2013-02-05
ကုလသမဂ္ဂ အတွင်းရေးမှူးချုပ်ရဲ့ အထူးကိုယ်စားလှယ် မစ္စတာ ဗီဂျေးနမ်ဘီယား၊ သမ္မတရုံးဝန်ကြီး ဦးစိုးသိန်းနဲ့ လူဝင်မှုကြီးကြပ်ရေး နဲ့ ပြည်သူ့အင်အားဝန်ကြီးဌာန ပြည်ထောင်စု ဝန်ကြီး ဦးခင်ရီတို့ဟာ ဖေဖေါ်ဝါရီလ ၅ ရက် ဒီကနေ့ မနက်ပိုင်း ၁၁ နာရီ လောက်က မြစ်ကြီးနားမြို့ကို ရောက်ရှိလာပြီး မြစ်ကြီးနား နဲ့ ဝိုင်းမော်မြို့နယ်က စစ်ပြေး ဒုက္ခသည် စခန်း ၄ ခုကို လေ့လာခဲ့ကြပါတယ်။
နေ့လည်ပိုင်းမှာတော့ မြစ်ကြီးနား မြို့တော်ခန်းမမှာ လူမှုအဖွဲ့အစည်းတွေ အပါအဝင် ဒေသခံလူထုနဲ့ တွေ့ဆုံခဲ့ပါတယ်။
"ကချင်ပြည်နယ်ခရီးစဉ်ဟာ သူ့အတွက် ပထမဆုံးအကြိမ်ဖြစ်ကြောင်း၊ လတ်တလော အခြေအနေမှာ ပဋိပက္ခတွေ ပြေလျော့စပြုနေပြီဖြစ်ကြောင်း၊ ကုလသမဂ္ဂနဲ့ နိုင်ငံတကာ လူသားချင်းစာနာမှု အကူအညီပေးရေး အဖွဲ့တွေက ကချင်ပြည်နယ်က စစ်ဘေးရှောင်စခန်းတွေကို အမြန်ဆုံးကူညီပေးနိုင်ဖို့ မြန်မာအစိုးရနဲ့ ညှိနှိုင်းဆောင်ရွက်သွားမယ်"လို့ မစ္စတာ ဗီဂျေးနမ်ဘီယား က ပြောခဲ့ပါတယ်။
ကချင်ပြည်နယ် ငြိမ်းချမ်းရေးနဲ့ ပတ်သက်ပြီး သမ္မတရုံးဝန်ကြီး ဦးစိုးသိန်းကလည်း အခုလို ပြောဆိုပါတယ်။
“ငြိမ်းချမ်းရေးလုပ်တဲ့နေရာမှာ တစ်ဖက်ကတိုင်းရင်းသားတွေရဲ့ ခေါင်းဆောင်တွေကို ကျနော်တို့က အခွင့်အရေးတွေပေးပြီးတော့ ဒီလိုငြိမ်းချမ်းရေးလည်း မဟုတ်ပါဘူး၊ ဘာအခွင့် အရေးမှ မပေးဘူး၊ ပြီးခဲ့တဲ့ ၁၀ ဖွဲ့ မနေ့တနေ့က နောက်ဆုံးတွေ့ခဲ့တဲ့ ဗိုလ်ချုပ်ဂွမ်မော်တို့အဖွဲ့နဲ့ ကျနော်တို့ တွေ့တာပါ၊ ခင်ဗျားတို့ဘာပေးမလဲ ဒီလိုလည်းမဟုတ်ဘူး၊ ကျနော်တို့ အပေးအယူတစ်ခုမှမရှိဘူး။ ငြိမ်းချမ်းရေးက ပြည်သူအတွက်ကောင်းတယ်၊ ခင်ဗျားလုပ်မလား၊ မလုပ်ဘူးလား၊ လုပ်ရင် ကျနော်တို့လုပ်ကြမယ်၊ ဒီသဘောနဲ့ ကျနော်တို့ ကေအဲန်ယူ၊ ရှမ်း၊ ကယား၊ ချင်း၊ ရခိုင် စသဖြင့် ဒီအဖွဲ့တွေနဲ့ ကျနော်တို့ ဆောင်ရွက်ခဲ့ခြင်းဖြစ်တယ်”
ကုလသမဂ္ဂ အထူးကိုယ်စားလှယ်နဲ့ ပြည်ထောင်စုဝန်ကြီး တို့အဖွဲ့ဟာ မြစ်ကြီးနားမြို့မှာရှိတဲ့ ဂျန်မိုင်ကောင်းနဲ့ စီတာပူရပ်ကွက်၊ ဆွတ်ငိုင်တောင် နှစ်ချင်းအသင်းတော်တွေက ကယ်ဆယ်ရေးစခန်းတွေ၊ ဝိုင်းမော်မြို့နယ်က သာဂရသရက်တော ဗုဒ္ဓဘာသာဘုန်းတော်ကြီးကျောင်း၊ မိုင်းနား စိန့်ဂျိုးဇက် ကက်သလစ်အသင်းတော် ကယ်ဆယ်ရေးစခန်း လေးခုမှာရှိတဲ့ စစ်ဘေးရှောင်ပြည်သူတွေကို သွားရောက်ကြည့်ရှုခဲ့ပြီး နေ့လည် ၂ နာရီခွဲလောက်မှာ ရှမ်းပြည်နယ်မြောက်ပိုင်း လားရှိုးမြို့ကို ထွက်ခွာသွားတယ်လို့ သိရပါတယ်။
Ref: အာရ်အဖ်အေ
2 hours ago
Posts
0 comments:
Post a Comment