြည့်တော့ သူတို့ သပိတ်မှောက်ရတဲ့ ရည်ရွယ်ရင်းက စီမံကိန်းကြီး ရပ်ဆိုင်းရေး ဆိုပေမယ့် ဒေါ်အောင်ဆန်းစုကြည်က ခွင့်ပြုရင်တော့ လက်ခံမယ်ဆိုပြီး မုံရွာမြို့ခံ NLD ပါတီဝင် တဦးက ဆိုပါတယ်။ စီမံကိန်းကို ဒေါ်အောင်ဆန်းစုကြည်က ခွင့်ပြုမယ်ဆိုရင် သပိတ်မှောက်တဲ့ ရည်ရွယ်ချက် ပျောက်သွားမလားလို့ မေးကြည့်တော့ သူတို့ဆီက အဖြေမရပါဘူး။
“ဒါတော့ စောင့်ကြည့်ရမှာပေါ့” ဆိုတာလောက်ပဲ မြို့ခံက ပြန်ပြောပါတယ်။
နောက်တနေ့ ဒီဇင်ဘာ ၂ ရက်နေ့ မနက်မှာတော့ ၀က်မှေးရွာကို ၈၈ မျိုးဆက် ကျောင်းသားတွေ ဆင်းသွားပါတယ်။ ၀က်မှေးရွာက သစ်ပင်တွေနဲ့ စိမ်းလန်းစိုပြေပြီး သာယာတဲ့ရွာကလေးဖြစ်ပါတယ်။ ၈၈ မျိုးဆက် ကျောင်းသားတွေနဲ့ ရွာသားတွေ တွေ့တဲ့ ရွာထိပ်က ကွက်လပ်လေးဟာ ရွာဦးစေတီလေးရှေ့မှာ ဖြစ်ပြီးတော့ သစ်ပင်တွေပိတ်နေပြီး နေပြောက်မထိုးတဲ့ နေရာ ဖြစ်ပါတယ်။
သပိတ်ကို ဦးဆောင်ခဲ့သူတွေဖြစ်တဲ့ မအေးနက်နဲ့ မသွဲ့သွဲ့ဝင်းတို့က အိမ်နီးချင်းတွေဖြစ်ပြီး မအေးနက်အိမ်မှာ ကုန်စုံဆိုင် ဖွင့် ထားပါတယ်။ ရွာသားတွေ အားလုံး နွားပိုင်ကြပါတယ်။ နွားတွေက ၀ဖီးပြီး နွားချောနွားလှကြီးတွေပါ။ ရွာက အိမ်တွေကလည်း ပျဉ်တွေ၊ သွပ်တွေနဲ့ အခိုင်အမာဆောက်ထားပြီး အသီးအနှံလည်း သိပ်ကောင်းတာပဲလို့ ရွာသား ဦးသိန်းလှိုင်က ပြောပြပါတယ်။ ရွာအနောက်ဘက်ကို ထွက်တာနဲ့ စမ်းချောင်းလေးတခုရှိပြီး လက်ပန်းတောင်း တောင်ကိုလည်း မလှမ်းမကမ်းမှာ မြင်နေရပါတယ်။ စိမ်းလန်းတဲ့ စိုက်ခင်းတွေကြားက လက်ပံတောင်းတောင်၊ ကောင်းကင်ပြာ၊ စမ်းချောင်းလေးနဲ့ လှပတဲ့ရှုခင်းပါ။
ဂျုံခင်း၊ ကုလားပဲခင်းတွေ၊ ထန်းပင်တွေနဲ့ သာယာတဲ့၊ အသက်မွေးဝမ်းကြောင်း လုပ်ငန်း အဆင်ပြေနေတဲ့ အတွက် စီမံကိန်းက ရလာမယ့် အကျိုးစီးပွားဆိုတာ ၀က်မှေးရွာသားတွေ အတွက်တော့ အပိုသက်သက်ပါလို့ ဒေသခံတွေက ပြောကြပါတယ်။ ရွာသားတွေက သူတို့ရွာကို အဓမ္မ ပြောင်းခိုင်းတဲ့အကြောင်း၊ ကျောင်းတွေ ဖျက်ပစ်တဲ့ အကြောင်းကို ပြောပြနေပါတယ်။
“သူများအလှူကို အဓမ္မ လာဖျက်တာလေ၊ ကျောင်းဆောက်တုန်းက သဲတဆုပ်၊ ရေတမုတ် မကူဘဲနဲ့ အခုမှ အဓမ္မ လာဖျက် တာ” လို့ ရွာခံ ဦသိန်းဆိုင်က ဆိုပါတယ်။
အမျိုးသမီးကြီးတွေက ကျောင်းလာဖျက်သူတွေကို ၀ါးလုံးတွေနဲ့ ထိုးချ ရိုက်နှက်တာတွေ လုပ်မှ ကျောင်းဖျက်သူတွေ ထွက် ပြေးသွားတာလို့ သူက ဆက်ပြောပါတယ်။
ဝက်မှေး ရွာဟောင်းက မူလတန်းပြ ဆရာမတွေကို ရွာသစ်ဆီကို ပြောင်းလိုက်လို့ ၀က်မှေးက မူလတန်း ကျောင်းသားလေးတွေ တက်စရာကျောင်းမရှိ ဖြစ်သွားရတယ်လို့ သိရတယ်။ စိုက်ခင်းတွေထဲကို မြေစာတွေ လာပုံတာကတော့ မျက်မြင်ပါပဲ။ မြေစာ ပုံကြီးက ပေ ၅၀ လောက် မြင့်ပါတယ်။
“ကျနော်တို့က တောင်သူတွေလေ၊ သူတို့ အဲဒီလို လုပ်ရင် ဘာနဲ့ လုပ်စားရမှာလဲ” လို့ ဦးသိန်းဆိုင်က ပြောပါတယ်။
ဦးသိန်းဆိုင်က အကျော်ရွာ သပိတ်စခန်းမှာ နေ့ရောညပါ အားပေးခဲ့သူ ဖြစ်ပါတယ်။ ဦးသိန်းဆိုင်တို့ တမိသားစုလုံး သပိတ်စခန်း စကတည်းက ပါဝင်ကြတာပါ။ အနယ်နယ် အရပ်ရပ်က ထောက်ပံ့ကြလို့ ရွာသားတွေက ဘာမှ ထပ်ပံ့ပိုးစရာ မလိုဘူး၊ သပိတ် စခန်းမှာ ထိုင်နေရုံပဲလို့ ဦးသိန်းဆိုင်က ဆိုပါတယ်။ ဒီက အက်စစ်တွေသာ မြစ်ထဲချောင်းထဲ ရောက်သွားမယ် ဆိုရင် အညာတခွင် လုံး ဒုက္ခရောက်ရမှာလို့လည်း သူက ပြောပါတယ်။
ဝက်မှေးမြေတွေလည်း သိမ်းယူမယ့်အထဲမှာပါတယ်၊ တဧကကို ၃ နှစ်စာ သီးစားလျော်ကြေး ကျပ် ၅ သိန်းပေးပေမယ့် အဲဒီမြေတွေက တနှစ် ၇ သိန်းလောက် တန်ကြေးရှိတဲ့ သီးနှံတွေ ထွက်တာမို့ ပေးတဲ့လျော်ကြေးဟာ သိပ်ကို နည်းလွန်းပါ တယ်လို့ ရွာခံတွေရဲ့ အဆိုအရ သိရတယ်။
“ထန်းပင်တပင်အတွက် ကျပ် ၅ ထောင်ပေးတယ်။ အုတ်စက်ကို ပြောလိုက်ရင် အမြစ်ကို ၂၅၀၀ ပေးပြီး ကိုယ့်ဖာသာ လာ တူးယူတာ၊ ဈေးသည်များဆီမှာ ဈေးဆစ်သလို သူတို့က တဖြည်းဖြည်းနဲ့ ဈေးဆစ်ပြီး အဓမ္မဈေးနဲ့ ဖြတ်တာ” လို့ ဦးသိန်းဆိုင် က ဆိုတယ်။
ဝက်မှေးမှာတော့ အိမ်ထောင်စု ၄၈ စုလောက်ပဲ ကျန်တော့တယ်လို့ သိရတယ်။ ၀က်မှေးရွာသစ်က ရွာဟောင်းနဲ့ ၁၅ မိနစ် လောက် ဆိုင်ကယ်စီးရတဲ့ နေရာမှာရှိပါတယ်။ အိမ်အသစ်တွေကို ကွင်းပြင်ထဲမှာ တန်းစီပြီး ဆောက်ထားပါတယ်။ ရွေဘော် မထိုးဘဲ ဆောက်ထားတဲ့အတွက် ကြမ်းခင်းတွေက ရှတယ်လို့ ရွာခံတွေက ပြောတယ်။ အင်သား နုနုနဲ့ ကာထားတာဖြစ်လို့ ကျုံ့သွားတာ၊ ရွဲသွားတာတွေ အများကြီးရှိတယ်လို့လည်း သူတို့က ဆိုတယ်။
ဝမ်ပေါင် ကုမ္ပဏီမှာ လုံခြုံရေးဝင်လုပ်နေတဲ့ ကိုထွန်းထွန်းဝင်းရဲ့ အိမ်တိုင်က အလယ်ကနေ အက်ကြောင်းက လက်မလောက် ကြီးလာတာ တွေ့ရပါတယ်။
“မျက်နှာကျက်က ကျနော်တို့ တောင်းဆိုထားလို့ တပ်ထားပေးတာ။ မဟုတ်ရင် နွေမှာ မတရားပူတာ၊ နေစရာတောင်မရှိဘူး” လို့ ကိုထွန်းထွန်းဝင်းက ပြောပါတယ်။
လွန်ခဲ့တဲ့တနှစ်က ပြောင်းလာပြီးတော့ ပေ ၄၀၊ ၆၀ မြေကွက် နေရာပေါ်မှာ ပျဉ်ထောင်အိမ်နဲ့ နေရတဲ့ အကြောင်း၊ အိမ်တန်း တွေ ဆောက်တာကို ထူးကုမ္ပဏီက တာဝန်ယူတဲ့ အကြောင်း၊ အိမ်သာကျင်းက ၃ ပေပဲ တူးထားပေးလို့ ထပ်တူးရတဲ့ အ ကြောင်း၊ မပြောင်းခင်တုန်းက ၃ နှစ်အထိ ရေ၊ မီး အခမဲ့ရမယ်၊ ရွာဖွင့်ပွဲကို ဖိုးချစ် ဒါမှမဟုတ် စွမ်းဇာနည် ဇာတ်ပွဲ သွင်း ပေးမယ်လို့ ပြောခဲ့ပေမယ့် အခုတော့ ရေခ၊ မီးခ ကောက်တဲ့အပြင် ဇာတ်ပွဲတွေလည်း ဘယ်ဆီနေမှန်းမသိဘူး ဆိုတဲ့ အကြောင်း ထွန်းထွန်းဝင်းက ရှင်းပြတယ်။
ရွာသစ်နဲ့ ရွာဟောင်း အကြားက ဆက်ဆံရေးကလည်း အလွန်ပဲ တင်းမာနေတယ်လို့ သိရပါတယ်။ တလောက ရွာသစ်က လူတယောက်သေတော့ သင်္ချိုင်းမှာ ချခွင့်မပေးလို့ အနူးအညွတ် တောင်းပန်ပြီးမှ ဈာပန မြေချခွင့်ရခဲ့တဲ့အကြောင်း ဒေသခံတွေက ပြောတယ်။
“နောက် အလောင်းတွေအတွက် ဆိုရင်တော့ မပြောတတ်ဘူး” လို့ ကိုထွန်းထွန်းဝင်းက ဆိုပါတယ်။
ရွာသစ်က လူတွေက ၀မ်ပေါင်မှာ အလုပ်ဝင်ကြလို့ ရွာဟောင်းမှာ ကျန်ခဲ့တဲ့ လူတွေက “တရုတ်အားပေးတွေ” ဆိုပြီး ကျဉ်ကြတာ ဖြစ်ပါတယ်။
“ကျနော်တို့ကိုဆို သတ်တောင် သတ်ချင်ကြမလား မသိဘူး၊ လုံခြုံရေးဆို လူတွေက သိပ်မုန်းနေတယ်” လို့ ၀မ်ပေါင် ကုမ္ပဏီမှာ တလ ကျပ် ၈၀၀၀၀ ကျော်နဲ့ လုံခြုံရေး ဝင်လုပ်နေသူ ကိုထွန်းထွန်းဝင်းက ပြောပါတယ်။
စီမံကိန်းကြီး ဖြစ်မြောက်ပါစေ၊ ရွာပျက်ပါစေဆိုတဲ့ စေတနာမရှိဘဲ ဆင်းရဲလို့၊ ထွန်ယက်စရာမရှိလို့ ရွာသစ်ကို ပြောင်းလာတာလို့ ကိုထွန်းထွန်းဝင်းက ရှင်းပြတယ်။ ရွာသစ်ပြောင်းလာသူ အများစုဟာ ရွာဟောင်းမှာ မြေပိုင်မရှိဘဲ မိဘအိမ်မှာ ကပ်ပြီးနေသူ အများစု ဖြစ်တယ်လို့ သိရတယ်။
စာသင်ကျောင်းနဲ့ ဘုန်းကြီးကျောင်း ဆောက်ထားပေးတာတော့ ကျေနပ်ပါတယ်လို့ ကိုထွန်းထွန်းဝင်းက ပြောပါတယ်။ ရွာသစ်က လူတွေမှာ ယောက်ျားက လုံခြုံရေး၊ မိန်းမက ထမင်းချက်၊ သန့်ရှင်းရေး အစရှိသဖြင့် ၀မ်ပေါင်မှာ ၀န်ထမ်းဝင်လုပ်ပြီး ၀မ်းရေး ဖြေရှင်းကြပါတယ်။
ဘာပဲပြောပြော ဒီဒေသခံ ဖြစ်တာမို့ လက်ပံတောင်းတောင်ကို သံယောဇဉ်ရှိပြီး ရွာဟောင်းသားတွေကို ထိခိုက်မယ် ဆိုရင်တော့ ရွာသားတွေနဲ့ ပူးပေါင်းမယ်လို့ ရွာသစ်သားတွေက ပြောပါတယ်။ စီမံကိန်း ရပ်သွားရင်လည်း အလုပ်ပြုတ်မှာ မကြောက်ဘူး၊ မုံရွာမှာ ကုန်ထမ်းမယ်လို့ ကိုထွန်းထွန်းဝင်းက ဆိုပါတယ်။ ရွာသစ်က မြေတွေကလည်း ပိုင်ဆိုင်ကြောင်း အထောက်အထား ပေးထားပေမယ့် လက်လွှဲရောင်းချခွင့် မရှိပါဘူး။
ဝက်မှေး မတိုင်ခင် စီမံကိန်းဒဏ်ကို ခါးစည်းခံရတဲ့ ကံကုန်းရွာသားတွေကတော့ စာနာစိတ်နဲ့ ၀က်မှေးကို ကူညီကြတာ တွေ့ရ တယ်။ ၀က်မှေး လှုပ်ရှားမှုတွေကလည်း ကံကုန်းရွာကို နမူနာယူပြီး လှုပ်ရှားကြတာလို့ သိရတယ်။
“ဟိုတခါ (သမ္မတရုံး ဝန်ကြီး) ဦးအောင်မင်းလာတော့ မေးတယ်လေ၊ စီမံကိန်းက ဘာတွေ ဆိုးကျိုးဖြစ်စေမှာလဲ၊ သက်သေပြ ဆိုတော့ သွဲ့သွဲ့ဝင်းက ကံကုန်းရွာကလူတွေ စီမံကိန်းကြောင့် မွဲတေပြီး ကလေက၀ ဘ၀ ရောက်ရတဲ့ အကြောင်းကို ပြန်ပြော ပြလိုက်တယ်” လို့ လက်ပံတောင်းတောင် စီမံကိန်းစုံစမ်းရေး ကော်မရှင်မှာပါတဲ့ ကံကုန်းရွာသား ဦးဗိုလ်သန်းက ပြောပါတယ်။
ကံကုန်းရွာကတော့ မပွင့်လင်းသေးတဲ့ ခေတ်မှာ မြေယာ ဧက ၅၄၄၈ အသိမ်း ခံလိုက်ရပြီး လျော်ကြေးငွေ တပြားတချပ်မှ မရ ဘဲ ဒုက္ခတွေကို စည်းခံခဲ့ရတဲ့ ရွာဖြစ်ပါတယ်။ အခုအချိန်မှာလည်း စီမံကိန်းမှာ အသုံးပြုဖို့ ဆိုပြီး ရွာထိပ်မှာ တည်ထားတဲ့ အက်စစ် စက်ရုံကြောင့် ရွာသားတွေ မူးဝေ၊ အော့အန်၊ သားပျက်၊ ဦးနှောက် အမှေးရောင် စတဲ့ ရောဂါတွေ ခံစားနေရတယ်လို့ ဒေသခံတွေက ဆိုပါတယ်။
စက်ရုံက ထုတ်လိုက်တဲ့ အငွေ့တွေကြောင့် မျက်လုံးကွယ်သွားရတယ်ဆိုတဲ့ ကလေးမလေးရဲ့ မိခင်ဖြစ်သူ မရွှေက “ကျမကတော့ ဘယ်သူလာလာ ကျမသမီး အခုလို ဘ၀ရောက်ရတာ၊ ဒုက္ခိတဖြစ်တာက စက်ရုံက အငွေ့တွေကြောင့်လို့ အမြဲပြောတယ်။ သမီး လေးက မွေးလာတုန်းက အကောင်းလေးပါ၊ ၁၁ နှစ် အရွယ်မှာ ခေါင်းကိုက်တယ်ဆိုလို့ ဆေးရုံပြရတယ်၊ ဦးနှောက်ခွဲရတယ်၊ ဒီစက်ရုံကြောင့်လို့ မသိပါဘူး။ နောက်ပိုင်းတော့ ကလေးက စက်ရုံလည်တဲ့ အခါများဆို မျက်စိမမြင်ရဘဲ စက်ရုံမလည်တော့တဲ့ အချိန် ပြန်လင်းလာတယ်။ ဒီနှစ် စက်တင်ဘာ ၁၃ ရက်မှာ စက်ရုံကထုတ်တဲ့ အငွေ့ကြောင့် ကျမသမီး မျက်လုံးကွယ်သွားပြီ” လို့ ပြောပါတယ်။
မရွှေရဲ့ သမီးလိုပဲ ရောဂါတူ ကလေး ၂ ဦး ရွာထဲမှာ ရှိနေပြီး စက်ရုံနားမှာနေတဲ့ ကလေး ၂ ဦးကတော့ သေဆုံးသွားပြီလို့ သိရတယ်။
“ကျမတို့ မျိုးရိုးမှာလည်း မရှိဘူး၊ အရင်တုန်းကလည်း မကြားဖူးဘူး၊ ဒီစက်ရုံတည်မှ ဒီလိုတွေ ဖြစ်နေတာ” လို့ ကလေးမိခင် တဦးဖြစ်တဲ့ မနီလာက ပြောပါတယ်။ မနီလာရဲ့သား အသက် ၈ နှစ်အရွယ် ကလေးက ဦးနှောက်အမှေးယောင်ပြီး ခြေလက်တွေ မသန်စွမ်း ဖြစ်နေပါတယ်။
အဲဒီရောဂါ လက္ခဏာတွေက စက်ရုံနား ရွာအရှေ့ပိုင်းက အိမ်တွေမှာ ပိုအဖြစ်များတာ တွေ့ရပါတယ်။ အဲဒီစက်ရုံက စီမံကိန်းမှာ အက်စစ်လိုတဲ့အချိန် လည်ပြီး ညဘက်လည်း မနားပါဘူး။ အခုတလောမှာ မီဒီယာတွေက မေးတာမြန်းတာ များလာလို့ စက်ရုံ ရပ်ထားပါတယ်။ စက်ရုံလည်တဲ့အချိန် ထွက်လာတဲ့ အနံ့က စိမ်းရွှေစူးရှပြီး အငွေ့တွေ ထွက်လာရင် သစ်ရွက်တွေ ညှိုးခြောက် ကုန်တယ်လို့ ရွာသားတွေက ရှင်းပြပါတယ်။ ဒီလို ဖြစ်ရပ်တွေ ခံစားခဲ့တဲ့ ကံကုန်းရွာကတော့ စီမံကိန်းကို လုံးဝ ရပ်စေချင်နေ ပါတယ်။
စံပယ်တောင် ပျောက်သွားပေမယ့် လက်တွေ့အကျိုးထူးတာ ဘာမှ မရှိဘဲ ဒုက္ခတွေချည်း ခါးစည်းခံခဲ့ရတဲ့ အကြောင်း၊ မြေယာ လက်မဲ့ ဖြစ်သွားတဲ့ တောင်သူတွေက တာမခန်၊ အုန်းချော၊ ဖားကန် အရပ်ရပ်မှာ ပြန့်နှံ့နေပြီး တ၀မ်းတခါး အတွက် ပင်ပင် ပန်းပန်း ရှာစား နေရတဲ့အကြောင်း၊ ကျောက်ထု စခန်းတွေမှာ ရဲဘက်ထောင်ကျတွေလို လုပ်စားရပြီး သေတဲ့သူတွေလည်း သေ၊ တချို့ မိသားစုတွေ ကစဥ့်ကလျားဖြစ် အခြေပျက်တာတွေ အများကြီးဖြစ်ခဲ့တဲ့ အကြောင်း ဦးဗိုလ်သန်းက ပြောပါတယ်။
“နိုင်ငံ့အကျိုး၊ ပြည်သူ့အကျိုးဆိုရင် ဒီ ၂၆ ရွာရယ်၊ ၄ ရွာရယ်က သန်း ၆၀ ကို ကိုယ်စားပြုမယ် ဆိုရင် ဒီလူတွေကို ဘယ်လို အကူအညီတွေ ပေးမှာလဲ။ မြေနေရာ အစားထိုး ဘယ်မှာပေးမှာလဲ။ ရွာသားတွေကလည်း ဒီမြေက မခွာချင်ဘူး၊ အစားထိုပေးတဲ့ ယာမြေက မိုင် ၁၀၀ လောက် အဝေးမှာ ပြန်ပေးမယ်ဆိုရင် ဘယ်လိုလုပ်မလဲ။ ဒီလိုမျိုး အဆက်ဆက်က ဆိုးမွေတွေကို လက်ခံ မယ်ဆိုရင် အစိုးရဟာ ပြည်သူပြည်သားအပေါ်မှာ ဘယ်တော့မှ ငဲ့ညှာတာမျိုး မရှိဘူးလို့ ပြောရမယ်။ ငဲ့ညှာရင်တော့ စီမံကိန်းကို မလုပ်သင့်ပါဘူး။ သန်း ၆၀ အတွက် ဒီအနီးအနားက လူပေါင်း လေး၊ ငါး၊ ရှစ်သောင်းက ခါးစည်း ခံရမှာလား၊ ဓားစာခံ ဖြစ်ရ တော့မှာလား၊ တိုင်းပြည်ကကော ဘယ်လောက် အကျိုးရှိမှာလဲ၊ တိုင်းပြည် အကျိုးအတွက် ဘာမှ မရှိဘဲနဲ့ ဒီလူတွေဘ၀ကို စ တေးတော့မှာလားလို့ မေးရတော့မယ်။ နိုင်ငံခြားကလာတဲ့ ကုမ္ပဏီဆိုတော့ နိုင်ငံတကာ စံချိန်စံညွှန်းနဲ့ ညီရင် ရွာက လက်ခံရင် လက်ခံလိမ့်မယ်၊ လူတွေ အမှီသဟဲ ပြုနေတဲ့ ရေမြေတောတောင်တွေ ပျောက်ပျက် မွဲတေတဲ့ ကလေက၀ အဆင့်ကိုတော့ မ ရောက်စေချင်ဘူး” လို့ သူက ဆိုတယ်။
အာဏာရှင် လက်အောက်မှာ နေခဲ့ရလို့ အပေးအယူ လုပ်ရာမှာ အားနည်းတယ်လို့ မုံရွာသောင် ဆိပ်ကမ်းမှာ ဒေါ်အောင်ဆန်းစု ကြည် က ပြောခဲ့ပါတယ်။ သူဦးဆောင်ပြီး ကျင့်ကြံမယ့် အပေးအယူနည်းနဲ့ ဖြေရှင်းရေးက ဒီ လက်ပံတောင်းတောင် ကိစ္စမှာ ဈေးဦးပေါက်ပဲ၊ ရွာသားတွေ ဆန္ဒရှိတဲ့ စီမံကိန်း ရပ်ဆိုင်းဖို့ကိုတော့ သူ့အနေနဲ့ လုပ်ပေးနိုင်တဲ့ အနေအထားမှာ ရှိမနေဘူးလို့ ဒေါ်အောင်ဆန်းစုကြည်က ရှင်းရှင်းလင်းလင်း ပြောထားခဲ့တာပါ။
စုံစမ်းရေး ကော်မရှင်ကနေ ဒီဇင်ဘာ ၃၁ ရက်နေ့မှာ ထွက်လာမယ့် အစီအရင်ခံစာကတော့ နှစ်သစ်ကူးမှာ လက်ပံတောင်း ဒေသခံတွေအတွက် ပျော်စရာဖြစ်မလား၊ မျက်ရည်တွေပဲ ဖြစ်လာမလား ဆိုတာကို အဆုံးအဖြတ်ပေးမှာ ဖြစ်ပါတယ်။
Ref: ဧရာဝတီ
Read More...
Collapse...
ကျော်ခ
December 6, 2012
လက်ပံတောင်းတောင် အကြမ်းဖက် ဖြိုခွင်းမှုနှင့် ပတ်သက်၍ ထိခိုက်ဒဏ်ရာရရှိခဲ့သော သံဃာတော်များကို သမ္မတ ဦးသိန်းစိန်နှင့် အစိုးရအဖွဲ့ကိုယ်တိုင် အမြန်ဆုံး တောင်းပန်ရန် မန္တလေးမြို့မှ သံဃာတော်များက ယနေ့ နေ့လည်တွင် ထိုင်သပိတ်ဖြင့် ဆန္ဒထုတ် ဖော်၍ တောင်းဆိုခဲ့ကြသည်။
မန္တလေးမြို့ ချမ်းအေးသာစံမြို့နယ်ရှိ အိမ်တော်ရာ ဘုရားတွင် ရာနှင့်ချီသော သံဃာတော်များက လက်ရှိ အရပ်သား အစိုးရသစ် လက်ထက် ယင်းသို့ ဖြိုခွင်းမှုနှင့် ပတ်သက်ပြီး သမ္မတ ဦးသိန်းစ်ိန်နှင့် အစိုးရအဖွဲ့တွင် တာဝန် အရှိဆုံးဖြစ်သဖြင့် ၎င်းတို့ကိုယ်တိုင် တာဝန်သိသိဖြင့် အမြန်ဆုံးတောင်းပန်းသင့်ကြောင်း မိန့်ကြားသည်။
“ဒဏ်ရာရ သံဃာတွေကို တာဝန်အရှိဆုံးဖြစ်တဲ့ ဦးသိန်းစိန်နဲ့ အစိုးရ ပုဂ္ဂိုလ်တွေက အမြန်ဆုံး လာတောင်းပန်ဖို့လိုတယ်ဗျ။ ဒါ ပထမဆုံး လုပ်ရမယ့်အလုပ်။ ဒါပြီးမှ အကြမ်းဖက်တဲ့ ပုဂ္ဂိုလ်တွေကို မြန်မြန်ဆန်ဆန် ပွင့်လင်းမြင်သာမှုရှိရှိ အရေးယူပေးဖို့ လို တယ်။ အခု ဒေါ်စု ဦးဆောင်တဲ့ ကော်မတီက ဒီအကြမ်းဖက်မှုကို ဖော်ထုတ်ဖို့ မပါဘူးလို့ ဦးပဉ္စင်းတို့ သိရတယ်၊ ဒါ အစိုးရက မတရားဘူး။ ဒါကြောင့် ဦးပဉ္ဇင်းတို့ ဆန္ဒထုတ်ဖော်နေရခြင်း ဖြစ်တယ်” ဟု ဆန္ဒထုတ်ဖော်ရာတွင် ဦးဆောင်ပါဝင်သော သံဃာ တော်တပါးက ဧရာဝတီသို့ မိန့်ကြားသည်။
အဆိုပါ သံဃာတော်များက အိမ်တော်ရာစေတီကို မျက်နှာမူကာ မေတ္တာသုတ် ရွတ်ဆိုခဲ့ကြပြီး နိုင်ငံတော် သမ္မတနှင့် အစိုးရအဖွဲ့က ထိခိုက်ဒဏ်ရာရ သံဃာများကို အမြန်ဆုံး လာရောက်ဝန်ချ တောင်းပန်ရန်၊ အကြမ်းဖက်နှိမ်နင်းမှုတွင် တာဝန်ရှိသူများအား ထိရောက်စွာ အရေးယူပေးရန်၊ ကြေးနီစီမံကိန်းနှင့် ပတ်သက်ပြီး ဖမ်းဆီးထားသူများကို အမြန်ဆုံး ပြန်လွှတ်ပေးရန် တောင်းဆိုခဲ့ကြသည်။
ထို့အပြင် ကြေးနီစီမံကိန်းကို ဒေသခံများနှင့် ပြည်သူများ ကျေနပ်လက်ခံနိုင်အောင် ဆောင်ရွက်ပေးရန်နှင့် ဒီမိုကရေစီ အစိုးရ စစ်စစ်တရပ် ပေါ်ပေါက်လာရန်၊ နောက်နောင်တွင် ယခုကဲ့သို့ အကြမ်းဖက်မှုမျိုးမပေါ်ပေါက်စေရန်၊ လွှတ်တော်များနှင့် အစိုးရအဖွဲ့တွင် ပါဝင်လျက်ရှိသော တပ်မတော်သားများ အမြန်ဆုံးနှုတ်ထွက်ပေးရန် တို့ကိုပါ တောင်းဆိုခဲ့ကြသည်။
သံဃာတော်များက ၎င်းတို့၏ တောင်းဆိုချက်များကို အစိုးရဘက်မှ လုပ်ဆောင်ပေးမှု မရှိမချင်း သပိတ် ဆင်နွှဲသွားရန် ရှိပြီး ယခုလ ၈ ရက်နေ့နှင့် ၁၂ ရက်နေ့များတွင်လည်း ဆန္ဒထုတ်ဖော်မှုများ ပြုလုပ်သွားရန်ရှိကြောင်း အကယ်၍ အဆိုပါရက်များ မတိုင်မီ အစိုးရက ပွင့်လင်းမြင်သာမှုရှိစွာ လုပ်ဆောင်မှုရှိပါက သပိတ် ရပ်တန့်မည်ဟု သိရသည်။
ယနေ့တွင်ပင် ရန်ကုန်မြို့တွင်လည်း ဆူးလေစေတီတော် ဝန်းကျင်တွင် သံဃာတချို့က လမ်းလျှောက်ပြီး လက်ပံတောင်း အကြမ်းဖက်မှု ဖော်ထုတ်အရေးယူပေးရေး၊ ဒဏ်ရာရ သံဃာတော်များကို အစိုးရက အမြန်ဆုံး တောင်းပန်ရေးနှင့် ဒဏ်ရာရ သံဃာတော်များကို လိုအပ်ချက်မရှိ ဆေးကုသပေးရန် ဆန္ဒထုတ်ဖော်ခဲ့ကြသည်။
ရန်ကုန်မြို့ခံတချို့ကလည်း မီးလောင်ဒဏ်ရာ ရထားသော သံဃာတော်များ၏ ပိုစတာများကို ကိုင်ဆောင်ကာ သံဃာတော်များ အကြမ်းဖက်ခံရမှု ကာကွယ်ပေးရေး စာတမ်းပါ ပုံများကိုင်ဆောင်ကာ တာမွေဈေးမှ ယုဇနပလာဇာသို့ ချီတက် ဆန္ဒပြခဲ့ကြကြောင်း သိရသည်။
အလားတူ ရှမ်းပြည်နယ် တောင်ကြီးမြို့နှင့် ဧရာဝတီတိုင်း ဝါးခယ်မမြို့များတွင်လည်း မြို့ခံ သံဃာတော်များနှင့် လူပုဂ္ဂိုလ်များ စုပေါင်းကာ ယင်းသို့ပင် ဆန္ဒထုတ်ဖော် တောင်းဆိုခဲ့ကြပြီး အစိုးရအနေဖြင့် အကြမ်းဖက်မှုကို တောင်းပန်ခြင်း၊ ပွင့်လင်းမြင် သာမှုရှိစွာ ဖော်ထုတ် အရေးယူခြင်း မရှိပါက ဆက်လက် ဆန္ဒဖော်ထုတ်ကြမည်ဟု ကြေညာလိုက်သည်။
မနက်ဖြန်တွင် မကွေးတိုင်း ချောက်မြို့ပေါ်ရှိ စာသင်တိုက်များမှ သံဃာတော်များ၊ မြို့ခံလူပုဂ္ဂိုလ်များက မြို့ပေါ်ရှိ အေးစေတီ ဘုရားဝန်းထဲတွင် လက်ပံတောင်း အကြမ်းဖက်မှုနှင့် ပတ်သက်ပြီး အစိုးရကို ထပ်မံ ဆန္ဒဖော်ထုတ်သွားမည် ဖြစ်ကြောင်းနှင့် တခြား ပြည်နယ်နှင့် တိုင်းအချို့က မြို့ခံသံဃာများကလည်း ဆန္ဒထုတ်ဖော်မှု ပြုလုပ်သွားမည်ဖြစ်သည်ဟု ဦးဆောင် ဆရာတော် များက ဧရာဝတီသို့ မိန့်ကြားသည်။
၂၀၀၇ ရွှေဝါရောင်လှုပ်ရှားမှု စတင်ခဲ့သည့် ပခုက္ကူမြို့မှ သံဃာတော်များနှင့် လက်ပံတောင်းတောင် စီမံကိန်းဒေသ မုံရွာမြို့ခံ သံဃာတော်များက ဒေါ်အောင်ဆန်းစုကြည် ဦးဆောင်သည့် ကော်မတီအဖွဲ့နှင့် အစိုးရ တာဝန်ရှိသူတို့၏ ကိုင်တွယ်ဆောင်ရွက်မှုကို စောင့်ကြည်လိုကြောင်း အကယ်၍ ထူးခြားမှုမရှိခဲ့လျှင် နိုင်ငံလုံးဆိုင်ရာ သံဃာ့သပိတ် ဆင်နွှဲမည်ဟု တညီတညွှတ်တည်း ပြော ဆိုကြသည်။
စစ်တပ်ကျောထောက်နောက်ခံ ဦးပိုင်ကုမ္ပဏီနှင့် တရုတ် ဝမ်ပေါင် ကုမ္ပဏီတို့ ပူးပေါင်းလုပ်ဆောင်နေသော လက်ပံတောင်းတောင် ကြေးနီစီမံကိန်းကို ဖျက်သိမ်းရန် ဒေသခံများက သပိတ်စခန်းများဖွင့်၍ ဆန္ဒထုတ်ဖော်မှုကို ဝန်းရံပေးခဲ့သည့် သံဃာတော်များကို ယခင်လ ၂၉ ရက်နေ့ မနက် ၃ နာရီခန့်က အစိုးရ အာဏာပိုင်များက အကြမ်းဖက်ဖြိုခွင်းခဲ့သဖြင့် သံဃာနှင့် လူပုဂ္ဂိုလ် ၁၀၀ ခန့် မီးလောင်ဒဏ်ရာရခဲ့ပြီး တချို့မှာ ဆေးကုသမှု ခံယူနေရဆဲဖြစ်သည်။
ယင်းအကြမ်းဖက်မှုနှင့် ပတ်သက်ပြီး ဆန္ဒထုတ်ဖော်ရာ၌ ဦးဆောင်ခဲ့ကြသူများကိုလည်း အစိုးရက ဆက်တိုက် ဖမ်းဆီးမှုများရှိသည်။
Ref: ဧရာဝတီ
Read More...
Collapse...
နေမျိုး
ဒီဇင်ဘာလ ၀၆ ရက် ၂၀၁၂ ခုနှစ်
အိန္ဒိယအရှေ့မြောက်ပြည်နယ်များနှင့် မြန်မာတို့အကြား နှစ်နိုင်ငံ ကုန်သွယ်ရေး ကိစ္စရပ်များ ဆောင်ရွက်ရန် တရားဝင်ကိုယ်စား လှယ် ရုံးတရုံး ဖွင့်လှစ်သွားမည်ဟု အိန္ဒိယ နိုင်ငံထုတ် The Economic Time သတင်းစာတွင် ရေးသားဖော်ပြထားသည်။
အိန္ဒိယ၏ သွင်းကုန်၊ ထုတ်ကုန်လုပ်ငန်း ဘဏ်တခု ဖြစ်သည့် Export-Import Bank of India မှ မန်နေဂျင်း ဒါရိုက် တာလည်းဖြစ်၊ ဘဏ်ဥက္ကဋ္ဌ လည်းဖြစ်သူ T.C.A Ranganathan က မြန်မာနှင့် ကုန်သွယ်ရေး အဆက်အသွယ် များ ဖွင့် လှစ်ချိတ်ဆက်ထားခြင်းနှင့် ဘင်္ဂလာဒေရှ့်တွင် ခရီးတထောက် နားခိုသည့် ကြားစခန်းများထားရှိခြင်းသည် အိန္ဒိယ အရှေ့မြောက် ဒေသ၏ သဘာဝမြေသြဇာသုံးသည့် စိုက်ပျိုးရေး ထွက်ကုန်များအတွက် အခွင့်အလမ်းသစ် တခုဖြစ်လာနေကြောင်း ဗုဒ္ဓဟူးနေ့ က ဘဏ်ဥက္ကဌ က ပြောဆိုသည်ဟု သတင်းစာက ရေးသားသည်။
“ကျနော်တို့ဟာ လာမယ့် လအနည်းငယ်အတွင်း ရုံးမိမိတို့ရုံးကို စတင်လည်ပါတ်နိုင်မယ်လို့ မျှော်လင့်ထားသလို ခွင့်ပြုမိန့်ကိုလည်း လျှောက်ထားပြီး ဖြစ်တယ်” ဟု ၎င်း က ဆိုသည်။ အဆိုပါ ဘဏ်သည် မြန်မာနှင့် ဘင်္ဂလားဒေရှ့် နှစ်နိုင်ငံအား ဆိုင်းငံ့အကွေး ပေးချေ စနစ်ဖြင့် ကုန်ပစ္စည်းများ ဝယ်ယူနိုင်ရေး ခွင့်ပြုထားကြောင်း သိရသည်။
အဆိုပါ ဘဏ်သည် အိန္ဒိယနိုင်ငံတွင်း၌ ၎င်းတို့၏ ရုံး ၁ဝ ရုံးနှင့် ပြည်ပနိုင်ငံများတွင် ရုံးး ခုနှစ်ရုံး ဖွင့်လှစ် ထားရှိသည်။
အရှေ့မြောက်ဒေသ အတွက် အိန္ဒိယ၏ နိုင်ငံခြားတင်ပို့ကုန် ငွေပမာဏအားဖြင့် ရူပီးငွေ ကုဋေ ၁ ထောင် (အမေရိကန် ဒေါ်လာသန်းပေါင်း ၁၂,ဝဝဝ ခန့်) ထဲမှ ၅ ရာခိုင်နှုန်းသော ငွေပမာဏကို ဒေသစိုက်ပျိုးရေး ထွက်ကုန်များ တင်ပို့ခြင်းအတွက် လျာထားသုံးစွဲကြောင်း သိရသည်။
အဆိုပါဘဏ်သည် လက်ဖက်ခြောက် ထွက်ကုန်များ၊ ကျောက်မီးသွေးနှင့် ထုံးကျောက် တင်ပို့ခြင်း လုပ်ငန်းများကို အလုံးအရင်း ဖြင့် လုပ်ကိုင်လျက်ရှိသည်။ အိန္ဒိယတနိုင်ငံလုံး နိုင်ငံခြားတင်ပို့ကုန် ပမာဏ၏ ၁ ရာခိုင်နှုန်းထက် နည်းပါးသည့် ပမာဏအား အရှေ့မြောက်ဒေသတွင်း ဖြတ်ကျော်ကာ ပုံမှန်ကုန်သွယ်မှု ပြုလုပ်ကြောင်း အိန္ဒိယနိုင်ငံ စီးပွားရေးနှင့် ကူးသန်း ရောင်းဝယ်ရေး ဝန်ကြီးဌာန အဆိုရ သိရှိရကြောင်း The Economic Time က ရေးသား ဖော်ပြသည်။
Ref: မဇ္ဈိမ
Read More...
Collapse...
နေမျိုး
ဒီဇင်ဘာလ ၀၅ ရက် ၂၀၁၂ ခုနှစ်
မြန်မာနှင့် အိန္ဒိယနိုင်ငံတို့တွင် ပျံ့နှံ့နေထိုင်လျက်ရှိကြသော နာဂ တိုင်းရင်းသားများအကြောင်း ရုပ်ရှင်ကား ရိုက်ကူးမည်ဟု ဒါရိုက်တာ ကြည်ဖြူသျှင် က ပြောသည်။
လက်ရှိ အာရုံစိုက်လျက်ရှိသော ဗိုလ်ချုပ်အောင်ဆန်း ရုပ်ရှင် ပြီးနောက် ကိုယ်တိုင် ဦးစီးကာ နာဂဇာတ်ကားကို ရိုက်ကူးရန် စီစဉ်ထားပြီး အိန္ဒိယဘက်ခြမ်းရှိ Nagaland ပြည်နယ်သို့ ၂ဝ၁၃ ခုနှစ်၊ မတ်လတွင် သွားရောက်လေ့လာ မည်ဟု ဆိုသည်။
“အဓိက ကတော့ နာဂ ရုပ်ရှင်ကားရိုက်ဖို့ ရှိလို့။ နာဂနဲ့ ပါတ်သက်ပြီးတော့ Nagaland ရော၊ မြန်မာပြည်က Naga Hill (နာဂတောင်တန်း)ရော နာဂလူမျိုးတွေအကြောင်း ရုပ်ရှင်ကားကြီး ရိုက်ဖို့၊ နာဂ အဖွဲ့အစည်းနဲ့ ဆက်သွယ်မိပြီး သူတို့ဘက်က ရုပ်ရှင် ရိုက်ဖို့ ကမ်းလှမ်းတယ်။ ဇာတ်ကားရိုက်ဖို့ သွားလေ့လာမယ်” ဟု မဇ္ဈိမကို ပြောသည်။
နာဂတိုင်းရင်းသားများ၏ လက်မှုအနုပညာ ရှေးရိုးရာ အသုံးအဆောင်များ ဖြစ်သည့် ပုတီးဆွဲကြိုး၊ ရိုးရာစောင်များနှင့် ၎င်းတို့၏ အနုပညာ ဖန်တီးမှုသည် စိတ်ဝင်စားဖွယ်ကောင်း၍ ရုပ်ရှင်ကား ရိုက်ကူးရန် ဆန္ဒပြင်းပြခဲ့သည် ကြည်ဖြူသျှင် က ဆိုသည်။
“နိုင်ငံခြားသားတွေ ကြိုက်တဲ့ နာဂ ဓါတ်ပုံတွေ၊ နိုင်ငံခြားသားတွေ ထုတ်တဲ့စာအုပ်တွေကို ကြည့်ရတယ်။ အနုပညာ သမား တယောက်အနေနဲ့ သူတို့ရဲ့အိမ်တွေ၊ အနုပညာ ပစ္စည်းတွေ၊ အကုန်လုံးက အရမ်းစိတ်ဝင်စားစရာ ကောင်းတယ်။ အရမ်း ဆွဲ ဆောင်တယ်။ ဒါကြောင့် နာဂ အကြောင်းရိုက်မယ်လို့ စဉ်းစားတယ်” ဟု ပြောသည်။
ထိုရုပ်ရှင်ကားကြီး ရိုက်ကူးရာတွင် ဝတ္တုဆန်ဆန်ရိုက်မှာ မဟုတ်ဘဲ ဇာတ်လမ်း ရေးသားရာတွင် နာဂ တိုင်းရင်းသား ပညာရှင်များ ကိုယ်တိုင်ပါဝင်မှာဖြစ်ပြီး ဝေးလံခေါင်ဖျားသည့် နေရာမှ ရိုးသားကြိုးစားသည့် နာဂ ခေတ်လူငယ်များ အကြောင်းလည်း ပါဝင် မည်ဟု သိရသည်။
မြန်မာဘက်ခြမ်းရှိ နာဂတိုင်းရင်းသားများမှာ လမ်းပန်းဆက်သွယ်ရေး အခက်အခဲနှင့် ဆင်းရဲနွမ်းပါးမှုများ ရင်ဆိုင် ကြုံတွေ့နေရပြီး အိန္ဒိယဘက်ခြမ်းရှိ နာဂတိုင်းရင်းသားများမှာမူ တိုးတက်ခေတ်မီကြောင်း သူက နှိုင်းယှဉ်ပြောပြသည်။
“နာဂမှာ အရမ်းပြည့်ဝတဲ့ ပညာတတ်တဲ့သူတွေ ရှိတယ်။ ကျမ တို့နိုင်ငံမှာရှိတဲ့ နာဂ လူမျိုးတွေက အရမ်းဆင်းရဲတယ်။ တဘက် နိုင်ငံမှာရှိတဲ့ နာဂလူမျိုးတွေက အရမ်း တိုးတက်ပြီး အရမ်းခေတ်မီတယ် ဆိုတာကိုလည်း သိစေချင်တယ်။ ကျမတို့ နာဂ တောင် တန်းက ကြိုးစားတဲ့သူတွေက တဘက်နိုင်ငံမှာ စာသွားသင်တာတွေ ရှိတယ်။ တောင်တန်းတွေ ကို ကျော်ပြီးသွားသင်တယ်။ ကမ္ဘာပါတ်နေတဲ့ နာဂတွေ ရှိတယ်ဆိုတာ သိစေချင်တယ်။ လူဆိုတာ တကယ်ကြိုးစားလို့ ရှိရင် ဘယ်နေရာမှာပဲ ဖြစ်ဖြစ် အောင် မြင် နိုင်တယ်။ ခေါင်တဲ့ နေရာမှာရှိတဲ့ အရမ်းကြိုးစားတဲ့သူတွေ အကြောင်း ကျမက သိရတယ်” ဟု ကြည်ဖြူသျှင် က ဆိုသည်။
ထိုဇာတ်ကားကြီးကို နိုင်ငံတကာအဆင့် ပြသနိုင်ရန်အတွက် အချိန်ယူ ရိုက်ကူးမည်ဟု သိရသည်။
အမျိုးသမီး ဒါရိုက်တာ ကြည်ဖြူသျှင်၏ မှတ်တမ်းတင် ရုပ်ရှင်ကားတကားမှာ အမေရိကန် အခြေစိုက် အဖွဲ့တခု၏ ၂ဝဝ၈ ခုနှစ် အတွက် အကောင်းဆုံး မှတ်တမ်းတင် ရိုက်ကူးချက် "2008 Best Short Award "ဆု ရရှိခဲ့ဖူးသည်။ ထို့အပြင် အမေ ရိကန် ပြည်ထောင်စု၊ ဝါရှင်တန်ဒီစီ အခြေစိုက် National Geo-graphic အဖွဲ့မှ ဦးစီး ကျင်းပခဲ့သော ၅ ကြိမ်မြောက် ရုပ်ရှင်ပွဲတော်၌ ဒါရိုက်တာ ကြည်ဖြူသျှင် ရိုက်ကူးသော A Sketch of Wathone သည် ဆုရရှိခဲ့သည်။
Ref: မဇ္ဈိမ
Read More...
Collapse...
နေမျိုး
ဒီဇင်ဘာလ ၀၆ ရက် ၂၀၁၂ ခုနှစ်
အိန္ဒိယ မြန်မာ စစ်ဘက်နှင့် အရပ်ဘက် အရာရှိကြီးများ ပါဝင်သည့် အိန္ဒိယ-မြန်မာ နယ်စပ်ရေးရာ ကော်မတီ အစည်းအဝေးကို ဒီဇင်ဘာလ ၅ ရက်နေ့တွင် စတင်ခဲ့ပြီး ဆွေးနွေးမှုကို ဒီဇင်ဘာ ၇ ရက်နေ့အထိ ပြုလုပ်သွားရန်ရှိ သည်ဟု အိန္ဒိယ မဏိပူ ပြည်နယ်ထုတ် Imphal Free Press သတင်းစာတွင် ဖေါ်ပြထားသည်။
နှစ်နိုင်ငံနယ်စပ်ဒေသ လုံခြုံရေးနှင့် ပါတ်သက်သည့် ကိစ္စရပ်များအပေါ် အမြင်များ ဖလှယ်ကြမည်ဖြစ်ပြီး နှစ်နိုင်ငံ စစ်ဘက်၊ အရပ်ဘက် ကိုယ်စားလှယ်များ တက်ရောက်သည့် အရေးပါသည့် အစည်းအဝေး တရပ်အဖြစ် အသိအမှတ်ပြုရသည့် အစည်း အဝေးလည်းဖြစ်သလို နှစ်နိုင်ငံစလုံး၏ လက်နက်ကိုင်သူပုန် ကိစ္စရပ်များ ထိန်းချုပ်ထားနိုင်မှုကို အကဲဖြတ်သည့် အစည်းအဝေး လည်းဖြစ်သည်ဟု သတင်းစာက ရေးသည်။
ကိုယ်စားလှယ်များအား နှစ်နိုင်ငံအကြား ပူးပေါင်းဆောင်ရွက်မှုများနှင့် မိတ်ဖက်အသွင်ဆောင်သည့် ချစ်ကြည်ရင်းနှီးမှုများ တိုး တက်ခိုင်မာလာစေရေး နှစ်ဘက် အကူအညီများ၊ အမြင်များ ကိုဖလှယ်နိုင်သည့် အခွင့်အလမ်းများ ရရှိစေသည့် ဆွေးနွေးပွဲလည်း ဖြစ်သည်ဟု ဖော်ပြပါရှိသည်။
အစည်းအဝေးနှင့်အတူ မြန်မာအတွက် စက်ပစ္စည်းများ အမှတ်တရ လက်ဆောင်အဖြစ် အိန္ဒိယက ပေးအပ်မည်ဟု သိရသည်။ အိန္ဒိယနိုင်ငံက ဖြေတူးစက် ၁၂ စီး အပါအ၀င် မြေညှိစက် လေးစီးကိုလည်း မြန်မာ၏ အခြေခံ အဆောက်အအုံများ ဖွံ့ဖြိုး တိုး တက်ရေးအကူအညီအဖြစ် နယ်စပ်မြို့ဖြစ်သည့် မိုးရေးမြို့တွင် ပေးအပ်မည်ဖြစ်သည်
ဟုလည်း ဖော်ပြထားသည်။
ထိုစက်ပစ္စည်းများအား မြန်မာကိုယ်စားလှယ် အဖွဲ့အကြီးအကဲ အနောက်မြောက်တိုင်း စစ်ဌာနချုပ် တိုင်းမှူး ဗိုလ်ချုပ်စိုးလွင် မှ လက်ခံရယူမည်ဖြစ်သည်။ အမှတ်တရ စက်ပစ္စည်းများ လက်ဆောင်ပေးပွဲကို နှစ်နိုင်ငံစလုံးမှ ကိုယ်စားလှယ်များ တက်ရောက်ကြ ပြီး အိန္ဒိယ ဘက်မှ ဒုဗိုလ်ချုပ် Lt Gen AK Sahni ဦးဆောင်တက်ရောက်သည်။
Ref: မဇ္ဈိမ
Read More...
Collapse...
ဖနိဒါ
ဒီဇင်ဘာလ ၀၆ ရက် ၂၀၁၂ ခုနှစ်
အစိုးရတပ်နှင့် ကချင်လွတ်လပ်ရေးအဖွဲ့တို့ တိုက်ပွဲများဖြစ်ပွားနေစဉ် ဝန်ကြီး ဦးအောင်မင်း ဦးဆောင်သည့် ပြည်ထောင်စု ငြိမ်း ချမ်းရေး လုပ်ငန်းဖော်ဆောင်ရေး ကော်မတီနှင့် နိုင်ငံရေးတွေ့ဆုံ ဆွေးနွေးရန် အဆင်သင့်ရှိသည်ဟု KIO ၏ ပြောရေးဆိုခွင့်ရှိသူ ဦးလနန်က ပြောသည်။
“အခု ဘယ်တော့ ပြန်တွေ့ကြမယ်ဆိုတဲ့အပိုင်းမှာ ဦးအောင်မင်း သူ အစည်းအဝေးမှာ ပြောတဲ့အပိုင်းဘဲ ရှိတယ်။ အခု ပြန်တွေ့ ဖို့က တကယ်လို့များ ဦးအောင်မင်းဘက်က ပြန်ပြီးတွေ့ရအောင်ဆိုရင်တော့ တွေ့ဖို့ အဆင်သင့်ပါ”ဟု သူက ပြောသည်။
ပြီးခဲ့သည့် အောက်တိုဘာလ ၃၀ ၇က်နေ့က တရုတ်နိုင်ငံ ရွှေလီမြို့တွင် တွေ့ဆုံစဉ် KIO နိုင်ငံရေး တွေ့ဆုံဆွေးနွေးမှု ပြုလုပ် ရန် တင်သွင်းပြီးနောက် ပြည်ထောင်စုဝန်ကြီး ဦးအောင်မင်းက တစ်လအတွင်း ပြန်လည်တွေ့ဆုံရန် ပြောဆိုခဲ့ သည်ဟုလည်း ဦးလနန်က မဇ္စျိမကို ပြောသည်။
“ကျနော်တို့ဘက်က ကန့်သတ်တဲ့ ဘောင်မရှိတဲ့ နိုင်ငံရေး တွေ့ဆုံဆွေးနွေးပွဲကို အဲဒီနေ့မှာ စတင်ရအောင်ဆိုပြီး အဆိုတင်သွင်း ခဲ့တယ်။ ပြောဆိုရမဲ့ အပိုင်းတွေ အားလုံး ကျနော်တို့ ပြင်ဆင်သွားခဲ့တယ်။ ဒါပေမဲ့ ကျနော်တို့ အဆိုတင်သွင်းတာကို သိတာနဲ့ သူက နောက်တခါဆွေးနွေးပွဲ ဘယ်လို လုပ်ကြမယ်ဆိုပြီး ပြောတော့ သူက နိုင်ငံရေး ဆွေးနွေးမှု ပြန်အချိန်ဆွဲလိုက်တဲ့ ပုံစံဖြစ် သွားတယ်”ဟု သူက ဆက်ပြောသည်။
ဝန်ကြီး ဦးအောင်မင်းနှင့် KIO တို့ ပြန်လည်တွေ့မည့်အစီအစဉ်ကို ကချင်ငြိမ်းချမ်းရေး အကျိုးဆောင်များက ဆက်သွယ်ခဲ့ သော်လည်း နှစ်ဘက်လုံးက တရားဝင် အကြောင်းကြားလာခြင်း မရှိသေးဟု ငြိမ်းချမ်းရေး အကျိုးဆောင် ဦးလမိုင်ဂွမ်ဂျာ က ပြောသည်။
“သူတို့(အစိုးရ)က ကေအိုင်အိုတွေဘက်က ဘယ်တော့ တွေ့မယ်ဆိုတာကို စောင့်နေတယ်လို့ ပြောတယ်။ ကေအိုင်အိုတွေ ဘက်မှာလည်း ရှေ့တန်းမှာ တိုက်ပွဲတွေက ဖြစ်ပွားနေတယ်ဆိုတော့ ဘာမှ မပြောလာသေးဘူး။ တိုက်ပွဲတွေ ဆက်တိုက် ဖြစ်လာတယ်ဆိုတော့ ပြန်တွေ့ဖို့ကတော့ ဘယ်တော့လည်းဆိုတာ မပြောတတ်တော့ဘူး”ဟု သူက မဇ္စျိမကို ပြောသည်။
နှစ်ဘက် တိုက်ပွဲ ဖြစ်ပွားမှု အခြေအနေနှင့် ပတ်သက်၍ ကချင်ပြည်နယ် ပန်ဝါမြို့နယ် တရုတ်-မြန်မာ နယ်ခြားမှတ်တိုင် ၆ နယ်မြေအတွင်း နှစ်ဖက် တိုက်ပွဲများ ဖြစ်ပွားနေကာ အစိုးရ၏ စစ်အင်အား စစ်ရဟတ်ယဉ်ဖြင့် ထပ်မံ ဖြည့်တင်းထားမှုများ ရှိနေသည်ဟု ဦးလနန်က ပြောသည်။
ယမန်နေ့က အစိုးရ၏ တပ်မ ၈၈ လက်အေက်ခံ ခြေမြန်တပ်ရင် တပ်ရင်း ခမရ ၁၃ တပ်ဖွဲ့များအား မြစ်ကြီးနားမြို့မှ ပန်ဝါ ဒေသဘက် အမြောက်လက်နက်ကြီးများ သယ်ဆောင်လာ၍ ယနေ့ နံနက် ၁၀ နာရီချိန်မှစ၍ လက်နက်ကြီး များဖြင့် KIO ၏ရှေ့တန်းစခန်းများရှိရာသို့ ပစ်ခတ်မှုများ ရှိနေသည်ဟု ဦးလနန်က ပြောသည်။
“မနေ့က ဟတ်စကီ ခေါက်တုံ့ခေါက်ပြန်ဆို ၇ စင်းလောက်ရှိတယ်။ ကျနော်တို့စခန်းရှိတဲ့ ဘက်မှာ ရှေ့တန်းစခန်းရုံး
တွေ ဖွင့်ပြီးမှ အခြေပြုနေကြတယ်။ သူတို့ဘက်က လက်နက်ကြီးနဲ့ ပစ်တော့ ကျနော်တို့ဘက်က ပြန်ပစ်ဖို့ လက်လှမ်း
မမီဘူး”ဟု ပြောသည်။
လက်နက်ကြီးများဖြင့် ပစ်ခတ်ပြီးနောက် အစုိုးရ၏ ခြေမြန်တပ်ဖွဲ့များ အင်အားတိုးမြင့်ချလာမှု ရှိလာမှ ခုခံ တိုက်ခံရန် စောင့်ကြည့် နေသည်ဟု သူက ဆိုသည်။ ထိုဒေသတွင် ယခု ဒီဇင်ဘာလ ၁ ရက်နေ့မှစတင် တိုက်ပွဲများ နေ့စဉ် ဖြစ်ပွားနေရာမှ ယနေ့ ကြာသာပတေးနေ့တွင် လက်နက်ကြီးများဖြင့် ပစ်ခတ်နေသည်ဟု သူက မဇ္စျိမကို ပြောသည်။
“မနေ့တနေ့က ပို့ပေးတာက ခမရ ၂၆၀ ပို့ပေးတယ်။ မနေ့ကတော့ ခမရ ၁၃ ပို့ပေးတယ်။ ခုဒီနေ့ တပ်မ ၈၈ တပ်မမှူး ပန်ဝါဘက်ကို လေကြောင်းဖြင့် တက်ပြီး စစ်ဆင်ရေးကွပ်ကဲဖို့ အဆင်သင့်လုပ်နေကြတယ်”ဟု ဆက်ပြော သည်။
အလားတူ ယခုလ ၃ ရက်နေ့က ဖားကန့်မြို့နယ် တနိုင်းကားမလမ်းမပေါ်ရှိ စစ်ကြောင်း တက်လာသဖြင့် ရှရုဇွပ်ကျေးရွာအနီး အစိုးရဘက်မှ လက်နက်ဖြင့် ပစ်ခတ်ခြင်းကြောင့် ဒေသခံ ရွာသားသုံးဦး ကျည်ဆံထိမှန်ကာ တဦးသေဆုံးသွားပြီး နှစ်ဦးမှာ မြစ်ကြီးနားမြို့ ပြည်သူ့ဆေးရုံတွင် ဆေးကုသမှု ခံယူနေသည်ဟု အမျိုးသားဒီမိုကရေစီ အင်အားစု NDF ပါတီမှ ကချင်ပြည်နယ် တာဝန်ခံ ဒေါ်ဘောက်ဂျာက ပြောသည်။
နမ္မတီး သို့မဟုတ် မြစ်ကြီးနားဘက်မှ အစိုးရ၏ စစ်ယဉ်တန်းများလည်း ထပ်မံ တက်လာမည်ဟု ဆိုကာ တနိုင်းကားလမ်း တလျှောက် လုံခြုံရေး တပ်များ စောင့်ကြပ်မှု ရှိနေသည်ဟု သူက မဇ္စျိမကို ပြောသည်။
Ref: မဇ္ဈိမ
Read More...
Collapse...
December 3, 2012
ဖမ်းဆီးခံထားရသော ဘင်္ဂလာဒေ့ခ်ျနိုင်ငံသား ၁၂ ဦးကို မြန်မာက ဘင်္ဂလာဒေခ်ျ့သို့ ယမန်နေ့က တရားဝင် လွှဲပြောင်းပေးအပ် လိုက်သည်ဟု သိရသည်။
မောင်တောမြို့ ဒေ၀ါနဒီ ခန်းမတွင်ပြု လုပ်ခဲ့သည့် နှစ်ဘက် နယ်ခြားစောင့် တပ်ဖွဲ့၏ ဆွေးနွေးပွဲ အပြီးတွင် ထိုသူများကို ဘင်္ဂလာဘက်သို့ လွဲပြောင်းပေး လိုက်သည်ဟု ဆိုသည်။
ဆွေးနွေးပွဲအား နံနက် ၁၀ နာရီက စတင်ကာ နေ့လည် ၁၂ နာရီအထိ ပြုလုပ်ခဲ့ကြသည်ဟု ဆိုသည်။
ဆွေးနွေးပွဲသို့ ဘင်္ဂလာဘက်ကမှ တက်ကနက်အခြေစိုက် အမှတ် ၄၂ ဘီဂျီဘီ နယ်ခြားစောင့်တပ်မှ အရာရှိကာမ်ရူလ် ဟာဆန်း ဦးဆောင်သည့် အဖွဲ့တက်ရောက်ခဲ့ပြီး မြန်မာဘက်မှ လူဝင်မှုကြီးကြပ်ရေးဌာနအ ရာရှိ ဦးစိန် ဦးဆောင်သည့် အဖွဲ့တက်ရောက် ခဲ့သည်။
ဆွေးနွေးပွဲတွင် အကျဉ်းသားများ အပြောင်းအလွဲ လုပ်ရေး၊ မူးယစ်ဆေးဝါးနှင့် တရားဝင်နယ်စပ် ဖြတ်ကျော်သည့် ကိစ္စများကို အရေးယူဆောင်ရွက်ရေး၊ နယ်စပ် လုံခြုံရေး စသည့် အချက်များကို ဦးစားပေး ဆွေးနွေးခဲ့ကြသည်ဟု ဆိုသည်။
ယခု မြန်မာဘက်မှ လွှဲပြောင်း ပေးလိုက်သည့် ဘင်္ဂလားဒေ့ခ်ျနိုင်ငံသား ၁၂ ဦးမှာ သြဂတ်စ်လ ၂၆ ရက်နေ့က နတ်မြစ်အတွင်း ငါးဖမ်းနေစဉ် မြန်မာ နစကတပ်ဖွဲ့၏ ဖမ်းဆီးခြင်းကို ခံခဲ့ရသူများဖြစ်ကြောင်း ဘင်္ဂလီ သတင်းစာ တစ်ခု၏ သတင်းတပုဒ်တွင် ဖော်ပြသည်။
သူတို့မှာ တက်ကနက်မြို့နယ် ကူတူဒီယာ ကျေးရွာမှ ဖြစ်ကြပြီး ယခုအခါ ရဲစခန်းတွင် ထိမ်းသိမ်းထားပြီး မိသားစုများထံပို့ပေးရန် စီစဉ်နေကြောင်း သိရသည်။
၂၀၀၉-ခုနှစ်မှ ၂၀၁၂ ခုအထိ မြန်မာဘက်တွင် ဖမ်းဆီးခံထားရသည့် ဘင်္ဂလာဒေ့ခ်ျနိုင်ငံသား ၂၄၄ ဦး ရှိသည်ဟု သိရသည်။
အဆိုပါ အကျဉ်းသားများကို ဘင်္ဂလာဘက်ကို လွှဲပြောင်းရန် လွန်ခဲ့သည့် သြဂတ်စ်လ ၂၆ ရက်နှင့် နိုဝင်ဘာ ၁၄ ရက်နေ့က တစ်ကြိမ်ကျစီ မြန်မာဘက်မှ ဘင်္ဂလာနယ်ခြားစောင့်တပ်ကို အကြောင်းကြား ခဲ့ကြောင်း သိရသည်။ သို့သော် ယခုအချိန်ထိ လွှဲပြောင်းနိုင်ခြင်း မရှိသေးကြောင်း ဆိုသည်။
Ref: နိရဉ္စရာ
Read More...
Collapse...
December 2, 2012
မောင်အေး
စစ်ကိုင်းတိုင်း ဆားလင်းကြီးမြို့နယ် လက်ပံတောင်းတောင် ကြေးနီစီမံကိန်း ရပ်တန့်ရေး အတွက် ငြိမ်းချမ်းစွာ ဆန္ဒထုတ်ဖော် နေသည့် သံဃာတော်များနှင့် ဒေသခံများကို အာဏာပိုင်များက အကြမ်းဖက် ဖြိုခွင်းခဲ့သည့် အပေါ် ရှုတ်ချ ကန့်ကွက်သည့် အနေဖြင့် စစ်တွေမြို့တွင် အမျိုးသမီး တစ်ဦးက တစ်ကိုယ်တော် ဆန္ဒပြသည်။
တစ်ကိုယ်တော် ဆန္ဒပြသူမှာ စစ်တွေမြို့မှ အမျိုးသမီးအရေး လှုပ်ရှာနေသူတစ်ဦး ဒေါ်ညိုအေး ဖြစ်သည်။ သူမသည် ဆိုင်းဘုတ် တစ်ခုအား ကိုင်ဆောင်ပြီး ယန့ နေ့လည် ၂ နာရီခွဲမှ ၄ နာရီအထိ စစ်တွေမြို့ လောကာနန္ဒာစေတီမှ လမ်းမကြီးအတိုင်း လမ်းလျှောက် သွားပြီး နာရီစင်ဝိုင်းမှ တစ်ဆင့် မောလိပ် ရပ်ကွက်ကို ဖြတ်ကာ မင်းဘာကြီးလမ်းရှိ ရခိုင်ပြည်နယ် အမျိုးသမီး များကွန်ယက်ရုံးထိ ချီတက် ဆန္ဒပြခဲ့ကြောင်း သိရသည်။
တစ်ကိုယ်တော် ဆန္ဒပြရသည့်အကြောင်းကို သူမက ယခုကဲ့သို့ ပြောသည်။
“ အခုလို ကျမတို့ဘက်က ဆန္ဒကို ထုတ်ဖော်ပေးနိုင်တဲ့အတွက် လက်ပံတောင်းတောင် ကြေးနီစီမံ ကိန်း အတွက် တိုက်ပွဲဝင် နေတဲ့သူတွေအတွက် အထောက်အကူ တခုဖြစ်မယ်လို့ထင်တယ်။ ပြီးတော့ သံဃာတော်တွေ အဆမတန် ဒဏ်ရာသွားခဲ့ကြရတဲ့ အကြမ်းဖက်မှုကို ရှုတ်ချတဲ့ အနေနဲ့လည်း ပါဝင်ပါတယ်။ နောက်ပြီး လက်ပံတောင်းတောင် ကိစ္စကို ရခိုင်ပြည်သူတွေကို ပိုပြီး သိစေချင်တဲ့ အတွက် လုပ်တာ ဖြစ်ပါတယ်” ဟု ဆိုသည်။
ယခုကဲ့သို့ တစ်ကိုယ်တော် ဆန္ဒပြသည့်အတွက် ဒေါ်ညိုအေးအား ရဲစခန်းသို့ခေါ်ယူ သတိပေးမူ ပြုလုပ်ခဲ့သည်ဟု သူမက ဆက်ပြောသည်။
“ နောက်ဒီ လိုမျိုး ဆန္ဒပြမယ်ဆိုရင် သက်ဆိုင်ရာမှာ လျှောက်လွာတင်ပြီး ခွင့်ပြုချက်ယူရမယ်လို့ ပြော တယ်။ ကျမကလည်း တစ်ကိုယ်တော် ဆန္ဒပြတာဖြစ်တဲ့ အတွက် ပုဒ်မ ၁၄၄ နဲ့လည်း ငြိစွန်းမှု မရှိတဲ့ အတွက် ခွင့်ပြုမိန့် ယူစရာ မလိုတဲ့အကြောင်းကို ပြန်ပြောခဲ့တယ်” ဟု ဆိုသည်။
မြန်မာ ဦးပိုင် ကုမ္ပဏီနှင့် တရုတ်ဝန်ပေါင် ကုမ္ပဏီတို့ ပူးပေါင်းလုပ်ဆောင်နေသည့် လက်ပံတောင်းတောင် ကြေးနီစီမံကိန်း ကြောင့် ကျေးရွာ အများ အပြား ပြောင်းရွေ့ခံရပြီး ဒေသခံများပိုင်ဆိုင်သည့် လယ်မြေ အများအပြား ဆုံးရှုံးရသည့် အပြင် သာသနိက အဆောက်အဦးများပါ ဖျက်ဆီးခံရသည့်အတွက် သံဃာတော်များနှင့် ဒေသခံပြည် သူများက စီမံကိန်း ရပ်တန့်ရန် ငြိမ်းချမ်းစွာ ဆန္ဒပြ တောင်းဆိုနေကြသည်။
ငြိမ်းချမ်းစွာ ဆန္ဒပြတောင်းဆိုသည့် သံဃာများနှင့်ပြည်သူများကို လုံခြုံရေးတပ်ဖွဲ့ဝင်များက အင်အား အလွန်အကျွံ သုံးပြီး နိုဝင်ဘာလ ၂၉ ရက်နေ့အာရုံတက်ချိန်အကြမ်းဖက်ဖြိုခွင်းရာတွင် မီးလောင်စေ သည့် ဓါတုလက်နက်များဟု အများက ယူဆနေသော လက်နက် တမျိုးကို သုံးစွဲ ဖြိုခွင်းခဲ့သည့် အတွက် သံဃာတော် အများအပြားမှာ ဒဏ်ရာအပြင်းအထန် ရရှိခဲ့သည့်အတွက် ဆေးကုသမှု ခံယူနေကြရသည်။
ယခုကဲ့သို့ အကြမ်းဖက်ဖြိုခွဲမှုကို ကန့်ကွက်သည့်အနေဖြင့် ရန်ကုန်အပါအ၀င် မြို့ကြီးတချို့တွင် သံဃာတော်များက ငြိမ်းချမ်း စွာဆန္ဒပြ ကန့်ကွက်နေကြပြီး အဖွဲ့အစည်းအသီးသီးမှလည်း ကြေငြာ ချက်ထုတ်ကာ အာဏာပိုင်များ၏ လုပ်ရပ်ကို ရှုတ်ချ နေကြသည်။
အာဏာပိုင်များမှ ယခုကဲ့သို့ အကြမ်းဖက်ဖြိုခွင်းမှုကို ရှုတ်ချသည့်ဆန္ဒပြမှုများ မြန်မာနိုင်ငံအနှံ့ အပြားတွင် ပေါ်ထွက်လာသည့် အတွက် ဒေါ်အောင်ဆန်းစုကြည် ဦးဆောင်သည့် အဖွဲ့ဝင် ၃၀ ပါ စုံစမ်းစစ်ဆေးရေးကော်မီတီတစ်ခုကို သမတဦးသိန်းစိန်က ဒီဇင်ဘာလ ၁ ရက်နေ့က ဖွဲ့ပေးလိုက်ပြီး ဒီဇင်ဘာလ ၃၁ ရက်တွင် ကော်မီတီ၏ တွေ့ရှိချက်များကို သမတထံသို့ တင်ပြရ မည်ဖြစ်ကြောင်း သိရသည်။
Ref: နိရဉ္စရာ
Read More...
Collapse...
မောင်ယဉ်ကျော်-မန္တလေး(မြစ်မခ)
3 Dec, 2012
လက်ပံတောင်းတောင်ကြေးနီစီမံကိန်းစုံစမ်းစစ်ဆေးရေးကော်မရှင်အား၂၀၁၂ခုနှစ် ၊ဒီဇင်ဘာလ တစ်ရက်နေ့တွင် အမျိုးသား ဒီမို ကရေစီအဖွဲ့ချုပ် ဥက္ကဋ္ဌဒေါ်အောင်ဆန်းဆုကြည်အပါအ၀င်အဖွဲ့ဝင် (၂၈)ဦးဖြင့် ဖွဲ့စည်းခဲ့ကြောင်း သတင်းထုတ်ပြန်ချက်များအရ သိရသည်။
အဆိုပါစုံစမ်းစစ်ဆေးရေးကော်မရှင်ဖွဲ့စည်းမှုတွင် လက်ပံတောင်းတောင်ကြေးနီစီမံကိန်း နောက်ခံသမိုင်းကြောင်းသိသူ တစ်ဦး တစ်ယောက်မှမှ ပါဝင်မှုမရှိကြောင်း လက်ပန်တောင်းတောင်ကြေးနီစီမံကိန်း၏ သဘာဝပတ်ဝန်းကျင်ပြဿနာ အကြောင်း အစအဆုံးပြုလုပ်နေသည့် မြန်မာ့အစိမ်းရောင် ကွန်ယက် ဥက္ကဋ္ဌဒေါ်ဒေ၀ီသန့်စင်ပြောသည်။
“ဒေါ်အောင်ဆန်းစုကြည်အနေနဲ့ဥက္ကဋ္ဌဆိုတော့ အလားအလာကောင်းပါတယ်၊ ဒါပေမယ့်ပညာရှင်တွေ မပါဝင်ခဲ့ပါဘူး ၊ဒေါ်စုရယ်၊ ၈၈မျိုးဆက်ရယ် ပါတဲ့(၂၈)ယောက်ပါတဲ့အတွက် ဘာတွေဖြစ်လာမလဲ ဆိုတာ ပြောဖို့ စောလွန်းပါတယ်၊ အကြောင်းအရာ တစ် ခုက အခုမှစပြီးတည်ဆောက်ကာစရှိသေးတယ်၊ ဘယ်လိုလူတွေ ပါဝင်မယ်ဆိုတာ အရင်ဆုံး ကြည့်ရမယ်၊ ဌာနဆိုင်ရာကကော၊ ပြည်သူကကောသမိုင်းကြောင်းကို နားလည်မယ်၊ လက်ပံတောင်းတောင် ကိစ္စကိုလည်း တကယ့်ထဲထဲဝင် မိုင်းနင်းလုပ်ကိုင်နိုင် မယ့်ပညာရှင်တွေ ပါဝင်ဖို့လိုတယ်၊ အမှန်ကိုအမှန်အတိုင်း ပြောနိုင်မယ့်သူတွေပါဖို့ လိုတယ်၊ ဒါမှပြဿနာပြေလည်မယ် လို့ထင် တယ်”ဟုဒေါ်ဒေ၀ီသန့်ဇင်က ဆက်လက်ပြောကြားသည်။
ဒေါ်ဒေ၀ီသန့်စင်သည် မြစ်ဆုံစီမံကိန်းရပ်တန့်အောင်ဦးဆောင်လှုပ်ရှားတစ်ဦးလည်းဖြစ်သည်။
ပြည်သူလေးစားယုံကြည်လေးစားယုံကြည်သည့် ပြည်တွင်းပြည်ပ ပညာရှင်တွေပါလျှင် ပြည်စုံလုံလောက်မှု ရှိကြောင်း ယခု ပါ ၀င်သည့်သူများမှာ မည်သည့်အတိုင်းအတာအထိ ပူးပေါင်းပါမည်ဟု သေသေချာချာ မဆန်းစစ်ရ သေးသည့် အတွက် ပြည်စုံ လုံလောက်သည်ဟု မပြောလိုကြောင်း၊ စုံစမ်းစစ်ဆေးရေးအဖွဲ့တွင် ပါဝင်သည့် ပုလဲမြို့နယ်၊ပြည်သူ့လွှတ်တော်ကိုယ်စားလှယ် ဒေါ်ခင်စန်းလှိုင်ကပြောသည်။
၎င်းသည် လက်ပံတောင်းတောင်ကြေးနီစီမံကိန်းနှင့်ပက်သက်၍ ပဉ္စမအကြိမ်ပြည်သူ့လွှတ်တော် အစည်းအဝေး တွင်ပြန်လည် အရေးပေါ်သုံးသပ်ရန် အဆိုတင်သွင်းခဲ့သော ပြည့်သူ့လွှတ်တော်ကိုယ်စားလှယ်တစ်ဦး ဖြစ်သည်။
စုံစမ်းရေး စစ်ဆေးရေးအဖွဲ့အနေဖြင့် တစ်တတာအချိန်ကာလဖြင့် လုံလောက်မှုရှိနိုင်မည် မထင်ကြောင်း ကိုလည်း ၄င်းက ဆက်ပြောသည်။
“လုံခြုံရေးအရ ပတ်ဝန်းကျင်ထိန်းသိမ်းရေးအတွက်၊ဆိုရင် လုပ်သင့်လုပ်ထိုက်တာ လုပ်ရမယ်၊ ပြည်သူတွေ အတွက် ထိခိုက် မယ်၊သဘာဝ ပတ်ဝန်းကျင်အတွက် ထိခိုက်မယ်၊ ဒေသခံပြည်သူတွေအတွက် အာမခံချက် မပေးနိုင်ဘူး၊ လျော်ကြေးမရနိုင်ဘူး၊ ပြည်သူ့အနာဂတ်အတွက် ဘာမှမရှိဘူးဆိုရင်တော့ ကန့်ကွက်ပါတယ်”ဟု လက်ပံတောင်း အရေးနှင့်ပတ်သက်၍ နိုင်ငံတော် သမ္မတရုံးမှထုတ်ပြန်သော စုံစမ်းစစ်ဆေးရေးကော်မရှင်တွင် ပါဝင်သူ အမျိုးသားဒီမိုကရေစီအင်အားစုပါတီမှ ဦးခင်မောင်ဆွေက သုံးသပ်သည်။
Ref: နိရဉ္စရာ
Read More...
Collapse...
December 2, 2012
ရခိုင်ပြည်နယ် မာန်အောင်မြို့နယ် ရဲကျွန်းတွင် ပင်လယ်ထဲမှ ရေကူးလာသော ဘင်္ဂလာဒေခ်ျ့ နိုင်ငံသား ၂ ဦးကို ယမန်နေ့ ဖမ်းဆီး မိသည်ဟု သတင်း ရရှိသည်။
“ သူတို့ကို ပင်လယ်ထဲက ရေကူးလာပြီး လယ်တဲ တစ်ခုမှာ နားနေစဉ် ရွာသားတွေက ဖမ်းဆီးမိတာ ဖြစ်ပါတယ်။ သူတို့က ရခိုင်စကားလည်း မပြောတတ်ဘူး။ ကုလားစကား တတ်တဲ့ သူတစ်ယောက်က မေးကြည့်တော့ ဘင်္ဂလာနိုင်ငံ တက်ကနက်လို့ ပြောပါတယ်”ဟု ဒေသခံ တစ်ဦးက ပြောသည်။
သူတို့အား ဖမ်းဆီးမိပြီးနောက် အထက်သို့ တိုင်ကြားရာ နေ့လည် ၂ နာရီခန့်တွင် မာန်အောင်မြို့နယ် အုပ်ချုပ်ရေးမှူး ရောက်ရှိ လာပြီး မာန်အောင်မြို့သို့ ခေါ်ယူသွားသည်ဟု သိရသည်။
“ ကျွန်တော်တို့က ဘာမှ မလုပ်ပါဘူး။ သူတို့က ဒုက္ခရောက်နေတော့ ကယ်ဆယ်ထားပြီး သက်ဆိုင်ရာကို အပ်လိုက်ပါတယ်။ သူတို့ကို တရား ဥပဒေနဲ့အညီ ဆောင်ရွက်ရင်ပြီးပါပြီ” ဟု ဒေသခံက ပြောသည်။
သူတို့သည် ပင်လယ်ထဲရှိ စက်လှေပေါ်မှ ကူးပြီးလာသူများဟု ပြောကြောင်း၊ တစ်ခြား လူများ ရှိသေးသလား၊ စက်လှေက ဘယ်နားမှာရှိနေသလဲ၊ ဘာကြောင်းလာသလဲဟု မေးမြန်းရာ နားမလည်ဟု ဆိုကာ တစ်ခွန်းမှ ပြန်မပြောကြောင်း ဒေသခံများက ပြောသည်။
မာန်အောင်မြို့နယ် ရဲကျွန်းတွင် တောင်ပိုင်းရွာနှင့် မြောက်ပိုင်းရွာဟု အိမ်ခြေ ၅၀၀ ခန့်ရှိ ရွာ(၂) ရွာရှိပြီး အဆိုပါ ဘင်္ဂလီ (၂) ဦးကို ဖမ်းဆီရမိပြီးနောက် ရွာ(၂)ရွာ၏ လုံခြုံရေးကို တိုးမြှင့်လိုက်သည်ဟု ရွာသူ တစ်ဦးက ပြောသည်။
“အခုက ရွာမှာလူတွေ ကင်းလှည့်နေကြတယ်။ ညဆိုရင်လည်း ကင်းချပြီး ရွာတွေကို စောင့်ကြပါတယ်။ အခု သတင်းကြား တာက ရေလယ်မှာ စက်လှေနဲ့ နောက်ထပ် လူတွေ ရှိတယ်လို့ ကြားရတယ်။ ဟုတ် မဟုတ်ကိုလည်း မသိတော့ ရွာက လူတွေလည်း သွားမကြည့်ရဲဘူး။ ဒါပေမယ့် အဖေတို့က အခု ကမ်းနားကို ထွက်သွားကြတယ်” ဟုသူမက ဆိုသည်။
ယခုကဲ့သို့ ဘင်္ဂလီ ၂ ဦး ရေကူးပြီး ကျွန်းပေါ်တက်လာသဖြင့် ကျေးရွာသားများ အနေဖြင့် လုံခြုံရေး စိုးရိမ်နေကြသည်ဟု သူမက ဆိုသည်။
လွန်ခဲ့သော နိုဝင်္ဘာလ ၂၅ ရက်နေ့ကလည်း စက်လှေပျက်၍ ကမ်းကပ်လာသူ ဘင်္ဂလာဒေခ်ျ့ နိုင်ငံသား ၄၇ ကို ကျောက်ဖြူတွင် ဖမ်းဆီးရမိခဲ့ပြီး နောက်ပိုင်းတွင် စက်ကို ပြန်လည် ပြုပြင်ပေးပြီး အစားရေစာများ ကူညီကာ ပင်လယ်ထဲကို ပြန်လွှတ်လိုက် သည် ဟု သိရသည်။
Ref: နိရဉ္စရာ
Read More...
Collapse...
မောင်ယဉ်ကျော်-မန္တလေး(မြစ်မခ)
3 Dec, 2012
လက်ပံတောင်းတောင် သပိတ်ဖြိုခွဲမှုနှင့် ပတ်သက်၍ မုံရွာမြို့ရွှေစည်းခုံ ဘုရားဝင်းအတွင်းရှိ တင်ဝင်းထွန်း ဓမ္မာရုံ၌ စစ်ကိုင်း တိုင်းဒေသကြီး ရဲတပ်ဖွဲ့မှူးမှ ဦးဆောင်ပြုလုပ်သည့် မုံရွာမြို့ စာသင်တိုက်ဆရာတော်ကြီး များထံတွင် သြ၀ါဒခံယူပွဲအား တစ်ဖက်သက် ပြုလုပ်သည့် သြ၀ါဒခံယူပွဲဟု ထင်မြင်ကြောင်း ဒေသခံပြည်သူများက ဆိုသည်။
အဆိုပါသြ၀ါဒခံယူပွဲသို့ လက်ပံတောင်းတောင်သပိတ်တွင် အကြမ်းဖက်ခဲ့သော ရဲဝန်ထမ်း(လုံထိန်း)များ ပါဝင်မှု မရှိကြောင်းနှင့် မုံရွာအမှတ်(၁)ရဲစခန်းမှ ရဲဝန်ထမ်းများနှင့် ကလေးမြို့နယ်မှ ရဲဝန်ထမ်းများ(၁၀၀)ကျော် သာ ပါဝင် ကြောင်း သိရသည်။
“ကျွန်တော်တို့က လက်ပံတောင်းတောင် ကိစ္စနဲ့ပတ်သက်လို့ ဘာမှမသိရပါဘူး။ လက်ပံတောင်းတောင် ကိစ္စမှာလည်း မပါဝင် ပါဘူး။ အထက်က ခိုင်းလို့ ဒီပွဲကိုလာရတာပါ။ ကျွန်တော်တို့က မုံရွာအမှတ်(၁)ရဲစခန်းကပါ။ ကျွန်တော်က ဗုဒ္ဒဘာသာ မြန်မာ လူမျိုးတစ်ယောက်ပါ။ လပြည့်နေ့က ဖြစ်ခဲ့တဲ့ လက်ပန်းတောင်းတောင်ကိစ္စမှာ ထိခိုက်နစ်နာခဲ့တဲ့ ရဟန်းသံဃာတော်တွေနဲ့ ဒေသခံတွေအတွက် လုံးဝစိတ်မကောင်းပါဘူး။”ဟု သံဃာတော် များထံသြ၀ါဒခံယူရန် လာရောက်သောမုံရွာမြို့နယ် အမှတ် (၁)ရဲစခန်းမှ ရဲဝန်ထမ်းတစ်ဦးက ပြောသည်။
အဆိုပါပွဲ၌ စစ်ကိုင်းတိုင်းဒေသကြီးရဲတပ်ဖွဲ့မှူးမှ လက်ပံတောင်းတောင်အရေး လုံးဝရပ်ဆိုင်းရန် ဆန္ဒထုတ်ဖော်နေသော ပြည်သူ များ သံဃာတော်များအား ထိခိုက်နစ်နာစေရန်၎င်းအနေဖြင့် ရည်ရွယ်ချက်မရှိကြောင်း သံဃာတော်များ ထိခိုက် ဒဏ်ရာရ သွား ခြင်း အပေါ် စိတ်နှလုံးမသာမယာဖြစ်မိကြောင်းနှင့် ခွင့်လွှတ်ပေးရန် သံဃာတော်(၁၀)ပါးအား ရဲတပ်ဖွဲ့ဝင်တစ်ရာကျော်ခန့်နှင့် ၀န်ချတောင်းပန်၍ ဒဏ်ရာရ သံဃာတော်များအတွက် လိုအပ်သော ပစ္စည်းများပေး လှူခဲ့ကြောင်းသိရသည်။
ထိုသြ၀ါဒခံယူပွဲသို့ မန္တလေးတိုင်းမှ ဆရာတော်သံဃာတော်များနှင့် မုံရွာမြို့မှ ဆရာတော် သံဃာတော် ကြီးများ တတ်ရောက်ရန် ငြင်းဆန်ခဲ့ကြောင်းကိုလည်း သိရသည်။
မဟာဇောတိက ရာမကျောင်းတိုက် ဆရာတော်ဘုရားကြီးက အဆိုပါ သြ၀ါဒခံယူပွဲမှ လာရောက်ပင့်ဆောင်ရာတွင် ဆရာတော်ကြီး အနေဖြင့် သွားရောက်မည်ဆိုပါက သံဃာဂိုဏ်းကွဲသွားမည်စိုး၍ ငြင်းပယ်လိုက်ခြင်း ဖြစ်ကြောင်းကို လည်း သိရှိရသည်။
သပိတ်စခန်းများ အားအာဏာပိုင်များဘက်မှ မီးလောင်ဗုံးများ မျက်ရည်ယိုဗုံးများဖြင့်် ဖြိုခွင်းခဲ့ရာတွင် စစ်ကိုင်းတိုင်း ဒေသကြီး အမျိုးသား ဒီမိုကရေစီအဖွဲ့ချုပ်မှ လုံးဝလက်ခံ နိုင်စရာအကြောင်း မရှိကြောင်း လုံးဝကန့်ကွက်ကြောင်း NLDရဲ့ မူဝါဒ သဘောထား ထဲမှာလည်း အကြမ်းဖက်တဲ့ကိစ္စအား လက်မခံဘူးဆိုတာ ကြေငြာထားပြီးကြောင်း စစ်ကိုင်းတိုင်းဒေသကြီး အမျိုးသားဒီမို ကရေစီ အဖွဲချုပ် ဥက္ကဋ္ဌ မုံရွာဦးအောင်ရှင်က ပြောကြားသည်။
အဆိုပါ သြ၀ါဒခံယူပွဲနှင့်ပတ်သက်၍ မုံရွာမြို့နေဒေသခံတစ်ဦးက သြ၀ါဒခံယူပွဲနှင့်ပတ်သက်၍ ၎င်း၏ထင်မြင် ချက်အား အခုကဲ့သို့ ပြောခဲ့သည်။
“သူတို့ပြောဆို သုံးနှုန်းသွားတာက သူတို့ဘက်က တရားဝင်မှားတယ်လို့ ပေါ်ပေါ်ထင်ထင် ပြောမသွားဘူး။ မုံရွာမြို့ခံ လူတစ် ယောက် အနေနဲ့ မကျေနပ်ဘူး။ ကျွန်တော်သိရသလောက် သံဃာတော်တွေ သူတို့ပစ်လိုက်တဲ့ မီးလောင်ဗုံး ဒဏ်ကြောင့် ဆေးရုံမှာ တော်တော် ခံစားနေရတယ်။ ကျွန်တော်လည်းဗုဒ္ဓဘာသာတစ်ယောက် ဖြစ်လို့်လည်း လုံးဝ မကျေနပ်ပါဘူး”ဟု မုံရွာ မြို့ခံတစ်ဦးက ပြောသည်။
သြ၀ါဒခံယူပွဲပြီးချိန်၌ မုံရွာမြို့ခံများအော်ဟစ်ထွက်ခွာသွားပြီး ၎င်းတို့အနေဖြင့်ယခုကဲ့သို့ တစ်ဘက်သက် ပြုလုပ်သော အဆိုပါ သြ၀ါဒခံယူပွဲအားလုံးဝမကျေနပ်မှု မရှိကြောင်း ပြောဆိုကာ သြ၀ါဒခံယူပွဲပြီးချိန်၌ ထွက်ခွာ သွားကြသည်။
သြ၀ါဒခံယူပွဲအား ဒီဇင်ဘာလ(၁)ရက်နေ့ နေ့လည်(၂)နာရီ ခွဲအချိန်က မုံရွာ၌ ပြုလုပ်ခဲ့ခြင်းဖြစ်သည်။
Ref: မြစ်မခ
Read More...
Collapse...
1 Dec, 2012
စစ်ကိုင်းတိုင်းဒေသကြီး မုံရွာမြို့ ရွှေစည်းခုံစေတီ၌ သက်ဆိုင်ရာအာဏာပိုင်များက ပြုလုပ်သည့် သြ၀ါဒခံယူပွဲအား ဒီဇင်ဘာလ (၁)ရက်နေ့လည် (၂)နာရီတွင် ကျင်းပပြုလုပ်မည်ဖြစ်သည်။
အဆိုပါ သြ၀ါဒခံယူပွဲသို့ တာဝန်ရှိသူများက သံဃာ့နာယကအဖွဲ့ဆရာတော်များအား ဖိတ်ကြားခဲ့သော်လည်း မန္တလေးမှ ဆရာ တော်သံဃာတော်များ၊ မုံရွာနှင့် ပခုက္ကူမှ ဆရာတော်သံဃာတော်များက ကန့်ကွက်၍ တက်ရာက်မည်မဟုတ်ကြောင်းကိုလည်း မုံရွာမြို့သို့ရောက်ရှိနေသည့် မြစ်မခသတင်းထောက်က သတင်းပေးပို့သည်။
အဆိုပါသြ၀ါဒခံယူပွဲသို့ (၈၈)မျိုးဆက်ကျောင်းသားခေါင်းဆောင် ကိုမင်းကိုနိုင်အပါအ၀င် (၈၈)မျိုးဆက် ကျောင်းသား(၂၀) ကလည်း တတ်ရောက်မည်ဖြစ်ကြောင်း ဒေသခံများထံက သိရသည်။
လက်ပံတောင်းတောင်အရေးအတွက် မုံရွာမြို့သို့ရောက်ရှိနေသည့် ဒီချုပ်ပါတီဥက္ကဋ္ဌ ဒေါ်အောင်ဆန်းစုကြည်မှာ နိုဝင်ဘာ(၃၀) ရက်နေ့ ညနေပိုင်းက ရန်ကုန်မြို့သို့ ပြန်လည်ထွက်ခွာသွားပြီဖြစ်သည်။
Ref: မြစ်မခ
Read More...
Collapse...
ထွန်းနေအောင် (မြစ်မခ)
1 Dec, 2012
ကြေးနီတောင် စီမံကိန်းအား အစိုးရ မှတာဝန်ယူ ဖြေရှင်းပေးခြင်းမရှိလျှင် ရန်ကုန်ဆန္ဒထုတ်ဖော်မှုအား ဆက်လက်ပြုလုပ် မည်ဖြစ် ကြောင်း ဆူးလေဆန္ဒထုတ်ဖော်မှု တွင်ပါဝင်သည့် ရဟန်းသံဃာများထံမှ သိရှိရသည်။
ယနေ့ ဒီဇင်ဘာလ(၁)ရက်နေ့ ညနေပိုင်း၌ မြေနီကုန်းမှ ဆူးလေဘုရားသို့ သံဃာတော်များဦးဆောင်ကာ ဆန္ဒထုတ်ဖော်ရန် စီစဉ်ထားသည်ဟု သိရသည်။
အဆိုပါ ဆန္ဒထုတ်ဖော်မှုအား နိုဝင်ဘာလ(၃၀)ရက်နေ့ ရန်ကုန်မြို့ ဆူးလေဘုရားမှ ဦးပိုင် ကုမ္ပဏီလီမိတက် ရှေ့သို့သွားကာ စတင်၍ လမ်းလျှောက်ဆန္ဒ ထုတ်ဖော်ခဲ့ခြင်း ဖြစ်သည်။
“ကြေးနီစီမံကိန်းအမြန်ဆုံးရပ်တန့်ပေးဖို့ အစိုးရကတာဝန်ယူဖြေရှင်းပေးဖို့တောင်းဆိုသွားမယ်။ နောက်ရက်တွေမှာလည်း ဆက်ပြီး ဆန္ဒပြမှုတွေ ပြုလုပ်သွားမယ်။ အပြစ်မဲ့ပြည်သူ ရဟန်းသံဃာများကို ဖောက်ခွဲအမိန့်ပေးတဲ့ ပုဂ္ဂိုလ်ကို သိသာမြင် သာအောင် ဖော်ထုတ်ပြီးတော့တရား ဥပဒေအရအရေးယူ ဆောင်ရွက်ပေးရပါလိမ့်မယ်”ဟု ဆန္ဒပြရာတွင် ဦးဆောင်သော မကွေးကျောင်း တိုက်ဆရာတော် ဦးပါမောက္ခက မိန့်ကြားခဲ့သည်။
ကြေးနီစီမံကိန်းကို ရပ်တန့်ပေးရန် ဆန္ဒပြသူများကို အစိုးရ လုံခြုံရေးတပ်ဖွဲများမှ ဖြိုခွင်းမှုအား မီးလောင်ဗုံးသုံးခြင်းကို လက်မခံ နိုင်ကြောင်း နှင့် ပြဿနာကို ပြေပြေလည်လည်ဖြေရှင်းပေးစေလို ကြောင်း ဒေါ်အောင်ဆန်းစုကြည်မှ ကံကုန်းကျေးရွာတွင် ပြော ဆိုခဲ့သော ၎င်း၏ မိန့်ခွန်းတွင် ထည့်သွင်း ပြောကြားခဲ့ကြောင်းကိုလည်း သိရ့သည်။
ရန်ကုန် ဆန္ဒပြသော ရဟန်းသံဃာများမှ တောင်းဆိုသည့် အချက်များမှာ မြန်မာဝမ်ပေါင် ကုမ္ပဏီ ဖျက်သိမ်းရေး၊ ကြေးနီစီမံကိန်း အရေး ဦးဆောင်သူ များအား ပြန်လွှတ်ပေးရေး၊ လက်ပံတောင်း တောင်စီမံကိန်း ရပ်ဆိုင်းရေး၊ လက်ပံတောင်းတောင် သပိတ် စခန်းများဖြိုခွင်းခဲ့ မူကြောင့်ဒဏ်ရာရှိ သူများအား ကျန်းမာရေးစောင့်ရှောက်မှုအပြည့်အ၀ပေးရေးစသည့် အချက်များပါဝင်သည်။
ကြေးနီစီမံကိန်းဆန္ဒပြမှုအား အကြမ်းဖက်ဖြိုခွင်းမှုများကို အစိုးရမှ တာဝန်ယူဖြေရှင်းပေးရန် လိုအပ်ကြောင်း (၈၈)မျိုးဆက်ကျောင်း သားခေါင်းဆောင်များမှလည်း ၎င်းတို့ပြုလုပ်သည့် သတင်း စာရှင်းလင်းပွဲတွင် ပြောကြားထားသည်။
“ကျွန်တော်တို့အနေနဲ့ စုံစမ်းရေးကော်မရှင်ဖွဲ့ဖို့အတည်ပြုပါတယ်။ လွတ်လပ်ပြီး သမာသမတ်ကျတဲ့ စုံစမ်းရေး ကော်မရှင်ဖြစ် ဖို့ တော့လိုပါတယ်။ ပြည်သူနဲ့ ရွာသူရွာသားတွေ ယုံကြည်တဲ့သူမျိုးပါဝင် ဖို့လိုတယ်။ အဲဒီကော်မရှင် စုံစမ်းနေတဲ့ ကာလအတွင်းမှာ လည်ပတ်နေတဲ့ ယန္တရားတွေကို ရပ်ထား ရမယ်။ မရပ်ထားဘူး ဆက်သွား နေမယ်ဆိုရင် ဒီပြဿနာပြေလည်မှာ မဟုတ်ဘူး။ ဒီကိစ္စကို အလေး နက်ထားပြီး ညင်ညင်သာသာ ကိုင်တွယ် ဖြေရှင်းသင့်တယ်” ၈၈ မျိုးဆက်ကျောင်းသား ကိုထွန်းမြင့်အောင်က ပြောသည်။
ရန်ကုန်ဆန္ဒထုတ်ဖော်မှုတွင် ရဟန်းသံဃာ အပါး(၃၀)၀န်းကျင် ပါဝင်၍ လူဦးရေ (၅၀)၀န်းကျင်ခန့်ဖြင့် နိုဝင်ဘာလ(၃၀)ရက် နေ့ ညနေပိုင်းက ဆန္ဒထုတ်ဖော်ခဲ့ခြင်းဖြစ်သည်။
Ref: မြစ်မခ
Read More...
Collapse...
02.12.2012
အီဂျစ်နိုင်ငံမှာ အခြေခံဥပဒေသစ်တရပ် အသက်သွင်းနိုင်ဖို့ လာမယ့် ဒီဇင်ဘာ ၁၅ ရက်နေ့မှာ လူထုဆန္ဒခံယူပွဲ ကျင်းပတဲ့အခါမှာ ခါတိုင်း ဦးဆောင် ကြီးကြပ်နေတဲ့ အီဂျစ်ရဲ့ သြဇာလွှမ်းမိုးမှု အရှိဆုံး တရားသူကြီးတွေ အဖွဲ့က သပိတ်မှောက်မယ်လို့ ဆိုလိုက် ပါတယ်။ တနင်္ဂနွေနေ့က အစိုးရပိုင်သတင်း မီနာ ရဲ့ ကြေညာချက်အရ အီရန်ထိပ်တန်း တရားသူကြီး အဖွဲ့က ဆန္ဒခံယူပွဲကို သပိတ်မှောက်ဖို့ တညီတညွတ်တည်း ဆုံးဖြတ်ပြီးပြီလို့ ကြေညာလိုက်တာ ဖြစ်ပါတယ်။
အရင်လက အီဂျစ်သမ္မတ မိုဟာမတ် မော်စီရဲ့ နိုင်ငံရဲ့ အကြွင်းမဲ့အာဏာ ထိန်းချုပ်နိုင်ဖို့ ကြိုးစားခဲ့ချိန်ကစလို့ အီဂျစ်နိုင်ငံရဲ့ ထိပ်တန်း တရားသူကြီးအများစုက သပိတ်မှောက်ခဲ့ကြပါတယ်။ တနင်္ဂနွေနေ့ကတော့ နိုင်ငံရဲ့ အမြင့်ဆုံး တရားရုံး တရားသူကြီး တွေ စုရုံးပြီးတော့ သူတို့အဆို စိတ်ပိုင်း ရုပ်ပိုင်းအရ ဖိအားပေးမှု ခံရတဲ့ တရားရေးတာဝန်တွေကို ရပ်ဆိုင်းထားလိုက်တယ်လို့ ပြောကြား လိုက်ပါတယ်။
တရားရုံးအပြင်ဘက်မှာ သမ္မတကို ထောက်ခံတဲ့ ရာနဲ့ချီတဲ့ လူအုပ်ကြီး စုရုံးနေတဲ့ အတွက်ကြောင့်မို့ တနင်္ဂနွေနေ့က အခြေခံ ဥပဒေဆိုင်ရာ ဗဟို တရားရုံးထဲကို သူတို့ ၀င်ရောက်ဖို့အတွက် စိုးရိမ်တယ်လို့ တရားသူကြီးတွေက ပြောဆိုကြပါတယ်။ သူတို့အနေနဲ့ အခြေခံ ဥပဒေသစ် ရေးဆွဲရေးအဖွဲ့နဲ့ အထက်လွှတ်တော် အပါအ၀င် အစ္စလာမ်ဝါဒီတွေ လွှမ်းမိုးထားတဲ့ အဖွဲ့နှစ်ခုကို ဖျက်သိမ်းနိုင်ဖို့အတွက် မူလတုန်းက စီစဉ်ခဲ့တာ ဖြစ်ပါတယ်။
အခြေခံဥပဒေသစ် ရေးဆွဲရေးဆိုင်ရာ အစည်းအဝေးရဲ့တရားဝင်မှုကို စစ်ဆေးဖို့ လိုတယ်လို့လည်း တရားရုံးချုပ်က ပြောဆိုပါတယ်။ သဘောထား ပျော့ပြောင်းတဲ့ ခရစ်ယာန် အဖွဲ့ဝင်တွေ ၃၀ လောက်ကတော့ အခြေခံဥပဒေ ရေးဆွဲရေးအဖွဲ့ရဲ့ လုပ်ဆောင် ချက် တွေကို သူတို့သဘောမတူဘူးလို့ မကြာခင်တုန်းက ပြောဆိုခဲ့ပါတယ်။
အီဂျစ်သမ္မတ မိုဟာမက် မော်စီက ဒီဇင်ဘာလ ၁၅ ရက်နေ့မှာ အခြေခံဥပဒေသစ်ကို အသက်သွင်းဖို့ အတွက် လူထု ဆန္ဒခံ ယူပွဲတရပ် ကျင်းပမယ်လို့ ကြေညာလိုက်တာ ဖြစ်ပါတယ်။
Ref: ဗွီအိုအေ
Read More...
Collapse...
ကိုအောင်လွင်ဦး
02.12.2012
တရုတ်အစိုးရရဲ့ ခေါင်းဆောင်တွေ အထူးသဖြင့် နောက်တက်မယ့် ခေါင်းဆောင်သစ် အနေနဲ့ တိုင်းပြည်မှာ လူ့အခွင့်အရေး အခြေအနေတွေ တိုးတက်လာစေဖို့နဲ့ တရားဥပဒေ စိုးမိုးမှုရှိစေရေး ဆောင်ရွက်ဖို့ ပြည်ပရောက် တရုတ် မျက်မမြင် တက်ကြွ လှုပ်ရှားသူ ချန်ဂွမ်ချမ်း (Chen Guangchen) ကတိုက်တွန်း လိုက်ပါတယ်။ အိမ်နီးချင်း မြန်မာနိုင်ငံ အပါအ၀င် ကမ္ဘာတ၀ှမ်း နိုင်ငံရေး အပြောင်းအလဲတွေ ပေါ်ပေါက်နေချိန်မှာ တရုတ်နိုင်ငံလည်း ပြောင်းလဲဖို့ အချိန်တန်နေပြီလို့ သူက ပြောလိုက်တာပါ။ အပြည့်အစုံကိုတော့ ကိုအောင်လွင်ဦး တင်ပြထားပါတယ်။
နေအိမ်အကျယ်ချုပ်နဲ့ ဖမ်းဆီးခံခဲ့ရ ပြီးတဲ့နောက် အခုအခါ အမေရိကန် ပြည်ထောင်စု မှာ ရောက်ရှိနေတဲ့ တရုတ်မျက်မမြင် တက်ကြွလှုပ်ရှားသူ ချန်ဂွမ်ချမ်း က ဒီဇင်ဘာလ ၁၀ ရက်နေ့မှာ ကျရောက်မယ့် လူ့အခွင့်အရေးနေ့ အထိမ်းအမှတ် အကြိုအဖြစ် တရုတ်ခေါင်းဆောင်တွေကို တိုက်တွန်းလိုက်တာ ဖြစ်ပါတယ်။ အထူးသဖြင့်ကတော့ လူ့အခွင့်အရေး ချိုးဖောက်မှုတွေ ကျယ်ကျယ် ပြန့်ပြန့် ရှိနေတဲ့ တရုတ်နိုင်ငံမှာ ရှေ့လထဲ သမ္မတအဖြစ် တာဝန်ယူတော့မယ့် ရှီကျင်းပင် အနေနဲ့ ဒီအခြေအနေတွေကို တားဆီး နိုင်တဲ့ အခွင့်အလမ်းတွေ ရှိနေတယ်လို့ နယူးယောက်မြို့မှာ ရိုက်ကူးထားတဲ့ ဗွီဒီယိုမှတ်တမ်းထဲမှာ သတိပေးလိုက်တာပါ။
“ခင်ဗျားကိုယ်တိုင်က မသမာသူ တယောက် ဖြစ်နေမယ်ဆိုရင် တိုင်းပြည်ကို တရားနဲ့အညီ ဘယ်လို အုပ်ချုပ်မှာလဲ? မစ္စတာ ရှီကျင်းပင်း ခင်ဗျား၊ တိုင်းပြည်က ခင်ဗျားကို စောင့်ကြည့်နေ ပါတယ်။ ပြုပြင်ပြောင်းလဲမှုတွေ လုပ်ဆောင်ဖို့ လူထုနဲ့ ကောင်း ကင်ဘုံက တောင်းဆိုတာကို လိုက်နာသည်ဖြစ်စေ၊ အစိုးရကို ပြန်ပေးဆွဲပြီး ကွန်မြူနစ်ပါတီရဲ့ အာဏာကိုပဲ ဆက်ထိန်းထား ထိန်းထား၊ တရုတ်ပြည် အနေနဲ့ကတော့ အသွင်ကူးပြောင်းတဲ့ နေရာမှာ ငြိမ်းချမ်းတဲ့နည်းနဲ့ ဖြစ်မလား၊ အကြမ်းပတမ်း ဖြစ်မလား ဆိုတာပါပဲ။”
တချိန်တည်းမှာ တရုတ်အစိုးရအနေနဲ့ စီးပွားရေးနဲ့ ကုန်သွယ်မှုတွေ တိုးမြှင့်ပြီး လူ့အခွင့်အရေး ပြဿနာတွေကို မျက်ကွယ်ပြု နေတယ် ဆိုပြီး နိုင်ငံတကာ အသိုင်းအ၀ိုင်းကိုလည်း တရုတ် တက်ကြွလှုပ်ရှားသူ ချန်ဂွမ်ချမ်း က ဝေဖန်သွားပါတယ်။ ပြည်ပကို ထွက်ခွာလာပြီးတဲ့နောက် တူဖြစ်သူကို အာဏာပိုင်တွေက ကိုယ်ထိလက်ရောက် စော်ကားမှုနဲ့ ထောင်ဒဏ် ၃ နှစ် စီရင် ခဲ့တဲ့ အပေါ်မှာလည်း လက်တုံ့ပြန် အရေးယူတဲ့ လုပ်ရပ်တခု အဖြစ်နဲ့ သူက ပြစ်တင် ပြောဆိုခဲ့တာပါ။ ဒီလိုပဲ တက်ကြွလှုပ်ရှားသူ အများအပြား ဆက်လက် ဖမ်းဆီးခံနေရတာတွေ အဆုံးသတ်ဖို့ မြန်မာနိုင်ငံက အခြေအနေတွေနဲ့ နှိုင်းယှဉ် တိုက်တွန်းသွားပါတယ်။
“အခုအခါ ဒေါ်အောင်ဆန်းစုကြည် လည်း လွတ်မြောက်လာပါပြီ။ လူရှား၊ ဟူးဂျား၊ ၀မ် လီဟောင်၊ ဂျန် တီယန်ယောင်နဲ့ တခြား သူတွေ ဘယ်တော့မှ လွတ်လာကြမှာပါလဲ? ဦးသိန်းစိန် က သူ့ကို အတိုက်အခံ လုပ်သူတွေကို လွှတ်ပေးခဲ့ပါတယ်။ ဂေါင် ဇီရှန်း၊ လူရှောင်ဘို၊ ဂေါင် ကွမ်း၊ ယန် တီယန်ရှုး၊ နီယူလန်း၊ ၀ီဂါခရစ်ယာန် အလီမူဂျန် နဲ့ ကျီချောင်ဝှေး တို့လို ယုံကြည်ချက်ကြောင့် အကျဉ်းကျနေသူတွေ ဘယ်အချိန်မှာ လွတ်မြောက်ကြမှာပါလဲ? ဦးသိန်းစိန် ရဲ့ ပွင့်လင်းတဲ့ စိတ်ဓာတ်ကြောင့် လူထုရဲ့ ထောက်ခံမှု ရခဲ့သလို၊ နိုင်ငံတကာကလည်း အသိအမှတ်ပြုတာ ခံရပါတယ်။ ဦးသိန်းစိန် တောင် လုပ်နိုင်တဲ့ ကိစ္စကို မစ္စတာ ရှီကျင်းပင် မလုပ်နိုင်ဘူး ဆိုရင်တော့ ဒါဟာ မလုပ်နိုင်တာထက် မလုပ်တာ ဆိုတာက ရှင်းပါတယ်။”
တရုတ်နိုင်ငံသားတွေ အနေနဲ့လည်း ကိုယ်ပိုင် အခွင့်အရေးအတွက် ကိုယ်တိုင် တိုက်ပွဲဝင်ဖို့နဲ့ စည်းလုံးညီညွတ်မှု ရှိဖို့ လိုတယ်လို့ ချန်ဂွမ်ချမ်း က တိုက်တွန်းခဲ့တာပါ။ မျက်မမြင် လူ့အခွင့်အရေး လှုပ်ရှားသူ ရှေ့နေ ချန်ဂွမ်ချမ်း ဟာ နေအိမ်အကျယ်ချုပ် ကျခံနေရာက ဧပြီလထဲ ထွက်ပြေးပြီး အမေရိကန် သံရုံးမှာ ခိုလှုံခဲ့တာပါ။ နောက်ပိုင်းမှာတော့ အမေရိကန်နဲ့ တရုတ်အစိုးရ တာဝန်ရှိသူတွေကြား စေ့စပ်ညှိနှိုင်းပြီး ပြည်ပကို ထွက်ခွာခွင့် ပေးခဲ့တာ ဖြစ်ပါတယ်။
Ref: ဗွီအိုအေ
Read More...
Collapse...
02.12.2012
မြောက်ကိုရီယားဘက်က တာဝေးပစ်ဒုံးကျည် လွှတ်တင်မယ်ဆိုတဲ့ ကြေညာချက်အတိုင်း လုပ်မယ်ဆိုရင် ဒါဟာ တမင်တကာ ရန်စတဲ့သဘောဖြစ်ပြီး၊ ဒါဟာ ဒေသတွင်း ငြိမ်းချမ်းရေးနဲ့ တည်ငြိမ်မှုကိုပါ ခြိမ်းခြောက်မှုဖြစ်တယ်လို့ အမေရိကန်ပြည်ထောင်စုက တုံ့ပြန်ပြောလိုက်ပါတယ်။ မြောက်ကိုရီယား အနေနဲ့ ဘယ်လိုမျိုး ပဲ့ထိန်းဒုံးကျည်ကိုမဆို ပစ်လွှတ်မယ်ဆိုရင် ဒါဟာ အခု နှစ်ဆန်း ပိုင်းက ချမှတ်ထားတဲ့ ကုလသမဂ္ဂ လုံခြုံရေးကောင်စီ ဆုံးဖြတ်ချက်ကို တိုက်ရိုက် ချိုးဖောက်တာ ဖြစ်တယ်လို့လည်း အမေရိကန် ပြည်ထောင်စုက ပြောပါတယ်။
မြောက်ကိုရီယားအနေနဲ့ ဒီလကုန်ပိုင်းမှာ တာဝေးပစ် ဒုံးကျည်လွှတ်ဖို့ ရှိတယ်လို့ မြောက်ကိုရီယား အစိုးရပိုင် သတင်းဌာနက ကြေညာခဲ့တဲ့နောက်၊ အမေရိကန်နိုင်ငံခြားရေးဌာန ကလည်း အခုလို ကြေညာချက် စနေနေ့က ထုတ်ပြန်ခဲ့တာပါ။ မြောက် ကိုရီယားအနေနဲ့ နျူကလီယားလက်နက် ထုတ်နိုင်ဖို့နဲ့ တာဝေးပစ်ဒုံးကျည် လွှတ်တင်နိုင်ဖို့ အခုလို ကြိုးပမ်းနေတာတွေကြောင့် ကမ္ဘာမှာ ပို အထီးကျန် ဖြစ်ပြီး တိုင်းပြည်အတွက်လည်း ဆင်းရဲငတ်မွတ်မှု ဖြစ်စေလိမ့်မယ်လို့ အမေရိကန်နိုင်ငံခြားရေး ဌာနက သတိပေးပါတယ်။
အခုလို မြောက်ကိုရီယားက ကြေညာလိုက်တဲ့နောက် ဂျပန်နိုင်ငံအနေနဲ့ မြောက်ကိုရီယားနဲ့ သံတမန်ရေး ဆွေးနွေးဖို့ ကိစ္စကို ရွှေ့ဆိုင်းလိုက်တယ်လို့ ကျိုတိုသတင်းက ကြေညာ ပါတယ်။ မြောက်ကိုရီယားကတော့ အခုလို တာဝေးပစ်ဒုံးကျည် လွှတ်တင် တာဟာ လာမယ့် ဒီဇင်လာ ၁၀ ရက်နေ့ကနေ ၂၂ ရက်နေ့အထိ ကမ္ဘာပတ်လမ်းကြောင်းထဲကို ဆက်သွယ်ရေးဂြိုလ်တု လွှတ် တင်ဖို့ အစီအစဉ် ဖြစ်တယ်လို့ မြောက်ကိုရီယားရဲ့ ကိုရီယားအာကာသ နည်းပညာ သိပ္ပံက ကြေညာပါတယ်။
Ref: ဗွီအိုအေ
Read More...
Collapse...
မနန္ဒာချမ်း
01.12.2012
စစ်ကိုင်းတိုင်း ဆားလင်းကြီးမြို့နယ်တွင်းက လက်ပံတောင်းတောင် ကြေးနီစီမံကိန်းကို ကန့်ကွက်ဆန္ဒပြသူတွေအပေါ် အာဏာပိုင် တွေက နှိမ်နင်းခဲ့ပြီးတဲ့နောက် စုံစမ်းစစ်ဆေးရေး ကော်မရှင်တရပ် ဖွဲ့စည်းကြောင်း အစိုးရက ကြေညာလိုက်ပါတယ်။ ဒါပေမဲ့လည်း ကော်မတီ အနေနဲ့ လွတ်လွတ်လပ်လပ် ဆောင်ရွက်ခွင့် ရှိမှသာ ပြဿနာကို ဖြေရှင်းနိုင်လိမ့်မယ်လို့ အကဲခတ်တွေက ထောက်ပြ နေကြတာပါ။ အပြည့်အစုံကိုတော့ မနန္ဒာချမ်းက တင်ပြထားပါတယ်။
ကြေးနီတောင်စီမံကိန်းနဲ့ ပတ်သက်လို့ ဖြစ်ပျက်နေတဲ့ အခြေအနေတွေနဲ့ ကန့်ကွက်မှုတွေ အကြီးအကျယ် ကြုံနေရတဲ့ စီမံကိန်းကို ရှေ့ဆက် လုပ်ဆောင်သင့် - မသင့် စဉ်းစားဖို့အတွက် ကော်မရှင်တရပ်ကို အမျိုးသားဒီမိုကရေစီအဖွဲ့ချုပ် (NLD) ပါတီ ဥက္ကဋ္ဌ ဒေါ်အောင်ဆန်းစုကြည် ဦးဆောင်ပြီး ဖွဲ့စည်းကြောင်း စနေနေ့မှာပဲ သမ္မတရုံးက ကြေညာလိုက်ပါတယ်။ ဒီကော်မီတီကပဲ ဆန္ဒပြ ပွဲတွေ ဖြစ်ပွားခဲ့တဲ့ အခြေအနေနဲ့ ကြမ်းကြမ်းတမ်းတမ်း နှိမ်နင်းခဲ့တဲ့ ဖြစ်စဉ်ကိုလည်း စုံစမ်းစစ်ဆေးသွားမှာ ဖြစ်ပါတယ်။
စုံစမ်းစစ်ဆေးရေး ကော်မရှင် အဖွဲ့ဝင် တဦးဖြစ်တဲ့ အမျိုးသား ဒီမိုကရေစီ အင်အားစု (NDF) ပါတီ ဥက္ကဋ္ဌ ဦးခင်မောင်ဆွေ ကတော့ ဒီကော်မရှင်ကနေ လွတ်လွတ်လပ်လပ် နဲ့ အဖြစ်မှန်ကို စုံစမ်းခွင့်ရဖို့ မျှော်လင့်တဲ့အကြောင်းနဲ့ အာဏာပိုင်တွေအနေနဲ့ အပြည့်အ၀ ပူးပေါင်းဆောင်ရွက်သင့်တယ်လို့ အခုလို ပြောဆိုခဲ့ပါတယ်။
“ဒါကတော့ ရခိုင်ကော်မရှင်လိုပေါ့။ ကျနော်တို့ နယ်ပယ်ပေါင်းစုံက ၀န်ထမ်းမဟုတ်တဲ့သူတွေ ပေါ့ဗျာ အများစုကတော့။ အဲဒါတွေ ပါနေတဲ့အခါကျတော့ ဒါကတော့ လွတ်လပ်တဲ့ ကော်မရှင်ပဲ ဖြစ်ရမှာပေါ့။ ဒါ အကြံပေးရမယ်ဆိုရင် အကြံပေးရမယ်။ စုံစမ်းရမယ် ဆိုတော့ လွတ်လွတ်လပ်လပ် မဟုတ်ဘူး ဆိုရင်တော့ ဒါ ဘယ်လုပ်လို့ ရမလဲ။ လွတ်လပ်တဲ့ ကော်မရှင် ဖြစ်ရမှာပေါ့ဗျာ။ ကော်မရှင်က သမ္မတက ခန့်တဲ့ ကော်မရှင်ပဲလေ။ အခြေအနေကို ထိန်းသိမ်းတဲ့ ကိစ္စတွေမှာ ပါတဲ့ သက်ဆိုင်ရာ ပုဂ္ဂိုလ်တွေ တော့ ပူးပေါင်း ဆောင်ရွက်ရမှာပေါ့ဗျာ။ နောက်ပြီးတော့ ဒေါ်အောင်ဆန်းစုကြည်လည်း ပါတယ်။ ဆိုတော့ တရားဥပဒေ စိုးမိုးရေး ကော်မတီ ဥက္ကဋ္ဌ အနေနဲ့လည်း ပါနေတယ်၊ လွှတ်တော်ထဲမှာလည်း ပါနေတော့ ဒါ ကျနော်တို့ လက်ခံရမှာပါပဲ။”
မြန်မာစစ်တပ်ပိုင် မြန်မာ့စီးပွားရေး ဦးပိုင်ကုမ္ပဏီ လိမီတက်နဲ့ တရုတ်နိုင်ငံက ၀မ်ဘောင် ကုမ္ပဏီတို့ ပူးတွဲ လုပ်ကိုင်နေတဲ့ ဒီစီမံကိန်းကြောင့် ဒေသခံပြည်သူတွေအနေနဲ့ လယ်မြေတွေဆုံးရှုံးရသလို၊ ပတ်ဝန်းကျင် ထိခိုက် ပျက်စီးမှုတွေ ဖြစ်ရတယ်ဆိုပြီး၊ ဒေသခံတွေ သာမက တက်ကြွလှုပ်ရှားသူတွေ သံဃာတော်တွေပါ ဆန္ဒပြခဲ့ကြတာပါ။ ဒါပေမဲ့လည်း ဆန္ဒပြသူတွေကို နှိမ်နင်း မှုအတွင်း သံဃာတော်တွေ အပါအ၀င် လူအများအပြား ထိခိုက်ဒဏ်ရာတွေ ရတဲ့အထိ ဖြစ်ခဲ့တဲ့အတွက် ဒီအခြေအနေတွေကို ဖော်ထုတ်ဖို့ သမ္မတဦးသိန်းစိန် အစိုးရအနေနဲ့ မလွဲမသွေ လုပ်ရမယ့် တာဝန်တရပ် လို့လည်း ဦးခင်မောင်ဆွေက မြင်ပါတယ်။
“သူ့မှာ တခြားနည်းလမ်း မရှိပါဘူး။ လွှတ်တော်ကနေပြီးတော့ ဖွဲ့ပါလို့ အဆိုပြုတဲ့ဟာကို လက်ခံလိုက်ပြီ ဆိုကတည်းကိုက သမ္မတမှာ လုပ်ပေးရမယ့်တာဝန်ကလည်း ရှိတယ်။ လွှတ်တော်က ဖွဲ့မပေးတောင်မှ သူ့အနေနဲ့ အမြန်ဆုံး လုပ်ပေးဖို့ တာဝန် ရှိတာပေါ့ဗျာ။ ပြည်သူလူထု ထိခိုက်နစ်နာတဲ့ဟာတွေကို ရှင်းပေးဖို့ တကယ်ပဲ လိုတာပေါ့ဗျာ။”
လက်ပံတောင်းတောင် ကြေးနီစီမံကိန်းကိစ္စ စုံစမ်းစစ်ဆေးရေးကော်မရှင်မှာ အဖွဲ့ဝင်တဦးဖြစ်တဲ့ ဦးခင်မောင်ဆွေ ဖြစ်ပါတယ်။ ဒီစီမံကိန်းကို အကောင်အထည် ဖော်ရာမှာ ပတ်ဝန်းကျင် မထိခိုက်အောင် စနစ်တကျ လေ့လာမှုတွေရှိ - မရှိ၊ ပတ်ဝန်းကျင်ကို ထိခိုက်မှု ရှိ - မရှိ၊ တိုင်းပြည်အတွက် အကျိုးရှိ - မရှိနဲ့ ဆန္ဒပြမှုတွေ ပေါ်ပေါက်ရတဲ့ အကြောင်းရင်း ဆန္ဒပြပွဲတွေကို နှိမ်နင်း ရာမှာ သံဃာတော်တွေ ထိခိုက် ဒဏ်ရာတွေရခဲ့တဲ့ ဖြစ်စဉ်နဲ့ စီမံကိန်းကို ဆက်လက် ဆောင်ရွက်သင့် - မသင့် စတာတွေကို စစ်ဆေးဖို့ ကော်မရှင်ကို တာဝန်ပေးထားတာပါ။ စုံစမ်းစစ်ဆေးရာမှာ ကော်မရှင်အနေနဲ့ ဥပဒေနဲ့အညီ သက်ဆိုင်သူတွေကို ဆင့်ခေါ်ခွင့် မေးမြန်းခွင့် အချက်အလက် တောင်းခံခွင့် စတဲ့ လုပ်ပိုင်ခွင့်တွေကိုလည်း ရရှိမှာ ဖြစ်တယ်လို့ သမ္မတရုံး ကြေညာ ချက်က ဖော်ပြထားပါတယ်။ စစ်ဆေးတွေ့ ရှိချက်တွေကိုတော့ ဒီဇင်ဘာလ ၃၁ ရက် နောက်ဆုံးထားပြီး သမ္မတထံ တင်ပြ ရမှာလည်း ဖြစ်ပါတယ်။
Ref: ဗွီအိုအေ
Read More...
Collapse...
မသိင်္ဂီထိုက်
02.12.2012
လက်ပံတောင်းတောင် ကြေးနီစီမံကိန်း ငြိမ်းချမ်းစွာ ဆန္ဒပြမှုကို အာဏာပိုင်တွေက အကြမ်းဖက် နှိမ်နင်းခဲ့တဲ့အပေါ်မှာ ရှုတ်ချတဲ့ အနေနဲ့ မန္တလေး၊ ရန်ကုန်နဲ့ မြင်းခြံမြို့တွေမှာ သံဃာတော်နဲ့ပြည်သူတချို့ ဒီကနေ့ ချီတက် ဆန္ဒပြခဲ့ကြသလို ရန်ကုန်မြို့မှာတော့ ဒီကနေ့ ဆန္ဒပြ ခေါင်းဆောင်တချို့ ဖမ်းဆီးခံခဲ့ရပါတယ်။ တချိန်တည်းမှာလည်း လက်ပံတောင်းတောင် ကြေးနီ စီမံကိန်း သပိတ် စခန်းတွေကို အကြမ်းဖက် နှိမ်နင်းမှုကြောင့် မီးလောင်ဒဏ်ရာ ရကြတဲ့ သူတွေလည်း မန္တလေး ဆေးရုံကြီးကို ထပ်ပြီး ရောက်ရှိ လာကြပါတယ်။ ဒီ အခြေအနေတွေနဲ့ ပတ်က်လို့တော့ ဆက်သွယ်စုံစမ်းထားတဲ့ မသိင်္ဂီထိုက်က တင်ပြထားပါတယ်။
ရန်ကုန်မြို့တော်မှာ လက်ပံတောင်းတောင် သပိတ် အကြမ်းဖက် ဖြိုခွဲခံရမှုနဲ့ ပတ်သက်ပြီး ဆန္ဒပြကြတာမှာ လတ်တလော ဆန္ဒပြသူ ၂ ဦး ဖမ်းဆီးခံရပါတယ်။ ဆန္ဒပြ လူအုပ်ကြားကနေ ရဲတွေက အတင်းအဓမ္မ ဆွဲထုတ်ပြီး ဖမ်းဆီးခဲ့တာ ဖြစ်ပြီး တရားရုံးက ဖမ်းဝရမ်းနဲ့ ဖမ်းဆီးတာလို့ ရဲတွေက ပြောပေမဲ့ ဖမ်းဝရမ်းကို မပြဘူးလို့လည်း ဆိုပါတယ်။ ဖမ်းဆီးမှုကို မျက်မြင် တွေ့ရသူ တဦးက အခုလို ပြောပါတယ်။
“ရွှေဂုံတိုင် ဗန်ဒါပင် မှတ်တိုင်လောက်မှာ စပြီးတော့ ပထမဆုံး သူတို့က လူအုပ်ထဲကို ကိုမိုးသွေးကို ၀င်ဆွဲတယ်။ ကျမတို့ လူအုပ်က ပြန်ဆွဲတယ်။ ပြန်ဆွဲပြီးတော့ နည်းနည်း စကားများတယ်။ ပြီးတော့ သူတို့က နောက်ဆုတ်သွားတယ် အဲဒီအချိန်မှာ။ နောက်ဆုတ်သွားတော့ ညီမ တို့ ဆက်လျှောက်တယ်။ ဆက်လျှောက်ပြီးနောက်ပိုင်းမှာ ကိုမိုးသွေးတို့ အရင်သွားနှင့်မယ်ဆိုပြီးတော့ တက္ကဆီ ငှားလိုက်တယ်။ ငှားပြီးတော့ သူတို့ လူ လေးငါးယောက်လောက် တက္ကဆီပေါ် တက်ပြီးတော့ သူတို့ တက္ကဆီက အထွက်၊ နောက်က ရဲကားက အလိုက်။ သူတို့ လိုက်ပြီးတော့ ညီမတို့ လူအုပ်နဲ့ ခပ်လှမ်းလှမ်း ရောက်သွားတဲ့အချိန်မှာ ရဲကားက တက္ကဆီကို ပိတ်ပြီးတော့ ကားပေါ်ကနေ ဆွဲချပြီးတော့ ကိုမိုးသွေးကို အရင် ခေါ်သွားတယ်။ ကိုမိုးသွေးကို အရင် ခေါ်သွားပြီးတော့ နောက်မှာ ကိုအောင်စိုး ဆိုတဲ့ အစ်ကိုတယောက်ကို ကျတော့ အဲဒီ တက္ကဆီကားပေါ်မှာပဲ ကိုအောင်စိုးရယ်၊ နှစ်ယောက် သုံး ယောက် လောက်ရယ်ကို အဲဒီ တက္ကဆီကားပေါ် တင်ပြီးတော့ တက္ကဆီသမားကို မောင်းမောင်းဆိုပြီးတော့ အတင်း မောင်းခိုင်း ပြီးတော့ ခေါ်သွားတယ်အစ်မ။”
ရွှေတံဂုံဘုရား အရှေ့ဘက်မုဂ်မှာ လူစုပြီး ဆန္ဒပြ ချီတက်ကြသူ ၃၀၀ လောက် ရှိတယ်လို့ လည်း ပြောပါတယ်။ ဖမ်းဆီးမှုတွေ ရှိပေမဲ့လည်း ဆန္ဒပြပွဲကို အပြီးထိ ချီတက်ခဲ့ကြတယ် လို့လည်း မျက်မြင်တွေ့သူတွေက ပြောပါတယ်။
မန္တလေးမြို့က သံဃာတော် အပါး ၂၀၀ လောက်ဟာ ဒီကနေ့ တနင်္ဂနွေနေ့ နေ့လယ်ပိုင်းက လက်ပံတောင်းတောင် ကြေးနီ စီမံကိန်း သပိတ်ကို အကြမ်းဖက် နှိမ်နင်းခဲ့တာကို ဆန့်ကျင် ဆန္ဒပြ ချီတက်ခဲ့ကြပါတယ်။ မန္တလေး ဒေသခံ စာရေးဆရာ ဦးညီပုလေးကတော့ ဒီကနေ့ ဆန္ဒပြပွဲကို အခုလို ပြောပြပါတယ်။
“မန္တလေးမှာ သံဃာတွေ ချီတက်ပြီး ဆန္ဒပြပါတယ်ခင်ဗျ။ နေ့လယ် ၁ နာရီနဲ့ ၂ နာရီကြားမှာပါ။ ဘာမှဖြစ်တယ်လို့ မကြား မိဘူးခင်ဗျ။ ကျနော် ပြီးခဲ့တဲ့ မိနစ် ၂၀ လောက်က သူတို့နဲ့အတူ ရှိတယ်။ အဲဒီအထိတော့ ချောချောမောမော ပါပဲ။ လက်ပံတောင်း ကိစ္စပါပဲ။ သံချပ်လို ဟာမျိုး ကြွေးကြော်သံမျိုး ပါပါတယ်။ ဒါပေမဲ့ အကျယ်ကြီးတော့ သံပြိုင်လုပ်တာ မဟုတ်ပါဘူးခင်ဗျ။ စာရွက်တွေမှာ ရေးပြီးတော့ တိုင်တဲ့သူက တိုင်ပြီး ဟစ်ကြွေးတဲ့သူက ဟစ်ကြွေးပါတယ်။ သို့သော် ၂ ပါးစီ ချီတက်တဲ့အတွက် ၄ ပါးလောက် ၆ ပါးလောက်ရဲ့ အသံလောက်ပဲ ထွက်ပါတယ်။ အဲဒါက တအုပ်စု၊ နောက်တအုပ်စုကလည်း အဲဒီလိုပဲ တပါးက တိုင်ပြီး ကျန်တဲ့ ၄ ပါး ၅ ပါးက ၀ိုင်းပြီးတော့ အော်တဲ့ဟာလောက်ပဲ ရှိတယ်။ ၂၀၀ လုံးရဲ့ အသံပြိုင်တူ အသံချဲ့စက် ပါတဲ့ပြိုင်တူ အော်ရတာ ကြွေးကြော်ရတာမျိုးတော့ မရှိဘူးခင်ဗျ။”
သံဃာတော်တွေဟာ မန္တလေးမြို့ မဟာမြတ်မုနိ ဘုရားကြီး အနားမှာ စုဝေးခဲ့ကြပြီး ၈၁ လမ်းမကြီး ကနေ တဆင့် ၃၈ လမ်း တလျှောက် ချီတက်ခဲ့ကြပါတယ်။ အဲဒီနောက် ၇၈ လမ်းမကြီးဘက်ကို ဆက်လက် ကြွချီခဲ့ကြပြီး လူစုခွဲခဲ့ကြပါတယ်။ နေ့လယ် ၁ နာရီခွဲလောက်က စခဲ့တဲ့ ဒီချီတက် ဆန္ဒပြပွဲမှာ သံဃာတော်တွေကို လူထုက ၀န်းရံခဲ့ကြတယ်လို့လည်း ဆိုပါတယ်။ သံဃာတော်တွေက အကြမ်းဖက်မှုကို ဆန့်ကျင်တဲ့ သံချပ်တွေတိုင်ပြီး ချီတက်ခဲ့ကြတာလို့လည်း မန္တလေး ဒေသခံ သတင်းစာဆရာ တဦးဖြစ်တဲ့ ကိုမင်းထက်ငြိမ်းချမ်းက ပြောပြပါတယ်။
“ကျနော်တို့ ငြိမ်းငြိမ်းချမ်းချမ်း ဆန္ဒပြတာ။ အေးအေးချမ်းချမ်း ကန့်ကွက်တာ။ ငြိမ်ငြိမ်သက်သက် ကန့်ကွက်တာ။ အပြစ်မဲ့တဲ့ တို့ပြည်သူ၊ စစ်တပ်ကိုင်တဲ့လက်နက်ဟာ တရုတ်ကြီးကို ဖားဖို့ကြံ။ အဲဒါမျိုးတွေပေါ့ဗျာ။ သူက သံချပ်ပေါ့ဗျာ။ ဥပမာ ဆိုရင်
စစ်တပ်ကိုင်တဲ့လက်နက်ဟာ - တို့ပြည်သူကို သတ်ဖို့မဟုတ်ဘူး။
တရုတ်ကြီးကို ဖားဖို့ကြံ - ပြည်သူ့အသံ နားစွင့်ပါဦး။
အဲဒါမျိုးလေးတွေကို ကျနော်တို့ ရွတ်ဆိုတာတွေ့ရတယ်။ အကုန်လုံးတော့လည်း မမှတ်မိဘူးခင်ဗျ။ ဘေးကနေ ကြားတာတော့ အဲဒီလို ကြားရတယ်လေ။”
နိုဝင်ဘာလ ၂၉ ရက်နေ့က လက်ပံတောင်းတောင် ကြေးနီစီမံကိန်းကို ဆန့်ကျင်တဲ့ သပိတ်ကို အကြမ်းဖက် နှိမ်နင်းမှုကြောင့် မီးလောင်ဒဏ်ရာတွေ ရထားကြတဲ့ ရဟန်းတွေနဲ့ လူပုဂ္ဂိုလ်တွေလည်း မန္တလေးဆေးရုံကြီးကို ထပ်ပြီး ရောက်လာကြပါတယ်။ ဒီ မီးလောင်ဒဏ်ရာရထားတဲ့ ရဟန်းတွေကို ဒီကနေ့ လာရောက် လှူဒါန်းတဲ့ သာသနာရေး ၀န်ကြီးဌာနက အလှူကိုတော့ ဆရာတော်တွေက သပိတ်မှောက်လိုက်ကြတယ်လို့ ဆေးရုံမှာ ရှိနေတဲ့ ကိုသိန်းအောင်မြင့်က အခုလို ပြောပါတယ်။
“မနေ့က ညက ၁၀ နာရီလောက်ကတော့ သံဃာ ၁၈ ပါးနဲ့ လူ ၂ ဦး စိုက်ရောက်တယ်ပေါ့ခင်ဗျာ။ ပထမရက်ကတော့ သံဃာ ၃ ပါးပေါ့။ ၁ ပါးကတော့ ဒီ ဆေးရုံတက်လို့မရလို့ မျက်စိ ဆေးရုံ ဆိုတော့၊ မျက်စိ ဆေးရုံမတက်ဘဲ ကျောင်းတိုက် ပြန်ကြွသွားတာပေါ့။ သံဃာ ၂ ပါး ရှိတာပေါ့။ မနေ့က ထပ်ပြီးတော့ သံဃာ ၁၈ ပါးနဲ့ လူ ၂ ဦး ထပ်ရောက်လာတာပေါ့ဗျာ။ အခုတော့ လက်ရှိ သံဃာ အပါး ၂၀ နဲ့ လူ ၂ ဦးပေါ့ခင်ဗျာ။ နောက် နာရီပိုင်းလောက်ဆိုရင်တော့ ကျနော်တို့ ကြားထားတာက မုံရွာကနေ ထပ်ပြီးတော့ ရွှေ့လာတဲ့ သံဃာတွေရော၊ ဒဏ်ရာရတဲ့သူတွေရော ၃၂ ဦးလို့တော့ ကြားတယ်ခင်ဗျ။ အခုလက်ရှိတော့ မရောက်သေးဘူး။ စောစောက လှမ်းဖုန်းဆက်တာတော့ အုန်းကြော လောက်ရောက်ပြီ ကြားတယ်ဗျ။ ဆေးရုံ တက်နေတဲ့ ဘုန်းကြီး တွေ အခြေအနေကတော့ မနေ့က ကျနော်တို့ တွေ့ရတဲ့ အခြေအနေကတော့ တော်တော် ဆိုးရွားတယ်ပေါ့။ သူက ဒဏ်ရာတွေကတော့ မြင်ရက်စရာ မကောင်းဘူးပေါ့ခင်ဗျာ။ တချို့ကျတော့လည်း ဒဏ်ရာ အနေအထားတွေက အရမ်း ရုပ်မဆိုး ပေမဲ့ ရရှိထားတဲ့ဒဏ်ရာတွေက ကိုက်ခဲနေလို့ ကိုက်ခဲတဲ့ဝေဒနာ တော်တော် ခံစားရတယ်လို့ သံဃာတွေက ပြောကြားတာ ကျနော်တို့ ကြားသိရတယ်။”
သပိတ်စခန်းတွေကို ဖြိုခွဲပြီးတဲ့နောက်မှာ ဆေးရုံကို ရောက်လာတဲ့ မီးလောင်ဒဏ်ရာရသူ အနည်းငယ်ပဲ ရှိခဲ့ပေမဲ့လည်း အခု နောက်ပိုင်းမှာ မုံရွာခရိုင်ထဲက ကျေးရွာတွေ မုံရွာ မြို့ပေါ်က ဘုန်းတော်ကြီး ကျောင်းတွေကနေ လူနာတွေ ထပ်ပြီး ရောက် လာနေကြပါတယ်။ သပိတ် စခန်း အကြမ်းဖက် ဖြိုခွဲမှုမှာ မီးလောင်ဒဏ်ရာ ရကြသူ အတော်များများက အဖမ်းအဆီးခံရမှာကို စိုးရိမ်မှုတွေကြောင့် ကိုယ့်နေရပ်မှာ ပုန်းရှောင်နေပြီး ဆေးမြီးတိုတွေနဲ့ ကုသနေတာကနေ အခု နောက်ပိုင်း ဒဏ်ရာတွေ မသက်သာမှုကြောင့် ဆေးရုံကို ထပ်ပြီး ရောက်ရှိလာကြတာလို့လည်း အကူအညီပေးနေသူတွေက ပြောကြပါတယ်။ ဒီကနေ့ မြင်းခြံမြို့မှာလည်း ဒီအကြမ်းဖက်နှိမ်နင်းမှုကို ဆန့်ကျင်ဆန္ဒပြခဲ့ ကြပါတယ်။
Ref: ဗွီအိုအေ
Read More...
Collapse...
Posts
BBC News
VOA News
DVB News
RFA News
မဇ္ဈိမ
ဧရာဝတီ
နေ့သစ်
သျှမ်းသံတော်ဆင့်
ကရင်သတင်းစဉ်
ကောင်းဝါ
ကချင်သတင်းစဉ်
ယနေ့မြန်မာ
ကန္တာရဝတီ တိုင်းမ်
ငုရင်ပြင်
ရိုးမ (၃)
မိုးမခ
ဟစ်တိုင်
ဟံသာဝတီ
နိရဉ္စရာ
ခေတ်လူငယ်
မြို့တော်ပုသိမ်သတင်းစဉ်
မြန်မာသတင်းရပ်ဝန်း
ရိုးရာလေး
Mandalay Gazette
People Media Voice
KIC News
BNI News
Burma Daily
Burma Digest
Burma Net
Kaladan
Network Media Group Rebound 88