တာတမံ ပြန်ကျိုးပျက်၍ လယ်ဧက ၁၇၀၀ ကျော် စပါးမစိုက်ပျိုးနိုင်

23/8/2011
မောင်ရမ္မာ

ကျောက်ဖြူမြို့နယ်တွင် ကျေးရွာသားများမှ အန်ဂျီအို တခု၏ အကူအညီဖြင့် ကိုယ်ထူ ကိုယ်ထ ပြန်လည်ဆည်ဖို့ထားသော တာတမံ တခု မိုးကြီးစဉ်က ကျိုးပျက်သွားသဖြင့် စိုက်ပျိုးဧက ၁၇၀၀ ကျော်ကို ယခုနှစ်တွင် စပါး ပြန်စိုက်ပျိုးနိုင်တော့မည် မဟုတ်ကြောင်း ဒေသခံများက ပြောသည်။

တာတမံမှာ ကျောက်ဖြူမြို့နယ် မစရိုင်းချောင်းကျွန်းတွင် တည်ဆောက်ထားသော တာတမံ ဖြစ်သည်။ ၎င်းတာတမံကို မှီပြီး လုပ်ကိုင် စားသောက်နေကြသူများမှာ လှံပျောက်၊ ရွှေညိုမ၊ အောင်သာယာ၊ လောက်ကျိုင်ကြီး၊ ကညင်တော စသောကျေးရွာ များမှ ဖြစ်ကြသည်။


"ကျိုးပျက်သွားတဲ့ တာတမံတွေက ကညင်တော ရွာအောက်ဆည်၊ ချောင်းကြီးဖျားရွာ အောက်ဆည်၊ ၀ါးတောင်ဆည်၊ ဂြပ်တန်း ဆည်တွေဖြစ်ပါတယ်။ မိုးကြီးပြီးတော့ ဒီရေတွေ မြင့်တက်ခဲ့တဲ့အချိန်မှာ ကျိုးပေါက်သွား တာဖြစ်ပါတယ်။ အဲဒီလို တာတမံ ကျိုး ပေါက်သွားတော့ ပင်လယ်ဆားငံရေတွေဝင်ပြီး စပါးခင်းတွေ ပျက်စီးသွား ပါတယ်။ အခုတော့ အချိန်မှီ ပြန်လည် ဆည်ဖို့ နိုင်မယ့် အနေအထား မရှိတော့ စပါးစိုက်ဧက ၁၇၈၀ ဧက ဒီနှစ်မှာ စပါးစိုက်လို့ ရတော့ မှာ မဟုတ်ပါဘူး" ဟု ဒေသခံ ကျောင်းဆရာ တဦးက ပြောသည်။

၂၀၁၀ ခုနှစ် အောက်တိုဘာလက တိုက်ခိုက်ခဲ့သော ဂီရိမုန်တိုင်းအတွင်း တာတမံများမှာ လုံးဝ ပျက်စီးသွားခဲ့သည်။ အဆိုပါ တာတမံများကို အစိုးရမှ တစုံတရာ ပြန်လည် ဆည်ဖို့ပေးခြင်း မရှိသဖြင့် Save The Children အန်ဂျီအိုမှ ကျေးရွာသားများနှင့် ပူးပေါင်းပြီး ပြန်လည် ဆည်ဖို့ထားခြင်း ဖြစ်သည်။ လွန်ခဲ့သောလက မိုးကြီးစဉ် ဆည်ဖို့ထားသော တာတမံမှာ နေရာအများတွင် ဒီရေများ ကျော်တက်ပြီး ပြန်လည် ကျိုးပေါက်သွားခဲ့သည်။

ယခုကဲ့သို့ တာတမံ ပြန် ကျိုးပျက်သွားသော်လည်း အစိုးရမှ တစုံတရာ ပြန်လည် တည်ဆောက်ရန် အတွက် အကူအညီပေးခြင်း မရှိသေးကြောင်း သူက ဆက်ပြောသည်။

" ကျွန်တော်တို့ ရွှေညိုမရွာကိုတော့ ဆည်မြောင်း၊ ငါးလုပ်ငန်း ဦးစီးဌာနနဲ့ ခရိုင်က လူကြီးတွေ လာကြည့်သွားပါတယ်။ စာရင်း တွေ လိုက်မှတ်ပြီး ပြန်သွားတာ တပတ်ကျော်လောက် ရှိနေပါပြီ။ ဘာမှ သတင်း မလာသေးပါဘူး။"

အခုအခါ ကျေးရွာသားများမှာ နောင်တနှစ်တွင် ပြန်လည် စိုက်ပျိုးနိုင်ရန် အတွက် ကျိုးပေါက်သွားသော တာတမံကို မိမိဖာသာ မိမိ ဆည်ဖို့နေကြသည်ဟု သိရသည်။

" လူတွေက ၀မ်းစာ မရှိတော့ မြစ်ကို ဆင်းတယ်။ တောင်ကို တက်တယ်။ တ၀မ်းတခါးအတွက် ဖြစ်သလို ရုန်းကန်နေကြပြီး ရရှိတဲ့ အချိန်မှာ နောက် တနှစ်မှာ စိုက်ပျိုးနိုင်အောင် သွားဆည် နေကြပါတယ်။ ဒီနှစ်အတွက်တော့ ရာသီလည်း မရှိတော့ဘူးဆိုတော့ စပါး စိုက်ပျိုးနိုင်မှာ မဟုတ်တော့ပါ" ဟု ကျေးရွာ သား တစ်ဦးကလည်း ပြောသည်။

ကျောက်ဖြူမြို့နယ်နှင့် ရမ်းဗြဲမြို့နယ်များရှိ လယ်သမားများမှာ အဓိကအားဖြင့် တာတမံကို အားထားပြီး လယ်ယာ လုပ်ကိုင် စားသောက် သူများ ဖြစ်သည်ဟု သူကပြောသည်။

" ကျွန်တော်တို့ ကျောက်ဖြူမြို့နယ်နဲ့ ရမ်းဗြဲမြို့နယ်တွေမှာက လယ်ယာမြေဆိုတာက နည်းနည်းပဲရှိပါတယ်။ တာတမံ ဆည်ပြီး တော့ စပါးစိုက်တာ များပါတယ်။ ပုဇွန်မြူရေးကလည်း အဆင်မပြေတဲ့ အတွက် အယင်က ပုဇွန်မြူရေးလုပ်တဲ့ တာတမံတွေမှာ အခု စပါးစိုက်လာကြတယ်။ ပေါက်သွားတဲ့ တာတမံထဲမှာ အဲဒီ ပုဇွန်မွေးမြူ ခဲ့တဲ့ တာတမံတွေလည်း ပါတယ်။"

လွန်ခဲ့နှစ် အောက်တိုဘာလ တိုက်ခတ်ခဲ့သော ဂီရိ မုန်တိုင်းကြောင့် ရခိုင်တွင် တာတမံ အများအပြား ကျိုးပျက်သွားခဲ့ရာ အစိုးရမှ တစုံတရာ ပြန်လည် တည်ဆောက်ပေးခြင်း မရှိသဖြင့် တာတမံ အများအပြား ယခုအချိန်ထိ ပြန်လည် ဆည်ဖို့နိုင်ခြင်း မရှိဘဲ ဖြစ် နေကြောင်း သိရသည်။

Ref: နိရဉ္စရာ