ပြန်လွတ်လာသူတွေ ရန်ကုန်မှာ ထပ်မံဆန္ဒပြ

2012-12-13

လက်ပန်းတောင်းတောင်အရေးနဲ့ ပတ်သတ်ပြီး ငွေကြာယံကျောင်းတိုက်က သံဃာတော်နှစ်ပါး နဲ့အတူ မကြာသေးခင်ကမှ အင်းစိန် အကျဉ်းထောင်ကနေ အာမခံနဲ့ ပြန်လွတ်လာတဲ့ ဒေါ်နော်အုန်းလှ၊ ဒေါ်ရှမ်းမ အပါအဝင် လူဆယ်ဦးဟာ ဒီဇင်ဘာလ ၁၃ ရက်နေ့ ဒီကနေ့ မွန်းလွဲပိုင်းက ရန်ကုန်မြို့မှာ စီတန်းလမ်းလျှောက် ဆန္ဒပြခဲ့ပါတယ်။

ဆန္ဒပြသူတွေဟာ မွန်းလွဲ ၃ နာရီအခ်ျိန်က ရွှေတိဂုံဘုရား အရှေ့ဘက်မုခ် ကြေးသွန်းဘုရားကြီးကနေ စတင်ပြီးနောက် ရေတာရှည် လမ်းကနေ အနောက်ရွှေဂုံတိုင်လမ်းအတိုင်း စီတန်းလမ်းလျှောက်ခဲ့ကြပြီး ကိုးထပ်ကြီးဘုရားမှာ အဆုံးသတ်ခဲ့ကြပါတယ်။

လမ်းလျှောက်ဆန္ဒပြရာမှာ တောင်းဆိုတဲ့အချက်တွေနဲ့ ပတ်သတ်ပြီး ဆန္ဒပြသူ ဒေါ်နော်အုန်းလှက RFA ကို အခုလိုပြောပြပါတယ်။

"သံဃာတော်တွေ မတရားအကြမ်းဖက်ခံရမှုကို အမြန်ဆုံးဖော်ထုတ်ပေးရေး၊နောက်တစ်ချက်က သံဃာတော်တွေ အကြမ်းဖက်မှုကို အမြန်ဆုံးဝန်ချတောင်းပန်ရေး၊တရုတ်ဝမ်ပေါင်က-မြန်မာကုမ္မဏီ မြန်မာနိုင်ငံက ထွက်ခွာရေးကို ကြွေးကြော်ပြီး ဆန္ဒထုတ်ဖော် ခဲ့ပါတယ်"

ဒီကနေ့ ဆန္ဒပြရာမှာ ပါဝင်တဲ့ ဒေါ်နော်အုန်းလှနဲ့ ဒေါ်ရှမ်းမတို့ဟာ နိုဝင်ဘာ ၂၆ ရက်နေ့က ရန်ကုန်မြို့လယ်မှာ လက်ပန်းတောင်း တောင် ကြေးနီ စီမံကိန်း ရပ်ဆိုင်းပစ်ရေး ဆန္ဒပြခဲ့ကြတဲ့အတွက် ဖမ်းဆီးတရားစွဲခံရပြီး အင်းစိန် အကျဉ်းထောင်မှာ အကျဉ်းကျခံ ခဲ့ရသူတွေ ဖြစ်ပါတယ်။ ဒီဇင်ဘာလ ၁၁ ရက်နေ့ကမှ အာမခံနဲ့ ပြန်လည် လွတ်မြောက်လာကြသူတွေဖြစ်ပြီး ပုဒ်မ ၅၀၅(ခ)နဲ့ ပြင်ပကနေ အမှုရင်ဆိုင်နေရဆဲ ဖြစ်ပါတယ်။

Ref: အာရ်အဖ်အေ