သန်းထိုက်ဦး
02 September 2011
ကချင်လွတ်လပ်ရေး တပ်မတော် (KIA) က တပ်သားသစ်များ အတင်းအဓမ္မ စုဆောင်းနေကြောင်း အစိုးရ၏ စွပ်စွဲချက်နှင့် ပတ်သက်၍ အခြေအမြစ် မရှိသည့် စွပ်စွဲချက်များ ဖြစ်သည်ဟု KIA က ငြင်းဆိုလိုက်သည်။
KIA တပ်ဖွဲ့ဝင်များက ကချင်ပြည်နယ် ဗန်းမော်ခရိုင်၊ ဒေါ့ဖုန်းယန်မြို့နယ်ခွဲ အတွင်းရှိ ကျေးရွာများမှ ဒေသခံများအား ၎င်းတို့၏ တပ်ဖွဲ့သို့ ၀င်ရောက် စစ်မှုထမ်းစေရန် အတင်းအဓမ္မ လူသစ်စုဆောင်း လျက်ရှိကြောင်း ယနေ့ထုတ် အစိုးရ သတင်းစာတွင် ဖော်ပြထားသည်။
“ကျနော်တို့ဘက်ကို ရောက်လာတဲ့ လူငယ်တွေ ကတော့ အားလုံးက ကိုယ်ထမ်းဆောင်ရမယ့် တာဝန်ကို ကိုယ့်အသိနဲ့ကိုယ် တာဝန် ယူပြီးမှ ရောက်လာတဲ့ လူတွေချည်းပဲ။ အတင်းအဓမ္မ လိုက်စု ဆောင်းတာမျိုး မလုပ်ပါဘူး” ဟု ကချင် လွတ်လပ်ရေးအဖွဲ့ (KIO) တွဲဖက်အတွင်း ရေးမှူး ဦးလနန်က ဧရာဝတီ သို့ ပြောသည်။
KIA တပ်ဖွဲ့ထဲသို့ မိမိအသိစိတ်နှင့် ရောက်ရှိလာ သူများသည် အသက် ၂၀ မှ ၂၅ နှစ် အရွယ် လူငယ်များ ပိုများလာပြီး လတ်တလော အဆက်မပြတ် စစ်သင်တန်များ ပေးနေရကြောင်း ၎င်းက ဆိုသည်။
ယနေ့ထုတ် အစိုးရသတင်းစာတွင် အောက်တာဆိုင် ကျေးရွာ၊ အထက်တာဆိုင် ကျေးရွာ၊ တိမ်းမကြိုင်း ကျေးရွာ၊ မိုင်းမ ကျေးရွာများမှ တအိမ်ထောင်လျှင် အမျိုးသား တဦးစီ KIA အဖွဲ့သို့ ၀င်ရောက် စစ်မှုထမ်းရမည် ဖြစ်ကြောင်း၊ စစ်မှုမထမ်းနိုင်သည့် အိမ်ထောင်စုများကို အဆိုပါ ကျေးရွာများ၌ နေထိုင်ခွင့် မပြုကြောင်း ကြေညာပြီး ဒေသခံ ပြည်သူများအား အတင်းအဓမ္မ လူသစ် စုဆောင်းနေသည်ဟု ရေးသားထားသည်။
“ရွာသူရွာသားတွေက ကိုယ်ဘာလုပ်ရမလဲ ဆိုတာ သိလာကြတယ်။ အခုရပ်ရွာထဲမှာလည်း လုံခြုံစိတ်ချမှုဆိုတာ မရှိတော့ဘူး။ တချို့ ရွာတွေမှာဆို ဒုက္ခသည်ပုံစံနဲ့ အားလုံး ထွက်ပြေးတိမ်းရှောင်တဲ့အခါမှာ သူတို့ အိမ်ထဲမှာရှိတဲ့ ဆန်၊ စပါးတွေကို အစိုးရတပ်က ယူပြီ စားသောက်တာတွေ ရှိတယ်။ အဲဒီလိုမျိုးဖြစ်လာတဲ့အခါ ရွာသားတွေကလည်း ကိုယ့်ရဲ့အခြေအနေက ဘာမှ လုံခြုံစိတ်ချမှုမရှိတော့ ဆုံးဖြတ်ပြီးတော့ ၀င်လာကြတာပါ” ဟု ဦးလနန်က ရှင်းပြသည်။
စစ်အစိုးရသည် မိုးမောက်မြို့နယ်အတွင်း တာပိန်ရေအားလျှပ်စစ် စီမံကိန်းအနီးရှိ KIA တပ်များအား လုံခြုံရေးအရ စိတ်မချရဟု အကြောင်းပြ၍ ထွက်ခွာရန် ပြောဆိုခဲ့ပြီး KIA ဘက်ကလည်း ကချင်ဒေသတွင်းရှိ အစိုးရတပ်များအား ထွက်ခွာရန် ပြန်လည် တောင်းဆိုကြရာမှ မပြေလည်ဘဲ နှစ်ဖက်တိုက်ပွဲများ စတင်ခဲ့ခြင်း ဖြစ်သည်။
ပြီးခဲ့သည့် ဇွန်လ ၉ ရက်နေ့တွင် စတင်ဖြစ်ပွားခဲ့သည့် အစိုးရတပ်နှင့် KIA အကြား တိုက်ပွဲများကြောင့် နေရပ်စွန့်ခွာ ထွက်ပြေးရသူပေါင်း ၂၀၀၀၀ ကျော် ရှိပြီး တရုတ်-မြန်မာ နယ်စပ် တလျှောက်ရှိ KIA ထိန်းချုပ် ဒေသများ၊ မြစ်ကြီးနားနှင့် ဝိုင်းမော်မြို့များရှိ ဆွေမျိုးများ၊ ဘာသာရေး အဆောက်အအုံများတွင် ခိုလှုံနေကြရကြောင်း သိရသည်။
ကချင် ဒုက္ခသည်များကို KIA အပါအ၀င် ဒေသခံ ဘုရားကျောင်းများနှင့် အဖွဲ့အစည်းတချို့တို့မှ ကောက်ခံရရှိထားသော အလှူ ငွေများ ဖြင့် ထောက်ပံ့ပေးထားရကြောင်း သိရှိရသည်။
Ref: ဧရာဝတီ
Read More...
Collapse...
သန်းထိုက်ဦး
01 September 2011
တနင်္သာရီတိုင်း ကော့သောင်း ရေပိုင်နက်အတွင်း သင်္ဘောကြီးများဖြင့် သဲတူးဖော်ရေ လုပ်ငန်းများ ပြုလုပ်နေသောကြောင့် ကျွန်းစုများတွင် နေထိုင်လျက်ရှိသော ကျေးရွာများ ဘေးအန္တရာယ်နှင့် ရင်ဆိုင်နေရကြောင်း သိရသည်။
စင်ကာပူနိုင်ငံမှ ကုမ္ပဏီများက သဲတန်ချိန် ၁ သိန်း နီးပါးခန့် တင်ဆောင်နိုင်သည့် သင်္ဘောကြီး ၅ စီး၊ သဲတူး သင်္ဘော ၈ စီးတို့ဖြင့် ပါချန်နှင့် တနင်္သာရီမြစ်ဆုံတွင် ပြီးခဲ့သော ဇူလိုင်လမှ စတင်၍ တူးဖော်ခဲ့ကြောင်း ကော့သောင်း အခြေစိုက် သဘာဝ ဘေး အန္တရာယ် ကာကွယ်တားဆီးရေး ကွန်ရက်အဖွဲ့က ပြောကြားသည်။
လတ်တလော သဘာဝ ဘေးအန္တရာယ်နှင့် ရင်ဆိုင်နေသည့် ကျေးရွာများနှင့်ပတ်သက်၍ နေပြည်တော်ရှိ အစိုးရ အာဏာပိုင် များထံ ကန့်ကွက်စာပေးပို့ရန် စီစဉ်ထားကြောင်း ယင်းကွန်ရက်အဖွဲ့မှ တာဝန်ခံ ဦးမြင့်သိန်းက ဧရာဝတီသို့ ပြောသည်။
ယင်း သဲတူးဖော်ရေး လုပ်ငန်းများကြောင့် ရေအောက် ချိုမ့်ဝှမ်းအတွင်းသို့ အစားထိုးနွံများ၊ သဲများ စီးဆင်နေသဖြင့် ကော့ သောင်း မြို့နယ်မှ စက်လှေဖြင့် မိနစ် ၂၀ ခန့် သွားရသည့် ခရုကျွန်း (ခေါ်) ရွာသာရွာ၊ သီရိမြိုင်ရပ်ကွက်၊ ဘုရင့်နောင် ရပ်ကွက်၊ ပုလိုတုံတုံးကျေးရွာ၊ ဆလုံကျွန်း၊ ရွှေပြည်စိုး ကျေးရွာအုပ်စု တို့တွင် ကမ်းပါးပြိုမှု၊ သဲသောင်ပျက်စီးမှုများ ဆိုးဆိုးရွားရွား ကြုံ တွေ့နေရခြင်း ဖြစ်ကြောင်း သိရသည်။
သဲသောင်များဖြင့် ၀န်းရံထားသော ရွာသာရွာသည် အိမ်ခြေ ၁၂၀၊ လူဦးရေ ၄၀၀ ကျော် ရှိပြီး ငါးဖမ်းလုပ်ငန်းဖြင့် အသက်မွေး ကြသော ကျွန်းစုကလေး ဖြစ်သည်။
“ရွာလေးက အရင် သူတို့ မိရိုးဖလာ လှေငယ်လေးတွေနဲ့ တပိုင်တနိုင် လုပ်စားကြတယ်။ နောက်တော့ အသက်မွေးဝမ်း ကြောင်း လည်း ပျက်စီးတဲ့ ပုံစံမျိုးတွေ ဖြစ်သွားတယ်” ဟု ကော့သောင်းဒေသခံ ကိုတိုးက ပြောသည်။
ယင်းကျေးရွာသည် သဲတူးဖော်နေသည့် သင်္ဘောကြီးများ၏ လုပ်ကွက်နှင့် အလွန်နီးကပ်သောကြောင့် သဲခုံများ ၄ ပေခန့် နိမ့်ဆင်း သွားကြောင်း သိရသည်။
“သဲတွေကို ပိုက်အကြီးနဲ့ စုပ်တယ်ဆိုတော့ အောက်က ငါးတွေလည်း မခံနိုင်ဘူး။ တော်တော်များများ ငါးတွေလည်း ပျောက် ကုန်ပြီ” ဟု ကိုတိုးက ဆိုသည်။
ပင်လယ်ရေ သတ္တ၀ါများ နားခိုကျက်စားရာ သန္တာကျောက်တန်းများ ပျက်စီးသွားသောကြောင့် ငါး၊ ပုဇွန်၊ ဂဏန်းနှင့် တခြား ရေသတ္တ၀ါများ ရှားပါးပျောက်ကွယ်သွားပြီး ရေလုပ်ငန်းများဖြင့် ရပ်တည်နေသော ဒေသခံများလည်း ၀မ်းစာအတွက် တနေ့ တခြား ခက်ခဲလာကြောင်း သဘာဝ ဘေးအန္တရာယ် ကာကွယ်တားဆီးရေး ကွန်ရက်အဖွဲ့က ပြောသည်။
သဲခုံပေါ်တွင် ဆောက်လုပ်ထားသည့် အိမ်ခြေ ၅ လုံးခန့် ပျက်စီးမည့် အခြေအနေသို့ ရောက်ရှိနေပြီး အင်္ဂတေဖြင့် ခိုင်မာစွာ ဆောက်လုတ်ထားသော နတ်စင်လည်း ပြိုကျနေကြောင်း သိရသည်။
ယခုအခါ ကမ်းခြေရှိ သဲခုံ အနေအထားများကြောင့် သဘာဝဘေး အန္တရာယ်နှင့် ရင်ဆိုင်ရလာနိုင်သည်ဟု ယူဆပြီး ကျေးရွာ ဒေသခံများက စိုးရိမ်နေကြသည်။
သဘာဝ ဘေးအန္တရာယ် ကာကွယ်တားဆီးရေး ကွန်ရက်အဖွဲ့က မြစ်ကြောင်းများ ထိမ်းသိမ်းခြင်းဆိုင်ရာ ဥပဒေများကို ပိုမို ထိရောက်စွာ ထိမ်းသိမ်းလိုက်နာကြရေးအတွက် အာဏာပိုင်များ၊ သဘာဝပတ်ဝန်းကျင်ဆိုင်ရာ ကျွမ်းကျင်သူများအနေဖြင့် တတ်နိုင်သည့်ဘက်မှ ကူညီရန် တိုက်တွန်းထားသည်။
မြန်မာနိုင်ငံသည် စင်ကာပူနိုင်ငံအတွက် လိုအပ်သော သဲများကို ၂၀၀၇ ခုနှစ် နောက်ပိုင်းမှစ၍ အဓိက ထောက်ပံ့ပေးနေခဲ့သည်။
ကမ္ဘောဒီးယားနိုင်ငံသည်လည်း ယင်းကမ်းရိုးတမ်းမှ သဲများကို စင်ကာပူသို့ ရောင်းချနေပြီး သဘာဝပတ်ဝန်းကျင်ကို ထိခိုက်မှု ကြောင့် ပြည်တွင်း လူမှုရေးအဖွဲ့များက ဝေဖန်နေကြသည်။
မလေးရှား၊ အင်ဒိုနီးရှားနှင့် ဗီယက်နမ်နိုင်ငံတို့က သဘာဝပတ်ဝန်းကျင် ထိခိုက်မှုများကြောင့် ယင်းနိုင်ငံတို့၏ ကမ်းရိုးတမ်းများမှ သဲများရောင်းချခြင်းကို ရပ်ဆိုင်းခဲ့သည်။
Ref: မဇ္ဈိမ
Read More...
Collapse...
ကိုပေါက်
စက်တင်ဘာလ ၀၁ ရက် ၂၀၁၁ ခုနှစ်
ဗဟိုနှင့် အဆက်သွယ် ပြတ်နေသော ကရင်အမျိုးသား အစည်းအရုံး (KNU) ခေါင်းဆောင် ပဒိုမန်းငြိမ်းမောင် တလကျော် ပျောက်ဆုံးနေမှုအား စုံစမ်းနေဆဲဖြစ်ပြီး ရှင်းရှင်းလင်းလင်း မသိနိုင်သေးကြောင်း KNU က ပြောသည်။
မန်းငြိမ်းမောင်မှာ ထိုင်းနိုင်ငံနှင့် တရုတ်နိုင်ငံ ပြည်ဝင်ခွင့်ဗီဇာများ ကုန်ဆုံးသွားခြင်းကြောင့် နှစ်နိုင်ငံလုံးသို့ ဝင်ခွင့် မရဘဲရှိစဉ် တရုတ်နိုင်ငံ ကူမင်းလေဆိပ်၌ လွန်ခဲ့သည့် ဇူလိုင်လနှောင်းပိုင်းက ပျောက်ဆုံးသွားခြင်း ဖြစ်ကြောင်း KNU ပြောခွင့်ရ ဗိုလ်မှူး စောလငွေက ပြောဆိုလိုက်ခြင်း ဖြစ်သည်။
“ထိုင်းကလည်း ဗီဇာသက်တမ်းကုန်တဲ့ ပုဂ္ဂိုလ်ကို မထားနိုင်ဘူးဆိုပြီး ပြန်ပို့တယ်။ ကူမင်းလေဆိပ်ကလည်း အဆင်းမခံဘူး။ ကူမင်းမှာပဲ အစပျောက်သွားတယ်။ လေယာဉ်ကုမ္ပဏီကလည်း မသိဘူးပဲ ပြောတယ်” ဟု ၎င်းက ပြောသည်။
“ပျောက်ဆုံးနေတာကို အပိုင်အနိုင် ဖော်ထုတ်လောက်အောင်၊ ကိုင်တွယ်လောက်အောင် မရသေးတဲ့ အတွက် မထုတ်ပြန် သေး ဘူး။ ဆက်လက် လိုက်နေဆဲပဲ”ဟု စောလငွေက ထပ်ပြောသည်။
မန်းငြိမ်းမောင်အား တရုတ်အာဏာပိုင်များက မြန်မာအစိုးရထံသို့ လွှဲပြောင်းပေးအပ်လိုက်ကြောင်း သတင်းများ ထွက်ပေါ် နေ သော်လည်း အတည် မပြုနိုင်သေးကြောင်း KNU က ပြောသည်။ KNU ဗဟိုကော်မတီဝင် မန်းငြိမ်းမောင်မှာ ကိုယ်ရေးကိုယ်တာ ကိစ္စဖြင့် တာဝန်မှ ခွင့်ပေးထားသည်မှာ ၈ လကျော် ကြာခဲ့ပြီ ဖြစ်ပြီး ဗဟိုနှင့် အဆက်အသွယ် ပြတ်နေခဲ့ခြင်း ဖြစ်သည်။ ယခု တရုတ်ပြည် ခရီးစဉ်မှာလည်း မိခင် အဖွဲ့အစည်း တာဝန်ဖြင့် သွားရောက်ခြင်း မဟုတ်ဘဲ မိမိဆန္ဒအလျောက် သွားရောက်ခြင်း ဖြစ်ကြောင်း သိရသည်။
သို့သော် မန်းငြိမ်းမောင်မှာ ယခုချိန်ထိ တရုတ်ပြည်ထဲတွင် ရှိနေဆဲဖြစ်ကြောင်း သတင်းများလည်း ထွက်ပေါ်နေပြီး တဖက်မှလည်း မြန်မာအစိုးရ ဖမ်းဆီးမှုကို ခံနေရကြောင်းလည်း သတင်းများ ထွက်ပေါ်နေရာ သတင်းထုတ်ပြန်ရ ခက်နေကြောင်း ဗိုလ်မှူးစောလငွေက ပြောသည်။
“အခြေအနေက မပိုင်သေးတော့ မတော်တဆများ တရုတ်ပြည်ထဲမှာ ရောက်နေမလားဆိုတော့ ကိုယ်က ဒီကနေ လှမ်းအော် လိုက်ရင်လည်း သူ့အတွက် ပြဿနာ ဖြစ်မှာစိုးလို့၊ နောက်ပြီး အဲဒီကိစ္စကို မဖော်ဘူးဆိုရင်လည်းပဲ အထဲမှာ သူ့ကို မတရား သောအားဖြင့် အငြိုးအာဃာတနဲ့ နှိပ်စက် ညှဉ်းပမ်းတာလုပ်မှာ အစဖျောက်မှာလည်း စိုးရိမ်ရ။ အဲဒီကြားထဲမှာ လိုက် နေတာပဲ”
မန်းငြိမ်းမောင်မှာ ၁၉၆၇ တွင် ကရင် လူငယ်ခေါင်းဆောင် တဦးအဖြစ် စစ်အစိုးရ၏ ဖမ်းဆီးမှုကို ခံရပြီး နာမည်ကြီး ကိုကိုးကျွန်း အကျဉ်းစခန်းသို့ အပို့ခံခဲ့ရဖူးသည်။ သို့သော် အခြားရဲဘော် ၂ ဦးနှင့်အတူ လှေနှင့် ထွက်ပြေးကာ မြန်မာပြည် ကမ်းခြေတခုတွင် အောင်မြင်စွာ ဆိုက်ကပ်နိုင်ပြီး ဒေသ အာဏာပိုင်များက ပြန်လည် ဖမ်းမိသွားခဲ့သည်။
ထိုကဲ့သို့ ကျွန်းမှ စွန့်စား ထွက်ပြေးမှု အတွေ့အကြုံများကို ‘ရဲဘော်ရှောင်း’ ကလောင်အမည်ဖြင့် ‘မုန်တိုင်းကို ဆန်၍ ပင်လယ်ကို ဖြတ်သောအခါ’ စာအုပ် ရေးသား ထုတ်ဝေခဲ့ဖူးသည်။
Ref: မဇ္ဈိမ
Read More...
Collapse...
September 1, 2011
နော်နိုရင်း
ကမာရွတ်မြို့နယ်မှာ ဒီကနေ့ နေ့ခင်းပိုင်းက ရန်ကုန်မြို့ပတ် ရထားတစီးရဲ့ နောက်ဆုံးတွဲ ပြုတ်ကျန်ပြီး လမ်းချော် တိမ်းမှောက် ခဲ့တယ်လို့ မျက်မြင်တဦးက ပြောပါတယ်။
ရထား နောက်ဆုံးတွဲဟာ ကမာရွတ်မြို့နယ် လှည်းတန်း ဘူတာအလွန် ရွာမကျောင်းလမ်းထောင့်မှာ ပြုတ်ကျန်ပြီး လမ်းချော် တိမ်းမှောက် သွားတာလို့ ဆိုပါတယ်။
တိမ်းမှောက်မှုကြောင့် အမျိုးသား ၃ ဦးနဲ့ အမျိုးသမီးတဦး ဒဏ်ရာရပြီး ရန်ကုန်ဆေးရုံ ပို့လိုက်ရတယ်လို့ ပြောပါတယ်။
“ယောက်ျား လေး ၃ ယောက်၊ မိန်းကလေး ၁ ယောက် ဒဏ်ရာရသွားတယ်။ ဘီးတဘီးက လမ်းဘေးကို ချော်ထွက်ပြီး မှောက် သွားတာ။ လာကြည့်တဲ့ သူတွေကတော့ အများကြီးပဲ။”
ရထား မှောက်မှုနဲ့ ပတ်သက်လို့ ကမာရွတ်ရဲစခန်း တွဲဖက်တာဝန်မှူးက “မှောက်တာကတော့ သေချာတယ်။ ဒါပေမယ့် ဖြစ်စဉ်တို့ ဘာတို့ ကတော့ တာဝန်ရှိတဲ့ သူတွေသွားပြီး သူ့ဘာသာ ချက်ချင်း သတင်း တက်နေပါတယ်။ ကျနော်တို့ ကြားတာကတော့ လမ်းချော်တာပေါ့နော်။ နောက်ဆုံးတွဲ တတွဲ မှောက်တာပေါ့။ မြို့နယ်မှူး၊ စခန်းမှူး အကုန်သွားကြတာ” လို့ ပြောပါတယ်။
Ref: ဒီဗွီဘီ
Read More...
Collapse...
September 1, 2011
ရွှေအောင်
ဧရာဝတီမြစ် တိမ်ကောပပျောက်သွားစေမယ့် ဧရာဝတီမြစ်ဆုံစီမံကိန်း တည်ဆောက်နေမှု ရပ်တန့် ပေးဖို့ ဧရာဝတီကို ထာဝရ ရှင်သန်စေလိုသူများအဖွဲ့က သမ္မတ ဦးသိန်းစိန်ထံ ဒီကနေ့ လက်မှတ်ရေးထိုး တောင်းဆို လိုက်ကြပါတယ်။
လက်မှတ်ရေး ထိုးကြသူတွေထဲမှာ စာပေအနုပညာရှင်တွေ၊ ပတ်ဝန်းကျင်ချစ်မြတ်နိုး သူတွေ၊ လူမှုရေး၊ နိုင်ငံရေး စတဲ့နယ်ပယ် အသီးသီးက ထင်ရှားသူတွေ ပါဝင်ကြပြီး လက်မှတ်စုစုပေါင်း ၁၆၀၀ ကို ပထမဆုံးအကြိမ် ပေးပို့ လိုက်တာ ဖြစ်ပါတယ်။
သမ္မတထံက လက်မှတ်ရေးထိုး ပေးပို့တောင်းဆိုရတာနဲ့ ပတ်သက်လို့ ဧရာဝတီကို ထာဝရ ရှင်သန်စေလိုသူများ အဖွဲ့မှာ ပါတဲ့ ၈၈ မျိုးဆက် ကျောင်းသား ကိုမြတ်သူက ခုလို ပြောပါတယ်။
“သမ္မတကြီးရဲ့ မိန့်ခွန်းအပေါ်မှာ သမ္မတကြီးက ပြည်သူလူထုရဲ့ အသံကို နားထောင်မယ်လို့ ပါတဲ့ အတွက်ကြောင့် မို့လို့ ကျနော်တို့က ပြည်သူ လူထုရဲ့ အသံကို သမ္မကြီး သိရှိနိုင်အောင်လို့ ကျနော်တို့ ဘက်က ကြိုးစား လုပ်ဆောင်ခြင်းပဲ ဖြစ်ပါတယ်။ အဲဒီ အတွက်ကြောင့်မို့လို့ သမ္မကြီးရဲ့ မိန့်ခွန်း အတိုင်း ဆိုရင်တော့ ဒီအပေါ်မှာ အရေးတယူ ရှိလာလိမ့်မယ် လို့တော့ ကျနော်တို့ မျှော်လင့် ထားပါတယ် ခင်ဗျ။”
အခု ပထမဆုံး ပေးပို့တဲ့ လက်မှတ်ရေးထိုး ကြသူတွေထဲမှာ ဟံသာဝတီ ဦးဝင်းတင်၊ လူထုစိန်ဝင်း၊ မောင်ဝံသ၊ ဒေါ်ဒေဝီသန့်ဇင်၊ ကိုကျော်သူ၊ ဒါရိုက်တာ ချိုတူးဇော် စတဲ့သူတွေ ပါဝင်ပါတယ်။
ဧရာဝတီကိုချစ်သော ပြည်တွင်းပြည်ပက ပြည်သူတွေရဲ့ လက်မှတ်တွေကို ဆက်လက်စုဆောင်း ပေးပို့ သွားမယ်လို့လည်း သိရ ပါတယ်။
Ref: ဒီဗွီဘီ
Read More...
Collapse...
September 1, 2011
နေသွင်
လယ်ယာ မြေ နိုင်ငံပိုင်ပြုရေး အပါအဝင် လယ်သမားဆိုင်ရာ ဥပဒေ ၃ ခုကို ဖျက်သိမ်းပြီး ဥပဒေသစ်နှင့် အစားထိုးနိုင်ရေး လွှတ်တော်မှာ သဘောတူလိုက်ပါတယ်။
ဖျက်သိမ်းဖွယ်ရှိတဲ့ ဥပဒေ အဟောင်း ၃ ခု ကတော့ ၁၉၅၃ ခုနှစ် လယ်ယာမြေ နိုင်ငံပိုင်ပြုလုပ်ရေး အက်ဥပဒေ၊ ၁၉၆၃ ခုနှစ် သီးစားချထားရေးဥပဒေ၊ ၁၉၆၃ ခုနှစ် တောင်သူလယ်သမား အခွင့်အရေးကာကွယ်သည့် ဥပဒေတို့ ပါဝင်ပါတယ်။
မြေယာဥပဒေကို ပြုပြင်ဖို့ အတန်ကြာကတည်းက တိုက်တွန်းနေတဲ့ မတူကွဲပြားခြင်းနှင့် ငြိမ်းချမ်းရေးပါတီရဲ့ ဥက္ကဋ္ဌ ဦးနေမျိုးဝေက လွှတ်တော်ရဲ့ ဆုံးဖြတ်ချက်ကို ကြိုဆိုလိုက်ပြီး၊ အစားထိုးမယ့် ဥပဒေနဲ့ ပတ်သက်လို့လည်း အခုလို ပြောပါတယ်။
“ဖြစ်သင့်တာက တော့ ဒီ နိုင်ငံပိုင်စနစ်ကတော့ ပျောက်မှာ မဟုတ်သေးဘူး။ ဒီ လုပ်ကိုင်ခွင့်ကို ငှားရမ်းရောင်းချ ပေါင်နှံခွင့်တော့ ရကောင်း ရနိုင်တယ်။ ကမ္ဘာမှာ ရှိတဲ့ မြေပိုင်ဆိုင်မှု၊ မြေအသုံးချမှုတွေ ၃ မျိုးလောက် ရှိတယ်။ တခုက ပုဂ္ဂလိက အပြတ်ပိုင်တာ၊ အမေရိကန်လိုမျိုး၊ ရောင်းချလို့ရတယ် လွတ်လွတ်လပ်လပ်ပေါ့။ နောက်တဆင့်က ဂရမ်ချထားပေးပြီးတော့ မြေသုံးဆွဲမှု အပေါ်မှာ အဲဒီ အခွင့်အလမ်းကို ရောင်းတာ၊ ငှားတာ လုပ်လို့ရတယ်။ နောက်တဆင့်က နိုင်ငံတော်က လုံးဝပိုင်တာ၊ လုံးဝပိုင်တာဆိုတာ အဲဒီ အခွင့်အလမ်းကိုလည်း ရောင်းလို့ ငှားလို့ မရဘူး။
“ကျနော် နိုင်ငံရဲ့အဆင့်က ဒုတိယအဆင့် ရအောင်ပဲ ကြိုးစားသင့်တယ်။ ဖွဲ့စည်းပုံမှာကနိုင်ငံတော်ရဲ့ ရေထု၊ မြေထု၊ လေထုကို နိုင်ငံတော် ပိုင်တယ်ဆိုတော့ အမေရိကန် အဆင့်မျိုးကိုကြိုးစားမယ်ဆိုရင် ဖွဲ့စည်းပုံကို အရင်ပြင်ပြီးမှ ကြိုးစားရမယ့် သဘောရှိတယ်။ အခု လွှတ်တော်က ဖွဲ့စည်းပုံနဲ့အညီလုပ်တဲ့ လွှတ်တော် ဖြစ်တဲ့အတွက် ဖွဲ့စည်းပုံနဲ့ ဘောင်ဝင်တဲ့ ဟာမျိုးဆိုရင် ရနိုင်ပါတယ်။”
မြေယာဥပဒေ တွေအရ လယ်လုပ်သူ လယ်ပိုင်ခွင့် မရှိတာကြောင့် လယ်သမားတွေက သူတို့ရဲ့ မြေယာအပေါ်မှာ မက်လုံးမရှိတာ၊ အရင်းအနှီးအဖြစ် အသုံးမချနိုင်တာ၊ အစိုးရနဲ့ ကုမ္ပဏီတွေက သိမ်းရင် အချိ်န်မရွေး ခံရတာ စတာတွေကြောင့် လယ်ယာကဏ္ဍဖွံ့ဖြိုးရေးမှာ အဟန့်အတားဖြစ်နေတယ်လို့ ကျွမ်းကျင်သူတွေက ထောက်ပြကြပါတယ်။
မနေ့တုန်းက လွှတ်တော်အစည်းအဝေးမှာ စစ်ကိုင်းတိုင်းဒေသကြီး မဲဆန္ဒနယ် အမှတ် ၉ ရဲ့ကိုယ်စားလှယ် ဦးသိန်းဝင်း တင်သွင်းခဲ့တဲ့ အဆိုမှာ ဥပဒေဟောင်းကို ဖျက်သိမ်းပြီး၊ လယ်ယာကဏ္ဍ ဖွံ့ဖြိုးတိုးတက်ရေး၊ တောင်သူလယ်သမားတွေရဲ့ လယ်ယာမြေ လုပ်ပိုင်ခွင့် မဆုံးရှုံးစေရေး၊ လုံခြုံမှု အပြည့်အဝ ပေးနိုင်ရေး၊ သီးနှံတွေကို ဈေးနှိမ်မခံရရေးဆိုတဲ့ အချက်တွေ ပါဝင်တဲ့ ဥပဒေ
သစ်နဲ့ အစားထိုးဖို့ ပါဝင်ပါတယ်။
Ref: အာရ်အဖ်အေ
Read More...
Collapse...
2011-09-01
ယခင် စက်မှု ၁ ၀န်ကြီးဟောင်း ဦးအောင်သောင်းရဲ့ သား ထုတ်ဝေမဲ့ IGE ဂျာနယ်အပြင် တခြား နာမည်ကြီး စီးပွားရေး သမားတွေက ဂျာနယ် အသစ်တွေ ထုတ်ဝေဖို့ စီစဉ်နေတယ်လို့ သိရပါတယ်။
အတွေ့အကြုံ ရှိတဲ့ စာနယ်ဇင်းသမားတွေကို လစာတွေ အများကြီး ပိုပေးနေတာကြောင့် ဂျာနယ်နဲ့ မဂ္ဂဇင်းတချို့က သတင်းထောက် တွေ လက်ရှိ အလုပ်ကနေ ပြောင်းကြတယ်လို့ သိရပါတယ်။
ဒီကိစ္စနဲ့ ပတ်သက်ပြီး စာနယ်ဇင်းသမား တဦးက အခုလို ပြောပြပါတယ်။
"Winner က အောင်ဇော်မြင့်က သတင်းဂျာနယ် ထုတ်မယ်။ IGE ကတော့ ကြာပါပြီ။ Myanmar Wall Street ဆိုပြီးတော့လေ။ အေဒင် ဦးချစ်ခိုင်လည်းဂျာနယ်ထုတ်မယ် ကြားတယ်။ ဒါပေမဲ့ ကျနော်ကြားတာကတော့ ဧရာဝတီတိုင်း ဒေသကြီး ၀န်ကြီးချုပ်က လုပ်ခိုင်းတာလို့ ပြောတယ်။ အဲလို ဂျာနယ် အသစ်တွေ ပေါ်လာတဲ့အတွက် လက်ရှိလုပ်နေတဲ့ သတင်းဂျာနယ်က လူတွေကို သူတို့က လစာ ကောင်းကောင်းပေးပြီး ခေါ်ကြတာပေါ့။"
Myanmar Times လို ဒေါ်လာနဲ့ လစာရတဲ့ တိုက်က သတင်းထောက်တွေဟာလည်း ဒေါ်လာဈေး ကျဆင်းတဲ့ အတွက် ၀င်ငွေ နည်းသွားတာမို့ လစာငွေ ပိုရတဲ့တိုက် ပြောင်းသွားတဲ့ သဘောမျိုးလည်း ရှိတယ်လို့ Myanmar Times ကနေ နုတ်ထွက်သွားတဲ့ စာနယ်ဇင်းသမား တဦး ပြောပါတယ်။
တချို့ကတော့ Myanmar Times ကနေ ၁၂ ယောက်ထက် မနည်း နုတ်ထွက်သွားပြီး The Voice ဂျာနယ်က သတင်းထောက် အတော်တော် များများ Winner ကို ပြောင်းလိမ့်မယ်လို့ ခန့်မှန်းပါတယ်။
ဦးအောင်သောင်းရဲ့သားတွေ ပိုင်တဲ့ IGE က ထုတ်ဝေမယ့် ဂျာနယ်မှာ Myanmar Times မှာလုပ်ခဲ့ဖူးတဲ့ ဒေါ်စုမြတ်လှက ညွှန်ကြား ရေးမှူး တာဝန်ယူမယ်လို့ သိရပါတယ်။
အားကစား ဂျာနယ်တွေ အောင်မြင်တဲ့ အချိန်တုန်းက အားကစား စာစောင်တွေ လိုက်ထုတ်ဝေကြပြီး အခု သတင်း ဂျာနယ်တွေ ထွန်းကားလို့ သတင်းဂျာနယ်တွေ ထုတ်ဝေမယ်လို့ ခန့်မှန်းကြပါတယ်။ ဒါ့အပြင် စီးပွားရေး ကဏ္ဍကိုလည်း ဇောင်းပေး သတင်း ရေးကြလိမ့်မယ်လို့ တွက်ဆကြပါတယ်။
အခုလို စာနယ်ဇင်းသမား လစာများတဲ့ တိုက်ကို ပြောင်းနေကြတာမို့ တချို့ စာစောင်တွေလည်း လက်ရှိ စာနယ်ဇင်းသမားကို လစာ တိုးပေးနေတယ်လို့လည်း သိရပါတယ်။
Ref: အာရ်အဖ်အေ
Read More...
Collapse...
1 September 2011
စောခါးစူး
ထိုင်း-မြန်မာနယ်စပ် မယ်ဟောင်ဆောင်ခရိုင်၊ မဲ့စရင်းမြို့နယ်ရှိ ကရင်နီဒုက္ခသည် စခန်းအမှတ်(၁)တွင် လူ ၅၀၀ကျော် ကူးစက် များဖြစ်သည့် တုပ်ကွေးနှင့် မျက်စိနာရောဂါများ ဖြစ်ပွားလျက်ရှိသည်။
ယခင်လမှ စတင်ကာ တုပ်ကွေးနှင့် မျက်စေ့နာရောဂါ ဖြစ်ပွားလျက်ရှိရာ ယခုလက်ရှိအချိန်တွင် တုပ်ကွေးကူးစက်သူ ၄၀၀ဦးနှင့် မျက်စိနာ ကူးစက်သူ ၁၀၀ကျော်ရှိသည်ဟု ကရင်နီ အမှတ်(၁)စခန်း ဆေးခန်းမှ ကောက်ယူသည့် စာရင်းအရ သိရသည်။
အဆိုပါ ရောဂါဖြစ်ပွားမှုများတွင် အသက် ၅နှစ်မှ ၁၈နှစ်အထိ ကလေးများ ပိုဖြစ်ကြပြီး လူကြီးများ အဖြစ်နည်းသည်ဟု အမှတ် (၁) စခန်း၏ ရပ်ကွက်(၉) ဆေးခန်းတာဝန်ခံ အမျိုးသမီးဖြစ်သူ စိုးမယ်က ပြောသည်။
“ရောဂါဖြစ်များတာက တုပ်ကွေးများတယ်။ ကျောင်းသူကျောင်းသားအရွယ် ကလေးတွေပေါ့နော်။ သူတို့တွေက စာသင်ကျောင်း မှာ အတူတူနေကြတယ်ဆိုတော့ ကူးတာများတယ်။ ဒီရောဂါတွေ ဖြစ်နေတဲ့သူကို ကျောင်းမတက်ခိုင်းဘူး။”ဟု ၎င်းက ပြောသည်။
ကလေးများသည် လူကြီးထက် ကိုယ်ခံစွမ်းမရှိသည့်အတွက် ရောဂါကူးစက်မှု များပြားရခြင်းဖြစ်သည်။ လက်ရှိ ရောဂါဖြစ်ပွားသူ များအနေဖြင့် ဆေးခန်းတွင် ဆေးကုသမှု လာရောက်ခံယူရသည်အထိ မရှိသေးပေ။
၁၁နှစ်အရွယ် ကျောင်းသူတဦး၏ မိခင် ဘူမယ် ဆိုသူကလည်း “ကျမ သမီးက တုပ်ကွေးဖြစ်တယ်။ ကျောင်းမတက်နိုင်သေးဘူး။ သမီးက နှာရည်လည်းယို၊ ကိုယ်ပူတယ်။ မစားမသောက်ချင်ဘူး။”ဟု ပြောသည်။
စခန်း အမှတ်(၁) မှ ရပ်ကွက်-၁ ဆေးခန်း တာဝန်ခံ မယ်ရယ်က မျက်စိနာရောဂါ ဖြစ်ပွားသူများသည် မျက်စိများ နီရဲပြီး တုပ်ကွေး ရောဂါ ဖြစ်ပွားသူများမှာ ကိုယ်ပူခြင်း၊ ချောင်းဆိုးခြင်း၊ လည်ချောင်းနာခြင်း၊ နှာစေး၊ နှာရည်ယိုခြင်း၊ ခြေလက် ကိုက်ခဲခြင်း စသည့် ရောဂါလက္ခဏာများ ပြသည်ဟု ပြောသည်။
ထိုရောဂါနှစ်မျိုးစလုံးသည် ဗိုင်းရပ်စ်ပိုးကြောင့် လေထဲမှတဆင့် အလွယ်တကူ ကူးစက်လွယ်သည့် ရောဂါဖြစ်သည်။ အထူးသဖြင့် တုပ်ကွေးရောဂါဖြစ်ပွားသူများသည် ချောင်းဆိုးပါက လက်ကိုင်ပုဝါဖြစ်စေ၊ လက်ဖြင့်ဖြစ်စေ ပိတ်ထားရန်၊ အစာမစားမှီ လက်ကို သေချာစွာ ဆေးကြောရန်နှင့် သန့်ရှင်းလတ်ဆတ်သော အစားအစာများကို စားရန် လိုအပ်သည်ဟု သူက ဆက်ပြောသည်။
ပြီးခဲ့သည့် ၂၀၀၉ခုနှစ်တွင် စခန်းအမှတ်(၁)တွင် တုပ်ကွေးရောဂါ ဖြစ်ပွားခဲ့ဖူးသော်လည်း တုပ်ကွေးနှင့် မျက်စိနာရောဂါ တပြိုင် နက် တည်း ဖြစ်ပွားခဲ့ခြင်း မရှိခဲ့ပေ။
ထိုင်း-မြန်မာနယ်စပ် မဲ့စရင်းမြို့နယ်အတွင်း၌ ကရင်နီဒုက္ခသည် စခန်းအမှတ်(၁)နှင့် (၂)ဟူ၍ စခန်း ၂ခုရှိပြီး တခုနှင့်တခုအကြား ၈၀ကီလိုမီတာ ကွာဝေးကာ စခန်းအမှတ်(၁)တွင် ရပ်ကွက်ပေါင်း ၂၀ရှိပြီး ရပ်ကွက်(၁)နှင့် ရပ်ကွက်(၉)တွင်သာ ဆေးခန်းရှိသည်။
Ref: ကေအိုင်စီ
Read More...
Collapse...
1 September 2011
ကရင်အမျိုးသားအစည်းအရုံး-KNU၏ ဗဟိုကော်မတီဝင် ပဒိုမန်းငြိမ်းမောင် ပျောက်ဆုံးလျက်ရှိခြင်းနှင့် ပတ်သက်၍ တရုတ်နှင့် မြန်မာအစိုးရတို့အား တရားဝင် ဆက်သွယ်မေးမြန်းမည့် အစီအစဉ် မရှိသေးဟု KNU က ပြောသည်။
ပဒိုမန်းငြိမ်းမောင်သည် ဇူလိုင်လနှောင်းပိုင်းတွင် တရုတ်နိုင်ငံ ကူမင်းမြို့သို့ သွားရောက်သည့် ခရီးစဉ်မှ ပြန်လာစဉ် ပျောက်ဆုံးခဲ့ သည်ဟု သိရှိရသော်လည်း မည်သည့်နိုင်ငံ ရောက်ရှိနေသည်ကို အတည်မပြုနိုင်သဖြင့် တရားဝင် မမေးမြန်းခြင်း ဖြစ်သည်ဟု KNU တွဲဖက် အတွင်းရေးမှူး(၁) ဗိုလ်မှူးစောလှငွေက ကေအိုင်စီကို ပြောသည်။
“ပဒိုမန်းငြိမ်းမောင် အဖမ်းခံရတဲ့ ကိစ္စဟာ သေသေချာချာ မသိသေးတော့ လှမ်းမမေးသေးဘူး။ ကျနော်တို့ အတည်ပြုလို့ ရရင် တော့ ကျနော်တို့လူကို နင်တို့ (တရုတ်နှင့် မြန်မာအစိုးရ) ဆွဲတယ်လို့ ပြောလို့ရတယ်။ အဲဒါဆိုရင် လှမ်းမေးလို့ ရတယ်။”ဟု ရှင်းပြ သည်။
တရုတ်နိုင်ငံ ကူမင်းမြို့မှ ထိုင်းနိုင်ငံသို့ ပြန်အ၀င် လေဆိပ်တွင် ထိုင်းလူဝင်မှုကြီးကြပ်ရေးက ၎င်းကို ပြန်ဝင်ခွင့်မပြုဘဲ ကူမင်းသို့ ပြန်ပို့ခဲ့ရာမှ ထပ်မံ အဆက်အသွယ် မရရှိတော့ပဲ ပျောက်ဆုံးနေခြင်း ဖြစ်သည်ဟု ၎င်းက ဆက်ပြောသည်။
ပဒိုမန်းငြိမ်းမောင်သည် ယခုနှစ် ဇွန်လအတွင်း အစိုးရတပ်နှင့် ကချင်လွတ်မြောက်ရေးတပ်မတော် (KIA) တို့ ဖြစ်ပွားခဲ့သည့် တိုက်ပွဲများတွင် သွားရောက်လေ့လာခဲ့သည်ဟုလည်း သိရသည်။
သူသည် KNU နှင့် အခြား တိုင်းရင်းသား လက်နက်ကိုင် အဖွဲ့အစည်းများအကြား ဆက်ဆံရေးကိစ္စရပ်များတွင် အရေးပါသူ တဦးလည်း ဖြစ်သည်။
ထို့အပြင် ၎င်းသည် အမျိုးသား ဒီမိုကရက်တစ် တပ်ပေါင်းစု NDF၏ တာဝန်ရှိသူတစ်ဦးဖြစ်သကဲ့သို့ တိုင်းရင်းသားတပ်ဖွဲ့များနှင့် ပူးပေါင်းဖွဲ့စည်းထားသည့် ညီညွှတ်သော တိုင်းရင်းသားလူမျိုးများ ဖယ်ဒရယ်ကောင်စီ (UNFC)တွင်လည်း ကော်မတီဝင်တဦး ဖြစ်သည်။
၁၉၆၀ခုနှစ်ဝန်းကျင် တော်လှန်ရေး အစိုးရလက်ထက် နိုင်ငံရေးလှုပ်ရှားမှုကြောင့် ပဒိုမန်းငြိမ်းမောင်သည် ကိုကိုးကျွန်း နိုင်ငံရေး အကျဉ်းစခန်းသို့ အပို့ခံရသည်။ ထိုသို့ အကျဉ်းကျခံနေရစဉ်ကာလအတွင်း အကျဉ်းသားများ၏ အခွင့်အရေးအတွက် အစာငတ်ခံ ဆန္ဒပြရာတွင် အကြိမ်ကြိမ် ပါဝင်ခဲ့သူဖြစ်သည်။
အကျဉ်းကျခံရာ ကိုကိုးကျွန်းမှ ပဒိုမန်းငြိမ်းမောင်သည် ဘ၀တူ အကျဉ်းသား မန်းအောင်ကြည်၊ ကိုအောင်ငွေတို့နှင့် အတူ မိုင်ပေါင်း ၂၀၀ကျော် ပင်လယ်ပြင်ခရီးကို ဖြတ်သန်းထွက်ပြေးနိုင်ခဲ့သည်။ သို့သော် တနင်္သာရီကမ်းရိုးတန်း၊ ရေးမြို့နယ်သို့ အရောက်တွင် အာ ဏာပိုင်တို့၏ ဖမ်းဆီးခြင်းကို ခံခဲ့ရသည်။
ထိုအတွေ့အကြုံများကို ရေးသားထားသည့် ‘မုန်တိုင်းကိုဆန်၍ ပင်လယ်ကိုဖြတ်သောအခါ’အမည်ရှိ စာအုပ်ကို ၂၀၀၀ပြည့်နှစ်က ထုတ်ဝေခဲ့သည်။ ၁၉၈၂ခုနှစ်ကလည်း မော်လမြိုင် အကျဉ်းထောင်တွင် သူပုန်ဆက်သွယ်မှု ပုဒ်မဖြင့် ထောင်ဒဏ် ၃နှစ် ကျခံခဲ့ရ သေးသည်။
Ref:
Read More...
Collapse...
01 စက်တင်ဘာ 2011
မသင်းသီရိ
မြန်မာနိုင်ငံရဲ့ အသက်သွေးကြောလို့ ပြောနိုင်တဲ့ ဧရာဝတီမြစ်ကြီး မြစ်ဖျားခံရာ ကချင်ပြည်နယ် အတွင်းမှာ မြစ်ဆုံရေကာတာ စီမံကိန်းနဲ့ ရွှေတူးဖော်ရေး စီမံကိန်းတွေကြောင့် ဧရာဝတီမြစ်ကြီး တိမ်ကော ပျောက်ပျက်သွားမယ့် အန္တရာယ်ကနေ ၀ိုင်းဝန်း ကာကွယ်ကြဖို့ မြန်မာနိုင်ငံထဲက ထင်ရှားတဲ့ စာပေ အနုပညာရှင်တွေ အပါအ၀င် လူမှုရေး တက်ကြွ လှုပ်ရှားသူတွေက ဒီကနေ့ပဲ သမ္မတဆီ လိပ်မူပြီး တောင်းဆိုစာတွေ ပေးပို့လိုက်ပါတယ်။ နိုင်ငံတော် သမ္မတ အနေနဲ့ ပြည်သူလူထုရဲ့ ဆန္ဒနဲ့ သဘောထား တွေ ကို လိုက်လျော ဆောင်ရွက်ပေးမယ်လို့လည်း သူတို့ မျှော်လင့်ထားတဲ့အကြောင်း လက်မှတ်ရေးထိုး တောင်းဆိုသူတွေက ပြောပြ ကြပါတယ်။ အပြည့်အစုံကို မသင်းသီရိက တင်ပြပေးထားပါတယ်။
ဧရာဝတီမြစ်မကြီးရဲ့ မြစ်ရေစီးကြောင်းတွေ ပုံမှန် မဟုတ်တော့တာ၊ နေရာ တော်တော်များများမှာ သဲသောင်ထွန်းတာတွေ အပါအ၀င် မြစ်ကမ်းပါးတွေ ပြိုလာတာတွေဟာ အရေးတကြီး အဆင့်မှာ တွေ့နေရတဲ့ ဆိုးကျိုးတွေ ဖြစ်တယ်လို့ ဒီလှုပ်ရှားမှုမှာ ပါဝင်သူတွေက အဓိက ထောက်ပြကြပါတယ်။ ဧရာဝတီ မြစ်ဖျားခံရာ ကချင်ပြည်နယ်အတွင်း မြစ်ဆုံရေကာတာ စီမံကိန်း တွေ နဲ့အတူ ရွှေတူးဖော်ရေး လုပ်ငန်းတွေကြောင့်လည်း တွေ့နေရတဲ့ သဘာဝ ဘေးအန္တရာယ်တွေဟာ ဧရာဝတီမြစ်အတွက် စိုးရိမ် စရာ ဖြစ်တယ်လို့ ဆိုပါတယ်။
အထူးသဖြင့် ဧရာဝတီမြစ်အတွင်း သဘာဝ ပတ်ဝန်းကျင်ဆိုင်ရာ ထိခိုက်မှုတွေဟာ တနှစ်ထက်တနှစ် ပိုဆိုးလာနေတာမို့ ဧရာဝတီကို ထာဝရ ရှင်သန်လိုသူများဆိုတဲ့ ခေါင်းစဉ်နဲ့ ဧရာဝတီမြစ် ထိန်းသိမ်းရေး လှုပ်ရှားမှုတွေကို ပြီးခဲ့တဲ့ လကတည်းက စတင်ခဲ့ကြတာပါ။ ဒါကြောင့် နိုင်ငံရဲ့ အစိုးရကလည်း ဧရာဝတီမြစ်ကြီးအတွက် ပူးပေါင်းကာကွယ်ဖို့ အစီအစဉ်မှာ ပါဝင်ဖို့ ဆိုပြီးတော့ ထင်ရှားတဲ့ စာပေအနုပညာရှင်တွေ၊ လူမှုရေး လုပ်ငန်းတွေမှာ ဦးဆောင် လှုပ်ရှားနေသူတွေက သူတို့ စုပေါင်း လက်မှတ်ရေးထိုးထားတဲ့ လက်မှတ်ပေါင်း ၁,၆၀၀ ကျော်ကို ဒီနေ့ ပထမဆုံးအကြိမ်အဖြစ် သမ္မတ ဦးသိန်းစိန်ဆီ ပေးပို့ပါတယ်။
အခုလိုမျိုး လူထုရဲ့ ဆန္ဒနဲ့ အသံတွေကို နားထောင်ကာ နိုင်ငံရဲ့ အစိုးရက လိုက်လျော ဆောင်ရွက်ပေးမယ် ဆိုတာကို ယုံကြည်တဲ့အတွက် တောင်းဆိုမှုတွေမှာ ပါဝင် လက်မှတ်ရေးထိုးတာ ဖြစ်တယ်လို့ မန္တလေးမြို့က စာရေးဆရာ ကျော်ရင်မြင့်က ပြောပါတယ်။
“ဧရာဝတီမြစ်ကြီးပေါ်မှာ ဆည်ကြီးလည်း မဆောက်ရသေးဘူးပေါ့၊ အချိန်မရွေး ဒီဆည်ကြီးကို မဆောက်ဘဲနဲ့ အဲဒီစီမံကိန်းကို ရပ်တန့်လိုက်လို့ ရပါတယ်။ ဒါကြောင့် ဧရာဝတီကို ကယ်တင်မယ့် လှုပ်ရှားမှုဟာ အချိန်မီ လှုပ်ရှားမှုလို့ ကျနော် မြင်ပါတယ်။ တခုပဲရှိတယ်၊ ဆုံးဖြတ်ရမယ့် နိုင်ငံရဲ့ အကြီးအကဲပိုင်းပေါ့၊ တာဝန်ရှိသူပိုင်းကတော့ အချိန်မီ ဆုံးဖြတ်ဖို့တော့ လိုပါတယ်။
“ဒီနေ့ နိုင်ငံကို စီမံခန့်ခွဲနေတဲ့ အစိုးရကလည်း ပြည်သူလူထု သဘောထားကို အလေးအနက် ထားပြီးတော့ နားထောင်လိမ့်မယ်လို့ မျှော်လင့်လို့ အဲဒီ လှုပ်ရှားမှုမှာ ကျနော် ပါဝင်တာပါ။ ဒါ ပြည်သူလူထုရဲ့ဆန္ဒ၊ အဲဒီဆန္ဒကို သူတို့ လေးလေးစားစားနဲ့ ဆောင်ရွက်လိမ့်မယ်လို့ ယုံကြည်လို့ ကျနော် လက်မှတ်ထိုးတာပါ။”
စာရေးဆရာ ကျော်ရင်မြင့် ပြောပြသွားတာ ဖြစ်ပါတယ်။
ဧရာဝတီမြစ်ဟာ ဘိုးဘွားဘီဘင်တွေရဲ့ ယဉ်ကျေးမှု အမွေအနှစ်လည်း ဖြစ်တာမို့ အစဉ်အဆက် ထိန်းသိမ်းလာခဲ့တဲ့ ဒီ ရှေးအမွေအနှစ်ကို ကိုယ့်လက်ထက်မှ ပျက်စီးမယ် ဆိုရင်တော့ သမိုင်းမှာ အလွန်ညံ့ရာ ကျနေပြီလို့ စာရေးဆရာ ဦးအောင်သင်းက ဆိုပါတယ်။ ဆရာ ဦးအောင်သင်းဟာလည်း ဒီတောင်းဆိုမှုထဲမှာ လက်မှတ်ရေးထိုး ပါဝင်သူတဦး ဖြစ်ပါတယ်။
“ဘ၀ရှင်သန်ဖို့အတွက် ပတ်ဝန်းကျင်ဆိုတာ အလွန် လုံလောက်ရမှာဗျ။ ဧရာဝတီမှာ ပါဝင်ခဲ့တာပဲ။ ဒီ့ပြင်တိုင်းပြည်မှာ ဒီမြစ်မျိုး ရှိတာမဟုတ်ဘူး။ အလွန် ရှိဖို့ခက်တယ်။ တကယ်တန်ဖိုးရှိတဲ့ ပစ္စည်းကြီးပါ။ အဲဒါကို မထိန်းသိမ်းတတ်ရင် ကျနော်တို့ ညံ့လို့ပေါ့။ ဟိုးအရင်တုန်းကဆိုရင် မြစ်ရေတင်တဲ့ စိုက်ပျိုးရေး မလုပ်ရဘူးဆိုတာ မြစ်ကို ထိခိုက်မှာစိုးလို့။ နောက်တခုက တံတားတွေဘာတွေ ဆောက်ချင်တိုင်း ဆောက်လို့ မရဘူး။ တံတားရဲ့ တိုင်တွေဘာတွေက သဲတွေကို သောင်တွေဘာတွေ ထွန်းစေတဲ့အတွက် အဲဒါကြောင့် တံတားကို ထိုးချင်တိုင်းထိုးလို့ မရပါဘူး။
“ဒီဘက်မှာတော့ ထိုးချင်တိုင်းထိုး၊ အဲဒီတော့ အားလုံး ပတ်ဝန်းကျင်ကလည်း ၀ိုင်းပြီး ပြောကြ ပြုကြ ဘယ်လိုဖြစ်ကုန်မှန်း မသိဘူး။ ကျနော် ဧရာဝတီမြစ်ကို သိပ်တန်ဖိုးထားပါတယ်။ ကျနော့်အသက်ပဲ၊ ကျနော့်သားသမီးတွေရဲ့ အသက်ပဲ၊ ကျနော့် ဘိုးဘွားတွေရဲ့ အသက်ပဲ။ အများကြီး လုပ်ရလိမ့်မယ်။ နောက်ကျတယ်လို့ထင်တယ်။”
စာရေးဆရာ ဦးအောင်သင်း ဧရာဝတီနဲ့ ပတ်သက်တဲ့ သူ့ရဲ့ သဘောထားတွေကို ပြောပြခဲ့တာ ဖြစ်ပါတယ်။
ဧရာဝတီကို ထာဝရ ရှင်သန်လိုသူများဆိုတဲ့ လှုပ်ရှားမှုကို ၈၈ မျိုးဆက် ကျောင်းသားတွေက ဦးဆောင်ခဲ့တာဖြစ်ပြီး ဧရာဝတီ မြစ်ကြောင်းပေါ်က စီမံကိန်းတွေနဲ့ ပတ်သက်လို့ နိုင်ငံတော်က အချိန်မီ ပြန်လည် စဉ်းစားရေးအတွက် ဆိုပြီးတော့လည်း ပြီးခဲ့တဲ့လက သမ္မတဆီကို စာရေးသား ပေးပို့ထားပါတယ်။
အခုလိုမျိုး စာရေးတောင်းဆိုတဲ့ လှုပ်ရှားမှုတင် မကဘဲ ဧရာဝတီမြစ် ၀န်းကျင်မှာ နေထိုင်ကြသူတွေအတွက် သဘာဝ ပတ်ဝန်းကျင်ဆိုင်ရာ ထိန်းသိမ်းရေး ပညာပေး သင်တန်းတွေနဲ့ပါ သူတို့ရဲ့ လှုပ်ရှားမှုကို စတင်နေပြီလို့ ဒီလှုပ်ရှားမှုကို ဦးဆောင်သူထဲက တဦးဖြစ်တဲ့ ၈၈ မျိုးဆက် ကျောင်းသား ကိုမြတ်သူက ပြောပါတယ်။
“လောလောဆယ်တော့ အစိုးရဘက်က တုံ့ပြန်တာ တစုံတရာ မတွေ့ရသေးပါဘူး။ လက်မှတ်တွေ တင်တာတင် မဟုတ်ဘဲနဲ့ ပြည်သူလူထုကလည်း ဒီမြစ်ကြီးပေါ်မှာ အာရုံစိုက်မှု ပိုများလာအောင်၊ နောက် ဒီမြစ်ကြီးရဲ့ Effect က ပြည်သူလူထုအပေါ်မှာ ဖြစ်လာနိုင်တယ် ဆိုတာကိုလည်း ပိုပြီးတော့ ရှင်းရှင်းလင်းလင်း သိအောင် ကျနော်တို့ ကြိုးပမ်း ဆောင်ရွက်နေတာတွေ ရှိပါတယ်။ ပြည်သူလူထုကို ပိုပြီးတော့ အသိပညာပေးတဲ့ လုပ်ငန်းတွေ၊ ကျနော်တို့ လူငယ်တွေနဲ့ ထိတွေ့တာတွေ၊ ပြောဆို စည်းရုံးတာတွေ၊ ဒါမျိုးတွေ ရှိပါတယ်။”
ဧရာဝတီ ထာဝရ ရှင်သန်လိုသူများ လှုပ်ရှားမှုကို ဦးဆောင်သူထဲက တဦးဖြစ်တဲ့ ကိုမြတ်သူ ပြောပြသွားတာ ဖြစ်ပါတယ်။
မြန်မာအစိုးရဘက်ကတော့ ဒီမြစ်ဆုံ စီမံကိန်းတွေကနေ နိုင်ငံတ၀န်း လျှပ်စစ်ဓာတ်အားတွေ ပေးနိုင်မှာ ဖြစ်သလို ဒီစီမံကိန်း တွေကနေ မြစ်ကို အမှီပြုနေတဲ့ လုပ်ငန်းတွေ မထိခိုက်တဲ့အကြောင်း အစိုးရ သတင်းစာတွေကနေ ရေးသားပါတယ်။
မကြာသေးခင်က နေပြည်တော်မှာ ပြုလုပ်ခဲ့တဲ့ သတင်းစာ ရှင်းလင်းပွဲမှာလည်း နိုင်ငံတော် အစိုးရဟာ ဧရာဝတီမြစ်ကို ချစ်သလို တန်ဖိုးထားပါတယ်လို့ ပြန်ကြားရေးဝန်ကြီး ဦးကျော်ဆန်းက သတင်းထောက်တွေကို ပြောခဲ့ပါတယ်။
ဒါပေမဲ့ ဧရာဝတီမြစ်မှာ စနစ်တကျ စီမံကိန်းတွေ ရှိဖို့နဲ့ သဘာဝ ပတ်ဝန်းကျင်ဆိုင်ရာ စောင့်ရှောက် လိုက်နာမှုတွေနဲ့အတူ ဒီမြစ်ကြောင်းကြီးကို အားလုံး ပူးပေါင်း ကာကွယ်ဖို့အတွက် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကလည်း ပြီးခဲ့တဲ့ သြဂုတ်လက ပန်ကြားချက်တစောင် ထုတ်ပြန်ထားပါတယ်။
Ref: ဗွီအိုအေ
Read More...
Collapse...
01 စက်တင်ဘာ 2011
လစ်ဗျားသူပုန်တပ်ဖွဲ့တွေ မြို့တော် ထရီပိုလီ (Tripoli) ကို သိမ်းပိုက်လိုက်ပြီး လစ်ဗျားခေါင်းဆောင်ဟောင်း ဂဒါဖီ (Moammar Gadhafi) ဘယ်ရောက်နေမှန်း မသိဘဲ ဖြစ်နေတဲ့နောက်ပိုင်း နိုင်ငံအတွင်းက လက်ရှိ အာဏာပိုင်တွေကို အကူအညီတွေ ၀ိုင်းပေး ကြဖို့ ကမ္ဘာ့အင်အားကြီး နိုင်ငံတွေက ကတိပြုလိုက်ကြပါတယ်။
ဘဏ္ဍာရေးအရ ဒေါ်လာငွေ ဘီလီယံနဲ့ချီပြီး အကူအညီတွေ ပေးသွားမယ့်အပြင် လူသားချင်း စာနာမှုဆိုင်ရာ အကူအညီ တွေ လည်း ပေးဖို့ ဆုံးဖြတ်ထားကြပါတယ်။ ပြင်သစ်နိုင်ငံမှာ မနေ့က ကျင်းပခဲ့တဲ့ လစ်ဗျားဆိုင်ရာ ညီလာခံအပြီး အကူအညီပေးမယ့် အစီအစဉ်ကို ကြေညာခဲ့တာပါ။
အဲဒီညီလာခံမှာ နိုင်ငံပေါင်း ၆၀ က ကိုယ်စားလှယ်တွေနဲ့ လစ်ဗျားနိုင်ငံ အသွင်ကူးပြောင်းရေး အမျိုးသားကောင်စီ (NTC) က ကိုယ်စားလှယ်တွေ တက်ရောက်ခဲ့ကြပါတယ်။
လစ်ဗျားနိုင်ငံအပေါ် ထိန်းချုပ် တင်းကျပ်ထားတာတွေကို ကုလသမဂ္ဂဘက်က လျှော့ပေးသင့်တယ်လို့ အမေရိကန် နိုင်ငံခြားရေး ၀န်ကြီး ဟီလာရီ ကလင်တန် (Hillary Clintona) က ပြင်သစ်ညီလာခံမှာ ကိုယ်စားလှယ်တွေကို ပြောခဲ့ပါတယ်။
အမေရိကန်က ထိန်းချုပ်ထားတဲ့ လစ်ဗျားအစိုးရရဲ့ ပိုင်ဆိုင်မှု အမေရိကန်ဒေါ်လာ ၁.၅ ဘီလီယံကို ပြန်ပေးမယ်လို့ ပြီးခဲ့တဲ့ အပတ် က ပြောဆိုထားခဲ့ပြီး အခု အဲဒီအထဲကနေ ဒေါ်လာ သန်း ၇၀၀ ကို ပြန်ပေးလိုက်ပြီလို့ ၀န်ကြီး ကလင်တန်က ပြောပါတယ်။
အမေရိကန်၊ နယ်သာလန်နဲ့ ပြင်သစ်နိုင်ငံတွေက မစ္စတာ ဂဒါဖီ အစိုးရလက်ထက် ပိုင်ဆိုင်မှုတွေထဲက ထိန်းချုပ်ထားတဲ့ ဒေါ်လာ ၅ ဘီလီယံလောက်ကို ပြန်ရုပ်သိမ်းဖို့ ဆုံးဖြတ်ထားကြပါပြီ။
EU ဥရောပသမဂ္ဂကလည်း သူတို့ ထိန်းချုပ်ထားတဲ့ လစ်ဗျားက ဆိပ်ကမ်းတွေ၊ ဘဏ်တွေနဲ့ စွမ်းအင်ဆိုင်ရာ ကုမ္ပဏီတွေ အပါ အ၀င် စုစုပေါင်း ၂၈ ခုကို ပြန်ရုပ်သိမ်းပေးခဲ့ပြီလို့ ဆိုပါတယ်။
ပြင်သစ်က မနေ့က ကျင်းပခဲ့တဲ့ ညီလာခံမှာ ကုလသမဂ္ဂ အတွင်းရေးမှူးချုပ် မစ္စတာ ဘန်ကီမွန်းကလည်း လစ်ဗျား အသွင်ကူး ပြောင်းရေး ကောင်စီက တင်ပြခဲ့တဲ့ လစ်ဗျားနိုင်ငံက အရေးပေါ် လိုအပ်ချက်တွေကို အာရုံစိုက် ဆွေးနွေးခဲ့ပြီး ကုလသမဂ္ဂရဲ့ အရပ်ဘက် အဖွဲ့အစည်း တခုကိုလည်း လစ်ဗျားနိုင်ငံ ပြန်လည်ထူထောင်ရေးအတွက် အမြန်ဆုံး စေလွှတ်မယ်လို့ ဆိုပါတယ်။
Ref: ဗွီအိုအေ
Read More...
Collapse...
01 စက်တင်ဘာ 2011
ဆီးရီးယားနိုင်ငံမှာ ဒီမိုကရေစီရေး တောင်းဆိုမှုတွေကို အစိုးရဘက်က အကြမ်းဖက် နှိမ်နင်းနေတာတွေ ရပ်တန့်အောင် ဆီးရီး ယား သမ္မတ ဘာရှား အယ်လ် အာဆာ့ဒ် (Bashar al-Assad) ကို နိုင်ငံတကာက ပိုပြီး ထိရောက် ပြင်းထန်တဲ့ ဖိအားတွေ ၀ိုင်း ပေးကြဖို့ အမေရိကန်နဲ့ ဗြိတိန်က တောင်းဆိုလိုက်ပါတယ်။
ဆီးရီးယား သမ္မတ အာဆာ့ဒ် အာဏာကနေ ဆင်းပေးဖို့ကိုလည်း အမေရိကန် နိုင်ငံခြားရေးဝန်ကြီး ဟီလာရီ ကလင်တန် (Hillary Clinton) က ပြင်သစ်နိုင်ငံမှာ မနေ့တုန်းကပဲ နောက်တကြိမ် ထပ်ပြီး တောင်းဆိုခဲ့ပါတယ်။
ဆီးရီးယားရဲ့ ရေနံနဲ့ သဘာဝဓာတ်ငွေ့ လုပ်ငန်းဆိုင်ရာ ကိစ္စတွေကို ပိတ်ဆို့ အရေးယူရေး ဆွေးနွေးကြဖို့ EU ဥရောပသမဂ္ဂ အရာရှိတွေ ပြင်ဆင်နေကြပြီလို့လည်း ဗြိတိန် နိုင်ငံခြားရေးဝန်ကြီး ၀ီလျံ ဟိတ်ဂ် (William Hague) က ပြောပါတယ်။
ဒီသီတင်းပတ်နှောင်းပိုင်း ပိုလန်နိုင်ငံမှာ ကျင်းပမယ့် EU ဥရောပသမဂ္ဂ အရာရှိတွေရဲ့ အစည်းအဝေးမှာ နိုင်ငံ ၂၇ နိုင်ငံက ဆီးရီးယားရဲ့ ရေနံတွေကို မ၀ယ်ယူရေး သဘောတူကြလိမ့်မယ်ဆိုတာ တကယ်ဖြစ်နိုင်တဲ့ အခြေအနေမှာ ရှိနေပြီလို့ ဗြိတိန် နိုင်ငံခြားရေးဝန်ကြီး ၀ီလျံ ဟိတ်ဂ်က ပြင်သစ်နိုင်ငံ ပဲရစ်မြို့တော်မှာ ပြောခဲ့တာပါ။
အခုသီတင်းပတ်တွေ အတွင်းမှာပဲ အမေရိကန် ပြည်ထောင်စုနဲ့ ဥရောပသမဂ္ဂက ဆီးရီးယားနိုင်ငံကို အရေးယူ ပိတ်ဆို့မှုတွေ တင်းတင်းကျပ်ကျပ် လုပ်လာခဲ့ပြီး ဆီးရီးယား သမ္မတ ဘာရှား အယ်လ် အာဆာ့ဒ်ကိုလည်း အာဏာကနေ ဆင်းပေးဖို့နဲ့ နိုင်ငံ တကာရဲ့ မေတ္တာရပ်ခံနေတာတွေကို ဂရုမစိုက်ဘဲ အစိုးရ ဆန့်ကျင်ရေး ဆန္ဒပြမှုတွေကို အကြမ်းဖက် နှိမ်နင်းနေတာတွေ ရပ်တန့်ဖို့ တောင်းဆိုထားကြပါတယ်။
ဆန္ဒပြမှုတွေ အပြင်းအထန် ဖြစ်နေတဲ့ ဆီးရီးယားနိုင်ငံ အလယ်ပိုင်းက ဟားမား (Hama) မြို့မှာ သတ်ဖြတ်မှုတွေနဲ့ ဖမ်းဆီး မှု တွေ ကို မကြာခင်ကပဲ အကြီးအကျယ် လုပ်ခဲ့တာတွေကြောင့် ရာထူးကနေ နှုတ်ထွက်လိုက်ပြီလို့ ဟားမားမြို့ရဲ့ တရားသူကြီး ချုပ် က ဗွီဒီယိုကနေတဆင့် မနေ့က ပြောပါတယ်။
Ref: ဗွီအိုအေ
Read More...
Collapse...
01 စက်တင်ဘာ 2011
ဦးအောင်လွင်ဦး
တိုင်းရင်းသားတွေနဲ့ လက်နက်ကိုင် ပဋိပက္ခတွေ ဖြစ်ပွားနေတာတွေကို ဖြေရှင်းပေးနိုင်ဖို့ ကော်မတီတရပ် ဖွဲ့ဖို့ လက်ရှိ ကျင်းပ နေတဲ့ လွှတ်တော်ထဲမှာ ဆွေးနွေး အတည်ပြုလိုက်ပါတယ်။ ကော်မတီအဖြစ် ဖွဲ့စည်းဖြစ်တဲ့ အခါမှာလည်း မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်လို ထင်ရှားတဲ့ ပုဂ္ဂိုလ်တွေကို ထည့်သွင်းဖို့ အကြံပြုချက်တွေလည်း ပါဝင်ခဲ့ပါတယ်။ ငြိမ်းချမ်းရေး ကော်မတီအဖြစ် ဖွဲ့စည်းနိုင်မယ့် အလားအလာတွေကို ဆက်သွယ်စုံစမ်းထားတဲ့ ကိုအောင်လွင်ဦးက အပြည့်အစုံ တင်ပြပေးထားပါတယ်။
တိုင်းရင်းသား အဖွဲ့အစည်းတွေနဲ့ လက်နက်ကိုင် ပဋိပက္ခတွေ ဖြစ်ပွားနေတာကို ဖြေရှင်းနိုင်ဖို့ ရည်ရွယ်ပြီး ကော်မတီတရပ် ဖွဲ့စည်းသွားနိုင်ရေး နေပြည်တော်မှာ ကျင်းပနေဆဲ လွှတ်တော်တွင်းမှာ ဆွေးနွေး အတည်ပြုလိုက်တာ ဖြစ်ပါတယ်။ တိုက်ပွဲ တွေကြောင့် အသေအပျောက်တွေနဲ့ အရပ်သားတွေ ထောင်သောင်းချီ ဘေးလွတ်ရာ အိုးပစ်အိမ်ပစ် ထွက်ပြေးနေရတဲ့ မြန်မာ နိုင်ငံ မြောက်ပိုင်း ကချင်ပြည်နယ်ထဲက လွှတ်တော်ကိုယ်စားလှယ် တဦးရဲ့ ဆွေးနွေးချက်ကို အခြေခံပြီး အခုနောက်ဆုံး အတည် ပြုလိုက်တာလို့ ရခိုင်တိုင်းရင်းသားများ တိုးတက်ရေး ပါတီရဲ့ လွှတ်တော်ကိုယ်စားလှယ် တဦးဖြစ်တဲ့ ဒေါက်တာအေးမောင်က ပြောပါတယ်။
“ပြီးခဲ့တဲ့နေ့က ကျနော်တို့ ဒီဘက် အမျိုးသားလွှတ်တော်မှာ မြန်မာနိုင်ငံတွင်း ထာဝရ ငြိမ်းချမ်းပြီး တည်ငြိမ် အေးချမ်းမှု တည် ဆောက် ထိန်းသိမ်းရေး အမြဲတမ်း ကော်မတီတရပ် ဖွဲ့စည်းရေးနဲ့ ပတ်သက်လို့ ဦးထွန်းလွင်ဆိုတဲ့ ကချင်ပြည်နယ် မဲဆန္ဒနယ် အမှတ် ၉ က ပုဂ္ဂိုလ်က တင်တဲ့ အဆိုပါ။ အဲဒီအဆိုကို ဆွေးနွေးကြတာလေ။ အဲဒီအဆို အတည်ဖြစ်ဖို့အတွက်ကို လွှတ်တော်မှာ ပြန်ပြီးတော့ သဘောထား မှတ်ချက် ယူတယ်၊ ပြီးရင် ပြန်ဆွေးနွေးတယ်။ ဆွေးနွေးတဲ့ဟာက ပြီးခဲ့တဲ့နေ့က ၁၃ ဦးက သူ့အဆိုနဲ့ ပတ်သက်လို့ သူ့အမြင်၊ ကိုယ့်အမြင် ဆွေးနွေးကြတာ ရှိပါတယ်။
“ဆိုတော့ အဲဒီနေ့က ဆွေးနွေးကြတဲ့ အထဲမှာ ၁၃ ဦးပါတယ်၊ ကျနော်အပါအ၀င်ပေါ့။ အဲဒီ ငြိမ်းချမ်းရေးနဲ့ ပတ်သက်တဲ့ဟာက အမြဲတမ်းကော်မတီ ဆိုတာကို ကျနော်ကတော့ ကော်မတီအစား ကော်မရှင်အဖြစ် ပြောင်းစေချင်တဲ့ သဘောဘက်က ဆွေးနွေး တယ်။ ဒါပေမဲ့ အကုန်လုံး မဲခွဲတဲ့အခါမှာ အမြဲတမ်းကော်မတီ ဆိုတဲ့ဟာလေးက အတည်ဖြစ်သွားတယ်။”
လွှတ်တော်တွင်းမှာ ဆွေးနွေး အတည်ပြုပြီးတဲ့ ဒီအဆိုကိုတော့ ဥပဒေတရပ်အဖြစ် ပြဋ္ဌာန်းဖို့ ဆက်လက် ဆောင်ရွက်သွားရမှာ ဖြစ်ပေမဲ့ ဘယ်အချိန်မှာ အကောင်အထည် ဖော်နိုင်မလဲ ဆိုတာကိုတော့ လောလောဆယ် တိတိကျကျ မသိရသေးဘူးလို့ ဒေါက်တာအေးမောင်က ပြောပါတယ်။ ဒါပေမဲ့လည်း ကော်မတီအဖြစ် နောက်ဆုံး ဖွဲ့စည်းနိုင်တဲ့ အခါကျရင်တော့ အခြေခံ ဥပဒေမှာ ခွင့်ပြုထားတဲ့အတိုင်း လွတ်လပ်တဲ့ လုပ်ငန်းတွေ ဆောင်ရွက်သွားနိုင်ရေး မြန်မာ့ဒီမိုကရေစီ ခေါင်းဆောင် ဒေါ်အောင် ဆန်းစုကြည်တို့လို အများက ယုံကြည်လက်ခံနိုင်မယ့် သူတွေကို ထည့်သွင်းဖို့ အတွက်ကိုလည်း လွှတ်တော်တွင်း ဆွေးနွေးဖြစ် တယ်လို့ ဒေါက်တာအေးမောင်ကပဲ ပြောပါတယ်။
“တကယ် ငြိမ်းချမ်းမှု ရဖို့အတွက် ပါသင့်ပါထိုက်တဲ့ ပုဂ္ဂိုလ်ကို ဆွဲခေါ်ရဲဖို့ လိုတယ်။ ကော်မတီဆိုတာ အခုပေါင်း ၁၀၀၀ လောက် ပဲဖွဲ့ဖွဲ့၊ ဒီလို ဖွဲ့တယ် ဖွဲ့တယ်နဲ့ ပြီးသွားရင်၊ ဆိုတာက နှစ်ဘက် ယုံကြည်မှုက လိုတယ်။ ကြားနေနိုင်တဲ့ ပုဂ္ဂိုလ်တွေ လိုတယ်။ ထိရောက်မှုလည်း လိုတယ်။ တကယ်တမ်း လွတ်လွတ်လပ်လပ်လည်း ဆုံးဖြတ်နိုင်ခွင့် ရှိရမယ်။ အဲဒါကြောင့် ကျနော်တို့ကတော့ အစဉ်အလာရှိတဲ့ ပုဂ္ဂိုလ်တွေ ရှိမှာပေါ့၊ သမိုင်းအားဖြင့်။
“ဟိုတုန်းက သခင်ချန်ထွန်းတို့လို ပုဂ္ဂိုလ်မျိုး၊ ဒဂုံတာရာလို ပုဂ္ဂိုလ်မျိုးတွေ ရှိမှာပေါ့။ အဲဒီတော့ ဒေါ်အောင်ဆန်းစုကြည်တို့လည်း ပါသင့်တာပေါ့။ ဒေါ်အောင်ဆန်းစုကြည်ရဲ့ အိတ်ဖွင့်ပေးစာ လေးပိုဒ်စလုံးကို ကျနော် ဖတ်ပြပါတယ်၊ လွှတ်တော်မှာ။ ဒေါ်အောင် ဆန်းစုကြည် သမ္မတကြီးနဲ့လည်း တွေ့ပြီးပြီလေ။ ဒါ တကယ်တမ်း အုပ်ချုပ်မှု အဖွဲ့အစည်းနဲ့ ဆွေးနွေးကြတယ်၊ နွေးနွေးထွေး ထွေးပဲ။ အဲဒီတော့ တကယ်တမ်း အုပ်ချုပ်မှု အဖွဲ့အစည်းနဲ့ ဆွေးနွေးတဲ့ အထဲမှာ ဗိုလ်ချုပ်ကြီး သိန်းစိန် (အငြိမ်း စား) နိုင်ငံတော် သမ္မတကြီးကလည်းပဲ တိုင်းပြည်ကို ငြိမ်းချမ်းစေချင်တဲ့ အခါမှာ။”
အစိုးရသစ် တက်လာပြီး နောက်မှ မြန်မာနိုင်ငံ မြောက်ပိုင်းနဲ့ အရှေ့ပိုင်း ဒေသတွေမှာ အခြေစိုက် လှုပ်ရှားနေကြတဲ့ တိုင်းရင်း သား အဖွဲ့အစည်းတွေနဲ့ လက်နက်ကိုင် ပဋိပက္ခတွေ ဖြစ်ပွားနေတာကို ဖြေရှင်းရာမှာ ပါဝင် ကူညီလိုတဲ့အကြောင်း ဒေါ်အောင် ဆန်း စုကြည်က သမ္မတ ဦးသိန်းစိန်ထံကို မကြာသေးခင်ကပဲ စာတစောင် ပေးပို့ ကမ်းလှမ်းထားတာပါ။ အစိုးရသစ်ရဲ့ အကြီး အကဲ ဦးသိန်းစိန်ကတော့ လက်နက်ကိုင် ပဋိပက္ခတွေ အဆုံးသတ်စေရေး တိုင်းရင်းသား အဖွဲ့အစည်းတွေနဲ့ ဆွေးနွေးလိုတယ်လို့ ပြောဆိုထားတာပါ။
ဒါပေမဲ့လည်း တိုင်းရင်းသားတွေဘက်ကတော့ အစိုးရရဲ့ ကမ်းလှမ်းချက်တွေဟာ လုံလောက်မှု မရှိသလို တနိုင်ငံလုံး အတိုင်း အတာနဲ့ အပစ်အခတ် ရပ်စဲပြီး လက်နက်ကိုင် အဖွဲ့အစည်းတွေ အားလုံးနဲ့ ကျယ်ကျယ်ပြန့်ပြန့် ဆွေးနွေးမှုမျိုးကို လိုလားတယ်လို့ တုံ့ပြန်ထားကြတာ ဖြစ်ပါတယ်။
Ref: ဗွီအိုအေ
Read More...
Collapse...
01 စက်တင်ဘာ 2011
မသင်းသီရိ
မြန်မာနိုင်ငံထဲက သတင်းသမားတွေအတွက် ရွေးချယ်ချီးမြှင့်မယ့် အမျိုးသား သတင်းဆု (National Press Award) ရဲ့ ကော်မတီ ကို တိုးချဲ့ ဖွဲ့စည်းလိုက်သလို အကဲဖြတ် ရွေးချယ်ရေး အဖွဲ့ကိုလည်း ဒီကနေ့မှာ ဖွဲ့စည်းလိုက်ပါတယ်။ အမျိုးသား သတင်းဆု ကော်မတီထဲမှာသာ စာပေစိစစ်ရေးနဲ့ စာပေ စာနယ်ဇင်းက တာဝန်ရှိသူတွေ ပါတာဖြစ်ပြီး ဆုအကဲဖြတ်ရေး အဖွဲ့မှာတော့ ၀ါရင့် သတင်းစာဆရာတွေ၊ ၀ါရင့် စာပေပညာရှင်တွေနဲ့ပဲ လွတ်လပ်စွာ ရွေးချယ်မှာ ဖြစ်တယ်လို့ ဆုဖြစ်မြောက်ရေး ကော်မတီ တာဝန် ရှိသူတွေက ပြောပါတယ်။ အပြည့်အစုံကို မသင်းသီရိက တင်ပြပေးထားပါတယ်။
ပြည်တွင်းက စာနယ်ဇင်း သတင်းသမားတွေအတွက် နှစ်စဉ် ဆုတခုကို ချီးမြှင့်ပေးသွားဖို့ အမျိုးသား သတင်းဆု ကော်မတီထဲမှာ မဂ္ဂဇင်းနဲ့ သတင်းဂျာနယ်တွေက အယ်ဒီတာချုပ်တွေ၊ တာဝန်ခံ အယ်ဒီတာတွေအပြင် ထုတ်ဝေသူတွေနဲ့အတူ ပြီးခဲ့တဲ့ သြဂုတ် လထဲမှာ အဖွဲ့ဝင် ၂၀ နဲ့ ဖွဲ့စည်းခဲ့ပြီး ဒီကနေ့မှာတော့ နောက်ထပ် အဖွဲ့ဝင် ၁၂ ယောက်နဲ့ အဖွဲ့ဝင် ၃၂ ဦးပါ ကော်မတီကို ထပ်မံ တိုးချဲ့ ဖွဲ့စည်းလိုက်ပါတယ်။
တခါ ၀ါရင့် သတင်းစာဆရာကြီးတွေ၊ ၀ါရင့် စာပေပညာရှင် ၃၄ ယောက်နဲ့လည်း ဆုရွေးချယ်ရေး ကော်မတီ တရပ်ကိုလည်း ဒီကနေ့မှာပဲ ဖွဲ့စည်းလိုက်ပါတယ်။ ဒီသတင်းဆုဟာ မြန်မာနိုင်ငံမှာ ၁၉၆၄ ခုနှစ်နောက်ပိုင်း ပထမဆုံး အကြိမ်အဖြစ် သတင်း သမားတွေကို စတင်ချီးမြှင့်မယ့် ဆုတခုလည်း ဖြစ်ပါတယ်။ ဒါဟာ ပြည်တွင်းမှာရှိတဲ့ သတင်းသမားတွေ အထူး သဖြင့်တော့ မျိုးဆက်သစ် လူငယ် သတင်းထောက်တွေအတွက် အားပေးမှုတခု ဖြစ်အောင်လို့ စီစဉ်တာ ဖြစ်တယ်လို့ ဆုဖြစ်မြောက်ရေး ကော်မတီက ဆိုပါတယ်။
အခု အမျိုးသား သတင်းဆုထဲက ကော်မတီထဲမှာသာ စာပေ စာနယ်ဇင်းနဲ့ စာပေစိစစ်ရေးက တာဝန်ရှိသူတချို့ ပါဝင်မှာ ဖြစ်ပေမဲ့ အကဲဖြတ် ဆုရွေးချယ်ရေး အဖွဲ့မှာတော့ ဘယ်အဖွဲ့အစည်းရဲ့ သြဇာသက်ရောက်မှုမှ မရှိဘဲ လွတ်လပ်စွာ ရွေးချယ် လုပ်ဆောင်မှာ ဖြစ်တယ်လို့ အခု ဆုဖြစ်မြောက်ရေး ကော်မတီက တာဝန်ရှိသူ တဦးဖြစ်တဲ့ စာရေးဆရာ မောင်ဝံသက ပြောပါ တယ်။
“အခုအချိန်ထိကတော့ ကျနော် အဲဒီလို အာမခံချက် ရတဲ့အတွက် ကျနော် ပါဝင်ပြီးတော့ လုပ်တာပါ။ သက်ဆိုင်ရာ သြဇာ လွှမ်း တာတို့၊ ပါဝင်စွက်ဖက်တာတို့ မရှိဖို့ကတော့ ကျနော့်ကို အဲဒီလို အာမခံချက်လည်း ပေးပါတယ်။ ကျနော်တို့ တတ်နိုင်သမျှ အများ ကဲ့ရဲ့စရာ မဖြစ်အောင် မှန်မှန်ကန်ကန်နဲ့ ဖြောင့်ဖြောင့်မတ်မတ် လုပ်သွားမယ်လို့ ဆုံးဖြတ်ထားပါတယ်။
“အမျိုးသား သတင်းဆု ကော်မတီ အနေနဲ့ကတော့ စာပေနဲ့ စာနယ်ဇင်း အဖွဲ့က ကူညီပံ့ပိုးတယ်။ ရုံးလုပ်ငန်းတွေကို အကူ အညီပေးတယ်။ ကျနော်တို့ အစည်းအဝေးတွေ ဘာတွေ လုပ်ဖို့အတွက် အစည်းအဝေးခန်း နေရာပေးမယ်။ အဲဒီက ရုံးအဖွဲ့ဝင် အင်အားတွေနဲ့ အကူအညီပေးမယ်။ လုပ်သင့်လုပ်ထိုက်တယ်၊ နောက် ဒီအချိန်မှာ ကျနော်တို့က ဒီလုပ်ငန်းကို အစပျိုးသင့်တယ်၊ ကျနော်တို့က အစပျိုးတဲ့ အတွက်ကြောင့်မို့ ကျနော်တို့ ချို့ယွင်းတာတွေလည်း ရှိနိုင်တယ်၊ အားနည်းတာတွေ ရှိနိုင်တယ်။ ဒါပေမဲ့ ဒါတွေကို တဖြည်းဖြည်းနဲ့ ကြည့်ပြီးတော့ ပြင်သွားမယ်။ ဒီလိုပဲ ကျနော်တို့ ကြိုးစားထားပါတယ်။”
ပြည်တွင်းက မဂ္ဂဇင်း၊ သတင်းဂျာနယ်တွေမှာ ထုတ်ဝေ ဖော်ပြပြီးသမျှ သတင်း၊ သတင်းဆောင်းပါး၊ ကာတွန်း၊ ဓာတ်ပုံတွေ အားလုံး ၀င်ရောက် ယှဉ်ပြိုင်နိုင်သလို နောက်ဆုံး အစိုးရထုတ် သတင်းစာထဲက ဆောင်းပါးတွေလည်း ပါဝင်နိုင်တယ်လို့ ဆိုသလို ဆုအမျိုးအစား ၅ မျိုးနဲ့ နှစ်စဉ် ချီးမြှင့်သွားမယ်လို့လည်း ပြောပါတယ်။
“အကောင်းဆုံး သတင်းဆု၊ အကောင်းဆုံး အာဘော် ဆောင်းပါးဆု၊ အကောင်းဆုံး သတင်းဆောင်းပါးဆု၊ အကောင်းဆုံး သတင်းဓာတ်ပုံဆု၊ အကောင်းဆုံး သတင်းကာတွန်းဆု ဆိုပြီးတော့ ဆု ၅ ဆု သတ်မှတ်ထားပါတယ်။ ပြည်တွင်းမှာထုတ်တဲ့၊ ပုံနှိပ်ဖော်ပြတဲ့ စာနယ်ဇင်း၊ အဲဒီအထဲက ရွေးမှာပါ။
“အခုဆိုရင် အစိုးရသတင်းစာ ၂ စောင်ရှိတယ်။ အစိုးရ သတင်းစာတွေထဲကလည်း ကျနော်တို့က တကယ်ကို ပေးသင့်ပေး ထိုက်တဲ့ သတင်းဆောင်းပါးတို့ ဘာတို့ပေါ့လေ၊ တိုင်းပြည်အတွက် အင်မတန် အကျိုးရှိမယ့် သတင်းဆောင်းပါး၊ ဒါမှမဟုတ် သတင်းပီသတဲ့၊ တကယ့်ကို အဆင့်အတန်းမီတဲ့ သတင်းမျိုးဆိုရင် ကျနော်တို့က ပေးမှာပဲ။”
ဒီ အမျိုးသား သတင်းဆုကို သတင်းသမားနဲ့ ဓာတ်ပုံဆရာတွေ ကိုယ်တိုင် အဆိုပြု တင်နိုင်သလို စာဖတ်သူ ပြည်သူတွေရဲ့ ရွေးချယ်မှု ဆန္ဒတွေနဲ့လည်း ရွေးချယ်သွားမှာ ဖြစ်တယ်လို့ ဆရာ မောင်ဝံသက ပြောပါတယ်။
“ပထမတမျိုးကတော့ စာဖတ်သူ ပြည်သူတွေက ဆန္ဒပေးတာ၊ အဲဒါ ကျနော်တို့ ၀က်ဘ်ဆိုက်တွေ ဘာတွေ လုပ်ထားမယ်၊ အဲဒီဝက်ဘ်ဆိုက်မှာ ဆန္ဒပေးလို့ရတယ်။ နောက် ကျနော်တို့ဆီကို ဆက်သွယ်ပြီးတော့ ဘယ်သတင်း၊ ဘယ်ဆောင်းပါး တွေကို တော့ သူတို့ကြိုက်တယ် ဆိုပြီးတော့ ဆန္ဒပေးလို့ ရပါတယ်။
“ဒုတိယတမျိုးက သက်ဆိုင်ရာ စာနယ်ဇင်းတွေရဲ့ အဆိုပြုချက်ပေါ့၊ သူတို့အနေနဲ့ ဒီသတင်း၊ ဒီဆောင်းပါးတွေကို စဉ်းစားဖို့ ဆိုပြီးတော့ ကော်မတီကို လှမ်းပို့လို့ ရပါတယ်။ တတိယအချက်ကတော့ ကာယကံရှင် ဖန်တီးတဲ့ သတင်းထောက်တို့၊ ဓာတ်ပုံ ဆရာတို့ သူတို့ကနေပြီးတော့ ကိုယ်တိုင် အဆိုပြုတာတွေ လုပ်လို့ရပါတယ်။ ၃ မျိုး၊ ၃ နည်းပေါ့လေ။”
အမျိုးသား သတင်းဆု ဖြစ်မြောက်ရေး တာဝန်ခံထဲက တဦးဖြစ်တဲ့ စာရေးဆရာ မောင်ဝံသ ပြောပြခဲ့တာ ဖြစ်ပါတယ်။
၂၀၁၁ ခုနှစ် ဇန်န၀ါရီလကစလို့ ဒီဇင်ဘာလကုန်အထိ တနှစ်စာ ထုတ်ဝေခဲ့တဲ့ သတင်းနဲ့ သတင်းဆောင်းပါးတွေကို ရွေးချယ်ပြီး ဆုပေးပွဲကိုတော့ နောင်နှစ် ၂၀၁၂ ခုနှစ် ဖေဖော်ဝါရီလမှာ ကျင်းပသွားဖို့ စီစဉ်ထားတယ်လို့ ပြောပါတယ်။ ဆုကြေးငွေကတော့ တဆုကို ကျပ်ငွေ ၁၀ သိန်း သတ်မှတ်ထားပြီး ဆုဖြစ်မြောက်ရေး ကော်မတီထဲကနေ ရန်ပုံငွေ ရှာဖွေရေးအဖွဲ့ ဖွဲ့စည်းပြီး ဒီဆု ကြေးငွေ ရဖို့အတွက် ရန်ပုံငွေပွဲတွေလည်း လုပ်သွားမယ်လို့ ပြောပါတယ်။
Ref: ဗွီအိုအေ
Read More...
Collapse...
01 စက်တင်ဘာ 2011
လစ်ဗျားခေါင်းဆောင် မွမ်မာ ဂဒါဖီ (Moammar Gadhafi) ပြုတ်ကျသွားပြီးတဲ့နောက် လစ်ဗျားနိုင်ငံရဲ့ အနာဂတ် အရေးအတွက် ကမ္ဘာတ၀န်းက ခေါင်းဆောင်တွေ ပြင်သစ်နိုင်ငံမှာ ဒီကနေ့ ကြာသပတေးနေ့ ဆွေးနွေးကြဖို့ ရှိပါတယ်။ ပဲရစ်မြို့တော်မှာ ကျင်းပ မယ့် ဆွေးနွေးပွဲမှာ နိုင်ငံ ၆၀ က တာဝန်ရှိသူတွေ တက်ရောက်ကြမှာ ဖြစ်ပါတယ်။
လစ်ဗျား အသွင်ကူးပြောင်းရေး အမျိုးသားကောင်စီ (NTC) ဟာ ဒီမိုကရေစီ နည်းလမ်းကျပြီး အားလုံးပါဝင်တဲ့ နိုင်ငံတခုအဖြစ် ထူထောင်ဖို့ လုပ်ငန်းစဉ်တွေ စတင်ထားပြီးပြီလို့ ဆွေးနွေးပွဲ မစခင်မှာ ဗြိတိန် နိုင်ငံခြားရေးဝန်ကြီး ၀ီလီယမ်မ် ဟိတ်ဂ် (William Hague) က သတင်းထောက်တွေကို ပြောခဲ့ပါတယ်။
၁၈ လအတွင်း အခြေခံဥပဒေသစ် ရေးဆွဲဖို့နဲ့ ရွေးကောက်ပွဲတွေ ကျင်းပဖို့ လုပ်ငန်းလမ်းစဉ်တခုကို NTC ခေါင်းဆောင် မူစတာဖာ အဘ်ဒယ်လ် ဂျာလီလ် (Mustafa Abdel Jalil) က ချပြလိမ့်မယ်လို့ တာဝန်ရှိသူတွေက ခန့်မှန်းထားပါတယ်။
NTC ကို လစ်ဗျားနိုင်ငံရဲ့ တရားဝင် အာဏာပိုင် အဖွဲ့အဖြစ် အသိအမှတ်ပြုတဲ့ နိုင်ငံတွေထဲမှာ အခုနောက်ဆုံး ရုရှားနိုင်ငံလည်း ပါဝင်လာပါတယ်။
အားလုံးပါဝင်မှုရှိတဲ့ အစိုးရတရပ် ဖွဲ့စည်းမယ်ဆိုပြီး ပေးထားတဲ့ ကတိတွေအတိုင်း NTC က အကောင်အထည် ဖော်တဲ့အချိန်မှာ NTC ကို အာဏာပိုင် အဖွဲ့အဖြစ် အသိအမှတ်ပြုမယ်လို့ အယ်လ်ဂျီးရီးယားကလည်း သီးခြား ပြောထားပါတယ်။
ဗြိတိန်ဝန်ကြီးချုပ် ဒေးဗစ် ကမ်မရွန်း (David Cameron) နဲ့ ပြင်သစ်သမ္မတ နီကိုလာ ဆာကိုဇီ (Nicolas Sarkozy) တို့ ပူးတွဲ စီစဉ်တဲ့ အဲဒီဆွေးနွေးပွဲကို တက်ရောက်မယ့် ခေါင်းဆောင်တွေထဲမှာ မြောက်အတ္တလန္တိတ်စာချုပ် (NATO) အဖွဲ့ အတွင်းရေး မှူးချုပ် အန်ဒါးစ် ဖို့ ရပ်စ်မူဆန် (Anders Fogh Rasmussen)၊ ကုလသမဂ္ဂ အတွင်းရေးမှူးချုပ် ဘန်ကီမွန်း (Ban Ki-moon) နဲ့ အမေရိကန် နိုင်ငံခြားရေးဝန်ကြီး ဟီလာရီ ကလင်တန် (Hillary Clinton) တို့လည်း ပါဝင်မှာ ဖြစ်ပါတယ်။
Ref: ဗွီအိုအေ
Read More...
Collapse...
01 စက်တင်ဘာ 2011
မုဒိမ်းကျင့်ဖို့ ကြံစည်မှုနဲ့ စွပ်စွဲခံခဲ့ရတဲ့ နိုင်ငံတကာ ငွေကြေးရန်ပုံငွေအဖွဲ့ (IMF) အကြီးအကဲဟောင်း ဒိုမိနစ်ခ် စထရောက်စ်ခန်း (Dominque Strauss-Khan) ရဲ့ အမေရိကန်က အမှုကို ပယ်ချလိုက်ပြီးတဲ့နောက် စထရောက်စ်ခန်းဟာ တနင်္ဂနွေနေ့မှာ ပြင်သစ် နိုင်ငံဆီ ပြန်တော့မှာ ဖြစ်ပါတယ်။
ပြင်သစ်နိုင်ငံသွားမယ့် လေယာဉ်လက်မှတ် တစောင်ကို စထရောက်စ်ခန်းက ၀ယ်ထားပြီးပြီလို့ ပြင်သစ် သတင်းမီဒီယာတွေနဲ့ စထရောက်စ်ခန်းနဲ့ နီးစပ်တဲ့ အသိုင်းအ၀ိုင်းက ပြောပါတယ်။
သူ့အပေါ် စွဲတင်ထားတဲ့ လိင်ပိုင်းဆိုင်ရာ မတော်မတရား ပြုကျင့်မှု စွဲချက်ကို ပြီးခဲ့တဲ့ သီတင်းပတ်မှာ အစိုးရရှေ့နေတွေက ရုပ်သိမ်းလိုက်ပြီးတဲ့နောက်မှာ စထရောက်စ်ခန်း အမေရိကန်ကနေ ထွက်ခွာနိုင်ဖို့ တရားသူကြီးက ခွင့်ပြုခဲ့တာပါ။
နယူးယောက်မြို့မှာ မေလက သူတည်းခိုခဲ့တဲ့ ဟိုတယ်အခန်းထဲမှာ ဟိုတယ်အကူလုပ်သား အမျိုးသမီးကို စထရောက်စ်ခန်းက တကယ်ပဲ လိင်ပိုင်းဆိုင်ရာ မတော်မတရား ပြုကျင့်ခဲ့သလား ဆိုတာ သေသေချာချာ မဆုံးဖြတ်နိုင်ဘူးလို့ အစိုးရရှေ့နေတွေက ပြောပါတယ်။
သူ့အပေါ်မှာ တရားဝင် စွဲချက်တင်ခဲ့ပြီးတဲ့နောက် IMF အကြီးအကဲ အဖြစ်ကနေ စထရောက်စ်ခန်း နှုတ်ထွက်ခဲ့ပါတယ်။
ပြင်သစ်နိုင်ငံမှာ ၂၀၁၂ ခုနှစ်ကျရင် ကျင်းပမယ့် သမ္မတ ရွေးကောက်ပွဲမှာ စထရောက်စ်ခန်းဟာ ဆိုရှယ်လစ်ပါတီရဲ့ သမ္မတ ကိုယ်စားလှယ်လောင်း ဖြစ်လာနိုင်ခြေ ရှိတယ်လို့ ယူဆထားခဲ့ကြပါတယ်။
Ref: ဗွီအိုအေ
Read More...
Collapse...
ကိုဝိုင်း
စက်တင်ဘာလ ၀၁ ရက် ၂၀၁၁ ခုနှစ်
သာသနာရေးဝန်ကြီးဌာနမှ ခွင့်ပြုချက်ရရှိပြီး ဖြစ်သော်လည်း ပြည်ထဲရေးဝန်ကြီးဌာနက ပိတ်ပင်သဖြင့် အစိုးရကို ဝေဖန်လေ့ရှိသော ရွှေညဝါဟု လူသိများသည့် ရန်ကုန် ကြည့်မြင်တိုင် သာဓုပရိယတ္တိ စာသင်တိုက်မှ ဆရာတော် အရှင်ပညာသီဟ၏ တရားပွဲ ပျက်ပြား သွားသည်။
မရမ်းကုန်းမြို့နယ်ရှိ သာသနာရေး ဝန်ကြီးဌာနပိုင် ဇမ္ဗူသီရိဗိမာန် အဆောက်အအုံ၌ ကြာသာပတေးနှင့် သောကြာ နေ့များတွင် တရား ဟောရန် သက်တော် ၄၆ နှစ် (ဝါတော် ၂၇ ဝါရှိ) ရွှေညဝါဆရာတော်က စီစဉ်ထားခဲ့ရာ ပြည်ထဲရေး ဝန်ကြီးဌာနက ခွင့်မပြုကြောင်း ပွဲစီစဉ်သူများကို ပြောကြားလာသည်ဟု အရှင်ပညာသီဟက အမိန့် ရှိသည်။
ရွှေညဝါ ဆရာတော်သည် ရန်ကုန်ဗုဒ္ဓတက္ကသိုလ် အကျိုးဆောင်ချုပ်၊ စာသင်သားသံဃာ အပါး ၉ဝဝ ကျော်ရှိသည့် ကြည့်မြင်တိုင် သာဓု ပရိယတ္တိ စာသင်တိုက်၏ နာယက တိုက်ကြပ် ဆရာတော်ဖြစ်ပြီး ငြိမ်းချမ်းရေးအကြောင်း
ဟောပြောရန် စီစဉ်ထားခဲ့သည်။
“တယောက်နဲ့ တယောက် ပစ်ခတ်သတ်ဖြတ်နေကြတာတွေ ကြားရတာ စိတ်မချမ်းသာဘူး။ သဘောထားကြီးကြီးနဲ့ နားလည်ခွင့်လွှတ် သည်းခံပေးကြပြီးတော့ ညှိနှိုင်းပြီးတော့ ငြိမ်းချမ်းရေး ဆွေးနွေးကြပါဆိုတဲ့ ခေါင်းစဉ်နဲ့ ကျုပ်က ငြိမ်းချမ်းရေးတရားတော်ကို ပထမည ဟောမလို့ဗျ” ဟု အရှင်ပညာသီဟက ပြောသည်။
“ဒုတိယညကျတော့ ရန်ဖြစ်လို့ ကောင်းကျိုးပေးတယ်ဆိုတာ ဘယ်ဘုရားမှလည်း မဟောပါဘူး။ ဘယ်ပညာရှိမှလည်း မမိန့်ပါဘူး။ ရန်ဖြစ်ခြင်းကြောင့် ဘေးပဲဖြစ်တတ်ပါတယ်။ အဲဒါတွေကို ဘုန်းကြီးက ဘုရားဟောထားတဲ့ တရားတော်တွေထဲက ဆွဲထုတ်ပြီးတော့ ဟောပြမလို့ပါ။ အဲဒီခေါင်းစဉ်ကြားသွားလို့များ ပိတ်သွားတာလား မသိဘူး”ဟု ဆက်လက်မိန့်ဆိုသည်။
မည်သည့် အတွက်ကြောင့် တရားပွဲ ပိတ်ပင်သည်ကို ဆရာတော် ကိုယ်တိုင်ပင် မသိနိုင်ဘဲ ဖြစ်နေသော်လည်း အတိုက်အခံ နိုင်ငံရေး အင်အားစုများနှင့် နီးစပ်သည့် ဆရာတော်၏ ယခင် တရားပွဲအချို့ ပိတ်ပင်ခံရဖူးသည်။
သာဓုပရိယတ္တိ စာသင်တိုက်ကြီးတွင် ဒေါ်အောင်ဆန်းစုကြည် အပါအဝင် ၈၈ မျိုးဆက် ကျောင်းသားများ၊ နိုင်ငံရေး၊ ဂီတ၊ ပန်းချီ၊ စာပေအသိုင်းအဝိုင်းနှင့်၊ လူမှုရေး အဖွဲ့အစည်းဝင်များက သြဂုတ် ၈ ရက်နေ့က ၂၃ နှစ်မြောက် လူထုအုံကြွမှု "ရှစ်လေးလုံး" နှစ်ပတ် လည်နေ့ကို ကျင်းပခဲ့သည်။
“ဒါက ဗုဒ္ဓဘာသာ ဒါယကာ၊ ဒါယိကာမတွေ ဗုဒ္ဓဘာသာ ဘုန်းကြီးကျောင်းမှာ ဆွမ်းလာကပ်တာ သံဃိက ဆွမ်း ပုဂ္ဂလိကဆွမ်း မဟုတ်ဘူး။ နောက် သင်္ကန်းလာလှူတယ် သံဃိကလှူတာ ပုဂ္ဂလိက လှူတာ မဟုတ်ဘူး။ အဲဒါဘာများ ခွင့်မပြုနိုင်စရာအကြောင်း ရှိလို့လဲ။” ဟု ဆရာတော်ကမိန့်သည်။
ဆရာတော်၏ “ငါးပါးမမှောက်ကြပါစေနဲ့”၊ “မိုက်ကြွေးမိုက်ပစ်”၊ “ဗုဒ္ဓဘာသာကောင်း တယောက်၏ စွမ်းအား”၊ “မတရားမလုပ်ကြပါနဲ့”၊ “သာသနာတော်ကို စော်ကားသူ တယောက်၏ နောင်တ” စသည့် တရားတော်များမှာ လူကြိုက်များသည်။
ဗုဒ္ဓဘာသာဝင် အများစုဖြစ်သော နိုင်ငံတွင် အစိုးရကိုဝေဖန်သည်ဟု ယူဆသော သံဃာတော်များကို အများပြည်သူ တရားဟောခွင့်များ ပိတ်ပင်လေ့ရှိသည်။
ပြည်ပအခြေစိုက် မြန်မာနိုင်ငံ လူ့အခွင့်အရေး ပညာပေးရေးအဖွဲ့မှ ညွှန်ကြားရေးမှူး ဦးအောင်မျိုးမင်းက
“ကိုယ့်ရဲ့ တရားဟောတာက တခြားဘာသာတရားကို ပုတ်ခတ်တာတွေ၊ ဘာသာရေးအဓိကရုဏ်း ဖြစ်အောင် ဖန်တီးတာရှိရင်တော့ ဒါကို ကန့်သတ်နိုင်တယ်လို့ ပြောထားတယ်။ အခု ဒီဆရာတော် ဟောထားတဲ့ အကြောင်းအရာက ဘယ်တော့မှ တခြားဘာသာကို ပုတ်ခတ်တာမရှိဘူး။ တရားဓမ္မနဲ့ လူသားတွေရဲ့ ငြိမ်းချမ်းမှုနဲ့ ကိုယ့်ကျင့်တရား ကောင်းရေးကိုပဲ ဟောထားတာဖြစ်တယ်။” ဟု ပြော သည်။
Ref: မဇ္ဈိမ
Read More...
Collapse...
31 သြဂုတ် 2011
ဦးသားညွန့်ဦး
မြန်မာအစိုးရသစ် အနေနဲ့ နိုင်ငံဖွံ့ဖြိုး တိုးတက်ရေးအတွက် ပြုပြင်ပြောင်းလဲမှုတွေ ပြုလုပ်နေရာမှာ စီးပွားရေးဆိုင်ရာ ကိစ္စရပ် တွေကို ဦးစားပေး ဆောင်ရွက်နေပြီး နိုင်ငံရေးအရ ကျယ်ပြန်တဲ့ ဆွေးနွေးမှုတွေ ဖြစ်လာရေး အတွက်တော့ လတ်တလော အစီ အစဉ် မရှိသေးဘူးလို့ သမ္မတရဲ့ နိုင်ငံရေး အကြံပေးတဦးက ဗွီအိုအေကို ပြောပါတယ်။ အပြည့်အစုံကို ကိုသားညွန့်ဦးက တင်ပြ ပေး ထားပါတယ်။
စီးပွားရေး ဖွံ့ဖြိုးမှုဆိုင်ရာ အမျိုးသားအဆင့် အလုပ်ရုံ ဆွေးနွေးပွဲကို နေပြည်တော်မှာ ကျင်းပပြုလုပ်ပြီးတဲ့ နောက်ပိုင်း အခြား ဆိုင်ရာ ကျန်းမာရေး၊ လူမှုရေး အကြောင်းရပ် တခုချင်းအလိုက် ဆွေးနွေးပွဲတွေကို ပြုလုပ်ဖို့ စီစဉ်ထားတယ်လို့ သိရပါတယ်။ ဒီနေရာမှာ နိုင်ငံရေးနဲ့ ပတ်သက်လို့ အမျိုးသားအဆင့် ဆွေးနွေးပွဲလည်း မကြာခင် ဖြစ်လာဖွယ် ရှိတယ်ဆိုပြီး သတင်းတွေ ထွက်လာပါတယ်။
ဒါပေမဲ့လည်း နိုင်ငံရေးအရ ကျယ်ပြန်တဲ့ ဆွေးနွေးမှုတွေ စတင်ဖို့အတွက် လတ်တလောမှာ အစီအစဉ် မရှိသေးဘူးလို့ နိုင်ငံတော် သမ္မတ အကြံပေး ဒေါက်တာ နေဇင်လတ်က ဗွီအိုအေ မြန်မာပိုင်းကို ပြောပါတယ်။
“Political Forum အနေနဲ့ကတော့ ကျနော် မကြားမိသေးဘူး။ သို့သော်လည်း ဖိုရမ် (Forum) တွေကတော့ ကျနော်တို့ တောက် လျှောက် လုပ်မှာပေါ့။ အခု စီးပွားရေးအရ ပြုပြင်ပြောင်းလဲမှုတွေကို နည်းနည်းလေး အလေးအနက်ထားပြီး လုပ်တဲ့အတွက် ကြောင့် လောလောဆယ်တော့ စီးပွားရေးနဲ့ဆိုင်တဲ့ ဖိုရမ်တွေ လုပ်တယ်ပေါ့ဗျာ။
“နောက်တခါ ဦးစားပေးက ကျန်းမာရေးလား၊ ပညာရေးလား ကျနော်တို့ မသိသေးဘူး။ ဖိုရမ်တွေတော့ တောက်လျှောက် လုပ် သွားမှာပေါ့။ သို့သော်လည်း Political Forum ရယ်လို့ ခေါင်းစဉ်ကြီးနဲ့တော့ ကျနော် မသိထားသေးဘူး။ ကျနော့်အနေနဲ့ကတော့ Political Forum ရဲ့ ခေါင်းစဉ်အောက်မှာတော့ ရှိလာမယ်လို့ ကျနော် သိမထားသေးပါဘူး။”
နိုင်ငံရေး ပြုပြင်ပြောင်းလဲမှု အပါအ၀င် စီးပွားရေး၊ လူမှုရေး ပြုပြင်ပြောင်းလဲမှုဆိုင်ရာ ကိစ္စတွေအတွက် အကြံပေးအဖွဲ့ အနေနဲ့ သမ္မတကို တင်ပြထားတာတွေ ရှိပေမဲ့လို့ ဘယ်အကြောင်းရပ်ကို ဦးစားပေး ဆောင်ရွက်မလဲ ဆိုတာကတော့ အကြံပေးအဖွဲ့က ဆုံးဖြတ်ပိုင်ခွင့် မရှိဘူးလို့လည်း ဒေါက်တာ နေဇင်လတ်က ပြောပါတယ်။
“ကျနော်တို့ အကြံပေး ဆိုတော့ဗျာ Issues တွေ တော်တော်များများ ကျနော်တို့ကတော့ ရေးပြီး သမ္မတကြီးဆီ တင်ပြထားတာ တော့ ရှိတယ်။ သို့သော်လည်း Priority ရွေးတဲ့ အခါမျိုး၊ ဘယ်ဟာ အရင်လာမယ်၊ ဘယ်ဟာ နောက်မှာလာမယ် ဆိုတာတော့ ကျနော်တို့က ဆုံးဖြတ်ပိုင်ခွင့် ရှိတဲ့သူတွေ မဟုတ်ဘူးလေ။
“ကျနော်တို့ လက်လှမ်းမီတဲ့ Issues တွေ တော်တော်များများကတော့ မခွဲခြားဘဲ ကျနော်တို့က တင်တင်ပေးနေရတာတော့ ရှိတယ်။ သို့သော်လည်း ဘယ်ဟာပြီးရင် ဘယ်ဟာလာမယ်၊ ဘယ်ဟာပြီးရင် ဘယ်ဟာလာမယ် ဆိုတာကျတော့ ကျနော်တို့ ဆုံးဖြတ်ပိုင်ခွင့်ထဲမှာ မရှိဘူးလေ။ အဲဒီအတွက်ကြောင့် ကျနော် ပြောလို့တော့ မရဘူးပေါ့။”
ပြည်ပရောက် မြန်မာလူမျိုးတွေကို ပြန်လာခွင့်ပေးမယ်ဆိုပြီး သမ္မတ ဦးသိန်းစိန်က ပြောခဲ့တာကြောင့် မကြာခင် နိုင်ငံရေးအရ တစုံတရာ အပြောင်းအလဲတွေ ပေါ်လာမလား၊ အထူးသဖြင့်တော့ အာဏာပိုင်တွေနဲ့ အတိုက်အခံတွေ အားလုံး ပါဝင်နိုင်တဲ့ နိုင်ငံရေး ဆွေးနွေးပွဲ ပေါ်လာမလား၊ မျှော်လင့်သူက မျှော်လင့်ထားပါတယ်။ ပြည်ပရောက်တွေ ပြန်ခေါ်ဖို့ အစီအစဉ်ရှိပေမဲ့ အားလုံး ပါဝင်တဲ့ နိုင်ငံရေး ဆွေးနွေးပွဲမျိုး ဖြစ်လာနိုင်ချေ မမြင်သေးဘူးလို့ ဒေါက်တာ နေဇင်လတ်က ဆိုပါတယ်။
“ပြည်ပရောက် အဖွဲ့တွေကိုတော့ အိမ်ပြန်လာရင် ရပါတယ် ဆိုတာကတော့ သမ္မတကြီး ကိုယ်တိုင်က မိန့်ခွန်းထဲမှာ ထည့်ပြော ထားပြီးပြီလေ။ ဒါကိုတော့ ကျနော် ယုံမှားသံသယ မရှိဘူးပေါ့။ သို့သော်လည်း ဖိုရမ်အဆင့်အထိ လုပ်မယ် ကိုင်မယ် ဆိုတာတော့ ကျနော် သိမထားသေးပါဘူး။”
နေပြည်တော်မှာ ကျင်းပခဲ့တဲ့ စီးပွားရေး ဖွံ့ဖြိုးမှုဆိုင်ရာ အလုပ်ရုံ ဆွေးနွေးပွဲ ကာလအတွင်း ဒေါ်အောင်ဆန်းစုကြည်နဲ့ သမ္မတ ဦးသိန်းစိန်တို့ သီးခြား တွေ့ဆုံခဲ့သလို ဆွေးနွေးပွဲကိုလည်း ဒေါ်အောင်ဆန်းစုကြည် အချိန်ပိုင်း တက်ရောက်ခဲ့ပါတယ်။ မတူညီမှု တွေကို ဘေးဖယ်ပြီး တူညီမှု အခြေခံတွေ အပေါ်မှာ ပူးပေါင်း ဆောင်ရွက်သွားမယ်ဆိုပြီး ထုတ်ပြန်ခဲ့ကြပါတယ်။
ဒါကြောင့် မြန်မာအစိုးရနဲ့ အတိုက်အခံ ဒီမိုကရေစီ ခေါင်းဆောင်တို့အကြား အရင်ကလို မဟုတ်ဘဲ တင်းမာမှုတွေ အတော်လေး လျော့နည်းသွားခဲ့တာကြောင့် စစ်မှန်တဲ့ နိုင်ငံရေး ဆွေးနွေးမှုတွေ ဖြစ်လာတော့မလားဆိုပြီး မျှော်လင့်သူတွေ ရှိသလို လက်တွေ့ ကျတဲ့ အပြောင်းအလဲတွေ မမြင်ရသေးဘူးဆိုပြီး ဒီဆက်ဆံရေး အပေါ်မှာ သံသယထားသူတွေလည်း ရှိတာ တွေ့ရပါတယ်။
Ref: ဗွီအိုအေ
Read More...
Collapse...
31 သြဂုတ် 2011
အမေရိကန် ဘလူးစ်တေးဂီတ အဖွဲ့တခုဖြစ်တဲ့ Earth String Band ဟာ အမေရိကန် နိုင်ငံခြားရေးဌာနရဲ့ ပညာရေးနဲ့ ယဉ် ကျေးမှု ဖလှယ်ရေး အစီအစဉ်နဲ့ ရှေ့လထဲမှာ မြန်မာနိုင်ငံကို သွားရောက်ဖို့ ရှိနေပါတယ်။ ဒီ အာရှခရီးစဉ်နဲ့ ပတ်သက်လို့ အမေရိကန် နိုင်ငံခြားရေးဌာန အရာရှိတဦးက ဗွီအိုအေကို အခုလို ပြောပါတယ်။
“Earth String Band ဘလူးစ် တေးဂီတအဖွဲ့ဟာ ရှေ့လထဲမှာ လာအို၊ ထိုင်း၊ အရှေ့တီမောနဲ့ တောင်ကိုရီးယားနိုင်ငံတွေ ပါဝင် တဲ့ အာရှ ၅ နိုင်ငံ ခရီးစဉ် သွားရောက်မှာ ဖြစ်ပါတယ်။ အခု မြန်မာအစိုးရဆီကနေ မြန်မာနိုင်ငံထဲ ၀င်ခွင့်ဗီဇာရဖို့ စောင့်နေ ပါ တယ်။ ရရင် မြန်မာနိုင်ငံကိုလည်း သွားမှာပါ။ Rhythm Road လို့ခေါ်တဲ့ ပြည်ပဖျော်ဖြေရေး အစီအစဉ်နဲ့ ဂီတပညာရှင်တွေကို နိုင်ငံခြားရေးဌာနက မြန်မာနိုင်ငံကို စေလွှတ်တာ ဒါဟာ တတိယအကြိမ် ဖြစ်ပါတယ်။ ၂၀၀၈ ခုနှစ်က မာယာ အာဇူဆန်နာ (Maya Azucena) ဂီတအဖွဲ့ မြန်မာနိုင်ငံကို သွားခဲ့သလို ၂၀၀၉ ခုနှစ်ကတော့ The Student Loan တေးဂီတအဖွဲ့ သွားခဲ့ပါ တယ်။”
တေးဂီတနဲ့ ယဉ်ကျေးမှုတွေ ဖလှယ်ရင်း နိုင်ငံအချင်းချင်း၊ လူမျိုးအချင်းချင်း အပြန်အလှန် နားလည်မှုနဲ့ ပူးပေါင်းဆောင်ရွက်မှု တွေ ရစေဖို့ ရည်ရွယ်ချက်နဲ့ Rhythm Road တေးဂီတ ပြည်ပဖျော်ဖြေရေး အစီအစဉ်ကို အမေရိကန် နိုင်ငံခြားရေးဌာနနဲ့ Jazz at Lincon Center တို့ ပူးပေါင်း စတင်ခဲ့တာ ဖြစ်ပါတယ်။
အခုတခေါက် မြန်မာနိုင်ငံ အပါအ၀င် အာရှ ၅ နိုင်ငံ သွားရောက်မယ့် Rhythm Road ရဲ့ အစီအစဉ်ကို စက်တင်ဘာလ ၈ ရက် နေ့ကနေ အောက်တိုဘာလ ၁၁ ရက်နေ့အထိ လုပ်သွားမှာဖြစ်ပြီး ဒီအစီအစဉ်မှာ တေးဂီတ ဖျော်ဖြေပွဲတွေ၊ ဒေသခံ ဂီတ ပညာရှင် တွေနဲ့ တွေ့ဆုံမှုတွေ အပါအ၀င် တခြားလှုပ်ရှားမှုတွေလည်း ပါဝင်မှာ ဖြစ်ပါတယ်။
Ref: ဗွီအိုအေ
Read More...
Collapse...
31 သြဂုတ် 2011
လစ်ဗျားခေါင်းဆောင်ဟောင်း မိုမာ ဂဒါဖီ (Moammar Gadhafi) ရဲ့ သားတဦးဖြစ်သူ ဆိဖ် အယ်လ် အစ္စလမ် ဂဒါဖီ (Seif al-Islam Gadhafi) က သူဟာ မြို့တော် ထရီပိုလီ (Tripoli) ရဲ့ အပြင်ဘက် တနေရာမှာ ရှိနေပြီး ဂဒါဖီကို သစ္စာခံတဲ့ တပ်မှူးကြီးတွေကလည်း သူတို့အဖွဲ့သားတွေက သေတဲ့အထိ တိုက်ပွဲဝင်သွားမယ်လို့ သူ့ကိုပြောတဲ့အကြောင်း ဆီးရီးယား ရုပ်မြင်သံကြားကို မနေ့ ညပိုင်းက ပြောခဲ့ပါတယ်။
ဂဒါဖီရဲ့ သားဖြစ်သူနဲ့ တခြား မိသားစုဝင်တွေကတော့ ဘယ်တော့မှ အညံ့ခံ လက်နက်ချမှာ မဟုတ်ဘူးလို့ ဆုံးဖြတ်ထားပြီး သူ့အဖေ ဂဒါဖီဟာလည်း ကောင်းကောင်းမွန်မွန် ရှိနေတယ်လို့ ဆိုပါတယ်။ ဂဒါဖီကို ထောက်ခံတဲ့ ဆက်သွယ်ရေးဂြိုဟ်တု ရုပ်မြင်သံကြားကို ဂဒါဖီရဲ့သားက ပြောခဲ့တာပါ။
သူ့ရဲ့ အခုလို ပြောဆိုချက်က သူ့နဲ့ ညီအကိုတော်တဲ့ အယ်လ် ဆာဒီ (al-Saadi) က အယ်လ်အရေးဗျ ရုပ်မြင်သံကြားကို ပြောတာနဲ့ ဆန့်ကျင်ဘက် ဖြစ်နေပါတယ်။ အယ်လ် ဆာဒီ ပြောတာက သွေးထွက်သံယိုမှုတွေ ရပ်တန့်စေရေး ဂဒါဖီ ဆန့်ကျင်ရေး တပ်ဖွဲ့တွေနဲ့ ညှိနှိုင်းဖို့ သူ့ဘက်က အဆင်သင့်ပဲလို့ ဆိုပါတယ်။ အခုလို ပြောရတာကလည်း သူ့အဖေရဲ့ ခွင့်ပြုချက်နဲ့ ပြောရတာလို့ အယ်လ် ဆာဒီက ပြောပါတယ်။
မစ္စတာ ဂဒါဖီဟာ မြို့တော် ထရီပိုလီက မိုင် ၁၅၀ လောက်ဝေးတဲ့ သဲကန္တာရ မြို့တခုဖြစ်တဲ့ ဘနီ ၀ါလိဒ် (Bani Walid) မြို့မှာ ရှိနေတယ်လို့ ဂဒါဖီ ဆန့်ကျင်ရေး တပ်ဖွဲ့တွေရဲ့ တပ်မှူးတွေက ယုံကြည်နေကြတယ်လို့ လစ်ဗျား အသွင်ကူးပြောင်းရေးကောင်စီ (NTC) ရဲ့ ဒု-ဥက္ကဋ္ဌ ပြောဆိုတာကို ကိုးကားပြီး The New York Times သတင်းစာမှာ မနေ့က ဖော်ပြထားပါတယ်။
NTC တပ်ဖွဲ့တွေက ဂဒါဖီကို လက်နက်ချလာအောင် အခွင့်အရေးပေးတဲ့ အနေနဲ့ စောင့်ကြည့်နေကြတယ်လို့လည်း ဆိုပါတယ်။ ဂဒါဖီနဲ့ သူ့တပ်ဖွဲ့တွေကို စနေနေ့အထိ နောက်ဆုံးထားပြီး လက်နက်ချဖို့ လစ်ဗျား လက်ရှိ အာဏာပိုင်တွေက ပြောထားပါတယ်။
မစ္စတာ ဂဒါဖီရဲ့ နိုင်ငံခြားရေးဝန်ကြီး လုပ်ခဲ့တဲ့ အဗ္ဗဒီလတီ အယ်လ် အိုဘီဒီ (Abdelati al-Obeidi) ကို ထရီပိုလီမြို့တော်ရဲ့ အနောက်ပိုင်းမှာ ဖမ်းဆီးရမိတဲ့ သတင်းတွေ ထွက်နေပါတယ်။ ဖမ်းဆီးတဲ့ သတင်းကို ဂဒါဖီ ဆန့်ကျင်ရေး ထိပ်တန်း တပ်မှူးကြီး တဦးက ကြေညာခဲ့တာဖြစ်ပြီး ရိုက်တာစ် သတင်းထောက် တဦးလည်း မျက်မြင်တွေ့ရှိတယ်လို့ ဆိုပါတယ်။
Ref: ဗွီအိုအေ
Read More...
Collapse...
31 သြဂုတ် 2011
ဦးကျော်ထင်
ရခိုင်ပြည်နယ် စစ်တွေမြို့ သဲချောင်းကျေးရွာမှာ ဒီကနေ့ နေ့လယ်ပိုင်းက ဗုံးပေါက်ကွဲတာကြောင့် အနည်းဆုံး လူ ၇ ယောက် သေဆုံးသွားပါတယ်။ အပြည့်အစုံကို စုံစမ်းထားတဲ့ ဗွီအိုအေ ထိုင်းအခြေစိုက် သတင်းထောက် ကိုကျော်ထင်က တင်ပြထား ပါတယ်။
စစ်တွေမြို့နယ်က မွတ်ဆလင်ကျေးရွာ တခုဖြစ်တဲ့ သဲချောင်းရွာမှာ ဒီနေ့ နေ့လယ် ၂ နာရီခွဲလောက်က ပေါက်ကွဲမှု ဖြစ် တာ ကြောင့် ၅ ယောက် ပွဲချင်းပြီး သေဆုံးပြီး ကလေးငယ် ၂ ယောက်က ဆေးရုံရောက်ပြီးမှ သေဆုံးတာ ဖြစ်ပါတယ်။ ဆေးရုံမှာ သေဆုံးတဲ့ ကလေးတွေက မာမတ်ယတ်တာ ခေါ် ချမ်းသာ အသက် ၁၀ နှစ်နဲ့ ယာဇူမူဆာ ၁၃ နှစ်တို့ ဖြစ်ပါတယ်။
စစ်တွေဆေးရုံ တာဝန်ရှိသူ တယောက်က လူနာတွေ ရောက်လာပုံကို အခုလို ပြောပါတယ်။
“ဆေးရုံမှာသေတာ ၂ ယောက်ပါ။ ဒီရောက်လာတဲ့ ကလေးတွေကလည်း အခြေအနေ မကောင်းတော့ဘူး။ ကျမတို့ကလည်း အတိအကျ မသိရလို့ ဘယ်လိုဖြစ်တယ်ဆိုတာ မပြောနိုင်ဘူး။ ရေထဲမျောလာတဲ့ဟာကို ရွှေထင်ပြီး သွားကိုင်မိလို့ ပေါက်ကွဲတာ ဖြစ်တယ်။”
ညနေပိုင်းမှာတော့ ဗုံးပေါက်ကွဲမှုမှာ သေဆုံးတဲ့ အလောင်း ၅ လောင်း ထပ်ပြီး စစ်တွေဆေးရုံကြီးကို ရောက်လာတယ်လို့ ဆေးရုံ အသိုင်းအ၀ိုင်းနဲ့ နီးစပ်သူတွေက ပြောပါတယ်။ အာဏာပိုင်တွေက ဗုံးပေါက်ကွဲမှု အခြေအနေကို သွားရောက် စစ်ဆေးနေ တယ် လို့ သိရပါတယ်။
စစ်တွေမြို့နယ်မှာ အခုလို ဗုံးပေါက်ကွဲတာ အရင်က မရှိခဲ့ဖူးပါဘူး။ ဒါဟာ တိုက်တိုက်ဆိုင်ဆိုင်ပဲ မွတ်ဆလင် ဥပုသ်ရက်လအလွန် နောက်တရက်မှာ ဗုံးပေါက်ကွဲတယ်ဆိုတာ မေးခွန်းထုတ်စရာတွေ ဖြစ်နေတယ်လို့လည်း မွတ်ဆလင် အသိုင်းအ၀ိုင်းက ပြောကြ ပါတယ်။
Ref: ဗွီအိုအေ
Read More...
Collapse...
01 September 2011
တပ်မတော် ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်ဟာ လေးလပတ် အစည်းအဝေးမှာ ပထမဦးဆုံး တပ်ချုပ် ကုလားထိုင်ကို စတင် အသုံးပြုခဲ့စဉ်ကစပြီး အာဏာနီ တည်ဆောက်တဲ့အနေနဲ့ ဗိုလ်ချုပ်တချို့အား စစ်ဆေးအရေးယူခြင်း၊ စုံစမ်းစစ်ဆေးနေခြင်းတို့အပေါ် သတင်းများ ထွက်ပေါ်ခဲ့ပါတယ်။ အဆိုပါ သတင်းများနဲ့ စပ်လျဉ်းပြီး စည်းလုံးခြင်းရဲ့အင်အား ၀က်ဘ်ဆိုဒ်က ပြည်တွင်းရှိ အငြိမ်းစား တပ်မတော် အရာရှိကြီးတစ်ဦးအား ဆက်သွယ် မေးမြန်းခဲ့ရာမှာ တချို့ဗိုလ်ချုပ်များဟာ အရေးယူခံဖို့ ဖြစ်နိုင်ဖွယ် မရှိကြောင်း သူ့ရဲ့ ပြောကြားချက်အရ သတင်း ရရှိခဲ့ပါတယ်။
သူက ပြောဆိုရာမှာ သမ္မတသစ် ဗိုလ်ချုပ်ကြီးဟောင်း ဦးသိန်းစိန်ဟာ အဂတိလိုက်စားမှု တိုက်ဖျက်သွားမှာ ဖြစ်တယ်လို့ ဆိုပါ တယ်။ သမ္မတသစ်ရဲ့ ကြွေးကြော်လာတာနဲ့အညီ တပ်မတော်အတွင်း စံပြအနေနဲ့ လုပ်ဆောင်သွားဖို့ တိုက်တွန်းခဲ့ဟန် တူတယ် ဗျ။ အမှန်တော့ဗျာ တပ်မတော် ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်ဟာ ညှိနှိုင်းကွပ်ကဲရေး ရာထူး ထမ်းဆောင် ခဲ့စဉ်က သူနဲ့တန်းတူ ဖြစ်ခဲ့တဲ့ ဗိုလ်ချုပ်အချို့အား ရင်ထဲမှာ တေးမှတ်ထားခဲ့ပါတယ်။ အဲဒီသမ္မတရဲ့ တိုက်တွန်းချက် ထွက်လာ ပြီးနောက် ဒါကို အကြောင်းပြပြီး အဂတိလိုက်စားမှု အနည်းနဲ့ အများ မကင်းကြတဲ့ ဗိုလ်ချုပ်တွေကို ပစ်မှတ်ထားကာ ဖြုတ်/ ထုတ်/ ချ လုပ်ခဲ့တာ တူပါတယ်ဗျာ။
တိုင်းမှူးတချို့ အရေးယူခံရပြီးတဲ့နောက် စစ်ရေးချုပ်၊ စစ်ထောက်ချုပ် တို့ကိုပါ ခေါ်ယူမေးမြန်းတဲ့အထိ ဖြစ်လာလို့ တပ်တွင်းကြီး မားစွာ ဂယက်ရိုက်ခဲ့ပါတယ်။ ဂယက်ရိုက်ရတဲ့ အကြောင်းရင်းမှာ စစ်ရေးချုပ် ဗိုလ်ချုပ် ခင်ဇော်ဦးက ဦးပိုင်ကိုင်ပြီး ဗိုလ်ချုပ် ဝေလွင်က တပ်ရဲ့ ထမင်းအိုးကြီး ဖြစ်တဲ့ စစ်ထောက်ချုပ်ကို ကိုင်ထားလို့ ဖြစ်နေတယ်။
သူတို့ရဲ့ နောက်ကြောင်းရာဇဝင်ကို တပ်မတော်အရာရှိကြီးအား မေးမြန်းခဲ့ရာမှာ ဗိုလ်ချုပ် ဝေလွင် DSA ကျောင်းဆင်း အပတ်စဉ် (၁၈)ဟာ ယခင် မဆလ ခေတ် ယဉ်ကျေးမှုဝန်ကြီး ဦးအေးမောင်သား ဖြစ်တယ်။ ဦးအေးမောင်ဟာ စစ်အာဏာရှင် ဗိုလ်ချုပ်ကြီး ဟောင်း နေ၀င်းရဲ့ ကျေးဇူးတုန့်ပြန်မှုကြောင့် အရပ်သား ၀န်ကြီး ဖြစ်လာခဲ့သူ ဖြစ်တယ်။ ဦးအေးမောင်ဟာ ထိုစဉ်က ဗိုလ်ချုပ်မှူး ကြီးဟောင်း သန်းရွှေ တပ်ရင်းမှူးဘ၀တုံးက ကျေးဇူး အတော်အတန်ရှိခဲ့သူဖြစ်ရာ ဦးအေးမောင်ရဲ့သား ဗိုလ်ချုပ် ဝေလွင်အား ပြန်လည် စောင့်ရှောက်ခဲ့တာ ဖြစ်တယ်။ ဗိုလ်ချုပ် ဝေလွင်ဟာ ရန်ကုန်တိုင်း ဒုတိုင်းမှူးမှ နေပြည်တော် တိုင်းမှူးသို့ (တပ်မမှူး ကြားမခံဘဲ တိုင်းမှူးသို့ Jump Promotion ရသွားသူ) ရာထူးတိုးသွားပါတယ်။ ဗိုလ်ချုပ်ကြီးဟောင်း ခင်ညွှန့်ကို အရေးယူ ခဲ့ပြီး နောက် ဗိုလ်ချုပ်မှူးကြီးဟောင်း သန်းရွှေ အိန္ဒိယကို သွားရောက်လည်ပတ်ခဲ့စဉ် နေပြည်တော်မှာ ဒုတိယ ဗိုလ်ချုပ်မှူးကြီးဟောင်း မောင်အေးကို ထိန်းပေးဖို့ ဗိုလ်ချုပ် ဝေလွင်အား တိုးတိုးတိတ်တိတ် မှာကြားခဲ့ပါတယ်။ ဆိုလိုတာက ဗိုလ်ချုပ်မှူးကြီးဟောင်း သန်းရွှေက ဗိုလ်ချုပ် ဝေလွင်ကို ယုံကြည်စိတ်ချတယ်။ သူ့အား အရေးယူဖို့ တပ်ချုပ် ဗိုလ်ချုပ်ကြီး မင်းအောင်လှိုင် တော်ရုံတန်ရုံ အချက်အလက်နဲ့ လုပ်ဖို့ မလွယ်ဘူး။ ဗိုလ်ချုပ် ခင်ဇော်ဦးက ဦးပိုင်ကို ဆက်လက် ကိုင်တွယ်ခိုင်းလိုက်တာဟာ ဗိုလ်ချုပ်မှူး ကြီး ဟောင်း သန်းရွှေရဲ့ ယုံကြည်စိတ်ချရလို့ ဆက်လက်တာဝန်ပေးခြင်း ခံရတာ ဖြစ်တယ်။ ဗိုလ်ချုပ်ကြီးဟောင်း သိန်းစိန် စစ်ရေးချုပ် ဖြစ်ခဲ့တာတောင် ဦးပိုင် ကိုင်ခွင့် မရဘူး။ OTS အပတ်စဉ် (၅၆) ကျောင်းဆင်း ဗိုလ်ချုပ် ခင်ဇော်ဦးဟာ ကမ်းရိုးတန်းတိုင်း စစ်ဌာ နချုပ် တိုင်းမှူးမှ တပ်ရဲ့ အဆင့်(၄) ထိပ်ပိုင်းရာထူးဖြစ်တဲ့ စစ်ရေးချုပ် ရာထူးကို ရရှိကာ DSA ကျောင်းဆင်းများကြားထဲမှာ ထိုးဖောက်ပြီး အပေါ်တက်လာသူဖြစ်တယ်။ သူနဲ့ ဗိုလ်ချုပ် ဝေလွင်တို့ဟာ ရာထူးစတင် လက်ခံကတည်းက ဒုတိယ ဗိုလ်ချုပ် ကြီးဟောင်း တင်အေးနဲ့ ဗိုလ်ချုပ်ကြီးဟောင်း သီဟသူရတင်အောင်မြင့်ဦးတို့အပေါ် စာရင်းရှင်းတမ်းတွေ ပြန်လည် လုပ်ပေးဖို့ မှတ်ချက်တစ်ခု ရေးသား တောင်းဆိုခဲ့တယ်လို့ သိရပါတယ်။ အဲဒီလို လုပ်ထားခြင်းဟာ ကြိုတင်ကာကွယ်မှု ပြုလုပ်ထားတာ ဖြစ်တယ်။ ဗိုလ်ချုပ် ဝေလွင်ဆိုရင် ရကတ တိုင်းမှူး ဖြစ်ခဲ့စဉ်က သူ့ရဲ့ တပည့်အရာခံဗိုလ် ဆရာကြီးတဦးဟာ သူ့ဆီ ပါမစ်တစ်ခု သွားရောက် တောင်းဆိုခဲ့ရာမှာ မုန့်ဖိုးသာပေးပြီး စီစဉ် ဆောင်ရွက်ပေးခြင်း မရှိတာကို တွေ့ရတယ်။ ဆိုလိုတာက ဗိုလ်ချုပ် ဝေလွင်ဟာ သူ့ရဲ့ လက်မှတ်ကြောင့် သူ့ရာထူး ထိခိုက်မှုကို စိုးရိမ်တာ ဖြစ်တယ်။
အဲဒီအရာရှိကြီးက ဆက်လက်ပြောကြားရာမှာ ကျွန်တော်တို့ တပ်မတော်မှာ တပ်ရင်းမှူးနဲ့ အထက် အရာရှိကြီးများကို အရေး ယူတော့မယ် ဆိုရင် ရာထူးတူ စစ်တပ်အတွင်း အပြန်အလှန် ပြောင်းရွေ့ခြင်းနဲ့ နယ်ဘက်ပြောင်းခြင်း၊ ထွက်ခွင့်တင်ခိုင်းခြင်း (အနားပေးခြင်း)၊ ထောင်ချခြင်းသာ ရှိတယ်။ ဆိုလိုတာက အရှင်ထွက်ထက် အသေထွက်က များတယ်။ ဗိုလ်ချုပ်ခင်ဇော်ဦးနဲ့ ဗိုလ်ချုပ်ဝေလွင်တို့ကို အရေးယူလိုက်တာနဲ့ ပြဿနာတွေ မီးခိုးကြွက်လျှောက် ဖြစ်ကုန်မှာ သေချာတယ်။ အတွင်းကြိတ်ပြီး ခေါ်ယူ စစ်ဆေး မေးမြန်းတာတော့ ရှိကောင်း ရှိမယ်။ ဗိုလ်ချုပ် ခင်ဇော်ဦးကို အရေးယူတယ်လို့ သတင်း ထွက်လာချိန်မှာ တပ် ချုပ် က မန္တလေးကို တပ်စစ်ပြနေစဉ် ဗိုလ်ချုပ် ခင်ဇော်ဦးအား TV ထဲမှာ မျက်နှာထွက်ပြခိုင်းတာကို တွေ့ရပါတယ်။ ဆိုလို တာက မဟုတ်မမှန်ကြောင်း သွယ်ဝိုက်တင်ပြလိုက်တာ ဖြစ်တယ်။ အလွန်ဆုံး သူတွဲကိုင်နေတဲ့ ဦးပိုင်ကို တခြား ဗိုလ်ချုပ် တွေထံ လွှဲပြောင်းကိုင်ထားကောင်း ကိုင်ထားနိုင်တယ်။
ဗိုလ်ချုပ်ကြီး မင်းအောင်လှိုင် အနေနဲ့ တပ်ချုပ် ကုလားထိုင်ကာစမှာ ဗိုလ်ချုပ်တွေကို ခေါ်ယူစစ်ဆေးတာတွေနဲ့ အနားယူ ပေး တာတွေကို တပ်မတော်ထိပ်ပိုင်း ဗိုလ်ချုပ်များက မကျေနပ်ခြင်း၊ ဘဝင်မကျခြင်း ရှိကြတယ်လို့ သိရပါတယ်။ တည်ငြိမ်မှုနဲ့ တပ် တွင်း စည်းလုံးညီညွတ်မှုကို ထိခိုက်စေတယ်လို့ ဆိုကြပါတယ်။ တပ်မတော်ရဲ့ စစ်ဥပဒေအရ အရေးယူတော့မယ်ဆိုရင် အရာရှိ ကြီးအား အရေးယူတဲ့အပိုင်းနဲ့ အရာရှိငယ်အား အရေးယူတဲ့အပိုင်း မတူညီတာကို တွေ့ရှိရပါတယ်။
ဆက်လက်ပြီး အဲဒီတပ်မတော်အရာရှိကြီက စည်းလုံးခြင်းရဲ့အင်အား ဝက်ဘ်ဆိုဒ်အား ပြောကြားရာမှာ တပ်မတော်အတွင်း ဗိုလ်ချုပ်တွေ အဂတိ လိုက်စားမှု ဆိုတာဟာ အနည်းနဲ့ အများ ဘယ်သူမှ ကင်းနိုင်ကြတာ မဟုတ်ပါဘူး။ အရာရှိငယ်တွေကိုတော့ အရေးယူဖို့ အကြောင်းရင်းရှာမတွေ့ရင် အမြင်ကပ်ပုဒ်မ (၆၅) စစ်စည်းကမ်း စနစ်တကျမရှိမှုနဲ့ အရေးယူခံရတယ်။ အရာရှိကြီး တွေကျတော့ အရေးယူဖို့ အကြောင်းရင်းရှာမတွေ့ရင် အဂတိလိုက်စားမှုနဲ့ အမြင်ကပ်ပုဒ်မ တပ်ပြီး အရေးယူကြတယ်။ ဗိုလ်ချုပ် ကြီးမင်းအောင်လှိုင်က သူ့ရဲ့အမိန့်ကို ကြောက်ရွံ့ရိုသေလာအောင် နာခံလာအောင် လုပ်တယ်လို့ ယူဆတယ်။ ဒုချုပ် ဗိုလ်ချုပ် စိုးဝင်း ရဲ့ အာဏာ၊ ညှိနှိုင်းကွပ်ကဲရေးမှူး ဗိုလ်ချုပ်လှဌေးဝင်းရဲ့အာဏာ လွန်ဆွဲပွဲတွေ တပ်တွင်းအပြိုင်အဆိုင် ဖြစ်ကုန်နေ ကြ ပါတယ်။ ဒါပေမဲ့ ဗိုလ်ချုပ်ကြီးမင်းအောင်လှိုင်ရဲ့ လုပ်ရပ်အပေါ် တပ်မတော်သား အများစုက အထင်မကြီးကြဘဲ အံ့သြကုန် ကျ တယ်။ ရန်ကုန်တိုင်း တိုင်းမှူးမှ ထိပ်ပိုင်းကို တက်လာတဲ့ ဗိုလ်ချုပ်လှဌေးဝင်းတစ်ယောက် ရန်ကုန်တိုင်း တိုင်းမှူးဗိုလ်ချုပ် ထွန်း သန်း အရေးယူခံရတဲ့အပေါ် စိတ်မကောင်းဖြစ်မိမှာတော့ သေချာတယ်။ တကယ်တမ်း ဗိုလ်ချုပ်ကြီးမင်းအောင်လှိုင် အနေနဲ့ တိုင်းမှူး တပ်မမှူးများကို အပြုသဘော သိမ်းသွင်းစည်းရုံး သင့်ပြီး မကြိုက်သူများကိုတော့ သတိပေးခြင်းနဲ့ အလွန်ဆုံးလက်ရှိ တိုင်းမှူး ရာထူးမှ အခြား တိုင်းမှူး ရာထူးသို့ ယခင် တပ်ထုံးစံအရ အဆင့်တူ ရာထူးတူ ရွှေ့ပြောင်းလဲသင့်ပါကြောင်း ပြောဆို သွားပါတယ်။
Ref: ဖိုးတရုတ်
Read More...
Collapse...
ခင်ဦးသာ
01 September 2011
ရခိုင်ပြည်နယ်၊ စစ်တွေမြို့နယ်အတွင်းရှိ သဲချောင်းကျေးရွာ၌ သြဂုတ်လ ၃၁ ရက်နေ့က ဒုတိယ ကမ္ဘာစစ်လက်ကျန် ဗုံးတလုံး ပေါက်ကွဲမှုဖြစ်ပွားရာ ကလေး ၂ ဦးနှင့် လူကြီး ၅ ဦး သေဆုံးသွားသည်။
စစ်တွေမြို့နှင့် ၅ မိုင်ခန့်ဝေးသော၊ အစ္စလမ်ဘာသာဝင်များ နေထိုင်သည့် သဲချောင်းကျေးရွာတွင် ဗုံးပေါက်ကွဲခဲ့ရာ အသက် ၁၀ နှစ်အရွယ် မောင်ချမ်းသာ နှင့် ၁၂ နှစ်အရွယ် ယာဇာမူဆာတို့အပါအ၀င် ၇ ဦးသေဆုံးခဲ့သည်။
ဗုံးပေါက်ကွဲရခြင်းအကြောင်းမှာ ယင်းအရာဝတ္ထုကို ဗုံးမှန်းမသိ ကြဘဲ အလေးချိန်ဖြင့် ရောင်းချရန် ထုခွဲရာမှ ပေါက်ကွဲ သေဆုံး ခြင်းဖြစ်ကြောင်း၊ သေဆုံးသူများကို စစ်တွေဆေးရုံ ကြီးသို့ ပို့ဆောင်၍ စစ်ဆေးခဲ့ကြောင်း သိရသည်။
ဒုတိယကမ္ဘာစစ်အတွင်းမှ ကျန်ရှိခဲ့သော ဗုံးများသည် ရခိုင် ပြည်နယ်ရှိ တခြားသော မြို့နယ်၊ ကျေးရွာများတွင်လည်း ရှိကြောင်း၊ ပြီးခဲ့သည့် နှစ်အနည်းငယ်ကလည်း မြောက်ဦးမြို့နယ်၌ ပေါက်ကွဲခဲ့သေးကြောင်း သိရသည်။
ဗုံးပေါက်ကွဲမှုနှင့်ပတ်သက်၍ အသေးစိတ် သိရှိနိုင်ရန် စစ်တွေမြို့ အမှတ် (၁) ရဲစခန်းကို ဧရာဝတီမှ ဆက်သွယ်ခဲ့ သော်လည်း
ဖြေဆိုခြင်း မရှိပေ။
Ref: ဧရာဝတီ
Read More...
Collapse...
31 August 2011
တရားမ၀င် လိုင်စင်မဲ့ ကားများတင်သွင်းပြီး တရားဝင်ကားအဖြစ် လိုင်စင်ချထားပေးသော လုပ်ငန်းအဆင့်ဆင့်တွင် စစ်ဗိုလ် ချုပ်များ ၏ ဆွေမျိုးများ၊ အစိုးရ၀န်ကြီးများနှင့် ဌာနဆိုင်ရာ ညွှန်ချုပ်များ အထိ ပါဝင်ပတ်သက်နေကြောင်း သတင်း ရရှိသည်။
ဘဏ္ဍာရေးနှင့်အခွန် ၀န်ကြီးဌာန ဝန်ကြီး ဦးလှထွန်း၊ စက်မှု ၂ ၀န်ကြီး ဦးစိုးသိန်း၊ ကုန်းလမ်းပို့ဆောင်ရေး ညွှန်ကြားမှု ဦးစီးဌာန ညွှန်ကြားရေးမှူးချုပ် အပါအ၀င် အစိုးရအရာရှိများနှင့် စစ်ဘက်ဆိုင်ရာ ဗိုလ်ချုပ်များ၏ မိသားစုဝင်များ၊ ဆွေမျိုးများသည် လိုင်စင် မဲ့ကား တင်သွင်းရောင်းချ လိုင်စင်ဝင်သည့် လုပ်ငန်းများတွင် ပါဝင် ပတ်သက်နေကြောင်း အစိုးရ၀န်ထမ်း အသိုင်းအ၀န်းနှင့် ကား ထုတ်လုပ်ရေးကုမ္ပဏီများမှ သိရသည်။
“ပြည်တွင်းကို ကားတွေ တရားမ၀င် သွင်းလာတာ ၀န်ကြီးတွေ၊ ညွှန်ချုပ်တွေ အားလုံး သိပါတယ်။ သူတို့က လာဘ်ပေး လာဘ်ယူ ကိစ္စကို တိုက်ရိုက် မပတ်သက်သလို နေတယ်။ ညွှန်ကြားရေးမှူးတွေက တာဝန်ယူ ပိုက်ဆံရှာ၊ အချိန်တန်ရင် ၀န်ကြီး တွေ၊ ညွှန် ချုပ် တွေကို ရလာတဲ့ ဝေစုထဲကနေ သွားကန်တော့တဲ့ ပုံစံမျိုးနဲ့ လာဘ်ပေးလာဘ်ယူ လုပ်နေတာ။ လိုင်စင်မဲ့ကားတွေ လိုင်စင် ရဖို့ဆိုတာ ကလည်း နောက်ဆုံး ၀န်ကြီးနဲ့ ညွှန်ချုပ်တွေလက်မှတ်ထိုးပြီးမှ တရားဝင်တာ” ဟု နေပြည်တော်အခြေစိုက် အမည် မဖော်လိုသော အစိုးရအရာရှိကြီးတဦးက ပြောသည်။
ဘဏ္ဍာရေးနှင့် အခွန်ဝန်ကြီးဌာန ၀န်ကြီးဦးလှထွန်းသည် အကောက်ခွန်ဦးစီးဌာန၏ ညွှန်ကြားရေးမှူးချုပ် အဖြစ် ၎င်း၏ လူယုံဖြစ် သော ဘဏ္ဍာရေးနှင့် အခွန်ဝန်ကြီးဌာန ရုံးအဖွဲ့မှူး ဦးထွန်းသိန်းကို ညွှန်ကြားရေးမှူးချုပ် အဖြစ် ယခုနှစ် မေလ ကုန်တွင် အစား ထိုးခန့်အပ်ခဲ့သည်။ ယခင် ညွှန်ကြားရေးမှူးချုပ် ဦးစံသောင်းကိုမူ မြန်မာ့စီးပွားရေးဘဏ် ဦးဆောင် ညွှန်ကြားရေးမှူးအဖြစ် ခန့်အပ် ခဲ့ပြီး ဦးစံသောင်းလက်ထက်က အကောက်ခွန်ဦးစီးဌာနအတွင်း ဖြစ်ပေါ်ခဲ့သော အကျင့်ပျက် ခြစားမှုများကို တစုံတရာအရေးယူ ဆောင်ရွက်ခြင်းမရှိခဲ့ဟု သိရှိရသည်။
“ရုံးအဖွဲ့မှူးကို ညွှန်ချုပ်ရာထူးပေးတဲ့ အစဉ်အလာ မရှိသလောက် နည်းတယ်။ ဦးလှထွန်းကတော့ သူရဲ့လက်ရင်းတပည့်ကို ချက်ချင်း ညွှန်ချုပ်အဆင့် တိုးပေးခဲ့တယ်။ ဦးထွန်းသိန်းလက်ထက် မှာလည်း ဌာနတွင်း အကျင့်ပျက်ခြစားမှုတွေ ထိုးတက် လာတယ်။ ဦးစံသောင်း လက်ထက်မှာလည်း ခြစားမှုတွေ တောက်လျှောက် ဖြစ်ခဲ့တာပဲ” ဟု နေပြည်တော် ဘဏ္ဍာရေးနှင့် အခွန်ဝန်ကြီးဌာနမှ အရာရှိကြီးတဦးက ပြောသည်။
အမှတ် ၂ စက်မှုဝန်ကြီးဌာန၀န်ကြီး ဦးစိုးသိန်းသည် ကားထုတ်လုပ်ရေး ကုမ္ပဏီ မှတ်ပုံတင်ခွင့်နှင့် ထုတ်လုပ်ခွင့်ပြုသည့် ကားအရေအတွက် စသည့် အရေးပါသော လုပ်ပိုင်ခွင့်များ ချထားပေးနိုင်သည့် အခွင့်အာဏာ ရှိပြီး နိုင်ငံခြားဖြစ် ကားများကို စက်မှုဇုန်ထုတ် ကားအဖြစ် လာဘ်ငွေယူကာ အများအပြားခွင့်ပြုခဲ့ကြောင်း သိရှိရသည်။
“သာမန်ဝပ်ရှော့အဆင့်လောက်ပဲ ရှိတဲ့ အလုပ်ရုံတွေကိုလည်း ကားထုတ်လုပ်ရေး ကုမ္ပဏီပိုင် စက်ရုံဆိုပြီး နာမည်တပ်ခွင့် ပြုတယ်။ တရားမ၀င်ကားတွေကို ဇုန်ထုတ်ကားတွေအဖြစ် ခွင့်ပြုခဲ့တာလည်း စက်မှု ၂ ၀န်ကြီး ဌာနပဲ။ နိုင်ငံခြားဖြစ် ကားတွေမှန်း သိရက်နဲ့ စက်မှုဇုန်ကားပါဆိုပြီး အသိအမှတ်ပြု ပေးခဲ့တယ်။ အားလုံးက နောက်ကြောင်း ပြန်လိုက်လို့ ရပါတယ်။ တကယ်ခုံရုံးဖွဲ့ စစ်မယ်ဆိုရင် တမှုချင်း ဖော်လို့ရတယ်။ အကောက်ခွန်၊ စက်မှု ၂ ၊ ကညန၊ ကားထုတ်လုပ်ရေး ကုမ္ပဏီ အားလုံးပဲ” ဟု ရန်ကုန်စီးပွားရေးသမား တဦးက ပြောသည်။
ယခုအခါ စက်မှု ၂ ၀န်ကြီးဌာနသည် စက်မှုဇုန်ကားအဖြစ် အမည်ခံထားသော Hi-Ace ကားများ လိုင်စင်ဝင်ပါက တစီးလျှင် အနည်းဆုံး အမေရိကန်ဒေါ်လာ ၁၃၀၀၀ မှ ၂၀၀၀၀ အထိ ဒဏ်ရိုက်နေပြီး ထိုသို့ ဒဏ်ရိုက်ခြင်းမှာလည်း ၀န်ကြီးဌာနများ အားလုံး ပတ်သက် ဆက်နွှယ်နေသော အကျင့်ပျက်ခြစားမှုများ မပေါ်ပေါက်စေရန် အချိန်မီ ဆောင်ရွက်သည့် လုပ်ဆောင်ချက် တခုဖြစ်သည်ဟု ယင်းဌာနများနှင့် နီးစပ်သူများက ဆိုသည်။
ကားလိုင်စင်နှင့် နံပါတ် ထုတ်ပေးရသည့် ရထားပို့ဆောင်ရေး ၀န်ကြီးဌာန လက်အောက်ရှိ ကုန်လမ်းပို့ဆောင်ရေး ညွှန်ကြားမှု ဦးစီးဌာနသည် အကျင့်ပျက်ခြစားမှုများနှင့် ဆက်နွှယ်လျက်ရှိကြောင်း၊ ကားထုတ်လုပ်ရေး ကုမ္ပဏီများသည် စစ်ဗိုလ်ချုပ်များ၏ မိသားစုဆွေမျိုးများနှင့် ပတ်သက်ဆက်နွှယ်မှုရှိပြီး ကုမ္ပဏီ များကလည်း အစိုးရထိပ်တန်း အကြီးအကဲများ၏ အမည်ကို အသုံးချကာ ကားများတင်သွင်းခဲ့ကြကြောင်း သိရှိရသည်။
“ကားထုတ်တဲ့ ကုမ္ပဏီတွေက စက်မှု ၁ ဝန်ကြီးဟောင်း ဦးအောင်သောင်း သားတွေနဲ့ ပိုင်တယ်၊ ဗိုလ်ချုပ်ကြီး သီဟသူရ တင်အောင်မြင့်ဦး (ဒုတိယ သမ္မတ) သားနဲ့ပိုင်တယ်ဆိုပြီး နာမည်တွေသုံး ကားတွေသွင်းတယ်။ နာမည်လည်းသုံးတယ်၊
လာဘ်ငွေလည်း ပေးတယ်။ ကားထုတ်တဲ့ ကုမ္ပဏီတွေအားလုံးက ဒီနည်းလမ်း နှစ်ခုကို သုံးပြီး ကားတွေသွင်းခဲ့ကြတာ။ တကယ်တော့ ပြည်တွင်းမှာ အဆင့်တန်းမီတဲ့ ကားထုတ်နိုင်တဲ့ အခြေအနေမရှိသေးပါဘူး။ သူများနိုင်ငံက ခိုးသွင်းတာတွေ ဆင်ပြီး ပြန်ရောင်းတဲ့ အဆင့်မှာပဲရှိပါတယ်” ဟု ရန်ကုန် အခြေစိုက် စီးပွားရေးသမားက ဆိုသည်။
စက်မှု ၂ ၀န်ကြီးဦးစိုးသိန်း ဥက္ကဋ္ဌအဖြစ် ဆောင်ရွက်လျက်ရှိသော မြန်မာ့စက်မှုလက်မှု ဖွံ့ဖြိုးတိုးတက်ရေး ကော်မတီက ၂၀၀၀ ပြည့်နှစ်မှ ၂၀၁၁ ခုနှစ်အထိ ကားထုတ်လုပ်ရေး ကုမ္ပဏီများကို စက်မှုဇုန်ထုတ်ကား ၉၈၈၈၄ စီးထုတ်လုပ်ခွင့် ပြုခဲ့ပြီး ယခုနှစ် တွင် ၉၅၇၇ စီး ထုတ်လုပ်ခွင့်ပြုထားသည်ဟု သိရသည်။
Ref: ဧရာဝတီ
Read More...
Collapse...
စည်သူ
01 September 2011
အရှုံးပေါ်နေသော နိုင်ငံပိုင် စက်မှုလုပ်ငန်းများကို ၁၀ နှစ်အတွင်း ပုဂ္ဂလိကသို့ ငှားရမ်းလွှဲပြောင်း ပေးသွားမည်ဖြစ်ကြောင်း သြဂုတ်လ ၁၉ ရက်က နေပြည်တော် မြန်မာကွန်ဗင်းရှင်း စင်တာတွင် ကျင်းပသည့် စီးပွားရေးဖိုရမ်၌ အမှတ် ၁ နှင့် အမှတ် ၂ စက်မှုဝန်ကြီးဌာန ပြည်ထောင်စုဝန်ကြီး ဦးစိုးသိန်းက ပြောကြားသည်။
“၅ နှစ်အတွင်း တော်တော်များများ လွှဲမယ်။ ၁၀ နှစ်အတွင်းမှာ အပြီးသတ်လွှဲမယ်” ဟု သူက ဆိုသည်။
အမှတ် ၁ နှင့် ၂ စက်မှုဝန်ကြီးဌာန တာဝန်ရှိသူတဦးကလည်း ၂၀၁၅ အာဆီယံ လွတ်လပ်စွာ ကုန်သွယ်မှုတွင် ယှဉ်ပြိုင်နိုင်ရန် အတွက် ပုဂ္ဂလိက လုပ်ငန်းရှင်းများကသာ တတ်နိုင်မည် ဖြစ်ကြောင်း ပြောသည်။
“နိုင်ငံပိုင်လုပ်ငန်း အနေနဲ့ ဘယ်လောက်ပဲလုပ်လုပ် နှစ်ချုပ်ရင် အရှုံးပြတာပဲ။ ဒါကြောင့် ပုဂ္ဂလိက လုပ်ငန်းရှင်တွေ အနေနဲ့ ကလည်း ပြင်ဆင်ထားဖို့လိုတယ်” ဟု သူက ဆက်ပြောသည်။
ယခုရက်ပိုင်းအတွင်း လယ်ယာစိုက်ပျိုးရေးနှင့် ဆည်မြောင်းဝန်ကြီးဌာန လက်အောက်ရှိ အရက်ချက်စက်ရုံ ၁ ရုံနှင့် သကြားစက်ရုံ ၄ ရုံတို့ကို ပုဂ္ဂလိက လုပ်ငန်းရှင်များထံ တနှစ်လျှင် ကျပ်သန်း ၁၀၅၀ ဖြင့် နှစ် ၃၀ ငှားရမ်း လုပ်ကိုင်ခွင့် ပြုခဲ့ပြီး ဖြစ်ကြောင်း သိရ သည်။
၎င်းတို့အနက် ပျဉ်းမနား သကြားစက်ရုံ ၂၊ ၃ နှင့် ပျဉ်းမနားအရက်ချက် စက်ရုံတို့ကို ယုဇနကုမ္ပဏီမှ တရုံလျှင် ကျပ်သန်း ၁၅၀ နှုန်းဖြင့် လည်းကောင်း၊ အမှတ် ၅ သကြားစက် (မြို့လှ) ကို အင်တာနေရှင်နယ် ဂိတ်ဝေးကုမ္ပဏီက ကျပ်သန်း ၃၀၀ ဖြင့် လည်းကောင်း၊ အမှတ် ၆ သကြားစက် (ရေတာရှည်) ကို Delicious food ကုမ္ပဏီမမှ ကျပ်သန်း ၃၀၀ ဖြင့် လည်းကောင်း ငှားရမ်း လုပ်ကိုင်ခွင့် ရရှိခဲ့သည်။
ပုဂ္ဂလိကသို့ နိုင်ငံပိုင်စက်ရုံ အလုပ်ရုံများ ငှားရမ်းလွှဲပြောင်းခြင်းအားဖြင့် စီမံခန့်ခွဲမှု၊ ထိရောက်မှု၊ ယှဉ်ပြိုင်နိုင်မှုများ တိုးတက် စေမည်ဟု ရန်ကုန်အခြေစိုက် စီးပွားရေးလုပ်ငန်းရှင်တဦးက ပြောသည်။
ဆည်မြောင်းဦးစီးဌာနမှ တာဝန်ရှိသူတဦးကလည်း ၎င်းဌာနမှ စက်ရုံ ၅ ရုံကို ပုဂ္ဂလိကသို့ ငှားရမ်းလိုက်သဖြင့် တနှစ်လျှင် ကျပ် သန်း ၁၀၅၀ ရမည်ဖြစ်ကြောင်း၊ ယခင်က ၀န်ထမ်း လစာပေးစရိတ် တနှစ်လျှင် ကျပ်သန်း ၁၀၀၀ ခန့်ကိုလည်း ကုန်ကျစရာ မလိုတော့သဖြင့် အသားတင် ရမည့် ငွေနှင့် ပေါင်းပါက ယခုအခါ အဆိုပါဌာနက ကျပ်သန်း ၂၀၀၀ ကျော် သက်သာ သွား သည့်သဘော ဖြစ်ကြောင်း ရှင်းပြသည်။
“ပုဂ္ဂလိက လွှဲတယ်ဆိုတာ ကောင်းပါတယ်။ ဒါပေမယ့် ကိုယ်နဲ့ သင့်ရာ လွှဲပေးနေရင်တော့ မကောင်းပါဘူး။ တကယ် လုပ်နိုင်တဲ့ သူတွေကိုပဲ လွှဲပေးစေချင်ပါတယ်” ဟု စီးပွားရေးလုပ်ငန်းရှင်တဦးက ပြောသည်။
ဖွံ့ဖြိုးပြီး နိုင်ငံများ၏ ဂျီဒီပီတွင် စက်မှုကဏ္ဍမှ ၄၀ မှ ၅၀ ရာခိုင်နှုန်းအထိ ပါဝင်သော်လည်း မြန်မာနိုင်ငံ၏ ဂျီဒီပီတွင် စက်မှု ကဏ္ဍမှ ၂၆ ရာခိုင်နှုန်းသာ ရှိသည်ဟု ၀န်ကြီး ဦးစိုးသိန်းက ၎င်း၏ စာတမ်းတွင်ဖော်ပြ ထားသည်။
Ref: ဧရာဝတီ
Read More...
Collapse...
31 August 2011
စောခါးစူး
ကချင်ပြည်နယ်တွင် မြန်မာစစ်တပ်နှင့် ကချင်လွတ်မြောက်ရေးတပ်မတော်-KIA အကြား စစ်ပွဲများ ဖြစ်ပွားနေသည့်တိုင် တရုတ် ကုမ္ပဏီဘက်မှ မြစ်ဆုံရေကာတာ တည်ဆောက်ရေးကို အရှိန်မြှင့်လုပ်ဆောင်နေသည်ဟု ကချင်လူမှုဖွဲ့ဖြိုးရေး ကွန်ယက်အဖွဲ့ -KDNG ၏ ထုတ်ပြန်ချက်တွင် ဖေါ်ပြထားသည်။
တရုတ်နိုင်ငံ၏ အကြီးမားဆုံး ရေကာတာတည်ဆောက်ရေးအဖွဲ့ ဆိုင်နိုဟိုက်ဒရိုကော်ပိုရေးရှင်း (Sinohydro Corporation) ကုမ္ပ ဏီသည် တိုက်ပွဲများ စတင် ဖြစ်ပွားခဲ့သည့် ဇွန်လတွင် ရပ်ဆိုင်းထားခဲ့သော ၎င်းတို့၏ ဆောက်လုပ်ရေးလုပ်ငန်းများကို တလ ကျော် အကြာတွင် ပြန်ရောက်လာပြီး လုပ်သား ၇၀၀ကျော်ဖြင့် နေ့ရောညပါ အလုပ်လုပ်နေကြသည်ဟု အဆိုပါအဖွဲ့က ထောက်ပြထား သည်။
KDNG အဖွဲ့၏ ပြောခွင့်ရပုဂ္ဂိုလ် အားနန်က “ဒီတရုတ်ကုမ္ပဏီက ပထမအဆင့် ကန်ထရိုက်ရထားတယ်။ သူတို့ ဒီနှစ်အတွင်း ပထမ အဆင့် ပြီးအောင်လုပ်မယ်လို့ တရားဝင် ထုတ်ပြန်ထားတယ်။”ဟု ကေအိုင်စီကို ပြောသည်။
၂၀၀၄ခုနှစ်တွင် စတင် ဖွဲ့တည်ထောင်ခဲ့သည့် ကချင်လူမှုဖွံ့ဖြိုးရေးကွန်ယက်အဖွဲ့-KDNG သည် လူမှုရေးနှင့် ဖွံ့ဖြိုးရေးကိစ္စတို့ကို ဆောင်ရွက်လျက်ရှိသည့်အဖွဲ့ ဖြစ်သည်။
မေလအတွင်းက ထုတ်ဝေဖြန့်ဝေခဲ့သည့် “ခက်ခဲပြင်းထန်သော မြစ်ကြီးနားတိုက်ပွဲ”အမည်ရှိ ဆိုင်နိုဟိုက်ဒရိုကော်ပိုရေးရှင်း ကုမ္ပဏီ ၏ ဗွီဒီယိုမှတ်တမ်းခွေတွင် မြစ်ဆုံရေကာတာစီမံကိန်းနှင့် ပတ်သက်၍ နှောင့်နှေးကြန့်ကြာစေမည့် မည်သည့်အခက်အခဲ အနှောက် အယှက်မဆို ၎င်းတို့ ကျော်လွှားသွားမည်ဟု ဖော်ပြထားခဲ့သည်။
ထို့အပြင် ၎င်းတို့အနေဖြင့် ရေကာတာကို ဇူလိုင်လနှင့် ဩဂုတ်လအတွင်း တည်ဆောက်သွားမည်ဟုလည်း ထုတ်ပြန်ထားကြောင်း KDNG အဖွဲ့က ပြောသည်။
တရုတ်ကုမ္ပဏီ၏ ရေကာတာစီမံကိန်းအပေါ် KDNG က အရေးပေါ် သတင်းထုတ်ပြန်ချက် တစောင်လည်းထုတ်ပြန်ခဲ့ပြီး ထုတ်ပြန် ချက်အရ တရုတ်အလုပ်သမားများသည် အလုပ်ပြန်ဆင်းပြီးနောက် စီမံကိန်းနေရာများတွင် တောင်ကတုံးများ ဖြစ် သည်အထိ ခုတ် ထွင်ရှင်းလင်းခြင်း၊ မြောင်းများ တူးဖော်ခြင်းနှင့် တမံတုတ်ခြင်းများကို လုပ်ဆောင်နေသည်ဟု ဖော်ပြထားသည်။
မြန်မာအစိုးရအနေဖြင့် မြစ်ဆုံရေကာတာ တည်ဆောက်ရေးစီမံကိန်း ပြန်လည်သုံးသပ်ရန် ဒေါ်အောင်ဆန်းစုကြည်က ထုတ်ပြန် ချက်ထုတ်ကာ တောင်းဆိုထားသလို အစိုးရဘက်မှ ပြန်ကြားရေးဝန်ကြီး ဦးကျော်ဆန်းကလည်း ဧရာဝတီမြစ်ကို ကာကွယ် မည် ဖြစ် ကြောင်း၊ ယခုလဆန်းပိုင်း နေပြည်တော်၌ ပြုလုပ်သည့် သတင်းစာရှင်းလင်းပွဲတွင် ပြောဆိုခဲ့သည်။
စီမံကိန်း တည်ဆောက်ရေးနေရာကို KIA တပ်များ မတိုက်ခိုက်နိုင်ရန် မြန်မာအစိုးရက လုံခြုံရေး အပြည့်အ၀ ချထားပြီး လူဝင်လူ ထွက်ကိုလည်း တားမြစ်ထားသည်ဟု KDNG ၏ ပြောဆိုချက်အရ သိရသည်။
မြစ်ဆုံရေကာတာတည်ဆောက်ရေးတွင် လမ်းတံတားတည်ဆောက်ရေး၊ သံတမံတည်ဆောက်ရေးနှင့် ရေမြောင်းတူးဖော်ရေး အပါ အ၀င် ဆောက်လုပ်ရေး ၈ခုရှိပြီး ပထမအဆင့် တည်ဆောက်သည့် မြစ်ဆုံရေကာတာသည် မြစ်ကြီးနားမြို့၏ မြောက်ဘက် ကီလိုမီ တာ ၄၀ (၂၇မိုင်) တည်ရှိသည်ဟု KDNG က ပြောသည်။
မြစ်ဆုံရေကာတာ စီမံကိန်းကို ၂၀၀၅ခုနှစ်တွင် မြန်မာနှင့် တရုတ်အစိုးရတို့က သဘောတူညီမှုရရှိပြီး လျှပ်စစ်စွမ်းအားစုစုပေါင်း ၁၃,၃၆၀မဂ္ဂါဝပ် ထုတ်လုပ်မည် ဖြစ်သည်။ မြစ်ဆုံရေကာတာ စီမံကိန်းအတွက် တရုတ်နိုင်ငံက အမေရိကန် ဒေါ်လာဘီလျံ ၂၀ ရင်း နှီးမြှုပ်နှံမည်ဖြစ်ပြီး မြန်မာနိုင်ငံအဖို့ ရင်းနှီးမှု အကြီးမားဆုံး စီမံကိန်းတစ်ခုလည်း ဖြစ်သည်။
Ref: ကေအိုင်စီ
Read More...
Collapse...
31 August 2011
နန်းဖော့ဂေ
ကရင်ပြည်နယ်၊ ကော့ကရိတ်မြို့နယ် လောင်းကိုင်ကျေးရွာတွင် တစ်လကြာ သင်ကြားပို့ချခဲ့သည့် ကွန်ပြူတာသင်တန်းမှာ အကျိုးရှိသည်ဟု သြဂုတ်လ ၂၉ရက်နေ့တွင် ပြုလုပ်ခဲ့သည့် သင်တန်းဆင်းပွဲတွင် ပါဝင်တက်ရောက်ခဲ့သူ ကရင်လူငယ် သင် တန်းသားများက ပြောဆိုသည်။
ဖလုံပညာတိုးတက်ရေးယူနစ် (Plone Education Development Unit-PEDU) မှ ဦးစီးပံ့ပိုးခဲ့သည့် အဆိုပါသင်တန်းကို ဇူလိုင် လ ၃၁ရက်နေ့မှ သြဂုတ်လ ၂၉ရက်နေ့အထိ ပြုလုပ်ခဲ့ခြင်းဖြစ်ပြီး ရဟန်းသံဃာ အပါအ၀င် လူထုပရိဿတ် ၃၀၀ကျော် တက် ရောက်ခဲ့ကြသည်ဟု သိရသည်။
သင်တန်းတက်ရောက်ခဲ့သူ လောင်းကိုင်ရွာခံတစ်ဦးက “ကျနော်တို့ လောင်းကိုင်ရွာမှာ ဒီလို ကွန်ပြူတာသင်တန်း တခါမှမလုပ် ဖူးဘူး။ ကွန်ပြူတာကို မြင်တောင်မမြင်ဖူးဘူး။ အခုလို PEDU အဖွဲ့က ဦးစီးပြီး လုပ်ပေးတာ ကျနော်တို့ရွာခံအနေနဲ့ အတော်ပဲ ၀မ်းသာမဆုံး ဖြစ်ရပါတယ်။”ဟု ပြောသည်။
သင်တန်းတွင် ကော့ကရိတ်မြို့နယ်ရှိ လောင်းကိုင်၊ သမိန့်ဒို၊ ၀ိဇ္ဖာကုန်းနှင့် အခြားရွာတရွာတို့မှ ကရင်လူငယ်မောင်မယ် ၇၀ဦး သင်ယူခဲ့ကြပြီး PEDU အဖွဲ့မှ ကရင်လူငယ် ၇ဦးက ဆရာအဖြစ် သင်ကြားပို့ချပေးခဲ့ခြင်း ဖြစ်သည်။
ကွန်ပြူတာသင်တန်းဆရာ စ’စံသာကလည်း “ဒီကွန်ပြူတာ သင်တန်းဟာ သင်တန်းကာလ ၁လဆိုပေမယ့် မြို့တွေမှာလို သင် ကြားမယ်ဆိုရင် ၁နှစ်စာလောက် ရှိတယ်။ ဒီသင်တန်းတစ်လဟာ သင်တန်းသူ သင်တန်းသားတွေအတွက် ဘ၀ အာမခံချက် ပေးနိုင်ပါတယ်။ သင်တန်းသားတွေသာ မိမိတို့ပညာရပ်ကို အသုံးချတတ်ဖို့ပဲ လိုတော့တယ်။”ဟု မှာကြားပြောဆိုခဲ့သည်။
ကွန်ပြူတာ ၂၃လုံးဖြင့် သင်ကြားခဲ့သည့် ၎င်းသင်တန်းတွင် အခြေခံ စာစီစာရိုက်၊ Power point, Pagemaker, Photoshop, Video editing, Hardware, MP3-VCD-DVD ပြုလုပ်နည်းများကို သင်ကြားပေးသွားခဲ့ပြီး သင်တန်းသားများအနေဖြင့် ပညာ တော်သင် သွားရောက်ရာတွင် အကျိုးရှိနိုင်ကြောင်းလည်း သင်တန်းဆရာများက ပြောဆိုသည်။
သင်တန်းသူ နော်အဲဖောကလည်း ကွန်ပြူတာသင်တန်းတက်ရတာ အားရကျေနပ်မိကြောင်း၊ စိတ်ရှည်စွာ စေတနာထား သင် ကြားပေးသည့် ဆရာများနှင့် သင်တန်းဖြစ်မြောက်ရေး ကော်မတီကိုလည်း အထူး ကျေးဇူးတင်ကြောင်းနှင့် အလားတူ သင် တန်းမျိုး ဆက်လက် လုပ်ဆောင်သွားစေလိုကြောင်း ကေအိုင်စီကို ပြောဆိုသည်။
PEDU အဖွဲ့ကို ၂၀၀၃ခုနှစ်ခန့်က တောင်ကလေး ဆရာတော် ဦးပညာသာမိနှင့် ကရင်လူငယ်များ ပါဝင်ဖွဲ့စည်းထားခြင်းဖြစ်ပြီး ကရင်ကျေးရွာများတွင် အင်္ဂလိပ်စာသင်တန်းများနှင့် ကွန်ပြူတာသင်တန်းများကို လိုက်လံဆောင်ရွက်ပေးလျှက်ရှိသည်။
လာမည့် စက်တင်ဘာလ ၄ရက်နေ့တွင်လည်း နိုင်ငံတကာ အဆင့်မီ အင်္ဂလိပ်စာသင်တန်းကို ၃လကြာ သင်ကြားပို့ချသွားမည် ဟုလည်း သိရသည်။
Ref: ကေအိုင်စီ
Read More...
Collapse...
31 August 2011
ကရင်ပြည်နယ်၊ လှိုင်းဘွဲမြို့အရှေ့ဘက်ရှိ သစ်သားတံတားတစ်စင်းမှာ သြဂုတ်လ ၂၉ရက်နေ့က ကျောက်တင်ကားတစ်စီး ဖြတ်သွားကာ ကျိုးကျသွားပြီး ကားပေါ်ပါလာသူများအနက် အမျိုးသမီးတစ်ဦး ကျောက်တုံးပိကာ သေဆုံးသွားကြောင်း သိရှိရသည်။
ထိုတံတားပေါ် ဖြတ်သန်းသွားသည့် ကျောက်တင်ကားပေါ်တွင် ကားမောင်းသူနှင့်အတူ လမ်းကြုံခရီးသည် ဇနီးမောင်နှံနှစ်ဦး ပါလာပြီး တံတားကျိုးသည့်အခါ ၎င်းတို့မှာ ကားနှင့်အတူ ချောင်းထဲကျသွားရာမှ အမျိုးသမီးမှာ ကျောက်တုံးပိကာ သေဆုံးခြင်း ဖြစ်သည်ဟု မျက်မြင်တစ်ဦးက ပြောသည်။
“ကားက တံတားပေါ်ကိုတက်တော့ ၅ချိုး ၁ချိုးလောက်မှာ တံတားက ကျိုးပြတ်သွားပြီး ကားနဲ့ လိုက်ပါလာတဲ့လူ ၃ယောက် လည်း ချောင်းထဲကို ကျသွားတယ်။ နောက်မှ ကားမောင်းသမားနဲ့ ဟို လိုက်လာတဲ့ဦးတယောက်က အပေါ် ပြန်တက်လာပြီး အဲဒီဦးကြီးရဲ့ မိန်းမကတော့ ကျောက်ဖိမိလို့ ပွဲချင်းပြီး သေဆုံးသွားတယ်။”ဟု ပြောသည်။
အဆိုပါ ဇနီးမောင်နှံမှာ လှိုင်းဘွဲမြို့သို့ ဈေးဝယ်သွားရန် ကျောက်တင်ကားကို လမ်းကြုံလိုက်စီးလာခြင်း ဖြစ်ကြောင်း ဒေသခံ များက ခန့်မှန်းပြောဆိုကြသည်။
လှိုင်းဘွဲမြို့နှင့် ပိုင်ကျုံမြို့နယ်ခွဲသို့ သွားရာလမ်းရှိ ကမော့ကချူးရွာ မရောက်ခင်နေရာတွင် တည်ရှိသည့် အဆိုပါတံတားမှာ အရှည်ပေ ၁၀၀ရှိပြီး ဆောက်လုပ်ထားသည်မှာ အတော်ကြာမြင့်နေပြီဖြစ်ကြောင်း ဒေသခံများ၏ ပြောပြချက်အရ သိရသည်။
Ref: ကေအိုင်စီ
Read More...
Collapse...
8/31/2011
ပြည်သူ့လွှတ်တော်တွင် ယမန်နေ့က အမျိုးသား ဒီမိုကရေစီ ပါတီမှ ဥက္ကဌ ဦးသိန်းညွှန့် တင်သွင်း ခဲ့သော နိုင်ငံတော် အရေး ပေါ် စီမံချက် အက်ဥပဒေ ၅ (ည) ဖျက်သိမ်းရေး အဆိုကို မဲခွဲဆုံး ဖြတ်ရာ RNDP ခေါ် ရခိုင်တိုင်းရင်းသားများ တိုးတက်ရေး ပါတီက ထောက်ခံမဲ မပေးဘဲ ကြားနေခဲ့ကြောင်း သတင်း ရရှိသည်။
အဆိုပါ အဆိုအား နောက်ဆုံး မဲခွဲဆုံးဖြတ်ရာတွင် ထောက်ခံမဲ ၈ မဲ ၊ ကြားနေ ၄၁ မဲ ကန့်ကွက်မဲ ၃၃၆ မဲ နဲ့ ရှုံးနိမ့် သွားခြင်း ဖြစ်ကြောင်း မြေပုံမြို့နယ် ပြည်သူ့ လွှတ်တော် အမတ် ဦးဖေသန်းက ပြောသည်။
" ကျွန်တော်တို့ပါတီက ပြည်သူ့လွှတ် တော် အမတ်တွေ အကုန်လုံး ကြား နေလိုက်ပါတယ်။ ထောက်ခံချက် ပေးဖို့ ကတော့ နည်းနည်း ဗြောင်မဲပေး စနစ် ဆိုတော့ နည်းနည်းလေး အဆင်မပြေ ဖြစ်သွားတဲ့ သဘောပါ" ဟု သူက ပြော သည်။
သို့သော်လည်း ဦးသိန်းညွန့်၏ အဆိုကို ကျောက်ဖြူမြို့နယ် ပြည်သူ့လွှတ်တော် အမတ် ဦးဘရှင် ထောက်ခံ ဆွေးနွေး ခဲ့ကြောင်း ဦးဖေသန်းက ပြောသည်။
" ဦးဘရှင်က ၅ (ည) ဆိုတာ ခေတ်နဲ့ မညီတဲ့ အကြောင်း၊ နိူင်ငံရေး သမားတွေကို နှိပ်ကွက်တဲ့ ဥပဒေ ဖြစ်တဲ့ အကြောင်း၊ ကျွန်တော်တို့ တိုင်းပြည်မှာ ဒီ ပုဒ်မဟာ နှစ်ပေါင်းများစွာ တည်ရှိနေတဲ့ အတွက် အကျိုးမရှိတဲ့ အကြောင်းတွေကို တင်ပြ သွားခဲ့ပါတယ်။"
သို့သော်လည်း ဦးဘရှင်မှာ မဲခွဲဆုံးဖြတ်ရာတွင် တခြား ရခိုင်အမတ်များ နည်းတူ ထောက်ခံမဲ မပေးဘဲ ကြားနေခဲ့သည်ဟု သိ ရသည်။
" သူက ထောက်ခံ ဆွေးနွေးပြီး မဲခွဲတဲ့ အခါ ထောက်ခံမဲ မပေးတာက ဘာကြောင့်လည်းဆိုတာတော့ ကျွန်တော်က အတိအကျ မသိပါဘူး။ လျို့ဝှက်စနစ်နဲ့ မဲပေးရင်တော့ ထောက်ခံမူ ဒီထက် ရရှိနိုင်ပါတယ်" ဟု သူက ပြောသည်။
အမျိုးသား ဒီမိုကရေစီ ပါတီ ဥက္ကဌ ဦးသိန်းညွန့်မှ အဆိုပါ ဥပဒေကို ဖျက်သိမ်းရန် အဓိက တင်ပြရသော အကြောင်းရင်းမှာ ၎င်းဥပဒေကကို စပြီး ပြဌာန်းရသော အချိန်တွင် ကွန်မြူနစ် ဝါဒက ကမ္ဘာမှာ ကြီးစိုးနေသကဲ့သို့ မြန်မာနိုင်ငံတွင် လည်း မြေပေါ် မြေအောက် လက်နက်ကိုင် သူပုန်တွေများ၏ အန္တရာယ် ရှိခဲ့သောကြောင့် ၁၉၄၉ ခုနှစ် လောက်က အဆိုပါ ဥပဒေကို ပြဌာန်း ခဲ့ခြင်း ဖြစ်ကြောင်း ပြောဆိုသည်။
ထိုအချိန်က တိုင်းပြည်၏ လုံခြုံရေးအတွက် လိုအပ်ခဲ့သော်လည်း အဆိုပါ ဥပဒေမှာ ယခု အချိန်တွင် မရှိသင့် တော့ကြောင်း၊ အဆိုပါ ဥပဒေမှာ အလွန်ကျယ်ပြန့်စွာ ဆွဲယူ အသုံးပြုထားသည့် အတွက် ခေတ်နှင့် မလျော်ညီတော့ သဖြင့် အဆိုပါ ဥပဒေကို ရုတ်သိမ်းရန် အဆို တင်သွင်းခဲ့ရခြင်း ဖြစ်ကြောင်း သိရသည်။
အခုအခါ အဆိုပါ ဥပဒေမှာ ဒီမိုကရေစီ ဘက်တော်သားများကို ဖိနှိပ်ရန် အတွက် နိုင်ငံတော် လုံခြုံရေး အကြောင်း ပြချက်ဖြင့် အရေးပေါ် စီမံချက် အက်ဥပဒေ အဖြစ် ကျင့်သုံး နေခြင်း ဖြစ်ကြောင်း ဦးသိန်းညွန့်က လွှတ်တော်တွင် ထောက်ပြ ပြောဆို ခဲ့ကြောင်း သိရသည်။
Ref: နိရဉ္စရာ
Read More...
Collapse...
9/1/2011
ယမန်နေ့က ကျင်းပသော ပြည်သူ့ လွှတ်တော်တွင် RNDP ပါတီ မင်းပြားမြို့နယ် ပြည်သူ့ လွှတ်တော် အမတ် ဦးအောင် စိန်သာက နွားစားကျက်မြေများကို သိမ်းပြီး လယ်မြေနှင့် ပုဇွန်ကန် ဖေါ်ထုတ်နေမူ အရေး ကိစ္စကို တင်ပြဆွေးနွေးခဲ့သည်ဟု သတင်း ရရှိသည်။
မြေပုံမြို့နယ် ပြည်သူ့လွှတ်တော် အမတ် ဦးဖေသန်းက ဦးအောင်စိန်သာ၏ မေးမြန်းချက်နှင့် ပတ်သက်ပြီး ယခုလို ပြောသည်။
" ဦးအောင်စိန်သာက စိုက်ပျိုးရေး ကဏ္ဍမှာ ကျွဲနွားတွေ စားကျက်မြေတွေ တောင်သူ လယ်သမားတွေ အတွက် အရေးကြီးတယ်။ အခု အဲဒီ စားကျက်မြေတွေကို မြန်မာနိုင်ငံ တ၀န်းလုံးမှာ စီးပွားရေး သမားတွေက ဒေသခံဆိုင်ရာ အာဏာပိုင်တွေနဲ့ ပူးပေါင်းပြီး လယ်ယာမြေတွေ၊ ပုဇွန် မွေးမြူရေး ကန်တွေ ဖေါ်ထုတ်နေကြတယ်။ ဒါကို နိုင်ငံတော် အနေနဲ့ သိပါသလား။ အဲသလို လုပ်နေ တာကို ဘယ်လို အရေးယူ ဆောင်ရွက်ပေးမလဲဆိုတာကို မေးမြန်းခဲ့ပါတယ်" ဟု ပြောသည်။
၎င်းပြင် ဦးအောင်စိန်သာက ရခိုင်ပြည်နယ် အတွင်းရှိ စားကျက်မြေ ဧရိယာနှင့် လက်ရှိ စားကျက်မြေများကို သိမ်းယူပြီး လယ်မြေ ဖေါ်ထုတ်မူနှင့် ပုဇွန်ကန် ဖေါ်ထုတ်နေမူ ဧရိယာများကို သိလိုကြောင်း မေးမြန်းခဲ့သည်ဟု သိရသည်။
ဦးအောင်စိန်သာ၏ မေးမြန်းတင်ပြမူ အပေါ် လယ်ယာစိုက်ပျိုးရေးနှင့် ဆည်မြောင်းဝန်ကြီး ဦးမြင့်လိူင်မှ ယခုလို ပြန်လည် ဖြေကြားခဲ့သည်ဟု သူက ပြောသည်။
" ၀န်ကြီး ဦးမြင့်လိူင်က သူတို့အနေနဲ့ သိထားပါတယ်လို့ ပြောပါတယ်။ နောင် တချိန်ချိန်မှာ ဒီကိစ္စ အပေါ် အသေအချာ စိစစ်ပြီး အရေးယူဆောင်ရွက်ပေးသွားမယ်လို့ ပြောဆိုသွားပါတယ်" ဟု ပြောသည်။
အဆိုပါ ဦးအောင်စိန်သာ၏ မေးခွန်းအပေါ် ပြည်ထဲရေးဝန်ကြီး ဦးကိုကိုမှ ဖြေကြားရမည် ဖြစ်သော်လည်း ပြည်ထဲရေး ၀န်ကြီး မရောက်သဖြင့် ဦးမြင့်လိူင်မှ သူ့ကိုယ်စား ဖြေကြားသွားခြင်း ဖြစ်ကြောင်း ဦးဖေသန်းက ဆက်ပြောသည်။
" စားကျက်မြေက ပြည်ထဲရေး ၀န်ကြီးဌာန လက်အောက်မှာ ရှိတာ ဖြစ်ပါတယ်။ ဒါပေမယ့် ပြည်ထဲရေး ၀န်ကြီး ဦးကိုကို မရောက်တော့ ဦးမြင့်လိူင်က ကိုယ်စား ဖြေကြားသွားတာ ဖြစ်ပါတယ်။"
ရခိုင်ပြည်နယ်တွင် နွားစားကျက်မြေ အများအပြားကို သိမ်းယူထားသည်မှာ စစ်တပ် တပ်ရင်းများ ဖြစ်ပြီး စစ်တပ်မှ သိမ်းယူ ထားသော စားကျက်မြေများကို စစ်တပ်ပိုင် လယ်မြေ အဖြစ် ဖေါ်ထုတ်ကာ အများအပြားကို ရခိုင်လယ်သမားများကို သီးစား
ချ ထားပြီး ကျန်မြေများကို ဒေသခံ စီးပွားရေး သမားများသို့ ရောင်းချထားကြောင်း သိရသည်။
အများစု စားကျက်မြေများမှာ ရွာသားများ ဘုံပိုင်ဆိုင်သော မြေဖြစ်ပြီး မြေစာရင်းဌာနတွင် ပိုင်ဆိုင်မူ စာရင်း ဖေါက်ထား၍ မရှိသဖြင့် စစ်တပ်က အလွယ်တကူ သိမ်းယူကာ လယ်မြေများ၊ ပုဇွန်ကန်များ ဖေါ်ထုတ်ထားကြောင်း သိရသည်။
Ref: နိရဉ္စရာ
Read More...
Collapse...
2011-08-30
အသက် ၁၅ နှစ် အရွယ် ကလေးတဦး စစ်သားအဖြစ် စုဆောင်းခံရတဲ့ အတွက် မိဘများက ILO နိုင်ငံတကာ အလုပ်သမား အဖွဲ့ချုပ် အကူအညီနဲ့ ပြန်လည်ခေါ်ယူဖို့  ကြိုးပမ်း နေတယ်လို့ သိရပါတယ်။
ကလေးစစ်သား အဖြစ် စုဆောင်းခံ ရသူကတော့ ရန်ကုန်တိုင်း ဒေသကြီး တွံတေးမြို့နယ် ကွမ်းခြံကုန်း ရပ်ကွက် ကံသာယာ ၁၆ လမ်းက မောင်ကိုသက် ဖြစ်ပါတယ်။ သူ့ကို ပြီးခဲ့တဲ့ ဇွန်လ ၂၁ ရက်နေ့မှာ တပ်ကြပ် တဦးက ဖြားယောင်း ခေါ်ဆောင်ပြီး အမှတ် ၂ စစ်သား စုဆောင်းရေးတပ် မန္တလေးကို ပို့ခဲ့တယ်လို့ ဖခင် ဦးဘိုကေသန်းက ပြောပါတယ်။
သားအကြောင်း လိုက်လံ စုံစမ်းတဲ့အခါ ခေါ်သွားတဲ့ တပ်ကြပ်က မိဘတွေကို ခြိမ်းခြောက်တယ်လို့ သိရပါတယ်။
ကလေးစစ်သားအဖြစ် စုဆောင်းခံရပြီး မကြာခင်မှာ မောင်ကိုသက်ဟာ မန္တလေး အမှတ် ၂ စစ်သား စုဆောင်းရေး တပ်မှာ စစ်မှုထမ်းဖို့ ရောက်လာကြောင်း အမှတ် ၉ တပ်ရင်းက စာတစောင် ပို့လိုက်တယ်လို့ ပြောပါတယ်။
နိုင်ငံတကာ အလုပ်သမားအဖွဲ့ချုပ် ILO ရဲ့အကူအညီနဲ့ ဆက်သွယ် စုံစမ်းနေပေမယ့် အခုထိတော့ ထူးခြားမှု မရှိသေးဘူးလို့ ဖခင် ဦးဘိုကေသန်းက ပြောပါတယ်။
Ref: အာရ်အဖ်အေ
Read More...
Collapse...
2011-08-30
ဒီကနေ့ မနက်ပိုင်းက ဒေါ်အောင်ဆန်းစုကြည် ရင်ဆိုင်နေရတဲ့ အိမ်မြေပိုင်ဆိုင်တဲ့ အမှုနဲ့ ဆက်နွယ်နေတဲ့ အိမ်ပြင်ဆင်တာနဲ့ ပတ်သက်ပြီး ဦးအောင်ဆန်းဦး ဘက်က အထွေထွေ အယူခံတဲ့ အမှုအတွက် နှစ်ဘက် ရှေ့နေတွေ ရန်ကုန်တိုင်း ဒေသကြီး လွှတ်တော်တရားရုံးမှာ လျှောက်လဲချက် ပေးတယ်လို့ သိရပါတယ်။
ဒီအမှုဟာ ၂၀၀၉ခုနှစ်က ဒေါ်အောင်ဆန်းစုကြည် နေထိုင်လျက် ရှိတဲ့အိမ်၊ နာဂစ် မုန်တိုင်းကြောင့် ပျက်စီး ယိုယွင်း နေတာ တွေကို ရန်ကုန် စည်ပင်သာယာရဲ့ ပြင်ဆင် ခွင့်ပြုချက်အရ ပြင်နေတာကို ဦးအောင်ဆန်းဦးက တရားရုံးကို လျှောက်ထား တားဆီး ခဲ့ပါတယ်။
ဒါပေမယ့် တရားရုံးက ဒီလျှောက်ထား ချက်ကို ၂၀၁၀ ခုနှစ် ဦးပိုင်းက ပယ်ချလိုက် တာကြောင့် ဦးအောင်ဆန်းဦး ဘက်က အထွေထွေ အယူခံ ပြန်တင် ခဲ့ပါတယ်။
ဒီအမှုကို နှစ်ဘက် ရှေ့နေတွေ လျှောက်လဲချက် ပေးဖို့ ရန်ကုန်တိုင်း ဒေသကြီး လွှတ်တော် တရားရုံးက ဒီကနေ့ခေါ်ယူခဲ့တာပါ။
ဒီကနေ့ လျှောက်လဲချက် ပေးတာနဲ့ ပတ်သက်ပြီး ဒေါ်အောင်ဆန်းစုကြည် ဘက်က လျှောက်လဲချက် ပေးခဲ့တဲ့ ရှေ့နေ ဦးဥာဏ်ဝင်းက ပြောပြ ပါတယ်။
“ဒေါ်အောင်ဆန်းစုကြည်က အိမ်ပြင်တယ် ဆိုတာက သူ့ရဲ့ လုံခြုံရေးရော အိမ်ရဲ့ ကြံ့ခိုင်မှုရော အတော်ညံ့ နေလို့ ပြင်တာ။ ဘာမှ ထိခိုက်အောင် လုပ်တာ မဟုတ်ဘူး။ ကောင်းအောင် လုပ်တာ။ အဲဒါကို ကန့်ကွက် နေတာ။ သူတို့ကတော့ ဒီအိမ်ပြင်တာ အပြင် ခြံတခုလုံးဟာ သူတို့နဲ့ ဆိုင်တဲ့ အတွက် သူတို့ ထိခိုက်တယ်။ ဘယ်ဟာမှ မလုပ်ရအောင် တာပေးပါ ဆိုပြီးတော့ ဒီလိုကို ပြောပါတယ်”
ဦးအောင်ဆန်းဦး ဘက်က ရှေ့နေ ဦးအေးလွင် လျှောက်လဲချက် ပေးတယ်လို့ ဆိုပါတယ်။ လတ်တလော ဒေါ်အောင်ဆန်း စုကြည် နဲ့ ဦးအောင်ဆန်းဦး ရင်ဆိုင်နေတဲ့ အမှု သုံးမှုရှိတယ်လို့ ဦးဥာဏ်ဝင်းက ပြောပါတယ်။
“ ဦးအောင်ဆန်းဦးနဲ့ မူလအမှုကတော့ ရန်ကုန်တိုင်း တရားရုံးပေါ့ အခုတော့ ရန်ကုန်တိုင်း မခေါ်တော့ဘူး။ ခရိုင်ရုံး ရောက်သွား တာ ပေါ့နော်။ အဲဒီမှာ ကျနော်တို့ ကြားနာ နေရတယ်။ အဲဒါက အမွေမှု။ အဲဒါနဲ့ ဆက်နွယ်တာက ဒီကနေ့အမှု နောက်တခုက အဲဒါနဲ့ ဆက်နွယ် ပြီးတော့ပဲ တရားရုံး မဆုံးဖြတ်ရသေး တာကို ပြောတဲ့အမှု သုံးမှု ရှိပါတယ်”
ဒီကနေ့ လျှောက်လဲချက် ပေးခဲ့တဲ့ အမှုအပြင် အမှုသုံးခုလုံး မပြီးပြတ် သေးဘဲ တရားရုံးမှာ ရင်ဆိုင် နေဆဲ ဖြစ်တယ်လို့ သိရ ပါတယ်။
Ref: အာရ်အဖ်အေ
Read More...
Collapse...
2011-08-30
မြန်မာကွန်ပြူတာ ပညာရှင်တဦးရဲ့ တီထွင်ဖန်တီးမှုနဲ့ အင်တာနက် Gtalk ကတဆင့် ပါဠိ- မြန်မာ- အင်္ဂလိပ် အဘိဓာန် အလွယ်တကူ ကြည့်နိုင်ပြီလို့ သိရပါတယ်။
pali2myn@gmail.com ကို သွားပြီး မိမိရှာဖွေလိုတဲ့ ပါဠိ စကားလုံးပဲ ဖြစ်ဖြစ်၊ မြန်မာ၊ အင်္ဂလိပ် စကားလုံးပဲ ဖြစ်ဖြစ် ရိုက်ထည့် လိုက်မယ်ဆိုရင် အလိုအလျောက် အဓိပ္ပါယ် ပြန်ဆိုပေးတယ်လို့ သိရပါတယ်။
ဖန်တီးသူ ပညာရှင်က အိုင်တီ ဦးမောင်မောင် ဖြစ်ပါတယ်။ အခုလို ဘာသာစကား (၃)မျိုးနဲ့ အဘိဓာန်ကို အင်တာနက်က တဆင့် အလွယ်တကူ ကြည့်ရှု နိုင်တဲ့အတွက် တန်ဖိုးရှိတဲ့ ၀န်ဆောင်မှု တခု ဖြစ်ကြောင်း ပြည်ပအခြေစိုက် မိုးမခ သတင်းမီဒီယာ တာဝန်ခံ အယ်ဒီတာ ကိုမောင်ရစ်က ပြောပါတယ်။
ပါဠိ-မြန်မာ-အင်္ဂလိပ် အဘိဓာန်ကို မြန်မာနိုင်ငံမှာ အများသုံးနိုင်တဲ့ Gtalk ကနေ အလွယ်တကူ ကြည့်ရှု နိုင်တဲ့အတွက် အသုံး ပြုသူတွေကလည်း အတော် အဆင်ပြေကြတယ် လို့ဆိုပါတယ်။
ပြည်တွင်းမှာ အင်တာနက်ကို လွတ်လွတ် လပ်လပ် သုံးစွဲခွင့် ရှိမယ်ဆိုရင် နည်းပညာ အခြေခံပြီး မြန်မာစာပေ ဒီထက်ပိုပြီး တိုး တက် ထွန်းကားအောင် ဆောင်ရွက်နိုင်မှာ ဖြစ်တယ်လို့ ကိုမောင်ရစ်က ပြောပါတယ်။
ပြည်တွင်းမှာ ကွန်ပျူတာ ဆော့ဖ်ဝဲလ်တွေ ထုတ်လုပ်တဲ့ Mandalay Alpha ကုမ္ပဏီက အဘိဓာန်နဲ့ ပတ်သက်လို့ ထုတ်ထားတဲ့ အချက်အလက်တွေကို အခြေခံပြီး ပညာရှင် အိုင်တီ ဦးမောင်မောင်က တီထွင် ဖန်တီးခဲ့တာ ဖြစ်တယ်လို့ သိရပါတယ်။
Ref: အာရ်အဖ်အေ
Read More...
Collapse...
2011-08-30
UWSA ၀ ပြည် သွေးစည်းညီညွတ်ရေး အဖွဲ့ကို ပြည်နယ်အလိုက် ငြိမ်းချမ်းရေး စကားပြောဖို့ အစိုးရရဲ့ ၀ ကိုယ်ပိုင် အုပ်ချုပ်ရေး တိုင်း ဦးစီးကော်မတီက ကမ်းလှမ်းတာကို UWSA အဖွဲ့က ဘာအကြောင်း ပြန်ကြား ချက်မှ မပေးဘူးလို့ RFA ကို ပြောပါတယ်။
ပြီးခဲ့တဲ့ အပတ်တွေ အတွင်း ပြည်ထောင်စု လွှတ်တော်မှာ ငြိမ်းချမ်းရေး ကော်မတီ တရပ် ဖွဲ့စည်းလိုက်ပြီးတဲ့ နောက် ပြည်နယ် အလိုက် ငြိမ်းချမ်းရေး စကားပြောဖို့ ၀ ကုိုယ်ပိုင် အုပ်ချုပ်ရေး တိုင်းဦးစီး ကော်မတီ ဥက္ကဌ ဦးထွန်းလူက UWSA ကို တယ်လီဖုန်း နဲ့ ဆက်သွယ် အကြောင်းကြားတယ်လို့ UWSA နိုင်ငံခြားရေး ဌာန အရာရှိ တဦးက ပြောပါတယ်။
“၂၀ ရက်နေ့က သူ ကျနော့်ဆီ ဖုန်းဆက်လာတယ်။ သူက ဟိုပန်မှာ ကျတော်က မိုင်းမောက် ဆိုတော့ နီးတယ်လေ။ သူ့ဆီမှာ ပြည်နယ် ငြိမ်းချမ်းရေး ကော်မတီ ဖွဲ့စည်းတဲ့ စာရောက် လာတယ်လို့ ပြောတယ်။ ငြိမ်းချမ်းရေး လိုလားတယ် ဆိုရင် ဆွေးနွေးမယ် ဆိုရင် သူတို့ဆီကနေ လာဆက်သွယ် ဆွေနွေး တင်ပြလို့ ရပါတယ်လို့ ပြောတယ်။ ကျနော်က အထက်ကို တင်ပြမယ်လို့ ပြော လိုက် တယ်။ အထက်ကလည်း ဒီကနေ့ထိ ဘာမှ အကြောင်း မပြန်သေးဘူးပေါ့”
အလားတူ RFA က UWSA ပြောခွင့်ရ ဦးအောင်မြင့်ကို ဆက်သွယ် မေးမြန်းတဲ့အခါ ဒီကိစ္စကို လတ်တလော ဗဟိုကော်မတီမှာ ဆွေးနွေ ဆုံးဖြတ်တာ မကြားသိရဘူးလိ်ု့ ဖြေပါတယ်။ UWSA ကို ဆက်သွယ်လာတဲ့ ဦးထွန်းလူဟာ UWSA ကို တယ်လီဖုန်းနဲ့ ဆက်သွယ် ခြင်းသာဖြစ်ပြီး တရားဝင် အကြောင်းကြားစာ ပို့တာမျိုး မဟုတ်ဘူးလို့ ပြောပါတယ်။
ဦးထွန်းလူဟာ ၀ အမျိုးသားတဦး ဖြစ်ပြီး အစိုးရက ၀ ကိုယ်ပိုင် အုပ်ချုပ်ရေးတိုင်း ဦးစီး ကော်မတီ ဥက္ကဌတာဝန် ပေးအပ် ခံရသူ ဖြစ်ပါတယ်။
၂၀၀၈ ဖွဲ့စည်းပုံ အခြေခံ ဥပဒေအရ ၀ အပါအ၀င် ကိုယ်ပိုင် အုပ်ချုပ်ခွင့်ရ တိုင်း ၈တိုင်း ပေးထားပေမယ့် UWSA က ကိုယ်ပိုင် အုပ်ချုပ်ခွင့်ရ ၀ ပြည်နယ် တောင်းဆိုထားတာ ဖြစ်သလို နယ်ကြားစောင့်တပ် ဖွဲ့စည်းရေး ကိုလည်း လက်မခံဘဲ ငြင်းဆန် ထား တာ ဖြစ်ပါတယ်။
လတ်တလော အနေနဲ့ ၀ ပြည်နယ်အတွင်း အစိုးရတပ်များနဲ့ UWSA တပ်များ တိုက်ပွဲများ ဖြစ်ပွားတယ်လို့ မကြားရဘဲ တဘက်နဲ့ တဘက် သတိထား စောင့်ကြည့် နေတယ်လို့ သိရပါတယ်။
Ref: အာရ်အဖ်အေ
Read More...
Collapse...
Posts
BBC News
VOA News
DVB News
RFA News
မဇ္ဈိမ
ဧရာဝတီ
နေ့သစ်
သျှမ်းသံတော်ဆင့်
ကရင်သတင်းစဉ်
ကောင်းဝါ
ကချင်သတင်းစဉ်
ယနေ့မြန်မာ
ကန္တာရဝတီ တိုင်းမ်
ငုရင်ပြင်
ရိုးမ (၃)
မိုးမခ
ဟစ်တိုင်
ဟံသာဝတီ
နိရဉ္စရာ
ခေတ်လူငယ်
မြို့တော်ပုသိမ်သတင်းစဉ်
မြန်မာသတင်းရပ်ဝန်း
ရိုးရာလေး
Mandalay Gazette
People Media Voice
KIC News
BNI News
Burma Daily
Burma Digest
Burma Net
Kaladan
Network Media Group Rebound 88