သမ္မတသစ် ရွေးပြီးမှ မူဘာရက်ခ် နှုတ်ထွက်မည်

ကြာသပတေး, 10 ဖေဖော်ဝါရီ 2011 ။

ထောင်သောင်းချီတဲ့ အစိုးရ ဆန့်ကျင်ရေး လူထု ဆန္ဒပြပွဲတွေက ၁၇ ရက်နေ့ ဆက်တိုက် မူဘာရက်ခ် ချက်ချင်း နှုတ်ထွက် ပေးရေး တောင်းဆို နေကြတာကို သမ္မတ ဟို့စ်နီ မူဘာရက်ခ် (Hosni Mubarak) က လက်မခံဘဲ စက်တင်ဘာလ ရွေးကောက်ပွဲ ကနေ သမ္မတသစ်တဦး ရွေးချယ်ပြီးတဲ့ အချိန်ကျမှ သူ ရာထူးက နှုတ်ထွက် ပေးမယ်လို့ ပြောဆို လိုက်ပါတယ်။

သူ့ရဲ့ သမ္မတ လုပ်ပိုင်ခွင့် အာဏာတချို့ကို ဒု-သမ္မတကို လွှဲပြောင်း ပေးလိုက်ပြီ လို့တော့ ပြောပါတယ်။ သမ္မတ မူဘာရက်ခ်က ချက်ချင်း ရာထူးက နှုတ်ထွက် မပေးသေးပေမဲ့ အာဏာကို ငြိမ်းချမ်းစွာ လွှဲပြောင်း ပေးနိုင်ဖို့ စီစဉ်နေပြီလို့တော့ ပြောပါတယ်။

သူဟာ ဖခင်တဦး အနေနဲ့ သားသမီးတွေကို ဆုံးမစကား ပြောသလို ပြောဆိုနေရတာ ဖြစ်ကြောင်း၊ လူထု မနှစ်သက်တဲ့ အရေးပေါ် လုံခြုံရေး အက်ဥပဒေကို အခြေအနေ ပေးတဲ့အခါ ရုပ်သိမ်းပေးမှာ ဖြစ်တယ်လို့ ပြောပါတယ်။

သူ မိန့်ခွန်းပြောနေတဲ့ အချိန်မှာပဲ ကိုင်ရိုမြို့ တဟီရာ ရင်ပြင်က ဆန္ဒပြသူ လူထုက မူဘာရက်ခ် ချက်ချင်း နှုတ်ထွက် ပေးရေး ကြွေးကြော် သံတွေနဲ့အတူ ဖိနပ်တွေကို လေထဲကို ပစ်ပေါက်ပြီး တောင်းဆို နေကြပါတယ်။

ဆန္ဒပြသူ လူထုက မူဘာရက်ခ် နှုတ်ထွက်ပေးဖို့ ကြေညာ လိမ့်မယ် ဆိုတဲ့ မျှော်လင့်ချက်နဲ့ အရင်က ကခုန် နေခဲ့ကြတာ ဖြစ်ပါတယ်။

ဒါဟာ သီတင်း ၂ ပတ်အတွင်း သမ္မတ မူဘာရက်ခ်က နိုင်ငံကို ၂ ကြိမ် မိန့်ခွန်း ပြောဆို လိုက်တာ ဖြစ်ပါတယ်။

ဒု-သမ္မတ အိုမာ ဆူလေမန် (Omar Suleiman) ကလည်း အီဂျစ် လူငယ်တွေ အိမ်ပြန်ကြဖို့၊ လုပ်ငန်းခွင် ပြန်ဝင်ကြဖို့ တိုက်တွန်း နေပါတယ်။

မူဘာရက်ခ်က သူ့ကို သမ္မတ အာဏာတွေ လွှဲပြောင်းပေးထားပြီး ဖြစ်လို့ နိုင်ငံ ငြိမ်းချမ်းရေး၊ တည်ငြိမ်ရေးနဲ့ အီဂျစ် လူထု ပုံမှန်ဘ၀ ပြန်ရောက်ရေးကို သူ ထိန်းသိမ်း သွားမယ်လို့ ပြောဆို လိုက်ပါတယ်။

အမေရိကန် ပြည်ထောင်စုဆိုင်ရာ အီဂျစ် သံအမတ်ကြီး ဆာမေး ရှူရကီ (Sameh Shoukry) က ဒု-သမ္မတ အိုမာ ဆူလေမန်ဟာ အီဂျစ်ရဲ့ ယာယီ သမ္မတတာဝန် ယူထားပြီး ဖြစ်ကြောင်း၊ မူဘာရက်ခ်က သူ့ရဲ့ သမ္မတ တာဝန်တွေ အားလုံးကို ဆူလေမန်ကို လွှဲပြောင်း ထားပြီး ဖြစ်တယ်လို့ CNN ရုပ်သံနဲ့ တွေ့ဆုံခန်းမှာ ပြောဆို လိုက်ပါတယ်။

Ref: VOA News