နိုင်ငံရေးအကျဉ်းသား လွတ်မြောက်ရေး လက်မှတ်ထိုးလှုပ်ရှားမှု စတင်

လင်းသန့်
18 April 2011

မြန်မာနှစ်သစ်ကူး နှစ်ဆန်း ၁ ရက်နေ့ ဧပြီလ ၁၇ ရက်မှ စတင်ကာ အမျိုးသား ဒီမိုကရေစီ အဖွဲ့အချုပ်(NLD)အပါအ၀င် မြန်မာပြည်တွင်းရှိ ဒီမိုကရေစီရေး တက်ကြွသူများက ဦးဆောင်ကာ နိုင်ငံရေး အကျဉ်းသားအားလုံး လွတ်မြောက်ရေး လက်မှတ်ထိုး တောင်းဆို သည့် လှုပ်ရှားမှုကို စတင်လိုက်ကြောင်း သိရသည်။

တောင်းဆိုချက်များမှာ နိုင်ငံရေး အကျဉ်းသားများကို ခြွင်းချက် မရှိ လွှတ်ပေးရေး၊ ပြည်တွင်းစစ် ရပ်စဲရေး နှင့် ပြည်တွင်းငြိမ်း ချမ်းရေးရရှိရန် ဖော်ဆောင်ပေးရေး၊ ပြည်ပရောက် မြန်မာများ ပြည်တွင်း ပြန်လည် ၀င်ရောက် နေထိုင်နိုင် ရေးတို့ အတွက် ကောင်းမွန်သည့် အခြေအနေတခုကို အစိုးရသစ် အနေနှင့် အမြန်ဆုံးအကောင်အထည်ဖော်ပေးရေးတို့ ဖြစ်သည်။

“တောင်းဆိုချက်စာတမ်းကတော့ ပြည်သူလူထုကနေပြီး မိမိတို့ရဲ့လိုလားချက်ကို သမ္မတ ဆီကို တောင်းဆိုတာပေါ့၊ တွေ့ဆုံဆွေးနွေးရေးဖြစ်ပေါ်ဖို့ လမ်းစဖွင့်နေတာပဲ၊ အားလုံးက တော့ ဆက်လက်မှတ်ထိုးသွားကြမှာ၊ ကျနော်ထင်တယ်၊ တိုင်းနှင့် ပြည်နယ်တွေ အားလုံး မှာလည်း သူတို့လူငယ်တွေလုပ်သွားကြမှာပဲ၊ ကောင်းမွန်တော်သင့်တဲ့ တောင်းဆိုချက်တွေကို သဘောတူ လက်ခံကြလို့ မျှော်လင့်ချက်ထားပြီး လက်မှတ်ထိုးကြ တာ၊ ဒါဟာလုပ်သင့်လုပ်ထိုက်တာကို လူငယ်တွေက ညှိနိုင်းလုပ်နေကြတာ ”ဟု NLD ခေါင်းဆောင်တဦးဖြစ်သူ ဦးဝင်းတင် က ဧရာဝတီကို ပြောသည်။

အဆိုပါလက်မှတ်ထိုးလှုပ်ရှားမှုကို တနိုင်ငံလုံး အတိုင်းအတာနှင့် လုပ်ဆောင်သွားမည် ဖြစ်ပြီး သမ္မတ ဦးသိန်းစိန်ထံ လာ မည့် ဧပြီလ ၂၂ ရက်နေ့တွင် တရားဝင် တင်ပြသွားမည်ဟု သိရသည်။

“ဒေါ်အောင်ဆန်းစုကြည်က ပထမဆုံး လက်မှတ်ရေးထိုးပြီး NLD ခေါင်းဆောင်တွေ၊ ပါတီဝင်တွေ၊ ၀ါရင့်နိုင်ငံရေး သမားကြီးတွေ၊ တိုင်းရင်းသား ခေါင်းဆောင်တွေ၊ နိုင်ငံရေး တက်ကြွလှုပ်ရှားတဲ့ ၈၈ မျိုးဆက်ကျောင်းသားတွေ၊ နိုင်ငံရေး အကျဉ်းသား မိသားစု ၀င်တွေနဲ့ လူထုပါ ပါဝင်လက်မှတ်ရေးထိုးသွားကြမှာဖြစ်ပြီး သမ္မတ ဦးသိန်းစိန် ဆီကို ကျယ်ပြန့်တဲ့ ပြည်သူလူထုရဲ့ ဆန္ဒကို တင်ပြသွားမှာပါ”ဟု နိုင်ငံရေးလှုပ်ရှားသူ ကိုဖြိုးမင်းသိန်းက ဆိုသည်။

မြန်မာနိုင်ငံတွင် အမျိုးသားပြန်လည်သင့်မြတ်ရေး ခိုင်မာစွာရရှိစေရန် နိုင်ငံရေး အကျဉ်းသား လွတ်မြောက်ရေးသည် အ ရေး ကြီးသည့် နိုင်ငံရေး ပြုပြင်ပြောင်းလဲမှု၏ ကနဦးခြေလှမ်း တရပ်ဖြစ်ကြောင်း ပြည်တွင်းဒီမိုကရေစီရေး လှုပ်ရှားသူများနှင့် နိုင်ငံတကာအသိုင်းအ၀ိုင်း က အစဉ်တစိုက် ထောက်ပြတောင်းဆိုနေကြသည်။

“မနေ့ကပဲ ဒီလက်မှတ်ထိုးလှုပ်ရှားမှုက စတင်လိုက်တာ၊ ပိုမိုကျယ်ပြန့်တဲ့ Signature Campaign အဖြစ် လက်မှတ် တွေက တော့ ရသလောက် ဆက်ကောက်ခံသွားမှာ ဖြစ်တယ်၊၊ အခု ရာချီတဲ့ လက်မှတ်တွေရနေပြီ။ အမြန် စာပို့စနစ်နဲ့ ပြည်သူလူထုရဲ့ တောင်းဆိုမှုအဖြစ်ပို့မှာ၊ ကျနော်တို့အနေနဲ့ နိုင်ငံရေး အကျဉ်းသားတွေကို အမြန်ဆုံးပြန်လွှတ်ဖို့ အတွက် မျှော်လင့်ချက်ထားတယ်”ဟု ကိုဖြိုးမင်းသိန်း က ဆက်လက် ပြောသည်။

သို့သော် ယခုလက်မှတ်ရေးထိုးတောင်းဆိုမှုသည် သက်ဆိုင်ရာ အစိုးရသစ် သမ္မတနှင့် အစိုးရအဖွဲ့တို့၏ ဒီမိုကရေစီ ဖော် ဆောင်ရေးလုပ်ရပ်များပေါ်တွင် အကျိုးရလဒ် သည်တည်နေ ကြောင်းနှင့် တောင်းဆိုချက်အားလုံးသည် လက်တွေ့ကျသော တိုင်းပြည်၏ လက်ငင်း လိုအပ်ချက်ဖြစ်သည်ဟု ဦးဝင်းတင်က ပြောကြားသည်။

မကြာသေးမီရက်ပိုင်းကလည်း NLD က နိုင်ငံရေး အကျဉ်းသား လွှတ်ပေးရေး အပါအ၀င် သမ္မတသစ်အနေနှင့် ၄င်း၏ မိန့်ခွန်းပါ ကတိအတိုင်း ပြည်တွင်း ငြိမ်းချမ်းရေး၊ ဖွံ့ဖြိုး တိုးတက်ရေးတို့ကို လုပ်ဆောင်ရန် တိုက်တွန်းတောင်း ဆိုထား သည့် စာတစောင်ကို အစိုးရသစ် သမ္မတ ဦးသိန်းစိန်ထံသို့ ပို့ဆောင်ခဲ့သည်။

မြန်မာနိုင်ငံ အကျဉ်းထောင်အသီးသီးတွင် နိုင်ငံရေးအကျဉ်းသား ပေါင်း ၂၀၀၀ ကျော်ရှိ နေပြီး အများစုမှာ နှစ်ရှည်ထောင် ဒဏ်ကျခံနေကြလျက် ရပ်ဝေးထောင်များသို့ပြောင်းရွှေ့ ခံထားရသောကြောင့် ကျန်းမာရေး၊ စားသောက်ရေး အခက်အခဲ များစွာ ရှိနေကြောင်း နိုင်ငံရေးအကျဉ်းသား မိသားစုဝင်များက ပြောသည်။

“နိုင်ငံရေးအကျဉ်းသား လွှတ်ပေးဖို့လှုပ်ရှားတာကိုတော့ ကြိုဆိုတယ်၊ လူကိုယ်တိုင် လွတ်လာမှပဲ လွတ်လာပြီလို့ သဘော ထားရမှာပဲ”ဟု ၈၈ မျိုးဆက်ကျောင်းသား ခေါင်းဆောင် ကိုကိုကြီး၏ ညီဖြစ်သူ ကိုအောင်အောင်ထွန်းက ဆိုသည်။

မြန်မာနှစ်သစ်ကူး နှစ်ဆန်း ၁ ရက်နေ့မှစပြီး မြန်မာအစိုးရသစ်အနေနှင့် အကျဉ်းသား ထောင်ချီလွှတ်ပေးမည်ဟု သတင်း များထွက်ပေါ်လာခဲ့ရာ နိုင်ငံရေး အကျဉ်းသားများ ပြန်လည်လွတ်မြောက်ရေးအတွက် မိသားစုဝင်များက မျှော်လင့်နေကြ ကြောင်းလည်း သိရသည်။

ထို့အပြင် ယမန်နေ့က NLD ရုံးချုပ်တွင် ပထမဆုံးအကြိမ် အညတရ သူရဲကောင်းဆု ပေးပွဲကိုလည်း ကျင်းပခဲ့ သည်။ အဆိုပါဆုကို နိုင်ငံရေးအကျဉ်းသား ၃ ဦးက ရရှိခဲ့ပြီး တဦးလျှင် ငွေကျပ် ၁၀ သိန်း စီရရှိမည်ဖြစ်သည်။ ထိုဆုပေးပွဲမှ စတင်ကာ စုပေါင်း လက်မှတ်ရေးထိုး တောင်းဆိုမှုကို ပြုလုပ်ခဲ့ခြင်းဖြစ်သည်။

အဆိုပါဆုသည် ဂျပန်ရောက်မြန်မာများက စုပေါင်းချီးမြှင့်ခြင်းဖြစ်ပြီး ဦးဝင်းတင် ဦးဆောင်သော ဆုရွေးချယ်ရေးအဖွဲ့က လက်ရှိအကျဉ်းကျခံနေကြရသော နိုင်ငံရေး အကျဉ်းသားများဖြစ်သည့် မဂ္ဂင်ကျောင်းတိုက်မှ ဆရာတော် ဦးအိန္ဒက (ဦးအောင် သန်းမြင့်)၊ ထောင်ဒဏ်အကြိမ်ကြိမ်ကျခံနေရသည့် ဦးခင်ဝင်း(ဘိုးတော်ခင်ဝင်း)၊ HIV/AIDS ဝေဒနာသည်များကို ကူညီပေးခဲ့သူ ဦးသန်းနိုင် တို့ ၃ ဦး ကို အညတရ သူရဲကောင်းများအဖြစ် ယခုနှစ်အတွက် ရွေးချယ်ခဲ့သည်။

အဆိုပါ အညတရ သူရဲကောင်း ၃ ဦး လုံးသည် အကျဉ်းထောင်အကြိမ် ကြိမ် ကျခံခဲ့ရသူများဖြစ်ပြီး ယခုလည်း အကျဉ်း ထောင်အသီးသီးတွင် နှစ်ရှည်ထောင်ဒဏ် ကျခံနေရသူများဖြစ်သည်။

Ref;Irrawaddy