ကြံ့ခိုင်ရေးကိုသာ အာဏာလွှဲကြောင်း ဦးမောင်ဦး ပြော

ကိုပေါက်
မေလ ၁၇ ရက် ၂၀၁၁ ခုနှစ်

နိုင်ငံတော် အာဏာအား လွှတ်တော်သို့ လွှဲခြင်းမဟုတ်ဘဲ ကြံ့ခိုင်ရေးပါတီသို့ လွှဲအပ်ခြင်းသာ ဖြစ်ကြောင်း ကြံ့ခိုင်ရေးပါတီ ထိပ်တန်းခေါင်းဆောင် ဦးမောင်ဦးက ရခိုင်ပြည်နယ် ပေါက်တော မြို့မိမြို့ဖများနှင့် ဝန်ထမ်းများကို စနေနေ့တွင် တွေ့ဆုံ ပြောဆိုခဲ့ကြောင်း စုံစမ်းသိရှိရသည်။

ပေါက်တောမြို့ ဘိုတဲနေရာ၌ မြို့မိမြို့ဖများနှင့် ဝန်ထမ်း ၅ဝ ခန့်ကို ခေါ်ယူတွေ့ဆုံကာ၊ မနက် ၁ဝ နာရီမှစ၍ ၁၁ နာရီခွဲခန့်အထိ ပြည်ထဲရေးဝန်ကြီးဟောင်း ဦးမောင်ဦး တဦးတည်းသာ မိန့်ခွန်း ပြောဆိုခဲ့သည်။

“ဘယ်လိုပြောလဲဆိုရင်… ကျနော်တို့ ကြံ့ခိုင်ရေးပါတီဟာ အစိုးရလည်းဖြစ်တယ်၊ ပါတီလည်း ဖြစ်တယ်ဆိုတော့ တနည်းအားဖြင့် အာဏာလွှဲပေးတယ်ဆိုတာ လွှတ်တော်ကို လွှဲပေးတာ မဟုတ်ဘူး။ ကြံ့ခိုင်ရေးကို လွှဲပေးတာတဲ့။ ရခိုင်ပါတီကို မဲပေးလိုက်လို့ ဒီပြည်ထောင်စု အစိုးရထဲမှာ ဘယ်ဝန်ကြီးကို ခင်ဗျားတို့ တွေ့ရလို့လဲလို့ ပြောသေးတယ်” ဟု ရခိုင်တိုင်းရင်းသားများ တိုးတက်ရေးပါတီ RNDP ပြည်နယ်လွှတ်တော်အမတ် ဦးတက်ထွန်းအောင်က မဇ္ဈိမကို ပြောသည်။

“ ဖိတ်တာက လွှတ်တော်စိစစ်ရေး ကော်မတီဥက္ကဋ္ဌလာမယ်ဆိုပြီး ခေါင်းစဉ်နဲ့ ဖိတ်စာနဲ့ဖိတ်တာ။ အစည်းအဝေးမှာ ပြော တဲ့အခါကျတော့ သူကကြံ့ခိုင်ရေး ပါတီ ဗဟိုကော်မတီဝင်ပါ၊ ကြံ့ခိုင်ရေးကို ကိုယ်စားပြုပြီး လာတာပါတဲ့” ဟု သူက ဆိုသည်။

ဗိုလ်ချုပ်ဟောင်း ဦးမောင်ဦးမှာ ယခင် နအဖ အစိုးရလက်ထက်က ပြည်ထဲရေး ဝန်ကြီး ဖြစ်ခဲ့ဖူးပြီး၊ ဦးသိန်းစိန် အစိုးရလက်ထက်တွင် ကြံ့ဖွံ့ပါတီ ဗဟိုအလုပ်အမှုဆောင် အဖွဲ့ဝင်နှင့် ပါတီစည်းကမ်းထိန်းသိမ်းရေးမှူး ဖြစ်သည်။

ပြည်ထဲရေးဌာနဝန်ထမ်းများ အသိုင်းအဝိုင်းအတွင်း ဦးမောင်ဦးမှာ ဒေါသကြီးသူ၊ အလုပ်ကိုဇွဲနှင့် လုပ်တတ်သူဖြစ်ကာ ဂေါက်သီးရိုက် ဝါသနာထုံသူ၊၊ အာဏာရှင်ဟောင်း ဗိုလ်ချုပ်မှူးကြီးသန်းရွှေကို ကြည်ညိုသူဖြစ်ပြီး လက်အောက်ဝန်းထမ်းများ ကြောက်ရွံ့လေ့ရှိသူဟု ကျော်ကြားသည်။

မြို့မိမြို့ဖ တဦးဖြစ်သူ ဦးစောထွန်းစိန်၊ ပြည်နယ်အမတ် ဦးတက်ထွန်းအောင်၊ မြို့နယ်ကော်မရှင် အဖွဲ့ဝင် အငြိမ်းစား ကျောင်းဆရာကြီး ဦးမောင်မြလှနှင့် မြို့နယ်အုပ်ချုပ်ရေးမှူး ဦးခင်မောင် လွင်လည်း စည်းဝေးတက်ခဲ့သည်။ ဦးမောင်ဦးနှင့်အတူ ပြည်နယ် ကျန်းမာ/ပညာဝန်ကြီး ဒေါက်တာအောင်ကျော်မင်းနှင့် ချင်းရေးရာဝန်ကြီး ဦးကိုနိုင်လည်း လိုက်ပါလာခဲ့သည်။

အစည်းအဝေးတွင် ဦးမောင်ဦးက ချင်းလူမျိုးများကိုပါ ပုတ်ခတ်ပြောဆိုခဲ့သေးသည်။

“ပြည်ထောင်စု ဝန်ကြီးအဖွဲ့မှာပါဖို့ ချင်းပြည်နယ်က ချင်းကိုယ်စားလှယ်တွေက တင်ပါတယ်တဲ့။ ချင်းတွေက စာတလုံးမှ မတတ်ဘဲ ဒီဝန်ကြီးအဖွဲ့ထဲ ထည့်သုံးလို့ ရမလားဆိုပြီး သူက ပြောပါတယ်။ သူကိုယ်တိုင်က ဒီစကား ပြောတာပါ” ဟု ကိုယ်တိုင်နားထောင် ခဲ့ရသူ ဦးတက်ထွန်းအောင်က ပြန်ပြောပြသည်။ပြည်နယ်ဖွံ့ဖြိုးတိုးတက်ရေး ကိစ္စများကိုမူ ထည့်သွင်း ပြောဆိုသွားခြင်း မရှိခဲ့ဟု ဆို သည်။

သူက ဆက်ပြီး “အစည်းအဝေးထဲမှာ မြို့နယ်အုပ်ချုပ်ရေးမှူး ခင်မောင်လွင်လည်း ရှိနေသေးတယ်။ သူက အရင် မယက။ သူတို့ ကြံ့ခိုင်ရေးပါတီ မဲရှုံးရတာဟာ မယကနဲ့ ဝန်ထမ်းတွေက ကူညီမပေးလို့ မဲရှုံးရတာဆိုပြီး မင်း … ထွက်သွား၊ မင်း … ဆင်းသွားဆိုပြီး မောင်းထုတ်တာလည်း ကျနော် ကိုယ်တိုင် မျက်စိနဲ့ မြင်လိုက်ရပါတယ်” ဟု ဆိုသည်။

ဤကဲ့သို့ ဦးမောင်ဦး၏ ပြောဆိုချက်များမှာ ဖွဲ့စည်းအုပ်ချုပ်ပုံပါ မူများနှင့် ဆန့်ကျင်နေသဖြင့် RNDP အနေဖြင့်ပြည်နယ်အစိုးရနှင့် ဗဟိုအစိုးရထံ တိုင်ကြားသွားမည်ဟု သိရသည်။

ရခိုင်ပြည်နယ် အစိုးရတွင် ကြံ့ဖွံ့ပါတီက ဝန်ကြီးချုပ်အပြင် ဝန်ကြီးအများစု ပါဝင်ကာ ဗဟိုအစိုးရ တွင်လည်း အရပ်သား ဝန်ကြီးများမှာ ကြံ့ဖွံ့ပါတီမှချည်း ဖြစ်သည်။

ပေါက်တောမြို့မှနေ၍ RNDP က ပြည်သူ့လွှတ်တော်၊ အမျိုးသားလွှတ်တော်နှင့် ပြည်နယ် လွှတ်တော်အတွက် ကိုယ်စားလှယ် ၄ ဦး ရွေးကောက်ပွဲ ဝင်ပြိုင်ခဲ့ရာ အားလုံး အရွေးခံခဲ့ ရသည်။

Ref;Mizzima