Thursday, December 2, 2010
( နိုဝင်ဘာ ၁၂ ရက်နေ့က အမေရိကန် PBS အသံလွှင့်ဌာနနဲ့ Pro Publica အဖွဲ့တို့ ပေါင်းပြီး ထုတ်လွှင့်ခဲ့တဲ့ Stephen Engelberg ရဲ့ Experts, Intelligence Agencies Question a Defector’s Claims About Burma’s Nuclear Ambitions သတင်းဆောင်းပါးကို ဆီလျော်အောင် ဘာသာပြန် ထားတာ ဖြစ်ပါတယ်။ )
ပြီးခဲ့တဲ့ ဇွန်လ ၄ ရက်နေ့တုံးက မြန်မာနိုင်ငံက ဖိနှိပ်တဲ့ စစ်အစိုးရနဲ့ ပတ်သက်တဲ့ ထိတ်လန့်စရာ ကောင်းတဲ့ စွတ်စွဲချက် တစ်ခုက ကမ္ဘာကို တုန်လှုပ် သွားစေခဲ့တယ်။ မြန်မာ့ တပ်မတော်က ဘက်ပြောင်းလာတဲ့ ဗိုလ်မှူးဟောင်း တစ်ဦးက နည်းပညာအရ ခေတ်နောက် ကျနေတဲ့ သူ့နိုင်ငံဟာ အနုမြူဗုံး ထုတ်လုပ်ဖို့ စီမံကိန်းကို စတင်နေပြီးလို့ ပြောဆိုခဲ့ပြီး သူ့ ပြောဆိုချက်တွေကို သက်သေပြတဲ့ ဓာတ်ပုံနဲ့ စာရွက် စာတမ်းတွေကို ထုတ်ပြခဲ့တယ်။
အရင်တုံးက ပေါ်ပေါက်ခဲ့တဲ့ မြန်မာနိုင်ငံ အနုမြူဗုံး ထုတ်လုပ်ဖို့ ကြံစည်နေတဲ့ စွတ်စွဲချက်တွေ တုံးကတော့ ဂရုစိုက်တဲ့လူ နည်းနည်းပဲ ရှိတယ်။ အခု ပြည်ပရောက် ထိပ်သီး အတိုက်အခံ အဖွဲ့အစည်း တစ်ခုက ရေးသားပြုစု ထုတ်လွှင့်ခဲ့တဲ့ သတင်းမှာတော့ နိုင်ငံတကာ အနုမြူစွမ်းအင် အေဂျင်စီမှာ နှစ်ပေါင်းများစွာ လုပ်ခဲ့သူလည်းဖြစ်၊ အမေရိကန် အစိုးရရဲ့ လက်နက်ရေးရာ သိပ္ပံပညာရှင် ဟောင်းလည်း ဖြစ်တဲ့ ရောဘတ်ကယ်လီရဲ့ အစီရင်ခံစာကိုပါ ပူးတွဲပြီး ဖော်ပြထားတယ်။ ရောဘတ် ကယ်လီရဲ့ သုတေသနပြုမှု တစ်စိတ်တစ်ပိုင်းကို အမေရိကန် အစိုးရရဲ့ အထောက်အပံ့နဲ့ လုပ်ဆောင်တာဖြစ်ပြီး ကယ်လီက ရထားတဲ့ အထောက် အထားတွေ အရ ဆိုရင် မြန်မာနိုင်ငံဟာ အနုမြူဗုံး ထုတ်လုပ်ဖို့ စီစဉ်နေတယ် ဆိုတာက လွဲပြီး တစ်ခြားဘာမှ စဉ်းစားစရာ မလိုဘူးလို့ သုံးသပ်ထားတယ်။
ဒီသတင်းရဲ့ နောက်ဆက်တွဲ အကျိုးဆက်တွေက ချက်ခြင်းပဲ ပေါ်လာတော့တယ်။ မြန်မာ ဗိုလ်ချုပ်တွေနဲ့ တွေ့ဖို့ လမ်းခုလတ် ထိုင်း နိုင်ငံမှာ ရောက်နေတဲ့ အထက် လွှတ်တော်အမတ် ဂျင်မ်ဝက်ဘ်က သူ့ခရီးစဉ်ကို ဖျက်သိမ်းတဲ့ အကြောင်း ကြေညာခဲ့တယ်။ မြန်မာနိုင်ငံနဲ့ ထိတွေ့ ဆက်ဆံရေးကို တိုက်တွန်းနေတဲ့ ဂျင်မ်ဝက်ဘ်က အခုအချိန်မှာ အဲဒီလိုလုပ်ဖို့ မသင့်သေးဘူးလို့ ပြောခဲ့သ လို မြန်မာနိုင်ငံရဲ့ အနုမြူ စီမံကိန်းနဲ့ ပတ်သတ်တဲ့ သတင်းတွေကို အမေရိကန် အေဘီစီ သတင်းဌာနရဲ့ Good Morning America အစီအစဉ်၊ ၀ါရှင်တန်ပို့စ် သတင်းစာ၊ တိုင်းမ်မဂ္ဂဇင်း၊ ဘီဘီစီ သတင်းဌာန စတာတွေ ကလည်း ဖော်ပြခဲ့ကြတယ်။
ရောဘတ်ကယ်လီဟာ ဒီသတင်းကို လူသိများအောင် လုပ်တဲ့နေရာမှာ တိုက်ရိုက် ပါဝင်ခဲ့တယ်။ သူကိုယ်တိုင် ၀ါရှင်တန်မှာ သတင်းစာ ရှင်းလင်းပွဲ လုပ်ခဲ့တယ်။ ကွန်ဂရက်က အမတ်တွေရဲ့ လက်ထောက် အရာရှိတွေ၊ အနုမြူလက်နက် မပြန့်ပွားရေး ကိုလုပ်နေတဲ့ သြဇာ ရှိသူတွေကို ရှင်းလင်း ပြောကြားခဲ့တယ်။ ၀ါရှင်တန် သတင်းစာ ရှင်းလင်းပွဲမှာ ကယ်လီက ဒီ တွေ့ရှိချက်တွေ အရ ဒါဟာ လျှို့ ၀ှက် အနုမြူ စီမံကိန်းပဲ ဆိုတာ ကျွန်တော် ခိုင်ခိုင်မာမာ ပြောရဲတယ်ဟု တင်ပြ သွားခဲ့တယ်။ ဒါပေမယ့် Pro Publica နဲ့ PBS ( Public Broadcasting Service ) Need to Know အစီအစဉ်တို့ ပူးပေါင်း စစ်ဆေး လေ့လာချက် အရတော့ မြန်မာနိုင်ငံရဲ့ အနုမြူ စီမံကိန်းနဲ့ ပတ်သက်ရင် ကယ်လီ ကောက်ချက်ချ သလောက် မသေချာဖူးဆိုတာ တွေ့လာရတယ်။
နိုင်ငံတကာ အနုမြူစွမ်းအင် အေဂျင်စီရဲ့ ဒုတိယ ညွှန်ကြားရေးမှူးဟောင်း ဖြစ်တဲ့ Olli Heinonen နဲ့ ကျန်တဲ့ ကျွမ်းကျင်သူတွေ ကတော့ အထောက်အထား တွေဟာ သိတ်မခိုင်မာဘူး၊ ပုံထဲမှာတွေ့ရတဲ့ စက်ကရိယာတွေဟာ တစ်ခြား လုပ်ငန်း တွေမှာလည်း အသုံးပြုတဲ့ ပစ္စည်းတွေ ဖြစ်တယ်။ နောက်ပြီး ဒီလို အရေးကြီးတဲ့ စွတ်စွဲချက်တွေကို ဘက်ပြောင်းလာသူ တစ်ယောက် ထဲရဲ့ ပြောကြားချက် တစ်ခုတည်းနဲ့ အတည် မပြုသင့်ဘူးလို့ ဆိုတယ်။ Olli Heinonen က ဒါဟာ အနုမြူ လက်နက် စီမံကိန်း ပါဘဲလို့ တထစ်ချ ပြောနိုင်တဲ့ ခိုင်ခိုင်မာမာ အထောက်အထား တစ်ခုမှ မပါဘူးလို့ ပြောပါတယ်။ အမေရိကန် ထိပ်တန်း အရာရှိ တစ်ယောက်ကတော့ ဗဟို ထောက်လှမ်းရေး အဖွဲ့ ( စီအိုင်အေ) နဲ့ စွမ်းအင် ၀န်ကြီးဌာနတို့က ရောဘတ်ကယ်လီရဲ့ အစီရင်ခံစာကို တစ်ကြောင်းခြင်း အသေးစိတ် လေ့လာပြီးတဲ့ နောက် ကယ်လီရဲ့ ကောက်ချက်ကို လက်မခံဘဲ ပယ်ချခဲ့တယ်လို့ ပြောပြပါတယ်။ ဂျာမန် အရာရှိတွေ ကလည်း ဓာတ်ပုံတွေ ထဲမှာပါတဲ့ စက်ကရိယာတွေကို မြန်မာ အစိုးရက ၀ယ်တာကို သူတို့သိတယ်။ ဒါပေမယ့် ဒါ တွေကို အနုမြူ လက်နက် စီမံကိန်းမှာ သုံးတာ မဟုတ်ဘူးလို့ သူတို့ စစ်ဆေး တွေ့ရှိပြီး ဖြစ်တယ်လို့ ပြောပါတယ်။
ဘက်ပြောင်းလာတဲ့ စိုင်းသိန်းဝင်းကို အနောက် နိုင်ငံတွေက သတိပြုမိအောင် လုပ်ဆောင် ပေးတာက နော်ဝေ အခြေစိုက် ဒီမို ကရက်တစ် မြန်မာ့အသံ ( ဒီဗွီဘီ) ဖြစ်ပြီး ပြီးခဲ့တဲ့ နှစ်တုံးက ( အမေရိကန်အခြေစိုက်) National Endowment for Democracy ( NED) အဖွဲ့က ဒေါ်လာလေးသိန်း အထောက်အပံ့ ရခဲ့တဲ့အဖွဲ့ ဖြစ်ပါတယ်။ NED အဖွဲ့ဟာ ၁၉၈၃ ခုနှစ် တုံးက အမေရိကန် လွှတ်တော်ကနေ တည်ထောင် ပေးထားတဲ့ အဖွဲ့ဖြစ်ပြီး ကမ္ဘာပေါ်မှာ ဒီမိုကရေစီ ထွန်းကားရေး အတွက် အကူအညီ ပေးနေတဲ့အဖွဲ့ ဖြစ်ပါတယ်။ ပိုလန် နိုင်ငံက သွေးစည်း ညီညွတ်ရေးအဖွဲ့၊ တောင်အာဖရိက နိုင်ငံက အသား အရောင်ခွဲခြားမှု တိုက်ဖျက်ရေး လှုပ်ရှားမှုများဟာ NED ရဲ့ အကူအညီ ရဖူးတဲ့ အဖွဲ့တွေ ဖြစ်ပါတယ်။
NED အရာရှိတစ်ဦးက သူတို့ဟာ ဒီဗွီဘီကို စိုင်းသိန်းဝင်းဆီက အထောက်အထား တွေကို ရောဘတ်ကယ်လီနဲ့ စစ်ဆေး ကြည့်ဖို့ တိုက်တွန်း ခဲ့ပြီး နောက်ပိုင်းမှာ ရောဘတ်ကယ်လီ ဗီယင်နာမြို့ကနေ ၀ါရှင်တန်ကို လာပြီး သတင်းစာ ရှင်းလင်းပွဲ လုပ်နိုင်ဖို့ ငွေထောက်ပံ့ ခဲ့တယ်လို့ ၀န်ခံခဲ့ပြီး ရောဘတ်ကယ်လီ အပြင် တစ်ခြား ကျွမ်းကျင် သူတွေနဲ့ ပြသ အစစ်ဆေး ခံတာမျိုး မလုပ်ခဲ့ဘူးလို့ ဆိုပါတယ်။
NED က အရာရှိတွေကတော့ သူတို့လုပ်ရပ်ဟာ ဒီမိုကရေစီ အကျိုးအတွက် လုပ်တာ ဖြစ်ပါတယ် ဆိုပြီး သူတို့ လုပ်ရပ်ကို ကာကွယ် ပြောပါတယ်။ အဖွဲ့ ဥက္ကဌဖြစ်တဲ့ Carl Gershman ကတော့ အမတ် ဂျင်မ်ဝက်ဘ် မြန်မာနိုင်ငံကို သွားဖို့ ထိုင်းမှာ ရောက်နေတာ သူတို့ မသိဘူးလို့ ပြောပြီး ဒီဗွီဘီကို ငွေကြေး ထောက်ပံ့တာဟာ လွတ်လပ်တဲ့ မီဒီယာမရှိတဲ့ နိုင်ငံမှာ လွတ်လပ်တဲ့ မီဒီယာရှိအောင် ကူညီတာ သက်သက်ပဲလို့ ကာကွယ် ပြောဆိုပါတယ်။ နောက်ပြီး Carl Gershman က စီအိုင်အေ အနေနဲ့ မြန်မာနိုင်ငံရဲ့ အနုမြူ အစီအစဉ်နဲ့ ပတ်သက်ပြီး ပြောကြားချက်တွေ အပေါ် သံသယ ရှိနေတယ် ဆိုတာ သူမသိဘူးလို့ ပြောပြီး ဘာပဲဖြစ်ဖြစ် သတင်း လုံးဝ မှားတယ် ဆိုရင်တောင် အဲဒီသတင်းဟာ တန်ဖိုးတော့ ရှိပါတယ်လို့ ဆိုတယ်။ သူက စီအိုင်အေ အဖွဲ့က ဒါမှားတယ် ဆိုရင်တောင် သူတို့ တစ်ခုခုတော့ သိသွားတာပဲ မဟုတ်လား။ ကမ္ဘာကလည်း တစ်ခုခုတော့ သိသွားရတာပဲ မဟုတ်လားလို့ ဆက်ပြောပါတယ်။ ပြီးတော့ သူကဆက်ပြီး လူသိရှင်ကြား ငြင်းခုန်ကြတယ် ဆိုတာ ပွင့်လင်းတဲ့ လူ့ အဖွဲ့အစည်းရဲ့ အစိတ်အပိုင်း တစ်ခုပဲ။ ခင်ဗျားအနေနဲ့ ဘယ်ဟာကိုမှ ပြီးပြည့်စုံအောင် မလုပ်နိုင်ဘူး။ အမြင် အမျိုးမျိုးရှိတယ် ဆိုတာကိုက ဒီမိုကရေစီဘဲ။ ခင်ဗျားအမှား လုပ်ချင် လုပ်မိမယ်၊ လူတွေက အမြင်အမျိုးမျိုး ရှိကြမယ်။ အခုဖြစ်နေတာ ဒါတွေဘဲလို့ ပြောပြပါတယ်။
မြန်မာကိစ္စနဲ့ ပတ်သက်ပြီး ကျွမ်းကျင်သူတွေ အကြား အငြင်းပွားမှုဟာ ဒီကနေ့ နိုင်ငံတကာ အသိုင်းအ၀န်းမှာ တရားမ၀င် လက်နက်တွေနဲ့ ပတ်သက်ပြီး ရင်ဆိုင် နေရတဲ့ ကြီးမားတဲ့ ပြဿနာကို မီးမောင်းထိုးပြ နေတာပဲ ဖြစ်တယ်။ အမေရိကန် တွေက ဘက်ပြောင်း လာတဲ့ "Curveball လို့ အမည်ဝှက် ပေးထားသူ တစ်ယောက်ပြောတဲ့ ဆဒမ်ဟာ ဇီဝလက်နက်တွေ ထုတ်ဖို့ လုပ်နေတယ်ဆိုတဲ့ သတင်းတွေကို အခြေခံပြီး အီရတ်ကို ၀င်တိုက်ဖို့ ဆုံးဖြတ်ခဲ့တယ်။ နိုင်ငံခြားရေးဝန်ကြီး ကောလင်း ပါဝဲလ်က "Curveball ဆီက ရတဲ့ သတင်း အချက်အလက် အများစုကို အခြေခံပြီး ကုလသမဂ္ဂမှာ အီရတ်ကို စစ်ရေးအရ အရေးယူဖို့ တင်ပြခဲ့တယ်။ ဒါပေမယ့် နောက်ဆုံးတော့ အီရတ်နိုင်ငံမှာ အနုမြူ လက်နက်ရော၊ ဓာတု လက်နက်ရော၊ ဇီဝ လက်နက်ရော ဘာတစ်ခုမှ မတွေ့ခဲ့ဘူး။
တစ်ချို့ ကျွမ်းကျင်သူတွေကတော့ အနောက်နိုင်ငံတွေက Curveball ကြောင့် အရှက်တကွဲ ဖြစ်မှုတွေ အပြီးမှာ ဘက်ပြောင်း လာသူတွေ ပြောတဲ့ သတင်းတွေ အပေါ်မှာ အလေးအနက် ထားမှု နည်းသွားတာကို စိုးရိမ် နေကြတယ်။ တစ်ချို့ ကတော့လည်း "Curveball အဖြစ် အပျက်က အနုမြူ စီမံကိန်းတွေနဲ့ ပတ်သက်ရင် အစိုးရကို ဆန့်ကျင်နေတဲ့ သူတွေပေးတဲ့ သတင်းတွေအပေါ် အသေအချာ စစ်ဆေးဖို့ လိုတယ် ဆိုတာ သတိပေး လိုက်တာပဲ လို့လည်း ဆိုကြတယ်။ ရောဘတ်ကယ်လီ ကိုယ်တိုင်က အစိုးရ ဆန့်ကျင်ရေး အဖွဲ့ဖြစ်တဲ့ ဒီဗွီဘီနဲ့ ဘက်ပြောင်း လာသူရဲ့ ခံစားချက်နဲ့ အကျိုးစီးပွားကြောင့် သူတို့ရဲ့ သမာသမတ် ကျမှုအပေါ် မေးခွန်း ထုတ်စရာ ဖြစ်နေတယ် ဆိုတာကိုတော့ အသိအမှတ်ပြု ထားပါတယ်။ ဒါပေမယ့် ကယ်လီက အခုရတဲ့ သတင်းတွေရယ်၊ အရင်တုံးက ရထားတဲ့ သတင်းတွေရယ် ပေါင်းလိုက် ရင်တော့ ဒီကိစ္စဟာ သေချာ သလောက် ပဲလို့ ပြောပါတယ်။ သူက ဘက်ပြောင်းလာတဲ့ ဗိုလ်မှူး စိုင်းသိန်းဝင်းကို ၁၉၈၆ ခုနှစ်တုံးက အစ္စရေး နိုင်ငံရဲ့ အနုမြူ စီမံကိန်း အကြောင်း ဖွင့်ချခဲ့တဲ့ Mordecai Vanunu နဲ့ခိုင်းနှိုင်းခဲ့ပြီး စိုင်းသိန်းဝင်းဆီက ရတဲ့ သတင်းတွေ အရ ဒီနည်းပညာတွေဟာ အရပ်ဘက် အနုမြူ စီမံကိန်းအတွက် မဟုတ်ဘူး။ အနုမြူ လက်နက် အတွက်ဘဲ ဖြစ်တယ် ဆိုတာ အသေအချာ ကောက်ချက် ချနိုင်ပါတယ်လို့ ထပ်ပြောပါတယ်။
ရောဘတ်ကယ်လီဟာ နိုင်ငံတကာ စွမ်းအင်အေဂျင်စီမှာတုံးက Olli Heinonen လက်အောက်မှာ ၂၀၀၅ ခုနှစ်ကနေ ဒီနှစ် အထိ လုပ်ခဲ့ပေမယ့် မြန်မာ ကိစ္စမှာတော့ သူတို့နှစ်ယောက် အမြင်မတူ ကြပါဘူး။ Olli Heinonen က မြန်မာနိုင်ငံမှာ ယူရေ နီယမ်သတ္တုတွေ ရှိတာ မှန်ပေမယ့် ဒါဟာ အနုမြူ စွမ်းအင်သုံး ဓာတ်အားပေး စက်ရုံ အတွက်သာ ဖြစ်တယ်လို့ ဆိုပါတယ်။ ဒီအဆင့်မှာ အနုမြူ လက်နက် ထုတ်ဖို့ လုပ်နေတယ် ဆိုတဲ့ စိုးရိမ်စရာ အထောက်အထားတွေ မရှိသေးဘူးလို့ ရှင်းပြပါတယ်။ တစ်စုံ တစ်ယောက်က ယူရေနီယမ်ကို သန့်စင်ဖို့ လုပ်ရုံနဲ့ အနုမြူ လက်နက် ထုတ်နေပြီလို့ ပြောလို့မရဘူး။ အနုမြူ လက်နက် ထုတ်နိုင်တဲ့အထိ သန့်စင်ဖို့ဆိုတာ အဆင့် အများကြီး ဖြတ်ရဦးမယ်လို့ ထပ်ပြော ပါတယ်။
ကျွမ်းကျင်သူတွေ ကြားမှာ အငြင်းပွားမှုဟာ နည်းပညာပိုင်းနဲ့ ဆိုင်ပါတယ်။ ကယ်လီက စိုင်းသိန်းဝင်း ယူလာတဲ့ ဓာတ်ပုံ တွေထဲက အန္တရာယ်ကြီးတဲ့ ပစ္စည်းတွေကို ကိုင်တွယ်ရာမှာ သုံးတဲ့ မှန်လုံသေတ္တာ (Glove Box) ကို ယူရေနီယမ် သတ္တု နဲ့ မဂ္ဂနီဆီယမ် ရောပြီး ဗုံးလုပ်တဲ့ နေရာမှာ သုံးဖို့အတွက် လုပ်ဆောင်ရာမှာ သုံးဖို့ဖြစ်တယ်လို့ ကောက်ချက်ချတယ်။ Olli Heinonen ကတော့ ဓာတ်ပုံထဲမှာ ပါတဲ့ မှန်လုံ သေတ္တာဟာ အဲဒီ လုပ်ငန်းလုပ်ဖို့ အတွက် သေးလွန်းတယ်။ တစ်ခြား ကိစ္စ အတွက် ဖြစ်မယ်လို့ ကောက်ချက် ချပါတယ်။ ကယ်လီရဲ့ မြန်မာနိုင်ငံ အပေါ် သုံးသပ်ချက်ကို သဘော မတူတဲ့သူ နောက်တစ်ယောက် ကတော့ ၀ါရှင်တန် အခြေစိုက် the Institute for Science and International Security က ညွှန်ကြားရေးမှူး David Albright ပဲဖြစ်ပါတယ်။
David Albright ကတော့ ကယ်လီဟာ မြန်မာနိုင်ငံဟာ အနုမြူ လက်နက် ထုတ်ဖို့ ကြိုးစားနေတယ်လို့ ယူဆ ထားပြီး စိုင်းသိန်းဝင်းရဲ့ ဓာတ်ပုံတွေကို သူ့အယူအဆကို အတည်ပြုဖို့ အတွက် လိုရာဆွဲ သုံးခဲ့တယ်လို့ ထောက်ပြပါတယ်။ David Albright က ဓာတ်ပုံထဲက ပစ္စည်းတွေဟာ တစ်ခြား ကိစ္စတွေမှာလည်း သုံးလို့ရတဲ့ ပစ္စည်းတွေဖြစ်ပြီး တစ်ချို့တွေက အနုမြူကိစ္စနဲ့ လုံးဝ မဆိုင်တာတွေ ဖြစ်တယ်လို့ ဆိုတယ်။ ပြီးတော့ သူက စိုင်းသိန်းဝင်းဟာ အနုမြူဆိုင်ရာ သိပ္ပံပညာရပ် ၊ အင်ဂျင်နီယာ ဘာသာရပ်တွေနဲ့ ပတ်သက်တဲ့ အတွေ့အကြုံ ရှိသူလည်း မဟုတ်ဘူးလို့ ပြောပြပါတယ်။ သူက ကျွန်တော်တို့ဟာ အီရတ်နိုင်ငံရဲ အစုအလိုက် အပြုံလိုက် သေစေနိုင်တဲ့ လက်နက် WMD အစီအစဉ်တွေနဲ့ ပတ်သက်ပြီး သင်ခန်းစာ ကောင်းကောင်း ရခဲ့ပြီးပြီ။ နိုင်ငံတစ်နိုင်ငံကို အနုမြူလက်နက် ထုတ်နေတယ်လို့ စွတ်စွဲမယ် ဆိုရင် ခိုင်လုံ စိတ်ချရတဲ့ သက်သေ အထောက်အထားတွေ ရှိဖို့ လိုတယ် ဆိုပြီး ထပ်ပြောပြပါတယ်။
စိုင်းသိန်းဝင်းရဲ့ အကြောင်းနဲ့ ရည်ရွယ်ချက်တွေနဲ့ ပတ်သက်ရင် မသိသေးတာတွေ အများကြီး ကျန်သေးတယ်။ ပြီးခဲ့တဲ့ နိုဝင်ဘာ ၇ ရက်နေ့ မြန်မာနိုင်ငံမှာ ရွေးကောက်ပွဲ လုပ်နေချိန်မှာ ဗြိတိသျှ သတင်းစာ Independent နဲ့ နော်ဝေ သတင်းစာ Morgenbladet တို့က စိုင်းသိန်းဝင်းကို တွေ့ဆုံ မေးမြန်းခဲ့တယ်။ စိုင်းသိန်းဝင်းက မြန်မာနိုင်ငံရဲ့ အနုမြူ အစီအစဉ်ဟာ ပြည့်စုံမှု မရှိသေးပေမယ့် အဖြစ်မှန်ပဲလို့ ဆိုတယ်။ သူက ဒီစီမံကိန်း အတွက် တာဝန် အပေး ခံထားရတဲ့ သူတွေဟာ ဒီဇိုင်းပုံစံ တွေကို စောင့်ရင်း ၀ီစကီ သောက်နေကြတယ်၊ ကျွန်တော်တို့ချည်းပဲ ရှိတဲ့ အခါ ဒီအစီအစဉ်ဟာ ရူးသွပ်မှု သက်သက်ပဲလို့ ပြောဖြစ်ကြတယ်၊ ကျွန်တော်တို့က ဒီအစီအစဉ်ကို Nato , No Action , Talking Only လို့ နံမည် ပေးထားတယ်။ ကျွန်တော်က နိုင်ငံရေးသမား မဟုတ်ဘူး၊ အင်ဂျင်နီယာ အရာရှိပဲ၊ မြန်မာပြည်ရဲ့ ပထမဆုံး ဒုံးကျည်ဆိုင်ရာ ပညာရှင် ဖြစ်ရတဲ့ အတွက် ဂုဏ်ယူတယ်၊ ဒါပေမယ့် ကျွန်တော် တတ်ထားတာတွေကို သုံးလို့ မရဘူး၊ ဒီအတွက် စိတ်ပျက်ရတယ်လို့ တွေ့ဆုံ မေးမြန်းခန်းမှာ ပြောပြပါတယ်။
နောက်ပြီးသူက အစိုးရကနေပြီး အနုမြူဓာတ်ပေါင်းဖို ဆောက်ဖို့၊ ယူရေနီယမ်ကို သန့်စင်ဖို့နဲ့ အနုမြူဗုံး ထုတ်ဖို့ အတွက် အနုမြူ တပ်ရင်းဖွဲ့ဖို့ အမိန့် ပေးတဲ့စာကို မြင်ခဲ့ရတယ်။ ဒါပေမယ့် အဲဒီ စာရွက် စာတမ်းကို ယူဖို့ အခွင့်အရေး မရခဲ့ဘူးလို့ ပြောပြပါတယ်။ Independent သတင်းစာရဲ့ အဆိုအရ စိုင်းသိန်းဝင်းဟာ ဒီဗွီဘီရဲ့ မြန်မာ့အနုမြူ စီမံကိန်းနဲ့ ပတ်သက်တဲ့ ကောလဟာလ သတင်းတွေ အကြောင်း ပြောကြားချက်ကို ကြည့်ပြီး ဒီစီမံကိန်း အကြောင်း ဖွင့်ချနိုင်ဖို့ ဓာတ်ပုံရိုက်ပြီး ပို့ခဲ့တာ ဖြစ်တယ်လို့ သိရပါတယ်။ စိုင်းသိန်းဝင်းက စက်ရုံလုံခြုံရေးက သူဓာတ်ပုံ ရိုက်တာကို တွေ့ပေမယ့် မတားခဲ့ဘူး လို့လည်း ဆိုပါတယ်။
Ref: ပိတောက်မြေ
Read More...
Collapse...
■ ဒေါ်အောင်ဆန်းစုကြည်နဲ့ အကျိုးရှိမယ့် ဆွေးနွေးမှု ပြုလုပ်ဖို့ ထိုင်းဝန်ကြီးချုပ် မျှော်လင့် သတင်း
■ ဒေါ်အောင်ဆန်းစုကြည်နှင့် RFA သီးသန့်ဆက်သွယ်မေးမြန်းချက် သတင်း
■ HIV ဝေဒနာရှင်တွေ လူ့အခွင့်အရေး ရှေ့ဆောင်လှုပ်ရှားကြဖို့ ဒေါ်အောင်ဆန်းစုကြည် တိုက်တွန်း သတင်း
■ AIDS အခမ်းအနား NLD မှာ ကျင်းပ သတင်း
■ တောင်ကုတ်မြို့၌ အဖွဲ့ချုပ်ဝင်များက လူထုကြား ရေဒီယို ဖြန့်ဝေ သတင်း
■ ပင်လုံညီလာခံ အချိန်မတန်သေး သတင်း
■ ကရင်ငြိမ်းချမ်းရေးတပ်သား (၆) ဦးကို စစ်အစိုးရတပ် ပြန်လွှတ် သတင်း
■ ဘုရားသုံးဆူမှ ဒဏ်ရာရ မြန်မာစစ်သား (၄) ဦး ထားဝယ်၌ ဆေးကုရန် ထိုင်းနယ်မြေ ဖြတ်သန်းခွင့်ပြု သတင်း
■ ရိက္ခာသယ်ရန်နှင့် မြေမြုပ်မိုင်းရှင်းရန် နအဖမှ ကားများ ချောဆွဲ သတင်း
■ နအဖနှင့် ပြည်သူ့စစ် ပူးပေါင်းပြီး ရွာသားများထံ ရိက္ခာတန်ဖိုး ကျပ်သိန်းနီးပါး ဆင့်ဆို သတင်း
■ စစ်အာဏာပိုင်များမှ ကုန်တင်ထော်လာဂျီကားများထံ မတရား ငွေကောက် သတင်း
■ ဘုရားသုံးဆူနဲ့ ကြာအင်းဆိပ်ကြီး ရေလမ်း စစ်အစိုးရ ပိတ် သတင်း
■ ရှမ်းနဲ့ ချင်းပြည်နယ်တွေမှာ နအဖ တပ်အင်အားတိုး သတင်း
■ လိုင်ဇာမှာ ကုန်သည်တွေ ပြန်ခိုင်းပြီ သတင်း
■ ဗိုလ်ချုပ်ကြီးဟောင်း ခင်ညွန့် ဗီဒီယိုထွက်ပေါ်ခြင်းကို Larry Jagan သုံးသပ် သတင်း
■ အနုပညာရှင် (၁၁) ဦး FM တွင် တားမြစ်ခံရ သတင်း
■ အများထင်သလို ကြံ့ခိုင်ရေးပါတီ (၇၅) ရာနှုန်း အနိုင်မရ သတင်း
■ ကြံ့ဖွံ့နှင့် ကျားဖြူဆွေးနွေး သတင်း
■ ပြည်တွင်းလေကြောင်းလိုင်းတလိုင်း ရပ်နားမှုကြောင့် အခက်အခဲကြုံနေရ သတင်း
■ မြန်မာ့လေကြောင်း တရုတ်လုပ် လေယာဉ်နှစ်စင်း စတင်ပြေးဆွဲ သတင်း
■ တရုတ်စပိုင် မြန်မာလုပ်နိုင်ဟု လီကွမ်ယု ပြောဆိုချက် ၀ီကီလိခ် ဖွင့်ချ သတင်း
■ မပြယ်သော မေတ္တာပန်း (ဆောင်းပါး)
■ ကမ္ဘာ့အေအိုင်ဒီအက်စ်နေ့ (ဆောင်းပါး)
■ မျက်ရည်များနှင့် ပျော်သည့်ပွဲ (ဆောင်းပါး)
Read More...
Collapse...
■ အမျိုးသားအောင်ပွဲနေ့ အခမ်းအနားများ နေရာအနှံ့ ကျင်းပ သတင်း
■ အမျိုးသားရေးအောင်ပွဲ ပေါ်ထွန်းရန် ဒေါ်အောင်ဆန်းစုကြည် ပြော သတင်း
■ ထိုင်းနိုင်ငံရောက် မြန်မာများအရေး ဒေါ်အောင်ဆန်းစုကြည် အားပေးပြောကြား သတင်း
■ အမျိုးသားပြန်လည်သင့်မြတ်ရေး ကြိုးပမ်းရန် စစ်အစိုးရကို NLD တိုက်တွန်း သတင်း
■ ဒေါ်အောင်ဆန်းစုကြည်နှင့် ဒုတိယအကြိမ် တွေ့ဆုံမေးမြန်းခန်း သတင်း
■ မဒမ်တူးဆော့ပြတိုက်တွင် ထားမည့် ဒေါ်အောင်ဆန်းစုကြည် ရုပ်တု သတင်း
■ ခြိမ်းခြောက်တာလား သတင်း
■ နအဖနှင့် ဒီကေဘီအေတိုက်ပွဲ ထိခိုက်သေဆုံးမှုများပြား သတင်း
■ ကချင်ပြည်နယ်တွင် နအဖက လုံခြုံရေး တိုးမြှင့် သတင်း
■ ကမ္ဘာ့ AIDS ရောဂါ တိုက်ဖျက်ရေးနေ့ နိုင်ငံတကာ ကျင်းပ သတင်း
■ ဒေါ်အောင်ဆန်းစုကြည် ထိုင်းနိုင်ငံကို တောင်းဆို သတင်း
■ ဒေါ်အောင်ဆန်းစုကြည်ဓာတ်ပုံကြောင့် ဘဏ်က ငွေမချေး သတင်း
■ ကမ္ဘာ့အေအိုင်ဒီအက်စ် တိုက်ဖျက်ရေးနေ့ လမ်းလျှောက်ချီတက်ပွဲ ပြုလုပ် သတင်း
■ ကမ္ဘာ့ HIV/AIDS တိုက်ဖျက်ရေးနေ့ ထိုင်းနိုင်ငံ၊ မဲဆောက်တွင် ကျင်းပ သတင်း
■ မြန်မာ HIV/AIDS ဝေဒနာရှင်တွေ လူ့အခွင့်အရေး ဆုံးရှုံး သတင်း
■ ဝဋ်ကြွေးလို့ပဲ စဉ်းစားလိုက်ရတယ် သတင်း
■ ဂေဟာမှာပဲ နေချင်တယ် သတင်း
■ ဂီရိမုန်တိုင်း ဒုက္ခသည်များကို ကနေဒါအစိုးရက ဒေါ်လာ (၅) သိန်းလှူမည် သတင်း
■ နေပြည်တော်တွင် (၁၅) သိန်းတန် GSM ဖုန်းကို (၅) သိန်းဖြင့် ရောင်းမည် သတင်း
■ ကျားဖြူပါတီနဲ့ ကြံ့ခိုင်ရေးပါတီတို့ တွေ့ဆုံဆွေးနွေး သတင်း
■ ဗိုလ်ထိန်မောင်ကို စစ်အစိုးရ စတိုက်ပြီ သတင်း
■ နအဖနဲ့ ဒီကေဘီအေ တိုက်ပွဲဆက်လက်ဖြစ်ပွား၊ ဒုက္ခသည်များ ပြန်ပြေးလာ သတင်း
■ ဗိုင်းရပ်စ်နှင့် အာဏာပိုင်ကို တပြိုင်တည်း ရင်ဆိုင်နေရသည့် HIV ဝေဒနာရှင်များ သတင်း
■ အနုပညာရှင် တဒါဇင်ခန့်၏ ဖျော်ဖြေတင်ဆက်မှု ပြန်ကြားရေးဝန်ကြီးဌာန ပိတ်ပင် သတင်း
■ ဝန်ကြီးဌာနများ ပေါင်းစည်း၍ အရေအတွက် လျှော့ချရန် ပြင်ဆင်နေ သတင်း
■ မူဆလင်တဦး ကျပ် (၁၀) သိန်းဖြင့် စစ်တပ်မှ ရန်ကုန်သို့ ပို့ဆောင်ပေးနေ သတင်း
■ ဟိုတယ်လုပ်ငန်းရှင်များ ကားတင်သွင်းမှုကြောင့် ကားဈေးကွက်ပျက် သတင်း
■ ရေအားလျှပ်စစ်စီမံကိန်း (၂) ခု အေးရှားဝေါလ်နှင့် တရုတ်တို့ တွဲလုပ်မည် သတင်း
■ ဝေါ်လေ-ဖလူး-ဘုရားသုံးဆူတိုက်ပွဲတွေမှာ နအဖ ထခိုက်သေဆုံးမှုများ (နိုဝင်ဘာ ၂၆ မှ ၃၀ အထိ) သတင်း
■ အမျိုးသားနေ့ (ဆောင်းပါး)
■ မျှော်လင့်ချက်နဲ့ လာခဲ့တဲ့ ခရီးကြမ်း (ဆောင်းပါး)
Read More...
Collapse...
29 Nov 2010
၂၀၁၀ ကမ္ဘာ့ထိပ်တန်း အတွေးအခေါ် သမားများ ၁၀၀ စာရင်းတွင် ဒေါ်အောင်ဆန်းစုကြည်ကို Foreign Policy မဂ္ဂဇင်းကြီးက ထည့်သွင်း ဖော်ပြလိုက်သည်။ “ဒီမိုကရေစီအရေး ဆောင်ရွက်မှု၌ မည်သည့် အခါကမှ ဇွဲမလျှော့ခြင်း အတွက်” ဟု ရည်ညွှန်းထားသော ဒေါ်အောင်ဆန်းစုကြည်ကို ကမ္ဘာ့အဆင့် ၇၅ တွင် ထည့်သွင်းထားပြီး ဒေါ်အောင်ဆန်းစုကြည်၏ “လုပ်စရာတွေလည်း အများကြီး ရှိသေးတယ်” ဟူသော စကားကိုလည်း ကိုးကားဖော်ပြထားသည်။
A Video Message from Aung San Suu Kyi
It is a great pleasure to be able to address you like this today. But of course, it would have been an even greater pleasure if I could have joined you in person. I was greatly honored to find that I had been chosen as one of Foreign Policy's Top Global Thinkers. Honored, and at the same time humbled. During the last two decades, my life has swung between periods when I have ample time for thought and contemplation, and periods when I hardly had time to catch thoughts on the wing, because there was so much to do.
But in all these years, the one thought that has stayed with me is that we all have to work together to try to improve any situation. That is not an original thought; I think it's as old as humanity: that there is strength in numbers, that we must learn to help each other. But yet, that is a thought that never ages. I wish I could meet all of you to talk over all the things I have thought about over the last seven years, during which many changes took place in this world.
When I came out of detention, on the 13th of this month, I suddenly found myself in a new world, as it were. The people who came to support me, to offer me their greetings and their continued belief in our cause, were much younger than the ones with whom I had worked many years ago. A whole new generation -- or perhaps I should say, several new generations -- had joined us, and so it is a younger world. At the same time, it is a startling, stranger world because all these young people were so much more familiar with the new IT revolution than I am. And that really made me happy; it encouraged me, it invigorated me, because IT technology means simply better communications; better communications between different peoples, between different generations.
I do not know what I am supposed to have contributed to the Great Thinkers of this world. All I can say is that I stand ready to be taught, to learn, to learn from the new thinking, to learn from younger people, to learn from those who have spent the years that I have spent in detention out in the free world, seeing what is going on, and from that seeing, learning to think again. We have to think again, and again, and again, and yet, we never come to the end of our thinking. We never come to the final conclusion. That is the beauty of human nature -- that we can go on, we can keep on going forward, going upward, going outward in our minds and in our hearts.
This is not the ideas of a thinker that I am expressing to you. These are just the ideas of someone who has lived apart from most of the world for many years and has now come out to join you and to ask for your support, your help, your advice, and for your friendship.
I don't know whether this is what a Global Thinker is supposed to be saying, but whatever I have said, it comes from my heart, and I hope that you will look upon it kindly. Thank you very much.
Ref: FP News
Read More...
Collapse...
■ နှစ် (၉၀) အမျိုးသားအောင်ပွဲနေ့ အခမ်းအနား NLD ဌာနချုပ်မှာ ကျင်းပမည် သတင်း
■ ဒေါ်အောင်ဆန်းစုကြည်ကို ဝန်းရံရန် UDP ဥက္ကဋ္ဌဟောင်း ပြော သတင်း
■ ကမ္ဘာ့ထိပ်တန်း အတွေးအခေါ်သမားများတွင် ဒေါ်အောင်ဆန်းစုကြည် ပါဝင် သတင်း
■ အန်အယ်လ်ဒီ ဖျက်လျှင် လူထုလှုပ်ရှားမှုဖြင့် တု့ံ့ပြန်မည်ဟု ဗဒတ ဆို သတင်း
■ အမျိုးသားပြန်လည်သင့်မြတ်ရေးအတွက် ရည်ရွယ်ပြီး သွေးလှူပွဲနှင့် ဆွမ်းကပ်လှူဒါန်းပွဲ အဖွဲ့ချုပ်ဝင်များ ပြု လုပ် သတင်း
■ ဒေါ်အောင်ဆန်းစုကြည်က နိုင်ငံရေးအကျဉ်းသားဟောင်းများ၊ မိသားစုများနဲ့ တွေ့ဆုံ သတင်း
■ ကုလကိုယ်စားလှယ်၏ မြန်မာပြည်ခရီးစဉ် အောင်မြင်မှုမရှိဟု နိုင်ငံရေးပါတီများ ပြော သတင်း
■ နိုင်ငံတော်အလံသစ်၏ ဖွင့်ဆိုချက်ကို ကျောင်းဆရာ/မများ မဖြေကြားနိုင် သတင်း
■ မဲမသမာမှု မူကြမ်း အန်အယ်လ်ဒီ ရေးဆွဲပြီးပြီ သတင်း
■ တိုက်ပွဲများ ဆက်လက်ဖြစ်ပွားပြီး ငြိမ်းချမ်းရေးကောင်စီဝင်များ ဖမ်းဆီးခံရ သတင်း
■ ကရင်ငြိမ်းချမ်းရေးကောင်စီအဖွဲ့ဝင် (၆) ဦး နအဖ ဖမ်းမိ၊ တဦး ပစ်သတ်ခံရ သတင်း
■ မြဝတီနှင့် ကော့ကရိတ်တွင် တိုက်ပွဲများ ဆက်ဖြစ် သတင်း
■ ဗိုလ်မှူးကြီး စောကျော်သက် ဦးဆောင် ဒီကေဘီအေအဖွဲ့နှင့် နအဖတို့ ရင်ဆိုင်တိုက်ပွဲဖြစ်ပွား သတင်း
■ တိုက်ပွဲများ ဆက်ဖြစ်၊ ဒုက္ခသည် ထပ်မံထွက်ပြေးလာ သတင်း
■ မြ၀တီ-မဲဆောက်တံတား ပိတ်ထားခြင်းကြောင့် ကုန်သွယ်မှုပမာဏ (၁၀) ရာခိုင်နှုန်းသာ လျော့ကျ သတင်း
■ လဂျားယန် မြန်မာစစ်တပ်ဂိတ်မှ မြစ်ကြီးနားသို့ ကုန်ဝင်ထွက်ခွင့် ပိတ်ထားဆဲ သတင်း
■ ဗိုလ်ချုပ်ကြီးဟောင်း ခင်ညွန့် ဗွီဒီယိုခွေ နိုင်ငံရေးတွက်ဆမှု မှားစေရန် တမင်ဖြန့် သတင်း
■ ကိုရီးယားကျွန်းဆွယ် စစ်ရေးတင်းမာမှု မြန်မာစစ်ဗိုလ်ချုပ်ကြီးများ စိတ်ဝင်စား သတင်း
■ နေပြည်တော် တိရစ္ဆာန်ဥယျာဉ်မှ ကြံ့ဖြူ (၂) ကောင် လွတ်နေ သတင်း
■ ကျပ်တသောင်းတန်သတင်း နေပြည်တော်တွင် ပျံ့နှံ့ သတင်း
■ လွှတ်တော်သစ်အတွင်း ဝေဖန်ပြောဆိုခွင့် ကန့်သတ်မှု ပါတီများ မသိရှိ သတင်း
■ နိုင်ငံရေးမှာ ပါတီမူဝါဒအတိုင်း ဆက်လက်လုပ်သွားမည်ဟု ဒီမိုကရေစီပါတီသစ် ဥက္ကဌ ပြော သတင်း
■ ရန်ကုန်ဆီဆိုင်အချို့တွင် ဆီဆိုင်ဝန်ထမ်း မသမာမှုများ ရှိနေ သတင်း
■ ရွေးကောက်ပွဲလွန် သျှမ်းနှစ်သစ်ကူး အရင်နှစ်များနှင့် မခြားနား သတင်း
■ မြောက်ဦး ရထားလမ်း လမ်းကြောင်းသစ် ဖောက်မည် သတင်း
■ လွိုင်ကော် တန်ဆောင်တိုင်ပွဲတွင် လေးကောင်ဂျင်များအား ပိုမိုစိတ်ဝင်စား သတင်း
■ စစ်အာဏာရှင်လှည့်ကွက်ထဲ ၀ဲဂယက်ချာလည်လည် မဖြစ်စေလိုပါ (ဆောင်းပါး)
Read More...
Collapse...
ဦးသန်းလွင်ထွန်း
သောကြာ, 26 နိုဝင်ဘာ 2010
ဦးသန်းလွင်ထွန်းက အမေရိကန်ပြည်ထောင်စု၊ အင်ဒီယာနာတက္ကသိုလ်၊ နိုင်ငံတကာအခြေခံ ဥပဒေရေးရာ ဌာန ဒုတိယ ညွှန်ကြားရေးမှူး ဆလိုင်း ငွန်ကျုံးလျှန်ကို ဆက်သွယ်မေးမြန်း ထားတာဖြစ်ပါတယ်။ စိတ်ဝင်စားစရာ ကောင်းတဲ့ အတွက် ဖော်ပြ ပေးလိုက်ရခြင်း ဖြစ်ပါတယ်။
လူသားတို့အပေါ်ကျူးလွန်တဲ့ ရာဇ၀တ်မှုတွေအတွက် မြန်မာစစ်အစိုးရခေါင်းဆောင်တွေကို နိုင်ငံတကာ ခုံရုံးတင် စစ်ဆေးရေး ကြိုးပမ်းနေတဲ့ ပြည်ပက ထောက်ခံနေသူတွေကြား လှုပ်ရှားမှုတွေကို အတည်ပြု အားပေးခဲ့တာမျိုး မရှိပါဘူးလို့ ဒေါ်အောင်ဆန်းစုကြည်က ပြောကြားကြောင်း နယူးရောက်တိုင်းမ် (Newyork Times) သတင်းစာမှာ နိုဝင်ဘာလ ၂၄ ရက်နေ့က မှတ်ချက်ပြု ရေးသားခဲ့တာဟာ မမှန်ကန်ဘူးလို့ အဲန်အယ်လ်ဒီ ပြောခွင့်ရပုဂ္ဂိုလ် ဦးဉာဏ်ဝင်းက ဆိုပါတယ်။
ဦးဥာဏ်ဝင်း “အဲဒီစာပိုဒ် တပိုဒ်လုံးဟာ လုံးဝ ဒေါ်အောင်ဆန်းစုကြည် မပြောပါဘူး။ ဒေါ်အောင်ဆန်းစုကြည် ပြောတာက အဲဒီလို မိမိကို ထောက်ခံနေတဲ့ လူတွေ၊ တစုံတခု ဆောင်ရွက် ခဲ့ရင်တောင်မှ အဲဒါကို မိမိတဦးတည်း အနေနဲ့ မထောက်ခံဘူးလို့ ဘယ်တုံးကမှ မပြောခဲ့ပါဘူး-တဲ့။ အဲဒါ ဖြေရှင်းချက်ကို ကျနော် တခါတည်း ပေးလိုက်တာပါ။”
နယူးရောက်တိုင်းမ် သတင်းစာရဲ့ ဖော်ပြချက်ဟာ ဒေါ်အောင်ဆန်းစုကြည်ရဲ့ စကားရင်း အတိုင်း တိုက်ရိုက် ဖော်ပြထားတာ မဟုတ်ဘဲ မှတ်ချက်ပြု ရေးသားထားတာသာ ဖြစ်တဲ့အတွက် အဓိပ္ပာယ်ကောက်ယူမှု လွဲမှားတာ ဖြစ်နိုင်ပါတယ်။ နယူးရောက်တိုင်းမ် သတင်းစာမှာ တကယ်တမ်း ပါရှိတဲ့ ဒေါ်အောင်ဆန်းစုကြည်ရဲ့ စကားရင်းအတိုင်း တိုက်ရိုက်ကိုးကား ဖော်ပြချက်ကတော့ - သူတို့ကို နိုင်ငံတကာ တရားရုံးတင်ဖို့ လိုလားကြောင်း ကျမ တခါမှ မပြောခဲ့ဖူးပါဘူး ဆိုတဲ့ ငြင်းဆိုချက်ပါပဲ။
၁၉၉၀ ပြည့်နှစ်ရွေးကောက်ပွဲမှာ အဲန်အယ်လ်ဒီ အနိုင်ရပြီးကာစ ပါတီခေါင်းဆောင် ကွယ်လွန်သူ ဦးကြည်မောင်က မြန်မာနိုင်ငံမှာ နုရင်ဘတ် စစ်ခုံရုံးလို တရားစီရင်မှုတွေ မလိုအပ်ပါဘူးလို့ ပြောခဲ့တာကိုတောင် သွယ်ဝိုက် ခြိမ်းခြောက်မှု တခုအနေနဲ့ ယူဆပြီး မြန်မာစစ်တပ် ခေါင်းဆောင်တွေက တင်းတင်းမာမာ တုံ့ပြန်ခဲ့တဲ့ဖြစ်ရပ်မျိုး ရှောင်လွှဲနိုင်ဖို့ ဒေါ်အောင်ဆန်းစုကြည် အနေနဲ့ သတိထားပုံရပါတယ်။
ဒေါ်အောင်ဆန်းစုကြည်ရဲ့ ထုတ်ဖော်ပြောကြားခဲ့ပြီး ရှေ့လုပ်ငန်းစဉ်နဲ့ ရည်မှန်းချက်တွေကတော့ အမျိုးသား ရင်ကြား စေ့ရေးနဲ့ တွေ့ဆုံ ဆွေးနွေးရေးပဲ ဖြစ်ပါတယ်။ နိုင်ငံတကာ အသိုင်းအ၀ိုင်း အနေနဲ့ ကတော့ ပြည်တွင်း နိုင်ငံရေးမှာ တွေ့ဆုံ ဆွေးနွေးရေးနဲ့ အဖြေရှာဖို့ အားပေးနေသလို မြန်မာနိုင်ငံ အတွင်း ဖြစ်ပျက်နေတဲ့ လူ့အခွင့် အရေးချိုးဖောက်မှု၊ နိုင်ငံရေးဖိနှိပ်မှု၊ တိုင်းရင်းသား ဒေသတွင်း တိုက်ခိုက် ကျူးလွန်မှု စတာတွေကို တားဆီး နိုင်ဖို့အတွက် ဖိအားပေးနိုင်မယ့် နည်းလမ်းတွေကို ရှာကြံနေကြတာပါ။
နှစ်စဉ်နှစ်တိုင်း ကမ္ဘာ့ကုလသမဂ္ဂ အထွေထွေညီလာခံကြီးမှာ ရှုတ်ချမှုတွေလုပ်၊ လူ့အခွင့်အရေး အစီရင်ခံစာ တွေမှာ ဝေဖန်မှုတွေ လုပ်ရုံနဲ့ မလုံလောက်နိုင်ဘူး ဆိုတာ သဘောပေါက် လာခဲ့ကြတဲ့ နောက်ပိုင်း ပိုပြီး တိုက်ရိုက်ကျတဲ့ အရေးယူမှုတွေ လုပ်နိုင်ဖို့ ဦးတည် နေကြတာပါ။ လူ့အခွင့်အရေး အထူး ကိုယ်စားလှယ်ရဲ့ ဦးဆောင်တင်ပြမှု အတိုင်း ကုလသမဂ္ဂ လုံခြုံရေး ကောင်စီ အဆင့်မှာ မြန်မာနိုင်ငံ အတွက် စုံစမ်းရေး ကော်မရှင် တရပ် ဖွဲ့စည်းဖို့အတွက် အမေရိကန်၊ ဗြိတိန်၊ သြစတျေးလျ စတဲ့နိုင်ငံတွေက ဦးဆောင် လုပ်ကိုင် နေကြပါပြီ။ ဒီလို စုံစမ်းရေး ကော်မရှင်ပေါ်ပြီးမှ လုံခြုံရေး ကောင်စီက the Hague မြို့ နိုင်ငံတကာ ရာဇ၀တ် ခုံရုံးကို အမှုလွှဲပြောင်း ကြားနာ စစ်ဆေးစေရေး အဆင့်မျိုးအထိ ထပ်ပြီး လုပ်ဆောင်ဖွယ်ရာ ရှိပါတယ်။
ဒီအကြောင်းတွေနဲ့ပတ်သက်ပြီး အမေရိကန်ပြည်ထောင်စု၊ အင်ဒီယားနားတက္ကသိုလ် (Indiana University Bloomington) နိုင်ငံတကာ အခြေခံ ဥပဒေရေးရာ ဌာန (Center for Constitutional Democracy) ရဲ့ ဒုတိယ ညွှန်ကြားရေးမှူး ဆလိုင်း ငွန်ကျုံးလျှန်ကို ဆက်သွယ် မေးမြန်းထားပါတယ်။
ဆလိုင်း ငွန်ကျုံးလျှန်။ ။ ဟုတ်ကဲ့။ ကုလသမဂ္ဂ ကမကထပြုပြီးတော့ ဖွဲ့ဖို့ကြိုးစားနေတဲ့ အခု Commission of Inquiry ဆိုတာ နည်းလေးမျိုးနဲ့ ဖွဲ့လို့ရပါတယ်။ ပထမ UN General Assembly ရဲ့ Resolutions ချပြီးတော့ ဖွဲ့လို့ရတယ်။ ဒုတိယက Human Rights Council က Resolution ချပြီးတော့ အားလုံးက သဘောတူတယ်။ ဒါမှမဟုတ် အများစုက သဘောတူရင် ဆုံးဖြတ်ချက် ချလို့ရတယ်။ နောက်ပြီးတော့ အထွေထွေ အတွင်းရေးမှူးချုပ်ရဲ့ Secretary General Mandate နဲ့ (လုပ်ပိုင်ခွင့်နဲ့) ကမကထ ပြုပြီးတော့ လုံခြုံရေး ကောင်စီရဲ့ ထောက်ခံချက်နဲ့ ဖွဲ့လို့ရတယ်။ အဲလို နည်းလေးမျိုးနဲ့ ဖွဲ့လို့ရတယ်။ ဖွဲ့ပြီးတော့ ဒီလုပ်ငန်းကို စတင်ဆောင်ရွက်လို့ ရတယ်လို့ ကျနော်တို့တွေ့ပါတယ်
ဦးသန်းလွင်ထွန်း။ ။အဲဒီတော့ ဒီစုံစမ်းရေးကော်မရှင်ရဲ့အဓိကတာဝန်က ဘာလဲ။ ဒီစုံစမ်းရေး ကော်မရှင် ဖွဲ့ပြီးလို့ရှိရင် သဘောကတော့ လုံခြုံရေး ကောင်စီမှာ ဒီစုံစမ်းရေး ကော်မရှင်ရဲ့တွေ့ရှိချက်တွေကို ကြားနာ ပြီးတဲ့အခါ ကျလို့ရှိရင် နောက်ထပ် အဆင့်တခု အနေနဲ့ the Hague မြို့မှာရှိတဲ့ နိုင်ငံတကာ ရာဇ၀တ်ခုံရုံးကို လွှဲပြောင်းပြီးတော့ တရားစီရင် မှုတွေ လုပ်ပေးဖို့ ဆိုတဲ့ အဆင့်က ဖြစ်ပေါ်လာနိုင်တဲ့ အနေအထားလား။
ဆလိုင်း ငွန်ကျုံးလျှန်။ ။ အဲဒါ သူတို့လုပ်နေတဲ့ဟာက အခြေခံလုပ်ငန်းစဉ်ပါ။ ပြီးရင် တကယ်လို့် Resolution တခုခု ဘယ်အချက်က နေပဲ ထွက်လာ ထွက်လာ အဲဒီထဲမှာ သူ့ရဲ့ Mandate ပါလာတယ်။ လုပ်ပိုင်ခွင့်၊ ဘာတွေလုပ်ရမယ်၊ ဘာလုပ်ရ မယ်ဆိုတဲ့ လုပ်ပိုင်ခွင့်တွေ၊ ဘယ်လိုပုံစံနဲ့ လုပ်ရမယ် ဆိုတဲ့ဟာတွေ အားလုံး ပါလာလိမ့်မယ်။ အဲဒီထဲမှာမှပဲ အဲဒီ Mandate ထဲမှာပဲ ဒီအမှုဟာ ကြားနေဖြစ်တဲ့ အဖွဲ့အစည်းတွေကပဲ ကိုင်တွယ်ပြီးတော့ လုံခြုံရေး ကောင်စီကို Report ပြန်ရေးမလား၊ General Assembly ကို ပြန်ရေးမလား၊ Human Rights ကောင်စီကိုပဲ ပြန်ရေးမလား၊ နောက်ပြီးတော့ နောက်ဆက်တွဲ ဘယ်လိုလုပ်မလဲ။ ဒါမှမဟုတ်လို့ရှိရင် Sudan နဲ့ Darfur ကိစ္စတုံးကလို နိုင်ငံတကာ ရာဇ၀တ်မှု တရားရုံးကို လိုဟာမျိုး ဖြစ်လာ မလားဆိုတာ ဒုတိယနဲ့ တတိယအဆင့်မှာ ဖြစ်လာမယ့် အချက်တွေလို့ ကျနော် နားလည်ပါတယ်။
ဦးသန်းလွင်ထွန်း။ ။ဟုတ်ကဲ့။ နောက်တခုက ကျနော်နားလည်တာကတော့ အခု ဒီ ICC - International Criminal Court လို့ ခေါ်တဲ့ နိုင်ငံတကာ ခုံရုံးကို လွှဲပြောင်း ပေးဖို့ ဆိုတဲ့နေရာမှာ အရင်ဆုံးအခု ကျန်နေသေးတဲ့ အဆင့်က စုံစမ်းရေး ကော်မရှင်အဖွဲ့ ဖွဲ့ဖို့ ဆိုတဲ့အဆင့်က ကျန်နေသေးတယ် ဆိုတော့ စုံစမ်းရေး ကော်မရှင်အဖွဲ့ ဖွဲ့ဖို့ အရေးမှာတောင်မှပဲ အရှေ့ကို ဆက်ပြီး မတိုးနိုင်သေးတဲ့ အခြေအနေ ဆိုတော့ ဗမာနိုင်ငံမှာ ဖြစ်နေတဲ့ ရာဇ၀တ်မှု ကျူးလွန်မှုတွေ ပေါ့နော်၊ လူသားတို့အပေါ် ကျူးလွန်တဲ့ အမှုတွေအတွက် နိုင်ငံတကာခုံရုံးကို ရောက်ရမယ် ဆိုတဲ့ အဆင့်ဟာ တော်တော်လေး အလှမ်းဝေး နေတယ်လို့ ပြောလို့မရဘူးလား။
ဆလိုင်း ငွန်ကျုံးလျှန်။ ။ ဟုတ်ကဲ့။ အလှမ်းဝေးတယ်လို့ ပြောလို့လည်းရတယ်။ နောက်ပြီးတော့ အမေရိကန် ဦးဆောင်ပြီးတော့ အင်္ဂလန်တို့၊ တခြား ပြင်သစ်နိုင်ငံတို့ ဦးဆောင်ပြီးတော့ လုပ်ဆောင်မှုတွေဟာလည်း တခြား တိုင်းပြည်တွေ ဘယ်လောက် ထောက်ခံမှု ရှိလာမလဲ ဆိုတဲ့အပေါ်မှာလည်း မူတည်ပါ တယ်။ အဲဒီတော့ ဒီကိစ္စက ခန့်မှန်းရ ခက်ပါတယ်။ ရှည်လည်းရှည်နိုင်တယ်။ ဒါပေမဲ့ မထင်မှတ်ဘဲနဲ့လည်း ဆူဒန် (Sudan) လိုဟာမျိုး ဖြစ်သွားနိုင်တဲ့ အလားအလာလည်း ရှိပါတယ်။
ဦးသန်းလွင်ထွန်း ။ ။ ဒါပေမဲ့ နောက်တချက်က မြန်မာနိုင်ငံမှာရှိတဲ့ စစ်ခေါင်းဆောင်တွေအနေနဲ့ ပေါ့နော်၊ နိုင်ငံတကာရဲ့ ဒီလို ဖိအားပေးမှုတွေ ပြန်ဖြစ် လာပြီးတော့ နိုင်ငံတကာ ခုံရုံးတွေ ရောက်မယ်၊ တရားစွဲခံရမယ် ဆိုတဲ့ အနေအထားတွေ ရှိမယ်ဆိုရင် ဒီကိစ္စကို သူတို့အနေနဲ့ ဒါသူတို့ အပေါ်လက်စားချေဖို့ ဆောင်ရွက်မှုတွေလို့ မြင်ကြမှာ မလွဲဘူးလေ။ အဲဒီတော့ ဒီကိစ္စတွေဟာ ဗမာပြည်ထဲမှာ ပြည်တွင်း နိုင်ငံရေးသမား အဖွဲ့အစည်းတွေက ပြောဆိုနေကြတဲ့ အမျိုးသား ပြန်လည် ရင်ကြားစေ့ရေးနဲ့ တွေ့ဆုံဆွေးနွေးပွဲ တောင်းဆိုမှုတွေအပေါ် ဘယ်လိုများ ဂယက်ရိုက်နိုင်သလဲ။ သက်ရောက်မှုတွေ ရှိနိုင်မလဲ။
ဆလိုင်း ငွန်ကျုံးလျှန်။ ။ ဟုတ်ကဲ့ ဆရာ၊ အဲဒီမေးခွန်းက တော်တော်အရေးကြီးတယ်။ နောက်ပြီးတော့ ကျနော်တို့ ဗမာပြည်သား ပြည်သူတွေ အားလုံး ပြန်ပြီးတော့ ရင်ကြားစေ့ရေး လုပ်ချင်တဲ့ သူတွေအားလုံး သေသေချာချာ ပြန်စဉ်းစားဖို့ လိုလိမ့်မယ်လို့ ထင်တယ်။ ICC ကို UN Security Council က Refer လုပ်လို့ ဗမာပြည်ကိစ္စ ရောက်သွားလို့ရှိရင် အဲဒီကိစ္စမှာ ICC ဗမာပြည်မှာ လူ့အခွင့်အရေး ချိုးဖောက်မှု တွေကို သာမန် ရာဇ၀တ်မှု တရားစီရင်ရေး စနစ်ဖြစ်တဲ့ Criminal Justice System နဲ့ သူတို့က ဖြေရှင်း သွားမယ်။
Criminal Justice System ဆိုတာ ကျနော်တို့ ဗမာတွေအားလုံးက နားလည်ပါတယ်။ အပြစ်ရှိတဲ့သူကို ဖမ်းမယ်၊ တရားစီရင်မယ်၊ နောက်ပြီးတော့ ပြစ်ဒဏ်ချမယ်။ ပြီးရင် သူ့ကို ထောင်ချရင် ချမယ်။ အရေးယူရင် ယူမယ်၊ ထိုက်သင့်သလို ပြစ်ဒဏ်ကို ပေးမယ်။ အဲလို အပြုခံရတဲ့ လူတွေကို နစ်နာကြေးတွေ၊ လျော်ကြေးတွေ ပေးမယ်။ ဒါဆိုရင် အမှုကပြီးသွားပြီလို့ ကျနော်တို့က ယူဆတယ်။
အမှန်တော့ ဗမာပြည်လိုဟာမျိုးဖြစ်ဖြစ်၊ တောင်အာဖရိကလိုဟာမျိုး၊ နောက်ပြီးတော့ အင်ဒိုနီးရှားလို ဟာမျိုး စစ်အုပ်ချုပ်ရေး ကနေ အာဏာရှင် အုပ်ချုပ်ရေး ကနေ ဒီမိုကရေစီ ဘက်ကို အသွင် ကူးပြောင်းလာတဲ့ အချိန်မှာ သူတို့ဟာ အခုနပြောတဲ့ သာမန် ရာဇ၀တ်မှု တရားစီရင်ရေး စနစ်တခု ထဲကိုပဲ ကြည့်ပြီးတော့ မကျင့်သုံးဘဲနဲ့ တခြား - ဒီ ဥပမာ Restorative Justice System တို့၊ နောက် မဟုတ်လို့ရှိရင် Transformative Justice System တို့၊ Transitional Justice System စတဲ့ ဒီ ဦးတည်ချက်၊ ရည်ရွယ်ချက်ကို ရောက်နိုင်ဖို့ အတွက် သင့်မြတ် လျော်ကန်တဲ့ တရားစီရင်ရေး စနစ်တွေ ကျင့်သုံးသွားတာ ရှိတယ်။ အဲဒါကို ကျနော်တို့ အလေးပေးပြီးတော့ ရှာဖွေသင့်တယ်၊ စူးစမ်းသင့်တယ်၊ စဉ်းစား ထည့်သွင်းသင့်တယ်လို့ ကျနော် ယူဆပါတယ်။
ဦးသန်းလွင်ထွန်း ။ ။ အဲဒီနေရာမှာ အရင် ကျနော်တို့ အင်တာဗျူးတွေ လုပ်ခဲ့တုံးကလည်း ဆလိုင်းငွန်ကျုံးလျှန် အနေနဲ့ ပြောပြထား ဖူးတာတွေ ရှိတယ်လေ။ အဲဒါက အထူး သဖြင့်တော့ တောင်အာဖရိကမှာ ကျင့်သုံးခဲ့တဲ့ Restorative Justice System ပေါ့နော်။ ဗမာလို ဘယ်လိုပြန်ရမလဲ ဆိုတာတော့ ကျနော်တို့ အနေနဲ့တော့ မသိနိုင်ဘူး။ အဓိက ကတော့ လူဖြူလူမည်း ခွဲခြားတဲ့ ခေတ်ကာလက လူဖြူ အစိုးရက နေပြီးတော့ ကျူးလွန်ခဲ့တဲ့ ကိစ္စတွေကို နောက်ပိုင်း လူမည်း အစိုးရ တက်လာတဲ့ အခါကျတော့ သင်ပုန်းချေတဲ့ System ပေါ့နော်။ တရားစီရင်ရေး System ပေါ့။ အဲဒီတော့ အဲဒီဟာနဲ့ ပတ်သက်လို့ ဥပမာလေးတခု ကျနော့်ကို ပြောပြပါလား။
ဆလိုင်း ငွန်ကျုံးလျှန်။ ။ ဟုတ်ကဲ့။ အာဖရိကမှာ လူဖြူတွေအုပ်ချုပ်တုံးက သူတို့ ချိုးဖောက်ခဲ့တဲ့ ပြစ်မှုတွေ အများကြီး ရှိနေလို့ အဲဒီ လူဖြူတွေကို တော်လှန်ရင်းနဲ့ ပြစ်မှုတွေ အများကြီး ဒီ ANC (African National Congress) ဘက်ကလည်း ချိုးဖောက် တာတွေ ရှိပါတယ်။ အများကြီးတော့ ပြောရင်တော့ မှားရင် မှားလိမ့်မယ်။ ချိုးဖောက်တဲ့ဟာ ရှိတယ်။ အဲဒီတော့ သူတို့ လိုချင်တဲ့ဟာက လူဖြူပဲဖြစ်ဖြစ်၊ လူမည်းပဲဖြစ်ဖြစ် တောင်အာဖရိကမှာ ဒီမိုကရေစီစနစ် ပြန်လည် ထွန်းကားပြီးတော့ ဟိုဘက် ဒီဘက် အတူတကွ နေချင်တဲ့ ဟာကို သူတို့ အကောင်အထည် ဖော်နိုင်ဖို့ အတွက် သူတို့ဟာ သာမန်လူတိုင်း သုံးစွဲနေကျ ဖြစ်တဲ့ သာမန် ရာဇ၀တ်မှု တရား စီရင်ရေး၊ Criminal Justice ကို မကျင့်သုံးဘဲနဲ့ Restorative Justice ကို ကျင့်သုံးသွားတယ်။ ဥပမာ- အရင်တုံးက ဖြစ်ခဲ့တဲ့ ကိစ္စတွေကို တရားရုံးမှာ သွားပြီးတော့ တရား ရင်မဆိုင်ဘဲနဲ့ အမှုကျူးလွန်တဲ့ သူက အကျူးလွန်ခဲ့တဲ့သူကို လူအများရှေ့မှာ တောင်းပန်ပြီးတော့ ကျနော် မှားခဲ့ပါတယ်- ပြောလို့ရှိရင် အဲဒီပြစ်မှု ကျူးလွန်ခဲ့တဲ့ သူကလည်း ခွင့်လွှတ်ရမယ် ဆိုပြီးတော့ ဟိုဘက် ဒီဘက် ညှိပြီးတော့ ဒီဟာတွေကို ဖြေရှင်း သွားတာဖြစ်ပါတယ်။
ဦးသန်းလွင်ထွန်း ။ ။ ဟုတ်ကဲ့၊ ဒါဆိုလို့ရှိရင် နောက်ထပ်စနစ်တခုပေါ့နော်၊ ဒီ အမေရိကနဲ့ အာရှတိုက်၊ အထူးသဖြင့် အင်ဒိုနီးရှားတို့ အရှေ့ တီမောတို့မှာ သုံးသွားတဲ့ Transformative Justice System ပေါ့နော်၊ အဲဒီ အကြောင်းကိုလည်း နည်းနည်းလေး ရှင်းပြပါလား။ သူတို့ကတော့ အဓိကအားဖြင့် ဒီမိုကရေစီ အသွင် ကူးပြောင်းရေးမှာ အထောက်အကူ ပြုစေမယ့် တရားရေး ဆုံးဖြတ်တဲ့ စနစ် သဘောမျိုးနဲ့ အတိတ်က ကျူးလွန်ခဲ့တဲ့ ပြဿနာတွေကို ဖြေရှင်းတယ် ဆိုတဲ့ သဘောပေါ့နော်။ အဲဒီ ဥပမာလေးတွေကို နည်းနည်းလောက် ပြောပြပါလား။
ဆလိုင်း ငွန်ကျုံးလျှန်။ ။ ဟုတ်ကဲ့။ ဥပမာ ကျနော်တို့နဲ့ အနီးစပ်ဆုံးဖြစ်တဲ့ အင်ဒိုနီးရှားမှာ ဖြစ်သွားတဲ့ ကိစ္စ၊ အရှေ့တီမောနဲ့ အင်ဒိုနီးရှား ပဋိပက္ခ နောက်ပိုင်းမှာ အဲဒီ ပဋိပက္ခဖြစ်တုန်းက လူ့အခွင့်အရေး ချိုးဖောက်မှုတွေ အားလုံးကို Criminal Justice System နဲ့ဖြေရှင်းဖို့ ကြိုးစားမယ် ဆိုလို့ရှိရင် ဒီနေ့အချိန် အထိ အရှေ့တီမောဟာ လွတ်လပ်ရေး ရချင်မှ ရလိမ့်မယ်။ ဒါမှမဟုတ် ပြဿနာက၊ ပဋိပက္ခက အခုထိ ပြီးချင်မှ ပြီးသွားလိမ့်မယ်။
ဒါပေမဲ့စစ်ရေးအရ အင်ဒိုနီးရှားက မရှုံးနိမ့်သည့်တိုင်အောင် သူ့မှာ အရှေ့တီမောဖြစ်ပျက်ခဲ့တဲ့ ဟာတွေ အတွက် သူတို့မှာ ထွက်ပေါက်လေး တခု ရထားလို့ အခုဒီပြဿနာ ဖြေရှင်းသွားတာ ဖြစ်ပါတယ်။ တချိန်ထဲ မှာပဲ အင်ဒိုနီးရှားထဲမှာ ကိုက ဆူဟာတို (Suharto) အာဏာ ကျသွားတဲ့ နောက်ပိုင်းမှာ ဆူဟာတိုနဲ့ သူ့ရဲ့ အဆက်အနွယ်တွေ အားလုံးအပေါ် မှာ သူတို့ ကျူးလွန်ခဲ့တဲ့ ပြစ်မှုတွေအတွက် အဲဒါတွေကို အင်ဒိုနီးရှားက ကိုင်တွယ် ဖြေရှင်းတဲ့ အချိန်မှာ ဒီ Criminal Justice System တခုထဲကို မကြည့်ဘဲနဲ့ အင်ဒိုနီးရှား နိုင်ငံမှာ ပြန်လည် သင့်မြတ်ကြ ပြီးတော့ ဒီမိုကရေစီ စနစ်ကြီး အရှိန်အဟုန်နဲ့ ဖော်ဆောင်နိုင်ရေး အတွက်ကိုပါ ထည့်တွက် စဉ်းစားငဲ့ကွက် ပြီးမှ သူတို့က တရား စီရင်ရေးတွေကို တခုပြီးတခု လုပ်ကိုင် သွားတာဖြစ်တယ်။
အချုပ်အားဖြင့် ပြောရမယ်ဆိုလို့ရှိရင် အာဖရိကမှာဖြစ်ဖြစ်၊ အရှေ့တီမောမှာဖြစ်ဖြစ်၊ လက်တင် အမေရိက နိုင်ငံတွေမှာ ဖြစ်ဖြစ်၊ သူတို့ တရားစီရင်ရေး၊ အသွင် ကူးပြောင်းနိုင်ရေး အတွက် ဒါမှမဟုတ် ပြန်လည် ရင်ကြား စေ့နိုင်ရေး အတွက် တရား စီရင်ရေး စနစ်တခုကို ကျင့်သုံးတဲ့ အချိန်မှာ သူတို့ဟာ သာမန်ရာဇ၀တ်မှု တရား စီရင်ရေး ဆိုင်ရာဖြစ်တဲ့ Criminal Justice System တခုကိုပဲ မကြည့်ဘဲနဲ့ တခြားနည်းနဲ့ သူတို့ရဲ့ပန်းတိုင်ကို အရောက် ခေါ်ဆောင်သွားနိုင်မယ့် အသွင် ပြောင်းနိုင်အောင် အားပေး အားမြှောက် ပြုနိုင်မယ့် တရားစီရင်ရေး နည်းတွေကို ရှာဖွေတယ်။ အဲဒါကို ကျနော်တို့ ဗမာပြည်မှာလည်း ရှာဖွေသင့်တယ်လို့ ကျနော်ကတော့ ယူဆပါတယ်
ဦးသန်းလွင်ထွန်း ။ ။ အထူးသဖြင့် မြန်မာနိုင်ငံရဲ့ တပ်မတော်ရဲ့ အခန်းကဏ္ဍဟာလည်း ဘာပဲပြောပြော၊ မြန်မာ့ ဒီမိုကရေစီ ရေးမှာ အင်မတန်ကို ကြီးမားတဲ့ အခန်းကဏ္ဍ တခု ဖြစ်တယ် ဆိုတာကို အသိအမှတ် ပြုပြီးတော့ ဖြစ်ခဲ့သမျှ ပြဿနာတွေကို နည်းလမ်း ရှာကြံပြီးတော့ ဖြေရှင်းသွားဖို့ ဆိုတဲ့ အကြံပြုချက်ပေါ့။
ဆလိုင်း ငွန်ကျုံးလျှန်။ ။ ဟုတ်ပါတယ်။ မြန်မာပြည်မှာ အမျိုးသားပြန်လည်ရင်ကြားစေ့ရေး ဆိုတာ တပ်မတော် မပါဘဲနဲ့ မဖြစ်ဘူး၊ တိုင်းရင်းသားတွေ မပါဘဲနဲ့ မဖြစ်ဘူး၊ ဒီမိုကရေစီ အင်အားစုတွေ မပါဘဲနဲ့ မဖြစ်ဘူး။ အဲဒီမှာ ပါဝင်တဲ့ လူတွေ အားလုံးရဲ့ အခန်းကဏ္ဍ၊ သူတို့ရဲ့ အနေအထား၊ သူတို့ရဲ့ အနာဂတ် လုံခြုံရေး၊ သူတို့နဲ့ မျက်နှာချင်းဆိုင် ထိုင်ပြီးတော့ ဖြစ်ပျက်ခဲ့တဲ့ ပြီးခဲ့တဲ့ ပြဿနာတွေ အားလုံးကို တရား ဥပဒေအရ အဖြေရှာတဲ့ အချိန်မှာ Criminal Justice တခုထဲကို ကြည့်ပြီးတော့ အဖြေရှာတာထက် တခြား ဖြစ်နိုင်ချေရှိတဲ့ နည်းစနစ်တွေ၊ ရှိသမျှတွေကို ကျနော်တို့ ရှာကြံပြီးတော့ ဘယ်ဟာ ကျနော်တို့ အတွက် အကောင်းဆုံး ဖြစ်မလဲ ဆိုတဲ့ စိတ်ဓာတ်မျိုး ကျနော်တို့ ထားနိုင်မယ် ဆိုလို့ရှိရင် အသွင်ကူး ပြောင်းရေးအတွက်၊ အမျိုးသားပြန်လည် ရင်ကြားစေ့ရေး အတွက် ပိုပြီးတော့ အကျိုးဖြစ်စေမယ်၊ အဲဒီလို လုပ်ဆောင်ရာမှာလည်း အောင်မြင်မှု ရနိုင်မယ်လို့ ကျနော်တော့ ယူဆပါတယ်။
Ref: VOA News
Read More...
Collapse...
■ ဒေါ်အောင်ဆန်းစုကြည် နိုင်ငံရေးအကျဉ်းသား မိသားစုများကို အားပေး သတင်း
■ ကိုဌေးကြွယ်အမေ နှစ်လည်ဆွမ်းကပ် ဒေါ်အောင်ဆန်းစုကြည် တက် သတင်း
■ လူထုဒေါ်အမာ (၉၅) နှစ်ပြည့် ဆွမ်းကျွေး သတင်း
■ လွှတ်တော်ထဲတွင် လွတ်လပ်စွာ ပြောဆိုခွင့် ဗိုလ်ချုပ်မှူးကြီး ပိတ်ပင် သတင်း
■ NLD ကို နေပြည်တော် သတင်းစာတွေ ဘန်း သတင်း
■ တွံတေးအဖွဲ့ချုပ်ဝင် မစန္ဒာ ပူတာအိုထောင် ရောက် သတင်း
■ ဘုရားသုံးဆူဒေသတွင် တိုက်ပွဲထပ်မံဖြစ်ပွားပြန်ပြီ သတင်း
■ ကရင်တပ်ဖွဲ့နှင့် ဖြစ်ပွားသည့် တိုက်ပွဲတွင် နအဖ (၃၀) ဦး ကျဆုံး သတင်း
■ ဒုက္ခသည် (၁,၀၀၀) ခန့် ထိုင်းဘက် ထပ်မံရောက်ရှိ သတင်း
■ နအဖနှင့် ဒီကေဘီအေ တိုက်ပွဲကြောင့် ထိုင်းဘက် ထွက်ပြေးလာသည့် ဒုက္ခသည်အများစု နေရပ်ပြန် သတင်း
■ ဝန်ကြီးချုပ် ရောက်နေခိုက် ကျောက်ဖြူတွင် ဆန္ဒပြသူ ပြန်လွတ် သတင်း
■ သျှမ်းပြည်တလွှား နအဖစစ်အရာရှိကြီးများ စစ်ရဟတ်ယဉ်ဖြင့် လှည့်ပတ် သတင်း
■ မိုင်းနောင်ဒေသခံအား ပစ်သတ်သည့်ကိစ္စ အမှုမဖွင့်ရန် စကခမှူး တားမြစ်ခြိမ်းခြောက် သတင်း
■ ငြိမ်းအဖွဲ့များ ဖရိုဖရဲဖြစ်ပြီး မှောင်ခိုသမားများ၊ နိုင်ငံရေးသမားများ ဖြစ်လာသောကြောင့် ဘင်္ဂလာဒေခ်ျ့နိုင်ငံ သို့ သစ်မှောင်ခိုတင်ပို့မှု ကျဆင်း သတင်း
■ သျှမ်းနှစ်သစ်ကူးပွဲတော် ကျင်းပခွင့် မကျသေး သတင်း
■ ကုလကိုယ်စားလှယ်၏ သတင်းစာရှင်းလင်းပွဲ ပြည်တွင်းမီဒီယာများ တက်ခွင့်မရ သတင်း
■ တတိယမြောက် UDP ဥက္ကဋ္ဌ ပေါ်ထွက်လာ သတင်း
■ မြန်မာနိုင်ငံသား (၃) ဦး ယာဘဆေးပြားများနှင့် ဘင်္ဂလာတွင် ဖမ်းဆီးခံရ သတင်း
■ ရဲက လာဘ်ငွေယူပြီး မူးယစ်ဆေး ရောင်းခွင့်ပြု သတင်း
■ HIV/AIDS ဝေဒနာရှင်များကို စာပေအနုပညာရှင်များ တွေ့ဆုံလှူဒါန်း သတင်း
■ မန္တလေးတွင် ကားများ ညအိပ်တန်စီပြီး ဓာတ်ဆီထည့်နေရ သတင်း
■ မကြာသေးမီက ရခိုင်ပြည်နယ် ဂီရိဒုက္ခသင့်ဒေသများသို့ ကိုယ်တိုင်သွားရောက်ပြီး အကူညီပေးခဲ့သူ ရခိုင်ဒီမို ကရေစီအဖွဲ့ချုပ် အထွေထွေအတွင်းရေးမှူး ဦးအေးသာအောင်နှင့် မေးမြန်းချက် (အင်တာဗျူး)
■ ကုလသမဂ္ဂ အထူးကိုယ်စားလှယ်နှင့် အန်ဒီအက်ဖ်ခေါင်းဆောင် တွေ့ဆုံမှုအခြေအနေ (မေးမြန်းခန်း)
■ ဗိုလ်ချုပ်မှူးကြီး သန်းရွှေ သမ္မတ လုပ်ချင်သလား (ဆောင်းပါး)
Read More...
Collapse...
နိုဝင်ဘာ ၂၆၊ ၂၀၁၀
ယနေ့ညနေမှာ မိုးမခက အင်န်အယ်ဒီပါတီ ခေါင်းဆောင်၊ လူထုခေါင်းဆောင် ဒေါ်အောင်ဆန်းစုကြည်နဲ့ ခေတ္တခဏ တွေ့ဆုံ မေးမြန်းခွင့် ရခဲ့ပါတယ်။ မိုးမခက လက်ခံ ရရှိထားတဲ့ ပြည်တွင်း ပြည်ပက မြန်မာများရဲ့ မေးမြန်းချက်တွေ၊ သဘောထားတွေကို တင်ပြပြီး ဒေါ်စုရဲ့ တုန့်ပြန်ချက်ကို ကောက်နုတ်ဖော်ပြ လိုက်တာ ဖြစ်ပါတယ်။
ပထမဦးဆုံး မြန်မာပြည်သူလူထုက ဒေါ်အောင်ဆန်းစုကြည် လွတ်မြောက်လာတဲ့အတွက် ၀မ်းမြောက် ၀မ်းသာ ဖြစ်ကြတယ်။ အားတက် ကြတယ်။ ဒေါ်အောင်ဆန်းစုကြည်ရဲ့ ကျန်းမာရေး၊ လုံခြုံရေး၊ အမျိူးသားရေး လုပ်ငန်းတွေ အစီအစဉ်တွေကို အားလုံးက အဆင်ပြေ ချောမွေ့ အောင်မြင်စေဖို့ ဆုမွန်ကောင်းတွေ တောင်းနေကြတယ်၊ မေတ္တာပို့နေကြတယ်၊ ထောက်ခံ အားပေးလျက် ရှိတယ် ဆိုတဲ့ အကြောင်းကို အရင်ဆုံး တင်ပြလိုပါတယ်။
ကျေးဇူးတင်ပါတယ်။ ကျမတို့ အခုလို ကြားသိရတဲ့အတွက်လည်း ၀မ်းသာပါတယ်။
နောက်တခုကတော့ ပြည်ပမှာ မြန်မာအမျိုးသားတွေကလည်း လူမှုရေး ကွန်ယက်တွေ အဖြစ် တယောက်တလက် ကိုယ်ထူ ကိုယ်ထ လူမှုရေး လုပ်ငန်းတွေ လုပ်ကိုင် နေကြတာတွေ ရှိတယ်။ ပြည်တွင်းက လူမှုရေး စွမ်းဆောင်သူတွေကို အားပေး ဂုဏ်ပြုကြတာတွေ လုပ်နေကြတာတွေ ရှိပါတယ်။ ဥပမာအားဖြင့် ပြည်သူ့ဂုဏ်ရည် လှုပ်ရှားမှုတွေ စသည်ဖြင့် အဲသည်အတွက်ကို ဘာများ ပြောလိုပါသလဲ။
ကျမ ဒီအကြောင်းကို ကြားရ သိရပါတယ်။ ၀မ်းသာပါတယ်။ ဒါမျိုးတွေကို ဆက်ပြီးတော့ လုပ်သွားကြပါ။ သားတို့ အနေနဲ့ ညီညီညွတ်ညွတ် လုပ်ကြ ရမယ်နော်။ အပြင်က အဖွဲ့တွေက အကွဲကွဲ အပြားပြား ဖြစ်နေတယ်လို့ ခဏခဏ အပြောခံရတာ မကောင်းဘူးနော်။ တခါတလေမှာ နိုင်ငံရေးအရ နဲနဲ ကွဲပြား နေကြတာတွေကို လူမှုရေး လုပ်ငန်းတွေ အတူတူ လုပ်ရင်းနဲ့ ရင်ကြားစေ့ကြလို့ ရှိရင် အခြေအနေတွေ ကောင်းလာလိမ့်မယ် လို့ ထင်ပါတယ်။
ဟုတ်ကဲ့ပါ။ ပြည်ပက မြန်မာအမျိုးသားတွေ၊ တိုင်းရင်းသားတွေက မြန်မာပြည်ပြင်ပမှာ၊ နယ်စပ်ဒေသ တွေမှာ ရွှေ့ပြောင်း နေထိုင် ကြနေကြရတယ်။ အခုဆိုရင် နှစ်ပေါင်း ၂၀ လောက် ရှိပြီ။ သို့သော် တိုင်းပြည်ရဲ့ အမျိူးသားရေးနဲ့ ပတ်သက်ရင်တော့ အမြဲတန်း စိတ်ဝင်တစား၊ တက်တက်ကြွကြွနဲ့ ရောက်ရာ ကျရာ နေရာတွေကနေ လှုပ်ရှားမှုတွေ၊ တောင်းဆိုမှုတွေ၊ ရပ်တည်မှုတွေကို နှုတ်ပိတ် ခံထားရတဲ့ ပြည်တွင်းက ပြည်သူတွေကိုယ်စား ဆောင်ရွက် နေကြတာတွေ ရှိပါတယ်။ ဥပမာအားဖြင့် ၂၀၀၈ အခြေခံဥပဒေတို့၊ ၂၀၁၀ ရွေးကောက်ပွဲတွေကို လက်မခံဘူး၊ ကန့်ကွက် ဆန့်ကျင်ခဲ့ကြတယ်။ အဲသည်အတွက်ကို ဘာပြောချင်ပါသလဲ။
အခုလိုမျိူး လုပ်ကိုင် ဆောင်ရွက်တာတွေဟာ ခုချိန်မှာ အရေးကြီးတယ် လို့ ပြောချင်ပါတယ်။ တိုင်းရင်းသား တွေနဲ့ လက်တွဲ လုပ်ကြဖို့ ကိုလည်း မမေ့ကြ စေချင်ဘူးနော်။ အခုချိန်ဟာ တကယ်တော့ ကျမတို့အတွက် အလွန်အရေးကြီးတဲ့ အချိန်ဖြစ်ပါတယ်။ အခုချိန်မှာ အားလုံးက စုပေါင်းအင်အားနဲ့ လှုပ်ရှားရမယ့် အချိန်ဖြစ်ပါတယ်။ ဒါကို သားတို့က သိမှာပါ။ အခုအချိန်မှာ အဖွဲ့ချုပ်အနေနဲ့ ပြည်တွင်းမှာ အရင်တုန်းကနဲ့ မတူတဲ့ ထောက်ခံမှုတွေ ရနေတယ်။ ဒါပေမယ့် တချိန်တည်း မှာလည်း အဖွဲ့ချူပ်ကို မှတ်ပုံတင်ထားတဲ့ အဖွဲ့ချူပ် မဟုတ်ဘူးဆိုတာမျိူး ဖြစ်အောင်လို့ လုပ်နေတာတွေလည်း ရှိနေတဲ့ အချိန်လည်း ဖြစ်နေတော့။ ဒါတွေက အများကြီး လုပ်ရမယ့် အချိန်ပဲ။
ဟုတ်ကဲ့ပါ။ ကျနော်တို့ ကြားသိ တွေ့မြင်ရသလောက်ကတော့ မြန်မာပြည်သူတွေ အားလုံး လိုလိုက အင်န်အယ်ဒီဟာ အမျိုးသား ဒီမိုကရေစီ အဖွဲ့ချူပ်ဟာ နိုင်ငံရေး ပါတီတခု အနေနဲ့တင် သာမကဘူး၊ မြန်မာ ပြည်သားတွေရဲ့ လူမှုအဖွဲ့အစည်း၊ နိုင်ငံပြု အဖွဲ့အစည်းလို့ မှတ်ယူထားပြီးသား ဖြစ်ပါတယ်လို့ ပြောချင်ပါတယ်။ နိုင်ငံတကာဖက်က အနေနဲ့ကော ဘယ်လိုမျိူး မြင်ချင် တွေ့ချင်တာ ရှိပါသလဲ။
ဟုတ်ကဲ့။ နောက်တခုကလည်းလေ ဥပဒေကြောင်းအရ တတ်နိုင်သမျှ ၀န်းရံပြီးတော့ ပြောပေးစေချင်တယ်။ ဘာဖြစ်လို့လဲဆိုတော့ အဖွဲ့ချူပ်ကို မှတ်ပုံတင်ထားတာကို ဖျက်မယ် ဆိုတာဟာ ဥပဒေနဲ့ မညီဘူး။ ကျမတို့ ရှေ့နေတွေနဲ့ သေသေချာချာ တင်ထားတယ်။ ဥပဒေကြောင်း အရသာ ဖြစ်ရမယ် ဆိုရင်တော့ အဖွဲ့ချူပ်ကို မှတ်ပုံတင် ရုပ်သိမ်းလို့ မရဘူး။ အဲဒါကို ကမ္ဘာတလွှားက ပညာရှင်တွေက နေပြီးတော့ ဒီဟာကို ထောက်ပြပြီးတော့ ဥပဒေ အမြင်က နေပြီးတော့ ထောက်ခံ ပေးတာကိုလည်း လုပ်ပေး စေချင်တယ်။ သားတို့လည်း လုပ်ပေးစေချင်တယ်။
ဟုတ်ကဲ့ပါ။ မြန်မာပြည်တွင်းက ဒေါ်စုတို့လို နိုင်ငံရေးခေါင်းဆောင်တွေ၊ အမျိုးသားခေါင်းဆောင်တွေ၊ နိုင်ငံရေး အင်အားစုတွေရဲ့ ဆောင်ရွက်မှုတွေ၊ ချမှတ် ဖော်ဆောင်မှုတွေကိုလည်း အားလုံးက နားစွင့်ပြီး၊ စောင့်ပြီး နားထောင်ပြီး လိုက်ပါ ဆောင်ရွက် နေကြတယ်ဆိုတဲ့ အကြောင်းကိုလည်း ပြောနေကြပါတယ် ခင်ဗျာ။
ကျေးဇူးတင်ပါတယ် သားရယ်။
နောက်တချက်ကတော့ အမျိူးသားပြန်လည်သင့်မြတ်ရေး အလုပ်တွေ၊ လှုပ်ရှားမှုတွေမှာ အင်န်အယ်ဒီ ပါတီဘက်က ရပ်တည် ပေးနေကြတဲ့ ပြည်သူလူထုတွေ ရှိတယ်၊ တိုင်းရင်းသားတွေ နိုင်ငံရေး အစုအဖွဲ့တွေ ရှိနေတယ်။ ဒ့ါအပြင် တဖက်က ကြည့်ရင်လည်း တပ်မတော်တို့၊ မကြာခင်မှာ ပေါ်ထွန်းလာနိုင်တဲ့ လွှတ်တော်တို့ အခြား နိုင်ငံရေး အင်အားစုတွေနဲ့ကော ဘယ်လိုမျိူး လက်တွဲပြီး လုပ်သွားမယ်ဆိုပြီး မျှော်လင့် ထားသလဲ ဆိုတာကိုလည်း သိချင်ကြပါတယ်။
အန်တီတို့က ကြိုးစားနေတာပဲ။ အခုဆိုရင်လည်း ရွေးကောက်ပွဲဝင်ခဲ့တဲ့ ပါတီ ၁ ခု ၂ ခု နဲ့၊ တသီးပုဂ္ဂလ တွေနဲ့လည်း တွေ့ပြီးပါပြီ။ အများကောင်းကျိူးကို တတ်နိုင်သမျှ လက်တွဲပြီး လုပ်ကြမယ်ဆိုတဲ့ သဘောတူညီချက် ရခဲ့ပါတယ်။ ဒီထက်ပိုပြီး ထပ် ထပ် ပြီးတော့ ပိုပြီးတော့ ပူးပေါင်း ဆောင်ရွက်နိုင်တဲ့ အခြေအနေတွေ ဖြစ်အောင်လို့ ကြိုးစားသွားမှာပါ။ အဲသည်တော့ သားတို့တွေ အနေနဲ့ကလည်း သည်လို ကြိုးစားမှုတွေကို ထောက်ခံမယ် ပံ့ပိုးမယ်လို့ ဆိုတာကို ယုံကြည် ထားပြီးသားပါ။
အဲသည်မှာ မေးခွန်းတခုကတော့လေ … ဒီမိုကရေစီရေး လှုပ်ရှားမှုတွေထဲမှာ အင်န်အယ်ဒီရဲ့ ရပ်တည်မှုတွေ ထဲက အခြေခံ အချက်တခုဖြစ်တဲ့ ၂၀၀၈ အခြေခံဥပဒေကို ပြုပြင် ပြောင်းလဲရမယ်၊ ဒီမိုကရေစီရေးကို အခြေခံတဲ့ အာမခံတဲ့ အခြေခံ ဥပဒေတရပ် ပေါ်ထွန်းလာရေးကို ထောက်ခံပြီး ဦးတည်ပြီး ဆောင်ရွက်နေကြတာ ဖြစ်ပါတယ်။ စစ်မှန်တဲ့ ဖယ်ဒရယ်ပြည်ထောင်စု ပေါ်ထွန်းရေးကို ရည်မှန်း ကြတယ်။ ဒီလိုမျိုး ဆောင်ရွက် နိုင်အောင်လို့ အခြား အင်အားစုတွေ၊ နိုင်ငံရေး အင်အားစုတွေကို အားလုံးက ဘယ်လို စည်းရုံးကြမယ်လို့ မျှော်လင့်ပါသလဲ ခင်ဗျာ။
ဒါကတော့ ရွေးကောက်ပွဲဝင်ပြီးတဲ့သူတွေလည်း တော်တော် အခြေအနေတွေကို သိလာကြပါပြီ။ ဒီအတိုင်း ဆက်သွားမယ် ဆိုရင် အစတုန်းကတော့ Political Space ရဖို့ လုပ်ခဲ့ကြတာ လို့ ဆိုတယ်။ တကယ်တန်းကျတော့ Political Space ရှိရဲ့လား၊ မရှိဘူးလား ဆိုတာကို လက်တွေ့ကျကျ သုံးသပ်ကြဖို့ လိုတယ် ဆိုတာကိုတော့ သားတို့က ထောက်ပြကြရလိမ့်မယ် ထင်တယ်။
အဲဒါကတော့ ဆောင်ရွက်ကြရတဲ့နေရာမှလည်းပဲ လူပုဂ္ဂိုလ်တွေ၊ အဖွဲ့အစည်းတွေပေါ်မှာ မူတည်ပါတယ်။ ဒီကိစ္စတွေက ဘာနဲ့ စရမှာလဲ ဆိုတော့ နှစ်ဦး နှစ်ဖက် တွေ့ဆုံ ဆွေးနွေးတာနဲ့ စရမယ်။ အခု သုံးနေကြတဲ့ စကားကတော့ Exchange ပေါ့။ Engagement ပေါ့။ Exchange ရှိရမယ်။ Engagement ရှိရမယ်။ Exchange of Ideas ရှိရမယ်။ အပြန်အလှန် ဆွေးနွေးကြပြီးတော့မှ ကိုယ်က နေပြီးတော့ ဘယ်လို ပုံစံနဲ့ပြောရင် သူတို့နားလည် သဘောပေါက်မယ် ဆိုတာ အဲလို ဆုံးဖြတ်ရမှာပေါ့။
အဖွဲ့ချုပ်ကို လက်ရှိစစ်အစိုးရနဲ့ အခြားနိုင်ငံရေးအင်အားစုတွေက အနှောက်အယှက် ပေးတယ်။ မတရားမှုတွေ လုပ်လာတာ မျိုးတွေ ရှိလာရင်၊ ဖြစ်လာရင် ပြည်သူလူထု အားလုံး ပါဝင်နိုင်တဲ့ လှုပ်ရှား ဆောင်ရွက်မှုတွေ ဘယ်လိုမျိူး ၀ိုင်းဝန်းပြီး လုပ်ကြရင် ကောင်းမှာလဲ ဆိုတာ ဘယ်လိုပြောချင်ပါသလဲ ခင်ဗျာ။
ပထမဦးဆုံးအဓိကအချက်ကတော့ Awareness ပိုပြီး ရှိလာအောင် လုပ်ကြဖို့ ဖြစ်တယ် လို့ ပြောချင်ပါတယ်။ နိုင်ငံတကာ အဆင့်နဲ့ကို Awareness ရှိလာအောင်လို့၊ ရှိနေအောင်လို၊့ အခြေအနေကို အများက နေပြီးတော့ ပိုပြီး သိလာအောင်လို့၊ ထောက်ခံ လာအောင်လို့ လုပ်ကြတဲ့ နေရာမှာ အပြင်က လုပ်ပေးနိုင်တာက အထဲမှာ အန်တီတို့ မလုပ်ပေးနိုင်တာ အများကြီး ရှိတယ်။ အထဲမှာ အန်တီတို့ လုပ်မယ့် လှုပ်ရှားမှုတွေကို အပြင်ကလည်း သိမှာပဲ။ သိကြလို့ရှိရင် ကိုယ့်အထိုက် အလျောက် ၀ိုင်းကြဖို့၊ ၀န်းကြဖို့ပါပဲ။ ဒါတွေက အန်တီတောင် ပြောဖို့ မလိုဘူး ထင်ပါတယ်။ အခု သားတို့ လုပ်နေကြပဲ။ လုပ်ပေးနေကြပဲ။
ဟုတ်ကဲ့ပါ။ အဲသည် လုပ်ပေးနေကြပဲ ဆိုတဲ့နေရာမှာ တခုကတော့ နိုင်ငံတကာက စစ်အစိုးရကို ပိတ်ဆို့ အရေးယူထားတဲ့ Sanction ဆိုတဲ့ အပေါ် ဒီဘက်က သဘောထားတွေ အနေနဲ့ ပြောချင်ပါတယ်။ ဒီ နိုင်ငံတကာက ဒီမိုကရေစီ လိုလားတဲ့ နိုင်ငံတွေက မြန်မာ စစ်အစိုးရကို ပိတ်ဆို့ အရေးယူ ထားတယ်ဆိုတာက မြန်မာပြည်ရဲ့ ဒီမိုကရေစီ လှုပ်ရှားမှုတွေကို ထောက်ခံတဲ့ သဘောကို ပြတဲ့အနေနဲ့ အရေးယူမှုဖြစ်တယ်။ ထောက်ခံမှုကို ပြသတဲ့ သဘောအဖြစ် မှတ်ယူ ထားကြတာ ဖြစ်ပါတယ်။ ဒါတွေဟာ မြန်မာပြည် ဒီမိုကရေစီရေးမှာ မြင်သာတဲ့ တိုးတက် ပြောင်းလဲမှုတွေ မဖြစ်မချင်းမှာ ဆက်လက် ကိုင်စွဲသွားရမယ့် အရေးယူမှု တခုဖြစ်တယ်လို့ ဒီမိုကရေစီရေး လိုလားသူ မြန်မာ ကွန်မြူနီတီတွေရဲ့ သဘောထားလို့ ပြောပြချင်ပါတယ် ခင်ဗျာ။
ဒါလဲ အန်တီတို့က သဘောတူပါတယ်။ အန်တီတို့အနေနဲ့က အခြေအနေတွေကို ပြန်ပြီး Review လုပ်မယ်လို့ပဲ ပြောတာပါ။ အခုလို ပြောပြတာတွေနဲ့ ပတ်သက်လို့ သဘောမတူစရာ အကြောင်း အန်တီတို့ဖက်က ဘာမှ မရှိဘူး။ Sanction တွေ ကြောင့်မို့လို ဒီမှာ စီးပွားရေး အခြေအနေတွေ မကောင်းတာပါလို့ ပြောနေကြတာကလဲ မဟုတ်ဘူး ဆိုတာကို ယုံတယ်။ ဒါကိုလည်း ထင်ထင်ရှားရှား ပေါ်လွင်အောင်လည်း အန်တီတို့အနေနဲ့က လုပ်မယ်။ လူထုကို ထိခိုက်နေတာတွေ ရှိတယ် ဆိုရင်လည်း ကြည့်ပြီးတော့ ပြန်စဉ်းစား ရမှာပေါ့။ ဒါပေမယ့် ခုနက သားပြောသွားတာတွေ ကလည်း အန်တီတို့ရဲ့ အခြေခံမူပါပဲ။
နောက်တဆင့်ထပ်ပြောချင်တာကတော့ ဒီလိုမျိုး နိုင်ငံတကာက စစ်အစိုးရကို ပိတ်ဆို့ အရေးယူထားတာတွေ ရှိတဲ့ ကြားထဲကပဲ နောက်ပိုင်းတွေမှာ ၂၀၀၃ မေလ ဒီပဲယင်း လုပ်ကြံမှုလိုမျိုး ဒေါ်စုနဲ့ အင်န်အယ်ဒီကို အကြမ်းဖက်မှုတွေ လုပ်တယ်။ နောက်ပိုင်း ထင်ရှားတာတွေက ၂၀၀၇ သံဃာ့ အရေးအခင်းတွေ၊ ၂၀၀၈ နာဂစ် အရေးအခင်းတွေမှာ လက်နက်မဲ့တဲ့ အပြစ်မဲ့တဲ့ ပြည်သူလူထု အပေါ်မှာ စစ်အစိုးရနဲ့ အပေါင်းအပါတွေက မတရားမှုတွေ လုပ်တယ်၊ လူ့အခွင့်အရေး ချိူးဖောက်မှုတွေ၊ ဖမ်းဆီး သတ်ဖြတ် နှိပ်စက် ထောင်ချတာတွေကို လုပ်တယ်။ ဒါတွေကို နောင်ဆက် မဖြစ်အောင် ဟန့်တားနိုင်အောင်လို့၊ ဖြစ်ခဲ့တာတွေကိုလည်း အမှန်တရား အတိုင်း ပေါ်ပေါက် ဖော်ထုတ်နိုင်အောင်လို့ ကုလသမဂ္ဂလိုမျိုး အဖွဲ့အစည်းတွေနဲ့ နိုင်ငံတကာ ဥပဒေအရ စုံစမ်းစစ်ဆေးရေး အဖွဲ့တွေ ပေါ်လာအောင် အရေးယူနိုင်အောင် လုပ်လာကြတာတွေ ဖြစ်တယ် ဆိုတာကလည်း ဒီမှာရှိနေတဲ့ မြန်မာ ကွန်မြူနီတီတွေ ကိုယ်တိုင်ရဲ့ သဘောထား ဖြစ်တယ်လို့ ပြောချင်ပါတယ်။
ဒါလဲ အန်တီတို့ သဘောတူပါတယ်။ သဘောမတူစရာ အကြောင်းမရှိပါဘူး။ ဒီမူတွေဟာ မှန်တယ်လို့ အန်တီတို့ ယုံကြည်တယ်။ ဒါပေမယ့်လည်း အချိန်ကာလ အလျောက် ပြန်ပြီးတော့ Review လုပ်မယ် ဆိုတာကလည်း တာဝန်အရ Review လုပ်မှာ ပေါ့နော်။ Review လုပ်တယ် ဆိုတာကလည်း အန်တီတို့ တွေ့တဲ့အတိုင်းပဲ ထုတ်ဖော် ပြောဆိုမှာ ဖြစ်ပါတယ်။ အန်တီအနေနဲ့ ကလည်း စီးပွားရေး ဒုက္ခတွေ ဖြစ်နေတာဟာ Sanction တွေကြောင့် မဟုတ်ဘူး ဆိုတာလည်း ပေါ်လွင်အောင် ဆွေးနွေးပြီးတော့ ဖော်ထုတ် ပေးရမှာပေါ့။ အဲဒါကိုလည်း အန်တီတို့ကလည်း တန်ဖိုး ထားပါတယ်။
နောက်ဆုံးတခုအနေနဲ့ကတော့ ပင်လုံညီလာခံကြီးကို ၀ိုင်းဝန်းဆောင်ရွက်ကြဖို့ကို အားလုံးက မျှော်လင့်နေတယ်။ မြန်မာ ပြည်သူတွေ ကိုယ်တိုင်ကလည်း ရောက်ရာ၊ ရာရာနေရာတွေကနေပြီး ဘယ်လို အခမ်းကဏ္ဍတွေက နေပြီး ဘယ်လို ၀ိုင်းဝန်းကြရမလဲ ဆိုတာကို ကြိုဆိုနေကြတယ် လို့ ပြောကြားနေကြတဲ့ အကြောင်း၊ စိတ်အား ထက်သန်နေကြတဲ့ အကြောင်းကို ပြောပြလိုပါတယ်။
ကျေးဇူးတင်တယ် သားရယ်။ ဒါနဲ့ ပတ်သက်လို့လဲ အန်တီတို့က အကူအညီလိုမှာပါ။ အကူအညီလိုတဲ့ အခါကျရင် အန်တီတို့ ဆက်သွယ်မယ်လေ။ ဆက်သွယ်လို့ ရအောင်ကိုလည်း အဖွဲ့ချုပ်က တာဝန်ရှိသူတွေကို ပြောပြထားကြရင် ကောင်းမယ် ထင်တယ်နော်။ အခုလို ပြောကြတာတွေဟာ တန်ဖိုးရှိပါတယ်။ ဒီလိုပြောတဲ့ အခါကျတော့လည်း အတွင်းမှာရှိတဲ့ အန်တီတို့ သဘောထားတွေနဲ့ အပြင်က သဘောထား တွေနဲ့က ကွာခြားမှုမရှိဘူး။ ကွာဟမှု မရှိဘူး ဆိုတာ သိရတော့လည်း အန်တီတို့အတွက် အားတက်စရာပေါ့။
သားတို့အားလုံး ကျန်းကျန်းမာမာရှိအောင် နေကြနော်။ ကျန်တဲ့သူတွေကိုလည်း အန်တီက နှုတ်ဆက် လိုက်တယ်။ မေတ္တာ ပို့လိုက်ပါတယ်လို့ ပြောလိုက်ပါနော်။
ဒါတွေကတော့ ၂၆ ရက် နိုဝင်ဘာ ညနေခင်းမှာ ဒေါ်အောင်ဆန်းစုကြည်နှင့် ခေတ္တ ဆုံတွေ့ခွင့်ရချိန်မှာ မိုးမခ ၀ိုင်းတော်သားများရဲ့ တင်ပြ ဆွေးနွေးမှုတွေနဲ့ ဒေါ်အောင်ဆန်းစုကြည်ရဲ့ အဖြေများပဲ ဖြစ်ပါတယ်။
အဲသည်လို တွေ့ဆုံချိန်လေးအတွင်းမှာ ဒေါ်အောင်ဆန်းစုကြည်က ကွယ်လွန်ခဲ့ပြီဖြစ်တဲ့ မြန်မာပြည်ရဲ့ ကဗျာဆရာကြီး ဦးတင်မိုး အကြောင်းကို အမှတ်တရ စကားပြောပါတယ်။ ဆရာ့ အစီအစဉ်တွေကို လေလှိုင်းများက တဆင့် အမြဲတမ်း နားထောင်နေခဲ့တဲ့ အကြောင်း ဆရာ ဦးတင်မိုးရဲ့ သမီးငယ် မိုးချိုသင်းကိုလည်း နှုတ်ဆက်စကား ပြောပါတယ်။ အခုတော့ ဆရာ ဦးတင်မိုး အသံတွေ မကြားရတော့ပေမယ့် ဆရာ့ဦးတင်မိုးရဲ့ မိတ်ဆွေ ဆရာမောင်စွမ်းရည်ရဲ့ အသံတွေကတော့ ဆက်ကြားနေဆဲ ဖြစ်ကြောင်းနဲ့ ဆရာမောင်စွမ်းရည်နဲ့ စာပေမိတ်ဆွေများကို နှုတ်ဆက် လိုက်ကြောင်းကိုလည်း စကားလက်ဆောင် ပေးခဲ့ပါတယ်။
Ref: မိုးမခ
Read More...
Collapse...
Saturday, 27 November 2010
နိုင်ငံတော်ဝန်ကြီးချုပ်၊ ဗိုလ်ချုပ်ကြီးဟောင်းနှင့် စစ်ထောက်လှမ်းရေး အကြီးအကဲဟောင်း ဦးခင်ညွန့်ကို ရဲချုပ် ဗိုလ်မှူးချုပ် ခင်ရီက လာရောက် တွေ့ဆုံပြီး ခေါ်ထုတ်သွားသည့် ဗီဒီယို ကလစ်သည် အင်တာနက်တွင် ပျံ့နှံ့နေပြီး မြန်မာ့အရေး စောင့်ကြည့် လေ့လာသူများ အနေဖြင့် အမျိုးမျိုး သုံးသပ်လျက်ရှိကြောင်း သိရှိရသည်။
ရဲချုပ် ခင်ရီ ဦးဆောင်သည့် ရဲအရာရှိများနှင့် ဦးခင်ညွန့်တို့ တွေ့ဆုံဆွေးနွေးသည့် ဗီဒီယိုဖိုင်သည် ၁၆ မိနစ်ကျော် ရှည်လျားသော်လည်း အသံဖိုင် ပါဝင်ခြင်း မရှိပေ။ အဆိုပါ ဗီဒီယိုဖိုင်သည် လူမှုကွန်ယက် ဝက်ဘ်ဆိုက် တခုဖြစ်သည့် Facebook တွင် ယမန်နေ့ ညနေမှစ၍ ပျံ့နှံ့ နေခြင်းဖြစ်သည်။
ဦးခင်ညွန့်သည် ယခုအချိန်တွင် အသက် ၇၀ ကျော်ရှိပြီး စစ်အစိုးရ လက်ထက်တွင် ပထမဆုံးသော နိုင်ငံတော် ဝန်ကြီးချုပ် ဖြစ်ခဲ့သည်။ ထိပ်သီးပိုင်း ရာထူးများအတွင်း အာဏာ ပြိုင်ဆိုင်မှုများကြောင့် ၂၀၀၄ ခုနှစ်တွင် ရာထူးမှ ဖယ်ရှားခံရပြီး နေအိမ် အကျယ်ချုပ်ဖြင့် ထိန်းသိမ်းခံခဲ့ရသည်။
စစ်ထောက်လှမ်းရေးဟောင်း ဦးခင်ညွန့်ကို နေပြည်တော်သို့ ခေါ်ယူပြီး တိုင်းရင်းသား လက်နက်ကိုင် အဖွဲ့များနှင့် ဆွေးနွေး စေမည်ဟု ယခုနှစ်အတွင်း ကောလာဟလ သတင်းများ ထွက်ပေါ်ဖူးသည်။
ရဲချုပ်ခင်ရီက ဦးခင်ညွန့်ကို အလေးပြုနေဆဲဖြစ်ကြောင်း ဗီဒီယိုဖိုင်တွင် တွေ့ရသည်။ ဦးခင်ညွန့်က ၎င်း၏ အိမ်ရှေ့တံခါးကို ကိုယ်တိုင် ဖွင့်ပေးခဲ့ပြီး ရဲချုပ်နှင့် မိနစ်အနည်းငယ်ခန့် ဆွေးနွေးကြသည်။ ရဲချုပ် ခင်ရီက ဦးခင်ညွန့်နှင့် ဇနီးဖြစ်သူ ဒေါက်တာ ဒေါ်ခင်ဝင်းရွှေ တို့ကို တစုံတခု ရှင်းပြ ပြောဆိုပြီးနောက် ၎င်းတို့ ဇနီးမောင်နှံက မြေးဖြစ်သူများကို နှုတ်ဆက်ကြောင်း တွေ့ရသည်။
ဦးခင်ညွန့်နှင့် ဇနီးဖြစ်သူကို နေရာမှန်းဆ၍ မရသော နေရာတနေရာသို့ ခေါ်ဆောင်သွားပြီး ဦးခင်ညွန့်က ရဲချုပ်ခင်ရီနှင့် အဖွဲ့ကို တစုံတရာ ပြောဆိုနေကြောင်း တွေ့ရသည်။ နောက်ခံ အနေအထားအရ ဦးခင်ညွန့်၏ နဂိုမူလ နေထိုင်သည့်အိမ် မဟုတ်ကြောင်း ခန့်မှန်းရသည်။
စစ်တပ်အသိုင်းအဝိုင်းမှ အမည်မဖော်လိုသူတဦးက “ဒါက ထူးဆန်းနေပါတယ်။ ဘာလို့လဲ ဆိုတော့ ရာထူးက ဖယ်ရှား ခံထားရတဲ့ သူတယောက်ကို လက်ရှိ တာဝန် ထမ်းဆောင်နေဆဲ အရာရှိက ဘယ်တော့မှ အလေးပြုလေ့ မရှိဘူး” ဟု ဆိုသည်။
အမေရိကန်နိုင်ငံတွင် စစ်သံမှူးအဖြစ် တာဝန်ထမ်းဆောင်ခဲ့ဖူးသည့် ဗိုလ်မှူးဟောင်း ဦးအောင်လင်းထွဋ်က “အရာရှိကြီးတွေနဲ့ လျှို့ဝှက် ဆွေးနွေးဖို့ ဦးခင်ညွန့်ကို သိပ်မကြာသေးခင် ကပဲ တပ်မတော် ဧည့်ဂေဟာကို ခေါ်သွားဟန် တူပါတယ်” ဟု ၎င်း၏ အမြင်ကို ပြောသည်။
ယခုကဲ့သို့ ဗီဒီယိုဖိုင် ပျံ့နှံ့နေရခြင်း အကြောင်းအရင်းကို မည်သူကမှ အတိအကျ မသိရှိဘဲ မကြာသေးမီက နေအိမ် အကျယ်ချုပ်မှ လွတ်မြောက် လာသည့် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နှင့် ပတ်သက်မှုရှိနိုင်ကြောင်း ပြောဆိုမှုများလည်း ပေါ်ထွက်လာသည်။
စစ်တပ် အသိုင်းအဝိုင်းကမူ နိုဝင်ဘာလ ၇ ရက်ရွေးကောက်ပွဲ နေ့ကတည်းကပင် ဦးခင်ညွန့်ကို လွှတ်ပေးခဲ့သည် ဟုလည်း ပြောဆို ကြသော်လည်း အတည်ပြုနိုင်ခြင်း မရှိပေ။
ဦးခင်ညွန့်ကို စတင်ထိန်းသိမ်းခဲ့ချိန်မှ စ၍ အပြင်သို့ ၄ ကြိမ် ထွက်ခဲ့ကြောင်း၊ နောက်ဆုံးအကြိမ် အပြင်ထွက်မှုမှာ ဝန်ကြီးဟောင်း တဦးဖြစ်သူ ဗိုလ်မှူးချုပ် တင့်ဆွေ ဇနီး၏ ဈာပနသို့ သွားရောက်ခဲ့ခြင်း ဖြစ်ကြောင်း တွေ့ရသည်။
စစ်ထောက်လှမ်းရေး အကြီးအကဲဟောင်း ဦးခင်ညွန့်သည် တချိန်က အာဏာအရှိဆုံး ပုဂ္ဂိုလ်တဦး ဖြစ်ခဲ့ပြီး ၁၉၉၀ နှစ်များ၌ “ဝ” သွေးစည်း ညီညွတ်ရေး တပ်မတော် (UWSA)၊ ကချင် လွတ်လပ်ရေး တပ်မတော် (KIA) တို့နှင့် အပစ်အခတ် ရပ်စဲရေး ကိစ္စများတွင် အဓိက ကျသူတဦး ဖြစ်ခဲ့သည်။
ဦးခင်ညွန့်နှင့် ၎င်း၏ စစ်ထောက်လှမ်းရေးအဖွဲ့များ ဖယ်ရှားခံရပြီးနောက် ယခုလက်ရှိ အခြေအနေတွင် စစ်အစိုးရနှင့် တိုင်းရင်းသား အပစ်ရပ် အဖွဲ့များအကြား ဆက်ဆံရေး အကြီးအကျယ် တင်းမာနေကြောင်း တွေ့ရှိရသည်။
ဦးခင်ညွန့်သည် နိုင်ငံတကာနှင့် ဆက်ဆံရေး၌ ထိုးဖောက်နိုင်သည့် ပုဂ္ဂိုလ်အဖြစ် သတ်မှတ်ခံရခဲ့ပြီး စင်္ကာပူ ဝန်ကြီးချုပ် ဟောင်း လီကွမ်ယုကလည်း ဦးခင်ညွန့်ကို မြန်မာ စစ်အစိုးရ အရာရှိများအနက် အထက်မြက်ဆုံးဟု ချီးမွမ်းခဲ့ဖူးသည်။
ဦးခင်ညွန့်၏ ဇနီး ဒေါက်တာ ဒေါ်ခင်ဝင်းရွှေ၏ အကိုတော်စပ်သူ ဒေါက်တာသန်းငြိမ်းက ယခုပျံ့နှံ့နေသည့် ဗီဒီယိုဖိုင် နှင့် ပတ်သက်၍ မည်သို့မျှ နားမလည်ကြောင်း၊ ဦးခင်ညွန့်၏ မိသားစုနှင့်လည်း အဆက်အသွယ် မရှိသဖြင့် ယခု ဖြစ်ပျက်နေသည့် ကိစ္စများကို မသိရှိကြောင်း ဧရာဝတီသို့ ပြောသည်။
ဦးခင်ညွန့် အာဏာရှိနေစဉ်မှ ၂၀၀၈ အကုန်ပိုင်းအထိ ဒေါက်တာသန်းငြိမ်းသည် နိုင်ငံရေး အကျဉ်းသား အဖြစ် အကျဉ်းကျ ခံနေခဲ့ရပြီး ရွေးကောက်ပွဲ ဝင်ရောက် ယှဉ်ပြိုင်ခဲ့သည့် အမျိုးသား ဒီမိုကရေစီ အင်အားစု (NDF) ၏ လက်ရှိ ဥက္ကဋ္ဌ ဖြစ်သည်။
နိုင်ငံရေးအကဲခတ်များက ယခုတကြိမ် ဦးခင်ညွန့်ကို ဗိုလ်ချုပ်မှူးကြီးသန်းရွှေက တိုင်းရင်းသား လက်နက်ကိုင် များနှင့် ညှိနှိုင်းရေး တွင်သာ အသုံးချရုံမကဘဲ အတိုက်အခံ ခေါင်းဆောင် ဒေါ်အောင်ဆန်းစုကြည်နှင့် ဆွေးနွေးရာတွင်ပါ အသုံးချမည်ဟု ခန့်မှန်း ပြောဆိုကြသည်။
ဦးခင်ညွန့်သည် ၂၀၀၃ ခုနှစ်တွင် နိုင်ငံတော်ဝန်ကြီးချုပ် ဖြစ်လာပြီးနောက် ပါတီစုံဒီမိုကရေစီ နိုင်ငံတော် သစ်ဆီသို့ ဟု ဆိုကာ လမ်းပြမြေပုံ ၇ ချက်ကို ချမှတ်ခဲ့သည်။
နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) ၏ တွဲဘက်အတွင်းရေးမှူး ကိုဘိုကြည်က “ဦးခင်ညွန့် ထောင်ချခဲ့တဲ့ သူတွေ မနည်းပါဘူး။ တချို့ဆိုရင် ၁၉၈၉ လောက်ကတည်းက အခုချိန်ထိ ထောင်ထဲမှာ ရှိနေကြတုန်းပဲ။ ဒါပေမယ့် အခုလိုမျိုး ဝမ်းနည်းစရာ ကိစ္စကိုတော့ ကျနော်တို့လည်း မမြင်ချင်ပါဘူး၊ သူ့ကိုမှ မဟုတ်ဘူး၊ ဗိုလ်ချုပ်မှူးကြီး သန်းရွှေကိုလည်း အခုလိုမျိုး အခြေအနေမျိုးမှာ မတွေ့မြင်ချင်ပါဘူး” ဟု ဧရာဝတီသို့ ပြောသည်။
ဦးခင်ညွန့်ကို အဂတိလိုက်စားမှုများဖြင့် ၂၀၀၄ ခုနှစ်တွင် အင်းစိန်ထောင်တွင်း အထူးတရားရုံး၌ စစ်အစိုးရက ထောင်ဒဏ် ၄၄ နှစ် ချမှတ် ခဲ့သော်လည်း နေအိမ် အကျယ်ချုပ်အဖြစ်သာ ချုပ်နှောင် ထားခဲ့သည်။
Ref: ဧရာဝတီ်
Read More...
Collapse...
2010-11-27
မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ ကုလသမဂ္ဂ အထွေထွေ အတွင်းရေးမှူး ချုပ်ရဲ့ မြန်မာနိုင်ငံ ဆိုင်ရာ အထူး ကိုယ်စားလှယ် မစ္စတာ ဗီဂျေး နမ်ဘီးယားတို့ ဒီကနေ့ ရန်ကုန်မြို့က ဒေါ်အောင်ဆန်းစုကြည်ရဲ့ တက္ကသိုလ် ရိပ်သာလမ်း နေအိမ်မှာ မြန်မာ့အရေး ဆွေးနွေး ခဲ့ကြပါတယ်။
ဒေါ်အောင်ဆန်းစုကြည်နဲ့ မစ္စတာ ဗီဂျေးနမ်ဘီးယားတို့ဟာ နေ့လည် (၂) နာရီကနေ ၂ နာရီခွဲလောက် အထိ နှစ်ဦးတည်း တွေ့ဆုံပြီး အဲဒီနောက်မှာ အမျိုးသား ဒီမိုကရေစီအဖွဲ့ချုပ် ဗဟို အလုပ်အမှုဆောင် တွေနဲ့ပါ ဆွေးနွေး ခဲ့ကြပါတယ်။ အဲဒီနောက်မှာ CRPP နဲ့ တိုင်းရင်းသား ခေါင်းဆောင်တွေပါ ပါဝင်ပြီး ကုလသမဂ္ဂ အထူး ကိုယ်စားလှယ်နဲ့ ဆွေးနွေး ကြပါတယ်။
ဒီနေ့ ဆွေးနွေးပွဲနဲ့ ပတ်သက်လို့ အမျိုးသား ဒီမိုကရေစီအဖွဲ့ချုပ် ပြန်ကြားရေးတာဝန်ခံ ဦးအုန်းကြိုင်က RFA ကို အခုလို ပြောပါတယ်။
“ဆွေးနွေးပွဲကတော့ တော်တော့်ကို ပွင့်ပွင့်လင်းလင်း၊ ရင်းရင်းနှီးနှီး အမြင်ချင်း ဖလှယ်ကြတာ တွေ့ရပါတယ်။ ဒါဟာ ကောင်းတဲ့ အလားအလာလို့ ကျနော်တို့ မြင်ပါတယ်။ ကုလသမဂ္ဂ အထွေထွေ အတွင်းရေးမှူးကလည်း မကြာမကြာ ပြောနေပါတယ်၊ မြန်မာနိုင်ငံ ပြဿနာဟာ ရွေးကောက်ပွဲ အကြို တုန်းကလည်း အားလုံးပါဝင်တဲ့ ရွေးကောက်ပွဲ ဖြစ်ရမယ်လို့ သူပြောသလို မနှစ်က ဒေါ်အောင်ဆန်းစုကြည်မွေးနေ့ သူ့ရဲ့ သဝဏ်လွှာမှာလည်း အမျိုးသား ပြန်လည် သင့်မြတ်ရေးဟာ မြန်မာ နိုင်ငံအတွက် မဖြစ်မနေ ဆောင်ရွက်ရမယ့် အဖြေပဲ၊ အဲဒီကစပြီး နိုင်ငံရေး ပြဿနာတွေကို ဖြေရှင်းရမယ်လို့ ပြောထားတာ ဆိုတော့ အခု ခရီးစဉ်ကလည်း အဲဒီအတွက် ဦးတည်တယ်လို့ ပြောချင်ပါတယ်။ အမျိုးသား ပြန်လည် သင့်မြတ်ရေး ရအောင် ကြိုးစားမယ်ဆိုတဲ့ ကျနော်တို့ အထွေထွေ အတွင်းရေးမှူးရဲ့ ပိုင်းဖြတ်ထားချက်လည်း ရှိတယ်။ အဲဒီအတွက်လည်း သူက တွန်းပြီးတော့ ဆောင်ရွက်မှာ ဖြစ်တဲ့အတွက် အခုလို ကျနော်တို့ကို ကူညီဆွေးနွေးဖို့၊ ကျနော်တို့ချင်း တွေ့ဆုံဆွေးနွေးပွဲ ဖြစ်ဖို့အတွက် ကူညီဖို့ ပုဂ္ဂိုလ်တွေ ရောက်လာတာဟာ ကောင်းတဲ့နိမိတ်၊ ကောင်းတဲ့ အလားအလာလို့ ပြောချင်ပါတယ်”
ဆွေးနွေးပွဲနဲ့ ပတ်သက်တဲ့ အသေးစိတ်ကို ထုတ်ပြန်မှာ မဟုတ်ဘူးလို့ ဦးအုန်းကြိုင်က ပြောပါတယ်။
ဒီဆွေးနွေးပွဲဟာ အကျိုးရှိတဲ့ ဆွေးနွေးပွဲ ဖြစ်ကြောင်း၊ ဒါပေမယ့် မြန်မာ့အရေး ဖြေရှင်းဖို့ ဆွေးနွေးပွဲ တကြိမ်တည်းနဲ့ မလုံလောက်ကြောင်း၊ မိမိတို့ ရင်ဆိုင်နေရတဲ့ မြန်မာနိုင်ငံ ပြဿနာတွေ အားလုံးကို ဖြေရှင်းဖို့ အခုလို တွေ့ဆုံဆွေးနွေးမှုတွေ အကြိမ်ကြိမ် ပြုလုပ်ရမှာ ဖြစ်ကြောင်း ဒေါ်အောင်ဆန်း စုကြည်က သတင်းထောက်တွေကို ပြောဆိုတယ်လို့ AP နဲ့ Washington Post သတင်းစာတွေမှာ ရေးသား ဖော်ပြကြပါတယ်။
ကုလသမဂ္ဂ အထူးကိုယ်စားလှယ်နဲ့ ဆွေးနွေးခဲ့ကြတဲ့ အမျိုးသား ဒီမိုကရေစီ အဖွဲ့ချုပ် ခေါင်းဆောင်တွေထဲမှာ ဒု- ဥက္ကဋ္ဌ ဦးတင်ဦး၊ ဦးဝင်းတင်၊ ဦးဥာဏ်ဝင်း၊ ဦးအုန်းကြိုင်တို့ ပါဝင်ပြီး တိုင်းရင်းသား ခေါင်းဆောင်တွေကတော့ ရခိုင်တိုင်းရင်းသား ခေါင်းဆောင် ဦးအေးသာအောင်၊ မွန်တိုင်းရင်းသား ခေါင်းဆောင် ဦးနိုင်ထွန်းသိန်း၊ ချင်းတိုင်းရင်းသား ခေါင်းဆောင် ဦးပူကျင်ရှင်းထန်နဲ့ ဦးထောင်ခိုထန်း တို့ ပါဝင်ပါတယ်။
တိုင်းရင်းသား ခေါင်းဆောင်တွေနဲ့ ကုလသမဂ္ဂ အထူးကိုယ်စားလှယ် တွေ့ဆုံဖို့ ဒေါ်အောင်ဆန်း စုကြည် စီစဉ်ပေးတာလို့ ပါဝင်တွေ့ဆုံခဲ့တဲ့ ဦးထောင်ခိုထန်းက ပြောပါတယ်။
“ဒေါ်အောင်ဆန်းစုကြည်က ကုလသမဂ္ဂ အထူးကိုယ်စားလှယ် လာတိုင်း လာတိုင်းမှာ နအဖ ညီလာခံ တက်တဲ့ တိုင်းရင်းသား ကိုယ်စားလှယ်တွေနဲ့ပဲ တွေ့နေတာ တွေ့ရတယ်။ ဒါကြောင့်မို့ ဒီတခါတော့ ၉၀ ရွေးကောက်ပွဲ အနိုင်ရတဲ့ တိုင်းရင်းသား ကိုယ်စားလှယ် တွေနဲ့လည်း တွေ့ပေးပါအုန်းလို့ မေတ္တာရပ်ခံလို့ NLD တွေ့ပြီးတဲ့ အချိန်မှာ ကျနော်တို့ကို နာရီဝက်လောက် တွေ့တာဖြစ်ပါတယ်။ ကျနော်တို့မှာ ကုလသမဂ္ဂ ကိုယ်စားလှယ်နဲ့ တွေ့ဖို့ အစီအစဉ်ဆိုတာ မရှိဘူးဗျ။ ဒေါ်အောင်ဆန်းစုကြည်က ကြားဖြတ် လုပ်ပေးတဲ့ သဘောပဲ ရှိတယ်”
မြန်မာ့ ဒီမိုကရေစီခေါင်းဆောင်တွေနဲ့ တွေ့ဆုံ ဆွေးနွေးခဲ့တဲ့ အထူးကိုယ်စားလှယ် မစ္စတာ ဗီဂျေး နမ်ဘီးယားဟာ မြန်မာ့အရေး ကြားဝင် ဆောင်ရွက်ဖို့ ကုလသမဂ္ဂ အထွေထွေ အတွင်းရေးမှူးက အခု နောက်ဆုံး ခန့်အပ်ထားတဲ့ သံအရာရှိဖြစ်ပြီး၊ ဒီခရီးစဉ်ဟာ ပထမဆုံး ခရီးစဉ်ဖြစ်ပါတယ်။ သူဟာ မြန်မာ စစ်အစိုးရ ခေါင်းဆောင်တွေနဲ့လည်း တွေ့ဆုံဆွေးနွေးဖို့ အစီအစဉ်ရှိပြီး မြန်မာနိုင်ငံမှာ (၂) ရက်ကြာ နေထိုင်မယ်လို့ သိရပါတယ်။
Ref: RFA News
Read More...
Collapse...
အရှင်ပညာနန္ဒ။ ။ အရှင်ပညာနန္ဒက အရင်ကတော့ ABSDF ၁၉၈၈ အရေးတော်ပုံ အပြီးမှာ နယ်ခြားကို ရောက်ရှိလာတဲ့ အဲဒီ လှုပ်ရှားမှုတွေက တဆင့် အခုတော့ New York ပြည်နယ် ယူတီဂါမြို့မှာ သီတင်းသုံး နေထိုင်လျက် ရှိပါတယ်။
ဒါကာမကြီး ဒေါ်အောင်ဆန်းစုကြည်ကို မေးချင်တဲ့ မေးခွန်းတခုကလေ အခု ဦးဇင်းထင်တယ်။ အမျိုးသား ပြန်လည် သင့်မြတ်ရေး ကိစ္စမှာ ဒီမိုကရေစီ ဖော်ဆောင်မှုကိစ္စမှာ ဗိုလ်ချုပ်ကြီးတွေက သူတို့ အကြောက်တရားတွေ လွှမ်းမိုးပြီးတော့ ဒီအာဏာကို မစွန့်လွှတ်နိုင်ဘူးလို့ ဦးဇင်း ထင်တယ်လေ။ အဲဒါကြောင့်မို့လို့ ဗိုလ်ချုပ်ကြီးတွေ အကြောက်တရား ပြေပျောက် သွားအောင်လို့လေ.. ဒါကာမကြီး ဒေါ်အောင်ဆန်းစုကြည် အနေနဲ့ ဘယ်လိုမျိုး လုပ်ပေးနိုင်သလဲ ဆိုတာ အဲဒါ ဦးဇင်းအနေနဲ့ သိချင်ပါတယ်။
ဒေါ်အောင်ဆန်းစုကြည်။ ။ အကြောက်တရားရဲ့အခြေခံကတော့ မလုံခြုံတဲ့ စိတ်ဓာတ်ဖြစ်ပါတယ်။ အဲဒီတော့ မလုံခြုံတဲ့ စိတ်ဓာတ်တွေ လျော့သွားအောင် လျော့ပါးသွားအောင် ဘယ်လို လုပ်ရမယ်ဆိုတာ ကျမတို့ အားလုံး ၀ိုင်းပြီးတော့ စဉ်းစားဖို့ လိုပါတယ်။ ကျမအနေနဲ့တော့ အားလုံးကို ကျမတို့နိုင်ငံမှာ လုံခြုံ စေချင်ပါတယ်။ ဗိုလ်ချုပ်ကြီးတွေရော ပြည်သူလူထု တွေရော အားလုံး စိတ်လုံလုံ ခြုံခြုံနဲ့ နေစေချင်ပါတယ်။ အဲဒီလို လုံခြုံမှု ပေးနိုင်တဲ့ အခြေအနေတခုကို ရောက်အောင် ဘယ်လို လုပ်မယ်ဆိုတာ ကျမတို့ အားလုံး ပူးပေါင်း ပါဝင်ပြီး လက်တွဲစဉ်းစားကြပါစို့ စကားပြောကြပါစို့ ဆွေးနွေးကြပါစို့လို့ ကျမ ဒီလိုဘဲ တိုက်တွန်း ချင်ပါတယ်။
ကရင်တိုင်းရင်းသားခေါင်းဆောင် ဦးမန်းသောင်းတင်
အခုသူ New York မှာရှိပြီး ကေအန်ယူတိုက်ပွဲတွေမှာ နံမည်ကျော် ၀မ်ခတိုက်ပွဲမှာ လက်တဖက် ဆုံးရှုံးခဲ့ပြီး နားအာရုံလည်း အတော် ချို့ယွင်း သွားခဲ့ပါတယ်. အခုအချိန်အထိ KNU ကရင် အမျိုးသား အစည်းအရုံး အတွက် ကူညီ လှုပ်ရှား ပေးနေတဲ့သူ တယောက်ပါ။
ဒေါ်အောင်ဆန်းစုကြည်ဟာ စစ်အာဏာရှင်ဖြူတ်ချရေးနဲ့ ဒီမိုကရေစီရရှိရေး အတွက် ကြိုးပမ်း လုပ်ဆောင်နေတဲ့ ပုဂ္ဂိုလ်တဦး ဖြစ်တဲ့အတွက် ကျနော်တို့ တိုင်းရင်းသားတွေက အကြွင်းမဲ့ ယုံကြည်ပါတယ်။ ယနေ့ ကျနော်တို့ တိုင်းရင်းသား တွေက စစ်အာဏာရှင် တွေရဲ့ သွေးခွဲမှုကြောင့် ကျနော်တို့ဟာ အစိတ်စိတ် အမွှာမွှာ ပြိုကွဲနေကြတယ်။ အဲဒီပြဿနာတွေကို ဒေါ်အောင်ဆန်းစုကြည်က ဘယ်လို ဖြေရှင်းပေးနိုင်လဲ ဆိုတာ အဲဒါကို ကျနော် မေးချင်ပါတယ်။
ဒေါ်အောင်ဆန်းစုကြည်။ ။ ဒီလိုအချင်းချင်းသွေးခွဲ သတ်ဖြတ်မှုတွေ ရပ်စဲသွားအောင်လို့ ဆိုတာဟာ ကျမတို့ဟာ စစ်မှန်တဲ့ ပြည်ထောင်စု စိတ်ဓာတ် တခု ထူထောင်ရမယ်လို့ ကျမတို့ ယုံကြည်ပါတယ်။ ဒါကြောင့်မို့လို့ ကျမတို့နဲ့ ကျမတို့ရဲ့ မဟာမိတ်များ ဖြစ်တဲ့ တိုင်းရင်းသား အဖွဲ့အစည်း တွေဟာ တကယ့် စစ်မှန်တဲ့ ပြည်ထောင်စု စိတ်ဓာတ်တခု ခိုင်ခိုင်မာမာ ကျမတို့ နိုင်ငံမှာ အမြစ် တွယ်သွားအောင်လို့ ကြိုးစားနေပါတယ်။ ကျမတို့ တိုင်းရင်းသားတွေဟာ တကယ် အချင်းချင်း နားလည်မှု ယူနိုင်မဲ့ အခြေအနေ တခု ရောက်လာလို့ ရှိရင် နားလည်မှု ရမှာလို့ ကျမ ယုံကြည်ပါတယ်။ ဒီဟာအတွက် အားလုံးက ၀ိုင်းဝန်း ကူညီပေးကြပါ။ ကျမတို့ကိုလည်း အကြံဥာဏ်တွေ ပေးကြပါ။ ကျမတို့ အဖွဲ့ တခုတည်း လုပ်နိုင်တယ်လို့ ကျမတို့ မယုံကြည်ပါဘူး။ ဒီလို တဖွဲ့တည်းနဲ့ တယောက်တည်းနဲ့ လုပ်နိုင်တယ် ဆိုတဲ့ စိတ်တွေကြောင့်လည်း ဒီလို အကွဲကွဲ အပြားပြားတွေ ဖြစ်ရတာပါ လို့လည်း ကျမ ယုံကြည်ပါတယ်။
ABSDF ဥက္ကဌဟောင်း ဦးထွန်းအောင်ကျော်
ကျနော့်အနေနဲ့ မေးချင်တဲ့ မေးခွန်းကတော့ Civil Society ဆိုတဲ့ လွတ်လပ်တဲ့ လူ့ဘောင် အဖွဲ့အစည်းတွေ ကျနော်တို့ ကျောင်းသား သမဂ္ဂတွေ အလုပ်သမား သမဂ္ဂတွေ လယ်သမား သမဂ္ဂတွေ အဲ့ဒီအပြင် နိုင်ငံရေး ပါတီတွေ နောက်ပြီးတော့ လွတ်လပ်တဲ့ သတင်းစာ သတင်း ဌာနတွေ အဲဒါတွေ ပေါ်ပေါက်ဖို့ အရမ်း အရေးကြီးတယ်လို့ ကျနော်မြင်တယ်။ ဒီလို အဖွဲ့အစည်းတွေ တောင့်တင်း ကြံ့ခိုင်မှသာ ဒီမိုကရေစီ စံနစ်ဖြစ်လိုခဲ့လို့ ရှိရင်လည်း ဒီစနစ်ကို မပျောက်ပျက်သွားအောင် ကာကွယ်နိုင်မယ်လို့ ကျနော့ အနေနဲ့ ယုံကြည်ပါတယ်။ ဒါကြောင့်မို့လို့ ဒေါ်စုအနေနဲ့ ဒီလွတ်လပ်တဲ့ လူ့ဘောင် အဖွဲ့အစည်းတွေ Civil Society ဖွံ့ဖြိုး တိုးတက်လာအောင် ဘယ်လို ကူညီ ဆောင်ရွတ်သွားနိုင်မလဲ ဆိုတာ ကျနော့အနေနဲ့ သိချင်ပါတယ်။
ဒေါ်အောင်ဆန်းစုကြည် ။ ။ ကျမတို့ အနေနဲ့ လူ့ဘောင် အဖွဲ့အစည်းတွေ ဖွံ့ဖြိုးတိုးတက်ဖို့ဟာ လက်တွေ့ကျကျ လုပ်နေတာ ကြာပါပြီ။ ဥပမာ ဆိုလို့ရှိရင် ကျမတို့ရဲ့နိုင်ငံရေး အကျဉ်းသားများ ကူညီရေး အဖွဲ့တွေ၊ ကျမတို့ရဲ့ ဥပဒေ ကူညီရေး အဖွဲ့တွေ၊ နောက်ပြီးတော့ HIV. AIDS နဲ့ ဆက်စပ်နေတဲ့ ကိစ္စတွေ ရေနက်တွင်း တူးပေးတာတွေ ဒါတွေ အားလုံးဟာ လူ့ဘောင် အဖွဲ့အစည်း ဖွံ့ဖြိုး တိုးတက်ဖို့ အတွက် ကျမတို့ လုပ်နေတာပါ။ အဲဒီတော့ ဒီဟာတွေကို ပြည်သူ လူထုကလည်း နားလည်ပြီးတော့ ၀ိုင်းဝန်းပြီးတော့ ပံ့ပိုး နေမယ် ဆိုလို့ရှိရင် ပိုပြီးတော့ အောင်အောင်မြင်မြင်နဲ့ မြန်မြန်ဆန်ဆန် ကျမတို့ လုပ်နိုင်မှာ ဖြစ်ပါတယ်။
ကာတွန်း ၀င်းထွန်း (Mr Burma) (win burmese ကွန်ပြုတာစာလုံး တီထွင်သူ)
ပြည်တွင်းတုန်းက ကာတွန်းတွေရေးခဲ့တဲ့ ကာတွန်း ၀င်းထွန်းလို့ခေါ်ပါတယ်။ ဒေါ်အောင်ဆန်းစုကြည် လွတ်လာတာဟာ အများ ပြည်သူများနဲ့ ကျနော်တို့လို အတွင်းအပြင်မှာ ရောက်ရှိ နေကြတဲ့ ပြည်သူပြည်သားများ အားလုံး အတွက် ၀မ်းသာစရာပါ။ တခုလောက် မေးချင်တာလေး တခုက ရိုးရိုး သာမန်ပြည်သူတွေထက် ပိုပြီးကြောက်ရွံ့တတ်တဲ့ ပြည်တွင်း ပြည်ပက ပညာတတ် ပညာရှင်တွေက်ို ကြောက်ရွံ့စိတ် နည်းပါးသွားအောင် ဘယ်လို လုပ်ရင် ကောင်းမလဲလို့ပါ။ ကျေးဇူးပြုပြီးဖြေပေးပါ။
ဒေါ်အောင်ဆန်းစုကြည် ။ ။ ရိုးရိုးသာမာန်ပြည်သူတွေထက်ပိုပြီးတော့ ပြည်တွင်း ပြည်ကပ ပညာတတ်တွေ ကြောက်ရွံ့စိတ် ရှိနေတယ် ဆိုတာကတော့ ဒီပညာတတ်တွေက ပိုပြီးတော့ ဆုံးရှုံးစရာတွေ ရှိလို့ ပိုပြီးတော့ အခွင့်အရေးတွေ ရှိလို့ ပိုပြီးတော့ ပစ္စည်းဥစ္စာတွေ ရှိလို့ လို့ ထင်ပါတယ်။ အဲဒီတော့ လုံခြုံမှုအတွက် ပိုပြီးတော့ စိုးရိမ်လို့ ကြောက်နေတာလို့ ဒီလို မြင်လိုက်မိပါတယ်။ ဒီလုံခြုံမှု ရဖို့ ဆိုတာ ကြောက်နေရုံနဲ့ မပြီးဘူး။ လုံခြုံမှုရဖို့ ဆိုတာဟာ ပြည်သူအားလုံးကို လုံခြုံမှု ပေးမဲ့ စနစ်တခု ထူထောင်ဖို့ ကြိုးစားရမယ် ဆိုတာ ဒီ အသိတွေများ ပညာတတ်တွေရဲ့ စိတ်ထဲမှာ ၀င်သွားခဲ့လို့ရှိရင် ပိုပြီးတော့ အကြောက်စိတ်တွေ ကျော်လွှားနိုင်မယ်လို့ ကျမထင်ပါတယ်။
ကိုခင်မော်ခေါ်မော်ကြီး (၇၄-၇၅ကျောင်းသားလှုပ်ရှားမှုတွင် အထိမ်းသိမ်းခံခဲ့ရသူ တဦး)(LA Organize for Burma)
ကျနော်မေးချင်တဲ့ မေးခွန်းကတော့ ကျနော်တို့ခု ဒီနိုင်ငံခြားမှာ ရောက်နေတဲ့ မြန်မာတွေဟာပေါ့ အကုန်လုံး အကွဲကွဲ အပြားပြားပေါ့ အတွေး အမြင်တွေရော လုပ်ရပ်တွေရော ကွဲနေတာ ကျနော်တို့ ဘယ်လိုနည်းနဲ့များ အဲဒီလို စုစုစည်းစည်းနဲ့ တခုတည်း လုပ်လို့ ရမလဲလို့ ကျနော် မေးချင်တယ်။ ပြီးတဲ့ အခါကြပေါ့နော် ကျနော်တို့ နိုင်ငံခြား ရောက်နေတဲ့ မြန်မာနိုင်ငံသား အားလုံးဟာ NLD ပေါ့၊ စစ်အစိုးရကို အတိုက်အခံ လုပ်နေတဲ့ NLD ပါတီကြီးကို ကျနော်တို့ဒီကနေ ဘယ်လို အကူအညီ ပေးနိုင်သလဲ ဆိုတာ ကျနော် ဒီကနေ မေးချင်ပါတယ်။
ဒေါ်အောင်ဆန်းစုကြည် ။ ။ ညီညွှတ်အောင်လုပ်ဖို့ ဆိုတာဟာ လွယ်တဲ့ကိစ္စ မဟုတ်ပေမဲ့လည်း မဖြစ်နိုင်တဲ့ ကိစ္စတော့ မဟုတ်ပါဘူး. နည်းနည်း ပါးပါးတော့ ကိုယ့်ရဲ့ အတ္တတွေကို လျှော့ရမယ်လို့ ဒီလိုဘဲ ကျမပြောရမှာဘဲ။ ဆန္ဒစွဲ တွေကို လျှော့ရမယ် ပေါ့နော်။ ကိုယ်လိုချင်တာဘဲ ကိုယ်ဖြစ်စေချင်တာဘဲ၊ ကိုယ်မြင်ချင်တာဘဲ ဒါတွေကိုဘဲ စဉ်းစားနေလို့ ရှိလို့ရှိရင်တော့ ကျမတို့ ကွဲပြားနေတဲ့ လူတွေကို စုဖို့ဆိုတာ မလွယ်ပါဘူး။ ကျမတို့ အားလုံးဟာ ပန်းတိုင် တခုထဲ ရှိတယ်ဆိုလို့ရှိရင် ဒီပန်းတိုင်ကို ရောက်ဖို့ ဘယ်လိုနည်းနဲ့ သွားမယ်ဆိုတဲ့ နေရာမှာ အငြင်းပွားတဲ့ ကိစ္စတွေကို ဆွေးနွေးပြီးတော့ ပြေလည်အောင် လုပ်ဖို့ဆိုတာ ဒါ အရေးကြီးတာပါဘဲ။ ပြည်တွင်း NLD ကို ဘယ်လို ပံ့ပိုးရမလဲ မေးတော့ကျမ ပထမမေးခွန်းနဲ့ စပ်ဆက်ပြီး ဖြေရင် ကောင်းမလားလို့။ ပြည်တွင်း NLD ကို ဘယ်လို ပံ့ပိုးရမလဲ ဆိုတာ အားလုံးအတူ စဉ်းစားပြီးတော့ ပြည်ပက အကွဲကွဲ အပြားပြား ဖြစ်နေတဲ့ အဖွဲ့တွေ ညီညွတ်မှုများ ယူနိုင်မလားလို့ အဲဒါလေးကို စဉ်းစားပေးပါလို့ ကျမ မေတ္တာရပ်ခံပါတယ်။
Ref: ဒေါင်းမာန်ဟုန်
Read More...
Collapse...
Posts
BBC News
VOA News
DVB News
RFA News
မဇ္ဈိမ
ဧရာဝတီ
နေ့သစ်
သျှမ်းသံတော်ဆင့်
ကရင်သတင်းစဉ်
ကောင်းဝါ
ကချင်သတင်းစဉ်
ယနေ့မြန်မာ
ကန္တာရဝတီ တိုင်းမ်
ငုရင်ပြင်
ရိုးမ (၃)
မိုးမခ
ဟစ်တိုင်
ဟံသာဝတီ
နိရဉ္စရာ
ခေတ်လူငယ်
မြို့တော်ပုသိမ်သတင်းစဉ်
မြန်မာသတင်းရပ်ဝန်း
ရိုးရာလေး
Mandalay Gazette
People Media Voice
KIC News
BNI News
Burma Daily
Burma Digest
Burma Net
Kaladan
Network Media Group Rebound 88