2012-08-21
မန္တလေးတိုင်း ချမ်းမြသာစည်မြို့နယ် မြရည်နန္ဒာမြို့သစ် မြရည်နန္ဒာ ရပ်ကွက်အတွင်း ကျူးကျော် နေထိုင်သူတွေကို အစိုးရ လုံခြုံ ရေး တပ်ဖွဲ့တွေက ဒီကနေ့ အဓမ္မ၀င်ရောက် ရိုက်နှက်ဖယ်ရှား ခိုင်းခဲ့တဲ့အတွက် ရုန်းရင်းဆန်ခတ် ဖြစ်ပွားခဲ့ပြီး ကိုယ်ဝန် ဆောင် နှစ်ဦး အပါအ၀င် စုစုပေါင်း ၇ ဦး ဒဏ်ရာရှိခဲ့ပါတယ်။
"ကျွန်တော်တို့ ပြည်သူတွေပေါ် မငဲ့ညာပဲနဲ့ သူတို့က ဝင်ရောက်ပြီး အကြမ်းဖက်တယ်။ လက်နက်တွေနဲ့။ ယောင်္ကျား၊ မိန်းမ အကုန်ဆွဲချတယ်။ ကျွန်တော်တို့က သမ္မတကြီး ကယ်ပါ အော်လေ၊ သူတို့က ဆွဲချလေ။ သမ္မတကြီး ကယ်ပါ အော်လေ၊ ရိုက် လေ။ ကျွန်တော်တို့ ပြည်သူတွေဘက်က လက်နက်၊ တုတ်၊ ဓားလက်နက် တစ်ယောက်မှ မကိုင်ပါဘူး။ ငြိမ်းချမ်းစွာ ကျွန်တော် တို့က တောင်းပန်တာ။ ရှိခိုးပြီးတော့၊ အသက်ကြီးတဲ့သူတွေ အကုန်လုံးရှိခိုးပြီးတော့ကို တောင်းပန်တာကို သူတို့ကမရတာ။ ဗိုလ်မှူးကြီး တစ်ယောက်ကတော့ ကျည်ဆန်ကတ်တွေကိုလေ၊ သူ့တပည့်တွေကို အကုန်ကျည်ဆန်ကတ်လိုက် ဝေတယ်။ ပစ်မိန့် ရပြီတဲ့၊ ဖမ်းမိန့်ရပြီတဲ့၊ ပစ်ဆိုပြီး ခိုင်းတယ်"
ဒဏ်ရာရသူတွေကို ဆေးရုံပို့ထားပြီး အဲဒီအထဲက နှလုံးရောဂါအခံရှိတဲ့ သက်ကြီးလူနာ တစ်ဦးကတော့ သတိမေ့နေဆဲဖြစ်ပြီး အသက် အန္တရာယ် စိုးရိမ်ရတယ်လို့ သိရပါတယ်။
အဲဒီ ကျူးကျော်ရပ်ကွက်ကို အာဏာပိုင်တွေက တရုတ်လုပ်ငန်းရှင်တွေကို ရောင်းချထားတယ်လို့ သိရပါတယ်။ လောလောဆယ် ရဲတပ်ဖွဲ့ဝင်တွေ ရပ်ကွက်တွင်းက ထွက်ခွာသွားပြီ ဖြစ်ပေမယ့် နောက်တကြိမ် ထပ်လာဦးမယ်ဆိုတဲ့ ကောလာဟလတွေ ကြောင့် ကျူးကျော် အခြေချနေထိုင်သူတွေ စိုးရိမ်မကင်း ရှိနေကြပါတယ်။
Ref: အာရ်အဖ်အေ
ဒီပဲယင်းနဲ့ ရေဦးမြို့နယ်ထဲက စစ်ဘေးဒုက္ခသည် တစ်သောင်းခန့်ဟာ ဆောင်းရာသီ
ဝင်ရောက်လာတာကြောင့် အအေးဒဏ် ခံစားနေရပြီး အနွေးထည်နဲ့ စောင်တွေ အရေးပေါ်
အကူအညီ လိုအပျန...
1 hour ago
Posts
0 comments:
Post a Comment