ပြင်သစ် လူ့အခွင့်အရေးဝန်ကြီး မြန်မာ NGO များနှင့် တွေ့ဆုံ

လင်းသန့်
November 23, 2011

ပြင်သစ်နိုင်ငံ လူ့အခွင့်အရေး ၀န်ကြီး မစ္စတာ ဖရန်စွာ ဒမွန့်တ်ရေးက မြန်မာပြည်တွင်း အစိုးရ မဟုတ် သောအဖွဲ့(NGO)များ ၏ ကိုယ်စားလှယ် ၁၅ ဦးကို ယမန်နေ့က ရန်ကုန်မြို့ရှိ ပြင်သစ်ယဉ်ကျေးမှုဌာန၌ ခေါ်ယူတွေ့ဆုံသည်။

ထိုသို့တွေ့ဆုံရာတွင် မြန်မာ့လူ့အဖွဲ့ အစည်းတွင် ပြည်တွင်း NGO များ အနေဖြင့် ပိုမိုထိရောက်စွာ လုပ်ကိုင်နိုင်ရေး နှင့် ပတ်သက်ပြီး ဆွေးနွေးခဲ့ကြကြောင်း ကုမုဒြာ ပညာရေးဖောင်ဒေးရှင်းမှ ကိုယ်စားလှယ် ကိုနိုင်ဝင်းထွန်းက ဧရာဝတီကို ပြောသည်။


“ပြင်သစ် လူ့အခွင့်အရေး ၀န်ကြီးက မြန်မာနိုင်ငံမှာ လူ့အခွင့်ရေး ချိုးဖောက်မှုများ ဆက်ရှိသေးလား အဓိက သိချင်တယ်။ ကျနော်တို့ ကတော့ ပြည်တွင်း ပညာရေးနဲ့ ကျန်းမာရေးဘက်တွေမှာ ဒေသခံ NGO တွေအနေနဲ့ ပိုမိုထိရောက်ရေး တိုင်ပင် ဆွေးနွေးကြတယ်”ဟု ဆွေးနွေးပွဲ တက်ခဲ့သည့် ကိုနိုင်ဝင်းထွန်းက ဆိုသည်။

ပြည်တွင်း NGO များအနေဖြင့် သက်ဆိုင်ရာ ဘာသာရပ်အလိုက် တင်ပြဆွေးနွေးမှုများ လုပ်ဆောင်ပြီး လယ်ယာမြေ သိမ်း ဆည်းမှု၊ ကလေးသူငယ်များဆိုင်ရာ လူ့အခွင့်အရေး ချိုးဖောက်မှု၊ ကလေးစစ်သား အဓမ္မ စုဆောင်း ခံရမှု၊ ကလေး အလုပ် သမားများကိစ္စ စသည်တို့ကို ပြည်တွင်း NGO ကိုယ်စားလှယ်များ ဘက်က တင်ပြဆွေးနွေးခဲ့သည်ဟု ဆိုသည်။

မိဘများသည် ကလေးသူငယ် အခွင့်အရေး ကာကွယ်စောင့်ရှောက်ရန် တိုက်ရိုက်ပတ်သက်ကြောင်း၊ သို့သော် မိဘတချို့ မှာ ပညာမတတ်သည့် အခြေအနေ များနှင့် စီးပွားရေး အဆင်မပြေမှု များကြောင့် သားသမီးများကို ပညာသင်ကြားရေးပိုင်း တွင် ကန့်သတ်မှု များရှိကြောင်း စသည့် ကလေးသူငယ်ဆိုင်ရာ အခွင့်အရေး ကိစ္စများကိုလည်း ဆွေးနွေးကြောင်း သိရ သည်။

“ကလေးသူငယ်ဆိုင်ရာ လူ့အခွင့်ရေး ချိုးဖောက်တာမှာ အာဏာပိုင်က တိုက်ရိုက်ချိုးဖောက်တာမျိုးရှိသလို၊ မိဘ ကိုယ်တိုင်က ကလေးတွေ အပေါ်မှာ ချိုးဖောက်တာတွေရှိတယ်။ မိဘခွင့်မပြုလို့ ကလေးတွေ ကျောင်းမတက်နိုင်တာမျိုးရှိနေလို့ မိဘတွေ ရဲ့အခန်းကဏ္ဍ အရမ်းအရေးကြီးကြောင်းလည်း ဆွေးနွေးခဲ့တယ်”ဟု ကိုနိုင်ဝင်းထွန်းက ပြောပြသည်။

ဆွေးနွေးပွဲတွင် လူ့အခွင့်အရေး ချိုးဖောက်မှုနှင့် ပတ်သက်၍ မြန်မာနိုင်ငံသာမက နိုင်ငံတိုင်းတွင် ပြဿနာရှိကြောင်း ပြင် သစ် ၀န်ကြီးဘက်က ပြောဆိုခဲ့ပြီး မြန်မာပြည်တွင်း NGO များအနေဖြင့် လူ့အခွင့်အရေးအခြေအနေများ တိုးတက်ကောင်း မွန်ရေး အတွက် ထိရောက်မှုရှိစေရန် ပြင်သစ်နိုင်ငံဘက်က အသေးစား အကူအညီပေးရေး အစီအစဉ်များ ရှိကြောင်း ထုတ်ဖော် ပြောဆိုသည်ဟု ကိုနိုင်ဝင်းထွန်းက ဆိုသည်။

အဆိုပါဆွေးနွေးပွဲတွင် ပြင်ပမှ လာရောက်လုပ်ကိုင်သော INGO များနှင့်ပတ်သက်ပြီးလည်း ဆွေးနွေးခဲ့ကြောင်း၊ အဓိက အားဖြင့် နိုင်ငံခြားသား INGO ၀န်ထမ်းများအနေဖြင့် အလှူရှင်များ၏ ငွေကြေးသုံးစွဲရာတွင် ဒေသဆိုင်ရာအသိ ဗဟုသုတ ကျွမ်းကျင်မှု အားနည်းခြင်း တို့ကြောင့် ငွေကုန် ကြေးကျ များကြောင်း၊ ပြည်တွင်း NGO များအနေဖြင့် စရိတ်သက်သာပြီး ပိုမို ထိရောက်မှု ရှိသည်ကို နိုင်ငံခြားအလှူရှင်များ သိရန်လိုကြောင်း ပြည်တွင်း NGO များဘက်က ဆွေးနွေးခဲ့ကြောင်းလည်း သိရသည်။

“ကျနော်တို့ဘက်ကတော့ ထပ်ပြီးပြောတာက ပြည်တွင်း NGO တွေကို ဥရောပ အလှူရှင်တွေအနေနဲ့ Grant (အသေးစား ကုန်ကျစရိတ် ငွေထုတ်ပေးမှု)တွေ ပိုပြီးတိုးလုပ်ပေးဖို့လိုတာကိုလည်း ဆွေးနွေးဖြစ်တယ်။ ဒါကို ၀န်ကြီးဘက်ကလည်း သူတို့ မှာ ဒီ အစီအစဉ်တွေ ရှိတယ်လို့ ပြောပါတယ်”ဟု ကိုနိုင်ဝင်းထွန်းက ပြောဆိုသည်။

ပြင်သစ် ၀န်ကြီးနှင့် ဆွေးနွေးပွဲတွင် စီးပွားရေး ဒဏ်ခတ်ပိတ်ဆို့မှု နှင့်ပတ်သက်၍လည်း ဆွေးနွေးမှု တချို့ ရှိခဲ့ကြောင်းနှင့် မြန်မာ နိုင်ငံတွင် လူသားချင်းစာနာသော အားဖြင့် ပြည်ပမှ စီးပွားရေး ဒဏ်ခတ်မှုများကို ရုပ်သိမ်းရန်သင့်ကြောင်းလည်း တက်ရောက် လာသူ တချို့နှင့်ဆွေးနွေးခဲ့သည်ဟု ၄င်းက ဆိုသည်။

ပြင်သစ် လူ့အခွင့်အရေး ၀န်ကြီးသည် ယမန်နေ့က မြန်မာနိုင်ငံသို့ ရောက်ရှိ၍ ဒေါ်အောင်ဆန်းစုကြည်နှင့် လည်း တွေ့ဆုံခဲ့ပြီး အမျိုးသား ဒီမိုကရေစီ အဖွဲ့ချုပ် ရုံးတွင် နိုင်ငံရေးအကျဉ်းသား ဟောင်းများနှင့်လည်း တွေ့ဆုံခဲ့သေးသည်။

ယနေ့တွင် ပြင်သစ် ၀န်ကြီးသည် နေပြည်တော်သို့ သွားရောက်မည်ဖြစ်ပြီး နေပြည်တော် အစိုးရ တာဝန်ရှိသူများနှင့် လူ့အခွင့်အရေး အခြေအနေများ ဆွေးနွေးပြောဆိုရန်ရှိသည်ဟု သိရသည်။

Ref: ဧရာဝတီ

Read More...

Collapse...

ပုဂ္ဂလိက ဘဏ် ၁၁ ခု ပြည်ပ ငွေကြေး လွှဲပြောင်း အပ်နှံမှု လုပ်ခွင့်ရ

ရန်ပိုင်
November 23, 2011

ပြည်ပကူးသန်းရောင်းဝယ်မှုနှင့် ပတ်သက်၍ ပြည်ပမှ နိုင်ငံခြားငွေ လွှဲပြောင်းခွင့်၊ အပ်နှံခွင့်လုပ်ငန်းများ လုပ်ကိုင်ရန် ပုဂ္ဂလိက ဘဏ် ၁၁ ခု ကို မြန်မာနိုင်ငံ ဗဟိုဘဏ်က ယမန်နေ့က လုပ်ကိုင်ခွင့်ပြုလိုက်ကြောင်း သတင်းရသည်။

အဆိုပါ ဘဏ်များ အနေဖြင့် ကူးသန်းရောင်းဝယ်မှု နှင့်ပတ်သက်၍ ပြည်ပနိုင်ငံ များနှင့် ငွေးပေးငွေယူပြု လုပ်ခြင်း၊ ပြည်ပနှင့် ဆက်သွယ်၍ အရောင်း အ၀ယ်ပြုလုပ်နေ သည့် စီးပွားရေး ကုမ္ပဏီများ Letter of Credit(LC) ငွေစာရင်းဖွင့်ခြင်း၊ နိုင်ငံခြား ငွေဖြင့် ငွေစာရင်း ဖွင့်ကာ ငွေလွှဲပြောင်းမှု လုပ်ငန်း များကို လုပ်ဆောင်ရမည်ဖြစ်ကြောင်း အမည်မဖော် လိုသည့် ဘဏ် လုပ်ငန်းရှင် တဦး က ဧရာဝတီသို့ ပြောသည်။


“နိုင်ငံတကာနဲ့ ဆက်သွယ်ပြီး စီးပွားရေး လုပ်လိုတဲ့ဘဏ်တွေ၊ လုပ်နိုင်တဲ့ ဘဏ်တွေ လျှောက်လွှာတင်ခိုင်းတာ၊ အခု နိုင်ငံတကာ ဘဏ်တွေနဲ့ ချိတ်ဆက်ဖို့ လုပ်နေတယ်”ဟု ၎င်းက ဆိုသည်။

နိုင်ငံခြားဘဏ်လုပ်ငန်း လုပ်ကိုင်ခွင့်ရရှိသည့် ဘဏ်များမှာ ထူးကုမ္ပဏီမှ ဦးတေဇပိုင် အာရှ စိမ်းလန်းရေး ဖွံဖြိုးမှုဘဏ်၊ မက်စ် မြန်မာ ဦးဇော်ဇော်၏ ဧရာတီဘဏ်၊ မြန်မာနိုင်ငံ ဆန်လုပ်ငန်းရှင်များ အသင်း ဥက္ကဋ္ဌ ဦးချစ်ခိုင်၏ မြန်မာ့ရှေ့ဆောင် ဘဏ်၊ ၀န်ကြီးဟောင်း ဦးအောင်သောင်း၏ သား ဦးနေအောင်၏ ယူနိုက်တက် အမရာဘဏ်၊ ဦးအောင်ကိုဝင်း၏ ကမ္ဘောဇဘဏ်၊ ထွန်း ဖောင်ဒေးရှင်း၊ သမ၀ါယမ ဘဏ်(CB)၊ စက်မှုလက်မှု ဖွံ့ဖြိုးရေးဘဏ်၊ မြန်မာ အရှေ့တိုင်းဘဏ်၊ မြ၀တီဘဏ်၊ အင်းဝဘဏ်တို့ ဖြစ်သည်။

လောလောဆယ်အခြေအနေတွင် အမေရိကန်နိုင်ငံနှင့် ဥပရောသမဂ္ဂ အဖွဲ့ဝင်နိုင်ငံများ၏ စီးပွားရေး ပိတ်ဆို့မှုကြောင့် စင်္ကာပူ၊ အိန္ဒိယ၊ တရုတ် စသည့် နိုင်ငံများမှ ဘဏ်များဖြင့်သာ ချိတ်ဆက်လုပ်ဆောင်နိုင်မည်ဖြစ်ကြောင်း အထက်ပါ ဘဏ်လုပ်ငန်းရှင်က ပြော သည်။

အဆိုပါ ခွင့်ပြုချက်ရထားသည့် ဘဏ်တချို့အနေဖြင့် လာမည့် ဒီဇင်ဘာလအတွင်း လုပ်ငန်းစတင်လည်ပတ်ရန် ရည်ရွယ်ထားပြီး လုပ်ငန်းနှင့် ပတ်သက်၍ နိုင်ငံခြားသား ကျွမ်းကျင်ပညာရှင်များကို ငှားရမ်း ခေါ်ဆောင်ထားပြီဖြစ်ကြောင်း သိရသည်။

မြန်မာ့ရှေ့ဆောင်ဘဏ် လုပ်ငန်းရှင် ဦးချစ်ခိုင်က“ရှေ့ကို စီးပွားရေး လုပ်ငန်းကိုင်ငန်းတွေ ပိုမိုပွင့်လင်းလာတော့မယ်၊ ဒါကြောင့် လက်ရှိ အစိုးရဘဏ်၂ခုတည်းနဲ့ မလုံလောက်ဘူးဆိုတော့ တိုင်းပြည်အတွက် ပိုကောင်းတဲ့အနေအထားဖြစ်လာမှာပါ”ဟု ဆိုသည်။

ပြည်တွင်းဘဏ်များ အနေဖြင့် နိုင်ငံခြား ဘဏ်များနှင့် ချိတ်ဆက်မှု အပါအ၀င် နည်းပညာပိုင်းတွင် ပိုမို လုပ်ဆောင်ရ မည်ဖြစ် ကြောင်း၊ ဘဏ်စနစ်နှင့် ပတ်သက်၍ လုပ်ကိုင်ခွင့်လည်း အပြည့်အ၀ ပေးအပ် လိမ့်မည်ဟု ယုံကြည်ကြောင်း ဦးချစ်ခိုင်က ဆက်လက်ပြောဆို သည်။

ပြည်ပသို့ ကူးသန်းရောင်း ၀ယ်မှုပြုလုပ်ရာမှ ရရှိသည့် ပြည်ပ ပို့ကုန်ဝင် ငွေ(Export Earning) အပါအ၀င် နိုင်ငံခြားငွေ လွှဲပြောင်း အပ်နှံခွင့်နှင့် ပတ်သက်ပြီး အစိုးရဘဏ်များဖြစ်သည့် မြန်မာ့ ရင်းနှီးမြှုပ်နှံမှုနှင့် ကူးသန်းရောင်း ၀ယ်ရေးဘဏ် (MICB)၊ မြန်မာ့ နိုင်ငံခြား ကုန်သွယ်မှုဘဏ်(MFTB)၊ မြန်မာ့စီးပွားရေး ဘဏ်(MEB) တို့ကသာ လုပ်ကိုင်ခွင့် ရရှိထားသည်။

ပြီးခဲ့သည့် အောက်တိုဘာလအတွင်းကလည်း ဗဟိုဘဏ်က ပြည်တွင်းပုဂ္ဂလိကဘဏ် ၁၉ ခုကို နိုင်ငံခြားငွေကြေးလဲလှယ်မှု စင်တာ များ ဖွင့်လှစ်ခွင့် ပေးခဲ့သေးသည်။

Ref: ဧရာဝတီ

Read More...

Collapse...

ရန်ကုန်ရောက် စွယ်တော်အတွက် လုံခြုံရေးတင်းကျပ်

မြတ်မိုး
November 23, 2011

တရုတ်ပြည်မှ ပင့်ဆောင်လာသည့် ဗုဒ္ဓမြတ်စွယ်တော် ကိန်းဝပ်စံပယ်နေသော ရန်ကုန်မြို့ ကမ္ဘာအေးကုန်းမြေ မဟာပါသာဏ ဂန္ဓကုဋိ လိုဏ်တော်အတွင်း လုံခြုံရေး အထူး တင်းကျပ်ထားကြောင်း တွေ့ရသည်။

လိုဏ်တော်အတွင်းရှိ ဗုဒ္ဓမြတ်စွယ်တော်အား ၀င်ရောက် ဖူးမြော်သူများကို စိစစ်ရန် စစ်ဆေးရေးဂိတ် ၃ ဂိတ် ချထားသည်။


”လုံခြုံရေးအင်အား ရာနဲ့ချီ ထားထားတယ်၊ တခုခု မသင်္ကာတာ တွေ့ရင် လိုအပ်သလို အရေးယူ ဆောင်ရွက်ဖို့ လုပ်ပိုင်ခွင့်တွေ ပေးထားတယ်” ဟု လိုဏ်တော်အတွင်း တာဝန်ကျသူ လုံခြုံရေးဝန်ထမ်းတဦးက ပြောသည်။

ကင်မရာ၊ အသံဖမ်းစက်၊ အမ်ပီသရီး စသည့် အီလက်ထရွန်နစ် ပစ္စည်းမျိုးစုံ၊ ပန်း၊ ဖယောင်းတိုင်၊ ပိုက်ဆံအိတ်၊ ရေပုလင်း၊ ဦးထုပ်၊ ထီး စသည့် ပစ္စည်းများ ယူဆောင်လာသူတို့ကို ကမ္ဘာအေးကုန်းမြေရှိ လိုဏ်တော်အတွင်း ၀င်ရောက်ခွင့် ပြုမည်မဟုတ် ကြောင်း ရန်ကုန်တိုင်းဒေသကြီး အစိုးရ အဖွဲ့ ထံမှ သိရသည်။

ရန်ကုန်မြို့သို့ ၁၉၉၆ ခုနှစ်က ဗုဒ္ဒမြတ်စွယ်တော် ကြွချီလာပြီး ကမ္ဘာအေးကုန်းမြေတွင် ပူဇော်ထားစဉ်က ဗုံးပေါက်ကွဲမှုဖြစ်ပွားပြီး လူအများအပြား သေဆုံး၊ ဒဏ်ရာရခဲ့သဖြင့် ယခုတကြိမ်တွင် လုံခြုံရေး ပိုမို တင်းကျပ်ထားခြင်းဖြစ်သည်ဟု သိရသည်။

လုံခြုံရေး အထူး တင်းကျပ်ထားမှုကြောင့် အခက်အခဲ တွေ့နေရသည်ဟု ဘုရားဖူးတချို့က ပြောသည်။

”မိသားစုဝင်တဦးကို ပစ္စည်းတွေ စောင့်ခိုင်းပြီး ၀င်ဖူးနေရတာ၊ ဖူးချင်လွန်းလို့သာ ဖူးရတာ၊ စည်းကမ်းများတော့ စိတ်ရှုပ်တယ်” ဟု လာရောက် ဖူးမြော်သူတဦးက ပြောသည်။

ဗုဒ္ဓမြတ် စွယ်တော်အား နေပြည်တော်၊ ရန်ကုန်၊ မန္တလေး စသည့် မြို့ကြီး ၃ မြို့တွင် ၁၆ ရက်စီ အပူဇော်ခံ မည်ဟု အစိုးရက ကြေညာ ထားသည်။

လဆန်းပိုင်းမှ စတင်ပြီး နေပြည်တော်တွင် ၁၆ ရက်ကြာ ကိန်းဝပ် စံပယ်ခဲ့သော မြတ်စွယ်တော်အား ယမန်နေ့က ရန်ကုန်သို့ ပင့်ဆောင် လာခြင်းဖြစ်သည်။

မြန်မာနိုင်ငံသို့ စွယ်တော်မြတ် ကြွချီခြင်းမှာ ယခုတကြိမ်နှင့်ဆိုလျှင် ၄ ကြိမ်မြောက် ဖြစ်သည်။

Ref: ဧရာဝတီ

Read More...

Collapse...

အနုပညာရှင်များပါဝင်သည့် ရုပ်ရှင်ဆင်ဆာအဖွဲ့ ပြန်ဖွဲ့သင့်ကြောင်း ဒါရိုက်တာ မောင်မျိုးမင်း ပြောပြီ

သဲသဲ
November 23, 2011

အနုပညာရှင်များမပါဝင်ဘဲ အနုပညာရှင်များအတွက် ဥပဒေရေးဆွဲခွင့် မပြုသင့်ကြောင်း ဒါရိုက်တာ မောင်မျိုးမင်း (ရင်တွင်းဖြစ်) က ဧရာဝတီကို ပြောသည်။

မြန်မာ့ရုပ်ရှင် အစည်းအရုံး မှတာဝန်ရှိသူများ နှင့်ရုပ်ရှင်လောကသားများ ကနိုဝင်ဘာလ၁၆ရက်နေ့တွင် ဗဟန်းမြို့နယ် ၀င်္ကပါလမ်း ရှိမြန်မာ့ရုပ်ရှင် အစည်းအရုံး၌မြန်မာ့ ရုပ်ရှင်ဆင်ဆာ ရှိသင့်၊ မရှိသင့် ဆွေးနွေးပွဲ ပြုလုပ်ခဲ့ပြီးနောက် ၎င်းက အထက်ပါအတိုင်း ပြောဆိုခဲ့ခြင်း ဖြစ်သည်။


ဆင်ဆာမူဝါဒနှင့် ပတ်သက်၍ မူတင်မက လူများပါ ပြောင်းလဲ သင့်ကြောင်း၊ ဆင်ဆာအဖွဲ့ထဲ၌ လာဘ်ပေး၊ လာဘ်ယူမှုများ ရှိနေသောကြောင့် ပေးချင်သည့် ဇာတ်ကားကိုပေးကာ မပေးချင်သည့် ဇာတ်ကားအား မပေးသည့် ကိစ္စများကိုပါ ပြောင်းလဲ သင့်ကြောင်း၊ မကြာမီအာဆီယံဥက္ကဋ္ဌ ဖြစ်လာတော့မည့်နိုင်ငံတနိုင်ငံ အနေဖြင့်ဆင်ဆာမူဝါဒကို တခြားသော အာဆီယံနိုင်ငံများ နှင့်ပါညှိနှိုင်းသင့်ကြောင်း၊ရုပ်ရှင်အစည်းအရုံးနှင့် ဆင်ဆာအဖွဲ့ဝင်များအားပြန်လည် ဖွဲ့စည်းရန်လိုအပ်ကြောင်း ဒါရိုကတာ မောင်မျိုး မင်းက ဆက်ပြောသည်။

“ကျနော်တို့ရဲ့ ကံကြမ္မာအားလုံးက သူများလက်ထဲဝကွက်အပ်လာရတာကြာပြီ။ အခုဒီလိုအချိန်လေး မှာကျနော်တို့ရဲ့ ဆန္ဒတွေ ထုတ်ဖော်ပြီး တော့ကျနော် တို့ရဲ့ကံကြမ္မာ ကိုကျနော် တို့ဘာသာ တည်ထောင်ချင်တယ်” ဟု သူက ဆိုသည်။

ဆက်လက်၍ ၎င်းက မြန်မာ့ရုပ်ရှင် အစည်းအရုံးတွင် အဖွဲ့အစည်းနှင့် မသက်ဆိုင်သည့် ဌာနဆိုင်ရာ များနှင့် ဖွဲ့စည်း လိုက်သည့် အတွက်၎င်းတို့က အနုပညာ သမားများ၏ အခွင့်အရေးများကို ပါဝင်ရောက်စွက်ဖက် လာကာအခွင့်အရေးများကိုလုယူ သကဲ့သို့ ဖြစ်နေသောကြောင့် ဒီမိုကရေစီ လမ်းကြောင်းနှင့် လည်း လုံးဝဆန့်ကျင် နေကြောင်းသူက ထင်မြင်ချက် ပေးသည်။

ရုပ်ရှင်ဆင်ဆာကိစ္စဆွေးနွေးပွဲ နှင့်ပတ်သက်၍ သရုပ်ဆောင် အကယ်ဒမီလူမင်း က“ကျနော်တို့ရုပ်ရှင်လောကရဲ့ ပြောင်းလဲမှုက ထင်သာမြင်သာ မရှိသေး ဘူးလို့ ပြောနေတာ၊ အခုတော့အရိပ် အမြွက်စပြီး တွေ့ရတဲ့သဘောပေ့ါ။ ကျနော်တို့ တောင်းဆိုချက် တွေ ကို လိုက်လျောမယ် ဆိုရင်တော့ဒါ ပြောင်းလဲလာပြီဆိုတာပြောပါမယ်”ဟုပြောသည်။

မြန်မာနိုင်ငံ ရုပ်ရှင်အစည်းအရုံး ဥက္ကဋ္ဌဦးမြင့်သိန်းဖေကလည်း ရုပ်ရှင်အစည်းအရုံး သည်သက်ဆိုင်ရာ တာဝန်ရှိသောပုဂ္ဂိုလ်များနှင့် ရုပ်ရှင် လောကသား များအကြား ဆင်ဆာ ကိစ္စနှင့် ပတ်သက်၍ ညှိနှိုင်းပေး သွား မည် ဖြစ်ကြောင်းဧရာဝတီကို ပြောသည်။

“အလွှာလိုက်ပေါ့။ဥပမာ- ဒါရိုက်တာဆိုလည်း ဒါရိုက်တာ၊ထုတ်လုပ်သူဆိုလည်းထုတ်လုပ်သူ၊သရုပ်ဆောင်ဆိုလည်းသရုပ်ဆောင် အလျောက် ခင်ဗျား တို့လိုချင်တာတွေရေးကြ၊ရေးပြီးရင် ကျနော်က သက်ဆိုင်ရာ အဖွဲ့အစည်းဆီ တင်ပြပေးမယ်လို့ပြော ထား တာပါ။ သူတို့ဆီကလာတာကိုကျနော်စောင့်နေတာပါ”ဟု ၎င်းကဆိုသည်။

အဆိုပါဆွေးနွေးပွဲတွင်ရုပ်ရှင်လောက အသိုင်းအ၀န်းမှဒါရိုက်တာနှင့်သရုပ်ဆောင်အားလုံးနီးပါးတက်ရောက်၍ စိတ်ပါဝင်စားစွာ ဆွေးနွေးခဲ့ကြကြောင်း သိရသည်။

“ဆင်ဆာ မူဝါဒနဲ့ ပတ်သက်ပြီးမီဒီယာ တွေအားလုံးကနေ ပြန်ဆွေးနွေးပေးဖို့ အသံတွေ ထွက်နေကြတယ်လေ။ အဲဒီတော့ပြည်သူ့ အသံကို နားထောင်ကြဆိုတဲ့ အတိုင်းပဲ အဲဒါနဲ့ ပတ်သက် လို့ဘာတွေကို ဆွေးနွေး ချင်လဲ၊ဆွေးနွေး ပေးပါ ဆိုလို့ အကုန်လုံး တက်ပြီး ဆွေးနွေးကြတာ”ဟုဒါရိုက်တာမောင်မျိုးမင်းက ရှင်းပြသည်။

အဆိုပါ ကိစ္စရပ်များ ကိုယခင်ကတင်ပြ ခဲ့ဖူးသော်လည်းအထက်သို့ မရောက်ဘဲအောက်ခြေ အဆင့်တွင်ပင် ပျောက်ကွယ် သွား သဖြင့်ယခုအခါ ရုပ်ရှင်လောကသားဘက် ကနိုင်ငံတော်သမ္မတ၊ လူ့အခွင့်အရေး ကော်မရှင်နှင့်တင်ပြသင့်သည့် နေရာအားလုံး ကိုတင်ပြသွားမည်ဖြစ်ကြောင်း ၎င်းက ဆိုသည်။

“လာမယ့်နိုဝင်ဘာလကုန်ရင်လွှတ်တော်အသီးသီးကရုပ်သိမ်းတော့မှာလေ။အဲဒီမတိုင်ခင်မှာအမြန်ဆုံးတင်ပြဖို့စဉ်းစား နေတယ်။ ဥပဒေ အတည်ပြုရေးပေါ့။အဲဒီ ဟာကိုကျော်သွားရင် ကျနော်တို့ကနောက်ထပ် ၄ နှစ်ဒီတိုင်း ခံရတော့မယ့် သဘောဖြစ်နေတယ်။ ဒါကြောင့် လွှတ်တော် မပြီးခင်အကောင်အထည်ဖော်အောင်၊သူတို့မဖော်လည်းကျနော်တို့ကိုယ့်နည်း ကိုယ့်ဟန်နဲ့ပေါ့။ ကျနော်တို့ ခံစားရတာက ကျနော်တို့ လုပ်ချင်တဲ့ဟာကို သက်ဆိုင်ရာလူကြီးတွေ ဆီတိုက်ရိုက် ပြောပြလို့ရနေပြီဆိုတော့အဲဒီနည်းနဲ့ ပဲကြိုးစား သွားမှာပါ”ဟု သူက ပြောသည်။

၎င်းအနေဖြင့်ပြောင်းလဲမှု မရမချင်း ဆက်လက်ကြိုးစားသွားမည်ဟုလည်း ဆိုသည်။

“ပြန်ကြားရေး လက်အောက်မှာရှိတဲ့စာနယ်ဇင်းတောင်မှလွတ်လပ်ခွင့် ထိုက်သင့်သလောက်ရသွားပြီ။ဒါပေမယ့် ရုပ်ရှင်ကအခုထိ မရသေးဘူး။ဘာကြောင့် မရသေးတာလဲ၊ ဘယ်သူတွေခံနေတာလဲ ပြောင်းလဲသင့်တဲ့ အရာကပြောင်းကို ပြောင်းလဲရမှာလေ။ ကိုယ်လိုချင်တာရအောင် ယူတာ အရည်အချင်းတခုဖြစ်သလို ကျနော်တို့အားလုံး ကိုယ်မလိုချင်တာကို မရအောင် ငြင်းဆန်နိုင် တာကလည်းအရည်အချင်းတခုဖြစ်တယ်ဆိုတာသိဖို့လိုပါတယ်”ဟု သူက ဆက်ပြောသည်။

ထို့အပြင်ခိုးကူးကိစ္စနှင့် ပတ်သက်၍၎င်းကခိုင်မာသည့်ဥပဒေရှိသင့်ကြောင်း၊ အာမခံချက်များရှိသင့်ကြောင်း၊ငွေဒဏ်မှာ နည်းလွန်း နေပြီး သတ်မှတ်သည့် ဒဏ်ငွေဆယ်ဂဏန်းအထက်တွင် ရှိသင့်ကြောင်း ပြောဆိုသည်။

မြန်မာ့ရုပ်ရှင် ဆင်ဆာအဖွဲ့သည်လွတ်လပ်ရေး မရခင်ကတည်းကရှိနေခဲ့ပြီး၄၈ နှစ်တာအတွင်းဆင်ဆာ လုပ်ငန်းနှင့် ပတ်သက်၍ ဆွေးနွေးခြင်းမှာ ယခုအကြိမ်သည် ပထမဆုံးအကြိမ် ဖြစ်ကြောင်းဦးမြင့်သိန်းဖေက ပြောသည်။

Ref: ဧရာဝတီ

Read More...

Collapse...

NLD ပါတီသစ်၏ ဦးဆောင်အဖွဲ့ဝင် ၂၀ ကို ရွေးကောက်ပွဲကော်မရှင်သို့ တင်ပြမည်

November 23, 2011

အမျိုးသားဒီမိုကရေစီအဖွဲ့ချုပ် (NLD) ကို ပြန်လည်မှတ်ပုံတင်ခြင်းမဟုတ်ဘဲ နိုင်ငံရေးပါတီ အသစ်အဖြစ် တရားဝင် လျှောက် ထား မည်ဖြစ်ကာ ဒေါ်အောင်ဆန်းစုကြည်၊ ဦးတင်ဦး၊ ဦးဝင်းတင်တို့အပါအဝင် ပြည်နယ်နှင့် တိုင်း ၁၄ ခုမှ တိုင်းရင်းသားနှင့် လူငယ် စုစုပေါင်း ၂၀ ကို ရွေးကောက်ပွဲကော်မရှင်သို့ ပါတီဦးဆောင်အဖွဲ့အဖြစ် တင်ပြမည်ဟု သိရသည်။

NLD ကို ပါတီသစ်အဖြစ် မှတ်ပုံတင်ရန် လာမည့် နိုဝင်ဘာလ ၂၅ ရက်နေ့တွင် နေပြည်တော်ရှိ ပြည်ထောင်စု ရွေးကောက်ပွဲ ကော်မရှင်ထံသို့ တရားဝင် သွားရောက် လျှောက်ထားမည်ဖြစ်ကြောင်း NLD ပြောခွင့်ရပုဂ္ဂိုလ် ဦးဉာဏ်ဝင်းက ဧရာဝတီသို့ ပြော သည်။


“ကြာသပတေးနေ့မှာ ကျနော်ရယ်၊ ဦးဝင်းမြင့်ရယ် နှစ်ယောက် နေပြည်တော်ကို သွားဖို့ရှိတယ်။ သောကြာနေ့မှာ ပါတီအဖြစ် မှတ်ပုံတင်ဖို့ ကော်မရှင်ကို တရားဝင် စလျှောက်ပါမယ်” ဟု ၎င်းက ဆိုသည်။

ဒေါ်အောင်ဆန်းစုကြည်သည် ရွေးကောက်ပွဲတွင် ၀င်ရောက်ယှဉ်ပြိုင်ရန် မျှော်မှန်း ထားသော်လည်း ယခုအချိန်တွင် မည်သည့် မဲဆန္ဒနယ်မှ ၀င်ရောက်ယှဉ်ပြိုင်မည်ကို ထုတ်ဖော်မပြောနိုင်သေးဘဲ ပြည်ထောင်စု ရွေးကောက်ပွဲကော်မရှင် ထုတ်ပြန် ကြေညာ မည့် ကြားဖြတ် ရွေးကောက်ပွဲ ကျင်းပမည့်အချိန် လစ်လပ်မဲဆန္ဒ နယ်မြေများ စာရင်း ရရှိမှသာ အတိအကျ ထုတ်ပြန် နိုင်မည် ဖြစ်ကြောင်း ဦးဉာဏ်ဝင်းက ဆက်ပြောသည်။

NLD မှတ်ပုံတင်ခွင့် ရရှိသည်နှင့် ယခင်ပါတီဝင် ဟောင်းများနှင့် ပါတီဝင်အဖြစ် ၀င်ရောက် လိုသူများအားလုံးသည် ပါတီသို့ လျှောက်လွှာဖြင့် တရားဝင် ပြန်လည် လျှောက်ထား ရမည်ဖြစ်ကြောင်း၊ ၎င်းပါတီအနေဖြင့် ခမောက်တံဆိပ်ကို ပြန်လည် အသုံး ပြုတော့မည် မဟုတ်ကြောင်း NLD ပြန်ကြားရေး တာဝန်ခံ ဦးအုန်းကြိုင်ကဆိုသည်။

“ခမောက်တံဆိပ်အစား အားလုံးသဘောတူမယ့် တခြားတံဆိပ် တခုကို အများဆန္ဒနဲ့ အညီ သုံးဖို့ ဆုံးဖြတ်မှာပါ” ဟု သူက ပြောသည်။

NLD သည် လစ်လပ် မဲဆန္ဒနယ်များ အားလုံးတွင် ၀င်ရောက်ယှဉ်ပြိုင်မည် ဖြစ်ပြီး လွှတ်တော် ကိုယ်စားလှယ်လောင်းများကို ဗဟိုအလုပ်အမှုဆောင် အဖွဲ့ကသာ ဆုံးဖြတ်သွားမည်ဖြစ်ကြောင်း၊ ပညာအရည်အချင်း ကိုလည်း ဦးစားပေးမည် ဖြစ်သည့် အပြင် တိုင်းရင်းသားလူငယ်များ၊ အမျိုးသမီး များကို လွှတ်တော်ကိုယ်စားလှယ် လောင်းများအဖြစ် ရွေးချယ်သွားရန် ရှိကြောင်း ဦးဉာဏ်ဝင်း၏ ပြောဆိုချက်အရ သိရသည်။

ပါတီသစ်အဖြစ် ပြန်လည်မှတ်ပုံတင်ရန် NLD က နိုဝင်ဘာလ ၁၈ ရက်နေ့တွင် အစည်းအဝေးခေါ်ယူ ဆုံးဖြတ်ခဲ့ပြီး အဆိုပါ ဆုံး ဖြတ်ချက်အပေါ် ပြည်သူလူထု၏ ထောက်ခံမှု လိုအပ်ကြောင်း ဒေါ်အောင်ဆန်းစုကြည်က နိုဝင်ဘာလ ၂၁ ရက်နေ့တွင် ကျင်းပ သည့် ပညာရေးကွန်ရက် တနှစ်ပြည့်အခမ်းအနား၌ ပြည်သူလူထုသို့ ပန်ကြားခဲ့သည်။

Ref: ဧရာဝတီ

Read More...

Collapse...

Gmail, Gtalk ကို မြန်မာအစိုးရ ကြားဖြတ် ဖောက်ဖတ်နိုင်ဟုဆို

ထွန်းထွန်း
နိုဝင်ဘာလ ၂၃ ရက် ၂၀၁၁ ခုနှစ်

ဂူဂဲလ်မှ အခမဲ့သုံးခွင့် ပြုထားသည့် ဂျီမေးလ်နှင့် ဂျီတော့ပ်များကို အစိုးရအနေဖြင့် ကြားဖြတ် စောင့်ကြည့်၊ ဖောက်ထွင်းနိုင် ကြောင်း အင်တာနက်လုံခြုံရေးဆိုင်ရာ လုပ်ငန်း ကျွမ်းကျင်သူများက ပြော သည်။

“သူက ကြားခံ ဆာဗာ သုံးခုကို ဖြတ်ရတယ်။ ဖြတ်တိုင်းမှာ ဆာဗာတွေက မှတ်တမ်း ယူထားတယ်။ အဲဒီမှတ်တမ်းကို အခြေ ခံပြီး ပြန်ယူလို့လွယ်တယ်။” ဟု ပြည်ပအခြေစိုက် အိုင်တီလုံခြုံရေးဆိုင်ရာ ပညာရပ်ဖြင့် လုပ်ကိုင်နေသူ ကိုမောင်မောင်က မဇ္ဈိမကို ပြော သည်။


ကြားခံ ဆာဗာသုံးခုမှာ အသုံးပြုရာ နယ်မြေအခြေစိုက် သက်ဆိုင်ရာ မြို့နယ်အလိုက် ထားရှိသည့် Local ISP (Internet service provider), တနိုင်ငံလုံးအား အင်တာနက်ဝန်ဆောင်မှုပေးနေသည့် ရတနာပုံ တယ်လီပို့စ်နှင့် မြန်မာ့ ဆက်သွယ် ရေး MPT ကဲ့သို့သော Main ISP နှင့် ရန်ကုန်တိုင်း သံလျင်မြို့နယ်တွင် ထားရှိသည့် ဟံသာဝတီ National Gateway တို့ဖြစ်သည်။

မြန်မာနိုင်ငံတွင် ဂျီမေးလ်၊ ဂျီတော့ပ်အား တိုက်ရိုက်ကြည့်ရှု့ခွင့်ရနေသည်ဟု ထင်မြင်ရသော်လည်း အမှန်တွင်မူ အထက်ပါ ကြားခံဆာဗာသုံးခုအား ဖြတ်ကျော်ပြီးမှသာလျှင် ကြည့်ရှုရနိုင်ခြင်း ဖြစ်သည်။ ယင်းကြားခံ ဆာဗာသုံးခု မှာလည်း အစိုးရ၏ ထိန်းချုပ်မှုအောက်တွင် ထားရှိခြင်းဖြစ်ကာ ယင်းတို့မှ အဆင့်ဆင့် ဖြတ်ကျော် ဝင်ရောက်ရခြင်း ဖြစ်သည်။

မြန်မာနိုင်ငံတွင် ၂ဝ၁ဝ ခုနှစ်အထိ မြန်မာ့ဆက်သွယ်ရေး MPT နှင့် ရတနာပုံ တယ်လီပို့စ်ဟူ၍ အင်တာနက် ဝန်ဆောင်မှု ပေး သည့် Internet Service Provider – ISP နှစ်ခုရှိပြီး ယင်းအထက်တွင် ဟံသာဝတီ National Gateway ရှိသည်။

ယင်းနောက် ၂ဝ၁ဝ နောက်ပိုင်းတွင် စစ်အစိုးရက အင်တာနက်လိုင်းစနစ်အား ပြောင်းလဲ ကျင့်သုံးခဲ့သည်။ ပြောင်းလဲ လိုက်သည့် ISP စနစ်သစ်တွင် MPT နှင့် ကာကွယ်ရေးဝန်ကြီးဌာန MOD ISP ဟူ၍ ပင်မနှစ်ခု ဖြစ်လာကာ ရတနာပုံ တယ်လီပို့စ် ISP အား MPT လက်အောက်သို့ ပြောင်းလဲထားရှိခဲ့သည်ဟု ပြည်ပ အခြေစိုက် မြန်မာ့သတင်းသမဂ္ဂ BMA မှ ၂ဝ၁ဝ ခုနှစ် နိုဝင်ဘာလတွင်း ထုတ်ပြန်ခဲ့သည့် “အမျိုးသားအဆင့် ရတနာပုံ မြန်မာ Web Portal - ဖွံ့ဖြိုးမှုလော၊ ဖိနှိပ်မှုလော” စာတမ်းတွင် ပါရှိသည်။

“တယောက်ချင်းစီ စစ်စရာမှ မလိုဘူးလေ။ ကိုယ်လိုချင်တဲ့ အကောင့်ကို ဖွင့်ရုံပဲ။ ဘယ်သူ ဘယ်လိုင်း သုံးတယ်ဆိုတာ ဆာဗာထဲ မှာ အကုန်ရှိတယ်လေ။ ဆာဗာတွေက ISP လက်အောက်မှာ ရှိတာ။ လုပ်ပိုင်ခွင့်က ISP မှာ အပြည့်ရှိတယ်။ ISP မှာ ဘယ် သူ ဘာဆိုတာ အကုန်ရှိပြီးသား။ လုပ်ချင် လွယ်လွယ်လေးပေါ့။” ဟု ကိုမောင်မောင် က ဆိုသည်။

အစိုးရအနေဖြင့် အင်တာနက်သုံးစွဲသူ၏ သုံးစွဲမှုမှတ်တမ်းအား စစ်ဆေးမည်ဆိုပါက ဆာဗာအသီးသီးရှိ Main Memory (ပင်မ မှတ်တမ်းသိုမှီးရာနေရာ) မှသာမက Cache Memory ဟုခေါ်သည့် သီးခြားမှတ်တမ်း သိုမှီးရာ နေရာမှလည်း လွယ်လင့်တကူ စောင့်ကြည့် စစ်ဆေးနိုင်သည်။

မြန်မာ့အင်တာနက်လုံခြုံရေးဆိုင်ရာ အင်ဂျင်နီယာတဦးအဆိုအရ အစိုးရအနေဖြင့် အင်တာနက် သုံးစွဲသူ အားလုံး ကို စောင့်ကြည့် လေ့ရှိခြင်းမဟုတ်ဘဲ ထင်ရှားသူများ၊ ပစ်မှတ်ထားခံရသူများကို စောင့်ကြည့်ခြင်းဖြစ်ကာ ဦးသိန်းစိန် အစိုးရ တက်လာသည့် နောက် ပိုင်းတွင် စောင့်ကြည့်မှု လျော့ပါးလာသည်ဟု ဆိုသည်။

“ နိုင်ငံခြားသူတယောက် ပြောပြတယ် ကျနော့်ကို။ ရန်ကုန်သွားတော့ သူ ဂျီမေးလ် အသစ်တခုဖွင့်ပြီး သုံးတာ။ သူလည်း အစိုးရ မကောင်းကြောင်းတွေရေးတော့ ရက်ပိုင်းအတွင်း သူ့မေးလ် ပိတ်သွားတယ်တဲ့။ ” ဟု ပြည်ပ သတင်းဌာနတခုတွင် လုပ်ကိုင်နေ သူ ချင်းမိုင်အခြေစိုက် အိုင်တီသမား ကိုထွန်းထွန်းအောင်က ပြောသည်။

သုံးစွဲသူအနေဖြင့် မည်မျှပင် လုံခြုံရေးစကားဝှက် Password ပြောင်းလဲထားစေကာမူ သုံးစွဲသူ၏ မှတ်တမ်း အားလုံးမှာ ဆာဗာ တွင် ကျန်ရစ်မည်ဖြစ်၍ မလုံခြုံနိုင်ခြင်း ဖြစ်သည်။


အစိုးရပိုင်းမှ စောင့်ကြည့်ခြင်း၊ ဖောက်ထွင်းခြင်းများ ရှိ၊ မရှိဆိုသည်ကိုမူ သေချာမသိသော်လည်း ထင်ရှား ကျော်ကြား သူအချို့ မည်သည့်ဝက်ဘ်ဆိုက်ကြည့်သည်၊ မည်သည့်သူနှင့် ဆက်သွယ်သည်ကိုမူ IP Address မှတ်သား၍ အာဏာပိုင်များသို့ သတင်း ပို့ရလေ့ရှိသည်ဟု ရတနာပုံတယ်လီပို့စ် ဝန်ထမ်းဟောင်း တဦးထံမှ သိရသည်။

“စာရင်းကတော့ အတိအကျ မရှိဘူး။ ၅ဝ လည်း ဖြစ်ရင် ဖြစ်မယ်၊ ၁ဝဝ လည်း ဖြစ်ရင် ဖြစ်မယ်။ ဥပမာ ဘုန်းကြီး အရေး အခင်း ဖြစ်မယ်ဗျာ။ ဘုန်းကြီးအရေးအခင်းဖြစ်တုန်းကဆိုရင် သူတို့ စောင့်ကြည့်ရမယ့်သူတွေ အများကြီးပဲ။ အယောက် ၂၀၀ လောက်ဖြစ်ရင် ဖြစ်သွားမယ်။ သာမန်ကတော့ အရေးကြီးတဲ့ အန်တီစုတို့ ဘာတို့ကတော့ Report အမြဲတမ်း လုပ်နေရမှာ ပေါ့နော်။” ဟု ရတနာပုံ တယ်လီပို့စ် ဆာဗာအင်ဂျင်နီယာဟောင်းတဦးက မဇ္ဈိမကို ပြောသည်။

စောင့်ကြည်ခြင်းလုပ်ငန်းကို ကာကွယ်ရေးဝန်ကြီးဌာနအောက်ရှိ ဆက်သွယ်ရေးတပ် (ကက-ဆက်) မှ စစ်ဘက် အရာရှိ အများစု ပါဝင်သည့် Net Security ကဲ့သို့သော အင်တာနက်လုံခြုံရေးဌာနမှ လုပ်ကိုင်ခြင်းဖြစ်ကာ အဓိက အားဖြင့် နိုင်ငံရေးနှင့် ပတ်သက်၍ လုပ်ဆောင်နေသူများကို စောင့်ကြည့်ခြင်း ဖြစ်သည်။ ယခုကဲ့သို့ လုပ်ဆောင်ခြင်း များအတွက် အသုံးစားရိတ်ကို စစ်ဘက် အသုံးစားရိတ်များတွင် ထဲ့သွင်း ဖော်ပြလေ့ရှိသည်။

စောင့်ကြည့်ခံရသူ အရေအတွက်မှာမူ အတိအကျမရှိနိုင်သော်လည်း ပြည်တွင်း၌ နိုင်ငံရေးလှုပ်ရှားမှု တစုံတရာ ဖြစ်ပေါ်ပါက စောင့်ကြည့်ခံရသူ များပြားနိုင်ပြီး သာမန်ချိန်တွင်မူ ဒေါ်အောင်ဆန်းစုကြည်၊ လူရွှင်တော် ဇာဂနာ ကဲ့သို့သော သူများမှာ စောင့်ကြည့် ခံရနိုင်ဖွယ်ရှိသည်ဟု အင်ဂျင်နီယာက ခန့်မှန်းထားသည်။ ထိုသူမှာ အဓိက အားဖြင့် Network ပိုင်းဆိုင်ရာ စောင့်ကြည့်ထိန်းသိမ်းရေး၊ တဦးနှင့် တဦး မေးလ်ပို့ရာတွင် မှန်ကန်ကြောင်းဆိုင်ရာ မှတ်ပုံတင်ခြင်း Certificate Authority ပိုင်းဆိုင်ရာ ဌာနတွင် လုပ်ကိုင်ခဲ့သူ ဖြစ်သည်။

အင်တာနက် သုံးစွဲသူ အများစုအား ဝန်ဆောင်မှုပေးနေသည့် ရတနာပုံတယ်လီပို့စ်တွင် Net Security, Proxy, Mail, CA – Certificate Authority Team စသည်ဖြင့် ဌာနခွဲပေါင်းများစွာ ထားရှိ၍ ဝန်ဆောင်မှုပေးခြင်း ဖြစ်ကြောင်း၊ လုပ် ဆောင်ရမည့် လုပ်ငန်းစဉ်ကိုလည်း MPT မှ သတ်မှတ်ပေးကြောင်း သိရသည်။ ဆာဗာလုံခြုံရေးနှင့် စောင့်ကြည့် ရေးပိုင်း နှင့် ပတ်သက်၍ မေးမြန်းရာတွင် မိမိ၏ ဌာနမဟုတ်သည့်အတွက် မသိကြောင်း ပြောဆိုသည်။

“MPT ကနေ ချပေးလိုက်တဲ့ လမ်းညွန်ချက်အတိုင်း ဘယ် Port ပိတ်မယ်၊ ဘယ် Port ဖွင့်မယ်ပေါ့နော်။ အဲဒါတွေ ကတော့ အပေါ်က လူကြီးပိုင်းတွေပဲ လုပ်တာလေ။ သူတုိ့အပေါ်က လမ်းညွန်ချက်က ဒေါက်တာ လွဏ်းဆွေပိတ်မယ်၊ ဒါမှမဟုတ် ဘယ် ဘလော့ဂ်ဆိုက်ပိတ်မယ်ပေါ့။ တခု ပိတ်မယ်၊ ဖွင့်မယ်။ အပေါ်မှာ သူတို့ ဘယ်လို လုပ်တယ်ဆိုတာတော့ ကျနော်တို့ သေချာမသိ ဘူး။” ဟု ဆာဗာ အင်ဂျင်နီယာဟောင်းက ဆိုသည်။

အစိုးရအနေဖြင့် အင်တာနက် သုံးစွဲခွင့်ပေးထားရာတွင် ဆာဗာအဆင့်ဆင့် ခံထားသည့်အပြင် ယင်းဆာဗာများတွင် DNS Poisoning နည်းလမ်းများသုံး၍ အင်တာနက်သုံးစွဲသူ၏ အချက်အလက်များအား ရယူနိုင်ဖွယ် ရှိသည်ဟုလည်း BMA ၏ စာတမ်းတွင် ပါရှိသည်။

DNS Poisoning ဆိုသည်မှာ ISP ဆာဗာတွင် ကြားခံ စက်ကိရိယာထားရှိ၍ အင်တာနက်အသုံးပြုသူ၏ အချက် အလက် များကို ခိုးယူခြင်း ဖြစ်သည်။ ယင်းသို့ လုပ်ဆောင်ရာတွင် သုံးစွဲသူမှ ရိုက်သွင်းလိုက်သည့် Login ဆိုင်ရာ အချက်အလက် များကို ကြားဖြတ်ယူထားကာ၊ ယင်းမှတဆင့် သက်ဆိုင်ရာ ဆာဗာသို့ ပေးပို့ခြင်း ဖြစ်သည်။

“လုံခြုံရေးကြောင့်ပဲပေါ့။ လိုအပ်ရင် လိုအပ်သလို ထိန်းဖို့လေ။ စစ်သားဆိုတာလုံခြုံရေးပဲ အရင်ကြည့်တာ ဘယ်ခေတ်
ရောက်ရောက်။” ဟု ကိုမောင်မောင်က ပြောဆိုသည်။

ယင်းသို့ မိမိ၏ အချက်အလက်များအား ဆာဗာမှ ခိုးယူခြင်းအား ကာကွယ်နိုင်ရန်မှာ Virtual Private Network - VPN ခေါ် ကြားခံဆာဗာတခုမှ မိမိသွားလိုသည့် အင်တာနက်စာမျက်နှာသို့ သွားရောက်ခြင်း ဖြစ်သည်။

VPN မှာ မိမိအသုံးပြုနေသည့်နိုင်ငံရှိ ဆာဗာများကို ဝင်ရောက်ခြင်းမရှိဘဲ အခြားဆာဗာမှတဆင့် မိမိ သွားလိုရာ အင်တာနက် စာမျက်နှာသို့ ဝင်ရောက် ခြင်းဖြင့် ယာယီအကာအကွယ် ဖြစ်စေသလို သီးခြားလျို့ဝှက် ကုတ်ဒ်များဖြင့် ပုံစံပြောင်း အသုံးပြုခြင်း (Encryption) ဖြင့်လည်း ကာကွယ်နိုင်သည်ဟု အင်တာနက်လုံခြုံရေးသမားများက လမ်းညွှန်ထားသည်။

Ref: မဇ္ဈိမ

Read More...

Collapse...

ကြက်သွန်ဈေး ကျ

ကိုဝိုင်း
နိုဝင်ဘာလ ၂၃ ရက် ၂၀၁၁ ခုနှစ်

ကြက်သွန်နီ အဓိကထွက်သော မကွေးတိုင်း ပခုက္ကူ ဒေသတွင် ရေကြီးမှု ဖြစ်ပွားခဲ့သော် လည်း ယခုအခါ ကြက်သွန်နီဈေးများ ကျဆင်းလျက် ရှိသည်ဟု ကြက်သွန်အသင်းနှင့် စိုက်ပျိုး၊ ရောင်းဝယ်သူများ က ပြောသည်။

မတ်နှင့် ဧပြီလအတွင်းထွက်သော နွေကြက်သွန်ဟောင်းမှာ အောက်တိုဘာလ အတွင်းကထက် နှိုင်းစာလျှင် ရန်ကုန်ဈေးကွက်တွင် တပိဿလျှင် ၇၀၀ ကျပ်ကျော်စီ ကျဆင်းသွားသည်။

နံပတ်ဝမ်း (ထူးရှယ်)၊ နံပတ်-၂ (လတ်ကြီး)၊ နံပတ်-၃ (လတ်သန့်)၊ နံပတ်-၄ (လတ်ချော) အမျိုးအစား ၄ ခုလုံး မှာ တပိဿာ ၁,၄၀၀၊ ၁,၃၀၀၊ ၁,၂၀၀၊ ၁,၀၀၀ ကျပ် အသီးသီး ဈေးပေါက်ခဲ့ရာက တပိဿာ ၇ဝဝ ကျပ်မှသည် ၃၃၀ ကျပ်သာ ဈေးပေါက်တော့သည်။


တရုတ်နိုင်ငံဘက်မှ ကြက်သွန်တင်သွင်လားခြင်းနှင့် လှောင်လက်များက ထုတ်ရောင်းခြင်းတို့ကြောင့်ဖြစ်သည် ဟုသိရသည်။ ရန်ကုန်သို့ တစီးလျှင် ပိဿာ ၆,ဝဝဝ ပါ ဆယ်ဘီးကား အစီးရေ ၃ဝ ခန့် နေ့စဉ်ဝင်နေပြီး “ဈေးက ရန်ကုန်မှာဆို ရုတ်ပျက် ဆင်းပျက်တောင် ဖြစ်နေလို့” ဟု ကြက်သွန် စိုက်ပျိုးထုတ်လုပ်သူများ အသင်း ပြန်ကြားရေး တာဝန်ခံ ဦးခင်ဟန်က ပြောသည်။

တနိုင်ငံလုံးတွင် ကြက်သွန်နီ လက်ကျန် ပိဿာချိန် သိန်း ၂ဝဝ ခန့်ကျန်နေသေးပြီး လှောင်လက်များနှင့် ၂၀၁၁ စက်တင်ဘာလ က စိုက်ထားသည့် မန္တလေးတိုင်း မြစ်သား၊ မြင်းခြံ၊ နွားထိုးကြီးဘက်မှ မိုးကြက်သွန်များလည်း ဈေးကွက်အတွင်း ထပ်မံဝင်လာ ဦးမှာ ဖြစ်သည်။

မိုးကြောင့် ပျက်စီးမှုများခဲ့သည့် မကွေးတိုင်းမှလွဲ၍ စစ်ကိုင်းတိုင်းနှင့် မန္တလေးတိုင်းတို့တွင် ကြက်သွန်ပိုစိုက်ကြသဖြင့် ၂ဝ၁၂ ခု ၌ တနိုင်ငံလုံးမှ ဆောင်းကြက်သွန် ပိဿာချိန် သိန်း ၃,ဝဝဝ ထွက်မည်ဟု ကြက်သွန်အသင်းက မှန်းထား သည်။

မကွေးတိုင်းမှ ကြက်သွန်နီ ကုန်သည်တဦးကလည်း ရေစိုကြက်သွန်များ နေပြန်လှန်း၍ ရန်ကုန်သို့ တင်ပို့နိုင်ခြင်း၊ ထိုင်းနိုင်ငံဘက် ဈေးကွက်က အဝယ်မလိုက်ခြင်းတို့ကြောင့် ဈေးကျသွားသည်ဟု ခန့်မှန်းထားကာ “လုပ်တဲ့ကိုင်တဲ့ လူတွေ သုံးကျပ်လောက်ရ င်းမှ တကျပ်လောက်ပြန်ရမယ့် သဘောဖြစ်သွားတယ်။” ဟုဆိုသည်။

ကြက်သွန်မှာ လှောင်ချိန်ကြာမြင့်လျှင် အလေးချိန်လျော့ကျခြင်းနှင့် အပင်ပေါက်လာနိုင်သည့် အတွက်လှောင်လက် များက အချိန်မီ ထုတ်ရောင်းရလေ့ရှိသည်။

ပခုက္ကူမြို့နယ်ဘက်က ကြက်သွန်နီကုန်သည်တဦးကလည်း “ပခုက္ကူမှာ ကောင်းတာတွေက ၂ဝဝ၊ ၄ဝဝ အတွင်း ရှိတယ်။ ညံ့တာတွေက ၃ဝဝ အောက်ပေါ့။ ဒီမှာကတော့ အရွယ်ခွဲပြီး ရန်ကုန်ပို့တာ။ မုန်တိုင်းလေးဝင်ပြီး ထက်ဝက်လောက်သေး တယ်။ အခု ကျသွားတယ်။ ဆောင်းတွင်းဆိုတော့ အညှောင့်ပေါက်တာတို့၊ အရောင်မဲရင်တို့ဆိုရင် ၁၀၀ ထပ်လျော့သေးတယ်။” ဟု ပြောသည်။

ယောချောင်းနှင့် ဧရာဝတီဆုံသည့် ဆိပ်ဖြူမြို့နယ်မှ ကုန်သည်တဦးကမူ ဈေးကျနေသဖြင့် ဆိပ်ဖြူမြို့နယ်အတွင်း ထုတ်မရောင်း သေးသည့် လှောင်လက်များတွင် ကြက်သွန်များ ကျန်နေသေးကြောင်း ပြောသည်။

ဆိပ်ဖြူမြို့နယ်မှ သြဂုတ်လစိုက် မိုးကြက်သွန် (မျိုးကြက်သွန်) မှာလည်း အောက်တိုဘာမိုးကြောင့် ဆုံးရှုံးခြင်း၊ လတ်တလော ကြက်သွန်ဈေးကျနေခြင်းတို့ကြောင့် ရင်းနှီးငွေနည်းသွားပြီး ဒီဇင်ဘာတွင်စိုက်မည့် ကြက်သွန် အရေအတွက်ကို လျော့ချရမည် ဆိုသည်။

မြန်မာနိုင်ငံမှ ကြက်သွန်ကို မလေးရှား၊ အင်ဒိုနီးရှားနိုင်ငံများသို့ အဓိကတင်ပို့ နေခြင်းဖြစ်ပြီး ယခု နွေကြက်သွန် ဟောင်းများ သည် အညှောင့်များပါလာခြင်း၊ အလေးချိန်လျော့သွားခြင်းတိုနှင့် ပြိုင်ဘက် အိန္ဒိယ၊ တရုတ်တို့က ပိုမိုဈေးချလာခြင်းကြောင့် ယခုနှစ်တွင် ယှဉ်ပြိုင်မရောင်းနိုင်ကြောင်း ကြက်သွန်အသင်းကပြောသည်။

မြန်မာကြက်သွန်သည် တတန်လျှင် အမေရိကန်ဒေါ်လာ ၄၅ဝ နှင့် ၅၅ဝ အကြား ဈေးပေါက်နေချိန်တွင် အိန္ဒိယက တတန်လျှင် ဒေါ်လာ ၃၅ဝ သာ သတ်မှတ်ထားသည်ဟု ဦးခင်ဟန်က ပြောသည်။

၂ဝ၁ဝ ခု သြဂုတ်လကလည်း ရေနံချောင်းမြို့နယ်တွင် ကြက်သွန် တပိဿာ ၁၀၀ ကျပ်ဝန်းကျင်အထိ လျော့ကျ သွားခဲ့ဖူးပြီး ကြက်သွန်ကုန်သည်များ ဆုံးရှုံးမှုဖြစ်ခဲ့ဖူးသည်။ အလားတူ ၂၀၀၇၊ ၂၀၀၈ ခုနှစ်များကလည်း ဈေးကျခြင်း ကြုံခဲ့ရသေးသည်။

အောက်တိုဘာ ၁၉ ရက်နှင့် ၂ဝ ရက်နေ့က မိုးသည်းသဖြင့် ယောချောင်း၊ ကျောချောင်း၊ ယမားချောင်း၊ မြိုင်ချောင်း၊ ရွှေချောင်း တို့မှ တောင်ကျရေဆင်းပြီး မကွေးတိုင်း ပခုက္ကူ၊ မြိုင်၊ ပေါက်နှင့် ဆိပ်ဖြူမြို့နယ်တို့တွင် လူ ၁ဝ၆ ဦးသေဆုံးပြီး သီးနှံစိုက်ခင်း ဧက ၃,၀၀၀ ကျော် ပျက်စီး သည်ဟု တရားဝင် ထုတ်ပြန်ထားသည်။

Ref: မဇ္ဈိမ

Read More...

Collapse...

အရှင်ဂမ္ဘီရ ကျန်းမာရေးကြောင့် မိသားစုနှင့် ပြန်နေရန်လိုဟုဆို

သဲသဲ
နိုဝင်ဘာလ ၂၃ ရက် ၂၀၁၁ ခုနှစ်

ကလေးမြို့ အကျဉ်းထောင်မှ မြောင်းမြ ထောင်သို့ ပြောင်းရွှေ့ခံရသည့် ဆရာတော် ဦးဂမ္ဘီရ၏ စိတ်ကျန်းမာရေး အခြေအနေ စိုးရိမ်ရ သဖြင့် မိသားစုနှင့် အတူတကွ ပြန်လည်နေထိုင်ရန် လိုအပ်ကြောင်း ထောင် ဆရာဝန်က အကြံပြုသည်ဟု ဆရာတော်၏ အမဖြစ်သူက ပြောသည်။

ထောင်တွင်း ဆက်လက်ထားရှိပါက မူလစိတ် အခြေအနေပြန်ရောက်ရန် မလွယ်ကူဟု ထောင်ဆရာဝန် ပြောကြောင်း တနင်္လာနေ့ က ထောင်ဝင်စာ သွားတွေ့ခဲ့သည့် ဦးဂမ္ဘီရ၏ အမဖြစ်သူ မခင်သူဌေးက ပြောသည်။။

အရှင်ဂမ္ဘီရမှာ အကျဉ်းထောင်အတွင်း စိတ်ရောလူပါ ညှင်းပန်းနှိပ်စက်ခံရမှုကြောင့် စိတ်ဒဏ်ရာရှိသွားခြင်း ဖြစ်သည်ဟုလည်း မိသားစုက ယုံကြည်နေသည်။

“ထောင်ထဲမှာ တလလုံး လက်ရောခြေရော ခတ်ထားပြီး ထိုင်ခုံမှာပဲ အပေါ့အလေးသွားခိုင်း၊ ခေါင်းကို အိတ်အမဲ စွတ်ပြီး တုတ် နဲ့ရိုက်၊ ဒီဒဏ်ရာတွေက နည်းမှမနည်းတာ။ ဒဏ်ရာတွေ ပေါ်လာရင် သူတို့က အိပ်ဆေးထိုး ဖြေရှင်း တာ။ လွတ်လာ တဲ့သူတွေ ပြောပြတာပေါ့နော်။ ဦးဇင်းကတော့ အမတို့ကို မပြောဘဲ ထိန်းချုပ်ထားပုံရတယ်။” ဟု မခင်သူဌေးက ဆိုသည်။

ဆရာတော်၏ ကျန်းမာရေး အခြေအနေအား ငဲ့ညှာကာ လွှတ်ပေးရန် မိသားစုက သမ္မတ ဦးသိန်းစိန်ထံ စာရေးသား တောင်း ဆိုသွားဦးမည်ဟု ဆိုသည်။ ဦးဂမ္ဘီရ၏ မိသားစုက ပြီးခဲ့သည့် အောက်တိုဘာလ ၂၇ ရက်နေ့တွင် သမ္မတထံ အသနားခံစာ ရေးသားပေးပို့ခဲ့သေးသည်။

အမျိုးသားဒီမိုကရေစီအဖွဲ့ချုပ် ကြာသပတေးနေ့တွင် နေပြည်တော်၌ မှတ်ပုံတင်မည့် အရေးနှင့် ပတ်သက်၍ “NLD ပါတီဝင်လည်း မဟုတ်တော့ မကန့်ကွက်ဘူး၊ ဒါပေမယ့် ထပ်ပြောမယ် မထောက်ခံဘူး။” ဟု ဦးဂမ္ဘီရမှ ပြောဆို ကြောင်းလည်း မခင်သူဌေးက မဇ္ဈိမကိုပြန်လည် ပြောပြသည်။

ဦးဂမ္ဘီရကို စစ်ကိုင်းတိုင်း ကလေးမြို့ အကျဉ်းထောင်တွင် အကျဉ်းကျခံနေရာမှ ရန်ကုန်ရှိ အင်းစိန်ထောင်သို့ နိုဝင်ဘာလ ၁၆ ရက်နေ့တွင် ခေါ်ဆောင်သွားခဲ့ပြီး နောက်တရက်တွင် ဧရာဝတီတိုင်း မြောင်းမြမြို့ အကျဉ်းထောင် သို့ ပြောင်းရွှေ့ခဲ့သည်။

ဓမ္မာစရိယတန်း စာသင်သား ဦးဂမ္ဘီရသည် သက်တော် ၂၉ နှစ်အရွယ်၌ ၂၀၀၇ ခုနှစ် စက်တင်ဘာလ သံဃာ့ လှုပ်ရှားမှုတွင် သံဃာ့ တပ်ပေါင်းစု၏ ဦးဆောင် ဆရာတော်တပါး အဖြစ် ပါဝင်ခဲ့ရာ အာဏာပိုင်များ၏ ဖမ်းဆီးမှုကို ခံခဲ့ရပြီး အီလက်ထရောနစ် ပုဒ်မ အပါအဝင် ပုဒ်မ ၁၃ ခုဖြင့် ၂၀၀၈ ခုနှစ် ဒီဇင်ဘာလတွင် ထောင်ဒဏ် ၆၃နှစ် ချမှတ်ခံခဲ့ရသည်။

Ref: မဇ္ဈိမ

Read More...

Collapse...

၂၁ ယောက် ဦးစီးမည့် NLD ပါတီ တည်ထောင်ခွင့် လျှောက်ထားမည်

ဖနိဒါ
နိုဝင်ဘာလ ၂၃ ရက် ၂၀၁၁ ခုနှစ်

ဒေါ်အောင်ဆန်းစုကြည် အပါအဝင် ၂၁ ဦးတို့ဦးစီးမည့် အမျိုးသားဒီမိုကရေစီအဖွဲ့ချုပ်ကို ထူထောင်ခွင့်ပြုရေး လျှောက်ထားရန် ဗဟိုအလုပ်အမှုဆောင်အဖွဲ့ဝင် ဦးဉာဏ်ဝင်းနှင့် ဦးဝင်းမြင့်တို့ ကြာသပတေး နေ့တွင် နေပြည်တော်ကို သွားကြမည်ဖြစ်သည်။

ဒေါ်အောင်ဆန်းစုကြည် ဒုဥက္ကဋ္ဌ ဦးတင်ဦးနှင့် ဗဟိုအလုပ်အမှုဆောင်အဖွဲ့ဝင် ဦးဝင်းတင်တို့ အပါအဝင် ပြည်နယ် နှင့်တိုင်း လူငယ်များ၊ အမျိုးသမီးများနှင့် တိုင်းရင်းသားများ ပါဝင်သော ဦးဆောင်သူ ၂၁ ဦး အမည်စာရင်းများဖြင့် ရွေးကောက်ပွဲ ကော်မရှင်ထံ ပါတီထူထောင်ခွင့် လျှောက်ထားရန် သွားရောက်ခြင်းဖြစ်သည်။

ရွေးကောက်ပွဲဝင်မည့် ပုဂ္ဂိုလ်များ ရွေးချယ်ရာတွင် အဓိက ပညာအရည်အချင်း၊ အတွေ့အကြုံရှိသူများ၊ အမျိုးသမီး၊ လူငယ်များနှင့် တိုင်းရင်းသားများစသည့် အမျိုးအစား လေးမျိုးကို ဦးစားပေး ရွေးချယ်သွားမည် ဖြစ်ကြောင်း ဦးဉာဏ်ဝင်းက ပြောသည်။


“ဥပဒေအရလိုအပ်ချက်ပါ။ အနည်းဆုံး ၁၅ ဦး လျှောက်ရမယ်။ ကျနော်တို့ ၂၁ ဦးနဲ့ လျှောက်ပါ့မယ်။ ပြည်နယ်နှင့် တိုင်းတွေ ပါမယ်။ မူလအန်အယ်ဒီ ထူထောင်သူတွေ ပါရမယ်။ လူငယ်၊ အမျိုးသမီးနဲ့ တိုင်းရင်းသားတွေ ပါတယ်။” ဟု လျှောက်ထားချက် သွားတင်မည့်သူ ရှေ့နေ ဦးဉာဏ်ဝင်းက ပြောသည်။

ဒေါ်အောင်ဆန်းစုကြည် ကိုယ်တိုင် ကြားဖြတ် ရွေးကောက်ပွဲ ဝင်ပြိုင်မည် ရည်ရွယ်ထားသော်လည်း မည်သည့် မဲဆန္ဒနယ်မြေတွင် ဝင်ရောက် ယှဉ်ပြိုင်မည်ကို ပြောဆိုခြင်း မရှိသေးကြောင်း ဦးဉာဏ်ဝင်းက မဇ္စျိမကို ပြောသည်။ ကြားဖြတ်ရွေးကောက်ပွဲကို လာမည့်နှစ် ၂ဝ၁၂ ခုနှစ် ဇန်နဝါရီလအတွင်း ကျင်းပနိုင်မည်ဟု ဦးဉာဏ်ဝင်းက ခန့်မှန်း ပြောဆိုသည်။

ရွေးကောက်ပွဲကော်မရှင်အနေဖြင့် ကြားဖြတ်ရွေးကောက်ပွဲ ကျင်းပမည့် နေ့ရက် မကြေငြာသေးခြင်းမှာ NLD ပါတီမှတ်ပုံတင် ရေးကို စောင့်နေခြင်းဖြစ်နိုင်သည်ဟု သမ္မတအကြံပေး ဦးနေဇင်လတ်က ယူဆသည်။ ကော်မရှင်က လက်ခံ လိုက်ပြီးနောက် ရက်ပေါင်း ၆ဝ ရွေးကောက်ပွဲ ပြင်ဆင်ချိန် ပေးရမည် ဖြစ်သည်ဟုလည်း ဒေါက်တာ နေဇင်လတ်က ပြောသည်။

အမျိုးသား ဒီမိုကရေစီ အဖွဲ့ချုပ် NLD အမည်ဖြင့် ရွေးကောက်ပွဲ ကော်မရှင်တွင် သောကြာနေ့မှာ မှတ်ပုံတင်မည် ဖြစ်ပြီး ရက်မသတ်မှတ်ရသေးသည့် ကြားဖြတ် ရွေးကောက်ပွဲတွင် ဝင်ရောက်ယှဉ်ပြိုင်ရန် ယခုလ ၁၈ ရက်နေ့ ဗဟိုဦးစီးအဖွဲ့ အစည်းအဝေးတွင် ဆုံးဖြတ် လိုက်သည်။

NLD ပါတီကို ရွေးကောက်ပွဲကော်မရှင်က နိုင်ငံရေးပါတီထူထောင်ခွင့် ပြုလိုက်ပြီးနောက် ရွေးကောက်ပွဲဝင်ပြိုင်မည့် မဲဆန္ဒနယ် များနှင့်ပတ်သက်၍ ပဋိပက္ခရှိလာနိုင်သော မဟာမိတ်နိုင်ငံရေးပါတီများနှင့် ညှိနှိုင်းသွားမည်ဟုလည်း ဦးဉာဏ်ဝင်းက ပြောသည်။

ဗုဒ္ဓဟူးနေ့တွင်လည်း ပြည်နယ်နှင့် တိုင်းအသီးသီးမှ အဖွဲ့ဝင် ၄ဝ ကျော်နှင့် ဗဟိုအလုပ်အမှုဆောင်အဖွဲ့များ တွေ့ဆုံ၍ ပါတီ မှတ်ပုံတင်ခွင့် ရရှိပြီးနောက် ပါတီအတွင်း ဆက်လုပ်မည် လုပ်ငန်းစဉ်များကို နှစ်နာရီကြာ ဆွေးနွေးခဲ့ကြသည် ဟု ပြန်ကြားရေး အဖွဲ့ဝင် ဦးအုန်းကြိုင်က ပြောသည်။

ကြားဖြတ် ရွေးကောက်ပွဲတွင် လစ်လပ်သည့် မဲဆန္ဒနယ် ၄၈ နေရာရှိပြီး ပြည်သူ့လွှတ်တော်အတွက် မဲဆန္ဒနယ် ၄ဝ၊ အမျိုးသား လွှတ်တော် ခြောက် နေရာ၊ တိုင်းဒေသကြီး/ပြည်နယ် လွှတ်တော် နှစ်နေရာရှိသည်။

Ref: မဇ္ဈိမ

Read More...

Collapse...

မဲဆန္ဒနယ်တွေ အတွက် NLD နှင့် ညှိနှိုင်းလိုကြောင်း ၁၀ ပါတီပြော

ထွန်းထွန်း
နိုဝင်ဘာလ ၂၃ ရက် ၂၀၁၁ ခုနှစ်

ကြားဖြတ် ရွေးကောက်ပွဲတွင် အမျိုးသား ဒီမိုကရေစီ အဖွဲ့ချုပ် NLD မှ လစ်လပ်နေရာ အားလုံး ဝင်ရောက်ယှဉ်ပြိုင်ရန် ဆုံးဖြတ် လိုက်သည့် အတွက် ဆွေးနွေး ညှိနှိုင်းရန် ဆန္ဒရှိကြောင်း ဒီမိုကရေစီမိတ်ဆွေ ၁ဝ ပါတီက ပြောဆိုသည်။

ယခင်က လစ်လပ်နေရာ များတွင် တပါတီဝင်ပြိုင် မည်ဆိုပါက ကျန်သည့် ပါတီများက ဝင်ရောက် ယှဉ်ပြိုင်ခြင်း မပြုဘဲ ဝိုင်းဝန်း ပံ့ပိုးပေးရန် ဒီမိုကရေစီ ၁၀ ပါတီတွင်း သဘောတူထားသည်ပြီးဖြစ်ကာ ယခုကဲ့သို့ NLD မှ ပါဝင်ယှဉ်ပြိုင် လာမည့်အတွက် ဆွေးနွေးညှိနှိုင်းလိုခြင်း ဖြစ်သည်။

“NLD ပါတီက အသစ်ဝင်မယ်ဆိုတော့ ကျနော်တို့က ဘာပဲဖြစ်ဖြစ် သူ့ကို ဦးစားပေးနိုင်ပါတယ်။ တကယ်လို့ NLD ပါတီအနေနဲ့ ဒီမိတ်ဆွေပါတီတွေနဲ့ ညှိနှိုင်းပြီးတော့ ရွေးကောက်ပွဲဝင်မယ်ဆိုရင် ကျနော်တို့ မိတ်ဆွေပါတီတွေအနေ နဲ့ စဉ်းစားလို့ ရတယ်” ဟု ဒီမိုကရေစီမိတ်ဆွေ ၁၀ ပါတီဝင် ရှမ်းတိုင်းရင်းသားများ ဒီမိုကရက်တစ်ပါတီ SNDP မှ ဘဏ္ဍာရေးမှူး ဦးစောသန်းမြင့်က မဇ္ဈိမကို ပြောသည်။


ယခုကဲ့သို့ ဆွေးနွေးလိုခြင်းမှာ NLD ပါတီတွင်သာမက မှတ်ပုံတင်ထားသည့် ပါတီသစ်များကိုလည်း ဆွေးနွေးလိုခြင်း ဖြစ်သည်။

အမျိုးသားဒီမိုကရေစီအင်အားစုပါတီ NDF ခေါင်းဆောင် ဦးခင်မောင်ဆွေကလည်း “NLD ဘက်က ညှိနှိုင်းချင်တယ် ဆိုရင် ကျနော်တို့ ဘက်က တံခါးဖွင့်ထားတာပဲလေ။ ညှိနှိုင်းတယ်၊ ဆွေးနွေးတယ်၊ တိုင်ပင်တယ် ဆိုတာကတော့ ကောင်းတဲ့ ကိစ္စ ချည်းပဲ။ ဒီမိုကရေစီအင်အားစုအချင်းချင်း ဆိုတာကတော့ ပိုပြီးတော့ ကောင်းတာပေါ့ဗျာ။ ကျနော် တို့လည်း တချိန်တုန်းက NLD ဟောင်းတွေပဲ” ဟု ဆိုသည်။

NLD မှာ နိုဝင်ဘာလ ၁၈ ရက်နေ့က ပြုလုပ်သည့် ဗဟိုဦးစီးအဖွဲ့ စည်းဝေးပွဲဆုံးဖြတ်ချက်အရ မှတ်ပုံတင်ရန်နှင့် ရွေးကောက်ပွဲ ဝင်ရန် ဆုံးဖြတ်ခဲ့ခြင်း ဖြစ်သည်။ ယင်းကဲ့သို့ မှတ်ပုံတင်၊ ရွေးကောက်ပွဲ ဝင်မည့်အပေါ် ကြိုဆို ကြောင်းလည်း ဒီမိုကရေစီ ၁၀ ပါတီက နိုဝင်ဘာလ ၂၂ ရက်နေ့က ကြေညာချက် ထုတ်ပြန်ခဲ့ပြီး ဖြစ်သည်။

လက်ရှိတွင် တိုင်းရင်းသား ဒေသအခြေစိုက် ပါတီများမှာ ပြည်နယ် လွှတ်တော်များတွင် နေရာ အများအပြားစီ ရရှိ ထား သော်လည်း ပြည်မတွင်မူ ဒီမိုကရက်များမှ အားနည်းနေကြောင်း၊ NLD အနေဖြင့် ဝင်ရောက် ယှဉ်ပြိုင်မည် ဆိုပါက ဒီမိုကရက်များဘက်မှ အင်အား ကောင်းလာနိုင်ဖွယ်ရှိသည်ဟု SNDP က ရှုမြင်ထားသည်။

“လွှတ်တော်မှာ ပြည်မ ပါတီကြီးအနေနဲ့ အင်အားတိုးလာမယ်ဆိုရင် ပြောရေး ဆိုခွင့်ပါ အများကြီး ပိုပြီး အင်အားပြည့် လာ မယ်ပေါ့။ ကျနော်တို့ တောင်းဆိုချင်တဲ့အရာ တော်တော်များများကို ကျနော်တို့ ညှိညှိနှိုင်းနှိုင်းလုပ်တဲ့အခါမှာ NLD ပါလာရင် ကျနော်တို့ အခြေခံ ဥပဒေနဲ့ ပတ်သက်ပြီးတော့ လိုအပ်လို့ လိုတိုးပိုလျော့၊ နောက် အသစ် ပြန်လည် ပြင်ဆင်ပြဋ္ဌာန်းတဲ့ အခါမှာ ပိုပြီးတော့ အင်အားပြည့်လာလိမ့်မယ်” ဟု SNDP ဘဏ္ဍာရေးမှူး ဦးစောသန်းမြင့်က ပြောသည်။

သို့သော် ဒီမိုကရေစီ ၁ဝ ပါတီ အနေဖြင့် ဆွေးနွေး ညှိနှိုင်းရန် ဆန္ဒရှိသော်လည်း မဖြစ်မြောက်ခဲ့ပါက ယခင် စီစဉ် ထားသည့် ကြားဖြတ် ရွေးကောက်ပွဲ ဝင်ပြိုင်မည့် နေရာများအတိုင်း ဝင်ရောက် ယှဉ်ပြိုင်သွားမည် ဖြစ်သည်။

“ပြည်သူသာ အဓိကဆိုတဲ့အတွက် ဒီမိုကရေစီလမ်းကို သွားဖို့အတွက် ဘာမှ အနှောင်အဖွဲ့ မရှိပါဘူး။ ဘယ်သူပဲ ဦးဆောင် ဦးဆောင် ဒီမိုကရေစီခေတ်ကို ရောက်မယ်ဆိုရင် နောက်က လိုက်ဆိုလည်း လိုက်ကြမှာ ပါပဲ။ ရင်ဘောင်တန်း ချီကြမယ် ဆိုရင်လည်း လက်ချင်းချိတ်ပြီး သွားရုံပါပဲ” ဟု NDF ပါတီမှ ဦးခင်မောင်ဆွေက ဆိုသည်။

ဒီမိုကရေစီမိတ်ဆွေပါတီများတွင် NDF၊ ဒီမိုကရက်တစ်ပါတီ (မြန်မာ)၊ ဒီမိုကရေစီနှင့် ငြိမ်းချမ်းရေး၊ ပြည်ထောင်စု ဒီမိုကရေစီ၊ ရှမ်းတိုင်းရင်းသားများ ဒီမိုကရက်တစ်၊ ရခိုင်တိုင်းရင်းသားများ ဖွံ့ဖြိုးတိုတက်ရေး၊ ဝံသာနု NLD ၊ ချင်းအမျိုးသား၊ ဖလုံ-စဝေါ် ဒီမိုကရက်တစ်နှင့် အမျိုးသား မဟာမိတ်များ အဖွဲ့ချုပ်ပါတီတို့ ပါဝင်သည်။

ယခုကဲ့သို့ ဒီမိုကရေစီ ၁ဝ ပါတီဘက်မှ ပြောဆိုမှုနှင့်ပတ်သက်၍ မှတ်ပုံပင် မတင်ရသေးသည့်အတွက် တစုံတရာ မှတ်ချက်ပေး မည် မဟုတ်ကြောင်း NLD ဘက်မှ တုံ့ပြန်သည်။

“ရွေးကောက်ပွဲလို့ ဆုံးဖြတ်ထားတာပဲ ရှိသေးတယ်။ မှတ်ပုံလည်း မတင်ရသေးဘူးဆိုတော့ကာ အခုနေတော့ ကျနော်တို့က ဘာမှ ပြောနိုင်ဦးမှာ မဟုတ်ဘူး။ သို့သော် အဲဒါဟာ ရွေးကောက်ပွဲ Pre Election Strategy လား ဆိုတာ ကျနော် မပြော တတ်သေးဘူး” ဟု ပါတီပြောခွင့်ရ ဦးအုန်းကြိုင်က မဇ္ဈိမကို ပြောသည်။

ပါတီအနေဖြင့် ကြားဖြတ် ရွေးကောက်ပွဲတွင် နေရာအားလုံး ယှဉ်ပြိုင်ရန် ဆုံးဖြတ်ထား ပြီးဖြစ်ကာ ပါတီအထွေထွေ အတွင်းရေးမှူး ဒေါ်အောင်ဆန်းစုကြည်လည်း ဝင်ရောက်ယှဉ်ပြိုင်မည်ဟု သိရသည်။ သို့သော် မည်သူများ ပါဝင် ရွေးချယ်ခံမည် ကိုမူ လစ်လပ် နေရာ များနှင့် ပတ်သက်၍ ပြည်ထောင်စု ရွေးကောက်ပွဲ ကော်မရှင်မှ တရားဝင် မကြေညာသေးသည့် အတွက် တရားဝင် မရွေး ချယ်ရသေးပေ။

ပါတီအနေဖြင့် ရွေးချယ်ခံရ၍ လွှတ်တော်တွင်း ရောက်မည်ဆိုပါက ဒီမိုကရေစီ ပါတီများနှင့် လက်တွဲ လုပ်ကိုင်နိုင်ဖွယ် ရှိသည်ဟု NLD က မှတ်ချက်ပေးသည်။

“ဒီမိုကရေစီပါတီတွေနဲ့ လက်တွဲလုပ်ဆောင်တာပေါ့ဗျာ။ တူတဲ့ဟာတွေ တွဲပြီးလုပ်မယ်၊ မတူတာတွေ ခွဲလုပ်မယ်။ ကျနော်တို့ နဂိုကတည်းက အဲဒီတွေ ရှိပါတယ်။ ဒေါ်စု ထွက်လာကတည်းက ချထားတာပဲ” ဟု ဦးအုန်းကြိုင်က ဆိုသည်။

ပါတီမှတ်ပုံခွင့် ပေးရန်အတွက် နေပြည်တော်ရှိ ရွေးကောက်ပွဲ ကော်မရှင်သို့ ရှေ့နေကြီး ဦးဉာဏ်ဝင်းမှ ကြာသပတေးနေ့တွင် သွားရောက် တင်ပြမည်ဖြစ်ကာ၊ ယင်းမှ ခွင့်ပြုချက် ရပါက ပါတီ မှတ်ပုံတင်ရန် လျှောက်ထား မည် ဖြစ်သည်။

Ref: မဇ္ဈိမ

Read More...

Collapse...

အမျိုးသားဒီမိုကရေစီအဖွဲ့ချုပ် ဆုံးဖြတ်ချက်အပေါ် (FDB) သဘောထားထုတ်ပြန်

November 23rd, 2011


အဖွဲ့ချုပ်၏ ဥပဒေစိုးမိုးရေး၊ ပြည်တွင်းငြိမ်းချမ်းရေးနှင့် ဖွဲ့စည်းပုံ အခြေခံဥပဒေကို ပြုပြင်ပြောင်းလဲရေး ဆိုသည့် ရည်ရွယ်ချက် များ သည် ဦးသိန်းစိန် အစိုးရ၏ လွှတ်တော်ထဲတွင် အကောင်အထည် ဖော်နိုင်လိမ့်မည်မဟုတ်ဟု မြန်မာနိုင်ငံဒီမိုကရက်တစ် အင်အားစု (FDB) က သဘောထားထုတ်ပြန်လိုက်သည်။

အမျိုးသားဒီမိုကရေစီအဖွဲ့ချုပ်က ပြီးခဲ့သည့် သောကြာနေ့တွင် ပါတီတရားဝင် မှတ်ပုံပြန်တင်ပြီး ရွေးကောက်ပွဲတွင် ဝင်ရောက် အရွေးချယ်ခံ မည်ဖြစ်ကြောင်း ဆုံးဖြတ်ချက်နှင့် ပတ်သက်၍ မြန်မာနိုင်ငံ ဒီမိုကရက်တစ် အင်အားစု (FDB) က ဒီကနေ့ ထုတ်ပြန်သည့် သဘောထား ကြေညာချက်တွင် ဖော်ပြလိုက်ခြင်းဖြစ်သည်။

အမျိုးသားဒီမိုကရေစီအဖွဲ့ချုပ်ရဲ့ ဆုံးဖြတ်ချက်တွေအပေါ် သဘောထားထုတ်ပြန်လိုက်ခြင်းနှင့်ပတ်သက်လို့ မြန်မာနိုင်ငံဒီမိုကရက်တစ် အင်အားစု (FDB)၏ အတွင်းရေးမှူးချုပ် ဒေါက်တာနိုင်အောင်က အခုလိုပြောသည်။


“NLD ကနေပြီး ရွေးကောက်ပွဲဝင်မယ်လို့ ဆုံးဖြတ်ထားတဲ့ ရည်မှန်းချက်တွေထဲမှာ ဥပဒေစိုးမိုးရေး နောက်ပြီးတော့ ပြည်တွင်း ငြိမ်းချမ်းရေး ဖွဲ့စည်းပုံအခြေခံဥပဒေပြုပြင်ပြောင်းလဲရေးဆိုတဲ့ ရည်မှန်းချက်တွေနဲ့ ၀င်မယ်လို့ စဉ်းစားထားတာလေ အဲဒါ ကျနော်တို့မြင်တာက NLD ကတော့ ဒါ တည်ရှိနေတဲ့ ဥပဒေဘောင်ထဲကနေပြီးတော့ တရားဝင်အတိုက်အခံ နိုင်ငံရေးပါတီအနေနဲ့ ဆောင်ရွက်သွားဖို့ နည်းပရိယာယ်တရပ်အနေနဲ့ ရွေးချယ်လိုက်တာ ဖြစ်တယ်၊ ဒါပေမယ့် လွှတ်တော်ထဲမှာ အကောက်အထည် ဖော်ဖို့ကတော့ အဆင်မပြေနိုင်ဘူး။ တကယ်တန်းဖြစ်သင့်တာကတော့ တန်းတူရည်တူရှိတဲ့ နိုင်ငံရေးအရတွေ့ဆုံဆွေးနွေးပွဲတွေ လုပ်နိုင်မှသာ အောင်မြင်မယ်။ အဲဒါတွေဖြစ်နိုင်ဖို့ နိုင်ငံရေးအကျဉ်းသားတွေအားလုံး ခြွင်းချက်မရှိလွှတ်ပေးဖို့ အဲဒါတွေ ဆောင်ရွက် ဖို့လိုတယ် ဆိုတာကို ကျနော်တို့ ပြောချင်တာဖြစ်ပါတယ်” ဟုပြောသည်။

နိုင်ငံရေးအကျဉ်းသား အားလုံးကို ခြွင်းချက်မရှိ လွှတ်ပေးပြီး အမျိုးသားပြန်လည် သင့်မြတ်ရေးကို ဦးတည်သည့် အပစ်အခတ် ရပ်စဲရေး များဆောင်ရွက်ခြင်း တို့ကို မပြုလုပ်သေးသရွေ့ ဦးသိန်းစိန် အစိုးရတွင် စစ်မှန်သည့် နိုင်ငံရေးတွေ့ဆုံ ဆွေးနွေးမှုများကို ဖော်ဆောင်လိုသော သဘောထား ရှိနေပြီဟု (FDB) က မယူဆနိုင်ကြောင်း သဘောထား ထုတ်ပြန်ချက်တွင် ဖော်ပြထားသည်။

ဒေါ်အောင်ဆန်းစုကြည်နှင့် ဦးသိန်းစိန်အစိုးရ တာဝန်ရှိသူများ အကြိမ်ကြိမ် တွေ့ဆုံနေခြင်းအပါအဝင် တိုင်းရင်းသား လက်နက်ကိုင် အင်အားစုများနှင့် လက်ရှိ တွေ့ဆုံနေမှုများသည် မြန်မာနိုင်ငံအတွက် ဒီမိုကရေစီရေး လမ်းကြောင်းဖော်ဆောင်သည့် ဆွေးနွေးပွဲ အဆင့်မရောက်သေးကြောင်းလည်း ဒေါက်တာ နိုင်အောင်က အခုလို ထောက်ပြပြောဆိုသည်။

“ဒီနေ့ထက်ထိ ဒေါ်အောင်ဆန်းစုကြည်နဲ့ တွေ့ဆုံဆွေးနွေးတာတွေရော တိုင်းရင်းသား တွေနဲ့ဆွေးနွေးတဲ့ ဟာတွေရောက ဗမာပြည်က ရှေ့ဒီမိုကရေစီ အသွင်ကူးပြောင်းရေးကို ဘယ်လိုသွားမလဲဆိုတဲ့ ဒီမိုကရေစီ လမ်းကြောင်းကို ဖော်ဆောင်တဲ့ ဆွေးနွေးပွဲ အဆင့်တွေ မရောက်သေးဘူ၊ အဲလိုလုပ်ဖို့ နေရာမှာ အဓိကကျတာကတော့ ပြည်သူလူထုရဲ့ အခြေခံ အခွင့်အရေး တွေကို အာမခံပေးနိုင်ဖို့ နောက်ပြီးတော့ စစ်အုပ်စုက လက်ဝါးကြီးအုပ် ဗိုလ်ကျနေတဲ့ စနစ်တွေကို ဖျက်သိမ်းပေးဖို့ လူထုရဲ့ လွတ်လပ်တဲ့ သဘောထားကို အခြေခံတဲ့ ကောင်းမွန်တဲ့ အစိုးရ တရပ်ကို ဖော်ဆောင်မှ ဒါတွေကို ပြုပြင်ပြောင်းလဲ မှသာ ပြုပြင်ပြောင်းလဲမှု အစစ်အမှန် ဖြစ်မယ်လို့ ကျနော်တို့ ပြောချင်တာပါ” ဟုပြောသည်။

မြန်မာနိုင်ငံဒီမိုကရက်တစ်အင်အားစုအနေဖြင့် မြန်မာ့နိုင်ငံရေးတွင် စစ်မှန်သော တွေ့ဆုံဆွေးနွေးပွဲများ ဖြစ်ပေါ်လာရေးနှင့် စစ်မှန်သော ပြောင်းလဲမှုများကို ဖော်ဆောင်နိုင်ရေးအတွက် ပြည်သူလူထု၏ အသံကို ဖော်ထုတ်၍ ပြည်သူလူထုဘက်မှ ဆက်လက် ရပ်တည် တိုက်ပွဲဝင် သွားမည်ဖြစ်ကြောင်း ထုတ်ပြန်ခဲ့သည်။

Ref: ရိုးမ၃

Read More...

Collapse...

ဒယ်အိုးဆရာတော်ကို သတိပေးရန်ရှိ

မျိုးသန့်
နိုဝင်ဘာလ ၂၂ ရက် ၂၀၁၁ ခုနှစ်

မြန်မာတနိုင်ငံလုံးရှိ ပရဟိတ လုပ်ငန်းများ လုပ်ဆောင်နေသည့် အသင်း၊ အဖွဲ့များမှ ကိုယ်စားလှယ် များကို ခေါ်ယူကာ “ပရဟိတ နှီးနှော ဖလှယ်ပွဲ” ကျင်းပခဲ့သည့် ရန်ကုန်တိုင်း မှော်ဘီမင်္ဂလာတိုက်မှ ကျောင်းထိုင် ဆရာတော် ဦးသုမင်္ဂလကို သတိပေးရန် ဗုဒ္ဓဟူးနေ့တွင် ပင့်ဆောင် ထားသည်ဟု ရန်ကုန်တိုင်း သံဃာ့ နာယကရုံးမှ တာဝန်ရှိသူ တဦးက ပြောသည်။

“အာဏာပိုင် အဖွဲ့အစည်းတခုခုကနေပြီးတော့ မဟန (သံဃာ့ မဟာနာယက) ဆရာတော်တွေကို တိုင်ပုံရပါတယ်။ မဟန ဆရာတော်တွေကိုတိုင်တော့ တိုင်းသံဃာ့နာယက ဆရာတော်တွေက ခေါ်ပြီးတော့ သတိပေးမယ့် သဘောပါ။ ဆရာတော်ကို ခေါ်ယူပြီးတော့ သြဝါဒပေးမယ့် သဘော။” ဟု အမည်မဖော်လိုသူက ပြောသည်။


စက်တင်ဘာလ အတွင်း မှော်ဘီမင်္ဂလာတိုက်တွင် “ပရဟိတ နှီးနှောဖလှယ်ပွဲ” ကျင်းပသည်ကို အာဏာပိုင် များနှင့် မြို့နယ် သံဃာ့ နာယကသို့ ကြိုတင်အကြောင်းကြား ခွင့်ပြုချက် မယူခြင်းကြောင့် ပင့်ဆောင် သတိပေးရခြင်း ဖြစ်သည်ဟုဆိုသည်။

ယင်းအပြင် တရားဟော ဓမ္မကထိကများ အနေဖြင့် တရားပွဲ များကို အကြောင်းပြကာ နိုင်ငံရေး တရားပွဲများ ပြုလုပ်လာနိုင် သည်ဟု ဆိုလိုက်ပြီး သံဃာတော် များနှင့် မသင့်တော်သည့် ကိစ္စများ ဟုလည်း မဇ္ဈိမကို ပြောသည်။

“တချို့ကျတော့ စုန်းပြူး တွေရှိတယ်။ ပဲလှော်ကြား ဆားညှပ်တာ တွေရှိတယ်။ အဲဒါမျိုးတွေ ကြိုကြား ကြိုကြား ပေါ်လာတဲ့ အခါကျတော့ ဌာနဆိုင်ရာတွေ၊ သူ့ဒေသအလိုက် ရှိတဲ့ ရပ်ကျေးတွေကို အသိပေး အကြောင်းကြားပြီး ထောက်ခံချက် ယူရ တယ်။” ဟု ထိုပုဂ္ဂိုလ်က ပြောသည်။


ဒယ်အိုးဆရာတော်ဟု လူသိများသည့် ဆရာတော် ဦးသုမင်္ဂလ ဦးစီး ကျင်းပသည့် “ စုံနံ့သာမြိုင် ပရဟိတ အသင်းအဖွဲ့များ နှီးနှော ဖလှယ်ပွဲ” ကို စက်တင်ဘာလ နှစ်ရက်နေ့နှင့် သုံးရက်နေ့ များတွင် ကျင်းပ ခဲ့ခြင်း ဖြစ်သည်။

အဆိုပါ နှီးနှောဖလှယ်ပွဲသို့ ပြည်နယ်နှင့်တိုင်း ၁ဝ ခုမှ ကျန်းမာရေး၊ လူမှုရေး၊ ပညာရေး၊ ဘုန်းတော်ကြီးသင် ပညာရေး ကျောင်း များ မှ ပရဟိတလုပ်ငန်း လုပ်ဆောင်နေသူ လူပုဂ္ဂိုလ်နှင့် သံဃာတော်များ လေ့လာသူ များ စုစုပေါင်း ၂,၅ဝဝ ကျော် တက် ရောက်ခဲ့သည်ဟု ဆရာတော် ဦးသုမင်္ဂလ၏ အင်တာနက် စာမျက်နှာတွင် ဖေါ်ပြ ထားသည်။

သက်တော် ၄၄ နှစ်ရှိ ဆရာတော် ဦးသုမင်္ဂလ သည် မြန်မာ့လူ့ အဖွဲ့အစည်းအတွင်း အကျင့်စာရိတ္တ ကောင်းမွန်ရေးနှင့် ပြုပြင် ပြောင်းလဲရေး တရားများကို ဘာသာရေးနှင့် ဆက်နွယ်ကာ ဟောကြား လေ့ရှိသည်။ ဆရာတော်၏ တရားပွဲများ ၂ဝဝ၈ ခုနှစ်နှင့် ၂ဝဝ၉ ခုနှစ်များ အတွင်း ပိတ်ပင်ခံခဲ့ရဖူးသည်။


Ref: မဇ္ဈိမ

Read More...

Collapse...

တိုင်းရင်းသားအဖွဲ့များနှင့် အစိုးရ ဆွေးနွေးပွဲများ ပြုလုပ်

ဖနိဒါ
နိုဝင်ဘာလ ၂၁ ရက် ၂၀၁၁ ခုနှစ်

နှစ်ဘက်အပစ်ခတ် ရပ်စဲရေးနှင့် ငြိမ်းချမ်းရေးအတွက် မြန်မာအစိုးရ ကိုယ်စားလှယ်နှင့် တိုင်းရင်းသား လက်နက်ကိုင်အဖွဲ့ လေးခု တို့ နိုဝင်ဘာ ၁၉ ရက်နေ့က သီးခြားစီ တွေ့ဆုံဆွေးနွေးမှုများ ပြုလုပ်ခဲ့ ကြသည်။

ရှမ်းပြည်တပ်မတော် တောင်ပိုင်း (SSA-S ) ခေါ် ရှမ်းပြည် ပြန်လည်ထူထောင်ရေး ကောင်စီ RCSS၊ ကရင်နီ အမျိုးသား တိုး တက်ရေးပါတီ၊ ကရင်အမျိုးသား အစည်းအရုံးနှင့် ချင်းအမျိုးသား တပ်ဦးတို့သည် ထိုင်း-မြန်မာ နယ်စပ် တနေရာတွင် ရထား ပို့ဆောင်ရေး ဝန်ကြီးအောင်မင်းနှင့် တွေ့ဆုံဆွေးနွေးခဲ့ကြခြင်း ဖြစ်သည်။

ဝန်ကြီးဦးအောင်မင်းက အပစ်ခတ်ရပ်စဲရေး၊ ဆက်ဆံရေးရုံးများ ဖွင့်လှစ်ရေး၊ မိမိနယ်မြေမှ ကျော်လွန်၍ လက်နက် ကိုင်ဆောင် သွားလာခြင်း မပြုလုပ်ရေး၊ ဗဟိုအစိုးရ ကိုယ်စားလှယ်များနှင့် တွေ့ဆုံ ဆွေးနွေးရေး အတွက်တို့ကို တိုင်းရင်းသားအဖွဲ့များအား ရှင်းလင်း ပြောကြားခဲ့သည်။


“ကျနော်တို့ရဲ့ လိုလားချက် ကျနော်တို့ သဘောထားနဲ့ တူညီရင် လက်မှတ်ထိုးဖို့ ရှိပါတယ်။ ဒါပေမယ့် အသေးစိတ် ဆွေးနွေး ဖို့ရှိပါ သေးတယ်" ဟု SSA-S ပြောရေးဆိုခွင့်ရှိသူ စိုင်းလောဝ်ဆိုင်းက မဇ္စျိမကို ပြောသည်။

ဆွေးနွေးပွဲများ ဖြစ်မြောက်ရေးအတွက် ကြားဝင် ဆောင်ရွက်ပေးသူများတွင် Euro Burma Office မှ ဦးဟန်ညောင်ဝေ နှင့် ရန်ကုန်အခြေစိုက် Myanmar Egress အဖွဲ့မှ ဦးနေဝင်းမောင်၊ ဦးတင်မောင်သန်း၊ ဒေါက်တာ ကျော်ရင်လှိုင်နှင့် ဦးဆန်နီ တို့ လည်း ပါဝင်သည်။

ငြိမ်းချမ်းရေးအတွက် အဆင့်သုံးဆင့် သတ်မှတ်ထားပြီး ရှေးဦးစွာ အပစ်ခတ်ရပ်ရေး၊ သက်ဆိုင်ရာ ပြည်နယ် မြို့တော် များတွင် တွေ့ဆုံ ဆွေးနွေးမှု ပြုလုပ်ရေး၊ သက်ဆိုင်ရာ ဒေသလိုက် ဖွံ့ဖြိုးရေး လုပ်ငန်းများကို အစိုးရနှင့် ပူးပေါင်း ဆောင်ရွက်ရေး စီမံ ကိန်းများ ရေးဆွဲရန်နှင့် နေပြည်တော်တွင် တွေ့ဆုံ ဆွေးနွေးမှုပြုလုပ်ပြီး တိုင်းရင်းသား အားလုံး၏ သဘောတူညီချက်များ ရရှိ ပါက လွှတ်တော် ကိုယ်စားလှယ်များရှေ့တွင် သဘောတူညီချက် လက်မှတ် ရေးထိုးကာ ပင်လုံညီလာခံကဲ့သို့ လုပ်ဆောင်ရေး တို့ ပါဝင်သည်ဟု နှစ်ဘက် သတင်းရပ်ကွက်များက ပြောသည်။

ရှမ်းအဖွဲ့မှ စိုင်းလောဝ်ဆိုင်းကလည်း “ပင်လုံ ညီလာခံကြီးလိုမျိုး နောက်ထပ် အမျိုးသား ညီလာခံ ကျင်းပပေးမယ်ဆိုတဲ့ အကြောင်း ပြောကြားသွားပါတယ်။”ဟု မဇ္စျိမကို ပြောသည်။

SSA အဖွဲ့က အပစ်အခတ် ရပ်ရေး၊ နိုင်ငံရေးကို နိုင်ငံရေးနည်းလမ်းနှင့် အဖြေရှာရေး၊ ဖွံ့ဖြိုးရေး လုပ်ငန်းများ အစိုးရ နှင့် ပူးပေါင်း ဆောင်ရွက်သွားရေးနှင့် မူးယစ်ဆေးဝါး ပြဿနာများကို ပူးပေါင်းတိုက်ဖျက်သွားရေး စသည့် အချက် များ တင်ပြ ထားသည်ဟု ဆိုသည်။

သဘောတူညီချက်များတွင် ရှမ်းပြည်နယ် အရှေ့တောင်ပိုင်း တောင်ကြီး၊ မိုင်းတုံနှင့် ခိုလမ် စသည့် မြို့နယ်သုံးခု တွင် SSA-S ဆက်ဆံရေးရုံး ဖွင့်ရန်လည်း သဘောတူထားသည်။ သတင်းရပ်ကွက်တခုက ရှမ်းတောင်ပိုင်း နောက်ထပ် အစည်းအဝေးကို တောင်ကြီးတွင် ပြုလုပ်ရန် သဘောတူညီချက် ရထားသည်ဟု သိရသည်။

အလားတူပင် KNU မှ စစ်ဦးစီးချုပ် ဗိုလ်ချုပ်ကြီး မူတူးစေးဖိုး၊ တရားရေးဌာနမှူး ပဒိုဒေးဗစ်ထောနှင့် သစ်တောဌာန တာဝန်ခံ ပဒိုစောအားတိုးတို့က ဝန်ကြီး ဦးအောင်မင်းတို့နှင့် စနေနေ့တွင် ဒုတိယတကြိမ် တွေ့ဆုံခဲ့သည်။

“အပစ်အခတ် ရပ်ရေးကိစ္စ၊ အပစ်အခတ် ရပ်ရေးကိစ္စ ဆွေးနွေးပြီးလို့ ရှိရင် နှစ်ဘက် ဆက်ဆံရေး ကိုယ်စားလှယ်ရုံး ထားရှိဖို့၊ အပစ်အခတ် ရပ်စဲပြီးသွားရင် လက်နက်မပါဘဲ နှစ်ဘက်လုံးကနေ လက်နက်မပါဘဲ လွတ်လွတ်လပ်လပ် သွားလာခွင့် ပြုရေး ကိစ္စ၊ နိုင်ငံရေးနဲ့ ပတ်သက်နဲ့ ကိစ္စတွေ ဆွေးနွေးမယ်ဆိုရင် တိုင်းရင်းသား လူမျုိးစု အားလုံး စုစုစည်းစည်း ပါဝင်တဲ့အဖွဲ့နဲ့ ပြည်ထောင်စု အစိုးရရယ်၊ ဒေါ်အောင်ဆန်းစုကြည်တို့ အဖွဲ့ရယ် ပါဝင် ဆွေးနွေးပွဲ လုပ်ဖို့ ပါဝင်တယ်။”ဟု ငြိမ်းချမ်းရေး ဆွေး နွေးရေးအဖွဲ့မှ ကိုယ်စားလှယ် တဦးဖြစ်သူ ပဒိုအာတိုးက ပြောသည်။

“တိုင်းရင်းသား တစုနဲ့တစုက အခြေအနေချင်း မတူဘူး။ နယ်မြေဒေသချင်း တည်ဆောက်ပုံ မတူဘူး။ ကျနော်တို့ ကေအန်ယူ စစ်ရေးကိစ္စမှာ ဖြစ်တဲ့ အပစ်အခတ် ရပ်ရေးမှာ ကျနော်တို့ အချိန်ယူပြီးတော့ ဆွေးနွေးဖို့ လိုမယ်လို့ မြင်တယ်။ ဒီဆွေးနွေးမှုကို သိပ်ပွင့်လင်းတာပေါ့”ဟု ပဒိုအားတိုးက ပြောသော်လည်း ယုံကြည်မှု တည်ဆောက်မှုနှင့် ပတ်သက်၍ “အစိုးရအပေါ် ဘာဘဲ ဖြစ်ဖြစ် အကောင်အထည်ပေါ်လာမှပဲ၊ ယုံကြည်နိုင်လောက်တဲ့ အခြေအနေကျ မှ (ယုံကြည်ရပြီဆိုတာ) ပြောရမှာပေါ့နော်။” ဟု ဆိုသည်။

တနေ့တည်းမှာပင် CNF ဥက္ကဋ္ဌ ဦးဇိန်ရွှန် (U Zing Cung) နှင့် တွဲဘက် အတွင်းရေးမှူး(၁) ဒေါက်တာရွှေခါးတို့ ဝန်ကြီး ဦးအောင်မင်းနှင့် အဖွဲ့တို့ ပြီးခဲ့သည့် နှစ် နာရီကျော်ကြာ တွေ့ဆုံ ဆွေးနွေးအပြီး ပမာဏ အပစ်အခတ် ရပ်ရေးကို မူအားဖြင့် သဘောတူထားသည်။

“သမ္မတက ဖိတ်ခေါ်တဲ့ ငြိမ်းချမ်းရေး လုပ်ချင်လို့ ဖိတ်စာပေးခဲ့တယ်ပေါ့။ အဲဒါကို လူကိုယ်တိုင် လာပေးတာပါ။ ပြီးတော့ ကျနော် တို့ အရင်တုန်းက အပစ်အခတ် ရပ်စဲတာက နိုင်ငံရေး ပြဿနာကို ဘာမှမဆွေးနွေးခဲ့လို့ မအောင်မြင်ဘူးပေါ့၊ အဲဒါကြောင့် ဒီ တခေါက်တော့ ကျနော်တို့ နိုင်ငံရေး တွေ့ဆုံဆွေးနွေးမှု ဖြစ်မယ်ဆိုတာလည်း သူက ပြောပြတယ်။”ဟု ဦးရွှေခါးက မဇ္စျိမကို ပြောသည်။

ဆက်လက် ဆွေးနွေးရန် လာမည့်နှစ် ၂၀၁၂ ခုနှစ် ဇန်နဝါရီလအတွင်း ဟားခါးမြို့၌ ထပ်မံ ဆွေးနွေးသွားရန် သဘောတူထားပြီး ချင်းပြည်နယ်တွင် ဖွံ့ဖြိုးမှုနှင့် ပတ်သက်၍ စီးပွားရေးဇုံ ဖွင့်လစ်ရေး စဉ်းစားရန် ဦးအောင်မင်းက အကြံပြုသည်ဟု ဆိုသည်။

KNPP မှ စစ်ဦးစီးချုပ် ဗိုလ်ချုပ် ဘီတူးနှင့် ဗဟိုအလုပ်အမှုဆောင် ကော်မတီဝင် ဦးထဲဘူးတို့ နှစ်ဦးနှင့် ဝန်ကြီး ဦးအောင်မင်းတို့ အဖွဲ့ ပဏာမ တွေ့ဆုံခဲ့ကြပုံကို ပါတီ၏ အတွင်းရေးမှူး ခူဦးရယ်က ပြောလိုက်ပြီး “ကျနော်တို့ ထူးထူးထွေထွေ တင်ပြထားတာ မရှိဘူး။ ကျနော်တို့ တွေ့သင့်တယ်ဆိုတဲ့ သဘောထားပေါ်မှာပဲ သွားတွေ့ လိုက်တာပါ။”ဟု သူက မဇ္စျိမကို ပြောသည်။

ဆွေးနွေးမှုများမှာ အစပင်ရှိသော်လည်း အလားအလာကောင်းသည်ဟု ယုံကြည်ကြောင်း Myanmar Egress တည်ထောင်သူ တဦးဖြစ်သော ဒေါက်တာကျော်ရင်လှိုင်က ပြောသည်။

“အရင်အစိုးရတွေတုံးက အပစ်ခတ် ရပ်စဲရေးတွေ လုပ်တာမှာ ပြည်သူအတွက် မပါဘဲ အပေါ်ကပဲ လုပ်တာ၊ အောက်ခြေက မပါလာဘူး။ ပြည်သူတွေကို အကျိုးမပြုတဲ့ အတွက် အပစ်ခတ် ရပ်စဲရေးက မအောင်မြင်ခဲ့ဘူးလို့ ထင်တယ်။ အခုတခါတော့ ပြည်သူတွေရဲ့ အကျိုးစီးပွားကို အခြေခံပြီးတော့ အဖြေရတဲ့အထိ ကြိုးစားမယ်လို့ ဝန်ကြီး ဦးအောင်မင်းကကော၊ သမ္မတကြီး ဦးသိန်းစိန်ကောက ခိုင်မာမှု ရှိတယ်။” ဟု သူက ပြောသည်။

“ အန်တီ (ဒေါ်အောင်ဆန်းစုကြည်)နဲ့ သမ္မတတို့တွေ့တော့ အန်တီက သူ့ဘဝမှာ အလိုချင်ဆုံးအရာ တခုက နိုင်ငံရဲ့ ငြိမ်းချမ်း ရေးလို့ ပြောတယ်။ ငြိမ်းချမ်းရေးနဲ့ ပတ်သက်ပြီး သမ္မတကြီး လုပ်ဆောင်သွားရင် သူအမြဲတမ်း ရပ်တည်ပြီး ထောက်ခံမယ် ပြောတယ်။” ဟု သူက ထပ်ပြောသည်။

တဖွဲ့ချင်းစီနှင့် တွေ့ဆုံပြီး နောက်နေ့တွင် KIO အဖွဲ့ ကိုယ်စားလှယ်များ အပါအဝင် တိုင်းရင်းသားအဖွဲ့ ငါးဖွဲ့က ညီညွတ်သော တိုင်းရင်းသားများ ဖက်ဒရယ်ကောင်စီ (UNFC)က နံနက် ၁ဝ နာရီ မှစ၍ နှစ်နာရီခန့်ကြာ ထပ်မံ တွေ့ဆုံခဲ့သေး သည်။

မည်သည့် အကြောင်းအရာများ ဆွေးနွေးခဲ့သည့် အသေးစိတ်ကို ပြောဆိုခြင်း မရှိသော်လည်း အစိုးရ ကိုယ်စားလှယ် အဖြစ် ငြိမ်းချမ်းရေး ဆွေးနွေးရေး ဦးဆောင်နေသော ဦးအောင်သောင်းနှင့် ဦးသိန်းဇော်တို့ အစား ပြည်ထောင်စု အဆင့် ဝန်ကြီးများနှင့် ပြောင်းလဲ ခန့်အပ်ပေးရန် ဦးအောင်မင်းသို့ စာတစောင် ပေးပို့ ထားသည်ဟု ဆိုသည်။

ဦးအောင်သောင်းမှာ ကြံ့ခိုင်ဖွံ့ဖြိုးရေးပါတီ အတွင်းရေးမှူး (၁)ဖြစ်ပြီး ဦးသိန်းဇော်မှာ တိုင်းရင်းသားရေးရာနှင့် ပြည်တွင်း ငြိမ်းချမ်းရေး ဖော်ဆောင်ရေး ကော်မတီဥက္ကဋ္ဌ ဖြစ်သည်။

တွေ့ဆုံမှုတွင် KIO မှ အတွင်းရေးမှူး ဒေါက်တာလဂျာနှင့် ဗဟိုကော်မတီအဖွဲ့ဝင် ဦးလဖိုင်လတို့ ပါဝင်သည်ဟု ဆိုသည်။ ကိုယ်ပိုင်ပြဋ္ဌာန်းခွင့်အတွက် လက်နက်ကိုင် တော်လှန်နေကြသော တိုင်းရင်းသား အဖွဲ့များနှင့် ငြိမ်းချမ်းရေး ဆွေးနွေးပွဲ များ ဖော်ဆောင်နိုင်ရန် နေပြည်တော်က ဦးအောင်သောင်း၊ ဦးသိန်းဇော်တို့တဖွဲ့နှင့် ဦးအောင်မင်း တဖွဲ့ခွဲကာ ကြိုးစား နေခဲ့သည်။

KIO နှင့် အစိုးရတို့ နောက်ဆုံး ဆွေးနွေးသည်မှာ သြဂုတ်လ နှစ်ရက်နေ့ကဖြစ်ပြီး သဘောတူညီချက် မရဘဲ တိုက်ပွဲ များ ဆက်လက် ဖြစ်ပွားနေခဲ့သည်။

Ref: မဇ္ဈိမ

Read More...

Collapse...

ပြန်လည်လွှတ်ပေးမည်ဟု ကိုမင်းကိုနိုင် မမျှော်လင့်

သန်းထိုက်ဦး
November 22, 2011

နှစ်ရှည် ထောင်ဒဏ် ကျခံနေရသော ၈၈ မျိုးဆက် ကျောင်းသား ခေါင်းဆောင် ကိုမင်းကိုနိုင်က အစိုးရ အနေနှင့် ၎င်းကို လွှတ် ပေးရန် မမျှော်လင့်ကြောင်း ပြောဆိုလိုက်သည်ဟု မကြာသေးမီက မိသားစုဝင် များနှင့် အတူ ထောင်ဝင်စာ သွားရောက်တွေ့ ဆုံခဲ့သည့် ကိုမြတ်သူက ပြောသည်။

“သူ့ကို လွှတ်မယ် မထင်ဘူး၊ သူရဲ့ ရဲဘော်တွေကိုလည်း သူ့အတွက် မရင်းကြပါနဲ့လို့ ပြောလိုက်တယ်”ဟု ၎င်းက ဆိုသည်။


ကိုမြတ်သူသည် ၈၈ ကျောင်းသားများ အဖွဲ့ဝင် တဦးဖြစ်ပြီး သရက်ထောင်ရှိ ကိုမင်းကိုနိုင်ကို မိသားစုဝင်နှင့် အတူ ယမန်နေ့ က ထောင်ဝင်စာ သွားရောက်တွေ့ ဆုံခဲ့ခြင်း ဖြစ်သည်။

ယခင် ရှမ်းပြည်နယ်အရှေ့ပိုင်း ကျိုင်းတုံထောင်တွင် ထောင်ဒဏ် ၆၅နှစ် ချမှတ်ခံထားရသည့် ကိုမင်းကိုနိုင်ကို အာဏာပိုင်များက ရန်ကုန် အင်းစိန်ထောင် မှတဆင့် ပြီးခဲ့သည့် သောကြာနေ့က မကွေးတိုင်း သရက်ထောင်သို့ ထပ်မံပြောင်းရွှေ့ခဲ့ကြောင်း မိသားစုဝင်များက ပြောသည်။

ယခုလ ၁၂ ရက်နေ့တွင် မြန်မာနိုင်ငံ အမျိုးသား လူ့အခွင့်အရေး ကော်မရှင်က သမ္မတ ဦးသိန်းစိန်ထံသို့ ယုံကြည်ချက်ကြောင့် အကျဉ်းကျခံနေရသည့် နိုင်ငံရေး အကျဉ်းသားများကို ထပ်မံ လွှတ်ပေးရေးနှင့် ထိန်းသိမ်းရန် လိုအပ်သေးသည့် သူများကို
မိသားစုဝင်များ တွေ့ဆုံသွားလာလွယ်ကူသော အကျဉ်းထောင်များသို့ ပြောင်းရွှေ့ပေးရန် တင်ပြခဲ့သည်။

အဆိုပါ ကော်မရှင်က တင်ပြခဲ့ပြီးနောက် နိုင်ငံရေး အကျဉ်းသားများ လွတ်မြောက်မည်ဟု အများက မျှော်လင့်နေကြသော် လည်း ယခုအချိန်အထိ အစိုးရက လွှတ်ပေးခြင်း မရှိသေးပေ။

၂၀၁၀ ပြည့်နှစ်က ရန်ကုန်မြို့ ကန်တော်ကြီး ပတ်လမ်းရှိ X2O ရေကစား မဏ္ဍပ်တွင် ဗုံးပေါက်ကွဲမှုအား သွားရောက် ဓာတ်ပုံရိုက် သတင်းယူခဲ့ သည့်အတွက် ထောင်ဒဏ် ၁၀နှစ် ချမှတ်ခံခဲ့ရသည့် ကိုစည်သူဇေယျကိုလည်း အင်းစိန်ထောင်မှ ဟင်္သာတ ထောင်သို့ ပြောင်းရွှေ့ လိုက်ကြောင်း မိခင်ဖြစ်သူ ဒေါ်ရီရီတင့်က ဧရာဝတီသို့ ပြောသည်။

“လွှတ်ပေးမယ်လို့ ပြောနေတော့လည်း မျှော်လင့်တာပေါ့၊ အခု ဒီအတိုင်း ဆိုရင် မပါဘူးလို့ပဲ ပြောရမလား မသိဘူး၊ ကနေ့ အထိ မထွက်လာဘူး ဆိုတော့ မဟုတ်သေးဘူးလို့ ထင်တာပဲ”ဟု ၎င်းက ဆိုသည်။

၈၈ မျိုးဆက် ကျောင်းသား ခေါင်းဆောင် တဦးဖြစ်သည့် မနီလာသိန်း၊ ရွှေဝါရောင် အရေးအခင်းတွင် ပါဝင်ခဲ့သော သံဃာ တော် အရှင်ဂမ္ဘီရ တို့ကိုလည်း အာဏာပိုင်များက ထောင်ပြောင်းရွှေ့မှုများ ပြုလုပ်ခဲ့ကြသည်။

စစ်ကိုင်းတိုင်း ကလေးမြို့ အကျဉ်း ထောင်တွင် ထောင်ဒဏ် ၆၃ နှစ် ချခံနေရသည့် အရှင်ဂမ္ဘီရကို ဧရာဝတီတိုင်း မြောင်းမြ ထောင်၊ မကွေးတိုင်း သရက်ထောင်တွင် ထောင်ဒဏ် ၆၅ နှစ် ချမှတ်ခံထားရသည့် မနီလာသိန်းကို သာယာဝတီ ထောင်တို့ကို ပြောင်းရွှေ့လိုက်ကြောင်း သိရသည်။

မနီလာသိန်းသည်၂၀၀၇ ခုနှစ် လောင်စာဆီနှင့် ကုန်ဈေးနှုန်း ကျဆင်းရေးအတွက် လမ်းလျှောက်ဆန္ဒပြခဲ့သောကြောင့် ဖမ်း ဆီး ၍ ထောင်ဒဏ် ချမှတ်ခံ ရပြီး ခင်ပွန်းဖြစ်သူ ၈၈ မျိုးဆက်ကျောင်းသား ခေါင်းဆောင် တဦးဖြစ်သည့် ကိုဂျင်မီမှာ တောင်ကြီး ထောင်တွင် ထောင်ဒဏ် ၆၅ နှစ် ကျခံနေရသည်။

ကိုမင်းကိုနိုင် အပါအ၀င် ကိုကိုကြီး၊ ကိုဌေးကြွယ်၊ ကိုဂျင်မီ၊ ကိုမြအေး၊ ကိုမင်းဇေယျာ၊ ကိုပဏ္ဍိတ်ထွန်း စသည့် ကျောင်းသား ခေါင်းဆောင် ၁၅ ဦးကို စစ်အစိုးရက ၂၀၀၇ ခုနှစ် သြဂုတ်လအတွင်း လောင်စာဆီနှင့် ကုန်ဈေးနှုန်း ကျဆင်းရေးလမ်းလျှောက် ဆန္ဒပြခဲ့သည့်အတွက် ထောင်ဒဏ် ၆၅ နှစ်စီ အသီးသီး ချမှတ်ပြီး နယ်ဝေးထောင်များသို့ ပို့ခဲ့သည်။

Ref: ဧရာဝတီ

Read More...

Collapse...

SSA တောင်ပိုင်းနှင့် အစိုးရ ကိုယ်စားလှယ်များတွေ့

သန်းထိုက်ဦး
November 21, 2011

အစိုးရ ရထား ပို့ဆောင်ရေး ၀န်ကြီး ဦးအောင်မင်း ဦးဆောင်သော ကိုယ်စားလှယ် အဖွဲ့က ငြိမ်းချမ်းရေး အတွက် ရှမ်းပြည် တပ်မတော် တောင်ပိုင်း(SSA-S) မှ ဒု ဗိုလ်ချုပ်ကြီး ရွက်ဆစ် ဦးဆောင်သော အဖွဲ့နှင့် ထိုင်း-မြန်မာ နယ်စပ် တနေရာတွင် ပြီးခဲ့ သည့် စနေနေ့က တွေ့ဆုံဆွေး နွေးခဲ့ကြသည်။

ယင်းသို့တွေ့ဆုံရာတွင် ငြိမ်းချမ်းရေး ဖော်ဆောင်ရေးနှင့် ပတ်သက်သည့် အစိုးရ၏ သဘောထားများကို ဆွေးနွေးကြကြောင်း SSA-S ပြောခွင့်ရ ပုဂ္ဂိုလ် ဗိုလ်မှူး စိုင်းလောင်ဆိုင်းက ဧရာဝတီသို့ ပြောသည်။

အပစ်အခတ် ရပ်စဲရေး၊ ဆက်ဆံရေး ရုံးများ ထားရှိရေး၊ အစိုးရ နှင့် SSA ထိန်းချုပ် ထားသော နယ်မြေများတွင် နှစ်ဘက် တပ်ဖွဲ့ ၀င် များ လက်နက်ကိုင် ဆောင်၍ သွားလာခွင့် မပြုရေး၊ ဗဟိုအစိုးရနှင့် တွေ့ဆုံဆွေးနွေးရေး စသည့် အချက်များကို အစိုးရ ကိုယ်စား လှယ်များက ချပြကြောင်း ၎င်းက ဆိုသည်။


“အစိုးရက ချပြတဲ့ သဘောထားနဲ့ ကျနော်တို့ သဘောထား တိုက်ဆိုင်တယ်၊ လက်ခံတယ်ဆိုရင် တရားဝင် လက်မှတ် ရေးထိုးဖို့ ၀န်ကြီး ဦးအောင်မင်းက အဲဒီလို ကျနော်တို့ကို ပြောကြားထားပါတယ်”ဟု ဗိုလ်မှူး စိုင်းလောင်ဆိုင်းက ဆက်ပြောသည်။

သို့သော် ယခုဆွေးနွေးပွဲသည် ပဏာမ ဆွေးနွေးပွဲ အဆင့်သာဖြစ်ပြီး အသေးစိတ် ထပ်မံ ဆွေးနွေးရန် လိုအပ်သေးကြောင်း ၎င်း က ဆိုသည်။

ဦးအောင်မင်းနှင့် အတူ ဦးဟန်ညောင်ဝေ၊ ဒေါက်တာ ဦးနေ၀င်းမောင်၊ ဒေါက်တာ ကျော်ရင်လှိုင်၊ ဦးတင်မောင်သန်း တို့လည်း ယင်း ဆွေးနွေးပွဲကို တက်ရောက် ခဲ့ကြောင်း သိရသည်။

ဆွေးနွေးပွဲ တက်ရောက်ခဲ့သည့် အစိုးရ ကိုယ်စားလှယ်တဦးက တိုင်းရင်းသားများ၏ ရေရှည် ငြိမ်းချမ်းရေးကို ဦးတည်နေသော တွေ့ ဆုံဆွေးနွေးပွဲ အစစ်အမှန် ဖြစ်သည်ဟု ၀န်ကြီး ဦးအောင်မင်း၏ ပြောကြားချက်ကို ကိုးကား၍ ပြောပြသည်။

ဒေါက်တာ ကျော်ရင်လှိုင်ကလည်း Myanmar Egress အနေနှင့် ယင်း ငြိမ်းချမ်းရေး အစီအစဉ်ကို အဆင်ပြေ ချောမွေ့ရန် ၀န်ကြီး ဦးအောင်မင်းနှင့် ပူးပေါင်း ဆောင်ရွက်ခြင်း ဖြစ်ဖြစ်သည်ဟု ဧရာဝတီသို့ ပြောသည်။

SSAဘက်က အပစ်အခတ်ရပ်စဲရေး၊ နိုင်ငံရေး ပြဿနာများကို နိုင်ငံရေးနည်းလမ်းအရ တွေ့ဆုံဆွေးနွေး အဖြေရှာရေး၊ မိမိ ထိန်းချုပ် နယ်မြေတွင် ဖွံ့ဖြိုးတိုးတက်မှု လုပ်ငန်းများ လုပ်ဆောင်နိုင်ရေး၊ အစိုးရနှင့် ပူးပေါင်း၍ မူးယစ်ဆေးဝါး တိုက်ဖျက်ရေး စသည့် အချက်များကိုလည်း အစိုးရထံတွင် တောင်းဆိုထားကြောင်း သိရသည်။

သြဂုတ်လဆန်းပိုင်း တွင်အစိုးရက ငြိမ်းချမ်းရေး ဖော်ဆောင်လိုသည့် တိုင်းရင်းသား လက်နက်ကိုင် အဖွဲ့များကို သက်ဆိုင်ရာ ပြည်နယ်၊ တိုင်းဒေသကြီး အစိုးရ များနှင့် ဆက်သွယ် ဆွေးနွေးရန် ကမ်းလှမ်းခဲ့သည်။

ထိုကမ်းလှမ်းမှု ပေါ်ပေါက်လာပြီး နောက်ပိုင်း SSA တောင်ပိုင်း တပ်ဖွဲ့ဝင်များ အနေနှင့် အစိုးရထံသို့ ငြိမ်းချမ်းရေး ဆွေးနွေးရန် အကြောင်းကြားခဲ့သောကြောင့် ယခုကဲ့သို့ တွေ့ဆုံနိုင်ခဲ့ခြင်း ဖြစ်သည်။

ထို့အပြင် ၀ပြည် သွေးစည်း ညီညွတ်ရေးအဖွဲ့(UWSA)၊ မိုင်းလား အခြေစိုက် အမျိုးသား ဒီမိုကရေစီ မဟာမိတ် တပ်မတော် (NDAA)၊ ကချင်လွတ်လပ်ရေး အဖွဲ့(KIO) တို့နှင့်လည်း အစိုးရက တွေ့ဆုံဆွေးနွေး မှုများ ပြုလုပ်ခဲ့ပြီး ဖြစ်သည်။

အလာတူ မွန်ပြည်သစ်ပါတီ၊ ရှမ်းပြည် တပ်မတော် မြောက်ပိုင်း( SSA-N )၊ ကရင်အမျိုးသား အစည်းအရုံ (KNU) တပ်ဖွဲ့ဝင် တို့ကိုလည်း ကမ်းလှမ်းထားပြီး ယခုရက်ပိုင်း တွေ့ဆုံဆွေးနွေးမှုများ ပြုလုပ်ခဲ့ကြောင်း သိရသည်။


KNU ကိုယ်စားလှယ်အဖွဲ့တွင် ဗိုလ်ချုပ် မူတူးဆေးဖိုး၊ ပဒို ဒေးဗစ်ထော နှင့် ပဒို စောအားတိုး တို့ပါဝင်သည်။

ပဒို စောအားတိုးက“အလွတ်သဘော အချက် ၄ ချက်ဆွေးနွေးခဲ့ပါတယ်၊ စပြီး အပစ်အခတ် ရပ်စဲရေးလုပ်ဖို့၊ နိုင်ငံရေး ကိစ္စတွေ ဆွေးနွေးဖို့၊ လုံးဝ အပစ်အခတ် ရပ်စဲပြီးရင် နိုင်ငံရေးအရ တွေ့ဆုံဆွေးနွေးရေးလုပ်ဖို့ စတဲ့ အချက်တွေပါတယ်”ဟု ဧရာဝတီသို့ ပြော သည်။

သို့သော် ယခုဆွေးနွေးချက်များကို နှစ်ဘက် သဘောတူ လက်မှတ်ထိုးခြင်း မရှိကြောင်း၊ ပထမအဆင့် တွေ့ဆုံဆွေးနွေးခြင်း ဖြစ် ကြောင်းလည်း ၎င်းက ဆိုသည်။

SSA တောင်ပိုင်းတပ် က ယခင် မြန်မာ စစ်အစိုးရနှင့် အပစ်အခတ် ရပ်စဲရေး သဘောတူညီချက် မယူရသေးသည့် တိုင်းရင်းသား တပ်ဖွဲ့ အနည်းစုတွင် ပါဝင်သည့် လက်နက်ကိုင် အဖွဲ့တခု ဖြစ်သည်။

SSA သည် ရှမ်းပြည် ညီညွတ်ရေးနှင့် တော်လှန်ရေးတပ်(SURA)မှ ဒု ဗိုလ်ချုပ်ကြီး ရွက်ဆစ်က ပြောင်းလဲ ဖွဲ့စည်း ခဲ့ခြင်း ဖြစ် သည်။ SURA သည် ၁၉၉၆ ခုနှစ်တွင် မြန်မာ စစ်အစိုးရထံ လက်နက်ချခဲ့သော ခွန်ဆာ ဦးဆောင်သည့် မော်ထိုင်း တပ်မတော် (MTA)မှ ခွဲထွက် အဖွဲ့ဖြစ်သည်။

Ref: ဧရာဝတီ

Read More...

Collapse...

ဦးသန်းရွှေ မြတ်စွယ်တော် ဖူးမြော်

စည်သူ
November 21, 2011

ဗိုလ်ချုပ်မှူးကြီး ဟောင်း သန်းရွှေသည် နေပြည်တော်တွင် ကိန်းဝပ်စံပယ်နေသည့် တရုတ်နိုင်ငံမှ ပင့်ဆောင်လာသော ဗုဒ္ဒမြတ် စွယ်တော်ကို သောကြာနေ့ နေ့လယ်တွင် ဖူးမြော် ခဲ့ကြောင်း လုံခြုံရေးတပ်ဖွဲ့ဝင်တချို့ နှင့် ဒေသခံတချို့က ပြောသည်။

ဦးသန်းရွှေသည် ယခုလ ၆ ရက်နေ့က တရုတ်ပြည်မှ နေပြည်တော် သို့ကြွချီလာသော စွယ်တော်ကို ထိုနေ့ည သန်းခေါင်ယံ အချိန်တွင် တကြိမ် ဖူးမြော်ခဲ့ပြီး ဖြစ်သည်ဟု သိရသည်။


“ပထမအကြိမ်က ဘယ်လိုလာတယ်ဆိုတာ မသိဘူး။ အခု အကြိမ်ကတော့ အရပ်ဝတ်နဲ့ပဲ” ဟု စွယ်တော် ကိန်းဝပ်စံပယ်ရာ ဥပ္ပါတသန္တိ စေတီတွင် တာဝန်ကျသူ စစ်ဘက်ရေးရာ လုံခြုံရေးအဖွဲ့ အရာရှိတဦးက ပြောသည်။

သူ၏ နေအိမ်နှင့် များစွာဝေးကွာခြင်းမရှိသည့် ဥပ္ပါတသန္တိစေတီသို့ ရောက်လာသည့် ဦးသန်းရွှေ၏ လုံခြုံရေးအတွက် ထူးထူးခြားခြား စီစဉ်ထားခြင်း ရှိပုံမရကြောင်း ရဲတပ်သားတဦးက ပြောသည်။

“နေ့လယ်ကြီးကို လာလိုက်တာ။ ဘာမှလည်း မသိရဘူး။ အစောင့်ကားတစီးပဲ ပါတယ်” ဟု ထိုရဲတပ်သားက ပြောသည်။

ကားတံခါးဖွင့်ပေး သူ ရဲအရာရှိအား ဦးသန်းရွှေက ကျေးဇူးတင်ကြောင်း ပြောဆိုသည်ဟု သိရသည်။

အသက် ၈၀ ပြည့်တော့မည့် ဦးသန်းရွှေအား သူ၏ ကိုယ်ရေးအရာရှိ အဖြစ် တာဝန်ယူခဲ့သူ စစ်ဘက်ရေးရာ လုံခြုံရေးအဖွဲ့ ညွှန်ကြားရေးမှူးချုပ် ဗိုလ်ချုပ် စိုးရှိန်က ဘေးမှ တွဲပြီး ဓာတ်လှေကားမှ တဆင့် ဘုရားပေါ်သို့ ပို့ဆောင်ကြောင်း ဘုရားဖူးများက ပြောသည်။

“အရပ်ဝတ်နဲ့ဆိုတော့ တော်ရုံလူက မမှတ်မိဘူး။ ကျနော်တောင် မြင်ဖူးပါတယ် ထင်ပြီး သေချာကြည့်မှ (ဦးသန်းရွှေမှန်း) သိတာ” ဟု အသက် ၄၀ ကျော်အရွယ် ဒေသခံ ဘုရားဖူး အမျိုးသားတဦးက ပြောသည်။

ဦးသန်းရွှေသည် ပြီးခဲ့သည့် နှစ်လနီးပါးက ခရီးတခုမှ ပြန်လာပြီးနောက် ဥပ္ပါတသန္တိ အနီးရှိ စေတီတဆူကို ထီးတော်တင် လှူခဲ့ကြောင်း စရဖ အရာရှိများထံမှ သိရသည်။

ဦးသန်းရွှေသည် ယခင် စစ်အစိုးရ လက်ထက်တွင် ကာကွယ်ရေး ဦးစီးချုပ် နှင့် စစ်ကောင်စီ ဥက္ကဋ္ဌအဖြစ် အနှစ် ၂၀ ခန့် တာဝန်ယူပြီး နိုင်ငံကို အုပ်ချုပ်ခဲ့ပြီး ယခုနှစ်ဆန်းပိုင်းတွင် ဦးသိန်းစိန် ခေါင်းဆောင်သည့် အစိုးရ အဖွဲ့ထံ အာဏာလွှဲအပ်ခဲ့သည်။

သို့သော်လည်း အာဏာရှင်အဖြစ် နှစ်ပေါင်းများစွာ အရှိန်အ၀ါ ကြီးမားခဲ့သူ ဦးသန်းရွှေသည် စစ်ခေါင်းဆောင်ဟောင်းများဖြင့် ဖွဲ့စည်းထားသည့် အရပ်သားအစိုးရအပေါ် သြဇာလွှမ်းမိုးဆဲဖြစ်သည်ဟု အများအပြားက ယုံကြည်နေကြသည်။

ဤအတောအတွင်း ပြုပြင်ပြောင်းလဲမှုများ ပြုလုပ်လာသည့် သမ္မတဦးသိန်းစိန်၏ လုပ်ရပ်တချို့ကို မကျေနပ်သော အရပ်သား အစိုးရ အဖွဲ့အတွင်း သဘောထား တင်းမာ သူများက ဦးသန်းရွှေအား ပြန်လည် ချည်းကပ် နေကြပြီး သမ္မတ၏ ပြုပြင် ပြောင်းလဲရေး လုပ်ငန်းများကို အနှောင့်အယှက် ပြုနေကြ သည်ဟူသော သတင်းများလည်း ထွက်ပေါ်နေသည်။

အနောက်တိုင်း သတင်းဌာန တခုဖြစ်သည့် Wall Street Journal က ပြန်ကြားရေးဝန်ကြီး ဦးကျော်ဆန်းနှင့် မကြာ သေးမီက တွေ့ဆုံစဉ် ဦးသန်းရွှေ မြန်မာ့နိုင်ငံရေး လောကမှ အမှန်တကယ် အနားယူသွားခြင်း ရှိမရှိ မေးမြန်းရာ ၀န်ကြီးက တိတိကျကျ အဖြေပေးခြင်း မရှိဘဲ ဦးသန်းရွှေ စာဖတ်နေသည်ဟုသာ ပြန်လည် ဖြေကြားခဲ့သည်။

Ref: ဧရာဝတီ

Read More...

Collapse...

“တနိုင်ငံလုံး အတိုင်းအတာနဲ့ အပစ်ရပ်တာမျိုး ဖြစ်သင့်တယ်”

November 21, 2011

ပေါ်တူဂီတွင်မွေးဖွားခဲ့သူ ဗိုလ်မှူးချုပ် စောဆာဂေးသည် ကရင် အမျိုးသား အစည်းအရုံး (KNU) တွင် ၁၉၈၉ ခုနှစ်မှစပြီး တာဝန် ထမ်းဆောင်ခဲ့သည်။ လက်ရှိအချိန်တွင် KNU ဗဟိုကော်မတီဝင်၊ လက်ထောက်နိုင်ငံခြားရေးဝန်ကြီး၊ အထူးစစ်ဗျူဟာ ဌာနမှူး စသည့် တာဝန်များ ထမ်းဆောင်လျက်ရှိသည်။

စောဆာဂေးသည် ၁၉၉၅ နှစ်တွင် စပိန်နှင့် ပေါ်တူဂီနိုင်ငံဆိုင်ရာ KNU ကိုယ်စားလှယ်အဖြစ် တာဝန်ယူခဲ့ပြီး ၁၉၉၇ မှ စ၍ ဥရောပ နိုင်ငံများဆိုင်ရာ ကိုယ်စားလှယ် ဖြစ်လာသည်။

မြန်မာစစ်အစိုးရအပေါ် ဒဏ်ခတ် ပိတ်ဆို့ အရေးယူရေး၊ မြန်မာနိုင်ငံ တိုင်းရင်းသားများအရေးတို့ကို KNU၏ မူဝါဒများအတိုင်း နိုင်ငံ တကာတွင် လှုံ့ဆော်ခဲ့သူဖြစ်သည်။


အမျိုးသား ဒီမိုကရက်တစ် တပ်ဦး (NDF)၊ တိုင်းရင်းသား လူမျိုးစုများကောင်စီ (ENC) တို့တွင်လည်း KNU ကိုယ်စားလှယ် အဖြစ် တာဝန်ယူထားသည်။

အစိုးရနှင့် KNU တို့၏ လတ်တလော ငြိမ်းချမ်းရေး ဆွေးနွေးမှုများနှင့် ပတ်သက်ပြီး ဧရာဝတီ အကြီးတန်းသတင်းထောက် စောရန်နိုင်က ဗိုလ်မှူးချုပ် စောဆာဂေးကို မကြာသေးမီက ဆက်သွယ် မေးမြန်းထားသည်။

မေး။ ။ အခုလ အစောပိုင်းက KNU က ဗဟိုကော်မတီ အစည်းအဝေးအပြီးမှာ ငြိမ်းချမ်းရေး ကော်မတီကို အရေးပေါ် ဖွဲ့စည်း ခဲ့တာ ဘာကြောင့်လဲ။

ဖြေ။ ။ မကြာသေးခင်က ကျနော်တို့ နဲ့ အစိုးရဘက်က ဦးအောင်မင်း ခေါင်းဆောင်တဲ့အဖွဲ့ တွေ့ပါတယ်။ ငြိမ်းချမ်းရေးအတွက် လက်တွေ့ကျတဲ့ နိုင်ငံရေး လုပ်ငန်းတွေကို ဖော်ဆောင်ရာမှာ အသေအချာ ကွပ်ကဲဖို့ အပြင် ဆွေးနွေးပွဲရဲ့ တိုးတက်မှု ရလဒ်ကို မူတည်ပြီး အဲဒီ ကော်မတီကပဲ ဆက်လက် အကောင် အထည်ဖော် ဆောင်ရွက်သွားဖို့ ဖြစ်ပါတယ်။ အရင် ဆွေးနွေးပွဲတွေတုန်း က နားလည်မှုလွဲတာတွေ၊ ဦးဆောင်ကွပ်ကဲမှု အားနည်းတာတွေ ရှိပါတယ်။ ကျနော်တို့ရဲ့ မူဝါဒတွေ၊ ဆွေးနွေးပွဲနဲ့ ပတ်သက်တာ တွေကို နားမလည်ဘဲနဲ့ အမျိုးမျိုး ပြောခဲ့တာမျိုးလည်း ရှိပါတယ်။ အဲဒါတွေကို ပြန်ပြီး ထိန်းကျောင်းဖို့ အတွက်လည်း ရည်ရွယ် ပါတယ်။

မေး။ ။ အဲဒီ ကော်မတီမှာ ဘယ်သူတွေ ပါသလဲ။

ဖြေ။ ။ ကော်မတီအဖွဲ့ဝင် ၇ ဦး ပါဝင်ပြီးတော့ KNU ရဲ့ ဒု ဥက္ကဋ္ဌ စောဒေးဗစ် သာကပေါက ဦးဆောင်မှာဖြစ်ပါတယ်၊ အဲဒါက ဦးဆောင်ကွပ်ကဲမယ့် အဖွဲ့ ဖြစ်ပါတယ်။ ကိုယ်စားလှယ်အဖွဲ့ မဟုတ်ပါဘူး။ အဲဒီအဖွဲ့ကပဲ လိုအပ်တဲ့ မူဝါဒတွေကို ချမှတ်ပေးသွား မှာ ဖြစ်ပါတယ်။

မေး။ ။ ငြိမ်းချမ်းရေးဆွေးနွေးမှုအတွက် အစိုးရဘက်က အရင်ကလည်း အခုလို ကမ်းလှမ်းတာမျိုး ရှိပါတယ်။ ဒီတကြိမ် ကမ်းလှမ်းတာကရော ဘယ်လောက်ထိ လေးနက်မှု ရှိလဲ။

ဖြေ။ ။ အရင် ဗိုလ်ချုပ်ကြီးဟောင်း ခင်ညွန့်လက်ထက်က သုံးခဲ့တဲ့ နည်းတွေလိုပဲ တိုင်းရင်းသားအဖွဲ့တွေကို သွေးခွဲ သပ်လျှို နေတုန်းလို့ ကျနော်တို့ မြင်ထားပါတယ်။ ၂၀၀၈ အခြေခံဥပဒေကို အခြေခံထားတယ်၊ ပြည်ထောင်စုနဲ့ တိုင်းရင်းသား စည်းလုံး ညီညွတ်မှုကို အကျိုးမပြုဘူး၊ သူတို့ရဲ့ အာဏာ ဆက်လက် တည်တံ့ဖို့အတွက်ပဲလို့ မြင်ထားပါတယ်။

မေး။ ။ KNU ဘက်က ဘယ်ကိစ္စတွေကို အဓိကထား ဆွေးနွေးမှာလဲ၊ ဆွေးနွေးမှုကနေ ဘာတွေကို မျှော်လင့်ထားလဲ။

ဖြေ။ ။ နိုင်ငံတနိုင်ငံရဲ့ ပြဿနာတွေကို ဖြေရှင်းနိုင်ဖို့ ဆိုတာ အဓိပ္ပာယ်ရှိပြီး အရေးပါတဲ့ နိုင်ငံရေးဆွေးနွေးမှုတွေ အထူးသဖြင့် တိုင်းရင်းသားတွေပါဝင်တဲ့ ဆွေးနွေးမှုတွေကပဲ ဖြေရှင်းနိုင်မယ်လို့ ကျနော်တို့ ယုံကြည်ထားပါတယ်။ ကျနော်တို့ရဲ့ လက်ရှိအနေ အထားကတော့ ရှင်းပါတယ်၊ တနိုင်ငံလုံး အတိုင်းအတာနဲ့ အပစ်ရပ်တာမျိုး ဖြစ်သင့်တယ်၊ တိုင်းရင်းသားအဖွဲ့ အားလုံးက ညီ ညွတ်သော တိုင်းရင်းသားများ ဖက်ဒရယ်ကောင်စီ (UNFC) ကနေပဲ နိုင်ငံရေးဆိုင်ရာ ဆွေးနွေးမှုတွေကို ပြုလုပ်သွားသင့် တယ် လို့ပဲ ကျနော်တို့ ယုံကြည်ထားပါတယ်။ ကျနော်တို့ရဲ့ နိုင်ငံရေး ခံယူချက်ကတော့ အရင်တုန်းကလိုပါပဲ၊ ဖက်ဒရယ်စနစ်၊ တရားမျှ တမှု၊ ကိုယ်ပိုင်အုပ်ချုပ်ခွင့်၊ အဲဒါတွေကိုပဲ ဆက်လက် တောင်းဆိုသွားမှာပါ။ စောဘဦးကြီးရဲ့ လမ်းညွှန်မှုအတိုင်းပဲ ကျနော်တို့ ဆက်လက် လုပ်ဆောင်သွားမှာ ဖြစ်ပါတယ်။

မေး။ ။ တိုးတက်သော ဗုဒ္ဓဘာသာ ကရင်အမျိုးသားတပ်မတော် (DKBA) တပ်မဟာ ၅ က မကြာသေးခင်ကပဲ အပစ်အခတ် ရပ်စဲရေး စာချုပ်ကို သဘောတူလိုက်တယ် ဆိုတော့ KNU နဲ့ DKBA ရဲ့ လက်ရှိ ဆက်ဆံရေးကရော ဘယ်လိုရှိလဲ။

ဖြေ။ ။ ကျနော်တို့ အမြဲတမ်း ပြောနေတာ ရှိပါတယ်။ အဲဒါကတော့ ကျနော်တို့ဟာ သူတို့ရဲ့ ရန်သူမဟုတ်ပါဘူး၊ ကျနော်တို့လည်း သူတို့နဲ့ မတိုက်ချင်ပါဘူး။ ကျနော်တို့ အချိန်မရွေး သူတို့နဲ့ စကားပြောနိုင်ပါတယ်။

ဒုတိယတချက်ကတော့ DKBA ဟာ သူတို့အဖွဲ့ တည်တံ့ဖို့နဲ့ စီးပွားရေး လုပ်ငန်းတွေကလွဲလို့ နိုင်ငံရေးမောင်းနှင်မှုအား ကြီးမားတဲ့ အဖွဲ့အစည်းတခု မဟုတ်ပါဘူး။ အဲဒါကြောင့် သူတို့တွေ ထိန်းချုပ်တဲ့ နယ်မြေအပေါ် မူတည်ပြီးတော့ သူတို့ရဲ့ နိုင်ငံရေး ခံယူချက် တွေက ကွဲပြားကြပါတယ်။ မကြာသေးခင်က အပစ်ရပ် လက်မှတ်ထိုးလိုက်တဲ့ ဗိုလ်မှူးချုပ် စောလားပွယ်ရဲ့ တပ်မဟာ ၅ ကတော့ နိုင်ငံရေးအရ လက်မှတ်ထိုးတာ မဟုတ်ဘဲနဲ့ ဗျူဟာပိုင်းအရ လိုအပ်ချက်တွေကြောင့်မို့လို့ လက်မှတ် ထိုးလိုက်တာဖြစ်ပါတယ်။ သူ့အနေနဲ့ အစိုးရရဲ့ နယ်ခြားစောင့်တပ် အစီအစဉ်ကို လက်မခံဘဲနဲ့ ပြန်ပြီး တိုက်ခိုက်ခဲ့တာတွေကို မမေ့သင့်ပါဘူး။ ကျနော်တို့ရဲ့ ဆက်ဆံရေးဟာလည်း တခါတလေမှာ တည်နေရာတွေကို မူတည်ပြီး ဆုံးဖြတ်ရတာမျိုး ရှိသလို တခါတလေမှာ ပုဂ္ဂိုလ်ချင်း ရင်းနှီးမှုမျိုး တွေကို မူတည်ပြီး ဆုံးဖြတ်ရတာမျိုးတောင်မှ ရှိပါတယ်။ ဒါပေမယ့် အဲဒါကလည်း အမြဲတမ်း တသမတ်တည်း သွားမယ် လို့တော့ မဆိုလိုပါဘူး။

မေး။ ။ KNU ဟာ မြန်မာအစိုးရကို နှစ်ပေါင်း ၆၀ လောက် ပြန်ပြီး တိုက်ခိုက်ခဲ့တယ်။ KNU က အစိုးရဆီက ဘာကို လိုချင် တာလဲ။ ခွဲထွက်ရေးလား၊ ဖက်ဒရယ် ပြည်ထောင်စုလား။

ဖြေ။ ။ ကျနော်တို့ ကိုယ်ပိုင် အုပ်ချုပ်ခွင့် လိုအပ်တယ် ဆိုတာကို သေချာ ရှင်းလင်းခဲ့ပြီးပါပြီ။ နောက်တခုက တန်းတူ အခွင့် အရေးတွေ ရှိတဲ့ တိုင်းရင်းသားတွေက ဖက်ဒရယ် ပြည်ထောင်စုကို ဝိုင်းပြီး တည်ဆောက်ကြဖို့ပါ။ အဲဒါကတော့ တိုင်းရင်း သားတွေ အားလုံး ပါဝင်ပြီး အဓိပ္ပာယ် ပြည့်ဝတဲ့ တွေ့ဆုံ ဆွေးနွေးမှုတွေက တဆင့်ပဲ အကောင်အထည်ဖော်လို့ ရမှာပါ။ ကျနော် တို့ ပြောတဲ့ ကိုယ်ပိုင်အုပ်ချုပ်ခွင့်ရ ဖက်ဒရယ် ပြည်ထောင်စု ဆိုတာကတော့ ၁၉၄၇ အခြေခံဥပဒေအရ ပြည်နယ် ပြည်မ ခွဲခြား သလိုပုံစံ မဟုတ်ဘူးလို့ ပြောချင်ပါတယ်။

Ref: ဧရာဝတီ

Read More...

Collapse...

တောင်ပိုင်း SSA အပစ်ရပ်ရေး သဘောတူ

ဇော်ကြီး
နိုဝင်ဘာလ ၂၁ ရက်၊ ၂၀၁၁ ခုနှစ်။

အစိုးရ၏ ငြိမ်းချမ်းရေး ဖော်ဆောင်ရေးအဖွဲ့ နှင့် ရှမ်းပြည်တပ်မတော် တောင်ပိုင်းခေါ် ရှမ်းပြည် ပြန်လည် တည်ဆောက်ရေး ကောင်စီ SSA/ RCSS အဖွဲ့ နှစ်ဖက် ကိုယ်စားလှယ်တို့ တွေ့ဆုံ ဆွေးနွေးခဲ့ပြီး အပစ်အခတ် ရပ်စဲရေး သဘောတူခဲ့သည်။

အစိုးရဖက်မှ ရထားပို့ဆောင်ရေးဝန်ကြီး ဦးအောင်မင်း ဦးဆောင်၍ RCSS ဥက္ကဌ ဒု-ဗိုလ်ချုပ်ကြီး ယွက်ဆစ် ဦးဆောင်သည့် အဖွဲ့တို့ ယခုလ (၁၉) ရက်နေ့က ထိုင်းမြန်မာ နယ်စပ်တနေရာတွင် တွေ့ဆုံဆွေးနွေးခဲ့ရာ မူအားဖြင့် သဘောတူခဲ့သည်ဟု တောင်ပိုင်း SSA ပြောခွင့်ရ ပုဂ္ဂိုလ် ဗိုလ်မှူး စိုင်းလောဝ်ဆိုင်းက အခုလို ပြောသည်။


“သဘောထားချင်းလည်း တိုက်ဆိုင်တယ်ဆိုတော့ ပထမအဆင့်အနေနဲ့ မူအားဖြင့်တော့ ကျနော်တို့ လက်ခံပါတယ်ဆိုတဲ့ အကြောင်း နုတ်အနေနဲ့ ပြောကြားခဲ့ပါတယ်။”

ဆွေးနွေးပွဲတွင် ငြိမ်းချမ်းရေး ဖော်ဆောင်ရေး စီမံကိန်းနှင့် ပတ်သက်သည့် အဆင့်သုံးဆင့်ကို ၀န်ကြီး ဦးအောင်မင်းက ရှင်းပြ ခဲ့သည်ဟုလည်း “တစ်အချက်ကတော့ အပစ်အခတ် ရပ်စဲရေး နှစ် အချက်ကတော့ ဒေသဖွံ့ဖြိုးရေး လုပ်ငန်း သုံးအချက်ကတော့ နိုင်ငံရေး ပြဿနာ များကို ဖြေရှင်းဖို့ အမျိုးသားညီလာခံ ပုံစံမျိုးတရပ် အစိုးရကနေ ကျင်းပပေးမယ် ဆိုတဲ့အကြောင်း ကျနော်တို့ ကို ရှင်းပြပါတယ်။” ဟု ၎င်းက ဆက်လက်ပြောဆိုသည်။

ထို့အပြင် စီမံကိန်း ပထမအဆင့် အနေဖြင့် အပစ်အခတ်ရပ်စဲရေး၊ ဆက်ဆံရေးရုံးများ ထားရှိရေး၊ နယ်မြေဖြတ်သန်း သွားလာ ရာတွင် နှစ်ဖက် တပ်များ လက်နက်ကိုင်ဆောင်ခွင့် မပြုရေး၊ နိုင်ငံရေး ကိစ္စများကို ပြည်ထောင်စု အစိုးရနှင့် တိုက်ရိုက် ဆွေးနွေး ရေး စသည့် အချက်လေးချက်ကို ဆောင်ရွက်သွား ရန်ရှိသည်ဟုလည်း ဦးအောင်မင်းက ပြောဆိုခဲ့သည်။

လောလောဆယ်တွင် နုတ်အားဖြင့် သဘောတူခဲ့ကြပြီး အသေးစိတ် အချက်အလက်များကို ထပ်မံဆွေးနွေးပြီးမှသာ တရားဝင် လက်မှတ်ထိုးသည့်အဆင့်သို့ ရောက်မည်ဟု ဗိုလ်မှူး စိုင်းလောဝ်ဆိုင်းက ပြောသည်။

“ပထမ အဆင့်နဲ့ပဲ အရင်ဆုံးသွားမယ်ဆိုတော့ နောက်တကြိမ် ထပ်မံ တွေ့ဆုံတဲ့ အချိန်မှာလည်း ၀န်ကြီး ဦးအောင်မင်း ရှင်းလင်း ပြောကြားသွားတဲ့ ပထမ အဆင့်ရဲ့ အချက်လေးချက် အပေါ် မှာပဲ ကျနော်တို့ ထပ်မံပြီးတော့ တွေ့ဆုံဆွေးနွေးသွားမှာ ဖြစ်ပါ တယ်။”

SSA ဖက်ကလည်း အပစ်အခတ်ရပ်စဲရေး အပါအ၀င် နိုင်ငံရေး ပြဿနာများကို နိုင်ငံရေး နည်းဖြင့် ဖြေရှင်းရန်၊ ဒေသတွင်း ဖွံ့ဖြိုးရေးလုပ်ငန်းများ ဆောင်ရွက်ရန်နှင့် မူးယစ်ဆေးဝါး ပြဿနာများကို အစိုးရနှင့် ပူးပေါင်းတိုက်ဖျက်ရန် တို့ကို တင်ပြခဲ့သည်။

ဆွေးနွေးပွဲတွင် မြန်မာ့ဒီမိုကရေစီ ဖွံ့ဖြိုးတိုးတက်ရေး ဥရောပရုံး Euro-Burma Office မှ ညွှန်ကြားရေးမှူး ဦးဟန်ယောင် ဟွေ၊ Myanmar Egress အဖွဲ့မှ ဒေါက်တာ နေ၀င်းမောင်၊ ဒေါက်တာ ကျော်ရင်လှိုင်နှင့် ဦးတင်မောင်သန်းတို့ ပါဝင်ဆွေးနွေး ခဲ့သည်။

ဒု-ဗိုလ်ချုပ်ကြီး ယွက်ဆစ်ဦးဆောင်သည့် ရှမ်းပြည်တပ်မတော် တောင်ပိုင်းခေါ် ရှမ်းပြည်ပြန်လည် တည်ဆောက်ရေး ကောင်စီ SSA/ RCSS တပ်ဖွဲ့သည် ယခင် အစိုးရလက်ထက်က အပစ်အခတ် ရပ်စဲရေးနှင့် ငြိမ်းချမ်းရေး ရယူခဲ့ခြင်း မရှိဘဲ ယခု အစိုးရ သစ်လက်ထက်တွင် ပထမဆုံးအကြိမ် အပစ်အခတ်ရပ်စဲရေး သဘောတူခဲ့ခြင်း ဖြစ်သည်။

အစိုးရနှင့် တောင်ပိုင်း SSA တပ်ဖွဲ့တို့ လွန်ခဲ့သည့် ၂၀၀၇ ခုနှစ် မေလက အပစ်အခတ် ရပ်စဲရေး ဆွေးနွေးနိုင်ရန် နှစ်ဖက် ကိုယ်စားလှယ်များ တွေ့ဆုံဖို့ ကြိုးစားခဲ့သော်လည်း အစီအစဉ် ပျက်ပြားခဲ့ ဘူးသည်။

Ref: အဲန်အမ်ဂျီ

Read More...

Collapse...

ဒေါက်တာဆလိုင်းထွန်းသန်းနဲ့ အင်တာဗျူး

November 20th, 2011

မေး။ ။ ဘကြီးလို့ ခေါ်မယ်နော်၊ မိဘ၊ ဇာတိ သိခွင့်ရှိမလား ဘကြီး၊

ဖြေ။ ။ ရပါတယ်၊ ကျတော် ချက်ကြိုးစလွယ်သိုင်းနဲ့ မွေးလာတော့ ချင်းလို ထွန်းယောက်လို့ မှည့်ခဲ့ ကြတယ်၊အဒေါ်က ဗမာလို ထွန်းသန်းလို့ မှည့်ခဲ့တယ်၊ အဖေက ပိုးရှန်၊ အမေက ရီးလောင်၊ ဗမာလို မြရီ၊ အင်္ဂလိပ် သက္ကရာဇ် ၁၉၃၀၊ မြန်မာ သက္ကရာဇ် ၁၂၉၈ ခုနှစ် တန်ခူးလဆန်း ၁၁ ရက်မှာ မွေးတယ်၊မွေးချင်းထဲက ဒုတိယ မြောက်သားပေါ့၊ သရက်မြို့ ဇာ တိပါ။

မေး။ ။ ပညာရေးနဲ့ အစိုးရ ၀န်ထမ်းဘ၀ပြောပြနိုင်မလား။



ဖြေ။ ။ ၁၉၄၂ ခုနှစ်မှာ ခြောက်တန်းအောင်ပြီး ယာခုတ်၊ တောင်းယက်၊ နှီးဖျာ၊ ထန်းတက် စသဖြင့် လုပ်ခဲ့တယ်၊ ၁၉၄၆ ခုနှစ်မှာ ရှစ်တန်း ပြန်တက်တယ်၊ ရှစ်တန်းကို နှစ်လ တက်ပြီး တန်းကျော် ၉ တန်းတက်တယ်၊ ၉ တန်းကို ၁၉၄၇ ခုမှာ School Living Certificate နဲ့အောင်ခဲ့တယ်၊ ဆယ်တန်းကို သရက်မြို့က ကျတော် တယောက်တည်းအောင်တယ်၊ ငွေကြေးအခက်အခဲကြောင့်  တက္ကသိုလ် ဆက်မတက်နိုင်ဘူး၊ ဗိုလ်ချုပ် အောင်ဆန်းက လွတ်လပ်ရေးမရခင် ခါးတောင်း ကျိုက်မဖြုတ်ကြနဲ့ လို့ပြောခဲ့တဲ့ စကားက ကျတော့် စိတ်ကို ထက်သန်စေခဲ့တယ်၊ အဘက Chin Defense Organizat ion မှာ ကြယ်သုံးပွင့်နဲ့ ခရိုင်စစ်ခေါင်းဆောင်လုပ်ခဲ့တယ်၊ ၁၉၄၈ မှာ တက္ကသိုလ် ဆက် တက်ဖြစ်တယ်၊ Judson Student Aid က တနှစ်အတွက် သုံးရာ အထောက်အပံ့ရတယ်၊ Judson Chapel ဘုရား ကျောင်းမှာ သန့်ရှင်းရေးလုပ် ကျောင်းစရိတ်ရှာတယ်၊ ဒီလိုနဲ့ အဘက Intermediate ကို အောင်တယ်၊ပြီးမှ Inspector General of police ကို အတွင်းဝန်များရုံး ၀န်ကြီးရုံးပေါ့၊

အဲဒီမှာ ခြောက်လ အလုပ်လုပ်ခဲ့တယ်၊ ပြီးမှ မန္တလေး စိုက်ပျိုးရေး မဟာဌာနကနေ stipend နဲ့ နှစ်နှစ်လောက်ဆက်တက်ပြီး Barchelor of Science and Agriculture ကို အောင်ခဲ့တယ်၊ Anti Malaria Campaign ဆိုတဲ့ ငှက်ဖျား နှိမ်နင်းရေးဌာနမှာ အရာရှိ အဆင့်နဲ့ လေးလ လောက်လုပ်ခဲ့ တယ်၊ အဲဒီကနေ ပညာတော်သင်အရွေးခံပြီး အမေရိကားကို သွားတယ်၊ University of Georgia မှာ မဟာဘွဲ့ရတယ်၊ ၁၉၅၅ မှာပေါ့၊ ၁၉၅၈ ခုနှစ်မှာ စိုက်ပျိုးရေးပါရဂူဘွဲ့Ph.D ကို ရခဲ့တယ်၊ ၁၉၅၉ ခုနှစ် April ၁၃ မှာ မြန်မာပြည်ကို ပြန်ရောက်ပြီး မန္တလေး တက္ကသိုလ် လက်အောက် စိုက်ပျိုးရေး မဟာဌာန မှာ Assistant Lecturer အဖြစ် တာဝန်ထမ်းဆောင်ခဲ့တယ်၊ ၁၉၆၂ မှာ Lecturer ဖြစ်ခဲ့တယ်၊ ၁၉၆၄ နိုဝင်ဘာလ မှာ ပါမောက္ခခန့်အပ်ကြတယ်၊ အခု ရေဆင်းတက္ကသိုလ် အထိပေါ့၊ ရေးဆင်းမှာ ခေတ်ဦး သမလယ်ယာကို တည်ထောင်တယ်။

အဲဒါက စိုက်ပျိုးရေးဘွဲ့ရကျောင်းသားတွေရဲ့ သမ၀ါယမ လယ်ယာပေါ့၊ တချိန်က ဦးနေ၀င်းကို ထောက်ခံခဲ့တယ်၊ ဦးနုက ဗုဒ္ဒ ဘာသာကို နိုင်ငံတော်ဘာသာအဖြစ် ပြဌာန်းလိုက်တော့ စစ်တပ်က နိုင်ငံတော်အာဏာကို ကိုင်ယင် ဒီလိုဖြစ်မှာမဟုတ်ဘူးဆိုပြီး ထောက်ခံခဲ့တာပါ၊ နေ၀င်းဆိုရှယ်လစ် အစိုးရမှာ ပါတီစိတ်မှူး၊ ပါတီခေါင်းဆောင်၊ လမ်းစဉ်လူငယ် ဥက္ကဌတွေလုပ်ခဲ့တယ်၊ ၁၉၉၀ ခုနှစ်မှာ အစိုးရ ၀န်ထမ်းဘ၀ ကနေ နားလိုက်တယ်။

မေး။ ။ ၁၉၄၉ ခုနှစ်မှာ တောခိုခဲ့ဘူးတယ်နော်၊

ဖြေ။ ။ ဟုတ်တယ်၊ ၁၉၄၉ ခုနှစ် မတ်လမှာ သရက်မြို့ကို ကျတော်ပြန်သွားတယ်၊ အဲဒီတုန်း က ဗမာပြည် တပြည်လုံး ကွန်မြူနစ်လက်အောက်ရောက်သွားတယ်၊ အောက်ပြည်မှာက ကရင် KNDO လက်ထဲမှာ ရှိနေတယ်၊ အစိုးရ ထိန်းချုပ်နယ်မြေဆိုလို့ သရက်မြို့တမြို့ထဲပါပဲ။ သရက်မြို့မှာ က ချင်းတပ် Union Military Police အင်အား ၃၀၀ လောက်ရှိတယ်၊ သူတို့ကို တောခိုဖို့ စည်းရုံး တယ်၊ အားလုံးသဘောတူကြပေမဲ့ တပ်မှူး ဗိုလ်ဆယ်ကြီးက သဘောမ တူခဲ့ဘူး၊ သူ့ကို သတ်ပြီး တောခိုဖို့ တိုင်ပင်ကြသေးတယ်၊ ဗိုလ်ဆယ်ကြီးကို သတ်ဖို့ သွားအခေါ်မှာ ကွန်မြုနစ် ဗိုလ်မှူး သက်ထွန်းတို့ စက်လှေ ၆ စီးနဲ့ သရက်မြို့ကို ၀င်လာတော့ ကျတော်တို့ အဖွဲ့တွေ ကြက်ပျောက် ငှက်ပျောက် ဖြစ်ကုန်ကြ တယ်၊ ဒါနဲ့ ကိုယ်ရောင်ဖျောက်ပြီး ရန်ကုန်ကို တိုက်ကြီးကနေ ဂျိုးဖြူ ရေပိုက်အတိုင်း ဆင်းသွားကြတယ်၊ဒါနဲ့ ဗိုလ်မှူး ကျင် (ဒေါက်တာ ဆလိုင်းပါကျင်ရဲ့ အဖေ) တို့ရဲ့ First Burma Regiment တပ်ကို ရောက်သွားကြတယ်၊ ဗိုလ်မှူးကျင် က မှော်ဘီ စိုက်ပျိုး ရေးခြံမှာ ကျတော် တို့ကို နေရာချပေးတယ်။

မေး။ ။ အဲဒီတုန်းက ချင်းတပ်တွေက ပြည်ထောင်စုကို ကယ်တင်ခဲ့ကြတယ်ဆိုတာကော ဟုတ်သလား၊

ဖြေ။ ။ အဲဒီတုန်းက ချင်း သေနတ်ကိုင် တပ်ရင်း ၁၊ ၂၊ ၃၊ ၄ ဆိုပြီးရှိတယ်၊ တကယ့် Active အဖြစ်ဆုံးပေါ့၊ အင်းစိန်တို့ စော်ဘွားကြီးကုန်းတို့ အဲဒီမှာ ကရင်တွေနဲ့ ချကြတာ၊ ဗိုလ်တိုက်ချွန်း တို့က ရွံ့ရွံ့ချွံချွံတိုက်ခဲ့ကြတယ်၊ ဗိုလ်မှူးကြီး ဟရန် ထီယို လည်း ကျသွားတယ်၊ ကရင်တွေ က ရန်ကုန်ကို မသိမ်းနိုင်တော့တာပေါ့။ အဲဒါကို ဗမာသေနတ်ကိုင်တပ်ရင်းက အသေအချာ တိုက်ယူပြီး အုပ်ချုပ်ရေးကို ချင်းလက်ထက် အပ်ခဲ့တယ်လို့ ရုပ်ရှင်ရိုက်ကြတာ၊ ရုပ်ရှင်ပြ နေစဉ်မှာပဲ ချင်း ဗိုလ်မှူးတဦးက မဟုတ် တာတွေပြတယ် ဆိုပြီး မိုးပေါ်ထောင်သေနတ်ဖောက်တယ်၊ ဗိုလ်နေ၀င်း တောင်မှ အဖြစ်မှန်ကို မပြောရဲတော့ပဲ ရုပ်ရှင်ကို ပြန်ဖျက်သိမ်းခိုင်းတယ်၊ သမိုင်းကို ဗြောင်ညာကြ တယ်၊ လက်ငင်း အဖြစ်အပျက် တောင် ပြောင်းပြန် လှန်ပြောကြတယ်၊ လှိုင်မြစ် ကနေ အင်းစိန်ကို တက်လာတဲ့ ရဲဘော်ဖြူတွေကို ချင်းတပ်တွေက နှိမ်နင်းခဲ့ တယ်၊ ရန်ကုန်မြို့ကို ချင်းတပ်ကပဲ ကယ်ခဲ့တာပဲ၊ ကျတော် စဉ်းစားမရတာက ဘာဖြစ်လို့ ချင်းကိုသမိုင်းကနေဖျောက်ဖျက်ချင်ကြ တာလဲ၊

မေး။ ။ ရန်ကုန်မှာ တကိုယ်တော်ဆန္ဒပြခဲ့လို့ ထောင်ကျခဲ့တယ်နော်၊

ဖြေ။ ။ အဘက နိုင်ငံရေးလည်း မသိဘူး၊ ရှင်းရှင်း ပဲ ၀န်ခံတယ်၊ ငဖဲမြို့နယ်၊ ပေလေးထောင် အမြင့်ရှိတဲ့ ခွန်ဇူး စခန်းမှာ ဖက်စုံ ဖွံ့ဖြိုးရေးကို လုပ်တယ်၊ အဲဒါကို အစိုးရဖက်တော်သားတချို့က မကြိုက်ဘူး အမျိုးမျိုးနှောင့်ယှက်ကြတယ်၊ မခံ ချင်ဆုံးနဲ့ ခလုတ်နှိပ်လိုက်တဲ့ ဖြစ်ရပ်ကတော့ ချင်းလူမျိုးတွေရဲ့ အရိုးဒိုင်ကို ဖျက်ဆီးပစ်လိုက်ကြတဲ့ဟာပဲ၊ အရိုးဒိုင်ဆို တာက ချင်းတွေ သေယင် အမျိုးလိုက် မြှုပ်လိုက်ရတဲ့ အရိုးတွင်းပေါ့၊ အဲဒါကို ညတွင်းချင်း ထုတ်ယူသွားကြ တယ်၊ မတရားတာ တော့ ကမ်းကုန် ပဲ၊ အဲဒါကြောင့် ၂၀၀၁ နိုဝင်ဘာ ၂၇ မှာ တကိုယ်တော် ဆန္ဒပြခဲ့တယ်၊ တောင်းဆို ချက် များ များ မလုပ်ဘူး၊ မတရား ရယူထားတဲ့ နိုင်ငံတော်အာဏာကို မူလပိုင်ရှင်ဖြစ်တဲ့ ပြည်သူလူ ထုကို ပြန်ပေးပါ အဲဒါပဲ တောင်း ဆိုတယ်၊ ဒါနဲ့ ထောင်ဒါဏ် ၇ နှစ် ဆုချခံရတယ်။

အဘ အမျိုးသမီးက ၂၀၀၁ ခုနှစ် ဒီဇင်ဘာလ (၃) ရက်နေ့မှာထောင်ဝင်စာလာတွေ့တယ်၊ ၂၀၀၂ ဇန္န၀ါရီမှာ သမ္မာကျမ်း စာအုပ် လာပေးတယ် ၂၀၀၃ ဧပြီ ၁၆ မှာ လာတယ်၊ ဒါပေမဲ့ တခါမှ မရဘူး၊ စီစစ်တုန်းပဲလို့ပဲတုံ့ပြန်ကြတယ်၊ ဘယ်မှာလဲ လွတ်လပ်စွာ ကိုးကွယ်ခွင့်လို့ ကျတော်သူတို့ကို မေးလိုက်တယ်၊ ကျတော် အသက် (၇၅) နှစ်ပြည့်တဲ့အထိမ်းအမှတ်နဲ့ ဆေးရုံမှာ အတူနေရတဲ့ ဒေါက်တာ သန်းငြိမ်း၊ ဦးသုဝေ နဲ့ နိုင်ငံရေးသမား (၈) ဦးကို ဒံပေါက်ကျွေးဖို့ (၈) ထုတ်မှာတယ်၊ ဆလိုင်းထွန်းသန်းဆို ကတည်းက မရဘူးတဲ့၊ သူများမွေးနေ့တွေဆိုယင် အထုပ်ပေါင်း တစ်သောင်းတောင် ဘုန်းတော် ကြီးတပါးက ကွေးဖူးတယ်၊ ပီဟဲရိုးက နိုင်ငံရေးအကျဉ်းသားတွေကို တွေ့ဆုံစဉ် ထောင်အာဏာပိုင်တွေက အသံဖမ်း ကရိယာကို စားပွဲခုံအောက်မှာထားတယ်၊ ပီဟဲရိုးက ငါ့ကိုယ့်၌က လူ့အခွင့်အရေးချိုးဖောက်ခံရပြီ ဆိုပြီး ထွက်သွားတယ်၊

ခင်ညွန့်ကတောင်းပန်ပေမဲ့မရဘူး၊ ထောင်ထဲမှာ အချက်နှစ်ချက်အတွက် အစာငတ်ခံဆန္ဒပြခဲ့တယ်၊ ကျတော့်ခန္ဒာ ကိုယ်ထဲဘာ ဆေးမှ မသွင်းဖို့၊ ကျတော်သေယင် အလောင်းကို ငါ့မိန်းမထံ ပို့ပေးဖို့။ တချိန်တည်းမှာပဲ အမေရိက၊ ဥရောပ၊ ဖိလစ်ပိုင်၊ ကနေဒါ၊ အိန္ဒိယ၊သြစတျေးလျ နိုင်ငံတွေမှာ ကျတော့်လွတ်ဖို့ ဖယောင်းတိုင်မီးထွန်း ဆုတောင်း ပေးကြတယ်၊ ဒါနဲ့ပဲ အာဏာပိုင် တွေကလာပြီး အဘ ရော့ ဒီမှာကျမ်းစာအုပ်၊ငါတို့က မေ့တတ်လို့ပါတဲ့ကွာ၊ ဒံပေါက် ကျွေးခွင့်မပြုတဲ့ထောင်မှူးတွေ ကို အပြစ် ပေးမယ်၊ ဘာလုပ်မယ်တဲ့၊ ကျတော်က ကျတော့်ကြောင့် ဘယ်သူမှ အန္တရာယ် မဖြစ်စေချင် ဘူး လို့ ပြောလိုက်တယ်၊ ၂၀၀၃ ခုနှစ် မေလ (၃)ရက်နေ့မှာထောင် ကနေ ပြန်လွတ်လာခဲ့တယ်။

မေး။ ။ ပြည်ပကို ထွက်သွားတာက၊

ဖြေ။ ။ ထောင်ကနေ ထွက်ထွက်ချင်း၊ passport လျှောက်တယ်၊ အဲဒီတုန်းက ပါးစ်ပို့လျှောက်တာ ခုနစ်ရက် တပတ် ပဲကြာ တယ်၊ ဒါပေမဲ့ အဘာက နှစ်နှစ်လောက်ကြာတယ်၊ အမေရိကန်သံရုံးက ဗီဇာ သုံးကြိမ် ငြင်းသေးတယ်၊ ပြည်တွင်းမှာ နေယင် ဒီလိုပဲ အမြဲဖြစ်မှာစိုးလို့ ခွင့်ပြုတာဖြစ်နိုင်တယ်။
မေး။ ။ ချင်းလူမျိုးတွေ နိုင်ငံရေးအရ ပိုမိုစုစည်းလာအောင် ဘယ်လို လုပ်သင့်သလဲ။

ဖြေ။ ။ ဟိုတုန်းက ချင်းတွေဟာ တကွဲတပြားစီ ရှိကြတယ်ဆိုတာ အမှန်ပါပဲ၊ အခု ဗိုလ်သန်းရွှေ ကိုတောင် ကျေးဇူး တင်ရ မလိုဖြစ်နေတယ်၊နိုင်ငံရေးမကောင်းတော့ ဆင်းရဲတဲ့ ချင်းလူမျိုးတွေဟာ သူများတွေထက် တိုင်းတပါးကို ထွက်လာ ကြတယ်၊ အဲဒါ အခွင့်ကောင်းတခုပဲ၊ နိုင်ငံရပ်ခြားတွေမှာ ကိုယ့် အခက်အခဲ၊ အနှိပ်စက်ခံ တာတွေသိလာကြတော့ သွေးက စကားပြောပြီး စုစည်း မှုလေးတွေ ရှိလာတယ်လို့ မြင်တယ်၊ တခုက ချင်းတွေဟာ အင်္သရေလ လူမျိုးတွေနဲ့ တူတယ်၊ အင်္သရေလ လူမျိုးတွေဟာ ဒုက္ခရောက်တဲ့ အချိန်မှာ ဘုရားကို တမ်းတပြီး တအားအော် ဟစ်ကြ တယ်၊ ကောင်းစား ပြီဆိုယင် ဘုရားကို တန်းမေ့တော့ တာပဲ၊ အဲဒါကို ဘုရားက တန်းပြီးဒါဏ်ပေးတယ်၊ စုစည်းမှု တွေရှိဖို့ မီဒီယာ ခေတ်မှာ အပြန်အလှန် ဆက်သွယ်ကြရပါမယ်၊ တိုင်းနိုင်ငံအလိုက် ဆီမီနာတွေလုပ်ကြပါ၊ ချင်းစုစည်း မှုအတွက် မိမိကိုယ် တိုင်က အရေးကြီး၊ တာဝန်အရှိဆုံးပါ၊ ဘာပဲဖြစ်ဖြစ် ဘုရားမှာ အမြဲမပြတ်ဆုတောင်းပါ။

မေး။ ။ အခု ချင်းလက်နက်ကိုင် ချင်းအမျိုးသားတပ်ဦးကို ဘယ်လိုမြင်သလဲ။

ဖြေ။ ။ လက်ရှိ အာဏာရှိတွေအတွက်တော့ သူပုန်ပေါ့၊ သူပုန်ထရခြင်းဟာ မတရားမှုကြောင့် ပေါ်လာတာပဲ၊ ကျတော်တို့ လက်နက်မရှိတဲ့အချိန်မှာ မတရားလာစော်ကားကြတယ်၊ ဒူးနဲ့ မျက်ရည်သုတ်တဲ့ အချိန်လည်း ဖြစ်လာ တယ်၊ ကိုယ်က လက်နက် ရှိလာတဲ့ အချိန်ကျယင် ကိုယ့်လူမျိုးကိုကာကွယ်တော့တာပဲ၊ ကိုယ်က အမှန်တရား ဘက်လိုက် တဲ့ မျိုးချစ်တပ်တွေ ဖြစ်တယ်၊ တကယ့် သူပုန်က စစ်အစိုးရ၊ ချင်းအမျိုးသားတပ်ဦးကို ချင်းလူမျိုးတွေက မျှော်လင့်တယ်၊ အားကိုး တယ်၊ ဗြောင်အားမပေးရဲ တာဖြစ်မယ်၊ အတွင်းစိတ်က ရာနှုန်းပြည့်အားပေးတယ်၊ ရန်သူကို တိုက် တာ သက်သက် မဟုတ်ပဲ ချင်းအမျိုးသားစည်းလုံး ညီညွတ်မှုကို ပိုမိုအားထုတ်စေချင်တယ်၊ အမှန်တရား ဖက်က လုပ်နေတဲ့ အတွက်ကြောင့် ဘုရားသခင်လည်းကြိုက်တယ်၊ ကိုယ့် ချင်းလူမျိုးတွေလည်း ကြိုက်တယ်၊

မေး။ ။ လက်ရှိ စစ်အစိုးရကိုဘယ်လိုမြင်သလဲ။

ဖြေ။ ။ ဒီမိုကရေစီလိုချင်ယင် ဆေးရှိတယ်၊ တိုင်းရင်းသားတွေ စုစည်းပြီး တိုက်ပွဲဝင်ရမယ်၊ နအဖက ကမ္ဘာကို လိမ်ပြီး ရွေးကောက်ပွဲလုပ်တယ်၊ ကြာအေး အမေက ရိုက်ဆိုသလို သူတို့ အာဏာတည်မြဲဖို့ သံသရာလည်နေအုံးမှာပဲ၊ ဒါပေမဲ့ တနေ့ ဗမာ တိုင်းရင်းသားအပါအ၀င် တိုင်းရင်းသားအားလုံး စည်းလုံးမှုရှိလာတဲ့ နေ့ ဒီမိုကရေစီရမှာ သေချာတယ်၊ ဘုရားသခင်က ကမ္ဘာ အရပ်အရပ်ကို တွန်းပို့ပြီး ဒီမိုကရေစီ၊ လူ့အခွင့်အရေးတွေ စသဖြင့် သင်ခွင့်ရတယ်၊ ဒီဟာတွေ တို့တတွေ ပြည့်စုံလာတဲ့ တနေ့ စစ်အာဏာရှင်ဟာလည်း ဒူးညောင်း ပြုတ်ထွက်တဲ့ နေ့ပဲ။

Ref: khonumthung

Read More...

Collapse...

မလေးရှားတွင် ချင်းအမျိုးသားတစ်ဦးအသတ်ခံရ

November 20th, 2011

ယခု လ ၁၆ ရက်နေ့ညနေ ၅ နာရီခန့်က မလေးရှားနိုင်ငံကွာလာလမ်ပူ မြို့၊ Cameroon high land တွင် နေထိုင်သော ချင်းလူငယ်တဦးအား ရန်ကုန်တိုင်း မှော်ဘီမြို့ဇာတိဖြစ်သူ ထိန်လင်းဆိုသူက ဓါးဖြင့် အသေ ထိုးသတ်လိုက်သည်ဟု သိရသည်။

အသတ်ခံသူသည် ချင်းပြည်နယ်၊ မင်းတပ်မြို့နေ ဦး ထိန်းခေါလိန်း နှင့် ဒေါ် လိန်းခေါနမ်၏သား ကီးလောဟာဖြစ်ပြီး မလေးရှား နိုင်ငံတွင် ဒုက္ခသည်အဖြစ်နေထိုင်အလုပ်လုပ်နေသူဖြစ်ကြောင်း သိရသည်။

“ အူတွေ ထွက်တဲ့ အထိ ဓါးနဲ့ ထိုးတယ်၊ လူနာကို ဆေးရုံခေါ်သွားကြပေမဲ့ ၁၇ ရက်နေ့ ညနေ ၁နာရီမှာ ဆုံးသွားတယ် ဘာဖြစ် လို့ ထိုးသတ်တယ်ဆိုတာ မသိရသေးဘူး”ဟု မလးရှားရောက် ချင်း စည်းကမ်းထိန်းသိမ်းရေးကော်မီတီ (Chin Disciplinary Affairs Committee ဥက္ကဌ လာလ်းရှန်မွေးက ပြောသည်။

ထိန်လင်းကို Chin Community ခေါင်းဆောင်များဖြစ်ကြသည့် Billy Tong Bung, Thang Lian, Pathang တို့က သူငှားသည့် နေအိမ်သို့ သွားရောက်ဖမ်းဆီးပြီး ရဲလက်ထက် အပ်လိုက်သည်ဟု သိရသည်။

သေဆုံးသူ နှင့် ထိန်လင်းသည် အတူတူ အလုပ်လုပ်သူများဖြစ်ကြောင်း၊ ရန်ငြိုးရန်စ ရှိခဲ့ဘူးသူများဖြစ်နိုင်ကြောင်း ပြောဆိုကြသည်။

ယခု ကိစ္စနဲ့ ပါတ်သက်ပြီး မလေးရှားရှိ UNHCR ကလည်း အတတ်နိုင်ဆုံး အကူအညီပေး ခဲ့ကြောင်း မလေးရှား နိုင်ငံရှိ ချင်း ဒုက္ဒသည်တဦးထံမှ သိရှိရသည်။

Ref: khonumthung

Read More...

Collapse...

ချင်းခရစ်ယန်အသင်းက ကချင်စစ်ပြေးဒုက္ခသည်များအတွက် ကျပ်ငွေ သိန်း ၅၀၀ ခန့်  လှူဖွယ်ရှိ

November 20th, 2011

နယ်ခြားစောင့်တပ်ပြောင်းလဲရေးကိစ္စကြောင့် လက်ရှိမြန်မာအစိုးရသစ်နှင့် ကချင်လွတ်မြောက်ရေး တပ်မတော် အကြား ငြိမ်းချမ်းရေး ပျက်ပြယ် သွားပြီး နောက်ပိုင်း နှစ်ဖက် တိုက်ပွဲကြောင့် ကချင် စစ်ပြေးဒုက္ခသည် (၃) သောင်းခန့်အတွက် နိုင်ငံတကာရောက် ချင်းလူမျိုးများက ကောက်ခံသော အလှုငွေ ကျပ်သိန်း ၅၀၀ ခန့် ရှိဖွယ်ရှိသည်ဟု ခန့် မှန်းကြသည်။

နော်ဝေနိုင်ငံရောက် ချင်းများက ကောက်ခံသည့် ငွေများကို ရန်ကုန်တွင်နေထိုင်ကြသော ချင်းခရစ်ယာန်လူ ကြီးများဖြစ်ကြသည့် Rev. Thawng Kam နှင့် Mrs. Dar Nawn Tial က Kachin Baptist Convention (KBC) ထံ ကျပ်ငွေ ၁၁၉၅၆၅၀၀ ကိုလွှဲအပ်ခဲ့ကြောင်း ယခုလ ၁၇ ရက်နေ့ တွင် Laiforum မှတဆင့် Mr. Van Lian Thang ရေးသားသည့် စာတွင်ဖေါ်ပြထားသည်။

ထို့ အပြင် အိန္ဒိယနိုင်ငံ မီဇိုရမ်ပြည်နယ်တွင် နေထိုင်ကြသော ချင်းခရစ်ယာန်အသင်းများက ကောက်ခံ သော အလှုငွေ ကျပ်ငွေ ၅၂၂၀၀၀၊ ဒိန်းမတ်နိုင်ငံရှိ ချင်းများက ၅၅ သိန်းခန့် ၊ ချင်းပြည်နယ်မှ အကြီးဆုံး ခရစ်ယာန်အသင်းဖြစ်သည့် Zomi Baptist Convention, Chin Association for Christian Communication, Hakha မြို့ ဟောင်း ခရစ်ယာန် အသင်းနှင့် သြစတေးလျားရောက် ချင်းများက ကျပ်ငွေ ၇၄၁၄၀၀၀ တို့ ကို သက်ဆိုင်ရာ တာဝန်ရှိသူအသီးသီးထံမှ တဆင့် ပေးလှုခဲ့ကြောင်း သိရသည်။

ယင်းကိစ္စနှင့်ပတ်သက် ပြီး မီဇိုရမ် ပြည်နယ်၊ အိုင်ဇောလ် ရှိ Lairam Immanuel Local Church (LIKBK) သင်း ထောက်တဦးက ” ကျတော်တို့က နိုင်ငံရေးတို့ဘာတို့ မဆိုလိုဘူး၊ လူမှုဒုက္ခရောက်နေသူတွေ အခက်အခဲကို ထောက်ထားပြီး ကူညီတာပါ˝ ဟု ပြောသည်။

သြစတေးလျားနိုင်ငံရောက် ချင်းခရစ်ယာန်အသင်း ၁၂ ခုမှမှ သြစတေးလျား ဒေါ်လာ ၁၆၅၀၇ (ကျပ်ငွေ ၁၂၅၄၅၃၂၀) ကို သြစတေးလျားရှိ Kachin Assocaition of Australia (KAA) ထံသို့  ပေးလှုကြပြီး KAA မှကချင်ပြည်နယ် သက်ဆိုင်ရာ တာဝန်ရှိသူများသို့  လွှဲပေးဖွယ်ရှိကြောင်း ဆက်လက်ဖေါ်ပြထားသည်။

အထက်တွင်ဖေါ်ပြထားသည့် ငွေပမာဏသည် ကျပ်ငွေ ၃၇၀ သိန်းခန့် ရှိပြီး အမေရိကန်၊ ကနေဒါ၊ ဆွီဒင်၊ Czech Republic, New Zealand, Malaysia နိုင်ငံရှိ ချင်းများ၏ အလှုငွေကို အသိအကျ မသိ ရသေးသော်လည်း စုစုပေါင်း ကျပ်ငွေ- ၅၀၀ သိန်းခန့်  ထွက်ရှိနိုင်ဖွယ်ရှိကြောင်း ဖေါ်ပြခဲ့ကြသည်။

ပြည်တွင်းပြည်ပ ရှိချင်းလူမျိုးများသည် စစ်အစိုးရနှင့် ကချင်လွတ်မြောက်ရေးတပ်မတော်တို့  တိုက်ပွဲ ကြောင့် ဒုက္ခသည်အဖြစ် ရောက်ရှိနေကြသော ကချင်လူမျိုးများအတွက် အလှုငွေကို လွန်ခဲ့သည့် ၂ လ ခန့် က စတင်ကောက်ခံခြင်းဖြစ်သည်။

Ref: khonumthung

Read More...

Collapse...

ပြည်တွင်းငြိမ်းချမ်းရေးအတွက် သမ္မတကို တောင်းဆိုမည်

November 20, 2011
နေသွင်

ပြည်တွင်းငြိမ်းချမ်းရေးနှင့် နိုင်ငံရေးအကျဉ်းသားတွေကို ပြန်လွှတ်ပေးဖို့ လူ (၆၀၀) နီးပါး လက်မှတ်ထိုး တောင်းဆိုထားတဲ့ စာကို သမ္မတဦးသိန်းစိန်ဆီကို မကြာခင် ရက်ပိုင်းအတွင်း​​ ​ပေးပို့သွားမယ်လို့ စည်းရုံးလှုပ်ရှားနေသူတွေက ပြောပါတယ်။

ရန်ကုန်က ကြည့်မြင့်တိုင်​ ​ရွှေည၀ါကျောင်းတိုက်မှာ ပြုလုပ်တဲ့ အမျိုးသားအောင်ပွဲနေ့ အထိမ်းအမှတ် ဆွမ်းကပ်လှူတဲ့ အခမ်း အနားမှာ တက်ရောက်လာတဲ့ ရဟန်းနှင့် လူပရိသတ်တွေက လက်မှတ်ထိုးခဲ့တာလို့ လက်မှတ် စုဆောင်းနေတဲ့ ၈၈ မျိုးဆက် ကျောင်းသား ကိုကိုကြီး (စမ်းချောင်း)က ပြောပါတယ်။

“ငြိမ်းချမ်းရေးကို လိုလားနေတယ်။ ငြိမ်းချမ်းရေး မရတာက တိုင်းပြည်က တအား နစ်နာနေတယ်။ တိုင်းရင်းသား ခေါင်းဆောင် တွေ အပါအ၀င် အကျဉ်းသားတွေ မလွှတ်တော့ ဒီငြိမ်းချမ်း​ရေး​က ဘယ်လိုမှ မဖြစ်နိုင်ဘူးပေါ့။ အဲတော့ ဒီအကျဉ်းသားတွေ လွတ်မြောက်ရေးအတွက် ငြိမ်းချမ်းရေးဆိုတာက နှစ်ခုစလုံးက ခွဲခြားလို့ မရပါဘူး။ အမှန်ပြောရင် အဲဒါက တချက်တည်းပါ။ နိုင်ငံရေး အကျဉ်းသားတွေ လွှတ်ပေးပြီးတော့ ငြိမ်းချမ်းရေးကို အမြန်ဆုံး ဖော်ဆောင်နိုင်ပါစေလို့ ကျနော်တို့ ဆုတောင်းပါတယ်။”

အမျိုးသားနေ့ ၉၁ နှစ်ပြည့်အခမ်းအနားကို နိုင်ငံရေး အကျဉ်းသားဟောင်းတွေက စီစဉ်ကျင်းပတာဖြစ်ပြီး၊ အခမ်းအနား တက်ရောက်လာတဲ့ ဆရာကြီးဒဂုံတရာ၊ အမျိုးသား ဒီမိုကရေစီအဖွဲ့ချုပ်က ဦးဝင်းတင် တို့လည်း သမ္မတဆီ ပို့မယ့် စာမှာ လက်မှတ် ထိုးခဲ့ကြတယ်လို့ သိရပါတယ်။

ရွှေည၀ါဆရာတော်ကလည်း တရားမျှတတဲ့ တောင်းဆိုချက်တွေကို ဥပဒေဘောင်ထဲက ညီညီညွတ်ညွတ် တောင်းဆိုမယ်ဆိုရင် အောင်မြင်မယ်လို့ မိန့်ကြားပါတယ်။

“ပထမဆုံးလုပ်တာက ဘုန်းကြီးကျောင်းမှာ အမျိုးသားအောင်ပွဲနေ့ အထိမ်းအမှတ် ဆွမ်းကပ်လှူပွဲ နိုင်ငံရေး အကျဉ်းသားဟောင်း များ စုပေါင်းကောင်းမှု ဆိုပြီး ရည်ရွယ်ချက်ကတော့ အကျဉ်းသားတွေ လွတ်မြောက်ဖို့၊ ငြိမ်းချမ်းရေး အကောင်အထည်ဖော်ဖို့၊ အဲဒီ ရည်ရွယ်ချက်တွေပါ။ ဧရာဝတီမြစ်ဆုံ စီမံကိန်းကို အသိပညာရှင်တွေ၊ အတတ်ပညာရှင်တွေ အားလုံး စုပေါင်းဝိုင်းဝန်းပြီး တော့ သမ္မတကြီးထံ တောင်းခံကြတဲ့ ပုံစံမျိုးပေါ့။ ညီညီညာညာနဲ့ ဆန္ဒပြု တောင်းဆိုရင် ဒီမိုကရေစီအခွင့်အရေးအရ တောင်းဆိုလို့ ရပါတယ်။ ကိုယ့်ဘက်က တရားမျှတမှုနဲ့ တောင်းဆိုတာလေ။ လက်သီးလက်မောင်း​တန်းပြီးတော့ ဒေါသထွက်ပြီး အုံနဲ့ကျင်းနဲ့ အော်တာမှ မဟုတ်ဘဲ။ စည်းကမ်းရှိရှိနဲ့ နည်းလမ်းသိသိနဲ့ လုပ်ကြတာ။ တရားဥပေဒ ဘောင်အတွင်းက လုပ်ကြတာပါ။”

အမျိုးသားဒီမိုကရေစီအဖွဲ့ချုပ်ရဲ့ စာရင်းအရ မြန်မာပြည်မှာ နိုင်ငံရေးအကျဉ်းသားအနည်းဆုံး ၆၀၀ ၀န်းကျင် ရှိနေတယ်လို့ ဆို ပေမယ့် မနေ့က အင်ဒိုနီးရှားနိုင်ငံ၊ ဘာလီက သတင်းစာ ရှင်းလင်းပွဲမှာတော့ သမ္မတဦးသိန်းစိန်က မြန်မာပြည်မှာ နိုင်ငံရေး အကျဉ်းသား ရှိတယ်ဆိုတာကို သူ့အနေနဲ့ လက်မခံဘူးလို့ သတင်းထောက်တွေကို ပြောပါတယ်။

အမျိုးသားနေ့ အထိမ်းအမှတ် အခမ်းအနားတွေနဲ့ နိုင်ငံရေးအကျဉ်းသားတွေ လွတ်မြောက်ရေးနှင့် ပြည်တွင်းငြိမ်းချမ်းရေး ဆုတောင်းပွဲတွေကို မန္တလေးတိုင်းက သာစည်မြို့၊ မကွေးက မြသလွန်ဘုရားနှင့် ပုဂံညောင်ဦးတို့မှာလည်း ပြုလုပ်ခဲ့ကြပါတယ်။

Ref: ဒီဗွီဘီ

Read More...

Collapse...

နိုင်ငံရေးအကျဉ်းသားမရှိဟု သမ္မတဦးသိန်းစိန် ​ပြော

November 20, 2011
နေသွင်

မြန်မာပြည်မှာ နိုင်ငံရေးအကျဉ်းသား ရှိတယ်ဆိုတာကို သူ့အနေနဲ့ လက်မခံဘူးလို့ သမ္မတဦးသိန်းစိန်က ပြောကြားလိုက်ပါတယ်။

အင်ဒိုနီးရှားနိုင်ငံ ဘာလီကျွန်းမှာ ကျင်းပတဲ့ အာဆီယံ ထိပ်သီးဆွေးနွေးပွဲ နောက်ဆုံးနေ့မှာ သမ္မတဦးသိန်းစိန်က​ ​မြန်မာသတင်း ထောက်နဲ့ သတင်းစာ ရှင်းလင်းပွဲမှာ ပြောဆိုလိုက်တာပါ။

နိုင်ငံရေးအကျဉ်းသားဆိုတာ မရှိဘဲ ပြစ်မှုကျူးလွန်လို့ အကျဉ်းကျသူတွေပဲ ရှိတယ်လို့ သမ္မတဦးသိန်းစိန်က အခုလို ဆိုပါတယ်။

“ယုံကြည်ချက်ကြောင့်ဆိုတာက ပြောရခက်တယ် ကျနော်တို့က ယုံကြည်ချက်ဆိုတာကို လက်သင့်မခံဘူး။ ဥပဒေ တခုခုကို ကျူးလွန်ထားတဲ့အတွက်ကြောင့် ကျနော်တို့က အရေးယူထားတာ။ သူ့လိုပဲ ဥပဒေ တခုခု ကျူးလွန်ထားတဲ့သူတွေ ထောင်ထဲမှာ အများကြီး ရှိတယ်။ အဲတော့ ဒီအဖွဲ့လည်း ပြောမယ်ဆိုရင်တော့ ကျန်တဲ့အဖွဲ့တဖွဲ့ကို ခင်ဗျားတို့ ကိုယ်ချင်းမစာရာ ကျမယ်။ ကျနော်တို့က အားလုံးအတွက် စဉ်းစားပြီးတော့ တိုင်းပြည်ရဲ့ အခြေအနေ အချိန်အခါကို ကြည့်ပြီးတော့ …။ constitution (ဖွဲ့စည်းပုံ အခြေခံဥပဒေ)ကလည်း ခုနက ပြောသလို သမ္မတကို လုပ်ပိုင်ခွင့် အပ်နှင်းထားပါတယ်။ amnesty (လွတ်ငြိမ်း ချမ်းသာခွင့်) ကျနော်တို့ ပေးလို့ရတယ်။ အဲတော့ အခြေအနေ အချိန်အခါကိုကြည့်ပြီး ကျနော်တို့ လုပ်သွားရမှာပါ။ ဘာလို့လည်း ဆိုတော့ ကိုယ့်နိုင်ငံသားတွေ ဖြစ်နေလို့ပဲ။”

သမ္မတရဲ့ အဲဒီပြောကြားချက်မတိုင်ခင် နာရီပိုင်းစောပြီး ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်းက ဦးသိန်းစိန်နဲ့ သီးခြားတွေ့ဆုံခဲ့ပြီး၊ နိုင်ငံရေး အကျဉ်းသားတွေကို ပြန်လွှတ်ပေးဖို့ တိုက်တွန်းခဲ့တဲ့အကြောင်း ဘန်ကီမွန်းက သတင်းထောက် တွေကို ပြောခဲ့ပါသေးတယ်။

မကြာခင် ရက်ပိုင်းကလည်း အစိုးရဖွဲ့ပေးထားတဲ့ မြန်မာနိုင်ငံ အမျိုးသား လူ့အခွင့်အရေး ကော်မရှင်က ယုံကြည်ချက်ကြောင့်​ ​အကျဉ်းကျခံနေရတဲ့သူတွေကို​ ​ပြန်မလွှတ်ပေးခင်၊ မိသားစုနဲ့နီးရာ ထောင်တွေကို ပြောင်းပေးဖို့ သမ္မတ ဦးသိန်းစိန်ကို​ ​မေတ္တာ ရပ်ခံခဲ့ပါတယ်။

၈၈ မျိုးဆက်ကျောင်းသား တယောက်ဖြစ်တဲ့ ကိုဇော်ရဲက သမ္မတ ဦးသိန်းစိန်အနေနဲ့ စိုးရိမ်စိတ်ကြောင့် နိုင်ငံရေးအကျဉ်းသား တွေကို ဆက်ဖမ်းထားဖို့ မလိုဘူးလို့ အခုလို ပြောပါတယ်။

“ကျနော်တို့​ နိုင်ငံမှာ ယုံကြည်ချက်ကြောင့် အကျဉ်းကျနေသူများလည်း ရှိတယ်။ နိုင်ငံရေး အကျဉ်းသားများလည်း ရှိပါတယ်။ ကျနော်တို့ ရဲဘော်တွေ၊ ကျနော်တို့ကိုယ်တိုင်ပါ ဒီမိုကရေစီရရှိရေး ယုံကြည်ချက်၊ လူ့အခွင့်အရေး ရရှိရေး၊ တိုင်းပြည် ကောင်းစား စေချင်တဲ့ ယုံကြည်ချက်နဲ့ အလုပ်လုပ်ခဲ့တယ်။ ဒါကို ဥပဒေ ချိုးဖောက်သူသာ ရှိတယ်ဆိုတာက တကယ်တော့ ကျနော်တို့ လက်မ ခံပါဘူး။ ဒီယုံကြည်ချက်တွေနဲ့ လွတ်လပ်စွာ​ ​ပြောဆိုခွင့်တွေ ပြောတယ်။ လွတ်လပ်စွာ ရေးစရာရှိတာတွေ ရေးတယ်။ လုပ်စရာ ရှိတာ လုပ်တယ်။ ငြိမ်းချမ်းသောနည်းနဲ့ပဲ လုပ်ခဲ့တာ ရှိပါတယ်။ ဒါကြောင့်မို့လို့ အခုရှိနေသေးတဲ့ နိုင်ငံရေး အကျဉ်းသားတွေဟာ လည်း ယုံကြည်ချက်ကြောင့်​ ​အကျဉ်းကျခံနေရသူများ​ ​ဖြစ်ပါတယ်။ နိုင်ငံရေး အကျဉ်းသားများပဲ ဖြစ်ပါတယ်လို့ ကျနော် ပြောချင်ပါတယ်။”

ဒီနှစ်ဆန်းပိုင်းစလို့ သမ္မတရဲ့ လွတ်ငြိမ်းချမ်းသာခွင့်နဲ့ နိုင်ငံရေးအကျဉ်းသား ၃၀၀ ၀န်းကျင် ပြန်လွှတ်ပေမယ့် နောက်ထပ်​ ရာ ပေါင်း များစွာ အကျဉ်းကျခံနေရဆဲလို့ လူ့အခွင့်အရေးအဖွဲ့တွေက ဆိုပါတယ်။

Ref: ဒီဗွီဘီ

Read More...

Collapse...