2013-01-07
ဒုတိယကမ္ဘာစစ်အပြီး မြန်မာနိုင်ငံတွင်း မှာ ဗြိတိသျှစစ်တပ်က လျှို့ဝှက်မြှုပ်နှံထားခဲ့တယ်ဆိုတဲ့  Spitfire တိုက်လေယာဉ်တွေ ကို ပြန်လည် ရှာဖွေတူးဖေါ်ကြမယ့်အဖွဲ့ဟာ ရန်ကုန်မြို့ကို မနေ့က ရောက်ရှိလာခဲ့ကြပါတယ်။
လယ်ယာလုပ်ငန်းရှင်တစ်ဦးဖြစ်သူ မစ္စတာ David Cundall ဦးဆောင်တဲ့ ၂၁ဦးပါအဖွဲ့ဟာ ရန်ကုန် မင်္ဂလာဒုံလေယာဉ်ကွင်းအနီးမှာ စတင်ရှာဖွေတူးဖေါ်ကြမယ်လို့ သိရပါတယ်။
လေယာဉ်အစိတ်အပိုင်းတွေကို မြေအောက် ပေသုံးဆယ်လောက်အနက်မှာ သစ်သားအိမ်တွေအတွင်း ထည့်သွင်းမြှုပ်နှံခဲ့တာဖြစ်ပြီး တူးဖေါ်ဖို့အတွက် သီတင်းပတ် လေးပတ်ကနေ ခြောက်ပတ်အထိ အချိန်ယူရမှာဖြစ်ကြောင်း၊ လေယာဉ်တွေရဲ့အခြအနေ အသစ် အတိုင်းကောင်းမွန်နေလိမ့်မယ်လို့ မိမိတို့ မျှော်လင့်ထားကြောင်း မစ္စတာ David Cundall က ခရီးရောက်မဆိုက်မှာပဲ သတင်းထောက် တွေကို ပြောကြားပါတယ်။
Spitfire တိုက်လေယာဉ်တွေကို ရန်ကုန် မင်္ဂလာဒုံ လေယာဉ်ကွင်းအနီးမှာ ၃၆စီး၊ ကချင်ပြည်နယ် မြစ်ကြီးနားမှာ ၁၈စီး၊ မြန်မာပြည် အလယ်ပိုင်း မိတ္ထီလာမြို့မှာ ၆စီး မြှုပ်နှံထားတယ်လို့ ယုံကြည်ရကြောင်း တူးဖေါ်ရေးအဖွဲ့ကပြောပါတယ်။
Ref: အာရ်အဖ်အေ
41 minutes ago
Posts
0 comments:
Post a Comment