၂၅ ဖေဖော်ဝါရီ ၂၀၀၉
စက်မှု (၁) တည်ဆောက်ရေး လုပ်ငန်းခွင်များတွင် ရေးထားသည့် Safety First (အန္တရာယ်ကင်းရေး ဦးစားပေး) ဆိုသည့် ဆောင်ပုဒ်များအစား “အန္တရာယ်ကို သတိပြုပါ” ဆိုသည့် ဆောင်ပုဒ်ဖြင့် အစားထိုးရန် ၀န်ကြီး ဦးအောင်သောင်းက အရေးတကြီး ညွှန်ကြားခဲ့သဖြင့် နေပြည်တော် စက်မှု (၁) ၀န်ကြီးဌာန တခုလုံး ဟာသ ညွှန်ကြားချက်အဖြစ် ပြောစမှတ် ဖြစ်သွားသည်။
စက်မှု (၁) တည်ဆောက်ရေး လုပ်ငန်းခွင်များ၊ စက်ရုံ စက်တပ်ဆင်မှု စီမံကိန်းများ နှောင့်နှေး ကြန့်ကြာပြီး အချိန်မီ မပြီးသည့် အကြောင်းရင်းမှာ Safety First (အန္တရာယ်ကင်းရေး ဦးစားပေး) ဆိုသည့် ဆောင်ပုဒ်ကြောင့်ဟု ၀န်ကြီးဦးအောင်သောင်းက ယူဆသည်ဟု ဦးအောင်သောင်း၏ လက်ထောက်တဦးက ပြောသည်။
၎င်းက “ဘယ်နဲ့ဗျာ Safety First (အန္တရာယ်ကင်းရေး ဦးစားပေး) ဆိုတဲ့ ဆောင်ပုဒ်ဟာ တကမ္ဘာလုံးက ဆောက်လုပ်ရေး လုပ်ငန်းခွင်တွေ၊ စက်ရုံတွေအတွက် အရေးကြီးတဲ့ ဆောင်ပုဒ်လို့ သတ်မှတ်ထားတာပါ။ ဒါပေမယ့် ဒီဆောင်ပုဒ်ပါ စာသားဟာ လုံခြုံမှုကို ဦးစားပေးလွန်းပြီး အလုပ်လုပ်ရာမှာ စွန့်စွန့်စားစား လုပ်ဆောင်မှုကို အဟန့်အတား ဖြစ်စေတယ်ဆိုပြီး ၀န်ကြီး ဦးအောင်သောင်းက ရွှေဥာဏ်တော် စူးရောက်စွာနဲ့ အပြစ်ပုံချပါတယ်။ ဘယ်လို ၀န်ကြီး ဦးနှောက်လဲ စဉ်းစားသာကြည့်ပေါ့ဗျာ” ဟုပြောသည်။
ထို့ကြောင့် စက်မှု (၁) တည်ဆောက်ရေး လုပ်ငန်းခွင်များတွင် ရေးထားသည့် Safety First (အန္တရာယ်ကင်းရေး ဦးစားပေး) ဆိုသည့် ဆောင်ပုဒ်များအား ၀န်ကြီး ဦးအောင်သောင်းက အမြန်ဖြုတ်ချခိုင်းပြီး “အန္တရာယ်ကို သတိပြုပါ” ဆိုသည့် ဆောင်ပုဒ်ဖြင် အစားထိုးပေးကြရသည်ဟု စုံစမ်းသိရသည်။
REF: ခေတ်ပြိုင်
Posts
0 comments:
Post a Comment