10 May 2011
ကုလသမဂ္ဂက ကမ္ဘာ့နောက်ဆုံး လူဦးရေစာရင်းကို နှစ်နှစ် တစ်ကြိမ် ထုတ်ပြန်လေ့ရှိသည်။ မကြာခင်က ထုတ်ပြန် ချက်အရ ၂၀၁၁ အောက်တိုဘာလတွင် ကမ္ဘာ့ လူဦးရေ ၇ ဘီလီယံ (သန်း ၇ ထောင်) အထိ ရှိပြီဟု ဆိုသည်။
၂၁၀၀ ခုနှစ်တွင် ကမ္ဘာ့လူဦးရေ ၁၀ ဘီလီယံ (သန်း ၁ သောင်း) ထိ ရှိလာမည်ဟု ခန့်မှန်း ထားသည်။
ယနေ့ ကမ္ဘာ့ လူဦးရေ ၇ ဘီလီယံ နီးပါး ရှိနေချိန်တွင် အငတ်ဘေးကြုံနေရသူ ၁ ဘီလီယံ (သန်း တစ်ထောင်) ရှိနေသည်။ တကယ်လို့ ၂၁၀၀ တွင် လူဦးရေ ၁၀ ဘီလီယံ အထိ ဖြစ်လာပါက ကမ္ဘာကြီးက ပါးစပ်ပေါက် အားလုံးကို ကျွေးထားနိုင်ဖို့ အဆင်သင့် ဖြစ်ပါ့မလား။ ကမ္ဘာကြီး တောင့် ခံနိုင်ပါ့မလား။
စီးပွားရေး ပညာရှင်များနှင့် နိုင်ငံတကာခေါင်းဆောင်များက လက်ရှိ ငတ်မွတ်နေသူ ၁ ဘီလီယံ ကိစ္စအတွက် ဆင်းရဲမွဲတေမှု တိုက်ဖျက်ရေး ဆောင်ရွက်ဖို့ အချေအတင် ငြင်းခုံနေကြဆဲ ဖြစ်သည်။ တစ်ချိန်ထဲတွင် လာမည့် နှစ် ၉၀ ရဲ့ လူဦးရေ ၁၀ ဘီလီယံ ကိစ္စကပါ ရတတ်မအေးစရာ ဖြစ်လာ သည်။
ဒီအတွက် နိုင်ငံတစ်နိုင်ချင်းအလိုက် လူဦးရေ ခန့်မှန်းချက်တွေ လုပ်ကြည့်ကြသည်။ ဖော်ပြပါ ဇယားတွင် ရွေးချယ်ထားသော နိုင်ငံအချို့၏ လက်ရှိ လူဦးရေနှင့် ၂၀၅၀ နှင့် ၂၁၀၀ လူဦးရေ ခန့်မှန်းချက်ကို ပြသထားပါသည်။
လက်ရှိ အမေရိကန် လူဦးရေ သန်း ၃၁၀ က ၂၀၅၀ ခုနှစ်တွင် သန်း ၄၀၀ ဖြစ်ပြီး၊ ၂၁၀၀ ခုနှစ်တွင် သန်း ၄၇၈ အထိ မြင့်တက်လာမည်။
လက်ရှိ ရုရှား လူဦးရေက သန်း ၁၄၂ ရှိပြီး၊ ၂၁၀၀ တွင် သန်း ၁၁၁ အထိ ကျဆင်းသွားမည်။
ယခု အာဖဂန်နစ္စတန် သန်း ၃၀ ကျော်က ၂၁၀၀ တွင် သန်း ၁၁၁ (ယခု ရုရှားလူဦးရေ) အထိ တက်လာမည်။
နိုက်ဂျီးရီးယား လူဦးရေ သန်း ၁၅၀ က ၂၁၀၀ တွင် သန်း ၇၆၀ အထိ တက်လာမည်။
လက်ရှိ ဆဘ် ဆာဟာရ အာဖရိကရဲ့ လူဦးရေ သန်း ၈၅၆ (ဥရောပထက် အနည်းငယ်များပြီး၊ အာရှရဲ့ ငါးပုံတစ်ပုံ) က ၂၁၀၀ ခုနှစ်တွင် ဥရောပထက် သုံးဆများလာပြီး၊ အာရှ သုံးပုံတစ်ပုံစာ ရှိမည်။ (လက်ရှိ အာရှ လူဦးရေ သန်း ၄ ထောင်)။ အာဖရိကတိုက်တွင် လူဦးရေ အမြန်ဆုံး တိုးပွား လာနေသည်။
တရုတ် လူဦးရေမှာ လက်ရှိ လူဦးရေ ၁၃၄၀ သန်းကနေ ၂၀၁၀ နှင့် ၂၁၀၀ ခုနှစ်ကြားတွင် သန်း ၄၀၀ ကျော် လျော့ကျသွားဖွယ် ရှိနေသည်။ ၀မ်းမြောက်စရာပင်။
Ref;Maukkha
Posts
0 comments:
Post a Comment