ပဲခူးဝက် ရန်ကုန်မသယ်ရ

ကျော်ခ
မေလ ၂၃ ရက် ၂၀၁၁ ခုနှစ်

ဝက်နားရွက်ပြာရောဂါ ကူးစက်ပြန့်ပွားနေသည့် ပဲခူးတိုင်းရှိ ဝက်များကို ရန်ကုန်တိုင်း အတွင်း သယ်ယူခွင့် ပိတ်ပင်ကြောင်း ရန်ကုန်တိုင်း မွေးမြူရေးနှင့် ကုသရေး ဦးစီးဌာန က ပြောသည်။

ပဲခူးတိုင်းတွင် ဧပြီလပိုင်းမှစ၍ ကူးစက်နေသည့် နားရွက်ပြာရောဂါကို နယ်မြေချင်းကပ် နေသည့် ရန်ကုန်တိုင်းအတွင်း မကူးစက်နိုင်စေရန် တားမြစ်ချက်ထုတ်ပြီး၊ မေလဒုတိယ ပတ်မှစ၍ ရန်ကုန်မြို့အဝင် လှည်းကူးနှင့် ထန်းတပင် ဂိတ်များ၌ ဝက်နှင့် ဝက်သား မသယ်ယူနိုင်ရန် အစစ်အဆေးများ ပြုလုပ်လာခဲ့သည်။

“ဒီနားရွက်ပြာရောဂါက ကူးစက်မှု အရမ်းမြန်တယ်။ ဒါကြောင့် ရန်ကုန်ကို မကူးစက် နိုင်အောင် ကျနော်တို့က တားမြစ်ချက် ထုတ်ရခြင်းပါ။ အဲဒါကြောင့် ရန်ကုန်မြို့ကို ဝင်တဲ့ ဂိတ် တွေကနေ စောင့်ပြီးတော့ ပိတ်စစ်တယ်” ဟု ရန်ကုန်တိုင်း တိမွေး/ကု ဌာန တာဝန်ရှိ သူတဦးက မဇ္ဈိမကို ပြောသည်။ တားမြစ်ချက်ကြောင့် တပိုင်တနိုင် အိမ်ဝက်မွေးသူ များနှင့် မွေးမြူရေး ခြံဝက်များ၌ပါ အခက်တွေ့နိုင်သော်လည်း ကူးစက်ပြန့်ပွားမှုကို ထိန်းချုပ်နိုင် ရန် ရည်ရွယ်သည်ဟု ဆိုသည်။

ပဲခူးတိုင်း၊ တောင်ငူမြို့ တခုတည်း၌ပင် ရပ်ကွက် ၁၅ ခုနှင့်မြို့နယ်တွင်း ၁၈ ရွာ တွင် ၂ဝ၁၁ ဧပြီ ၂၈ ၌ နားရွက်ပြာရောဂါ ကူးစက်ကြောင်း သိရပြီးနောက် မေလ ၁၆ ရက်နေ့ထိ ကူးစက်ခံရသည့် ဝက်အကောင် ရေ ၂၉၄ ကောင်၊ သေဆုံး ၇၉ ကောင် ရှိနေပြီဟုတောင်ငူမြို့နယ် တိရစ္ဆာန် မွေးမြူရေးနှင့် ကုသရေးဌာန ဦးစီးအရာရှိ ဒေါက်တာနေစိုး အဆိုအရ သိရသည်။

ယခုအခါ ၎င်းရောဂါ မဖြစ်သေးသည့် ရန်ကုန်တိုင်း၌ ပဲခူးဝက်များ မတင်သွင်းရသဖြင့် ရန်ကုန် ဝက်သားဈေးကွက်မှာ ပြောင်းလဲမသွားကြောင်း တာမွေမြို့နယ် တာမွေဈေး စည်ပင်သာယာဌာန ဈေးတာဝန်ခံ တဦးက မဇ္ဈိမကို ပြောသည်။

ရောဂါ၏ လက္ခဏာများမှာ ဝက်များ မောပန်းခြင်း၊ ခြေကုန်လက်ပန်းကျခြင်း၊ ခန္ဓာကိုယ် ပူခြင်း၊ အစာမစားခြင်း၊ မသေဆုံးခင် နားရွက်များ ပြာလာတတ်သည်။ နားရွက်ပြကာ သေဆုံး သည့် ဝက်များကို မြေမြှုပ်ပြီး မီးရှို့ရန် လိုအပ်သည်။

ဝက်နားရွက်ပြာ၊ ဝက်ပလိပ်၊ ဝက်ဝမ်းကျ ရောဂါဖြစ်ပြီး သေဆုံးသည့် ဝက်သားများ စားသုံးလျှင် လူကိုထိခိုက်မှု မရှိနိုင်သလို၊ ထိုရောဂါရရှိနေသည့် ဝက်များမှတဆင့် လူသို့ မကူးစက်နိုင်သော်လည်း ထိုရောဂါများ ဖြစ်ပွားပြီး သေဆုံးသည့် ဝက်သားကို ရောင်း ချခြင်း၊ စားသုံးခြင်း၊ သယ်ဆောင်ခြင်းများ မပြုရန် ဌာနဆိုင်ရာက သတိပေး ထား သည်။

မွေးမြူရေးနှင့် အိမ်မွေးဝက်များသာမက ဝက်သား အစို၊ အခြောက် ထုပ်ပိုးသယ်ယူခြင်းကို ရောဂါထိန်းချုပ် နိုင်သည့် အနေအထားရောက်မှ ဖွင့်ပေးမည်ဖြစ်ကာ၊ ဧရာဝတီတိုင်းမှ ဝက်များကို အဓိကတင်သွင်းနေသည်ဟု ရန်ကုန်တိုင်း တိမွေး/ကုက ဆိုသည်။

၎င်းရောဂါနှင့်ပတ်သက်၍ ပဲခူးတိုင်းအတွင်း ဖြစ်ပွားနေသည့် နေရာများနှင့် ကူးစက် မှုမဖြစ်ပွားမီ နေရာများသို့ ပဲခူးတိုင်းဝန်ကြီးချုပ် ဦးဥာဏ်ဝင်းနှင့်အတူ ပဲခူးတိုင်း တိရစ္ဆာန် မွေးမြူရေးနှင့် ကုသရေး ဦးစီးဌာန အဖွဲ့ဝင်များက ဝက်နားရွက်ပြာအကြောင်းနှင့် ရောဂါ ထိန်းချုပ်နိုင်ရန် ဇီဝနည်းပညာပေးများ ဟောပြောနေသည်ဟုလည်း ဆို သည်။

ဝက်များတွင်မျိုးပွားအင်္ဂါနှင့်အသက်ရှူလမ်းကြောင်းဗိုင်းရပ်စ်ပိုးကူးစက်(ဝက်နားရွက်ပြာ)ရောဂါကိုမြန်မာနိုင်ငံ၌ယခုနှစ်ဖေဖော်ဝါရီ၁၅တွင်မန္တလေးတိုင်းတွင်းစတင်ဖြစ်ပွားခဲ့ပြီးစစ်ကိုင်းတိုင်း၊နေပြည်တော်နှင့်မကွေးတိုင်းပါဆက်တိုက်ကူးစက်ပျံ့နှံ့ခဲ့သည်။

နားရွက်ပြာရောဂါ ဖြစ်ပွားသည့် ဝက်များ၏ လက္ခဏာမှာ မောပန်းခြင်း၊ ခြေကုန် လက်ပန်းကျခြင်း၊ ခန္ဓာကိုယ် ပူခြင်း၊ အစာမစားခြင်း၊ မသေဆုံးခင် နားရွက်များ ပြာလာ တတ်ခြင်း ဖြစ်သည်။ နားရွက်ပြာကာ သေဆုံးသည့် ဝက်များကိုမြေမြှုပ်ပြီး မီးရှို့ရန် လို သည်။ အဆိုပါ ရောဂါသည် ဝက်များ၌ အသက်အရွယ်မရွေး ဖြစ်ပွားနိုင်ပြီး ရောဂါကူးစက် မှုနှုန်း ၅ဝ ရာခိုင်နှုန်းမှ ၁ဝဝ ရာခိုင်နှုန်းအထိ ရှိသည်။

မြန်မာနိုင်ငံ မွေးမြူရေးနှင့် ရေလုပ်ငန်းဝန်ကြီးဌာန လက်အောက်ရှိ မွေးမြူရေးနှင့် ကုသရေး ဦးစီးဌာနအနေဖြင့် ဝက်သေဆုံးမှုကို အမြန်ဆုံး ကာကွယ်နိုင်ရေးအတွက် ပြည်ပနိုင်ငံ များမှ ဆေးတင်သွင်းနိုင်ရန် ကြိုးပမ်း နေသ လို၊ မြန်မာနိုင်ငံတွင်း ဆေးထုတ် လုပ် နိုင်ရန်အတွက် ခေါ်ယူထားသည့် ပြည်ပနိုင်ငံများက ဆေးပညာရှင် အဖွဲ့များ နှင့် စီစဉ် ဆောင်ရွက်နေသည်ဟု နေပြည်တော်ရှိ တိမွေး/ကု ဌာန တာဝန်ရှိသူများက ပြောဆို သည်။

ဝက်နားရွက်ပြာရောဂါမှာ ၁၉၈၇ ခုနှစ်တွင် အမေရိကန်နိုင်ငံ၌ စတင်ဖြစ်ပွားခဲ့ပြီး ဂျာမဏီ၊ စပိန်၊ နယ်သာလန်၊ ပြင်သစ်၊ အင်္ဂလန်နှင့် ကနေဒါနိုင်ငံများတွင် ၁၉၉ဝ နှင့် ၁၉၉၅ အတွင်း ဖြစ်ပွားခဲ့သည်။ ရောဂါဖြစ်သည့် ဝက်များ တွင် နားရွက်များ ပြာလာသဖြင့် ဝက် နားရွက်ပြာဟု ခေါ်တွင်လာခဲ့သည်။

အာရှနိုင်ငံများဖြစ်သည့် တရုတ်တွင် ၂ဝဝ၆ ၊ ဗီယက်နမ်နှင့် ဖိလစ်ပိုင်တွင် ၂ဝဝ၇၊ ထိုင်း တွင် ၂ဝဝ၈ နှင့် မြန်မာနိုင်ငံတွင် ၂ဝ၁၁ ဖေဖော်ဝါရ်ီလဆန်း၌ မန္တလေးမြို့တွင် စတင် ဖြစ်ပွားခဲ့သည်။

Ref;http://www.mizzimaburmese.com/news/inside-burma/7595-2011-05-23-05-30-44.html