ဦးသိန်းစိန်နှင့် မဟာမိတ် ၁၀ ပါတီ တွေ့ဆုံ ဆွေးနွေး

ခင်ဦးသာ
July 18, 2012

သမ္မတ ဦးသိန်းစိန်နှင့် မဟာမိတ် ၁၀ ပါတီမှ ခေါင်းဆောင်များ ပထမဆုံးအကြိမ် ယနေ့ တွေ့ဆုံ၍ တရားဥပဒေ စိုးမိုးရေး၊ ပြည်တွင်း ငြိမ်းချမ်းရေး၊ ရွေးကောက်ပွဲ နည်းစနစ် ပြောင်းလဲရေး တို့ကို ဆွေးနွေး ကြောင်း သိရသည်။

၂၀၁၀ ရွေးကောက်ပွဲ ၀င်ခဲ့သော မဟာမိတ် ပါတီများ အနေဖြင့် လာမည့် ၂၀၁၅ ရွေးကောက်ပွဲ နည်းစနစ် ပြောင်းလဲရေး ကို ၁၀ ပါတီ၏ သဘောတူညီချက်ဖြင့် တင်ပြဆွေးနွေးခဲ့ပြီး တရားဥပဒေ စိုးမိုးရေး အတွက် ပြဌာန်းပြီး ဥပဒေများအား လက်တွေ့ ကျင့်သုံးနိုင်ရန် နည်းဥပဒေများ ထုတ်ပြန်ပေးရေး များကို ဆွေးနွေးခဲ့ကြကြောင်း ပါတီ ခေါင်းဆောင်များ က ပြောသည်။

ထို့အပြင် ပြည်တွင်း ငြိမ်းချမ်းရေး အတွက် တိုင်းရင်းသားအစုံ ပါဝင်သော အလွှာအသီးသီးမှ ပုဂ္ဂိုလ်များဖြင့် ညီလာခံကြီး တခု အမြန်ဆုံး ကျင်းပနိုင်ရေးကိုလည်း တင်ပြ ဆွေးနွေးခဲ့ကြောင်း သိရသည်။

မဟာမိတ် ၁၀ ပါတီမှာ မွန်ဒေသလုံး ဆိုင်ရာဒီမိုကရေစီပါတီ(AMDP)၊ အမျိုးသား ဒီမိုကရေစီ အင်အားစု(NDF)၊ ရခိုင် တိုင်းရင်းသား များ တိုးတက်ရေးပါတီ(RNDP)၊ ရှမ်း တိုင်းရင်းသားများ ဒီမိုကရေစီ ပါတီ(SNDP)၊ ချင်း အမျိုးသား ပါတီ၊ ဒီမိုကရေစီ နှင့် ငြိ်မ်းချမ်းရေး ပါတီ၊ ဒီမိုကရက်တစ် ပါတီ(မြန်မာ)၊ ဖလုံ-စဝေါ် ကရင် ပါတီ၊ ပြည်ထောင်စု ဒီမိုကရေစီ ပါတီ၊ ညီညွတ်ရေးနှင့်ငြိမ်းချမ်းရေး ပါတီ တို့ဖြစ်သည်။

၁၀ ပါတီ မဟာမိတ်အဖွဲ့ဝင် တိုင်းရင်းသား ပါတီများကလည်း တိုင်းရင်းသား ဒေသအသီးသီး၌ မိမိတို့ ဘာသာစကားနှင့် စာပေ များကို ကျောင်းပြင်ပတွင်သာမက ကျောင်း သင်ရိုးညွှန်းတမ်း ၌ပါ ထည့်သွင်း သင်ကြားနိုင်ရေးတို့ကို တင်ပြခဲ့ကြသည်။

ရခိုင်ပြည်နယ်၌ ဖြစ်ပွားနေသော ပဋိပက္ခများနှင့်ပတ်သက်၍လည်း RNDP ပါတီ အထွေအထွေ အတွင်းရေးမှူး ဦးလှစော က တင်ပြ ဆွေးနွေးကြောင်း သိရသည်။

တရားခွင်၌ တရားသူကြီးနှင့်ရှေ့နေ အပြန်အလှန် လေးစားမှုရှိရေး၊ တရားစီရင်ရာ၌ ယခင်ကဲ့သို့ ဘားကောင်စီဖွဲ့ပြီး ဆောင်ရွက် ရေး၊ ပြဌာန်းထားပြီး ဥပဒေများသည် နည်းဥပဒေမရှိ၍ လက်တွေ့ မကျင့်သုံးနိုင်သေးသည်များကို တင်ပြခဲ့ကြောင်း ဒီမိုကရေစီနှင့် ငြိမ်းချမ်း ရေး ပါတီ ဥက္ကဋ္ဌ ဦးအောင်သန်း က ဧရာဝတီ ကိုပြောသည်။

မဟာမိတ် ၁၀ ပါတီ ၏ သဘောထားအပြင် ပါတီ တခုချင်းစီ၏ သဘောထားကိုလည်း တင်ပြခဲ့ကြသည်ဟု ဆိုသည်။

သမ္မတ ဦးသိန်းစိန်က ပါတီများ၏ တင်ပြ ဆွေးနွေးမှုများကို ရေရှည်၊ ရေတို ခွဲ၍ အကောင်အထည်ဖော် ဆောင်ရွက် ပေးသွားမည်ဟု ကတိပေးကြောင်း သိရသည်။

ကျေးရွာ ၆ သောင်းကျော်ကို လျှပ်စစ်မီး ရရှိရန် ဆောင်ရွက်ပေးရေး၊ ရခိုင်ပြည်နယ် ကျောက်ဖြူမြို့မှ တရုတ်နိုင်ငံ ယူနန်ပြည်နယ် သို့ ဖောက်လုပ်မည့် မီးရထားလမ်း နှင့် ရေနံ ပိုက်လိုင်း စီမံကိန်းများနှင့် ပတ်သက်ပြီး ပြည်လည် စဉ်းစား သုံးသပ်မှုပြုလုပ်ရန် သမ္မတကို အကြံပေးခဲ့ကြောင်း NDF ပါတီ ၏ ဥက္ကဋ္ဌ ဦးခင်မောင်ဆွေ က ပြောသည်။

လက်ရှိကျင်းပနေသည့် လွှတ်တော်၏ လုပ်ဆောင်ချက်များနှင့် အစိုးရ အဖွဲ့တို့ လုပ်ဆောင်နေသည့် ကိစ္စရပ်များ ကိုလည်း တင်ပြ ဆွေးနွေးခဲ့ကြောင်း၊ ၁၀ ပါတီမဟာမိတ် အဖွဲ့သည် သမ္မတနှင့် မတွေ့ဆုံမီ မီးရထားဝန်ကြီး ဦးအောင်မင်း၊ စက်မှုဝန်ကြီး ဦးစိုးသိန်း တို့နှင့် ရန်ကုန် မြို့တွင် တွေ့ဆုံခဲ့ကြသေးသည်။

ယနေ့တွေ့ဆုံရာ၌ သမ္မတနှင့်အတူ ၎င်းဝန်ကြီး နှစ်ဦးလည်း တက်ရောက်ခဲ့ကြောင်း၊ သမ္မတ အပါအ၀င် ၀န်ကြီးများနှင့် ထပ်မံ တွေ့ဆုံ ရန် ရှိသေးကြောင်း သိရသည်။

တွေ့ဆုံ ဆွေးနွေးခဲ့ကြသည့် အကြောင်းအရာများနှင့် ပတ်သက်၍ ကြေညာချက်တခုကို ရက်ပိုင်းအတွင်း ထုတ်ပြန်သွားမည်ဟု ဦးအောင်သန်း က ပြောသည်။

၁၀ ပါတီမဟာမိတ် အဖွဲ့ကို ၂၀၁၀ ရွေးကောက်ပွဲ မတိုင်မီ ဖွဲ့စည်းခဲ့ပြီး ထိုအဖွဲ့ မှ တိုင်းရင်းသား ပါတီ ၆ ခု ကလည်း ညီနောင် ပါတီ များအဖွဲ့ အဖြစ် ဖွဲ့စည်းထားကြသည်။

Ref: ဧရာဝတီ