ရိုင်းမိုက်ကယ်သရော် လွှတ်တော် လွှတ်တော် ခုံဖိနပ်နဲ့ဆော်

19 Nov 2010

ဘီကြားဆိုတဲ့ ဇာတ်စကားတခုရှိတယ်။ ကိုယ့်ဟာကိုယ် ဘာမှန်းမသိပဲ ဆိုင်းသံကြားရင် ကချင်ကခုန်ချင်တဲ့ တောင်မရောက်မြောက်မရောက် နမူနထိုင်း အရှက်မရှိတဲ့သူကို ခေါ်တဲ့ စကားတခုပေါ့။ ဗြုပ္ပတ်ကို ပြောရရင် တခါက ဇာတ်ပွဲတခုမှာ ဇာတ်ပိုးရှိတာက လွဲလို့ ဘာအရည်အချင်းမှ မရှိ၊ သုံးမရတဲ့ သူတယောက်ရှိတယ်။ ဒီတော့ ဇာတ်ထဲမှာ ကားလိပ်ကြိုးဆွဲလိုက်၊ ထမင်းချက် လိုက်နဲ့ ကြာလာတော့ ဇာတ်ဆရာက သနားပြီး အရေးမကြီးတဲ့ ဇာတ်ဝင်ခန်း တခန်းနှစ်ခန်းမှာ သုံးပေးတယ်။ တညမှာတော့ ဇာတ်ထုပ်တခုမှာ သူ့ကို ဘီလူးခန်းက တခန်း ထဲ့ထားတယ်။ ဒီတော့ ဒီလူလည်း ဘီလူကြိမ်း ဇာတ်စကားလေးတွေ အပြေးအလွှား ကျက်နေတာပေါ့။ ဖြစ်ချင်တော့ အဲဒီညမှာ အဲဒီဇာတ်ထုပ်ကို မကဖြစ်တော့ဘဲ တခြားဇာတ်ထုပ်ကို အခြေအနေ အရ ပြောင်းကကြတယ်။ အဲဒီဇာတ်ထုပ်မှာလည်း ဇာတ်ဆရာက သူ့ကို သိကြားမင်း အခန်းက တခန်းကပေးဖို့ ထဲ့ထားတယ်။ ဒီလူလည်း သူ့အလှည့်ကိုစောင့်ရင်း ခဏ အိပ်ပျော်သွားတယ်။ ဒီလို ကကြရင်း သူ့အလှည့်ရောက်လို့ နှိုးလွှတ်လိုက်တော့ တွေ့ရာ ဇာတ်ရုပ်တခု ခေါင်းစွပ်ပြီး ဇာတ်ခုံပေါ် တက်သွားတယ်။ ရောက်တာနဲ့ မနက်ကကျက်ထားတဲ့ ဒဿဂီရိမည်ရတွင်ကျော် ဘုန်းမော်အံ့ထူး၊ ယက္ခမှုးတဲ့ ငါဟဲ့ဘီလူး ဘာညာနဲ့ ကျက်ထားတာတွေ ရွတ်ရင်း တန်းလန်း ခေါင်းစမ်းကြည့်တော့ ဘီးလူးခေါင်းစွပ် မဟုတ် သိကြားခေါင်းစွပ် ဖြစ်နေရော။ ဒါနဲ့ အဆုံးသတ် အချပိုဒ်ကို ဘီလူးလည်းမဟုတ်၊ သိကြားလည်းမဟုတ်တဲ့ ငါဟဲ့ဘီကြားလို့ လုပ်ချလိုက်တာ ပရိတ်သတ်လည်း ပတ်တုတ်မရ၊ ဇာတ်လည်းပျက်ရော။

ကျုပ်တို့ဗမာပြည်သူတွေအတွက်လည်း အနှီသို့သော ဘီကြား အမတ်မင်း များနဲ့ လွှတ်တော် ကြီးတွေ ပေါ်ပေါက် လာပါပြီ။ မိုက်တဲ့သူတွေ အားကိုးလောက်စရာ လွှတ်တော်ကြီးတွေပေါ့။ လွှတ်တော်ဆိုလို့ အခြားတပါး လွှတ်တော်တွေလို လူထု အကျိုးဆောင်မယ့်၊ တိုင်းရေး ပြည်ရာတွေကို စီမံခန့်ခွဲမယ့် လွှတ်တော်လို့ မထင်လိုက်လေနဲ့။ လွှတ်တော် လွှတ်တော်နဲ့ တစာစာ အော်ရင်း အမျိုးကောင်း သမီးတွေ၊ အမျိုးကောင်း သားတွေ ဝေးရာက ရှားရမယ့် လွှတ်တော်တွေပဲဖြစ်တယ်။ စစ်အာဏာရှင်တွေ ကြိုဆွဲရာ ကရမယ့် လူရမ်းကား အမတ်တွေနဲ့ ရုပ်သေး လွှတ်တော်တွေပဲ ဖြစ်တယ်။ ခုံဖိနပ်စုပ်နဲ့သာ ဆော်ဖို့ကောင်းတဲ့ အဓမ္မဝါဒီ မုဒိမ်းတတ္တတွေရဲ့ လွှတ်တော်တွေလေ။ မိစ္ဆာသန်းရွှေ အမှုးရှိတဲ့ နအဖ ဖက်စစ် ဗိုလ်ချုပ်တွေရဲ့ နဖားကြိုး တန်းလန်းနဲ့ လွှတ်တော်ကြီးပေါ့။ ဘီကြား အမတ်များ ဆိုတာကလည်း မိစ္ဆာသန်းရွှေ ခိုင်းသမျှကို လက်ညှိုးထောင် ခေါင်းညိတ် လောက်သာ လုပ်တတ်တဲ့ စစ်ဗိုလ်လူထွက်တွေ လူထုအရေး တရွေးသားတောင် ထည့်မစဉ်းစားတဲ့ သူတွေ၊ ရထားတဲ့ မဲဆိုလည်း သန့်သန့်ရှင်းရှင်း တခုမှမပါဘူး။ ကလိန်မဲ၊ ညစ်မဲ၊ ညာမဲ၊ ကောက်မဲ၊ ခြောက်မဲ၊ လှန့်မဲ၊ လုမဲ၊ အတုမဲ၊ ခိုးမဲ၊ ဝှက်မဲစတဲ့ မတော်မတရား အလိမ်အညာ နည်းပေါင်းစုံနဲ့ ရထားတဲ့ မဲတွေနဲ့ အမတ်ဖြစ်လာ ကြသူတွေပေါ့။ အရှက် မဲ့လိုက်တာကတော့ ကမ်းကို ကုန်ရော။ နယ်အသီးသီးမှာ စစ်ဗိုလ်လူထွက် ကြံ့ဖွတ်တွေ ရှုံးခြေလည်း မြင်ရော ကြိုတင်မဲ ဆိုတာတွေနဲ့ အနိုင် ယူသွားတယ်။ တောင်ငူနယ်မှာဆို ကြိုတင်မဲ အတုတွေ များသွားလို့ မဲပေးတဲ့သူ တရာ့နှစ် ရာခိုင်နှုန်းတောင် ရှိတယ်ဆိုပါလား။

အတုအယောင် ရွေးကောက်ပွဲပဲ ဆိုချင်ဆို မဟာသူရဲဘော ကြောင်သူ ဗမာ ဗိုလ်ချုပ်တွေရဲ့ ရွေးကောက်ပွဲကတော့ ကမ္ဘာမှာ ကြိုတင်မဲ အများဆုံး စံချိန် ချိုးသွားခဲ့ပြီ ဖြစ်တယ်။ သူ့တို့ကိုယ်တိုင် လုပ်ထားတဲ့ ကြိုတင်မဲ ငါးရာခိုင်နှုန်းထက် မပိုရဆိုတဲ့ ရွေးကောက်ပွဲ ဥပဒေကို သူတို့ကိုယ်တိုင် ချိုးဖောက်တာ အသေ အချာပေါ့။ အရှက်ကင်းမဲ့ လိုက်ပုံက ဇမ္ဗူမှာ တလူ ဆိုရမလောက်ပါပဲ။ ကြိုတင်မဲ ဆိုတာက မဲပေးတဲ့နေ့မှာ ကိုယ့်သက်ဆိုင်ရာ မဲရုံကို တကယ်ခိုင်မာတဲ့ အကြောင်း တွေကြောင့် မလာနိုင်တဲ့ မဲဆန္ဒရှင်တွေ အတွက် ဖွင့်ပေးထားတဲ့ ချွင်းချက် အခွင့်အရေး ဖြစ်တယ်။ နအဖတို့ရဲ့ ကြိုတင်မဲ ဆိုတာတွေကတော့ အဲဒီ့ချွင်းချက်ပါ သတ်မှတ်ချက်တွေနဲ့ ကင်းလွတ်ပြီး သူတို့နိုင်ရာ ဗိုလ်ကျခံ ဝန်ထမ်းတွေ၊ စစ်သည်စစ်သား မိသားစုတွေ၊ မသိ နားမလည်တဲ့ ဆင်းရဲသား ပြည်သူတွေကို အဓမ္မအကြပ်ကိုင် နားလှည့်ပါးရိုက် ယူထားတဲ့ မဲတွေပဲ။ တချို့ ကြိုတင်မဲတွေ ဆိုတာကတော့ ရပ်ကွက် လူဦးရေစာရင်း ကြည့်ပြီး ကြံ့ဖွတ်တွေ ကိုယ်တိုင် အတု လုပ်ထားတာ ဖြစ်တယ်။ ဒါကြောင့် တချို့နယ်တွေမှာ ရှိတဲ့ လူဦးရေထက် မဲတွေ ပိုနေတာပေါ့။ သူတို့က ရွေးကောက်ပွဲမှာ မဲပေးတဲ့သူ ခြောက်ဆယ်ရာခိုင်နှုန်း ရှိတယ်လို့ ဆိုတယ်။ တကယ်ကတော့ သူတို့ မတော်မတရား လုပ်ထားတဲ့ ကြိုတင်မဲတွေ ထည့်တွက်ရင်တောင် လေးဆယ် ရာခိုင်နှုန်းပြည့်ဖို့ မလွယ်ဘူး။ တချို့ မဲရုံတွေဆို မဲပေးတဲ့သူ ဆယ်ယောက်တောင် မပြည့်ဘူး။

ဒီလောက် ကန်းကုန်အောင် လိမ်ညာညစ်ပတ် ယုတ်မာထားတာတောင် ရွေးကောက်ပွဲ ရလာဒ်ကို အခုထိ တရားဝင် မကြေငြာနိုင်သေးဘူး။ အလိမ်အကောက် စာရင်းတွေ ညှိရခက်နေလို့ ဖြစ်မယ်။ ဒီနေ့ခေတ်သူတပါး ရွေးကောက်ပွဲတွေဆို ဒီနေ့ရွေးကောက်ပွဲလုပ် နောက်တရက် ရလာဒ်ကို တရားဝင် ကြေငြာပြီး တပတ် အတွင်း အစိုးရ ဖွဲ့နိုင်ကြတယ်။ အဖြေက ရှင်းတယ်။ ရွေးကောက်ပွဲက အတု ဖြစ်တယ်။ လွှတ်တော်တွေ ဆိုတာ ကလဲ အတုဖြစ်တယ်။ နဖားကြိုး တန်းလန်းနဲ့ လွှတ်တော်တွေ။ မိစ္ဆာသန်းရွှေနဲ့ အပေါင်းအပါတွေက ဘယ်တော့မှ အာဏာကို လက်မလွှတ်ဘူး။ စစ်အာဏာရှင်စနစ် တည်မြဲရေးကို အခိုင်အမာ သန္နိဋ္ဌာန်ချ ထားတယ်။

ဒီလိုအခြေအနေဆိုးကိုတောင် နိုင်ငံရေးအရေခြုံ ရေပေါ်ဆီ လူလယ်လူတတ် ငို့ဘ သမားတွေက ချီးမွမ်းကြ၊ အကောင်းမျှော်လင့်ကြနဲ့ လိမ်ညာ ယုတ်ပတ်တဲ့ ရွေးကောက်ပွဲနဲ့ အယုတ်တမာ စစ်အုပ်စုကို ကဲ့ရဲ့ ရှုတ်ချဘို့ တွန့်ဆုတ် နေကြတုန်းပဲ။ သူတို့ဖောက်သည် သတင်း မီဒီယာတွေက တဆင့် လူထုကို သတင်းမှားပေး အလံရှုးလုပ်ဖို့ ကြိုးစားနေကြတုန်း။ အချောင်သမား ဟန်ညောင်ရွှေက VOA ကတဆင့် ရွေးကောက်ပွဲဟာ မတရားတာ မှန်ပေမဲ့ ရွေးကောက်ပွဲ အောင်အောင် မြင်မြင် ကျင်းပနိုင်တာ၊ ပြီးတော့ ရွေးကောက်ပွဲနဲ့ တက်လာတဲ့ အစိုးရတခု ပေါ်ပေါက် လာတာဟာ ဒီမိုကရေစီ လမ်းကြောင်းအပေါ် ရောက်လာခြင်း ဖြစ်တယ်လို့ အပြင်ကနေ အူသလို နအဖအလံရှုး နေဝင်းမောင်တို့ အောင်ထွဋ်တို့ အီးဂရက် အုပ်စုကလည်း ရွေးကောက်ပွဲကို ချောတိုင် တက်တာနဲ့ နှိုင်းပြီး ချောတိုင်တက်တာ မမှားဘူး။ ချောတိုင် တက်သလို သဘောထားပြီး တကြိမ်မရ တကြိမ် အာဏာရှင် တွေရဲ့ လမ်းကြောင်းအတိုင်း ကြိုးစားဦးမယ်လို့ အတွင်းကနေ ဟောင်နေကြတယ်။

ရှေးလူကြီးများရဲ့ အဆုံးအမတခု ရှိပါတယ်။ ကိုယ့်အမှားကို သိမှ လူကောင်း လူမှန်၊ အဲဒီ အမှားကို ပြင်နိုင်မှ ပညာရှိ သူတော်ကောင်းဖြစ်တယ်။ ကိုယ့်အမှားကို မသိမြင်နိုင် လောက်အောင် အတ္တ လွန်ကဲရင် လူမိုက်၊ လူယုတ်မာလို့ ဆိုပါတယ်။ နေမျိုးဝေလို နိုင်ငံရေး လူပျက်ကတောင် မှားပါတယ်လို့ ဝန်ခံ ထားပြီးသားပါ။ ဒီလို နိုင်ငံတခု၊ ပြည်သူ တရပ်လုံးရဲ့ ကံကြမ္မာနဲ့ ဆိုင်တဲ့ နိုင်ငံရေး ရာဇဝတ်မှုကို မှားပါတယ် လို့ မမြင်နိုင်၊ ဝန်မခံ ချင်သူတွေကို ဘယ်လို ပြောကြမလဲ စကားလုံးတောင် ရှာမရတော့ပါဘူး။

ဒီရွေးကောက်ပွဲဆိုတဲ့ လုပ်ပွဲကြီးကို လေ့လာကြည့်ရင် စစ်အုပ်စုဟာ အရံအတား အဆင့်ဆင့်နဲ့ သူ့စိတ်ကြိုက် ဖန်းတီးသွားခဲ့တယ်။ နောက်ဆုံးအဆင့် ကြိုတင် ဂျိုကာ မဲတွေနဲ့ သူကြိုက်သူ မကြိုက်သူတွေကို နိုင်စေတယ်၊ ရှုံးစေတယ်။ ဒေသအလိုက် အင်အား ကောင်းပါတယ် ဆိုတဲ့ တိုင်းရင်းသား ပါတီတွေတောင် သူတို့ ပြည်နယ်တွေမှာ ပြည်နယ်အစိုးရ ဖွဲ့နိုင်လောက်အောင် နိုင်တဲ့ ပါတီ မရှိဘူး။ ဒေါ်အောင်ဆန်းစုကြည်နဲ့ မိခင်ပါတီကို ကျောခိုင်းပြီး ရွေးကောက်ပွဲ လိုလားတဲ့ အတွင်း အပြင်က အင်ဂျီအိုတွေ၊ သတင်းမီဒီယာတွေက ဝိုင်းလှော် ပေးနေကြတဲ့ အမျိုးသား ဒီမိုကရေစီ အင်အားစု NDF ထဲမှာတောင် မူလ NLD က လူတွေကို အနိုင်မပေးဘူး။ အီးဂရက်က လူတွေကိုပဲ အနိုင် ပေးထားတာဟာ စိတ်ဝင်စားစရာပါ။

ဒီမှာ အတွင်းအပြင်က အချောင်သမားတွေ၊ တိုင်းခြားနဲ့ ဗမာအင်ဂျီအို လိုလို လူတတ်လိုလို ဆိုသူတွေ၊ သတင်း မီဒီယာတွေနဲ့ အဲဒီနောက်ကွယ်က အရိပ်ပွဲ ကစားသမားတွေ (Shadow Player) တွေကြားက အချိတ်အဆက် အပေးအယူ တွေကို မြင်နိုင်ပါတယ်။ နအဖ ဗိုလ်ချုပ်တွေကလည်း မြင်ကြပါတယ်။

လောကကြီးမှာ အလိမ်ခံရတယ်ဆိုတာ အတဲ့သူနဲ့ လောဘဖိစီး ဖောက်ပြန် သူတွေပဲ ဖြစ်တယ်။ တကြိမ်ထက် ပို အလိမ်ခံရသူဟာ အ န ထုံထိုင်း ထိနမိဒ္ဓများသူ ဖြစ်ရင်ဖြစ်၊ မဟုတ်ရင် အတ္တလောဘ ကြီးသူတွေပဲ ဖြစ်ပါတယ်။ ကိုးဆယ်ခု ရလာဒ်ကို မျက်ကွယ် ပြုထားတာ၊ ၂၀၀၈ စစ်ကျွန် ဖွဲ့စည်းပုံနဲ့ သိက္ခာ ကင်းမဲ့တဲ့ ရွေးကောက်ပွဲ မတရားဥပဒေတွေ စည်းမျဉ်း စည်းကမ်းတွေက စစ်အုပ်စုဟာ ဘယ်တော့မှ အာဏာ မလွှဲဘူးဆိုတဲ့ သူတို့ သဘောထားကို အထင်အရှား ပြသပြီးသား ဖြစ်တယ်။ ရုပ်သေးပါတီ ကြံ့ဖွတ်တွေကလည်း ရှုံးလည်းနိုင်၊ နိုင်လည်းနိုင်လို့ ဗြောင် ပြောထား ပြီးသားပဲ။ ဒီလို ရွေးကောက်ပွဲကို အကောင်း မျှော်လင့်ချက်ထားနေတာ၊ ဝင်ပြိုင်တယ် ဆိုတာဟာ လူ့အန္ဓတွေနဲ့ အတ္တလောဘ သားတွေပဲ ဖြစ်တယ်။

ခွဲခြမ်းစိတ်ဖြာကြည့်ရင် (၁) ကိုးဆယ်ခုရွေးကောက်ပွဲမှာ အရှုံးကြီး ရှုံးခဲ့လို့ အခု တခါတော့ ဒေါ်စု မပါတာ တို့ အခွင့်အရေး၊ ရတုန်း ယူထားလိုက်မယ် ဆိုတဲ့ မျိုးဆက်ဟောင်း ပါတီဟောင်းတွေ။ (၂) တိုင်းပြည်အတွက် မဖြစ်စလောက်လေး ပေးဆပ်ခဲ့ လုပ်ခဲ့တာကို အဟုတ်ကြီး ထင်ပြီး အခွင့်သာတုန်း အမြတ် ထုတ်လိုက်မယ် ဆိုတဲ့ (၈၈) ပျက်တွေ။ (၃) သူ့ဆန် စားထားလို့ ကျရာတီးလုံး အတိုင်း ကနေကြရတဲ့ ပယောဂ ပူးနေသူတွေ။ (၄) ရှုံးလည်းခံသာ နိုင်ရင် အမြတ်ဆိုတဲ့ ဖဲသမားညဉ်နဲ့ ဝိသမလောဘသား စီးပွားရေး သမားတွေပဲဖြစ်တယ်။ ဘယ်ပါတီပဲ ကြည့်လိုက် ကြည့်လိုက် ရွေးကောက်ပွဲ ဝင်မယ့် ပါတီလို့သာ ဆိုတယ် ဘာနိုင်ငံရေး ရည်မှန်းချက် လမ်းစဉ်မှ တိတိကျကျ ပြဋ္ဌာန်း ကြေငြာထားတာ မတွေ့ရဘူး။ အနိမ့်ဆုံးအဆင့် အကျဉ်းထောင်ထဲက နိုင်ငံရေး အကျဉ်းသား နှစ်ထောင်ကျော်ရဲ့ ကံကြမ္မာကို လေသံတချက် ဟတဲ့ ပါတီတခု ကိုယ်စားလှယ်လောင်း တယောက် မရှိခဲ့ဘူး။

ဒီလိုရွေးကောက်ပွဲရဲ့ ရာလာဒ် ဘယ်သူရှုံးလို့ ဘယ်သူနိုင်သည် ဖြစ်စေ ဘာနိုင်ငံရေး အဓိပ္ပါယ်မှ မရှိပါဘူး။ ဒီအတုအယောင် ရွေးကောက်ပွဲက ထွက်ပေါ် လာမည့် လွှတ်တော်များ ဆိုတာကလည်း ဘယ်နည်းနဲ့မှ ဒီမိုကရေစီကို ဖော်ဆောင်နိုင်မှာ မဟုတ်ဘူး။ လူထုတွေ ကိုယ်တိုင် အကျုံးဝင် ပတ်သက်တဲ့ ရွေးကောက်ပွဲမှာတောင် ဒီလောက် ဗြောင်ကျကျ လိမ်ညာ ယုတ်ပတ် အနိုင်ကျင့် နေတဲ့ စစ်အုပ်စုဟာ လူထု အခန်းကဏ္ဍ မပါတဲ့ လွှတ်တော်ထဲမှာ ဘယ်လောက် ဖောက်ပြန် ရမ်းကား ဗိုလ်ကျကြလေမလဲ ဆိုတာ သိပ်စဉ်းစား ကြည့်စရာ မလိုပါဘူး။ စစ်အုပ်စုက အနိုင်ပေးလို့ လွှတ်တော်ထဲ ရောက်လာကြတဲ့ အမတ်တွေ ဘာတွေ ပြောခွင့်ရပြီး ဘာတွေ လုပ်နိုင်ကြမလဲ။ ကြိမ်တချက် ဝင့်ပြရုံနဲ့ ငြိမ်ဝပ်ကုပ်ချိ သွားမယ့်သူ ကိုယ့်ဟာကို ချိန်ခွင်ပေါ် တက်ထိုင်မယ့်သူ ဘယ်လောက် ပါမလဲ စောင့်သာ ကြည့်ကြပါတော့။ ဒါကြောင့် လွှတ်တော်ထဲကနေ ဖွဲ့စည်းပုံကို ပြင်ဆင်ပြီး ဒီမိုကရေစီ ဖော်ဆောင်မယ် ဆိုတာဟာ အဓိပ္ပါယ် အကင်းမဲ့ဆုံး ဆင်ခြေ လုပ်ရပ်ပဲ ဖြစ်တယ်။ ဒီလို ရွေးကောက်ပွဲတွေ နဖားကြိုး တန်းလန်း လွှတ်တော်တွေ ရှိလာတာဟာ ဒီမိုကရေစီရဲ့ လမ်းစပဲလို့ ပြောနေတာဟာ အမှန်တရားကို သစ္စာဖောက်တဲ့ ကိုယ်ဘို့သာသိတဲ့ ငို့ဘ သမားတွေသာဖြစ်တယ်။

မိစ္ဆာသန်းရွှေကို အားကျမခံ ကျုပ်တို့ ပြင်ပမှာလည်း အလားတူတွေ တချိန်တည်း ဖြစ်ထွန်း နေတယ်။ အလုပ်သမားခေါင်းဆောင် ဆိုတဲ့ မောင်မောင်နဲ့ အပေါင်းအပါ များကလည်း ဖယ်ဒရယ် ပါလီမန်ဆိုတဲ့ ဘီကြား လွှတ်တော်ကြီးတခု ဖွဲ့လိုက်ကြပြန်ပါပြီ။ ကိုးဆယ်ခု အမတ်တွေ၊ လက်သင့်ရာ အဖွဲ့အစည်း ခေါင်းဆောင်ဆိုသူတွေ၊ ပြီးတော့ ဘယ်လိုညာဝါး စည်းရုံးထားလဲ မသိဘူး ထုံးစံအတိုင်း အစဉ်အလာရှိတဲ့ မွန်၊ ကရင် အဖွဲ့အစည်းက ကိုယ်စားလှယ်တွေနဲ့ စုပေါင်းစပ်ဖာ အူကြောင်ကြား လွှတ်တော် မဟာကြီးပေါ့။ ပြီးရင် ဖယ်ဒရယ်အစိုးရနဲ့ ဖယ်ဒရယ်အာမီ ဆိုတာကြီးတွေပါ ထူထောင်ကြဦးမယ် ဆိုပဲ။ လေသံသာ ပစ်နေတယ် အဆံကတော့ ဗလာ။ ဗိုလ်နှုတ်ခမ်းမွေးတို့ ရန်သူကို တကယ်ထတိုက် နေတာကိုတော့ ကျည်တတောင့်၊ ငါးပိတကော် ထောက်ပံ့တယ် မကြားမိဘူး။ ဖွဲ့လိုက်ရင်လည်း အမျိုးသားနဲ့ချည်း ချီပြီးဖွဲ့တယ်။ အဖွဲ့အမည် ပရောဂျက်တွေသာ ပြောင်းသွားတယ်။ လူတွေကတော့ စားနေကျ ကြောင်ပါး ဒီလူ ဒီမျက်ခွက်ချည်းပဲ။ အထဲက တိုက်ပွဲကို ပံ့ပိုးတဲ့ လုပ်ငန်းတွေလုပ်ဖို့၊ အပြင်က စစ်အာဏာရှင် ဆန့်ကျင်ရေး အင်အားစုတွေ စုစည်းဖို့တော့ မစဉ်းစားဘူး။ ကိုယ့်နေရာ ကိုယ့်အခန်း ကဏ္ဍမသိ၊ ကိုယ့်တာဝန် ကိုယ်မထမ်း၊ ဖဲသမားလို ဟိုလှည့်ဒီလှည့် ကုလားဖန် ပြောင်းထိုးပြီး အနှစ် ၂၀ လမ်ကြောင်းအတိုင်း အဖွဲ့ထောင် ပရောဂျက် တင် လုပ်စားဖို့ပဲ ချောင်းနေတယ်။

ကျုပ်တို့ ဗမာမှာ လွှတ်တော်ဆိုတာက မင်္ဂလာ တရားတွေနဲ့ အညီပေါ်လာတာ၊ သီးခံခြင်း၊ ခွင့်လွှတ်ခြင်း၊ စာနာခြင်းနှင့် တိုင်းသူပြည်သားအကျိုးကို ရှေးရှုခြင်း စတဲ့ တရားတွေနဲ့ ပေါ်လာတာဖြစ်တယ်။ ပုဂံခေတ်က ထီးလို မင်းလိုလို့လဲခေါ် နန်းတောင်းများမင်း (သို့) နားဋောင်းများမင်း လို့လဲခေါ်တဲ့ မင်းရဲ့ လက်ထက်မှာ ပေါ်ပေါက်ခဲ့တယ်။ နန်းတောင်းများ မင်းဟာ ညီအစ်ကို အများထဲက နောင်တော်တွေကို ကျော်ပြီး မင်းဖြစ်လာတယ်။ သူ့မယ်တော် မိဖုရားငယ်က လင်မင်းကြီးရဲ့ လိုရာဆုတောင်းစေ ဆိုတဲ့ ကတိစကားကို ဆုပ်ကိုင်ပြီး သားအတွက် ထီးနန်း တောင်းပေးလို့ ရခဲ့တယ်။ ဒါပေမဲ့ သူ့ထက်ပိုပြီး ထီးနန်း ရထိုက်တဲ့ နောင်တော်တွေလည်း ရှိနေတယ်။ ဒါကြောင့် နန်းတောင်းများမင်းဟာ နန်းတော်ထဲမှာ တရားဇရပ် တဆောင် ဆောက်ပြီး နောင်တော်တွေကို လွှတ်တက်စေကာ သူ့ကိုယ်စား တိုင်းပြည်အရေး အရာတွေကို စီရင်စေတယ်။ ပြောရရင်တော့ အာဏာ ခွဲပေးတာပေါ့။ တိုင်းပြည် အရေးအရာတွေကို ချမှတ်တဲ့ အမိန့်အာဏာတွေ ပို့လွှတ်တဲ့နေရာ တိုင်းသူ ပြည်သားတွေကြားက အမှုအခင်းတွေကို စီရင်ပြီး ပလပ်စေ၊ လွှတ်စေ ဆုံးဖြတ် စီရင်တဲ့အတွက် လွှတ်တော်လို့ ခေါ်တယ်။ နောက်ပိုင်း ခေတ်တွေမှာ မင်းညီ မင်းသားတွေ သာမက ဝန်၊ အမတ်စတဲ့ ပညာရှိပုဂ္ဂိုလ်တွေပါ လွှတ်တက် စီရင်လာကြတယ်။ ဒီအဖြစ်တွေကို ကြည့်ရင် မိဖုရားငယ် အပေါ်မှာ ကတိတည်တဲ့ မင်းကြီး၊ ရသင့်ရထိုက်တဲ့ ကိုယ့်အခွင့်အရေး ဆုံးရှုံးမှုကို သီးခံခဲ့တဲ့ နောင်တော်များ၊ သက်ဦးဆံပိုင် ဘုရင်ဖြစ်ပါလျှက် နောင်တော်တွေ အပေါ် စာနာစိတ်နဲ့ အာဏာ ခွဲဝေပေးခဲ့တဲ့ ဘုရင်နဲ့ ချုံကြည့်ရင် ပြည်သူတွေရဲ့ အသက်အိုးအိမ် တည်ငြိမ်မှုကို ရှေးရှုပြီး နန်းလုပွဲ ပဋိပက္ခတွေကို ရှောင်ရှားခဲ့ကြတဲ့ သက်ဆိုင်ရာ ပုဂ္ဂိုလ်များရဲ့ အမြှော်အမြင်နဲ့ စေတနာ တရားတွေဟာ အင်မတန်လေးစား ဂုဏ်ယူ ထိုက်ပါတယ်။

မတရားလုယူထားတဲ့ အာဏာအခွင့်အရေးကို ဆက်ပြီး ခိုးဆိုးလုယက်ဖို့ ကတိမတည် သစ္စာ ဖျက်ပြီး အာဏာမြဲဖို့ လုပ်နေသူများနဲ့တော့ နံ့သာဆီနဲ့ အီးလို ကွာခြား လှပါတယ်။ ဒါကြောင့် အများပြည်သူ အကျိုးအတွက် မင်္ဂလာတရားများနဲ့ အညီ ပေါ်ထွန်းခဲ့တဲ့ မူလ လွှတ်တော်နဲ့ ဒီနေ့ ကျုပ်တို့ မြင်တွေ့နေရတဲ့ ဘီကြား လွှတ်တော်များနဲ့ကတော့ မနှိုင်းသာအောင် ခြားနားလှပါတယ်။ ဒီတော့ တော်လှန်ရေးကို အကျိုးမပြုတဲ့အပြင် အဆီးအတားတောင် ဖြစ်နေတဲ့၊ စစ်အာဏာရှင် တည်တံ့ဖို့ အထောက်အပံ့ ပြုနေတဲ့၊ ဗမာပြည် ဒီမိုကရေစီ ထူထောင်ရေး အဟန့်အတား ဖြစ်စေမယ့် ဒီလို ဘီကြား အမတ်များနဲ့ ဘီကြား လွှတ်တော်တွေကို ခုံဖိနပ်နဲ့ ဝိုင်းဆော်ကြဖို့ဟာ မျိုးချစ်တိုင်းရဲ့ တာဝန်ပဲ ဖြစ်ပါတယ်။

ရဲဘော်ကျော်သန်း

Read More...

Collapse...

SU FREE UNITE & ADVANCE TO GRAB THE HOPE

ပြည်တွင်းမှာ တရားဝင် ထုတ်ဝေနေတဲ့ Eleven Sport Journal ရဲ့ အဖုံးမှာ SUNDERLAND FREEZE CHELSEA UNITED STUNNED BY VILLA & ARSENAL ADVANCE TO GRAB THEIR HOPE ဆိုတဲ့စာသားမှာ အနီရောင်ဖျော့နဲ့ ရေးထားတဲ့စာလုံးတွေကို ဖတ်ကြည့်လိုက်ရင် SU FREE UNITE & ADVANCE TO GRAB THE HOPE လို့ ဖြစ်နေပါတယ်။

ဒေါ်စုလွတ်မြောက်မှုဟာ ညီညွတ်မှုနဲ့ မျှော်လင့်ချက်ကို ဆုတ်ကိုင်နိုင်ဖို့ လမ်းစ ဖြစ်တယ်ဆိုတဲ့ အဓိပ္ပာယ် ပါပဲ။
ရဲရဲဝံ့ဝံ့ ဖန်တီး ဂုဏ်ပြုလိုက်သူများကို အသိအမှတ် ပြုခြင်းနှင့်အတူ ရင်ခုန်သံတူသူများကို မျှဝေပေးနိုင်ဖို့။

(အီးမေးရွှေပေလွှာ မှ ပြန်လည်ကူးယူတင်ဆက်သည်)

Read More...

Collapse...

“အပြောင်းအလဲလိုချင်ရင် အပြောင်းအလဲ ရအောင်ကြိုးစား”

Thursday, 18 November 2010


မြန်မာ့ ဒီမိုကရေစီ ခေါင်းဆောင် နိုဗဲလ် ငြိမ်းချမ်းရေးဆုရှင် ဒေါ်အောင်ဆန်းစုကြည်သည် စစ်အစိုးရ၏ နေအိမ် အကျယ်ချုပ်မှ နိုဝင်ဘာ ၁၃ ရက်နေ့တွင် ပြန်လည် လွတ်မြောက် လာခဲ့သည်။


ဒေါ်အောင်ဆန်းစုကြည်၏ စစ်အစိုးရအပေါ်သဘောထား၊ ၎င်း ဆက်လက် ဆောင်ရွက်မည့် နိုင်ငံရေး ရှေ့လုပ်ငန်းစဉ် များနှင့် ရွေးကောက်ပွဲ အပြီး နိုင်ငံရေး အခင်းအကျင်း အပေါ် အမြင် စတာတွေကို ဧရာဝတီမဂ္ဂဇင်း အယ်ဒီတာ အောင်ဇော်က ဆက်သွယ် မေးမြန်းထားသည်။

မေး။ ။ အခုဆိုရင် နေအိမ်မှာ ၇ နှစ်ကျော် အကျဉ်းကျခဲ့တာ ပြန်လွတ်လာပြီ၊ လွန်ခဲ့တဲ့ ၂ ရက် ၃ ရက်အတွင်းမှာ လူထုကို စကား ပြောခဲ့တယ်၊ အပြင်ကိုလည်း ထွက်ကြည့်ခွင့်ရတယ်။ မြန်မာ လူမျိုးတွေကလည်း အပြင်မှာရော အထဲမှာရော ဒေါ်အောင်ဆန်းစုကြည် လွတ်လာတာကို ဝမ်းမြောက် ဝမ်းသာဖြစ်ကြတယ်။ ဘာတွေ ပြောင်း သွားတယ်လို့ မြင်ပါသလဲ။

ဖြေ။ ။ ပထမ ဦးဆုံးကတော့ အန်တီ့ကို လာပြီး ကြိုတဲ့ လူအုပ်စုထဲမှာ လူငယ်တွေ ပိုများလာတာတော့ သတိ ထားမိတယ်။ နောက်ပြီးတော့ cell phone လေးတွေ သုံးတာပေါ့နော်။ cell phone လေးတွေနဲ့၊ hand phone လေးတွေနဲ့ ဓာတ်ပုံ ရိုက်တာတွေ ဘာတွေပေါ့။ အဲဒါတွေက အရင်တုန်းက မကြုံဖူးဘူးလေ။ ၁၀ နှစ် လောက်က မရှိဘူး။ အဲဒါတွေက တော်တော်များများ ပျံ့နေတာဟာ၊ ဘာပဲပြောပြော ဆက်သွယ်ရေး လမ်းကြောင်းကတော့ အရင်ထက်စာလို့ ရှိရင် လမ်းကြောင်းတွေ ပိုများ လာတယ်လို့ မြင်တာပေါ့နော်။ အဲဒါကတော့ အရေးကြီးတဲ့ ကိစ္စပေါ့နော်။ နောက်ပြီးတော့ မြို့ထဲမှာတော့လေ သိပ်ထူးထူးခြားခြား အပြောင်းအလဲကြီးတော့ မမြင်ဘူး။ တကယ်တော့ အန်တီလည်း လျှောက်ပြီး သွားတဲ့လူ မဟုတ်တော့ နေရာ မနှံ့လို့လားတော့ မသိဘူး။ သိပ်ပြီး ထူးထူးခြားခြား ဘာမှ ပြောင်းလဲမှု မရှိဘူး။

မေး။ ။ မြန်မာလူမျိုးတွေက အရမ်း နွမ်းသွားလား။

ဖြေ။ ။ အဲဒီဟာ ကြည့်ရတာတော့နော် နွမ်းပါးနေပေမယ့်။ အန်တီ့ကို လာကြိုတဲ့ လူတွေကတော့ အရမ်းကို ပြုံးပြုံးရွှင်ရွှင်နဲ့ အားပေးတာ၊ အဲဒါကိုတော့ တော်တော်လေး ကျေးဇူးလည်း တင်တယ်။ ဒီလို သူတို့ သဘောထား သိပ်ကြီးတယ်ပေါ့နော်။ နွေးထွေးတယ်။ အဲဒီလိုပဲ ခံစားရတယ်။

မေး။ ။ အန်တီ အခုလွတ်လာတာကို ထောင်သေးသေးထဲကနေ ထောင်ကြီးကြီးထဲကို လွတ်လာတာလို့ တချို့က ရေးကြ သုံးသပ် ကြတာတွေ တွေ့ရတယ်။ အဲဒီလိုမျိုး အန်တီ ခံစားရလား။

ဖြေ။ ။ အန်တီက အဲဒီလိုမမြင်ဘူး။ ပြောင်းပြန်မြင်တယ်။ အစတုန်းကလည်း အန်တီက လွတ်လပ် နေတယ်လို့ အန်တီ့ကိုယ် အန်တီ သတ်မှတ်တယ်။ ဘာဖြစ်လို့လဲ ဆိုတော့ အန်တီ့ စိတ်လွတ်လပ်တယ်။ အန်တီ့ အတွေးအခေါ်နဲ့၊ အန်တီ့ ယုံကြည်ချက်နဲ့ အန်တီရွေးတဲ့လမ်း အန်တီ လျှောက်နေတာ။ ပြီးတော့ စိတ်ထဲမှာ မလွတ်လပ်ဘူးလို့ မခံစားရဘူး။ အခု ဒီလို ထွက်လာတော့လည်း အန်တီ မလွတ်လပ်ဘူးလို့ မခံစားရဘူး။ အခုကတော့ ပိုပြီး အလုပ်များတာ ပေါ့နော်။ လက်တွေ့ကျကျ အပြောင်းအလဲတွေပဲ မြင်ရတယ်၊ တွေ့ရတယ်၊ ခံစားရတယ်။ တကယ်တော့ ကိုယ့် အတွင်းစိတ်ကတော့ ဒီ အတိုင်းပဲ။

မေး။ ။ ဟုတ်ကဲ့။ တချို့ နိုင်ငံရေး သုံးသပ်သူတွေပေါ့။ ကျနော်တို့အပါအဝင် အပြင်မှာရော၊ အထဲမှာရော ပြောကြတာ၊ ရေးကြတာ ဘာတွေလဲ ဆိုတော့ မြန်မာ နအဖ စစ်အစိုးရ အနေနဲ့ အန်တီ့ကို ရွေးကောက်ပွဲပြီး တပတ်မှာ လွှတ်တာက ရွေးကောက်ပွဲကို အာရုံ လွှဲတယ်လို့ပဲ မြင်ကြတယ်။ အန်တီ ဘယ်လိုထင်သလဲ။

ဖြေ။ ။ အဲဒါကတော့ အန်တီပြောလို့မရဘူး။ ဟုတ်ရင်လည်း ဟုတ်နိုင်တယ်လေ။ ဒါပေမယ့် ရွေးကောက်ပွဲက ပြီးသွားပြီ ဆိုတော့လည်း ရွေးကောက်ပွဲကို အာရုံ သိပ်ပြီးပြုဖို့ မလိုတော့ အန်တီ့ကို ပိုပြီးတော့ အာရုံ စိုက်တာပေါ့နော်။

မေး။ ။ ဒေါ်အောင်ဆန်းစုကြည် လွတ်လွတ်ခြင်းပဲ စစ်အစိုးရ ခေါင်းဆောင်တွေနဲ့ အန်တီက တွေ့ဆုံ စကားပြောချင်တယ်၊ အမျိုးသား ရင်ကြားစေ့ရေး ပြန်လည် ဖော်ဆောင်ချင်တယ်လို့ ပြောတယ်လေ။ အများစုက အန်တီ့ အပေါ်မှာ သံသယ မရှိပေမယ့် ဟိုဘက်ကတော့ ပြောချင်ပုံ မရဘူးပေါ့လေ။ အန်တီ နိုင်ငံရေးကို စဝင်ကတည်းက၊ ၁၉၈၈ ကတည်းက၊ မြန်မာ နအဖ၊ အဲဒီတုန်းက နဝတ ပေါ့ သူတို့ဘက်က နေပြီးတော့ အန်တီ့ကို မလိုလားဘူးဆိုတဲ့ ဟာကို အကြိမ်ကြိမ် ပြောခဲ့ပြီးပြီဖြစ်တယ်။ ဘာကြောင့် အခုထိ ၂၂ နှစ်ရှိပြီ၊ အန်တီ့ ဘက်ကနေပြီးတော့ အမျိုးမျိုး ကမ်းလှမ်းခဲ့သော်လည်း ဘာလို့ သူတို့ဘက်က မပြောချင်တာလဲ၊ ဘာကြောင့်လို့ အန်တီထင်သလဲ။

ဖြေ။ ။ စကားပြောတယ် ဆိုတဲ့ အဓိက ရည်ရွယ်ချက်အနေနဲ့ စကားပြောတဲ့ တကယ့် အနှစ်သာရ အဓိပ္ပာယ်ကို အန်တီတို့ နားလည်တာခြင်းဟာ မတူဘူးလို့ ထင်တယ်။ ဘာဖြစ်လို့လဲ ဆိုတော့ အန်တီ့အမြင်မှာ ဒီလို စကား ပြောတယ် ဆိုတာဟာ စကားရည်လုပွဲ မဟုတ်ပါဘူး။ အန်တီ ခဏခဏ ပြောတယ်။ တဘက်က ရှုံးစေ၊ တဘက်က နိုင်စေ ပြောတာ မဟုတ်ဘူး။ တဘက်ကလည်း ကိုယ့် အမြင်ကို ပြောရမယ်၊ နောက်တဘက်ကလည်း ကိုယ့်အမြင်ကို ပြောမယ်၊ သဘောမတူတာတွေ ရှိရင်လည်း ညှိယူမယ် ပေါ့နော်။ ၂ ဘက် စလုံးအတွက် အောင်နိုင်မှု ဖြစ်ရမယ်။ အဲဒါမျိုး ကိုပြောပေမယ့်လည်းပဲ နည်းနည်းမှ သဘော မပေါက်ဘူး။ မယုံတာလား၊ သဘော မပေါက်တာလား။ ဒါမှမဟုတ် တပ်မတော် အသိုင်းအဝန်းမှာ ဒီလိုပေါ့နော် … အခြေအတင် စကား ပြောပြီးတော့ ညှိနှိုင်းယူတဲ့ အလေ့ အထ မရှိလို့လား၊ အဲဒါတွေက အများကြီးကို စဉ်းစားစရာ ဖြစ်တယ်။

မေး။ ။ အဲဒီလို ဆိုရင် ၉၄၊ ၉၅ ပြီးတော့ ၂၀၀၀ ဝန်းကျင်မှာ အန်တီနဲ့ တကယ့် ထိပ်တန်း ခေါင်းဆောင်တွေ ဗိုလ်ချုပ်မှူးကြီး သန်းရွှေ အပါအဝင်၊ ဗိုလ်ချုပ်ခင်ညွန့် အပါအဝင် တွေ့ခဲ့တာတွေရှိတယ်။ အဲဒီတုန်းက ပြောခဲ့တာ တွေကကော တကယ့် အနှစ်သာရ ရှိတာတွေလား၊ တကယ့် အခြေအတင် တွေလား။

ဖြေ။ ။ တွေ့ကြတယ်ပေါ့နော်။ ဒါပေမယ့် တကယ် ဆွေးနွေးတယ်လို့ ပြောလို့ မရပါဘူး။ တကယ် ဆွေးနွေး တယ်လို့ ပြောလို့ ရတာက၊ ဒီပဲယင်းပြီးတော့ တွေ့ဆုံခဲ့တဲ့ ဗိုလ်မှူးကြီး တင်လှိုင်တို့၊ ဗိုလ်ချုပ် ကျော်ဝင်းတို့၊ ဗိုလ်မှူးချုပ် သန်းထွန်း တို့နဲ့ တွေ့ဆုံပြီးတော့ ပြောခဲ့တာပဲ၊ အဲဒါတွေကတော့ တကယ် ဆွေးနွေးခဲ့တာပဲ။ ဒါပေမယ့် အဲဒါတွေကလည်း တကယ်တော့ အကောင်အထည် မဖော်ခဲ့ဘူး။

မေး။ ။ သူတို့တွေလည်း မရှိတော့ဘူး။ ဗိုလ်ချုပ်ကြီးခင်ညွှန့်လည်း မရှိတော့ဘူး၊ တချို့ နှစ်ရှည်လများ ထောင်ကျ နေကြတာ ဆိုတော့ သူတို့ အပေါ်မှာရော အန်တီ ဘယ်လိုမြင်သလဲ။ တကယ်ပဲ အန်တီနဲ့ တပ်မတော်ကြားထဲမှာ တံတား ထိုးပေးနိုင်မယ့် သူတွေလို့ အန်တီ နောက်ပိုင်းမှာ ယူဆမိတာ ရှိလား။ နောက်ပိုင်းမှာ ပြန်တွေ့ဖို့ ရှိလား။

ဖြေ။ ။ အန်တီထင်တာကတော့ သူတို့တွေကတော့ သူတို့ကို တာဝန်ပေးချက် အရ လုပ်နေပေမယ့် သူတို့ တတ်နိုင်သလောက် အကောင်းဆုံး လုပ်တယ် လို့တော့ အန်တီက မြင်တာပဲ။ ဒါပေမယ့် သူတုိ့ကလည်း ခိုင်းတဲ့ အတိုင်းပဲ လုပ်ရတာပေါ့။ အန်တီက ဒီလိုလူတွေနဲ့ ဆွေးနွေး ပြောဆိုတဲ့ အခါမှာ သူတို့ရဲ့ ကောင်းတဲ့ အချက် ရှိတယ်ဆိုတာ အမြဲ မြင်ပါတယ်။ ဒါကြောင့်မို့လို့ ကိုယ့်ဘက်ကချည်းပဲ မှန်တယ်လို့လည်း ထင်တာ မဟုတ်ပါဘူး။ သူတို့နဲ့က သူပြောကိုယ်ပြော ပေါ့နော်။ နောက်ပြီးတော့လည်း နည်းနည်း ချဉ်သွားတာပေါ့နော်၊ နည်းနည်း ပြောဟယ် ဆိုဟယ် ဆိုတော့လည်း ချဉ်သွားတဲ့ ကိစ္စလေးတော့ ရှိတာပေါ့နော်။ အဲဒါလည်း အန်တီ့ဘက်က ရှိတာပေါ့နော်။ သူတို့ဘက်ကတော့ ရှိလား မရှိလားတော့ မသိဘူး။

မေး။ ။ အန်တီ့အပေါ်မှာတောင် အရမ်း လေးစားသွားတာတွေ ရှိတယ်လို့ ကျနော် ကြားတယ်။ အဲဒီလိုမျိုး ရှိလား။

ဖြေ။ ။ အဲဒီလောက်တော့ မသိဘူး။ ဒါပေမယ့် အန်တီကိုတော့ သူတို့ကောင်းကောင်း ဆက်ဆံပါတယ်။ အခု နောက်ပိုင်းမှာလည်း လုံခြုံရေး တာဝန်ယူရတဲ့ အရာရှိတွေ ကလည်း သူတို့နဲ့ တွေ့တဲ့အခါ၊ ဆက်ဆံရတဲ့အခါ ကောင်းကောင်း မွန်မွန်ပါပဲ။ အန်တီကလည်း သူတို့အပေါ်မှာ ခင်ချင်တဲ့စိတ် ရှိပါတယ်။ သူတို့ အတွင်းစိတ်က ဘယ်လိုရှိလဲ ဆိုတာတော့ ပြောလို့မရဘူး။ အန်တီ့ ဘက်ကပဲ အန်တီ ပြောနိုင်တာ သူတို့ ကောင်းကောင်း မွန်မွန်ပဲ ဆက်ဆံတာကို အန်တီက ကျေးဇူးလည်း တင်တယ်၊ သူတို့အပေါ်မှာ ခင်မင် ရင်းနှီးချင်တဲ့ စိတ်လည်း ရှိတယ်။ နောက် တနင်္ဂနွေ နေ့တုန်းကလို ပေါ့လေ။ ရုံးအရှေ့မှာ ပြောသလိုပေါ့လေ။ ပြည်သူ အားလုံးကို သူတို့ ဒီလိုပဲဆက်ဆံ စေချင်တယ်။

မေး။ ။ အန်တီ တခါတလေများ သိပ်မဝေးတော့တဲ့ ကာလတခုမှာ နေပြည်တော်ကို သွားပြီးတော့ ဗိုလ်ချုပ်မှူးကြီးနဲ့ တွေ့လို့ရမယ့် အစီအစဉ်များ ရှိမယ်လို့ ထင်မိသလား။ ယုံကြည်သလား။

ဖြေ။ ။ အန်တီကတော့ အဲဒီလိုမစဉ်းစားဘူး။ အန်တီကတော့ ဘယ်လိုဖြစ်အောင် လုပ်ရမလဲ ပေါ့နော်။ ကိုအောင်ဇော်တို့ ကြားဖူး မလားတော့ မသိဘူး။ ဂန္ဓီကြီးက ဟိန္ဒူဘာသာဝင် ဆိုပေမယ့် ခရစ်ယာန် ဓမ္မသီချင်း တပုဒ်ကို သိပ်ပြီးတော့ သဘောကျတယ် ဆိုတာလေ။ အဲဒီ သီချင်းဟာ Lead Kindly Light ဆိုတာ သူပြောထားတာတော့ အရှည် အဝေးကြီး မဟုတ်ဘူးပေါ့နော်။ တလှမ်းချင်း တလှမ်းချင်းသာ မြင်ခွင့် ပေးပါဆိုတာ၊ အဲဒါကို ဂန္ဓီကြီးက ယုံသလို အဲဒီဟာကို အန်တီလည်း ယုံတယ်။ တလှမ်းချင်း တလှမ်းချင်းသာ မှန်အောင် လှမ်းနိုင်အောင်လို့ ကိုယ့်ကိုကိုယ် ကြိုးစားပြီး သွားမယ်၊ တလှမ်းချင်း တလှမ်းချင်းသာ မှန်လို့ရှိရင်တော့ လမ်းမှန်ပေါ်ကနေ နေရာမှန်ကို ရောက်မှာ ပေါ့လေ။ အဝေးကြီး စိတ်ကူး မယဉ်စေချင်ဘူး။ နောက်ပြီးတော့ အန်တီက စိတ်ကူးယဉ် မျှော်လင့်ချက်ကို သိပ် အယုံအကြည် မရှိဘူး။ မျှော်လင့်ချက်ဆိုတာ ကြိုးစားချင်မှု။ ကိုယ်ကြိုးစား သလောက်ပဲ မျှော်လင့်ပိုင်ခွင့် ရှိတယ်လို့ အဲဒီလိုပဲ အယုံအကြည် ရှိရှိနဲ့ ကြိုးစားသွားမှာပဲ။

မေး။ ။ အဲဒီလိုမျိုး အန်တီနဲ့ တပ်မတော် ထိပ်တန်းခေါင်းဆောင်တွေကြားမှာ အဲဒီလိုမျိုး တကယ့်ကို စေ့စပ် ဆွေးနွေးဖို့ အလားအလာ ရောက်တော့မယ် ဆိုပြီးတော့ စိတ်ကူးယဉ်ပြီးတော့ ပြောတာတွေ ရေးတာတွေ အပြင်မှာ ရော၊ အထဲမှာရော၊ ကုလသမဂ္ဂဆိုရင် ပြောခဲ့ဖူးတာ တွေလည်း ရှိခဲ့ဖူးတော့ အန်တီ ဘယ်လိုမြင်သလဲ။

ဖြေ။ ။ အဲဒီလို မျှော်မှန်းကြည့်တာတော့ မမှားပါဘူး။ အန်တီတို့လည်း မျှော်မှန်းကြည့်တာ ပါပဲ။ တကယ်လို့ တွေ့ခဲ့ရင် ဘယ်လို ဘာပြောချင်လဲ ဆိုတာ စဉ်းစားကြည့်တယ်။ တခါတခါတော့ စဉ်းစားကြည့် တာပေါ့။ ခဏခဏတော့ မဟုတ်ပါဘူး။ ကိုယ့်ဘက်ကတော့ အဆင်သင့် ရှိရမယ်လေ။ ဘာလဲဆိုတော့ ဟို တဘက်ကနေ စကားပြောပါ၊ စကားပြောပါ ဆိုပြီး ကဲ လာ ပြောတော့ဆိုရင် ဘာပြောရမှန်း မသိဘူးဆိုရင် နည်းနည်း မကောင်းဘူးပေါ့လေ။ အဲဒီတော့ အပြင်ကလူတွေ ကလည်း ဒီလို ခန့်မှန်းကြည့်တဲ့ ဟာကို ဘာမှ အပြစ် မမြင်ပါဘူး။ တခါတလေတော့ နည်းနည်း ရယ်ချင်တယ်။ သူတို့ ခန့်မှန်းချက်တွေက ရယ်စရာလေးတွေပဲ၊ ဟုတ်တယ် ဟာသလိုပဲ။

မေး။ ။ အန်တီမှတ်မိလား ဘယ်ဟာလဲ၊ ဘယ်အချက်ကို ရယ်ချင်တာလဲ။

ဖြေ။ ။ မပြောတော့ပါဘူး။ ဒါပေမယ့် တချို့လူတွေရဲ့ ခန့်မှန်းချက်တွေ ကတော့ နည်းနည်းလေး ဟာသ ဆန်တာပေါ့။ နည်းနည်းလေး စိတ်ကူးယဉ်လွန်းအား ကြီးလွန်းတယ်ပေ့ါ။ ဒါပေမယ့် အဲဒါကို အပြစ်ကြီးလို့ မမြင်ပါဘူး။ တချို့ကလည်း အကောင်း ဖြစ်စေချင်လို့ပေါ့။ တချို့ကလည်း အကောင်းမြင်ဝါဒ မဟုတ်ဘူး။ ပြောင်းပြန်ပေါ့၊ အဆိုးမြင်ဝါဒလည်း ရှိပါတယ်။ အဲဒါတွေကလည်း နည်းနည်း အစွန်းရောက်တဲ့ အဆိုးမြင် ဝါဒတွေ ရှိတယ်။ ဘယ်လိုမှ မကောင်းနိုင်ဘူးပေါ့။ ဘယ်လိုမှ မဖြစ်နိုင်ဘူးပေါ့။ အဲဒါတော့ အစွန်း နှစ်ဘက်ပေါ့။ ဒါက တကယ်တော့လည်း တဘက်က လုပ်ချင်သည် ဖြစ်စေ၊ မလုပ်ချင်သည်ဖြစ်စေ အခြေအနေတွေက ခန့်မှန်းတဲ့ အတိုင်း ဖြစ်တာ မဟုတ်ဘူး။ ဗုဒ္ဓဘာသာ စကားနဲ့ ပြောရရင် အနတ္တပေါ့နော်။ အစိုးမရခြင်းပေါ့။ ကိုယ်မှန်းသလိုလည်း ဖြစ်တာ မဟုတ်ဘူး၊ သူ မှန်းသလိုလည်း အမြဲဖြစ်တာ မဟုတ်ဘူး။ အမြဲတမ်းတော့ ကိုယ်က အဆင်သင့် ရှိနေရမှာပေါ့။ ကိုယ့်ကိုယ်ကိုယ် ပြင်ဆင် ထားရမှာပေါ့။

မေး။ ။ အဲဒီလို ပြင်ဆင်ထားတယ်ဆိုရင် တကယ်လို့များ နောက်တခေါက် ထပ်ပြီးတွေ့ကြပြီး ဗိုလ်ချုပ်မှူးကြီးနဲ့ တွေ့ကြပြီ ဆိုရင် အန်တီ ဘာတွေ ပြောချင်လဲ။

ဖြေ။ ။ အခြေအနေပေါ်မှာ တည်တယ်လေ။ ဘယ်လို အခြေအနေမျိုးမှာ တွေ့ကြမှာလဲ။ ဘာကြောင့် တွေ့ကြ မှာလဲ။ အဲဒီတော့ အဲဒါတွေအပေါ်မှာ အခြေခံပြီးတော့ ပြောရမှာပေါ့နော်။

မေး။ ။ မြန်မာနိုင်ငံမှာ စစ်တပ်ဟာ နိုင်ငံရေးက ဖယ်ထုတ်လို့ မရဘူးလို့ တချို့က မြင်ကြ ရေးကြ ပြောကြတယ်။ အခြေခံ ဥပဒေသစ်မှာ ဆိုလည်း တပ်မတော်က နိုင်ငံရေးအခန်း ကဏ္ဍမှာ ဆက်ပြီးရှိမယ်၊ သွားမယ်၊ ထိန်းချုပ် ထားမယ် ဆိုပြီးတော့ သိရပါတယ်။ စစ်တပ်နဲ့ နိုင်ငံရေး အခန်းကဏ္ဍကို အန်တီ ဘယ်လိုမြင်သလဲ။

ဖြေ။ ။ နိုင်ငံရေးဆိုတာ ဘယ်သူ့ဆီက ဘယ်အသိုင်းအဝန်းကမှ ဖယ်ထုတ်လို့ မရဘူး။ နိုင်ငံရေးကို ဖယ်ထုတ်လို့ မရဘူး။ အားလုံးက နိုင်ငံရေးနဲ့ပဲ ဆက်စပ် နေတာပဲ။ ဒါပေမယ့် ဒီ ဆက်စပ်မှုဟာ မှန်ကန်တဲ့ ဆက်စပ်မှုတော့ ဖြစ်ဖို့ အရေးကြီးတာပေါ့။

မေး။ ။ တပ်မတော်ထဲမှာ ဒေါ်အောင်ဆန်းစုကြည်နဲ့ ဒီမိုကရေစီ ရေးကို လိုလားတဲ့လူတွေ ရှိတယ်လို့ ကျနော်တို့ သိရပါတယ်။ တကယ်လည်း ရှိတယ်လို့ ကျနော်တို့ ယုံကြည်ပါတယ်။ အန်ကယ်လ် ဦးတင်ဦးကို ကြည့်မယ် ဆိုရင် လည်း အန်တီနဲ့ နောက်ကနေ အမြဲတမ်း ပါဝင်တဲ့၊ တိုက်ပွဲဝင်ခဲ့တဲ့ လူထဲမှာ ပါပါတယ်။ ဆိုတော့ တပ်မတော်ထဲက အရာရှိတွေရယ်၊ မိသားစုတွေရယ်၊ အပြောင်းအလဲ မြင်ချင် လိုချင်ကြတဲ့ လူတွေကို အန်တီပြောချင်တဲ့ သတင်းစကားက ဘာလဲ။

ဖြေ။ ။ အပြောင်းအလဲလိုချင်ရင်တော့ အပြောင်းအလဲ ဖြစ်အောင်လို့ လုပ်ရမှာပေါ့။ အန်တီက စောစာက ပြောသလိုပေါ့။ အန်တီက ဒီလိုပဲ မျှော်လင့်နေတဲ့ ဟာမျိုးကို အယုံအကြည် မရှိဘူး။ မျှော်လင့်တယ် ဆိုရင် မျှော်လင့်တဲ့ဟာကို ရဖို့ ကြိုးစားမှု ထုတ်ရမယ်။

မေး။ ။ ရွေးကောက်ပွဲလည်း ကျင်းပပြီးပြီ အန်တီရယ်။ Free and Fair မဖြစ်ဘူး၊ ပြည်ခိုင်ဖြိုး ပါတီက နိုင်တာကို တွေ့ရတယ်။ တရားဝင် ကြေညာတာတော့ မရှိသေးဘူး ပေါ့နော်။ ဒါပေမယ့် လောလောဆယ် လက္ခဏာတွေ ကြည့်မယ်ဆိုရင် သူတို့နိုင်တယ် ဆိုတာ အသေအချာပဲပေါ့လေ။ မကြာခင်မှာ ပါလီမန် လွှတ်တော် ခေါ်မယ် အစိုးရ ဖွဲ့မယ်။ ဒါကို အခင်းအကျင်း အသစ်လို့ နိုင်ငံတကာက မြင်တယ်၊ ပြောကြတယ်ပေါ့လေ။ အဲဒီတော့ ဒေါ်အောင်ဆန်း စုကြည်က ဒီအခင်းအကျင်း သစ်ကို ဘယ်လို ရင်ဆိုင်မလဲ။

ဖြေ။ ။ တကယ်ပဲ အခင်းအကျင်းအသစ်လား။ အဲဒါက အန်တီက မေးပိုင်ခွင့် ရှိတယ်လေ။

မေး။ ။ အဲဒါကြောင့် ကျနော်မေးတာ၊ အခင်းအကျင်းသစ်လား၊ အဲဒီ အခင်းအကျင်းသစ် ဆိုရင်ကော အန်တီ ဘယ်လို ရင်ဆိုင်မလဲ။ ဘယ်လို ဖြတ်ကျော်မလဲ။

ဖြေ။ ။ အခုဟာကလေ အခင်းအကျင်းသစ်ဆိုတာ ဘာကိုပြောမှန်းကို မသိဘူး။ ပါလီမန် ရှိတာကို ပြောတာလား။ ပါလီမန်ရှိတာပဲ ပြောတာ ဆိုလို့ရှိရင်တော့ နိုင်ငံရေးဆိုတာ ပါလီမန် အတွင်း နိုင်ငံရေး၊ ပါလီမန်အပြင် နိုင်ငံရေး ဆိုတာ အမြဲ ရှိတာချည်းပဲ။ အဲဒီတော့ အန်တီတို့က ပါလီမန်အပြင် နိုင်ငံရေး လုပ်တဲ့လူတွေ ဖြစ်မှာပေါ့။ အဲဒီတော့ အန်တီတို့ ပါလီမန် နိုင်ငံရေး အပြင်ဘက်မှာ လုပ်တဲ့လူတွေ ဆိုတာလည်း အန်တီတို့က သူတို့ နိုင်ငံရေး လုပ်ပုံလုပ်နည်းတွေ အမျိုးမျိုးနဲ့ ရင်ဆိုင်ခဲ့ရပြီ ဆိုတော့ ပုံစံအမျိုးမျိုးနဲ့ ဆက်လုပ်သွားမှာပဲ။

မေး။ ။ နိုင်ငံတကာက ဆိုရင်လည်း ရွေးကောက်ပွဲ မတိုင်ခင်မှာ အမြင် အမျိုးမျိုးရှိတယ်။ တချို့က ရွေးစရာလမ်း မရှိတော့ဘူးလို့ ပြောကြတယ်။ ဥရောပ နိုင်ငံတချို့ ဆိုရင်လည်း ထောက်ခံတဲ့ ပုံစံမျိုးတွေ ပြောကြတာ တွေ့တယ်။ အထဲနဲ့ အပြင်နဲ့ သဘောထား ကွဲတဲ့ ပုံစံတွေ ဖြစ်ကုန်တယ်။ အန်တီ ဘီဘီစီမှာလည်း ဖြေသွားတာ ကြားပါတယ်။ ဆိုတော့ အခု ရွေးကောက်ပွဲ ပြီးသွားပြီ။ တချို့လည်း မျက်စိမျက်နှာ ပျက်သွားကြတယ်။ အရှက်တွေ ကွဲကြတယ်။ သူတို့ ထင်သလို မှန်းချက်နဲ့ နှမ်းထွက် မကိုက်ဘူး ပေါ့လေ။ အန်တီ ဘာပြောချင်လဲ သူတို့ကို။

ဖြေ။ ။ အဲဒါကို ကောင်းကောင်းလေး သင်ခန်းစာ ယူပါလို့ ပြောချင်တယ်။

မေး။ ။ နိုင်ငံတကာက ဒေါ်စု လွတ်လာတာ ကြိုဆိုတယ်၊ ဝမ်းသာတယ်ပေါ့လေ။ စီးပွားရေး ပိတ်ဆို့မှုတွေ ဆက်လုပ်မယ်လို့ ပြောတယ်။ အမေရိကန်ကလည်း တိုက်ရိုက် သဘော ဆက်ဆံမယ် ပြောတယ်၊ ပေါ်လစီ ဆက်ထားမယ်လို့ ပြောတယ်။ မကြာခင်မှာ Meeting တွေလုပ်ဦးမယ်လို့ ပြောတယ်။ အဲဒီတော့ နိုင်ငံတကာက ဘယ်လို ဖိအားပေးမှုတွေ၊ လက်တွေ့ကျကျ ဆက်ဆံမှုတွေ၊ အပြုသဘော ဆောင်တာတွေ လုပ်စေချင်သလဲ။ နောက်တခုက အာဆီယံနဲ့ တရုတ် အပေါ်မှာရော အန်တီဘာပြောချင်လဲ။

ဖြေ။ ။ အာဆီယံနဲ့ တရုတ်တို့ကို နီးနီးကပ်ကပ် ဆက်ဆံစေချင်တယ်။ အန်တီတို့နဲ့ ဆက်ဆံ စေချင်တယ်။ အန်တီတို့က မဆက်ဆံသင့်တဲ့ လူမျိုးများ မဟုတ်ပါဘူး ဆိုတာကို သေသေချာချာ သိစေချင်တယ်။ ပြီးတော့ ခုနက ပြောသလို ပိတ်ဆို့မှုတွေ ဘာတွေ အဲဒါတွေလည်း မဖြုတ်သေးဘူး ဘာဘူးလို့ ပြောတာဟာလည်း ခုနက ကိုအောင်ဇော် ပြောတာနဲ့ ဆက်စပ် နေတာပေါ့လေ။ တကယ်ပဲ အခင်းအကျင်းသစ် ဟုတ်လို့လား။ ဒါလည်း သူတို့က ကြည့်နေတယ်လို့ ထင်တယ်။

မေး။ ။ အပြင်မှာ ဆိုရင်လည်း Exile Community အကြီးကြီး ဖြစ်နေပြီး Illegal ရွှေ့ပြောင်း ထွက်လာကြတာ တွေလည်း အများကြီးပဲ၊ သိန်းနဲ့ သန်းနဲ့ချီပြီး ထွက်လာကြတာ လူငယ်တွေက အများကြီးပဲ။ အန်တီကလည်း လူငယ်နဲ့ ပညာရေးကို အရမ်းကို ဦးစားပေး ပြောလေ့ရှိတယ်။ အပြင်က လူငယ်တွေ၊ အထဲက လူငယ်တွေ။ ပညာရေး ကိစ္စတွေ အန်တီ ဘာတွေ လုပ်မလဲ၊ ဘာတွေ စီစဉ်ထားလဲ။ အန်တီ ဘာတွေပြောချင်သလဲ၊ ဘာမက်ဆေ့ခ်ျတွေ ပေးချင်လဲ။

ဖြေ။ ။ အန်တီက အပြင်က လူငယ်တွေနဲ့ အဆက်အသွယ် ရှိချင်တယ် ဆိုတာ အဲဒါတွေကြောင့်။ အထူးသဖြင့် အနောက် နိုင်ငံတွေမှာ ရောက်သွားတဲ့ လူငယ်တွေ ဆိုရင် ပညာရေးနဲ့ ပတ်သက်လို့ အများကြီး အခွင့်အရေး ရတယ်။ အန်တီတို့ ပြည်တွင်းထဲက လူငယ်တွေ ထက်ပေါ့။ ဒါကြောင့်မို့လို့ အန်တီက ပြည်တွင်းက လူငယ်တွေနဲ့ ပြည်ပက လူငယ်တွေကို ဆက်စပ်မှု ရှိစေချင်တယ်။ ပြည်ပ ရောက်သွားတဲ့ လူငယ်တွေက ပြည်တွင်းမှာ ကျန်ခဲ့တဲ့ ကိုယ့်ရဲ့ လုပ်ဖော်ကိုင်ဖက်တွေ၊ ကိုယ့်ရဲ့သက်တူ ရွယ်တူတွေကို မမေ့စေချင်ဘူး။ မေ့လည်း မမေ့ဘူးလို့ အန်တီထင်တယ်။ အခု တော်တော်များများက ဘလောဂ့်ဆိုက်တွေ လုပ်တာတို့၊ အင်တာနက်မှာ ဆက်နွှယ်တာတို့ ဘာတို့ လုပ်နေတယ် ဆိုတော့ ပြည်တွင်းကို မမေ့ဘူးလို့ ထင်တယ်။ အဲဒါကို အင်အား တခုအနေနဲ့ ယုံယုံကြည်ကြည်နဲ့ ဆက်ပြီးတော့ ရပ်တည် ပေးမယ်လို့ ထင်တယ်။

မေး။ ။ အရင်ကနဲ့မတူဘူး အန်တီ၊ အရင်တုန်းက လွတ်တုန်းက ဆိုရင် တိုင်းရင်းသားတွေက ငြိမ်နေတယ်။ အခု အန်တီ့ကို အရမ်းကို ထောက်ခံတာတွေ တွေ့ရတယ်။ အန်တီကလည်း ဒုတိယ ပင်လုံညီလာခံ လုပ်မယ်ဆိုတော့ အန်တီ ဘယ်လောက် အားရလဲ။

ဖြေ။ ။ အားရပါတယ်။ အားရတယ် ဆိုတာလေ။ အန်တီ ညီညွတ်မှုကို အားရတာပါ။ အန်တီ့ကို ထောက်ခံလို့ရယ် မဟုတ်ဘူး။ ဒီလို ညီညွတ်မှုကို ဦးတည်လာတဲ့ လက္ခဏဖြစ်လို့ အားရတာပါ။ ။

Ref: ဧရာဝတီ်

Read More...

Collapse...

နေ့စဉ်သတင်းများ ( ၁၈ - ၁၁ - ၂၀၁၀ )

■ ဒေါ်အောင်ဆန်းစုကြည် လွတ်လာပြီးနောက် နိုင်ငံရေးအပြောင်းအလဲ ဖြစ်နိုင်သလား သတင်း
■ မြန်မာ့အရေး လုံခြုံရေးကောင်စီမှာ ဒီကနေ့ ဆွေးနွေးမည် သတင်း
■ ဒေါ်စုနဲ့ မစ္စတာဘန်ကီမွန်း တယ်လီဖုန်း ပြောဆို သတင်း
■ ဒီကေဘီအေနှင့် ကေအန်ယူ ပူးတွဲတိုက်တော့မည် သတင်း
■ နေပြည်တော် ကျောက်မျက်ပွဲ ကျင်းပ၊ စစ်အရာရှိများ စီးပွားဖြစ် သတင်း
■ နယ်ခြားစောင့်တပ်ဖွဲ့များကို မြ၀တီမြို့မှာ နေရာယူခိုင်း သတင်း
■ တန်ပိုယာဉ်တွေ ဒဏ်ရိုက်ဖမ်းဆီးမှုကြောင့် ဆန်ဈေးတက် သတင်း
■ ဦးထွန်းကျော် ဦးဆောင်သည့် ကရင်နီဖလားဘောလုံးပွဲ ဒကစမှူး တက်ရောက် သတင်း
■ နိုဝင်ဘာ (၁၈) ရက် နောက်ဆုံးရ သတင်းတိုများ သတင်း
■ ရေနံချောင်း၌ စစ်သားက အရပ်သား အမျိုးသမီးကို အဓမ္မပြုကျင့် သတင်း
■ ဒေါ်အောင်ဆန်းစုကြည် လွတ်မြောက်မှုနှင့် ဝန်ထမ်းများအသံ သတင်း
■ NDF ပါတီက လွှတ်တော်အမတ် ဦးသိန်းညွန့်ကို ထုတ်ပယ် သတင်း
■ ပြည်ထောင်စုကောင်းကျိုး ရှေ့ရှုသယ်ပိုးသွားမည်ဟု SNDP ဥက္ကဋ္ဌ ပြော သတင်း
■ လွှတ်တော်နေရာ (၇၆.၅) ရာခိုင်နှုန်းကို ကြံ့ခိုင်ရေး သိမ်းပိုက် သတင်း
■ လူမှုရေးလုပ်ငန်းများ ကြံ့ဖွံ့ပါတီ ရပ်ပြီ သတင်း
■ ကြံ့ခိုင်ရေးပါတီ၏ မဲမသမာမှုများအပေါ် ပြစ်တင် သတင်း
■ ကြံ့ဖွံ့နှင့် ပေါင်းရန် ကရင်ပါတီကို စည်းရုံး သတင်း
■ ဖလုံစဝေါ်ပါတီနှင့် မိတ်ဖွဲ့ရန် တောင်ကလေးဆရာတော်ဆီ သာသနာရေးဝန်ကြီး ချဉ်းကပ် သတင်း
■ သူကြီးမ ၈ ဦး မတရား ဖမ်းခံရ သတင်း
■ “အပြောင်းအလဲလိုချင်ရင် အပြောင်းအလဲရအောင် ကြိုးစား” (ဒေါ်အောင်ဆန်းစုကြည်နဲ့ အင်တာဗျူး)
■ တိုင်းရင်းသားလက်နက်ကိုင်အဖွဲ့ (၆) ဖွဲ့ စစ်ရေး၊ နိုင်ငံရေး မဟာမိတ် ဖွဲ့စည်းရာတွင် ရခိုင်ပြည်လွတ်မြောက် ရေးပါတီ ပါဝင်မှု မရှိခြင်းအပေါ် ပါတီ ဒု-ဥက္ကဌ (၂) ဗိုလ်မှူး ခိုင်မျိုးမင်းနှင့် ဆက်သွယ်မေးမြန်းခန်း (အင်တာဗျူး)
■ ဒေါ်အောင်ဆန်းစုကြည် လွတ်ပြီ၊ တိုက်ပွဲ ပြန်စပြီ (ဆောင်းပါး)
■ ပိုလိုအပ်တဲ့သူကို အရင်ပေးတဲ့ အမေ (ဆောင်းပါး)

Read More...

Collapse...

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် နှင့် အောင်စစ်သည် ဆုရ ဗိုလ်ကြီးဟောင်း ဦးဝင်းထိန်

ရော်နီညိမ်း
တနင်္ဂနွေ, 14 နိုဝင်ဘာ 2010

တပ်မှူးတပ်သား ပြောစကား (၀၃၄)

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ နေအိမ်မှာ အကျယ်ချုပ်နဲ့ အကျဉ်းကျ နေရာက နိုဝင်ဘာ (၁၃) ရက် နေ့မှာ ပြန်လည် လွတ်မြောက် လာခဲ့ပါပြီ။ ဒီနှစ်ထဲမှာပဲ ကသာ အကျဉ်းထောင်ကနေ ပြန်လည် လွတ်မြောက် လာခဲ့သူဟာ ဒေါ်အောင်ဆန်းစုကြည်ရဲ့ လက်ထောက် တစ်ဦး ဖြစ်ခဲ့သူ ဗိုလ်ကြီးဟောင်း ဦးဝင်းထိန်ပါ။ သူ့ရဲ့ခေါင်းဆောင် ဒေါ်အောင်ဆန်းစုကြည်နဲ့ ပတ်သက်ပြီး ဦးဝင်းထိန်ရဲ့ ရှုမြင် သုံးသပ်ထားတဲ့ အမြင် သဘောထားတွေကို ဒီတပတ် “တပ်မှူးတပ်သား ပြောစကား” အပတ်စဉ် ကဏ္ဍမှာ “မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် နှင့် အောင်စစ်သည်ဆုရ ဗိုလ်ကြီးဟောင်း ဦးဝင်းထိန်” ခေါင်းစဉ်နဲ့ ဦးရော်နီညိမ်း က စီစဉ် တင်ဆက် ထားပါတယ်။

ဦးရော်နီညိမ်း။ ။ စစ်အစိုးရက ချမှတ်ခဲ့တဲ့ ထောင်ဒဏ်(၁၄) နှစ်ကို လျှော့ရက်မရှိ အပြည့်အ၀ ကျခံခဲ့ရ ပြီးတော့၊ ပြီးခဲ့တဲ့ ဇူလိုင်လ(၁၅) ရက်နေ့က ကသာ ထောင်ကနေ ပြန်ပြီး လွတ်မြောက်လာသူကတော့ အမျိုးသား ဒီမိုကရေစီ အဖွဲ့ချုပ်က ဗိုလ်ကြီးဟောင်း ဦးဝင်းထိန် ဖြစ်ပါတယ်။ ပြည်ပ သတင်းမီဒီယာတွေကို သတင်းမှားတွေ ပေးပို့တယ် ဆိုတဲ့ စွပ်စွဲချက်နဲ့ ၁၉၉၆ ခုနှစ်မှာ ဦးဝင်းထိန်ဟာ ဒုတိယ အကြိမ် ဖမ်းဆီးခံရပြီး ထောင် ဒဏ်(၁၄)နှစ် ကျခံခဲ့ရတာ ဖြစ်ပါတယ်။ ၁၉၈၉ ခုနှစ်ကလည်း ဇူလိုင်လ(၂၀) ရက်နေ့မှာ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ အတူ အထိန်းသိမ်း ခံခဲ့ရပြီး ပထမအကြိမ် ထောင်ဒဏ် (၆) နှစ် ကျခံခဲ့ရပါတယ်။ ၁၉၉၅ ခုနှစ်မှာ ပြန်ပြီး လွတ်လာခဲ့ပါတယ်။ ဒေါ်အောင်ဆန်းစုကြည် ရဲ့ အနီးကပ် လက်ထောက် တစ်ဦး ဖြစ်လာခဲ့ပုံကို ဦးဝင်းထိန်က အခုလို ရှင်းပြခဲ့ပါတယ်။

ဦးဝင်းထိန်။ ။ စစချင်းကတော့ ကျနော်က ဦးတင်ဦး အနားမှာပဲ ရှိတယ်လေ။ ဒေါ်အောင်ဆန်းစုကြည် ကနေပြီးတော့ တစ်နိုင်ငံလုံး စည်းရုံးရေး ခရီးထွက်မယ်၊ ထွက်တဲ့အခါ မြို့တွေမှာ ရင်ဆိုင်ရမယ့် ကိစ္စတွေကို ဒိုင်ခံ ဖြေရှင်းနိုင်မယ့် လူတစ်ယောက် ပေးပါ ဆိုပြီးတော့၊ ဒေါ်အောင် ဆန်းစုကြည်က ဦးတင်ဦးဆီကို ပြောတဲ့အခါမှာ ကျနော်က ပါသွားတယ်။ စစချင်း အထက် မြန်မာပြည်ပေါ့၊ ပြည်တို့ မကွေးတို့ တောင်တွင်းကြီး တို့ အစရှိတဲ့ နေရာတွေ သွားတဲ့အခါမှာ အဲဒီကတည်းက သူတို့က အန်အယ်လ်ဒီကို စနစ်တကျ နှိပ်ကွပ်ရမယ် ဆိုတာ ညွှန်ကြားချက် ရှိထား တယ်နဲ့ တူတယ်။ ရောက်တဲ့ နေရာတွေမှာ ပြဿနာ ရှာတယ်။ ပြဿနာ ရှာတဲ့ အခါကျတော့ မ၀တ ဥက္ကဌတွေက များသောအား ဖြင့်ကလည်း စစ်တပ်ကလူတွေ ဆိုတဲ့ အခါကျတော့၊ ကျနော်က ပြောရ ဆိုရတာ လွယ်တယ်။ သာယာညှင်းပြောင်း ပြောမယ်၊ သို့မဟုတ်လည်း တခါတလေ ကျရင် ဆွေးနွေးမယ်၊ တခါတလေ ကျရင်လည်း နည်းနည်း တင်းတင်း မာမာ ပြောမယ်နဲ့ ပြဿနာတွေကို ဖြေရှင်းလာတော့၊ နောက်ဆုံးမှာ ပြန်လာတဲ့အခါမှာ ကျနော့်ကို ဒေါ်စုရုံးမှာ ထားပေးပါလို့ မေတ္တာ ရပ်ခံတော့ ကျနော်ကလည်း လိုလိုလားလားနဲ့ ရောက်သွားတယ်။ ရောက်သွားတဲ့ အခါမှာတော့ ဒေါ်စုရဲ့ ရုံးကိစ္စတွေ အစည်းဝေး ကိစ္စတွေ၊ စာတွေ ဖတ်တယ်၊ ပြင်တယ် လုပ်တဲ့အခါမှာ၊ သူများတွေက ကျနော့်ကို မျိုးစုံပြောတာပေါ့၊ ဒေါ်စုရဲ့ ပီအေ၊ ဒေါ်စုရဲ့ ပီအက်စ်အို၊ ဒေါ်စုရဲ့ ရုံးအဖွဲ့မှူး ဘာညာ။ ကျနော်ကတော့ ကိုယ့်ကိုယ်ကို ရာထူးရယ်လို့ သတ်မှတ်ထားတာကို မရှိဘူး။ ဒေါ်စု အထွေထွေ အတွင်းရေးမှူးရဲ့ ရုံးကိစ္စတွေ လုပ်ပေးတဲ့ လူတစ်ယောက် အဖြစ်ပဲ ကိုယ့်ကိုယ်ကို သတ်မှတ် ထားတယ်။ ဒါ တစ်ချက်။ နောက်တစ်ချက်က ဒေါ်အောင်ဆန်းစုကြည် ကလည်း ကျနော့်ထက် ငယ်တာကိုး။ ငယ်တော့ ကျနော့်ကို သူ့ရဲ့ လက်ထောက် အနေနဲ့ ပြောရမှာ ပါးစပ်က သူနှုတ်တွန့်နေဟန် တူတယ်။ အားနာနေဟန် တူတယ်။ ဒါကြောင့် ကျနော့်ရဲ့ ရာထူးကို သီးခြားဘာမှ ကျနော်တို့ နှစ်ယောက်ကြားမှာ သတ်မှတ်ထားတာ မရှိဘဲနဲ့ သူများ ပြောရင်လည်း ရုံးအဖွဲ့မှူး ဆိုလည်း ‘ဟုတ်တာပေါ့’၊ ဒေါ်စုလက်ထောက် ဆိုလည်း ‘သြော် ဟုတ်တယ်’၊ ဒေါ်စု ရဲ့ပီအေ ဆိုလည်း ‘ထားလိုက်ပါတော့’။ အဲ…အဲဒီလိုမျိုးနဲ့ ဖြစ်လာတာပါ။

ဦးရော်နီညိမ်း။ ။ ပြီးခဲ့တဲ့(၂၂) နှစ် အတွင်း ထောင်ထဲမှာ စုစုပေါင်း နှစ် (၂၀) လောက် နေခဲ့ရသူ ဦးဝင်းထိန်ဟာ ၁၉၆၃ ခုနှစ် စစ်တက္ကသိုလ် ဗိုလ်သင်တန်း အပတ်စဉ် (၅) ရဲ့ အောင်စစ်သည် ဆုနဲ့ စာပေ ထူးချွန်ဆု၊ ဆုနှစ်ဆုကို ရပြီး ကျောင်းဆင်းခဲ့သူ ဖြစ်ပါတယ်။ မြန်မာ့ တပ်မတော် (ကြည်း)မှာ အရာရှိ ဖြစ်လာခဲ့သူ ဗိုလ်ကြီး ၀င်းထိန်ဟာ ၁၉၇၆ ခုနှစ်မှာတော့ ကာကွယ်ရေး ဦးစီးချုပ် ဗိုလ်ချုပ်ကြီး သူရကျော်ထင်ရဲ့ ကိုယ်ရေးအရာ ရှိ ဗိုလ်ကြီး အုန်းကျော်မြင့်ရဲ့ မြန်မာ့ ဆိုရှယ်လစ်လမ်းစဉ် ပါတီ ထိပ်တန်း ခေါင်းဆောင်တွေကို လုပ်ကြံမယ့် အစီအစဉ်မှာ ပတ်သက်မှု ရှိခဲ့တယ်ဆိုတဲ့ စွပ်စွဲချက်နဲ့ တပ်မတော်ကနေ ထုတ်ပယ်ခြင်း ခံခဲ့ရပါတယ်။ ဦးဝင်းထိန်ဟာ ၁၉၈၈ ခုနှစ်လူထု အုံကြွမှု အရေးတော်ပုံ ကာလအထိ နိုင်ငံခြားကုမ္ပဏီ တွေရဲ့ ဌာနေ ကိုယ်စားလှယ် အဖြစ်၊ အဲဒီခေတ်က အောင်မြင်တဲ့ ကိုယ်ပိုင် စီးပွါးရေး လုပ်ငန်းကို လုပ်ကိုင်ခဲ့သူ တစ်ဦးဖြစ်ပါတယ်။ ရှစ်လေးလုံး အရေးတော်ပုံကြီး ကာလမှာ ဦးဝင်းထိန်ဟာ “မျိုးချစ် ရဲဘော်ဟောင်းများ” အဖွဲ့ဝင်တစ်ဦး ဖြစ်ခဲ့ပြီးတော့၊ အမျိုးသား ဒီမိုကရေစီ အဖွဲ့ချုပ်ကို ဖွဲ့စည်း တည်ထောင် ခဲ့ရာမှာ အငြိမ်းစားဗိုလ်ချုပ်ကြီး သူရဦးတင်ဦးရဲ့ လက်ထောက်တွေထဲက တစ်ဦး အဖြစ်နဲ့ အန်အယ်လ်ဒီ ပါတီထဲကို ရောက်ရှိလာခဲ့ ပါတယ်။ ဒီလို ဒေါ်အောင်ဆန်းစုကြည်ရဲ့ ယုံကြည်စိတ်ချစွာ တာဝန်တွေ ပေးအပ်ခြင်း ခံရသူ ဖြစ်လာတဲ့ အခါမှာ။ ကိုယ့်ရဲ့ခေါင်းဆောင် အပေါ် ပထမဆုံး သူ့ရဲ့ ရှုမြင် သုံးသပ်ခဲ့မှုကို ဦးဝင်းထိန်က အခုလို ပြောပါတယ်။

ဦးဝင်းထိန်။ ။ ပွင့်ပွင့်လင်းလင်း ပြောရမယ်ဆိုရင်တော့ ဒေါ်အောင်ဆန်းစုကြည် ဆိုတာ နံမည်ပဲ ကြားဖူးတာ ကိုး။ နံမည်ပဲ ကြားဖူးတဲ့ အခါကျတော့ သူ့ အရည်အချင်းလည်း ကျနော် မသိဘူး။ ကျနော်ထက်လည်း ငယ်တယ်။ နောက်ပြီးတော့ နိုင်ငံခြားမှာလည်း သွားနေတယ် ဆိုတော့၊ ကျနော် သိပ်ပြီးတော့ လေးလေးနက်နက် မရှိမိဘူး။ သို့သော် ခရီးသွားရင်းနဲ့ တွေ့တဲ့အခါမှာ၊ ပြည်သူလူထုနဲ့ ဆက်ဆံတာတွေ နောက် သူ့ရဲ့ ပြောဆိုတာတွေ၊ နှစ်ယောက်ချင်း အချိန်ရလို့ ပြောတာဆိုတာတွေ ရှိတဲ့အခါမှာ သူဟာ ကျနော့်ထက် ငယ်သော်လည်းပဲ၊ နိုင်ငံရေး အရည် အချင်းကတော့ ကျနော့်ထက် အများကြီး မြင့်တယ် ဆိုတာ သိလိုက်ရတဲ့ အတွက်၊ ဒါက တစ်ကြောင်း။ နောက်တစ်ကြောင်းက သူ့ရဲ့ စေတနာ၊ ဘာ စေတနာလဲ ဆိုရင် နိုင်ငံရေး လုပ်တဲ့အခါမှာ ဒီနိုင်ငံရဲ့ အာဏာ အပြောင်းအလဲကို သွေးထွက်သံယို မရှိဘဲနဲ့လုပ်တဲ့ ထုံးတမ်း စဉ်လာတစ်ခု တည်ဆောက်မယ် ဆိုတဲ့ သူ့ရဲ့စေတနာကို ကျနော်က လေးစားပြီးတော့မှ သူ့ဆီ မှာ လုပ်ဖို့ သဘောတူခဲ့တာ။

ဦးရော်နီညိမ်း။ ။ ၁၉၈၉ ခုနှစ် အာဇာနည်နေ့မှာ စစ်အစိုးရက အန်အယ်လ်ဒီပါတီ အနေနဲ့ လူထုကို ဦးဆောင်ပြီး အာဇာနည် ဗိမာန်ကို ချီတက်ပွဲ ပြုလုပ်ရင်၊ ပစ်ခတ် နှိမ်နင်းမယ်လို့ ရာဇသံ ပေးထားခဲ့တဲ့ အပေါ် ဒေါ်အောင်ဆန်းစုကြည် အနေနဲ့ အရေးကြီးတဲ့ ဆုံးဖြတ်ချက်ကို ချတာ မှာ၊ အနီးကပ် လက်ထောက်ဖြစ်နေသူ ဦးဝင်းထိန်အနေနဲ့ သူကြုံတွေ့ခဲ့ရ တဲ့ အတွေ့အကြုံကို အခုလို ပြောပါတယ်။

ဦးဝင်းထိန်။ ။ အာဇာနည်နေ့ ကိစ္စကတော့ ဒါ န၀တ အစိုးရ ထောင်ဖမ်းတဲ့ သဘောပေါ့။ ဘယ်လို ထောင်ဖမ်း သလဲ ဆိုရင်၊ အာဇာနည် ကုန်းကို ချီတက်တဲ့နေ့မှာ ဘယ်နှစ်ယောက်ပဲ လာရမယ်တို့ ဘယ်နှစ်ယောက်ပဲ အလေးပြုခွင့် ရှိတယ်တို့ သတ်မှတ်လိုက်တယ် ဆိုတာ ဒါ တမင် သက်သက် နိုင်ငံရေး ဆင်ကွက်ကိုး။ အဲဒါကို ဒေါ်စုက လက်မခံဘဲနဲ့ ပထမ သူတို့ အမိန့်ကို မနာခံဘဲ ချီတက်မယ် ဆိုပြီးတော့၊ ညကျမှ လူကြီးတွေ နဲ့ တိုင်ပင်ပြီးတော့ နောက်တစ်နေ့ မချီ တက်တော့ဘူးဆိုတဲ့ သဘော ဖြစ်တဲ့အခါ၊ ဒါပေမယ့် အဲလို လုပ်တဲ့အခါမှာ နောက်ကျသွားပြီ။ သူတို့က နှိပ်ကွပ်ဖို့ ဆုံးဖြတ်လိုက်တဲ့ အခါမှာ၊ ကျနော် အပါအ၀င် ဒေါ်စုခြံထဲမှာ ရှိတဲ့ လူတွေ အကုန်လုံးကို ထောင်ထဲ ပို့လိုက်တာပေါ့။ ဒေါ်အောင်ဆန်းစု ကြည်ကတော့ သူက နိုင်ငံတကာ အတွေ့ အကြုံကော၊ ပြည်တွင်းမှာ ၁၉၈၉ခုနှစ် ဇူလိုင်လအထိ လှုပ်ရှားခဲ့တာကော၊ နည်းတာမဟုတ်ဘူး။ နောက်ပြီးတော့ အရေးကြီးတဲ့ ဆုံးဖြတ်ချက်တွေ ချမယ် ဆိုလို့ရှိရင် ဒီ CEC (Central Executive Committee – ဗဟို အလုပ်အမှုဆောင် ကော်မီတီ) ပေါ့၊ ဦးကြည်မောင်တို့ ဦးအောင်ရွှေတို့ ဗိုလ်ချုပ်ကြီးတင်ဦးတို့ နဲ့ တိုင်ပင်သလို ကျနော်တို့နဲ့လည်း သီးသန့် တိုင်ပင်တာတွေ ရှိတယ်။ တိုင်ပင်တဲ့ အခါမှာ ကျနော်တို့က ကိုယ့်အမြင်ကို ပွင့်ပွင့်လင်းလင်း ပြောတဲ့အခါမှာ တခါတလေကျ သူ လက်ခံတာလည်း ရှိတယ်။ လက်မခံတာ လည်း ရှိတယ်။ သူ လက်မခံတဲ့ ဟာတွေလည်း ကျနော်တို့က နားလည်တယ်။ အဲဒီလိုပေါ့၊ တဘက်သတ် န၀တ စွပ်စွဲသလို အာဏာကို သုံးပြီး တော့မှ သူ့အရှိန်အ၀ါနဲ့ လူကြီးတွေကော လူငယ်တွေကော ဒရွတ်တိုက်ပြီး ခေါ်သွားတယ် ဆိုတဲ့ဟာ မဟုတ်ပါဘူး။

ဦးရော်နီညိမ်း။ ။ ပထမအကြိမ် ဖမ်းဆီးခြင်းခံခဲ့ရပြီး (၆)နှစ်အကြာ ၁၉၉၅ ခုနှစ်မှာ ဦးဝင်းထိန်ဟာ ဒေါ်အောင်ဆန်း စုကြည်ထက် လ အနည်းငယ်စောပြီး လွတ်မြောက် လာခဲ့ပါတယ်။ ဒေါ်အောင်ဆန်းစုကြည် အကျဉ်းကျ နေစဉ်မှာ စစ်အစိုးရရဲ့ ဖိအားပေးမှုနဲ့ ဒေါ်အောင်ဆန်းစုကြည် ကို အန်အယ်လ်ဒီကနေ ထုတ်ပယ်ခဲ့ရတယ် ဆိုတဲ့ ကိစ္စနဲ့ ပတ်သက်ပြီး ဒေါ်အောင်ဆန်းစုကြည်က ဒီကိစ္စ အပေါ်မှာ ရပ်တည်ခဲ့ပုံကို ဦးဝင်းထိန် က အခုလိုပြောပြပါတယ်။

ဦးဝင်းထိန်။ ။ ၁၉၉၅ ခုနှစ်မှာ ကျနော်က ဖေဖော်ဝါရီလ (၅) ရက်နေ့မှာ လွတ်တယ်။ ဒေါ်စုက ဇူလိုင်လ (၁၀) ရက်နေ့မှာ လွတ်တယ် ဆိုတော့၊ (၅) လလောက် ကွာတာပေါ့။ အဲဒီတုန်းက န၀တရဲ့ ဖိအားပေးမှုကြောင့် ဒေါ်အောင်ဆန်းစုကြည်နဲ့ ဦးတင်ဦးကို အန်အယ်လ်ဒီက ထုတ်ထားပြီးပြီ။ အဲဒီတော့ နယ်တွေမှာလည်း အဲဒီလို ထုတ်ထားလို့ မကျေနပ်တဲ့ ကိစ္စနဲ့ ပတ်သက်ပြီး အသီးသီး တကွဲတပြား ဖြစ်နေကြပြီ။ အဲလိုဆိုတော့ …အင်း ..ဒေါ်စု လွတ်ရင်တော့ ဘယ်လိုများ နေမလဲမသိဘူး ဆိုပြီး၊ ကျနော် အတွေးတွေ ဝေနေတာပေါ့။ တကယ်လည်း ဇူလိုင် လ(၁၀)ရက်နေ့ လွတ်တဲ့ အခါကျတော့၊ အပြင်က လူအုပ်ကြီးတွေ အများကြီး ပေါ့လေ။ နိုင်ငံခြား သံရုံးတွေ နိုင်ငံခြား သတင်းထောက်တွေပါ အကုန်လုံး ရောက်လာတဲ့ အချိန်မှာ ပထမဦးဆုံး မေးတဲ့ မေးခွန်းက ဘာလဲဆိုရင်၊ ‘ဒေါ်အောင်ဆန်းစုကြည်က ဦးအောင်ရွှေအပေါ်မှာ ဘယ်လို သဘော ထားသလဲ ဆိုတာ။ အဲဒီမေးခွန်းက သိပ်အရေးကြီးတယ်။ ကျနော်လည်း လုံးဝ မမျှော်လင့်ထားဘူး။ ဦးအောင်ရွှေတို့ ဦးလွင်တို့ ဆိုတာက အန် အယ်လ်ဒီကနေ ဒေါ်စုကို ထုတ်ထားတဲ့ ပုဂ္ဂိုလ်တွေ။ အဲဒီအချိန်မှာ ထိုင်နေတာက ညာဘက်မှာ ဦးအောင်ရွှေနဲ့ ဦးလွင်၊ ဘယ်ဘက်မှာ ဦးတင်ဦး နဲ့ ဦးကြည်မောင်၊ ကျနော်က မှတ်တမ်းတင်ပေါ့။ အဲဒီတော့ ဒေါ်စုရဲ့အဖြေက ဘယ်လောက်အထိ အချက်ကျသလဲ ဆိုလို့ရှိရင် “ကျမတို့ အခု ဒီလို အတူတူ ထိုင်နေကြတာပဲ ကြည့်ကြပါ။ ဒီလို အတူတူ ညီညီညွတ်ညွတ် ထိုင်နေကြသလို နောင်ဆိုရင်လည်း ဒီလိုပဲ ညီညီညွတ်ညွတ် လုပ်သွားကြမယ်” ဆိုတဲ့ အဖြေတစ်ခုနဲ့တင် အရင်တုန်းက န၀တ ဆင်ထားတဲ့ ဆင်ကွက်ကြီးက အကုန်လုံး ပျက်သွားတယ်။ သူတို့ ဆင်တာက ဘယ်လိုလဲ ဆိုတော့ ဦးအောင်ရွှေနဲ့ ဦးလွင်ကတော့ ဒေါ်စုကို ထုတ်လိုက်ပြီ။ ဒေါ်စုက မာနကြီးတယ်။ စိတ်ထက်တယ်။ ဒေါ်စုကတော့ ခံမှာ မဟုတ်ဘူး။ ဦးအောင်ရွှေနဲ့ ဦးလွင်ကို ဆော်ကြမှာပဲ။ အန်အယ်လ်ဒီ နှစ်ခြမ်းကွဲမှာပဲ ဆိုတဲ့ ပုံစံမျိုးနဲ့လုပ်တဲ့ ခွင်ကြီးဟာ၊ အဲဒီ အဖြေတစ်ခုတည်းနဲ့ ကိစ္စပြီးသွားပြီ လို့ ကျနော်က ဘေးကနေရင်းနဲ့ သဘော ပေါက်လိုက်တယ်။

ဦးရော်နီညိမ်း။ ။ ပြီးခဲ့တဲ့ ရွေးကောက်ပွဲမှာ ဦးဝင်းတင်က ပြောပါတယ်။ “ဒီရွေးကောက်ပွဲ ဒီလိုပဲ ဖြစ်လိမ့်မယ်။ ဒီလိုတွေပဲ ကြုံရမယ်” ဆိုတာ သိနေတဲ့ ဒေါ်အောင်ဆန်းစုကြည်က ဒီရွေးကောက်ပွဲကို အန်အယ်လ်ဒီ အနေနဲ့ မ၀င်ဖို့ ဆုံးဖြတ်ချက်ချမှုက ခိုင်မာတယ်၊ ဒီဆုံးဖြတ်ချက် ပေါ် မူတည်ပြီးတော့ “ပြည်သူလူထုကလည်း ကိုယ်မဲ မပေးချင်တဲ့ ပါတီကို မဲမပေးဘဲ နေလို့ရတယ်” ဆိုတဲ့ ဒေါ်အောင်ဆန်းစုကြည်ရဲ့ ပြည်သူကို သတင်းပေးချက်ကလည်း အောင်မြင် ပေါက်ရောက်တယ်၊ ဒါတွေ အတွက်ကြောင့်မို့လို့ “ဒီရွေးကောက်ပွဲမှာ ဒေါ်အောင်ဆန်းစုကြည် နိုင်တယ်” လို့ ဦးဝင်းတင်က ပြောပါတယ်။ အဲဒီအပေါ်မှာကော ဦးဝင်းထိန် အနေနဲ့ ဘယ်လိုများ မှတ်ချက်ပေးချင်ပါသလဲ ခင်ဗျာ။

ဦးဝင်းထိန်။ ။ ကျနော်က အခု သွားတာလာတာတွေက ဘတ် (စ်) ကားနဲ့ သွားနေတယ်။ ဘာ့ကြောင့်လဲ ဆိုရင် ဘတ်(စ်)ကားထဲမှာ လူ တွေ ပြောတဲ့ ဆိုတဲ့ အသံကို နားထောင်ချင်လို့။ အခု ရွေးကောက်ပွဲလည်း ပြီးလို့ မနေ့ကကော တမြန်နေ့ ကကော ဘတ်စ်ကားပေါ်မှာ “ ဟာ အန်အယ်လ်ဒီ လုပ်တာ မှန်တာပေါ့၊ ဒေါ်စုလုပ်တာ မှန်တာပေါ့” ဆိုတာမျိုးတွေ ကြားရတယ်။ အဲဒီလိုတွေ ဖြစ်လာတယ်။ ပြောရရင်တော့ ပါဠိ စကား ပေါ့ဗျာ။ ဗဟိဒ္ဓ နဲ့ အဇ္ဇျတ ၊ ဗဟိဒ္ဓ ဆိုတာ ‘အပြင်’ ပေါ့။ ‘အဇ္ဇျတ’ ဆိုတာ အတွင်းသားပေ့ါ။ ဗဟိဒ္ဓ အားဖြင့်ဆိုရင် သတင်းစာထဲမှာ ကြည့် လိုက်။ အမတ်တွေဟာ ပြည်ခိုင်ဖြိုး၊ ပြည်ခိုင်ဖြိုး၊ ပြည်ခိုင်ဖြိုး၊ ပြည်ခိုင်ဖြိုး အကုန်လုံးပဲ။ ဒါ ဗဟိဒ္ဓအားဖြင့် သူတို့ နိုင်တယ်ဆိုတဲ့ သဘောပေါ်တာ ပေါ့။ သို့သော်လည်း အဇ္ဇျတ အားဖြင့်ဆိုရင် အရပ်ထဲမှာ သွားကြည့်၊ ဈေးထဲမှာ သွားကြည့်၊ ဘတ်စ်ကားပေါ်မှာ သွားကြည့်၊ လူတွေက ဒီရွေး ကောက်ပွဲကြီးကို ဟာသ လုပ်နေကြတယ်။ အပြစ် ပြောနေကြတယ်။ ဟာ..ရိုက်စားကြီးပါကွာ ပေါ့။ အဲဒီတော့ အဇ္ဇျတ အားဖြင့်ဆိုရင် ဒေါ်အောင် ဆန်းစုကြည်ပြောတဲ့ အနှစ်သာရဟာ မှန်ကန်တယ်။ အမှန်အတိုင်း သုံးသပ်ကြည့်ရမယ် ဆိုရင်တော့ ကျနော်တို့ အန်အယ်လ်ဒီ ဟာ၊ တကယ့် ဒေါင်ဒေါင်မြည်တွေပဲ ကျန်တယ်။ နောက်ပြီးတော့ ယောယိယောရာ informer (စစ်အစိုးရကို သတင်းပေးသူများ) တွေကလည်း အများကြီးပဲ။ ကျနော် သတိ ထားမိတယ်။ နောက် ဒေါ်စုအနေနဲ့ ဘာ program ချမလဲ ဆိုတာလည်း ကျနော်တို့ မျှော်လင့်နေတယ်။ အခုတလော ခင်ဗျားတို့ လည်း ကြားမှာပေါ့။ “ဒုတိယ ပင်လုံညီလာခံ” ခေါ်မယ့် ကိစ္စ။ အဲဒီကြေညာချက် ထုတ်တုန်းက ကျနော် ဒုလဘ္ဘ ရဟန်းဝတ်နေလို့ မကြားမိဘူး။ အပြင် ထွက်လာတဲ့ အခါကျမှ ကြားတဲ့ အခါကျတော့ စဉ်းစားကြည့်တာမှာ ဒီအယူအဆဟာ တော်တော်တော့ အဓိပ္ပါယ် ရှိတယ်လို့။ ဘာလို့လဲ ဆိုရင် ကျနော်တို့ တိုင်းပြည်မှာ အခုထက်ထိ တိုင်းရင်းသား အချင်းချင်း ညီညီညွတ်ညွတ်နဲ့ စစ်မှန်တဲ့ ငြိမ်းချမ်းရေး မရနိုင်သေးဘူး။ တကယ့် စစ်မှန်တဲ့ တိုင်းရင်းသား စည်းလုံးညီညွတ်မှု မရနိုင်သေးတဲ့ အတွက် ရအောင်လုပ်ဖို့၊ ဒုတိယအကြိမ် ပင်လုံညီလာခံ လုပ်တာဟာ အင်မတန် အဓိပ္ပါယ်ရှိတယ်လို့ ကျနော် သဘောပေါက်တယ်။ ကိုယ့်ဘာသာ စဉ်းစားပြီးတော့ ဒါကို သိပ်သဘောကျနေတာ။

ဦးရော်နီညိမ်း။ ။ ဒေါ်အောင်ဆန်းစုကြည် ပြန်လည်လွတ်မြောက်လာတဲ့အခါမှာ ဦးဝင်းထိန်အနေနဲ့ ကိုယ့်ရင်ထဲက လာတဲ့ ရဲဘော်ရဲဘက် စကားမျိုး ဘယ်လိုများ ပြောဖို့ စဉ်းစား ထားပါသလဲလို့ နောက်ဆုံး မေးပါရစေ ခင်ဗျာ။

ဦးဝင်းထိန်။ ။ ကျနော်တို့ နှစ်ပေါင်း (၂၀) အန်အယ်လ်ဒီမှာ လှုပ်ရှားပါဝင်တဲ့ အခါမှာ၊ ဒေါ်စုက စပြီး ဟိုးအောက်ခြေက အန်အယ်လ်ဒီ ပါတီဝင်တွေ အထိဟာ ဆုံးရှုံးမှုတွေ၊ နစ်နာမှုတွေ၊ ပေးဆပ်မှုတွေ အသက်တောင် သေသွားပြီး အသက်စွန့်တဲ့ လူတွေ အများကြီး ရှိခဲ့တယ်။ ရှိခဲ့တော့၊ အဲဒီလို လူတွေ ရှိတဲ့အတွက်ကြောင့် ကျနော့်မှာ ဆုံးရှုံးရချည်ရဲ့လို့ ပြောရမှာ ရှက်တယ်။ အဲဒီတော့ ကိုယ့်ယုံကြည်ချက် ကလည်း ရှိနေတဲ့ အတွက်ကြောင့်မို့ ဒေါ်စုလုပ်တဲ့ အတိုင်း ကျနော် ဆက်ပြီးတော့ လုပ်ရလိမ့်မယ်။ ဆက်ပြီးတော့လည်း သူ ကျနော့်ကို ဘယ်မှာ ထားမလဲ၊ သူ့နားမှာ ထားချင်လည်းထား၊ မထားချင်လည်း မြို့နယ် ပို့မလား၊ တိုင်း ပို့မလား၊ ကြိုက်တဲ့နေရာပို့။ လုပ်မယ်လို့ ကျနော် ဆုံးဖြတ်ပြီးပြီ။ ကျနော်တို့ ၁၉၉၀ ခုနှစ် ရွေးကောက်ပွဲကြီး တစ်ခုလုံးမှာ အန်အယ်လ်ဒီက ပြတ်ပြတ်သားသား နိုင်ခဲ့တဲ့ အတွက်ကြောင့်မို့ အခုရွေးကောက်ပွဲက လည်း သူတို့က တရားဝင် မကြေညာဘဲနဲ့ အာဏာ ပြန်သိမ်းတာပဲ။ သဘောကတော့ ဒီအတိုင်း ပဲ။ ပြည်သူလူထုတွေကို မေးကြည့်လိုက်ရင် မကျေနပ်တဲ့လူက အများကြီး။ ဒါပေမယ့် အကြောက်တရား ရှိနေကြတယ်။ အဲဒီ အကြောက်တရား ကိုတော့ ကိုယ့်ကိုယ်ကို ဆင်ခြင်ပြီးတော့မှ မတရားတာကို နည်းမျိုးစုံနဲ့ တတ်နိုင်သမျှ ဆန့်ကျင်ပေးကြပါ။ အထူးသဖြင့် ဒေါ်အောင်ဆန်းစုကြည်လို ပုဂ္ဂိုလ်တွေကို ပိုပြီးတော့ ထောက်ခံပေး ကြပါလို့ မေတ္တာရပ်ခံချင်တယ်။ ဒါပါပဲဗျာ။

Ref: VOA News

Read More...

Collapse...

Burma Update - The Lady Visits HIV-AIDS Patients - 17 Nov 2010

ဒေါင်းရန်

Burma Update - The Lady Visits HIV-AIDS Patients - 17 Nov 2010

Read More...

Collapse...

ဒေါ်အောင်ဆန်းစုကြည်နှင့် မဇ္ဈိမ အင်တာဗျူး

ဗုဒ္ဓဟူးနေ့၊ နိုဝင်ဘာလ ၁၇ ရက် ၂၀၁၀

၇ နှစ်ကြာ နေအိမ်အချုပ်မှ နိုဝင်ဘာ ၁၃ ရက်နေ့က လွတ်မြောက်လာခဲ့သော မြန်မာ့ဒီမိုကရေစီ ခေါင်းဆောင် ဒေါ်အောင်ဆန်း စုကြည်ကို အိန္ဒိယ၏ မြန်မာနိုင်ငံ အပေါ်ထားရှိသော မူဝါဒ၊ အင်တာနက်နှင့် မီဒီယာသစ် သုံးစွဲမှု၊ တိုင်းရင်းသား အရေး၊ ဂျွန်ယက်ထောကို ဘယ်သူလွှတ်လဲ၊ လူငယ်နှင့် အမျိုးသမီးကဏ္ဍ၊ လုံခြုံရေး အကြောင်းများ မဇ္ဈိမသတင်းဌာန စီမံခန့်ခွဲမှု အယ်ဒီတာ ကိုစိန်ဝင်းက တယ်လီဖုန်းဖြင့် မေးမြန်းထားသည်။

ကျနော် ပထမဆုံး အိန္ဒိယနဲ့ ပတ်သက်တဲ့ မေးခွန်းမေးချင်တယ်ခင်ဗျ၊ အိန္ဒိယလူထု အနေနဲ့ မြန်မာ့ ဒီမိုကရေစီ အရေးအတွက် ဘာများ လုပ်ပေးနိုင်တယ် အန်တီ ထင်လဲခင်ဗျ။

အန်တီတို့ နိုင်ငံ ၂ နိုင်ငံဟာ လွတ်လပ်ရေး ကြိုးပမ်းတဲ့ ကာလကနေစပြီး မိတ်ဆွေတွေလို ရဲဘော် ရဲဘက်တွေလို လုပ်ခဲ့ကြတာ၊ အခု နောက်ပိုင်းမှာတော့ အိန္ဒိယ ပြည်သူတွေက သိသင့်သလောက် မသိဘူးလို့ အန်တီထင်တယ်၊ အဲဒါ ပိုပြီးတော့ သိနိုင်ရင် ပထမဆုံး ခြေလှမ်းပဲ။

အိန္ဒိယ ပါလီမန်၊ အစိုးရက ဘာတွေလုပ်နိုင်တယ် ဘာတွေဖြစ်သင့်တယ်လို့ အန်တီပြောချင်လဲ။

အိန္ဒိယနိုင်ငံက ဒီမိုကရေစီနိုင်ငံ ဆိုတော့ အခုမေးလိုက်တဲ့ မေးခွန်းနဲ့ ခုနတုန်းက ပြောလိုက်တဲ့ ကိစ္စနဲ့ ဆက်နွယ်နေတယ်၊ ဒီမိုကရေစီ နိုင်ငံဆိုတော့ ပြည်သူလူထုက နိုးကြား တက်ကြွပြီးတော့ မြန်မာနိုင်ငံ ဒီမိုကရေစီ အရေးအတွက် လုပ်ဆောင်ပေးချင်တဲ့ စိတ်ဓာတ်တွေ ရှိရင် ပါလီမန်နဲ့ အစိုးရကလဲ လျစ်လျူရှုထားလို့ ရမှာမဟုတ်ဘူး၊ အဲဒါကြောင့်မလို့ ပထမဆုံး ခြေလှမ်းက အိန္ဒိယ ပြည်သူလူထု အနေနဲ့ အန်တီတို့ ဒီမိုကရေစီ လှုပ်ရှားမှု အကြောင်းကို ပိုပြီး သိဖို့၊ ထောက်ခံလာဖို့ လိုတယ်။

အိန္ဒိယဘက်က ပြောလေ့ပြောထရှိတာက တရုတ်က မြန်မာပြည်ထဲကို လွှမ်းမိုးလာတယ်၊ နောက်တခုက မြန်မာပြည်မှာ ဒီမိုကရေစီကို ဖြည်းဖြည်းချင်း ပြောင်းလဲ ဖြစ်ထွန်းလာတာက ပိုကောင်းတယ်ဆိုတဲ့ အယူအဆတွေ ရှိတယ်၊ အဲဒီအယူအဆနဲ့ ပတ်သက်ပြီးတော့ အန်တီ့ အမြင်ကကော ဘယ်လိုလဲခင်ဗျ။

အဲဒါမျိုးဆိုရင် တရုတ်နဲ့ဆက်ဆံရေးကိုပဲ အဓိက စဉ်းစားနေသလို ဖြစ်နေဘူးလား၊ မြန်မာပြည်ရဲ့ အခြေအနေကို စဉ်းစားတာထက်။ အဲဒီတော့ မြန်မာပြည်ရဲ့ အခြေအနေကို စဉ်းစားတဲ့ နေရာမှာ တကယ်ပဲ မြန်မာပြည် အခြေအနေကို စဉ်းစား နေတာလား၊ တရုတ်နဲ့ အိန္ဒိယ ဆက်ဆံရေးကို စဉ်းစားနေတာလား ဆိုတာ ပိုပြီးတော့ ပွင့်ပွင့်လင်းလင်း ကွက်ကွက်ကွင်းကွင်း သိအောင် လုပ်ဖို့ လိုပါတယ်။ နောက်ပြီးတော့ ဖြည်းဖြည်းချင်း ဖြစ်လာတဲ့ ဒီမိုကရေစီသာ မြန်မာပြည်နဲ့ ကိုက်ညီတယ်၊ မကိုက်ညီဘူး ဆိုတာက အန်တီတို့ မြန်မာတွေ ဆုံးဖြတ်ရမယ့် ကိစ္စပါ။

တချို့အနောက်နိုင်ငံတွေ ယူဆတာကလဲ မြန်မာအစိုးရ ပြောတာနဲ့ သွားတူတယ်နဲ့ တူတယ်၊ ဖြည်းဖြည်းချင်း ပေါ့လေ၊ အဲဒီပုံစံက ပိုကိုက်တယ် ဆိုပြီးပြောကြတော့ အဲဒီအပေါ်မှာကော အန်တီ့အမြင်က ဘယ်လိုရှိလဲ။

တဆင့်ချင်းသွားတဲ့ ပုံစံကို ပိုကိုက်တယ် ဆိုတဲ့ အယူအဆကို ခိုင်မာတဲ့ အတွေးအခေါ်တွေနဲ့ ပြနိုင်ဖို့ လိုပါလိမ့်မယ်၊ ဘာဖြစ်လို့လဲ ဆိုတော့ မြန်မာပြည်မှာ လူမျိုးရေး ပဋိပက္ခတွေ ဖြစ်ခဲ့တာကြာလို့ ဖြည်းဖြည်းလေး ဒီမိုကရေစီဆီ သွားရမယ် ဆိုတဲ့ဟာက ပြောင်းပြန် ပြောလို့လဲ ရတာပဲ၊ စစ်မှန်တဲ့ ဒီမိုကရေစီ မရှိလို့ ဒီလူမျိုးရေး ပဋိပက္ခတွေက ပိုပြီးတော့ ဖြစ်နေသေးတယ် ဆိုပြီးတော့လဲ ပြောလို့ရတာပဲ၊ ဒါက ကိုယ်ကြိုက်သလို ကိုယ်ဆွဲပြီးတော့ ပြောလို့ရတာပဲ။ ဒါပေမဲ့ တကယ် အဓိက စဉ်းစားရမှာက အခု အခြေအနေတွေဟာ ပြည်သူလူထုကို ဘယ်လောက်အထိ အကျိုးပေးနေသလဲ၊ အကျိုးပေးအောင်လို့ ဘယ်လို လုပ်ရင်ရမလဲ ဒါကို စဉ်းစားရမှာပါ။

အန်တီ့ ကျန်းမာရေး အခြေအနေကော ဘယ်လိုရှိလဲခင်ဗျ။

ကျန်းမာရေးကတော့ ကောင်းပါတယ်၊ အလုပ်ကတော့ ရှုပ်တာပေါ့၊ အသက်ရှုဖို့ အချိန်တောင် နည်းနည်း, နည်းနေသလိုပဲ။

သားနဲ့ ဖုန်းပြောဖြစ်တယ်လို့ ကြားတယ်၊ သားကော ပြည်ဝင်ခွင့်ဗီဇာ ရပြီလားခင်ဗျ။

အဲဒါကလေ ပေးမယ်လဲ မပြောဘူး၊ မပေးမယ်လဲ မပြောဘူး၊ ဒီလိုပဲ စောင့်နေရတော့မှာပေါ့။

မိခင်တယောက်အနေနဲ့ ဆုံးဖြတ်ရတဲ့အခါကျတော့ ဒီလိုမျိုးစိတ်ဓာတ် ခိုင်ခိုင်မာမာနဲ့ အန်တီ ဘယ်လို ဖြတ်သန်းလဲ။

ဒါပေမယ့်လဲ အန်တီ့ထက် ပိုခက်ခဲတဲ့ အခြေအနေတွေ ရင်ဆိုင်နေရတဲ့ လူတွေ အများကြီးလေ၊ ဘာပဲပြောပြော အန်တီ့ရဲ့ သားတွေက မတောင့်မတ မကြောင့်မကြနဲ့ နေနိုင်တဲ့ အနေအထား ပေါ့နော်၊ လူ့အခွင့်အရေး အပြည့်အဝ ရတဲ့ နိုင်ငံတွေမှာ နေရတယ်၊ စားရေး သောက်ရေး နေရေး ထိုင်ရေး အတွက် ပူပင်စရာ မလိုဘူး၊ တခြားကလေးတွေ အများကြီးဟာ တနေ့နဲ့တနေ့ ဘယ်လို စားရမယ်၊ သောက်ရမယ်၊ နေရမယ်၊ ထိုင်ရမယ်ဆိုတာ မသိတဲ့ အခြေအနေမှာ ရှိနေပါတယ်၊ သူ့တို့ မိဘတွေကလဲ သူတို့ ကလေးတွေကို မကူနိုင်တဲ့ အနေအထားမှာ ရှိတယ်၊ အဲဒီတော့ အန်တီ့အနေနဲ့ ဆိုးတယ် ပြောရအောင် တခြား မိဘတွေကို ဘယ်လို မျက်နှာနဲ့ သွားပြီးတော့ ကြည့်မှာလဲ။

အန်တီ့လုံခြုံရေးအတွက် စိုးရိမ်ကြတယ်လို့ ပြောကြတယ်၊ အဲဒီအပေါ်မှာ တယောက်ယောက် အနှောက် အယှက် ပေးလိမ့်မယ်လို့ အန်တီ ထင်လား။

ဒါကတော့ အရင်တုန်းက အနှောက်အယှက်ပေးခဲ့တာတွေ ရှိခဲ့ဖူးတော့ မလုပ်ဘူးလို့လဲ ပြောလို့ မရဘူးပေါ့၊ ဒါပေမဲ့ ဒါအနှောက်အယှက် ပေးမှာပဲလို့ ဒါကိုပဲ ရှေ့တန်းတင်ပြီးတော့ ကိုယ့်ရဲ့ လုပ်တာ ကိုင်တာတွေကို အဲဒီအပေါ်မှာ အခြေခံပြီးတော့ လုပ်လို့လဲ မဖြစ်ဘူးလေ။ လူငယ်တွေကော၊ လူကြီးတွေကော အန်တီ့ကို တော်တော်လေး ဂရု စိုက်ကြပါတယ်၊ သူတို့ တတ်နိုင်သလောက် ကာကွယ် စောင့်ရှောက်ပါတယ်၊ လုံခြုံရေး အတွက်လဲ တတ်နိုင်သလောက် အစီအစဉ်တွေ လုပ်ပြီးတော့ ဆင်ဆင်ခြင်ခြင် နေကြပါတယ်။

မစ္စတာ ယက်ထော လာခဲ့တဲ့အပေါ်မှာကော လူတွေက အမျိုးမျိုး ပြောကြတယ်ခင်ဗျ၊ အန်တီ ဘယ်လို ထင်လဲ၊ စစ်တပ်က အကွက်ချ လိုက်တယ်လို့ ထင်လားခင်ဗျ။

အန်တီကတော့ အဲဒါကို တကယ်ပဲ ဖြေလို့မရဘူး၊ အန်တီ မသိဘူး၊ ဘယ်ဘက်ကိုမှ အန်တီ မယိမ်းဘူး၊ ဒါ စစ်တပ်က လွှတ်လိုက်တယ် ဆိုတာလဲ အမှန်အတိုင်း ပြောရရင် အန်တီ မထင်ဘူး၊ ဒါပေမယ့်လဲ တကယ့်ကို လွှတ်လိုက်တာ မဟုတ်ဘူးလို့လဲ တိတိကျကျကြီး ၁ဝဝ ရာခိုင်နှုန်းတော့ ပြောလို့မရဘူး၊ အန်တီ့ အနေနဲ့တော့ မထင်ဘူးလို့ပဲ ပြောရမှာပဲ။

အန်တီ့ ဟောပြောပွဲကို လူငယ်တွေလည်း အတော်လာကြတယ်၊ အန်တီအနေနဲ့ လူငယ်တွေ အမျိုးသမီးတွေကို ဘာပြောချင်လဲ၊ ဘာလုပ်ပေးချင်လဲ။

အန်တီမြင်ရတဲ့ အင်အားတွေကိုလေ တကယ်ပဲ သေသေချာချာ ထိရောက်အောင် လုပ်စေချင်တယ်၊ အင်အားတွေ ကတော့ ရှိတယ်၊ စွမ်းရည်တွေ ကတော့ ရှိတယ်၊ ဒါပေမဲ့လို့ ဒီအင်အား စွမ်းရည်တွေကို မှန်မှန်ကန်ကန် ထိထိရောက်ရောက်နဲ့ တိုင်းပြည် ကောင်းကျိုးအတွက် အများကောင်းကျိုး အတွက် အဲဒါလဲ သူတို့ရဲ့ တိုးတက်ရာ တိုးတက်ကြောင်းပေါ့နော်၊ အတ္တဟိတ၊ ပရဟိတ္တ နှစ်ခုလုံး အတွက် ဖြစ်အောင်လို့ မှန်မှန်ကန်ကန် စနစ်တကျ သုံးနိုင်ဖို့ အန်တီ အားပေးချင်တယ်၊ တတ်နိုင်သမျှ အကူအညီ ပေးချင်တယ်။

ဟုတ်ကဲ့ မှန်မှန်ကန်ကန်ဆိုတာ သူတို့အနေနဲ့ နိုင်ငံရေးထဲမှာ ပါဝင်လာရမယ်လို့ ဆိုလို တာလား ခင်ဗျ။

အဲဒီလိုတော့ မဟုတ်ဘူး၊ အဟောသိကံ မဖြစ်သွားအောင် လို့ပေါ့၊ အင်အားတွေကို အတ္တဟိတ သဘောနဲ့ ကိုယ့်အတွက်ပဲ ကိုယ်သုံးမယ် ဆိုရင်၊ ရေရှည်မှာ ကိုယ်လဲ အကျိုးမပေးဘူး၊ ဘာဖြစ်လို့လဲ ဆိုတော့ ကိုယ့်ပတ်ဝန်းကျင်ကို ကောင်းအောင် မလုပ်နိုင်လို့ ရှိရင် ကိုယ်တယောက်ထဲ ကောင်းနိုင်ဖို့ ဆိုတာ မဖြစ်နိုင်ဘူး၊ ပြီးတော့ နိုင်ငံရေးလို့ပဲ ပြောပြော၊ လူမှုရေးလို့ပဲ ပြောပြော၊ အန်တီ့ရဲ့ အယူအဆကတော့ နိုင်ငံရေးနဲ့ လူမှုရေးဆိုတာ ခွဲခြားလို့ မရပါဘူး၊ ဒီလို စိတ်ဓာတ်တွေကတော့ ရှိရမယ်၊ နိုင်ငံသား တယောက် ထားသင့်တဲ့ စိတ်ဓာတ်ပေါ့နော်၊ အန်တီတို့ ခေတ်တုန်းကတော့ ပြည်သူ့နီတိ ဆိုပြီးတော့ သင်ရတယ်၊ အဲလို စိတ်ဓာတ် မျိုးတွေပေါ့။

လက်နက်ကိုင်တိုင်းရင်းသားတွေနဲ့ အခုတလော စစ်ပွဲတွေ ပြန်ဖြစ်လာတယ်၊ အဲဒီ တင်းမာမှုတွေကို ဘယ်လို လုပ်ပေးနိုင်ရင် ပြေလည်မယ်လို့ ထင်လဲ။

အဲဒါက အန်တီစောစောတုန်းက ပြောသလိုပေါ့နော်၊ ဆွေးနွေးလို့ မရဘူးလား ဆိုတော့ နိုင်ငံရေး ပြဿနာတွေကို ဆွေးနွေးပြီးတော့ အေးအေးချမ်းချမ်း အကြမ်းမဖက်တဲ့ နည်းတွေနဲ့ ဖြေရှင်းတဲ့ နိုင်ငံရေး အစဉ်အလာတွေ အန်တီတို့မှာ မရှိသေးဘူး၊ အဲဒါကို အန်တီက သိပ်ဖြစ်စေချင်တယ်၊ ဒါကြောင့်မလို့လဲ အန်တီက အကြမ်းမဖက်တဲ့ လမ်းကို သွားတယ်ဆိုတာ ဒါပဲ၊ အကြမ်းမဖက်တဲ့ နည်းလမ်းနဲ့ ဒီတိုင်းပြည်ဟာ နိုင်ငံရေး ပြဿနာတွေဟာ နိုင်ငံရေးနည်းနဲ့ အေးအေးချမ်းချမ်း ဆွေးနွေးပြီးတော့ ဖြေရှင်းနိုင်တဲ့ အခြေအနေမျိုး ဖြစ်အောင်လို့ အန်တီတို့ ဖန်တီးယူရမယ်၊ အဲဒါကတော့ လွယ်တာလဲ မဟုတ်ဘူးပေါ့နော်၊ တိုးလိုက် ဆုတ်လိုက်လဲ ရှိမှာပေါ့၊ အခြေအနေက ဖြေရှင်းဖို့လဲ လွယ်တဲ့ အခြေအနေ ရှိချင်ရှိမယ်၊ တခါတလေတော့လဲ ပိုပြီး ခက်တဲ့ အခြေအနေ ဖြစ်မယ်၊ ဒါပေမယ့်လဲ အဲဒီလို အစဉ်အလာတခု ဖြစ်အောင်တော့ ကြိုးစားရမှာပဲ၊ မကြိုးစားရင်တော့ အဲဒီ ပဋိပက္ခတွေက ပျောက်သွားမှာ မဟုတ်ဘူး။

အန်တီက ဆက်သွယ်ရေး နည်းလမ်းတွေသုံးပြီးတော့ ဒုတိယ ပင်လုံညီလာကို လုပ်ချင်တယ် ဆိုတဲ့ သဘောပေါ့နော်၊ ဒီနေ့ သတင်းတွေ ထဲမှာ တွေ့ရပါတယ်။ Twitter သုံးမယ်လို့လဲ အန်တီ ပြောထားတယ်၊ ဘယ်တော့လောက် သုံးမလဲဆိုတာ စိတ်ဝင်စား နေကြတယ်ခင်ဗျ။

အဲဒါ ဒီနေ့ပဲ အင်တာနက်တွေဘာတွေ သုံးဖို့ လျှောက်လွှာတွေ ဘာတွေ ကြည့်နေတယ်၊ နိုင်ငံရေး ကင်းရှင်းကြောင်း ထောက်ခံစာ ပါရမယ် ဆိုတော့ အန်တီကတော့ လျှောက်တော့ လျှောက်မှာပဲ၊ ဒါပေမဲ့ နိုင်ငံရေး မကင်းရှင်းပါဘူး ဆိုတာလဲ အမှန်အတိုင်းတော့ ပြောရမှာပဲ၊ ဒါက ကင်းမှ မကင်းရှင်းပဲ ဘယ်လို ပြောရမလဲ၊ လျှောက်တော့ လျှောက်မယ်၊ မှန်မှန်ကန်ကန်ပဲ ပြောပြီးတော့ လျှောက်မှာပဲ။

အန်တီ အင်တာနက် သုံးလို့မရဘူးဆိုရင် တခြားနည်းလမ်းနဲ့ ပေါ့လေ Tele Conference လို ဟာမျိုးတွေပေါ့နော် ဘယ်လိုနည်းလမ်းတွေ ရှိနိုင်သေးတယ်လို့ အန်တီ ထင်လဲ။

အဲဒါကတော့ ရှာရမှာပေါ့လေ၊ ဒါကြောင့်မလို့ အန်တီက ပြောတာ၊ ၂၁ ရာစုနဲ့ ကိုက်ညီတဲ့ ပုံစံမျိုးနဲ့ လုပ်ရမယ် ဆိုတာ၊ ဒုတိယ ပင်လုံညီလာခံ ဆိုတာကလဲ အန်တီ အထဲမှာ ရှိနေတုန်း ထွက်လာတာလေ၊ ရေဒီယိုကနေ ကြားရတာ၊ အဲဒီတည်းက အန်တီ စဉ်းစားနေတယ်၊ ၂၁ ရာစုပုံစံနဲ့ လုပ်ရင် ပိုပြီးတော့ အဆင်ပြေမယ် ပေါ့နော်၊ နည်းလမ်းတွေ ဘာတွေကတော့ အန်တီတို့ လူငယ်တွေက ရှာရမှာပေါ့၊ ကိုစိန်ဝင်းတို့လဲ ဝိုင်းပြီးတော့ အကြံဉာဏ်တွေ ပေးကြပေါ့။

ဟိုနေ့က မိုဘိုင်းဖုန်းသုံးရတာ တစိမ်းဆန်တယ် ပေါ့နော်၊ အခုအင်တာနက် ကျတော့ကော ဘယ်လို ရှိလဲခင်ဗျ။

အန်တီက အင်တာနက် မသုံးဖူးဘူးလေ၊ ဒါပေမဲ့ ကွန်ပျူတာတော့ အတော်အတန် လုပ်တတ် ပါတယ်။ ကွန်ပျူတာနဲ့ နည်းနည်း ရင်းနှီးနေပြီဆိုရင် အင်တာနက်တွေ ဘာတွေ သုံးဖို့က မခက်ပါဘူး။

နယ်ကို ခရီးထွက်ဖို့ တိုင်းရင်းသား အဖွဲ့အစည်းတွေနဲ့ တွေ့ဖို့ အစီအစဉ် ရှိလားခင်ဗျ။

လောလောဆယ်တော့ မရှိသေးပါဘူး၊ ရန်ကုန်မှာတောင် အလုပ်တွေ မပြီးသေးဘူး။

ရွေးကောက်ပွဲဝင်တဲ့ နိုင်ငံရေးပါတီတွေကို NLD နဲ့ မဟာမိတ် ဖွဲ့ချင်တယ် ဆိုရင် အဲဒီပေါ်မှာ အန်တီ ဘယ်လို သဘောထားလဲ။

အန်တီကတော့လေ ထွက်လာတဲ့နေ့ထဲက ပြောတယ်ပေါ့နော်၊ ပြည်သူတွေက ပြည်သူ့ အတွက် ဒီမိုကရေစီ ကွန်ယက်ကြီး တခု ဆောက်စေချင်တယ်၊ အဲဒီတော့ အဲဒီမှာဆိုရင် မဟာမိတ်တွေ အများကြီး ရှိရမှာပေါ့၊ လူတိုင်းနဲ့ လက်တွဲနိုင်တာ မဟုတ်ဘူး ဆိုရင်တောင် ကိုယ်နဲ့ အဓိကကျတဲ့ ရည်ရွယ်ချက် တူတဲ့ လူတွေနဲ့ တွဲပြီးတော့ လုပ်နိုင်တဲ့ အခြေအနေ ဖြစ်အောင်လို့ အန်တီ လုပ်ချင်တယ်။ အန်တီ ပြောထားပြီးပါပြီ၊ ရွေးကောက်ပွဲကို ဝင်တဲ့ ၃၇ ပါတီထဲက ဘယ်ပါတီပဲ ဖြစ်ဖြစ် တကယ်ပဲ အန်တီတို့နဲ့ ရည်ရွယ်ချက် တူပြီးတော့ ဒီမိုကရေစီ အတွက် ပူးပေါင်း ဆောင်ရွက်ချင်တယ် ဆိုရင် အန်တီတို့ကလဲ ပူးပေါင်း ဆောင်ရွက်ဖို့ အဆင်သင့်ပါပဲ။

မဇ္ဈိမ ဝိုင်းတော်သားတွေကို အန်တီပြောချင်တဲ့ စကားက ဘာများဖြစ်မလဲ ခင်ဗျ။

ပြောရမယ်ဆိုရင်တော့လေ သတင်းသမားတွေရဲ့ ကဏ္ဍက အခုအချိန်မှာ အင်မတန်မှ အရေးကြီး ပါတယ်၊ အခုခေတ်မှာ အင်မတန်မှ အရေးပါ ပါတယ်၊ အဲဒီတော့ သတင်းသမားတွေရဲ့ သြဇာကလည်း မနည်းဘူး၊ အဲဒီတော့ ဒီသြဇာကို အကောင်းအတွက် သုံးပါလို့ အန်တီ သတိပေးချင်တယ်။ တချို့ သတင်းသမားတွေက ကိုယ်သတင်း ထူးဖို့ သတင်းဦးဖို့ အဲဒါကို အဓိက ထားကြတယ်၊ သတင်းထူးတာ သတင်းဦးတာလဲ ကောင်းပါတယ်၊ ဒါတင်မကသေးဘူး သတင်းနဲ့ ပတ်သက်လို့ လုပ်တဲ့နေရာမှာ တိုင်းပြည်ရဲ့ အကျိုးကို ဘယ်လောက် ဆောင်ရွက် ပေးနိုင်သလဲ ဆိုတာ စဉ်းစား ပေးစေချင်တယ်။ နောက်ပြီးတော့ အန်တီ စောစောက ပြောဖြစ်လားတော့ မသိဘူး၊ ထွက်လာတဲ့ အချိန်မှာ ဆက်သွယ်ရေး ကဏ္ဍက ပိုပြီးတော့ ကျယ်ပြန့်လာတယ်၊ ဆဲလ်ဖုန်းလေးတွေ ပေါ့နော် လူတိုင်းမှာ ရှိတယ်၊ အဲဒီတော့ သတင်းတွေဟာ သိပ်ပြီးတော့ အရေးကြီး ပါတယ်လို့၊ အဲဒီ အရေးကြီးတာကို မမေ့ပါနဲ့လို့၊ ကိုယ်ဟာ အရေးကြီးတဲ့ နေရာမှာ ရှိနေပါတယ်၊ ဒါကြောင့်မလို့ အဲဒီနေရာမှာ မှန်မှန်ကန်ကန်နဲ့ အန်တီတို့ အများစု ကောင်းကျိုးအတွက် လုပ်ပေးပါလို့ပဲ မေတ္တာရပ်ခံ ချင်ပါတယ်။ တာဝန်သိတဲ့ စိတ်နဲ့ လုပ်သင့်ပါတယ်။

Ref: မဇ္ဈိမ

Read More...

Collapse...

နေ့စဉ်သတင်းများ ( ၁၇ - ၁၁ - ၂၀၁၀ )

■ ဒေါ်အောင်ဆန်းစုကြည် တောင်ဒဂုံမြို့နယ်က HIV စောင့်ရှောက်ရေးဂေဟာသို့ ရောက်ရှိ သတင်း
■ ဒေါ်အောင်ဆန်းစုကြည် လွတ်မြောက်မှုကို ရတပမှ ကြိုဆို သတင်း
■ ဒေါ်အောင်ဆန်းစုကြည် လွတ်မြောက်မှု နေပြည်တော်ဝန်ထမ်းများ အားတက် သတင်း
■ ဒေါ်အောင်ဆန်းစုကြည် HIV/AIDS ဝေဒနာရှင်များကို အားပေး သတင်း
■ ဒေါ်အောင်ဆန်းစုကြည် နေအိမ်အကျယ်ချုပ်မှ လွတ်မြောက်လာခြင်းအပေါ် ၀မ်းမြောက်ကြောင်း ကြေညာ ခြင်း သတင်း
■ အကျဉ်းကျ တိုင်းရင်းသားခေါင်းဆောင် လွတ်မြောက်ရေး ဦးစားပေး စဉ်းစားနေဟု ဒေါ်အောင်ဆန်းစုကြည် ပြော သတင်း
■ သာယာဝတီခရိုင် (၄) မြို့နယ်က ဒေါ်အောင်ဆန်းစုကြည် လွတ်မြောက်မှုကို ကြိုဆို သတင်း
■ လုံခြုံရေးကောင်စီ မြန်မာ့အရေး ဆွေးနွေးမည် သတင်း
■ ဒေါ်အောင်ဆန်းစုကြည်ကို လွှတ်ပေးတဲ့ စစ်တပ်ဘက်က သဘောထား သတင်း
■ ဂျပန်နိုင်ငံက မြန်မာပြည်နှင့် အပြုသဘောဆက်ဆံရေး ဆက်လက်ကျင့်သုံးမည်ဟု ပြော သတင်း
■ စစ်အစိုးရ၏ စိစစ်ရေး အစွမ်းပြပြီ၊ အိုးပင်းနယူးစ်ဂျာနယ်ကို နားခိုင်းလိုက် သတင်း
■ အမျိုးသားဒီမိုကရေစီအဖွဲ့ချုပ်သတင်း၊ မြန်မာ့ရေးရာ သတင်းများ သတင်း
■ ဂီရိဒုက္ခသည် (၁၀၀,၀၀၀) အိုးအိမ်မဲ့နေဆဲ သတင်း
■ ဂီိရိမုန်တိုင်းဒဏ်သင့် သွေးချင်းတို့အတွက် ဂရုဏာလက် အလှူ သတင်း
■ မြဝတီမြို့မှာ ဟမ်းဖုန်ပြောသူတွေကို လိုက်ဖမ်းနေ သတင်း
■ အပစ်ရပ်နယ်မြေအတွင်း နအဖတပ်များ ကိုယ်ယောင်ဖျောက် သတင်း
■ ကရင်တိုင်းရင်းသား လက်နက်ကိုင်အဖွဲ့များနှင့် မြန်မာစစ်အစိုးရတပ် တိုက်ပွဲဆက်ဖြစ် သတင်း
■ ဒုက္ခသည် နှစ်ထောင်ကျော် ထိုင်းနယ်စပ်သို့ ထပ်မံရောက်ရှိ သတင်း
■ မြောက်ဦး ယဉ်ကျေးမှုဇုန်တွင် ရထားလမ်းဖောက်လုပ်မှု ရွှေ့ဆိုင်းပေးရန် ပညာရှင်များနှင့် နိုင်ငံရေးခေါင်း ဆောင်များ တောင်းဆို သတင်း
■ နအဖ သတင်းစာ စွပ်စွဲချက် မမှန်ကန်ကြောင်း ပါတီများတုံ့ပြန် သတင်း
■ ၂၀၁၀ နိုဝင်ဘာ (၇) ရက်နေ့ ရွေးကောက်ပွဲနဲ့ ပတ်သက်ပြီး ဦးနေမျိုးဝေရဲ့ အမြင် သတင်း
■ ၂၀၁၀ နိုဝင်ဘာ (၇) ရက်နေ့ ရွေးကောက်ပွဲနဲ့ ပတ်သက်ပြီး ဦးသိန်းတင်အောင်ရဲ့ အမြင် သတင်း
■ လက်မှတ်သက်တမ်းမတိုးသည့် အလုပ်သမားများ ယာယီနေထိုင်ခွင့် ကုန်ဆုံးမည် သတင်း
■ “အပြောင်းအလဲလိုချင်လို့ရှိရင် ကိုယ့်ဘာသာကိုယ်လုပ်ရမယ်” (ဒေါ်အောင်ဆန်းစုကြည်နှင့် ဆက်သွယ်မေး မြန်းခြင်း)
■ ဒုတိယပင်လုံအပေါ် ယနေ့ကျောင်းသားလူငယ်တဦး ရဲဘော်ဖိုးသံချောင်းကို မေးမြန်း (အင်တာဗျူး)
■ သည်တပွဲမှာ ရဲရဲညီညီ အောင်ပွဲသို့ရည် ချီကြလေ (ဆောင်းပါး)

Read More...

Collapse...

နိုင်ငံရေးကို နိုင်ငံရေးနဲ့ ဖြေရှင်းဖို့ ဒေါ်စုဦးဆောင်ပါ

တနင်္လာနေ့၊ နိုဝင်ဘာလ ၁၅ ရက် ၂၀၁၀


စိုင်းလိတ်( SNLD)

ဒေါ်အောင်ဆန်းစုကြည်လွတ်လာတာကို SNLD အနေနဲ့ ဘယ်လိုခံစားရလဲ။

ဒေါ်အောင်ဆန်းစုကြည် လွတ်လာတယ်လို့ ကြားလိုက်တာနဲ့ ကျနော်တို့တဖွဲ့လုံး ပြည်သူနဲ့ ထပ်တူ လုံးဝ ဝမ်းသာ ကျေနပ်ပါတယ်။ ဝမ်းသာအားရ ဖြစ်နေပါတယ်။

ဒေါ်အောင်ဆန်းစုကြည်နဲ့စကားပြောခွင့်ရသလား။

အခုထက်ထိတော့ပြောခွင့်မရသေးပါဘူး။

ဒေါ်အောင်ဆန်းစုကြည်နဲ့ ဆွေးနွေးဖို့ SNLD ဘာတွေ ပြင်ဆင်ထားပါ သလဲ။

ဒေါ်ဆောင်ဆန်းစုကြည်နဲ့ ဆွေးနွေးခွင့်ရမယ် ဆိုရင် နိုင်ငံရေးကို နိုင်ငံရေးနည်းနဲ့ ဖြေရှင်းပေးဖို့ ဒေါ်အောင်ဆန်းစုကြည် ကိုယ်တိုင် ဦးဆောင်ပြီး မားမားမတ်မတ် ဆက်လုပ်သွားဖို့ ကျနော်တို့ တောင်းဆိုလိုတယ်။ ဒီမိုကရေစီ အရေးလုပ်နေတဲ့ အချိန် တပြိုင်ထဲမှာဘဲ တိုင်းရင်းသား အရေးကိုလဲ လေးလေးနက်နက် ထားပြီး ဖြေရှင်း စေချင်တယ်။ အဲဒီ တိုင်းရင်းသား အရေး ဆိုတဲ့ နေရာမှာ လက်နက်ကိုင် တော်လှန်ရေး လုပ်နေကြတဲ့ ပုဂ္ဂိုလ်တွေရော ငြိမ်းချမ်းရေး ယူထားတဲ့ ပုဂ္ဂိုလ် တွေပါပေါ့နော် ၊ အားလုံး ညှိနှိုင်း တိုင်ပင် လုပ်ဖို့အတွက် တင်ပြဖို့ စီစဉ်ထားပါတယ်။

အခု ဒေါ်အောင်ဆန်းစုကြည်နဲ့ တွေ့ရရင် SNLD ပထမဆုံး ဘာတင်ပြမလဲ။

နိုင်ငံရေးကို နိုင်ငံရေးနဲ့ ဖြေရှင်းဖို့ကိစ္စကို နအဖအစိုးရနဲ့သော်လည်းကောင်း၊ အခြား တိုင်းရင်းသား ခေါင်းဆောင်များနဲ့ သော်လည်းကောင်း၊ ဒီမိုကရေစီ အင်အားစုများနဲ့ သော်လည်းကောင်း ဘယ်လို ညှိနှိုင်းမယ် ဆိုတာ ပထမ အရေးကြီးဆုံး ထားပြီး ညှိနှိုင်း တင်ပြမှာဖြစ်ပါတယ်။

ဘယ်အချိန်လောက်မှာ သူ့ကိုတွေ့နိုင်မယ်ထင်ပါသလဲ။ ဘယ်အချိန်လောက်များ သွားတွေ့ဖို့ ပြင်ဆင်ထားသလဲ။

လောလောဆယ်တော့ ဒေါ်အောင်ဆန်းစုကြည်ကလဲ သူ့ရဲ့CEC အဖွဲ့တွေနဲ့ တွေ့ဆုံ ညှိနိုင်းဖို့ ရှိအုံးမယ်။ ဘာပဲ ဖြစ်ဖြစ် ဒီတပတ် အတွင်းမှာတော့ ကျနော်တို့ တိုင်းရင်းသား အင်အားစုတွေနဲ့ တွေ့ဆုံ နိုင်လိမ့်မယ်လို့ ကျနော် ယုံကြည်ထားပါတယ်၊ မျှော်လင့် ထားပါတယ်။


အခု အမျိုးသား ဒီမိုကရေစီ အဖွဲ့ချုပ်ကနေ ဒုတိယ ပင်လုံ ညီလာခံ ခေါ်ယူရေး ဆိုပြီး ဆောင်ရွက် နေတာ ရှိပါတယ်။ ဒီအပေါ်မှာ SNLD ထောက်ခံ ပါသလား။

ကျနော်တို့လဲထောက်ခံပါတယ်။

တိုင်းရင်းသားရပိုင်ခွင့်အနေနဲ့ ဘယ်လိုစဉ်းစားထားလဲ ။

တိုင်းရင်းသားရပိုင်ခွင့် ဆိုတဲ့ နေရာမှ နှစ်ပိုင်းရှိပါတယ်။ နိုင်ငံရေးအရ ဖြေရှင်းဖို့ ကိစ္စမှာက တန်းတူညီမှု ရရှိရေးနဲ့ ကိုယ်ပိုင်ပြဋ္ဌာန်းခွင့် ရရှိအောင် တပိုင်း ဖြေရှင်းရမယ်။ နောက်တပိုင်းကျတော့ လက်ရှိ ဖွဲ့စည်းပုံ အခြေခံ ဥပဒေအရ ဆိုလို့ရှိရင် တိုင်းရင်းသားတွေရဲ့ ကိုယ်ပိုင် ဆုံးဖြတ်ခွင့်၊ နောက်တခါ တိုင်းရင်းသားတွေ့ရဲ့ ရိုးရာစာပေ ယဉ်ကျေးမှု ဓလေ့ အစရှိသဖြင့် ဘာတခုမှ လုပ်နိုင်ဖွယ် မရှိဘူး။ ပြီးတော့ ဝ ကိုယ်ပိုင် အုပ်ချုပ်ခွင့်ရ တိုင်းတို့ ဓနုတို့ ပအိုဝ်း ပလောင် အစရှိသဖြင့် အများကြီး ခွဲထားတာတွေ ရှိတယ်။ တိုင်းရင်းသားတွေရဲ့ ဆန္ဒအမှန်ကို မဲပြုပြီးတော့ ရေးထားတာ ဟုတ်မဟုတ် ဆန်းစစ်ဖို့ လိုပါတယ်။ အလေးအနက်ထား ဆွေးနွေးသွားဖို့ စီစဉ်ထားပါတယ်။

ဒုတိယ ပင်လုံညီလာခံ ခေါ်ယူရေးကို SNLD အနေနဲ့ ထောက်ခံ ထားတယ်။ ဒေါ်အောင်ဆန်းစုကြည် ကလဲ လွတ်လာပြီ ဆိုတော့ ဘာတွေများ ဆက်လုပ်သွားဖို့ စီစဉ်ထားပါသလဲ။

ဒေါ်အောင်ဆန်းစုကြည်နဲ့ တွေ့ရပြီ ဆိုတာနဲ့ တိုင်းရင်းသားအရေးနဲ့ ဒီမိုကရေစီအရေး ထပ်တူ အရေးကြီးတယ် ဆိုတဲ့ အကြောင်း တင်ပြမယ်။ နောက် ရှေ့ဆက်ပြီး တိုင်းရင်းသားအရေးကို ဘယ်ကိစ္စ ဘယ်ကဏ္ဍ ကနေ ကိုင်တွယ်မလဲ ဆိုတာကို အခု လက်ရှိ အစိုးရနဲ့ သော်လည်းကောင်း အခုမှ ရွေးချယ် တင်မြှောက်ခံရတဲ့ ဒီမိုကရေစီ ဘက်တော်သား ပါတီများက ပုဂ္ဂိုလ်တွေနဲ့ သော်လည်းကောင်း ဘယ်လို ဆက်ဆံပြီးတော့ စားပွဲဝိုင်းပေါ် ရောက်အောင် စည်းရုံး သိမ်းသွင်းရမလဲ၊ ဘယ်လို ဆွဲဆောင်ရမလဲ ဆိုတာကို ဒေါ်အောင်ဆန်းစုကြည်နဲ့ ညှိနှိုင်းရမှာ ဖြစ်ပါတယ်။

အဲလိုဆွေးနွေးပွဲ လုပ်တဲ့အခါ ဒီသုံးပွင့်ဆိုင် ဆွေးနွေးရေး ဖြစ်အောင်လုပ်မလား။ ရန်ကုန် လာပြီးတော့ဘဲ ဆရာတို့ ဆွေးနွေးမှာလား။ ဒါမှမဟုတ် ဒေါ်စုကို ရှမ်းပြည်ကို ဖိတ်ခေါ်ပြီးတော့မှ ဆွေးနွေးဖို့ စီစဉ်ထားသလား။ ဘယ်လိုမျိုး စီစဉ်ထားသလဲ။

ကျနော်တို့ SNLD ကတော့ ရန်ကုန်အခြေစိုက်ပဲလေ၊ SNLD တခုထဲအနေနဲ့ ကတော့ ရန်ကုန်မှာပဲ တွေ့ဆုံဖို့ ရှိပါတယ်။ ဒါပေမဲ့ တနိုင်ငံလုံး အရေးဖြစ်တဲ့ ဒုတိယ ပင်လုံညီလာခံ ဆိုတဲ့ဟာကြီးကို လုပ်မယ် ဆိုလို့ ရှိရင်တော့ အားလုံး အဆင်ပြေမယ့် နေရာတခုကို ကျနော်တို့ ဘုံသဘောတူညီချက် အရ ရွေးဖို့လိုပါတယ်။ အဲဒါကတော့ ကျန်ရှိတဲ့ အခြားတိုင်းရင်းသား ခေါင်းဆောင်များနဲ့ NLD လူကြီးမင်းများ ပြီးတော့ ဒေါ်အောင်ဆန်းစုကြည်ရဲ့ သဘောထား၊ ဒါတွေအားလုံး ညှိနှိုင်း ပြီးတော့မှဘဲ ကျနော်တို့ ဆုံးဖြတ်လို့ရမှာပါ။

လွတ်ဖို့ကျန်နေသေးတဲ့ ရှမ်းတိုင်းရင်းသား ခေါင်းဆောင်တွေနဲ့ ပတ်သက်ပြီး ဘာများ ပြောလို ပါသလဲ။

ကျနော်တို့ SNLDဥက္ကဋ္ဌ ခွန်ထွန်းဦးအပါအဝင် အတွင်းရေးမှူး စိုင်းညွန့်လွင် နဲ့ တခြား ပုဂ္ဂိုလ် အားလုံးဟာ စစ်အစိုးရရဲ့ တဖက်သက် စွပ်စွဲချက်နဲ့ အပြစ်မရှိဘဲ ဖမ်းဆီး ထောင်ချ ခံထားရတာ ဖြစ်တယ်။ ဘာတခုမှ ကျူးလွန်ခြင်း မရှိလို့မို့ ဒေါ်အောင်ဆန်းစုကြည်ကို လွှတ်ပေးသလိုပဲ သူတို့ကိုလဲ လွှတ်ပေးဖို့ တောင်းဆိုတယ်။ ဆက်ပြီးတော့လဲ တောင်းဆို သွားမှာပဲ။ ဒီကိစ္စကို ပြည်သူတွေ အားလုံးလဲ သိရှိတယ်။ ကမ္ဘာကလဲ သိရှိအောင် ကျနော်တို့ ကြိုးပမ်းမယ်။ အမြန်ဆုံး လွတ်လာနိုင်ဖို့ နည်းလမ်းတွေကိုလဲ ကျနော်တို့ ဖော်ထုတ်သွားမှာ ဖြစ်ပါတယ်။

သူတို့ လွတ်မြောက်ရေးနဲ့ ပတ်သက်ပြီးတော့ လွှတ်တော်ထဲမှာဘဲ ကြိုးပမ်း သွားမလား၊ ဒါမှမဟုတ် ဘယ်လို ပုံစံမျိုးနဲ့ ဆွေးနွေးသွားဖို့ ပြင်ထားသလဲ ။

လွှတ်တော်ထဲမှာ ကြိုးပမ်းသွားဖို့ဆိုတာက ကျနော်တို့လောလောဆယ် အခု ၂ဝဝ၈ဖွဲ့စည်းပုံ အခြေခံ ဥပဒေ အရ ကျင်းပတဲ့ ၂ဝ၁ဝ ရွေးကောက်ပွဲမှာ ပါဝင် ပတ်သက်ခြင်း မရှိတဲ့ အတွက်ကြောင့် ၁၉၉ဝ အနိုင်ရ ပါတီတွေကို လွှတ်တော် ခေါ်မယ် ဆိုရင်တော့ ပြောရေးဆိုခွင့် ရှိမှာပေါ့။ လောလောဆယ် ဒီ၂ဝဝ၈ ဖွဲ့စည်းပုံအရ တက်လာတဲ့ ဖွဲ့စည်းမယ့် လွှတ်တော်ထဲမှာတော့ ကျနော်တို့ ပြောပိုင်ခွင့် ရှိမှာ မဟုတ်ဘူး။

ဒေါ်အောင်ဆန်းစုကြည် အသက်အန္တရာယ် လုံခြုံရေး အပါအဝင် နောက်တကြိမ် စစ်အစိုးရက ပြန်ဖမ်းဖို့ အလားအလာ ရှိမရှိဆိုတာကို ဘယ်လို မျှော်လင့်ထားသလဲ။

အဲဒါကတော့ အတော်ကို မှန်းရခက်တဲ့ ကိစ္စပါ။ လက်ရှိ ဥပဒေ အရ ရေးထားတဲ့ ဥစ္စာနဲ့ အာဏာပိုင် အဖွဲ့အစည်းက ကျင့်သုံးတဲ့ အပြုအမူတွေဟာ တထပ်တည်း ကျလေ့ မရှိဘူး၊ ကျခဲတယ်။ ဒါကြောင့်မို့လို့ အခြေအနေ အချိန်အခါအရ အပြောင်းအလဲ အမျိုးမျိုး ဖြစ်ချင်လဲ ဖြစ်နိုင်တယ်။ အန္တရာယ် ကြုံရင်လဲ ကြုံနိုင်တယ်။ အဖမ်းအဆီးလဲ ထပ်ပြီး ကြုံနိုင်တယ်။ တခါ မဟုတ်ဘဲနဲ့ နိုင်ငံတကာနဲ့ ဒေသတွင်း နိုင်ငံတွေရဲ့ အကြံပေးမှုတွေနဲ့ ဒေါ်အောင်ဆန်းစုကြည် ကို အပြစ်မရှိ လွှတ်ပေးပြီးတော့မှ ဒီမိုကရေစီ ဘက်တော်သားတွေကို အဆင့်ဆင့် အခြေအနေ ကောင်းလေးတွေ ဖန်ဆင်း ပေးတာမျိုးလဲ ကြုံကောင်း ကြုံလာနိုင်ပါတယ်။ ဒါကတော့ ကံသေကံမ ပြောမရတဲ့ ကိစ္စ ဖြစ်ပါတယ်။နအဖအစိုးရ အပေါ်မှာ လုံးလုံးလျားလျား မူတည်ပါတယ်။

ဒီလိုမျိုး အမျိုးသား ပြန်လည်သင့်မြတ်ရေးတွေ၊ မြန်မာပြည်မှာ လက်ရှိဖြစ်နေတဲ့ ပြဿနာ တွေကို ဖြေရှင်းဖို့ ဆိုရင် အချင်းချင်းပဲ ဖြေရှင်းလို့ အဆင်ပြေ နိုင်မှာလား။ ဒါမှမဟုတ် ကုလသမဂ္ဂက ဝင်ပြီးတော့ ဖြေရှင်းရမယ့် အခြေနေမျိုးလို့ ယူဆသလား။

ကျနော်တို့ အချင်းချင်း ဖြေရှင်းဖို့ ပထမအရေးကြီးဆုံးပါ။ ကျနော်တို့ အချင်းချင်း မညီညွတ်ရင် ကုလသမဂ္ဂ ကလဲ ဘာတခုမှ တာဝန်ယူ ကြားဝင် ဖြေရှင်းပေးနိုင်မှာ မဟုတ်ဘူး။ ကျနော်တို့ အချင်းချင်း ညီညွတ်မှု မျှတမှု ရှိမှသာလျှင် ကုလသမဂ္ဂက ကမကထပြု ကြားဝင်လို့ရမှာ ဖြစ်ပါတယ်။ ဒါကြောင့်မို့လို့ ကိုယ့်ပြည်တွင်းက တိုင်းရင်းသားတွေ အချင်းချင်း ၊ နောက် နိုင်ငံရေး အင်အားစုတွေ အချင်းချင်း ညီညွတ်မှ သာလျှင် ကျန်တဲ့ ပြင်ပ ပယောဂတွေကို မျှော်မှန်း နိုင်မယ်၊ ပြင်ပ အင်အားတွေ ကို မျှော်ကိုးလို့ ရပါမယ်။

ဒေါ်အောင်ဆန်းစုကြည်လွတ်လာပြီဆိုတော့ အမျိုးသားပြန်လည် သင့်မြတ်ရေးကို SNLD အနေနဲ့ ဘယ်လောက် အားရကျေနပ်မှု ရှိသလဲ။

ကျနော်တို့ ဗမာပြည် ဒီမိုကရေစီတခုလုံးရဲ့ပြယုဂ်ဟာ ဒေါ်အောင်ဆန်းစုကြည်ပါ။ ဒေါ်အောင်ဆန်း စုကြည်ဟာ ဒီင်္မိုကရေစီရဲ့ မီးရှုး တန်ဆောင်ပါ။ နောက်ပြီးတော့ နိုဘယ် ငြိမ်းချမ်းရေးဆု ရရှိထားတဲ့ ပုဂ္ဂိုလ် ဖြစ်တာမို့လို့ ကမ္ဘာက ကြည်ညို လေးစားတဲ့ ပုဂ္ဂိုလ် ။ ဒီပုဂ္ဂိုလ်တယောက်က တိုင်းရင်းသား ပြည်သူ တရပ်လုံးရဲ့ ကောင်းရာ ကောင်းကျိုးကို ဆောင်ရွက်ခဲ့ဖူးတယ်၊ ဆောင်ရွက်ဖို့လဲ ရှိတယ်။ ဆက်ပြီးတော့လဲ ဆောင်ရွက်မယ်လို့ ကတိ ကဝတ်တွေ ပြုထားတာတွေ ရှိတယ်။ ဒီပုဂ္ဂိုလ်က ဦးဆောင်မယ့် အခါကျတော့ ကျနော်တို့ အနေနဲ့ အထူးပဲ အားရ ဝမ်းသာဖြစ်တယ်၊ အထူးပဲ အားတက်မိတယ်။ ဒါကြောင်မို့လို့ ဒေါ်အောင်ဆန်းစုကြည်က ဦးဆောင် ဆောင်ရွက်မယ် ဆိုလို့ရှိရင် ကျနော်တို့ အလေးအနက် ယုံကြည် မျှော်လင့်ထားတယ်။ ကျနော်တို့ ပန်းတိုင်ကို မလွဲမသွေ ရောက်လိမ့်မယ်လို့ ယုံကြည်ပါတယ်။

Ref: မဇ္ဈိမ

Read More...

Collapse...

ဒေါ်အောင်ဆန်းစုကြည် နှင့် ဂျွန် ဆင်ပဆင် အင်တာဗျူး (၁၅ နိုဝင်ဘာ ၂၀၁၀)

Nov 17, 2010

Read More...

Collapse...

နေ့စဉ်သတင်းများ ( ၁၆ - ၁၁ - ၂၀၁၀ )

■ ဒေါ်အောင်ဆန်းစုကြည် လွတ်မြောက်မှုအတွက် ဗြိတိန်ဝန်ကြီးချုပ် ကြိုဆို သတင်း
■ နိုင်ငံရေးကြောက်စိတ် နည်းသွားဟု လူငယ်များ ပြော သတင်း
■ NLD ဆက်လက်ရပ်တည်ရေး နေပြည်တော်တွင် ကြားနာမည် သတင်း
■ ဒေါ်အောင်ဆန်းစုကြည် လူငယ်များနှင့် တွေ့ဆုံမည် သတင်း
■ အမျိုးသားပြန်လည်သင့်မြတ်ရေးအတွက် လက်တွဲရန် အသင့်ရှိဟုဆို သတင်း
■ တိုင်းရင်းသားအရေး၊ ဒီမိုကရေစီအရေး ဒေါ်အောင်ဆန်းစုကြည် လုပ်ဆောင်မည်ဟု ကချင်အမျိုးသားများ မျှော်လင့် သတင်း
■ ဒေါ်အောင်ဆန်းစုကြည်၏ ယနေ့လှုပ်ရှားမှုများ သတင်း
■ ဒုတိယပင်လုံညီလာခံနဲ့ ဒေါ်အောင်ဆန်းစုကြည် သတင်း
■ နိုဝင်ဘာ (၁၆) ရက် နောက်ဆုံးရ သတင်းတိုများ သတင်း
■ ဒေါ်အောင်ဆန်းစုကြည်သတင်း၊ မြန်မာအသိုင်းအ၀ိုင်းသတင်းများ သတင်း
■ ဒေါ်အောင်ဆန်းစုကြည်အတွက် facebook အကောင့်များ ဖွင့် သတင်း
■ ကြံ့ဖွံ့ပါတီကို ဖျက်သိမ်းပေးရန် ဒီငြိမ်း တောင်းဆို သတင်း
■ ရွေးကောက်ပွဲမှစ၍ တာချီလိတ်နယ်စပ် ကုန်စည်ကူးသန်းမှု ပိတ်ပင်၊ ကုန်သည်များ အခက်တွေ့ ညည်းတွား သတင်း
■ အထက်အမိန့်အရ လုပ်ရသောကြောင့် ရန်ငြှိုးမထားရန် ကျားဖြူကို လားရှိုးကော်မရှင် ပြော သတင်း
■ လွင်မိုးက ကြံ့ဖွံ့ကို ၀မ်းသာအားရ မဲပေးခဲ့ သတင်း
■ သရဲလေးကောင်က လွင်မိုးနဲ့အတူ ရွေးကောက်ပွဲမှာ မဲမဆွယ်ခဲ့ကြောင်း ရှင်းလင်း သတင်း
■ UDP ပါတီ ယနေ့ထုတ်ပြန်ချက် သတင်း
■ ရွေးကောက်ပွဲတွင် ကရင်လွှတ်တော်ကိုယ်စားလှယ်လောင်း (၁၆) ဦး အရွေးခံရ သတင်း
■ မြေပုံ ကျွန်းသာယာတွင် လေဘေးသင့် ပြည်သူများကို စစ်တပ်က လုပ်အားပေးစေခိုင်းနေ သတင်း
■ ကရင်ပြည်နယ်တွင် တိုက်ပွဲများ ဆက်ဖြစ် သတင်း
■ ဘုရားသုံးဆူရှိ ဒီကေဘီအေတပ်စခန်းကို နအဖတပ် ၀င်ရောက်နေရာယူ သတင်း
■ နယ်စပ်တိုက်ပွဲများကြောင့် ဆေးဈေးနှုန်း မြင့်တက် သတင်း
■ တိုင်းရင်းသားတွေ မြင်တဲ့ ဒေါ်အောင်ဆန်းစုကြည် (ဆောင်းပါး)
■ ကုလသမဂ္ဂ၊ အာဆီယံနှင့် ရွေးကောက်ပွဲလုပ်ဇာတ် (ဆောင်းပါး)
■ မာရသွန်သို့ ... (ဆောင်းပါး)
■ ဒေါ်အောင်ဆန်းစုကြည်နဲ့ BBC အင်တာဗျူး (ရုပ်သံ)
■ နိုင်ငံရေးကို နိုင်ငံရေးနဲ့ ဖြေရှင်းဖို့ ဒေါ်အောင်ဆန်းစုကြည် ဦးဆောင်ပါ (အင်တာဗျူး)
■ ရွေးကောက်ပွဲ မသမာမှုကို တိုင်လည်း မထူးဘူး (အင်တာဗျူး)
■ တရားဥပဒေအရ ရွေးကောက်ပွဲကို ကူညီတဲ့သဘော (အင်တာဗျူး)

Read More...

Collapse...

ဒေါ်အောင်ဆန်းစုကြည် သတင်းစာ ရှင်းလင်းပွဲ

မစုမြတ်မွန်
တနင်္ဂနွေ, 14 နိုဝင်ဘာ 2010

မြန်မာနိုင်ငံမှာ ဒီမိုကရေစီ ရရှိရေးအတွက် သူတယောက်တည်း လုပ်လို့မရဘူးလို့ ဒေါ်အောင်ဆန်းစုကြည် က ပြောလိုက် ပါတယ်။ ဘယ်ပါတီ ဘယ်အဖွဲ့အစည်းပဲ ဖြစ်ဖြစ် ဒီမိုကရေစီ လိုလားတယ် ဆိုရင် အားလုံးနဲ့ လက်တွဲ လုပ်သွားမယ်လို့ တနင်္ဂနွေနေ့က လုပ်ခဲ့တဲ့ သတင်းစာ ရှင်းလင်းပွဲမှာ ဒေါ်အောင်ဆန်းစုကြည်က ပြောခဲ့တာ ဖြစ်ပါတယ်။ နိုင်ငံရေး အကျဉ်းသားတွေ အရေး၊ NLD ရဲ့ ရှေ့ရေး၊ ပိတ်ဆို့ အရေးယူမှု ဖယ်ရှားရေး၊ တွေ့ဆုံဆွေးနွေးရေး စတဲ့ အကြောင်းအရာတွေ အပါအဝင် ရွေးကောက်ပွဲမှာ မဲပေးခဲ့သူတွေ အပေါ် သူ့အမြင်တွေကို ဖြေကြားခဲ့တဲ့ သတင်းစာ ရှင်းလင်းပွဲ အကြောင်းကို မစုမြတ်မွန်က စုစည်း တင်ပြပေးထားပါတယ်။

အမျိုးသား ဒီမိုကရေစီ အဖွဲ့ချုပ် ရုံးချုပ်မှာ တနင်္ဂနွေနေ့က လုပ်ခဲ့တဲ့ သတင်းစာ ရှင်းလင်းပွဲမှာတော့ ဒေါ်အောင်ဆန်း စုကြည်က တော်တော်လေး အော်ဟစ် ဖြေကြား ခဲ့ရတယ်လို့ ပြောရမှာပါ။ သူ့ကိုမေးကြတဲ့ ပြည်တွင်း ပြည်ပက သတင်းထောက်တွေ ကလည်း သူ့ထက်ငါ အလုအယက်ကို မေးခဲ့ကြပါတယ်။ သူ့ရဲ့ လွတ်မြောက်မှုနဲ့ ပတ်သက်ပြီး သတင်းထောက် တယောက်က မေးတော့ ဒေါ်အောင်ဆန်းစုကြည်က…

“ကျမရဲ့ ပြည်သူတွေ မလွတ်မြောက်သေးသရွေ့ ကျမ လွတ်မြောက်တယ်လို့ ဘယ်ပြောနိုင်ပါ့ မလဲ။ အားလုံးအတူ မလွတ်မြောက် သရွေ့ ဘယ်သူမှ မလွတ်လပ် သေးပါဘူး။ တယောက်နဲ့ တယောက် ကူညီပြီး လွတ်လပ်မှုနဲ့ ဒီမိုကရေစီရအောင် လုပ်သွားရမယ်။” လို့ ဖြေသွားပါတယ်။

မြန်မာနိုင်ငံမှာ ဒီမိုကရေစီ ရရှိအောင် လုပ်ဖို့အတွက်ကိုလည်း အားလုံးနဲ့ လက်တွဲ လုပ်သွားမယ်လို့ ပြောပါတယ်။

“ကျမတို့က အမြဲ တံခါးဖွင့်ထားပါတယ်။ ကျမတို့နဲ့ ဒီမိုကရေစီ လိုလားတဲ့ အုပ်စုအဖွဲ့တွေနဲ့ အားလုံး လက်တွဲပြီး ဆောင်ရွက်ဖို့ အဆင်သင့်ပဲ။ ကျမတို့ရဲ့ အရင်တုန်းက မူဝါဒကလည်း ဒီအတိုင်းပဲ။ အခုလည်း ဒီမူဝါဒ အတိုင်းပဲ။”

လောလောဆယ်မှာတော့ ဘယ်ပါတီနဲ့မှ ဆွေးနွေးဖို့ အစီအစဉ် မရှိသေးပါဘူးလို့လည်း သတင်းစာ ရှင်းလင်းပွဲမှာ ပြောသွားပါတယ်။ ရွေးကောက်ပွဲဝင်တာ၊ မဝင်တာကို သူ့အနေနဲ့ ဘာမှ မပြောလိုပါဘူးလို့လည်း ဒေါ်အောင်ဆန်းစုကြည်က ပြောပါတယ်။ ရွေးကောက်ပွဲမှာ မဲထည့်ခဲ့သူတွေနဲ့ ပတ်သက်တဲ့ သူ့ရဲ့သဘောထားကို ပြောတာကတော့…

“ဒါကတော့ ဘယ်လိုကြောင့် မဲပေးတာလဲဆိုတော့ အန်တီတို့ အနေနဲ့ ကိုယ့်ရဲ့ ဆန္ဒအရ၊ တကယ်ပဲ လွတ်လပ်တဲ့ ဆန္ဒအရ၊ အဓိပ္ပာယ်ရှိတဲ့ ဆန္ဒအရ၊ တကယ်ပဲ အခြေအနေကို သိလို့ ကြိုက်လို့ ပေးတယ်ဆိုရင် ဘယ်သူ့ပေးပေးပါ၊ အန်တီတို့ အနေနဲ့ ကန့်ကွက်စရာ အကြောင်း မရှိဘူး။ ဒါပေမဲ့ ကိုယ် အလုပ်တခုလုပ်ရင် ဘာဖြစ်လို့ လုပ်တာလဲဆိုတာ သိရမယ်။ အခု မဲပေးတယ်၊ ဘာအတွက် မဲပေးလဲ၊ ဘာရည်ရွယ်ချက်နဲ့ ပေးလဲ၊ ဘာဖြစ်လို့ လက်ခံတာလဲ၊ သေချာစဉ်းစားပြီး ကြိုက်လို့ ပေးရင် အန်တီတို့က ဘာမှ ပြောစရာအကြောင်း မရှိပါဘူး။”

မြန်မာ့နိုင်ငံရေးမှာ ပေါ်ထွက်လာတဲ့ အင်အားစုတွေ အနေနဲ့ အားလုံး ပေါင်းစုပြီး လုပ်သင့်တာကိုလည်း သတင်းစာ ရှင်းလင်းပွဲမှာ ဒေါ်အောင်ဆန်းစုကြည်က အလေးပေး ဖြေကြားသွားပါတယ်။

“တတိယ အင်အားစုတို့၊ စတုတ္ထ အင်အားစုတို့၊ ပဉ္စမ အင်အားစုတို့၊ အဲဒါတွေက အရေးမကြီးပါဘူး။ တကယ် အရေးကြီးတာက ဒီမိုကရေစီ အတွက် တကယ် လုပ်ပေးချင်တဲ့ အဖွဲ့၊ တချို့အဖွဲ့တွေက ဘယ်လို ပေါင်းစုပြီးတော့ ပြည်သူအတွက် ထိရောက်အောင် လုပ်ပေးနိုင်မလဲ ဆိုတာပဲ အရေးကြီးပါတယ်။ ဒုတိယ အင်အားစုတို့၊ တတိယ အင်အားစုတို့ဆိုတာ နာမည်တွေပဲ ဖြစ်ပါတယ်။ ဒီနာမည်ဆိုတာ တကယ်ပဲ ထိရောက်တဲ့ နာမည်လား ဘာလားဆိုတာ ကျမတို့ သိမှာ မဟုတ်ပါဘူး။”

ရွေးကောက်ပွဲမှာ NLD ပါတီ အရွေးမခံတဲ့အတွက် ပါတီရဲ့ ရှေ့ရပ်တည်မှု ဘယ်လိုဖြစ်မှာလဲ ဆိုတဲ့ နိုင်ငံခြား သတင်းထောက်ရဲ့ အမေးကို ဖြေရာမှာတော့…

“အမျိုးသား ဒီမိုကရေစီ အဖွဲ့ချုပ်ကို ပါတီတခု အနေနဲ့ ရပ်တည်ဖို့ တည်ထောင်ခဲ့တာ မဟုတ်ပါဘူး။ ဒီမိုကရေစီ ရရှိအောင် လှုပ်ရှား ဆောင်ရွက်မယ့် အဖွဲ့တခု အနေနဲ့ တည်ထောင်ခဲ့တာပါ။ မြန်မာနိုင်ငံမှာ ပြည်သူတွေဟာ ဒီမိုကရေစီကို လိုလားနေသရွေ့၊ အာဏာပိုင်တွေက တရားဝင်တယ်ပဲ ပြောပြော၊ တရားမဝင်ဘူးပဲ ပြောပြော၊ အမျိုးသား ဒီမိုကရေစီ အဖွဲ့ချုပ်ကတော့ ဆက်လက် ရှိနေမှာပဲ။” လို့ ဖြေကြားခဲ့တာ ဖြစ်ပါတယ်။

NLD ပါတီကို ဖျက်သိမ်းတာနဲ့ ပတ်သက်လို့ တရားဆိုင်နေဆဲဖြစ်လို့ တရားမဝင် ပါတီလို့ ပြောလို့ မရတာကိုလည်း ဒေါ်အောင်ဆန်း စုကြည်က သတင်းစာ ရှင်းလင်းပွဲမှာ ထောက်ပြ သွားပါတယ်။

“အခုက NLD ဟာ ဖျက်ပိုင်ခွင့် ရှိမရှိဆိုတာ တရားရုံးမှာ ရောက်နေတယ်။ ၁၈ ရက်နေ့မှာ တရားရုံးက ကြားနာမယ်။ အဲဒါပြီးမှ အဖြေထွက်မယ်။ ဒါပေမဲ့ ဒါဟာ တရားရုံးကချတဲ့ အဖြေသာဖြစ်တယ်။ NLD ဆက်လက် တည်ရှိလား၊ မတည်ရှိဘူးလား ဆိုတဲ့ အဖြေမှန်ကတော့ ပြည်သူလူထုရဲ့ နှလုံးသားထဲမှာပဲ ရှိတယ်။”

အမျိုးသား ဒီမိုကရေစီ အဖွဲ့ချုပ်က NGO အဖွဲ့အနေနဲ့ လုပ်မှာ မဟုတ်ဘူး ဆိုတာကိုလည်း ရှင်းပြပါတယ်။

“ဒီအဖွဲ့ချုပ်က နိုင်ငံရေးအဖွဲ့ပဲ။ အဲဒီတော့ အန်တီတို့ အနေနဲ့ NGO ဖွဲ့မယ်လို့လည်း တခါမှ မပြောခဲ့ဘူး။ အန်တီတို့ ပြောတာက လူမှုဝန်ထမ်း အလုပ်တွေ လုပ်ရမယ်။ လူမှုဝန်ထမ်း အလုပ် လုပ်တယ်ဆိုတာ၊ လူမှုဝန်ထမ်းဆိုတာ နိုင်ငံရေးနဲ့ ခွဲခြားလို့ မရဘူး။ အခု အချိန်မှာ အန်တီတို့ ပြည်သူတွေက အင်မတန်မှ လိုအပ်နေတယ်။ ဆင်းရဲနေတယ်၊ ဒုက္ခရောက်နေတယ်၊ အကူအညီ လိုနေတယ်။ အဲဒီ လိုချင်တဲ့၊ လိုနေတဲ့ အကူအညီတွေကို ပေးနိုင်သလောက် ပေးဖို့ပဲ။ အဲဒါလည်း အခုမှလုပ်တာ မဟုတ်ပါဘူး။ အခုမှပြောတာ ဆိုပေမဲ့ တကယ်တော့ ၁၉၉၅ ခုနှစ်ကတည်းက စပြီးတော့ ဒီလို လူမှုဝန်ထမ်း အလုပ်တွေကို လုပ်ခဲ့တာပဲ။”

မြန်မာနိုင်ငံအပေါ်မှာ နိုင်ငံတကာရဲ့ ပိတ်ဆို့ အရေးယူမှုတွေ ဖယ်ရှားရေးနဲ့ ပတ်သက်လို့ မေးခွန်း မေးတာကိုတော့ NLD အလုပ် အမှုဆောင်တွေနဲ့ မဆွေးနွေး ရသေးတဲ့ အတွက် အတိအကျ မပြောနိုင်သေးပေမဲ့ ပြည်သူတွေရဲ့ ဆန္ဒအတိုင်း ဖြစ်ရမယ်လို့ ဒေါ်အောင်ဆန်းစုကြည်က ပြန်ဖြေပါတယ်။

“ပြည်သူတွေက ခိုင်မာတဲ့ အကြောင်းအချက်တွေနဲ့ Sanction ကို ဖျက်စေချင်ပါတယ် ဆိုရင် ဖျက်မယ်။ ခိုင်မာတဲ့ အကြောင်းရပ်တွေ ဖြစ်ရမယ်။”

သတင်းစာ ရှင်းလင်းပွဲမှာ တယောက်က ဒေါ်အောင်ဆန်းစုကြည် လွတ်လာတဲ့ အပေါ်မှာ ဗိုလ်ချုပ်မှူးကြီး သန်းရွှေကို ဘာပြောချင်ပါလဲလို့ မေးတာကိုတော့ ဒေါ်အောင်ဆန်းစုကြည်က…

“ဘာပြောချင်လဲဆိုတော့ ဘာပဲဖြစ်ဖြစ် ပြောခွင့်ရရင် ကောင်းမှာပဲ။ ပြောကြစို့ ဆိုတာပဲ ပြောချင်ပါတယ်။”

မကြာခင်က ကလေးမြို့မှာ ဒုတိယ ပင်လုံညီလာခံ ခေါ်ဖို့နဲ့ ပတ်သက်တဲ့ ကလေးမြို့ ကြေညာစာတမ်း ထုတ်ပြန်ခဲ့တဲ့ အပေါ် သူ့ရဲ့ သဘောထားကိုလည်း အခုလို ပြောသွားပါတယ်။

“ဒုတိယပင်လုံ ဆိုတာက ကျမ ၈၉ ခုနှစ်တုန်းက ပြောခဲ့ဖူးတဲ့ ကိစ္စပဲ။ အခုအချိန်မှာတော့ ၂၁ ရာစုနဲ့ ကိုက်ညီတဲ့ ပင်လုံ စိတ်ဓာတ် ထူထောင်ဖို့ ပင်လုံ ညီလာခံတခု လိုတယ် ဆိုတာကိုပဲ ပြောလိုပါတယ်။”

မြန်မာနိုင်ငံမှာ တိုက်ပွဲတွေနဲ့ ပြဿနာကို ဖြေရှင်းတာဟာ စိတ်မကောင်းစရာ လို့လည်း ဒေါ်အောင်ဆန်းစုကြည် က မြင်ပါတယ်။

“တိုင်းရင်းသားတွေနဲ့ တိုက်ပွဲဖြစ်တာကတော့ ဘာများ စိတ်ချမ်းသာစရာ ရှိလဲ၊ တိုင်းရင်းသားတွေနဲ့ တိုက်ပွဲ ဖြစ်တာ ကျမတို့ အားလုံး အတွက် စိုးရိမ်စရာပေါ့၊ စိတ်မကောင်းစရာပေါ့။ ဒီလိုဟာမျိုးတွေ မဖြစ်သင့်ဘူး။ ဒါကို ကျမတို့က ငြိမ်းချမ်းတဲ့ နည်းနဲ့ မတူကွဲပြားတဲ့ အတွေးအမြင်တွေကို ဖြေရှင်းမယ် ဆိုတဲ့ အယူအဆကို ကိုင်စွဲ ထားတဲ့သူတွေ ဆိုတော့ ဒီလို တိုက်ပွဲတွေနဲ့ ဖြေရှင်းရမယ်ဆိုတဲ့ ကိစ္စက ကျမတို့ အတွက် အများကြီး ၀မ်းနည်းစရာပဲ။”

မြန်မာနိုင်ငံမှာ အကျဉ်းကျနေဆဲဖြစ်တဲ့ နိုင်ငံရေး အကျဉ်းသားတွေ အရေးကိုလည်း မမေ့ပါဘူး ဆိုတာကို သတင်းစာ ရှင်းလင်းပွဲမှာ ပြောသွားပါသေးတယ်။

“နိုင်ငံရေး အကျဉ်းသားတွေလည်း တောင့်ထားလို့ ပြောရမှာပဲ။ ဘယ်တော့မှ မမေ့ဘူး။ ကျမတို့စိတ်ထဲမှာ တချိန်လုံး ရှိနေတဲ့ ကိစ္စပဲ။”

မြန်မာပြည်သူတွေ ပညာရေးပိုင်း အားနည်းတာ၊ နိုင်ငံရေးအသိ အားနည်းတာနဲ့ ပတ်သက်တဲ့ အမေးကို ဖြေတာမှာလည်း…

“ပွင့်ပွင့်လင်းလင်း ပြောရရင် အန်တီတို့ ပြည်သူတွေအနေနဲ့ Education အပိုင်းမှာ တော်တော့်ကို အားနည်းပါတယ်။ ပြည်သူတွေရဲ့ ပညာရေးကို ပိုပြီးတော့ မြှင့်တင်ဖို့လိုတယ်။ ပညာရေး စနစ်ကြီးကိုက အားနည်းနေမှတော့ နိုင်ငံရေး အသိပညာလည်း အားနည်းမှာပေါ့။”

နှစ်ပေါင်းများစွာ မိသားစုအရေးထက် မြန်မာပြည်သူတွေ အရေးကို ဆောင်ရွက်နေတဲ့ အတွက် သူ့ကို အနစ်နာ ခံတယ်လို့ ပြောကြတာကိုလည်း ဒေါ်အောင်ဆန်းစုကြည် ပြန်ပြောတာက သူကတော့ အဲဒီလို မယူဆပါဘူးတဲ့။

“အနစ်နာခံတယ်လို့တော့ အမေ လုံးဝ စိတ်ထဲမှာ မထားဘူး။ အမေ့ကို အနစ်နာခံတယ်၊ အနစ်နာ ခံတယ်လို့ ပြောရင်လည်း ဒါ တကယ့်ကို မျက်နှာပူစရာ ကိစ္စပဲ။ ဒါ အမေ လျှောက်ချင်တဲ့ လမ်းကို အမေ့ဘာသာ ရွေးပြီးတော့ လျှောက်တာ။ အနစ်နာခံတယ်လို့ လုံးဝ မထားဘူး။ စိတ်ထဲမှာ အနစ်နာခံတယ် ဆိုတာက အကြွေးတောင်းတဲ့ သဘောပဲ။ ဒါကြောင့် ကိုယ့်ကိုယ်ကို အနစ်နာခံတယ်လို့ လုံးလုံး မထင်ဘူး။ ကိုယ်ရွေးတဲ့လမ်းကို ကိုယ်လျှောက်တယ်၊ ကိုယ်ကြိုက်လို့ ကိုယ်လျှောက်တယ်။ ခံစရာရှိရင် ကိုယ်ခံမယ်။ ဘယ်သူ့ကိုမှလည်း အကြွေး လာမတောင်းဘူး။”

ဒေါ်အောင်ဆန်းစုကြည်ကို နုပျိုနေအောင် ဘယ်လိုနေပါသလဲလို့ တယောက်ကလည်း မေးပါတယ်။ အဲဒါကိုတော့ အရွှန်းဖောက်ပြီး ဒေါ်အောင်ဆန်းစုကြည် ပြန်ဖြေတာက…

“အလုပ်လိုအပ်ချက်အရ ဒီမိုကရေစီ မရမချင်း ကျန်းကျန်းမာမာနဲ့ ခိုင်ခိုင်မာမာ နေရမယ်။ ဒီမိုကရေစီ မြန်မြန် ရရင်တော့ ကောင်းကောင်းမွန်မွန်၊ အေးအေးဆေးဆေး အဖွားကြီးလို သွားမယ်။”

သူ့ရဲ့အင်အားဟာ ပြည်သူတွေရဲ့အင်အား ဖြစ်တယ် ဆိုတာကိုလည်း ဒေါ်အောင်ဆန်းစုကြည်က ပြောပြီး အားလုံး လက်တွဲ လုပ်သွားရမယ့် အကြောင်းကို အလေးပေး ပြောသွား ပါသေးတယ်။

“ပြည်သူတွေရဲ့ အားက အန်တီ့အားပဲ။ အန်တီ့အားဖြစ်အောင် အားရှိရှိနဲ့ နေရမှာပေါ့။ အန်တီက တယောက်တည်း လုပ်လို့ ရလို့လား။ စောစောကလည်း ပြောပြီးပြီ၊ လူတယောက်တည်း ဒီမိုကရေစီ လုပ်လို့ရရင် ဒီလောက်များ လွယ်မယ် ထင်လို့လား။ တန်ဖိုး အတော် ရှိတဲ့ကိစ္စနော်၊ တန်ဖိုးရှိတဲ့ ကိစ္စတခုအတွက် ဆိုရင် အများကြီး ပေးဆပ်ရတယ်။ တယောက်တည်း လုပ်လို့လည်း မရဘူး။ တယောက်တည်း လုပ်လို့ရတယ်လို့ ထင်ရင်လည်း ဒီမိုကရေစီ စိတ်ဓာတ်ကို မဟုတ်တော့ဘူး။ အဲတော့ ပြည်သူက ဒီမိုကရေစီ လိုချင်ပါတယ်၊ ဒေါ်အောင်ဆန်းစုကြည် လုပ်ပေးဆိုရင် ဒီမိုကရေစီရမှာ မဟုတ်ဘူး၊ ဒေါ်အောင်ဆန်းစုကြည် ဆိုတဲ့ အာဏာရှင် တယောက်ပဲ ပေါ်လာမှာပဲ။ အဲတော့ ပြည်သူက ၀ိုင်းပြီးလုပ်ရမယ်။”

အခုလို မေးကြ ပြောကြတာတွေကို ပြည်တွင်း သတင်းမီဒီယာတွေမှာ ရေးသားခွင့်မရရင် ဘာပြောမလဲလို့ ပြည်တွင်း သတင်းထောက် တယောက်က မေးတော့…

“အဲဒီလိုဆိုရင်တော့ ရွေးကောက်ပွဲပြီးတော့ ဘာမှလည်း မထူးခြားပါလားလို့ ပြောရမှာပဲ။”

တနင်္ဂနွေနေ့က အမျိုးသား ဒီမိုကရေစီ ရုံးချုပ်မှာ လုပ်ခဲ့တဲ့ သတင်းစာ ရှင်းလင်းပွဲမှာ ဒေါ်အောင်ဆန်းစုကြည် ရဲ့ ပြောကြား သွားချက်တွေ ဖြစ်ပါတယ်။ သတင်းစာ ရှင်းလင်းပွဲမှာ ပြည်တွင်း ပြည်ပက သတင်းထောက်တွေနဲ့ ပြည့်နှက်နေတာကို တွေ့ရပါတယ်။

မြန်မာနိုင်ငံမှာ ဒီမိုကရေစီရဖို့ နီးပြီလားလို့ နိုင်ငံခြား သတင်းထောက် တယောက်က မေးတာကို ဒေါ်အောင်ဆန်းစုကြည်က သူ့အနေနဲ့ ရှေ့ကို ကြိုမမြင်နိုင်လို့ ဘယ်တော့ မြန်မြန်ရမယ် ဆိုတာကိုတော့ မပြောနိုင်ပါဘူး၊ အမြန်ဆုံး ရအောင်အတွက် ကြိုးစားသွားပါ့မယ်၊ ဒီမိုကရေစီ ရရှိရေး ကြိုးပမ်းမှုဟာ ပြည်သူတွေဆီက ထောက်ခံမှု ဘယ်လောက်ရသလဲ ဆိုတဲ့အပေါ်မှာ အများကြီး မူတည် နေပါတယ်လို့ ဒေါ်အောင်ဆန်းစုကြည်က ဖြေသွားပါတယ်။

Ref: VOA News

Read More...

Collapse...

NLD ရုံးချုပ်တွင်ပြောသော ဒေါ်အောင်ဆန်းစုကြည် မိန့်ခွန်း

Read More...

Collapse...

Monthly-News-Commentary-November-2010

ဒေါင်းရန်

Monthly News Commentary - November 2010

Read More...

Collapse...

ဒေါ်အောင်ဆန်းစုကြည် လွတ်ပြီ

နိုဝင်ဘာ ၁၃ ရက် ၂၀၁၀

Read More...

Collapse...