နေမျိုး
ဇွန်လ ၀၅ ရက် ၂၀၁၂ ခုနှစ်
နိုင်ငံပိုင်မီဒီယာများဖြစ်သည့် ရုပ်မြင်သံကြားနှင့် သတင်းစာများက ဇွန်လ ၄ ရက်နှင့် ၅ ရက်နေ့များတွင် သုံးနှုန်းခဲ့သည့် စကားလုံးအသုံးနှင့် ပါတ်သက်ပြီး စာနယ်ဇင်း သမားများက ဝေဖန်လိုက်ကြသည်။
အင်္ဂါနေ့ထုတ် မြန်မာ့အလင်းနှင့် ကြေးမုံသတင်းစာများတွင် “သံတွဲမှ ရန်ကုန်သို့ မောင်းနှင်လာသော ရိုးမသစ္စာ ခရီးသည်တင် မှန်လုံယာဉ်ပေါ်မှ မွတ်ဆလင် ကုလား ၁၀ ဦး အသတ်ခံရ” ဟု ခေါင်းစဉ်တပ်၍ “မွတ်ဆလင်ကုလား” ဟူသည့် အသုံးအနှုန်းကိုလည်း သတင်းထဲတွင် သုံးကြိမ် ထပ်မံ ရေးသားဖော်ပြ ထား သည်ကို တွေ့ရသည်။
မေလ ၂၈ ရက်နေ့က ရမ်းဗြဲမြို့နယ် သပြေချောင်းကျေးရွာသူ မသီတာထွေး အဓမ္မ ပြုကျင့်ခံရကာ သတ်ဖြတ်ခံရပြီး နောက်ပိုင်း ရခိုင်ပြည်နယ်အတွင်း လူမျိုးရေး အမုန်းပွားမှုများ ပြင်းထန်နေစဉ် တပါးသူ မကျေမနပ်ဖြစ်စေမည့် စကားလုံးအား မသုံစွဲသင့်ကြောင်း ပြည်သူ့ခေတ် ဂျာနယ် အတိုင်ပင်ခံ အယ်ဒီတာ မောင်ဝံသက ပြောသည်။
“အရင်ကတော့ အဲလိုသုံးနှုန်းတာ မတွေ့ဘူးဘူး။ ဒီနေ့မှာ ထူးထူးခြားခြား သုံးထားပါတယ်။ အခုလို ရခိုင်ပြည်နယ်မှာ အခြေအနေတင်းမာချိန်မှာ သူများ မကျေနပ်တဲ့ စကားလုံးကို မသုံးသင့်ပါဘူး။ အခုလို ထူးထူးခြားခြား သုံးထားလို့ ကျနော်ကိုယ်တိုင် နားမလည် ဖြစ်ရပါတယ်။ အရင် စာပေစီစစ်ရေး လက်ထက်တုန်းက ‘ကုလား’ဆိုတဲ့ နေရာမှာ ‘အိန္ဒိယ’လို့ ပြင်သုံးခိုင်းတာ တွေ့ဖူးပါတယ်” ဟု မဇ္ဈိမကို ပြောသည်။
အစ္စလာမ်ဘာသာ ကိုးကွယ်သူတိုင်းကို ကုလားဟု ပြောလို့မရသလို ဗမာပြည်တွင် နေထိုင်ပြီး အစ္စလာမ်ဘာသာ ကိုးကွယ်သူဆိုပါက မြန်မာမွတ်ဆလင် ဖြစ်ကြောင်း လူဝင်မှုကြီးကြပ်ရေး ဌာနပင် ခွဲခြားနိုင်ခြင်း မရှိပုံကို ရွှေအမြုတေ မဂ္ဂဇင်း အယ်ဒီတာချုပ် ဦးဝင်းငြိမ်းက ရှင်းပြသည်။
“မန္တလေးဘက်က ကျနော်တို့ ညီအကို ဝမ်းကွဲတွေရဲ့ မှတ်ပုံတင်မှာ မြန်မာ/မွတ်ဆလင် လို့ ရေးထားတယ်။ ကျနော်တို့ ရန်ကုန်မှာ ရှိတဲ့ ကျနော့်ကိုကျတော့ မြန်မာ-အိန္ဒိယ လို့ ရေးထားတယ်။ အဲလို အစိုးရဌာနဖြစ်တဲ့ လူဝင်မှု ကြီးကြပ်ရေး ကတောင်မှ လူမျိုးနဲ့ ဘာသာကို မခွဲခြားနိုင်တဲ့အတွက် ဒီလို နိုင်ငံပိုင် မီဒီယာရဲ့ ဒီလိုရေးသားမှုဟာ သိပ်မဆန်းဘူးလို့ ထင်တယ်။ ဒါပေမယ့် ဒီလိုရေးသားမှုဟာ မဖြစ်သင့် မဖြစ်ထိုက်တဲ့ကိစ္စ။ ဒီလိုရေးသားမှုကြောင့် ဒေါသတွေပဲ ပေါက် ကွဲလာတာ ရှိ်လာလိမ့်မယ်လို့ ကျနော် မြင်ပါတယ်” ဟု ဦးဝင်းငြိမ်း က ပြောသည်။
ရခိုင်ပြည်နယ်၊ စစ်တွေ၊ သံတွဲ၊ တောင်ကုတ် ဒေသများတွင် လူမျုိးရေး ပဋိပက္ခများ ဖြစ်ပွားနေစဉ် ရေးသားဖော်ပြ လိုက်သည့် အသုံးအနှုန်းဖြစ်၍ ရည်ရွယ်
ချက်တစုံတရာ ရှိကောင်း ရှိနေနိုင်ကြောင်း ၎င်းက ဆက်ပြောသည်။
“အထူးသဖြင့် နိုင်ငံပိုင်မီဒီယာ ဖြစ်တယ်။ ကြေးမုံ၊ မြန်မာ့အလင်းတို့ဆိုတာ၊ မြန်မာ့သတင်းစဉ် ကိုယ်နှိုက်ကိုက ဒီလိုမျိုး အသုံးအနှုန်းကို မသုံးသင့်ဘူးလို့ ထင်ပါတယ်။ ၁၉၆၆၊ ၆၇ ခုနှစ်တုန်းက နိုင်ငံမှာဆန်ပြဿနာတခု တက်ခဲ့ဖူးတယ်။ အဲဒီအချိန်တုန်းက တရုတ်နဲ့ဗမာနဲ့ အရေးအခင်းတခု ဖြစ်ခဲ့ဖူးတယ်။ ဒီလိုသတင်းမျိုးပါပဲ။ လူတွေဟာ ဆန်ပြဿနာ ဘက် မလှည့်နိုင်တော့ဘဲ လူမျိုးရေးဘက်ကို ရောက်သွားတယ်။ ဆန်ပြဿနာကို မေ့သွားခဲ့ကြတယ်။ အဲဒီလိုမျိုး လှည့်ကွက် တခုလားလို့၊ တစုံတရာကို လှည့်စားချင်လို့ ဒီပြဿနာကို ဖန်တီးသလားလို့ ကျနော်တို့သံသယ ရှိပါတယ်” ဟု ပြောဆိုသွားသည်။
နိုင်ငံပိုင်မီဒီယာမှ ထိုသို့သုံးနှုန်းခြင်းသည် မီဒီယာကျင့်ဝတ်ကို ဖောက်ဖျက်ရာ ရောက်ကြောင်း မြန်မာ့ဓန မဂ္ဂဇင်း တာဝန်ခံ ဦးသီဟစော က ပြောသည်။
“သတင်းစည်းကမ်းကတော့ လူမျိုးရေး၊ ဘာသာရေး၊ ကျန်းမာရေးတွေမှာ discrimination ဖြစ်စေတဲ့ အသုံးအနှုန်းတွေ မသုံးရဘူး။ အဲဒီစကားလုံးက ခွဲခြား တယ်ဆိုတဲ့ သဘောကို သက်ရောက်တယ်။ နောက်ပြီးတော့ ဘာဖြစ်လို့သုံးလဲ ဆိုတာတော့ ကျနော် မပြောတတ်ဘူး။ မီဒီယာတခုအနေနဲ့ အဲလိုမျိုးသုံး တဲ့အခါမှာ ကျင့်ဝတ်ကို ဖောက်ဖျက်ရာ ကျတယ်” ဟု မဇ္ဈိမကို ပြောသည်။
ကမန်းကတန်း စီစဉ်ဖော်ပြတာကြောင့် ရေးသားဖော်ပြရာတွင် လိုအပ်ချက်အချို့ ရှိကောင်းရှိနေနိုင်ပြီး တမင်ရည်ရွယ် ချက်ရှိရှိ လုပ်ဆောင်သည်ဟု မထင် မြင်ကြောင်းလည်း “ဒီဟာက ဘာသာရေး၊ လူမျိုးရေးနဲ့ ပါတ်သက်တဲ့ conflict တခုလည်း မှန်တယ်။ အစိုးရသစ်တခု အနေနဲ့လည်း သူက အကြမ်းဖက် မှုတခုတခုကို မဖြစ်ဖြစ်အောင်လုပ်မယ့် သဘောတော့ မရှိလောက်ဘူးပေါ့ဗျာ။ ဒါတွေကို ရှောင်ရှားနိုင်လေ ကောင်းလေပဲဗျ” ဟု ဆက်လက်ပြောဆိုသည်။
ဇွန်လ ၅ ရက်နေ့ထုတ် နိုင်ငံပိုင် သတင်းစာများတွင် သတင်းဖော်ပြခဲ့သော အရေးအသားများနှင့် ပတ်သက်၍ ပြန်ကြားရေး ဝန်ကြီးဌာန၊ ပြန်ကြားရေးနှင့် ပြည်သူ့ဆက်ဆံရေး ဦးစီးဌာန ညွှန်ကြားရေးမှူးချုပ်က စာဖတ်ပရိသတ်အား ၎င်း၏ ဖေ့စ်ဘွတ် စာမျက်နှာမီတဆင့် တောင်းပန်လိုက်သည်။
“သတင်းစာများပါ ရခိုင်ပြည်နယ်သတင်းများရဲ့ အရေးအသားအချို့နဲ့ ပတ်သက်ပြီး သတင်းနဲ့ စာနယ်ဇင်းလုပ်ငန်းက မနက်ဖြန်ထုတ် သတင်းစာများမှာ ပြင်ဆင်ဖော်ပြပေးဖို့ စီစဉ်နေကြောင်း အသိပေးအပ်ပါတယ်။ ဘယ်သူကိုမှ ထိခိုက်နစ်နာစေလိုတဲ့ စိတ်ဆန္ဒမရှိဘဲ အရေးအသား မှားယွင်းမှု သက်သက် သာဖြစ်တဲ့အတွက် ကျွန်တော့်ရဲ့ လုပ်ဖော်ကိုင်ဘက်များကို ခွင့်လွှတ်နားလည်ပေးဖို့ သူတို့ကိုယ်စား တောင်းပန်ပါတယ်” ဟု ညွှန်ကြားရေးမှူးချုပ် ဦးရဲထွဋ် က ရေးသားထားသည်ကို တွေ့ရသည်။
၈၈ မျိုးဆက် ကျောင်းသားများကလည်း ရခိုင်ပြည်နယ်တွင်းရှိ ဘာသာရေး၊ လူမျိုးရေး ပဋိပက္ခများနှင့်ပါတ်သက်ပြီး ဇွန် ၄ ရက်နေ့ရက်စွဲဖြင့် ကြေညာချက် တွင် နိုင်ငံသားတိုင်း ငြိမ်းချမ်းစွာ အတူယှဉ်တွဲနေထိုင်နိုင်ရေး ဝိုင်းဝန်း ထိန်းသိမ်း ကြရန် ဖော်ပြထားသည်။
ပဋိပက္ခများနှင့် ပါတ်သက်ပြီး ဒီမိုကရေစီရေး ပြုပြင်ပြောင်းလဲမှုများ မထိခိုက်စေရန် သတိပေး နှိုးဆော်ထားသည်။
“ကျွန်ုပ်တို့နိုင်ငံ၏ ဒီမိုကရေစီရေး ပြုပြင်ပြောင်းလဲမှုများကို အကျိုးမပြုနိုင်ရုံမျှမက နောက်ကြောင်းပြန်လှည့် သွားနိုင်သော ထောင်ချောက်များသာ ဖြစ်သည် ကို သတိပြုမိစေချင်ပါသည်” ဟု ထောက်ပြထားသည်။
Ref: မဇ္ဈိမ
တောင်ငူမြို့မှာရှိတဲ့ စစ်ကောင်စီတပ်ရဲ့ တောင်ပိုင်းတိုင်း စစ်ဌာနချုပ် (တပခ)
ကို တော်လှန်ရေးပူးပေါင်းတပ်ဖွဲ့က ရှော့တိုက်ဒုံးနဲ့
ပစ်ခတ်တိုက်ခိုက်လိုက်ပါတယ်။
1 hour ago
Posts
0 comments:
Post a Comment