နိုင်ငံတကာ လေကြောင်းလိုင်း တိုးချဲ့ပြေးဆွဲမည်

2012-07-07

မြန်မာနိုင်ငံမှာ နိုင်ငံတကာ လေကြောင်းလိုင်း ၈ လိုင်းထက်မနည်း ပြေးဆွဲဖို့ စီစဉ်နေပါပြီ။ အဲဒီ လေကြောင်းလိုင်းတွေ ကတော့ ဂျပန်က All Nippon လေကြောင်းလိုင်း၊ Qatar လေကြောင်းလိုင်း၊ သိရိလင်္ကာ လေကြောင်းလိုင်း၊ ဘင်္ဂလားဒေ့ရှ် နိုင်ငံက Biman လေ ကြောင်း လိုင်း၊ Hong Kong Express လေကြောင်းလိုင်း၊ ပါကစ္စတန် လေကြောင်းလိုင်း၊ ကိုရီးယား လေကြောင်းလိုင်းနဲ့ တိုင်ပေ အခြေစိုက် EVA လေကြောင်းလိုင်းတို့ ဖြစ်ပါတယ်။

ဂျပန် All Nippon လေကြောင်းလိုင်းဟာ မြန်မာနဲ့ ပျံသန်းပြေးဆွဲမှု (၁၂) နှစ်ကြာ ရပ်ဆိုင်း ထားခဲ့ရာက လာမယ့် စက်တင်ဘာလက စပြီး ရန်ကုန်နဲ့ တိုကျိူ တိုက်ရိုက် ပြေးဆွဲတော့မှာ ဖြစ်ပါတယ်။

ဒါ့အပြင် ဂျာမဏီနိုင်ငံက Condor လေကြောင်းလိုင်းဟာလည်း လာမယ့် နိုဝင်ဘာလက စပြီး Frankfurt မြို့နဲ့ ရန်ကုန်မြို့ကို အပတ်စဉ် ပြေးဆွဲဖို့ စီစဉ်နေပါတယ်။

Ref: အာရ်အဖ်အေ