ဖားကန့်တွင် KIO နှင့် အစိုးရတပ်များအကြား တိုက်ပွဲပြင်းထန်နေ

ဖနိဒါ
သြဂုတ်လ ၂၇ ရက် ၂၀၁၂ ခုနှစ်

ကချင်ပြည်နယ်၊ ဖားကန့်မြို့နယ်အတွင်း မြန်မာအစိုးရစစ်တပ်နှင့် ကချင်လွတ်လပ်ရေးအဖွဲ့ KIO တပ်များအကြား တိုက်ပွဲများ ပြင်းထန်လာနေ၍ မြို့ပေါ်သို့ စစ်ပြေး ဒုက္ခသည် အများအပြား ထွက်ပြေးလာနေကြသည်။

ဖားကန့်မြို့နယ် တောင်ပြို-ဗလခကျေးရွာနှင့် ဆိုင်းဂျာတောင်အကြားတွင် မြန်မာ အစိုးရတပ် နမခ လက်အောက်ခံ တပ်မ ၃၃ မှ အင်အား ၃ဝဝ ခန့်ဖြင့် သြဂုတ်လ ၂၄ ရက်နေ့တွင် ထိုးစစ်ဆင်လာသဖြင့် KIA ၏ တပ်ရင်း ၆ မှ တပ်ဖွဲ့ များနှင့် တိုက်ပွဲများ စတင်ဖြစ်ပွားလာခဲ့ခြင်းဖြစ်ပြီး တနင်္လာနေ့တွင်မူ ရှစ်နာရီခန့်ကြာ တိုက်ပွဲပြင်းထန်စွာ ဖြစ်ပွားခဲ့ ကြောင်း KIA ရှေ့တန်း တပ်ဖွဲ့ဝင် တဦးက ပြောသည်။

“ဒီနေ့က မနက် ၉ နာရီကနေ ညနေ ၄ နာရီ ၄ဝ မိနစ်ထိ ပစ်တာ ခုတော့ ငြိမ်သွားပြီ။ အစိုးရတပ်က ၈ဝ လောက်တော့ ဒဏ်ရာရမယ်။ ကျနော်တို့ဘက်ကတော့ ထိခိုက် ဒဏ်ရာရတာ မရှိသေးဘူး” ဟု မဇ္စျိမကို ပြောသည်။

နှစ်ဘက် အကျအဆုံးနှင့် ထိခိုက်ဒဏ်ရာရမှုတို့နှင့် ပတ်သက်၍ မဇ္ဈိမက သီးခြားအတည်ပြုချက် မရယူနိုင်သေးပေ။

နှစ်ဖက် တိုက်ပွဲများကြောင့် ရွာသူရွာသားများ ဖားကန့်မြို့ပေါ်ရှိ ထွက်ပြေးခိုလှုံလာကြရာ နှစ်ခြင်းအသင်းတော် ဘုရားကျောင်းတွင် ၇၇၅ ဦးရှိပြီး ကက်သလစ်အသင်း ဘုရားကျောင်းတွင် ၈၈ဝ ဦး၊ မှော်ဝမ်းနှစ်ခြင်း ဘုရားကျောင်း တွင် ၆၄၇ ဦး၊ အင်ကလီကန် ဘုရားကျောင်းတွင် ၂၆၆ ဦး၊ မူရင်းနှစ်ခြင်းဘုရားကျောင်းတွင် ၂၃ဝ စသည်ဖြင့် ရှိနေသည်ဟု နှစ်ခြင်းအသင်းတော်မှ သိက္ခာ တော် ရဆရာတော် ဦးတူးဂျာ က ပြောသည်။

“ကျနော်တို့ဖားကန့်မှာ လုံခြုံရေးအရ တိမ်းရှောင်လာတဲ့ ကျနော်တို့ လက်ခံထားတဲ့ နေရာ ဒုက္ခသည်စခန်းက ၂၃ ရှိတယ်။ ဒုက္ခသည် လူပေါင်းက ၆,ဝဝဝ ကျော်ရှိတယ်။ ကိုယ့်အစီအစဉ်နဲ့ကိုယ် နေထိုင်နေတာလည်း ရှိမယ်။ ဖားကန့်မြို့ပေါ် အားလုံး ဆိုရင်တော့ ဒုက္ခသည် သုံးသောင်းလောက်တော့ ရှိမှာပေါ့” ဟု မဇ္စျိမကို ပြောသည်။

သြဂုတ်လ ၁၉ ရက်နေ့ကတည်းက နှစ်ဘက်တပ်များ တင်းမာမှုများ ဖြစ်လာ၍ မှော်မောင်ကုန်း၊ တောင်ပြို၊ သူဌေးချောင်း၊ ဆိုင်းဂျာဘွမ်၊ မနားချောင်း၊ ဗလခ၊ မှော်ဝမ်းကြီး၊ မှော်ဝမ်းကလေး၊ ရှရော်ခ၊ ဇွပ်ငိုင်၊ မျောက်ဖြူ၊ မှော်မောင်းလယန် စသည့် ကျေးရွာပေါင်း ၂ဝ ကျော်မှ ရွာသူရွာသားများ အိုးအိမ်များစွန့်ထား၍ မြို့ပေါ်သို့ တိမ်းရှောင်လာကြခြင်း ဖြစ်သည်။

ဗလခ ကျေးရွာတွင် ကျန်နေခဲ့သော အမျိုးသားဒီမိုကရေစီ အဖွဲ့ဝင် ဒေါ်ဂျာရှန်ကလည်း “အခုလောလောဆယ်တော့ ရပ်နေကြ တယ်။ (တိုက်ပွဲက) ကျမတို့ ရွာနဲ့ သိပ်မဝေးဘူး။ ဒီကနေတောင် မြင်နေရတယ်။ ခုန ၅ နာရီလောက်ကျော်ထိ ဖြစ်နေ တယ်၊ ရွာမှာက လူတွေ မရှိတော့ဘူး။ တချို့က ပစ္စည်းတွေ ပစ်ပြီး ထားတော့ ကျမတို့ပဲ ကြည့်ပေးနေတယ်” ဟု မဇ္စျိမကို ပြောသည်။

လက်ရှိ စစ်ပြေးဒုက္ခသည်များအတွက် စားသောက်ကုန် ဝယ်ယူရန်အတွက် ရန်ပုံငွေ လိုအပ်နေသည်ဟု ဆိုသည်။

“ကျနော်တို့ အားလုံး ဒုက္ခရောက်နေတဲ့အချိန် စစ်မဖြစ်ချင်ဘူး။ ငြိမ်းငြိမ်းချမ်းချမ်း နေချင်တယ်။ အားလုံးက ကိုယ့်ကို ကိုယ် ကျောက်တွေလည်း တပိုင်တနိုင် ရေမဆေးရှာ၊ ခုနောက်ပိုင်းမှာ ကုမ္ပဏီတွေရဲ့ ကျဉ်းထဲမှာ တပိုင်တနိုင် သံတိုင် ကိုင်ပြီး ကျောက်တူးလုပ်စားနေကြတာ အားလုံးက ဒုက္ခရောက် သွားတာပေါ့” ဟု ဆရာကြီး ဦးတူးဂျာက ပြောသည်။

KIO နှင့် ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီတို့အကြား စစ်ရေးကိစ္စနှင့် ပတ်သက်၍ ဆွေးနွေးရန် ရှိသော်လည်း ဆွေးနွေးမည့် နေရာ ညှိနှိုင်းမရသဖြင့် နှစ်လနီးပါးထိ ပြန်လည် တွေ့ဆုံမှုကို ရပ်ဆိုင်းထား သည်။

ဦးအောင်မင်း ဦးဆောင်သော အစိုးရ ငြိမ်းချမ်းရေး ကိုယ်စားလှယ်အဖွဲ့ဘက်မှ စာပို့မည်ဟု သြဂုတ်လ ၂၄ ရက်နေ့က အစိုးရ အကျိုးဆောင် ဦးလှမောင်ရွှေက တယ်လီဖုန်းဖြင့် ပြောဆိုခဲ့သော်လည်း ယနေ့ထိ မည်သည့်စာမှ ရောက်လာခြင်း မရှိသေး ကြောင်း ကချင်ငြိမ်းချမ်းရေး အကျိုးဆောင် ဦးခဗျာခွန်းအောင် က ပြောသည်။

“တနေ့က အပေါ်ယံတော့ ပြောတယ်။ စာဘယ်နေ့ ပို့မယ်ဆိုတာတော့ မသိသေးဘူး။ သောကြာနေ့က တောင်ကြီးက ဦးလှမောင် ရွှေက ဖုန်းနဲ့ ပြောတယ်။ သူတို့ ကမ်းလှမ်းချက် စာပို့မယ်လို့ ပြောတယ်” ဟု သူက မဇ္စျိမကို ပြောသည်။

ပို့မည်ဆိုသော စာတွင် မည်သည့်အကြောင်းကြားစာ ဖြစ်သည်ကိုမူ ပြောဆိုခြင်း မရှိကြောင်း သူက ဆိုသည်။

Ref: မဇ္ဈိမ