မြန်မာအပေါ် ဒဏ်ခတ်အရေးယူမှု ရုပ်သိမ်းဖို့ အာဆီယံ တိုက်တွန်း

တနင်္ဂနွေ, 16 ဇန်နဝါရီ 2011

မြန်မာစစ်အစိုးရအပေါ် အမေရိကန် ပြည်ထောင်စုနဲ့ ဥရောပသမဂ္ဂ (EU) တို့က ပိတ်ဆို့ဒဏ်ခတ် အရေးယူမှုတွေ ချမှတ် ထားတာတွေကို ပြန်လည် ရုပ်သိမ်းပေးဖို့ အရှေ့တောင်အာရှ နိုင်ငံများအသင်း (အာဆီယံ) က တိုက်တွန်း လိုက်ပါတယ်။

ပြီးခဲ့တဲ့ နှစ်ကုန်ပိုင်းက ရွေးကောက်ပွဲတွေ ကျင်းပခဲ့တာ၊ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို ပြန်လွှတ် ပေးခဲ့တာတွေလို ဖြစ်ထွန်းမှုတွေ အပေါ် နိုင်ငံတကာ အသိုင်းအ၀န်းက တုံ့ပြန်တဲ့ အနေနဲ့ ဒဏ်ခတ်မှုတွေကို လျှော့ပေါ့တာမျိုး လုပ်ဖို့ လိုတယ်လို့ အာဆီယံ နိုင်ငံခြားရေး ၀န်ကြီးတွေရဲ့ အင်ဒိုနီးရှားနိုင်ငံ Lombok ကျွန်းက အစည်းအဝေး အတွင်း အင်ဒိုနီးရှား နိုင်ငံခြားရေး ၀န်ကြီး မာတီ နာတာလီဂါဝါ (Marty Natalegawa) က ဒီကနေ့ပဲ ပြောဆိုခဲ့တာပါ။

အာဆီယံအသင်း အနေနဲ့လည်း မြန်မာနိုင်ငံမှာ နိုင်ငံရေး တိုးတက်မှုတွေရအောင် ဒီနှစ်ထဲမှာ ဖိအားပေး ဆောင်ရွက် သွားမယ်လို့ ၂၀၁၁ ခုနှစ်မှာ အလှည့်ကျ ဥက္ကဋ္ဌ ဖြစ်လာတဲ့ အင်ဒိုနီးရှားနိုင်ငံရဲ့ နိုင်ငံခြားရေး ၀န်ကြီးက ပြောပါတယ်။

ဒေါ်အောင်ဆန်းစုကြည် အနေနဲ့လည်း မြန်မာ့နိုင်ငံရေး လုပ်ငန်းစဉ်မှာ ပါဝင်ခွင့်ရဖို့ လိုတယ်၊ သူဟာ အဖြေရှာရာမှာ တစိတ်တပိုင်း ဖြစ်တယ်၊ ပြဿနာတရပ် မဟုတ်ပါဘူးလို့ အာဆီယံ နိုင်ငံခြားရေး ၀န်ကြီးတွေရဲ့ အစည်းအဝေးပွဲ အတွင်း ပြောဆို လိုက်တာပါ။

ဖွံ့ဖြိုးတိုးတက်မှုတွေကို တခုချင်းစီ ခွဲခြားလို့ မရဘူးလို့လည်း အင်ဒိုနီးရှား နိုင်ငံခြားရေးဝန်ကြီးက ပြောဆိုခဲ့တာ ဖြစ်ပါတယ်။

တချိန်တည်းမှာပဲ ရှေ့လာမယ့် ၂၀၁၄ ခုနှစ်အတွက် အလှည့်ကျဥက္ကဋ္ဌ တာဝန်ကို မြန်မာနိုင်ငံက ထမ်းဆောင်ဖို့ ဆန္ဒ ရှိနေတယ်လို့ အသင်းရဲ့ အတွင်းရေးမှူးချုပ် ဆူရင် ပစ်ဆူဝန် (Surin Pitsuwan) က ပြောဆို လိုက်ပါတယ်။

ဒါပေမဲ့လည်း ဒီလိုဆောင်ရွက်ဖို့အတွက် မြန်မာနိုင်ငံမှာ တည်ငြိမ်မှု ရှိတယ်လို့ နိုင်ငံတကာက လက်ခံ ယုံကြည်မှုတွေ လိုအပ် လိမ့်မယ်လို့လည်း နိုင်ငံခြားရေး ၀န်ကြီးတွေရဲ့ အစည်းအဝေးပွဲအ တွင်း အတွင်းရေးမှူးချုပ်က ပြောဆိုခဲ့တာပါ။

လွန်ခဲ့တဲ့ ၂၀၀၆ ခုနှစ်တုန်းက အာဆီယံအသင်း ဥက္ကဋ္ဌအဖြစ် တာဝန်ယူဖို့ အလှည့်ကျစဉ်မှာတော့ နိုင်ငံရေး၊ လူ့အခွင့်အရေး တိုးတက်မှု မရှိတဲ့အပေါ် ဝေဖန် ပြစ်တင်ခံရမှုတွေနဲ့ အတူ မြန်မာစစ်အစိုးရက တာဝန်ယူဖို့ ရှောင်ရှားခဲ့တာ ဖြစ်ပါတယ်။

Ref: VOA News