ဟိုတစ ဒီတစ တပ်တွင်း အက်ကွဲစများ – အပိုင်း (၃)

07.12.09

ဝေဟင် (ပြည်တွင်းမှ တပ်မတော် (လေ) အရာရှိ တစ်ဦး)

လေတပ်ထဲက အဖြစ်အပျက်များစွာကို ပြည်သူထံ တင်ပြနေသော ဝေဟင်ကို လေတပ်ထဲက ဘယ်သူလဲလို့ သိချင်သူတွေ များလာသလို သိနေတဲ့ အရာရှိနဲ့ စစ်သည် အချို့အတွက် တရုတ်ကြီးမှာ ဘာတွေ အသစ် တင်ထားပြန်ပြီလဲ ဆိုတာဟာ နှုတ်ဆက်စကား တစ်ခွန်း ဖြစ်လာနေပါပြီ။ ကိုယ့်ပေါင်ကို လှန်ထောင်းပြီး လေတပ် သိက္ခာ ချနေတာဟု ဆိုသူရှိသလို ဒီ့ထက်ဆိုးတာတွေ ရှိသေးတာကို လျှော့လျှော့ ပေါ့ပေါ့လေး ရေးနေတယ်၊ ရေးတဲ့ သူကို လေးစားပါတယ်၊ ငါတို့လည်း ရေးချင်ပေမယ့် ကြောက်တယ်ဟု ဆိုသူများလည်း ရှိကြောင်း တွေ့လာ ရပါသည်။

Comments မှာ ၀င်ရေးချင်ကြသော်လည်း Gmail Account တစ်ခုလုပ်ရန်ပင် ခက်ခဲ နေကြသော လေတပ်မှ ညီနောင်များ အဖို့ မ၀ံ့မရဲ ဖြစ်နေကြပါသည်။ နောက်ကြောင်း မရှင်းပဲ IP Address မှ တဆင့် ထောက်လှမ်းရေးမှ ခြေရာခံနိုင်သည်ဟု ခြိမ်းခြောက် စကားဆို သူများကြောင့်လည်း ကြောက်နေ ကြရပါသည်။ တကယ်တော့ လေချုပ်ကြီး အပါအ၀င် လေတပ်မှ ညီနောင်များစွာသည် သူတို့ရင်ထဲမှ စကားများစွာ ဖြစ်ရပ်များစွာတို့ ပါဝင်သော ဝေဟင်၏ တင်ပြချက်များကို တိုက်ရိုက်သော်လည်းကောင်း၊ သွယ်ဝိုက်သော်လည်းကောင်း စောင့်ကြည့် နေကြသည်သာ ဖြစ်ပါသည်။

လေတပ်မှ အရာရှိ ၉၀% ခန့်မှာ ကျွန်တော်၏ တင်ပြချက်များအပေါ် စိတ်ဝင်တစား စောင့်ကြည့် ဖတ်ရှုကြပြီး တိုးတိုး တိတ်တိတ် ဆွေးနွေး လာမှုများသည် ကောင်းသော လက္ခဏာ အဖြစ် ကျွန်တော် ၀မ်းသာမိပါသည်။ သို့သော်လည်း ဒီအဆင့်မျှဖြင့် လေတပ်ကြီး ကောင်းမလာနိုင်သလို နိုင်ငံတော်နှင့် ပြည်သူများ အတွက်လည်း ကောင်းကျိုး ဆောင်ရွက်နိုင်မည် မဟုတ်ပါ။ အမှန်တရားကို ရဲရဲဝံ့ဝံ့ ဖော်ထုတ်ရမည် ဖြစ်သလို အမှန်လမ်းကိုလည်း လျှောက်ရဲကြရပါမည်။ မေးစရာတော့ ရှိပါသည်။ အမှန် လမ်းလျှောက်နိုင်ရန် လက်တွဲ ခေါ်ယူမည့်သူ ဦးဆောင် ခေါ်ယူမည့်သူများ ဘက်ကတော့ အဆင်သင့်ရှိဖို့ လိုပါသည်။

ညီနောင်တစ်ဦး ပြောသလို တပ်ထဲမှ အရာရှိ/စစ်သည် များသည် နအဖ လက်အောက်တွင် အဆင် ပြေသဖြင့် ငြိမ်နေခြင်း မဟုတ်ပါ။ ကန့်သတ် ချုပ်ခြယ်မှုများ၊ နည်းပညာ အခက်အခဲများ အကြောက် တရားများ အပြင် မည်သူ့ကို အားထား ယုံကြည် လက်တွဲရမည် မသိခြင်းများ ကြောင့်သာ ပြည်သူနှင့် မပေါင်းစည်း မိခြင်း ဖြစ်ပါသည်။ ကျွန်တော်၏ ရည်ရွယ်ချက်မှာ လေတပ်မှ အစပြုကာ တပ်မတော်သားများ အားလုံး ပြည်သူနှင့် နီးကပ် လာစေရန် ဖြစ်ပါသည်။ ကျန်ညီနောင်များ အနေနှင့်လည်း မိမိစွမ်းနိုင်သမျှ ပူးပေါင်း ဆောင်ရွက် ပေးပါရန် မေတ္တာ ရပ်ခံအပ်ပါသည်။

ယခုဆောင်းပါးတွင် လေတပ်တွင်းမှ စားဝတ်နေရေး ပြဿနာတချို့ကို ရင်ဖွင့်ပါမည်။ မည်သည့် တပ်မတော်နှင့်မှ မတူသော မြန်မာ့တပ်မတော်တွင် လေတပ် စစ်သည်များ လိုင်းခန်း လျှောက်ရာ၌ပင် လာဘ်ပေးကြရပါသည်။ အခြားသော တပ်ဖွဲ့များတွင်တော့ မသိပါ။ ပြောင်းရွှေ့ရောက်ရှိသည်ဖြစ်စေ၊ လိုင်းခန်း လစ်လပ်၍ ဖြစ်စေ မိမိရယူ လိုသော လိုင်းခန်းနေရာအတွက် ဆောက်လုပ်ရေး တာဝန်ခံ အကြပ်ကြီးနှင့် ကြိုတင် လက်ဝါးရိုက် ပေးကမ်း စွန့်ကြဲ လိုင်းဝင် ထားရပါသည်။

ထို့နောက် လိုင်းခန်းနေရာချထားရေး ဘုတ်ခေါ် အုပ်ချုပ်ရေးမှူးနှင့် တပ်ရေးများ တပ် တာဝန်ခံ အရာခံဗိုလ်များဖြင့် အဆင့်အလိုက် လိုင်းအလိုက် နေရာချ ပေးသော အခါတွင် ကြိုတင် ပေးကမ်းထားသူ အတွက် အကောင်းဆုံး လိုင်းခန်းကို လှည့်ပတ် ရရှိစေပါသည်။ တပ်မှူး၊ တပ်ရေးများနှင့် အဆင်ပြေသူများက သင့်ရာ သင့်ရာ ရကြပြီး သာမန် စစ်သည်များ အဖို့မူ ရွေးကျန် အခန်းများသာ ရကြပါသည်။ ဒီလိုဖြစ်ရခြင်းမှာ တပ်တွင်း လိုင်းခန်းများ၏ တည်ဆောက်ပုံ စနစ်မကျခြင်းနှင့် ပြင်ဆင်ထိန်းသိမ်းမှု မရှိခြင်းက စခြင်းဖြစ်ပါသည်။ လိုင်းခန်းကကျဉ်း၊ အမိုးကမလုံ၊ ရေ မီး မိလ္လာစနစ် မကောင်းလျှင် ကိုယ်ထူကိုယ်ထပြင် စသော ထုံးစံများကြောင့် ကောင်းမွန်သော လိုင်းခန်းရရှိရေး အတွက် ယခုလို လာဘ်ပေးလာဘ်ယူမှုများ ဖြစ်လာရပါတော့သည်။

တိုးချဲ့ဖွဲ့စည်းသော ခြေလျင်တပ်များတွင် အရာရှိများပင် ၀ါးခင်း၊ ဓနိမိုး တဲတန်းလျားဖြင့်နေနေကြရသော မြန်မာ့ တပ်မတော်ကြီးအဖို့ နိမ့်ကျလှသော စစ်သည်များ၏ နေထိုင်မှု အခင်းအကျင်းသည် ပြောရမှာပင် ရှက်ဖို့ အလွန်ကောင်းလှပါသည်။ မြို့နှင့်ကပ်ပြီး နေနေရသော လေတပ်သားတို့အဖို့ မိမိအိမ်သို့ ဧည့်သည် လာမှာကိုပင် ရှက်မိပါသည်။ ၁၀ ပေ ၂၀ပေ အခန်းကျဉ်းလေး ဆောက်ထားရသလို အိမ်သာကိုလည်း ကိုယ်ထူကိုယ်ထ ဆောက်ရ ပါသည်။ တခါတရံ စည်း/ကော် (ခေါ်) တပ်တွင်း စည်းရုံးရေး ကော်မတီမှ စစ်ဆေးရေး ၀င်မည်ဆိုကာ မိမိအစီအစဉ်ဖြင့် ဆောက်ထားသည်များကို ဖျက်ပေး ရပြန်ပါသည်။

အိုမင်းဟောင်းနွမ်းနေသော လိုင်းခန်းများကို ဖျက်သိမ်းခွင့်ကျသည့်တိုင် မဖျက်သေးပဲ အသစ်ဆောက်ခွင့် ကျသည့် ဘတ်ဂျက်ငွေများ ပြင်ဆင်စရိတ်များသည် အုပ်ချုပ်ရေးတပ်မှူး၊ ဆောက်လုပ်ရေး ၀န်ထောက်များနှင့် လေတပ်စခန်းမှူးတို့၏ အိပ်ထဲသို့သာ ရောက်ကုန်ကြပါသည်။ စစ်သည်များ၏ လိုင်းခန်းများသာ မဟုတ်ပါ။ အရာရှိ လိုင်းများလည်း ထိုနည်းတူစွာ ဖြစ်ပါသည်။ မီးလိုင်း၊ ရေလိုင်း၊ သွယ်တန်းမှု အားလုံးသည် မိမိစရိတ်ဖြင့်သာ ဖြစ်ပါသည်။ အမိုးအကာရှိသော အိမ် အလွတ် တစ်လုံးကိုသာ ခံစားရရှိသလို ဖြစ်နေပါသည်။

အိမ်ထောင်သည်များသာ မဟုတ်ပဲ လူပျိုရိပ်သာသည်လည်း ထိုနည်း လည်းကောင်းပင်၊ သောက်ရန် ထုတ်ပေး သည် ဆိုသော Army Rum မှာ တပ်သို့ပင် ရောက်မလာပါ။ ရိပ်သာ အပိုဆောင်းကြေးဟုဆိုကာ တစ်လလျှင် အနည်းဆုံး ၃၀၀၀ ကျပ် ထပ်ဆောင်းစားရသည့်တိုင် အသားဟင်း တစ်နပ်ပင် အနိုင်နိုင်ပါ။ ရေမီးကိစ္စလည်း အဆင်ပြေစေရန် စုပေါင်းဖြေရှင်း ကြရပါသည်။ ဒါဘာ (ခေါ်) ဆန္ဒဖော်ထုတ်ပွဲများတွင် အခက်အခဲကို တင်ပြရန် ကြိုးစားမိသူသည် မကြာမီ တပ်ပြောင်းရွှေ့ခြင်း (သို့မဟုတ်) စိုက်ပျိုးရေး /မွေးမြူရေး လုပ်ငန်းများ ရှိရာသို့ ချောင်ထိုး ခံရခြင်း ဖြစ်ပါတော့သည်။

ရိက္ခာကဒ်ပေါင်ခြင်း၊ လစာကြိုတင်ရောင်းခြင်း၊ Duty အဌားစောင့်ခြင်း စသော နည်းလမ်းများဖြင့် စစ်သည်များ၏ စားဝတ်နေရေး ပြဿနာများကို ဖြေရှင်းနေရခြင်းကို နိုင်ငံတော်အကြီးအကဲဟု ကင်ပွန်း တပ်ထားသူများ သိရှိရန် မည်သူမျှ မတင်ပြရဲပါ။ တပ်ရင်းရံပုံငွေ သိန်းမည်မျှ ရှိသည်၊ တပ်သက်သာ ချောင်ချိရေး အတွက် မည်မျှ ထောက်ပံ့နိုင်သည်၊ စည်း/ကော်ကိစ္စများ မည်မျှအောင်မြင်သည် စသော လေးလပတ်တိုင်းတွင် မျက်နှာရရန်သာ On Paper Work များဖြင့် ဂုဏ်ယူ တင်ပြနေကြသော်လည်း တကယ်တမ်းတွင် တင်ပြသည့် ဤဖြစ်စဉ်များ အမှန်မဟုတ်ပါ။ အမှားတင်ပြသူ၊ အမှားကို လက်ခံသူနှင့် အမှန်တရားကို မြတ်နိုးသူတို့၏ လောကကြီးသည် အမှန်တကယ် သာယာနိုင်ပါမည်လော။

တပ်မိသားစုများ အနေနဲ့ ရိက္ခာနှုန်းထား လျှော့ပေးလာမှုကြောင့် ယခင်လို ဈေးမရတော့သလို ကုန်ဈေးနှုန်း ကြီးမြင့်မှုကြောင့် လစာကလည်း မလောက် ငနိုင်ကြတော့ပါ၊ စည်း/ကော်တွေ စည်း/ထိန်းတွေရဲ့မူမှာ မိသားစုဝင်တွေ အလုပ်အကိုင် ရရှိရေး ဆောင်ရွက်ပေးရန်ဟု ပါသော်လည်း လက်တွေ့မှာ အလုပ်ရှာပေးဖို့ထက် အဲဒီအစည်းအဝေးတွေ သင်တန်းတွေနဲ့တင် မိသားစုဝင်တွေမှာ ရှိပြီးသား အလုပ်တောင် ခွင့်ယူရလွန်းလို့ ပြုတ်လုလု ဖြစ်နေကြသူတွေ ရှိပါသည်။ မိသားစု စစ်ပညာသင်တန်းကစလို့ သင်တန်းပေါင်းစုံကို တင်ပြလို့ကောင်းအောင် ဖွင့်နေတာမှာ လူကုန်လို့ ၂ခါ၃ခါမက တက်နေရလည်း ဖွင့်နေဆဲပင် ဖြစ်ပါသည်။

ဒီဖြစ်ရပ်တွေကို လေတပ်ရဲ့ ခေါင်းဆောင်ပိုင်းကတော့ တစွန်းတစ သိလောက် ပါသည်။ သို့သော်လည်း တပ်ချုပ်ကြီးရဲ့ သားမက်တော် ဗိုလ်မှူးချုပ် သိန်းနိုင် ကိုယ်တိုင် မင်္ဂလာဒုံ လေတပ်စခန်း ဌာနချုပ်မှူး အနေနဲ့ ရှိနေလေတော့ နအဖမှာ အငယ်ဆုံးထဲပါတဲ့ ကိုမြတ်ဟိန်းလည်း နိုင်ငံတော်အကြီးအကဲ မျက်နှာ ညိုအောင် ဘယ်လုပ်ဝံ့ပါ့မလဲ။ အားလုံး ကောင်းပါသည်ဘဲပေါ့။

ညီနောင်များ ခင်ဗျား.. ကျွန်တော့်အနေနဲ့ သိမြင်ကြားသမျှ ပြည်သူထံ တင်ပြရင်း တပ်တွင်းက နိမ့်ကျသော ဘ၀များစွာကို ဖော်ထုတ်ပေးခဲ့ပါပြီ။ အခြားသော သိမြင်သမျှ ဘ၀များကိုလည်း ညီတော် နောင်တော်တို့ မှ ဆက်လက် ပြောပြပေးကြပါဦးဗျာ။

Ref: ဖိုးတရုတ်