Saturday, February 6, 2010

နောက်အစိုးရကို နအဖက ဘာအမွေတွေပေးခဲ့မလဲ

ဖိုးသံချောင်း
၅/ ဖေဖော်ဝါရီ ၂၀၁၀

စစ်အစိုးရများလည်း သင်္ခါရတရားကို မလွန်ဆန်နိုင်ကြပါဘူး။ ဒင်းတို့တတွေ အာဏာ လက်လွှတ်ရတဲ့ အဖြစ်ကို မရောက်မီမှာဘဲ အပြောင်း အလဲတွေကို ဒင်းတို့ ဖြတ်သန်း ရတတ်ပါတယ်။ ပြည်သူလူထုရဲ့ တွန်းလှန်မှု၊ ဖိအား၊ နိုင်ငံတကာဖိအား စတာတွေကြောင့် ဒင်းတို့အနေနဲ့ လက်ရှိ တည်ရှိနေတဲ့ ပုံစံနဲ့ ဆက်မသွားနိုင်တော့တဲ့ အခါမှာ ဒင်းတို့ဟာ အသွင်ပြောင်းရတာ၊ အမွေ လွှဲရတာတွေ လုပ်ရပါတယ်။ နအဖရဲ့ လာမယ့် ရွေးကောက်ပွဲဟာလည်း အဲဒီလိုပဲ သူတို့အနေနဲ့ ၈၈ ခုနှစ် အာဏာ သိမ်းတုန်းက ပုံစံအတိုင်း၊ နဝတ အစိုးရလွှဲထားခဲ့တဲ့ ပုံစံအတိုင်း ဆက်သွားနေလို့ မဖြစ်လို့ အရေခွံ လဲတာတမျိုး ဖြစ်တယ်ဆိုရင် မမှားပါဘူး။

အခုအခါမှာ နအဖရဲ့ ရွေးကောက်ပွဲ ဘယ်မှာမှန်း အတိအကျ ဘယ်သူမှ မသိရသေးပေမယ့် နအဖဟာ ကောင်းတဲ့ နိုင်ငံပိုင် စီးပွားရေး လုပ်ငန်းတွေကို စစ်တပ်ပိုင် ပြုလုပ်ပြီး နောက်အစိုးရ အတွက် အညံ့အဖျင်းတွေကို ချန်ထားတာ၊ နိုင်ငံပိုင် လုပ်ငန်းတွေကို သူတို့ ဆွေမျိုး အသိုင်းအဝိုင်းတွေနဲ့ နီးစပ်သူတွေပိုင်တဲ့ ကုမ္ပဏီတွေကို ရောင်းချပေးတာ စတဲ့ “လက်လွှဲခြင်း” များ စလုပ်နေတာကို တွေ့နေကြရပါပြီ။ နောက်ပြီး ဝန်ကြီးဌာနတွေ အတွင်း၊ တပ်တွေ အတွင်းမှာလည်း လူအပြောင်းအလဲ၊ အရွှေ့ အပြောင်းတွေ အများအပြား တွေ့နေရပါတယ်။ ပြောရရင် ဒီနေ့အထိ ရွေးကောက်ပွဲ လုပ်မယ့်ရက်နဲ့ ရွေးကောက်ပွဲကို မကြေညာ နိုင်သေးတာရဲ့ အဓိက အကြောင်းရင်း တခုက သူတို့အမွေကို ဆက်ခံမယ့်သူတွေ ရွေးချယ်နေရ၊ လက်လွှဲစရာတွေ ပြင်ဆင်နေရလို့ ဖြစ်ပါတယ်။

မဆလစစ်အစိုးရဟာ လူထုအုံကြွမှုကြီးကြောင့် ပလ္လင်ပေါ်က ဆင်းရတဲ့ အခါမှာ နဝတစစ်အစိုးရကို အာဏာအမွေနဲ့ ကုလသမဂ္ဂ သတ်မှတ်ပေးတဲ့ အဆင်းရဲဆုံး နိုင်ငံဆိုတဲ့ ဂုဏ်ထူးကို ချန်ပေးခဲ့ပါတယ်။ နောက်တခုကတော့ ပါတီစုံ ရွေးကောက်ပွဲ ကျင်းပပေးရေး ဆိုတဲ့ သူတို့ မလုပ်နိုင်ခဲ့တဲ့ တာဝန်ကိုလည်း ဗိုလ်စောမောင်တို့ကို လွှဲပေးခဲ့ပါတယ်။ ဒီအခါတုန်းက ဗိုလ်နေဝင်းဟာ (ဗိုလ်စိန်လွင်၊ ဒေါက်တာ မောင်မောင်ကို စာရင်းထဲ မထည့်တော့ပါ) နောက်လူတွေကို မင်းတို့ အဲဒီ ကြေးစားတပ်ကြီးနဲ့ ထောက်လှမ်းရေး တပ်ဖွဲ့ကို အရင်းပြုပြီး တော်သလိုသာ လုပ်စားကြပေတော့ ဆိုတဲ့ သဘောမျိုးနဲ့ ထွက်တော်မူ နန်းကခွာတယ် လုပ်သွားတာ ဖြစ်ပါတယ်။ ဗိုလ်စောမောင်တို့ အနေနဲ့ကတော့ ဆိုးမွေ-ကောင်းမွေ၊ အကုန်လုံးကို လက်ခံရတာပါပဲ။ အရိုးများသလေး ချေးခါးသလေး လုပ်မနေနိုင်ပါဘူး။

အခုလည်း နအဖစစ်အစိုးရဟာ ၂ဝ၁ဝ ရွေးကောက်ပွဲကနေ တက်လာမယ့် အစိုးရကို ဘာတွေ လွှဲပေးမလဲဆိုတာ စိတ်ဝင်စားစရာ ကောင်းလှပါတယ်။ ပထမဆုံးနဲ့ အဓိက အကျဆုံး လွှဲပေးမယ့် အရာကတော့ သူတို့ရဲ့ ၂ဝဝ၈ ခုနှစ် ဖွဲ့စည်းပုံ အခြေခံဥပဒေ ဖြစ်ပါတယ်။ ဒီဥပဒေဆိုးဟာ ဒီအစိုးရအတွက် တမင် ဖန်တီးထားတာပဲ မဟုတ်ပါလား။ ဒီလို လွှဲပေးပြီးတယ်ဆိုရင် ဒါဟာ ဗမာပြည် သမိုင်းမှာ စစ်အာဏာရှင် စနစ်ကို ဖွဲ့စည်းပုံ အခြေခံဥပဒေ တခုနဲ့အညီ ထိန်းသိမ်းတဲ့ ဒုတိယမြောက် အစိုးရ ဖြစ်လာ ပါလိမ့်မယ်။ (မဆလ အစိုးရကပထမပါ)။ အဲဒီနိုင်ငံတော်ကို ကျားကန်ဖို့ အတွက် အင်အားမတန်တဆ ကြီးမားတဲ့ စစ်တပ်ကြီးနဲ့ ပုလိပ်တပ်ဖွဲ့လို တခြား လက်နက်ကိုင် အဖွဲ့အစည်းတွေ အပြင် ကြံ့ဖွံ့နဲ့ စွမ်းအားရှင်လို (၂၁) ရာစုနှစ် ပြူစောထီး အဖွဲ့များကိုလည်း ချန်ပေးထားခဲ့ ပါလိမ့်မယ်။ ဒါမှလည်း အဲဒီအစိုးရဟာ လိုအပ်ရင် ဒိုင်းဝန်ထက်ကဲနိုင်မှာ မဟုတ်ပါလား။

နောက် ချန်ပေးထားခဲ့မှာ သေချာတာကတော့ ပြည်တွင်းနိုင်ငံရေးဘက်မှာဆိုရင် အမျိုးသား ဒီမိုကရေစီ အဖွဲ့ချုပ်နဲ့ ရင်ဆိုင်နေရတဲ့ ပြဿနာ၊ အပစ်ရပ် အဖွဲ့တွေရဲ့ ပြဿနာ စတဲ့ အာဏာရှင် ဗိုလ်ချုပ်တွေအဖို့ ဗြဟ္မာမင်းဦးခေါင်း ဖြစ်နေတဲ့ကိစ္စတွေ ဖြစ်ပါတယ်။ စစ်တပ်အတွင်း မကျေနပ်မှုလို၊ အမှုထမ်းများအကြား မကျေနပ်မှု၊ မင်းစေကနေ ဝန်ကြီးအထိ အကျင့်ပျက် လာဘ်စား၊ ခြစားတဲ့ ကိစ္စ မျိုးတွေကတော့ နောက်လူတွေလည်း တကယ်တမ်း မဖြေရှင်းနိုင်ဘူး ဆိုတာ သိနေလို့ ဘာမှ အထူး မှာမနေမယ့် သဘောရှိပါတယ်။

နောက်တမျိုးက နိုင်ငံတကာက တမေးတည်းမေးနေတဲ့ နျူကလီးယားလက်နက် စီမံကိန်းလို ဟာမျိုးတွေနဲ့ ပတ်သက်လို့ ဖြေရှင်းဖို့ တာဝန်ကိုလည်း နအဖဟာ နောက်လူတွေကို ချန်ထားပေးခဲ့မှာ သေချာပါတယ်။ နိုင်ငံတကာ ရေးရာမှာတော့ ဝါရှင်တန်ကို အခုအတိုင်း လှိမ့်မြဲတိုင်း ဆက်လှိမ့်တဲ့ တာဝန်နဲ့ အာဆီယံအပါ အိမ်နီးနားချင်း နိုင်ငံတွေနဲ့ “မချစ်သော်လည်း အောင့်ကာနမ်း” နှစ်ပါးသွား ဇာတ်လမ်းကို ဆက်ကဖို့ တာဝန်ကို လွှဲသွားမယ်ဆိုတာ သံသယဖြစ်စရာ မလိုပါဘူး။ လူ့အခွင့်အရေး ပြဿနာလို၊ ကလေးစစ်သား ပြဿနာလို နိုင်ငံတကာက အပြစ်တင်နေတာတွေ အတွက်တော့ ဆက်ခံသူတွေဟာ သူတို့လိုပဲ အရေထူဖို့ လေ့ကျင့် ပေးထားပြီးမို့ ဘာမှ အထူးတာဝန် လွှဲပေးနေစရာ မလိုဘူးဖြစ်မှာပါ။ နာဂစ်ဒုက္ခသည်တွေ ကိစ္စလို ဟာတွေကိုတော့ ဘာမှလက်လွှဲစရာ မရှိပါဘူး။ အကြောင်းက သူတို့ကိုယ်တိုင် ဘာမှမလုပ်လို့ ဖြစ်ပါတယ်။

စီးပွားရေး၊ ဘဏ္ဍာရေး နယ်ပယ်ဘက်မှာဆိုရင်တော့ နအဖဟာ မပြီးပြတ်သေးတဲ့ ဆင်ဖြူတော် စီမံကိန်းတွေ၊ ဘတ်ဂျက်လိုငွေ ပြဿနာတွေ၊ ငွေဖောင်းပွမှုပြဿနာ၊ လယ်ယာမြေပြဿနာတွေ စတဲ့ အနိဋ္ဌာရုံ အချင်းအရာတွေ တပြုံ တခေါင်းကြီးနဲ့ ငွေရိုက်စက် တလုံး ထားပေးခဲ့မှာ ဖြစ်ပါတယ်။ ရေနံ၊ ဓာတ်ငွေ့၊ သစ်၊ သတ္တု၊ ရေ၊ မြေကြီး စတဲ့ မြေပေါ်မြေအောက်နဲ့ ရေပေါ်ရေအောက် သဘာဝသယံဇာတ အရင်းအမြစ်တွေ ကတော့ သူတို့ သယ်မကုန်လို့ ကျန်တာလောက်ပဲ နောက်လူတွေ အတွက် ထားခဲ့မှာပါ။ ဒါ့အပြင် ပြည်သူလူထုမျိုးဆက် အဆက်ဆက် ပိုင်ဆိုင်တဲ့ ဒီသယံဇာတတွေကို သူတို့တတွေ ဆက်ထုတ်ယူခွင့်၊ အသုံးပြုခွင့်တွေ ဆက်ရနေအောင်လည်း တာဝန် ယူခိုင်းပါလိမ့်မယ်။

နို့ပေမယ့် သူတို့ ဒီနေ့စံစား ခံစားရတဲ့ သုံးမကုန်၊ ဖြုန်းမကုန်ဓနတွေကို အမွေပေးခဲ့လိမ့်မယ် လို့တော့ လုံးဝ စိတ်ကူးမယဉ် လိုက်ပါနဲ့။ မုန့်ဆိုရင်သာ တဖဲ့စီ ဝေစားကောင်း စားမှာပါ။ ဒီနတ်စည်းစိမ်တွေ ကိုတော့ ဝေမျှ မခံစားခဲ့တဲ့အပြင် သူတို့ရဲ့မြေးများ၊ မြစ်များကို သူတို့ ရှိတုန်းကလိုပဲ ဦးစားပေး၊ အခွင့်ထူးခံစေဖို့ တာဝန်ကိုသာ ချန်ထားခဲ့ပါလိမ့်မယ်။

နအဖက ဒီလိုအမွေလွှဲတာတွေထဲမှာ စိုးရိမ်စရာအင်မတန်ကောင်းတဲ့ အချက်တခုကတော့ ဒေါ်အောင်ဆန်းစုကြည်နဲ့ ဦးတင်ဦး အပါ အိမ်ချုပ် ကျခံနေရသူတွေနဲ့ နိုင်ငံရေး အကျဉ်းသားတွေကိုလည်း လက်လွှဲပေးခဲ့မလား ဆိုတာပါပဲ။ တနည်းပြောရရင် နိုင်ငံရေး အကျဉ်းသားတွေ အပြည့်ရှိနေတဲ့ ထောင်တွေ၊ စနစ်တွေကိုပါ မူလပကတိအတိုင်း နောက်အစိုးရလက်ထဲ လွှဲမယ့် ပြဿနာဖြစ်ပါတယ်။ ဗိုလ်နေဝင်းကနေ ဗိုလ်စောမောင်ကို လွှဲတုန်းကတော့ ဒီပြဿနာ မရှိပါဘူး။ အရေးတော်ပုံကြီးက နိုင်ငံရေး အကျဉ်းသားတွေကို လွှတ်ပေးခဲ့ပြီး ဖြစ်ပါတယ်။ ဒါပေမယ့် နဝတကနေ နအဖကို လွှဲတဲ့ အခါမှာကျတော့ ပိုက်ဆံစုဘူး လွှဲပေးသလို ထောင်တွေ၊ အချုပ်တွေကို လွှဲပေးသွားတယ်ဆိုတာ ပြည်တွင်းပြည်ပ ဘယ်သူကမှ မမေ့ပါဘူး။ အခုလည်း ဒီလိုမလုပ်ဘူးလို့ ထင်စရာ အကြောင်းတချက်မှ မတွေ့ရသေးပါဘူး။

မှန်ပါတယ်။ အထက်မှာ ရေးခဲ့တာတွေဟာ နအဖအနေနဲ့ ရွေးကောက်ပွဲ လုပ်ခဲ့သော်၊ အဲဒီရွေးကောက်ပွဲဟာ သူတို့ အလိုအတိုင်း ချောချောမွေ့မွေ့ ဖြစ်ပေါ်ခဲ့သော် ဆိုတဲ့ “ခဲ့သော်” အပေါ်မှာ အခြေခံစဉ်းစားပြီး ရေးထားတာတွေ ဖြစ်ပါတယ်။ ဒါပေမယ့် ဒီ “ခဲ့သော်” စဉ်းစားနည်းဟာ နိုင်ငံရေး လှုပ်ရှားလုပ်ကိုင်စရာ “စပေ့စ်” ဖြစ်ပေါ်လာမယ်၊ အနာဂတ် ဒီမိုကရေစီ ထွန်းကားမှုအတွက် လမ်းခင်းရာ ကျလိမ့်မယ်ဆိုတဲ့ စဉ်းစားနည်းတွေနဲ့ ကွာပါတယ်။ မသေချာလှသေးဘူးလို့ ဆိုနိုင်ပါတယ်။

သေသေချာချာ ပြောနိုင်တာကတော့ အပြောင်းအလဲဆိုတိုင်း ကောင်းတာ မဟုတ်ဘူး ဆိုတာပါပဲ။

Ref: ခေတ်ပြိုင်

Read More...

နေ့စဉ်သတင်းများ ( ၅ - ၂ - ၁၀ )

မြန်မာ့ရွေးကောက်ပွဲ စစ်မှန်မှု ဖိလစ်ပိုင် မေးခွန်းထုတ် သတင်း
ကရင်ဒုက္ခသည်တွေ ပြန်ပို့မှု ထိုင်းအစိုးရမှ ရပ်ဆိုင်း သတင်း
ဒုက္ခသည်တွေကို အကာအကွယ်ပေးဖို့ ထိုင်းဝန်ကြီးချုပ်ထံ အမေရိကန်လွှတ်တော်အမတ်တွေ တောင်းဆို သတင်း
ကရင်ဒုက္ခသည်တွေ ပြန်ပို့မယ့်အရေး လူ့အခွင့်အရေးအဖွဲ့တွေ စိုးရိမ် သတင်း
ကချင်တော်လှန်ရေးနေ့ အခမ်းအနားကို ကေအိုင်အို ကျင်းပ သတင်း
နယ်ခြားစောင့်တပ် မပြောင်းဟု KIO ထပ်မံပြော သတင်း
ပြည်ပရောက် ကချင်များကလည်း နယ်ခြားစောင့်တပ် လက်မခံ သတင်း
မြန်မာအမျိုးသမီး လူမှောင်ခိုကူးမှု တရုတ်-မြန်မာနယ်စပ်မှာ များပြားလာ သတင်း
ဒီချုပ် (၃) ဦးကို ထောင်ပြောင်း သတင်း
နိုင်ငံရေးအကျဉ်းသား ဘယ်ပြောင်းသွားမှန်း စုံစမ်းမရ သတင်း
ကလေးစစ်သားစုဆောင်းမှု ILO ကိုတိုင်မည် သတင်း
ကျော်ဇော်လင်းနှင့် (၁၁) ဦး ဖမ်းဆီးမှုအပေါ် လုပ်ကြံမှုဟု နိုင်ငံရေးသမား မြင် သတင်း
မြန်မာ့လေကြောင်းကို ကမ္ဘောဇဘဏ်အား ရောင်းချ သတင်း
လေယာဉ်ကွင်းကို တပ်ပိုင်မြေအဖြစ် ပြုလုပ်မှု ဌာနဆိုင်ရာအကြား အငြင်းပွားနေ သတင်း
ဒု-ဗိုလ်ချုပ်မှူးကြီးရဲ့ အစ်ကိုနဲ့ ရင်းနှီးတယ်ဆိုပြီး မတရားအနိုင်ကျင့် သတင်း
ကုန်သွယ်လယ်ယာ ဆီဂိုဒေါင် မီးလောင် သတင်း
နယ်ခြားစောင့်တပ်အဖြစ် လက်မခံ၍ ကယန်းဒေသ၌ အစိုးရတပ်အင်အား တိုးချဲ့လာ သတင်း
ခိုင်ရွှန်းလဲ့ရည်မိသားစု နာရေးကူညီမှုအသင်းကို သိန်း (၁၅၀) လှူ သတင်း
နောက်အစိုးရကို နအဖက ဘာအမွေတွေ ပေးခဲ့မလဲ (ဆောင်းပါး)
မိန်းမသားပေမယ့် နိုင်ငံရေးမှာ အားမငယ် (ဆောင်းပါး)
လက်သင့်ရာ စားတော်ခေါ်မှုကို ချဲ့ထွင်ခြင်း (ဆောင်းပါး)
ဘဝမှတ်တမ်း (ဆောင်းပါး)

Read More...

Friday, February 5, 2010

မြ၀တီ ကုန်သွယ်ရေးဇုံက ညစ်ပုံညစ်နည်းများ

February 05, 2010


မြ၀တီတွင်ရှိသော ကုန်သွယ်ရေးဇုံမှ အကောက်ခွန်နှင့် စစ်တပ် ပေါင်း၍ ပြည်သူကို ညစ်နည်းပေါင်းစုံနှင့် ညစ်နေကြသည်။

မဲဆောက်မှ သယ်လာသည့် ကုန်ပစ္စည်းများသည် ချစ်ကြည်ရေး တံတားတစ်ခုတည်းမှ ဖြတ်သန်း သယ်ယူနေသည် မဟုတ်ဘဲ..ငြိမ်းချမ်းရေးဂိတ် (၂၀) ကျော်မှလည်း တရားမ၀င် ကုန်ပစ္စည်းများ စီးဆင်းနေပါသည်။ ဤပစ္စည်း အားလုံး မြ၀တီမြို့ကို ဖြတ်ကျော် ရာတွင်တော့ ကုန်သွယ်ရေးဇုံကို မဖြတ်မနေ ဖြတ်ကို ဖြတ်ရပါတော့သည်… ထိုအခါတွင် အကောက်ခွန် ၀န်ထမ်းများအတွက် ဂွင်မိပေတော့သည်။ သူတို့အပိုင်ဂွင်တွင် ပြည်သူများအပေါ် ရိုက်စားပုံများ၊ မိုက်ရိုင်းပုံများ ပြောရလျှင်ကား ပြောမဆုံးပေါင် တောသုံးတောင် ဖြစ်နေပေတော့မည်။

ထိုအခြေအနေများအား ပြည်သူအများသိရှိနိုင်ရန် မြ၀တီမြို့ရှို ကုန်သွယ်ရေးဇုံမှာ ဘာတွေ ဖြစ်နေသလဲ ဆိုသည်ကို အပိုင်းကဏ္ဍများ ခွဲ၍ ဖော်ပြပေးသွားမည် ဖြစ်ပါသဖြင့် စောင့်မျှော် ဖတ်ရှုနိုင်ပါကြောင်း သတင်းကောင်းပါး လိုက်ရပါသည်။

မြ၀တီကုန်သွယ်ရေးဇုံသည် တရားဝင်ရော၊ တရားမ၀င်ရော ကုန်ပစ္စည်းမျိူစုံ ဖြတ်သန်းရာ နေရာ ဌာနဖြစ်ပါသည်။ နေ့စဉ် ယာဉ်ကြီး၊ ယာဉ်လတ်၊ ယာဉ်ငယ် အစီး ၄၀၀ နီးပါးခန့်သည် ပြည်သူကို ဒုက္ခပေးနေသော ၀န်ထမ်း များကြားတွင် ကြုံသလို ထမင်းအိုးလေး ကွဲမသွားအောင် အမျိူးမျိူး လုပ်ကိုင်နေရပါသည်။ ထို ၀န်ထမ်းများ၏ ဒဏ်ကို မခံနိုင်သော ကားအစီး ၁၀၀ ခန့်သည် တောလမ်းကပင် သွားလာ နေကြပါသည်။

တောလမ်းသည် ရင်းနှီးထားသော ပစ္စည်းများ အလွယ်တကူ ဆုံးရှုံးနိုင်သည်ကို ကားသမားကော ပစ္စည်းပိုင်ရှင်ကော မသိသည် မဟုတ် …..သိကြသူချည်းသာ…


ပြီးတော့ မောင်းရသည့် ကားလမ်းက မကောင်း၍ ပစ္စည်းများ မပျက်ဆီးအောင်လည်း ထိန်းမောင်း ကြရပါသေးသည်။ ငြိမ်းအဖွဲ့ တွေကပဲ ရန်ရှာမည်လား….စစ်တပ်ကပဲ သိမ်းမည်လား… ဘယ်က လက်နက်ကိုင် တွေထွက်လာမလဲ စသည် စသည်ဖြင့် သဲထိတ် ရင်ဖိုဖြစ်စရာတွေ တပုံတပင် ဖြစ်သည်။ ပိုက်ဆံပေး၍ ရလျှင်တော့ တော်သေးသည်ဟု ပြောရပေမည်။

ဒီထက်မကလည်း အခက်အခဲပေါင်း မြောက်မြားစွာ ရှိနေပေသေးသည်။
တွေးစေချင်ပါသည်…မေးလျှင် မေးခွန်းတွေအများအပြား ထွက်လာလိမ့်မှာ ဖြစ်သော်လည်းပဲ ဒီမေးခွန်းကို စာဖတ်သူ ဖြေစေချင်ပါသည်။ ဒီကားတွေ ဘာကြောင့် ကုန်သွယ်ရေးဇုံက မသွားတာလဲ.....? ကုန်ပစ္စည်း တရားမ၀င်ပါ ဟုလည်း ပြောမရ…. အကောက်ခွန်ဝန်ထမ်းတွေ စားပိုးနင့်အောင် စား၍ တရားမ၀င် ကုန်ပစ္စည်းတွေကို သယ်ချင်တိုင်း သယ်လို့ရအောင် လုပ်ခဲ့သည်မှာလည်း သက်သေရှိနေသည်….ဒါဆိုရင် ဘာကြောင့် ကုန်သွယ်ရေးဇုံကို မဖြတ်တာလဲ….? ၀န်ထမ်းကို ပိုက်ဆံပေးလို့ ရ၍ မြတ်မည် အထင်ဖြင့် ကုန်သည်များသည် တရားမ၀င် ကုန်ပစ္စည်းများကို မြ၀တီဘက်သို့ သယ်ဆောင် လာခဲ့သည်။

တံတားထိပ်က စားပိုးနင့်အောင်စားသော အကောက်ခွန်သည် တံတားကိုပဲ တာဝန်ယူလေသည်….ကုန်သွယ်ရေး ဇုံရှိ အကောက်ခွန် ဂိတ်ကျတော့ ပြည်သူ မျက်ဖြူဆိုက်အောင် တနည်းနည်းဖြင့် လုပ်ရပေမည်။ ဘာကြောင့်ဆိုသော် ၀န်ထမ်း အချင်းချင်း ကြိုတင် ညှိထားကြပြီး ဖြစ်သည်။…..

အခုဆိုရင် တရားမ၀င်ပစ္စည်းတွေမြ၀တီမြို့ထဲမှာ အပြည့်အသိပ် ရှိနေပြီလေ… ကုန်သည်များ အဖို့ ဘယ်လိုပင်ဖြစ်စေ ကုန်သွယ်ရေးဇုံနှင့် တောလမ်း နှစ်ခုထဲက တစ်ခု ကိုရွေးကို ရွေးရမည် ဖြစ်ပေသည်…

ဘယ်ကုန်သည်မဆို ကုန်သွယ်ရေးဇုံကို ရွေးကြမည်သာဖြစ်ပါသည်…ဒီလို ဇုံကိုရွေးကြသည့် အကြောင်းကတော့ ကျွန်တော် ရှင်းမပြလည်း စာဖတ်သူ သိပါလိမ့်မည်… ဘာပဲဖြစ်ဖြစ် ဇုံဘက်က ဖြတ်သော ပစ္စည်းသည် အနည်းနှင့် အများတော့ အန္တာရယ် ကင်းပေသည်။ သို့သော်….

ကျွန်တော်ပြောခဲ့သလိုပင် မြ၀တီကုန်သွယ်ရေးဇုံမှ ၀န်ထမ်းများသည် သူတို့ ရှေ့မှောက် ရောက်လာသော သားကောင်ကို အလွတ်ပေးရိုး ထုံးစံမရှိပါ။ သူတို့အတွက် အသား၊ အဆီ ပေးခဲ့မှ စားဝင်၊ အိပ်ပျော်လေသည်… ဤခေတ်တွင် ပေါ်တင်ကြီးတော့ လိုချင်သည့် အရာကို မတောင်းရဲ… ဘောင်ထဲကနေ တရားဝင်အောင်လုပ်ပြီး ဖြဲခြောက်မှ လိုချင်သည့် အရာသည် လိုရင် လိုသလောက် ထွက်လာမည် မဟုတ်ပါလား….ထို့ကြောင့် မသူတော်အချင်းချင်း ပေါင်းပြီး ရိုက်စား လုပ်လိုက်ပုံများကတော့……………

နကသ ဗိုလ်မူးသိန်းထွန်းသည် ယာဉ်ကြီး၊ ယာဉ်ငယ် တွေကို စစ်ရာတွင် ယာဉ်ပေါ်ရှိ ပစ္စည်းသည် များသည်၊ နံသည်ဟု အမျိုးမျိုးအကြောင်းပြကာ…( ကျားနှာစေးနေပြီ ) ယာဉ်ပေါ်ရှိ ပစ္စည်းများကို စစ်ဆေးရေး ဂိတ်အတွင်း ချခိုင်းခြင်း၊ ထုတ်ပိုးထားသော ပစ္စည်းများကို တစ်စစီ လုပ်ပစ်ခြင်း၊ ချထားသောပစ္စည်းများကို ညနေ ၄ နာရီမှ ပြန်ပေးခြင်း၊ ပြန်ပေးပြီး ပစ္စည်းများကို ဘာအကြောင်းပြချက်မှ မရှိဘဲ မြ၀တီသို့ ပြန်ယူသွားစေခြင်း စသည့် ညစ်နည်းမျိူးစုံကို စာနှင့် ဖော်ပြလို့ မရအောင် လုပ်ပါတော့သည်။ (မှတ်ချက်၊ အဲဒီအချိန်တွင် ပစ္စည်းပိုင်ရှင် ဘယ်လောက် မျက်ဖြူ ဆိုက်နေမလဲဆိုတာ ကိုယ်ချင်းစာကြည့်ပါ)

ဗိုလ်မူးသည် တစ်ခုကိုလို၍ တစ်ခုကိုညစ်နေခြင်းသာဖြစ်သည်။ ထိုအချိန်တွင် ကားဝင်းအတွင်းတွင် အကောက်ခွန် နှင့် နကသ တို့မှ မွေးမြူထားသော မထသ ဂိတ်မှူးများ၊ ပွဲစားများ၊ ဈေးသည်များသည် အကောက်ခွန် အရာရှိနှင့် ချိတ်ဆက် ပေးကြပါသည်။ ဒီလို အကောက်ခွန် အရာရှိနှင့် ငွေကြေး ညှိနှိုင်းပြီးပါက ကားကို ၀င်ရောက် အစစ်ဆေးခံရာတွင် အလွန်လွယ်ကူပြီး ကုန်ပစ္စည်း ချဖို့ နေနေသာသာ ဒရိုင်ဘာ လက်ပြလိုက်ရင် ပြီးပါပြီ။

အကောက်ခွန်အရာရှိနှင့် ဘယ်လို ငွေကြေးညှိရပါသလဲ…. .? ယခင်က ၅၀၀၀ နှင့် ၁ သောင်းကြား ယူနေပြီး အဆင် ပြေနေကြသော အကောက်ခွန်အဖွဲ့သည် ယခုတွင်မူ အိုင်တင် ခံပါတော့သည်….ထို့ကြောင့် အဆင်ပြေစေခြင်း အလို့ငှာ ထပ်တက်သွားသည့် လာဘ်ငွေ ပမာဏကတော့ ၃ သောင်းမှ ၅သောင်းကြား ဖြစ်လာတော့သည်။ ဂိတ်မှူး၊ ပွဲစားများ ကြားခံရ၍လည်း အားလုံး အဆင်ပြေစွာ ထွက်ခွာနိုင်ဖို့ကို ၈ သောင်းခန့် အကုန်ကျခံ နေရပါသည်။ ဒီလို အဖွဲ့ပေါင်းစုံလို့ ခေါ်တဲ့ ၀န်ထမ်းကို ဆက်သပြီးရင်တော့ ယာဉ်ခမျာ အေးဆေးသွားလို့ ရပါပြီ။

နောက်ဆုံးသတင်းများအရ အကောက်ခွန်အဖွဲ့သည် ကုန်သွယ်ရေးဇုံမှ မြ၀တီ ပိုက်ဆံ လက်ခံရာ ဌာနများသို့ ပို့ပေးရန် အတွက် ဆိုင်ကယ် အငှားမောင်းသူ တစ်ဦးကို ဂိတ်စာရင်းမှတ်သူ အဖြစ် ဟန်ဆောင်နေခိုင်း၍ တစ်နေ့ကျပ် ၂ သောင်းနှင့် ငှားရမ်း ထားရ ပါလေသည်။ အကောက်ခွန်ရုံးထဲတွင် လူကြီး လာရင် ပိုက်ဆံပုံကို မြင်မှာစိုး၍ မနက် ၉း၀၀ နာရီင်္တွင် တစ်ကြိမ်၊ နေ့လည် ၁း၀၀ နာရီတွင် တစ်ကြိမ် တစ်နေ့နှစ်ကြိမ် ပြည်သူ့ ချွေးနဲစာကို သူပိုင်ငွေအဖြစ် ပို့နေရပါသည် ခင်ဗျာ…………

မောင်စေတနာ (၀ိမုတ္တိဝိုင်းတော်သားတဦး)

Read More...

တပ်နှင့် ပြည်သူ ဘဝတူ (၂)

သူငယ်ချင်းရေ
ကိုယ်ရဲ့ပထမစာကို ဖတ်ပီးလောက်ပီးလို့ ယုံကြည်ပါတယ်။ သူငယ်ချင်းဆီကို စာတိုက်ကလည်း မပို့ချင်ဘူးလေ။ တပ်ရင်းက ဖွင့်ဖောက်ဖတ်ပီးမှ သူငယ်ချင်းတို့ဆီ ရောက်တယ်ဆိုတာ ကိုယ်တိုင်လည်း စစ်သားတဦး ဖြစ်ခဲ့ဘူးသူမို့ သိနေတယ်။ ဒါကြောင့် လူကြုံကောင်းနဲ့ ပို့ပေးတာ၊ တို့နိုင်ငံရဲ့ လူ့အခွင့်ရေး ချိုးဖောက်မှုဟာ ပြည်သူထဲက ပြည်သူ ဖြစ်တဲ့ ဒို့တပ်မတော်သားတွေပါ ချိုးဖောက်ခံနေ ရတာပါ။ ဘယ်အချက်တွေ ချိုးဖောက် ခံနေရတယ် ဆိုတာကို ပိုပီးရှင်းအောင် ကိုယ်ထပ်ပြောမယ် သူငယ်ချင်း။ ကမ္ဘာ့ ကုလသမဂ္ဂရဲ့အပြည်ပြည်ဆိုင်ရာ လူ့အခွင့်ရေး ကျေညာစာတမ်း အပိုဒ် (၃) နဲ့ (၁၂) ပဲ သူငယ်ချင်း။

အပိုဒ် (၃)မှာ - လူတိုင်းတွင် အသက်ရှင်ရပ်တည်ခွင့်၊ လွတ်လပ်ခွင့်နှင့် လုံခြံခွင့်ရှိသည်။
အပိုဒ်(၁၂)မှာ - မည်သူ့ ကိုယ်ရေးကိုယ်တာ ကိစ္စများ၊ မိသားစုနှင့် သက်ဆိုင်သော ကိစ္စများ၊ နေအိမ်နှင့် စာပေးစာယူ ကိစ္စများတို့ကိုမှ ဥပဒေအရ မဟုတ်သော ၀င်ရောက် စွက်ဖက် မခံစေရ။ ထိုဏ္ဍအပြင် ထိုသူ့ ဂုဏ်သိက္ခာကို ပုတ်ခတ်ပိုင်ခွင့်မရှိ။ လူတိုင်းတွင် ထိုသို့စွက်ဖက်ခြင်းမှ သော်လည်းကောင်း၊ ပုတ်ခတ်ခံရ ခြင်းကို သော်လည်းကောင်း ဥပဒေအရ ကာကွယ်ပိုင်ခွင့်ရှိသည်။...လို့ ဖော်ပြထားတယ်လေ။

အခုလို မိမိတို့ရဲ့စာကိုဖောက်ဖတ်ခံရခြင်းဟာ သူငယ်ချင်းတို့ရဲ့လွတ်လပ်ခွင့်နဲ့လုံခြုံမှုကို ထိပါးတာပါပဲ။ ဥပဒေရ မဟုတ်ဘဲ မိမိရဲ့ လူ့အခွင့်ရေး(မွေးရာပါ အခွင့်ရေး)ကို ဝင်ရောက် စွက်ဖက်တာပါပဲ။

သူငယ်ချင်း
ဒီလိုချိုးဖောက်မှုနဲ့တပ်တွင်းအရေးယူခံရတဲ့ အရာရှိငယ်တွေက ရဲဘော်တွေအထိ ဖြစ်စဉ်တွေကို နင်လည် သိပီးသာပါ။ အဲဒီ ကျေညာစာတမ်းရဲ့နောက်ဆုံးအပိုဒ် ၃၀ မှာ-

ဤစာတမ်းပါ အခွင့်အရေးများနှင့် လွတ်လပ်ခွင့်များကို ဖျက်လိုဖျက်ဆီးဖြစ်စေမည့် လုပ်ငန်း လုပ်ရပ်များအား မည်သည့်နိုင်ငံ၊ မည်သည့် အဖွဲ့အစည်း၊ မည်သည့် လူပုဂ္ဂိုလ်ကမှ ကိုယ်တိုင် လုပ်ဆောင်ခွင့် ပါဝင်လုပ်ဆောင်ခွင့် မရှိကြောင်း ဤကြေညာစာတမ်းက အတိအလင်း ကြေညာသည်။ ... လို့ဖော်ပြထားသေးတယ်။

ဒါပေမဲ့ မင်းတို့ငါတို့ရဲဘော်တွေနဲ့တည်ဆောက်ထားတဲ့ တပ်မတော်ကို ခုတုံးလုပ်ပီး ကိုယ်ကျိုးစီး ပွားရှာနေတဲ့ စစ်ခေါင်းဆောင်တွေ ကတော့ မလိုက်နာဘူးဆိုတာ မင်းတို့ ငါတို့နဲ့ နိုင်ငံသိ ကမ္ဘာသိပါပဲ။ ပြည်သူတွေလည်း အဲဒီအချက်တွေ ချိုးဖောက် ခံနေရတာပါပဲ။ ဒါကြောင့် တပ်နဲ့ ပြည်သူ ဘဝတူတွေပဲ ဆိုတာ ရှင်းပါတယ်ကွာ။ အဲဒီကိစ္စကို နောက်မှ ဆက်ပြောတော့မယ်။ နင့်ကို အဓိကပြောချင်တာ ရှိတယ်။

ပြောချင်တာက အခုလ ဖေဖေါ်ဝါရီ ၁၃ ရက်နေ့က ဒို့တပ်မတော်ရဲ့ဖခင်၊ လွတ်လပ်ရေးဖခင်၊ အမျိုးသား ခေါင်းဆောင် ဗိုလ်ချုပ်အောင်ဆန်း၊ သခင်အောင်ဆန်းရဲ့ အသက် ၉၅ နှစ်ပြည့်တဲ့ နေ့ပဲ။ ဒို့လူမျိုးတွေရဲ့ ထူးခြားတယ်လို့ ယူဆတဲ့ မွေးနေ့ မွေးရက် ဆုံတဲ့နှစ်နဲ့ မွေးနေ့ပဲ သူငယ်ချင်း။ လက်ရှိ စစ်ခေါင်းဆောင်တွေ ကတော့ မသိကျိုးချင်ပြုမှာပါ။

အလွန်စိတ်ပျက်ဝမ်းနည်းမခံချင်စရာ ကောင်းပါတယ်။ တကယ်ဆို သူလို ကမ္ဘာက လေးစားခံရတဲ့ နိုင်ငံ့ဖခင် တစ်ယောက်ရဲ့ မွေးနေ့ကို ခမ်းခမ်းနားနားနဲ့ နိုင်ငံနဲ့အဝှမ်း ကျင်းပ ပေးသင့်တာပေါ့။ တပ်မတော်ထဲမှာဆို ပိုလို့တောင် လုပ်ပေး ရဦးမှာနော်။ သူတည်ထောင်ခဲ့လို့ ပေါ်ထွန်းလာတဲ့ တပ်မတော်ကြောင့် ဗိုလ်ချုပ်မှူကြီး ဖြစ်နေရပါ လားဆိုတာကို မင်းတို့ တပ်ချုပ်ကြီး သတိရဖို့ ကောင်းတယ်။ ဒီအဖေကြောင့် သားဖြစ်လာပီး အမွေ ဆက်ခံ နေရပါလားဆိုတာ မမေ့သင့်ဘူးကွာ။ တို့တွေလည်း ဒါကြောင့် ရဲဘော်ရယ်လို့ ဖြစ်လာတာပေါ့။ တို့အားလုံးသူကို သတိရပီး သူဖြစ်စေချင်တဲ့ တပ်မတော်ကို ဖြစ်အောင် ဆက်လက် သယ်ပိုးဖို့ တာဝန်ရှိတယ်ဆိုတာ မင်းလဲသိပါတယ်။

ငါမင်းနဲ့အတူတပ်ထဲမှာရှိစဉ်တုံးက မင်းပြောပြခဲ့တဲ့ ဗိုလ်ချုပ်စကားလေးကို မှတ်မိနေတယ် သူငယ် ချင်း။ မင်း မ.ဆ.လ ပါတီက ထုတ်တဲ့ ဗိုလ်ချုပ် မိန့်ခွန်း များစာအုပ်ကို ဖတ်ပီး ပြောခဲ့တာလေ။ တပ်နဲ့ ပတ်သက်ပီး ပြောခဲ့တာပေါ့။

“စစ်တပ်ဟာတိုင်းပြည်အုပ်ချုပ်ရေးမှာ ဝင်မစွက်ဖက်ရဘူး။ စွက်ဖက်ရင် အာဏာရှင် စစ်တပ် ဖြစ်သွားမယ်။ စစ်တပ်ဟာ တိုင်းပြည် အုပ်ချုပ်ရေးနဲ့ နိုင်ငံရေးမှာ ဝင်မပါရဘူး၊ ဝင်ပါရင် ဖက်စစ်အာဏာရှင် စစ်တပ် ဖြစ်သွားမယ်။ ဒီလိုစိတ်မျိုး ရှိနေသူတွေ အခုထဲက ပြင်ကြပါ” လို့ပြောခဲ့တာနော်။

သူငယ်ချင်းရေ
ဗိုလ်ချုပ်တို့ထိုင်းနိုင်ငံမှာတပ်မတော်စတင်ဖွဲ့ခဲ့တဲ့ ၁၉၄၂ ခုကဆို အခု တို့တပ်မတော် သက်တမ်းက ၆၈ နှစ်တောင် ရှိပီးနော်။ ဗိုလ်နေဝင်း အာဏာသိမ်းခဲ့တဲ့ ၆၂ ခုက ၈၈ ထိက အာဏာရှင် စစ်တပ်ပေါ့၊ ၈၈ ကနေ ဒီဖက်ထိကတော့ ဖက်ဆစ် အာဏာရှင်စစ်တပ် ဖြစ်နေပီနော် သူငယ်ချင်း။ တို့ဖခင် ဗိုလ်ချုပ်အောင်ဆန်း ပြောခဲ့တာနဲ့ စိစစ် ကြည့်လိုက်တာပါ။

တပ်မတော် သက်တမ်းရဲ့ သုံးပုံ နှစ်ပုံ ကျော်ဖြစ်တဲ့ ၄၈ နှစ်ဟာ အာဏာရှင်၊ ဖက်ဆစ် အာဏာရှင် စစ်တပ်အဖြစ် ဖြတ်သန်း ခဲ့တာပဲနော်။ သူငယ်ချင်းရေ.. သားသ္မီးဝတ် ငါးပါးမှာပါတဲ့ စောင့်လေမျိုးနွယ် ဆိုတဲ့ စကားအတိုင်း တို့ဖခင် ဖြစ်စေလိုတဲ့ ပြည်သူချစ်တဲ့ တပ်မတော်ဖြစ်ဖို့ မင်းတို့လို အမှုထမ်းဆဲ တပ်မတော်သားတွေမှာရော ငါတို့လို တပ်မတော်သား ဟောင်းတွေမှာပါ တာဝန် ရှိတယ်နော်။

သူငယ်ချင်းရေ
ဒီတော့မင်းတို့ကလည်းတပ်တွင်းမှာ မွေးနေ့မွေးရက်ဆုံနေတဲ့ တပ်မတော် ဖခင်ဗိုလ်ချုပ်အောင်ဆန်းရဲ့ ၉၅ နှစ်မြောက် မွေးနေ့ကို ကိုယ့်အစီစဉ်နဲ့ကိုယ် ကျင်းပစေချင်တယ်။ ငါတို့လဲ ပြင်ပကနေ ကျင်းပရင်းနဲ့ ဖအေကို ခြေစုံကန်နေတဲ့ သားမိုက် ဗိုလ်ချုပ်မှူးကြီးတို့ လူတသိုက်ကို ဆုံးမသတိပေးရ အောင်လား။

ငါတို့ မိသန်းအေးက ပြောမှာပဲ၊ သူ့အကြောင်းလေးတောင် မေးဖော်မရဖူးလို့။ ပြောလိုက်ပါကွာ၊ အစဉ် မင်းကို သတိရခြင်းနဲ့ အတူ သူ့ကိုလည်း သတိရနေကြောင်း။ သူရဲ့ ပဲပြုပ်နဲ့ မျှစ်ကြော်ကို အမြဲ သတိရနေပါတယ်လို့။ အခုရော မင်းတို့ ပဲပြုပ်နဲ့ မျှစ်ကြော်တောင် စားနိုင်သေးရဲ့လား သူငယ်ချင်း၊။

မင်းတို့တပ်မိသားစုအပေါင်းကိုယ်စိတ်နှစ်ဖြာ ကျမ္မာ ချမ်းသာပြီး ဘေးဘယာ ကင်းဝေးလို့ စစ်မှန်တဲ့ ပြည်သူ့ တပ်မတော်ကို တည်ဆောက်နိုင်သူများ ဖြစ်ကြပါစေလို့ ဆုမွန်ကောင်း တောင်းလိုက်ပါတယ်။

မင်းတို့ကိုခင်တဲ့
မင်းတို့ကခင်တဲ့
နှောင်းလူ

Read More...

တပ်နဲ့ ပြည်သူ ဘဝတူ (၁)

သူငယ်ချင်းရေ

တို့တွေခွဲခွာခဲ့ဝေးကွားခဲ့ကြတာ အခုဆို အနှစ်ဆယ်ကျော်ပီနော်။ သူငယ်ချင်းနဲ့ ကိုယ်က ဖောင်ကြီးအမှတ် ( ၁ ) လေ့ကျင့်ရေးမှာ စတွေ့ကြတာလေ။ သင်တန်းပီးလို့ တာဝန်ကျတဲ့ တပ်ကျပြန်တော့လဲ အတူပဲဆိုတော့ တအူတုံဆင်း ညီအရင်းလို ဖြစ်ခဲ့ကြရတယ်။ ဒါပေမဲ့ တို့ရဲဘော်တွေရဲ့ ဘဝဟာပြည်သူတွေရဲ့ ဘဝ တွေလိုပါပဲ၊ ငတ်တလဲ ပြတ်တလဲနဲ့ နေရတာ။ ဒီကြားထဲ ရှေ့တန်းက ပြန်ရောက်ပြန်တော့ လစာကို အထက်အရာရှိတွေ သုံးထားတာနဲ့ ကြုံရသေးပေါ့။ တို့ရဲဘော်တွေနဲ့ စစ်တပ်ကို ခါးပိုက်ထဲ ထည့်ထားတဲ့ စစ်အာဏာရှင် ဗိုလ်ချုပ်ကြီးတွေ ကတော့ တိုင်းပြည်ရဲ့ ကယ်တင်ရှင် အဖြစ် ဟစ်ကြွေးပီး၊ ချမ်းသာနေတယ်။ တိုင်းပြည်နဲ့ လူထုက ဆင်းရဲနေရတယ်။ ကမ္ဘာ့ အဆင်းရဲဆုံး ဖြစ်ခဲ့ရတာ သူငယ်ချင်းလဲ သိပါတယ်။

ဒါတွေ- မခံနိုင်တော့တဲ့အဆုံး ကျောင်းသားတွေနဲ့ အတူ ပြည်သူ တစ်ရပ်လုံးက အာဏာရှင်စနစ် ကျဆုံးပါစေ၊ တစ်ပါတီစနစ် ဖျက်သိမ်းပါ။ ပါတီစုံ ဒီမိုကရေစီနဲ့ ကြားဖြတ် အစိုးရကို တောင်းဆို ခဲ့ကြတော့တာပေါ့။ ဒီတုံးက သူငယ်ချင်းနဲ့ကိုယ် လက်ခုပ်တီး ထောက်ခံခဲ့တာ မှတ်မိနေသေးတယ် သူငယ်ချင်း။

နောက်ပြည်သူဘဝနဲ့ထပ်တူနေတဲ့ လေတပ်၊ ရေတပ်၊ ကပစ အစရှိတဲ့ ရဲဘော်တွေ ပြည်သူတွေနဲ့ ပူးပေါင်းပီး ချီတက် တောင်းဆိုခဲ့ကြတယ်။ တပ်မ ( ၂၂ ) က ဗိုလ်ကြီး စိုင်းဝင်းကျော် ဆိုသူလည်း ဒီမိုကရေစီဘက် ပူးပေါင်းသွားတယ်။ ခလရ (၁၆ ) မှော်ဘီတပ်ရင်းက တပ်စိတ် တစ်စိတ်ပါ ပူးပေါင်းသွားတယ်။ သူငယ်ချင်းနဲ့ ကိုယ်လည်း ပြည်သူနဲ့ လက်တွဲဖို့ ဆုံးဖြတ်ခဲ့ကြတယ်။

ဒါပေမဲ့ အဲဒီတုန်းက သူငယ်ချင်းက ရက်သားသာ ရှိသေးတဲ့ သားနဲ့ ဇနီးကြောင့် ကျန်နေခဲ့ရတယ်။ ကိုယ်ကတော့ လိုက်ပါ သွားခဲ့တယ်လေ။ အဲဒီတုံးက ပြည်သူနဲ့တွေ့ရင် ရေလို ဆက်ဆံရမယ် ဆိုတဲ့ ကျင့်ဝတ် အတိုင်း နေခဲ့တဲ့ အချို့တပ်ရင်းက တပ်ခွဲတွေ၊ တပ်ရင်းတွေ၊ တပ်ရင်းမှူးတွေ အရေးယူ ခံခဲ့ရတာ သူငယ်ချင်း အသိပါ။

သူငယ်ချင်းရေ-နောက်လာတဲ့မောင်ပုလဲ ဒိုင်းဝန်းထက်ကဲ ဆိုသလို အခုသူငယ်ချင်းတို့ တပ်ချုပ်ကြီး လက်ထက်မှာ တိုင်းပြည်နဲ့ ပြည်သူဟာ ငရဲရှစ်ထပ် အောက်ဆုံးကို ရောက်နေရသလိုပါပဲ။ သူငယ်ချင်းတို့လို ဆရာကြီးတွေနဲ့ ဗိုလ်မှူးကြီး အဆင့်ထိဟာလဲ ပြည်သူနဲ့ ဘဝတူ ခံစား နေကြရတာပါပဲ။ သူငယ်ချင်းဆို စစ်သက် ၂၈နှစ်လောက် ရှိနေတာတောင် ထွက်ခွင့်လဲမရ။အငြိမ်းစားလဲ မရနဲ့ တပေပေနဲ့ ခံနေရတယ်လို့ ကြားပါတယ်။

ဒါကြောင့် ရဲဘော်တွေ မခံနိုင်သလို သူတို့ အထက်အရာရှိတွေလည်း မခံနိုင်တော့လို့ အခုဆို တပ်တွင်း တောင်းဆိုမှုတွေ၊ ထွက်ခွင့်တွေ တင်နေကြတယ်လို့ တပ်သတင်းတွေ အတော့်ကို ကျယ်ကျယ်ပြန်ပြန့် ထွက်လာ နေတယ်နော်။ သူငယ်ချင်းကပိုသိမှာပါလေ။

အဲဒီသတင်းထက်ပိုပီး စိတ်ဝင်စားဖို့ကောင်းတဲ့ တပ်သတင်းတခု ထွက်လာတယ် သူငယ်ချင်း။ လားရှိူးမြို့မှာ၂၄.၁.၁၀နေ့ ညနဲ့ ၂၅.၁.၁၀ မနက်ပိုင်းမှာ ဖြစ်ခဲ့တာပါ။ တပ်မိသားစုများရဲ့ ပန်ကြားလွှာကို လက်ရေးနဲ့ရေးပီး၊ အရှေ့မြောက်တိုင်း စစ်ဌာနချုပ် ပတ်ဝန်းကျင်၊ တိုင်းလမ်းတလျောက်၊ တပ်မိသားစုတွေ နေထိုင်ရာ ဘူတာဈေး၊ ဗျူဟာလမ်းနဲ့ အခြားနေရာ အတော်များမှာ ကပ်သွားတယ်။ အဲဒီမှာ----

တပ်နဲ့ပြည်သူ၊ ဘဝတူ၊ အတူလက်တွဲ၊ ဒို့အောင်ပွဲ
စားဝတ်နေမှု ဖူလုံရေး၊ ချက်ချင်းဖြေရှင်းပေး

တွေ့ဆုံ ဆွေးနွေး အဖြေရှာရေး၊ လက်တွေ့ဦးစားပေး---- လို့
ရေးထား တောင်းဆိုထားတယ် သူငယ်ချင်း။


သူငယ်ချင်းရေ-တပ်မိသားစုရဲ့ပန်ကြားလွှာဟာ လက်တွေ့ ကိုယ်တို့နိုင်ငံရဲ့ ပကတိ အခြေနေကို ထင်ဟပ် ပြတာပါပဲ။ သူငယ်ချင်းလဲ အခုလို ပြည်သူက တပ်ကို ရွံ့ကြောက်မုန်းတီး နေတာကို အရင်လို ပျိုတိုင်း ကြိုက်တဲ့ နှင်းဆီခိုင် တပ်အဖြစ် ပြောင်းလဲနိုင်ဖို့၊ ဘဝတူ တပ်နဲ့ပြည်သူ၊ အတူလက်တွဲပီး အောင်ပွဲဆီကို သွားဘို့၊ စိတ်တူ၊ ယုံကြည်ချက် တူသူတွေနဲ့ လက်တွဲ ဆောင်ရွက်ဖို့ လုပ်နေပီလို့ ကိုယ်ယုံကြည်တယ် သူငယ်ချင်း။

မိသန်းအေးကိုလဲငါက သတိရတယ်လို့ ပြောလိုက်ပါ။ သူငယ်ချင်းတို့ တမိသားစုလုံး ကိုယ်စိတ်နှစ်ဖြာ ကျမ္မာ ချမ်းသာလို့ ဘေးဘယာ အပေါင်းက ကင်းဝေးကာ ဘဝတူ ပြည်သူတွေရဲ့ အကျိုးကို အောင်မြင်စွာ သယ်ပိုး နိုင်ပါစေလို့ မေတ္တာပို့သ လိုက်ပါတယ်။

သတိရခင်မင်လျက်
နှောင်းလူ

Read More...

ဦးဝင်းတင် နှင့် ပဒိုဒေးဗစ်သကဘော် စကားပြောခြင်း

Discussion on NDF Presd n U Win Tin

Discussion on NDF Presd n U Win Tin

Read More...

နေ့စဉ်သတင်းများ (၄ - ၂ - ၁၀)

စစ်အစိုးရ၏ လူ့အခွင့်အရေးချိုးဖောက်မှုများက နိုင်ငံတကာရာဇ၀တ်မှုမြောက် သတင်း
ဒေါ်အောင်ဆန်းစုကြည်က ဗဟိုတရားရုံးချုပ်တွင် ကန့်ကွက်စာတင် သတင်း
ဒု-ဥက္ကဋ္ဌ ပြန်လည်လွတ်မြောက်ရမည်ဟု အန်အယ်လ်ဒီ မျှော်လင့် သတင်း
KNU ခေါင်းဆောင်နေအိမ်နှင့် မီဒီယာတဖွဲ့ကို ထိုင်းလုံခြုံရေးအဖွဲ့များ ဝင်ရောက်စစ်ဆေး သတင်း
ကရင်သတင်းစဉ်ရုံးခန်းကို ထိုင်းအာဏာပိုင်များ စစ်ဆေး သတင်း
ရွှေ့ပြောင်းလုပ်သား (၉) ဦး အသတ်ခံရမှု ရဲကို သင်္ကာမကင်းဖြစ် သတင်း
မြန်မာ (၉) ဦးကို သတ်ဖြတ်သည်ဟု ယူဆရသူ ထိုင်းရဲအရာရှိ သေကြောင်းကြံ သတင်း
(၉၅)နှစ်မြောက် ဗိုလ်ချုပ်အောင်ဆန်းမွေးနေ့ အထိမ်းအမှတ် ကဗျာစာအုပ် ထုတ်မည် သတင်း
ဦးသန့်ဇရပ် ပြုပြင်ရာတွင် မြန်မာ့သံဃာတော်များ မပါဝင်စေလို သတင်း
ဘားမား ဗီဂျေ အော်စကာရရန် အလားအလာကောင်း သတင်း
ရွေးကောက်ပွဲအောင်နိုင်ရေး နိုင်ငံခြားအခါပေးများ စစ်အစိုးရ ခေါ်ယူ သတင်း
ကြံ့ဖွံ့ဦးဆောင်၍ လူထုစည်းရုံးမှုများ လုပ်ဆောင်နေ သတင်း
ကချင်တော်လှန်ရေး ပင်လုံစာချုပ်ကို ဦးတည် သတင်း
အပစ်ရပ်များအား အင်အားသုံးတိုက်ရန် မလိုတော့ဟု တြိဂံတိုင်းမှူး ပြော သတင်း
မိုင်းလားအထူးဒေသတွင် လူအ၀င်အထွက် ပုံမှန်ပြန်ဖြစ် သတင်း
ကရင်ဒုက္ခသည်များအား ဌာနေပြန်ပို့မှု ပို့သူတွင် တာဝန်ရှိဟု ကေအန်ယူ ပြောကြား သတင်း
ဒုက္ခသည်များ ပြန်မပို့ရန် ထိုင်း - မြန်မာ မိတ်ဆွေများ တောင်းဆို သတင်း
မြင်းခြံမှ နိုင်ငံရေးအကျဉ်းသားအချို့ ပျောက်ဆုံး သတင်း
(၈) နှစ်ကြာသော်လည်း ဦးအောင်ဆန်းဦးနေအိမ် မပြီးပြတ်နိုင်သေး သတင်း
Backbone ကြောင့် အင်တာနက်ပျက်ရသည်ဟု ရတနာပုံပြော သတင်း
မကြေညာသည့် သွင်းကုန်ဈေးနှုန်းသစ်များကြောင့် နယ်စပ်ကုန်သည်များ အခက်တွေ့ သတင်း
မီးသင်္ဂြိုဟ်စားရိတ် (၇) ဆ တိုးမည် သတင်း
ထိုင်းတွင် မြန်မာနာရေးကူညီမှုအသင်းများ ဖွဲ့စည်း သတင်း
ကချင်အထူးဒေသ (၁) ကုမ္ပဏီ ဘောလုံးအသင်းထောင် သတင်း
ခိုးကူးခွေအရောင်းဆိုင်များကို လိုင်စင်လုပ်ပေးရန် စီစဉ် သတင်း
ယခုနှစ်တွင်လည်း ကျော်သူ အကယ်ဒမီပွဲဖိတ်စာ မရ သတင်း
မြန်မာရုပ်ရှင် ဖွံ့ဖြိုးတိုးတက်ရေး ဒါရိုက်တာ မောင်မျိုးမင်း (ရင်တွင်းဖြစ်) ၏ အမြင် သတင်း
ကုလားအုပ် (၃) ကောင် ဒေါ်လာ ၆.၄၅သန်း UAE စော်ဘွားပေး သတင်း
နှစ် (၁၅၀၀) ကျော်က ဗုဒ္ဓကျောင်းတော်ကြီး ဘင်္ဂလာဒေခ်ျ့တွင် တူးဖော်တွေ့ရှိ သတင်း
ထိုင်းနိုင်ငံရေး ရှုပ်ထွေး၊ ဒါပေမယ့် အာဏာသိမ်းမှာ မဟုတ်လို့ ချာဗာလစ် ပြော သတင်း

Read More...

Thursday, February 4, 2010

အပြန်အလှန် ထောက်ခံကြ၊ အပြန်အလှန် ပေါင်းစပ်လှုပ်ရှားကြ

တပ်မတော်သားဟောင်းတဦး
၎/ ဖေဖော်ဝါရီ ၂၀၁၀

ပြည်တွင်း ပြည်ပ၊ ပါတီတွင်း ပါတီပ အကြောင်းအချက်များအရ ၁၉၈၉ ခုနှစ်မှာ န၀တစစ်အုပ်စုရဲ့ ဗကပ ဖြိုခွဲရေး လုပ်ကြံမှု အောင်မြင် သွားခဲ့တယ်။ အဲဒီအချိန်ကစပြီး ဗမာပြည် လက်နက်ကိုင် တော်လှန်ရေး ဒီရေဟာ နိမ့်ဆင်း သွားခဲ့တယ်။ အဲဒီအခြေအနေမှာ မိုးဦးကျ မှိုတွေ၊ မျှစ်တွေ အလျှိုအလျှို ပေါက်လာသလို အပစ်ရပ် အဖွဲ့တွေ ပေါ်လာကြတယ်။

န၀တစစ်အုပ်စုဟာ အပစ်ရပ်အဖွဲ့တွေကို သက်ဆိုင်ရာ နယ်မြေဒေသအလိုက် လက်နက် ကိုင်ဆောင်ခွင့်၊ စီးပွားရေး လုပ်ကိုင်ခွင့်တွေ ပေးခဲ့တယ်။ တရားမ၀င် မူးယစ်ဆေးဝါး ထုတ်လုပ် ရောင်းချခွင့်ကိုတောင် ပေးခဲ့တယ်။ ရည်ရွယ်ချက်က အပစ်ရပ် အဖွဲ့တွေကို အမျိုးသား တန်းတူရေး နိုင်ငံရေး အင်အားစုများ အဖြစ်မှ စီးပွားရေး အင်အားစုများ အဖြစ် ပြောင်းလဲ ဖျက်ဆီးပစ်ဖို့ ဖြစ်တယ်။ သူတို့ အလိုကျ မဖြစ်ရင် တရားမ၀င် မူးယစ်ဆေးဝါး ထုတ်လုပ် ရောင်းချတဲ့ အဖွဲ့အစည်းများ အဖြစ် တရားခံရှာဖို့ ဖြစ်တယ်။ ဒီနည်းနဲ့ အပစ်ရပ် အဖွဲ့အစည်းတွေရဲ့ နိုင်ငံရေး လက္ခဏာ လုံးပါး ပါးစေပြီး၊ အဲဒီ အဖွဲ့အစည်းတွေရဲ့ လက်နက်ကိုင် တပ်တွေကို အပိုင်စီးဖို့ ဒါမှမဟုတ် ဖျက်သိမ်းပစ်ဖို့ ဖြစ်တယ်။ တပြည်လုံးဆိုင်ရာ အမျိုးသား နိုင်ငံရေး လှုပ်ရှားမှုကြီးနဲ့ ကင်းကွာ သွားစေဖို့ ဖြစ်တယ်။

၁၉၈၉ ကာလနဲ့ အဲဒီမတိုင်မီကာလများက န၀တ စစ်အုပ်စုရဲ့ အဓိက ဦးတည်ရန်သူဟာ ဗကပ ဖြစ်တယ်။ တပြည်လုံး လက္ခဏာနဲ့ လက်နက်ကိုင် တော်လှန်ရေး ဆင်နွှဲနေတဲ့ အဓိက နိုင်ငံရေး အင်အားစု ဗကပ ပြိုကွဲသွားပြီလို့ ယူဆပြီးတဲ့နောက် နအဖရဲ့ အဓိက ဦးတည်ရန်သူဟာ ၁၉၉၀ ပြည့်ရွေးကောက်ပွဲမှာ အပြတ် အောင်ပွဲရခဲ့တဲ့ အမျိုးသား ဒီမိုကရေစီအဖွဲ့ချုပ် (အန်အယ်လ်ဒီ) ဖြစ်လာတယ်။ အန်အယ်လ်ဒီကို ဦးတည် ချေမှုန်းနိုင်ဖို့ အန်အယ်လ်ဒီက သပိတ်မှောက်ထားတဲ့ ညောင်နှစ်ပင် ညီလာခံကို ‘အပစ်ရပ်အဖွဲ့’ တွေ တက်လာအောင် နအဖ က အကွက်ဆင်ခဲ့တယ်။ အပစ်ရပ်အဖွဲ့တွေ အန်အယ်လ်ဒီ အပါအ၀င် ဒီမိုကရေစီ အင်အားစု မှန်သမျှအကြား အပြန်အလှန် ဆက်စပ်ခွင့် မရအောင်လည်း နအဖက နည်းမျိုးစုံနဲ့ ချုပ်ချယ် ကန့်သတ်ခဲ့တယ်။ ဒါဟာ ဒီမိုကရေစီရေးနဲ့ အမျိုးသား တန်းတူရေးလှုပ်ရှားမှုကို မပေါင်းစည်း မိအောင် ရည်ရွယ်တာပဲ ဖြစ်တယ်။

အပစ်အခတ်စရပ်စဉ်က အပစ်ရပ်အဖွဲ့တွေရဲ့ အမျိုးသား တန်းတူရေးဆိုင်ရာ နိုင်ငံရေး တောင်းဆိုချက်တွေကို နအဖက ထမင်းရည်ပူလာ လျှာလွှဲ လုပ်ခဲ့တယ်။ သူတို့ (နအဖ) ဟာ တပ်မတော် အစိုးရ ဖြစ်တဲ့အတွက် နောင်တက်လာမယ့် အရပ်သား အစိုးရနဲ့ကျမှ ဆွေးနွေးပါဆိုပြီး ပယ်ချခဲ့တယ်။ အန်အယ်လ်ဒီကို ဦးတည် တိုက်ခိုက်ဖို့ လိုအပ်လာမှ အပစ်ရပ် အဖွဲ့တွေကို ညောင်နှစ်ပင် ညီလာခံထဲ ဆွဲသွင်း လာတာဖြစ်တယ်။ အပစ်ရပ် အဖွဲ့တွေဟာ သူတို့ရဲ့အမျိုးသား တန်းတူရေးဆိုင်ရာ နိုင်ငံရေး တောင်းဆိုချက်တွေကို တင်ပြ တောင်းဆိုခဲ့ပေမယ့် ဘာတခုမှ အသိအမှတ်ပြု မခံခဲ့ကြရဘူး။

၁၉၉၈ တုန်းက န၀တရဲ့ လက်တွေ့နိုင်ငံရေးစီမံချက်ဟာ ဗကပ ဖြိုခွဲရေး၊ ဒီမိုကရေစီ အင်အားစုများ၊ တောခို ၈၈ မျိုးဆက် ကျောင်းသားများနဲ့ ဗကပ အကြား အဆက်ဖြတ်ရေး၊ ၁၉၆၆ ခုနှစ်က တရုတ်-ဗမာအရေးအခင်း ဖန်တီး မိခဲ့လို့ မျက်နှာ ပျက်ခဲ့ရတဲ့ တရုတ်အစိုးရနဲ့ ပြန်လည် ရင်ကြားစေ့ရေးဖြစ်တယ်။

လက်ရှိ နအဖရဲ့ လက်တွေ့နိုင်ငံရေးစီမံချက်က ၁၉၉၀ ပြည့် ရွေးကောက်ပွဲရလဒ် ဖျက်သိမ်းရေး၊ ရွေးကောက်ပွဲ အနိုင်ရ အန်အယ်လ်ဒီပါတီကို အပြတ်ချေမှုန်းရေး၊ နိုင်ငံတကာရောက် ၈၈ မျိုးဆက် ကျောင်းသားများနဲ့ ဒီမိုကရေစီ အင်အားစုများအား အညံ့ခံ ပြည်တော် ပြန်လာစေရေး၊ ၎င်းတို့ အကျိုးစီးပွား အတွက် အမေရိကန်နဲ့ ပြန်လည် ရင်ကြားစေ့ရေး ဖြစ်တယ်။

ဖော်ပြပါ လက်တွေ့နိုင်ငံရေးစီမံချက်ရဲ့ အရေးကြီး အစိတ်အပိုင်း အဖြစ် နအဖဟာ အပစ်ရပ် အဖွဲ့တွေရဲ့ လက်နက်ကိုင်တပ် တွေကို နယ်ခြားစောင့် တပ်နဲ့ ပြည်သူ့စစ် အသွင်ပြောင်းဖို့ နည်းမျိုးစုံနဲ့ ဖိအား ပေးနေတယ်။ အဖွဲ့အစည်းတွေကိုတော့ အဆိပ်မရှိတဲ့ မြွေဖြစ်အောင်လုပ်ပြီး ၂၀၁၀ ရွေးကောက်ပွဲကို သနပ်ခါးလိမ်း ပန်းပန်ပေးရေးမှာ အသုံးချနိုင်ဖို့ ကြံစည်နေတယ်။

လက်တွေ့မှာ အပစ်ရပ်အဖွဲ့အများစုဟာ နယ်ခြားစောင့်တပ် လုပ်ရေး၊ ပြည့်သူ့စစ် လုပ်ရေးကို ငြင်းဆန် နေကြတယ်။ နယ်ခြားစောင့်တပ် လုပ်ရေး လက်ခံတဲ့ အဖွဲ့အစည်းတွေရဲ့ တပ်မှူး၊ တပ်သားတွေဟာလည်း စုဖွဲ့မှု ကာလ အတွင်းမှာပဲ ထွက်ပြေး နေကြတယ်။ ဒီဖြစ်ရပ်တွေက တဆင့် သိနိုင်တာက ၂၀၀၈ အခြေခံဥပဒေနဲ့ ၂၀၁၀ ရွေးကောက်ပွဲကို ဆန့်ကျင်ရာမှာ အန်အယ်လ်ဒီနဲ့ အပစ်ရပ် အဖွဲ့တွေဟာ ရပ်တည်ချက် တူနေကြပြီ ဆိုတာပဲဖြစ်တယ်။ လက်ရှိအခြေအနေ၊ အချက်အလက်တွေကို ကြည့်ရင် အန်အယ်လ်ဒီ အပါအ၀င် ဒီမိုကရေစီ အင်အားစုများနဲ့ အပစ်ရပ်အဖွဲ့တွေဟာ ကံတူ အကျိုးပေးဆိုတာ ထင်ရှားနေပြီ ဖြစ်တယ်။

တလျှောက်လုံး နအဖစစ်အုပ်စုရဲ့ အပိုင်စီး အသုံးချခံနေရတဲ့ တပ်မတော်တွင်းမှာလည်း အထက်အောက် ခံစားခွင့် အကျိုးစီးပွား ကွာဟာချက် ကြီးမားတာကြောင့် တပ်တွင်း မကျေနပ်မှုတွေ တနေ့တခြား ကြီးထွား လာနေပြီဖြစ်တယ်။ အမိန့်နာခံမှု ကောင်းတယ်ဆိုတဲ့ တိုက်ခိုက်ရေး တပ်မတွေ အတွင်းမှာတောင် ဆန္ဒပြမှုတွေ ပေါ်တဲ့ အတွက် ဖမ်းတာ ဆီးတာတွေ လုပ်ပြီး ကြိုးစား ထိန်းသိမ်း နေရတယ်။ တပ်ပြေးတွေ တနေ့တခြား ပိုများလာပြီး ဖွဲ့စည်းပုံ ပြည့်ရေး အတွက် ပြည်တွင်းပြည်ပက ဆန့်ကျင် နေတဲ့ကြားက ကလေး စစ်သား စုဆောင်းရေးကို မျက်နှာပြောင်တိုက် လုပ်နေရတယ်။ လတ်တလောမှာ လစာ (၁) သိန်းအောက် ၀န်ထမ်းတွေကို လစာ (၂) သောင်း ထပ်တိုးပေးမယ် ဆိုတဲ့ သတင်းတွေ ကြားနေရတယ်။ ဒီသတင်းသာ အတည်ဖြစ်ရင် တပ်တွင်းမငြိမ်သက်မှုကို အကြောင်းပြုပြီး ပေါ်လာတဲ့ စီမံချက်လို့ ယူဆနိုင်တယ်။ ဒါပေမယ့် ဒီလိုဆောင်ရွက်မှုမျိုးဟာ ဆေးမြီးတိုသာဖြစ်ပြီး တပ်ကို တကယ်တမ်း တည်ငြိမ်အောင် ထိန်းနိုင်တဲ့ နည်းလမ်း မဟုတ်ဘူး။

တပ်ကို တကယ်တမ်းတည်ငြိမ်အောင် ထိန်းနိုင်ဖို့ဆိုရင် တပ်ပြုပြင်ပြောင်းလဲရေးကို အခြေခံကစပြီး လုပ်ရမယ်။ ဆိုလိုတာက တပ်မတော်ကို အသုံးချပြီး စီးပွားရေးမှန်သမျှ စစ်အုပ်စုက လက်ဝါးကြီးအုပ် ခြယ်လှယ် နေတာတွေကို ရပ်ဆိုင်းပစ်ရမယ်။ တပ်တွင်း အထက်အောက် ရပိုင်ခွင့်ကွာဟမှု ကြီးမား နေတာကို တရားမျှတမှု ရှိအောင် ပြုပြင်ပစ်ရမယ်။ လွတ်လပ်တဲ့ တပ်တွင်း ဒါဘာ ဆွေးနွေးပွဲများကို ပုံမှန်ပြုလုပ်ပြီး အောက်ခြေ အကြပ် တပ်သားများရဲ့ တရားမျှတတဲ့ တင်ပြချက်များကို ဖြေရှင်းပေးရမယ်။ ဒါတွေကို အမှန်တကယ် ဆောင်ရွက်နိုင်ဖို့ ဆိုရင် စစ်အုပ်စုရဲ့ အမိန့်ပေး ဌာနအောက်မှာ ဘယ်လိုမှ မဖြစ်နိုင်ဘူး။ တပ်မတော်ဟာ ပြည်သူတွေ လွတ်လပ်စွာ ရွေးကောက် တင်မြှောက်ခွင့်အရ ပေါ်ပေါက်လာတဲ့ ဒီမိုကရေစီ အစိုးရအပေါ် သစ္စာခံမှ၊ စစ်အစိုးရ၊ စစ်အာဏာရှင် စနစ်၊ စစ်ဗျူရိုကရက် ယန္တရားကို ဖျက်သိမ်းပစ်မှသာ ဖြစ်နိုင်မယ်။

အထက်ပါအချက်က တဆင့်သိနိုင်တာက တပ်မတော်တွင်း အောက်ခြေတပ်မှူး အကြပ် တပ်သားများရဲ့ ဘ၀ တိုးတက် ကောင်းမွန်ရေးဟာ လစာတိုးပေးတာ၊ ၂၀၀၈ အခြေခံဥပဒေကို အသက်သွင်းမယ့် ၂၀၁၀ ရွေးကောက်ပွဲက ပေါ်ထွက်လာမယ့် စစ်အုပ်စုရဲ့အရပ်ဝတ် ရုပ်သေး အစိုးရတရပ် တည်ရှိရေး … စတာတွေ မဟုတ်ဘူး ဆိုတာပဲဖြစ်တယ်။

အချုပ်အားဖြင့်ဆိုရင် ဒီမိုကရေစီအင်အားစုတွေ၊ အပစ်ရပ်အဖွဲ့တွေ၊ တပ်မတော်တွင်း အောက်ခြေ တပ်မှူး၊ တပ်သားတွေဟာ စစ်အာဏာရှင် စနစ်ရဲ့ ဖိနှိပ်မှုကို ခံနေကြရတဲ့ ဘ၀တူတွေဖြစ်တယ်။ ဒါကြောင့် ဒီအင်အားစု သုံးခုဟာ အပြန်အလှန် ထောက်ခံ၊ အပြန်အလှန် ပေါင်းစပ်လှုပ်ရှားမှသာ မိမိတို့အသီးသီးရဲ့ ရည်မှန်းချက်တွေ အထမြောက်နိုင်မှာ ဖြစ်တယ်။ ပြည်သူ တရပ်လုံးရဲ့ အားပေး ထောက်ခံ ပါဝင်မှုကို ရရှိနိုင်မှာ ဖြစ်တယ်။ အကြောင်းကတော့ ဒီအင်အားစု သုံးခုရဲ့ အရေးဟာ လူမျိုးစုံ ပြည်သူ တရပ်လုံးရဲ့ အရေးတော်ပုံနဲ့ ပေါင်းစည်း နေလို့ဖြစ်တယ်။ ပေါင်းစပ်မှု မရှိဘဲ တကွဲတပြား လှုပ်ရှားရင် ရောက်ချင်တာက နိဗ္ဗာန်၊ ရောက်ရတာက ငရဲဖြစ်လိမ့်မယ်။

ဘယ်လိုအပြန်အလှန်ပေါင်းစပ်ကြမလဲ။ ဥပမာတခု အနေနဲ့ ထုတ်ပြရရင် အပစ်ရပ် အဖွဲ့တွေကို နအဖက အကြမ်းဖက် စစ်ဆင်လာခဲ့ရင် ဒီမိုကရေစီ အင်အားစု မှန်သမျှက လူထုကြီးကို စည်းရုံးပြီး ပြည်တွင်းစစ် ဆန့်ကျင်ရေး၊ ပြည်တွင်း ငြိမ်းချမ်းရေး တည်ဆောက်ရေး၊ တွေ့ဆုံ ဆွေးနွေး အဖြေရှာရေး လူထု လှုပ်ရှားမှုကြီးနဲ့ နအဖ လုပ်ရပ်ကို ဆန့်ကျင်ဖို့ဖြစ်တယ်။ ဒီမိုကရေစီ အင်အားစုများရဲ့ လူထု လှုပ်ရှားမှုများကို နအဖက အကြမ်းဖက် ဖြိုခွဲလာခဲ့ရင် အပစ်ရပ် အဖွဲ့များအနေနဲ့ လူထု ဆန္ဒပြ ဖော်ထုတ်မှုကို ထောက်ခံရေး၊ ဒီမိုကရေစီ ရရှိရေး၊ စစ်အစိုးရရဲ့ အကြမ်းဖက်ဖိနှိပ်မှုကို ဆန့်ကျင် ကန့်ကွက်ရေး စတဲ့ လှုပ်ရှားမှုများနဲ့ နအဖကို ဆန့်ကျင်ဖို့ ဖြစ်တယ်။

တပ်မတော်တွင်းရှိ အောက်ခြေတပ်မှူး၊ အကြပ်တပ်သားများ၊ မျိုးချစ်ပြည်ချစ် အင်အားစုများ ကလည်း အထက်ဖော်ပြပါ အရေးအခင်းမျိုး ရင်ဆိုင်လာရတဲ့ အခါ ဒီမိုကရေစီ အင်အားစုများ၊ အပစ်ရပ် အဖွဲ့များ၊ ပြည်သူများရဲ့ တောင်းဆို လှုပ်ရှားမှုများ ဘက်က ရပ်တည်ရေး၊ ပြည်တွင်းစစ် ဆန့်ကျင်ရေး၊ ပြည်တွင်း ငြိမ်းချမ်းရေး ထိန်းသိမ်းရေး၊ လူထုအား အကြမ်းဖက် ပစ်ခတ်ရန် ပေးတဲ့ အမိန့်မှန်သမျှ မနာခံရေး စတဲ့ နည်းလမ်းပေါင်းစုံနဲ့ ထောက်ခံ ပါဝင်ဖို့ ဖြစ်တယ်။

တချိန်တည်းမှာ တပ်မတော်သားများရဲ့ စစ်အာဏာရှင်စနစ် ဆန့်ကျင်ရေး လှုပ်ရှားမှုများကို အပစ်ရပ် အဖွဲ့များ၊ ဒီမိုကရေစီ အင်အားစုများ အပါအ၀င် လူမျိုးစုံ ပြည်သူ တရပ်လုံးက အုံကြွ ထောက်ခံရေး၊ တပ်မတော်သားများကို နည်းမျိုးစုံဖြင့် ကူညီရေး၊ ကာကွယ် စောင့်ရှောက်ရေး ဖြစ်တယ်။ ဒီနည်းနဲ့သာ ဒီမိုကရေစီ အင်အားစုများ၊ အပစ်ရပ် အင်အားစုများ၊ တပ်မတော်တွင်းရှိ အောက်ခြေတပ်မှူး၊ အကြပ်တပ်သား မျိုးချစ် ပြည်ချစ် အင်အားစုများရဲ့ အရေးတော်ပုံ (၀ါ) လူမျိုးစုံ ပြည်သူ တရပ်လုံးရဲ့ အရေးတော်ပုံဟာ အောင်ပွဲ ရနိုင်မှာ ဖြစ်တယ်လို့ ယူဆပါတယ်။ ။

Ref: ခေတ်ပြိုင်

Read More...

နေ့စဉ်သတင်းများ (၃ - ၂ - ၁၀)

မကွေးတိုင်း၌ ဘုရားပွဲတွင် လူကို ကြိုးတုပ်နှောင်ပြီး စစ်သားအဖြစ်စုဆောင်း သတင်း
ဗဟိုဥပဒေအထောက်အကူပြုအဖွဲ့ အစည်းအဝေးကျင်းပပြုလုပ် သတင်း
မန္တလေးတိုင်းအတွင်းရှိ မြို့နယ်တွေမှာ အဖွဲ့ချုပ်အမျိုးသမီးအဖွဲ့တွေ ဖွဲ့စည်းပေး သတင်း
ရွေးကောက်ပွဲကာလအတွင်း ဒေါ်အောင်ဆန်းစုကြည် လွတ်နိုင်ကြောင်း ထိုင်းနိုင်ငံခြားရေးဝန်ကြီး ပြောကြား သတင်း
NLD-LA (မလေးရှား) မှ ရွေးကောက်ပွဲအကြောင်း ရှင်းလင်းပွဲလုပ် သတင်း
ရှေ့နေ ကိုဖိုးဖြူ လွတ်မြောက်ဖွယ်ရှိ သတင်း
စိတ်ကြွဆေးပြား လေးသန်းသည် UWSA လုပ်ဟု ထိုင်းက ပြော သတင်း
မိုင်းလားအတွင်းရေးမှူး လုပ်ကြံခံရမှု အပစ်ရပ်များကြား ဂယက်ရိုက် သတင်း
စစ်အစိုးရလှုပ်ရှားမှုအပေါ် သတိထားစောင့်ကြည့်နေရဟု မွန်ပြည်သစ်ပါတီဥက္ကဌကြီးမှ ပြောကြား သတင်း
နိုင်အောင်နိုင်အဖွဲ့မှ ဘုရားသုံးဆူ လိုင်းကားများအပေါ် အခွန်ကောက်ခံနေ သတင်း
မြန်မာအင်တာနှေး - ရန်ကုန်မြို့တွင် အင်တာနက်လိုင်းများ ပြတ်တောက်လုနီးပါးဖြစ်နေ သတင်း
နိုင်ငံပိုင် မြန်မာ့လေကြောင်းကို ကမ္ဘောဇဘဏ်သို့ ရောင်းချ သတင်း
မြန်မာ (၉) ဦး သေဆုံးမှုတွင် ပါဝင်ပတ်သက်သူများအား ထိုင်းရဲက ဖမ်းဝရမ်းထုတ်လိုက်ပြီ သတင်း
မယ်လစခန်းရှိ ကရင်ဒုက္ခသည် (၉၀) ဂျပန်မှာ အခြေချခွင့်ရမည် သတင်း
ရန်ကုန်မြို့၏ ကမ်းနားတလျှောက် မြေကွက်များ၊ ဈေးများ၊ ၀န်ထမ်းအိမ်များ ဖယ်ရှားခံရနိုင် သတင်း
ရန်ကုန်မြို့တွင်းဧရိယာ၌ လူစီးဒိုင်နာကားများ ၀င်ရောက်ခွင့်မရှိတော့ သတင်း
ယာယီနိုင်ငံကူးလက်မှတ်ကြောင့် အလုပ်သမားများ ဌာနေသို့ အပြန်များ သတင်း
မသန့်စင်သော ငါးများ ဈေးတွင် ရောင်းချနေဆဲ သတင်း
ရန်ကုန်ရှိ တိုင်းရင်းသားကျေးရွာတွင် မွန်အမျိုးသားနေ့ အခမ်းအနားအဖြစ် ကျင်းပခွင့်ရခဲ့ သတင်း
ပြန်/ဆက်အောက်က ရပ်/ကျေး စာကြည့်တိုက်မှာ တိုင်းရင်းသားစာပေများ ထားခွင့်မပေး သတင်း
ကေအိုင်အိုတော်လှန်ရေးနေ့ အထိမ်းအမှတ်ပွဲတော် စတင်ကျင်းပ သတင်း
မပြီးဆုံးသေးတဲ့ ကရင့်တော်လှန်ရေး သတင်း
ဘားမားဗွီဂျေ ရုပ်ရှင်မှတ်တမ်း အော်စကာဆုအတွက် ပဏာမ (၅) ခုစာရင်းမှာ ပါဝင်နေ သတင်း
မြန်မာအတွက် ဒေါ်လာ (၃၄.၈) သန်း အိုဘားမား အဆိုပြု သတင်း
စစ်တပ်အတွင်း ရွေးကောက်ပွဲကို စိတ်မဝင်စား သတင်း
မန္တလေးတိုင်းက နိုင်ငံရေးအကျဉ်းသားများကို ဝေးလံသည့်ထောင်များသို့ ပို့ဆောင် သတင်း
ဘင်္ဂလီအလုပ်သမားများနှင့် ရန်ဖြစ်မှု မြန်မာဘုတ်သမားများ တာကာ (၅၀၀၀၀) ဒဏ်တပ်ခံရ သတင်း
အကော်ဒီယံအုန်းကျော်ကို ဂီတအစည်းအရုံး တရားစွဲ သတင်း
အနောက်တိုင်း ဖော်ချွတ်အကများ ရခိုင်တွင် ခေတ်စား သတင်း
သမ္မတ အိုဘားမားနဲ့ တိဘက်ခေါင်းဆောင်တို့ကြား တွေ့ဆုံမှု တရုတ် ထပ်မံကန့်ကွက် သတင်း
နော်လွီဇာဘင်ဆင် - ကရင်အမျိုးသားတို့ရဲ့ ငွေကြယ်တပွင့် (ဆောင်းပါး)
မြန်မာနိုင်ငံနှင့် လျှပ်စစ်ဖူလုံရေး အလားအလာ (ဆောင်းပါး)
လူ့အခွင့်အရေးချိုးဖောက်မှုတွေ ဆိုးဆိုးဝါးဝါး ဆက်လက်ဖြစ်ပေါ်နေဆဲ (အင်တာဗျူး)

Read More...

နယ်ခြားစောင့်တပ် ဖွဲ့ဖို့ လက်မခံနိုင်ဘူး

Wednesday, 03 February 2010

နိုင်ထောမွန်သည် မွန်ပြည်နယ် အခြေစိုက် နိုင်ငံရေးအဖွဲ့ ဖြစ်သည့် မွန်ပြည်သစ် ပါတီ၏ ဥက္ကဋ္ဌ ဖြစ်သည်။ ၁၉၅၈ ခုနှစ်တွင် စတင် တည်ထောင်သည့် မွန်ပြည်သစ် ပါတီသည် လက်နက်ကိုင် တော်လှန်ရေး လမ်းစဉ်ကို ကျင့်သုံးခဲ့ပြီး မြန်မာ့ တပ်မတော်နှင့် နှစ်ပေါင်းများစွာ တိုက်ခိုက်လာခဲ့ရာမှ လွန်ခဲ့သည့် ၁၅ နှစ်က အပစ်အခတ် ရပ်စဲရန် သဘော တူညီခဲ့ကြသည်။

မွန်ပြည်သစ်ပါတီသည် ဖွဲ့စည်းအုပ်ချုပ်ပုံ အခြေခံဥပဒေကို ရေးဆွဲသည့် အမျိုးသားညီလာခံတွင် ပါဝင်ခဲ့သော်လည်း နောက်ပိုင်းတွင် အခြေခံဥပဒေ ရေးဆွဲမှု အစီအစဉ်နှင့် ပတ်သက်ပြီး စစ်အစိုးရနှင့် သဘောထားခြင်း မတိုက်ဆိုင်သဖြင့် ညီလာခံသို့ လေ့လာသူ တချို့ကိုသာ စေလွှတ်ခဲ့သည်။

၂၀၀၉ ခုနှစ်တွင် တခြားသော တိုင်းရင်းသား လက်နက်ကိုင် အဖွဲ့များကဲ့သို့ပင် မွန်ပြည်သစ်ပါတီသည် သူ၏ စစ်ရေးအဖွဲ့ကို နယ်ခြားစောင့် တပ်များအဖြစ် အသွင်ပြောင်းရန် စစ်အစိုးရ၏ ညွှန်ကြားချက်နှင့် ရင်ဆိုင်ရသည်။

ဇန်နဝါရီ ၃၀ ရက်နေ့၊ မွန်အမျိုးသား နေ့တွင် ဥက္ကဋ္ဌ နိုင်ထောမွန်က ဧရာဝတီနှင့် ထိုင်း-မြန်မာ နယ်ခြားတွင် တွေ့ဆုံစဉ် မြန်မာ့နိုင်ငံရေး အခြေအနေ၊ မွန်ပြည်သစ် ပါတီ၏ သဘောထား အမြင်တို့ကို ပြောပြခဲ့သည်။

မေး။ ။ မွန်ပြည်သစ်ပါတီ အနေနဲ့ ၂၀၁၀ ရွေးကောက်ပွဲကို ဘယ်လိုထင်လဲ။

ဖြေ။ ။ကျနော်တို့ သဘောထား ပေးထားပြီးသားပဲ။ ဖွဲ့စည်းအုပ်ချုပ်ပုံ (အခြေခံဥပဒေ) ကို ပြင်ဖို့၊ ပြင်ပြီးမှ ကျနော်တို့ စဉ်းစားရမှာပေါ့၊ ဒီအတိုင်းဆိုရင် ကျနော်တို့ လက်မခံဘူး ပြောထားပြီးသားပဲ။

မေး။ ။ နအဖ စစ်အစိုးရရဲ့ နယ်ခြားစောင့်တပ် အသွင်ပြောင်းရေးကို ဘယ်လို မြင်ပါသလဲ။

ဖြေ။ ။ ဒါလည်း ကျနော်တို့ အကြောင်းပြန်ပြီးပြီလေ။ ကျနော်တို့ လက်မခံနိုင်ဘူး၊ ကျနော်တို့ လူထုတွေကလည်း ဒါကိုလက်ခံဖို့ သဘော မတူကြဘူး၊ ဒါကို အကြောင်း ပြန်ထားပြီးသားပဲ။ ဒါပေမယ့် ဆွေးနွေးချင်ရင်တော့ ကျနော်တို့ ဆွေးနွေး နိုင်ပါတယ်လို့ အဲဒီလိုပဲ ပြောထား ပြီးသားပဲ။

မေး။ ။ မြန်မာစစ်အစိုးရဘက်က နယ်ခြားစောင့်တပ် အသွင်ပြောင်းရေးနဲ့ ပတ်သက်ပြီးတော့ ဘယ်လို ဖိအားပေးမှုတွေ ရှိသလဲ။

ဖြေ။ ။ သူတို့ဘက်က မပြောသေးဘူး လောလောဆယ်။ ဒီအတိုင်းပဲ နေနေတယ်။

မေး။ ။ မြန်မာပြည် မြောက်ပိုင်းမှာလိုမျိုး စစ်အစိုးရက ဖိအားတွေ ပေးလာမယ်၊ စစ်ပြင်ဆင်မှုတွေ ရှိလာမယ်လို့ ထင်သလား။

ဖြေ။ ။ ဒီဘက်အခြေအနေကတော့ အဲဒီလို ထွေထွေ ထူးထူး မဖြစ်လာသေးဘူးလို့ မြင်တယ်။ ပြဿနာကလည်း တခြားကိစ္စတွေ ရှိသေးတယ် ထင်တယ်။ ဒီဘက် အခြေအနေ ကြည့်တာ ထူးခြားမှု သိပ်မရှိဘူး။

မေး။ ။ နအဖ စစ်အစိုးရက ရွေးကောက်ပွဲ တကယ်လုပ်မယ်လို့ ထင်သလား။

ဖြေ။ ။ လုပ်မယ်ထင်တယ်၊ ဒါ သူ့ထွက်ပေါက် ဖြစ်နေတော့ သူ လုပ်မယ် ထင်တယ်။ ဖွဲ့စည်းအုပ်ချုပ်ပုံ မရှိဘဲနဲ့ ဒီအတိုင်းသွားရင် ကြာရင် မလွယ်ဘူး။ ဖွဲ့စည်းအုပ်ချုပ်ပုံ တမျိုးမျိုးနဲ့ သူ သွားမှ ပိုပြီးတော့ အဆင်ပြေမယ့် သဘောရှိတယ်ဆိုတော့ သူ့ ထွက်ပေါက်ပေါ့။ သူလုပ်မယ် ထင်တယ်လေ။ ဘယ်လိုဖြစ်လာမလဲတော့ မပြောနိုင်သေးဘူး။

မေး။ ။ တကယ်လို့ ဖွဲ့စည်းအုပ်ချုပ်ပုံကို ပြင်ချင်ရင် ဘယ်နေရာကို ပြင်ချင်တာလဲ။ တိုင်းရင်းသားအခွင့်အရေးနဲ့ ပတ်သက်ပြီး ဘာမှ မရှိဘူးလို့ ကျနော်တို့ သိထားတယ်။

ဖြေ။ ။ ကျနော်တို့ အဓိက ပြင်ချင်တာက ဒီမိုကရေစီ စံနှုန်းနဲ့ မကိုက်ညီတဲ့ဟာတွေပေါ့။ အထူးသဖြင့် တပ်က ၂၅ ရာခိုင်နှုန်း ယူထားတာရယ်၊ နောက် - အချက်အချာ ကျတဲ့ နေရာတွေမှာ စစ်ဘက်ကပဲ အများအားဖြင့် ယူထားတာပေါ့၊ ဒါကလည်း တပိုင်းပေါ့။ နောက်တပိုင်းက ဒီမိုကရေစီ အခွင့်အရေးလည်း စံနှုန်းလည်း မမီဘူးပေါ့၊ ဒါတွေ ပြင်ရမယ်။ နောက် တိုင်းရင်းသား အခွင့်အရေးလည်း ခုနက ပြောသလိုပေါ့၊ ဒီမိုကရေစီ အခြေခံ မရှိတော့ ကိုယ်ပိုင် အုပ်ချုပ်ခွင့် ဆိုပေမယ့်လည်း တကယ်တမ်းကျတော့ အဲဒီ အခွင့်အရေး သိပ်မရှိဘူး။ ကျနော်တို့ (အမျိုးသားညီလာခံမှာ တိုင်းရင်းသားအဖွဲ့) ၁၃ ဖွဲ့ တင်ထားတာလည်း (စစ်အစိုးရက) မစဉ်းစားဘူး မဟုတ်လား။ အဲဒီအကြောင်းရင်းခံတွေကြောင့် ကျနော်တို့ လက်မခံနိုင်ဘူး။ ပြင်ရင်လည်း အဲဒီအချက်တွေ ပြင်ရမှာပေါ့။

မေး။ ။ မြောက်ပိုင်းမှာ ရှိတဲ့ ရှမ်း၊ ၀၊ ကိုးကန့် တိုင်းရင်းသား တွေနဲ့ ပတ်သက်ပြီး ဘာပြောချင်သလဲ။

ဖြေ။ ။ ဘ၀တူတွေပဲ မဟုတ်လား၊ တိုင်းရင်းသားတွေရဲ့ အရေးက ကိုယ်ပိုင်ပြဌာန်းခွင့်၊ တကယ့် စစ်မှန်တဲ့ ပြည်ထောင်စုထဲမှာ တိုင်းရင်းသားတွေ အချင်းချင်း နေဖို့ပဲ လို့ ကျနော်တို့ မြင်တယ်။ အဲဒီရည်မှန်းချက် ရောက်ဖို့က တိုင်းရင်းသားတွေ အားလုံး စုစုစည်းစည်း ရှိကြဖို့ လိုမယ်။ အတူတကွ အမြင်တခုတည်း တိုင်းရင်းသားအရေးအတွက် ပူးတွဲပြီးတော့ ဆက်စပ်မှု ရှိရှိ၊ ညီညွတ်မှု ရှိရှိနဲ့ ကြိုးစားသွားရင်တော့ ရည်မှန်းထားသလို ဖြစ်နိုင်မယ်။

မေး။ ။ မွန်ပြည်နယ်ထဲမှာ လူ့အခွင့်အရေး ချိုးဖောက်မှုတွေ စစ်တပ်ကနေ တိုးပြီးလုပ်နေတာ ဘာတွေ ရှိသလဲ။

ဖြေ။ ။ မွန်ပြည်နယ်ထဲမှာ အပစ်အခတ်ရပ်ထားတာ ၁၅ နှစ်လောက် ရှိပြီ။ တပ်က မွန်ပြည်နယ်ထဲမှာ တချို့ တိုးလာတာ ရှိတာပေါ့။ သိပ်ပြီး ထွေထွေ ထူးထူး မရှိဘူး ထင်တယ်၊ တိုးချဲ့ထားပြီးသား၊ ၁၀ နှစ် ကျော်ပြီ မဟုတ်လား။

မေး။ ။ စစ်အစိုးရတပ်တွေ မွန်ပြည်နယ်ထဲမှာ ဘယ်လောက်တောင် တိုးလာသလဲ။

ဖြေ။ ။ သိပ်မတိုးဘူး။ နေရာတွေ ပိုပြီးတော့ ယူလာတယ်။ တပ်မ ၁၉ ရေး (မြို့) ဧရိယာ ခွင်မှာပေါ့၊ တပ်တွေ ရှိထားပြီးသားပဲ။ ကျနော်တို့ ဧရိယာထဲမှာ လှုပ်ရှားလာတဲ့ အပိုင်းတော့ မရှိဘူး။ တပ်တွေ ချထားရုံလောက်ပဲ ရှိတယ်။ လူ့အခွင့်အရေး ချိုးဖောက်မှုကတော့ ရှိမှာပေါ့၊ စစ်အုပ်ချုပ်ရေး ယန္တရားက ရှိနေတယ် ဆိုတော့ ရှိမှာပဲ၊ အသေးစိတ် ပြောရင်တော့ ပြောလို့ မကုန်ဘူး။ စစ်အုပ်ချုပ်ရေး ရှိနေသမျှ လူ့အခွင့်အရေး ချိုးဖောက်မှုတွေက ဓမ္မတာပဲ၊ သူ ရှိမှာပဲ။

မေး။ ။ မွန်ပြည်သစ်ပါတီရဲ့ လက်အောက်ခံတပ်တွေက ပြန်တိုက်ဖို့ အစီအစဉ်ရော ရှိသလား။

ဖြေ။ ။ ဒါကတော့ နိုင်ငံရေး အခြေအနေပေါ် တည်မှာပေါ့။ သူက တွေ့ဆုံဆွေးနွေးပြီး အဖြေရှာမယ် ဆိုရင် ကျနော်တို့လည်း ဒါကို လိုလားတယ်ပေါ့၊ မဟုတ်လား။ ကျနော်တို့က ကြိုးစားနေတာ ဒါပဲ။ သူက အင်အားသုံးပြီး ဖြေရှင်းမယ် ဆိုရင် ဖြစ်နိုင်တဲ့နည်းနဲ့ ခုခံ ကာကွယ်ရမှာပေါ့။

မေး။ ။ အခု ပြောခဲ့တဲ့ မွန်အမျိုးသားနေ့ မိန့်ခွန်းထဲမှာ အမေရိကန် အစိုးရရဲ့ ပေါ်လစီ လို့ ထည့်ပြောသွားတာ ကြားလိုက်ရပါတယ်။ စစ်အစိုးရကို အမေရိကန်က ပိတ်ဆို့မှုတွေ့နဲ့ အရေးယူထားတာနဲ့ ပတ်သက်ပြီး ဘယ်လိုသဘောထား ရှိသလဲ။

ဖြေ။ ။ ဒါက အမေရိကန် ပေါ်လစီ၊ သူ့ အစိုးရရဲ့ ရပ်တည်ချက်ပဲ။ တွေ့ဆုံဆွေးနွေးရေးကို ဆက်ပြီး အထောက်အကူ ပြုရင် ကြိုဆိုမယ်။ အထောက်အကူ မပြုဘူး ဆိုရင်တော့ ကျနော်တို့ အမြင်က တမျိုးပေါ့။ သူ့ပေါ်လစီကို ကျနော်တို့ အားလုံး လေ့လာလို့ မပြီးသေး၊ မပြည့်စုံဘူး ဆိုတော့ ပြည့်ပြည့်စုံစုံ ပြောလို့ မဖြစ်နိုင်သေးဘူး။ ကျနော့်အမြင်က သူက တကယ်လို့ တွေ့ဆုံ ဆွေးနွေးရေးဘက်ကို ဦးတည်ပြီးတော့ ဖိအားပေးရင်တော့ ကျနော်တို့ ကြိုဆိုတဲ့သဘော ရှိမှာပေါ့။

မေး။ ။ ကုလသမဂ္ဂကလည်း မြန်မာပြည်မှာ ကြားဝင် စေ့စပ်ဖို့ အစီအစဉ်တွေ လုပ်ခဲ့တယ်။ အောင်မြင်မှု မရှိဘူး။ ကုလသမဂ္ဂ ကိုယ်စားလှယ်တွေ အမြဲတမ်း လာတယ်၊ မစ္စတာ ရာဇာလီ လာတယ်၊ မစ္စတာ ဂန်ဘာရီ လာတယ်၊ အောင်မြင်မှု ဘာမှ မရှိဘူး၊ ဒါကို ဘယ်လိုထင်သလဲ။

ဖြေ။ ။ ပြည်တွင်းရေးလည်း ဖြစ်နေတော့ ဒါကတော့ ကုလသမဂ္ဂကလည်း ပြည်တွင်းရေးကို အားလုံး ၀င်စွက်လို့မှ မရဘဲ။ ဒါကြောင့် ကြိုးစားလည်း အကောင်အထည် မပေါ်ဘူးပေါ့။

မေး။ ။ ဒေါ်အောင်ဆန်းစုကြည်အပေါ် ဘယ်လိုထင်လဲ၊ NLD အပေါ် ဘယ်လို ထင်သလဲ။

ဖြေ။ ။ ဒါက ဒီမိုကရေစီ အောင်ပွဲရထားတဲ့ပါတီပဲ။ ဒါ ကျနော်တို့လည်း ကြိုဆိုတာပေါ့။ သူ့ခေါင်းဆောင်မှုကိုလည်း ပြည်သူ လက်ခံထားပြီးသားပဲ။

မေး။ ။ သူတို့ကို ယုံသလား။

ဖြေ။ ။ ဗမာအဖွဲ့အစည်းအနေနဲ့ ကျနော်တို့ ယုံတာပေါ့၊ ဒါပေမယ့် တိုင်းရင်းသားအရေးနဲ့ ပတ်သက်ရင်တော့ တမျိုးပေါ့။

မေး။ ။ မယုံဘူးပေါ့။

ဖြေ။ ။ ဒါက သူ့လုပ်ရပ်ကို သိရမှာပေါ့။ ဗမာတိုင်းရင်းသားနဲ့ ပတ်သက်ရင် သူ ဗမာလူ့အဖွဲ့အစည်းအတွက် တကယ့် ခေါင်းဆောင်တယောက်ပေါ့။ အသိအမှတ် ပြုမယ်ပေါ့။ ဒါပေမယ့် တိုင်းရင်းသားတွေ အားလုံးနဲ့ ပတ်သက်ရင်တော့ ကျနော် မပြောနိုင်ဘူး၊ သူ့လုပ်ရပ်၊ တကယ့်လုပ်ဆောင်ချက်ပေါ်မှာ မူတည်တာပေါ့။ တိုင်းရင်းသား လက်ခံရင်တော့ သူ ခေါင်းဆောင်မှု ရမှာပေါ့။

မေး။ ။ ဗိုလ်ချုပ်မှူးကြီး သန်းရွှေကိုရော ယုံသလား။

ဖြေ။ ။ ဒါကလည်း သူ့တိုင်းပြည်အတွက် သူလုပ်တာပေါ့။ တိုင်းရင်းသားအရေး ဒီမိုကရေစီအရေး လုပ်ရင်တော့ ပြည်သူက ကြိုဆိုမှာပေါ့၊ သူမလုပ်ရင်တော့ ကျနော်တို့လည်း လက်မခံနိုင်ဘူး။ ။

Ref: ဧရာဝတီ်

Read More...

Wednesday, February 3, 2010

နေ့စဉ်သတင်းများ ( ၂ - ၂ - ၁၀)

ဦးအောင်ဆန်းဦးတို့ ဇနီးမောင်နှံ ဗုဒ္ဓဘာသာဝင်အဖြစ်မှ ထုတ်ပယ်ခံရ သတင်း
သံဃာ့တပ်ပေါင်းစုနှင့် ဆက်သွယ်သူများကို ထောင်ဒဏ်ချမှတ် သတင်း
မြန်မာ့အရေးအတွက် အိုဘားမား ဒေါ်လာ (၃၆.၅) သန်း အဆိုတင်သွင်း သတင်း
ဦးသန့်၏ ခေါင်းဆောင်မှုကို ဘန်ကီမွန်း ချီးကျူး သတင်း
မြန်မာအလုပ်သမားများ အသတ်ခံရမှု အာဏာပိုင်များ ပါဝင် သတင်း
ဖမ်းဆီးထားသူများအား ညှဉ်းပန်း၍ ဖြောင့်ချက်ရယူမှု ရှေ့နေများကောင်စီက စုံစမ်းသွားမည် သတင်း
စစ်အုပ်စု ရွေးကောက်ပွဲ ပြင်ဆင်၊ သို့သော် လူထုကို အမှောင်ချ သတင်း
သျှမ်းပြည်မြောက်ပိုင်း လောင်းကစားဝိုင်း၌ ဗုံးပေါက် သတင်း
ကရင်ဒုက္ခသည် (၃၀၀၀) ခန့် ထိုင်းက နေရပ်ပြန်ခိုင်း သတင်း
မြေမြှုပ်မိုင်းအန္တရာယ်ကြောင့် ဒုက္ခသည်များ ပြန်မပုိ့ရေး ကရင်အမျိုးသမီးအဖွဲ့ အသနားခံ သတင်း
တောင်ပေါ်သား ကလေး (၁၆) ယောက်ကို လူပွဲစားလက်မှ ဘင်္ဂလာရဲက ကယ်တင် သတင်း
တိုင်းမှူးက ငွေကောက်၍ ဘုရားတည် သတင်း
အသစ်ရောက် အမြောက်တပ်ရင်းအတွက် ရခိုင်လူထုပိုင် လယ်မြေများ ဆက်လက်သိမ်းဆည်းခံရ သတင်း
ရဲနှင့် စရဖများ ဆိုင်ကယ် အသုံးပြုဆဲ သတင်း
မြန်မာ-တရုတ် ဂက်စ်ပိုက်လိုင်း ပွင့်လင်းရာသီအတွင်း အပြီးသတ် တည်ဆောက်မည် သတင်း
ယာဉ်အပိုပစ္စည်း အခွန်စည်းကြပ်ရာတွင် ပြင်ပဒေါ်လာပေါက်ဈေး သတ်မှတ် သတင်း
အလှဖန်တီးရှင် မယ်ရွေးပွဲ တရားဝင်ကျင်းပခွင့် ပိတ်ပင် သတင်း
မယ်ဆိုင်ဖိနပ်စက်ရုံမှ အလုပ်ထုတ်ခံ မြန်မာအလုပ်သမားများ လျော်ကြေးရ သတင်း
စက်ရုံပိတ်၍ မြန်မာအလုပ်သမားများ အခက်အခဲဖြစ် သတင်း
မလေးရှားက ဒုက္ခသည်များကို ယာယီနေခွင့်ပြုရန် စီစဉ် သတင်း
သတင်းထောက်များ ကာကွယ်ရေးကော်မတီက မြန်မာသတင်းသမားများအတွက် တောင်းဆို သတင်း
‘လေလွင့်သူ’ ၀တ္ထု မူရင်းစာရေးဆရာ ကွယ်လွန် သတင်း
ရွှေမြွေဟောက် စစ်ကစားပွဲ စတင် သတင်း
အမျိုးသားဒီမိုကရေစီအဖွဲ့ချုပ် မူဝါဒများနဲ့ အကောင်အထည်ဖော်မှုများ (ဆောင်းပါး)

Read More...

Tuesday, February 2, 2010

ရုရှ ကိုလူလည်နဲ့ မြန်မာ့လေယာဉ်အရောင်းအ၀ယ်

ဝေလင်း
၁ ဖေဖော်ဝါရီ ၂၀၁၀

ပြီးခဲ့တဲ့ (၃) လလောက်က မြန်မာ့သဘာဝဓာတ်ငွေ့ ရောင်းချရတဲ့ငွေ အမေရိကန်ဒေါ်လာ (၄) ဘီလီယံ ကျော်လောက် စာရင်း ပျောက်တဲ့ ကိစ္စ မီဒီယာ သတင်းတွေထဲ ပျံ့လွင့်ခဲ့ပါတယ်။ ရလိုက်တဲ့ ဒေါ်လာတွေကို လက်ရှိ ပေါက်ဈေးနဲ့ (တဒေါ်လာ ၆ ကျပ်နှုန်းနဲ့) ဖြတ်ပြီး ကျန်တာတွေ နအဖ ဗိုလ်ချုပ်များ အိတ်ကပ်ထဲ ရောက်ကုန်ပြီလို့ တချို့က ပြောကြပါတယ်။

တဘက်ကလည်း နယ်စပ်ဈေးကွက်တွေထဲမှာ အရင်နိမ့်ကျနေတဲ့ မြန်မာငွေဟာ အခုနှစ်ကုန်ပိုင်း အတွင်း သိသာလောက်အောင် ပြန်မြင့် တက်လာပြီး မြန်မာကျပ်ငွေ ရှားပါးမှုဖြစ်နေတာကို အချို့က ရှိနေတဲ့ ဒေါ်လာတွေ တခြားစီးဆင်းကုန်တာကြောင့်လို့ ပြောပါတယ်။

လေ့လာသူတချို့ကလည်း ခရီးသွားလုပ်ငန်းကနေ ဒေါ်လာ (၁၆၅) သန်းလောက် ပြန်ဝင်လာတာလို့ တွက်ဆနေပါတယ်။ ဓာတ်ငွေ့က ရတဲ့ ဒေါ်လာတွေ ဘယ်ကိုများ စီးထွက်ကုန်သလဲလို့ တွေးနေတုန်း အခု မြန်မာ နအဖ စစ်အစိုးရက ရုရှဆီကနေ စစ်လေယာဉ် ဒေါ်လာသန်း (၆၄၁) ဖိုး မှာယူကြောင်း တွေ့ရပါတယ်။ သြော်… ဒါကြောင့်ကိုး။

အမေရိကန်ဒေါ်လာ သန်း (၂၀) စီတန်တဲ့ MIG 29 အမျိုးစား တိုက်လေယာဉ် အစီးပေါင်း (၂၀) နဲ့ တစီးကို ဒေါ်လာ (၈) သန်းကျော်တန် ရဟတ်ယာဉ် (၈ စီးကနေ ၁၀ စီးအထိ) နအဖ မှာယူထားတာ လာမယ့် ၂၀၁၀ ခုနှစ်အတွင်း ရောက်ရှိ ပါလိမ့်မယ်။ ယခင် ၂၀၀၁ ခုနှစ် တုန်းကလည်း ထိုင်းနယ်စပ် စစ်ရေး ပြဿနာပြီးပြီးချင်း MIG 29 တိုက်လေယာဉ် (၁၂) စီး နအဖတို့ ၀ယ်ယူခဲ့ပါတယ်။ အခု ရောက်လာမယ့် ရုရှ လေယာဉ်တွေကို တရုတ်လုပ် J-10 နဲ့ F C-1 အမျိုးအစား တရုတ် စစ်လေယာဉ်တွေ နေရာမှာ အစားထိုး သွားမှာဖြစ်ကြောင်း သိရပါတယ်။

ဒါကလည်း အရင်ဆောင်းပါးမှာ ပြောထားခဲ့သလို တရုတ်တို့ဆီက ပေါချောင်ကောင်းတွေနဲ့ အလုပ် မဖြစ်တာ နအဖတို့ သဘောပေါက် လာကြတာ ဖြစ်ပါလိမ့်မယ်။ ရုရှမော်ဒယ်တွေကို ပုံတူကူး ပေါချောင်ကောင်း တရုတ် လေယာဉ်ထက်စာရင် မူရင်း ရုရှ လေယာဉ် စစ်စစ်တွေ ဘက်က်ို နအဖတို့ တခါပြန်ပြီး ဦးလှည့်လာခြင်းပါ။ ရုရှလုပ် MIG 29 လေယာဉ် ၀ယ်ယူ လိုက်တာကြောင့် နဂိုတရုတ်လုပ် J-10 /FC-1 လေယာဉ်တွေဝယ်မယ့် အစီအစဉ်လည်း ပျက်သွား ပါတော့တယ်။

ဒါပေမယ့် အခုရုရှဆီကနေ လေယာဉ် အစီး (၂၀) နဲ့ ရဟတ်ယာဉ်တချို့ ၀ယ်ယူတာဟာ သမားရိုးကျတော့ မဟုတ်ပါဘူး။ ဒီနှစ် အောက်တိုဘာလ အတွင်း ရုရှနိုင်ငံပိုင် လေကြောင်း ကော်ပိုရေးရှင်းက MIG လေယာဉ်ကုမ္ပဏီ အစုရှယ်ရာ (၁၀၀) ရာခိုင်နှုန်းကို အပြတ် ၀ယ်ယူခဲ့ပါတယ်။ အလားတူ အီလူးရှင်း (Ilyushin)၊ တူပိုလက် (Tupolev)၊ ဆူခွိုင်း (Sukhoi)၊ အန်တိုနော့ (Antonov)၊ မီကိုယန် (Mikoyan) လေယာဉ်ကုမ္ပဏီ အစု ရှယ်ယာများကိုပါ ရုရှနိုင်ငံပိုင် လေကြောင်း ကော်ပိုရေးရှင်းက ၀ယ်ယူခဲ့ပါတယ်။

MIG ကုမ္ပဏီဟာ ၂၀၀၈ ခုနှစ်မှာ ဒေါ်လာ (၁၁) ဘီလီယံဖိုးရှုံးခဲ့ပြီး အကြွေး (၄၄) ဘီလီယံ ရူဘယ် (အမေရိကန်ဒေါ်လာ ၂၅ သန်း) တင်နေပါတယ်။ ၂၀၀၈ ခုနှစ်ထဲမှာ အယ်ဂျီးရီးယား နိုင်ငံကလည်း MIG 29 လေယာဉ် (၃၄) စီး ဒေါ်လာ (၁၁) သန်းဖိုး ကန်ထရိုက် စာချုပ် ပျက်ခဲ့ပြီး လေယာဉ် (၁၅) စီး ပြန်ပို့ခဲ့ပါတယ်။ ဒါ့အပြင် လေယာဉ်အင်ဂျင် ထုတ်လုပ်တဲ့ ကုမ္ပဏီနဲ့ လက်နက် တင်သွင်းသူတွေကို ပေးဖို့ MIG ကုမ္ပဏီဟာ ဒေါ်လာ သန်း (၈၀) လောက် အကြွေး တင်နေပါသေးတယ်။

ဒါကြောင့် ရုရှလေကြောင်းကော်ပိုရေးရှင်းက မြန်မာအစိုးရကို ၂၀၀၉ နိုဝင်ဘာလအတွင်း ခရီးသည်တင် လေယာဉ် (၂) စီး အလကား ပေးခဲ့ပြီးနောက် အခု ဒီဇင်ဘာလထဲ MIG 29 လေယာဉ် (၂၀) နဲ့ ရဟတ်ယာဉ်တွေ အရောင်းအ၀ယ် ဖြစ်သွားတာကတော့ ရိုးရိုးရှင်းရှင်း ရောင်းဝယ်ခြင်းမျိုး မဟုတ်နိုင်ပါဘူး။ MIG 29 တိုက်လေယာဉ်တွေ မြန်မာကို ရောင်းချပေးတာဟာ ၂၀၀၈ ခုနှစ် အယ်ဂျီးရီးယားကို (၃၄) စင်း ရောင်းချ ပေးပြီးတဲ့နောက် ဒုတိယမြောက် အများဆုံးရောင်းချခြင်း ဖြစ်ပါတယ်။

ရုရှ MIG 29 တိုက်လေယာဉ်တွေကို အရည်အချင်း ထပ်မမြှင့်တင်နိုင်ခဲ့တာ ၁၉၉၀ လွန် ရုရှ ကွန်မြူနစ်စနစ် ပျက်ပြီး ကတည်းကပါ။ အခု MIG 29 လေယာဉ်တွေ အားလုံးဟာ ဆိုဗီယက်ခေတ်လုပ် ၁၉၈၃ ခုနှစ် မော်ဒယ်တွေသာ အများစု ဖြစ်ကြပါတယ်။ များမကြာမီကမှ ရုရှတို့ နောက်ထပ်ထုတ်လုပ်တဲ့ (Sukhoi) SU-27၊ MIG 31 လေယာဉ်တွေနဲ့အတူ MIG 29 ကို ပြပွဲ ထုတ်ပြသပြီးနောက် မကြာခင် နအဖတို့ကို အခုလို ရောင်းချပေးခဲ့တာပါ။ ၂၀၀၈ ခုနှစ်က ၀ယ်ယူတဲ့ အစီးရေ (၃၄) စီးမှာ MIG 29 လေယာဉ် (၁၅) စင်းကို အယ်ဂျီးရီးယားတို့ ပြန်ပို့ခဲ့တာကလည်း သူတို့ မျှော်မှန်းထားသလို အရည်အချင်း မမီတာကြောင့်လို့ သိရပါတယ်။

ခေတ်မမီတော့တဲ့ MIG 29 လေယာဉ်တွေဟာ သိပ်မကြာသေးခင် ၂၀၀၈ ခုနှစ် အောက်တိုဘာ (၁၅) ရက်နေ့တုန်းက အရှေ့ ဆိုက်ဗေးရီးယားမှာ ဒုတိယ အကြိမ်မြောက် ပျက်ကျခဲ့ကြောင်း သိရပါတယ်။ အခု လေယာဉ်ကိစ္စလို နျူကလီးယား ဓာတ်ပေါင်းဖို ကိစ္စမှာလည်း မြန်မာတို့ အပေါ် ရုရှတွေ မရိုးသားခဲ့ပါဘူး။ ၂၀၀၅ ခုနှစ် မေ (၁၅) ရက်နေ့မှာ ရုရှ အဏုမြူ စွမ်းအင်အေဂျင်စီ (Rosatom) နဲ့ မြန်မာတို့ (၁၀) မီဂါဝပ် နျူကလီးယား စက်ရုံတည်ဆောက်ဖို့ နှစ်ဘက်သဘောတူ လက်မှတ် ရေးထိုးခဲ့ပါတယ်။ နျူကလီးယား ဓာတ်ပေါင်းဖို ကိစ္စကို ၂၀၀၂ ခုနှစ်ကတည်းက စတင်ကမ်းလှမ်း ခဲ့ပေမယ့် ၂၀၀၅ ခုနှစ် သဘောတူ စာချုပ် ချုပ်ပြီးတဲ့နောက်ပိုင်း မြန်မာတို့ ဘက်က ကျသင့်ငွေတွေ အပြည့်အ၀ မပေးချေနိုင်လို့ (ငွေသားမဟုတ်ဘဲ ပစ္စည်းတွေနဲ့ ပေးချေလို့) ရုရှားဘက်က နောက်ဆုတ် သွားခဲ့ကြောင်း သိရပါတယ်။

အခုလည်း ပျက်တော့မယ့် MIG ကုမ္ပဏီက လေယာဉ်တွေ မြန်မာဘက် ထိုးရောင်းတာဟာ အယ်ဂျီးရီးယား မ၀ယ်တဲ့ လက်ကျန်တွေနဲ့ မတိုးဖို့ ‘ဖွဟဲ့ လွဲပါစေ’ လို့ ဆုတောင်းရတော့မှာပါ။ အမြတ်မရှိရင် ရုရှတို့က ဘာမှမလုပ်ပါဘူး။ ကန်ထရိုက် စာချုပ်ကို ငွေနဲ့ မပေးချေဘဲ ကုန်ပစ္စည်းနဲ့ ပေးချေတဲ့ စနစ်မျိုးကိုလည်း ရုရှတွေ လက်မခံတတ်ပါဘူး။ အခုတော့ MIG လို လေယာဉ် ကုမ္ပဏီ ကလည်း ဒေ၀ါလီခံပြီး ဗိုက်နာနေချိန်၊ ရုရှ အစိုးရကိုယ်တိုင်က သူ့နိုင်ငံ ကုမ္ပဏီကြီးတွေကို ၀င်ထိန်းညှိပြီး ကယ်တင်နေရချိန်မှာ တဘက်က နအဖတို့လက်ထဲ သဘာဝ ဓာတ်ငွေ့ရောင်းရတဲ့ ဒေါ်လာငွေတွေ ရွှင်နေချိန်မို့ လေယာဉ် အရောင်းအ၀ယ်ကိစ္စ တည့်သွားခဲ့ဟန် ရှိပါတယ်။

ရုရှဘက်က ၀ယ်ခဲ့တဲ့ Mil Mi 17 ရဟတ်ယာဉ်တစီး အရည်ချင်းမမီ စက်ချွတ်ယွင်းပြီး ပျက်ကျလို့ အတွင်းရေးမှူး (၂) ဗိုလ်ချုပ်ကြီး တင်ဦးနဲ့ အရှေ့တောင်တိုင်း တိုင်းမှူး သီဟသူရ စစ်မောင်၊ ၀န်ကြီးချုပ်ရုံး ၀န်ကြီး ဗိုလ်ချုပ်လွန်းမောင်၊ နယ်စပ်ရေးရာ ၀န်ကြီး ဗိုလ်မှူးကြီး သိန်းညွန့် တို့အပါအ၀င် စစ်သည်(၂၉) ဦး သံလွင်မြစ်ထဲ ပျက်ကျပြီး (၁၄) ဦး သေဆုံးခဲ့တဲ့ ဖြစ်ရပ်တခု ၂၀၀၁ ခုနှစ် ဖေဖော်ဝါရီ (၁၉) ရက်နေ့မှာ ဖြစ်ပွား ခဲ့ပါသေးတယ်။ ခေတ်မမီတော့တဲ့ လေယာဉ်တွေ ၀ယ်ယူတဲ့အတွက် အကျိုးခံစားရတာ လေချုပ်ကြီး မြတ်ဟိန်းနဲ့ (ကကနက်ချုပ်) ဗိုလ်ချုပ်ကြီးတင်အေး အပါအ၀င် နအဖဗိုလ်ချုပ်တွေသာ ဖြစ်ပါလိမ့်မယ်။ ဒါတွေကို မောင်းနှင်ကြမယ့် လေသူရဲတွေ အကျိုးရှိမရှိ ဆိုတာကိုတော့ MIG 29 တိုက်လေယာဉ်တွေ စစ်ဆင်ရေး ကောင်းကင်ပေါ် ရောက်မှ သိကြရမှာပါပဲ။ ။

Ref: ခေတ်ပြိုင်

Read More...

၁၉၄၈ ခုနှစ်တုန်းကလို ပြန်ဖြစ်နိုင်သလား

January 23, 2010

ဗိုလ်သန်းရွှေက ဒီနှစ်ထဲမှာ ရွေးကောက်ပွဲလုပ်မယ့် အကြောင်း ထပ်ပြောပြန်တယ်။ သူတို့ ရွေးကောက်ပွဲ မလုပ်လို့ မဖြစ်တော့ဘူး။ ဒီအတိုင်း ဆက်သွားနေရင် ပြည်တွင်း ပြည်ပမှာ ပိုချဉ်ပတ်ဖြစ်လာမယ်။ နိုင်ငံတကာ ဗိုလ်ပုံအလယ်မှာ သူတို့ ပုံရိပ်ကို နည်းနည်းလေးပဲ ဖြစ်ဖြစ် ပိုကောင်းလာစေ မလားလို့။ နောက်ပြီး ဒီရွေးကောက်ပွဲကို အကြောင်းပြုပြီး ပြည်တွင်း ပြည်ပက ဗမာပြည်သားတွေ ထဲမှာ သူတို့ကို ထောက်ခံတဲ့သူတွေ ဖော်ထုတ်နိုင်မယ်။ တနည်း အရပ်ဝတ် အလိုတော်ရိတွေ ထပ်မွေးနိုင်မယ်။ နိုင်ငံရေးသမား ကြီးငယ်၊ ဟောင်းသစ်၊ ပညာတတ်၊ လူမျိုးစု၊ အလွှာ အသီးသီးထဲမှာ သူတို့ အလိုတော်ရိ၊ ဒါမှမဟုတ် မဆန့်ကျင်ရဲသူတွေ ထွက်လာမှာ သေချာတယ်။ အနည်းဆုံး သူတို့ ထောက်လှမ်းရေး အတွက် ဘီလူးစည်း လူစည်း ကွဲသွားတာပေါ့။

အနှစ်နှစ်ဆယ်ကျော် ယူနီဖောင်းဝတ်နဲ့ အာဏာယူထားခဲ့တဲ့နောက် အရပ်ဝတ်တွေကို ကက်ဘိနက်ထဲမှာ ထည့်မလို့ လုပ်တဲ့ နအဖရဲ့ ဒီခြေလှမ်းမှာ အခု သူတို့အတွက် အကြီးမားဆုံး အတားအဆီးကြီး တခုကို ကြုံတွေ့နေရတယ်။ အဲဒါကတော့ အမျိုးသား ဒီမိုကရေစီ အဖွဲ့ချုပ်ရဲ့ ရွှေဂုံတိုင် ကြေညာစာတမ်းပဲ။ ဒီတပွဲဟာ ရွှေဂုံတိုင် ကြေညာစာတမ်းနဲ့ နအဖရဲ့ ၂ဝဝ၈ ခုနှစ်ဖွဲ့စည်းပုံ ဥပဒေတို့ ကျားနဲ့ ဆင် လယ်ပြင်မှာ တွေ့တဲ့ ပွဲလို့ဆိုရင် မမှားဘူး။ ဒီပွဲကောင်းကို ကမ္ဘာကရော ဗမာပြည်ကပါ မျက်စိ ဒေါက်ထောက် ကြည့်နေကြတယ်။ နောက်ပြီး အခြေအနေက ဘယ်သူ့ ဘယ်သူမှ လျှော့ပေးလို့ မရဘူး။

ဒီလိုအခြေအနေနဲ့ပတ်သက်ပြီး ပြည်တွင်းမှာ ရေးခွင့် (နည်းနည်းပါးပါး) ရထားတဲ့ “ကလောင်ရှင်”တွေက ကိုယ့်အမြင်တွေ ကိုယ်ရေးကြ၊ “ဆရာလုပ်ကြ”တာတွေ တွေ့နေရတယ်။ အမျိုးမျိုးပဲ။ လူအမျိုးမျိုး၊ စာအမျိုးမျိုး ဆိုပါတော့။ စစ်နဲ့ တော်လှန်ရေးကို မှီဖူးသူတွေက ပုံစံတမျိုးနဲ့ ရေးတယ်။ တခါ ဖဆပလခေတ် မှီလိုက်သူတွေကလည်း သူတို့ပုံစံနဲ့ သူတို့ရေးကြသလို မဆလခေတ်ကို မှီလိုက် သူတွေကတမျိုး၊ နဝတ-နအဖခေတ်ကို မှီသူတွေက တမျိုး၊ ကိုယ်သန်ရာ သန်ရာ ရှုဒေါင့်ကနေ ရေးကြတယ်။ သူတို့ ဘယ်လိုပဲရေးရေး၊ အားလုံးမှာ တူညီနေတဲ့ အကြောင်းအရာ တခုကတော့ ဒီ ၂ဝ၁ဝ မှာ အမျိုးသား ဒီမိုကရေစီ အဖွဲ့ချုပ်နဲ့ နအဖတို့ ထိပ်တိုက် တွေ့ကြမလား၊ ဘာဖြစ်မလဲ ဆိုတာပဲ။ ထောက်လှမ်းရေးရဲ့ မော်ကွန်းတိုက်ထဲက အချက်အလက်တွေ၊ အမှတ်အသားတွေ ကိုတောင် ဗန်းတင် လာတာလည်း တွေ့ရတယ်။

ဒီအထဲမှာ ၁၉၄၈ ခုနှစ်တုန်းကလို တကြော့ပြန်ဖြစ်မလား ဆိုတဲ့အထိ ပြောနေကြတာဟာ စိတ်ဝင်စားစရာပဲ။ သူတို့ဒီလို ၁၉၄၈ ခုနှစ်ကို နောက်ကြောင်း ပြန်ပြောတယ် ဆိုတော့ ဓမ္မတာပဲ။ အဲဒီတုန်းက အာဏာရ ဖဆပလ- ဆိုရှယ်လစ်နဲ့ ဗကပတို့ ပါလာတော့တယ်။ တဆက်ထဲမှာ ဘာကြောင့် ပြည်တွင်းစစ် ဖြစ်တယ်ဆိုတာလဲ သုံးသပ်ရတော့တယ်။ ဒီတော့ အဲဒီအကြောင်းတွေကို ဖော်ထုတ်သူ တဦးဖြစ်တဲ့ နအဖဆီက ရှေ့နေပါဝါရထားတဲ့ မောင်စူးစမ်းက ၁၉၄၈ ခုနှစ် ပြည်တွင်းစစ်ဟာ လွတ်လပ်ရေး အတုလား၊ အစစ်လား ငြင်းရင်း ပြည်တွင်းစစ်ကြီး ဖြစ်ခဲ့တာလို အခုလည်း ဒီမိုကရေစီ အစစ်လား၊ အတုလားငြင်းရင်း ပြည်တွင်းစစ်မီးကြီး ပြန်တောက် လာဦးမလားလို့ ပြဿနာ ဖော်နေတယ်။ ဒါ သူရေးနေကျ၊ လုပ်နေကျအတိုင်း ရေးတာ၊ လုပ်တာပဲ။ သိမှီသူ မများတော့တဲ့ ကိစ္စကို ရှုပ်ရှုပ်ထွေးထွေး ဖြစ်အောင် လုပ်၊ ပြီးတော့ သူလိုရာ ဆွဲသွားတာဟာ သူ့လုပ်ထုံး လုပ်နည်းလို့တောင် ပြောနိုင်တယ်။

အရင်တုန်းက ပြည်တွင်းစစ်ဖြစ်တာဟာ လွတ်လပ်ရေးစစ်မစစ် ငြင်းကြလို့၊ ငြင်းရာကနေ ထဖြစ်တာ မဟုတ်ဘူး။ ဖဆပလ ကွန်မြူနစ် ညီညွတ်ရေး “စေ့စပ်ဆွေးနွေးပွဲ” အတွက် အပြန်အလှန် ညှိနှိုင်း နေတာကို ဖဆပလ - ဆိုရှယ်လစ်တွေက တဖက်သတ် ဖျက်သိမ်း၊ အလစ် အငိုက်ယူပြီး တပြည်လုံးမှာ ကွန်မြူနစ်တွေ ဖမ်းပွဲကြီးလုပ်လို့ ပြည်တွင်းစစ် ဖြစ်တာပဲ။ ဒီမိုကရေစီသာ တကယ်တမ်းရှိရင် လွတ်လပ်ရေး စစ်မစစ် ဆိုတာကို အတောမသတ် မပြီးမချင်း ငြင်းနေလို့ရတယ်။ မှားနေတဲ့ဘက်က ပြင်ဖို့ပဲရှိတယ်။ ဘယ်သူမှ ဒါလောက်နဲ့ ထပြီး စစ်တိုက်မှာမဟုတ်ဘူး။

လက်တွေ့ ကိုယ်ထိလက်ရောက် နှိပ်ကွပ်တာမရှိပဲနဲ့တော့ ဗကပက ပြန်မတိုက်ဘူး။ ရှစ်လေး လုံးနောက်ပိုင်း တောခိုတဲ့လူတွေ သောင်းဂဏန်း၊ သိန်းဂဏန်း ရှိတယ်။ သူတို့ဟာ နဝတစစ်အစိုးရ ဗိုလ်စောမောင်တို့နဲ့ အယူအဆ ငြင်းကြရာကနေ တောခိုလာတာလား။ စစ်အာဏာရှင်က လမ်းမပေါ်မရှောင် ပစ်သတ်၊ ရပ်တကာ လမ်းတကာ ဖွေလှန်ဖမ်းဆီးနေလို့သာ တောခိုကုန်ကြတာ မဟုတ်ဘူးလား။ စစ်အစိုးရနဲ့ လူလို စကားပြောခွင့်၊ ကွဲလွဲခွင့်ရနေလို့ကတော့ ဘယ်သူမှ ဒီဒုက္ခကို မရှာတာ သေချာတယ်။

အခုလည်း ဒီမိုကရေစီစစ်မစစ် ငြင်းရာကနေ ပြည်တွင်းစစ်မီး ထတောက်မယ်လို့ ပြောတာဟာ အတိုက်အခံတွေ၊ အထူးသဖြင့် အမျိုးသား ဒီမိုကရေစီ အဖွဲ့ချုပ်အပေါ် အပြစ် ကြိုတင် ပုံချနေတာ ဖြစ်တယ်။ ဆွဲချပုလိပ်လို နအဖကြောင့် ဖြစ်လာမယ့် ကိစ္စဆိုးတွေ အတွက် တရားခံ ရှာပေးနေတာ ဆိုရင်လည်း မမှားပါဘူး။

တကယ်က ဒီနေ့အခြေအနေမှာ ရွေးကောက်ပွဲတခု မလုပ်မီ အာဏာရစစ်အစိုးရနဲ့ အမျိုးသားဒီမိုကရေစီ အဖွဲ့ချုပ်တို့ အကြား ဆွေးနွေးတာကို အရင် လုပ်ရမှာဖြစ်တယ်။ တကယ်တမ်းသာ နအဖက ဒီလို တွေ့ဆုံဆွေးနွေးပွဲကို လေးလေးနက်နက် စတင် လိုက်တယ်ဆိုရင် အသံကြားလိုက်တာနဲ့ပဲ ပြည်သူတွေဟာ ရွှင်လန်း အားတက်သွားမှာ သေချာတယ်။ တိမ်မည်းတွေကြားက နေအပိုင်း အစလေးကို မြင်လိုက်ရသလို ဖြစ်မှာ။ ဒါပေမဲ့ အခုတော့ နအဖဟာ ဗိုလ်အောင်ကြည်နဲ့ တွေ့ခိုင်းတယ် ဆိုတာလုပ်ပြီး “သို့လော-သို့လော”တွေပဲ တမျိုးပြီးတမျိုး ဖန်တီးနေတယ်။

ဒါနဲ့တဆက်ထဲ နအဖဗိုလ်ချုပ်တွေ ပက်ပက်စက်စက် လုပ်နေတဲ့ ကိစ္စတခုကတော့ အမျိုးသား ဒီမိုကရေစီ အဖွဲချုပ်ကို ကွဲအောင် လုပ်နေတာပဲ။ အမျိုးသားဒီမိုကရေစီ အဖွဲချုပ် ထိပ်ပိုင်း ခေါင်းဆောင်တွေ အချင်းချင်း စကားမပြောနိုင် ဖြစ်နေပြီဆိုတဲ့ မဟုတ်တန်း တရားတွေကို ပြည်ပမီဒီယာထဲ ပါအောင် လုပ်တာတွေတောင် ရှိတယ်။ အောက်ခြေတွေထဲမှာ သပ်လျှိုတယ်၊ ခြေထိုးတယ်။ အယူအဆတွေ အမျိုးမျိုး ပေါ်ပေါက်နေချိန်မှာ စီအီးစီ စုံညီ တွေ့ခွင့်မပေးပဲ ထားတယ်။ ဒီနေ့လို ပြည်တွင်းပြည်ပ အခြေအနေမှာ ပါတီတခုရဲ့ ခေါင်းဆောင်မှုဆိုတာ အချင်းချင်း မပြတ် တွေ့ဆုံညှိနှိုင်းနေဖို့ လိုတယ်။ မတွေ့ရတာကြာရင် ကိစ္စသေးတွေဟာ အစိုင်အခဲတွေ ဖြစ်လာတတ်တယ် ဆိုတာ လူတိုင်းအသိပဲ။ နအဖဟာ ဒီလိုလုပ်ရပ်ကို ကောလာဟာလ ယန္တရားကြီးနဲ့ ပေါင်းစပ် ပေးထားတယ်။ သူတို့လုပ်ရပ်တွေကို ထောက်ကြည့်ခြင်း အားဖြင့် အမျိုးသား ဒီမိုကရေစီ အဖွဲချုပ်ကို ရေနှောက်ငါးဖမ်း လုပ်လာနိုင်တဲ့ အန္တရာယ် ရှိနေတယ်ဆိုတာ တွေ့ရတယ်။

တကယ်က နအဖအနေနဲ့ အမျိုးသားဒီမိုကရေစီအဖွဲချုပ်နဲ့ တွေ့ဆုံစကားပြောတာ မလုပ်ပဲ ရွေးကောက်ပွဲကို အတင်းလုပ်၊ သူတို့ စိတ်ကြိုက် အစိုးရတခု ဖွဲ့၊ နောက်ပြီး အဲဒီအတွက် အတားအဆီးလို့ ထင်တာမှန်သမျှကို ဖြေရှင်း၊ ဖယ်ရှား စတာတွေ လုပ်လာရင် ၁၉၄၈ ခုနှစ်တုန်းက အခြေအနေမျိုးကို ရောက်သွားနိုင်စရာ အလားအလာတွေ အများကြီး ရှိပါတယ်။ ဒီနေ့ ဗမာနိုင်ငံမှာ အပူတပြင်း ဖြေရှင်းဖို့ လိုနေတာက အမျိုးသားပြန်လည် သင့်မြတ်ရေး ပြဿနာဖြစ်တယ်။ နအဖ စစ်အာဏာရှင် စနစ်ကို ထိန်းသိမ်း ဆက်ခံမယ့်လူ ဖော်ထုတ်ရေး မဟုတ်ဘူး။ အမျိုးသား စည်းလုံးညီညွတ်ရေး မရှိဘဲ စစ်အာဏာရှင်တွေ မျိုးဆက် အလွှဲအပြောင်း လုပ်ရင် မကောင်းတဲ့ အကျိုးဆက်ပဲ ပေါ်ထွက်လာမှာပဲ။

x x x x x

ရဲဘော်ဖိုးသံချောင်း

Ref: DPNS

Read More...

နေ့စဉ်သတင်းများ ( ၁ - ၂ - ၁၀)

မဲဆောက်အနီး တောထဲတွင် မြန်မာ (၇) ဦး သေဆုံးမှု မြို့နယ်ရဲတပ်ဖွဲ့ဝင်များ အစီရင်ခံစာတင်ရ သတင်း
မြန်မာ (၉) ဦး၏ ရုပ်အလောင်း နယ်စပ်တွင် တွေ့ သတင်း
ကာကွယ်ရေးတက္ကသိုလ် ကျောင်းအုပ်ကြီး ဗိုလ်ချုပ်မြ၀င်း အငြိမ်းစားယူ သတင်း
အပစ်ခတ်ရပ်စဲရေး ဆက်ထိန်းသွားလိုကြောင်း မွန်ပြည်သစ် ပြောကြား သတင်း
ပဒိုမန်းရှာလူငယ်ခေါင်းဆောင်ဆု ကရင်ကျန်းမာရေးလုပ်သား စောညွန့်ဝင်း ဆွတ်ခူးရရှိ သတင်း
ဆစ်ဒနီ ကရင်လူငယ်များ နှီးနှောဖလှယ်ပွဲ ပြီးစီး သတင်း
ဂျပန်သွားမည့် ဒုက္ခသည်များကို လူတွေ့စစ်ဆေးတော့မည် သတင်း
လွတ်လပ်ပြီး တရားမျှတမှု ရှိမှာလား သတင်း
မီးပျက်ချိန် (၃) ဆပိုလာမည့် အချိန်ဇယားသစ် ထုတ်ပြန် သတင်း
ရန်ကုန်မြို့တွင်း ဒိုင်နာပြေးခွင့်ပိတ်၍ ခရီးသွားပြည်သူများ အခက်တွေ့ သတင်း
ပို့ကုန်မှရသည့် ဒေါ်လာငွေဈေးနှုန်း၊ ပုံမှန်ထက်မြင့်တက် သတင်း
ဆယ်တန်းစာမေးပွဲ ခိုးကူးစာအုပ်ငယ်ဈေးကွက် ကြီးမားလာ သတင်း
သွင်းကုန်လိုင်စင်များ ကြန့်ကြာ သတင်း
စိုင်းတင်ချောင်းကို သွားလာခွင့် ပိတ်ပြီ သတင်း
ထေရဝါဒဗုဒ္ဓဘာသာ အနှစ်ချုပ်အညွှန်း ယေဓမ္မာဂါထာတော် သတင်း
တာလီဘန်တွေနဲ့ ပြန်လည်သင့်မြတ်ရေး အာဖဂန်သမ္မတ ထပ်မံပြောဆို သတင်း
အာဖရိကသမဂ္ဂ အလှည့်ကျ ဥက္ကဋ္ဌ မာလာဝီနိုင်ငံ ယူမည် သတင်း
ခတ္ထိယ လက်နက်ချပြီ သတင်း
(၂၀) တန် အရွက်တွေနေရာမှာ ဘတ် (၂၀) အကြွေစေ့တွေ အစားထိုးတော့မလား သတင်း
ရုရှ ကိုလူလည်နဲ့ မြန်မာ့လေယာဉ်အရောင်းအ၀ယ် (ဆောင်းပါး)
မြန်မာ့လျှပ်စစ်နှင့် ပေါချောင် မကောင်း ပစ္စည်းပိုများ (ဆောင်းပါး)

Read More...

မွန်ပြည်သစ်က ဘာကြောင့် နယ်ခြားစောင့်တပ် ငြင်းလဲ

ကျော်ခ
တနင်္လာနေ့၊ ဖေဖေါ်ဝါရီလ ၀၁ ရက် ၂၀၁၀

ချင်းမိုင် (မဇ္ဈိမ) ။ ။ယခုနှစ် တပို့တွဲလပြည့်ကျော် ၁ ရက်၊ ဇန်နဝါရီလ ၃ဝ ရက်နေ့သည် ၆၃ နှစ်မြောက် မွန်အမျိုးသားနေ့ ဖြစ်သည်။

သို့သော် မွန်တိုင်းရင်းသားများသည် ၎င်းတို့၏ စာပေ၊ ဘာသာစကားနှင့် ယာဉ်ကျေးမှုများကို လွတ်လပ် စွာ ထိန်းသိမ်း မြှင့်တင်နိုင်ခွင့် မရရှိကြောင်း မွန်ပြည်သစ်ပါတီ-NMSP မှ နိုင်ငံခြားရေးဌာန တာဝန်ှရှိသူ တဦးက မဇ္ဈိမကို ပြောသည်။

မွန်အမျိုးသားများအပါအဝင် တိုင်းရင်းသားအားလုံး တန်းတူညီမျှရေးနှင့် ကိုယ်ပိုင်ပြဌာန်းခွင့် အတွက် တခန်းတကဏ္ဍမှ ကြိုးစားနေသည့် မွန်ပြည်သစ် ပါတီသည် စစ်အစိုးရနှင့် ၁၉၉၅ ခုနှစ်တွင် အပစ်ရပ်သည်။ သို့သော် စစ်အစိုးရနှင့် နိုင်ငံရေးအရ လွတ်လပ်စွာ ဆွေးနွေးနိုင်ခြင်း မရှိသေးပေ။ စစ်အစိုးရကမူ နယ်ခြား စောင့်တပ် BGF အသွင်ပြောင်းရန်သာ တိုက်တွန်းနေသည်။ မွန်ပြည်သစ် ပါတီကလည်း ယင်းကို ငြင်းဆို ထားသည်။

မွန်တိုင်းရင်းသားများနှင့် မွန်ပြည်သစ်ပါတီ၏ လက်ရှိ ခံစားချက်နှင့် နိုင်ငံရေးအရ ရပ်တည်မှုများကို သိရှိ နိုင်ရန် မဇ္ဈိမ သတင်းထောက် ကျော်ခက မွန်ပြည်သစ်ပါတီ နိုင်ငံခြားရေးဌာန ဒုတာဝန်ခံ နိုင်ခြေးမွန်ကို မေးမြန်းထားသည်။
--------------------------------------------------------------------------------------------------------------
လက်ရှိအခြေအနေမှာ မွန် စာပေ၊ ဘာသာစကားကို ထိန်းသိမ်း ဖွံ့ဖြိုးရေးအတွက် ဆောင်ရွက် နေတာတွေကို ရှင်းပြပေးပါ။ ခက်အခဲ အတားအဆီးတွေရော ရှိပါသလားခင်ဗျာ။

မွန်အမျိုးသားစာပေနဲ့ပတ်သက်ပြီး မွန်ပညာရေးကျောင်းတွေတော့ရှိတယ်။ အဲဒါတွေ နဲ့ပတ်သက်ပြီး တချို့ရွာတွေမှာတော့ ဖိနှိပ်ထားတာတွေ၊ အနှောက်အယှက်ပေးတာမျိုးတွေရှိတယ်။ မွန်စာသင်တဲ့ မွန် ကျောင်းဆရာ/ဆရာမတွေကို အနှောင့်အယှက်ပေးတာရှိတယ်။ သူတို့အနေနဲ့ ဘာရည်ရွယ်ချက်နဲ့လုပ် တာလဲဆိုတာတော့ ကျနော်တို့လည်း နားမလည်ဘူးပေါ့။

မွန်ယဉ်ကျေးမှုနဲ့ ပတ်သက်ပြီးတော့ရော လွတ်လွတ်လပ်လပ် လုပ်ကိုင်ခွင့် ရရဲ့လား။ ထိန်းသိမ်း စောင့်ရှောက်ခွင့်တွေ ရှိလား။

ယဉ်ကျေးမှုပိုင်းမှာ ဆိုရင်လည်း ကျနော်တို့ကတော့ ကိုယ့်နည်း ကိုယ့်ဟန်နဲ့ လုပ်တာပေါ့။ ထိန်းသိမ်း စောင့်ရှောက် သင်ကြားတဲ့နေရာမှာတော့ လွတ်လပ်တယ်လို့တော့ ပြောလို့မရဘူးဗျာ။ တခါတလေကြ တော့လဲ ကျနော်တို့ ပြည်နယ်ထဲက တချို့ရွာတွေမှာ လမ်းဆိုင်းဘုတ်ကအစ မွန်လိုထည့်ထားရင် မြန်မာ လိုပြန်ပြီးတော့ ထည့်ခိုင်းတာမျိုးတွေ ရှိတယ်။ သာဓကအားဖြင့် ပြောရမယ်ဆိုလို့ရှိရင် မွန်အမျိုးသားတွေရဲ့ အထိန်းအမှတ် နေရာမျိုးတို့၊ မွန်ရှေးဟောင်းပြတိုက်တို့ ဘာတို့ဆိုရင်လည်း ပြောင်းပစ်လိုက်တာမျိုး ပေါ့နော်။ မွန်စာကိုလည်း လုံးဝမရှိတော့အောင် သူတို့လုပ်တာမျိုးတွေ ရှိတယ်။

အဲဒီအတားအဆီးတွေ ပပျောက်အောင် နိုင်ငံရေးအရ၊ ယဉ်ကျေးမှုအရ။ စီးပွားရေးအရ ဘယ်လို အခြေအနေမျိုးတွေ ရှိနေဖို့ လိုအပ်တယ်လို့ ယူဆလည်း။

ဒါကတော့ ကျနော်တို့ တနိုင်ငံလုံးမှာရှိတဲ့ မည်သည့် အမျိုးသားမဆို ပေါင်းစည်းပြီးတော့ အားလုံး ညီညီ ညွတ်ညွတ်နဲ့ပေါ့နော် အမျိုးသား သဘောတူညီချက် တခုအနေနဲ့ နိုင်ငံတော်တခုကို တည်ထောင်လာခဲ့ရင် တော့၊ သူမနာ ကိုယ်မနာပေါ့လေ။ အဲလို အခြေအနေမျိုးဆိုရင်တော့ ပိုပြီးတော့ကောင်းမှာပေါ့နော်။

မွန်ပြည်သစ်ပါတီက နယ်ခြားစောင့်တပ် BGF ကို လက်မခံဘူးလို့ သိရတယ်။ ဘာကြောင့် လက်မခံ နိုင်တာလည်းဆိုတာ အကျဉ်းချုံး ရှင်းပြပေးပါ။

အဲဒီ ဘော်ဒါဂတ် (BGF) ကိစ္စကို ကျနော်တို့ ပါတီအနေနဲ့ လက်မခံဘူးဆိုတဲ့မူ ချထားတာပေါ့နော်။ သဘောမတူဘူးလို့ လူကြီးတွေကလည်း ပြောတယ်ပေါ့။ ဘာကြောင့်လည်း ဆိုတော့ ၂ဝဝ၈ ဖွဲ့စည်းပုံ အခြေခံဥပဒေမှာ (ဖက်ဒရယ်မူ) ပေါ့နော်။ ပြည်ထောင်စု စစ်စစ်ဖြစ်ဖို့မူတွေနဲ့ အရမ်းကြီး ကွာခြားနေတာ တွေ အများကြီး ရှိတာပေါ့။ အုပ်ချုပ်မှုပိုင်းမှာ တပ်မတော်ကလည်း အော်တို (Auto) ၂၅ ရာခိုင်နှုန်း ယူထားတယ်။ ဘယ်နိုင်ငံမှာမှ မတွေ့ဘူးသေးဘူး။

အဲဒီ့ ပြုပြင်ပြောင်းလဲသင့်တာတွေ မပြောင်းလဲပဲနဲ့ ဒီအတိုင်း သွားမယ် လုပ်ထားတယ်။ နောက်ပြီးတော့ ကျနော်တို့ အတွက် ရှေ့အလားအလာပေါ့နော်။ အနာဂါတ် ရပ်တည်မှုဆိုတာက အခြားတိုင်းရင်းသား တွေနည်းတူ ကျနော်တို့ မွန်တိုင်းရင်းသား တရပ်လုံး လိုအပ်နေတာပါ။ အဲဒါကြောင့် ကျနော်တို့လိုချင်တဲ့ ဆွေးနွေးရေးတို့ဘာတို့ မရှိဘူးဆိုရင်တော့ ကျနော်တို့အတွက်တော့ လက်မခံဘူးပေါ့နော်။ အဲဒါကတော့ ကျနော်တို့ပြည်သူတွေကလည်း တောင်းဆိုထားတာပါပဲ။ အဲဒါကြောင့် ၂ဝဝ၉ နှစ်ကုန်ပိုင်းလောက်မှာ ဘောဒါဂါတ်ကိစ္စ ငြင်းပါယ်လိုက်တာပါ။

အဲဒီလို ငြင်းပယ်လိုက်တဲ့အတွက် စစ်ပွဲတွေ ဖြစ်မလာနိုင်ဘူးလား။ နအဖ ဘက်က ဘယ်လို ပုံစံမျိုးနဲ့ ဖိအား ပေးလာတာမျိုးတွေ ရှိလဲ။

လောလောဆယ်တော့ မဖြစ်သေးပါဘူး။ ဘာဖြစ်လို့လည်းဆိုတော့ ကျနော်တို့က ငြိမ်းချမ်းရေးနဲ့ အပစ် အခတ်ရပ်ဆဲရေးကို ဆက်လက် ထိန်းထားဖို့တော့ ရည်ရွယ်ထားပါတယ်။ သူတို့ဘက်ကလည်း စစ်ရေး အရတော့ ဖိအားပေးတာတို့ ဘာတို့မရှိသေးပါဘူး။ နဂိုနေမြဲအတိုင်းပဲ ရှိပါသေးတယ်။

အကယ်၍ နအဖ စစ်တပ်က အင်အားသုံး အကျပ်ကိုင်လာရင်ရော ပြန်ခုခံဖို့ အဆင်သင့် ဖြစ်နေလား။ ဘာတွေ ပြင်ဆင်ထားတာရှိလဲ။

ဒါကိုတော့ ကျနော်တို့ အနေအထားအရ ပြောလို့မဖြစ်ပါဘူး။

နအဖကို မွန်ပြည်သစ်ပါတီရဲ့ လူအင်အားစာရင်းပေးရတယ်လို့ သိရတယ်။ အဲဒီလိုပေးရတာဟာ မွန်ပြည်သစ် ပါတီရဲ့ သီးခြားဖြစ်တည် လွတ်လပ်မှုကို ထိခိုက်တယ်လို့ မယူဆဘူးလား။

ဒါကတော့ နှစ်တိုင်းပေးနေကြပါ။ အပစ်ခတ်ရပ်စဲရေး စလုပ်တုန်းကလည်း ကျနော်တို့က အဲဒီစာရင်း ဇယားတွေပေးတယ်။ အများအားဖြင့်တော့ ၁ နှစ်တခါတော့ တောင်းတယ်။ ကျနော်တို့ကလဲ ပေးတယ်။ ဘာမှတော့ ထူးထူးထွေထွေ မရှိပါဘူး။

မွန်ပြည်သစ်ပါတီက ကိုယ့်ကံကြမ္မာကိုယ်ဖန်တီးနိုင်ဖို့ ဘဝတူ မဟာမိတ်တွေနဲ့ လက်တွဲ သွားမယ်လို့ ဖော်ပြ ထားလေ့ရှိတယ်။ အပစ် မရပ်သေးတဲ့ အဖွဲ့အစည်းတွေနဲ့ ဆက်သွယ် ဆောင်ရွက်ရင် နအဖ က ညိုငြင်ပြီး အပစ်ရပ်ထားတာ ပျက်သွားမှာ ထည့်စဉ်းစား ထားပါသလား။

အဲဒါလည်း ခက်ခက်ခဲခဲပဲဗျာ။ အဲဒီလိုစဉ်းစားမိတာတို့ မစဉ်းစားမိတာတို့ကျတော့ အထက်က လူကြီးပိုင်း က ပိုပြီးတော့ သိကြပါလိမ့်မယ်။ ကျနော်တို့က အောက်ချေပိုင်းကျတော့ နားမလည်နိုင်သေးဘူးပေါ့နော်။

နအဖ စစ်အစိုးရက အတည်ပြုထားတဲ့၂ဝဝ၈ ဖွဲ့စည်းပုံက တိုင်းရင်းသားတွေရဲ့ တောင်းဆိုချက် တွေကို အာမခံနိုင်မယ်လို့ ထင်လား။

ဒီ ၂ဝဝ၈ ဖွဲ့စည်းပုံအခြေခံဥပဒေထဲမှာ ကျနော်တို့ တိုင်းရင်းသားအခွင့်အရေးတွေကြတော့ အာမခံနိုင် တယ်လို့တော့ မယူဆပါဘူး။ အကျဉ်းချုံးပြောရရင်တော့ အဲဒီအခြေခံဥပဒေကျတော့ ကျနော်တို့ ဖက်ဒရယ် (Federal) မူနဲ့ လုံးဝကွာခြားနေတာတွေ အများကြီးပါနေတယ်လေ။ အဲဒါကြောင့်ကျနော်တို့က လက်မခံခြင်း ဖြစ်ပါတယ်။

၂ဝ၁ဝ ရွေးကောက်ပွဲနဲ့ ပတ်သက်ပြီးတော့ရော ဘယ်လိုမြင်လဲ။

ရွေးကောက်ပွဲနဲ့ပတ်သက်တဲ့ကိစ္စတွေကိုတော့ ကျနော်တို့အထက်က လူကြီးတွေက ဘာမှ မဆုံးဖြတ်သေးဘူး။ မပြောသေးဘူးခင်ဗျ။ အဲဒါကြောင့် အဲဒီကိစ္စ ပြောလို့မရသေးပါဘူးခင်ဗျ။

Ref: မဇ္ဈိမ

Read More...

Monday, February 1, 2010

နေ့စဉ်သတင်းများ ( ၃၁ - ၁ - ၁၀)

ကရင့်တော်လှန်ရေး (၆၁) နှစ်ပြည့် အခမ်းအနား ကရင်အမျိုးသားအစည်းအရုံး ကျင်းပ သတင်း
၂၀၀၉ ဖဒိုမန်းရှာ လူငယ်ခေါင်းဆောင်ဆု ဖန်းရန်ပုံငွေအဖွဲ့ ချီးမြှင့် သတင်း
မြန်မာစစ်အစိုးရ၏ အဏုမြူအကြံအစည်ကို အထူးသတိထားရန်လို သတင်း
မြန်မာ့နိုင်ငံရေးအကျဉ်းသားအခြေအနေကို ကမ္ဘာသိရေး လှုပ်ရှားမှု သတင်း
ဗိုလ်မှူးကြီး နယ်ဒါးမြနှင့် တွေ့ဆုံမေးမြန်းခြင်း သတင်း
အပစ်ရပ် မွန်ပြည်သစ် နယ်ခြားစောင့်တပ်ဖွဲ့ရေး လက်မခံ သတင်း
နအဖစစ်တပ်တွင်း ရာထူးအပြောင်းအလဲများ ဆက်တိုက်ပြုလုပ်နေ သတင်း
လယ်သမားအရေး ဆောင်ရွက်ပေးသူ ရှေ့နေအမှု အထူးအယူခံ ပြန်လည်ကြားနာမည် သတင်း
မြန်မာကို ကူညီရေး ကမ္ဘာ့ဘဏ် စဉ်းစားမှု - ပညာရှင် ဝေဖန်သုံးသပ်ချက် သတင်း
အဆိပ်ခတ်လုပ်ကြံမှုတခု စစ်တွေတွင် ဖြစ်ပွား သတင်း
နီပေါ လုမ္ဗနီဥယျာဉ်က သမိုင်းဝင် ဦးသန့်ဇရပ်ကို ဖျက်သိမ်းကြတော့မှာလား သတင်း
ပြည်သူထိခိုက်ရန် မိုင်းခွဲခြင်းမဟုတ်ဟု KNPP တုံ့ပြန်ချေပ သတင်း
ဂက်စ်ပိုက်လိုင်း တည်ဆောက်ရေးအတွက် ပင်လယ်ရေပြင် တိုင်းတာမည် သတင်း
မြန်မာ-ဘင်္ဂလားဒေ့ရှ် ရေပိုင်နက်အငြင်းပွားမှု ခုံရုံးကြားနာမယ့်ရက် သတ်မှတ် သတင်း
တာ့ခ်ကနာဆိပ်ကမ်းပြဿနာ လွှတ်တော်အမတ်နှင့် လုပ်ငန်းရှင်တွေ ဖြေရှင်းနေ သတင်း
ဓာတ်ခွဲခန်းအချို့၌ ရောဂါအဖြေမှန် လိမ်ပေးနေ သတင်း
ဝန်ထမ်းတွေ လစာတိုးပေးပေမယ့် ဘာကြောင့်မပျော်နိုင်သလဲ သတင်း
နေပြည်တော်၌ သွင်းကုန်ပစ္စည်းဈေးနှုန်းတွေ တိုးပြီးသတ်မှတ် သတင်း
ဒေါ်အောင်ဆန်းစုကြည်နဲ့ မြန်မာစစ်အစိုးရ (တနင်္ဂနွေ ဆွေးနွေးပွဲ)
မူဝါဒရေးရာ ဗဟိုဦးစီးအဖွဲ့ ပြန်လည်ဖွဲ့စည်းရေး - ဘာလဲ ဘယ်လဲ (ဆောင်းပါး)

Read More...

Sunday, January 31, 2010

ဗဟိုဦးစီးအဖွဲ့ ဖွဲ့စည်းရေး NLD ၏ ထုတ်ပြန်ကြေညာချက်

Read More...

နေ့စဉ်သတင်းများ ( ၃၀ - ၁ - ၁၀)

ရဲချုပ်၏ သတင်းစားရှင်းလင်းပွဲ သတင်းထောက်အများစု သတင်းယူခွင့်မရ သတင်း
စစ်အစိုးရကို မြန်မာသတင်းသမဂ္ဂနဲ့ နယ်စည်းမခြား သတင်းထောက်အဖွဲ့ ရှုတ်ချ သတင်း
ရွှေဂုံတိုင်စာတမ်းကို CRPP ဝန်းရံမည် သတင်း
ဗဟိုဦးစီးအဖွဲ့ဝင်စာရင်း ပေးပို့ရန် NLD ဥက္ကဋ္ဌ ညွှန်ကြား သတင်း
ဒေါ်အောင်ဆန်းစုကြည်လွှတ်ဖို့ အမေရိကန်တို့ လိုလား သတင်း
အဖွဲ့ချုပ် ဗဟိုဦးစီး ပြန်လည်ဖွဲ့စည်းရေး စတင်ဆောင်ရွက် သတင်း
အမြောက်တပ် အရာရှိတဦး ထိုင်း-မြန်မာနယ်စပ်သို့ ထွက်ပြေးရောက်ရှိ သတင်း
ကျောင်းသားခေါင်းဆောင် ကိုလှမျိုးနောင် မျက်လုံး ပြန်လည်ကောင်းမွန် သတင်း
အိုးဘိုထောင်က နိုင်ငံရေးအကျဉ်းသားအချို့ နယ်ဝေးထောင်တွေပို့ သတင်း
ဒုက္ခသည်များကို ပြန်ပို့မည်ဟု ထိုင်းစစ်တပ်က တရားဝင်ကြေညာ သတင်း
မွန်အမျိုးသားနေ့ အခမ်းအနားများ ပြည်တွင်းနှင့် နယ်စပ်ဒေသတို့၌ ကျင်းပ သတင်း
ဒီပဲယင်းတရားခံ ဖော်ထုတ်ရန် ဆန္ဒပြတောင်းဆို သတင်း
ဆိုင်ကယ်တန်ဖိုးနှင့် လိုင်စင်ကြေး ဆတူဖြစ်နေ၍ ... သတင်း
ပလောင်တောင်တန်း ဘိန်းဆိပ်သင့်မှုဒဏ် အမျိုးသမီးများ ခံရ သတင်း
တရုတ်ရေနံကုမ္ပဏီတွေ စမ်းသပ်မှုကြောင့် စိုက်ပျိုးပြီး ယာခင်းတွေ ပျက်စီး သတင်း
ပုဂ္ဂလိကလုပ်ငန်းမှ ၀န်ထမ်းများလည်း လစာတိုးမြင့်ရန် မျှော်လင့်နေကြ သတင်း
မွန်လူထုအနေဖြင့် မွန်ခေါင်းဆောင်များ ဦးဆောင်မှုနောက်ကို လိုက်ရန် တိုက်တွန်း သတင်း
အကြမ်းဖက်ဗုံးခွဲမှုသည် မိမိတို့၏ လမ်းစဉ်မဟုတ်ဟု ကေအဲန်ယူ ဆို သတင်း
ဝ တပ်ဖွဲ့ရုံးအနီး၌ ထောင်ထားသည့် ဗုံးတလုံး တွေ့ရှိ သတင်း
မိုင်းလားတပ်ခေါင်းဆောင် အစိုးရလက်ချက်နဲ့ သေဆုံးတယ်လို့ အန်ဒီအက်ဖ် စွပ်စွဲ သတင်း
ကေအိုင်အိုနှင့် ဗိုလ်ချုပ်ရဲမြင့် တွေ့ဆုံ သတင်း
ဒီဗွီဘီသတင်းထောက် ထောင်ဒဏ်ကျခြင်းနှင့် ပတ်သက်၍ ဒီဗွီဘီ၏ ပြောကြားချက် သတင်း
၂၀၀၉ နိုင်ငံရေးအကျဉ်းသား အခြေအနေ ပိုဆိုး သတင်း
ရွေးကောက်ပွဲအရေး ၈၈ မျိုးဆက်ကျောင်းသားများ တောင်းဆို သတင်း
ယခုနှစ်သည် မြန်မာနိုင်ငံအတွက် အတိမ်းအစောင်းမခံသောနှစ်ဟု အီးယူကိုယ်စားလှယ် ပြော သတင်း
အိန္ဒိယအစိုးရမူဝါဒ ပြောင်းလဲရန် သတင်းထောက်များ တိုက်တွန်း သတင်း
ဆန္ဒပြ မြန်မာအလုပ်သမားများ တောင်းဆိုချက် အလုပ်ရှင် လိုက်လျော သတင်း
နည်းပညာဖလှယ်သူများ၏ BarCamp Yangon (ဆောင်းပါး)
ကြွေးကြော်သံ (ဆောင်းပါး)
ILO အရာရှိ ကာရီတာပီအိုလာနှင့် တွေ့ဆုံခြင်း (အင်တာဗျူး)

Read More...

အပေါ်သို့