လယ်သမားတို့၏ရှေ့နေ လိုင်စင်သိမ်းခံရ

ဇာနည်မာန်
24 August 2011

မကွေးတိုင်းအတွင်း လယ်မြေအသိမ်းခံရသော လယ်သမားများကို ကူညီသည့် ရှေ့နေ ဦးတင်အောင်ထွန်းသည် မကြာသေးခင်က ရှေ့နေလိုင်စင် ရုပ်သိမ်းခံလိုက်ရကြောင်း သိရသည်။

သူ့အား အထက်တန်းရှေ့နေအဖြစ်မှ ထုတ်ပယ်ကြောင်း ကြော်ငြာစာကို တနင်္လာနေ့က မင်းဘူးမြို့နယ်တရားရုံးတွင် ကပ်ထားသည်ဟု ဦးတင်အောင်ထွန်းက ဆိုသည်။


“အကြောင်းပြထားတာက ကျနော်က လိုက်ပါဆောင်ရွက်တဲ့ အမှုတွေမှာ အခြေအနေမကောင်းရင် အမှုသည်တွေက တိုင်စာပို့တဲ့ အခါ ကျနော်က တိုင်စာတွေ ရေးပေးတယ်လို့ နာမည်ကြီးနေတယ်။ အမှုလိုက်တဲ့အခါ ကောင်းသတင်းကျော်ဇောတာ မဟုတ်ဘူး၊ ရှေ့နေကျင့်ဝတ်သိက္ခာနဲ့အညီ အမှုလိုက်တဲ့သူ မဟုတ်ဘူး ဆိုတာတွေကို စုံစမ်းမှု အစီရင်ခံစာအရ စိစစ်တွေ့ရလို့လို့ ရေးထား တယ်” ဟု ဦးတင်အောင်ထွန်းက ပြောသည်။

သြဂုတ်လ ၅ ရက်နေ့က နေပြည်တော်တွင် ကျင်းပခဲ့သော ပြည်ထောင်စုတရားရုံးလွှတ်တော်ချုပ်၊ တရားသူကြီးများ၏ အစည်း အဝေးတွင် ရှေ့နေအဖြစ်မှ ထုတ်ပယ်ပစ်ရန် ဆုံးဖြတ်ခဲ့ခြင်းဖြစ်သည်ဟု ကြော်ငြာစာတွင် ဖော်ပြထားကြောင်း သူက ရှင်းပြသည်။ ရှေ့နေလိုင်စင် ရုတ်သိမ်းခြင်းကဲ့သို့ ပြစ်ဒဏ်ပေးခြင်းပင်ဖြစ်သည်ဟု သူက ဆိုသည်။

“တရားရုံးက ထုတ်ပစ်ပြီးသားအမိန့် ဆိုတော့လည်း ဘယ်လိုဆက်လုပ်ရမလဲ မသိသေးဘူးပေ့ါ။ သူတို့ပြောသလိုတော့ ကျနော့်မှာ အဲ့ဒီလို အမှုတွေ မရှိဘူးဗျ။ သူတို့ရဲ့အစီရင်ခံစာကလည်း ဘယ်လိုစစ်ဆေး သိရှိလည်းဆိုတာ ကျနော်လည်း နားမလည်ဘူးဗျ။ ဒါမျိုးမဖြစ်သင့်ဘူးလို့ပဲ ယူဆပါတယ်” ဟု ဦးတင်အောင်ထွန်းက ပြောသည်။

တရားခွင်အတွင်းသို့ လိုက်ပါဆောင်ရွက်ခွင့် မရှိတော့သဖြင့် ပြင်ပတွင် ဥပဒေအကြံပေးအဖြစ် ဆက်လက်ကူညီမည်ဟု ဆိုသည်။

ဦးတင်အောင်ထွန်းကို သူ၏မျက်ကွယ်တွင် စီရင်ချက် ချမှတ် အရေးယူခြင်းဖြစ်သည်ဟု ရန်ကုန်မှ ရှေ့နေကြီး ဦးအောင်သိန်းက ပြောသည်။

“ဒီလို ရှေ့နေတယောက်ကို အရေးယူတယ်ဆိုတာ တဖက်သတ်ဆုံးဖြတ်လို့ မရဘူး။ သူ့ကို ကြားနားခွင့်ပေးရမယ်။ ပြီးမှ အပြစ်ပေးထိုက်တယ် မပေးထိုက်ဘူးဆိုတာ ဖြစ်သင့်တယ်။ အခုက တရားမျှတတဲ့ လုပ်ရပ်တော့ မဟုတ်ဘူး” ဟု ဦးအောင်သိန်းက ပြောသည်။

ဦးတင်အောင်ထွန်း အရေးယူခံရခြင်းသည် မကြာသေးမီက ပေါ်ပေါက်လာသော ရှေ့နေကွန်ရက်အဖွဲ့တွင် ပါဝင်ကူညီခြင်း၊ စာနယ်ဇင်းသမားတို့၏ ဆက်သွယ်မေးမြန်းမှုတို့ကို ဖြေကြားခြင်းတို့ကြောင့် ဖြစ်နိုင်ဖွယ်ရှိသည်ဟု လူ့အခွင့်အရေးရှေ့နေများက ယူဆနေကြသည်။

ယခုနှစ် မတ်လက ကံမမြို့နယ်၊ စစ္စရံရွာမှ လယ်သိမ်းခံရသော လယ်သမား တချို့ ရိုက်နှက်ဖမ်းဆီးခံရပြီး ထောင်ဒဏ် ၉ နှစ် ကျော် ချမှတ်ခံရသည်။ ထိုလယ်သမားများအရေးကို ဦးတင်အောင်ထွန်းက ကူညီဆောင်ရွက်ရာ လယ်သမား ၅ ဦး ထောင်ဒဏ် ၃ လ ဖြင့် ပြန်လည် လွတ်မြောက်လာကြသည်။

ထိုဒေသတွင် မြန်မာ့စီးပွားရေးဦးပိုင်လီမိတက်က သိမ်းဆည်းလိုက်သည့် လယ်မြေဧက ၄၀၀၀ ကျော် ပြန်ရရှိရေးအတွက် စွဲဆို ထားသည့်အမှုမှာ ပြီးပြတ်ခြင်း မရှိသေးပေ။

မကွေးတိုင်း နတ်မောက်မြို့တွင် လယ်သိမ်းခံရပြီး တရားစွဲခံရသူလယ်သမားတို့ကို ကူညီသည့် ရှေ့နေ ကိုဖိုးဖြူသည်လည်း ၂၀၀၉ ခုနှစ်တွင် ဖမ်းဆီးထောင်ချခံရဖူးသည်။

Ref: ဧရာဝတီ