ကျူးကျော်ရပ်ကွက် ပြောင်းရတဲ့ အမေ့အိမ်

သဲသဲ
ဇွန်လ ၂၁ ရက် ၂၀၁၁ ခုနှစ်

ရပ်ကွက် အာဏာပိုင်များမှ အိမ်ရှင်ကို ဖိအားပေး ခြိမ်းခြောက်ခြင်းကြောင့် NLD ကွန်ယက်ချိတ် ကျောင်းတခုဖြစ်သည့် မြောက်ဥက္ကလာ အမေ့အိမ် အင်္ဂလိပ်စာသင်ကျောင်းမှာ နေရာသစ်သို့ အင်္ဂါနေ့တွင် ပြောင်းရွှေ့ ဖွင့်လှစ်လိုက်သည်။

ဇွန်လ ၂၂ ရက်နေ့ နောက်ဆုံးထား ပြောင်းရန် အိမ်ရှင်က တောင်းဆိုသဖြင့် မြောက်ဥက္ကလာ သုမာလာလမ်းမှမြောက်ဥက္ကလာ၂ ရပ်ကွက် မုဒိတာလမ်း၊ အလက (၆) အနီးရှိ မြေကွက်သို့ ပြောင်းရွှေ့လိုက်ရကြောင်းကျောင်းတာဝန်ခံ မသီတာဆွေက ပြောသည်။

“ကျူးကျော်ရပ်ကွက်လေးတခုမှာ မြေကွက်လေးတခု ဝယ်လိုက်တယ်။ လောလောဆယ် တိုင်ထောင် ဓနိမိုးထားတာ၊ ဘာမှ အဆင်သင့် မဖြစ်သေးဘူး။ သူတို့က တရက်တောင် လက်မခံလို့ မိုးထဲရေထဲ ပြောင်းရတာ” ဟု ကျောင်းတာဝန်ခံ မသီတာဆွေကပြောသည်။

အကာနှင့် ကြမ်းခင်း မရှိသေးသည့် ကျောင်းခန်းအတွက် လတ်တလောတွင် ပလတ်စတစ် မိုးကာများကာရံကာ ဆက်လက် သင်ကြားသွားမည်ဟု သူက ဆက်ပြောသည်။

အမေ့အိမ် ကျောင်းဖွင့်ရန် အိမ်ငှားပါက အိမ်ကို ချိတ်ပိတ်မည်ဟု ရပ်ကွက် အာဏာပိုင်များက ခြိမ်းခြောက်မှုများကြောင့်ပြောင်းရွှေ့ရန် ခက်ခဲနေခဲ့ရာ အမျိုးသား ဒီမိုကရေစီအဖွဲ့ချုပ် NLD ၏ အကူအညီဖြင့် အဆိုပါ မြေကွက်ကို ကျပ် ၁၂ သိန်းဖြင့် ဝယ်ယူခဲ့သည်။

စေတနာ့ဝန်ထမ်း ဆရာ ၅ ဦး ရှိပြီး၊ ကျောင်းသား ၄၀ ခန့် တက်ရောက်နေသည်။ ဘွဲ့ရ၊ တက္ကသိုလ် ကျောင်းသားနှင့် အထက်တန်းကျောင်းသားများ ပါဝင်ပြီး အခြေခံ အင်္ဂလိပ်စာသင်တန်း၊ ၉ တန်း၊ ၁၀ တန်း ဘာသာရပ်များလည်း သင်ကြားနေသည်။

အမေ့အိမ် (ပညာဒါန) အမည်ဖြင့် ကျောင်းခွဲ ၃ ခုရှိပြီး လှိုင်သာယာ ၁၄ ရပ်ကွက် မေခလမ်းရှိ အိမ်အမှတ် ၅၄၈ နှင့် မြောက်ဥက္ကလာ ၂ ရပ်ကွက် မာဃလမ်းရှိ အမှတ် ၂၆ တို့တွင်လည်း အသီးသီး ဖွင့်လှစ်ထားသည်။
Ref: Mizzima