မဲဆောက်တွင် နိုင်ငံတကာ တက္ကသိုလ်ဖွင့်ရန်စီစဉ် မြန်မာရွှေ့ပြောင်း ကျောင်းသားများ တက်ရောက်နိုင်

NEJ / ၃ ဇွန် ၂၀၀၉

ဒေသတွင်းရောက် မြန်မာရွှေ့ပြောင်းကျောင်းများမှ ကျောင်းသားများ အဆင့်မြင့် ပညာ သင်ကြားနိုင်ရေး အတွက် မဲဆောက်မြို့တွင် နိုင်ငံတကာ တက္ကသိုလ် ဖွင့်လှစ်နိုင်ရန် ထိုင်းနိုင်ငံရှိ ထမဆတ် တက္ကသိုလ်မှ ကြီးမှူး စီစဉ်နေသည်။

မဲဆောက်ဒေသအခြေစိုက် မြန်မာရွှေ့ပြောင်းအလုပ်သမားများ ပညာရေးကော်မီတီ ဥက္ကဋ္ဌ ဆရာမ နော်ဖောရေက “ကျမတို့ဒေသမှာ နိုင်ငံတကာ တက္ကသိုလ်တခု ဖွင့်နိုင်ခဲ့မယ်ဆိုရင် မြန်မာရွှေ့ပြောင်းကလေးတွေ အတွက် ပညာရေး အခွင့်အလမ်းတွေ ပိုပြီးရရှိလာမယ်။ ရွှေ့ပြောင်းကလေးတွေပါ တက်နိုင်ဖို့ အစီအစဉ်ရှိတယ်ဆိုတော့ ဒီကိစ္စကို ကျမတို့ ကြိုဆိုတယ်” ဟု ပြောသည်။

ထိုင်းနိုင်ငံရှိ ထမဆတ်တက္ကသိုလ်မှ ဒေါက်တာ ဒေးချားတန့်စီဖား၊ အခြား တက္ကသိုလ်များမှ ဆရာဆရာမများနှင့် ဘွဲ့လွန် ကျောင်းသားများသည် မဲဆောက်တွင် နိုင်ငံတကာ တက္ကသိုလ်တခု ဖွင့်လှစ်နိုင်ရန် အတွက် မြန်မာရွှေ့ပြောင်း ကလေးငယ်များ၏ ပညာရေး ဆောင်ရွက်နေကြသည့် အဖွဲ့အစည်းများနှင့် ယမန်နေ့က လာရောက်တွေ့ဆုံ ဆွေးနွေးခဲ့ကြသည်။

ဆွေးနွေးပွဲတွင် သင်ရိုးညွှန်းတမ်းများကို ထည့်သွင်းနိုင်ရန်အတွက် မြန်မာရွှေ့ပြောင်း ပညာရေး အဖွဲ့အစည်းများက ကျန်းမာရေး၊ ပညာရေး၊ လူငယ်နှင့် အမျိုးသမီး၊ လူ့အခွင့်အရေးနှင့် ဒီမိုကရေစီ၊ လူ့ပတ်ဝန်းကျင်နှင့် ထုံးတမ်းစဉ်လာ များ စသည်တို့ကို နှီးနှော ဖလှယ်ခဲ့ကြသည်။

နိုင်ငံတကာတက္ကသိုလ်ဖွင့်လှစ်မည့် ကိစ္စနှင့်ပတ်သက်၍ ဆရာမ နော်ဖောရေက “ဒီကျောင်းဖွင့်ဖို့ အနည်းဆုံး (၃) နှစ် လောက်တော့ ကြာနိုင်တယ်။ သူတို့က အခုမှ လာပြီး သုတေသန လုပ်တဲ့ အဆင့်ပဲရှိသေးတယ်။ အခုလက်ရှိမှာ မြန်မာရွှေ့ပြောင်း အထက်တန်း ကျောင်းကနေ အောင်မြင်သွားတဲ့ သူတွေဟာ တက္ကသိုလ် ဆက်တက်နိုင်ဖို့ အခက်အခဲတွေ အများကြီးရှိတော့ ဒီ အင်တာနေရှင်နယ် တက္ကသိုလ်သာ ဖွင့်လိုက်မယ်ဆိုရင် သူတို့တွေအတွက် အဆင့်မြင့် ပညာရပ်တွေ သင်ကြားခွင့်ရှိလာမယ်” ဟု ပြောသည်။

မြန်မာရွှေ့ပြောင်းအလုပ်သမားများအနေဖြင့် တက္ကသိုလ်တခုခုမှ ဘွဲ့ရရှိပြီးပါက ထိုင်းနိုင်ငံအတွင်း အစိုးရအလုပ်များ တွင် လုပ်ကိုင်ခွင့် မရရှိသည့်တိုင် အနည်းဆုံး ကုမ္ပဏီများ၊ ပုဂ္ဂလိက လုပ်ငန်းခွင်များတွင် ၀င်ရောက် လုပ်ကိုင်ခွင့် ရကြမည်ဟု သိရသည်။

မြန်မာရွှေ့ပြောင်း အလုပ်သမားများ ပညာရေးကော်မီတီ (BMWEC) ၏ အစီအစဉ်ဖြင့် အထက်တန်း ပညာရေး အောင်မြင်သွားသူ အချို့ကို ဘန်ကောက်ရှိ တက္ကသိုလ်ကြီးများတွင် ပညာသင်ကြားနိုင်ရန် ဆက်လက်ပို့ဆောင် ခဲ့သော်လည်း အခက်အခဲ အမျိုးမျိုးကြောင့် ကျောင်းသားဦးရေ အနည်းငယ်သာ ပို့ဆောင်နိုင်သည်ဟု ဆရာမ နော်ဖောရေက ပြောသည်။

ထိုင်း-မြန်မာနယ်စပ် တာ့ခ်ခရိုင်အတွင်းရှိ မဲဆောက်၊ မယ်လမတ်၊ ဖို့ဖတ်စသည့် (၃) မြို့နယ်တွင် မြန်မာရွှေ့ပြောင်း ကလေးငယ်များ အတွက် စာသင်ကျောင်းပေါင်း (၆၀) ရှိပြီး ကျောင်းသား (၁) သောင်းကျော် ကျောင်းအသီးသီးတွင် ပညာသင်ကြားလျက်ရှိသည်။

ယင်းဒေသများအတွင်း အရွယ်ရောက်ပြီး ပညာသင်ကြားနိုင်ခွင့် မရှိသည့် ကလေးငယ် အရေအတွက်မှာ (၃) သောင်း ခန့် ရှိသည်ဟု BMWEC အဖွဲ့၏ မှတ်တမ်းများအရ သိရှိရသည်။

Ref: ခေတ်ပြိုင်