2012-10-13
၈၈ မျိုးဆက်ကျောင်းသားခေါင်းဆောင် ကိုကိုကြီးဟာ ပြင်သစ်နိုင်ငံ ပါရီမြို့ကို ဒီနေ့ရောက်သွားပြီး၊ အဲဒီမှာ ဒီနေ့ ကျင်းပတဲ့ 5th International March for Freedom လွတ်မြောက်ရေး အတွက်ချီတက်ပွဲ လှုပ်ရှားမှုမှာ ပူးပေါင်း ပါဝင်ခဲ့ပါတယ်။
ချက်ရီပတ်ပလစ်နိုင်ငံက People in Need အဖွဲ့ရဲ့ဖိတ်ကြားချက်အရ ချက်နဲ့ ပြင်သစ်နိုင်ငံအပါအဝင် ဥရောပ နိုင်ငံတချို့ကို ခရီးထွက်လာတဲ့ ကိုကိုကြီးဟာ ဥရောပခရီးအတွက် ပထမဦးဆုံး ပြင်သစ်ကို ရောက်လာတာပါ။ ပြင်သစ် မရောက်ခင်မှာတော့ ထိုင်းနိုင်ငံ ဘန်ကောက်မြို့မှာ ၂ ရက်လောက် လေ့လာခဲ့ပါတယ်။
ကိုကိုကြီးဟာ ပြင်သစ်နိုင်ငံခြားရေးဝန်ကြီးဌါန တာဝန်ရှိပုဂ္ဂိုလ်တွေနဲ့ တွေ့ဆုံဖို့ရှိသလို၊ ဥရောပရောက် မြန်မာအသိုင်း အဝိုင်းနဲ့လဲ တွေ့ဆုံဖို့ရှိပါတယ်။ ၁၉၈၈ ခုနှစ် ဒီမိုကရေစီ အရေးတော်ပုံနောက်ပိုင်း ထောင်ထဲမှာနှစ်ပေါင်း များစွာနေခဲ့ရတဲ့ ၈၈ မျိုးဆက် ကျောင်းသားခေါင်းဆောင်တွေဟာ မကြာသေးခင်ကမှ နိုင်ငံကူးလက်မှတ် တွေရရှိပြီး၊ အခု ကိုကိုကြီး ပြည်ပနိုင်ငံကိုထွက်လာ တာ ဟာ ပထမဆုံးဖြစ်ပါတယ်။
Ref: အာရ်အဖ်အေ
1 hour ago
Posts
0 comments:
Post a Comment