အောက်တိုဘာ ၁၃ ရက် ၂၀၁၀
ချီလီသမတနဲ့ ဗိုလ်ချုပ်မှူးကြီး သန်းရွှေ ဘယ်လို နှိုင်းယှဉ်မလဲ
* စစ်ဆင်ရေး အမည်။ ။ ဖီးနစ် (Phoenix)
* အချိန်။ ။ နံနက် ၆ နာရီ။ အောက်တိုဘာ ၁၃၊ ၂၀၁၀ (ထိုင်းစံတော်ချိန်)။
* နေရာ။ ။ ချီလီမြောက်ပိုင်း၊ ဆန်ဂျို့စ်
* ကယ်တင်နည်း ။ ပိတ်မိနေတဲ့နေရာထိရောက်ဖို့ ကျောက်သား မီတာ ၇၀၀ (မိုင်ဝက် လောက်ရှိ) ကို လူ တကိုယ်စာထက်ကြီးတဲ့ ပင်မဆင်းတွင်း (Shaft) တခု တည့်တည့် ဖောက် ပါတယ်။ ဒီအပေါက်ကနေ လူတကိုယ်စာ ဆန့်တဲ့ (Phoenix Capsule) လို့ အမည်ပေးထားတဲ့ သတ္ထုပေါင်းချောင် ကိုချ၊ ချိန်းကြိုးနဲ့ ဆွဲတင် ကယ်တင် ရပါတယ်။ အောက်ကနေ အပေါ် ရောက်တဲ့အထိ ပေါင်းချောင်ထဲမှာ နေရမယ့်အချိန်က ၁၂ မိနစ် ကနေ မိနစ် ၂၀ လောက် ကြာပါမယ်။ မြေပေါ်ဆွဲ တင်တဲ့အခါ လူတဦးစီ တိုင်းမှာ အောက်ဆီဂျင် မျက်နှာဖုံးနဲ့ မြေပေါ် ရောက်တဲ့အခါ အလင်းရောင်ဒဏ် ကနေ မျက်လုံး မထိခိုက် အောင် မျက်မှန်မဲတွေ တပ်ဆင် ထားပေးပါတယ်။
ချီလီနိုင်ငံ မြောက်ပိုင်း ကြေးနီနဲ့ရွှေထုတ်လုပ်တဲ့ ဆန်ဂျို့စ်သတ္ထုတွင်းဟာ လွန်ခဲ့တဲ့ ၆၈ရက် တုန်းက ကျောက်တုန်းတွေ ပြိုကျပြီး တွင်းပိတ် သွားပါတယ်။ တွင်းထဲမှာ လူ ၃၃ ဦး ပိတ်မိသွား ပါတယ်။
မြေပေါ်သို့ ပထမဦးဆုံးရောက်ရှိလာသော မိုင်းလုပ်သားနှင့်နှစ်သိမ့် အားပေးနေသော ချီလီ သမတ
ဒါနဲ့တချိန်တည်းမှာတော့ အောက်တိုဘာ ၈ရက်နေ့က ကျနော်တို့ မြန်မာပြည်၊ အထက်ပိုင်းမှာ အစိုးရက ဆည်တော်လေး ဆည် ဖောက်ချလို့ လူ ၅၀ သေပြီး၊ ဆည်နားက ရွာ၂ရွာမှာ အိမ် ၁၅၃ လုံး ရေမြုပ် သွားပါတယ်။ လူပေါင်း များစွာဒုက္ခ ရောက်နေပါတယ်။
၁၁ ရက်နေ့ကလည်း ဆည်တော်ကြီးဆည်ကို ထပ်မံ ဖောက်ချ လိုက်ပြန်ပါတယ်။ ရွာပေါင်း ဘယ် လောက်၊ လူပေါင်း ဘယ်လောက် ထပ်မံ ဒုက္ခရောက်ကြမလဲ ဆိုတာတော့ အသေးစိတ် မသိ ရသေး ပါဘူး။
ဝိမုတ္တိ
ကိုးကား။ BBC ရုပ်သံ
Posts
0 comments:
Post a Comment