သတင်းထောက်များ ဆန္ဒပြခွင့်လျှောက်ထား

2012-08-21

သတင်းလွတ်လပ်ခွင့် ကော်မတီက သတင်းထောက်တွေ စုရုံးပြီး ရန်ကုန်မြို့ မြို့တော်ခန်းမရှေ့မှာ အခုလ ၂၈ ရက်နေ့ ဆန္ဒပြကြဖို့ အာဏာပိုင်တွေထံ ဒီကနေ့ ခွင့်ပြုချက် လျှောက်ထားတယ်လို့ ဦးဆောင်သူ တစ်ဦးဖြစ်တဲ့ ဗီနပ်စ် သတင်းဂျာနယ် တာဝန်ခံ အယ် ဒီတာ ကိုသာလွန်ဇောင်းထက်က RFA ကို အတည်ပြု ပြောကြားပါတယ်။

အခုလို တရားဝင် စုဝေးဆန္ဒပြခွင့် လျှောက်ထားရတာဟာ ဒီမိုကရေစီနဲ့ ထိုက်တန်တဲ့ သတင်း လွတ်လပ်ခွင့် ရရှိဖို့၊ ကျင့်ဝတ်နှင့် အညီ သတင်းရေးသားနေတဲ့ သတင်း မီဒီယာတွေအပေါ် အစိုးရ ၀န်ကြီးဌာနတွေရဲ့ တရားစွဲဆိုမှုတွေ ရပ်ဆိုင်းစေဖို့နဲ့ မီဒီယာသ မားတွေရဲ့ သဘောဆန္ဒ မပါဘဲ ရေးဆွဲထားတဲ့ မီဒီယာ ဥပဒေကို ကန့်ကွက်ဖို့အတွက် ဖြစ်တယ်လို့ သတင်းထောက်တွေက ဆို ပါတယ်။

စုဝေး ဆန္ဒပြရာမှာ မီဒီယာ ဖိနှိပ်မှုရပ် စာတန်းပါ အနက်ရောင် တီရှပ်အင်္ကျီနဲ့ Press Freedom စာတန်းပါ အနက်ရောင် ဦးထုပ်တွေ တူညီဝတ်ဆင်ပြီး သတင်း လွတ်လပ်ခွင့်သည် ဒီမိုကရေစီကို တိုင်းတာသော စံနှုန်းဖြစ်သည်၊ မီဒီယာတွေအပေါ် ဖိနှိပ်မှု ချက်ချင်းရပ်၊ ကျင့်ဝတ်နှင့်အညီ သတင်းရေးသားသော မီဒီယာများအပေါ် အစိုးရ၀န်ကြီးဌာနတွေရဲ့ တရားစွဲဆိုမှုရပ်၊ မီဒီ ယာသမားတွေကို အသိပေးခြင်း မပြုဘဲ ရေးဆွဲထားတဲ့ မီဒီယာဥပဒေကို အပြင်းအထန် ကန့်ကွက်ပါသည် စတဲ့ စာသားတွေ ပါဝင်တဲ့ ဆိုင်ဘုတ်တွေ ကိုင်ဆောင် ပြသသွားမယ်လို့ သိရပါတယ်။

Ref: အာရ်အဖ်အေ