နအဖ ခေတ် အလွဲအမှားတွေထဲက ဗိုလ်ချုပ်မှူးကြီးရဲ့ သေရာပါ အလွဲ

(၀ိမုတ္တိဝိုင်းတော်သား)

မြန်မာစာဖတ် ပရိသတ်ကြီး အတွက် ဟာသ၀တ္တုတွေ ရေးပြီး ပြုံးပျော်စေခဲ့သူ ဘ၀အမော ပြေစေခဲ့သူ ဟာသစာရေး ဆရာ၊ ဇတ်ညွှန်းရေး ဆရာ နီကိုရဲ ဟာ ပြီးခဲ့တဲ့ အောက်တိုဘာလ ၂၄ ရက်နေ့မှာ ကွယ်လွန် သွားခဲ့ပါပြီ်။ သူ့ပထမ ဦးဆုံး ဟာသလက်ရာ တခုဖြစ်တဲ့ ဟန်သစ် မဂ္ဂဇင်းထဲက ( မကြည်ပြာ) အခန်းဆက် ၀တ္တုတွေကို စာဖတ်ပရိသတ် အလွန် နှစ်ခြိုက်သလို (ကြည်ပြာရောင် နဂ္ဂတစ်များ) ဆိုပြီး လွင်မိုး၊ ထွန်းအိန္ဒာဗိုလ်တို့နဲ့ ရုပ်ရှင် ရိုက်ပြန်တော့လည်း အထူး အောင်မြင် ကျော်ကြားခဲ့ကြောင်း သိရပါတယ်။ သူ့စာအုပ်တွေထဲက ဇတ်ကောင် ရဲဝင်းလို လက်တွေ့ဘ၀မှာ ဆရာနီကိုရဲ ကိုယ်တိုင်လည်း အလွဲအမှားတွေ အမျိုးမျိုးနဲ့ပါ။ သူ့စာအုပ်တွေကို ထုတ်ဝေသူရဲ့ အလွဲသုံး စားလုပ်တာ ခံရပြီး စာရေးဆရာ နီကိုရဲ တယောက် အသက် ၄၃ နှစ်အရွယ်မှာ ရင်နင့်စွာနဲ့ လူ့ဘ၀ထဲကနေ အစောကြီး ထွက်ခွာ သွားခဲ့ရပါပြီ။

နောက်ထပ်လွဲချက် တခုကတော့ အလယ်ပိုင်းတိုင်း စစ်ဌာနချုပ်က တာဝန်ယူ ထုတ်ဝေနေတဲ့ နိုဝင်ဘာ ၁၃ ရက်နေ့ ထုတ် မန္တလေး ရတနာပုံ သတင်းစာမှာ အလွဲအမှား တခု ပါလာပြန်ပါတယ်။ နကို မူလစာသား “မရနိုင်” ဆိုတဲ့နေရာမှာ “မ” တလုံးပြုတ်ပြီး “ဆူပူမှုဖြင့် ဒီမိုကရေစီ ရနိုင်” တယ်လို့ ဖေါ်ပြထားတဲ့ အကြောင်းပါ။ အစိုးရ အာဘော် သတင်းစာကြီး တစောင်က နေပြီး အခုလို မှားယွင်း ဖေါ်ပြမိတာကြောင့် တာဝန်ရှိသူ စာတည်းမှူးချုပ် ဗိုလ်မှူးကြီး မင်းကြိုင်ကို သက်ဆိုင်ရာက ခေါ်ယူ စစ်ဆေးနေကြောင်း သိရပါတယ်။

ပြီးခဲ့တဲ့ အောက်တိုဘာလ တုန်းကလည်း နေပြည်တော် ဆို၊က၊ရေး၊ တီး၊ ပြိုင်ပွဲမှာ (သားကောင်း ရတနာ) အစား “သားကောင်းရတာ နာ” ဆိုပြီး အမှားတစ်ခု ဖြစ်ခဲ့ ပြန်ပါသေးတယ်။ လောလောဆယ် အတိတ်နိမိတ်တွေ မကောင်းတာ ကြောင့်မို့ ထိတ်လန့်ပြီး ဗိုလ်ချုပ်မှူးကြီး သန်းရွှေ စွယ်တော်မြတ် သွားဖူးနေချိန်မှာ ဒီလို အမှားမျိုးတွေ အတွက် ပေးဆပ်ရမယ့် တန်ဖိုးကတော့ မနည်းလှပါဘူး။

၁၉၉၅ စက်တင်ဘာ ၁၅ ရက်ထုတ် ကြေးမုံသတင်းစာမှာ သွားလေသူ ဗိုလ်ချုပ်ကြီး ခင်ညွန့် ဓါတ်ပုံ အပေါ်ကနေ ကမ္ဘာကျော် လူလိမ်ကြီးများ ဆိုတဲ့ စာတန်း ပါသွားလို့လည်း သတင်းစာတိုက် တာဝန်ခံ ဦးလှဟန်နဲ့ ဦးသာဝင်းတို့ ၂ ယောက်ကို ထောက်လှမ်းရေးတွေ ဖမ်းဆီးနှိပ်စက် သတ်ဖြတ်ပြစ်လိုက်ကြောင်း သိရပါတယ်။

အခုလည်း စစ်တပ်ပိုင် သတင်းစာ စာတည်းချုပ်ကြီး ဗိုလ်မှူးကြီး မင်းကြိုင်ကို နေပြည်တော်က ဘယ်လိုများ ဆက် အရေးယူမလဲ ဆိုပြီး မန္တလေး သတင်းစာဖတ် ပရိသတ်ကြီးက အထူး စိတ်ဝင်စား နေကြောင်း ကြားသိရပါတယ်။ အလွဲလွဲ အမှားမှား တိုင်းပြည် တခုမှာ လွဲမှားပြီး အစိုးရ ဖြစ်လာတဲ့ သူတွေကိုယ်တိုင် သာမန် အလွဲလေးတွေကို ခွင့်မလွှတ် သည်းမခံ နိုင်ကြပုံဟာ မြန်မာပြည်သူတိုင်း အတွက် ရယ်မောချင်စရာ ဟာသ အသစ်တွေပါပဲ။ ဒီလို ရင်နင့်စရာ အလွဲလွဲ အမှားမှား ဟာသတွေကိုမှ တမင် ဖန်တည်း နေသူတွေကတော့ တပ်မတော်သာအမိ တပ်မတော်သာ အဖလို့ ပြောနေကြသူတွေ ကိုယ်တိုင်ပဲ မဟုတ်ပါလား။

အခုနောက်ဆုံး အလွဲအမှားတခုကို ပြောပြရရင်တော့ ဟိုယခင်က အတိုက်အခံတွေကို ဖမ်းဆီး နှိပ်စက် သတ်ဖြတ်ရာမှာ နာမည်ဆိုးနဲ့ ကျော်ကြားလှတဲ့ ဗိုလ်ချုပ်ကြီး ခင်ညွန့်ရဲ့ စစ်ထောက်လှမ်းရေး ဗိုလ်မှူး တဦးရဲ့ သုံးသပ်ချက်ကလေးနဲ့ နိဂုံး ချုပ်ပါရစေ။

အဲဒီအမှားကတော့...
“ကျနော်တို့ဗိုလ်ချုပ်ကြီး ခင့်ညွန့်လက်ထက်က ကမ္ဘာ့အခင်းအကျင်း သစ်မှာ ဒေသတွင်း ပါဝါ အနေအထားအရ တရုတ် နဲ့ မဟာဗျူဟာ မိတ်ဆွေ ဆိုတဲ့ ပေါ်လစီချပြီး တရုတ်ကို အသေကပ် အဖေ ခေါ်ခဲ့ပြီး အမေရိကန်နဲ့ မယုတ်မလွန် ဆက်ဆံရေး အနေအထား ရအောင် ကြိုးပမ်းခဲ့တာ ဖြစ်တယ်။ ဒါကြောင့်လည်း ဗိုလ်ချုပ် ကြီးခင်ညွန့်ဟာ တရုတ် သမတကြီး ကျန်ဇီမင်းရဲ့ မွေးစားသား လို့တောင် ကျနော်တို့ ထောက်လှမ်းရေးတွေ အကြားမှာ တီးတိုး ပြောဆိုနေရတဲ့ အထိ ဖြစ်ခဲ့ပါတယ်။ ဒါကို အခု ဗိုလ်ချုပ်မှူးကြီး သန်းရွှေတို့က အမေရိကန်နဲ့ လက်တွဲပြီး တရုတ်ကို ချိန်ခွင်လျှာ ညှိဖို့ ကြိုးစား တာကတော့ ဗိုလ်ချုပ်ခင်ညွန့် ချခဲ့တဲ့ ပေါ်လစီကို အချိုး ပြောင်းပစ် လိုက်တာပဲ ဖြစ်ပါတယ်။ တရုတ်ကတော့ သဘောတွေ့မှာ မဟုတ်ပါဘူး။ ကျနော့် အထင်တော့ ၁၉၆၇ ခုနှစ်ကာလ တရုတ်-ဗမာ အရေးအခင်းကို ဖန်တီး လိုက်တဲ့ ဗိုလ်ချုပ်ကြီး နေ၀င်း အမှားမျိုးလို တရုတ်နားရွက်ကို တံတွေး ဆွတ်လိုက်တာပဲလို့ ထင်ပါတယ်။

ကိုယ့်သေတွင်းကိုယ်တူးတာပါ။ ဗိုလ်ချုပ်မှူးကြီးနဲ့ အီလစ် အပေါင်းပါတွေ ဟာလည်း ဒီအလွဲနဲ့ပဲ မရဏမင်းရဲ့ နွေးထွေးယုံမက ပွက်ပွက်ဆူဆူ ဆီပူအိုး ကြီးနဲ့ ကြိုဆိုမှု ခံရတော့မှာ မလွဲဧကန်ပါ”