ရွှေကလောင် (SKL) ဘွဲ့ပေးချင်တယ်

လူထုစိန်ဝင်း

''ပြည်သူတွေ တာဝန်ကျေဖို့ လိုတယ်'' နိုင်ငံရေးသမားတွေ ဟောတာပြောတာ နားထောင်ရတဲ့ အခါ ဖြစ်စေ၊ ခေတ်ပေါ် ဒီမိုကရေစီ မဟာ ပညာကျော်တွေ ရေးတဲ့ စာတိုစာရှည်တွေကို ဖတ်ရတဲ့အခါ ဖြစ်စေ၊ ပြည်သူတွေ တာဝန်ကျေပါ။ ကိုယ့်တာဝန် ကိုယ်သိပါ ဆိုတဲ့ စကားတွေကို ထပ်ခါထပ်ခါ ကြားရတယ်။

ငပြူးကပြဲ
ကြားရတဲ့အခါတိုင်း နားကလောပြီး ဖတ်ရတဲ့ အခါတိုင်း မျက်စိနောက်မိတယ်။ 'ငပြူးကများ ပြဲရတယ်ရှိသေး'လို့ အမြဲ ပါးစပ်က ထွက်လာလေ့ ရှိတယ်။ တကယ်တမ်း ကိုယ့်တာဝန်ကိုယ် သိပြီး တာဝန်ကျေရမှာက သူတို့လေ။ ခေတ်တိုင်း ခေတ်တိုင်းမှာ မြန်မာပြည်သူ လူထုက တာဝန်မကျေခဲ့တာ ဘယ်မှာရှိလို့လဲ။ နယ်ချဲ့တပ်တွေ ရတနာပုံ နေပြည်တော်ကို သိမ်းဖို့ ကြည်းကြောင်း၊ ရေကြောင်း ချီလာတော့ လမ်း တစ်လျှောက်လုံးမှာ ရှိတဲ့ ရွာတိုင်းရွာတိုင်းက ရရာလက်နက် ဆွဲကိုင်ပြီး ခုခံ တိုက်ခိုက်ခဲ့ကြတယ်။ မြင်းခြံ၊ သပြေတန်း၊ အင်းဝ ခံတပ်တွေက ရဲမက် အပေါင်းကလည်း အသေခံပြီး တိုက်ဖို့ အသင့် ရှိနေခဲ့ကြတယ်။ ကင်းဝန်မင်းကြီးက 'အင်္ဂလိပ်တွေကို မခုခံရ၊ ခုခံလျှင် သူပုန်' ဆိုတဲ့ ကြေးနန်းရိုက် အမိန့်ထုတ်လို့သာ မတိုက်ကြရတာ ဖြစ်တယ်။

လက်နက်ချ အညံ့ခံခိုင်း
နေပြည်တော်ကို သိမ်းပိုက်ပြီး ဘုရင်နဲ့ မိဖုရားကို ဖမ်းဆီး ခေါ်ဆောင်သွားပြီး နောက်မှာလည်း မြန်မာ မျိုးချစ်တွေက အနယ်နယ် အရပ်ရပ်မှာ နယ်ချဲ့ တပ်တွေကို ဆန့်ကျင် တိုက်ခိုက်မြဲ တိုက်ခိုက်ကြတယ်။ အဲဒီအခါ ကင်းဝန်မင်းကြီးနဲ့ အပေါင်းပါများက နယ်ချဲ့ တပ်တွေနဲ့အတူ နယ်တကာ လိုက်ပါပြီး မြန်မာ မျိုးချစ်တွေကို လက်နက်ချ အညံ့ခံဖို့ လှုံ့ဆော် စည်းရုံးခဲ့ကြတယ်။ လက်နက် ချသူတွေကို တိုက်သူကြီး၊ ရွာသူကြီး ရာထူးတွေ ပေးမယ်ဆိုပြီး နားချခဲ့တယ်။ လစာ ရိက္ခာတွေ၊ ဘွဲ့ထူး ဂုဏ်ထူးတွေ ပေးပြီး ဆွယ်ခဲ့ကြတယ်။

ဒီလိုနဲ့ပဲ စစ်ကဲတော်မင်းတို့ သမာဓိမြို့ဝန်မင်းတို့ ဆိုတဲ့ နယ်ချဲ့လက်ပါးစေ အဖြစ် ရောက်သူတွေ ရောက်သွား ကြတယ်။ ကျက်သရေဆောင် ရွှေစလွယ်ရမင်း(KSM)၊ အမှုထမ်းကောင်းမင်း(ATM)၊ တိုင်းကျိုး ပြည်ကျိုးဆောင် (TPS) ဆိုတဲ့ ဘွဲ့ခံတွေလည်း ပေါ်ထွက် လာခဲ့တယ်။ နှစ်လုံးပြူး ဆုချခံရသူ၊ ရွှေဓား ချီးမြှင့် ခံရသူတွေလည်း အများအပြား ရှိလာခဲ့ကြတယ်။

ဆာဘွဲ့အထိ ရခဲ့ကြ
အဲဒီ ဘွဲ့ထူးဂုဏ်ထူးတွေဟာ နယ်ချဲ့အစိုးရက သူတို့အကျိုးကို သစ္စာရှိစွာ ထမ်းဆောင်တဲ့ လက်ပါး စေတွေကို ချီးမြှင့်တာ ဖြစ်တယ်။ နောက်ပိုင်း မြန်မာလူထုရဲ့ လွတ်လပ်ရေး တိုက်ပွဲတွေ အရှိန်အဟုန် ကြီးမား ပြင်းထန်လာတဲ့ အခါကျတော့ ဘိလပ် ရွှေမြို့တော်ကြီးရှိ 'ဂျော့ဘုရင် ရွှေဘုန်းနေကနှုန်းပမာ' ကိုယ်တိုင်က ချီးမြှင့်တယ် ဆိုတဲ့ 'ဆာ' ဘွဲ့ ပေး ခံရသူများတောင် ရှိလာခဲ့တယ်။ ဂဠုန် ဆရာစံနဲ့ အပေါင်းအပါ မျိုးချစ် လယ်သမားတွေ ကိုတော့ ကြိုးစင်ကို ပို့ခဲ့ကြတယ်။ ကိုနုတို့၊ ကိုအောင်ဆန်း တို့လို ကျောင်းသားတွေကို တက္ကသိုလ်က ထုတ်ပစ်ခဲ့တယ်။ သခင် ကိုယ်တော်မှိုင်းကို ရန်သူတော် နံပါတ်တစ်လို့ ကြေညာပြီး ကိုအောင်ဆန်းကို ဆုတော်ငွေငါးကျပ် အထုတ်ခံ ၀ရမ်းပြေး အဖြစ် သတ်မှတ်ခဲ့တယ်။

အမျိုးသားကျောင်းတွေ
ကိုနု၊ ကိုအောင်ဆန်းတို့ ကျောင်းထုတ်ခံရလို့ တက္ကသိုလ် ကျောင်းသားတွေက သပိတ် မှောက်ကြတော့လည်း မိဘ ပြည်သူ တစ်ရပ်လုံးက တစ်ခဲနက် ထောက်ခံကြတယ်။ နောက်တော့ အင်္ဂလိပ်ရဲ့ ကျွန်ပညာအစား သခင်ပညာ သင်ကြားနိုင်ဖို့ အမျိုးသား ကျောင်းတွေ တစ်နိုင်ငံလုံး အနှံ့ ထူထောင် ပေးခဲ့ကြတယ်။ ပြည်သူတွေ ကိုယ်တိုင် ငွေကြေး စိုက်ထုတ်ပြီး ကျောင်းတွေ ထောင်ပေး ခဲ့ကြတာ ဖြစ်တယ်။ သခင်ကိုယ်တော်မှိုင်းလို ပုဂ္ဂိုလ်ကစပြီး အခကြေးငွေ လုံးဝ မယူဘဲ စေတနာဆရာ အဖြစ် လုပ်ကိုင် ခဲ့ကြတယ်။

အမျိုးသမီးတွေလည်း တိုက်ခဲ့ကြ
အဲဒီနောက် ကိုအောင်ဆန်းတို့ လူငယ်တစ်စု ဘီအိုင်အေ ဖွဲ့စည်း ထူထောင်ပြီး ဂျပန်တွေနဲ့ အတူ ၀င်ရောက် လာတော့လည်း တစ်ပြည်လုံးက သောင်းသောင်းဖျဖျ ကြိုဆိုခဲ့ကြပြီး ယောက်ျားမှန်သမျှ ဘီအိုင်အေ တပ်ထဲ ၀င်ခဲ့ကြတယ်။ တစ်ခါ ဗိုလ်ချုပ် အောင်ဆန်းတို့က ဂျပန်ကိုပြန်ပြီး တော်လှန်ကြ ဆိုတော့လည်း လှည်းနေလှေအောင်း မြင်းဇောင်းမကျန် ရရာလက်နက် စွဲကိုင်ပြီး တော်လှန်ရေး ဆင်နွှဲခဲ့ကြတယ်။ အမျိုးသမီးတွေလည်း ယောက်ျားတွေနဲ့ တန်းတူ ရင်ပေါင်တန်းပြီး တိုက်ပွဲ ၀င်ခဲ့ကြတယ်။ အဲဒီအချိန်က အင်္ဂလိပ်၊ အမေရိကန် စစ်တပ်တွေတောင် စစ်မြေပြင်မှာ လက်နက်ကိုင် တိုက်ခိုက်တဲ့ အမျိုးသမီး တပ်ဖွဲ့တွေ မရှိသေးပါဘူး။

တိုက်ပွဲခေါ်သံ ပေးသမျှ
စစ်ပြီးခေတ် လွတ်လပ်ရေးအတွက် နိုင်ငံရေးတိုက်ပွဲတွေ ဆင်နွှဲရာမှာလည်း ဗိုလ်ချုပ်တို့ ဖဆပလက တိုက်ပွဲခေါ်သံ ပေးသမျှ တစ်ခဲနက် လိုက်ပါ ထောက်ခံ ခဲ့ကြတာချည်း ဖြစ်တယ်။ နေသူရိန် အစည်း အဝေးကြီး တက်ကြဆိုလည်း အိမ်ရှိလူကုန် လာ တက်ကြတယ်။ ပြည်လုံးကျွတ် သပိတ် တိုက်ပွဲခေါ်သံ ပေးလိုက်တော့လည်း အစိုးရ ၀န်ထမ်း အားလုံး၊ နယ်ချဲ့ လက်အောက်က ပုလိပ်တွေပါ မကျန် သပိတ် မှောက်ခဲ့ကြတယ်။ ပင်လုံ ညီလာခံ လုပ်မယ် ဆိုတော့လည်း တိုင်းရင်းသားတွေပါ စုစည်း ပါဝင်ခဲ့ကြတယ်။ လွတ်လပ်ရေး တိုက်ပွဲ အဆင့်ဆင့်မှာ ပြည်သူ လူထုဘက်က တာဝန် ကျေခဲ့ကြတာချည်း ဖြစ်တယ်။ ခေါင်းဆောင် ကောင်းတွေရဲ့ နောက်က အရိုးကြေကြေ အရေခန်းခန်း တာဝန် သိသိနဲ့ လိုက်ပါလာ ခဲ့ကြတာချည်း ဖြစ်တယ်။

ခေါင်းဆောင်ပိုင်းရဲ့ တာဝန်
လွတ်လပ်ရေးရပြီးနောက်ပိုင်း အမျိုးသား တပ်ပေါင်းစုကြီး ဖြစ်တဲ့ ဖဆပလကြီး ပြိုကွဲသွားတာ၊ ပြည်တွင်း စစ်ကြီး ဖြစ်ခဲ့တာ။ ဖွံ့ဖြိုးဆဲ နိုင်ငံ ဆိုတဲ့ အဆင့်က တက်မလာတာ အားလုံးဟာ ပြည်သူတွေကြောင့် လုံးဝ မဟုတ်ဘူး။ မြန်မာပြည်သူ လူထုဟာ နယ်ချဲ့ လက်အောက်လည်း ကျွန်ဖြစ်ခဲ့ဖူး၊ ဖက်ဆစ် လက်အောက်လည်း ရောက်ခဲ့ဖူး၊ တော်လှန်ရေး တိုက်ပွဲ အလီလီလည်း ဆင်နွှဲခဲ့ဖူး၊ ဖဆပလရဲ့ ပြည်တော်သာ ခေတ်နဲ့ ပြူစောထီး ကိုလည်း ကြုံခဲ့ဖူး၊ ၁၉၆၂ ခုနှစ် အာဏာသိမ်း ကောင်စီ အောက်လည်း ရောက်ခဲ့ဖူး၊ မြန်မာ့ ဆိုရှယ်လစ် ဆိုတာလည်း ဖြတ်သန်းခဲ့ဖူးတဲ့ အတွေ့ အကြုံတွေ၊ စစ်ရေးရော၊ နိုင်ငံရေးပါ ကြွယ်ဝ နေပါတယ်။ ဒါကြောင့် မြန်မာ လူမျိုးတိုင်း ကိုယ့်တာဝန်ကိုယ် သိပ်သိပါတယ်။ ရှေးက တာဝန်ကျေခဲ့ သလို နောင်လည်း တာဝန်ကျေဖို့ အသင့် ရှိပါတယ်။

ရွှေကလောင်ဘွဲ့ပေးချင်
နိုင်ငံရေးသမားတွေက သူတို့ တာဝန်မကျေခဲ့ကြတာတွေ ကိုတော့ ဘာမှ မပြောဘဲ ရေငုံ နှုတ်ပိတ် လုပ်နေခဲ့ကြပြီး ပြည်သူ လူထု ကိုသာ တာဝန် ကျေကြပါ။ တာဝန် သိကြပါလို့ ထပ်ခါတလဲလဲ ပြောနေတာတွေ ကြားရတဲ့ အခါတိုင်း ပါးစပ် ယားလွန်းလို့ မ နည်း ချုပ်တီး ထားရတယ်။ အလားတူပဲ ခေတ်ပေါ် မဟာ ပညာကျော်တွေက နိုင်ငံကြီးသား ပီသကြပါလို့ လျှာအရိုး မရှိတိုင်း တောပြော၊ တောင်ပြော ပြောနေတာတွေ ကြားရတိုင်းလည်း၊ KSM တွေ ATM တွေ TPS တွေကို ပြေးပြေးပြီး သတိ ရလိုက်မိတယ်။ SKL (Shwe Ka Laung ရွှေကလောင်) ဆိုတဲ့ ဘွဲ့ထူး တစ်ခု ထွင်ပြီး ပေးလိုက်ချင်စိတ်တောင် ပေါက်မိတယ်။

မပြုံးဘဲနဲ့ ၀ါးလုံးကွဲရယ်ချင်
သူတို့ပြောပြောနေတဲ့ တိုးတက်တဲ့ ဒီမိုကရေစီ နိုင်ငံကြီးတွေက နိုင်ငံကြီးသား ပီသတဲ့ ပြည်သူတွေ တာဝန်သိလို့၊ တာဝန်ကျေလို့ သူတို့ နိုင်ငံကြီးတွေ ချမ်းသာ နေတာ ဆိုတဲ့ အသံတွေ ကြားရတိုင်း 'မပြုံးဘဲနဲ့ ၀ါးလုံးကွဲ' ရယ်ချင် လာရတယ်။ နယူးယောက် ကုလသမဂ္ဂ အဆောက် အအုံကြီး ပတ်ဝန်းကျင်က လမ်းတွေမှာ ညနေ ၆ နာရီကျော်ရင် တစ်ယောက်ထဲ လမ်းမလျှောက် ပါနဲ့လို့ ကုလသမဂ္ဂ လုံခြုံရေး အစောင့်တွေ ညီလာခံ လာတက်သူတွေကို မပြတ် သတိပေး နေရတာ၊ ငြိမ်းချမ်း သာယာနေတဲ့ နိုင်ငံကြီးရဲ့ ပြယုဂ်လား။ ဘရွတ်ကလင် ရပ်ကွက်က လမ်းတွေမှာ ဟီးထနေတဲ့ အမှိုက်ပုံကြီးတွေ၊ မိလ္လာပိုက်ပေါက်က လျှံထွက်ပြီး လမ်းပေါ်မှာ အိုင်ထွန်း နေတာတွေ၊ ကလေးလေးတွေက မူးယစ်ဆေး လိုက် ရောင်းနေတာတွေ၊ လူငယ် ဒုစရိုက်ဂိုဏ်းတွေ အချင်းချင်း ရိုက်ပွဲ သတ်ပွဲကြီးတွေ နေ့စဉ် ဆူညံ နေတာတွေကရော ဒီမိုကရေစီရဲ့ သင်္ကေတတွေလား။

သစ်ပင်လူသားများ
သမ္မတ အိုဘားမားရဲ့မြို့ ချီကာဂို ပန်းခြံကြီး အတွင်းက နှစ်ပေါင်းရာချီ ရှိနေပြီဖြစ်တဲ့ ဧရာမ သစ်ပင်ကြီး အောက်မှာ နေထိုင်ကြတဲ့ အိုးမဲ့ အိမ်မဲ့တွေ ထောင်ချီ ရှိနေတဲ့ အတွက် အဲဒီ 'Tree People' လို့ ခေါ်တဲ့ 'သစ်ပင်လူသား' များ အတွက် မြူနီစပါယ်က စာတိုက် သင်္ကေတတစ်ခု သတ်မှတ်ပြီး စာတိုက်ပုံး ထားပေးရပါတယ်။ အဲဒီနိုင်ငံက သမ္မတ ရွေးကောက်ပွဲနဲ့ လွှတ်တော် ရွေးကောက်ပွဲတွေ ကျင်းပတဲ့ အခါတိုင်း မဲလာပေးသူ ငါးဆယ်ရာခိုင်နှုန်း ရှိအောင် ပါတီကြီးတွေက သူတို့ ပါတီဝင်တွေကို မနည်းကြီး ဆော်သြ ပေးရပါတယ်၊ အဲဒါ တာဝန် သိတာလား၊ တာဝန် ကျေတာလား။

သနားစရာ
ခေတ်ပေါ် မဟာပညာကျော် (SKL) တွေ ခဏခဏ ချီးမွမ်းပြနေကြတဲ့ အာရှနိုင်ငံ သေးသေးလေးမှာ အိမ်ဖော် မိန်းကလေးတွေကို ရေနွေးပူ လောင်းတာ၊ အပ်တွေ ရိုက်သွင်းပြီး ဆုံးမတာ၊ ဓားနဲ့ အသားကိုမွှန်းပြီး နှိပ် စက်တာတွေ သူတို့ဆီက သတင်းစာ တွေမှာ နေ့စဉ်လိုလို ပါနေပါတယ်။ နိုင်ငံကြီးသား စိတ်ဓာတ်၊ နိုင်ငံကြီးသား ပီသမှုဆိုတာ အဲဒါမျိုးတွေလား။ မြေအောက် ဘူတာရုံမှာ ဓာတ်ငွေ့တွေ လွှတ်ပြီး လူရာပေါင်း များစွာ ဒုက္ခရောက် အောင် လုပ်တာ နိုင်ငံကြီးသား ပီသမှုလား။ မူလတန်း ကျောင်းကလေးထဲ မောင်းပြန် သေနတ်ကြီးနဲ့ ဒလကြမ်း ၀င်မွှေတာ နိုင်ငံကြီးသား စိတ်ဓာတ်လား၊ နိုင်ငံတော် သမ္မတကြီးက အိမ်ဖြူတော်မှာ လုပ်အား လာပေးတဲ့ သူလေးကို မတော်မလျော်ပြုတာ နိုင်ငံကြီးသား အပြုအမူလား၊ ခေတ်ပေါ် မဟာပညာကျော် (SKL) များ ဒါတွေကို မသိဘူးလား။ တော်တော်သနားစရာ ကောင်းတယ်။

လမင်းထိန်ထိန်သာ
မှန်တံခါးတွေ အလုံပိတ်ပြီး လေအေးပေးစက် ဖွင့်ထားတဲ့ အခန်းကြီးထဲက မထွက်ဘဲ မြန်မာပြည်မှာ လမသာဘူးလို့ ညည်းပြပြီး ဒီမိုကရေစီ နိုင်ငံကြီးတွေက လကို လွမ်းနေလို့ ကတော့ ပြည်သူတွေက 'သနားတယ်' လို့ ဟားတိုက် ရယ်သွမ်း သွေးလိုက်ကြမှာ သေချာတယ်။ မနေ့က ဘိလပ်မှာ လမသာဘူး။ နှင်းတွေကျလို့ ဘောလုံးပွဲတွေတောင် ရွှေ့လိုက်ရတယ်။ ရန်ကုန်မြို့ မှာတော့ လမင်းကြီး ထိန်ထိန်သာလို့။

KSM: Kyet thaye Saung Shwe Salwe Ya Min.
ATM: Ahmu Htan Kaung Min.
TPS: Taing Kyo Pyi Kyo Saung