2013-02-04
ကချင်ပြည်နယ်၊ဖားကန့်မြို့နယ် အတွင်းမှာရှိတဲ့ ကျောက်စိမ်း လုပ်ကွက်တွေမှာ ကျောက်စိမ်းနဲ့ရွှေ တစ်နိုင်တစ်ပိုင် တူးဖော်လုပ်ကိုင်နေ ကြသူတွေကို ဖေဖော်ဝါရီ ၁ ရက်နေ့ကစပြီး သက်ဆိုင်ရာဒေသ အာဏာပိုင်တွေက အတင်းပြောင်းရွှေ့ခိုင်းနေတယ်လို့ ဒေသခံတွေ က ပြောပါတယ်။
အဲဒီလို ပြောင်းရွှေ့ခိုင်းနေတာကြောင့် အခုရက်ပိုင်း အတွင်း တနိုင်တပိုင် အလုပ်လုပ်ကြသူ ဦးရေ ၆ သောင်းနီးပါး ပြောင်းရွှေ့သွားကြပြီးပြီလို့ သိရပါတယ်။
ပြောင်းရွှေ့နေရတဲ့ အခြေအနေနဲ့ ပတ်သက်ပြီး ဒေသခံတစ်ဦးက RFA ကို အခုလို ပြောပါတယ်။
"ကျွန်တော်တို့ လက်ရှိလုံးခင်းတဝိုက်မှာ အထူးသဖြင့် ရွှေ့ပြောင်းခိုင်းတယ်၊ တဲတွေ တော်တော်များများကတော့ ပြောင်းသွားကြပါပြီ၊ တချို့နေရာတွေမှာကျတော့ တဲတွေဖျက်ပြီးမှ ပြောင်းခိုင်းတယ်"
ဒါ့အပြင် ကျောက်စိမ်းတွင်း လုပ်ကွက်တွေထဲမှာ လုံခြုံရေးအင်အားတွေ သိသိသာသာ တိုးမြှင့်ချထားတာတွေလည်း တွေ့နေရတယ်လို့ သိရပါတယ်။
ဖားကန့် ကျောက်စိမ်းတွင်းတွေမှာ ကင်းလှည့်နေတဲ့ စစ်တပ်တွေနဲ့ လုံခြုံရေး တပ်ဖွဲ့ဝင်တွေဟာ တစ်နိုင်တစ်ပိုင် တူးဖော် လုပ်ကိုင်နေသူတွေ တူးဖော်ရရှိတဲ့ ကျောက်တွေအပါအဝင် ကျောက်တူးဖော်တဲ့ ပစ္စည်းကိရိယာတွေကိုပါ လုံခြုံရေး တာဝန်ကို အကြောင်းပြပြီး နေ့စဉ် ရက်ဆက်ဆိုသလို သိမ်းယူတာတွေလည်း ရှိနေတယ်လို့ ကျောက်တူးဖေါ်သူတွေက ပြောပါတယ်။
Ref: အာရ်အဖ်အေ
Posts
0 comments:
Post a Comment