စစ်အစိုးရ ဖွဲ့စည်းပုံအခြေခံဥပဒေကုို ဒေါက်တာနေ၀င်းမောင် ထောက်ခံသလား

Friday, July 23, 2010

လှတောသား

ဇူလုိုင် ၁၂ ၇က်ထုတ် The Voice ဂျာနယ်မှာ ဒေါက်တာ နေ၀င်းမောင်ရဲ့ ကလောင်ခွဲ အောင်ထွဋ်ရေးတဲ့ ဖွဲ့စည်းပုံကုို ဝေဖန်တဲ့ ဆောင်းပါး ပါပြီး မကြာခင် The Voice ဂျာနယ်ကုို ၂ ပတ် အပိတ်ခံ ရတယ်လုို့ ကြားရပါတယ်။

ဒီနေရာမှာ မှတ်ရ လွယ်အောင် ဆောင်းပါးရှင်ကုို ဒေါက်တာ နေ၀င်းမောင်လို့ဘဲ ညွှန်းပါရစေ။ စစ်အစိုးရ ဖွဲ့စည်းပုံ အခြေခံ ဥပဒေကုို လက်ခံသူ၊ စစ်အစိုးရနဲ့ နီးစပ်သူလုို့ အများက အသမုတ် ခံနေရတဲ့ ဒေါက်တာ နေ၀င်းမောင် ဘာကြောင့် Concept နဲ့ Process ဆောင်းပါးမျိုး ရေးသလဲဆုိုတာ စိတ်ဝင်စားဘုို့ ကောင်းပါတယ်။

သူ့ဆောင်းပါးကုို အနှစ်ချုပ် ကြည့်ရင် စစ်အစိုးရရဲ့ ဖွဲ့စည်းပုံ အခြေခံဥပဒေ ၂၀၀၈ မှာ သမ္မတကုို ဗီတိုအာဏာ ပေးမထားပေမဲ့ သမ္မတ မကြိုက်တဲ့ ဥပဒေကြမ်း တခုခုကို လွှတ်တော် ၂ ရပ်က တင်သွင်းလာရင် ၂၅ ရာနှုန်း စစ်ဗိုလ်အမတ် ၁၆၆ ဦးက ကန့်ကွက်မဲ ပေးကြမှာ ဖြစ်တယ်၊ ဒါကြောင့် သမ္မတ လက်မခံတဲ့ ဥပဒေကြမ်းမျိုး ပြင်ချင်သပ ဆုိုရင် အရပ်သား အမတ် ၄၉၈ ဦးထဲက အနည်းဆုံး ၃၃၃ ဦး ထောက်ခံမှ ဖြစ်မယ်ဆုိုတာ (မဖြစ်နိုင်အောင် လုပ်ထားတာမို့) ဖွဲ့စည်းပုံမှာ ရေးမထားတဲ့ သမ္မတရဲ့ ဗီတုိုအာဏာ ဖြစ်တယ်လုို့ ရေးခဲ့တာပါ။

ဒီနေရာမှာ စာရေးဆရာ ဒေါက်တာ နေ၀င်းမောင်က ရွေးကောက်ပွဲ အပြီး ပထမဆုံး အရွေးခံရမဲ့ သမ္မတကုို စစ်တပ်က ခေါင်းခေါက်ရွေးတဲ့ စစ်သားသမ္မတ မုချဧကန် ဖြစ်ရမယ်လုို့ တထစ်ချယူဆပြီး ရေးထားတာကြောင့် စစ်အစိုးရ ၀ှက်ဖဲကုို ထုတ်ပြသလို ဖြစ်သွားတဲ့ အတွက် စစ်အစိုးရကုို နားရွက် တံတွေး ဆွတ်သလို ဖြစ်သွားပုံရပါတယ်။ တနည်းပြောရရင် သမ္မတ ဗိုလ်ချုပ်မှူးကြီး သန်းရွှေ သဘောမကျတဲ့ ဥပဒေကြမ်းမျိုးကုို စစ်ဗိုလ်အမတ် ၁၆၆ ဦးက လက်ခံမှာ မဟုတ်ဘူးလို့ ဒေါက်တာ နေ၀င်းမောင် မပြောရုံ တမယ် ရှိတာမို့ နအဖဘက်က ပိုပြီး စိတ်ခုသွားပုံရပါတယ်။

ဒါကြောင့် စစ်ဗိုလ်အမတ် ၁၆၆ ဦးရဲ့ ကန့်ကွက်မဲကို သမ္မတရဲ့ ရေးမထားတဲ့ ဗီတို (Default Veto) လို့ သုံးထားတာမုို့ ဖွဲ့စည်းပုံ အခြေခံ ဥပဒေကုို ပြင်ဘို့ နေနေသာသာ စစ်တပ်ကဘဲ ကြိုးကုိုင် ထားမှာမုို့ သာမန် ဥပဒေကြမ်းမျိုး ပြင်ဘုို့တောင် စစ်တပ် သဘောမတူရင် မဖြစ်ဘူးဆုိုတဲ့ သဘော ဆောင်သွားပါတယ်၊ ဒီမှာတင် စစ်အစိုးရ အနေနဲ့ အနာပေါ် တုတ်ကျ ဖြစ်သွားပုံရပါတယ်။

နောက်တချက်က သမ္မတ လက်မခံတဲ့ ဥပဒေကြမ်းမျိုး ပြင်ချင်သပ ဆုိုရင် အရပ်သား အမတ် ၄၉၈ ဦးထဲက အနည်းဆုံး ၃၃၃ ဦး ထောက်ခံမှ ဖြစ်မယ် ဆိုတာဟာ အရပ်သား အမတ် စုစုပေါင်းရဲ့ သုံးပုံ ၂ ပုံ ထောက်ခံဘို့ မဖြစ်နိုင်ဘူး- လက်တွေ့မှာ ကြံ့ခုိုင်ဖွံ့ဖြိုးရေး ပါတီနဲ့ တစညလုို ပါတီတွေက အမတ်တွေ၊ စစ်အစိုးရ ကျောထောက် နောက်ခံ ပေးထားတဲ့ မဟာမိတ်ပါတီ အမတ်တွေက အရပ်သား အမတ် အများစု ဖြစ်နေမှာမို့ ပြည်သူလူထု အကျိုးလိုလားတဲ့ အရပ်သားအမတ် ၃၃၃ ဦး လိုတယ်လို့ ဒေါက်တာ နေ၀င်းမောင် ဥပါယ်တမျဉ်နဲ့ ထောက်ပြတာကုို စစ်အစိုးရက မျက်ထောင့် နီသွားတာ ဖြစ်နိုင်ပါတယ်။

ပုိုပြီး စာဖတ်သူတွေ ရှင်းသွားအောင် ပြည်သူနဲ့ နိုင်ငံရေးပါတီတွေ သာမန်ထက် ပုိုပြီး ညီညွတ်ကြမယ် ဆုိုရင် အပြန်အလှန် ထိန်းကျောင်းမှု ရှိတဲ့ နိုင်ငံရေး စနစ်တခုကို အသေအချာ ခံစားရ ပါလိမ့်မယ်လို့ ဒေါက်တာ နေ၀င်းမောင် မှတ်ချက် ချတာဟာ လူထုကနေ ပြည်သူလူထု အကျိုးလိုလားတဲ့ အရပ်သား အမတ် ၃၃၃ ဦး ရအောင် စစ်အစိုးရ မထောက်ခံတဲ့ ပါတီတွေကို မဲဖိပေးရင် ကုိုယ်လိုချင်တာ ရနိုင်တယ်လို့ ဆိုလိုရာ ရောက်နေတာမို့ ဒေါက်တာ နေ၀င်းမောင်ကုို မဖမ်းတာဘဲ တော်လှပြီလို့ ဆိုရမလို ဖြစ်နေပါတယ်။

ဒီမှာတင် ဒေါက်တာ နေ၀င်းမောင် ရေးတာတွေ လွဲနေပါတယ် ဆိုပြီး ပိတောက်မြေလုို စစ်အစိုးရ ဘောင်းတော်ညိတ် ဘလော့ဆုိုက်တွေက အူယားဖားယား လုိုက်ရှင်းရတဲ့ အဖြစ် ရောက်သွားပါတယ်။

တကယ်တော့ ဒေါက်တာ နေ၀င်းမောင်ရဲ့ ဒီဆောင်းပါးဟာ ပြည်တွင်းမှာ နေပြီး ဖွဲ့စည်းပုံရဲ့ အပြစ် အနာအဆာကုို ဥပါယ်တမျဉ်နဲ့ ထောက်ပြရုံမက လူထုကုိုပါ လွှတ်တော်မှာ ပြည်သူအကျိုး လိုလားတဲ့ ပါတီတွေကို ထောက်ခံမဲ အပြတ်ပေးပါ ဆုိုတဲ့ သဘော ရောက်စေတဲ့ ဆောာင်းပါးမျိုး ရေးတာမို့ ကြီးလေးတဲ့ အပြစ်ဒဏ် ခံရနုိုင်တဲ့ အတွက် သတ္တိကုို ချီးကျူးထုိုက်ပါတယ်။

တဘက်ကလဲ စစ်အစိုးရရဲ့ ဖွဲ့စည်းပုံ အခြေခံ ဥပဒေဟာ စစ်ခေါင်းဆောင်တွေနဲ့ စစ်တပ်ကို ကာကွယ် ထားတဲ့ ပုဒ်မ ၁၀၀ နီးပါးကုို ၂၅ ရာနှုန်း စစ်ဗိုလ်တွေရဲ့ ထောက်ခံမှု မရဘဲ ပြင်လုို့ မရတာသာ ရှိပါတယ်- သာမန် ဥပဒေကြမ်းမျိုးကုို ထက်ဝက်ကျော် မဲနဲ့ ပြင်နိုင် ပါတယ်လို့ ၀ါဒဖြန့်နေသူတွေ အားလုံးကုို ဒေါက်တာ နေ၀င်းမောင်ပေးတဲ့ မက်ဆေ့က စစ်အစိုးရ ဖွဲ့စည်းပုံ အခြေခံ ဥပဒေဟာ သာမန် ဥပဒေကြမ်းမျိုးတောင် ပြင်ဘို့ မဖြစ်နိုင်ဘူးလို့ သွယ်ဝိုက် ပြောရာ ရောက်နေပါတယ်။

ဒီအချက်ကုို ပိုပြီး ပီပြင်စေဘို့ အတွက် နောင်ကို ပညာရှင် အမျိုးမျိုးက စစ်အစိုးရ ဖွဲ့စည်းပုံ အခြေခံဥပဒေကုို ရှုထောင့် အမျိုးမျိုးက သုံးသပ်ရာမှာ ဒီကိစ္စကုို သူအရင်ဆုံး မှတ်တမ်းတင်ခဲ့တာ သိစေချင်လုို့ ရေးတာပါလုို့ ဒေါက်တာ နေ၀င်းမောင်က ဆောင်းပါး နိဂုံးမှာ ရဲရဲ တင်းတင်း ရေးထားပါတယ်။

တကယ်တော့ စစ်အစိုးရ ဖွဲ့စည်းပုံ အခြေခံဥပဒေကုို အလကားပါလုို့ ပြောသူတွေ ပြည်တွင်း ပြည်ပမှာ မရေတွက် နိုင်ပေမဲ့ ဘယ်အချက်တွေဟာ တုိုင်းပြည် အတွက် အဆိပ်အတောက် ဖြစ်တယ် စစ်ခေါင်းဆောင်တွေနဲ့ စစ်တပ် အကျိုးကုို ဘယ်လို ကာကွယ် ထားသလဲ ဆုိုတာတွေကုို ခွဲခြမ်း စိတ်ဖြာပြီး လူထုကုို အသိပေးနိုင်သူက အတော် နည်းပါတယ်။

ဒေါက်တာ နေ၀င်းမောင်ဟာ တကယ်ဘဲ စစ်အစိုးရနဲ့ နီးစပ်သူလား- တကယ်ဘဲ အခြေခံဥပဒေ ၂၀၀၈ ကုို သဘောကျ ယုံကြည်သူလား ဆုိုတာ ကျွန်တော် မသိပါ။ ဒေါက်တာ နေ၀င်းမောင်ကုိုလဲ မမြင်ဘူးပါ။

ဒါပေမဲ့ The Voice ဂျာနယ်ပါ အောင်ထွဋ် ဆောင်းပါးကတော့ စစ်အစိုးရ ဖွဲ့စည်းပုံကုို ယုံကြည်သူလုို့ ဒေါက်တာ နေ၀င်းမောင် ခံယူ ထားတာဟာ ပြည်တွင်းကနေ စစ်အစိုးရကုို ပူးသတ်မဲ့ ကတ္တီပါ လက်အိတ် စွပ်ထားတဲ့ သံလက်သီး လားလုို့တောင် မေးစရာ ဖြစ်နေပါတယ်။

Ref: ပိတောက်မြေ