2013-01-16
တပ်မတော်ရဲ့ စီးပွားရေး လုပ်ငန်းတွေအားလုံးက ရလာတဲ့ အကျိုးအမြတ်တွေကို နိုင်ငံတော် ဘတ်ဂျက်ထဲထည့်စေပြီး တပ်မတော် သားတွေရဲ့ ခံစားခွင့်တွေကိုတော့ နိုင်ငံတော်ကပဲ အပြည့်အ၀ ဘတ်ဂျက်ချပေးစေလိုတယ်လို့ ဒီကနေ့ ပြည်ထောင်စု လွှတ်တော် အစည်းအဝေးမှာ ပဉ္စမကာလတိုငါးနှစ် အမျိုးသားစီမံကိန်းမူကြမ်း (၂၀၁၁/၂၀၁၂ ဘဏ္ဍာရေးနှစ်မှ ၂၀၁၅/၂၀၁၆ ဘဏ္ဍာရေးနှစ် ထိ) ဆွေးနွေးရာမှာ မွန်ပြည်နယ် မဲဆန္ဒနယ်က ဒေါက်တာဗညားအောင်မိုးက ပြောသွားပါတယ်။
မြန်မာနိုင်ငံမှာ နိုင်ငံတကာရဲ့စီးပွားရေး ပိတ်ဆို့မှုဒဏ်တွေကြောင့် စီမံခန့်ခွဲမှု လိုအပ်ချက်တွေရှိခဲ့ပြီး၊ အခုအချိန်မှာ ပြည်သူ လူထုမှာ အလုပ်လက်မဲ့ခံစားမှုတွေ၊ ဆင်းရဲနွမ်းပါးမှုဒဏ်တွေ ခံစားနေကြရတဲ့အတွက် အမျိုးသားစီမံကိန်းမူကြမ်းမှာ ထည့်သွင်း စဉ်းစား နိုင်ဖို့ကိုလည်း ရန်ကုန်တိုင်းဒေသကြီးမဲဆန္ဒနယ်မှ ဒေါ်ခင်ဝိုင်းကြည်က ဆွေးနွေးသွားပါတယ်။
ဒီကနေ့ ပြည်ထောင်စုလွှတ်တော်မှာ ပဉ္စမ ငါးနှစ်တိုကာလ အမျိုးသားစီမံကိန်းမူကြမ်းနဲ့ ပတ်သက်လို့ ဒုတိယနေ့အဖြစ် လွှတ် တော်ကိုယ်စားလှယ် ၁၈ဦးတို့က ဆွေးနွေးခဲ့ကြပြီး၊ အဲဒီဆွေးနွေးပွဲမှာ ဒေသအလိုက် ပြည်သူတွေရဲ့ ခံစားနေရတဲ့ ကျန်းမာရေး၊ ပညာရေး၊ ဆက်သွယ်ရေး၊ အလုပ်အကိုင်အခွင့်အရေး၊ လျှပ်စစ်၊ ကာကွယ်ရေး၊ လယ်ယာစိုက်ပျိုးရေးနဲ့ သစ်တောရေးရာ စတဲ့ ကိစ္စရပ်တွေကို အများဆုံးဆွေးနွေးခဲ့ကြပါတယ်။
Ref: အာရ်အဖ်အေ
1 hour ago
Posts
0 comments:
Post a Comment