Friday, December 19, 2008

လူ့ငနွား များအတွက် ငရဲမရှိတော့ပြီလော

တကယ်တော့လဲ ထိုအကြောင်းအရာသည် လူတိုင်း ကြားရ၊ ဖတ်ရလွန်းသဖြင့် ရိုးနေလောက်ပါပြီ။ (၂၀၀၇) ခုနှစ်၊ စက်တင်ဘာလအတွင်း မြန်မာနိုင်ငံ၏ အဓိက မြို့တော်ကြီးဖြစ်သည့် ရန်ကုန်မြို့တွင် ဗုဒ္ဓဘာသာ မြန်မာ ရဟန်းတော်များအား မြန်မာအစိုးရ စစ်တပ်မှ အကြမ်းဖက်နှိမ်နင်း သတ်ဖြတ်ခဲ့မှု အကြောင်း အင်တာ နက် စာမျက်နှာများမှ တဆင့် တစ်ကမ္ဘာလုံး မမြင်ချင်လဲ မြင်ရ၊ မကြားချင်လဲ ကြားရပြီး ဖြစ်ပါသည်။ ယခု အခါမှ ထိုအကြောင်းကို ဆက်ကာ ဆက်ကာ ပြောနေခြင်းသည် ချေးခြောက်ရေနှူးသကဲ့သို့သာ ဖြစ်နေနိုင်ပါ သည်။ သို့တိုင်အောင် ထိုဖြစ်ရပ်ဆိုးများ၏ နောက်ကွယ်တွင် လူအများ အသေအချာ မသိနိုင်သေးသော အခြေအနေ အချို့လဲ ရှိနေနိုင်ပါသေးသည်။ တကယ်တမ်းတော့ အနော်ရထာမင်းစော လက်ထက်ကတည်း က ဗုဒ္ဓသာသနာသည် မြန်မာနိုင်ငံတွင် အခိုင်အမာ အမြစ်တွယ်လာခဲ့သည်။ အခြားသော ဘာသာရေး ကိုး ကွယ်မှုများ ပြန့်နှံ့ဝင်ရောက်လာသည့်တိုင် နိုင်ငံတော်ဘာသာအဖြစ် အခိုင်အမာ တည်ရှိနေခဲ့သည်။

ခေတ်နှင့် စနစ်များ အမျိုးမျိုး ပြောင်းလဲသွားသည့်တိုင် ဗုဒ္ဓဘာသာ၏ အခန်းကဏ္ဍသည် မြန်မာနိုင်ငံအတွက် ထည်ဝါစွာ ရပ်တည်နိုင်ခဲ့သလို အစိုးရ အဆက်ဆက်ကလည်း သာသနာပြု မင်းများအဖြစ်နှင့် ဗုဒ္ဓသာသနာ ရောင်ဝါထွန်းလင်းစေရေး အားကြိုးမာန်တက် ပံ့ပိုးခဲ့ကြသည်။ သို့သော်လည်း စစ်အာဏာရှင် အစိုးရအတွက် တော့ ခြွင်းချက်သာဖြစ်သည်။ ၎င်းတို့အတွက် ဘုရားမရှိ၊ တရားမရှိ၊ သံဃာမရှိပါ။ ၎င်းတို့၏ ကိုးကွယ်ရာ သည် အာဏာသာဖြစ်ခဲ့သည်။ မြန်မာ စစ်အစိုးရသည် ၎င်းတို့၏ အာဏာတည်မြဲရေးအတွက် ငြိမ်းချမ်းစွာ မေတ္တာပို့ လှည့်လည်ခဲ့ကြသော သံဃာတော်များအား ရက်ရက်စက်စက် ပစ်ခတ်သတ်ဖြတ်ခဲ့သလို နှစ်ရှည် ထောင်ဒဏ်များ ချမှတ်ခဲ့ကြသည်။

သံဃာတော်တို့၏သွေးဖြင့် သံဃာတော်တို့၏ သင်္ကန်းရောင်အား ပိုမိုနီစွေးစေခဲ့သည်။ အပြင်းအထန် ယုတ်မာပက်စက်စွာ အကြမ်းဖက် နှိမ်နင်းမှုများ နောက်တွင်မူ သံဃာတော်များ၏ လှုပ်ရှားမှုမှန်သမျှကိုပါ ထိန်းချုပ်သွားရန် ရည်ရွယ်ဆောင်ရွက်လာခဲ့သည်။ ပထမဦးစွာ ဘုန်းတော်ကြီးများ၏ တရားပွဲများတွင် အစိုး ရဆန့်ကျင်ရေး စကားလုံးများ မပါစေရပါဟု ခံဝန်ကတိအား လက်မှတ်ရေးထိုးစေသည်။ ထိုအခြေအနေသည် အလွန်စက်ဆုပ်ဖွယ်ရာ လုပ်ရပ်တစ်ခုဖြစ်ကြောင်း ပြောစရာမလိုပါ။ ခေတ်အဆက်ဆက် ဗုဒ္ဓဘာသာ ရဟန်း တော်များသည် ရှင်တော်ဗုဒ္ဓ၏ တရားတော်များ မတိမ်ကော၊ မပပျောက်အောင် ဟောပြောခဲ့ကြသည်။ တရားနာ ပရိသတ်ကလည်း ကြည်ညို မြတ်နိုးစွာဖြင့် တလေးတစား နာယူခဲ့ကြသည်။

ရဟန်းတော် အရှင်မြတ်များအနေနှင့် ဒကာ၊ဒကာမများ တရားတော်၏အနက်ကို ထဲထဲဝင်ဝင် နားလည်စေ ရန် ခေတ်အခြေအနေနှင့် ကိုက်ညီသော အဖြစ်အပျက်များ၊ ဥပမာများနှင့် ဝေေ၀ဆာဆာ ဟောပြောခဲ့သည် မှာ အစဉ်အလာဖြစ်သော်လည်း ယခုကဲ့သို့ ကန့်သတ်မှုများကြောင့် အရှင်မြတ်များ နှလုံးမသာမယာ ဖြစ်ကြ ရရှာသည်။ ရဟန်းတော်များသည် သူတော်စင်များ ဖြစ်ကြသည့်တိုင် ဗုဒ္ဓ၏ သားတော်များအချင်းချင်း စည်းလုံးမှုကို အခြေခံပြီး စက်တင်ဘာလ အရေးအခင်းအတွက် မြန်မာအစိုးရအပေါ် အမြင်မကြည်မှု ရှိနေ မည်မှာ လူတိုင်းလက်ခံနိုင်သည့် အခြေအနေ တစ်ရပ်ပင်ဖြစ်သည်။ မည်မျှအကျင့်ဖြူစင်ပြီး သည်းခံစိတ် မွေးမြူနိုင်သည့် ကိုယ်တော်များ ဖြစ်စေကာမူ ပုထုဇဉ်တို့အနေနှင့် စစ်အစိုးရ ကျူးလွန်ခဲ့သော ယုတ်မာသည့် အမှုအတွက် ဥပက္ခောတရား လက်ကိုင်ပြုကာ မျက်စိမှိတ် နေနိုင်မည် မဟုတ်ပါချေ။

ထို့ကြောင့်လည်း တရားပွဲများတွင် စစ်အစိုးရ၏ လုပ်ရပ်များအား ပညာသားပါပါ ရှုတ်ချဟောပြောခဲ့သဖြင့် အစိုးရမှာ အချို့ဓမ္မကထိက ကိုယ်တော်များအား တရားဟောခွင့် ပိတ်ပင်မှုများပင် ပြုလုပ်ခဲ့ကြသည်။ သံဃာ တော်များ ဟောပြောသော တရားတို့သည် နိုင်ငံရေး တိုက်ခိုက်မှုများအတွက် ဦးတည်ထားခြင်း မရှိခဲ့ပါ။ မြတ် ဗုဒ္ဓ၏ အဆုံးအမနှင့် တရားတော်တို့ကိုသာ အခြေခံပြီး ကိုးကားထားလေ့ရှိပါသည်။ သို့သော်လည်း ဒေ၀ဒတ် နှင့် မာရ်နတ်တို့ နှစ်ဦးပေါင်းလျှင်တောင် မလုပ်ဝံ့လောက်သည့် လူမဆန်သော ဗုဒ္ဓဘာသာ ချိုးနှိမ်မှုများ ကျူး လွန်ထားသည့် မိစ္ဆာတစ်ပိုင်း၊ အာဏာရူးတစ်ပိုင်းတို့အတွက်မူ အနာပေါ် တုတ်ကျမျှ ဆတ်ဆတ်ခါကြရ သည်။ ထို့နောက်တွင်မူ သံဃာတော်များအား တရားဟောခွင့် ပိတ်ခဲ့ကြလေတော့သည်။ အံ့သြစရာတော့ အလွန်ကောင်းပါသည်။ ထေရ၀ါဒဗုဒ္ဓဘာသာ အထွန်းကားဆုံး နိုင်ငံကြီးတစ်နိုင်ငံတွင် ထေရ၀ါဒ ရဟန်း တော်များ၏ တရားဟောခွင့်အား ထေရ၀ါဒကို စောင့်ရှောက်ပါသည်ဆိုသော သာသနာပြုအစိုးရက တားမြစ် ပါသည်တဲ့။ မည်မျှ တရားကျသင့် ပါသနည်း။

နာဂစ်မုန်တိုင်းကြီး တိုက်ခတ်ပြီးနောက် ကယ်ဆယ်ရေးလုပ်ငန်းများတွင် အင်တိုက်အားတိုက် ပါဝင်နေသော ကိုယ်တော်များကိုလည်း စစ်အစိုးရ အာဏာပိုင်များက မေးမြန်းမှုများ ပြုလုပ်ခဲ့သေးကြသေးသည်။ စစ်အစိုးရ နှင့် ရာထူးရာခံ အဆင့်ဆင့်တို့က လေဘေးသင့် ပြည်သူများအတွက် နိုင်ငံတကာမှ လှူဒါန်းသော အထောက် အပံ့များအား ရသလောက် ခေါင်းပုံဖြတ်နေကြချိန်တွင် သံဃာတော်များက Organize လုပ်ကာ အလှူငွေများ ကောက်ခံစုဆောင်းပြီး လေဘေးသင့် ကျေးရွာများထိ ကိုယ်တိုင်ကိုယ်ကျ သွားရောက် လှူဒါန်းကြသည်။ သို့ သော်လည်း ထိုလုပ်ရပ်များကို စစ်အစိုးရက မကျေမနပ် ဖြစ်နေတတ်ပြီး သံဃာတော်များ၏ လုပ်ဆောင်မှု အဆင့်ဆင့်ကို ထောက်လှမ်းနေခဲ့ကြောင်း ဘုန်းတော်ကြီးများက ပြန်လည်မိန့်ကြားခဲ့ကြသည်။ စက်တင်ဘာ လ သံဃာတော်များ ဆန္ဒပြပွဲအတွင်း ကိုယ်တိုင်ကိုယ်ကျ ပါဝင်ခဲ့သော ကျောင်းတိုက်များအနေနှင့်မူ ဆိုဖွယ် ရာပင် မရှိတော့ပါချေ။

ဒကာ၊ ဒကာမများက လှူဒါန်းထားသော သံဃာပိုင်ပစ္စည်းများကို မိုက်ကြေးခွဲ သိမ်းယူသည်။ သံဃာပျိုများ ကို ဖမ်းဆီးထောင်ချသည်။ လှူဒါန်းထားသည့် ကားအသိမ်းခံရသူ ဆရာတော်တစ်ပါးက ၎င်းအနေနှင့် ခြေ ထောက်ကို ရိုက်အချိုးခံရသလို ထင်မှတ်မိကြောင်း၊ ဆရာတော်၏ သာသနပြုလုပ်ငန်းများအတွက် ခရီးဝေး သွားလာမှုများ လိုအပ်ချိန်တွင် ကားမရှိမှုက စိတ်သွားတိုင်းကိုယ်မပါ ဖြစ်စေကြောင်း မိန့်တော်မူရှာသည်။ ဆရာတော်တစ်ပါးကမူ နာဂစ်ဒဏ်ခံ ဒေသအတွင်း ဒုက္ခသည်များအား ပြန်လည်ထူထောင်ရေး လုပ်ဆောင် ပေးနေသော အသင်းအဖွဲ့များကြောင့် ကြည်နူးမိကြောင်း၊ သို့သော်လည်း ထိုအသင်းများသည် အခြားသော ဘာသာရေးကို အခြေခံပြီး သာသနပြုလုပ်ငန်းများ ပူးတွဲဆောင်ရွက်ကာ ဒုက္ခသည်များကို သိမ်းသွင်းသွားခဲ့ ကြောင်း၊ ထိုသို့သော ဘာသာရေးသိမ်းသွင်းမှုများအား အပြစ်မဆိုချင်သော်လည်း သာသနာ့ ဒါယကာအဖြစ် ခံယူထားသော အစိုးရ၏ ညံ့ဖျင်းမှုကြောင့် ဗုဒ္ဓသာသနာ၏ အရှိန်အ၀ါ ညှိုးနွမ်းလာမည်ကို စိုးရိမ်မိကြောင်း ရင်ဖွင့်တော်မူခဲ့သည်။

လက်တွေ့တွင်မူ အဆိုပါဆရာတော်အနေနှင့် အစိုးရအား သာသနာတော်၏ ဒါယကာအဖြစ် သတ်မှတ်နေ သေးသည်မှာ အံ့သြစရာ အခြေအနေပင် ဖြစ်ပါသည်။ ရဟန်းတော်တွေကို သတ်သည်။ ထောင်ချသည်။ အတင်းအကြပ် လူဝတ်လဲခိုင်းသည်။ သေလျင်တောင် ငရဲကြီးရှစ်ထပ်အနက် မည်သည့်ငရဲတွင် အပြစ်ပေး ရမည်ကို ယမမင်းခမျာ အတော်လေး ခေါင်းစားဖွယ်ရှိသော အနှီမသူတော် ဒုစရိုက်၊ ရာဇ၀တ်ကောင် သာသနာဖျက် သန်းရွှေနှင့် အပေါင်းအပါများသည် သာသနာတော်၏ ဒကာတော်များအဖြစ် သတ်မှတ်နိုင် ရေးမှာ အလွန်မအပ်မရာသော အခြေအနေပင် ဖြစ်ပါသည်။ မြတ်ဗုဒ္ဓ၏ တပည့်သား ရဟန်းတော်တို့သည် ဘုရားရှင်၏ အဆုံးအမတွင် မွေ့လျော်ကာ တရားတော်နှင့် ငြိမ်းချမ်းမှုကို ရှာဖွေနေခဲ့ကြသူများသာ ဖြစ်ကြပါ သည်။ သို့သော်လည်း ကံဆောင်ခြင်းနှင့်အတူ ဒကာ၊ ဒကာမများ ကြုံတွေ့နေရသည့် အခက်အခဲများ အတွက် မေတ္တာလက်နက်ဖြင့် စစ်အစိုးရအား ငြိမ်းချမ်းစွာ ဆန့်ကျင်ခဲ့ပါသည်။ သို့သော်လည်း မအောင်မြင်ခဲ့ ပါချေ။ လူသားတို့ အကျိုးနှင့် ငြိမ်းချမ်းရေးကို လိုလားသော အရှင်မြတ်တို့၏သွေးသည် မြန်မာနိုင်ငံ၏ သမိုင်း စဉ်ကို အသရေ ညှိုးနွမ်းစေခဲ့ပါပြီ။

စစ်အစိုးရကား မိုက်ရိုင်းမြဲ၊ ယုတ်မာနေဆဲဖြစ်သလို သံဃာတော်များကိုလည်း ပိုမိုဖိနှိပ်လာခဲ့ပါသည်။ ထိုသို့ သော လူမသမာများ၊ လူ့အန္ဓများအတွက် ငရဲမရှိတော့ပြီလော မပြောတတ်ပါ။ ဘုရားရှင်၏ ခြေမတော်တွင် အနာဖြစ်စေခဲ့သော ဒေ၀ဒတ်ကိုဖြင့် မဟာပထ၀ီမြေကြီးက ခွင့်မလွှတ်နိုင်ဘဲ ၀ါးမြိုခဲ့ပါပြီ။ ဘုရားရှင်ဟော ကြားသော တရားတော်အတိုင်း ကျင့်ကြံအားထုတ်နေကြသည့် ရဟန်းတော်များ၏ မဏိတော်ကို နံပါတ် တုတ်နှင့်ရိုက်၊ သင်္ကန်းမြင်သမျှ သေနတ်နှင့်ပစ်၊ စစ်ဖိနပ်နှင့် ကန်ခဲ့သော ခေတ်သစ် ဒေ၀ဒတ်များကရော။ သူတို့အတွက် မဟာအ၀ီစိမှ ငရဲမီးလျှံသည် ထိုက်တန်သော အပူဒဏ်ကို ပေးနိုင်ပါ့မလား။ အကုသိုလ်သမား တို့ သေခါမှ နိမိတ်ထင်မည့် လမ်းစဉ်များအတွက် ပြည်သူတစ်ရပ်လုံး အမုန်းတရားနှင့် မျှော်လင့်နေမည်ကို သန်းရွှေတို့လူစု သိစေချင်ပါတော့သည်။


ပန်းစုလှိုင် ( လူထုအသံ- ရန်ကုန် )
REF: လူထုအသံ

Read More...

နေ့စဉ်သတင်းများ

မြန်မာနှင့် ဇင်ဘာဘွေ လူ့အခွင့်အရေးချိုးဖောက်မှုများကို ဘန်ကီမွန်းပြစ်တင်ဝေဖန်
ရှေ့နှစ် စီးပွားရေး အခက်အခဲ ကြုံရနိုင်ခြေ ကမ္ဘာ့ဘဏ်ဥက္ကဋ္ဌ သတိပေး
ကမ္ဘာ့စီးပွားရေး အကျပ်အတည်း မြန်မာပြည်သူတွေကို ရိုက်ခတ်
စီးပွားရေးပြုပြင်မှုတွေ ဆက်လုပ်ဖို့ တရုတ်သမ္မတ ကတိပေး
အမေရိကားက မော်တော်ကားစက်ရုံးကြီးတွေ ခေတ္တ ပိတ်ပစ်မယ့်သတင်း

Read More...

နေ့စဉ်သတင်းများ

အန်အယ်လ်ဒီ၏အနာဂတ်မှုန်ဝါးနေဟု ဦးဝင်းတင်သုံးသပ်
အန်အယ်လ်ဒီ၏အနာဂတ် အမှန်တကယ် မှုန်ဝါးနေပြီလား
အနာဂတ်ကို ဖောက်ထွက်ကြပါ (ဦးဝင်းတင်၏ ဟောပြောချက်များ)
ထီဆိုင်ကြီးများ သိန်း (၁,၀၀၀) ဆု အပိုကြေး အပြိုင်ဈေးခေါ်
ဥပဒေကျောင်းသူမဟန်နီဦးကို လားရှိုးထောင်ပြောင်း
ကုလ အတွင်းရေးမှူးချုပ် မြန်မာ့အရေး လက်မှိုင်ချ
နာဂစ် ခရီးသွားလုပ်ငန်း ရပ်ဆိုင်း
ရန်ကုန် တရားပွဲပါမစ်များ ပိတ်
တရားမ၀င်မြန်မာအလုပ်သမား ၁၅ ဦး မတရားပြစ်ဒဏ်ချခံခဲ့ရ
အရှေ့တီမောနှင့် ချက်က မြန်မာသူပုန် ၃၄ ဦးကို ခိုလှုံခွင့် ပေးမည်
ကမ္ဘာလှည့် ခရီးသွားလုပ်ငန်း ၈၄ ခုကို အစိုးရက စာရင်းကပယ်ဖျက်
ထောင်ထဲကစာ အပြင်ထုတ်သူကို ၉ နှစ် ထောင်ချ

Read More...

Thursday, December 18, 2008

နေ့စဉ်သတင်းများ

စစ်အစိုးရ ကတိမတည်လို့ ဘန်ကီမွန်း စိတ်ပျက်
စီးပွားရေးနိုးထစေဖို့ ဗဟိုဘဏ် အတိုးနှုန်းလျှော့ချ
မြန်မာအစိုးရ တရားစီရင်ရေးစနစ်ကို ဖိနှိပ်ဖို့အသုံးချ
မြန်မာနိုင်ငံ၏ လက်ရှိအခြေအနေကြားနာပွဲ ဥရောပပါလီမန်ရုံးမှာ ကျင်းပ
လူ့အခွင့်အရေးသမား ဦးမြင့်အေးကို ထောင်ပြောင်း
ဘန်ကီမွန်း မြန်မာပြည် မသွား
ဝဒေသတွင် AK-47 ထုတ်နေပြီ
အမေရိကန်သမ္မတအား ပေါက်သည့်ရှူးဖိနပ်ကို ဒေါ်လာ (၁၀) သန်းပေး
ကားဈေးကွက် အရောင်းအဝယ် မရှိ
အမှတ် (၂) လျှပ်စစ်စွမ်းအားဝန်ကြီးဌာနဖြန့်ဖြူးရေးလုပ်ငန်း ဦးတေဇအား ပေးတော့မည်
စစ်တိုင်းမှူး (၃) ဦးကို ပြည်နယ်တိုင်း ၀န်ကြီးများအဖြစ် ထူးထူးခြားခြားခန့်
အမျိုးသားဒီမိုကရေစီအဖွဲ့ချုပ်ရုံးက လူငယ်နဲ့ အနာဂတ် ဟောပြောပွဲ
စင်္ကာပူရောက် မြန်မာများ ပြည်တော်ပြန်ရေး လေယာဉ်လက်မှတ် အခက်အခဲဖြစ်
ထူးကုမ္ပဏီက မလိခတည်းခိုခန်းကို လွှဲယူဦးမည်
စစ်ခေါင်းဆောင်ထံ တင်ပြသော စာကို ဖတ်မှုဖြင့် ထောင်ချခံရ
မြန်မာ့ဒီမိုကရေစီ အင်အားစုများကို အထူး ကူညီသွားမည်ဟု မက်ဒလင်း အောလ်ဘရိုက်ပြောကြား
မူးယစ်ဆေးဝါးသုံးစွဲမှုကြောင့် ရာဇဝတ်မှုများ နေ့စဉ်ဖြစ်နေ
ကျေးရွာဥက္ကဋ္ဌ အလွဲသုံးစားလုပ်မှုကို သက်ဆိုင်ရာက အရေးယူခြင်းမရှိသေး

Read More...

Wednesday, December 17, 2008

နအဖကို ကာကွယ်ပေးမနေစမ်းပါနဲ့ - ဂါမဏိ

(နိုင်ငံတကာပဋိပက္ခလေ့လာရေးအဖွဲ့ ICG အိုင်စီဂျီ၏ ၂ဝဝ၈ အောက်တိုဘာ ၂ဝ ရက် ထုတ် 'နာဂစ်အလွန် မြန်မာပြည်-ပုံမှန်ဆက်ဆံရေးထူထောင်ဖို့ အချိန်ကျပြီ' အစီရင်ခံစာ သို့ ချေပချက်)

မြန်မာနိုင်ငံကို ကမ္ဘာပေါ်တွင် အရက်စက်အကြမ်းကြုတ်ဆုံး စစ်အစိုးရတခုက အုပ်ချုပ်ထားသည်။ ၎င်းအစိုးရ သည် ဒီမိုကရေစီ ကို ချိုးနှိမ်ထားရုံသာမကဘဲ ကမ္ဘာ့အဆိုးဝါးဆုံး လူသားချင်းစာနာရေး အကျပ်အတည်းကို ဖန်တီးပေါ်ပေါက်စေသည့် ပြစ်မှုပါ ကျူးလွန်ထားသည်။ ဤဖြစ်ရပ်ကိုတုံ့ပြန်ရာ၌ အိုင်စီဂျီသည် မူလ နောက်ခံဇာတ်ကြောင်းကို မေ့လျော့သွေဖီသွားခဲ့လေသည်။


ယခုနှစ်အစောပိုင်းက နာဂစ်ဆိုင်ကလုံးမုန်တိုင်း မြန်မာပြည်ကို တိုက်ခတ်ခဲ့သည်။ သဘာဝကပ်ဘေးကို တုံ့ပြန်ရာတွင် အခြား မည်သည့်အစိုးရနှင့်မှမတူဘဲ မြန်မာစစ်အုပ်စုသည် နိုင်ငံတကာမှ ကူညီရေး ကြိုးပမ်း ချက်များကို အစပထမ၌ ငြင်းပယ်ခဲ့သည်၊ ထို့နောက်တွင် အကန့်အသတ်ဖြင့်ခွင့်ပြုခဲ့ပြီး လမ်းလွှဲအလွဲသုံးစား လုပ်ပစ်ခဲ့သည်။ စစ်အစိုးရသည် အကူအညီများကို ခိုးယူခဲ့သည်။ အကူအညီဖြန့်ဝေပေးရန် ကြိုးစားခဲ့သော မြန်မာပြည်သူများကို ဖမ်းဆီးခဲ့သည်။ တရားဝင်ဖြန့်ဖြူးသည့် အကူအညီ အနည်းအကျဉ်းမှာလည်း ဝါဒဖြန့်ချီ ရေးအတွက်သာဖြစ်ပြီး ဓာတ်ပုံနှင့်ဗွီဒီယိုများ ရိုက်ကူးပြီးပါက ပြန်သိမ်းယူသွားသည်။ စစ်အစိုးရ၏ တမင် တကာ ဥပေက္ခာပြုမှုနောက်ကွယ်တွင် အနည်းဆုံး လူ ၁၄ဝ,ဝဝဝ သေဆုံးပြီး လူနှစ်သန်းခွဲ အိုးမဲ့အိမ်မဲ့ ဖြစ်ခဲ့ ရသည်။

မုန်တိုင်းပြီးသည့်အခါ နောက်ထပ်လူသားချင်းစာနာရေး အကျပ်အတည်းတခု ပေါ်ထွက်လာပြန်ပါသည်။ ယခုတကြိမ်မှာ မြန်မာနိုင်ငံအနောက်ပိုင်း ချင်းပြည်တွင်ဖြစ်ပြီး သဘာဝအလျောက် နှစ် ၅ဝ တကြိမ် ဝါးသုဉ်း မှုကြောင့် ကြွက်ထရာမှ အငတ်ဘေး ဆိုက်ခြင်းဖြစ်သည်။ ထုံးစံအတိုင်း စစ်အစိုးရသည် မျှော်လင့်တွက်ဆ ထားကြသည့် အငတ်ဘေးအတွက် ဘာတခုမှကြိုတင် ပြင်ဆင်ခြင်းမရှိဘဲ၊ ကူညီကယ်ဆယ်ရေးကြိုးပမ်းချက် များကို အင်တိုက်အားတိုက် ပိတ်ဆို့ဟန့်တားခဲ့သည်။ စစ်အစိုးရတာဝန်ရှိသူများက ကုလသမဂ္ဂ ကမ္ဘာ့ စားနပ်ရိက္ခာအဖွဲ့ WFP ကို နေရာလွှဲ ခေါ်ပြခဲ့ပြီး အငတ်ဘေးမရှိကြောင်း ကြေညာစေခဲ့သည်။ ထိုနောက်ပိုင်း တွင် ကုလရိက္ခာအဖွဲ့က မိမိတို့ရပ်တည်ချက်ကို ပြန်လည်ပြင်ဆင်ခဲ့သော်လည်း အငတ်ဘေးဆိုက် ချင်း ပြည်သူများအား ကူညီပေးရေးကြိုးပမ်းချက်များကို စစ်အစိုးရက ဆက်လက်ဟန့်တားနေသည်။

မြန်မာစစ်တပ်က နိုင်ငံ့အရှေ့ပိုင်းတွင် တိုင်းရင်းသားလူမျိုးများအပေါ် ထိုးစစ်ဆက်လက်ဆင်နွှဲနေရာ နောက် ထပ် လူသားချင်းစာနာရေး ဘေးဒုက္ခများ ပေါ်ပေါက်နေစေသည်။ ၁၉၉၆ ခုနောက်ပိုင်းတွင် ကျေးရွာပေါင်း ၃၂ဝဝ မက ဖျက်ဆီးခံခဲ့ရပြီး လူတသန်း အိုးအိမ်စွန့်ခွာခဲ့ရသည်။ အရပ်သားများကို အနီးကပ် တည့်တည့် ချိန်ပစ်သတ်ခြင်း၊ မုဒိမ်းကျင့်ခြင်း၊ အဓမ္မလုပ်အားပေးခိုင်းခြင်း၊ လူသားမိုင်းရှင်းကရိယာများအဖြစ် အသုံးပြု ခြင်းများ ကျူးလွန်နေသည်။ ကလေးသူငယ်များကို လမ်းပေါ်မှ ဖမ်းဆီးခေါ်သွားပြီး မြန်မာစစ်တပ်ထဲ အတင်း အကြပ်သွတ်သွင်း စစ်မှုထမ်းခိုင်းနေသည်။ ဗမာ့တပ်မတော်မှာ ကမ္ဘာပေါ်တွင် ကလေးစစ်သား အများဆုံး ဖြစ်နေသည်။ နိုင်ငံရေးအကျဉ်းသား ၂၁ဝဝ ကျော် အကျဉ်းထောင်များအတွင်း ပင်ပန်းဆင်းရဲစွာ ဒုက္ခခံနေရ ရာ ယခင်နှစ်ကထက် အရေအတွက်နှစ်ဆရှိနေပြီး ကြောက်လန့်တုန်လှုပ်ဖွယ် နှိပ်စက်ညှဉ်းပန်းမှုကို ခံကြရ သည်။ မြန်မာ့ဒီမိုကရေစီခေါင်းဆောင် နိုဘယ်ဆုရှင် ဒေါ်အောင်ဆန်းစုကြည် အကျယ်ချုပ်ကျခံခဲ့ရသည်မှာ လည်း ၁၃ နှစ်ပြည့်သွားပြီ ဖြစ်သည်။

နိုင်ငံတကာပဋိပက္ခလေ့လာရေးအဖွဲ့ကမူ ဤအရာအားလုံး ကျနော်တို့အပြစ်ဖြစ်သည်ဟု ဆိုနေပါသည်။ ယခု အချိန်မတိုင်မီအထိ အများလေးစားခံရပြီး ဂုဏ်သိက္ခာရှိခဲ့သော အိုင်စီဂျီအဖွဲ့ကြီးက ထူးဆန်းအံ့သြဖွယ် အကောင်းဆုံး အစီရင်ခံစာတစောင် ထုတ်ပြန်လိုက်ရာတွင် စစ်အုပ်စုကို မသိမသာဖြင့် သိမ်မွေ့စွာ ကာကွယ် ပေးထားပြီး 'နိုင်ငံရေးတိုက်ပွဲ'ကို အလွန်အကျူး အလေးပေးရကောင်းလားဟု နိုင်ငံတကာအသိုင်းအဝိုင်းကို အပြစ်ဆိုထားပါသည်။ စစ်အစိုးရသည် 'ကယ်ဆယ်ရေးလုပ်ငန်း ဆောင်ရွက်နေသည်ဟု ပြောလာသူတိုင်းကို လုံးဝအဟန့်အတားမရှိခွင့်ပြုဖို့ တွန့်ဆုတ်ခြင်း'ကို နားလည်ပေးနိုင်သည်၊ အဘယ့်ကြောင့်ဆိုသော် အနောက် နိုင်ငံများက စစ်အုပ်စုအပေါ် မိမိပြည်သူများကို သတ်ဖြတ်ခြင်းရပ်စဲဖို့ အလွန်အမင်းဖိအားပေး နေခဲ့ခြင်း ကြောင့်ဖြစ်သည်ဟု အိုင်စီဂျီက ဆင်ခြေပေးထားသည်။ အိုင်စီဂျီအဆိုအရ အနောက်တိုင်းမီဒီယာများမှာ လည်း အပြစ်မကင်းဟုဆိုသည်၊ အကြောင်းမူ စစ်အစိုးရတာဝန်ရှိသူများ မြစ်ချောင်းထဲပစ်ချထားသည့် အလောင်းကောင်တို့ဓာတ်ပုံများကို ဖော်ပြပေးသောကြောင့် သနားစရာ ဗိုလ်ချုပ်များ 'အလွန်တရာ နေရ ထိုင်ရခက်' ဖြစ်စေခဲ့သည်ဟုဆို၏။

အကျပ်အတည်း၏ အကြောင်းရင်းခံမှာ နိုင်ငံရေးဖြစ်သည်ဟု အိုင်စီဂျီက စိတ်မပါလက်မပါနှင့် ဝန်ခံထား သော်လည်း ယင်းအကျိုးဆက်အရ ဖြေရှင်းချက်များမှာလည်း နိုင်ငံရေးပင်ဖြစ်သည်ဟူသော အယူအဆကိုမူ အိုင်စီဂျီက ငြင်းဆိုထားပုံရသည်။ အိုင်စီဂျီအစီရင်ခံစာက မြန်မာနိုင်ငံသို့ အကူအညီပိုပေးရေး၊ အရပ်ဖက် လူထုအသင်းအဖွဲ့ စီမံချက်များကို ထောက်ခံအားပေးရေးတို့ကိုမူ မှန်ကန်သင့်လျော်စွာ တောင်းဆိုထားပြီး မြန်မာပြည်တွင် လူသားချင်းစာနာရေး မဟာအကျပ်အတည်းကြီး ဆိုက်လုနီးနေပြီဟု သတိပေးထားသည်။ ဤသည်တို့ကို ကျနော် သဘောတူထောက်ခံပါသည်။ ဖြစ်ရပ်များနှင့် ကိန်းဂဏန်းများကလည်း အတိအလင်း ပြဆိုနေပြီဖြစ်ပါသည်။ သို့ရာတွင် အိုင်စီဂျီက ဒီမိုကရေစီရေး လှုပ်ရှားတက်ကြွသူများသည် အကူအညီ ပေးရေးကို ဆန့်ကျင်နေသည်ဟူသော မုသားစကားကိုဖြန့်ချိဖို့ လုပ်ဆောင်နေသည်။ အမှန်အားဖြင့်ဆိုရလျှင် အကူအညီပိုပေးရေးကို တောင်းဆိုခဲ့ကြသည်မှာ ကမ်ပိန်းအဖွဲ့များပင် ဖြစ်လေသည်။

ဥပမာအားဖြင့် ဗြိတိန်အစိုးရမှ မြန်မာနိုင်ငံသို့ အကူအညီပိုပေးရေးကို ယမန်နှစ်က ဗြိတိန်နိုင်ငံတွင် အောင်မြင်စွာ ဦးဆောင်လုံးပမ်းခဲ့သူများမှာ ဗြိတိန်နိုင်ငံ မြန်မာ့အရေးလှုပ်ရှားမှုအဖွဲ့ BCUK နှင့် ကမ္ဘာလုံး ဆိုင်ရာ ခရစ်ယာန်သွေးစည်းညီညွတ်ရေးအဖွဲ့ CSW တို့ဖြစ်သည်။ ယင်းအဖွဲ့များသည် အရပ်ဖက် လူမှု အသင်းအဖွဲ့များနှင့် ဒီမိုကရေစီအဖွဲ့များကို ရန်ပုံငွေပိုပေးရေး၊ နယ်စပ်ကျော် လူသားချင်းစာနာရေး ကယ် ဆယ်မှု ပိုမိုပြုလုပ်ရေးနှင့် ကုလသမဂ္ဂမှ ပိုမိုထိတွေ့ဆက်ဆံရေးကို နှစ်ပေါင်းများစွာ တောင်းဆိုခဲ့ကြသည်၊ တောင်းဆိုနေကြဆဲဖြစ်သည်။ ယင်းအဖွဲ့များသည် ဗိုလ်ချုပ်ကြီးများကို ကုလသမဂ္ဂ၊ ဒီမိုကရေစီလှုပ်ရှားမှုနှင့် တိုင်းရင်းသားအဖွဲ့များနှင့် တွေ့ဆုံဆွေးနွေးရန် အချိန်များစွာအကုန်ခံ တွန်းဆော်ပေးနေခဲ့ကြသည်။ ယင်းအဖွဲ့ များက ဆန့်ကျင်ခဲ့ကြသည်မှာ စစ်အစိုးရအိတ်ထောင်များထဲသို့ ပိုက်ဆံထည့်ပေးရန် အိုင်စီဂျီ၏ တောင်းဆိုမှု ကိုသာဖြစ်သည်။ ဤသို့ ဆန့်ကျင်ရခြင်းမှာ စစ်အုပ်စုသည် ၎င်းတို့၏ စစ်တပ်တိုးချဲ့ရေး၊ လက်နက်များ ပိုမို ဝယ်ယူနိုင်ရေးနှင့် ပြည်သူလူထုကို ပိုမိုသတ်ဖြတ်နိုင်ရေးအတွက် အဆိုပါ ဘဏ္ဍာငွေကို အသုံးချလိမ့်မည် ဟူသည့် ရိုးရိုးစင်းစင်း အကြောင်းတရားကြောင့်သာ ဖြစ်ပါသည်။

ကျနော်တို့ထင်ခဲ့သည်မှာ အိုင်စီဂျီသည် ပဋိပက္ခတားဆီးဖြေရှင်းရေးနှင့် သက်ဆိုင်သည်ဟု ထင်မိခဲ့သည်။ သို့ရာတွင် ယခုမူ ၎င်းတို့သည် စစ်အစိုးရအား ကာကွယ်စောင့်ရှောက်ရေးနှင့် သက်ဆိုင်ပုံရနေပါသည်။

ဘဲနဒစ်ရောဂျား
(ကမ္ဘာလုံးဆိုင်ရာခရစ်ယာန်သွေးစည်းညီညွတ်ရေးအဖွဲ့)
ဂါးဒီးယန်းသတင်းစာ အောက်တိုဘာ ၂၇၊ ၂ဝဝ၈ ခုနှစ် ဂါမဏိ ဘာသာပြန်သည်။


REF: နေ့သစ်

Read More...

အရေးနိမ့်ခဲ့ရသော မြန်မာ့အကြမ်းမဖက် တော်လှန်ရေး (အပိုင်း ၄) - နော်မန် ရိုဘက်စ် စပီရီ

အတိုက်အခံ အင်အားစုများအတွက် အဓိကအမှား ဖြစ်နိုင်သည်မှာ စစ်တပ်ကို ဖြိုခွဲသိမ်းသွင်းရန် စနစ်တကျ စုစည်းဆောင်ရွက်မှု မရှိခဲ့ခြင်းဟု ဆိုနိုင်ပါသည်။ ဤအချက်မှာ အကယ်၍ သူတို့က နိုင်ငံကို ဖိနှိပ်အုပ်ချုပ်နေမှု အောက်မှ လွတ်မြောက်လိုသည်ဆိုလျှင် အဓိကမဟာဗျူဟာ ရည်မှန်းချက်တခု ဖြစ်သင့်ပါ သည်။ စစ်တပ်တခုသည် ယေဘုယျအားဖြင့် စုပေါင်းတာဝန်ယူမှု၊ တာဝန်သိမှု ရှိကြပြီး ပြင်ပမှ လူများက သူတို့အဖွဲ့သား အားလုံးအပေါ် စုပေါင်းအပြစ်ပုံချကြခြင်းကြောင့် သူတို့ကို သွေးခွဲပြိုကွဲစေမည့်အစား ညီညွတ် အောင် လုပ်ပေးသကဲ့သို့ ဖြစ်နေစေပါသည်။


ဥပမာအားဖြင့် အတိုက်အခံ အင်အားစုဖက် ထောက်ခံသူများက “တော်လှန်ရေး၏ ရန်သူများ” ဟူသည့် စာရင်းတခုကို ပြုစုပြီး အင်တာနက်ပေါ်တွင် အမည်မသိ ထုတ်ပြန်ဖြန့်ချိခဲ့ကြပါသည်။ ဤစာရင်းသည် အမှန် တကယ်တွင် အကြမ်းဖက်ခံရမည်ဟု ပြောင်ခြိမ်းခြောက်မှုတခု ဖြစ်သော်လည်း သေချာစနစ်တကျ ပြင်ဆင် ထားပုံ မရပါ။ စာရင်းထဲတွင် စစ်တပ်၏ ဆေးဖက်ဆိုင်ရာ ညွှန်ကြားရေးမှူး ကဲ့သို့သော လူမျိုးကိုပင် ထည့် သွင်းထားသည်ကို တွေ့ကြရပါသည်။ သူက ယူနီဖောင်း ၀တ်ထားသောကြောင့် ဤစာရင်းတွင် ရာဇ၀တ်မှု အဖြစ် ထည့်သွင်းဖော်ပြထားခဲ့ပုံ ရပါသည်။ သို့သော်လည်း အလွယ်စဉ်းစားသည့် မြန်မာစစ်တပ် တခုလုံးကို မိစ္ဆာသဖွယ်၊ ရန်သူသဖွယ် သိမ်းကျုံးပုံဖော်ပြသည့် ၀ိုင်းကြီးချုပ် ချည်းကပ်ပုံနည်းနာသည် စစ်အစိုးရ၏ ပင်မ ထောက်တိုင်ဖြစ်သည့် စစ်တပ်ကို ဖြိုခွဲအားပျော့စေရေး မဟာဗျူဟာအတွက် အားနည်းချက် ဖြစ်စေခဲ့ပါ သည်။

ကံဆိုးသည်မှာ ဤသို့ယေဘုယျ ချဉ်းကပ်ပုံမျိုးကို မြန်မာအတိုက်အခံများကရော၊ အနောက်တိုင်း သံတမာန် များကပါ အသုံးပြုနေကြခြင်း ဖြစ်သည်။ အတိုက်အခံအင်အားစုများဖက်ကို ထောက်ခံမည့် စစ်တပ်အရာရှိ အနည်းဆုံး အချို့ထားရှိရန် လိုအပ်ပြီး ဤသူများမှတဆင့် စစ်အစိုးရ၏ ပင်မထောက်တိုင် စစ်တပ်ကို ဖြိုလှဲ ရန် လိုအပ်ပါလိမ့်မည်။ အတိုက်အခံတဦးက စစ်တပ်၏ ကောင်းကျိုးဆောင်ရွက်ပြုထားပုံကို ချီးကျူးသည်မှာ ရှားရှားပါးပါး မရှိသလောက်ပင်ဟု ဆိုရပါလိမ့်မည်။ စစ်တပ်ဆိုသည်မှာ အမျိုးသားနိုင်ငံတခု၏ အင်အား၊ အတိုက်အခံများ အတွက်လည်း လိုအပ်ချက်ဖြစ်ပြီး ယခုအချိန်တွင် စစ်အစိုးရက ချုပ်ကိုင်အသုံးချနေခြင်း သာ ဖြစ်ပါသည်။

ထိုမျှမက အတိုက်အခံခေါင်းဆောင်များက စစ်တပ် အငယ်တန်းအရာရှိများကို ပြုစုပျိုးထောင်ရန်အတွက် အကြံပေးလျှင် သင့်မည်ထင်ပါသည်။ နိုင်ငံအနာဂတ်အတွက် စစ်တပ်၏ အရေးပါသည့် အခန်းကဏ္ဍ ပွင့်ပွင့် လင်းလင်းဖော်ပြ အသိအမှတ်ပြုရန် လိုအပ်ပြီး၊ လက်ရှိ စစ်သားများ ခံစားတွေ့ကြုံနေရသည့် နိမ့်ကျဆိုးရွား နေသော စစ်တပ်တွင်း အခြေအနေများကိုလည်း ဖော်ပြပြောဆိုရန် လိုအပ်ပါလိမ့်မည်။ ဒီမိုကရေစီ အစိုးရ လက်အောက်တွင် သူတို့၏ အခြေအနေက ဤထက်ပို၍ မြင့်တက်လာနိုင်ကြောင်းကိုလည်း ပြောဆိုစည်းရုံး သင့်ပါသည်။ လွန်ခဲ့သည့်နှစ်က ဆန္ဒပြပွဲများအပေါ် ဖြိုခွဲနှိမ်နင်းမှုများကို ပြန်၍ကြည့်ပါက အတိုက်အခံများက စစ်အစိုးရ၏တပ်များကို ထိုးဖောက်စည်းရုံးထားနိုင်ရန် ပျက်ကွက်ခဲ့သည်ကို တွေ့ကြရသည်။ စစ်အစိုးရက ၎င်း၏တပ်များကို ယုံကြည်ကိုးစားစွာ အသုံးချနိုင်သေးသည်ကို တွေ့ရမည်ဖြစ်သည်။

အတိုက်အခံများတွင် စစ်တပ်အတွင်းကို ထိုးဖောက်စည်းရုံးရန် အချိန်နှစ် ၂၀ ရှိခဲ့ပါသည်။ တပ်မတော် အတွင်း ဒီမိုကရေစီ အလံမြှင့်တင်ပေးလိုသူ၊ သူတို့ကိုယ်ပိုင် ရာထူးနေရာကို ခုန်ကျော်တက်လိုသူများကို ရှာ ဖွေစည်းရုံးရန် အချိန်ရှိခဲ့ပါသည်။ စစ်တပ်အရာရှိများအနေနှင့် သူတို့၏ကိုယ်ကျိုးစီးပွား တက်လမ်းများကို ထိန်းချုပ်ထားသည့် စစ်အစိုးရကို စွန့်ခွါလာစေရန် စည်းရုံးရန် နှစ် ၂၀ အချိန်ရခဲ့ပါသည်။ အတိုက်အခံများ အနေနှင့် စစ်တပ်နှင့် ရဲတပ်ဖွဲ့များကို တချိန်အစိုးရသစ်တွင် သူတို့အတွက် အဓိကကျသည့်နေရာကဏ္ဍ ရှိ ကြောင်း၊ အခြားခံစားခွင့်များ ရှိမည်ဖြစ်ကြောင်း၊ ပို၍ပင်တိုး တက်လာစေမည်ဖြစ်ကြောင်း အာမခံချက် ပေး ခဲ့သင့်ပါသည်။ သို့သော်လည်း ဤလမ်းကို မလှမ်းခဲ့ကြပါ။ ထိုမျှမက ဤသို့ လုပ်ဆောင်စည်းရုံးရန်လည်း စိတ်အားထက်သန်မှု နည်းနည်းမျှ မပြခဲ့ကြပါ။ အကယ်၍ သူတို့အနေနှင့် အနည်းဆုံး စစ်တပ်နှင့် ရဲအရာရှိ အချို့ကို နိုင်ငံရေးပြုပြင်ပြောင်းလဲမှုများကြောင့် သူတို့နှင့် သူတို့မိသားစုများအတွက် ပိုမိုကောင်းမွန်သည့် အနာဂတ် အာမခံချက်ရှိစေမည်ဖြစ်ကြောင်း သိမ်းသွင်းအောင်မြင်ခဲ့ပါက ပြီးခဲ့သည့်နှစ် "ရွှေဝါရောင် တော်လှန်ရေး" သည် မတူခြားနားသည့်ရလဒ် ပေါ်ထွက်လာစရာ ရှိပါသည်။

ဒီမိုကရေစီ လှုပ်ရှားမှုအနေနှင့် လွန်ခဲ့သည့် ဆယ်စုနှစ် ၂ ခုကာလအတွင်း အရေးနိမ့်ခဲ့ရသည့် အကြောင်းကို ပြန်ကြည့်လျှင် အဓိကအပိုင်းမှာ ၎င်းလှုပ်ရှားသူများက ဒေါ်အောင်ဆန်းစုကြည်ကို ပုဂ္ဂိုလ်ရေးအရ ကိုးကွယ် ယုံကြည်မှုကဲနေခြင်းနှင့် အကြမ်းမဖက်သဘောတရားကို စွဲ၍ ဆုပ်ကိုင်နေခြင်းကြောင့်ပင် ဖြစ်သည်။ သတင်း များအရ ဒေါ်စုက မည်သည့် အကြမ်းဖက်မှုမျိုးကိုမျှ နည်းနည်းမျှ သည်းညည်းခံနိုင်ခြင်း မရှိသလို၊ အခြား ရွေးချယ်စရာနည်းလမ်းများကို ရှာဖွေကြသည့် အဖွဲ့ဝင်များကို အဖွဲ့က ထုတ်ပယ်ပစ်ခဲ့ခြင်းမှာလည်း အမျိုး သားဒီမိုကရေစီအဖွဲ့ချုပ် (NLD) နှင့် အတိုက်အခံ အင်အားစုများအဖို့ နောက်ထပ် မျိုးဆက်သစ်ခေါင်းဆောင် များ သိမ်းသွင်းကြီးထွားနိုင်ခွင့်ကို လက်လွတ်ဆုံးရှုံးရစေသည်။ မည်သို့ဆိုစေ ဒေါ်အောင်ဆန်းစုကြည် အရေး နိမ့်ခဲ့ရသည့်ကိစ္စများကို "ရွှေဝါရောင်တော်လှန်ရေး" က အောင်မြင်အောင် ဆောင်ရွက်နိုင်ခဲ့မည့်ပုံရှိပါသည်။ ယခုအခါ ဒေါ်အောင်ဆန်းစုကြည်၏ နောက်လိုက်အများကလည်း အကြမ်းမဖက်အာခံမှု သက်သက်ချည်း ဖြင့်သာ အလုပ်မဖြစ်နိုင်ကြောင်း သိမြင်သဘောပေါက်လာကြပြီ ဖြစ်သည်။ သူမကို နှစ်ပေါင်းများစွာ အိမ် အကျယ်ချုပ်ဖြင့် ချထားခံခဲ့ရခြင်းကြောင့်လည်း ပို၍ ဘေးရောက်လာရပြီး ထိပ်တိုက်ရင်ဆိုင်မှုနည်းလမ်းများ အတွက် အင်အားတခုအဖြစ် ပံ့ပိုးမှု မပေးနိုင်ခဲ့ပါ။

သေချာသည်မှာ အကြမ်းဖက်မှုသက်သက်ချည်းကလည်း အဖြေမဟုတ်ပါ။ သို့သော်လည်း ပို၍ ပြင်းထန် သည့် နည်းပရိယာယ်များ အသုံးပြုရန်လိုအပ်ပြီး၊ တချိန်တည်းမှာပင် အပြုသဘောဆောင်သော ချည်းကပ်မှု များ၊ တနည်း စစ်အစိုးရကို အပြောင်းအလဲများ လုပ်လာစေရန်အတွက် မက်လုံးများ ဖန်တီးပေးရန်လည်း လိုအပ်ပါသည်။ သို့မှသာ လက်ရှိ တရားသေ ဆုပ်ကိုင်ထားကြသည့် အကြမ်းမဖက်နည်းဗျူဟာများမှ လမ်းခွဲ ဆောင်ရွက်နိုင်ရန် အကြောင်းရှိပါသည်။ အတိုက်အခံအုပ်စုများအနေနှင့် အပြောင်းအလဲ ဖြစ်ပေါ်လာစေရန် အတွက် အနှစ် ၂၀ ကျော် တွန်းထိုးလှုပ်ရှားနေခဲ့ရသည်။ ယုတ္တိတန်သည့်၊ လက်တွေ့ကျသည့် မဟာဗျူဟာ တရပ်မရှိဘဲ လှုပ်ရှားနေသောကြောင့်လည်း ယခုကဲ့သို့ အရေးနိမ့်မှုကြုံနေကြရခြင်း ဖြစ်ပါသည်။

သေချာသည်မှာ ဖြိုခွင်းချေမှုန်းမှုများ၊ ဖမ်းဆီးမှုများကြောင့် ခေါင်းဆောင်မှုတွင် သိသိသာသာ ထိခိုက်နစ်နာရ သည်ကတော့ အမှန်ပင်ဖြစ်ပါသည်။ သို့သော်လည်း အတိုက်အခံအင်အားစုများက လက်တွေ့ကျသည့် လုပ်ငန်းများကို မဟာဗျူဟာနှင့် မပေါင်းစပ်နိုင်သမျှ၊ ရနိုင်သမျှသော နည်းပရိယာယ်များကိုသုံး၍ စစ်အစိုးရ ခေါင်းဆောင်မှုကို ကျားကန်ပေးနေသည့် စစ်တပ်တွင်း ထောက်ခံမှုကို ချိနဲ့မစွမ်းသာအောင် မလုပ်ဆောင်နိုင် သမျှ ကာလပတ်လုံး ဒီမိုကရေစီ အပြောင်းအလဲများ၊ နိုင်ငံရေးဖြစ်ပေါ်တိုးတက်မှုများ မြင်ကြရဖွယ် မရှိပါ။ ဤအချိန်တွင် ခေါင်းမာသည့် နောက်ထပ် မျိုးဆက်သစ်စစ်သားများက အရွယ်ရောက်လာကြပြီး အာဏာကို ဆက်လက်ထိန်းသိမ်းထားကြဦးမည်ဖြစ်သည်၊ အတိုက်အခံများ၏ ဗိုလ်နေမြဲ ကျားနေမြဲလှုပ်ရှားမှုများကို လည်း သူတို့က ဆက်လက်ခုခံနေကြဦးမည်သာ ဖြစ်ပါသည်။

Norman Robespierre ရေးသားသည့် Myanmar's failed non-violent opposition ကို ဆီလျော်အောင် ပြန်ဆိုဖော်ပြပါသည်။

ကလောင်အမည် နော်မန် ရိုဘက်စ် စပီရီ (Norman Robespierre) နိုင်ငံရေး သိပ္ပံပညာရှင်၊ အလွတ် သတင်းထောက်တဦး ဖြစ်ပြီး အရှေ့တောင်အာရှရေးရာကို အထူး အလေးပြု လေ့လာနေသူ ဖြစ်ပါသည်။


REF: ဧရာဝတီ

Read More...

ကျောင်းသားနဲ့ နိုင်ငံရေး - မောင်စွမ်းရည်

ကျောင်းသားတွေ နိုင်ငံရေး “လုပ်ရ”၊ “မလုပ်ရ” ဆိုတဲ့ ပြဿနာဟာ သံဃာတွေ နိုင်ငံရေး လုပ်ရ၊ မလုပ်ရ ဆို တဲ့ ပြဿနာလိုပဲ မြန်မာ့ခေတ်သစ်သမိုင်းတလျှောက် ဆွေးနွေးခဲ့ကြဖူးပါတယ်။ ခုလည်း ဆွေးနွေးဆဲပါပဲ။ ဗမာပြည်မှာ ဒီအကြောင်းအရာကို လွန်ခဲ့တဲ့ (၁၅) နှစ်လောက်က ထင်ပါရဲ့။ ဆောင်းပါးရှင်တဦးက တင်ပြဖူး တယ်။ ခေါင်းစဉ်ကတော့ “ကျောင်းသား နိုင်ငံရေး လုပ်သင့် မလုပ်သင့်” လို့ တိုက်ရိုက် တပ်မထားပါဘူး။ ဆောင်းပါးထဲမှာ ထည့်သွင်းဆွေးနွေးထားတာက မျိုးဆက်သစ်တွေ တိုးတက်ရစ်ချင်ရင် ကျောင်းသားဘ၀မှာ နိုင်ငံရေးမလုပ်ဖို့ပါပဲ။ ဒီအချက်တခု ငြိနေပေမယ့် “ကျောင်းသားနိုင်ငံရေး လုပ်သင့်တာပေါ့” လို့ ဘယ်သူမှ ပြန်မရေးကြပါဘူး။ ရေးရင် ဖမ်းမှာကိုး။

“စစ်သား နိုင်ငံရေး လုပ်သင့် မလုပ်သင့်” ဆိုတာတော့ စဉ်းစားခွင့်ကို ပေးမှာမဟုတ်ဘူး။ “လုပ်သင့်တယ်” ဆိုရင် အောက်ခြေစစ်သားတွေက နိုင်ငံရေးထလုပ်ရင် ဒုက္ခ။ “မလုပ်သင့်ဘူး” ဆိုရင်လည်း သူတို့ စစ်တပ် အကြီးအကဲတွေက လုပ်နေပြန်တော့ ဒုက္ခ။ သူတို့က နိုင်ငံရေး လုပ်နေတာ မဟုတ်ဘူး။ ကယ်တင်နေတာ တဲ့။ ဒါလည်း ဟုတ်သလိုပဲ။ သူတို့က နိုင်ငံရေးမလုပ်ဘူး၊ စီးပွားရေးပဲလုပ်တာကိုး။ ကယ်တင်တာကတော့ ဗိုလ်ချုပ်တွေကိုပဲ ကယ်တင်နေတာလေ။ နိုင်ငံရေးမလုပ်ပါ “နိုင်ငံရေးလုပ်စား” ကြတာပါ။

တကယ်တော့ မြန်မာ့ခေတ်သစ်သမိုင်းဟာ ကျောင်းသားသမိုင်းပဲ။ ကျောင်းသားတွေနဲ့ နိုင်ငံရေးလှုပ်ရှားမှု သမိုင်းပဲ။ မြန်မာ့ခေတ်သစ်သမိုင်းရဲ့ အကြီးဆုံးနိုင်ငံရေးလှုပ်ရှားမှုက ၁၉၂၀ ခုနှစ် ရန်ကုန်တက္ကသိုလ် ကျောင်းသားတွေရဲ့ ပထမကောလိပ်သပိတ်ပဲ။ ဒါဟာ ပထမဆုံး ပညာရေးတိုက်ပွဲ၊ ကျောင်းသားအခွင့်အရေး တိုက်ပွဲဖြစ်တဲ့အပြင် ပထမဆုံး အမြင့်ဆုံး အမျိုးသားရေးတိုက်ပွဲနဲ့ ပထမဆုံး ဒီမိုကရေစီရေး တိုက်ပွဲလည်း ဖြစ်ပါတယ်။

၁၉၃၀ ပြည့်နှစ်တ၀ိုက်မှာ သခင်ဗသောင်းဟာ ရန်ကုန်တက္ကသိုလ်မှာ ဂန္တလောကမဂ္ဂဇင်း အယ်ဒီတာ၊ ဘာသာပြန်ဆရာ လုပ်နေရာက ထွက်ပြီး ဒို့ဗမာအစည်းအရုံး စတင်တည်ထောင်တော့လည်း သခင် လေးမောင်၊ သခင်သိမ်းမောင်၊ သခင်ဗစိန် စတဲ့ တက္ကသိုလ်ကျောင်းသားတွေနဲ့ တက္ကသိုလ်ထဲမှာ ဒို့ဗမာ သီချင်းဆိုရင်း စတင်ခဲ့တာပဲမဟုတ်လား။

ဝိုင်အမ်ဘီအေ၊ ဂျီစီဘီအေ ခေါင်းဆောင် “လူကြီးလူကောင်း” တွေ ဒူးညွှတ်ကုန်ကြတော့ ဒို့ဗမာသခင် ကျောင်းသားတွေက လွတ်လပ်ရေးတိုက်ပွဲအလံကို ဆက်လက်သယ်ဆောင်ခဲ့ကြရတယ်။ ၁၉၃၆ ခုနှစ် ကိုနု၊ ကိုအောင်ဆန်း၊ ကိုရာရှစ်၊ မအုန်း၊ မအမာတို့ရဲ့ ဒုတိယကောလိပ်သပိတ်၊ ၁၉၃၈ ခုနှစ် ဗိုလ်အောင်ကျော်တို့ ရဲ့ တတိယကောလိပ်သပိတ်တို့ဟာလည်း ကျောင်းသားတွေ အသက်ပေးမြှင့်တင်ခဲ့ကြတဲ့ လွတ်လပ်ရေး တိုက်ပွဲပဲ မဟုတ်ပါလား။

ကိုနု၊ ကိုလှဖေ၊ ကိုအောင်ဆန်း၊ ကိုဗဟိန်း၊ ကိုသိန်းဖေ စတဲ့ ရန်ကုန်တက္ကသိုလ်ကျောင်းသားတွေဟာ ၁၉၃၈ ခုနှစ် ကျောင်းသားသပိတ်အပြီးမှာ သခင်တွေ ဖြစ်လာကြတယ်။ ဒို့ဗမာအစည်းအရုံးကို သခင်အောင်ဆန်းတို့ ဆက်လက်ဦးဆောင်တယ်။ ၁၉၂၀ ခုနှစ်ကတည်းက “ထီမထင်ကျောင်းတော်သားတွေရဲ့၊ အမည်အစဉ် ခေါင်းပေါ်ဖျားမှာ၊ မင်းတို့ဆရာကို စာရင်းတို့ကာသာ ထားလိုက်ပေတော့” လို့ ကြွေးကြော်ပါဝင်လာခဲ့တဲ့ ဆရာကြီး သခင်ကိုယ်တော်မှိုင်းထံမှာ ကျောင်းသားတွေက ဆက်လက်ပြီး ဦးဆောင်မှုကို ခံယူခဲ့ကြတယ်။

ဗမာ့တပ်မတော်သမိုင်းဆိုပြီး ရေးကြရင်လည်း ဗိုလ်နေ၀င်းတို့၊ ဗိုလ်အောင်ကြီးတို့ စစ်အာဏာရှင်သားအဖ မိုင်းဗုံးနဲ့ ဖြိုခွဲခဲ့တဲ့ ရန်ကုန်တက္ကသိုလ်ကျောင်းသားသမဂ္ဂ အဆောက်အအုံက စတင်ရမှာပဲ ဖြစ်ပါတယ်။ ဗိုလ်လက်ျာ (သခင်လှဖေ)၊ ဗိုလ်အောင်ဆန်း၊ ဗိုလ်ဇေယျ (တကသဥက္ကဋ္ဌ ကိုလှမောင်)၊ ဗိုလ်ရန်နိုင် (ကိုထွန်းရှိန်) တို့ဟာ လက်နက်ကိုင်တော်လှန်ရေးလုပ်ကြဖို့ကို သမဂ္ဂအဆောက်အအုံမှာပဲ ဆွေးနွေးစတင်ခဲ့ ကြတာဟာ သမိုင်းပါပဲ။ ဒါကြောင့် “တပ်မတော်အစ ကျောင်းသားသမဂ္ဂ” လို့ ဆောင်ပုဒ်လုပ်ပြီး ကျောင်းတွေ မှာ သင်ရပါအုံးမယ်။ ဒီဆောင်ပုဒ်မှာ ကန့်ကွက်ငြင်းဆို ပြင်ဆင်စရာ ဘာမှမရှိပါဘူး။

လွတ်လပ်ရေးရပြီးတော့ ပြည်တွင်းငြိမ်းချမ်းရေးဟာ အထူးအရေးကြီးတယ်။ ဒါလည်း ကျောင်းသားတွေက ရှေ့တန်းက ပါဝင်ခဲ့ကြပါတယ်။ “မှိုင်းရာပြည့်” တို့၊ “ဦးသန့်အရေးအခင်း”တို့၊ “ရှစ်လေးလုံး အရေးတော်ပုံ” တို့ဟာ ကျောင်းသားခေါင်းဆောင်မှုတွေပါပဲ။ ပေါ်ပေါက်ရတဲ့အကြောင်းရင်းက စစ်အစိုးရရဲ့ အာဏာရှင် လုပ်ရပ်တွေကြောင့်ဆိုတာ ငြင်းမရပါဘူး။ ရှစ်လေးလုံးဆိုတာ တနိုင်ငံလုံးက မခံမရပ်နိုင်ဖြစ်နေတဲ့ ငွေစက္ကူကိစ္စ၊ ကုန်ဈေးနှုန်းကြီးမြင့်တဲ့ လတ်တလောကိစ္စတွေကြောင့် ပေါ်ပေါက်လာခဲ့ရတာပါ။ စီးပွားရေး၊ နိုင်ငံရေး၊ ဖရိုဖရဲဖြစ်ရတာတွေဟာ အရင်းခံပါပဲ။ ဒါတွေကြောင့် နိုင်ငံရေးလှုပ်ရှားမှုတွေ ဖြစ်ရတာကို ဗကပယူဂျီတွေကြောင့်လို့ တရားခံရှာရင် ဗကပပဲ ဂုဏ်တက်မှာပါ။ ဒီနေ့လည်း “မျိုးဆက်သစ်” လူငယ်လေးတွေဟာ ကျောင်းသားလေးတွေပါ။ သူတို့ရဲ့ ဘ၀အသိနဲ့ သူတို့ ထွက်လာခဲ့ကြတာပါ။

အထက်မှာ ကျနော်ဖော်ပြခဲ့တဲ့ ကျောင်းသား နိုင်ငံရေးမလုပ်သင့်ကြောင်း ဆောင်းပါးရှင်ကို ကျောင်သား တယောက်က “လုပ်ရင် ဘာဖြစ်မလဲ” ဆိုတော့ “လုပ်စမ်းကြည့်ပေါ့၊ မင့်ဘ၀အညွန့်ကျိုးမှာပဲ” တဲ့။ ခုခေတ်မှာ ကျောင်းသားတွေ နိုင်ငံရေးလုပ်ကြလို့ တဦးချင်းအရ ပြောရရင် ထောင်ကျ၊ နှိပ်စက်ခံ၊ အသတ်ခံရတဲ့အထိ နစ်နာကြရပါတယ်။ တရားခံက စစ်အစိုးရပါ။ ဒါကို ကျောင်းသားတွေ “အညွန့်ကျိုးတယ်” ဆိုတော့ ထမေးတဲ့ ကျောင်းသားက ကျနော့်ကို ဒီကိစ္စ ပြန်ပြောတယ်။ ဆောင်းပါးရှင် ကျောင်းဆရာ သူပြောတာ စေတနာနဲ့ပဲ ထားပါတော့ကွာ။ ဒါပေမယ့် “ကိုအောင်ဆန်းတို့လို ကျောင်းသားတွေ နိုင်ငံရေး မလုပ်ခဲ့ရင် ငါတို့မှာ ကျိုးစရာ အညွန့်တောင် ရှိမှာမဟုတ်ဘူး” လို့ ပြောလိုက်ရပါတယ်။

ပီနန်ဆရာတော်ကြီးက “အိမ်” ထဲမှာ နေသူတိုင်းဟာ “အိမ်” မိုးယိုတာ၊ ကြမ်းပေါက်တာတွေအတွက် တာဝန် ရှိသလိုပဲ “နိုင်ငံ” ထဲမှာ နေကြတဲ့ နိုင်ငံသားတိုင်းဟာလည်း “နိုင်ငံ” နင်းကျိုးနင်းကျွံဖြစ်နေတာတွေ အတွက် တာဝန်ရှိကြပါတယ်။ နိုင်ငံတော်အတွင်းမှာ အများပြည်သူတွေနဲ့ အတူနေကြရတဲ့ ငါတို့ ရဟန်းသံဃာတွေ မှာလည်း တာဝန်ရှိတာပဲဆိုတဲ့ သဘောထားကို အကြိမ်ကြိမ် တင်ပြခဲ့ပါတယ်။ ဒီသဘောနဲ့ ထပ်တူပဲ အမေ လူထုဒေါ်အမာက ကျောင်းသားနဲ့ နိုင်ငံရေးကိစ္စကို အဖြေပေးခဲ့ဖူးပါတယ်။

“အမေကတော့ ကျောင်းသားလည်း နိုင်ငံရေးလုပ်သင့်တယ်လို့ မြင်တာပဲ။ ဘာဖြစ်လို့တုန်းဆိုတော့ ကျောင်းသားလည်း တိုင်းသူပြည်သားတယောက်ပဲမဟုတ်လား။ သူတနေ့ လူကြီးဖြစ်လာအုံးမှာပဲ။ အဲဒီတော့ နိုင်ငံရေးမလုပ်ရင် “အ”တယ်။ ပြည်သူလူထုနဲ့ အတူရောပြီး တက်ကြွရမှာပဲ၊ လှုပ်ရှားရမှာပဲလို့ မြင်တာပဲကွဲ့။ ကျောင်းသားတွေကို အကုန်လုံး ဟိုရွှေ့ဒီရွှေ့ တခါတည်း ဖရိုဖရဲဖြစ်အောင် အစွမ်းကုန် သူတို့ဘက်က လုပ် တော့တာပဲ။ ကျောင်းသားကို သူတို့က သိပ်ကြောက်နေတာ။ အဲဒါပဲ အမေမြင်တာ” တဲ့။ (လူထုဒေါ်အမာ)

ဒါကြောင့် မျိုးဆက်သစ်တို့ တိုးတက်ရစ်ဖို့ အညွန့်တလူလူထွက်ဖို့ရာမှာ ကျောင်းသားတွေ နိုင်ငံရေးမလုပ်လို့ ဖြစ်ကို မဖြစ်ပါဘူး။ ဒီသံသရာ ဘယ်တော့ ဆုံးမှာလဲဆိုရင် စစ်တပ်က နိုင်ငံရေးမလုပ်တော့တဲ့အခါ ဆုံးမှာပါ ပဲ။ ဖိရင်တော့ ကြွမှာပဲ။ ကျောင်းသားရော၊ သံဃာရော၊ သီလရှင်ရော၊ အိမ်ရှင်မတွေရော နိုင်ငံရေးထဲ ပါအုံး မှာပဲဆိုတာ မြေကြီးလက်ခတ်မလွဲပါဘူး။ နိုင်ငံသားတိုင်း နိုင်ငံရေးနဲ့ ရှောင်လို့မရဘူး။


(၁၅-၁၂-၀၈)

REF:ခေတ်ပြိုင်

Read More...

အသက်ဝင်လာတော့မည့် စက္ကူကျား

Tuesday, 16 December 2008

အရှေ့တောင်အာရှ နိုင်ငံများအသင်း (အာဆီယံ) သည် ဖွဲ့စည်းပုံ စည်းမျဉ်းမရှိဘဲ ၄၁ နှစ်ကြာ ရပ်တည်ခဲ့ သည်။ ယခုအခါ အာဆီယံ၏ ရည်မှန်းချက်များ၊ စည်းမျဉ်းများ ပါဝင်သည့် ဖွဲ့စည်းပုံ ပဋိညာဉ်စာတမ်း (အာဆီယံချာတာ) ကို ပထမဆုံးအကြိမ် သဘောတူ ပြဌာန်းလိုက်သည်။

လက်ရှိကျင်းပနေသည့် အာဆီယံနိုင်ငံများ၏ ၀န်ကြီးအဆင့်ဆွေးနွေးပွဲကာလတွင် ထုတ်ပြန်လိုက်သည့် အဆိုပါ ပဋိညာဉ်စာတမ်းတွင် ဒေသတွင်း လွတ်လပ်သည့်ကုန်သွယ်မှုဇုန်တည်ထောင်ရေး၊ ဒီမိုကရေစီရေး၊ လူ့အခွင့်အရေး၊ နျူကလီးယားလက်နက် ကင်းစင်ရေး စသည့်အချက်များလည်း ပါဝင်သည်။

ဤဖွဲ့စည်းပုံ ပဋိညာဉ်စာတမ်းကြောင့် ဒေသတွင်း ပူးပေါင်းဆောင်ရွက်ရေးကို အရှိန်အဟုန်မြင့် အားသွန် ခွန်စိုက် လုပ်ကိုင်နိုင်မည်ဟု အင်ဒိုနီးရှား သမ္မတ ဆူစီလိုဘန်ဘန်း ယူဒိုယိုနိုက အာဆီယံဝန်ကြီးအဆင့် အစည်းအဝေးမိန့်ခွန်းတွင် ထည့်သွင်းပြောကြားလိုက်သည်။

“အင်အားလျော့ရဲသည့် အာဆီယံအဖွဲ့မှ နိုင်ငံရေး၊ စီးပွားရေး၊ ယဉ်ကျေးမှု နယ်ပယ်များတွင် ပူးပေါင်း ဆောင် ရွက်မည့် အာဆီယံအဖွဲ့ကြီးအဖြစ် အသွင်ပြောင်းလဲရေးအတွက် အသုံးပြုနိုင်မည့် ပဋိညာဉ်စာတမ်းဖြစ်သည်” ဟု ၎င်းကဆိုသည်။

မြန်မာစစ်အစိုးရကလည်း ဤပဋိညာဉ်စာတမ်းကို ကြိုက်နှစ်သက်ကြောင်း ၀မ်းသာအားရ ပြောခဲ့ဖူးသည်။ ပြီးခဲ့သည့်နှစ်က အေပီသတင်းဌာနနှင့် ဆက်သွယ်မေးမြန်းခန်းတခုတွင် စစ်အစိုးရ၏ အဆင့်မြင့် သံအရာရှိ တဦးဖြစ်သူ ဦးအောင်ဘွားက “အင်မတန်ကောင်းမွန်တဲ့ ပဋိညာဉ်စာတမ်းတခု ကျနော်တို့မှာ ရှိနေပြီ။ ကျနော် ထင်ပါတယ်၊ အားလုံး ကျေနပ်အားရကြပါလိမ့်မယ်။ အင်မတန်ကို မျှမျှတတ ရေးထားတဲ့ ပဋိညာဉ်စာတမ်း တခုဖြစ်ပါတယ်”ဟု ဆိုသည်။

လူဦးရေ သန်း ၅၀၀ နေထိုင်သော အာဆီယံဒေသကြီးအတွက် ပဋိညာဉ်စာတမ်းရေးဆွဲသူများမှာ အစိုးရများ ဖြစ်သည်။ အာဆီယံနိုင်ငံအစိုးရများ ရေးဆွဲလိုက်သော ပြဌာန်းချက်များကို အာဆီယံအစိုးရခေါင်းဆောင်များ၊ ကိုယ်စားလှယ်များက လှိုက်လှိုက်လှဲလှဲ ထောက်ခံနေကြသည်။ သို့သော်လည်း ပညာရှင်များ၊ အကဲခတ် သမားများ၊ လူမှုအဖွဲ့အစည်းခေါင်းဆောင်များက အဆိုပါ ပဋိညာဉ်စာတမ်းကို စက္ကူစုတ်သာသာ မြင်နေကြ သည်။

ပြီးခဲ့သည့်နှစ်က အဆိုပါပဋိညာဉ်စာတမ်းကို ရေးဆွဲနေကြစဉ် စင်္ကာပူနိုင်ငံ အရှေ့တောင်အာရှရေးရာ တက္ကသိုလ်မှ သုတေသနပညာရှင် ဒေါက်တာတင်မောင်မောင်သန်းက “အထိအခိုက်မခံသော ကိစ္စရပ်များ နှင့် ပတ်သက်ပြီး သက်ဆိုင်ရာအစိုးရများက လိုသလိုအဓိပ္ပာယ်ဖွင့်နိုင်မည့်ေ၀၀ါးပြီး ယေဘုယျကျသော အချက်အလက်များလည်း ပါဝင်ကောင်းပါဝင်နိုင်ပါသည်” ဟု ကြိုတင်ဟောကိန်းထုတ်ခဲ့သည်။

“အာဏာရှင်နိုင်ငံများဖြစ်ကြသည့် CLMV (ကမ္ဘောဒီးယား၊ လာအို၊ မြန်မာနှင့် ဗီယက်နမ်) နိုင်ငံများက ၎င်းတို့ အစိုးရများ၏ လုံခြုံရေးကို ထိခိုက်စေနိုင်သောကိစ္စများနှင့် ရေရှည်အမျိုးသားအကျိုးစီးပွားကို ထိခိုက်စေနိုင် သည့် ကိစ္စရပ်များကို လက်ခံနိုင်ရန် ခဲယဉ်းပါလိမ့်မည်။”ဟု ဧရာဝတီမဂ္ဂဇင်းတွင် ဖော်ပြခဲ့သည့် “အာဆီယံ ချာတာ သို့မဟုတ် စီးပွားဖက်များ ပေါင်းစည်းမိကြခြင်းလော၊ သေဖော်ညှိခြင်းလော” သုံးသပ်ချက်ဆောင်းပါး တွင် ဒေါက်တာတင်မောင်မောင်သန်းက ထည့်သွင်းရေးသားခဲ့သည်။

အခြားပညာရှင်များကလည်း အဆိုပါ ပဋိညာဉ်စာတမ်းကို ‘ကိုက်စရာသွားမပါတဲ့ခွေးတကောင်’၊ ‘လိုအပ်ချက် များ ပါဝင်ခြင်းမရှိသည့် သဘောတူညီချက်’ စသဖြင့် မှတ်ချက်ပြုခဲ့ကြသည်။

အာဆီယံအဖွဲ့ကြီးကို ကွန်မြူနစ်ဆန့်ကျင်ရေး ရည်ရွယ်ချက်ဖြင့် ကမ္ဘာ့စစ်အေးကာလအတွင်း တည်ထောင်ခဲ့ သည်။ ၁၉၆၇ ခုနှစ်တွင် အင်ဒိုနီးရှား၊ မလေးရှား၊ ဖိလစ်ပိုင်၊ စင်္ကာပူ၊ ထိုင်း စသည့် ငါးနိုင်ငံဖြင့် အစပြုခဲ့ခြင်း ဖြစ်သည်။ နောက်ပိုင်းတွင် ဘရူနိုင်း၊ ဗီယက်နမ်၊ လာအို၊ မြန်မာ၊ ကမ္ဘောဒီးယားတို့ဖြင့် တိုးချဲ့ဖွဲ့စည်းခဲ့သည်။

မကြာသေးမီက အာဆီယံအဖွဲ့ဝင်မြန်မာနိုင်ငံတွင် လူမှုရေး၊ နိုင်ငံရေး၊ စာနယ်ဇင်း လုပ်ငန်း လုပ်ကိုင်သူ ၂၀၀ ကျော်ကို အကျဉ်းချခဲ့သည်။ အချို့မှာ ထောင်ဒဏ် ၆၅ နှစ်အထိ ချမှတ်ခြင်းခံရသည်။ အခြားသော လူ့အခွင့် အရေးချိုးဖောက်မှု၊ အနိုင်ကျင့်မှုမျိုးစုံလည်း အဆက်မပြတ် ဖြစ်ပွားနေသည်။

မြန်မာနိုင်ငံကဲ့သို့ အာဏာရှင်နိုင်ငံများဖြင့် ဖွဲ့စည်းထားသည့် အာဆီယံ၏ ဖွဲ့စည်းပုံပဋိညာဉ်စာတမ်းတွင် ဒေသတွင်း လူ့အခွင့်အရေးအခြေအနေများကို မြှင့်တင်ပေးမည်ဟု ထည့်သွင်းရေးဆွဲထားသည်။

သံတမန်ဟောင်း ဝါရင့်နိုင်ငံရေးသမားကြီးတဦးဖြစ်သူ သခင်ချန်ထွန်းကမူ “(အာဆီယံ ပဋိညာဉ်စာတမ်းထဲ မှာ) စည်းကမ်းဖောက်ဖျက်ရင် ဘယ်လိုအရေးယူမယ်ဆိုတာ ဘာမှမပါဘူး။ ဒီတော့ အာဏာရှင်နိုင်ငံတွေက တော့ လုပ်ရိုးလုပ်စဉ်အတိုင်း လုပ်သွားမှာပဲလို့ ဒီလိုပဲ မြင်ပါတယ်” ဟု ဧရာဝတီသို့ ရှင်းပြခဲ့သည်။

အဖွဲ့ဝင်နိုင်ငံများ၏ ပြည်တွင်းရေးကို ၀င်ရောက်စွက်ဖက်ခြင်းမပြုရေးမူကို စွဲကိုင်ထားသော အာဆီယံ၏ ပဋိညာဉ်စာတမ်းမှာ လူကြိုက်နည်းလှသည်။ အာဆီယံ၏ ဤခြေလှမ်းသစ်တွင် ၂၀၁၅ ခုနှစ် လွတ်လပ်သည့် ကုန်သွယ်မှုဇုန်တည်ထောင်ရေးဟူသည့် အချက်လည်းပါဝင်သည်။

“ကျနော်တို့ ဒီမိုကရေစီနဲ့ လူ့အခွင့်အရေးအခြေအနေတွေ ဖွံ့ဖြိုးတိုးတက်မှု မရှိဘဲနဲ့ စီးပွားရေးဖွံ့ဖြိုးတိုးတက်မှု ကို လုပ်လို့မရဘူး” ဟု ထိုင်းနိုင်ငံ လူ့အခွင့်အရေးနှင့် ဖွံ့ဖြိုးတိုးတက်ရေးဖောင်ဒေးရှင်း၊ အထွေထွေအတွင်း ရေးမှူး ဆုမ်ချိုင်းဟုမ်လာက ဧရာဝတီသို့ ပြောပြသည်။ “ဒါပေမယ့် အနာဂတ်ကာလ အာဆီယံနိုင်ငံတွေမှာ လူထုအခြေပြု လူ့အဖွဲ့အစည်းတွေ ဘယ်လောက်အားရှိမလဲ ဆိုတဲ့အပေါ်မှာ မူတည်ပါတယ်။ အားကောင်း မယ် ဆိုရင်တော့ ပဋိညာဉ်စာတမ်းချိုးဖောက်သူတွေနဲ့ ပတ်သက်ပြီး တာဝန်ယူဖို့ အစိုးရတွေကို တိုက်တွန်း နိုင်မှာဖြစ်ပါတယ်” ဟု ဆိုသည်။


ဇာနည်ဝင်း
REF: ဧရာဝတီ

Read More...

ကုလသမဂ္ဂက အတွင်းရေးမှူးချုပ်ဟောင်း ဦးသန့်ကို ဂုဏ်ပြုရန်စီစဉ်

အင်္ဂါနေ့၊ ဒီဇင်ဘာလ 16 2008

နယူးဒေလီ (မဇ္ဈိမ)။ ။ ကုလသမဂ္ဂ အတွင်းရေးမှူးချုပ်ဟောင်း ဦးသန့်၏ နှစ် ၁ဝဝ ပြည့် မွေးနေ့ အထိမ်း အမှတ်အဖြစ် ကုလသမဂ္ဂ စာပို့တိုက် အုပ်ချုပ်ရေးဌာနက ရှေ့နှစ်ဆန်းတွင် တံဆိပ်ခေါင်းသစ် ၃ မျိုး ထုတ်ဝေ သွားမည် ဖြစ်သည်။

US$ 0.94, CHF 1.30 နှင့် EUR 1.15 တန် တံဆိပ်ခေါင်းသစ် ၃ မျိုးကို "ဦးသန့်ရာပြည့်" တွင် အထိမ်း အမှတ်အဖြစ် ၂ဝဝ၉ ခုနှစ် ဖေဖေါ်ဝါရီလဆန်း၌ ထုတ်ဝေသွားမည်ဖြစ်သည်။

မြန်မာနိုင်ငံမှ ဦးသန့်ကို ကုလသမဂ္ဂ အထွေထွေညီလာခံက အတွင်းရေးမှူးချုပ်အဖြစ် တညီတညွတ်တည်း ခန့်အပ်ခဲ့ကြပြီး ၁၉၆၁ ခုနှစ်မှ ၁၉၇၁ ခုနှစ်အထိ တာဝန်ထမ်းဆောင်သွားခဲ့သည်။

ဦးသန့်သည် ဤကမ္ဘာ့အဖွဲ့အစည်းကြီး၌ ဤရာထူးကို ထမ်းဆောင်သည့် ပထမဆုံး အာရှတိုက်သားဖြစ်ပြီး၊ နောက်ထပ် ဤရာထူးကို ရရှိသူမှာ တောင်ကိုရီးယားနိုင်ငံမှ လက်ရှိအတွင်းရေးမှူးချုပ် မစ္စတာဘန်ကီမွန်း ဖြစ်သည်။

ဦးသန့်ကို မြန်မာနိုင်ငံ ဧရာဝတီတိုင်း ပန်းတနော်မြို့တွင် ၁၉ဝ၉ ခုနှစ် ဇန်နဝါရီလ ၂၂ ရက်နေ့က မွေးဖွားခဲ့ပြီး၊ အဆုတ်ကင်ဆာရောဂါဖြင့် ၁၉၇၄ ခုနှစ် နိုဝင်ဘာလ ၂၅ ရက်နေ့က ကွယ်လွန်ခဲ့သည်။

အတွင်းရေးမှူးချုပ်အဖြစ် သူ၏ ရာထူးသက်တမ်းအတွင်း ဦးသန့်သည် ဖြစ်ပွားလာဖွယ်ရှိသော စစ်ပွဲများကို စေ့စပ်ဖြန်ဖြေ၍ အောင်မြင်စွာ တားဆီးပေးနိုင်ခဲ့သည်။ ထိုသို့ မတားဆီးနိုင်ခဲ့ပါက ၁၉၆၂ ခုနှစ် ယီမင်နိုင်ငံ၊ ၁၉၆၈ ဘာရိန်းနိုင်ငံတို့တွင် ပိုမိုကျယ်ပြန့်သော ဒေသဆိုင်ရာ ပဋိပက္ခများအထိ ဖြစ်ပွါးလာခဲ့မည် ဖြစ်သည်။

ဤသို့ ကျော်ကြားထင်ရှားခဲ့သူ ဖြစ်သော်လည်း၊ မြန်မာနိုင်ငံတွင် ၁၉၆၂ ခုနှစ်က သွေးထွက်သံယို မရှိသော အာဏာသိမ်းပွဲဖြင့် အာဏာရလာသူ ဗိုလ်ချုပ်ကြီးနေဝင်းက ဦးသန့်၏ ရုပ်အလောင်းကို နယူးရောက်မြို့မှ လေယာဉ်ဖြင့် သယ်လာသောအခါ နိုင်ငံတော်ဈာပနဖြင့် ဂုဏ်ပြုရန် ငြင်းဆန်ခဲ့သည်။

ဗိုလ်ချုပ်ကြီးနေဝင်း၏ လုပ်ရပ်က ရန်ကုန်တက္ကသိုလ် ကျောင်းသားများကို ချက်ချင်းပင် ဆွပေးလိုက်သလို ဖြစ်သွားပြီး၊ ကြီးကျယ်သော ဈာပနအခမ်းအနား ကျင်းပ၍ ဂုဏ်ပြုရန် ဦးသန့်၏ ရုပ်အလောင်းကို လုယူကာ တက္ကသိုလ်နယ်မြေသို့ သယ်ဆောင်သွားကြသည်။ သို့သော် ဗိုလ်ချုပ်ကြီးနေဝင်းက တက္ကသိုလ်နယ်မြေ အတွင်းသို့ စစ်တပ်များစေလွှတ်ကာ ကျောင်းသားများကို သေနတ်ဖြင့် စတင်ပစ်ခတ်ခဲ့ပါသည်။

ဦးသန့်အား နိုင်ငံတော်ဈာပနဖြင့် ကျင်းပဂုဏ်ပြုရန် တောင်းဆိုရာမှ စတင်ခဲ့သော ဤအဖြစ်အပျက်သည် နောင်အခါတွင် မြန်မာ့ခေတ်သစ်သမိုင်း၌ "ဦးသန့်အရေးအခင်း" အဖြစ် လူသိများခဲ့သည်။ ဤအရေးအခင်း ကို စစ်တပ်က သွေးထွက်သံယို နှိမ်နင်းအပြီးတွင် ကျောင်းသားများ အရပ်သားများ အများအပြားသည် ရန်ကုန်မြို့ လမ်းမများပေါ်တွင် ချီတက်၍ ဦးနေဝင်းနှင့်သူ၏ မြန်မာ့ဆိုရှယ်လစ် လမ်းစဉ်ပါတီကို ဆန္ဒပြခဲ့ကြ သည်။

ကုလသမဂ္ဂ စာတိုက်ဌာန၏ အဆိုအရ နိုင်ငံလဲမဟုတ်၊ ပိုင်နက်နယ်မြေတခုလဲ မဟုတ်ဘဲ တံဆိပ်ခေါင်း ထုတ်ဝေခွင့်ရသည့် အဖွဲ့အစည်းမှာ ကမ္ဘာပေါ်တွင် ကုလသမဂ္ဂအဖွဲ့ တခုထဲသာရှိသည်ဟု ဆိုသည်။

အလားတူပင် ကုလစာတိုက်ဌာနသည် အမေရိကန်ဒေါ်လာ၊ ဆွစ်ဖရန့်နှင့် ယူရို ငွေကြေး ၃ မျိုးဖြင့် တံဆိပ် ခေါင်းများ ထုတ်ဝေသည့် တခုတည်းသော စာပို့တိုက် အာဏာပိုင်အဖွဲ့လည်း ဖြစ်သည်။


ဆလိုင်းပီးပီး
REF:မဇ္ဈိမ

Read More...

နေပြည်တော်တွင် တရုတ်သံရုံးအတွက် မြေ (၁၅) ဧကထိ ခွဲတမ်းတိုးပေးထား

၁၆ ဒီဇင်ဘာ ၂၀၀၈

ရန်ကုန်မှ နိုင်ငံခြားသံရုံးများ နေပြည်တော်ပြောင်းလာစေရေးအတွက် သံရုံးများအတွက် မြေခွဲတမ်းချပေးရန် ကမ်းလှမ်းထားရာ တရုတ်သံရုံးက စစ်အစိုးရပေးသည့်မြေဧရိယာထက် ပိုတောင်းသည့်အတွက် ခွင့်ပြုလိုက်ရ သည်ဟု ၀န်ကြီးချုပ်ရုံးနှင့် နီးစပ်သည့် သတင်းရပ်ကွက်က ပြောသည်။

ရန်ကုန်မြို့ရှိ နိုင်ငံခြားသံရုံးများ၊ ကုလသမဂ္ဂရုံးများအား ၂၀၀၇ ခုနှစ်အတွင်း နေပြည်တော် ပြောင်းရွှေ့လိုပါ က မြေဧက (၅) ဧကစီ ပေးမည်ဟု စစ်အစိုးရက ကမ်းလှမ်းခဲ့သော်လည်း တရုတ်သံရုံးက တိုးတောင်းသည့် အတွက် (၁၅) ဧကထိ ပေးခဲ့ခြင်းဖြစ်သည်။ ရုရှသံရုံးကလည်း မြေတိုးတောင်းသည့်အတွက် (၅) ဧကထက် ပိုပေးထားရသည်ဟု စုံစမ်းသိရသည်။


မြန်မာစစ်အစိုးရက ပေကျင်းတွင် သံရုံးဖွင့်ထားသည့်အပြင် ကူမင်း၌လည်း မြန်မာကောင်စစ်ဝန်ရုံး ဖွင့်ထား သည့်အတွက် မြန်မာစစ်ခေါင်းဆောင်များဘက်က အပြန်အလှန် လုိက်လျောခဲ့ခြင်းဖြစ်နိုင်သည်ဟု သံတမန် တဦးက ယူဆသည်။ ကူမင်းမြန်မာကောင်စစ်ဝန်ရုံးအပြင် ရွှေလီ၌လည်း နောက်ထပ် မြန်မာကောင်စစ်ဝန်ရုံး သစ် ဖွင့်ရန်အလားအလာရှိသော်လည်း မသေချာသေးဟု နိုင်ငံခြားရေး အရာထမ်းတဦးက ပြောသည်။

သို့သော် တရုတ်သံရုံး မည်သည့်အချိန် နေပြည်တော် စတင်ပြောင်းမည်မှာ ရှင်းရှင်းလင်းလင်း မရှိသေးပေ။

ရန်ကုန်အနောက်တိုင်း သံတမန်တဦးအား နေပြည်တော် ပြောင်းရွှေ့ရန် ရှိမရှိ ခေတ်ပြိုင်ကမေးရာ “နိုက်ဂျီး ရီးယားနိုင်ငံ စစ်အစိုးရလက်ထက်တုန်းကလည်း အဘူဂျာမြို့တော်သစ်ကို ပြောင်းတော့ စစ်အာဏာရှင် ရှိနေ သမျှ မြို့တော်သစ်ကို မပြောင်းဘူးလို့ လေးဂို့စ်မြို့က နိုင်ငံခြားသံရုံးတွေ ဆုံးဖြတ်ခဲ့ပြီး သံရုံးအဆင့် အတန်း လျှော့ချခဲ့တဲ့ သာဓကရှိပါတယ်” ဟုသာ ဖြေကြားခဲ့သည်။

အမေရိကန်သံရုံးကမူ နေပြည်တော် မပြောင်းဘဲ ရန်ကုန်မြို့တွင်သာ ဆက်လက်ရုံးစိုက်သွားမည်ဟု ပြော ထားသည့်အတွက် ကျန်အနောက်တိုင်းသံရုံးများလည်း အမေရိကန်သံရုံးနည်းတူ ရန်ကုန်တွင်သာ ဆက်နေ မည့် အလားအလာရှိသည်။

မြန်မာစစ်အစ်ိုးရသည် ရန်ကုန်မြို့ရှိ ၀န်ကြီးဌာန (၃၀) ကို ရန်ကုန်မှနေပြည်တော်သို့ ၂၀၀၅ ခု အောက်တို ဘာ မှ ၂၀၀၆ ခု ဧပြီထိ (၆) လအတွင်း စစ်သုံးယာဉ် (၃,၉၀၃) စီးနှင့် ပြောင်းရွှေ့ခဲ့သည်။ မူလက ၂၀၀၆ ခု မေလ (၂၀) ရက်နေ့အပြီး ၀န်ကြီးဌာနများအားလုံး ပြောင်းရွှေ့ရန် စီစဉ်ခဲ့သော်လည်း အဆင်မပြေခဲ့ပေ။ ထို့ကြောင့် ၂၀၀၆ ခု မေလမှ စက်တင်ဘာထိ (၄) လအတွင်း နောက်ထပ် စစ်သုံးယာဉ် (၁,၃၃၆) စီးဖြင့် ကျန်ဝန်ကြီးဌာနများကို ထပ်မံပြောင်းရွှေ့ပေးခဲ့ရသည်။


REF: ခေတ်ပြိုင်

Read More...

ဘူးသီးတောင်ထောင်မှ ကိုဌေးကြွယ် တိုက်ပြင်ထွက်ခွင့်မရ

၁၆ ဒီဇင်ဘာ ၂၀၀၈

ရန်ကုန်အင်းစိန်ထောင်မှ ဘူးသီးတောင်ထောင်သို့ ရွှေ့ပြောင်းခံရသူ ၈၈ မျိုးဆက်ကျောင်းသား ခေါင်းဆောင် ကိုဌေးကြွယ်သည် ယနေ့အထိ ထောင်တွင်းတိုက်ခန်းမှ အပြင်ထွက် လမ်းလျှောက်ခွင့်မရသေးကြောင်း နိုင်ငံရေးအကျဉ်းသားများ ကူညီစောင့်ရှောက်ရေးအသင်း (မြန်မာနိုင်ငံ) တွဲဖက်အတွင်းရေးမှူး ဦးဘိုကြည်က ခေတ်ပြိုင်သို့ ပြောသည်။

ဦးဘိုကြည်က “ကိုဌေးကြွယ်နဲ့ပတ်သက်ပြီးတော့ ကျနော်တို့ကြားတာက ဒီနေ့အထိ တိုက်ခန်းထဲမှာပဲ ထား တယ်ဗျာ။ အပြင်ကို ထွက်ခွင့်မပေးဘူး။ နောက်ပြီး အဲဒီဘက်တွေမှာက ရေပြဿနာရှိတယ်။ ရေရှားတယ်။ ရေသန့်မရဘူး။ ရေပြဿနာက ရေရှည်မှာ ကျန်းမာရေးကို အတော်ထိခိုက်နိုင်ပါတယ်” ဟု ပြောသည်။

ထို့အပြင် ဘူးသီးတောင်ထောင်ကဲ့သို့သော နယ်ထောင်များတွင် ဆေးရုံ၊ ဆရာဝန်မရှိဘဲ ကျွမ်းကျင်အဆင့် မဟုတ်သည့် ဆေးမှူးများသာရှိတတ်ပြီး ကျန်းမာရေးအရလိုအပ်ပါက ဆရာဝန် လွယ်လွယ်ကူကူဖြင့် မရနိုင် ကြောင်းလည်း သိရသည်။

ယခင်လနောက်ဆုံးအပတ်အတွင်းက ကိုဌေးကြွယ်၏ မိသားစုဝင်များ ဘူးသီးတောင်ထောင်သို့ ထောင်ဝင်စာ သွားတွေ့ခဲ့စဉ်ကလည်း ကိုဌေးကြွယ်သည် (၈) ပေ (၁၀) ပေ အခန်းကျဉ်းထဲ၌ နေရပြီး အပြင်ထွက်လေ့ကျင့် ခန်း လုပ်ခွင့်မရကြောင်း၊ ထောင်ပုံစံထမင်းကိုပင် ၀လင်စွာ မစားရကြောင်း၊ ရေရှားသည်ဟုဆို၍ ရေပေး မချိုးသောကြောင့် ယားနာများပေါက်နေကြောင်း သိခဲ့ရသည်ဟု ကိုဌေးကြွယ်၏ မိသားစုနှင့် နီးစပ်သူတဦးက ခေတ်ပြိုင်သို့ ပြောသည်။

ထို့အပြင် ကိုဌေးကြွယ်သည် သာယာဝတီထောင်၌ ယခင်တကြိမ် နေခဲ့ရစဉ်က ဗိုက်ခွဲထားရသဖြင့် ဗိုက် အောင့်ရောဂါဖြစ်နေကြောင်း၊ ဘူးသီးတောင်ထောင်တွင် ထောင်ဆရာဝန်မရှိဘဲ သာမန်ဆေးမှူးသာရှိပြီး၊ ဆေးကုရန် ပိုအဆင်ပြေနိုင်မည့် စစ်ထွေမြို့နှင့်လည်း ရေလမ်းတရက်ခရီးဝေးသောကြောင့် ရုတ်တရက် တစုံ တရာဖြစ်မည်ကို ၎င်း၏ မိသားစုဝင်များက စိုးရိမ်နေကြကြောင်းလည်း သိရသည်။ ယူဆောင်သွားသည့် ဆေး များကိုလည်း “ဆေးမှူး၏ခွင့်ပြုချက်ဖြင့်သာ သွင်းပေးမည်” ဟုဆို၍ အာဏာပိုင်များက သိမ်းယူထားကြောင်း၊ စာအုပ်များနှင့် ခြုံစောင်ကိုလည်း သိမ်းယူထားကြောင်း သိရသည်။

နယ်စွန်နယ်ဖျားထောင်များမှ ကျန်းမာရေး ကုသမှုနှင့်ပတ်သက်၍ ဦးဘိုကြည်ကလည်း “နယ်ထောင်တွေ တော်တော်များများမှာ ဆေးရုံမရှိဘူး၊ ဆရာဝန်မရှိဘူး၊ တချို့ထောင်တွေမှာတော့ ဆေးမှူးလို့ခေါ်တဲ့ လူ တွေပဲ ရှိတယ်။ သိပ်ကျွမ်းကျွမ်းကျင်ကျင်တွေ မဟုတ်ဘူး။ ရိုးရိုးအကျဉ်းသားအများစုကိုဆိုရင် ဆေးထိုးအပ် တချောင်းတည်း သုံးနေတဲ့နေရာတွေ တော်တော်များများရှိတယ်။ တချို့ထောင်တွေမှာ ပိုက်ဆံမပေးနိုင်သူ ဆိုရင် ပစ်စလက်ခတ် ဆေးကုတာတို့ဘာတို့ အဲဒါမျိုးတွေကတော့ တောက်လျှောက်ဖြစ်နေတယ်” ဟု ပြော သည်။

၈၈ မျိုးဆက် ကျောင်းသားခေါင်းဆောင်များဖြစ်သည့် ကိုဌေးကြွယ်၊ ကိုမင်းကိုနိုင်နှင့် ကိုကိုကြီးတို့အပါအ၀င် နယ်စွန်နယ်ဖျားထောင်များသို့ ပြောင်းရွှေ့ခံရသူများထဲတွင် ယခုအထိ ထောင်တွင်းတိုက်ခန်းများမှ အပြင် ထွက် လမ်းလျှောက်ခွင့် မရသူများ ရှိနေသေးကြောင်းလည်း သိရသည်။


ကိုဝိုင်း
REF: ခေတ်ပြိုင်

Read More...

ဗိုလ်ချုပ်များ ရာထူးတက်ပြန်ပြီ

Tuesday, 16 December 2008

မြန်မာစစ်အစိုးရ စစ်တပ်၏ အဆင့်မြင့် အရာရှိများအတွင်း ရာထူးတိုးမြှင့်ပေးခြင်းများ ပြုလုပ်နေမှုသည် လာမည့် ၂၀၁၀ ခုနှစ် ရွေးကောက်ပွဲအတွက် နိုင်ငံရေးအရ ပြင်ဆင်မှု ပြုလုပ်နေခြင်းဖြစ်ကြောင်း လေ့လာသူ များက ပြောသည်။

ပြည်တွင်းပြည်ပ အခြေစိုက် စစ်ရေးလေ့လာသူများက ယင်းသို့ ဒုဗိုလ်ချုပ်ကြီးအဆင့် ရာထူးတိုးမြှင့်လိုက်သူ အနည်းဆုံးဗိုလ်ချုပ် ၃ ဦး ရှိသည်ဟု ဆိုသည်။

ယခင် အနောက်ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ်မောင်ရှိန်ကို အသစ်ဖွဲ့စည်းထားသည့် ဌာနဖြစ်သော တပ်မတော်စစ်ဆေးရေးနှင့် စာရင်းစစ်ချုပ် (ကြည်း၊ ရေ၊ လေ) ရာထူးအသစ်သို့ တိုးမြှင့်ပေးအပ်လိုက်သည် ဟု စစ်ရေးလေ့လာသူများက ပြောသည်။

ထို့အပြင် အမှတ် (၃) စစ်ဆင်ရေး အထူးအဖွဲ့မှူး (ကစထမှူး) ဗိုလ်ချုပ်ခင်ဇော်၊ အမှတ် (၄) စစ်ဆင်ရေး အထူးအဖွဲ့မှူး (ကစထမှူး) ဗိုလ်ချုပ်သာအေးနှင့် စစ်ရေးချုပ် ဗိုလ်ချုပ်သူရမြင့်အောင်တို့ကို ဒု ဗိုလ်ချုပ်ကြီး များအဆင့်သို့ ရာထူးတိုးမြှင့် ပေးအပ်လိုက်ကြောင်းလည်း သိရသည်။

“သူတို့ တပ်တွေမှာ ရာထူးတွေ ခန့်အပ်တယ်ဆိုတာက ထိုက်တန်လျှော်ညီတဲ့ လုပ်ပိုင်ခွင့်နဲ့ တာဝန်ဆိုတာ ရှိထားပြီးသား၊ အခုက ဒုဗိုလ်ချုပ်ကြီးတွေ ခန့်တာ များလာပြီဆိုတော့ ဌာနတွေကို တိုးချဲ့ပေးထားတဲ့ သဘောမျိုးရှိလို့ ဒီလို ခန့်တာလို့ ကျနော်ထင်တယ်၊ ဖွဲ့စည်းပုံတွေ တိုးချဲ့လာတဲ့ သဘောပေါ့”ဟု ပြည်ပ အခြေစိုက် စစ်ရေးလေ့လာသူ ဦးဌေးအောင်ကလည်း ပြောသည်။

အဆိုပါ ကစထမှူး ဌာနမှာ ၅ ခုရှိပြီး ၄ ခုသည် ၂၀၀၁ ခုနှစ်က စတင်ဖွဲ့စည်းခဲ့ခြင်း ဖြစ်ကြောင်း၊ ကစထမှူး များ၏ လုပ်ငန်းတာဝန်သည် စစ်ရေး၊ နိုင်ငံရေး၊ စီးပွားရေး၊ အုပ်ချုပ်ရေးများနှင့် သက်ဆိုင်သည်များကို ကြီးကြပ်ရန်ဖြစ်ကြောင်း သိရသည်။

လေ့လာသူများကမူ ထိုသို့ ကစထမှူးများ ထားရှိခြင်းသည် စစ်တပ်အတွင်း ရှုပ်ထွေးဖွယ်ရာ ဖြစ်ကြောင်း သုံး သပ်ကြသည်။

အမှတ် (၅) စစ်ဆင်ရေး အထူးအဖွဲ့မှူး (ကစထမှူး) ရန်ကုန်တိုင်းနေရာကို ၂၀၀၆ ခုနှစ်မှ စတင်၍ ဗိုလ်ချုပ် မှူးကြီးသန်းရွှေ၏ လူယုံဟုဆိုသော ယခင် ရန်ကုန်တိုင်း တိုင်းမှူး ဒုဗိုလ်ချုပ်ကြီးမြင့်ဆွေက ကွပ်ကဲနေ ကြောင်း သတင်းများအရ သိရသည်။

တချိန်တည်းတွင်ပင် ဒီဇင်ဘာ ၁၂ ရက်နေ့က မေမြို့ စစ်တက္ကသိုလ် အမှတ်စဉ် (၅၁) ဗိုလ်လောင်းသင်တန်း ဆင်းပွဲတွင် ဗိုလ်ချုပ်မှူးကြီး သန်းရွှေကလည်း ဗိုလ်လောင်းများအနေနှင့် စစ်ရေးအမြင်၊ နိုင်ငံရေးအမြင်၊ စီးပွားရေးအမြင်၊ အုပ်ချုပ်ရေးအမြင်များကို လေ့လာဆည်းပူးကြရန် ၎င်း၏ မိန့်ခွန်း၌ ထည့်သွင်းပြောကြား သည်။

“နိုင်ငံတော်ရဲ့ ရှေ့ဆက်သွားမယ့် မူဝါဒ လမ်းစဉ် (၇) ရပ်ရဲ့ စတုတ္ထအဆင့်ဖြစ်တဲ့ ဖွဲ့စည်းပုံ အခြေခံဥပဒေ မူကြမ်းကို ၂၀၀၈ ခုနှစ် မေလမှာ ပြည်သူလူထု တရပ်လုံးက တခဲနက် ထောက်ခံ အတည်ပြုပေးခဲ့ပြီး ဖြစ် တယ်၊ ဆက်လက်ပြီး ပဉ္စမအဆင့်ဖြစ်တဲ့ ပါတီစုံ ဒီမိုကရေစီ အထွေထွေ ရွေးကောက်ပွဲများကိုလည်း ၂၀၁၀ ပြည့်နှစ်မှာ ကျင်းပပေးပြီး နိုင်ငံတော် အာဏာလွှဲပြောင်းရေးကို ဆက်လက် ဆောင်ရွက်နိုင်တော့မှာ ဖြစ် ကြောင်း ပြောကြားလိုတယ်” ဟုလည်း ဗိုလ်ချုပ်မှူးကြီးသန်းရွှေက ပြောဆိုထားသည်ကို ဒီဇင်ဘာ ၁၃ ရက် နေ့ထုတ် မြန်မာ့အလင်း သတင်းစာတွင် ဖော်ပြထားသည်။

ယင်း ဗိုလ်ချုပ်မှူးကြီး သန်းရွှေသည် ၁၉၈၈ ခုနှစ်က အာဏာသိမ်း စစ်အစိုးရအဖွဲ့ဖြစ်သော နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့ (န၀တ) တွင် စတင်ပါဝင်ခဲ့သူ ဖြစ်ပြီး ၁၉၉၇ ခုနှစ်၌ န၀တကို နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ (နအဖ) အဖြစ် ပြောင်းလဲ၍ နိုင်ငံ့အာဏာကို ဆက် လက် ချုပ်ကိုင်ထားသူ ဖြစ်သည်။


ကိုစိုး
REF: ဧရာဝတီ

Read More...

မြန်မာ အမျိုးသမီး ၇ ဦး ထိုင်းတွင် သေဆုံး

Tuesday, 16 December 2008
ထိုင်းရဲက တားဆီးသည်ကို လက်မခံဘဲ မောင်းပြေးသောကြောင့် ယဉ်တိုက်မှုဖြစ်ကာ ယာဉ်ပေါ်ပါလာသော မြန်မာအမျိုးသမီး ၇ ဦးနှင့် ထိုင်းအမျိုသား ၁ ဦးတို့ ယမန်နေ့က သေဆုံးခဲ့ရသည်။

ယဉ်ပေါ်ပါလာသူ အမျိုးသမီးများမှာ ထိုင်း-မြန်မာ နယ်စပ်ကို တရားမဝင် ဖြတ်ကျော်ခဲ့ပြီး အလုပ်ရှာဖွေရန် ရောက်ရှိလာသူများဖြစ်၍ မွန်နှင့် ထားဝယ် တိုင်းရင်းသူများဖြစ်ကြကြောင်း ကြားသိရသည်။

ထိုင်း-မြန်မာ နယ်စပ်အနီး ကန်ချနဘူရီ နယ်အတွင်းရှိ အကြီးဆုံးသော စစ်ဆေးရေးဂိတ်ကို ဖြတ်ကျော်စဉ် ထိုင်းရဲများက ကားကိုစစ်ဆေးရန် ရပ်တံ့စေရာ မရပ်ဘဲ မောင်းပြေးသဖြင့် ဓာတ်တိုင်နှင့် ဝင်တိုက်မိပြီး သေဆုံးရသည်ဟု အေအက်ဖ်ပီသတင်းတွင် ဖော်ပြထားသည်။

“အဲဒီ လမ်းကြောင်းက တရားမဝင် ခိုးဝင်တဲ့သူတွေသွားတဲ့ လမ်းကြောင်းပဲ။ အဲဒီဂိတ်ကြီး မတိုင်ခင် ဂိတ်တခု ရှိသေးတယ်။ ပထမဂိတ်မှာ အဲဒီကား လွတ်သွားပုံရတယ်” ဟု ထိုဒေသနှင့် ကျွမ်းဝင်နီးစပ်သူတဦးက ပြောပြ သည်။

ထိုင်းအလုပ်သမား ဝန်ကြီးဌာန၏ ထုတ်ပြန်ချက်အရ ရွှေ့ပြောင်း အလုပ်သမား ၅၄၀၀၀၀ မှတ်ပုံတင်ထားပြီး အများစုမှာ မြန်မာများ ဖြစ်သည်ဟု ဆိုသည်။ ထိုင်းနိုင်ငံတွင်း တရားမဝင် အလုပ်လုပ်နေသူ ဦးရေမှာ သန်းနှင့်ချီ၍ ရှိကြောင်း သိရှိရသည်။

ဧပြီလ အတွင်းကလည်း ထိုင်း-မြန်မာ နယ်စပ်ကို ဖြတ်ကျော်ဝင်ရောက်လာသည့် အလုံပိတ် အအေးခန်း ကားတစီးထဲတွင် သယ်ဆောင်လာသော တရားမဝင် ရွှေ့ပြောင်းအလုပ်သမား ကလေး၊ လူကြီး ၅၄ ဦး အသက်ရှူမွန်းကြပ်ကာ သေဆုံးမှု ဖြစ်ပွားခဲ့သေးသည်။

မြန်မာပြည်တွင် အလုပ်အကိုင် ရှားပါးခြင်းကြောင့် အိမ်နီးချင်းနိုင်ငံများသို့ နယ်စပ်မှ တရားမဝင် ဖြတ်ကျော် ကာ အလုပ်လုပ်ရန် လာရောက်သူများ နေ့စဉ်ရှိနေပြီး တချို့မှာ သက်ဆိုင်ရာ နိုင်ငံရဲများ၏ အဖမ်းအဆီး ခံရခြင်း၊ ဒုက္ခမျိုးစုံ ကြုံတွေ့ရခြင်းအပြင် အသက်ဆုံးရှုံးရသည်များ မကြာခဏ ကြားသိရသည်။

ထိုင်းနိုင်ငံတွင် လာရောက် အလုပ်အကိုင် ရှာဖွေသော တရားမဝင် မြန်မာရွှေ့ပြောင်း အလုပ်သမားများမှာ လုပ်ခနည်းခြင်း၊ အလုပ်ချိန်များပြားခြင်း တစ်ခါတရံ အနိုင်ကျင့်ခံရခြင်းများ ရှိသည့်ပြင် လက်ရှိ ကမ္ဘာ့စီးပွား ရေး အကြပ်အတည်းကြာင့် အလုပ်သမား လျှော့ချခြင်းများနှင့် ရင်ဆိုင်နေကြရသည်။

ဒီဇင်ဘာ ၂ ရက်နေ့ထုတ် မြန်မာ့အလင်း သတင်းစာတွင် ဗိုလ်ချုပ်ကြီးသိန်းစိန်က မြန်မာနိုင်ငံတွင်း၌ ပြည်ပ သို့ တရားဝင် စေလွှတ်ထားသည့် အလုပ်သမားမှာ ၄၆၀၅၇ ဦးသာရှိပြီး တရားမဝင် သွားရောက် အလုပ် လုပ်ကိုင်သူများမှာ ၂ သန်းခန့် ရှိသဖြင့် သက်ဆိုင်ရာနိုင်ငံများက ၎င်းအလုပ်သမားများကို ပြန်လည် စေလွှတ် ခဲ့လျှင် ၎င်းတို့အတွက် နေထိုင်စရာနှင့် အလုပ်အကိုင်များ အသင့်ရှိနေသည်ဟု ပြောထားသည်။

ဗိုလ်ချုပ်ကြီးသိန်းစိန်က မြန်မာနိုင်ငံတွင်း၌ အလုပ်အကိုင် အခွင့်အလမ်း များစွာရှိသည်ဟု ဆိုထားသော် လည်း ပြည်တွင်းမှ အဆက်မပြတ် ခိုးထွက်နေသော အလုပ်သမားများမှာ များစွာရှိနေဆဲပင် ဖြစ်သည်။


အေးချမ်းမြေ့
REF: ဧရာဝတီ

Read More...

Tuesday, December 16, 2008

ထောင်ဒဏ် (၆၅) နှစ်ကျ မမီးမီးကို ပုသိမ်ထောင်ပို့

၁၆ ဒီဇင်ဘာ ၂၀၀၈
ထောင်ဒဏ် (၆၅) နှစ် ချမှတ်ခံရသည့် ၈၈ မျိုးဆက်ကျောင်းသားခေါင်းဆောင် မသင်းသင်းအေး ခေါ် မီးမီး အား နိုဝင်ဘာ (၂၀) ရက်နေ့တွင် အင်းစိန်ထောင်မှ ပုသိမ်ထောင်သို့ ပြောင်းရွှေ့လိုက်သည်ဟု မမီးမီး၏ ခင်ပွန်းက ခေတ်ပြိုင်သို့ ပြောသည်။

ပြီးခဲ့သည့် အပတ်တွင်းက ထောင်ဝင်စာသွားတွေ့ပြီး ပြန်လည်ရောက်ရှိလာသူ မမီးမီး၏ ခင်ပွန်းဖြစ်သူ ကိုလှမိုးက “ပထမဆုံးအကြိမ်မို့လို့လားမသိဘူး အားလုံး အဆင်ပြေပါတယ်။ အေးအေးဆေးဆေးပါပဲ။ ကျနော်တို့ ရောက်သွားတော့ ထောင်ဝန်ထမ်းတွေက ကောင်းကောင်းမွန်မွန် ဆက်ဆံကြပါတယ်။ ပြီးတော့ မမီးမီးနဲ့ ပတ်သက်ပြီး စိတ်မပူဖို့နဲ့ စည်းကမ်းဥပဒေဘောင်ထဲကနေပြီး ပေးနိုင်တဲ့အကူအညီကိုပေးမှာ ဖြစ် ကြောင်း ပြောပြကြပါတယ်” ဟု ပြောသည်။

၈၈ မျိုးဆက်ကျောင်းသားများအဖွဲ့မှ မမီးမီး (ခ) မသင်းသင်းအေးမှာ ၁၉၉၆ ခုနှစ်ကလည်း ယခုကဲ့သို့ အာဏာပိုင်များက မတရားဖမ်းဆီးထောင်ချခြင်းကို ခံခဲ့ရသည်။ ၂၀၀၅ ခုတွင် ပြန်လည်လွတ်မြောက်ခဲ့ပြီး နောက် ကိုမင်းကိုနိုင်အပါအ၀င် အခြား ၈၈ မျိုးဆက်ကျောင်းသားများနှင့်အတူ ပြည်သူလူထုခံစားနေရသော မတရားမှုများကို ရှေ့တန်းမှရပ်ကာ စစ်အစိုးရကို တိုက်ပွဲဝင်နေသူတဦးဖြစ်ပြီး ၂၀၀၅ ခုနှစ် ထောင်မှ ပြန် လွတ်လာစဉ်ကပင် သူမတွင် လေးဘက်နာရောဂါကို ခံစားနေခဲ့ရသည်ဟု သိရသည်။

ပုသိမ်မြို့ အကျဉ်းထောင်သို့ ထောင်ဝင်စာတွေ့ ပြီး ပြန်ရောက်ရှိလာသူ သူမ၏ ခင်ပွန်းဖြစ်သူ ကိုလှမိုးက “ကျန်းမာရေးနဲ့ပတ်သက်ပြီးတော့ ကျနော်သူ့ကို စိတ်ပူပါတယ်။ မီးမီးမှာ လေးဘက်နာလည်းရှိတယ်။ အခု ဆိုရင် အရိုးကျီးပေါင်းတက်တဲ့ ရောဂါလည်းရှိတယ်လို့သိရတော့ နည်းနည်းတော့စိတ်ပူတာပေါ့။ ခုကာလက ဆောင်းတွင်းလည်းဖြစ်ပြန်၊ ပုသိမ်မြို့ကလည်း အေးတယ်ဆိုတော့ တခုခုဖြစ်မှာကို စိုးရိမ်ပါတယ်။ အရိုး ကျီးပေါင်းတက်တဲ့ရောဂါက သူအပြင်မှာတုန်းကတော့ မရှိဘူးဗျ။ သူ အင်းစိန်ထောင်မှာ အချုပ်ခံနေစဉ် ကာလမှာ စဖြစ်တာပါ။ အခုလည်း သူအနေနဲ့ အဲဒီရောဂါတွေနဲ့ပတ်သက်တဲ့ဆေးတွေကို မှာလိုက်တယ်” ဟု ခေတ်ပြိုင်သို့ ပြောကြားသည်။

ကိုလှမိုးကဆက်လက်၍ “ကျန်တာတော့ သိပ်ပြီးစိတ်မပူပါဘူး။ ဘာလို့လဲဆိုတော့ မီးမီးက အတွေ့အကြုံရှိ ပြီးသားလေ။ နောက်ပြီး ဒီအမှု (နိုင်ငံရေး) ဆိုတာမျိုးက အချိန်မရွေး ပြောင်းလဲနိုင်တာလေ။ မနက်ဖြန်၊ သန်ဘက်ခါလည်း ပြန်လွတ်နိုင်တာပဲလေ” ဟု ပြောကြားသည်။

၈၈ မျိုးဆက်ကျောင်းသားခေါင်းဆောင် မသင်းသင်းအေး (ခ) မီးမီးသည် အာဏာပိုင်အစိုးရ၏ မတရား ဖမ်း ဆီး၍ နှစ်ရှည်ထောင်ဒဏ် (၆၅) နှစ်ကျခံနေရသူဖြစ်သည်။ စစ်အစိုးရက မတရားဖမ်းဆီး ထောင်ချလိုက်ချိန် တွင် သူမတွင် သမီး (၁) ယောက်၊ သား (၁) ယောက် ကျန်ရှိခဲ့သည်ဟု သိရသည်။


မြင့်မိုးဇော်
REF: ခေတ်ပြိုင်

Read More...

အီရတ် သတင်းထောက်က သမ္မတဘွတ်ရ်ှအား ဖိနပ်ဖြင့် ပစ်ပေါက်

အီရတ်သို့ အလည်အပတ် ရောက်ရှိနေသည့် အမေရိကန် သမ္မတ Bush အား ၄င်းစီးထားသည့် ဖိနပ်(၂) ရံ ဖြင့် ရုတ်ရုတ်သဲသဲဖြစ်အောင် ပစ်ပေါက်ခဲ့သည့် အီရတ် ဂျာနယ်သတင်းထောက်သည် ထိုသို့ ပြုလုပ်နိုင်ရန် အတွက် လပေါင်းများစွာ ကြံစည်ခဲ့ကြောင်းဖြင့် ၄င်း၏ အပေါင်းအဖော်များက တနင်္လာနေ့တွင် ပြောကြားခဲ့ ပါသည်။


Mr. Muntazer al-Zaidi အသက်(၂၈) နှစ်ရှိသည့် ဖော်ပြပါ အီရတ် သတင်းထောက်သည် သူရဲကောင်း အဖြစ် ချီးကျူးခြင်း ခံခဲ့ရပါသည်။ ၄င်းက ဖိနပ်ဖြင့် ပစ်ပေါက်ခြင်းခံခဲ့ရသူ အမေရိကန် သမ္မတ Bush မှာ ၂၀၀၃ ခုနှစ်တွင် အီရတ်သို့ စီးနင်းဝင်ရောက်ရန် အမိန့်ပေးခဲ့သူ ဖြစ်ပါသည်။

အမေရိကန် သမ္မတ Bush အီရတ်တွင် ရှိနေစဉ် ဘာသာရေး အထွတ်အမြတ်မြို့ဖြစ်သော Najaf နှင့် Baghdad တို့တွင် အမေရိကန် ဆန့်ကျင်ရေးဆန္ဒပြပွဲများကို ပြုလုပ်ခဲ့ပါသည်။ အမေရိကန် ဆန့်ကျင်ရး Sadr လှုပ်ရှားရေး အဖွဲ့ဝင်တစ်ဦးဖြစ်သူ Mr. Liwaa Sumeissim က မိမိတို့နိုင်ငံအား ကျူးကျော်ဝင်ရောက် နေသည့် အမေရိကန် နိုင်ငံ၏ သမ္မတအား မြင်လိုက်ရသည့် အတွက် ကြေကွဲ စွာ ခံစားရမှုကို ပြသခဲ့သည့် အပြုအမူပင်ဖြစ်ကြောင်း ဖြင့် ပြောကြားလိုက်ပါသည်။

သို့ရာတွင် အီရတ်အစိုးရက ဂျာနယ် သတင်းထောက် Mr. Zaidi ၏ အပြုအမူသည် ရှက်စရာကောင်းပြီး ၄င်း ၏ အလုပ်ရှင်ဖြစ်သော Al-Baghdadia ရုပ်မြင်သံကြား ဌာနက တောင်းပန်ရန် တောင်းဆိုလိုက်ပါသည်။ အဆိုပါ ရုပ်မြင်သံကြားဌာန က Mr. Zaidi ကို ထိန်းသိမ်းထားခြင်းမှ ချက်ခြင်းလွှတ်ပေးရန် တောင်းဆိုထား ပါသည်။ တနင်္ဂနွေနေ့တွင် သမ္မတ Bush နှင့် အီရတ်ဝန်ကြီင်္းချုပ် Mr. Nuri al-Maliki တို့ သတင်းစာ ရှင်းလင်းပွဲ ပြုလုပ်နေစဉ် ဂျာနယ်သတင်းထောက် Mr. Zaidi က ထိုင်နေရာမှ ခုန်ထ၍ "ခွေးကြီး၊ ဒီဟာ နှုတ် ဆက် အနမ်းပဲကွ ( Farewell Kiss, you Dog !) ဟု ဆိုပြီး ၄င်း၏ ဖိနပ်(၂) ရံဖြင့် အမေရိကန် သမ္မတကို ပစ်ပေါက်ခဲ့ခြင်း ဖြစ်ပါသည်။

ပထမ ဖိနပ်တစ်ရံမှာ ခေါင်းဆောင် (၂) ဦး၏ နောက်တွင်ရှိသည့် အမေရိကန်နှင့် အီရတ်အလံကို ထိပြီး၊ နောက်တစ်ရံမှာ ပစ်မှတ်လွဲချော် သွားပါသည်။ Mr. Zaidi မှာ ချက်ခြင်းပင် လုံခြုံရေးအစောင့်များ၏ မြေပြင် ပေါ်သို့ လှဲချချုပ်နှောင်ခြင်းကို ခံခဲ့ရပါသည်။ ထို့နောက် ချုပ်နှောင်ထားလျက်နှင့် ၄င်းက "သေဆုံးခဲ့ရသော အီရတ် ထောင်ပေါင်းများစွာအတွက် မင်းတွင် တာဝန်ရှိသည်" ဟု အော်ဟစ်ခဲ့ပါသည်။

ကြေညာချက်တွင် Al-Baghdadia ရုပ်မြင်သံကြားဌာနက အီရတ် အာဏာပိုင်များကို ၄င်းတို့၏ ဂျာနယ် သတင်းထောက်အား အမေရိကန် အာဏာပိုင်များက အီရတ် ပြည်သူများကို ကတိပေးခဲ့သည့် ဒီမိုကရေစီ နှင့် လွတ်လပ်ရေးနှင့်အညီ ချက်ခြင်းလွှတ်ပေးရန် တောင်းဆိုခဲ့ကြောင်းဖြင့် ဖော်ပြထားပါသည်။ ၄င်းတို့၏ ဂျာနယ် သတင်းထောက်အပေါ် မည်သည့် အရေးယူမှုများကိုမဆို မိမိတို့အနေဖြင့် အာဏာရှင်အစိုးရ၏ အပြုအမူများသာ ဖြစ်သည်ဟု မိမိတို့ စဉ်းစားရလိမ့်မည် ဖြစ်ကြောင်းဖြင့် ဆက်လက် ဖော်ပြထားပါသည်။

Al-Baghdadia ရုပ်မြင်သံကြားဌာနမှ Zaidi ၏ လုပ်ဖော်ကိုင်ဖက်တစ်ဦးက Mr. Zaidi အနေဖြင့် အခွင့် အရေးရသည်နှင့် အမျှ Mr. Bush အား ဖိနပ်ဖြင့်ပစ်ပေါက်ရန် ကြံစည်ထားပြီးဖြစ်ကြောင်းဖြင့် ပြောကြားခဲ့ပါ သည်။ ၄င်းက ပြောကြားရာ၌ Mr. Zaidi အနေဖြင့် ၄င်းက လုပ်မည်ဆိုသည်ကို မိမိတို့ သံသယ မရှိမိပါ ကြောင်းဖြင့် ဆက်လက်ပြောကြားပါသည်။ အမည်မဖော်လိုသော Mr. Zaidi ၏ လုပ်ဖော်ကိုင်ဖက်တစ်ဦးက Mr. Zaidi အနေဖြင့် အမေရိကန်တို့အပေါ် စက်ဆုတ်ရွံမုန်းကြောင်း ၊ ၄င်းသည် အမေရိကန် တပ်သားများ ကို ရွံမုန်းသကဲ့သို့ သမ္မတ Bush ကိုလည်း ရွံမုန်းကြောင်းဖြင့် ပြောကြားပါသည်။ ဖိနပ်ဖြင့် ပစ်ပေါက်ခြင်း သည် အာရပ်ယဉ်ကျေးမှု၌ အပြင်းထန်ဆုံးသော စော်ကားမှုကြီးပင်ဖြစ်ပါသည်။

အီရတ်သမ္မတဟောင်း ဆဒ္ဒန်ဟူစိန်၏ ရုပ်ထုကို ၂၀၀၃ခုနှစ် ၊ ဧပြီလတွင် လှဲချပြီးနောက် ၊ ထိုသို့ လှဲချလိုက် သည့် ရုပ်ထု၏ မျက်နှာကို လာရောက်ကြည့်ရှု့သူများက ဖိနပ်များဖြင့် နင်းချေခဲ့ဖူးပါသည်။ အီရတ်ရှေ့နေ များက ပြောကြားရာ၌ Mr. Zaidi သည် နိုင်ငံခေါင်းဆောင် လာရောက်လည်ပတ်မှု အပေါ် စော်ကားသည့် ပြစ်မှုဖြင့် တရားစွဲခံရပါက ထောင်(၂)နှစ် အနည်းဆုံး ကျမည်ဖြစ်ပြီး၊ သေစေရန် ကြံစည်မှုဖြင့် တရားစွဲခံရပါ က ထောင်(၁၅) နှစ် ကျမည် ဖြစ်ကြောင်းဖြင့် ပြောကြားပါသည်။ အီရတ်နိုင်ငံ ကိုင်ရိုမြို့တွင် ရုပ်မြင်သံကြား ဌာန၏ အစီအစဉ် စီစဉ်ရေး ညွှန်ကြားရေးမှူးဖြစ်သူ Mr. Muzhir al- Khafaji က Mr. Zaidi သည် အာရပ် များအတွက် ဂုဏ်ယူရမည့် အမြင်ကျယ်သည့် ပုဂ္ဂိုလ်ပင် ဖြစ်ကြောင်းဖြင့် ပြောကြားသွားခဲ့ပါသည်။

၎င်းက AFP သတင်းဌာနကို ပြောကြားရာ၌ ၄င်းမှာ ယခု ကိစ္စမတိုင်မီ အမေရိကန်တို့၏ ဖမ်းဆီးမှုကို နှစ်ကြိမ် ခံခဲ့ရသည့်အတွက် Mr. Zaidi ၏ လုံခြုံမှုအတွက် စိုးရိမ်မိပါကြောင်း ၊ အီရတ်တွင်ရှိသည့် မိမိတို့၏ သတင်းထောက်များမှာ (၂၀၀) ရှိသည့်အတွက် ၄င်းတို့ အဖမ်းခံရမည်ကို စိုးရိမ် မိပါကြောင်းဖြင့် ဆက်လက် ပြောကြားပါသည်။

Mr. Khafaji က Mr . Zaidi သည် အသက် (၂၈) နှစ်ရှိပြီး ဘဂ္ဂဒက်တက္ကသိုလ်မှ ဆက်သွယ်ရေးဘွဲ့ကို ရခဲ့ သူဖြစ်ကြောင်း ၊ မိမိတို့ဌာနတွင် လုပ်နေသည်မှာ (၃) နှစ်ခန့်ရှိပါကြောင်း ၊ ၄င်းသည် ယခင် အစိုးရနှင့် မည်သို့မျှ မပတ်သက်ပါ ကြောင်းနှင့် ၄င်း၏ မိသားစုသည် သမ္မတ ဆဒ္ဒန်ဟူစိန် အုပ်စိုးစဉ်အခါက အဖမ်းခံခဲ့ ရပါကြောင်း ဖြင့် ပြောကြားခဲ့ပါသည်။


REF: လူထုအသံ

Read More...

ရန်ကုန်မြို့မှ ယုဇနပလာဇာ မီးလောင်၊ (၄၅) သိန်းဖိုး ဆုံးရှုံး

၁၅ ဒီဇင်ဘာ ၂၀၀၈
ရန်ကုန်မြို့ မင်္ဂလာတောင်ညွန့်ရှိ အကြီးဆုံး၊ အစည်ကားဆုံး ယုဇနပလာဇာတွင် ယမန်နေ့ (၆) နာရီ (၁၅) မိနစ်ခန့်က မီးလောင်ကျွမ်းမှုဖြစ်ပွားကြောင်း မျက်မြင်သက်သေများက ပြောသည်။

ရန်ကုန်တိုင်း မီးသတ်ဦးစီးရုံးများက (၆) နာရီ (၂၅) မိနစ်ခန့်တွင် မီးသတ်ကားများလွှတ်ပေးပြီး တာမွေ၊ သင်္ကန်းကျွန်း၊ တောင်ဥက္ကလာ၊ စမ်းချောင်း၊ သာကေတ စသည့်မြို့နယ်များမှ မီးသတ်ကားများနှင့် မြို့တွင်း ရုံးချုပ်မှ မီးသတ်ကား (၁၅) စီးခန့် လာရောက်ငြိမ်းသတ်ခဲ့ကြောင်း သိရသည်။

မီးသတ်ကားများတွင် ရေမပါသည့်အတွက် ယုဇနပလာဇာအနီးရှိ မီးသတ်ရေငုတ်များမှ ရေများစုပ်ယူ၍ မီး သတ်ကားများကို ရေထည့်ပေးရကြောင်း မျက်မြင်တဦးက ပြောသည်။

၎င်းက “မီးသတ်ကား မလာခင်ကပဲ လူတွေ ငြိမ်းသတ်နေတာ။ ယုဇနရဲ့ ဈေးလုံခြုံရေးတွေက ၀ိုင်းပြီး ငြိမ်းနေ ရတာ။ သူတို့ကားက လောင်နေတဲ့ဆိုင်ခန်းကို ၀င်လို့မရဘူး။ ရေပိုက်တွေသွယ်ပြီး ငြိမ်းတယ်။ ဒါပေမယ့် ဒီမီး က ယုဇနပလာဇာရဲ့ လုံခြုံရေးတွေနဲ့ အနီးအနား ပြည်သူတွေ ငြိမ်းလို့ မီးလောင်တာ သက်သာတာ” ဟု ပြော သည်။

မီးငြိမ်းချိန်သည် (၇) နာရီခန့်ဖြစ်ကြောင်း မီးသတ်ရဲဘော်တဦးက ပြောသည်။

စတင်လောင်းကျွမ်းသည့်ဆိုင်မှာ ယုဇနပလာဇာ မြေညီထပ်၊ ဆိုင်ခန်းအမှတ် (F-19) “ငုရွှေဝါ” အထည်ဆိုင် မှဖြစ်ပြီး ၎င်းဆိုင်ပိုင်ရှင်မှာ ဦးအေးမောင်မောင်ဖြစ်ကြောင်း သိရသည်။

အဆိုပါဆိုင်ခန်းအနီးရှိ (F-20) ဆိုင်ခန်း၊ (E-19)၊ (E-20) တို့ကိုပါ ထပ်၍ လောင်းကျွမ်းသွားကြောင်း၊ (F-19) “ငုရွှေဝါ” ဆိုင်ရှိ Water Cooler မှ အပူလွန်ကဲ၍ ရှော့ခ်ဖြစ်ကာ မီးလောင်မှုဖြစ်သည်ဟု မြို့နယ်လျှပ်စစ် စစ်ဆေးရေး၏ ပြောပြချက်အရ သိရသည်။

ဆုံးရှုံးမှုတန်ဖိုးမှာ (၄၅) သိန်းဟု ရန်ကုန်တိုင်း မီးသတ်ဦးစီးဌာနက တွက်ချက်ထားသည်။ မြန်မာ့ အာမခံ လုပ်ငန်းက လျော်ကြေးပေးရန်အတွက် အဆိုပါဆိုင်ခန်းများ၏ အာမခံထားရှိမှုကို တွက်ချက်နေဆဲဟု ပြော သည်။

“လျှပ်စစ်က ရှော့ခ်ဖြစ်တာ။ မီးကပျက်လိုက်၊ လာလိုက်ဆိုတော့ ဒီ Water Cooler ကို ပိတ်ဖို့ မေ့နေမှာပေါ့။ ဆိုင်သိမ်းပြီးအပြန် နောက်ပိုင်းမှာ မီးလောင်တာလေ” ဟု ယုဇနပလာဇာ ပထမထပ်တွင် ဖက်ရှင်ဆိုင် ဖွင့်ထားသူတဦးက ပြောသည်။

“မီးတွေ ပျက်နေသေးသရွေ့ မီးလောင်မှုတွေ ဖြစ်နေအုံးမှာပဲ” ဟု မီးသတ်ရဲဘော်တဦးက ဆိုသည်။

၂၀၀၈ ခုနှစ်တွင် မြန်မာတနိုင်ငံလုံးစာရင်းအရ ဈေးများမီးလောင်မှု (၅) ကြိမ်ရှိပြီဖြစ်သည်။ (၂၅-၂-၀၈) ရက် နေ့ မန္တလေးရတနာပုံဈေး ဆုံးရှုံးမှု (၂,၆၄၅) သန်းခန့်၊ (၂၄-၆-၀၈) ရက်နေ့ ရှမ်းပြည် နမ့်ဆန်ဈေး ဆုံးရှုံးမှု သန်း (၁၀၀) ခန့်၊ (၉-၉-၀၈) ရက်နေ့ ရန်ကုန်၊ တွံတေးမြို့မဈေး ဆုံးရှုံးမှု သန်း (၁၀၀) ကျော်၊ (၁-၁၂-၀၈) ရက်နေ့ မော်လမြိုင်အမှတ် (၁) ဈေး ဆုံးရှုံးမှု သိန်း (၁,၀၀၀) ခန့်နှင့် (၁၄-၁၂-၀၈) ရက်နေ့ ရန်ကုန် ယုဇန ပလာဇာမီးလောင်းကျွမ်းမှုတွင် ဆုံးရှုံးမှု (၄၅) သိန်းရှိကြောင်း သိရသည်။


REF: ခေတ်ပြိုင်

Read More...

နိုင်ငံရေးအကျဉ်းသားများ အမှုလိုက်ရှေ့နေ ထိုင်းနိုင်ငံသို့ ရှောင်တိမ်း

နိုင်ငံရေး အကျဉ်းသားများ၏ အမှုလိုက်ရှေ့နေ ကိုစောကျော်ကျော်မင်းသည် စစ်အာဏာပိုင်များ၏ မတရား ဖမ်းဆီး အရေးယူမှုမခံရရန် ထိုင်းနိုင်ငံဘက်သို့ ထွက်ပြေးတိမ်းရှောင်ခဲ့ကြောင်း သိရှိရသည်။

ထိုင်းနိုင်ငံ မဲဆောက်မြို့၌ ယနေ့ပြုလုပ်သည့် သတင်းစာရှင်းလင်းပွဲတွင် ထိုသို့ တိမ်းရှောင်ခဲ့မှုနှင့် ပတ်သက် ပြီး ကိုစောကျော်ကျော်မင်းက ရှင်းလင်းပြောကြားသည်။

ကိုစောကျော်ကျော်မင်းက “တရားရုံးက အမိန့်ချလိုက်ချိန်မှာ ကျနော်က ဒီလိုမျိုး မတရား ဖမ်းဆီးချူပ်နှောင်မှု ကို မခံမရပ်နိုင် ဖြစ်တဲ့အတွက် ထွက်ပြေးတိမ်းရှောင် လာရခြင်းဖြစ်တယ်” ဟု ပြောသည်။

အဆိုပါ အသက်၂၉ နှစ်ရှိ ကိုစောကျော်ကျော်မင်းနှင့် အတူ လူငယ်ရှေ့နေ ကိုညီညီထွေးတို့သည် ပြီးခဲ့သည့် အောက်တိုဘာလ ၃၀ ရက်နေ့တွင် ရန်ကုန် မြောက်ပိုင်းခရိုင်တရားရုံးက ပြစ်မှု ဥပဒေပုဒ်မ ၂၂၈ အရ တရား စီရင်မှုကို အနှောင့်အယှက်ပေးသည့် ပြစ်မှုဥပဒေဖြင့် ထောင်ဒဏ် ၆ လ ချမှတ်ခံခဲ့ရသည်။ ယင်းသို့ ထောင် ဒဏ် ချမှတ်လိုက်ချိန်တွင် ကိုစောကျော်ကျော်မင်းက ယခုကဲ့သို့ တိမ်းရှောင်လာခြင်း ဖြစ်ကြောင်း သိရသည်။

“ဒီဘက်မှာ နိုင်ငံရေးအင်အားစုတွေနဲ့ မြန်မာနိုင်ငံရဲ့ တရားစီရင်ရေး လွတ်လပ်မျှတတဲ့ အထိရဖို့အတွက်ကို ဆက်လက်တိုက်ပွဲဝင်သွားမယ်”ဟုလည်း ကိုစောကျော်ကျော်မင်းက ဆက်ပြောသည်။

ကိုစောကျော်ကျော်မင်းသည် လူ့အခွင့်အရေးကာကွယ်မြင့်တင်သူများအဖွဲ့(HRDP) ခေါင်းဆောင် ဦးမြင့်အေး အပါအဝင် အန်အယ်လ်ဒီအဖွဲ့ဝင်များနှင့် နိုင်ငံရေးလှုပ်ရှားသူ ၂၀ ခန့် တို့၏ အမှုများကို လိုက်ပါဆောင်ရွက် ပေးခဲ့သူဖြစ်သည်။

ယင်းကိုစောကျော်ကျော်မင်းက ၈၈မျိုးဆက်ကျောင်းသားများအပါအဝင် နိုင်ငံရေးလှုပ်ရှားသူများအား ထောင် ဒဏ် နှစ်ရှည်ချမှတ်လိုက်ခြင်းအပေါ် ယခုလို ထင်မြင်ကြောင်းလည်း ဆက်လက်ပြောဆိုသည်။

“ပြည်သူလူထုကို ကိုယ်စားပြုတဲ့ လှုပ်ရှားဆောင်ရွက်မှုတွေဟာ အုပ်ချူပ်ရေးယန္တရားတွေကို ထိခိုက်လာနိုင် တဲ့အတွက် ရန်ငြိုးအာဃာတနဲ့ နှစ်ရှည် ထောင်ဒဏ်ချလိုက်ခြင်းဖြစ်တယ်လို့ မြင်ပါတယ်။ ကိုစည်သူမောင်၊ ရဲမြတ်ဟိန်း၊ ပြည့်ဖြိုးလှိုင်တို့လို ကျောင်းသားလူငယ်တွေကို နှစ်ရှည်ထောင်ချခြင်းဟာ နိုင်ငံရေးမျိုးဆက်တွေ ကိုဖြတ်တောက်တာ၊၂၀၁၀ ရွေးကောက်ပွဲလုပ်တဲ့အချိန်မှာ နိုင်ငံရေးလှုပ်ရှားမှုတွေ ပေါ်ပေါက်မလာစေရန် ကြိုတင်တားဆီးတဲ့အနေနဲ့ နှစ်ရှည်ချခြင်းဖြစ်တယ်လို့မြင်တယ်”ဟု သူက ပြောသည်။

နိုင်ငံရေးလှုပ်ရှားသူများ၏ အမှုများကို လိုက်ပါဆောင်ရွက်ရာတွင် အာဏာပိုင်များက ရှေ့နေများထက် ကာယကံရှင် မိသားစုများကို ပိုမိုဖိအားပေးမှုများရှိကြောင်းလည်း ကိုစောကျော်ကျော်မင်းက ပြောပြသည်။

“အဓိကအားဖြင့်တော့ ရှေ့နေတွေအခက်အခဲက နိုင်ငံရေးအမှုတွေကို လိုက်ပါဆောင်ရွက်မယ်ဆိုရင် ရှေ့နေ တွေထက် နိုင်ငံရေးအကျဉ်းသား မိသားစုတွေက ပိုပြီးဖိအားပေးခံရတယ်၊ ဒီရှေ့နေတွေကို ဘာကြောင့် ငှား တာလည်း ဘယ်လို အဆက်အသွယ်မျိုးနဲ့ ငှားတာလဲဆိုတဲ့ ဖိအားပေးခြင်းမျိုးခံရတယ်” ဟု ၎င်းက ပြော သည်။

၈၈မျိုးဆက်သစ်ကျောင်းသားအဖွဲ့ဝင်များ၊ လူရွင်တော်ဇာဂနာ၊ မစုစုနွေး၊ အရှင်ဂမ္ဘီရ အစရှိသူတို့၏ အမှု လိုက်ရှေ့နေကြီး ဦးအောင်သိန်းနှင့် ဦးခင်မောင်ရှိန်တို့ကို ဗဟိုတရားရုံးချူပ်က နိုဝင်ဘာလ ၇ ရက်နေ့ တွင် ထောင်ဒဏ် ၄ လ စီ ချမှတ်ပြီးနောက် ၁၀ ရက်အကြာတွင် ဦးအောင်သိန်းအား ပုသိမ်ထောင်နှင့် ဦးခင်မောင် ရှိန်အား မြောင်းမြထောင်သို့ ပြောင်းရွှေ့ခဲ့မှုများနှင့် ပတ်သက်၍လည်း ဥပဒေကို အလွဲသုံးစားပြု ကျူးလွန် နေခြင်းဖြစ်သည်ဟု ၎င်းကပြောဆိုသည်။

“အခုလို ပြုလုပ်ခြင်းအားဖြင့် တဘက်ကကြည့်ရင် စွပ်စွဲခံရတဲ့ သူတွေကို ရှေ့နေတွေနဲ့ လိုက်ပါဆောင်ရွက် ခွင့် ဥပဒေအရပြုထားတယ်ဆိုတာကို ပြထားပေမယ့်လို့ အမှန်တကယ်မှာ ရှေ့နေတွေအနေနဲ့ ခုခံချေပဖို့ အခွင့်အရေးတွေ နည်းပါးသထက်နည်းပါးအောင် ဥပဒေကို လက်တလုံးခြားလုပ်တဲ့ အနေအထားတွေ ပေါ်လွင်နေပါတယ်”ဟု ကိုစောကျော်ကျော်မင်းက ဆိုသည်။

ထို့အပြင် ရှေ့နေတဦးက နိုင်ငံရေးအကျဉ်းသား တယောက်အတွက် လိုက်ပါဆောင်ရွက်မည် ဆိုလျှင်လည်း ရှေ့နေပါဝါ တင်သည့်အချိန်တွင် သာမန်အမှုများထက် ၁၀ ရက် ခန့်ကြာသည်အထိ စောင့်ဆိုင်းရကြောင်း၊ နိုင်ငံရေးအမှုလိုက်ရှေ့နေက အကြောင်းအမျိုးမျိုးကြောင့် တရားရုံးသို့ နောက်ကျမှ ရောက်မည်ဆိုလျှင် လည်း တရားရုံးက အမှုစစ်ဆေးပြီးနေကြောင်း စသည့်အခက်အခဲများဖြင့် ရင်ဆိုင်ရသည်ဟုလည်း ကိုစော ကျော်ကျော်မင်းက ပြောဆိုသည်။


အေးလဲ့
REF: ဧရာဝတီ

Read More...

ဒေါ်ခင်စန္ဒာဝင်းကို လွှတ်ပေးလိုက်ပြီ

မြန်မာပြည်၏ စစ်အာဏာရှင်ဟောင်း ဦးနေဝင်း၏ သမီး ဒေါ်ခင်စန္ဒာဝင်းကို နေအိမ် အကျယ်ချုပ်မှ လွှတ်ပေး ခဲ့သည့်သတင်းက မြန်မာအသိုင်းအဝန်းအတွက် အံ့သြတကြီး မဖြစ်ခဲ့ကြောင်း တွေ့ရသည်။

အသက် ၅၆ နှစ်အရွယ်ရှိပြီဖြစ်သော ဒေါ်ခင်စန္ဒာဝင်းကို အကျယ်ချုပ်ချထားသည့် အင်းလျားကန်စောင်း နေအိမ်တွင် ၎င်းကို လွှတ်ပေးသည့် ဒီဇင်ဘာ ၁၂ ရက်နေ့ မတိုင်မီ လအနည်းငယ်အကြာကတည်းက စစ်ဗိုလ်ချုပ်တချို့တို့ သွားရောက်တွေ့ဆုံခဲ့သည်ဟု သတင်းထွက်ပေါ်ခဲ့သည်။

ဒေါ်ခင်စန္ဒာဝင်းကို ဖခင် ဦးနေဝင်း၏ အသက် ၉၀ ပြည့် မွေးနေ့ပွဲတွင်
အတူတွေ့ရစဉ် (ဓာတ်ပုံ - longwalktofreedom.blog.com)

တချို့သော သတင်းရပ်ကွက်များ၏ အဆိုအရ ဒေါ်စန္ဒာဝင်းသည် အကျယ်ချုပ်အဖြစ် ကျခံနေစဉ် အလွန် အထီးကျန်ဆန်ခဲ့ပြီး ၎င်းနေအိမ် ပြူတင်းပေါက်မှနေ၍ ဖြတ်သန်း သွားလာသူများကို လက်ဝှေ့ရမ်းပြခဲ့ ကြောင်း သိရသည်။

ဒေါ်စန္ဒာဝင်း နေအိမ်အကျယ်ချုပ် ကျခံရသော ပထမနှစ်တွင် ခြံဝင်းအတွင်း၌ ၎င်း၏ ခွေးနှင့်အတူ လမ်းဆင်း လျှောက်နေခဲ့သည်ကို အိမ်နီးချင်းများက မြင်တွေ့ခဲ့ရသည်။ အကျယ်ချုပ်ကာလအတွင်း ထမင်းချက် တဦး တည်းနှင့်သာ တွေ့ဆုံခွင့်ရခဲ့၏။

ဒေါ်ခင်စန္ဒာဝင်း၏ ခင်ပွန်း ဦးအေးဇော်ဝင်းနှင့် သား ၃ ဦးကို ၂၀၀၂ ခုနှစ်က နိုင်ငံတော်ပုန်ကန်မှုဖြင့် သေ ဒဏ်ချမှတ်ခဲ့သော်လည်း ၎င်းကိုမူ နေအိမ်အကျယ်ချုပ်အဖြစ်သာ ကျခံစေခဲ့သည်။

နေအိမ်အကျယ်ချုပ် ဥပဒေအရ သက်မှတ်ထားသည့် နှစ်စေ့လျှင် လွှတ်ရသည့် သဘောရှိသောကြောင့် ဒေါ်ခင်စန္ဒာဝင်းကို လွှတ်လိုက်ခြင်း ဖြစ်ဟန်ရှိသည်။

နေအိမ်အကျယ်ချုပ်ပုဒ်မ ၁၀ (ခ) အရ ၅ နှစ်အထိသာ ချုပ်နှောင်ထားရန် အကျုံးဝင်သော်လည်း လက်ရှိ စစ် အစိုးရက ၆ နှစ်ဟု သတ်မှတ်ခဲ့သည်။

စစ်အစိုးရ၏ သတ်မှတ်ချက်အရဆိုလျှင် ၂၀၀၃ ခုနှစ်က စတင်၍ နေအိမ်အကျယ်ချုပ် ချထားခဲ့သော ဒေါ်အောင်ဆန်းစုကြည်ကိုလည်း ၆ နှစ်သက်တမ်းစေ့သည့် လာမည့် ၂၀၀၉ မေလတွင် ပြန်လည် လွှတ်ပေး ရမည် ဖြစ်သည်။

ဒေါ်စန္ဒာဝင်းကို လွှတ်ပေးခဲ့သော်လည်း ၎င်း၏ ခင်ပွန်းသည်နှင့် သား ၃ ဦးတို့မှာ အင်းစိန်ထောင်တွင်း၌ပင် ရှိ နေသေးသည်။

ဦးအေးဇော်ဝင်းနှင့် သား ၃ ဦးကို အင်းစိန်ထောင်တွင်းရှိ သီးသန့် တိုက်ငယ် ၄ ခုတွင် သီးခြားစီ ချုပ်ထား ကြောင်း သူတို့ကို မြင်တွေ့ခဲ့သည့် နိုင်ငံရေး အကျဉ်းသားဟောင်းတဦးက ပြောပြသည်။ ဦးအေးဇော်ဝင်း သည် နေ့စဉ် ဘုရားတရား အလုပ်များကိုလုပ်နေသည်ဟု မြင်တွေ့ခဲ့သူက ဆိုသည်။

ဒေါ်ခင်စန္ဒာဝင်းသည် ၎င်း၏ မိခင် ဒေါ်ခင်မေသန်း ကွယ်လွန်ပြီးနောက်ပိုင်းတွင် အာဏာရှင် ဦးနေဝင်း၏ သားသမီးများအနက် နာမည်အကြီးဆုံးဖြစ်သည်။

< ကြိမ်တိုင်တိုင်လက်ထပ်ခဲ့သော ဦးနေဝင်းသည် ဒေါ်ခင်မေသန်းနှင့် စန္ဒာဝင်း၊ ကြေးမုံဝင်းနှင့် ဖြိုးဝေဝင်း ဟူ၍ သားသမီး ၃ ဦး ရရှိခဲ့ပြီး ဒေါ်ခင်စန္ဒာဝင်းက ဦးနေဝင်း၏ အချစ်ဆုံးသမီးဖြစ်သည်။ သမီးဖြစ်သူ စန္ဒာဝင်းကို ဦးနေဝင်းက နိုင်ငံခြားခရီးစဉ်များစွာ ခေါ်သွားလေ့ရှိသည်မှာ ၁၉၉၇ ခုနှစ်က သွားခဲ့သည့် ၎င်း၏ အင်ဒိုနီးရှားနိုင်ငံသို့ အလည်အပတ် ခရီးစဉ်အထိပင်ဖြစ်သည်။ ထိုစဉ်က အင်ဒိုနီးရှား သမ္မတ ဆူဟာတိုက ဖိတ်ခေါ်သဖြင့် ဦးနေဝင်းက အလည်အပတ် သွားခဲ့ခြင်းဖြစ်၏။ အာဏာလက်ဝယ် ယူမထားသော်လည်း ဦးနေဝင်းမှာ ထိုအချိန်ထိ မြန်မာစစ်တပ်အတွင်း သြဇာလွှမ်းမိုးဆဲ ဖြစ်ကာ ချယ်လှယ်နေခဲ့သူဖြစ်သည်ဟု နိုင်ငံရေးအသိုင်းအဝန်းက ယုံကြည်ခဲ့ကြသည်။ ၁၉၈၈ ခုနှစ်က စစ်တပ်အတွင်း ဆရာဝန်တဦးအဖြစ် တာဝန်ထမ်းဆောင်ဆဲဖြစ်သော ဒေါ်ခင်စန္ဒာဝင်းကို အများက ၁၉၈၈ ခုနှစ် အရေးတော်ပုံကို နှိမ်နင်းရာ၌ အဓိကနေရာမှ ဦးဆောင်ခဲ့သူတဦး ဖြစ်သည်ဟု သိရှိ ထားကြသည်။ ဦးနေဝင်းသည် ၈၈ လူထုလှုပ်ရှားမှုကြီးကို နှိမ်နင်းရန် ၎င်း၏ စစ်ဗိုလ်ချုပ်များနှင့် အင်းလျားလမ်းနေအိမ်၌ တိုင်ပင်သည့်အခါတိုင်း သမီးဖြစ်သူ စန္ဒာဝင်းမှာ ဦးနေဝင်း၏ နံဘေး၌ အရေးကြီးသော ဆုံးဖြတ်ချက်များကို ပါဝင်ဆွေးနွေး၊ အကြံပေးခဲ့သည်ဟု နိုင်ငံရေးလေ့လာ သုံးသပ်သူများက ခန့်မှန်းခဲ့ကြသည်။ ဦးနေဝင်း၏ အယုံကြည်ရဆုံး တပည့်တဦးဖြစ်သူ လက်ရှိအထိန်းသိမ်းခံထားရသည့် ဗိုလ်ချုပ်ကြီးဟောင်း ခင်ညွန့် အာဏာရှိစဉ်ကာလတွင် ဒေါ်ခင်စန္ဒာဝင်းသည် နဝရတ်ဟိုတယ် အပါအဝင် ကုမ္ပဏီပေါင်း များစွာ ပိုင်ဆိုင်သော စီးပွားရေးလုပ်ငန်းရှင်တဦး ဖြစ်လာသည်။ နဝရတ်ဟိုတယ်တွင် ရန်ကုန်မြို့၏ အချက်အချာ ကျသော နိုက်ကလပ်များပါဝင်သည်။ အထိန်းအသိမ်း မခံရမီ ၃ လခန့်အလိုက ဒေါ်စန္ဒာဝင်းနှင့် ၎င်းခင်ပွန်းတို့၏ မင်္ဂလာနှစ်ပတ်လည်ကို ခမ်းနား စွာ ကျင်းပခဲ့သေးသည်။ ၎င်းအခမ်းအနားသို့ တက်ရောက်သူအားလုံးကို အနောက်တိုင်းဝတ်စုံ ပြည့်စုံ စွာ ဝတ်ဆင်ခဲ့ရန် ဖိတ်ကြားစာ၌ ထည့်သွင်းပန်ကြားခဲ့သည်။ ဒေါ်ခင်စန္ဒာဝင်းနှင့် ငြိမ်းချမ်းရေးနိုဘဲလ်ဆုရှင် ဒေါ်အောင်ဆန်းစုကြည်တို့မှာ အင်းလျားကန်၏ တဘက် တချက်ရှိ ၎င်းတို့၏ နေအိမ်ကြီးများ၌ လပိုင်းသာခြား၍ အကျယ်ချုပ်ကျခံကြရသူများဖြစ်သည်။ နှစ်ဦးစလုံးမှာ မြန်မာ့တပ်မတော်ခေါင်းဆောင်ကြီးများ၏ သမီးများဖြစ်ကြသည်။ တခု ကွာခြားသည်မှာ ဒေါ်အောင်ဆန်း စုကြည်က လွတ်လပ်ရေး၏ဖခင် ဗိုလ်ချုပ်အောင်ဆန်း၏ သမီးဖြစ်ပြီး ဒေါ်ခင်စန္ဒာဝင်းက မြန်မာပြည်ကို နှစ်ပေါင်းများစွာ နှိပ်ကွပ်ခဲ့သည့် စစ်အာဏာရှင် ဦးနေဝင်း၏ သမီးဖြစ်နေခြင်းပင်။ ယခုအခါ ဒေါ်ခင်စန္ဒာဝင်းကို စစ်အစိုးရက လွှတ်ပေးလိုက်ပြီဖြစ်၏။ ဒေါ်အောင်ဆန်းစုကြည်ကို လာမည့် မေလတွင် လွှတ်ပေး၊ မပေးကိုမူ စောင့်ကြည့်ရမည်ဖြစ်သည်။


အေးချမ်းမြေ့
REF: ဧရာဝတီ

Read More...

ဘန်ကီမွန်း မြန်မာနိုင်ငံသွားသင့်ဟု အီးယူကိုယ်စားလှယ်ယူဆ

၁၅ ဒီဇင်ဘာ ၂၀၀၈
ကုလသမဂ္ဂအတွင်းရေးမှူးချုပ် ဘန်ကီမွန်း၏ မြန်မာနိုင်ငံခရီးစဉ်သည် နအဖစစ်အစိုးရနှင့် အတိုက်အခံများ အကြား ဆွေးနွေးနိုင်ရေးအတွက် တွန်းအားဖြစ်နိုင်သဖြင့် အကျိုးရှိမည့်ရလဒ် ပေါ်ထွက်လာနိုင်ကြောင်း မြန်မာနိုင်ငံဆိုင်ရာ ဥရောပသမဂ္ဂ အထူးကိုယ်စားလှယ် Piero Fassino က ယနေ့ပြောသည်။

“ခုထက်ထိ ဖြစ်ပေါ်မလာသေးတဲ့ အတိုက်အခံ ဒီမိုကရက်၊ တိုင်းရင်းသားကိုယ်စားလှယ်တွေနဲ့ စစ်အစိုးရတို့ အကြား အရေးပါတဲ့ တွေ့ဆုံဆွေးနွေးမှုတွေကို ဘန်ကီမွန်းရဲ့ ပုဂ္ဂိုလ်ရေးအရ ချဉ်းကပ်မှုတွေကနေတဆင့် ဖြစ်ပေါ်လာနိုင်မယ်လို့ ကျနော်တို့က ယုံကြည်ကြပါတယ်” ဟု Piero Fassino က ဂျပန်နိုင်ငံ တိုကျိုမြို့၌ သတင်းထောက်များကို ပြောခြင်းဖြစ်သည်။

မြန်မာနိုင်ငံ၏ အခြေအနေသည် သွားရောက်လည်ပတ်ရန် အဆင်သင့် မဖြစ်သေးကြောင်း မစ္စတာ ဘန်ကီမွန်းက ယခင်ရက်ပတ် သောကြာနေ့၌ ပြောကြားခဲ့မှုကို သဘောတူသော်လည်း မစ္စတာဘန်ကီမွန်း အနေဖြင့် ဤခရီးစဉ်အား “ပြည့်စုံသည့် ပြင်ဆင်မှု” များပြုလုပ်၍ သွားရမည်ဖြစ်သည်ဟု အီတလီနိုင်ငံခြား ရေး ၀န်ကြီးဟောင်းလည်းဖြစ်သူ Piero Fassino က ပြောသည်။

မြန်မာနိုင်ငံဆိုင်ရာ ဥရောပသမဂ္ဂ အထူးကိုယ်စားလှယ်အဖြစ် ခန့်အပ်ခံခဲ့ရပြီးနောက် မြန်မာနိုင်ငံသို့ တကြိမ် မျှ မရောက်ရှိသေးသော Piero Fassino သည် ၎င်း၏ အာရှနိုင်ငံများခရီးစဉ်၏ တစိတ်တပိုင်းအဖြစ် ဂျပန် နိုင်ငံသို့ ရောက်ရှိနေခြင်းဖြစ်သည်။

နအဖက ပြုလုပ်မည့် ၂၀၁၀ ပြည့်နှစ် ရွေးကောက်ပွဲသည် တရားမျှမှုရှိသည့် ရွေးကောက်ပွဲတခုဖြစ်လာစေ ရေးအတွက် ကမ္ဘာ့အသိုင်းအ၀န်းအနေဖြင့် ၀ိုင်းဝန်းလုပ်ဆောင်ကြရန်လည်း Piero Fassino က တိုက်တွန်းခဲ့ သည်။

Piero Fassino က “ကျနော်တို့ ဒီအတိုင်းရပ်ကြည့်နေလို့မဖြစ်ပါဘူး။ ဒီမိုကရေစီဆိုင်ရာ အာမခံချက်တွေ ရဖို့အတွက် အခုပဲ စတင်လုပ်ဆောင်ကြရမှာဖြစ်ပါတယ်။ မြန်မာလူထုနဲ့ ပြည်သူပြည်သားတွေအနေနဲ့ သူတို့ ရဲ့ အနာဂတ်အတွက် သူတို့ကိုယ်တိုင် ဆုံးဖြတ်ကြဖို့ကို ကျနော်တို့ လိုလားပါတယ်။ ၂၀၁၀ ရွေးကောက်ပွဲကို လည်း လွတ်လပ်ပြီး တရားမျှတစွာနဲ့ ကျင်းပတာကို လိုလားပါတယ်” ဟု ပြောသည်။

ယခုလဆန်းပိုင်းကလည်း နေအိမ်အကျယ်ချုပ်ခံနေရသော ဒီမိုကရေစီခေါင်းဆောင် ဒေါ်အောင်ဆန်းစုကြည် အပါအ၀င် ဖမ်းဆီးထားသည့် နိုင်ငံရေးအကျဉ်းသားများကို လွှတ်ပေးရေး စစ်အစိုးရကို တောင်းဆိုရန် အတွက် ကုလသမဂ္ဂအတွင်းရေးမှူးချုပ် ဘန်ကီမွန်းအနေဖြင့် မြန်မာနိုင်ငံသို့ ယခုလမကုန်မီ သွားရောက်ရန် ကမ္ဘာ့နိုင်ငံပေါင်း (၅၀) ကျော်မှ သမ္မတဟောင်းနှင့် ၀န်ကြီးချုပ်ဟောင်း (၁၁၂) ဦးက စာရေးတိုက်တွန်းခဲ့ သေးသည်။

ထို့အပြင် မြန်မာနိုင်ငံရေးနှင့် လူ့အခွင့်အရေး အခြေအနေများ တိုးတက်မှုမရှိခြင်းအပေါ် စိုးရိမ်သည့် တောင်ကိုရီးယား၊ ထိုင်း၊ ကမ္ဘောဒီးယား၊ ဂျပန်၊ မလေးရှား၊ ဖိလစ်ပိုင်၊ စင်ကာပူနှင့် အင်ဒိုနီးရှားတို့မှ လွှတ်တော်အမတ် (၂၄၁) ဦးကလည်း အလားတူ တောင်းဆိုမှု ပြုလုပ်ခဲ့သည်။



REF: ခေတ်ပြိုင်


Read More...

အပေါ်သို့