2012-04-04
ျမန္မာအစိုးရအေပၚ ခ်မွတ္ထားတဲ့ ပိတ္ဆို႔ အေရးယူမႈ တခ်ိဳ႕ကို အီးယူ ဥေရာပသမဂၢက ျပန္လည္ရုပ္သိမ္းမွာ ျဖစ္ေပမဲ့ က်န္ရွိေန ေသးတဲ့ ႏိုင္ငံေရး အက်ဥ္းသားေတြ ျပန္လည္ လြတ္ေျမာက္ေရးအတြက္ ဆက္လက္ ဖိအားေပးသြားမွာ ျဖစ္တယ္လို႔ ျဗိတိန္ ႏိုင္ငံျခား ေရး၀န္ႀကီး William Hague က ေျပာလိုက္ပါတယ္။
" ျပီးခဲ့တဲ့ ၾကားျဖတ္ ေရြးေကာက္ပြဲဟာ ျမန္မာျပည္ အေျပာင္းအလဲအတြက္ အင္မတန္ အေရးႀကီးတဲ့ အခိုက္အတန္႔ တစ္ရပ္ျဖစ္တယ္ ဆိုတာ ထင္ရွားပါတယ္။ ဒါေပမဲ့ အဲဒီေရြးေကာက္ပြဲေတြ ဘယ္ေလာက္ထိ လြတ္လပ္ျပီး တရားမွ်တသလဲဆိုတာ ဆံုးျဖတ္ဖို႔ ေစာပါ ေသးတယ္။ ေရြး ေကာက္ပြဲ ေစာင့္ၾကည့္ ေလ့လာသူေတြရဲ႕အစီခံခ်က္ေတြနဲ႔ တျခားအဖြဲ႕အစည္းေတြရဲ႕ အျမင္ေတြကို သိရဖို႔ မိမိ ေစာင့္စားေနပါတယ္" လို႔ မစၥတာ Hague က ဆိုပါတယ္။
ၾကားျဖတ္ ေရြးေကာက္ပြဲ လြတ္လပ္မွ်တမယ္။ က်န္ေနေသးတဲ့ ႏိုင္ငံေရး အက်ဥ္းသားေတြ ျပန္လႊတ္မယ္ဆိုရင္ ျမန္မာအေပၚခ်မွတ္ ထား တဲ့ ပိတ္ဆို႔မႈ အမ်ားအျပားကို ရုတ္သိမ္းမယ္လို႔ အီးယူ ႏိုင္ငံျခားေရး ၀န္ႀကီးေတြက ေျပာဆိုထားျပီး ျဖစ္ပါတယ္။
ဒီကိစၥနဲ႔ ပတ္သက္ျပီး အခုမိမိတို႔ အခုလက္ငင္း ဘာေတြ လုပ္စရာရွိသလဲဆိုတာ ေဆြးေႏြး တိုင္ပင္ၾကရမွာပါ လို႔လည္း ျဗိတိန္ ႏိုင္ငံျခား ေရး၀န္ႀကီးက ေျပာဆိုပါတယ္။
ပိတ္ဆို႔မႈတခ်ဳိ႕ ရုပ္သိမ္းေရးကိစၥအတြက္ ျမန္မာနဲ႔ အီးယူ ႏိုင္ငံျခားေရး၀န္ႀကီးေတြ လာမယ့္ ဧျပီလ ၂၃ ရက္ေန႔မွာ ေတြ႕ဆံု ေဆြးေႏြးၾက မွာျဖစ္ေၾကာင္း အီးယူ အလုပ္အမႈေဆာင္ ေကာ္မရွင္က ေျပာပါတယ္။
Ref: အာရ္အဖ္ေအ
တောင်ငူမြို့မှာရှိတဲ့ စစ်ကောင်စီတပ်ရဲ့ တောင်ပိုင်းတိုင်း စစ်ဌာနချုပ် (တပခ)
ကို တော်လှန်ရေးပူးပေါင်းတပ်ဖွဲ့က ရှော့တိုက်ဒုံးနဲ့
ပစ်ခတ်တိုက်ခိုက်လိုက်ပါတယ်။
1 hour ago
Posts
0 comments:
Post a Comment