ဧပြီလ ၂၅ ရက် ၂၀၁၁
ကရင်ပြည်နယ်၊ ကမမောင်းမြို့သံလွင် တဖက်ကမ်းရှိ ဒီကေဘီအေ အခြေ စိုက် ဌာနချုပ်ဖြစ်တဲ့ မြိုင်ကြီးငူ စခန်း မှာ ဒီကေဘီအေ တပ်ရင်း သုံးရင်း ဖြစ်တဲ့ ၉၉၉၊ ၅၅၅ နှင့် ၃၃၃ တပ် တွေကြား နယ်ခြားစောင့်တပ် ကိစ္စ ဆက်လက် လက်ခံရေး၊ မခံရေး ကို အစည်းအဝေး အတွင်း အချင်း ပွားရာ မှ မကျေမလည်ဖြစ်ပြီး ဧပြီလ ၂၃ ရက်နေ့ စနေနေ့ညပိုင်း မှာ တိုက်ပွဲတွေ ဖြစ်ပွားခဲ့တာပါ။ နယ်ခြားစောင့်တပ် စတင်အသွင်ကူး ပြောင်းစဉ် ကာလအတွင်းကပင် လုပ်ပိုင်ခွင့် အာဏာခွဲဝေမှုအရ အချင်းအချင်း မကျေလည်မှုတွေရှိခဲ့တယ် လို့ ဒီကေဘီအေ ရဲဘောင်ဟောင်း တဦးက ပြောဆိုပါတယ်။
ဗိုလ်ချုပ်မောင်ကြည်ဦးစီးတဲ့ ဒီကေဘီအေ ၃၃၃ တပ်မှ တပ်ဖွဲ့အချို့က နယ်ခြားစောင့်တပ် လက်မခံရေးကို အချင်းပွားရာမှ ၃၃၃ တပ်မှ တပ်ဖွဲ့အချို့က ဧပြီလ ၂၃ ရက်နေ့ညက ဒီကေဘီအေ အခြေစိုက်ဌာချုပ် မြိုင်ကြီးငူစခန်းကို လက်နက်ကြီးများနဲ့ ၀င်ရောက် ပစ်ခတ်စီးနင်းသိမ်းပိုက်ခဲ့ပြီး လက်နက်ဂိုထောင်၊ ရုံးများ၊ လိုင်စင်မဲ့ကားများ ထားရာနေရာ များနဲ့ ဘားတိုက်အချို့ကို မီးရှို့ဖျက်စီးခဲ့တယ်လို့သိရပါတယ်။ ယခုအချိန်အထိ တဖက်နဲ့ တဖက် အခြေအနေ ဆက်လက် တင်းမာနေဆဲပဲလို့ သိရှိပါတယ်။
တိုက်ပွဲဖြစ်ပွားခဲ့သည့် စနေနေ့ညဘက်တွင် အသေအပျောက်နှင့် ထိခိုက်ဒါဏ်ရာရမှုတွေ ရှိခဲ့ပါတယ်။ သုံးဦးသေဆုံးပြီး ထိခိုက်ဒဏ်ရာ ဆယ်ဦးထက်မနည်းရှိတယ်လို့ ဒီကေဘီအေ ရဲဘော်တဦးမှ ပြောကြားပါတယ်။ ဒီကေဘီအေ အချင်းချင်းတိုက်ပွဲဖြစ်ပွားနေချိန်မှာ ဒီကေဘီအေ စခန်း ဌာနချုပ် အကြီးအကဲ မြိုင်ကြီးငူ ဆရာတော် ဦးသုဇန က ထိုင်းနိုင်ငံ တနေရာတွင် ကျန်းမာရေးအရ ဆေးကုသမှု ခံယူနေတယ်လို့ သိရပါတယ်။ ဒီကေဘီအေ အကြီးအကဲ မြိုင်ကြီးငူ ဆရာတော် ဦးသုဇနဟာလည်း ၂၀၁၀ သြဂုတ်လ ၁၉ ရက် နေ့ မတိုင်မီအထိ ဒီကေဘီအေကနေ နယ်ခြားစောင့်တပ် အသွင်ကူးပြောင်းရေးကို လက်မခံခဲ့ ဘူးလို့ သိရပါတယ်။
ပြီးခဲ့တဲ့ ၂၀၁၀ ခုနှစ် ရွေးကောက်ပွဲစတင်ကျင်းပခဲ့တဲ့ နိုဝင်ဘာလ ၇ ရက်နှင့် ၈ ရက်နေ့ ကတည်းက အခုအချိန်အထိ ဗိုလ်ချုပ်စောလားဘွယ် ဦးဆောင်တဲ့ ဒီကေဘီအေ တပ်ဖွဲ့ အချို့နယ်ခြားစောင့်တပ် လက်မခံရေး၊ ပြည်သူ့ဆန္ဒမပါတဲ့ ရွေးကောက်ပွဲကို ဆန့်ကျင်တဲ့ အတွက် နအဖ နဲ့ တိုက်ပွဲတွေ ဆက်လက်ဖြစ်ပွားနေဆဲ ဖြစ်ပါတယ်။
Ref;Soneseayar
Posts
0 comments:
Post a Comment