December 22, 2009
ကရင္ႏွစ္သစ္ကူးေန႔က ေပါက္ကြဲခဲ့ေသာ ေျမျမဳပ္ဗံုးအား KNU လက္ခ်က္ဟု ယေန႔ထုတ္ စစ္အစိုးရ၏ ေၾကးမံုသတင္းစာက စြတ္စြဲလိုက္သည္။
နအဖ စစ္အစိုးရ၏ ေၾကးမံုသတင္းစာတြင္ ေရးသား ေဖၚျပထားေသာ ျမင့္စိုး(နတလ) ၏ “မုိက္ခ်က္ကေတာ့ ကမ္းကုန္ပဲ” ေဆာင္းပါးတြင္ “ဖာပြန္ၿမိဳ႕ အမွတ္(၂) ရက္ကြက္ အေျခခံပညာ အထက္တန္းေက်ာင္း ကြင္းျပင္၌ ကရင္ တိုင္းရင္းသားစာေပႏွင့္ ယဥ္ေက်းမႈ အဖြဲ႔က ဦးစီး က်င္းပသည့္ ကရင္ႏွစ္သစ္ကူးေန႔ အထိမ္းအမွတ္ ေပ်ာ္ပြဲရႊင္ပြဲ က်င္းပ ျပဳလုပ္ခဲ့ေသာ ေစ်းဆိုင္တန္းတြင္ ဒီဇင္ဘာ ၁၆ ရက္ညပိုင္းက ခ်ိန္ကိုက္မိုင္း တလံုး ေပါက္ကြဲခဲ့မႈေၾကာင့္ အျပစ္မဲ့ အရပ္သားခုႏွစ္ဦး ေသဆံုးၿပီး အမ်ဳိးသား ၁၀ ဦး၊ အမ်ဳိးသမီးတဦး ဒဏ္ရာ ရရွိခဲ့ေၾကာင္း” ႏွင့္ “ဖာပြန္ၿမိဳ႕တြင္ က်င္းပခဲ့ေသာ ကရင္ ႏွစ္သစ္ကူးပြဲေတာ္၏ အႏွစ္သာရသည္ KNU ေၾကာင့္ ပ်က္ယြင္းခဲ့ၿပီတည္း” ဟုေဖၚျပပါရွိသည္။
ေဆာင္းပါးရွင္ ျမင့္စိုး(နတလ) သည္ ယခင္က KNU ႏွင့္ ပတ္သတ္ၿပီး “ဘိုျမကိုဘယ္လိုေျပာရပါ့ ”ႏွင့္ “ႏွစ္ေပါင္း (၅၀) ဆိုတာက လြဲလို႔” ဆိုေသာ ေဆာင္းပါးမ်ားစြာ ေရးခဲ့ဖူးေၾကာင္း “ကြယ္လြန္သူ ဗိုလ္ခ်ဳပ္ျမကေတာ့ သူကိုယ္တိုင္ ဦးေဆာင္ဦးရြက္ျပဳ၍ ၿငိမ္းခ်မ္းေရး လုပ္မသြားႏိုင္သည့္တိုင္ ၿငိမ္းခ်မ္းေရး အေမြကို သားျဖစ္သူ ဗိုလ္ႀကီးေနစိုးျမထံ လႊေျပာင္းေပးၿပီး ကရင္ တိုင္းရင္းသားမ်ားအား ၾကည္ႏူး ဝမ္းေျမာက္ေစခဲ့သည္” ဟုေရးသား ေဖၚျပထားသည္။
နအဖ စစ္အစိုးရသည္ ျမန္မာျပည္အတြင္း၌ ဗံုးေပါက္ကြဲမႈ ႏွင့္ ပစ္ခတ္မႈမ်ား ျဖစ္ပြားခဲ့သည့္ အခါတိုင္း KNU ၏ လက္ခ်က္ျဖစ္ေၾကာင္း စစ္အစိုးရပိုင္ သတင္းစာမ်ားမွ စြပ္စြဲေလ့့ရွိပါသည္။
တောင်ငူမြို့မှာရှိတဲ့ စစ်ကောင်စီတပ်ရဲ့ တောင်ပိုင်းတိုင်း စစ်ဌာနချုပ် (တပခ)
ကို တော်လှန်ရေးပူးပေါင်းတပ်ဖွဲ့က ရှော့တိုက်ဒုံးနဲ့
ပစ်ခတ်တိုက်ခိုက်လိုက်ပါတယ်။
2 hours ago
Posts
0 comments:
Post a Comment