NIB အကြီးအကဲအဖြစ် ကာချုပ်တာဝန် စယူ

03 May 2011

အမျိုးသား ထောက်လှမ်းရေးအဖွဲ့(NIB) ကို ဖွဲ့စည်းပြီးဖြစ်ရာ တပ်မတော် ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်က အကြီးအကဲ တာဝန်ကို စတင် ထမ်းဆောင်နေ ပြီဖြစ်ကြောင်း သတင်းရရှိသည်။

ပြည်တွင်းနိုင်ငံရေးနှင့် လုံခြုံရေးကိစ္စ များကို အထူးစုံစမ်းစစ်ဆေး မည့် NIB အတွက် ဗိုလ်ချုပ်ကြီး မင်းအောင်လှိုင် က ကာကွယ်ရေး ၀န်ကြီးဌာန မှ စစ်တပ်အရာရှိ ၂၀၀ ကျော် ကို ပြောင်းရွှေ့တာဝန် ပေးအပ်ခဲ့သည်ဟု လည်း သတင်းရရှိသည်။

တနိုင်ငံလုံးရှိ ကြည်းတပ်၊ လေတပ်နှင့် ရေတပ် တပ်စု၊ တပ်ရင်းများမှ အရာရှိ ၂၀၀ ကျော်ကို ဗိုလ်ချုပ်ကြီးမင်းအောင်လှိုင်က ရွေးချယ်ပြီး အမျိုးသားထောက်လှမ်းရေးအဖွဲ့တွင် တာဝန်ထမ်းဆောင်ရန် ခေါ်ယူခဲ့ကြောင်း၊ ရွေးချယ်ခံရသော စစ်အရာရှိ များထဲတွင် ဗိုလ်ကြီးအဆင့်မှ ဗိုလ်မှူးကြီး အဆင့်အထိ ပါဝင်ကြောင်း နေပြည်တော် စစ်ဘက်ဆိုင်ရာ သတင်းရပ်ကွက်မှ သိရသည်။

“အရွေးခံလိုက်ရတဲ့ တပ်မတော်အရာရှိတွေက သူတို့ရဲ့တပ်ရင်းမှာ ထမ်းဆောင်နေတဲ့ တာဝန်တွေအစား NIB က ပေးတဲ့ တာဝန်ကိုပဲ ထမ်းဆောင်ရမယ်” ဟု NIB အတွက် အရွေးချယ် ခံလိုက်ရသော စစ်အရာရှိတဦးနှင့် နီးစပ်သူတဦးက ပြောသည်။

NIB တွင် စစ်တပ်မှ အရာရှိများအပြင် ပြည်ထဲရေးဝန်ကြီးဌာန လက်အောက်ရှိ မြန်မာ နိုင်ငံရဲတပ်ဖွဲ့အထူး စုံစမ်းစစ်ဆေးရေး ဌာန၊ နယ်စပ်ရေးရာ ၀န်ကြီးဌာနမှ ဌာနဆိုင်ရာ ၀န်ထမ်းများလည်း ပါဝင်ကြောင်း သိရသည်။

အမျိုးသား ထောက်လှမ်းရေးအဖွဲ့သည် ပြည်တွင်း နိုင်ငံရေးပါတီများ၏ နိုင်ငံရေး လှုပ်ရှားမှုများ၊ လက်နက်ကိုင် တိုင်းရင်းသား အဖွဲ့များ၊ ငြိမ်းချမ်းရေး ရယူထားသော တိုင်းရင်းသားအဖွဲ့အစည်းများ၏ လှုပ်ရှားမှုများ၊ ပြည်တွင်း အကြမ်းဖက် ဖောက်ခွဲမှု လုပ်ရပ်များ၊ တပ်မတော်တွင်း သွေးခွဲမည့် လုပ်ရပ်များ အပါအ၀င် နိုင်ငံတော် လုံခြုံရေးနှင့် တည်ငြိမ်ရေးကို ပျက်ပြား စေနိုင်သော အရေးကိစ္စအားလုံးကို စုံစမ်းထောက်လှမ်း အရေးယူ သွားမည်ဟု သိရသည်။

အမျိုးသား ထောက်လှမ်းရေးအဖွဲ့ကို ဖွဲ့စည်းရန် ဗိုလ်ချုပ်မှူးကြီးသန်းရွှေက ဗိုလ်ချုပ်ကြီး မင်းအောင်လှိုင်ကို ကာကွယ်ရေး ဦးစီးချုပ်ရာထူး တရားဝင် လွှဲပြောင်း မပေးအပ် မီကတည်းက ညွှန်ကြားခဲ့ခြင်းဖြစ်သည်ဟု နေပြည်တော် စစ်ဘက်ဆိုင်ရာ အသိုင်းအ၀န်း က ပြောဆိုသည်။

Ref;http://www.irrawaddymedia.com/bur/index.php/news/6307-nbi-