ဒေါ်အောင်ဆန်းစုကြည် လုံခြုံရေး

ဦးသန်းလွင်ထွန်း
တနင်္ဂနွေ, 05 ဒီဇင်ဘာ 2010

တတိယအကြိမ်မြောက် နေအိမ် အကျယ်ချုပ်ကနေ ပြန်လွတ် လာပြီးနောက်ပိုင်း မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်ရဲ့လုံခြုံရေးကို လူအများက ပိုပြီး စိုးရိမ်တကြီး ရှိနေကြပါတယ်။ ၂ဝဝ၃ ခုနှစ်၊ မေလက ဒီပဲယင်းမှာ ကြုံတွေ့ခဲ့ရတဲ့ လူအုပ်နဲ့ တိုက်ခိုက်မှု၊ ၂ဝဝ၇ ခုနှစ်၊ သံဃာ့ လှုပ်ရှားမှုမှာ မြင်ခဲ့ရတဲ့ စစ်အစိုးရက မြေတောင် မြှောက်ပေးထားတဲ့ စွမ်းအားရှင် လူရမ်းကားတွေရဲ့ဗြောင်ကျကျ ကျူးလွန်မှု စတာတွေကြောင့်လည်း အခုလို စိုးရိမ်မှုတွေ ပိုလာနေတာလည်း ဖြစ်ပါတယ်။

ဒေါ်အောင်ဆန်းစုကြည်ရဲ့ အနီးကပ်လုံခြုံရေးကို လူငယ်အဖွဲ့ဝင်တွေနဲ့အတူ တာဝန်ယူ ဆောင်ရွက် ပေးနေတဲ့ အန်အယ်လ်ဒီ ဗဟို ကော်မတီဝင် ဗိုလ်ကြီးဟောင်း ဦးဝင်းထိန်ကို ဆက်သွယ် မေးမြန်း ထားပါတယ်။

ဦးဝင်းထိန်။ ။ အဲဒီလုံခြုံရေးနဲ့ပတ်သက်လို့ ပြည်တွင်းကရော ပြည်ပကရော ကျနော့ကိုတင် မကဘူး။ တခြားနီးစပ်ရာ နီးစပ်ရာ လူကြီးတွေဆီကို ဒေါ်စုရဲ့ လုံခြုံရေးနဲ့ ပတ်သက်လို့ စိုးရိမ်ကြတယ် ဆိုတဲ့ စကားတွေ၊ နောက် စာတွေ၊ တယ်လီဖုန်းတွေ အခုလိုပဲ ရပါတယ်။ ရတဲ့အခါမှာ ကျနော်တို့ စဉ်းလည်း စဉ်းစားတယ်။ နောက် လူကြီးတွေနဲ့လည်း တိုင်ပင်တယ်။ တိုင်ပင်တဲ့ အခါကျတော့ ကျနော်တို့ ကိုယ်တိုင်က တပ်ထဲမှာ လူကြီးတွေ VIP တွေ ဆိုပါတော့ဗျာ။ အထက်က ဗွီအိုင်ပီတွေကို လုံခြုံရေး လုပ်တယ်ဆိုတာ ဘယ်လို လုပ်ခဲ့တယ်ဆိုတာ သိတဲ့အခါ အဲဒီ စံနှုန်းနဲ့သွားပြီး လုပ်ဖို့ကတော့ ကျနော်တို့ ဘယ်လိုမှ မဖြစ်နိုင်ဘူး။ မဖြစ်နိုင်တဲ့ အခါကျတော့ ဘယ်လို နည်းနဲ့ လုပ်လို့ရမလဲ- စဉ်းစားကြတဲ့ အခါမှာ ကျနော်တို့က ဒေါ်စုရဲ့ လုံခြုံရေးကို ခန္ဓာကိုယ်တွေ နဲ့ပဲ ကာကွယ်ရမယ်။ Human Shields ဒါပဲ ရှိတယ်။ ၈၈၊ ၈၉ တောက်လျှောက် ကျနော် အပြင်မှာ၊ ၉၅၊ ၉၆ တောက်လျှောက် ဖြစ်တဲ့ အခါမှာလည်း ဒီလိုပဲ လုပ်ခဲ့ကြရတာပဲ။

အဲဒီတော့ လူငယ်တွေကိုလည်းပြောထားတယ်။ သူတို့အချင်းချင်းလည်း ပြောထားတယ်။ ဒေါ်စု အန္တရာယ်ရှိမယ့် ကိစ္စ ဆိုတော့ တို့က တို့ ခန္ဓာကိုယ်တွေ နဲ့ပဲ ကာကွယ်ရမယ်။ ခန္ဓာကိုယ်တွေနဲ့ ကာကွယ်တဲ့ အခါမှာ လူငယ်တွေက အဓိကပဲ။ ကျနော်တို့ လူကြီးဆိုတာ ဘေးက နေပြီးတော့ ရံပြီးတော့ ရှေ့က ကြည့်မယ်၊ နောက်က ကြည့်မယ်၊ ဘေးက ကြည့်မယ်၊ နောက်ပြီးတော့မှ လူငယ်တွေကိုလည်း ဒေါ်စုကို ချဉ်းကပ်တဲ့ ပုဂ္ဂိုလ်တွေကို ဘယ်လိုကြည့်ထား၊ ဘယ်သူ့ကို ဘယ်လိုကြည့်၊ လက်အမူအယာ၊ မျက်နှာအမူအယာ အစ ရှိသည်ဖြင့်ပေါ့။ အဲလိုလောက်ပဲ ကျနော်တို့ လုပ်နိုင်တယ်။

သွားတဲ့လာတဲ့အခါမှာလည်း အန္တရာယ်ရှိတတ်တဲ့ နေရာတွေ၊ လူတွေရဲ့ လှုပ်ရှားမှု၊ အဲလိုပဲ လုပ်နိုင်တယ်။ လုပ်နိုင်တဲ့ အခါကျတော့ တကယ်တန်း ပြောမယ် ဆိုရင်တော့ ကျနော်တို့ လုပ်ခဲ့တဲ့ အရင်တုံးက တပ်ထဲမှာ ကြုံခဲ့ဖူးတယ် ဆိုရင်တော့ နည်းနည်း ရီစရာတောင် ကောင်းနေအုံးမယ်။ ဘာမှ လုံခြုံရေးနဲ့ ပတ်သက်လို့ရှိရင် အင်မတန်မှ အားနည်းတယ် ဆိုတာကို ကျနော်တို့လည်း သိတယ်။

ဦးသန်းလွင်ထွန်း။ ။ ဟုတ်ကဲ့ခင်ဗျ။ ဒေါ်အောင်ဆန်းစုကြည်ကိုယ်တိုင်ကလည်း ဒီကိစ္စနဲ့ ပတ်သက်လို့ ဖြေကြား ထားတာ ကျနော်တို့ ကြားရပါတယ်။ အထူးသဖြင့် အန်အယ်လ်ဒီလို အဖွဲ့ အစည်းမျိုးက လက်နက်ကိုင် အဖွဲ့အစည်းလည်း မဟုတ်တဲ့ အတွက်ကြောင့်မို့လို့ လုံခြုံရေးနဲ့ ပတ်သက်လို့ ရှိရင်တော့ တတ်နိုင်သမျှပဲ ဆောင်ရွက်နိုင်မယ်။ သူ့အနေနဲ့လည်း သူ့ရဲ့လုံခြုံရေးကို စီမံ ဆောင်ရွက်ပေးနေတဲ့ လူငယ်တွေကို ယုံကြည်မှု၊ ကိုးစားမှု ရှိပါတယ်လို့ သူပြောထားတယ်လေ။ ဒါပေမဲ့ ဒီနေရာမှာ သက်ဆိုင်ရာ အစိုးရ အဖွဲ့ အနေနဲ့ရော လုံခြုံရေး အဖွဲ့တွေ အနေနဲ့ရော ဒီမြန်မာ နိုင်ငံမှာ အရေးကြီးတဲ့ သူတယောက်အနေနဲ့ သတ်မှတ်ပြီးတော့ လုံခြုံရေး အတွက်ကို လုပ်ပေးဖို့ ကမ်းလှမ်းတာတွေ ဘာတွေ မရှိဘူးလားခင်ဗျ။

ဦးဝင်းထိန်။ ။ အဲလို ကမ်းလှမ်းတာတော့ မရှိဘူးဗျ။ ဒါပေမဲ့ ကျနော်တို့ လူကြီးတွေရော၊ ကျနော်တို့ရဲ့ ကိုယ်ပိုင် အယူအဆအရ ဒေါ်အောင်ဆန်းစုကြည်ဟာ အခု ကမ္ဘာမှာရော ဗမာပြည်မှာရော အင်မတန်ကို အရေးပါတဲ့ Icon တယောက်ဖြစ်နေပြီ။ ဖြစ်နေတဲ့ အတွက်ကြောင့်မို့လို့ အဲဒီလူရဲ့ လုံခြုံရေးဟာ အဓိက တာဝန်က တိုင်းပြည် အုပ်ချုပ်တဲ့ အစိုးရ တာဝန်ပဲလို့ ကျနော်တို့ သတ်မှတ် ယုံကြည်ထားတယ်။

အဲဒီလို ယုံကြည်တာက တပိုင်းပေါ့။ နောက်ပြီးတော့မှ ဒေါ်စုရဲ့လုံခြုံရေးကို ကျနော်တို့ နီးစပ်တဲ့ ခန္ဓာကိုယ် ရင်းပြီးတော့မှ Human Shields နဲ့ ကာကွယ် တာကတပိုင်း၊ နောက်တပိုင်းက ဒေါ်စုရဲ့ စိတ်နေ သဘာဝပေါ့။ ၁၉၈၉ တုန်းက မြစ်ဝ ကျွန်းပေါ် ဓနုဖြူမှာ ဖြစ်ခဲ့ဖူးတယ်။ ဓနုဖြူမှာ ရှိတဲ့ မ.ဝ.တ ဥက္ကဋ္ဌက ဒေါ်စုကို သေနတ်နဲ့ ချိန်ပြီးတော့ တိုးရင် ပစ်မယ်ဆိုတဲ့ အနေအထားမှာ ဒေါ်စုက အဲဒီ ပစ်တဲ့နေရာကို သွားမယ် ဆိုပြီးတော့ ခြေလှမ်းလှမ်းတယ်။ လှမ်းတဲ့ အချိန်မှာ အဲဒီတုန်းက ဦးကြည်မောင် ရှိသေးတာပေါ့။ ကျနော်က တခြားနေရာ ရောက်နေတယ်။ ဦးကြည်မောင်က ဒေါ်စုကို ဖယ်တယ်။ မရဘူး။ ဒေါ်စုက ရှေ့တိုးသွားတယ်။ အဲဒီအချိန်မှာ ကံကောင်း ချင်တော့ အဲဒီအရာရှိရဲ့ အထက်အရာရှိက အဲဒီလူရဲ့ လက်နက်ကို လုပြီးတော့မှ နပန်းလုံးပြီး လက်နက်ကို လုလိုက်တဲ့ အတွက်ကြောင့် အဲဒီတုန်းက ပစ်တာခတ်တာမျိုး မဖြစ်ခဲ့ဘူး။

အဲဒီရဲ့သင်ခန်းစာက ဘာလဲဆိုရင် ဒေါ်အောင်ဆန်းစုကြည်သည် သူ့ကို အသက်အန္တရာယ် ရှိသည့် တိုင်အောင် တောင်မှ သတ္တိ ပြောင်ပြောင်နဲ့ အန္တရာယ်ကို ရင်ဆိုင်ရဲတဲ့ စိတ်ဓာတ်ရှိတယ်။ တနည်းအားဖြင့် ပြောမယ် ဆိုရင် နည်းနည်း ခေါင်းမာတယ် ဆိုတဲ့ သဘောတော့ ပါတာပေါ့။

ဦးသန်းလွင်ထွန်း။ ။ ဟုတ်ကဲ့ခင်ဗျ။ ဒီနေရာမှာ တချက်ပြောချင်တာကတော့ ဒါ အသက်ကို ဉာဏ်စောင့် ဆိုတဲ့ စကားပေါ့နော်။ ဒီနေရာမှာ ဒေါ်အောင်ဆန်းစုကြည် အနေနဲ့ လူထုကို ယုံကြည် ကိုးစားမှုရှိတယ်။ သူ့ကို လူထုအနေနဲ့ ချစ်မြတ်နိုးမှု ရှိပြီးတော့ ဒီလို အန္တရာယ် တစုံတရာ ပေးမှာ မဟုတ်ဘူး ဆိုပြီးတော့ ယုံကြည်မှုရှိတယ် ဆိုပေမဲ့လည်း ဒါ တထစ်ချ ပြောလို့မရတဲ့ အခြေအနေမျိုးတွေ ရှိခဲ့တယ် ဆိုတာက ဒီပဲယင်းမှာ ဖြစ်ခဲ့တာက သက်သေ ထူနေပါတယ်။

အဲဒီတော့ ဒီလိုကိစ္စမျိုးမှာ အစောက ဦးဝင်းထိန်ပြောသလိုပေါ့နော်၊ ဒေါ်စု သွားရာခရီး တလျှောက်မှာ ကိုယ်ခန္ဓာ တွေနဲ့ သက်ဆိုင်ရာ အမျိုးသား ဒီမိုကရေစီ အဖွဲ့ချုပ်က လူငယ်တွေက လိုက်လံ ကာကွယ်ပေးတာထက် တခြား ခရီးသွားလာမှု ကိစ္စမှာ ကြိုတင် စီမံခန့်ခွဲမှုတွေ၊ လူထုအပေါ်ကို ကြိုတင်ပြီးတော့ စည်းကမ်း တကျနဲ့ အနားမကပ်ဖို့ ကိစ္စတွေ ဘာတွေ အဲလို ကြိုတင် စီမံချက်တွေ ဘာတွေ လုပ်နိုင်တာတွေ မရှိဘူးလား။

ဦးဝင်းထိန်။ ။ အဲဒါမျိုးတွေက ၈၈၊ ၈၉ ကတည်းက လုပ်ထားတာတွေ ရှိခဲ့ပါတယ်။ အခုလည်း ညှိနှိုင်းပြီး လုပ်နေ ကြတာတွေ ရှိပါတယ်။ ဒါ တချက်ပေါ့။ နောက်တချက်က အခုလက်ရှိ တိုင်းပြည်ကို အုပ်ချုပ်နေတဲ့ အစိုးရရဲ့ သဘောထားကို ကြည့်မယ်ဆိုရင် ဗိုလ်ချုပ်မှူးကြီး သန်းရွှေတို့၊ ဒုတိယ ဗိုလ်ချုပ်မှူးကြီး မောင်အေးတို့၊ ဦးသူရရွှေမန်းတို့၊ ဦးတင်အောင်မြင့်ဦးတို့ နောက်ထပ် တက်တဲ့ လူငယ်တွေ တော်တော်များများဟာ ဒေါ်အောင်ဆန်းစုကြည် တန်ဖိုးကို သူတို့ နားမလည်ဘူး။

ဒေါ်အောင်ဆန်းစုကြည်သည် ဗမာပြည်အတွက် တချိန်မှာ သူတို့ လုပ်တာထက် ထွန်းထွန်း ပြောင်ပြောင် လုပ်နိုင်တယ် ဆိုတဲ့ အနေအထားကို သူတို့ လက်မခံဘူး။ ဘာကြောင့်လဲ။ သူတို့က အာဏာ မစွန့်လွှတ် ချင်ကြပဲကိုး။ အဲလို မစွန့်လွှတ်ချင်တဲ့ အတွက်ကြောင့် ဒေါ်စုဟာ တချိန်မှာ တခုခုဖြစ်ပြီ။ ဥပမာ ဆိုပါတော့ဗျာ- အိန္ဒိယမှာဖြစ်တယ်၊ ရာဂျစ် ဂန္ဒီဖြစ်တယ်၊ အင်ဒီရာဂန္ဒီဖြစ်တယ်၊ အဲလိုဖြစ်နိုင်တဲ့ ဖြစ်နိုင်တဲ့ အလားအလာတွေ ကျနော်တို့ အများကြီး တွက်ထားပြီးသား။ အဲလိုဖြစ်လို့ရှိရင် ကျနော်လည်း အနားမှာ ရှိနေတော့ ကျနော်လည်း ပါရင် ပါသွားမှာပဲ။ အသက်စွန့်ရမှာပဲ။ ဒါပေမဲ့ တမင်သက်သက် အာဇာနည် ဖြစ်ချင်လို့တော့ မဟုတ်ဘူးပေါ့။

ကျနော်တို့မှာ ဘာမှလက်နက်မရှိတဲ့ အတွက်ကြောင့်မို့လို့ လုပ်ရင်တော့ ကျနော်တို့ခံရမယ်။ ဘာကြောင့် လုပ်ရင် ခံရမလဲ ဆိုလို့ရှိရင် ထိပ်တန်း အာဏာရှိနေတဲ့ ပုဂ္ဂိုလ်တွေဟာ ဒေါ်စုအပေါ်မှာ လုံးဝကရုဏာ မရှိဘူးဆိုတာ ကျနော်တို့ ကောင်းကောင်းသိတယ်။

ဦးသန်းလွင်ထွန်း။ ။ ဟုတ်ကဲ့။ အခု ပြီးခဲ့တဲ့ရက်ပိုင်းတွေအတွင်း ဒေါ်စု ရန်ကုန်မြို့ထဲမှာ သွားတဲ့ လာတဲ့ မြင်ကွင်းတွေ ပေါ့နော်။ ကျနော်တို့ ဗွီဒီယိုကနေ ကြည့်တဲ့ အခါကျတော့ အမျိုးသား ဒီမိုကရေစီ အဖွဲ့ချုပ်လူငယ်တွေ အနေနဲ့ စောစောက ဦးဝင်းထိန် ပြောသလိုပဲ၊ လက်နဲ့ တားပြီးတော့ လူအုပ်ကို ထိန်းတာကို တွေ့ရတယ်လေ။ ဒါပေမဲ့လည်း အဲလို ထိန်းတဲ့ အခြေအနေက အထူး သဖြင့်ပေါ့နော် ထိန်းတဲ့ လူငယ်အုပ်စု တွေရဲ့ သြဇာ သက်ရောက်မှု ပေါ့နော်။ သူတို့ရဲ့ လုပ်ဆောင်ချက်က ပိုပြီး ရုတ်ရုတ်ရုတ်ရုတ် ဖြစ်သွား စေနိုင်တဲ့ အနေအထားမျိုးရော မရှိဘူးလား။ အဲလိုမျိုး သုံးသပ်တာ မရှိဘူးလား။

ဦးဝင်းထိန်။ ။ နည်းနည်းတော့ ရှိတတ်တယ်။ ရှိတာလည်းကျနော်သိတယ်။ အဲဒီ ရွှေတိဂုံဘုရား သွားတဲ့ ကိစ္စမှာရော၊ လေဆိပ် သွားတဲ့ ကိစ္စမှာကော၊ နောက်ပြီးတော့ ဗိုလ်ချုပ်အောင်ဆန်းဈေး သွားတဲ့ ကိစ္စမှာကော ကျနော် ဘေးနားမှာ ရှိနေတာပဲ။ ရှိနေပြီးတော့ သူတို့ အနေအထားကိုပဲ ကျနော် အကဲခတ်တယ်။ ဘယ်လောက်ထိ တိုးတက်မှု ရှိလာသလဲ။ ဘယ်လောက်အထိ ဘာတွေ ချွတ်ယွင်းသလဲ၊ ပြီးရင်တော့ ကျနော်တို့ပြန်ပြီး ဆွေးနွေး တာတွေရှိတယ်။ အဲဒီလို ရှိနေသော်လည်းပဲ ကျနော် ကိုယ်တိုင်ကိုက အားရမှုလည်း မရှိပါဘူး။ ကျနော်တို့မှာ အများကြီး လိုအပ်မှု ရှိတယ်ဆိုတာကို ကျနော်သိပါတယ်။

ဦးသန်းလွင်ထွန်း။ ။ ဟုတ်ကဲ့။ နောက်တခုကတော့ ဒီလို ခရီးသွားတဲ့လာတဲ့ နေရာတွေမှာ အခု လောလော ဆယ်တော့ ဒေါ်အောင်ဆန်းစုကြည်ရဲ့အစီအစဉ်တွေကို ကျနော်တို့ မသိသေးဘူးပေါ့နော်။ ရန်ကုန်မြို့ရဲ့ ပြင်ပ နယ်ဘက်ကို ထွက်ဖို့ အစီအစဉ်တွေ ဘာတွေလည်း ကျနော်တို့ မသိနိုင်သေးပါဘူး။ ဒါပေမဲ့ ဒီလို ခရီးရှည် သွားဖို့ ကိစ္စတွေ၊ အပြင်ဘက်မှာ ထွက်ပြီး တွေ့ဆုံဖို့ ကိစ္စတွေမှာ ဥပမာအားဖြင့် - နိုင်ငံခြားသံရုံးက လေ့လာလိုတဲ့ သံအရာရှိတွေ၊ တခြားသက်ဆိုင်ရာ သတင်းထောက်တွေ ဘာတွေနဲ့ အတူ တွဲပြီးတော့ သွားတယ် ဆိုရင်ရော လုံခြုံရေးကို ပိုပြီး ကာကွယ်ပေးနိုင်မှု ရနိုင်မယ်လို့ မမျှော်လင့် ဘူးလား။

ဦးဝင်းထိန်။ ။ သိပ်မမျှော်လင့်ဘူး။ ဘာ့ကြောင့်လဲဆိုတော့ ကျနော်ခုနက ပြောသလိုပေါ့။ လက်ရှိ အုပ်ချုပ် နေတဲ့ အစိုးရဟာ ဗိုလ်ချုပ်အောင်ဆန်းရဲ့ ဒေါ်အောင်ဆန်းစုကြည် သမီး ပါလား ဆိုတဲ့ ကရုဏာ စိတ်တောင် မရှိဘူးဆိုတာ ကျနော် ထောင်ထဲမှာ နေတုံးမှာ ဒေါ်စု ညောင်တုန်းသွားတဲ့ ခရီးမှာ လမ်းမှာ အပိတ်ခံရတာတွေ၊ ---- ဒီပရင်းဖြစ်တာတွေ၊ နောက်ပြီးတော့ ကမ္ဘာအေး ဘုရားရှေ့က ကုန်တိုက်ရှေ့မှာ ဝိုင်းရိုက်တာတွေ၊ အဲဒါတွေက တမင်သက်သက် လုပ်နေတာ။ ကရုဏာ ကင်းမဲ့တဲ့ အလုပ်တွေ။ တချိန်မှာ သူတို့ အန္တရာယ်ရှိရင် ဒေါ်စုကို ဖျောက်ဖျက်ပစ်မယ် ဆိုတာတောင် ကျနော် သတိထား မိပြီးသား။

ဦးသန်းလွင်ထွန်း။ ။ ဟုတ်ကဲ့။ အထူးသဖြင့် နေအိမ်နဲ့ အန်အယ်လ်ဒီ ရုံးချုပ်ကို ပြင်ပလူတွေ ဝင်တဲ့ ကိစ္စတွေ ဘာတွေနဲ့ ပတ်သက်လို့ရော ဦးဝင်းထိန်တို့ အနေနဲ့ ဘယ်လောက်ထိများ ထိထိရောက်ရောက် လုံခြုံရေး အတွက် စီမံ ဆောင်ရွက်မှုတွေ လုပ်နိုင်သလဲ ခင်ဗျ။ ဒါက ကိုယ့်ရဲ့ အတွင်းစည်းဝိုင်း ဖြစ်သွားပြီဆိုတော့ ပိုပြီးတော့ လုပ်နိုင်စွမ်းရည် ပိုရှိသလားခင်ဗျ။

ဦးဝင်းထိန်။ ။ အထိုက်အလျှောက် ဂရုစိုက်မှုတော့ ရှိပါတယ်။ ဘာကြောင့်လဲဆိုရင် ဒေါ်စုခြံမှာဆို ညဆိုလည်း ကျနော်တို့က လူငယ်တွေကို စီစစ်ပြီးမှ ထားတာရှိတယ်။ သို့သော် အဲဒီ လူငယ်တွေကလည်း လက်နက်မဲ့ လေ။ လက်နက်မဲ့ ဆိုတော့ တကယ်တမ်းသာ အန္တရာယ် ပြုချင်တယ် ဆိုလို့ရှိရင်တော့ အဲဒီ လူငယ်တွေဟာ ဘာမှ လုပ်နိုင်မှာ မဟုတ်ပါဘူး။ နောက်တခုက ရုံးမှာ ဆိုရင်လည်း တခုရှိတာက ဒေါ်အောင်ဆန်း စုကြည်သည် ပြည်သူလူထုနဲ့ ဆက်ဆံတဲ့အခါကျ ပြည်သူလူထုနဲ့ ကင်းကွာသွားမယ့် ဟာမျိုးလည်း မဖြစ်ရအောင် လုံခြုံရေးလည်း အထိုက်အလျှောက် ရှိအောင်ဆိုတဲ့ဟာမျိုး ချင့်ချိန်ပြီးတော့ နှစ်ဘက်မျှပြီး လုပ်နေရတယ် ဆိုတော့ တဘက်က ကြည့်မယ်ဆိုရင်လည်း လုံခြုံရေး ဂရုစိုက်တယ်လို့ ပြောလို့ရတယ်။ တဘက်က ကြည့်မယ်ဆိုရင်လည်း လုံခြုံရေးအရ ဟာကွက် ရှိတယ် ဆိုတာလည်း - လုပ်မယ့်သူကတော့ ဟာကွက်တွေ မြင်နေမှာပဲ။ အဲဒီ မျက်လုံးနဲ့တော့ မကြာခဏ ကြည့်ပြီးတော့ သုံးသပ် နေတာပါပဲ။

ဦးသန်းလွင်ထွန်း။ ။ ဟုတ်ကဲ့ခင်ဗျ။ အထူးသဖြင့်ပေါ့နော်။ ဒီဘက် ဒီမိုကရေစီနိုင်ငံတွေမှာ ဆိုလို့ရှိရင် နိုင်ငံသား တွေရဲ့လုံခြုံရေးဟာ အင်မတန် အရေးကြီးတယ်လို့ ခံယူထားတာ ရှိတယ်လေ။ ဥပမာအားဖြင့် ပြောရမယ် ဆိုလို့ရှိရင် ဆယ်လ် မွန်ရပ်ရ်ှတီ (Salman Rushdie) လို စာရေးဆရာ ပေါ့နော်။ သူ့ရဲ့အရေးအသား တွေကြောင့် အစ္စလာမ်မစ် နိုင်ငံတွေ၊ အစွန်းရောက် တွေက ဒေါသ ထွက်ပြီးတော့ သေဒဏ်အမိန့် ချပြီးတော့ သတ်ဖြတ် လုပ်ကြံဖို့ အထောက်အထားတွေ ရှိနေတဲ့ အခါကျတော့ သက်ဆိုင်ရာ လုံခြုံရေး အဖွဲ့တွေ အနေနဲ့ သူ့ကို တကယ့်ကို လုံခြုံရေးတွေ တင်းတင်းကြပ်ကြပ် စီမံပေးတာတွေကို ကျနော်တို့ တွေ့ရတယ်လေ။

အခု ဗမာပြည်မှာဆိုရင်လည်း ဒေါ်အောင်ဆန်းစုကြည်ဟာ တိုင်းပြည်အတွက်အရေးပါတဲ့ နိုင်ငံသား တယောက် ဖြစ်နေတယ် ဆိုတော့ ဒီလို ပုဂ္ဂိုလ်မျိုး တယောက်ရဲ့လုံခြုံရေးကို အကာအကွယ် ပေးဖို့ဟာ နိုင်ငံတော် အစိုးရရဲ့ တာဝန်ဖြစ်ပါတယ် ဆိုတာကို အမျိုးသား ဒီမိုကရေစီ အဖွဲ့ချုပ်အနေနဲ့ တရားဝင် တင်ပြနိုင်ဖို့ မရှိဘူးလား။

ဦးဝင်းထိန်။ ။ အဲလိုတင်ပြတာလည်း မရှိခဲ့ဘူး။ တင်ပြဖို့လည်း အစီအစဉ် ရှိဟန်မတူဘူး။ ဘာ့ကြောင့်လဲ ဆိုတော့ ဒေါ်အောင်ဆန်းစုကြည်က သူ့လုံခြုံရေးကို ပြည်သူလူထုကို အပ်နှင်းထားတဲ့ သဘောမျိုး ရှိတဲ့တချက်။ နောက်တချက်က ဥပမာ- ရာဂျစ် ဂန္ဒီတို့လို bulletproof ကျည်ကာ အင်္ကျီဝတ်ဖို့တောင်မှ သူ့မှာ လုံးဝ ဆန္ဒမရှိဘူး။ အဲလို ဝတ်လို့ရှိရင် သိက္ခာ ကျတယ်လို့ အတွေးအခေါ် ရှိတဲ့ အခါကျတော့ ကျနော်တို့ဘက်က အဲဒီ ချွတ်ယွင်းချက်ရှိတယ်။ နောက်တခုက ၉၅၊ ၉၆ ကျနော်အပြင်မှာ ရှိတုံးက ဒေါ်အောင်ဆန်းစုကြည်ရဲ့ လုံခြုံရေးကို ထောက်လှမ်းရေး ကနေ တာဝန်ယူ ပေးတာရှိတယ်။ ယူပေးသော်လည်းပဲ ဒီလူတွေက မဖြောင့်မတ်ဘူး။ ဘယ်လို မဖြောင့်မတ်သလဲ ဆိုလို့ရှိရင် ဒေါ်အောင်ဆန်းစုကြည်ရဲ့လုံခြုံရေး လုပ်ပေးတဲ့ အပိုင်းကတပိုင်း၊ နောက်တပိုင်းက အဲလို လုံခြုံရေး လုပ်နေပြီးတော့မှ ဒေါ်အောင်ဆန်းစုကြည် အိမ်ထဲကိုဝင်တဲ့ လူတွေရဲ့အကြောင်းတွေ၊ နောက်ပြီးတော့မှာ ကျနော်တို့လုပ်တဲ့ အစီအစဉ်တွေကို တဖက်တလမ်းက နေပြီးတော့မှ သူတို့ သိသွားတဲ့ အခါမှာ နည်းမျိုးစုံနဲ့ နှောင့်ယှက်တာတွေ။ ဒီတော့ သူတို့က လုံခြုံရေးပေးတာ မဟုတ်ဘူး။ လုံခြုံရေးပေးတယ် ဆိုတဲ့ အမူအယာ ပြပြီးတော့မှ ဒေါ်အောင်ဆန်းစုကြည်ရဲ့လုပ်ငန်းတွေကို နည်းမျိုးစုံနဲ့ နှောင့်ယှက်တဲ့ အထောက်အထားတွေ တွေ့ခဲ့ရဖူးတယ်။

အဲဒီတော့ ဒေါ်အောင်ဆန်းစုကြည်အနေနဲ့က ဒီလုံခြုံရေးကို သက်ဆိုင်ရာ အာဏာပိုင်ဆီကို လုပ်ပေးပါ လို့တော့ မေတ္တာ ရပ်ခံလိမ့်မယ်လို့လည်း ကျနော်တော့ မထင်ဘူး။

ဦးသန်းလွင်ထွန်း။ ။ လောလောဆယ်မှာက မြန်မာနိုင်ငံမှာက သီးခြားအားဖြင့် လုံခြုံရေးကို တာဝန် ယူပေးနိုင်တဲ့ ပုဂ္ဂလိက အဖွဲ့အစည်း တွေရော မရှိဘူးလား။ ပြင်ပမှာ ဆိုလို့ရှိရင်တော့ ပုဂ္ဂလိက အဖွဲ့အစည်းတွေနဲ့ သီးခြား လုံခြုံရေး ယူပေးနေတဲ့ အဖွဲ့အစည်းတွေ ရှိတယ်လေ။ အလားတူပဲ အမျိုးသား ဒီမိုကရေစီ အဖွဲ့ချုပ်လူငယ်တွေကို သီးသန့်အားဖြင့် ပရော်ဖက်ရှင်နယ် လေ့ကျင့် သင်တန်းပေးနိုင်တဲ့ လက်နက်ကိုင် သဘောရယ်တော့ မဟုတ်ဘူးပေါ့နော်။ လုံခြုံရေး အမြင်နဲ့ လုံခြုံရေး ရှုဒေါင့်ကနေ ကြည့်တတ်ဖို့၊ ကာကွယ်ဖို့အတွက် သင်တန်းပေးနိုင်မဲ့ အဖွဲ့အစည်းတွေ၊ လူပုဂ္ဂိုလ်တွေရော မရှိဘူးလားခင်ဗျ။

ဦးဝင်းထိန်။ ။ ရှိတော့ရှိနိုင်တယ်။ ကုမ္မဏီတွေ၊ နောက်ပြီးတော့ စီးပွားရေး အဖွဲ့အစည်းတွေ အတွက် ကုမ္မဏီတွေ အတွက် ရဲအရာရှိ ဟောင်းတွေ၊ တပ်အရာရှိ ဟောင်းတွေက နေပြီးတော့မှ လေ့ကျင့်ပြီးတော့ လုံခြုံရေး လုပ်ပေးနေတာတွေ ကျနော် သိနေပါတယ်။

သို့သော်လည်းပဲ အရေးကြီးတဲ့ ပုဂ္ဂိုလ်အတွက် personal bodyguard သဘောမျိုး လုပ်ပေးတဲ့ service ကတော့ ရှိဟန်တော့ မတူဘူး။ ရှိလို့ ရှိရင်လည်း ကျနော်တို့ သုံးမယ်ဆိုရင် အင်မတန် စဉ်းစားရမယ့် ကိစ္စပဲ။ ဒေါ်အောင်ဆန်းစုကြည်က လက်ခံချင်မှ လက်ခံမယ်။

ဦးသန်းလွင်ထွန်း။ ။ တခြားရော ဒီ လုံခြုံရေးနဲ့ ပတ်သက်လို့ ဦးဝင်းထိန်အနေနဲ့ အတွေ့အကြုံရှိခဲ့တဲ့ လူတယောက် အနေနဲ့ ပေါ့နော်။ ဘာများ ဖြည့်စွက် ပြောစရာရှိလဲ ခင်ဗျ။

ဦးဝင်းထိန်။ ။ ပြောရတာတော့ ခက်တယ်ဗျ။ ကျနော်တပ်ထဲမှာ နေတုန်းကတည်းက ဦးနေဝင်းရဲ့လုံခြုံရေးကို ကျနော် လုပ်ခဲ့ဖူးတယ်။ လက်နက် ကိုင်ပြီးတော့မှ လမ်းတလျှောက်လုံး စောင့်ပေး၊ ကင်းစောင့်ပေးရတဲ့ အလုပ်ကတခု။ လက်နက် မကိုင်ဘဲနဲ့ အရပ်ဝတ်နဲ့ လက်နက် ငယ်လေးတွေ ခါးကြား ထိုးပြီးတော့မှ လုပ်နေတဲ့ အပိုင်းကတပိုင်း နောက်ပြီးတော့ ထောက်လှမ်းရေးက လုပ်နေတဲ့ အပိုင်း အဲဒီလို အဆင့်ဆင့် လုပ်ခဲ့တဲ့ အလုပ်တွေ အတွေ့အကြုံ ရှိခဲ့တော့ အခု ဒေါ်အောင်ဆန်းစုကြည် ကို လုံခြုံရေး လုပ်ပေးနေတာကို professional eye တကယ့် လုံခြုံရေးကို ကြည့်မယ်ဆိုရင်တော့ တခုခုဖြစ်တိုင်း ကျနော်တို့က ဘုရားတ နေရတာပေါ့။

Ref: VOA News